စာဖတ်ကျင့်ကို အိမ်အတွင်းမှ စကြပါ အောင်အောင် (IR)


ဒီတစ်ပတ် The Voice ရဲ့ ပညာရေးကဏ္ဍမှာ လူငယ်တွေရဲ့ စာဖတ်စွမ်းရည်နဲ့ ပညာရေး ဘယ်လိုဆက်စပ်နေတယ် ဆိုတာ တင်ပြသွားပါမယ်။ အဲဒီလိုတင်ပြရာမှာ လူငယ်တွေရဲ့ စာဖတ်စွမ်းအား မြှင့်တင်ဖို့အတွက် အခရာဖြစ်တဲ့ မိဘတွေရဲ့ အခန်းကဏ္ဍ ကိုလည်း ထည့်သွင်း ဆွေးနွေးသွားမှာ ဖြစ်ပါတယ်။
ဒီခေတ်မှာ လူငယ်တော်တော်များများက စာသိပ်မဖတ်ကြဘူး။ ဂိမ်းဆော့တယ်၊ ဖေ့ဘုတ်စ်သုံးတယ်၊ အင်တာနက်မှာ အချိန်ဖြုန်းတယ်ဆိုပြီး စာရေးသူနဲ့ သိတဲ့သူအချို့က သူတို့သား သမီးတွေကို စာကောင်း စာမွန်တွေ ဖတ်စေချင်ကြတယ်။ အဲဒီလိုစာဖတ်တယ် ဆိုတာ စာဖတ်ချင်စိတ် ရှိမှရတာ။ အဲဒီလို စာဖတ်ချင်စိတ်ရှိအောင်လည်း ကိုယ့်ဝန်းကျင်မှာ စာဖတ်နိုင်တဲ့ ဝန်းကျင်တစ်ခုကို တည်ဆောက်ထားဖို့ လိုပါတယ်။ ဆိုလိုတာက စာအုပ်စာကောင်းမရှိတဲ့ အိမ်မှာ ကိုယ့်ကလေးတွေကို စာဖတ်ပါလို့ချည်း ပြောနေလို့ မရဘူး။ သူတို့လက်လှမ်းမမီတဲ့ နေရာတိုင်းမှာ စာအုပ်စာကောင်းတွေ ရှိဖို့လိုပါတယ်။
A bedtime story --- Image by © Royalty-Free/Corbisစာရေးသူတို့ တိုင်းပြည်မှာ ဝန်းကျင်တည်ဆောက်မှု အရမ်းအားနည်းတယ်။ ဆိုလိုတာ လုပ်ချင်တာ၊ ဖြစ်ချင်တာတွေပဲ ပြောနေတာ။ အဲဒီလို လုပ်ချင်၊ ဖြစ်ချင်တာတွေ လုပ်ဖို့၊ ဖြစ်ဖို့ဆိုတဲ့ ဝန်းကျင်ကျတော့ မရှိဘူး။ ဖန်တီးမထားကြဘူး။ ဒီတော့ စာရေးသူတို့နိုင်ငံရဲ့ ပြဿနာအတော်များများဟာ အဖြေမရှိတဲ့ ပုစ္ဆာလိုပဲ။ ဘာလုပ်ရမယ်ဆိုတာ သိသိနဲ့ ဘာမှဖြစ်မလာဘူး။ အမှိုက်တွေ မပစ်ကြပါနဲ့ဆိုလည်း ပစ်တာပဲ။ ကွမ်းတံ တွေးတွေ မထွေးကြပါနဲ့ ဆိုလည်း ထွေးတာပဲ။ ကားအရမ်းမမောင်းကြပါနဲ့ ဆိုလည်း မောင်းတာပဲ။ ဒီလိုနဲ့ လုပ်တဲ့သူကလုပ်၊ ရှုပ်တဲ့သူက ရှုပ်နဲ့ မုန့်လုံးစက္ကူကပ်၊ ဘာပြဿနာ ရယ်မှ ပီပီပြင်ပြင်၊ ရှင်းရှင်းလင်းလင်း ဖြစ် သွားတယ်ဆိုတာ မရှိဘူး။ အဲဒီအမှိုက်ကို မပစ်အောင်၊ ကွမ်းကိုမထွေးအောင်၊ ကားကို စည်းမဲ့ကမ်းမဲ့ မမောင်းအောင် ထိန်းကွပ်၊ ထိန်းညှိပေးနိုင်မယ့် ဝန်းကျင်အား နည်းနေလို့ပါ။
ဒီတော့ မိဘတွေအနေနဲ့ အခုလို အလွယ်တကူ လုပ်ကျင့်ရှိတဲ့ မြန်မာ့လူ့အဖွဲ့ အစည်းမှာ ကိုယ့်ကလေးတွေ စည်းနဲ့ကမ်းနဲ့ ရှိဖို့၊ စာကောင်းပေကောင်းဖတ်ဖို့ ဆိုတာ ကိုယ်ကိုယ်၌က ကိုယ့်အိမ်မှာ ကလေးတွေ အတွက် စာကောင်းစာပေဖတ်ဖို့ ဝန်းကျင် တစ်ခု ဖန်တီးပေးဖို့ လိုပါတယ်။ စာရေးသူ အိမ်အတော်များများ ရောက်ဖူးတယ်။ လူငယ်လူရွယ်တွေ အလွယ်တကူဖတ်နိုင်မယ့်၊ သူတို့ အတွေးအခေါ်တွေကို အားပေးမယ့် စာကောင်းစာပေဆိုတာ သိပ်မတွေ့ရ တတ်ဘူး။
နေ့စဉ်ထုတ်သတင်းစာ၊ ဂျာနယ်တွေလောက်ပဲ တွေ့ရတတ်တယ်။ တချို့ ကလည်း စာအုပ်တွေရှိပါတယ် ဆိုပြီး ထုတ်ပြကြတယ်။ သိပ်မြင့်တဲ့ဟာတွေပေါ့နော်။ ဖဆပလခေတ်က စာအုပ်တွေ၊ နိုင်ငံရေး ကျမ်းတွေ၊ သမိုင်းစာအုပ်တွေ၊ တက်ကျမ်းတွေ အဲဒါတွေကျတော့ သိပ်မြင့်သွားပြီ။ ပြီးတော့ အကြောင်းအရာတစ်ခုတည်းကို ဇောင်းပေးရေးထားတာ ဆိုတော့ လူငယ်တွေ သိပ်စိတ်မဝင်စားကြဘူး။ ဒီတော့ သူတို့ဆီမှာ အဲဒီစာအုပ်တွေ ဖုန်တက်နေတာ အဆန်းတော့မဟုတ်ဘူး။
ဆိုလိုတာက ကိုယ့်သားသမီးတွေ စာဖတ်စေချင်ရင် ကိုယ့်အိမ်မှာ စာအုပ်အစုံ အလင် တတ်နိုင်သလောက် ထားရပါမယ်။ စာရွေးပြီး စုရပါမယ်။ ဗဟုသုတဖြစ်စေမယ့် စာအုပ်တွေ ရှိရမယ်။ အိမ်ကျဉ်းသည့်တိုင် စာအုပ်စင် အသေးလေးတစ်ခုတော့ ရှိသင့်တယ်။ အဲဒါဟာ အဲဒီအိမ်ရဲ့ စာကြည့်တိုက်ပဲ။ မိဘတွေဟာ အဲဒီစာကြည့်တိုက်ရဲ့ စာကြည့်တိုက်မှူးပဲ။ ကိုယ်ကိုယ်တိုင် ကလည်း ဖတ်ပြရမယ်။ ဒါမှ သားသမီးက နောက်ကလိုက်လာမှာပေါ့။
စာရေးသူ နယ်မှာ တာဝန်ကျလို့ မိတ်ဆွေအိမ်တစ်အိမ် သွားလည်ဖြစ်တယ်။ သွားတိုင်း အိမ်ထောင်ဦးစီးက နှစ်လုံး၊ သုံးလုံး တွက်နေတတ်တယ်။ ကွမ်းတဗျစ်ဗျစ် ထွေးတယ်။ သူ့အိမ်ရောက်တိုင်း စာရေးသူကို သူ့ကလေးတွေကို ဆုံးမပါ၊ ပညာတတ်ကြီးတွေ ဖြစ်စေချင်တယ်၊ စာဖတ်စေချင်တယ်၊ သူအမြဲပြောတယ်။ ဖခင်တစ်ယောက်ရဲ့ စေတနာကို လေးစားပါတယ်။ ဒါပေမဲ့ သူကိုယ်တိုင်က ပြင်ဖို့လိုတယ်။ နှစ်လုံး၊ သုံးလုံး ထိုးတဲ့၊ တွက်တဲ့အိမ်က ကလေးတွေက နှစ်လုံး၊ သုံးလုံး စိတ်ဝင်စား လာကြမှာပဲ။ ကွမ်းတဗျစ်ဗျစ် ထွေးတာ မြင်ရင် ဒီကလေးတွေလည်း ကွမ်းစားလာ ကြမှာပဲ။ ကိုယ့်ကလေးတွေ တကယ်ကောင်း စေချင်ရင် ကိုယ်ကိုယ်တိုင်က ပြင်ဖို့လို တယ်။ ကိုယ့်အိမ်ထဲမှာတင် ကိုယ့်ကလေး တွေ မှန်မှန်ကန်ကန် ရှုမြင်တွေးခေါ်တတ် စေမယ့် ဝန်းကျင်တစ်ခုကို တည်ဆောက်ဖို့လို တယ်။ ဖန်တီးဖို့လိုတယ်။
စာရေးသူတို့နိုင်ငံရဲ့ လူတွေရှင်သန် ရတဲ့ဝန်းကျင်ဟာ အမြဲတမ်းပူလောင်နေ တယ်။ ပဋိပက္ခ အလွယ်တကူဖြစ်စေတယ်။ လူတွေ ပင်ပင်ပန်းပန်း ရုန်းကန်ကြရတယ်။ အိမ်အပြင်ထွက်တာနဲ့ အော်သံ၊ ဟစ်သံ၊ အလှူခံသံ၊ ကားသမားတွေ ဆဲဆိုသံ၊ ဘတ်စ်ကားပေါ် ပြေးတက်ကြတဲ့ မြင်ကွင်း တွေကအစ ဘာမှစိတ်ချမ်းသာစရာ မရှိဘူး။ စာရေးသူ အဆိုးအမြင်နဲ့ ရေးနေ၊ တင်ပြနေတာ မဟုတ်ဘူးနော်။ ကိုယ်ရောက်ခဲ့ ဖူးတဲ့ ကိုယ့်အိမ်နီးချင်းနိုင်ငံတွေက လူတွေ ရှင်သန်ရတဲ့ ဝန်းကျင်နဲ့ ယှဉ်ပြီး ပြောနေတာ။ ဟိုးခပ်ဝေးဝေးက ဂျပန်တို့၊ ကိုရီးယားတို့နဲ့ ယှဉ်ပြီး ပြောနေတာမဟုတ်ဘူး။ ဒီတော့ အဲဒီလို ပူလောင်၊ ဆူလောင် ဝန်းကျင်တွေထဲ မှာ သွားလာကျင်လည်နေရတဲ့ ကိုယ့်သား သမီးတွေကို အပြင်စရိုက်တွေ များများ မဝင် မလွှမ်းစေဘဲ ကိုယ့်အိမ်မှာ စာကောင်း ပေကောင်းတွေနဲ့ ယဉ်ပါးစေချင်တယ်။
စာရေးသူအိမ်မှာ အဖေက အလေ့ အကျင့်လုပ်ပေးထားတော့ ငယ်စဉ်ကတည်း က အိမ်တွင်းစာဖတ်ခြင်းဆိုတာနဲ့ ယဉ်ပါး ခဲ့ရတယ်။ အိမ်မှာ ၁၉၅၄ ခုနှစ်နဲ့ အဲဒီခုနှစ် များဝန်းကျင်က ထုတ်တဲ့ မြန်မာ့စွယ်စုံကျမ်း စာအုပ် ၁၄ အုပ်ရှိတယ်။ အရင်ဝန်ကြီးချုပ် ဦးနုလက်ထက်က ထုတ်ခဲ့တဲ့ စာအုပ်တွေ ပါ။ စာအုပ်တစ်အုပ်မှာ စာမျက်နှာ ၄ဝဝ ကျော်၊ ၅ဝဝ နီးပါး ရှိတယ်။ လူမှုရေး၊ စီးပွားရေး၊ နိုင်ငံရေး၊ သမိုင်း၊ သိပ္ပံ၊ အတ္ထုပ္ပတ္တိ အစုံပါတယ်။ စာရေးသူငယ်ငယ် ကတည်းက အဲဒီ စွယ်စုံကျမ်းစာအုပ် ၁၄ အုပ်နဲ့ ကြီးပြင်းလာခဲ့ရတာ။ အဖေက အဲဒီ စာအုပ်တွေကို အလွယ်တကူ မြင်နိုင်၊ တွေ့ နိုင်တဲ့နေရာမှာ ထားပေးတယ်။ မဖတ်ဘူးလို့ သူထင်ရင် ဖတ်အောင် လမ်းကြောင်းပေး တယ်။ လေ့ကျင့်ပေးတယ်။
အဲဒီလိုနဲ့ စာရေးသူ ကမ္ဘာ့နိုင်ငံ အကြောင်းတွေ၊ လူပုဂ္ဂိုလ်အကြောင်းတွေ၊ မြန်မာ့သမိုင်း၊ ကမ္ဘာ့သမိုင်း စသဖြင့် ယဉ်ပါးလာခဲ့တယ်။ ငယ်ငယ်ကတည်းက စွယ်စုံကျမ်း မှာပါတဲ့ တိုက်တာမြင့်မြင့်မားမားနဲ့ မြို့ကြီးတွေ တွေ့ရင် ကိုယ့်တိုင်းပြည်ကို ငယ်စဉ်ကတည်းက အဲဒီလို အရမ်းဖြစ်စေချင်ခဲ့တယ်။ ဘယ်တော့ ဖြစ်လာမလဲလို့လည်း အမြဲတွေးခဲ့တယ်။ နိုင်ငံခြားရောက်ဖူးချင် တဲ့စိတ်တွေလည်း အရမ်းဖြစ်ခဲ့တယ်။ စွယ်စုံကျမ်းမှာပါတဲ့ နိုင်ငံခြားတက္ကသိုလ် ကြီးတွေကြည့်ပြီး တစ်ချိန် ငါ နိုင်ငံခြားမှာ ကျောင်းတက်ရမယ်လို့ ကျိတ်တွေးခဲ့ဖူးတယ်။ အရွယ်ရောက်လာတော့ အဲဒီငယ် ငယ်ကတည်းက တွေးခဲ့၊ ဖတ်ခဲ့တာတွေက ကိုယ့်ဘဝမှာ တွန်းအားတွေဖြစ်လာတယ်။ အဖေက သူမဆုံးခင်မှာတောင် နေမကောင်းတဲ့ ကြားက အဲဒီစွယ်စုံကျမ်းစာအုပ်ကြီး ၁၄ အုပ်ကို အဖုံးအသစ်တွေ ပြန်ဖုံးပေး သွားခဲ့တယ်။ အဖေ့ဆီကရတဲ့ အကောင်းဆုံး အမွေတစ်ခုပါပဲ။
စာရေးသူ UN မှာ အလုပ်လုပ်စဉ် နယ်အတော်များများကို ရောက်ဖြစ်တယ်။ Project တွေမှာရှိတဲ့ စာကြည့်ခန်း၊ စာကြည့်တိုက် ဆိုတာတွေ ဝင်လေ့လာဖြစ်တယ်။ စာရေးသူတို့ လာချိန်မို့လားတော့ မသိဘူး၊ ကလေးတွေ၊ လူငယ်တွေ စည်စည် ကားကားနဲ့ တွေ့ရတတ်တယ်။ စာကြည့်တိုက် ထဲမှာလည်း စာအုပ်စာတမ်း အတော်စုံပါရဲ့။ ဂျာနယ်၊ ကာတွန်းတွေလည်း ရှိတယ်။ စာရေးသူ မသိမသာ အချိန်ပေးပြီး လေ့လာကြည့်တယ်။ ကလေးအတော်များများက ကာတွန်းတွေလောက်ပဲ ဖတ်ကြတယ်။ ကလေးဆိုပေမယ့် ဆယ်ကျော်သက်တွေကို ပြောတာပါ။ တချို့လူငယ်တွေ ဆိုရင် သူတို့ ဦးစားပေးတာ လက္ခဏာ၊ ဗေဒင်ကဏ္ဍ ဖတ်ပြီးရင် တစ်ယောက်နဲ့တစ်ယောက်တောင် မျှလိုက်သေးတယ်။ ဆောင်းပါး၊ နိုင်ငံရေးသတင်း ဖတ်တာမျိုး တော်တော် ရှားတယ်။ မဖတ်ချင်တဲ့သူကို ဖတ်ပါ ပြောလို့တော့ ဘယ်ဖြစ်မလဲ။
ဖြစ်နိုင်ရင်တော့ စာကြည့်တိုက်မှူး တွေ၊ စာကြည့်ခန်း တာဝန်ရှိသူတွေကလည်း လမ်းကြောင်း (Guide) ပေးဖို့ လိုမယ် ထင်ပါတယ်။ နိုင်ငံခြားမှာဆို စာကြည့်တိုက်မှူးတွေ ဆိုတာ ပညာရှင်တွေပဲ။ လစာလည်း ကောင်းကြတယ်။ စာဖတ်သူအနေအထားကို လေ့လာပြီး စာကြည့်တိုက်တွေထဲမှာ စာအုပ်တွေကို ခဏခဏ အပြောင်းအလဲလုပ်တယ်။ တကယ်တော့ သူတို့ဟာ နိုင်ငံတစ်နိုင်ငံရဲ့ စာဖတ်စွမ်းအား မြှင့်တင်ရေးနဲ့ အမျိုးသား ပညာရေးမှာ အရေးပါတဲ့ပုဂ္ဂိုလ်တွေ ဖြစ်တယ်။ စာကြည့်တိုက်မှာရှိတဲ့ စာအုပ်အမျိုး အစားကို မသိမသာ အပြောင်းအလဲလုပ်ပေးဖို့ လိုတယ်။ ဗဟုသုတဖြစ်စေမယ့် စာတွေ၊ အသက်အရွယ်အလိုက် ဦးနှောက်ကို စိန်ခေါ်စေမယ့်စာတွေ၊ ကလေးတွေ၊ လူငယ်တွေ အလွယ်တကူ လက်လှမ်းမီအောင် စာကြည့်တိုက် တွင်းမှာတင် ဈေးကွက် (Marketing) ဖော်ရမယ်။ တဖြည်းဖြည်းနဲ့ အပျော်ဖတ် စာပေတွေကို အာရုံစိုက်မှု လျော့သွားစေရ မယ်။ ဆိုလိုတာ စာဖတ်သူတွေရဲ့ စာဖတ်ချင်စိတ်၊ စာဖတ်စိတ်ကို အတွေးမှန်၊ အသိမှန် ရစေမယ့် လမ်းကြောင်းတစ်ခုအပေါ် ဆွဲတင်သွားနိုင်ဖို့ပါ။ ဒါပေမဲ့ ဒီလိုလုပ်ဖို့က စာကြည့်တိုက်မှူးတွေ၊ စာကြည့်တိုက် တာဝန်ရှိသူ တွေရဲ့ စေတနာပါမှု၊ အချိန်ပေးနိုင်မှု၊ အတွေ့အကြုံရင့်ကျက်မှု၊ အမြင်ကျယ်မှုတွေ ပေါ်မှာ အများကြီးမူတည်ပါတယ်။ အကယ်၍ သူတို့ကိုယ်တိုင်က ကာတွန်းထိုင်ဖတ်၊ ဗေဒင်လက္ခဏာ၊ ဂမ္ဘီရလောက်ပဲ စိတ်ဝင်စား နေရင်တော့ အဲဒီစာကြည့်တိုက် တွေက အရေအတွက်ကနေ အရည်အချင်းကို ပြောင်းလဲလာမှာ မဟုတ်ပါဘူး။
ဒီတော့ ကိုယ့်သားသမီးတွေ စာများများ ဖတ်စေချင်တယ်ဆိုရင် ကိုယ့်အိမ်၊ ကိုယ့်စာအုပ်စင်က စကြဖို့ လိုပါတယ်။ အဲဒီ အိမ်တွင်းစာကြည့်တိုက် တွေကို စာအုပ် တစ်အုပ်နဲ့ စလည်း ရတယ်။ စာအုပ် ၁၀ အုပ်နဲ့ စလည်းရတယ်။ ရန်ကုန်မှာ မိဘ အတော်များများက ကိုယ့်သားသမီးတွေကို British Council လို၊ American Centerလို နေရာတွေဆီ အထင်တကြီး ပို့တတ်ကြ တယ်။ စာကောင်းစာမွန်တွေ အဲဒီမှာ အများကြီးတွေ့ပြီး ကိုယ့်သားသမီးတွေ အသိဉာဏ် ကြီးပွားတိုးတက်လာမယ်လို့ ထင်ကြတယ်။ မမှားပါဘူး။ ဒီစာကြည့်တိုက် တွေမှာ ပညာရပ်ဆိုင်ရာစာအုပ်တွေ အရမ်း စုံတယ်။ သင်တန်းတွေရှိတယ်။ သင်ထောက်ကူပစ္စည်း ကအစ အပြည့်အစုံ ထားပေးတယ်။ လုပ်နိုင်ရင်တော့ အကောင်းဆုံးပေါ့။ ဒါပေမဲ့ မိမိကိုယ်၌က တကယ့်ကို ကြိုးစားချင်စိတ်၊ လုပ်ချင်ကိုင်ချင်စိတ်၊ စာဖတ်ချင်စိတ် မရှိဘဲ ဘယ်လောက်ကောင်းတဲ့ စာကြည့်တိုက်တွေ၊ ရင်းမြစ်ဌာန (Resources Center) တွေသွားသွား ဘာမှဖြစ်လာမှာ မဟုတ်ဘူး။ တစ်ခါတစ်လေ အဲဒီက ပို့ချတဲ့စာတွေ၊ သူငယ်ချင်းတွေရဲ့ တိုးတက်မှုကို မလိုက်နိုင်လို့ စိတ်ကျရောဂါလို ဖြစ်သွားတဲ့ ကျောင်းသားတွေတောင် တွေ့ခဲ့ဖူးတယ်။ ပြီးတော့ အဲဒီမှာ ပုံတွေလောက်ကြည့်၊ ကြော်ငြာလောက် သာဖတ်၊ သင်တန်းအပျော်တက်၊ ဟိုဟိုဒီဒီ မျက်စိကစားပြီး အချိန်ဖြုန်း၊ အချိတ်အဆက် လုပ်ချင်သူတွေလည်း အများကြီးပါ။
ဒါကြောင့် ဒီစာဖတ်ကျင့်ကို ကိုယ့်အိမ်မှာပဲ အစပြု ပျိုးထောင်ပေးစေချင်ပါ တယ်။ အထူးသဖြင့် နယ်မှာဆို လူငယ်တွေ စာဖတ်အား သိပ်နည်းပါတယ်။ အခုလို လက်ကိုင်ဖုန်းတွေ လူတိုင်းနီးပါး (အတော်များများ) ကိုင်နိုင်ပြီဆိုတော့ အဲဒီဖုန်းတွေ တစ်ချိန်လုံး ကလိနေကြသူတွေ အများကြီးပါ။ အင်တာနက်က တွေ့သမျှ သတင်းတွေဖတ်၊ မိန်းကလေးပုံတွေ ဖလှယ်၊ အတင်းအဖျင်း သတင်းတွေ မျှကြနဲ့၊ နယ်လိုနေရာမျိုးမှာ ပညာရေးနဲ့ ပတ်သက်ရင် ရန်ကုန်လို မဟုတ်ဘဲ သွားစရာ၊ လုပ်စရာကလည်း နည်းလေတော့ ဒီလူငယ်တွေရဲ့ ရှေ့ရေး စဉ်းစားကြည့်ရင် အတော်ရင်လေးဖို့ ကောင်းပါတယ်။ နယ်ဆိုပေမယ့် နယ်မှာနေတဲ့ လူတွေက အများစုမဟုတ်လား။ စာကောင်းစာပေ စာဖတ်ကျင့်မရှိတဲ့ အဲဒီမျိုးဆက်က ပွားလာတဲ့ နောက်မျိုးဆက်ကလည်း သူ့ရှေ့က မျိုးဆက်လိုပဲ ပေါ့ပေါ့နေ၊ ပေါ့ပေ့ါစားနေကြမယ် ဆိုရင် ကျွန်တော်တို့ မြန်မာတွေ ဘယ်သောအခါမှ နိုင်ငံတကာနဲ့ ယှဉ်ပြိုင်နိုင်ကြမယ် မဟုတ်ပါဘူး။ ဒေသတွင်း အာဆီယံလို နေရာမျိုးမှာတောင် ဟိုးနောက်နားက အတော်လှမ်းလှမ်း ပြတ်ကျန်ခဲ့ပါလိမ့်မယ်။ အခုလည်း ကျန်နေပါပြီ။ ဒါကြောင့် တစ်ဦး တစ်ယောက်ချင်းကနေ တစ်စုတစ်ဖွဲ့၊ တစ်စုတစ်ဖွဲ့ ကနေ တစ်နိုင်ငံလုံး အတိုင်းအတာ အထိ စာဖတ်စွမ်းရည် မြှင့်ဖို့လိုနေပါတယ်။ ဒါဟာ အမျိုးသားရေး တာဝန်တစ်ရပ်လည်း ဖြစ်တယ်။ ဒီတော့ မိဘများအနေနဲ့ အိမ်တိုင်း အိမ်တိုင်းရဲ့ ဧည့်ခန်းကိုယ်စီမှာ ကိုယ်နိုင်သလောက် စာအုပ်စင်လေးတွေ ထားကြရင် အဲဒီအမျိုးသားရေးတာဝန် တစ်စိတ်တစ်ပိုင်းကို ကိုယ့်သားသမီး တစ်ဦးချင်းက တစ်ဆင့် စာဖတ်စွမ်းရည် ပြုစုပျိုးထောင်ပေးကြရင်း ကူညီပါဝင် ပံ့ပိုးပေးနိုင်ကြပါစေလို့ ဒီဆောင်းပါးက တစ်ဆင့် တိုက်တွန်းပါရစေ။
From thevoicemyanmar.com
Read More »

အတိတ်မှာနေကြသူများ ------------ ရေးသားသူ- ငြိမ်းချမ်း



အသက်(၅၇)နှစ်အရွယ် ဒေါ်သန်းမြင့်တစ်ယောက် တောင်းရမ်း၍ရလာသော ပိုက်ဆံခပ်နွမ်းနွမ်းများကို ရေတွက်နေသည်။ ၎င်း၏ဘေးနားတွင် အသက်(၇)နှစ်အရွယ် မြေးယောက်ျားလေးတစ်ဦးကတော့ မုန့်ဆီကြော်ကို အားရပါးရစားနေသည်။ ရရှိလာသောပိုက်ဆံများနှင့် မုန့်ဆီကြော်များကတော့ ဂန့်ဂါရွာဘုရားပွဲတွင် တောင်းရမ်းရာမှ ရရှိခဲ့ခြင်းဖြစ်သည်။

သမိုင်းဆရာတို့က သူတို့ကို ဘုရားကျွန်ဟုဆိုကြပြီး သူဖုန်းစားများကတော့ သူတို့မှာ မာတင်္ဂမျိုးနွယ်စုမှ ဆင်းသက်လာသူများဟု ယုံကြည်နေကြပြီး သူတို့ထဲမှအချို့မှာ လက်ရှိအချိန်ထိ တောင်းရမ်းသူများလည်း ရှိနေသေးပါသည်။ ၀ါခေါင်လပြည့်ကျော် ၃ ရက်တွင်ကျရောက်သော ပုဂံမြို့တောင်ဘက် ညောင်ဦးမြို့နှင့် ဆယ်မိုင်ခန့်ဝေးသော ဂန့်ဂါရွာဘုရားပွဲတော်တွင် သူတောင်းစားများ နှစ်စဉ်လာရောက်တောင်းခံနေမြဲ။

“အဆင်ပြေလာရင်တော့ ဒီအလုပ်ကို မလုပ်ချင်တော့ပါဘူး”ဟု ယခုနှစ် ၀ါခေါင်လပြည့်ကျော် ၃ ရက်တွင် ကျရောက်သည့် ပုဂံညောင်ဦးမြို့နယ်၊ ဂန့်ဂါရွာဘုရားပွဲတော်တွင် ငယ်စဉ်ကတည်းက လာရောက်တောင်းရမ်းနေသော မင်္ဂလာသာစည်ရပ်ကွက်မှ သူဖုန်းစားတစ်ဦးဖြစ်သော အသက်(၅၇)နှစ်အရွယ် ဒေါ်သန်းမြင့်ကပြောသည်။ သူဖုန်းစားများအစု နေထိုင်သော ရပ်ကွက်မှာ ညောင်ဦးမြို့ ရွှေစည်းခုံဘုရားအနောက်ဘက်ရှိ မင်္ဂလာသာစည်ရပ်ကွက်ဖြစ်သည်။ လက်ရှိအချိန်တွင်မူ သာမန်လူတန်းစားများလည်း လာရောက်နေထိုင်လျက်ရှိပါသည်။ ထိုရပ်ကွက်တွင်နေထိုင်သော သူဖုန်းစားများမှ ခေတ်ရေစီးကြောင်းအရ ပြောင်းလဲသူများလည်းရှိနေပြီး အချို့မှာ ဘ၀ပေးအခြေအနေအရ ပြောင်းလဲမှုမရှိသေးဘဲ တောင်းရမ်းမှု ပြုလုပ်နေဆဲဖြစ်သည်။

