ကချင်အထူးဒေသ(၁)လူမျိုးစုခေါင်းဆောင် ပြည်နယ်လွှတ်တော်အမတ် ဦးဇခုန်ယိန်းဆောင်နှင့်တွေ့ဆုံခြင်း



“အခု နိုင်ငံတော်အုပ်ချုပ်နေတဲ့ခေါင်းဆောင်ကြီးများနဲ့ တိုင်းရင်းသားအဖွဲ့အစည်းတွေအကုန်ပွင့်ပွင့်လင်းလင်းပြောကြပါ။ စိတ်ထဲမှာ ငါဒီတစ်ခုတော့ ကြံထားဦးမယ်ဆိုတာမျိုးမထားဘဲ ပွင့်ပွင့်လင်းလင်းပြောကြလို့ရှိရင်တော့ အဆင်မပြေစရာ မရှိလောက်ပါဘူး”
မေးမြန်းသူ- ဥက္ကာကိုကို

အမျိုးသားဒီမိုကရေစီသစ်တပ်မတော်(ကချင်) (NDA-K) သည် ၁၉၉၃ ခုနှစ်၌ အစိုးရနှင့် အပစ်အခတ်ရပ်စဲခဲ့ပြီးနောက် ၂၀၀၉ ခုနှစ်၊ အစိုးရနှင့် ပထမဆုံးလက်တွဲခဲ့သည့် တိုင်းရင်းသားလက်နက်ကိုင်အဖွဲ့အစည်းတစ်ခုအဖြစ် နယ်ခြားစောင့်အသွင် ပြောင်းလဲခဲ့သည်။ လော်ဝေါ်၊ လာချိဒ်၊ လီဆူးလူမျိုးများ နေထိုင်လျက်ရှိသော ကချင်အထူးဒေသ(၁) အဖြစ် မြန်မာပြည်အရှေ့မြောက်ဖျားတောင်တန်း ဒေသတစ်ခွင်ကို ဆက်လက်တာဝန်ယူခဲ့ကြသည်။ တရုတ်နိုင်ငံနှင့် နယ်နိမိတ်ချင်း ထိစပ်နေပြီး ပန်ဝါ၊ ဖီမော်၊ ကံပိုင်တည်၊ ချီဖွေစသည့် နယ်စပ်ကုန်သွယ်ရေး လမ်းကြောင်းများရှိရာ ဒေသလည်းဖြစ်သည်။ ၂၀၁၂ ခုနှစ် ဧပြီလတွင် ကချင်အထူးဒေသ(၁)၏ နယ်ခြားစောင့်တပ် (၁၀၀၂)ကို ကေအိုင်အေတပ်ဖွဲ့များက ၀င်ရောက်တိုက်ခိုက်ခဲ့ပြီး ယခုအချိန်အထိ တပ်စွဲထားဆဲ ဖြစ်သည်။ ပညာရေးနှင့် ဖွံ့ဖြိုးရေးပိုင်းတွင် များစွာနောက်ကျနေသေးသည့် တောင်ပေါ်ဒေသတစ်ခုဖြစ်ပြီး လမ်းပန်းဆက်သွယ်ရေးလည်း များစွာ ခက်ခဲနေသေးသည်။ အမျိုးသားလွှတ်တော်ကိုယ်စားလှယ် ဦးဇခုန်တိန့်ယိန်း၏ ဦးဆောင်မှုအောက်တွင် တည်ရှိခဲ့သည် ဒေသဖြစ်ကာ ယခုအခါ လူမျိုးစုအကြီးအကဲလည်းဖြစ်၊ ပြည်နယ်လွှတ်တော် ကိုယ်စားလှယ်တစ်ဦးလည်းဖြစ်သော သားဖြစ်သူ ဦးဇခုန်ယိန်းဆောင်က ဆက်လက်တာဝန်ယူလျက်ရှိသည်။ ဦးဇခုန်ယိန်းဆောင်နှင့် ပန်ဝါမြို့တွင် တွေ့ဆုံမေးမြန်းခဲ့သည်များကို ဖော်ပြလိုက်ပါသည်။

မေး- ကချင်အထူးဒေသ(၁)ရဲ့ နယ်မြေအတွင်းမှာ လမ်းပန်းဆက်သွယ်ရေး၊ ပညာရေး၊ ဖွံ့ဖြိုးရေးစတာတွေကို ဦးယိန်းဆောင်တို့ကပဲ အစအဆုံးဆောင်ရွက်နေတယ် ဆိုတော့ ဒီနယ်မြေကြီးတစ်ခုလုံးမှာ ဆောင်ရွက်ပေးနေတဲ့ ဖွံ့ဖြိုးရေးလုပ်ငန်းတွေအတွက် ကုန်ကျတဲ့ စရိတ်တွေက ဘယ်လုပ်ငန်းတွေက ရတာလဲ။
ဖြေ- အခုကျွန်တော်တို့ ဒီချောင်းဆုံမှာ အစိုးရဆီက တရားဝင်ရွှေလုပ်ကွက်လျှောက်ပြီးတော့ ရွှေတူးတဲ့လုပ်ငန်းတွေရှိတယ်။ အဲဒီကရတယ်။ ပြီးတော့ ကျွန်တော်တို့ တရားဝင်လုပ်ကိုင်နေတဲ့ သတ္တုလုပ်ငန်းတွေ၊ အဲဒီက ၀င်ငွေတွေရတယ်။ အဲဒီကရတဲ့ ပိုက်ဆံတွေနဲ့ ဒီဒေသက ကျန်းမာရေး၊ ပညာရေး၊ လမ်းပန်းဆက်သွယ်ရေးတွေမှ ပြန်အသုံးချတယ်။ အချို့ဟာ ကျတော့လည်း နိုင်ငံတော်ကို ဘတ်ဂျက်တင်တယ်။ နိုင်ငံတော်က ချပေးတာတွေရှိတယ်။

မေး- ဒီနှစ်ပိုင်းအတွင်း ကေအိုင်အေနဲ့ ဖြစ်ပွားခဲ့တဲ့ တိုက်ပွဲတွေမှာ ကချင်အထူးဒေသ(၁) အနေနဲ့ အစိုးရတပ်မတော်နဲ့ နယ်ခြားစောင့်တပ်ကို ကူညီထောက်ပံ့ပေးတာတွေရှိခဲ့လား။
ဖြေ- ကူညီထောက်ပံ့ပေးတာကတော့ အများကြီးပဲ။ စစဖြစ်တော့ တပ်မတော်ကလည်းရောက်လာတယ်။ ရောက်လာတော့ တပ်မတော်က ဒီဒေသမှာ အေးလားမသိ၊ ပူလားမသိ၊ ဘောင်းဘီတိုနဲ့ပုဆိုးနဲ့ ရောက်လာတဲ့လူလည်း ပါတယ်။ လောလောနဲ့လာရတဲ့ အခါကျတော့ ရာသီဥတုဒဏ်ကို သူတို့ခံစားရတယ်။ ဒီလောက်အေးတဲ့နေရာ၊ ကိုယ်တောင်မနေနိုင်တဲ့နေရာ သူတို့ဘယ်နေနိုင်မလဲ။ သူတို့အတွက်ကို အ၀တ်အစားတွေ၊ အ၀တ်အထည်တွေ ၀ယ်ပေးတာတို့ ကိုယ်တို့အဖွဲ့အစည်းအနေနဲ့ ကူညီတာ။ ပြီးတော့ တောထဲမှာ သွားလာတာအဆင်ပြေဖို့အတွက် ကားနဲ့ ကားမောင်းကျွမ်းတဲ့ လူတွေထည့်ပေးပြီး စစ်ကြောင်းအပြောင်းအလဲတွေမှာ ကြို့ပို့လုပ်ပေးတာတို့ပေါ့။ တပ်မတော်ရော၊ နယ်ခြားစောင့်ကိုရော ဒေသခံတွေအနေနဲ့ ကူညီခဲ့တယ်။ အခု ပြည်သူ့စစ်အနေနဲ့ပါ ပူးတွဲပြီး ကူညီပေးနေတယ်။

မေး- မိုင်တိုင် ၅ ၊၆ ၊ ၇၊ မျှောချောင်း၊ ဖရဲ- လဂွေတောင်တန်းတစ်လျှောက်မှာ တပ်စွဲထားတဲ့ ကေအိုင်အေတပ်ဖွဲ့တွေ ဒီနှစ်မှာလည်း ပြန်လည်ဆုတ်ခွာမပေးဘူးဆိုရင် ဘာတွေဖြစ်လာမယ်လို့ ထင်ပါသလဲ။
ဖြေ- ကျွန်တော်တို့ပြောချင်တာက ပြည်ခိုင်ဖြိုးပါတီမှာ တာဝန်ရှိသလား။ တိုင်းပြည်ကို အုပ်ချုပ်နေတဲ့ အစိုးရမှာ တာဝန်ရှိသလား။ ဒါမှမဟုတ် မူလနေထိုင်တဲ့ ဒေသခံတွေမှာ တာဝန်ရှိသလား။ ဘယ်ဟာက တာဝန်အရှိဆုံးလဲလို့ အခုတိုင်းပြည်ကို အုပ်ချုပ်နေတဲ့ အစိုးရက ပွင့်ပွင့်လင်းလင်းလုပ်ဖို့တော့ လိုနေပြီ။ ဒါမှ ကျွန်တော်တို့လည်း ဘာလုပ်ရမယ်ဆိုတာသိမှာ။ အဲ၊ ကျွန်တော်တုိ့မှာ တာဝန်ရှိတယ်လို့ပြောရင် ကျွန်တော်တို့ မရမကမောင်းထုတ်မှာပဲ။ တာဝန်ပေးလိုက်တာနဲ့ ကျွန်တော်တို့ လုပ်မှာပဲ။ မောင်းထုတ်ဖို့ဆိုတာ ကျွန်တော်တစ်ယောက်တည်း မောင်းထုတ်မှာ မဟုတ်ဘူး။ ပြည်သူက လက်မခံလို့ မောင်းထုတ်လိမ့်မယ်။ ကျွန်တော်တို့အပိုင်းက ပြည်သူတွေတောင်းဆိုတာ အကုန်ဖြည့်ပေးမယ်။ ဒါကကျွန်တော်တို့ တာဝန်။

မေး- ကေအိုင်အေက ဒီဘက်ကမ်းကို ၀င်ရောက်တိုက်ခိုက်တပ်စွဲထားတဲ့အပေါ်မှာ ဒီဒေသကို အစိုးရရဲ့ တာဝန်ယူမှုအပိုင်းနဲ့ ပတ်သက်ပြီး ဘာပြောချင်ပါသလဲ။
ဖြေ- အခုပြောနေတဲ့ ပွင့်လင်းမြင်သာမှုအရ ပြောမယ်ဆိုရင် အစိုးရတပ်ရင်းဆို ချီဖွေမှာ ထိုင်နေတယ်။ အရှေ့ကနေ၀င်လာပြီး ဒီမှာ ဒီလို လာလုပ်ကြတယ်ဆိုတော့ ဒါကျွန်တော်ပွင့်ပွင့်လင်းလင်း ပြောချင်တယ်။ တာဝန်ရှိလား၊ မရှိလား။ တိုင်းပြည်ကို အုပ်ချုပ်နေတဲ့ လူကြီးတွေ စဉ်စားကြည့်ကြ။ ဘယ်သူ့မှာတာဝန်ရှိသလဲ။ ဒီလောက်မြင်နေရတဲ့ဟာကို။ လာနေကူးနေတာ မြင်နေတဲ့ဥစ္စာကို တားလည်း မတားဘဲနဲ့ ဒီထဲကိုလွှတ်ထည့်လိုက်တယ်ဆိုတာဟာက ပွင့်ပွင့်လင်းလင်းပြောရင် ယုံကြည်မှုမရှိလို့ ဖြစ်တာ။ အစိုးရက ကျွန်တော်တို့ကို မယုံလို့ဖြစ်တာလို့ ကျွန်တော် အဲဒီလို ယူဆတယ်။

မေး- ကေအိုင်အို/ကေအိုင်အေ အဖွဲ့အစည်းအပေါ်မှာ ဦးဇခုန်ယိန်းဆောင်အနေနဲ့ ဘယ်လိုမြင်ပါသလဲ။
ဖြေ- ကျွန်တော်အနေနဲ့မြင်တာ သူတို့လည်း အဖွဲ့အစည်း၊ သူတို့နေရာမှာ သူတို့ဖွံ့ဖြိုးမှုလုပ်တယ်ဆိုတာ လက်ခံတယ်။ ဒါပေမယ့် အကုန်လုံးကို ကေအိုင်အေပဲ အုပ်ချုပ်ရမယ်ဆိုတဲ့ ဥစ္စာကိုတော့ ကျွန်တော်အနေနဲ့ လက်မခံနိုင်ဘူး။ လူမျိုးလည်း မတူဘူး။ ကချင်ဆိုတာတော့ ဟုတ်တယ်။ ကချင်ထဲမှာက လူမျိုးက ခြောက်မျိုးရှိတယ်။ ကျွန်တော်တစ်ခုပြောချင်တာက အခုသူတို့က အတူတူပါလို့ပြောရင် ရှေးယခင်ကတည်းက ပေါင်းလာရင် ဒီမှာ ဒါမျိုးလည်း ဖြစ်လာစရာမရှိဘူး။ တစ်ဖွဲ့တည်းပဲရှိ မယ်။ ရှမ်းပြည်နယ်မှာလည်း ဦးမထုနော်ဆိုတာ သပ်သပ်ထွက်လာစရာမရှိဘူး။ အဲဒီတော့ ဘယ်သူမှာအမှားရှိလို့ ဒါမျိုးထွက်လာရတာလဲ။ မကောင်းဘူးထင်ရင်တော့ ထွက်ကြမှာပဲ။ ကောင်းတယ် ထင်ရင်တော့ လက်တွဲမှာပဲ။ သူတို့မှာ ကေအိုင်အေအဖွဲ့အစည်းက ရှေးယခင်ခေါင်းဆောင် လုပ်ခဲ့သူတွေမှာ အမှားအယွင်းတွေရှိခဲ့တယ်။ ဒါတော့ ရှင်းရှင်းလင်းလင်း စားပွဲပေါ်မှာရှင်းလို့ရတဲ့ တစ်နေ့တော့ ပြောလာကြလိမ့်မယ်လို့ ကျွန်တော့်အနေနဲ့
ထင်တယ်။ ကျွန်တော်မမီခဲ့တဲ့ ကိစ္စကိုကျတော့ မပြောချင်ဘူး။ ကျွန်တော်မီတဲ့ အချိန်မှာ ကေအိုင်အေ ကူညီခဲ့တဲ့နေရာတို့၊ အစိုးရနဲ့
အပစ်အခတ်ရပ်တာ။ ဖွံ့ဖြိုးအောင်လုပ်တာက သူတို့ရဲ့မူ ပေါ်လစီနဲ့ သူတို့ရှိမှာပဲ။

မေး- ကေအိုင်အေက ဘာကြောင့် ဒီဒေသကို လာပြီးတပ်စွဲတယ်လို့ ဦးယိန်ဆောင်မြင်ပါသလဲ။
ဖြေ- ကျွန်တော်အမြင်ပြောရရင် လူလိုချင်လို့လို့ထင်တယ်။ အင်အားလိုချင်လို့လို့ထင်တယ်။ ကေအိုင်အေမှာ အခု ရဲဘော်ဆိုတဲ့ ဥစ္စာ ကျွန်တော်တို့ လော်ဝေါ်၊ လရှီ၊ လီဆူးတွေလည်း ပါတယ်။

မေး- မိုင်တိုင် ၆ဖက်မှာ ဒေသခံအချို့ ကေအိုင်အေထိန်းချုပ်မှုထဲ ရှိနေတယ်လို့ ပြောကြပါတယ်။ အဲဒီ ဒုက္ခသည်တွေအတွက် ဦးယိန်ဆောင်တို့အနေနဲ့ ဘယ်လိုစီစဉ်ပေးဖို့ရှိပါသလဲ။
ဖြေ- ဘာတွေလုပ်ပေးနိုင်မလဲဆိုတော့ ကျွန်တော်တို့ ၂၀၁၂ ဇူလိုင်မှာ ရောက်သွားတယ်။ ဒုတိုင်းမှူးလည်းပါတယ်။ ကျွန်တော်အဖေလည်းပါတယ်။ ဒုက္ခသည်တွေနဲ့ ဆွေးနွေးတယ်။ မင်းတို့ ပြန်မလား။ ပြန်မယ်ဆို ငါတို့လာခေါ်မယ်။ ကျွန်တော်တို့သွားခေါ်တော့ တရုတ်အစိုးရဆီမှာလည်း အကူအညီတောင်းရတာပေါ့နော်။ ဒီဘက်ကျတော့စစ်ဖြစ်နေတဲ့နေရာ ဟုတ်တဲ့အတွက်ကြောင့် မိုင်းမြှုပ်ထားတာတွေအများကြီးရှိတယ်။ ကျွန်တော်တို့ ဘယ်လိုမှသွားခေါ်လို့မရဘူး။ တရုတ်ပြည်ဘက်ကနေပတ်ပြီး ကားခုနစ်စီးနဲ့ကျွန်တော်တို့ လူတွေထည့်လိုက်တယ်။ သွားခေါ်တော့ ဘာဖြစ်လဲဆိုတော့ အစက သွားဆွေးနွေးထားတဲ့အချိန်မှာ အကုန်လုံးလိုက်မယ်။ လာခေါ်ပေါ့။ ရောက်သွားတဲ့အချိန်ကြ တော့ သုံးလေးငါးယောက်က ဓားကိုင်ပြီးထွက်လာပြီးတော့ မင်းတို့ကို သတ်မယ်ဘာညာနဲ့။ တရုတ်ရဲတွေက ၀င်တားပေးလို့ ဒီကလူတွေ ဒုက္ခမရောက်ဘဲ ပြန်လာတာ။ ဒီသဘောတရားက ကျွန်တော်တို့က အစိုးရဆီပို့ပေးပြီးတော့ ဖမ်းတယ်တို့ ထောင်ချလိုက်တယ်တို့ သူတို့လိုင်ဇာအက်ဖ်အမ်ကနေပြောနေ တာရှိတယ်လေ။ အဲဒီဘက်ကနေ ပြေးတာတဲ့ ပြည်သူတွေက ပြောပြတာ ဘယ်လိုလုပ်လဲဆိုတော့ အိမ်မှာ အိမ်ထောင်ဦးစီးနှစ်ယောက် ရှိတယ်ဆိုရင် အမေက တစ်နေရာသွားမယ်ဆို အဖေကိုခဏထိန်းသိမ်းထားတယ်။ မြေတွင်းထဲမှာ ထည့်ပြီး ထိန်းထားတယ်။ ပြန်မလာတော့ဘူးဆိုရင် မင်းမိသားစုကို သတ်မယ်။ ဒါမျိုး ခြိမ်းခြောက်တာတွေရှိတယ်။ ဒါက ပြေးလာတဲ့လူတွေပြောပြတာ။

မေး- ဒီနယ်မြေမှာ ဘိန်းစိုက်ပျိုးမှုတွေ ရှိနေတယ်ဆိုတဲ့ သတင်းတွေထွက်နေပါတယ်။ အခု ဦးယိန်းဆောင်တို့ကလည်း ဘိန်းစိုက်ပျိုးထားတာတွေ မရှိပါဘူး ဆိုတော့သိချင်တာက ဦးယိန်းဆောင်တို့ မစိုက်ဘူးဆိုရင် ဒီလိုနယ်မြေမှာ ဘယ်သူတွေကလာပြီးစိုက်နေတာလဲ။
ဖြေ- ကျွန်တော်လည်း ဒီမေးခွန်းကို အစိုးရကို ပြန်မေးချင်တယ်။ ဘယ်သူတွေလုပ်နေတယ်ဆိုတာ အစိုရဆို သိရမယ်လေ။ နိုင်ငံတော် အုပ်ချုပ်တဲ့ အစိုးရက ပိုသိပါတယ်။ ကျွန်တော့်အနေနဲ့ ဖြစ်စေချင်တာ မီဒီယာတွေ များများလာကြပါ။ လာပြီးကြည့်ပါ။ ဘိန်းစိုက်ထား တဲ့နေရာတွေလည်း သွားကြည့်။ ဘိန်းခင်းပိုင်ရှင်ဘယ်သူလဲ စစ်။ အေး။ ဟုတ်တယ်ဆို အရေးယူ။ လာကြည့်ပါ။ မှတ်ချက်ယူပါ။ ဘယ်သူစိုက်ခိုင်းတာလဲ။ ပိုက်ဆံဘယ်သူထုတ်ပေးတာလဲ။ ရုရှားပညာရှင် ဘယ်နှယောက်ရှိလဲ လာကြည့်ပါ။

မေး- တစ်ခုသတင်းကြားထားတာရှိပါတယ်။ ဦးယိန်းဆောင်တို့က ဒီဒေသက လူငယ်တချို့ကို အိန္ဒိယဘက်လွှတ်ပြီး ပညာသင်ပေးပြီး
လူစုနေတယ်ဆိုတာပါ။ ခါးပိုက်ဆောင်တပ်ဖွဲ့တစ်ခုလုပ်ဖို့ စီစဉ်နေတယ်ဆိုပြီးကြားပါတယ်။ ပြည်နယ်လွှတ်တော်အမတ်တစ်ဦး အနေနဲ့ ဒါကိုဖြေကြားပေးပါ။
ဖြေ- အိန္ဒိယဘက်မှာသွားပြီးတော့ ဒီကနေလွှတ်တဲ့ စစ်သင်တန်းသွားလုပ်နေတယ်ဆိုတာက ကျွန်တော့်အနေနဲ့ပြောချင်တာက စွပ်စွဲတဲ့လူကို ပြန်ပေးကြည့်လို့ပြောချင်တယ်။ အိန္ဒိယမှာပို့ထားတဲ့ စစ်သားတွေက ကချင်အထူးဒေသ(၁)က ပြည့်သူ့စစ်တွေလား၊ ကေအိုင်အေရဲ့ ပြည်သူ့စစ်တွေလား၊ ကျောင်းသားတွေလားလို့။ အဲဒါပြောတဲ့လူကို မေးခွန်းပြန်ထုတ်ပေးပါ။ အဲလိုစိတ်ရှိတဲ့လူမို့လို့ အဲဒီစကားပြောတာ။ အဲလိုလုပ်ချင်လို့ အဲလိုစကားပြောတာ။

မေး- အစိုးရအုပ်ချုပ်ရေးဌာနအပြင် အထူးဒေသ(၁)ရဲ့ မူလအုပ်ချုပ်ရေးကော်မတီကပါ ဒီဒေသမှာ တာဝန်ယူနေတာကိုတွေ့ရပါတယ်။ ဒါကအစိုးရယန္တရား မလည်ပတ်နိုင်သေးလို့လား။ အစိုးရဌာနတွေပုံမှန်လည်ပတ်လာနိုင်တဲ့ အချိန်မှာရော အခုလိုအထူးဒေသ(၁)ရဲ့
အုပ်ချုပ်ရေးကော်မတီက ဆက်လက်တွဲနေဦးမှာလား။
ဖြေ- အခုသူတို့လာတယ်။ ဒေသခံတွေမှ မဟုတ်တာ။ ဘာသိမလဲ။ ဘယ်လောက်သိမလဲ။ ဒေသစကားမှ နားမလည်တာ။ အစိုးရ ဘတ်ဂျက်ချမပေးတာကလည်း ဒါအစိုးရရဲ့ ကိစ္စဖြစ်သွားပြီလေ။ အစိုးရအုပ်ချုပ်ရေးယန္တရားက မဖြစ်သေးဘူးဆိုတော့ ဖြစ်အောင်
ဘယ်လိုလုပ်ရမှာလဲဆိုတော့ ဒီဒေသမှာရှိတဲ့ ပညာတက်လူငယ်တွေကို အဲဒီထဲမှာဆွဲထည့်ပါ။ ခန့်ပါ။ တွဲပေးပါ။ ဘာလို့မတွဲပေးလဲ။ ဘာလို့ ဗမာချည်းပဲလွှတ်လိုက်တာလဲ။ ဒါလူမျိုးရေးခွဲခြားလို့ ပြောတာမဟုတ်ဘူး။ ဘာလို့ ဒီအုပ်ချုပ်ရေးမှူးတွေက ဗမာပဲဖြစ်ရတာလဲ။ အဲဒီဌာနတွေမှာ အလုပ်လာလုပ်တဲ့လူကလာလို့ ဗမာပဲဖြစ်ရတာလဲ။ မှန်တယ်။ ဗမာတွေပဲ တတ်သေးတယ်။ တော်သေးတယ်။ ဟုတ်ပြီ။ ဒါဆိုတွဲပေးပါလား။ ဥက္ကဋ္ဌက ဗမာလာလုပ်တယ်ဆိုရင် အတွင်းရေးမှူးကတော့ ဒီဒေသမှာရှိတဲ့ ဒေသခံထဲကတော်တဲ့လူကို လုပ်ပေးလိုက်ပေါ့။ အဲဒါဆို အဆင်ပြေသွားမယ်လေ။ ငါတို့လူတွေ ငွေရပါစေဆိုပြီးတော့ နယ်စပ်ဒေသတွေကို လွှတ်တာလား။ ဒီကရတဲ့ ပိုက်ဆံအိတ်ထဲစာထည့်၊ ခြောက်လပြည့်ရင် ပြန်သွားလို့ လွှတ်တာလား။

မေး- ကန်ပိုင်တည်၊ ပန်ဝါ၊ ဖီမော်ဒေသတွေကို နယ်စပ်ကုန်သွယ်ရေးမြို့ တွေအဖြစ် ဖွံ့ဖြိုးတိုးတက်လာဖို့အတွက် နိုင်ငံတော်က ဆောင်ရွက်သွားလိမ့်မယ်လို့ ထင်ပါသလား။ ဒေသအပေါ် ဘယ်လိုမျှော်လင့်ထားတာရှိသလဲ။
ဖြေ- ဒါကတော့ အစိုးရရဲ့ကျွန်တော်တို့ တိုင်းရင်းသားတွေ အပေါ်မှာ ထားတဲ့ မေတ္တာ၊ စေတနာ၊ ကရုဏာဒါတွေအပေါ်မှာ မူတည်မှာပေ့ါ။

မေး- ပြည်ထောင်စုအစိုးရနဲ့ တိုင်းရင်းသားညီအစ်ကိုတွေကို မြန်မာပြည် အရှေ့မြောက်ဖျား၊အထူးဒေသ (၁)နယ်မြေရဲ့ လူမျိုးစုခေါင်းဆောင်
တစ်ယောက်အနေနဲ့ ဘာများပြောချင်ပါသလဲ။
ဖြေ- ကျွန်တော့်အယူအဆကို ပြောရရင် အကုန်လုံးပွင့်ပွင့်လင်းလင်း စကားပြောကြပါ။ ကျွန်တော်တို့ တိုင်းပြည်ကလူတွေသူများပြော
တာကို သိပ်ပြီးတော့မယုံကြပါနဲ့။ လက်တွေ့ပေါင်းပါ။ လုပ်ပါ။ ပြောပါ။ ကိုယ့်ပြည်တွင်းထဲမှာရှိနေတဲ့ လူတွေအချင်းချင်းပြောကြပါ။ အခုနိုင်ငံတော်အုပ်ချုပ်နေတဲ့ ခေါင်းဆောင်ကြီးများနဲ့ တိုင်းရင်းသား အဖွဲ့အစည်းတွေအကုန်ပွင့် ပွင့်လင်းလင်းပြောကြပါ။ စိတ်ထဲမှာ ငါဒီတစ်ခုတော့ ကြံထားဦးမယ်ဆိုတာမျိုးမထားဘဲ ပွင့်ပွင့်လင်းလင်းပြောကြလို့ရှိရင်တော့ အဆင်မပြေစရာ မရှိလောက်ပါဘူး။ တိုက်ခိုက်နေစရာမလိုပါဘူး။ နိုင်ငံတော်က အခုသုံးနေတဲ့ စကားလိုပွင့်လင်းမြင်သာတယ်ဆိုတဲ့ စကားကို လက်တွေ့ဆန်ဆန်လုပ်ရင်
ခဏလေးနဲ့ ကျွန်တော်တို့နိုင်ငံ ကောင်းသွားမှာပါ။

ကျေးဇူးတင်ပါတယ်။

Credit To 7Day News Journal 
Read More »

ကေအိုင်အို၏မူးယစ်ဆေးဝါးလုံးဝတိုက်ဖျက်ရေးကော်မတီ ဒုတာဝန်ခံ ဗိုလ်မှူးချုပ်ဇောင်းဗုခ်ထန်းနှင့် တွေ့ဆုံခြင်း



“ရောင်းတဲ့သူတွေ စိုက်တဲ့သူတွေကိုရော သုံးကြိမ်သုံးခါဖမ်းဆီးအရေးယူတယ်။ သုံးခါလွန်ပြီ ဆိုတာနဲ့တော့ သူ့ရဲ့ ပြစ်ဒဏ်က ပိုကြီးမားသွားပြီး ထိထိရောက်ရောက်ကိုအရေးယူသွားမှာပါ”
မေးမြန်းသူ- မရန်

ကချင်ပြည်နယ်တွင်မူးယစ်ဆေးဝါးတိုက်ဖျက်ရေးအတွက် ကေအိုင်အိုနှင့် ကချင်လူငယ်များ တွေ့ဆုံဆွေးနွေးပွဲကို မေ ၂၄၊ ၂၅ ရက်တို့တွင် ကျင်းပခဲ့သည်။ ထိုဆွေးနွေးပွဲသို့ ကချင်ပြည်နယ်နှင့် ရှမ်းပြည်နယ်မြောက်ပိုင်းတွင် မူးယစ်ဆေး ၀ါးပပျောက်ရေးလုပ်ကိုင်နေသော အဖွဲ့အစည်း ၃၀ မှ လူငယ်ခေါင်းဆောင်များအပါအ၀င် ၁၅၀ ဦးခန့် တက်ရောက်ဆွေးနွေးခဲ့သည်။ ဆွေးနွေးပွဲပြီးနောက် ကေအိုင်အိုမူးယစ်ဆေးဝါး လုံးဝတိုက်ဖျက်ရေး ကော်မတီဒုတာဝန်ခံဗိုလ်မှူးချုပ် ဇောင်းဗုခ်ထန်းနှင့် တွေ့ဆုံမေးမြန်းခဲ့သည်ကို စာဖတ်ပရိသတ်အတွက် ကောက်နုတ်ဖော်ပြအပ်ပါသည်။

