Showing posts with label Interview. Show all posts
Showing posts with label Interview. Show all posts

ရွေးကောက်ပွဲကော်မရှင်မှ လက်ခံလိုက်သည့် “ဖက်ဒရယ်ပြည်ထောင်စုပါတီ” တည်ထောင်သူ ဦးစောသန်းမြင့်နှင့်ပြောခြင်း – အံ့ခေါင်မင်း


““ဖက်ဒရယ်ဆိုတဲ့ စကားကို တရားဝင်သုံးတာ ကျွန်တော်တို့ FUP က  . . . အခုအစိုးရဟာ ဖက်ဒရယ်ဆိုတာကို ကောင်းကောင်း နားလည်ပြီးတော့ ကျွန်တော်တို့ကို လက်ခံခြင်းဖြစ်တယ်””
u saw than myintမကြာမီ ရက်ပိုင်းအတွင်းက ပြည်ထောင်စု ရွေးကောက်ပွဲ ကော်မရှင်မှ နိုင်ငံရေးပါတီ တစ်ရပ်ကို တည်ထောင်ခွင့် ပြုလိုက်ကြောင်း ကြေညာခဲ့သည်။ ၂၀၀၉  ခုနှစ် အတွင်းမှစကာ ယခင်အစိုးရက ဖွဲ့စည်း ပေးခဲ့သော ရွေးကောက်ပွဲ ကော်မရှင်မှ  နိုင်ငံရေးပါတီ တစ်ရပ် တည်ထောင်ခွင့်ပြုကြောင်း ကြေညာချက်သည် NLD ပါတီ တည်ထောင်ခွင့် ကြေညာချက်နှင့် ၉၀ ရွေးကောက်ပွဲဝင် နိုင်ငံရေးပါတီ အချို့အား တည်ထောင်ခွင့် ပြုကြောင်း ကြေညာချက်များမှ လွဲ၍ ထူးခြားသော အကြောင်းခြင်းရာတစ်ရပ် မဟုတ်ခဲ့ပေ။ သို့သော် ယခု တည်ထောင်ခွင့် ပြုခဲ့သော ကြေညာချက်ပါ၊ ပါတီအမည်မှစ၍  ပါတီ ပေါ်ပေါက်လာရသည့် အရင်းခံ အကြောင်းရင်းများသည် မြန်မာ့နိုင်ငံရေးတွင် အလေးဂရုပြုရမည့် ကိစ္စတစ်ရပ် ဖြစ်နေသည်။
ယင်းပါတီကို ၂၀၁၀ ရွေးကောက်ပွဲဝင်နှင့် ရွေးကောက်ပွဲ နောက်ပိုင်း ပေါ်ပေါက်လာသော တိုင်းရင်းသား ပါတီများ စုပေါင်းကာ ၂၀၁၀ ရွေးကောက်ပွဲ နောက်ပိုင်းတွင် ညီနောင်တိုင်းရင်းသား ပါတီများ ဖက်ဒရေးရှင်း(UNF) ကို ဖွဲ့စည်းပြီးနောက် ထို UNF ၏ ညီလာခံ ဆုံးဖြတ်ချက်အရ အဖွဲ့ဝင် ပါတီများမှ တစ်ပါတီလျှင် တစ်ဦးအနေဖြင့်  ယခု ““ဖက်ဒရယ်ပြည်ထောင်စုပါတီ”” (FUP)ကို တည်ထောင်ခွင့် တင်ပြခဲ့ခြင်းဖြစ်သည်။   တိုင်းရင်းသားပေါင်းစုံ စည်းလုံးညီညွတ်မှု အင်အားကို ပြသသော ယခုပါတီ တည်ထောင်မှုသည် ၀မ်းမြောက်ဖွယ် ကောင်းလှသော်လည်း မြန်မာနိုင်ငံရေး၏ ရှုပ်ကွက်၊ မြှုပ်ကွက် အစဉ်အလာများအရ သင်္ကာရနံ့ မကင်းမှုများကလည်း အလျှိုလျှို ထွက်ပေါ် လာခဲ့သည်။ မကြာသေးမီကပင် ရှမ်းတိုင်းရင်းသား ဒီမိုကရက်တစ် ပါတီ၏ ထိပ်ပိုင်းခေါင်းဆောင်၊  NBF ၏ ပြောရေးဆိုခွင့် ရှိသူအဖြစ် ရှုမြင်နေရသူ၊ ယခုဖက်ဒရယ် ပြည်ထောင်စုပါတီ၏ ဦးဆောင် တည်ထောင်သူ တစ်ဦးဖြစ်သူ ဦးစောသန်းမြင့် အား တွေ့ဆုံ မေးမြန်းခဲ့ရာတွင် -
 ရန်ကုန်၊ အောက်တိုဘာ ၃၀
ပထမဦးဆုံးပေါ့ခင်ဗျ ရွေးကောက်ပွဲ ကော်မရှင် ကနေပြီးတော့ ချပေးလိုက်တဲ့ ဖက်ဒရယ် ပြည်ထောင်စုပါတီနဲ့ ပတ်သက်ပြီးတော့ တည်ထောင်ခွင့် ပေးလိုက်တဲ့ အထဲမှာ အန်ကယ်လ် အပါအ၀င် ၁၆ ဦးလို့ သိရတယ်ခင်ဗျ။ အဲဒီ ၁၆ ဦးဟာ အရင်တုန်းက ညီနောင် တိုင်းရင်းသား ပါတီအဖွဲ့ထဲမှာပါတဲ့ ပါတီတွေထဲက ထိပ်ပိုင်းပုဂ္ဂိုလ်တွေ ဖြစ်နေတာကို တစ်ချက်လောက် ရှင်းပြပေးပါလား။
ကျွန်တော်တို့ ပြင်ဆင် ထားတာတော့ တစ်နှစ်လောက် ရှိပြီပေါ့နော်။ အခြားပါတီကြီးတွေနဲ့ ယှဉ်ပြီးတော့ ပြည်မမှာ နေရာယူဖို့တော့ ပြီးခဲ့တဲ့ တစ်နှစ်လောက်တည်းက ဆွေးနွေးရင်း ဆွေးနွေးရင်းနဲ့ ပြီးခဲ့တဲ့ ကျွန်တော်တို့ ဇွန်လမှာ လုပ်တဲ့ တောင်ကြီးမှာတော့ ဆုံးဖြတ်ချက်ချလိုက်တာ ပေါ့နော်။ ၁၅ ကြိမ်မြောက် NBF ရဲ့ အစည်းအဝေးမှာ ကျတော့ အားလုံးက သဘောတူ၊ ဘယ်သူမှ ကန့်ကွက်တဲ့ ပါတီ မရှိဘဲနဲ့ ဆုံးဖြတ်ချက် ချလိုက်တယ်ပေါ့နော်။ ညီနောင် တိုင်းရင်းသားပါတီများ ဖက်ဒရေးရှင်းကနေ အသစ်မွေးဖွားဖို့၊ အသစ် မွေးဖွားမယ့် ပါတီအသစ် တစ်ခုကို တည်ထောင်မယ်။ တည်ထောင်ပြီးတော့ ပြည်မမှာ အားလုံး မဲဆန္ဒနယ် အပြည့်ယှဉ်ပြိုင်မယ်။ အဲဒီလို ဆုံးဖြတ်ချက် ချလိုက်ပြီးတော့ တောင်ကြီး ၁၅ ကြိမ်မြောက် NBF နှစ်ပတ်လည် အစည်းအဝေးမှာ ဆုံးဖြတ်ချက် ချလိုက်တယ်။ ဆုံးဖြတ်ချက် ပြီးတာနဲ့ ကျွန်တော်တို့ NBF က ထိပ်ပိုင်း ခေါင်းဆောင်တွေ မကြာခဏ အစည်းအဝေး လုပ်ပြီးတော့ တွေ့ဆုံတယ်။ ဘယ်လို ဖွဲ့စည်းရင် ကောင်းမလဲ ဆိုတာ အဲဒီမှာ ကျွန်တော်တို့ ဖွဲ့စည်းတာကတော့ အဲဒီတုန်းက ၁၅ ပါတီ ရှိတယ်။ သူက အနည်းဆုံး ၁၅ ဦးနဲ့ Founder ၁၅ ဦး ဆိုတော့ တစ်ပါတီကို တစ်ယောက် အနည်းဆုံး ပါရမယ်ပေါ့။ ပြီးတော့ လိုအပ်လို့ရှိရင် အခြား ပါတီတွေက ဖြည့်စွက် ပေးမယ်ပေါ့။ နောက်ပြီးတော့ ကျွန်တော်တို့က ပြည်မမှာ အဓိက ယှဉ်ပြိုင်မယ် ဆိုတော့ ရန်ကုန်ကို ဗဟိုပြုပြီးတော့ ရုံးချုပ်ကို ဖွင့်ရမယ်။ အဲဒီတော့ ရန်ကုန်မှာ အနေများတဲ့ ခေါင်းဆောင်ပိုင်းတွေကို ဦးစားပေးပေးပါ။ နောက်ပြီးတော့ ဦးစားပေးတဲ့ နေရာမှာ သက်ကြီးရွယ်အိုပိုင်း မဟုတ်ဘဲနဲ့ လူငယ်နဲ့ လူလတ်ပိုင်းကို ဦးစားပေးပေးပါ။ လူငယ်နဲ့ လူလတ်ပိုင်းတွေကလည်း ပါတီမှာ အင်မတန် တက်ကြွ၊ ရဲရင့်၊ ဖျတ်လတ်တဲ့ လူငယ်၊ လူလတ်ပိုင်းတွေကို ဦးစားပေးပါလို့ ကျွန်တော်တို့ အားလုံး ဒီအတိုင်းပဲ ဆုံးဖြတ်ချက် ချတယ်ပေါ့နော်။ အခုကျွန်တော်တို့ ပါတီမှာကတော့ လူငယ်နဲ့ လူလတ်ပိုင်းတွေ အင်မတန် များလာတယ်။ Founder မှာရော။ နောက် မကြာခင် ဖွဲ့မယ့် CEC မှာရောပေါ့နော်။ ဘာဖြစ်လို့လဲ ဆိုတော့ လူကြီးပိုင်း ဖြစ်လာရင် တစ်နိုင်ငံလုံး သွားနေရမယ် ဆိုတော့ အသက်ကြီးပိုင်းဆိုရင် ကျွန်တော်တို့ ပါတီအနေနဲ့ အားနာ တယ်လေ။ အဲဒီတော့ လူငယ် လူလတ်ဆိုတော့ အားနာစရာ မရှိဘူး။ သွားရေးလာရေး၊ လုပ်ရေး ကိုင်ရေးမှာ ပေါ့နော်။ နောက်ပြီးတော့ အမှန်အတိုင်း ပြောရရင် တချို့ အသက်သိပ်ကြီးသွားတဲ့ လူတွေက အယူသီးတယ်။ ကျွန်တော်တို့က အယူသီးလို့မရဘူး။ ဘယ်လူမျိုးဖြစ်ဖြစ်၊ ဘယ်သူဖြစ်ဖြစ်၊ အသက် သိပ်ကြီးသွားရင် အယူသီး တယ်။ သေတဲ့အထိ မပြင်ကြဘူး။ တစ်ဇွတ်ထိုး သွားကြတယ်။ အဲဒီပုံစံမျိုး ပါတီမှာ ပါဝင်လို့မရဘူး။ နောက်ပြီးတော့ ဒီပါတီက နဂို မိခင် ပါတီတွေ အနေအထား မတူဘူး။ ဘာလို့လဲဆိုတော့ တစ်နိုင်ငံလုံးမှာ ယှဉ်ပြိုင်ရမယ့် ပါတီဖြစ်တဲ့အတွက် ကျွန်တော်တို့ မူဝါဒ သဘောထား တွေကအစ ပိုပြီးတော့ ကျစ်ကျစ် လျစ်လျစ် ခိုင်ခိုင်မာမာနဲ့ တစ်နိုင်ငံလုံးနဲ့ ပတ်သက်အောင် မူဝါဒသဘောထား စာအုပ်ကိုလည်း လုပ်ရတယ် ပေါ့လေ။ နောက်ပြီးတော့ စည်းရုံးတဲ့ အခါမှာလည်း သိပ်ပြီး တစ်ယူသန်တဲ့လူတွေ မပါဖို့လိုတယ်။ ကျွန်တော့် ဖောင်ဒါထဲမှာ ဗမာတိုင်းရင်းသားလည်း တစ်ဦးပါတယ်။ တိုင်းရင်းသားအားလုံး စုံတဲ့အပြင် ဗမာ တိုင်းရင်းသား တစ်ဦးလည်း ပါတယ်။ အဲဒီတော့ ကျွန်တော်တို့က တိုင်းရင်းသားဆိုတာ အများစုက တော်တော်များများက ပါတီ ခေါင်းဆောင်တွေရော လူ့အဖွဲ့အစည်းမှာ ဗမာလည်း တိုင်းရင်းသားပါပဲ ဆိုတဲ့ စကားကို ပြောလာတဲ့ အတွက် ဗမာတိုင်းရင်းသား ဆိုပြီးတော့မှ နေရာ ထားထားပေးတယ်ပေါ့လေ။ အဲဒီအတွက်လည်း ပါတယ်။ မကြာခင် CEC ဖွဲ့တဲ့ အခါမှာလည်း ဘယ်နှယောက် ပါလာမလဲ မသိဘူး။
အခုအန်ကယ်လ်ပြောသမျှ ဆိုရင်ပေါ့လေ ညီနောင် တိုင်းရင်းသား ပါတီတွေထဲက ပါတဲ့ ပါတီတွေက သူတစ်ဦးချင်း မိခင်ပါတီကနေ နုတ်ထွက်ပြီးတော့ ဒီပါတီကို ထောင်တယ်။ အဲဒီတော့ အခု FUP နဲ့ မိခင် ပါတီတွေနဲ့က ဘယ်လို ရှေ့ဆက်ဆံကြမှာလဲ။ ညီနောင် တိုင်းရင်းသား ပါတီများ အစုအဖွဲ့ကြီးနဲ့ ဒီပါတီနဲ့ရော ဘယ်လို ပူးပေါင်း ဆောင်ရွက်သွားမလဲ ဆိုတာ ရှင်းပြပေးပါဦး။
အခုကျွန်တော်တို့ FUP ပါတီရဲ့ ဖွဲ့စည်းပုံမှာ ထိပ်ဆုံးမှာက ညီလာခံ ကိုယ်စားလှယ်ကနေ ဗဟိုကော်မတီတွေ ရွေးမယ်။ ဒါက ဖွဲ့စည်းပုံ ပေါ့နော်။ ဗဟိုကော်မတီကနေ CEC ရွေးမယ်။ ဗဟို အလုပ်အမှုဆောင် ကော်မတီ ရွေးမယ်။ အဲဒီမှာ ကျွန်တော်တို့နဲ့ တိုက်ရိုက် ပတ်သက်တဲ့ ဥစ္စာက ညီလာခံကနေ ပတ်သက်တယ်။ ဒါပေမဲ့ ကျွန်တော်တို့ FUP ရဲ့ ဗဟိုအလုပ် အမှုဆောင် အဖွဲ့ထဲမှာ ဘယ်သူတွေ ပါဦးမလဲဆိုတော့ CEC ရဲ့ အပေါ်မှာ NBF ရဲ့ အမြဲတမ်း အဖွဲ့ဝင်တွေက အကြံပေးအဖြစ် ပါတယ်။ အဲဒီတော့ ကျွန်တော်တို့က NBF ပါတီနဲ့ ဘယ်လို ဆက်စပ်သလဲပေါ့။ ဒီ FUP ရဲ့ CEC ရဲ့အထက်မှာ NBF ရဲ့ အမြဲတမ်း အဖွဲ့ဝင်တွေက အကြံပေး အဖြစ်ပါ တယ်။ နောက် ဂုဏ်ထူးဆောင် နာယကကြီးများဆိုတာ ရှိတယ်။ အဲဒါကတော့ ဗမာအပါအ၀င် တိုင်းရင်းသား အားလုံးမှာရှိတဲ့ ခေါင်းဆောင်ကြီးများ သို့မဟုတ် လူမျိုးစု ဂုဏ်သရေရှိ ပုဂ္ဂိုလ်များလို့ ထင်ရတဲ့ ပုဂ္ဂိုလ်တွေကို ကျွန်တော်တို့ လူမျိုးအလိုက် ထည့်ထားတယ်။ ဗမာလည်း ပါမယ်ပေါ့။ တစ်ဖက်မှာက NBF ရဲ့အမြဲတမ်း အဖွဲ့ဝင်တွေက အကြံပေးကော်မတီ၊ တစ်ဖက်မှာက ဂုဏ်ထူးဆောင်နာယက။ အဲဒီတော့ ကျွန်တော်တို့ CEC ရဲ့ ဖွဲ့စည်းပုံက CEC ရဲ့အထက်မှာက NBF ရှိတယ်။ တစ်ဖက်မှာက ဂုဏ်ထူးဆောင် နာယကတွေ ရှိတယ်။ အဲဒီတော့ ဖွဲ့စည်းပုံအရ NBF နဲ့ FUP နဲ့က တစ်ဆက်တစ်စပ်တည်း ပေါ့နော်။ ကျွန်တော်တို့က မိခင်ပါတီကနေ ဥပမာ ကျွန်တော်ဆိုရင် ကျားဖြူပါတီကနေ ဥပဒေအရ တရားဝင် နုတ်ထွက်လိုက်တယ်။ ဒါပေမဲ့ ယနေ့အထိ မိခင် ပါတီအတွက် တောက်လျှောက် တာဝန်ယူနေတုန်းပဲလေ။ ဘာလို့လဲ ဆိုတော့ ကျွန်တော့် တာဝန်ကို နောက်ထပ် ချိတ်ဆက်မယ့်သူကို ကျွန်တော်က သူ့ကိုအားလုံး Carry လုပ်ပေး နေရတယ်ပေါ့နော်။  အချိန် နှစ်လ သုံးလတော့ ယူရဦးမှာပေါ့။ ဒါပေမဲ့ ကျွန်တော်ကတော့ တရားဝင်အရ FUP မှာဖြစ်တယ်။ ကျားဖြူပါတီ ကနေ တရားမ၀င်တော့ဘူး။ ဒါပေမဲ့ တာဝန်ကို လွှဲပြောင်းတဲ့အခါမှာ ချက်ချင်း လွှဲပြောင်းလို့ မရတော့ ဆက်ပြီး တော့ ကျွန်တော် အပြင်ကနေ ပံ့ပိုးပေးတယ် ပေါ့နော်။ အဲဒီတော့ ကျွန်တော်က မိခင်ပါတီ ကိုယ်စား ဒီမှာ ၀င်ရတဲ့အတွက် မိခင်ပါတီအတွက်လည်း တာဝန်ရှိတယ်။ FUP အတွက်လည်း တာဝန်ရှိတယ်။ ကော်မရှင်ရဲ့ ဥပဒေအရတော့ FUP ပါတီမှာ တာဝန်ရှိတယ်။ ဒါပေမဲ့ FUP ပါတီမှာ ကျားဖြူကနေ ကိုယ်စားပြုတဲ့အတွက် ကျားဖြူမှာလည်း ကျွန်တော် တာဝန်ရှိတယ်။ ဆက်စပ်မှုက ဒါဆိုရင် ရှင်းသွားမယ် ထင်တယ်နော်။
အခု ဒီပါတီကို ၁၆ ပါတီ ပေါင်းပြီးတော့ နောက်ထပ် ပါတီတစ်ခုအနေနဲ့ ထောင်တယ်ပေါ့။ အဲဒါက အခုန အန်ကယ်လ် ပြောတဲ့။ ပြည်မတွေမှာ ၀င်ပြီးတော့ ယှဉ်ပြိုင်ဖို့ ဆိုတာ NBF အနေနဲ့ပဲ နေပြီးတော့ ကိုယ့်နေရာ အလိုက် အကုန်လုံး ညှိနှိုင်းပြီးတော့ ရွေးကောက်ပွဲ ၀င်ရောက်ယှဉ်ပြိုင်လို့ ရနိုင်ရဲ့သားနဲ့ ဘာကြောင့် ပါတီ အသစ်တစ်ရပ်ကို နာမည်အသစ် တစ်ခုနဲ့ တည်ထောင်တာလဲ ခင်ဗျ။
ကျွန်တော်တို့က လက်ရှိ အနေအထား အားလုံးမှာ လာမယ့် ၂၀၁၅ မှာ ပြည်နယ် အားလုံးမှာ ကျွန်တော်တို့က ကျွန်တော်တို့ ပါတီတွေ အားလုံး အစိုးရဖြစ်ရမယ်။ စီမံကိန်းလည်း ချထားပြီ။ နည်းဗျူဟာတွေလည်း အားလုံး ဆွဲထားပြီးပြီ။ အဲဒီတော့ ပြည်နယ် အားလုံးမှာ ပြည်နယ်ဒေသခံ ပါတီတွေဟာ အားလုံး အစိုးရဖြစ်ရမယ်။ အထူးသဖြင့် ရှမ်းပြည်မှာဆိုရင် ကျားဖြူပါတီဟာ အစိုးရလုံးဝကို ဖြစ်ရမယ်။ ဖြစ်အောင်လည်း ကျွန်တော်တို့ Schedule တွေ အကုန်လုံး ဆွဲထားပြီးသား။ ဘယ်လို နည်းနဲ့ဖြစ်ဖြစ် ကျွန်တော်တို့ ပြည်နယ်မှာ ကျားဖြူ ပါတီဟာ အစိုးရ ဖြစ်ရမယ်။ ဖြစ်ကိုဖြစ်ရမယ်။ ဖြစ်အောင် ကျွန်တော်တို့ စီစဉ်ထားပြီးပြီ။ စီစဉ်ထားပြီးပြီ ဆိုတာ ကြိုးစား နေတယ်ပေါ့။ အလားတူ ကျန်တဲ့ တိုင်းရင်းသား ပါတီတွေကလည်း သူ့ပြည်နယ်နဲ့သူ ကရင်က ကရင်မှာ၊ ချင်းကချင်းမှာ ရခိုင်က ရခိုင်မှာ မွန်က မွန်မှာ အားလုံး အစီစဉ်တကျ လုပ်ထားပြီးပြီ။ ဒါပေမဲ့ ကျွန်တော်တို့ တစ်ပါတီချင်း အနေနဲ့ ပြည်မကို လာပြိုင်မယ် ဆိုရင် ကျားဖြူပါတီဆိုရင် ပြည်မကို လာပြိုင်ရင် ကျွန်တော်တို့ အင်အား သေးတယ်လေ။ ချင်းကလည်း ချင်းပြည်နယ်မှာ ပြိုင်မယ်။ သူ့ပြည်နယ်နဲ့သူ အနိုင်ရမယ်။ ဒါပေမဲ့ ပြည်မမှာ ချင်းပါတီ အနေနဲ့ လာပြိုင်ရင် မဟန်နိုင်ဘူး။ ကျွန်တော်တို့က အင်အား သေးတယ် ပြောရမှာပေါ့နော် တစ်နိုင်ငံလုံးနဲ့ မပတ်သက်နိုင်ဘူး။ ဥပမာ ကျွန်တော်တို့ ဆိုရင် စစ်ကိုင်းတိုင်း ၀င်ပြိုင်တယ်။ ကချင်ပြည်နယ် ၀င်ပြိုင်တယ်။ ရှမ်းအရှေ့၊ တောင်၊ မြောက် ပြိုင်တယ်။ ကယားပြည်နယ် ပြိုင်တယ်။ လေးနယ်ကို ပြိုင်တယ်။ ဒါပေမဲ့ ပြည်မမှာရှိတဲ့ ပါတီကြီးတွေက အကုန်လုံး ပြိုင်တယ်လေ။ တစ်နိုင်ငံလုံး ပြိုင်တယ်။ အဲဒါနဲ့ ယှဉ်လိုက်ရင် ကျွန်တော်တို့ တိုင်းရင်းသားမှာ အကြီးဆုံးဆိုတဲ့ ကျားဖြူ ပါတီတောင် ဘယ်လိုမှ ယှဉ်လို့မရဘူး ပြည်မမှာ။ အဲဒီတော့ ကျွန်တော်တို့က နည်းဗျူဟာ ပြောင်းပြီးတော့ ကဲဒါ ဆိုရင် ကျွန်တော်တို့ တိုင်းရင်းသား အားလုံး ပေါင်းမယ်။ ပေါင်းပြီးတော့ ပြည်မမှာ ပြိုင်မယ်။ ပြည်မက နေရာအားလုံးကို ကျွန်တော်တို့ ၀င်အရွေးခံမယ်။ ရှိသမျှ နေရာအားလုံးကို အရွေးခံမယ်။  အရွေးခံတဲ့ နေရာမှာ ကျွန်တော်တို့ ညီနောင်တိုင်းရင်းသား ပါတီတွေ ၀င်ပြီးတော့ မရွေးတဲ့နေရာ အားလုံးမှာ ဘယ်နေရာဖြစ်ဖြစ် ကျွန်တော်တို့ FUP က ၀င်ပြီးတော့ အရွေးခံမယ်။ ၀င်ပြီးတော့ ယှဉ်ပြိုင်မယ်ပေါ့။ ဒီမူဝါဒနဲ့ပေါ့နော် အဲဒါဆိုရင် ကျွန်တော်တို့ တိုင်းရင်းသားရဲ့ အခန်းကဏ္ဍဟာ ပြည်မမှာလည်း အင်အားကြီးလာမယ်။ ပြည်နယ်မှာတော့ ကျွန်တော်တို့ ရထားပြီးသား ဖြစ်မယ်။ အဲဒီတော့ ပြည်ထောင်စု လွှတ်တော်မှာ သွားပေါင်းလိုက်ရင် ကျွန်တော်တို့ အင်အားက တအားကြီးလာပြီ။ အဲဒီအခါမှာ ဒီအစိုးရ ဖွဲ့တဲ့အခါမှာ အင်အားကြီးက သုံးနေရာ သုံးမျိုးပဲ ဖြစ်လာမယ်။လက်ရှိ USDP ရှိမယ်။ NLD ရှိမယ်။ ပြီးရင် ကျွန်တော်တို့ တိုင်းရင်းသား ပါတီတွေ ရှိမယ်။ FUP နဲ့ NBF ရှိမယ်။ အဲဒီတော့ အစိုးရ ဖွဲ့တဲ့အခါမှာ ကျွန်တော်တို့ မပါရင် ဘယ်သူမှ အစိုးရ ဖွဲ့လို့ မရလောက်ဘူး။ အဲဒီ အနေအထားမျိုးကို ကျွန်တော်တို့ လုပ်တယ်။ အဲဒီတော့ အစိုးရ ဖွဲ့တဲ့အခါမှာ ကျွန်တော်တို့က ကြားခံ အနေနဲ့ဖြစ်မယ်။ ကျွန်တော်တို့ ထောက်ခံတဲ့ ပါတီသာလျှင် အစိုးရဖြစ်ရမယ်။ ကျွန်တော်တို့ ကန့်ကွက်တဲ့ ပါတီဟာ အစိုးရ ဘယ်တော့မှ မဖွဲ့နိုင်ဘူး။ အဲဒီတော့ ကျွန်တော်တို့ဟာ လတ်တလော သမ္မတဖြစ်နိုင်တဲ့ အနေအထားရှိ၊ မရှိတော့ ကျွန်တော် မသိဘူး။ ဒါပေမဲ့ အစိုးရအဖွဲ့မှာ ကျွန်တော်တို့က ၀င်ပြီး နေရာယူရမယ်။
