အကူအညီ လိုတဲ့ အိန္ဒိယ အမျိုးသမီးတွေလိုင်း ၁၈၁ ကိုခေါ်ပါ

ဖုန်းမြည်သံများက အဆက်မပြတ် …။
မိန်းကလေးငယ် တစ်ဦးက သူမကို အိမ်နီးချင်း အမျိုးသား တစ်ဦးက အဓမ္မ ပြုကျင့်ခဲ့ကြောင်း ဖုန်းထဲမှ တစ်ဆင့် ပြောသည်။
”ကျေးဇူးပြုပြီး အဖေ နဲ့ အမေ့ကို မပြောပါနဲ့နော်၊ သူတို့ သိသွားရင် ကျွန်မ အပြင် ထွက်ရတော့မှာ မဟုတ်ဘူး”
ဖုန်းခေါ်သူ အသက် ၁၅ နှစ် အ ရွယ် မိန်းကလေးက အရေးပေါ် လိုင်း အကူ ဝန်ထမ်းအား တိုးလျှိုးတောင်းပန်နေ သည်။
”ရဲတွေကိုလည်း မပြောပါနဲ့ရှင်၊ ကျွန်မ အိမ်တံခါးဝကို ရဲတွေရောက် မလာစေချင်ဘူး”
ဘေးနားက ဖုန်း တစ်လုံးကိုလည်း တခြား အမျိုးသမီး တစ်ဦးက ဖုန်းခေါ် ကာ သူမသည်လည်း အိမ်နီးချင်း တစ်ဦး၏ ခြိမ်းခြောက်မှု ခံနေရကြောင်း ပြောနေသည်။ ရဲစခန်း ကိုလည်း တိုင်ကြားထားကြောင်း ပြောသည်။ အခြား ဖုန်းလိုင်း တစ်ခုတွင်မူ မိခင် တစ်ဦးက သူမ၏ ဆယ်ကျော်သက် အရွယ် သမီး အား လူတစ်စုက မတရားပြု ကျင့်ခဲ့ သဖြင့် ဆေးရုံသို့ပို့ရန် အလောတကြီး ဖြစ်နေ ကြောင်း သတင်းပို့လာသည်။

လွန်ခဲ့သည့် ခြောက်လခန့်က ဖြစ်ပွားခဲ့သည့် ဆိုးဆိုး ရွားရွား အုပ်စုဖွဲ့ မုဒိမ်းမှု များကြောင့် အိန္ဒိယနိုင်ငံ အနှံ့ အမျိုးသမီး များအပေါ် အကြမ်းဖက်မှု ဆန့်ကျင်ရေး ဆန္ဒပြပွဲ များ ပြင်းထန် လာခဲ့ပြီး နယူးဒေလြီ မို့ရှိ ရဲစခန်းများ ကလည်း ဖုန်းဆက် တိုင်ကြားမှုများကို ပြန်လည် ဖြေကြားမှု မရှိခြင်း၊ လျစ်လျူ ရှုနေခြင်း တို့ကြောင့် နယူးဒေလီ အာဏာ ပိုင် များက အမျိုးသမီး များအတွက် အ ကူအညီ တောင်း ခံနိုင်သည့် အရေး ပေါ်ဖုန်းလိုင်း ၁၈၁ ကို စတင် တပ်ဆင် ပေးခဲ့ခြင်း ဖြစ်သည်။

၂ဝ၁၂ခုနှစ် ဒီဇင်ဘာလကုန်ပိုင်း က စတင် တပ်ဆင်သည့် လိုင်း ၁၈၁ သို့ ခြောက်လတာ ကာလအတွင်း ဖုန်းခေါ်ဆိုမှု အကြိမ်ပေါင်း ၁၃၈ဝဝဝ အထိ ရှိခဲ့ပြီး အိန္ဒိယ အမျိုးသမီး များ အနေနှင့် ယခင်က ကြိတ်မှိတ် မျိုသိပ်ခဲ့ရသော ရာဇဝတ်မှု များကို ထုတ်ဖော်ပြောဆိုရန် ဝံ့ရဲလာကြဟန် ရှိသည်ဟု ဝန်ထမ်းများက ဆိုသည်။ တချို့ ဆိုလျှင် ယခင်လ များက ယင်းတို့ တွေ့ကြုံ ခံစားခဲ့ရသည့် ရာဇဝတ်မှု များ ကိုပါ ဖွင့်ဟ တိုင်တန်းလာကြသည်။