မေး- ပထမဦးဆုံး မူးယစ်ဆေးဝါး လုံးဝပပျောက်ရေးအတွက် ဆွေးနွေးပွဲကျင်းပတယ်လို့ သိရတယ်။ ဘာကြောင့် ကျင်းပတာပါလဲ။
ဖြေ- ကျွန်တော်တို့ကချင်လူမျိုးတွေ မူးယစ်ဆေးဝါးကို မသုံးစွဲဘဲ တိုက်ဖျက်ကြရအောင်လို့ အစည်းအဝေးမှာလည်း ပြောပြီးပြီ။ ၁၉၆၄ ခုနှစ် နှစ်ကုန်ပိုင်းကနေ စတင်ပြီး ကျွန်တော်တို့ကေအိုင်အိုတွေအနေနဲ့ မူးယစ်ဆေးဝါးတိုက်ဖျက်ရေးတွေ လုပ်နေတာ ယနေ့အချိန်အထိပါပဲ။ ဒါပေမဲ့ဖြစ်မလာခဲ့ဘူး။ အကြိမ်ကြိမ်ကျွန်တော်တို့ ပြုလုပ်လာခဲ့တယ်။ ၁၉၆၁ ခုနှစ် ကျွန်တော်တို့ ကေအိုင်အေခေါင်းဆောင် ဘရန်ဆိုင်းလက်ထက်ကစပြီး ကျွန်တော်တို့ အစည်းအဝေးလုပ်တယ်။ ဘိန်းစိုက်ပျိုးတာတွေ၊ သုံးစွဲတာတွေ၊ ရောင်းဝယ်တာတွေ ရပ်တန့်ဖို့ ပြုလုပ်ခဲ့တယ်။ ဒါပေမဲ့ မအောင်မြင်ခဲ့ဘူး။ ကေအိုင်အိုအနေနဲ့ ဘိန်းဖြတ်ဆေးရုံတွေ လုပ်တယ်။ ဘိန်းသမားတွေလာပြီး ဘိန်းလာဖြတ်တယ်။ ဖြတ်လိုက်ပြန်သုံးလိုက်နဲ့ မအောင်မြင်ခဲ့ဘူး။ မူးယစ်ဆေးဝါး လုံးဝပပျောက်သွားအောင် မလုပ်ဆောင်နိုင်ရတဲ့ အကြောင်းရင်းက သူတို့တွေကို ဒီဟာလုပ်စားပါ၊ ဟိုဟာလုပ်စားပြီး အသက်မွေးပါလို့ အစားထိုးလုပ်ငန်းတွေ မပြုလုပ်ပေးနိုင်ခဲ့လို့ လည်းဖြစ်တယ်။ မူးယစ်ဆေးဝါး တားဆီးကာကွယ်ရေးနှင့် လုံးဝပပျောက်ရေးဆိုပြီး ကျွန်တော်တို့ ကော်မတီတွေဖွဲ့စည်းခဲ့တာ တစ်သုတ်ပြီးတစ်သုတ်ဖွဲ့ခဲ့ကြတယ်။ ၂၀၁၁ ခုနှစ်အောက်တိုဘာလ ၁ ရက်ကနေစပြီး သီးသန့်ကေအိုင်အို ဗဟိုကော်မတီကနေ အမိန့်ထုတ်ပြန်ပြီး ကျွန်တော်တို့မူးယစ် ဆေးဝါးလုံးဝပပျောက်ရေးကော်မတီကို ဖွဲ့စည်းခဲ့တယ်။ ကော်မတီကနေပြီးတော့ ကေအိုင်အိုမှာ အမှုထမ်းနေတဲ့သူတွေထဲမှာ မူးယစ်ဆေးဝါး သုံးစွဲနေတဲ့သူတွေအားလုံးနဲ့ သုံးစွဲနေတဲ့ပြည်သူတွေ၊ ဘိန်းချက်တဲ့သူတွေ၊ ရောင်းဝယ် တဲ့သူတွေအားလုံးကို ဖမ်းဆီးထိန်းသိမ်းပြီး လိုအပ်တာတွေ ကျွန်တော်တို့ လုပ်ဆောင်လာခဲ့တယ်။

ကျွန်တော်တို့ကော်မတီအနေနဲ့ အခုလိုပြုလုပ်နေတဲ့အချိန် မှာ မြို့မှာနေထိုင်ပြီး မူးယစ်ဆေး ၀ါးပပျောက်အောင် လုပ်ဆောင် နေတဲ့ အဖွဲ့အစည်းအသီးသီးတွေ နဲ့ ဘာသာရေးခေါင်းဆောင်တွေ ကိုလည်း အခုလိုဖိတ်ကြားပြီး ရှေ့ဆက်ပြီး မူးယစ်ဆေးဝါးရဲ့ ကျေးကျွန်ဖြစ်နေတဲ့ ကျွန်တော်တို့ လူမျိုးတွေကို ဘယ်လိုကယ်တင်သွားမလဲဆိုတာတွေကို တိုင်ပင်ရအောင်၊ ၀ိုင်းဝန်းတိုက်ဖျက်သွားရ အောင်ဆိုတဲ့ ရည်ရွယ်ချက်နဲ့ ကေအိုင်အိုအနေနဲ့ ပထမဦးဆုံးအကြိမ်အဖြစ် အခုလို စည်းဝေးပွဲကျင်းပရခြင်းဖြစ်ပါတယ်။
ပိုပြီး အဓိကကျတာကတော့ ဒီစည်းဝေးပွဲကိုလာတဲ့ ဘာသာရေးခေါင်းဆောင်တွေ၊ အဖွဲ့အစည်းတွေ၊ လူငယ်တွေရဲ့ဦးနှောက်များများနဲ့ စဉ်းစားပြီး ဘယ်လိုနည်းလမ်းတွေနဲ့ မူးယစ်ဆေးဝါး လုံးဝပပျောက်သွားအောင် ဘယ်လိုလုပ်မလဲဆိုတာပဲ ဖြစ်ပါတယ်။

မေး- အစည်းအဝေးပွဲရလဒ်ကိုရော ကျေနပ်အားရမှုရှိပါသလား။
ဖြေ- အစည်းအဝေးပွဲမှာ အားလုံးသဘောတူ ဆုံးဖြတ်ထားတဲ့ အချက်ခြောက်ချက်ရရှိထားတယ်။ အဲဒီအချက်တစ်ခုချင်းဆီကို အခု ချက်ချင်းလုပ်ဆောင်သွားဖို့အတွက် ကေအိုင်အိုအနေနဲ့ အခက်အခဲတွေ ရှိနေသေးတယ်။ အချက်တစ်ခုချင်းဆီကို ဗဟိုကော်မတီနဲ့ ကျွန်တော်တို့အစည်းအဝေးထိုင်မယ်။ ဘယ်သူက ဘယ်အဖွဲ့က ဘယ်လိုနည်းလမ်းတွေနဲ့ ဘယ်နေရာတွေမှာ ဘယ်လိုလုပ်ဆောင် သွားမလဲဆိုတာတွေကို အသေးစိတ်အစီအစဉ် ချမှတ်ပြီးတော့ ၂၀၁၄ မှာတော့ အကောင်အထည်ဖော် လုပ်ဆောင်သွားမှာဖြစ်တယ်။ အခုလာတဲ့ အဖွဲ့အစည်းတွေကို ကျွန်တော်တို့အစည်းအဝေးပြန်ခေါ်မယ်။ အားလုံးနဲ့ ပြန်စည်းဝေးပြီး လုပ်ဆောင်သွားမှာ ဖြစ်တယ်။

မေး- ကေအိုင်အိုရဲ့ မူးယစ်ဆေးဝါးနဲ့ ပတ်သက်ပြီး မူဝါဒက ဘာပါလဲ။
ဖြေ- မူဝါဒကတော့ အဆင့်ဆင့်ရှိတယ်။ အဓိကကတော့ မူးယစ်ဆေးဝါးသုံးစွဲ၊ ရောင်းဝယ်၊ စိုက်ပျိုးတာတွေကို ထိထိရောက်ရောက် လုပ်ဆောင်သွားမယ် ပြီးတော့ လုံးဝပပျောက်တဲ့အထိ တိုက်ဖျက်သွားမယ်ဆိုတာပါပဲ။ အရင်တုန်းက သင်ခန်းစာအရ သုံးကြိမ်သုံးခါသူတို့ကိုသောက်တဲ့သူတွေကိုရော ဖြတ်ပေးတယ်။ ရောင်းတဲ့သူတွေ စိုက်တဲ့သူတွေကိုရော သုံးကြိမ်သုံးခါဖမ်းဆီးအရေးယူ တယ်။ သုံးခါလွန်ပြီဆိုတာနဲ့တော့ သူ့ရဲ့ ပြစ်ဒဏ်က ပိုပြီးကြီးမားသွားပြီး ထိထိရောက်ရောက်ကိုအရေးယူသွားမှာပါ။ အခု ဗဟိုသီးသန့် မူးယစ်လုံးဝပပျောက်ရေး ကော်မတီရဲ့ မူဝါဒကတော့ (၁) ဘာသာရေး ခေါင်းဆောင်တွေအနေနဲ့လည်း မူးယစ်ဆေးဝါး လုံးဝပပျောက်အောင် လုပ်ဆောင်သွားမယ်။ ဘာသာရေးအသီးသီးက ဒါကို တာဝန်ယူလုပ်ဆောင်သွားမယ်။ (၂) အိမ်ထောင်ရဲ့ ဖခင်တွေကလည်း ဒါကို လုပ်ဆောင်သွားမယ်။ (၃) အိမ်ထောင်ရဲ့ မိခင်တွေက လည်း မူးယစ်ဆေးဝါးတိုက်ဖျက် ရေးမှာ အမျိုးသမီးအလိုက် ပါဝင် လက်တွဲလုပ်ဆောင်မယ်။ (၄) လူ ငယ်တွေကလည်း လူငယ်အလိုက် လက်တွဲလုပ်ဆောင်သွားမယ်။ (၅) မျိုးနွယ်စုအသီးသီးက ရိုးရာ လူကြီးတွေလည်း ဒါကို အားတက်သရော ၀ိုင်းဝန်းလုပ်ဆောင်သွားမယ်ဆိုတဲ့ မူဝါဒတွေဖြစ်ပါတယ်။ လူတိုင်းမှာ မူးယစ်ဆေးဝါးတိုက်ဖျက်ဖို့ တာဝန်ရှိတယ်ဆိုတာပါပဲ။

မေး- မူးယစ်ဆေးဝါးတွေ တိုက်ဖျက်ရေး လုပ်တဲ့အခါ မြန်မာတရုတ်အစိုးရ တွေနဲ့ ပူးပေါင်းလုပ်ဆောင်သွားဖို့ ရှိပါသလား။
ဖြေ- ကျွန်တော်တို့ အခုအချိန် ကတော့ မြန်မာအစိုးရနဲ့ပူးပေါင်းပြီး လုပ်ဆောင်သွားဖို့ အစီအစဉ်မရှိဘူး။ ကျွန်တော်တို့အခုချိန်က သူတို့နဲ့စစ်ဖြစ်နေတယ်။ ကျွန်တော်တို့ အပစ်အခတ်ရပ်စဲထားတဲ့ ၁၇ နှစ်လုံးလုံး ပူးပေါင်းလုပ်ဆောင်ခဲ့တာပါပဲ။ ဒါပေမဲ့ အကျိုးမရှိဘူး။ ပန်ဝါ၊ ကန်ပိုင်တီဘက်မှာ NDAK ၊ KIA ၊ အစိုးရစစ်တပ်တွေနဲ့ သုံးဖွဲ့ပူးပေါင်းပြီး လုပ်ခဲ့တယ်။ နင်တို့တွေက သွားစရာမလိုဘူးဆိုပြီး အစိုးရစစ်တပ်တွေက ပြန်ပြောလာတယ်ဆိုတော့ ကျွန်တော်တို့ကလည်း သွားလို့မဖြစ်တော့ဘူး။ သူတို့တွေပဲ နားလည်မှုရှိပြီး ပိုက်ဆံတွေနဲ့ပဲ လုပ်သွားတာ ဘာထိရောက်မှမှုလည်း မရှိဘူးလေ။ သူတို့ရောင်းဝယ်နေတဲ့ နေရာကိုသွားတယ်။ ဟိုကလည်း ပိုက်ဆံထိုးကျွေးလိုက်တယ်။ ပြန်လာတယ်။ ဒါတွေက ကျွန်တော်တို့ လက်တွေ့မြင်နေရ တဲ့အရာတွေပါ။ ကျွန်တော်တို့က ဖမ်းလို့လည်းမရဆိုတော့ ရောင်းတဲ့သူရော၊ ၀ယ်တဲ့သူကိုရော ၀ိုင်းရိုက်ပြီး မောင်းထုတ်နေရတယ်။ ဒါကကျွန်တော်ကိုယ်တိုင် ဦးဆောင်ပြီး လုပ်ခဲ့ရတဲ့အဖြစ်အပျက်တွေပါ။ တိုင်း၊ ပြည်နယ်က ရဲတွေက ဖမ်းဆီးတဲ့နေရာမှာ သိပ်မပါဘူး။ ၀ိုင်းမော်မှာပဲကြည့်။ ပြည်သူတွေက မူးယစ်ဆေးဝါး ရောင်းတယ်။ သုံးတယ်။ ဒါတွေကို သူတို့ကမင်းတို့ ဘယ်သူ့အမိန့်နဲ့ ရောင်းလဲဆိုပြီး ဖမ်းရော။ သူတို့ ဥပဒေက ချို့ယွင်းမှုတွေရှိနေတယ်။ အခုတော့ပေါင်းလို့မဖြစ်ဘူး။ တရုတ်နဲ့ကတော့ ပူးပေါင်းလုပ်ဆောင်သွားလို့ရပါတယ်။

မေး- အစိုးရထိန်းချုပ်နယ်မြေတွေမှာရော ဘယ်လိုလုပ်ကိုင်သွားဖို့ရှိသလဲ။
ဖြေ- ဒါကတော့ တစ်ဦးချင်းစီရဲ့ ဘယ်လိုလုပ်ဆောင်သွားမယ်ဆိုတဲ့ နည်းလမ်းပေါ်မှာပဲ မူတည်ပါတယ်။

မေး- စီးပွားရေးအချက်အချာကျတဲ့ မြို့တွေမှာ ပိုပြီးမူးယစ်ဆေးဝါးပေါများနေတာကို တွေ့ရတယ်။ ဒါတွေကိုရော ဘယ်လိုပပျောက်အောင် လုပ်ဆောင်သွားမလဲ။
ဖြေ- နေရာဒေသကိုလိုက်ပြီး နည်းလမ်းရှာလုပ်ဆောင်သွားမှာပါ။

မေး- ကချင်ပြည်နယ်မှာ ကချင်လူမျိုးတွေနေထိုင်တဲ့ နေရာတွေမှာ ဘာကြောင့် မူးယစ်ဆေးဝါးတွေ ပေါများနေရတာလဲ။
ဖြေ- ဒါကတော့ လူတိုင်းကိုယ်စီ စဉ်းစားရရင် ပိုကောင်းမှာပါ။ ကချင်လူမျိုးတွေရဲ့ သမိုင်းတွေကိုလည်း လေ့လာခိုင်းစေချင်တယ်။ အရင်တုန်းက ကချင်ပြည်နယ်အနှံ့ ဘိန်းစိုက်ကြတယ်။ ပူတာအို၊ တနိုင်း၊ ဟူးကောင်း စတဲ့နေရာတွေမှာ။
ဒါပေမဲ့ ဘိန်းစားနည်းတယ်။ အခု သုံးစွဲနေရတဲ့ ရာမဆေးတွေ၊ NO 4 တွေ မရှိဘူး။ အခုက ဒါတွေ အဓိကဖြစ်နေတယ်။ ဒါတွေက တို့အားလုံးအလေးထားစဉ်းစားရမှာ ဖြစ်ပါတယ်။ ကျွန်တော်တို့လူမျိုးတွေလည်း ဒါကို နှစ်သက်တယ် ထင်ပါတယ်၊ သွားကြည့်လိုက်ရင်ကျွန်တော်တို့လူမျိုးတွေ အများဆုံးဖြစ်နေတယ်။ တခြားလူမျိုးတွေကအနည်းစုပါပဲ။ ဒါကိုအစိုးရလည်းသိတယ်။
ဒါတွေကြောင့် ကျွန်တော်တို့လူမျိုးတွေကို ဒါနဲ့ တိုက်နေတာလေ။ ကျွန်တော်တို့ စစ်မဖြစ်ခင်တုန်းက လဂျားယန်ဂိတ်မှာ အမျိုးသမီးတစ်ဦးကို ဖမ်းမိတယ်။ မူးယစ်ဆေးဝါးထုပ်ကို သူ့ရဲ့ စအိုမှာ ဖွက်ထားတယ်။ ဒါတွေကို မင်းဘယ်သူ့ကိုရောင်းမှာလဲဆိုပြီး မေးတဲ့အခါ ကချင်တွေကို ရောင်းမယ်လို့ အဲဒီ အမျိုးသမီးပြောလာတယ်။ ဒီဆေးတွေက ကချင်ဆိုရင် အကြွေးရောင်းပေးတယ်။ တခြားဆိုရင်တော့ မရဘူး။ ဒါကြောင့် လေးလေးနက်နက် စဉ်းစားစရာပါ။

မေး- တခြား ဘာများပြောစရာရှိပါသလဲ။
ဖြေ- ကျွန်တော်တို့တွေက ဒါကို လုံးဝပပျောက်အောင် ထိထိရောက်ရောက် လုပ်ဆောင်သွားတော့မှာဖြစ်ပါတယ်။ ဒါကြောင့် ကျွန်တော်တို့လူမျိုးတွေလည်း ရောက်နေတဲ့နေရာဒေသမှာ ဒါကို အားလုံးပူးပေါင်းလက်တွဲပြီး တိုက်ဖျက်သွားဖို့ လူတိုင်းမှာ တာဝန်ရှိပါတယ်။ မူးယစ်ဆေးဝါးကို မသုံးစွဲမိအောင် မိမိကိုယ်ကိုယ် ကာကွယ်စောင့်ရှောက်ပြီး သတိနဲ့ အားလုံးနေထိုင်သွားရအောင်လို့ ပြောချင်ပါတယ်။

ကျေးဇူးတင်ပါတယ်။

Credit To 7Day News Journal
Read More »

၂၀၀၈ ခုနှစ် မြန်မာ့ဖွဲ့စည်းပုံ အခြေခံဥပဒေနှင့် တားမြစ်ခံအမျိုးသမီး


Written by  Voice Weekly
မြန်မာ ပြည်သူပြည်သားတို့က ၂၀၀၈ ဖွဲ့စည်းပုံ အခြေခံဥပဒေကို ပြုပြင် ပြောင်းလဲရန်အတွက် သမ္မတဦးသိန်းစိန်၏ အမြင်ကို သိချင်နေကြသည်။ သူတို့သိချင်သည့် အကြောင်းအရာများ ထဲတွင် ဒေါ်အောင်ဆန်းစုကြည်ကို တားမြစ် ကန့်သတ်ထားသည့် ဥပဒေများကပိုပြီး အဓိကကျမည် ထင်သည်။ သူတို့အလေးထားသည့် ထိုအမျိုးသမီးတွင် နိုင်ငံခြားသားအဖြစ် ခံယူထားသော (နိုင်ငံခြားသစ္စာခံ) သားနှစ်ယောက် ရှိပြီး သမ္မတ ဖြစ်လိုကြောင်းလည်း ထုတ်ဖော် ပြောကြားထားသူ ဖြစ်သည်။
ဖွဲ့စည်းပုံ အခြေခံဥပဒေ ပုဒ်မ-၅၉၊ အပိုဒ်ခွဲ (စ) တွင် နိုင်ငံတော်သမ္မတ ဖြစ်လိုသူသည် “မိမိကိုယ်တိုင်သော် လည်းကောင်း၊ မိမိ၏ မိဘတစ်ပါးပါးသော် လည်းကောင်း၊ မိမိ၏ဇနီး သို့မဟုတ် ခင်ပွန်းသော် လည်းကောင်း၊ မိမိ၏ တရားဝင်သားသမီး တစ်ဦးဦးသော် လည်းကောင်း၊ ထိုတရားဝင် သားသမီး တစ်ဦးဦး၏ဇနီး သို့မဟုတ် ခင်ပွန်းသော် လည်းကောင်း၊ နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက် ရိုသေသူ သို့မဟုတ် နိုင်ငံခြားအစိုးရ၏ လက်အောက်ခံ ဖြစ်သူ သို့မဟုတ် တိုင်းတစ်ပါး၏ နိုင်ငံသား ဖြစ်သူများ မဖြစ်စေရ၊ ထိုသူများသည် နိုင်ငံခြားအစိုးရ၏ လက်အောက်ခံ ဖြစ်သူသော် လည်းကောင်း၊ တိုင်းတစ်ပါး၏ နိုင်ငံသားသော် လည်းကောင်း ခံစားရသော အခွင့်အရေးများနှင့် ကျေးဇူး ခံစားခွင့်များကို ခံစားနိုင်ခွင့် ရှိသူများ မဖြစ်စေရ” ဟူ၍ပါ ပြဋ္ဌာန်းထားသည်။
သမ္မတဦးသိန်းစိန်က ဒေါ်အောင်ဆန်းစုကြည်၏ ဖွဲ့စည်းပုံ အခြေခံဥပဒေနှင့် ပတ်သက်သည့် လက်ရှိ ဝေဖန် သုံးသပ်ချက်များအပေါ် ဖွဲ့စည်းပုံ အခြေခံဥပဒေကို ပြည်သူများ ထောက်ခံမှုဖြင့် ရေးဆွဲခဲ့ခြင်း ဖြစ်ကြောင်း၊ လွှတ်တော်ကသာ ခွင့်ပြုမည် ဆိုလျှင်၊ ပြည်သူတွေကသာ သူမ (ဒေါ်အောင်ဆန်းစုကြည်) ကို သမ္မတဖြစ်ရန် သဘောတူလျှင် မိမိတွင် ပြောစရာ မရှိကြောင်း ဟုဆိုခဲ့သည်။
အစိုးရသည် ဥပဒေပြုရေး၊ အုပ်ချုပ်ရေးနှင့် တရားစီရင်ရေးဆိုသည့် အာဏာသုံးရပ်ဖြင့် သီးခြားခွဲကာ အုပ်ချုပ်နေသည် ဆိုသော်လည်း အာဏာများကို တတ်နိုင်သမျှ ပိုင်းခြား သုံးစွဲခြင်းနှင့် အချင်းချင်း အပြန်အလှန် ထိန်းကျောင်းခြင်းတို့ ပြုကြောင်းလည်း ပုဒ်မ ၁၁ (က) တွင် ဖော်ပြထားသည်။ သို့သော် သမ္မတတွင် ဖွဲ့စည်းပုံ အခြေခံဥပဒေက ပေးအပ်ထားသော အာဏာနှင့် လုပ်ပိုင်ခွင့်များကို အသုံးချပြီး လွှတ်တော်နှင့် ပြည်သူတို့ကို တိုက်ရိုက် ပြောဆိုခွင့်များ ရှိပါသည်။ ထိုပြောဆိုခွင့်တွင် ပြည်သူတို့ စိတ်ဝင်စားမည့် ခေါင်းစဉ်မှာ ဖွဲ့စည်းပုံ အခြေခံဥပဒေ ပြောင်းလဲရေးသာ ဖြစ်သည်။
သမ္မတတွင် ဖွဲ့စည်းပုံ အခြေခံဥပဒေနှင့် အခြားဥပဒေများက အပ်နှင်းထားသော တာဝန်နှင့် လုပ်ပိုင်ခွင့်များကို ကျင့်သုံးပြီး ဖွဲ့စည်းပုံ အခြေခံဥပဒေကို ပြင်ဆင်ရန် ဥပဒေမူကြမ်းကို ပြည်ထောင်စု လွှတ်တော်တွင် တင်သွင်းခြင်း၊ ထိုမူကြမ်းကို ပြည်ထောင်စု လွှတ်တော်က လက်ခံ ဆွေးနွေးခြင်း၊ ပြည်ထောင်စုလွှတ်တော် ကိုယ်စားလှယ် အားလုံး၏ ၇၅ ရာခိုင်နှုန်းကျော်က ပြင်ဆင်ရန် သဘောတူ လက်ခံပြီးနောက် ပြည်လုံးကျွတ် ဆန္ဒခံယူပွဲ ကျင်းပ၍ ဆန္ဒမဲ ပေးပိုင်ခွင့် ရှိသူအားလုံး၏ ထက်ဝက် ကျော်၏ ဆန္ဒမဲကို ရရှိခဲ့လျှင် ပုဒ်မ ၅၉ (စ) ကို ပြင်ဆင်ခွင့် ရှိသွားမည် ဖြစ်သည်။
သမ္မတ ပြောသလို ၂၀၀၈ ခုနှစ် ဖွဲ့စည်းပုံ အခြေခံဥပဒေသည် ပြည်သူများ၏ ထောက်ခံချက်ဖြင့် ရေးခဲ့ခြင်း ဖြစ်သည် ဆိုသည့်အချက်မှာ ပြောစရာ ဖြစ်သည်။ ၂၀၀၈ ခုနှစ် ဖွဲ့စည်းပုံ အခြေခံဥပဒေသည် ပြည်သူ့ဖွဲ့စည်းပုံ အခြေခံဥပဒေ မဟုတ်ပေ။ ပြည်လုံးကျွတ် ဆန္ဒခံယူခဲ့သည် ဆိုသော်လည်း ပြည်သူတို့ကို ကိုယ်စားပြုသည့် နိုင်ငံရေးပါတီများ၏ နိုင်ငံရေး သဘောတူညီချက် မပါသည့် ဖွဲ့စည်းပုံ အခြေခံဥပဒေသာ ဖြစ်သည်။
နိုင်ငံရေး အဖွဲ့အစည်းများ၊ တိုင်းရင်းသား လူမျိုးစုပါတီများ ပါဝင်သည်ဆိုသော အမျိုးသားညီလာခံက ရေးဆွဲထားသည့် ဖွဲ့စည်းပုံ အခြေခံဥပဒေကို ပြည်သူတစ်ရပ်လုံးက လက်မခံခဲ့ကြောင်းမှာ အထင်အရှား ဖြစ်သည်။
သမ္မတဦးသိန်းစိန်သည် တစ်ချိန်က နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီဝင်တစ်ဦး ဖြစ်သည်။ ၂၀၀၈ ခုနှစ် ဖွဲ့စည်းပုံ အခြေခံဥပဒေ ရေးဆွဲရေးအတွက် ခေါ်ယူခဲ့သည့် အမျိုးသားညီလာခံ ကော်မရှင်ကို ဦးဆောင်ခဲ့သူလည်း ဖြစ်သည်။ သူသည် ဖွဲ့စည်းပုံ အခြေခံဥပဒေ အကြောင်းကို လည်းကောင်း၊ မြန်မာ့နိုင်ငံရေး ပါတီများနှင့် တိုင်းရင်းသား လူမျိုးစုများ အကြောင်းကို အခြားသူများထက်ပိုပြီး သိသူတစ်ဦးလည်း ဖြစ်သည်။ ၂၀၀၈ ခုနှစ် ဖွဲ့စည်းပုံ အခြေခံဥပဒေတွင် သူတို့အမြင်နှင့် ပြည်သူများ၏ဆန္ဒ တစ်ထပ်တည်း မကျခြင်းကိုလည်း ကောင်းကောင်းသိသူ ဖြစ်သည်။
ပြည်ထောင်စုလွှတ်တော်သည် လက်ရှိအချိန်တွင် ဖွဲ့စည်းပုံ အခြေခံဥပဒေကို ပြန်လည် သုံးသပ်ရန် အဖွဲ့တစ်ဖွဲ့ကို ဖွဲ့စည်းပေးထားသဖြင့် အပြုသဘောဆောင်သည့် တိုးတက်မှုတစ်ခုဟု ဆိုရမည်ဖြစ်သည်။ ပြန်လည် ပြုပြင်ပြောင်းလဲရန် မျှော်လင့်ချက် တစ်ခုလည်း ဖြစ်သည်။ ဖွဲ့စည်းပုံ အခြေခံဥပဒေ ပြင်ဆင်ရန်နှင့် ပတ်သက်ပြီး NLD နှင့် တိုင်းရင်းသား လူမျိုးစုပါတီများ ပူးပေါင်းကာ ဦးဆောင် လှုပ်ရှားနေသည်။
ပြည်ထောင်စုလွှတ်တော်သည် ဒီမိုကရေစီ ဖွံ့ဖြိုးတိုးတက်ရေးနှင့် လက်တွေ့ အကောင်အထည် ဖော်ရေးတွင် ဦးဆောင် ကြိုးပမ်းနေသည်။ သူတို့ ကြိုးစားအားထုတ်မှုကိုလည်း အသိအမှတ် ပြုရမည် ဖြစ်သည်။ ပြည်သူ့လွှတ်တော်၏ ပြောရေးဆိုခွင့်ရှိသူ ဦးရွှေမန်းနှင့် အမျိုးသားလွှတ်တော်၏ ပြောရေးဆိုခွင့်ရှိသူ ဦးခင်အောင်မြင့်တို့က ပြောင်းလဲမှုကို ထောက်ခံအားပေးပြီး သူတို့၏ အခန်းကဏ္ဍကို မြှင့်တင် သွားနိုင်စရာ အကြောင်းရှိသည်။ ဦးရွှေမန်းကလည်း သူ့အနေဖြင့် သမ္မတ ဖြစ်လိုကြောင်း ထုတ်ဖော် ပြောကြားခဲ့ပြီး ဖြစ်သည်။ ထိုစကားက ယခင် ဗိုလ်ချုပ်မှူးကြီး သန်းရွှေ၏ စိတ်ကူးလေလား ထင်မှားစရာပင်။ မည်သို့ဆိုစေ ဦးသိန်းစိန်ကိုတော့ အံ့အားသင့်သွား စေနိုင်သည်။
"ပြည်လုံးကျွတ် ဆန္ဒခံယူခဲ့သည် ဆိုသော်လည်း ပြည်သူတို့ကို ကိုယ်စားပြုသည့် နိုင်ငံရေးပါတီများ၏ နိုင်ငံရေး သဘောတူညီချက် မပါသည့်..."
လက်ရှိ အခြေအနေတွင် ဖွဲ့စည်းပုံ အခြေခံဥပဒေက လိပ်ခဲတည်းလည်း ဖြစ်နေသည်ဆိုစေ ပိတ်ဆို့ အရေးယူထားသည့် တိုင်းပြည်များကလည်း ဖွင့်ဟပေးပြီး မြန်မာနိုင်ငံကို ဆက်သွယ်ခဲ့ကြသည်။ ထိုနိုင်ငံများထဲတွင် သြစတြေးလျ နိုင်ငံလည်း အပါအဝင် ဖြစ်သည်။ ဒေါ်အောင်ဆန်းစုကြည်ကို သမ္မတအဖြစ် ရပ်တည်ခွင့် မရစေရန် တားမြစ်ထားသည့် ရွေးကောက်ပွဲ ဥပဒေကိုလည်း သူတို့ သဘောမတူကြပေ။ ထိုအချက်ကပင် လွတ်လပ်ပြီး တရားမျှတသော ရွေးကောက်ပွဲဆိုသည့် ဂုဏ်ကို သေးသိမ် ညှိုးမှိန်စေခဲ့သည်။ ထိုအချက်ကိုလည်း အနှေးနှင့်အမြန် ဖြေရှင်းရန်လိုမည် ထင်သည်။
နိုင်ငံများက ဖွဲ့စည်းပုံ အခြေခံဥပဒေနှင့် ပတ်သက်ပြီး သူတို့အမြင် အမျိုးမျိုးဖြင့် ဆွေးနွေးကြသည်။ သူတို့ ဆွေးနွေးလိုက်တိုင်း ‘တားမြစ်ခြင်း ခံထားရသည့် အမျိုးသမီး’ (Thr Lady Prohibition) ဆိုသည့် စကားဖြင့် စတင်လေ့ရှိသည်။ ထိုအရေးသည် ချွေးသိပ်လိုက်ရုံဖြင့် ပြေပျောက်သွားနိုင်သည့် ကိစ္စလည်း မဟုတ်ပေ။ ပြည်သူတို့ မျှော်လင့်ချက်ကို ဖြည့်ဆည်းပေးမှသာ ရပေလိမ့်မည်။ ထိုတာဝန်ကို လက်ရှိ ကြံ့ခိုင်ဖွံ့ဖြိုးရေးပါတီ အစိုးရက လုပ်ဆောင်ရပေလိမ့်မည်။
မြန်မာနိုင်ငံတွင် ပြုပြင်ပြောင်းလဲရေးကို ကြိုဆိုရမည်သာ ဖြစ်သည်။ သို့ရာတွင် ထိုအရေး၌ တပ်မတော်၏ ဦးဆောင်မှုဖြင့်ဆိုသည့် အချက်ကလည်း ပါနေသည်။ သူတို့က စည်းကမ်းရှိသော ဒီမိုကရေစီဆိုသည်ကို နိုင်ငံရေးစီမံချက် တစ်ရပ်အနေဖြင့် ချမှတ်ထားပြီး ဖြစ်သည်။ အချိန်ကာလနှင့် ပြည်သူတို့၏ အခန်းကဏ္ဍကိုပင် သူတို့က သတ်မှတ်ထားပြီး ဖြစ်သည်။ ထိုသတ်မှတ်ချက်ကပင် ၂၀၀၈ ဖွဲ့စည်းပုံ အခြေခံဥပဒေနှင့် ဆန့်ကျင်နေသည်။
၂၀၀၈ ဖွဲ့စည်းပုံ အခြေခံဥပဒေသည် နိုင်ငံရေး သဘောတူညီချက်များဖြင့် ရေးဆွဲထားခြင်း မဟုတ်ပေ။ ပြည်သူတို့ ထောက်ခံမှုကို ရယူရန် လိုသေးသည်။ နိုင်ငံ၏ ဒီမိုကရေစီ ဖွံ့ဖြိုးတိုးတက်ရေးအတွက် အားလုံးပူးပေါင်း ဆောင်ရွက်ရမည့် အရေးလည်း ဖြစ်သည်။ အထူးသဖြင့် လွှတ်တော် ကိုယ်စားလှယ်များနှင့် နိုင်ငံရေးပါတီများ လက်ခံနိုင်လောက်သည့် ဖွဲ့စည်းပုံ အခြေခံ ဥပဒေ ဖြစ်ရန်လိုသည်။
အာရှနှင့် တစ်ကမ္ဘာလုံးက မြန်မာနိုင်ငံကို ဒေါ်အောင်ဆန်းစုကြည်နှင့် ပူးပေါင်း ဆောင်ရွက်လိမ့်မည်ဟု လက်ခံယုံကြည် နေကြသည်။ ထိုအချက်က သမ္မတဦးသိန်းစိန်၏ အမြင်ကို ပြောင်းလဲစေနိုင်သည်။ နိုင်ငံရေးအရ သမ္မတတွင် တာဝန်ရှိသွားသည့် သဘောဖြစ်သည်။ သူ့အနေဖြင့် သမ္မတ ရွေးကောက်ပွဲသို့ ဝင်လာနိုင်သည့် အဆင့်တစ်ခုကို ပြုပြင် ပြောင်းလဲပေးပါမည်ဟု ပြောရတော့မည် ဖြစ်သည်။ ၂၀၁၅ ခုနှစ် ရွေးကောက်ပွဲတွင် မြန်မာနိုင်ငံမှ ပြည်သူများ လက်ခံရန်နှင့်၊ အာရှဒေသတွင်း အပြင် နိုင်ငံတကာကပါ လက်သင့်ခံရန်မှာ ဒေါ်အောင်ဆန်းစုကြည်အပေါ် တားမြစ်ထားခြင်းတို့ကို ဖြေလျှော့ ပေးလိုက်ပြီး ဝင်အရွေးခံစေခြင်းက လွဲ၍ အခြားမရှိပေ။
သမ္မတကြီး အနေဖြင့် အဘယ်ကြောင့် သူ့ယုံကြည်ချက်ကို မထုတ်ဖော်သေးဘဲ အင်တင်တင် လုပ်နေရသနည်း။ နိုင်ငံရေးတွင် မှန်းဆရခက်မှုများ ရှိတတ်သည်။ သမ္မတကြီး အနေနှင့် ဖွဲ့စည်းပုံ အခြေခံဥပဒေကို မပြင်ဆင်ပေးလိုသောကြောင့် ဒေါ်အောင်ဆန်းစုကြည်နှင့် မျက်နှာချင်း မဆိုင်ခြင်းလော၊ တပ်မတော်ကြောင့် သူ့ထင်မြင်ချက်ကို လွတ်လပ်စွာ မပြောရဲသလော စသည့် သို့လော သို့လော တွေးထင်စရာတွေက များလှသည်။
ပြည်သူတို့က သမ္မတကြီး ဦးသိန်းစိန်ထံမှ ထုတ်ဖော် ပြောဆိုလာမည့် စကားကို ကြားလိုကြသည်။ အလားတူပင် ဖွဲ့စည်းပုံ အခြေခံဥပဒေ၊ ပုဒ်မ ၂၀ (စ) တွင် “တပ်မတော်သည် နိုင်ငံတော် ဖွဲ့စည်းပုံ အခြေခံဥပဒေကို ကာကွယ် စောင့်ရှောက်ရန် အဓိက တာဝန်ရှိသည်” ဟု ဆိုခြင်းကြောင့်လည်း တပ်မတော်ထံမှ စကားသံတွေကို ကြားချင်ကြလိမ့်မည်။
ပြည်ထောင်စု လွှတ်တော်သည် ထိုအခန်းကဏ္ဍကို ဦးဆောင်သွားနိုင်မည် ထင်ပါသည်။ ယခုအချိန်တွင် အသံများ တိတ်ဆိတ် နေသေးသော်လည်း မကြာမီ သူတို့ထံမှ ဖွဲ့စည်းပုံ အခြေခံဥပဒေနှင့် ပတ်သက်သည့် အသံများ ထွက်လာမည် ထင်သည်။ အားလုံး မျှော်လင့်ကြရုံသာ ရှိသည်။
(Janelle Saffin ရေး၍ အယ်ဒီတာတစ်ဦး ဘာသာပြန်သည်)
(ဤဆောင်းပါးသည် Janelle Saffin ရေးသားသည့် “Burma’s 2008 Constitution and The Lady Prohibition Section” ဆောင်းပါးကို မြန်မာလို ဆီလျော်အောင် ပြန်ဆိုထားခြင်း ဖြစ်သည်။ သူမသည် မြန်မာနိုင်ငံ၏ ဖွဲ့စည်းပုံ အခြေခံဥပဒေ၊ ဥပဒေ၊ ရွေးကောက်ပွဲနှင့် နိုင်ငံရေးသမိုင်းတို့တွင် အထူး ကျွမ်းကျင်သူ ဖြစ်သည်။ သူမသည် သြစတြေးလျနိုင်ငံ ဖယ်ဒရယ်ပါလီမန်မှ အမတ်တစ်ဦးလည်း ဖြစ်ပြီး နယူးဆော့သ်ဝေးစ် ပြည်နယ် ပါလီမန်တွင် အမတ်တစ်ဦးလည်း ဖြစ်သည်။)

