အနာဂတ်မျိုးဆက်ကို ကယ်တင်ခြင်း ----------- ရေးသားသူ- ရဲမိုး

ဉာဏ်စမ်းပဟေဠိတစ်ခု မေးရန်ရှိပါသည်။ စစ်အစိုးရအုပ်ချုပ်ခဲ့သည့် ဆယ်စုနှစ်များမှာ ဆုတ်ယုတ်သွားသော မြန်မာ့လူ့အဖွဲ့အစည်းကို ကိုယ်စားပြုသည့် မြင်ကွင်းတစ်ခုရှိသည်။ အစိုးရမီဒီယာများမှာလည်း ထိုမြင်ကွင်းက မကြာခဏပါလေ့ရှိခဲ့သည်။ ဘာမြင်ကွင်းလဲဟု သင်မှန်အောင် စဉ်းစားနိုင်ပါသလား။

ဝန်ထမ်းများ မြက်ပေါက်နေကြသည့်မြင်ကွင်း၊ မှားပါသည်။ ဗိုလ်ချုပ်ကြီးများ ဆွမ်းကပ်နေကြသည့်မြင်ကွင်း။ ဟင့်အင်း မှားပါသည်။ ကျောင်းဆရာမများက ဗိုလ်ချုပ်ကြီးများကို လက်အုပ်ချီနေကြရသည့်မြင်ကွင်း။ မှန်ပါသည်ခင်ဗျား။ ပြီးခဲ့သည့်ဆယ်စုနှစ်များမှာ မြန်မာ့လူ့အဖွဲ့အစည်း၏ ပျက်ယွင်းပြိုလဲမှုကို ဖော်ပြသည့်မြင်ကွင်းသည် ကျောင်းခန်းများအတွင်းမှာ ကျောင်းဆရာမများက ဗိုလ်ချုပ်ကြီးများကို လက်အုပ်ချီနေကြရသည့်မြင်ကွင်း ဖြစ်ပါသည်။

လေသင်တုန်းအဖြတ်ခံရသည့် မြန်မာ့ပညာရေးစနစ်နှင့် ကြီးထွားလာနေသည့် တပ်မတော်တို့အကြောင်းကို လေ့လာသုံးသပ်ကြည့်ပါမည်။

အင်္ဂလိပ်ကိုလိုနီဘ၀က လွတ်လပ်ရေးရချိန်မှာ မြန်မာ့ပညာရေးအဆင့်အတန်းသည် အာရှမှာ ထိပ်တန်းတွင်ရှိသည်ဟု ပညာရေးသုတေသီတို့ သုံးသပ်ခဲ့ကြသည်။ ဒေသတွင်းနိုင်ငံများက ပညာရေးနှင့်ပတ်သက်လျှင် မြန်မာကိုစံထားခဲ့ကြသည်။ ၁၉၆၂ ခုနှစ် တပ်မတော်က အာဏာသိမ်းပြီးနောက်ပိုင်းမှာတော့ ပညာရေးသည် မြင့်ရာမှနိမ့်ရာသို့ လိမ့်ဆင်းလာခဲ့တော့သည်။

ပြီးခဲ့သည့် စစ်ခေါင်းဆောင်များက ပညာရေးနှင့်ပတ်သက်၍ မဟာအမှားကြီးနှစ်ခုကို လုပ်ခဲ့သည်။ တစ်ခုကတော့ ပညာရေးကို အာဏာတည်မြဲရေးအတွက် နိုင်ငံရေးမှာအသုံးချသည့် နည်းလမ်းဖြစ်ပြီး နောက်တစ်နည်းကတော့ ရင်းနှီးမြှုပ်နှံမှုအားနည်းလွန်းခြင်း (Under-investment)ဖြစ်သည်။

ဗိုလ်ချုပ်ကြီးနေ၀င်း၏ ဆိုရှယ်လစ်ခေတ်တစ်လျှောက်လုံးမှာ ပညာရေးကို နိုင်ငံရေးအတွက် အတိအကျပြောရလျှင် မဆလပါတီတည်မြဲဖို့အတွက် အသုံးချခဲ့သည်။ မျိုးဆက်သစ်များကို မြန်မာ့နည်းမြန်မာ့ဟန် ဆိုရှယ်လစ်အတွေးအခေါ်ဘောင်ထဲက တစ်ဆင့်သာ တွေးခေါ်စေခဲ့သည်။

၁၉၈၈ နောက်ပိုင်း န၀တအစိုးရ တက်လာသည့်နောက်ပိုင်းမှာလည်း အကျင့်ဆိုးကို မဖျောက်တော့ပါ။ တပ်မတော်အခန်းကဏ္ဍနှင့် ခေတ်အဆက်ဆက် စစ်ခေါင်းဆောင်များ၏ပုံရိပ်ကို မြှင့်တင်ဖို့အတွက် မြန်မာ့ပညာရေးကို အသုံးချခဲ့ပြန်ပါသည်။ မြန်မာ့သမိုင်းကို စစ်နိုင်ဘုရင်များ၏သမိုင်းအဖြစ် ပုံသွင်းခဲ့ကြပါသည်။ မြန်မာ၊ အိန္ဒိယနှင့် ပါကစ္စတန်ရေးရာကျွမ်းကျင်သူ ဒေါက်တာမေရီလောက မြန်မာနိုင်ငံပညာရေးနှင့်ပတ်သက်သည့် စာတမ်းမှာအခုလိုရေးခဲ့သည်။

