နိုင်ငံတော်ကို ပြီးစလွယ် မတည်ဆောက်ကြပါနဲ့

နိဒါန်း
မူလရည်ရွယ်ထားတဲ့ ခေါင်းစဉ်က ''ပြီးစလွယ်မလုပ်နဲ့'' ဖြစ်ပါတယ်။ လူငယ်တွေ၊ ကျောင်းသားတွေကို ဦးတည်ရေးသားဖို့ပါ။ ဒါပေမဲ့ ကလေးသူငယ်တွကို ရှေ့ဆောင်စံပြ လုပ်နေတဲ့ နိုင်ငံတော်ကို တည်ဆောက်နေတဲ့ လူကြီးတွေ ကိုယ်တိုင်က ပြီးစလွယ် လုပ်နေကြတာ တွေ့ရတော့ ဆောင်းပါးခေါင်းစဉ် ပြောင်းသွားပါတယ်။
အလုပ်ဖြစ်ရေး
လူအတော်များများဟာ အလုပ်လုပ်ကြရာမှာ အလုပ်ဖြစ်ရေးကို အဓိကထား လုပ်တတ်ကြပါတယ်။ တစ်ယောက်နဲ့တစ်ယောက် တွေ့ရင်လည်း အလုပ်ဖြစ်လား ဆိုကာ မေးကြ၊ နှုတ်ဆက်တတ်ကြပါတယ်။ စေ့စေ့တွေးကြည့်တော့ အလုပ်ဖြစ်ရေးဟာ အဓိကကျသလား၊ ဘာကအဓိကကျသလဲ။ ယခင် (ယခုလည်းထို့အတူ ဖြစ်ချင်ဖြစ်နေမှာပါ) အစိုးရ လက်ထက်မှာ လမ်းတွေ၊ တံတားတွေ၊ ဆည်တွေ၊ ဆေးရုံအဆောက်အအုံတွေ (စေတီ၊ ပုထိုးပါ ပါရင်ပါနေမှာ) ကို ဆောက်လုပ်ရာမှာ ဘယ်အချိန်ကစပြီး ဘယ်အချိန်ပြီးမယ် ဆိုတာကို ကျွမ်းကျင်ပညာရှင်၊ အင်ဂျင်နီယာတွေက အချိန်ဇယား ရေးဆွဲခွင့်ရခဲ့ပုံ မရပါဘူး။
ဘယ်တံတား ပြည်ထောင်စုနေ့အမီ ဖွင့်ဖို့ အချိန်မီပြီးအောင် ဆောက်ပါ။ ဘယ်အဆောက်အအုံကို ဘယ်နေ့ပြီးဖို့ အချိန်မီ ဆောက်ပါဆိုတဲ့ အထက်က လမ်းညွှန်တဲ့အတိုင်း ဆောက်ကြရတာပါ။
ဆိုတော့ သတ်မှတ်ရက်အတွင်း ပြီးရေးကို အာရုံစိုက်နေရတဲ့ အင်ဂျင်နီယာတွေခမျာ အရည်အသွေး၊ စံချိန်စံညွှန်းမီပစ္စည်း စတဲ့ လိုအပ်တဲ့ နည်းပညာတွေကို အဓိက မထားတော့ဘဲ အလုပ်ဖြစ်ရေး (သတ်မှတ်ရက်ပြီးရေး) ကိုပဲ အဓိကထား ဆောက်လုပ် ခဲ့ရတာပါ။ မုခ်ဦးလှလှ၊ မဏ္ဍပ်လှလှ ဆောက်လုပ်ရေး၊ ပန်းကြဲဗန်းကိုင်မယ့် မိန်းကလေးလှလှတွေ ရွေးချယ်ရေးဟာ တံတား ကြံ့ခိုင်ရေးထက် ပိုအရေးကြီးပါတယ်။
သတိထားမိတဲ့ တစ်ခုသော ပြည်ထောင်စုနေ့အမီ ပြီးစီးအောင် အမြန်(ကမန်းကတန်း) ဆောက်လုပ်ပြီး ဖွင့်လှစ်ခဲ့ပါတယ်။ မကြာပါဘူး။ တံတားကို ပြန်ပိတ်ပြီး ကွန်ကရစ်တွေခွာ၊ သံချောင်းတွေ ပြန်လဲ လုပ်ခဲ့ကြရတာ လက်တွေ့ပါ။ ဒီလိုအဖြစ်အပျက်မျိုး ဘယ်လောက် ဖြစ်နေသလဲ၊ ဖြစ်ခဲ့သလဲ၊ ဖြစ်နေဦးမလဲ။
