တံခါးလေး ဖွင့်ရုံပဲလား ဇေယျသူ

မြန်မာနိုင်ငံ တံခါးဖွင့်လိုက်ပြီ။ နိုင်ငံခြား ရင်းနှီးမြှုပ်နှံမှုကို လှိုက်လှိုက်လှဲလှဲ ဖိတ်ခေါ်သည်။ ထို့ကြောင့် ကမ္ဘာတွင် အရွယ်အစားကြီးကြီး နောက်ဆုံး ကျန်သည့်ဈေးကွက် အဖြစ် ဝင်လာမစဲ တသဲသဲ ရှိကြသည်။
လေ့လာသူ၊ ဆန်းစစ်သူ၊ နေရာဦးသူ၊ အထိုင်ချသူ စသည်ဖြင့် ရင်းနှီး မြှုပ်နှံသူမျိုးစုံ လာကြသည်။ အချို့က ကြာကြာနေကြမည်။ တစ်သက်လုံး နေချင်နေကြမည်။ အချို့က ဆူလွယ်နပ်လွယ် အပေါ်ယံ ခပ်စားပြီး ပြန်ချင် ပြန်ကြမည်။ အချို့က မြန်မာနိုင်ငံတွင် အခြေစိုက်ပစ္စည်း ထုတ်ပြီး အခြားနိုင်ငံ များသို့ ရောင်းချင်သည်။ အချို့က ပြည်တွင်း သန်းခြောက်ဆယ် ဈေးကွက်ကို မက်ပြီး ပစ္စည်း ရောင်းချင်သောကြောင့် ရောက်လာကြသည်။
တံခါးဖွင့်ခြင်းသည် တံခါးကိစ္စ၏ အစသာ ဖြစ်သည်။ နောက်တစ်ဆင့် မှာ ဘယ်လောက်ကျယ်ကျယ် ဖွင့်မလဲ၊ ဘယ်လောက်မြန်မြန် ဖွင့်မလဲ၊ ဘယ် နယ်ပယ်တွေမှာ ဖွင့်မလဲ။ ကျယ်ကျယ်မြန်မြန် နယ်ပယ်ကိစ္စ ဖြစ်သည်။ ထိုကိစ္စသည် အသေးစိတ်လှပြီး မဟာဗျူဟာမြောက်၊ နည်းဗျူဟာမြောက် ကိစ္စဖြစ်သည်။
ယခု မြန်မာနိုင်ငံတွင်း ရောက်နေသော နိုင်ငံတကာ ကုမ္ပဏီကြီးများမှ တာဝန်ရှိသူ အချို့ကို တိုးတိုးတိတ်တိတ် မေးကြည့်လျှင် မြန်မာနိုင်ငံ တွင်းမှ မည်သည့်ကုမ္ပဏီ ကိုမှ သူတို့ မကြောက်ကြောင်း ဖြေကြလိမ့်မည်။ မြန်မာနိုင်ငံမှ ကြီးပေ့ ဆိုသော လုပ်ငန်းရှင်ကြီး များကို တရားဝင် အင်တာဗျူးလျှင် နိုင်ငံခြား လုပ်ငန်းများကို ရင်ဆိုင်သွားရန် အသင့်အနေအထား အပြောများ သော်လည်း တကယ်တမ်းတွင် လန့်နေကြသူက ပိုများသည်။ နိုင်ငံတကာ ကုမ္ပဏီကြီးများသည် အရင်းအနှီး၊ အတွေ့အကြုံ၊ လူသားအရင်းအမြစ်၊ စုဖွဲ့မှု အစစအရာရာ အားကောင်းသည်။ နိုင်ငံတကာကုမ္ပဏီ ဖြစ်ကတည်း ကိုက ရှင်ကြီးဝမ်းလည်းဝင်ဖူး၊ ရှင်ငယ်ဝမ်းလည်း ဝင်ဖူးပြီ။ နိုင်ငံကြီး နိုင်ငံငယ် ဖွံ့ဖြိုးပြီး ဖွံ့ဖြိုးဆဲ ဝင်ဖူးထွက်ဖူး ဝါရင့်လှပြီ။ သို့ကြောင့် မြန်မာလုပ်ငန်းရှင်တို့ စိုးရိမ်ကြသည် ဆိုလျှင် မထူးဆန်း။
မြန်မာပြည်သား တစ်ယောက်အနေနှင့် ဖိတ်ချင်းဖိတ် ကိုယ့်အိတ်ထဲသာ ဖိတ်ချင်သည်။ ကိုယ့်နိုင်ငံသား စီးပွားရေး လုပ်ငန်းရှင်များ ကြီးပွား စေချင်သည်။ အခြားနိုင်ငံများမှ ကုမ္ပဏီကြီး များသည် အမြတ်ငွေများရလျှင် သူ့နိုင်ငံသို့ သူပြန်သယ်သွားကြမည်။ မြန်မာနိုင်ငံမှ လူရာဂဏန်း၊ ထောင်ဂဏန်း လောက်သာ လစာရကြပြီး ကျန်သည်များ သူများအိတ်ထဲ ရောက်သွားလျှင် ထူးမခြားနားသာ။ အထူးသဖြင့် စားရမည့် လုပ်ငန်းနယ်ပယ် များတွင် မြန်မာ နိုင်ငံသား လုပ်ငန်းကြီးများ ကိုသာ တွင်ကျယ် စေချင်သည်။
သို့သော် တစ်ဖက်မှ ကြည့်ပြန်လျှင် မြန်မာနိုင်ငံ ကုမ္ပဏီကြီးများ၏ ဝန်ဆောင်မှုစွမ်းရည်မှာ တိုးချဲ့စရာ များစွာ ရှိနေပါသည်။ သူတို့ဝန်ဆောင်မှု အားနည်းလျှင် သာမန်ပြည်သူလူထု ဘဝ မလွယ်ကူ မချောမွေ့။ တိုးတက်သင့် သလောက် မတိုးတက်။ နိုင်ငံ့စီးပွားရေးလည်း ခရုပက်ကျိ သွားသကဲ့သို့ လေးတိလေးကန်နှင့် အောက်ကျနောက်ကျ ဖြစ်ရမည်။ နိုင်ငံအစိုးရအနေ နှင့် မိမိနိုင်ငံ အကျိုးစီးပွား ရှေ့တန်းတင် စဉ်းစားရသည်မှာ အစိုးရကောင်း တို့၏ ဓမ္မတာ။ နိုင်ငံ အကျိုးရှိစေမည့် နိုင်ငံခြားလုပ်ငန်း တို့ကို ပေးဝင်ရမည်။ အထူးသဖြင့် ကိုယ့်နိုင်ငံက လုပ်ငန်းများ မလုပ်တတ်သည့်၊ မလုပ်နိုင်သည့် လုပ်ငန်းများကို ဦးစားပေး ပေးဝင်ရမည်။ နိုင်ငံသားတို့ အကျိုးနည်းပါးသည့် လုပ်ငန်းများ၊ ထပ်တိုးတန်ဖိုး နည်းသည့် လုပ်ငန်းများကို ပိတ်ပင်ထားရမည်။ နိုင်ငံသားတို့ လုပ်နိုင်စွမ်းအား ရှိသည့် လုပ်ငန်းအမျိုးအစား များတွင် နိုင်ငံခြားသားတို့ အလွယ်တကူ ပေးမဝင်ရ။
ကိုယ့်နိုင်ငံတွင် “ဒီလိုပစ္စည်းမျိုး ထုတ်တယ်” ဟု ဂုဏ်ယူရလောက်သည့် လုပ်ငန်းမျိုးများကို ပင့်ဖိတ်ပြီးပင် ခေါ်ယူရဦးမည်။ ကိုယ့်နိုင်ငံတွင် လုပ်နိုင်သော လုပ်ငန်းမျိုး ဆိုလျှင်လည်း ဖင့်နွှဲလေးဖင့်ကာ ပြိုင်ဘက်မရှိ အဆီယစ်နေသော လုပ်ငန်းများမှ ပြည်သူလူထုကို အဆင့်နိမ့် ဝန်ဆောင်မှုများ၊ ထုတ်ကုန်များသာ ပေးမည် ဖြစ်သည့်အတွက် သူတို့ထက် သာသော ပြည်ပလုပ်ငန်းများ ဝင်ရောက်လာလျှင် သူတို့လည်း ယခုအနေအထားထက် ကြိုးစားရင်း ပိုတိုးတက်လာကြမည်။
တံခါးဖွင့် စီးပွားရေး ဖြစ်သော်လည်း မိမိလုပ်ငန်းတုိ့ကို ကာကွယ်ရန် နည်းလမ်းများရှိပါသည်။ သို့သော် ကာကွယ်ခြင်းမှာ နိုင်ငံ့အကျိုးစီးပွား အတွက်သာ ဖြစ်ရမည်။ မိမိနှင့် လက်သင့်ရာ တစ်ဦးစ နှစ်ဦးစကို ကာကွယ်လိုခြင်း မဖြစ်ရ။ တစ်ခါတစ်ရံတွင် နယ်ပယ်ကို ကာကွယ်သယောင်ယောင်၊ အမျိုးသား အကျိုးစီးပွားကို ကာကွယ်သယောင်ယောင်နှင့် အလွန်းသင့်ရာ တို့ကို ကာကွယ်နေခြင်းလည်း ဖြစ်တတ်သည်။