အမျိုးသမီး များက လိုင်း ၁၈၁ သို့ ဖုန်းခေါ်ဆိုကာ မိမိ တို့သည် လမ်းမများ ထက်တွင်ပင် စော်ကားနှောင့်ယှက်ခံ၊ မုဒိမ်း ကျင့်ခံနေရမှုများ၊ လင်ယောက်ျား ၏ နှိပ်စက် ညှင်းပန်း ခံနေရမှုများ ၊ ဖုန်းနှင့်ဖေ့စ်ဘွတ် တို့မှ နှောင့်ယှက် ခံနေရမှု၊ တစ်ဖက်သတ် ချစ်ကြိုက်နေ သူတို့၏ အက်စစ်ဖြင့် ပက်ခံရမှု တို့အား ရင်ဖွင့် တိုင်တန်း ကြပြီး နေ ရာပေါင်းစုံ မှ ခေါ်ဆို တိုင်တန်းကြခြင်း ဖြစ်သည်။ တချို့က လူစည်ကား ရာ ဈေးဝယ် စင်တာများမှ၊ အများပြည်သူသုံး ဘတ်စ် ကားများမှ၊ ညနေပိုင်း နေအိမ် အပြန် လမ်းမှ။ တချို့ ကမူ နေအိမ်မှ ခေါ်ဆိုခြင်းဖြစ်ပြီး အိန္ဒိယ ၏ မြို့တော် နယူးဒေလီမှာပင် ဤကဲ့သို့ နေရာ အနှံ့အပြား ဖြစ်ပျက်နေပြီး ကျန် သည့် အခြား ဒေသများတွင် မည် မျှ ဆိုးဆိုးရွားရွား ဖြစ်နေမည်ကိုကား မ တွေးဝံ့စရာပင်။

အိန္ဒိယ၏ တင်းကျပ်သော ရိုးရာ လူနေမှု စနစ်အရ မိဘ မောင်ဖွားများ သည် မိသားစုဝင် အမျိုးသမီး တစ်ဦး မုဒိမ်း ကျင့်ခံရခြင်းကို ထုတ်ဖော်တိုင် တန်းခဲလှသည်။ အကြောင်းမှာ လူအများ ၏ လှောင်ပြောင် သရော်မှု၊ အထင်အမြင် သေးမှုတို့ အတွက် ပစ်မှတ် သဖွယ်ဖြစ် လာမည်ကို စိုးရွံ့ကြ ရသောကြောင့်ပင် ဖြစ်သည်။ ထို့ကြောင့် ပင် လူမသိ သူ မသိ ပျောက်ကွယ် သွားရသော ရာဇဝတ် မှုများ အများအပြား ရှိလိမ့်မည်ဟု ကျွမ်းကျင်သူများ က သုံးသပ်ကြသည်။ သို့ရာတွင် ယခုအခါ လူအတော် များများ က ထိုသို့သော အလေ့အထကို ဆန့်ကျင် ပြောင်းလဲ လာနေပြီဟု ဆိုနိုင်သည်။

