မြန်မာ့ယဉ်ကျေးမှုရိုးရာဓလေ့ထုံးတမ်းတို့တွင် တိုင်းရင်းသားလူမျိုးနွယ်စုအလိုက် ချစ်မြတ်နိုးဖွယ်ဝတ်ဆင်ယင်မှုနှင့် ဖက်ရှင်စတိုင်ရှိ ကြပေသည်။ တိုင်းရင်းသားမျိုးနွယ်စုအလိုက်
ရိုးရာယဉ်ကျေးမှုသရုပ် သဏ္ဍန်ကို ပြဆိုတာလည်း မိမိမျိုးနွယ်စုတို့၏ လူသားသမိုင်း တန်ဖိုးကို စောင့်ရှောင့်ထိန်းသိမ်းကာကွယ်ခြင်းပင်ဖြစ်သည်။
တိုင်းရင်းသားလူမျိုးစုတို့၏ ဝတ်စားဆင်ယင်မှုဖက်ရှင် စတိုင်ကို ခေတ်နှင့်အတူရွေ့လျှားလာသောဖက်ရှင်အလမ်းလွန်ဟန်ပန်တို့ မရောနှောစေလဲ မိမိတို့၏ တိုင်းရင်းသားလူမျိုးတို့၏ အမှတ်အသား
သင်္ကေတအဖြစ် အထင်အရှားပေါ်လွင်အောင် ဂုဏ်ယူမြတ်နိုးစွာ မျိုးဆက်လက်ကမ်းကာ ထိန်းသိမ်းဝတ်ဆင်လာခဲ့ကြတာတွေ့ရသည်။ ထို့ကြောင့် တိုင်းရင်းသားမျိုးနွယ်စုများဖြစ်ကြသည့် အနုပညာ ရှင်များ၏ မိမိလူမျိုးနွယ်စု ဝတ်စားဆင်ယင်မှုဖက်ရှင်စတိုင်အပေါ် တန်ဖိုးထားဂုဏ်ယူပြောစကားများ ကို စုစည်းဖော်ပြလိုက်ပါသည်။
မင်းသွေး
" လူမျိုးတိုင်းကတော့ ကိုယ့်တိုင်း ရင်းသားဝတ်စုံကို မြတ်နိုးထား တတ်ကြတာပဲလေ။ ရိုးရာဝတ်စုံကို ခေတ်ရေ စီးကြောင်းအရလည်း ပြောင်းလဲရ မည့် ဝတ်စုံလည်း မဟုတ်ဘူးလို့
ထင် မိပါတယ်။ ကျွန်တော်ကတော့ ရိုးရာဝတ် စုံဆိုရင် ရိုးရာဝတ်စုံအတိုင်းပဲ ဝတ်လေ့ရှိပါတယ်။ ရိုးရာဝတ်စုံကိုတော့ ကျွန်တော့်အ မြင်မှာ ဖက်ရှင်တစ်ခုလိုတော့ မထင် မိဘဲနဲ့ ရိုးရာဝတ်စုံကို ကိုယ်တန်ဖိုး ထားရတဲ့ ဝတ်စုံအနေနဲ့ပဲ မြင်မိပါတယ်"
ရတနာမိုင်
" ကိုယ့်ရဲ့ရိုးရာဝတ်စုံကို တအား မြတ်နိုးတယ်။ ဒီရခိုင်ရိုးရာဝတ်စုံလေး ကိုဝတ်လိုက်ရင် ရခိုင်ပြည်နယ်က ကိုယ့်လူမျိုးတွေကို သွားသတိရမိ တယ်။ စိတ်ထဲမှာလည်း ခံစားမှုတစ် ခုရှိသလိုဖြစ်မိတယ်။ ဒီရခိုင်ရိုးရာ ဝတ်စုံလေးကိုလည်း ဖက်ရှင်ဒီဇိုင်း တွေအဖြစ်နဲ့ ထွင်ကြည့်ချင်ပါတယ်။ ဒါပေမဲ့ ထွင်လုိ့ရှိရင်လည်း ကိုယ့်ရဲ့ ရိုးရာဝတ်စုံကို တစ်ခုခုထိခိုက်သွား
မှာကိုလည်း စိုးရိမ်မိတယ်။