ပြီးစလွယ် အမူအကျင့်
အလုပ်ဖြစ်ရေးကို ဦးတည်လုပ်ဆောင်တာဟာ ပြီးစလွယ်လုပ်ရေးကို တွန်းပို့လိုက်တာနဲ့ အတူတူပါပဲ။ အခုဆို လူတော်တော် များများ ပြီးစလွယ် လုပ်နေကြပါတယ်။ အထက်က ညွှန်ကြားချက်နဲ့အညီ အလုပ်ဖြစ်ရေးကို ဦးတည်ပြီး ပြီးစလွယ် လုပ်ပေးလိုက်ပါတယ်။
အထက်ကလည်း သူ့ညွှန်ကြားချက် အတိုင်း လိုက်လုပ်ပေးတဲ့ သူတွေကို ဆုတော်လာဘ်တွေပေးပြီး သူကောင်းပြုပါတယ်။ ပြီး-ပြီးသွားတဲ့တံတား၊ အဆောက်အအုံကို ခပ်တည်တည်ကြီး ဖဲကြိုးဖြတ် ဖွင့်လှစ်ပေးတယ်။ စက်ခလုတ်နှိပ် ဖွင့်လှစ်ပေးတယ်။
ဖွင့်ပေးပြီး အဲဒီတံတား (အဆောက်အအုံ)ကို ပုဂ္ဂိုလ်ကြီးလည်း လှည့်မကြည့်တော့ပါဘူး။ ဆောက်လုပ်ရေး ပုဂ္ဂိုလ်တွေ၊ ကုမ္ပဏီတွေ၊ ၀န်ထမ်းတွေလည်း အထက်ကတောင် လှည့်မကြည့်လေတော့ သူတို့လည်း လှည့်မကြည့်တော့ဘူး။

ဒီမိုကရေစီ နိုင်ငံတော်ကြီး ပျက်သွားရင် ပြန်တည်ဆောက်ရတာ ခက်မှာမို့ နိုင်ငံတော်ကို ပြီးစလွယ် မတည်ဆောက်ကြပါနဲ့။ စေတနာမှန်မှန် စိတ်ရင်းကောင်းကောင်း ရေရှည်အကျိုး မြော်တွေးပြီး ပြီးစလွယ် လုပ်တတ်တဲ့ အကျင့်ဆိုးများကို ပြုပြင်ရင်း ဒီမိုကရေစီ နိုင်ငံတော်ကို ၀ိုင်းဝန်းတည်ဆောက် ကြပါစို့

ဒီလိုနဲ့ စောင့်ရှောက်သူ ကင်းမဲ့တဲ့ တံတားအဆောက်အအုံဟာ အချိန်မတန်မီ ပျက်ကုန်တာ တွေ့နေကြရမှာပါ။ အရည်အသွေး၊ စံချိန်စံညွှန်း ပြည့်မီအောင် အချိန်မစောင့်နိုင်လို့ ပျက်ကုန်၊ ပြိုကုန်တာတွေလည်း ဟိုနေရာမှာ၊ ဒီနေရာမှာ။
တစ်ခါက မူလတန်းပြဆရာများ မွမ်းမံသင်တန်းတစ်ခု နွေရာသီမှာ ဖွင့်လှစ်ခဲ့ပါတယ်။ ထုံးစံအတိုင်း ဥက္ကဋ္ဌတစ်ယောက်ပြီး တစ်ယောက် အမှာစကားတွေ အသီးသီး ပြောကြားပြီး မြို့နယ်ပညာရေးမှူးက အဖွင့်စကား ပြောပါတယ်။ ပြီးတော့ ဧည့်သည်တော်များက တစ်ယောက်ပြီး တစ်ယောက် မိန့်ခွန်းတွေ ခြွေကြပါတယ်။