အန်ကယ်လ်တို့အနေနှင့် ဒီပါတီ ထောင်ဖို့အတွက် ကိုယ့်ရဲ့ မိခင်ပါတီ အသီးသီးကို နုတ်ထွက် လိုက်ရတယ်ပေါ့။ ဒါဟာ ပြည်ထောင်စု ရွေးကောက် ပွဲ ကော်မရှင်ကနေပြီးတော့ ချမှတ်ထားတဲ့ နိုင်ငံရေး ပါတီများ ဥပဒေကြောင့်ပဲလား။ တခြား ဘယ်လို ကိစ္စတွေ ရှိနိုင်ဦးမလဲ ခင်ဗျ။
 ရွေးကောက်ပွဲ ကော်မရှင် ကနေပြီးတော့ ထုတ်ပြန်ထားတဲ့ ဥပဒေကြောင့်ပဲ ကျွန်တော်တို့ ထွက်ရတယ်။ သူက စည်းမျဉ်း စည်းကမ်းထဲမှာ လူတစ်ယောက်ဟာ အသက် ၁၈ နှစ် ပြည့်ပြီးရင် တခြား ကန့်သတ်ချက်တွေ မရှိရင် ပါတီဝင်လို့ ရတယ်ပေါ့နော်။ ဥပမာ မူးယစ်ဆေးဝါးနဲ့ ပတ်သက်တာတို့၊ သူပုန်နဲ့ ပတ်သက်တာတို့၊ ပြစ်ဒဏ် ကျခံ နေရတာတို့ အဲဒါကလွဲရင် ၁၈ နှစ်ပြည့်ရင် ပါတီဝင်ခွင့် ရတယ်။ နောက်ပြီးတော့ လူတစ်ယောက်ဟာ တစ်ပါတီပဲ ၀င်ခွင့်ရှိတယ်။ ဒါပြည်ထောင်စု ရွေးကောက်ပွဲ ကော်မရှင်ကနေ ထုတ်ပြန်ထားတဲ့ စည်းမျဉ်း စည်းကမ်းပဲ။ အဲဒီတော့ ကျွန်တော်တို့ဟာ တစ်ပါတီမှာပဲ ရပ်တည်လို့ ရတဲ့အတွက် နောက်ပါတီကို ပြောင်းမယ် ဆိုရင် မိခင်ပါတီကနေ ထွက်ရတယ်ပေါ့နော်။ တရားဝင်ထွက်ပြီးတော့ နောက်ပါတီကို ကူးပြောင်းရတယ်။
ရခိုင် ဒီမိုကရေစီအဖွဲ့ချုပ်နဲ့ (RNDP) နဲ့ ပေါင်းဖို့ ကြိုးစားကြတဲ့အခါ သူတို့ပါတီ နှစ်ခုစလုံး ဖျက်ပြီးတော့ပေါ့လေ ပါတီသစ် တစ်ရပ် ခေါင်းစဉ်အောက်ကနေပဲ သွားဖို့ဆိုပြီးတော့ သူတို့ လုပ်ဆောင် နေကြတယ်ပေါ့။ အန်ကယ်လ်တို့ ကျတော့ ဥပဒေအရကြောင့်သာ တစ်ပါတီ စီက တစ်ယောက်စီ ထွက်လိုက်တယ် ဆိုပေမယ့် အဲဒီမိခင် ပါတီတွေ စုဖွဲ့ထားတဲ့  NBF ရဲ့ ခေါင်းစဉ်အောက်မှာပဲ ဆိုတော့ တစ်မျိုးများ ဖြစ်နေ သလားခင်ဗျ။ ပါတီသစ်တစ်ရပ် နာမည်ပဲ တိုးလာပြီး ဒီအဖွဲ့ ဒီလူတွေပဲဆိုတော့။
NBF က ပါတီ မဟုတ်ဘူးလေ။ သူက အစုအဖွဲ့ပဲ။
ပြည်ထောင်စုရွေးကောက်ပွဲ ကော်မရှင်က ထုတ်ပြန်ထားတဲ့ ဥပဒေကလည်း  မှန်တယ်၊ မမှန်ဘူး ဆိုတာတော့ အငြင်းပွားဖွယ်ရာ ရှိတာပေါ့။ သို့သော် ဒါသည် သူက လက်ရှိ ဥပဒေတစ်ရပ် ဖြစ်နေတယ်ပေါ့လေ။ ဒီတော့ လေးစား လိုက်နာရမယ်လို့ ရှိတဲ့အခါ FUP အပေါ် ပြောကြားမှုမျိုးတွေ ရှိလားခင်ဗျ။
လက်တစ်လုံး မခြားဘူးခင်ဗျ။ NBF အမြဲတမ်း အဖွဲ့ဝင်တွေက ပါတီမ၀င်ဘူး။ သူတို့က အကြံပေးဆိုတော့ သူတို့က ပါတီမ၀င်ဘူးလေ။ ပါတီကို ၀င်တာ မဟုတ်ဘူး။ ပါတီကို အကြံပေးတာပဲ။ သူတို့က တာဝန်ရှိတဲ့ အတွက် အကြံပေးတာပဲ။ သူပါတီဝင် မဟုတ်ဘူး။ ဥပမာ USDP ကို ဘယ်သူဖြစ်ဖြစ် အကြံပေးလို့ ရတယ်။ NLD ကို ဘယ်သူဖြစ်ဖြစ် အကြံပေးလို့ ရတယ်။ ကျွန်တော်တို့ကိုလည်း FUP ကို ဘယ်သူဖြစ်ဖြစ် အကြံပေးလို့ ရတယ်။ ကျွန်တော်တို့ အပေါ်မှာရှိတဲ့ NBF က အကြံပေးပဲ။ သူ ပါတီရဲ့ FUP ထဲမှာ မဟုတ်ဘူး။ ကျွန်တော် တို့ကလည်း လိုအပ်ရင် တခြား ပါတီကို အကြံပေးလို့ ရတယ်။ အခုဆိုရင် NBF Group ထဲမှာပါတဲ့ ပါတီတွေ အားလုံးဟာ အပြန်အလှန် အကြံပေးကြတယ်။ ဒီလို သဘောပါပဲ။ အဲဒီတော့ ကျွန်တော်တို့ဟာ လက်တစ်လုံးခြား လုပ်တာတော့ မဟုတ်ဘူး။
FUP သည်မ၀င်ဘူး။ NBF ကနေ မွေးဖွားလာတဲ့ ပါတီဖြစ်တယ်။ NBF ရဲ့သားသမီးဖြစ်တယ်။ NBF က သူ့ အပေါ်မှာ အကြံအမြဲတမ်း ပေးနေတယ်။ မိဘက သားသမီးကို အကြံပေးတဲ့ သဘောပါပဲ။ FUP ဆိုတာ NBF ရဲ့သားသမီးပါပဲ။ NBF ကနေလွတ်ကင်းလို့မရဘူး။ NBF ဆိုတာပါတီမဟုတ်ဘူး။ မှတ်ပုံတင်ထားတာလည်း မဟုတ်ဘူး။ ကျွန်တော်တို့ အစုအဖွဲ့ ဖွဲ့ထားတာ။ ဥပဒေအရလည်း ရှင်းလင်းတယ်။
အန်ကယ်လ်တို့ပါတီ မှတ်ပုံတင်လို့ ပြီးသွားရင် NBF ထဲကို နောက် ပါတီသစ် ထပ်တိုးအနေနဲ့ ၀င်ဖို့ ရှိပါသလား။
ကျွန်တော်တို့က NBF က မွေးဖွားတယ်ဆိုတာ NBF Group အလိုအလျောက် ဖြစ်ပြီးသား။ နောက်ထပ် ပါလာမှာ ကတော့ ဒီနေ့ တည်ထောင်ခွင့်ကျတဲ့ လီဆူ အမျိုးသား ဖွံ့ဖြိုး တိုးတက်ရေးပါတီက ပါလာမယ်။ ပြီးခဲ့တဲ့ ၂၃ ရက်နေ့မှာကျတဲ့ ထားဝယ် တိုင်းရင်းသားများပါတီ။ သူလည်း NBF မှာ အလိုအလျောက် ပါဝင် ပြီးသား ဖြစ်သွားတာပေါ့။ သူတို့က ပါတီကျရင် NBF မှာ ၀င်ပြီးသားပါလို့ အရင်ကတည်းက ပြောထားတယ်။
တိုင်းရင်းသား နိုင်ငံရေး အစုအဖွဲ့တွေဆီမှာ ညီညွတ်သော တိုင်းရင်းသားများ မဟာမိတ်အဖွဲ့ (UNA)  လည်း ရှိနေတော့ NBF နဲ့ UNA ဆက်ဆံရေးကရော ခင်ဗျ။
တိုင်းရင်းသား နိုင်ငံရေးလိုင်းမှာ နှစ်လိုင်းရှိတယ်။  ၁၉၉၀ တုန်းက UNA ဆိုတဲ့ နိုင်ငံရေးလိုင်း၊ ၂၀၁၀ နောက်ပိုင်းမှာ ၂၀၁၀ နှင့် ၂၀၁၀ ရဲ့ နောက်ပိုင်းမှာ ပေါ်လာတဲ့ ပါတီသစ်ပေ့ါနော်။  NBF ပေ့ါ။ ၂၀၁၀ နောက်ပိုင်းမှာ ပေါ်တဲ့ ပါတီသစ် အားလုံးဟာ NBF မှာပဲ ပူးပေါင်းကြတယ်။ လိုင်းနှစ်လိုင်းပေ့ါ။ အဟောင်းလိုင်း နှင့် အသစ်လိုင်းပေ့ါ။ ဦးတည်ချက်၊ ရည်ရွယ်ချက်၊ သွားတာလည်း  တစ်ခုတည်းပဲ ရှိတယ်။ သွားတဲ့ လမ်းကြောင်း ပုံစံက မတူဘူး။ UNA ကလည်း ဦးတည်ချက် တစ်ခုတည်း။ ဖက်ဒရယ်ပဲ။ NBF ကလည်း ဖက်ဒရယ် တစ်ခုတည်းပဲ။ ပန်းတိုင်မှာတော့ သွားဆုံတယ်။ သွားမယ့် လမ်းကြောင်းချင်း မတူဘူး။ အားလုံးက တော့ တစ်ခုတည်းပါပဲ။
ရခိုင်တိုင်းရင်းသား နှစ်ပါတီဖြစ်တဲ့  ALD နှင့် RNDP မှာ RNDP က NBF ထဲမှာပါတယ်။ ALD ဆိုရင် UNA ထဲမှာ ပါတယ်။ သူတို့နှစ်ပါတီ ပေါင်းဖြစ်သွားရင် UNA နှင့် NBF ကြား သို့မဟုတ် အန်ကယ်လ်တို့ FUP မှာ ရှုပ်ထွေး နိုင်တဲ့ အလားအလာတွေ ရှိပါလား။
UNA နှင့် NBF က ဘယ်နှင့်ညာ သွားတယ်။ တစ်ယောက်က ဘယ်ဘက်နှင့် တစ်ယောက်က ညာဘက် သွားတယ်။ ဒါပဲ ကွာတာ။ နောက်ဆုံး ပန်းတိုင်က တစ်နေရာပဲ သွားဆုံတာ။ သူတို့နှင့် ကျွန်တော်တို့ ကြားမှာ ပြဿနာ ဒီနေ့အထိ မရှိဘူး။ နောက်ကို ပိုပြီးမရှိဘူး။ အားလုံးက ပန်းတိုင် အတူတူပဲ ဖြစ်တယ်။ ပေါင်းမယ့်ပါတီ ထဲမှာ ရှမ်းက အရင်စတာ။ ရှမ်းကို နှစ်ပါတီ ပေါင်းဖို့ ဖိအားပေးတာ။  ဒီအချိန်မှာ ကျွန်တော်တို့မှာ ဖိအားမရှိဘူး။ နိုင်ငံရေးအရ ဒီမိုကရေစီ နိုင်ငံဖြစ်တယ်။ တစ်ပါတီတည်း ဖြစ်ရမယ်ဆိုရင် ဒါတစ်ပါတီ စနစ်ပဲ။ ရှမ်းပြည်မှာ ကျားဖြူ တစ်ခုပဲရှိတယ်။ ကျားဖြူနိုင်ရင် ကျားဖြူက အာဏာရှင် ဖြစ်ပြီပေ့ါ။ တခြားပါတီလည်း ရှိရမယ်လေ။ ရှမ်းမှာလည်း တခြားပါတီရှိတယ်။ ကျွန်တော်တို့ လက်ခံတယ်။ ကျွန်တော်တို့က နိုင်ငံရေးအရ နောက်ထပ် ဘယ်နှပါတီပဲ ရှိရှိ အားလုံးက ရင်းရင်းနှီးနှီး လက်တွဲပူးပေါင်း ဆောင်ရွက်ဖို့ပဲ ဖြစ်တယ်ဆိုတဲ့ နိုင်ငံရေး ခံယူချက်ကို ယူတယ်။ ကျွန်တော်တို့က ပြဿနာ မရှိတော့ဘူး။
ဒုတိယဖြစ်တာက ချင်း။ ချင်းလည်း ဒီလိုပဲ ပြီးသွားပြီ။ အခုနောက်ဆုံး တတိယအကြိမ်မှာ မွန် ကျန်သေးတယ်။ လေးပါတီပေ့ါ။ ရခိုင်ကလည်း ပူးပေါင်းဖို့အားလုံး ဆုံးဖြတ်ထားပြီးပြီ။ လွှတ်တော် ကော်မရှင်ကို တင်ထားပြီ။ သူတို့ ပေါင်းကြတဲ့အတွက် ကျွန်တော်တို့ကတော့ ဂုဏ်ယူတယ်။ သူတို့မှာ ပေါင်းမှဖြစ်မယ့် အနေအထားမျိုး ရှိတယ်။ ဒါကြောင့် သူတို့မှာ ဘယ်လို ပေါ်လစီပဲရှိရှိ ပေါင်းရတော့မယ်။ မကြာခင် မွန်လည်း ပေါင်းကြလိမ့်မယ်။ မွန်က ၂၀၁၄ ဒီဇင်ဘာမှာ ပေါင်းကိုပေါင်းမယ်လို့ သူတို့ ဆုံးဖြတ်ချက် ချပြီးသားပဲ။
ပေါင်းတဲ့နေရာမှာ UNA နှင့် NBF မှာ ဘယ်လို ဖြစ်လာမလဲ ဆိုရင် ကျွန်တော်တို့ ဒီနှစ်ဖွဲ့ကတော့ ဘာမှ ပြဿနာ မရှိကြဘူး။ လက်ရှိ ပေါင်းစည်းတဲ့ အသစ်ဖြစ်လာတဲ့ ပါတီရဲ့ ပေါ်လစီပေါ် မူတည်တယ်။ သူတို့ ပေါ်လစီက UNA ဘက်ကို ယိမ်းသလား။ NBF ကိုယိမ်းသလား။ သူတို့ပေါ်လစီနှင့် ဆိုင်တယ်။ ထွက်လာတဲ့ ပါတီသစ်ရဲ့ ပေါ်လစီပေါ် မူတည်ပြီး သူတို့ သင့်တော်တဲ့ဘက်ကို သူတို့ယိမ်းမယ်။ ဘာမှပြဿနာမရှိဘူး။
ပါတီသစ်တစ်ခု ထူထောင်မယ်ဆိုရင် ပြည်သူလူထုကို အရင်ဆုံး အသိပေးရမယ်ဆိုတဲ့ ပါတီရဲ့ မူဝါဒ၊ ပေါ်လစီ၊ တွေလည်း ပြောပြ ပေးပါဦးခင်ဗျ။
သတ်သတ်မှတ်မှတ် အတိုချုပ်ပဲ ပြောပါမယ်။ နံပါတ်တစ်က ကျွန်တော်တို့ နိုင်ငံဟာ ပြည်ထောင်စု စစ်စစ် အနေအထားကို မရောက် သေးဘူး။ ပြည်ထောင်စုလို့ ခံယူထားတဲ့ နိုင်ငံဟာ ပြည်နယ်တွေ အများကြီး ပေါင်းစု ထားတာ ဖြစ်တယ်။ ဖက်ဒရယ် ပြည်ထောင်စု အားလုံးဟာ သူ့ပြည်နယ်၊ ကိုယ့်ပြည်နယ်၊ ကိုယ့်ဒေသ၊ ကိုယ့်ဒေသ၊ ကိုယ်ပိုင် အုပ်ချုပ်ခွင့်နှင့် ကိုယ်နေရာမှာ ကိုယ့်ကံကြမ္မာကို ဖန်တီးပိုင်ခွင့် ရှိတယ်။ အဒီနေရာက အားလုံး ပေါင်းစည်းပြီးတော့ နောက်ဆုံး အကုန်လုံး စည်းလုံး ညီညွတ်စွာနှင့် နေတဲ့ အနေအထား ရှိတယ်။
မြန်မာပြည်ကလည်း ဒီအတိုင်းပါပဲ။ သူ့နယ်နဲ့သူ၊ သူ့အကန့်နှင့် သူ့ကိုယ်ပိုင် အုပ်ချုပ်လာတာ။ အဲဒါကို လွတ်လပ်ရေးရပြီး စုလိုက်တယ်။ ပြည်ထောင်စု ဖြစ်လာတယ်။ အခု ကျွန်တော့် သက်တမ်း ၅၈နှစ်မှာ ပြည်ထောင်စု နာမည်ပဲ ဖြစ်သေးတယ်။ ကျွန်တော်တို့က ပြည်ထောင်စုဆိုတဲ့ နာမည်ကို ကြိုက်တယ်။ ဒါပေမဲ့ ဖက်ဒရယ် ပြည်ထောင်စု ဖြစ်အောင် ဒီပါတီတွေက အစွမ်းကုန် ကြိုးစားမယ်။
အဲဒီမှာ အရေးကြီး အချက်တစ်ချက်က ပါတီ တည်ထောင်ခွင့်တွေ တင်တဲ့အခါမှာ မူဝါဒတွေ၊ ပါတီနာမည်တွေပါ တင်ရတာဆိုတော့ ဦးနေ၀င်းကနေစပြီး အမည်ပျက်စာရင်း သွင်းလိုက်တဲ့ ဒီဖက်ဒရယ် ဆိုတာကို အဆက်ဆက် လက်မခံတဲ့သူတွေပဲ အခုအချိန်ထိ ကြီးစိုးဆဲ ဖြစ်သလို၊ သူတို့ စစ်အုပ်စု အတွင်းမှာလည်း ဖက်ဒရယ်နှင့် ပတ်သက်ပြီး သဘောမညီမှုလေးတွေ တွေ့လာရတဲ့ အခုလို အချိန်မှာ အရင်က စစ်ဗိုလ်ချုပ်ကြီးဟောင်း၊ ဦးပိုင် ဥက္ကဋ္ဌဟောင်း ဖြစ်တဲ့ ဦးတင်အေး ဦးဆောင်တဲ့ ကော်မရှင်က အန်ကယ်လ်တို့ ပါတီရဲ့ အမည်နဲ့ မူဝါဒတွေကို ခွင့်ပြု လိုက်တယ်ဆိုတာက မြန်မာ့နိုင်ငံရေးရဲ့ ထူးခြားမှု တစ်ခုလည်း ဖြစ်နေတော့ အဲဒီအပေါ်မှာ အန်ကယ့်လ် အမြင်လေး ပြောပြပေးပါဦး။
ဖက်ဒရယ်ဆိုတဲ့ စကားကို တရားဝင်သုံးတာ ကျွန်တော်တို့ NBF ကဖြစ်ပါတယ်။ ဘယ်သူတွေ ဘယ်လိုပဲ ပြောပြော စာရွက်၊ စာမျက်နှာ တင်ပြီးတော့ လုပ်တဲ့ အဖွဲ့အစည်း မရှိသေးဘူး မြန်မာပြည်မှာ။ ကျွန်တော်တို့ NBF ကနေ ဖက်ဒရယ် ပြည်ထောင်စု ဖြစ်ရမယ်ဆိုတာ နဂိုတည်းက NBF အဖွဲ့ဝင်အားလုံး၊ ပါတီအားလုံးက ကျွန်တော်တို့ နိုင်ငံဟာ မကြာသော ကာလမှာ ဖက်ဒရယ် နိုင်ငံဖြစ်ရမယ်။ အဲဒါကို ကျွန်တော်တို့ အဓိက ဦးတည်ပါတယ်။ ငြိမ်းချမ်းရေး ရချင်ရင် ကျွန်တော်တို့က ဖက်ဒရယ် ပြည်ထောင်စုကို လုပ်ရမယ်။ ဒါကြောင့် မို့လို့ ကျွန်တော်တို့က Federal Union Party ဆိုပြီးတော့ ပထမဦးဆုံး မြန်မာပြည်မှာ တရားဝင်စာနဲ့ စာရွက် မျက်နှာပေါ် တင်ခြင်းဖြစ်တယ်။ ဖက်ဒရယ်ဆိုတဲ့ ဥစ္စာကိုလည်း အခုအချိန်မှာတော့ လက်ရှိ နိုင်ငံတော် အကြီးအကဲ တော်တော်များများတွေရော ပြည်တွင်းမှာရှိတဲ့ ပြည်သူ အားလုံးကလည်း ဖက်ဒရယ် ဆိုတာကို နားလည် လာပြီလို့ ကျွန်တော် သုံးသပ်တယ်။ ထင်ရတယ် ပေါ့နော်။ အရင်တုန်းကဆိုရင် မဆလခေတ် တစ်လျှောက်လုံးမှာ ဖက်ဒရယ်လို့ ပြောတဲ့အတွက် အာဏာသိမ်းလိုက်တယ်။ အဲဒီတုန်းကတော့ အဲဒီတုန်းက နိုင်ငံရေး အခြေအနေအရ ဖက်ဒရယ်ကို လက်မခံခဲ့ဘူး။ အဲဒီ လက်မခံခဲ့တဲ့ စနစ်ဟာ ကျွန်တော်တို့ ခေါင်းထဲမှာ စွဲလာတာ အခု ဒီမိုကရေစီ နိုင်ငံစပြီးတော့ ပြောင်းလဲတဲ့ အချိန်အထိ ဖက်ဒရယ်ဆိုတာကို အားလုံးက ခွဲထွက်ရေး လမ်းစဉ်လားဆိုတဲ့ အယူစွဲတာကို မနည်းကြီး ပျောက်အောင် ကုစားလိုက်နိုင်ပြီမို့ အခု အစိုးရဟာ ဖက်ဒရယ် ဆိုတာကို ကောင်းကောင်း နားလည်ပြီးတော့ ကျွန်တော်တို့ကို လက်ခံခြင်း ဖြစ်တယ်။ အမှန်ဆိုရင် ဖက်ဒရယ်ဆိုတဲ့ စကားဟာ ထွက်လို့တောင် မရဘူးလေ။ အဲဒီတော့ အခုက ဖက်ဒရယ်ဆိုတာ အား လုံးနဲ့ သက်ဆိုင်တယ်၊ အစိုးရကလည်း ဖက်ဒရယ်နဲ့ သက်ဆိုင်တယ်၊ ပြည်သူအားလုံးလည်း ဖက်ဒရယ်နဲ့ သက်ဆိုင်တယ်လို့ ခံယူချက် ပြောင်းလာတဲ့ အချိန်မှာ ကျွန်တော်တို့ ပါတီကိုချခြင်း ဖြစ်တယ်။ နို့မဟုတ်ရင် ကျွန်တော်တို့ ပါတီက မျှော်လင့်ချက် မရှိပါဘူး။ ပါတီ တည်ထောင်ခွင့်တောင် ကျပါ့မလားလို့တောင် ထင်မိတယ်။
Credit To The Myanmar Herald
Read More »

