Written by ဒေါက်တာခင်မောင်ညို
''ကိုဘသစ် ဒီအပတ် ဘာအကြောင်း ဆွေးနွေးမှာလဲ''
''ပေါက်မြောက် အောင်မြင်အောင် ဆောင်ရွက်တာမျိုး၊ ခေတ်တစ်ခုမှာ တစ်ခုကို ပြောင်းလဲအောင် ဆောင်ရွက်တာမျိုးကို ဘရိတ်သရူး (Break Through) လို့ခေါ်တာ ခင်ဗျားသိတယ် မဟုတ်လား။ အဲဒီ Break Through ကို ဆွေးနွေးရအောင်ဗျာ''
''ကောင်းတာပေါ့။ ဘယ်က Break Through ကိုပြောမှာလဲ''
''သိပ္ပံဆိုင်ရာ ဘရိတ်သရူးက စပါမယ်။ သမိုင်းကို ပြန်ကြည့်ရင် ရေနွေးငွေ့ အင်ဂျင်စက်ကို စတင်တွေ့ခြင်းဟာ စက်မှုလုပ်ငန်းမှာ ဘရိတ်သရူး ဖြစ်တယ်လို့ ဆိုရပေမယ်။ အင်ဂျင်စက်တွေက စက်ရုံများကို ဖြစ်စေတယ်''
''မှန်ပါတယ်။ ကျွန်တော်တို့ မြန်မာနိုင်ငံက ဆန်စက်အများဟာ ယနေ့တိုင် ရေနွေးငွေ့ အင်ဂျင်များကို သုံးလျက် ရှိသေးတာကို တွေ့ရတယ်''
''ဒီအတိုင်းပါပဲ။ လျှပ်စစ်မီးသီး တွေ့ခြင်းဟာလည်း ဘရိတ်သရူး ဖြစ်တယ်။ လျှပ်စစ် မီးသီးတွေဟာ ညကို နေ့ဖြစ်စေခဲ့တယ်။ ကျွန်တော်တို့ လူနေမှုစနစ်ကို များစွာ ပြောင်းစေခဲ့တယ်''
''စက်ကိရိယာတွေထဲမှာ မီးရထားတို့ မော်တော်ကား တို့ဟာလည်း ကျွန်တော်တို့ လူနေမှု စနစ်ကို များစွာ ပြောင်းစေခဲ့တာ မှန်ပါတယ်။ ရထားကြောင့် လူတွေမြို့ပေါ် တက်လာကြတယ်''
''မော်တော်ကားကရော''
''လွတ်လပ်တဲ့ ခရီးသွားမှုကို ပေးတာက မော်တော်ကားပဲ။ လူတွေဟာ တစ်နေရာက တစ်နေရာကို အလွယ်တကူ သွားလို့ရတာ မော်တော်ကား ကြောင့်ပါပဲ။ ဒါ့ကြောင့် မော်တော်ကား အမြောက်အမြား ထုတ်လုပ်ခြင်းဟာ ဘရိတ်သရူး ဖြစ်တယ်လို့ ဆိုနိုင်တယ်''
''မှန်ပါတယ်''
''မျက်မှောက်ခေတ် ဘရိတ်သရူးကတော့ အင်တာနက်ပေါ့။ အီးမေးလ်၊ အင်တာနက် ဖေ့စ်ဘွတ်၊ တွီတာစတဲ့ ကွန်ရက်များ၊ မိုဘိုင်းလ် ဖုန်းများဟာလည်း ခေတ်ကို ပြောင်းလဲစေတယ်။ ဆေးပညာက ကွန်ရက်များ၊ မိုဘိုင်းလ်များဟာလည်း ခေတ်ကို ပြောင်းလဲစေတယ်။ ဆေးပညာက ဘရိတ်သရူး တစ်ခုကို ဥပမာ ပြောရရင် ပင်နယ်ဆလင်ပေါ့။ သူ့ကို အလက်ဇန်းဒါး ဖလင်းမင်းက တွေ့တာပါ။ ပင်နယ်ဆလင်ဟာ ပထမဆုံးတွေ့တဲ့ ပဋိဇီဝဆေး ဖြစ်တယ်။ ပိုးသတ်ဆေးလို့ အချို့ခေါ်တယ်။ ပိုးမွှားဗေဒကို တွေ့ရှိခြင်း၊ ခွေးရူးဆေး တွေ့ရှိခြင်း၊ ဒါတွေအားလုံးဟာ ဘရိတ်သရူးပဲပေါ့။ ဒါတွေကြောင့် သတ္တ၀ါတွေရဲ့ အသက်ပေါင်းများစွာကို ကယ်တင်နိုင်ခဲ့တယ် ဟုတ်ပါသလား''
