ထိုင်းဘုရင့် နန်းတော်တွင်းမှ ဟံသာဝတီအဆက်မွန်မိဖုရားများ.


ယနေ့ထိုင်းနိုင်ငံ ယဉ်ကျေးမှုမှာ ရှေးမွန်ဘုရင့်နိုင်ငံတော်တွေရဲ့ ကျေးဇူးမကင်းခဲ့ကြောင်း အခြေအတင် ငြင်းခုံမှုတွေဟာ ဒီလ (အောက်တိုဘလ) အစောပိုင်း ဘန်ကောက် နှီးနှောဖလှယ်ပွဲမှာ ရှင်းလင်း ထင်ရှားသွားခဲ့တယ်။ အဲဒီနှီးနှောဖလှယ်ပွဲက ဗမာတွေ အမြစ်လာလှန်ခဲ့ပြီး ထိုင်းနိုင်ငံကို မောင်းထုတ်ခံခဲ့ရတဲ့ အဲဒီယဉ်ကျေးမှုဟာ ပြန်လည်ရှင်သန်လာတဲ့ ထိုင်းဘုရင် စနစ်အတွင်းမှာ မျိုးစေ့ချ သန္ဓေတည်ခဲ့ကြောင်း ဖော်ထုတ်ပြခဲ့တယ်။ ချူလာလောင်ကွန် တက္ကသိုလ်မှာ ကျင်းပတဲ့ အဲဒီ နှီးနှောဖလှယ်ပွဲကို အာရှရေးရာ လေ့လာရေးဌာန (IAS)က စည်းရုံးဦးဆောင် ကျင်းပပေးခဲ့တာ ဖြစ်တယ်။

မွန်ဘုရင့်နိုင်ငံဟာ ကျူးကျော်သူတွေရဲ့လက်အောက်ကို (1757) ခုနှစ်မှာ ကျရောက်ခဲ့တယ်။ အယုဒ္ဓယရဲ့ ထိန်းချုပ်မှုအောက် အနည်းဆုံး ဆယ်စုနှစ်တစ်ခုစာ ရှိခဲ့တဲ့ အဲဒီဒေသကို မွန်တွေဟာ ဗမာဘုရင်လက်အောက်မှာ နေရမဲ့အစား ဆုတ်ခွာပြောင်းရွေ့ လာကြတယ်။ အယုဒ္ဓယနဲ့ နောက်လာမည့် အခြားထိုင်းနိုင်ငံ ဘုရင့်နေပြည်တော်တွေမှာ မွန်မျိုးနွယ် အမျိုးသမီး (၅၀) လောက်ဟာ ဘုရင့်မိဖုရား တွေနဲ့ ယနေ့ချတ်ကရီမင်းဆက် ဘုရင်တွေရဲ့ မိခင်တွေ ဖြစ်လာခဲ့ကြတယ်။ ပထမနဲ့ ဒုတိယရာမာ (Rama) မင်းဆက် နှစ်ဆက်မှာ မွန်မိဖုရား (၇) ပါးစီ ရှိကြပြီး တတိယရာမမင်းမှာ (၄) ပါးနဲ့ စတုတ္ထ ရာမမင်းမှာ မွန်မိဖုရား (၆) ပါး ရှိခဲ့ကြတယ်။ ပဉ္စမ ရာမမင်းမှာ မွန်မိဖုရား (၂၆) ပါး ရှိပြီး အဲဒီထဲက (၉) ပါးဟာ မင်းသားနဲ့ မင်းသမီးတွေ မွေးဖွားသန့်စင်ပေးခဲ့ကြတယ်။ ဒီနှီးနှောဖလှယ်ပွဲမှာ ပါဝင်တင်ပြ ဆွေးနွေးသူတွေရဲ့ တင်ပြချက်အရဆိုရင် အဲဒီမိဖုရားတွေဟာ သူတို့ရောက်ရာနန်းတော်တွေကို မွန်ဓလေ့ မွန်ထုံးစံ မွန်အသုံးအဆောင်ပစ္စည်းတွေနဲ့ အသွင်ပြောင်း ပစ်ကြတယ်။ အခြားမွန်အမျိုးသမီးတွေကိုလည်း နန်းတွင်းမှာ ထပ်ခေါ်ပြီး အမှုတော် ထမ်းစေကြတယ်။


ထိုင်းနိုင်ငံဖွား မွန်ပညာရှင် အွန်ဗန်ဂျွန် (Ong Bunjom)က “ထိုင်းမှာရှိတဲ့ အခြားမျိုးနွယ်စုတွေလိုပဲ မွန်အမျိုးသမီးတွေဟာ ထိုင်းဘုရင့် နန်းတော်ထဲမှာ ခြားနားတဲ့ ကဏ္ဍအဆင့်နေရာ အမျိုးမျိုးနဲ့ ရှိနေခဲ့ကြတယ်။ မွန်မှူးမျိုးမတ်နွယ်တွေဟာ မိမိသမီးတော်တွေကို နန်းတော်မှာ အမှုထမ်းစေတာဟာ ထုံးစံပါဘဲ။ ဒါဟာ နှစ်ဦးနှစ်ဖက် အကျိုးရှိစေတဲ့ အစီအမံ ဖြစ်ပါတယ်။ နန်းတော်အတွက် မှူးမတ်ရဲ့ သစ္စာရှိမှုကို ပြရာရောက်ပြီး မှူးမတ်ကိုယ်တိုင်အတွက်ကတော့ ဘုရင့်သူကောင်းပြုမှုနဲ့ ဘဝလုံခြုံရေး အာမခံချက်ကို ရရှိစေပါတယ်” လို့ ပြောပါတယ်။ အွန်ဟာ မကြာသေးခင်ကဘဲ သူ့ရဲ့ ဘွဲ့လွန်စာတမ်း “ရတနာကိုးစင်ခေတ် (1782-1932) ထိုင်းဘုရင့်နန်းတော်တွင်းမှ မွန်အမျိုးသမီးများ”ကို အပြီးသတ်ခဲ့တယ်။ သူက မွန်မိဖုရားတွေ အမြဲတမ်း ဘုရင့်သွေးကို ဝမ်းမှာလွယ်ချင်ကြတယ်။ ဒီနည်းနဲ့ ပိုပြီးမြင့်တဲ့ ဘဝတက်လမ်း အာမခံချက်ရှိအောင် လုပ်ကြကြောင်း အွန်က မှတ်ချက်ချပါတယ်။ မွန်မိဖုရား အားလုံးတွေထဲက မွန်မျိုးမွန်နွယ် မိဖုရား (၂၁)ပါးဟာ ချတ်ကရီမင်းဆက် မင်းသား၊ မင်းသမီးတွေရဲ့ မယ်တော်တွေ ဖြစ်လာကြတယ်။

ဘုရင်အက်ကာသက် (E. Ka-that) လက်ထက်မှာ အယုဒ္ဓယနန်းရောက် မွန်အမျိုးသမီးတွေထဲက တော်ဆွန်လာန်ဒါန်သုန်မွန် (Tao Sangkandarn Thargmon) ဆိုတဲ့ မွန်အမျိုးသမီးဟာ မင်းသားတပါးနဲ့ အဦးဆုံး စုလျားရစ်ပတ် ထိမ်းမြားခဲ့တယ်။ သူမဟာ တက်ဆက် (Thaksin) ဘုရင့်မှူးမတ် မဒေါက် (Ma-dod) ရဲ့ ညီမငယ်ဖြစ်တယ်။ သူမရဲ့ ချက်ကရီမင်းဆက်အတွက် သမီးဦးဟာ ပထမရာမမင်းရဲ့ မိဖုရားခေါင်ကြီး ဖြစ်လာတယ်။ သူမကို နတ်စ် (Nak) လို့ လူသိများပေမယ့် နောက်ပိုင်းမှာ ကရွမ်ဆွမ်ဒက်ဖရာအင်ဒရာမတ် (Krom Sondij Phra Indramart) ဘွဲ့တံဆိပ် ပေးသနားခြင်းခံ ရတယ်။ သူမကို အမာရင်တြာ မိဖုရားကြီး (Queen Amarintra) လို့လည်း ခေါ်ကြတယ်။ သူမရဲ့ ရင်သွေးတော် (၁၀) ပါးထဲက သားတော်ဟာ ဒုတိယရာမဘုရင် ဖြစ်လာတယ်။ ပထမရာမမင်းမှာ မိဖုရား (၂၈) ပါးရှိတဲ့အနက် (၇) ပါးက မွန်တွေဖြစ်ပြီး နတ်စ်က မိဖုရားခေါင်ကြီး ဖြစ်တယ်။ ဒါဟာ မွန်ရိုးရာ ဓလေ့ထုံးတမ်းတွေနဲ့ ရင်သွေးတော်တွေကို မွေးမြူထိန်းကျောင်းနိုင်ဖို့ ဆွေမျိုးသင်္ဂဟ အမြောက်အများ နန်းတော်ရောက်လာဖို့ လမ်းခင်းပေးသလို ဖြစ်နေခဲ့တယ်။ အကျိုးဆက်အနေနဲ့ မွန်တွေရဲ့လက်မှာ ကြီးပြင်းလာခဲ့တဲ့ ဒုတိယရာမဟာ မွန်တွေကို သိပ်ချစ်မြတ်နိုးပြီး မွန်မိဖုရားလေးပါးနဲ့ ရင်သွေးရတနာတွေ ရရှိခဲ့တယ်။ အွန်ဟာ “1814 မှာ ဒုတိယရာမာမင်းဟာ သူရဲ့ (၁၀) နှစ်သား သားတော်မောင်းကွတ် (Mongkut) ကို ဗမာပြည်က နယ်စပ်ဖြတ်ကျော် ထွက်ပြေးလာတဲ့ ဆွေမျိုးတော်တွေကို သွားကြိုဖို့ စေလွှတ်ခဲ့တယ်” လို့ပြောတယ်။ အဲဒီမောင်းကွတ်မင်းသားဟာ စတုတ္ထရာမာမင်းအနေနဲ့ နန်းဆက်ခံတဲ့အခါ မွန်မိဖုရား (၆) ပါး ရှိခဲ့တယ်။ သူရဲ့ မိဖုရားခေါင်ကြီးဟာ မွန်ဖြစ်ပြီး ဘွဲ့တော်က ကရွမ်ဆွမ်ဒက်ဖရာ သက်ဆီရင်တြာမတြာ (Krom Somdej Phara Thepseirintrama Taya) ဖြစ်တယ်။ သူမဟာ ရင်သွေးရတနာ (၄) ပါးထွန်းကားပြီး အနာဂါတ်မှာ ပဉ္စမရာမာမင်း ဖြစ်လာခဲ့ ချူလာလောင်ကွန် မင်းသား အပါအဝင် ဖြစ်တယ်။

ချူလာလောင်ကောင် မင်းသားဟာ ငယ်စဉ်ကတည်းက မွန်ဓလေ့ထုံးစံတွေနဲ့ ယဉ်ပါးနေခဲ့ပြီး ဒီယဉ်ကျေးမှုကို ချစ်မြတ်နိုးသူလည်း ဖြစ်တယ်။ သူဟာမွန်မိဖုရား (၂၆) ပါးထိ ရယူခဲ့တယ်။ သူရဲ့ မယ်တော်ဈာပနာအခမ်းအနားမှာ မွန်ယဉ်ကျေးမှုအဆိုအကအဖွဲ့ကို ဖြေဖျော်ခွင့်ပေးခဲ့တယ်။ ဒါဟာ မွန်အနုပညာရှင်တွေအနေနဲ့ ထိုင်းနန်းတော်တွင်း ပထမဦးဆုံးအကြိမ် ဖြေဖျော်ခွင့်ရတာ ဖြစ်တယ်။ မောင်းကွတ်ဘုရင်ရဲ့ မိဖုရားနဲ့ သားတော် သမီးတော်တွေအတွက် စာသင်ပေးရတဲ့ ဆရာမ အန်နာ (Anna Deonoroens) မိဖုရားခေါင်နဲ့ ပါတ်သက်ပြီး အတွေ့အကြုံ အများကြီး ရှိခဲ့တယ်။ သူမရဲ့ “အင်္ဂလိပ် အုပ်ချုပ်မှုနဲ့ ထိုင်းဘုရင့်နန်းတော်” စာအုပ်မှာ မိဖုရားခေါင်ရဲ့ အတွင်းရေးတွေနဲ့ ပတ်သက်ပြီး အခန်းတခန်စာ အသားပေး ရေးသားခဲ့တယ်။ သူမက မမွှေးငုံ (Hidden Perfume) လို့ခေါ်တဲ့ မိဖုရားတပါးဟာ နန်းတွင်းရေး ဝင်ရောက်စွက်ဖက်မှုနဲ့ အကျဉ်းချ ခံခဲ့ရတဲ့ အကြောင်း ရေးသားထားတယ်။ သူမရေးထားတဲ့အတိုင်းဆိုရင် “သူမဟာ သားတော်မောင်ကတဆင့် အရင်သူ့ဘကြီးတော် နေရာမှာ သူမရဲ့ နောင်တော်ကို ခန့်အပ်ဖို့ အသနားခံတယ်။ ဘုရင့်မင်းမြတ်က အဲဒီနေရာမှာ အခြားအမတ်တယောက် ရွေးထားပြီးသားဆိုတာ မသိရှာဘူးတဲ့။ အွန်က ရှင်းပြပါတယ်။ အဲဒီမမွှေးငုံဆိုသူဟာ ချာချွမ်မန်ဒါဆွန်စလင် (Chaochom Marnda Sonklin) ဖြစ်ပြီး မင်းသားကရစ်ဒါဖီဟန် (Kriradaphiharn) ရဲ့ မွန်မျိုးနွယ်မယ်တော်ဖြစ်တယ်။ သူက ဆက်ရှင်းပြပါတယ်။ “မင်းဆက်တိုင်းမှာ မွန်နန်းတွင်းသူတွေဟာ နိုင်ငံရေးမှာ ပါဝင်ပတ်သက်မှု ရှိကြတယ်။ တိုက်ရိုက်မဟုတ်ပေမဲ့ သြဇာအာဏာ အပြည့်ရှိကြတယ်။ မိဖုရားခေါင်ကြီး (သို့) မိဖုရားဖြစ်လာတဲ့ သူတိုင်း မိမိဆွေမျိုး သားချင်းတွေရဲ့ နန်းတွင်း ရာထူးတက်လမ်း ဖြောင့်ဖြူးဖို့ ကူညီကြတယ်။ ဒါကြောင့်မင်းသား မယ်တော်တွေနဲ့ ချတ်ကရီမင်းတွေက ဆက်နွယ်ဆင်းသက်သူ အားလုံးဟာ ထိုင်းနိုင်ငံရေးမှာ ကြီးစွာ ပါဝင်ပါတ်သက်မှု ရှိကြတယ်။”

မိဖုရား မမွှေးငုံအနေနဲ့ အမှန်တကယ် နခွန်ခေါ်နီကန်မြို့ (Maung Kakhon Kaunakan) စားလည်းဖြစ်စေချင်တာ သူ့မောင်တော်ဘဲ ဖြစ်တယ်။ အဲဒီမြို့က အခုဖရပရာဒင် (Phra Pradaeng) ခရိုင်ဖြစ်တယ်။ အင်နာဟာ မမွှေးငုံအတွက် ကြားဝင် ပြောဆိုပေးရာမှာ အောင်မြင်မှု ရခဲ့တယ်။ သူမကို အကျဉ်းကလွှတ်ပြီး စာဆက်သင်ခွင့် ပြုလိုက်တယ်။ ဒီအဖြစ်အပျက်မှန်ကြောင်း ၁၈၆၅ ခုနှစ် အင်နာဆီဘုရာင်မင်းမြတ် ရေးတဲ့ စာလွှာအရ သိရတယ်။ “သင့်ကိ အသိပေးချင်တာက သင့်ကျောင်းသူ မကလင် (Lady Klin) ကို ဘုရင့်ပြစ်ဒဏ်က လွတ်ငြိမ်းခွင့် ပေးလိုက်တာဘဲ ဖြစ်တယ်။” အဲဒီစာလွှာထဲမှာ ပါတယ်။

အင်နာရဲ့ စာအုပ်ထဲမှာ “ကျောင်းသူတယောက်အနေနဲ့ သူမဟာ ထူးထူးခြားခြား စာရုံစူးစိုက်မှုရှိပြီး လုံလဝိရိယလည်း ကောင်းပါတယ်။ အင်္ဂလိပ်စာ အဖတ်နဲ့ဘာသာပြန်ရာမှာ တိုးတက်မှုဟာ အံ့မခန်းပါဘဲ”လို့ ရေးထားပါတယ်။ သူမရဲ့ ဘာသာပြန်ချက်များထဲမှာ ကျွန်ဆန့်ကျင်ရေးဝတ္ထု “ဦးလေးတွမ်” (Uncle Tom’s Calin)လည်း ပါဝင်ပါတယ်။ အဲဒီစာအုပ်က မိဖုရားကို ကျွန်တွေပေါ် သက်ညှာကောင်းမွန်စွာ ပြုစုစောင့်ရှောက်ပြီး အခပေးမှုတွေ စတင်လာစေခဲ့ပါတယ်လို့ အွန်က ပြောပါတယ်။ သူမက ထိုင်းနိုင်ငံ ကျွန်ပြုမှု ဖျက်သိမ်းရေး ပထမဆုံးလိုလားသူများထဲမှာ ထည့်သွင့်နိုင်တယ်လို့လည်း ပြောတယ်။

စတုတ္ထ ရာမမင်းလက်ထက်မှာ တစ်လင်တစ်မယားစနစ် တွင်တွင်ကျယ်ကျယ် ချမှတ်လာတာနဲ့အမျှ မွန်နန်းတွင်းသူတွေ အရေအတွက် ကျဆင်းခဲ့ရတယ်။ များစွာသော မွန်မိဖုရားဟောင်းတွေဟာ မွန်ဓလေ့ထုံစံကို ထိုင်းလူ့အဖွဲ့အစည်းတွင်း ရောယှက်ပေါင်းစပ်နိုင်ဖို့ ကဏ္ဍတရပ်အနေနဲ့ ဆက်လက်ပါဝင်ခဲ့ကြတယ်။

“မွန်တွေရဲ့၊ ဘာသာရေး၊ အနုပညာနဲ့ ယဉ်ကျေးမှုဟာ နန်းတွင်းကနေ အရပ်ထဲကို ပျံ့နှံ့သွားတယ်။ ဘာဖြစ်လို့လည်းဆိုတော့ အတိတ်နဲ့ ပစ္စုပ္ပန်က ထိုင်းအုပ်ချုပ်ရေးမှာ ပါဝင်သူများစွာဟာ မွန်မျိုးနွယ်တွေ ဖြစ်လို့ပါဘဲ”လို့ အွန်က မှတ်ချက်ပြုပါတယ်။

(27/ 10/ 07 ရက်နေ့ထုတ် The Nation သတင်းစာပါ Suthatra Bhimiphrabhas ရဲ့ Mon Lives and Mothers of Kings ကို ပြန်ဆိုပါတယ်။
Read More »

ရာဇ၀င်ထဲက ငယ်နိုင်



ဘန်ကောက်မြို့ပြင်ရှိ Bang Na အမြန်လမ်းမကြီးကို ဇူလိုင်တတိယပတ်က တွေ့ရစဉ် (ဓာတ်ပုံ)ကျော်ဇင်ဝင်း
ဘုရင့်နောင်မင်းတရား ယိုးဒယားကို ဘယ်လိုသိမ်းပိုက်ခဲ့လဲ ဆိုတာကို တွေးမနေပါ နဲ့တော့။ ဆင်ဖြူရှင်မင်းတရား အယုဒ္ဓယကို ဘယ်လိုအနိုင်ယူခဲ့လဲ ဆိုတာကိုလည်း ပြန်စဉ်းစား မနေပါနဲ့တော့။ အရင်တုန်းက ယိုးဒယားကို ငါတို့ ဘယ်လိုနိုင်ခဲ့တာ၊ ယိုးဒယားဆိုတာ ငကြောက်တွေပါ၊ ငါတို့ငယ်နိုင်တွေပါလို့ အာပေါင်အာရင်းသန်သန် ပြောရင်း သမိုင်းထဲမှာ တ၀ဲလည်လည် ဖြစ်နေတဲ့ အချိန်တွေကို ချန်ထားခဲ့ လိုက်ပါတော့။ ကျွန်တော်တို့ရဲ့ စစ်ဘုရင်တွေ ခေတ်လွန်သွားပြီ။ အခုယိုးဒယားဟာ အရင်ယိုးဒယား မဟုတ်တော့ဘူး။ အခုယိုးဒယားဟာ အရင်တုန်းက မြန်မာတွေ နိုင်ချင်တိုင်းနိုင်ခဲ့တဲ့ ယိုးဒယား မဟုတ်တော့ဘူး။ အမှန်အတိုင်း မရှက်မရွံ့ ပြောရရင် အခုယိုးဒယားဟာ မြန်မာထက် အဘက်ဘက်မှာ အဆပေါင်းများစွာ သာနေတဲ့ နိုင်ငံတစ်နိုင်ငံ ဖြစ်သွားပြီ။ အခုယိုးဒယားဟာ ကျွန်တော်တို့ထက် ဆယ်နှစ်လောက် ရှေ့ရောက်နေတဲ့ နိုင်ငံတစ်နိုင်ငံ ဖြစ်သွားပြီ။
မြန်မာနိုင်ငံဟာ လွန်ခဲ့တဲ့နှစ်ပေါင်း ငါးဆယ်ကျော် ၁၉၆၀ ၀န်းကျင်လောက်မှာ အာရှနိုင်ငံတွေထဲမှာ အလားအလာ အကောင်းဆုံး နိုင်ငံတစ်နိုင်ငံအဖြစ် သတ်မှတ်ခံခဲ့ရတယ်။ အခြားအာရှ နိုင်ငံတွေရဲ့ အထင်ကြီး အားကျမှုကို ခံယူခဲ့ရတယ်။ တစ်နေ့မှာ အာရှကို ဦးဆောင်နိုင်မယ့် နိုင်ငံတစ်နိုင်ငံ ဖြစ်လာလိမ့်မယ်လို့ မျှော်လင့်ခဲ့ကြတယ်။ ဒါပေမဲ့ အခုတော့ မြန်မာနိုင်ငံဟာ ကမ္ဘာ့အဆင်းရဲဆုံး တိုးတက်ဖွံ့ဖြိုးမှု အနည်းဆုံး နိုင်ငံတွေထဲက တစ်နိုင်ငံ၊ ကျန်းမာရေး စောင့်ရှောက်မှု အဆင့်အတန်း အောက်ဆုံး၊ အကျင့်ပျက် ခြစားမှု အမြင့်ဆုံး၊ အာရှတိုက်ရဲ့ လူတစ်ဦးချင်း ၀င်ငွေအနည်းဆုံး နိုင်ငံတစ်နိုင်ငံ အဖြစ်ကို ရောက်ရှိလို့ သွားခဲ့ရပြီ။ အရှေ့တောင်အာရှ နိုင်ငံတွေထဲမှာ အနီးဆုံးနဲ့ ငယ်နိုင်ပါလို့ တစ်ချိန်လုံး ကြွေးကြော်ခဲ့တဲ့ ယိုးဒယား နိုင်ငံနဲ့တောင် ၁၀ နှစ်လောက် နောက်ကျသွားခဲ့ရပြီ။
ကျွန်တော်တို့ နိုင်ငံဟာ စနစ်အမှားတွေကြောင့်၊ အုပ်ချုပ်သူ လူတန်းစား ညံ့ဖျင်းမှုတွေကြောင့် ပထ၀ီသွင်ပြင် အားသာချက်တွေ ရှိနေပေမယ့်လည်း နိုင်ငံဟာ နှစ်ပေါင်းများစွာ မြုပ်သထက်မြုပ် လာခဲ့ရတယ်။ စနစ်တွေမှားခဲ့တယ်။ လူတွေမှားခဲ့တယ်။ တိုင်းပြည် အမှောင်ထဲ ရောက်ခဲ့တယ်။ ဒါပေမဲ့ သမိုင်းကို ကျွန်တော်တို့ ပြန်ပြုပြင်လို့ မရတော့ဘူး။ အခုအချိန်ဟာ ဖြစ်ခဲ့တာတွေအတွက် တောက်ခေါက်နေရမယ့် အချိန်မဟုတ်တော့ဘူး။ အခုချိန်က ပြန်တည်ဆောက်ရမယ့် အချိန်ရောက်နေပြီ။ လက်ရှိအခြေအနေကို သဘောပေါက် နားလည်ရမယ့် အခြေအနေ တစ်ခုကို ရောက်နေပြီ။ ယိုးဒယားဆိုတာ မြန်မာတွေရဲ့ ငယ်နိုင်ပါဆိုပြီး သမိုင်းထဲက အကြောင်းတွေနဲ့ ပြန်ပြောင်း ၀င့်ကြွားနေရမယ့် အခြေအနေကို ကျော်လာပြီ။ ဒီအစား ကျွန်တော်တို့တွေ ယိုးဒယားနိုင်ငံဆီက အတုခိုးစရာတွေ အများကြီး ရှိနေပြီဆိုတဲ့ အရှိတရားကို လက်ခံရတော့မှာ ဖြစ်ပါတယ်။ သူတို့မှာ ကျွန်တော်တို့ထက် သာနေတာတွေကို မြင်အောင်ကြည့်ပြီး အတုယူရတော့မယ်။ သမိုင်းထဲမှာပဲ ယစ်မူးပြီး ဒီကောင်တွေကို အချိန်မရွေး နိုင်ပါတယ်လို့ ပြောနေရမယ့် အချိန် မဟုတ်တော့ဘူး။ ကျွန်တော်တို့ သမိုင်းထဲက ယိုးဒယားကို ဘယ်လိုနိုင်ခဲ့လဲဆိုတာ အရေးမကြီးတော့ဘူး။ အခုက ကျွန်တော်တို့တွေ ယိုးဒယားမြေမှာ အနီရောင်ပတ်စ်ပို့လေး ကိုင်ပြီး မျက်နှာငယ်နေရတဲ့ အချိန်ဖြစ်နေပြီ။ ကျွန်တော်တို့ စပြုပြင်မလား၊ ဒီအတိုင်းဆက် သွားချင်လား ဆိုတာကတော့ ရွေးချယ်မှုပါ။