အိမ်ထောင်စု ၁၆၂ အိမ်ရှိသော မင်္ဂလာသာစည်ရပ်ကွက်တွင် အိမ်ထောင်စုအများစုသည် တောင်းရမ်းမှုမလုပ်တော့ဘဲ အိမ်ထောင်စု ၃၀ ၀န်းကျင်သာ တောင်းရမ်းမှုများ ပြုလုပ်နေသည်။ ရွာများတွင် တစ်နှစ်တစ်ခါပြုလုပ်သည့် ဘုရားပွဲများ၌သာ တောင်းရမ်းကြလေ့ရှိပါသည်။

ရှေးယခင်ကတည်းက တောင်းရမ်းလာမှုကြောင့် ၎င်းတို့သွားနေကျ ဘုရားပွဲများသို့ မသွားရောက်ဖြစ်ခဲ့ပါက စိတ်ဝေဒနာရောဂါဖြစ်ခြင်း၊ ကိုယ်လက်အင်္ဂါများမကောင်းခြင်း၊ ခန္ဓာကိုယ်ယားခြင်း စသည်တို့ဖြစ်တတ်သည်ဟု ယခင်ကယုံကြည်ခဲ့ကြသော်လည်း ယခုအချိန်တွင်မူ ထိုအရာများအားလုံးကို လက်ရှိတောင်းရမ်းနေသူများကပင် အယုံကြည်မရှိတော့ပါ။

“သူတောင်းစားမှန်ရင် တိုက်ပုံအင်္ကျီပါရတယ်။ တကယ်လို့မပါရင်လည်း အပေါ်ယံအင်္ကျီလက်ရှည်တော့ ၀တ်ရတယ်။ တောင်းတာက ခုဆိုရှက်စရာလို့ မထင်တော့ပါဘူး”ဟု ဆယ်နှစ်ကျော် တောင်းရမ်းလာခဲ့သူ အသက် ၁၉ နှစ်အရွယ် ကိုဇာနည်မောင်ကပြောသည်။

ယခုလို တောင်းလာခဲ့မှုများကြောင့် တောင်းနေကျ ဘုရားပွဲများရောက်၍ မတောင်းရလျှင် စိတ်ကမနေနိုင်ကြောင်း ကိုဇာနည်မောင်ကဆက်လက်ပြောသည်။ သူဖုန်းစားများသည် တောင်းရန်အတွက် ရောက်ရှိသောရွာ၏ ဘုရားတွင်တည်းခိုပြီး ယင်းဘုရားပရိဝုဏ်ကို ဦးစွာသန့်ရှင်းရေးပြုလုပ်ပေးလေ့ရှိသည်။ ထို့နောက်မှ တောင်းရန်အတွက် ရွာထဲသို့သွားကြသည်။ ရရှိလာသည့်မုန့်များ၊ ထမင်းများကို ဘုရားမှာ ဦးစွာကပ်လေ့ရှိသည်။

မြန်မာနိုင်ငံတွင် မန္တလေး၊ စစ်ကိုင်း၊ မကွေးတိုင်းဒေသကြီးများရှိ ဒေသအချို့တွင် သူဖုန်းစားများရှိသော်လည်း မင်္ဂလာသာစည်ရပ်ကွက်ထဲမှ သူဖုန်းစားများနှင့် ကွာခြားမှုရှိသည်။ မင်္ဂလာသာစည်ရပ်ကွက်မှ သူဖုန်းစားများက ၎င်းတို့တွင် ရှည်လျားသောသမိုင်းကြောင်းရှိပြီး၊ ၎င်းတို့မှာ အစဉ်အလာနှင့်ရိုးရာကို ဆက်လက်ထိန်းသိမ်းသူများဟု ယုံကြည်နေကြသည်။

ဗာရာဏသီပြည်၌ ဗြဟ္မဒတ်မင်းကြီး ထီးနန်းစိုးစံစဉ် မြို့ပြင်ဘက်မှ ဒွန်းစဏ္ဍား(သူတောင်းစား)ရွာတွင် ဘုရားလောင်းမာတင်္ဂ (တောင်းရမ်းသောသူ)ကို မွေးဖွားခဲ့သည်ဟု ဗုဒ္ဓ၀င်ကျမ်းစာများတွင် ဖော်ပြထားသော ပုံတော်စုံနိပါတ်တော်လာ ဇာတ်တော်ငါးရာ့ငါးဆယ်အနှစ်ချုပ်တွင် ရေးသားဖော်ပြထားသည်။ သူတို့က ထိုဘုရားလောင်းမျိုးနွယ်စုမှ ဆင်းသက်လာသည်ဟု မင်္ဂလာသာစည်ရပ်ကွက်နေသူများ ယုံကြည်ခဲ့ခြင်းကြောင့် ယခင်ကတည်းက တောင်းရမ်းလာခဲ့ခြင်းဖြစ်ကြောင်း ယင်းရပ်ကွက်ရှိ ဒေသခံများကဆိုကြသည်။

၁၉၄၈ ခုနှစ် ဇန်န၀ါရီ ၄ ရက်တွင် လွတ်လပ်သောမြန်မာနိုင်ငံ၏ ပထမဆုံးသမ္မတ စပ်ရွှေသိုက်က “ရာဇ၀င်တွင် ရှေးရှေးသောအခါမှစ၍ ရှေးမင်းများအာဏာစက်ကြောင့် ဒွန်းစဏ္ဍား၊ သူတောင်းစား၊ ဘုရားကျွန်၊ ကျောင်းကျွန်၊ ကယ်ပါ၊ သင်္ဂျီ စသည့်လူတန်းစား အနှိမ်ခံရသူတို့လည်း ရှိနေကြသည်။ ဤကဲ့သို့ အနှိမ်ခံရသော လူတန်းစားများကို ယနေ့မှစ၍ ရှေးမင်းအာဏာစက်များကို ကျွန်ုပ်ပယ်ဖျက်၍ ထိုလူတို့၏သဘောအတိုင်း လုပ်လိုသောအလုပ်မျိုးစုံတို့ကို လွတ်လပ်စွာလုပ်ကိုင်ကြပါစေ။ ကျွန်ုပ်အမိန့်ချမှတ်သည်”ဟု လူမှုဝန်ထမ်းဦးစီးဌာနမှထုတ်ဝေသည့် မြန်မာနိုင်ငံလူမှုဝန်ထမ်းသမိုင်းစာအုပ်တွင် ဖော်ပြထားသည်။

“သူတောင်းစားဆိုတာ ပုဂံခေတ်တုန်းက မပေါ်သေးပါဘူး။ ကုန်းဘောင်ခေတ်ကြမှ ပေါ်လာတာပါ။ သူတို့က ဘုရားကျွန်တွေပါ”ဟု သမိုင်းပါမောက္ခအငြိမ်းစား၊ မြန်မာ့သမိုင်းအဖွဲ့ဝင်၊ သမိုင်းပညာရပ်ကို နှစ်ခြောက်ဆယ်ဝန်းကျင်လေ့လာခဲ့သူ ဒေါက်တာတိုးလှကဆိုပါသည်။

ရှေးမင်းများသည် ဘုရားတွင် ထိန်းသိမ်းစောင့်ရှောက်ရန်အတွက် ဘုရားကျွန်များအဖြစ်ထားရှိပြီး ထိုဘုရားကျွန်များသည်လည်း တောင်းရမ်းခြင်းမရှိကြောင်း၊ မင်းကပေးသော လယ်ယာမြေများကိုသာ လုပ်ကိုင်ကြောင်း၊ နောက်ပိုင်းတွင် ၎င်းဘုရားကျွန်နေရာများသို့ ထောင်များမှထွက်လာသော လူဆိုးများကို ဘုရားကျွန်နေရာများတွင် မင်းများကထားရှိသောကြောင့် အဆိုပါဘုရားကျွန်များသည် အပြင်ထွက်၍တောင်းရာမှ သူတောင်းစားဘ၀သို့ ရောက်ရှိသွားကြောင်း ဒေါက်တာတိုးလှကဆိုသည်။

ပါလီမန်ခေတ် ၁၉၅၆ ခုနှစ်၊ ဒီဇင်ဘာ ၂၉ ရက်မှ ၃၁ ရက်အထိ ပုဂံမြို့တွင် ဘုရားကျွန်၊ သူတောင်းစားများ ပပျောက်ရန်အတွက် လူထုပညာရေးကောင်စီဥက္ကဋ္ဌ၊ လူမှုဝန်ထမ်းဝန်ကြီးဦးဘစောက ပုဂံမြို့သရပါတံခါးအနီး သဗ္ဗညုစေတီတော်ရှေ့တွင် ကယ်ပါလွတ်မြောက်ရေး ဘ၀စီမံကိန်းတစ်ခုပြုလုပ်ခဲ့သည်။ သို့သော် လက်တွေ့တွင် သူတောင်းစားများမှာ ပျောက်ကွယ်သွားခြင်းမရှိခဲ့ပေ။

ညောင်ဦးမြို့ ရွှေစည်းခုံဘုရားအနောက်ရှိ မင်္ဂလာသာစည်ရပ်ကွက်သို့ ၀င်လိုက်လျှင် သန့်ရှင်းသပ်ရပ်သောလမ်းမနှင့် သန့်ရှင်းစွာထားရှိသောလူနေအိမ်များ တွေ့မြင်ရသည်။ လမ်းမကြီးတစ်လျှောက်နှင့် လူနေအိမ်များအတွင်းတွင် အမှိုက်များမတွေ့ရပေ။ ထိုရပ်ကွက်ရှိ လူနေအိမ်အများစုကတော့ ထရံကာသွပ်မိုးအိမ်များသာဖြစ်သည်။

ကမ္ဘာလှည့်ခရီးသွားများ လာရောက်မှုများလာပြီး၊ ခရီးသွားလုပ်ငန်းဖွံ့ဖြိုးလာသဖြင့် သူတောင်းစားအဖြစ်မှ အများစုမှာ ဟိုတယ်ဝန်ထမ်း၊ ပန်းရံလုပ်ငန်း၊ ဈေးအရောင်းအ၀ယ်လုပ်ငန်းများ
စသည်တို့ လုပ်ကိုင်နေကြပါပြီ။ တိုးတက်ပြောင်းလဲလာသော ခေတ်ရေစီးအရ မင်္ဂလာသာစည်ရပ်ကွက်မှ ၂၀၁၃ ခုနှစ်တွင် တက္ကသိုလ်များ၌ ပညာသင်ကြားနေသော တက္ကသိုလ်ကျောင်းသား
ဆယ်ဦးကျော်ရှိနေပါပြီ။

“အကုန်လုံးပြောင်းလဲနိုင်အောင် ကြိုးစားရမယ်။ ပညာတတ်တွေ များများပေါ်ထွက်အောင် လုပ်ရမယ်။ တချို့လူငယ်တွေဆို ဟိုတယ်တွေမှာ ၀င်လုပ်နေကြပါပြီ”ဟု မင်္ဂလာသာစည်ရပ်ကွက်
အုပ်ချုပ်ရေးမှူးကိုအောင်ကိုမင်းက ပြောသည်။

ညောင်ဦးမြို့ဒေသခံများသည်ပင် မင်္ဂလာသာစည်ရပ်ကွက်သည် သူဖုန်းစားများနေထိုင်သောရပ်ကွက်ဟု သတ်မှတ်ထားပြီး မည်သို့ပင်လုပ်ကိုင်စားကြသည်ကို တိတိကျကျမသိကြောင်း ကိုအောင်ကိုမင်းကဆက်ပြောသည်။

“ဒီရပ်ကွက်ကို ညောင်ဦးကလူတွေတောင် မလာကြဖူးတဲ့သူတွေရှိပါတယ်။ လူ့ဘ၀မှာ ဒါ့ထက်နိမ့်ကျတာတော့ မရှိပါဘူး။ သူတို့လည်း မလုပ်ချင်တော့ပါဘူး”ဟု ကိုအောင်ကိုမင်းက ခပ်တိုးတိုးပြောသည်။ သူကတော့ တောင်းရမ်းနေကြခြင်းကို နှစ်မြို့ခြင်းမရှိပေ။ စီးပွားရေးအခြေအနေ၊ ဘ၀ပေးကုသိုလ်ကံကြောင့် လက်ရှိအချိန်ထိ တောင်းရမ်းနေသူများကတော့ မြို့နှင့်အနည်းငယ်ဝေးသော ကျေးရွာများ၏ ဘုရားပွဲများဆီသို့ သွားနေကြမြဲပါ။ “တောင်းတာကို ရပ်လိုက်လို့မရသေးဘူး။ တောင်းချင်နေတာလည်း မဟုတ်ပါဘူး။ အဘွားတို့ကတော့ သွားနေကျဘုရားပွဲတွေကို ဆက်သွားနေရအုံးမှာပဲ”ဟု ဒေါ်သန်းမြင့်ကပြောသည်။

Credit 7Day News Journal

Read More »

အရိုးစွဲနေတဲ့ မှောင်ခိုကုန်သွယ်ရေး တိုက်ဖျက်ရာဝယ် ------- ရေးသားသူ- ပြည်သိမ်း၊ အိဖြူလွင်၊ သိမ့်သိမ့်စိုး



အာဆီယံနိုင်ငံများတွင် မြန်မာနိုင်ငံသည် တရားမ၀င်ကုန်သွယ်မှု (မှောင်ခို)အများဆုံးနိုင်ငံတစ်ခု ဖြစ်သည်။ ထိုင်း၊ အင်ဒိုနီးရှားနိုင်ငံတို့တွင် ပြည်တွင်းအသားတင်ထုတ်လုပ်မှုတန်ဖိုး (GDP)တွင် ကုန်သွယ်ရေးအပါအ၀င် အခွန်မှရငွေပါဝင်မှု ၃၀ ရာခိုင်နှုန်းနီးပါး ရှိနေသည်။ သို့သော် မြန်မာနိုင်ငံတွင် အခွန်မှရငွေပါဝင်မှု ၃ ရာခိုင်နှုန်းသာရှိသည်။ နိုင်ငံ့ဝင်ငွေ လေလွင့်ဆုံးရှုံးမှုကိုကာကွယ်ရန် တရားမ၀င်ကုန်သွယ်မှုတားဆီးရေး ဗဟိုကော်မတီကို အစိုးရသစ်လက်ထက်တွင် ဖွဲ့စည်းပြီး ကုန်ကွယ်ရေးတွင် စစ်ဆေးဆောင်ရွက်မှုများ ပြုလုပ်နေသည်။

မြန်မာနိုင်ငံ သမိုင်းတစ်လျှောက်တွင် တရားမ၀င်ကုန်သွယ်မှု (မှောင်ခို) နှစ် ၅၀ ကျော် ကြီးစိုးခဲ့သည်။ အတိတ်တစ်ချိန်က မော်လမြိုင်ဈေး၊ စိန်ဂျွန်းဈေးတို့မှာ မှောင်ခိုရောင်းဝယ်မှု ခေတ်စားခဲ့သကဲ့သို့ ယနေ့တွင်လည်း နာမည်ကြီးဈေးများ၊ စူပါမားကက်များ၊ အရောင်းစင်တာအချို့တွင် မှောင်ခိုပစ္စည်းများ စိုးမိုးနေရာယူထားဆဲဖြစ်သည်။

မှောင်ခိုကုန်သွယ်မှုကို တားဆီးရန် ၂၀၁၂ အောက်တိုဘာလမှစ၍ အဓိကမှောင်ခိုစီးကြောင်းများဖြစ်သော မူဆယ်၊ မြ၀တီလမ်းကြောင်းတို့တွင် ရွေ့လျားစစ်ဆေးရေးအဖွဲ့များနှင့် စစ်ဆေးဆောင်ရွက်နေသည်။ ယခုလပိုင်းအတွင်း ပင်လယ်ရေကြောင်းကုန်သွယ်ရေးကိုပါ စစ်ဆေးနေပြီဖြစ်သည်။ သို့သော် မှောင်ခိုကုန်သွယ်မှု အားကြီးနေသည့်နိုင်ငံတွင် စစ်ဆေးရေးအဖွဲ့များမှာ ကုန်သည်များနှင့်ညှိနှိုင်း၍ လာဘ်စားမှုများဖြစ်လာနိုင်သည်ဟု လုပ်ငန်းရှင်များနှင့် ပညာရှင်များက ပြောလာကြသည်။

“တားဆီးစစ်ဆေးတာတွေက သမာသမတ်ကျဖို့လိုတယ်။ စစ်တောင်းတွေဆိုရင်တော့မလွယ်ဘူး”ဟု စီးပွားရေးပညာရှင်ဦးလှမောင်က ဆိုသည်။

သမ္မတဦးသိန်းစိန် အစိုးရလက်ထက် ကုန်သွယ်ရေးနှင့်ပတ်သက်၍ စစ်ဆေးရေးဂိတ်များ၊ လုပ်ထုံးလုပ်နည်းများစွာ ဖြေလျှော့ပေးခဲ့သည်။ ထို့နောက် ကုန်စည်ကူးသန်းရောင်းဝယ်ရေးတွင် တစ်လပြီးတစ်လ နိုင်ငံတော်မှ အခွန်ငွေရရှိမှုလျော့နည်းလာသည်။ ယင်းကို ပြန်လည်ထိန်းကျောင်းနိုင်ရန် စစ်ဆေးတားဆီးရေးအဖွဲ့များနှင့် ဆောင်ရွက်လိုသော်လည်း ခြစားမှုများ ကြုံတွေ့လာမည်ကို စီးပွားရေးနှင့်ကူးသန်းရောင်းဝယ်ရေး ပြည်ထောင်စုဝန်ကြီးဦးဝင်းမြင့်က စိုးရိမ်သည်။

တရားမ၀င်ကုန်သွယ်မှု တားဆီးရေးကို ဆောင်ရွက်ရာတွင် ၀န်ထမ်းများ လာဘ်ပေးလာဘ်ယူမှုများရှိပါက ကော်မတီသို့ တိုင်ကြားနိုင်သည်။ တိုင်ကြားမှုများကို စုံစမ်းစစ်ဆေးရန် တရားမ၀င်ကုန်သွယ်မှု တားဆီးထိန်းသိမ်းရေးဗဟိုကော်မတီမှ ဖွဲ့စည်းပေးထားသည့် စုံစမ်းစစ်ဆေးရေးကော်မတီက တာဝန်ယူလုပ်ကိုင်သွားမည်ဟု ပြည်ထောင်စုဝန်ကြီးဦးဝင်းမြင့်က လွှတ်တော်တွင်ပြောကြားသည်။

“၀န်ထမ်းနဲ့ ကုန်သည်တွေအနေနဲ့ မမှန်မကန်ဆောင်ရွက်တာ စစ်ဆေးတွေ့ရှိရင် ထိထိရောက်ရောက် အရေးယူဆောင်ရွက်သွားမယ်”ဟု ဦးဝင်းမြင့်ကပြောသည်။

တရားမ၀င်ကုန်သွယ်ရေးမရှိစေရန် ဖွင့်လှစ်စစ်ဆေးသော ဂိတ်များမှာ အမှန်တကယ်စစ်ဆေးရေးထက် ငွေရရှိရေးကိုသာ ဦးတည်ဆောင်ရွက်နေသည့် ဂိတ်များဖြစ်လာနိုင်ကြောင်း မြ၀တီ-ရန်ကုန် ကုန်တင်ယာဉ်ပြေးဆွဲနေသော လုပ်ငန်းရှင်တစ်ဦးက ပြောလာသည်။

“စစ်ဆေးသူတွေတောင်းကောင်းအောင် တရားဝင်လုပ်ပေးလိုက်သလိုမျိုးပဲ”ဟု မူဆယ်မြို့မှ ဆန်ကုန်သည် ဦးမင်းသိန်းကလည်း သူ့အမြင်ကိုပြောပါသည်။

မှောင်ခိုကုန်သွယ်မှုပပျောက်ရန် ကုန်သည်များ၏ကုန်ပစ္စည်းများကို စစ်ဆေးအရေးယူမှုများ ပြုလုပ်သကဲ့သို့ ၀န်ထမ်းများလာဘ်စားမှုများရှိပါက စနစ်တကျစစ်ဆေးပြီး ထောင်ချအရေးယူသင့်ကြောင်း မြ၀တီမြို့မှ ကုန်သည်တစ်ဦးက သူ၏အမြင်ကိုပြောသည်။

“အဖွဲ့တွေ၊ လူတွေက အများကြီးဆိုတော့ ညှိနှိုင်းပြီး လာဘ်စားမှုတွေရှိနိုင်တယ်။ ဒါကိုသိရင် ပြည်သူလူထုအနေနဲ့ ပူးပေါင်းဆောင်ရွက်ပေးဖို့ မေတ္တာရပ်ခံပါတယ်။ အဖွဲ့ကိုလည်း သတင်းပေးတိုင်ကြားနိုင်ပါတယ်။ ဖုန်းနံပါတ်တွေကိုလည်း နိုင်ငံပိုင်သတင်းစာတွေမှာ ဖော်ပြထားပါတယ်”ဟု တရားမ၀င်ကုန်သွယ်မှုတားဆီးရေး ဗဟိုကော်မတီမှ ရုံးအဖွဲ့မှူး ဒုတိယညွှန်ကြားရေးမှူးချုပ် ဦးညွန့်အောင်ကဆိုသည်။

တရားမ၀င်ကုန်သွယ်မှုတားဆီးရေးကို ဆောင်ရွက်ရာတွင် ၀န်ထမ်းများအပါအ၀င် တိုင်ကြားမှုများစွာရှိနိုင်ကြောင်းကို ရန်ကုန်ဆိပ်ကမ်း ရွေ့လျားစစ်ဆေးရေးအဖွဲ့ခေါင်းဆောင်က ပြောကြားဖူးသည်။ လာဘ်စားမှု၊ မမှန်မကန်လုပ်မှု စသည့်တိုင်ကြားမှုများစွာကိုလည်း စနစ်တကျစစ်ဆေးပြီး အရေးယူသွားမည်ဟု တရားမ၀င်ကုန်သွယ်မှုတားဆီးရေး ဗဟိုကော်မတီဥက္ကဋ္ဌက လွှတ်တော်တွင်ပြောကြားသည်။

ကုန်သည်လုပ်ငန်းရှင်များက မှောင်ခိုပစ္စည်းများ သယ်ဆောင်လာပါကလည်း လွှတ်တော်တွင် အတည်ပြုပြီးသော ပို့ကုန်သွင်းကုန်ဥပဒေဖြင့် အရေးယူဆောင်ရွက်သွားမည်ဟု သိရသည်။

မှောင်ခိုတားဆီးရေးလုပ်ငန်းများကို ဆောင်ရွက်ခြင်းမှာ တရားဥပဒေစိုးမိုးရေးကို ဆောင်ရွက်ခြင်းပင်ဖြစ်သည်။ ရွေ့လျားစစ်ဆေးရေးအဖွဲ့များကိုလည်း ပြည်သူများအဆင်မပြေဟု အသံထွက်လာပါက အများသဘောတူညီချက်ဖြင့် ထားသင့်၊ မထားသင့်ကို ဆုံးဖြတ်သွားမည်ဖြစ်ကြောင်း ပြည်သူ့လွှတ်တော်ကိုယ်စားလှယ် ဦးဝင်းသိန်းကဆိုသည်။

ပြည်တွင်း၌ မှောင်ခိုလုပ်ငန်း များပြားနေရခြင်းမှာ မဆလအစိုးရလက်ထက်မှ စတင်ခဲ့ခြင်းဖြစ်သည်။ တိုင်းပြည်ကို တံခါးပိတ်စီးပွားရေးစနစ် ကျင့်သုံးပြီး အစိုးရတစ်ဖွဲ့တည်းမှ ပြည်သူများ၏ အစားအသောက်မှအစ လူသုံးကုန်ပစ္စည်းများအားလုံး ထုတ်လုပ်ပေးသည့်စနစ်များကို ကျင့်သုံးခဲ့သည်။

ပြည်တွင်း၌ နေ့စဉ်တိုးမြင့်လာသည့် လူဦးရေနှင့် အစိုးရလုပ်ငန်းများမှ ထုတ်ကုန်များက မမျှတမှုများကြောင့် မှောင်ခိုစီးပွားရေးကို ပိုအားကောင်းလာစေခဲ့သည်။ မှောင်ခိုစီးပွားရေးလုပ်ငန်းများကို သာမန်ကုန်သည်များသာမက အစိုးရအဖွဲ့ ထိပ်ပိုင်းခေါင်းဆောင်များ၏ ဆွေမျိုးသားချင်းများစွာပါ ပါဝင်လုပ်ကိုင်ခဲ့ကြသည်။
“အဲဒီအချိန်က မှောင်ခိုလာဖမ်းရင် ဖမ်းတဲ့လူကို သုံးပုံတစ်ပုံပေးရတယ်။ အဲဒီအကျင့်တွေက နောက်ပိုင်းစစ်အစိုးရလက်ထက်မှာလည်း တောက်လျှောက်ပါလာတယ်””ဟု ကုန်သည်စက်မှုအသင်းချုပ် ဗဟိုအလုပ်အမှုဆောင်ကော်မတီဝင်တစ်ဦးကပြောသည်။

မဆလအစိုးရလက်ထက်က ပြည်တွင်းထုတ်လုပ်မှုနှင့် ပြည်တွင်းသုံးစွဲမှု မမျှတသဖြင့် မှောင်ခိုများရှိခဲ့သော်လည်း ၁၉၈၈ နောက်ပိုင်း စစ်အစိုးရလက်ထက်တွင်လည်း အခွန်ပမာဏကြီးမားမှုကြောင့် မှောင်ခိုများ ဆက်လက်ရှင်သန်စေခဲ့သည်။ စစ်အစိုးရလက်ထက်တွင် ပို့ကုန်တင်ပို့ပါက ၁၀ ရာခိုင်နှုန်း အခွန်ဆောင်ရပြီး သွင်းကုန်များပေါ်တွင်လည်း အခွန်ပမာဏများစွာ ကောက်ခံခဲ့သည်။ သမ္မတဦးသိန်းစိန် လက်ထက်တွင် ကုန်သွယ်ရေးနှင့်ပတ်သက်၍ ဖြေလျှော့မှုများစွာ ရှိနေသော်လည်း မှောင်ခိုကုန်သွယ်မှုမှာ ရှင်သန်နေသည်။

တရားမ၀င်ကုန်သွယ်မှု တားဆီးထိန်းချုပ်ရေးကို ရွေ့လျားစစ်ဆေးရေးအဖွဲ့များဖြင့် ဆောင်ရွက်ရာတွင် မြန်မာနိုင်ငံကုန်သွယ်မှု၏ ၂၀ ရာခိုင်နှုန်းရှိသည့် နယ်စပ်ကုန်သွယ်ရေးကို ဦးစွာလုပ်ခဲ့ပြီးမှ ပင်လယ်ရေကြောင်းကုန်သွယ်ရေးကိုပါ ထပ်မံဆောင်ရွက်လာပြီဖြစ်သည်။ နယ်စပ်ကုန်သွယ်ရေးကို ဆောင်ရွက်ရာတွင် မူဆယ်နှင့် မြ၀တီ ကုန်သွယ်ရေးလမ်းကြောင်းတို့၌သာ အဓိကဆောင်ရွက်ခဲ့သည်။ နယ်စပ်ကုန်သွယ်ရေးမှ မှောင်ခိုကုန်သွယ်မှုတားဆီးရာတွင် တစ်နှစ်ခန့်အတွင်း ဖမ်းဆီးမိသောပစ္စည်းများ လေလံပစ်ရာမှပင် နိုင်ငံ့ဘဏ္ဍာငွေအဖြစ် ကျပ်ခြောက်ဘီလီယံကျော် ရှာဖွေပေးနိုင်ခဲ့သည်။

နယ်စပ်ကုန်သွယ်မှုတွင်လည်း တရားမ၀င်ကုန်သွယ်မှု စစ်ဆေးမှုများ ပြုလုပ်ပြီးနောက် လစဉ်တစ်လပျမ်းမျှ အမေရိကန်ဒေါ်လာ သန်း ၈၀ ကျော် တိုးလာသည်။ သို့သော် မြန်မာ-ထိုင်းနယ်စပ်၊ မြ၀တီနယ်စပ် ကုန်သွယ်ရေးစခန်းနှင့် ထိုင်းနိုင်ငံ မဲဆောက်ကုန်သွယ်မှုအခြေအနေကို တရားဝင်စာရင်းများ ထုတ်ပြန်ရာတွင် မှောင်ခိုတားဆီးမှုများ ဆောင်ရွက်ပြီးနောက်မှာပင် အမေရိကန်ဒေါ်လာ တစ်ဘီလီယံခန့် ကွာခြားနေသေးသည်။ ထိုင်းနိုင်ငံ၏ ကုန်သွယ်မှုတန်ဖိုးစာရင်းက မြန်မာနိုင်ငံစာရင်းထက် တစ်ဘီလီယံ ပိုများနေခြင်းဖြစ်သည်။

ထို့ကြောင့် မြန်မာနိုင်ငံတွင် ရာစုနှစ်တစ်ဝက်နီးပါး အမြစ်တွယ်လာသည့် တရားမ၀င်မှောင်ခိုကုန်သွယ်ရေးလုပ်ငန်းများမှာ ၀န်ကြီးဌာနအနည်းငယ်၊ အဖွဲ့အစည်းတစ်ခုတည်း ဆောင်ရွက်ပါက အောင်မြင်မှုရရန်မလွယ်ကူပါ။ သက်ဆိုင်ရာဝန်ကြီးဌာနများသာမက အဖွဲ့အစည်းစုံ၊ ကဏ္ဍစုံမှပါဝင်ရန် လိုအပ်သည့်အပြင် ပြည်သူထူထုကလည်း တာဝန်သိစိတ်ဖြင့် လိုက်နာဆောင်ရွက်ရန် လိုအပ်ကြောင်း ဦးလှမောင်ကသုံးသပ်သည်။

Credit 7Day News Journal

Read More »

