ရေးသားသူ- ပြည်သိမ်း၊ အောင်သစ်လွင်၊ မိုးညို
အစွန်းရောက် ရာသီဥတုများ မြန်မာနိုင်ငံကြုံတွေ့နေရသည်မှာ ယခုနောက်ပိုင်း နှစ်စဉ်ဖြစ်လာသည်။ သို့သော် အစိုးရ၏
တုံ့ပြန်မှုကတော့ အမြဲလိုလိုနောက်ကျနေဆဲပင်။
အာရှဖွံ့ဖြိုးရေးဘဏ်ကဲ့သို့ အဖွဲ့ကြီးများ၏ မြန်မာနိုင်ငံနှင့် သက်ဆိုင်သည့် အကူးအပြောင်း ကာလအခွင့်အလမ်းနှင့် စိန်ခေါ်မှုများ အစီရင်ခံစာတွင် ကမ္ဘာ့သဘာဝဘေးအန္တရာယ် ကျရောက်ဆုံးနိုင်ငံတွင်လည်း မြန်မာနိုင်ငံသည် နံပါတ် ၂ နေရာမှ ပါဝင်နေ
သည်။ ၂၀၁၃ ခုနှစ် ဖေဖော်ဝါရီက ဂျာမနီနိုင်ငံမှ ထုတ်ပြန်သည့် ရာသီဥတုပြောင်းလဲမှုကြောင့် ထိခိုက်မှုအများဆုံး နိုင်ငံများစစ်တမ်းတွင်လည်း မြန်မာနိုင်ငံမှာ ဒုတိယအများဆုံးဖြစ်နေသည်။
သို့သော် မြန်မာနိုင်ငံ၏ ပြောင်းလဲလာသော ရာသီဥတုကို အစိုးရအနေဖြင့် လက်ရှိအချိန်ထိ ကြိုတင်နှိုးဆော်အသိပေးမှု အားနည်းနေသေးပြီး စီမံခန့်ခွဲမှု အလွဲများဖြင့် နှစ်စဉ်ကြုံတွေ့နေရဆဲ ဖြစ်သည်။ ထို့အတူ နိုင်ငံ၏ ရာသီဥတုပြောင်းလဲမှုတွင် အရပ်ဘက်လူမှုအဖွဲ့အစည်းများ တက်ကြွလှုပ်ရှားစွာ ပါဝင်နေသော်လည်း ပြင်ပနိုင်ငံရေးနှင့် လွှတ်တော်နိုင်ငံရေးရာ လှုပ်ရှားသူများက လျစ်လျူရှုထားဆဲဖြစ်သည်။
“ရာသီဥတု ပြောင်းလဲမှုတွေရဲ့ ထိခိုက်မှုတွေကို နိုင်ငံရေးကဏ္ဍ ကနေ ကျယ်ကျယ်ပြန့်ပြန့် ပါဝင် ဆောင်ရွက်ဖို့ လိုလာပြီ”” ဟု မိုး လေ၀သပညာရှင် ဒေါက်တာထွန်းလွင်က လက်ရှိမြန်မာ့ရာသီဥတု ပြောင်းလဲမှုကို နိုင်ငံရေးအင်အားစုများ ပါဝင်မှုနည်းပါးနေသည့် အခြေအနေကို ပြောသည်။
အုပ်ချုပ်ရေးအဖွဲ့မှ မြန်မာနိုင်ငံ၏ ရာသီဥတုပြောင်းလဲမှုကို လျစ်လျူရှုသကဲ့သို့ ဥပဒေပြုအဖွဲ့ဖြစ်သည့် လွှတ်တော်များကလည်း
အရေးတယူမရှိခဲ့ပေ။ အစိုးရအနေဖြင့် ရာသီဥတုပြောင်းလဲမှုနှင့်ပတ်သက်၍ ဦးစားပေးဆောင်ရွက်မှုများမှာ အားရစရာမရှိဟု နိုင်ငံရေးသမားများက ဝေဖန်ကြသည်။
“လွှတ်တော်က ဥပဒေပြုရေးကိုသာ ဦးစားပေးနေရတယ်။ ရာသီဥတုပြောင်းလဲမှုနဲ့ ပတ်သက်ရင်အစိုးရက အဓိကတာဝန်ယူရမှာ” ဟု ပြည်သူ့လွှတ်တော်ကိုယ်စားလှယ် ဦးဖြိုးမင်းသိန်းကပြောသည်။