ဆက်သွယ်ရေး နယ်ပယ်၏ တံခါး အနေအထားကို လေ့လာကြည့်ရအောင်။ ထိုနယ်ပယ်သည် အစတွင် အရင်းစိုက်ရ သော်လည်း နောက်ပိုင်းတွင် ပုံမှန် သဲ့ယူနိုင်သည့် အကျိုးအမြတ်ကြီး နယ်ပယ်ဖြစ်သည်။ နိုင်ငံတော်လုံခြုံရေး အရလည်း ထည့်တွက်ရမည့် နယ်ပယ် ဖြစ်သည်။ မြန်မာတို့ လုပ်နိုင်လျှင် အလွန်ကောင်းသည်၊ သို့သော် အရည်အသွေးနှင့် မည်မျှမြန်မြန် ဝန်ဆောင်မှု ပေးနိုင်မည်နည်း ဆိုသည့် မေးခွန်းများလည်း ရှိသည်။ ငွေစိုက်နိုင်ခြေ၊ နည်းပညာ၊ အချိန်စသည့် အခြားအရာ များကို ထည့်စဉ်းစားလိုက်ရာ နိုင်ငံခြား ကုမ္ပဏီတို့ လုပ်ကိုင်ခွင့် ရသွားသည်။
နောက်ထပ်လေ့လာနိုင်သည့် နယ်ပယ်မှာ ဘဏ်များဖြစ်သည်။ ဘဏ်များသည် ငွေလွှဲရာ၊ ငွေစုရာ သာမန်ဘဏ်များ အဖြစ်သာ တည်ရှိနေသည်။ စီးပွားရေး လုပ်ငန်းများ စတင်ထူထောင်ရန်၊ တိုးချဲ့ရန် လိုအပ်သော ငွေအရင်းအနှီးကို ထိထိရောက်ရောက် ထုတ်ပေးနိုင်ခြင်း မရှိသေးပါ။ စီးပွားရေး လုပ်လိုလျှင် ဘိုးစဉ်ဘောင်ဆက် ငွေရှိမှသာ လုပ်နိုင်မည့်သဘော ဖြစ်နေသည်။ သူဌေး မိသားစုမှ မွေးဖွားလာတိုင်း စွန့်ဦးတီထွင် စီးပွားရေး လုပ်ငန်းရှင် ဖြစ်လာသည်မဟုတ်။ ဆင်းရဲသူ သို့မဟုတ် သာမန်လူ ထဲမှလည်း စွန့်စား လုပ်ကိုင်ရင်းဖြင့် စီးပွားရေးလုပ်ငန်းကြီး ထူထောင်နိုင်သူများ ကမ္ဘာတွင်လည်း နာမည်ကျော် ထဲတွင်ပင် များစွာရှိပါသည်။
ယခု မြန်မာနိုင်ငံတွင် စီးပွားရေး လုပ်လိုသူများအတွက် ဘဏ်မှ အရင်းအနှီးရရန် ခက်ခဲလှသည်။ စီးပွားရေး ထူထောင်ရန် ခက်လျှင် ထိုအလုပ်များမှ ရမည့်ဝင်ငွေ၊ ခန့်အပ်မည့် လုပ်သားတို့ မရှိနိုင်တော့။ အခြားနိုင်ငံများသို့ ကုန်စည်များ ပို့ဆောင်နိုင်မည် မဟုတ်၊ ပြည်တွင်းသို့ ဝင်လာသော နိုင်ငံခြား ထုတ်ကုန်များ၊ နိုင်ငံခြားကုမ္ပဏီ များနှင့်လည်း ယှဉ်နိုင်မည် မဟုတ်ပေ။ အခြားနိုင်ငံများမှ လာရောက် ပြိုင်ဆိုင်သော ကုမ္ပဏီများသည် အတိုးနှုန်း သက်သက်သာသာဖြင့် ဘဏ်ချေးငွေရယူပြီး လုပ်ကိုင်ကြသည်။ မြန်မာကုမ္ပဏီ တို့မှာ ၁၃ ကျပ် အတိုးနှုန်း ရလျှင်ပင် ကံကောင်းဟု သဘောထား နေကြရသည့်အတွက် တာထွက် ကတည်းက နောက်ကျနေသည်။
ထိုထိုသော အကြောင်းများကြောင့် ဘဏ်ကဏ္ဍတွင် နိုင်ငံခြားဘဏ် များကို ဖွင့်ပေးမည်လော၊ မည်သည့်အခါတွင် ဝင်ခွင့်ပေးမည်လဲ ဟူသော မေးခွန်းပေါ်လာသည်။ မြန်မာနိုင်ငံတွင်းသို့ ဝင်ရန် တံခါးခေါက်နေသော ဘဏ်များစွာရှိသည်။ အိမ်နီးချင်းနိုင်ငံ ဘဏ်များ ရှိသလို နိုင်ငံတကာ ဘဏ်ကြီးများလည်း ရှိသည်။ အများအပြားသည် ရုံးခွဲ ဖွင့်ထားကြပြီး ဝင်ခွင့်ပေးသည်နှင့် ဝင်နိုင်ရန် အခြေအနေကို အနီးကပ် စောင့်ကြည့် ပြင်ဆင်နေသည်။
တစ်ဖက်တွင် ဘဏ်ဆိုသည်မှာ အောင်မြင်သွားလျှင် တကယ့်နှစ်ရှည် သီးပင်ဖြစ်ပြီး ပုံမှန် နေ့စဉ်အမြတ် သိမ်းကျုံးယူရုံ ဖြစ်သည့်အတွက် နိုင်ငံခြားသား တို့ကို ပေးစားရမည်မှာ နှမြောစရာ ကောင်းလှသည်။ ဘဏ်တို့ မဆင်မခြင် လုပ်ရပ်ကြောင့် ကမ္ဘာအနှံ့တွင် ငွေကြေး အကျပ်အတည်း ဆိုက်ကြရသည်မှာ ရုန်းမထွက်နိုင်ကြသေးသည့် အချိန်တွင် ပြည်ပဘဏ်များ လက်သို့ မြန်မာ့ ငွေကြေး စီးကြောင်း ပုံအပ်ရမည်မှာ ကျောချမ်းစရာပင်။ နိုင်ငံတော်လုံခြုံရေး ကိစ္စပင် ဖြစ်သည်။
ယခုလောလောဆယ်တွင် ကျင့်သုံးနေပုံရသည့် မူဝါဒမှာ မြန်မာဘဏ်တို့ လုပ်နိုင် ကိုင်နိုင်လာအောင် နှစ်အနည်းငယ် စောင့်ပြီး သူတို့ လောက်လောက်လားလား ဖြစ်လာမှ ပြည်ပဘဏ်တို့ကို ဝင်ခွင့်ပေးမည့် ပုံပင်။ မြန်မာနိုင်ငံသို့ ဝင်ရန် စိုင်းပြင်းနေသည့် ပြည်ပမှ ဧရာမဘဏ်ကြီး တစ်ခုမှ ထိပ်တန်းပုဂ္ဂိုလ် တစ်ဦးနှင့် စကားပြောသည့်အခါ ထိုသူက “အင်း၊ နောက် တစ်နှစ် ၂ နှစ်လောက်မှ ဝင်ရမယ်နဲ့ တူတယ်” ဟု စိတ်အလွန်ပျက်နေပုံနှင့် ပြောပြဖူးသည်။
သို့သော် မြန်မာဘဏ်တို့၏ ကြီးထွားနှုန်း ကလည်း ရှိသည်။ မြန်မာဘဏ်တို့ အတက်နှေးပါက စောင့်ရင်းစောင့်ရင်း မြန်မာ့စီးပွားရေး လုပ်ငန်းတို့ တာထွက်နောက်ကျမည်ကို စိုးရိမ် ရပြန်သည်။ အမျိုးမျိုးအဖုံဖုံ စဉ်းစား သုံးသပ်ပြီးမှ အဖြေကောင်းတစ်ခု ထွက်လာလိမ့်မည်။
ဘဏ်များနှင့် ဆက်သွယ်ရေးတို့သည် စာရေးသူစိတ်ထဲတွင် လတ်တလော ရှိနေသည့် ကဏ္ဍများ ဖြစ်သောကြောင့် ဥပမာ ပေးလိုက်ခြင်း ဖြစ်ပါသည်။ တံခါးအကျဉ်းအကျယ်၊ တံခါးဖွင့်ရမည့် နေရာ၊ မည်မျှမြန်မြန် ဖွင့်မည်တို့ကို ဆုံးဖြတ်ရန် နယ်ပယ်များစွာ ကျန်ရှိနေပါသည်။ တံခါးကိစ္စတွင် ဆုံးဖြတ်ချက် မှန်မှသာ မြန်မာ့ရှေ့ရေး ကောင်းမည်ဖြစ်သည်။
Credit to The Voice Weekly
Read More »

