ဇူလိုင် ၂၂ ရက်က ရန်ကုန်မြို့တွင် ကျင်းပခဲ့သည့် ပြည်ထောင်စု တိုင်းရင်းသား သက်ကြီး၊ ၀ါရင့် နိုင်ငံရေး ခေါင်းဆောင်ကြီးများအား ဂါရ၀ပြု အခမ်းအနားတွင် တက်ရောက်လာသူများနှင့် မီဒီယာသမားများအား တွေ့ရစဉ် (ဓာတ်ပုံ-အောင်ဇော်ထွန်း)
မည်သည့်နိုင်ငံရေး ပုံစံတွင်မဆို သတင်းမီဒီယာများ၏ အခန်းကဏ္ဍကို စတုတ္ထမဏ္ဍိုင်ဟု လည်းကောင်း၊ ပြည်သူလူထု၏အသံ အစစ်အမှန်ကို ကိုယ်စားပြု ပုံဖော်သည်ဟု လည်းကောင်း သတ်မှတ်ကြသည်။ မြန်မာ့ဒီမိုကရေစီ အသွင်ကူးပြောင်းရေးနှင့် အပြောင်းအလဲတွင်လည်း သတင်းမီဒီယာများသည် တ၀ုန်းဝုန်း၊ တဒိုင်းဒိုင်း အသံများနှင့် ရှေ့တန်းစစ်မြေပြင် အလား အရေးပါလျက်ရှိသည်။ မီဒီယာများ အတွက်မူ ကျည်ကွယ်၊ မျက်ကွယ်နေရာက ရှားပါးလျက်ရှိသည်။ တစ်နေ့ထက်တစ်နေ့ နားဝေတိမ်တောင် ဖြစ်လာနေသော မြန်မာ့နိုင်ငံရေးတွင် သတင်းမီဒီယာများ အနေဖြင့် စားသတိ၊ သွားသတိ၊ လာသတိ၊ မေးသတိ၊ ပေးသတိ၊ ယူသတိ စသည့် သတိကပ် အလုပ်လုပ်ကြရ ဦးမည်ဖြစ်သည်။
သတင်းမီဒီယာများကို သုံးတတ်လျှင်ဆေး၊ မသုံးတတ်လျှင်ဘေး ဟု နမူနာပြနိုင်သည်။ ပါလီမန် ဒီမိုကရေစီ နိုင်ငံရေးတွင် သတင်းမီဒီယာများသည် အစိုးရ၊ အတိုက်အခံနှင့် ပြည်သူလူထုအကြား တစ်ခါတစ်ရံ အသားညှပ်ပေါင်မုန့် ဖြစ်နေတတ်သည်မှာလည်း အလေ့အထ တစ်ခုဖြစ်သည်။ မင်းအစိုးရ တို့ကလည်း သတင်းမီဒီယာများကို သိမ်းသွင်းပြီး အကောင်းများများ၊ အဆိုးနည်းနည်းရေးဖို့ ဖျောင်းဖျ တတ်ကြသည့်နည်းတူ နိုင်ငံရေး ပါတီများနှင့် အတိုက်အခံ များကလည်း အတိုက်အခံ လှုပ်ရှားမှုကို ပိုပိုသာသာ ဇောင်းပေးဖို့ သတင်းမီဒီယာများကို ချဉ်းကပ်စည်းရုံး တတ်ကြသည်။ အကယ်စင်စစ် သတင်းမီဒီယာ အစစ်အမှန်သည် အစိုးရမဟုတ်၊ အတိုက်အခံ မဟုတ်သော အောက်ခြေပြည်သူလူထု အများစုကြီး ဘက်တွင်သာ ရပ်တည်ရမည် ဖြစ်သည်။ အထူးသဖြင့် ယနေ့ မြန်မာ့အခင်းအကျင်းကဲ့သို့ အတိုက်အခံ နိုင်ငံရေးအသံ ပျောက်လုနီးနီး ဖြစ်နေသည့် ပတ်ဝန်းကျင်တွင် ပြည်သူလူထုကို မျက်နှာမူသော သတင်းမီဒီယာများ၏ အခန်းကဏ္ဍသည် နိုင်ငံရေးအရ ပို၍အားကောင်း မောင်းသန်ဖြစ်ရန် လိုအပ်သည့်နည်းတူ သတင်းမီဒီယာ လောကသားများ သည်လည်း ကိုယ့်ဝမ်းစာ ကိုယ်အားစိုက် ဖြည့်တင်းကြရန် လိုအပ်လိမ့်မည်ဟု သုံးသပ်မိပါသည်။