ယခုနှစ်၏ ပထမ သုံးလ အတွင်း တွင်ပင် နယူးဒေလီမြို့ တစ်ခု တည်း၌ မုဒိမ်းမှု ၃၅၉ မှု ဖြစ်ပွားခဲ့ရာ ယင်းသည် ယမန်နှစ်က ထိုကာလ အတွင်း ဖြစ်ပွားခဲ့သည့် မုဒိမ်းမှု အရေအတွက် ၏ နှစ်ဆ နီးပါးရှိခဲ့ရာ အစိုးရ အနေနှင့် အလွန် ဂရုစိုက် ကိုင်တွယ်ရမည့် ကိစ္စရပ် တစ် ခုဟု ကျွမ်းကျင် သူများက အကြံပြု ထားကြသည်။

”မငိုနဲ့ ကလေး၊ အဲ့ဒီလူရဲ့ လိပ် စာသာ ငါတို့ကိုပြော ”
အကူအညီပေးရေး လိုင်း၏ ကြီး ကြပ်ရေးမှူး ဂီတာပန်ဒီက ဖုန်းခေါ်သူ မိန်းမငယ် အား ပြောလိုက်သည်။ မုဒိမ်း ကောင်က သူမအား မုဒိမ်း ပြု ကျင့်ပြီး ယင်းကို ၄င်း၏ ဟန်း ဖုန်းဖြင့် ရိုက်ကူးယူ သွားရာ မိန်းမငယ်က တိုင်တန်းလိုက် ပါက ထိုရုပ်သံဖိုင် အင်တာနက်ပေါ် သို့ ရောက်ရှိ ပျံ့နှံ့သွားမည်ကို စိုးရိမ် တကြီး ဖြစ်နေခြင်း ဖြစ်သည်။

”ငါတို့ ရဲတွေ နဲ့ သူ့အိမ်ကို သွား ဝိုင်းပြီး သူ့ကိုဖမ်း၊ သူ့ဖုန်းကိုလည်း သိမ်း မယ်။ ဒီအချိန်မှာ မင်းက အမေ့ကို ဒီအ ကြောင်းတွေ ပြောပြဖို့ ကြိုးစား၊ ဟုတ်ပြီ လား” ဟု ဂီတာပန်ဒီ က ကောင်မလေးကို တိုက်တွန်းနှစ် သိမ့်နေသည်။

အသက် ၇၅ နှစ် အရွယ် ဒေလီဝန် ကြီးချုပ် Sheila Dikshit ၏ ရုံးထောင့် ခန်းက ကျဉ်းမြောင်းပြီး ပြတင်းပေါက် လည်းမရှိပါ။ ထိုအခန်းလေး ထဲက အ ရေးပေါ်လိုင်း ၁၈၁ အတွက် ဝန်ထမ်း ငါးယောက်က အမြဲ ရှိနေပြီး ဇယ်ဆက် သလို အလုပ် ရှုပ်နေတတ်သည်ကို တွေ့ မြင်နိုင်သည်။ ထို့အတူ Sheila Dikshit သည်လည်း ထိုအခန်း ကျဉ်း လေးထဲသို့ မကြာခဏ ရောက်နေတတ် သည်။ ဤကဲ့သို့သော အမျိုးသမီးများ အတွက် အကူအညီ တောင်းခံနိုင်သော လိုင်း ၁၈၁ စတင်ရေးကို သူမကပင် စိတ်ကူး ခဲ့ပြီး အကောင် အထည်ဖော်ရေး အတွက် သူမ၏ သြဇာ အတန်ငယ် သုံးခဲ့ ရသေးသည်ဟု ဆိုသည်။

စင်စစ် ၁၈၁ လိုင်းသည် ရဲဌာန အပေါ် အမိန့်ပေးစေခိုင်းနိုင်သည့် သြဇာအာဏာ မရှိပေ ။ အကျင့်ပျက် ခြစားမှု တို့ဖြင့် သပွတ်အူ သဖွယ် ရှုပ်ထွေးနေ သော အာဏာပိုင် တို့နှင့် တရား စီရင်ပိုင်ခွင့် တို့ကြောင့် အရေးပေါ် ၁၈၁ လိုင်းသည် ထိရောက်မှု သိပ်မရှိသေး ။ သို့နှင့် တိုင် အမျိုးသမီး ထု၏ ယုံကြည် အားကိုးမှုကို အတိုင်းအတာ တစ်ခု အထိ ရရှိ ထားပြီဖြစ်သည်။

