အလုပ်သဘောအရ အတွေးနဲ့ ခံစားမှုက အစွဲဖြစ်နေတာကို ကိုယ်တိုင် သတိမထား ဖြစ်ခဲ့တာ။နှစ်ပေါင်း ၄၁ နှစ်၊ နေ့စဉ်နေ့ တိုင်း (အချိန်တိုင်းဆိုရင် ပိုမှန်တယ်။)
ခံစားမှုကိုပဲ အဓိက အသုံးချနေရတယ်။ ခံစားမှု တွေ ပီပြင်အောင် အတွေး ကို အကူ အညီယူရတယ် ဆိုတော့ ခံစားမှုနဲ့ အတွေးကိုစွဲမှန်းမသိ၊စွဲနေတာ၊ ကိုယ့်ကိုယ်ကိုယ်မသိဘူးဖြစ်နေတယ်။ ဒီဘက် ရဟန်းဘဝ ရောက်တော့မှပဲ စိတ်လေ့ကျင့်ခန်းတွေ စနစ်တကျတည်ဆောက် တဲ့အခါမှာ ခံစားမှုဆိုတာ အန္တရာယ်အကြီးဆုံး အနှောင့်အယှက် စိတ်တစ်ခု ဖြစ်နေမှန်း သိရတော့တယ်။
ခံစားမှုကို အကြောင်းပြုပြီး လုပ်စားခဲ့ရတဲ့ ကျော်ဟိန်းဆိုတဲ့ လူကြီး၊ ရဟန်းဘဝရောက်တော့မှ အခက်အခဲ တွေအများကြီး တွေ့ရတော့တယ်။
အားထုတ်တဲ့အခါတွေမှာ အတွေးကို စွဲနေတဲ့အကျင့်က ဝင်လာပြီး အစွမ်းပြတဲ့ အကြိမ်ပေါင်းက ခဏခဏပဲ။ တရားအားထုတ်တဲ့ သူတွေကို အနှောင့်အယှက်အပေးဆုံးက အတွေးတဲ့။
ကဲဍ ရအောင်ကျင့်မယ်။ကျင့်လို့ရအောင်ကျင့်မယ်ဆိုတဲ့ နောက်ထပ် ခလုတ် တစ်ခုကို ရွှေ့လိုက်ပြန်တယ်။မခံစားနဲ့တော့၊ ခံစားနေတဲ့စိတ်ကို စွန့်လွှတ်လိုက်တော့လို့ ကိုယ့်ကိုယ်ကိုယ် တစ်ချိန်လုံး သတိပေးနေလိုက်တယ်။လှမ်းကြည့်ရင် မြင်နေရတဲ့ နေရာတိုင်းမှာခံစားနေတဲ့ စိတ်ကို စွန့်လွှတ်လိုက်ဍ ဆိုတဲ့ စာတန်းတွေ ကပ်လိုက်တယ်။
ရုပ်နာမ်ပစ္စယာ အာယတန။အာယတနပစ္စယာ ဖဿ။ဖဿ ပစ္စယာ ဝေဒနာ။ဝေဒနာပစ္စယာ တဏှာဆိုတဲ့ ပဋိစ္စသမုပ္ပာဒ်ရဲ့ အကြောင်းကြောင့် ဖြစ်တဲ့အကျိုးကို နားလည်အောင် လေ့လာတယ်။ကိုယ်တိုင် လက်တွေ့ သိကြည့်တယ်။
အလုပ်သဘောအရ စိတ်မှာလာထိတဲ့ အထိအတွေ့၊ အပြင်အာရုံ တွေကို ဆွဲယူရတဲ့ အလုပ်သဘော ဖဿပစ္စယာ ဝေဒနာ။စိတ်မှာလာထိတဲ့ အထိ (ဖဿ)ကြောင့် ခံစားမှုဖြစ်စေတဲ့သဘောကို သွားတွေ့တယ်။ကဲ နောက် ခလုတ်တစ်ခု ထပ်ရွှေ့လိုက်တယ်။ကိုယ်တိုင်သတိမထားမိဘဲ အကျင့်ပါတဲ့အထိ စွဲနေတဲ့အတွေးနဲ့ ခံစားမှုတွေကို ဖြတ်တောက်ပစ်လိုက်တယ်။
အရာရာကို ဖြတ်မှဖြစ်တော့မယ်ဆိုတဲ့ အသိနဲ့ ခလုတ်ကို ရွှေ့လိုက်တာ။
ရွှေ့ပြီးသား ခလုတ်ကိုလည်းဘာ့ကြောင့်ပဲဖြစ်ဖြစ်၊ ပြန်မရွှေ့တော့ဘူးလို့ ဆုံးဖြတ် လိုက်တယ်။