အခုအခြေအနေဟာ ပြုပြင်ဖို့၊ ကြိုးစားဖို့ အကောင်းဆုံး အခြေအနေပါပဲ။ နိုင်ငံတကာကလည်း မြန်မာနိုင်ငံကို အလားအလာတွေ အများကြီး ရှိနေပြီလို့ သတ်မှတ်ထားကြတယ်။ ဒေသတွင်း နိုင်ငံတွေကလည်း မြန်မာနိုင်ငံရဲ့ ပြောင်းလဲမှု အရှိန်အဟုန်တွေကို သတိကြီးစွာထားရင်း သူတို့နိုင်ငံတွေမှာ တပ်လှန့်နေကြပြီ။ ဒီလိုအခွင့်အရေးမှာ တိုင်းပြည်နဲ့ လူမျိုးအတွက်ဆိုတဲ့ စိတ်ဓာတ်ကောင်းကောင်းနဲ့ အစွမ်းကုန် ပြန်ကြိုးစား ရတော့မှာပါ...
အခုကမ္ဘာဟာ အင်အားအမာ (Hard Power) ကြီးစိုးတဲ့ ခေတ်ကနေ အင်အားအနု (Soft Power) ကြီးစိုးတဲ့ ခေတ်ဆီကို တဖြည်းဖြည်းချင်း ပြောင်းလဲလာနေတယ်။ ဒီသဘောတရားကို အသိသာဆုံးက ၂၀၀၈ ခုနှစ်မှာ တရုတ်နဲ့ ရုရှားဟာ Hard Power နဲ့ Soft Power အားပြိုင်ခဲ့တယ်။ ရုရှားက ဂျော်ဂျီယာကို ၀င်သိမ်းပိုက်ပြီး သူ့ရဲ့ Hard Power ကိုပြသခဲ့တယ်။ ဒါပေမဲ့ တရုတ်ကတော့ ဘေဂျင်းအိုလံပစ်မှာ ဆုတံဆိပ်ပေါင်း များစွာ ဆွတ်ခူးခဲ့ပြီး သူ့ရဲ့ Soft Power ကို ပြသခဲ့တယ်။ နောက်ဆက်တွဲ အနေနဲ့တော့ ရုရှားရဲ့ Hard Power ကို ကြောက်ရွံ့တာကြောင့် ရုရှားအိမ်နီးချင်း နိုင်ငံတွေ ဥရောပသမဂ္ဂကို ၀င်ရောက်ဖို့ ကြိုးစားလာတယ်။ ဒုံးကာကွယ်ရေး စနစ်တွေကို လက်ခံလာတယ်။ ရုရှားရဲ့ အနိုင်ကျင့်တဲ့ လုပ်ရပ်ကြောင့် တစ်ကမ္ဘာလုံးက ရုရှားအပေါ်မှာ မုန်းတီးမှုတွေ ဖြစ်ပေါ်လာတယ်။ ဒါ့ကြောင့် ရုရှားရဲ့ပါဝါ ကျသွားတယ်။ ဒါပေမဲ့ တရုတ်အနေနဲ့ကတော့ ယဉ်ကျေးမှု၊ အားကစားပါဝါတွေနဲ့ ကမ္ဘာကြီးရဲ့အထင်ကြီး လေးစားမှုတွေ ရရှိလာတယ်။ ပါဝါကြီးလာတယ်။ ဆိုလိုရင်းကတော့ မြန်မာဟာ ယိုးဒယားနဲ Hard Power လို့ခေါ်တဲ့ စစ်တပ်စွမ်းရည်မျိုးမှာ ယှဉ်နိုင်ကောင်း ယှဉ်နိုင်မယ်။ ဒါပေမယ့် စီးပွားရေး၊ ပညာရေး၊ အားကစား၊ ယဉ်ကျေးမှု အစရှိတဲ့ Soft Power တွေ အကုန်လုံးမှာ ယိုးဒယားရဲ့အောက်ဘက်ကို ရောက်နေပြီ။ လွှမ်းမိုးမှုတွေကို ခံနေရပြီ။ ဒါကို ကျွန်တော်တို့ နားလည်ရလိမ့်မယ်။ အသိအမှတ် ပြုရလိမ့်မယ်။ ဒီလို အသိအမှတ် မပြုနိုင်ဘူးဆိုရင် ပြုပြင်ကြိုးစားဖို့ ဆိုတာ ဝေးနေမှာပဲ။ သူများသာနေပြီ ဆိုတာ အသိအမှတ် ပြုနိုင်မှ သူနဲ့ကိုယ်ကြားက ကွာခြားချက်ကို ညီအောင်ကြိုးစားလို့ ရနိုင်ပါလိမ့်မယ်။ ကိုယ့်ကိုယ်ကိုယ် မသိသလို သူများအပေါ်မှာလည်း အသိအမှတ် မပြုနိုင်ဘူးဆိုရင် ပြုပြင်နိုင်မှာ မဟုတ်ဘူး။
အခုကျွန်တော်တို့နိုင်ငံ အခြေအနေက သူများ တစ်လှမ်းလှမ်းရင် ကျွန်တော်တို့ လေးငါးလှမ်းလောက် လိုက်လှမ်းမှကို မီနိုင်လိမ့်မယ်။ ဒေသတွင်း အနှိမ်ခံ အဖြစ်ကနေ မြန်မာပတ်စ်ပို့ကိုင်ပြီး ပြန်လည်ဝင့်ကြွား လာနိုင်ဖို့ဆိုရင် လူတစ်ယောက်ချင်းစီရဲ့ ခံယူချက်နဲ့ စိတ်ဓာတ်တွေကအစ ပြုပြင်ပြောင်းလဲနိုင်မှ ဖြစ်နိုင်တော့မယ်။ ဒီအချိန်မှာ ကျွန်တော်တို့ မပြောင်းလဲနိုင်လို့၊ မကြိုးစားနိုင်လို့ တိုင်းပြည် အောက်ကျ နောက်ကျ ထပ်ဖြစ်ရရင် ကျွန်တော်တို့ရဲ့မျိုးဆက်တွေအတွက် ကျွန်တော်တို့ဟာ သမိုင်းတရားခံတွေ ဖြစ်ရလိမ့်မယ်။ အခုအခြေအနေဟာ ပြုပြင်ဖို့၊ ကြိုးစားဖို့ အကောင်းဆုံး အခြေအနေပါပဲ။ နိုင်ငံတကာကလည်း မြန်မာနိုင်ငံကို အလားအလာတွေ အများကြီး ရှိနေပြီလို့ သတ်မှတ်ထားကြတယ်။ ဒေသတွင်း နိုင်ငံတွေကလည်း မြန်မာနိုင်ငံရဲ့ ပြောင်းလဲမှု အရှိန်အဟုန်တွေကို သတိကြီးစွာထားရင်း သူတို့နိုင်ငံတွေမှာ တပ်လှန့်နေကြပြီ။ ဒီလိုအခွင့်အရေးမှာ တိုင်းပြည်နဲ့ လူမျိုးအတွက်ဆိုတဲ့ စိတ်ဓာတ်ကောင်းကောင်းနဲ့ အစွမ်းကုန် ပြန်ကြိုးစား ရတော့မှာပါ။ တိုင်းပြည်နဲ့လူမျိုး မျက်နှာငယ်ရတာ ကိုယ်နဲ့မဆိုင်ဘူးလို့ ထင်ရင် ပတ်စ်ပို့အနီ ကိုင်ထားတဲ့သူကို နိုင်ငံတကာ လူဝင်မှု ကြီးကြပ်ရေး တာဝန်ရှိသူတွေ ဘယ်လိုဆက်ဆံလဲ ဆိုတာကို ကိုယ်တိုင်ခံစားဖူးရင် သိလာပါလိမ့်မယ်။ အခု ယိုးဒယားထက် အဘက်ဘက်မှာ ကျွန်တော်တို့ နောက်ကျကျန်နေခဲ့ပြီ။ ဒါတွေကို အတုယူပြီး ပြုပြင်ပါ။ ရွှေထီးဆောင်းခဲ့တဲ့ ခေတ်ကိုပဲ ပြန်တမ်းတ မနေပါနဲ့တော့။ သမိုင်းကိုသိတာ ကောင်းပါတယ်၊ ဒါပေမဲ့ သမိုင်းထဲမှာပဲ ယစ်မူးမနေဖို့တော့ လိုပါလိမ့်မယ်။ ရာဇ၀င်ထဲက ငယ်နိုင်ကို ပြန်မီဖို့တောင် ကျွန်တော်တို့မှာ ရှေ့ဆက်စရာတွေ အများကြီး ရှိနေသေးတယ်လေ။
 Written by သူရိန်လှိုင်ဝင်း
Credit To First-11
Read More »

အရုဏ်ဦး လွတ်လပ်ရေး (၃)



(နေသန်မောင်)

မောင်အောင်ဆန်း ကျောင်းနေပြီ

အောင်ဆန်း၏မိသားစုမှာ ဉာဏ်ရည်ကောင်းပြီး ပညာဘက်တွင် ထွန်းပေါက်သူများအဖြစ် နတ်မောက်မြို့တွင် နာမည်ကောင်း ရထားကြသည်။ အောင်ဆန်း၏ အစ်ကိုသုံးဦးဆိုလျှင် အသက်ငယ်ငယ်လေးတွင် ကျောင်းစတက်ကြသည်။ အောင်ဆန်းမှာမူ အမေတက်မှ တက်မည်ဆိုကာ ကတ်ဖဲ့နေသည်။ ဒေါ်စုသည် သားထွေးလေးကို အလွန်ညှာလေ့ရှိပြီး သူစိတ်ပါမှ တက်ပါစေတော့ဟု ဆုံးဖြတ်ထားဟန် ရှိသည်။

အစ်ကိုအောင်သန်း ရှင်သာမဏေဘောင်သို့ ဝင်သောအခါ အောင်ဆန်းသည် ကစားဖက်အစ်ကိုရှိရာ ဘုန်းကြီးကျောင်းသို့ နေ့စဉ်လိုက်သွားသည်။ ထို့နောက် ကိုရင်ဝတ်ချင်စိတ် ပေါက်လာပြီး မိခင်ထံခွင့်တောင်းသည်။ ဒေါ်စုက “ကိုရင်ဝတ်တယ်ဆိုတာ စာတတ်မှရတယ်ကွ။ မင်းလို စာမတတ်တဲ့သူက ကိုရင်ဝတ်ချင်လို့ ဘယ်ဖြစ်မလဲ” ဟု ပြောရာ “ဒီလိုလား၊ ဒီလိုဆို ကျောင်းနေမယ်” ဟု ပြောသည်။

အောင်ဆန်း ကျောင်းစတက်သည့် အချိန်မှာ အသက်ရှစ်နှစ်ရှိပြီ ဖြစ်သည်။

ကျောင်းစတက်သည်နှင့် ထူးချွန်သောကျောင်းသား ဖြစ်ကြောင်း ပေါ်လွင်လာသည်။ စာကြိုးစားပြီး စည်းကမ်းရိုသေသဖြင့် အတန်းထဲတွင် ထိပ်ဆုံးမှ အမြဲရှိနေခဲ့သည်။ အောင်ဆန်းတက်သော ကျောင်းမှာ နတ်မောက်မြို့ ဆရာတော်ဦးသောဘိတ၏ ဒီပင်္ကရာဘုန်းကြီးကျောင်း ဖြစ်သည်။ ထိုကျောင်းတွင် လောကုတ္တရာပညာရပ်သာမက ခေတ်သစ် လောကီပညာရပ်များကိုပါ သင်ကြားပေးသော ထိုခေတ်အခေါ် လောကဓာတ်ကျောင်းမျိုး ဖြစ်သည်။ ထိုစဉ်က နတ်မောက်ကျောင်းတွင် အင်္ဂလိပ်စာ သင်ကြားပေးခြင်း မရှိပေ။

ဆရာတော် ဦးသောဘိတ၏ ကျောင်းတွင် စာသင်ရပြီး တစ်နေ့တွင် ဥပုသ်နေ့ ဖြစ်သောကြောင့် ကျောင်းပိတ်ထားသည်။ ကျောင်းသား အများစုမှာ ကျောင်းသို့သွားကာ ရေခပ်၊ မြက်နုတ် စသည့်အလုပ်များကို လုပ်ရသည်။ အောင်ဆန်းကိုယ်တိုင် ထိုကျောင်းနေစဉ်က အဖြစ် အပျက်တစ်ခုကို ပြန်ပြောင်း ပြောဆိုခဲ့ဖူးသည်။

တစ်ခုသောနေ့ခင်းတွင် ကျောင်းသားများ အလုပ်မရှိ၍ အလုပ်မရှိရင် အိပ်နေကြ၊ မကစားကြနဲ့ဟု ဘုန်းကြီးက အမိန့်ရှိလေသည်။ အားလုံးသော ကျောင်းသားများအား မအိပ်ချင်ဘူးလားဟု မေးသောအခါ မအိပ်ချင်ကြသော်လည်း ဘုန်းတော်ကြီး စိတ်ကြိုက်လိုက်ပြီး အိပ်ချင်ကြသည်ဟု ဘုန်းကြီးအလိုကျ လျှောက်ကြသည်။ ကျွန်တော့်အား ဘုန်းကြီးက “အောင်ဆန်းကော ... မအိပ်ချင်ဘူးလား” ဟု အထူးတလည်မေး၏။ ကျွန်တော်က “မအိပ်ချင်ပါဘုရား” ဟု ပြန်လျှောက်ရာ ဘုန်းတော်ကြီးမှာ ပြုံး၍ နေလေသည်။

အသက်ရှစ်နှစ်အထိ ကျောင်းမလိုက်လို သော်လည်း ပညာသင်ရန် ဆုံးဖြတ်လိုက်သည့်အခါ အောင်ဆန်းသည် အခြားကျောင်းသားများထက် ပို၍ထူးချွန်ကြောင်း ပြသနိုင်ခဲ့သည်။ ၂ နှစ်ခန့် ကျောင်းတက် နောက်ကျသော်လည်း ပုံမှန် ၁၄ နှစ်တွင်တက်ရမည့် ခြောက်တန်းသို့ အောင်ဆန်းသည် ကျော်လွှား တက်ရောက်နိုင်ခဲ့သည်။ ထိုစဉ်က မြန်မာပြည်တွင် မြန်မာဘာသာဖြင့် သင်ကြားသော ဘုန်းကြီးကျောင်းသင် ပညာရေး၊ အင်္ဂလိပ်- မြန်မာနှစ်ဘာသာဖြင့် သင်ကြားသော ကျောင်းပညာရေးနှင့် အင်္ဂလိပ်ဘာသာဖြင့်သာ သင်ကြားသော ပညာရေးဟူ၍ သုံးမျိုးရှိရာ နတ်မောက်မြို့၌ အင်္ဂလိပ်ဘာသာဖြင့် သင်သောကျောင်း မရှိပေ။

ကျောင်းပိတ်ရက် ကာလများ၌ နတ်မောက်သို့ ပြန်လာလေ့ရှိသော အောင်ဆန်း၏အစ်ကို ကိုဘဝင်းသည် အင်္ဂလိပ်လို ပြောဆိုသည်ကို အောင်ဆန်းတွေ့ရသည်။ နတ်မောက်၌ ပညာဆက်သင်ပါက အင်္ဂလိပ်စာမတတ်နိုင်ဟု သူသိထားသည်။ သူ ၁၃ နှစ်ပြည့်သောအခါ ခြောက်တန်းအောင်သဖြင့် အစ်ကိုကြီး ကိုဘဝင်းရှိရာ ရေနံချောင်း နေရှင်နယ်ကျောင်းသို့ ပို့ပေးရန် ပူဆာလေသည်။

မိဘများနှင့် ညီအစ်ကိုမောင်နှမများက သူ့အားကလေးဟုသာ ယူဆထားရကား တစ်နယ်တစ်ကျေး၌ ခွဲထားရန် အလွန်ဝန်လေးကြသည်။ ထိုအရွယ်ထိ အောင်ဆန်းမှာ အိပ်ရာထဲညစဉ် သေးပါလေ့ ရှိသေးသည်။ ဒေါ်စုသည် အချစ်ဆုံးသားလေးကို မခွဲနိုင်ဖြစ်ပြီး “ငယ်ပါသေးတယ်။ နည်းနည်း စောင့်ပါဦး” ဟုပြောကာ အချိန်ဆွဲနေသည်။ ရေနံချောင်း မပို့ပါက ထမင်းမစားဘူး ဟုဆိုကာ အောင်ဆန်းသည် အစာငတ်ခံ ဆန္ဒပြလေသည်။ ဒေါ်စုသည် ခေါင်းမာလှသော သူမ၏ အချစ်ဆုံး သားထွေးလေးကို သားကြီး မောင်ဘဝင်းရှိရာ ရေနံချောင်းသို့ ကျောင်းတက်ရန် နောက်ဆုံး၌ ခွင့်ပြုခဲ့သည်။

၁၉၂၈ တွင် အောင်ဆန်းသည် ရေနံချောင်းမြို့ အမျိုးသား အထက်တန်းကျောင်း၏ ကျောင်းသား ဖြစ်လာသည်။ အတန်းတိုင်း၌ ပထမရသည်။ အမျိုးသားကျောင်းများသည် ၁၉၂၀ ရန်ကုန်တက္ကသိုလ် အက်ဥပဒေဆန့်ကျင်ရေး ပထမကျောင်းသားသပိတ်မှ ထွက်ပေါ်လာသော ကျောင်းများ ဖြစ်သည်။ တက္ကသိုလ် အက်ဥပဒေအရ အခွင့်ထူးခံ လူအနည်းငယ်သာ တက္ကသိုလ်ပညာ ဆည်းပူးနိုင်ရန် ဗြိတိသျှတို့က ရည်ရွယ်ခဲ့သည်။ အမျိုးသားကျောင်းများသည် မြန်မာလူငယ်များအား မြန်မာနိုင်ငံ၏ ကိုလိုနီလက်အောက်ခံဘဝ အခြေအနေကို နိုင်ငံရေး အသိတရားအရ နားလည်စေပြီး ကျွန်ဘဝမှ လွတ်မြောက်လိုစိတ်များ ဖြစ်ပေါ်လာစေရန် ကျိုချက်ပေးလိုက်သော နေရာများ ဖြစ်သည်။

မိမိနိုင်ငံကို လူမျိုးခြားတို့ အုပ်ချုပ်မှုအောက်မှ လွတ်မြောက်အောင် ဆောင်ရွက်လိုသော ဆန္ဒသည် ရေနံချောင်း အမျိုးသား အထက်တန်းကျောင်းသို့ မတက်ရောက်မီ ကာလကပင် အောင်ဆန်း၏ စိတ်တွင် ကိန်းအောင်းနေခဲ့ပုံရသည်။ ကလေးဘဝက ဗြိတိသျှတို့ကို ပုန်ကန် မောင်းထုတ်ရန် အကြိမ်ကြိမ် စဉ်းစားခဲ့ပုံ၊ တစ်ခါတစ်ရံ ပြဒါးရှင်လုံးကဲ့သို့ တန်ခိုးသိဒ္ဓိရှိသော ပစ္စည်းများ၏ အကူအညီဖြင့် မြန်မာပြည် လွတ်မြောက်အောင် စိတ်ကူးယဉ်ခဲ့ပုံအကြောင်း သူ၏ကိုယ်ရေး အတ္ထုပ္ပတ္တိ ဆောင်းပါး၌ ရေးသားခဲ့သည်။

အမျိုးသား အထက်တန်းကျောင်း၌ ကျောင်းတက်ရသော အောင်ဆန်းအဖို့ အမျိုးသားရေး စိတ်ဓာတ်များနှင့် နိုင်ငံရေးအမြင်ကို အမြစ်တွယ် ကြီးထွားလာစေသည်။ ၁၉၃၀ ပြည့်နှစ်တွင် ခုနစ်တန်း အောင်မြင်ခဲ့ပြီး စကောလားရှစ် ရရှိခဲ့သည်။ ပညာထူးချွန်မှုကြောင့် တစ်လလျှင် အစိုးရ၏ ပညာသင်ထောက်ပံ့ကြေး ၁၀ ကျပ်ကို လစဉ်အဖြစ် သုံးနှစ်တိတိ ရရှိသည်။ ရှစ်တန်း၊ ကိုးတန်းနှင့် ၁၀ တန်းအတွက် ပညာသင် ထောက်ပံ့ကြေး ရရှိသည်။ မြန်မာတစ်ပြည်လုံးတွင် လေးဦးသာ ရရှိသော ဦးရွှေခိုဆုလည်း ရရှိသည်။ အစိုးရက ကြီးမှူးကျင်းပသော ၁၀ တန်းစာမေးပွဲတွင် မြန်မာနှင့်ပါဠိ နှစ်ဘာသာ ဂုဏ်ထူးဖြင့် အောင်မြင်ခဲ့သည်။ ရလဒ်အနေနှင့် ကောလိပ်ပထမနှစ် အတွက် ပညာသင်ထောက်ပံ့ကြေး ဆက်လက်ရရှိလေသည်။

အထက်တန်း ကျောင်းသားဘဝတွင် အောင်ဆန်း အဓိက စိတ်ဝင်စားသော ဘာသာရပ်မှာ သမိုင်းနှင့်စာပေတို့ ဖြစ်သည်။ ထိုဘာသာရပ်များကို အထူးလေ့လာ လိုက်စားခဲ့သည်။

အောင်ဆန်းသည် အနေအထိုင် ရိုးသားပြီး ဆန့်ကျင်ဘက် မိန်းမကိစ္စနှင့် ပတ်သက်လာလျှင် အင်မတန် အရှက်အကြောက် ကြီးသူဖြစ်သည်။ ခုနစ်တန်းကျောင်းသားဘဝက ရေနံချောင်း၌ စာမေးပွဲ ဖြေဆိုရန် အသိ မိတ်ဆွေတစ်ယောက်၏ အိမ်တွင် တည်းခိုနေထိုင်ခဲ့ရာ ထိုအိမ်၌ အရွယ်ရောက်စ မိန်းကလေးများ ရှိသဖြင့် အပေါ့အပါးသွားရန် ရှက်လွန်း၊ ကြောက်လွန်းသဖြင့် အကြိမ်ကြိမ် အောင့်ထားခဲ့ရသည်။ ထို့ကြောင့် အိပ်ရာထဲ သေးပါခဲ့ကြောင်း သူကိုယ်တိုင် ဝန်ခံခဲ့သည်။

နတ်မောက်၌ နေထိုင်စဉ်ကလည်း သူ့အကြောင်းသိသည့် အိမ်နီးချင်းများက မကြာခဏ စလေ့ရှိသည်။ မြေတိုင်းစာရေး ကတော်တစ်ယောက်က အောင်ဆန်းအား “ငါ့သမီး ယူမလား” ဟု မေးရာ အလွန်စိတ်ဆိုးပြီး တုတ်ဆွဲ၊ ဓားဆွဲ လုပ်တတ်သည်။

(ဆက်လက်ဖော်ပြပါမည်)

Credit To The Voice Weekly
Read More »

ဘတ်စ်ကားစီးတိုင်း ကျွန်တော် လူကြီးဖြစ်ချင်တယ်


ရဲကြီး (ယက္ခ)

ဘတ်စ်ကားစီးတိုင်း ကျွန်တော်လူကြီး ဖြစ်ချင်တယ်။ စိတ်ဓာတ်ခွန်အား ရင့်ကျက်သန်မာပြီးသား အရွယ်ရောက်ပြီးတဲ့ လူကြီးလည်း ဖြစ်ချင်တယ်။ မကောင်းတာတွေကို မြန်မြန်နိဂုံးချုပ်ပေးပြီး ကောင်းရာမွန်ရာတွေကို မြန်မြန်ပြောင်းလဲ ဖော်ဆောင်ပေးနိုင်တဲ့ အခွင့်အရေးရှိတဲ့ လူကြီးမျိုးလည်း ဖြစ်ချင်တယ်။

မျိုးဆက်သစ် လူငယ်များအတွက် ယဉ်ကျေးမှုနဲ့ပညာ ဖြန့်ဝေပေးရာနေရာက စာသင်ကျောင်းနဲ့ တက္ကသိုလ်ဆိုရင် ဆုတ်ယုတ်တဲ့ စိတ်ဓာတ်နဲ့ ရိုင်းစိုင်းအကျည်းတန်တဲ့ စိတ်ထားတွေကို ဖြန့်ဝေပို့ချပေးတဲ့နေရာက ဘတ်စ်ကားလို့ ကျွန်တော်ထင်တာပဲ။ အိမ်ထဲမှာပဲ အမြဲနေရတဲ့ကလေးနဲ့ နေ့တိုင်းဘတ်စ်ကားစီးရတဲ့ ကလေးယှဉ်ရင် ဘတ်စ်ကား စီးနေကျကလေးက စိတ်ထားသေးသိမ် ဆုတ်ယုတ်လာစရာ ရှိပါတယ်။ သုညကနေအနုတ်ကို ရောက်သွားတာမျိုးပေါ့ဗျာ။

စဉ်းစားကြည့်ပါ။ ပုံမှန်မိရိုးဖလာ ဗုဒ္ဓဘာသာ မိဘနှစ်ပါးက မွေးဖွားလာတဲ့ သား သို့မဟုတ် သမီးကလေးဟာ လူလူချင်း ဖြတ်ကျော်ခွလှီး အသာစီးရလိုမှုတွေ မွေးရာပါတော့ ပါလာမယ်မဟုတ်ဘူး။ ဘတ်စ်ကားကိုသာ စွဲစွဲမြဲမြဲ စီးလာရပြီဆိုရင်တော့ အဆိုပါစိတ်ထားတွေကို အဆစ်လက်ဆောင်အဖြစ် အလိုလို ရရှိလာမှာပါပဲ။ တစ်ကြိမ်၊ နှစ်ကြိမ်မှသည် ကြိမ်ဖန်များစွာ ဖြစ်လာတဲ့အခါ အမှားဟာ အမှန်ဖြစ်လာတတ်တာ သဘာဝပဲ မဟုတ်လား။ ငယ်ရွယ်သူတွေအတွက် အတုခိုးဖို့ပိုလွယ်၊ စီးကူးဖို့ ပိုလွယ်တဲ့အတွက် ကလေးများအဖို့ ပိုအန္တရာယ်များပါတယ်။

သက်ကြီးရွယ်အို၊ ရဟန်းသံဃာ၊ ကိုယ်ဝန်ဆောင်နဲ့ မစွမ်းမသန်သူတွေကို နေရာဖယ်ပေးသူတစ်ဦး တွေ့ဖူးတိုင်း မသိဟန်ဆောင်ပြီး မျက်နှာလွှဲနေတတ်သူ ငါးဦး၊ ခြောက်ဦး အမြဲတွေ့ရမှာပါ။ သံဃာခုံမှာ ဝင်လုထိုင်တတ်တဲ့သူမျိုး၊ သံဃာက ဘေးမှာရပ်နေတာတောင် စပယ်ယာ မအော်မချင်း မထတဲ့သူမျိုးကိုလည်း မကြာခဏဆိုသလို တွေ့ရနိုင်ပါတယ်။

ထိုင်ခုံလုတယ်ဆိုတာ ပုံမှန်လုပ်ရပ်တစ်ခု။ သိက္ခာတွေ၊ လူကြီးလူကောင်းဆန်မှုတွေနဲ့ မဆိုင်ဘူး။ ဘတ်စ်ကားစီးရင် ခုံလုရမှာပဲ။ ခုံဦးရမှာပဲ။ ထမယ်၊ ဆင်းမယ် ထင်ရတဲ့ ထိုင်ခုံဘေးမှာ ကြိုရပ်ဖို့တောင် ဦးကြရဦးမှာ။ ကိုယ်ရပ်နေတဲ့ ထိုင်ခုံကို ဘေးလူတိုးပြီး လုမယူနိုင်အောင် ကာကွယ်ရဦးမှာ။ ကိုယ်ရပ်နေတဲ့ ထိုင်ခုံကခရီးသည်ထရင် သူ့နေရာကို အရင်ဆုံး အမြန်ဆုံး ဝင်ထိုင်နိုင်ဖို့ ကြိုးစားရဦးမှာ။ တခြားလူတွေက သူတို့ကိစ္စ။ အဖြူခံပေါ်မှာ ဆိုးပေးမယ့် ဆေးတွေ။

ဘတ်စ်ကားဆိုတာ သမီးရည်းစားအတွဲတွေ ပွတ်သီးပွတ်သပ်နဲ့ ချစ်ကြင်ယုယမှုတွေ အများသူငါရှေ့မှာ ဖွင့်ချပြီး သက်သေပြဖို့ နေရာကောင်းတစ်ခု ဖြစ်ပါသေးတယ်။ မျက်နှာလွှဲလိုက လွှဲနိုင်ပါတယ်။ မလွှဲလိုကလည်း သဘောပါပဲ။ ကိုယ့်ကလေးကိုတော့ အာရုံလွှဲထားပေးဖို့ လိုကောင်းလိုပါလိမ့်မယ်။