Credit To The Voice Weekly
Read More »

ခယောင်းလမ်းမှသည် ပန်းခင်းလမ်းသို့

Written by  ခိုင်ခိုင်စောလွင်

ထိုင်းနိုင်ငံရဲ့ ဒုတိယမြို့တော်ဖြစ်တဲ့ ချင်းမိုင်မြို့က မြန်မာနိုင်ငံနဲ့ နယ်စပ်ချင်း နီးနီးကပ်ကပ်ရှိတဲ့ မြို့တစ်မြို့ ဖြစ်ပါတယ်။ ဒါ့ကြောင့် မြန်မာနိုင်ငံရဲ့ နယ်စပ်ဒေသက တိုင်းရင်းသား လူမျိုးစုတွေ လာရောက်အလုပ် လုပ်ကိုင်နေကြတာ အများအပြားပါ။ စားသောက်ဆိုင်များ၊ ဈေးဆိုင်များ၊ ဆောက်လုပ်ရေးလုပ်ငန်း အပါအဝင် သန့်ရှင်းရေးပါမကျန် အနှိပ်ခန်းတွေအထိ မြန်မာနိုင်ငံသားတွေ အလုပ် လုပ်နေကြတာ တွေ့နေရပါတယ်။
စားသောက်ဆိုင်တစ်ခုမှာ စားပွဲထိုးလုပ်နေတဲ့ လူငယ်တစ်ယောက်ကို မေးမြန်း ကြည့်မိတဲ့အခါ သူရွာကို အလည်ပြန်တဲ့ အချိန်မှာ သူတို့ရွာ အပါအဝင် ရွာနီးချုပ်စပ်က ရွာတွေမှာ အရွယ်ကောင်း ယောက်ျားလေး၊ မိန်းကလေးတွေ မရှိကြတော့ပါဘူးတဲ့။ မရှိသလောက်လား၊ လုံးဝကို မရှိတာလားလို့ မျှော်လင့်ချက်ကလေး အမျှင်သေးနဲ့ မေးမိတဲ့အခါ မရှိသလောက် မဟုတ်ဘဲ လုံးဝကို မရှိကြတာပါတဲ့။ သူတို့ရဲ့ မိဘတွေနဲ့ သက်ကြီးရွယ်အိုတွေသာ ရှိပါတယ်။ သူတို့ဘာသာ တတ်နိုင်သလောက် လယ်ကလေး ယာကလေးမှာ စိုက်တန်တာစိုက်ပြီး ဒီဘက်က ပို့ပေးတာလေးနဲ့ နေကြတယ်။ သူက စားပွဲထိုးလုပ်တဲ့အတွက် ဆိုင်မှာ စားစရာနဲ့ နေစရာရလို့ အိမ်ကို ပြန်ပို့ပေးနိုင်ပါတယ်တဲ့။ မြန်မာငွေ တစ်သိန်းဝန်းကျင်နဲ့ ညီမျှတဲ့ ထိုင်းဘတ်ငွေဟာ နည်းတယ်လို့ ဆိုနိုင်ပေမယ့် ရွာမှာနေရင် တစ်လတစ်သိန်း ရနိုင်ဖို့ဆိုတာ ဝေလာဝေးပါတဲ့။ အလုပ်အကိုင် အခွင့်အလမ်း မရှိပါဘူးတဲ့။ ကိုယ့်နိုင်ငံတွင်းမှာ အလုပ်အကိုင် အခွင့်အလမ်း မရှိတာကတစ်ကြောင်း၊ စားစရာ မရှိလောက်အောင် ဆင်းရဲမွဲတေလွန်းလှတာတွေက တစ်ကြောင်း အကြောင်းအမျိုးမျိုးနဲ့ တစ်ဖက်နိုင်ငံမှာ ရွှေ့ပြောင်း လုပ်ကိုင်ကြရပါတယ်။ အဲဒီလို အလုပ်လာလုပ်ကြတဲ့ သူတွေထဲမှာ ဆယ်စုနှစ်နှစ်ခုအတွင်း ဆယ်ကျော်သက်အရွယ် လူငယ်တွေ အတော်များလာတာကို တွေ့နေရပါတယ်။ ဒီလူငယ်တွေကို တွေ့ရဖန်များလာတဲ့အခါ ပညာသင်ယူရမယ့် အရွယ်တွေဖြစ်ပြီး ပညာမသင်နိုင်ဘဲ မိသားစုအတွက် စီးပွားရှာ အလုပ်လုပ်နေကြရတာ သူတို့အနာဂတ်တွေ ပြိုပျက် ပျောက်ဆုံးကုန်ပြီဆိုတဲ့ အတွေးတွေ ဖြစ်ရပါတယ်။ မိသားစုရဲ့ စားဝတ်နေရေးအတွက် စာသင်ခန်းကို ကျောခိုင်းခဲ့ရတဲ့ ကလေးတွေ အများကြီး ရှိနေတာကို စိတ်မကောင်းစွာ ကြားသိနေရပါတယ်။
မိတ်ဆွေတစ်ယောက်နဲ့ ဒီအကြောင်း ပြောမိရာက ထိုင်းနိုင်ငံမှာ ရောက်နေပြီး ပညာဆက်လိုချင်တဲ့ ကလေးတွေအတွက် ပေါင်းကူးပေးနေတဲ့ ကျောင်းတွေရှိတဲ့အကြောင်း ဝမ်းသာစရာ သတင်းကြားရပါ တော့တယ်။ အဲဒီမိတ်ဆွေက လမ်းညွှန်ခဲ့တဲ့အတွက် မြန်မာနိုင်ငံက ရောက်လာတဲ့ ရွှေ့ပြောင်း အလုပ်သမားတွေအတွက် ပညာရေး ပေါင်းကူးပေးနေတဲ့ ကျောင်းတစ်ကျောင်းကို ချင်းမိုင်မြို့မှာ တွေ့ ခွင့်ရခဲ့ပါတယ်။ အဲဒီကျောင်းက Bridging Education Access to Migrants (ရွှေ့ပြောင်းအလုပ် သမားများ ပညာရေးပေါင်းကူး အစီအစဉ်) လို့ခေါ်ပါတယ်။ အတိုကောက် BEAM လို့ လူသိများပါတယ်။ အဲဒီကျောင်းကို ၂၀၁၀ ပြည့်နှစ် ဇန်နဝါရီလ ၄ ရက်နေ့မှာ စတင်တည် ထောင်ခဲ့တာဖြစ်ပြီး အခုဆိုရင် သက်တမ်း သုံးနှစ်အတွင်းမှာ တက္ကသိုလ်အဆင့်ကို တက်ရောက်နိုင်သူ ၁၃ ဦးရှိပြီလို့ သိရပါတယ်။ ရွှေ့ပြောင်း အလုပ်သမားဆိုရာမှာ စစ်ပြေးဒုက္ခသည်တွေ၊ စစ်ကြောင့် မိမိတို့ ရပ်ရွာကို စွန့်လွှတ်ပြီး ဒုက္ခသည်စခန်းတွေဆီ ရောက်ရာက ရွှေ့ပြောင်းကျောင်းတွေ တစ်ဆင့်ရောက်လာတဲ့ ကလေးတွေကိုလည်း လက်ခံသင်ကြားပေးတယ်လို့ သိရပါတယ်။ ပြည်တွင်းက အခြေခံပညာ အလယ်တန်းအဆင့်အထိ တတ်မြောက်ထားဖို့တော့ လိုပါတယ်။
ဒီကျောင်းမှာ စာသင်နှစ် ၂ နှစ်ရှိပြီး အဲဒီစာသင်နှစ်အတွင်းမှာ တက္ကသိုလ်ဝင်တန်း အဆင့်နဲ့ ညီမျှတဲ့ သင်ကြားမှုရှိပါတယ်။ အဲဒီကမှ အမေရိကန် အသိအမှတ်ပြု ဂျီအီးဒီ စာမေးပွဲကို ဝင်ရောက်ဖြေဆိုရမှာ ဖြစ်ပြီး ဂျီအီးဒီ အောင်လက်မှတ်နဲ့ ထိုင်းတက္ကသိုလ်တွေကို တက်ရောက်ခွင့်ရမှာ ဖြစ်ပါတယ်။
ကလေးတွေဟာ ပညာတစ်ပိုင်းတစ်စနဲ့ သူများနိုင်ငံမှာ အောက်ကျနောက်ကျနဲ့ လုပ်နေရတယ်၊ သူတို့ဘဝရဲ့ တက်လမ်း၊ လမ်းစတွေ ပျောက်နေရတယ် ထိုင်းနိုင်ငံမှာ အထူးသဖြင့် နယ်စပ်တွေ ဖြစ် တဲ့ မဲဆောက်၊ ရနောင်း၊ ဖန်င စတာတွေမှာ ရွှေ့ပြောင်းကျောင်းတွေမှာ တက်နေကြတဲ့ ကလေးတွေ ရှိပါတယ်။ ဒါပေမဲ့ သူတို့ဟာ ဒီအတန်းတွေပြီးရင် ရှေ့ဆက်စရာ မရှိတော့ဘဲ ဖြစ်နေတယ်ဆိုတာ BEAM Foundation မှာ လေ့လာမေးမြန်းရင်း သိလာရပါတယ်။
စတင်ဖွင့်ခါစက ကျောင်းသူကျောင်းသား ၂၀ နဲ့ စခဲ့တာဖြစ်ပြီး အခုဆိုရင် ၇၀ ခန့် တက်ရောက် နေကြပါတယ်တဲ့။ သုံးနှစ်တာ ကာလအတွင်းမှာ ကြုံတွေ့ခဲ့ရတာတွေ၊ ကလေးတွေ ရပ်တည်ရတဲ့ ဘဝတွေကို သိရှိခဲ့ရပါတယ်။
အလုပ်တစ်ဖက်နဲ့ ကျောင်းတက်ရတဲ့အတွက် ကလေးတွေ၊ တချို့ဆို ကျောင်းစာနဲ့ လေးငါးနှစ်လောက် ကင်းကွာခဲ့ပြီးမှ ရောက်လာတာတွေ၊ စာမလိုက်နိုင်တော့လို့ ကျောင်းထွက်သွားတဲ့ သူတွေရှိတယ်ဆိုတာရယ်၊ သူတို့ပြည်တွင်းမှာ သင်ခဲ့ဖူးတဲ့ အခြေအနေက အလွတ်ကျက်ခဲ့တာ ဖြစ်လို့ ဒီဘက်မှာ သင်တာနဲ့ ကွာခြားပြီး ပြန်မမှတ်မိတာတွေနဲ့ သူတို့အတွက် အခက်အခဲ အရမ်းဖြစ်တယ် ဆိုတာတွေရယ် မေးမြန်းသိရှိခဲ့ရပါတယ်။
BEAM ရဲ့ စာသင်နှစ် ၂ နှစ်ကို ပထမနှစ်နဲ့ ဒုတိယနှစ်လို့ ပိုင်းခြားထားပြီး ပထမနှစ်မှာတော့ ဘာသာရပ်တွေကို မြန်မာဆရာတွေက ပို့ချပေးပြီး ဒုတိယနှစ်မှာတော့ နိုင်ငံတကာအဆင့်မီ International School အဆင့်သင်နိုင်တဲ့ နိုင်ငံခြားသား ဆရာများကသာ ပို့ချပေးတာကို တွေ့ရပါတယ်။ လတ်တလော ကျောင်းတက်နေတဲ့ ပထမနှစ်ကျောင်းသူ တစ်ယောက်ကတော့ ဘယ်လောက်ပဲ အလုပ်ထဲမှာ ပင်ပန်းပါစေ၊ ကျောင်းကိုမှန်အောင် တက်ပါတယ်တဲ့။ ဒီလိုမျိုး အခွင့်အရေးရဖို့ ဆိုတာ အိပ်မက်တောင် မမက်ဖူးပါဘူးတဲ့။ ဘဝတိုးတက်ဖို့အတွက် အပင်ပန်းခံပြီး ကြိုးစားနေပါတယ်လို့ ပြောပါတယ်။ ရှေ့စာသင်နှစ်တွေက အစ်ကိုအစ်မတွေ တက္ကသိုလ်ကျောင်း တက်နေတာကို ကြည့်ပြီး အားကျကာ အဲဒီလို တက်နိုင်အောင် ကြိုးစားနေတယ်လို့ စိတ်အားထက်သန်စွာပဲ ပြောပြနေပါတယ်။
ဒီကျောင်းကနေ ချင်းမိုင်တက္ကသိုလ်မှာ လူမှုရေးသိပ္ပံ ဘာသာရပ်နဲ့ ကျောင်းတက်နေတဲ့ ကျောင်းသူလေးကလည်း စာတွေအများနည်းတူ လိုက်နိုင်လို့ ဝမ်းသာဂုဏ်ယူမိပါတယ်လို့ ပြောပြပါ တယ်။ ဒီကျောင်းမှာ အင်္ဂလိပ်စာ သင်ပေးရင်း PAYAP တက္ကသိုလ်မှာ မဟာသင်တန်း တက်ရောက်နေတဲ့ ဆရာမကလည်း အခုလို ပြောပါသေးတယ်။
“ကျွန်မက Payap၊ TESOL ကျောင်းသူပါ။ BEAM ကျောင်းသားတွေ အနေနဲ့ ထိုင်းနိုင်ငံ တက္ကသိုလ်တွေမှာ ပညာသင်ခွင့်ရတဲ့အခါ တခြားနိုင်ငံတကာ ကျောင်းသားတွေနဲ့တန်းတူ သင်ယူနိုင်ပါတယ်။ ခွဲခြားဆက်ဆံတာမျိုး မတွေ့ရပါဘူး။ နိုင်ငံတကာကျောင်းသား ဖြစ်တဲ့အတွက် ထိုင်းကျောင်းသားတွေနဲ့တော့ နည်းနည်းကွာတာပေါ့။ ဥပမာ-ကျောင်းစရိတ်ဆိုရင် ထိုင်းကျောင်းသားတွေကို ဈေးလျှော့ပေးတာတွေ၊ ဘဏ်တွေကနေ ထိုင်းကျောင်းသားတွေကို ကျောင်းတက်ဖို့ ပိုက်ဆံထုတ်ချေးတာတွေ အစရှိသဖြင့်ပေါ့။ နောက်ပြီး နိုင်ငံတကာ ကျောင်းသားတွေက International Student Fees ဆိုပြီး နှစ်စဉ် ကျောင်းလခပေးရင် ထပ်ပေါင်းပေးရတယ်”
တခြားအခက်အခဲတွေ ရှိသလားလို့ ဆရာမကို မေးကြည့်တော့ “အခက်အခဲတွေကတော့ တချို့ မြန်မာကျောင်းသားတွေ အနေနဲ့ စိန်ခေါ်မှုတွေ ကြုံတွေ့ရတယ်။ ဥပမာ- မြန်မာပြည်မှာ အထက်တန်းအောင်ပြီး နိုင်ငံတကာတက္ကသိုလ်မှာ တိုက်ရိုက်ကျောင်းလာတက်ရင် ပထမဆုံးတွေ့ရတာက သင်ကြားမှု နည်းစနစ်ပဲ။ အဲဒီတော့ သူတို့အတွက် သူများထက်ပိုပြီး အားထုတ်ရတယ်။ စာသင်ခန်းတွေထဲမှာ ကိုယ်ပိုင်အမြင်တွေ ပေးတာတွေ၊ အုပ်စုလိုက် ဆွေးနွေးမှု တွေ၊ Presentation တွေပေးရတဲ့အခါ သူတို့အတွက် အသစ်အဆန်းတွေ ဖြစ်နေတတ်တယ်” လို့ ပြောပါတယ်။
စားသောက်ဆိုင်မှာ ပန်းကန်ဆေး အလုပ်လုပ်ရာက ထိုင်းနိုင်ငံ Payap တက္ကသိုလ်မှာ ကျောင်းတက်ခွင့်ရပြီ ဖြစ်တဲ့ တိုင်းရင်းသူ ကျောင်းသူလေး အကြောင်းကိုလည်း ဝမ်းမြောက်ဖွယ် ကြားသိရ ပြန်ပါတယ်။ ဘဝမှာ ပြီးဆုံးသွားခဲ့ပြီလို့ ထင်မှတ်ထားခဲ့တဲ့ အရာတွေက အောင်မြင်မှုတွေဆီ ပြန်လည် ဦးတည်လာတဲ့ ဘဝကို ရောက်ခဲ့ကြရပါပြီ။ ပညာရေး ပေါင်းကူးပေးနေတဲ့ ဆရာတွေမှာလည်း ကြည်နှုးမှု အပြည့်နဲ့ပါ။ မြန်မာလူမျိုး ဆရာတွေက အသက် ၃၀ ဝန်းကျင် လူငယ်များ ဖြစ်နေတာကိုလည်း သတိထားမိပါတယ်။ မြန်မာလူမျိုးတွေရဲ့ ပင်ကိုဗီဇ ဖြစ်တဲ့ ကူညီရိုင်းပင်းတဲ့ စိတ်ဓာတ်နဲ့အတူ ဇာတိမာန်ဆိုတဲ့ အမျိုးဂုဏ်တွေကြောင့် ဘယ်တိုင်းပြည်ရောက်ရောက် ကိုယ့်လူမျိုးကို ချစ်တဲ့စိတ်၊ မြှင့်တင်လိုတဲ့ စေတနာတွေကြောင့် ခယောင်းလမ်းကို ပန်းခင်းလမ်းသို့ ရောက်အောင် တံတားတစ်စင်း ထိုးပေးထားတာကို တွေ့မြင်ခဲ့ရတဲ့ အတွက် ဝမ်းသာဂုဏ်ယူစွာ ရေးသားမျှဝေလိုက်ရပါတယ်။
Credit To The Voice Weekly
Read More »

သွေးပေါင် ကျခြင်းမှ ကာကွယ်ဖို့




ချွေးထွက်တွေများပြီး သွေးတိုး မရှိတဲ့ လူတွေက သွေးပေါင် အရမ်းကျ ကျပါတယ်။

သွေးတိုးရင်တော့ သွေးပေါင်ကျအောင် လုပ်ရသလို သွေးပေါင် ကျရင်လည်း သွေးပေါင် ပြန်တက်အောင် လုပ်လို့ရပါတယ်။ ဒါပေမယ့် မကျခင်မှာ ကြိုတင်ကာကွယ်တဲ့ နည်းလမ်း လေးတွေကို သိထားရင်လည်း ကြိုတင်ကာကွယ် ထားနိုင်ပါတယ်။

မုန်လာဥ အစိမ်းကို ဖျော်ရည်လုပ်၍ သောက်ခြင်းသည် သွေးတွေကျစေရန် သွေးပေါင်ချိန် ထိန်းရန် အလွန် အကျိုးရှိသော ကုသမှု ဖြစ်ပါတယ်။ မုန်လာဥ ဖျော်ရည် တစ်ခွက်ကို တစ်နေ့ နှစ်ကြိမ် သောက်သုံးပါ။ အာဟာရဓာတ် ကြွယ်ဝစေဖို့ အတွက် ပရိုတင်း၊ ဗိုက်တာ မင်စီနဲ့ ဘီအုပ်စုများ ပါဝင်တဲ့ အစာများကို မှီဝဲခြင်းက သွေးအတက်အကျကို ကာကွယ်ချိန် ညှိပေး နိုင်ပါတယ်။

သွေးပေါင်ကျခြင်းကို ထိန်းသိမ်းဖို့ရာ ဆားကို အသုံးပြုပေးပါ။ သွေးပေါင်ချိန် ပုံမှန်ရှိသူ တစ်ယောက်ပင် ဖြစ်စေကာမူ ဆားပါဝင်သော အစားအသောက်ကို စားသုံးပေးပါ။ ဆားလက်ဖက်ရည် ဇွန်းတစ်ဝက်ခန့်ကို ရေတစ်ဖန်ခွက်နှင့် ဖျော်၍ နေ့စဉ် သောက်သုံး ပေးလျှင် ကောင်းမွန် ပါတယ်။

ခန္ဓာကိုယ်ထဲမှ ရေဓာတ် ဆုံးရှုံးလျှင်လည်း သွေးပေါင်ချိန် ကျစေပြန်ပါတယ်။ သွေးပေါင်ချိန် ကျနေသော လူကို အရည်များများ ၀င်နိုင်သမျှ ၀င်အောင် တိုက်ပေးခြင်းဖြင့် ရေဓာတ် ဆုံးရှုံးမှုမှ ကယ်ဆယ် နိုင်ပါတယ်။

အကယ်၍ သွေးပေါင် တိုးနေပါက မိသားစု ဆရာဝန်ထံမှာ အကြံညဏ်ရယူပြီး သင့်တင့် မှန်ကန်သည့် ဆေးဝါး သောက်သုံးမှု ၊ ကုသမှု ယူသင့်ပါတယ်။ မိမိဘာသာ ဆေးများ သောက်သုံးခြင်း၊ သောက်ရသည့် ပမာဏထက် ပို၍ သောက်ခြင်း များကိုလည်း ရှောင်ကြဉ်ပါ။

မောင်မောင်ချေ(ဓည၀တီ )
Read More »

နိုင်ငံရေးခံတွင်းကခပ်ပျက်ပျက်ဘဲနာဘဲပြုတ်သံတွေက တရစပ်ထွက်



ဒီအတောအတွင်း သတင်းတွေတယ်စုံသကိုးဗျာ။ ကြားရကြားရ နားဝ မသက်သာ ဆိုတာမျိုးတွေလည်းပါရဲ့။ နားဝသကာလောင်း ဆိုတာမျိုးတွေလည်းပါရဲ့။ နားဝ ကြက်မွေးကျပ်ဆိုတာ မျိုး လည်း ပါရဲ့။ (အပိာ အပိာ ယားကျိကျိပါလားဗျို့ ဆိုတာမျိုးပေါ့လေ။)

အမျိုးသားလွှတ်တော်မှာ ဆက်သွယ်ရေးဆိုင်ရာ ဥပဒေကြမ်းဆွေးနွေးတယ်။ ဥက္ကဌကြီးက စာပိုဒ်အလိုက် အမတ်မင်းတွေ သဘောတူ-မတူမေးတယ်။ တစ်မတ်သားအမတ်များ (အဲမွှားလို့ ဘွာ ဘွာ ) တပ်သားအမတ်များက တေမိဇာတ်ခင်း ပာင့်အင်းမလုပ်၊ အင်းမလုပ် နှုတ်ပိတ်နေသတဲ့။ အဲဒီလို တပ်အမတ်တွေ ပါးစပ်ပိတ်နေတာကို ဥက္ကဌက မာန်မဲလိုက်သတဲ့။ ဒီလို အစုလိုက်မေးတာ မဖြေရင် လွှတ်တော်ထဲက အစုလိုက် မောင်းထုတ်မယ်တဲ့။