ပြည်ခိုင်ဖြိုးပါတီ ပြည်နယ်လွှတ်တော်ကိုယ်စားလှယ် ဦးစိန်မြင့်နှင့် တွေ့ဆုံခြင်း – လင်းယုန်


““တပ်မတော်က ပေါက်ဖွားလာတဲ့ ပါတီဆိုတာကို ပြည်သူလူထုက စွဲနေတယ် အဲဒီအစွဲကို မချွတ်နိုင်သရွေ့ ရွေးကောက်ပွဲ မနိုင်နိုင်ဘူး”

၂၀၁၂ အတွေ့အကြုံအရ ကျွန်တော်တို့ ရွေးကောက်ပွဲမတိုင်ခင်မှာ စည်းရုံးရေးဆင်းတယ်။ တစ်ရက်နှစ်ရက် အလိုအထိဆင်းတယ်။ ပထမတစ်ရက် ရေဘူးတွေပေး၊ ၀င်ထွက်သွားလာ ရင်းရင်းနှီးနှီး ပဲ။ ဒုတိယတစ်ရက် ရင်းရင်းနှီးနှီးပဲ။ ဒါပေမဲ့ ရွေးကောက်ပွဲ မတိုင်ခင်တစ်ရက်မှာ လူတွေ ပုံစံ ပြောင်းသွားတယ် . . .
 အစိုးရ၀န်ထမ်း အကြီးအကဲဘ၀မှပင် စတင်၍ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်းကြီးတွင် ပါဝင်ခဲ့ကာ ပါတီသို့ အကူးအပြောင်းတွင် မွန်ပြည်နယ်လွှတ်တော် ကိုယ်စားလှယ်အဖြစ် ပါတီတာဝန်ရှိသူများ၏ ရွေးချယ် တာဝန်ပေးအပ်ခြင်း ခံရသည့် မွန်ပြည်နယ်၊ ကျိုက်ထိုမြို့နယ်၊  ပါတီနာယက၊ ပြည်နယ်အရန် အလုပ်အမှုဆောင်၊ ကျိုက်ထို မဲဆန္ဒနယ် ပြည်နယ် လွှတ်တော်ကိုယ်စားလှယ် ဦးစိန်မြင့်၏ ပါတီအပေါ် သစ္စာရှိသော စိတ်ဖြင့် လိုအပ်ချက်၊ အားနည်းချက်များကို ရှုမြင် သုံးသပ်မှုများသည် လူထုနှင့် နီးကပ်လျက် ရှိသည့် ပါတီဝင် တစ်ဦး၏ အကြံပြုချက်များအဖြစ် လက်ရှိ ပြည်ခိုင်ဖြိုးပါတီ ဗဟိုတာဝန်ရှိသူသာမက မြန်မာ့နိုင်ငံရေး စိတ်ဝင်စားသူများ အနေဖြင့် ထည့်သွင်း စဉ်းစားသင့်လှ၍ ဖော်ပြလိုက်ရပါသည်။
အန်ကယ်က ပြည်ခိုင်ဖြိုးအသင်း ဘ၀ကနေပြီး ပါတီပြောင်းတဲ့အထိ ပါခဲ့တယ် လို့ သိထားတယ်ခင်ဗျ။
ကျွန်တော်က အသင်းထဲက ပါခဲ့တယ်ပေါ့နော်။ ကျွန်တော်က ပြည်ခိုင်ဖြိုးစပြီးတော့ တည်ထောင်တဲ့ အချိန်တည်းက ပါခဲ့တာ။ ပြည်ခိုင်ဖြိုး စပြီးတော့ တည်ထောင်တည်းက  ကျွန်တော် မန္တလေးမှာပေါ့ဗျာ စပြီးတော့ ပါခဲ့တာ။ အဲဒီတုန်းက ကျွန်တော်တို့က အရာထမ်းပေါ့ဗျာ။ အရာထမ်း ဆိုတော့ တိုက်ရိုက်လှုပ်ရှားမှု မရှိပေမယ့် သွယ်ဝိုက်တဲ့ လှုပ်ရှားမှု ရှိခဲ့တယ်။ ကျွန်တော်တို့က အသင်းဆိုတော့ လူမှုရေးတွေ ဆောင်ရွက်တဲ့ အသင်းမို့ ကျွန်တော် ပါခဲ့တယ်ပေါ့ဗျာ။ နောက်မန္တလေးကနေ ဒီကို ပြောင်းလာတော့လည်း ပြည်နယ်ပြည်ခိုင် ဖြိုးနဲ့ ဆက်သွယ်ပြီးတော့ အသင်းမှာ ကျိုက်ထိုမြို့နယ်မှာ မြို့နယ်နာယက တစ်ယောက်အနေနဲ့ အသင်း နာယက အနေနဲ့ ကျွန်တော် လှုပ်ရှားခဲ့တယ်။ အဲဒီတည်းက ကျွန်တော် ပြည်နယ် အရန် အလုပ်အမှုဆောင်ပေါ့။ အသင်းဘ၀တည်းက ကျွန်တော့် ပြည်ခိုင်ဖြိုးအသင်းရဲ့ နံပါတ်ဆိုရင် မန္တလေးမှာ ကျွန်တော် ရာဂဏန်းရှိတယ်။ ၉၀၀ ကျော်လေ။ …
ကျွန်တော် မွန်ပြည်နယ်ကို ပြောင်းလာတော့လည်း ကျွန်တော် လှုပ်ရှားတာပဲ။ ကျိုက်ထိုမြို့နယ်မှာ တော်တော် များများ လုပ်ခဲ့တယ်။ ပြည်နယ် အရန်အလုပ်အမှုဆောင်နဲ့ လုပ်ခဲ့တာ။ နောက်ရွေးကောက်ပွဲ မတိုင်မီ ပါတီ ဖွဲ့တော့ ကျွန်တော်လည်း ပင်စင်သွားတာနဲ့ ပါတီထဲ ဆက်ပါပြီးတော့ ရွေးကောက်ပွဲဝင် ဖြစ်သွားတာပေါ့ဗျာ။ ကျွန်တော့် ဇာတိမြို့ပေါ့။
ရွေးကောက်ပွဲဝင်ဖြစ်တာက အပေါ်က တာဝန်ရှိသူတွေက နေပြီးတော့ ရွေးကောက်ပွဲ ၀င်ရမယ်ဆိုလို့ ၀င်တာလား၊ အန်ကယ့်အနေနဲ့ ကိုယ့်သဘောနဲ့ကိုယ် ဆန္ဒပြုပြီးတော့ ၀င်တာလား။
နှစ်ပိုင်းရှိတယ်၊ တစ်ပိုင်းက ကျွန်တော့်မွေးရပ်မြေ၊ ကျိုက်ထိုပေါ့၊ အဲဒီအနေနဲ့ဝင်တော့ တစ်ပိုင်းက ကျွန်တော့် မွေးရပ်မြေ တိုးတက်ရာ တိုးတက်ကြောင်း ဆောင်ရွက် ချင်လို့ပေါ့။ နောက်ပြီးတော့ ကျွန်တော့်ကို ပြည်ခိုင်ဖြိုး လူကြီးတွေကလည်း သဘောကျတာပေါ့ဗျာ။ ကျွန်တော်က ကျိုက်ထိုမြို့မှာ လူမှုရေးတွေ တော်တော်လေးကို ဆောင်ရွက်ထားတယ်။ အဓိကကတော့ ကျေးရွာတွေမှာ ကျေးလက် စာကြည့်တိုက်တွေ ၁၂ တိုက်လောက် ကျွန်တော့် ပိုက်ဆံနဲ့ ကျွန်တော် လိုက်ဖွင့်ထားတယ်။ နောက်ပြီးတော့ ကျိုက်ထိုမြို့နယ်မှာ ဘုန်းကြီးကျောင်း ပညာရေးပေါ့၊ ကျွန်တော်က ဆိပ်ဖြူတောင် ပရဟိတဂေဟာရဲ့ နာယကပေါ့။ အခုလည်း ကျွန်တော် နာယကပါပဲ။ အဲဒီမှာဆို မိဘမဲ့ ကလေး ၇၀၀ လောက် ရှိတယ်။ ဆရာတော်နဲ့လည်း ကျွန်တော်က ဒကာဆရာရင်း ဆိုတော့ မိဘမဲ့ကလေး ကျောင်းတွေပေါ့ ကျွန်တော် တော်တော် လေးကို ကူညီခဲ့တယ်။ အဲဒီတော့ ကျိုက်ထိုမြို့ တစ်မြို့လုံးရဲ့ ဘုန်းတော်ကြီးသင် ပညာရေးကျောင်းတွေရဲ့ နာယကကြီး တစ်ယောက် လိုပဲ ကျွန်တော် ဆောင်ရွက်ခဲ့တယ်။ ဒါကြောင့်မို့ နယ်လူထုကလည်း လက်ခံတယ်ပေါ့။ အထူးသဖြင့် မြို့နဲ့ စာရင် ကျေးလက် လူထုတွေဟာ ပိုလက်ခံတယ်။
ပြည်သူ့လွှတ်တော်၊ အမျိုးသားလွှတ်တော် မဟုတ်ဘဲနဲ့ ပြည်နယ် လွှတ်တော်ကိုပဲ ၀င်ရောက်ခဲ့တာ ဘာကြောင့် များလဲခင်ဗျ။
အဲဒါကတော့ ကျွန်တော် ကိုယ်တိုင်က ရွေးတာပါ။ ကျွန်တော်တို့က ကိုယ့်ရဲ့ဘ၀ အခြေအနေအရပေါ့ ပင်စင်စား၊ နောက်တစ်ခုက အမျိုးသား လွှတ်တော်တို့၊ ပြည်သူ့ လွှတ်တော်တို့ဆိုရင် နေပြည်တော်ကို သွားရမယ်၊ အချိန်ဖြုန်းရမယ်ပေါ့။ ကျွန်တော်ကတော့ အများအားဖြင့် ကိုယ့်ရပ် ကိုယ့်ရွာ လူထုတွေနဲ့ အထူးသဖြင့် ကျေးလက်လူထုပေါ့။ ကျွန်တော့် မဲဆန္ဒနယ်က ရွာတွေများတာ။ ထိတွေ့ချင်တယ်။ သူတို့ နဲ့ပတ်သက်တဲ့ အသိပညာတွေ ပေးချင်တယ်။ အထူးသဖြင့် မြန်မာပြည်ရဲ့ လူဦးရေ ၇၀ ရာခိုင်နှုန်းက ကျေးလက်မှာကိုး။ သူတို့ရဲ့ ဘ၀တွေ မြှင့်တင်ဖို့ပေါ့။ ကျွန်တော်တို့ရဲ့ ဘ၀ အတွေ့အကြုံတွေ၊ ကျွန်တော်တို့ရဲ့ အသိပညာလေးတွေ မျှဝေစေချင်တာပေါ့။ အဲဒါကြောင့် ကျွန်တော်က ပြည်နယ်ထဲမှာပဲ နေလိုက်တာ။
လွှတ်တော် ကိုယ်စားလှယ် တစ်ယောက်အဖြစ် ရွေးချယ်ခံရပြီးတဲ့ အခါမှာ အန်ကယ်ခုနပြောခဲ့တဲ့ ရည်မှန်းချက်တွေ ပေါ့လေ ကျေးရွာလူထုအတွက် လုပ်ပေးချင်တဲ့ ကိစ္စတွေ ဘယ်လောက်အထိ အကောင်အထည် ဖော်နိုင်ခဲ့လဲ ခင်ဗျ။
ဘယ်လောက်ထိလဲ ဆိုတော့ အခြေအနေ ပေးသလောက် ကျွန်တော် အကောင်အထည် ဖော်နိုင်ခဲ့တယ်။ ကျွန်တော်တို့ လွှတ်တော် ကိုယ်စားလှယ် တစ်ယောက်အနေနဲ့ အခြေအနေပေးမှုပေါ့။
ကျွန်တော်တို့နိုင်ငံဟာ ကျွန်တော်တို့ အတွေ့အကြုံရ ပြောရရင်တော့ အရင် လက်ထက်တွေတုန်းက မိတ်ဆွေ တစ်ယောက်နဲ့ ဆွေးနွေးဖူးတယ်။ တိုင်းပြည်အနေဟာ သုညအောက်ကို ရောက်သွားတယ်။ အပေါ်ရောက်ဖို့ နေနေသာသာ သုညအောက်ကနေ တက်ဖို့ မနည်းဆွဲတင်ရတယ်။ တစ်တိုင်းပြည်လုံး အရွေ့နည်းတာပေ့ါ။ ကျွန်တော်က ဘာနဲ့ တိုင်းတာလဲဆိုတော့ ကျွန်တော်တို့ မြို့ပြနဲ့ မတိုင်းတာဘူး။  လူတန်းစား ၇၀ ရာခိုင်နှုန်း ကျေးလက်နဲ့ တိုင်းတာတယ်။ လမ်းနှင့်လျှပ်စစ်မီးတွေ ထိုက်သင့်လျောက်ပတ်အောင် ကောင်းမယ်ဆိုပေမယ့် ပညာရေး၊ ကျန်းမာရေး၊ လူမှုရေးမှာ အရွေ့နည်းသေးတယ်။ နောက်စီးပွားရေးပေ့ါ။ မခိုင်မာသေးဘူး။ ရန်ကုန် မြို့ကြီးမှာ ကားတွေ မြောက်မြားစွာ သွားလာနိုင်ပေမယ့် ကျေးလက်တွေရဲ့ လျှပ်စစ်မီး ၊ ရပ်တည်မှု စီးပွားရေး တွေက မခိုင်မာသေးဘူး။ အဲဒါနဲ့ တိုင်းတာရင်တော့ အရွေ့ နည်းသေးတယ်လို့ ထင်တယ်။
ကျေးလက်နေ ပြည်သူတွေရဲ့ ပညာရေး၊ ကျန်းမာရေး၊ လူမှုရေး အခြေအနေတွေပေါ်မှာ ပြည်နယ်အစိုးရက ဘယ်လောက်ထိ အကောင်အထည် ဖော်ပေးနိုင်တယ်လို့ မြင်လဲခင်ဗျ။
သူတို့လည်း တတ်နိုင်သလောက် လုပ်တာပဲ။ လုပ်နေတယ်။ ဒါပေမဲ့ အရင် အဟောင်းတွေရဲ့ အကြွေးတွေပေ့ါ။ ဥပမာ ကျောင်းတွေ အရင်တုန်းက ပညာရေး၊ ကျန်းမာရေး ဘတ်ဂျက်ဟာ ရာခိုင်နှုန်းတွေ နည်းနေတယ်။ အခု ရာခိုင်နှုန်း များလာတော့ အရင် လိုအပ်ချက်တွေကို အခုထိ လိုက်ဖြည့်ဆည်း ပေးနေရတယ်။ ၂၀၁၃- ၂၀၁၄ ဘတ်ဂျက် ပညာရေးကို တော်တော်ကို ကျောင်းတွေ ချပေးတယ်။ ဒါပေမဲ့ အဟောင်းတွေက ရှိသေးတော့ ဒီနေ့ ထိကို မပြည့်စုံ မလုံလောက်သေးဘူး။
ပြည်နယ် လွှတ်တော်က အစိုးရအဖွဲ့အပေါ် ထိန်းကျောင်းနိုင်မှု အနေအထားက ဘယ်လိုများ ရှိပါသလဲ။
ကျွန်တော်တို့ကတော့ ထိန်းကျောင်းဖို့ မူကြီးကို ကိုင်တာပဲ။ လွှတ်တော် ဥက္ကဋ္ဌကြီးကလည်း အပြန်အလှန် ထိန်းကျောင်းမှု ပြောတာပဲ။ မွန်ပြည်နယ် လွှတ်တော်ကလည်း ဒီနေ့ တစ်ခုပြောရရင် တစ်မြို့နယ်နဲ့ တစ်မြို့နယ် မတူဘူးဗျ။ ဆယ်မြို့နယ်မှာ လွှတ်တော် ကိုယ်စားလှယ် ၃၁ ယောက်ပဲရှိတယ်။ အဲဒီမှာ တပ်မတော်သား လွှတ်တော် ကိုယ်စားလှယ်က ၈ ယောက်။ ဥက္ကဋ္ဌ နှင့် ဒုဥက္ကဋ္ဌမှ လွှတ်တော် ကိုယ်စားလှယ် ၉ယောက်ပဲ ရှိတယ်။ ၀န်ကြီးတွေရဲ့ လွှတ်တော် ကိုယ်စားလှယ်ဆိုတော့ ပြောရရင် ၀န်ကြီး အရေအတွက်ထက်ကို ကျွန်တော်တို့က နည်းတယ်။ ဒီ ၉ယောက်နဲ့ ဒုဥက္ကဋ္ဌ၊ ဥက္ကဋ္ဌကတော့ ထိန်းကျောင်းမှုကိုတော့ ရအောင်တော့ ကြိုးစားတယ်။ ကျွန်တော်တို့ တတ်နိုင်သလောက် အမုန်းခံပြီးတော့ ပြောတယ်။ ထောက်ပြတယ်။ ညှိနှိုင်းတယ်။ လွှတ်တော် အစည်းအဝေးမှာ ကျွန်တော်တို့ မေးခွန်းတွေ မေးတယ်။ ပြည်သူလူထုအတွက် ကျွန်တော်တို့ တွေဟာ မေးထားတယ်။ အစိုးရအဖွဲ့အနေနဲ့ ဖြည်းဆည်း နိုင်တာလည်း ရှိတယ်။ တချို့ မနှစ်သက်တာလည်း ရှိတယ်။ အပြန်အလှန် ထိန်းကျောင်းမှုနဲ့ ညှိနှိုင်းလုပ်ကြတာပဲ။
ပြည်သူလူထုနဲ့ ဆက်ဆံနေရတဲ့ လွှတ်တော် ကိုယ်စားလှယ် တစ်ယောက်အနေနဲ့ ကိုယ့်ပါတီအပေါ် ဘယ်လို ပြန်သုံးသပ်မိပါသလဲ။ ပြည်သူအနေနဲ့ ကိုယ့်ပါတီအပေါ်မှာ ဘယ်လို သဘောထားရှိတယ်လို့ သုံးသပ်မိပါသလဲ။
၂၀၁၂ ရွေးကောက်ပွဲ ကြားဖြတ် ရွေးကောက်ပွဲမှာ ရှုံးသွားတယ်။ ကျွန်တော်လည်း မုန်းချင် မုန်းပါစေဆိုပြီး တင်ပြခဲ့တယ်။ ပြည်သူတွေက နှစ်ပေါင်းများစွာ ဆင်းရဲဒုက္ခတောထဲမှာ နေခဲ့ရတာ။ အဲဒီတော့ သူတို့က အခွင့်အရေး လိုချင်တယ်။ အမေရိကန်မှာလည်း အိုဘားမား နိုင်သွားတယ်။ Change ဆိုတဲ့ စကားလုံးတစ်လုံး နဲ့နိုင်သွားတာ။ သူတို့က Change ဖြစ်မှာကို အများကြီး မျှော်လင့်တာ။ သူတို့ဆန္ဒကို အမျိုးမျိုး ဖိနှိပ်ချုပ်ချယ် ခံခဲ့ရတယ်။ သူတို့ရဲ့ဆန္ဒကို လျှို့ဝှက် ထားတာပဲရှိတယ်။ ဘယ်တော့မှ ထုတ်မပြောဘူး။ ရွေးကောက်ပွဲ မဲပုံးရှေ့ ကျမှပဲ ထုတ်ပြောမယ်။ လက်ခံတယ် လက်မခံဘူးဆိုတာ ပြောဖို့က အရမ်းစောပါသေးတယ်။ ပြည်သူလူထုကို အထင်သေးလို့မရဘူး။
ပြီးခဲ့တဲ့ ၂၀၁၂ ရွေးကောက်ပွဲက ပြည်သူလူထုရဲ့ သဘောဆန္ဒကို ပြည်ခိုင်ဖြိုး ပါတီအပေါ်မှာ ထားတဲ့ သဘောထားကို ပြသလိုက်တယ်လို့ အန်ကယ် ထင်မြင်မိပါသလားခင်ဗျ။
ရာခိုင်နှုန်း တော်တော်များများ မှန်တယ်။ ဒါပေမဲ့ ၂၀၁၂ ကြားဖြတ်နှင့် ၂၀၁၅ ကြားထဲမှာ သုံးနှစ်ကာလရှိတယ်။ သုံးနှစ်ကာလထဲမှာ ပြည်ခိုင်ဖြိုးပါတီကလည်း သူတို့ရဲ့ ပြင်ဆင်မှုတွေ အများကြီး လုပ်လာတယ်။ ပြင်ဆင်မှု တွေကို ပြည်သူလူထုက လက်ခံမလား။ လက်မခံဘူးလား ဆိုတာလည်း ပြောလို့မရဘူး။ ၂၀၁၂ အတွေ့အကြုံ အရ ကျွန်တော်တို့ ရွေးကောက်ပွဲ မတိုင်ခင်မှာ စည်းရုံးရေး ဆင်းတယ်။ တစ်ရက်နှစ်ရက် အလိုအထိ ဆင်းတယ်။ ပထမတစ်ရက် ရေဘူးတွေပေး ၀င်ထွက် သွားလာ ရင်းရင်းနှီးနှီးပဲ။ ဒုတိယ တစ်ရက် ရင်းရင်း နှီးနှီးပဲ။ ဒါပေမဲ့ ရွေးကောက်ပွဲ မတိုင်ခင် တစ်ရက်မှာ  လူတွေပုံစံ ပြောင်းသွားတယ်။ လက်မခံဘူး။ နက်ဖြန် မဲရွေးမယ်။ ပြည်သူလူထုကို လျှော့တွက်တာ။ လုံးဝ လျှော့တွက်လို့ မရဘူး။ ကျွန်တော်တို့ ဘယ်လောက်ထိ လုပ်ပေးခဲ့လဲ ဆိုရင် ရွာတစ်ရွာ မီးလင်းရေးအတွက် နက်ဖြန်ရွေးကောက်ပွဲ။ ဒီနေ့မှာ ထရမ်စဖော်မာ တစ်လုံး ရွာထိပ်ပို့တယ်။ တစ်ရွာလုံး သောင်းသောင်းဖြဖြ ထွက်ကြိုတယ်။ ၀မ်းသား အားရ လက်ခုပ်တီးတယ်။ ဒါပေမဲ့ နောက်နေ့ မဲပေးတော့ ရှုံးတယ်ဗျ။ ပြည်ခိုင်ဖြိုး။ ဘယ်လိုမှ တွက်လို့မရဘူး။
မဲပေးလို့ပြီးတော့ ကျွန်တော်ရွာကို သွားပြီးတော့ မေးတယ်။ ညီလေး မင်း ဘယ်ပါတီကို မဲပေးခဲ့လဲ။ ကျွန်တော် ဒေါင်းကို ထည့်ခဲ့တယ်။ ဘာဖြစ်လို့ ထည့်တာလဲ။ ဘာတွေကောင်းလို့လဲ။
ကျွန်တော်ကြိုက်လို့ထည့်ခဲ့တာ။ ဒါ တစ်ခွန်းပဲပြောတယ်။ ပြည်သူလူထုနဲ့ အနီးစပ်ဆုံးနေပြီးတော့ ပြည်သူ လူထုရဲ့ ဆန္ဒအမှန်စိတ်ကို ဖတ်တတ်ဖို့လိုပြီ။ ဖတ်တတ်ရင်တော့ အဖြေနဲ့ အနီးဆုံးတွေ့မယ်။
အဲဒီလိုဖြစ်ဖို့ အန်ကယ်တို့ ပြည်ခိုင်ဖြိုးက ဘာတွေလုပ်ဖို့ လိုအပ်နေလဲ။
ပြည်သူလူထုနှင့် တစ်သားတည်းဖြစ်ဖို့၊ သူတို့ရဲ့လေးစားမှုရှိဖို့၊ သူတို့ ဆွဲဆောင်နိုင်ဖို့ ပင်ကို အရည်အသွေးတွေ အများကြီးလိုတယ်။ ကိုယ်ကျိုးစီးပွား မရှာဖို့လိုတယ်။ ကိုယ့်ကိုယ်ကိုယ် သန့်ရှင်းနေရမယ်။ ပြည်သူ လူထုအတွက် လိုအပ်ချက်တွေကို အမြဲဦးစားပေးပြီးတော့ တစ်သားတည်း လုပ်နေရမယ်။ အထူးသဖြင့် သူတို့ရဲ့ အာရုံထဲမှာ လွှမ်းမိုးနိုင်ရမယ်။ သူတို့ကို အများကြီး ဖြည့်ဆည်းပေးနိုင်ရမယ်။ သူတို့ကို စေတနာ ရှိတယ်။ ဆန္ဒရှိတယ်။ ရိုးသား ဖြောင့်မတ်တယ်။ ဖြူစင်တယ်ဆိုရင် ကိုယ့်ဘက်ကို အလိုလို ရောက်လာ လိမ့်မယ်။
အခုအန်ကယ်ပြောတဲ့ အချက်တွေကို ပြည်ခိုင်ဖြိုးပါတီမှာ ဗဟိုထိပ်ပိုင်းက ခေါင်းဆောင်တွေ အပါအ၀င် ပါတီဝင်တွေ လုပ်ဆောင်နေကြပြီလို့ မြင်ပါသလားခင်ဗျ။
လုပ်ဆောင်နေတာတော့ အများစုပဲ ဒါပေမဲ့ ပြည်ခိုင်ဖြိုးပါတီမှာ အရိပ်ကြီး ရှိနေတာ။ အဲဒီအရိပ်ကြီးကို ပယ်ဖျက်နိုင်ဖို့ လိုတယ်။ ရှင်းရှင်းပြောရရင် ဒါ ကျွန်တော် တစ်ယောက်တည်း အနေနဲ့ ပြောတာ မဟုတ်ဘူး ကျွန်တော့်ထက် ကြီးမြင့်တဲ့ လူကြီးတွေ ပြောတဲ့စကား။ ပြည်ခိုင်ဖြိုးပါတီရဲ့ အရိပ်ကြီးကတော့ တပ်မတော်က ပေါက်ဖွားလာတဲ့ ပါတီဆိုတာကို ပြည်သူလူထုက စွဲနေတယ်။ အဲဒီအစွဲကို မချွတ်နိုင်သရွေ့ ရွေးကောက်ပွဲ မနိုင်နိုင်ဘူး။
လက်ရှိ မွန်ပြည်နယ်မှာ ပြည်ခိုင်ဖြိုးပါတီအနေနဲ့ ၀န်ကြီးအဖွဲ့တွေ၊ အစိုးရအဖွဲ့ တွေထဲမှာလည်း ပြည်ခိုင်ဖြိုး ပါတီဟာ အများဆုံး ပါဝင်နေတယ်၊ ၀န်ကြီးချုပ် ကိုယ်တိုင်ကလည်း ပြည်ခိုင်ဖြိုးပါတီက ဖြစ်နေတယ်။ လွှတ်တော် ဥက္ကဋ္ဌ ဆိုရင်လည်း ပြည်ခိုင်ဖြိုးပါတီက၊ လွှတ်တော်ထဲမှာ ဆိုရင်လည်း ကိုယ်စားလှယ် အများစုကလည်း ပြည်ခိုင်ဖြိုး ပါတီကပဲလေ။ ပြီးတော့ ခုန အန်ကယ်ပြောသလို ၂၅ ရာခိုင်နှုန်းဆိုတဲ့ လွှတ်တော် ကိုယ်စားလှယ်တွေ ဆိုတာလည်း ပြည်ခိုင်ဖြိုး ပေါက်ဖွားခဲ့တဲ့ တပ်မတော်က ဖြစ်နေတဲ့ အခါကျတော့ ပြည်ခိုင်ဖြိုး ပါတီအနေနဲ့ ပြည်သူတွေအတွက် တခြားပါတီတွေနဲ့ ယှဉ်ပြီးတော့ အားသာချက်အနေနဲ့ ဘာတွေများ လုပ်ဆောင်နိုင်စွမ်းတွေ ရှိလဲခင်ဗျ။
ရှိတယ်၊ ဘာဖြစ်လို့လဲဆိုတော့ လုပ်ပိုင်ခွင့်တွေ ရှိတာကိုး။ လုပ်ပိုင်ခွင့်ရှိတော့ အားသာချက်တွေ အများကြီး ရှိတာပေါ့။ အဲဒီ လုပ်ပိုင်ခွင့်တွေမှာ ပြည်သူလူထုက ဒီလုပ်ပိုင်ခွင့်ကို သူတို့အပေါ် တကယ် မေတ္တာ၊ စေတနာ ထားတယ် ဆိုတဲ့စေတနာ အမှန်ပြည်သူလူထုက မြင်လို့ရှိရင် အောင်နိုင်တယ်။
အန်ကယ့်အနေနဲ့ ပြောချင်တာလေး ရှိရင် ပြောပြပေးပါဦးခင်ဗျ။
ကျွန်တော်ကတော့ ဘာပဲဖြစ်ဖြစ်ပေါ့ ကျွန်တော်ကို ဒီနေ့ ပြည်နယ်လွှတ်တော် ကိုယ်စားလှယ်ဖြစ်အောင် ကျွန်တော်တို့ ပြည်ခိုင်ဖြိုးပါတီက တင်ခဲ့ပေးတာပေါ့။ ကျွန်တော်ကတော့ ပါတီကနေ ထွက်မယ်၊ ပါတီကို သစ္စာဖောက်ပြီးတော့ ဒီ့ပြင်ပါတီကို သွားမယ်ဆိုတာ မရှိပါဘူး။ စိတ်ဆန္ဒလည်းမရှိဘူး။ ကျွန်တော်တစ်သီးပုဂ္ဂလ လည်း ပါတီကနေ ထွက်ပြီးတော့ အရွေးမခံဘူး။ ကျွန်တော်အရွေးခံရင် ပြည်ခိုင်ဖြိုးကပဲ အရွေးခံမယ်။ အရွေးမခံရင် အရွေးမခံဘူး ဒါပဲရှိတယ်။ ဘာဖြစ်လို့လဲ ဆိုတော့ လူဆိုတာက သစ္စာတရားဆိုတာ ရှိရတာကိုး။ ဒါကျွန်တော့်ရဲ့ သစ္စာတရားပဲ။ ကျွန်တော်က ဒီစင်မြင့်ပေါ်ကို ထိုက်သင့်တဲ့ အတိုင်းအတာ ရောက်လာပြီ၊ ဘာပဲဖြစ်ဖြစ် ကောင်းမွေ၊ ဆိုးမွေကတော့ ကျွန်တော် ဆက်ခံရမှာ ပေါ့နော်။ ဒီ့ပြင်ပါတီတော့ မပြောင်းဘူး။ တစ်သီးပုဂ္ဂလလည်းအရွေးမခံဘူး။ အရွေးခံရင် ပြည်ခိုင်ဖြိုးကပဲ အရွေးခံမယ်၊ အရွေးမခံရင်လည်း လုံးဝအရွေး မခံဘူး။
Credit To The Myanmar Herald
အခုလိုဖြေကြားပေးတာ ကျေးဇူးပါပဲခင်ဗျ။

Read More »

မွန်ဒီမိုကရေစီပါတီဥက္ကဋ္ဌ ၀ါရင့် နိုင်ငံရေးသမားကြီး ဦးနိုင်ငွေသိမ်းနှင့်ပြောခြင်း – အံ့ခေါင်မင်း

““အထွေထွေအကျပ်အတည်းဖြစ်လို့ ဆူပူကြရင် ဘယ်လိုလုပ်မလဲလို့ ကျွန်တော် ဒေါ်အောင်ဆန်းစုကြည်ကို ပြောတော့ အဲဒီလို မဖြစ်အောင် လုပ်မယ်တဲ့””