လှုပ်လေမြုပ်လေပညာရေး ကျော်လှဝင်း (ပညာရေး)

အဖွဲ့အစည်းတစ်ခု၊ ရုံးတစ်ရုံး၊ ဌာနတစ်ခုအတွင်း လုပ်ငန်းများ အောင်မြင် ချောမွေ့စေရေး၊ မျှော်မှန်းချက် ပန်းတိုင်သို့ ရောက်နိုင်ရေးအတွက် မှန်ကန်သော စီမံခန့်ခွဲမှု၊ စနစ်ကျသော ကြီးကြပ်ကွပ်ကဲမှု အလွန် အရေးကြီးကြောင်း ပညာရှင်တို့ လမ်းညွှန်ခဲ့ကြပါသည်။ အရည်အချင်း ပြည့်ဝသော ခေါင်းဆောင်ကောင်းတို့ လိုက်နာကျင့်ကြံ အားထုတ် ဆောင်ရွက်ကြပါသည်။
ယနေ့အချိန်အခါဝယ် အသုံးတွင်ကျယ်လျက် ရှိသော စကားလုံးမှာ ပြုပြင် ပြောင်းလဲရေး ဖြစ်ပါသည်။ ပြုပြင် ပြောင်းလဲဆိုသော စကားကို မြန်မာ အဘိဓာန်တွင် ‘ကောင်းမွန်သော အခြေအနေသို့ ရောက်အောင် ရှိရင်းတစ်ခုနှင့် အခြားတစ်ခုကို လဲလှယ် ဆောင်ရွက်သည်’ ဟု အဓိပ္ပာယ် ဖွင့်ထားပါသည်။ စာရေးသူသည် ပညာရေးသမား ဆရာတစ်ဦး ဖြစ်သောကြောင့် စိတ်ဝင်စား ဆုံးအရာမှာ ပညာရေး ပြုပြင်ပြောင်းလဲမှု အကြောင်းအရာများ ဖြစ်ပါသည်။  ပညာရေး ပြုပြင် ပြောင်းလဲရာတွင် ရှိပြီးဖြစ်သော အကြောင်းအရာများ၊ နည်းဟောင်းများ၊ လူပုဂ္ဂိုလ်များကို ပြန်လည် ဆန်းစစ်ရပါမည်။ ရေလဲနှင့် အသုံးချရုံမျှဖြင့် ပြုပြင် ပြောင်းလဲသည်ဟု မခေါ်ဆိုနိုင်ပါ။

ပညာရေး ရည်ရွယ်ချက်သည် သစ်ဆန်းရမည်။ သင်ကြား ပို့ချမှုမှာလည်း နည်းသစ်များ ဖြစ်ရမည်။ မိမိနှင့် အကျွမ်းတဝင်ရှိသော မိမိ၏ လမ်းညွှန် ချုပ်ကိုင်မှုကို ခံယူတတ်သော ပညာသည်များကို မိမိ အလိုဆန္ဒအရ ရွေးချယ် ခေါ်ယူဆောင်ရွက်မည့်အစား အတွေ့အကြုံ ရင့်ကျက်သော၊ အရည်အချင်း ပြည့်ဝသော၊ လုပ်ငန်းနှင့် အကျွမ်းတဝင်ရှိသော ပညာရှင်များနှင့် အစားထိုး ဆောင်ရွက်စေရပါမည်။ လူတစ်ဦးချင်းစီ၏ တန်ဖိုးရှိခြင်း၊ လူတိုင်း လူတိုင်း ပါဝင် ဆောင်ရွက်ရမည့် တာဝန်ရှိခြင်း၊ တစ်ဦးချင်းစီ၏ စွမ်းရည်ကို နားလည်လက်ခံပြီး ပါဝင် ဆောင်ရွက်ခွင့်ပြုခြင်း၊ တစ်ဦးချင်းအပေါ် ယုံကြည်မှုနှင့် တစ်ဦးချင်းစီ၏ ကြိုးပမ်းမှုတို့ ဆက်သွယ်နေခြင်းတို့ကို အသိအမှတ် ပြုရပါမည်။

