မိုးတွေအုံ့ဆိုင်းနေတဲ့ မနက်ခင်းတစ်ခုပေမယ့် ရန်ကုန်မြို့ ကမ္ဘာအေးစေတီရှေ့က ကမ္ဘာအေးစေတီ လမ်းမှာတော့ ထုံးစံအတိုင်းပဲ သွားလာလှုပ်ရှားသူတွေနဲ့ စည်ကားလို့ နေပါတယ်။ ဘုရားပရိဝုဏ်ရဲ့ ၀င်ပေါက်နား ဘေးဘက်ကျကျ နေရာလေးမှာတော့ ယောဂီရောင်ထဘီနဲ့ ရင်ဖုံးအင်္ကျီ အဖြူရောင် ၀တ်ဆင်ထားတဲ့ အမယ်အိုကြီးတစ်ယောက် ပုဆစ်တုပ်လေး ထိုင်နေတယ်။ ဖွေးဖွေးဖြူနေတဲ့ ဆံပင်တွေနဲ့ အရေးအကြောင်းတွေ များလွန်းတဲ့ အရေပြားတွေကတော့ အမယ်အိုရဲ့ အသက်ဟာ ခုနစ်ဆယ်အောက် ရှိမနေနိုင်ဘူး ဆိုတာကို ပြဆိုနေပါတယ်။ အခါခါ လျှော်ဖွပ်ထားလို့ ဖျော့တော့ပြီး ရိနေပုံပေါက်တဲ့ အဖြူရောင်ရင်ဖုံးအင်္ကျီနဲ့ အဖာအထေးတွေနဲ့ ပြည့်နေတဲ့ ယောဂီထဘီကို ၀တ်ဆင်ထားတဲ့ အဘွားရဲ့ အလုပ်အကိုင်ဟာ သူ့ရှေ့ကချထားတဲ့ အကြွေအနည်းငယ် ရှိနေတဲ့ ခွက်ကလေး တစ်ခွက်ကြောင့် သိသာနေရတယ်။ အမယ်အိုရဲ့ရှေ့က သွားလာလှုပ်ရှားနေတဲ့ သူတွေကို မှုန်ရီတဲ့ မျက်လုံးတွေနဲ့ တိတ်တိတ်ဆိတ်ဆိတ်ပဲ ကြည့်နေပေမယ့် သူ့ရဲ့ရှေ့က ခွက်ကလေးထဲကို ငွေကြေးစလေးတွေ ထည့်ပေးသွားတဲ့ သူတွေကိုတော့ ဆုတွေအများကြီး တောင်းပေးနေလေရဲ့။
ကမ္ဘာအရပ်အရပ်မှာ သက်ကြီးရွယ်အိုတွေ များပြားလာမှုနဲ့ ကြုံတွေ့လာရတဲ့နည်းတူ မြန်မာနိုင်ငံမှာလည်း လက်ရှိအချိန်ထိ အသက်ခြောက်ဆယ်ကျော် သက်ကြီးရွယ်အို အရေအတွက်ဟာ နိုင်ငံ့လူဦးရေ စုစုပေါင်းရဲ့ ၁၀ ရာခိုင်နှုန်း ခြောက်သန်းကျော်ထိ ရှိလာနေပြီ ဖြစ်ပါတယ်။ ဒီကမ္ဘာအရပ်ရပ်က သက်ကြီးရွယ်အိုတွေ အများဆုံး တွေ့ကြုံရတတ်တဲ့ ပြဿနာတစ်ရပ်ကတော့ မလုပ်နိုင်မကိုင်နိုင် ဖြစ်လာတဲ့အရွယ်မှာ စောင့်ရှောက်မှု မခံရဘဲ စွန့်ပစ်ခံရခြင်းပဲ ဖြစ်ပါတယ်။ ဒီပြဿနာဟာ ချမ်းသာတဲ့ နိုင်ငံတွေမှာတောင် တွေ့ကြုံရတတ်တဲ့ ပြဿနာတစ်ရပ်ဖြစ်ပြီး ဖွံ့ဖြိုးမှုနည်းပါးပြီး နိုင်ငံသားအများစု ဆင်းရဲမွဲတေနေတဲ့ မြန်မာနိုင်ငံလို နိုင်ငံမျိုးမှာတော့ အကြီးမားဆုံး ပြဿနာတစ်ရပ် ဖြစ်နေပါတယ်။ စားဝတ်နေရေး ကျပ်တည်းမှုကြောင့် အိမ်မှာရှိတဲ့ လူကုန်အပြင်ထွက် အလုပ်လုပ်နေရတဲ့ အခြေအနေမှာ အလုပ်လုပ်နိုင်စွမ်း မရှိတော့တဲ့ သက်ကြီးရွယ်အိုတွေဟာ မိသားစုအတွက် ၀န်ထုပ်ဝန်ပိုး တစ်ခုအဖြစ် အမြင်ခံလာရတယ်။ ဒီအခါမှာ သက်ကြီးရွယ်အိုတွေ အနေနဲ့ စွန့်ပစ်ခံရခြင်းမျိုးတွေ ကြုံတွေ့လာရတဲ့အပြင် အချို့သက်ကြီးရွယ်အိုတွေကတော့ စွန့်ပစ်ခံရတာမ ဟုတ်ဘဲ အိမ်ရှေ့ပူအိမ်နောက် မချမ်းသာ သဘောမျိုးကြောင့် အပြင်ထွက်ပြီး လူစည်ကားရာ နေရာတွေဖြစ်တဲ့ ဘုရားပုထိုးတွေ၊ ဈေးတွေ၊ လူသွားလမ်း အစရှိတဲ့ နေရာတွေမှာ တောင်းရမ်းစားသောက်၍သော် လည်းကောင်း ဒါမှမဟုတ် အသေးအဖွဲ ပစ္စည်းလေးတွေ ရောင်းချပြီးသော် လည်းကောင်း စားဝတ်နေရေး ကျပ်တည်းတဲ့ မိသားစုအရေးအတွက် တတ်နိုင်တဲ့ တစ်ဖက်တစ်လမ်းက ဖြေရှင်းလာကြရတယ်။