ပုဒ်မ ၁၈ ဂယက် --------------- ရေးသားသူ- အောင်ခိုင်


“ပုဒ်မ ၁၈ အလိုမရှိ။ မတရားဖမ်းဆီးချုပ်နှောင်ထားသူများ လွှတ်ပေးရေးတို့အရေး ၊ တရားဥပဒေစိုးမိုးရေး.. တို့အရေး”

မိုးသည်းထန်စွာ ရွာသွန်းနေသော်လည်း လူတစ်စုကမူ ဆူးလေစေတီတော်ဘက်သို့ လမ်းလျှောက်ချီတက် ဆန္ဒဖော်ထုတ်နေကြသည်။

ငြိမ်းချမ်းစွာစုဝေးခွင့်နှင့် စီတန်းလှည့်လည်ခွင့် ဥပဒေပုဒ်မ ၁၈ လုံးဝပယ်ဖျက်ရန် စမ်းချောင်းမြို့နယ်မှ ကျောက်တံတားမြို့နယ်ထိ ခုနစ်မြို့နယ် လမ်းလျှောက်ချီတက် တောင်းဆိုနေကြခြင်းဖြစ်သည်။ လူ့အခွင့်အရေးတက်ကြွလှုပ်ရှားသူများက ယင်းဥပဒေသည် ဖွဲ့စည်းပုံအခြေခံဥပဒေနှင့်ဆန့်ကျင်နေပြီး နိုင်ငံသားတို့ရပိုင်ခွင့်များကို ဖိနှိပ်ထားသဖြင့် ကန့်ကွက်ရခြင်းဖြစ်သည်ဟုဆိုသည်။

ပုဒ်မ ၁၈ ပယ်ဖျက်ရန် ကန့်ကွက်မှုများ အားကောင်းလာချိန်မှာ ဆန္ဒဖော်ထုတ်သူများကို ယင်းပုဒ်မ ၁၈ ဖြင့်ပင် အရေးယူခဲ့သည်။

စစ်အာဏာရှင်စနစ်မှ အသွင်ကူးပြောင်းနေသော မြန်မာနိုင်ငံတွင် အဆိုပါ ငြိမ်းချမ်းစွာစီတန်းလှည့်လည်ခွင့်ဥပဒေသည် ဒီမိုကရေစီစံနှုန်းများနှင့် ကိုက်ညီခြင်း ရှိ၊ မရှိ မေးခွန်းထုတ်စရာ ဖြစ်လာသည်။

“ပြတင်းပေါက်ဖွင့်ပေးပြီးမှ သံဆန်ခါပြန်တပ်သလိုဖြစ်နေတယ်။ ပုဒ်မ ၁၈ က ဒီမိုကရေစီစံနှုန်းနဲ့လည်း မညီဘူး၊ ဖွဲ့စည်းပုံအခြေခံဥပဒေ အနှစ်သာရနဲ့လည်း ဆန့်ကျင်တယ်”ဟု ပြည်သူ့လွှတ်တော်တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ အတွင်းရေးမှူးဦးဝင်းမြင့်က ထောက်ပြပြောဆိုသည်။

နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး (သို့မဟုတ်) ပြည်သူတို့၏ ကိုယ်ကျင့်တရားအကျိုးငှာ ပြဋ္ဌာန်းထားသည့်ဥပဒေများနှင့် မဆန့်ကျင်လျှင် လက်နက်မပါဘဲ ငြိမ်းချမ်းစွာစုဝေးခွင့်၊ စီတန်းလှည့်လည်ခွင့်ရှိသည်ဟု ဖွဲ့စည်းပုံအခြေခံဥပဒေပုဒ်မ ၃၅၄ တွင် ဖော်ပြထားသည်။

၂၀၁၁ ခုနှစ်က အတည်ပြုပြဋ္ဌာန်းခဲ့သော ငြိမ်းချမ်းစွာစုဝေးခွင့်နှင့် ငြိမ်းချမ်းစွာစီတန်းလှည့်လည်ခွင့် ဥပဒေပုဒ်မ ၁၈ တွင်မူ “ခွင့်ပြုမိန့်မရှိဘဲ ငြိမ်းချမ်းစွာစုဝေးစီတန်း လှည့်လည်ကြောင်း ပြစ်မှုထင်ရှားစီရင်ခံရလျှင် တစ်နှစ်ထက်မပိုသည့် ထောင်ဒဏ်ဖြစ်စေ၊ ကျပ်သုံးသောင်းထက်မပိုသော ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ရမည်”ဟု ပါရှိသည်။

“ဖွဲ့စည်းပုံအခြေခံဥပဒေကိုတောင် မယုံကြည်ရဘူးလား၊ မလိုက်နာနိုင်ဘူးလား။ နိုင်ငံသားတိုင်း ရပိုင်ခွင့်အရ လွတ်လပ်စွာ စုဝေးဆန္ဒဖော်ထုတ်ခွင့်ရှိတယ်”ဟု ပုဒ်မ ၁၈ ဖြင့် တရားစွဲဆိုခြင်းခံထားရသော မျိုးဆက်သစ်လူငယ်များအဖွဲ့(GY)မှ ကိုစည်သူက ဝေဖန်ပြောဆိုသည်။

ငြိမ်းချမ်းစွာစုဝေးလှည့်လည်ခွင့် တရားဝင်ရရှိရန် ခွင့်ပြုမိန့်ကြိုတောင်းခံရာတွင်လည်း အခက်ခဲများကြုံတွေ့နေရသည်ဟု တက်ကြွလှုပ်ရှားသူများကဆိုသည်။ လှည့်လည်ဆန္ဒဖော်ထုတ်ခွင့်ရရှိရန် သက်ဆိုင်ရာ မြို့နယ်ရဲတပ်ဖွဲ့မှူးထံသို့ အချက်အလက်ပြည့်စုံစွာဖြင့် အနည်းဆုံးငါးရက် ကြိုတင်ခွင့်ပြုမိန့်တောင်းခံရမည်ဟု ငြိမ်းချမ်းစွာ စုဝေးစီတန်းလှည့်လည်ခွင့်ဥပဒေက ပြဋ္ဌာန်းထားသည်။

“ခွင့်ပြုမိန့်ကြိုတောင်းတယ်။ ပယ်ချတယ်။ အယူခံဝင်ပြောတယ်။ မပေးချင်ရင် အကြောင်းအမျိုးမျိုးပြရွှေ့တယ်”ဟု ဒီမိုကရေစီအင်အားစုမှ ဦးသန်းဆွေက ခွင့်ပြုမိန့်ရရှိရန် ကြန့်ကြာပုံကို ဝေဖန်ထောက်ပြသည်။

ဆန္ဒဖော်ထုတ်ခွင့်တောင်းဆိုသော ပြည်သူများဘက်က စီတန်းလှည့်လည်ခွင့်ဥပဒေပါ သတ်မှတ်ချက်အတိုင်း ဆောင်ရွက်ရန်အားနည်းနေသည့်အတွက် ခွင့်ပြုမိန့်ပေးရန် အခက်အခဲများရှိသည်ဟုလည်း တာဝန်ရှိသူများကဆိုသည်။

“တချို့က တစ်မိုင်ခရီး လမ်းလျှောက်ဆန္ဒဖော်ထုတ်ဖို့ ခွင့်ပြုချိန် နံနက် ၆ နာရီက ည ၆ နာရီ တောင်းတယ်။ ဒါအဓိပ္ပာယ်မရှိဘူး။ တချို့ဆို သတ်မှတ်ပုံစံမှာပါတဲ့ အချက်တွေမပါဘူး။ ဒါဆို
လက်မခံနိုင်ဘူးပြန်ပြောရတယ်”ဟု ရန်ကုန်တိုင်းဒေသကြီးရဲတပ်ဖွဲ့မှ ရဲအုပ်တစ်ဦးကဆိုသည်။

တာဝန်ရှိအဖွဲ့အစည်းများကမူ ယခုကဲ့သို့ ဒီမိုကရေစီစနစ်သို့ အသွင်ကူးပြောင်းဆဲကာလတွင် နိုင်ငံသားတိုင်းသည် ဥပဒေကို လေးစားလိုက်နာရန်လိုအပ်ပြီး စည်းကမ်းနှင့်အညီသာ ဆန္ဒဖော်ထုတ်သင့်သည်ဟု တုံ့ပြန်သည်။

“ခွင့်ပြုမိန့်မတင်ဘူး၊ ဒါဆိုရင် ရဲတပ်ဖွဲ့ရဲ့ လုပ်ငန်းအရ ခွင့်မလွှတ်နိုင်ပါဘူး။ သတ်မှတ်ပုံစံမှာပါတဲ့ အချက်အလက်တွေပြည့်စုံရင် ခွင့်ပြုမိန့်ပေးပါတယ်။ ဒါပေမဲ့ ဆန္ဒဖော်ထုတ်ရာမှာ အများနဲ့ဆိုင်တာပဲ ဖြစ်ရမယ်။ ပုဂ္ဂိုလ်တစ်ဦးချင်း မတိုက်ခိုက်ရဘူး။ စည်းကမ်းရှိရမယ်။ ဥပဒေနဲ့ညီရင် ခွင့်ပြုပေးပါတယ်။ ပြီးရင် ငြင်းပယ်ခံရရင် အယူခံတက်ခွင့်ရှိပါတယ်”ဟု လက်ပံတောင်းတောင်စီမံကိန်း လုံးဝဖျက်သိမ်းရေး ဆန္ဒဖော်ထုတ်မှုများကို အမြဲကိုင်တွယ်ဖြေရှင်းနေရသော မုံရွာခရိုင်ရဲမှူးကြီးတင်ထွန်းက ရှင်းပြပြောဆိုသည်။

ထို့ပြင် အချို့ဆန္ဒဖော်ထုတ်မှုများတွင် အများပြည်သူပတ်ဝန်းကျင်ကို အနှောင့်အယှက်ဖြစ်စေခြင်း၊ ရပ်ရွာတည်ငြိမ်အေးချမ်းရေးကို ထိခိုက်စေသည့် အပြုအမူများကိုလည်း မြင်တွေ့နေရသည်ဟု ရဲမှူးကြီးကဆက်လက်ပြောသည်။

ဥပဒေပညာရှင်များကမူ ဆန္ဒဖော်ထုတ်ရန် မြို့နယ်တပ်ဖွဲ့မှူး ခွင့်ပြုမိန့်စောင့်ရမည်ဆိုခြင်းသည် ဥပဒေတို့၏ ပင်မကျောရိုးဖြစ်သည့် ဖွဲ့စည်းပုံအခြေခံဥပဒေကို ပြက်ရယ်ပြုနေခြင်းပင်ဖြစ်သည်ဟု ဝေဖန်ထောက်ပြကြသည်။

“ဥပဒေအထက်မှာ မည်သူမှမရှိစေရတဲ့။ ဖွဲ့စည်းပုံအခြေခံဥပဒေအထက်မှာ မြို့နယ်မှူးရောက်နေတယ်။ လုံးဝမရှိသင့်ဘူးလို့ ပြောချင်တယ်”ဟု ရှေ့နေဦးခင်ဇော်(မရမ်းကုန်း)ကဆိုသည်။

ထို့ပြင် စီတန်းလှည့်လည်ခွင့်ဥပဒေပါ ပြဋ္ဌာန်းချက်များအရ မြို့နယ်ရဲတပ်ဖွဲ့မှူးနှင့် မြို့နယ်အုပ်ချုပ်ရေးမှူးတို့ကို လုပ်ပိုင်ခွင့်အပြည့်အ၀ ပေးအပ်ထားခြင်းကိုလည်း ကန့်ကွက်သူများက ထောက်ပြကြသည်။ ယင်းဥပဒေတွင် မြို့နယ်ရဲတပ်ဖွဲ့မှူးသည် အုပ်ချုပ်ရေးမှူးအတည်ပြုချက်ဖြင့် ခွင့်ပြုမိန့်ထုတ်ပေးခြင်း၊ ငြင်းပယ်ခြင်း ပြုလုပ်နိုင်သည်ဟု ဖော်ပြထားသည်။

ဒီမိုကရေစီစနစ်ကို ကျင့်သုံးနေသော နိုင်ငံများတွင်လည်း နိုင်ငံသားတို့ရပိုင်ခွင့်အရ လွတ်လပ်စွာဆန္ဒဖော်ထုတ်ခွင့်ကို အပြည့်အ၀ပေးအပ်ထားသည်။

“ဒီမိုကရေစီနိုင်ငံတွေမှာဆိုရင်လည်း ဒီလိုမရှိပါဘူး။ စီတန်းလှည့်လည်ခွင့်ပေးထားတယ်။ ဒါမှဥပဒေချိုးဖောက်ရင် အဲဒီဥပဒေနဲ့အရေးယူတယ်”ဟု ဦးဝင်းမြင့်က သုံးသပ်ပြောဆိုသည်။

ခွင့်ပြုမိန့်တောင်းခံစောင့်ဆိုင်းရခြင်းသည် ဒီမိုကရေစီစနစ်နှင့်မကိုက်ညီဘဲ အာဏာရှင်စနစ်၏ အမွေဆိုးများကို ဆက်လက်ကျင့်သုံးနေခြင်းပင် ဖြစ်သည်ဟုလည်း သုံးသပ်သူများကဆိုသည်။

“ဘယ်ဒီမိုကရေစီနိုင်ငံမှမရှိဘူး။ ဒီမှာပဲတီထွင်ပြီး ပြဋ္ဌာန်းထားတာ”ဟု ဦးခင်ဇော်ကထောက်ပြသည်။

အာဏာရှင်စနစ်မှ ဒီမိုကရေစီစနစ်သို့ အသွင်ကူးပြောင်းနေသော မြန်မာနိုင်ငံတွင်မူ ပုဒ်မ ၁၈ အပေါ် ဝေဖန်ကန့်ကွက်မှုများ ရှိနေသည့်ကြားမှ မိမိတို့၏နစ်နာချက်များကို ငြိမ်းချမ်းစွာဆန္ဒဖော်ထုတ်ရန် ခွင့်ပြုမိန့်ကြိုတင်တောင်းခံနေရမြဲ။ ခွင့်ပြုမိန့်ကျမည့်ရက်ကို စောင့်ဆိုင်းနေရဆဲ။ ပုဒ်မ ၁၈ ဖြင့် ဖမ်းဆီးအရေးယူမှုများ ဆက်တိုက်ဖြစ်ပွားနေဆဲပင်ဖြစ်သည်။

လူ့အခွင့်အရေးတက်ကြွလှုပ်ရှားသော အဖွဲ့အစည်းများစာရင်းအရ ပုဒ်မ ၁၈ ဖြင့် ဖမ်းဆီးအရေးယူခံရမှုပေါင်းမှာ သြဂုတ်လကုန်အထိ အမှုပေါင်း ၁၄၀ ခန့် ရှိနေပြီဖြစ်သည်။

တစ်နိုင်ငံလုံးတွင် ပုဒ်မ ၁၈ ဖြင့် ဖမ်းဆီးအရေးယူခဲ့သော အမှုပေါင်းကိုသိရှိနိုင်ရန် ပြည်ထဲရေးဝန်ကြီးဌာနနှင့် မြန်မာနိုင်ငံရဲချုပ်ရုံးများသို့ 7Day News က ဆက်သွယ်မေးမြန်းခဲ့သည်။ သို့ရာတွင် တယ်လီဖုန်းရှစ်လုံး အဆင့်ဆင့်လွှဲပြောင်းပေးသော်လည်း တာဝန်ယူဖြေကြားမည့်သူမရှိခဲ့ပေ။

ဝေဖန်ကန့်ကွက်မှုများ ကျယ်လောင်နေသော ပုဒ်မ ၁၈ နှင့်ပတ်သက်ပြီး ဆွေးနွေးရန် ပြည်သူ့လွှတ်တော်ကိုယ်စားလှယ် ဦးဝင်းမြင့်က ပြီးခဲ့သည့်ဖေဖော်ဝါရီလ ၂၇ ရက်က အဆိုတင်သွင်းခဲ့သည်။ သို့သော် ယခုအချိန်ထိတော့ ပြည်သူ့အသံ တို့အသံဆိုသည့် လွှတ်တော်တွင် ပုဒ်မ ၁၈ ကို ဆွေးနွေးပြောဆိုခြင်း မရှိသေးပေ။

တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီဥက္ကဋ္ဌနှင့် ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်ကလည်း ငြိမ်းချမ်းစွာ စီတန်းလှည့်လည်ခွင့်ဥပဒေကို ပြန်လည်သုံးသပ်နိုင်ရန် အမျိုးသားဒီမိုကရေစီအဖွဲ့ချုပ်အနေဖြင့် လွှတ်တော်သို့ တင်သွင်းမည်ဖြစ်သည်။ ဥပဒေအချို့နှင့် စည်းမျဉ်းစည်းကမ်းအချို့သည် လိုအပ်ချက်များရှိနေသောကြောင့် တရားမ၀င်ဆန္ဒပြမှု အခြေအနေများထိအောင် ရောက်ရှိသွားခြင်းဖြစ်သည်ဟု သြဂုတ်လနှောင်းပိုင်းက ပြောကြားထားခဲ့သည်။

Credit 7Day News Journal

Read More »

ယုံကြည်သလို ရေးတဲ့စာ


ကျွန်တော်ကတော့ ယုံကြည်သလိုပဲ ရေးတတ်ပါတယ်။ ကျွန်တော့် စာလုံးတွေထဲမယ် ကျွန်တော့်ရဲ့အသိဉာဏ်က လက်လှမ်းမီ သလောက် ကျွန်တော့်ခံစားမှုတွေ၊ မျှော်လင့်မှုတွေ၊ စိတ်စေတနာတွေ၊ ဇောတွေ၊ ရင်ခုန်သံတွေ၊ မွတ်သိပ်မှုတွေ ရောပြွမ်း ပါကောင်းပါလိမ့်မယ်။ သေချာတာ ကတော့ အားလုံးဟာ ရိုးသားစွာနဲ့ ကျွန်တော် ယုံကြည်တဲ့အတိုင်း ဖြစ်တယ် ဆိုတာပါပဲ။
ကျွန်တော်ကတော့ မြန်မာစာကို ကျွန်တော်တို့လူမျိုးရဲ့စာပေ ဖြစ်တာနဲ့တင် ချစ်ဖို့ လုံလောက်ခဲ့ပါတယ်။ အခြားသူတွေကိုလည်း ချစ်စေချင်ပါတယ်။
per_yktlyts_YKYG“စာစီစာကုံးဆိုတာ အပိုအလုပ်တွေပါ”လို့ပြောတဲ့သူတွေကို တွေ့ရတိုင်း စိတ်မကောင်းပါ။ ကျွန်တော်တို့လူမျိုးရဲ့ ကိုယ်ပိုင်ဘာသာစကားကို သုံးပြီး ကျွန်တော် တို့လူမျိုးတွေ နားလည်ခံစားနိုင်အောင် စာတစ်ပုဒ် ကောင်းကောင်းရေးတတ်ဖို့ အတွက် စာစီစာကုံးတွေကစပြီး ပျိုးထောင်ရတာပါပဲ။ လူနားလည်အောင် ရေးတတ်တာနဲ့ လူနားစွဲအောင် ရေးတတ်တာ မတူပါဘူး။ လူတိုင်းအတွက် တစ်ချိန်မှာ စာရေးတတ်ဖို့ လိုအပ်ချင် လိုအပ်လာမှာပဲ မဟုတ်လားဗျာ။ မချစ်ရင်တောင် လွှင့်ပစ်စရာလို့ သဘောထားတာ ကတော့ မသင့်ပါဘူး။
ကြုံရာသတ်ပုံနဲ့ ရေးနေတဲ့ Online ပေါ်ကစာတွေ၊ သတ်ပုံအမှားကို တမင်တကာရော မသိလို့ရော ဖက်ရှင်တစ်ခုလို သဘောထား သုံးစွဲနေကြ တာတွေ ပိုပို တွေ့လာရတဲ့အခါလည်း စိတ်မကောင်းပါ။ ပိုတာဝန်ရှိတယ်လို့ ခံစားရတဲ့ ပုံနှိပ်စာစောင် (Press Media) တွေကပါ အခြေခံ အမှားတွေကို ပုံမှန်ဆိုသလို ကျူးလွန်နေတာကို တွေ့ရတဲ့အခါ မှာတော့ ရင်လေးရပါတယ်။
စကားပြော အရေးအသားမှာ “တယ်၊ မယ်” စာလို အရေးအသားမှာ “သည်၊ မည်” စသည်ဖြင့် ပုံမှန်အခြေခံစည်းမျဉ်း လောက်ကိုတောင် မှန်အောင်မရေးနိုင်တဲ့ စာတွေကို တစ်စုံတစ်ရာ မတည်းဖြတ်ဘဲ နေ့စဉ်ရက်ဆက် ပုံမှန်ဖော်ပြကြတာမျိုး အမြဲတွေ့လာရပါတယ်။ သတ်ပုံအမှားများကို အစဉ်တစိုက် သုံးစွဲလာခြင်းအားဖြင့် အမှန်အဖြစ် သွတ်သွင်းပေးရာ ရောက်နေကြပါတယ်။ “လဲ” နှင့် “လည်း” အသုံးလောက် ကိုတောင် ဂရုတစိုက် တည်းဖြတ်မှု မရှိကြတော့ပါ။ ကျွန်တော်တို့ စာပေကို လေးစားမြတ်နိုးသော ပမာဏအလျောက် သတ်ပုံနဲ့ သဒ္ဒါစာပြင်ဆရာ တစ်ဦးလောက်အတွက် လစာ အကုန်ခံပေးကြပါလို့သာ ပြောချင်ပါတယ်။ ပြောနိုင်ပါတယ်။
“စာမူပါရေး မပါရေးဟာ ဝမ်းရေးနဲ့ ဆက်နေတယ် ဆိုရင်တော့…”
အင်္ဂလိပ်လို အသံထွက်မှားမိရင်၊ အပြောမှား အရေးမှားမိရင်တော့ ကျွန်တော်တို့ ကောင်းကောင်း ရှက်တတ်ကြပါတယ်။ မြန်မာလူမျိုးများက မြန်မာစာ အသုံးအနှုန်း၊ အထားအသို မှားနေတာကိုတော့ ဂုဏ်ယူစရာ တစ်ခုလိုတောင် ဖြစ်နေကြမလား လို့ဗျာ။ ထောက်ပြသူကိုတောင် “ဘုန်းကြီး ကျောင်းသားလား၊ တောကတက်လာတာလား” ဆိုတာမျိုး အထိကတော့ မဖြစ်သင့်တာမဟုတ်လား ခင်ဗျာ။ ကျွန်တော်တို့တွေ မှားနေကြပြီ ထင်ပါတယ်။
ပြင်သစ်လူမျိုး တစ်ဦးက အင်္ဂလိပ်လို မပြောတတ်တဲ့ အတွက်၊ အမှားပြောမိတဲ့အတွက် ရှက်တာမျိုး မတွေ့ဖူးပါ။ နပိုလီယံနဲ့ ဗော်လ်တဲယား အကြောင်း လုံးစေ့ပတ်စေ့ မပြောနိုင်တာ၊ ပြင်သစ်စကားနဲ့ စာကို ကျွမ်းကျွမ်းကျင်ကျင် ရှင်းမပြနိုင်တာကိုသာ ရှက်တတ်ကြပါတယ်။ ကျွန်တော်တို့ ကရော ဘာကိုရှက်ကြမှာလဲ ခင်ဗျာ။
အင်္ဂလိပ်စာတွေ ထည့်ရေးမှ၊ အင်္ဂလိပ်စကားလုံးတွေ ညှပ်ပြောမှ လူအထင်ကြီးတယ်ဆိုတာ အတိုင်းအတာတစ်ခု အထိတော့လည်း မှန်တယ်ဗျာ။ ဒါဟာ မရင့်ကျက်တဲ့၊ ဉာဏ်ပညာနိမ့်ကျတဲ့၊ စိတ်သဘောထား ဆိုင်ရာ သိမ်ငယ်စိတ် (Inferioirity Complex) ဝင်နေတဲ့ လူ့အဖွဲ့အစည်း တစ်ခုရဲ့ ပြယုဂ်ပါပဲ။
ကောင်းပါပြီ။ စာရေးသူက ဘယ်ကိုသွားမှာလဲ၊ သူ့အသိုင်း အဝိုင်းကို ဘယ်ကို ဆက်သွားစေချင်တာပါလဲဗျာ။ စာရေးသူတိုင်း ကိုယ်စီ မိမိကိုယ်ကိုယ် ပြန်မေးကြရမယ့် မေးခွန်း ထင်ပါတယ်။ ကျွန်တော်တို့ စာရေးနေတာက ကျွန်တော်တို့ အသိုင်းအဝိုင်းကို အဲဒီလို လမ်းကြောင်းအမှားထဲ ဆက်တွန်းပို့ရုံပဲလား။
ကျွန်တော်တို့ရဲ့ ဘိုးဘေးများက မော်တော်ကား၊ ရဟတ်ယာဉ်တို့၊ ရုပ်မြင်သံကြားတို့ကို တီထွင်သုံးစွဲခဲ့ကြတာ ဘယ်တော့မှ မမေ့ကောင်းပါ။
အင်္ဂလိပ်လိုပြောလိုက်မှ နားထဲ ရှင်းသွားတာမျိုးကလည်း တချို့သော အသိုင်းအဝိုင်းများမှာ အမှန်တကယ် ကြုံနေကျပါပဲ။ လျင်လျင်မြန်မြန် ကျယ်ပြန့်ဆန့်ကားလာတဲ့ နည်းပညာထဲမှာ ဘာသာပြန် စကားလုံး အလှဆင်နေဖို့ အချိန် မရှိတော့တာလည်း အမှန်ပါပဲ။ အထူးသဖြင့် ကန့်သတ်သုံးစွဲစရာ ပညာရပ်ဆိုင်ရာ စကားများမှာ သိသာလွန်းပါတယ်။ အရောင်တူသူချင်း ကြားထဲမှာ စကားတစ်လုံးနဲ့ ပြီးနိုင်ပေမယ့် အဆင်ကွဲတွေနားလည်ဖို့ မြန်မာစာ နှစ်ကြောင်း သုံးကြောင်းနဲ့ ပြန်ရှင်းရတတ် ပါသေးတယ်။
စိတ်စေတနာက အဓိကလို့ မှတ်ယူပါရစေ။ စာရေးသူရဲ့စိတ်စေတနာနဲ့ အဇ္ဈတ္တကို စာရေးသူက အသိဆုံးပါပဲဗျာ။ ကြာတော့လည်း ဒီပုတ်သင် ဘာအရောင်ဆိုတာ တဖြည်းဖြည်း သိကြရတာပဲ မဟုတ်ပါလား။
တချို့အတွက်တော့ စာတွေက ထမင်းအိုး၊ ဟင်းအိုးအဖြစ် ရှိနေဆဲပါပဲ။ ငွေနဲ့ အစက်ခံရတဲ့အခါ မတ်မတ်ရပ်ဖို့ သိပ်ခက်ပါတယ်။ မရေးချင် သော်လည်း တစ်ဝမ်းတစ်ခါး၊ နှစ်ဝမ်းနှစ်ခါး တွေအတွက် ရေးရတဲ့စာတွေဟာ အရောင် မှိန်လာတတ်ပါတယ်။ အရောင်လွင့်သွားရင်တော့ မကောင်းတော့ ပါဘူး။ လွင့်သွားတဲ့ အရောင်ပေါ်ကို ထမင်းကျွေးပြီး ဆိုးပေးမယ့် ဆေးတွေက ဝိုင်းနေတတ်တာမျိုး မဟုတ်ပါလား။
ဒီတိုက်ရဲ့အာဘော်က ဒီလိုပဲ၊ ဒီလိုရေးမှ ပါမှာပဲ .. ဆိုတာတွေကလည်း လျစ်လျူရှုလို့ မရကောင်းပါ။ စာမူပါရေး မပါရေးဟာ ဝမ်းရေးနဲ့ ဆက်နေတယ် ဆိုရင်တော့ သိပ်မမျှော်လင့်ကောင်းတော့ ပါဘူး။ အကောင်းဆုံး ကတော့ မိမိယုံကြည်တဲ့ အာဘော်မှာပဲ အစမှအဆုံးတိုင် မြဲမြဲရပ်နေကြဖို့ပါ။ အူမတောင့်ဖို့ဆိုတာ နေရာတိုင်းမှာ အရေးပါမြဲပဲ မဟုတ်လား။
အရင်ကတော့ စာပေသည် ဘယ်သူ့အတွက်ဆိုတာ ငြင်းခုံခဲ့ကြတာပါ။ ရည်ရွယ်ခဲ့ကြတဲ့ ဘယ်သူဘယ်ဝါ တချို့က မရှိတော့သော်လည်း စာပေကတော့ ရှိနေဆဲပါပဲ။ ကျွန်တော်ကတော့ ဘယ်သူအတွက် ဘယ်ဝါအတွက်လို့ ဝင်ပြောရလောက်အောင် မတတ်ပါ။ တစ်ယောက်ယောက် အတွက်တော့ အမြဲ ပါနိုင်ကောင်းပါတယ်။ အနည်းဆုံး ကျွန်တော့်ကိုယ်ကျွန်တော်အတွက် ဖြစ်နိုင်ပါတယ်။ ရေးကောင်းတဲ့ စာတစ်ပုဒ်ဟာ ဘယ်သူ့အတွက်ဆိုတာထက် ဘာအတွက်ဆိုတာက ပိုအရေးကြီးမလားလို့ ထင်မိပါရဲ့ဗျာ။
ရည်ရွယ်ချက်တစ်ခုအတွက် ရေးတဲ့စာ၊ ငွေအတွက် ရေးတဲ့စာ၊ လူအထင်ကြီးခံရဖို့ ရေးတဲ့စာ၊ သိက္ခာအတွက် ရေးတဲ့စာ၊ ထမင်းအတွက် ရေးတဲ့စာ၊ သားရေးသမီးရေးအတွက် ရေးတဲ့စာ၊ တစ်စုံတစ်ယောက်အတွက် ရေးတဲ့စာ၊ အနာဂတ်အတွက် ရေးတဲ့စာ၊ ဘဝအာမခံချက် အတွက် ရေးတဲ့စာ … ဘာစာပဲဖြစ်ဖြစ် ပေါက်လွှတ်ပဲစားမဟုတ်တဲ့ စာမှန်သမျှမှာ အရောင် ကိုယ်စီ ရှိကြပါတယ်။ အဆင့်ပေါ်မူတည်ပြီး တောက်ပမှုတွေ ကွဲပြားသွားကြ ပါတယ်။
အရောင်တွေကွဲပြားပေမယ့် အဆင့်မြင့်တဲ့စာတွေများတဲ့ လောကကြီးဟာ လင်းလက်မှုအား ပိုကောင်းတာပေါ့ဗျာ။ အရောင်အသွေးစုံနဲ့ ရွှန်းလက်တောက်ပနေတဲ့ စာပေလောကကြီးပေါ့။
စာတွေအရောင်လှဖို့၊ အရောင်ထွက်ဖို့ဆိုတာ အကြောင်းအချက် (Factors) များစွာအပေါ် အခြေခံနိုင်ပါတယ်။ တချို့အချက်တွေက ကျွန်တော်တို့ရဲ့ လက်တစ်ကမ်း အတွင်းကပါ။ နည်းနည်းအားစိုက်ပြီး လက်လှမ်း ပြုပြင်ပေးနိုင်တာနဲ့ အရောင် ပိုလှလာနိုင်ကြပါတယ်။ ပါဝင် ပတ်သက်သူအားလုံးက လက်လှမ်းလိုစိတ် ရှိကြဖို့ပဲလိုပါတယ်။
ကျွန်တော့်စာတွေကတော့ အရောင်နဲ့ တောက်ပမှုတွေအကြောင်း မဆိုနိုင်ပေမယ့် ဖတ်ကောင်းတဲ့စာတွေတော့ အမြဲဖြစ်ပါလိမ့်မယ်။ စာလုံးတွေထဲမယ် ကျွန်တော့် အသိဉာဏ်က လက်လှမ်းမီသလောက် စိတ်ခံစားမှုနဲ့ ရည်ရွယ်ချက်တွေ၊ ရင်ခုန်သံတွေ ပါကောင်း ပါနေပါလိမ့်မယ်။ သေချာတာ တစ်ခုက ဘယ်ဘက်ရင်ဘတ်က ခံစားတာကို ညာဘက်လက်က ယုံကြည်လို့ ရေးတဲ့စာတွေ ဖြစ်တယ်ဆိုတာပါပဲ။
(ယက္ခ) ရဲကြီး
Read More »