တစ်နေ့တာ ဘတ်စ်ကားစီးတဲ့အချိန်မှာ ဆဲသံတစ်ချက် မကြားရဘူးဆိုရင်တော့ ကိုယ့်ပေါင်ကိုယ် ဆိတ်ကြည့်ဖို့ လိုပါပြီ။ ဘေးမှာထိုင်နေတဲ့ ကိုယ်တော်တွေ၊ ပြည့်ကျပ်နေတဲ့ ကျားမရွယ်အို၊ သားသည်အမေ ဘယ်သူပဲ ရှိရှိ သူ့ကားပေါ်ရောက်လာသူ သူ့ဆဲသံ နာခံရမယ်ဆိုတဲ့ ဒရိုင်ဘာများက ဆဲနည်းပေါင်းစုံ၊ ဆဲပုံပေါင်းစုံကို ဌာန်ကရိုဏ်းကျကျဖြစ်အောင် သင်ပေးပါလိမ့်မယ်။ ငါနဲ့မတူ ရန်သူ၊ ငါသာအမြဲမှန် ကျန်သူအမြဲမှား၊ ထိတွေ့ ပွတ်တိုက်မှုတိုင်းမှာ ငါကအသာရအောင် ကြိုပြီးနင်းထားမှ ဆိုတဲ့ အိုင်ဒီယော်လော်ဂျီတွေပါ သွတ်သွင်းပေးကြပါ လိမ့်ဦးမယ်။ အနည်းဆုံးတော့ အလိုမကျမှုနဲ့ တွေ့တဲ့အခါ လိုဏ်သံပါပါနဲ့ ခပ်ပြင်းပြင်း တက်ခေါက်သံမျိုးကို အလိုလို တတ်မြောက်လာနိုင်ပါတယ်။ ညစ်ညမ်းတဲ့ ပတ်ဝန်းကျင်ကို ဗဟိုပြုပြီး ထွက်ပေါ်လာတဲ့ ခေတ်ကာလ ဘန်းစကားများလည်း ကြွယ်ဝလာနိုင်ပါတယ်။

ဒီနယ်ပယ်တစ်ခုလုံးရဲ့ ဟီးရိုးကြီးအဖြစ် ကလေးတိုင်း အားကျငေးမောရမယ့်သူ ကတော့ စပယ်ယာပါပဲ။ အပေါ်ပိုင်း ဗလာကျင်းနဲ့ ချွေးတရွှဲရွှဲဆိုတာ လူပုံအလယ်မှာ နေချင်သလို နေနိုင်ပါရောလား ခင်ဗျာ။ မထိစပ်လိုသူက ရှောင်ရှားရပါလိမ့်မယ်။ ပါးစပ်က ပြောချင်တာပြောပိုင်ခွင့် ရှိပါသေးဗျာ။ ‘အခုထွက်မယ်၊ တော်ကြာထွက်မယ်၊ ထွက်ချင်မှလည်း ထွက်မယ်’ ဆိုတာမျိုးကို ဟန်အပြည့် မာန်အပြည့်နဲ့ ရွတ်ပြလိုက်တာများ အားကျစရာကြီး ပေပေါ့။ ဘယ်သူကမှ ပြန်မပြောရဲ၊ ဘယ်သူကမှ မဝေဖန် မထောက်ပြရဲ၊ တကယ့်လူစွမ်းကောင်းကြီး ပါခင်ဗျာ။ မိန်းကလေး ငယ်ငယ်များဆို လက်မောင်းသားလောက် ကိုတော့ အလိုအလျောက် ကိုင်ခွင့် ရထားပြီးသား သူမျက်စိကျရင်ကျသလို ခါးကလေး၊ တင်ကလေး တွန်းတင်ပေးနိုင်ပါ သေးဗျာ။ လူပျိုပေါက်ကလေးများ ညဘက်အိပ်မက်ထဲ စပယ်ယာဘဝ ခဏခဏ မက်ကြလိမ့်မလား ထင်မိပါသေးရဲ့။

ဝင်ဆိုဝင်၊ ထွက်ဆိုထွက်၊ ပေးဆိုပေး၊ ယူဆိုယူ။ မကြည်မသာ ဟန်ပြရင် လူပုံအလယ် အရှက်ခွဲမယ့် စကားလုံးများ အလွန်လှပပါရဲ့။ စိတ်ဆတ်တဲ့ စပယ်ယာနဲ့တွေ့ရင် ‘ဆရာရေ ဟိုးထား’ ဆိုတဲ့ပြီး ကားကြီးကို ဒက်စတော့အုပ်လို့ တံခါးဝလက်ညှိုးညွှန် ဆင်းခိုင်းနိုင်ပါသေးရဲ့။ အဘိုးအို၊ အမယ်အို အကဲပိုလို့တော့ဖြင့် ခပ်ဆတ်ဆတ်လေး ဆွဲချခံရဦးမှာပါ။ အောက်ရောက်လို့ လဲလဲကွဲကွဲ ကားကြီးကတော့ ‘ဆွဲဆရာရေ’ ဆိုပြီးထားခဲ့မှာပဲ။

တိုင်မယ်ဆိုရင်တော့လည်း ရကောင်းရနိုင်ပါတယ်။ သတိထားရန် ကတော့ တိုင်မယ့်လူဟာ သိုသိုသိပ်သိပ် လုပ်ဖို့ပါပဲ။ မဟုတ်ရင် အုပ်စုနဲ့ဖြစ်စေ၊ နှစ်ယောက်သုံးယောက်ဖြစ်စေ ဝိုင်းရိုက်ခံရနိုင်တာမျိုး ကြားဖူးနားဝတော့ ရှိထားသင့်ပါတယ်။

ပြန်ပြင်ထားတဲ့ ခုံတွေဟာ တရားဝင် ဖြစ်ပါတယ်။ မဆီလျော်လျှင်လည်း ဒါဟာ တရားဝင်ပါပဲ။ သုံးယောက်စီးရမယ် ဆိုလျှင် သုံးယောက် စီးရမှာပါပဲ။ ကျပ်တယ်၊ မြင့်တယ်၊ သေးတယ် ပြောခွင့်မရှိစေရ။ တပ်ဆင်သူ၊ စိစစ်သူများဆိုတာ ကားပိုင်ရှင်တစ်ဦးရဲ့ မျက်နှာသာ ကြည့်ဖို့လိုပြီး စားသုံးသူ လူများစုမျက်နှာကို ကြည့်ရန်မလိုဘူး ပေါ့ဗျာ။ ဘယ်သူသေသေ ငတေမာ မဟုတ်သော်လည်း ဘယ်သူကျပ်ကျပ် ငတေမြတ်ရင် ပြီးစတမ်းပေါ့ ခင်ဗျာ။
အဆိုးဆုံးထဲက တစ်ခုကတော့ လူပိုမတင်ရ၊ ဆေးလိပ်မသောက်ရ၊ ယာဉ်မောင်း ယာဉ်နောက်လိုက် လိုက်နာရန်များ၊ အဖွဲ့အစည်း၏ ရည်ရွယ်ချက်များ၊ ကျေနပ်မှုမရှိက တိုင်ကြားရန်စတဲ့ ကားနံရံပေါ်က စာသားများပါပဲ။ ဒီစာတွေဟာ တရားဝင်တဲ့စည်းကမ်း ဖြစ်ပေမယ့် ဘတ်စ်ကား စီးနေကျလူများရဲ့ စိတ်ထဲမှာတော့ အလှမဟုတ်ရင် မျက်စိရှုပ်စရာ စာသားတွေထက် မပိုပါဘူး။ ငယ်ရွယ်သူများရဲ့ စိတ်ထဲမယ် ငါတို့တိုင်းပြည်က ဒီလိုပါပဲ၊ ရေးထားတာ ရေးထားတာပဲ။ လက်တွေ့က လက်တွေ့ပဲဆိုတဲ့ အတွေးမျိုး လွယ်လွယ်လေး အမြစ်တွယ်အောင် လုပ်ပေးလိုက်သလိုပါပဲ။ မလုပ်နိုင်ရင်လည်း ဖြုတ်ထားလိုက်တာ ပိုမကောင်းပါလားဗျာ။ အနုတ်ထက်စာရင် သုညက ပိုကောင်းမယ်လေ။

ကားမှန်ပေါက်ကို လက်ထောက်ပြီး ငေးမယ်ဆိုရင် လမ်းဘေးက လူတွေ ရွှံ့ဗွက်ပေစင်ကုန်တာ ကြည့်ပြီး နှလုံးသားတွေ မာကျောလာနိုင်ပါတယ်။ လမ်းပြောင်းပြန် မောင်းခွင့်၊ အလယ်လမ်း (Middle Lane) မှာ ရပ်ခွင့်၊ ကားသေးလေးများကို ဖိလို့ ပွတ်လို့ ကြီးနိုင်ငယ်ညှဉ်း လုပ်ခွင့်တွေကို ထပ်တွေ့နိုင် ပါသေးတယ်။ ထိုအခွင့်အရေးတွေကို ဝယ်တဲ့ ငွေစက္ကူလုံးကလေးများနဲ့ ယာဉ်ထိန်းရဲကြီးကို လှမ်းလှမ်းပေါက်တာမျိူး အမြဲတွေ့နေရတဲ့ အဇ္ဈတ္တတွေဟာ ဘယ်လိုအရောင်မျိုး ဖြစ်လာနိုင်မှာလဲလို့ဗျာ။

‘ဆေးလိပ်မသောက်ရ’ ဆိုတဲ့ အနီရောင်စာတန်းကြီး အောက်က စီးကရက်ဖွာနေတဲ့ ဒရိုင်ဘာ။ လူတက်လူဆင်း တံခါးဝမှာ စီးကရက်ငွေ့တွေ မှုတ်ထုတ်နေတဲ့ စပယ်ယာ။ နိစ္စဓူဝ ဆိုးရွားတဲ့ ဒီလိုပြယုဂ်တွေဟာ တစ်စုံတစ်ရာကို စိတ်ပါလက်ပါ ရိနေထေ့နေသလား လို့တောင် ထင်မိပါရဲ့။

ရန်ကုန်မြို့ကြီး ဆိုတာက တစ်နိုင်ငံလုံးရဲ့ မြို့တော်ကြီးတစ်ခု မဟုတ်လား။ တိုင်းသူပြည်သားဆိုတာ တစ်ခုခုအရေးရှိရင် မြို့တော်ကို ချီတက်ကြရတာ မျိုးကို။ မြို့တော်မှာ ဘတ်စ်ကား စီးရမှာပေါ့ဗျာ။ ဘတ်စ်ကားပေါ်ရောက်တဲ့ အချိန်မှာပဲ ငါတို့တိုင်းပြည်က ဒါပါလားဆိုတာ သိခွင့်ရသွားတော့တာ ပါပဲ။ ငါတို့တိုင်းပြည်မှာ ဒီလိုနေလို့၊ ဒီလိုလုပ်လို့ ရပါလားပေါ့ခင်ဗျာ။ ရိုးသားတဲ့ နယ်သူနယ်သားများအတွက် မဟာရန်ကုန်မြို့တော်ကြီးရဲ့ လက်ဆောင်မွန်ပါပဲ။ ကျွန်တော်ကိုယ်တိုင် တွေ့ခဲ့ဖူးတဲ့ အညာသားကြီး တစ်ဦးက သူ့ကလေးငယ်ကို အသာဖက်ပြီး မျက်နှာကို သူ့လုံချည်ထဲ ထည့်ထား၊ နားကိုလက်ဝါးနဲ့ ကာထားပေးတာကို မျက်စိထဲက မထွက်နိုင်အောင် အမြဲပဲရှိနေပါတော့တယ်။

ကျွန်တော်တို့တိုင်းပြည်က ကမ္ဘာပေါ်မှာ တီဘီရောဂါ ကူးစက်နှုန်းရော၊ ဖြစ်ပွားနှုန်းရော အလွန်မြင့်မားတဲ့ နိုင်ငံတွေထဲက တစ်ခုဖြစ်ပါတယ်။ ဆရာဝန်များရဲ့အဆိုအရ မြန်မာပြည်သားတိုင်းဟာ တီဘီရောဂါပိုးနဲ့ ထိတွေ့ ပြီးသားပါတဲ့။ တစ်ခါထိတွေ့ရုံနဲ့ ကူးချင်မှကူးမှာ ဖြစ်ပေမယ့် လူပေါင်းများစွာ ကျပ်ညပ်ပြီး ပြင်ပလေရှူခွင့် မရနိုင်တဲ့ ဘတ်စ်ကားထဲမှာ နေ့စဉ်ထိတွေ့ရသူများ အဖို့တော့ ရောဂါကူးစက်မှု အလွယ်တကူပဲ ဖြစ်စေနိုင်ပါတယ်။

နိုင်ငံခြားသား ပညာရှင်တစ်ဦး အဆိုအရ မြန်မာနိုင်ငံရဲ့ တီဘီကူးစက်မှု နည်းလမ်းတွေထဲမှာ မြို့ပတ်ရထားနဲ့ ဘတ်စ်ကားဟာ အရေးပါတဲ့နေရာမှာ ရှိတယ်လို့ ဆိုပါတယ်။ ပိတ်သင့်တဲ့အထဲမယ် မျက်စိနဲ့ နားအပြင် နှာခေါင်းပါ ပါလာပါတော့တယ်။

တခြားတစ်ခုက ဘတ်စ်ကားဆိုတာ တစ်ခါတစ်ရံနဲ့ ခဏတာ စီးရတာမျိုး မဟုတ်ပေပဲကိုဗျာ။ အခုများဆို ပိုလို့တောင် ကြာပါသေးရဲ့။ မနက် အလုပ်ဆင်း၊ ညအလုပ်ပြန် တစ်ရက်ကို ဘတ်စ်ကားပေါ်မှာ နှစ်နာရီ သုံးနာရီ အချိန်ကုန်နေရသူတွေ များစွာပါ။ အများအားဖြင့်လည်း ကားပေါ်မှာ အားနေတတ်ကြပါသေးတယ်။ ရင့်ကျက်ပြီးသူတွေအတွက် တရားမှတ်နေလို့ ရပေမယ့် ငယ်ရွယ်သူများအဖို့တော့ အလွယ်တကူ စီးကူးစေဖို့ကောင်းတဲ့ အားလပ်ချိန်တွေပါပဲ။ အကောင်းအဆိုး အားလုံးကို စုပ်ယူသိမ်းဆည်း ထားလိုက်မယ့် ဦးနှောက်ငယ်ငယ်တွေကို မြင်ကြည့်လိုက်ပါ။

အပျိုမလေးရဲ့နောက်ပိုင်းကို အတင်းတိုးဖိကပ်နေတဲ့ ပြုံးစိစိလူကြီးကို ငေးကြည့်နေတဲ့ မျက်လုံးလေးတွေ၊ ပြတင်းပေါက်ကနေ ဆတ်ခနဲထွက်ပြီး ခပ်ဝေးဝေးကို အားနဲ့ထွေးလိုက်တဲ့ စပယ်ယာရဲ့ ကွမ်းတံတွေးကို ငေးကြည့်နေတဲ့ မျက်လုံးလေးတွေ၊ ကားဟွန်းကို လက်နှစ်ဖက် စုံထောက်ပြီး တစ်စုံတစ်ရာကို အားမာန်အပြည့်နဲ့ ဆဲရေးလိုက်တဲ့ ဒရိုင်ဘာကြီးကို ငေးကြည့်နေတဲ့ မျက်လုံးလေးတွေ၊ နားထဲမှာ သီချင်းနားကြပ် တပ်ထားတဲ့ ကျောပိုးအိတ်နဲ့ ကောင်လေးက လွတ်သွားတဲ့နေရာကို တိုးဝင်အထိုင်မှာ ယိုင်သွားလို့ ထိုင်ခုံကို ဖမ်းဆွဲလိုက်ရတဲ့ အဘွားအိုကို ငေးကြည့်နေတဲ့ မျက်လုံးလေးတွေ၊ စပယ်ယာကြီးရဲ့ လက်နဲ့အပြိုင် ပြန်ထောင်ပြတဲ့ ယာဉ်ထိန်းရဲကြီးရဲ့ လက်ချောင်းတွေကို ငေးကြည့်နေတဲ့ မျက်လုံးလေးတွေ၊ ပိုက်ဆံမပေးရသေးဘဲ စပယ်ယာကို ခပ်တည်တည် ပြန်ကြည့်နေတဲ့ ခရီးသည်ကြီးကို ငေးကြည့်နေတဲ့ မျက်လုံးလေးတွေ၊ ပါးချင်းအပ်နေတဲ့ စုံတွဲကို ငေးကြည့်နေတဲ့ မျက်လုံးလေးတွေ၊ နံရံပေါ်က စာတန်းတွေကို ငေးကြည့်နေတဲ့ မျက်လုံးလေးတွေ၊ ဒရိုင်ဘာကြီးဆီကို ကွမ်းယာထုပ်လာပေးတဲ့ ကွမ်းယာသည်မလေးရဲ့ မချိုမချဉ် မျက်နှာကို ငေးကြည့်နေတဲ့ မျက်လုံးလေးတွေ၊ အကြွေစက္ကူတွေကို ခါးပုံထဲ ထိုးလိပ်လိုက်ပြီးတဲ့နောက် တက်လာတဲ့ ခရီးသည်တွေအတွက် အကြွေပြန် မအမ်းနိုင်တော့တဲ့ စပယ်ယာကြီးကို ငေးကြည့်နေတဲ့ မျက်လုံးလေးတွေ၊ နေ့တိုင်းပုံမှန်ရွတ်နေကျ စကားလုံးတွေကို နေ့တိုင်းပုံမှန် ရွတ်နေကျ သံစဉ်၊ မျက်နှာပေးနဲ့ ရွတ်ရင်း ကားဘေး ရောက်ရောက်လာတဲ့ ခြေကောင်းလက်ကောင်း သူဖုန်းစားကြီးကို ငေးကြည့်နေတဲ့ မျက်လုံးလေးတွေ။

အားလုံးဟာ ကျွန်တော်တို့ရဲ့ အနာဂတ်တွေပါ။ အဲဒီမျက်လုံးကတစ်ဆင့် ဖော်ဆောင်လာမယ့် နှလုံးသားပိုင်ရှင်တွေဟာ ကျွန်တော်တို့ တိုင်းပြည်ရဲ့ အနာဂတ်တွေပါ။ နောင်တစ်ခေတ်ရဲ့ ခေါင်းဆောင်တွေကို ဖြစ်နိုင်ရင် ဘတ်စ်ကား မစီးစေချင်ဘူးဗျာ။ မဖြစ်နိုင်ရင်လည်း ဒီလိုမဟုတ်တဲ့ ဘတ်စ်ကားတွေပဲ စီးစေချင်တယ်။ ဘတ်စ်ကားစီးတိုင်း ကျွန်တော်ကတော့ လူကြီးဖြစ်ချင်တယ်။ စိတ်ဓာတ်ခွန်အား ရင့်ကျက်သန်မာပြီးသား အရွယ်ရောက်ပြီးတဲ့ လူကြီးလည်း ဖြစ်ချင်တယ်။ မကောင်းတာတွေကို မြန်မြန်နိဂုံးချုပ်ပေးနိုင်ပြီး ကောင်းရာမွန်ရာတွေကို မြန်မြန်ပြောင်းလဲ ဖော်ဆောင်ပေးနိုင်တဲ့ လူကြီးမျိုးလည်း ဖြစ်ချင်ပါတယ်။ ။

Credit To The Voice Weekly
Read More »