သဘာဝဘေးအန္တရာယ်တွင် ကြိုတင်ပြင်ဆင်မှုများက အရေးပါကြောင်း မြန်မာတို့၏ နှလုံးသားတွင် နာဂစ်မုန်တိုင်းက သက်သေပြလျက်ရှိသည်။ နာဂစ်မုန်တိုင်း မြန်မာပြည်ဝင်ရောက်မည်ကို တာဝန်ရှိသူများကြိုတင် သိထားသော်လည်း ကြေညာချိန်နောက်ကျသလို မုန်တိုင်းဒီရေ အန္တရာယ်သိရှိရမှု နည်းပါးပြီး ကြိုတင်ပြင်ဆင်မှုမရှိသောကြောင့် မြစ်ဝကျွန်းပေါ်ဒေသတွင် လူပေါင်းတစ်သိန်းသုံးသောင်းကျော် သေဆုံးခဲ့ရသည်။
ထို့အပြင် ၂၀၁၁ ခုနှစ်အောက်တိုဘာလက မြန်မာနိုင်ငံချင်းပြည်နယ်နှင့် မကွေးတိုင်းတို့သို့ ၀င်ရောက်ခဲ့သော အိုတူးဘီမုန်တိုင်းတွင် ကြိုတင်ကြေညာမှု အားနည်းချက်ကြောင့် ရွှေချောင်းဘေးတစ်လျှောက် ကျေးရွာများ ရေနစ်မြုပ်ပျက်စီးပြီး လူသေဆုံးမှုများလည်း ရှိခဲ့သည်။
“ရာသီဥတုအခြေအနေနဲ့ ပတ်သက်လို့ မိုးလေ၀သပညာရှင် အချို့ကသာ ရဲရဲဝံ့ဝံ့ပြောရဲတယ်။ အစိုးရမိုးလေ၀သသတင်းထုတ်ပြန်ချက်က ရှုပ်ထွေးနေလို့တောင် သူတွေနားမလည်ဘူး” ဟု ကျောက်ဖြူမြို့နယ်မှ စိုက်ပျိုးရေးနှင့် ရေလုပ်ငန်းလုပ်ကိုင်နေသူ ဦးမျိုးနိုင်က ပြောသည်။
သို့သော် ပြီးခဲ့သည့် မေလက ဘင်္ဂလားပင်လယ်အော်မှ မဟာစင်မုန်တိုင်း မြန်မာနိုင်ငံသို့ ၀င်ရောက်မည်ဟု မိုးလေ၀သပညာရှင်များနှင့် မိုးလေ၀သနှင့်ဇလဗေဒဌာနက အချိန်နှင့်တစ်ပြေးညီထုတ်ပြန်ပေးခဲ့ပြီး အစိုးရဘက်မှလည်း သဘာဝဘေးအန္တရာယ်ကြောင့် ပျက်စီးဆုံးရှုံးမှုဖြစ်နိုင်ခြေကို ကြိုတင်ကာကွယ်ရန် အစိုးရသစ်လက်ထက်တွင် ပထမဆုံးပွင့်လင်းမြင်သာမှုအရှိဆုံးဖြစ်သည့်
ကြိုတင်ကာကွယ်မှုများကို ပြုလုပ်ပေးခဲ့သည်။
ယင်းမုန်တိုင်းအဓိကကျရောက်နိုင်သည့် ရခိုင်ပြည်နယ်ကို အစိုးရအဖွဲ့မှ ဒုသမ္မတကိုယ်တိုင်သွားရောက်၍ ကြိုတင်ပြင်ဆင်မှုများကို အချိန်နှင့်တစ်ပြေးညီ စီမံကွပ်ကဲခဲ့သောကြောင့် အရပ်ဘက်အဖွဲ့အစည်းများက ကျေနပ်အားရမှုရှိခဲ့ကြသည်။
ရာသီဥတုပြောင်းလဲမှု၏ ထိခိုက်မှုများကို မြို့ပြတွင် နေထိုင်သူများထက် ကျေးလက်နေတောင်သူလယ်သမားများက ပိုမိုခံစားနေရ
သည်။ နှစ်စဉ်ဆုံးရှုံးမှုများနှင့် ကြုံတွေ့လျက်ရှိသည်။ မြန်မာနိုင်ငံသည် မိုးရာသီတွင် ဆန်စပါးကိုအဓိကစိုက်ပျိုးသည့်နိုင်ငံဖြစ်သောကြောင့် ရေကြီးနစ်မြုပ်မှုများမှာလည်း နှစ်စဉ်ဆက်တိုက်ဖြစ်လာသဖြင့် ဆုံးရှုံးမှုများမှာ နှစ်စဉ်ရှိနေသည်။
“စိုက်ပြီးရင် ဘယ်အချိန် ညရေမြုပ်မလဲ စိုးရိမ်နေရတယ်” ဟု ဒေးဒရဲမြို့နယ် ကုဋေသောကြာကျေးရွာမှ လယ်သမားကြီးတစ်ဦးက ပြောသည်။