ဘယ်ပုံဘယ်နည်း ပြောင်းလဲရမည်ဟု အတိအကျ မဆိုနိုင်သော်လည်း အတွေးအခေါ်နှင့် လုပ်နည်းလုပ်ဟန် ပြောင်းလဲခြင်းကိုမူ အဓိကထား စဉ်းစား ဆောင်ရွက်ရမည် ဖြစ်ပါသည်။

မြန်မာ့ပညာရေး သမိုင်းတစ်လျှောက် အခြေအနေနှင့် အချိန်အခါကို လိုက်၍ ပညာရေးမူဝါဒများ၊ ပညာရေး လုပ်ငန်းများ ဖန်တီးလျက် မြန်မာ့ ရေမြေ သဘာဝနှင့် လျော်ညီသော ပညာရေးစနစ်ကို စီစဉ် ဆောင်ရွက်ခဲ့ကြပါသည်။ ကဏ္ဍ တစ်ခုချင်းအလိုက် သေချာစွာ လေ့လာဆန်းစစ်မည် ဆိုပါက ပြီးပြည့်စုံမှု ရှိသည်ဟု မဆိုနိုင်သော်လည်း လမ်းညွှန်ချက်များအတိုင်း သတ်မှတ် လျာထားချက်များနှင့်အညီ ထိရောက်စွာ အကောင်အထည် ဖော်ကြမည် ဆိုပါက ခေတ်နှင့် လျော်ညီစွာ နိုင်ငံတကာကို ရင်ပေါင် တန်းနိုင်ကြောင်း ပညာရေး ပညာရှင်များ လက်ခံထားကြပါသည်။ သို့ရာတွင် ပညာရေးစနစ် လုပ်ငန်း လမ်းညွှန်ချက်များမှာ လက်သုံး ကိရိယာမျှသာ ဖြစ်၍ လက်တွေ့ လုပ်ဆောင်နေသူများမှာ လူများ ဖြစ်ကြပါသည်။ ထိရောက်စွာ အကောင်အထည် ဖော်မှု အားနည်းသောကြောင့် ပညာရေး အဆင့်အတန်း နိမ့်ကျလျက် ရှိကြောင်း ထောက်ပြ ဝေဖန်မှုများ ကြုံတွေ့နေရခြင်း ဖြစ်ပါသည်။

မြန်မာနိုင်ငံတွင် တိုင်းရင်းသား ပေါင်းစုံ နေထိုင်သည့်အတွက် တိုင်းရင်းသား ဘာသာစကား လေ့လာ သင်ယူနိုင်ရေး ပညာရေး စနစ်အတွင်း ထည့်သွင်း စီစဉ် ဆောင်ရွက်ခဲ့ပါသည်။ ၁၉၆၆ ခုနှစ် နိုဝင်ဘာလ ၁ ရက်နေ့တွင် ထုတ်ပြန် ကြေညာခဲ့သော အခြေခံ ပညာရေးစနစ် ဥပဒေသစ်အရ မူလတန်း အဆင့်တွင် သူငယ်တန်းမှ စတုတ္ထတန်း၊ အလယ်တန်းဆင့်တွင် ပဉ္စမတန်းမှ အဋ္ဌမတန်း၊ အထက်တန်းဆင့်တွင် နဝမတန်းနှင့် ဒသမတန်း ထား၍ ပညာရေး ဖွဲ့စည်းပုံကို သတ်မှတ်ခဲ့ပါသည်။ ယခုအချိန် တိုင်အောင် ကျင့်သုံးဆဲ ဖြစ်ပါသည်။ စာသင်ချိန်နှင့် ပတ်သက်၍ ပြည်နယ်နှင့် ချင်းဝိသေ သတိုင်း (ထိုစဉ်က အသုံးအနှုန်း) ရှိ မူလတန်း ကျောင်းများတွင် မိမိတို့၏ တိုင်းရင်းသား ဘာသာ သင်ကြားနိုင်စေရန် အလို့ငှာ သူငယ်တန်းတွင် တစ်ပတ်လျှင် ငါးကြိမ်၊ ပထမတန်းနှင့် ဒုတိယတန်းတွင် တစ်ပတ်လျှင် ခြောက်ကြိမ်စီ တိုင်းရင်းသားဘာသာ ထည့်သွင်း ပြဋ္ဌာန်းခဲ့ပါသည်။ သို့ရာတွင်  လက်တွေ့ဆောင်ရွက်မှု မရှိသောကြောင့် တိုင်းရင်းသား ဘာသာစကား သင်ကြားရေးနှင့် ပတ်သက်၍ ကျယ်ကျယ်ပြန့်ပြန့် ဆွေးနွေးနေကြခြင်းမှာ ထင်ရှားသော သာဓကတစ်ခု ဖြစ်ပါသည်။

လက်ရှိ နိုင်ငံတော်အစိုးရသစ် လက်ထက်တွင် ပညာရေး ပြုပြင်ပြောင်းလဲမှု တစ်ရပ်ဟု ဆိုပြီး ရာထူးများကို ပုံအော၍ တိုးမြှင့်ခန့်ထား ပေးခဲ့ပါသည်။ ပညာရေး ဆွေးနွေးပွဲ တစ်ခုတွင် အငြိ်မ်းစား ပညာရေး အရာရှိကြီးတစ်ဦးက လက်ရှိ တာဝန် ထမ်းဆောင်လျက်ရှိသော ပညာရေး အရာရှိများကို ပညာရေး စာအုပ်များ ဖတ်ဖူးမှုရှိ မရှိ၊ ပညာရေး မြှင့်တင်မှု အစီအစဉ်နှင့် ဆရာများ အခန်းကဏ္ဍ (ပညာရေး လက်စွဲ၊ ၁၉၉၈ ခုနှစ်၊ အောက်တိုဘာလ) စာအုပ်ကို ဖတ်ဖူးမှုရှိ မရှိ သိလို၍ လက်ညှိုး ထောင်စေခိုင်းခဲ့သည်။ အများစုမှာ ဖတ်ဖူးသူများ မဟုတ်ကြကြောင်း ဖော်ထုတ်ခဲ့ခြင်းကို ကိုယ်တွေ့ ကြုံခဲ့ရပါ သည်။ “ပြောရမှာတော့ အားနာပါတယ်၊ အရည်အချင်းမရှိဘဲ ရာထူး ရယူခဲ့ကြခြင်း ဖြစ်တယ်” ဟု အဆိုပါ အရာရှိကြီး၏ ထပ်ဆင့် ပြောကြားချက်ကိုလည်း ကြားခဲ့ရပါသည်။ ထို့ကြောင့် ရာထူး၊ တာဝန်နှင့် အညီရပိုင်ခွင့်၊ လုပ်ဆောင်ခွင့်နှင့်အတူ အရည်အချင်း ပြည့်ဝရေးမှာလည်း ပညာရေး ပြုပြင် ပြောင်းလဲမှုအတွက် စီမံခန့်ခွဲမှု လိုအပ်ချက်တစ်ရပ် ဖြစ်ပါသည်။

