အင်တာနက် သုံးပိုင်ခွင့်နှင့် လူ့အခွင့်အရေး



(တင်ညွန့်)

New York Times သတင်းစာ၏ အယ်ဒီတာ့ အာဘော် ကဏ္ဍတွင် ဗင်တန်ဂျီကရဖ်က “အင်တာနက် သုံးပိုင်ခွင့်သည် လူ့အခွင့်အရေး မဟုတ်” ဟု ဝေဖန် ထောက်ပြသွားချက်ကို ဖတ်လိုက်ရသည်။ သူက တီထွင်ထားသော နည်းပညာသည် လူတို့ သုံးရန်ဖြစ်လျှင် လူတိုင်း သုံးစွဲခွင့် ရရှိစေရမည် ဆိုသည့် အချက်ကို ထောက်ခံသည်။ သို့သော် နည်းပညာ ဆိုသည်မှာ လူ့အခွင့်အရေး မဟုတ်ဟု သူက အခိုင်အမာ ငြင်းဆိုခြင်းသာ ဖြစ်သည်။

နည်းပညာ ဆိုသည်မှာ တီထွင်လိုက်တိုင်း လူသားကောင်းကျိုး မဖြစ်စေပါ။ ဥပမာ- အဏုမြူဗုံး တီထွင်မှုမျိုး ဖြစ်သည်။ နည်းပညာတိုင်း ကောင်း၊ မကောင်း၊ အကျိုး ရှိ၊ မရှိ ဆိုသည်မှာ သုံးစွဲသူနှင့် သုံးစွဲသည့် နေရာအလိုက် ပိုင်းဖြတ်ရမည်သာ ဖြစ်သည်။ အပြု သုံးမည်လော၊ အဖျက် သုံးမည်လော။ ရလဒ်ကသာ အဆုံးအဖြတ် ပေးနိုင်ပေလိမ့်မည်။

ကရဖ်က ဤဥပမာကို မြင်းနှင့် ခိုင်းနှိုင်း ဖော်ဆောင် ပြထားသည်။ မြင်းဆိုသည့် သတ္တဝါသည် သူ့ဘာသာသူ ဖြစ်တည်ခဲ့ခြင်း ဖြစ်သည်။ မြင်းကို လူတို့ အသုံးပြုခြင်းဖြင့် သွားလာရေးနှင့် လုပ်ငန်းများ တွင် အဆင်ပြေလာသည်။ သို့သော် မြင်းကို သုံးပိုင်ခွင့်သည် လူ့အခွင့်အရေး မဟုတ်ပေ။

လူ့အခွင့်အရေး ဆိုသည်မှာ အကောင်အထည်ဖြင့် ဖော်ပြနိုင်သည့် အခွင့်အရေးမျိုး ရှိသကဲ့သို့ အကောင်အထည်ဖြင့် ဖော်ပြ၍ မရနိုင်သည့် အခွင့်အရေးမျိုးများလည်း ရှိနိုင်သည်။ ဥပမာအားဖြင့် သတင်း ပုံနှိပ် လွတ်လပ်ခွင့်ကို ဒီမိုကရေစီ နိုင်ငံကြီးတိုင်းတွင် အလေးအမြတ် ထားကြသည်။ သို့သော် သတင်း ပုံနှိပ် လွတ်လပ်ခွင့်ကို လူ့အခွင့်အရေးဟု ပြောရန်မှာ မပီပြင်ဟု ဆိုရမည် ဖြစ်သည်။ သတင်း လွတ်လပ်ခွင့် ရှိကြောင်း အစိုးရက ပြောပြီး သတင်း ရယူပိုင်ခွင့်ကို နည်းပညာအရ ကန့်သတ်မှုများ ရှိနေခြင်းကို လွတ်လပ်ခွင့် အပြည့် ပေးပြီးပြီလောဟု မေးခွန်းထုတ်ရမည် ဖြစ်သည်။

လူ့အခွင့်အရေး ဆိုသည်ကို ပုံသေ သတ်မှတ်၍ မရနိုင်ခြင်းများလည်း ရှိသည်။ အမေရိကန် ပြည်ထောင်စုတွင် သမ္မတ ဘင်ဂျမင်ဖရင်ကလင် လက်ထက်က နည်းပညာနှင့် လူ့အခွင့်အရေး ရပိုင်ခွင့်အပေါ် တောင်းဆိုခြင်းနှင့် ယနေ့ခေတ် ဘလော့ဂ်ဂါ (Blogger) တို့၏ နည်းပညာ ရပိုင်ခွင့် တောင်းဆိုမှုများ တူညီနိုင်မည် မဟုတ်ပေ။ သတင်း လွတ်လပ်ခွင့်ရရေးကို ယခင်နှင့် ယခု တောင်းဆိုချက်ခြင်း တူနိုင်သော်လည်း မည်သည့် မီဒီယာကို သုံးပြီး သတင်းရယူမည် ဆိုသည့် အချက်မှာမူ ကွဲပြား ခြားနားသွားပြီ ဖြစ်သည်။ သို့သော် မေးစရာကတော့ ပေါ်လာသည်။ အင်တာနက် သုံးစွဲပိုင်ခွင့်သည် လူ့အခွင့်အရေးလား ဖြစ်သည်။

ယနေ့ခေတ်တွင် အော်နေကြသည့် အင်တာနက် သုံးစွဲပိုင်ခွင့်ဆိုသည်မှာ "right to Internet access" သဘောမျိုး သက်သက် မဟုတ်ကြောင်းကို သိစေချင်ပါသည်။ ယနေ့ တောင်းဆိုနေကြသည်မှာ သုံးစွဲနိုင်ရုံ သက်သက်မျှသာ မဟုတ်။ "Right to broadband" ကို ဆိုလိုခြင်း ဖြစ်သည်။ သာမန် အင်တာနက် သုံးပိုင်ခွင့်မဟုတ်။ Broadband ဖြင့် မြန်နှုန်းမြင့် အင်တာနက် ရယူ သုံးစွဲပိုင်ခွင့်ရှိရေးကို လည်း ရပိုင်ခွင့်ဟု ဆိုလိုခြင်း ဖြစ်သည်။

လူတိုင်း လွတ်လပ်စွာ ထုတ်ဖော်ခွင့် ရှိရမည်။ ယင်းသည် အခြေခံ လူ့အခွင့်အရေးသာ ဖြစ်သည်။ ထုတ်ဖော်ခွင့်တော့ ရှိသည် သို့သော် ဟိုလို မထုတ်ဖော်ရ၊ သည်လို မထုတ်ဖော်ရဟု တားမြစ်နေခြင်း မှာ ဒီမိုကရေစီဟု မခေါ်ဆိုနိုင်ပေ။ အင်တာနက်ကို လူတိုင်း သုံးစွဲပိုင်ခွင့် ရှိရမည်ဆိုပြီး ဟိုဟာ မသုံးရ၊ သည်ဟာ မသုံးရဟု ပိတ်ပင်ထားခြင်းမှာလည်း အခြေခံ လူ့အခွင့်အရေးကို အပြည့်အဝ ပေးသည်ဟု မဆိုနိုင်ပေ။ ထို့ပြင် သုံးခွင့်တော့ ပေးထားသည့် ရယူ သုံးစွဲနိုင်မှုကလည်း Broadband မဟုတ် (ခေတ်မမီ) ဆိုလျှင် စေတနာ မပါသည့် ခွင့်ပြုခြင်းမျိုးသာ ဖြစ်ပေလိမ့်မည်။

၂၀၀၃ ခုနှစ် ဒီဇင်ဘာလက World Summit on the Infor-mation Society (WSIS) ညီလာခံကို ကုလသမဂ္ဂ၏ ဦးဆောင်မှုဖြင့် ကျင်းပ ပြုလုပ်ခဲ့သည်။ နိုင်ငံတကာ အစိုးရများ၊ လုပ်ငန်းရှင်ကြီးများ၊ လူမှုရေး အဖွဲ့အစည်းများ အပြန်ပြန် အလှန်လှန် ညှိနှိုင်းပြီးနောက် WSIS ကြေညာချက်ကို ထုတ်ပြန် နိုင်ခဲ့သည်။ ယင်းသည် သတင်း အချက်အလက်များကို လူ့အခွင့်အရေး တစ်ရပ်အနေဖြင့် ရယူ သုံးစွဲ ပိုင်ခွင့် ကြေညာ စာတမ်းကြီး တစ်ခု ဖြစ်သည်ဟုလည်း ဆိုနိုင်သည်။

ထိုကြေညာစာတမ်း အလိုအရ သတင်း အချက်အလက်နှင့် လူ့ဘောင် အဖွဲ့အစည်း တစ်ခု ထူထောင်ရန် အသိအမှတ် ပြုသည်။ ပြည်သူ အခြေပြု ဆန္ဒများ ဖော်ထုတ်မှုကို ခွင့်ပြုရမည်။ လူတိုင်း အသိပညာ ဗဟုသုတများနှင့် သတင်း အချက်အလက်များကို ရေးသားခွင့်၊ ရယူပိုင်ခွင့်၊ စုဆောင်းခွင့်၊ သုံးစွဲခွင့်၊ မျှဝေခွင့်တို့ကို တစ်ဦးချင်းဖြစ်စေ၊ အဖွဲ့အစည်းလိုက်ဖြစ်စေ ရှိရမည် ဟူသည့် အချက် ပါရှိသည်။

အင်တာနက် ရယူ သုံးစွဲပိုင်ခွင့်သည် လွတ်လပ်စွာ ပြောဆို ထုတ်ဖော်ခွင့်များနှင့်လည်း ဆက်စပ်နေ သည်။ ခေတ်က လွတ်လပ်စွာ ပြောခွင့်နဲ့ ဖော်ထုတ်ခွင့်ကို အင်တာနက် အားကိုးဖြင့် လုပ်ဆောင်နေ ကြသည်။ သို့ဖြစ်ရာ အင်တာနက်ကို သုံးမရအောင်၊ သုံးရသော်လည်း မမြန်အောင် ပြုလုပ်နေသူများ သည် တရားခံများ ဖြစ်ကြရတော့သည်။

အင်တာနက် စွမ်းပကားမှာ ကြီးမားလှသည်။ အင်တာနက်နှင့် ဆက်သွယ်ရေးကို ထိန်းချုပ်ထားသူ များက အစိုးရ ဖြစ်နေသည်။ အွန်လိုင်းကို လူတွေက လွတ်လပ်စွာ ဖော်ထုတ်နိုင်သည့် နေရာ တစ်နေရာအဖြစ် သတ်မှတ်ထားသည်။ သို့ဖြစ်ရာ အစိုးရက ထိန်းချုပ်မည်။ ပြည်သူတွေက ရှောင်တိမ်း မည်။ အစိုးက ဆင်ဆာဖြင့် ဖြတ်တောက်မည်။ ပြည်သူက လွတ်အောင် ဖောက်ထွက်ရင်း စိန်ပြေးတမ်း ကစားနေကြသည့် ဇာတ်လမ်းတွေ ပေါ်လာသည်။ အစိုးရက မနိုင်လျှင် ဖြတ်တောက်ခြင်းဖြင့် ကုစားသည်။ အင်တာနက် ပြတ်တောက်ခြင်း၊ သုံးမရခြင်းသည် ခေတ်သစ် လူ့ဘောင်ကို အကြီးစား ဒုက္ခပေးခြင်း ဖြစ်သဖြင့် အစိုးရသည် တရားခံ ဖြစ်လာရတော့သည်။

လက်ရှိ ကမ္ဘာတွင် တရုတ်နှင့် အီရန်သည် အင်တာနက် သုံးစွဲသူများအပေါ် ဆင်ဆာ အဖြတ်ဆုံး နိုင်ငံ များ ဖြစ်နေသဖြင့် ပြည်သူတွေ မျက်မုန်း အကျိုးဆုံး နိုင်ငံများလည်း ဖြစ်သည်။ နှစ်နိုင်ငံစလုံး အင်တာနက် ပိတ်ဆို့ရေးအတွက် Firewall စနစ်များကို ငွေကုန်ကြေးကျ များစွာခံပြီး အသုံးပြုနေကြ သည်။ ပြည်သူကို သတင်း အချက်အလက် လွတ်လပ်ခွင့်များကို ပိတ်ဆို့နေသည့် အစိုးရများသည် ပြည်သူများက ပြန်ပြီး ခြိမ်းခြောက်မှုကို ထိတ်လန့်တကြား ခံစားနေရသည်။ ပြည်သူက အင်တာနက် ကို လူ့အခွင့်အရေး တစ်ရပ်အနေဖြင့် လက်ခံထားသဖြင့် အစိုးရက ပိတ်လျှင် လူ့အခွင့်အရေးကို ပိတ်ပင်ခြင်းဟုသာ ရှုမြင် သုံးသပ်ကြလိမ့်မည်။

အမေရိကန်ကဲ့သို့ ဒီမိုကရေစီ ဘိုးအေ နိုင်ငံကြီးတွင်ပင် အင်တာနက်ကို ပိတ်ဆို့ခွင့်များ စဉ်းစားလာ သည်။ သူတို့က ပိတ်ဆို့ရေးကို ကြားကောင်းအောင် မူပိုင်ခွင့် ကာကွယ်ရေးဟု အကြောင်းပြကြသည်။ မူပိုင်ခွင့်ကို ကာကွယ်ရန် ပုဂ္ဂလိက လွတ်လပ်ခွင့်ကို ထိန်းချုပ်ပိုင်ခွင့် ရှိသည်ဆိုလျှင် ပွင့်လင်းပြီး ထင်သာ မြင်သာရှိသည် ဆိုသော အစိုးရသည် အဖွင့်၊ အပိတ်ကို လိုသလို အသုံးပြုနေသော အစိုးရ ဖြစ်လိမ့်မည်ဟု သတင်း မီဒီယာများက ဝေဖန်နေကြသည်။

အီဂျစ်တွင် ပြည်သူတွေ၏ အင်တာနက် လွတ်လပ်ခွင့် အသုံးချမှုကို လုံးဝ လက်မခံနိုင်သည့်အဆုံး အစိုးရက အင်တာနက်ကို ပိတ်ချလိုက်တော့သည်။ အာရပ်နွေဦး ၁၈ ရက်တာ ကာလတွင်း အစိုးရ အကျပ်ရိုက်ခဲ့ရသည်။ အင်တာနက်ဖြင့် လူတွေ စုဝေးခဲ့ကြသည်။ အင်တာနက် ပြတ်တောက်သဖြင့် ပိုပြီး ဒေါသကို ဆွပေးသလို ဖြစ်သည်။ ဆန္ဒပြပွဲတွေက အရှိန် မြင့်လာသည်။ လူတွေ သေကြ ဒဏ်ရာ ရကြသည်။ Google ကလည်း အီဂျစ် နိုင်ငံသားတွေအတွက် အသံဖြင့် ဆက်သွယ်နိုင်ရေး၊ စာဖြင့် ဆက်သွယ်နိုင်ရေးတို့ကို ပိုပြီး ဝန်ဆောင်အားတွေ တိုးချဲ့ပေးသည်။ အာရပ် နွေဦးသည် ခေတ်သစ် သမိုင်းတွင် အင်တာနက်နှင့် လူ့အခွင့်အရေးကို ထင်သာမြင်သာ ရှိစေရန် မီးမောင်းထိုးပြလိုက်သည့် ပွဲ ဖြစ်သည်။ တစ်နည်း ပြောရလျှင် လူ့အခွင့်အရေးကို ပိတ်၍ ရကောင်း ရနိုင်သည်၊ အင်တာနက်ကို ပိတ်၍ မရနိုင်ဟု ဆိုလိုခြင်း ဖြစ်သည်။

အင်တာနက် သုံးပိုင်ခွင့်နှင့် ဆက်စပ်နေသည့် အခြား အကြောင်း တစ်ရပ်မှာ ‘ဖွံ့ဖြိုး တိုးတက်ပိုင်ခွင့်’ ဖြစ်သည်။ နိုင်ငံတိုင်း၊ လူမျိုးတိုင်း တိုးတက်ပိုင်ခွင့် ရှိသည်။ အထူးသဖြင့် အင်တာနက်ဖြင့် တိုးတက် ပိုင်ခွင့်ကို အပြည့်အဝ ကြံဆောင်ပိုင်ခွင့် ရှိသည်။ ယင်းအခွင့်အရေးသည် နိုင်ငံတို့၏ တတိယ လူ့အခွင့်အရေးဟုလည်း ဆိုနိုင်သည်။ ပထမ လူအခွင့်အရေး ရပိုင်ခွင့်၊ ဒုတိယ အင်တာနက် သုံးစွဲပိုင်ခွင့် နောက်တွင် တတိယ အင်တာနက်ဖြင့် ဖွံ့ဖြိုး တိုးတက်ရေး လုပ်ပိုင်ခွင့်သည် ရှေ့တန်း ရောက်လာသည်ဟု ဆိုရမည်။

နည်းပညာ ဖွံ့ဖြိုး တိုးတက်လာသည်နှင့်အမျှ ဖွံ့ဖြိုးဆဲ နိုင်ငံများတွင် အင်တာနက် သုံးပိုင်ခွင့် အရေး ကြီး လာသကဲ့သို့ ဖုန်းများမှ တစ်ဆင့် အင်တာနက် သုံးပိုင်ခွင့် ရရှိရေးကလည်း ပိုပြီးအရေးပါ လာသည်။ လူတိုင်း ဖုန်း သုံးစွဲပိုင်ခွင့်၊ ဖုန်းဖြင့် အင်တာနက် သုံးစွဲပိုင်ခွင့် များများရလျှင် တိုင်းပြည် ဖွံ့ဖြိုး တိုးတက်မှုလည်း မြန်မြန်ရမည် ဆိုသည့် သဘောတရားများကို နိုင်ငံများက အလေးထားလာကြ သည်။ အွန်လိုင်းဖြင့် ကုန်သွယ်နိုင်မည့် အချက်အလက်များကို ရယူမည်။ အွန်လိုင်းက တစ်ဆင့် ငွေပို့ ငွေလွှဲများ လုပ်မည်။ အွန်လိုင်းက တစ်ဆင့် ငွေစုမည်။ ယင်းသဘောတရားကို ဖွံ့ဖြိုးဆဲ နိုင်ငံများက တောင်းဆိုလာသည်။ အထိရောက်ဆုံး ကြားခံ အသုံးပြုနိုင်သည့် မီဒီယာမှာ စမတ်ဖုန်းများ ဖြစ်သည်။

နောက်ဆုံး ပြည်သူများ တောင်းဆိုလာသည့် အခွင့်အရေးမှာ ‘လွတ်လပ်စွာ စုဝေးခွင့်’ ဖြစ်သည်။ ယင်းသည်လည်း ဒီမိုကရေစီဆိုင်ရာ အခြေခံ သဘောတရား တစ်ခု ဖြစ်သည်။ အစိုးရတိုင်းသည် လူစုလူဝေး လုပ်မည်ကို ကြောက်ကြသည်။ သို့ဖြစ်ရာ ဥပဒေများဖြင့် တားမြစ်လေ့ ရှိသည်။ လူစုလူဝေး ပြုလုပ်ခြင်းသည် ယခင်က အကြမ်းဖက်မှုများကို ဖြစ်စေသည်။ တော်လှန်ရေးကို အားပေးရာ ရောက်သည်။ ခေတ်သစ်တွင် လူစုလူဝေး လုပ်ခြင်းကို ပြည်သူတွေက အွန်လိုင်းက တစ်ဆင့်၊ Facebook နှင့် Twitter တို့က တစ်ဆင့် လုပ်ဆောင်လာကြသည်။ အကြမ်းမဖက် ငြိမ်းချမ်းစွာ ဆန္ဒပြကြမည်ဟု စုဝေးကြသော်လည်း နောက်ဆုံးတွင် အကြမ်းဖက်ရမှုများဖြင့် နိဂုံးချုပ် သွားရသည်က များသည်။ မည်သို့ဆိုစေ ခေတ်သစ်တွင် အွန်လိုင်းနှင့် ဆိုရှယ် မီဒီယာများသည် အကြောင်းအရာ တစ်ခုခုကို လှုံ့ဆော်ရန် အကောင်းဆုံး၊ စည်းရုံးရန် အကောင်းဆုံး၊ လှုပ်ရှားရန် အကောင်းဆုံးနေရာ တစ်နေရာ ဖြစ်လာသည်မှာ မငြင်းနိုင်ပေ။ ထို့ကြောင့် အမေရိကန် နိုင်ငံခြားရေး ဝန်ကြီးဟောင်း ဟီလာရီ ကလင်တန်က ၂၁ ရာစုတွင် ဆိုက်ဘာဆိုသည့် နေရာသည် ပြည်သူ့ရင်ပြင် ဖြစ်လာသည်ဟု ဖွင့်ဆိုခဲ့သည်။

ကုလသမဂ္ဂ ကိုယ်တိုင်က “ပြည်သူများကို အင်တာနက် ဖြတ်တောက်ခြင်းသည် လူ့အခွင့်အရေး ချိုးဖောက်ခြင်း” ဟု တရားဝင် ထုတ်ပြန်ထားသည်။ အင်တာနက် သုံးပိုင်ခွင့်သည် လူ့အခွင့်အရေး ဆိုလျှင် လူတိုင်း အင်တာနက် သုံးနိုင်စေရန်၊ သုံးသည့် အင်တာနက်လိုင်းကောင်းရန် အခွင့်အရေးများ ပေးရန် လိုပါသည်။ အင်တာနက် သုံးပိုင်ခွင့် လူတိုင်း ရရှိလျှင် ဒစ်ဂျစ်တယ် ကွာဟချက် နည်းပါးမည်။ ဒစ်ဂျစ်တယ် ကွာဟချက် နည်းပါးခြင်းသည် လူတိုင်း ချမ်းသာ ကြွယ်ဝစေလိမ့်မည်။ ချမ်းသာလျှင် ပညာသင်ချင်သူ ပိုများလာမည်။ ပညာတတ်မှ ဆင်ခြင် သုံးသပ်နိုင်မည်။ သုံးသပ် ဆင်ခြင်နိုင်စွမ်းများ မှ ဆူပူ အုံကြွမှု နည်းမည်။ ဆူပူ အုံကြွလျှင်လည်း ဆင်ခြင်တုံ တရားဖြင့် ဆူပူအုံကြွမှု ဖြစ်သဖြင့် အမှားနည်းမည်။ မုန့်လုံး စက္ကူကပ်နေသည့် သဘော ဖြစ်သည်။

အင်တာနက် ရယူ သုံးစွဲပိုင်ခွင့်အတွက် ရယူ သုံးစွဲနိုင်မည့် အခြေအနေများ ထူထောင် တည်ဆောက် ပေးရေး၊ ကမ္ဘာသုံး စံအတိုင်း ထူထောင်ပေးရေး၊ အများ ရပိုင်ခွင့်ရှိသည့် အင်တာနက် နှုန်းကို ခံစား ရယူပိုင်ခွင့် ရှိရေးတို့သည်လည်း အခြား အခွင့်အရေးများအဖြစ် ထည့်စဉ်းစားရမည့် အချက်များ ဖြစ်ပါသည်။

အစိုးရသည် အင်တာနက် သုံးစွဲခွင့်နှင့် သုံစွဲခွင့်ရရေး လုပ်ငန်းများကို လက်ဝါးကြီးအုပ် စီးပွားရေး တစ်ခု အနေဖြင့် မပြုလုပ်ရန် ကန့်ကွက် တားဆီးကြသည်။ လက်ဝါးကြီးအုပ်ခွင့် ရခြင်းဖြင့် လွတ်လပ်ခြင်းကို အန္တရာယ် ရှိစေနိုင်သည့်အပြင် ထိန်းချုပ်ရန် အခွင့်အရေးများသည် လူတစ်စု လက်အတွင်းသို့ ကျရောက်သွားတတ်သည်။

စပိန်စကားပြောသည့် နိုင်ငံများတွင် ၂၀၀၅ ခုနှစ်ခန့်ကတည်းက ‘အင်တာနက်နေ့’ ဟူ၍ သတ်မှတ် ကျင်းပခဲ့သည်။ ထိုကျင်းပသည့် ပွဲတိုင်းတွင် အစိုးရထံ အင်တာနက် ဆက်သွယ်ရေး အမြန်နှုန်း ကောင်းကောင်းရရန် တောင်းဆိုကြသည်။ ပနားမားတွင် "Infoplazas" ဟု ခေါ်သည့် အင်တာနက် အခမဲ့ သုံးပိုင်ခွင့်ရသော နေရာပေါင်း ၂၁၄ နေရာ ထူထောင်ပေးထားသည်။

အင်တာနက်သည် လူ့အခွင့်အရေး ဖြစ်ကြောင်းကို ပထမဦးဆုံး ထုတ်ဖော်သူမှာ Vint Cerf ဖြစ်သည်။ သူ့ကို ‘အင်တာနက် ဖခင်’ ဟု သတ်မှတ်ခဲ့ကြသည်။ ကာ့ဖ်က အင်တာနက် ရယူ သုံးစွဲပိုင်ခွင့်နှင့် ပတ်သက်ပြီး “နည်းပညာသည် လူတိုင်း ရယူ သုံးစွဲပိုင်ခွင့် ရှိသည်” ဟု အခိုင်အမာ ဆိုခဲ့သည်။ ထိုအဆိုကို နိုင်ငံတကာ လွတ်ငြိမ်းချမ်းသာခွင့် အဖွဲ့က ကျဉ်းမြောင်းသော လူ့ အခွင့်အရေး တောင်းဆိုချက် တစ်ခုအနေနှင့် သတ်မှတ်ခဲ့သည်။

အမေရိကန်နိုင်ငံ အပါအဝင် ဖွံ့ဖြိုး တိုးတက်သည့် နိုင်ငံကြီးများနှင့် အာရှတွင် တောင်ကိုရီးယား၊ စင်ကာပူနိုင်ငံများက အင်တာနက် အမြန်နှုန်း မြင့်မားစွာဖြင့် ပြည်သူတွေ သုံးစွဲနိုင်စေရန် ကြံဆောင် ပေးခြင်းအား ဂုဏ်ယူနေကြသည်။ သမ္မတ အိုဘားမားက ပညာရေးနှင့် စာကြည့်တိုက်တို့တွင် အင်တာနက် မြန်နှုန်းမြင့် ရယူ သုံးစွဲပိုင်ခွင့်အတွက် ဘတ်ဂျက်များ ချပေးပြီး ၂၀၁၅ ခုနှစ်တွင် မြန်နှုန်းမြင့် အင်တာနက် သုံးစွဲနိုင်ရေးကို အပြီးလုပ်ဆောင်ရန် ညွှန်ကြားခဲ့သည်။

မြန်မာနိုင်ငံတွင် အင်တာနက်ကို ယခုအထိ တစ်ဦးတည်း လုပ်ပိုင်ခွင့် ရနေသေးသော မြန်မာ့ ဆက်သွယ်ရေး လုပ်ငန်းက အင်တာနက် တစ်လ နှေးမည်ဟု ဇွန်လ ၂၃ ရက်နေ့က ထုတ်ပြန် ကြေညာသည်။ အကြောင်းပြချက်မှာ အင်တာနက် ဆက်ကြောင်း SE-ME-WE 3 သည် မြန်မာနိုင်ငံ အပါအဝင် နိုင်ငံပေါင်း ၃၄ နိုင်ငံက အသုံးပြုနေကြောင်း၊ လက်ရှိ ထို Cable ကို အသုံးပြုနေသည်မှာ နှစ်ပေါင်း ၂၀ ရှိနေပြီ ဖြစ်ကြောင်း၊ ထို့ကြောင့် မကြာခဏ ပြတ်တောက်မှုများ ဖြစ်ပွားလေ့ ရှိကြောင်း ထုတ်ပြန် ကြေညာခဲ့သည်။

မြန်မာ့ အင်တာနက်မှာ ဆက်သွယ်ရေးလုပ်ငန်း၏ အကြောင်းပြချက်အတိုင်း မကြာခဏ မကောင်း တတ်ပါ။ ထိုမကြာခဏ ဆိုသည်မှာ မြန်မာပြည်သားများ အင်တာနက် စတင်သုံးခဲ့ရသည့် ကာလ တစ်လျှောက်လုံးလောက်နီးပါး ဖြစ်နေသဖြင့် အင်တာနက် ရယူ သုံးစွဲပိုင်ခွင့်ကို မြန်မာနိုင်ငံသားများ မကြာခဏ ဆုံးရှုံးရလေ့ရှိကြောင်း မှတ်ယူရမည် ဖြစ်သည်။

အင်တာနက် ဆိုသည်မှာ ခေတ်သစ်တွင် လူမှုရေး၊ ပညာရေး၊ စီးပွားရေး၊ နိုင်ငံရေး၊ လူမှုရေးစသည့် အရေးပေါင်းများစွာနှင့် ဆက်စပ်နေသည်။ ရေမြင့်လျှင် ကြာမြင့်သည်ဆိုသည့် သဘောကို နားလည်သော အစိုးရများက အင်တာနက် မပြတ်ရေး၊ မြန်ဆန်သော နှုန်းများ ရရှိရေး၊ လူတိုင်း ဈေးသက်သာစွာ သို့မဟုတ် အခမဲ့ သုံးပိုင်ခွင့် ရရေးတို့ကို ကြံဆောင်ပေးကြသည်။ ရပိုင်ခွင့်နှင့် အခွင့်အရေးဆိုသည်မှာ တောင်းမှ ပေးခြင်းထက် မတောင်းဘဲ ပေးတတ်သည့် အစိုးရမျိုးကို ပြည်သူက ပိုပြီး လေးစားကာ စိတ်ဝင်စားတတ်ပါသည်။

Credit To The Voice Weekly
Read More »

သံသယ ပျောက်ပါစေ အမှန်ဘဝ ရောက်ပါစေ



(သိန်းထက်အောင်)

ကျွန်တော် ငယ်စဉ်က စစ်ပွဲ ရုပ်ရှင်ကားများကို တော်တော်များများ ကြည့်ခဲ့ဖူးသည်။ The Longest Day, the Guns of Neveron အပါအဝင် ပထမ ကမ္ဘာစစ်၊ ဒုတိယ ကမ္ဘာစစ် နောက်ခံ စစ်ကား များကား အများဆုံး ဖြစ်သည်။ ယခုနောက်ပိုင်း ရုပ်သံ အစီအစဉ်များက ပြန်လည် ပြသသည့် Pearl Harbour ဇာတ်ကားကိုလည်း မကြာခဏ ပြန်လည် ကြည့်ရှုရပါသည်။ မြန်မာ စစ်ကားများထဲက ဆိုလျှင် ဒါရိုက်တာ မောင်မောင်မြင့်၏ ‘၁၃ ယောက်၊ ၁၃ ရက်၊ ၁၃ နာရီ’၊ မင်းသားဇော်လွင်ပါဝင်သော ‘ကျည်ဆန် ငါးတောင့်’ နှင့် မင်းသား ကျော်ဆွေ ပါဝင်သော ‘ပုလဲမျက်ရည်’ ရုပ်ရှင် ဇာတ်ကားများကား အသည်းစွဲဖြစ်ပြီး အဆင့်အတန်းမြင့်သည့် မြန်မာစစ်ကားများ အဖြစ်လည်း အတော်များများက အသိအမှတ်ပြု ကြပါသည်။