“အာဏာရှင်စနစ်အများစုမှာ စစ်အစိုးရတွေက ပညာရေးစနစ်ကို ထိန်းချုပ်ရခြင်း အဓိကရည်ရွယ်ချက်တစ်ခုက “လွတ်လပ်စွာတွေးခေါ်မှု”ကို ခြိမ်းခြောက်မှုတစ်ခုအဖြစ် ရှုမြင်ခြင်းဖြစ်သည်”

သူမက အခုလိုဆက်ရေးသည်။ “လူထုက ပညာမတတ်လေ အန္တရာယ်နည်းလေဟု စစ်ခေါင်းဆောင်များ တွေးကောင်းတွေးနိုင်သည်” နအဖအစိုးရလက်ထက်တွင် ကာကွယ်ရေးအတွက် နိုင်ငံတော်ဘတ်ဂျက်၏ ၂၅ ရာခိုင်နှုန်းခန့်ကို သုံးစွဲချိန်မှာ ပညာရေးအတွက်တော့ ၁ ဒသမ ၂ ရာခိုင်နှုန်းခန့်သာ သုံးစွဲခဲ့သည်ဟု စောင့်ကြည့်သူများက ခန့်မှန်းကြသည်။ ၂၀၀၈ ခုနှစ်မှာ ယူနီဆက်ဖ်က မြန်မာ့ပညာရေးကို အခုလိုကြေညာခဲ့ဖူးသည်။

မြန်မာကလေးငယ် ၁၀ ဦးမှာ သုံးဦးက အခြေခံပညာကို တက်ခွင့်မရဘဲ အခြေခံပညာမူလတန်းကို တက်ရောက်သူ ကလေးများ၏ ၅၀ ရာခိုင်နှုန်းကတော့ အလယ်တန်းကို ရောက်မလာကြပါဟုဆိုသည်။

နောက်ဆုံးအကြိမ် လစာမတိုးခင်အချိန်ထိ နအဖခေတ်မှာ မူလတန်းပြဆရာ၊ ဆရာမများ လစာလေးသောင်းကျော်သာ ရကြသည်။ ဒေါ်လာပေါက်ဈေးနှင့်တွက်လျှင် တစ်နေ့ဝင်ငွေ ကျပ်တစ်ထောင်ကျော်သာ ရှိသည့်အတွက် ကမ္ဘာ့ဘဏ်၏ သုံးသပ်ချက်ဖြစ်သည့် တစ်နေ့ဝင်ငွေ နှစ်ဒေါ်လာအောက်ရှိသည့် အလယ်အလတ် ဆင်းရဲမွဲတေမှုမျဉ်းအောက်မှာ ရောက်နေသည်။ ယူနီဆက်ဖ်၏မူဝါဒနှင့် အလေ့အထဌာနခွဲ (Division of Policy andPractice)က ကမ္ဘာတစ်လွှားရှိ ကျောင်းဆရာ၊ ဆရာမများနှင့်ပတ်သက်သည့် ၂၀၁၀ ခုနှစ် ထုတ်ပြန်ချက်တွင် လစာနည်းပါးမှုနှင့် ကုန်ဈေးနှုန်းမြင့်တက်ခြင်းကို အခံစားရဆုံး ကျောင်းဆရာများမှာ မြန်မာနှင့်ကွန်ဂိုနိုင်ငံများက ဖြစ်သည်ဟုဆိုသည်။

“ပြီးခဲ့သည့် ၂ နှစ်အတွင်းမှာ မြန်မာနှင့်ကွန်ဂိုနိုင်ငံများမှ ကျောင်းဆရာများ၏လစာသည် (ကုန်ဈေးနှုန်းမြင့်တက်မှုကြောင့်) ၄၀ ရာခိုင်နှုန်း အလိုအလျောက်လျော့နည်းသွားခဲ့သည်”ဟု အစီရင်ခံစာက ဖော်ပြထားသည်။ ပညာရေးကို မထောက်ပံ့ခြင်းနှင့် မျိုးဆက်သစ်တို့အပေါ် ထားရှိသည့် နိုင်ငံ့ခေါင်းဆောင်များ၏ စေတနာသည် တိုက်ရိုက်အချိုးကျသည်ဟု သုံးသပ်ရတော့မည်။ နောက်ဆက်တွဲရလဒ်များကတော့ ဆရာ၊ ဆရာမများအကြားက ကျင့်ဝတ်ဖောက်ဖျက်မှုများ၊ ကမ္ဘာပေါ်မှာ ဘယ်သူကမှ အသိအမှတ်မပြုသည့် “ဘွဲ့”များနှင့် လမ်းလျှောက်ရင်းလမ်းပျောက်သွားသည့် လူ့အဖွဲ့အစည်းတစ်ခု ဖြစ်သည်။