စကားလုံးတွေကတော့ အပ်ကျမတ်ကျ မပာုတ်ဘူးပေါ့။ ဥက္ကဌကြီးက ထန်ထန်ခြောက်ခြောက် မာန်ကာငေါက်လိုက်တာကတော့ အသံလွှင့်မီဒီယာတွေမှာ အတိုင်းသား ကြားလိုက်ရသပေါ့ဗျာ။ ပြည်ထောင်စုလွှတ်တော်နာယကကြီးရဲ့ နာယကအသိဥာဏ်ကို ဖော်ကျူးလိုက်တာဖြစ်တယ်လို့ပဲ ကျုပ်ကတော့မှတ်ယူသဗျာ။ ပါဠိလိုတော့ ပရိသညူလို့ ဆိုသပေါ့။ ပရိသတ်ရဲ့ စိတ်ထားကိုသိခြင်းအသိဥာဏ်ပေါ့ဗျာ။

နာယကကြီးက ရွေးကောက်ပွဲကော်မရှင်ဥက္ကဌ စာရေးပို့ထားတဲ့ ပီအာ (အချိုးကျကိုယ်စားပြု ရွေးကောက်ပွဲစနစ်) ကိစ္စ လွှတ်တော်မှာ ဆွေးနွေးရေးကိုလည်း ပယ်ချလိုက်သဗျ။ စည်းမရှိ ကမ်းမရှိ ဘာလာလုပ်တာလဲလို့ (ကျုပ်တို့ အရပ်ထဲမှာ ပြောသလိုမျိုး) ပြောလိုက်တာဗျ။ လွှတ်တော်မှာ ဆွေး နွေးချင်ရင် အမတ်ကတင်ရမှာလေဗျာ။ နာယကကြီးငေါက်တာ နည်းတောင်နည်းသေး။ ကော်မရှင် ဥက္ကဌနှယ် ဒီလောက်တောင် မသိသား ဆိုးဝါးရသလားဗျာ။ အံ့ရော။

အရေးထဲ ပာတ်ချိုးဆိတ်ဖွားကိစ္စကလည်း လာချည်သေး ပါချည်သေးသဗျ။ အဲဒီကိစ္စက ဒီလိုဗျ။ ဒေါက်တာဆိတ်ဖွားဆိုသူက လွှတ်တော်ကို ဇွတ်အော်ပြီး ကချွတ်ကချော် ရေးလား ဘာလား သေ ချာ မသိပါဘူး။ လွှတ်တော်သိက္ခာ ထိပါးတယ်ဆိုပြီး ဒေါက်တာဆိတ်ဖွား စုံစမ်းရေးကော်မရှင် ဆိုတာကြီး ဖွဲ့ပါကရောလား။ လူတွေခေါ်စစ်ပေါ့လေ။ ငွေကုန်လူပန်း နောက်ဆုံးစခန်းသတ်တော့ ပာတ်ချိုးသံကြီး နားညည်းအောင်ကြားရတာပဲ အဖတ်တင်တယ်။ ဆိတ်ဖွားကိုတော့ အမွေးတောင်ဆွဲမပြနိုင်ရှာကြဘူး။

ဘာရမလဲ။ လွှတ်တော်ကတော့ အခြိမ်းအခြောက်ကလေးနဲ့ အပိာန်းအပောာက်ကလေးတော့ စတိလုပ်လိုက်သေးတာပေါ့။ နောက် ဒါမျိုးမရေးနဲ့။ သတိပေးပါရဲ့နော်။ ဒါပဲတဲ့။ (ဘယ်သူမှန်း မသိသူ ကို ဘာလုပ်မယ်မှန်းမသိတဲ့ဝမ်တိန်မျိုး ပေးလိုက်သေးသဗျ။ ပျော်စရာကြီးနော်။)

အဲ. . . အဲ ပြောရဦးမယ်။ ဆိတ်ဖွားကိစ္စမှာ သတင်းသမားတို့ မှတ်သားစရာလေးတွေကလည်း တစ်နွယ်ငင်တစ်စင်ပါ တရွတ်တန်းလန်းကြီးပါ ဖြစ်ရသေးသဗျ။

ဒေါက်တာဆိတ်ဖွား ဆောင်းပါးတွေကို အင်တာနက်ကတစ်ဆင့်ယူပြီး ဂျာနယ်မှာထည့်ခဲ့တဲ့ အယ်ဒီတာကိစ္စဗျ။ စုံစမ်းရေးကော်မရှင်က အယ်ဒီတာကိုမေးတယ်။ ဆိတ်ဖွားဘယ်သူလဲ။ အယ်ဒီတာကဖြေတယ်။ စာနယ်ဇင်းကျင့်ဝတ်အရ မပြောနိုင်ဘူး။

ပြစ်မှုမြောက်တဲ့ ဆောင်းပါးမျိုးရေးသားသူကိုမဖော်ထုတ်ခြင်းဟာ ဥပဒေနဲ့ငြိစွန်းတယ်တဲ့။ အယ်ဒီတာမှာ ကျင့်ဝတ်ရှိသင့်တာ မှန်တယ်တဲ့။ ဒါပေမဲ့ ကျင့်ဝတ်နဲ့ ဥပဒေမတူညီဘူးတဲ့။ ဥပဒေချိုးဖောက်သူကို အကာအကွယ်ပေးလို့ မရဘူးတဲ့။ သဘောထား ချမှတ်လိုက်တယ်။ လွှတ်တော်ရဲ့သဘောထားဟာ နောင်အခါရေးသူအမည်ဖော်ရမယ်ဆိုတဲ့တရားခွင်မေးခွန်းကိစ္စမျိုးပေါ်မယ်၊ ပေါ်တဲ့အခါ ကျင့်ထုံးအညွှန်းလို ဖြစ်လာနိုင်တယ်။

ဒီကိစ္စမှာလည်း လွှတ်တော်ကလျှော့လျှော့ပေါ့ပေါ့ပါပဲ။ နသားဖားယား မမေးပါဘူး။ မမေးတဲ့ အကြောင်းကလည်း နှစ်ဆယ့်တစ်ရာစု ကိုရွှေအယ်ဒီတာ သတ္တိခဲလေး နှစ်ဆယ်ရာစု အိုးဝေအယ်ဒီတာ ကိုအောင်ဆန်းလို ဖြစ်သွားမှာ စိုးလို့ဆိုလားပဲ။

ကြားဖူးတယ် မဟုတ်လား။ ကိုအောင်ဆန်း တက္ကသိုလ်ကျောင်းသားသမဂ္ဂမဂ္ဂဇင်း အယ်ဒီတာ လုပ်တုန်းက ကိစ္စလေ။ အိုးဝေမဂ္ဂဇင်းမှာပါတဲ့ ငရဲခွေကြီးလွတ်နေပြီဆောင်းပါးရေးသူကို တက္ကသိုလ်ကျောင်းအုပ်ကြီးက နာမည်ဖော်ခိုင်းတယ်။ ကိုအောင်ဆန်း ငြင်းတယ်။ ကိုအောင်ဆန်း ကျောင်းထုတ်ခံရတယ်။ နိုင်ငံရေးဟီးရိုးဖြစ်သွားတယ်။

လာပြန်ဦးမှာလား။ နောက်ဟီးရီုးတစ်ယောက်။ တော်တော့။ ဟိတ်ကြွားတဲ့ ဆိတ်ဖွားတောင် ဘိတ်နားရောက်သွားတယ်။

ဒါတွေထက် ပိုပျော်စရာကောင်းတဲ့သတင်းမျိုးက ကြားရသေး။

ပြည်သူ့လွှတ်တော်ဥက္ကဌကြီး ဦးရွှေမန်းက သတင်းထောက်တွေနဲ့ တွေ့ရှင်းတယ်။ (နောင်လည်း ပုံမှန်တွေ့သွားမယ်တဲ့။ သမ္မတရဲ့ ပုံမှန်ခြွေ ရေဒီယိုမိန့်ခွန်းနဲ့ အပြိုင်ပေါ့။) ဦးရွှေမန်းကပြောတယ်။ သူနဲ့သမ္မတ ရန်ဖြစ်နေကြသလားဆိုတဲ့ ပြောသံတွေ ထွက်နေသတဲ့။ ရန်မဖြစ်ဘူးတဲ့။ (ကလေးတွေမှ မဟုတ်တော့တာကွယ်။) သဘောထပ်တူ မဖြစ်ကြရုံပါပဲတဲ့။

ဒီလိုသတင်းမျိုးကြားရတော့ ဝမ်းသာသဗျာ။

သမ္မတကြီးနဲ့ ဥက္ကဌကြီးဆိုတာက ရန်သူတော်ကြီးတွေမဟုတ်လား။ အကြံတူရန်သူဆိုတဲ့ စကားရှိ မဟုတ်လား။ နှစ်ယောက်စလုံးက ၂၀၁၅ မှာ သမ္မတလုပ်မယ်တကဲကဲ ကြံနေကြတာလေ။

ဦးသိန်းစိန်က နောက်သမ္မတတစ်ဆက် နန်းတက်ချင်နေတဲ့သူ။ အရင်ကတော့ ဟင့်အင်း ငြင်းလာခဲ့တာ။ ခုလည်းငြင်းချင်ငြင်းနေဦးမှာ။ သမ္မတလူချောအဖွဲ့တွေက လှော်ကြလွန်းလို့သာ ဒုတိယမ္ပိသက်တမ်းကို မျှော်ကာမှန်းမိတာနဲ့ တူပါရဲ့။ တကယ်တော့လည်း သူ့ခမျာ ဒီစကားမျိုးပဲ ဖြေရမှာ။ တစ်သက်တမ်းပဲဟေ့ ပြောလိုက်ပြန်ရင်လည်း ‘ဘဲနာ’ ဖြစ်သွားမယ်လေ။ (ဘဲနာ-Lame Duck ဆိုတာ အမေရိကန်နိုင်ငံရေးဝေါဟာရ။ တစ်သက်တမ်းပြတ် တစ်ဇာတ်သိမ်းတဲ့အမတ်ကိုခေါ်တာ။)

ဦးရွှေမန်းကလည်း အသစ်စက်စက် သမ္မတနန်းတက်ချင်တဲ့သူပဲလေ။ သမ္မတထက်အရေးပါတဲ့ ရာထူးတောင်လိုချင်တယ်လို့ ရင်ဖွင့်ထားတယ်လေဗျာ။ ကြားလိုက်ကြမှာပေါ့။ သမ္မတဖြစ်ဖို့ လောက် တော့ သူက စပျော့ (အလွယ်လေး) ထင်တာ။ ဥုံဖွဆို ပြီးပြေ မီးသေမယ်လို့ ယုံတာ။ အင်္ဂလိပ်ဗန်းစကားနဲ့ဆို ဘဲပြုတ် (Dusk Soup) ပေါ့။

အေးဗျာ။ ထောင်နှုတ်ခမ်းနင်းခဲ့တဲ့ကျုပ်က အခုတော့ သင်္ချိုင်းနှုတ်ခမ်းနင်းနေပြီလေ။ ဒီတော့ သမ္မတကိစ္စ ဘာညာဆိုတာမျိုးတွေမှာ ဟုတ်တိပတ်တိ အာရုံမရောက်တော့ပါဘူး။ ကြောင် ခံတွင်း ပျက်နဲ့ ဆက်ရက်တောင်ပံကျိုး ဆိုတဲ့စကား ကြားဖူးကြမဟုတ်လား။ ကျုပ်က နိုင်ငံရေး ခံတွင်းပျက် နေပြီဗျ။ ‘ဘဲနာ’တွေ၊ ‘ဘဲပြုတ်’တွေ ဆိုတဲ့ အော့နှလုံးနာစရာတွေ လာမပြောကြပါနဲ့ကွယ်ရို့။ ကျုပ်အ ဖို့ အာမစို လျှာမစိမ့်ပါဘူး။ ကန်တော့ပါရဲ့ဗျို့။ ကန်တော့ ကန်တော့။ အန်ချင်စိတ်တောင် ပေါက်ပါ ရဲ့။ ဝေါ့. . . ဝေါ့ . . . ။

ကျုပ်သဘော ပြောမယ်နော်။ သမ္မတဟိတ်ကို တံဆိပ်နှိပ်စတမ်းဆိုရင် ဒေါင်းနွယ်ဝင်မှပဲ ကောင်းမယ်ထင်ရဲ့။ သမ္မတဘိသိက်သွန်းပွဲမှာ ဘဲချေးစော်မနံစေချင်ပါဘူး။ ဒေါင်းရနံ့ဆန်းကြည် အေးသာ မွှေးမြစေချင်သဗျာ။ ။

ဟံသာဝတီဦးဝင်းတင်

ဒီလှိုင်းဂျာနယ်။ ။အတွဲ(၂)၊ အမှတ်(၂၆)။ ပြန်လည်ကူးယူဖေါ်ပြပါသည်။
Read More »

DKBA ရိက္ခာသယ်ယူမှု နယ်ခြားစောင့် တပ်တားမြစ်၍ နှစ်ဖက်တင်းမာမှု ထပ်ဖြစ်ဟုဆို



ပြီးခဲ့သည့်လအတွင်း တိုက်ပွဲများ ဖြစ်ပွားခဲ့သော မြိုင်ကြီးငူဒေသတွင် DKBA က ရိက္ခာဆန် သယ်ယူမှုကို နယ်ခြားစောင့်တပ်ဖွဲ့က တားမြစ်ခဲ့ခြင်းကြောင့် နှစ်ဖက်တပ်အကြား တင်းမာမှု ထပ်မံဖြစ်ပွားလျက် ရှိကြောင်း (DKBA) အဖွဲ့၏ မြဝတီဆက်ဆံရေး ရုံးတာဝန်ခံ ဗိုလ်ကြီးစောစိုးမြင့်က The Voice သို့ပြောကြားသည်။

“အစိုးရက ထောက်ပံ့တဲ့ ဆန်ကိုသယ်တာ နယ်ခြားစောင့်တပ်တွေက တားတယ်။ အရင်ပြဿနာ တက်တုန်းက ကျွန်တော်တို့ မှားခဲ့တယ်ဆိုရင် တောင်းပန်ဖို့ဝန်မလေးပါဘူး” ဟု၎င်းကဆက်လက် ပြောကြားသည်။

မြိုင်ကြီးငူဒေသတွင် DKBA နှင့် နယ်ခြားစောင့်တပ်တို့အကြား တိုက်ပွဲများ နှစ်ရက်ဆက်တိုက် ဖြစ်ပွားထားသည်။

အဆိုပါ DKBA အဖွဲ့၏ ရိက္ခာဆန် သယ်ယူမှုကို တားမြစ်ခြင်းနှင့် ပတ်သက်၍ နယ်ခြားစောင့်တပ် အမှတ် (၁) မြိုင်ကြီးငူ အထူးဒေသသို့ ဆက်သွယ်မေးမြန်းရာ “ကျွန်တော်တို့က မတားပါဘူး။ သူတို့ နဲ့တိုက်ပွဲဖြစ်တုန်းက ရွာတွေဘက်မှာ မိုင်းထောင်ထားတယ်။ အဲဒါကိုပြန်ဖော်ပေးပြီးမှ ရိက္ခာသယ်ယူခွင့် ပြုမယ်လို့ပဲ တောင်းဆိုတာ” ဟု အဆိုပါ နယ်ခြားစောင့်တပ်၏ တပ်နယ်မှူး ဗိုလ်မှူးစိုးနိုင်က ဆိုသည်။

အဆိုပါဒေသတွင်း မြေမြှုပ်မိုင်းများ ထောင်ထားခြင်းသည် DKBA တပ်ဖွဲ့တစ်ဖွဲ့တည်း ထောင်ထားခြင်း မဟုတ်သောကြောင့် အားလုံးဝိုင်းဝန်း ရှင်းရမည့်ကိစ္စသာ ဖြစ်ကြောင်း DKBA အဖွဲ့၏ မြဝတီ ဆက်ဆံရေးရုံးတာဝန်ခံ ဗိုလ်ကြီးစောစိုးမြင့်က ရှင်းပြသည်။

အဆိုပါ တပ်ဖွဲ့နှစ်ဖွဲ့ကြား ယခုကဲ့သို့ ဆက်လက်တင်းမာနေမည် ဆိုပါက တိုက်ပွဲများ ပြန်လည် ဖြစ်ပွားနိုင်ကြောင်း၊ ကရင်တပ်ဖွဲ့ချင်း ပြဿနာ မဖြစ်စေလိုကြောင်း မြိုင်ကြီးငူဒေသတွင် တပ်စွဲထားသည့် KNU/KNLA အဖွဲ့မှ ဗိုလ်မှူးတစ်ဦးက ဆိုသည်။

ငြိမ်းချမ်းရေး လုပ်ငန်းစဉ်မျာ၊ ကရင်လူမျိုး ဖွံ့ဖြိုးရေးလုပ်ငန်းများနှင့် ကရင် လက်နက်ကိုင် တပ်ဖွဲ့များအကြား ဖြစ်ပေါ်နေသော ပြဿနာများ ဖြေရှင်းရန် ကရင် လက်နက်ကိုင် တပ်ဖွဲ့များ ညီညွတ်ရေးအဖွဲ့ကို ဇူလိုင်လ ပထမပတ် အတွင်း ကရင်လက်နက်ကိုင်တပ်ဖွဲ့ ခြောက်ဖွဲ့မှ အဖွဲ့ဝင် ၁၇ ဦးဖြင့် ဖွဲ့စည်းထားသည်။

Credit To The Voice Weekly
Read More »

ပြက္ခဒိန်သမိုင်း




ပြက္ခဒိန်ဆိုတာ

မြန်မာလို ပြက္ခဒိန် အင်္ဂလိပ် လို Calendar ဟု ခေါ်ဆိုကြ သည်။ ပြက္ခဒိန် ဆိုသည်မှာ နှစ်၊ လ၊ရက်၊နေ့ စသည်တို့ကို မှတ်သား ဖော်ပြထားသော ဇယားဟု မြန်မာစာအဖွဲ့မှ ထုတ် ဝေသော မြန်မာအဘိဓာန်တွင် ဖွင့်ဆိုထားသည်။ အင်္ဂလိပ်လို Calendarဟူသော ဝေါဟာရ မှာ လက်တင် ဘာသာစကားမှ ဆင်းသက်လာခြင်း ဖြစ်ပြီး ‘လတစ်လ၏ ပထမဆုံးနေ့’ ဟု အဓိပ္ပာယ်ရသည်။

ပြက္ခဒိန်သမိုင်း

ပြက္ခဒိန်သမိုင်းကို ခြေရာ ကောက်လျှင် လွန်ခဲ့သော နှစ် ပေါင်းထောင်ပေါင်း များ စွာကို ပြန်သွားရမည်ဖြစ်သည်။ ဘီစီ ၄၆တွင် ရောမဘုရင် ဂျူလီယက် ဆီဇာ (Julius Caesar) သည် ပြက္ခဒိန်စနစ်တစ်ခုကို သတ်မှတ် ခဲ့သည်။ ယခင် ရောမတို့၏ ပြက္ခဒိန်စနစ်သည် ကမ္ဘာက နေကို တစ်ပတ်တိတိပတ်မိ ဘသည့် အချိန်ကိုသာ အဓိက အခြေပြု သတ်မှတ်ထားသည်။ ထိုသို့နေကို အခြေ ပြုသတ်မှတ် သည့် စနစ်ကို Sloar Calendar စနစ်ဟုခေါ်သည်။ ဂျူလီ ယက် ဆီဇာသတ်မှတ်ခဲ့သော ပြက္ခဒိန် တွင် စနစ်အရ ၃ဝနှင့် ၃၁ရက် စီ အသီးသီးရှိကြသော လ ပေါင်း ၁၂လ ပါဝင်ပြီး လေးနှစ် တစ်ကြိမ် ဒုတိယမြောက် လကို ၁ရက်ပေါင်း ပေးခဲ့သည်။ သတ်မှတ်ခဲ့သည့် လများအ နက် ၅လမြောက် လဖြစ်သည့် ဇူလိုင်လ သည် ဆီဇာ့အားအစွဲ ပြုပြီး သူ့ အမည်ပေးခဲ့သည့် လဖြစ်သည်။ ဂျူလီယက်ဆီဇာ သတ်မှတ်ပြဋ္ဌာန်းခဲ့သော ထို ပြက္ခဒိန်စနစ်ကို ဂျူလီယန် ပြက္ခဒိန် (Julian Calendar) ဟု ခေါ်သည်။

ဆီဇာကွယ်လွန်ပြီးနောက် သူ့ အရိုက်အရာကို ဆက်ခံ သည့် သြဂတ်စတက်ဆီဇာ (Augustus Caesar)သည် ဆီဇာလ(ဇူလိုင်) ၏ နောက်မှ လကို သူ၏အမည်ပေးခဲ့သဖြင့် သြဂုတ်လဟုခေါ်စေသည်။ ရက်ပေါင်း ၃ဝသာရှိသည့် သြဂုတ်လကို ဇူလိုင်လကဲ့သို့ ၃၁ရက်ဖြစ်ချင် သဖြင့် ဒုတိယ မြောက် ဖေဖော်ဝါရီလမှ တစ်ရက် ကိုထုတ်နုတ်ပြီး ဇူလိုင်လ အတွင်း ထည့်သွင်းခဲ့ သည်။ထို့ ကြောင့် ဖေဖော်ဝါရီလသည် ၂၉ရက်ဖြစ်သွားရသည်။

ခေတ်သစ်ပြက္ခဒိန်

ယနေ့ကမ္ဘာတစ်လွှားတွင် အသုံးပြုနေသော ပြက္ခဒိန်စနစ် မှာ ဂရီဂိုရီယမ်ပြက္ခဒိန်စနစ်(Gregorian Calendar) ဖြစ်သည် ။ယင်းစနစ် ကို ရောမ သာသနာပိုင်ကြီး ဖြစ်သူ ၁၃ဦး မြောက်ပုပ်ရဟန်းမင်းကြီး ဂရီဂိုရီ (pope Gregory VIII) က ၁၅၈၂ခုနှစ်တွင် စတင်ခဲ့ သည်။

Gregorian ပြက္ခဒိန်ကို အနောက်တိုင်း ပြက္ခဒိန်၊ ခရစ် ယန်ပြက္ခဒိန်ဟူ လည်း ခေါ်ဆိုကြ သည်။ယင်းစနစ်အရ သက္ကရာဇ် သည် ခရစ်တော် ဖွား မြင်သည့် နှစ်မှ စတင်ရေတွက်ခဲ့သည့် ခရစ်သက္ကရာဇ် ခုနှစ်ဖြစ်သည်။ ယင်း နောက်ပိုင်းတွင်လည်း ပြက္ခဒိန်ရက်များကို ချိန်ညှိမှု များရှိခဲ့သည်။ ၁၇၅၂ ခုနှစ်တွင် ဗြိတိသျှအင်ပါယာအတွင်း ပြက္ခဒိန်ရက်များကို ပြောင်းလဲ သတ်မှတ်ရန် ဗြိတိသျှပါလီမန် နှင့် ဘုရင်မင်းမြတ်ဂျော့ ၂ (King George II) တို့ ဆုံးဖြတ်လုပ် ဆောင်ခဲ့သည်။ယင်းသည် Gregorian ပြက္ခဒိန်ကို ပထမဆုံး ပြင်ဆင်ခဲ့ခြင်းဖြစ်သည်။ ထို့ ကြောင့် အမေရိကန် သမ္မတ ဂျော့စ်ဝါရှင်တန်၏ မွေးနေ့မှာ ဖေဖော်ဝါရီလ ၁၁ရက်မှ၊ ဖေဖော် ဝါရီလ၂၂ရက်ဖြစ်သွားခဲ့သည်။

ပြက္ခဒိန်အမျိုးမျိုး

အနောက်တိုင်းသုံး ပြက္ခဒိန် စနစ်သည် နေသွားလမ်း ကြောင်း တစ်ပတ်ပြည့် သည့်ကာလကို တစ်နှစ်အဖြစ် စံထားပြီး လများ ကို စိတ်ပိုင်း သတ်မှတ်ခဲ့ သည်။ ယင်းစနစ်ကို Solar ပြက္ခဒိန် စနစ်ဟု ခေါ်သည်။တရုတ် လူမျိုး များနှင့်အချို့သော အစ္စလာမ် ဘာသာဝင်များက တစ်လကာလ ကို လသွားလမ်းကြောင်း တစ် ပတ်ပြည့်မှုဖြင့် အဓိကထား သတ်မှတ်ကြသည်။ ထိုသို့လနှင့် သတ်မှတ်သည့် စနစ်ကို Lunar ပြက္ခဒိန်စနစ်ဟုေ ခ်ါသည်။ အခြားအာရှနိုင်ငံများဖြစ်သည့် အိန္ဒိယ၊ မြန်မာ၊ ထိုင်း၊ လော၊ ဗီယက်နမ် စသည့်နိုင်ငံများနှင့် ဂျူးလူမျိုး များမှာ မူလတစ်လကို လပတ် လမ်းကြောင်း တစ်ပတ်ပြည့် မှုနှင့်သတ်မှတ်ပြီး နှစ်တစ် နှစ်ကိုမူ နေပတ်လမ်း ကြောင်းနှင့် သတ်မှတ်ကြ သည်။ထိုသို့ ပေါင်းစပ် သတ်မှတ်သည့် ပြက္ခဒိန် စနစ်ကို Luni-Solar ပြက္ခဒိန်စနစ်ဟု ခေါ်ကြ သည်။

မြန်မာပြက္ခဒိန်စနစ်
သုံးမျိုး

မြန်မာပြက္ခဒိန် စနစ်၏ မူလအရင်းခံ သည် အိန္ဒိယ ပြက္ခဒိန်စနစ်ကို အခြေခံ သည်။ အထူးသဖြင့် မြန်မာပြက္ခဒိန်သည် ဗုဒ္ဓဘာသာ ကိုးကွယ် ယုံကြည် မှုနှင့် နက် ရှိုင်းစွာ ဆက်စပ်နေသည်။ သံဃာတော်များ ဝါဝင်၊ဝါထွက် တွက်ချက်မှုသည် ပြက္ခဒိန်အတွက်အလွန်အရေးကြီးသည်။

မြန်မာပြက္ခဒိန်စနစ်တွင် သက္ကရာဇ်ခုနှစ်တို့ကို သတ်မှတ် ရာတွင် ၃မျိုးရှိ သည်။ ၄င်းတို့မှာ မဟာသက္ကရာဇ်၊ သာသနာ သက္ကရာဇ် နှင့် ကောဇာ သက္ကရာဇ်တို့ဖြစ်သည်။

မဟာသက္ကရာဇ်

မဟာသက္ကရာဇ်မှာ ဗုဒ္ဓ မြတ်စွာဘုရား ဖွားမြင်ရာ ကပ္ပိလ ဝတ်မြို့ကို စတင်တည် ထောင် ချိန်မှစ၍ ရေတွက်သည့် ခုနှစ် ဖြစ်သည်။ထို နှစ်၆၈ ၊ ကဆုန်လ ပြည့်နေ့တွင် ဗုဒ္ဓရှင်တော် လောင်းလျာကို ဖွားမြင် တော်မူ ခဲ့သည်။ထိုသက္ကရာဇ်ကို ဗုဒ္ဓပရိ နိဗ္ဗာန် ပြုတော်မူပြီးသည့် အချိန် မှစ၍ အသုံြး ပုခြင်းမရှိတော့ပါ။

သာသနာသက္ကရာဇ်

ဗုဒ္ဓပရိနိဗ္ဗာန်ပြုတော်မူပြီး နောက် ပထမအကြိမ် သင်္ဂါ ယနာတင်ပြီးသည့် အချိန်မှ စတင်ရေတွက် သည့် ခုနှစ်ကို သာသနာနှစ်ဟု မည်သည်။သာ သနာတော်၏ သက်တမ်းကို ညွှန်းပြနိုင်သည့် ခုနှစ်ဖြစ်သည်။

ကောဇာသက္ကရာဇ်

ဗုဒ္ဓသာသနာနှင့်အတူ ပြက္ခဒိန်စနစ်သည် မြန်မာနိုင်ငံ အတွင်းဝင်ရောက် လာခဲ့ ဟန်ရှိ သည်ဟု ဆိုကြသည်။ သာသနာ သက္ကရာဇ်လိုပင်ဆက်ခံ အသုံးပြု ရာမှ သက္က ရာဇ်နှစ် ၆၂၂ခုနှစ် အရောက်တွင် သရေခေတ္တရာ ဘုရင်သမုန္ဒရီက သုညခုနှစ်(Zero hour)မှ စတင်ပြန်လည်ရေတွက် သတ်မှတ်ခဲ့သည်။ထိုသို့ သက္ကရာဇ် ကို သုညမှစတင်ခြင်းကို သက္ကရာဇ် ဖြိုသည်ဟု သုံးနှုန်းကြသည်။

သမုန္ဒရီမင်း သက္ကရာဇ်ဖြို ပြီးနောက် အနှစ် ၅၆ဝ အကြာ ပုဂံခေတ်တွင် ပုပ္ပားစောမင်း လက် ထက်တွင်ထပ်မံဖြိုပြန်သည်။ အင်းဝခေတ်မိုးညှင်းမင်း တရားကြီးလက်ထက်တွင်လည်း သက္ကရာဇ်ဖြိုရန် ကြိုးစားခဲ့သော် လည်း လူတို့လိုက်နာခြင်းမရှိ သဖြင့်မဖြိုခဲ့ပါ။ထို့ကြောင့် လက် ရှိအသုံးပြုေ နသော ခုနှစ်သည် ပုဂံခေတ်မှ စတင်သတ်မှတ်ခဲ့ သော နှစ်ဖြစ်ပြီး ထိုသက္ကရာဇ် ကို ကောဇာသက္ကရာဇ်ဟုခေါ်သည်။