စစ်ကားများတွင် နှစ်ဖက်တပ်များ တိုက်ကြ ခိုက်ကြပြီး အနိုင်ရသောဘက်က ရန်သူ့ စခန်းကို ဝင်ရောက် သိမ်းပိုက်သော အခန်းများ၊ ရန်သူ့စခန်းကို ဝင်ရောက် သိမ်းပိုက်ပြီး၍ အနိုင်ရသူက မိမိတို့ အလံကို လွှင့်ထူသော အခန်းများကို ကြည့်ရသည်မှာ မိမိကိုယ်တိုင် အနိုင်ရသောဘက်မှ ဝင်ရောက် တိုက်ခိုက်ပေးလိုက်ရသလို ခံစားရသည်။ စစ်ပွဲတွင် ရှုံးနိမ့်သူဘက်က ဝင်ရောက်၍ မခံစားခဲ့ဖူးပါ။ ရိုက်ကူးသူများကလည်း ရှုံးနိမ့်သူများဘက်မှ အကျအဆုံးများကိုသာ ပြသကြ၍ အနိုင်ရသူ၏ အကျအဆုံးများကို ပြသလေ့ မရှိကြပါ။ အမှန်တကယ်တော့ ရုပ်ရှင် ရိုက်ကူး ထုတ်လုပ်သော နိုင်ငံ သည် တမင်သက်သက် စစ်ရှုံး နိုင်ငံကို တစ်ဖက်သတ် နှိမ်ချလိုသော သဘောဖြင့် ရိုက်ကူး ထုတ်လုပ် ကြခြင်း ဖြစ်သည်ကို နောင်မှ သဘောပေါက်ပါသည်။

နောက်ပိုင်း ရိုက်လာသော စစ်ကားများတွင်မူ စစ်ပွဲ တစ်ပွဲ ဖြစ်ပွားပါက နှစ်ဖက် တပ်များ အကျအဆုံး များပုံ၊ အထူးသဖြင့် စစ်ပွဲနှင့် မည်သို့မျှ မသက်ဆိုင်သော သက်ကြီး ရွယ်အိုများ၊ အမျိုးသမီးနှင့် ကလေးငယ်များ ဒုက္ခရောက်ရပုံ၊ အိုးပစ်၊ အိမ်ပစ် ထွက်ပြေးကြပုံများကို အနုပညာမြောက်စွာ ရိုက်ပြ လာသောအခါ စစ်ကားကြိုက်သော ကျွန်တော့်အဖို့ မည်သို့မျှ မခံစားနိုင်တော့ပါ၊ ကြည့်ရှုရသော မိမိအနေနှင့်ပင် ဤမျှ ခံစားရပါက စစ်မြေပြင်တွင် အမှန်တကယ် နဖူးတွေ့ ဒူးတွေ့ ကြုံတွေ့နေကြ ရသူများမှာ မည်သို့ ရှိကြမည်နည်း၊ ၎င်းတို့၏ မိသားစုများ၊ ဆွေမျိုးသားချင်းများ အနေနှင့်ရော မည်သို့ ရှိကြပါမည်နည်း။ ထို့ကြောင့် နောက်ပိုင်းတွင် ကျွန်တော် စစ်ကားများကို မကြည့်ဖြစ်တော့ပါ။ စစ်ကား များကို မကြည့်ဖြစ်သော်လည်း စစ်သတင်းများကိုမူ ရံဖန်ရံခါ ဖတ်ရှုဖြစ်ပါသည်။ စစ်သတင်းများတွင် လည်း သေကျေ ဒဏ်ရာရမှုများ၊ ပျက်စီး ဆုံးရှုံးမှုများ၊ အရပ်သားများ ထိခိုက် ဒဏ်ရာရ သေဆုံးမှုများ၊ မိကွဲ၊ ဖကွဲဖြစ်ရသော ကလေးငယ်များ၊ လင်ဆုံး သားဆုံး ဖြစ်ရသည့် ဇနီး၊ မိခင်များ စသည့် စစ်၏ အနိဋ္ဌာရုံ သတင်းများကို ရေးသား ဖော်ပြကြသဖြင့် စစ်ပွဲကြိုက်သော ကျွန်တော် ‘စစ်’ ကို မုန်းတီးမှန်း မသိ မုန်းတီးလာခဲ့မိပါတော့သည်။

စစ်ပွဲ သတင်းများကို ရေးသား ဖော်ပြကြရာတွင် စစ်ပွဲ ဖြစ်ပွားရသည့် အကြောင်းရင်းကို ဖော်ပြရာ၌ မည်သည့် နိုင်ငံက မည်သည့် နိုင်ငံသို့ စတင် ဝင်ရောက် တိုက်ခိုက်ရခြင်းမှာ ‘နိုင်ငံရေးအရ သြဇာ လွှမ်းမိုးလိုခြင်း၊ စီးပွားရေးအရ နယ်ပယ် ချဲ့ထွင်လိုခြင်း၊ စစ်ရေးအရ အသာစီးရလိုခြင်း’ စသည့် အပေါ်ယံ အကြောင်းခြင်းရာများကိုသာ သုံးသပ် ရေးသားကြလျက် ယင်းတို့၏ နောက်ကွယ်မှ ခေါင်းဆောင်များ၊ စစ်ခေါင်းဆောင်များ၏ လောဘ၊ ဒေါသ၊ မာန်မာနများ၊ အမုန်းတရားများ၊ လက်စား ချေခြင်းများ၊ ဘာသာရေး အစွန်းရောက်မှုများ၊ ပြင်းထန်သည့် အယူဝါဒရေးရာ ယုံကြည် သက်ဝင်မှု များ စသည့် အခြေခံ အကြောင်းတရားတို့ကို ဖော်ထုတ် ရေးသားသူ ဟူ၍ မရှိသလောက်ပင် ဖြစ်ပါသည်။

ကမ္ဘာ့သမိုင်းတွင် သမိုင်းတင်ပြီး နောက်ပိုင်း ဖြစ်ပွားသည့် စစ်ပွဲများမှာ အထက်ဖော်ပြပါ အခြေခံ အကြောင်းတရားများ အနက် တစ်ခုမဟုတ် တစ်ခုပေါ်တွင် အခြေခံ၍ ဖြစ်ပွားခဲ့သော စစ်ပွဲများသာ ဖြစ်ပါသည်။ ထိုစစ်ပွဲများအနက် ၁၁ ရာစု နောက်ပိုင်း ဖြစ်ပွား ပေါ်ပေါက်ခဲ့သော ခရူးဆစ် စစ်ပွဲများမှာ ဘာသာရေး အစွန်းရောက်မှုကို အခြေခံသော စစ်ပွဲများ ဖြစ်ကြပြီး သမိုင်းစဉ် တစ်လျှောက် အရှည်ကြာဆုံး စစ်ပွဲများလည်း ဖြစ်ခဲ့ပါသည်။ အလားတူ ဘာသာရေး၊ လူမျိုးရေးကို အခြေခံပြီး ယနေ့တိုင် အပြီးသတ် ငြိမ်းချမ်းရေး မရရှိသေးသည့် စစ်ပွဲ တစ်ပွဲမှာ ၁၉၄၈ ခုနှစ်က အစပြုခဲ့သည့် အာရပ် အစ္စရေး စစ်ပွဲပင် ဖြစ်ပါသည်။ ထို့ကြောင့် ဘာသာရေး၊ လူမျိုးရေး အစွန်းရောက်မှုကို အခြေခံသည့် စစ်ပွဲများမှာ အခြား စစ်ပွဲများထက် ပို၍ ရှည်ကြာတတ်သဖြင့် မဖြစ်မီက ကြိုတင်တားဆီး ရန် လိုအပ်ပါသည်။

လူမျိုး တစ်မျိုးက လူမျိုး တစ်မျိုးကို နှိမ့်ချ ဆက်ဆံခြင်း၊ ဘာသာ တစ်ခုနှင့်တစ်ခု နားလည်မှု လွဲမှားစွာ ဝေဖန် သုံးသပ်ခြင်း စသည်တို့ကြောင့် အငြင်းပွားမှုများ ဖြစ်ပွားခြင်း၊ ခိုက်ရန် ဖြစ်ပွားခြင်းနှင့် ရုန်းရင်း ဆန်ခတ်ဖြစ်ပွားခြင်းတို့မှ အစပြု၍ လူစုလူဝေး ဖြစ်ပွားကာ ယုံကြည် ကိုးကွယ်မှုဆိုင်ရာ အဆောက်အအုံများကို မီးရှို့ခြင်း၊ ဖျက်ဆီးခြင်း စသည်တို့သည် လူမျိုးရေး၊ ဘာသာရေး စစ်ပွဲများဆီ သို့ ဦးတည်သွားစေသော အကြောင်းတရားများ ဖြစ်ကြပါသည်။ ထို့ကြောင့် ဖော်ပြပါ အဓိကရုဏ်း၊ ရုန်းရင်းဆန်ခတ် ကိစ္စမျိုးကို ကိုင်တွယ် ဖြေရှင်းကြရာတွင် တာဝန်ရှိသော အုပ်ချုပ်ရေး အဖွဲ့အစည်း၊ လုံခြုံရေး အဖွဲ့အစည်းတို့သည် စိတ်ရှည် သည်းခံမှုဖြင့် လိမ္မာ ပါးနပ်စွာ ဖြေရှင်း ဆောင်ရွက်ရန်နှင့် ဘာသာလူမျိုး မခွဲခြားဘဲ တရားဥပဒေနှင့်အညီ အရေးယူ ဆောင်ရွက်ရေးသည် များစွာ အရေးကြီး လှပါသည်။ ယခုအခါ ကမ္ဘာပေါ်တွင် ဘာသာရေး အစွန်းရောက် အဖွဲ့များသည် နိုင်ငံတစ်ခု၏ အချုပ်အခြာ အာဏာကို ကျော်လွန်၍ မိမိတို့နှင့် ဘာသာတူ လူမျိုးတူများဘက်မှ (မှားသည် ဖြစ်စေ၊ မှန်သည် ဖြစ်စေ) အတင်း ဝင်ရောက် စွက်ဖက်ခြင်း၊ မမှန်သတင်းများ ချဲ့ကား ထုတ်လွှင့်၍ နိုင်ငံတကာ အဖွဲ့အစည်းများ၏ အားကို ရယူခြင်း စသည်တို့ ဆောင်ရွက်လေ့ ရှိသောကြောင့် ဖြစ်ပါ သည်။

လူမျိုးရေး၊ ဘာသာရေးကို အခြေ မခံသော်လည်း ၁၉၅၅ ခုနှစ်မှ ၁၉၇၅ ခုနှစ်အထိ အနှစ် နှစ်ဆယ်ခန့် ကြာရှည်ခဲ့သော စစ်ပွဲ တစ်ပွဲမှာ အယူဝါဒရေးရာကို အခြေခံသည့် တောင်နှင့်မြောက် ဗီယက်နမ် စစ်ပွဲ ပင် ဖြစ်သည်။ အရှေ့တောင်အာရှနိုင်ငံ တစ်နိုင်ငံ ကွန်မြူနစ်နိုင်ငံ ဖြစ်သွားပါက ဒေသတွင်း ကျန်နိုင်ငံ များသို့လည်း ပျံ့နှံ့လာနိုင်သည်ဆိုသည့် အယူအဆ (ဒိုမီိနို သီအိုရီ) ကြောင့် အမေရိကန်နိုင်ငံက တောင်ဗီယက်နမ် နိုင်ငံဘက်မှ ဝင်ရောက် ကူညီ၍ မြောက် ဗီယက်နမ် (ကွန်မြူနစ်နိုင်ငံ) ကို တိုက်ခိုက်ပေးခဲ့ပါသည်။ နှစ်ဖက် စစ်သည်နှင့် ဗီယက်နမ် ပြည်သူတို့ များစွာ သေဆုံး ဒဏ်ရာ ရရှိ ခဲ့ကြပြီး အမေရိကန်ပြည်သူတို့၏ စစ်ပွဲ ဆန့်ကျင်မှုများကြောင့် အမေရိကန်တို့သည် အောင်မြင်မှု မရဘဲ ဗီယက်နမ် စစ်မြေပြင်မှ ဆုတ်ခွာခဲ့ရပါသည်။

မာနနှင့် လက်စားချေလိုမှုကို အခြေခံခဲ့သော်လည်း ဖျက်အားပြင်း လက်နက်များရှိသည် ဟူသော အကြောင်းပြချက်ဖြင့် အမေရိကန်နိုင်ငံက အီရတ်နိုင်ငံအပေါ် ဆင်နွှဲခဲ့သည့် ကျူးကျော် စစ်ပွဲသည် လည်းကောင်း၊ အိုစမာ ဘင်လာဒင်၏ အနောက် ကမ္ဘာအပေါ် မုန်းတီးမှုမှသည် ကမ္ဘာ့ ကုန်သွယ်ရေး အဆောက်အအုံ ညီနောင်ကို တိုက်ခိုက်ခဲ့သည့် ၉/၁၁ ဖြစ်စဉ်ပြီးနောက် လက်တုံ့ပြန် စစ်ပွဲ ဆင်နွှဲ ခဲ့သည့် အမေရိကန် (နေတိုး) ၏ အာဖဂန် စစ်ပွဲသည် လည်းကောင်း နှစ်ဖက် စစ်သည်နှင့် ပြည်သူ အများအပြား သေဆုံးကြကာ ကြီးမားသော စစ် အသုံးစရိတ်များကိုလည်း ပြည်သူများကပင် ကျခံခဲ့ ရပါသည်။

မြန်မာနိုင်ငံသည်လည်း ၁၈၂၄ ခုနှစ်မှ ၁၈၈၅ ခုနှစ်အတွင်း စီးပွားရေး လောဘဇောတိုက်သော နယ်ချဲ့ ကျူးကျော်သူတို့နှင့် သုံးကြိမ်တိုင်တိုင် ဖြစ်ပွားခဲ့သော စစ်ပွဲများတွင် တိုင်းရင်းသား လူမျိုးစုများအားလုံး စည်းလုံးညီညွတ်စွာဖြင့် တိုက်ပွဲဝင်ခဲ့ကြသော်လည်း သူ့ကျွန်ဘဝ ရောက်ခဲ့ရသောအခါ နယ်ချဲ့တို့၏ သွေးခွဲ အုပ်ချုပ်ခဲ့မှုကြောင့် တစ်မြေတည်းနေ၊ တစ်ရေတည်း သောက်ခဲ့ကြသူ အချင်းချင်း တစ်ဦးအပေါ် တစ်ဦး အထင်အမြင် လွဲမှား သံသယပွားကာ ယနေ့တိုင် အချို့သော နေရာများ၌ သေနတ်သံ မစဲသေးဘဲ မြန်မာ့ မြေပေါ်တွင် မြန်မာပြည်ဖွား တိုင်းရင်းသားတို့၏ သွေးများ မြေကျ လျက်ပင် ရှိနေပါသေးသည်။ မိခင်၊ ဖခင်တို့ ကိုယ့်အိမ်ကိုယ် မနေနိုင်၊ ကိုယ့်ယာကိုယ် မစိုက်နိုင် ဘဝတွင် သားသမီးတို့ ပညာရေး မတွေးနိုင်ရှာကြပါ။

မြန်မာ့လွတ်လပ်ရေး ရရှိသည်နှင့်တစ်ပြိုင်နက် အယူဝါဒ အစွဲကြီးလှသော ကွန်မြူနစ်တို့က လက်နက်ကိုင် လမ်းစဉ်ကို အစပြုသည်။ သူ့နောက်က ရဲဘော်ဖြူ၊ သည်နောက်တော့ KNU, KIA, SSA, UWSA, ကိုးကန့်၊ ပအို့ဝ်၊ ကရင်နီ၊ ရခိုင်၊ မွန်၊ နာဂ၊ ချင်း စသည့် တိုင်းရင်းသား လက်နက်ကိုင် အဖွဲ့အစည်းများ ပေါ်ပေါက်လာကြသည်။ မြန်မာနိုင်ငံကို လက်နက်ကိုင် အဖွဲ့အစည်း အများဆုံးနှင့် အရှည်ကြာဆုံးသော ပြည်တွင်းစစ်ကို ပိုင်ဆိုင်ထားသည့် တိုင်းပြည် နိုင်ငံအဖြစ် ကမ္ဘာ့အလယ်တွင် ထည်ဝါစွာ ပုံဖော်ကြသည်။

နှစ်ပေါင်း ၅၀၊ ၆၀ မျှ ကာလအတွင်း ဖြစ်ပွားခဲ့သော စစ်ပွဲများကြောင့် သေကျေ ဒဏ်ရာရကြသော လက်နက်ကိုင် တပ်ဖွဲ့ဝင်များ၊ လူစဉ်မမီ ဖြစ်ခဲ့ရသော အပြစ်မဲ့ တိုင်းရင်းသား ပြည်သူများ၊ ပညာရေးနှင့် အလှမ်းဝေးခဲ့ရသော မိဘမဲ့ ကလေးငယ်များနှင့် ကလေး စစ်သားများ၊ ဖောက်ခွဲ ဖျက်ဆီးခဲ့သော လမ်းတံတား၊ အဆောက်အအုံ စသည်တို့ကို တိကျသော စာရင်းဇယားများသာ ပြုစုနိုင်မည်ဆိုလျှင် အရှည်ကြာဆုံး ပြည်တွင်းစစ်နှင့် ပြည်တွင်းစစ်ကြောင့် ဆုံးရှုံးမှု အများဆုံး နိုင်ငံအဖြစ် ဂင်းနစ် မှတ်တမ်း စာအုပ်တွင် စာရင်းဝင်နိုင်မည်ဟု ထင်မိပါသည်။

သို့ရာတွင် မြန်မာနိုင်ငံတွင် ဖြစ်ပွား ပေါ်ပေါက်ခဲ့သော ပြည်တွင်းစစ်များကို လေ့လာကြည့်ပါက (ဗကပတို့နှင့် ဖြစ်ပွားခဲ့သော စစ်မှ လွဲ၍) အယူဝါဒရေးရာ အစွန်းရောက်မှုကြောင့်သော်လည်းကောင်း၊ နယ်မြေ ချဲ့ထွင်လိုခြင်းကြောင့်သော် လည်းကောင်း၊ လူမျိုးရေး မုန်းတီးမှုကြောင့်သော် လည်းကောင်း၊ ဘာသာရေး အစွန်းရောက်မှုကြောင့်သော် လည်းကောင်း ဖြစ်ပွားခဲ့သော စစ်ပွဲဟူ၍ မရှိပါ။ (ဝန်ကြီးချုပ် ဦးနုက ဗုဒ္ဓဘာသာကို နိုင်ငံတော် ဘာသာအဖြစ် သတ်မှတ်ကြောင်း ကြေညာခြင်းကို အကြောင်းပြု၍ ကချင် လူမျိုးတို့ လက်နက်ဆွဲကိုင် ဆန့်ကျင် ပုန်ကန်သည်ဟု ဆိုကြသော်လည်း ကျွန်တော် သိရသလောက် ကချင်လူမျိုးတို့သည် ခရစ်ယာန် အစွန်းရောက်များ မဟုတ်ကြသကဲ့သို့ ဗုဒ္ဓဘာသာ အပါအဝင် အခြား ဘာသာများကိုလည်း နှိမ်ချ ပြောဆိုခြင်းမျိုး မရှိခဲ့ပါ။)

ဤသို့ဆိုလျှင် နှစ်ပေါင်းများစွာ သွေးရင်းသားရင်းကဲ့သို့ ချစ်ကြည် ရင်းနှီးစွာ အစဉ်အဆက် နေလာ ကြပြီး လွတ်လပ်ရေး တိုက်ပွဲကိုလည်း အတူတကွ ဆင်နွှဲခဲ့ကြသော တိုင်းရင်းသား ညီအစ်ကိုများ သည် အဘယ်ကြောင့် လွတ်လပ်ရေးရပြီး နောက်ပိုင်းတွင် အချင်းချင်း လက်နက်စွဲကိုင် တိုက်ပွဲဝင်နေ ကြပါသနည်း။ မြန်မာနိုင်ငံကို ကျွန်ပြု သွေးစုပ် ခြယ်လှယ်ခဲ့ကြသော နယ်ချဲ့တို့၏ သွေးခွဲ အုပ်ချုပ်ခဲ့မှု ကြောင့် တစ်ဦးအပေါ် တစ်ဦး အထင်အမြင် လွဲမှား သံသယပွားကာ ယနေ့တိုင် မယုံရဲရဲ၊ ယုံရဲရဲဖြင့် ငြိမ်းချမ်းရေး ဆွေးနွေးပွဲများတွင် အကြိတ်အနယ် ဆွေးနွေး ညှိနှိုင်းကြဆဲပင် ဖြစ်ပါသည်။ တိုင်းရင်းသားတို့က ဗမာ လူမျိုးတို့သည် လူမျိုးကြီး ဝါဒကို လက်ကိုင်ပြု၍ တိုင်းရင်းသားတို့အပေါ် တန်းတူရည်တူ မဆက်ဆံကြ။ တိုင်းရင်းသားတို့အား ကိုယ့်ကြမ္မာ ကိုယ်ဖန်တီးခွင့်ဆိုသော ကိုယ်ပိုင် အုပ်ချုပ်ခွင့်ကို မပေးလိုကြဟူ၍ ထင်မြင် ယူဆလျက် ရှိကြသည့်အပြင် ဗမာ လူမျိုးတို့ကလည်း တိုင်းရင်းသားတို့အား ကိုယ်ပိုင် အုပ်ချုပ်ခွင့် ပေးလိုက်လျှင် ပြည်ထောင်စုကြီးမှ ခွဲထွက်၍ တိုင်းရင်းသား စည်းလုံးညီညွတ်မှု ပျက်ပြားကာ ပြည်ထောင်စု ပြိုကွဲလိမ့်မည်ဟူ၍ အချင်းချင်း အပြန်အလှန် သံသယပွားကာ မယုံမကြည် ဖြစ်ခဲ့ကြသည်မှာ နှစ်ပေါင်း ရှည်ကြာခဲ့ပြီ ဖြစ်ပါသည်။

ကမ္ဘာပေါ်တွင် ဖြစ်ပေါ်ခဲ့သော စစ်ပွဲများနှင့် မြန်မာ့ သမိုင်းတွင် ဖြစ်ပွားခဲ့သော စစ်ပွဲများကို လေ့လာ ကြည့်ပါက တိုင်းသူပြည်သားတို့က စစ်တိုက်လိုပါသည် ဟူ၍ တောင်းဆိုသောကြောင့် ဖြစ်ပွားရသည့် စစ်ပွဲ ဟူ၍ မရှိဘဲ ပြည်သူ့အကျိုးကို လိုလားပါသည်ဆိုသော ခေါင်းဆောင်/စစ်ခေါင်းဆောင် တို့၏ စစ် လိုလားမှု၊ မာန်မာန ထောင်လွှားမှု၊ မခံချင်မှု၊ တစ်ဖက်နှင့် တစ်ဖက် မယုံကြည်မှု စသည့် လောဘ၊ ဒေါသ၊ မောဟကို အခြေခံသည့် စိတ်များကြောင့်သာ စစ်ပွဲများ ဖြစ်ပွားရပြီး ပြည်သူတို့၏ အသက်၊ စည်းစိမ်၊ ဥစ္စာများ ဆုံးရှုံးရခြင်းသာ ဖြစ်ပါသည်။ စစ်ပွဲ တစ်ပွဲ စတင် ဖြစ်ပွားရခြင်းမှာ ခေါင်းဆောင် ကြောင့်ဟု ဆိုလျှင် စစ်ပွဲ တစ်ပွဲကို အဆုံးသတ်ဖို့အတွက်လည်း ခေါင်းဆောင်တွင် တာဝန်မရှိပြီလော။ ခေါင်းဆောင်ဖြစ်သူက စတင်ခဲ့သော စစ်ပွဲကို အဆုံးသတ်ရန် တာဝန်မှာ ခေါင်းဆောင် (ဆက်ခံသူ ခေါင်းဆောင် အပါအဝင်) တွင်သာ တာဝန်ရှိသည့်အတွက် ၎င်းကပင် ပြည်သူတို့၏ အသက် အိုးအိမ် စည်းစိမ်များ ဆုံးရှုံးမှုကို ရပ်တန့်စေရမည် ဖြစ်သည်။

ပြည်သူ့ဆန္ဒကို အလေးထားသော၊ ပြည်သူကို ညှာတာ သနားသော၊ အမြော်အမြင်ရှိသော ခေါင်းဆောင်တို့သည် စစ်မြေပြင်သို့ မသွား၊ ငြိမ်းချမ်းရေး ဆွေးနွေးပွဲ စားပွဲဝိုင်းသို့ သွားကြသည်။ တိုင်းရင်းသား လက်နက်ကိုင် အဖွဲ့ ၁၂ ဖွဲ့နှင့် ပဏာမ သဘောတူညီမှု ရရှိထားပြီဟု သိရပါသည်။ သို့ရာတွင် ထာဝရ ငြိမ်းချမ်းရေး ရဖို့အတွက်ကား ခရီးရှည်ကြီးကို ဆက်ကြရပေဦးမည်၊ ဤခရီးကား မည်မျှ ရှည်ဦးမည်ကို မည်သူမျှ မပြောနိုင်ကြ။ သို့သော် ပြည်သူအားလုံး၏ ဆန္ဒသည်ကား ဤခရီးကို အမြန် ရောက်လိုကြပြီ၊ အဆုံးသတ်စေလိုကြပြီ။ ပြည်သူတွေကို ဆင်းရဲတွင်း သာမက သေတွင်းသို့ ဆွဲပို့နေသော စစ်ပွဲရှည်ကြီးကို ရပ်လိုကြပါပြီ။ ဝတ္ထု၊ ဇာတ်ညွှန်းနှင့် ဒါရိုက်တာကို နယ်ချဲ့တို့က လုပ်ခဲ့ပြီး ဇာတ်ကောင်များအဖြစ် ကချင်၊ ကယား၊ ကရင်၊ ချင်း၊ မွန်၊ ဗမာ၊ ရခိုင်၊ ရှမ်းတို့ ပါဝင် သရုပ်ဆောင်ထားသော The Longest Civil war of the World ဆိုသည့် ရုပ်ရှင်ကားကြီးကိုလည်း မကြည့်လိုတော့ပါ။ ကျွန်တော့်လိုပင် ပြည်သူအများကလည်း ဤမျှ ရှည်ကြာ ညောင်းသည့် အနိဋ္ဌာရုံ ဇာတ်ကားကြီးကို မည်သူမျှ ကြည့်လိုကြမည် မဟုတ်ပါ။ ကမ္ဘာကပေးသော အော်စကာဆုကိုလည်း မလိုချင်ပါ၊ ဂင်းနစ် မှတ်တမ်းတွင်လည်း မဝင်လိုပါ။ ကျွန်တော်တို့ လိုချင်သည်မှာကား တိုင်းရင်းသား လက်နက်ကိုင် အဖွဲ့များနှင့် ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့တို့ကို ပူးတွဲ ချီးမြှင့်သည့် ငြိမ်းချမ်းရေး နိုဘယ်လ်ဆုပင် ဖြစ်ပါသည်။

ထို့ကြောင့် တိုင်းရင်းသား ခေါင်းဆောင်များနှင့် ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့ တို့သည် သူသာ ကိုယ်သာ မစဉ်းစားဘဲ ပြည်သူ့မျက်နှာ တစ်ခုတည်းကိုသာ ကြည့်၍ စိတ်ရှည် သည်းခံမှု၊ အပြန်အလှန် လေးစားမှု၊ ချစ်ကြည် ရင်းနှီးမှု၊ အမြော်အမြင် ကြီးမားမှုတို့ကို အခြေခံပြီး တန်းတူရည်တူ ရှိသော၊ ကိုယ့်ကြမ္မာကိုယ် ဖန်တီးခွင့်ရှိသော၊ စစ်မှန်သော ပြည်ထောင်စုကြီးကို အကောင်အထည်ဖော်နိုင်ကြပါစေကြောင်း မင်္ဂလာ ရွှေမောင်း ခတ်လိုက်ရပါသည် ခင်ဗျာ။

Credit To The Voice Weekly
Read More »

"မှန်တဲ့ဘက်ကပဲ လိုက်ချင်တယ်" (မြန်မာနိုင်ငံ စာနယ်ဇင်းကောင်စီ (ယာယီ) ဥက္ကဋ္ဌ ဦးခင်မောင်အေးနှင့် တွေ့ဆုံခြင်း)