ခေါ်ရင်သွား ၊ ခိုင်းတာလုပ် ၊ ခံမပြောနဲ့ ခွေးဖြစ်သွားမယ်ဆိုတဲ့ မြန်မာပြည်


အင်္ဂလန်းနိုင်ငံပရီးမီးယားလိ(ဂ်) ထိပ်တန်းဘောလုံးကလပ်အသင်းများ သည် အရှေ့တောင်အာရှနိုင်ငံများသို့ ခြေစမ်းပွဲများနှစ်စဉ်လာရောက်ကစား လေ့ရှိသည်။၂၀၁၃ခုနှစ်ဇူလိုင်လ၁၁ရက် နေ့က ဒွန်မောင်းလေဆိပ်သို့ရောက်ရှိ လာသော မန်ချက်စတာယူနိုက်တက် အသင်းကို““ထိုင်း””ပြည်သူပရိသတ်ရာ ပေါင်းများစွာက ကြိုဆိုကြသည်။မန်ယူ အသင်းသည် ထိုင်းနိုင်ငံ ဘန်ကောက်မြို့ ဆစ်ဒနီ၊ယိုကိုဟားမား၊အိုဆာကာနှင့် ဟောင်ကောင်သို့ခရီးဆက်၍ခြေစမ်းပွဲ များကစားမည်ဖြစ်သည်။
တဖန်ဇူလိုင်လ၁၂ရက်နေ့က ထိုင်း နိုင်ငံမှပရိသတ်သည် ချဲလ်ဆီးဘောလုံး အသင်းကို သုဝဏ္ဏဘူမိလေဆိပ်တွင်လာ ရောက်ကြိုဆိုနှုတ်ဆက်ကြသည်။ချဲလ် ဆီးအသင်းသည်ဇူလိုင်လ၁၇ရက်နေ့ တွင် ဘန်ကောက်မြို့၌ ရာဓမင်္ဂလာကွင်း တွင် Singha All Star အသင်း၊ဇူလိုင်လ ၂၁ရက်တွင် မလေးရှားနိုင်ငံ ကွမ်လာ လာမ်ပူမြို့၌ Malaysia XI အသင်း ဇူ လိုင်လ၂၅ရက်နေ့တွင် အင်ဒိုနီးရှားနိုင်ငံ  ဂျကာတာမြို့တွင် BNI INDONESIA ALL STAR အသင်းများနှင့်ခြေစမ်း ကစားမည်ဖြစ်သည်။
အားကစားဆောင်းပါးရေးနေသည် မဟုတ်ပါ။အထက်ဖော်ပြပါသတင်းများ ကိုဖတ်ပြီး စိတ်မကောင်၍ဒီဆောင်းပါး ကိုရေးမိပါသည်။ဘာကြောင့်စိတ် မကောင်းဖြစ်ရပါသနည်း။ရှင်းပါမည်။
မြန်မာနိုင်ငံဘောလုံးအသင်းသည် တစ်ချိန်က အရှေ့တောင်အာရှကို အသာထား အာရှမှာပင်ထိပ်တန်းရောက် ခဲ့ဖူးသည်။အရှေ့တောင်အာရှ၊မာဒေး ကား၊ပတ်ချွန်ဂီးဖလားပြိုင်ပွဲများတွင် မြန် မာအသင်းက အကြိမ်ကြိမ်နိုင်ခဲ့ဖူးသည်။ အာရှိတိုက်တစ်တိုက်လုံး၏ ဘောလုံးချန် ပီယံအဖြစ်ဖလာနှစ်ကြိမ်ရခဲ့ဖူးသည်။အီ ရန်နိုင်ငံနှင့်ပူးတွဲချန်ပီယံတစ်ကြိမ်ရခဲ့ဖူး သည်။
““မြန်မာနိုင်ပြီ တို့မြန်မာနိုင်ပြီ”” အစ ချီ သီချင်းသံသည် သောသောညံခဲ့ဘူး သည်။““တိုင်းပြည်ကပေးအပ်လိုက်တဲ့ တာဝန်များကို ကျေပြွန်ပါသည်.. တကယ့်ကိုကျေပြွန်သည်..သောင်းသောင်း ဖျဖျကြိုဆိုလို့အတည် ပြည်သူများ ဂုဏ်ပြုကြပါသည်..””ရင်ကိုရိုက်ခတ် သွားသောသီချင်းစာသားများဖြင့်သံ ပြိုင် ဟစ်ကြွေးခဲ့ဖူးပါသည်။
““အာရှချန်ပီယံတို့ဗမာ””သီချင်းဖြင့် ဂုဏ်ယူဝံ့ကြွားခဲ့သောကာလများကိုမေ့ ပျောက်လို့မရနိုင်ခဲ့ပါ။အမြဲတမ်းသတိရ နေမိသည်။သို့သော်လည်း…သို့ပါ သော်လည်း နိုင်ငံတော်က ကာ အသိမ်း ခံရပြီးနောက်ပိုင်း၊ပြည်သူပိုင်တွေသိမ်းပြီး နောက်ပိုင်း၊စစ်အုပ်ချုပ်ရေးကာလများ နောက်ပိုင်းငြိမ်စပ်ပိပြားအောင်ဖိနှိပ် အုပ်ချုပ်ခံရပြီးနောက်ပိုင်း၊အကြောက် တရားအောက်မှာ ပိပြားအောင်နေထိုင် ခဲ့ရပြီး နောက်ပိုင်းမှာ အဖက်ဖက်က အောက်တန်းကျခဲ့ရပါပြီ။
ဘောလုံးသာမက အားကစားနည်း မျိုးစုံပြစရာမရှိအောင်အောက်ကျခဲ့ပါ ပြီ။ တစ်ချိန်ကအောင်မြင်မှု အရှိန်လေး၊ အထောက်အလျောက် အငွေ့အသက် လေးကျန်နေချိန်မှာ တက်လူတိုက်၊ အောင်မြစ်မှုတစနှစ်ကို အဟုတ်ကြီးထင် ကြီးထင်ပြီး ““မြန်မာ့အားကစား ကမ္ဘာ ကို လွှမ်းစေရမည်””ဆိုသောဆောင်ပုဒ်ကို မရှက်မကြောက်ထအော်သူကအော် လိုက်သေးသည်။အားလုံးဗုံးဗုံးကျခဲ့ပါပြီ။
တစ်ချိန်က အိမ်နီးနားချင်းတွေ မော်မကြည့်ဝံ့အောင် လျှမ်းလျှမ်းတောက် အောင်မြင်ခဲ့သော မြန်မာနိုင်ငံအားက စားသည် ခုတော့ သူတို့ကိုမော်ကြည့်ရန် မ၀ံ့မရဲဖြစ်ခဲ့ရပါပြီ။ တကယ်အောင်မြင် ခဲ့တာဟုတ်ရဲ့လား။အဘရယ်လို့ မယုံ တစ်ဝက်ယုံတစ်ဝက်နဲ့မေးလာမည့် လူ ငယ်တွေကို ရှင်းပြဖို့ခက်ပါသည်။ရွှေထီး ဆောင်းခဲ့တဲ့ရွှေခေတ်ကို လွမ်းနေမိ သည်။လွမ်းစရာတွေဖြစ်ကျန်ပါပြီ။ ဘာကြောင့်ဒီလိုဘ၀မျိုးရောက်ကုန်တာ လဲ။ဘယ်သူတွေမှာတာဝန်ရှိမလဲ။ယနေ့ လူငယ်တွေမေးလာရင်ဘယ်လိုဖြေရ မည်မသိ။အဖြေခက်လှသည်။
မြန်မာနိုင်ငံထက်(၁၀)နှစ်ကျော် နောက်ကျပြီးလွတ်လပ်ရေးခဲ့သော စင်ကာပူနိုင်ငံ၊ကျွန်းနိုင်ငံ၊ဘာပစ္စည်းထုတ် ကုန်မရှိသောနိုင်ငံ၊ဒီနေ့သူတစ်ပါးနိုင်ငံ ကနေ၀ယ်သောက်နေရသောနိုင်ငံ၊ဘာ သာစကားမရှိသောနိုင်ငံ၊ကိုးကွယ်သည့် ဘာသာမရှိသောနိုင်ငံ၊လူမျိုးမရှိသောနိုင် ငံ၊မြို့တော်သည် တိုင်းပြည်၊တိုင်းပြည် သည်မြို့တော် အခြားမြို့ပြ၊မြို့နယ် ကျေးရွာမရှိသော စင်ကာပူနိုင်ငံ။
၁၉၅၉ခုနှစ်စင်ကာပူနိုင်ငံ၏အကြို လွတ်လပ်ရေးအထိမ်းအမှတ်အခမ်းအနား တွင် စင်ကာပူအမျိုးသားခေါင်းဆောင် ကြီး““လီကွမ်ယူ””က မိန့်ခွန်းတစ်ခုမှာ သူ့ ပြည်သူတွေကို ““ကျွန်တော်တို့ အစွမ်းကုန် ညီညီညွတ်ညွတ်ကြိုးစားကြရင် နောင် ၁၀နှစ်ကြာတဲ့အခါ မြန်မာနိုင်ငံကိုမီစေ ရမယ်။ကြိုးစားကြပါလို့ကြိမ်းဝါးပြီး မိန့် ခွန်းပြောခဲ့ဖူးတယ်။နောင်၁၀နှစ်ဆိုတော့ ၁၉၇၀ ပြည့်နှစ်ဝန်းကျင်ပေါ့။
မြန်မာနိုင်ငံကိုအတုယူတဲ့အနေနဲ့ စင်ကာပူနိုင်ငံမှာရန်ကုန်လမ်း၊အကီလေး လမ်းဆိုပြီး ဂုဏ်ပြုမှည့်ခေါ်ခဲ့တာ။ယနေ့ တိုင်တွင်ဆဲပါ။သူတို့ခေါင်းဆောင်ကြီး လီကွမ်ယုပြောဆိုကြိမ်းဝါးခဲ့တဲ့အတိုင်း သူတို့ကြိုးစားလိုက်ကြတာ ခုတော့ အာ ရှမှာကျားတစ်ကောင်အဖြစ်ထင်ရှားခဲ့ပါ ပြီ။သယံဇာတတွေပေါကြွယ်ဝတဲ့ မြန်မာ  နိုင်ငံဟာ ဆင်းရဲမွဲတေဆုံးနိုင်ငံစာရင်းဝင် ခဲ့ပြီ။ဘာသယံဇာတမှမထွက်ပဲ၊နိုင်ငံ ခေါင်းဆောင်တွေရဲ့ဦးနှောက်နဲ့ရင်းခဲ့တဲ့ စင်ကာပူနိုင်ငံက ကမ္ဘာမှာရှေ့ရောက်နေ ခဲ့ပြီ။သူတို့နဲ့ဘာကွာသလဲ။စဉ်းစားကြည့် ပါ။
သူတို့ကအာရှမှာကျားတစ်ကောင် ဖြစ်ခဲ့သလို တို့များလည်းအာရှမှာ ဖွတ် ကျားတစ်ကောင်ဖြစ်ခဲ့ရပြီ။ရင်နာစရာ အဖြစ်တွေပေါ့။သူတို့ကပညာနဲ့တိုင်းပြည် တိုးတက်အောင်ဆောင်ရွက်ခဲ့ကြတယ်။ တို့များလဲ ပညာရေးမှာအောက်ကျခဲ့ သလား။
ပညာရေးနဲ့ပတ်သက်ပြီးပြောရရင် အရှေ့တောင်အာရှမှာရန်ကုန်တက္ကသိုလ် ကြီးဟာ အကောင်းဆုံးတက္ကသိုလ်ဖြစ်ခဲ့ ဖူးတယ်။ပညာသင်ကြားရာမှာလည်း အင်္ဂလန်နိုင်ငံတက္ကသိုလ်များအတိုင်း စည်းစနစ်တကျသင်ကြားပို့ချခဲ့တယ်။ နိုင်ငံခြားကျောင်းသားများကိုပင်လက်ခံ သင်ကြားပေးခဲ့ဖူးတယ်။ထိုင်း၊စင်ကာပူ၊ မလေးရှားလူမျိုးတွေ ရန်ကုန်တက္ကသိုလ် မှာပညာသင်ကြားဘွဲ့ရပြီးသူတို့နိုင်ငံတွေ မှာ အောင်မြင်တဲ့ခေါင်းဆောင်တွေ၊ စီးပွားရေးလုပ်ငန်းရှင်ကြီးဖြစ်ကြတယ်။ သူတို့နိုင်ငံမှာ လစာကောင်းကောင်းရတဲ့ ၀န်ထမ်းတွေဖြစ်လာကြတယ်။
အသက်၈၃နှစ်ရှိပြီးဆေးရုံအုပ်ကြီး အဖြစ်တာဝန်ထမ်းဆောင်ဖူးတဲ့ ဆရာဝန် ကြီးကပြောဖူးတယ်။၁၉၇၆ခုနှစ်ဆေး တက္ကသိုလ်အောင်ထားသူ တစ်ယောက် ဟာ အင်္ဂလန်ဆေးကောင်စီမှာ ခု၂၀ ပေါင်သွင်းပြီး မှတ်ပုံတင်ရင် ဘာစာမေး ပွဲမှ မလိုဘဲ၊ကမ္ဘာအဆင့်အသိအမှတ်ပြု ခံရသတဲ့။ကဲ ဒီနေ့ မြန်မာနိုင်ငံကဆေး တက္ကသိုလ်အောင်လာသူတွေကို သူတို့ ဘယ်လိုသဘောထားလဲ။စာမေးပွဲမဖြေ ဘဲ၊အသိအမှတ်ပြုကြရဲ့လား။မြန်မာ နိုင်ငံရဲ့ဘွဲတွေကော ပြင်ပနိုင်ငံတွေမှာဝင် ဆံ့နိုင်ရဲ့လား။
၁၉၆၂ခုနှစ်က ၂၀၁၀ခုနှစ်ထိနှစ် ပေါင်း၅၀ယောက်မှောင်ကျခဲ့တယ်။ပညာ တတ်တွေနေရာမရခဲ့ဘူး။မိုးကျရွှေကိုယ် တွေသာနေရာရခဲ့တယ်။ခေါင်းဆောင် ကြီးတွေက “ခ”လေးလုံးစနစ်ကို ကျင့်သုံး လာခဲ့တယ်။“ခ”လေးလုံးစနစ်ဆိုတာ ခေါ်ရင်သွား၊ခိုင်းတာလုပ်၊ခံမပြောနဲ့၊ ခွေးဖြစ်သွားမယ်ဆိုတဲ့စနစ်ပေါ့။အဲဒီ တော့ လက်ညှိုးထိုးထောင်၊ခေါင်းညိတ် တွေ၊နေရာရလာတယ်။ခေါင်းဆောင် ဖြစ်လာတယ်။ပညာတတ်တွေဖယ်ရှား ခံလာရတယ်။တသွေးတသံတမိန့်ကစပြီး အာဏာရှင်စနစ်ရောက်သွားမယ်။
စီပွားရေးစနစ်တွေအတည်တကျ မရှိဘဲ။ပါမစ်ရောင်းစားတဲ့ ခရိုနီစီးပွားရေး စနစ်ကြီး ခေါင်းထောင်ထလာတယ်။ အလုပ်အကိုင်အခွင့်လမ်းတွေမရှိ သလောက်ရှားပါးလာပြီးတပည့်မွေး၊ ဆရာမွေးစနစ်ကြီးထွန်းကားလာခဲ့တယ်။ ပညာရေးစနစ်ကလည်းအဝေးသင်၊အနီး သင် သုံးလနဲ့တစ်နှစ်စာမေးပွဲစစ်၊ ဒီလိုနဲ့ ဘွဲ့ရပညာမတတ်တွေပေါများလာခဲ့တယ်။
လာဘ်ပေးလာဘ်ယူနဲ့မှလုပ်ငန်း တွေအောင်မြင်လာတော့ ၀န်ထမ်းတွေ အကျင့်ပျက်လာတယ်။ရုံးတွေဆေးရုံတွေ သွားရင်အချိန်တွေကုန်ပြီး အလဟသငွေ တွေကုန်ကြရတယ်။““ကူညီပါရစေ၊ပြည် သူ့အတွက်””ဘာညာဆိုင်းဘုတ်တွေရေး ထားကြပေတယ် “လာဘ်ပေး ရန်မလို” ကျင့်စဉ်တွေဖြစ်လာတယ်။
ပြည်ပပို့ကုန်တွေနာမည်ရခဲ့တယ်၊ ရွှေကျီးနိုင်လွန်၊ဘံသအေးနိုင်လွန်။ တယောစွပ်ကျယ်၊ကြက်ဆင်ဖဲထီး ဆို တာတွေပြုပေနိုင်ငံတွေကို ပို့နိုင်သည်ထိ အောင်မြင်လာခဲ့တယ်။အမှောင်ခေတ် မှာသိန်းပေါင်းများစွာယက်ထုတ်နေတဲ့ ချဉ်ထည်ပွင့်ရိုက်တွေသိန်းချီထုတ်ခဲ့တဲ့ စက်ဘီးတွေ၊ဘောလုံးတွေဘယ်နိုင်ငံကို ပို့သလဲတော့ မသိဘူး။ပြည်တွင်းမှာပြည် သူတွေအသုံးပြုတာလဲ။မတွေ့မမြင်ရ ဘူး။အောင်မြင်လှချည်ရဲ့ဆိုတဲ့“၀င်းသူဇာ”  ဆိုင်တွေကို ရောက်ဖူးကြသလား၊ပစ္စည်း ၀ယ်ဖူးကြသလား။ပြည်တွင်းဖြစ်မက်စရာ ဘာတွေရနိုင်သလဲ။
တစ်ချိန်က မြန်မာနိုင်ငံမှာ(ကန် တော့ပါရဲ့)မခင်လာသိမ်းတဲ့ နိုင်ငံခြား သားတွေရှိခဲ့ဖူးတယ်။မြန်မာတွေဘယ် လောက်ဆင်းရဲပါစေ။ဒီအလုပ်မလုပ်ကြ ဘူး။သခင်မျိုးဟေ့ တို့ဗမာ၊မစင်အကြုံး တဲ့တို့မြန်မာ။ခုတော့ ထိုင်း၊စင်ကာပူ၊ မလေးရှားနိုင်ငံတွေမှာရရာအလုပ်၊ သူတို့ နိုင်ငံသားတွေမလုပ်တဲ့အလုပ်သွားလုပ် နေရပြီ။တည့်တည့်ပြောရရင်ကျွန်ခံနေ ကြရပြီ။ဗိုလ်ချုပ်ပြောတဲ့နိုင်ငံဖြစ်သွား ပြီ။ လူကုန်ကူးခံရတဲ့ မြန်မာသမီးပျိုလေးများ ရဲ့ဒုက္ခကရင်ထုမနာဖြစ်နေရပြီ။ခုမှထ အော်နေကြတယ်။တစ်ချိန်တုန်းကတော့။
မြန်မာအမျိုးသမီးငယ်တွေ ရရာ အလုပ်ပိုက်ဆံများများရမယ့် အလုပ်ကို အသာငမ်းငမ်းဖြစ်ရာက ငွေများများရ မယ့်ပြည်ပနိုင်ငံတွေကိုအားကိုးလာကြ တယ်။ဒီလိုက ဒီစဉ်ကနေ ရောင်းစားခံခဲ့ ကြရတယ်။လူကုန်ကူးခံကြရတယ်။ကိုယ့် ကိုရောင်းစားလို့မှရောင်းစားမှန်းမသိတဲ့ ဘ၀တွေနဲ့ဒုက္ခဆင်းရဲတွင်းကျခဲ့ကြရ တယ်။အရှင်လတ်လတ်ငရဲခံနေကြရ တယ်။ကိုယ့်ကိုရောင်းစားလို့မှရောင်း စားမှန်းမသိတဲ့ဘ၀တွေနဲ့ဒုက္ခဆင်းရဲတွင်း ထဲကျခဲ့ကြရတယ်။အရှင်လတ်လတ်ငရဲ ခံနေကြရတယ်။
လွတ်လပ်ရေးရပြီးသည်ကစတဲ့ ပြည်တွင်းစစ်တွေဟာကြီးထွားလာလိုက် သေးငယ်သွားလိုက်၊အပြီးအပိုင်ပျောက်  ထွက်တဲ့ခေတ်ကိုမရောက်နိုင်ခဲ့ဘူး။ ပယောဂဆရာတစေ်္ဆမွေးထားသလို၊အုပ် ချုပ်ရေးစနစ်ကြောင့်တိုင်းရင်းသားစည်း လုံးညီညွတ်ရေးတွေ ပျက်ခဲ့ရပြီ၊ယုံကြည် မှုတွေလျော့နည်းခဲ့ကြပြီ။ကျေးလတ်နေ ပြည်သူတွေပြည်တွင်းစစ်ကြောင့်နှစ် ပေါင်း၆၀ကျော်ဒုက္ခပင်လယ်ဝေခဲ့ပြီ။
တိုင်းရင်းသားပြည်သူစစ်ပြေး ဒုက္ခသည်တွေ သိန်းချီရှိနေပြီ။လူ့ဘ၀ တစ်လျှောက်လုံးစစ်ပြေးဒုက္ခသည်စခန်း အချိန်ကုန်ခဲ့ရပြီ။ပညာရေး၊စီးပွားရေး၊ လူမှုရေး၊ကျန်းမာရေး၊ဘာသာရေး ဘယ်နယ်ပယ်မှာမှဝင်ဆံ့ခွင့်မရရှာကြဘူး။ လူ့ဘ၀ကိုဘာလာလုပ်မှန်းမသိ။အရွယ် မရောက်မီဘယ်ကပစ်လိုက်တဲ့ ကျည်ဆံ မှန်းမသိဘဲ။လူ့ဘ၀ကပြန်ထွက်သွား ရတဲ့ကလေးတွေရဲ့ရင်နာစရာဘ၀တွေ များစွာရှိခဲ့ပြီ။စားရမဲ့၊သောက်ရမဲ့စစ်ဘေး ကြောင့် ပြေးလွှားနေရတဲ့ဘိုးဘွားတို့ နေ ၀င်ချိန်က ရင်လေးစရာဖြစ်ရပြီ။
အရှေ့တောင်အာရှတွင်ပထမဆုံး အော်တိုလက်လှဲ့ဖုန်းစတင်အသုံးပြုခဲ့ သောမြန်မာနိုင်ငံသည် ကမ္ဘာတွင်၁၂ခု မြောက် ဖုန်းသောသောနိုင်ငံအဖြစ်မှတ် တမ်းတင်ခံခဲ့ရပါသော်လည်း ခုတော့ ကျေးရွာ/ရပ်ကွက်အုပ်ချုပ်ရေးမှူး၊လူကြီး မင်းများထံတွင်၊ကိုယ်တိုင်ရေးလျှောက် လွှာ၊မှတ်ပုံဝင်ပြည်ထောင်စုစာရင်းမိတ်္တု တင်ပြ၍ မဲနှိုက်ရသည့်စနစ်မှာကျင့်သုံးဆဲ ရှိသည်။သူများနိုင်ငံတွင်တယ်လီဖုန်း သည် လမ်းဘေးတွင်၊ကွမ်းယာဝယ်သလို အလွယ်တကူဝယ်လို့ရနေပါသည်။
လွတ်လပ်ရေးရပြီးအခြေခံ ဥပဒေ တွေအကြိမ်ကြိမ်ရေးဆွဲခဲ့ပေမဲ့ ယနေ့ထိ တည်ဆဲဥပဒေကို ပြည်သူတွေကပြင်မယ် တကဲကဲလုပ်နေကြဆဲဖြစ်သည်။ဥပဒေ ရေးဆွဲရာတွင်လည်းပြည်သူလိုက်နာနိုင် သောဥပဒေကိုရေးဆွဲကျင့်သုံးဖို့လိုပေ မည်။
ကူညီထောက်ပံ့မည့်နိုင်ငံတွေ မြန်မာနိုင်ငံဖွံ့ဖြိုးတိုးတက်ရေးအတွက် လာနေကြပြီ။ကြွေးမြီတွေလျော့ချပေးနေ ကြပြီ။နည်းပညာအသစ်တွေနဲ့ရင်းနှီးမြှပ် နှံဖို့လာနေကြပြီ။ပြည်သူတွေက အစိုးရ အပေါ်ယုံကြည်အားကိုးမှုတွေ အပြန် အလှန် ဆောင်ရွက်ကြရန်ပြောဆိုနေကြ ပြီ။
ယိုယွင်းပျက်ဆီးခဲ့ခြင်းများကို ရေး နေက ဆုံးခန်းတိုင်မည်မထင်။ပျက်ခဲ့ သောဘ၀များကို ပြင်ဆင်နိုင်ဖို့ အစိုးရနှင့် ပြည်သူလက်တွဲညီဖို့လိုမည်။ယခုအချိန် တွင်မြန်မာနိုင်ငံအားကစားဝန်ကြီးဌာန ကလည်းစွမ်းစွမ်းတမံဆောင်ရွက်နေကြ ပြီ။
ဒါဆိုရင် နောင်နှစ်၊နောင်တစ်နှစ် ပြီးတော့ နောက်တစ်နှစ်။ဘောလုံးအင် အားကြီးနိုင်ငံတွေ၊အင်္ဂလန်လာမလား၊ ဘရာဇီးလ်လာမလား၊ဂျာမနီလာမလား၊ ပြင်သစ်လာမလား လာချင်တဲ့နိုင်ငံလာ ခဲ့စမ်းပါ။အရှေ့တောင်အာရှနိုင်ငံများသို့ ခြေစမ်းပွဲလာကစားမယ့် အသင်းတိုင်း ထိုင်း၊မလေးရှား၊အင်ဒိုနီးရှား နိုင်ငံများ နည်းတူမြန်မာနိုင်ငံသို့ ၀င်လာကြမည်။ ခြေစမ်းပွဲကစားကြမည်။သူတို့လာလျှင် မင်္ဂလာဒုံလေဆိပ်မှာ သူတို့ကိုကောင်း ကောင်းကြိုဆိုကြမည်။
ခြေစမ်းပွဲများကစားပြီး သူတို့ပြန် လျှင်““မြန်မာနိုင်ပြီ၊ တို့မြန်မာနိုင်ပြီ၊ တိုင်း ပြည်ကပေး..ပေးအပ်လိုက်တဲ့တာဝန် များကို ကြေပွန်ပါမည်။တကယ့်ကို ကြေ ပြွန်ပြီး သောင်းသောင်းပြပြ သီဆိုလို့ အတည် ပြည်သူများဂုဏ်ပြုကြပါမည်””  သီချင်းကိုဆိုပြီး ပြည်တော်ပြန်ဘောလုံး အသင်းများကို ဂုဏ်ပြုလိုက်ပို့ချင်စမ်းပါ ဘိ။
Credit To Hot News Journal

မောင်ချစ်(သူရဲသမိန်)
Read More »

အားလုံးစောင့်ကြည့်နေသော မျိုးစောင့်ဥပဒေ



 ဓာတ်ပုံ- ဂျေမောင်မောင် (အမရပူရ)
ရေးသားသူ- အောင်ခိုင်၊ ရဲနောင်

မှော်ဘီမြို့၌ ဇွန်လ ၁၃ ရက်က ပြု လုပ်ခဲ့သော ဗုဒ္ဓသာသနာ တော်ဆိုင်ရာသြ၀ါဒခံယူပွဲအပြီးတွင် မျိုးစောင့်ဥပဒေနှင့်ပတ်သက်၍ သဘောထားကွဲလွဲမှုများ ကျယ်လောင်စွာထွက်ပေါ်လာခဲ့သည်။

ထောက်ခံသူနှင့် ကန့်ကွက်သူများက ယင်းဥပဒေနှင့်ပတ်သက်၍ ကြေညာချက်များ ဆက်တိုက်ထုတ်ပြန်ခဲ့ကြသည်။

လတ်တလောတွင် ဖြစ်ပွားခဲ့သည့် လူမျိုးရေး၊ ဘာသာရေးအသွင်ဆောင်သည့် ပဋိပက္ခများကြောင့် မျိုးစောင့်ဥပဒေသည် အများစောင့်ကြည့်နေသည့် အကြောင်းအရာတစ်ခု ဖြစ်နေသည်။

မျိုးစောင့်ဥပဒေဟု လူသိများသည့် မြန်မာဗုဒ္ဓဘာသာဝင် အမျိုးသမီးများ လက်ထပ်ထိမ်းမြားခြင်းဆိုင်ရာ အရေးပေါ်ဥပဒေ(မူကြမ်း)ဖြစ်ပေါ်လာရန် ၂၀၁၃ ခုနှစ် မေလ ၆ ရက်က စတင်ခဲ့သည်။ ထိုနေ့က အင်းစိန်ရွာမပရိယတ္တိစာသင်တိုက် ဆရာတော်နှင့် မစိုးရိမ် တိုက်သစ်ဆရာတော် အရှင်ဝီရသူ အပါအ၀င် ဆရာတော်ရှစ်ပါးက အဆိုပါဥပဒေမူကြမ်းရေးဆွဲရန် သဘောတူခဲ့ကြသည်။

မျိုးစောင့်ဥပဒေပြဋ္ဌာန်းရန် ပြည်တွင်းပြည်ပ သံဃာ့ကိုယ်စားလှယ်အပါး ၁၅၀၀ ကျော်က ဇွန်လ ၂၇ ရက် အင်းစိန်သံဃာ့ညီလာခံတွင် တညီတညွတ်တည်းလက်ခံအတည်ပြုခဲ့ကြပြန်သည်။

ယခုအခါ မျိုးစောင့်ဥပဒေကို ကျွမ်းကျင်သော ဥပဒေပညာရှင်များဖြင့် တိုင်ပင်၍ မူကြမ်းအဆင့် ရေးဆွဲထားပြီဖြစ်သည်။ ပြည်သူ၏ ထောက်ခံဆန္ဒမဲများဖြင့် လွှတ်တော်သို့ တင်သွင်းအတည်ပြုနိုင်ရန် ကြိုးပမ်းသွားမည်ဟု ဆရာတော်များက မိန့်ကြားထားသည်။

မျိုးစောင့်ဥပဒေ(မူကြမ်း) တွင် မည်သူမဆို ဗုဒ္ဓဘာသာဝင် မြန်မာအမျိုးသမီးကို လက်ထပ်မည့်သူသည် တရားဝင်ဗုဒ္ဓဘာဘာဝင်ဖြစ်ရမည်။ ဥပဒေပါ ပြဋ္ဌာန်းချက်များကို မလိုက်နာဘဲ လက်ထပ်ခြင်း၊ ပေါင်းသင်းခြင်းပြုလုပ်ပါက ထိုသူကို ထောင်ဒဏ် ၁၀ နှစ် ကျခံစေရန် ပြစ်ဒဏ်ချမှတ်ရမည့်အပြင် ထိုသူပိုင်ပစ္စည်းအားလုံးကိုလည်း သိမ်းယူ၍ ဗုဒ္ဓဘာသာဝင် အမျိုးသမီးအား ပေးရမည်ဟု ဖော်ပြထားသည်။

ယင်းဥပဒေနှင့်ပတ်သက်၍ မိမိအမျိုးဘာသာကို စောင့်ရှောက်ရာတွင် ဥပဒေဖြင့် ကန့်သတ်ခြင်းထက် လူထုပညာပေးစနစ်ဖြင့် ဆောင်ရွက်ခြင်းက ပိုသင့်လျော်မည်ဟု နိုင်ငံရေးပါတီနှင့် တိုင်းရင်းသားအင်အားစုအချို့က ၎င်းတို့ အမြင်ကို သုံးသပ်ပြောကြသည်။

“ကိုယ့်အမျိုးဘာသာကို စောင့်ရှောက်ဖို့ ဘာသာတိုင်းမှာ အနည်းအများရှိတယ်။ ကျွန်တော်တို့ဆိုရင်လည်း ကျမ်းစာတွေမှာ ဘာသာခြားနဲ့ယူတဲ့ အကျိုးအပြစ်တွေပါတယ်။ ဒါပေမဲ့ ဒါက Civil Education အနေနဲ့ လုံလောက်တယ်လို့ ယုံကြည်တယ်။ ဥပဒေတစ်ခုအနေနဲ့ မလိုအပ်ဘူးလို့ ယူဆတယ်။ ဥပဒေဆိုရင် ဒီထက်အရေးကြီးတဲ့ ဥပဒေတွေ အများကြီး ရှိတယ်။ ဒါတွေကို အရင်လုပ်သင့်တယ်လို့ပဲ ပြတ်ပြတ်သားသား ပြောချင်ပါတယ်” ဟု ချင်းအမျိုးသားပါတီဥက္ကဋ္ဌ ဦးဇိုဇမ်က ထောက်ပြပြောဆိုသည်။

မျိုးစောင့်ဥပဒေ ပြည်သူ့ဆန္ဒထောက်ခံမဲများကို အထက်မြန်မာပြည်တွင် အရှင်ဝီရသူ၊ အောက်မြန်မာပြည်တွင် ဆရာတော်ဘဒန္တပညာဝရတို့က တာဝန်ယူကောက်ခံလျက်ရှိသည်။

ယင်းသို့ ကောက်ခံရာတွင် တိုင်းနှင့်ပြည်နယ်များမှ သံဃာတော်များ၊ ဒေသခံလူမှုရေးအဖွဲ့များ၊ နိုင်ငံရေးပါတီအချို့မှ အဖွဲ့ဝင်များတို့က ပါဝင်ဆောင်ရွက်ခဲ့ကြသည်။ အချို့သော မြို့နယ်များတွင် မဏ္ဍပ်များထိုး၍ ကောက်ခံမှု များပင် တွေ့ရသည်။

ရန်ကုန်တိုင်းအတွင်းရှိ မြို့နယ်အချို့၌ မျိုးစောင့်ဥပဒေကို ထောက်ခံသည့် လက်မှတ်ထိုးပွဲများကို ဆွမ်းလောင်းဓမ္မာရုံမဏ္ဍပ်
အချို့တွင် ပြုလုပ်ခဲ့သော်လည်း လက်မှတ်ရေးထိုးခဲ့သည့် လူအများစုမှာ မျိုးစောင့်ဥပဒေနှင့်ပတ်သက်၍ တိတိကျကျသိရှိခြင်းမရှိကြောင်း ကိုယ်တိုင်လက်မှတ်ရေးထိုးခဲ့သူ တစ်ဦးက ပြောကြားခဲ့သည်။

“မနေ့ကအထိ ထောက်ခံမဲ သုံးသန်းလောက်ရပါတယ်။ အထက်ပိုင်းမှာ စစ်ကိုင်းနဲ့ ရှမ်းက အများဆုံးပါ။ လွှတ်တော်ကိုတင်ဖို့ ဆက်လုပ်မှာပါ” ဟု အရှင်ဝီရသူက ဇူလိုင် ၂၁ ရက်က မိန့်ကြားသည်။

မျိုးစောင့်ဥပဒေပြဋ္ဌာန်းနိုင်ခြင်းနှင့် ပတ်သက်၍ မည်သည့်ဘာသာမဆို ထိန်းသိမ်းစောင့်ရှောက်သည့် ဥပဒေများရှိသော်လည်း ထေရ၀ါဒဗုဒ္ဓဘာသာတွင်မူ မရှိသည့်အတွက် ဧည့်သည်များ၏ အနိုင်ကျင့်မှုများ ကြုံတွေ့ခဲ့ရသောကြောင့် ယင်းဥပဒေပေါ်ပေါက်ရန် ကြိုးပမ်းခြင်းဖြစ်ကြောင်း ဆရာတော်များက မိန့် ကြားထားသည်။

ကန့်ကွက်ကြသည့် အဖွဲ့အစည်းများကမူ ယင်းဥပဒေတွင် လူ့အခွင့်အရေးကို ချိုးဖောက်သည့် အချက်များ ပါဝင်သည့်အတွက် သဘောမတူနိုင်ခြင်းဖြစ်ကြောင်း ပြောကြသည်။

ယင်းမျိုးစောင့်ဥပဒေကို Rain Fall ၊ အခရာအမျိုးသမီးအဖွဲ့၊ ကရင်အမျိုးသမီးဖွံ့ဖြိုးရေးအဖွဲ့၊ ဖန်မီးအိမ်၊ ၈၈ မျိုးဆက် (အမျိုးသမီး)၊ Colorful Girls နှင့် Triangel Women Support Group အပါအ၀င် အဖွဲ့အစည်း ရှစ်ခုက ကန့်ကွက်ကြောင်း ကြေညာချက်ထုတ်ပြန်ထားသည်။ ကမ္ဘာ့ကုလသမဂ္ဂအဖွဲ့ အပြည်ပြည်ဆိုင်ရာ လူ့အခွင့်အရေး ကြေညာစာတမ်း အခန်း(၁၆)တွင် အသက်အရွယ်ပြည့်သူ အမျိုးသား၊ အမျိုးသမီးတိုင်းသည် လူမျိုး၊ နိုင်ငံသား (သို့မဟုတ်) ဘာသာရေးအရ ကန့်သတ်ထားမှု တစ်စုံတစ်ရာမရှိဘဲ လွတ်လပ်စွာထိမ်းမြားခွင့်၊ မိသားစုထူထောင်ခွင့်ရှိသည်။ ၎င်းတို့သည် လက်ထပ်ထိမ်းမြားခြင်း မတိုင်မီလည်းကောင်း၊ အိမ်ထောင်ဖက်ဘ၀၌လည်းကောင်း၊ ကွာရှင်းပြတ်စဲရာတွင်လည်းကောင်း တူညီသောအခွင့်အရေးများ ရှိရမည်ဟု ဖော်ပြထားသည်။

