လက်နက်ကိုင် တိုင်းရင်းသားတွေထဲ သဘောထားနှစ်မျိုး ကွဲနေသလား – စည်သူအောင်မြင့်

အာဏာရ အစိုးရ အဆက်ဆက်နဲ့  တစ်ကြိမ်မှ အပစ်အခတ်ရပ်စဲတာ မလုပ်ဖူးဘူး။ အာဏာရ အစိုးရ အဆက် ဆက် ကလည်း ကေအန်ယူကို တော်လှန်ပုန်ကန်သူတွေရဲ့ခံတပ်ကြီး၊ ခံကတုတ်ကြီးဆိုပြီး နှစ်ပေါင်း ၆၀ ကျော် နည်းအမျိုးမျိုး သုံးပြီး တိုက်ခိုက်ခဲတယ်။ လူအသေအပျောက်များ ကြီးမားတဲ့ ထိုးစစ်ကြီးတွေဆင်တာက အစ၊ ကေအန်ယူကို အစိတ်စိတ်အမြွှာမြွှာပြိုကွဲအောင် သပ်လျှိုဖြိုခွဲတာအဆုံး အားလုံးလုပ်ခဲ့တယ် . . .

အောင်ကျော်- လာကပေါ်- အခု ခင်ဗျားတို့ ကေအန်ယူ ဥက္ကဋ္ဌကြီး နေပြည်တော်သွားပြီး သမ္မတ၊ တပ်မတော် ကာကွယ်ရေး ဦးစီးချုပ်တို့နဲ့ သွားတွေ့ပြန်ပြီနော်။ သွားလှချည့်လားဗျ။

လာကပေါ်- ဘာလဲဗျ ခင်ဗျားစကား၊ သွားလှချည်လားဗျ။ သိပ်သဘောမကျတဲ့ လေသံနဲ့။

အောင်ကျော်- အဲဒီသဘော မဟုတ်ပါဘူးဗျာ။ အခြားအဖွဲ့တွေနဲ့စာရင် ကေအန်ယူနဲ့ အစိုးရ ထိတွေ့ ဆက်ဆံမှုများ တယ်ပြောတာပါ။

လာကပေါ်- ငြိမ်းချမ်းရေး လုပ်နေတယ်လေဗျာ။ ထိတွေ့ဆက်ဆံမှု၊ တွေ့ဆုံဆွေးနွေးမှုများလေ ကောင်းလေ ပေါ့၊ မဟုတ်ဘူးလား။

အောင်ကျော်- ဟုတ်ပါတယ်။ ကျွန်တော်မငြင်းပါဘူး။ ဒါပေမဲ့ အခု အစိုးရနဲ့ အပစ်ရပ်စာချုပ် လက်မှတ်ထိုးမယ့် ကိစ်္စ၊ ငြိမ်းချမ်းရေး ဆွေးနွေးပွဲတွေ စမယ့်ကိစ္စ၊ တိုင်းရင်းသားတွေထဲမှာသဘောထားနှစ် မျိုးရှိနေတယ်လို့ သတင်းကလည်း ထွက်နေတော့ အစိုးရနဲ့ ကေအန်ယူ ဆွေးနွေးပွဲတွေ စိပ်လာတာဟာ အဓိပ္ပာယ် တစ်မျိုး ထွက်နေ မလားလို့။

လာကပေါ်- အရင် စာပေစိစစ်ရေး ရှိတုန်းက အပြောအဆိုကျနေတာပဲ။ သွယ်ကာဝိုက်ကာ၊ ဝေ့ကာဝဲကာနဲ့ လိုရင်း မရောက်ဘူး။ တည့်တည့် ပြောပေါ့ဗျာ။ အစိုးရက တိုင်းရင်းသားတွေကို ခွဲခြား ဆက်ဆံ စည်းရုံး နေသလား၊ သွေးခွဲနေသလား၊ အဲလိုပြောချင်တာ မဟုတ်လား။

အောင်ကျော်- အဲ- အဲလောက်ထိ မရည်ရွယ်ပါဘူးဗျာ။ ငြိမ်းချမ်းရေး ဖြစ်စဉ် တွေ ထိခိုက်မှာ ကျွန်တော်လည်း အလွန် ကြောက်ပါတယ်။ …

လာကပေါ်- ကျွန်တော့် စိတ်ထင် ခင်ဗျားဆိုလိုရင်း မမှန်ဘူး။ အခု ကေအန်ယူ ခေါင်းဆောင်တွေလာတာ တစ်တိုင်းပြည်လုံး အပစ်အခတ်ရပ်စဲရေး ကိစ္စပါတယ်။ တစ်တိုင်းပြည်လုံး ငြိမ်းချမ်းရေး ကိစ္စလည်းပါတယ်။ နောက် ကေအန်ယူ တစ်ဖွဲ့ချင်းရဲ့ တပ်နေရာချထားမှုနဲ့ အခြား ကိစ္စ၀ိစ္စတွေလည်း ပါတာပေါ့ဗျာ။ တွေ့ဖို့ လိုလို့ တွေ့တာပေါ့ဗျာ။ ဒီ့ထက်တောင် တွေ့ကြရဦးမှာ။