ဟိုး အရင်တုန်းက မိုင်လေးတို့ ရခိုင် မိဖုရားတွေဝတ်တဲ့ ပုံစံလေးတွေက တစ်မျိုးလေ။ ခေတ်အဆက်ဆက် ပြောင်းလဲလာတဲ့ အဝတ်အစားမျိုး
လေးတွေရှိတယ်။ အဲဒီတော့ မိုင်လေးက တစ်ခါတလေကျရင် အရင်ခေတ်တုန်းက ဒီဇိုင်းလေးတွေ နဲ့အခုခေတ်ဒီဇိုင်းလေးတွေ ကို ရောပြီးတော့ ချုပ်ကြည့်ချင်တာမျိုး တော့ စိတ်ကူးရှိခဲ့ပါတယ်။ ချုပ်တော့ ကြည့်ချင်သေးတယ်။ ဒီရိုးရာဝတ်စုံလေးတွေ ဆိုတာကလည်း ဘယ်တော့မှကို မရိုးနိုင်တဲ့ ဖက်ရှင်လို့လည်း ပြောလို့ ရနိုင်ပါတယ်။"
ခင်လေးနွယ်
" တိုင်းရင်းသားလူမျိုးတစ်ခုစီ မှာ သူ့ဝတ်စုံတွေနဲ့ သူတို့ရှိကြ တယ်။ အားလုံးကလည်း ကိုယ့်တိုင်းရင်းသားဝတ်စုံတွေကို တန်ဖိုးထား တယ်။ အစ်မဆိုလည်း ကိုယ့်ရိုးရာဝတ်စုံကို တအားတန်ဖိုးထားမြတ်နိုးတယ်။ အစ်မရဲ့ အမြင်ပြောရရင် ဒီတိုင်းရင်းသား ဝတ်စုံတွေက ရှားလည်း ရှားတယ်။ တန်ဖိုးလည်း ထားစေချင်တယ်။ ဖက်ရှင်တစ်မျိုးအနေနဲ့တော့
ပြောလို့ရတာ ပေါ့။ ရိုးရာဝတ်စုံဝတ်ရတာကို နှစ်သက်တယ်။ မနှစ်ကဆိုရင် အစ်မ မိုးကုတ်ဝတ်စုံလေး ဝတ်တယ်။ အဲဒီ မိုးကုတ်ရိုးရာ ဝတ်စုံလေးဆိုရင် မမြင်ဖူးတဲ့သူတွေ အများကြီးရှိ တယ်။
အဲလို ဝတ်လိုက်တဲ့အချိန်မှာ ဒီခေတ်ကိုလိုက်လို့ မီချင်မှမီလိမ့် မယ်။ ဒါပေမဲ့ သူ့ရဲ့ ရိုးရာဝတ်စုံ ပုံစံ လေးကိုတော့ သိသွားတာမျိုးတွေရှိ တဲ့အတွက် ဒီလို
ဝတ်စုံလေးကို ဝတ် ခွင့်ရတဲ့အတွက်လည်း ဂုဏ်ယူမိ တယ်။ အစ်မကိုယ်တိုင်လည်း ကိုယ့် ရိုးရာဝတ်စုံဒီဇိုင်းလေးကို အခြေခံ ပြီး ချုပ်တာမျိုးတွေတော့ ရှိခဲ့ဖူး ပါတယ်။ ကိုယ့်ရဲ့ ရိုးရာဝတ် စုံလေး တွေဖြစ်တဲ့အတွက် နှစ်သက်သလို တအားလည်း တန်ဖိုးထားပါတယ်"
မာရီနာ
" နာဂတိုင်းရင်းသားဝတ်စုံနဲ့ ပတ်သက်ပြီး မာရီနာပြောရရင် ကိုယ့်ရိုးရာဖက်ရှင်ဆိုတော့ တန်ဖိုး ထားတယ်။ မြတ်နိုးတယ်။ ပြီးတော့ ဝတ်လိုက်တဲ့အခါမှာ လုံခြုံတယ်၊ စိတ်ချရတယ်။
ဒီဝတ်စုံကိုဝတ်ရင် ကိုယ့်ကိုယ်ကိုယ် ဖက်ရှင်ကျတယ်လို့ ယုံကြည်တယ်။ ကိုယ့်ရဲ့ နာဂရိုးရာ ဝတ်စုံကို အခြားလူတွေဝတ်တာ မြင်ရရင်လည်း ဝမ်းသာတယ်။ ပြီးတော့ အခု နာဂအဖွဲ့အစည်း အစည်းတွေဆီမှာတော့ ခေတ်နဲ့ အညီထွင်ပြီး ချုပ်ထားတာရှိတယ်။ ကိုယ်တိုင်လည်း ဝတ်ဖူးတယ်"