မြန်မာ့ဓလေ့ထုံးတမ်းထိမ်းမြားမှုဥပဒေတွင် မည်သူ့ကို လက်ထပ်ခွင့်မရှိဟုမပါဝင်ဘဲ သွေးရင်းသားရင်းမှလွဲ၍ လွတ်လပ်စွာ လက်ထပ်ခွင့်ရှိကြောင်း ဖော်ပြထားသည်။

“၁၉၅၄ အထူးထိမ်းမြားမှုနှင့် အမွေဆက်ခံမှုဥပဒေရှိတယ်။ ပြည့်စုံပြီးသားပါ။ ပြီးရင်လွှတ်တော်ကတစ်ဆင့် လုပ်ရမှာ။ အရမ်းလုပ်လို့ မရဘူး။ လုပ်ရင် ဘောင်မ၀င်ပါဘူး” ဟု ရှေ့နေဦးခင်ဇော် (မရမ်းကုန်း)က သုံးသပ်သည်။

ပြည်ထောင်စုလွှတ်တော်သို့ ဥပဒေကြမ်းများ တင်သွင်းရာတွင် ပြည်ထောင်စုလွှတ်တော်ကိုယ်စားလှယ်များ၊ ပြည်ထောင်စုဝန်ကြီး ဌာနနှင့် အဖွဲ့အစည်းများကသာ တိုက်ရိုက်တင်သွင်းခွင့်ရှိသည်။

“ဒီဥပဒေကြမ်းကို လွှတ်တော်တင်ဖို့ နိုင်ငံရေးပါတီတွေနဲ့ ဆွေးနွေးထားတာ မရှိသေးပါဘူး။ ပြည်သူ့ဆန္ဒမဲနဲ့ တင်သွင်းမှာပါ” ဟု ဆရာတော်ဘဒ္ဒန္တဒေါက်တာ ဓမ္မပီယက မိန့်ကြားထားသည်။ ယခုပြည်သူများ လက်ဝယ်ရောက်ရှိနေသည့် ဥပဒေမှာ မူကြမ်းသာဖြစ်ပြီး အကြိမ်ကြိမ်လေ့လာသုံးသပ်ပြီးမှ အတည်ပြု၍ လွှတ်တော်သို့ တင်ပြမည်ဟုလည်း ဆရာတော်များက မိန့်ကြားသည်။

မျိုးစောင့်ဥပဒေကို ပြည်ထောင်စုအဆင့်နှင့် လွှတ်တော်ကိုယ်စားလှယ်များက တင်ပြလာမှ စဉ်းစားသွားမည်ဟု ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားထားသည်။

နိုင်ငံတော်သည် ဗုဒ္ဓဘာသာ သာသနာတော်ကို နိုင်ငံသားအများဆုံး ကိုးကွယ်ရာဖြစ်သော ဂုဏ်ထူးဝိသေသနနှင့် ပြည့်စုံသည့် ဘာသာသာသနာဖြစ်သည်ဟု နိုင်ငံတော်က အသိအမှတ်ပြုသည်။ နိုင်ငံတော်သည် ခရစ်ယာန်၊ အစ္စလာမ်၊ ဟိန္ဒူနှင့် နတ်ကိုးကွယ်သော ဘာသာတို့ကို နိုင်ငံတော်တွင် ရှိနေကြသော ကိုးကွယ်ရာဘာသာများဟူ၍ အသိအမှတ်ပြုကြောင်း ၂၀၀၈ ဖွဲ့စည်းပုံအခြေခံဥပဒေတွင် ဖော်ပြထားသည်။ မြန်မာနိုင်ငံတွင် ဗုဒ္ဓဘာသာကိုးကွယ်မှုမှာ အများဆုံးဖြစ်ပြီး ၈၉ ရာခိုင်နှုန်းခန့်ရှိကြောင်း သိရသည်။

ယခုကဲ့သို့ အရေးကြီးသည့် အသွင်ကူးပြောင်းရေးကာလတွင် အချင်းချင်းစိတ်ဝမ်းမကွဲသင့်ဘဲ ညှိနှိုင်းဆွေးနွေး အဖြေရှာသင့်ကြောင်း လူမှုရေးအဖွဲ့အစည်းအချို့နှင့် ပညာရှင်များက ထောက်ပြပြောဆိုသည်။

“ကန့်ကွက်တာလည်း ဗုဒ္ဓဘာသာ၊ ဒီဥပဒေကို လုပ်တာကလည်း ဆရာတော်တွေ၊ ဗုဒ္ဓဘာသာတွေ၊ နှစ်ဖက်လုံးက ကောင်းတာကို လိုချင်လို့။ ဒါကြောင့် ဘာဖြစ်လို့ ဒီဥပဒေကို လုပ်တာလဲ ကန့်ကွက်သူတွေကို ဖိတ်ခေါ်ညှိနှိုင်း ဆောင်ရွက်သင့်ပါတယ်။ နှစ်ဖက်ထိပါးတာတွေ မလုပ်သင့်ဘူး” ဟု စာရေးဆရာမ ဒေါ်သန်းမြင့်အောင်က ထောက်ပြပြောဆိုသည်။

မြန်မာနိုင်ငံတွင် ဗုဒ္ဓဘာသာ ကိုးကွယ်သူ အများဆုံးဖြစ်သော်လည်း ခရစ်ယာန်ဘာသာကိုးကွယ်မှုမှာ လေးရာခိုင်နှုန်းခန့်ရှိသည်။ ခရစ်ယာန်ဘာသာကိုးကွယ်မှုမှာ ကချင်၊ ချင်း၊ ကရင်စသည့် တိုင်းရင်းသားများတွင် အများဆုံး ဖြစ်သည်။ ကမ္ဘာတွင် ပြည်တွင်းစစ်
သက်တမ်းအရှည်ဆုံးဖြစ်သည့် မြန်မာနိုင်ငံတွင် တိုင်းရင်းသားမျိုးနွယ်စုများမှာ တန်းတူညီမျှအခွင့်အရေးရှိသည့် ပြည်ထောင်စုစနစ် ဖြစ်ပေါ်လာရန် လိုလားကြသည်။

ယခုမျိုးစောင့်ဥပဒေအတည်ပြုဖြစ်ပါက တိုင်းရင်းသားလူမျိုးစုများအပေါ် အကျိုးသက်ရောက်မှုများ ရှိလာနိုင်ကြောင်း တိုင်းရင်းသားပါတီအချို့နှင့် ခေါင်းဆောင်များက ထောက်ပြသည်။

“ဖက်ဒရယ်စနစ်ကို အနည်းအများတော့ ထိခိုက်မှာပဲ။ ဖက်ဒရယ်ဆိုတာ ကိုယ့်ကြမ္မာကိုယ် ဖန်တီးခွင့်လေ။ နောက်ပြီး အမျိုးသားရေးဝါဒတွေ ပေါ်ထွက်လာမှာကို စိုးရိမ်မိတယ်။ ဥပဒေလုပ်မယ်ဆိုရင် ပါလီမန်ဒီမိုကရေစီကို ဦးတည်တဲ့ဥပဒေမျိုးဘဲ လုပ်သင့်တယ်” ဟု ဦးဇိုဇမ်ကပြောသည်။

နိုင်ငံတော်သမ္မတ ဦးသိန်းစိန်က ရခိုင်ပြည်နယ်တွင် လူ့အသိုင်းအ၀ိုင်းနှစ်ခုကြား ဖြစ်ပွားခဲ့သည့် ပဋိပက္ခကို လူမျိုးရေး၊ ဘာသာရေးပဋိပက္ခအဖြစ် ဒေသတွင်း အရေးကိစ္စ၊ နိုင်ငံတကာအရေး ကိစ္စအဖြစ် ပုံဖော်ပြီး ကုလသမဂ္ဂ မျက်နှာစာတွင် တင်ပြရန် ကြိုးစားမှုများ စတင်တွေ့ရှိလာရပြီဖြစ်ပြီး မိမိတို့နိုင်ငံ ဖွဲ့စည်းပုံအခြေခံဥပဒေတွင် ဘာသာကြီးလေးခုကို အသိအမှတ်ပြုကာကွယ်စောင့်ရှောက်ရမည့် ပြဋ္ဌာန်းချက်များ ပါဝင်ပြီးဖြစ်၍ လူမျိုးရေး၊ ဘာသာရေးခွဲခြားမှုများကို လုံးဝလက်မခံနိုင်ကြောင်း ဇူလိုင် ၂၁ ရက်က ဘာသာပေါင်းစုံချစ်ကြည်ညီညွတ်ရေးအဖွဲ့နှင့် တွေ့ဆုံစဉ် ထည့်သွင်းပြောကြားခဲ့သည်။

Credit To 7Day News Journal

Read More »

အရုဏ်ဦး လွတ်လပ်ရေး (၂)



(နေသန်မောင်)

အောင်ဆန်း၏ ငယ်စဉ်ကာလများ

မြန်မာနိုင်ငံတစ်ခုလုံးကို ဗြိတိသျှတို့ သိမ်းပိုက်ပြီးနောက် နှစ်ပေါင်း ၃၀ အကြာ မြန်မာ့နိုင်ငံရေး ခေတ်သစ်သမိုင်း၌ အရေးပါအရာရောက်မည့် သူတစ်ဦးကို အပူပိုင်းဒေသ အလယ်ပိုင်းအရပ်တွင် မွေးဖွားခဲ့လေသည်။ မကွေးတိုင်း နတ်မောက်မြို့ငယ်လေးတွင် လယ်သမားမျိုးရိုးမှ ဆင်းသက်လာသူ ဦးဖာနှင့် ပဒေသရာဇ်မျိုးရိုးမှ ဆင်းသက်လာသူ ဒေါ်စုတို့ အောင်ဆန်းကို ၁၉၁၅၊ ဖေဖော်ဝါရီ ၁၃ တွင် မွေးဖွားခဲ့သည်။ ဦးဖာသည် လယ်သမားမျိုးရိုးမှ ဆင်းသက်လာသူ ဖြစ်သော်လည်း လယ်သမားလုပ်ငန်းကို တတ်ကျွမ်းသူတစ်ဦး မဟုတ်ခဲ့ပေ။ ဦးဖာသည် နတ်မောက်မြို့ ဒီပင်္ကရာ ဘုန်းတော်ကြီးကျောင်းတွင် ပညာသင်ကြား၍ ရှေ့နေစာမေးပွဲ ဖြေဆိုပြီးနောက် ရှေ့နေတစ်ယောက် ဖြစ်လာခဲ့သည်။ ရှေ့နေတစ်ဦး ဆိုသော်လည်း အနေအထိုင် အင်မတန်ရိုးပြီး လောကီရေးရာတွင် လိမ္မာပါးနပ်မှုမရှိ၊ စကားအလွန်နည်းသူဟု သတ်မှတ်ခြင်းခံရသူ ဖြစ်သည်။

မိခင်ဒေါ်စုမှာ ထက်မြက်လှသော မြန်မာအမျိုးသမီးတစ်ဦးဖြစ်ပြီး အိမ်ထောင့်စီးပွားကို ဦးစီးဦးဆောင်ပြု စီမံခန့်ခွဲရသူ ဖြစ်သည်။ ဘုန်းတော်ကြီး ကျောင်းများတွင် အမျိုးသမီးများ စာသင်ကြားခွင့် မရှိသဖြင့် ဒေါ်စုသည် အတန်းပညာ မတတ်ခဲ့သော်လည်း နှလုံးရည်၊ လက်ရုံးရည်ထက်သော ပဒေသရာဇ်အနွယ်မှ ဆင်းလာသူ ဖြစ်သောကြောင့် ထက်မြက်သည်။ မြန်မာ နိုင်ငံကို ကျွန်ပြုခဲ့သည့် ဗြိတိသျှတို့အား ကနဦးပုန်ကန်ခဲ့သူ မျိုးချစ်များအနက် ဒေါ်စု၏ ဦးလေးတော်စပ်သူ ဗိုလ်မင်းရောင်မှာ ထင်ရှားသည်။

အောင်ဆန်းသည် မွေးချင်းများအနက် ကိုးယောက်မြောက် အငယ်ဆုံးသားဖြစ်ပြီး စတုတ္ထသမီးနှင့် သတ္တမသားတစ်ဦးတို့ ငယ်စဉ်ကတည်းက ကွယ်လွန်ခဲ့သဖြင့် ခုနစ်ဦးအနက် အငယ်ဆုံးသား ဖြစ်သည်။ အောင်ဆန်း၏ မွေးချင်းများမှာ -
၁။ မခင်ညွန့် (၁၉၄၆ ခုနှစ် အသက် ၅၀ တွင် ကွယ်လွန်)
၂။ မဝက် (အပျိုကြီးအဖြစ် ၁၉၅၆ ခုနှစ်တွင် ကွယ်လွန်)
၃။ ကိုဘဝင်း (ဦးအောင်ဆန်းနှင့်အတူ ၁၉၄၇ ခုနှစ်တွင် လုပ်ကြံခံရ)
၎။ မရွှေမှန် (၁၃ နှစ်သမီးအရွယ်တွင် ကွယ်လွန်)
၅။ ကိုနေအောင်
၆။ ကိုညိုမောင်
၇။ ကလေးအရွယ်တွင် ကွယ်လွန်
၈။ အောင်သန်း
၉။ အောင်ဆန်းတို့ ဖြစ်သည်။

အောင်ဆန်း၏ ဇာတာအမည်မှာ ထိန်လင်းဖြစ်သည်။ သူ၏ ဇာတာအပြည့်အစုံမှာ အောက်ပါအတိုင်း ဖြစ်သည်။
“မင်္ဂလာအညီ ရာသီလနှစ် သက္ကရာဇ်ကား ၁၂၇၆ ခု ဒီဃ ၄၇၈ ရဿ သူရိယ မာသ ကုမ်ရာသီ ဝေါဟာ သမယ တပေါင်းလ္ဆန်း ၁ ရက် စနေနေ့သို့အဝင် နံက် ၄ ချက် မတီးမှီ အချိန်တွင် ရတနာသုံးပါး ဦးထိတ္ထားလျက် သတို့သားကို မာတာမိခင် ဖွားသန့်စင်က ချမ်းသာရသည့် အဖဦးဖါ အမိမစု သားမောင်ထိန်လင်းဟူသည် ဇာတာအသက် ၁၂၀ ရှည်စေသော်ဝ်” (မူရင်းသတ်ပုံအတိုင်း)

ကလေးတစ်ဦး မွေးဖွားသည့်အခါ အမည်ပေးခြင်းနှင့် ဇာတာဖွဲ့ခြင်းသည် မြန်မာလူမျိုး ဗုဒ္ဓဘာသာဝင်များအတွက် အရေးကြီးသော လုပ်ဆောင်ချက် ဖြစ်သည်။ မွေးဖွားသည့် ရက်၊ လ၊ ခုနှစ်နှင့် အချိန်အတိအကျတို့ကို နက္ခတ်ပညာရှင်များက စနစ်တကျ တွက်ချက်ပြီး ဇာတာအမည် ဖွဲ့သည်။ သို့သော် ဇာတာအမည်မှာ တရားဝင်အမည် မဟုတ်ပေ။ မြန်မာတို့၏ ဓလေ့ထုံးတမ်းအရ ဇာတာအမည်သည် မွေးဖွားသူ၏ နေ့နံအတိုင်း တွက်ချက်ပြီး မှည့်ခေါ်ရသော ကိစ္စတစ်ရပ် ဖြစ်သည်။ အောင်ဆန်းသည် စနေနေ့တွင် မွေးဖွားသောကြောင့် ဇာတာအမည်အဖြစ် ထိန်လင်းဟု ပေးခြင်းဖြစ်သော်လည်း သူ၏တရားဝင် အမည်မှာ အောင်ဆန်း ဖြစ်သည်။ အောင်ဆန်းနှင့် ထိန်လင်းဆိုသော အမည်နှစ်ခုနှင့် ပတ်သက်ပြီး အစ်ကိုဖြစ်သူ ဦးအောင်သန်းက အောက်ပါအတိုင်း ရေးသားခဲ့သည်။

ထိန်လင်းဆိုသည်မှာ ဇာတာတွင်ပါသည့် အမည်မျှသာ ဖြစ်သည်။ တရားဝင်အမည်လည်း မဟုတ်၊ ငယ်နာမည်လည်း မဟုတ်ပေ။ သူ့အား မည်သူမျှ ထိန်လင်းဟု မခေါ်ခဲ့ကြပေ။ အောင်ဆန်းဟူသော အမည်မှာ ကျွန်တော်ပေးသော အမည်ဖြစ်သည်။ ကျွန်တော်က အာသွက်လျှာသွက်ဖြင့် “ကျုပ် အောင်သန်းဆို သူအောင်ဆန်းပေါ့ဗျာ” ဟု ပြောလိုက်ရာ အောင်ဆန်း တွင်နေသည်။

အောင်ဆန်းသည် ငယ်စဉ်ကတည်းက အင်မတန်ချူချာသော ကလေးတစ်ယောက်ဖြစ်ပြီး သုံးနှစ်သားအထိ စကားမပြောသဖြင့် ဆွံ့အနေမလားဟု မိသားစုက စိုးရိမ်ခဲ့သည်။ မကြာခဏ ဆိုသလို နာမကျန်းခြင်းနှင့် ခန္ဓာကိုယ်အနှံ့ အရေပြားရောဂါများ ဖြစ်သည်ဟု အောင်ဆန်းကိုယ်တိုင် ပြောပြဖူးသည်။ ညီအစ်ကိုမောင်နှမ များအနက် အထွေးဆုံးသား အောင်ဆန်းသည် သူကိုယ်တိုင် ရေးသားခဲ့သည့် မှတ်တမ်းများအရ ညစ်ပတ်ချူချာပြီး အစားကြီးသူ၊ နှစ်လိုဖွယ် လုံးဝမရှိသောသူဟု ဖော်ပြသော်လည်း ပရိယာယ် မရှိခြင်း၊ ဖြောင့်မတ်ခြင်း၊ ကြင်နာသနားတတ်ခြင်း စသည့် ချစ်စဖွယ် စိတ်ဓာတ်များဖြင့် ပြည့်စုံသည်ဟု အောင်ဆန်းကို ငယ်စဉ်ဘဝ ကတည်းက သိသူများနှင့် မိသားစုဝင်များက ကောက်ချက်ချကြပါသည်။

စကားပြောသော အရွယ်သို့ ရောက်သောအခါ အောင်ဆန်းသည် အရာရာကို စူးစမ်းတတ်သော ဉာဉ်ရှိသူ ဖြစ်လာသည်။ လူကြီးများ မဖြေနိုင်သော မေးခွန်းများကို မေးလေ့ရှိသည်။ မိုးတွင်း၊ ဆောင်းတွင်းဟု ပြောကြသော်လည်း အဘယ့်ကြောင့် နွေတွင်း မရှိသလဲ။ ညီအစ်ကို တစ်ဝမ်းကွဲ၊ မောင်နှမတစ်ဝမ်းကွဲ ရှိသော်လည်း အဘယ့်ကြောင့် လင်မယား တစ်ဝမ်းကွဲ မရှိသလဲ ဆိုသည့် မေးခွန်းများကို လူကြီးများက မဖြေနိုင်ခဲ့ပေ။

အောင်ဆန်းသည် အင်မတန်ရိုးလွန်း၊ အလွန်းသော ကလေးငယ်ဖြစ်ပြီး အရိပ်အကဲကို နားမလည်သူ တစ်ယောက်ဖြစ်သည်။ ဒေါ်စုသည် သူမ၏ အထွေးဆုံးသားကို အင်မတန်ချစ်သည်။ အငယ်ဆုံးဖြစ်သဖြင့် အလိုလိုက်ခြင်းကို ခံရသည်။ အောင်ဆန်းကို မွေးသည့်အချိန် နို့ညှာသား အောင်သန်းမှာ ကျောင်းနေသည့် အရွယ်ရောက်နေရာ အောင်ဆန်းမှာ အိမ်၏ဆည်းလည်းလေး ဖြစ်လာသည်။ သားသမီးများ ငါးနှစ်အရွယ်တွင် ကျောင်းစနေရသော်လည်း အောင်ဆန်းကမူ ကျောင်းမတက်လိုဘဲ ငြင်းဆန်သည်။ “အစ်မနေမှ နေမယ်” ဟု ပြောရာ ဒေါ်စုမှာ သားထွေးလေးကို အလိုလိုက်ပြီး ဇွတ်အတင်း ကျောင်းမထားရက် ဖြစ်နေသည်။

အောင်ဆန်းသည် အစ်ကိုအောင်သန်းနှင့် ငယ်စဉ်က တကျက်ကျက် ရန်ဖြစ်လေ့ရှိသည်။ ဦးအောင်သန်း၏ မှတ်တမ်းများတွင် ...“ကျွန်တော်သည် သူ့ကို မကြာခဏ စလေ့ရှိသည်။ ငါက မင်း အရင် ထမင်းစားရတာပါကွာ” ဟု ပြောလျှင် သူအလွန်စိတ်ဆိုးသည်။ မိခင်ကြီးက “ဒါ စိတ်ဆိုးစရာလား၊ သူက အရင်မွေးတော့ ထမင်းအရင် စားရတာပေါ့၊ ဘာဖြစ်သလဲ” ဟု ပြောသည်ကိုပင် လက်မခံ။ ကျွန်တော်ကလည်း သူမကြိုက်မှန်းသိ၍ ခဏခဏပြောသည်။ ခဏခဏ ရန်ဖြစ်ရသည်။ ရန်ဖြစ်ပြီးလျှင် မခေါ်ဘူးဟုပြောကာ ကျွန်တော်တို့ စိတ်ကောက်နေကြသည်။ အောင်ဆန်းသည် ကြာရှည်မနေနိုင်၊ လိုက်ခေါ်တော့သည်” ဟု ဖော်ပြထားသည်။

အောင်ဆန်းသည် အလွန်စပ်စုသော ကလေးမျိုးထဲတွင် ပါဝင်သည်။ ငယ်စဉ်က အိမ်အနားရှိ ကာကာဆိုင်သို့ သွားကာ ဘီလီဆေးလိပ်များကို ဝယ်ကာအထဲတွင် ဘာများပါသနည်းကို သိလိုပြီး ချိုးကြည့်သည်။ ဒေါ်စု သိသောအခါ အောင်ဆန်းလက်ကိုဆွဲ၊ ကာကာဆိုင်သွားပြီး ကလေးကို ဆေးလိပ်ရောင်းသော ကာကာကုလားကို ဆူပူမာန်မဲသည်။ ကာကာကုလားသည် အောင်ဆန်းကိုကြည့်ပြီး “နောက်တစ်ခါလာရင် ဘမ်ဘူး ပေးမယ်” ဟု ပြောလိုက်သည်။ ဘမ်ဘူးပေးသည် ဆိုသည်မှာ ရိုက်မည် ဖြစ်ကြောင်း ဒေါ်စုပြောသဖြင့် သိရသောအခါ အောင်ဆန်းသည် ကာကာဆိုင်သို့ မသွားတော့ပေ။

မိခင်၏ အလိုလိုက်ခြင်းကို ခံရသည့် အောင်ဆန်းသည် နေမကောင်းဖြစ်၍ ဆေးသောက်ရသောအခါ ငွေပေးမှ သောက်မည်ဆိုသဖြင့် ဒေါ်စုမှာ ငွေပေးပြီး ဆေးတိုက်ရသည်။ ထို့ကြောင့် အောင်ဆန်း၌ ငွေဒင်္ဂါးလေး၊ ငါးဆယ်ခန့် ရှိတတ်သည်။ ကာကာဆိုင် မသွားရဲသဖြင့် လိုသမျှကို အစ်ကို အောင်သန်းက ဝယ်ပေးသည်။ တစ်နေ့ ညီအစ်ကိုနှစ်ယောက် ရန်ဖြစ်သောအခါ အောင်ဆန်းက သူ့ငွေကိုပေးရန် ပြန်တောင်းသည်။ မိခင်ဒေါ်စုက “နင်ဘာဖြစ်လို့ အစကပေးသလဲ” ဟု မေးရာ “အိုး။ သူက ညီအစ်ကိုချင်းပဲကွာ ဘာညာနဲ့ ချော့တောင်းတာကိုးဗျ” ဟု ပြောသဖြင့် ရယ်ကြရသည်။

အောင်ဆန်းသည် ငယ်စဉ်ကလေးဘဝ အရွယ်ကတည်းက ဖြောင့်မတ်သူဖြစ်ပြီး လိမ်ညာမပြောတတ်၊ မှန်သည့်အတိုင်းသာ ပြောတတ်ကြောင်း မိခင်ဖြစ်သူ ဒေါ်စု ဥပမာတစ်ခုပေးကာ ဆိုဖူးသည်။

“တစ်နေ့၌ အောင်ဆန်းသည် အိမ်အောက်ထပ်တွင် တစ်ယောက်တည်း ကစားရင်း သူ၏အစ်မတစ်ဦး ရက်လုပ်ထားသော ရက်ကန်းစင်မှာ ပိုးရောချည်ပါ လုံချည်စကို ချည်ဖြတ်သော ဓားငယ်ကလေးဖြင့် ထိုးဖောက်ကစားပစ်၏။ ရက်ပြီးသားချည်စမှာ အသုံးပြု မရလောက်အောင် ဓားဖောက်ရာ ဗလပွနှင့် ပျက်စီးသွား၏။ အမေစု သိသောအခါ စိတ်ဆိုးပြီး ဘယ်သူလုပ်သွားသည်ကို ဟိုလူမေး၊ ဒီလူမေးနှင့် လူစုံအောင် မေး၏။ လက်သည်ကို ရှာမတွေ့။ တစ်နေရာတွင် တစ်ယောက်တည်း ကစားနေသော အောင်ဆန်းကို မသင်္ကာ၍ ခေါ်ရိုက်၏။ ကြောက်ပါပြီ ဟုလည်းမပြော၊ ဘာမျှပြန်မပြောချေ။ အမေစုက “အောင်ဆန်း။ ဒါ မင်းလုပ်တာလား” ဟု မေးသောအခါ “ဟုတ်တယ်” ဟု ဝန်ခံ၏။ အောင်ဆန်းသည် အရိုက်ခံရမည်ကို သိလျက်နှင့် လိမ်ညာ မပြောတတ်ခြင်းကို သဘောကျလှသဖြင့် ဆက်မရိုက်တော့ပေ။

Credit To The Voice Weekly

(ဆက်လက်ဖော်ပြပါမည်)
Read More »

အသွင်ကူးပြောင်းကာလ နိုင်ငံရေးရာ လုပ်ငန်းဆောင်တာများ


ဒီမိုကရေစီ အသွင်ကူးပြောင်း ကာလတွေမှာ အစိုးရ၊ နိုင်ငံတကာ အဖွဲ့အစည်းများ၊ နိုင်ငံရေးပါတီများ၊ လူထုအခြေပြု အဖွဲ့အစည်းများ၊ အန်ဂျီအိုများမှ ပါဝင် ဆောင်ရွက်သင့်တဲ့ နိုင်ငံရေးရာ လုပ်ငန်း ဆောင်တာများ ရှိပါတယ်။ ပဋိပက္ခ စီမံခန့်ခွဲမှုရဲ့ ဗဟိုချက်မကို နိုင်ငံရေးရာ လုပ်ငန်း ဆောင်တာများ အဖြစ် ပညာရှင်များက သတ်မှတ်ထားကြပါတယ်။

နိုင်ငံရေးရာ လုပ်ငန်း ဆောင်တာများကို အကောင်အထည် ဖော်ဆောင်သူများဟာ ပဋိပက္ခ ဖြစ်ပွားမှု ဆိုင်ရာ အခြေခံ အကြောင်းရင်းများ၊ ဖြစ်ပွားခဲ့ပုံ အခြေအနေများ၊ ပဋိပက္ခမှာ ပါဝင် ပတ်သက်သူများရဲ့ အကျိုးစီးပွားများကို ခြုံငုံ သိရှိနေဖို့ လိုအပ်ပါတယ်။