တရွတ်တိုက် လိုက်ရဦးမည့် လမ်းဆုံနိုင်ငံ


မြေရှိသော်လည်း လမ်းမရှိ၊ ရေရှိသော်လည်း ဆိပ်ကမ်းမရှိသည့် နိုင်ငံမှ နောက်တစ်ဆင့် တက်နိုင်မည်လော။
လက်ရှိ မြန်မာနိုင်ငံ၏ လမ်းပန်းဆက်သွယ်ရေးနှင့် ကုန်သွယ်မှုအပိုင်းသည် အာဆီယံနိုင်ငံများတွင် ဘိတ်ဆုံး။ မြန်မာနိုင်ငံ၏ ကုန်သွယ်မှုကဏ္ဍနှင့် ပတ်သက်ပြီး တိုင်းတာသော Logistics Performance Index သည်လည်း ၂ ဒသမ ၃၇ သာရှိပြီး အိမ်နီးချင်း လာအိုနှင့် ထိုင်းနိုင်ငံတို့အောက် နိမ့်ကျကြောင်း ကမ္ဘာ့ဘဏ်က ထုတ်ပြန်ထားသည်။
ကမ္ဘာ့လူဦးရေ အများဆုံး နိုင်ငံနှစ်ခုစလုံးနှင့် အာဆီယံဒေသတွင်း ဆယ်နိုင်ငံတို့ကို ဆက်စပ်ပေးမည့် လမ်းဆုံသည် မြန်မာနိုင်ငံကို ဖြတ်သန်း ဖောက်လုပ်နေရ သဖြင့် ဆယ်စုနှစ်ကျော်ကြာ ပိတ်ဆို့ ရပ်တန့်မှုများရှိခဲ့သည်။
article_dytlyom_LYM
အာဆီယံဒေသတွင်း နိုင်ငံများအကြား လမ်းပန်းဆက်သွယ်ရေး လိုအပ်ချက် အမြင့်ဆုံးနိုင်ငံ ဖြစ်နေသော်လည်း ရေမြေအနေအထားအရ အရှေ့၊ အနောက် နိုင်ငံများနှင့် ကူးလူးဆက်ဆံရာတွင် အဓိက အချက်အချာနိုင်ငံ ဖြစ်လာနိုင်သောကြောင့် ၂၀၁၀ အစိုးရသစ်နောက်ပိုင်း နိုင်ငံတကာ စီးပွားရေးလုပ်ငန်းရှင်များ မျက်စိကျစရာ ဖြစ်နေသည်။
ပြည်တွင်း အထည်ချုပ်နှင့် ဆန်စပါးပို့ကုန်လုပ်ငန်းရှင် အသိုင်းအဝိုင်းကမူ အဓိကအများဆုံး အသုံးများသော ရေလမ်း ကုန်သွယ်ရေးတွင် ထားဝယ်နှင့်ကျောက်ဖြူ ရေနက်စီမံကိန်းကြီးများကို အခွင့်အလမ်း တစ်ခုဟု ထင်မှတ်ထားပြီး ယင်းစီမံကိန်း များပြီဆုံးပါက ဥရောပ၊ အာရှနိုင်ငံများသို့ ကုန်သွယ်စီးဆင်းမှုပိုင်း လွယ်ကူသွားမည် ဖြစ်ကြောင်း ယုံကြည်ကြသည်။

ကားလမ်းကိုသာ

မြန်မာနိုင်ငံကို ဖြတ်သန်းသွားမည့် နိုင်ငံတကာနှင့် ချိတ်ဆက်ထားသော လမ်းပိုင်း စီမံကိန်းကြီး သုံးခုရှိသည်။ နိုင်ငံပေါင်း ၃၂ နိုင်ငံပါဝင်မည့် အာရှလမ်းမကြီး၊ အာဆီယံ နိုင်ငံများ လွတ်လပ်စွာကုန်သွယ်ရေး ဆောင်ရွက်ရန် ဖောက်လုပ်နေသော အာဆီယံလမ်းမကြီးနှင့် မဲခေါင်ဒေသတွင်း နိုင်ငံများ ချိတ်ဆက်မည့် GMS (Greater Mekong Sub region) စီမံကိန်းလမ်းမကြီး တို့ ဖြစ်သည်။
အစိုးရက ယင်းစီမံကိန်းများအတွက် နားလည်မှုစာချွန်လွှာများ ရေးထိုးထားပြီး ဖြစ်သော်လည်း လက်တွေ့ အကောင်အထည် ဖော်ရေးပိုင်းတွင် အားနည်းနေကြောင်း၊ အထူးသဖြင့် အနီးကပ်ဆုံး လာမည့် ၂ဝ၁၅ ခုနှစ်တွင်စတင်မည့် လွတ်လပ်စွာ ကုန်စည်ကူးသန်းရေးအတွက် လမ်းပန်းဆက်သွယ်မှုကဏ္ဍ၊ အစိုးရ အကောက်ခွန်ကဏ္ဍတို့တွင် လိုက်နာ လက်မှတ်ရေးထိုးရမည့် အပိုင်းများ ရှိနေသေးကြောင်း ကုန်းလမ်းပို့ဆောင်မှု ညွှန်ကြားရေး ဦးစီးဌာန၊ ညွှန်ကြားရေးမှူး (ငြိမ်း) က The Voice သို့ ပြောကြားသည်။
လက်ရှိ အာဆီယံတွင် လမ်းပိုင်းဆိုင်ရာ အတွက် ချုပ်ဆိုထားသောစာချုပ် အားလုံး သုံးခုရှိသည့်အနက် ကုန်စည်များ နိုင်ငံဖြတ်ကျော် သယ်ယူပို့ဆောင်ရေး သဘောတူစာချုပ်တွင် အကောက်ခွန်ပိုင်း ဆိုင်ရာအတွက် ညှိနှိုင်းဆဲ အခြေအနေသာ ရှိပြီး တည်ဆဲဥပဒေများ ကိုလည်း ပြန်လည် ပြင်ဆင်ရန်လိုအပ်ကြောင်း မြန်မာနိုင်ငံ အင်ဂျင်နီယာအသင်း ဒုတိယဥက္ကဋ္ဌ ဦးအောင်မြင့်က The Voice သို့ ပြောဆိုသည်။
ယင်းသို့ လုပ်ထုံးလုပ်နည်းပိုင်းတွင် အခက်အခဲများစွာ ရှိသည့်အပြင် လမ်းပန်းဆက်သွယ်ရေး ပိုင်းတွင်လည်း အာဆီယံ အဆင့်မီလမ်းမကြီးများ ရှားပါးလျက် ရှိသည်။
အာဆီယံ ဆယ်နိုင်ငံကို ဖြတ်သန်း ဖောက်လုပ်မည့် ယင်းစီမံကိန်းတွင် မြန်မာနိုင်ငံ၌ ကီလိုမီတာ ၄၅၃၄ ရှိပြီး အဆင့်အမီဆုံး လမ်းမကြီးများ လုံးဝမရှိသေးဘဲ အဆင့်တစ် လမ်းမကြီး ၁၄၇ ကီလိုမီတာ သာရှိကြောင်း၊ အနိမ့်ဆုံးအဆင့် လမ်းမကြီး မှာ ကီလိုမီတာ ၂၁၂၅ ရှိသည့်အပြင် ကီလို မီတာ ၂၀၁ သည် လမ်းလုံးဝ မပေါက်သေးသော အာဆီယံလမ်းမကြီး ဖြစ်ကြောင်း ထိုင်းနိုင်ငံရှိ ASEAN Highway Fact & Department of Highways က ထုတ်ပြန်ထားသည်။
“ဂျပန်ဆို ကုန်းလမ်းက သွားရင် ၃ ရက်လောက်ပဲ ကြာတယ်။ ရေလမ်းက သွားရင် တစ်ပတ်လောက် ကြာသွားတယ်။ စရိတ်တော့ သက်သာတာပေါ့” ဟု မြန်မာနိုင်ငံ အထည်ချုပ်လုပ်ငန်းရှင် များအသင်းမှ အတွင်းရေးမှူး ဒေါ်ခိုင်ခိုင်နွယ်က ဆိုသည်။
ကုန်းလမ်းကို ရွေးချယ်လိုကြသော်လည်း မြဝတီဘက်လမ်းပိုင်းသည် မိုးရာသီ ဆိုပါက လမ်းပန်းဆက်သွယ်ရေး အခက် အခဲများရှိနေသည့်အတွက် ရေလမ်းခရီးကို သာပိုသုံးဖြစ်ကြောင်း ၄င်းက ဖြည့်စွက်ပြော ကြားသည်။

ဆိပ်ကမ်းထွက်ပေါက်နိုင်ငံ

ကုန်သွယ်မှုကဏ္ဍအတွက် အစိုးရ နှင့် ပုဂ္ဂလိက လုပ်ငန်းရှင်များသည် ရေလမ်းပိုင်းကိုသာ ပိုမို အသုံးပြုလာကြသည်။
၂၀၀၀ ပြည့်နှစ်က ကုန်တင်ကုန်ချ ပို့ဆောင်ရေးပိုင်းတွင် မီးရထားကိုသာ အသုံးပြုလာကြပြီး ၂၀၀၇ ခုနှစ်ခန့်ထိ အသုံးပြုသူ များပြားခဲ့ရာမှ အစိုးရသစ်မတိုင်ခင်တွင် ရေလမ်းခရီး အသုံးပြုမှုသည် သိသိ သာသာ တိုးမြှင့်လာသည်။ ယခုအချိန်တွင် ပို့ကုန်၊ သွင်းကုန်လုပ်ငန်းရှင်များ၏ရွေးချယ်မှုသည် ရေလမ်းခရီးသာ ဖြစ်နေသည်။
“ကိုယ့်ရဲ့ဝယ်သူပေါ်မူတည်ပြီး ကုန်သွယ်တဲ့လမ်းတွေ ရွေးချယ်ကြတာ များတယ်။ သင်္ဘောနဲ့ ကားနဲ့ ဘာက ပိုရွေးတယ်ဆိုတာ မရှိဘူး။ ဒါပေမဲ့ သင်္ဘောကို အများဆုံးရွေးဖြစ်တယ်” ဟု အာဖရိကသို့ ဆန်တင်ပို့နေသည့် Infinity Innovation ကုမ္ပဏီမှ အုပ်ချုပ်မှုဒါရိုက်တာ ဦးပြည့်စုံဦး က The Voice သို့ ပြောကြားသည်။
ကုန်ပစ္စည်းများ ပို့ဆောင်မှုအပိုင်းတွင် ကုန်းလမ်းကို အသုံးပြုမည်ဆိုပါက ပိုမိုမြန်ဆန်နိုင်မည် ဆိုသော်လည်း ရေလမ်းခရီးသည် ကုန်ကျစရိတ် သက်သာသည့်အတွက် ပိုမို အသုံးပြုလာနိုင်ကြောင်း၊ လာမည့် ထားဝယ် ရေနက်ဆိပ်ကမ်းစီမံကိန်း နှင့် ကျောက်ဖြူ ရေနက်စီမံကိန်းများလည်း ရှိနေသေးသည့်အတွက် ရေလမ်းပိုင်းကိုသာ ရွေးချယ်လာနိုင်ကြောင်း ပို့ကုန်လုပ်ငန်းရှင် အသိုင်းအဝိုင်းက သုံးသပ်သည်။
အစိုးရက စာချုပ်ချုပ်ဆိုထားသော လမ်းပိုင်းဆိုင်ရာ စာချုပ်များအနက် GMS စီမံကိန်းသည် ကုန်းလမ်းပိုင်းအတွက် သာမက ရေကြောင်း သယ်ယူပို့ဆောင်ရေးပိုင်း အတွက်လည်း အကူအညီဖြစ်ကြောင်း၊ ကမ္ဘောဒီးယားနိုင်ငံ၊ လာအိုနိုင်ငံ၊ ဗီယက်နမ် နိုင်ငံ၊ ထိုင်းနိုင်ငံနှင့် တရုတ်နိုင်ငံတို့ကို ဆက်သွယ်ပေးမည့် အဓိကလမ်းကြောင်း သည် မြန်မာနိုင်ငံတွင် ရှိကြောင်း အင်ဂျင် နီယာအသင်း ဒုတိယဥက္ကဋ္ဌ ဦးအောင်မြင့်က ရှင်းပြသည်။
GMS စီမံကိန်း၏ အဓိကလုပ်ငန်း သုံးခုထဲမှ အရှေ့၊ အနောက် စီးပွားရေး ပူးပေါင်းမှု စီမံချက်ကို မော်လမြိုင်-မြဝတီ-မက်ဒဟန်(ထိုင်း)-ဒန်စဝါ(Dansavanh)(လာအို)-ဒါနန်း(ဗီယက်နမ်) တွင်ပြုလုပ်ရန် လျာထားသည်။
ယင်းအပြင် တရုတ်ပြည်သူ့သမ္မတ နိုင်ငံနှင့် အိန္ဒိယနိုင်ငံ တို့ကလည်း မြန်မာ့ ရေနက်ဆိပ်ကမ်းများကို အသုံးပြုကာ အရှေ့၊ အနောက် နိုင်ငံကြီးများနှင့် ဆက်သွယ်ရန် ဆန္ဒရှိကြသည့်အတွက် အစိုးရက ရေနက်ဆိပ်ကမ်း စီမံကိန်းများကို သေချာကိုင်တွယ်ပြီး နိုင်ငံဝင်ငွေ ရှာဖွေနိုင်ကြောင်း ၄င်းက ဆက်လက် ပြောဆိုသည်။

၂၀၁၅ ကို တရွတ်တိုက် လိုက်မည်

လူ့စွမ်းအားအရင်းအမြစ် နည်းပါးမှု၊ ဌာနဆိုင်ရာများ၏ လုပ်ထုံးလုပ်နည်းပိုင်း အားနည်းချက်နှင့် ငွေကြေး လိုအပ်ချက် များကို ၂၀၁၅ ခုနှစ် အာဆီယံနိုင်ငံများ လွတ်လပ်သော ကုန်သွယ်မှုဧရိယာ (ASEAN Free Trade Area) မတိုင်ခင် အပြီးသတ် လုပ်ဆောင်နိုင်ရန် မျှော်လင့်ချက် နည်းနေသေးသည်။
တစ်ဖက်တွင်လည်း ကုန်စည် ပို့ဆောင်မှုပိုင်းအတွက် ပြင်ဆင်ကုန်ကျစရိတ် များကို အစိုးရချည်း တည်ဆောက်မည်ဆိုပါက ငွေကြေးလိုအပ်ချက် မြင့်မားပြီး လက်တွေ့ အကောင်အထည်ဖော်ရန် ခက်ခဲသည်။
ယင်းကြောင့် ပြည်တွင်း၊ ပြည်ပ ပုဂ္ဂလိကလုပ်ငန်းရှင်များနှင့် ကမ္ဘာ့ဘဏ် ၊ အာရှဖွံ့ဖြိုးရေးဘဏ် (Asian Development Bank)တို့၏ အကူအညီများစွာ လိုအပ်ကြောင်း ပို့ကုန်လုပ်ငန်းရှင်အချို့က ဆိုသည်။
မြန်မာနိုင်ငံသည် ကံအကြောင်း လှပြီး အချက်အချာကျသော နေရာကို ပိုင်ဆိုင် ထားသော်လည်း စီမံခန့်ခွဲမှုပိုင်း အားနည်းသောကြောင့် ဒေသတွင်းနိုင်ငံများကို လိုက်လံမှီငြမ်းနေရသည့်နိုင်ငံ ဖြစ်သည်။
“လမ်းပန်းဆက်သွယ်ရေးပိုင်း တိုးတက်လာရင် အစိုးရက ဘာမှလုပ်စရာ မလိုဘူး။ ကိုယ့်ဆီ ဝင်လာတဲ့ သူတွေဆီက ပိုက်ဆံတွေ လွယ်လွယ်ရနေပြီးသားပဲ။ လိုတာက လူ့စွမ်းအား အရင်းအမြစ်ပိုင်းပဲ” ဟု လမ်းပန်းဆက်သွယ်ရေး သုတေသန ပညာရှင် ဦးအောင်မြင့်က ဆိုသည်။
ဘေးပတ်ဝန်းကျင် နိုင်ငံများ၏ လူမှုစီးပွား ရိုက်ခတ်မှုဒဏ်များကို ခါးစည်း ခံနေရသည့် မြန်မာနိုင်ငံအတွက် ပို့ဆောင်ရေး ဖွံ့ဖြိုးမှုသည် နိုင်ငံ၏ သဘာဝသယံဇာတများ မထိခိုက်ဘဲ ဝင်ငွေရရှိနိုင်သော နည်းလမ်းအသစ် ဖြစ်လာနိုင်ကြောင်း ပြည်တွင်းလုပ်ငန်းရှင်များက ထောက်ပြ သုံးသပ်ခဲ့ကြသည်။
မြေရှိသော်လည်း လမ်းမရှိ၊ ရေရှိသော်လည်း ဆိပ်ကမ်းမရှိသည့် နိုင်ငံမှ နောက်တစ်ဆင့် တက်နိုင်ရန် မေးခွန်းအတွက် တိကျသည့် အဖြေများကား ဝေဝါးနေဆဲ။ အာဆီယံ၊ အိန္ဒိယနှင့် တရုတ်တို့အကြား လမ်းဆုံနိုင်ငံအဖြစ် အမြဲတစေ ဂုဏ်ယူဖွယ်ရာ ထုတ်ဖော်ပြောဆိုလေ့ ရှိသော်လည်း လက်တွေ့ အကျိုးကား လေထဲတွင် ရှိသေးသည်။
“အစိုးရက လုပ်နေပေမယ့် ၂၀၁၅ ကိုတော့ တရွတ်တိုက် လိုက်ရဦးမှာပဲ။ ပို့ဆောင်ရေးမှာ အာဆီယံနိုင်ငံ တွေရော၊ နိုင်ငံတကာမှာရော အဆင့်မီဖို့ ခဲယဉ်းဦးမယ်” ဟု ဦးအောင်မြင့်ကဆိုသည်။
လဲ့ရည်မြင့်
Credit The Voice Weekly
Read More »

မြန်မာ့နွေဦးနှင့် စကားတစ်ခွန်း

 

နိဒါန်း

မြန်မာနိုင်ငံ၏ ဒီမိုကရေစီခရီးကား ထက်ဝက်ကျိုးလာခဲ့ပါပြီ။ ဒီမိုကရေစီ၏ အရွေ့ မည်ရွေ့မည်မျှ ခရီးပေါက်ခဲ့ပြီကိုလည်း သိမြင်နေ ကြရပါပြီ။ သမိုင်းတွင်ရစ်မည့် အပြောင်းအလဲများ နှင့်အတူ သင်ခန်းစာ များလည်း ကျန်ရစ်ခဲ့ပါပြီ။ နိုင်ငံတော်သမ္မတကြီး ကတိသစ္စာကျိန်ဆိုပြီး ပထမဦးဆုံး ပြောကြားခဲ့သော ရာထူးလက်ခံမိန့်ခွန်းကို ယခုအချိန်တွင် ပြန်လည်သုံးသပ် ကြည့်လျှင် မိမိတို့ မြန်မာနိုင်ငံမည်မျှအထိ ခြေလှမ်းများ လျှောက်လှမ်းခဲ့သည်ကို အကြမ်းဖျင်းအားဖြင့် မှန်းဆကြည့် နိုင်ပေလိမ့်မည်။ ရှေ့လာမည့် လပေါင်း ၃၀ တွင် ဆက်လက်လျှောက်လှမ်းရမည့် ခြေလှမ်းများ သည်လည်း ဆက်လက်ဖြစ်ပေါ်လာမည့် မြန်မာ့နိုင်ငံရေး ဥတုပတ်ဝန်းကျင်နှင့် တိုက်ရိုက် ဆက်စပ် နေပါလိမ့်မည်။ မည်သို့ပင်ဆိုစေ ဖြတ်သန်းခဲ့ပြီးသော လပေါင်း ၃၀ နှင့် ဆက်လက်ဖြတ်သန်းရမည့် လပေါင်း ၃၀ တို့၏ သွင်ပြင် လက္ခဏာများ၊ သဘောသဘာဝ များသည်ကား တူညီ နိုင်တော့မည် မဟုတ်ပေ။

နိုင်ငံ့အရေးနှင့် နိုင်ငံရေး

per_mmnoh_HZနိုင်ငံရေးသမားတို့သည် နောင်လာမည့် ရွေးကောက်ပွဲ ကိုသာကြည့်ပြီး နိုင်ငံပြုခေါင်းဆောင်များမှာ နောက်မျိုးဆက်များကို ကြည့်သည်ဟူသော ဂျိမ်းဖရီးမင်းကလပ်၏ စကားသည် ယနေ့အချိန်အထိ နိုင်ငံရေး နယ်ပယ်တွင် မှန်ကန်နေဆဲ ဖြစ်သည်။ ပထမဦးစွာ ယနေ့နိုင်ငံ့ခေါင်းဆောင်များ၏ လုပ် ဆောင်ချက်မှန်သမျှသည် အနာဂတ်မျိုးဆက်သစ်များ အတွက် သမိုင်းပုံရိပ်များ ဖြစ်လာကြမည်ဖြစ်သလို ယနေ့ဒီမိုကရေစီ၏ အစကောင်းမှုသည် မြန်မာ့ဒီမိုကရေစီ ခရီးရှည်ကြီး အနှောင်းသေချာမှုကို ပုံဖော်ပေးမည် ဖြစ်သည်။ ယခုနောက်ဆုံး ပြည်သူ့လွှတ်တော်တွင် ဖြစ်ပွားခဲ့သော ဆွေးနွေး ငြင်းခုံမှုများသည် ဒီမိုကရေစီအင်္ဂါရပ် ဖြစ်သော Agree to Disagree ကို မြင်တွေ့ရခြင်းဟု မှတ်ယူနိုင်သော်လည်း Conflict of Interest အသွင် မဆောင်စေရန်လည်း နိုင်ငံပြုခေါင်းဆောင်များ၏ အမြော်အမြင်နှင့် သန်း (၆၀)ကို မျက်နှာမူမှု တို့က အဓိကကျနေမည် ဖြစ်သည်။
နိုင်ငံရေးသမားတို့ သမိုင်းအဆက်ဆက် ထားရှိအပ်သော နိုင်ငံရေး ပဋိညာဉ်မှာ သန်း ၆၀ သာ ဖြစ်သလို မဏ္ဍိုင်ကြီးများ မျက်နှာမူရာအရပ် သည်လည်း သန်း ၆၀ သာ ဖြစ်ရပါမည်။
နိုင်ငံသားတို့သည် နိုင်ငံတော်၏ ထိန်းကျောင်းတွန်းအားပေးမှုဖြင့် ပန်းတိုင်သို့ ချီတက်ရသည်ဖြစ်ရာ နိုင်ငံတော် နှင့်နိုင်ငံသားတို့သည် တူညီသော ပန်းတိုင်သို့ လျှောက်လှမ်းနေကြခြင်းသာ ဖြစ်သည်။
မဏ္ဍိုင်ကြီးများလည်း ပန်းတိုင်ရောက်စေ၊ နိုင်ငံသားများလည်း ပန်းတိုင်ရောက်စေသော နိုင်ငံရေးသည် နိုင်ငံ့အရေးပင် ဖြစ်သလို နိုင်ငံရေးသမားများရော နိုင်ငံပြုခေါင်းဆောင်များပါ ကျင့်သုံးသင့်သော နိုင်ငံရေးသည်လည်း နိုင်ငံ့အရေးပင် ဖြစ်ရပေမည်။ ပုဂ္ဂိုလ်အရင်းပြု နိုင်ငံရေးနှင့် မဏ္ဍိုင် အခြေပြုနိုင်ငံရေး တို့ကို ကွဲကွဲပြားပြား သိမြင်မှသာ ရေရှည်တည်တံ့သော မဏ္ဍိုင်အခြေပြုနိုင်ငံရေး ခိုင်မာစေမည် ဖြစ်သည်။ ဆိုရလျှင် ယနေ့ မြန်မာ့နွေဦး ၂ နှစ်ခွဲတွင် ထွက်ပေါ်လာခဲ့သော ရလဒ်များသည် လက်ရှိ နိုင်ငံရေးခေါင်းဆောင်များ၏ ပုဂ္ဂိုလ်တစ်ဦးချင်း စိတ်ရင်း စေတနာတို့ကြောင့် ထွက်ပေါ်ခဲ့ခြင်းသာဖြစ်ပြီး အင်စတီကျူးရှင်းဟု ခေါ်ဆိုအပ်သော မဏ္ဍိုင်များ၏ ခိုင်မာအားကောင်းမှုကြောင့် ထွက်ပေါ်လာခဲ့ခြင်း မဟုတ်ပါ။ ဒီမိုကရေစီ အသွင်ကူးပြောင်းရေးတွင် မလွဲမသွေ တွေ့ကြုံရလေ့ရှိသော နိုင်ငံရေး အီနားရှားများ၏ အရှိန်အဟုန်သည် သန်း ၆၀ ၏ မျက်မှောက်ဘဝကို ပြဋ္ဌာန်းနေသည် ဖြစ်၍ နိုင်ငံ့အရေးနှင့် နိုင်ငံရေးကို မိုးလား တိမ်လား ဒွိဟ ပွားနေစရာ မလိုဟု ယူဆမိသည်။