 ဦးအောင်မင်းနဲ့ ကျွန်တော်တွေ့တော့ ပြောတယ်။ ခင်ဗျားတို့ ဘယ်တော့ နောက်ကြောင်း ပြန် မှာ လဲဆိုတော့ ကျွန်တော်တို့ နောက်ကြောင်း မပြန်ဘူးတဲ့ နောက်ကြောင်း ပြန်လို့ လည်းမရဘူး။ နောက်ကြောင်းပြန်ရင် ကျွန်တော်တို့ သေသွားမှာ၊ ဒုက္ခ အကြီး အကျယ် ဖြစ်သွားမှာ။ ဒီအတိုင်းသွားတာက မျောသွား လို့ရ တယ်။ နောက်ေ ကြာင်း ပြန်သွား ရင် လက်နက် ကိုင် အဖွဲ့တွေကလည်း စုမိနေပြီ။ ကျွန်တော်တို့ အကုန်ဒုက္ခ ဖြစ်သွားမယ်တဲ့။ သူက ဒီလိုပြောတော့ ကျွန်တော့် အထင် သူတို့သဘောက အချိန်ဆွဲမယ်၊ လိမ်မယ်၊ ဒီမိုကရေစီ အတုနဲ့ မျောမယ့်သဘော . . .
ဝါရင့် နိုင်ငံရေးသမားကြီး တစ်ဦးဖြစ်သည့် ၁၉၉၀ ရွေးကောက်ပွဲဝင် မွန်ဒီမိုကရေစီပါတီ ဥက္ကဋ္ဌ ဦးနိုင်ငွေသိမ်း အား ဖြတ်သန်း ခဲ့ရာ နိုင်ငံရေး အတွေ့အကြုံများနှင့် မွန်ဒီမိုကရေစီပါတီ၏ သမိုင်းေ ကြာင်း ဆောင်ရွက် ချက်များ၊ လတ်တလော ရပ်တည် ဆောင်ရွက် ချက်များနှင့် တိုင်းရင်းသားပါတီ တစ်ရပ် အနေဖြင့် နိုင်ငံရေး သဘော ထားများအား မေးမြန်း ဖြစ်ခဲ့ သည်များ ကို ဖော်ပြအပ် ပါသည်။
ယခင်တစ်ပတ်မှအဆက်
၉၀ ရွေးကောက်ပွဲပြီး နောက်ပိုင်း စစ်တပ်ကလည်း အာဏာမလွှဲဘူး။ ၁/၉၀ ကို ကြေညာလိုက်တယ် ဆိုတော့ နောက်ပိုင်းမှာ မွန်ဒီမိုကရေစီ ပါတီအနဲ့  ဘယ်လို ဆက်ပြီး ရပ်တည်ခဲ့ရလဲ။
ပျက်သွားတဲ့အခါကျတော့ ကျွန်တော်တို့က မှတ်ပုံတင်မရှိပေမယ့် ဆက်လုပ်တယ်။ အဖမ်းခံရတယ်၊ အစစ် ဆေးခံရ တယ်။ ဒါပေမဲ့ ကျွန်တော်တို့ ဆက်လုပ်ခဲ့တယ်။ …
ဦးသိန်းစိန်တို့က ဒီမူကို မလျှော့ချင်ဘူး။ ငြိမ်းချမ်းရေးနဲ့ ပတ်သက်ပြီး လက်ဦးတုန်းကတော့ ဦးရွှေမန်းကလည်း ပြည်သူ့ဆန္ဒရှိရင် ပြင်လို့ရတယ် ပြောပြီး နောက်တော့ ဦးသိန်းစိန်လမ်းပဲ လိုက်သွားတယ်။ လွှတ်တော်ထဲ ၀င်ခဲ့ကြဖို့လမ်းပဲ။  သူတို့လုပ်နေတာက အပစ်အခတ်ရပ်စဲရေး အဖွဲ့အစည်းတွေက တရားဝင် အဖွဲ့အစည်း မဟုတ်ဘူး၊ နိုင်ငံရေး အဖွဲ့အစည်း ထောင်လို့မရဘူး။ နိုင်ငံရေး လုပ်ငန်းလုပ်လို့မရဘူး။ ငြိမ်းချမ်းရေး လာဆွေးနွေး ပိုက်ဆံပေးမယ်။ ဒါ ဖျက်ဆီးတာပဲ . . .
၂၀၁၀ ရွေးကောက်ပွဲ မတိုင်မီနဲ့ ၉၀ ရွေးကောက်ပွဲ ကြားကာလမှာ ပါတီအနေနဲ့ ထူးခြားတဲ့ နိုင်ငံရေး ဆောင် ရွက်မှုတွေ လုပ်ခွင့်ရခဲ့လား။
၁၉၉၃ ခုနှစ်မှာ ကျွန်တော်ထောင်က လွတ်လာတယ်။ ၉၅ မှာ ဗိုလ်မှူးအောင် ရောက်လာပြီး တိုင်းပြည် ငြိမ်းချမ်းအောင် တွေ့ဆုံ ဆွေးနွေးရေး လုပ်နိုင်ဖို့် ဦးသန်းရွှေဆီ စာရေးကြမယ်ဆိုလို့  လူစုကြတယ်။ ဗိုလ်မှူးအောင်ပါ လိုက်စုကြတာ။ နှစ်ရက် လောက်ကြာတော့ အလျင်လိုတယ် မြန်မြန် လုပ်ပါလို့ ပြောတယ်။ ဒီတော့ ရနိုင်သလောက် စုလိုက်တာ ကျွန်တော်ရယ်၊ ဗိုလ်မှူးအောင်ရယ် အပါအ၀င် ၂၃ ယောက်ရတယ်။ ကျွန်တော်တို့ စာရေးလိုက်တယ်။
သတိထား ဒီမိုကရေစီအတုဖြစ်နေမယ် အဲဒီလို ဗိုလ်ချုပ်အောင်ဆန်း ကြိုပြောသွားတာရှိတယ် . . . အခုက စည်းကမ်းပြည်ဝတဲ့ ဒီမိုကရေစီဆိုပြီး စည်းကမ်းက သူတို့ပေးတဲ့ စည်းကမ်း၊ အာဏာရှင်က ပေးတဲ့စည်းကမ်း၊ အဲဒီစည်းကမ်းကြောင့်ပဲ ဒီမိုကရေစီဆိုတာ ပျက်သွားတာ၊ အတုဖြစ်သွားတာ . . .တည်ဆဲဥပဒေ အရလုပ်ရမယ်။ လက်နက်ချရမယ်၊ လက်နက်ချပြီးေ တာ့ နိုင်ငံရေးပါတီ ထောင်ရမယ် ပြီးမှရွေးကောက်ပွဲဝင် . . .
ဘယ်လို အကြောင်းအရာမျိုးလဲ ခင်ဗျ။ တွေ့ဆုံ ဆွေးနွေးကြဖို့လား။
အမျိုးသား ဒီမိုကရေစီ အဖွဲ့ချုပ်နဲ့ တွေ့ဆုံဆွေးနွေး ညှိနှိုင်းဖို့၊ အမျိုးသား ရင်ကြားစေ့ရေး လုပ်ဖို့ ဆိုပြီးတော့ စာထဲမှာ ရေးပေးလိုက်တာ။ အဲဒီစာကို ကျွန်တော်တို့ အမျိုးသား ဒီမိုကရေစီချုပ်ကိုလည်း ပေးတယ်။ ဒါပထမဆုံး လုပ်ဖြစ်တာ။  နောက်တစ်ခုကျတော့ အဲဒီနဲ့ တစ်ဆက်တည်း ဘာလုပ်လို့ ရမလဲဆိုတာ ခွန်ထွန်းဦးတို့နဲ့ စုပြီးတော့ ကျွန်တော်တို့ စဉ်းစားရတယ်။ ရခိုင်ရယ်၊ မွန်ရယ်၊ ဇိုမီးရယ်၊ ရှမ်းရယ်ပေါင်းပြီးတော့ ရင်ကြားစေ့ရေး အမျိုးသား ဒီမိုကရေစီနဲ့ တွေ့ဆုံပြီးတော့ ဆွေးနွေးပါလို့ စာနောက် တစ်ခေါက် ထပ်ပို့ကြတယ်။ အဲဒီစပြီးတော့ အမျိုးသား ရင်ကြားစေ့ရေး စလုပ်တာ။ ဒေါ်အောင်ဆန်းစုကြည် လွတ်လာတဲ့ အခါကျတော့ တွေ့ဆုံ ဆွေးနွေးပြီးတော့ ဘာလုပ်လဲ ဆိုတော့ လွှတ်တော် မခေါ်ရင် ကိုယ့်ဘာသာကိုယ် ခေါ်မယ်ဆိုပြီးတော့ UNA နဲ့ပေါင်းပြီးတော့ ရှေ့မေးခဲ့တဲ့ ဓာတ်ပုံထဲက CRPP ဖွဲ့တယ်။ အမျိုးသား ဒီမိုကရေစီ အဖွဲ့ချုပ်ရယ်၊ ကျွန်တော်တို့ လေးယောက်ရယ် ငါးဖွဲ့ပဲ ရှိတယ။် အဲဒါနဲ့စဖွဲ့တယ်။ စဖွဲ့တဲ့အခါ ရည်ရွယ်ချက်က ကျွန်တော်တို့ရဲ့ ရည်မှန်းချက်က လွှတ်တော် ခေါ်ရေးကို ပြောလို့မရလို့ရှိရင် ကိုယ့်ဘာသာခေါ်မယ်။ ကျွန် တော်တို့ တိုင်းရင်းသားအဖွဲ့တွေက လွှတ်တော် ကိုယ်စားလှယ်တွေ ကျွန်တော်တို့ မန်းဒိတ်ယူပြီးတော့ စုထား တယ်။ NLD လည်း မန်းဒိတ် ယူပြီးတော့ စုထားတယ်။ ပြီးတော့ အဲဒီမန်းဒိတ်နဲ့ ကျွန်တော်တို့ ခေါ်မယ်။ နောက်ပိုင်း ဒေါ်အောင်ဆန်းစုကြည် တို့က မရှိတဲ့ အခါကျတော့ မလုပ်ဖြစ်တော့ဘူး။ အဲဒီမှာ NLD က ပြဿနာ ပေါ်တယ်။  မန်းဒိတ်ပေးထားတဲ့ လွှတ်တော် ကိုယ်စားလှယ်တွေက ဦးအောင်ရွှေဆီကို စာရေးတယ်။ သူတို့မန်း ဒိတ် ပေးထားတာပေါ့ လွှတ်တော် ဘာလို့ မခေါ်သလဲ။ တွေ့ချင်တယ် ဆိုပြီးတော့။ ဦးအောင်ရွှေက ဒါဟာ CRPP ရေးတာပေါ့။ ဒါပေမဲ့ CRPP မှာက NLD  ပဲ တော်တော် များများပါတယ် ဆိုတော့ သူပဲ သွားရှင်းရတယ်။ သွားရှင်းတော့ မတည့်ဘူး။
NLD က လူတွေပဲပေါ့။
ဟုတ်တယ်။ မရရအောင် လွှတ်တော်ခေါ်မယ်ဆိုပြီး ဘာလုပ်လဲဆိုတော့ ကျွန်တော်တို့ဆီက လူတွေနဲ့ ပေါင်းပြီးတော့ ပြီးတော့ ကုလသမဂ္ဂကို လက်မှတ်ထိုးတင်တယ်။ ဒီလူတွေကို NLD အကုန်ဖြုတ်ပစ်တယ်။ ဒေါ်နော်အုန်းလှတို့ရော အကုန်ပါ သွားတာပေါ့။ ကျွန်တော်တို့က ပြောတယ် မလုပ်ကောင်းပါဘူး၊ အရေးယူတယ် ဆိုရင်လည်း တခြားပုံစံနဲ့ အရေးယူ၊ ရာထူးလျှော့ပေါ့။ ဒီတော့ဦးအောင်ရွှေတို့ ပါတီကိုကိုင် နေတဲ့သူတွေက  ပါတီ ညီလာခံကျရင် ဒီလူတွေ ပြန်တင်ပေါ့။ ခင်ဗျားတို့ ပါတီညီလာခံက ဘယ်တော့ ဖြစ်မှာလဲလို့။ အဲလို ပြဿနာပေါ်တယ်။
ကျွန်တော်နဲ့ ဦးအောင်ရွှေနဲ့က တပ်ထဲမှာတည်းက အစေးမကပ်ဘူး။ ဒေါ်အောင်ဆန်းစုကြည်က ၉၀ မတိုင်ခင် ရွေးကောက်ပွဲ လုပ်မယ်ဆိုတော့ ကျွန်တော့်ကို ခေါ်ပြီးတော့ မေးတယ်။ အန်ကယ် ရွေးကောက်ပွဲ လုပ်မယ်။ ကျွန်မ ငယ်ငယ်ကလည်း ကြားဖူးတယ် မဲလိမ်တယ်၊ မဲခိုးတယ်၊ အနိုင်ကျင့်တယ် ဘာညာဆိုတာ ကြားဖူးတယ် ပေါ့။ အဲဒီလို မဖြစ်အောင် ကော်မတီတစ်ခု ဖွဲ့မယ်ဆိုပြီးတော့ သူက ပြောတယ်။ ရွေးကောက်ပွဲ မတိုင်ခင်က။ အဲဒီတုန်းက ဦးဝင်းတင်ရှိတယ်။ နောက်ဦး ချစ်ခိုင်ရယ်၊ ဦးအောင်ရွှေရယ်၊ ကျွန်တော်ရယ်၊ ဒေါ်အောင်ဆန်း စုကြည်ရယ် ငါးယောက်ပေါ့။ ကျွန်တော်ပြောတယ် ဒေါ်အောင်ဆန်းစုကြည်လို့ ကော်မတီဖွဲ့စရာ မလိုဘူးလို့ ဗိုလ်မှူးကြီးချစ်ခိုင်နဲ့ ဗိုလ်ချုပ်အောင်ရွှေကို မေးကြည့်လို့။ မဲလိမ်တယ်၊ မဲခိုးတယ်၊ အနိုင်ကျင့်တယ် ဆိုတာ သူတို့ပဲ လုပ်ခဲ့တာလို့။ ကျွန်တော်တို့ ကိုယ်တိုင်လည်း အပစ်ခံရတယ်လို့ ကျွန်တော် ပြောလိုက်တယ်။ အဲဒီမှာ ကော်မတီဖွဲ့ဖို့ ပျက်သွားရော။ စကားပြောပြီး ထွက်လာတော့ ဗိုလ်ချုပ်အောင်ရွှေက လက်ဖက်ရည် သောက်ရအောင် ဆိုပြီးတော့ လက်ဖက်ရည် ခေါ်တိုက်တယ်။ ပြီးတော့ ခင်ဗျားဗျာတဲ့ ကျွန်တော်တို့ လုပ်တယ်လို့ ဘာဖြစ်လို့ ပြောရတာလဲတဲ့။ မဟုတ်ဘူးလားလို့ ကျွန်တော်က မေးတယ်။ အဲဒါတော့ ဟုတ်တော့ ဟုတ်တာပေါ့ဗျာ၊ ဒေါ်အောင်ဆန်းစုကြည် ရှေ့သွားပြောတော့ ဘယ်ကောင်းမလဲတဲ့။ ဦးအောင်ရွှေလို့ ကျွန်တော်တို့ အရင်က မတည့်ဘူး၊ ရန်သူပေါ့။ ဒါပေမဲ့ အခုတော့ မဟာမိတ် ဖြစ်သွားပြီ၊ ပေါင်းလုပ်တယ် ဒါတွေ မစဉ်းစားနဲ့တော့လို့။
ကျွန်တော် သူတို့ကို အမြဲပြောခဲ့တယ်။ ခင်ဗျားတို့ NLD ဟာ First Line လည်း မရှိဘူး Second Line လည်းမရှိဘူး ဘာမှမရှိဘူးလို့။ ခင်ဗျားတို့ ရပ်သွားရင် ဘယ်သူ ဆက်လုပ်မလဲ။ ဦးလွင်ကတော့ နား မထောင်ဘူး ထွက်သွားတယ်။ ဗိုလ်မှူးကြီး ချစ်ခိုင်နဲ့ ဗိုလ်ချုပ်အောင်ရွှေကို ကျွန်တော်ပြောတာ။ ကျွန်တော် ခဏခဏ ပြောတယ်။ ခင်ဗျားတို့က ကျွန်တော်တို့ တိုင်းရင်သား အဖွဲ့တွေကို အဖွဲ့ သေးသေးလေးတွေ ဆိုပြီး၊ တိုင်းရင်းသားအဖွဲ့မှာ First Line, Second Line ရှိတယ်။ အာဏာသိမ်းတော့ First Line ကအဖမ်းခံရတော့ Second Line က ဆက်ပြီးတော့ လုပ်နိုင်တယ်။ ခင်ဗျားတို့ အဲလို လုပ်ဖို့လိုတယ်လို့် ကျွန်တော် ပြောတယ်။ နောက် ခင်ဗျားတို့ကလည်း စီမံကိန်း ကျကျနန ချပေးဖို့လိုတယ် ကျွန်တော်ပြောပြခဲ့တယ်။ ဒါပေမဲ့ မလုပ်ဘူး။ အခုထိပဲ၊ NLD မှာအခုထိ First Line, Second Line မရှိဘူး။ အဲဒီအတိုင်း သွားရင် ဘယ်လို ဆက်လုပ်မလဲ။ ဦးဆောင်ပါတီကြီးလို့ သူတို့ကိုယ်သူတို့ ထင်နေကြတာပဲ ရှိတယ်။
၂၀၁၀ မှာ အဘတို့ မှတ်ပုံမတင်ဘူးနော်။ အမျိုးသားဒီမိုကရေစီအဖွဲ့ချုပ် အပါအ၀င်ပေါ့။
ကျွန်တော်တို့က ၉၁ ခုနှစ်ကတည်းက မတရား အဖျက်ခံထားရတာ။
၂၀၁၂ မှာ NLD က ရွေးကောက်ပွဲ ၀င်လိုက်တယ်။ တရားဝင် မှတ်ပုံတင်ပြီးတော့လေ။
ကျွန်တော်တုိ့ ခေါ်တယ်။  မှတ်ပုံတင် မရှိရင် နိုင်ငံရေး လုပ်ရတာ မလွယ်ဘူး။ အခုက လုပ်လို့ရတယ် ဆိုပေမယ့် အပြည့်အ၀ လုပ်လို့မရဘူး။ နိုင်ငံရေး လုပ်ဖို့ဆိုတာ မှတ်ပုံတင်ဖို့ လိုတယ်။ မှတ်ပုံတင်ကြမယ် ဆိုပြီး။ ကျွန်တော်တို့က  ခင်ဗျားတို့ ပါတီကို ခင်ဗျားတို့ လုပ်ပိုင်ခွင့်ရှိတယ်။ ဒါပေမဲ့ ရွေးကောက်ပွဲဝင်၊ လွှတ်တော် ရောက်လည်း ဘာမှလုပ်လို့ မရဘူးလို့ ။  ကျွန်တော်တို့ မ၀င်ဘူး။ ကျွန်တော်တို့ အခြေအနေ ကြည့်မယ်။ လုပ်သင့်မှ ကျွန်တော်တို့ လုပ်မယ်။
အနည်းဆုံးတော့ နိုင်ငံရေးသမားတွေနဲ့ တွေ့ဆုံဆွေးနွေးရေး လုပ်မယ်။ အဲဒီလိုဆိုရင် ကျွန်တော်တို့ ရွေးကောက်ပွဲဝင်ဖို့ ပြန်စဉ်းစားမယ်လ်ို့။
၉၀ ရွေးကောက်ပွဲဝင်ခဲ့တဲ့ ဒီမိုကရက်တစ် အတိုက်အခံ ပါတီတွေထဲမှာ NLD တစ်ပါတီတည်း မှတ်ပုံ တင်ပြီးတော့ ကြားဖြတ်ရွေးကောက်။ ပွဲဝင်တာလား။ ပါတီတွေနဲ့ တရားဝင် မှတ်ပုံတင်ဖို့ ဆွေးနွေးကြ သေးတယ် မဟုတ်လား အဘ။
ဒါက နောက်မှ။ ခွန်ထွန်းဦးတို့ လွတ်လာပြီးတော့ တိုင်းရင်းသား ကိစ္စတွေပါ ဆွေးနွေးပွဲလုပ်တာ။ ကျွန်တော်တို့ ကတော့ ဖွဲ့စည်းပုံကို လက်မခံဘူး။ ရွေးကောက်ပွဲ ကော်မရှင် ဥပဒေကို လက်မခံနိုင်ဘူး။ သို့သော်လည်းပဲ အဲဒီမှာ ဆွေးနွေးမှုအရ ဒါကို စွန့်လွှတ်ပြီး တိုင်းရင်းသားတွေ ဘက်က အရှုံးခံပြီးတော့ မှတ်ပုံတင်ရတာ။ ကျွန်တော်တို့ ပေးလိုက်ရတာတွေ အများကြီးပဲ။
၂၀၀၈ ဥပဒေကို လက်မခံနိုင်တာ လျှော့ပေးလိုက်ရတာ။ ဖွဲ့စည်းပုံဆိုတာ ဒီမိုကရေစီနဲ့ မဟုတ်ဘူး။
နောက် ကလင်တန် လာတုန်းက ကျွန်တော်တို့ တိုင်းရင်းသားက ၄ ယောက်ရယ်၊ ဒေါ်အောင်ဆန်း စုကြည်ရယ်၊ ဦးဝင်းတင်၊ ဦးတင်ဦးနဲ့ တွေ့ကြတယ်။ တခြားလူ မ၀င်ရဘူး။ ဆွေးနွေးတာက ကြားဖြတ် ရွေးကောက်ပွဲ ပြီးလို့ရှိရင် ကျွန်တော်တို့ကို မှတ်ပုံတင်ဖို့။
အခုပြောသလိုဆို ၉၀ ပါတီတွေ မှတ်ပုံတင်လိုက်တာဟာ မကောင်းဘူးဆိုတဲ့ သဘောလား။
ဝင်ပြီးတော့ လုပ်တာ ဘာဖြစ်လို့လဲ။ ကျွန်တော် ဒေါ်အောင်ဆန်းစုကြည်ကို ကိုယ်တိုင် ပြောတယ်။ သူ ဥက္ကဋ္ဌလုပ်တဲ့ လက်ပံတောင်းတောင်မှာကိစ္စ အခုထက်ထိ ဆန္ဒပြတုန်း။ နောက်တခြားတပ်က သိမ်းထားတဲ့ လယ်တွေ အများကြီး ရှိသေးတယ်။ ခရိုနီတွေ သိမ်းထားတဲ့ မြေတွေလည်း အများကြီး ရှိသေးတယ်။ ဒါတွေကို ပြန်တောင်းလို့ ရုတ်ရုတ် ဖြစ်နေတာတွေ ဘာလုပ်ပေးနိုင်လဲ။ အဲဒါတစ်ခု ကျွန်တော် ပြောတယ်။ နောက်တစ်ခုက အလုပ်သမားတွေလည်း သပိတ်မှောက်တယ် အမြဲတမ်း။ ဒီလူတွေ နေစရာ နေရာမရှိ၊၊ စားစရာ မရှိရင် သူပုန်ထ သွားမယ်ပေါ့။  အကယ်၍ အထွေထွေ အကျပ်အတည်း ဖြစ်လို့ ဆူပူကြရင် ဘယ်လို လုပ်မလဲလို့ ကျွန်တော် ဒေါ်အောင်ဆန်း စုကြည်ကို ပြောတော့ အဲဒီလို မဖြစ်အောင် လုပ်မယ်တဲ့။ သူလုပ်လို့ ရ၊ မရ ကြည့်ရမှာပေါ့။ ဖြစ်လို့ရှိရင်တော့ တိုင်းပြည်က အခြေအနေ မကောင်းဘူးလို့တော့ ပြောခဲ့တယ်။