သီးနှံများ အောင်မြင်ဖြစ်ထွန်းရေးအတွက် စိုက်ပျိုးရေးဌာန တာဝန်ရှိသူများ ပူးပေါင်းပါဝင်မှုအလွန်နည်းပါးပြီး တောင်သူပညာပေးလုပ်ငန်းများ လုပ်ပေးစေလိုကြောင်း ဟင်္သာတမြို့နယ် ပျဉ်းမချောင်းရပ်ကွက် ဖောင်ဆိပ်ကျေးရွာမှ လယ်သမားတစ်ဦးက ပြောသည်။
“ရာသီဥတုက အရင်လို ခန့်မှန်းလို့ မရတော့ဘူး။ ပြောင်းလဲနေတဲ့ ရာသီဥတုနဲ့ စိုက်ပျိုးသင့်တဲ့ သီးနှံအမျိုးအစားကို စိုက်ပျိုးရေးဌာနတာဝန်ရှိသူတွေက အကြံပေး လုပ်ဆောင်သင့်တယ်” ဟု ဆိုသည်။
ယခုနှစ်တွင် လက်ရှိအချိန်အထိ ရေလွှမ်းမိုးမှု အများဆုံးခံခဲ့ရသည့် ဒေသများဖြစ်သော ဧရာဝတီတိုင်း၊ မွန်နှင့်ကရင်ပြည်နယ်တို့၏ အခြေအနေကို မိုးလေ၀သပညာရှင် ဒေါက်တာထွန်းလွင်က ၎င်း၏လူမှုကွန်ရက်တွင် ဇူလိုင်လဆန်းမှစတင်ပြီး ဆက်တိုက် ဖော်ပြခဲ့သည်။
ယင်းအချိန်တွင် အစိုးရအာဏာပိုင်အဖွဲ့အစည်းများနှင့် နိုင်ငံပိုင်မီဒီယာအချို့တွင် ဇူလိုင် ၂၅ရက်က ပြည်နယ်နှင့်တိုင်းဒေသကြီး ၁၁ နေရာ၌ နေရာအနှံ့အပြား မိုးထစ်ချုန်းရွာနိုင်ပြီး မိုးကြီးနိုင်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ကြေညာချက်ထုတ်ပြန်ခဲ့သည်။ သို့သော် မည်သည့်သဘာဝဘေးအန္တရာယ် မည်ကဲ့သို့ကျရောက်နိုင်သည်ဟု အသေးစိတ်ပါဝင်လာမှု
မရှိသဖြင့် ကျေးလက်နေ ပြည်သူတို့အတွက် နှစ်စဉ်မိုးကြီးသည့် အခြေအနေမျိုးသာ ထင်မှတ်ခဲ့ကြရသည်။
သဘာဝဘေးအန္တရာယ် မကျရောက်မီတွင် ကြိုတင်ပြင်ဆင်ရန် အလေ့အထမရှိဘဲ ပြည်နယ်အစိုးရ၏ ညွှန်ကြားချက်များရမှသာ နှိုးဆော်မှုများ ပြုလုပ်ကြလေ့ရှိသည်။ ကရင်နှင့် မွန်ပြည်နယ်၌ ဇူလိုင်လကုန်ပိုင်း ရေကြီးမှုတွင် ဒုက္ခသည်များ ကြိုတင်သိရှိမှု နည်းပါးကြောင်း ဘီးလင်းမြို့နယ်အုပ်ချုပ်ရေးမှူးက ပြောသည်။
“စိုးရိမ်ရေမှတ် ဘယ်လောက်ရောက်ပြီဆိုတာ ရေဒီယိုက ကြေညာတာပဲသိရတယ်။ ဘယ်တော့ ရေကြီးမယ်၊ ဘယ်လိုပြင်ဆင်ရမယ်ဆိုတာ သတိပေးမှုတွေ မရှိဘူး” ဟု ဘီးလင်းမြို့နယ် ဖိုးရာဇာရပ်ကွက်မှ ရေဘေးဒုက္ခသည်တစ်ဦးက ပြောသည်။
အစိုးရဘက်မှ အချိန်မီသတင်းထုတ်ပြန်ပေးသော ဖြစ်စဉ်အချို့တွင်လည်း ဒေသအာဏာပိုင်အစိုးရအဖွဲ့ အပါအ၀င် ဌာနဆိုင်ရာများ၏ ကြိုတင်ပြင်ဆင်မှု အားနည်းသဖြင့် ပျက်စီးဆုံးရှုံးမှု ကြီးမားခဲ့သည်ကိုလည်း တွေ့ရသည်။