ပညာရှင်များအမြင်

‘သေမင်းဆီမှာ ပြက္ခဒိန် မရှိဘူး’ ဟု အင်္ဂလိပ်စကားပုံ တစ်ခုက ဆိုသည်။ “ကိုယ်ကျင့် သိက္ခာ၊ တူညီမျှတမှုနှင့် တရား မျှတမှုတို့သည် ပြက္ခဒိန်နှင့် အတူ ပြောင်းလဲသွားခြင်း မရှိပေ” ဟုD.H. Lawrence က ဆိုခဲ့သည်။ “မနက်ဖြန်ဆိုတာ မိုက်မဲသူတွေရဲ့ ပြက္ခဒိန်တွေ မှာပဲ ရှိပါတယ်” ဟု Oq Mandino ကဆိုခဲ့ဖူးသည်။ ကမ္ဘာကျော် မင်းသမီး မေရီမွန်ရိုးကလည်း “ကျွန်မမှာ ပြက္ခဒိန်တော့ ရှိ တယ်။ ဒါပေမဲ့ အချိန်ကိုက် တော့ ဘယ်တော့ မှမဖြစ်ခဲ့ပါဘူး” ဟု ပြောဆိုခဲ့သည်။

အလင်းဆက်(IR)

Credit To Popular Journal
Read More »

ပြည်သူ့ထံမှ ဘယ်သူ့ထံသို့



မကွေးမြို့နယ် ဒဟတ်ကန်ကျေးရွာရှိ အသက် ၈၀ အဘွား ဒေါ်ရွှေမျှင် ပေါင်းနုတ်နေသည်ကို ဇွန်လက တွေ့ရစဉ်။ (ဓာတ်ပုံ) အောင်သူငြိမ်း
(၁)
ဒီမိုကရေစီ အုပ်ချုပ်ရေး စနစ်ဟာ 'ပြည်သူ့ထံမှ ပြည်သူ့ထံသို့' အုပ်ချုပ်ရေးစနစ် ဖြစ်ပါတယ်။ ပြည်သူလူထုတွေက ပြည်သူလူထုထဲကပဲ ရွေးကောက်တင်မြှောက်ခံမယ့် လူထုကိုယ်စားလှယ်တွေကို မိမိတို့ရဲ့ ဆန္ဒအတိုင်း မဲပေးတင်မြှောက် ရွေးချယ်ကြတာ ဖြစ်ပါတယ်။ ဒါကြောင့် ဒီမိုကရေစီစနစ်မှာ တကယ်အချုပ်အခြာ အာဏာပိုင်သူတွေဟာ ပြည်သူတွေပဲ ဖြစ်ပါတယ်။ ပြည်သူလူထုရဲ့ အချုပ်အခြာ အာဏာကို ဘယ်ပုဂ္ဂိုလ်၊ ဘယ်အဖွဲ့အစည်းကမှ 'မောင်ပိုင်စီး' ထားလို့ မရပါဘူး။ တကယ်လို့ တစ်နည်းနည်းနဲ့ 'မောင်ပိုင်စီး' ခဲ့မယ် ဆိုရင်တော့ အဲဒီပုဂ္ဂိုလ် အဲဒီအဖွဲ့အစည်းဟာ လူထုကို ကိုယ်စားမပြုတော့တဲ့ 'အာဏာရှင်' သို့တည်းမဟုတ် အာဏာရှင် အဖွဲ့အစည်းပဲ ဖြစ်ပါလိမ့်မယ်။
တိုင်းပြည်ရဲ့ အချုပ်အခြာအာဏာကို ဗိုလ်ချုပ်နေ၀င်း တစ်ဦးတည်း 'မောင်ပိုင်စီး' ခဲ့တာ နှစ်ပေါင်း ၂၆ နှစ် ကြာခဲ့ပါတယ်။ အဲဒီနောက် န၀တ၊ နအဖ စစ်အစိုးရ နှစ်ဆက်က ၂၂ နှစ်ကြာခဲ့ပါတယ်။ နှစ်ပေါင်း ၄၈ နှစ်ကြာ 'အာဏာရှင်ဝါဒ' အောက် ပြားပြားမှောက်ခဲ့ ကြရတဲ့ ပြည်သူလူထုဟာ မိမိတို့သည်သာ 'အချုပ်အခြာအာဏာ' ၏ မူလပိုင်ရှင်များ ဖြစ်ကြောင်း မေ့လျော့နေခဲ့ ကြပါတယ်။ တစ်နည်းပြောရရင် ဒီကနေ့ အသက် ၄၈ နှစ် အရွယ် လူကြီးပိုင်း ရောက်နေတဲ့ 'ပြည်သူ' တစ်ယောက်ဟာ ဒီမိုကရေစီ ကျင့်စဉ်နဲ့ အလှမ်းဝေးလှပါတယ်။ ဗိုလ်ချုပ်နေ၀င်းရဲ့ ဆိုရှယ်လစ် အတုအယောင် ခေတ်တုန်းကလည်း သူများ 'ဆိုရှယ်လစ်' တိုင်း လိုက် 'လစ်' ကြသူတွေကြောင့် အာဏာရှင်ဝါဒ ၂၆ နှစ်ကြာခဲ့ရပြီး တိုင်းပြည် အဖတ်ဆည် မရအောင် ချွတ်ခြုံကျခဲ့ရပါပြီ။ စစ်အစိုးရများ လက်ထက်မှာတော့ 'အစိုးရ' တွေကိုယ်တိုင်က 'ဘာဝါဒကိုမှ' မကြွေးကြော်ဘဲ ကိုယ်ထင်ရာကိုယ် 'လှော်' ခဲ့ကြလို့ တိုင်းပြည်မှာ ရုပ်ဝတ္ထုပိုင်းဆိုင်ရာ ချွတ်ခြုံကျရုံမက စာရိတ္တပိုင်း ဆိုင်ရာမှာပါ ရစရာမရှိအောင် ချွတ်ခြုံကျကြပြန်တော့ ပြည်သူလူထု ဘ၀များ 'ဖွပ်သထက်ညစ်' ဖြစ် ကြရပါတော့တယ်။
ဟော ယခုအခါ 'ဒီမိုကရေစီ အသွင်ကူးပြောင်းရေးကာလ၊ ဒီမိုကရေစီ ကျင့်စဉ်ကို ဖော်ဆောင်တဲ့ အစိုးရသစ်' လို့ ကြွေးကြော်ခဲ့ကြပြန်တာ 'သုံးနှစ်ကာလ' သို့ ချင်းနင်းမိခဲ့ပြီ ဖြစ်ပါတယ်။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကတော့ ဒီမိုကရေစီ တော်လှန်ရေးဟာ 'စိတ်ဓာတ်' တော်လှန်ရေး ဖြစ်တယ်လို့ မိန့်ကြားခဲ့ပါတယ်။
ဒီမိန့်ကြားချက်ကို စာရေးသူ လှိုက်လှဲစွာ ထောက်ခံပါတယ်။ ဒီမိုကရေစီ တော်လှန်ရေးဟာ အကြမ်းဖက် တော်လှန်ရေးမျိုး မဟုတ်ပါဘူး။ 'ကျေးလက်ကို အခြေခံ၊ မြို့ကို သိမ်းတဲ့' လက်ဝဲတော်လှန်ရေးမျိုး မဟုတ်ပါ ဘူး။ 'ပညာတတ်များ' ကို ဖောက်ပြန်တဲ့ လူတန်းစားအဖြစ် သတ်မှတ် ရန်ပြုတဲ့ ကွန်မြူနစ် တော်လှန်ရေးမျိုး မဟုတ်ပါဘူး။ အသိပညာ၊ အတတ်ပညာ မြင့်မားသူများထံမှ အသိပညာ၊ အတတ်ပညာ နိမ့်ပါးသူတို့ထံ စီးဆင်းရမယ့် ဒီမိုကရေစီ တော်လှန်ရေး ဖြစ်ပါတယ်။ တစ်နည်းအားဖြင့် မင်းမဲ့ဝါဒီစိတ်ဓာတ်၊ အာဏာရှင်စိတ်ဓာတ်၊ ငါကြီး ငါကောင်း စိတ်ဓာတ်နဲ့ 'တစ်တော တစ်ကြက်ဖ တွန်' စိတ်ဓာတ်တွေကို ခ၀ါချပစ်ရမယ့် ချေမှုန်းသုတ်သင် ပစ်ရမယ့် 'စိတ်ဓာတ် တော်လှန်ရေးကြီး' တစ်ရပ် ဖြစ်ပါတယ်။ အာဏာရှင် စနစ်များတုန်းကလို 'လူထု' ကို နလပိန်းတုံးများ နေရာထားပြီး အာဏာပိုင်များက စိတ်ထဲရှိရာ လမ်းညွှန်၊ သြ၀ါဒပေး၊ အာဏာပြနိုင်တဲ့ အခွင့်အရေးများဟာ ဒီမိုကရေစီခေတ်မှာ 'အသုံးမရှိ' တော့ပါဘူး။ ပြည်တွင်းပြည်ပ၊ မြေပေါ်မြေအောက် ၀ဲယာ 'အဖျက်သမားများကြောင့် တိုင်းပြည်မတိုးတက် ဖြစ်ရလေတယ်' ဆိုတဲ့ အသုံးအနှုန်းမျိုးကလည်း ခေတ်ကုန်သွားပါပြီ။ ပြည်သူလူထုက ယုံကြည်လို့ တိုင်းပြည်အပေါ် စီမံခန့်ခွဲမှု အာဏာအရပ်ရပ်ကို အပ်နှင်းခြင်းခံရတဲ့ 'ပြည်သူ့အစိုးရ' ဟာ တိုင်းပြည်ရဲ့ 'လိုအပ်ချက်' မှန်သမျှကို ဖြည့်ဆည်းပေးဖို့ 'တာဝန်ခံ' ရမှာဖြစ်ပါတယ်။ 'အစိုးရ' ရဲ့ လုပ်ရပ်များ မအောင်မြင်မှုအပေါ် တစ်စုံတစ်ရာ သို့မဟုတ် တစ်စုံတစ်ယောက်အပေါ် အပြစ်ပုံချတတ်တဲ့ အကျင့်' ကိုလည်း ဒီမိုကရေစီ စိတ်ဓာတ် တော်လှန်ရေးကြီးက အမြစ်ပြတ် ချေမှုန်းပစ်ရမှာ ဖြစ်ပါတယ်။

ပြည်သူလူထုဟာ မိမိတို့ရဲ့ အချုပ်အခြာအာဏာကို မည်သူ့ထံ၊ မည်သည့်ပါတီထံ အပ်နှင်းကြမယ်ဆိုတာ နိုင်ငံရေး အမြော်အမြင်ရှိရှိ နိုင်ငံရေး သတိရှိရှိနဲ့ ဆုံးဖြတ်ကြရတော့မှာ ဖြစ်ပါတယ်။ ပုဂ္ဂိုလ်ရေး၊ ဂိုဏ်းဂဏရေး ကင်းရှင်းစွာ အဂတိတရား ကင်းရှင်းစွာနဲ့ တိုင်းပြည်ရဲ့ အနာဂတ် ကောင်းစားရေးကိုသာ ရည်ရွယ်ချက်ထားပြီး 'မဲ' ပေးကြရမှာ ဖြစ်ပါတယ်...
(၂)
ဒီမိုကရေစီ လမ်းကြောင်းပေါ် စတင်ခြေချနေတဲ့ တိုင်းပြည်ဟာ ဖြတ်သန်းမှုကာလ နုနယ်စဖြစ်တဲ့ အတွက် 'လမ်းလျှောက် တတ်ခါစ ကလေးလို အခြေမခိုင်သေးဘူး' ဆိုတဲ့ အကြောင်းပြချက်ကတော့ ယုတ္တိတန်ပါတယ်။ သို့သော် ထိုအကြောင်းပြချက်မျိုးကို လမ်းစဉ်ပါတီ အစိုးရလက်ထက်က 'စပ်ကူးမပ်ကူး' ကာလဆိုပြီး အကြောင်းပြခဲ့တာမျိုး ရှိခဲ့ပါတယ်။ 'ကြားကာလ' လို့လည်း သုံးနှုန်းလေ့ ရှိခဲ့ပါတယ်။ အခြေမခိုင်စ ကာလပဲပြောပြော 'စပ်ကူးမပ်ကူး ကာလပဲဆိုဆို၊ ကြားကာလလို့ပဲခေါ်ခေါ် အသွင်ကူးပြောင်းရေး ကာလလို့ပဲ သမုတ် သမုတ် ဒီကာလဟာ 'လေးသင်္ချေနဲ့ ကမ္ဘာတစ်သိန်း' လောက်တော့ မရှည်လျား သင့်တော့ပါဘူး။ အကြောင်းက ဒီကာလအတွင်းမှာပဲ တိုင်းပြည်ရဲ့ အခြေအနေဆိုး အချို့ဟာ တိုးတက်မလာရုံမက ဆုတ်ယုတ်ပျက်ပြား သွားတာကို တွေ့လာနေရလို့ ဖြစ်ပါတယ်။ အထူးသဖြင့် လူငယ်နဲ့ လူလတ်ပိုင်းတို့မှာ 'အမျိုးသား ယဉ်ကျေးမှုလက္ခဏာ ဆိတ်သုဉ်းလာမှုနဲ့ စာရိတ္တမဏ္ဍိုင် ပြိုလဲလာမှုများကို အနာဂတ်အတွက် ရင်လေးဖွယ် တွေ့ရှိလာနေ ရပါတယ်။ ပညာရေး ပြုပြင်ပြောင်းလဲမှုတွေ လုပ်ကြ ကိုင်ကြတော့မယ်လို့ ကြားနေရတဲ့ ကြားထဲက မြန်မာ့ပညာရေး စနစ်ဟာ ဒီနေ့အထိ 'မည်း ပြာပုဆိုး' က မတက်နိုင်သေးပါဘူး။ ပြည်သူလူထုရဲ့ စားဝတ်နေရေး ပြဿနာဆိုတာ ကိုတော့ အများသိ ဖြစ်တဲ့အတွက် ဒီစာမှ၊ ထပ်ကွန့်တင်ပြစရာ မလိုတော့ဘူးလို့ ယူဆပါတယ်။ နှိမ်နင်းမရနိုင်သေးတဲ့ မူးယစ်ဆေးဝါး ပြဿနာတွေ၊ အရက်သေစာ သောက်စားရမ်းကားမှုက စတဲ့ ရာဇ၀တ်မှုတွေ၊ မြို့လယ်ကောင်တွေမှာ ကျက်စားနေတဲ့ ဆယ်ကျော်သက် ပြည့်တန်ဆာတွေဟာ ဒီမိုကရေစီ အသွင်ကူးပြောင်းရေး ကာလရဲ့ မျက်နှာစာကို အိုးမဲသုတ်လျက် ရှိပါတယ်။ မြေယာ ပြဿနာတွေ၊ လယ်သမား ပြဿနာတွေ၊ တောင်သူလယ်သမားများရဲ့ ထွန်တုံးတိုက်ပွဲတွေ၊ သွေးထွက်သံယို လူမျိုးရေး အဓိကရုဏ်းတွေဟာ ဒီမိုကရေစီ လမ်းစဉ်ကို နှောင့်ယှက် ဖျက်ဆီးလိုတဲ့ မသမာသူများရဲ့ ကြိုးကိုင်ဖန်တီးမှုများ ဖြစ်နေကြသလားဟု အတွေးပွားဖွယ် ဖြစ်လာနေပါပြီ။ တိုင်းရင်းသား လက်နက်ကိုင်များနဲ့ ငြိမ်းချမ်းရေး ပြဿနာကလည်း လိပ်ခဲတည်းလည်း အခြေအနေမှာ ရပ်နေဆဲပါ။
(၃)
ဒီမိုကရေစီ လိုလားတဲ့ ပြည်သူအများဟာ အထက်ဖော်ပြပါ တိုင်းပြည်ရဲ့ စိတ်မသက်မသာစရာ ပြဿနာများ ကြားမှာပဲ ရုန်းရင်း ကန်ရင်း ရင်ဆိုင်ရင်းနဲ့ ချာချာလည်လျက် ရှိပါတယ်။ ၂၀၁၂ ခုနှစ် ရွေးကောက်ပွဲဟာ တရွေ့ရွေ့နဲ့ အဝေးမှာကျန်ရစ်ပြီး ၂၀၁၅ ရွေးကောက်ပွဲဆီသို့ တစ်စတစ်စ နီးကပ်လာပြန်ပြီ ဖြစ်ပါတယ်။ ၂၀၁၅ ရွေးကောက်ပွဲဟာ ပြည်သူ့အလိုဆန္ဒနဲ့ ညီညွတ်ဖို့ဆိုလျှင် ၂၀၀၈ ဖွဲ့စည်းအုပ်ချုပ်ပုံ အခြေခံဥပဒေကို အချိန်မီ ပြင်ဆင်ရေးဆွဲ ရမှာဖြစ်ပါတယ်။ အကြောင်းကြောင်းသော အကြောင်းကြောင်းကြောင့် ပြင်ဆင်ချိန် မရတဲ့အတွက် ၂၀၁၅ ရွေးကောက်ပွဲကိုလည်း ဒီအတိုင်းသာ သည်းခံဆင်နွှဲ ကြပါဦးစို့ဟု ဆိုပါလျှင်တော့ တိုင်းပြည်ဟာ နောက်ပြန်မလှည့် သည့်တိုင် ရှေ့ကကြိုနေမယ့် ချောက်ထဲကို ထိုးကျသွားပါ လိမ့်မယ်။ အကယ်၍သာ တည်ဆဲအစိုးရဟာ နိုင်ငံရေး အမြော်အမြင် ကြီးမားစွာနဲ့ ၂၀၀၈ ဖွဲ့စည်းပုံကို ပြင်ဆင်ပေးခွင့်ရအောင် ဖန်တီးခဲ့မယ် ဆိုရင်တော့ တိုင်းပြည်မှာ ပြည်သူ့အစိုးရ စစ်စစ်တစ်ရပ် ပေါ်ပေါက်ရေး တာဝန်ဟာ ပြည်သူ့ပခုံးပေါ် ကျလာမှာ ဖြစ်ပါတယ်။ ထိုအခါမှာ ပြည်သူလူထုဟာ မိမိတို့ရဲ့ အချုပ်အခြာအာဏာကို မည်သူ့ထံ၊ မည်သည့်ပါတီထံ အပ်နှင်းကြမယ်ဆိုတာ နိုင်ငံရေး အမြော်အမြင်ရှိရှိ နိုင်ငံရေး သတိရှိရှိနဲ့ ဆုံးဖြတ်ကြရတော့မှာ ဖြစ်ပါတယ်။ ပုဂ္ဂိုလ်ရေး၊ ဂိုဏ်းဂဏရေး ကင်းရှင်းစွာ အဂတိတရား ကင်းရှင်းစွာနဲ့ တိုင်းပြည်ရဲ့ အနာဂတ် ကောင်းစားရေးကိုသာ ရည်ရွယ်ချက်ထားပြီး 'မဲ' ပေးကြရမှာ ဖြစ်ပါတယ်။ ဒီမိုကရေစီစစ်စစ် လမ်းစဉ်မှာ အချုပ်အခြာ အာဏာကို မည်သူ့ထံ အပ်နှင်းမည် ဆိုသည့် အဆုံးအဖြတ်နဲ့ အခွင့်အရေးဟာ ပြည်သူလူထု လက်ထဲမှာသာ ရှိပါကြောင်း တင်ပြလိုက်ရပါတယ်။
 Written by ဇော်ငြိမ်းလတ် (၇၄)
Credit To Eleven Journal
Read More »