လက်ရှိအချိန်တွင် ပြန်ကြားရေး ၀န်ကြီးဌာနမှ ရေးဆွဲခဲ့ပြီး ပြည်သူ့လွှတ်တော်မှ အတည်ပြုထားသည့် ပုံနှိပ်ခြင်းနှင့် မီဒီယာ ဥပဒေကြမ်းတွင် စာနယ်ဇင်းကောင်စီ (ယာယီ)မှ ပြင်ဆင်ပေးရန် တင်ပြထားသည့် အချက်များ မပါဝင်သည့်နည်းတူ စာနယ်ဇင်းကောင်စီ (ယာယီ) မှ ရေးဆွဲသော သတင်းမီဒီယာ ဥပဒေကိုလည်း ပြန်ကြားရေး ၀န်ကြီးဌာနမှ ပယ်ချပြီး လွှတ်တော်သို့ မတင်ပေးနိုင်ကြောင်း အကြောင်းပြန်ထားသည်။ ပြန်ကြားရေး ၀န်ကြီးဌာန၏ ကတိဖောက်ဖျက်မှုကြောင့် ပြဿနာ ရှုပ်ထွေးမှုများ ဖြစ်ပေါ်ခဲ့ရကြောင်း မြန်မာနိုင်ငံ စာနယ်ဇင်းကောင်စီ (ယာယီ)၏ ဝေဖန်ချက်များလည်း ထွက်ပေါ်နေသဖြင့် ဖြစ်ပေါ်နေသော အခြေအနေများနှင့် ပတ်သက်၍ သိရှိနိုင်ရန်အတွက် ဥပဒေ ရေးဆွဲရေးဆိုင်ရာ ကိစ္စရပ်များတွင် နိုင်ငံ့ဝန်ထမ်းအဖြစ် နှစ်ပေါင်း ၅၀ ကျော် လုပ်ကိုင်ခဲ့သူ၊ မြန်မာနိုင်ငံ စာနယ်ဇင်းကောင်စီ (ယာယီ) ဥက္ကဋ္ဌ ဦးခင်မောင်အေးအား ဇူလိုင် ၃၁   ရက်က တွေ့ဆုံမေးမြန်း ခဲ့သည်များကို ဖော်ပြလိုက်ပါသည်။
မေး။ မြန်မာနိုင်ငံ စာနယ်ဇင်းကောင်စီ (ယာယီ)မှာ ဥက္ကဋ္ဌအဖြစ် တာဝန်ထမ်းဆောင်ဖို့ ဘယ်သူက တာဝန်ပေးအပ် ခဲ့တာပါလဲ။ သမ္မတကြီးနဲ့ နီးစပ်မှုရှိလို့ ဒါမှမဟုတ် ပြန်ကြားရေးဝန်ကြီးနဲ့ နီးစပ်မှုရှိလို့ ဥက္ကဋ္ဌတာဝန် ပေးအပ်ခြင်း ခံခဲ့ရတာလား။ ဒီတာဝန်ကို ထမ်းဆောင်ဖို့ ဘယ်လိုဖြစ်လာသလဲ ဆိုတာကို ရှင်းပြပေးစေ လိုပါတယ်။
ဖြေ။ သတင်းစာ ဖတ်ကြည့်တော့မှ ပါလာတာ သိရတယ်။ အဲဒီအချိန်မှာ ကျွန်တော်က တရားရုံးချုပ်က အနားယူပြီးနေပြီ။ အသက်ကလည်း ၇၀ ကျော်နေပြီ။ အဲဒါနဲ့ ကျွန်တော်စဉ်းစားတယ်။ ဒီအသက်အရွယ်မှ လုပ်လို့ရှိရင်တော့ တာဝန်က အသစ်ပေါ့နော်။ ကြောက်တာတော့ မကြောက်ပါဘူး။ ဒါပေမဲ့ ဖြစ်ပါ့မလားပေါ့။ သားသမီးတွေကလည်း မလုပ်စေချင်ဘူး။ အေးအေးဆေးဆေး တရားဓမ္မနဲ့ နေရမယ့် အချိန်ဆိုတော့  ပထမ နေပြည်တော်ကိုတက်ပြီး သမ္မတကြီးကိုပဲ မေတ္တာရပ်ခံရမလား။ မလုပ်ပါရစေနဲ့လို့။ ဒါပေမဲ့ တစ်ဖက်က ကျွန်တော် ဒုတိယရှေ့နေချုပ်တို့၊ တရားရုံးချုပ် တရားသူကြီး ပင်စင်ပေးထားတာ ရှိပါတယ်။ နိုင်ငံရေး ပင်စင်ပေါ့။ အတွေ့အကြုံနဲ့ လုပ်စေချင်လို့ တာဝန်ပေးတာပဲဆိုပြီး လုပ်မယ်ဆိုတဲ့အခါ ဦးအောင်ကြည် ခေါ်တွေ့တုန်းကလည်း အန်ကယ်ကြီးလုပ်ပါ။ တတ်နိုင်သလောက် ကျွန်တော်တို့လည်း ၀ိုင်းကူပါ့မယ်ဆိုပြီး လုပ်ဖြစ်တာ။ ဘာမှ အဆက်အသွယ် မရှိဘူး။ ကျွန်တော့်ရဲ့ ဟိုတုန်းက အတွေ့အကြုံတွေကို နှစ်ခြိုက်ပြီးတော့ သမ္မတကြီးကပဲ တာဝန်ပေးတယ် ထင်တယ်။ သမ္မတကြီးက န၀တ တက်ခါစတုန်းက ဗိုလ်ချုပ်မှူးကြီး စောမောင်ရဲ့ အခန်းမှာ တာဝန်ခံ။ ဒုတိယ ဗိုလ်မှူးကြီးပဲ ရှိသေးတယ်။ ကျွန်တော်က ဒုတိယရှေ့နေချုပ် ဖြစ်နေပြီ။ အဲဒီမှာ အမြဲတမ်းသွားပြီး ဥပဒေကိစ္စတွေ ရှင်းပြရတယ်။ သမ္မတကြီးကို ဗိုလ်မှူးကြီး ဘ၀ကတည်းက ကျွန်တော်သိတယ်။ ကျွန်တော်ဥပဒေဆွဲတာလည်းသိတော့ လုပ်ပုံကိုင်ပုံတွေ ဒါတွေကို သူသိမြင်ပြီး ရွေးလိုက်တာ ဖြစ်မယ်။
မေး။ စာနယ်ဇင်း အမြုတေကောင်စီ ဖွဲ့တုန်းကလည်း ဥက္ကဋ္ဌ တာဝန်ပေးခြင်း ခံခဲ့ရပါတယ်။ အဲဒီအချိန် ပြန်ကြားရေးဝန်ကြီးက ဦးကျော်ဆန်း ဖြစ်ပါတယ်။ ဦးကျော်ဆန်းနဲ့ ရင်းနှီးလို့ ဒီတာဝန်ကို လက်ခံရရှိ ခဲ့တာလား။
ဖြေ။ ကျွန်တော် ဒုတိယရှေ့နေချုပ်တုန်းက သတင်းထုတ်ပြန်ရေး အဖွဲ့မှာ တစ်ခါတစ်လေ သွားပြီးရှင်းရတယ်။ ပြည်ထဲရေးကဖွဲ့တဲ့ ကော်မတီတွေမှာ အများကြီး လုပ်ရတယ်။ သတင်းထုတ်ပြန်ရေးမှာ မူးယစ်ဆေးဝါးနဲ့ ပတ်သက်လို့ ထုတ်ပြန်ရင် ကျွန်တော့်ကိုခေါ်တယ်။ နောက်တစ်ခါ ငွေဖြူငွေမည်း ဥပဒေတွေ ထုတ်ပြန်ရင် အဲဒီသတင်းစာ ရှင်းလင်းပွဲတွေမှာ ကျွန်တော့်ကို ခေါ်တယ်။ အဲဒီဟာပဲ ရှိတယ်။ ကျန်တဲ့အချိန်တွေမှာ နှစ်ဦးချင်း သူ့ရုံးခန်းထဲမှာ တွေ့တာမျိုး တစ်ခါမှ မရှိဘူး။ ဦးအောင်ကြည်နဲ့လည်း မတွေ့ဖူးဘူး။ သူ့ကို ရုပ်မြင်သံကြားမှာ မြင်ဖူးနေတာပေါ့။ ဒေါ်အောင်ဆန်းစုကြည်နဲ့ ဆွေးနွေးတာတွေကြည့်ပြီး သူတော့ တော်တော်အောင်မြင်အောင် လုပ်နိုင်တယ်ဆိုပြီး လေးစားခဲ့ပါတယ်။
ဒီအသက်အရွယ် ရောက်ရင်တော့ မှန်တဲ့ဘက်ကပဲ လိုက်ချင်တယ်။ သတင်းမီဒီယာ ဥပဒေ ဆိုတာလည်း ကျွန်တော်တို့ အဖွဲ့အစည်းအတွက် မဟုတ်ဘူး။ ကျွန်တော်တို့ ဒီမှာပါတဲ့ လူတွေရဲ့ အကျိုးလည်း မဟုတ်ဘူး။ ပြန်ကြားရေး အကျိုးလည်း မဟုတ်ဘူး။ အားလုံး ပြည်သူလူထုရဲ့ သတင်းလွတ်လပ်ခွင့်အတွက် နှစ်ပေါင်းများစွာ အကျိုးပြုနိုင်တဲ့ ဥပဒေတစ်ခု ဖြစ်စေချင်တယ်။ အဲဒါလေးကို ကျွန်တော်တို့က ရည်ရွယ်ပြီး လုပ်နေတာ။ သူတို့နှောင့်နှေးအောင် လုပ်မယ်ဆိုရင်တော့ သမိုင်းမှာ ဘယ်သူတရားခံ ဖြစ်မလဲ . . . . .
မေး။ အခုချိန်မှာ ပြန်ကြားရေး ၀န်ကြီးဌာနရဲ့ ကတိဖျက်မှု အပါအ၀င် ပုံနှိပ်မီဒီယာ ဥပဒေကြမ်း ကိစ္စရပ်ကို အကြောင်းပြုပြီး အစိုးရနဲ့ ဂျာနယ်လစ်တွေ ထိပ်တိုက်တွေ့ဖို့ ဖြစ်လာပါပြီ။ လက်ရှိအခြေအနေကို ဘယ်လိုသုံးသပ်ပါသလဲ။
ဖြေ။ ကျွန်တော်တို့ ၂၄ ရက်နေ့က နေပြည်တော်ကို သွားကြတယ်။ အတွင်းရေးမှူး အပါအ၀င် ရှစ်ယောက်သွားကြတယ်။ သူတို့ ပြည်သူ့လွှတ်တော်မှာ တင်လိုက်တဲ့ ပုံနှိပ်ခြင်းနှင့် ထုတ်ဝေခြင်း ဥပဒေဟာ သူတို့နဲ့ ဆွေးနွေးတုန်းက ဖျက်ပါမယ်။ မထည့်တော့ပါဘူးဆိုတဲ့ အချက်တွေ အကုန်ပြန်ပါတယ်။ ကျွန်တော်တို့က ဒါကိုဦးတည်ပြီး တွေ့ခွင့်တောင်းလိုက်တော့ အမျိုးသားလွှတ်တော် ဥပဒေကြမ်း ကော်မတီက ခေါ်လိုက်တာပါ။ စာနဲ့ပေနဲ့ ဖိတ်လိုက်တယ်။ ဘယ်နေ့အရောက်လာပါ။ သွားလိုက်တယ်။ အဲဒီမှာ တစ်နာရီခွဲလောက် တင်ပြခွင့်ရတယ်။ ဘာကြောင့် ပြည်သူ့လွှတ်တော်မှာ အတည်ပြုလိုက်တဲ့ ပုံနှိပ်ခြင်းနဲ့ ထုတ်ဝေခြင်း ဥပဒေကို ကန့်ကွက်ရသလဲ။ နောက်တစ်ချက် စာနယ်ဇင်းသမားတွေကို ဟိုတုန်းကလို "မှတ်ပုံတင်အရာရှိ" က နှိပ်ကွပ်တဲ့ ပြဋ္ဌာန်းချက်တွေ ပြန်ပါတယ်။ အဲဒါကို ကျွန်တော်တို့ လက်မခံပါဘူး။ ကျွန်တော်တို့နဲ့ ပြန်ကြားရေးက ညွှန်ချုပ်တွေနဲ့ ဆွေးနွေးတဲ့ ဖျက်ပါမယ်ဆိုတဲ့ အချက်တွေ ပြန်ပါလာတယ်။ ဒါတော့ မကောင်းပါဘူးလို့ ကျွန်တော်တို့ တင်ပြတယ်။ နောက်ဆုံး အမျိုးသားလွှတ်တော် ဥပဒေကြမ်း ကော်မတီက လက်ခံတယ်။ သေသေချာချာ သဘောပေါက်ပြီး သူတို့ဘက်က အပြန်အလှန် ဆွေးနွေးတယ်။ အဲဒီလို သွားတဲ့အခါ သူရဦးအေးမြင့်တို့ စာပေ၊ ယဉ်ကျေးမှုနဲ့ အားကစား ကော်မတီက ပြည်သူ့လွှတ်တော်က အဲဒါပြီးရင် တွေ့ချင်ပါတယ်ဆိုလို့ ကျွန်တော်တို့ သွားလိုက်တယ်။ အဲဒီမှာ ဘာသွားတွေ့လဲဆိုတော့ သူရဦးအေးမြင့်ရယ်၊ ပြန်ကြားရေး ဒုဝန်ကြီးနှစ်ပါးနဲ့ လွှတ်တော်ကော်မတီတွေရဲ့ အဖွဲ့ဝင်တွေရယ်၊ အကြံပေး အဖွဲ့တွေနဲ့ တွေ့တဲ့အခါ သူရဦးအေးမြင့်က ပုံနှိပ်ခြင်းနဲ့ ထုတ်ဝေခြင်း ဥပဒေကို ဘာမှမပြောတော့ဘူး။ ကျွန်တော်တို့ သတင်းမီဒီယာ ဥပဒေကို ဘယ်လိုသဘောထားသလဲဆိုတာ သူရှင်းပြပါတယ်။ အဲဒီမှာ ဒုတိယ၀န်ကြီး ဦးရဲထွဋ်ကနေပြီးတော့ ကျွန်တော်တို့ တင်လိုက်တဲ့ ဥပဒေမှာ ၅၁ ချက်ကို လက်ခံပြီး ၁၇ ချက်ကို လက်မခံဘူးဆိုတာ ရှင်းပြတယ်။ ရှင်းပြပြီးတော့ PSM (အများပြည်သူ ၀န်ဆောင်မှု ဥပဒေမူကြမ်း) ကို Power Point နဲ့ပြဖို့ ပြင်ဆင်ထားပြီးသား၊ သူတို့က စားပွဲထိပ်မှာ ထိုင်တယ်။ ကျွန်တော်တို့က သူတို့နဲ့ မျက်နှာချင်းဆိုင်မှာ ထိုင်တယ်။ ပြီးတော့ Power Point တွေထိုးပြီး ကျန်တဲ့ ကော်မတီဝင်တွေကို ရှင်းပြတယ်။ ကျွန်တော်တို့ ဘက်ကလည်း ကျွန်တော်တို့ အလှည့်ရောက်တော့ အဲဒီ ၁၇ ချက်ဟာ ကျွန်တော်တို့ ရေးဆွဲတဲ့ အချိန်မှာ ပြည်သူ့လွှတ်တော်က ဆုံးဖြတ်ပေးဖို့ ခံယူထားတဲ့ အချက်တွေ ပါတယ်။ ပြီးခဲ့တဲ့ လွှတ်တော်အစည်းအဝေးတွေမှာ ပြဋ္ဌာန်းတဲ့ ဥပဒေတွေထဲမှာ ပါတဲ့ ဥပမာ ကောင်စီဝင် တစ်ယောက်ကို လုပ်ငန်းတာဝန် ဆောင်ရွက်တဲ့အခါမှာ သဘောရိုးနဲ့ ဆောင်ရွက်ရင် သူ့ကို တရားမကြောင်း ဥပဒေအရ မစွဲရဘူးလို့ ဥပဒေထဲမှာ ပြဋ္ဌာန်းထားတယ်။ ဟိုးတစ်နေ့ကထွက်တဲ့ ကော်မရှင် ဥပဒေထဲမှာလည်း ဒီအချက် ပါတယ်။ နောက်တစ်ခုက ဒီလိုလုပ်ငန်း ဆောင်ရွက်တဲ့အခါမှာ ဖြေရှင်းရမယ့် ညှိနှိုင်းရေး ကော်မတီ ကျွန်တော်တို့မှာ ရှိတယ်။ အငြင်းပွားလို့၊ တိုင်လို့ရှိရင် ခေါ်ရတာပေါ့။ ခေါ်နိုင်အောင် လုပ်ငန်းဆောင်ရွက်တဲ့အခါ ကောင်စီဝင်တွေဟာ ပြည်သူ့ဝန်ထမ်း ဖြစ်တယ်ဆိုတာ ရာဇသတ်ပုဒ်မ ၂၁ အရ လုပ်ရမယ်ဆိုတာ ရှိပါတယ်။ အဲဒါတွေက ဒီမှာပြဋ္ဌာန်းထားပြီး ဘာကြောင့် ကျွန်တော်တို့ကျမှ ကန့်ကွက်သလဲ။ ပြီးခဲ့တဲ့ အလုပ်သမား ဥပဒေ၊ လူမှုဖူလုံရေး ဥပဒေမှာ ဒါတွေအကုန်ပါတယ်။ အဲဒါ ဘာကြောင့်ကန့်ကွက်သလဲ။ တမင် ကျွန်တော်တို့ကို နှေးကွေးအောင် လုပ်တယ်လို့ ယူဆပါတယ်။ အဓိက အချက်က သတင်းမီဒီယာနဲ့ ပတ်သက်ရင် ကျွန်တော်တို့ကောင်စီဟာ တစ်ခုတည်းသော ကောင်စီဖြစ်ရမယ်။ လိုင်စင်ပေးတာ မဆိုင်ဘူး။ သတင်းမီဒီယာနှစ်ခု အငြင်းပွားရင် သတင်းမီဒီယာ ကောင်စီက တစ်ခုတည်း ရှိရမယ်လို့။ တစ်ခုတည်း ဆိုတာကို သူတို့က လက်မခံဘူး။ ဘာကြောင့် လက်မခံလဲဆိုတော့ PSM မှာ ကောင်စီတစ်ခုထောင်ဖို့၊ အဲဒါကြောင့် သူတို့က လက်မခံဘူး။ ဇွတ်ငြင်းတယ်။ နောက်ဆုံးကျတော့ ၁၇ ချက်ကို မပြင်ရင် သူတို့မပေးနိုင်ဘူးဆိုတာ ဖြစ်လာတာပေါ့။ သူရဦးအေးမြင့်ကလည်း သူတို့လက်မခံရင် ဘယ်လိုလုပ်ကြမလဲဆိုပြီး ဒါဖြင့်ကျွန်တော်တို့ စဉ်းစားမယ်။ သူရဦးအေးမြင့်တို့ ကော်မတီကပဲ တင်မလား။ ကျွန်တော်တို့ တခြားလွှတ်တော် ကိုယ်စားလှယ် တစ်ဦးဦးကပဲ တင်မလားဆိုတာ ပြောတယ်။ လွှတ်တော်ကိုယ်စားလှယ်ကပဲ တင်လို့ရတယ်။ ကျွန်တော်တို့က တင်လို့မရဘူး။ အဲဒါကိုပဲ မကြာခင် နိုင်ငံရေး အဖွဲ့အစည်းတွေနဲ့ ဆွေးနွေးပြီး အကြံဥာဏ်ယူမယ်။ ကျွန်တော်တို့ကတော့ ၀န်ကြီးပြောတဲ့ ကတိအရဆိုရင် ပုံနှိပ်ထုတ်ဝေရေး ဥပဒေနဲ့ သတင်းမီဒီယာ ဥပဒေကို တစ်ပြိုင်နက်တည်း တင်ပေးမယ်။ နှစ်ခုပေါင်းတင်ရင်လည်း လွှတ်တော်က ပေါင်းသွားမယ်။ ခွဲချင်လည်း ခွဲမယ်ဆိုပြီး။ အဲဒီဟာ ကတိကို သူတို့ကဖျက်တယ်။ နောက်ဆုံး နိုင်ငံရေး အဖွဲ့အစည်း တစ်ခုက (လွှတ်တော်ကို) တင်ပေးရင်လည်း တင်ပေး။ မတင်ပေးဘူးဆိုရင်လည်း သမ္မတကြီးဆီ၊ သမ္မတကြီးကတစ်ဆင့် တင်ပေးဖို့အထိ ကျွန်တော်တို့ ဆုံးဖြတ်ထားတယ်။
မေး။ အခုဖြစ်နေတဲ့ ကိစ္စမှာ အပိုင်းနှစ်ပိုင်း ရှိနေပါတယ်။ ပထမပိုင်းက ပြန်ကြားရေး ၀န်ကြီဌာနက ရေးဆွဲခဲ့တဲ့ ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေကြမ်းကို ဂျာနယ်လစ် အားလုံးက ကန့်ကွက်ထားတယ်။ စာနယ်ဇင်း ကောင်စီကလည်း ပြင်ဆင်ပေးပါဆိုတဲ့ အချက်တွေကို ပြောခဲ့ပါတယ်။ ပြင်မပေးခဲ့ပါဘူး။ ဒုတိယပိုင်းက စာနယ်ဇင်းကောင်စီ (ယာယီ)က ဥပဒေ ပညာရှင်တွေ၊ ဂျာနယ်လစ်တွေ၊ အခြားတတ်သိ ပညာရှင်တွေနဲ့ ရေးဆွဲခဲ့တဲ့ သတင်းမီဒီယာ ဥပဒေကို လွှတ်တော်ကို တင်ပေးပါလို့ ပြန်ကြားရေး ၀န်ကြီးဌာနကို ပြောပါတယ်။ အချက် ၁၇ ချက်ကို မပြင်တဲ့အတွက် တင်မပေးဘူး။ တင်ခဲ့ရင်လည်း အဆင့်ဆင့် ကန့်ကွက်မယ်လို့ ပြန်ကြားရေး ဒုတိယ၀န်ကြီး ဦးရဲထွဋ်က ပြောပါတယ်။ ပြန်ကြားရေး ၀န်ကြီးဌာနရဲ့ သဘောထားကို ဘယ်လိုသုံးသပ် ပါသလဲ။
ဖြေ။ ဒါကတော့ တမင်နှောင့်နှေးအောင် လုပ်တာလား။ သူတို့ စိတ်ရင်းတော့ မသိဘူးပေါ့လေ။ ပြိုင်တူတင်ပေးမယ်၊ မတင်ဘူးဆိုတာ သူတို့ကတိ ဖောက်ဖျက်တာပဲလား။ သူတို့သတင်းစာတွေထဲ၊ ဆောင်းပါးတွေထဲမှာ ပါပါတယ်။ ကျွန်တော်တို့ကတော့ သဘောရိုးပဲ။ ဒီမှာပါတဲ့ ကော်မတီဝင် ၁၀ ဦးဆိုလည်း ၁၀ ဦး။ အကုန်ပင်စင်စားကြီးတွေပါ။ စီးပွားရေးသမား ပါတယ်။ အနုပညာ စာပေပါတယ်။ ဂျာနယ်လစ် အဖွဲ့အစည်းတွေ ပါတယ်။ အကုန်ပါပါတယ်။ ဒီလူတွေဟာ ဒီအသက်အရွယ် ရောက်ရင်တော့ မှန်တဲ့ဘက်ကပဲ လိုက်ချင်တယ်။ သတင်းမီဒီယာ ဥပဒေ ဆိုတာလည်း ကျွန်တော်တို့ အဖွဲ့အစည်းအတွက် မဟုတ်ဘူး။ ကျွန်တော်တို့ ဒီမှာပါတဲ့ လူတွေရဲ့ အကျိုးလည်း မဟုတ်ဘူး။ ပြန်ကြားရေး အကျိုးလည်း မဟုတ်ဘူး။ အားလုံး ပြည်သူလူထုရဲ့ သတင်းလွတ်လပ်ခွင့်အတွက် နှစ်ပေါင်းများစွာ အကျိုးပြုနိုင်တဲ့ ဥပဒေတစ်ခု ဖြစ်စေချင်တယ်။ အဲဒါလေးကို ကျွန်တော်တို့က ရည်ရွယ်ပြီး လုပ်နေတာ။ သူတို့နှောင့်နှေးအောင် လုပ်မယ်ဆိုရင်တော့ သမိုင်းမှာ ဘယ်သူတရားခံ ဖြစ်မလဲ။ အဲဒါကိုတော့ အများပြည်သူက ဆုံးဖြတ်မှာပဲ။

ဆက်လက်ဖော်ပြပါမည်။
ကိုယ်ရေးအကျဉ်း
ဦးခင်မောင်အေးသည် ၁၉၃၃ ခုနှစ်တွင် မွေးဖွားခဲ့သူဖြစ်ပြီး မိထ္ထီလာဇာတိ ဖြစ်ပါသည်။ ရန်ကုန်တက္ကသိုလ်၌ ပညာသင်ကြားခဲ့ပြီး ၁၉၅၄ ခုနှစ်တွင် B.Sc(BL) ဘွဲ့ ရရှိခဲ့ပါသည်။ ၁၉၅၅ ခုနှစ်တွင် နယ်ဘက်ဆိုင်ရာ အုပ်ချုပ်ရေး ၀န်ထမ်းအဖြစ် စတင်တာဝန် ထမ်းဆောင်ခဲ့ပြီး ၁၉၇၈ ခုနှစ်တွင် ကချင်ပြည်နယ် တရားသူကြီးအဖွဲ့ ဥက္ကဋ္ဌတာဝန်ကို စတင်တာဝန် ထမ်းဆောင်ခဲ့သည်။ ၁၉၈၅ ခုနှစ်တွင် တရားရုံးချုပ်၌ ညွှန်ကြားရေးမှူးချုပ်၊  ၁၉၈၈ ခုနှစ်တွင် တရားရုံးချုပ် တရားသူကြီး၊ ၁၉၈၉ ခုနှစ်တွင် ဒုတိယရှေ့နေချုပ်အဖြစ် တာဝန်ထမ်းဆောင်ခဲ့ကာ ဒုတိယ ရှေ့နေချုပ်အဖြစ် တာဝန်ထမ်းဆောင်ချိန်တွင် ဥပဒေ မြောက်မြားစွာကို ရေးဆွဲခဲ့သူ ဖြစ်ပါသည်။ ၂၀၀၂  ခုနှစ်တွင် တရားရုံးချုပ် တရားသူကြီးအဖြစ် တာဝန်ထမ်းဆောင်ခဲ့ပြီး ၂၀၀၆ ခုနှစ်တွင် အငြိမ်းစားယူခဲ့ကာ ၂၀၁၂ ခုနှစ်တွင် ၀ဏ္ဏကျော်ထင်ဘွဲ့ ရရှိခဲ့ပါသည်။ မြန်မာနိုင်ငံစာနယ်ဇင်းကောင်စီ(ယာယီ) ဖွဲ့စည်းချိန်မှ ယခုအချိန်အထိ ကောင်စီ၏ ဥက္ကဋ္ဌအဖြစ်  တာဝန်ယူဆောင်ရွက်လျက်ရှိပါသည်။
 Written by နေထွန်းနိုင်၊ ကျော်ဇင်ဝင်း
Credit To First-11
Read More »