ရာထူးတိုးမြှင့် ခန့်ထားရာတွင် ပညာရေး ပြုပြင် ပြောင်းလဲမှုအရဟု ဆိုပြီး အရည်အချင်းစစ် စာမေးပွဲ ကျင်းပလျက် ၂၀၁၂ ခုနှစ် နိုဝင်ဘာလက ကျင်းပခဲ့ပါသည်။ ရာထူးသက် မှတ်တမ်း စာမေးပွဲ ရမှတ်များကိုသာ အဓိကထား ဆောင်ရွက်ခဲ့ခြင်း ဖြစ်ပါသည်။  ပြည်ထောင်စု ရာထူးဝန် အဖွဲ့မှ သတ်မှတ်ထားသော အရည်အချင်း အကဲဖြတ် ရမှတ်များကိုမူ ထည့်သွင်း စဉ်းစားဆောင်ရွက်မှု မပြုခဲ့ပါ။ သက်ဆိုင်ရာ အဆင့်ဆင့် တာဝန်ရှိသူ အသီးသီးထံတွင် ခိုင်လုံသော ဆောင်ရွက်မှု မှတ်တမ်းများ မထားနိုင်သောကြောင့် ဖြစ်ကြောင်းကို တာဝန်ယူ ဆောင်ရွက်ခဲ့သော ပညာရေး အရာရှိတစ်ဦး၏ ပြောကြားချက်အရ သိခဲ့ရပါသည်။ သင်ကြားရေး ကျွမ်းကျင်သူ ဆရာ၊ ဆရာမ များကို ရုံးလုပ်ငန်း တာဝန်များ ဆောင်ရွက်စေပြီး ပညာသင်ကြားမှု အတွေ့အကြုံ နုနယ်သူများကို သင်ကြားမှု နည်းစနစ်များ ဆွေးနွေးစေခြင်း၊ ကျောင်းများ စစ်ဆေးခြင်းအတွက် ရာထူးအရ တာဝန်ပေး ဆောင်ရွက် စေခြင်းမှာလည်း ပညာရေး စီမံခန့်ခွဲမှု မှန်ကန်ရေးအတွက် ဆင်ခြင် သတိပြုရမည့်၊ ရှောင်ကြဉ်ရမည့် အချက်တစ်ရပ် ဖြစ်ပါသည်။

သင်ကြား သင်ယူမှု ထိရောက် ကောင်းမွန်စေရေးအတွက် လိုအပ်ချက် ဖြစ်သော ဆရာ ကျောင်းသား အချိုးညီမျှစေရန် ၂၀၁၃ ခုနှစ် သြဂုတ်လ အတွင်းက မူလတန်းပြ ဆွဲခန့်ဆရာများ ခန့်ထားခဲ့ပါသည်။ တောနယ် တစ်ခုရှိ မူလတန်းကျောင်း တစ်ကျောင်းတွင် ကျောင်းသား ၈၀ ခန့် ရှိပြီး အဆိုပါ ဆွဲခန့် ဆရာမတစ်ဦးသာ ရှိပါသည်။ အလားတူပင် ကျောင်းသား ၉၀ ခန့် ရှိသော မြို့မကျ တောမကျ ကျောင်း တစ်ကျောင်းတွင်မူ ဆွဲခန့် ဆရာမ နှစ်ဦး အပါအဝင် ဆရာ၊ ဆရာမ လေးဦး ရှိပါသည်။ ဆွဲခန့် ဆရာမ နှစ်ဦးအနက် တစ်ဦးက သူငယ်တန်း၊ တစ်ဦးက ပထမတန်း သင်နေကြရပါသည်။ ပညာရေး ဝန်ကြီးဌာန၏ ထုတ်ပြန်ချက်အရ ဆရာကျောင်းသား အချိုးမှာ ၁း၂၇ ဖြစ်သည်ဟု သိရပါသည်။ အခြေခံပညာ ခိုင်ခံ့ ကောင်းမွန်စေရေးအတွက် အလွန်အရေးကြီးဆုံး ဖြစ်သော သူငယ်တန်းကို အတွေ့အကြုံ နုနယ်သော၊ သင်ပြမှု နည်းပညာ ကျွမ်းကျင်မှု မရှိသေးသူများကို တာဝန်ပေး သင်ကြားစေခြင်းသည် များစွာ ရင်နာဖွယ် ဖြစ်ပါသည်။ မြို့နယ် တာဝန်ရှိသူများ အနေနှင့်လည်း သင်တန်း အမျိုးမျိုး၊ အစည်းအဝေး အကြိမ်ကြိမ် သွားနေရသဖြင့် ပင်မလုပ်ငန်းဖြစ်သော ပညာရေး လုပ်ငန်း ကြီးကြပ်ကွပ်ကဲမှုအတွက် စနစ်တကျ မဆောင်ရွက်နိုင် ဖြစ်နေရပါသည်။ ဖြစ်ရပ် အခြေအနေ မှန်များအနက်မှ တစ်ခုမျှသာ ဖြစ်ပါသည်။

ပညာရေး ပြုပြင် ပြောင်းလဲရေး လုပ်ငန်း အစီအစဉ်များ ချမှတ်နိုင်ရန် အဖွဲ့အလိုက် အစည်းအဝေးများ အကြိမ်ကြိမ် ကျင်းပလျက် ရှိပါသည်။ အဆိုပါ အစည်းအဝေးများတွင် အငြိမ်းစား ပညာရေး အရာရှိကြီးများက ဦးဆောင် ဆွေးနွေးကြပါသည်။ ပါဝင် ဆွေးနွေးသူများမှာ ၎င်းတို့နှင့် ရင်းနှီး ကျွမ်းဝင်သော အငြိမ်းစား ပညာရေး အရာရှိများ၊ ပညာရေးဌာနအတွင်း တာဝန် ထမ်းဆောင်ဆဲ ရာထူးအဆင့်အလိုက် သတ်မှတ် ခေါ်ယူထားသူများ ဖြစ်ပါသည်။ ပွင့်ပွင့်လင်းလင်း ဆွေးနွေးကြပါဟု ဆိုသော်လည်း အကြောင်းအရာ တစ်ခုကို အကန့်အသတ် တစ်ခုအတွင်း ဆွေးနွေးစေရန် လူပုဂ္ဂိုလ် တစ်ဦးချင်းစီ၏ အမည်ကို ရာထူးအလိုက် ခေါ်၍ ဆွေးနွေးစေပါသည်။ အချို့သော အခြားသော ဆရာများ၏ ဆွေးနွေးမှုကိုမူ အချိန်ကို ငဲ့ညှာသောအားဖြင့်ဟု ဆို၍ ကန့်သတ် ဆွေးနွေးစေပါသည်။ အစဉ်အလာအရ ပညာရေးဌာနတွင် အဆင့်မြင့် တာဝန်ယူခဲ့ပြီး လုပ်ငန်းထိရောက် အောင်မြင်စေရန် ဆောင်ရွက်မှု မပြုသူများက ပညာရေး ပြုပြင်ပြောင်းလဲမှုအတွက် ဦးဆောင် ဆွေးနွေးနေခြင်းမှာ မြန်မာ့ပညာရေး ရင်လေးစရာ ဖြစ်ပါသည်။ လက်ရှိ ပညာရေး ဌာနအတွင်း အဆင့်မြင့် တာဝန်ယူနေသူ များကလည်း အရည်အသွေး ပြည့်ဝပြီး လောင်းရိပ် ကင်းကင်း ဆောင်ရွက်နိုင်ရေး လိုအပ်သကဲ့သို့ အရည်အချင်း ပြည့်မီသူများကို စိစစ်ရွေးချယ် တာဝန်ပေးရန် လိုအပ်ပါသည်။ ပြင်ပ ပညာရေး ပညာရှင်များ၏ အကြံဉာဏ်ကိုလည်း ရယူဆွေးနွေး အမြင်ချင်း ဖလှယ်သင့်ပါသည်။