နိုင်းမြစ်ဝှမ်းမှပေးသော နိုင်ငံရေး သင်ခန်းစာ



အီဂျစ်သမ္မတအား ဆန့်ကျင်သူများ ကမ်းရိုးတန်းမြို့ အလက်ဇန္ဒာရီးယားတွင် ဇွန် ၂၈ ရက်က ကန့်ကွက်ဆန္ဒပြနေစဉ် (Photo:AFP)
အာရပ်နွေဦး တော်လှန်ရေးတွင် အစိုးရများကို ဖြုတ်ချနိုင်ခဲ့သော တူနီးရှားနိုင်ငံ၊ ယီမင်နိုင်ငံ၊ လစ်ဗျားနိုင်ငံတို့နှင့်အတူ အီဂျစ်နိုင်ငံသည် မူဘာရက် အစိုးရကို ဖြုတ်ချပြီး ဖွဲ့စည်းပုံ အခြေခံဥပဒေနှင့်အညီ ကျင်းပခဲ့သော ရွေးကောက်ပွဲများမှတစ်ဆင့် အစိုးရသစ်ကို ဖွဲ့စည်းနိုင်ခဲ့သည်။ အစိုးရသစ်သည် တစ်နှစ်သက်တမ်းအတွင်း လူထုတိုက်ပွဲနှင့် ရင်ဆိုင်ခဲ့ရပြီး စစ်တပ်အာဏာ သိမ်းမှုနှင့် အဆုံးသတ်ခဲ့ရသည်။ မြန်မာနိုင်ငံ အပါအ၀င် ဒီမိုကရေစီ ထွန်းသစ်စ နိုင်ငံများအတွက် နိုင်းမြစ်ဝှမ်းမှ တော်လှန်ရေးသည် စိတ်ဝင်စားဖွယ်၊ သင်ခန်းစာ ယူဖွယ်များနှင့် ပြည့်နှက်နေမည်မှာ မုချဖြစ်သည်။
နိုင်းမြစ်ဝှမ်းက နိုင်ငံ
အီဂျစ်အာရပ် သမ္မတနိုင်ငံသည် အာရှတိုက်၏ အနောက်တောင်ထောင့်နှင့် အာဖရိကတိုက်၏ အရှေ့မြောက်ထောင့်တို့ကို ဆိုင်းနိုင်းကျွန်းဆွယ်ခေါ် ကုန်းရိုးတံတားဖြင့် ချိတ်ဆက်ထားပြီး တိုက်ကြီးနှစ်တိုက်ကြား ခွထိုင်ထားသော နိုင်ငံဖြစ်သည်။ အီဂျစ်နိုင်ငံသည် မြေထဲပင်လယ်ဒေသ၊ အရှေ့အလယ်ပိုင်း ဒေသနှင့် မူဆလင်နိုင်ငံများ အပေါ်တွင် ယဉ်ကျေးမှု၊ နိုင်ငံရေး၊ စစ်ရေးတို့အရ သြဇာသက်ရောက်နိုင်သော နိုင်ငံဖြစ်ပြီး နိုင်ငံတကာ ဆက်ဆံရေး နယ်ပယ်တွင်လည်း မဟာအင်အားကြီး နိုင်ငံကြီးများအောက် အလယ်အလတ် သြဇာရှိ နိုင်ငံလည်း ဖြစ်သည်။ အီဂျစ်လေတပ်သည် အရှေ့အလယ်ပိုင်းတွင် အစ္စရေး လေတပ်နှင့် တန်းတူအဆင့်အတန်းရှိပြီး အရှေ့အလယ်ပိုင်းတွင် ထောက်လှမ်းရေး ဂြိုဟ်တု ပိုင်ဆိုင်သော နှစ်နိုင်ငံတွင် တစ်နိုင်ငံဖြစ်သည်။ အမေရိကန် ပြည်ထောင်စုသည် အီဂျစ်နိုင်ငံကို ကာကွယ်ရေး အထောက်အပံ့အဖြစ် အမေရိကန်ဒေါ်လာ ၁ ဒသမ ၃ ဘီလျံခန့် ထောက်ပံ့လျက် ရှိသည့်အလျောက် နှစ်နိုင်ငံ တပ်မတော်တို့အကြား ဆက်ဆံရေးမှာလည်း မဟာဗျူဟာ အဆင့်တွင် ရှိနေသည်ဟု ဆိုနိုင်သည်။
စစ်တပ်အာဏာသိမ်းခြင်း
အီဂျစ်သမ္မတ မိုဟာမက်မော်စီကို ဆန့်ကျင်ဆန္ဒပြမှုများ ဆက်တိုက်ဖြစ်ပွားခဲ့ပြီးနောက် ၂၀၁၃ ခုနှစ်၊ ဇူလိုင် ၃ ရက်တွင် ကာကွယ်ရေးဝန်ကြီး ဗိုလ်ချုပ်ကြီး အဗ္ဗဒူဖာတာခါလီအယ်လ်စီစီသည် သမ္မတမော်စီကို ဖြုတ်ချကြောင်းနှင့် ဖွဲ့စည်းပုံ အခြေခံဥပဒေကို ဆိုင်းငံ့လိုက်ကြောင်း၊ သမ္မတ ရွေးကောက်ပွဲများကို မကြာမီ ကျင်းပပေးမည်ဖြစ်ကြောင်း၊ ဖွဲ့စည်းပုံ အခြေခံဥပဒေဆိုင်ရာ တရားလွှတ်တော် တရားသူကြီး အက်ဒလီမန်ဆာကို အီဂျစ်နိုင်ငံ၏ ကြားဖြတ်သမ္မတအဖြစ် ရွေးကောက်ပွဲများ ကျင်းပပြီးချိန်အထိ ခန့်အပ်ကြောင်းနှင့် ပညာရှင်များ ပါဝင်သော ကြားဖြတ်အစိုးရကို ဖွဲ့စည်းမည်ဖြစ်ကြောင်းတို့ကို ထုတ်ပြန်ကြေညာခဲ့သည်။ သမ္မတမော်စီကို နေအိမ်အကျယ်ချုပ် ထိန်းသိမ်းခဲ့ပြီး Muslim Brotherhood ခေါင်းဆောင်များကိုလည်း ဖမ်းဆီးခဲ့သည်။ အာဏာသိမ်း ကြေညာချက်ကြောင့် အီဂျစ်နိုင်ငံတစ်ဝန်း အာဏာသိမ်းမှုကို ထောက်ခံသူများနှင့် ဆန့်ကျင်သူများ၏ ဆန္ဒပြပွဲများ၊ ခိုက်ရန်ပွဲများ ဆက်တိုက်ဖြစ်ပွားခဲ့သည်။
သမ္မတမော်စီ ရွေးကောက်ခံရသည့် တစ်နှစ်ပတ်လည်နေ့ ၂၀၁၃ ခုနှစ်၊ ဇွန် ၃၀ ရက်တွင် အာဏာရှင် ပုံစံအုပ်ချုပ်မှုအပေါ် မကျေနပ်သဖြင့် အီဂျစ်နိုင်ငံတစ်ဝန်း ဆန္ဒပြသူ သန်းပေါင်းများစွာသည် လမ်းမများပေါ်ထွက် ဆန္ဒပြခဲ့ကြပြီး သမ္မတမော်စီ ရာထူးမှ နုတ်ထွက်ပေးရန် တောင်းဆိုခဲ့ကြသည်။ ဆန့်ကျင်ဆန္ဒပြသူငါးဦး အသတ်ခံရပြီး နောက်ပိုင်းတွင် ငြိမ်းချမ်းစွာ ဆန္ဒပြမှုများတွင် အကြမ်းဖက်မှု တိုက်ခိုက်မှုများ ရောနှောလာခဲ့သည်။
စစ်တပ်၏ သမ္မတမော်စီကို ရာထူးမှ နုတ်ထွက်ပေးရန် တောင်းဆိုမှုအား ငြင်းဆန်ခဲ့ခြင်းနှင့် နိုင်ငံရေး သမားများသည် လက်ရှိအခြေအနေကို မထိန်းသိမ်းနိုင်ပါက အာဏာသိမ်းမည်ဟု ခြိမ်းခြောက်ခြင်းတို့၏ နောက်ပိုင်းတွင် ဆန္ဒပြမှုများသည် နိုင်ငံရေးနှင့် ဖွဲ့စည်းပုံ အခြေခံဥပဒေရေးရာ အမျိုးသား အကျပ်အတည်းကြီး အဖြစ်သို့ ရောက်ရှိလာခဲ့သည်။
စစ်တပ်သည် တိုင်းပြည်အကျပ်အတည်းကို ဖွဲ့စည်းပုံ အခြေခံဥပဒေနှင့်အညီ နိုင်ငံရေးအရ ဖြေရှင်းဖို့ အထောက်အပံ့ မပြုခဲ့သည့်အပြင် ပြဿနာကို နိုင်ငံရေး သမားများကိစ္စ သက်သက်အဖြစ် လက်ရှောင်ထိုးချကာ အာဏာသိမ်းမည်ဟု ရာဇသံပေးမှုသည် အီဂျစ်နိုင်ငံ အနာဂတ်အတွက် နိုင်ငံရေး စိုးရိမ်ရေမှတ် တစ်ခုပင် ဖြစ်သည်ဟု ကောက်ချက်ပြုနိုင်သည်။
စစ်တပ်မှ အာဏာသိမ်းခြင်းသည် အစိုးရ၊ နိုင်ငံရေး ပါတီများနှင့် အတိုက်အခံ လှုပ်ရှားမှုတို့အကြား ဘုံသဘောထားနှင့် ဘုံသဘောတူညီချက် တစ်ရပ်ကို မချမှတ်နိုင်သဖြင့်ဟု ဆိုစေကာမူ အာရပ်နွေဦးအလွန် ဒီမိုကရေစီနည်းကျ တည်ဆောက်ထားသည့် ယန္တရားတစ်ခုကို စစ်တပ်အာဏာသိမ်းမှုနှင့် ထိန်းကျောင်းခဲ့ရခြင်းမှာ လွဲချော်မှုတစ်ခုပင် ဖြစ်သည်။ ဖွဲ့စည်းပုံ အခြေခံဥပဒေကို ဆန့်ကျင်ဖီဆန် အာခံသည့် လုပ်ရပ်ဟုလည်း ဆိုနိုင်သည်။
ကမ္ဘာ့နိုင်ငံရေး ဇာတ်ခုံပေါ်တွင် ဒီမိုကရေစီ အသွင်ကူးပြောင်းရေးနှင့် ပြုပြင်ပြောင်းလဲရေးကို ပုံဖော်နေသည့် မြန်မာနိုင်ငံ အပါအ၀င် နိုင်ငံများအတွက် အီဂျစ်နိုင်ငံ ဖြစ်စဉ်သည် သင်ခန်းစာယူဖွယ် ဖြစ်သည်။ ဒီမိုကရေစီ အသွင်ကူးပြောင်းရေးတွင် စစ်တပ်အာဏာသိမ်းမှု ပါဝင်လာခြင်းသည် နောက်ကြောင်းပြန်လှည့်မှုပင် ဖြစ်သည်။ အီဂျစ်စစ်တပ်သည် အမေရိကန်စစ်တပ် အထောက်အပံ့ အကူအညီအောက်တွင် ရပ်တည်နေသောကြောင့် အုပ်ချုပ်ရေးနှင့် နိုင်ငံရေးတွင် စိတ်ဝင်စားမှု နည်းပါးနိုင်ခြေ ရှိသဖြင့် အီဂျစ်ပြည်သူတို့အတွက် ကံကောင်းသည်ဟု မှတ်ချက်ပြုရမည် ဖြစ်သည်။
အီဂျစ်ဖွဲ့စည်းပုံ အခြေခံဥပဒေ
သမ္မတမိုဟာမက် မော်စီသည် ၂၀၁၂ ခုနှစ် ဒီဇင်ဘာ ၂၆ ရက်တွင် အီဂျစ်အာရပ် သမ္မတနိုင်ငံ၏ ဖွဲ့စည်းပုံ အခြေခံဥပဒေကို လက်မှတ်ရေးထိုး ထုတ်ပြန်ခဲ့သည်။ ဖွဲ့စည်းပုံ အခြေခံဥပဒေ ရေးဆွဲရေး ကောင်စီသည် ဥပဒေမူကြမ်းကို ၂၀၁၂ ခုနှစ်၊ နိုဝင်ဘာ ၃၀ ရက်တွင် အတည်ပြုခဲ့သည်။ ၂၀၁၂ ခုနှစ် ဒီဇင်ဘာ ၁၅ ရက်မှ ဒီဇင်ဘာ ၂၂ ရက်အတွင်း  ပြည်လုံးကျွတ် ဆန္ဒခံယူပွဲ ကျင်းပခဲ့သည်။
မဲပေးပိုင်ခွင့်ရှိသူ ၃၃ ရာခိုင်နှုန်း မဲပေးခဲ့ပြီး မဲလာရောက်ပေးသူ ၆၄ ရာခိုင်နှုန်း၏ ထောက်ခံမှုဖြင့် ဖွဲ့စည်းပုံ အခြေခံဥပဒေကို အတည်ပြုခဲ့သည်။
အီဂျစ်အာရပ် သမ္မတနိုင်ငံ၏ ဖွဲ့စည်းပုံ အခြေခံဥပဒေသစ်သည် သမ္မတမူဘာရက် လက်ထက်က သမ္မတထံ အာဏာများအားလုံး အပ်နှင်းခဲ့သည့် ပုံစံကို ပယ်ဖျက်ခဲ့ပြီး လွှတ်တော်များကို လုပ်ပိုင်ခွင့်များ၊ အာဏာများ ပိုမိုအပ်နှင်းခဲ့သည်။ သို့သော် အီဂျစ်စစ်ဗိုလ်ချုပ်ကြီးများသည် မူဘာရက် လက်ထက်က ရရှိခဲ့သော အာဏာနှင့် အခွင့်အရေး အများစုကို ပြန်လည်ရရှိခဲ့ကြသည်။ ဘာသာရေး အခြေခံသော နိုင်ငံရေး ပါတီများ ဖွဲ့စည်းတည်ထောင်ခြင်းကိုလည်း ဖွဲ့စည်းပုံ အခြေခံဥပဒေက ခွင့်မပြုပေ။
ဖွဲ့စည်းပုံ အခြေခံဥပဒေ၊ ပုဒ်မ (၁၄၆) အရ၊ သမ္မတသည် တပ်မတော်ကာကွယ်ရေး ဦးစီးချုပ် ဖြစ်သော်လည်း၊ သမ္မတမော်စီသည် အီဂျစ်တပ်မတော်အပေါ် သြဇာလွှမ်းမိုးမှု မရှိသည့်အပြင် အီဂျစ်တပ်မတော်သည် နိုင်ငံရေးနှင့် မပတ်သက်သော အဖွဲ့အစည်းအဖြစ် ရပ်တည်နေသည်။ ပုဒ်မ (၁၉၅) အရ ကာကွယ်ရေးဝန်ကြီးသည် တပ်မတော် စစ်ဦးစီးချုပ်ဖြစ်ပြီး တပ်မတော် အရာရှိကြီးများမှ စစ်ဦးစီးချုပ်ကို ခန့်အပ်ရမည် ဖြစ်သည်။
အုပ်ချုပ်ရေး၊ ဥပဒေပြုရေးနှင့် တရားစီရင်ရေး မဏ္ဍိုင်များတွင် ဖွဲ့စည်းပုံ အခြေခံဥပဒေအရ စစ်တပ်အနေဖြင့် ပါဝင်ပတ်သက်ခွင့် မရှိသော်လည်း အီဂျစ်စစ်တပ်သည် နိုင်ငံရေး အကျပ်အတည်းကို အာဏာသိမ်းသည့် နည်းလမ်းဖြင့် ဖြေရှင်းခဲ့ပြီး အီဂျစ်ကာကွယ်ရေး ၀န်ကြီးက ဖွဲ့စည်းပုံ အခြေခံဥပဒေကို ဆိုင်းငံ့ကြောင်း ထုတ်ပြန်မှုသည် အကျည်းတန် အရုပ်ဆိုးသော ပြယုဂ်တစ်ခုပင် ဖြစ်သည်။
မြန်မာနိုင်ငံနှင့် အခြားထွန်းသစ်စ ဒီမိုကရေစီ နိုင်ငံများအနေဖြင့် အာဏာသိမ်းမှု၊ ဖွဲ့စည်းပုံကို ဖျက်သိမ်းမှု၊ ဆိုင်းငံ့မှုတို့ကို အကြောင်းပြုလျက် နိုင်ငံ၊ ပြည်သူနှင့် စစ်တပ်သုံးဦး သုံးဖလှယ်နစ်နာ ဆုံးရှုံးမှုများကို သင်ခန်းစာယူသင့်သည်။ အကယ်စင်စစ် စစ်တပ်အနေဖြင့် ဖွဲ့စည်းပုံ အခြေခံဥပဒေနှင့်အညီ ဖြေရှင်းနိုင်ရန် လိုအပ်သော လုံခြုံရေး အထောက်အပံ့နှင့် နိုင်ငံရေးအရ ဖြေရှင်းနည်းကိုသာ အားပေးထောက်ခံသင့်သည်။
အီဂျစ်ပါလီမန်နှင့် ရွေးကောက်ပွဲ
အီဂျစ်နိုင်ငံ၏ လွှတ်တော်ကို အထက်လွှတ်တော်နှင့် အောက်လွှတ်တော်တို့ဖြင့် ဖွဲ့စည်းထားသည်။ အောက်လွှတ်တော်သည် ဥပဒေပြုရေးနှင့် နေ့စဉ်ဥပဒေရေးရာ ကိစ္စများအတွက် အဓိက တာဝန်ရှိသည်။ အောက်လွှတ်တော်တွင် လွှတ်တော်အမတ် ၅၀၈ ဦး ပါဝင်သည်။ အမတ် ၄၉၈ ဦးကို ရွေးကောက်ပွဲမှ တင်မြှောက်ပြီး အမတ် ၁၀ ဦးကို တိုက်ရိုက်ခန့်အပ်သည်။ အမတ် ၄၉၈ ဦးအနက်၊ ၁၆၆ ဦးကို မဲအများဆုံးရရှိသူ အနိုင်ရသည့်စနစ်၊ ၃၃၂ ဦးကို အချိုးကျ ကိုယ်စားပြုမှုစနစ် (ပီအာ)ဖြင့် ရွေးချယ်သည်။
ရူရာကောင်စီသည် အီဂျစ်နိုင်ငံ၏ အထက်လွှတ်တော်ဖြစ်ပြီး လွှတ်တော်အမတ် ၂၇၀ နှင့် ဖွဲ့စည်းထားသည်။ အထက်လွှတ်တော်အမတ် ၉၀ ကို သမ္မတမှ တိုက်ရိုက်ခန့်အပ်ပြီး အမတ် ၁၈၀ ကို ရွေးကောက်ပွဲမှတစ်ဆင့် ရွေးကောက်တင်မြှောက်သည်။ အမတ် ၁၈၀ ဦးအနက်၊ အမတ် ၆၀ ကကို မဲအများဆုံး ရရှိသူ အနိုင်ရရှိသည့် စနစ်ဖြင့် လည်းကောင်း၊ အမတ် ၁၂၀ ကို အချိုးကျ ကိုယ်စားပြုမှုစနစ် (ပီအာ)ဖြင့် လည်းကောင်း ရွေးကောက်သည်။ လွတ်လပ်ရေးနှင့် တရားမျှတရေး ပါတီနှင့် Muslim Brotherhood ပါတီတို့ ပါဝင်သော အီဂျစ်ဒီမိုကရက်တစ် မဟာမိတ် ပါတီသည် လွှတ်တော်နှစ်ရပ်လုံးတွင် အမတ်နေရာ အများစုကို အနိုင်ရရှိထားသည်။
အီဂျစ်အာရပ် သမ္မတနိုင်ငံ၏ ဖွဲ့စည်းပုံ အခြေခံဥပဒေ ပုဒ်မ ၂၃၁ အရ ဖွဲ့စည်းပုံ အခြေခံဥပဒေ အာဏာတည်ပြီးနောက် ကျင်းပသည့် လွှတ်တော်ရွေးကောက်ပွဲများတွင် လွှတ်တော်အမတ်နေရာ၏ သုံးပုံနှစ်ပုံကို အချိုးကျ ကိုယ်စားပြုမှု စနစ်ဖြင့် လည်းကောင်း၊ ကျန်လွှတ်တော်အမတ် သုံးပုံတစ်ပုံကို မဲအများဆုံး ရရှိသူ အနိုင်ရရှိသည့် စနစ်ဖြင့် လည်းကောင်း ရွေးကောက်တင်မြှောက်ရမည် ဖြစ်သည်။ နိုင်ငံရေး ပါတီများ သို့မဟုတ် တစ်သီးပုဂ္ဂလ ကိုယ်စားလှယ်များသည် စနစ်နှစ်မျိုးတွင် နှစ်သက်ရာ စနစ်ဖြင့် ၀င်ရောက်ယှဉ်ပြိုင်နိုင်သည်။
စစ်တပ်မှ အာဏာသိမ်းပြီးနောက် အီဂျစ်နိုင်ငံ အထက်လွှတ်တော်ကို ဖျက်သိမ်းခဲ့ခြင်းသည် ဖွဲ့စည်းပုံ အခြေခံဥပဒေနှင့် မညီသည့်အပြင် စစ်တပ်က မည်သို့ပင် နိုင်ငံရေး၌ စိတ်မ၀င်စားဟု ဆိုစေကာမူ အထက်လွှတ်တော်ကို ဖျက်သိမ်းခဲ့မှုသည် နိုင်ငံရေးအရ ခြေကျွံမှု ဖြစ်သည်ဟုလည်း ကောက်ချက်ပြုကြသည်။ ဖွဲ့စည်းပုံအရ သမ္မတကသာ အောက်လွှတ်တော်ကို ဖျက်သိမ်းနိုင်ပြီး အထက်လွှတ်တော်သည် အောက်လွှတ်တော် ဖျက်သိမ်းထားချိန်တွင်ပင် ဥပဒေပြုရေး အာဏာကို ဖွဲ့စည်းပုံ အခြေခံဥပဒေအရ ဆက်လက်ကျင့်သုံးနိုင်ခွင့် ရှိသည်။ အဆိုပါ ဖွဲ့စည်းပုံ အခြေခံဥပဒေကို လွှမ်းမိုးအာဏာသိမ်းမှုကို အကြောင်းပြုလျက် အာဖရိက သမဂ္ဂသည် အီဂျစ်နိုင်ငံကို အဖွဲ့ဝင်အဖြစ်မှ ဆိုင်းငံ့ခဲ့သည်။
တာမာရူ သူပုန်လှုပ်ရှားမှု
၂၀၁၃ ခုနှစ် ဇွန် ၃၀ ရက်တွင် လက်မှတ်ပေါင်း ၁၅ သန်း ရရှိအောင် ကောက်ခံပြီး အီဂျစ်သမ္မတ မိုဟာမက်မော်စီကို သမ္မတရွေးကောက်ပွဲများ အချိန်စောခေါ်ယူရေး တောင်းဆိုမည့် အတိုက်အခံ လူထုလှုပ်ရှားမှုသည် တာမာရူ သူပုန်လှုပ်ရှားမှုပင် ဖြစ်သည်။ အဆိုပါ သူပုန်လှုပ်ရှားမှုကို ၂၀၁၃ ခုနှစ် ဧပြီ ၂၈ ရက်တွင် စတင်ခဲ့ပြီး ဇွန် ၂၉ ရက်တွင် လက်မှတ်ပေါင်း ၂၂ သန်းကျော်ကို စုဆောင်းရရှိခဲ့သည်ဟု တာမာရူ လှုပ်ရှားမှုက ထုတ်ပြန်ခဲ့သည်။ အဆိုပါ လှုပ်ရှားမှု အဖွဲ့ဝင်များသည် သမ္မတမော်စီကို ဇူလိုင် ၂ ရက် မတိုင်မီ ရာထူးမှ နုတ်ထွက်ပေးရန် တောင်းဆိုခဲ့ပြီး မနုတ်ထွက်ပါက အစိုးရ အာဏာဖီဆန်ရေး လူထုလှုပ်ရှားမှုများ စတင်မည်ဟု ကြေညာခဲ့သည်။ အီဂျစ်စစ်တပ်က အစိုးရနှင့် တာမာရူ နှစ်ဖက်လုံးကို ဇူလိုင် ၃ ရက် မတိုင်မီ အကျပ်အတည်းအား ဖြေရှင်းရန် ရာဇသံ ပေးခဲ့သည်။ အကျပ်အတည်းကို မကျော်လွှားနိုင်ပါက စစ်တပ်အနေဖြင့် အစိုးရနှင့် နိုင်ငံရေးတွင် ပါဝင်မည် မဟုတ်သော်လည်း နိုင်ငံရေး လမ်းပြမြေပုံကို အဆိုပြုမည်ဟု ထုတ်ပြန်ခဲ့သည်။
နိဂုံး
အချုပ်အားဖြင့်ဆိုသော် အီဂျစ်နိုင်ငံတွင် စစ်တပ်အာဏာသိမ်းယူမှုသည် အာရပ်နွေဦး တော်လှန်ရေး၏ ဂုဏ်သိက္ခာကို ထိခိုက်စေခဲ့သည့်အပြင် စစ်တပ်သည် ဒီမိုကရေစီ ထွန်းသစ်စနိုင်ငံများ၏ ဖွဲ့စည်းပုံ အခြေခံ ဥပဒေများကို အလွယ်တကူ ဖျက်သိမ်းနိုင်၊ သြဇာလွှမ်းနိုင်သော ယန္တရား ဖြစ်ကြောင်းကိုလည်း ပိုမိုသိသာ ထင်ရှားစေခဲ့သည်။ ရွေးကောက်ပွဲနှင့် တင်မြှောက်သော သမ္မတကို ဖွဲ့စည်းပုံ အခြေခံဥပဒေကို ဆန့်ကျင်အာဏာသိမ်းမှုနှင့် ဖြုတ်ချခဲ့ခြင်းသည်လည်း စံနမူနာယူဖွယ် လုပ်ရပ်မဟုတ်ဟု မှတ်ချက်ပြုနိုင်သည်။ စစ်တပ်အာဏာ သိမ်းမှုကို ၀မ်းမြောက်ဝမ်းသာ ထောက်ခံကြိုဆိုနေသော အီဂျစ်ပြည်သူများကို မြင်တွေ့ရသောအခါ အီဂျစ်နိုင်ငံ၏ အနာဂတ်နှင့် မျိုးဆက်သစ်များအတွက် အလွန်အမင်း စိုးရိမ်စိတ် ၀င်ခဲ့မိသည်။  ပြည်သူလူထုနှင့် ထိုက်တန်သော အစိုးရကို ရသည်ဟူသော စကားကို ပြန်ကြားယောင်မိသည်။ မြန်မာနိုင်ငံ အပါအ၀င် ဒီမိုကရေစီ ထွန်းသစ်စ နိုင်ငံများမှ ပြည်သူများသည် အာရပ်နွေဦး တော်လှန်ရေးနှင့် အာရပ်ပြည်သူလူထုကို ဂုဏ်ယူအားကျ ခဲ့ကြသော်လည်း အီဂျစ်အာဏာသိမ်း ဇာတ်လမ်းနောက်ပိုင်းတွင် အဆိုပါ ပြည်သူများသည် အာရပ်နွေဦးနှင့် အာရပ်ပြည်သူ လူထုအတွက် စိုးရိမ်ပူပန်ခဲ့သည့်နည်းတူ ကိုယ့်ကိုယ်ကိုယ်လည်း စိုးရိမ်ပူပန်ခဲ့ကြသည်။ ခေတ်အဆက်ဆက် ကမ္ဘာ့သမိုင်း စာမျက်နှာများစွာတွင် နိုင်ငံရေး ပြဿနာများ၊ နိုင်ငံရေး အကျပ်အတည်းများကို စစ်တပ်အာဏာ သိမ်းမှုနှင့် ဖြေရှင်းခဲ့သော အစဉ်အလာဆိုးကြီးအား မည်သို့မည်ပုံ အဆုံးသတ်နိုင်မည်နှင့် ပတ်သက်၍ ဒီမိုကရေစီ ထွန်းသစ်စ နိုင်ငံများ အပါအ၀င် ကမ္ဘာ့မိသားစုဝင် နိုင်ငံများ အားလုံးအနေဖြင့် ၀ိုင်းဝန်းအဖြေရှာသင့်ကြောင်း အီဂျစ်နိုင်ငံ၏ လတ်တလော ဖြစ်စဉ်များက သက်သေပြုလျက် ရှိနေပါသည်။
 Written by ဒေါက်တာရန်မျိုးသိမ်း
Credit To Eleven Journal
Read More »

မက္ကာသီနှင့် မာရိုး အတ္တမျက်နှာဖုံးကိုဆွဲခွာခြင်း


ရေးသားသူ- ရဲမိုး

လူထုကြားမှာ အကြောက်တရားကို ပါးနပ်စွာနှိုးဆွကိုင်တွယ်နိုင်လျှင် ပုဂ္ဂိုလ်ရေးသြဇာအာဏာကို အလွယ်တကူတည်ထောင်နိုင်သည်ဆို သည့် သီအိုရီကို ယခုမှတွေ့ရှိသည်မဟုတ်ပါ။ သမိုင်းအဆက်ဆက်မှာနာမည်ဆိုးဖြင့် ကျော်ကြားသည့် ခေါင်းဆောင်များက လက်တွေ့ပြပြီး ဖြစ်ပါသည်။ စစ်အေးတိုက်ပွဲကာလအစ အမေရိကန်ပြည်ထောင်စုမှာ“ကွန်မြူနစ်ချေမှုန်းရေး”ကို ကြွေးကြော်ခဲ့ပြီး ပုဂ္ဂိုလ်ရေးသြဇာအာဏာ ထူထောင်ခဲ့သည်။ ဆီနိတ်တာဂျိုးဇက်မက္ကာသီနဲ့ သူ့မျက်နှာဖုံးကို ရဲရဲဝံ့ဝံ့ဆွဲခွာခဲ့သည့် သတင်းစာဆရာအက်ဒ၀ပ်အာရ်မာရိုးတို့အကြောင်းကို ဒီကနေ့ဆွေးနွေးကြပါစို့။

ဒုတိယကမ္ဘာစစ်ပြီးခါစ ကမ္ဘာ့နိုင်ငံရေးမှာ အမေရိကန်ဦးဆောင်သည့် အနောက်အုပ်စုနှင့် ဆိုဗီယက်ရုရှားဦးဆောင်သည့် ကွန်မြူနစ် ဘလော့ခ်တို့အကြား စစ်အေးတိုက်ပွဲစတင်လာခဲ့သည်။ အမေရိကန် ပြည်သူများကြားမှာ “ကွန်မြူနစ် အကြောက်တရား”ကို နှိုးဆွခဲ့ပြီး ပုဂ္ဂိုလ်ရေးသြဇာကို တည်ထောင်ခဲ့သူကတော့ ၀စ္စကွန်ဆင်ပြည်နယ် ရီပတ် ဘလစ်ကန် ဆီနိတ်တာဂျိုးဇက် မက္ကာသီပါ။

၁၉၅၀ ပြည့်နှစ် ဖေဖော်ဝါရီလ ၉ ရက်မှာမက္ကာသီက “အမေရိကန် ပြည်ထောင်စုကို ကွန်မြူနစ်တွေချုပ်ကိုင်ထားပြီ၊ နိုင်ငံခြားရေးဝန်ကြီးဌာနမှာလည်း ကွန်မြူနစ်တွေဝင်စီးထားပြီ၊ နိုင်ငံခြားရေးဌာနမှာ ၀င်ရောက်လုပ်ကိုင်နေသည့် ကွန်မြူနစ် ၂၀၅ ယောက်စာရင်းကိုရထားပြီ”ဆိုသည့် ပြူးတူးပြဲတဲ မိန့်ခွန်းတစ်ခုကို သူစတင်ပြောခဲ့သည်။ သည့်နောက် ပိုင်းမှာတော့ “လူ့အဖွဲ့အစည်းအ တွင်းက ကွန်မြူနစ်တွေကို ဆွဲထုတ်ကြ”ဆိုသည့် ကြွေးကြော်သံကို ဦးဆောင်ပြီး အာဏာတစ်ခုကိုသူ ထူထောင်ခဲ့တော့သည်။

သာမန်ဘုမသိဘမသိပြည်သူများကြားမှာ အမေရိကန်နိုင်ငံကို နေချင်းညချင်း ကွန်မြူနစ်များက ထိန်းသိမ်းတော့မယောင် ထင်မြင်စေသည့်နည်းလမ်းဖြင့် မက္ကာသီတစ်ယောက် မျိုးချစ်တိုက်ပွဲကြီး၏ တပ်ဦးက သူရဲကောင်းအဖြစ် သူ့ကိုယ်သူ ခြယ်မှုန်းခဲ့သည်။

အလယ်ခေတ်က ဥရောပမှာ “စုန်း”ဟုစွပ်စွဲပြီး လူအများအပြားကို သတ်ဖြတ်ခဲ့သည့် “စုန်းစစ်ဆင်ရေး” Witch Hunt အတိုင်းကွန်မြူ နစ်စစ်ဆင်ရေးကိုနိုင်ငံအ၀န်း ရွက်လွှင့်ခဲ့သည်။ မက္ကာသီခေတ်မှာ တက္ကသိုလ်ပါမောက္ခများ၊ စာရေး ဆရာများ၊ အနုပညာရှင်များ၊ နိုင်ငံ ၀န်ထမ်းအများအပြားရာထူးမှ ထုတ်ပယ်ခံရ၊ အရေးယူခံခဲ့ကြရသည်။ စာရင်းဇယားများအရ ထောင်နှင့်ချီသည့် အမေရိကန်များ အကြောင်းမဲ့အရေးယူခံကြရသည်ဟု ဆိုသည်။

မက္ကာသီကို ကျောထောက် နောက်ခံပေးထားသူကတော့ အက်ဖ်ဘီအိုင်ထောက်လှမ်းရေးအဖွဲ့ကြီး၏ ညွှန်ကြားရေးမှူး ဂျေအက် ဒဂါဟူးဗား။ မက္ကာသီ၏ ဆန္ဒကိုပုံ ဖော်ဖို့ ထောက်လှမ်းရေးတပ်ဖွဲ့ဝင်များက အကျိုးဆောင်ပေးခဲ့ကြသည်။ အိမ်ဖြူတော်ကပင်ဝင်မစွက်ရဲ။ အခြားနိုင်ငံရေးသမားများနှင့် အစိုးရအရာရှိများကလည်း လူပြိန်းကြိုက်ကြွေးကြော်သံအောက်မှာ နေရာတစ်နေရာရဖို့ မက္ကာသီကို ပူး ပေါင်းကြရသည်။

မက္ကာသီကို မည်သူမျှမဝေဖန်ရဲ။ မက္ကာသီကိုမည်သူမျှစိန်မခေါ်ရဲ။ မက္ကာသီကို မည်သူမျှမဆန့်ကျင်ရဲခဲ့ပါ။ မက္ကာသီကိုဝေဖန်သူသည်မျိုး ချစ်စိတ်ဓာတ်မရှိသူ၊ မက္ကာသီကို စိန်ခေါ်သူသည် ကွန်မြူနစ်၊ မက္ကာသီကို ဆန့်ကျင်သူသည် တိုင်းပြည်သစ္စာဖောက်ဟု မက္ကာသီနှင့် အဖွဲ့သားများက စည်းရုံးလှုံ့ဆော်ခဲ့ကြသည်။

မက္ကာသီနှင့်အဖွဲ့က “အနီရောင်ချန်နယ်များ”Red Channels ဆိုသည့် လှုပ်ရှားမှုနှင့် သူတို့ အယူအဆနှင့် မကိုက်ညီသည့် ရေဒီယို အသံလွှင့်ဌာနများကို ကွန်မြူနစ်ဟု စွပ်စွဲခဲ့သည်။ သတင်းနှင့် ဖျော်ဖြေရေးသမား ၁၅၁ ဦးကို အနက်ရောင်စာရင်း Black List သွင်းခဲ့သည်။ ဟောလိဝုဒ်အနက်ရောင် စာရင်း Hollywood Black List ဆိုသည့် လှုပ်ရှားမှုနှင့် ဟောလိဝုဒ် အနုပညာလောကက သရုပ်ဆောင်၊ ဒါရိုက်တာ၊ ဇာတ်ညွှန်းရေးဆရာနှင့် အနုပညာရှင် အများအပြားကိုလည်း စွပ်စွဲတိုက်ခိုက်ခဲ့ကြသည်။

လွတ်လပ်သည့် အတွေးအခေါ်ကို ကိုင်စွဲခဲ့သည့်အတွက် မက္ကာသီခေတ်က အနက်ရောင်စာရင်းအသွင်းခံကြရသူများမှာ ကမ္ဘာကျော် ရုပ်ရှင်ပညာရှင်ချာလီချက်ပလင်၊ သိပ္ပံပညာရှင် အဲလ်ဘတ်အိုင်းစတိုင်း၊ နိုဗယ်ဆုရ စာရေးဆရာ သောမတ်စ်မန်း၊ အဏုမြူဗုံးတီထွင်သူ သိပ္ပံပညာရှင် ရောဘတ်အိုဗင်ဟိုင်းမား၊ စာရေးဆရာကြီး အာသာမစ်လာ၊ စာရေးဆရာမ ဒေါ်ရိုသီပါကား တို့အပါအ၀င် နိုင်ငံအဖိုးတန်ပညာရှင်များစွာပါဝင်ခဲ့သည်။

အမေရိကန်ပြည်ထောင်စုသည် မက္ကာသီလှုပ်ရှားမှုအောက်တွင် စကားဟဟ မပြောရဲတော့ပါ။ မည်သူမျှ ဂျိုးဇက်မက္ကာသီကို စိန်မ ခေါ်ရဲတော့ပြီလား။

Columbia Broadcasting System ရေဒီယိုနှင့် ရုပ်သံသတင်း ဌာနကြီးမှာ သမိုင်းတွင်မည့် သတင်းစာဆရာတစ်ယောက်ရှိခဲ့သည်။ သူ့ နာမည်က အက်ဒ၀ပ်အာရ်မာရိုး။ ဒုတိယကမ္ဘာစစ်အတွင်းက နာဇီဂျာမန်များ ဗုံးတွေတ၀ုန်းဝုန်းကြဲနေသည့်ကြားက လန်ဒန်မြို့ကနေ ရေဒီယိုဖြင့် Live သတင်းကြေညာခဲ့သည့်မာရိုးကို အမေရိကန်ပြည်သူများက လေးစားယုံကြည်ကြသည်။

မာရိုးနှင့် သူ့မိတ်ဆွေ ပရိုဂျူဆာ ဖရက်ဖရင်ဒလေတို့က မက္ကာသီ အောက်မှာ မျှော်လင့်ချက်မဲ့နေခဲ့သည့်အမေရိကန်ပြည်ထောင်စုကို ပြန်လည်ဆယ်ယူဖို့ကြိုးပမ်းကြသည်။ မည်သူမျှမထိတို့ရဲသည့် မက္ကာသီကို စုံစမ်းဖော်ထုတ်ဖို့ သူတို့ပြင်ဆင်သည်။ နောက်ဆုံးတော့ မာရိုး၏ ရုပ်သံအစီအစဉ် “See It Now”ကတစ်ဆင့် မက္ကာသီကို စုံစမ်းဖော်ထုတ်သွားဖို့သူတို့ဆုံးဖြတ်ခဲ့သည်။ ထိုဆုံးဖြတ်ချက်က CBS ၏ သတင်းခန်းအတွင်းမှာ ဗုံးတစ်လုံးလို ပေါက်ကွဲသွားတော့သည်။ အိမ်ဖြူတော်ကပင်ဆင်ခြင်နေရသည့် မက္ကာသီကို စိန်ခေါ်ခြင်းသည် CBS အတွက် ကိုယ့်သေတွင်းကိုယ်တူး ခြင်းဟု ဦးဆောင်သူအချို့ကယူဆသည်။ တစ်ဖက်က တန်ပြန်ပြုလုပ် လာမည့် တိုက်စစ်ကို သူတို့ရင်မဆိုင် ရဲပါ။ နောက်ဆုံးတော့ CBS ကိုယ် တိုင်က မာရိုးကိုတားမြစ်လာတော့ သည်။ မာရိုးနောက်မှာတော့ သူနဲ့ တစ်သားတည်းခံယူထားသည့် ပရိုဂျူဆာဖရင်ဒလေ၊ မာရိုးနှင့် အမှန်တရားကို ချစ်မြတ်နိုး၍ တစ်ဘ၀လုံး ပုံချထိုးကြမည့် ကင်မရာနှင့် အသံဖမ်းသမားများသာ။ အပြန်ပြန်အလှန်လှန် ငြင်းခုံကြပြီး CBS က မာရိုးကို ထုတ်လုပ်မှုစရိတ်မပေးနိုင်၊ CBS လို ဂိုကိုပင် အသုံးပြုခွင့်မပေးနိုင်ဟုပြောသည်။ မာရိုးနှင့် ဖရင်ဒလေကလည်း သူတို့အစီအစဉ်ကို ကိုယ့်စရိတ်ကိုယ်စိုက် ကြော်ငြာခ
ပေးပြီး လွှင့်ထုတ်ဖို့ ဆုံးဖြတ်ခဲ့ကြသည်။ သည်လိုနှင့် သတင်းစာပညာ၏ သမိုင်းဝင်တိုက်ပွဲကြီး စတင်ခဲ့ပါသည်။