မောင်
" အရင်ငယ်ငယ်တုန်းကတော့ ရိုးရာဝတ်စုံကို လူငယ်လိုပဲ ဝတ်ဖြစ်တယ်။ ဖက်ရှင်အနေ နဲ့ ကြည့်မယ်ဆိုရင်လည်း ပွဲတိုးတယ်။ ပြီးတော့ ကိုယ်ကိုယ်တိုင်ကလည်း ကိုယ့်လူမျိုးကိုချစ်တဲ့စိတ်ကြောင့် ဝတ်ဖြစ်တယ်။ ဒီခေတ်မှာ တိုင်းရင်း သားဝတ်စုံတွေကို ဖက်ရှင်အမျိုးမျိုး ထွင်လာကြတာကို တွေ့ရတယ်။ကျွန်တော်ကိုယ်တိုင် လည်း ပွဲတွေ
တက်စရာရှိတယ်ဆိုရင် ကျွန်တော်ကို ချုပ်ပေးနေကြ ဒီဇိုင်နာအစ်မကြီး ရှိတယ်။ ကျွန်တော်ခုနောက် ပိုင်းမှာ ဆိုရင် အကယ်ဒမီ ပွဲတက်ရင် ဒီမွန် ရိုးရာဝတ်စုံကိုပဲ ဒီဇိုင်းထွင်ပြီး ဝတ် လေ့ရှိပါတယ်။ ပွဲတွေမှာ ကိုယ့်ရိုးရာဝတ်စုံကို ဝတ်ရတဲ့ အတွက်လည်း ကိုယ့်ကိုယ်ကိုယ် ဂုဏ် ယူမိပါတယ်။ ကိုယ့်ရိုးရာဝတ်စုံက လည်း ဒါဖက်ရှင် တစ်ခုပဲလေ။ "
ရိန်မိုး
" ရိုးရာဝတ်စုံက တိုင်းရင်းသားတွေ အထွဋ်အမြတ်ထားတဲ့ ဝတ်စုံ ပဲလေ။ ဘယ်တိုင်းရင်းသားပဲဖြစ် ဖြစ် ဝတ်စုံဆိုတာက အထိမ်းအမှတ် တစ်ခုပဲလေ။ ဘဝမှာ တအားအရေး ကြီးတယ်။ ကိုယ့်ဘာသာ၊ ကိုယ့် စကား၊ ကိုယ့်စာပေကို ကျွမ်းကျွမ်း ကျင်ကျင် ရေးတတ်၊ ပြောတတ်၊ ဆိုတတ်ရမယ်လေ။ ရိုးရာဝတ်စုံမှ မဟုတ်ဘူး။ အကုန်လုံးပါပဲ။
တိုင်းရင်းသားတစ်ယောက်အနေနဲ့ ကိုယ်နဲ့သက်ဆိုင်တဲ့အရာ အားလုံး ကို မြတ်နိုးတန်ဖိုးထားတတ်ရမှာပဲ။ ကိုယ့်ဘက်ကကြည့်ရင်တော့ ကိုယ့် ရိုးရာဝတ်စုံက အသွင်တစ်မျိုးနဲ့ လှပ ပြီး တစ်မျိုးဆန်းနေတာပေါ့။ ဒါ လည်း ခေတ်စကားအရပြောရင် ဖက်ရှင်ပေါ့။ ဒါကလည်း ဘယ်တော့မှ ရိုး သွားမှာမဟုတ်ဘူး။ အမြဲတမ်းရှိနေ မှာ။ ဒီ့ပြင် တိုင်းရင်းသားဝတ်စုံတွေ
ဆိုလည်း တိုင်းရင်းသားတိုင်းက စုံမက်ကြတာပဲ။ သူ့ဟာနဲ့သူ လှကြပါ တယ်။
အစ်ကို့အနေနဲ့ ဂီတစင်မြင့် ထက်ကို တက်တော့မယ်ဆိုရင် ကိုယ် နဲ့လိုက်ဖက်မယ့်ဖက်ရှင်မျိုးကို ဝတ် ဆင်ဖြစ်တယ်။ အကောင်းဆုံးဖြစ် အောင်တော့ ပြင်ဆင်ရတာပေါ့။ ယုံကြည်မှုရှိအောင်လို့လေ။ အဲဒီလို ယုံကြည်မှုရရှိဖို့အတွက်လည်း ဝတ်စားဆင်ယင်မှုပုံစံကလည်း အဓိကကျတယ်။