အောင်ကျော်- ဟုတ်ပါပြီဗျာ။ ဆက်ပါဦး။ ဆိုတော့ အခုနောက်ဆုံး တိုင်းရင်းသား လက်နက်ကိုင်အဖွဲ့တွေ ပေါင်း ဖွဲ့ထားတဲ့ NTTC လို့ခေါ်တဲ့ တစ်နိုင်ငံလုံး ဆိုင်ရာ အပစ်အခတ်ရပ်စဲရေး ပူးပေါင်းညှိနှိုင်းရေး အဖွဲ့ထဲမှာ သဘောထား အမြင်မတူတာတွေ ရှိတယ် ဆိုတာကိုရော ခင်ဗျားငြင်းမလို့လား။

လာကပေါ် – မငြင်းပါဘူး။ ဒါက အဖွဲ့အစည်းတွေ စုပေါင်းထားတဲ့အထဲမှာ ဖြစ် လေ့ဖြစ်ထရှိတဲ့ သဘာဝပဲ လေဗျာ။ နောက်တစ်ခုလက်ရှိ မြန်မာပြည်ထဲက တိုင်းရင်းသား လက်နက်ကိုင် အုပ်စုတွေထဲမှာ ကေအိုင်အိုနဲ့ သူ့မဟာမိတ်တအာင်း ပလောင်တပ်ဖွဲ့က အစိုးရနဲ့ အပစ်မရပ်ထားသေးတဲ့ အဖွဲ့တွေ၊ တိုက်ပွဲတွေလည်း ဆက်ဖြစ်နေတယ်။ ဆိုတော့ အဲဒီကတည်းက ရှုမြင်ပုံ မတူတော့ဘူး။ ဒါကို ကျွန်တော် နားလည် ပါတယ်ဗျ။

အောင်ကျော်- အဲဒါဆို ခင်ဗျား အမြင် ဆက်ပြောပါဦး။

လာကပေါ်- ဆိုတော့ သူတို့တွေရဲ့ မတူညီတဲ့ အခြေအနေအောက်ကနေ မတူညီတဲ့ စဉ်းစားပုံရှိမှာပဲ ဆိုတာ ကျွန်တော် နားလည်တယ်။ ဥပမာ ဆိုပါတော့ဗျာ။ ကေအန်ယူက အစိုးရဘက်က တင်ပြ တဲ့ တစ်တိုင်းပြည်လုံး အပစ်ရပ် လက်မှတ်ထိုး၊ နောက် နိုင်ငံရေး ဆွေးနွေးပွဲအတွက် မူဘောင်ချမှတ်မယ့် ဆွေးနွေးပွဲလုပ်၊ ပြီး တာနဲ့ ငြိမ်းချမ်းရေး ဆွေးနွေးပွဲကြီး စဆိုတာမျိုး လက်ခံတယ်။ ဒီတော့ သူကလည်း အဲဒီခရီးကို သွားဖို့အတွက် တစ်တိုင်းပြည်လုံး အပစ်အခတ်ရပ်စဲရေးစာချုပ် လက်မှတ်ထိုးနိုင်ရေး မြန်မြန်လုပ်ချင်တယ်။

အောင်ကျော်- ဒီတော့——-

လာကပေါ်- ကဲ ဟုတ်ပါပြီတဲ့။ တစ်တိုင်းပြည်လုံး အပစ်အခတ် ရပ်စဲရေး လက်မှတ်ထိုးဖို့ အခြေအနေ ဆိုက်လာ ပြီဆိုရင် ကေအိုင်အို ဘယ်လိုစဉ်းစားမလဲ၊ လက် မှတ်မထိုးရင် သူတစ်ဖွဲ့တည်းအထီးကျန် ဖြစ်ရမယ်၊ ထိုးလိုက် ပြန်ရင်လည်း အခု ရပ်တည်ထား တာတွေ၊ သူတို့ အဖွဲ့ကပြော ပြောနေတဲ့ နိုင်ငံရေး ဆွေးနွေး ပွဲတွေကို အရင်လုပ်၊ အဲဒါပြေလည်ရင် တိုက်ခိုက်မှုတွေ သူ့အလိုလို ရပ်စဲသွား လိမ့်မယ်ဆိုတာကိုလည်း ပြောင်းလဲ ပစ်ရမယ်။