ဒီလိုပဲ၊ ဦးအောင်မင်းနဲ့ ကျွန်တော် တွေ့တော့ ပြောတယ်။ ခင်ဗျားတို့ ဘယ်တော့ နောက်ကြောင်း ပြန်မှာလဲ ဆိုတော့ ကျွန်တော်တို့ နောက်ကြောင်း မပြန်ဘူးတဲ့ နောက်ကြောင်း ပြန်လို့လည်း မရဘူး။ နောက် ကြောင်းပြန်ရင် ကျွန်တော်တို့ သေသွားမှာ၊ ဒုက္ခအကြီးအကျယ် ဖြစ်သွားမှာ။ ဒီအတိုင်း သွားတာက မျှောသွား လို့ရတယ်။ နောက်ကြောင်း ပြန်သွားရင် လက်နက်ကိုင်အဖွဲ့ တွေကလည်း စုမိနေပြီ။ ကျွန်တော်တို့ အကုန် ဒုက္ခ ဖြစ်သွားမယ်တဲ့။ သူက ဒီလိုပြောတော့ ကျွန်တော့်အထင် သူတို့သဘောက အချိန်ဆွဲမယ်၊ လိမ်မယ်၊ ဒီမိုကရေစီ အတုနဲ့ မျောမယ့်သဘော။ ဒီမိုကရေစီ အတုလို့ ပြောတာက ဗိုလ်ချုပ်အောင်ဆန်း ရှိတည်းက ပြောဖူးတာ ရှိတယ်။ ကမ္ဘာမှာ ဒီမိုကရေစီ ခေတ်စားလာပြီ။ မင်းတို့သတိထား ဒီမိုကရေစီအတု ဖြစ်နေမယ်လို့ ပြောတယ်။ ဒီမိုကရေစီဆိုတာ လွတ်လပ်စွာ လုပ်ပိုင်ခွင့်ရှိတယ်။ ကိုယ့်ရဲ့လွတ်လပ်စွာ လုပ်ပိုင်ခွင့်ဟာ တခြားလူရဲ့ ဒီမိုကရေစီကို သွားမထိရဘူး။ တခြားလူရဲ့ လွတ်လပ်ခွင့်ကို သွားထိရင် တို့ခံသွားရမယ်။ အဲဒီလို ဗိုလ်ချုပ်အောင်ဆန်း ကြိုပြောသွားတာ ရှိတယ်။ အခုတွေ့နေရပြီ။
ဘာကြောင့်အခု ဒီမိုကရေစီအတု တွေ့ရပြီလို့ ပြောနိုင်တာလဲ။
ကျွန်တော်တို့က ကိုလိုနီခေတ်မှာ လူဖြစ်လာတာ။ အဲဒီတုန်းကတောင် လွတ်လပ်စွာ စည်းရုံးခွင့်ဆိုတာ၊ လွတ်လပ်စွာ နိုင်ငံရေးပါတီ ထောင်ခွင့်ဆိုတာ ရှိတယ်။ တို့ဗမာအစည်းအရုံး၊ ဂျီစီဘီအေ၊ ဆင်းရဲသား ၀ံသာနုအသင်း အကုန်ရှိတယ်။ ဘယ်အဖွဲ့မှ မှတ်ပုံမတင်ရဘူး။ ဒါ ကိုလိုနီခေတ်မှာနော်။ အဲဒီတုန်းက ဘယ်လောက်လဲ ဆိုရင် သခင်က လမ်းဘေးမှာ  အော်ဆဲပြီး တရားဟောနေတာ။ ပုလိပ်လာပြောရင်၊ ဟေ့ပုလိပ် မင်းတို့ကို ငါတို့ပိုက်ဆံပေး ထားတာ၊ ငါတို့ လုံခြုံရေးအတွက် ဆိုပြီး ပြောလွှတ်တာ။ သာမန် လူကတောင် ပုလိပ်ကို အိမ်နောက်ဖေးမှာ မိန်းမ ထဘီလှန်းထားတာ ပျောက်သွားရင် ဟေ့ဒါမင်းတာဝန်ပဲ ဆိုပြီးတော့ ပြောတာ။ အခုဒီလိုပြောလို့ရလား။ ကျွန်တော်တို့ ပြည်သူ့ရဲဘော် ထောင်တယ်၊ ပြည်သူ့ရဲဘော်ကို တပ်လို့ မသုံးရဘူး၊ အဖွဲ့ပဲ သုံးရမယ်ဆိုတော့ အဖွဲ့လို့ ပြန်ပြောင်းရတယ်။ နောက်ပြီးတော့ ပြည်သူ့ရဲဘော် ဂျာနယ်ထုတ်တယ်။ ကျွန်တော်ကိုယ်တိုင် ထုတ်တယ်၊ တာဝန်ခံလုပ်တယ်၊ ဘယ်စာပေစိစစ်ရေးမှ မတင်ရဘူး။ ဒါကိုလိုနီခေတ်။ နောက်ပြောမယ်ဆို ဗိုလ်နေ၀င်း အာဏာသိမ်းပြီး တုန်းကတောင် ကျွန်တော်တို့ အဖွဲ့ မဖျက်သိမ်း သေးဘူး။ ၆ ခရိုင်၊ ၈ ခရိုင်ဖွဲ့တာတွေ လုပ်တယ်။ ကျွန်တော်ကိုယ်တိုင် လမ်းမတော် ပလက်ဖောင်းမှာ ကုလားထိုင် ချပြီးတော့ တရားဟောတာ အစိုးရ မကြောက်ရဘူး။ အဲဒီလို လမ်းဘေးမှာ ဟောလို့ရတယ်။ အခု ရလား။ အခုဆို ဆန္ဒပြခွင့် တင်ရတယ်။ ဒါ တောင်ခွင့်ပြုမှ။ ကျွန်တော်တို့ မွန်ပြည်နယ် ရရှိရေးဆိုပြီးတော့ ၄၈ ခုနှစ်တုန်းက ဆန္ဒပြတယ်။ မော်လမြိုင်မှာ လူ ၄သန်း ကျော်လောက် တက်တယ်။ ဘယ်သူမှလာ မစစ်ဘူး။ ဘယ်သူမှ လာမတားဘူး။ အဲဒါ ဒီမိုကရေစီ ခေါ်တာ။
အခုက စည်းကမ်းပြည်ဝတဲ့ ဒီမိုကရေစီဆိုပြီး စည်းကမ်းက သူတို့ပေးတဲ့ စည်းကမ်း၊ အာဏာရှင်က ပေးတဲ့စည်း ကမ်း၊ အဲဒီစည်းကမ်းကြောင့်ပဲ ဒီမိုကရေစီဆိုတာ ပျက်သွားတာ၊ အတုဖြစ်သွားတာ။
ဒီအခြေအနေပေါ်မှာ အဘတို့ကို ဒေါ်အောင်ဆန်းစုကြည်က ဘာပြောလဲ။
ဒေါ်အောင်ဆန်းစုကြည်က ပြောပါတယ်၊ ဥပဒေစိုးမိုးရေး သူလုပ်လို့မရသေးဘူး၊ ငြိမ်းချမ်းရေး လုပ်လို့ မရသေးဘူးတဲ့။  အဲဒီ ဥပဒေ စိုးမိုးရေး မရှိသမျှ ကာလပတ်လုံး ဒီမိုကရေစီ မရှိဘူး။ ဒီမိုကရေစီ မရှိသမျှ ကာလပတ်လုံး ဒီဖွဲ့စည်းပုံကို ဘယ်လို လုပ်ပြီးတော့ ပြင်မလဲ။ ဖွဲ့စည်းပုံရဲ့ ဟာကွက်၊ ပျော့ကွက်၊ ကောင်းကွက်ကို ပြည်သူလူထုကို ချပြီးတော့ ပြောဖို့ဆိုတာ ခွင့်ပြုချက်ရမှ။ ဒီပုံစံနဲ့ လွှတ်တော်တွင်းမှာ လုပ်လို့ မရဘူး။ UNFC ပြောတာက လွှတ်တော် ပြင်ပမှာ ရေးဆွဲဖို့၊ အသစ်ပြန်လည် ရေးဆွဲဖို့။ သူတို့အပြင်မှာ FCDCC (Federal Constitution Drafting Collecting Committee) ကော်မတီ ရှိတယ်။အဲဒီ ကော်မတီက ကိုစိန်ဝင်းတို့ အကုန်ပါတယ်။ NCUB၊ NDF နောက်ပြီးတော့ တိုင်းရင်းသား အဖွဲ့အစည်းတွေ အကုန်လုံး ပေါင်းဆွဲထားတာ။ အပြင်က အဖွဲ့အစည်းလိုက် ဆိုရင် လူ့ဘောင်သစ်ပါတယ်၊ ABSDF တို့ပါတယ်။ အခြေခံ ဥပဒေ ရေးထားပြီးသား။ သုံးပုံတစ်ပုံကို ၂၀၀၄ မှာပြီးတယ်။ သုံးပုံနှစ်ပုံကို ၂၀၀၆ ဖေဖော်ဝါရီမှာ ပြီးတယ်။ အကုန် သဘောတူ ကြတယ်။ သာမန် နည်းနည်းပါးပါး ကွဲလွဲတာပဲ ရှိတယ်။ အခြေခံတွေ ဘာမှမကွဲဘူး။ ပိုတယ်၊ လိုတယ်ဆိုရင် ဖြုတ်လိုက်ရုံပဲ။
အဲဒီလိုဖွဲ့စည်းပုံကို အသစ်ရေးလိုက်ရင် စစ်တပ်က နောက်ကြောင်းပြန်မှာကို စိုးရိမ်နေကြတယ်။
 နောက်ကြောင်း ပြန်မယ်ဆိုတာ  အစိုးရနဲ့ ပေါင်းစားချင်တဲ့ သူတွေကပြောတာ။ နောက်ကြောင်းပြန်မယ်၊ မပြန်ဘူးနဲ့ တစ်ယောက်ကို တစ်ယောက် ခြောက်ပြီးတော့ တိုက်ပွဲကို အရှိန်မပျက်အောင် လုပ်ထားတာ။
ဦးအောင်မင်းနဲ့ ပြောတော့ ငြိမ်းချမ်းရေး ကိစ္စတွေကို ပြောဖြစ်ကြသေးလား။
ဦးအောင်မင်းကို ကျွန်တော်ပြောတာက ယုံကြည်မှု တည်ဆောက်တာ လုပ်တာက ခင်ဗျားတို့ လုပ်ရမှာ ကျွန်တော်တို့ တိုင်းရင်းသား လုပ်စရာ မလိုဘူး။ ၉၀ ရွေးကောက်ပွဲ ပြီးတဲ့အခါကျတော့ လွှတ်တော် ခေါ်ပေးမယ် ဆိုပြီးတော့ မခေါ်ဘူး။ ဖွဲ့စည်းပုံ အခြေခံဥပဒေ ရေးဆွဲဖို့က အနိုင်ရပါတီ တာဝန်ဆိုပြီးတော့၊  တစ်ဖက်က အနိုင်ရ ပါတီကို ဖိထားပြီး ခင်ဗျားတို့ ကြိုက်သလို လုပ်တယ်။ အဲဒီမှာ အရင်က အပစ်အခတ် ရပ်စဲရေးတစ်ခါ လုပ်ပြီးပြီ၊ ပျက်သွားတယ်။ ဘာလို့ပျက်လဲဆိုတော့ ခင်ဗျားတို့ နိုင်ငံရေး ဆွေးနွေးတာတွေ မလုပ်ဘူး၊ ကတိတွေ ဖျက်တယ်။ ခင်ဗျားတို့ ဖျက်ခဲ့တဲ့ ကတိတွေကို ပြန်လုပ်ပါ။ ခင်ဗျားတို့ အရင်က ကတိပေးခဲ့တာတွေ ပြန်လုပ်မယ် ဆိုမှ ယုံကြည်မှု တည်ဆောက်လို့ ရမှာလို့။ ကျွန်တော်တို့က အားလုံး အဆင်သင့်ပဲ၊ ဘာမှ လုပ်စရာ မလိုတော့ဘူး။ ကျွန်တော်တို့က ကတိပေးတာ၊ ဖျက်တာမရှိဘူး။ ခင်ဗျားတို့သာ ကတိပေးပြီး ဖျက်တာလို့။
အခု အပစ်အခတ် ရပ်စဲရေးကတော့ တော်တော် ခရီးပေါက်နေပြီလို့ ပြောကြတယ်။
အပစ်အခတ် ရပ်စဲရေးကလည်း  အရင်ကတစ်ခါ “၀”ကစပြီးတော့ လုပ်တာ  အကုန်လုံးပါပြီး လုပ်ခဲ့တာပဲ။ ဒီမှာလည်း သူတို့ လုပ်တဲ့နည်းက တိုင်းရင်းသားအဖွဲ့တွေ စုပြီးတော့လာရင် သူတို့လက်မခံဘူး။ တစ်ဖွဲ့စီလာကြ ဆိုပြီးလုပ်တာ။ ၉၅-၉၆ အထိ ကျတော့ KNU ပဲလုပ်ဖို့ကျန်တယ်။ ဒီတော့ KNU ကို ဖိတိုက် တယ်။ တခြားသူ ကူလို့မရဘူး။ ကူလို့ရှိရင် ငြိမ်းချမ်းရေး လက်မှတ်ထိုးတာ ပျက်သွားမှာကိုး။ အခုလည်း ကချင်ကို ထားပြီတော့ ဖိတိုက်ပြီး သူတို့လိုတဲ့ပုံစံရမှ တွေ့တာ မဟုတ်လား။ သူ့တို့နည်းက အဲဒီလို။ အခုတော့ လိုင်ဇာ တွေ့ဆုံမှုကနေစပြီး ၁၇ ဖွဲ့ ညီညွတ်သွားပြီ။ ခွဲဖို့မလွယ်တော့ဘူး။ ဒါပေမဲ့ သူတို့ နောက်တစ်နည်းက မျှားတာလေ။ KNU ကိုဆို ပိုက်ဆံတွေပေးပြီး ကုမ္ပဏီထောင်ဖို့တွေ လုပ်ပြီးမှ ကွဲမလို ဖြစ်ကြသေးတယ်။ ဒါပေမဲ့ မကွဲဘူး။
မြစ်ကြီးနားမှာ တစ်နိုင်ငံလုံး အပစ်အခတ်ရပ်စဲရေးအတွက် သဘောတူညီမှု မရလိုက်တာ ဘယ်လိုကြောင့်လို့ သုံးသပ်မိလဲ။ ဘယ်အချက်တွေကြောင့် ဖြစ်မလဲ။ အချိူ့ တိုင်းရင်းသားတွေကတော့ အဲဒီတွေ့ဆုံမှုကို ပမာဏ အဆင့်ပဲ ကြိုမှန်းထားတယ်လို့ ပြောကြတယ်။
မရဘူးဆိုတာက ကျွန်တော်ပြောတာက မူက မတူကြဘူး။ သမ္မတ ဦးသိန်းစိန် ပြောတဲ့မူက ပြည်နယ်အဆင့်၊ ပြည်ထောင်စုအဆင့်၊ နောက်လွှတ်တော်အဆင့်။ အဲဒီလွှတ်တော်အဆင့်က တည်ဆဲဥပဒေ အရလုပ်ရမယ်။ လက်နက်ချရမယ်၊ လက်နက်ချပြီးတော့ နိုင်ငံရေးပါတီ ထောင်ရမယ် ပြီးမှ ရွေးကောက်ပွဲဝင်၊ လွှတ်တော်ထဲ ရောက်ပြီးမှ ပွင့်လင်းမြင်သာစွာ ပြောဆိုတော့ လက်မခံနိုင်ဘူး။ ဦးသိန်းစိန်တို့က ဒီမူကို မလျှော့ချင်ဘူး။ ငြိမ်းချမ်းရေးနဲ့ ပတ်သက်ပြီး လက်ဦးတုန်းကတော့ ဦးရွှေမန်းကလည်း ပြည်သူ့ဆန္ဒရှိရင် ပြင်လို့ရတယ်ပြောပြီး နောက်တော့ ဦးသိန်းစိန်လမ်းပဲ လိုက်သွားတယ်။ လွှတ်တော်ထဲ ၀င်ခဲ့ကြဖို့ လမ်းပဲ။ သူတို့ လုပ်နေတာက အပစ် အခတ် ရပ်စဲရေး အဖွဲ့အစည်းတွေက တရားဝင် အဖွဲ့အစည်း မဟုတ်ဘူး၊ နိုင်ငံရေး အဖွဲ့အစည်းထောင်လို့ မရဘူး။ နိုင်ငံရေးလုပ်ငန်း လုပ်လို့မရဘူး။ ငြိမ်းချမ်းရေး လာဆွေးနွေး ပိုက်ဆံပေးမယ်။ ဒါ ဖျက်ဆီးတာပဲ။
လက်ရှိ နိုင်ငံရေး အခြေအနေကြီးမှာ အဘတို့ မွန်ဒီမိုကရေစီပါတီ အနေနဲ့ ဘယ်လိုမူဝါဒ ချမှတ်ပြီးတော့ လုပ်သွားဖို့ရှိလဲ။
ကျွန်တော်တို့က ရှိရင်းစွဲပဲ UNA ချထားတဲ့ မူပေါ့။ ဒီမိုကရေစီနဲ့ တန်းတူရေးပဲ။ ဒီမိုကရေစီကို ရအောင်လုပ်ရ မယ်။ တိုင်းရင်းသားအားလုံး တန်းတူရေးဖြစ်အောင်၊ နိုင်ငံရေးအရ၊ စီးပွားရေးအရ တန်းတူဖြစ်အောင် လုပ်ရမယ် ဆိုပြီးတော့ ကျွန်တော်တို့ ဒီတန်းတူရေး၊ တန်းတူရေးက ဖက်ဒရယ်မူကို အခြေခံတယ်။ ကျွန် တော်တို့ ကိုင်တဲ့ အခြေခံမူက ခင်ဗျားတို့ လေ့လာကြည့်ပါ ကမ္ဘာမှာ ဖက်ဒရယ်မူဟာ အစစ်အမှန်ဆိုရင် နှစ်ခုရှိတယ်။ လူမျိုးကို အခြေခံတဲ့ ပြည်နယ်တွေ ပေါင်းထားတဲ့ ဖက်ဒရယ်မူ၊ နောက်ပြီးတော့ ဒေသကို ပေါင်းထားတဲ့ အခြေခံမူ။ သပ်သပ်စီ လုပ်ထားတယ်။ ကမ္ဘာမှာ အဲလိုပဲ လုပ်ထားတယ်။ နှစ်ခု ရောလိုက်လို့ရှိရင် မမှန်တော့ဘူး။ အလိမ်ပဲ။ ပြည်ထောင်စုယောင်ပေါ့။ ကျွန်တော်တို့က လိုချင်တာက ဖက်ဒရယ် ပြည်ထောင်စုကို လိုချင်တယ်။ ကျွန်တော်တို့ တိုင်းရင်းသားကိစ္စ၊ ဒီမိုကရေစီကိစ္စ တိုက်ပွဲဝင်နေတာက ကျွန်တော်တို့ တိုင်းရင်းသားထဲမှာ ဗမာလည်း ပါတယ်၊ ဗမာလည်းရဖို့ ကျွန်တော်တို့ လုပ်တာ။ ဒီမိုကရေစီက အကုန်လုံး ရရမယ် ညီတူ ညီမျှရရမယ်။
မွန်ဒီမိုကရေစီပါတီရယ်၊ မွန်ဒေသလုံးဆိုင်ရာ ပါတီရယ် ပူးပေါင်းဖို့အတွက် ဆောင်ရွက်နေကြတဲ့ အခြေအနေ ဘယ်လိုရှိလဲ။
အခြေအနေက ပြောရခက်တယ်။  ညှိလို့ မရသေးဘူး။ မလွယ်ဘူး။ မွန်နှစ်ပါတီမှာ ကွဲတာက ကျွန်တော်တုိ့ ပြောတဲ့ ဖက်ဒရယ်မူ သူတို့ လက်မခံဘူး။ နောက်တစ်ခုက ဖွဲ့စည်းပုံပြင်တဲ့ကိစ္စ။ ကျွန်တော်တို့က အစိုးရနဲ့လည်း မပေါင်းနိုင်ဘူး။
နှစ်ဖွဲ့ပေါင်းဖို့ အဘတို့ပဲ စပြီးကမ်းလှမ်းခဲ့တာ မဟုတ်လား။
ကျွန်တော်တို့ စကမ်းလှမ်းတယ်လို့ ပြောလို့ရပါတယ်။ ကိုယ်စကမ်းလှမ်းတော့ သူတို့က ၀န်ကြီးတွေဖြစ်နေလို့၊ အာဏာရလို့ သွားကပ်ချင်တယ်လို့ အသံထွက်လာတယ်။
နှစ်ပါတီပေါင်းဖို့ ကိစ္စကို မွန်ပြည်နယ် သံဃာတွေ၊ လူထုတွေက ဖြစ်စေချင်တာလို့ ကျွန်တော်တို့ အပြင်ကနေ ကြားနေရတယ် ခင်ဗျ။
ဟုတ်ပါတယ်။ အကုန်လုံးက ဖြစ်စေချင်တယ်လေ။ ဟိုတလောက အစည်းအဝေး လုပ်တယ်လေ။ သူတို့ ဆန္ဒယူတယ်။ စာရွက်ဝေတယ်။ ပေါင်းဖို့၊ မပေါင်းဖို့ပေ့ါ။ မပေါင်းဖို့ ကမ်းလှမ်းတာ ၇ စောင်လောက် ထွက်လာတယ်။ ကျွန်တော်တုိ့မှာ ပေါင်းစည်းရေး ကော်မတီ ရှိတယ်။ အာဏာအပြည့်အ၀ ပေးထားတယ်။
လာမယ့် ၂၀၁၅ မှာ ရွေးကောက်ပွဲဝင်ဖို့ရော ဆုံးဖြတ်ပြီးပြီလား။
ကျွန်တော်တို့က မှတ်ပုံတင်ကျဖို့ တစ်နှစ်လောက်ပဲ ရှိသေးတယ်။ ပြင်ဆင်ထားတယ် ဆိုတာက အခြေအနေကို နည်းနည်း ကျွန်တော်တို့ စဉ်းစားတာက ၂၀၁၅ မှာ ရွေးကောက်ပွဲ ဖြစ်ပါ့မလား။ ပြည်သူတွေရဲ့ ဆန့်ကျင်မှုတွေကြောင့် ရွေးကောက်ပွဲ ရွှေ့သွားနိုင်တယ်။ ကျွန်တော်တို့လည်း အဲဒီလို မဖြစ်အောင် ဆုတောင်း တာပေ့ါ။ ကျွန်တော်တို့ ပြင်ဆင်တာက ကျေးရွာ ရပ်ကွက်ထိ စည်းရုံးရေးဆင်းတယ်။ ဆိုင်းဘုတ်ပါတင်တယ်။ ကျွန်တော်တို့ရဲ့ နိုင်ငံရေး လမ်းစဉ်ကို ချပြတယ်။ မျိုးဆက်သစ် လူငယ်တွေကို နိုင်ငံရေးသင် တန်းတွေ ပေးတယ်။ နိုင်ငံရေး သင်တန်းပေးတာက အပြည့်အ၀ ကျေနပ်မှုမရှိသေးဘူး။ လူငယ်တွေကို ရအောင်မွေးရ မှာလေ။ နိုင်ငံရေး ခံယူချက်က သူတို့ထက်မြင့်တယ်၊ သူတို့ထက် မှန်တယ်ဆိုရင် ငါတို့မရဘူး။ နိုင်ငံရေး အတွက်တော့ ပြင်ဆင်နေတယ်။ နယ်မြေ တိုးချဲ့တဲ့အခါ ကျိုက်ထို၊ ဘီးလင်းပေ့ါ။ ပဲခူးဘက်ကူးဖို့ ကြိုးစား နေတယ်။
Credit To The Myanmar Herald
Read More »

အလံနီကွန်မြူနစ်ပါတီမှာ အချောင်သမားဝါဒ သတ်မှတ်ခဲ့တာရှိတယ် … – ပခုက္ကူမြို့ဇာတိ ရဲနီဒေါ်ညွန့်ကြည်

သခင်စိုးက နောက်ဆုံး သေသည်အထိ ကိုကျော်ဝင်း၊ ကိုကျော်ဝင်း ဆိုတာက အဲဒီခံယူချက် ကောင်းတာကြောင့် မို့လို့ တစ်သမတ်တည်း သွားတာလေ သူက ဟိုလူတွေက အဲလိုမဟုတ်ဘူး အန်တီတို့ပါတီ အသုံးအနှုန်းနဲ့ကျတော့ အချောင်သမားဝါဒ ၀င်တယ်ဆိုလား ဘာဆိုလား …

 

 “သခင်စိုးပြောတဲ့ စကားကို အခုတည်းက အန်တီ့ခေါင်းထဲမှာ မှတ်ထားတယ် အိမ်ထောင်တစ်ခုမှာ စီးပွားရေးရဲ့ အဓိက သော့ချက်ဟာ မီးဖိုချောင်တဲ့ မီးဖိုချောင်ထိန်းသိမ်းမှု မလုံခြုံလို့ရှိရင် ဒီမိသားစုဟာ ဘယ်တော့မှ စီးပွားရေး  . . . မဖြစ်ဘူးတဲ့ အဲတော့တဲ့ တစ်နေ့ကိုတဲ့ ငရုပ်သီးတစ်တောင့်၊ ကြက်သွန်တစ်ဥ အလေအလွင့် ဖြစ်ရင်တောင်မှ ရက်တွေ များလာတဲ့ အခါကျတော့ အများကြီး လေသွားတယ်တဲ့ အဲတော့ ကြက်သွန်တစ်ဥ၊ ငရုတ်သီးတစ်တောင့်က စပြီးတော့မှပေါ့ . . .”