နယူးဒေလီမြို့ ရဲတပ်ဖွဲ့အင်အား၏ သုံးပုံ နှစ်ပုံ ထက်မနည်းသော အင်အား က နိုင်ငံရေး သမားများနှင့် အုပ်ချုပ်ရေး ဆိုင်ရာ ဗျူရိုကရက် များ၏ လုံခြုံရေး အတွက် တာဝန် ထမ်းဆောင်နေ ရခြင်းက လည်း နယူးဒေလီမှ အမျိုးသမီး များ၏ စိတ်ချ လုံခြုံစွာ သွားလာ နေထိုင်နိုင်ရေး အတွက် စောင့်ရှောက်မှု ပေးနိုင်ရေးကို အဟန့် အ တား ဖြစ်နေစေသည်ဟု သိရသည်။ ထို့ကြောင့်ပင် နယူးဒေလီ မြို့ကြီး သည် ရာဇဝတ်မှု ထူပြောပြီး အမျိုး သမီးများ အတွက် အကာအကွယ် မဲ့နေ သလို ဖြစ်နေ သည် ဟု ဝေဖန်မှုများ ပြင်း ထန်လာနေသည်။

”ရဲတွေရဲ့ သဘောထား ခံယူမှုကို ပြောင်းလာမှသာ ဒီ အရေးပေါ် လိုင်း ၁၈၁ က တကယ်ကို ထိရောက်လာမှာပါ” ဟု မုဒိမ်းမှု ဆန့်ကျင်ရေး ဦး ဆောင် လှုံ့ဆော် သူ Kavita Krishnan က ဆိုသည်။ Krishnan သည် ယမန်နှစ် ဒီဇင်ဘာလက မုဒိမ်းမှု ဆန့်ကျင်ရေး လှုပ်ရှားမှုတွင် ကျောင်း သား၊ ကျောင်းသူ များကို ဦးဆောင်ခဲ့သူ လည်း ဖြစ် သည်။

”အခု အထိတော့ အရေးပေါ်လိုင်း ၁၈၁ဆိုတာ အမျိုးသမီးတွေ အားကိုး ယုံကြည်စွာနဲ့ ဖုန်းဆက် တိုင်တန်းဖို့ နဲ့ ရဲတွေက ကျွန်မတို့ အကြောင်း ကြားတာကို ဂရုစိုက် လုပ်ဆောင် ပေးဖို့အတွက် ကိုပဲ အသည်း အသန် လုပ်နေရဆဲကာ လတွေပေါ့” ဟု ၄င်းက ပြောသည်။

ဒီဇင်ဘာလ ကဖြစ်ပျက်ခဲ့သော ဆေး ကျောင်းသူ တစ်ဦးအား အုပ်စုဖွဲ့ မုဒိမ်း ကျင့် ခံရပြီးနောက် နိုင်ငံ တစ်ဝန်း ဆန္ဒ ပြ တောင်းဆိုမှုများ ပြင်းထန် လာသဖြင့် အစိုးရက ဆိုးဆိုး ရွားရွား မုဒိမ်းမှု များကို သေဒဏ်ပေးရန် အထိ ပိုမိုပြင်းထန်သော ဥပဒေ ပြဋ္ဌာန်းပေးခဲ့သဖြင့် အမျိုးသမီး ထုက ၄င်းတို့ ခံစားချက် များကို လွတ်လပ်စွာ ထုတ်ဖော်ပြောဆိုရေး ယုံကြည် ချက်ရှိလာကြသည်။