မြန်မာ့နွေဦး ၂ နှစ် ခွဲသော် -

သက်တမ်းအားဖြင့် ၂ နှစ်ခွဲပြည့်မြောက်ခဲ့ပြီ ဖြစ်သည့် မြန်မာ့နွေဦး သည် သန်း ၆၀ အတွက် မည်မျှ မြင့်မြင့်မားမား ပေဆပ်ခဲ့ပါသနည်း။ ပထမဦးဆုံး ပြန်လည်သိမ်းပိုက်ရယူနိုင်ခဲ့သည့် အောင်မြင်မှုမှာ မြန်မာ့ ဂုဏ်သိက္ခာ ဖြစ်ပေလိမ့်မည်။ အိမ်နီးချင်းနိုင်ငံများ၊ ဒေသတွင်းနိုင်ငံ များအကြား အထင်သေး အမြင်သေး မျက်ဝန်းများ၏ အရောင်များ ပြောင်းလဲခဲ့ပြီ ဖြစ်သလို အထီးကျန်၊ လူဆိုး စာရင်းဝင် မြန်မာနိုင်ငံသည် ဒီမိုကရေစီ နိုင်ငံတကာအလယ်တွင် သတိပြုစောင့်ကြည့်အပ်သော ဒီမိုကရေစီ ပုံရိပ်တစ်ခုအဖြစ် ဖြစ်ထွန်း ပေါ်ပေါက်လာခဲ့ပါပြီ။ အလားတူ ပိတ်ဆို့ဒဏ်ခတ်မှုများ၏ အမှောင်တိုက်မှ ရုန်းထွက်ကာ မှိန်ပျပျအလင်းရောင် တို့ကိုလည်း မြင်တွေ့နိုင်ခဲ့ပါပြီ။
“ငါက အခြေခံဥပဒေကိုင်ပြီး ကျမ်းကျိန်ထားရတာ။ နိုင်ငံသားတွေရဲ့ သစ္စာကို ခံထားရတာ။ အခုလို အခြေအနေကောင်းတွေ ဖြစ်နေတာတွေကို အလဟဿ မဖြစ်စေရဘူး…”
တစ်ချိန်တည်းမှာပင် လွန်ခဲ့သောနှစ်ပေါင်း များစွာကို ပြန်လည်တမ်းတခဲ့ကြသော မြန်မာပြည်သူတို့၏ ဇာတိပုည ဂုဏ်မာနများသည်လည်း အသစ်တစ်ဖန် နိုးထရှင်သန်လာခဲ့ပြီ ဖြစ်သည်။ အာရပ်နွေဦး၏ အနိဋ္ဌာရုံများအကြားတွင် မြန်မာ့နွေဦးမှာ သိက္ခာရှိရှိ တင့်တင့်တယ်တယ် ထည်ဝါနိုင်ခဲ့သည်။ နောက်ပြန်လှည့်နိုး နောက်ကြောင်း ပြန်နိုးနှင့် ရင်တထိတ်ထိတ် စောင့်ကြည့်ခဲ့ရသော အရှေ့တောင်အာရှ နိုင်ငံကလေးသည် ဒီကနေ့ ဒီအချိန်တွင် တည်တည်ငြိမ်ငြိမ်ဖြင့် ရှေ့သို့ လျှောက်လှမ်း နိုင်ခဲ့ပြီ ဖြစ်သည်။
သို့သော် မိမိတို့၏ မြန်မာ့နွေဦးသည် ပြစ်မျိုးမှဲ့မထင် သဲလဲစင်သည့် အနေအထားတော့ မဟုတ်ခဲ့ပါလေ။ ဒီမိုကရေစီနှင့် အသွင်ကူးပြောင်းရေး ဖြစ်စဉ်တိုင်းတွင် ကြုံတွေရလေ့ရှိသော အမျိုးသားရေး နိုးကြားမှုသည် ဘာသာပေါင်းစုံ၊ လူမျိုးပေါင်းစုံ ကြွယ်ဝစုံလင်သော မြန်မာ့နွေဦးအတွက် စိန်ခေါ်မှုတစ်ရပ် ဖြစ်ခဲ့ရသည်။ နွေဦး၏ ပုရစ်ဖူးတို့ သွေးအလူးလူး မီးခိုးတလူလူ ဖြစ်စေခဲ့သော အမျိုးသားရေးနိုးကြားမှုသည် နိုင်ငံပြုခေါင်းဆောင်များနှင့် ဘာသာရေးခေါင်းဆောင် များ၏ ဉာဏ်အမြော် အမြင်ဖြင့် မင်ဒဲလားနေ့ရက်ကို ကျော်ဖြတ်ရတော့မည် ဖြစ်သည်။ မာတင်လူသာကင်း မက်ခဲ့သော အိပ်မက်သည် ယနေ့ သမ္မတအိုဘားမား အိမ်ဖြူတော်စိုးစံခြင်းဖြင့် အကောင်အထည်ပေါ်လာခဲ့ပြီ ဖြစ်သလို ကေသုံးလုံးမရှိသော မြန်မာ့ယဉ်ကျေးမှု ပဒေသာစုံမှု ကြောင့်လည်း ကိုးကွယ်ယုံကြည်မှုတို့ကို စည်းမှသည် တံတိုင်း များအဖြစ်သို့ ရောက်ရှိနိုင်စေမည် မဟုတ်ပေ။ အမျိုးသားလုံခြုံရေးနှင့် နိုင်ငံသား ဖြစ်တည်မှုတို့၏ အဆက်အစပ်ကို နိုင်ငံသားများကိုယ်တိုင် သိမြင်နားလည် ယုံကြည်ခံယူမှသာ မြန်မာဟူသော အမှတ် သင်္ကေတကို One Nation, One Myanmar အဖြစ် စုစည်းနိုင်မည် ဖြစ်သည်။

မဏ္ဍိုင်အခြေပြုနိုင်ငံရေး

ယနေ့ ဖြစ်ပေါ်တိုးတက်မှုများသည် နိုင်ငံရေး ခေါင်းဆောင်များကြောင့် ဖြစ်ပေါ်လာခဲ့သော အရွေ့များ ဖြစ်သလို ယနေ့ကြုံတွေ့နေရသည် တိုးတိုက်မှုများသည်လည်း နိုင်ငံရေးခေါင်းဆောင်များ၏ အဇ္ဈတ္တ၊ ဂုဏ်မာန နှင့် အကျိုးစီးပွားတို့ကို အခြေခံနေကြောင်း တွေ့ရှိရသည်။ အီဂျစ်မှ မော်စီ၊ ဗိုလ်ချုပ်ကြီးစီစီ တို့သည် အာရပ်နွေဦး၏ ဒဏ်ရာဒဏ်ချက်များကို ဖော်ပြနေသည်။ ဂုဏ်ယူဖွယ်ရာ ကောင်းနေဆဲ ဖြစ်သော မြန်မာ့နွေဦးကို မြန်မာ့ဟန်ပန် မြန်မာဆန်ဆန်ဖြင့် ဆက်လက် တောက်ပနေစေလိုသည်။ လူပုဂ္ဂိုလ်များကို ဖယ်ခွာချ၍ အင်စတီကျူးရှင်းကို အခြေခံသော မဏ္ဍိုင်အခြေပြု နိုင်ငံရေးရှု ထောင့်ဖြင့် ခွဲခြားလေ့လာ ကြည့်ပါလျှင် ဖဆပလခေတ်မှသည် မျက်မှောက် ခေတ်အထိ တိုးတိုက်မှုများ၏ ဇာစ်မြစ်များကို တွေ့ မြင်လာပေလိမ့်မည်။ လက်တွေ့ကျ၍ အလုပ်ဖြစ်သော မဟာဗျူဟာသဘော ဟူသည် နိုင်ငံရေးနှင့် တူသောနိုင်ငံရေး၊ တစ်နည်းအားဖြင့် မဏ္ဍိုင်အခြေပြု ပူးပေါင်းဆက်ဆံမှုသာ ဖြစ်သည်။
မဏ္ဍိုင်အခြေပြုနိုင်ငံရေး ဟူသည် လူပုဂ္ဂိုလ်ကို အခြေခံခြင်း မဟုတ်ဘဲ သင်းပင်းစည်းမျဉ်း မူဘောင်ဟူသော အင်စတီကျူးရှင်းများ အားကောင်း ခိုင်မာစေရန် ဆောင်ရွက်ပြီး နိုင်ငံတည်ဆောက်ခြင်းပင် ဖြစ်သည်။ ဖွဲ့စည်းပုံ အခြေခံဥပဒေသည် အခြေခံအုတ်မြစ် မဏ္ဍိုင်ကြီးဖြစ်ပြီး ယင်းမဏ္ဍိုင်တွင် ပြဋ္ဌာန်းထားသော မူဘောင်များနှင့်အညီ အုပ်ချုပ်ရေး၊ ဥပဒေပြုရေး၊ တရားစီရင်ရေး ဟူသော မဏ္ဍိုင်ကြီးများကို ဖွဲ့စည်းရခြင်းဖြစ်သည်။ အလားတူ မီဒီယာ၊ ပြည်သူ၊ အရပ်ဘက်လူ့အဖွဲ့အစည်း ဟူသော မဏ္ဍိုင်ကြီးများကိုလည်း အခြေခံဥပဒေပါ အခွင့်အရေးများနှင့်အညီ သီးခြားထူထောင် ဖွဲ့စည်းရသည်။ ထိုမှထိုမှ ခွဲဖြာလာခဲ့ကြသော အင်စတီကျူးရှင်းများသည် ဒီမိုကရေစီနှင့် အသွင်ကူးပြောင်းရေးကို လက်တွေ့ဖော်ဆောင် ပေးနေကြရသလို ရေရှည် တည်တံ့စေအောင်လည်း တည်ဆောက်ယူကြရသည်။ ဥပဒေ၊ နည်းဥပဒေ၊ လုပ်ထုံးလုပ်နည်းနှင့် စည်းမျဉ်းစည်းကမ်းတို့သည် အင်စတီ ကျူးရှင်းတို့ကို ထိန်းကျောင်းခြင်း ပြုကြရသည်။
မဏ္ဍိုင်ဟု ခေါ်တွင်သော အင်စတီကျူးရှင်းများ အားကောင်းခိုင်မာလာပြီ ဆိုလျှင် ယင်းမဏ္ဍိုင်များက ကိုယ့်အလုပ် ကိုယ်လုပ်နေခြင်းဖြင့် ဖွံ့ဖြိုးတိုးတက်မှုကို ဆောင်ကြဉ်းနိုင်သည်။ နိုင်ငံတော်၊ ပုဂ္ဂလိကကဏ္ဍနှင့် ဈေးကွက်ယန္တရား သူ့သဘောသူဆောင်ပြီး သူ့အလုပ်သူလုပ်နေခြင်း၊ စစ်သား၊ ကျောင်းသား၊ ဘုရားသား(သံဃာများ) သူ့အလုပ်သူလုပ်နေ ခြင်းသည် အင်စတီကျူးရှင်း ခိုင်မာအားကောင်းမှုနှင့် အဓိက ဆက်စပ်နေသလို ဖွံ့ဖြိုးရေး အဆောက်အဦ တို့အပေါ်တွင်လည်း မူတည်နေသည်။ ကိုယ့်အလုပ်ကို မလုပ်ဘဲ ဖြစ်နေခြင်း (ဥပမာ-ကျောင်းသားများ နိုင်ငံရေး လုပ်ကြရသည့် အတိတ်ကာလ အခြေအနေများ) သည် နိုင်ငံတည် ဆောက်ရေးကို အဟန့်အတား ဖြစ်စေသလို လွဲမှားနေသောစနစ်ကို ဖော်ပြနေသည်။ ထိုသို့ မဏ္ဍိုင်အရပ်ရပ် ကိုယ့်အလုပ်ကို လုပ်နိုင်စေရန်အတွက် လက်ရှိမြန်မာ့နိုင်ငံရေးတွင် နိုင်ငံရေး ခေါင်းဆောင်များအပေါ် အမှီပြုနေသော တစ်ဦးချင်းဝါဒ Individualism များကို လျှော့ချ၍ မဏ္ဍိုင် အခြေပြုဝါဒ Institutuonalism ကို ဖော်ဆောင်နိုင်ရန် လိုအပ်ပြီး မဏ္ဍိုင် အခြေပြုနိုင်ငံရေး ထွန်းကားစေရေးသည် လတ်တလော လိုအပ်နေသော နိုင်ငံတည်ဆောက်ရေးပင် ဖြစ်သည်။
တစ်ဖန် လက်ရှိမဏ္ဍိုင်ကြီးများ ရင့်ကျက်တည်ငြိမ်ပြီး စေ့စပ်ညှိနှိုင်းမှု အတတ်ပညာ The Art of Engagement ကို ရှေးရှုမှသာ ရင့်ကျက် တည်ငြိမ်သော နိုင်ငံရေးရာသီဥတုကို ဖန်တီးနိုင်မည် ဖြစ်သည်။ ယူစရာ ပြည့်နှက်နေသော သင်ခန်းစာများသည် မိမိအရပ်တွင် ရှိနေရုံသာမက နိုင်ငံတကာနယ်ပယ် တွင်လည်း ရှစ်ခွင်တိုင်း မှုန်ရီမှိုင်းပျနေပြီ ဖြစ်သည်။ လူသားတို့ကြောင့် ဖြစ်ရသော ပြဿနာများ၊ စိန်ခေါ်မှုများကို လူသားတို့ကပင် ဖြေရှင်းနိုင်ရမည် ဖြစ်သည်။ ဤသို့ ဖြေရှင်းရာတွင် လူအခြေပြု စဉ်းစားခြင်းထက် အင်စတီကျူးရှင်းအခြေပြု စဉ်းစားခြင်းက သူနိုင်-ကိုယ်နိုင် ချိန်ခွင်လျှာကို ဖန်တီးပေးနိုင်မည် ဖြစ်သည်။ အနိုင်-အရှုံး လောင်းကြေးထပ်ခြင်း မဟုတ်ရသော နိုင်ငံတည်ဆောက်ရေးသည် နိုင်ငံရေးသမား တို့၏ ပေါက်သူ၊ ကွဲသူ ခံစားမှုများကြောင့် စတေးပေးဆပ်ရလျှင် တရားမျှတမည်မဟုတ်ပါ။ သန်း ၆၀ သည် ဆင်းရဲနွမ်းပါးနေဆဲ၊ လယ်သမား များသည် အကြွေးနှင့် ရုန်းကန်နေရဆဲ၊ မြန်မာ့ ကျေးလက်ဒေသများသည် မီးမရှိ၊ ရေမရှိ အတိဒုက္ခ ကြုံတွေ့နေရဆဲ၊ ကလေးငယ်များ ကင်ဆာဖြစ်နှုန်း မြင့်မားလာဆဲ၊ ပြည်သူ့အခွင့်အရေးများ လိုအပ်နေကြဆဲ၊ စားသုံးသူအခွင့် အရေးများ ဆုံးရှုံးနေရဆဲ၊ မြန်မာ့စီးပွားရေး ဦးမော့ရန်ကြိုးစားနေဆဲ၊ မြန်မာ့ နေရာမှန် ပြန်လည်ရယူရန် အလှမ်းကွာနေဆဲ ဖြစ်သည်။ နိုင်ငံရေး ခေါင်းဆောင်တိုင်း၏ နှုတ်ဖျားတွင် တဖွဖွ ထည့်သွင်း ရွတ်ဆိုခြင်းခံနေရသော သန်း ၆၀ သည် မပြောင်းမလဲ ရုန်းကန်နေရဆဲ ဖြစ်သည်။

သန်း ၆၀ ဘက် လှည့်ကြည့်ကြပါ

မဏ္ဍိုင်ကြီးများက အပြိုင်းအရိုင်း အင်အားကြီးမားအောင် တည်ဆောက်နေကြသည်။ သန်း ၆၀ ကား အနှိမ်ခံ မျက်နှာမွဲများ ဖြစ်နေဆဲ ဖြစ်သည်။ နိုင်ငံရေးအီနားရှားကြောင့် ဖြစ်ပေါ်လာရသော နိုင်ငံရေး တိုးတိုက်မှုများသည် မြန်မာနိုင်ငံ လွတ်လပ်ရေး မရခင်ကတည်းက ဖြစ်သည်။ ဤသည်ပင် မြန်မာ့နိုင်ငံရေး ဓလေ့ဖြစ်ခဲ့သော်လည်း မတူကွဲပြားမှု များကို ငြိမ်းချမ်းစွာ စေ့စပ်ညှိနှိုင်းခြင်းဖြင့် ဖြေရှင်းဆောင်ရွက်သော နိုင်ငံရေး ခန္တီပါရမီတို့နှင့် ပြည့်စုံသော နိုင်ငံရေးယဉ်ကျေးမှုအသစ် တစ်ရပ် အစပြုနိုင်ခဲ့ပြီဟု ဆိုကြပါသော်လည်း သန်း ၆၀ ကား မြေစာပင် ဖြစ်နေဆဲပင်။ နွေဦးကို ခြိမ်းခြောက်နေသော အနောက်တောင်ဘက် အရပ်ဆီမှ ညိုနေသည့်မိုးရိပ်များ ကင်းဝေးစေချင်သလို နွေဦးကို အကျည်းတန်စေမည့် လေပွေလေရိုင်း များနှင့်လည်း ကင်းပြတ်စေလိုသည်။
တစ်ခုသော နိုင်ငံရေးအကျပ်အတည်း အခိုက်အတန့်တွင် ဆုံးဖြတ်ချက်တစ်ခု ချမှတ်ရခြင်း အတွက် နိုင်ငံတော်သမ္မတကြီး ပြောကြားခဲ့သော စကားတစ်ခွန်း ရှိသည်။ ထိုစကား ဖြစ်ပေါ်ခဲ့ရသော အကြောင်းရင်းနောက်ခံ၊ အကျိုးရလဒ်များကို ကိုယ်တိုင်ကိုယ်ကျ သိမြင်နားလည်ခဲ့ရခြင်းကြောင့် လည်း Moral Authority ဟူသော အနက်အဓိပ္ပာယ်ကို သဘောပေါက်လာ ခဲ့ရခြင်း ဖြစ်သည်။ “တို့နိုင်ငံက အခုမှ နိုင်ငံတကာက လက်ခံလာခါစ၊ ပြည်သူတွေလည်း မျှော်လင့်ချက်တွေ ဖြစ်ပေါ်လာခါစပဲ ရှိသေးတယ်။ ဒီနိုင်ငံ၊ ဒီပြည်ထောင်စု မပြိုကွဲဖို့၊ တို့ပြည်သူတွေ ဖွံ့ဖြိုးတိုးတက်ဖို့၊ ဒီမိုကရေစီ နောက်ပြန်မလှည့်ဖို့ ငါ့မှာ အဓိကတာဝန် ရှိတယ်။ ငါက အခြေခံဥပဒေကိုင်ပြီး ကျမ်းကျိန်ထားရတာ။ နိုင်ငံသားတွေရဲ့ သစ္စာကို ခံထားရတာ။ အခုလို အခြေအနေကောင်းတွေ ဖြစ်နေတာတွေကို အလဟဿ မဖြစ်စေရဘူး” ဟူသော စကားဖြစ်သည်။ ထိုစကားကို ကြိမ်ဖန်များစွာ ပြန်လည် ကြားယောင်ခဲ့ရပေသည်။ ယခုဆောင်းပါးရေးသား နေချိန်တွင်လည်း ပြန်လည် ကြားယောင်မိပေသည်။ နိုင်ငံတော်သမ္မတကြီး၏ ထိုစကားသည် မြန်မာ့နွေဦးအတွက် နောင်သောအခါ သမိုင်းဝင်စကားတစ်ခွန်း ဖြစ်လာပါလိမ့်မည်။ ထိုအချိန်ရောက်လျှင် မြန်မာ့နွေဦးနှင့် စကားတစ်ခွန်း အကြောင်းကို အသေးစိတ် ရေးသား တင်ပြနိုင်ပါလိမ့်မည်။ ထိုအချိန် ရောက်လျှင် မြန်မာ့နွေဦးသည် ပုရစ်ဖူးတွေ တဝေဝေနှင့် လန်းလန်း ဆန်းဆန်း ပွင့်လန်းနေပါလိမ့်မည်။ ထိုအချိန် ရောက်လျှင် သန်း ၆၀ မှ အောက်ခြေ ဆယ်သန်းတို့၏ ဘဝများ တောက်ပြောင်နေလိမ့်မည် ဟုလည်း အမျှော်လင့်ကြီး မျှော်လင့်မိပေသည်။
မှူးဇော်
Credit The Voice Weekly
Read More »

သမိုင်းတစ်ကျော့ မလည်စေချင် ကျော်ဝင်း



အတိတ်တစ္ဆေ

စာရေးသူ စာမရေးဖြစ်သည်မှာ ကြာတောင့်ကြာရှည်ရှိပါပြီ။ စာရေးစားပွဲတွင် ကြိုးစား ထိုင်လိုက်တိုင်း စကားလုံးတွေက ရောက်မလာ။ စာရွက်ဗလာတွေ သာ ထားခဲ့ရသည်။ စာရေးသည့်အလုပ်က အနာဂတ်အမြင်ကြည်လင်ပါမှ လက်ကသွက် စာကထွက်တတ်ရာ ဝင်စားစိတ်ကို အနာဂတ်သို့ ပို့ကြည့်ပါ သည်။ ဘယ်လိုမှမရ။ အတိတ်တွင်သာ ဝဲလည် လိုက်ရင်း ပစ္စုပ္ပန်ကို ပြန်လန့်နေ သည်။ မခက်ပါလား။

စာရေးသူအမြင်၊ လွတ်လပ်ရေးရပြီးနောက်ပိုင်း မြန်မာ့နိုင်ငံရေးတွင် အားတက် မျှော်လင့်စရာ “နှင်းခဲပျော်ချိန်” နှစ်ကြိမ်ရှိခဲ့သည်ဟု ထင်သည်။ ၁၉၆၀ ပြည့်နှစ်လွန်နှစ်များနှင့် ၂၀၁၀ ပြည့်လွန်နှစ်များ…။ ပထမ နှင်းခဲပျော် ချိန် ကို ၁၉၆၀ ရွေးကောက်ပွဲနှင့် ဖွင့်ခဲ့သည်။ ဤရွေးကောက်ပွဲတွင် သန့်ရှင်း ဖဆပလ (ပထစ)က၊ “ဖက်ဆစ်ဝါဒကို ရွေးမည်လော၊ ဒီမို ကရေစီဝါဒကို ရွေးမည်လော...” ဆိုသော ကြွေးကြော်သံဖြင့် ဝင်သည်။ လူထုက “အသည်း ကြားက မဲပြားများ” ဖြင့် ဒီမိုကရေစီကို ရွေးခဲ့ကြသည်။ သို့တစေ မျှော်လင့် သလို ကား မဖြစ်။ ပထမဇာတ်ကွက်…၊ အာဏာရပါတီ အကွဲအပြဲ၊ ဒုတိယဇာတ်ကွက်…၊ ဗုဒ္ဓဘာသာကို နိုင်ငံတော်ဘာသာကြေညာချက်နှင့် နောက်ဆက်တွဲ ပြဿနာများ၊ တတိယဇာတ်ကွက်…၊ ဖက်ဒရယ် ဆွေးနွေးပွဲများ…။ နောက်ဆုံး “တော်လှန်ရေးကောင်စီ”က ဒီမိုကရေစီ ဇာတ်ကြီး တစ်ခုလုံးကို ပြည်ဖုံးကားချပစ်လိုက်သည်။


၂၀၁၀ ရွေးကောက်ပွဲက နှစ်ပေါင်း ၅၀ နီးပါးမျှ ရပ်နားထားခဲ့ရသော ဒီမိုကရေစီ ဇာတ်ကြီးကို ပြန်စဖို့ ပြည်ဖုံးကားကြီး ပြန်ဖွင့်လိုက်သည်။ ၂၀၁၂ ကြားဖြတ်ရွေးကောက်ပွဲ အပြီးတွင် ဇာတ်ကွက်တွေ ပိုမြိုင်လာသည်။ ဒုတိယ နှင်းခဲပျော်ချိန်…။ အမှန်ပင် အားတက်ဖို့ ကောင်းပါသည်။ တကယ်လည်း အားတက်ရပါသည်။ သို့တစေ အပြည့်အဝတော့လည်း အားမတက်နိုင်။ အတိတ်၏ အရိပ်များကို ပစ္စုပ္ပန်တွင် မြင်နေရသည်။ သမိုင်းသည် တစ်ကျော့ လည်တတ်သလော…။

အကွဲအပြဲဇာတ်လမ်း

“မွေးကတည်းက အကွဲပါ၊ ဗိန္ဓောဆရာ ကုလို့မရ” ဆိုသော စာပြောင်သံချပ်မှာ မြန်မာ့ နိုင်ငံရေးကို ရည်ရွယ်လေသည်လားမသိ။ ကြည့်ပါ။ ဖဆပလ အဖွဲ့ကြီး ကွဲလို့မှ ဒဏ်ရာ မကျက်တတ်သေးမီ သန့်ရှင်း ဖ.ဆ.ပ.လ တစ်ဖြစ်လဲ ပထစ တွင်လည်း “ဦးဗိုလ်-သခင်” ကွဲကြပြန်သည်။ ဤအကွဲက မဲဆန္ဒရှင် လူထု၏ ဒီမိုကရေစီအိပ်မက်ကို စိတ်ပျက်စရာ ဖြစ်စေခဲ့သည်။

၂၀၁၂ ရွေးကောက်ပွဲနောက်ပိုင်း အစဉ်အလာဆန့်ကျင်ဘက် အင်အားစုများ အကြား ပြေလည်ရေးလမ်းစပေါ်လာရာ မျှော်လင့်လို့မှမဆုံးသေးမှာပင် မထင်မှတ်သောနေရာမှ မထင်မှတ်သော “အက်သံ” အချို့ကို စတင်ကြား လာရသည်။ အချိန်ကြာလာသည်နှင့်အမျှ၊ ဒီမိုကရေစီအတွေ့အကြုံ ရင့်ကျက် လာသည်နှင့်အမျှ အဆိုပါအက်သံများ၊ တဖြည်းဖြည်း မှိန်ဖျော့လာလိမ့်မည် မှန်းဆရသော်လည်း လက်တွေ့တွင် ထင်တိုင်းမဖြစ်။ ပိုစိပ်လာသည်။ ထိပ်တိုက်သဘော ပိုဆောင်လာသည်။ အက်သံမက ကွဲသံပါလာသည်။ “ပြုပြင်ပြောင်းလဲရေး ကာလတွင် သဘာဝကျစွာ ကြုံတွေ့ရမည့် နိုင်ငံရေး ပွတ်တိုက်မှုများ” ဟု ဆိုသော်လည်း သဘာဝမကျ တာတွေရှိလာသည်။ ဒီမိုကရေစီတွင် ငြင်းကြ၊ ခုံကြ၊ သဘောကွဲလွဲကြတာတွေ ရှောင်မရသော် လည်း “ဖြုတ်ထုတ်သတ်” အထိ ဘရိတ်မပေါက်ကြဖို့ လိုပါလိမ့်မည်။ (ပဲခူးရိုးမ ဗကပတွေလို “ငဆော်ကြီး”၊ “ငခုတ်ကြီး” တွေနှင့်ချမှ သတ်ရာရောက်သည် မဟုတ်။ နိုင်ငံရေး အရ နာလန်မထူအောင် တွယ်ကြသည်မှာလည်း “သတ်” ခြင်း တစ်မျိုးသာဖြစ်သည်။)

ပထမကွဲစဉ်ကတော့ ဥက္ကဋ္ဌကြီးဦးနုက ယခုလို ဝင်ထိန်းဖူးသည်။ “ဘယ့်နှယ်လဲ၊ ကိုရွှေ ဦးဗိုလ်နဲ့ ကိုရွှေသခင်တို့၊ တစ်ယောက်ကိုတစ်ယောက် အပြန်အလှန်အုပ်နေကြတာ၊ မမောကြသေးဘူးလား…” စသည်ဖြင့်။ ယခုဥက္ကဋ္ဌကြီးများကိုယ်တိုင် အကြိတ်အနယ် ဖြစ်နေ တော့ နာယကကြီး ကိုယ်တိုင် ထိန်းမှရတော့မည်လားမသိ။ ပြည်တော်ပြန် ကိုမင်းဇင် (တစ်ခါက တာရာငြိမ်းချမ်း) ပြောသော “နာယကကြီး ကျန်းမာဖို့ အရေးကြီး” ဆိုသည့် စကားမှာ လူကြိုက်မများသည့်တိုင် “ခါးသီးသောအမှန်” ဖြစ်နေမလား မဆိုနိုင်။

ဘာသာရေးနှင့် နိုင်ငံရေး

ပထမနှင်းခဲပျော်ချိန်၏ ဒုတိယဇာတ်ကွက်ကို ဆက်ပါမည်။ ၁၉၆၁ ခုနှစ် သြဂုတ်လ ၂၆ ရက်တွင် ပထစအစိုးရက ဗုဒ္ဓဘာသာကို နိုင်ငံတော် ဘာသာ အဖြစ် ပြဋ္ဌာန်းလိုက်သည်။ ဗုဒ္ဓဘာသာဝင်တစ်ဦးအနေနှင့် ဦးနုကိုလေးစား ရမည်ဖြစ်သော်လည်း နိုင်ငံခေါင်းဆောင် တစ်ယောက်အနေနှင့်မူ ထိုစဉ်က အခြေခံဥပဒေ (၁၉၄၇ ဥပဒေ) ပါ ဘာသာရေးနှင့် နိုင်ငံရေး စည်းခြားထားမှု အနှစ်သာရကို ဖျက်သိမ်းရာရောက်သွားသည်။ နိုင်ငံတကာ ဒီမိုကရေစီ အစဉ်အလာနှင့်လည်း ဆန့်ကျင်ရာရောက်သည်ဟု ထင်သည်။ ပြည်တွင်းတွင် ဘာသာရေး၊ လူမှုရေး မငြိမ်မသက်မှုများသာမက ပြည်တွင်းစစ်ကိုပင် အပြန့်ကျယ်သွား စေခဲ့သည်။

ယခုအခါတွင်လည်း ရခိုင်ပြည်နယ်မှအရေးကို ဒေသတွင်း ကန့်သတ်မဖြေရှင်း နိုင်ရာမှ တစ်ပြည်လုံးလောက် ပျံ့နှံ့သွားခဲ့ကာ ဘာသာရေး လူမျိုးရေးအသွင် ဆောင်လာသည်။ အမှန်စင်စစ် ရခိုင်အရေးမှာ သမိုင်းဇာစ်မြစ်များနှင့် ဆက်စပ်နေသော ပထဝီနိုင်ငံရေး ပြဿနာဖြစ်သည်။ နို်င်ငံရေးနည်းဖြင့်သာ ဖြေရှင်းကြရပါလိမ့်မည်။ ဘာသာရေး လူမျိုးရေး သဘောမဖြစ်/ဖြစ်အောင် ရည်ရွယ်ချက်ရှိရှိ အကွက်ဆင် လုပ်ကြံဖန်တီးမှုများ ရှိနိုင်သည် ကိုလည်း သတိချပ်ဖို့ လိုပါသည်။