အခြေခံဥပဒေ ပြင်ဆင်ရေး ကော်မတီနှင့် နိုင်ငံရေး အကွေ့အကောက်များ



ပြည်ထောင်စုလွှတ်တော် ကိုယ်စားလှယ်များအား ဇူလိုင် ၃၀ ရက် နံနက်ပိုင်းက တွေ့ရစဉ်
ဖွဲ့စည်းပုံ အခြေခံဥပဒေ ပြင်ဆင်ရေးသည် ဒီမိုကရေစီ အသွင်ကူးပြောင်းရေး၊ အမျိုးသား ပြန်လည်သင့်မြတ်ရေး၊ ပြည်တွင်းငြိမ်းချမ်းရေး စသည့်နိုင်ငံရေး ဖြစ်ပေါ်တိုးတက်မှုများအတွက် အလွန်အရေးကြီးသော လုပ်ငန်းစဉ်တစ်ရပ် ဖြစ်သည်။ လက်ရှိနိုင်ငံရေး ပတ်ဝန်းကျင်တွင် အခြေခံဥပဒေကို မဖြစ်မနေ ပြင်ဆင်ရမည့် အခြေအနေတွင် ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီကို ဖွဲ့စည်းခဲ့ခြင်းသည် လွှတ်တော်တွင်း နိုင်ငံရေး ပါတီများ၏ ဗျူဟာမြောက် ပူးပေါင်းဆောင်ရွက်မှုဟု ဆိုနိုင်သည့်နည်းတူ၊ ဖွဲ့စည်းပုံ ပြင်ဆင်ရေး လမ်းကြောင်းကို အတန်အသင့် ဆွဲဆန့်ခဲ့သော ပြင်ဆင်မှု တစ်ခုဟုလည်း မှတ်ချက်ပြုနိုင်ပါသည်။
ပြည်ထောင်စုလွှတ်တော်သည် ၂၀၁၃ ခုနှစ် မတ်လ ၂၀ ရက်တွင် ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီတစ်ရပ် ဖွဲ့စည်းရန် သဘောတူ အတည်ပြုခဲ့သည်။ အဆိုပါ ကော်မတီတွင် လွှတ်တော်တွင်း နိုင်ငံရေး ပါတီများမှ ကိုယ်စားလှယ်များ အချိုးကျ ကိုယ်စားပြု ပါဝင်မည်ဖြစ်ပြီး၊ ကော်မတီ အဖွဲ့ဝင်ဦးရေမှာ တစ်ရာကျော်ခန့် ရှိမည်ဖြစ်သည်။ အဆိုပါ ကော်မတီသည် ဖွဲ့စည်းပုံ အခြေခံဥပဒေတွင် ပြင်ဆင်သင့်သော အချက်များကို လေ့လာသုံးသပ်ပြီး၊ အစီရင်ခံစာတစ်စောင် ပြုစုကာ ပြည်ထောင်စု လွှတ်တော်သို့ အစီရင်ခံစာ တင်သွင်းရမည် ဖြစ်သည်။
၂၀၁၃ ခုနှစ် ဇူလိုင်လ ၂၅ ရက်တွင် ပြည်ထောင်စု လွှတ်တော်သည် ပြည်ထောင်စုလွှတ်တော် ကိုယ်စားလှယ် (၁၀၉) ဦးဖြင့် ဖွဲ့စည်းမည့်၊ ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီကို ကန့်ကွက်သူမရှိ အတည်ပြုခဲ့သည်။ အဆိုပါ ကော်မတီတွင် ပါတီတစ်ခုချင်းအလိုက် လွှတ်တော်ကိုယ်စားလှယ်များ အချိုးကျပါဝင်ပြီး၊ ဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယကက ဆောင်ရွက်ပြီး၊ ဒုတိယဥက္ကဋ္ဌသည် ပြည်သူ့လွှတ်တော် သို့မဟုတ် အမျိုးသားလွှတ်တော် ဒုတိယဥက္ကဋ္ဌက တာဝန်ယူ ဆောင်ရွက်မည်ဖြစ်သည်။
ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီတွင် နိုင်ငံရေးပါတီများနှင့် တပ်မတော်သားလွှတ်တော် ကိုယ်စားလှယ်များ အချိုးကျ ပါဝင်ခြင်းသည် အချိုးကျ ကိုယ်စားပြုသည့်သဘော သက်ရောက်သည်ဟုလည်း မှတ်ချက်ပြုနိုင်သည်။ ၂၀၁၅ ခုနှစ် အထွေထွေရွေးကောက်ပွဲတွင် ပီအာခေါ် အချိုးကျ ကိုယ်စားပြုမှုစနစ်ကို ကျင့်သုံးနိုင်ဖွယ် ရှိနေသည်ဟု ထင်ကြေးပေးမှုများ မြင့်မားနေသည့် အချိန်တွင် အများစိတ်ဝင်စားနေသည့် ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စအတွက် ကော်မတီဖွဲ့ရာတွင် အချိုးကျ ကိုယ်စားပြုမှု စနစ်အပေါ်တွင် အခြေခံဖွဲ့စည်းခဲ့ခြင်းမှာ အချိုးကျ ကိုယ်စားပြုမှုစနစ်ကို လွှတ်တော်ကော်မတီ တစ်ရပ်တွင် အားစမ်းခြင်း၊ စမ်းသပ်ခြင်းလည်း ဖြစ်နိုင်သည်ဟု သုံးသပ်နိုင်သည်။
ဖွဲ့စည်းပုံ အခြေခံဥပဒေ ပြင်ဆင်ခြင်းနှင့် စပ်လျဉ်း၍ ပြည်ထောင်စုသမ္မတ မြန်မာနိုင်ငံတော်၊ ဖွဲ့စည်းပုံ အခြေခံဥပဒေ (၂၀၀၈)၊ အခန်း (၁၂)၊ ဖွဲ့စည်းပုံ အခြေခံဥပဒေ ပြင်ဆင်ခြင်းတွင် ဖွဲ့စည်းပုံ အခြေခံဥပဒေ ပြင်ဆင်ရန် တင်သွင်းသော အဆိုကို အခြားအဆိုများ မပါရှိသော ဖွဲ့စည်းပုံ အခြေခံဥပဒေ ပြင်ဆင်ခြင်း ဥပဒေမူကြမ်းအဖြစ် ပြည်ထောင်စုလွှတ်တော်တွင် တင်သွင်းရမည် ဖြစ်သည်။ အဆိုပါ ဥပဒေမူကြမ်းကို ပြည်ထောင်စုလွှတ်တော်တွင် လက်ခံဆွေးနွေးနိုင်ရန် ပြည်ထောင်စုလွှတ်တော် ကိုယ်စားလှယ် စုစုပေါင်း၏ ရာခိုင်နှုန်း ၂၀ ဖြစ်သော ကိုယ်စားလှယ် ၁၃၃ ဦးက ထောက်ခံတင်ပြရမည် ဖြစ်သည်။
လက်ရှိဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီ၏ ပြည်ထောင်စုလွှတ်တော်သို့ တင်သွင်းမည့် အစီရင်ခံစာသည် ဖွဲ့စည်းပုံ အခြေခံဥပဒေ ပုဒ်မ ၄၃၄ တွင် ဖော်ပြသည့် ဖွဲ့စည်းပုံ အခြေခံဥပဒေ ပြင်ဆင်သည့် ဥပဒေကြမ်းနှင့် ထပ်တူဖြစ်နိုင်သည်ဟု ယူဆနိုင်ဖွယ် ရှိသော်လည်း၊ ကော်မတီတွင် ပြည်ထောင်စုလွှတ်တော် ကိုယ်စားလှယ် ၁၀၉ ဦးသာ ပါဝင်သဖြင့် ရာခိုင်နှုန်း ၂၀ ပြည့်ရန် ၂၄ ဦး လိုအပ်နေသည်ဟု ဆိုနိုင်သည်။ ပြည်ထောင်စုလွှတ်တော်သို့ ကော်မတီမှ တင်သွင်းသည့် အစီရင်ခံစာကို ဆွေးနွေးသုံးသပ်လျက်၊ ဖွဲ့စည်းပုံ အခြေခံဥပဒေ ပြင်ဆင်မည့် ဥပဒေကြမ်းတစ်ခုကို အသစ်ရေးဆွဲခြင်းလည်း ဖြစ်နိုင်ခြေရှိသည်ဟု လေ့လာသူအချို့က သုံးသပ်ကြသည်။
မည်သို့ပင်ဆိုစေကာမူ ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီ၏ အစီရင်ခံစာသည် နိုင်ငံရေး အင်အားစုများ၊ တိုင်းရင်းသား လူမျိုးစုများနှင့် ပြည်သူလူထု အများစုကြီး၏ ဆန္ဒသဘောထားများနှင့် တစ်ထပ်တည်းကျနေရန် အထူးလိုအပ်ပါသည် . . . . .
ပြည်ထောင်စုသမ္မတ နိုင်ငံတော်၊ ဖွဲ့စည်းပုံ အခြေခံဥပဒေ (၂၀၀၈) တွင် အခန်း (၁၅) ခန်းနှင့် ပုဒ်မပေါင်း (၄၅၇) ခု ပါဝင်သည်။ ပုဒ်မ (၇၄) ခုသည် အဓိက ပုဒ်မများဖြစ်ပြီး၊ ပုဒ်မ (၃၈၃) ခုသည် သာမန်ပုဒ်မများ ဖြစ်သည်။ ပြည်ထောင်စုလွှတ်တော် ကိုယ်စားလှယ်များ၏ ၇၅ ရာခိုင်နှုန်းကျော်က သဘောတူ ထောက်ခံလျှင် ပြင်ဆင်နိုင်သော ပုဒ်မများသည် သာမန်ပုဒ်မများ ဖြစ်သည်။ ပြည်ထောင်စုလွှတ်တော် ကိုယ်စားလှယ်များ၏ ၇၅ ရာခိုင်နှုန်းကျော်က ထောက်ခံပြီး၊ ပြည်လုံးကျွတ် ဆန္ဒခံယူပွဲ ကျင်းပကာ ဆန္ဒမဲပေးပိုင်ခွင့် ရှိသူအားလုံး၏ ထက်ဝက်ကျော်က ထောက်ခံလျှင် ပြင်ဆင်နိုင်သော ပုဒ်မများသည် အဓိကပုဒ်မများ ဖြစ်သည်။
ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီ အနေဖြင့်၊ နိုင်ငံတော် အခြေခံမူများ အခန်းပါ ပုဒ်မများအားလုံး၊ နိုင်ငံတော် ဖွဲ့စည်းတည်ဆောက်ပုံ အခန်းပါ ပုဒ်မများအားလုံး၊ နိုင်ငံတော်သမ္မတနှင့် ဒုတိယသမ္မတများ၏ အရည်အချင်းများ၊ နိုင်ငံတော်သမ္မတ ရွေးချယ်တင်မြှောက်ခြင်း၊ ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော် ဖွဲ့စည်းခြင်းနှင့် တပ်မတော်ဆိုင်ရာ ပြဋ္ဌာန်းချက်များအားလုံး ပါဝင်သည့် အဓိကပုဒ်မ (၇၄) ခုကို ပြင်ဆင်နိုင်ရေးအတွက် လေ့လာသုံးသပ်နိုင်ဖွယ် ရှိသော်လည်း၊ အဓိကပုဒ်မများ ပြင်ဆင်မှုသည် ပြည်ထောင်စု လွှတ်တော်သို့ တင်သွင်းမည့် ဖွဲ့စည်းပုံ အခြေခံဥပဒေ ပြင်ဆင်သည့် ဥပဒေမူကြမ်းတွင် ပါဝင်နိုင်ဖွယ် မရှိဟု သုံးသပ်နိုင်သည်။
ပြည်တွင်း၊ ပြည်ပမှ နိုင်ငံရေးလေ့လာ စောင့်ကြည့်သူများ စိတ်ဝင်စားမှု မြင့်မားနေသည့် နိုင်ငံတော်သမ္မတနှင့် ဒုတိယသမ္မတများ၏ အရည်အချင်းများကို ဖော်ပြသည့် ပုဒ်မ ၅၉ (စ) ပြင်ဆင်ရေးသည် လည်းကောင်း၊ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး သို့မဟုတ် ပြည်နယ်လွှတ်တော်များတို့တွင် တပ်မတော် ကာကွယ်ရေး ဦးစီးချုပ်က ဥပဒေနှင့်အညီ အမည်စာရင်း တင်သွင်းသော တပ်မတော်သားလွှတ်တော် ကိုယ်စားလှယ် ၂၅ ရာခိုင်နှုန်းကို ဖော်ပြသည့် ပုဒ်မ ၁၀၉ (ခ)၊ ပုဒ်မ ၁၄၁ (ခ) နှင့် ပုဒ်မ ၁၆၁ (ဃ)တို့ ပြင်ဆင်ရေးသည် လည်းကောင်း၊ အမျိုးသားကာကွယ်ရေးနှင့် လုံခြုံရေးကောင်စီ ဖွဲ့စည်းခြင်းဆိုင်ရာ ပုဒ်မ ၂၀၁ ပြင်ဆင်ရေးသည် လည်းကောင်း၊ ကာကွယ်ရေး ၀န်ကြီးဌာန၊ ပြည်ထဲရေး ၀န်ကြီးဌာန၊ နယ်စပ်ရေးရာ ၀န်ကြီးဌာနတို့တွင် ပြည်ထောင်စုဝန်ကြီးများ ခန့်အပ်ရန်အတွက် တပ်မတော်ကာကွယ်ရေး ဦးစီးချုပ်ထံမှ သင့်လျော်သည့် တပ်မတော်သားများ၏ အမည်စာရင်း ရယူခြင်းနှင့် ပြည်ထောင်စုလွှတ်တော်သို့ တင်ပြအတည်ပြုချက် ရယူခြင်းတို့ကို ဖော်ပြသည့် ပုဒ်မ ၂၃၂ (ခ)(၃)၊ (ဂ)တို့ ပြင်ဆင်ရေးသည် လည်းကောင်း၊ ကာကွယ်ရေး ၀န်ကြီးဌာန၊ ပြည်ထဲရေး ၀န်ကြီးဌာန၊ နယ်စပ်ရေးရာ ၀န်ကြီးဌာနတို့တွင် ဒုတိယ၀န်ကြီးများ ခန့်အပ်ရန်အတွက် တပ်မတော်ကာကွယ်ရေး ဦးစီးချုပ်ထံမှ သင့်လျော်သည့် တပ်မတော်သားများ၏ အမည်စာရင်း ရယူခြင်းကို ဖော်ပြသည့် ပုဒ်မ ၂၃၄ (ခ) ပြင်ဆင်ရေးသည် လည်းကောင်း၊ တိုင်းဒေသကြီး ၀န်ကြီးချုပ်သည် လုံခြုံရေးနှင့် နယ်စပ်ရေးရာ တာဝန်ပေးအပ်ရန် တပ်မတော်ကာကွယ်ရေး ဦးစီးချုပ်ထံမှ သင့်လျော်သည့် တပ်မတော်သားများ၏ အမည်စာရင်း တောင်းခံခြင်းကို ဖော်ပြသည့် ပုဒ်မ ၂၆၂ (က)(၂) ပြင်ဆင်ရေးသည် လည်းကောင်း၊ ကိုယ်ပိုင်အုပ်ချုပ်ခွင့်ရ တိုင်းဦးစီးအဖွဲ့ သို့မဟုတ် ကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့တွင် လုံခြုံရေးနှင့် နယ်စပ်ရေးရာ တာဝန်ပေးအပ်ရန် တပ်မတော် ကာကွယ်ရေး ဦးစီးချုပ်ထံမှ သင့်လျော်သည့် တပ်မတော်သားများ၏ အမည်စာရင်း တောင်းခံခြင်းကို ဖော်ပြသည့် ပုဒ်မ ၂၇၆ (ဃ)(၂) ပြင်ဆင်ရေးသည် လည်းကောင်း၊ ကိုယ်ပိုင်အုပ်ချုပ်ခွင့်ရ တိုင်းဦးစီးအဖွဲ့ သို့မဟုတ် ကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့တွင် တပ်မတော် ကာကွယ်ရေးဦးစီးချုပ်က ဥပဒေနှင့်အညီ အမည်စာရင်း တင်သွင်းသော တပ်မတော်သားများ ပါဝင်ခြင်းကို ဖော်ပြသည့် ပုဒ်မ ၂၇၆ (ဈ) ပြင်ဆင်ရေးသည် လည်းကောင်း၊ နေပြည်တော်ကောင်စီ ဖွဲ့စည်းခြင်းကို ဖော်ပြသည့် ပုဒ်မ ၂၈၅ (ခ)(၃) ပြင်ဆင်ရေးသည် လည်းကောင်း၊ ၂၀၁၅ ခုနှစ် ရွေးကောက်ပွဲ မတိုင်မီ အထမြောက်ရန် သို့မဟုတ် ကော်မတီက တင်သွင်းမည့် အစီရင်ခံစာတွင် ပါရှိရန် သို့မဟုတ် ပြည်ထောင်စုလွှတ်တော်သို့ တင်သွင်းမည့် ဖွဲ့စည်းပုံ ပြင်ဆင်ရေး ဥပဒေမူကြမ်းတွင် ပါရှိရန် ဖြစ်နိုင်ခြေ အလွန်နည်းပါးသည်ဟု ကောက်ချက်ပြုနိုင်သည်။
ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီ၏ အစီရင်ခံစာတွင် တိုင်းဒေသကြီးများနှင့် ပြည်နယ်များ၏ အစိုးရအဖွဲ့များ၊  လွှတ်တော်များ၏ အုပ်ချုပ်ရေးနှင့် ဥပဒေပြုရေးဆိုင်ရာ လုပ်ပိုင်ခွင့်များ ပိုမိုပေးအပ်နိုင်ရေးကို အဆိုပြုလာနိုင်ခြေ မြင့်မားသည်။ ပြည်ထောင်စုငြိမ်းချမ်းရေးနှင့် ပြည်ထောင်စု အပစ်အခတ် ရပ်စဲရေးအတွက် အားသွန်ခွန်စိုက် မောင်းနှင်နေသည့် အချိန်တွင် တိုင်းရင်းသားလူမျိုးစုများ တောင်းဆိုနေသည့် ကိုယ်ပိုင်အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့်နှင့် တန်းတူရည်တူခွင့်တို့ကို အတိုင်းအတာ တစ်ခုအထိ ပုံဖော်နိုင်မည့် ဖွဲ့စည်းပုံ အခြေခံဥပဒေ ပြင်ဆင်မှုများကို ပုံဖော်လာရန် ပိုမိုအလားအလာ ရှိသည်ဟု သုံးသပ်နိုင်သည်။
အဓိကအားဖြင့် ဖွဲ့စည်းပုံ အခြေခံဥပဒေ ပြင်ဆင်ခြင်း အခန်းကို ပြင်ဆင်နိုင်ရန် လိုအပ်သည်။ လက်ရှိဖွဲ့စည်းပုံ အခြေခံဥပဒေကို ပြင်ဆင်နိုင်ရန် အလွန်ခက်ခဲနေပြီး၊ ကမ္ဘာပေါ်တွင် ပြင်ဆင်ရန် အခက်ခဲဆုံး ဖွဲ့စည်းပုံ အခြေခံဥပဒေဟု သတ်မှတ်နိုင်သည့် အနေအထားတွင် ရှိနေသည်။ ထို့ကြောင့် ပူးပေါင်းကော်မတီ၏ အစီရင်ခံစာတွင် အခန်း (၁၂) ဖွဲ့စည်းပုံ အခြေခံဥပဒေ ပြင်ဆင်ခြင်း အခန်းကို ပြင်ဆင်နိုင်ရန် မဖြစ်မနေ အဆိုပြုသင့်သည်ဟု ထင်မြင်မိပါသည်။
ကော်မတီ အနေဖြင့် ဖွဲ့စည်းပုံ အခြေခံဥပဒေ ပြင်ဆင်ရမည့် အချက်များကို လေ့လာသုံးသပ်ရာတွင် ပြည်ထောင်စု အစိုးရအဖွဲ့ကိုယ်စားလှယ်များ၊ တိုင်းရင်းသား ကိုယ်စားလှယ်များ၊ တိုင်းဒေသကြီးနှင့် ပြည်နယ်ဝန်ကြီးချုပ်များ၊ လွှတ်တော်ပြင်ပ နိုင်ငံရေးပါတီများ၊ နယ်ပယ်အသီးသီးမှ ပညာရှင်များ အပါအ၀င် ပြည်သူလူထုများထံမှလည်း အကြံဥာဏ်များ၊ ထင်မြင်ချက်များကို ရယူလျက် ကော်မတီ၏ အစီရင်ခံစာကို ပြုစုရမည်ဖြစ်ရာ အစီရင်ခံစာသည် ပြည်သူလူထု အများစုကြီး၏ ဆန္ဒသဘောထား အစစ်အမှန်ကို ထင်ဟပ်နေရန် အထူးလိုအပ်သည်ဟု မှတ်ချက်ပြုနိုင်သည်။
ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီဝင် (၁၀၉) ဦးတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ ကော်မတီဝင် (၅၂) ဦးနှင့် တပ်မတော်သား လွှတ်တော်ကိုယ်စားလှယ် ကော်မတီဝင် (၂၅) ဦးတို့က ကော်မတီဝင် စုစုပေါင်း၏ ၇၈ ရာခိုင်နှုန်းကို ကိုယ်စားပြုသည်။ ထို့ကြောင့် ကော်မတီ အစီရင်ခံစာပါ အချက်များကို အတည်ပြု ထည့်သွင်းရာတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် တပ်မတော် ကော်မတီဝင်များ၏ သြဇာသက်ရောက်မှုသည် မြင့်မားနေမည် ဖြစ်သည်။
နိဂုံး
အချုပ်အားဖြင့်ဆိုသော် ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီကို ဖွဲ့စည်းခြင်းသည် ဖွဲ့စည်းပုံ အခြေခံဥပဒေကို လွှတ်တော်နှစ်ရပ်မှ ကိုယ်စားလှယ်များ စနစ်တကျ ဗျူဟာမြောက် ပြင်ဆင်နိုင်ရန် ချဉ်းကပ်သည့် ပုံစံဖြစ်သည်ဟု အချို့က သုံးသပ်ကြသည်။ သို့သော် အချို့ကမူ ဖွဲ့စည်းပုံ အခြေခံဥပဒေ ပြင်ဆင်ရေး ခရီးစဉ်ကို ပိုမိုနှောင့်နှေး ကြန့်ကြာစေရန်၊ အချိန်ဆွဲနိုင်ရန် ရည်ရွယ်လျက် ကြားခံအဆင့် တစ်ခုအဖြစ် ပူးပေါင်းကော်မတီကို ဗျူဟာမြောက် ဖွဲ့စည်းခဲ့သည်ဟု သုံးသပ်ကြသည်။ အချို့ကလည်း ဖွဲ့စည်းပုံ အခြေခံဥပဒေ ပြင်ဆင်ရေးကို မစတင်မီ၊ ပြည်လုံးကျွတ် ဆန္ဒခံယူပွဲ ကျင်းပကာ လက်ရှိဖွဲ့စည်းပုံ အခြေခံဥပဒေအပေါ် ပြည်သူလူထု ထောက်ခံမှုစစ်စစ်ကို ဆန်းစစ်လျက်၊ မဲပေးပိုင်ခွင့်ရှိသူ ထက်ဝက်ကျော်၏ ထောက်ခံမှု မရရှိလျှင် ဖွဲ့စည်းပုံ အခြေခံဥပဒေသစ် ပြန်လည်ရေးဆွဲသင့်သည်ဟု သုံးသပ်ကြသည်။ မည်သို့ပင်ဆိုစေကာမူ ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီ၏ အစီရင်ခံစာသည် နိုင်ငံရေး အင်အားစုများ၊ တိုင်းရင်းသား လူမျိုးစုများနှင့် ပြည်သူလူထု အများစုကြီး၏ ဆန္ဒသဘောထားများနှင့် တစ်ထပ်တည်းကျနေရန် အထူးလိုအပ်ပါသည်။ ကော်မတီ၏ အစီရင်ခံစာပါ ဖော်ပြချက်များသည် ပြည်သူလူထု အများစုကြီး၏ ဆန္ဒသဘောထားနှင့် ဆန့်ကျင်နေမည်၊ မျဉ်းပြိုင်သဖွယ် ဖြစ်နေမည်ဆိုလျှင် ကော်မတီဝင် အများစုကို ကိုယ်စားပြုသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် တပ်မတော်တို့အပေါ် ပြည်သူလူထု၏ ထောက်ခံမှုနှင့် အားပေးမှုသည်လည်း ပြိုင်မျဉ်းဖြစ်နေဦးမည်မှာ မလွဲဧကန် ဖြစ်သည်။
 Written by ဒေါက်တာရန်မျိုးသိမ်း
Credit To First-11
Read More »

ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် တအောင်းအမျိုးသား လွတ်မြောက်ရေး တပ်မတော်တို့ ရှမ်းပြည်နယ်မြောက်ပိုင်း မူဆယ်မြို့တွင် ပထမဆုံးအကြိမ် တွေ့ဆုံဆွေးနွေး


ဆွေးနွေးပွဲအပြီး ပြန်လည်ထွက်ခွာလာသော တအောင်းအမျိုးသား လွတ်မြောက်ရေး တပ်မတော်မှ တပ်ဖွဲ့ဝင်များအား ဒေသခံ တအောင်းပလောင် တိုင်းရင်းသားများက နှုတ်ဆက်နေစဉ် (ဓာတ်ပုံ-စိုးထက်ခိုင်)
ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ သမ္မတရုံးဝန်ကြီး ဦးအောင်မင်း ဦးဆောင်သော အဖွဲ့နှင့် တအောင်းအမျိုးသား လွတ်မြောက်ရေး တပ်မတော်မှ ဒုတိယဗိုလ်မှူးကြီး တားဘုန်းကျော် ဦးဆောင်သော အဖွဲ့သည် ဇူလိုင် ၃၁ ရက်က ရှမ်းပြည်နယ်မြောက်ပိုင်း မူဆယ်မြို့တွင် ပြည်နယ်အဆင့် တွေ့ဆုံဆွေးနွေးခဲ့ကြောင်း သတင်းရရှိသည်။
ဆွေးနွေးပွဲသို့ သမ္မတရုံးဝန်ကြီး ဦးအောင်မင်း အပါအ၀င် ၀န်ကြီးများ၊ ရှမ်းပြည်နယ်ဝန်ကြီးချုပ်၊ အရှေ့မြောက်တိုင်း စစ်ဌာနချုပ်တိုင်းမှူး၊ ပြည်သူ့လွှတ်တော် ကိုယ်စားလှယ်များ၊ Myanmar Peace Center မှ တာဝန်ရှိသူများ တက်ရောက်ခဲ့ကြပြီး တအောင်းအမျိုးသား လွတ်မြောက်ရေး တပ်မတော် T.N.L.A ဘက်မှ အထွေထွေအတွင်းရေးမှူး ဒု-ဗိုလ်မှူးကြီး တားဘုန်းကျော် အပါအ၀င် ကိုယ်စားလှယ်ကိုးဦး ပါဝင်ဆွေးနွေးသွားခဲ့သည်။
သမ္မတရုံးဝန်ကြီး ဦးအောင်မင်း အပါအ၀င် အစိုးရဘက်မှ နမ့်ဆမ်မဲဆန္ဒနယ်မြေ ပြည်သူ့လွှတ်တော် ကိုယ်စားလှယ် ဦးမောင်မောင်ဆွေ၊ ပြည်နယ်ဝန်ကြီးချုပ် ဦးစ၀်အောင်မြတ်၊ အရှေ့မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ်အောင်စိုး၊ ပလောင်ကိုယ်ပိုင် အုပ်ချုပ်ခွင့်ရအဖွဲ့ ဥက္ကဋ္ဌ ဦးမောင်ကျော်တို့က အစိုးရကိုယ်စားပြု ဆွေးနွေးကြသည်။
အစိုးရအဖွဲ့ ကိုယ်စားပြု ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ အနေဖြင့် T.N.L.A ထံသို့ အပစ်အခတ် ရပ်စဲရေး၊ ဆက်ဆံရေးရုံး ဖွင့်လှစ်ရေး၊ လက်နက်မကိုင်ဆောင်ဘဲ နယ်မြေအတွင်း တပ်များလွတ်လပ်စွာ သွားလာနိုင်ရေး၊ ပြည်ထောင်စုအဆင့် ဆွေးနွေးပွဲ ကျင်းပနိုင်ရေး ဆွေးနွေးခဲ့သည်။
တအောင်း အမျိုးသားလွတ်မြောက်ရေး တပ်မတော် ကိုယ်စားလှယ်အဖွဲ့မှ ဒု-ဗိုလ်မှူးကြီး တားဘုန်းကျော်က ဆွေးနွေးရာတွင် ၂၀၀၅ ခုနှစ်တွင် နယ်ခြားစောင့် တပ်ဖွဲ့အဖြစ် အသွင်ပြောင်းခဲ့ပြီးနောက်တွင် တစ်မျိုးသားလုံး အဖိနှိပ်ခံရခြင်းကြောင့် လက်နက်ပြန်လည်ကိုင်ဆောင် ခဲ့ရသည်ဟု အကြမ်းဖျင်း ပြောနိုင်ကြောင်း၊ လွတ်လပ်ရေး ရပြီးနောက်တွင် တန်းတူအခွင့်အရေး မရခဲ့ကြောင်း၊ တအောင်း၊ ပလောင်ကပိုပြီး ဖိနှိပ်ခံရကြောင်း၊ ထို့ကြောင့် လက်နက်ကိုင်ပြီး တိုက်ခိုက်ရာတွင် လက်နက်ဖြုတ်သိမ်း ခံရကြောင်း၊ သမ္မတဦးသိန်းစိန် ဦးဆောင်ပြီး ငြိမ်းချမ်းရေးအတွက် ဆောင်ရွက်နေသည်ကို အသိအမှတ် ပြုကြောင်း၊ သို့သော် ထူးခြားမှု မရှိသေးကြောင်း၊ ယခုတက်လာသည့် အစိုးရသည် မိမိတို့၏ ခံစားချက်ကို နားလည်သည်ဟု ယူဆပါကြောင်း ပြောကြားသည်။
၎င်းကပင် ၂၀၁၀ ရွေးကောက်ပွဲအတွက် ပလောင်ကိုယ်ပိုင် အုပ်ချုပ်ခွင့်ရ ဒေသအတွက် နမ့်ဆန်နှင့် မန်တုံနှစ်မြို့တည်းကိုသာ ရရှိခဲ့ကြောင်း၊ အမှန်တကယ်ဆိုလျှင် ၁၃ မြို့နယ် တစ်ဆက်တည်း ရသင့်ကြောင်း၊ လက်နက်မဖြုတ်သိမ်းမီက အစဉ်တစိုက် တောင်းဆိုခဲ့သော်လည်း မရရှိခဲ့ကြောင်း၊ လက်နက်ဖြုတ်သိမ်း ခဲ့ပြီးနောက်တွင် နှစ်မြို့တည်းသာ ရခဲ့ပြီး အမှန်တကယ် သန်းခေါင်စာရင်း ကောက်ခံပါက ဤဒေသအတွင်း ပလောင်လူမျိုး ၁၀ သိန်းခန့် နေထိုင်ကြောင်း၊ လွတ်လပ်ရေး ရရှိစဉ်ကပင် သုံးသိန်းခန့် ရှိခဲ့ကြောင်း၊ ယခုအထိလည်း အစိုးရစာရင်းတွင် နှစ်သိန်း-သုံးသိန်းခန့်သာ ရှိသေးကြောင်း၊ ထို့ကြောင့် နယ်မြေပိုမို ရရှိရေးအတွက် ဆက်လက်တိုက်ပွဲ ၀င်နေရဦးမည်ဖြစ်ကြောင်း ပြောကြားသည်။
T.N.L.A အနေဖြင့် အဖိနှိပ်ခံဘ၀မှ လွတ်မြောက်ရေး၊ ဒီမိုကရေစီနှင့် လူ့အခွင့်အရေး၊ မဟာလူမျိုးကြီး ၀ါဒနှင့် စစ်အာဏာရှင်စနစ် တိုက်ဖျက်ရေး၊ မိမိ၏ကြမ္မာကို မိမိကိုယ်တိုင် ဖန်တီးနိုင်ရေးနှင့် စစ်မှန်သော ဖက်ဒရယ် ပြည်ထောင်စုစနစ် ပေါ်ပေါက်လာရေး စသည့်အချက် ငါးချက်ကို ဦးတည်ချက် ချမှတ်ထားကြောင်းဖြင့် ဒုဗိုလ်မှူးကြီး တားဘုန်းကျော်က ပြောကြားသည်။
တအောင်း အမျိုးသားလွတ်မြောက်ရေး တပ်မတော်မှ ဆွေးနွေးရာတွင် စည်းရုံးရေး လုပ်ငန်းစဉ်များ ပြုလုပ်ရာတွင် အောက်ခြေတပ်များ အချင်းချင်း တိုက်ခိုက်မှုများ ရှိနေကြောင်း၊ ယခုအကြီးတန်း ဆွေးနွေးပွဲသို့ လာရောက်စဉ်ပင် အောက်ခြေတပ်များ ထိပ်တိုက်ရင်ဆိုင်မည့် အခြေအနေများ ဖြစ်ပေါ်ခဲ့ကြောင်း ဆွေးနွေးသည်။
နယ်မြေနှင့် လက်နက်ကိုင်တပ်များအရေး ဆွေးနွေးစဉ် မီဒီယာများအားလုံး ဆွေးနွေးပွဲပြင်ပသို့ ထွက်ခိုင်းခဲ့ပြီး မွန်းလွဲ ၂ နာရီတွင် ဆွေးနွေးပွဲကို ပြန်လည်စတင်ခဲ့သည်။ ဆွေးနွေးပွဲ ပြီးဆုံးသည့်အခါ ပြည်ထောင်စုဝန်ကြီး ဦးအောင်မင်းက မီဒီယာများ၏ မေးမြန်းချက်များကို ဖြေကြားရာတွင် ယနေ့ဆွေးနွေးပွဲတွင် သဘောတူညီချက် တစ်စုံတစ်ရာ မရရှိခဲ့သော်လည်း မကြာမီရက်ပိုင်းအတွင်း ပလောင်ကိုယ်ပိုင်အုပ်ချုပ်ခွင့်ရ ဒေသအတွင်း နောက်ထပ်ဆွေးနွေးမှု ပြုလုပ်သွားမည်ဖြစ်ကြောင်း ပြောကြားသည်။
"အခြေခံ အချက်တွေမှာ သဘောတူညီကြပါတယ်။ လက်မှတ်မထိုးဖြစ်တာက ကျွန်တော်တို့ ဥက္ကဋ္ဌက ခရီးသွားနေတယ်။ နောက်သူတို့ ဦးစီးချုပ် မပါဘူး။ အဲဒါကြောင့် မထိုးနိုင်တာ။ အကုန်လုံးက သဘောတူကြပါတယ်။ နောက်ထပ်တိုက်ပွဲတွေ မဖြစ်အောင်လည်း ဆွေးနွေးပြီးပြီ။ အရင်ကဖြစ်တဲ့ တိုက်ပွဲတွေက သူ့အမှားကိုယ့်အမှား။ ထားလိုက်တော့။ နောက်ထပ်မဖြစ်အောင် ဆက်သွယ်ရေး လမ်းကြောင်းတွေနဲ့ တပ်ချင်းမမှားအောင် ဖုန်းဆက်ပြီး ပြောကြမှာပေါ့။ ငြိမ်းချမ်းရေး ဆွေးနွေးပွဲတွေက တစ်ခါတလေမှာ တိမ်မလိုလိုနဲ့ နက်တယ်။ တစ်နိုင်ငံလုံး အတိုင်းအတာနဲ့ ငြိမ်းချမ်းရေးရအောင် ဆောင်ရွက်မယ်လို့ သမ္မတကြီး ပြောထားတယ်။ သူပြောတဲ့အထဲမှာ ဘယ်အချိန်ဆိုတာ မပါဘူး။ ကျွန်တော်ကတော့ ဇူလိုင်လကုန်မှာ အပြီးလုပ်မယ်လို့ ပြောထားတယ်။ ဒီနေ့ ဇူလိုင်လ ကုန်ပြီ။ တိုင်းရင်းသားတွေနဲ့ ငြိမ်းချမ်းရေး ရအောင်ဆိုရင် စာနဲ့ပြောလို့မရဘူး။ ကိုယ်တိုင်လိုက်ပြောမှ ရမယ်။ အခု ငါးဖွဲ့ပြောပြီးပြီ။ အားလုံးက မူအားဖြင့် သဘောတူတယ်" ဟု ဦးအောင်မင်းက ပြောကြားသည်။
တအောင်း ပလောင်အဖွဲ့မှ ပြောကြားသော ကိုယ်ပိုင်အုပ်ချုပ်ခွင့်ရ နယ်မြေပိုမိုရရှိရေး တောင်းဆိုမှုနှင့် ပတ်သက်ပြီး ဖြေကြားရာတွင် ပြည်ထောင်စုဝန်ကြီးက "ဒါက ဖွဲ့စည်းပုံ အခြေခံဥပဒေနဲ့ပဲ ဆိုင်တယ်။ ကျွန်တော်တို့ သဘောနဲ့ ပေးလို့မရဘူး။ ပြည့်သူ့ဆန္ဒ ခံယူပွဲလုပ်ပြီး ပြည်သူက ပေးပါဆိုရင် ပေးရုံပဲ" ဟု ပြောကြားသည်။
ပြည်ထောင်စု အစိုးရအဖွဲ့ ကိုယ်စားပြု ဆွေးနွေးခဲ့သော အရှေ့မြောက်တိုင်း စစ်ဌာနချုပ်တိုင်းမှူး ဗိုလ်မှူးချုပ်အောင်စိုးက အစိုးရနှင့် ငြိမ်းချမ်းရေး ဆွေးနွေးနေသော်လည်း တိုက်ပွဲများ ဖြစ်နေရခြင်းမှာ အဖွဲ့အစည်း အချို့သည် သဘောတူလက်မှတ် ရေးထိုးထားသည့် အချက်များကို ချိုးဖောက်ပြီး တပ်သားစုဆောင်းခြင်း၊ ဆက်ကြေးကောက်ခံခြင်းများ ရှိနေခြင်းကြောင့် ပြည်သူလူထုကို ကာကွယ်ပေးရာမှ ရင်ဆိုင်တိုက်ပွဲများ ဖြစ်ပေါ်လာရကြောင်း ပြောကြားသွားခဲ့သည်။
အဆိုပါ ပြောကြားချက်နှင့် ပတ်သက်ပြီး တအောင်းလွတ်မြောက်ရေး တပ်မတော်မှ ဒု-ဗိုလ်မှူးကြီး တားဘုန်းကျော်က "ကျွန်တော်တို့ နယ်မြေမှာတော့ အစိုးရတပ်တွေက ကျွန်တော်တို့ စခန်းတွေကို တက်လာလို့ဖြစ်တဲ့ တိုက်ပွဲတွေပါ။ တိုင်းမှူးကလည်း တိုင်းမှူးလုပ်ရမယ့် အလုပ်လုပ်တယ်လို့ ကျွန်တော် မြင်ပါတယ်။ တကယ့် တိုက်ပွဲဖြစ်ရတာက အဲဒါတွေနဲ့ မဆိုင်ဘူးလို့ ကျွန်တော်မြင်ပါတယ်" ဟု ပြောကြားသည်။
Credit To first-11
Read More »

၂၀၁၅ အထိ ဗိုလ်ချုပ်မှူးကြီးသန်းရွှေ အသက်ရှင်နေဖို့ လိုတယ် . . .