”ဒါဟာ ပိတ်နေရတဲ့ ပါးစပ်ကို ဖွင့် ပေးလိုက်တာ နဲ့ အတူတူပဲ” ဟု အရေး ပေါ်လိုင်း ဝန်ထမ်းဖြစ်သူ အနီတာဒန်နီ ရယ်က ပြောသည်။ အာမခံ ကုမ္ပဏီဝန် ထမ်းဟောင်းဖြစ် ခဲ့သော သူမက ”ကျွန်မ တို့မျိုးဆက် နဲ့မတူ ဘဲ နောက် မျိုးဆက်သစ် ဟာ ဒီလိုမျိုး ထုတ်ဖော် ပြောဆိုမှုတွေ ကနေ အာဏာ ပိုင်တွေရဲ့ လုပ်ရပ်ကို ပြောင်း လဲစေနိုင် လိမ့်မယ်လို့ ကျွန်မ ယုံကြည်တယ်” ဟု ပြောသည်။

‘ဒီမှာ အလုပ်လုပ် ရတာ ကျွန်မ အရမ်းကို စိတ်ကျေနပ်မိတယ်၊ ဘာလို့ လဲ ဆိုတော့ ကိုယ့်ရှေ့မှာတင် ပြောင်းလဲ လာတာတွေ တွေ့နေရလို့ပေါ့” ဟု သူမ က ပြော ပါသေး သည်။

တစ်ဖက်တွင်လည်း အားတက် ဖွယ်ပင်။ မြို့တော် ရဲတပ်ဖွဲ့က ဇွန်လ အစောပိုင်းတွင် အမျိုးသမီး များအား ဦးတည် ရည်ရွယ်သော ‘ထုတ်ဖော် ပြောဆိုကြ၊ ကျန်တာ ငါတို့ တာဝန်ထား’ ဟူသော လှုံ့ဆော်မှု တစ်ခုပြုလုပ်ခဲ့သည်။ သို့နှင့် တိုင် လိုင်း ၁၈၁နှင့် ရဲတပ်ဖွဲ့ကြား ပူးပေါင်း လုပ်ကိုင်ရေး ခက်ခဲနေဆဲဖြစ်သည်။

”မင်း ဘယ်နေရာမှာလဲ၊ အိုကေ၊ ဘတ်စ်ကား ဂိတ်လိုမျိုး လူစည်တဲ့ နေရာ ကိုသွားပြီး ရပ်စောင့်နေလိုက်၊ ဘာမှ မ ကြောက်နဲ့၊ ငါတို့ ရဲကား ချက်ချင်း လွှတ် လိုက်မယ် ”ဟု သူမနောက်သို့ ယောက်ျားလေး ၃ ဦး မကြားဝံ့ မနာသာပြောဆိုရင်း လိုက်လာနေသဖြင့် ဖုန်းဆက်ပြော လာသူ မိန်းကလေးအား လိုင်းဝန်ထမ်း Munira Rizwan ပြော လိုက်ရသော် လည်း ရဲစခန်းကို ဖုန်းခေါ်ရသည်မှာ မည်မျှ ခက်ခဲကြောင်း သိနေသဖြင့် သူမ အသံက ခပ်ပျော့ပျော့ ဖြစ်နေမည်ကို သူမသိနေသည်။

”ကိုင်စမ်းပါ၊ ဖုန်းမြန်မြန်ကိုင် လိုက်စမ်းပါ” ဟု တတီတီမြည်နေသော ဖုန်းကို ကြည့်ရင်း Munira Rizwan က ခြေမကိုင်မိ လက်မကိုင်မိနှင့် ရေရွတ် မိသည်။