အစိုးရ ခေါင်းဆောင်များကို မျက်နှာလို မျက်နှာရ လုပ်တတ်သော ပလူးပလဲ နေတတ်သော သတင်းမီဒီယာ များကိုလည်း တွေ့ရတတ်သည်မှာ သဘာဝပင် ဖြစ်သည်။ လွှတ်တော်အကြီးအကဲ များကို သွားဖြဲပြနေသော မီဒီယာများ၊ အစိုးရ၀န်ကြီး ၀န်ကလေးများကို ဖေးဖေးမမ ကူနေသော မီဒီယာများ တို့ကိုလည်း သတိပြုမိသည်။ ဒီမိုကရက်တစ် လူမှုပတ်ဝန်းကျင်တွင် သတင်းမီဒီယာတို့သည် ပြည်သူလူထု အများစုကြီးနှင့် တစ်သားတည်း ရပ်တည်ကြသည့် အလျောက် အတိုက်အခံ နိုင်ငံရေးဘက်ကို အားပိုသာသည်ဟု သုံးသပ်နိုင်သည်။ ထို့ကြောင့် ပြည်သူဘက်ကို ဘက်လိုက်သော သတင်းမီဒီယာများသည် အာဏာရ အစိုးရနှင့် အာဏာရပါတီတို့၏ မျက်မုန်းကျိုးသည့်ဒဏ်ကို အတိုင်းအတာ တစ်ခုအထိ ခံကြရသည်မှာလည်း ဖြစ်ရိုးဖြစ်စဉ်ပင် ဖြစ်သည်။
လက်ရှိမီဒီယာ အများစုသည်လည်း သတင်းများကို သုံးသပ်လျက် မျှမျှတတ ချဉ်းကပ်ရေးသားနိုင်ရန် အစဉ်တစိုက် အားထုတ်လျက် ရှိသည်မှာ အထင်အရှား ဖြစ်သည်။ တစ်ဖက်တွင်လည်း မီဒီယာများ အနေဖြင့် သတင်းအရင်းအမြစ်များနှင့် သတင်းအချက်အလက်များကို အချိန်နှင့် တစ်ပြေးညီ ရရှိနိုင်ရေး အပိုင်းတွင်လည်း အခက်အခဲများ ရှိနေဆဲဖြစ်သည်။ အစိုးရတွင်သာမက နိုင်ငံရေး ပါတီများတွင်လည်း သတင်းတစ်ခုကို အတည်ပြုမှု ရယူရန် ခက်ခဲနေဆဲ ဖြစ်သည်မှာ အလျင်အမြန် ပြုပြင်ရမည့် ကိစ္စဖြစ်သည်... |
ပြည်ထောင်စု အစိုးရအဖွဲ့နှင့် နိုင်ငံခြားရေး ၀န်ကြီးဌာနတို့သည် လည်းကောင်း၊ ပြည်ခိုင်ဖြိုးပါတီနှင့် အင်န်အယ်လ်ဒီ ပါတီတို့သည် လည်းကောင်း၊ ပြောရေးဆိုခွင့် ရှိသူများကို တရားဝင် ခန့်ထားပြီး ဖြစ်သော်လည်း ယနေ့အထိ ပုံမှန်သတင်းစာ ရှင်းလင်းပွဲများကို ကျင်းပနိုင်ခြင်း မရှိသေးသည်ကို သတိပြုမိသည်။ အစိုးရ၊ လွှတ်တော်နှင့် နိုင်ငံရေး ခေါင်းဆောင်များသည် လူထုဆက်ဆံရေးနှင့် ပြန်ကြားရေး နယ်ပယ်တွင် သတင်းမီဒီယာများ၏ အင်အားကို ကျယ်ကျယ်ပြန့်ပြန့် အသုံးပြုလျက် တည်ဆောက်ရေးကို ဖော်ဆောင် သင့်သည်ဟု မှတ်ချက်ပြုလိုပါသည်။