ရာသီဥတု ဖောက်ပြန်၍ သီးနှံများ ပျက်စီးဆုံးရှုံးသည်မှာ ယခုနောက်ပိုင်းအစဉ်အလာလိုပင်ဖြစ်နေသော မြန်မာနိုင်ငံတွင် ယခုနှစ် မိုးလယ်ကာလအရောက်မှာပင် အညာမိုးခေါင်၍ သီးနှံများ ပျက်စီးသလို အောက်ပိုင်းဒေသအချို့ ရေလွှမ်းခဲ့ပြီး သီးနှံများ ရေမြုပ်ပျက်စီးခဲ့သည်။ ဖြစ်စဉ်တိုင်းတွင် အစိုးရက ကြိုတင်သတိပေးမှုမလုပ်နိုင်ခဲ့ဘဲ ဖြစ်ပြီးမှနောက်က လိုက်ရှင်းနေသည်။
ထိုအချက်ကို အညာမိုးခေါင်၍ ဧရာဝတီတိုင်းဒေသကြီးမှ စပါးစိုက်ခင်းများ ရေနစ်နေချိန်၊ သီးနှံများ ပျက်စီးချိန်တွင် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီးက နေပြည်တော်ရှိ စက်မှုလယ်ယာ၌ တစ်နိုင်ငံလုံးရှိ သီးနှံများဖြစ်ထွန်းအောင်မြင်ရန် ပရိတ်တရားနာနေခြင်းက မီးမောင်းထိုးပြနေသည်။ သြဂုတ်လဆန်းရောက်ပါမှ လယ်ဆည်ဝန်ကြီးက မိုးခေါင်၍သီးနှံများ စိုက်ပျိုးမရဘဲ စိုက်ပျိုးသမျှပျက်စီးနေသော အညာဒေသသို့ သွားရောက်ခဲ့သည်ကို တွေ့ရသည်။
ကျွမ်းကျင်သူများက ရာသီဥတု ဖောက်ပြန်၍ သီးနှံများ ပျက်စီးမှုမှာ တိုင်းပြည်စားနပ်ရိက္ခာဖူလုံရေးကို ခြိမ်းခြောက်နိုင်၍ သတိပြုရန် အကြံပြုသည်။ နိုင်ငံတော်သမ္မတဦးသိန်းစိန် သြဂုတ် ၁ ရက် ပြောကြားသော မိန့်ခွန်းတွင် ရာသီဥတုဖောက်ပြန်ကာ သီးနှံများ ပျက်စီးဆုံးရှုံးမှုကို ကိုင်တွယ် ဆောင်ရွက်ရန် အစိုးရအနေဖြင့် စီစဉ်ရတော့မည်ဖြစ်ကြောင်း ပြောကြားခဲ့သည်။
မိုးခေါင်သောကြောင့် ပျက်စီးသွားသော သီးနှံများ ပြန်လည်စိုက်ပျိုးရန် အစိုးရက ကူညီမည်ဆိုသည်ထက် စိုက်ပျိုးရေးအဓိက နိုင်ငံဖြစ်ပြီး နှစ်စဉ်အရှုံးပေါ်နေသော လယ်သမားများ၏ အကျိုးစီးပွားအတွက် အစိုးရမှ သေချာသော အာမခံစနစ်တစ်ခု ထူထောင်ပေးရန် လိုအပ်ကြောင်း ဆန်စပါးသုတေသနပညာရှင် ဒေါက်တာမျိုးအောင်ကျော်က ပြောသည်။
မိုးလေ၀သပညာရှင် ဒေါက်တာထွန်းလွင်က အစွန်းရောက် ရာသီဥတုဖြစ်စဉ်များကြောင့် စိုက်ပျိုးရေးတောင်သူများ နှစ်စဉ်ဆက်တိုက် အရှုံးပေါ်နေခြင်းနှင့်ပတ်သက်၍ အစိုးရအနေဖြင့် လုပ်ဆောင်သင့်သည့်အချက်ကို ယခုကဲ့သို့ အကြံပြုပြောကြားသည်။
“အိမ်နီးချင်းနိုင်ငံတွေမှာလို စိုက်ပျိုးရေးဌာနနဲ့ မိုးလေ၀သဌာနပေါင်းစပ်ပြီး တောင်သူတွေကို ပညာပေးတဲ့ စိုက်ပျိုးရေးမိုးလေ၀သဌာနကို ဖွဲ့စည်းသင့်တယ်။ စနစ်တကျနဲ့ ကြိုတင်ပြင်ဆင်မှု ကောင်းမှသာ ပျက်စီးဆုံးရှုံးမှုနည်းမယ်” ဟု ၎င်းကပြောသည်။
Credit To 7Day Journal