သို့မှသာ ငြိမ်းချမ်းရေး ဖြစ်စဉ်မှာ ပါဝင်ရန် လိုအပ်တဲ့ ခေါင်းဆောင်များ၊ ပညာရှင်များ၊ ဒေသခံ အဖွဲ့အစည်းများအား ဆန်းစစ်ခြင်း၊ ပဋိပက္ခ အဆင့်ဆင့်မှာ ပါဝင် ပတ်သက်သူများနှင့် ဆက်သွယ်ရေး လမ်းကြောင်းများ တည်ဆောက်ခြင်း၊ နိုင်ငံရေး ဖွံ့ဖြိုး တိုးတက်မှု အခြေအနေများအား ဆန်းစစ်ခြင်း၊ ငြိမ်းချမ်းရေး သဘောတူ စာချုပ်များအား အကောင်အထည် ဖော်ဆောင်ရေး မဟာဗျူဟာများ ချမှတ်ခြင်း၊ ပဋိပက္ခများမှာ သွယ်ဝိုက် ပတ်သက်နေသော နိုင်ငံများမှ သံတမန်များနှင့် ဆွေးနွေး ညှိနှိုင်းခြင်း၊ လူသားချင်း စာနာမှုဖြင့် အကူအညီပေးနေသော အဖွဲ့အစည်းများနှင့် ဆွေးနွေးခြင်း၊ အစိုးရ တာဝန်ရှိသူများအား မူဝါဒရေးရာ အကြံပြုခြင်း၊ နိုင်ငံရေး အင်စတီကျူးရှင်းများ တည်ဆောက် ခြင်း၊ ငြိမ်းချမ်းရေး ဖော်ဆောင်ရာမှာ လိုအပ်သော ကူညီ ထောက်ပံ့မှုများနှင့် အရင်းအမြစ်များအား ရှာဖွေခြင်း စတဲ့ နိုင်ငံရေးရာ လုပ်ငန်း ဆောင်တာများကို စနစ်တကျ ပူးပေါင်း ဆောင်ရွက်နိုင်မှာ ဖြစ် ပါတယ်။

ဒီလို ပူးပေါင်း ဆောင်ရွက်ရေးအတွက် နိုင်ငံရေးရာ ဌာနများ ထားရှိပြီး သက်ဆိုင်ရာ အဖွဲ့အစည်း အလိုက် နိုင်ငံရေး အကြံပေး (Political Advisor) များ၊ နိုင်ငံရေးရာ အရာရှိ (Political Affairs Officer) များ ထားရှိခြင်းအားဖြင့် လုပ်ငန်းများ ချောမွေ့စေရေးအတွက် ဆောင်ရွက်နိုင်ပါတယ်။

နိုင်ငံရေး အကြံပေးများနဲ့ နိုင်ငံရေးရာ အရာရှိများကို အသွင်ကူးပြောင်း ကာလအတွက် ရွေးချယ် ခန့်အပ်ရာမှာ များသောအားဖြင့် နိုင်ငံရေး သိပ္ပံ ဘွဲ့ရများ၊ နိုင်ငံတကာ ဆက်ဆံရေး ဘွဲ့ရများကို အသုံးပြုလေ့ ရှိပါတယ်။ အချို့နိုင်ငံများမှာတော့ ပဋိပက္ခ အခြေအနေနဲ့ ပတ်သက်ပြီး နားလည် သိရှိတဲ့ ဥပဒေ ဘွဲ့ရများ၊ သံတမန်များ၊ စာနယ်ဇင်းသမားများ၊ ကျောင်းဆရာများနဲ့ မနုဿဗေဒဘွဲ့ရ များကိုပါ ရွေးချယ် ခန့်ထားလေ့ ရှိပါတယ်။

အသိပညာ ဗဟုသုတက အရေးကြီးတာ မှန်ပေမယ့် ဒီထက်ပိုပြီး အရေးကြီးတာကတော့ ပဋိပက္ခကို မကြီးထွားစေဘဲ လျော့ကျစေလိုသော အတွေးအခေါ် ရှိမှုနဲ့ အခြေအနေနဲ့အညီ ဆီလျော်သော သုံးသပ် ဆန်းစစ်ချက်များ လုပ်ဆောင်နိုင်မှု အရည်အချင်းပဲ ဖြစ်ပါတယ်။

နိုင်ငံရေး အကြံပေးများနဲ့ နိုင်ငံရေးရာ အရာရှိများရဲ့ လုပ်ငန်း တာဝန်များကို ဖော်ပြရာမှာ ကဏ္ဍကြီး လေးခုကို ခွဲခြား ဖော်ပြလေ့ ရှိပါတယ်။ ဒီကဏ္ဍကြီး လေးခုကတော့ စေ့စပ် ဆွေးနွေးခြင်း (Negotiation)၊ ညှိနှိုင်း ဆောင်ရွက်ခြင်း (Coordination)၊ စောင့်ကြည့် လေ့လာ၍ တိုးတက်မှုများ အား အစီရင်ခံခြင်း (Monitoring and Reporting on Developments)၊ သုတေသန ပြုခြင်း၊ ဆန်းစစ် လေ့လာခြင်းနှင့် မူဝါဒရေးရာ စီမံချက်များ ချမှတ်ခြင်း (Research, Analysis and Policy Planning) စတာတွေပဲ ဖြစ်ပါတယ်။

အသွင် ကူးပြောင်းကာလရဲ့ ချောမွေ့ အောင်မြင်မှုဟာ နိုင်ငံရေး မဟာဗျူဟာ (Political Strategy) အပေါ်မှာ အဓိက မူတည်ပါတယ်။ နိုင်ငံရေး မဟာဗျူဟာအပေါ်မှာ အခြေခံတဲ့ ယူဆချက်များ၊ ရည်မှန်းချက် ပန်းတိုင်များ၊ ဖြစ်ပွားစေလိုသော နိုင်ငံရေး အဆင့်ဆင့် ပြောင်းလဲ တိုးတက်မှုများကို အကောင်အထည် ဖော်ဆောင်နိုင်မှသာ ထိရောက်မှု (Effectiveness) ရရှိမှာ ဖြစ်ပါတယ်။

နိုင်ငံရေး မဟာဗျူဟာများ ရေးဆွဲရာမှာ သက်ဆိုင်ရာ အစုအဖွဲ့များမှ နိုင်ငံရေး အကြံပေးများနဲ့ နိုင်ငံရေး အရာရှိများမှ ပါဝင် ရေးဆွဲခြင်း၊ စဉ်ဆက်မပြတ် အကဲဖြတ်ခြင်း၊ သင့်လျော်သော ညှိနှိုင်း ပြင်ဆင်မှုများ ပြုလုပ်ခြင်းဖြင့် အားလုံး ပါဝင်နိုင်မှု သဘောတရား (All Inclusiveness) ကို ကျင့်သုံးနိုင် ပါတယ်။ ဒီလို ကျင့်သုံးမှုဟာ ပဋိပက္ခမှာ ပါဝင် ပတ်သက်သော အစုအဖွဲ့များ အဆမတန် များပြားတဲ့ နိုင်ငံတွေရဲ့ နိုင်ငံရေး ဒိုင်ယာလော့ခ် (Political Dialogue) များကို အထောက်အကူ ဖြစ်စေနိုင်ပါ တယ်။

နိုင်ငံရေးရာဌာန (Political Affairs Unit) ဟာ အသွင်ကူးပြောင်း ကာလမှာ အဖွဲ့အစည်း အသီးသီး မှာ ထားရှိသင့်တဲ့ အခြားဌာန တစ်ခုဖြစ်တဲ့ ပြည်သူ့ သတင်းဌာန (Public Information Unit) နဲ့ အနီးကပ် ပူးပေါင်း ဆောင်ရွက်မှုများ ပြုလုပ်ပြီး နိုင်ငံရေး ဆန်းစစ်ချက်များနဲ့ တိုးတက် ပြောင်းလဲမှု ဆိုင်ရာများကို ပြည်သူလူထုထံ တင်ပြပေးဖို့ လိုအပ်ပါတယ်။ သို့မှသာ ပွင့်လင်း မြင်သာမှု (Transparency) ရှိလာပြီး၊ တိုးတက် ပြောင်းလဲမှုတွေမှာ ပြည်သူရဲ့ ပါဝင် ပတ်သက်မှု (Public Participation) မြင့်တက်လာမှာ ဖြစ်ပါတယ်။

နိဂုံးချုပ် ဆိုရရင် နိုင်ငံရေး မဟာဗျူဟာများ ပူးပေါင်း ချမှတ်ခြင်း၊ အစုအဖွဲ့များနှင့် နိုင်ငံတကာအကြား ညှိနှိုင်း ဆွေးနွေးမှုများ ပြုလုပ်ခြင်း၊ နိုင်ငံရေး ဖြစ်ပေါ် ပြောင်းလဲမှုများအား အကဲဖြတ်ခြင်း၊ အစီရင်ခံစာ များ ရေးသားခြင်း၊ ပြည်သူလူထု၏ ပါဝင် ပတ်သက်မှု အခန်းကဏ္ဍကို မြှင့်တင်ပေးခြင်း စတဲ့ အသွင် ကူးပြောင်း ကာလဆိုင်ရာ နိုင်ငံရေးရာ လုပ်ငန်း ဆောင်တာများကို သက်ဆိုင်ရာ အစုအဖွဲ့အလိုက် နိုင်ငံရေး ဌာနများ ဖွဲ့စည်း ထားရှိခြင်းဖြင့် အကောင်အထည် ဖော်ဆောင်နိုင်ပါကြောင်း ရေးသား တင်ပြအပ်ပါတယ်။

ခင်မမမျိုး 
Credit To The Voice Weekly
Read More »

စကားတစ်ခွန်း အမှားအယွင်း



(ဌေးအောင်ကို)

လေလှိုင်းသံ တစ်ခုရဲ့ ဆွေးနွေးခန်း တစ်ခုမှာ ပါတီခေါင်းဆောင် တစ်ဦးက ပြောပါတယ်။ တိုင်းရင်းသားပါတီ တချို့ဟာ ဗမာ မုန်းတီးရေးကို အခြေခံတဲ့ သန္ဓေမမှန်တဲ့ စိတ်တွေ ထားရှိနေ တယ်တဲ့။ ဒီအချက်ကို တိုင်းရင်းသား ခေါင်းဆောင် တစ်ဦးက အမျိုးသား ပြန်လည် သင့်မြတ်ရေး တည်ဆောက်နေချိန်မှာ ယခုလို သုံးနှုန်း ပြောဆိုလိုက်ခြင်းဟာ မသင့်တော်သလို မှန်ကန်မှုလည်း မရှိကြောင်း ပြောသူရဲ့ သမိုင်းလည်း ဖြစ်သွားနိုင်ကြောင်း ချေပ ပြောဆိုလိုက်ပါတယ်။

တိုက်တိုက်ဆိုင်ဆိုင်ပါပဲ။ ၂၀၁၀ တုန်းကလည်း ထိုပါတီ ခေါင်းဆောင်ပဲ ပြောဖူးပါ တယ်။ ကျွန်တော်တို့ တိုင်းပြည်ရဲ့ နိုဘယ်လ်ဆုရှင် တစ်ဦးကို ဝေဖန်ရာမှာ ဒီဆုပေးတာဟာ အနောက်နိုင်ငံ က သူမကို အကောင်ကြီးအောင် လုပ်ပေးလိုက်တာသာ ဖြစ်ကြောင်း၊ ဒါမှ အစိုးရကို ယှဉ်တဲ့အခါ ဝိတ် တစ်ခု ရှိလာမှာ ဖြစ်တဲ့အကြောင်း ဆွေးနွေးခန်း တစ်ခုမှာပဲ ပြောဖူးတာပါပဲ။ ဆုရွေးချယ်ရေး အဖွဲ့ရဲ့ သမာသမတ် မျှတမှုကို ထိခိုက်သလို ဆုလက်ခံ ရရှိသူရဲ့ ဂုဏ်သိက္ခာကိုလည်း အသိအမှတ် မပြုသလို ဖြစ်သွားနိုင်တဲ့အတွက် မုဒိတာပြော ပြောရမှာကို မစ္ဆရိယပြော ပြောသူလို့ အထင်ရောက် သွားနိုင်ပါတယ်။

ယခုလည်း တိုင်းရင်းသားတွေနဲ့ သင့်မြတ်ရေးအတွက် ပြောရမယ့် အချိန်မျိုးမှာမှ ပြောလိုက်တဲ့အခါ ကျတော့ စကားမလှနိုင်တော့ဘဲ မိမိ ပါတီဝင်များ အတွက်ပါ မျက်နှာပူစရာ ဖြစ်ကုန်ပါတော့တယ်။ စကားတစ်ခွန်း အမှားအယွင်းဟာ ကြောက်စရာ ကောင်းလှပါတယ်။

အသွားမတော် တစ်လှမ်းဆိုတာက သွားမိသူ ကာယကံရှင်ကိုသာ ထိခိုက်နိုင်ပါတယ်။ အစားမတော် တစ်လုတ် ဆိုတာကလည်း စားမိသူ ကာယကံရှင်ကိုပဲ အဆိပ်သင့်စေမှာပါ။ အဲ အပြောမတော်တဲ့ တစ်ခွန်းကတော့ဖြင့် မိသားစုအရေး ရပ်ရေး ရွာရေး နိုင်ငံအရေး ကမ္ဘာ့အရေးအထိ ကြီးမားတဲ့ သက်ရောက်မှုတွေ ရှိသွားစေပါတယ်။ မိတ်ဆွေချင်း ကွဲတာ၊ လင်မယားချင်း ကွာတာ၊ ပထမ ကမ္ဘာစစ် ဖြစ်တာ၊ ဒုတိယ ကမ္ဘာစစ် ဖြစ်တာတွေ အားလုံးဟာ စကားမတော် တစ်ခွန်းတွေပါပဲ။

ကြမ်းကျွံရင် နုတ်လို့ရတယ်။ စကားကျွံရင် နုတ်လို့ မရတတ်ပါဘူး။ သတိထားရမယ့် ကိစ္စပါပဲ။ ကျွန်တော်တို့ မြတ်ဗုဒ္ဓက ရာဟုလာကို အကြိမ်ပေါင်း တစ်သောင်း ရှစ်ကြိမ်အထိ ဟောဖော် ညွှန်ပြဖူး တဲ့ စကား ရှိပါတယ်။

ချစ်သား ရာဟုလာ
ဆင်ခြင်၍ ဆင်ခြင်၍ ကိုယ်ဖြင့် ပြုမူရာ၏။
ဆင်ခြင်၍ ဆင်ခြင်၍ နှုတ်ဖြင့် ပြောဆိုရာ၏။
ဆင်ခြင်၍ ဆင်ခြင်၍ စိတ်ဖြင့် ကြံစည်ရာ၏။

ဒီလို စကားကို အကြိမ်ပေါင်းများစွာ ဟောတာတောင်မှ ဆင်ခြင်၍ဆိုတဲ့ စကားလုံးကို တစ်ခါ ဆင်ခြင်ရုံနဲ့ မလုံလောက်လို့ နောက်ထပ် တစ်ခါ ဆင်ခြင်စေပြီးမှ ပြောစေချင်တာကို ထောက်ရှုခြင်း အားဖြင့် လူတွေ အပြောအဆို အပြုအမူတွေ ဘယ်လောက် မှားနေနိုင်ကြမလဲ ဆိုတာကို တွေးကြည့်ရင် သိနိုင်ပါတယ်။

ကျွန်တော် ဒီဆောင်းပါးရေးတာ ပုဂ္ဂလ ဓိဋ္ဌာန် မပါပါ။ အဆိုပါ ခေါင်းဆောင်အနေနဲ့လည်း ကျွန်တော့် ထက် တိုင်းပြည်အပေါ်မှာ ထားရှိတဲ့ စိတ်စေတနာ ပိုလို့သာလျှင် ယခုအသက်အရွယ်အထိ ပါတီခေါင်း ဆောင်အဖြစ် ဆောင်ရွက်နေတဲ့ အပေါ်မှာလည်း လေးစားမှု အပြည့်နဲ့ပါပဲ။
ကျွန်တော့်ကိုယ် ကျွန်တော်တော့ မီဒီယာသမား တစ်ယောက်လို့ ခံယူထားလို့သာ အကျိုးအကြောင်း အဆိုးအကောင်း ဆက်စပ်မှုတွေကို ရေးဖွဲ့ပြနေတာ ဖြစ်ပါတယ်။

တစ်ချိန်က နိုင်ငံခေါင်းဆောင် တစ်ဦးက လက်နက်မဲ့ အပြစ်မဲ့ ကျောင်းသားတွေကိုမှ တုတ်တုတ်ချင်း ဓားဓားချင်း ယှဉ်မယ်လို့ စိန်ခေါ်ခဲ့တဲ့ စကားရယ်၊ စစ်တပ်ဟာ ပစ်ရင် တည့်တည့်ပဲ ပစ်တယ်။ မိုးပေါ် ထောင်မပစ်ဘူး။ ဒီတစ်ခါ ဆူဆူပူပူ လုပ်မယ်ဆိုရင်တော့ မသက်သာဘူးသာ မှတ်ကြပေတော့ ဆိုတဲ့ စကားတွေဟာ ရိုင်းတဲ့သမိုင်း ဖြစ်ခဲ့ပြီ။

၁၉၉၀ ရွေးကောက်ပွဲနေ့မှာ ကိုယ်တိုင် မဲလာပေးတဲ့ နိုင်ငံခေါင်းဆောင် ဆိုသူကို သတင်းထောက်က အကယ်၍ NLD ကသာ အနိုင်ရခဲ့ရင် အာဏာလွှဲပေးမလား မေးတော့ ချက်ချင်း လွှဲပေးလိုက်မှာပေါ့ ဆိုတဲ့ စကားကလည်း ယုံတမ်း စကားတစ်ခုအဖြစ် သမိုင်း တွင်ရစ်ခဲ့ပြီ။

ကျုပ်တို့က ဝန်ထမ်းတွေဗျာ၊ ဖွဲ့စည်းပုံ ရေးဆွဲရေးဆိုတာ ကျုပ်တို့နဲ့ မဆိုင်ဘူး။ နောက်တက်လာမယ့် အရပ်သား အစိုးရက လုပ်လိမ့်မယ်။ ရွေးကောက်ပွဲ ပြီးတာနဲ့ စစ်တန်းလျား ပြန်မယ်ဆိုတဲ့ စကား ကလည်း ကတိစကား မဟုတ်ဘဲ ကလိတဲ့ စကားပဲ ဖြစ်သွားခဲ့ပြန်တယ်။

နိုင်တဲ့ ပါတီက အင်တာဗျူး တစ်ခုမှာ ဖြေတယ်။ ကျွန်တော်တို့ကို အာဏာလွှဲကို ပေးမှာက အသေအချာပဲဗျ။ ဘာလို့လဲဆိုတော့ သူတို့ မြို့နယ် ရုံးတိုင်းမှာ ချိတ်ဆွဲထားတဲ့ ဆိုင်းဘုတ်တွေကို ဖတ်ကြည့်ပါလားဗျာ။ တိတိကျကျ မှန်မှန်ကန်ကန် မြန်မြန်ဆန်ဆန်လုပ် တပ်မတော်လို့ ရေးထားတဲ့ အတိုင်း လုပ်မှာပါဆိုပြီး မကြာခင်မှာတော့ သူတို့ စတက်ကတည်းက ချိတ်ဆွဲထားတဲ့ ဆိုင်းဘုတ်တွေ ဘယ်ရောက်သွားမှန်း မသိအောင်ကိုပဲ ကြက်ပျောက် ငှက်ပျောက် ပျောက်ကုန် ကြပြန်တယ်လေ။

တရားခံဆိုတာ တရားတဲ့လူတွေ ခံရတာကိုသာ ပြောတာလား အောက်မေ့ရတယ်။ ဒီပဲယင်းဆိုတဲ့ ဝါရင့် နိုင်ငံရေးသမားကြီး တစ်ဦး အဆိုအရ ဗိုလ်ချုပ်တို့ ပွဲပြီးရင် ဒုတိယ လုပ်ကြံမှုကြီးပါပဲလို့ တင်စားခံရတဲ့ ၂၀၀၃ မေလ ၃၀ ရက် လုပ်ကြံတဲ့ ပွဲကြီးမှာတော့ စကား မှားတာလား တရားမှား တာလား နှစ်မျိုးစလုံးပဲလား မသိ၊ ခံရသူက တရားခံ ရန်လိုသူက တရားလိုဖြစ် တရားဥပဒေ ဓားမိုးတဲ့ ခေတ်လို့ ပြောရမယ် ထင်တယ်။ တရားလို တရားခံ ပြောင်းပြန် လန်သွားခဲ့တယ်။

အရပ်သား အစိုးရ တစ်ရပ် အနေနဲ့ ဖြစ်ထွန်း ပေါ်ပေါက်လာတဲ့ ဒီဘက် ခေတ်မှာတော့ ဒါမျိုးတွေ မဖြစ်ဘူး ဆိုပေမယ့် ၂၀၀၈ ဖွဲ့စည်းပုံထဲမှာလည်း နောက်ကြောင်းပြန် သက်ရောက်မှု မရှိစေရ ဆိုထား ပေမယ့် လက်တွေ့ပိုင်းမှာတော့ လွတ်ငြိမ်းချမ်းသာခွင့်နဲ့ လွတ်လာသူများရဲ့ နောက်ကြောင်းပြန် ထောင် ကြွေးကျန် စနစ်တွေ တိုက်ဖျက်ပစ်ဖို့ မီဒီယာ စာမျက်နှာပေါ်တွေမှာ စာပေနဲ့ ဆက်လက် တိုက်ပွဲဝင်နေဆဲ အနေအထားမှာတော့ ရှိနေပါသေးတယ်။ ဒါဟာ ဥပဒေ စကားတွေနဲ့ ပတ်သက်တဲ့ အမှားအယွင်းတွေပါပဲ။

၂၀၁၀ ရွေးကောက်ပွဲ ကာလမှာတုန်းက ကျွန်တော် နယ်မှာပါ။ မဲရုံကိုလည်း မရောက်ခဲ့။ ရွေးကောက်ပွဲနိုင်ရင် လမ်းခင်းပေးမယ် ပြောတဲ့အကြောင်း ရပ်ကွက်လူကြီး ကျွန်တော့်ကို လာပြောပါ တယ်။ ကောင်းတာပေါ့ဗျာလို့ပဲ ပြန်ပြောလိုက်ပေမယ့် တကယ်တမ်း နိုင်ပြီးတဲ့ အခါမှာတော့ ယနေ့ အထိ ကျောက်ခဲ တစ်လုံး မမြင်ရသေး။ လူကတော့ ဝေးရော။ ရပ်ကွက်လူကြီးလည်း အသံ မထွက် တော့။ ဘားမားကို မြန်မာလို့ ပြောင်းတာက အသံထွက်မှန်အောင် ပြောင်းတာပါတဲ့။ ဟုတ်ကဲ့ပါ ပြည်သူကို ပေးထားတဲ့ ကတိစကားတွေ မှန်ဖို့ မမှားဖို့တွေက တိုင်းပြည်အတွက် အရေးအကြီးဆုံးလို့ ပဲ မြင်မိပါတယ်။

ကျွန်တော်တို့ အထက ခွဲကို ယခင် ဝန်ကြီး တစ်ပါး ရောက်လာပါတယ်။ နောက်ရက် သတင်းစာထဲမှာ လေဆာ ပရင်တာ လှူသွားတယ်လို့ ပါလာပါတယ်။ ဒါပေမဲ့ အဲဒီသတင်းစာထဲက အလှူဟာ အပြင်ကို ရောက်မလာခဲ့၊ လေဆာ ပရင်တာ ဆိုတာလည်း ဒီကနေ့ထိ ဖြူသလား မည်းသလား မမြင်ဖူးတော့။

စကား တစ်ခွန်းရဲ့ အမှားအယွင်းတွေကြောင့် တိုင်းပြည်နဲ့ချီပြီး နစ်နာနိုင်တာတွေကို ရေးဖွဲ့ပြရတာပါ။ မကြာသေးခင်ကတောင်မှ တာဝန်ရှိ ပုဂ္ဂိုလ် တစ်ဦးက လယ်သမားတွေကို ထမင်းတစ်နပ် လျှော့စားပြီး အကြွေးဆပ်ဖို့ အကြံကောင်းတွေ ပေးသွားတော့ ဂျာနယ်လောကမှာ ဘယ်လောက် ပွက်လောရိုက် ကုန်လဲ။ သူပြောတဲ့ စကားက တစ်ခွန်းတည်းပါပဲ။

မြစ်ဆုံ စီမံကိန်းကို ဘယ်သူပဲ တားတား ဆက်လုပ်မှာပဲဆိုတာလည်း စကား တစ်ခွန်းသာ။ သမ္မတက သူတစ်ယောက်တည်း ဆန္ဒနဲ့ မြစ်ဆုံကို ရပ်ခဲ့တယ် ဆိုတာလည်း စကား တစ်ခွန်းမျှသာ။ ဒါပေမဲ့ ဒီစကားတွေရဲ့ အကျိုး သက်ရောက်မှုတွေကတော့ မသေးလှ။ ပြည်သူတွေ အနေနဲ့လည်း မီးပြတ်ရင် ဖယောင်းတိုင်လေးတွေ ထွန်းကြဖို့ လိုတယ် ဆိုတာလည်း တစ်ခွန်းတည်းပါ။ ခံရသူ ပြည်သူတွေမှာ တော့ မသက်သာလှ။

ပြည်သူတွေဆိုတာ တကယ်တော့ ဗွေယူတတ်သူများ မဟုတ်ကြ။ သူတို့အပေါ် တကယ်ကို စေတနာ အရင်းခံနဲ့ ပြောဆို လုပ်ကိုင်သူလို့ ယုံကြည်ရင် မှားလည်း ခွင့်လွှတ်တတ်သူများပါ။ ဗိုလ်ချုပ်ရဲ့ တိုင်းပြည်နဲ့ လူမျိုးအပေါ် ထားတဲ့ စေတနာကို ယုံကြည်တော့ ဗိုလ်ချုပ် မိန့်ခွန်းတွေမှာ အဆဲပါတောင် လက်ခုပ်သြဘာသံက မစဲ။ သူ ကရုဏာ ဒေါသောနဲ့ ပြောမှန်း လူတိုင်း သိလို့ပါပဲ။ ကျန်တဲ့သူ ဆဲကြည့် ပါလား။ တရားပွဲမှာ ခဲမိုး ရွာသွားမှာပေါ့။ အရေးအခင်း ဖြစ်တုန်းက လာနားထောင်နေတဲ့ သောင်းချီတဲ့ ပရိသတ်ကို တပ်မတော်ကို စိတ်နဲ့တောင် မပြစ်မှားနဲ့ဆိုတဲ့ ပုဂ္ဂိုလ် တစ်ဦးရဲ့ စကား တစ်ခွန်းကြောင့် ဟင်ခနဲ ဖြစ်သွားတာလည်း ကြားဖူးမှာပါပဲ။ လူတိုင်းတော့ အမှားမကင်းနိုင်ကြပါ။ ကိုယ်မှားတယ်လို့ သိရင် ပြင်ရဲဖို့၊ ဝန်ခံရဲဖို့ သတ္တိတော့ ရှိရမယ် ထင်ပါတယ်။ တချို့ မိမိအပေါ် စေတနာ သန့်သန့်နဲ့ ဆောင်ရွက် လုပ်ကိုင်ပေးသူ အပေါ်မှာမှ ရွေးပြီး အထင်လွဲ စော်ကားမိပြီး အခြေအနေမှန်ကို သိသွား တော့လည်း ဝန်ခံရဲရမယ့်အစား သတ္တိနည်းစွာနဲ့ မိမိသာ အမှန် ခံရသူ အမှားလို့ပဲ ပတ်ဝန်းကျင် ဆက်မြင်အောင် ရောယောင်နေတတ်သူများလည်း ရှိပါတယ်။ လူအမျိုးမျိုး စိတ်အထွေထွေပါပဲ။