  ယခင်အပတ်မှအဆက်
စစ်တွေတပ်ထဲ ကနေပြီးတော့ ရန်ကုန်ကိုပို့တော့ သားတွေ၊ သမီးတွေက လာကြိုကြတာပေါ့။
လာကြိုတယ်။ အခုဆုံးသွားပြီနဲ့တူတယ်။ ဗိုလ်မှူးကြီးချစ်ရီဆိုတာ၊ တော်လှန်ရေးကောင်စီဝင်ပေါ့။  သူလာကြိုတယ်။ သူကတော့ အန်ကယ်ကြီးနဲ့က နဂိုတုန်းတည်းက မိတ်ဆွေတွေလိုပဲ။ နောက်ပိုင်းကျမှသာ တစ်ယောက်နဲ့ တစ်ယောက်က ရန်သူဖြစ်နေကြတာကိုး။
အန်ကယ်ကြီး ရန်ကုန်ကို ပြန်ရောက်ရောက်ချင်း ဘယ်မှာနေလဲ။
ပြန်ရောက်ရောက်ချင်း ပုဇွန်တောင် အိမ်မှာ နေတယ်။ အဲမှာကလည်း လူတွေက များတယ်လေ။ အဲဒီကနေပြီးတော့မှ ဒီရန်ကင်း တိုက်ခန်းကို ရောက်တယ်။
တိုက်ခန်းက အစိုးရပေးတာလား။
အစိုးရပေးတာ။
ဦးနေ၀င်းပေးတာပေါ့။…
ဟုတ်ကဲ့။
အဲဒီတုန်းက ပိုက်ဆံ သွင်းရသေးလား။
မသွင်းရဘူး။ အဲဒီတုန်းက ဘယ်လောက်များလဲဆိုရင် အန်ကယ်ကြီးက တော်တော်ကို၊ အန်ကယ်ကြီးက ကလေး ဘ၀တည်းက စီးပွားရေးမှာ နားမလည်ဘဲနဲ့ နိုင်ငံရေး လုပ်လာတဲ့ အခါကျတော့ အပြင်ရောက်လို့ရှိရင် ကိုယ့်စီးပွားရေး ကိုယ့်ဘာသာကိုယ် ရှာစားရတော့မှာလေ။ အဲဒါကို ဘာမှမဖြစ်ဘဲနဲ့ ဟိုက အရာရှိ ကိုယ်တိုင်က လာပြီးတော့ ပြောတာ။ ဦးကျော်ဝင်း ရန်ကုန်မြို့မှာ တိုက်ခန်းလွတ်တွေ အများကြီးရှိတယ်။ ကုလားတွေ နိုင်ငံခြားပြန်တဲ့ တိုက်ခန်းတွေပေါ့။ တိုက်ခန်းလွတ်တွေ အများကြီးရှိတယ်။ အကုန်လုံး လိုက်ကြည့်ပါ။ ဦးကျော်ဝင်းက ရန်ကုန်သားပါတဲ့ အကုန်လိုက်ကြည့်ပါ ဆိုတာ ဘယ်မှ သွားမကြည့်တာ။ ဘယ်မှ သွားမကြည့်တော့ တိုက်ခန်း မရသေးဘူးလား၊ မရသေးဘူးလား ဆိုတော့ ရန်ကင်းမှာတော့ တိုက်ခန်း ရှိတယ်တဲ့၊ လေးထပ်တဲ့၊ ရေမရဘူးတဲ့။ အဲတော့ ရေမရဘူးဆိုတော့ ရေမရရင် ဆင်းခပ်မယ်တဲ့ ရှေ့ကနေ ပြောတာ။ အန်တီ သူ့ကို ဒေါတွေ ကန်လိုက်တာ။ ဆင်းခပ်မှာတဲ့၊ အေးအေးချမ်းချမ်းပဲ နေချင်တာတဲ့။ အသံဗလံ ဆူညံနေတာကို မကြိုက်ဘူး။ အဲဒါဆိုရင်တော့ ရန်ကင်းမှာတော့ ရှိတယ်တဲ့။ အရမ်းအေးချမ်းတယ်တဲ့။ အန်တီက ပြောချိန်၊ ကန့်ကွက်ချိန် မရှိတော့ဘူး။ ပေါ့ပေါ့ပါးပါး မဟုတ်တော့ သူ့မီအောင် မတက်နိုင်ဘူး။ အကုန်လုံး ပြောပြီးဆိုပြီး တကယ်လည်း ဒီရောက်တော့ ရေမရဘူး။
အန်ကယ်ကြီး အဲဒီမှာ သတင်းစာတိုက်မှာ အလုပ်က အစိုးရက ပေးလိုက်တာလား။
သူတို့က ပေးတယ်။ ဗိုလ်မှူးကြီး ကျော်စိုး ပထမဦးဆုံးပေးတာ။ နောက် တိုင်းတရားသူကြီးလည်း လုပ်သေးတယ်။
ဘယ်နှနှစ်လောက်ကြာလဲ။
အဲဒါလည်း တစ်နှစ်၊ နှစ်နှစ်ပဲ ဒီလောက်မရှိဘူး။
အဲဒီတုန်းက လမ်းစဉ်ပါတီ ပြောင်းသွားပြီလား။
ဟုတ်တယ်။ လမ်းစဉ်ပါတီခေတ်။
အဲဒီတုန်းက လမ်းစဉ်ပါတီပြောင်းတော့ သခင်တင်မြတို့၊ အလင်းဝင်သွားတဲ့ ဗိုလ်ချုပ် မြင့်အောင်တို့ကလေ လာမတွေ့ဘူးလား။
မတွေ့ဘူး။
သူတို့နဲ့ နည်းနည်း သဘောထားချင်း မတိုက်ဆိုင်သလိုပဲနော် အန်ကယ်ကြီး ကြည့်ရတာ။
သူက ခံယူချက်က၊ သခင်စိုးက နောက်ဆုံး သေသည်အထိ ကိုကျော်ဝင်း၊ ကိုကျော်ဝင်း ဆိုတာက အဲဒီခံယူချက် ကောင်းတာ ကြောင့်မို့လို့။ တစ်သမတ်တည်း သွားတာလေ သူက။ ဟိုလူတွေက အဲလို မဟုတ်ဘူး။ အန်တီတို့ ပါတီ အသုံးအနှုန်းနဲ့ကျတော့ အချောင်သမားဝါဒ ၀င်တယ်ဆိုလား ဘာဆိုလား အဲလိုတွေရှိတယ်။
သခင်တင်မြက အထဲထဲမှာ ၀င်လုပ်နေသေးတယ်လေ။ ထောက်ခံပြီးတော့မှ သူက အထဲထဲ ရောက်အောင် ၀င်တာလေ။ သခင်တင်မြက တစ်ခုရှိတယ်၊ မဟုတ်တာ ပြောတာတော့ မဟုတ်ပါဘူး။ အမှန်ပြောတာ သခင်တင်မြက ဟိုကူးလိုက် ဒီကူးလိုက် အဲလို။ နောက် အပြောကလည်း သူက အာဝဇ္ဇန်းကလည်း ကောင်းတယ်။ အလှူတစ်ခုများ ရောက်လို့ကတော့ ဦးကျော်ဝင်း ဟိုမှာ ထိုင်နေ၊ သခင်တင်မြ ဟိုမှာ ထိုင်နေ သခင်တင်မြဆီမှာ အကုန်ဝိုင်းပြီးတော့ သူတစ်ယောက်တည်း အဲဒီအုပ်စုကိုထိန်းတာ။
သခင်စိုး ဒီရန်ကုန်ရောက်လာတော့ အန်တီတို့ အဘနဲ့ ဆုံကြသေးလား။
တွေ့တာပေါ့။ အလင်းမ၀င်ခင်ကတည်းက အဲဒီမှာ အမှုစစ်တုန်းကတည်းက အန်တီက ဗိုလ်မှူးစိုးမြင့်ဆိုတာ ထောက်လှမ်းရေးက သခင်စိုးအမှုစစ်တဲ့ဆီမှာ သူက နံပါတ်တစ် တာဝန်ယူရတာ။ အဲဒီ တာဝန်ယူတဲ့ဆီမှာ သခင်စိုး အမှုစစ်ဖို့ဆိုတော့ အန်ကယ်ကြီးက ထွက်ချက် ပေးရမယ်လေ။ အန်တီက လိုက်သွားတယ်။ ဗိုလ်မှူး စိုးမြင့်ကလည်း သိနေတာပဲလေ။ သူက တာဝန်ခံဆိုတော့။ အဲဒါ ဘယ်သူမှမသိအောင် သခင်စိုးကြီး အမှုစစ်ပြီးတော့ အားလပ်ချိန် ပေးတဲ့ အချိန်ကျတော့ သခင်စိုးဆီ အန်တီ တိတ်တိတ်ကလေး သွားပြီး ဟိုအထဲထဲထိကို လိုက်သွားတယ်။ ဘယ်သူမှ မသိဘူး။ ပြန်ထွက်လာမှ ဗိုလ်မှူး ကျွန်တော်အထဲက ပြန် လာတာလို့။ အဲဒီတုန်းက အန်ကယ်ကြီးလည်း တွေ့ရတယ်။ နောက်တစ်ခါ အဲဒီကိစ္စတွေ စစ်ပြီးတော့ ရေကြည်အိုင်လား မသိဘူး။ အိမ်တစ်အိမ်မှာ ထားသေးတယ်။ အဲဒီမှာလည်း အေးအေးချမ်းချမ်းပဲ သူနေရတာ။
သခင်စိုး နိုင်ငံရေး သင်တန်းတွေ ပေးသေးတယ်ဆို။ သခင်စိုးမဆုံးခင်ပေ့ါ။
အဲဒါ သူ့ကို မင်းမနိုင် အိမ်မှာ ထားတာ။
မင်းမနိုင်အိမ်မှာ သူနိုင်ငံရေးသင်တန်း တွေပေးတာပေ့ါ။
အဲဒီမှာ နိုင်ငံရေး သင်တန်းပေးတယ် ဆိုပေမယ့် ဟိုမှာက ဒီလောက် အကြာကြီး မနေရဘူး။
အဘ အဲဒီတုန်းက ဒီအတိုင်း မသွားတာလား။ ကျန်းမာရေးအရ မသွားတာလား။
သူက သူ့နောက်မှာ နိုင်ငံရေး အချောင်သမားတွေ ကပ်နေတာလည်း ရှိတယ်လေ။ သခင်စိုးနားမှာ။
အချောင်သမားဆိုတာ အလံနီရဲ့ စကားပေ့ါ။
အချောင်သမားဆို ကပ်ဖားရပ်ဖားနဲ့ လုပ်တဲ့ဟာလေ။ အန်ကယ်ကြီးက အဲလိုဟာတွေ မကြိုက်ဘူး။
တချို့လည်း တောထဲအထိတောင် မလိုက်ဘဲနဲ့ ဒီဘက်ခေတ်မှာလေ အလံနီဟောင်း ဆိုပြီးတော့ ပြောနေတာတွေ ရှိတယ်လေ။ အန်တီတို့ အဲဒါတွေကြားမိလား။
အဲဒါတွေက မြေပေါ်မြေအောက် ရှိတာပဲ။ အန်တီတို့က တောထဲကဆိုတော့ မြေအောက်ပေ့ါ။ မြေပေါ်ကတော့ ဒီဘက်မှာနေပြီး လှုပ်ရှားတာ။ အဲလိုလူတွေကတော့ ဒီမှာရှိတာပဲ။
အခု အဘလည်း ဆုံးသွားပြီး။ သခင်စိုးလည်း ဆုံးသွားပြီ။ အလံနီ ကွန်မြူနစ်ပါတီ ဆိုတာ ပျောက်ကွယ်သွားပြီလို့ ပြောလို့ ရလား။
ပြောလို့တော့မရပါဘူး။ ဒါသမိုင်းရှိတယ်ပေ့ါနော်။ သမိုင်းကြောင်းတွေ ရှိတယ်။ သခင်စိုး ဆိုတာကိုလည်း ဖျောက်လို့ မရဘူး။ လူသေပေမယ့် နာမည် သေသွားတာမှ မဟုတ်တာ။ သဘောကို ပြောတာလေ။
အလံနီ ကွန်မြူနစ်ပါတီဆိုတာ အန်တီတို့ကတော့ လူကြီးတွေပေ့ါလေ။ တစ်ဖန် ပြန်လည်ပြီးတော့မှ မွေးဖွားပြီးတော့ မြင်ချင်တဲ့ ဆန္ဒတွေရှိလား။
အဲလို မရှိပါဘူး။ အန်တီကတော့ အဲလိုမရှိဘူး။ အန်တီက တိုင်းပြည်မှာ ရှိသမျှ အားလုံးကို ပြေပြေလည်လည် အကုန်လုံး ပျော်ပျော်ရွှင်ရွှင် ချမ်းချမ်းသာသာ ဖြစ်ဖို့ပဲ လိုချင်တယ်။
အခုလက်ရှိ ဒီအစိုးရနဲ့ ပူးပေါင်းပြီးတော့ နိုင်ငံတော်နဲ့ နိုင်ငံရေးလောကမှာ တွေ့နေရတဲ့ အလံနီ ကွန်မြူနစ်ဟောင်းတွေ ဆိုတာ အန်တီသိတဲ့လူတွေ ရှိသေးလား။
မရှိသလောက်ပဲ။
သခင်စိုးအဖွဲ့က။
ဘယ်သူတွေရှိမလဲ။ ဒေါ်ငွေစံ၊ ဒေါ်နှင်းမေရှိမယ်။
သခင်စိုး သမီးတွေ ရှိသေးတာပေ့ါ။
သမီး နီနီစိုး ရှိတယ်။ ရီရီစိုး ရှိတယ်။
သူတို့တွေက နိုင်ငံရေး မလုပ်တော့ပါဘူး။
သူတို့က ဟိုတုန်းကတည်းက နိုင်ငံရေးမလုပ်တာ။
ဗိုလ်ချုပ်နေ၀င်းက အန်တီတို့ကို တိုက်ခန်းပေးပြီးတော့ ဆုကြေး ထောက်ပံ့တာတွေ ရှိလား။
အရင်ရှိတယ်။ အခုနောက်ပိုင်း မရှိတော့ဘူး။
အရင်ဘာတွေ ထောက်ပံ့လဲ။
ငွေရေးကြေးရေးပါ။ အစောပိုင်းတုန်းကဆိုရင် လိုတဲ့ဟာ ဟိုတုန်းက ဘောင်ထရီ မှာ ထောက်လှမ်းရေးတပ် ရှိသေးတယ်။ အခုတော့ မရှိတော့ဘူး။ ဆုံးသွားပြီ။ ဆရာ တင်အောင်ဆိုတာ။ အန်တီ ဘာပဲဖြစ်ဖြစ် အန်ကယ်ကြီးကတော့ မသွားဘူး။ အဲဒီတုန်းက လစဉ်ပေ့ါလေ။ မိသားစု စားဝတ်နေရေးအတွက် ထောက်ပံ့တာ။
ဘွဲ့ပေးတာကျတော့။ အဲဒီတုန်းက ဘာတွေ ပေးသေးလဲ။ လွတ်လပ်ရေးမော်ကွန်းဝင်။
အဲဒီတုန်းက ဘာမှမပေးဘူး။
ဒီကတ်ပြားပဲ ပေးတာလား။ ဆုကြေးမပါဘူးလား။
မပါဘူး။ ကတ်ပြားနဲ့ ရွှေကတော့ နည်းနည်းပါးပါး ပါတယ် ထင်တယ်။
အဲဒါ ငွေသား မပါဘူးပေ့ါ။ အဲဒါအဘ သွားယူရတာလား။
သွားယူရတာ။
လွတ်လပ်ရေး မော်ကွန်းဝင်ပေးတာ နိုင်ငံတော်သမ္မတ ဦးနေ၀င်းတဲ့ ရေးထားတယ်လေ။ ခရီးစရိတ်တွေ ဘာတွေ ကားလက်မှတ်တွေ ဖရီးပေးတယ်ဆိုတာ မဟုတ်ဘူးပေ့ါ။
မဟုတ်ဘူး။
အန်တီ အလင်းဝင်လာပြီးတော့ တချို့ကလည်း ပြောကြတယ်။ အန်တီတို့က တောထဲမှာနေတော့ အရင်တုန်းကတော့ အလံနီတွေ တောထဲမှာ နေတဲ့အခါမှာ လွတ်လပ်ရေး ကြိုးပမ်းစဉ်ကနေထိ ဥစ္စာပစ္စည်းတွေ၊ သခင်စိုးကြီး တောထဲကနေ ဒီအဖွဲ့ထဲ ၀င်တဲ့အခါကျတော့ အန်တီတို့ ရခဲ့တာတွေများရှိလား။
ဘာမှမရှိဘူး။ သူသတ်မှတ်တဲ့လမှာ လုံချည်တစ်စုံဆို တစ်စုံ၊ ဒါကြောင့်မို့လို့ အန်တီက တောထဲတုန်းက များသောအားဖြင့် ထဘီဝတ်ထားတာထက် ဘောင်းဘီဝတ်တာများတယ်။ ယောက်ျားရှပ်အင်္ကျီ အဲလို။ ဒါက အခြေအနေ အေးချမ်းမှ၊ မအေးချမ်းလို့ရှိရင် နောက်ထပ်အသစ် မထုတ်ပေးဘူး။ ဘာတစ်ခုမှမရှိဘူး။ ဘယ်က ရမှာလဲ။
ပါးစပ်ပြောပေ့ါ။ ဒီဥစ္စာကိုက ဖိနှိပ်ချုပ်ချယ်မှု မခံချင်လို့ လုပ်ပါတယ်ဆိုမှ ဒီဟာတွေက ဘယ်ကနေ ဘယ်လို ရမှာလဲ။
အန်တီ့ဇာတိက။
ပခုက္ကူ၊ ကမ်းပြိုကျေးရွာ။
မိဘတွေက။
ဦးရွေး ၊ ဒေါ်ဖွားနုတဲ့။
သက္ကရာဇ်ကော မှတ်မိလား။ အခု အသက်က ဘယ်လောက်ရှိပြီလဲ။
အခု ၇၅ ကျော်၊ ၇၆ ထဲ ရောက်ပြီ။ အမေပြောခဲ့သလိုပဲ။ စာရွက်စာတမ်းတွေ ဘာမှ မရှိတော့ဘူး။ အန်ကယ်ကြီး ဆုံးပြီး ၃၊ ၄ လ နာလန်မထူနိုင်ဘူး။
ပင်ပန်းတဲ့ဒဏ်တွေပေါ့။
စိတ်ပင်ပန်းတာထက် လူပင်ပန်းတာက ဆီးချိုလည်းရှိတော့ ချုံးချုံးကျပဲ။ အခုမှ တဖြည်းဖြည်း အားတင်းပြီးတော့ အစပိုင်းကဆိုရင် ဒီဓာတ်ပုံကို မချိတ်သေးဘူး။ ဖြုတ်ထားဦးမယ်လို့။ ဟိုရက်က သားဆီက ဖုန်းမလာတော့ ကိုယ့်ဟာကိုယ် တုံးလုံးလဲပြီးတော့ အဖေကြီးသာ အခုအချိန်ပိုင်းအထိ ပြောနိုင်ဆိုနိုင် သက်ရှိ ထင်ရှားရှိရင်တော့ ဘယ်လောက် ကောင်းလိုက်မလဲ။ တရားသဘောနဲ့ဆိုလည်း သူ့ရဲ့ဆွဲမနိုင်တဲ့ အချိန်က ဘယ်လိုမှ တားလို့မရဘူး။ သခင်စိုးကိုလည်း သတိရတယ်။ အဲဒါပြီးတော့ နောက်နှစ်ရက် သုံးရက်လောက် ကျတော့ ဘာပဲဖြစ်ဖြစ် တချို့တစ်ဝက် ဒီစာအုပ်လေးကြောင့် သိသွားတာ၊ သူမသေခင်မှာ အဖေကြီးက အဖေကြီး မသေခင်တည်းက စာသားတွေ ဖတ်ပြမယ်။ နားထောင်မလားဆိုတော့ ထောင်မယ်။ အန်တီ ဘေးကနေ ထိုင်ပြီးတော့ ဖတ်ပြတယ်။
အလေးနီပြုတယ်ဆိုတာ ဘယ်လိုပြုတာလဲ။ 
အန်ကယ်ကြီး ကျိုက္ကဆံကွင်းတုန်းက  အလေးနီပြုတယ်။ အဲဒါသတင်းစာမှာ ပါတယ်။ ဟိုတစ်ခါ ရိုက်သွားတာလေ။
အဘဆုံးတုန်းကလည်း အလေးနီပြုတာ ရှိတယ်လေ။
ဒေါ်နှင်းမေကလည်း စိတ်ဓာတ် အရမ်းကောင်းတာ။ သူက စစချင်းတော့ အန်တီ့ကို အပြစ်တင်ဦးမလို့။ အန်တီက အန်ကယ်ကြီးကို ဘယ်လောက်ထိအောင် ကိုယ့်ရဲ့ အိမ်ထောင်ဖက်အဖြစ်နဲ့ ထားတာမဟုတ်ဘူး။ ကိုယ့်ရဲ့ ခေါင်းဆောင်၊ ကိုယ့်ရဲ့ဆရာ တစ်ယောက်အနေနဲ့ ထားတာ။ အသက် ရှည်နိုင်သမျှ ရှည်အောင် ပြုစုလာတာ။ သူက ဒါလုပ်တယ်ကွယ်။ ပြောလို့လည်း မရဘူး။ တစ်ခါတလေ ပြီးခဲ့တာတွေ ပြီးပါစေတော့။ ဒီအောက်ကနေ တက်လာတယ်။ ဒီအပေါ်ကို လေးဖက်ထောက်ပြီး တက်လာတယ်။ အဲလောက်ပေတဲ့လူ။ အသက်ကြီးလာလို့ အန်တီနဲ့ အန်ကယ်ကြီးနဲ့ဆိုရင် အန်ကယ်ကြီးက အသက် ကိုယ့်ထက်ကြီးတယ်။ ဒီအရက်တွေလည်းသောက်တော့ အန်တီ ဘာလုပ်ရမှာလဲ။ အန်တီရွာကနေပြီးတော့ အမေရှိသေးတယ်။ အမေ့ ဆီကို ဆင်တုံးမနွယ် အမှုန့်မှာ။ မှာပြီးတော့မှ ပျားရည်နဲ့ နယ်ပြီးတော့မှ အသက်ကြီးရင် ဆင်စီးရတယ်ဆိုတော့ အဲဒါနယ်ပြီးတော့မှ ပုလင်းကြီးနဲ့တစ်လုံး၊ အဲဒါ အဖေကြီးသောက်လို့။ အရက်တွေသောက်လို့ တော်ကြာရောဂါတွေ ရနေမယ်။ နောက်တစ်ခါ မြင်းခွာရွက်ကို ရေစင်စင်ဆေးပြီးတော့ ဒီအမိုးအောက်မှာ လှန်းတာ။ အဲဒီ မြင်းခွာရွက်ကို ဆုံနဲ့ ထောင်းပြီးတော့ ပျားရည်နဲ့ တည်ပြီးတော့မှ နှစ်နှစ်ဆက်တိုက် သူက အရက်သောက်တဲ့ လူဆိုတော့။ တော်ကြာ အသက်တိုနေရင်။ နောက်တစ်ခါ ကြက်သွန်ဖြူဥ အဲဒါကို ခွာပြီးတော့မှ ပင်အပ်နဲ့ ဖောက်ပြီးတော့ ပျားရည်နဲ့ စိမ်ထား။ စိမ်ထားပြီးတော့ အဲဒါနဲ့မြည်းတာ။
အန်တီတို့ အဲဒီတောထဲမှာတင် စောဘဦးကြီးအဖွဲ့နဲ့ ဆုံခဲ့သေးလား။
မဆုံခဲ့ဘူး။ ဒီကို ငြိမ်းချမ်းရေး ဆွေးနွေးပွဲလာတုန်းက စောဘဦးကြီး အုတ်ဂူကို သွားကန်တော့သေးတယ်။ အဘသွားတာ။
အခုငြိမ်းချမ်းရေးယူနေတဲ့ အစိုးရနဲ့  ငြိမ်းချမ်းရေး ဆွေးနွေးနေတဲ့ သတင်းတွေက လာနေတာလေ။ သူတို့ ငြိမ်းချမ်းရေး ဆွေးနွေးနေတဲ့ ပုံစံတွေ ဘယ်လိုမြင်လဲ။
တကယ်ကတော့ အောင်အောင်မြင်မြင် ဖြစ်မယ်လို့တော့ မထင်ဘူး။
ဘယ်လို လိုအပ်ချက်တွေ ရှိနေလို့လဲ။
ဟိုဘက်ကလည်း သူတို့ရဲ့ နယ်မြေကို သယံဇာတတွေ အပိုင်းတော့ ဘယ်လက်လွှတ်ချင်မလဲ။
ငြိမ်းချမ်းရေး ဆွေးနွေးတဲ့ အခါကျတော့ အန်တီ့အနေနဲ့ လက်နက်စွန့်ဖို့ လိုတယ်လို့ထင်လား။ လက်နက် ဆက်ကိုင်ထားဖို့ လိုတယ်လို့ထင်လား။
ငြိမ်းချမ်းရေး ယူလို့ရှိရင်တော့ တစ်ဦးနဲ့တစ်ဦး ယုံကြည်မှု ရှိတယ်ဆိုရင်တော့ လက်နက်ကိုင်ဖို့ မလိုဘူး။ အန်တီ့ရဲ့အမြင်ပေ့ါ။ လက်နက်ကိုင်တယ် ဆိုလို့ရှိရင် တစ်ချိန်မဟုတ် တစ်ချိန်ပြန်ပြီးတော့ သူ့ဘက်က စိတ်အခန့် မသင့်တာရှိရင်၊ ကိုယ့်ဘက်က စိတ်အခန့် မသင့်တာရှိရင် ဒါမျိုးတွေ တကယ်ငြိမ်းချမ်းဖို့ရာအတွက် ရည်ရွယ်ပြီ ဆိုလို့ရှိရင်တော့ ဘာမှ လက်နက်ကိုင်စရာ မလိုဘူး။ အန်တီ့အမြင်ပေ့ါ။
အစိုးရက လက်နက်ကို စွန့်ခိုင်းလိုက် လို့ရှိရင် သူတို့ဘက်မှာလည်း လက်ဆုပ်လက်ကိုင် မရှိတော့ တချို့ ငြိမ်းချမ်းရေး အဖွဲ့တွေကလည်းပဲ အဲဒီလိုမျိုးကျတော့ လက်နက်မစွန့်ချင်တာလည်းရှိတယ်။
အစိုးရက တကယ်ကော စိတ်ချရလို့လား။
ဒါလေးတွေကိုလည်း သူတို့က ပြန်တွေးနေမှာပေ့ါလေ။ အချိန်မရွေး ဖြစ်နိုင်တယ်ပေ့ါ။
အန်တီတို့ ၀င်လာတုန်းက အစိုးရက စိတ်ချရလား။
အန်တီတို့က သေလူအဖြစ် ၀င်လာတာ။ ဘယ်လိုလုပ်လုပ်။
အန်တီတို့ အဘတို့ အလင်းဝင်တုန်းကျမှ သခင်စိုး ဒီအထဲရောက်တာပေ့ါ။ 
အလင်းဝင်တာတော့ မဟုတ်ဘူးထင်တယ်။ အန်တီတို့အဖွဲ့က ပျက်သွားပြီ ဆိုပြီးတော့ သူကလည်း ထပ်ပြီးတော့ သူကိုယ်တိုင် တောင်းဆိုမယ်ဆိုတဲ့ ပုံစံမျိုးနဲ့ လာတာလို့ ထင်ပါတယ်။ အတိအကျတော့ မဟုတ်ဘူးပေ့ါ။
တချို့ကလည်း သခင်စိုးကြီးက နိုင်ငံရေး အရမ်းကျွမ်းတယ် ဆိုပြီးတော့ အဲလိုဝင်လာပြီးတော့ တရားတွေ ဘာတွေ ရင်ဆိုင်တာလားလို့။ ဒါလည်း နိုင်ငံရေးအရ ဦးနေ၀င်းနဲ့ ပူးပေါင်းပြီးတော့ လှည့်ကွက် လုပ်တယ် ထင်တယ်။ အဲလို ပြောကြတာပေ့ါ။
အန်တီကတော့ အန်ကယ်ကြီးလည်း အဲလိုပြောတာ မကြားပါဘူး။ အန်တီက မသိရင် အန်ကယ်ကြီးကို မေးတာပဲ။
သခင်စိုးက အင်္ဂလိပ်စာ ကျွမ်းတယ်နော်။
အရမ်းကျွမ်းတယ်။ သခင်စိုးက အင်္ဂလိပ်လိုပြောတာ မွှတ်နေတာပဲ။ ဗမာလို့ကျတော့ ထစ်နေတယ်။ အဲလောက် တော်တယ်။
အန်ကယ်ကြီးကျတော့ အင်္ဂလိပ်စာ ဘယ်လို သင်ခဲ့ရတယ်လို့ အန်တီ့ကို ပြောဖူးလဲ။
အဲဒါတော့ မပြောဖူးဘူး။ ဒါပေမဲ့လို့ မာ့စ်ခ်လီနင်စတာလင်၊ မာ့စ်ခ်ရေးတဲ့စာအုပ်လည်း တွေ့တယ်။ အဲစာအုပ်တွေ ရှိတယ်။ ဘယ်သူက ဖတ်နိုင်မှာလဲ။
တောထဲမှာ ဖတ်တာလား။ ပြန်သယ်လာတာလား ဒီကို။
မဟုတ်ဘူး။ ဒီကျမှ ပြန်ပြီးတော့ စုဆောင်းပြီးဖတ်တာ။ အဲလို ဖတ်တာလို့ ထင်တယ်။
အန်ကယ်ကြီးက ဒီရောက်တော့မှ အဲဒီစာအုပ်တွေကို ပြန်ဖတ်နေတယ်ဆိုတော့ သူ့ဝါဒနဲ့ ပတ်သက်ပြီးတော့ ဆက်ပြီး လေ့လာနေတဲ့ သဘောပေါ့။
အဲဒီသဘောပဲနဲ့တူတယ်။ နဂိုတုန်းကတော့ တစ်ခုရှိတယ် သားရယ်။ သူက စီးပွားရေးဆိုရင် ဗိုက်ဟောင်းလောင်း နေချင်နေ၊ ဘာမှ ခေါင်းထဲမှာ မရှိဘူး။ အဲဒါ မရှိတော့ အန်တီက ကလေးတွေနဲ့ စီးပွားရေး လုပ်ရတာ။ ပြန်မကြည့်နိုင်ဘူး။ သူ့ဘာသာသူ အိမ်မှာ ရေး၊ ဖတ်။ ကိုယ်ကလိုတဲ့ဟာ ဖြည့်ဆည်း ပေးရတာပေါ့။
ကျွန်တော် ကြားဖူးတာက တချို့ အစိုးရ ၀န်ထမ်းတွေ လုပ်နည်းလုပ်ဟန် မဟုတ်ဘူးလို့ ယူဆလို့ အဘက ဦးနေ၀င်းဆီ စာရေးပြီးတော့ တင်တယ်ပြောတယ်။
အဲဒါတော့ ရှိတယ် ထင်တယ်။
အဲဒါကျတော့ ဦးနေ၀င်းက အရေးယူပေးလား။
ယူလား၊ မယူလားတော့ မသိဘူး။ သူတို့ကတော့ ပေးတာဆိုရင်တော့ ယူမှာပေါ့။ ပြန်ပြီးတော့ ဖြေရှင်း တာကတော့ ဘယ်လုပ်မလဲ။
အဘဆုံးတော့ အစိုးရက လွတ်လပ်ရေးမော်ကွန်းဝင် ပထမဆင့်ဆိုတော့ ဆုံးတော့ ထောက်ပံ့တာတွေ ရှိလား။
မရှိပါဘူး။
လွတ်လပ်ရေး ကြိုးပမ်းမှုတုန်းကတော့ ပါခဲ့တယ်နော် အဘတို့။
ပါတာပေါ့။ ဗိုလ်ချုပ်အောင်ဆန်းနဲ့ သခင်စိုးနဲ့ တွေ့ဖို့တွေ ဘာတွေကို။
အန်တီတို့က ဖမ်းလည်း အဖမ်းခံခဲ့ရတယ်လေ။ တကယ်လည်း အလင်းဝင်လာတယ်။ ငြိမ်းချမ်းရေး သဘောက ဘယ်လိုဟာမျိုးကို ဆိုလိုတာလဲ။
တစ်ခုရှိတယ်လေ။ ဒါက အန်တီ့ အမြင်နော်။ တကယ် ငြိမ်းချမ်းအောင် ယူလို့ရှိရင် ဘာပဲဖြစ်ဖြစ် ငြိမ်းချမ်း ရမှာပေါ့။ အခုက ငြိမ်းချမ်းရေး ရတယ်၊ ရတယ်ဆိုပြီးတော့ ခဏခဏ ပြန်ပြီးတော့ ဖြစ်နေတာ၊ လိမ်နေ တာပဲပေါ့။ တကယ်က တစ်ခါတည်း တစ်သမတ်တည်း ဖြစ်ရမှာပေါ့။
ဘယ်ဘက်က လိမ်တယ်လို့ထင်လဲ။
အများဆုံးကတော့ ဒီအစိုးရဘက်ကပဲ ထင်မယ်။
အစိုးရဘက်က အန်တီတို့ ငြိမ်းချမ်းရေး ယူတဲ့ အချိန်မှာ ဘယ်လိုမျိုး မရိုးသားတဲ့ အချက်တွေ တွေ့ဖူးလဲ။
အန်တီတို့က အဲဒီတုန်းက နောက်လိုက်အနေနဲ့ လိုက်တာပဲ။ တွေ့ဖူးဆို အဲဒီတုန်းက တစ်ခုရှိတယ်။ ငြိမ်းချမ်းရေး ဆွေးနွေးပွဲဆိုပြီး အတိုက်အခိုက် ရပ်စဲရေး ဆိုပြီးတော့ လုပ်ထားပြီးတော့ တကယ်က အလစ် ဟိုမှာ ချနေတယ်။
အစိုးရတပ်က အန်တီတို့စခန်းတွေ ကိုလား။
အေးလေ။
အဲဒါဆို သခင်စိုးတို့ ဒီမှာ လာဆွေးနွေးတုန်း ဟိုမှာ အတိုက်ခံရ သေးတယ်ပေါ့။
ပေါ်တင်မဟုတ်ဘူး။ ပြောက်ကျား၊ ပြောက်ကျားနဲ့။
အဲဒါကြောင့်မို့လို့ ငြိမ်းချမ်းရေးက လိမ်တယ်လို့ ပြောလို့ရတာပေါ့။
အေးပေါ့၊ တကယ်ဆိုရင် မချရဘူးလေ။
အောက်ကလူတွေက မသိလို့များလား မသိဘူး။
တစ်ခုရှိတယ်လေ။ အခုတော့ မသိဘူး။ အခုတော့ တစ်စနစ် ပြောင်းသွားပြီ အောက်က ဘာလုပ်လုပ်၊ အထက်က သိတာမှ မဟုတ်ဘဲနဲ့ အဲလိုဟာတွေ အများကြီး။ အခုတောင် အဲဒါမျိုး လွတ်ရဲ့လားပေါ့။ လွတ်ကင်းရဲ့လား မသိဘူး။ အကုန်လုံးသာ စိတ်သဘောထားတွေ တစ်သမတ်တည်းဆိုရင် ဒီလောက်တောင် ရှုပ်ရှုပ်ပွေပွေဖြစ်စရာ အကြောင်းမှမရှိဘဲ။ သဘောကို ပြောတာလေ။
ဒေါ်ခင်စုကျတော့ ရဲနီမယ်လို့ပြောလို့ရလား။
ပြောရင်တော့ ရတာပေါ့။ ဒါပေမဲ့ သူက အန်တီနဲ့ သူနဲ့က တောထဲမှာ အတူတူ နေလာတာလေ။ နိုင်ငံရေးတွေဘာတွေ သူက ဘာမှ စိတ်မ၀င်စားဘူး။ ရဲနီမေလို့ ခေါ်တာကတော့ ရတာကတော့ ရပါတယ်။
အန်တီတို့က ဟိုမှာ သေနတ်ကိုင်ခဲ့ ရတာပေါ့။
ကိုင်ခဲ့ရတယ်။ ကိုင်ချင်လို့ကို လိုက်တာ။
ဘယ်လိုသေနတ် အမျိုးအစားတွေ ကိုင်ခဲ့ရလဲ။
ပထမစတုန်းကတော့ ရိုင်ဖယ်သေနတ်၊ တစ်တောင့်ချင်း ပစ်ရတာလေ။ နောက်ကျတော့ စတင်းဂန်းပေါ့။ စတင်းဂန်း ကျတော့ ဒီလိုကျည်ဘောက်စ်က ၅၀ ပါတယ်။ အဲဒီ ၅၀ ထည့်ထားလိုက်လို့ရှိရင် ခလုတ်နှိပ် လို့ရှိရင် ၅၀ လုံး မကုန်မချင်း ပစ်လို့ရတာပေါ့။
အဲဒီသေနတ်တွေ ဘယ်ကရလဲ။ အလံနီကနေ ၀ယ်တာလား။
ဝယ်တဲ့ ဟာတွေ ရတယ် ထင်တယ်။ တိုက်ပွဲတွေမှာ ရတဲ့ဟာတွေလည်း ရတယ်။ အစိုးရတပ်က ရဲဘော်တွေ ကျတော့ ရတာလည်းရှိတယ်။ ၀ယ်တာက အများစုပဲ။
ကျည်တွေဘာတွေ ၀ယ်တာကျတော့ ဘယ်ကနေ၀ယ်လဲ။
နယ်စပ်တွေကနေ ၀ယ်တာလားမသိဘူး၊ အဲဒါကျတော့။
အဘတို့တော့ လက်နက်ဘာညာဝယ်တဲ့ဟာကို သူတို့တော့ သိမှာပေါ့။
အဘလည်း အဲဒါတွေကို ဟိုဟာမဖြစ်ဘူး။ အဘက နိုင်ငံရေးပဲ။ နိုင်ငံရေး သင်တန်းတွေ သူပေးရတယ်။ စစ်ရေးနဲ့ ပတ်သက်လို့တော့ သိပ်ပြီးတော့ ဟိုဟာမဖြစ်ဘူး။ အစောပိုင်းကတော့ မသိဘူးပေါ့လေ။ နောက်ပိုင်းကို ပြောတာ။ နောက်ပိုင်း အန်တီတို့ သိသလောက်ကတော့ နိုင်ငံရေးကို သင်တန်းပေးရတာ။ နိုင်ငံရေး သင်တန်းပေး အရမ်းကောင်းတာ။ သခင်စိုးပြောတဲ့ စကားကို အခုတည်းက အန်တီ့ ခေါင်းထဲမှာ မှတ်ထားတယ်။ နောင်လာနောင်သားတွေလည်း အိမ်မှာရှိတဲ့ သူတွေလည်း တစ်ခါတစ်ခါ ပြောပြတယ်။ ပြောပြတာက တခြားမဟုတ်ဘူး။ အိမ်ထောင်တစ်ခုမှာ စီးပွားရေးရဲ့ အဓိက သော့ချက်ဟာ မီးဖိုချောင်တဲ့ မီးဖိုချောင် ထိန်းသိမ်းမှု မလုံခြုံလို့ရှိရင် ဒီမိသားစုဟာ ဘယ်တော့မှ စီးပွားရေး … မဖြစ်ဘူးတဲ့။ အဲတော့တဲ့ တစ်နေ့ကိုတဲ့ ငရုတ်သီးတစ်တောင့်၊ ကြက်သွန်တစ်ဥ အလေအလွင့် ဖြစ်ရင်တောင်မှ ရက်တွေ များလာတဲ့ အခါကျတော့ ငရုတ်သီးတောင့်တို့၊ ကြက်သွန်တို့က အများကြီး လေသွားတယ်တဲ့။ အဲတော့ ကြက်သွန်တစ်ဥ၊ ငရုတ်သီး တစ်တောင့်က စပြီးတော့မှပေါ့ အဲဒါကို အန်တီက ခေါင်းထဲမှာ မှတ်ထားတယ်။
ဒါ သခင်စိုးကမှာတာပေါ့။ အမျိုးသမီးတွေကို မှာတာလား။
အမျိုးသမီးဖြစ်ဖြစ်၊ အမျိုးသားဖြစ်ဖြစ်လေ။ အိမ်ထောင်တစ်ခုမှာ အဓိက စီးပွားရေးက မီးဖိုချောင်ပဲ။ စီးပွားရေး၊ နိုင်ငံရေး၊ စစ်ရေး၊ စစ်ရေးက နောက်ဆုံး ပိတ်ပဲလေ။ စီးပွားရေးက ထိပ်ကပဲ။ အဲတော့ တိုင်းပြည်တစ်ခု မှာလည်း ဘာပဲဖြစ်ဖြစ် အန်တီတို့ အိမ်တစ်အိမ်မှာ စီးပွားရေးအရ မီးဖိုချောင်ကိစ္စ ပြေလည်လို့ရှိရင် အားလုံး အေးချမ်းသာယာတာပဲ။ သဘောကို ပြောတာလေ။ နိုင်ငံတစ်ခုအနေနဲ့လည်း စီးပွားရေး ပြေလည်လို့ရှိရင် နိုင်ငံရေးက သာယာမှာပဲ။ ဒီသဘောမျိုးပဲပေါ့။ ဒါအန်တီ ဟိုဟာ ဖြစ်သလောက် ပြောပြတာပါ။ ဒီခေတ်က ပညာရှိတွေ ပေါပြီးတော့ ပိုပြီးတော့တောင်မှ။
အဘနဲ့ အန်တီနဲ့က နိုင်ငံခြားသွားသေးလား။
စင်ကာပူသွားတယ်။
စင်ကာပူသွားတာကျတော့ ဘယ်လို ဖြစ်ပြီး သွားဖြစ်သွားတာလဲ။
သမီးက သူ့အဖေ အသက်ထင်ရှား ရှိတုန်းကို ရောက်ဖူးစေချင်လို့ ဆိုပြီးတော့ အတင်းခေါ်တာ။
အဲဒီတုန်းက ဗီဇာတွေဘာတွေ လွယ်လွယ်ကူကူကျလား။
အန်တီတို့က အသက်ကြီးတဲ့လူတွေ ဆိုတော့ အန်ကယ်ကြီးရော အန်တီရော နှစ်ယောက်လုံး အသက်ကြီးတဲ့ လူတွေဆိုတော့ ဒီအိမ်မှာပဲ ဒီမှာခေါ်ပြီးတော့ ရိုက်တာ။
ဘယ်နှခုနှစ်လောက်ဖြစ်မလဲ။
အခုဆို လေးငါး၊ ခြောက်နှစ်လောက်တော့ ရှိပြီထင်တယ်။ ပြန်ကြည့်ရင်တော့ သိတယ် ဘယ်တုန်းကဆိုတာ။
စင်ကာပူမှာ ဘယ်လောက်ကြာခဲ့လဲ။
သွားချင်တော့လည်း အန်ကယ်ကြီး သွားချင်တာ။ အန်တီက ပိုက်ဆံကုန်လို့ မသွားဘူးလို့။ သမီးကလည်း သူ့အဖေ တော်ကြာ သေသွားရင် အန်တီ့အပြစ် ဖြစ်မှာလေ။ အဲဒါကြောင့်မို့လို့ သွားတာ။ ဟို ရောက်ခါကျတော့ လုပ်သွားတာက တစ်နှစ်၊ လေယာဉ်လက်မှတ်ရော ဘာရော။ အဆုံးခံရတာ အန်တီတို့မှာ။ နှစ်လတည်းနဲ့ ပြန်လာလို့။ ပြောလို့မရဘူး။ ပြန်မယ်အတင်း။ လေယာဉ်ပေါ်ကျတော့ လေယာဉ် မောင်လေးတွေက မေးတယ်။ အဘတဲ့ နောက်ထပ် လာဦးမှာလားတဲ့။ အေး လာခဲ့ဦးမယ်တဲ့။
 မောင်ရေစက်
Credit To The Myanmar Herald
Read More »