ပထမအကြိမ် ပြည်သူ့လွှတ်တော် သတ္တမပုံမှန် အစည်းအဝေးများ ပြီးဆုံးပြီးနောက် ၂၀၁၃ ခုနှစ် သြဂုတ် ၃၀ ရက်တွင် ဒေါ်အောင်ဆန်းစုကြည်သည် နေပြည်တော် လွှတ်တော်ဝင်းအတွင်းရှိ တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီရုံးခန်း အိုင်-၁၂ တွင် သတင်းမီဒီယာများနှင့် တွေ့ဆုံ၍ မေးမြန်းချက်များကို ပြန်လည် ဖြေကြားခဲ့သည်။ လွှတ်တော် ကိုယ်စားလှယ် တာဝန်မှ ပြန်လည်ရုပ်သိမ်း ခွင့်ဆိုင်ရာ ဥပဒေကြမ်းနှင့် ပတ်သက်၍ ရှင်းလင်းပြောကြားစဉ် ဒေါ်အောင်ဆန်းစုကြည်က မီဒီယာများ၏ အလုပ်သည် သတင်းများကို ထည့်ရုံသာမက သတင်းများကို သုံးသပ်နိုင်သည့် အခြေအနေမှာလည်း ရှိသည့်အလျောက် မျှမျှတတသုံးသပ်ဖို့ လိုအပ်ကြောင်း ထည့်သွင်း ပြောကြားခဲ့သည်။
လက်ရှိမီဒီယာ အများစုသည်လည်း သတင်းများကို သုံးသပ်လျက် မျှမျှတတ ချဉ်းကပ်ရေးသားနိုင်ရန် အစဉ်တစိုက် အားထုတ်လျက် ရှိသည်မှာ အထင်အရှား ဖြစ်သည်။ တစ်ဖက်တွင်လည်း မီဒီယာများ အနေဖြင့် သတင်းအရင်းအမြစ်များနှင့် သတင်းအချက်အလက်များကို အချိန်နှင့် တစ်ပြေးညီ ရရှိနိုင်ရေး အပိုင်းတွင်လည်း အခက်အခဲများ ရှိနေဆဲဖြစ်သည်။ အစိုးရတွင်သာမက နိုင်ငံရေး ပါတီများတွင်လည်း သတင်းတစ်ခုကို အတည်ပြုမှု ရယူရန် ခက်ခဲနေဆဲ ဖြစ်သည်မှာ အလျင်အမြန် ပြုပြင်ရမည့် ကိစ္စဖြစ်သည်။
သြဂုတ် ၃၀ ရက်က နေပြည်တော်ရှိ ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီရေးရာဆောင်တွင် ဒေါ်အောင်ဆန်းစုကြည် မီဒီယာများနှင့် တွေ့ဆုံစဉ် (ဓာတ်ပုံ-ငြိမ်းဇော်လင်း)
ဒေါ်အောင်ဆန်းစုကြည်က သတင်းမီဒီယာများနှင့် တွေ့ဆုံစဉ် အင်တာနက် သတင်းစာမျက်နှာ များတွင် ဖော်ပြပါရှိသော သတင်းများအား ကြားတိုင်း မယုံကြရန်လည်း ဆော်သြခဲ့သည်။ ထို့အပြင် ဖေ့စ်ဘွတ်နှင့် ပတ်သက်၍လည်း တင်ချင်တိုင်းတင် ရေးချင်တိုင်းရေး ယုံချင်တိုင်းယုံနေသည့် ကိစ္စများကို မည်သို့ဖြေရှင်း သင့်ကြောင်းကို မီဒီယာများ အနေဖြင့် စဉ်းစားရမည်ဟု မှတ်ချက်ပြုခဲ့သည်။ အတားအဆီးမရှိ အလွတ်ရေးသားချက်များ ဖြစ်သည်ဟုလည်း ဖြည့်စွက် သုံးသပ်ခဲ့သည်။
ဖေ့စ်ဘွတ်ပေါ်မှ တစ်ဖက်စောင်းနင်း ရေးသားချက်များသည် ဒေါ်အောင်ဆန်းစုကြည်နှင့် အမျိုးသား ဒီမိုကရေစီ အဖွဲ့ချုပ်ကို တိုက်ခိုက်လိုသောကြောင့် ဖြစ်ပြီး ပြဿနာ လုပ်လိုသော သဘောရှိသည်ဟုလည်း မှတ်ချက်ပေးခဲ့သည်။ ထို့အပြင် ဖေ့စ်ဘွတ်ပေါ်မှ ရေးသားချက်များသည် မတည်မငြိမ်ဖြစ်အောင် လုပ်ခြင်းလည်း ဖြစ်နိုင်ပြီး အတားအဆီး မဲ့နေမှုအပေါ် ဝေဖန်ထောက်ပြ အဖြေရှာကြရန် ဆော်သြခဲ့သည်။ မီဒီယာအချင်းချင်း ထိန်းကျောင်း နိုင်ရန်လည်း စဉ်းစားသင့်သည်ဟု မှတ်ချက်ပြုခဲ့သည်။