လူဆိုတာ မှားတတ်တယ်။ ဒါကြောင့် ခဲတံရဲ့နောက်မှာ ခဲဖျက် ထည့်ထားတာဆိုတဲ့ ဆရာအောင်သင်း ရဲ့ စာပေ ဟောပြောပွဲက အသံ ကလေးကိုလည်း ပြန်လည် ကြားယောင်မိလိုက်ပါတယ်။ မမှားသော ရှေ့နေ မသေသော ဆေးသမားမရှိ ဆိုတာလည်း ဖတ်မှတ် လေ့လာဖူးပါတယ်။ သူတစ်ပါး အမှားမှ သင်ခန်းစာ ယူတတ်လျှင် ကိုယ်တိုင်မှားရန် မလိုအပ်တော့ချေဆိုတဲ့ တက်ကျမ်း စာပေကိုလည်း အမှတ်ရ နေပါတယ်။ မှားဖူးမှ မှန် ကြုံဖူးမှ ရဲလို့လည်း ကြားဖူးပါတယ်။ အမှားကြာလျှင် အမှန်ဖြစ် ဆိုတဲ့ စကားလည်း ရှိပါတယ်။ ဆရာမှားရင် ဆောရီး တပည့် မှားရင်တော့ ဗြောတီးတဲ့။ မှားမှန်း သိပြီး ပြင်ရင် ပညာရှိ၊ မှားမှန်း သိလျက်နဲ့ မပြင်တာ လူမိုက်၊ မှားမှန်းမသိ ဆက်မှားနေတာကတော့ လူအ ပါပဲတဲ့။

ဘာပဲပြောပြော စကားပြောတဲ့အခါ အမှားအယွင်း မရှိဖို့ အမှားအယွင်း နည်းဖို့ အမှားအယွင်း ရှိရင် လည်း ပြင်ရဲ ဝန်ခံရဲဖို့ စကားမှန်ရင်တောင်မှ အသံမမှားဖို့ ပြောတော့ မေတ္တာတရား၊ အသံက ဒေါသတွေ များမနေဖို့ စေတနာမှန်ဖို့ လုပ်ရပ်မှန်ဖို့ လိုပါတယ်။ ကျွန်ုပ်ကြောင့် လူမျိုးရေး ပဋိပက္ခ မဖြစ်စေရဆိုတဲ့ စာတန်းလေး မြင်လိုက်ရတော့ စိတ်လက် ချမ်းသာ သွားမိသလို ကိုယ်ပြောတဲ့စကား ဤမှန်သော သစ္စာစကားတွေကြောင့် ကြားရသူအပေါင်းက သာဓု အနုမောဒနာ ခေါ်ဆိုနိုင်တဲ့ စိတ်ချမ်းသာ နားချမ်းသာ တိုင်းပြည် ချမ်းသာသွားစေနိုင်တဲ့ အသံရှင်များ ဖြစ်နိုင်ကြစေဖို့သာ ဆန္ဒပြု လိုက်ရပါတယ်။

Credit To The Voice Weekly
Read More »

အရုဏ်ဦး လွတ်လပ်ရေး (၁)



(နေသန်မောင်)

နိဒါန်း

မှောင်အတိစိုးမိုးထားသော ညဥ့်၏နက်ရှိုင်းမှု ပြယ်လွင့်တော့မည့် အရိပ်အယောင်ကို မတွေ့ရသေးသော်လည်း ရန်ကုန်မြစ်အတွင်း အသင့် အနေအထား ရှိနေသည့် စစ်သင်္ဘော တစ်စင်းသည် အချိန်တစ်ခုကို စောင့်ဆိုင်းနေသည်။ နာရီလက်တံများ တရွေ့ရွေ့ လှုပ်ရှားနေကြသည်။ အေးမြသော ဆောင်းလေအဝှေ့တွင် စစ်သင်္ဘောမှ အလံတိုင်ပေါ်ထက်ဝယ် ယူနီယံဂျက်အလံသည် တဖျတ်ဖျတ် လွင့်နေသည်။ ဘာမင်ဟမ် စစ်သင်္ဘောအနီးရှိ ဘင်ခရာတပ်ဖွဲ့သည် အဆင်သင့် အနေအထားဖြင့် စောင့်ဆိုင်းနေသည်။ အရုဏ်သည် မကြာမီ ရောက်လာတော့မည်။ နေ့သစ်တစ်ခုကို မကြာမတင် စတင်ရတော့မည်။ ထိုနေ့သည် လွန်စွာအရေးပါသော သမိုင်းဝင်နေ့တစ်နေ့ ဖြစ်လာမည်။

နံနက် ၄ နာရီ မိနစ် ၂၀ တိတိတွင် ဘာမင်ဟမ် စစ်သင်္ဘောပေါ်မှ အမြောက်များ စတင် ပစ်ဖောက်လိုက်သည်နှင့် ဘင်ခရာအဖွဲ့သည် ဗြိတိသျှ အမျိုးသားသီချင်းကို တီးခတ်လေသည်။ ထိုအခါ အလံတိုင်ပေါ်ရှိ ယူနီယံဂျက်အလံသည် တဖြည်းဖြည်း လျှောကျလာသည်။ သင်္ဘောဥသြဆွဲသံများ ရန်ကုန်မြစ်အတွင်း ဆူဝေသွားသည်။ မီးကျည်မီးပန်းများ ဒိန်းခနဲဒိန်းခနဲ ပစ်ဖောက်သံဖြင့် အိပ်မောကျနေသော ရန်ကုန်မြို့သည် ရုတ်ခြည်းနိုးထသွားသည်။ တစ်ချိန်တည်းမှာပင် ဘုရားရှိခိုးကျောင်းမှ ခေါင်းလောင်းသံများ ထွက်ပေါ်လာသည်။ ထိုအရုဏ်တက်သည် ကျက်သရေမင်္ဂလာအပေါင်းနှင့် ပြည့်စုံလှသော အခါသမယကြီးတစ်ခု ဖြစ်သွားလေတော့သည်။

ရဲစိုသော အနီရောင်အောက်ခံ၏ အပြာရောင်ထောင့်ချိုးပေါ်မှ ကြယ်ဖြူငါးလုံးပါ ပြည်ထောင်စု မြန်မာနိုင်ငံတော် အလံသည် အမျိုးသားသီချင်းသံ နှင့်အတူ အလံတိုင်ပေါ် တလူလူ လွင့်တက်သွားသည်။ ထိုတစ်ခဏသည် လွတ်လပ်သော ပြည်ထောင်စု နိုင်ငံတော်တစ်ခုကို မွေးဖွားပေးလိုက်လေသည်။ တိုင်းပြုပြည်ပြု လွှတ်တော်ခန်းမရှေ့ အလံတိုင်ပေါ်သို့ နိုင်ငံတော် သစ်တစ်ခု မွေးဖွားလိုက်သည့် အထိမ်းအမှတ်အဖြစ် အမျိုးသားအလံမှာ တဖျတ်ဖျတ်လွင့်နေသည်။

နံနက် ၄ နာရီ မိနစ် ၄၀ တွင် တိုင်းပြုပြည်ပြု လွှတ်တော်ခန်းမ အတွင်းရှိ စုရုံးရောက်ရှိနေသော မင်းပရိသတ်တို့ ရှေ့မှောက် ဂုဏ်ကျက်သရေ မြင့်မားလှသော သမ္မတကြီး စဝ်ရွှေသိုက်သည် ဝန်ကြီးချုပ်သခင်နု၊ ပါလီမန် ယာယီဥက္ကဋ္ဌ ပျော်ဘွယ်ဦးမြ နှင့်အတူ ဝင်ရောက်လာသည်။ သမ္မတကြီး စင်မြင့်ပေါ် နေရာယူပြီးသည့်နောက် ပြည်ထောင်စုသမ္မတ မြန်မာနိုင်ငံတော်၏ သမ္မတရာထူးကို လက်ခံယူကြောင်း ဖွဲ့စည်းပုံ အခြေခံဥပဒေကို ကိုင်တွယ်ကာ ကျမ်းကျိန်သစ္စာဆိုသည်။ ထို့နောက် ဝန်ကြီးချုပ်ဦးနုသည် မိန့်ခွန်း စတင်မြွက်ကြားသည်။

“တော်လှန်ရေးဆိုတဲ့ လမ်းစဉ်ကြီးမှာဆိုရင် လွတ်လပ်ရေးအတွက်ဟဲ့ ဆိုပြီး သွေးချောင်းစီးရတဲ့ လူတွေလည်း ဒုနဲ့ဒေးပဲ။ ကိုယ်လက်အင်္ဂါ ပျက်စီးကြရတဲ့ လူတွေလည်း ဒုနဲ့ဒေးပဲ။ အနှိပ်အစက် အမျိုးမျိုးခံကြရတဲ့ လူတွေလည်း ဒုနဲ့ဒေးပဲ။ ထောင်သွင်း အကျဉ်းခံရတဲ့ လူတွေလည်း ဒုနဲ့ဒေးပဲ။ နောက်ဆုံးလွတ်လပ်ရေး ဆိုတဲ့ ယစ်ပလ္လင်မှာ ကျွန်တော်တို့ရဲ့ ခေါင်းဆောင်ကြီး ဖြစ်တဲ့ ဗိုလ်ချုပ်အောင်ဆန်းနဲ့ အပေါင်းပါ ဝန်ကြီးများမှာ သွေးနဲ့ ပူဇော်သွားကြရရှာတယ်။ အဲဒီလို ခေတ်အဆက်ဆက်မှာ လွတ်လပ်ရေးအတွက် သေမင်းနဲ့ ဒုက္ခအမျိုးမျိုးနဲ့ ရင်ဆိုင် တိုက်ခိုက်ပြီး ကျဆုံးသွားကြတဲ့ ကြီးငယ်မဟူ ကျား-မ မရွေး ပုဂ္ဂိုလ်အားလုံးရဲ့ ပယောဂကြောင့် ကျွန်တော်တို့ တတွေဟာ ဒီနေ့ဒီအချိန်ကစပြီး လွတ်လပ်ရေးဆိုတဲ့ ဆုထူးဆုမြတ်ကို ပန်ဆင်နိုင်ကြရတယ်။ ဒီတော့ လွတ်လပ်ရေးဟာ ဒီပုဂ္ဂိုလ်တွေရဲ့ ကျေးဇူးပဲ။ ဒီနေ့လိုမျိုးမှာဆိုရင် ဒီပုဂ္ဂိုလ်တွေရဲ့ကျေးဇူးကို ကျွန်တော်တို့ မတွေးတော မအောက်မေ့ဘဲ မနေနိုင်ဘူး။ တွေးမိရမှာပဲ။ အောက်မေ့မိရမှာပဲ။ ဒီနေ့မှာဆိုရင် နေဝန်းမထွက်မီ ရောင်နီပေါ်ခါစ ကတည်းက ဒီပုဂ္ဂိုလ်တွေရဲ့ ကျေးဇူးကြောင့် ဗမာ ပြည်ကြီးဟာ အချုပ်အခြာ အာဏာပိုင် လွတ်လပ်သော သမ္မတနိုင်ငံ ဖြစ်လာခဲ့တယ်။ နောင်အနာဂတ် အတွက်မှာဆိုရင် ကျွန်တော်တို့ ဗမာနိုင်ငံသားများဟာ ကျွန်တော်တို့ရဲ့ အလိုဆန္ဒအတိုင်း ကျွန်တော်တို့ရဲ့ နောင်ရေးကို ကျွန်တော်တို့ ပြုပြင်ဖန်တီးသွားနိုင်ပြီ” (မူရင်းသတ်ပုံအတိုင်း)

ကောင်းကင်တွင် ရောင်နီပျိုးလေပြီ။

အချုပ်အခြာအာဏာ လက်လွတ် ဆုံးရှုံးခဲ့ရသည့် ၁၈၈၅ ခုနှစ်မှ စတင်ကာ ဗြိတိသျှ ကိုလိုနီအောက် ကျရောက်ခဲ့ရသည့် အဆိုပါ တိုင်းပြည်သည် ယခုအခါ လွတ်လပ်သော သမ္မတနိုင်ငံတော်သစ် တစ်ခုအဖြစ် ကျက်သရေရှိစွာ ပေါ်ထွန်းလာခဲ့ပြီ။ ထိုကဲ့သို့သော အမျိုးသားရေး ဂုဏ်သရေကို ပြန်လည် အရယူပေးနိုင်ခဲ့သော ပုဂ္ဂိုလ်သည် လွန်ခဲ့သည့် ခြောက်လခန့်၌ လွတ်လပ်ရေးလမ်းပေါ် တိုင်းပြည်ကြီးကို ဆွဲတင်နေစဉ် ကျဆုံးခဲ့သည်။ ထိုပုဂ္ဂိုလ်၏ ကျေးဇူးတရားကို လူတိုင်း အထူးတလည် အောက်မေ့သတိရ နေကြသည်။ ပြည်ထောင်စုသမ္မတ မြန်မာနိုင်ငံတော်၏ ဝန်ကြီးချုပ်သည် ကိုအောင်ဆန်းကြောင့် တို့ဗမာအစည်းအရုံးသို့ ဝင်ရောက်ကာ ကိုလိုနီဆန့်ကျင်ရေး လှုပ်ရှားမှုတွင် သခင်နု ဖြစ်ခဲ့သည်။ ဗိုလ်ချုပ်အောင်ဆန်းကြောင့် နိုင်ငံရေးထဲသို့ ဝင်ရောက်လာပြီး ဖဆပလ အဖွဲ့ချုပ်၏ ဒုတိယဥက္ကဋ္ဌ ဖြစ်လာခဲ့သည်။ ဦးအောင်ဆန်းကြောင့် တိုင်းပြုပြည်ပြု လွှတ်တော်၏ နာယက ဖြစ်လာခဲ့သည်။ ထို့နောက် ဝန်ကြီးချုပ် ဖြစ်လာခဲ့သည်။ သို့သော် ဝန်ကြီးချုပ် အနား ထိုသူကား မရှိတော့။

(ဆက်လက်ဖော်ပြပါမည်)

Credit To The Voice Weekly
Read More »

နယ်စပ်ဖြတ်ကျော် ထိခိုက်မှုများကို ကြိုတင်ခန့်မှန်းခြင်း (Transboundary Environmental Impact Assessment) (TEIA)


ပါမောက္ခ ဦးညိုမောင် (ရုက္ခဗေဒ)

စပ်ဖြတ်ကျော် ထိခိုက်မှုများ ကြိုတင်ခန့်မှန်းခြင်းသည် နယ်စပ် ဖြတ်ကျော် စီမံချက်များ (Transboundary Project) များ၏ အရေးပါသော အစိတ်အပိုင်း တစ်ခု ဖြစ်သည်။ နယ်စပ်ဖြတ်ကျော် စီမံချက်များတွင် အပြည်ပြည်ဆိုင်ရာမြစ်များ (International Rivers) နှင့် နယ်စပ်မြစ်များ (Border Rivers) ပေါ်တွင် ဆည်များ တည်ဆောက်ခြင်း၊ ရေလွှဲမြောင်းဖြင့် ရေလွှဲယူခြင်း၊ နယ်စပ်ဒေသ များတွင် အထူးစီးပွားရေးဇုန်များ တည်ထောင်ခြင်း (Development of Special Economic Zone in Border Area) နှင့် နယ်စပ်မြစ်ဝှမ်းများ စီးပွားရေး တိုးတက်ဖွံ့ဖြိုးမှု ဧရိယာတို့တွင် တည်ဆောက်ရေး စီမံကိန်းများကြောင့် နယ်စပ်ဖြတ်ကျော် ထိခိုက်မှုများ ဖြစ်ပေါ်လာမည်ဖြစ်ရာ နယ်စပ် ဖြတ်ကျော် ထိခိုက်မှုများ ကြိုတင်ခန့်မှန်းခြင်း လုပ်ဆောင်ရန် လိုအပ်မည် ဖြစ်သည်။

နိုင်ငံအများစု၏ ပတ်ဝန်းကျင် ထိခိုက်မှုများ ကြိုတင်ခန့်မှန်းခြင်း ဥပဒေ (EIA Law) သည် နိုင်ငံအတွင်း လုပ်ဆောင်မည့် စီမံကိန်း (Plan)၊ စီမံချက် (Project) နှင့် အစီအမံ (Program) များနှင့်သာ သက်ဆိုင်လျက် ရှိနေသည်။ နယ်စပ်ဖြတ်ကျော် ထိခိုက်မှုများနှင့် ပတ်သက်သော အာမခံမှု မပါဝင်သည်ကို တွေ့ရသည်။ ထို့ကြောင့် နယ်စပ်ဖြတ်ကျော် စီမံချက်များ (Transborder Project) တွင် နယ်စပ်ဖြတ်ကျော် ထိခိုက်မှုများ ကြိုတင်ခန့်မှန်းခြင်း (TEIA) သည် မရှိမဖြစ် လိုအပ်သော ပတ်ဝန်းကျင် ကာကွယ်စောင့်ရှောက်ခြင်း၏ အစိတ်အပိုင်းတစ်ခု ဖြစ်လာသည်။ သက်ဆိုင်ရာ နိုင်ငံများအကြား နှစ်ဦးနှစ်ဖက် နားလည်မှု စာချွန်လွှာတွင် (Memorandum of Understanding - MoU) နှစ်နိုင်ငံပူးတွဲပြီး ဒေသဆိုင်ရာ ကြိုတင်ခန့်မှန်းမှု (Regional Assessment) ပြုလုပ်ရန် ထည့်သွင်းရမည် ဖြစ်ပါသည်။

ဤဆောင်းပါး၏ အဓိကရည်ရွယ်ချက်မှာ တည်ဆောက်ဆဲနှင့် တည်ဆောက်မည့် သံလွင်မြစ်ကြောင်း စီမံချက်များ (Projects on Thanlwin River) အတွက် တရုတ်ပြည်သူ့သမ္မတနိုင်ငံ၊ ထိုင်းနိုင်ငံတို့နှင့် ပတ်ဝန်းကျင် ကြိုတင်ခန့်မှန်းခြင်း မဟာဗျူဟာ (Strategic Environmental Assessment: SEA) နှင့် ပတ်သက်သော လမ်းညွှန်ချက်များ ချမှတ်ရန်နှင့် ထိုနိုင်ငံများနှင့် MoU ရေးထိုးရာတွင် TEIA ဆောင်ရွက်ရန်ကို ထည့်သွင်းရန် ဖြစ်ပါသည်။

၂၀၁၃ ခုနှစ် မေလ ၂၈ ရက်နှင့် ၂၉ ရက်နေ့တို့တွင် ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် ဆွေးနွေးပွဲခန်းမတွင် ကျင်းပခဲ့သော Workshop on Value of Thanlwin/Salween/Nu River:Ecosystem Resources Conservation and Management တွင် တင်ပြဆွေးနွေးခဲ့သော အကြောင်းအရာတစ်ခု ဖြစ်ခဲ့ပါသည်။ ဆွေးနွေးပွဲတွင် တရုတ်ပြည်သူ့သမ္မတနိုင်ငံမှ ပညာရှင်နှစ်ဦး၊ ထိုင်းနိုင်ငံမှ ပညာရှင် ၆၀ ဦးနှင့် မြန်မာနိုင်ငံမှ ပညာရှင်များ၏ စာတမ်းဖတ်ခြင်း၊ အပြန်အလှန် ဆွေးနွေးခြင်းများ ပါဝင်ခဲ့ရာ သံလွင်မြစ်ကို တန်ဖိုးထားသူများအားလုံး သိသင့်သော အကြောင်းအရာများ ဖြစ်လာသည်။ အထူးသဖြင့် မူဝါဒ ချမှတ်သူများနှင့် ပတ်ဝန်းကျင် ဝန်ကြီးဌာနမှ တာဝန်ရှိသူများ သိရှိရန် အရေးကြီးပါသည်။

လက်ရှိအချိန်တွင် သံလွင်မြစ်သည် လွတ်လပ်စွာ စီးဆင်းလျက်ရှိသော မြစ်တစ်ခု (Free Flowing River) ဖြစ်နေပါသည်။ သို့သော် အနာဂတ်ကာလတွင်မူ တရုတ်ပြည်သူ့သမ္မတနိုင်ငံ နယ်နိမိတ်အတွင်း ရေအားလျှပ်စစ်ဆည် ၁၃ ခုနှင့် မြန်မာနိုင်ငံ နယ်နိမိတ်အတွင်း ဆည် ခုနစ်ခု တည်ဆောက်ရန် အဆိုပြုထားရာ သံလွင်၏ အနာဂတ်သည် အကြီးအကျယ် ပြောင်းလဲတော့မည် ဖြစ်ပါသည်။ ထို့ပြင် သံလွင်မြစ်ရေ ၂ ဒသမ ၂ ဘီလီယံ ကုဗမီတာ (2.2 billion cubic meter) ကို ထိုင်းနိုင်ငံ ဘူမိဘောဆည်သို့ ရေလွှဲမြောင်းဖြင့် ရေလွှဲမည်ဟု ဆိုထားရာ သံလွင်မြစ်ရေသည် တစ်စက္ကန့်လျှင် ၃၀၀၀ ကုဗမီတာနှုန်း (3000M3/sec) ဖြင့် ဘူမိဘောဆည်တွင်းသို့ စီးဆင်းတော့မည် ဖြစ်ပါသည်။

သံလွင်မြစ်ကြောင်းတွင် မြစ်ညာပိုင်း (Up Stream) သည် တရုတ် ပြည်သူ့သမ္မတနိုင်ငံ ပိုင်နက် နယ်နိမိတ်တွင် တည်ရှိပြီး မြစ်ခြေပိုင်း (Downstream) သည် မြန်မာနိုင်ငံ ပိုင်နက် နယ်နိမိတ်တွင် ရှိပါသည်။ မြစ်ညာပိုင်းတွင် စီးဆင်းနေသောရေကို အပြောင်းအလဲ လုပ်ခဲ့လျှင် မြစ်ခြေပိုင်းရေ (Downstream Hydrology) ပြောင်းလဲမှုမှာ ရှောင်လွှဲမရပါ။ ထို့ကြောင့် မြစ်ခြေပိုင်းတွင် သက်ရောက်မည့် ထိခိုက်မှုများကို သိရှိရန် TEIA သည် မြန်မာနိုင်ငံအတွက် ‘အမျိုးသားရေးကိစ္စ’ ဖြစ်ပါသည်။ ဆွေးနွေးပွဲတွင် TEIA နှင့် ပတ်သက်၍ စာရေးသူကိုယ်တိုင် ပါဝင်ဆွေးနွေးခဲ့ရာ တရုတ်ပညာရှင်များ၏ အဖြေကလည်း ရှင်းပါသည်။ “ဒီကိစ္စက မင်းတို့ကိစ္စ မင်းတို့လုပ်ရမှာ” ဟု ဖြစ်ပါသည်။ ထို့ကြောင့် ‘အနာဂတ်သံလွင်’ အမည်ဖြင့် ဆောင်းပါး ရေးသားရန် ရည်ရွယ်ထားပါသည်။ သို့သော် TEIA သည် လတ်တလော လုပ်ဆောင်ရမည့် အရေးကိစ္စ ဖြစ်နေသောကြောင့် ဦးစွာ တင်ပြရခြင်း ဖြစ်ပါသည်။

ဥပမာ ထောက်ပါမည်။ တရုတ်ပြည်သူ့သမ္မတနိုင်ငံ၊ ရုရှားနိုင်ငံနှင့် မြောက်ကိုရီးယားနိုင်ငံတို့ သုံးနိုင်ငံပိုင်သော တူမင်းမြစ် (Tuman River) သည် တရုတ်ပြည်၏ အရှေ့မြောက်ပိုင်းတွင် ရှိပါသည်။ မြစ်ဝမှ ပထမ ၁၆ ကီလိုမီတာအထိ အပိုင်းသည် ရုရှားနှင့် မြောက်ကိုရီးယားနိုင်ငံကြား နယ်စပ်မြစ် (Border River) ဖြစ်သည်။ ၎င်းမှ အပေါ်ပိုင်းသည် တရုတ်နှင့် မြောက်ကိုရီးယားကြား နယ်စပ်မြစ် ဖြစ်သည်။ တရုတ်ပြည်က ပင်လယ်ထွက်ပေါက် ရေကြောင်းလမ်းကို အသုံးပြုပိုင်ခွင့် တောင်းခံသည်။ သုံးနိုင်ငံ၏ မြစ်ဝှမ်းဒေသများအတွက် စိုက်ပျိုးရေးနှင့် စက်မှုဖွံ့ဖြိုးတိုးတက်မှုအတွက် အရေးပါသော မြစ်ဖြစ်သည်။ ပစိဖိတ်သမုဒ္ဒရာရှိ တူမင်းမြစ်ဝကျွန်းပေါ်ဒေသ (Tuman Delta an Pacific Ocean) ၏ ဇီဝမျိုးစုံလင်ကြွယ်ဝခြင်း (Biodiversity) သည် ကမ္ဘာလုံးဆိုင်ရာ အရေးပါမှုတစ်ခု ဖြစ်သည်။ ဂျလဲလင်းဒေသ (Jilin Province) SEA အစီရင်ခံစာအရ တူမင်းမြစ်ရေသည် စက်မှုလုပ်ငန်းများမှ ထုတ်လွှတ်သော အညစ်အကြေးများကြောင့် ညစ်ညမ်းနေသည်။ မြစ်ရေ၏ ၇၅ ရာခိုင်နှုန်းသည် သောက်သုံးရန်နှင့် စက်မှုနှင့် စိုက်ပျိုးရေးတွင် အသုံးပြုရန် မသင့်ဖြစ်နေသည်။ ထိုညစ်ညမ်းမှုသည် တရုတ်ပြည်အပိုင်းရှိ ပျော့ဖတ်နှင့် စက္ကူစက်ရုံမှ အညစ်အကြေးရည်များ မြစ်ထဲသို့ စွန့်ပစ်ထုတ်လွှတ်ခြင်းကြောင့် ဖြစ်သည်။

၁၉၉၅ ခုနှစ် ဒီဇင်ဘာလတွင် တူမင်းမြစ်ကြောင်းဒေသ ရေရှည် ဖွံ့ဖြိုးမှုကို ကူညီရန် အစိုးရများဆိုင်ရာ အဖွဲ့အစည်း (Intergovermental Organization) အဖြစ် တူမင်းမြစ်ကြောင်း ဧရိယာ ဖွံ့ ဖြိုးတိုးတက်မှု ပူးပေါင်းဆောင်ရွက်ရေး ကော်မတီ (Tuman River Area Development Coordination Committee) နှင့် တူမင်းမြစ်ကြောင်း စီးပွားရေးဧရိယာ ဖွံ့ဖြိုးတိုးတက်မှုအတွက် အတိုင်ပင်ခံ ကော်မရှင် (The Consultative Commission for Development of Tuman River Economic Area) တို့ကို ဖွဲ့စည်းရန် မြောက်ကိုရီးယား၊ တရုတ်နှင့် ရုရှားနိုင်ငံတို့ သဘောတူညီချက် လက်မှတ်ရေးထိုးကြသည်။ ထို့နောက် The Greater Tuman Initiative (GTI) in Northeast Asia ဟုခေါ်တွင်သော တရုတ်၊ မြောက်ကိုရီးယား၊ တောင်ကိုရီးယား၊ မွန်ဂိုလီးယားနှင့် ရုရှားတို့ ပါဝင်သော အစိုးရများ ပူးပေါင်းဆောင်ရွက်သောဖြစ်စဉ် (The Intergovermental Coorperation Mechanism) တစ်ခုဖြစ်ပေါ်လာခဲ့သည်။ ၁၉၉၅ ခုနှစ်၏ သဘောတူညီချက်အရ တူမင်းမြစ်ကြောင်း ဧရိယာ ဖွံ့ဖြိုးမှု အစီအစဉ် (Tuman River Area Development Program) ချမှတ်ရေးဆွဲနိုင်ခဲ့သည်။ အတိုင်ပင်ခ ကော်မရှင်တွင် GTI နိုင်ငံများ၏ အစိုးရ ကိုယ်စားလှယ်များ ပါဝင်ပြီး အဓိကဆုံးဖြတ်ချက်များ ချမှတ်သည့် အဖွဲ့အစည်း (Core Decision Making Institution) ဖြစ်လာခဲ့သည်။

အပြည်ပြည်ဆိုင်ရာ အဖွဲ့အစည်းများနှင့် တူမင်းအတိုင်ပင်ခံ ကော်မရှင်တို့ ပူးပေါင်းဆောင်ရွက်မှုဖြင့် SEA (Strategic Enviromental Assessment) တွင် TEIA ၏ အခန်းကဏ္ဍကို ထည့်သွင်းခဲ့သည်။

ထို့ပြင် ပတ်ဝန်းကျင်ဆိုင်ရာ ကြိုတင်ခန့်မှန်းခြင်း အစီအစဉ်၊ လျော့ပါး သက်သာစေမည့် အစီအမံနှင့် စီမံခန့်ခွဲမည့် အစီအစဉ်များ (Enviromental Assessment, Mitigation and Management Plan-EAMMP) ကို ပထမပိုင်း Article 1.1 အနေနှင့် MoU တွင် ထည့်သွင်းပြီး သက်ဆိုင်ရာ နိုင်ငံများ၏ ကိုယ်စားလှယ်များက လက်မှတ်ရေးထိုးခဲ့သည်။ Articel 1.5 တွင် TEIA လိုအပ်ချက်ကို ထည့်သွင်းထားသည်။

UNDP က ထောက်ခံသော Greater Tuman Initiative (GTI) in Northeast Asia တွင်မူ တရုတ်၊ ရုရှားနှင့် မြောက်ကိုရီးယားအပြင် မွန်ဂိုလီးယားနှင့် တောင်ကိုရီးယားပါ ပါဝင်ခဲ့သည်။ ထိုနိုင်ငံများက လူမှုရေး၊ စီးပွားရေး ဖွံ့ဖြိုးမှုနှင့် ရေရှည်တည်တံ့ ခိုင်မြဲသော တိုးတက်မှု (Social and Economic Property and Sustainable Development) တို့ကို မျှဝေခံစားရန် ဖော်သောပုံစံကို နမူနာယူနိုင်ရန် တင်ပြခြင်း ဖြစ်ပါသည်။

သံလွင်အရေးကိစ္စမှာ အမျိုးသားရေး ဖြစ်ပါသည်။ တရုတ်ပြည်သူ့ သမ္မတနိုင်ငံ၊ ထိုင်းနိုင်ငံတို့နှင့် ဆွေးနွေးပြီး (Intergovermental Organization) အစိုးရများဆိုင်ရာ အဖွဲ့အစည်းများအဖြစ် သံလွင်မြစ်ကြောင်း ဖွံ့ဖြိုးတိုးတက်ရေး ကော်မတီနှင့် သံလွင်မြစ်ဝှမ်း ဖွံ့ဖြိုးတိုးတက်ရေး အတိုင်ပင်ခံ ကော်မရှင် (Thanlwin River Development Coordination Committe and The Consultative Commision for the Development of Thanlwin River Basin) တို့ ဖွဲ့စည်းတည်ထောင်ရန် အကြံပြုအပ်ပါသည်။ ထိုကော်မတီမှ သံလွင်မြစ်ဝှမ်းဒေသ စီးပွားရေး ဖွံ့ဖြိုးတိုးတက်မှု အစီအစဉ် (Thanlwin River Basin Economic Development Program) ရေးဆွဲရန်လိုပါမည်။ UNDP ကဲ့သို့သော ကုလသမဂ္ဂ အဖွဲ့အစည်းများကိုလည်း ဖိတ်ခေါ်ဆွေးနွေး အကြံဉာဏ်များ ရယူနိုင်ပါသည်။ ထိုအစီအစဉ်တွင် TEIA လုပ်ဆောင်ရန်ကို သဘောတူညီမှု စာချွန်လွှာတွင် ထည့်သွင်း (MoU) လက်မှတ်ရေးထိုးရန် အကြံပြုပါသည်။

သံလွင်၏ တန်ဖိုးကို အလေးထားကြပါစို့။
(Let’s respect the value of Thanlwin.)