ယခုတစ်ပတ်ထုတ် The Messenger Journal အတွဲ (၄)၊  အမှတ် (၁၀) တွင် "၂၀၁၅ အထိ ဗိုလ်ချုပ်မှူးကြီးသန်းရွှေ အသက်ရှင်နေဖို့ လိုတယ်..."  ခေါင်းစဉ်ဖြင့် ဖော်ပြထားသည့်  ဦးမင်းဇင်နှင့် အင်တာဗျူးပါ  အမေးအဖြေ အချို့အား ပြန်လည်ကောက်နုတ် ဖော်ပြအပ်ပါသည်။
မေး  ။  အခုပြောတဲ့ အထဲမှာ ဒေါ်အောင်ဆန်းစုကြည်ရဲ့ ၂၀၁၅ မှာ ဖြစ်လာမယ့် အခန်းကဏ္ဍကို လျှော့ချတဲ့ အနေနဲ့ အခုလို အခြေအနေတွေ ဖြစ်နေတယ်လို့ ယူဆပါတယ်။ အဲဒီတော့ ဒေါ်အောင်ဆန်းစုကြည်ရဲ့ အခန်းကဏ္ဍကို လျှော့ချချင်တဲ့ သူတွေက ဘယ်သူတွေများ ဖြစ်နိုင်မလဲ။
ဖြေ  ။  ပြောဖို့ ခက်တယ်ဗျ။ ကျွန်တော် ဒါနဲ့ပတ်သက်လို့ ဘယ်သူဘယ်ဝါဆိုတာ ပြောရခက်တယ်။ ဒါပေမဲ့ သေချာတာကတော့ ဒါနဲ့ပတ်သက်လို့ မြန်မာပြည် ၂၀၁၅ မှာ တည်ငြိမ်ဖို့ အတွက်ကို ၂၀၁၅ ကို ချောချောမွေ့မွေ့နဲ့ ဖြတ်သန်းဖို့ အတွက်ဆိုရင် အချက်သုံးချက်က ... တကယ်အရေးကြီးဆုံး 'ကြီးသုံးကြီး' လို့ ပြောလို့ရတဲ့ Triangle ပေါ့။ ဒေါ်အောင်ဆန်းစုကြည်ရယ်၊ ဦးသိန်းစိန်ရယ်၊ ဦးရွှေမန်းရယ် သူတို့ရဲ့ ဆက်ဆံရေးက တည်ငြိမ်တဲ့ ဆက်ဆံရေးဖြစ်ဖို့ လိုတယ်။ အဲလို မဟုတ်ဘူးဆိုရင် ၂၀၁၅ ရဲ့ ချောမွေ့မှုဟာ အနှောင့်အယှက် ဖြစ်နိုင်တယ်။ နောက်တစ်ခုက ဒီအပြောင်းအလဲ အကုန်လုံးဟာ ဗိုလ်ချုပ်မှူးကြီးသန်းရွှေ စီစဉ်ဆောင်ရွက်ခဲ့တာ ဖြစ်တဲ့အတွက် ၂၀၁၅ အထိ ဗိုလ်ချုပ်မှူးကြီး အသက်ရှင်နေဖို့ လိုတယ်။ ဘာဖြစ်လို့လဲဆိုတော့ လူတော်တော်များများက သူနေရာ ချထားပေးခဲ့တာ။ ဒီမှာရှိတဲ့ (Hardliners) သဘောထားတင်းမာသူ၊ ပျော့ပြောင်းသူအားလုံးက သူနေရာချပေးခဲ့တာပဲ။ သူစီမံ ခန့်ခွဲခဲ့တာပဲ။ ဒါကြောင့် သူရှိနေသမျှ ကာလပတ်လုံး အဲဒီလူတွေ အကုန်လုံး မထိန်းနိုင် မသိမ်းနိုင် ဖြစ်သွားနိုင်တဲ့ အခြေအနေကို တစုံတစ်ရာ ဟန့်တားနိုင်လိမ့်မယ်။ သူက ဒီ Game ကို ဆက်ကြိုက်နေတယ်ဆိုရင် ဒီလိုမျိုး ဒီအတိုင်း ဆက်ဖြစ်နေဖို့ အလားအလာ ရှိတယ်။
ဒုတိယအချက် ပြောမယ်ဆိုရင် ဗိုလ်ချုပ်မှူးကြီးသန်းရွှေ ကျန်းမာရေး ဆက်ကောင်းနေတာဟာ သူဟာတိုက်ရိုက် မလွှမ်းမိုးရင်တောင်မှ Passive Influence ပေါ့။ သူရှိနေခြင်းအားဖြင့် Passive Influence က အရေးပါတယ်လို့ ကျွန်တော်ထင်တယ်။
တတိယအချက်ကတော့ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က ၂၀၁၅ ခုနှစ်မှာ အနားယူတော့မယ်။ အငြိမ်းစား ယူတော့မယ်။ အငြိမ်းစားယူပြီးရင် အငြိမ်းစား ယူသွားတာက ပိုအဓိပ္ပာယ်ရှိတယ်။ အဲဒီလိုမဟုတ်ဘဲ နိုင်ငံရေးဘက် ကူးလာခဲ့မယ်ဆိုရင် တိုင်းပြည်အတွက် နမူနာကောင်း မဖြစ်နိုင်ဘူးလို့ ကျွန်တော်ထင်တယ်။
သဘောကဗျာ။ ကာကွယ်ရေး ဦးစီးချုပ် လုပ်ပြီးတဲ့သူဟာ ကာကွယ်ရေးဦးစီးချုပ် လုပ်ပြီးရင် သမ္မတ ၀င်လုပ်ချင်တယ်ဆိုတဲ့ဟာက ဖြစ်လာရင် နောက်နောင်မှာ အဲဒီဓလေ့ကြီး ထွန်းကားလာမယ်။ အဲဒီလိုဆိုရင် Revolving door ခေါ်တာပေါ့ဗျာ။ ဆုံလည်တံခါးကြီးလို ဒီအပေါက်ကထွက်ရင် ဟိုအပေါက်က ပြန်ဝင်လာမယ် ဆိုတာမျိုးဖြစ်ရင် တိုင်းပြည်အတွက် မကောင်းဘူး။ အဲဒီသုံးချက်က ၂၀၁၅ အတွက် အရေးပါတယ်။ ပြီးတော့ အဲဒီသုံးချက် တည်ငြိမ်မှုကို နှောင့်ယှက်တာ မှန်သမျှက အစိုးရဘက်ကပဲ ဖြစ်ဖြစ်၊ တပ်မတော်က elements အစိတ်အပိုင်းတွေက ဖြစ်ဖြစ်၊ နောက်ဆုံးဗျာ အတိုက်အခံ ဘက်ကပဲဖြစ်ဖြစ် ဖြစ်မယ်ဆိုရင် အမြော်အမြင် မရှိရာ ရောက်နိုင်ပါတယ်။ ရုတ်တရက်ကြည့်ရင် ကြိုက်တာရှိမယ်။ မကြိုက်တာ ရှိမယ်။ စိတ်ခံစားမှုအရ ထင်မြင်ချက်တွေ ရှိနိုင်ပါတယ်။ သို့သော် အဲဒီအချက် သုံးချက်နဲ့ အနေအထား ချိန်ခွင်လျှာပျက်တာ မကောင်းဘူး။ ကျွန်တော်သိသလောက်ဆိုရင် ...။ ကဲထားပါတော့။
တတိယအချက်ကတော့ ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က ၂၀၁၅ ခုနှစ်မှာ အနားယူတော့မယ်။ အငြိမ်းစား ယူတော့မယ်။ အငြိမ်းစားယူပြီးရင် အငြိမ်းစား ယူသွားတာက ပိုအဓိပ္ပာယ်ရှိတယ်။ အဲဒီလိုမဟုတ်ဘဲ နိုင်ငံရေးဘက် ကူးလာခဲ့မယ်ဆိုရင် တိုင်းပြည်အတွက် နမူနာကောင်း မဖြစ်နိုင်ဘူးလို့ ကျွန်တော်ထင်တယ် . . . . .
မေး ။  ကိုမင်းဇင် ရေးသားတဲ့ Foreign Policy မှာ ဖော်ပြထားတဲ့ ဆောင်းပါး (ဧရာဝတီတွင် မြန်မာဘာသာပြန် ဖော်ပြပြီး) မှာ ဒေါ်အောင်ဆန်းစုကြည်ဟာ ရေပေါ်ဆီနိုင်ငံရေး လိုက်နေတယ် ဆိုတာက ဘာကိုပြောချင်တာလဲ။
ဖြေ ။  သူတို့ (ဧရာဝတီ) ဘာသာပြန်တာက ရေပေါ်ဆီလို့ ပြန်လိုက်တာ။ ကျွန်တော် ပြောချင်တာက Elite ပေါ့။ ထိပ်ပိုင်းပုဂ္ဂိုလ်တွေပဲလုပ်တဲ့ နိုင်ငံရေးကိုပဲ ပိုအားသန်တာကို ပြောတာ။ ဆိုလိုတဲ့ သဘောကတော့ ဒေါ်အောင်ဆန်းစုကြည်နဲ့ ပတ်သက်ရင် ဘ၀င်မကျတာ နှစ်ချက်ပေါ့။ တစ်ချက်ကတော့ ဘာလဲဆိုတော့ ဒေါ်အောင်ဆန်းစုကြည်က နိုင်ငံရေးကို သိပ်ပြီးတော့ Personalize လုပ်တယ်လို့ ကျွန်တော်ထင်တယ်။ ပုဂ္ဂိုလ်ရေးအပေါ် သိပ်အားပြုတယ်။ ဖြစ်သင့်တာက Institution လို့ခေါ်တဲ့ သင်းပင်းဖွဲ့စည်း အဆောက်အအုံ အားကောင်းအောင် လုပ်သင့်တာ။ ဥပမာ- NLD ပါတီပေါ့ဗျာ။ NLD ညီလာခံခေါ်တယ်။ NLD ဥက္ကဋ္ဌကို သူတို့ ၀ိုင်းမဲပေးကြတယ်။ NLD CEC ကို ပွင့်ပွင့်လင်းလင်း ပြောရရင် ဒေါ်အောင်ဆန်းစုကြည် စိတ်တိုင်းကျ ရွေးတာပဲ။ မဲနဲ့ရွေးတာ မဟုတ်ဘူး။ သူက ပြောမှာပေါ့ဗျာ။ လက်ရှိ CEC နဲ့ ညှိနှိုင်းပြီး ရွေးတာလို့။ ဒါပေမဲ့ အခြေခံကျကျ ပြောရရင် သူ့စိတ်ကြိုက် သူရွေးတာပဲ။ ဒါဟာ အဲဒီပါတီ အဖွဲ့အစည်းရဲ့ Institution ကို အားကောင်းဖို့ကို အင်မတန်မှ အဟန့်အတား ဖြစ်စေတယ်။ တစ်ခါ အခုထိ ကျွန်တော်သိရသလောက်ဆိုရင် အဲဒီရွေးထားတဲ့ CEC ကို တာဝန်သတ်သတ်မှတ်မှတ် ပေးတာမျိုး မရှိဘူး။ ဘယ်သူကတော့ ဘာလုပ်၊ ဘယ်သူကဘာလုပ်ဆိုတဲ့ ခွဲပြီးလုပ်တဲ့ Delegation ခေါ်တာပေါ့။ ဒါကလည်း ဒီအဖွဲ့အစည်းတွေရဲ့ အားကောင်းမှုကို အဟန့်အတား ဖြစ်စေတာပဲ။ နောက်တစ်ခါ ဘာဖြစ်လဲဆိုတော့ NLD မှာဆိုရင် လွှတ်တော်ရေးရာ ကော်မတီဆိုတာ ရှိတယ်။ လွှတ်တော်နဲ့ ပတ်သက်ပြီးတော့ လွှတ်တော်အမတ်တွေ ဘာလုပ်သင့်တယ်ဆိုပြီး နောက်ကနေပြီးတော့ Think Tank ခေါ်တာပေါ့။ အကြံပြုပေးတာပါ။ ကျွန်တော်မေးကြည့်တာကတော့ အဲဒီလွှတ်တော်ရေးရာ ကော်မတီက အစည်းအဝေးခေါ်တာ တစ်ကြိမ်မှ မရှိသေးဘူးလို့ သိရတယ်။ အခု NLD လွှတ်တော်ထဲဝင်တာ တော်တော်ကြာပြီ။ အကျိုးဆက်က ရှင်းရှင်းလေးပဲ။ NLD လွှတ်တော်အမတ်တွေ လွှတ်တော်ထဲမှာ ဘာတွေလုပ်နေလဲ။ သူတို့ရဲ့ Voting Record ခေါ်တဲ့ မဲပေးမှတ်တမ်းကို ကြည့်ကြည့်လိုက်။ အာဏာရ ပါတီက တင်လာတဲ့ အဆိုတွေကို ဘယ်နှခေါက် သူတို့ဝေဖန်ဖူးလဲ။ တင်လာသမျှ အမြဲတမ်း ဝေဖန်စရာ မလိုဘူး။ တချို့ကိစ္စကို ကောင်းတာပါရင် လက်ခံပေါ့။ တချို့ကိစ္စတွေက Modified လုပ်ပေါ့။ ပြုပြင်ပြင်ဆင်ပြီးတော့ ဖြည့်စွက်တာ ရှိမယ်။ အချို့ကိစ္စတွေမှာ ဝေဖန်တာ ရှိမယ်။ တချို့ကိစ္စတွေမှာ ကိုယ်ပိုင်တင်တာ ရှိမယ် အချို့ကန့်ကွက်တာ ရှိရမယ်။ ဒါတွေ ဘာသွားတွေ့လဲဆိုတော့ အဖွဲ့စည်းက လူပုဂ္ဂိုလ်ပေါ် သိပ်အားပြုလွန်းတဲ့ အခါကျတော့ အဖွဲ့အစည်းက သူ့နေရာနဲ့သူ အားမကောင်းတော့ဘူး။ ဒါက နံပါတ်တစ် ပြောတာပေါ့နော်။ NLD ပါတီကို ခေါင်းဆောင်တစ်ယောက် အနေနဲ့ Institution အားကောင်းအောင် မလုပ်တာက တိုင်းပြည်အတွက်တော့ ဒီမိုကရေစီကို သွားချင်ရင် နိုင်ငံရေးပါတီက အရေးကြီးဆုံးပဲ။ နိုင်ငံရေး ပါတီရှိမှ တိုင်းပြည်ခေါင်းဆောင်မယ့်သူ ပေါ်မှာကိုး။ လူထုစည်းရုံးရေးက အရေးကြီးသလိုပဲ ခေါင်းဆောင်သစ် မွေးမြူရေး Recruit ပေါ့။ မွေးမြူရေးကလည်း အရေးကြီးတာပဲ။ မနက်ဖြန်၊ သန်ဘက်ခါ ဒေါ်အောင်ဆန်းစုကြည် အစိုးရ ဖွဲ့ရပါပြီတဲ့။ သူ့မှာ အစိုးရဖွဲ့နိုင်တဲ့လူ လုံလုံလောက်လောက် ရှိလားဆိုတဲ့ မေးခွန်းဟာ လူထုကမေးရမှာ၊ သတင်းစာ ဆရာတွေက မေးရမှာ၊ ကျွန်တော်တို့က မေးရမှာ။ ကျွန်တော်တို့နဲ့ ဆိုင်တာကိုး။ မနက်ဖြန် သန်ဘက်ခါ ၂၀၁၅ အတွက် လူတစ်ထောင်ကျော်လောက်ကို ကိုယ်စားလှယ်အဖြစ် ရွေးရပါပြီတဲ့။ NLD မှာ တကယ်ရှိသလား။ ဒါတွေကို ကျွန်တော်တို့က မေးရမယ်။ နံပါတ်တစ်၊ ကျွန်တော် ဘ၀င်မကျတာက အဖွဲ့အစည်းကို Institution အဖြစ်နဲ့ အားကောင်းအောင် မလုပ်ဘဲ လူပုဂ္ဂိုလ်ကို သိပ်အားပြုတာကို ကျွန်တော်မကြိုက်ဘူး။ နံပါတ်နှစ်က ဘာလဲဆိုတော့ နိုင်ငံရေး ရင်ကြားစေ့ရေး Negotiation, Reconcilation လုပ်တယ်။ ရင်ကြားစေ့ရေး ဆွေးနွေးမှုတွေ လုပ်တယ်။ ဦးသိန်းစိန်နဲ့ တွေ့တယ်။ ဦးရွှေမန်းနဲ့ တွေ့တယ်။ တပ်မတော်ခေါင်းဆောင် အချို့နဲ့ သူတွေ့တယ်။ ပထမတစ်ခေါက်၊ နှစ်ခေါက်၊ သုံးခေါက်ကတော့ဗျာ။ နားလည်မှုရအောင်၊ ဆက်ဆံရေး အဆင်ပြေအောင် တွေ့တယ်ပေါ့ဗျာ။ အဲဒီထက်ပို ကြာလာပြီဆိုရင် ဒီတွေ့ဆုံ ဆွေးနွေးမှုတွေမှာ အားလုံးပါဝင် လာနိုင်အောင်လုပ်ပေါ့။ သူက တွေ့ဆုံဆွေးနွေးမှုတွေကို သူတစ်ယောက်တည်းနဲ့ တွေ့နေတဲ့အခါ Binding မဖြစ်ဘူး။ သူမရှိရင် ဘယ်သူဆက်လုပ်မှာလဲ။ ဒါတွေ အကုန်ပျက်သွားမှာပေါ့။ တွေ့ဆုံဆွေးနွေးမှုတွေမှာ နောက်မျိုးဆက်တွေ၊ ၈၈ က လူငယ်တွေ ခေါ်မှာလား၊ ဦးခွန်ထွန်းဦးတို့လို တိုင်းရင်းသား ခေါင်းဆောင်တွေကို ခေါ်မှာလား။ ဒီတော့ တွေ့ဆုံဆွေးနွေးမှုတွေကို Presonalize လိုက်လုပ်နေရာကနေ Institutionalize လုပ်ရမယ်။ ဒါမှ ဒီတွေ့ဆုံဆွေးနွေးမှုတွေက သူမရှိလည်း ဆက်သွားနေမှာပေါ့။ အခုဟာက ကျွန်တော်သိသလောက်က ဦးသိန်းစိန့်ပဲ တွေ့တွေ့၊ ဦးရွှေမန်းနဲ့ပဲ တွေ့တွေ့ NLD ဥက္ကဋ္ဌက တွေ့တာလား ဒေါ်အောင်ဆန်းစုကြည်က တွေ့တာလားတောင် သိပ်မကွဲဘူး။ အဲဒါဆိုရင်တော့ တိုင်းပြည်အမျိုးသား ရင်ကြားစေ့ရေးအတွက် ကျယ်ပြန့်မှု အားနည်းမှာပဲ။ အားနည်းရင်တော့လည်း အဖြေတွေက ကျယ်ကျယ်ပြန့်ပြန့် အကျိုးရှိမှာ မဟုတ်ဘူး။ ဒါကြောင့်မို့ ကျွန်တော်အမြဲတမ်း ထောက်ပြခဲ့တယ်။ ဒေါ်အောင်ဆန်းစုကြည် သမ္မတဖြစ်ရုံမကလို့ စကြ၀တေးမင်း ဖြစ်ရင်တောင်မှ Institution တွေ အားမကောင်းရင် တိုင်းပြည်ဘာမှဖြစ်မှာ မဟုတ်ဘူး။
မေး ။  ကြားဖြတ်ရွေးကောက်ပွဲ အပြီးမှာ ၈၈ နဲ့ ဒေါ်အောင်ဆန်းစုကြည်ရဲ့ ဆက်ဆံရေးက အရင်ကထက် ပိုဝေးကွာသွားတယ် ထင်တယ်။ ကိုမင်းဇင်ဘယ်လို သုံးသပ်ထားပါသလဲ။
ဖြေ ။    သူတို့တွေ ဘယ်နှကြိမ် တွေ့တယ်ဆိုတာကတော့ ကျွန်တော်မသိဘူး။ သေချာတာကတော့ ဒေါ်အောင်ဆန်းစုကြည် အနေနဲ့ NLD အင်စတီကျူးရှင်း အနေနဲ့ အားကောင်းအောင် မျိုးဆက်လက်ဆင့် ကမ်းချင်တယ်ဆိုရင် ၈၈ လူငယ်တွေက အလားအလာကောင်းတဲ့ အင်အားစုအဖြစ် အသိအမှတ်ပြုတာ ပိုကောင်းမယ် ထင်တယ်။ ဒါဆိုရင်တော့ တိုင်းပြည်အတွက် ကျွန်တော်ထင်ပါတယ်။ ကောင်းတဲ့လက္ခဏာ တစ်ခုပါ။ ၈၈ ဆိုပေမယ့် ၉၆ တို့ ၉၈ တို့ အများကြီး ရှိပါသေးတယ်။ အချို့ဆို သတင်းစာလောကမှာ ရှိတယ်။ အချို့ဆိုလည်း ပညာရှင်တွေ၊ NGO တွေ လုပ်နေကြတာလည်း ရှိတယ်။ နိုင်ငံရေး ပါတီတစ်ခုက လူထုစည်းရုံးရေးတင် မဟုတ်ဘူး။ အနာဂတ်အတွက် ခေါင်းဆောင်တွေကို မွေးပေးရမယ်၊ တည်ဆောက်ပေးရမယ်။ ခုနက စကားကို ပြန်ကောက်ရရင် ၈၈ မှာ ရွေးစရာက ဒေါ်အောင်ဆန်းစုကြည်နဲ့ လက်တွဲပြီး NLD ပါတီဝင်မလား။ အဲဒီလို ၀င်မယ်ဆိုရင်တော့ သူတို့ချင်း စေ့စပ်ဆွေးနွေးရမယ်။ ဘယ်လိုပုံစံမျိုးနဲ့ ၀င်ရမှာလဲ၊ ဒေါ်အောင်ဆန်းစုကြည်က တစ်ယောက်ချင်း ခေါ်ချင်တာလား၊ တစ်စုတစ်ဖွဲ့လုံး ခေါ်ချင်တာလား။ ဒါကတော့ အသေးစိတ် သူတို့အပြန်အလှန် စေ့စပ်ရမယ့်အပိုင်း ဖြစ်မှာပေါ့။ အဲဒီလိုဆိုရင် ကောင်းတဲ့လက္ခဏာပေါ့။ အဲဒီလို မဟုတ်ဘူးဆိုရင် ၈၈ မှာ နိုင်ငံရေး လုပ်ချင်တဲ့ လူတွေက တစ်စုတည်းလည်း ဖြစ်ချင်ဖြစ်၊ သိသိသာသာ ကွဲပြီးတော့ ဖြစ်ဖြစ်ပေါ့။ နိုင်ငံရေးပါတီ ပေါ်လာဖို့ ရှိတယ်။
မေး ။  ၈၈ တွေနဲ့ သီးခြားနိုင်ငံရေး ပါတီတစ်ခု အနေနဲ့ မြတ်မယ်ဆိုရင် ၂၀၁၅ မှာ ဘယ်လို အခြေအနေမျိုး ရှိနိုင်မလဲ။
ဖြေ ။  ခုနက ကျွန်တော်ပြောသလိုပေါ့။ ၂၀၁၅ ကို သူတို့က တက်ကုန်ရွက်ကုန်ဖွင့်ပြီး ပြိုင်မှာလား။ ဒါမှမဟုတ် ၂၀၁၅ မှာ ပါတီတစ်ခု အနေနဲ့ ရပ်တည်လို့ ရရုံ၊ သူတို့မူဝါဒတွေကို လူထုသိအောင် ရှင်းပြလို့ရရုံ ပြိုင်မှာလား။ အဲဒီနှစ်ခုက သူတို့အတွက် အဓိက ရွေးရမှာ။ တက်ကုန်ရွက်ကုန် ပြိုင်မယ်ဆိုရင် သူတို့မှာ resource အရင်းအမြစ် ရှိလား၊ လူအရင်းအမြစ်ကော၊ ဘဏ္ဍာရေး အရင်းအမြစ်ကော ရှိလား၊ အများကြီး ပြင်ရတာပေါ့။ အဲဒီလို မရှိဘူးဆိုရင်၊ ရှိတယ်ဆိုရင်လည်း သူတို့ထိပ်တိုက် တွေ့ရမှာလို့ NLD ပဲ။ ပြည်သူလူထုကတော့ NLD ကို ဘာပဲပြောပြော ကြိုက်တယ်၊ သဘောကျတယ်။ ဒေါ်အောင်ဆန်းစုကြည်ကို လေးစားတယ်။ ချစ်ခင်တယ်။ ဒီသဘောနဲ့ NLD ကို ထောက်ခံမှာပဲ။ တစ်ဖက်က ၈၈ တွေ ပေါ်လာရင်လည်း မြို့နယ်အသီးသီးမှာ ခုနကပြောတဲ့ အားပြိုင်စရာတွေ ဖြစ်လာမှာပေါ့။
ကိုယ်ရေးအကျဉ်း
မင်းဇင်သည် The Foreign Policy မဂ္ဂဇင်း၏ အသွင်ကူးပြောင်းရေးဆိုင်ရာကဏ္ဍ (Transition Blog) တွင် ပုံမှန်ရေးသားနေသူ တစ်ဦးဖြစ်သည်။ ၎င်းသည် Freedom House အဖွဲ့အပါအ၀င် မြန်မာနိုင်ငံအကြောင်း လေ့လာသုတေသန ပြုနေသော သုတေသန ဖောင်ဒေးရှင်း များစွာတွင်လည်း သုတေသန ပညာရှင်အဖြစ် ပါဝင်ဆောင်ရွက်လျက် ရှိသည်။ ၈၈ အရေးအခင်းတွင် အထက်တန်း ကျောင်းသားအဖြစ် ပါဝင်လှုပ်ရှားခဲ့ပြီး ဖမ်းဆီးခံရခြင်းမှ ရှောင်ရှားနိုင်ရန် ၁၉၈၉ တွင် မြေအောက်လှုပ်ရှားမှု လုပ်ငန်းများဘက် ရောက်ခဲ့သည်။ မြေအောက်လှုပ်ရှားမှု စာရေးသူအဖြစ် ကိုးနှစ်ကြာ ရပ်တည်ခဲ့သည်။ ၁၉၉၇ သြဂုတ်လတွင် ထိုင်း-မြန်မာ နယ်စပ်သို့ ကူးပြောင်းခိုလှုံခဲ့သည်။ မင်းဇင်၏ စာများသည် The Foreign Policy, The Irrawaddy, The Bangkok, Far Eastern Economic Review, Wall Street Journal အပါအ၀င် နိုင်ငံတကာ သတင်းဂျာနယ်များတွင် ပါဝင်ခဲ့သည်။ မင်းဇင်သည် ယခုအခါ ဘာကလီကယ်လီဖိုးနီးယား တက္ကသိုလ်တွင် နိုင်ငံရေး သိပ္ပံဘာသာရပ်ဖြင့် ပါရဂူဘွဲ့ ယူနိုင်ရန် လေ့လာဆည်းပူးလျက် ရှိသည်။
Credit To First-11
Read More »

ဆိုးရွားလာပြီဖြစ်သော ယာဉ်မတော်တဆမှုများ (သို့မဟုတ်) ကမ္ဘာ့ အကြီးမားဆုံးလူသတ်သမားကြီး




မော်တော်ယာဉ်တစ်စီး သည် အခြားယာဉ်ကို သော်လည်း ကောင်း၊လူကိုသော်လည်းကောင်း၊ တိရစ္ဆာန်ကိုသော်လည်းကောင်း၊ သစ်ပင်၊ ဓာတ်မီးတိုင်ကဲ့သို့သော အရာများကို သော်လည်းကောင်း တိုက်မိခြင်းကို ယာဉ်မတော်တဆဖြစ်မှုဟုခေါ်သည်။ ယာဉ် မတော်တဆဖြစ်မှုကြောင့် ယာဉ် ပျက်စီးခြင်း၊ထိခိုက်ဒဏ်ရာရခြင်း၊ ပစ္စည်းများပျက်စီးခြင်း၊ အသက်
ဆုံးရှုံးခြင်းတို့ ဖြစ်နိုင်သည်။

အခေါ်အဝေါ်အမျိုးမျိုး

ယာဉ်မတော်တဆဖြစ် ခြင်း (Car Accident)ကို နိုင်ငံ အလိုက် အမျိုးမျိုးခေါ်ဝေါ်ကြသည်။ raffic Collision, Traffic Accident, Vehicle Accident,Road Traffic Col- lision စသည်ဖြင့် ခေါ်ကြသလို အမေရိကန်တွင် 'Wreck' ဟု လည်းကောင်း၊ သြစတြေးလျနိုင်ငံတွင် 'Car Smash' ဟုလည်းကောင်း သုံးနှုန်းကြသည်။ ကမ္ဘာ့ကျန်းမာရေးအဖွဲ့WHO ကမူ Road Traffic ဟု သုံးနှုန်းသည်။ ထို့ပြင် ဖြစ်ပွားပုံကို အခြေခံ၍လည်း အမျိုးအစားခွဲခြားထားရာ ခေါင်းချင်းဆိုင်တိုက်ခြင်း(Head- On)၊ လမ်းချော်ခြင်း (Road Departure)၊ နောက်ဘက်မှတိုက်ခြင်း
(Rear- End) နှင့်ဘေးဘက်တိုက်ခြင်း (Side Collision) နှင့်တစ်ပက်လည်မှောက် ခြင်း (Rollovers) တို့ဖြစ်သည်။

မတော်တဆဖြစ်စေသော အကြောင်းရင်းများ

ယာဉ်မတော်တဆဖြစ်စေသော အကြောင်းရင်းများစွာ အနက် အများဆုံးဖြစ်စေသော အကြောင်းရင်းများမှာ ယာဉ်ဒီဇိုင်း(Vehicle Design)၊ အမြန်နှုန်း၊ လမ်းဒီဇိုင်း၊ လမ်းပတ်ဝန်း ကျင်၊ယာဉ်မောင်းသူ၏ ကျွမ်း ကျင်မှုနှင့် ယာဉ်မောင်းသူ၏ အပြုအမူတို့ကြောင့်ဖြစ်သည်။ ကမ္ဘာတစ်ဝန်းလုံးတွင် ယာဉ် မတော်တဆဖြစ်မှုကြောင့် အသက်ဆုံးရှုံးမှုများ၊ ထိခိုက်ဒဏ်ရာ ရမှုများအပြင် ငွေကြေးများစွာ ဆုံးရှုံး နစ်နာနေရသည်။
ကမ္ဘာ့ပထမဆုံး ယာဉ်မတော်တဆ ကြောင့် သေဆုံးမှု

ကမ္ဘာ့ပထမဆုံးယာဉ်မတော် တဆဖြစ်မှုကြောင့် သေဆုံးခဲ့ရ သူမှာ အိုင်းရစ်သိပ္ပံပညာရှင်ကြီး မာရီဝက်ဒ်(Mary Ward) ဖြစ် ပြီး ၁၈၆၉ ခုနှစ်၊ သြဂုတ်လ ၃၁ ရက်နေ့တွင်ရေနွေး ငွေ့သုံးကား ကို စမ်းသပ်ရင်းကား ကြိတ်ခံရ ခြင်းဖြစ်သည်။

လမ်းဒီဇိုင်းကြောင့် မတော်တဆဖြစ်မှု

၁၉၈၅ ခုနှစ်တွင် ပြုလုပ် သော အမေရိကန်နိုင်ငံ၏ လေ့လာချက်တစ်ခုအရ ယာဉ်မတော်တဆဖြစ်မှု၏ ၃၄ ရာခိုင်နှုန်းခန့်သည် ကားလမ်း (သို့) လမ်းပတ် ဝန်းကျင် အနေအထားများ ကြောင့်ဟုဆိုသည်။ ကောင်းမွန် စွာပြုလုပ်ထားသော လမ်းဆုံ များ၊လမ်းမများ၊ထင်သာ မြင် သာရှိပြီး မှန်ကန်သောယာဉ် အချက်ပြပစ္စည်းများ စသည်တို့ သည် ယာဉ်မတော်တဆဖြစ်မှု ကို လျော့နည်းစေသည်ဟုလည်း သုတေသနတစ်ခုကဆိုသည်။