လူ့ဘဝမှာ လုပ်ချင်တာ အကုန်လုံး၊လုပ်ချင်သလို လုပ်ခဲ့ပြီးပြီ။ တော်ပြီ ပေါ့။ဖြတ်။နောက်ထပ် အသက်ရှင်နေတဲ့ လက်ကျန်အချိန်မှာနောက်ထပ် အသိ တစ်ခု ထပ်ရှာဦးမယ်။
ပြင်းထန်တဲ့ ဆန္ဒနဲ့ခိုင်မာတဲ့ ဆုံးဖြတ်ချက်ရှိရင် စိတ်တစ်ခုကကူညီပံ ပိုးပေးဖို့ အဆင်သင့်ရှိနေတယ်။ဖြစ်ချင်တာဖြစ်မြောက် ပြီးစီးအောင် လှုံ့ဆော် တိုက်တွန်းပြုလုပ်ပေးနေတဲ့စေတနာစေတသိက်ပဲ။
စိတ်ကို ပြုပြင် တဲ့နေရာမှာ အသုံးအတည့်ဆုံးက စေတနာစေတသိက်ပဲ။
စိတ်ပြုပြင်ခြင်းသဘောမှာပေးခဲ့တဲ့ ဥပမာတွေကို ပြန်သုံးသပ်ကြည့်တော့
ဘိန်းဖြူ ဖြတ်လိုက်နိုင်တာ ရအောင် ဖြတ်မယ်ဆိုတဲ့ ခိုင်မာတဲ့ ဆုံးဖြတ်ချက်ကို စေတနာစေတသိက်ရဲ့ လှုံ့ဆော်တိုက်တွန်းမှုက ကူညီလိုက်လို့ပဲ။
ယင်းထနေတဲ့ခံစားမှုဟာ စိတ်အသိကို လာထိနေပေမယ့်ငြိမ်ဝပ်ကိန်း အောင်းနေတဲ့ စိတ်ကို ထြ<ွကတဲ့အဆင့်ထိ မရောက်ခဲ့ဘူး။ ဘာဖြစ်လို့လဲ?
စေတနာစေတသိက်ရဲ့ လှုံ့ဆော်တိုက်တွန်းမှု ခလုတ်ကိုပြင်းထန်တဲ့ဆန္ဒနဲ့ ကောင်းတဲ့ဘက်မှာ ရွှေ့ထားနိုင်လို့ပဲ။
ကျော်ဟိန်းရဲ့ ဘဝကို အဆုံးသတ် လိုက်နိုင်တာ၊စေတနာစေတသိက်ရဲ့လှုံ့ဆော်တိုက်တွန်းမှု ခလုတ်ကိုခိုင်ခိုင်မာမာ ဆုံးဖြတ်ထားတဲ့အတိုင်း အကောင်အထည်ဖော်မယ့် ဘက်မှာပြင်းထန်တဲ့ဆန္ဒနဲ့ ရွှေ့ထားနိုင်လို့ပဲ။
နှစ်ပေါင်း ၄၁နှစ်စွဲနေတဲ့ခံစားမှုနဲ့ အတွေးကို ဖြတ်ပစ်လိုက်နိုင်တာ ဟာစိတ်ကိုလာထိတဲ့ ဖဿစေတသိက် သဘောကို သိသွားလို့ရယ်၊ ဒုက္ခဖြစ် စေတဲ့ ဝေဒနာစေတသိက်သဘောကို မြင်သွားလို့ရယ်၊ခံစားမှုအစွဲနဲ့ အတွေး အစွဲတွေဟာအချိန်မရွေး ထြ<ွကသောင်းကျန်းလာရင် အသေမဖြောင့်နိုင်တဲ့ မောဟစေတသိက်ကို သတိထားမိသွားလို့ရယ်၊ကောင်းတဲ့ဘက်မှာရော၊
မကောင်းတဲ့ဘက်မှာရော၊လှုံ့ဆော်တိုက်တွန်းတတ်တဲ့စေတနာစေတသိက်
ကို ထိုက်တန်တဲ့နေရာမှာထားပြီးအသုံးချတတ်မှ ဖြစ်မယ်ဆိုတာကို လုံးဝ (လုံးဝ) သဘော ပေါက်သွားလို့စိတ်တွေကို လိုသလိုပြုပြင်လို့ရတာ။
ဆက်လက်ဖော်ပြပါမည်
ဦးကိတ္ထိသာရ
(ဆရာတော်ဦးကိတ္ထိသာရ၏စိတ်ပြုပြင်ခြင်းသဘောကိုသိကြည့်ခြင်း
တရားဆောင်းပါးများကိုအပတ်စဉ်ပေါ်ပြူလာဂျာနယ်တွင်ဖေါ်ပြလျှက်
ရှိပြီးယခုဆောင်းပါးမှာဇွန် ၂၃ရက်နေ့ (တနင်္ဂနွေနေ့ )ထုတ်
ပေါ်ပြူလာနယ်အတွဲ(၁၇)အမှတ်(၂၄)မှဖြစ်သည်။)ကူးယူချင်ဖြစ်ပါသည်။
Post a Comment