Credit To The Voice Weekly

Ref:
Promoting Transboundary EIA in China: The Greater Tumen Initiative
Simon Marsden, by Law School, Flinder University, Adelaide, Australia
Read More »

ဗိုလ်ချုပ်မှူးကြီး(ငြိမ်း)ဦးသန်းရွှေသတိမေ့မြောသွားသည် ဆိုသောသတင်း


ယခင်နိုင်ငံတော်အေးချမ်း သာယာရေးနှင့်ဖွံ့ဖြိုးရေးကောင်စီ ဥက္ကဋ္ဌအဖြစ်နိုင်ငံတော်အကြီးအ ကဲ တာဝန်ယူခဲ့သော ဗိုလ်ချုပ်မှူး ကြီး အငြိမ်းစားဦးသန်းရွှေပြီးခဲ့ သည့် တနင်္ဂနွေနေ့ညနေ၌ မြန်မာရုပ်ရှင်ဇာတ်ကားတစ်ခု ကိုမိသားစုနှင့်အတူကြည့်ရှုနေ စဉ်အတွင်း သတိမေ့မြောသွား ကြောင်းအင်တာနက်သတင်း စာမျက်နှာများ၌ သတင်းပျံ့နှံ လျှက်ရှိသည့်အပေါ် ဗိုလ်ချုပ်မှူး ကြီး(ငြိမ်း)ဦးသန်းရွှေနှင့်နီးစပ်သူ အချို့အား ဆက်သွယ်မေးမြန်းခဲ့ ရာ အဆိုပါသတင်းမှာ မဟုတ် မှန်ကြောင်းနှင့်ကောလာဟလ တစ်ခုသာဖြစ်ကြောင်းပြန်လည် ပြောကြားခဲ့သည်။
““ဗိုလ်ချုပ်မှူးကြီး ကျန်းကျန်း မာမာပဲရှိပါတယ်၊ သတိလစ်မေ့ မြောတယ်ဆိုပြီးတော့လည်း တစ် စုံတစ်ရာ သတင်းမှလည်း ကျွန် တော်တို့မကြားရသေးပါဘူး။ အင်တာနက်သတင်းတွေမှာ ပျံ့ နှံနေတယ်ဆိုတာကလည်း ကော လာဟလတစ်ခုပါ။ဗိုလ်ချုပ်မှူး ကြီးဟာ ကျန်းကျန်းမာမာပဲ စာဖတ်တာနဲ့ အချိန်ကုန်နေတာ ပါ။သူဖြစ်စေချင်တဲ့အနေအထား တစ်ခု တိုင်းပြည်မှာဖြစ်ပြီး သွား တဲ့နောက်ပိုင်း၊သူ့အနေနဲ့ တိုင်း ပြည်ကို သူမျှော်မှန်းတဲ့အတိုင်း ဒီမိုကရေစီ အစိုးရသစ်ကိုလွှဲ ပြောင်းပေးပြီးတဲ့နောက်ပိုင်မှာ ငြိမ်းချမ်းစွာနဲ့ပဲအချိန်တွေကို ကုန် လွန်နေစေတာပါ။ဗိုလ်ချုပ်မှူးကြီး ရဲ့ကျန်းမာရေးတစ်စုံတစ်ရာဖြစ် ရင်လည်း ဖုံးဖိထားလို့မရပါဘူး၊ အားလုံးသိကြမှာပဲ၊ခုထိတော့ ကျွန်တော်တို့တော့ဘာမှမသိသေး ပါဘူး”” ဟု ဗိုလ်ချုပ်မှူးကြီး သန်းရွှေ(ငြိမ်း)နှင့်နီးစပ်သူဟုယူ ဆရသူတစ်ဦးကHot News၏ ဆက်သွယ်အတည်ပြုချက်အား ပြန်လည်ဖြေကြားသွားခဲ့သည်။
ဗိုလ်ချုပ်မှူးကြီး(ငြိမ်း)ဦး သန်းရွှေသည် ပြီးခဲ့သည့်၂၀၁၁ မတ်လ၃၁ရက်နေ့က စစ်အုပ်ချုပ် ရေး ယန္တရားဖြင့်အသက်သွင်း ထားသော နိုင်ငံတော်အေးချမ်း သာယာရေးနှင့်ဖွံ့ဖြိုးရေးကောင်စီ ကိုဖျက်သိမ်းကာ ရွေးကောက်ပွဲ အရပေါ်ထွက်လာခဲ့သော၎င်း၏ တပည့်များနှင့်နီးစပ်သူ အများစု ပါဝင်သည့်အရပ်သားအစိုးရသစ် အား အာဏာအရပ်ရပ်ကိုလွှဲ ပြောင်းပေးခဲ့သည်။ထိုနောက်ပိုင်း မှစတင်ကာ လူမြင်ကွင်းကြား ထွက်လာတော့ခြင်း လုံးဝမရှိဘဲ  ယနေ့လွှတ်တော်နှင့်အစိုးရအဖွဲ့ ၌တာဝန်ကြီးများထမ်းဆောင်နေ သော ၎င်းနှင့်နီးစပ်သူအချို့ကို သာ အခါအားလျော်စွာ လက်ခံ တွေ့ဆုံကြောင်း သိရပြီး ယင်းသို့ လက်ခံတွေ့ဆုံရာ၌လည်းလုံခြုံရေး တာဝန်ရှိသူများ၏ သေချာစွာ စစ်ဆေးပြီးမှသာဝင်ရောက်တွေ့ ဆုံရကြောင်း အင်တာနက်စာ မျက်နှာများ၌ပျံ့နှံ့နေသော သတင်းများအရသိရသည်။
Credit To Hot News 

ခန့်ခန့်(ဒဿနိက)
Read More »

တိုင်းရင်းသားများ လိုချင်သည့် ဖက်ဒရယ် ပြည်ထောင်စု ဖြစ်စေရန်အတွက် တိုင်းရင်းသားအားလုံး ပါဝင်သည့် ညီလာခံတစ်ခု ကျင်းပရန် တောင်းဆို



ပြည်ထောင်စု တိုင်းရင်းသား သက်ကြီးဝါရင့် နိုင်ငံရေး ခေါင်းဆောင်ကြီးများအား ဂါရ၀ပြုပွဲ (ဓာတ်ပုံ-အောင်ဇော်ထွန်း)
တိုင်းရင်းသားအားလုံး လိုချင်သည့် ဖက်ဒရယ် ပြည်ထောင်စု ဖြစ်ပေါ်လာစေရန် အတွက် တိုင်းရင်းသားများ ပါဝင်သည့် အမျိုးသား ညီလာခံတစ်ခုကို ကျင်းပပေးစေလိုသည်ဟု ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌ ဒေါက်တာအေးမောင်က ဇူလိုင် ၂၂ ရက်က ရန်ကုန်မြို့၌ ကျင်းပခဲ့သည့် ပြည်ထောင်စု တိုင်းရင်းသား သက်ကြီးဝါရင့် နိုင်ငံရေး ခေါင်းဆောင်ကြီးများအား ဂါရ၀ပြုပွဲ အခမ်းအနားတွင် ပြောကြားသည်။
ပင်လုံစာချုပ် ချုပ်ဆိုခဲ့စဉ်က ပေးခဲ့သည့် ကတိများကို အမျိုးသား ခေါင်းဆောင်ကြီး ကွယ်လွန်သွားချိန်တွင် ပျောက်ပျက် သွားခဲ့ရသောကြောင့် နှစ်ပေါင်းများစွာ ဖြစ်ပေါ်ခဲ့ရသည့် ပြည်တွင်းစစ်များအား သမိုင်းသင်ခန်းစာ များကိုယူပြီး ယနေ့ဖြစ်ပေါ်နေသည့် နိုင်ငံရေး အကျပ်အတည်းများအား ဖြေရှင်းစေလိုသည်ဟု ပြောကြားသည်။
ထို့နောက် ၂၀၀၈ ခုနှစ် ဖွဲ့စည်းပုံ အခြေခံဥပဒေကို လေ့လာရန် လွှတ်တော်တွင် ကော်မတီတစ်ရပ်ကို ဖွဲ့စည်းခဲ့သော်လည်း မည်သည့် အတိုင်းအတာအထိ ပြင်ဆင်နိုင်မည်ကို မသေချာသဖြင့် ဖက်ဒရယ် စနစ်ကို အာမခံသည့်၊ ဒီမိုကရေစီ ပီပြင်သည့်၊ တန်းတူညီမျမှုကို အာမခံနိုင်သည့် ဖွဲစည်းပုံ အခြေခံဥပဒေ တစ်ရပ်ကို ရရှိအောင် တည်ဆောက် ရတော့မည့်အချိန် တစ်ခုဖြစ်ပြီး ယခုရှိနေသည့် အခြေခံဥပဒေသည် ၂၀၁၅ ခုနှစ်တွင် နောက်တစ်ကြိမ် ကျင်းပမည့် ရွေးကောက်ပွဲကို လည်းကောင်း၊ ယခုအစိုးရကိုသော် လည်းကောင်း ယုံကြည်မှု မရရှိနိုင်ခြင်းကြောင့် တိုင်းရင်းသားအားလုံး ယုံကြည်လက်ခံသည့် အခြေခံ ဥပဒေတစ်ခု ပေါ်ထွက်လာစေရန် အမျိုးသားညီလာခံ ကဲ့သို့သော ညီလာခံတစ်ခု ဖြစ်ပေါ်ရန် လိုအပ်ခြင်းဖြစ်ကြောင်း ပြောကြားသည်။

ယခုရှိနေသည့် အခြေခံဥပဒေသည် ၂၀၁၅ ခုနှစ်တွင် နောက်တစ်ကြိမ် ကျင်းပမည့် ရွေးကောက်ပွဲကို လည်းကောင်း၊ ယခုအစိုးရကိုသော် လည်းကောင်း ယုံကြည်မှု မရရှိနိုင်ခြင်းကြောင့် တိုင်းရင်းသားအားလုံး ယုံကြည်လက်ခံသည့် အခြေခံ ဥပဒေတစ်ခု ပေါ်ထွက်လာစေရန် အမျိုးသားညီလာခံ ကဲ့သို့သော ညီလာခံတစ်ခု ဖြစ်ပေါ်ရန် လိုအပ်ခြင်းဖြစ်...
ဒေါက်တာအေးမောင်က ''၁၉၄၇ ခုနှစ်က ကျဆုံးခဲ့တဲ့ ခေါင်းဆောင်ကြီးတွေရဲ့ ဆန္ဒဖြည့်ဆည်းတဲ့ အနေနဲ့ သက်ရှိထင်ရှား ရှိနေကြတဲ့ နယ်ချဲ့ကို ဆန့်ကျင်တော်လှန်ခဲ့ကြတဲ့ တိုင်းရင်းသား ခေါင်းဆောင်ကြီးတွေက ဦးဆောင်ပြီး ပင်လုံကဲ့သို့သော အမျိုးသား အားလုံးပါဝင်တဲ့ ညီလာခံကြီးကို ခေါ်ယူနိုင်မှသာလျှင် ပြည်တွင်းစစ်တွေလည်း ရပ်စဲသွားမယ်။ သယံဇာတ ခွဲဝေမှုတွေမှာလည်း မျှတမယ်။ ကိုယ်ပိုင်ပြဋ္ဌာန်းခွင့် တန်းတူညီမျှခွင့်တွေလည်း ရရှိကြမှာ ဖြစ်တယ်။ ရရှိလာတဲ့ အခွင့်အရေးတွေကို လက်ဆုပ်လက်ကိုင်ပြုပြီး ညှိနှိုင်းတိုင်ပင်ပြီး ပြည်ထာင်စု တစ်ခုလုံး သာယာဝပြောအောင် ဖွဲ့စည်းပုံအသစ် ပေါ်ပေါက်လာအောင် ပင်လုံကဲ့သို့သော အမျိုးသား ညီလာခံတစ်ခုကို ခေါ်နိုင်ပါစေလို့ ဆန္ဒပြုပါတယ်'' ဟု ပြောကြားသည်။
ထို့အတူ ကယန်းပြည်သစ်ပါတီမှ ဗိုလ်မှူးကြီး စောလွင်ကလည်း လက်နက်ကိုင် တိုင်းရင်းသားများ အားလုံးအနေနှင့် ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ရန် လိုလားကြပြီး ပြင်ဆင်သည်ဟု ဆိုရာတွင် အနည်းငယ် ပြင်ဆင်ခြင်း မဟုတ်ဘဲ ပြင်သင့်သမျှ၊ ဖျက်သင့်သမျှ အားလုံးကို ပြင်ဆင်၊ ပယ်ဖျက် ပေးမှသာလျှင် ဖက်ဒရယ် ပြည်ထောင်စု ဖြစ်မည်ဖြစ်ကြောင်းနှင့် စစ်မှန်သော အမျိုးသား ပြန်လည်ညီညွတ်ရေး ဖြစ်ပေါ်မည် ဖြစ်သည်ဟု ပြောကြားသည်။
ဗိုလ်မှူးကြီး စောလွင်က ''ပင်လုံညီလာခံ ကတိက၀တ်တွေကို တစ်ဖက်သတ် ဖျက်သိမ်းခံရ၊ အာဏာနဲ့ ဖိနှိပ်ခံရတဲ့ အတွက် ငြိမ်းချမ်းရေးကို လိုချင်လို့ ကျွန်တော်တို့ လက်နက်ကိုင်တာ ဖြစ်ပါတယ်။ ဒါကြောင့် ကျွန်တော်တို့ ၂၀၀၈ ဖွဲ့စည်းပုံ အခြေခံဥပဒေကို ပြင်ချင်ပါတယ်။ ဒါဟာတိုင်းရင်းသား လက်နက်ကိုင်တွေ အားလုံးလိုချင်တဲ့ ဆန္ဒဖြစ်ပါတယ်။ ဒါပေမဲ့ ၂၀၀၈ အခြေခံဥပဒေကို အဖျားအနားလောက် ပြင်တာ မလိုချင်ပါဘူး။ ပြင်ဖို့လိုတာ မှန်သမျှ၊ ဖျက်ဖို့လိုတာမှန်သမျှ အရင်းအမြစ်အထိ လိုက်ပြီးတော့ စေ့စေ့စပ်စပ် ပြင်တာမျိုးပဲ ဖြစ်ရပါမယ်။ ဒါမှလည်း တန်းတူပြီး ကိုယ်ပိုင်ပြဋ္ဌာန်းခွင့်ရှိတဲ့ ဖက်ဒရယ် ပြည်ထောင်စု ဖြစ်မှာပါ'' ဟု ပြောကြားခဲ့ကာ ၎င်းကဆက်လက်ပြီး ဖက်ဒရယ် ပြည်ထောင်စု ဖြစ်မှသာလျှင် စစ်မှန်သော အမျိုးသား ပြန်လည်သင့်မြတ်ရေး ရမည်ဟု ပြောကြားသည်။ အမျိုးသား ပြန်လည်သင့်မြတ်မှသာ ပြည်တွင်းငြိမ်းချမ်းရေး ရမည်ဖြစ်ပြီး ပြည်တွင်း ငြိမ်းချမ်းရေးရမှသာ စစ်အာဏာရှင် စနစ်ကို အပြီးတိုင် တိုက်ဖျက်နိုင်မည် ဖြစ်သည်ဟု ပြောကြားသည်။
ထို့အပြင် ၂၀၀၈ ခုနှစ် ဖွဲ့စည်းပုံအခြေခံ ဥပဒေကို ပြင်ဆင်ရန်မှာ ပင်လုံစိတ်ဓာတ်ကို အခြေခံသည့် လွှတ်တော်ပြင်ပတွင်သာ ဖြစ်နိုင်သည်ဟု ၎င်းက ဆိုသည်။ စစ်အာဏာရှင်စနစ် အဆုံးသတ်ရေး၊ ဒီမိုကရေစီရေး၊ ငြိမ်းချမ်းရေးတို့ အတွက် ပင်လုံကဲ့သို့သော ညီလာခံကို ကျင်းပနိုင်ရန် အတွက်လည်း ၎င်းက တောင်းဆိုသည်။
ထိုဂါရ၀ပြုပွဲကို တိုင်းရင်းသား လူငယ်များ ကွန်ရက်က ပထမဦးဆုံး အကြိမ်အဖြစ် ဦးဆောင် ပြုလုပ်ခဲ့ခြင်း ဖြစ်ပြီး သက်ကြီးဝါရင့် နိုင်ငံရေးသမား ၃၁ ဦးအား ဖိတ်ကြားခဲ့သော်လည်း ကျမ်းမာရေး အခြေအနေအရ ၁၁ ဦးမှာ တက်ရောက်နိုင်ခဲ့ခြင်း မရှိပေ။
Credit To Eleven Journal 
Read More »

ဒီမိုကရေစီစနစ် မည်မျှပင် အောင်မြင်စေကာမူ ငြိမ်းချမ်းရေး မရပါက မျက်မမြင် ခရီးသွားသကဲ့သို့ပင် ဖြစ်မည်


ဒီမိုကရေစီစနစ် မည်မျှပင် အောင်မြင်စေကာမူ ငြိမ်းချမ်းရေး မရပါက မျက်မမြင် ခရီးသွားသကဲ့သို့သာ ဖြစ်မည်ဟု ကရင်ဝါရင့် နိုင်ငံရေးသမား မန်းသိန်းရွှေက ဇူလိုင် ၂၂ ရက်က ရန်ကုန်မြို့၌ ကျင်းပခဲ့သည့် ပြည်ထောင်စု တိုင်းရင်းသား သက်ကြီးဝါရင့် နိုင်ငံရေး ခေါင်းဆောင်ကြီးများအား ဂါရ၀ပြုပွဲ အခမ်းအနားတွင် ပြောကြားသည်။
မန်းသိန်းရွှေက သူ့အနေနှင့် အင်္ဂလိပ်ဝင်စ အချိန်ကို မသိရှိခဲ့ဘဲ ဂျပန်ဝင်ပြီးမှ ဒီဘက်ခေတ်အထိကို သိမီခဲ့ကြောင်းနှင့် ယခုအခြေအနေကို သိလားမေးလျှင် ညီအစ်ကို မသိတသိ အခြေအနေ ဖြစ်နေသည်ဟု ပြောကြားသည်။
ယနေ့ အချိန်တွင် ဒီမိုကရေစီသို့ ဦးတည်နေပါပြီဟု ဆိုသော်လည်း နေ့ရှိသရွေ့ ကြားနေရသည်က နောက်ပြန်လှည့်၊ မလှည့်ဟုသာ ဖြစ်သည်၊ ပညာရှင်များ ရေးသားသည်ကို ဖတ်ရှုတော့လည်း လွယ်မည်ဟု ပြောသူတစ်ဦး တစ်ယောက်မှ မရှိကြောင်းကိုလည်း ဖတ်ရှုရသည်ဟု ပြောကြားသည်။
ထို့နောက် ဂျပန် မီဂျီဘုရင်ခေတ်သည် မြန်မာပြည်၌ ကုန်းဘောင်မင်းဆက်နှင့် ခေတ်ပြိုင်ဖြစ်ခဲ့ပြီး မီဂျီပြုပြင်ရေးသည် ၁၈၅၄ ခုနှစ်မှ မြန်မာပြည် စက်မှုဖွံ့ဖြိုး တိုးတက်ရေးထက် ၁၀ နှစ်နောက်ကျ ခဲ့သော်လည်း ဂျပန်၏ ဖွံ့ဖြိုးတိုးတက်ရေးမှာ မြန်မာပြည်ထက် ပိုရှေ့ရောက်ခဲ့သည်မှာ မည်သူတို့ကြောင့်နည်း၊ မည်သည်တို့ မှားယွင်းခဲ့ခြင်း ဖြစ်သနည်းဟု မေးမြန်းခဲ့ကာ ၎င်းက ဆက်လက်ပြီး မြန်မာ့သမိုင်းတွင် ယောအတွင်းဝန်လို ပုဂ္ဂိုလ်မျိုးက ဘေးရောက်ကာ ကနောင်မောင်မောင်တုတ်လို လူမျိုးက ရှေ့တန်းသို့ ရောက်လာလေ့ ရှိသောကြောင့် ဖြစ်သည်ဟု ပြောကြားသည်။
အာရှကျားအဖြစ် ပထမအသုတ်တွင် ဟောင်ကောင်၊ ထိုင်ဝမ်၊ စင်ကာပူ၊ တောင်ကိုရီးယားတို့က ဖွံ့ဖြိုးတိုးတက်လာခဲ့ကာ ဒုတိယအသုတ်အဖြစ် အင်ဒိုနီးရှား၊ မလေးရှား၊ ဗီယက်နမ်၊ ထိုင်းတို့က တိုးတက်ဖွံ့ဖြိုး လာခဲ့ပြီး မြန်မာပြည်သည် အရာရာ နောက်ကျကျန်ခဲ့ ရခြင်းမှာ ခေါင်းဆောင်များ၏ ညံ့ဖျင်းမှုကြောင့်သာ ဖြစ်သည်ဟု ပြောကြားသည်။
ဂလိုဘယ်လိုက်ဇေးရှင်း လှိုင်းအား မိအောင် စီးနိုင်ခြင်းသည် ခေါင်းဆောင်ကောင်းတို့၏ အရည်အသွေးများဖြစ်ပြီး တရုတ်နိုင်ငံသည် လူဦးရေ အများဆုံး ရှိသော်လည်း အော်တိုမေစီ စနစ်ဖြင့် အုပ်ချုပ်သော်လည်း အမေရိကန်ကို အမီလိုက်နိုင်ခဲ့ခြင်းသည် ဂလိုဘယ်လိုက်ဇေးရှင်း လှိုင်းကို စီးနိုင်ခဲ့သည့် တိန့်ရှောင်ဖိန်၏ အမြော်အမြင် ကြီးမှုကြောင့် လည်းကောင်း၊ တောင်ကိုရီးယား နိုင်ငံတွင် အာဏာသိမ်းခဲ့သည့် ပတ်ချုံဟီးက တောင်ကိုရီးယား နိုင်ငံအား ဖွံ့ဖြိုးတိုးတက်အောင် လုပ်ဆောင်နိုင်ခဲ့ခြင်းသည် (၁) စိတ်ရှည်ခြင်း (၂) အမြင်ကျယ်ခြင်းနှင့် (၃) လူမှန်နေရာမှန် ရွေးချယ်နိုင်ခဲ့ခြင်းကြောင့် ဖြစ်သည်ဟု ပြောကြားသည်။
မန်းသိန်းရွှေက ''ကျွန်တော် မှတ်ချက်ချချင်တာက ခေါင်းဆောင်တွေရဲ့ ဦးဆောင်မှုပိုင်းက ပိုအရေးကြီးပါတယ်။ လူမျိုးတစ်မျိုးနဲ့ တစ်မျိုး ပြည်သူတွေ ညီညွတ်ဖို့ထက် ခေါင်းဆောင်တွေ ညီညွတ်ဖို့က ပိုအရေးကြီးပါတယ်။ တိုင်းပြည်တစ်ပြည်လုံးရဲ့ ပြည်သူတွေ ညီညွတ်ဖို့ထက်စာရင် တိုင်းရင်းသား ခေါင်းဆောင်တွေ ညီညွတ်ဖို့ လိုပါတယ်။ အခုရှိနေတဲ့ ဒီမိုကရက်တိုက်ဇေးရှင်းနဲ့ ငြိမ်းချမ်းရေးဆိုတာ အမြွှာညီအစ်ကိုတွေပါ။ ဒီမိုကရေစီရပြီး ငြိမ်းချမ်းရေး မရရင် မျက်မမြင် ခရီးသွားနေတာပါ။ ငြိမ်းချမ်းရေးပဲရှိပြီး ဒီမိုကရေစီ မရှိရင်လည်း အချည်းနှီးပါပဲ။ ဒါကြောင့် ခေါင်းဆောင်တွေက အမြင်ကျယ်ကျယ် ဒီမိုကရေစီရော၊ ငြိမ်းချမ်းရေးပါ ရအောင်လို့ ဆောင်ရွက်သင့်တယ်'' ဟုပြောကြားသည်။
Credit To Eleven Journal 
Read More »