ပညာရေး မွမ်းမံသင်တန်းမှာ ပညာရေးနဲ့ မဆိုင်သူတွေကလည်း ဆရာ၊ ဆရာမတွေကို လမ်းညွှန် မိန့်ကြားသွားပါတယ်။ နောက်ဆုံးမှ တကယ်ပို့ချမယ့် သင်တန်းဆရာတွေက အလှည့်ကျသွားပါတယ်။
ထိုစဉ်က မိတ္တူကူးစက်တွေ မပေါ်သေးပါဘူး။ ဖယောင်းစက္ကူမှာ လက်နှိပ်စက်နဲ့ ရိုက်ပြီး ဂတ်စတာနာဆိုတဲ့ လက်လှည့်စက်နဲ့ စက္ကူတွေကို ပွားယူရပါတယ်။
မိတ္တူပွားထားတဲ့ စာရွက်တွေကို ဆရာ၊ ဆရာမတွေကို ဝေငှပါတယ်။ လက်ထောက်မြို့နယ် ပညာရေးမှူးက မွမ်းမံပြင်ဆင်တဲ့ စာကြောင်းတွေကို တစ်ကြောင်းချင်း ဖတ်ပြပါတယ်။
တစ်နေရာရောက်တော့ 'လင်ငယ်နေ သလား' လို့ ဖတ်လိုက်ပါတယ်။ ဆရာမတချို့က ခစ်ခနဲ ရယ်လိုက်ကြပြီး ဆရာတချို့က မျက်နှာနီရဲ သွားပါတယ်။
ဖတ်တဲ့ဆရာလည်း အဲဒီဝါကျမှာ ရပ်သွားပါတယ်။ ပြီးမှ စင်အောက်ပြန်ဆင်းပြီး မူရင်းစာသားနဲ့ တိုက်ကြည့်ပါတယ်။ မူရင်း စာသားက 'ရေငင်နေသလား' ဖြစ်နေပါတယ်။
ဒီတော့မှ စင်ပေါ်ပြန်တက်ပြီး ခပ်တည်တည် မျက်နှာထားနဲ့ 'ခုန၀ါကျကို ရေငင်နေသလားလို့ ပြင်လိုက်ကြပါ' တဲ့။
လက်ရှိ ကွန်ပျူတာ စာစီစာရိုက် သူတွေလည်း သတိပြုသင့်ကြောင်း အကြံပြုပါရစေ။ ရေးထားတဲ့ မူရင်းက တလွဲတချော် အဓိပ္ပာယ် ပေါက်နေရင် မေးမြန်းပြီးမှ စာရိုက်သင့်ပါတယ်။ လက်ငင်းသတင်းစာ အချို့မှာ စာစီစာရိုက် အမှားတွေ တွေ့နေရပါတယ်။
နောက်သင်တန်း ဆရာတွေကလည်း အဓိကကျတဲ့ သင်ခန်းစာကို ကြိုကြိုတင်တင် ပြင်ဆင်လုပ်ရမယ့် အစား လူကြီးများရဲ့ အသိအမှတ်ပြု ခံရရေးက အရေးကြီးနေပါတယ်။ အဓိက သင်တန်းကိစ္စကို ပြီးစလွယ်လုပ်ပြီး အလုပ်ဖြစ်ရေး ဦးတည်ဆောင်ရွက်ခဲ့လို့ ယခုနှယ် အလွဲလွဲ အချော်ချော်တွေ ဖြစ်ကုန်တာပါပဲ။
ဒီကနေ့ တိုင်းပြည်မှာ ပြီးစလွယ် လုပ်နေသူတွေ အများကြီး တွေ့နေရပါတယ်။ မလုပ်၊ မရှုပ်၊ မပြုတ် ဆိုတဲ့ အမူအကျင့်တွေ အခုထိ မပြောင်းလဲသေးပါဘူး။