‘သန်း ၆၀ သော ပြည်သူများတွင် အစိုးရ ဝန်ထမ်းမှာ တစ်သန်းခန့် ရှိပါသည်။ ၎င်းတို့အနက် ပြုပြင်ပြောင်းလဲ လိုသူများမှာ ၁၀၀၀ လောက်သာ ရှိပြီး ကျန်သော သူများမှာ တရွတ်တိုက် လိုက်နေဆဲ ဖြစ်သည်’ ဟု ပြည်ထောင်စု ဝန်ကြီးတစ်ဦး ပြောခဲ့သည်ဟု သိရပါသည်။ ဖြစ်ရပ် အခြေအနေကို သိလျှင် နည်းလမ်းရှာ ဖြေရှင်းရန်သာ လိုအပ်ပါသည်။ တရွတ်တိုက်လိုက် နေသူများကို စည်းရုံး၍ ပညာပေးပြီး မလိုက်နိုင်ပါက လက်တွဲ ဖြုတ်ရန်သာ ဖြစ်ပါသည်။ ဟန်ပြ လုပ်ဆောင်လိုသော သဘော၊ နေမြဲဆက်နေလိုသော သဘော၊ လုပ်ငန်း ကျွမ်းကျင်အောင် လေ့လာအားထုတ် ကြိုးစားလိုမှု ကင်းမဲ့သော သဘော၊ ဆရာမွေး တပည့်မွေးလိုသော သဘောများ အရိုးစွဲနေခြင်းများ ပညာရေးဌာန တာဝန်ရှိသူ အသီးသီးထံ လွှမ်းမိုးနေမည် ဆိုပါလျှင် မြက်ခင်းစိမ်းစိမ်း လွှမ်းထားသည့် ရွှံ့နွံ ထူထပ်သော အိခုံ (နွံ) ထဲသို့ ရောက်နေသူကဲ့သို့ လှုပ်လေမြုပ်လေ ပညာရေး ဖြစ်သွား နိုင်သောကြောင့် အတ္တစွဲ ကင်းကင်းဖြင့် စဉ်းစား ရှောင်ကြဉ် ပြုပြင်သင့်ပြီ ဖြစ်ပါသည်။

မြန်မာ့ ပညာရေး ပြုပြင် ပြောင်းလဲမှုကို လှုပ်ရှားမှုသာ ရှိပြီး အသံမမြည်သော၊ အသံမထွက်သော ပတ်ခြောက် တီးဝိုင်းမျိုး မဖြစ်စေလိုပါ။ ငြိမ့်ညောင်း သာယာသံတို့ဖြင့် ပြွမ်းသော တေးသံစုံ တူရိယာတီးဝိုင်း ဖြစ်စေလိုသည်မှာ ပညာရေးသမား ဆရာ ဆရာမများ၏ မွန်မြတ်သော ဆန္ဒအမှန်သာလျှင် ဖြစ်ပါသည်။
Credit To The Voice Weekly
Read More »

တည်ငြိမ်မှုနှင့် မတည်ငြိမ်မှု (Stability and Instability)Written by ဒေါက်တာအောင်ကိုကို (စီးပွားရေးပညာ၊ စီးပွားရေးပေါ်လစီ))