ဒါဟာ မြန်မာနိုင်ငံက သက်ကြီးရွယ်အို အတော်များများ ကြုံတွေ့ရတတ်တဲ့ ၀မ်းနည်းဖွယ် ပြဿနာတစ်ရပ်ပါ။ သက်ကြီးရွယ်အို အချို့ဟာ လူစည်ကားတဲ့ နေရာတွေမှာ တောင်းရမ်းစားသောက်ရင်း ဒါမှမဟုတ် ပင်ပန်းကြီးစွာ လုပ်ကိုင်စားသောက်ရင်း တရားဓမ္မနဲ့ မွေ့လျော်နေရတော့မယ့် သူတို့ရဲ့ တတိယအရွယ်ကို ပင်ပန်းဆင်းရဲကြီးစွာ ဖြတ်သန်းနေကြရတယ်။ ဒါပေမဲ့ နိုင်ငံသား အများစု ဆင်းရဲနေတဲ့ မြန်မာနိုင်ငံမှာတော့ ဒီလိုဘ၀မျိုးတွေအတွက် ကူကယ်ရာမဲ့နေ ဆဲပါပဲ။ သက်ကြီးရွယ်အိုတွေကို စောင့်ရှောက်ပေးနေတဲ့ ဘိုးဘွားရိပ်သာလို နေရာမျိုးတွေ ရှိနေပေမယ့်လည်း ၀န်နဲ့အား မမျှတဲ့အခါမှာတော့ သက်ကြီးရွယ်အို အများအပြား အပြင်ရောက်နေကြရတယ်။ ဒါပေမဲ့လည်း အလုပ်လုပ်ကိုင်နိုင်လောက်အောင် ကျန်းမာသန်စွမ်းတဲ့အရွယ် မဟုတ်တော့တဲ့ အတွက်ကြောင့် ရှက်ရွံ့သိမ်ငယ်စွာနဲ့ပဲ မျက်နှာအောက်ချရင်း တောင်းရမ်းစားသောက်တဲ့ အလုပ်ကို လုပ်ကိုင်နေကြရတယ်။
| သက်ကြီးရွယ်အို အချို့ဟာ လူစည်ကားတဲ့ နေရာတွေမှာ တောင်းရမ်းစားသောက်ရင်း ဒါမှမဟုတ် ပင်ပန်းကြီးစွာ လုပ်ကိုင်စားသောက်ရင်း တရားဓမ္မနဲ့ မွေ့လျော်နေရတော့မယ့် သူတို့ရဲ့ တတိယအရွယ်ကို ပင်ပန်းဆင်းရဲကြီးစွာ ဖြတ်သန်းနေကြရတယ်။ ဒါပေမဲ့ နိုင်ငံသား အများစု ဆင်းရဲနေတဲ့ မြန်မာနိုင်ငံမှာတော့ ဒီလိုဘ၀မျိုးတွေအတွက် ကူကယ်ရာမဲ့နေ ဆဲပါပဲ။ သက်ကြီးရွယ်အိုတွေကို စောင့်ရှောက်ပေးနေတဲ့ ဘိုးဘွားရိပ်သာလို နေရာမျိုးတွေ ရှိနေပေမယ့်လည်း ၀န်နဲ့အား မမျှတဲ့အခါမှာတော့ သက်ကြီးရွယ်အို အများအပြား အပြင်ရောက်နေကြရတယ် . . . . . |
သိပ်မကြာမီ မိုးတွေရွာချလိုက်တော့ ထီးတစ်ချောင်းကို ဖွင့်ဆောင်းလိုက်ပေမယ့် ထီးရွက်တွေ ကျိုးပဲ့နေတဲ့ ခနော်နီခနော်နဲ့ ထီးလေးက အမယ်အိုကို မိုးရေမစိုအောင် ကာကွယ်မပေးနိုင်ခဲ့ဘူး။ မိုးရေတွေ စိုရွှဲသွားပေမယ့်လည်း အမယ်အို အိမ်မပြန်နိုင်ရှာဘူးလေ။ ကိုယ့်ဝမ်းကိုယ်ရှာကျောင်းနေရတဲ့ ဘ၀မှာ ဒီအချိန် အိမ်ပြန်သွားရင်လည်း ရေသောက်ပြီး အိပ်နေရတော့မှာဆိုတော့ မိုးရေတွေ ရွှဲရွှဲစိုပြီး ခိုက်ခိုက်တုန်လာနေပေမယ့်လည်း ၀မ်းစာရေးအတွက် ဒီနေရာလေးမှာပဲ ပုဆစ်တုပ်ထိုင်ရင်း ဆက်ရှိနေရဦးမှာပါ။
Credit To First-11