''အင်း သိပ္ပံပညာ ဘရိတ်သရူးကတော့ ကျွန်တော်တို့ လူနေမှုစနစ် များစွာပြောင်းစေ ခဲ့တာ အမှန်ပါပဲ''
''ဒါပေမဲ့ ဒီနေရာမှာ ပြောချင်တာကတော့ လူမှုရေးဆိုင်ရာ ဘရိတ်သရူးပါပဲ။ ခက်ခဲတယ်။ သိမ်မွေ့တယ်။ စွမ်းဆောင်ရန် မလွယ်တဲ့ ဘရိတ်သရူးပါပဲ''
''ဘယ်လိုမျိုးလဲ''
''အကောင်းဆုံး ဥပမာကို ပြရလျင် ငွေဝယ်ကျွန်ဆိုင်ရာ ဆောင်ရွက်သူ အမေရိကန် သမ္မတလင်ကွန်းရဲ့ ဘရိတ်သရူးပါပဲ။ လင်ကွန်းဟာ ကျွန်များကို လွတ်ငြိမ်းချမ်းသာခွင့်ရအောင် ဆောင်ရွက်သူ ဖြစ်တယ်။ တစ်ချိန်က အာဖရိက လူမည်းများကို ဖမ်းဆီးခေါ်ဆောင်ကာ ကျွန်အဖြစ် အသုံးပြုကြတယ်။ ထိုလူမည်းတွေကို လူဖြူတွေဟာ ကုန်ပစ္စည်းသဖွယ် ရောင်းဝယ်ကြတယ်။ တိရစ္ဆာန်သဖွယ် ဆက်ဆံတယ်။ စာမဖတ်စေရ။ စာမသင်ပေးရဟု ဥပဒေများ ပြဋ္ဌာန်းထားရှိတယ်။ စင်စစ် လူမည်းများသည် လူဖြူထက် မနိမ့်ကျပါ။ သို့သော် လူဖြူဖြစ်ဖြစ်၊ လူမည်းဖြစ်ဖြစ် မိမိစိတ်ကို နိမ့်ကျအောင် နှိမ့်ချလျှင် နိမ့်တယ်။ မြင့်တက်အောင် မြှင့်တင်လျှင် မြင့်တယ်။ (ထိုအကြောင်းကို ဆရာကြီး ပီမိုးနင်းက လူငယ်ဘ၀ ပြုပြင်ရေးအတွက် ရေးသားခဲ့ ဖူးပါတယ်။)
ယနေ့ လူမည်းများသည် အားကစား၊ အနုပညာ၊ စာပေနေရာ တော်တော်များများမှာ နေရာရတာကို တွေ့နေရတယ်။ လက်ရှိ အမေရိကန်သမ္မတ ဘားရက်အိုဘားမားသည် လူမည်း။
ပြီးခဲ့သော ဂျော့ဒလျူဘုခ်ျလက်ထက် (ရွေးကောက်ပွဲ နှစ်ကြိမ်)က အမေရိကန် နိုင်ငံခြားရေးဝန်ကြီး နှစ်ဦးဖြစ်တဲ့ ကောလင်းပါဝယ်နဲ့ ကွန်ဒိုရီဇာရိုက်စ်တို့ နှစ်ဦးစလုံးဟာလည်း လူမည်းများသာ ဖြစ်ကြတယ်''
''ပေါ့စတားအဆိုတော် မိုက်ကယ်ဂျက်ဆင်ဟာ လူမည်းမဟုတ်လား''
''ဟုတ်ပါတယ်။ ဂေါက်သီးချန်ပီယံ တိုက်ဂါးဝုဒ်ဟာ လူမည်းဖြစ်တယ်။ ဆိုလိုတာက အသားအရောင်၊ တောသား၊ မြို့သား စတာတွေဟာ အဓိကမဟုတ်။ လူတိုင်းမှာ အရည်အချင်းရှိတယ်။ လေ့လာပါက သင်ယူ တတ်မြောက်နိုင်တဲ့ ဦးနှောက်ရှိတယ်။ လူ့ဦးနှောက်ဟာ ဘာအကန့်အသတ် မရှိပါဘူး''