တည်ငြိမ်မှု (Stability) ကို ကောင်းမွန်စွာ (ကျွမ်းကျင်စွာ) ထိန်းကျောင်းနိုင်ခြင်းသည် မတည်ငြိမ်မှု (Instability) ဖြစ်ခြင်းကို ကာကွယ်တားဆီးရာရောက်သည်။
ဆိုလိုသည်မှာ မတည်ငြိမ်မှု (Instability) ဖြစ်ပေါ်ခြင်းသည် တည်ငြိမ်မှု (Stability) ၏ အခြေခံ အကြောင်းအရင်းများကို ကောင်းမွန်စွာ မထိန်းကျောင်းနိုင်ခြင်းကြောင့်ဟုလည်း ပြောနိုင်ပေလိမ့်မည်။
သို့ဖြစ်လျှင် တည်ငြိမ်မှုကို ထိန်းကျောင်းရာတွင် လိုအပ်သော အခြေခံ အကြောင်းအရင်းများကို ကောင်းစွာသိရှိထားရန် လိုအပ်သကဲ့သို့ မတည်ငြိမ်မှု ဖြစ်ပေါ်လာလျှင်လည်း ဖြစ်ပေါ်လာမည့် နောက်ဆက်တွဲ အကျိုးဆက်များကို ကောင်းစွာသိရှိနားလည်ထားရန် လိုအပ်ပေမည်။
ဥပမာ- ခြေထောက်လေးချောင်းရှိသော ခုံတစ်လုံးသည် အကယ်၍ ခြေထောက်တစ်ချောင်းပြုတ်ထွက် (သို့မဟုတ်) ကျိုးပဲ့သွားလျှင် ယင်းခုံ၏ တည်ငြိမ်မှုသည် ဟန်ချက်မညီ ဖြစ်သွားပေလိမ့်မည်။
ထို့ကြောင့် တည်ငြိမ်မှုကို ဖန်တီး (ထိန်းကျောင်း)ခြင်းသည် မတည်ငြိမ်မှုကို ဖန်တီး (ထိန်းကျောင်း)ခြင်းထက် အဆများစွာ ခက်ခဲ(နက်နဲ)ပါသည်။
တည်ငြိမ်မှု (Stability) သည် ဖွံ့ဖြိုးတိုးတက်မှု (Development) ကို ဖြစ်တည်စေနိုင်ပြီး၊ မတည်ငြိမ်မှု (Instability) သည် မဖွံ့ဖြိုးမတိုးတက်မှု (undevelopment) ကို ဖြစ်တည်စေနိုင်သည်။
ထို့ကြောင့် တည်ငြိမ်မှုကို အခြေခံထားပြီး (အခြေခံ) ဖွံ့ဖြိုးတိုးတက်မှုကို အရှိန်(အဟုန်) မြှင့်တင်ရမည် ဖြစ်သောကြောင့်၊ အထက်တွင် ရေးခဲ့သလို (ခြေထောက်လေးချောင်းပါ ခုံကဲ့သို့) ယင်းခုံ၏ ခြေထောက်တိုင် (ခြေထောက်တိုင်)သည် ထိုခုံ၏ တည်ငြိမ်မှုကို ပံ့ပိုးထားခြင်းပင် ဖြစ်သည်။
ဒီမိုကရေစီစနစ်ကို အသွင်ကူးပြောင်းသော နိုင်ငံများသည်လည်း ထိုနည်းတူပင် တည်ငြိမ်မှုကို ပိုင်ပိုင်နိုင်နိုင် ကျွမ်းကျွမ်းကျင်ကျင် ကိုင်တွယ်သည့် နိုင်ငံများသည် အောင်မြင်(တိုးတက်)၍ ထိုကဲ့သို့ မလုပ်ဆောင်နိုင်သော နိုင်ငံများသည် ကျဆုံး (မတိုးတက်)လေ့ရှိသည်ကို တွေ့မြင်နိုင်သည်။
နိုင်ငံနှင့် နိုင်ငံသားများ၏ အခက်အခဲ ပြဿနာများကို စုပေါင်းတိုင်ပင်၊ စုပေါင်းဆွေးနွေး၊ စုပေါင်းတည်ဆောက်၊ စုပေါင်းကာကွယ်သော လူမှုစီးပွားစနစ်ကို တည်ဆောက်နိုင်သော နိုင်ငံများသည် ယေဘုယျအားဖြင့် တည်ငြိမ်လေ့ရှိပြီး၊ လူနည်းစု အကျိုးစီးပွားကိုသာ ရှေးရှု (လုပ်ဆောင်)သောနိုင်ငံများ (ဥပမာ-ယနေ့ပြဿနာများ ဖြစ်နေသော အရှေ့အလယ်ပိုင်း နိုင်ငံအချို့) မှာမူ မတည်ငြိမ်မှုများသည် တစ်မျိုးမဟုတ်တစ်မျိုး (တစ်ခုပြီးတစ်ခု) ဖြစ်ပေါ်နေတတ်လေ့ ရှိသည်။
ဥပမာ-လွန်ခဲ့သော ရက်သတ္တပတ် အနည်းငယ်က အမေရိကန်နိုင်ငံတွင် ဖြစ်ပေါ်ခဲ့သော Government Shutdown ဟုပင်ခေါ်သော အစိုးရယန္တရားအချို့ ရပ်ဆိုင်းသွားရသည်အထိ ဖြစ်ခဲ့ရသော်လည်း၊ အဓိကနိုင်ငံရေး ပါတီများအကြား အပြန်ပြန်အလှန်လှန် ဆွေးနွေးတိုင်ပင်ခြင်းဖြင့် ထွက်ပေါက်(အဖြေ)တစ်ခုကို ရှာနိုင်ခဲ့သည်ကို တွေ့မြင်နိုင်သည်။
ဒီမိုကရေစီစနစ်ကို အသွင်ကူးပြောင်းသော နိုင်ငံများသည်လည်း ထိုနည်းတူပင် တည်ငြိမ်မှုကို ပိုင်ပိုင်နိုင်နိုင် ကျွမ်းကျွမ်းကျင်ကျင် ကိုင်တွယ်သည့် နိုင်ငံများသည် အောင်မြင်(တိုးတက်)၍ ထိုကဲ့သို့ မလုပ်ဆောင်နိုင်သော နိုင်ငံများသည် ကျဆုံး (မတိုးတက်)လေ့ရှိသည်ကို တွေ့မြင်နိုင်သည် . . . . .
အကယ်၍ အမေရိကန်နိုင်ငံသည် ဒီမိုကရေစီစနစ် ထုံးစံကို မကျင့်သုံးနိုင်သော နိုင်ငံဖြစ်နေပါက ယင်းကဲ့သို့သော အခြေအနေမျိုးတွင် တည်ငြိမ်မှုကို ထိန်းကျောင်းရန် လွန်စွာခက်ခဲနိုင်ပြီး စစ်တပ်အင်အားကို အသုံးပြုရသော တည်ငြိမ်မှုကို ထိန်းကျောင်းရပေလိမ့်မည်။
ထို့ကြောင့် တည်ငြိမ်မှုကို ထိန်းကျောင်းရန် အားအကောင်းဆုံးနည်းလမ်းမှာ စုပေါင်းဆွေးနွေး၊ စုပေါင်းတိုင်ပင်၊ စုပေါင်းတည်ဆောက်၊ စုပေါင်းကာကွယ်ခြင်းပင် ဖြစ်မည်ဟု စာရေးသူ ယူဆသည်။
တစ်ဖန် အိမ်နီးချင်း ထိုင်းနိုင်ငံတွင်လည်း ယခုဆန္ဒပြပွဲများ ဖြစ်ပေါ်လာနေသည်ကို တွေ့မြင်နိုင်ပြီး ထိုင်းအစိုးရ၏ တည်ငြိမ်မှုကို မည်သို့မည်ပုံကိုင်တွယ် (အဖြေရှာ) မည်နည်း ဆိုသည်ကို အမျိုးမျိုးစဉ်းစား လေ့လာကြည့်နေမိသည်။
အထက်တွင် ရေးခဲ့သကဲ့သို့ တည်ငြိမ်မှုနှင့် မတည်ငြိမ်မှုတို့တွင် ရှိလေ့ရှိထ ရှိတတ်သော ၀ိသေသ သဘောတရားများကို အမြဲမပြတ် လေ့လာသုံးသပ် အဖြေရှာလျှင် တည်ငြိမ်မှုကို ထိန်းကျောင်းရခြင်းသည် လွယ်မယောင်နှင့် ခက်ပါသည်။
ယနေ့မြန်မာနိုင်ငံသည်လည်း အစိုးရ၊ နိုင်ငံရေး ခေါင်းဆောင်များနှင့် တိုင်းရင်းသား ခေါင်းဆောင်များ၊ နိုင်ငံရေးပါတီများ၊ အရပ်ဘက် လူမှုအဖွဲ့အစည်းများ၊ မီဒီယာများနှင့် နိုင်ငံဖွံ့ဖြိုးတိုးတက်မှုကို ဖြစ်တည်စေလိုသော ပြည်တွင်းပြည်ပနေ ပြည်သူများ၏ ၀ိုင်းဝန်းကြိုးပမ်းမှုဖြင့် အနာဂတ်မြန်မာနိုင်ငံကို တည်ဆောက်နေကြပြီ ဖြစ်သကဲ့သို့ ၂၀၁၅ ခုနှစ် ရွေးကောက်ပွဲသည်လည်း တရားမျှတသော ယှဉ်ပြိုင်မှု (Fair Competition) ဖြစ်လာမည်ဆိုလျှင် ၂၀၁၅ နှစ်လွန် မြန်မာနိုင်ငံသည် အဘက်ဘက်တွင် အင်အားတောင့်တင်းသော နိုင်ငံတစ်နိုင်ငံ ဖြစ်လာပေလိမ့်မည်ဟု ယူဆနေမိသည်
Credit To First-11
Read More »

ဘောလုံးနှင့် နိုင်ငံရေး ----------------- ရေးသားသူ- ရဲမိုး



ြဲ မြန်မာနှင့် ထိုင်း အမျိုးသားဘောလုံးပွဲမစတင်မီ နာရီပိုင်းအလိုမှာ ၁၉၄၅ ခုနှစ်က ထရီဗြူးမ်သတင်းစာမှာ ကမ္ဘာကျော်အင်္ဂလိပ်စာရေးဆရာကြီး ဂျော့ခ်ျအော်ဝဲလ် ရေးသားခဲ့သည့် “အားကစားစိတ်ဓာတ်” (Sporting Spirit)ဆိုသည့်ဆောင်းပါးကို ရှာဖွေဖတ်ဖြစ်သည်။ တကယ်တော့ ဂျော့ခ်ျအော်ဝဲလ်က ဘောလုံးပွဲများက ရုန်းရင်းဆန်ခတ်ပြဿနာများနှင့် ပရိသတ်တို့၏ ရူးသွပ်မှုကို ခပ်ဆတ်ဆတ်ဝေဖန်လိုက်ခြင်းဖြစ်သည်။