သူ့ခေတ်နဲ့သူပေါ့။ နိုင်ငံတကာမှာဆိုရင် မြူးဇစ်က ကောင်းသလို ဖက်ရှင်ကလည်း တအားကောင်းကြတယ်။ မြူးဇစ်က ကောင်းပြီး ဖက်ရှင်မကောင်းရင် သိပ်အဆင်မပြေနိုင်ဘူးလေ။
ဖက်ရှင်လည်းကောင်း၊ မြူးဇစ်လည်း ကောင်းရင်တော့ အသက်ဝင်သွား တယ်လို့ ပြောရမှာပေါ့။ ဂီတမှာ ရော့ခ်၊ ပေါ့ပ်၊ ပန့်ခ် ပုံစံဖက်ရှင်တွေ
ကွဲလွဲသွားကြတယ်။ အမြင်တစ်မျိုးနဲ့ ပရိသတ်ကို တင်ဆက်ကြတာပေါ့။ ဖက်ရှင်ဆိုတာက အနုပညာသမား တစ်ယောက်အတွက် အရေးကြီး တယ်။ အများရဲ့ရှေ့မှာ သွားရ၊ လာရကြတဲ့အခါကျတော့လေ။ စတိုင်ကျနေဖို့၊ ဖက်ရှင်ကျနေဖို့ ပိုလို အပ်တာပေါ့။
အနုပညာရှင်တစ် ယောက်အတွက် ပရိသတ်တစ် ယောက်ရဲ့ အကြည့်တစ်ချက်၊ ဒါမှ မဟုတ် လက်ခုပ်သံတစ်ချက်ဟာ အားတစ်ခုပဲ။ အဲဒီလိုရရှိဖို့ ဖက်ရှင် ကျဖို့လိုအပ်တာပေါ့။
ဒီအတွက် ဖက်ရှင်က အဓိကကျလာတယ်။ ရိုးရာဝတ်စုံဆိုလည်း ရိုးရာဝတ်စုံ အလျောက်၊ ခေတ်ပေါ်ဖက်ရှင်ဆို လည်း ခေတ်ပေါ်အလျောက် လိုက် ဖက်မှုရှိအောင် အချိန်အခါကြည့်ပြီး ဝတ်ဆင်ရတာပေါ့။ အထူးသဖြင့် တိုင်းရင်းသားဝတ်စုံတွေက လူမျိုးရှိ နေသရွေ့ တိမ်ကောသွားမှာမဟုတ် ပါဘူး။ အမြဲရှိနေမှာ။ အစ်ကို့ရဲ့ ပင်ကိုစတိုင်က ပြောရရင် ဆံပင် အရှည်ထားတာပေါ့။ ဆံပင်ကို အရှည်ထားရတာ ကြိုက်တယ်။ အသက်အရွယ် ပြောင်းလဲလာတာနဲ့ အမျှ ဝတ်စားဆင်ယင်မှုပုံစံ ပြောင်း လာမယ်။ ဒီအခါ ဖက်ရှင်တစ်မျိုး ပေါ့။ အရွယ်အစားတိုင်း၊ အသက် အရွယ်အပိုင်းအခြားတိုင်းမှာ ဖက်ရှင်တွေရှိတယ်။ ကလေးဆို လည်း ကလေးဖက်ရှင်ပေါ့။
အထူးသဖြင့် အခု အနေအထားပွင့်လင်း လာတာနဲ့အမျှ ဖက်ရှင်က အဓိက နေရာက ရပ်တည်လာတယ်။ ဒီတော့ ဖက်ရှင်ခေတ်မှာ ဖက်ရှင်ရှိအောင် ဝတ်ဆင်ရတာပေါ့။ ဖက်ရှင်ဖြစ်ဖို့က ဈေးမကြီးပါဘူး"
ဂျက်ဆန်ထွန်း