''အင်း ကျွန်တော်တို့ လူတွေဟာ အသားအရောင်ကြည့်ကာ အတ္တများခဲ့ပါတယ်။ ငါဘုရင့်သား၊ ငါသူဋ္ဌေးသား စတာတွေနဲ့လည်း မာနတက်ကြတယ်။ အသက်ရှင် ရပ်တည်မှုကို ပြန်ကြည့်ရင် မာနမထား နိုင်ကြပါဘူး။ ကျောက်ခေတ်လို ခေတ်ကစပြီး အသက်ရှင် ရပ်တည်ရေးအတွက် ကြိုးပမ်းခဲ့တာ ယနေ့ထက်တိုင်ပဲ ဖြစ်တယ်။ ကမ္ဘာမီးလောင် သားကောင်ချနင်းတယ်။ ဘယ်သူသေသေ ငတေမာဖို့ ကြိုးစားတယ်။ တောရိုင်း ဥပဒေဖြစ်တဲ့ Survival of Fittest ကို အခြေခံခဲ့တယ်။ အသင့်တော်ဆုံးသာ အသက်ရှင်ကျန် များကြောင့်ပါပဲ။ ဒါပေမဲ့ အင်မတန် အင်အားကြီးသော ဒိုင်နိုဆော မျိုးတုံးသွားသေးတယ်။ ဆင်တွေဟာလည်း ကောင်ရေနည်းလာပါပြီ။ Endangered Species ဖြစ်နေတယ်။ လူတွေတော့ များလာတယ်။ လူ့ဦးနှောက် ကြီးထွားလာတယ်။ လူဟာ သတ္တလောကမှာ ဘုရင်တစ်ဆူ ဖြစ်လာတယ်။ လူဟာ အရာခပ်သိမ်းကို အနိုင်ယူသလို လူသားအချင်းချင်း ကိုလည်း အနိုင်ယူလိုတယ်။ လူကိုလူချင်း မတရား နှိပ်စက်သော အလေ့ဖြစ်လာတယ်''
''အမှန်ပေါ့။ လူဟာ မိမိရရှိထားတဲ့ ဦးနှောက်စွမ်း ဥာဏ်စွမ်းနဲ့ အကောင်းဆုံး ဘ၀မှာ နေနိုင်ပါတယ်။ ဒါပေမဲ့ ကျွန်တော်တို့ လူသားများသည် စစ်တိုက်နေကြတယ်။ တစ်ဦးတစ်ဦး သတ်နေကြတယ်။ အစ္စရေး၊ ပါလက်စတိုင်းနဲ့ အရှေ့အလယ်ပိုင်းတို့တွင် စစ်ပွဲတွေ ဖြစ်နေတယ်။ ကချင်တို့ ကရင်တို့ရဲ့ နယ်စပ်မှာ တိုက်ပွဲတွေ ဖြစ်နေတယ်''
''ကိုယ်လိုချင်တာ မရလို့ ဆန္ဒပြနေတယ် မဟုတ်လား''
''တကယ်တော့ ရှစ်လေးလုံး အရေးအခင်း ဟာလည်း ဘရိတ်သရူးပါပဲ။ အများကြီး နစ်နာခံပြီးမှ ဒီအဆင့်ကို ရောက်လာကြတာပါ။ ဒါပေမဲ့ ဒီကနေ ဘယ်ကိုရောက်အောင် သွားကြမှာလဲ။ ဒါကအရေး အကြီးဆုံးပါပဲ။ အဟောင်းကို ဖက်တွယ်နေရင် ဘာမှမဖြစ်လာဘူး''
''မှန်ပါတယ်။ ဘရိတ်သရူးများက ကျွန်တော်တို့ကို ခေတ်တွေပြောင်းပေးလိုက်တယ်။ အခုဒီမိုကရေစီကို သွားမယ့် ဘရိတ်သရူးပါ။ ဒီနေရာမှာ ညီညွတ်ဖို့ အင်မတန် အရေးကြီးတယ်''
''အင်း လူမှုစီးပွားများ ပြောင်းသွားဖို့လိုတယ်။ စားဝတ်နေရေး အခြေခံတွေ ပြောင်းသွားဖို့ လိုတယ်တဲ့။ ဆင်းရဲမှု လျော့ချရမယ်။ ဒီလိုဘရိတ်သရူးကို လုပ်ကြဖို့ မျှော်လင့်နေပါတယ်''
Credit To First-11
Post a Comment