အင်္ဂလန်နိုင်ငံ၏ သုတေသန တစ်ခုတွင် ဘေးကင်းလုံခြုံသော လမ်းစီမံကိန်းအတွက် ရင်းနှီး မြှုပ်နှံမှုကြောင့် ယာဉ်မတော် တဆဖြစ်မှုကြောင့် သေဆုံးသူ သုံးပုံတစ်ပုံအထိ လျော့နည်းခဲ့
ကြောင်းဖော်ပြခဲ့သည်။ ဗြိတိန် တွင် ကုမ္ပဏီ ၁၃ခု ပူးပေါင်း ပါဝင်သော Campaign for Safe Road Design လှုပ်ရှားရေးအဖွဲ့ကို ဖွဲ့စည်းထားပြီး အစိုးရကို ယာဉ်လမ်းကြောင်း ဘေးကင်းစေရေးအတွက် အကြံပြုဝေဖန် ထောက်ပြသည်များရှိသည်။

ကမ္ဘာ့ယာဉ် မတော်တဆဖြစ်မှုများ

ကမ္ဘာ့ကျန်းမာရေးအဖွဲ့ကြီး WHO ၏ စာရင်းများအရ ၂ဝ၁ဝ ခုနှစ်တွင် ကမ္ဘာပေါ်၌ယာဉ်မတော် တဆဖြစ်မှုကြောင့် လူပေါင်း ၁ဒသမ ၂၄ သန်းကျော်သေဆုံးခဲ့ရပြီး ၂ဝဝဝ ခုနှစ်တွင် မူ
၁ဒသမ ၂၆ သန်းကျော် သေဆုံးခဲ့ရသည်။ သေဆုံးသူတစ် ဝက်ခန့်မှာလမ်းလျှောက်သူများ၊ စက်ဘီးစီးသူများ၊ ဆိုင်ကယ်စီးသူများဖြစ်ကြသည်။ သေဆုံးသူများ၏ ၅၉ရာခိုင်နှုန်းမှာ
အသက် ၁၅ နှစ်နှင့် ၄၄ နှစ်ကြား လူငယ်လူရွယ်များဖြစ်ကြပြီး သေဆုံးသူ ၄ဦးအနက် ၃ ဦးမှာ အမျိုးသားများဖြစ်ကြသည်။

လူတစ်သိန်းလျှင် ၁၈ ယောက်နှုန်း ဖြစ်ပြီး သေဆုံးသူ အများစုမှာ အရှေ့တောင်အာရှနှင့် အာဖရိ ကနိုင်ငံများရှိ ဝင်ငွေနည်းသူ များနှင့် ဝင်ငွေအသင့်အတင့် ရှိသူများဖြစ်ကြပြီး ၉၂ရာခိုင် နှုန်း ကျော်ရှိသည်ဟု ဆိုထားသည်။

၂ဝ၁၃ခုနှစ်၊ ဇူလိုင်လ ၂၃ ရက်နေ့ထုတ် အိန္ဒိယနိုင်ငံ၏ သတင်းစာကြီးဖြစ်သော Hindustan Times သတင်းစာအရ အိန္ဒိယနိုင်ငံတွင် ၃ မိနစ်နှင့် ၇ စက္ကန့်တိုင်း လူတစ်ဦးကျ ယာဉ်
မတော်တဆဖြစ်မှုကြောင့် သေ နေကြကြောင်းဖော်ပြထားသည်။ ၂ဝ၁၁ ခုနှစ်တွင် အိန္ဒိယနိုင်ငံ၌ ယာဉ်တိုက်မှုပေါင်း ၅ သိန်းနီး ပါးဖြစ်ပွားခဲ့ကြောင်း ဖော်ပြ ထားသည်။

ကမ္ဘာ့အကြီးမားဆုံး လူသတ်သမား ကြီး

ကမ္ဘာ့လမ်းအဖွဲ့ကြီးတစ်ခုဖြစ်သော Compaign for Global Road Safty အဖွဲ့ကြီး က စဉ်ဆက်မပြတ် သယ်ယူပို့ ဆောင်ရေးနှင့်ယာဉ်လမ်းကြောင်း များ ဘေးကင်းစေ ရေးအတွက် ပူးပေါင်းဆောင်ရွက် လုပ်ကိုင် ကြရန် ကမ္ဘာ့ခေါင်းဆောင် ကြီးများကို တိုက်တွန်းနှိုးဆော်ခဲ့သည်။ ယခုအခါနေ့စဉ် လူပေါင်း ၃၅ဝဝ ခန့် ယာဉ်တိုက်မှု ကြောင့် သေနေကြရပြီး နှစ်စဉ်
လူပေါင်းသန်း ၅ဝနီးပါး ထိခိုက် ဒဏ်ရာရဆုံးကြရကြောင်း ဖော်ပြထားသည်။ ယခုအခါ ယာဉ်လမ်းများသည် ၁ဝ နှစ် အထက် လူငယ်လူရွယ်များကို အကြီးမားဆုံးသတ်ဖြတ်နေသူ Biggest Killer of Young People ဖြစ်ကြောင်းလည်း ၂ဝ၁၂ ခုနှစ်ထုတ် အစီရင်ခံစာ တွင် ဖော်ပြထားသည်။

အမေရိကန် အမျိုးသား ဘေးကင်းရေးကောင်စီ (National Safety Council) က လည်း ယာဉ်မတော်တဆဖြစ်မှု ကြောင့် ၂ဝ၁၂ခုနှစ်တွင် ဒေါ် လာသန်းပေါင်း ၂၅ဝ ဘီလျံ ကျော် ဆုံးရှုံးခဲ့ရကြောင်း ထုတ်ပြန်ခဲ့သည်။

အလင်းဆက် (IR)

(လမ်းပန်းဆက်သွယ်ရေးနှင့် အန္တရာယ်ကင်းစင်ရေးအထူးပြုအချပ်ပိုမှ)

Credit To Popular Journal
Read More »

ဂျပန် ဓာတ်ပုံသတင်းထောက် မစ္စတာ UDA Yuzo နှင့် တွေ့ဆုံခြင်း


(ဉာဏ်မျိုးအောင်)

မြန်မာနိုင်ငံတစ်ဝန်းရှိ တိုင်းရင်းသားလူမျိုး တို့၏ ရိုးရာဓလေ့၊ ပြုမူနေထိုင်ပုံနှင့် မြန်မာနိုင်ငံရေး အပြောင်းအလဲတို့ကို နှစ်ပေါင်း ၂၀ ခန့် မှတ်တမ်းတင် ဓာတ်ပုံရိုက်ကူးခဲ့သော ဂျပန် ဓာတ်ပုံသတင်းထောက် မစ္စတာ UDA Yuzo နှင့် တွေ့ဆုံမေးမြန်းထားသည်များမှ ကောက်နုတ် ဖော်ပြအပ်ပါသည်။

Voice : မြန်မာနိုင်ငံမှာ ဓာတ်ပုံစပြီး လာရိုက်ဖြစ်တာ ဘယ်တုန်းလောက်ကလဲ။

Yuzo : မြန်မာနိုင်ငံမှာ ၁၉၉၃ ခုနှစ်ကတည်းက ဓာတ်ပုံစရိုက်တာပါ။ ဓာတ်ပုံ စရိုက်တုန်းကတော့ အာဖရိကဘက်က နီကာရာဂွာ၊ ဂွာတီမာလာလို နိုင်ငံတွေမှာ စရိုက်ခဲ့တယ်။ ဓာတ်ပုံစရိုက်တုန်းက ဆိုရင် ပဋိပက္ခနဲ့ ပတ်သက်တာတွေကို ကောင်းကောင်း မရိုက်တတ်ဘူး။ အဲဒီနိုင်ငံတွေမှာ ပဋိပက္ခတွေ အများကြီး ဖြစ်တယ်။ ဓာတ်ပုံ သတင်းထောက် တွေကလည်း အများကြီး ပေါ့ဗျာ။ အဲဒီတုန်းက ကျွန်တော်က သိပ်မဝင်ဆံ့သေးဘူးဗျ။ ဒါက ပြဿနာပဲလေ။ ကျွန်တော် အာရုံဝင်စားတာက စစ်အစိုးရ လက်အောက်က ပြည်သူတွေပါပဲ။ အဲဒီထဲမှာ တိုင်းရင်းသား လူမျိုးစုတွေလည်း ပါတယ်လေ။ ၁၉၉၂-၁၉၉၆ ခုနှစ်မှာတော့ စစ်အစိုးရ နိဂုံးချုပ်သွားတယ်။ အဲဒီအချိန်မှာ ဂျပန်ကို ပြန်သွားတယ်။ အရှေ့တောင်အာရှ နိုင်ငံတွေထဲက စစ်အစိုးရ အုပ်ချုပ်တဲ့ နိုင်ငံတွေကို ပြန်ကြည့်တယ်။ ဒီလိုနဲ့ပဲ ၁၉၉၃ ခုနှစ်မှာ မြန်မာနိုင်ငံကို ဒီမှာလာရိုက်ဖြစ်ခဲ့တယ်။

Voice : ဘယ်လိုဓာတ်ပုံမျိုးတွေ ဒီမှာလာရိုက်ဖြစ်ခဲ့တာလဲ။

Yuzo : အားလုံးပါပဲ။ ပဋိပက္ခဓာတ်ပုံတွေ တင်မကဘူး။ စစ်အစိုးရ လက်အောက်မှာ လူတွေဘယ်လို နေထိုင်ကြလဲဆိုတဲ့ ပုံတွေပါရိုက်တယ်။ ဒီပုံကို ကြည့်ကြည့်စမ်းပါ။ ၂၀၀၃ ခုနှစ်မှာ အခွင့်အလမ်းကြီးတစ်ခု ကြုံခဲ့ရတယ်။ ဒီပဲယင်း အရေးအခင်းတုန်းကပုံလေ။ အဲဒီအရေးအခင်း ပြီးတော့ စုကြည် (ဒေါ်အောင်ဆန်းစုကြည်) ကို စမ်းချောင်းမှာ ဆေးရုံတင်ခဲ့ရတယ်။ NLD လူငယ်တွေက လမ်းပေါ်မှာ စုရုံးကြတယ်။
သူတို့က စုကြည်ကို သိပ်ချစ်ကြတယ်။ အစိုးရဘက်က ဘယ်လိုတုံ့ပြန်မယ် ဆိုတာကို သူတို့မစိုးရိမ်ကြဘူး။ အဲဒီတုန်းက ကျွန်တော် ဓာတ်ပုံရိုက်ထားတယ်။ စစ်အစိုးရလက်အောက်မှာ လူတွေရဲ့ဘဝက ဘယ်လိုဆိုတာကို။

Voice : မြန်မာနိုင်ငံမှာ ဓာတ်ပုံလာရိုက်တဲ့ အချိန်က ဘယ်လိုစိုးရိမ်မှုမျိုးတွေ ရှိလဲ။

Yuzo : ကျွန်တော်စိုးရိမ်တာက ဒီနိုင်ငံက ဒေသခံတွေရဲ့ လုံခြုံမှုအတွက်ပါပဲ။ ကျွန်တော်ကတော့ နိုင်ငံခြားသားလေ။ ရဲကဖမ်းရင်လည်း ကျွန်တော့်နိုင်ငံပဲ ပြန်ပို့မှာပဲ။ အဓိက စိုးရိမ်ရမှာက ဒေသခံတွေပါပဲ။ အစိုးရဘက်က အာရုံစိုက်တာကလည်း ဒေသခံတွေကိုပါ။

Voice : ဒါပေမဲ့ ၂၀၀၇ ခုနှစ်က ဂျပန်သတင်းထောက် တစ်ယောက် သေနတ်ပစ်ခံရတယ်လေ။ အဲဒီလိုမျိုးရှိထားတော့ တစ်စုံတစ်ရာ စိုးရိမ်စိတ်ကော မရှိဘူးလား။

Yuzo : သူက မြန်မာနိုင်ငံကို ပထမဆုံးအကြိမ် ရောက်တာလေ။ မြန်မာနိုင်ငံမှာ ဘယ်လို သတင်းယူရတယ် ဆိုတာကို သူမသိဘူး။ ထိုင်းနိုင်ငံ ဘန်ကောက်နဲ့ ဖိလစ်ပိုင်နိုင်ငံက အကြီးဆုံး မြို့ကြီးတွေသွားရင် မော်တော်ဆိုင်ကယ်တွေ အများကြီးရှိတယ်။ ရန်ကုန်မှာလည်း မော်တော်ဆိုင်ကယ်ရှိတယ် ဆိုပါစို့။ တစ်စုံတစ်ယောက်က ကျွန်တော့်နောက်ကနေ ဆိုင်ကယ်စီးလာမယ်။ ကျွန်တော့်ဆီ တည့်တည့်စီးလာမယ်။ ဒါပေမဲ့ သူမသိဘူး။ ဘာလို့လဲဆိုတော့ သူ့မှာအတွေ့အကြုံ မရှိဘူး။ သူက ဖြစ်နေတဲ့သတင်းကိုပဲ ယူဖို့ ကြိုးစားနေတယ်။ ကျွန်တော်ကတော့ လူတွေထဲမှာ ထဲထဲဝင်ဝင်သွားဖို့ ကြိုးစားတယ်။ မြန်မာနိုင်ငံက ဘယ်လိုလဲဆိုတာကို တင်ပြဖို့ ကြိုးစားတယ်။

Voice : မြန်မာနိုင်ငံထဲမှာ ဘယ်ဒေသတွေကို သွားခဲ့ဖူးလဲဗျ။

Yuzo : တိုင်းခုနှစ်ခု၊ ပြည်နယ်ခုနှစ်ခု အနှံ့သွားတဲ့ ပထမဆုံး နိုင်ငံခြားသားပါဗျာ။ မြန်မာနိုင်ငံ မြောက်ပိုင်းက ပူတာအိုမှာဆို လေးပတ်အလုပ် လုပ်ခဲ့တယ်။ ရွာငယ်လေးတစ်ခု ရှိတယ်။ အဲဒီမှာ (ထရုံ) လူမျိုးတွေ နေကြတယ်။ သူတို့တွေက သေးသေးညှပ်ညှပ် အရပ်ပုပုလေးရယ်။ ကော့သောင်း ဘက်လည်း ရောက်တယ်။ တိုင်းနဲ့ပြည်နယ် ၁၄ ခုလုံး ရောက်ဖူးတယ်။

Voice : ဒီပုံတွေကို ဘယ်မှာသုံးလဲဗျ။

Yuzo : အများစုကို ဂျပန်သတင်းစာတွေနဲ့ မဂ္ဂဇင်းတွေမှာ သုံးတယ်။ ပြည်ပရောက် မြန်မာမီဒီယာတွေထဲက ဆိုရင် မဇ္ဈိမ၊ ဒီမိုကရက်တစ် မြန်မာ့အသံ (DVB) တွေမှာ သုံးတယ်။

Voice : မြန်မာနိုင်ငံမှာ ဓာတ်ပုံရိုက်ရတာ၊ အရင်အစိုးရနဲ့ အခုအစိုးရ လက်ထက်မှာ ဘာတွေကွာခြားမှုရှိလဲ။

Yuzo : နိုင်ငံရေးတော့ မပြောတတ်ပါဘူး။ ဒီအပြောင်းအလဲ ကိုလည်း မပြောတတ်ပါဘူး။ ဘယ်သူမှလဲ မျှော်လင့်မထားဘူးလေ။ ပြီးခဲ့တဲ့နှစ်အထိတော့ နောက်ပြန်လှည့်သွားနိုင်တယ်လို့ ထင်ခဲ့ တယ်။ အခုတော့ မထင်တော့ပါဘူး။ ဒါကို အားလုံးကလည်း ယုံကြည်တယ်။

Voice : ကျွန်တော် သိချင်တာက အရင်အစိုးရနဲ့ အခုအစိုးရလက်ထက်မှာ ခင်ဗျားတွေ့ကြုံရတဲ့ အတွေ့အကြုံကိုပါ။

Yuzo : ကျွန်တော်ကတော့ မြန်မာ ပြည်သူတွေကို အာရုံစိုက်တယ်။ သူတို့က သိပ်အပြောင်းအလဲ မရှိဘူး။ ဒါက ပြဿနာပဲလေ။ သူတို့က လူကြီးကိုပဲ အမြဲမျှော်ကြည့်နေရတယ်။ အမိန့်ကိုနာခံရတယ်။ အပြောင်းအလဲက ကမ္ဘောဒီးယားနဲ့ ဖိလစ်ပိုင်နိုင်ငံတွေနဲ့ မတူဘူး။ ဟိုမှာက လူမှုအဖွဲ့အစည်းတိုင်း၊ ကဏ္ဍအသီးသီးတိုင်းက ပြောင်းလဲနေတယ်။ မြန်မာနိုင်ငံမှာလည်း ပြောင်းတော့ ပြောင်းနေတာပါပဲ။ ဒါပေမဲ့လူတွေ ပြောင်းလဲအောင် ဘယ်လိုချိတ်ဆက်မလဲ။ ဘယ်လို ပေါင်းကူးဆက်သွယ်မလဲ ဆိုတာတော့ ပြဿနာတစ်ခုပဲလေ။ ပြောင်းတော့ပြောင်းနေတာပဲ၊ ဘယ်ကို ဦးတည်လဲ ဆိုတာတော့ မပြောတတ်ပါဘူး။

Voice : ဒါနဲ့ မြန်မာဓာတ်ပုံ သတင်းထောက်တွေကိုကော ဘယ်လိုမြင်မိလဲ။

Yuzo : သူတို့က နိုင်ငံခြား သတင်းထောက်တွေနည်းတူ သတင်းဓာတ်ပုံ ယူချင်ကြတယ်။ ကျွန်တော်ကတော့ မြန်မာလူမျိုးတွေရဲ့ပုံကို ဖန်တီးပုံဖော်ချင်တယ်။ ကျွန်တော်ကတော့ မြန်မာနိုင်ငံဆိုတာ ဘာလဲ၊ မြန်မာမီဒီယာဘာလဲ ဆိုတာကို သိချင်တယ်။ ပြဿနာက နိုင်ငံခြား သတင်းထောက်တွေ ကလည်း သူမ (ဒေါ်အောင်ဆန်းစုကြည်) ပုံပဲ ရိုက်တယ်။ ဒေသခံ သတင်းထောက်တွေကလည်း သူမပုံပဲ အာရုံစိုက်တယ်။ ကျွန်တော်ကတော့ နက်နက်ရှိုင်းရှိုင်းခွဲခြမ်း စိတ်ဖြာတာမျိုးတွေ လုပ်စေချင်တယ်။
ကျွန်တော်တို့ နိုင်ငံခြား သတင်းထောက်တွေမသိဘဲ ခင်ဗျားတို့ဒေသခံတွေပဲ သိနိုင် တာမျိုးတွေ ရှိတယ်။ ကျွန်တော်ရွာငယ်လေးတွေ ရောက်တော့ တချို့အလှူခံတွေ တွေ့ရတယ်။ ဆေးရုံတွေ၊ ကျောင်းတွေ ဆောက်ဖို့ သူတို့မှာ ငွေမရှိဘူး။ ဒါပေမဲ့ ဘုရားတွေ၊ ကျောင်းကန်တွေကတော့ ပေါတယ်။ ဘာကြောင့်များ စာသင်ကျောင်းဆောက်ဖို့ သူတို့တွေ မသုံးကြတာလဲဗျာ။ ဒါက လူတွေအတွက် အရေးကြီးတယ်ဗျ။ ဗုဒ္ဓဘာသာ အစွန်းရောက်တွေ ဖြစ်သွားမှာကိုဖြင့် စိုးရိမ်မိတယ်။ ဆိုလိုချင်တာ ကတော့ဗျာ၊ နိုင်ငံခြားသတင်းထောက် အတော်များများက ဒေါ်အောင်ဆန်းစုကြည်၊ လက်ပံတောင်းတောင်၊ ဟန်ဝင်းအောင်တို့ပဲ အာရုံစိုက်ကြတယ်။ မြန်မာလူမျိုးတွေ ဘယ်လိုလဲ ဆိုတာတော့ သိပ်အာရုံမထားကြဘူး။
ကျွန်တော်ကတော့ မြန်မာလူမျိုးတွေ ဘယ်လိုလဲ၊ ဘယ်ပုံရှင်သန်လဲ ဆိုတာကိုပဲ တွေ့ချင်၊ မြင်ချင်တာ။ (ရွှံ့အိုင်ငယ်တစ်ခုတွင် မြန်မာအမျိုးသမီး လယ်သူမနှစ်ဦး ငါးဖမ်းနေသောပုံကို ထောက်ပြလျက်) ဂျပန်လူမျိုးတွေနဲ့ မြန်မာလူမျိုးတွေကို ကျွန်တော်ပြကြည့်တယ်။ သူတို့တွေက ရေအိုင်ရေကန်ပုံတွေ ကြိုက်ကြတယ်။ ပင်လယ်ငါးပုံတွေထက် ပိုကြိုက်ကြတယ်။ ဒါကတော့ သူတို့ငါးဖမ်းနေတဲ့ပုံပါ။
နိုင်ငံခြား သတင်းထောက် အများစုက ထင်ကြတယ်ဗျာ။ မြန်မာတွေက သူတို့လိုပဲ ပင်လယ်ထဲမှာ ငါးဖမ်းတယ်လို့။ (မြန်မာ့ ဓလေ့ထုံးတမ်းအရ သီလရှင်များ စီတန်းအလှူခံနေစဉ် သီလရှင်များဘေးတွင် ကားများ စီတန်း ရှောင်ကွင်းသွားပုံကို ပြလျက်) ဒါကတော့ ရှေးရိုးရာထုံးတမ်းအရ သီလရှင်တွေ အလှူခံ လှည့်နေပုံနဲ့ ခေတ်သစ်မော်တော်ကားတွေကို နှိုင်းယှဉ် ရိုက်ကြည့်တယ်။ နောက်တစ်ပုံဆိုရင် ရွှေတိဂုံဘုရားရှေ့က ကားဖြတ်မောင်းတုန်း လိုင်းကားပေါ်ကလူတွေ ဘုရားကို လက်အုပ်ချီနေတဲ့ပုံပါ။ ခင်ဗျားတို့က ဒီမှာ မွေး၊ ဒီမှာကြီးတာဆိုတော့ ဒီမှာရှိတဲ့ သဘာဝတရား အများစုကို ခင်ဗျားတို့တွေက ပိုသိပါတယ်။ ဒါတွေကို ဘယ်လိုဖော်ထုတ်မလဲ၊ ဘယ်လိုတင်ပြမလဲ။ (စစ်သားတစ်ယောက်၏ပုံကို ထောက်ပြလျက်) ဒါက ပအို့ဝ်စစ်သားပါ။ တောင်ကြီးမြို့၊ ညောင်ရွှေ မြို့ကို ရောက်တုန်းက ရိုက်ထားတာ။ ရှမ်းပြည်နယ်မှာဆို စီးပွားရေးကို ဘယ်သူက ထိန်းချုပ်ထားလဲ။ ပအို့ဝ်တွေဗျ။ အင်းလေးလိုပေါ့။ အင်းလေးမှာဆို အင်းသားတွေ ရှိတယ်။ ပအို့ဝ်တွေက စီးပွားရေးကို ထိန်းကိုင်ထားတယ်။ ဒါ ဘာကြောင့်လဲ။ ဒေသခံတွေပဲ သိတယ်လေ။ ဒါတွေကို ဒေသခံ သတင်းထောက်တွေက Analysis လုပ်ကြည့်သင့်တယ်။ ဒါတွေကို လေ့လာရတာ သိပ်စိတ်ဝင်စားဖို့ ကောင်းတယ်။

Voice : တိုင်းရင်းသား လက်နက်ကိုင်တွေဘက် သွားတော့ ခင်ဗျားလုံခြုံရေးကို ဘယ်သူက တာဝန်ယူပေးလဲ။

Yuzo : တစ်ခါတလေကျ လက်နက်ကိုင်တွေ ကိုယ်တိုင် အကာအကွယ်ပေးတယ်။ တစ်ခါတလေ မပေးဘူး။ ကျွန်တော်တစ်ယောက်တည်း သွားတယ်။ ရှမ်းဘက်မှာဆို သူတို့လူမျိုးစုစာတွေ ဖတ်နေတာကို ကျွန်တော် တွေ့ခဲ့ရတယ်။ ဒါဟာ လူမျိုးစုတွေ သူတို့ယဉ်ကျေးမှုကို ဘယ်လို ထိန်းသိမ်းနေတာလဲဆိုတာ ပြတယ်။ တခြားနိုင်ငံခြား သတင်းထောက်တွေဆိုရင် လူမျိုးစုတွေက ဗမာစာတွေပဲ ဖတ်တယ်ထင်နေမှာ။ သူတို့ မသိဘူး။ ကျွန်တော်ကတော့ သိခဲ့ရတယ်။

Voice : ဒီလိုမျိုး မြန်မာလူမျိုးတွေနဲ့ ပတ်သက်လို့ နှိုက်နှိုက်ချွတ်ချွတ် ရိုက်ဖို့ ဘယ်လို ဆုံးဖြတ်ဖြစ်သွားတာလဲဗျာ။

Yuzo : ကျွန်တော်က ဒီမှာအကြာကြီး နေဖြစ်သွားလို့ပါ။ ဒီပုံကိုကြည့်ပါဦး (ရန်ကုန်မြို့ရှိ တိုက်တာအိမ်ခြေများကို အပေါ်စီးမှ ခြုံရိုက်ထားသောပုံကို ပြလျက်) ဒါက လွန်ခဲ့တဲ့ ၁၀ နှစ်လောက်က ဓာတ်ပုံ။

ပြီးခဲ့တဲ့နှစ်ကမှ ရိုက်ထားတာ။ ဘာမှ သိပ်ပြီးတော့ ထူးထူးခြားခြား ပြောင်းပုံမရဘူး။ ဘန်ကောက်နဲ့ မနီလာလိုမြို့ကြီးတွေမှာ ဒီ ၁၀ နှစ်အတွင်းမှာ မြန်မြန်ဆန်ဆန် ပြောင်းသွားတယ်ဗျာ။ ဘာကြောင့် မပြောင်းလဲဘဲ ကျန်ခဲ့ရတာလဲ။ ကျွန်တော်တို့က ခေါင်းဆောင်တွေကို သတင်းအချက် အလက်တွေတင် ပေးနေလို့မရဘူး။ သူတို့ကို စဉ်းစားစရာတွေ ပေးဖို့လည်းလိုတယ်။ ဘယ်လမ်းကိုရွေးမလဲ။ အတိတ်ကနေ သင်ယူရမယ်။

Voice : မြန်မာနိုင်ငံမှာ ဘယ်လိုကြောင့် ဓာတ်ပုံရိုက်ဖို့ ရွေးချယ်ဖြစ်တာလဲ။

Yuzo : မြန်မာနိုင်ငံမလာခင် အင်ဒိုနီးရှားမှာ လုပ်ခဲ့သေးတယ်။ အင်ဒိုနီးရှားကျ ကျယ်တယ်ဗျ။ ရိုက်စရာတွေက အများကြီး။ မြန်မာလည်း ကျယ်တော့ကျယ်ပါတယ်။ ဒါပေမဲ့ လူတွေကို ပိုစိတ်ဝင်စားတယ်။ လူတွေကိုကြည့်ပြီးတော့ ကျွန်တော့် စိတ်ခံစားချက်ကို ဖော်ပြဖို့ ကြိုးစားတယ်။ ကိုယ့်ခံစားချက်ကို စကားနဲ့ဖော်ပြဖို့က လွယ်တယ်ဗျ။ ဓာတ်ပုံနဲ့ကျ မလွယ်ဘူးဗျ။
ကျွန်တော့်ခံစားချက်ကို ဓာတ်ပုံတွေနဲ့ မျှဝေခံစားတယ်။ ဒီလိုပုံတွေက ဘာသာစကား အခက်အခဲကို ကျော်လွှားနိုင်တယ်လေ။

Voice : နှစ်ပေါင်းနှစ်ဆယ်အတွင်း ခင်ဗျား စိတ်အပျက်ရဆုံး အတွေ့အကြုံကို ပြောပြပေးပါ။

Yuzo : နေပြည်တော် ညောင်တုန်းဈေး ရောက်သွားတုန်းက ဓာတ်ပုံရိုက်တယ်။ အာဏာပိုင်တွေ ရောက်လာပြီး ဓာတ်ပုံ လုံးဝမရိုက်ရဘူးလို့ ပြောတယ်။ ဒီဓာတ်ပုံတွေကို ဆန့်ကျင်ဘက် အမြင်နဲ့ သူတို့ကို ထိခိုက်အောင် လုပ်မယ်လို့ သူတို့ထင်နေတယ်။ အခြေအနေမှန်ကို တခြားနိုင်ငံတွေ သိအောင် ကျွန်တော်မပြနိုင်ဘူးဆိုရင် ဘယ်သူမှကူမှာ မဟုတ်ဘူးလို့ပြောမှ သူကရိုက်ခွင့်ပြုတယ်။ နိုင်ငံထဲက အစိုးရအရာရှိတွေက အဲဒီလိုမျိုး တားတာဆီးတာတွေတော့ ရှိတယ်။ သူတို့တွေ ပူးပေါင်းဆောင်ရွက်ဖို့ လိုတယ်။ ဒါက အရေးကြီးတယ်။

Credit To The Voice Weekly
Read More »

သူဟာ စမူဆာတဲ့လား


(ဌေးအောင်ကို)

တစ်ချိန်က ထိပ်တန်း နိုင်ငံရေးသမားကြီးတစ်ဦးဟာ သုံးဖက်ချွန်လို့ ဝေဖန်ခံလိုက်ရပါတယ်။ သူကလည်း ပြန်ဖြေပါတယ်။

“ဟုတ်ပါတယ်။ ကျွန်တော်ဟာ သုံးဖက်ချွန်ပါတယ်။ စစ်ရေးရယ်၊ စီးပွားရေးရယ်၊ နိုင်ငံရေးရယ်” တဲ့လေ။ သူ့ကိုဘာရည်ရွယ်ချက်နဲ့ ဝေဖန်တယ်ဆိုတာ သူမသိဘဲနေမှာတော့ မဟုတ်ပေမယ့် ရယ်စရာ အဖြေလွှာကလေး ထုတ်ပေးလိုက်တော့လည်း အဲရယ်ရတယ်ပေါ့လေ။

ဟိုဘက်နဲ့တွေ့တော့ အဘ အဘ၊ ဒီဘက်နဲ့တွေ့တော့ အစ်မ အစ်မ၊ အိမ်သူနဲ့တွေ့တော့ မိန်းမ မိန်းမနဲ့ ဆိုသူကလည်း သူ့ကိုယ်သူ အထင်ရောက်နေပါတယ်။ ငါ့လောက်တော်တာ ဘယ်ကမ္ဘာ ရှာရပါ့မလဲလို့။ လျှော့တော့ မတွက်ကြပါနဲ့။ လောကမှာ ဉာဏ်ဖြူဉာဏ်နက် ထက်မြက်ကြတဲ့ ပုဂ္ဂိုလ်တွေကိုပါ။ သူတို့ကို သုံးဖက်ချွန်လို့ ဝေဖန်မလို့လား။

အထက်ပါပုဂ္ဂိုလ် ကလည်း ပြန်ဖြေပါလိမ့်မယ် “ဟုတ်ပါတယ်။ ကျွန်တော်ဟာ သုံးဖက်ချွန်ပါတယ်။ အဘနဲ့လည်း အဆင်ပြေ၊ အစ်မနဲ့လည်း အဆင်ပြေ၊ မိန်းမနဲ့လည်း အဆင်ပြေတယ်”