အင်တာနက် လူမှုကွန်ရက် ဖြစ်သော ဖေ့စ်ဘွတ်သည် မြန်မာနိုင်ငံတွင် သုံးစွဲသူ အမြင့်မားဆုံး ရှိနေသည့် စာမျက်နှာတစ်ခု ဖြစ်သည့်အပြင် အသုံးပြုသူ အများစုသည် သတင်းဦး၊ သတင်းထူးများနှင့် ထူးခြားသတင်းများကို ဖေ့စ်ဘွတ် စာမျက်နှာတွင် ရှာဖွေကြည့်ရှု ကြသည်။ အသုံးပြုသူ အများစု အနေဖြင့် ဖေ့စ်ဘွတ်ပေါ်တွင် ရေးသားသော အကြောင်းအရာ အားလုံးကို ယုံကြည်လက်ခံ၍ မဖြစ်နိုင်သည့် အားလျော်စွာ နောက်တစ်ဆင့် အတည်ပြုချက် ရယူသင့်သည်ဟုသာ မှတ်ချက်ပြုနိုင်သည်။ ဖေ့စ်ဘွတ်၏ သဘောသဘာဝ ကိုယ်၌က ရေးချင်သည့် အကြောင်းအရာကို တက်ရေးနိုင်သော ဟစ်တိုင်နှင့်တူသည့် စာမျက်နှာကြီးဖြစ်ရာ ထိန်းကျောင်းဖို့ အလွန်ခက်ခဲသည်ဟု မှတ်ချက်ပြုနိုင်သည်။ အဆင့်မြင့် နည်းပညာများ အသုံးပြုလျက် ဖေ့စ်ဘွတ် စာမျက်နှာများပေါ်တွင် လှုံ့ဆော်နေသူများကို ဖော်ထုတ်နိုင်မည်ဆိုလျှင် တော်သေးသည်။ တစ်ဖက်တွင်လည်း ဖေ့စ်ဘွတ်စာမျက်နှာကို အကန့်အသတ်များ အတားအဆီးများ ပြုလုပ်လာမည်ကိုမူ စိုးရိမ်မိသည်။
အင်တာနက် လူမှုကွန်ရက်များတွင် လုပ်ကြံလီဆယ်သော မဟုတ်တမ်းတရား ရေးသားသော အချက်အလက်များ ဖော်ပြပါရှိခဲ့လျှင် ဖေ့စ်ဘွတ်ပေါ်တွင် အသေးစိတ် ရှင်းလင်းဖော်ပြချက်များကို အလျင်အမြန် ရေးသားချေပနိုင်လျှင် အဖွဲ့တစ်ဖွဲ့ စုစည်းထားပြီး အမြဲမပြတ် စောင့်ကြည့် တုံ့ပြန်နိုင်မည်ဆိုလျှင် အကောင်းဆုံးဖြစ်သည်။ အင်န်အယ်လ်ဒီပါတီ၏ သတင်းနှင့် ပြန်ကြားရေး ကော်မတီတွင် သီးခြားအဖွဲ့တစ်ခု ဖွဲ့စည်းတာဝန်ပေးကာ အင်တာနက် လူမှုကွန်ရက်များကို မပြတ်စောင့်ကြည့်ပြီး ဒေါ်အောင်ဆန်းစုကြည် သို့မဟုတ် အင်န်အယ်လ်ဒီ ပါတီနှင့်ပတ်သက်၍ စွပ်စွဲရေးသား မှုများကို တွေ့ရှိပါက အထောက်အထား အချက်အလက် အပြည့်အစုံနှင့် တန်ပြန်ဖြေရှင်းနိုင်ရန်၊ ချေပရေးသားနိုင်ရန် ပိုမိုလိုအပ်သည်ဟု ထင်မြင်မိသည်။