နိုင်ငံတော်အကြံပေး ဒေါက်တာဖေဉဏ်(ဦးပညာဝံသ)နှင့် တွေ့ဆုံခြင်း – မောင်ရေစက်

“နိုင်ငံရေးတွေပြောချင်ရာ ပြောနေတာလည်း အကုန်လုံး အမှားချည်းပဲ အမှန်တစ်ခုမှ မရှိဘူး . . .

အာဏာလွှဲတဲ့အချိန်မှာ မိန်ရာသီမှာ ဂြိုဟ်တွေ အများကြီးပဲ . . .”

 မြန်မာပြည် ပထမ လွတ်လပ်ရေးရတဲ့ အချိန်မှာ ကြာသပတေးနံပူးတယ် ရေနံ၊ သဘာဝ ဓာတ်ငွေ့ အဲဒါတွေနဲ့ ချမ်းသာတယ် ပြဿနာ ဘာပဲတက်တက် တိုင်းပြည်ကတော့ ဒုက္ခဖြစ်စရာ ဘာမှမရှိဘူး ကြာသပတေးကတော့ ဘာသာရေး ထွန်းကားတာတို့ ဆိုင်တယ် တို့တိုင်းပြည်မှာ ဗုဒ္ဓဘာ သာသာသနာပိုပြီး ထွန်းကားအောင် လုပ်ဖို့လိုတယ် ထွန်းကားလာရင် တိုင်းပြည် မှာ စောင့်ရှောက်နေတဲ့ နတ်ကောင်းနတ်မြတ်တွေ . . . သာသနာတော်တွေ ကို စောင့်ရှောက်ေ နတာ အဲဒီပုဂ္ဂိုလ်တွေက ပိုပြီးတော့ အကူအညီပေးလာမှာပေ့ါ …
http://thandawsint.files.wordpress.com/2013/12/pn2.jpg?w=253&h=380
ဘုန်းကြီးဝတ်နေသော နိုင်ငံတော်သမ္မတ အခါတော်ပေး၊ နိုင်ငံတော် အကြံပေး ဒေါက်တာဖေဉာဏ် (ဓာတ်ပုံ-ဆန်းဝင်းထွန်း)
မြန်မာနိုင်ငံတွင် လမ်းစဉ်ပါတီခေတ်၊ န၀တ နယကခေတ်၊ စစ်အစိုးရမှသည် ၂၀၁၀ ရွေးကောက်ပွဲပြီးနောက် သမ္မတ ဦးသိန်းစိန် အစိုးရလက်ထက် တိုင်အောင် နိုင်ငံတော် အကြီးအကဲများ လက်စွဲ၊ နိုင်ငံတော်အကြံပေး၊ အခါတော်ပေး အဖြစ်လည်းကောင်း၊ ပြည်တွင်း မီဒီယာလုပ်ငန်း အကြီးအကဲ အချို့နှင့် လွှတ်တော် အကြီးအကဲ အချို့ကို ဗေဒင်နက္ခတ် ပညာရပ်များ သင်ကြား ဖြန့်ဝေပေး ခဲ့ရပြီး နေပြည်တော်တွင် ကျယ်ပြန့် ကြီးမား ခံ့ညားသည့် ဗုဒ္ဓဂယာပုံစံတူ သတ္တဌာနနှင့် သတ္တဌာန တရားရိပ်သာတို့ကို သမ္မတဦးသိန်းစိန် အစိုးရမှ တည်ထား နိုင်ရန်အတွက် အဓိက အကြံပေး အကောင်အထည် ဖော်စေခဲ့သည့် နိုင်ငံတော်သမ္မတ အကြံပေး ဒေါက်တာဖေဉာဏ် (ယခုမှော်ဘီမြို့၊ ၂ ရပ်ကွက် ဧက ၃၀ ကျော် ကျယ်ဝန်းသည့် စန္ဒကူးမြိုင် သာသနာ့ ရိပ်သာကို တည်ထောင်လျက်ရှိသူ ဆရာတော်ဦး ပညာဝံသ)ကို မြန်မာသံတော်ဆင့် အယ်ဒီတာအဖွဲ့က ဒီဇင်ဘာ ၉ ရက် နံနက်ပိုင်းတွင် သွားရောက်တွေ့ဆုံ ဂါရ၀ပြုကာ နိုင်ငံတော်အရေး၊ ဘာသာရေး၊ အမျိုးသားရေး အတွက် သိလိုသည်များ မေးမြန်းခွင့် ရခဲ့ပါသည်။ နှစ်ပေါင်း ၂၀ ကျော် နိုင်ငံတော်အဆင့် အကြံပေး၊ အခါတော်ပေးအဖြစ် ယခုတိုင် ရပ်တည်လျက် ရှိသော်လည်း ရဟန်းဝတ်ဖြင့် တောရဆောက်တည်၍ သီတင်းသုံးဖော် ရဟန်းတော် နှစ်ပါးနှင့်သာ ခေါင်းပါးစွာ သီတင်းသုံးလျက် ရှိသည်ကိုလည်း ဖူးတွေ့ရပါသည်။ ဦးပညာဝံသ (ဒေါက်တာဖေဉာဏ်)၏ စန္ဒကူးမြိုင် ရိပ်သာတောအုပ်အတွင်း သမ္မတရုံး ၀န်ကြီးဦးစိုးသိန်းလှူ ဒါန်းထားသော ထုံးဖြူဖြူစေတီနှင့် သမ္မတကြီး ဦးသိန်းစိန် လှူဒါန်းထားေ သာ ကျောက်စိမ်းရုပ်ပွားတော် ကိန်းဝပ်စံပယ်မည့် သိမ်ဆောက်လုပ်မည့် နေရာတို့ကို လည်း တွေ့ရှိခဲ့ရ သည်။ နိုင်ငံတော် အကြံပေးတစ်ဦး အနေဖြင့် လစာတစ်သိန်းနှစ်သောင်းကျပ်၊ မော်တော်ယာဉ် မရရှိဘဲ အချိန်ကာလကြာမြင့်စွာ တာဝန် ထမ်းဆောင်ပြီး နိုင်ငံတော်အတွက် လိုအပ်ချက်များကို သမ္မတထံ တိုက်ရိုက်ပြောကြား တင်ပြခြင်း အခွင့်အရေး ရပါလျက် မြန်မာသံတော်ဆင့် မီဒီယာမှတစ်ဆင့် ထုတ်ဖော်ပြောကြား အသိပေးလိုသော ဆရာကြီး ဒေါက်တာ ဖေဉာဏ်၏ ပွင့်ပွင့်လင်းလင်း ပြောကြားချက်များကို ဖော်ပြလိုက်ပါသည်။  …
အရှင်ဘုရားက အစိုးရအဆက်ဆက် အနောက်တိုင်းနက္ခတ်နဲ့ ပတ်သက်ပြီး နေတစ်ဆူ၊ လတစ်ဆူလိုဖြစ်ပြီး နိုင်ငံတော် သမ္မတ ဦးသိန်းစိန် အနီးကပ် အကြံပေးဖြစ် နေရဲ့သားနှင့် အဲဒီလို အခြေအနေမျိုးက ရဟန်းဝတ်ဖို့ ဘယ်လို စိတ်ကူးလိုက်တာလဲ ဘုရား။
မြတ်စွာဘုရား လက်ထက်က ဂါထာတော်တွေကို ဖတ်ဖူးမှာပါ။ အဲဒီမှာ တကယ့် ဗြဟ္မဏ ဆရာကြီးတွေရှိတယ်။ ဗေဒင်သုံးပုံကို ရပြီးတော့မှ ရဟန်းဝတ်သွားပြီးတော့ ရဟန္တာဖြစ်သွားတဲ့ ပုဂ္ဂိုလ်တွေရှိတယ်။ တော်တော် များများက အဲဒီလိုပဲ။ လောကီပညာတောင်မှ ဗေဒင်ဖီလိုဆော်ဖီ အထွတ်အထိပ်ပဲ။ ဖီလိုဆော်ဖီကို ကျွမ်းကျင် သွားတယ်။ အဲဒီလူတွေက လောကမှာ ဗေဒင်နဲ့မပြီးဘူးဆိုတာ သိသွားတယ်။ လောကထက် လွန်မြောက်တဲ့ လောကုတ္တရာဆိုတာ ရှိတယ်။ ငယ်ငယ်တုန်းက ဘာသာတရား ကိုင်းရှိုင်းတဲ့အဖေ၊ အမေက မွေးဖွား လာတဲ့အတွက် ကံကောင်းပါတယ်။ မဟာစည် ဆရာတော် ဘုရားကြီးဆီမှာ ကျကျနန အားထုတ်ခဲ့တယ်။ အနီးကပ် ၁၂ နှစ်လောက် အားထုတ်ခဲ့တယ်။ ဖီလိုဆော်ဖီ လောကီမှာ ချမ်းသာတယ်ဆိုတာ ဘာမှ အဓိပ္ပာယ် မရှိဘူး။ လောကမှာ မှန်တယ်ဆိုတာ ဘာမှမရှိဘူး။ နိုင်ငံရေးတွေ ပြောချင်ရာ ပြောနေတာလည်း အကုန်လုံး အမှားချည်းပဲ။ အမှန်တစ်ခုမှ မရှိဘူး။ အဲဒါကြောင့် ကိုယ်ငယ်ငယ်လေးတုန်းက ရဟန်းဝတ်ချင်ခဲ့တယ်။ လူကြီးတွေက အမြဲ ဆုံးဖြတ်ရတဲ့ လူတွေလေ။ ဗေဒင်နဲ့ ပတ်သက်ပြီးတော့ အခြေအနေ ဘယ်လိုလဲတဲ့။ အိန္ဒိယမှာ ဗေဒင်ပညာ ထွန်းကားတယ်ဆိုတာ ကာလကတ္တားက ဗေဒင်နည်း ယူလာတဲ့ လူတွေဟာ အတွေးအခေါ်တွေ ရင့်ကျက်သွားမယ်ဆိုရင် တိုင်းပြည်အတွက် တစ်ချိန်မှာ အားကိုးရတယ်။ ကလေးတွေ ကတော့ လောလောဆယ် သုံးလို့ မရသေးဘူး။ အနည်းဆုံး ၁၀ နှစ်လောက်တော့ မွေးရဦးမယ်။ အတွေ့အကြုံ ၁၀ နှစ်လောက် လုပ်မှဖြစ်လာမှာ။ မြန်မာပြည်မှာ ယောအတွင်းဝန် ဦးဖိုးလှိုင်၊ ဦးသိန်းဖေတို့ ပေါ်တယ်လေ။ ပြီးရင် တကယ်မှန်အောင် ဟောနိုင်တဲ့ ဆရာစန္ဒြ ပေါ်လာတယ်။ ဦးဝေဠု ဆိုတာလည်း ရှိတယ်။ မေမြို့က။ ဦးဝေဠုက ဗေဒင်ကို ၀ါသနာပါတယ်။ အဲဒီမှာ ဘယ်အချိန်မှာ ဖြစ်တတ်တယ်။ ဘယ်အချိန် ဖြစ်မလဲဆိုတာ မပြောနိုင်ဘူး။ အနောက်တိုင်းကျတော့ အချိန်ကိုချပြတာ အရမ်းကောင်းတယ်။ အဲဒါကို ဦးဝေဠုက နားလည်တယ်။ ဦးဝေဠုဆီမှာ ဆရာစန္ဒြ သွားသင်ခဲ့တယ်။ သူတစ်ယောက်ပဲ မှန်အောင် ဟောနိုင်တယ်။ ကျန်တဲ့ လူတွေကတော့ အခြံအရံတွေပေ့ါ။ သူ့ဟာနဲ့ သူမှန်တာ ချည်းပဲလေ။ ဘယ်အချိန်ဖြစ်မလဲ ဆိုတာ ပြဿနာကိုး။
ဗိုလ်ချုပ်ကြီး . . .က မေးပါတယ်။ တို့ခေတ်တုန်းက အိန္ဒိယမှာ အက်စ်ထရော် လော်ဂျီကယ် (Astrological) မဂ္ဂဇင်းဆိုတာ လတိုင်းထွက်တယ်။ လတိုင်းဖတ်တယ်။ ဦးသန်းမောင်ဆီက ယူထားတယ်။ အင်္ဂလန်မှာ ဘွဲ့ပေးတယ် ဆိုတာလည်း ဘုန်းကြီးတွေ ဘွဲ့ပေးတဲ့ စာအုပ်လေ။ အနောက်တိုင်း နက္ခတ် ပညာ သဘောတရားများ အဲဒီစာအုပ် ပို့လိုက်သေးတယ်။ အမေရိကန်မှာ တက္ကသိုလ်တွေမှာ ပြဋ္ဌာန်းတာတွေ အဲဒီ ခေတ်တုန်းက အများကြီး ဖတ်ခဲ့တော့ နားလည်နေတာပေ့ါ။ နောက်ပိုင်းကျ ဆရာမြိုင်တို့ ပေါ်လာတယ်။ သူတို့လည်း အကြမ်းအဖျင်းတော့ ရတယ်။ တိတိကျကျ မရဘူး။ အဲဒီတော့ ဆရာမြိုင်ပြီးရင် ထူးထူးချွန်ချွန်လူ မပေါ်လာဘူး။ သို့သော် ဒဂုန်(ဆရာဒဂုန်) သူက ဦးနှောက်ရှိတယ်။ ကိုယ်နဲ့ခင်လည်း ခင်ပါတယ်။ သူမလုပ် နိုင်တဲ့ဟာ လုပ်နိုင်အောင် ဆိုပြီးတော့ လူငယ်လေးတွေ စုပြီးတော့ အိန္ဒိယက ဘွဲ့ယူအောင် လုပ်ပေးနိုင်တယ်။ သူတို့တွေ ထက်လာတယ်။ အဲဒီအဖွဲ့တွေက အများကြီး လေ့လာရဦးမယ်။ အဲဒီအဖွဲ့က အားကိုးရတဲ့ လူတွေ မြန်မာပြည်မှာ ပေါ်လာပြီ။
pn4
နေပြည်တော်၊ သတ္တဌာနတရားရိပ်သာ အုတ်မြစ်ချပွဲတွင် သမ္မတဦးသိန်းစိန် တက်ရောက်ပြီး အခါတော်ပေး ဒေါက်တာဖေဉာဏ် (ခေါင်းဖြူနှင့် လက်အုပ်ချီလျက်)ကို တွေ့ရစဉ်။
တပည့်တော်တို့ တိုင်းပြည် ဒီလိုအခြေအနေဆိုးတွေ ဖြတ်ခဲ့တော့ လွတ်လပ်ရေး ရတဲ့အချိန် ရွေးတာပေါ့။ ၄ နာရီ မိနစ် ၂၀  ရွေးလိုက်တဲ့ အခါမှာ တိုင်းပြည် ကံကြမ္မာအတွက် အကောင်းအဆိုး ဘယ်လိုရှိပါသလဲ ဘုရား။
အဲဒါပေးတော့ အင်္ဂလိပ်က ဗေဒင် အရမ်းနားလည်တယ်။ သူတို့ကို သွားယှဉ်လို့မရဘူး။ သူတို့မင်းသားတစ်ပါး၊ ဘုရင်တစ်ပါး မွေးလာတယ် ဆိုရင်လည်း ၀ှက်ထားနိုင်တယ်။ မြန်မာပြည်ကို လွတ်လပ်ရေး ပေးတဲ့အချိန်မှာ အချိန်တစ်ခု ပေးလိုက်တယ်။ ဦးသန်းမောင်ကလည်း တစ်မျိုးပေးတယ်။ သူတို့က မဟာမြိုင်ကျောင်း၊ အခု စမ်းချောင်းထဲမှာ ပါသွားပြီ။ ဥယျာဉ်တိုက်ထဲမှာ စည်းဝေးတယ်။ အဲဒီမှာ မဟာမြိုင် ဆရာတော်ဆိုပြီးတော့ ကနောင်မင်းသားကြီးရဲ့ မြေးပေါ့ အဲဒီ ဆရာတော် ဘုရားကြီးက။ အဲဒီဘုန်းကြီးမှာ မင်းမျိုးမင်းနွယ်တွေ လည်းပါတယ်။ ဦးဘဆွေတို့လည်း ပါတယ်။ ဗိုလ်ချုပ်အောင်ဆန်း တို့လည်းပါတယ်။ ဗိုလ်ချုပ်အောင်ဆန်းတော့ သေသွားပြီလေ။ ကိုသိန်းဟန် တို့လည်းပါတယ်။ မြန်မာပြည်ကို ဘယ်အချိန် ရွေးမလဲဆိုတာ ၀ိုင်းရွေးကြတာ။ ရွေးတာ နောက်ဆုံး ယူလိုက်တဲ့လူက ဘယ်သူလဲဆိုတော့ ဦးသန်းမောင်ဟာလည်း ပယ်တယ်။ ဘယ်သူ့ကို ပေးလဲဆိုတော့ ပဲခူးက ဆရာကြီး ဦးသက်တင်တို့ အဲဒီဇာတာကို ပေးလိုက်တယ်။ အဲဒီအချိန်ပေးတဲ့အထဲမှာ အဲဒီဇာတာ အကောင်းဆုံးပဲ။ ဦးသန်းမောင်ပေးတာက စနေ၊ အင်္ဂါပူးလိုက်တော့ မိသားစုတွေက ဒီ့ထက်ပိုပြီး ကွဲပြဲဖို့ပဲ ရှိတော့တယ်။ ပြည်တွင်းရေးပေ့ါ။ အခု ကြာသပတေးနံ ပူးလိုက်တော့ တိုင်းပြည်ကြီးကတော့ မပျက် စီးဘူး။ ဆူပူမှုတွေကတော့ဖြစ်တယ်။ သို့သော် တိုင်းပြည်မပျက်စီးဘူး။ အကုန်လုံးတော့ ထိန်းထားနိုင်တယ်။ ကြာသပတေးနံ အနေအထားတွေလည်း ကောင်းတယ်။ တနင်္ဂနွေလည်း အဲဒီတုန်းက အနေအထား တော်တော် ကောင်းတယ်။ တခြားနည်းလမ်းတွေ ယူလိုက်ရင် တအားဆိုးသွားလိမ့်မယ်။
ဗိုလ်ချုပ်မှူးကြီးသန်းရွှေ ဒီဘက်ကို အာဏာလွှဲတဲ့ အချိန်အခါက တိုင်းပြည် အတွက် ကောင်းနိုင်ပါသလား။
သူတို့လက်ထက်မှာ ပွင့်ပွင့်လင်းလင်း ပြောမယ်ဆိုရင် ဗေဒင် တကယ်တတ်တဲ့လူလည်း မရှိဘူး။ တို့နဲ့လည်းဝေးတယ်။ သူတို့ဆီမှာ အိမ်တော်ဝန်လုပ်တာတော့ ကိုယ်နဲ့ရင်းနှီးတာ ရှိတယ်။ ဗိုလ်ချုပ်မှူးကြီး သန်းရွှေနဲ့ ပတ်သက်ပြီး သူ့တူတွေနဲ့ ရင်းနှီးတာတွေလည်း ရှိတယ်။ သူ့အနေနဲ့လည်း အဲဒီလောက်ထိ စဉ်းစား နိုင်မှာမဟုတ်ဘူး ထင်တယ်။ အသေးစိတ် ဟောတာတော့ အဲဒီလောက်ထိလည်း ဘယ်သူမှအချိန် မပေးနိုင်ဘူး။ ကိုယ့်ကျောင်းမှာတော့ အချိန်ရတော့ လေ့လာဖို့ အချိန်ရတာပေ့ါ။
pn
ဓာတ်ပုံ – ဆန်းဝင်းထွန်း
တပည့်တော်ပြောတာက အရှင်ဘုရား အမြင်ကိုပြောတာ။ ဗိုလ်ချုပ်မှူးကြီးသန်းရွှေ အာဏာလွှဲတုန်းက အချိန်အခါ တိုင်းပြည်ကံကြမ္မာ ဘယ်လိုရှိမလဲလို့။
အာဏာလွှဲတဲ့ အချိန်မှာ မိန်ရာသီမှာ ဂြိုလ်တွေ အများကြီးပဲ။ တနင်္ဂနွေလည်း ရှိတယ်။ အင်္ဂါ၊ ဗုဒ္ဓဟူး၊ ကြာသပတေးလည်း ရှိတယ်။ မိန်ရာသီ ယူရေးနပ်စ် ၀င်လာတိုင်းမှာ ကြီးမားတဲ့ အပြောင်းအလဲတွေဖြစ် စေတယ်။ အပြောင်းအလဲကြီး တစ်ခုတော့ ဖြစ်သွားတာပေ့ါ။ အေးအေးချမ်းချမ်းတော့ မဟုတ်ဘူး။ ရေရှည် မှာတော့ အကောင်းဘက်ကို ပြောင်းသွားမှာပေ့ါ။ မိန်ရာသီ အားကြီးနေတဲ့ အချိန်မှာ ပြောင်းသွားတာ ကြောင့်လေ။
လွှတ်တော်အစည်းအဝေးတွေ ကျင်းပလိုက်တဲ့အချိန်က  တိုင်းသူပြည်သားတွေရဲ့ ကံကြမ္မာ ဘယ်လိုရှိနိုင်လဲ ဘုရား။
အာဏာလွှဲတဲ့ အချိန်တွေကတော့ အရေးကြီးတာ ပေ့ါနော်။ မိန်ရာသီရဲ့ သဘောက ပိုရင်းနှီးလိမ့်မယ်။ မြန်မာပြည် ပထမ လွတ်လပ်ရေးရတဲ့ အချိန်မှာ ကြာသပတေးနံ ပူးတယ်။ ရေနံ၊ သဘာဝဓာတ်ငွေ့ အဲဒါတွေ နဲ့ချမ်းသာတယ်။ အဲဒါတွေကို ပိုပြီးဖွံ့ဖြိုးအောင် လုပ်နိုင်ရင် ချမ်းသာလာမှာပေ့ါ။ ပြဿနာ ဘာပဲတက်တက် တိုင်းပြည်ကတော့ ဒုက္ခဖြစ်စရာ ဘာမှမရှိဘူး။ ကြာသပတေးကတော့ ဘာသာရေး ထွန်းကားတာတို့ ဆိုင်တယ်။ တို့တိုင်းပြည်မှာ ဗုဒ္ဓဘာသာ သာသနာ ပိုပြီး ထွန်းကားအောင် လုပ်ဖို့လိုတယ်။ ထွန်းကားလာရင် တိုင်းပြည်မှာ စောင့်ရှောက်နေတဲ့ နတ်ကောင်း နတ်မြတ်တွေ ဆိုတာရှိတယ်။ သာသနာတော်တွေကို စောင့်ရှောက် နေတာလည်း ရှိတယ်။ အဲဒီ ပုဂ္ဂိုလ်တွေက ပိုပြီးတော့ အကူအညီ ပေးလာမှာပေ့ါ။
သာသနာ့ဘောင်မှာ ရဟန်းဝတ်ပြီးတော့ သီတင်းသုံးနေရတဲ့ အကြောင်းက ဘာလဲဘုရား။
ရဟန်းဝတ်တယ်ဆိုတာ သံသရာဘေးကို ကြောက်လို့ ၀တ်တာပါပဲ။ ရှည်လျားစွာသော သံသရာကို ကြောက်လို့ ၀တ်ခြင်း ဖြစ်ပါတယ်။ ပြောရမယ်ဆိုရင် ကိုယ်ကျိုးအတွက် ၀တ်တာ။ ကိုယ်နိုင်တာလေးတွေ လုပ်ရမယ် ပေါ့နော်။  မြန်မာပြည်ဆိုရင်လည်း သာကီဝင် မင်းမျိုးတွေလေ။ တို့မြန်မာပြည် ဆိုရင်လည်း မြန်မာပြည်အကျိုး အတွက်ပေါ့နော်။ နောက်ပြီးတော့မှ ကိုယ်ကျိုးအတွက် လုပ်တာပေါ့။ ဒါကတော့ ဘုရားအစရှိသော အလောင်းတော်တွေကတော့ အဲလိုလုပ်တာပေါ့နော်။ တို့ကျတော့လည်း ပမွှားတွေကိုး။ ပထမကိုယ့်ကိစ္စလေး အရင် ငြိမ်းငြိမ်းချမ်းချမ်းလေး ဖြစ်သွားအောင် တရားတော်နဲ့ လုပ်တယ်။ နောက်ပြီးတော့ ကိုယ်ရလာတဲ့ ဟာလေးတွေကို ပြောရမယ် ဆိုရင်တော့ မြတ်စွာဘုရား အစရှိသော သူတော်ကောင်းတွေက နေလို လလိုထွန်း လင်းပြီးတော့ သွားကြတယ်ပေါ့နော်။ တို့ကတော့ ဆီမီးခွက်လေးတွေလိုပေါ့။ ကိုယ်နဲ့သူများလည်း လင်းပါစေ ဆိုတဲ့ဆန္ဒနဲ့။ ပြောနိုင်တာလေးတွေ ပြောလို့ရအောင် ဆိုပြီးတော့ သင်္ကန်းဝတ်တာပေါ့နော်။ အရင် တုန်း ကတော့ လူ့ဘောင်နဲ့ တရားရှာတဲ့ ပုဂ္ဂိုလ်တွေ ရှိတယ်။ ၁၉၇၀ ကျောင်းသား သပိတ်တွေဖြစ်တယ်။ သပိတ်တွေဖြစ်တဲ့ အချိန်မှာ အဒေါ်များက သီလရှင်တွေ။ သီလရှင်တွေဆိုတာ မဟာစည်ဒေသမှာ တရား ၀င်ထိုင်လိုက်တယ်။ တက္ကသိုလ် ကျောင်းသားဘ၀ပေါ့ လူငယ်ဘ၀ ၁၈၊ ၁၉ နှစ်လောက်ပေါ့။ အခု အချိန်ပြန်တွက်ကြည့်တော့ နှစ်ပေါင်း ၄၄ နှစ်ရှိသွားပြီ။ ၀င်တော့လည်း မဟာစည်ဆရာတော် ဘုရားကြီးဆီ ၀င်ရတာ။ မဟာစည်ဆရာတော် ဘုရားကြီး ဆိုတာလည်း အဓိကရ ပုဂ္ဂိုလ်ကြီးနော်။ မြန်မာပြည်မှာ အနော် ရထာမင်း လက်ထက်တုန်းက ရှင်အရဟံ လိုမျိုးပေါ့။ နောက်ပြီးတော့ ဒီဘက်ခေတ်မှာ လယ်တီ ဆရာတော်ဘုရားကြီးလိုမျိုး။ ခေတ်တစ်ခေတ် ပြောင်းအောင် သာသနာပြုနိုင်ခဲ့တဲ့ ပုဂ္ဂိုလ်ထူး၊ ပုဂ္ဂိုလ်မြတ် ပေါ့နော်။ အဲဒီ ပုဂ္ဂိုလ်မြတ်ဆီမှာ ငယ်ငယ် ၁၈ နှစ်သားလောက်တည်းက ဆရာတော်နဲ့ အနီးကပ် ၁၂ နှစ် နေခဲ့ရတယ်။ တက္ကသိုလ်ကနေပြီးမှ ဆရာဝန်ဖြစ်တဲ့အထိ ဆရာတော်ကြီးနဲ့ အနီးကပ် ၁၂ နှစ်လောက် နေပြီးတော့မှ ဆရာတော်ကြီး ပရိနိဗ္ဗာန်ပြုတဲ့ အချိန်အထိ ၁၉၈၂ ခု၊ သြဂုတ်လ ၁၄ ရက်နေ့ အထိပေါ့နော် အနီးကပ် ကြည်ညိုရတယ်။
နောက်ပိုင်းကျမှ ကိုယ့်အသက် ၅၀ လောက်မှာ ဒီသာသနာမှာ ရိပ်သာ တည်ထောင်တယ်။ တည်ထောင်တဲ့ အချိန်မှာ ကိုယ်က လူဝတ်နဲ့ဆိုတော့ တရားနာပဲ ၀င်မပြောဘူး။ ၀င်မပြောတော့ ဘာအခက် အခဲတွေ တွေ့လဲဆိုတော့ တရားအားထုတ်တဲ့ လူတွေက ဘယ်လို တွေးလဲဆိုတော့ ဒီဆရာကြီးဟာ ဆူပဲဆူတယ်ပေါ့။ တရားကျတော့ နားမလည်ဘူး ထင်တယ် ဆိုပြီးတော့။ ကိုယ်က ၀င်ပြောခွင့် မရတော့ တချို့ဟာတွေကျတော့ တရားနဲ့ ပတ်သက်ပြီးတော့ သင်တန်းပေးရတာ အခက်အခဲတွေ သွားတွေ့တယ်။ ဒီမှာ တရားအားထုတ်တဲ့ လူတွေ၊ အဲလူတွေကလည်း ဆရာပြန်ဖြစ်တော့ ထိန်းရသိမ်းရတာ နည်းနည်း ခက်လာတာပေါ့။ တို့ကတော့ မဟာစည် ဆရာတော်ဘုရားကြီးနည်းနဲ့ သင်ခဲ့ရတော့ ဒါတွေ သိပ်မဟုတ်ဘူးဆိုတာ သိတယ်။ ဒါပေမဲ့ ၀င်ပြောလို့ မရတော့ဘူး။ အခုလည်းတို့ တိုင်းပြည်မှာ သမထက အားကြီးလာတယ်လေ။ သမထနဲ့ သွားရင်တော့ ခမ်းခမ်းနားနားလေးတော့ ရတယ်။ ဈာန်ရတယ်၊ အဘိညာဉ်ရတယ်၊ ဒိဗ္ဗစက္ခုရတယ်၊ ဒိဗ္ဗ သောတ ရတယ်။ အဲလိုလေးတွေ ကြီးကြီးကျယ်ကျယ် ကြီးတော့ ဖြစ်တယ်။ နိဗ္ဗာန်သွားဖို့ဆိုတာ အချိန်ပိုကြာတယ်။ ၀ိပဿနာ နည်းနဲ့ကျတော့ မြန်မြန်ရောက်တယ်။ ဥပမာ ပါရမီရှိတဲ့ သူကျတော့ ၇ ရက်နဲ့ ရောက်တယ်။ အများအားဖြင့်တော့ တစ်လနှစ်လ လောက်မှ နေရာကျသွားတာရှိတယ်။ အဲဒါကိုမှ ဆရာတော် ဘုရားကြီးက လက်ခံတယ်ဆိုတော့ ဗုဒ္ဓ၀ိပဿနာ လမ်းစဉ်ပေါ့နော်။ အဲလိုသွားတာရှိတယ်။ တို့လည်း အဲလိုမျိုးပေါ့။ တို့ဆရာသမားရဲ့အာဘော်ကို ပြောပြချင်တယ်။ ပြောပြချင်တော့ ဘုန်းကြီးဝတ်နဲ့ ပြောပြရင် နည်းနည်းပိုပြီးတော့ အဆင်ပြေတာပေါ့။
pn3
ဓာတ်ပုံဆန်းဝင်းထွန်း
တရားပြတယ် ဆိုတာလည်း တရားနဲ့ ပတ်သက်ပြီးတော့ နည်းနည်းလေး သင်တန်းပေးချင်တဲ့ စိတ်လေးတော့ ရှိပါတယ်။ တရားပြန်တာကျတော့ ဆရာတော်ကြီးတွေလည်း ပြန်နေကြတာပဲလေ။ မြန်မာပြည်မှာဆိုရင် မဟာစည် ဆရာတော်ကြီးတွေရှိတယ်။ နောက်ပြီးတော့ မိုးကုတ် ဆရာတော် ဘုရားကြီးတွေ ရှိတယ်။ အဲဒါ တွေလည်း ပရိသတ်တွေနဲ့ အကြီးအကျယ် တရားပြနေတာနော်။ သင်တန်းပေးနေတဲ့ ဟာလေးတွေတော့ ရှိပါတယ်။ ပုဂ္ဂိုလ်ချင်း အဆင်ပြေဖို့ လိုတယ်ပေါ့။ ပုဂိ်္ဂုလ်ချင်းအဆင် ပြေဖို့ လိုတယ်ဆိုတာက တချို့ဘုန်းကြီးနဲ့ တရား လာအားထုတ်တဲ့ သူတွေနဲ့ တအား ဝေးနေတယ်။ ဝေးတယ်ဆိုတာ ဘုန်းကြီးက သူ့ဘာသာသူ တရားဟောသွားတယ် တရား လာအားထုတ်တဲ့ သူတွေကျတော့ မမေးမလျှောက်ရဲဘူး။ မမေးမလျှောက်ရဲ တော့ ဘုန်းကြီးပြောတဲ့ဟာပဲ လူအဖို့က သိပ်နားမလည်ဘူး။ နောက်ပြီးတော့ လူပုဂ္ဂိုလ်ရဲ့အခက်အခဲကိုလည်း ဘုန်းကြီးက မသိဘူး။ အဲဒီတော့ ပြီးပြည့်စုံ မရဘူး။ ဘုန်းကြီးလည်း နိုင်ငံခြားသွားတာနဲ့ ဟိုသွား ဒီသွားနဲ့ တကယ် မေးချင်တဲ့ သူတွေအတွက် အခက်အခဲရှိတယ်။ သေသေချာချာလည်း မေးလို့ မရဘူး။ အဲလို မျိုးလေးတွေ ရှိတယ်။ အဲဒါလေးတွေ ကျတော့ ကိုယ်က အနီးကပ် ကြည့်ပေးတာပေါ့နော်။ နောက်ပြီးတော့ ရာသီဥတု ဆိုတာကလည်း မြန်မာပြည်မှာ ကတော့ တစ်မြို့နဲ့ တစ်မြို့ကတော့ သိပ်မကွာပါဘူး။ ဒီမှာတော့ တောတောင်လေး ဘာလေးရှိတယ် ဆိုတော့ ဥတုသုံးပါးက မျှတတော့ အပူအအေး မျှတာပေါ့နော်။ အဆောက် အအုံကလည်း တစ်နိုင်လေး ဆောက်ထားတာပေါ့နော် တရားအားထုတ်ရင်လည်း တရားအားထုတ်လို့ ရတာပေါ့လေ။ အကောင်းကြီးတော့ မဟုတ်ဘူးပေါ့။ သာမန် အားထုတ်မယ် ဆိုရင်တော့ အားထုတ်လို့ ရတာပေါ့။ အာဟာရကျတော့လည်း သိပ်ပြီးတော့ ခက်ခဲတာ မရှိဘူး။ ဒါလေးတွေ အဆင်ပြေအောင် ကိုယ်က ပြုပြင်ပေးပြီးတော့ တရားလာထိုင်တဲ့ သူတွေကို ထိန်းပေးနေတာပေါ့။ အနီးကပ်လေး ပြောပြတာပေါ့။ တချို့ကျတော့ တကယ်လည်း တရားအားထုတ်တယ်။ ဒါပေမဲ့ နှစ်ပေါင်းများစွာ တရားအားထုတ်လာတာ သမထလေး ဖြစ်နေကြတယ်။ သမထလေးဖြစ်နေတော့ သမထလေးမှာ ပျော်ပြီးတော့ နိဗ္ဗာန်မဂ်ဖိုလ် ကျတော့ မရောက်နိုင်ကြဘူးလေ။ ပြောရမယ် ဆိုရင်တော့ နာမရူပ ပရိစ္ဆေဒဉာဏ် ဆိုတာရှိတယ်။ လောကီ ဉာဏ်တွေပေါ့။ အဲဒီအထဲမှာ အရောင်နည်းနည်းပါးပါး မျိုးစုံပေါ့။ ဒိဗ္ဗစက္ခုရတာတွေ၊ အကြားအမြင် တွေရပြီးတော့ လူတွေက အဲဒီမှာ ပျော်နေကြတယ်။ အဲဒီက ကျော်သွားမှ ဥဒယဘယဉာဏ် ဆိုတာရှိတယ်။ လောကုတ္တရာဉာဏ်ပေါ့။ ဥဒယဘယဉာဏ်မှာလည်း တစ်ခါဈာန်တွေ ရှိတယ်။ အဲဒီကနေ မလွန်မြောက် နိုင်ကြဘူး။ အဲဒါကို လွန်မြောက်အောင် ဆိုပြီးတော့ ဘယ်လိုဘယ်လို သွားတယ်ဆိုပြီးတော့ တရားလေးတွေ ရှင်းပြနေတာပေါ့။ အဲလိုမျိုးပေါ့ ကြီးကြီး ကျယ်ကျယ်တော့ မဟုတ်ဘူး။ သို့သော်လည်းပဲ လိုအပ်တဲ့ ပုဂ္ဂိုလ် တွေကို အနီးကပ်လေး ထိန်းသိမ်းပြီးတော့ ပြောပြနိုင်အောင် ဆိုပြီးတော့ အဲဒီစိတ်ကူးလေးတော့ ရှိပါတယ်။

Credit To The Myanmar Herald
Read More »

“အစိုးရရဲ့ နိုင်ငံရေးဆွေးနွေးပွဲ မူဘောင်ကိုတော့ သဘောမတူပါဘူး။ ဘာလို့လဲဆိုတော့ အစိုးရရဲ့မူဘောင်မှာက ထာဝရငြိမ်းချမ်းရေးရဖို့ လက်နက်စွန့်ရမှာဖြစ်တဲ့အတွက် လက်မခံနိုင်ဘူး” ------



ရှမ်းပြည်နယ်တောင်ပိုင်း RCSS/SSA ဥက္ကဋ္ဌ ဒုတိယဗိုလ်ချုပ်ကြီးယွက်စစ်နှင့်တွေ့ဆုံခြင်း
------
မောင်တာ

ရှမ်းပြည်နယ်ပြန်လည်ထူထောင်ရေးကောင်စီ၊ ရှမ်းပြည်တပ်မတော်(RCSS/SSA)သည် ရှမ်းပြည်နယ်တောင်ပိုင်း၊ ထိုင်း-မြန်မာနယ်စပ်တစ်လျှောက် အခြေစိုက်ထားသော ရှမ်းပြည်နယ်တောင်ပိုင်းတွင် အခြေစိုက်လှုပ်ရှားနေသော အင်အားကြီး ရှမ်းတိုင်းရင်းသားလက်နက်ကိုင် အဖွဲ့အစည်းတစ်ခုဖြစ်သည်။ လွန်ခဲ့သည့် ၂ နှစ်ခန့်က အစိုးရနှင့် အပစ်အခတ်ရပ်စဲရေးလက်မှတ်ရေးထိုး၊ အပစ်အခတ်ရပ်စဲပြီးနောက် RCSS ထိန်းချုပ်ဒေသတွင်း ဒေသဖွံ့ဖြိုးရေး၊ စစ်ဘေးရှောင်ဒုက္ခသည်များ နေရပ်ပြန်ပို့ရေးနှင့် မူးယစ်ဆးဝါးတိုက်ဖျက်ရေး တစ်ပြည်လုံးအပစ်အခတ်ရပ်စဲရေးကို ကြေညာခဲ့ရာ နိုင်ငံရေးဆွေးနွေးပွဲများအတွက် (RCSS/ SSA)၏ သဘောထား၊ ငြိမ်းချမ်းရေးလုပ်ငန်းစဉ်များ မည်သို့ရှေ့ဆက်သွားရန် ရည်မှန်းနေသည် စသည်တို့ကို RCSS/SSA ဌာနချုပ်ရှိရာ ထိုင်း-မြန်မာနယ်စပ် လွယ်တိုင်းလျန်းဒေသသို့သွားရောက်ကာ RCSS/SSA ဥက္ကဋ္ဌ ဒုတိယဗိုလ်ချုပ်ကြီးယွက်စစ်အား မေးမြန်းခဲ့သည်များမှ စာဖတ်ပရိသတ်အတွက် ကောက်နုတ်ဖော်ပြလိုက်ပါသည်။

မေး- အပစ်ရပ်လက်မှတ်ရေးထိုးပြီးနောက်ပိုင်း RCSS ထိန်းချုပ်ဒေသတွင်းမှာ နိုင်ငံရေး၊ စီးပွားရေး၊ လူမှုရေးစသည်ဖြင့်ပေါ့။ ဘယ်ကဏ္ဍတွေမှာ သိသိသာသာ ဖွံ့ဖြိုးတိုးတက်မှုရှိလာပါလဲ။

ဖြေ- အပစ်အခတ်ရပ်စဲထားတာ ၂ နှစ်တော့ရှိပြီပေါ့။ ဒါပေမဲ့ တိုးတက်မှုပိုင်းတော့ ဘာမှသိသိသာသာ ထင်ထင်မြင်မြင်ကြီးတော့ မရှိသေးပါဘူး။ တိုးတက်မှုပိုင်းမဖြစ်လာရတာ အပိုင်းသုံးပိုင်းရှိပါတယ်။ နံပါတ်တစ် နားလည်မှုတွေကွာခြားနေတယ်။ အပစ်ခတ်ရပ်စဲထားတဲ့ သဘောတူဆုံးဖြတ်ချက် ၃၂ ချက်ရှိတယ်။ အဲဒီ ၃၂ ချက်ထဲမှာ တပ်မတော်ဘက်က လိုက်နာတယ်ဆိုတာ နှစ်ချက်လောက်ပဲရှိတယ်။ ဒါ့အပြင် အပစ်အခတ်ရပ်စဲထားတဲ့ ၂ နှစ်လောက်အတွင်းမှာ တိုက်ပွဲပေါင်း ၁၄၄ ကြိမ် ထပ်ဖြစ်ခဲ့တယ်။ စစ်ပွဲတွေဖြစ်ရတဲ့အကြောင်းက တပ်မတော်ဘက်က RCSS အဖွဲ့ဝင်တွေကို တောထဲဝင်ပြီး လိုက်ရှာပြီးတော့ ပစ်တဲ့အတွက်ကြောင့်ပါ။ အဲဒါကြောင့် အပစ်အခတ်ရပ်စဲထားပေမယ့် နားလည်မှုသဘောထားတွေကတော့ ကွဲလွဲနေသေးတယ်။ ပထမအပစ်ရပ်ဖို့ ဦးအောင်မင်းနဲ့ ဆွေးနွေးတဲ့အချိန်မှာ ဒီ RCSS ရဲ့ စစ်သားတွေရှိတဲ့နေရာမှာ တပ်တွေချမယ်၊ နောက်ပြီး တပ်မတော်ဘက်ကလည်း တောထဲဝင်ရင် သတင်းတွေပြန်ကြားပေးဖို့၊ သတင်းပေးဖို့ သဘောတူညီထားကြတယ်။ ပြီးတော့ RCSS ဘက်ကလည်း မြို့ထဲကိုသွားမယ်၊ လက်နက်ပါမယ်ဆိုရင် အကြောင်းကြားပေးဖို့ အဲဒါတွေ သဘောတူညီထားကြပါတယ်။ ခုတော့ သဘောတူထားတဲ့အတိုင်း ဖြစ်မလာခဲ့ပါဘူး။

မေး- သဘောတူညီချက်တွေထဲက အကောင်ထည်မဖော်နိုင်သေးတဲ့အချက်တွေ များနေတာက ဘယ်လိုအနှောင့်အယှက်ဖြစ်စေနိုင်လဲ။

ဖြေ- အကောင်အထည်မဖော်နိုင်တာတွေကို ပြန်ပြီးဆွေးနွေးဖို့လိုပါတယ်။ နားလည်မှုကွဲလွဲနေတာတွေ။ သဘောထားချင်းမတူတာတွေကို ပြန်ဆွေးနွေးဖို့လိုပါတယ်။ ပြန်ဆွေးနွေးဖို့က အရေးကြီးပါတယ်။ ပြန်ပြီးဆွေးနွေးတာက သေနတ်တွေပစ်ခတ်နေတာ၊ တိုက်ခိုက်နေတာထက် ပိုကောင်းပါတယ်။ အကယ်၍ ပြန်ပြီးမဆွေးနွေးကြဘဲ ဓားတွေသုံးပြီး ဖြေရှင်းမယ်ဆိုရင် မဖြစ်နိုင်ဘူး။ နှစ် ၆၀ ကြာ ပြည်တွင်းစစ်ကလည်း ဖြစ်လာခဲ့ပြီးပြီ။ တပ်မတော်ကလည်း တိုင်းရင်းသားတွေကို အပြတ်၊ တစ်ခါတည်း မချေမှုန်းနိုင်ဘူး။ တိုင်းရင်းသားတွေဘက်ကလည်း တပ်မတော်ကိုမနိုင်ဘူး။ ပြည်တွင်းစစ်ရဲ့ဆိုးကျိုးက ပြည်သူလူထုပဲ ခံစားရတယ်။ ဒါကြောင့် ပြန်ဆွေးနွေးဖို့က အရေးကြီးတယ်။ ပိုပြီးတော့ကောင်းတဲ့လမ်းစဉ် ဖြစ်ပါတယ်။ စားပွဲဝိုင်းပေါ်မှာ ဆွေးနွေးတာကတော့ ကောင်းတဲ့လမ်းစဉ်ဖြစ်ပါတယ်။ ပြုံးပြီးတော့ ဆွေးနွေးကြပြီး ရယ်ရွှင်ပြီး တရင်းတနှီးဆွေးနွေးကြပြီး ရည်မှန်းချက်ပန်းတိုင်ကို လျှောက်ရမှာဖြစ်ပါတယ်။

မေး- ၂၀၁၄ ခုနှစ်ထဲမှာရော သဘောတူထားတဲ့အချက်တွေကို အကောင်အထည်ဖော်နိုင်မယ်လို့ ထင်ပါသလား။

ဖြေ- ငြိမ်းချမ်းရေးနဲ့ပတ်သက်ပြီးတော့ ဒေါ်အောင်ဆန်းစုကြည်ပြောထားတဲ့ စကားတွေကို သတိရပါတယ်။ ဒေါ်အောင်ဆန်းစုကြည်က ငြိမ်းချမ်းရေးနဲ့ပတ်သက်ပြီးတော့ လုပ်ချင်တယ်၊ ရချင်တယ်ဆိုရင်တော့ ခေါင်းဆောင်တဲ့သူကစပြီးတော့ လုပ်ရင်တော့ရနိုင်ပါတယ်တဲ့။ ခေါင်းဆောင်ဆိုတာ အာဏာရှိတဲ့သူပေါ့။ သူတို့က ငြိမ်းချမ်းရေးကို တကယ်ရချင်တယ်၊ တကယ်လုပ်မယ်ဆိုရင်တော့ တစ်ခါတည်းနဲ့ ပြီးသွားနိုင်ပါတယ်။ အဲဒီကိစ္စတွေမှာ အခက်အခဲဆိုတာ ဘာမှမရှိနိုင်ပါဘူး။ သူတို့က ငြိမ်းချမ်းရေးကို တကယ်မလိုချင်လို့ အကြောင်းပြချက် တစ်မျိုးပြီးတစ်မျိုးရှာပြီးတော့ ပြဿနာတွေ ရှာမယ်ဆိုရင်တော့ ငြိမ်းချမ်းရေးက ရနိုင်မှာမဟုတ်ဘူး။

မေး- RCSS အနေနဲ့ ငြိမ်းချမ်းရေးလုပ်ငန်းစဉ်ကို ဘယ်လိုမူဝါဒနဲ့ သွားနေပါသလဲခင်ဗျ။

ဖြေ- RCSS အနေနဲ့က အပစ်အခတ်ရပ်စဲရေးကို နိုင်ငံတော်သမ္မတနဲ့ ဆွေးနွေးထားတယ်။ သဘောတူညီချက်တွေလည်း ရရှိပြီးပြီ။ RCSS ဘက်ကတော့ နိုင်ငံရေးဆွေးနွေးဖို့ အဆင်သင့်ဖြစ်နေပါပြီ။ နိုင်ငံရေးဆွေးနွေးမှုအတွက်လည်း RCSS က မူဘောင်တွေရှိပြီးပါပြီ။ မူဝါဒလမ်းစဉ်တွေ ရှိပါတယ်။ ပထမတစ်ချက်ကတော့ နိုင်ငံတော်ဖွဲ့စည်းပုံအခြေခံဥပဒေပြင်ဖို့ လိုပါတယ်။ နိုင်ငံတော်ရဲ့အုပ်ချုပ်မှုမူဝါဒဟာ ဖက်ဒရယ်စနစ်ဖြစ်ဖို့လိုပါတယ်။ ဒုတိယအချက်ကတော့ ကိုယ်ပိုင်ပြဋ္ဌာန်းခွင့်ရရှိဖို့ အရေးကြီးပါတယ်။ နောက်ပြီး တတိယအချက်ကတော့ စစ်မှန်တဲ့ဒီမိုကရေစီစနစ်ဖြစ်ဖို့ အရေးကြီးပါတယ်။ အဲဒါကတော့ RCSS ရဲ့ အရေးကြီးတဲ့မူဝါဒပါပဲ။