အရင်ကတော့ နှစ်ဖက်ချွန်ဆိုရင် ဒီလူကဟိုဘက်တစ်မျိုး ဒီဘက်တစ်မျိုးလို့ ပြောတာ။ နောက်တော့ နှစ်ဖက်ချွန်လို့ တင်စားရရုံနဲ့တင် အားရပုံ မပေါ်တော့ နှစ်ဖက်ချွန်တောင် မကပါဘူးကွာ။ သုံးဖက်ချွန်ကွလို့ ဖြစ်လာ ပါတော့တယ်။ လူညီရင် ဤကို ကျွဲဖတ်လို့ ရပါတယ်။ သုံးဖက်ချွန် အလံတော်မှာ ရေးဆွဲထားတဲ့ တံဆိပ်အမှတ်အသားလေး ကတော့ စမူဆာပုံစံ လေးပါပဲ။ “ဒီလူဟာ စမူဆာပါကွာ” လို့ ကင်းပွန်းတပ်လိုက်တာပါ။

ကျွန်တော့် မိတ်ဆွေတစ်ယောက်က အကြံပြုပါတယ်။ စာရေးရင် အားလုံးနဲ့ အဆင်ပြေအောင်ရေးဖို့၊ တစ်ဖက်ကို အလေးသာရေးရင် အခြားတစ်ဖက်ကို တိုက်ခိုက်သလို ဖြစ်သွားနိုင်လို့ နှစ်ဖက်မျှတအောင် ရေးဖို့ မီဒီယာဆိုတာ ဘက်လိုက်မရေးဖို့ လိုပါတယ်တဲ့။ ဝေဖန် အကြံပေးတာကို ကျေးဇူးတင်ကြောင်း၊ သုံးဖက်ချွန် မဟုတ်တဲ့ ဘောင်အတွင်းကနေပြီး သုံးဖက်ချောမွေ့အောင် ရေးပါမယ့်အကြောင်း ဖြေကြားလိုက်ရပါတယ်။

မီဒီယာဆိုတာ ဘက်လိုက် မရေးရဘူးဆိုတာကို ကျွန်တော်စဉ်းစားမိပါတယ်။ သူပြောတဲ့ ဘက်ဆိုတာ ပုဂ္ဂလဓိဋ္ဌာန်ဘက်ကို ဆိုလိုပြီး ဓမ္မဓိဋ္ဌာန်ဘက် ဆိုတာကိုတော့ မလိုက်ရဘူးလို့ ပြောမယ်မထင်ပါဘူး။ လူစွဲမထားဖို့နဲ့ တရားစွဲထားဖို့ကတော့ ကျွန်တော်တို့လိုမှာပါပဲ။ ဖဆပလခေတ်တုန်းက သတင်းဆောင်းပါးရှင် တစ်ဦးက သူ့ဆောင်းပါးကို ခေါင်းစဉ်ပေးထားပါတယ်။ ‘မမှန်ရင် လျှာထွက်ပြမယ်’ တဲ့။ အထူးသဖြင့် အစိုးရတစ်ရပ်က မမှန်တာ လုပ်နေလို့ကတော့ သူအချက်ပြပြီ။ ရေးပြီ။ ခေါင်းစဉ်ဘေးမှာ ချိန်ခွင်ပုံကလေး ဆွဲထားလိုက်သေး။ သူဟာ သမာဓိချိန်ခွင် ဆောင်းပါးရှင်ပါ။ မမှန်တဲ့ဘက်ကိုတော့ လျှာထွက်ပြလိုက်ပါ့မယ်ပေါ့။

နောက်တစ်ဦးကတော့ ပုဂ္ဂိုလ်ဝေဖန်ရေး ဆောင်းပါးရှင်ပါ။
‘ကျော်ငြိမ်း ငါ့ညီ မင်းငယ်ပါသေးတယ် ဟဲ ဟဲ ဟဲ’ တဲ့လေ။ အကြီးအကဲဖြစ်တဲ့ ဦးကျော်ငြိမ်းက သူ့ဆောင်းပါးဖတ်ပြီး ပြင်စရာရှိတာ ပြင်ပေတော့ ဆိုတဲ့သဘောပါပဲ။ ဒီဆောင်းပါးနှစ်ခုရဲ့ ခေါင်းစဉ်ကို ကြည့်လိုက်ရုံနဲ့တင် အဲဒီခေတ်က စာပေလွတ်လပ်ခွင့် အဆင့်ကို သိမြင်နိုင်ပါလိမ့်မယ်။

ဒီလိုလွတ်လပ်ခွင့်တွေ နှစ်ပေါင်း ၅၀ ကြာ ဆိတ်သုဉ်းခဲ့ရပြီး ယခုအရပ်သား အစိုးရလက်ထက် တစ်ကျော့ပြန် လွတ်လပ်မှု ရလာတဲ့ အခါမှာတော့ ဒီလောက် တုတ်ထိုးအိုးပေါက်ဟန် ရေးသားမှုမျိုးကို ဆောင်းပါးရှင်များဟာ စာပေယဉ်ကျေးမှုသစ်နဲ့အတူ သိပ်မတွေ့ရတော့ဘဲ မီးဝါပြတဲ့ အရေး အသားမျိုးနဲ့ မနီမစိမ်းဘဲ ရေးသားလာကြတာကို တွေ့ရပါတယ်။ ထေရ်ကြီးဝါကြီးတချို့ ရေးသားနေကြဆဲ ကိုတော့ မဆိုလိုပါ။

ဘာပဲပြောပြော ဆဲပြောတဲ့ခေတ် ဆိုတာတော့ မဖြစ်ထွန်းသင့်ပါဘူး။ Facebook ထဲမှာ ဖြစ်ထွန်းနေတာကိုလည်း ဘယ်လိုလမ်းလွှဲရင် ကောင်းမလဲ။ အဆဲပါမှ လက်ရာထက်တယ် ထင်သူတွေ၊ ဘိုသံဝင်မှ လူအထင်ကြီးတယ် အောက်မေ့သူတွေ သူများနားမလည်အောင် ရေးတတ်ရင် ငါအောင်မြင်ပြီလို့ မှတ်ယူသူတွေ သူ့သဘောနဲ့သူ ရှိပစေတော့။

နောက်မိတ်ဆွေတစ်ယောက်က ပြောပြန်ပါတယ်။ ‘နိုင်ငံရေး လုပ်တယ်ဆိုတာ အစိုးရရဲ့ မကောင်းကြောင်း ပြောတာကို ခေါ်သလား’ တဲ့။ နိုင်ငံတော် အစိုးရတစ်ရပ်အနေနဲ့ အရာရာ တာဝန်ယူ ဆောင်ရွက်ပေးနေရမှု အပေါ်မှာ အမှားအမှန် စာနာနားလည်မှုနဲ့ ရှုမြင်ပြီးတော့ ပြောလိုက်တာပဲ ဖြစ်မှာပါ။ လွတ်လပ်ရေးမရမီက အစိုးရတာဝန်ရှိ အကြီးအကဲတစ်ဦးက
“ခင်ဗျားတို့ဟာ ကျွန်တော်တို့ မကောင်းကြောင်းဘဲ ဆီလိုအပေါက်ရှာပြီး ရေးနေတော့တာပဲ။ ကျွန်တော်တို့ တံတားဆောက် လမ်းဖောက်စီမံကိန်းတွေ၊ ကောင်းတာတွေလည်း ရေးစမ်းပါဦး” လို့ပြောတော့ သတင်းသမားက ပြန်ဖြေပါတယ်။ “စီမံကိန်း ဆိုတာတွေကတော့ ဘယ်အစိုးရပဲ တက်တက် လုပ်ရမှာပဲ၊ လုပ်နေမှာပဲ၊ အထူးအဆန်းမှ မဟုတ်တာ။ ခင်ဗျားတို့ကိုယ်တိုင် ကြားညှပ်စရာ မရှိအောင် ဖော်ပြပြီးမို့ ကျွန်တော်တို့တောင် ဖော်ပြစရာ လိုသေးလို့လား၊ ကျွန်တော်တို့အတွက်တော့ သတင်းထူးမှ မဟုတ်တာဗျာ။ ခွေးက လူကိုကိုက်တယ် ဆိုတာ သတင်းမဟုတ်ဘူးဗျ။ ကျွန်တော်တို့ မရေးနိုင်ဘူး။ အဲလူကခွေးကို ကိုက်တာဆိုရင်တော့ ဒီသတင်းထူးပြီ။ ကျွန်တော်တို့ မရေးမဖြစ် ရေးမှဖြစ်လိမ့်မယ်” တဲ့။

တစ်ခေတ်က အဖြစ်ကလေးတွေဟာ စိတ်ဝင်စားစရာ ကောင်းပါတယ်။ သူနိုင်ကိုယ်နိုင် သူတင်ကိုယ်တင်ပါပဲ။ သူဆဲကိုယ်ဆဲလည်း ပါတယ်ပေါ့။ အဲဒါကို တစ်ဖက်စွန်းရောက်တယ် ဆိုရင်တော့ နောက်တစ်ဖက်စွန်း ခေတ်ကိုလည်း မျက်စိမှိတ်ထားလို့ မဖြစ်ပါဘူး။

သတင်းစာ စွမ်းအားရှင်ခေတ်လို့ ပြောရမယ့် အာဏာရှင်ခေတ် နှစ်ငါးဆယ်ပါပဲ။ တစ်စောင်တည်းသော သတင်းစာပဲ ထားရှိစေပြီး တစ်ယောက်တည်း၊ တစ်ပါတီတည်း၊ တစ်ဖွဲ့တည်းကောင်းပြီး အတိုက်အခံ မှန်သမျှ ဗိုက်အကန်ခံရတဲ့ အရေးအသားမျိုးတွေ ပါပဲ။ သူ့ဘာသာသူ သတင်းစာ ဘယ်နှစောင်ပဲ ခွဲထုတ်နေနေ ဒီပုတ်ထဲက ဒီပဲတွေပဲမို့ တစ်စောင်တည်းပဲလို့သာ သုံးနှုန်းလိုက်တာပါ။

သူတို့မရှုစိမ့်တဲ့ အဖွဲ့အစည်းကို ချေဖျက်ချင်တော့ ‘ဇနပုဒ်က ယာခုတ်သမား ဦးမဲနဲ့ ဦးညိုတို့ နှစ်ယောက်ဟာ အဲဒီပါတီက နုတ်ထွက်သွားကြောင်း သတင်းရရှိ’ ဆိုတာမျိုးတွေ၊ ‘ကမ္ဘာကပေးတဲ့ ဒီဆုနဲ့လားလားမှ မအပ်စပ်တဲ့ ဘာမညာမ’ ဆိုတာတွေ၊ ပြည်သူ့ဂုဏ်ရည်ဆု ကိုလည်း ‘ပုဆိန်ရိုးတွေကို ပေးတဲ့ဆု’ ဆိုတော့ အဲဒီတုန်းတော့ တိုင်းပြည်က လေးစားကြည်ညိုတဲ့ ဆရာတော်ကြီးကလည်း နှစ်သိမ့်ဆုထဲမှာ ပါလေတော့၊ ဆရာတော်ကြီးပါ ပုဆိန်ရိုး ဖြစ်ရပါလေရော။ ငရဲတွေတော့ ကြီးကုန်တော့မှာပဲ။ အဲဒီခေတ်တွေ ကုန်ဆုံးသွားတာကတော့ မင်္ဂလာပါပဲ။ နောက်တစ်ခါ ပေါ်မလာနိုင်တော့ဘူးလို့ ထင်ပါတယ်။

ဒီလို စာရေးဆရာများဟာ စမူဆာတော့ မဟုတ်ပေမယ့် တစ်ဖက်သတ် ရေးသားသူများဖြစ်ပြီး ပြည်သူ့အမုန်းတော်ခံ၊ ဘုရင့်လက်သုံးတော် ဓားများသာ ဖြစ်ပါတယ်။ တက်တဲ့ဘုရင် ဘုရားထူးပြီး ဘုရင်လုပ်သမျှ မမှားဘူးလို့သာ ပြောကြရေးကြရပါတယ်။ ပုတ်သင်ညို စာရေးဆရာများလို့လည်း ခေါ်ကြပါတယ်။

ရာဇဝင်မှာ ဘုရင်တစ်ပါးက အမတ်ကြီးကို တိုင်းရေးပြည်ရေး တိုင်ပင်ဖို့ ဆင့်ခေါ်ပါတယ်။ အမတ်ကြီးက “အရှင်ဘုရား မင်းတို့ရဲ့ တိုင်ပင်ခြင်းတရား သုံးပါးရှိပါတယ်ဘုရား။ မင်းစေနဲ့ တိုင်ပင်ခြင်း၊ မင်းမှုထမ်းနဲ့ တိုင်ပင်ခြင်း၊ ပညာရှိနဲ့ တိုင်ပင်ခြင်းဖြစ်လို့ ကျွန်တော်မျိုးကို တိုင်ပင်မှာက ဘယ်လို တိုင်ပင်ခြင်းမျိုးပါလဲ ဘုရား” လို့ လျှောက်တင်သတဲ့။

ဘုရင်က “အမတ်ကြီး ဆိုချင်တာက ဘာပါလဲ” လို့ မေးတော့ အမတ်ကြီးက ဆက်လက်ပြီး “မင်းစေနဲ့ တိုင်ပင်ခြင်းမျိုးကတော့ အရှင်မင်းကြီး ခိုင်းတဲ့အတိုင်းပဲ သူကလုပ်မှာပါပဲ။ မင်းမှုထမ်းနဲ့ တိုင်ပင်ခြင်းမျိုးကတော့ အရှင်မင်းကြီး လုပ်သမျှ အကောင်းပဲပြောမှာ ရေးမှာပါပဲ။ အဲ ပညာရှိနဲ့ တိုင်ပင်ခြင်းမျိုးကတော့ဖြင့် အရှင်မင်းကြီး လုပ်တိုင်းပြောတိုင်း မင်းလိုလိုက် မင်းကြိုက်ဆောင်မှာ မဟုတ်ဘဲ လုပ်သင့် မလုပ်သင့် ပြောသင့် မပြောသင့် နှိုင်းနှိုင်းချိန်ချိန် သုခမိန်အမြင်နဲ့ပဲ တင်ပြလျှောက်ထားမှာမို့ ပညာရှိနဲ့ တိုင်ပင်ခြင်းမျိုးဆိုရင်ဖြင့် ကျွန်တော်မျိုး တိုင်းရေးပြည်ရာ တိုင်ပင်လျှောက်ထားရန် အသင့်ပါပဲဘုရား” လို့ လျှောက်ထားလိုက်ပါသတဲ့။

အာဏာရှင်ခေတ်က မီဒီယာတွေဟာ မင်းမှုထမ်း မီဒီယာတွေပဲ ဖြစ်လေတော့ အရှင်မင်းကြီး လုပ်သမျှ အကောင်းပဲ ပြောကြ ရေးကြရတာပါ။ စနစ်ရဲ့သားကောင်များပါပဲ။ နောက်အပြောင်းအလဲ ကာလကို ဖြတ်သန်းလာတဲ့အခါမှာ ဘက်နှစ်ဖက်ထင်ရှား ရှိလာခဲ့တဲ့အလျောက် ဘယ်ဘက်က အစွမ်းထက်မလဲ၊ အောင်ပွဲခံသွားနိုင်မလဲ ဆိုတာ မသိတတ်နိုင်လို့သော် လည်းကောင်း၊ တစ်ဖက်က မကြာခင် အောင်ပွဲခံသွားနိုင်တယ်လို့ ယုံကြည်ရသော်လည်း လောလောဆယ်မှာ လက်ရှိသာလျှင် အရှိတရား ဖြစ်နေသေး လို့သော်လည်းကောင်း ဟိုလိုလို ဒီလိုလို ဟိုဘက်လိုလို ဒီဘက်လိုလို စမူဆာ အခေါ်ခံလူမျိုးလဲ ပေါ်ထွန်းလာနိုင်ပါတယ်။

ဒီနေရာမှာ ငြိမ်းချမ်းရေးဝါဒ စွဲကိုင်သူများအပေါ်မှာ အမြင်မမှားဖို့ အရေးကြီးလှပါတယ်။ ငြိမ်းချမ်းစေချင်သူ များရဲ့စေတနာဟာ နှစ်ဖက်စလုံး အပေါ်မှာ တူညီစွာထားရှိနိုင်ကြပြီး တိုင်းပြည်ကို သာယာဝပြော စေလိုတဲ့စိတ်နဲ့ ဆောင်ရွက်လုပ်ကိုင်နေကြတာပါ။ နှစ်ဖက်လှစေချင်တာဟာ စမူဆာ မဟုတ်တဲ့ မေတ္တာရှင်များသာ ဖြစ်တယ်ဆိုတာ နားလည်ရမှာပါပဲ။

ယနေ့ခေတ် အခြေအနေဟာ မျှော်လင့်နိုင်စရာတွေ ဖြစ်ထွန်းပေါ် ပေါက်လာနေပါတယ်။ နိုင်ငံရေး ယဉ်ကျေးမှုသစ်ကို ဖော်ဆောင်နေတဲ့ ကာလလည်းဖြစ်လို့ ပြိုင်တူတွန်းရွှေ့နိုင်ကြဖို့ လိုအပ်နေတဲ့ကာလလည်း ဖြစ်ပါတယ်။ လူတွေအားလုံးနဲ့ ပျူငှာတဲ့ဆက်ဆံရေး ထားရှိတာကို စမူဆာလို့ရောပြီး ကင်ပွန်းမတပ်မိစေဘဲ သူ့စိတ်စေတနာကို အဓိက အကဲခတ်ရမှာပါပဲ။

ပြည်သူတွေဟာ နိုင်ငံရေး ပွင့်လင်းလာမှုနဲ့အတူ အသိအမြင်များလည်း ကျယ်ပြန့်သည်ထက် ကျယ်ပြန့်လာတဲ့ အလျောက် စမူဆာ ဆိုသည်များကို ဝေဖန်ပိုင်းခြား သတိထား ရှောင်ရှားသွားနိုင်ကြ လိမ့်မယ်လို့ ယူဆပါတယ်။

တစ်ဖက်က ‘သမ္မတကြီးကို ယုံပါတယ်’ ‘သားရယ် သမ္မတကြီးကိုတော့ ယုံလိုက်ပါ’ လို့ပြောလိုက်ပါတယ်။ နောက်တစ်ဖက်က ‘တူတာ တွဲလုပ်မယ်’ ‘သူမရဲ့ ဂုဏ်ပြုဆုတံဆိပ်တွေ ရရှိမှုအပေါ်မှာ ကျွန်တော်ဝမ်းသာပါတယ်’ လို့ ပြောသံကြားရပါတယ်။ တစ်ဖက်နဲ့တစ်ဖက် ဒီလိုအသံမျိုးကြားရဖို့ နှစ်ငါးဆယ်စောင့်ခဲ့ရသလို ကြားရတော့လည်း ပြည်သူတွေဟာ စိတ်ချမ်းသာ ဝမ်းသာမှုတွေနဲ့အတူ အသံရှင်တွေကို ကြိုဆိုလိုက်ကြပါတယ်။ ရင်ထဲက အသံတွေလို့လည်း ယုံကြည်ကြပါတယ်။

ပြည်သူတွေရဲ့ ရင်ထဲမှာတော့ ဒီလိုအသံတွေကို ထာဝရ ရှင်သန်စေလိုတဲ့ ဆန္ဒတွေ ဒီလိုအလုပ်တွေကို ထာဝရ တွဲဖက်ဆောင်ရွက်သွားစေလိုတဲ့ သဘောထားတွေ ရှိနေကြတာပါ။ ပြည်သူဆိုတာ သမ္မတကြီးမိန့်ခွန်းပါ စကားအတိုင်း မိဘပြည်သူတွေ ဖြစ်တာမို့ ပြည်သူတွေ ဆန္ဒအတိုင်း ဆောင်ရွက်ကြမယ်လို့ မျှော်လင့်ပါတယ်။ လွှတ်တော်အသံ ဆိုတာလည်း ပြည်သူ့အသံကို ထင်ဟပ်ရမှာမို့ ချောမွေ့တဲ့ ဘက်သုံးဖက်အဖြစ် ပေါင်းစပ် လှုပ်ရှားနိုင်တာနဲ့အမျှ စမူဆာဆိုတဲ့ ဝေါဟာရကို အတိတ်မှာ ထားခဲ့နိုင်ပြီး သူငါအဆင်ချောတဲ့ လောကကြီးကို ဟန်ချက်ညီညီ တည်ဆောက်နိုင်တဲ့ အမိမြန်မာပြည်သားများ ဖြစ်နိုင်ကြစေရန် စိတ်ရည်သန်လျက်။

Credit To The Voice Weekly
Read More »

တေးသံရှင်လင်းလင်းနှင့် တွေ့ဆုံခြင်း


(သန့်ဇင်ဦး)

သံမဏိလိပ်ပြာ စီးရီး ထွက်ရှိပြီးနောက် ပရိသတ်များ၏ အားပေးမှုနှင့်အတူ ဝေဖန်မှုများပါ ကြုံတွေ့ခဲ့ရသော တေးသံရှင်လင်းလင်းနှင့် တွေ့ဆုံပြီး ဝေဖန်ခံရသည့် စစ်ဆန့်ကျင်ရေး သီချင်းအကြောင်း၊ ဝေဖန်မှုများအပေါ် သူ့အမြင်နှင့် သူ၏တစ်ကိုယ်တော် Show ပွဲ အကြောင်းကို The Voice မှ မေးမြန်းထားခြင်း ဖြစ်သည်။

The Voice ။ ။ သံမဏိလိပ်ပြာစီးရီး ထွက်ပြီးတဲ့ အချိန်မှာ ပရိသတ်တွေဆီက ဘယ်လို ဝေဖန်သံတွေ ကြားရလဲ။

L.L ။ ။ စီးရီးထွက်ပြီးတဲ့ အချိန်မှာ ကြားရတဲ့ ပရိသတ်တွေရဲ့ အသံကတော့ အားရပါတယ်။ ဒီခွေအပေါ်မှာ သူတို့မြင်တဲ့ အမြင်တွေ၊ သူတို့ထင်တဲ့အထင်တွေနဲ့ အပြုသဘောဆောင်စွာ ဝေဖန်တယ်ပေါ့နော်။ ပရိသတ်တွေရဲ့ ဝေဖန်မှုကို ကျွန်တော်အားရတယ်။ ကျေနပ်ပါတယ်။

The Voice ။ ။ ဒီစီးရီးနဲ့ ပတ်သက်ပြီး ဝေဖန်မှုတွေ အပေါ်မှာရော လင်းလင်းရဲ့အမြင်က ဘယ်လိုရှိလဲ။

L.L ။ ။ ကျွန်တော့်အမြင်ကို အမှန်အတိုင်း ဝန်ခံရရင်တော့ ဒီစီးရီးနဲ့ ပတ်သက်ပြီး အပြုသဘောဆောင်တဲ့ ပြောဆိုမှုတွေကို လက်ခံသလို၊ ဆိုးဆိုးဝါးဝါး ဝေဖန်မှုတွေကိုလည်း လက်ခံတယ်။ ကျွန်တော်တို့နိုင်ငံ လက်ရှိသွားနေတဲ့ပုံစံ၊ ဖြတ်သန်းနေတဲ့ အနေအထားအရ ဘယ်လိုပဲ ကောင်းတာလုပ်လုပ်၊ ဘယ်လိုပဲ ကောင်းတာပြောပြော ဘယ်သူပဲဖြစ်ဖြစ်၊ ဘယ်အဖွဲ့အစည်းပဲဖြစ်ဖြစ်၊ အုပ်ချုပ်သူအဖွဲ့နဲ့ ပြည်သူတွေကြားကို ခလောက်ဆန်ချင်တယ်။ ဒီလိုလုပ်ခြင်းအားဖြင့် အမှောင်ခေတ်ကို ပြန်သွားစေချင်တယ်။ အဲဒီလိုမျိုး ဖြစ်စေချင်တဲ့လူတွေ တချို့က ပြည်တွင်းထဲမှာလည်း ရှိတယ်။ ပြည်ပမှာလည်း ရှိတယ်။ သူတို့ရဲ့အကွက်ကျကျ ဆွဲယူတွေးတောပြီးတော့ ဝိဝါဒ ကွဲပြားမှုတွေ ဖြစ်အောင်လုပ်ကြတာ။ ကျွန်တော့် ဒီခွေမှ မဟုတ်ဘူး။ ဘာသာရေးဘက်နဲ့ နွယ်ပြီး လုပ်တာတွေလည်း ရှိတယ်။ နိုင်ငံရေးဘက်နဲ့ နွယ်ပြီး လုပ်တာတွေလည်း မြင်နေရတယ်။ အဲဒီအတွက် ကျွန်တော်က ဒီကိစ္စတွေပေါ်မှာ သေချာ လိုက်ရှင်းပြစရာတော့ မလိုပါဘူး။ ပရိသတ်တွေက ကျွန်တော်ပေးချင်တဲ့ Message၊ ကျွန်တော်ပေးချင်တဲ့ ပန်းတိုင်ကို နားလည်ပြီး ကျွန်တော်နဲ့လည်း ရင်ခုန်သံတူတယ်ဗျ။ အမှောင်ခေတ်ကို ပြန်သွားချင်တဲ့ လူတစ်စုဆီက ထွက်ပေါ်လာတဲ့ ဝေဖန်မှုတွေ အပေါ်တော့ ကျွန်တော့်အနေနဲ့ ဘာမှပြောစရာ မရှိပါဘူး။ အဲဒီလိုဝေဖန်ခြင်းအားဖြင့် သူတို့စိတ်ထဲမှာ အခိုက်အတန့်ပဲဖြစ်ဖြစ် ပေါ့ပါးသွားတယ်ဆိုရင် ကျွန်တော်လည်း ကုသိုလ်ရပါတယ်။

The Voice ။ ။ အခုဆို Facebook လို လူမှုကွန်ရက်တွေကို လက်နက်အဖြစ် အသုံးချပြီး ဝါဒဖြန့်တဲ့ လုပ်ဆောင်မှုတွေလိုမျိုး ရှိလာတဲ့အတွက် Facebook ရဲ့ ကောင်းကျိုး၊ ဆိုးကျိုးတွေကို လင်းလင်း သုံးသပ်ပေးပါဦး။

L.L ။ ။ Facebook ကိုတော့ ကျွန်တော်လည်း တစ်ခါတလေ သုံးပါတယ်။ သူ့ရဲ့ ကောင်းကျိုးကတော့ သတင်းမီဒီယာ Website တွေကို Like လုပ်ထားခြင်းအားဖြင့် ဂျာနယ် ထွက်မယ့်ရက် ကိုတောင် သိပ်စောင့်စရာ မလိုတော့ဘူး။ ဘယ်နားလေးမှာ မီးလောင်တယ်ဆိုရင် ချက်ချင်းတက်လာတယ်။ ကျွန်တော် Facebook သုံးရင် ကိုယ် Like လုပ်ထားတဲ့ သတင်း Website တွေကို လိုက်ဖတ်တယ်။ ဆိုးကျိုးကတော့ Facebook မှာ လူအများစုက တခြားနာမည်တွေ၊ ကိုယ့်ရဲ့ဓာတ်ပုံမဟုတ်ဘဲ တခြားတစ်ယောက်ရဲ့ ဓာတ်ပုံတွေနဲ့ သုံးကြတဲ့အခါကျတော့ သူဘယ်သူလဲဆိုတာ ကိုယ်မသိရဘူး။ သူ့စိတ်ထဲမှာ လတ်တလော ခံစားနေရတာတွေ၊ နှစ်ပေါင်းကြာရှည်စွာ ခံစားခဲ့ရတာတွေကို အလွယ်တကူ ရင်ဖွင့်လို့ရတယ်။အဲဒီမှာဆိုးရွားတဲ့၊ မိသားစုဖတ်လို့မရတဲ့ စာသားမျိုးတွေ ပါသွားတာရှိမယ်။ စည်းလွတ်၊ ဘောင်လွတ်တဲ့ စကားလုံးမျိုးတွေ ပါသွားတာ ရှိမယ်။ ဒါတွေကိုတော့ ကျွန်တော်ဆိုးကျိုးလို့ မြင်ပါတယ်။ ဒါတွေကို ဆိုးတယ်လို့ မြင်ပေမယ့် အကောင်းဘက်က ပြန်တွေးရင် ကျွန်တော်တို့ တစ်နိုင်ငံလုံးက နှစ်ပေါင်း ၂၀ ကျော်၊ ခုတင်အောက်ထဲဝင်ပြီး ကျိတ်ဆဲခဲ့ရတာ ဆိုတော့ ဒီလိုပြောလိုက်တဲ့အတွက် သူ့အနေနဲ့ စိတ်ထွက်ပေါက်လေး ရသွားတာပေါ့နော်။ ဒီလိုပြောလိုက်လို့ စိတ်ထွက်ပေါက်ရသွားပေမယ့် စည်းတွေ၊ ဘောင်တွေလွတ်ပြီး ပြောဆိုကြတာကိုတော့ ဆိုးတယ်လို့ မြင်ပါတယ်။

The Voice ။ ။ ဒီစီးရီးထဲမှာ ထူးခြားတဲ့ သီချင်းနှစ်ပုဒ်ဖြစ်တဲ့ သံမဏိလိပ်ပြာနဲ့ အိပ်မက်ထဲက စစ်သားကြီး သီချင်းတွေနဲ့ ပတ်သက်ပြီး ပရိသတ်တွေဆီက ဘယ်လို တုံ့ပြန်သံတွေ ကြားရလဲ။

L.L ။ ။ ကျွန်တော် ပြန်ကြားရသလောက်တော့ ကိုယ့်ကိုကြိုက်တဲ့ ပရိသတ်တွေဆီကပဲ မို့လို့လားတော့ မသိဘူး။ ကောင်းတယ်ဗျ။ ဒါပေမဲ့ သူငယ်ချင်းတွေဆီကနေ တစ်ဆင့် ပြန်ကြားရတဲ့ အမှောင်ခေတ်ကို ပြန်သွားချင်တဲ့ လူတစ်စုရဲ့ ဝိဝါဒ ကွဲပြားစရာတွေနဲ့ ပတ်သက်လို့တော့ ပရိသတ်တွေက အမှန်အတိုင်း ဝေဖန်ပိုင်းခြားနိုင်ဖို့ လိုတယ်။ ကျွန်တော်ကတော့ ကျွန်တော်ရေးခဲ့တဲ့ သီချင်း၊ ကျွန်တော်လုပ်ခဲ့တဲ့ အလုပ်တွေကို ၁၀၀ ရာခိုင်နှုန်း အပြည့်အဝ တာဝန်ယူနိုင်တယ်။ ဘယ်လို အခြေမနေမျိုးမှာမဆို၊ ဘယ်လိုပုံစံမျိုးနဲ့မဆို ကျွန်တော်က ဖြေရှင်းရဲတဲ့သတ္တိ အပြည့်ရှိတယ်။ ကျွန်တော် လုပ်ခဲ့တာတွေသည် အဆိုးမြင်တဲ့အနေနဲ့၊ ဝေဖန်ပုတ်ခတ်ချင်တဲ့ စိတ်နဲ့ လုပ်ခဲ့တာ တစ်ခုမှမပါဘူး။ အိပ်မက်ထဲက စစ်သားကြီး သီချင်းဆိုလည်း လူတစ်ဦးနဲ့တစ်ဦး တိုက်ခိုက်သတ်ပုတ်တဲ့ စစ်ပွဲတွေမရှိရင် ကမ္ဘာကြီးက ဘယ်လောက် ပျော်စရာကောင်းမလဲ ဆိုတဲ့ အနာဂတ်လေးကို အိပ်မက်မက်ပြီး ရေးထားတာ။ ဒီသီချင်းက စစ်သားမကောင်းကြောင်း ရေးတာလား။ စစ်ပွဲမကောင်းကြောင်း ရေးတာလား ဆိုတာကို ခွဲသိဖို့လိုတယ်။ အမှောင်ခေတ်ကို သွားချင်တဲ့လူတစ်စုရဲ့ ဝိဝါဒကွဲပြားစေမယ့် စကားတွေကို ယုံကြည်ပြီး ဒီသီချင်းက စစ်သားမကောင်းကြောင်း ရေးတာပဲဆိုတဲ့ အမြင်ကို ဆုပ်ကိုင်လိုက်ရင်တော့ အဆိုးဘက်ကို ရောက်သွားမှာပေါ့နော်။ ကျွန်တော်ရေးထားတဲ့ စာသားကတော့ ရှင်းရှင်းလေးပါ။ စစ်ပွဲတွေအားလုံးကို ရပ်ဆိုင်းစေချင်တယ်။ တစ်ကမ္ဘာလုံးမှာ စစ်မဲ့ဇုန်ဆိုတဲ့ ဆိုင်းဘုတ်လေးတွေ ချိတ်ပြီးတော့ အေးချမ်းတဲ့ ကမ္ဘာသစ်ကြီးဆီကို သွားချင်တဲ့အိပ်မက်နဲ့ ဒီသီချင်းကို ရေးထားတာ။