ပြည်သူလူထုအတွင်း အင်တာနက် သုံးသူများကို ကြားတိုင်းမယုံဖို့ ဆော်သြရုံ သက်သက်ဖြင့် ထူးထူးခြားခြား ဖြစ်လာနိုင်စရာ မရှိဟု ထင်မြင်မိသည်။ ကောလာဟလများ၊ အင်တာနက် သတင်းများကို အချိန်နှင့် တစ်ပြေးညီ ပြန်လည်ဖြေရှင်း ချေပနိုင်ရေးက ပိုမိုလိုအပ်သည်ဟု ထင်မြင်မိပါသည်။ ထို့အပြင် နိုင်ငံရေး ပါတီများနှင့် နိုင်ငံရေး ခေါင်းဆောင်များ အနေဖြင့် ဖေ့စ်ဘွတ် စာမျက်နှာများကို စနစ်တကျ အသုံးပြုလျက် ပြည်သူလူထုအတွင်း ပါတီစည်းရုံးရေးနှင့် ပါတီတည်ဆောက်ရေး လုပ်ငန်းများကို ပြုလုပ်နိုင်သည့် အားသာချက်ကိုလည်း ထည့်သွင်းစဉ်းစား သင့်သည်ဟု ထင်မြင်မိသည်။
နိဂုံး
အချုပ်အားဖြင့် ဆိုသော် နားဝေတိမ်တောင် နိုင်ငံရေး ပတ်ဝန်းကျင်တွင် အင်တာနက် လူမှုကွန်ရက်ပါ သတင်းအများစုကို ပြန်ဆန်းစစ်လျှင် အခြေအမြစ် ခိုင်မာမှုအပိုင်း၊ သတင်းအရင်းအမြစ် အပိုင်းတို့တွင် အားနည်းနေသည်ကို တွေ့ရှိရသော်လည်း အချို့သတင်း ဖော်ပြချက်များသည် ဖြစ်နိုင်ခြေရှိသည့် ဖက်ကို ပိုမိုယိမ်းယိုင် နေသည်ဟု မှတ်ချက်ပြုနိုင်သည်။ အနာဂတ် မြန်မာ့နိုင်ငံရေး ခရီးတွင် စည်းရုံးရေးနှင့် ၀ါဒဖြန့်ချိရေး လုပ်ငန်းစဉ်၏ ပြတင်းပေါက်များ ဖြစ်လာမည့် ဖေ့စ်ဘွတ် စာမျက်နှာများကို အစိုးရ လွှတ်တော်၊ နိုင်ငံရေး ပါတီများနှင့် နိုင်ငံရေး ခေါင်းဆောင်များ အနေဖြင့် စနစ်တကျ အကျိုးရှိရှိ အသုံးပြုနိုင်ရန် အားထုတ်သင့်သည်။ ဖေ့စ်ဘွတ်တွင် အားနည်းချက်များ၊ လိုအပ်ချက်များ ချို့ယွင်းချက်များ ရှိနေသည့်နည်းတူ အားသာချက်များ အခွင့်အလမ်းများနှင့် အလားအလာများ ရှိနေသည်ကိုလည်း မျက်ခြည်မပြတ် လေ့လာသုံးသပ် သင့်သည်ဟု ထင်မြင်မိသည်။ ဖေ့စ်ဘွတ်အပါအ၀င် အင်တာနက် လူမှုကွန်ရက် စာမျက်နှာများကို ပိတ်ပင်တားဆီး သည်အထိ ကန့်သတ်သည်အထိ ဖြစ်လာနိုင်ဖွယ် မရှိဟု မျှော်လင့်သည့် အလျောက် နိုင်ငံရေး ခေါင်းဆောင်များ နိုင်ငံရေးပါတီများ အနေဖြင့် ဖေ့စ်ဘွတ်အပါအ၀င် အင်တာနက် လူမှုကွန်ရက် စာမျက်နှာများနှင့် အကျွမ်းတ၀င် တရင်းတနှီး ဖြစ်အောင် လုပ်သင့်ပါကြောင်း ဖေ့စ်ဘွတ်နှင့် လူမှုကွန်ရက် စာမျက်နှာများကို မတို့မထိ မသိသည့် ဘ၀မှ အမြန်ဆုံး လွတ်မြောက်မည့်လမ်းကို ဖွေရှာသင့်ပါကြောင်း ပြည်သူလူထု အကျိုးမျှော် နှိုးဆော် လိုက်ရပါသည်။
Credit First-11
Post a Comment