ပထမခေတ် နိုင်ငံတော်ဘာသာပြဋ္ဌာန်းချက်နှင့် နောက်ဆက်တွဲ ပြဿနာ များနှင့် ပတ်သက်ပြီး ဝါရင့်နိုင်ငံရေးသမားကြီး တစ်ဦးဖြစ်သူ ဝိဓူရ သခင် ချစ်မောင်၏ မှတ်ချက်စကားကို လက်ရှိ အခြေအနေနှင့် ဆက်စပ်စဉ်းစား နိုင်စေရန် ပြန်လည်ဖော်ပြလိုသည်။ ယခုလို … “၁၉၅၈-၅၉ မှစ၍သယ်လာ ခဲ့သော ပြည်သူတို့၏နိုင်ငံရေး ဒီမိုကရေစီရေးအုံကြွမှုကြီးသည် အလွန်နှမြော စရာ ကောင်းလောက်အောင် ဘာသာရေးတိုက်ပွဲဖြင့် လမ်းလွဲခံရကာ ဇာတ်မျော ကွယ်ပျောက် သွားခဲ့ရတော့သည်…” ဟူ၏။ ယခုလည်း ၁၉၈၈ ခုနှစ် ကတည်းက သယ်ဆောင်လာသော ဒီမိုကရေစီ အရေးတော်ကြီးကို မျက်ခြည်မပြတ်စောင့်ရှောက် ရှေ့ဆက်နိုင်ရန် အထူး အရေးကြီး လိမ့်မည်ဟု သဘောရပါသည်။

သိမ်မွေ့သည်လည်းရှိသော အကဲဆတ်သည်လည်းဖြစ်သော

ပထမနှင်းခဲပျော်ချိန်၏ တတိယဇာတ်ကွက်မှာ မြန်မာ့နိုင်ငံရေး၏ အသိမ်မွေ့ ဆုံးလည်းဖြစ် အကဲဆတ်ဆုံးလည်းဖြစ်သော လူမျိုးစုပြဿနာနှင့် ဆက်စပ်နေသည်။ သမိုင်းကို ပြန်လှန် ရလျှင် တောင်တန်းမြေပြန့်မခွဲ လွတ်လပ်ရေး အတူယူကြမည် ဆိုသော ပင်လုံစိတ်ဓာတ်ဖြင့် ဇာတ်ပန္နက် တည်ခဲ့ကြရာမှ မပြီးပြတ်သေးသော လူမျိုးစုပြဿနာ အဖြေရှာရေးမှာ ၁၉၆၀ ရွေးကောက်ပွဲအပြီးမှ အခွင့်သာလာခဲ့သည်။ ယနေ့ထက်တိုင် မြန်မာ့နိုင်ငံရေး အပေါ် အရှိန် ပြင်းပြင်း လှုပ်ခတ်နေဆဲ “ရှမ်းမူ” ခေါ် “ဖက်ဒရယ်မူ” မှာ ဤနောက်ခံအခင်းအကျင်းတွင် ပေါ်ထွက်လာခြင်းဖြစ်သည်။ ဤနေရာတွင် ဖက်ဒရယ်မူနှင့် ပတ်သက်ပြီး အဆိုးအကောင်းကို မဝေဖန်လိုသည်တိုင် လက်တွေ့အကောင်အထည်ဖော်ရာတွင်မူ ထိုစဉ်က ရှိနေခဲ့သော ဖြစ်တန်ရာ ဘေးထွက်ဆိုးကျိုးများအပေါ် တွက်ဆမှုအားနည်းသည်များ ရှိခဲ့လေသလား စဉ်းစားမိသည်။ ဥပမာ- တောင်ကြီးစားမြိန်ရိပ်သာ ညီလာခံတွင် “ဗမာ” ကို မဖိတ်ကြားခဲ့ခြင်း၊ ရန်ကုန်အသံလွှင့်ရုံ ဆွေးနွေးပွဲများတွင် တပ်မတော် မပါဝင်ခဲ့ခြင်း စသည်တို့ဖြစ်သည်။

ယခု ဒုတိယနှင်းခဲပျော်ချိန်တွင် ဆိုခဲ့ပါ လူမျိုးစုပြဿနာ အဖြေရှာရေးအတွက် လမ်းစ ပြန်ပေါ် လာသည်။ ဤတွင် လမ်းကြောင်းနှစ်ရပ် သိသိသာသာ ပေါ်လာသည်။ ပထမ လမ်းကြောင်းမှာ မကြာသေးခင်က ကျင်းပပြီးစီးခဲ့သော ချင်းမိုင်ဆွေးနွေးပွဲမှလာသည်။ လက်ရှိ ၂၀၀၈ အခြေခံဥပေဒကို လက်မခံ၊ ဖက်ဒရယ် စင်စစ်အခြေခံဥပဒေသစ် ရေးဆွဲမည်ဟု ဆိုသည်။ ဤအဆိုကို ပြည်တွင်းပြည်ပမီဒီယာအချို့က ပဲ့တင်ထပ်ကြသည်။ Opinion Leader ဆိုသူများ ကလည်း ဝိုင်းဝန်းချီးပကြသည်။ ရယ်ဒီကယ်အကျဆုံး အစွန်းရောက်အုပ်စုများကဆိုလျှင် “ဖျက်သုံးဖျက် ကြွေးကြော်သံ” ပင် တင်လာကြသည်များ ရှိသည်။ (အခြေခံဥပဒေဖျက်၊ ဦးပိုင်ဖျက်၊ ကာလုံဖျက် စသဖြင့်) လက်ခုပ်သံ တဖြောင်းဖြောင်းရနိုင်သည့်တိုင် အဖြေရဖို့ မလွယ်။ ဆန့်ကျင်ဘက် အကျိုးဆက်နှင့်ပင် တိုးနိုင်သည်ဟု ဆင်ခြင်ရပါသည်။

လက်ရှိ ၂၀၀၈ အခြေခံဥပဒေကို ဖက်ဒရယ်စစ်မစစ် ခြေကန်ငြင်းနေကြမည့် အစား ဤဥပဒေပါ ပြဋ္ဌာန်းချက်များကို “ပေးထားချက်” အဖြစ်ယူကာ မိမိတို့ လိုလားသော ဖက်ဒရယ် အနှစ် သာရများကို ညှိနှိုင်းဆွေးနွေးကြလျှင်ကော… မဖြစ်နိုင်ပေဘူးလား… စဉ်းစားကြစေချင်သည်။ အပြည့်အဝမဟုတ်လျှင် သော်မှ အဖြေအချို့ ရနိုင်စရာရှိသည်ဟု မြင်သည်။ ပေးထားချက်တွင် မပါသော “သယံဇာတခွဲဝေရေး” အတွက်ပင် အဆင်ပြေကောင်း ပြေနိုင်စရာ ရှိမည်ထင်သည်။ ဤနေရာတွင် “မယိမ်းမယိုင် ကျောက်စာတိုင်” ဆိုသော သမားရိုးကျခံယူချက်ဆိုသည်ထက် လိမ္မာပါးနပ်သော နိုင်ငံရေး အမြော် အမြင်က အဓိက ကျပါလိမ့်မည်။ ဒုတိယနှင်းခဲပျော်ချိန်ကို ပထမ နှင်းခဲ ပျော်ချိန်လို ကံကြမ္မာမျိုး မတိုးစေဖို့ သတိကြီးကြီး ထားကြစေချင်သည်။

တွိုင်ဘီစကား

ထပ်ပြောပါဦးမည်။ “သမိုင်းသည် တစ်ကျော့လည်တတ်ပါသလော”…။

မာ့စ်ဝါဒီသမိုင်းဆရာများကမူ “သမိုင်းဘီးကြီးမှာ ဘယ်တော့မှ နောက်ပြန် မလည်၊ ရှေ့သို့သာ ချီမြဲ” ဟု ယတိပြတ်ဆိုသည်။ အကျော်ဇေယျ သမိုင်း ဆရာကြီး ပါမောက္ခ တွိုင်ဘီ ကမူ “သမိုင်းတစ်ကျော့လည်တတ်သည်” ဟု အခိုင်အမာဆိုပါသည်။ အထူးသဖြင့် သမိုင်း ဇာတ်ကောင်များ၏ အသိပညာရေချိန် တန့်ခံနေလျှင် သမိုင်းတစ်ကျော့ လည်တတ်သည်ဟု သတိပေးသည်။

၁၉၆၀ ပြည့်လွန်နှစ်များနှင့် ၂၀၁၀ ပြည့်လွန်နှစ်များ…။ တစ်နည်း ၂၀ ရာစုနှင့် ၂၁ ရာစု…။ ကမ္ဘာကြီးမှာ အကြီးအကျယ်ပြောင်းသွားခဲ့ပါပြီ။

ကျွန်တော်တို့သည်ကား...........…။

၂၀၁၃ ခုနှစ် စက်တင်ဘာလ ၄ ရက်ထုတ် The Voice Daily သတင်းစာမှ ကူးယူဖော်ပြသည်

Read More »

ဒေါင်းယောင်ဆောင်တာက ကျီးတစ်ကောင်တည်းမဟုတ်တော့ဘူး မောင်သာချို



(တစ်)

ကျွန်တော်တို့ခပ်ငယ်ငယ်အရွယ်တုန်းက အခြေခံပညာမူလတန်းသင်ရိုး မြန်မာစာဖတ်စာစာအုပ်ထဲတွင် “ဒေါင်းယောင်ဆောင်သောကျီး” ဟူသည့် စာတစ်ပုဒ် ပါဝင်ပါသည်။ စာသင်သားကလေးငယ်တို့အကြိုက် ပုံပြင်ကလေးတစ်ပုဒ်ဖြစ်ရုံသာမက ကျောင်းပရိဝုဏ်အပြင်ဘက်က လူတွေဖတ်လည်း တပြုံးပြုံးနှင့် သဘောကျသွားကြရသည့်ပုံပြင်ကလေးပဲဖြစ်ပါသည်။ အကျဉ်းမျှ ပြန်လည်ဖော်ပြပါရစေ။

တစ်ခါက တောအုပ်တစ်ခုတွင် ကျီးကန်းတစ်ကောင်ရှိသည်ဟူသတတ်။ တစ်နေ့ ထိုကျီးကန်းသည် ဒေါင်းတို့၏မလှမ်းမကမ်းသို့ရောက်ရှိ၍သွားလေရာ အရောင်အသွေးစုံလင်လှသည့် ဒေါင်းတို့၏အတောင်အ
လက်များကိုကြည့်ကာ သဘောအကျကြီးကျသွားရုံမျှသာမက ငါ့ ၌ထိုသို့သော အတောင်အလက်များ ရှိကောင်းလေစွဟုပင် တောင့်တမိသည်ဟူ၏။ ကျီးကားထိုမျှနှင့် မကသေးဘဲ မိမိကိုယ်မိမိပြန်လည်၍ သုံးသပ်ကြည့်ရှုကာ မိမိတို့ကျီးကန်းများသည် အမွေးအတောင်များ နက်မှောင်လေစွ၊အရုပ်ဆိုးပေစွ၊ အဆင်အသွေးညံ့ဖျင်းပေစွစသည် စသည်ဖြင့်လည်း မိမိ၏ကျီးဖြစ်ခြင်းကို စက်ဆုပ်ရွံရှာမိသည်ဟူသတတ်။

သို့ဖြင့် တစ်နေ့သော် ဒေါင်းတို့မရှိသည့်အခိုက် ထိုဒေါင်းတို့ကျက်စားရာ အနီးအနားသို့ရောက်ရှိသွားပြီးသည့်သကာလ ဒေါင်းတို့ကိုယ်မှ ကျွတ်ကျ၍ နေခဲ့သောဒေါင်းတောင်ကလေးများကြားသို့ ထိုးစိုက်၍ဒေါင်းအသွင်ဆောင်ကာနေလေရာ ဒေါင်းတို့ရောက်ရှိ၍လာသော် ဒေါင်းဟုပင် ထင်မှတ်လျက် အဆွေသည်လှပပေစွ၊ ခံ့ညားပေစွစသည်ဖြင့် ပြောဆိုချီးမွမ်းလျက်နေသည်ကို ဒေါင်းယောင်ဆောင်ထားသောကျီးက သဘောတွေ့၍ နေသည်ဟူသတတ်။ သို့ဖြင့် ဒေါင်းများက အတောင်ပံကိုဖြန့်၍ ကကြလေသောအခါ ကျီးကလည်းကအံ့ဟု အတောင်ပံများကို ဖြန့်လိုက်လေရာ ဒေါင်းတောင်များအကုန်ကျွတ်ကျကုန်ပြီး ကျီးဖြစ်မှန်းအဖြစ်မှန်ပေါ်ပေါက်သွားရာက ထိုကျီးကို ဒေါင်းတို့ကထိုးဆိတ်လွှတ် လိုက်လေသည်။ ကျီးလည်း မိမိတို့ကျီးများရှိရာသို့ ပြန်ရောက်လာလေရာ ကျီးအပေါင်းတို့ကလည်း အမျိုးကို သစ္စာဖောက်သောကျီးဟု စွပ်စွဲပြီး ၀ိုင်းဝန်းထိုးဆိတ်ကြပြန်သဖြင့် ဝေးရာသို့ ပြေးခွာ၍သွားခဲ့ရကြောင်း ပုံပြင်ကလေးပဲဖြစ်ပါသည်။

ကျီးကကျီးဖြစ်ရခြင်းကို လက်မခံလိုသော တစ်နည်းအားဖြင့် ကျီး၏ ဥပဓိရုပ် (identity) ကို အလိုမရှိသော အတွေးမှား အမြင်မှားကို သင်ခန်းစာပေးထားသည့် ပုံပြင်ကလေးဟု သိသာထင်ရှားလှပါသည်။

ဖတ်မိသူတိုင်းက သူတစ်ပါးအမွေးအတောင် အရောင်အဆင်းအားအားကျသူကျီးကို နှာခေါင်းရှုံ့ကြလို့။ စက်ဆုပ်ကြလို့။ ရွံရှာကြလို့။

(နှစ်)
တကယ်လို့များ ဒေါင်းကို အားကျနေသည်က ကျီးတစ်ကောင်တည်းကမဟုတ်ဘဲ ကျီးအားလုံးက အားကျနေခဲ့သည်ရှိသော်၊ ဒေါင်းတောင်တွေကို ရသရွေ့ကောက်ယူကာ ကျီးတိုင်းကျီးတိုင်းက သူတို့၏ အတောင်တွေကြားမှာ ကိုယ်စီကိုယ်စီ ထိုးစိုက်လျက် ဒေါင်းယောင်ဆောင်နေခဲ့ကြပြီဆိုသော်...။

ပုံပြင်ကို ဘယ်လိုရေးရပါ့။ ပုံပြင်ကို ဘယ်လိုအဆုံးသတ်ရပါ့။

(သုံး)
အခု မြန်မာအမျိုးသား၊ အမျိုးသမီးတို့ ဆံပင်ကို ဆေးဆိုးကြသောကိစ္စမှာ စကားထဲထည့်ပြောစရာမလိုလောက်အောင်ကို ရိုးစင်း၍သွားပါပြီ။

လှည်းနေလှေအောင်း မြင်းဇောင်းမကျန်ဟု ဆိုရလောက်အောင်ကိုပင်လျှင် ဆံပင်ကိုဆေးဆိုးကြသည့် ခေတ်ကြီး ဖြစ်ပါသည်။ ၂၀၀၀ ပြည့်နှစ်၏ ဟိုဘက် ဆယ်နှစ်သည်ဘက် ဆယ်နှစ်အနှစ်နှစ်ဆယ်အစိတ်ဝန်းကျင်အတွင်း မြန်မာနိုင်ငံတော်တစ်ဝန်းလုံး၌ ဆံပင်ဆေးမဆိုးထားသော ဒေသဟူ၍ မရှိသလောက်ဖြစ်သွားခဲ့ပါပြီ။ ခေါင်းရွက်ဗျက်ထိုးဈေးသည်ကအစ တက္ကသိုလ်ပါမောက္ခအဆုံး အားလုံးဆံပင်ဆိုးကြပါသည်။ ရည်းစားစာရေးတတ်စ အရွယ်ကအစ ကျီးစောင့်ကြက်နှင့်အဆုံး အားလုံး ဆံပင်ဆိုးကြပါသည်။

ဆံပင်ဖြူလာသဖြင့် ဇရာကို မသိကျိုးကျွန်ပြုကာ ဆံပင်ကို အနက်ဆိုးသည်က ပြဿနာမရှိပါ။ သို့သော် အများစုက ရွှေရောင်၊ ငွေရောင်၊ နီညိုရောင်၊ အပြာရောင်၊ အစိမ်းရောင် စသည်စသည်ဖြင့် ပြင်ပကမ္ဘာသို့ လှမ်းမျှော်ကြည့်ကာ သူတို့အသွေးနှင့် သူတို့အမွေးကို အားကျလျက် ကြည့်ကောင်းလိုက်တာဟူသောစိတ်ဖြင့် လိုက်ဆိုးကြခြင်းဖြစ်ပါသည်။

ကျွန်တော်တို့ တကယ်ကြည့်ကောင်းကြပါစ။

(လေး)
အအေးပိုင်းနိုင်ငံများတွင် နေထိုင်သူများအဖို့ မျက်လုံးအရောင်များကပြာပါသည်။ အသားအရေက ဖြူဆွတ်ပါသည်။ အမွေးအမှင်က ရွှေရောင်ငွေရောင်သမ်းပါသည်။ ဆံပင်မွေးသာမက မျက်ခုံးမွေး၊ မျက်တောင်မွေး၊ နှုတ်ခမ်းမွေး၊ မုတ်ဆိတ်မွေး၊ လက်မွေး၊ ခြေမွေး၊ ချိုင်းမွေးအကုန် ရွှေရောင်၊ အကုန်ငွေရောင်။

ဒါကို အားကျသူ အမိမြန်မာနိုင်ငံသူ နိုင်ငံသားတို့က နှာခေါင်း ပွပွ၊ မျက်နှာဝိုင်းဝိုင်း၊ နှုတ်ခမ်းထူထူ၊ အသားညိုညို၊ မျက်လုံးမည်းမည်းပါ။ မျက်ခုံးမျက်တောင် အမည်း၊ လက်မွေးခြေမွေးအမည်း၊ နှုတ်ခမ်းမွေးချိုင်းမွေးအမည်း။ဒါကိုဆံပင်တစ်ခုတည်းကွက်ကာ ရွှေရောင်ငွေရောင် ဆိုးထားရုံမျှနှင့် သူတို့လို ကြည့်ကောင်းသွားလေရောတဲ့လား။

နန်းတော်ရှေ့ဆရာတင်ကသူ၏နာမည်ကျော် “ရွှေမင်းဂံ” သီချင်းထဲတွင် မင်းဂံဘုတ်ရွာသူတို့လှကြောင်း ဖွဲ့ရာ၌ “ပိတုန်းရောင်ကေသာ၊ ဖြန့်လိုက်ရင်..တစ်ကိုယ်လုံး.. ဝေေ၀ဆာဆာလွင်လွင်” စသည်ဖြင့် ဆံပင်၏ နက်မှောင်ပုံကို အသားပေး၍ ဖွဲ့ခဲ့ဖူးပါသည်။

မိန်းမတို့၏ ကောင်းခြင်းငါးသွယ်တွင်ကား အဆင်း၏ကောင်းခြင်း၊ အရိုး၏ကောင်းခြင်း၊ အရွယ်၏ကောင်းခြင်း၊ အရေ၏ကောင်းခြင်း၊ ဆံပင်၏ ကောင်းခြင်းဟူ၍ ဆံပင်သန်ခြင်းနှင့် မည်းနက်ခြင်းကိုပါ ကောင်းခြင်းတစ်ရပ်အဖြစ် ထည့်သွင်းသတ်မှတ်ထားခဲ့ကြပါသည်။

မိန်းမတို့၏ ဂုဏ်အထပ်ထပ်ကို ဖွင့်ဆိုသည့် ကောင်းခြောက်ဆယ့်လေးရပ်၌မူ ဆံပင်၏ကောင်းခြင်းကို ကုဋိလကေသာ အဖျားကော့သော ဆံပင်တဲ့၊ ဒီဃမုဒ္ဓဇကေသာ ရှည်လျားသော ဆံပင်တဲ့၊ သုခုမကေသာ သိမ်မွေ့သော ဆံပင်တဲ့။ အင်း...ဒါတွေ ထားလိုက်ပါတော့။

ကျွန်တော် အခုပြောလိုသည်က အရောင်စုံဆံပင်များနှင့် ကျွန်တော်တို့၏ အသွေးအမွေးလိုက်၏၊ မလိုက်၏ပါ။ ကဲ... လိုက် သည်ပဲထားလိုက်ပါဦး လူသည် မိမိ၏ ဥပဓိရုပ်(identity) ကို ငြင်းပယ်သင့်၊ မငြင်းပယ်သင့်ပါ။

(ငါး)
တစ်ခါက တက္ကသိုလ်ကောလိပ်၊ ကျောင်းပရိဝုဏ်များအတွင်းသို့ ဆေးဆိုးထားသည့် ဆံပင်များဖြင့် ၀င်ရောက်ခွင့်မပြုကြောင်း စည်းကမ်းထုတ်ပြန်ထားသည်ကို တွေ့ခဲ့ဖူးပါသည်။ တစ်ခါ ဆရာမကျတော့ ဘာလို့ဆိုးထားသေးလဲဟု ကျောင်းသူတစ်ယောက်က နှုတ်တုံ့ပြန်ခဲ့သည်ကိုလည်း ကြားခဲ့ဖူးပါသည်။

လူသည် အတွေးအခေါ် အင်အားချည့်နဲ့လာသောအခါ ကိုယ့်ဥပဓိရုပ် (identity) ကို အများက အသိအမှတ်ပြုလာအောင် မကြိုးစားဘဲ ကိုယ့်ဥပဓိရုပ် (identity) ကို ကိုယ်ဖျောက်ဖျက်ကာ သူများဥပဓိရုပ် (identity) နှင့် လူသူလေးပါး ခံ့ညားလာအောင်လုပ်ဖို့ ကြိုးစားမိတတ်ကြစမြဲဖြစ်ပါသည်။

ကျီးတစ်ကောင်ဒေါင်းယောင်ဆောင်တော့ ထိုကျီးကို ဒေါင်းကလည်း လက်မခံ၊ ကျီးကလည်းလက်မခံ။ အခု ကျီးအားလုံးက ဒေါင်းယောင်ဆောင်ဖို့ ကြိုးစားကြပြီဖြစ်ပါသည်။ လူငယ်၊ လူကြီး၊ လူထီး၊ လူမ၊ မြို့ပြ၊ ကျေးလက် ဆေးဆိုးထားသော ဆံပင်တွေနဲ့။ မြန်မာက မြန်မာဖြစ်ခြင်းကို သေးနုပ်သိမ်ငယ်စိတ်ပျက်ဖွယ်ဟု စိတ်ဓာတ်မျိုးဝင်ရောက်လာသည်ထက် ကြေကွဲစရာကောင်းတာ မရှိပါလေတော့...။ ။

credit-7daynews
Read More »

ပြည်သူရွေးတဲ့ သမ္မတ ပြည်သူ့သမ္မတ၊ သူတို့ရွေးတဲ့ သမ္မတ သူတို့သမ္မတ Written by မောင်တင်ဦး (မြောင်းမြ)



ငါလည်းသမ္မတ သူလည်းသမ္မတ

ခုမီဒီယာတွေ တီတီတာတာ ပြောနေကြတာ၊ သတင်းစာ ရှင်းလင်းပွဲတွေမှာ အရိပ်အမြွက် ပြောနေကြတာ၊ ၂၀၁၅ ဘယ်သူ သမ္မတဖြစ်မလဲ မှန်းဆချက်တွေ သမ္မတ လုပ်ချင်ပါတယ်လို့ ထုတ်ဖော်ကြေညာပြီး သွေးတိုးစမ်းနေကြတဲ့ သတင်းတွေ ခုကာလမှာ ထိပ်တန်းသတင်းတွေပါပဲ။

ဂျာနယ်ခေတ် သတင်းစာခေတ်မှာ သတင်းမုဆိုးတွေ သတင်းထောက်လှမ်းရေး သမားတွေ သတင်းထောက်တွေရဲ့ ရသမျှ သတင်းအစုံကို ဖော်ပြနေကြတာတွေ တွေ့နေရတယ်။

ဘယ်လိုပဲဖြစ်ဖြစ် ၂၀၁၅ ခုနှစ်ကတော့ နိယာမ သဘောအရ ဖြတ်သန်းရဦးမှာပဲ။ ဘယ်လိုပဲဖြစ်ဖြစ် ပြည်သူတွေ ကြိုက်ကြိုက်မကြိုက်ကြိုက် သမ္မတ တစ်ယောက်ကတော့ ပြည်ထောင်စုသမ္မတ မြန်မာနိုင်ငံမှာ ပေါ်ပေါက်လာဦးမှာပဲ။

ဒီမိုကရေစီ သမ္မတ

မြန်မာနိုင်ငံမှာ လက်ရှိအစိုးရ ၂၀၁၀ ခုနှစ်ကစလို့ ပြည်သူက ရွေးချယ်ပေးတဲ့ အစိုးရအဖြစ် မကြာခဏ ထုတ်ဖော်ပြောဆို ဂုဏ်ယူတတ်ကြပါတယ်။

"ကျွန်တော်တို့ အစိုးရဟာ ပြည်သူတွေ ရွေးချယ်တင်မြှောက်ပေးတဲ့ အစိုးရ ဖြစ်သည်နှင့်အညီ . . ." သမ္မတဦးသိန်းစိန် ပြောလေ့ရှိတဲ့ စကားပါ။

အာဏာရှင် လက်အောက်မှ လူးလွန့်ရုန်းထပြီးရတဲ့ ထွက်ပေါက်လေးက ခေါင်းပြူလာရတဲ့ အခြေအနေနဲ့ ပေါ်ပေါက်လာတဲ့ သမ္မတကို လတ်တလော လက်ခံရမှာဖြစ်လို့ သမ္မတပြောတဲ့စကားကို ဘယ်သူကမှ မငြင်းဆန်ခဲ့ပါဘူး။

ဒါပေမဲ့ ၂၀၁၅ ခုနှစ် သမ္မတရွေးကောက်ပွဲကို ၂၀၀၈ ခုနှစ် ဖွဲ့စည်းပုံ အခြေခံဥပဒေနဲ့အညီ ၂၀၁၀ ပြည့်နှစ်ကလို ဘယ်သူနဲ့ပြိုင်ပြိုင် နိုင်ရမယ်ဆိုကာ မမျှတတဲ့နည်းနဲ့ ရွေးချယ်ပေးလို့ မဖြစ်တော့ပါဘူး။ ဘာဖြစ်လို့လဲဆိုရင် ကမ္ဘာ့အလယ်မှာ၊ အာဆီယံ နိုင်ငံများ အလယ်မှာ မြန်မာနိုင်ငံဟာ ဒီမိုကရေစီစနစ်ကို ကျင့်သုံးနေပြီဆိုတာ အများက လက်ခံထားပါပြီ။

ဒီမိုကရေစီစနစ် ကျင့်သုံးတဲ့ နိုင်ငံမှာ ဒီမိုကရေစီ ကျင့်စဉ်အတိုင်း ရွေးချယ်ပေးတဲ့ သမ္မတတစ်ဦးတည်း လိုအပ်လာပါတယ်။

အာဏာရှင်တွေ ကျင့်သုံးနေသလို အထက်ကချပေးတဲ့ သမ္မတ ဖြစ်ချင်ရင် ပြည်သူရွေးချယ်ပေးတာကို ရဲရဲဝံ့ဝံ့ လက်ခံရမှာပါ။ ပြည်သူတွေ ကိုယ်တိုင်ရွေးချယ်ခွင့်ရအောင် နိုင်ငံတော်နဲ့ ရွေးကောက်ပွဲ ကော်မရှင်တို့က စီစဉ်ပေးရမှာပါ။

လတ်တလော အမေရိကန်နိုင်ငံမှာ မစ္စတာ ဘားရက်အိုဘားမားဟာ သမ္မတလောင်း အဆင့်ဆင့်ကို ယှဉ်ပြိုင်ရတယ်။ ပါတီတွင်း ပါတီအပ ယှဉ်ပြိုင်ရတယ်။ သူတို့ပြည်သူ တစ်ဦးချင်းစီက တိုက်ရိုက်မဲပေးကြတာပါ။

အိုဘားမားက ရဲရဲဝံ့ဝံ့ပဲ အရွေးခံပါတယ်။ ရိုးသားစွာ ယှဉ်ပြိုင်ပါတယ်။ ပြည်သူနဲ့ နီးစပ်အောင် ပြည်သူ(မဲဆန္ဒနယ်) ထံ နိစ္စဓူဝ သွားရောက်ပါတယ်။ ရှင်းပြပါတယ်။ ရင်းနှီးအောင် နေပါတယ်။ ပြည်သူလိုအပ်ချက်ကို သိအောင်ကြိုးစားပါတယ်။ သမ္မတဖြစ်လာခဲ့ရင် ပြည်သူတွေအတွက် ဖြေရှင်းနိုင်အောင် ဖြည့်ဆည်းနိုင်အောင် နည်းလမ်းရှာခဲ့ပါတယ်။

သူ့ကို ပြည်သူတစ်ရပ်လုံးအကြိုက် မဲပေးကြတာ မဟုတ်ပါဘူး။ သူ့ပြိုင်ဘက်ကိုကြိုက်တဲ့ ပြည်သူတွေကလည်း သူ့ပြိုင်ဘက်ကိုပဲ မဲပေးကြတာပါ။ ဆိုတော့ သူ့ကိုဘယ်လောက် ထောက်ခံတယ်ဆိုတာ ရှင်းရှင်းလင်းလင်း သိသွားကြစေတာပါပဲ။

ဒါဟာ ဒီမိုကရေစီ ကျင့်စဉ်ပါ။

မိမိကြိုက်တာကို ကြိုက်ကြောင်း၊ မိမိမကြိုက်တာကို မကြိုက်ကြောင်း ဆင်ခြင်မှုနဲ့ လွတ်လပ်စွာ သဘောထား ကွဲလွဲကြတာဟာ အဆင့်မြင့် ပြည်သူပြည်သားတွေရဲ့ ရပိုင်ခွင့်ပါ။