၁၉၅၄ ခုနှစ် မတ်လ ၉ ရက်မှာ “ဆီးနိတ်တာ မက္ကာသီနှင့်ပတ်သက်၍ အစီရင်ခံစာ” A Report on Senator Joseph McCarthy ကို “ See It Now ” အစီအစဉ်မှာ ထုတ်လွှင့်ခဲ့သည်။သန်းနှင့်ချီသည့် အမေရိကန် ပြည်သူများကို သူတို့ကြောက်ရွံ့သည့် မက္ကာသီကို စုံစမ်းဖော်ထုတ်ပြသည့် မာရိုး၏မျက်နှာကို ရုပ်သံမှတစ်ဆင့် ကြည့်ရှုခဲ့ကြသည်။ စီးကရက်ကိုလက်ကြားညှပ်ထားပြီး တည်ငြိမ်စွာပြောဆို သွားသည့် မာရိုးက မက္ကာသီ၏ ရှေ့နောက်မညီသည့် စကားများနှင့် အမှားများကို ရဲရဲဝံ့ဝံ့ဖွင့်ချခဲ့သည်။ အမေရိကန်ပြည်ထောင်စုတစ်ခုလုံး တိတ်ဆိတ်ငြိမ်သက်စွာဖြင့် ရုပ်မြင် သံကြားအစီအစဉ်ကို စောင့်စား ကြည့်ရှုခဲ့ကြသည်။ အစီအစဉ်အပြီး မှာတော့ မာရိုးက ပရိသတ်ကို သူနှုတ်ဆက်နေကြအတိုင်း “Good Night and Good Luck ” ဟု နှုတ်ဆက်စကားဆိုခဲ့သည်။ တင်ဆက်မှုပြီးသည်နှင့် သတင်းခန်းထဲကို ဖုန်း များဆက်တိုက်ဝင်လာသည်။ မာရိုး ကို ထောက်ခံသည့် ပြည်သူများ၏ တယ်လီဖုန်းများခေါ်သံများ။

မာရိုး၏ ထက်မြက်ရဲရင့်သည့် စုံစမ်းဖော်ထုတ်မှုက ပြည်သူများကို သတ္တိရှိရှိထုတ်ဖော်ပြောဆိုရဲဖို့ အားပေးခဲ့သည်။ မျှော်လင့်ထားခဲ့သည့် အတိုင်း မက္ကာသီကလည်း မာရိုးနှင့် အဖွဲ့ကို “ကွန်မြူနစ်များ”ပြန်လည် စွပ်စွဲတိုက်ခိုက်ခဲ့သည်။ သို့သော် ဒီ
တစ်ခါတော့ မက္ကာသီ၏လူပြိန်းကြိုက်စွပ်စွဲမှုများ အလုပ်မဖြစ်တော့ပါ။ နောက်ပိုင်းမှာ ဆီးနိတ်လွှတ်တော်ကပါ မက္ကာသီကို စုံစမ်းစစ်ဆေးဖို့ စတင်အရေးယူ ဆောင်ရွက်လာခဲ့သည်။ ထိုအချိန်ကစပြီး မက္ကာသီ၏ ကျဆုံးမှုစတင်ခဲ့ပါသည်။ နောက်ဆုံး အသည်းရောဂါဖြင့် သူကွယ်လွန်
သည့်အခါ သူ့ဘေးမှာ ထောက်ခံသူများများစားစား မရှိတော့ပါ။

အက်ဒ၀ပ်အာရ်မာရိုး၏ မက္ကာ သီသတင်းပေးပို့ချက်သည် ရုပ်သံ သတင်းဌာနခေတ်ဦးအတွက် ရှေ့ ဆောင်လမ်းပြဖြစ်ခဲ့သလို သတင်း စာဆရာအားလုံးကို အမှန်တရား ကို ဖော်ထုတ်ရဲဖို့ပြသခဲ့သည့် သင် ခန်းစာလည်းဖြစ်သည်။ နောင်အခါ သြစတြေးလျနိုင်ငံသား ကမ္ဘာကျော် သတင်းစာဆရာမ ဂျွန်ပေလ်ဂျာရေးသည့် “ကမ္ဘာကိုပြောင်းလဲစေသည့် သတင်းစုံစမ်းထောက်လှမ်းမှုပညာ””စာအုပ်မှာ မာရိုး၏ မက္ကာသီစုံစမ်းမှု ကို အခန်းတစ်ခန်းဖြင့် ပြန်လည်ရေးသားခဲ့သည်။

နောင်အခါ အမေရိကန်ပြည် ထောင်စုသမိုင်းမှာ “မက္ကာသီဝါဒ” ဆိုသည့် စကားလုံးကို “အကြောက် တရားကို မွေးဖွားခြင်း”နှင့် “ကျိုးကြောင်းမဲ့စွပ်စွဲခြင်း”တို့ကို ညွှန်းဆိုဖို့ အသုံးပြုလာခဲ့ပါသည်။

အက်ဒ၀ပ်အာရ်မာရိုးဆိုသည့် အမည်ကတော့ “အမှန်တရားကို ဖော်ထုတ်ခြင်း”နှင့် “အမှားကို စိန်ခေါ်ရဲသည့် သတ္တိ”အဖြစ် သမိုင်းမှာ တွင်ကျန်ခဲ့ပါသည်။

လူ့အဖွဲ့အစည်းအတွင်း မက္ကာသီများရှိနေသရွေ့ မာရိုးများရှိနေ ဖို့လိုပါလိမ့်မည်။ သင့်ကို မာရိုး အဖြစ် မြန်မာနိုင်ငံတော်က အလိုရှိ နေပါသည်။

Credit To 7Day  News Journal
Read More »

ဒီမိုကရေစီအကူးအပြောင်းနှင့် ဂိုဏ်းဂဏပြဿနာ


ရေးသားသူ- ဒေါက်တာမင်းဇော်ဦး

အီဂျစ်နိုင်ငံက ရွေးကောက်တင်မြှောက်ခံထားရတဲ့ သမ္မတမိုဟာမက်မော်စီကို အီဂျစ်တပ်မတော်က အကျယ်ချုပ်နဲ့ ထိန်းသိမ်းထားပြီး ရာထူးက
ဖယ်ရှားလိုက်ပါတယ်။ တစ်ဆက်တည်းမှာပဲ လက်ရှိဖွဲ့စည်းပုံအခြေခံဥပဒေကို ဆိုင်းငံ့ထားပြီး ကြားဖြတ်အစိုးရတစ်ခုကို ဖွဲ့စည်းလိုက်ပါတယ်။ မော်စီကို ဆန့်ကျင်တဲ့ လစ်ဘရယ်များကတော့ ဒါဟာအီဂျစ်ရဲ့ “ဒုတိယတော်လှန်ရေး”လို့ အမည်တပ်လိုက်ပါတယ်။ မော်စီကိုထောက်ခံတဲ့ အစ္စလာမ်ဘာသာရေး အခြေခံအုပ်စုတွေကတော့ ဒီမိုကရေစီနည်းနဲ့ ရွေးကောက်တင်မြှောက်ထားတဲ့ ခေါင်းဆောင်ကို ဖြုတ်ချခဲ့တဲ့ “အာဏာသိမ်းပွဲ”လို့ဆိုပါတယ်။ အမေရိကန်အပါအ၀င် အနောက်နိုင်ငံတွေကတော့ စစ်တပ်အာဏာသိမ်းပြီး ဖြုတ်ချလိုက်တယ်လို့ နာမည်တပ်ဖို့ အာစေးနေပါတယ်။ “အာဏာသိမ်းတယ်”လို့ အမည်တပ်လိုက်တာနဲ့ သူတို့နိုင်ငံတွေက လုပ်ထုံးလုပ်နည်းတွေအရ ပိတ်ဆို့မှု- Sanctions တွေလုပ်ရမှာကို မလိုလားလို့ပါ။

ဘယ်လိုပဲခေါ်ခေါ် အီဂျစ်ရဲ့ဒီမိုကရေစီအကူးကာလအတွင်းမှာ ရွေးကောက်ပွဲနဲ့တက်လာတဲ့ သမ္မတကို တည်ဆဲဥပဒေ လုပ်ထုံးလုပ်နည်းတွေနဲ့မဟုတ်ဘဲ စစ်တပ်က ၀င်ရောက်ပြီး ဖယ်ရှားလိုက်တဲ့ အခြေအနေကို ရောက်သွားတာပါ။ ဒီလိုဖယ်ရှားမှုမျိုးကို ထိုင်းနိုင်ငံမှာလည်း ခဏခဏဖြစ်ခဲ့ဖူးပါတယ်။ ဒီမိုကရေစီအသွင်ကူးပြောင်းခဲ့ပေမယ့် အခြေမခိုင်သေးဘဲ ဒီမိုကရေစီနုနုနိုင်ငံတွေမှာ ဖြစ်လေ့ဖြစ်ထရှိတဲ့ ပြဿနာလည်း ဖြစ်ပါတယ်။ တစ်နည်းအားဖြင့်ဆိုရရင် နောက်ပြန်လှိုင်း(သို့) ဒီမိုကရေစီခရီးဖင့်တဲ့ အနှောင့်အတားမျိုးလည်း ဖြစ်ပါတယ်။ နိုင်ငံတစ်ခုမတည်ငြိမ်ဖြစ်နေတာကို မီးမောင်းထိုးပြတဲ့ “အစိုးရရုတ်ခြည်း ပြုတ်ကျခြင်း” - Abrupt Regime Change လို့လည်း ပြောလို့ရပါတယ်။

ဒီလိုမတည်မငြိမ်မှုတွေ ဘာကြောင့်ဖြစ်လာရလဲဆိုတာ သိချင်တဲ့အတွက် အမေရိကန်သမ္မတကလင်တန်ရဲ့ လက်ထက်မှာ ဒုသမ္မတအဲလ်ဂိုးက ညွှန်ကြားဦးဆောင်ပြီး သုတေသနလုပ်ငန်းအဖွဲ့- Taskforce တစ်ခုကို ၁၉၉၄ မှာ ဖွဲ့စည်းခဲ့ပါတယ်။ Political Instability Taskforce (PITF)လို့ နောက်လူမျိုးသိများလာတဲ့ ဒီသုတေသနစီမံချက်က ခုနစ်နှစ်လောက်ကြာ အချက်အလက်အစုအဝေးပေါင်း တစ်သန်းကျော်နဲ့ တစ်ကမ္ဘာလုံးက မတည်မငြိမ်ဖြစ်မှုတွေကို လေ့လာလိုက်တဲ့အခါ မတည်မငြိမ်ဖြစ်စေတဲ့ အချက်သုံးချက်ကို သွားတွေ့ရပါတယ်။ ပထမပြဿနာက လူနေမှုအဆင့်အတန်းနိမ့်ကျပြီး စီးပွားရေးချွတ်ခြုံကျတဲ့အကြောင်းခံပါ။ ဒုတိယပြဿနာက အာဏာရှင်မဟုတ် ဒီမိုကရေစီလည်း လုံးလုံးမကျတဲ့ ဖားတစ်ပိုင်း ငါးတစ်ပိုင်း ဒီမိုကရေစီမျိုးပါ။ နိုင်ငံရေးအကူးအပြောင်းဖြစ်တဲ့ တိုင်းပြည်တွေမှာ တွေ့ရတာများပါတယ်။ တတိယအချက်ကတော့ ဂိုဏ်းဂဏပြဿနာပါ။ နောက်ပိုင်းသုတေသနတွေမှာ တွေ့ရှိချက်က ဒီမိုကရေစီနုနုအချိန် ဟိုမရောက်ဒီမရောက်အချိန်မှာ ဂိုဏ်းဂဏပြဿနာက နောက်ကြောင်းပြန်လှည့်ခြင်းတို့ရဲ့ မြစ်ဖျားခံရာဖြစ်တယ်ဆိုတာ တွေ့ရှိလာခဲ့ကြတယ်။ ဂိုဏ်းဂဏပြဿနာက ဒီမိုကရေစီအကူးအပြောင်းကို ခြိမ်းခြောက်နိုင်တယ်ဆိုတာ လေ့လာတွေ့ရှိခဲ့တယ်။

ဂိုဏ်းဂဏပြဿနာဆိုတာ အဖွဲ့တွေမတူရုံ၊ နိုင်ငံရေးပါတီတွေများရုံ သက်သက်လောက်နဲ့ ဖြစ်တာတော့မဟုတ်ဘူး။ ဒီမိုကရေစီအကူးအပြောင်းအချိန်မှာ နိုင်ငံရေးပါတီတွေ မှိုလိုပေါက်တတ်တာက ဓမ္မတာပါ။ ဂိုဏ်းဂဏနိုင်ငံရေးနဲ့ ပြဿနာဟာ စနစ်မခိုင်သေးတဲ့အချိန်မှာ အုပ်စုအသီးသီးက မိမိအကျိုးစီးပွားအတွက် ယှဉ်ပြိုင်ကြရင်း စနစ်က ပြဋ္ဌာန်းထားတဲ့ ဘယ်လိုဘယ်ပုံ အာဏာယူရမယ်ဆိုတာထက်ပိုပြီး အခြားနည်းတွေနဲ့ ပြိုင်ဘက်ကို အလဲထိုးဖို့ ကြိုးစားကြတဲ့အခါမှာ ဖြစ်လာတဲ့ ပဋိပက္ခပါ။ ဒီမိုကရေစီစနစ်ခိုင်သွားတဲ့ နိုင်ငံတွေမှာ နိုင်ငံရေးပါတီတွေ ယှဉ်ပြိုင်ကြတဲ့အခါ ရှိရင်းစွဲစနစ်က သတ်မှတ်ထားတဲ့ နည်းဥပဒေလုပ်ပိုင်ခွင့်တွေနဲ့သာ အာဏာရဖို့ ကြိုးစားကြတာပါ။ စနစ်ရဲ့အပြင်ကနည်းလမ်းနဲ့ အာဏာရဖို့ မကြိုးစားပါဘူး။

ဥပမာ အမေရိကန်နိုင်ငံမှာ ၂၀၀၀ ပြည့်နှစ်က ကျင်းပခဲ့တဲ့ ဂျော့ဘုရ်ှနဲ့ အဲလ်ဂိုးတို့ ယှဉ်ပြိုင်ခဲ့တဲ့ ရွေးကောက်ပွဲမှာ ဖလော်ရီဒါပြည်နယ်က မဲရေတွက်ပုံ အငြင်းပွားရာမှာ တရားလွှတ်တော်ချုပ်က ၀င်ရောက်ဆုံးဖြတ်ပြီးနောက် ဂျော့ဘုရ်ှက အနိုင်ရခဲ့တာပါ။ ဒါတောင် အဲလ်ဂိုးက တစ်တိုင်းပြည်လုံးမှာ မဲပိုရခဲ့တာပါ။ တရားလွှတ်တော်ချုပ်ရဲ့ ဆုံးဖြတ်မှုအပေါ် အဲလ်ဂိုးက သဘောမတူပေမယ့် စနစ်ရဲ့ ပြဋ္ဌာန်းချက်ကို လက်ခံခဲ့ပါတယ်။ ဘုရ်ှကို အနိုင်ပေးခဲ့ပါတယ်။ အဲဒီအချိန်မှာ အဲလ်ဂိုးကို ထောက်ခံတဲ့သန်းနဲ့ချီတဲ့ ပြည်သူတွေက မချိတင်ကဲ ဖြစ်ကြရပါတယ်။ သူ့ကိုထောက်ခံသူတွေက လမ်းမပေါ်ထွက် ဆန္ဒပြခဲ့ကြပါတယ်။ ဒါပေမဲ့ ဆန္ဒပြတယ်ဆိုတာ ဆန္ဒထုတ်ဖော်တဲ့ သဘောသက်သက်သာဖြစ်ပြီး ဘုရ်ှကို အာဏာဖြုတ်ချဖို့ဆိုတဲ့ အစိုးရအပြောင်းအလဲကို ဦးတည်တာမဟုတ်ပါဘူး။ မကျေနပ်တဲ့သူတွေကလည်း စနစ်ရဲ့ပြဋ္ဌာန်းမှုကို လက်ခံခဲ့ကြပါတယ်။ ဒီမိုကရေစီ အခြေခိုင်တဲ့နိုင်ငံတွေမှာ လမ်းပေါ်ထွက်ဆန္ဒပြတဲ့နည်းနဲ့ အစိုးရဖြုတ်ချတာ အာဏာယူတာမျိုး ဖြစ်လေ့မရှိပါဘူး။ အုပ်စုတွေ အပြိုင်အဆိုင်ဖြစ်လာရင် စနစ်ကိုပဲ အခြေခံပြီး ဖြေရှင်းလေ့ရှိတယ်။ ဒီမိုကရေစီစနစ်ရဲ့ ဆုံးဖြတ်မှုကို ကြိုက်သည်ရှိ၊ မကြိုက်သည်ရှိ လိုက်နာကြတယ်။ စစ်တပ်က၀င်ပြီး အာဏာကူသိမ်းပေးရတယ်ဆိုတာ ဝေးပါရော။

အီဂျစ်ရဲ့ ဥပမာကိုကြည့်ရင် မော်စီရဲ့ “မွတ်ဆလင်ညီအစ်ကိုတော်များအဖွဲ့”ကို အခြေခံထားတဲ့ “လွတ်လပ်ရေးနှင့် တရားမျှတရေးပါတီ” FJP ဟာ ၄၇ ဒသမ ၂ ရာခိုင်နှုန်းနေရာများမှာနိုင်ပြီး လွှတ်တော်ထဲမှာ စိုးမိုးလာပါတယ်။ အခြားမွတ်ဆလင်ဘာသာ အခြေခံပါတီတွေနဲ့ပေါင်းလိုက်ရင် သူတို့ရဲ့အင်အားဟာ ၇၀ ရာခိုင်နှုန်းကျော် ဖြစ်သွားပါတယ်။ ဇွန် ၂၀၁၂ မှာ လွှတ်တော်ကို အခြေခံဥပဒေတရားရုံးချုပ်က ဖျက်သိမ်းခဲ့ပါတယ်။ မော်စီကို ၅၁ ဒသမ ၇ ရာခိုင်နှုန်း မဲနဲ့ ရွေးကောက်တင်မြှောက်ပြီးနောက်ပိုင်း ဇူလိုင်မှာ အရင်ကဖျက်သိမ်းခံထားရတဲ့ မွတ်ဆလင်ပါတီတွေ အုပ်စိုးထားတဲ့ လွှတ်တော်ကို ပြန်လည်အသက်သွင်းခဲ့ပါတယ်။ တစ်ဆက်တည်းမှာက စစ်တပ်နဲ့နီးစပ်တဲ့ အင်အားစုတွေ အရင်သမ္မတ မူဘာရက်အပေါ် သစ္စာခံသူတွေကို အစိုးရထဲက အရေးပါတဲ့နေရာတွေက ဖယ်ရှားခဲ့ပါတယ်။ နိုဝင်ဘာ ၂၀၁၂ မှာတော့ မော်စီရဲ့ အစိုးရဟာ တရားရေးဘက်က သူ့ရဲ့အာဏာကို ၀င်ရောက်စွက်ဖက်လို့မရအောင် အမိန့်တစ်ခုထုတ်ပြန်ခဲ့ပါတယ်။ မွတ်ဆလင်
ဘာသာရေးအခြေခံတဲ့ ဥပဒေတွေနဲ့ ထိန်းချုပ်တော့မယ်ဆိုပြီး ပျော့ပျောင်းသူတွေ၊ လစ်ဘရယ်တွေက ဆန့်ကျင်ခဲ့ကြပါတယ်။

မော်စီရဲ့ မွတ်ဆလင်ဘာသာအပေါ် အခြေခံတဲ့ နိုင်ငံရေးအုပ်စုက လစ်ဘရယ်အုပ်စု၊ အရင်မူဘာရက်အုပ်စုနဲ့ စစ်တပ်အုပ်စုတို့ကို မစည်းရုံးနိုင်ခဲ့ပါဘူး။ မွတ်ဆလင်အုပ်စုရဲ့ နိုင်ငံရေးရည်မှန်းချက်တွေကို ရှေ့တန်းတင်ဖို့ ကြိုစားလာတဲ့အခါ အခြားအဖွဲ့တွေရဲ့ အကျိုးစီးပွားကို ခြိမ်းခြောက်လာခဲ့ပါတယ်။ အကျိုးစီးပွားချင်း ပြဿနာဖြစ်လာတဲ့အခါ စနစ်ကို အခြေခံတဲ့ ပြဿနာဖြေရှင်းမှုမျိုးက မအောင်မြင်ခဲ့ပါဘူး။ ဒီမိုကရေစီအကူးအပြောင်းအချိန်မှာ စနစ်ထဲမှာ ပြောင်းလဲစရာ၊ ပြင်စရာရှိတာကို ညှိနှိုင်းဆွေးနွေးတဲ့ ချဉ်းကပ်မှုမျိုးနဲ့ အဖြေမရှာနိုင်ခဲ့ပါဘူး။ လမ်းပေါ်ဆန္ဒပြတဲ့နည်းနဲ့ အရင်သမ္မတကို ဖြုတ်ချခဲ့တဲ့ အတိုက်အခံတွေဟာ ဒီနည်းနဲ့ပဲ မွတ်ဆလင်အုပ်စုတွေကို အာဏာက ဖယ်ရှားမယ်ဆိုတဲ့ ချဉ်းကပ်မှုမျိုးနဲ့ လူအုပ်နိုင်ငံရေးနဲ့ စစ်ထိုးခဲ့တာပါ။ လက်ရှိစနစ်အောက်မှာ ညှိနှိုင်းအဖြေရှာလို့ မရတဲ့အခါ တိုင်းပြည်ရဲ့ တည်ငြိမ်အေးချမ်းမှုကို ခြိမ်းခြောက်လာပါတယ်။ နိုင်ငံရေးပြဿနာက လုံခြုံရေးပြဿနာဖြစ်လာတဲ့အခါ တိုင်းပြည်မှာ ခေတ်အဆက်ဆက်က သြဇာရှိခဲ့တဲ့ စစ်တပ်ကို နိုင်ငံရေးပြဿနာဝင်ရှင်းဖို့ ဖိတ်ခေါ်သလို ဖြစ်သွားတယ်။ မော်စီအုပ်စုကလည်း စစ်တပ်ကို နားရွက်သွားတံတွေးဆွတ်ထားတဲ့အတွက် စစ်တပ်ကလည်း ဒီအခွင့်အရေးကိုယူပြီး မွတ်ဆလင်အုပ်စုတွေကို ချေမှုန်းဖို့ ကြိုးစားလာပါတယ်။ မူဘာရက်ကို သစ္စာခံသူတွေနဲ့ အရင်အစိုးရထဲက အုပ်စုတွေကလည်း သူတို့ကို ဖြုတ်ချခဲ့တဲ့သူတွေနဲ့ပေါင်းပြီး မွတ်ဆလင်အုပ်စုကို အာဏာကဖယ်ရှားဖို့ ကြိုးစားပါတော့တယ်။

အခုဆိုရင် အာဏာသိမ်းအစိုးရက “မွတ်ဆလင်ညီအစ်ကိုတော်များအဖွဲ့”ရဲ့ ခေါင်းဆောင်တွေကို အင်နဲ့အားနဲ့ လိုက်လံဖမ်းဆီးနေပါပြီ။ မော်စီကိုထောက်ခံတဲ့ တီဗီ၊ ရေဒီယိုဌာနများကိုလည်း ၀င်ရောက်စီးနင်းပိတ်ဆို့လိုက်ပါပြီ။ “လစ်ဘရယ်”အုပ်စုတွေ တန်ဖိုးထားတယ်ဆိုတဲ့ လူ့အခွင့်အရေးဆိုတာလည်း “ဒုတိယတော်လှန်ရေး”ဆိုတဲ့ ခေါင်းစဉ်အောက်မှာ ချိုးဖောက်ခံနေရပါပြီ။ ဒီမိုကရေစီအကူးအပြောင်းအတွင်းက နောက်ပြန်လှိုင်းတစ်ခုကို မျက်ဝါးထင်ထင်တွေ့လိုက်ရတာပါ။

ပြဿနာက မပြီးသေးပါဘူး။ အီဂျစ်က အင်အားကောင်းတဲ့ မွတ်ဆလင်အုပ်စုတွေကလည်း လွယ်လွယ်နဲ့ အလျှော့ပေးလိမ့်မှာမဟုတ်ပါဘူး။ ထိပ်တိုက်ရင်ဆိုင်မှုတွေ ပိုပြီးများလာမယ့်သဘောရှိပါတယ်။ အကြမ်းဖက်မှုတွေ ပိုပြီးပေါ်လာမယ့် အခြေအနေပါ။ အီဂျစ်တွေရဲ့ တစ်ခုသော မျှော်လင့်ချက်ကတော့ အခုတက်လာတဲ့ အစိုးရအနေနဲ့ မွတ်ဆလင်အုပ်စုတွေအပါအ၀င် အခြားအင်အားစုတွေ ပါဝင်နိုင်တဲ့ နိုင်ငံရေးအခင်းအကျင်းတစ်ခုကို ဖန်တီးပေးနိုင်မှပဲ ထွက်ပေါက်တစ်ခုဖြစ်လာမှာပါ။ မဟုတ်ရင်တော့ ဒီမိုကရေစီကို ဦးတည်သွားရင်း ဂိုဏ်းဂဏပြဿနာကြောင့် နောက်ပြန်ဆွဲရတဲ့ ဒီမိုကရေစီအကူးအပြောင်းသမိုင်းထဲမှာ တ၀ဲလည်လည်နဲ့ ကျန်နေဦးမှာပါ။ ကျွန်တော်တို့ မြန်မာနိုင်ငံအတွက်လည်း အီဂျစ်က သင်ခန်းစာတွေ အများကြီးပေးသွားခဲ့ပါပြီ။
(ဤဆောင်းပါးသည် ဆောင်းပါးရှင်၏ ပုဂ္ဂိုလ်ရေးအမြင်သာဖြစ်ပြီး မည်သည့်အဖွဲ့အစည်းကိုမျှ ကိုယ်စားမပြုပါ။)

Credit To 7Day News Journal
Read More »

တိုင်းပြည်အတွက် လူမိုက်လုပ်၊ အမုန်းခံ သွားသူဆိုပါလား

   