ထိုသို့သော အခက်အခဲ များကြောင့် လွန်ခဲ့သည့် ၃လခန့်က လိုင်း ၁၈၁ သို့ အကူအညီ တောင်းခံ လာသူ အမျိုးသမီး ကို မကယ်တင်နိုင်ခဲ့ဟု သိရသည်။ သူမ ကို ယောက်ျားလေး တစ်စု က ဝိုင်းထား ပြီး မတရား ပြုရန် ကြံနေသည်ဟု ဖုန်း ဆက် အကူအညီတောင်းခံစဉ် ကတည်း က ဖုန်းထဲမှ အမျိုးသား အသံများ ကြား နေရပြီး အရေးတကြီး အကူအညီ စေလွှတ် ရမည့် အခြေအနေ ဖြစ်သော်လည်း ရဲစခန်းက ဖုန်းချက်ချင်း မကိုင်ခြင်းနှင့် ဖုန်း တည်နေရာပြ စနစ် မရှိခြင်းတို့ ကြောင့် ထိုနေရာသို့ ရဲကား အချိန်မီ မရောက်နိုင်ခဲ့။ နောက်တစ်နေ့တွင် မှ ထိုအမျိုးသမီး မုဒိမ်းကျင့်ပြီး သတ်ဖြတ် ခံရကြောင်း သိရသည်ဟု လိုင်း ၁၈၁ ကို ကြီးကြပ် သည့်ခေါင်းဆောင် Khadijah Faruqui က ပြောပြသည်။

Faruqui က အစိုးရ နှင့် တယ်လီဖုန်း ကုမ္ပဏီ များအား တည်နေရာ အချက်ပြ ခြေရာခံ ဆော့ဖ်ဝဲ အသုံးပြုရန် တိုက်တွန်းခဲ့ပြီး ဆေးရုံများနှင့် တရားဝင် အမျိုး သမီးစောင့်ရှောက်ရေး အဖွဲ့ အစည်းများမှ ဝန်ထမ်း များအား လိုင်း ၁၈၁ ၏ တောင်းဆိုမှုကို အချိန်မဆိုင်း တုံ့ပြန်နိုင်ရေး အတွက် လေ့ကျင့်ပေး လိုသည်ဟုဆိုသည်။

လိုင်း ၁၈၁ သို့ ခေါ်ဆိုမှု များသည် အကူအညီ အတွက် သာမက အကြံဥာဏ် တောင်းခံ လိုသဖြင့်လည်း ခေါ်ဆိုကြသည်။ တချို့က မိဘ သဘောမတူ သူနှင့် ယူ ရကောင်းနိုး၊ မကောင်းနိုး တိုင်ပင်ကြသည်။ တချို့က ဘတ်စ်ကားပေါ်တွင် ပိုက်ဆံအိတ် ခါးပိုက်နှိုက်ခံ ရသဖြင့် ဖုန်း ဆက်ကာ ငိုယို တိုင်တန်းကြသည်။ လိုင်း ဝန်ထမ်း များ အတွက် စိတ် ကသိကအောက် အဖြစ်စေဆုံး ကတော့ မြီးကောင်ပေါက် အရွယ် မိန်းကလေးတွေပဲ ဖြစ်ပါသည်။

”တချို့ကလေးမလေးတွေက ည သန်းခေါင်ကြီး ဖုန်းခေါ်ပြီး သူတို့ကို အသက်ကြီးကြီး လူတစ်ယောက်က စော် ကားနေပါတယ် ဆိုပြီး ညည်းညူ ပြော ပြောကြတယ်” ဟု Faruqui ကပြောပြီး ဖုန်းခေါ်ဆိုသူ ၂ဝ % ခန့်မှာ ကလေး အရွယ် များဖြစ်သည်ဟု ဆိုသည်။
”ဒီဇင်ဘာလက မုဒိမ်းမှု ဟာ တစ် ခုတည်း သီးသန့်ဖြစ်ခဲ့တာ မဟုတ်ဘူး” ဟု ဒန်နီရယ်က လက်တစ်ဖက် ကို ဝှေ့ ယမ်းရင်း ပြောလိုက်သည်။
”ကြောက်စရာ ကောင်းတဲ့ စက် ဆုတ်စရာ လုပ်ရပ်တွေ အချိန် တိုင်းကို ဖြစ်နေတာပါ”

ကျော်ရဲလင်း

Ref: In New Delhi, a help line for women is flood with calls by the Washington Post.

Credit To Popular Myanmar News Journal