မိမိကြိုက်တာကိုပဲ အတင်းအဓမ္မ လိုက်ကြိုက်ခိုင်းတာ၊ မိမိမကြိုက်တာကို အတင်းအဓမ္မ မကြိုက်ခိုင်းတာဟာ အာဏာရှင် အပြုအမူပါ။ အမြင်ကျဉ်းလွန်းတာပါ။

၂၀၀၈ ဖွဲ့စည်းပုံ အခြေခံဥပဒေကို မပြင်ဘူးဆိုရင်

ဖွဲ့စည်းပုံ အခြေခံဥပဒေ ရေးဆွဲဖို့ ၁၉၉၃ ခုနှစ်ကတည်းက စတင်ခဲ့တဲ့ အမျိုးသားညီလာခံဟာ နှစ်ပေါင်း ၁၅ နှစ်ကြာမှ ပြီးဆုံးခဲ့ပါတယ်။ ညီလာခံ ကိုယ်စားလှယ်အချို့ ညွှန်ကြားရေးမှူးချုပ်ဘ၀မှ အငြိမ်းစားယူ၊ နောက်ဆုံးလောကထဲမှ အပြီးတိုင် ထွက်သည်အထိ ညီလာခံ မပြီးသေးပါဘူး။

အဲဒီလောက်ကြာတဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေမှာ သူတို့လိုချင်တဲ့ သမ္မတတစ်ယောက် ရနိုင်ဖို့ ၀င်ပေါက်တွေ ကျဉ်းနိုင်သမျှကျဉ်းအောင် လုပ်ထားပါတယ်။

ဖွဲ့စည်းပုံ အခြေခံဥပဒေ ပုဒ်မ (၅၉) နိုင်ငံတော် သမ္မတများ၏ အရည်အချင်းများမှာ အောက်ပါအတိုင်း ဖြစ်သည်။

(ဂ)ရွေးချယ်တင်မြှောက်ခြင်း ခံရသူသည် အသက် (၄၅)နှစ် ပြည့်ပြီးသူ ဖြစ်ရမည်။

ဒီပုဒ်မက လူငယ်တွေအတွက် ၀င်ပေါက်တစ်ပေါက်ကို ပိတ်ထားလိုက်တာ ဖြစ်ပါတယ်။ ဗိုလ်ချုပ်အောင်ဆန်း စစ်သေနာပတိ ဖြစ်ချိန်မှာ သူ့အသက်ဟာ (၃၀)နှစ်ထက် ငယ်ပါသေးတယ်။

(ဃ) နိုင်ငံတော် အရေးအရာများဖြစ်သော နိုင်ငံရေး၊ အုပ်ချုပ်ရေး၊ စစ်ရေး စသည့်အမြင်များ ရှိရမည်။

ဒီပုဒ်မက Perfect man သို့မဟုတ် Super man လိုလူမျိုးမှ သမ္မတဖြစ်ရမလို ဖြစ်နေပါတယ်။ ဘက်စုံထောင့်စုံ ပြည့်စုံစေချင်တာ မှန်ပေမယ့် မဖြစ်နိုင်တာကို အဓမ္မ ထည့်သွင်းရေးဆွဲထားသလို ဖြစ်နေပါတယ်။ တစ်နည်းပြောရရင် လိုလားသူကို ဒီလိုပြည့်စုံလို့ ရွေးတယ်။ မလိုလားသူကို ဒီလိုအရည်အချင်းနဲ့ မပြည့်စုံလို့ မရွေးဘူး။ လိုသလို ဆွဲယူလို့ရအောင် ဖန်တီးထားတာ ဖြစ်နေပါတယ်။

အောက်ခြေသာမန်ပြည်သူတစ်ယောက် သမ္မတမဖြစ်အောင် ကန့်သတ်ထားလိုက်တာပါပဲ။ အလုပ်သမား၊ လယ်သမား သိပ္ပံဝိဇ္ဇာ ကျွမ်းကျင်ပညာရှင်တွေ သမ္မတ မဖြစ်နိုင်တော့ပါဘူး။ အမေရိကန်သမ္မတ ဖြစ်ခဲ့တဲ့ အီဘရာဟင်လင်ကွန်းလို လူမျိုး၊ မြန်မာပြည်မှာဆို သမ္မတ အရည်အချင်းနဲ့ မပြည့်စုံလို့ သမ္မတ ဖြစ်လာနိုင်စရာ အခွင့်အလမ်း မရှိပါဘူး။

နောက်ထပ်စစ်ရေးအမြင် ရှိရမယ် ဆိုတာပါ ပါသေးတယ်။ မြန်မာအမျိုးသမီး အတော်များများ စစ်မှုထမ်းဖူးကြတာ မဟုတ်ပါဘူး။ ဆိုတော့ မြန်မာအမျိုးသမီးတစ်ယောက် သမ္မတဖြစ်ဖို့ဆိုတာ ကြီးမားတဲ့ အခက်အခဲ ဖြစ်နေပြန်ပါတယ်။

(စ) မိမိကိုယ်တိုင်သော် လည်းကောင်း၊ မိမိ၏ မိဘတစ်ပါးပါးသော် လည်းကောင်း၊ မိမိ၏ဇနီး သို့မဟုတ် ခင်ပွန်းသော် လည်းကောင်း၊ မိမိ၏ တရားဝင် သားသမီး တစ်ဦးဦးသော် လည်းကောင်း ထိုတရားဝင် သားသမီး တစ်ဦးဦး၏ ဇနီးသို့မဟုတ် ခင်ပွန်းသော် လည်းကောင်း နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက် ရိုသေသူ သို့မဟုတ် နိုင်ငံခြားအစိုးရ၏ လက်အောက်ခံဖြစ်သူ သို့မဟုတ် တိုင်းတစ်ပါး၏ နိုင်ငံသားဖြစ်သူ မဖြစ်စေရ၊ ထိုသူများသည် နိုင်ငံခြား၏ လက်အောက်ခံဖြစ်သူသော် လည်းကောင်း၊ တိုင်းတစ်ပါး၏ နိုင်ငံသားသော် လည်းကောင်း ခံစားရသော အခွင့်အရေးများနှင့် ကျေးဇူးခံစားခွင့်များကို ခံစားနိုင်ခွင့် ရှိသူများ မဖြစ်စေရ။

ဒီပုဒ်မကလည်း ခေတ်အမြင် ကျဉ်းမြောင်းတဲ့ အာဏာရှင်တို့ရဲ့ သဘောထား သေးသိမ်မှုကို ဖော်ပြနေတာပါပဲ။ နိုင်ငံတကာနဲ့ အတားအဆီးမဲ့ ကူးလူးဆက်ဆံနေကြတဲ့ မျက်မှောက်ကာလမှာ အခြေအနေ အကြောင်းကြောင်းကြောင့် နိုင်ငံခြားမှာ သွားနေကြတာ၊ နိုင်ငံခြားတိုင်းပြည် သို့မဟုတ် နိုင်ငံခြားသားရဲ့ အကူအညီ ရယူနေတာ။ ဒါတွေဟာ မဆန်းတော့တဲ့ ဖြစ်ရပ်တွေပါ။

မြန်မာနိုင်ငံသည်ပင်လျှင် ဂျပန်နိုင်ငံရဲ့ ထောက်ပံ့ကြေးတွေကို ရယူသုံးစွဲနေရတာ လက်တွေ့ပါ။

ပွင့်လင်းလွတ်လပ်လာတဲ့ လူ့ဘောင်မှာ ကန့်သတ်ချက်တွေကို ရည်ရွယ်ချက်ရှိရှိ ထည့်သွင်းထားတာဟာ ပြည်သူတွေ လွတ်လပ်စွာ ရွေးချယ်ခွင့်ကို သွယ်ဝိုက်ကန့်သတ် လိုက်တာပါပဲ။

ဆိုတော့ ၂၀၀၈ ခုနှစ် ဖွဲ့စည်းပုံကို မပြင်ဘူးဆိုတာ ပြည်သူ့ဆန္ဒကို ဆန့်ကျင်တာပါပဲ။ ပြည်သူကို ဗဟိုပြုမယ်။ ပြည်သူ့ဆန္ဒကို လိုက်လျောမယ်ဆိုရင် ၂၀၀၈ ခုနှစ် ဖွဲ့စည်းပုံကို ၂၀၁၅ ခုနှစ် မတိုင်မီ မလွဲမသွေ ပြင်ကြရမှာပါ။
 

တို့သမ္မတ တို့ရွေးမယ်

၂၀၁၅ ခုနှစ် သမ္မတရွေးဖို့ ပြည်သူတွေကို လည်းကောင်း၊ သမ္မတလောင်းတွေကို လည်းကောင်း၊ ကန့်သတ်တာတွေ ပိတ်ဆို့တာတွေ၊ အတားအဆီးတွေ ဖယ်ပေးပါ။

ပုဒ်မ (၆၀)ကနဲ့ (ခ)ပါ နိုင်ငံတော်သမ္မတ ရွေးချယ်တင်မြှောက်ရေး အဖွဲ့ကို ဖျက်သိမ်းပေးပါ။ ပြည်သူတွေ လွတ်လွတ်လပ်လပ် ရွေးပါစေ။ ပြည်သူတွေရဲ့ မှန်ကန်တဲ့ ရွေးချယ်နိုင်စွမ်းကို ယုံကြည်ပေးပါ။ ပြည်သူ့သမ္မတကို ပြည်သူက ရွေးပေးပါရစေ။

ဒီလိုမှ မဟုတ်ဘဲ၊ အကန့်အသတ်တွေ တသီတတန်း အတားအဆီးတွေ တစ်ပုံတစ်ပင်၊ အကွေ့အကောက်တွေ အနန္တနဲ့ ပြည်သူတွေ တိုက်ရိုက်မပါဝင်နိုင်အောင် လုပ်ထားမယ်ဆိုရင် ပြည်သူရွေးတဲ့ သမ္မတ မဟုတ်ဘူးဆိုရင် ပြည်သူက ဘာမှမပြောနိုင်ပေမယ့် သူတို့ရွေးချယ်တဲ့ သမ္မတ သူတို့သမ္မတပဲ ဖြစ်နေမှာပါ။

သူတို့နဲ့ ပလဲနံပသင့်တဲ့ သမ္မတပဲ ဖြစ်နေသရွေ့ ပြည်သူက ငုတ်တုတ်ထိုင်ကြည့် နေရုံပါပဲ။

သမ္မတနဲ့ပြည်သူ သူစိမ်းဖြစ်သွားမှာပါ။ ဒါဆို နိုင်ငံတော် ဖွံ့ဖြိုးတိုးတက်ရေးအတွက် ကြီးမားတဲ့ အဟန့်အတားတွေ ဖြစ်နေမှာပါ။ နောက်ဆုံးပြည်သူရွေးတဲ့ သမ္မတ မဟုတ်ခဲ့ဘူးဆိုရင် သူတို့ရွေးတဲ့ သမ္မတ သူတို့သမ္မတလို့ပဲ မှတ်ယူလိုက်ရပါမယ်။

ပြည်သူ့သမ္မတတော့ မဟုတ်ပါ။

credit-EMG

Read More »

ဘ၀ကို ဘာတွေပေးဆပ်မှာလဲWritten by ဒေါက်တာ ခင်မောင်ညို



ပန်းတိုင်ကို သတ်မှတ်ပြီးနောက် လမ်းကြောင်း မှန်ရပါသည်။ လမ်းကြောင်းပေါ် ရောက်ပြီးနောက် လားရာ (direction) သည် အရေးပါလာသည်။ မိမိအတွက် ညွှန်ပြမှုပြုဖို့ လားရာ (direction) ကို တိတိကျကျ သဘောပေါက်ထားရမည်။
ကျွန်တော်က သူငယ်ချင်း ကိုဘသစ်ကို မေးဖူးသည်။ "ပန်းတိုင်၊ လမ်းကြောင်း၊ လားရာ ဘယ်အရာက အရေးကြီးလဲ"
"သုံးချက်စလုံး အရေးကြီးတယ်။ ဒါပေမဲ့ အရေးအကြီးဆုံးက လမ်းကြောင်းပဲ။ မိဘလုပ်ကျွေးချင်သူ ဆိုတာ အင်မတန် မွန်မြတ်တယ်။ ဒါပေမဲ့ သူတို့တစ်တွေဟာ ဓားပြတိုက်ပြီး လုပ်ကျွေးမယ်ဆိုရင် မမှန်တော့ဘူးပေါ့"
"ဟုတ်ကဲ့၊ ဒါကို အချို့က End must justify the means ဆိုပြီး လက်ခံကြတယ်။ တရုတ်ခေါင်းဆောင်ကြီး တိန့်ရှောက်ဖိန်ကလည်း ကြောင်ဖြူသုံးသုံး ကြောင်မည်းသုံးသုံး ကြွက်သေသည်သာ အဓိကလို့ ဆိုတယ်"၊ "အမှန်ကတော့ လမ်းကြောင်းမှန်ဖို့ အရေးကြီးတယ်။ လမ်းကြောင်းမှန်တယ်ဆိုတာ လားရာမှန်တာကိုလည်း ပြောတာပါ။  သူငယ်ချင်း ပြောဖူးတဲ့ ပုံပြင်လို အဖြစ်အပျက်လေး တစ်ခုကို ပြောပြမယ်"
ကိုဘသစ်သည် ကျွန်တော့်ကို အောက်ပါအတိုင်း ပြောပြသည်။
သူက ထောက်ကြန့်အလွန်မှာ ကားပျက်နေစဉ် သူ့တပည့်တစ်ယောက် လင်းခရုဇာ ကားကြီးနှင့် ရောက်လာသတဲ့၊
"ဆရာ ဘယ်ကိုသွားမလို့လဲ"
"ငါသနပ်ပင်သွားမလို့"
"ဒါဆို ကားပေါ်တက်"
ဆရာသည် ကားပေါ် တက်လိုက်သည်။
တပည့်ဖြစ်သူက နေပြည်တော် အဝေးပြေး လမ်းပေါ် မောင်းတက်သွားသည်။
"ဟေ့ မင်းဘယ်ကို သွားမလို့လဲ"
"ကျွန်တော် ပုသိမ်သွားမလို့"
"ဟေ၊ ပုသိမ်သွားဖို့ ဒီလမ်းက သွားလို့ ရလို့လား"
"ဒီလမ်းက အင်မတန် ကောင်းတယ်ဆရာ၊ ကွန်ကရစ်လမ်းကြီး"
"အေး၊ ဟုတ်တယ်"
"ဒီလမ်းက ကျယ်တယ်။ ကျွန်တော့်ကားကလည်း လင်ခရူဇာ ကားသစ်ကြီး"
"ဟုတ်တယ်လေ"
"ဆရာက ဘယ်သွားမလို့လဲ"
"ငါက သနပ်ပင် သွားမလို့"
"ရပါတယ် ဆရာ"
"ရပါတယ် မလုပ်နဲ့ ဒီလမ်းဟာ မန္တလေးသွားတဲ့ လမ်းကွ၊ မင်းခုလို မြောက်ဘက်ကို မောင်းသွားလေလေ၊ တို့တစ်တွေဟာ ပန်းတိုင်ကနေ ဝေးသွားလေပဲကွ"
"ဆရာကလည်း ကျွန်တော့်ဆီမှာ ကားကောင်းကောင်း ရှိတယ်။ လမ်းကောင်းကောင်းကနေ သွားနေတာ။ ဒါနဲ့တောင် ပန်းတိုင် မရောက်ဘူးဆိုတာ ကျွန်တော် အစွမ်းကုန် အမြန်နှုန်း မြှင့်မောင်းပေးပါမယ် ဆရာ"
"အေး၊ ကားဘယ်လောက်ကောင်းကောင်း မင်းမြန်မြန် မောင်းလေလေ၊ တို့သွားချင်တဲ့ နေရာနဲ့ ဝေးလေလေပါပဲ" ကိုဘသစ်က ပြောရင်း ရယ်နေလေသည်။
ဘ၀မှာ ဒီလိုပဲ ပန်းတိုင်ကနေ ဝေးသွားသူတွေ အများကြီးပါ။
"တကယ်လို့ လမ်းကြောင်းမှန်မယ်ဆိုရင် ရည်မှန်းချက် ပန်းတိုင်က အရေးကြီးပါတယ်။ ဒါပေမဲ့ ငယ်ငယ်က ချမှတ်ခဲ့တဲ့ ရည်မှန်းချက် ပန်းတိုင်ဟာ ကြီးလာတဲ့အခါမှာ ပြောင်းသွားနိုင်တယ်"
"ဘယ်လိုမျိုးလဲ"
"ငယ်ငယ်ကတော့ မိမိပတ်ဝန်းကျင်မှာ တွေ့တာတွေကို ရည်မှန်းကြတာ များတယ်။ ဒါပေမဲ့ တဖြည်းဖြည်း အမြင်ကျယ်လာတယ်။ မိမိ ဘာလုပ်ချင်လဲ ဆိုတာကို သိလာတယ်။ ဆရာဝန် အတော်များများ စာရေးဆရာတွေ ဖြစ်လာသလို အင်ဂျင်နီယာတွေ ထဲကလည်း နိုင်ငံရေးမှာ တက်ကြွစွာ ပါဝင်လှုပ်ရှားလာသူတွေ ရှိလာတာကို တွေ့ဖူးပေမယ်။ ဒါပေမဲ့ အချို့ကျတော့ ရည်ရွယ်ချက် တစ်မျိုးတည်း ထားတယ်။ ဥပမာ ဗိုလ်ချုပ်အောင်ဆန်းက လွတ်လပ်ရေးရဖို့ အဓိက ရည်ရွယ်တာပါပဲ"
"သူလမ်းကြောင်းတော့ ပြောင်းတယ် မဟုတ်လား"
"ဟုတ်တယ်။ လမ်းကြောင်းတွေ ပြောင်းတယ်။ ဂျပန်ကို ပေါင်းတယ်။ ဂျပန်ကို ပြန်တိုက်တယ်။ အင်္ဂလိပ်နဲ့ ပေါင်းတယ်။ လွတ်လပ်ရေး မရရင် အင်္ဂလိပ်ကိုလည်း ပြန်တိုက်မယ် သူပဲ။ ဒါပေမဲ့ ပန်းတိုင်ကို မျက်ခြည်မပြတ်ဘူး"
"အစစ်ပေါ့။ ဘ၀မှာ ဘာလုပ်လုပ်ပါ။ ရည်ရွယ်ချက်လေးနဲ့ လုပ်ဖို့လိုတယ်။ ဒီရည်ရွယ်ချက်ဟာ ကောင်းမွန်တဲ့ ရည်ရွယ်ချက် ဖြစ်ရမှာပါ"
"ဘာကို ဆိုလိုတာလဲ ကိုဘသစ်"
"ကျွန်တော်တို့ဟာ အောင်မြင်ချင်တယ်။ ချမ်းသာချင်တယ်။ ဒါက မိမိအတွက်ပေါ့။ အောင်မြင်လာချမ်းသာ လာတဲ့အခါ ဒီဓနဥစ္စာကို အများကောင်းကျိုးအတွက် သုံးဖို့ ရည်ရွယ်ချက် ထားတာမျိုးပေါ့။ ဘယ်လောက်အထိ သုံးမယ်။ ဘယ်လို သုံးမယ်ဆိုတာကတော့ ကာယကံရှင်ပေါ် မူတည်တာပဲ"
"ဘီလ်ဂိတ်တို့ ၀ါရင်းဘက်ဖက်တို့ကို နမူနာ ပေးလို့ ရတယ်နော်"
"ဟုတ်တယ်၊ မှန်ကန်တဲ့ လမ်းကြောင်းပေါ်က မှန်ကန်တဲ့ ပန်းတိုင်အတွက် မှန်ကန်တဲ့ ရည်ရွယ်ချက် ထားဖို့ လိုတယ်"
ကမ္ဘာကြီး ဖြစ်တည်စ။ နံနက်စောစောမှာ နေရောင်ခြည် နုနုလေးနဲ့ တွေ့ထိတဲ့ ပန်းကလေးကို စဉ်းစားကြည့်လိုက်ပါ။ ဖူးပွင့်လာတယ်လေ။ နှင်းရည်စက်များ ကျလာတော့ တိမ်ခိုးတွေအကြား ပထမဆုံးပွင့်တဲ့ ပန်းကလေးဟာ ဘယ်လောက်ကျက်သရေ ရှိမှာလဲ။
ခုမြန်မာပြည်ကြီး ဒီမိုကရေစီ လမ်းကြောင်းကို သွားနေသည့် ကာလ။ အခြေခံဥပဒေက လမ်းကြောင်း ချမှတ်ထားသည်။ နှင်းရည်စက်များ ပက်ဖျန်းပြီး အေးချမ်းတဲ့ နိုင်ငံတော်ကို တည်ဆောက်မှာလား။မျက်ရည်စက်များနဲ့ ကြေကွဲကြရမှာလား။ ကမ္ဘာကြီးမှာ လူသန်း ၇၀၀၀ ရှိသည်။ သတ္တ၀ါတွေတော့လည်း အများကြီးပဲပေါ့။
အဲဒီလူသားများသည် သူတို့အသိဉာဏ်ဖြင့် လောကကြီးတစ်ခုလုံးကို လွှမ်းမိုးထားလေတော့သည်။
လူတို့၏ အသိဉာဏ်ဖြင့် တည်ဆောက်ထားသော ဤလောကကြီးတွင် မျှတမှုကော ရှိပါ၏လော။
ကမ္ဘာ၏ ကြွယ်ဝမှု၏ ၉၀ ရာခိုင်နှုန်းသည် လူတစ်သန်းတွင်သာ ရှိနေသည်။ ထိုတစ်သန်းသည် ကမ္ဘာပေါ်ရှိ ဥစ္စာဓနများကို လက်ဝါးကြီး အုပ်ထားသည်။ ကျန်သော လူဦးရေ ၆၉၉၉ သန်းသည် မညီမျှသော ဥစ္စာကိုသာ ပိုင်ဆိုင်ကြသည်။ တကယ်တော့ လူတစ်ထောင်ကျော်၏ လက်ထဲတွင်ပင် ဥစ္စာဓနများ စုပြုံနေသည်ဟု ဆိုနိုင်သည်။ မြန်မာပြည်က ပြည်သူသန်း ၆၀ ရဲ့ ဓနဥစ္စာကရော။ လူတစ်ထောင်လောက်မှာပဲ စုပြုံနေပါသလား။ ပြည်သူပြည်သားများသည် လူတစ်ထောင်ကျော် ပြုသမျှ နုရသည့် အခြေအနေမှာ ရောက်နေလေသလား။
ဤပုံစံသည် နှစ်ပေါင်းများစွာ တည်နေမည်မှာလား။ စစ်ကြောရန် လိုသည်။
ဒါဆိုရင် သင်ကော ဘာလုပ်မလဲ။
အလွန်အမင်း ချမ်းသာသူ တစ်ထောင်ထဲမှာ ပါလိုသလား။ သင်၏ ဆုံးဖြတ် လုပ်ဆောင်မှုသည် အင်မတန် အရေးပါသည်။
ပထမဦးဆုံး ပန်းတိုင်ကို သတ်မှတ်ရမည်။ ပန်းတိုင်နှင့် ဆိုင်သည်များကို နားလည်အောင် ကြိုးစားရမည်။
ထိုပန်းတိုင် မှန်ရဲ့လား။ သင်လိုလားတာတွေ ဖြစ်ရဲ့လား။
ဘ၀မှာ ရည်ရွယ်ချက်တွေ လုပ်ဆောင်ချက်တွေ ပြောင်းနေတတ်သည်။
ဘယ်လိုပြောင်းပြောင်း ပန်းတိုင်တစ်ခုကိုတော့ သတ်မှတ်ရပါသည်။ ပန်းတိုင် သတ်မှတ်ပြီးနောက် ပန်းတိုင်ကို ရောက်မည့် လမ်းကို ရွေးရပါမည်။
ဒီနေရာတွင် လမ်းမှားကနေ သွားလို့မရပါ။ မှားနေရင်တော့ ပြင်ရပါသည်။
credit-EMG
Read More »

မူးယစ်ဆေးဝါးနှင့် လူငယ် Written by လှမြင့် (ရန်ကုန်တက္ကသိုလ်)



လူငယ်ဟူသည် အနာဂတ်၏ ခေါင်းဆောင်လောင်း ခေါင်းဆောင်ကောင်းများ ဖြစ်ကြသည်။ လူငယ်တို့၏ ကာယဥာဏ စာရိတ္တ ဘက်စုံဖွံ့ဖြိုး တိုးတက်မှုဖြင့် နိုင်ငံနှင့် လူမျိုး၏ ဖွံ့ဖြိုးတိုးတက်ရေးများကို စွမ်းဆောင်နိုင်သည်။ လူငယ်တို့သည် ကာယခွန်အား ပြည့်စုံရမည်။ ဥာဏစွမ်းရည် ထက်မြက်ရမည်။ စာရိတ္တဟူသော ကိုယ်ကျင့်တရားကောင်းများ ရှင်သန်နေရမည်။ ထိုသို့သော ကာယ၊ ဥာဏ၊ စာရိတ္တ စွမ်းရည်များ ထက်မြက်စေရန် ပြည့်စုံလာစေရန် မိမိတို့၏ အသိပညာ၊ အသိတရား၊ လုံ့လ၀ိရိယဟူသော ကိုယ်ရည်ကိုယ်သွေးများ ပြည့်စုံထက်မြက်စေရန် မိမိကိုယ်မိမိ လေ့ကျင့်ထိန်းသိမ်း ဆောင်ရွက်ရမည် ဖြစ်သည်။

နိုင်ငံတော်၏ အင်အားစုတွင် လူငယ်၏ အင်အားစုသည် သုံးပုံတစ်ပုံ ရှိသည်။ ထိုသို့သော အင်အားစုကြီးဖြစ်သော ယနေ့လူငယ် အင်အားစုသည် နောင်တစ်ချိန်တွင် တိုင်းပြည်တာဝန်ကို ပခုံးပြောင်း တာဝန်ထမ်းဆောင်ရမည့် သွေးသစ်အင်အားစုလည်း ဖြစ်သည်။ ထိုသို့သော အရည်အသွေးရှိသည့် လူငယ်တို့တွင် ကာယစွမ်းအား၊ ဥာဏစွမ်းအား၊ စိတ်ဓာတ်စွမ်းအား၊ စာရိတ္တမဏ္ဍိုင် ကြံ့ခိုင်ရေးစွမ်းအား ပြည့်စုံရန် လိုအပ်သည်။ လူငယ်၏ သဘောသဘာဝသည် ရှင်သန်သည်။ နုပျိုသည်။ တက်ကြွသည်။ လန်းဆန်းသည်။ တိမ်းလွယ်ယိမ်းလွယ်သည်။ သူငယ်ချင်း အပေါင်းအသင်းကို တွယ်တာသည်။ ရှင်သန်တက်ကြွနိုးထနေသော ရွက်သစ်၊ ရွက်ညွှန့်၊ ရွက်နု၊ ပုရစ်ဖူးများအသွင် ရှိသည်။

ထိုသို့ နိုးကြားတက်ကြွ ရှင်သန်နေသော လူငယ်တို့သည် မျက်မှောက်ခေတ်၏ အန္တရာယ်ဆိုး တစ်ရပ်ဖြစ်သော မူးယစ်ဆေးဝါးကို ရှောင်ရှားရမည် ဖြစ်သည်။ မူးယစ်ဆေးဝါးသည် ဆိုးကျိုးကိုသာ ပေးသည်။ မူးယစ်ဆေးဝါး သုံးစွဲမှုကြောင့် စိတ်ဓာတ်ကြံ့ခိုင်မှု ယိုယွင်းလာသည်။ ကာယစွမ်းအား ဆုတ်ယုတ်လာသည်။ ဥာဏစွမ်းအား လျော့ပါးလာစေသည်။ လုံ့လ၀ီရိယ ဇွဲသတ္တိများ ဆိတ်သုဉ်းကာ တွေဝေမိန်းမောစေသည်။ မကောင်းမှုများကို ကျူးလွန်ရန် ၀န်မလေးတော့ပေ။ စာရိတ္တကို ပျက်ယွင်းလာစေသည်။ ယင်းသို့ ဆိုးကျိုးအထွေထွေကိုသာ ပေးတတ်သောကြောင့် မူးယစ်ဆေးဝါး မသုံးစွဲမိစေရန်အတွက် လည်းကောင်း၊ မသုံးစွဲကြရန်အတွက် လည်းကောင်း နည်းအမျိုးမျိုးဖြင့် လှုံ့ဆော်စည်းရုံး ဆောင်ရွက်လျက် ရှိသည်။ မူးယစ်ဆေးဝါးကို လူသားအားလုံး အထူးသဖြင့် လူငယ်တို့၏ နယ်ပယ်တွင် ရှောင်ရှားကြစေရန် "ရှောင်လေဝေးဝေး မူးယစ်ဆေး" ဟူ၍ လည်းကောင်း၊ "မူးယစ်ဆေးဝါး တို့ရှောင်ရှား" ဟူ၍ လည်းကောင်း ဆောင်ပုဒ်များဖြင့် မူးယစ်ဆေးဝါး အန္တရာယ်နှင့် လူငယ်တို့ ကင်းဝေး၊ ကင်းရှင်းစေရန် လှုံ့ဆော်၊ ပညာပေး၊ စည်းရုံးဆောင်ရွက်လျက် ရှိသည်။