အောင်ကျော်- အခု သတင်းတွေမှာ တက်နေတာ ကချင်လူမှု အဖွဲ့အစည်းတွေ ကလည်း ငြိမ်းချမ်းရေးအတွက် အစိုးရဆီက ခိုင်မာတဲ့ အာမခံချက် မရရင် အပစ်ရပ် လက်မှတ်မထိုးနဲ့ ဆိုပြီး တိုက်တွန်းမှုတွေ ရှိနေတယ်တဲ့။

လာကပေါ်- အဲဒါကြောင့်ပေါ့ဗျာ။ ဒါ သူတို့ အခက်အခဲပေါ့။ ကျွန်တော် သုံးသပ်ရသလောက် ကေအန်ယူ ဆိုတာ မြန်မာပြည်မှာ ဗမာစစ်ဝါဒီတွေကို အစောဆုံး တိုက်ပွဲဝင်ခဲ့တဲ့ အဖွဲ့။ ၁၉၄၈ လွတ်လပ်ရေး ရတယ်။ ၁၉၄၉ ဇန်န၀ါရီ ၃၁မှာ ကေအန်ယူက အစိုးရကို စစ်ဆင်နွှဲ တော့တာပဲ။ နောက်ကြားထဲမှာ အာဏာရ အစိုးရ အဆက်ဆက်နဲ့ တစ်ကြိမ်မှ အပစ်အခတ် ရပ်စဲတာ မလုပ်ဖူးဘူး။ အာဏာရ အစိုးရ အဆက်ဆက်ကလည်း ကေအန်ယူကို တော်လှန်ပုန်ကန်သူတွေရဲ့ ခံတပ်ကြီး၊ ခံကတုတ်ကြီး ဆိုပြီး နှစ်ပေါင်း ၆၀ ကျော် နည်းအမျိုးမျိုး သုံးပြီး တိုက်ခိုက်ခဲ့တယ်။ လူအသေအပျောက်များ ကြီးမားတဲ့ ထိုးစစ်ကြီးတွေ ဆင်တာက အစ၊ ကေအန်ယူကို အစိတ်စိတ် အမြွှာမြွှာပြိုကွဲအောင် သပ်လျှို ဖြိုခွဲတာအဆုံး အားလုံးလုပ်ခဲ့တယ်။

အောင်ကျော်- ခင်ဗျား ဆိုလိုတာ။

လာကပေါ်- ပြောရရင် သူတို့တွေ နိုင်ငံရေးကိုကောင်းကောင်းသိတယ်။ ငြိမ်းချမ်းရေး တန်ဖိုး ကောင်းကောင်း သိတယ်။ လက်ရှိ အစိုးရဘယ်အထိ ဘယ်လောက်သွားမလဲ ကောင်းကောင်း သိကြတယ်လို့ ကျွန်တော် ထင်တယ်။ ဒါကြောင့်လည်း အပစ်ရပ် ကိစ္စတွေ ငြိမ်းချမ်းရေး ကိစ္စတွေ အားသွန်ခွန်စိုက် လုပ်နေတာပဲလို့ ထင်တယ်။

အောင်ကျော်- ဒါဆို ကေအိုင်အိုရဲ့ လက်ရှိ ရပ်တည်ချက်က မှားနေတယ်ပေါ့။

လာကပေါ်- ကျွန်တော် အဲဒီလို မဆိုလိုဘူး။ သူတို့က ခေတ်သစ်မှာ တိုက်ခိုက် ခံရတဲ့သူ၊ ကာလတိုလေးမှာ ကချင်စစ်ပြေး ဒုက္ခသည် သိန်းဂဏန်း ရောက်သွားအောင် ခံရတဲ့သူဆိုတော့ သူတို့အနေအထား ကျွန်တော် နားလည်နိုင်တယ်။ ဒါပေမဲ့-

အောင်ကျော်-ဘယ်လိုဒါပေမဲ့လဲ-

လာကပေါ်- ပြဿနာတွေ ဖြေရှင်းတဲ့ဆီမှာ အရင် နှစ်ပေါင်း ၆၀ လောက်ကပဲ ဖြစ်ခဲ့ ဖြစ်ခဲ့။ မနေ့တစ်နေ့ကပဲ ဖြစ်ခဲ့ဖြစ်ခဲ့။ လတ်တလောနဲ့ အနာဂတ် ကောင်းရေးကိုပဲ ရှေးရှုရမှာပဲ။ အထူးသဖြင့် ပြည်သူလူထု ကောင်း စားရေးကို ရှေးရှုရမှာပဲ။