ပြီးစလွယ် လုပ်တတ်တဲ့ အမူအကျင့် အောက်မှာ ကြီးထွား နေရာရလာတဲ့ ကုမ္ပဏီ တချို့လည်း ပြီးစလွယ် လုပ်တတ်ကြပါတယ်။ ပဲခူးမြစ်ကမ်းဘေး မြေဧကများစွာ ကျယ်ဝန်းတဲ့ နေရာမှာ စိတ်တိုင်းကျ အချိန်ယူ ဆောက်လုပ်ခွင့် ရခဲ့ပါတယ်။
ဒါပေမဲ့ ဒီနေ့ဆောက်လုပ်ပြီး လူတွေနေထိုင်တဲ့အခါ မိလ္လာစနစ်။ လွန်ခဲ့သော နှစ် ၁၀၀ ခန့်က ဆောက်လုပ်ခဲ့တဲ့ (ခေတ်မမီလှတဲ့ကာလ) ရန်ကုန်မြို့ရဲ့ မိလ္လာစနစ်နဲ့ နှိုင်းယှဉ်ကြည့်ပါ။ ခြင်အလွန် ကိုက်ပါတယ်။ သောက်ရေအလွန် ညံ့ဖျင်းပါတယ်။ လမ်းပန်းဆက်သွယ်ရေး လူတိုင်းညည်းနေ ကြပါတယ်။ ဒါဟာ ပြီးစလွယ်လုပ်ခြင်းရဲ့ ပြယုဂ်တွေပါ။ ပြီးစလွယ် လုပ်ခြင်းဟာ ရေရှည် အကျိုးယုတ်သလို နေထိုင်သူတွေရဲ့ နေ့စဉ်ငြိုငြင်မှုကိုလည်း ခံရမှာ အသေအချာပါ။
နိုင်ငံတော်ကို ပြီးစလွယ် မတည်ဆောက်ပါနဲ့
ဒီမိုကရေစီ နိုင်ငံတော်ကို အခုနှယ် ပြီးစလွယ် ဆောက်နေကြရင် အချိန်တိုအတွင်း ပြိုလဲပျက်စီး သွားမှာကို စိုးရိမ်မိပါတယ်။ ပြည်သူတွေ ဒီမိုကရေစီ လိုချင်လား၊ ပေးလိုက်တာပေါ့။ ဒီမိုကရေစီ စံချိန်စံညွှန်း ဘယ်ပြည်သူ သိတာမှတ်လို့။ အစဉ်အဆက် ပြည်သူဆိုတာ ပြုသမျှနုခဲ့ကြတာ။ ပေးတဲ့ဒီမိုကရေစီကိုယူ၊ ဆောက်ပေးတဲ့ တံတားပေါ်ကလျှောက် ခင်းပေးတဲ့ လမ်းပေါ်ကသွား၊ ဒီမိုကရေစီဖြစ် ပြီးရော။
တံတားကျိုးလို့ ပြန်ပြင်ရလွယ်ပေမယ့် လမ်းပျက်လို့ ပြန်ခင်းရ ဖြစ်နိုင်သေးပေမယ့် ပြီးစလွယ် တည်ဆောက်လိုက်တဲ့ ဒီမိုကရေစီ နိုင်ငံတော်ကြီး ပျက်သွားရင် ပြန်တည်ဆောက်ရတာ ခက်မှာမို့ နိုင်ငံတော်ကို ပြီးစလွယ် မတည်ဆောက်ကြပါနဲ့။ စေတနာမှန်မှန် စိတ်ရင်းကောင်းကောင်း ရေရှည်အကျိုး မြော်တွေးပြီး ပြီးစလွယ် လုပ်တတ်တဲ့ အကျင့်ဆိုးများကို ပြုပြင်ရင်း ဒီမိုကရေစီ နိုင်ငံတော်ကို ၀ိုင်းဝန်းတည်ဆောက် ကြပါစို့။
မူလရည်ရွယ်ထားတဲ့ ခေါင်းစဉ်က ''ပြီးစလွယ်မလုပ်နဲ့'' ဖြစ်ပါတယ်။ လူငယ်တွေ၊ ကျောင်းသားတွေကို ဦးတည်ရေးသားဖို့ပါ။
 Written by မောင်တင်ဦး(မြောင်းမြ)
Credit To First-11