ပညာရေးအရ ကမ္ဘာ့အဆင့်အတန်း အောက်ဆုံးကို ထိုးကျနေချိန်မှာ ကာကွယ်ရေးကတော့ ထိပ်မှာရှိနေပြီဟု ကြံဖန်ဂုဏ်ယူရမလိုဖြစ်နေသည်။ တပ်သားဦးရေ လေးသိန်းနှင့်ငါးသိန်းကြားရှိနိုင်သည့် မြန်မာ့တပ်မတော်သည် ကမ္ဘာ့စစ်တပ်များအကြားတွင် စစ်သည်အင်အားအများဆုံး အဆင့် ၉ (သို့မဟုတ်) ၁၀ ၀န်းကျင်တွင်ရှိနေသည်ဟု စစ်ဘက်ရေးရာကျွမ်းကျင်သူများက သုံးသပ်ကြသည်။ စစ်သည်အင်အားအရကြည့်လျှင် တရုတ်၊ အမေရိကန်၊ ရုရှ၊ အိန္ဒိယ၊ ပါကစ္စတန်၊ တူရကီတို့လို ခေါပဏီတပ်ကြီးများနောက်မှာ မြန်မာရှိနေသည့်သဘောဖြစ်သည်။ လူဦးရေ သန်း ၆၀ သာရှိသည့် နိုင်ငံမှာ စစ်သည်အင်အား လေးသိန်းကျော်ရှိနေသည့် မြန်မာနိုင်ငံနှင့် လူဦးရေ သန်း ၂၀၀ ကျော်မှာ စစ်သည်ငါးသိန်းမပြည့်သည့် အင်ဒိုနီးရှားတို့ကို နှိုင်းယှဉ်ကြည့်နိုင်သည်။ CIA World Fact Book ၏ ခန့်မှန်းချက်အရ နိုင်ငံတစ်နိုင်ငံချင်းစီ၏ GDP နှင့် ကာကွယ်ရေးအသုံးစရိတ်၏ ရာခိုင်နှုန်းနှိုင်းယှဉ်ချက်တွင်လည်း မြန်မာနိုင်ငံသည် နံပါတ် ၁၇ ဖြင့် ကမ္ဘာ့ထိပ်ဆုံးတွင် ရပ်တည်နေသည်ကို တွေ့ရပါသည်။ အမျိုးဂုဏ်၊ ဇာတိဂုဏ် မြင့်မားရေးဟု ဆိုကြဦးမည်လားမသိပါ။

ကာကွယ်ရေးအသုံးစရိတ် မြင့်မားတိုင်း တပ်မတော်သားတို့၏ဘ၀ မြင့်မားသည်မဟုတ်ပါ။ မြေပြင်ဝေဟင်ပစ်ဒုံးပျံ၊ မြေအောက်ဥမင်လိုဏ်ခေါင်းနှင့် အဆင့်မြင့်တိုက်လေယာဉ်များ ၀ယ်ယူမှုသည် တပ်မတော်သားတို့၏ ဟန်းကောချိုင့်နှင့်မသက်ဆိုင်လှပါ။ အောက်ခြေတွင် အနစ်နာခံ၊ ဆင်းရဲပင်ပန်းခံနေရသည့် တပ်သားများ၏ဘ၀များကိုလည်း မြှင့်တင်ဖို့လိုပါသည်။

ပြည်တွင်းစစ် ရပ်စဲရေးသည် နိုင်ငံ၏အနာဂတ်ကို ပြန်လည်စတင်ဖို့ ပထမဆုံးခြေလှမ်းဖြစ်သည်။ ကမ္ဘာပတ်၍ လက်နက်ဝယ်ယူနေချိန်မှာ ပညာရေးကိုမြှင့်တင်ဖို့ ကမ္ဘာပတ်၍ အကူအညီတောင်းနေခြင်းသည် ပတ်ဝန်းကျင်အမြင်တွင် သင့်တော်မည်မထင်ပါ။

ပညာရေးသည် နိုင်ငံဖွံ့ဖြိုးရေးအတွက် လူသားအရင်းအနှီး (Human Capital)ကို မြှုပ်နှံခြင်းဖြစ်သည်။ ပညာရေးကိုအားပေးခြင်းသည် အရွယ်မတိုင်မီသေဆုံးသည့် ပြည်သူများကို ကယ်တင်နိုင်သည်။ ဒုစရိုက်မှုဖြစ်ပွားနှုန်းကို လျှော့ချနိုင်သည်။ အကြမ်းဖက်မှုကို ရေရှည်ပပျောက်စေနိုင်သည်။ ပြန်လည်မရရှိနိုင်သည့် သဘာဝအရင်းအမြစ်များကို ရောင်းချရန်မလိုဘဲ ဂုဏ်သိက္ခာရှိသည့် စီးပွားရေးစနစ်ကို ထူထောင်စေနိုင်သည်။ ပညာရေးသည် အရာအားလုံးအစဖြစ်သည်။ ဒီကနေ့ပဲစကြပါစို့။ ။
Credit 7Day News Journal