စာပေလွတ်လပ်ခွင့်ဖြေလျော့မှုပြု လာချိန်ဆောင်းပါးရှင်မျိုးစုံတို့ရဲ့ အတွေး အရေးအစုံစုံကို သတင်းဂျာနယ်မျိုးစုံ တွင်ဖတ်ခွင့်ရလာခဲ့တယ်။ ၂ဝ၁၃ခုနှစ်၊ ဇွန်လ (၂၁၊ ၂၇)နေ့ထုတ် Hot News ဂျာနယ်ဆောင်းပါးရှင် ''ဆရာစောကျော် အေး(ပန်းဘဲတန်း)''ရေးတဲ့ ''တိုင်းပြည် အတွက် လူမိုက်လုပ်၍အမုန်းခံသွားသူ'' ဆောင်းပါးကိုဖတ်လိုက်ရတယ်။ ဆောင်း ပါးရဲ့သရုပ်ဖော်ပုံက ၁၉၆၂ခုနှစ်မှ ၁၉၈၈ ခုနှစ်အထိ တော်လှန်ရေးကောင် စီဥက္ကဋ္ဌ၊ နိုင်ငံတော်သမ္မတ၊ မြန်မာ့ဆို ရှယ်လစ်လမ်းစဉ်ပါတီ ဗဟိုကော်မတီ ဥက္ကဋ္ဌ၊ ဗဟိုအလုပ်အမှုဆောင်ကော်မတီ ဥက္ကဋ္ဌ တာဝန်ယူခဲ့သူဗိုလ်ချုပ်ကြီး နေဝင်း အဖြစ်မှခေါင်းပေါင်းနှင့်တိုက်ပုံ ဝတ်ထားသူ ဦးနေဝင်းပုံဖြစ်တယ်။ ယခု အချိန်မှာ ဆောင်းပါးရှင်ရဲ့ အယူအဆ၊ သဘောထားကိုလွတ်လပ်စွာ ရေးခွင့်ရှိ နေသလို ကျွန်တော်လည်း ဒီအခွင့်အ ရေးကိုအသုံးချမိတယ်။ သဘောထား၊ အယူအဆကွဲလွဲနိုင်တာကြောင့် စာဖတ် သူကိုပေးတဲ့ အသိစိတ်လည်း တူညီချင် မှတူညီနိုင်မှာပါ။ ဒါပေမယ့် စာပေက တစ်ဆင့် အသိပေးတာချင်းကတော့ အတူတူဖြစ်တယ်။ ဆရာစောကျော်အေး က တော်လှန်ရေးကောင်စီဥက္ကဋ္ဌ ဗိုလ် ချုပ်ကြီးနေဝင်း၏ပြောကြားချက်များကို ခုနှစ်၊ လ၊ နေ့၊နေရာတို့ကို ရေးသားဖော် ပြခဲ့ပါတယ်။
၁၉၆၃ခုနှစ်၊ ဇန်နဝါရီလ(၁)ရက် စစ်ကိုင်းခရိုင်၊ အုန်းတောကျေးရွာ၊ တောင်သူလယ်သမားနှီးနှောဖလှယ်ပွဲ တွင်ပြောကြားချက်။
၁၉၆၃ခုနှစ်၊ မေလ(၈)ရက် ပဲခူး တိုင်း၊ ဒိုက်ဦးမြို့နယ်၊ အမရကျေးရွာ၊ သမဝါယမကျေးရွာသစ်ဖွင့်ပွဲတွင် ပြော ကြားချက်။
၁၉၆၄ခုနှစ်၊ ဇန်နဝါရီလ(၂)ရက် ပုပ္ပား တောင်သူလယ်သမားနှီးနှောဖ လှယ်ပွဲတွင်ပြောကြားချက်။
၁၉၆၄ခုနှစ်၊ မေလ(၄)ရက်တွင် တောင်ငူခရိုင်၊ ခပေါင်းကျေးရွာ၊ တောင် သူလယ်သမားနှီးနှောဖလှယ်ပွဲတွင် ပြောကြားချက်။
၁၉၆၅ခုနှစ်၊ ဧပြီလ (၂၉)ရက် ရန်ကုန်ဝိဇ္ဇာနှင့် သိပ္ပံတက္ကသိုလ် ဘွဲ့နှင်း သဘင်ခန်းမ၌ကျင်းပသည့် အလုပ်သ မားနှီးနှောဖလှယ်ပွဲတွင် ပြောကြား ချက်များကိုဖတ်ခဲ့ရတယ်။ ဒီပြောကြား ချက်များထဲက ၁၉၆၄ခုနှစ်၊ ဇန်နဝါရီလ (၂)ရက် ပုပ္ပားတောင်သူလယ်သမား နှီး နှောဖလှယ်ပွဲတွင်ပြောကြားခဲ့တဲ့အထဲ မှာ..
''ကျွန်တော်တို့လုပ်နေတာဟာ လုပ်ချင်လို့မဟုတ်ပါဘူး၊ မလုပ်မဖြစ်လို့ လုပ်နေရတာပါ။ ကျွန်တော်တို့ဟာ အမုန်းမခံဘဲ နေဖြစ်သလိုနေရင် ရသား ဘဲ၊ အရင်တုန်းက ကျွန်တော်တို့ကို ဘယ်သူမှမမုန်းဘူး၊ အကုန်လုံးချစ်ကြ တယ်။ အခုတော့ ကျွန်တော်တို့ကို အ တိုက်အခံလူတန်းစားက အင်မတန်ခါး ခါးသီးသီးဖြစ်လာတယ်။ ဖြစ်မယ်ဆိုတာ ကိုသိလျက်သားနဲ့ပဲ ကျွန်တော်တို့လုပ် နေတာ၊ ဘာ့ကြောင့်လဲဆိုရင် တိုင်းပြည် အတွက်ပဲ၊ အတိုက်အခံအနေနဲ့ ကျွန် တော်တို့ကိုမုန်းတာက သူ့အကျိုးထိခိုက် လို့ပဲ၊ သူ့အကျိုး ထိခိုက်တာကလည်း၊ သူတို့ဟာ မလုပ်သင့်မလုပ်ထိုက်တာလုပ် လို့ပဲ၊ ဒါကြောင့် ကိစ္စအားလုံးလုပ်တဲ့နေ ရာမှာ လူထု(ပြည်သူ)အပေါ်မှာပဲတည် တယ်။ ကျွန်တော်တို့ချည်း အားမကိုးပါ နဲ့၊ ကျွန်တော်တို့လည်း အလုပ်သမား၊ လယ်သမားမပါရင် ဘာမှလုပ်လို့မရဘူး'' ဟူ၍ ထက်မြတ်ထိရောက်သော ပညာ ပေးစကားများထည့်သွင်းပြောကြားခဲ့ တယ်လို့ရေးသားချက်ကိုဖတ်ရတယ်။
အထက်ပါပြောကြားချက်က တော် လှန်ရေးကောင်စီအစိုးရတက်လာပြီး (၂)နှစ်မပြည့်မီအချိန်ကဖြစ်တယ်။ ၁၉၆၂ ခုနှစ်၊ မတ်လ (၂)ရက်နေ့တွင် ယိုယွင်း နေသော တိုင်းပြည်၏အခြေအနေကို အကြောင်းပြ၍ ဗိုလ်ချုပ်ကြီးနေဝင်း ခေါင်းဆောင်သော တပ်မတော်က အာဏာသိမ်းယူလိုက်ပြီး ခေတ်ပြောင်း တော်လှန်ရေးလုပ်ငန်းကြီးကို ဆောင် ရွက်ရန် တော်လှန်ရေးကောင်စီအမည် ဖြင့် ဦးဆောင်အဖွဲ့ကိုဖွဲ့စည်းခဲ့ပါတယ်။ ၁၉၆၂ခုနှစ်၊ ဇူလိုင်လ(၄)ရက်နေ့တွင် မြန်မာ့ဆိုရှယ်လစ်လမ်းစဉ်ပါတီ ဖွဲ့စည်း ပုံအခြေခံဥပဒေကိုကြေညာခဲ့တယ်။ ဗိုလ်ချုပ်ကြီးနေဝင်း ဆန္ဒရှိသည့်နိုင်ငံရေး စနစ်ကိုပုံဖော်နိုင်ရန် သူတွေ့ကြုံဖြတ် သန်းခဲ့ရတဲ့ မြန်မာနိုင်ငံရေးသမိုင်း လှုပ် ရှားမှုအဆင့်ဆင့်ကို ပြန်လည်သုံးသပ် လေ့လာမှာဖြစ်တယ်။ မြန်မာနိုင်ငံရေး သမိုင်းလှုပ်ရှားမှုအဆင့်ဆင့်တွင် ကျောင်းသားများ၏ အရေးပါမှုကလည်း သတိပြုစရာဖြစ်နေခဲ့တယ်။ မြန်မာနိုင်ငံ ရေးသမိုင်းလှုပ်ရှားမှုအဆင့်ဆင့်ကို ပြန် လည်သုံးသပ်လေ့လာမှာဖြစ်တယ်။ မြန် မာနိုင်ငံရေးသမိုင်းကြောင်းတွင် ကျောင်း သားများ၏အရေးပါမှုများက သူ့အ တွက်အဟန့်အတား စိန်ခေါ်မှုတစ်ခုအ ဖြစ်ရှုမြင်လာပုံရတယ်။ ဒါကြောင့်လည်း အာဏာသိမ်းပြီး (၂)လနှင့် ရက်ပိုင်းမျှအ ချိန်တွင် ချက်ချင်းအာဏာတည်စေရ မည့်အမိန့်ဖြင့် ရန်ကုန်တက္ကသိုလ်နှင့် မန္တလေးတက္ကသိုလ်အက်ဥပဒေတို့ကို ဖျက်သိမ်းခဲ့ပြီးနောက် တက္ကသိုလ်ကောင် စီကိုလည်း အမိန့်ဖြင့်ဖျက်သိမ်းခဲ့တာ ဖြစ်တယ်။ ၁၉၆၂ခုနှစ်၊ မေလ(၁၇)ရက် နေ့မှာ တော်လှန်ရေးကောင်စီ အမိန့်အ မှတ်(၃ဝ)ဖြင့် တပ်မတော်အရာရှိများပါ ဝင်သော တက္ကသိုလ်ကောင်စီကိုပြန် လည်ဖွဲ့စည်းခဲ့တယ်။ ဆက်တိုက်ဆိုသလို ပိုမိုတင်းကျပ်တဲ့ ကျောင်းဆောင်စည်း ကမ်းများကိုထုတ်ပြန်ခဲ့ပြန်တယ်။
တင်းကျပ်သောကျောင်းဆောင် စည်းကမ်းများထုတ်ပြန်မှုကြောင့် ၁၉၆၂ ခုနှစ်၊ ဇူလိုင်လ(၇)ရက်နေ့မှာ ဖိနှိပ်တင်း ကျပ်တဲ့အဆောင်စည်းကမ်းများကို မကျေနပ်တဲ့အတွက် ကျောင်းသားများ ဆန္ဒပြခဲ့ကြတယ်။ သေဆုံး၊ ဒဏ်ရာတွေ လည်းရရှိခဲ့တယ်။ ၁၉၆၂ခုနှစ်၊ ဇူလိုင်လ (၈)ရက် နံနက်ပိုင်းအချိန်တက္ကသိုလ် သမဂ္ဂအဆောက်အဦကို ဒိုင်းနမိုက်နဲ့ ဖြိ်ုခွဲဖျက်ဆီးခဲ့ပြီး ဗိုလ်ချုပ်ကြီးနေဝင်းက ''¤င်းအဆောက်အဦမှာ ကျောင်းသား များကိုအလွဲသုံးစားလုပ်ကာ ကျောင်း အာဏာပိုင်နှင့်အစိုးရကိုပုန်ကန်လှုံ့ ဆော်သည့် အဆောက်အဦဖြစ်လာ ကြောင်းနှင့် မြေအောက်သူပုန်များ လျှို့ဝှက်ဆက်သွယ်ရာ ဌာနချုပ်ဖြစ်၍   ကြာရှည်စွာခွင့်မပြုနိုင်သဖြင့်ဖြိုခွဲလိုက်   ရကြောင်း၊ ဓါးဓါးချင်း၊ လှံလှံချင်း''ဟု ပြောဆိုသွားခဲ့တယ်။ ဒီဖြစ်စဉ်ကလည်း အာဏာသိမ်းပြီး (၄)လနှင့် ရက်ပိုင်းအ တွင်းဖြစ်ခဲ့တယ်။ ကျောင်းသားများ သေ ဆုံး၊ ဒဏ်ရာရ၊ အဖမ်းဆီးခံခဲ့ရတဲ့ဖြစ် စဉ်တွေဟာ ကျောင်းသားထုအတွင်းမှာ သာစိတ်နာကျင်မှုဝေဒနာခံစားခဲ့ရတာ မဟုတ်ပါဘူး။ လူ့အဖွဲ့အစည်းအတွင်း ဆက်နွယ်နေတဲ့ မိဘ၊ ရဟန်းသံဃာ၊ ပြည်သူတွေအထိကူးစက်ပျံ့နှံ့ပြီး ထပ်တူ ခံစားခဲ့ရတယ်။ လူသားတစ်ဦးဖြစ်တဲ့ ဗိုလ်ချုပ်ကြီးနေဝင်းအပေါ်မှာလည်း ဗိုလ်ချုပ်ကြီးနေဝင်းအပေါ်မှာလည်း တန်ပြန်သက်ရောက်မှုရှိမှာပါ။ ဒါပေ မယ့်သူမျှော်မှန်းတဲ့ပန်းတိုင် ရောက်ဖို့အ တွက် သူ့အလုပ်ကိုသူဆက်လုပ်မှာဖြစ် ပါတယ်။ ဆက်လည်းလုပ်ခဲ့ပါတယ်။
တကယ်တော့ တပ်မတော်ဆိုတာ နိုင်ငံတော်ကိုကာကွယ်ဖို့အတွက် ဖွဲ့စည်း ထားတဲ့အဖွဲ့အစည်းတစ်ခုပါ။ တပ်မ တော်မှာအတိုက်အခံလူတန်းစားမရှိပါ ဘူး။ နိုင်ငံရေးလောကမှာ အတိုက်အခံ လူတန်းစားရှိပါတယ်။ ဗိုလ်ချုပ်ကြီး နေဝင်း ကသူ့မျှော်မှန်းချက်ကိုအကောင် အထည်ဖော်ချင်တဲ့အတွက် တပ်မတော် ကိုနိုင်ငံရေးလောကထဲ ဆွဲသွင်းလာတာ ဖြစ်ပါတယ်။ တပ်မတော်ကိုအသုံးပြုပြီး သူလိုချင်သောပုံဖော်ဆောင်ခြင်းသာ ဖြစ်ပါတယ်။ နိုင်ငံရေးလောကထဲဆွဲ သွင်းလာတဲ့အတွက်ကြောင့် ပြည်သူနှင့် တပ်မတော်ကြား စည်းခြားသလိုဖြစ်ခဲ့ရ တာပါ။ သူ့ပြောကြားချက်ထဲမှာပါသလို ''အရင်တုန်းက ကျွန်တော်တို့ကိုဘယ်သူ မှမမုန်းဘူး၊ အကုန်လုံးချစ်ကြတယ်၊'' ဟုတ်ပါတယ်။ မမုန်းပါဘူး။ မြန်မာနိုင်ငံ လွတ်လပ်ရေးရအောင် ယူပေးခဲ့တဲ့လွတ် လပ်ရေးဖခင် ဗိုလ်ချုပ်အောင်ဆန်းတည် ထောင်ထားခဲ့တဲ့ တပ်မတော်ဖြစ်ခဲ့တဲ့အ တွက် လေးစားဂုဏ်ယူချစ်မြတ်နိုးခဲ့ပါ တယ်။ ကျွန်တော်တို့လူငယ်ဘဝ တော် လှန်ရေးနေ့အခမ်းအနားများမှာ ညအချိန် စစ်ဝတ်စုံအပြည်၊ မီးတုတ်ကိုင် ဆောင် ဇာတိမာန်တက်ြ<ွကတဲ့ စစ်ချီသီ ချင်းများသီဆိုပြီး စစ်ကြောင်းကြီးများခွဲ ၍ တော်လှန်ရေးပန်းခြံထဲ ဝင်ရောက်ခဲ့ ပုံတွေက ကျွန်တော်တို့ရဲ့စိတ်အာရုံကို  ကြက်သီးမွှေးညှင်းများထလောက် အောင် ညှို့ယူဖမ်းစားနိုင်ခဲ့ပါတယ်။ မြို့ကြီးတွေမှာလည်း တွေ့မြင်ရခဲတဲ့ပခုံး နှစ်ဖက်ပေါ်ရွှေသပြေခက်ဘားများ ဝတ်ဆင်လာတဲ့တပ်မတော်သားများကို ကြည့်ပြီး ကျွန်တော်တို့အမျိုးသားများ သာမကအမျိုးသမီးများကပါ လေးစား ဂုဏ်ယူအကြည့်နဲ့ကြည့်ခဲ့ကြပါတယ်။ ဒါကလည်း ဗိုလ်ချုပ်ကြီးနေဝင်းဦးဆောင် တဲ့ တပ်မတော်က အာဏာသိမ်းပြီး အချိန်အတော်ကြာသည်အထိ ရှိခဲ့ပါ တယ်။
ဗိုလ်ချုပ်ကြီးနေဝင်းပြောသလို ''အ ခုတော့ ကျွန်တော်တို့ကို အတိုက်အခံလူ တန်းစားက အင်မတန်ခါးခါးသီးသီး ဖြစ်လာတယ်။ ဖြစ်မယ်ဆိုတာ သိလျက် သားနဲ့ပဲ ကျွန်တော်တို့လုပ်နေတာ၊ ဘာကြောင့်လဲဆိုရင် တိုင်းပြည်အတွက် ဘဲ။ အတိုက်အခံအနေနဲ့ ကျွန်တော်တို့ ကိုမုန်းတာက သူ့အကျိုးကိုထိခိုက်လို့ပဲ။ သူ့အကျိုးထိခိုက်တာကလည်း သူတို့ ဟာမလုပ်သင့်မလုပ်ထိုက်တာလုပ်လို့ ပဲ'' အဲဒီပြောကြားချက်ကိုပြန်လှန် ကြောင်းကျိုးဆက်စပ် စဉ်းစားကြည့်တဲ့ အခါအပြန်အလှန် အမုန်းတရားရှိကြ တယ်နဲ့တူပါတယ်။ အဲဒီအချိန်တုန်းက အတိုက်အခံလူတန်းစားဆိုတာလည်း မရှိပါ။ ဒီပြောကြားချက်တွေက တော် လှန်ရေးအစိုးရတက်ပြီး (၂)နှစ်မပြည့် ခင် (၂)လအလိုမှာပြောတာဖြစ်တယ်။ အချိန်တိုလေးအတွင်း ပြည်သူနဲ့စည်း ခြားသလိုဖြစ်နေရသည်ကို ရည်ရွယ်ပြော ဆိုတယ်လို့ထင်မြင်မိပါတယ်။
တော်လှန်ရေးကောင်စီအစိုးရ ဗိုလ်ချုပ်ကြီးနေဝင်း၊ မဆလအစိုးရ ဦးနေဝင်းအဖြစ် (၂၆)နှစ်အကြာပြည်သူ အားလုံး၏ ဆန္ဒမပါဘဲ အာဏာရှင်ပုံစံ အုပ်ချုပ်ခဲ့တယ်။ (၂၆)နှစ်ကြာ ဖိနှိပ် ချုပ်ချယ်မှုတွေကြောင့် ပညာရေး၊ စီးပွား ရေး၊ လူမှုရေး၊ နိုင်ငံရေးဘက်စုံ ချွတ်ခြုံ ကျမှုတွေက ကမ္ဘာ့အဆင်းရဲဆုံးစာရင်း ဝင်နိုင်ငံဖြစ်သွားခဲ့တယ်။ စီးပွားရေးချွတ် ခြုံကျမှု၊ ပညာရေးကမောက်ကမဖြစ်မှု တွေက ပြည်သူတွေနဲ့ကျောင်းသားကြား တအုံ့နွေးနွေးဖြစ်ပေါ်ခဲ့ရတယ်။ ၁၉၈၈ ခုနှစ်၊ မတ်လ(၁၂)ရက်နေ့ စက်မှုတက္ကသိုလ်ကျောင်းသားများနှင့် အရပ်သား များ ရန်ပွဲမှတဆင့်သက်ဆိုင်ရာမှဖြေ ရှင်းရာတွင် ပြေလည်မှုမရှိဘဲ ၁၉၈၈ခု နှစ်၊ မတ်လ(၁၃)ရက်နေ့တွင် အကြမ်း ဖက်လူစုခွဲမှုကြောင့် ရန်ကုန်စက်မှု တက္ကသိုလ်၊ ပဉ္စမနှစ်၊ ဓါတုအင်ဂျင်နီ ယာကျောင်းသား ကိုဖုန်းမော်သေဆုံးခဲ့ ရတယ်။ ကိုဖုန်းမော်သေဆုံးခဲ့ရတာနဲ့ ပတ်သက်ပြီးကျောင်းသားများက တောင်းဆိုချက်များတောင်းဆို၍ ဖြေ ရှင်းခိုင်းသော်လည်း ပြေလည်မှုမရရှိသ ဖြင့် ရန်ကုန်စက်မှုတက္ကသိုလ်ကျောင်းမှ တဆင့် ရန်ကုန်တက္ကသိုလ်(ပင်မ)၊ ရန်ကုန်တက္ကသိုလ်(လှိုင်နယ်မြေ) သို့ ကူးစက်ပျံ့နှံ့သွားခဲ့တယ်။ ဆန္ဒပြပွဲများ ဆက်တိုက်ဖြစ်ပွားပြီး ၁၉၈၈ခုနှစ်၊ ဇူလိုင်လ (၂၃)ရက်နေ့တွင် ရန်ကုန်မြို့၊ ကျိုက္ကဆံကွင်း၊ ဆရာစံခန်းမတွင်မြန်မာ့ ဆိုရှယ်လစ်လမ်းစဉ်ပါတီ အရေးပေါ်ပါ တီညီလာခံကို ခေါ်ယူကျင်းပခဲ့တယ်။ ¤င်းညီလာခံတွင် ဦးနေဝင်းပြောခဲ့သော ပြောကြားချက်မှာ ''နောင်ကို လူစုလူ ဝေးနဲ့ဆူဆူပူပူလုပ်ရင် စစ်တပ်ဆိုတာ ပစ်ရင်မှန်အောင်ပစ်တယ်။ မိုးပေါ် ထောင်ပြီးခြောက်တာမပါဘူး။ အဲဒီ တော့ နောင်ကိုဆူဆူပူပူလုပ်မယ်ဆိုရင် တော့ စစ်တပ်ကိုသုံးလို့ရှိရင်တော့ အဲဒီဆူတဲ့သူတွေ မသက်သာဘူးသာမှတ် ပေတော့'' ဆိုပြီးပြောခဲ့တယ်။ ဦးနေဝင်း ရဲ့ပြောကြားချက်ကိုမြန်မာ့အသံ ရုပ်မြင် သံကြားစက် အိမ်တိုင်းမှာမရှိကြသေး ပါ။ ရပ်ကွက်နေပြည်သူအချို့ လက်ဖက် ရည်ဆိုင်မှာလက်ဖက်ရည်သောက်ရင်း ကြည့်ခဲ့ရတယ်။ မိန့်ခွန်းပြောအပြီး မကျေနပ်မှုခံစားချက်အသီးသီး ထွက် ပေါ်လာတယ်။ အော်ဟစ်ကြိမ်းမောင်း သံ၊ တောက်ခေါက်သံတွေညံစီခဲ့တယ်။ ဒါကြောင့် ဆိုင်ရှင်လည်းအခြေအနေကို ကြည့်ပြီး သူ့ဆိုင်ကိုကမန်းကတန်း ပိတ် ခဲ့ရတယ်။ နောက်နေ့တွေမှာလည်း နိုင်ငံ့ခေါင်းဆောင်တစ်ဦးရဲ့ ပြောကြား ချက်က ပြည်သူအားလုံးရဲ့စိတ်ကို သွေးကြွလှုပ်နှိုးသလိုဖြစ်ခဲ့ရတယ်။
ယခုလိုပြောကြားချက်ကလည်း သူ့အကျိုးအတွက် စစ်တပ်ကိုခုတုံးလုပ်၊ အသုံးချပြောကြားခြင်းဖြစ်တယ်။ ဟုတ် ပါတယ်၊ သူပြောသလိုစစ်တပ်ဆိုတာ ပစ်ရင်မှန်အောင်ပစ်တယ်ဆိုတာ လက်ခံပါတယ်။ စစ်တပ်ကိုမြှောက်ပေး သည့် ပုံစံမျိုးပြောဆိုမှုက ဦးနေဝင်းရဲ့ ပြည်သူ့ အပေါ်ထားတဲ့သဘောထား ကိုလည်း ထင်ဟပ်စေပါတယ်။ သူပြော ခဲ့တဲ့စကားတွေက ပြည်သူအပေါ်အမုန်း စကားတွေပါ။ ပြည်သူကိုချစ်လျှင် တိုင်းပြည်ကို လည်းချစ်မှာပါ။ ခေါင်းဆောင်တစ် ယောက်ရဲ့လုပ်ရပ် ကောင်းသည်၊ ဆိုးသည်ကိုပြည်သူတွေ ကဆုံးဖြတ်တာပါ။ ဆရာစောကျော်အေး ရဲ့ ''တိုင်းပြည်အတွက်လူမိုက်လုပ်၍ အမုန်းခံသွားသူ'' ဆိုပြီးဂုဏ်ပြုမှတ် တမ်းတင်ရေးသလိုမျိုးက စာဖတ်သူများ ကိုတွေဝေသွားစေပါတယ်။ တိုင်းပြည်အ တွက်ဆိုပြီးလက်ညှိုးညွှန်ရာရေဖြစ်၊ ဓနဥစ္စာထားစရာမရှိအောင် မိုက်ပြ၊ အမုန်းခံပြတဲ့ဘဝမျိုး ကျွန်တော်တုိ့လည်း လိုချင်ပါတယ်။ ဂုဏ်ပြုမှတ်တမ်းတင်ခံ ရတယ်ဆိုပြီး နောက်ထပ်ပိုမိုက်၊ ပိုအမုန်း ခံသွားမယ့် ခေါင်းဆောင်မျိုးပေါ်လာ ရင်တော့ မြန်မာနိုင်ငံရော၊ပြည်သူတွေ အတွက်ပါ ရင်လေးမိပါတယ်။ အခုတော့ တိုင်းပြည်လည်းမတိုးတက်၊ မဖွံ့ဖြိုး၊ ပြည်သူ့ဘဝလည်း နုံချာချာနဲ့ သူတည် ဆောက်ချင် တဲ့ဆိုရှယ်လစ်စနစ်ကြီး လည်း မအောင်မြင်တာကိုသမိုင်းသင် ခန်းစာယူရမှာဖြစ်တယ်။ ဗိုလ်ချုပ် အောင်ဆန်းလုပ်ရပ် ကောင်းခဲ့သည့်အ တွက် သမိုင်းကောင်းခဲ့ပါတယ်။ ဗိုလ်ချုပ်အောင်ဆန်းနှင့် ဦးနေဝင်း မိန့်ခွန်းများကိုယှဉ်လေ့လာရင် ဗိုလ်ချုပ် အောင်ဆန်းပြောခဲ့တဲ့မေးခွန်း တွေက ယနေ့မြန်မာ့နိုင်ငံအခြေအနေတွေနဲ့ ကိုက်ညီမှုရှိပြီး အနှစ်သာရရှိသဖြင့် အသက်ဝင်နေဆဲဖြစ်ပါတယ်။ ဦးနေဝင်း ပြောခဲ့တဲ့ မိန့်ခွန်းတွေက ယနေ့အခြေအ နေအထိတိုင်းပြည် အတွက်အကျိုးသက် ရောက်မှုမရှိခဲ့တာကို လည်းတွေ့ခဲ့ရ တယ်။
၁၉၈၈ခုနှစ်၊ စက်တင်ဘာလ (၁၈) ရက်နေ့တွင် နိုင်ငံတော်တစ်ဝှမ်း၌ အဖက်ဖက်မှ ယိုယွင်းနေသော အခြေအ နေကိုအချိန်မီထိန်းသိမ်းနိုင်ရန်အတွက် တိုင်းပြည်ချောက်ထဲကျဖို့ လက်နှစ်လုံး သာလိုတော့တာကို အကြောင်းပြပြီး နိုင်ငံတော်ငြိမ်ဝပ်ပိပြားမှုတည်ဆောက် ရေးအဖွဲ့၏ ကြေငြာချက်အမှတ် ၁/၈၈ ဖြင့်နိုင်ငံတော်အရပ်ရပ်ကို တပ်မတော် ကထိန်းသိမ်းသည့် ကြေညာချက်ကို ထုတ်ပြန်ခဲ့တယ်။ တိုင်းပြည်ချောက်ထဲ ကျဖို့လက်နှစ်လုံးသာလိုတော့တဲ့အခြေ အနေကိုဖန်တီးခဲ့တာဘယ်သူပါလဲ။ ၁၉၈၈ နိုင်ငံတော်အာဏာယူထားခဲ့တဲ့ နဝတအစိုးရလက်ထက် တာဝန်ရှိခေါင်း ဆောင်တွေက ဦးနေဝင်းလက်ထက်အ ဆင့်ဆင့်တာဝန်ယူမြှောက်စားခြင်းခံခဲ့ ရသူတွေဖြစ်တယ်။ ဦးနေဝင်းလက်ထက် အဆင့်ဆင့်တာဝန်ပေးအပ်ခြင်းခံရသူ တွေလည်းဖြစ်တယ်။ ၂ဝဝ၂ခုနှစ်၊ ဒီဇင်ဘာလ(၅)ရက်နေ့မှာ ဦးနေဝင်း (တိုင်းပြည်အတွက် လူမိုက်လုပ်၍ အမုန်းခံသွားသူ) ဇာတ်သိမ်းသွားခဲ့ပါ တယ်။ ရက်ကူးခွင့်တောင်မရဘဲ ချက်ချင်း သင်္ဂြိုလ်ဖို့စီစဉ်ခဲ့ရတယ်။ ဦးနေဝင်း အသုဘချတဲ့နေ့က လူ(၃ဝ)ဦးခန့်လောက်သာ လိုက်ပါပို့ဆောင်ခဲ့ တယ်။ နိုင်ငံတော်ကို တာဝန်ယူထားတဲ့ ခေါင်းဆောင်တွေက သူတို့ရဲ့အကြီးအကဲ ဖြစ်ခဲ့တဲ့ ဦးနေဝင်းအပေါ်ကြည်ညိုလေးး စားမှုရှိမယ်ဆိုရင်သူတို့ရဲ့ အကြီးအကဲ ဟောင်းတစ်ယောက်ကို ကြီးကျယ်ခမ်း နား တဲ့ဈာပနအခမ်းအနား ဖြစ်အောင် စီစဉ်ပေးမှာပါ။ အခုတော့ သူမြှောက်စား ခြင်းခံခဲ့ရတဲ့ ခေါင်းဆောင် ဖြစ်နေသူ တပည့်တွေကတောင် ''တိုင်း ပြည်အ တွက် လူမိုက်လုပ်၍အမုန်းခံသွားသူ တစ်ဦး''အနေနဲ့ အသိအမှတ်လည်းမပြုသည့်အပြင် လှည့်တောင်မကြည့်ခဲ့ ကြပါဘူး။
''ဒါကလည်း သမိုင်းသင်ခန်းစာ တစ်ခုပါ''
ကိုရာကျော်
Credit To the light of Asia
Read More »

နိုင်ငံရေး ကျောက်သင်ပုန်းကြီး

   
    အစ်မရောဂါ NLD မှာ ထနေဟု
    ဒေါ်အောင်ဆန်းစုကြည် ပြောလာပြီ။
    ဝန်နေရာ မျှော်နေသူများ
    လဲသေလိုက်ဖို့ပဲ ကောင်းတော့၏။
    အဲဒီရောဂါ ကုစရာဆေး မရှိပါ။
    ပြည်သူဒဏ်ခတ်လျှင်
    သမိုင်းအကျည်းတန်သည် မဟုတ်ပါလား။
    အဘတစ်ခေတ် သင်ခန်းစာယူပါဦး။
    နိုင်ငံရေး လုပ်စား
    သားစဉ်မြေးဆက် မျက်နှာငယ်ရမယ်ပေါ့။
    ၂ဝ၁၅ တကယ်တမ်း လိုသေး မဟုတ်ပါလား။
    ဘာတွေဖြစ်နေကြသနည်း။
    ပေါင်းရေး မပေါင်းရေး ငြင်းသံခုန်သံ ဆူညံနေ၏။
    ကိုလိုနီခေတ် တွဲရေး ခွဲရေး သတိရပါ။
    ဒေါင်းကွဲလျှင် ခြင်္သေ့ဆွဲတတ်သည်။
    ကြိုးကိုင်သူများ ကြိတ်ပြုံး မပြုံးပါစေနှင့်။
    ပြည်သူ့ အဆုံးအဖြတ် စောင့်ကြည့်ကြပါဦး။
    တိုင်းပြည်နုနု မုန်တိုင်း ထန်ထန်
    ရောင်စုံသူပုန်ခေတ် မှတ်မိပါရဲ့လား။
    ယခုလည်း အနု အကြမ်း ထန်လွန်းနေသည်။
    အမှားဟူသည် ခဏအတွင်း အလွယ်ရ၏။
    အမှန်ပြန်ရောက်ဖို့ နှစ် (၆ဝ) တောင်
    ပန်းတိုင်ရေးရေး မမြင်ရသေးပါ။
    အတိတ် သင်ခန်းစာနဲ့
    အနာဂတ်ကို တည်ဆောက်ကြရမည်။
    သီတဂူဆရာတော်ဘုရားကြီး စကား
    စားစားသွားသွား နှလုံးနာနာသွင်းကြပါ။
    အကျယ်ချဲ့လျှင် ငြိမ်းချမ်းရေးပျက်တတ်သည်တဲ့။
    တို့တိုင်းပြည်နှစ် (၆ဝ) တောင် ချဲ့ခဲ့ပြီးပြီလေ။
    မြန်မာပြည်သားတိုင်း ငြိမ်းချမ်းခွင့်ရပါစေသား။
    အာနှင့်ဏာ
    ကျယ်သည်ထက် ကျယ်အောင် မချဲ့ကြပါနှင့်တော့။
    ဒေါက်တာဆိတ်ဖွား ဘယ်သူလဲ။
    ဘာမှမသိဘဲ ပြီးသွားရလေ၏။
    ဘာဘာ ဘာမှ နားမလည်ပါ
    ဘာမဟုတ်တာကို အလေးထားခဲ့သည်ကိုး။
    ဘာပဲဖြစ်ဖြစ် ဒေါက်တာဆိတ်ဖွား နာမည်ကျော်ခဲ့ပြီ။
    Facebook  ထက်က လှုံ့ဆော်နေသူများ
    ပို၍ ပို၍ ရမ်းတော့မည်။
    ဒီအရေး ဝိုင်း၍ စဉ်းစားကြပါဦး။
    ဒီတစ်ပတ် နှုတ်ဆက်သည်။
    အာဆီယံနိုင်ငံများ ငြိမ်းချမ်းပါစေ။
    ပါကစ္စတန်လည်း အကြမ်းဖက်မှုများမှ ကင်းပါစေပေါ့။
    မြောက်ကိုရီးယား ခေါင်းဆောင်လေး
    စိတ်ချမ်းသာဖို့လည်း ဂရုစိုက်ကြပါဦး။
    အကူအညီ များများပေးကြပါ။
    မျောက်ပြဆန်တောင်းနည်းများ
    ခေတ်စားနေသည် မဟုတ်ပါလား။
    ဆန်ရမှ မျောက်သက်သာမည်။

မောင်ဘူးလော့(ရွှေလက်)
Credit To the light of Asia
Read More »