ကမ္ဘာ့သမိုင်းကြောင်းကို လေ့လာလျှင် မူးယစ်ဆေးဝါးသည် ခေတ်အဆက်ဆက်၌ တိုင်းပြည်နှင့်လူမျိုး၏ ဆိုးကျိုးနှင့် အနိဋ္ဌာရုံများကိုသာ ပေးခဲ့ကြောင်း အထင်အရှား တွေ့ရှိနိုင်သည်။ လူဦးရေ များပြားပြီး၊ စည်းလုံးညီညွတ်၍ စီးပွားရေး ဖွံ့ဖြိုးကြွယ်ဝခဲ့သော ရှေးခေတ်တရုတ်ပြည်တွင် နယ်ချဲ့အင်္ဂလိပ်တို့သည် မူးယစ်ဆေးဝါးဖြစ်သောဘိန်းကို နိုင်ငံ၏ စည်းရုံးမှု ဖြိုခွဲရေး လက်နက်အဖြစ် အသုံးချခဲ့သည်။ ဘိန်းစစ်ပွဲများဖြင့် စာရိတ္တကြံ့ခိုင်မှု၊ စည်းလုံးညီညွတ်မှု အားမာန်ကို ယိုယွင်းပျက်စီး စေခဲ့သည်။

ထိုနည်းတူ မြန်မာ့သမိုင်းကြောင်းတွင်လည်း တောင်ငူခေတ်တွင် လက်ရုံးရည်၊ နှလုံးရည်ဖြင့် ပြည့်စုံထင်ရှားခဲ့သော တပင်ရွှေထီးမင်းသည် မူးယစ်ဆေးဝါးဖြစ်သော အရက်ကို စွဲခဲ့သောကြောင့် အသက်ဆုံးရှုံး ခဲ့ရသည်အထိ ဘ၀ဆိုးကျိုးကို တွေ့ကြုံခံစားခဲ့ရသည်။ မြန်မာဘုရင်များ လက်ထက်ကပင် မူးယစ်ဆေးဝါး၏ အန္တရာယ်ဆိုးကျိုးနှင့် အနိဋ္ဌာရုံများကို နားလည်သိရှိ သဘောပေါက်ခဲ့ကြသောကြောင့် မူးယစ်ဆေးဝါး အန္တရာယ် ကာကွယ်ရေး အမိန့်တော်များကို ပြဋ္ဌာန်းသတ်မှတ် ခဲ့ကြသည်။ ကျူးလွန်ဖောက်ဖျက်သူတို့အား ဥပဒေနှင့်အညီ အရေးယူ ဆောင်ရွက်ခဲ့သည်။ ကုန်းဘောင်ခေတ်နှောင်း မန္တလေး (ရတနာပုံ) ခေတ်၊ မင်းတုန်းမင်းကြီး လက်ထက်တွင် ခရစ်နှစ် ၁၈၆၉ ခုနှစ်၌ 'ဘိန်းဘင်းကဇော်၊ လှော်စာ၊ အရက်သေစာတို့ကို သောက်စားမူးယစ်ခြင်း၊ ချက်လုပ်ခြင်း၊ ရောင်းချခြင်း မပြုလုပ်ရန် ရှောင်ကြဉ်ရမည့် အမိန့်တော်" ကို ထုတ်ပြန်ကြေညာခဲ့သည်။ ယင်းအမိန့်တော်တွင်-

"ပြည်သူပြည်သားတို့သည် ဘိန်းကင်းကဇော်၊ လှော်စာ၊ အရက်သေစာများကို သောက်စားမူးယစ်ခြင်း၊ ချက်လုပ်ခြင်း၊ ရောင်းချခြင်း၊ မပြုလုပ်ရ၊ အထူးသဖြင့် လူငယ်များသည် မူးယစ်ဆေးဝါးများ သုံးစွဲခြင်း လုံးဝမပြုလုပ်ရ။ ယင်းဥပဒေကို မလိုက်နာ၊ ကျူးလွန်လျှင် ကြိမ်ဒဏ်နှင့်ထောင်ဒဏ် ကျရမည်" ဟု သတ်မှတ်တားမြစ်ခဲ့သည်။

မျက်မှောက်ခေတ်တွင် မူးယစ်ဆေးဝါး အန္တရာယ်များကို ကြိုးပမ်းဆောင်ရွက်လျက် ရှိနေသည်။ အထူးသဖြင့် လူငယ်ထု အတွင်းသို့ ဘိန်းဖြူနှင့် စိတ်ကြွဆေး စသောမူးယစ်ဆေးဝါး သုံးစွဲမှုများ စိမ့်ဝင်ပျံ့နှံ့နေမှု အန္တရာယ်သည် မျက်မှောက်ခေတ် လူငယ်လောက၏ အကြီးမားဆုံးသော အန္တရာယ်ဆိုးကြီးပင် ဖြစ်သည်။ ထို့ကြောင့် လူငယ်ထု နယ်ပယ်များဖြစ်သော အမြို့မြို့ အနယ်နယ်ရှိ စာသင်ကျောင်းများ၊ တက္ကသိုလ်ကျောင်းများတွင် မူးယစ်ဆေးဝါး အန္တရာယ် အသိပညာပေးရေး အဖွဲ့များ ဖွဲ့စည်း၍ ပညာပေးလှုံ့ဆော်မှုများ ပြုလုပ်နေကြသည်။ ဥပဒေဖြင့်လည်း အရေးယူ ဆောင်ရွက်လျက် ရှိနေသည်။

လူငယ်ထုအတွင်း မူးယစ်ဆေးဝါး အန္တရာယ် ကာကွယ်ရေးလုပ်ငန်းများ ဆောင်ရွက်ရာတွင် ပညာပေးခြင်း၊ ဥပဒေဖြင့် အရေးယူခြင်းများ ပြုလုပ်သည့်နည်းတူ၊ မူးယစ်ဆေးဝါး သယ်ဆောင်မှောင်ခိုလုပ်ငန်း လုပ်ကိုင်ဆောင်ရွက် နေသူများကိုလည်း မျက်နှာကြီးငယ်မလိုက်၊ တရားဥပဒေနှင့်အညီ ထိရောက်သောပြစ်ဒဏ်များ ချမှတ်ဆောင်ရွက်မှုများကိုလည်း အကောင်အထည်ဖော် ဆောင်ရွက်နေမည် ဖြစ်သည်။

စာရင်းဇယား အထောက်အထားများအရ မြန်မာနိုင်ငံတွင် မူးယစ်ဆေးဝါး သုံးစွဲသူများအနက် အသက် ၁၅ နှစ်မှ ၃၀ အရွယ် လူငယ်၊ လူလတ်ပိုင်းတို့သည် အများဆုံး မူးယစ်ဆေးဝါး သုံးစွဲသော အရွယ်များဖြစ်ကြောင်း သိရှိရသည်။

မူးယစ်ဆေးဝါး အန္တရာယ်သည် လူသားတို့အတွက် ဆိုးကျိုးလက်နက်များထက် ပိုမိုကြောက်ရွံ့ဖွယ် ဖြစ်သည်။ လူသားတို့အား တမြည့်မြည့်နှင့် ဆွေးကြေပျက်စီးစေတတ်သော ကရွတ်ခွေကဲ့သို့ ဖြစ်သည်။ ဖွဲမီးကဲ့သို့ ဖြစ်သည်။ မူးယစ်ဆေးဝါးနှင့် လူငယ်ဟူသည် "အဖြူနှင့်အမည်း" ကဲ့သို့ ဆန့်ကျင်ဘက် အသွင်ဆောင်နေသည်။ လူငယ်ဟူသည် နိုးကြားသည်။ တက်ကြွသည်။၊ နုပျိုသည်။ ဇွဲလုံ့လ သတ္တိဝီရိယ အားမာန်ပြည့်ဝသည်။ မူးယစ်ဆေးဝါးသည်။ စိတ်ဓာတ်ခွန်အား ကာယခွန်အား စာရိတ္တခွန်အားကို ယုတ်လျော့စေသည်။ တွေဝေမိန်းမော စေသည်။ ထို့ကြောင့် လူငယ်ဟူသည် နုပျိုလန်းဆန်းသော သရက်ပင်ပျိုနှင့် တူသည်။ မူးယစ်ဆေးဝါးသည် ဖျက်ဆီးတတ်သော ညောင်ပင်နှင့် တူသည်။ မျိုးကောင်းသရက်ပင်ပျိုနှင့်တူသော လူငယ်တို့သည် ညောင်ပင်နှင့်တူသော မူးယစ်ဆေးဝါးကို သုံးစွဲလျှင် သရက်ပင်ပျိုသည် ညောင်ပင်၏ ၀ါးမျိုခြင်း ခံရသကဲ့သို့ ပျက်စီးမည်။ ဘ၀ဆုံးမည်။ ဒုက္ခမျိုးစုံ တွေ့ကြုံခံစားရမည်မှာ မလွဲဧကန် ဖြစ်သည်။ ထို့ကြောင့် လူငယ်တစ်ရပ်လုံးသည်။ အမျိုးသား ရန်သူသဖွယ်ဖြစ်သော မူးယစ်ဆေးဝါးကို ဝေးစွာရှောင်ရှားရမည်။ မူးယစ်ဆေးဝါး အန္တရာယ်ကို ကျူပင်ခုတ်၊ ကျူငုတ်မျှမကျန်အောင် တွန်းလှန်ချေမှုန်း ပစ်ရမည်။

မူးယစ်ဆေးဝါး အန္တရာယ်သည် တိုင်းပြည်နှင့်လူမျိုး၏ အကြီးမားဆုံးနှင့် အဓိကအန္တရာယ် တစ်ရပ်ဖြစ်သည်။ မူးယစ်ဆေးဝါး သုံးစွဲမိလျှင် မူးယစ်ဆးဝါးစွဲနေလျှင် မကောင်းမှုကို ကျူးလွန်ရန် ၀န်မလေးတော့ပေ။ မူးယစ်ဆေးဝါး အန္တရာယ်သည် ဘ၀၏ အနုတ်လက္ခဏာ ဖြစ်သည်။ ဆိုးကျိုးကိုသာ ပေးတတ်သော မူးယစ်ဆေးဝါး သုံးစွဲမှုကို လူငယ်၊ လူလတ်၊ လူကြီးများအားလုံး လုံးဝရှောင်ရှားခြင်းဖြင့် လောကီသုခကို ရစေမည်ဖြစ်သည်။ မူးယစ်ဆေးဝါး မှန်သမျှကို ဝေးစွာရှောင်ရှားရေးသည် လူငယ်မှအစ လူသားတိုင်း၏ အဓိက တာဝန်ကြီးတစ်ရပ်ပင် ဖြစ်ပေသည်။

Read More »

ဒုက္ခသည်စခန်းများ ၀န်းရံလျက်ရှိသော နိုင်ငံကို...ဟုခေါ်သည်( နေထွန်းနိုင် )



၀၁၃ ခုနှစ် ဒုက္ခသည် စခန်းများပြ မြေပုံ (Graphic: Myanmar Peace Monitor,BNI)
ပြည်တွင်း စစ်ဒဏ်ကို နှစ်ပေါင်း ၆၀ ကျော်ကြာ ခံစားခဲ့ရသော မြန်မာနိုင်ငံ၌ စစ်ပြေးဒုက္ခသည် အရေအတွက် လျော့ကျသွားခဲ့ခြင်း မရှိသေးပေ။ လက်နက်ကိုင် ပဋိပက္ခများ လုံးဝချုပ်ငြိမ်းပြီး သေနတ်သံ တိတ်ဆိတ်သော နိုင်ငံဖြစ်ရန် ကြိုးပမ်းခြင်းများ ရှိသော်လည်း နေ့စဉ်နှင့်အမျှ ကြိုကြားဖြစ်ပေါ်နေသော တိုက်ပွဲများက စစ်ပြေးဒုက္ခသည် အရေအတွက်ကို ဆက်လက် တိုးပွားစေခဲ့သည်။ အခြားတစ်ဖက်တွင်လည်း ပဋိပက္ခများကြောင့် ပေါ်ပေါက်လာသော ဒုက္ခသည်များ၊ သဘာဝ ဘေးအန္တရာယ်များကြောင့် ပေါ်ပေါက်လာသော ဒုက္ခသည်များလည်း ရှိနေခဲ့ပါသည်။ လက်ရှိ အခြေအနေများအရ စစ်ပြေးဒုက္ခသည် စခန်းများမှာ ထိုင်း-မြန်မာ နယ်စပ်တစ်လျှောက်တွင် အခိုင်အမာ ရှိနေပါသည်။ ရှမ်းပြည်နယ်၊ ကရင်ပြည်နယ်၊ ကချင်ပြည်နယ်နှင့် တနင်္သာရီတိုင်း ဒေသကြီး ဧရိယာများတွင် စစ်ပြေးဒုက္ခသည်စခန်း အများအပြား ရှိနေပါသည်။ ရခိုင်ပြည်နယ်တွင်မူ ပဋိပက္ခများကြောင့် ပေါ်ပေါက်လာသော ဒုက္ခသည် စခန်းများ ရှိနေပြီး မြန်မာနိုင်ငံ အလယ်ပိုင်းဒေသ မိထ္တီလာမြို့တွင်လည်း ပဋိပက္ခကြောင့် ပေါ်ပေါက်လာသည့် ဒုက္ခသည်စခန်းများ ရှိနေခဲ့ပါသည်။
စစ်ကြောင့်ဖြစ်သော ဒုက္ခသည်များ
ပြီးခဲ့သော ၁၀ နှစ်ကာလ များအတွင်း အစိုးရနှင့် ကရင်အမျိုးသား အစည်းအရုံး (KNU) တို့အကြား ဖြစ်ပေါ်ခဲ့သော တိုက်ပွဲများကြောင့် ထိုင်း-မြန်မာ နယ်စပ် တစ်လျှောက်တွင် စစ်ပြေးဒုက္ခသည် စခန်းများကို ဖြစ်ပေါ်စေခဲ့ပါသည်။ ကုလသမဂ္ဂ လူသားချင်း စာနာထောက်ထားမှုဆိုင်ရာ ကူညီဆောင်ရွက် ပေးရေးရုံး (UNOCHA)၏ ထုတ်ပြန်ချက်များအရ မြန်မာနိုင်ငံတွင် စစ်ပြေးဒုက္ခသည်များ အပါအ၀င် ရွှေ့ပြောင်းဒုက္ခသည် အရေအတွက် စုစုပေါင်း ၆၃၂၀၀၀ ကျော် ရှိနေသည်ဟု ဆိုပါသည်။ ထိုအထဲတွင် ကရင်ပြည်နယ် တစ်ဝိုက်ရှိ မြို့နယ် ၃၆ မြို့ နယ်မှ ကရင်တိုင်းရင်းသားများ အများဆုံး ပါဝင်ပြီး ထိုသူများမှာ နယ်မြေမတည်ငြိမ်မှုကြောင့် အိုးအိမ်များကို စွန့်ခွာထွက်ပြေးခဲ့ကာ နှစ်ကာလရှည်ကြာ စစ်ပြေးဒုက္ခသည် ဘ၀ရောက်နေ ကြသူများ ဖြစ်ကြောင်း သိရသည်။ ကရင်ပြည်နယ်အတွင်း တိုက်ပွဲအရှိန် လျော့ကျသွားသော်လည်း စစ်ပြေးဒုက္ခသည်များ နေရပ်ပြန်နိုင်ရေးမှာ မရေရာသော အခြေအနေတွင် ရှိနေဆဲ ဖြစ်ပါသည်။
ယခုနှစ်ပိုင်းများအတွင်း တိုင်းရင်းသား ဒေသများ၌ ဖြစ်ပေါ်နေသော တိုက်ပွဲများကြောင့် စစ်ပြေးဒုက္ခသည် အရေအတွက်မှာ ဆက်လက် တိုးပွားနေဆဲ ဖြစ်ပါသည်။ မြန်မာ့ငြိမ်းချမ်းရေး လုပ်ငန်းစဉ်ကို စောင့်ကြည့် လေ့လာနေသော အဖွဲ့တစ်ဖွဲ့ဖြစ်သည့် Myanmar Peace Monitor ၏ ၂၀၁၃ ခုနှစ် အစီရင်ခံစာအရ ၂၀၁၁ ခုနှစ်နှင့် ၂၀၁၂ ခု နှစ်အတွင်း ကချင်ပြည်နယ်၌ ဖြစ်ပေါ်ခဲ့သော အစိုးရနှင့် ကချင်လွတ်မြောက်ရေး တပ်မတော် (KIA) တို့၏ တိုက်ပွဲများကြောင့် KIOI ထိန်းချုပ်နယ်မြေအတွင်း ဒုက္ခသည်စခန်း အသစ်များ ပေါ်ပေါက်ခဲ့ပြီး စစ်ပြေးဒုက္ခသည် အရေအတွက် တစ်သိန်းကျော် ရှိခဲ့ကြောင်း သိရပါသည်။ ထိုတိုက်ပွဲများ ကြောင့်ပင် အစိုးရထိန်းချုပ် နယ်မြေများဖြစ်သော မြစ်ကြီးနား၊ ၀ိုင်းမော် အစရှိသော မြို့များတွင် စစ်ပြေးဒုက္ခ စခန်းအသစ်များ ပေါ်ပေါက်ခဲ့ပါသည်။ ခိုင်မာသော သတင်းရင်းမြစ်များ၏ အဆိုအရ ကချင်ပြည်နယ်တွင် ဖြစ်ပွားခဲ့သော တိုက်ပွဲများကြောင့် စစ်ပြေးဒုက္ခသည် နှစ်သိန်းကျော် ပေါ်ပေါက်ခဲ့ပြီး ထိုသူများ၏ နေရပ်ပြန်ရေး ကိစ္စမှာလည်း နှောင့်နှေးနေရဆဲ ဖြစ်ကြောင်း သိရသည်။

မြန်မာနိုင်ငံတွင် စစ်ပြေးဒုက္ခသည်များ အပါအ၀င် ရွှေ့ပြောင်းဒုက္ခသည် အရေအတွက် စုစုပေါင်း ၆၃၂၀၀၀ ကျော် ရှိနေသည်ဟု ဆိုပါသည်။ ထိုအထဲတွင် ကရင်ပြည်နယ် တစ်ဝိုက်ရှိ မြို့နယ် ၃၆ မြို့ နယ်မှ ကရင်တိုင်းရင်းသားများ အများဆုံး ပါဝင်ပြီး ထိုသူများမှာ နယ်မြေမတည်ငြိမ်မှုကြောင့် အိုးအိမ်များကို စွန့်ခွာထွက်ပြေးခဲ့ကာ  ...

ထို့အတူ ရှမ်းပြည်နယ် ဖြစ်ပွားခဲ့သော တိုက်ပွဲများကြောင့် စစ်ပြေးဒုက္ခသည်များ ဆက်လက် ပေါ်ပေါက်နေပါသည်။ ၂၀၁၂ ခုနှစ်အတွင်း အစိုးရနှင့် ပလောင်(တအောင်း) အမျိုးသား လွတ်မြောက်ရေး တပ်မတော် (TNLA) တို့၏ တိုက်ပွဲများကြောင့် စစ်ပြေး ဒုက္ခသည် အရေအတွက် ၂၀၀၀ ကျော်ရှိနေရာမှ ဆက်လက် ဖြစ်ပွားခဲ့သော တိုက်ပွဲများကြောင့် စစ်ပြေးဒုက္ခသည် အရေအတွက်မှာ ၅၀၀၀ ကျော်အထိ ရှိလာခဲ့ပါသည်။ ပလောင် တိုင်းရင်းသားများ၏ စစ်ပြေးဒုက္ခသည် စခန်းများမှာ မန်တုံမြို့တွင်နှစ်ခု၊ တန့်ယန်း မြို့တွင်တစ်ခု၊ ကွတ်ခိုင်မြို့တွင်နှစ်ခု၊ နမ့်ဖက်ကာ ကျေးရွာတွင် တစ်ခုနှင့် နမ့်ခမ်းမြို့တွင် နှစ်ခု အစရှိသဖြင့် အသစ်ပေါ်ပေါက် လာခဲ့ကြောင်း သိရပါသည်။
၂၀၁၂ ခုနှစ်အတွင်း ရှမ်းပြည်နယ်၌ အစိုးရနှင့် RCSS/SSA၊ KNPP၊ KNU၊ DKBA တို့အကြား ဖြစ်ပွားခဲ့သော တိုက်ပွဲများ အပါအ၀င် အခြားသော စီမံကိန်းများကြောင့် နေရပ်ကို စွန့်ခွာပြီး မြန်မာနိုင်ငံ တောင်ပိုင်းဒေသရှိ ဒုက္ခသည် စခန်းများသို့ ရောက်ရှိခိုလှုံနေသူ အရေအတွက် တိုးပွားခဲ့ကြောင်း သိရသည်။
Myanmar Peace Monitor ၏ အစီရင်ခံစာအရ ၂၀၁၂ ခုနှစ်အတွင်း ဖြစ်ပွားခဲ့သော တိုက်ပွဲများနှင့် အခြားသော စီမံကိန်းများကြောင့် ဒုက္ခသည် ဖြစ်ခဲ့ရသော အရေအတွက်မှာ ရှမ်းပြည်နယ်တွင် ၆၇၀၀၊ ကယားပြည်နယ်တွင် ၇၀၀၊ ပဲခူးတိုင်း ဒေသကြီးတွင် ၂၀၀၊ ကရင်ပြည်နယ်တွင် ၁၆၀၀၊ မွန်ပြည်နယ်တွင် ၂၀၀ဦးနှင့် တနင်္သာရီတိုင်း ဒေသကြီးတွင် ၆၀၀ ခန့် ရှိခဲ့ကြောင်း သိရသည်။
ပဋိပက္ခများကြောင့် ဖြစ်သော ဒုက္ခသည်များ
၂၀၁၂ ခုနှစ်အတွင်း ရခိုင်ပြည်နယ်၌ ဖြစ်ပွားခဲ့သော ပဋိပက္ခများကြောင့် ရွှေ့ပြောင်းဒုက္ခသည် အရေအတွက်မှာ ၂၀၁၃ ခုနှစ်တွင် ၁၈၀၀၀၀ ကျော်ခန့် ရှိလာခဲ့ကြောင်း သိရသည်။ ၂၀၁၂ ခုနှစ် အတွင်း ကထုတ်ပြန်ခဲ့သော UNOCHA ၏ အစီရင်ခံစာအရ လူဦးရေ ၇၀၀၀၀ ကျော်ခန့်သည် ၂၀၁၂ ခုနှစ် ဇွန်လ ပဋိပက္ခများ စတင်ချိန်တွင် ရွှေ့ပြောင်းဒုက္ခသည်များ ဖြစ်ခဲ့ကြပြီး ၂၀၁၂ ခုနှစ် အောက်တိုဘာလ ဖြစ်ပွားခဲ့သော ပဋိပက္ခတွင် လူဦးရေ ၃၀၀၀၀ ကျော် ခန့်မှာ ရွှေ့ပြောင်းဒုက္ခသည်များ ဖြစ်ခဲ့ရကြောင်း သိရသည်။ ရခိုင်ပြည်နယ်အတွင်း ဖြစ်ပေါ်ခဲ့သော ပဋိပက္ခများကြောင့် ပေါ်ပေါက် လာသည့် ဒုက္ခသည် စခန်းများမှာ ကျောက်ဖြူ၊ ကျောက်တော်၊ မင်းပြား၊ မြောက်ဦး၊ မြေပုံ၊ ပေါက်တော၊ ရမ်းဗြဲ၊ ရသေ့တောင်နှင့် စစ်တွေမြို့နယ်များတွင် ရှိကြောင်း သိရှိရသည်။
၂၀၁၃ ခုနှစ် မတ်လအတွင်းက ဖြစ်ပေါ်ခဲ့သော ပဋိပက္ခများကြောင့် မိထ္ထီလာမြို့တွင် ဒုက္ခသည် စခန်းအသစ်များ ပေါ်ပေါက်ခဲ့ပါသည်။ လက်ရှိအချိန်အထိ ရရှိသော စာရင်းများအရ မိထ္ထီလာမြို့တွင် ဒုက္ခသည်စခန်း ငါးခုရှိပြီး ဒုက္ခသည် အရေအတွက် ၄၀၀၀ ကျော် ခိုလှုံနေရကြောင်း သိရသည်။ အရေအတွက် အတိအကျ အနေဖြင့် သာသနာ့ရက္ခိတ ကယ်ဆယ်ရေး စခန်းတွင် လူဦးရေ ၆၅၆ ဦး၊ အုတ်ဖို ကယ်ဆယ်ရေး စခန်းတွင် လူဦးရေ ၁၉၁ဦး၊ ခရိုင်အားကစားကွင်း ကယ်ဆယ်ရေး စခန်းတွင် လူဦးရေ ၈၉၅ ဦး၊ ဗဟိုပို့ဆောင် ဆက်သွယ်ရေး ကယ်ဆယ်ရေး စခန်းတွင်လူဦးရေ ၁၅၉၄ဦး၊ ရေအရင်း အမြစ် ကယ်ဆယ်ရေး စခန်းတွင် လူဦးရေ ၈၆၈ ဦး၊ စုစုပေါင်း လူဦးရေ ၄၂၀၄ ဦး ခိုလှုံ နေရဆဲဖြစ်ကြောင်း သိရှိရသည်။
ဒုက္ခသည်များနှင့် အနာဂတ်
ပဋိပက္ခများကြောင့် ဖြစ်လာခဲ့သည့် ဒုက္ခသည်များ၏ အနာဂတ်မှာ နယ်မြေတည် ငြိမ်ပြီး ထိုက်သင့်သော အကူအညီများ ရရှိပါက ပြန်လည် ထူထောင်ရေး အတွက် မျှော်လင့်ချက်များ ရှိနေပါသည်။ သို့သော် အဆိုပါ ဒုက္ခသည်များအတွက် အခြေခံ စောင့်ရှောက်မှုများနှင့် အလုပ်အကိုင် ဖန်တီးပေးရေးမှာ စိန်ခေါ်မှုတစ်ရပ် ဖြစ်နေပါသည်။
8.1.1
ထိုင်း-မြန်မာနယ်စပ်ရှိ မယ်လ ဒုက္ခသည်စခန်းမှ ကရင်တိုင်းရင်းသား ဒုက္ခသည်တစ်ဦး (ဓာတ်ပုံ-နေထွန်းနိုင်)
စစ်ပြေးဒုက္ခသည်များ၏ အနာဂတ်မှာ ပို၍ ခက်ခဲသော အခြေအနေသို့ ဦးတည်လျက် ရှိနေပါသည်။ ထိုင်း-မြန်မာ နယ်စပ်တွင် ရှိနေသော ဒုက္ခသည် စခန်းများရှိ ဒုက္ခသည်များ၏ အကြီးမားဆုံး အိပ်မက်မှာ တတိယနိုင်ငံများသို့ သွားရောက်ခွင့် ရရှိရေး ဖြစ်ပါသည်။ သို့ရာတွင် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR)၏ အစီအစဉ်များနှင့် တတိယ နိုင်ငံများ၏ ဒုက္ခသည် လက်ခံနိုင်စွမ်း ကန့်သတ်ချက်များက စစ်ပြေးဒုက္ခသည်များ၏ တတိယနိုင်ငံ သွားရောက်ရေး အိပ်မက်ကို မှုန်ဝါးစေခဲ့ပါသည်။ ၎င်းတို့အနေဖြင့် ပြည်တွင်းသို့ ပြန်လည်ဝင်ရောက်ပြီး အခြေချ နေထိုင်ရန်အတွက် အသက်မွေးဝမ်းကျောင်း အခက်အခဲအပြင် အခြေခံ အဆောက်အအုံ လိုအပ်ချက်များလည်း ရှိနေပါသည်။ တိုက်ပွဲဖြစ်စဉ် ခကာလအတွင်း သက်ဆိုင်ရာ နယ်မြေများတွင် နှစ်ဖက်တပ်ဖွဲ့များ အသုံးပြုခဲ့သော မိုင်းအန္တရာယ်နှင့် မိုင်းရှင်းလင်းရေး ပြဿနာမှာကိုလည်း အပြည့်အ၀ ဖြေရှင်းနိုင်ခြင်း မရှိသေးပေ။ ထို့အပြင် အိုးအိမ်များကို စွန့်ခွာထွက်ပြေးခဲ့ရပြီး ကာလရှည်ကြာ စစ်ပြေးဒုက္ခသည် ဖြစ်နေသူများ ကိုယ်တိုင်က မြန်မာနိုင်ငံသို့ ပြန်လည် ၀င်ရောက်နေထိုင်ရန် ငြင်းဆန်ထားပါသည်။
သို့ရာတွင် မြန်မာစစ်ပြေး ဒုက္ခသည်များကို လက်ခံထားသော ထိုင်းအစိုးရက နယ်စပ်ဒုက္ခသည် စခန်းအချို့ကို ဖျက်သိမ်းလိုပြီး ဒုက္ခသည်အချို့ကို မြန်မာနိုင်ငံသို့ ပြန်ပို့ရန် ဆန္ဒရှိနေပါသည်။
သို့သော် ပြီးခဲ့သည့် ဇူလိုင်လအတွင်းက ထိုင်းနိုင်ငံဆိုင်ရာ UNHCR တာဝန်ခံနှင့် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ(UNFC) တို့တွေ့ဆုံပြီး မြန်မာစစ်ပြေး ဒုက္ခသည်များ အရေးကို ဆွေးနွေးခဲ့ကြပါသည်။ ထိုဆွေးနွေးမှုတွင် လိုအပ်ချက်များ ရှိနေသေးသဖြင့် မြန်မာစစ်ပြေး ဒုက္ခသည်များကို နေရပ်သို့ အတင်းအျပ် ပြန်လည် ပို့ဆောင်မည် မဟုတ်ကြောင်း UNHCR ဘက်မှ ကတိပြုခဲ့သည်။
ထို့အတွက်ကြောင့် ထိုင်း-မြန်မာ နယ်စပ်တွင် ရှိနေသော စစ်ပြေးဒုက္ခသည်စခန်းများ ဆက်လက် တည်ရှိနေနိုင်ပြီး မြန်မာနိုင်ငံ အတွင်း၌ တိုက်ပွဲများ ဆက်လက်ဖြစ်ပွား နေမည်ဆိုပါက စစ်ပြေးဒုက္ခသည် အရေအတွက်မှာလည်း ဆက်လက် တိုးပွားနေမည် ဖြစ်ပါသည်။
Credit To First-11
Read More »