" ကိုယ့်ရိုးရာဝတ်စုံကိုတော့ တိုင်းရင်းသားတန်ဖိုးထားမြတ်နိုး ကြလိမ့်မယ်လို့ ထင်တယ်။ အစ်ကို လကည်း ကိုယ့်တိုင်းရင်းသားဝတ်စုံ ကို တန်ဖိုထားမြတ်နိုးတယ်။ တယု တယကို ရှိတာ။ ဘာကြောင့်ဆို မိရိုး ဖလာငယ်စဉ်ကတည်းက ဝတ်ဆင် လာခဲ့တာဆိုတော့လေ။ လူတစ် ယောက်အမြင်ကျယ်ရင် ကျယ် သ လောက် ဖက်ရှင်က ချဲ့လို့ရတယ်။ ဒါပေမဲ့ တိုင်းရင်းသားရိုးရာဝတ်စုံ ကျတော့ ဘယ်ရာနဲ့မှ မတူဘူး။ ဝတ် ရတာ ဖက်ရှင်ကျတာထက် ဂုဏ်ယူ မိတာကတော့ အမှန်ပဲ။
စိတ်ခံစားမှု ကိုက ကွဲသွားတယ်။ ဒီ့ပြင်တစ်နေ ရာမှာ တခြားအဝတ်အစားကို ဖက် ရှင်ကျအောင် ဝတ်တာထက် ရိုးရာ ဝတ်စုံက ပိုပြီးလုံခြုံမှုရှိတယ်လို့ ခံ စားရတယ်။ ရိုး ရာဝတ်စုံတွေက ဘယ်တော့ရိုးမသွား ဘူး။
အမြဲတမ်းဆန်းသစ်နေတယ်။ ဘိုးဘေးဘီဘင်ကတည်းကပင် ဝတ်စုံတွေက ရှိခဲ့တာလေ။ ကြည့် လိုက်တာနဲ့ ရိုးရာယဉ်ကျေးမှုတွေက ထင်ဟပ်နေတယ်။ စင်မြင့်ထက်ကို တက်တဲ့အခါတွေမှာတော့ ခေတ်နဲ့ အညီ ဖက်ရှင်ကျအောင် လိုက်ဖက် အောင် ဝတ်ဆင်ရတာပေါ့"
M ဆိုင်းလု
" ညီမတို့ ကချင်ပြည်နယ်မှာ ရှိကြတဲ့ မိန်းကလေးတိုင်းလိုလိုပဲ အမြတ်တနိုးနဲ့ ဝတ်ဆင်ကြတယ်။ ကိုယ့်ရဲ့ကချင်ရိုးရာဝတ်စုံလေးကို ဝတ်လိုက်တာနဲ့ ဘယ်လိုပြောရမလဲ စိတ်ထဲမှာ မျိုးချစ်စိတ်ဓာတ်တွေ လည်း ပေါက်ဖွားလာသလို ခံစားမိ ပြီးတော့ ဂုဏ်လည်းဂုဏ်ယူမိပါ တယ်။ ဒီကချင်ရိုးရာဝတ်စုံက လှ တာတင်မကဘူး။ တန်ဖိုးရှိတဲ့ ရတနာတွေနဲ့လည်း
အလှဆင်ထား တာဖြစ်တဲ့အတွက် ညီမရဲ့အမြင်က တော့ တန်ဖိုးရှိတယ် မြင့်မြတ်တယ် လို့ ခံစားမိတယ်။ ဒီဝတ်စုံလေးကို ဝတ်ရတဲ့အခါမှာ ဒီဆွဲကြိုး၊ တခြား တန်ဆာတွေက
တန်ဖိုးရှိတာတွေ ဖြစ်တယ်။ ဆင်စွယ်တွေ၊ ငွေတွေနဲ့ လည်း အလှဆင်ထားတာဆိုတော့ လေ။ အဲဒါကြောင့် ဒီဝတ်စုံလေးက တန်ဖိုးရှိတဲ့အရာတွေနဲ့ ပြုလုပ်ထား တဲ့အတွက် အရမ်းတန်ဖိုးထားပါ တယ်။
နောက်ပြီးတော့ ညီမတို့ ကချင်မိန်းကလေးတွေ မင်္ဂလာ ဆောင်တဲ့အခါမှာလည်း ဒီကချင် ရိုးရာဝတ်စုံကိုပဲ ဝတ်ရတယ်။ ညီမ အနေနဲ့ ဒီဇိုင်းထွင်ပြီးတော့ ချုပ်ခြင် ပေမယ့် ကိုယ့်ရိုးရာဝတ်စုံကို ဒီ အတိုင်းလေးပဲ ရိုးရိုးလေးကိုပိုကြိုက် တယ်။ ဖက်ရှင်တွေ ဘယ်လောက်ပဲ ခေတ်စားခေတ်စား ကိုယ့်ရဲ့ တိုင်း ရင်းသားဝတ်စုံလေးကတော့ ညီမအတွက် မရိုးနိုင်တဲ့ ဖက်ရှင်တစ်ခုပါပဲ။ "