မေး- အောက်တိုဘာလကုန်ပိုင်းက ပြုလုပ်ခဲ့တဲ့ တိုင်းရင်းသားလက်နက်ကိုင်အဖွဲ့တွေအားလုံးပါဝင်တဲ့ လိုင်ဇာဆွေးနွေးပွဲမှာ RCSS က လက်မှတ်မထိုးခဲ့ပါဘူး။ အထက်ကလူကြီးတွေနဲ့ မတိုင်ပင်ရသေးလို့ လက်မှတ်မထိုးတာလို့တော့ သိထားရပါတယ်။ အဲဒီပေါ်မှာ ဥက္ကဋ္ဌအနေနဲ့ ဘယ်လိုများပြောချင်ပါသလဲ။

ဖြေ- ဆွေးနွေးမှုရဲ့ဆုံးဖြတ်ချက်ရလဒ်က ဘယ်လိုလဲဆိုတော့ ဒီဘက်က ရည်ရွယ်ပြီးသွားတာက အပစ်အခတ်ရပ်စဲရေးနဲ့ ပတ်သက်ပြီးတော့ ဆွေးနွေးဖို့သွားတာဖြစ်ပါတယ်။ ဒါပေမဲ့ ဆုံးဖြတ်ချက်ထွက်လာတာက နိုင်ငံရေးနဲ့ပတ်သက်တယ်။ အဲဒါကြောင့် လက်မှတ်မထိုးသေးတာ။ တကယ်နိုင်ငံရေးနဲ့ပတ်သက်တယ်ဆိုရင်တော့ လိုင်ဇာတစ်ခုတည်းနဲ့ မပြီးသေးဘူး။ ရှမ်းပြည်တစ်ပြည်လုံးမှာရှိတဲ့ ပြည်သူလူထုရဲ့သဘောထားကိုလည်း တောင်းခံဖို့လိုအပ်ပါတယ်။ အဲဒါကြောင့် လက်မှတ်မထိုးသေးတာပါ။

မေး- အခုဆို အစိုးရနဲ့တိုင်းရင်းသားတွေ နှစ်ဖက်လုံးက မူဘောင်တွေထုတ်ကြတယ်။ အစိုးရကထုတ်တဲ့မူဘောင်နဲ့ပတ်သက်ပြီးတော့ရော ဥက္ကဋ္ဌအနေနဲ့ ဘယ်လိုမြင်ပါသလဲ။

ဖြေ- နိုင်ငံရေးဆွေးနွေးပွဲမူဘောင်တွေနဲ့ပတ်သက်လို့ တိုင်းရင်းသားတွေရဲ့သဘောထားကို WGEC ကနေ တင်ပြဆွေးနွေးထားတာရှိပါတယ်။ အစိုးရရဲ့ နိုင်ငံရေးဆွေးနွေးပွဲမူဘောင်ကိုတော့ သဘောမတူပါဘူး။ နိုင်ငံတော်သမ္မတကပေးလာတဲ့ မူဘောင်ကိုတော့ RCSS အနေနဲ့ သဘောမတူပါဘူး။ ဘာလို့လဲဆိုတော့ အစိုးရရဲ့ မူဘောင်မှာက ထာဝရငြိမ်းချမ်းရေးရဖို့အတွက် လက်နက်စွန့်ရမှာဖြစ်တဲ့အတွက် လက်မခံနိုင်ဘူး။ သဘောမကျဘူး။

မေး- RCSS လိုပဲ တခြားတိုင်းရင်းသားလက်နက်ကိုင်အဖွဲ့တွေကလည်း ဒီအချက်ပေါ်မှာ အခြေခံပြီးတော့ ဒီမူဘောင်ကို သဘောမတူကြဘူး။ ဒီလိုမျိုးကွဲလွဲချက်တွေ ရှိနေမယ်ဆိုရင် ရှေ့ဆက်ပြီးတော့ ငြိမ်းချမ်းရေးမှာ ဘယ်လိုမျိုးထိခိုက်မှုတွေရှိနိုင်မလဲ။

ဖြေ- အကယ်၍ အစိုးရဘက်ကနေ တပ်မတော်ဘက်က သူတို့ချထားတဲ့ နိုင်ငံရေးဆွေးနွေးပွဲမူဘောင်ကို လက်ခံပြီးတော့ ပြန်လည်မပြင်ဆင်ဘူးဆိုရင်တော့ ဒီအပစ်အခတ်ရပ်စဲရေးဟာ ပျက်စီးမှာဖြစ်ပါတယ်။ နောက်ပြီးတော့ စစ်ပွဲတွေ ထပ်ဖြစ်လာဦးမယ်ထင်ပါတယ်။

မေး- ဥက္ကဋ္ဌအနေနဲ့ အစိုးရကို ဘယ်လိုများအကြံပြုချင်ပါသလဲ။

ဖြေ- RCSS အနေနဲ့ MPC ဘက်ကိုလည်း အကြံဉာဏ်ပေးထားတယ်။ ပြီးတော့ တိုင်းရင်းသားအဖွဲ့အစည်းတွေကိုလည်း အကြံဉာဏ်ပေးထားတယ်။ ဘယ်လိုအကြံဉာဏ်ပေးထားလဲဆိုတော့ ငြိမ်းချမ်းရေးလိုလားတယ်ဆို နှစ်ဖက်အလျှော့အတင်းတွေလုပ်မှ ဖြစ်နိုင်မယ်။ အလျှော့အတင်းတွေလုပ်ပြီး တစ်ဖက်နဲ့တစ်ဖက် ဆွေးနွေးမှဖြစ်နိုင်မယ်။ အကယ်၍ ဆက်ပြီးတင်းမာနေဦးမယ်ဆိုရင် တိုက်ပွဲတွေက ဆက်ဖြစ်နေဦးမှာဖြစ်ပါတယ်။ ပြည်တွင်းစစ်ဖြစ်လာခဲ့တာလည်း နှစ် ၆၀ ကြာလာခဲ့ပြီး ဘာမှထူးခြားတိုးတက်မှုဆိုတာ မရှိခဲ့ဘူး။ အခြေအနေတွေဟာ ဘယ်အချိန်ထိဆက်ပြီး ဆိုးနေဦးမယ်ဆိုတာ မသိနိုင်သေးဘူး။ အကယ်၍ ဆက်ပြီးတင်းမာနေဦးမယ်ဆိုရင်တော့ တိုက်ပွဲတွေကထပ်ဖြစ်မယ်။

မေး- စစ်မှန်တဲ့ငြိမ်းချမ်းရေးရဖို့ နိုင်ငံရေးဆွေးနွေးပွဲတွေအပြင် ဘာတွေများထပ်ပြီး လိုအပ်သေးတယ်လို့ ထင်ပါသလဲ။

ဖြေ- ထာဝရငြိမ်းချမ်းရေးဆိုတာ ပထမအချက်အနေနဲ့ နိုင်ငံတော်သမ္မတချထားတဲ့ မူဘောင်လမ်းစဉ်အတိုင်း ဆက်လုပ်ရင်လည်း ဖြစ်နိုင်တယ်။ သမ္မတက ဘယ်လိုလဲဆိုတော့ ပထမတစ်ပြည်လုံးအပစ်အခတ်ရပ်စဲကြတယ်။ နိုင်ငံရေးမူဘောင်တွေ ရေးဆွဲကြမယ်။ နောက်တစ်ခါ နိုင်ငံရေးဆွေးနွေးပွဲကိုပြုလုပ်မယ်ပေါ့။ အဲဒီလိုဆိုရင် ထာဝရငြိမ်းချမ်းရေးဆိုတာ ဖြစ်လာမှာပါ။

မေး- ဖွဲ့စည်းပုံဥပဒေနဲ့ပတ်သက်ပြီး RCSS ရဲ့ သဘောထားက ပြင်ဆင်မှာလား။ အသစ်ပြန်ရေးချင်တာလားခင်ဗျ။

ဖြေ- ဒီဥပဒေနဲ့ပတ်သက်ပြီးတော့ RCSS ရဲ့ဘက်က ဘယ်လိုလဲဆိုတော့ ဆွေးနွေးမှုတော့ အရေးကြီးတယ်။ ဒီဘက်ကနေ အသစ်ရေးဆွဲမယ်ဆိုလည်း မဖြစ်နိုင်ဘူး။ အဲဒီတော့ အားလုံးပါဝင်ဆွေးနွေးပြီး ပြင်ဆင်ဖို့လိုပါတယ်။ အရေးကြီးတာက စစ်မှန်တဲ့ဒီမိုကရေစီအုပ်ချုပ်မှုစနစ်ပဲ။ စစ်မှန်တဲ့ ဒီမိုကရေစီအုပ်ချုပ်မှုစနစ်အရဆိုရင် အာဏာတွေက ပြည်သူတွေကို ခွဲဝေပေးရမယ်။ အခုအခြေအနေက ဒီမိုကရေစီအုပ်ချုပ်မှုစနစ် မဖြစ်သေးဘူး။ တပ်မတော်က အာဏာတွေကို ချုပ်ကိုင်ထားဆဲပဲ။

မေး- ဖက်ဒရယ်နဲ့ပတ်သက်ပြီးတော့ RCSS အနေနဲ့ ကြိုတင်ပြင်ဆင်ထားတာရှိလား။

ဖြေ- ဖက်ဒရယ်နဲ့ပတ်သက်ပြီးတော့ RCSS ဘက်က ပြင်ဆင်မှုတွေရှိပါတယ်။ နောက်ပြီး ကမ္ဘာမှာလည်း ဖက်ဒရယ်မူဆိုတာ ကြီးထွားလာနေပါပြီ။ အမေရိကန်ရဲ့ဥပဒေတွေကို ဥပမာယူပြီးတော့ လုပ်နေတာတွေရှိပါတယ်။

မေး- လွှတ်တော်မှာတော့ ဖက်ဒရယ်နဲ့ပတ်သတ်လို့ ဂျာမနီရဲ့ဖက်ဒရယ်သဘောမျိုး ပြောဆိုနေသံကြားရပါတယ်။ အဲဒီတော့ RCSS အနေနဲ့ ဘယ်လိုပြင်ဆင်ထားတာလဲခင်ဗျ။

ဖြေ- သိပ်တော့မကွဲပြားပါဘူး။ နည်းနည်းပဲကွာခြားတာပါ။ ဂျာမနီက ဥပမာပဲယူယူ၊ အမေရိကန်က ဥပမာပဲယူယူ အများကြီးကွာခြားမှုသိပ်မရှိပါဘူး။

မေး- တိုင်းရင်းသားအများစုပြောနေကြတဲ့ ဖက်ဒရယ်တပ်မတော်ကိစ္စပေါ့။ ဖက်ဒရယ်တပ်မတော်ဆိုတာ တကယ်ဖြစ်လာမယ်လို့ ယုံကြည်လား။

ဖြေ- အဲဒီကိစ္စ လွယ်ကူတဲ့ကိစ္စမဟုတ်ဘူး။ ဖက်ဒရယ်တပ်မတော်ဖြစ်ဖို့ တိုင်းရင်းသားတွေဘက်က ဦးဆောင်သူတွေ၊ ခေါင်းဆောင်တွေ၊ ပြီးတော့ တပ်မတော်ဘက်က တပ်ဦးစီးချုပ်တွေအချင်းချင်း အကြိမ်ကြိမ်ဆွေးနွေးဖို့ လိုသေးတယ်။ အခုတော့ တပ်မတော်ကို တိုင်းရင်းသားတွေက ယုံကြည်မှုတအားကြီး နည်းနေသေးတယ်။ အခု ယုံကြည်မှုတွေ တည်ဆောက်ဖို့ အရေးတကြီးလိုအပ်နေပါသေးတယ်။ ဖက်ဒရယ်မူဆိုတာ အချင်းချင်းပေါင်းစည်းနေထိုင်ကြတာပါ။ ပေါင်းစည်းမှုမဖြစ်နိုင်သေးဘူးဆိုရင်တော့ Federal Military (ဖက်ဒရယ်တပ်မတော်)ဆိုတာ မဖြစ်နိုင်သေးဘူး။ အခုတပ်မတော်ရဲ့ ရပ်တည်မှုအပေါ် အခြေခံပြီးပြောမယ်ဆိုရင်တော့ ပြည်ထောင်စုတပ်မတော်ဆိုတာ ဖြစ်လာဖို့ကိစ္စမလွယ်ကူဘူး။ မဖြစ်နိုင်ဘူး။ အကယ်၍ ဖက်ဒရယ်တပ်မတော်ဖြစ်မလာရင် ပြီးတော့တစ်ဖက်ကလည်း အချင်းချင်းအလျှော့အတင်းတွေလုပ်ပြီး ဆွေးနွေးကြ၊ အ၀င်အထွက်တွေလုပ်ပြီးတော့ အဆင်မပြေကြဘူးဆိုတော့ စစ်ပွဲတွေ ဆက်ဖြစ်နေဖို့ပဲရှိတယ်။

မေး- RCSS ကရော ပြည်ထောင်စုတပ်မတော်နဲ့ပတ်သက်လို့ ပြင်ဆင်ထားတာ
ရှိပါသလား။

ဖြေ- ဖက်ဒရယ်စနစ် ဖွဲ့စည်းပုံအရ ဒီပြည်ထောင်စုတပ်မတော်ရဲ့မူဘောင်ပေါ်မှာ RCSS ဘက်ရဲ့ သဘောထားကိုပဲ ယူလို့မရဘူး။ တပ်မတော်ရဲ့သဘောထားကိုပဲ ယူလို့မရဘူး။ အားလုံးဝိုင်းပြီးတော့ တပ်မတော်ဘက်၊ တိုင်းရင်းသားတွေဘက် အားလုံးဝိုင်းဝန်းဆွေးနွေးပြီး ၀ိုင်းဝန်းလုပ်ဆောင်မှရမယ်။ ထိုင်ပြီးဆွေးနွေးဖို့ လိုအပ်ပါတယ်။ RCSS ရဲ့ သဘောထားကိုပဲ ပြောမယ်ဆိုရင်လည်း တပ်မတော်က လက်ခံမှာမဟုတ်ဘူး။ တပ်မတော်ကချထားတဲ့ သဘောထားကိုလည်း RCSS က လက်ခံနိုင်မှာမဟုတ်ဘူး။ ညှိယူဖို့လိုပါတယ်။ စည်းလုံးမှုပေါ့။ နှစ်ဦးနှစ်ဖက်က အတူတူလက်တွဲလျှောက်ဖုိ့လိုပါတယ်။ တစ်ဖက်သက်လျှောက်လို့မရပါဘူး။ နှစ်ဖက်အတူတူလာကြမှရမှာ။ အကယ်၍ တစ်ဖက်က တအားကြီးတင်းမာပြီးတော့ လုပ်နေရင်လည်းမရဘူး။ အကယ်၍ နှစ်ဦးနှစ်ဖက်က တအားကြီးတင်းမာနေရင်တော့ အပစ်အခတ်တွေက ထပ်ပြီးတော့ဖြစ်လာဦးမှာပဲ။

မေး- ဟိုတစ်လောက ရှမ်းပြည်ပေါင်းစည်းညီညွတ်ရေးကော်မတီ ဖွဲ့တယ်ဆိုပြီး ကြားသိရပါတယ်။ SSPP/SSA ပေါ့လေ။ မြောက်ပိုင်းရှမ်းပြည်တပ်မတော်ဆိုရင် SNLD ကို နိုင်ငံရေးဦးဆောင်မှုကဏ္ဍမှာ ထားတယ်။ အဲဒီတော့ RCSS အနေနဲ့ရော နောက်ပိုင်းမှာ ဘယ်လိုအစီအစဉ်တွေနဲ့ ဆက်သွားဖို့ရှိလဲခင်ဗျ။

ဖြေ- ဖွဲ့စည်းထားတဲ့ ရှမ်းပြည်ရဲ့ UNSSC (ရှမ်းပြည်ညီညွတ်ရေးကော်မတီ)က ရှမ်းပြည်ရဲ့ကိုယ်စားပြုပြီးတော့ နိုင်ငံရေးဆွေးနွေးဖို့ ရည်ရွယ်ပါတယ်။

မေး- ပြီးခဲ့တဲ့ ၂ နှစ်လုံးလုံး UNODC ရဲ့ စစ်တမ်းတွေအရ အစိုးရနဲ့အပစ်ရပ်ထားတဲ့ တိုင်းရင်းသားလက်နက်ကိုင်တွေရဲ့ ဒေသတွေမှာ ဘိန်းနဲ့မူးယစ်ဆေးဝါး စိုက်ပျိုးထုတ်လုပ်မှုက ပိုများလာတယ်လို့ ပြောထားတယ်။ ရှမ်းပြည်နယ်မှာဆိုလည်း မြန်မာနိုင်ငံရဲ့ ဘိန်းစိုက်ပျိုးမှုအားလုံးရဲ့ ၉၀ ရာခိုင်နှုန်းရှိတယ်ဆိုတော့ ဘယ်လိုကြောင့် များလာလဲဆိုတာ သိချင်ပါတယ်ခင်ဗျ။

ဖြေ- ဒီမူးယစ်ဆေးဝါးနဲ့ ပတ်သက်တာကတော့ နိုင်ငံတော်သမ္မတက ပြည်သူလူထုရဲ့တိုးတက်မှုတွေ၊ ဖွံ့ဖြိုးမှုတွေ ဘာမှမလုပ်ပေးဘူး။ နိုင်ငံတော်သမ္မတက ပြည်သူလူထုရဲ့ တိုးတက်မှုတွေကို ဘာမှလုပ်မပေးဘူးဆိုရင်တော့ ပြည်သူလူထုက အရာရာတိုင်းကို စိုက်ပျိုးလာတာပါပဲ။ နိုင်ငံတော်သမ္မတအနေနဲ့ တပ်မတော်အနေနဲ့က ဒီမူးယစ်ဆေးဝါးတွေကို နှိမ်နင်းတယ်ဆိုပြီး ပြည်သူလူထုရဲ့ ဘိန်းစိုက်ခင်းတွေကို လိုက်ဖျက်ဆီးတယ်ဆိုတာ နည်းလမ်းမမှန်ပါဘူး။ ဥပမာအနေနဲ့ပေါ့၊ လူထုအနေနဲ့က ကိုယ်စားခါနီးထမင်းပန်းကန်ကို အဝေးကို လွှင့်ပစ်ခံလိုက်ရသလို ဖြစ်နေတယ်။ ကိုယ်စားနေတဲ့ထမင်းကို ကောက်ညှင်းနဲ့ လာလဲပေးရင်ကမှ စားနေရသေးတယ်။ အခု ပြည်သူလူထု ဘိန်းစိုက်နေရတဲ့ကိစ္စကလည်း အဲဒီလိုပါပဲ။ RCSS အနေနဲ့က ဘိန်းခင်းတွေကို တိုက်ဖျက်ဖို့ မှန်ကန်တဲ့လမ်းစဉ်မူဝါဒတွေ ရှိပါတယ်။ နိုင်ငံတော်သမ္မတနဲ့ လက်တွဲပြီးတော့ လုပ်ချင်ပါတယ်။ ဒါပေမဲ့ စစ်တပ်ဘက်က RCSS နဲ့ ပူးပေါင်းဖို့ လက်မခံဘူး။ ဘာကြောင့် ပူးပေါင်းဖို့လက်မခံတာလဲဆိုတာ သဘောမပေါက်ဘူး။ အပစ်အခတ်ရပ်စဲထားပေမယ့် သဘောထားတွေက မတိုက်ဆိုင်ကြဘူး။

မေး- စစ်ဘေးရှောင်ဒုက္ခသည်တွေကို နေရပ်ပြန်ပို့ဖို့ကိစ္စကရော ဘယ်အခြေအနေရှိပြီလဲခင်ဗျ။ ပြီးခဲ့တဲ့ဇွန်လက ဥက္ကဋ္ဌကြီးရဲ့ ရန်ကုန်ခရီးစဉ်မှာတော့ ၁၉၉၆ ခုနှစ်က တပ်မတော်ရဲ့ ဖြတ်(၄)ဖြတ်မူကြောင့် ထိုင်းနိုင်ငံဘက် တိမ်းရှောင်ထွက်ပြေးခဲ့ရတဲ့ စစ်ဘေးရှောင်ဒုက္ခသည်တွေကို နေရပ်ပြန်နိုင်ရေး ပူးပေါင်းကြိုးပမ်းမယ်ဆိုပြီး ဦးခွန်ထွန်းဦးနဲ့ ပူးတွဲကြေညာချက်ထုတ်တာ တွေ့ရပါတယ်။ အခု သူတို့ နေရပ်ပြန်နိုင်ရေး၊ ပြန်လည်နေရာချထားရေး ဘာတွေစတင်လုပ်ပေးနေပြီလဲခင်ဗျ။

ဖြေ- ပြည်သူတွေကတော့ နေရပ်ပြန်ချင်တဲ့ဆန္ဒကတော့ အမြဲရှိနေတာပေါ့။ ဒါပေမဲ့ သူတို့က နယ်မြေတည်ငြိမ်မှု၊ လုံခြုံမှုပေါ်မှာ အပူအပင်တွေရှိနေသေးတယ်။ အဲဒါကြောင့် မပြန်ရဲကြသေးတာ။ ထိုင်းဘက်မှာလည်း မြန်မာပြည်က စစ်ဘေးဒုက္ခသည်တွေ အများကြီးရှိနေသေးတယ်။ အကယ်၍ စစ်ပွဲတွေထပ်ဖြစ်နေဦးမယ်ဆိုရင်တော့ ပြည်သူတွေ လုံခြုံမှုမရှိသေးဘူး။ တိုက်ပွဲတွေထပ်ဖြစ်နေဦးမယ်၊ စစ်ကူတွေ တောင်းနေဦးမယ်ဆိုရင်တော့ ပြည်သူလူထုက ပြန်ရဲကြမှာမဟုတ်ဘူး။

မေး- ၂၀၁၂ ခုနှစ်က RCSS ဖွဲ့စည်းထားတဲ့ ရှမ်းတောင်တန်းချယ်ရီကုမ္ပဏီကရော စီးပွားရေးလုပ်ငန်းတွေ စလုပ်နေပြီလားခင်ဗျ။

ဖြေ- လုပ်ငန်းတွေ လျှောက်ထားတာတွေကတော့ အများကြီးပဲ။ အကောင်ထည်ဖော်တာ ဘာမှမဖော်နိုင်သေးဘူး။ သတ္တုတွင်းလုပ်ငန်းတွေလုပ်ဖို့ လျှောက်လွှာတွေ တင်ထားတယ်။ အစိုးရဘက်က ခွင့်ပြုချက်ကျလာပေမယ့် တပ်မတော်ဘက်က နယ်မြေထဲဝင်ဖို့ ခွင့်မပေးဘူး။ အဲဒါတွေကြောင့် ကြန့်ကြာနေတယ်။ သမ္မတဘက်ကတော့ နေပြည်တော်ကနေလည်း ခွင့်ပြုပေးတယ်။ ရှမ်းပြည်နယ်အစိုးရဘက်ကလည်း ခွင့်ပြုစာရတယ်။ စစ်တပ်ဘက်ကမရတော့ ၀င်လို့မရဘူး။ သတ္တုပိုင်းတွေ၊ စီးပွားရေးပိုင်းတွေ လုပ်မယ်ဆိုရင် လက်နက်ချမှ လုပ်ခွင့်ပေးမယ်ဆိုပြီး မိုင်းတုံရဲ့ဗျူဟာမှူးအောက်ကနေ သတင်းရတာပေါ့။ တာချီလိတ်ဘက်မှာလည်း စိုက်ပျိုးရေးလုပ်ဖို့ ဧက ၂၅၀၀၀ တောင်းထားတယ်။ အစိုးရနဲ့ ရှမ်းပြည်အစိုးရရဲ့ ခွင့်ပြုစာရတယ်။ ဒီဘက်ကတော့ ခွင့်ပြုချက်မရဘူး။ စီးပွားရေးနဲ့ပတ်သက်လို့ ဘာမှလုပ်ခွင့်မရသေးဘူး။ အဲဒီတော့ ပြဿနာက တပ်မတော်ဘက်ကနေ လာလာပြီးတော့ ခံနေတယ်။ တပ်မတော်က ကြားလာခံနေပြီး မပြီးနိုင်ဘူးဖြစ်နေတယ်။ အဲဒါကြောင့် တပ်မတော်က အပစ်အခတ်မရပ်စဲချင်ဘူးလားလို့တောင် တွေးမိတယ်။ အပစ်ရပ်တာ သမ္မတဦးသိန်းစိန်ကရပ်ချင်ပြီး တပ်မတော်ဘက်က မရပ်ချင်ဘူးလားလို့တောင် ထင်မိတယ်။

မေး- တပ်မတော်နဲ့ တိုင်းရင်းသားအဖွဲ့တွေကြားမှာ ယုံကြည်မှုလျော့နည်းနေတာနဲ့ပတ်သက်ပြီး ဘယ်လိုဖြေရှင်းရင်ရနိုင်မယ်လို့ အကြံပေးချင်လဲခင်ဗျ။

ဖြေ- ဒီပြဿနာကို ဖြေရှင်းဖို့ဆိုတာ ထပ်ကာထပ်ကာ ဆွေးနွေးဖို့လိုပါတယ်။ အ၀င်အထွက်တွေလုပ်ဖို့ ဆက်ဆံကြဖို့ လိုအပ်ပါတယ်။ ပုဂ္ဂိုလ်ခင်မှတရားမင်မယ်ဆိုတဲ့ စကားပုံလိုပေါ့။ အယုံအကြည်နဲ့လာမှာပေါ့။ အယုံအကြည်မရှိရင် ညီညွတ်မှုဘယ်ရမလဲ။ ညီညွတ်မှုမရှိရင် ပေါင်းစည်းမှုဘယ်ရမလဲ။

မေး- ငြိမ်းချမ်းရေးလုပ်ငန်းစဉ်တွေမှာ ဒေါ်အောင်ဆန်းစုကြည်ကို ပါစေချင်သလား။ ပါဝင်လာရင်ရော ငြိမ်းချမ်းရေးလုပ်ငန်းစဉ်တွေအပေါ် အကျိုးသက်ရောက်မှုရှိနိုင်မယ်လို့ ထင်ပါသလား။

ဖြေ- ပြည်ထောင်စုမြန်မာနိုင်ငံရဲ့ကိစ္စမှာ အရပ်ဘက်က အဖွဲ့အစည်းခေါင်းဆောင်တွေ ပါဝင်သင့်ပါတယ်။ ဒေါ်အောင်ဆန်းစုကြည်ကို ချန်လှပ်ထားလို့လည်း မရပါဘူး။ သူက မြန်မာနိုင်ငံကို ဒီမိုကရေစီသယ်ဆောင်လာတဲ့ ခေါင်းဆောင်ကောင်းဖြစ်ပါတယ်။

မေး- ပြည်တွင်းမှာ တိုက်ပွဲတွေကြောင့် ဒေသခံတိုင်းရင်းသားလူမျိုးတွေက နေရပ်စွန့်ခွာထွက်ပြေးပြီး စစ်ဘေးရှောင်ဒုက္ခသည်စခန်းတွေနဲ့ နယ်စပ်တွေမှာ နေထိုင်နေကြရပါတယ်။ အဲဒီအချိန်မှာ အိမ်နီးချင်းနိုင်ငံက အထူးသဖြင့် လူဦးရေများပြားတဲ့ တရုတ်နိုင်ငံလို နိုင်ငံခြားသားတွေက ပြည်တွင်းကို ၀င်လာကြတယ်။ အဲဒီတော့ ရှမ်းပြည်နယ်မှာ နိုင်ငံခြားသားစိမ့်ဝင်မှုက စိုးရိမ်ရတဲ့အနေအထားဖြစ်နေပြီလားခင်ဗျ။

ဖြေ- RCSS ထိန်းချုပ်ဒေသမှာတော့ နိုင်ငံခြားသားဝင်ရောက်မှုကို တားမြစ်ပိတ်ပင်ထားပါတယ်။ ဒါပေမဲ့ စိုးရိမ်ရတဲ့အခြေအနေဖြစ်ပါတယ်။ တရုတ်နိုင်ငံသားတွေက မြန်မာနိုင်ငံထဲကို ၀င်လာပြီးတော့ မြန်မာနိုင်ငံသားကတ်တွေ ကိုင်ဆောင်ထားတယ်။ ပြီးတော့ ပြည်နယ်ထဲက မြေတွေဝယ်ပြီး ကိုယ်ပိုင်မြေအဖြစ် ပြောင်းလဲလုပ်ကိုင်ကြတယ်။ အဲဒါတွေကို စစ်ဆေးဖို့ကတော့ နိုင်ငံတော်ဘက်က တာဝန်ဖြစ်ပါတယ်။ ရှမ်းပြည်နယ်ထဲမှာဆိုရင် ကျိုင်းတုံဘက်တွေ၊ မူဆယ်၊ နမ့်ခမ်းဘက်တွေမှာဆိုရင် တရုတ်နိုင်ငံသားတွေဝင်လာပြီး မြေတွေဝယ်ထားတာတွေ အများကြီးရှိတယ်။

မေး- လက်ရှိရှမ်းပြည်နယ်ဟာ နိုင်ငံရေးအရဆိုရင်လည်း လက်နက်ကိုင်တွေအများကြီးနဲ့ ရှုပ်ထွေးနေတယ်။ စီးပွားရေးမှာလည်း ဒေသခံတွေက စားဝတ်နေရေးမပြေလည်လို့ ဘိန်းစိုက်ပျိုးနေရတာတွေ ရှိတယ်။ ပညာရေးမှာဆိုလည်း မြန်မာနိုင်ငံရဲ့ စာတတ်မြောက်မှုအနည်းဆုံး ပြည်နယ်တွေထဲမှာ ပါဝင်နေတယ်။ နိုင်ငံခြားသားစိမ့်ဝင်မှုလို လူမှုရေးပြဿနာတွေကလည်း ရှိနေတယ်။ အဲဒီလိုအခြေအနေမှာ ရှမ်းပြည်နယ်အတွက် ဘယ်ကဏ္ဍကို အရင်ဦးစားပေးဖြေရှင်းဖို့လိုမယ်လို့ ထင်သလဲခင်ဗျ။

ဖြေ- အဓိကကျတဲ့အချက်က ငြိမ်းချမ်းရေးပဲ။ ငြိမ်းချမ်းမှုမရှိဘူးဆိုရင်တော့ ဘာမှလုပ်လို့မရဘူး။ ရှမ်းပြည်နယ်တိုးတက်မှု ကျဆင်းနေရတာလည်း တပ်မတော်ရဲ့အုပ်ချုပ်မှုအောက် အကြာကြီးနေရတာနဲ့ ပြည်တွင်းစစ်ကြောင့်ပါ။ ပြည်တွင်းစစ်တွေကြောင့် ရှမ်းပြည်နယ်မှာ တိုးတက်မှုက ဘာမှမရှိခဲ့ဘူး။ တိုက်ပွဲတွေဖြစ်၊ ပစ်ကြခတ်ကြဆိုတော့ ပြေးကြရှောင်ကြပဲရှိနေတော့ တိုးတက်မှုဆိုတာ ဘယ်မှာရှာလို့ရပါ့မလဲ။

အခုလိုဖြေကြားပေးတာ ကျေးဇူးတင်ပါတယ်။

Credit To 7Day News Journal 
Read More »