အောင်ကျော်-အပြောလွယ် သလောက် အလုပ်ခက်တယ်နော်။

လာကပေါ်- ကျွန်တော် စိတ်မကောင်းတာ တစ်ခုရှိသေးတယ်။

အောင်ကျော်- အင်- ပြော။

လာကပေါ်- ဒီမှာ – ဇန်န၀ါရီ ၆ ရက်နေ့ကစ သမ္မတ အပါအ၀င် အစိုးရ အဖွဲ့ လာမယ့် ၂၀၁၄-၁၅ ဘတ်ဂျက် လျာထားချက် ကိစ္စ ဆွေးနွေးကြတယ်။

အောင်ကျော်- သြော် အခုပြောနေ တာနဲ့ ဘာဆိုင်လို့လဲ။

လာကပေါ်- ဆုံးအောင် နားထောင်ဦး။ အဲဒီမှာ ဘတ်ဂျက် လျာထားတာတွေ လုပ်ရတယ်ဗျာ။ တစ်နိုင်ငံလုံး၊ နောက် ၀န်ကြီးဌာန တစ်ခုစီ။ နောက် ပြည်နယ်နဲ့ တိုင်းတစ်ခုစီ။ အဲဒီမှာ ကျွန်တော် ကိန်းဂဏန်းတွေ ကြည့် လိုက်တော့ လာမယ့် ဘတ်ဂျက်အတွက် ကချင်ပြည်နယ် တိုးတက်မှုအတွက် လျာထားတာ ၂ ရာခိုင် နှုန်းပဲ ရှိတယ်။ ကရင်ပြည်နယ်ကို ၁၅ ရာခိုင်နှုန်းကျော် တိုးတက်ဖို့ လျာထားတယ်။ ချင်းပြည်နယ်ကိုတော့ အများဆုံး ၂၆ ရာခိုင်နှုန်းကျော် အထိ တိုးတက်ဖို့ လျာထားတာ တွေ့ရတယ်။

အောင်ကျော်- အဲလိုဆိုရင်တော့ စိတ်မကောင်းစရာပဲ။

လာကပေါ်- ကျွန်တော်ပြောချင်တာ အဲဒါပဲ။ ကချင်ပြည်နယ်ဟာ စစ်ပွဲတွေဖြစ်နေလို့ အဲလို လျာထားသလား မသိနိုင်ဘူး ပေါ့ဗျာ။

အောင်ကျော်- ဖြစ်နိုင်တာပေါ့။ ဖြစ် နိုင်တာပေါ့။

လာကပေါ်- ဘယ်လိုပဲဖြစ်ဖြစ် ကျွန်တော်ကတော့ ပထမ တစ်ဆင့် စစ်ပွဲတွေ အမြန် ရပ်စေချင်ပြီ။ ငြိမ်းချမ်းရေး ရအောင် ခင်ဗျားတို့ လက်နက်ကိုင်ထား သူတွေချင်း တစ်လပဲ ဆွေးနွေး ဆွေးနွေး၊ တစ်နှစ်ပဲ ဆွေးနွေး ဆွေးနွေး၊ ဆယ်နှစ်ပဲ ဆွေးနွေး ဆွေးနွေး ဆွေးနွေးကြ။ အဲဒီ ကာလ အတွင်း ပြည်သူတွေအတွက် မိုင်းရှင်းပေး၊ ဒုက္ခသည် တွေနေရပ် ပြန်နိုင်အောင် လုပ်ပေး၊ စားဝတ်နေရေးအတွက် အထောက် အကူတွေပေး၊ လွတ်လပ်စွာ လုပ်ကိုင်စား သောက်နိုင်အောင် အခြေအနေ ဖန်တီး ပေး၊ နယ်မြေဒေသ ဖွံ့ဖြိုးတိုးတက်အောင် လုပ်ပေး။ အစိုးရတပ် အပါအ၀င် ဘယ်လက်နက်ကိုင် တပ်ဖွဲ့မှ ပြည်သူတွေကို အပူမီး ဒုက္ခတွေ မပေးကြနဲ့ဗျာ။ အဲဒါ တွေပဲ လိုချင်တယ်ဗျာ။

အောင်ကျော်- အင်း၊ အခုတောင် အဲဒီစစ်ပွဲဒေသက ပြည်သူတွေကို ကူညီဖို့ ဂျပန်က ယန်း ၁၀ ဘီလီယံ လောက် ကူမယ်တဲ့။

လာကပေါ်- မင်္ဂလာသတင်းပေါ့ဗျာ။ နောက်ထပ် အများကြီး၊ အများကြီး လိုသေးတယ်၊ ရကြပါစေ၊ လာကူ ကြပါစေ လို့လည်း ဆုတောင်းနေပါတယ်ဗျာ။

အောင်ကျော်- ကောင်းပါပြီဗျာ။

Credit To The Myanmar Herald