နန်းခင်ဇေယျာ
" ညီမတို့ရိုးရာဝတ်စုံဆိုရင် အခုထိရွာမှာ ဝတ်နေတယ်။ မြို့ပေါ် မှာဆိုရင်တော့ သိပ်မဝတ်ကျတော့ ဘူးပေါ့နော်။ ဒါပေမဲ့ မင်္ဂလာဆောင် တဲ့အချိန်တို့၊ ရှင်ပြုအလှူမင်္ဂလာပြု လုပ်တဲ့အချိန်တွေမှာဆိုရင် ပအို့ရိုး ရာဝတ်စုံကို ဝတ်ကြပါတယ်။ ကိုယ့် ရိုးရာဝတ်စုံကို ညီမတို့အနေနဲ့ သိပ် ပြီးတော့ ဖက်ရှင်ဒီဇိုင်းမထွင်ဘူး။ ထွင်လိုက်တဲ့အခါမျိုးဆိုရင်လည်း
ကိုယ့်ရိုးရာဝတ်စုံရဲ့ အဓိပ္ပာယ်လေး တွေ ပျောက်သွားမှာစိုးလို့ ဒီရိုးရာ ဝတ်စုံအတိုင်းပဲ ချုပ်ပြီးဝတ်ကြတယ်။ အရင်တုန်းကဆိုရင်တောင် ပိတ်စ တွေက ဈေးကြီးတော့ လူတိုင်းမဝတ် နိုင်ဘူး။
ခုကျတော့ အကုန်လုံး ဝတ်နိုင်အောင်ဆိုပြီးတော့ လုပ်လာ ကြတယ်။ ဒီလိုဝတ်စုံလေးတွေကျ တော့ တိုင်းရင်းသား ရိုးရာဝတ်စုံ လေးတွေပေါ့နော်။ဒါလေးတွေက လည်း ဖက်ရှင်တစ်မျိုးလို့ ပြောလို့ရ ပါတယ်။ ကိုယ့်ရိုးရာဝတ်စုံလေးကို ညီမပြိုင်ပွဲတွေမှာဆို ဝတ်တယ်။ ဘာဖြစ်လို့လဲဆိုတော့ ကိုယ့်တိုင်းရင်း သားယဉ်ကျေးမှု မြန်မာနိုင်ငံရဲ့ ယဉ် ကျေးမှုတွေ ကို ပြချင်တဲ့အတွက် ကြောင့် ဝတ်ဖြစ်ခဲ့တယ်။ ဒီလိုမျိုး နေရာမှာ ပြသခွင့်ရဖို့ဆိုတာ မလွယ် ဘူးလေ။ အဲဒီလိုဝတ်ပြီးပြိုင်တဲ့အခါ မှာ သူတို့က စိတ်ဝင်စားကြတယ်။
သူတို့နိုင်ငံတွေမှာဆို စက်တွေနဲ့ လုပ်ကြတယ်။ ညီမတို့ဆီမှာကျတော့ ယက်ကန်းတွေဘာတွေနဲ့ပဲ ယက်လုပ် ပြီး ဝတ်ကြတာဆိုတော့လေ။ အဲဒီ တော့ သူတို့နိုင်ငံမှာ လုပ်တဲ့ဝတ်စုံ တွေထက် ကိုယ့်ဝတ်စုံကို အရမ်းလှ တယ်လို့ ထင်ကြတယ်။ ဒီလိုဝတ်စုံ လေးတွေကို စိတ်ဝင်စားကြတယ်။ အဲဒါဘာလဲပေါ့။ အဲဒီလိုမေးတာမျိုး တွေရှိတဲ့အတွက် ကိုယ်ကိုယ်တိုင်ဝတ်
ရတဲ့သူလည်း ယုံကြည်မှုရှိတယ်။ ကိုယ့်ကိုယ်ကိုယ်လည်း ဂုဏ်ယူမိပါ တယ်။ အခုခေတ်မှာဆိုရင် တခြား ယဉ်ကျေးမှုတွေ ပေါ်ထွန်းလာတယ်။ အဲဒီတော့ ညီမတို့တိုင်းရင်းသားတွေ ကလည်း ကိုယ့်ရိုးရာမပျက် သူ့နေရာ နဲ့သူဝတ်သင့်ပါတယ်လို့ ပြောချင်ပါတယ်။"
Credit To Popular Journal
Post a Comment