The Voice ။ ။ လင်းလင်းကိုယ်တိုင်က NLD ပါတီဝင်တစ်ယောက် ဖြစ်တယ်။ ဒေါ်အောင်ဆန်းစုကြည်ကို ဂုဏ်ပြု စပ်ဆိုထားတဲ့ သံမဏိလိပ်ပြာ သီချင်းလည်း ဒီစီးရီးမှာ ပါတယ်ဆိုတော့ နိုင်ငံရေး ရပ်တည်ချက် တစ်ခုခုကြောင့် ဒီစီးရီးထုတ်လိုက်တာလို့ ဝေဖန်မှု တွေအပေါ်ရော လင်းလင်း ဘာပြောချင်လဲ။

L.L ။ ။ ကျွန်တော် ဒီစီးရီးကို ထုတ်ရတဲ့ ရည်ရွယ်ချက်က ရှင်းရှင်းလေးပါ။ ဒီခွေလေးမှာ ပရိသတ်တွေကို ပြောပြချင်တာတွေ အများကြီးပါတယ်။ စစ်တပ်ပဲဖြစ်ဖြစ်၊ NLD ပဲဖြစ်ဖြစ်၊ အုပ်ချုပ်သူလူကြီး အသိုင်းအဝိုင်း ပဲဖြစ်ဖြစ်၊ ပြည်သူတွေပဲဖြစ်ဖြစ် ကျွန်တော်တို့တွေအားလုံး လူမျိုးမခွဲ၊ ဘာသာမခွဲဘဲ ချစ်ချစ်ခင်ခင်နဲ့ အားလုံးမျှော်လင့်တဲ့ ပန်းတိုင်တစ်ခုကို သွားရအောင်ဆိုတဲ့ Message တစ်ခုကို ကျွန်တော်ပေးချင်တာ။ ဒီစီးရီးက အဖွဲ့အစည်း တစ်ခုအတွက်၊ လူတစ်စုအတွက်လည်း မဟုတ်ဘူး။ ဒီလိုဝေဖန်မှုတွေက ဒီခွေလေးကို သေချာနားမရှင်းသေးလို့ ထင်တယ်။ ဒီခွေထဲမှာပါတဲ့ စာသားတွေကို သေချာနားထောင် ခံစားလိုက်မယ်ဆိုရင် ကျွန်တော်ဆိုလိုချင်တဲ့ အဓိပ္ပာယ်ကို နားလည်မှာပါ။

The Voice ။ ။ ဒီစီးရီးထဲမှာပါတဲ့ ဒေါ်အောင်ဆန်းစုကြည်ကို ဂုဏ်ပြုတဲ့အနေနဲ့ ရေးဖွဲ့ထားတဲ့ သံမဏိလိပ်ပြာ သီချင်းကို ဘယ်လို ရည်ရွယ်ချက်တွေနဲ့ ရေးထားတာလဲ။

L.L ။ ။ ကျွန်တော်တို့ အသက်ရှင်နေသရွေ့၊ မြေကြီးပေါ်မှာ ရပ်နေသရွေ့ စိတ်နဲ့တောင် မပြစ်မှားသင့်တဲ့ ပုဂ္ဂိုလ်တစ်ယောက်ကို မေတ္တာဘွဲ့ တေးတစ်ပုဒ်အနေနဲ့ ဒီသီချင်းလေး ကိုရေးဖွဲ့ထားပါ။ ဒီသီချင်းလေးကို ကျွန်တော့်ပရိသတ်တွေ၊ ဒီသီချင်းလေးကို ကြိုက်တဲ့သူ တွေကြားထဲမှာ ပျံ့နှံ့စေချင်တယ်။ ဒီသီချင်းထဲမှာ သေချာခိုင်မာတဲ့ အမှန်တရားတွေကိုပဲ ကျွန်တော် ရေးဖွဲ့ထားတာ။ ဒီသီချင်းလေးကို ကျွန်တော်တို့ သေပြီးတဲ့နောက်မှာလည်း ကမ္ဘာတည်သရွေ့၊ မြန်မာတည်သရွေ့ ပရိသတ်တွေကြားမှာ ပျံ့နှံ့နေစေချင်တယ်။

The Voice ။ ။ ဒီစီးရီးကိုအားပေးကြတဲ့ ပရိသတ်တွေအတွက် လင်းလင်းဘာပြောချင်လဲ။

L.L ။ ။ ဒီခွေကို အားပေးကြ တဲ့အတွက် ပြောမပြတတ်အောင် ဝမ်းသာတယ်။ ပီတိလည်း ဖြစ်တယ်။ ကျေးဇူးလည်းတင်တယ်။ ကျွန်တော့်အခွေမှ မဟုတ်ဘူး။ တခြားအနုပညာရှင်တွေရဲ့ အခွေတွေကိုလည်း ကိုယ်ကြိုက်တယ်၊ နားထောင်ခံစားချင်တယ်ဆိုရင် ပရိသတ်တွေကို အားပေးပါလို့ မေတ္တာရပ်ခံချင်တယ်။ ဘာလို့လဲဆိုတော့ ကျွန်တော်တို့ ဂီတလောက အခြေအနေက နာလန်မထူနိုင်လောက်အောင် ဖြစ်နေပြီ။ ကျွန်တော့်အခွေကို အားပေးသလို တခြားအနုပညာရှင် တွေရဲ့ အခွေတွေကိုလည်း အားပေးရင် တော်တော်များများ ရပ်တည်သွားနိုင်မယ်လို့ ထင်တယ်။

The Voice ။ ။ လင်းလင်းလုပ်ဖို့ရှိတဲ့ တစ်ကိုယ်တော် Show ပွဲအကြောင်းလည်း ပြောပြပေးပါဦး။

L.L ။ ။ တစ်ကိုယ်တော် Show ပွဲကတော့ ကျွန်တော် ပထမဆုံးအကြိမ် လုပ်မှာပါ။ ဒီ Show ကို ဘဝမှာ မှတ်တိုင်တစ်ခုအနေနဲ့၊ အမှတ်တရ တစ်ခုအနေနဲ့ ကျန်သွားစေချင်တဲ့ ရည်ရွယ်ချက်တွေနဲ့ လုပ်မှာပါ။ ကျွန်တော်မှန်းထားတာတော့ အောက်တိုဘာ၊ နိုဝင်ဘာလောက်မှာ လုပ်ဖြစ်မယ်။ လုပ်မယ့်နေရာနဲ့ ရက်တွေသေချာရင် ကျွန်တော့်ပရိသတ်တွေနဲ့ မီဒီယာတွေကို အသိပေးမှာပါ။

Credit To The Voice Weekly
Read More »

အရုဏ်ဦးလွတ်လပ်ရေး (၆)



(နေသန်မောင်)

လယ်သမားသူပုန်

‘သုပဏ္ဏက ဂဠုဏရာဇာ’ ဘွဲ့ခံ ဆရာစံ ဦးဆောင်သော တောင်သူလယ်သမား အရေးတော်ပုံကြီးသည် ၁၉၃၀ ပြည့်နှစ် ဒီဇင်ဘာ ၂၂ ရက်နေ့တွင် ပဲခူးတိုင်း အနောက်ခြမ်းရှိ သာယာဝတီခရိုင်တွင် စတင် ပေါ်ပေါက်ခဲ့သည်။ ဂဠုန်သူပုန်တပ်သား များသည် အစိုးရအရာရှိများနှင့် ပုလိပ်များကို တိုက်ခိုက်ခြင်း၊ ဌာနဆိုင်ရာများကို ဖျက်ဆီးခြင်း၊ မီးတင်ရှို့ခြင်းတို့ကြောင့် ဗြိတိသျှအစိုးရ အတော်ပင် ထိတ်လန့်သွားသည်။ အရေးတော်ပုံ၏ ပွဲဦးထွက် ပထမဆုံးပုန်ကန်မှုသည် သာယာဝတီနယ် အင်းရွာရှိ မီးရထားဘူတာရုံ တစ်ခုကို စီးနင်းကာ မီးတင်ရှို့ခဲ့ကြခြင်း ဖြစ်သည်။

ဆရာစံသူပုန်ထမှုကို ကိုယ်တိုင် သတင်းလိုက်ယူခဲ့သူ မြန်မာ့အလင်း သတင်းထောက် ဦးလှထွန်းဖြူက အစိုးရပုလိပ်များသည် သူပုန်များကို ရက်ရက်စက်စက် နှိမ်နင်းခဲ့သည်ဟု ပြောဆိုခဲ့သည်။

“ကျွန်တော် မနက်တိုင်း မီးရထားနဲ့ သာယာဝတီကို ရောက်တယ်။ ရောက်တာနဲ့ တစ်ပြိုင်တည်း ဆရာစံ ထကြွမှုနဲ့ ပတ်သက်လို့ စုံစမ်းထောက်လှမ်းဖို့ ခရိုင်အသီးသီးက ရွေးချယ်စေလွှတ်တဲ့ စုံထောက်၊ ရာဇဝတ်အုပ်တွေရဲ့ စခန်းကိုသွားပြီး ထမင်းစားပါတယ်။ နောက် ... သူတို့နောက်ကို ခြေကျင်တစ်မျိုး၊ မော်တော်ဆိုင်ကယ်နဲ့ တစ်မျိုး လိုက်သွားတယ်။ သာယာဝတီမြို့နဲ့ မလှမ်းမကမ်း ၁၅ မိုင်လောက်ကွာတဲ့ ကျေးရွာများကို ရောက်တယ်။ ပုလိပ်ရာဇဝတ်အုပ် တချို့က ကျေးရွာတွေကို မီးရှို့ကြတဲ့အခါ ထွက်ပြေးကြတဲ့ ရွာသူရွာသားတွေကို ပန်ချာပီစစ်သားတွေက သေနတ်နဲ့ လှမ်းပစ်တယ်။ မိခင်တွေဟာ ကလေးငယ်တွေကိုပစ်ပြီး ထွက်ပြေးကြရရှာတယ်” ဟု ဦးလှထွန်းဖြူက သူ၏မျက်မြင် အတွေ့အကြုံကို ရှင်းပြခဲ့သည်။

ဗြိတိသျှအစိုးရသည် ပေါ်ပေါက်လာသော ဂဠုန်သူပုန်များကို နှိမ်နင်းရန် အိန္ဒိယမှ ပန်ချာပီ စစ်တပ်တစ်တပ်ကို မြန်မာပြည်သို့ အမြန်ဆုံးခေါ်ယူပြီး သာယာဝတီသို့ စေလွှတ်ရာ ဒီဇင်ဘာ ၂၆ တွင် ရောက်လာသည်။

ရန်ကုန်နှင့် အနယ်နယ်အရပ်ရပ်မှ ပြည်သူများက ဆရာစံသူပုန်ကို အထူးအာရုံစိုက်လာသလို ဗြိတိသျှအစိုးရ ကလည်း ပုန်ကန်မှုများ အမြန်ဆုံး ရပ်တန့်သွားစေရေး နည်းလမ်းပေါင်းစုံဖြင့် ကြိုးစားသည်။ ရန်ကုန်ရှိ သူရိယသတင်းစာက အစိုးရတပ်များသည် လယ်သမားသူပုန်များကို စက်သေနတ်ဖြင့် ပစ်ခတ်ရာ ဂဠုန်သူပုန်များ သေနတ်ပီးကြောင်း၊ မီးမကူးကြောင်း၊ အစိုးရ တပ်သားများ သေနတ်များချကာ ထွက်ပြေးခဲ့ကြောင်း ရေးသားခဲ့၍ အာမခံ ငွေတစ်သောင်း တင်ရသည်။ အာမခံတင်ရသောကြောင့် သူရိယသည် ခေါင်းကြီးမရေးဘဲ အစိုးရကို ကန့်ကွက် ဆန္ဒပြခဲ့သည်။ ၁၉၃၁ ဇန်နဝါရီ ၁၂ ရက်နေ့တွင် အာမခံငွေ တင်ခဲ့ရသော်လည်း အစိုးရက ဖေဖော်ဝါရီ ၂၃ တွင် ပြန်လည်ပေးခဲ့သဖြင့် ခေါင်းကြီးပိုင်း ပြန်လည်ရေးသားခဲ့သည်။

ဆရာစံသည် ဦးစိုးသိမ်း ဂျီစီဘီအေ အဖွဲ့ဝင်တစ်ဦး ဖြစ်ခဲ့ပြီး သူ၏ သူပုန်ထမှု ဦးဆောင်ရာ၌ ဦးစိုးသိမ်း လက်ချက် ပါနိုင်သည်ဟု အစိုးရ စုံထောက်များက ယူဆပြီး ကြည့်မြင်တိုင် ဗားကရာလမ်းပေါ်ရှိ ဂျီစီဘီအေ အသင်းတိုက်ကို ဝင်ရောက်ရှာဖွေကြသည်။

ကိုလိုနီအစိုးရသည် မြန်မာပြည်ကို ဒိုင်အာခီစနစ်ဖြင့် အုပ်ချုပ်နေပြီး ဆရာစံပုန်ကန်မှုသည် ပထမဆုံးသော ဗြိတိသျှဆန့်ကျင်ရေး လှုပ်ရှားမှု ဖြစ်သဖြင့် မြန်မာအမျိုးသားရေး ဝါဒီများအကြား နိုင်ငံရေး နိုးကြားမှုများ ပေါ်ထွက်လာသလို တစ်ဖက်၌လည်း အုပ်စု၊ ဂိုဏ်းဂဏစွဲ အကွဲအပြဲများ ပေါ်ထွက်လာသည်။ မြန်မာပြည်တွင် ပြုပြင်ပြောင်းလဲမှုများ ပြုလုပ်ရန် ဆိုင်မွန် စုံစမ်းရေးကော်မရှင်ကို ဗြိတိသျှအစိုးရက ၁၉၃၁ တွင် ခန့်အပ်ခဲ့ပြီး အိန္ဒိယတိုက်မှ မြန်မာပြည်ကို ခွဲထုတ်ရန် (သို့မဟုတ်) တွဲထားရန်ဆိုသော စီမံကိန်းမှာ ပြုပြင်ပြောင်းလဲရေး ကဏ္ဍ၌ ပါဝင်လာခဲ့သည်။
ထိုအချိန်၌ ဂျီစီဘီအေသည် ၁၉၂၂ တွင် ဦးချစ်လှိုင် ဂျီစီဘီအေနှင့် ဦးဘဖေ ဂျီစီဘီအေဆိုကာ နှစ်ခြမ်းကွဲနေသည်။ ဦးဘဖေသည် ဟုမ္မရူးပါတီကို ထူထောင်သည်။ ၂၁ ဦးပါတီဟုလည်း လူသိများသည်။ ဦးချစ်လှိုင်အခြမ်းသည် အိန္ဒိယနှင့် မြန်မာပြည်ကို တွဲထားရန် လိုလားပြီး ကိုယ်ပိုင်အုပ်ချုပ်ရေးကို ထိုမှတစ်ဆင့် တိုးတက်ယူနိုင်မည်ဟု ယူဆခဲ့သည်။ ဦးချစ်လှိုင် အခြမ်း၌ နောက်ထပ်ကွဲပြန်၍ ဦးချစ်လှိုင်၊ ဦးစိုးသိမ်း ဂျီစီဘီအေဟု ပေါ်လာခဲ့ပြန်သည်။

ဦးဘဖေ၏ ဟုမ္မရူး (၂၁ ဦးပါတီ) က တွဲရေးကို ဆန့်ကျင်ပြီး အိန္ဒိယမှ လုံးဝခွဲထုတ်ပေးရန် အပြင်းအထန် တောင်းဆိုသည်။ ခွဲထွက်မှသာ အိန္ဒိယ လွှမ်းမိုးမှုအောက်မှ လွတ်မြောက်ပြီး လွတ်လပ်သော ကိုယ်ပိုင်အုပ်ချုပ်ရေးကို တည်ဆောက်နိုင်မည်ဟု ယုံကြည်သည်။ ထိုအခါ ခွဲရေး၊ တွဲရေးဆိုင်ရာ အယူအဆကြောင့် အုပ်စုအချင်းချင်းကြား ပဋိပက္ခမှာ ပိုမိုကြီးမားလာပြီး ပုဂ္ဂိုလ်ရေး တိုက်ခိုက်မှုများ အရှိန်မြင့်တက်လာခဲ့တော့သည်။

ထိုအချိန်တွင် ပြည်မြို့၌ ထကြွသောင်းကျန်းနေသော လယ်သမား သူပုန်များကို ဗြိတိသျှစစ်တပ်က အင်အားသုံး ဖြိုခွင်းနေပြီး ဖမ်းဆီးရမိသည့် သူပုန် ၁၆ ဦး၏ ဦးခေါင်းများကို ဖြတ်ကာ အများပြည်သူမြင်ကွင်းရှေ့ ပြသခဲ့သည်။ သူပုန်ခေါင်းများကိုဖြတ်ပြီး လူမြင်အောင် ပြသခြင်းသည် ယဉ်ကျေးသော အမူအကျင့် မဟုတ်ကြောင်း ဦးဘဖေ၏ ဟုမ္မရူးပါတီက အပြင်းအထန် ကန့်ကွက်သည်။ မြန်မာလူမျိုးများသည် ဗြိတိသျှတို့၏ ထိုအပြုအမူကို စက်ဆုပ်ရွံရှာကြောင်း၊ ဗြိတိသျှ- မြန်မာတို့ကြား စိတ်၌ အခဲမကျေမှုများ ပိုမိုတိုးပွားလာစေသည့် ရိုင်းပျသောလုပ်ရပ် ဖြစ်ကြောင်း ပြောဆိုကာ ဟုမ္မရူးပါတီမှ သာယာဝတီ ဦးပုသည် ဆင်းမလားရှိ အိန္ဒိယဘုရင်ခံချုပ်ထံ ကန့်ကွက် စာကို ကြေးနန်းရိုက် ပေးပို့ခဲ့သည်။

ပြည်မြို့ရှိ သူပုန်ခေါင်းပြတ်များကို ဓာတ်ပုံများဖြင့် မြန်မာသတင်းစာများက အကျယ်တဝင့် ဖော်ပြလိုက်သောအခါ ဗြိတိသျှပါလီမန်သည် အတော်ကို တုန်လှုပ်သွားသည်။ သူပုန်ခေါင်းဖြတ်သည့် အကြောင်းနှင့် စပ်လျဉ်းပြီး အိန္ဒိယအစိုးရက ကြေညာချက် ထုတ်ပြန်ခဲ့ရာ သေဆုံးသူ သူပုန်များ မည်သူမည်ဝါများ ဖြစ်သည်ကိုသိရှိရန် ခေါင်းဖြတ်ယူလာခြင်း ဖြစ်ကြောင်း၊ ထိုခေါင်းပြတ်များကို ဓာတ်ပုံရိုက်ယူရန် ခုံပေါ်တင်ကာ စီစဉ်ခဲ့ခြင်း ဖြစ်ကြောင်း၊ နောက်နောင် သေဆုံးသူများ မည်သူမည်ဝါ ဖြစ်သည်ကို သိနိုင်ရန်အတွက် ခေါင်းဖြတ်ယူမလာရန် အမိန့်ထုတ်ထားပြီး ဖြစ်ကြောင်း၊ ဖြစ်ပွားခဲ့သည့် ဖြစ်ရပ်အတွက် အရေးယူဖော်ထုတ်မည် ဖြစ်ကြောင်း ဖော်ပြခဲ့သည်။

အိန္ဒိယနှင့် တွဲရေးလိုလားသော ဦးချစ်လှိုင်သည် ဦးဘဖေ၏ ဟုမ္မရူးပါတီဘက်မှ ပုဂ္ဂိုလ်ရေး တိုက်ခိုက်မှုများကြောင့် လူကြိုက်နည်းလာပြီး ရာထူးမှ ဆင်းပေးလိုက်ရတော့သည်။ ဆရာစံ အရေးတော်ပုံကြောင့် မြန်မာလူငယ် အများအပြားသည် နိုင်ငံရေးကို စိတ်ပါဝင်စားလာပြီး ပါဝင်လာကြသည်။ ထိုလူငယ်များအနက် လူသိများ ထင်ရှားလာသူများမှာ ဒေါက်တာဘမော်၊ ဦးကျော်မြင့်နှင့် ဦးစောတို့ ဖြစ်သည်။ ဦးစောသည် ဆရာစံသူပုန်ကြောင့် လူထုထောက်ခံမှု ရရှိစေရန် သူ၏အမည်ရှေ့တွင် ဂဠုန်တပ်၍ ခေါ်စေရာ ဂဠုန်ဦးစောဟု အမည်တွင်လာခဲ့သည်။ ဦးကျော်မြင့်မှာ နယူးဒေလီရှိ ဥပဒေပြု လွှတ်တော်တွင် ကိုယ်စားလှယ်အဖြစ် တာဝန်ယူရသည်။

လယ်သမားသူပုန်မှာ ၁၉၃၁ နှစ်လယ်ပိုင်း၌ သိသိသာသာ အားပျော့သွားပြီးနောက် ရှမ်းပြည်မြောက်ပိုင်း၌ ပုန်းအောင်းနေသော လယ်သမားခေါင်းဆောင် ဆရာစံကို ဗြိတိသျှတို့ ဖမ်းဆီးမိသွားသည်။ အရေးတော်ပုံကြီးကို အစိုးရက နှိမ်နင်းနိုင်ခဲ့ပြီး သူပုန်ခေါင်းဆောင်ကို ခုံရုံးတင်စစ်ဆေးရာ ရှေ့နေများအဖြစ် ဦးထွန်းအောင်ကျော်၊ ဒေါက်တာဘမော်၊ သခင်မြ၊ သခင်စိမ့်၊ ဦးချစ်ညွန့်၊ ဦးဘရှိန်း၊ ဦးသူငယ်တို့ လိုက်ပါဆောင်ရွက်ကြသည်။ တရားလိုအဖြစ် သာယာဝတီ ရာဇဝတ်ဝန်ကြီး ဦးအုန်းကျော်က စွဲချက်တင်ကာ စက်ရှင်တရားသူကြီးမှာ ဦးဘဦး ဖြစ်သည်။ ဆရာစံသည် ဗြိတိသျှ အစိုးရကို လက်နက်ကိုင် ပုန်ကန်သောင်းကျန်းသည် ဟူသော စွဲချက်ဖြင့် သာယာဝတီထောင်၌ ၁၉၃၁ နိုဝင်ဘာ ၂၈ တွင် သေဒဏ် အပြစ်ပေးခံခဲ့ရသည်။

ဆရာစံသည် ခုံသမာဓိရုံးသို့ သူ့အပေါ်ချမှတ်ခဲ့သည့် ပြစ်ဒဏ်နှင့် ပတ်သက်ပြီး အယူခံလွှာကို ရှေ့နေ ဒေါက်တာဘမော်နှင့် သာယာဝတီ ဦးပုတို့က တင်သွင်းပေးခဲ့သည်။ အယူခံလွှာ၌ ဆရာစံသည် သွေးထွက်သံယို အကြမ်းဖက်မှုကို မလိုလားဘဲ မြန်မာပြည်ကို အိန္ဒိယမှ ခွဲထုတ်မည်ကို စိုးရိမ်ခြင်းကြောင့် အာဏာဖီဆန်ခြင်း ဖြစ်သည်ဟု ဖော်ပြခဲ့သည်။

“ကျွန်တော်မျိုးသည် သွေးထွက်သံယိုမှုကို မလိုလားပါ။ သွေးထွက်သံယိုမှု မဟုတ်ဘဲ အာဏာဖီဆန်ရေးကို လိုလားပါသည်။ သို့ဖြစ်သဖြင့် အလံတောင်တောသို့ လူစုလူဝေးဖြင့် သစ်တောဥပဒေကို တရားသောနည်းနှင့် ခုခံရန် စီစဉ်နေစဉ် ဗိုလ်ဘိုးပြော့၊ ဗိုလ်ဘိုးခတို့က ခေါင်းဆောင်၍ အလွန်မှားသော သွေးထွက်သံယိုမှုကို မသိနားမလည်သူ တောသူ တောင်သားများအား တိုက်ရိုက် ညွှန်ကြားခြင်းကြောင့်သာ သာယာဝတီနယ်တွင် သွေးထွက်သံယိုမှု ဖြစ်ရပါသည်။ ကျွန်တော်မျိုးကမူ ထိုအပြုအမူမျိုးကို လုံးဝမနှစ်သက်ပါ။ မနှစ်သက်၍ ရှမ်းပြည်သို့ တိမ်းရှောင်သွားခြင်း ဖြစ်သည်။ ထို့ပြင်လည်း ကျွန်တော်မျိုး ဆရာစံသည် ဗမာပြည်ကို အိန္ဒိယပြည်မှ ခွဲထွက်မည်ကို စိုးရိမ်သောကြောင့် ကန့်ကွက်လိုသော သဘောနှင့် တရားသောနည်းလမ်းနှင့် အာဏာဖီဆန်ရန် စီမံခြင်းကြောင့် ကျွန်တော်မျိုး၌ လုံးဝအပြစ်မရှိပါ”

ဆရာစံ၏ အယူခံလွှာမှာ ပယ်ချခံခဲ့ရသည်။ ဆရာစံအား သာယာဝတီ ထောင်အတွင်း ကြိုးပေးရန် အစိုးရက ဆုံးဖြတ်ခဲ့သည်။ ဆရာစံကို အခန်းတွင်းမှ အကျဉ်းသားနှစ်ဦးက ထုတ်ယူသည့်အခါ အလိုအလျောက် လိုက်ပါလာပြီး အနီးရှိလူများကို နှုတ်ဆက်စကားပြောသည်။ “သွားပြီ။ အားလုံးပဲ။ အောင်ပါစေဆိုတဲ့ဆုကို တောင်းပေးကြပါ။ အမျိုး၊ ဘာသာ၊ သာသနာ၊ ပညာအတွက် ကြိုးပေးခံရမည်ကို မကြောက်ပါ” ဟု ပြောဆိုကာ ထောင်သားများကို အတွဲမခံဘဲ စက်တိုင်ပေါ်သို့ ကိုယ်တိုင်တက်သွားသည်။

ဆရာစံကို ကြိုးပေးစဉ်က မျက်မြင်သက်သေဖြစ်သူ ထောင်မှူး ဦးစိန်က ဆရာစံ၏ နောက်ဆုံးခရီးကို အောက်ပါအတိုင်း ပုံဖော်ပြောဆိုခဲ့သည်။
“တိုင်းမင်းကြီး ဦးကျော်နှင့်တကွ လူကြီးလူကောင်းအားလုံး နှစ်ဆယ်ရဲ့ရှေ့မှာ ယခု သာယာဝတီ ထောင်ထဲမှာ ရှိနေတဲ့ ကြိုးစင်ဟောင်းက နှစ်စင်ပြိုင်တူရှိတဲ့အနက် ဝဲဘက်စင်မှာ ဆရာစံကို ကြိုးပေးခဲ့ပါတယ်။ ကြိုးတိုက်အင်္ကျီဝတ်၊ လက်ထိတ်နောက်ပြန်ခတ်၊ တံတောင်ဆစ်မှ ကြိုးချည် ခံထားရတဲ့ ဆရာစံဟာ နံနက် ၅ နာရီလောက်အချိန်မှာ အကျဉ်းသားနှစ်ဦး ဘေးကယှဉ်ပြီး ကြိုးစင်ကို တောင်ကမူ အမြင့်ကလေးအတိုင်း တက်လာတယ်။ ကြိုးစင်နားအရောက်မှာ သူ့ကို အကျဉ်းသားနှစ်ဦးကိုင်ပြီး တွဲလို့ ဆရာစံက တွန်းဖယ်လိုက်ပြီး အနီးအနားမှာ ရောက်နေကြတဲ့ ဧည့်သည်တွေကို နှုတ်ဆက်တယ်။ နောက် ကြိုးစင်ပေါ်တက်ပြီး ဖြစ်လေရာဘဝမှာ အင်္ဂလိပ်ကို နိုင်ရတဲ့ကိုယ် ဖြစ်ပါစေသတည်းလို့ ဆုတောင်းပြီး သေဆုံးသွားရှာတာပါပဲ”

ဆရာစံ ဦးဆောင်သော နယ်ချဲ့တော်လှန်ရေး တောင်သူလယ်သမား အရေးတော်ပုံကြီးသည် မှန်ကန်ကြောင်း မြန်မာ့အလင်းသတင်းစာ တာဝန်ခံအယ်ဒီတာ ချစ်မောင် (နောင် ဂျာနယ်ကျော် ဦးချစ်မောင်) က ခေါင်းကြီးကို အင်္ဂလိပ်ဘာသာဖြင့် ထောက်ခံရေးသားခဲ့သည်။

“၁၉၃၀-၃၂ မြန်မာပြည် သူပုန်ထခြင်း၏ တကယ်စစ်မှန်သော မူရင်းအခြေခံနှင့် လှုံ့ဆော်ချက်များအမည်ရှိ စာတမ်းတွင် မျက်နှာဖြူလူမျိုး မောရစ်ကောလစ်ကိုယ်တိုင် အရေးတော်ပုံကို ရှုမြင်သုံးသပ်ရာ၌ ကောက်နုတ် ဖော်ပြချက်ပါရှိသည်မှာ မြန်မာပြည်တွင် အင်္ဂလိပ်တို့ မလုပ်သင့်သော လုပ်ငန်းနှစ်ရပ်ကို မှားယွင်းစွာ လုပ်ခဲ့ကြသည်။ ပထမအချက်မှာ အင်္ဂလိပ် အကျိုးအတွက် သက်သက်ကိုသာ ထာဝစဉ် ရှေးရှုထားခြင်းနှင့် ဒုတိယအချက်မှာ မြန်မာလူမျိုးတို့အား လူသားအချင်းချင်း ဟူ၍ သဘောမထားဘဲ နိမ့်ကျယုတ်ညံ့သော တိရစ္ဆာန်များသဖွယ် သဘောထားပြုမူခြင်း ဖြစ်သည်။ ထို့ကြောင့် ငွေမရှိ၊ ကျွမ်းကျင်မှု မရှိသော မြန်မာတို့ ကိုယ့်မြေပေါ်တွင်ဖြစ်လျက် နေစရာမရှိ၊ စားစရာမရှိ၊ ဆင်းရဲငတ်မွတ်လှသည်။ ထိုငတ်မွတ်မှုကြောင့် သူ့ခမျာ လူရာမဝင် ဖြစ်ရပြန်၏။ ထို့ကြောင့် ၁၉၃၀ ပြည့်နှစ်တွင်ရှိသော အခြေအနေဆိုးများအရ အင်္ဂလိပ်အစိုးရ၏ စေတနာကို ယုံကြည်နိုင်စရာ မရှိတော့ချေ။ ထို့ကြောင့် သူပုန်ထပွဲကြီး ပေါ်ရခြင်းပေတည်း- ဟူ၍ဖြစ်လေသည်။ မှန်ပေ၏။ ဗြိတိသျှအစိုးရ၏ စက္ကူပြာ အစီရင်ခံစာအတိုင်း မင်းလောင်းရှာသော ဓားပြတစ်စု၏ ထကြွခြင်း မဟုတ်ပေ။”

(ဆက်လက်ဖော်ပြပါမည်)

Credit To The Voice Weekly
Read More »