ဘောလုံးပွဲများနှင့် အခြားထိပ်တိုက်ရင်ဆိုင်မှုပြင်းထန်သည့် အားကစားအမျိုးအစားများကို “သေနတ်မဖောက်သည့်စစ်ပွဲ”များဟု သူကတင်စားခဲ့သည်။ မြန်မာပြည်မှာ နေထိုင်သွားခဲ့သည့် ဂျော့ခ်ျအော်ဝဲလ်က သူ့အတွေ့အကြုံကိုလည်း ဆောင်းပါးထဲမှာ အခုလိုဖောက်သည်ချသည်။

“အိန္ဒိယနှင့် မြန်မာလိုနိုင်ငံများက ဘောလုံးပွဲတွေမှာ ပရိသတ်များ ကွင်းထဲဝင်မလာနိုင်အောင် ရဲများကာရံထားဖို့ လိုအပ်သည်။ မြန်မာနိုင်ငံက ဘောလုံးပွဲတစ်ပွဲမှာ တစ်ဖက်ပရိသတ်တွေက ရဲတွေကို ကျော်ခွတက်လာပြီး တစ်ဖက်အသင်း၏ဂိုးသမားကို အနာတရဖြစ်အောင်လုပ်ခဲ့တာကို ကျွန်ုပ်တွေ့ခဲ့သည်”ဟု စာရေးဆရာကြီးအော်ဝဲလ်က မှတ်တမ်းတင်ခဲ့သည်။

လူ ၂၂ ယောက်က အလုံးတစ်လုံးကို ၀ိုင်းဝန်းလုယက်သည့် ကစားနည်းအပေါ်ထားရှိသည့် မြန်မာတို့စိတ်ဓာတ်က အစောပိုင်း ကမ္ဘာ့စာပေသမိုင်းမှာပင် အထင်ကရမှတ်တမ်းဝင်ခဲ့ပြီဟု ဂုဏ်ယူရမလို။ ဂျော့ခ်ျအော်ဝဲလ်၏ ဆောင်းပါးကိုဖတ်ပြီးသည့်အခါ မြန်မာ-ထိုင်းပွဲကိုကြည့်ဖို့ ပိုရင်ခုန်လာသည်။ ပြောရလျှင် ဂိုးရလဒ်ထက် ရလဒ်အပေါ်မှာတုံ့ပြန်မည့် ကွင်းထဲက ပရိသတ်၏အပြုအမူကို ပို၍ရင်ခုန်သည်။ ဂျော့ခ်ျအော်ဝဲလ်တစ်ယောက် ကောင်းကင်ဘုံတစ်နေရာက စောင့်ကြည့်နေမှာလား..။

တကယ်တော့ ဘောလုံးပွဲများက နိုင်ငံတော်တော်များများ၏ နိုင်ငံရေးမှာ နက်နက်ရှိုင်းရှိုင်း ၀င်ခဲ့ပြီးဖြစ်သည်မှာကြာပြီ။ အမျိုးသားရေးစိတ်ဓာတ်နှင့် ရာဇ၀င်ကြွေးတို့၏ ထွက်ပေါက်အဖြစ် ကိုက် ၁၀၀ ရှည်သည့် ကွင်းထဲမှာ သေနတ်မဖောက်သည့်စစ်ပွဲများ ပေါ်ပေါက်လာခဲ့ကြသည်။

သြစတြီးယားဘောလုံးသူရဲကောင်း မားသီးယက်စ်ဆင်ဒဲလား၏အဖြစ်က သမိုင်းမှာထင်ရှားသည်။ သြစတြီးယားဘောလုံးအသင်းက ၁၉၃၀ ပြည့်နှစ်များ၏ အကောင်းဆုံးအသင်းတစ်သင်း ဖြစ်သည်။ နာဇီဂျာမန်တို့က သြစတြီးယားကို သိမ်းပိုက်လိုက်သည့်အခါ ကမ္ဘာ့ဖလားပွဲမှာ သြစတြီးယားအသင်းကို ၀င်ရောက်ယှဉ်ပြိုင်ခွင့် နာဇီတို့ကမပေးတော့။ သြစတြီးယားကစားသမားများအနေဖြင့် ကမ္ဘာ့ဖလားမှာ ၀င်ရောက်ကစားလိုလျှင် ဂျာမနီအသင်း၏ ခေါင်းစီးအောက်မှာသာ ကစားရမည်ဟု နာဇီတို့ကဆိုသည်။ သြစတြီးယားတိုက်စစ်မှူး မားသီးယက်စ်ဆင်ဒဲလားက ဂျာမနီခေါင်းစီးအောက်မှာ ၀င်ရောက်ယှဉ်ပြိုင်ဖို့ ငြင်းဆိုသည်။ အသက်ကြီးပြီဟု သူအကြောင်းပြသည်။

သြစတြီးယားအမျိုးသားအသင်းကို ဖျက်သိမ်းမခံရမီ နောက်ဆုံးကစားပွဲတစ်ခု ကစားခွင့်ရဖို့ နာဇီတို့ကခွင့်ပေးသည်။ သူတို့ ဂျာမနီအသင်းဖြင့် ကစားရမည်ဖြစ်သည်။ မားသီးယက်စ်က သူ့အသင်းသားများကို ၀တ်နေကျ အဖြူအမည်းဝတ်စုံအစား သြစတြီးယားအမျိုးသားအလံအရောင်ဖြစ်သည့် အဖြူအနီကျားကို ၀တ်ဆင်စေသည်။
ထိုသမိုင်းဝင်ပွဲမှာ မာသီးယက်စ်နှင့် သူ့ရဲဘော်အသင်းသား ကားလ်စက်စတာတို့က ဂျာမန်ဂိုးပေါက်ထဲကို နှစ်ဂိုးသွင်းပြီး ၂-၀ ဖြင့် အနိုင်ယူလိုက်ကြသည်။ ဒုတိယဂိုးသွင်းအပြီးမှာ ပွဲကြည့်နေသည့် ထိပ်တန်းနာဇီအရာရှိကြီးများရှေ့မှာ မားသီးယက်စ် ကပြခဲ့သည်ဟု သမိုင်းစာအုပ်များကဆိုသည်။

၁၉၃၉ ခုနှစ် ဇန်န၀ါရီလ၏ နေ့တစ်နေ့မှာတော့ မားသီးယက်စ်နှင့် သူ့ချစ်သူတို့၏အလောင်းများကို ဗီယင်နာမြို့၏ သူတို့တိုက်ခန်းထဲမှာ တွေ့ခဲ့ရသည်။ ကာဗွန်မိုနောဒ်ဆိုက်အဆိပ်သင့်မှုဟု ဆေးစစ်ချက်ကဆိုသည်။ သြစတြီးယားပြည်သူတို့သမိုင်းမှာ ကျူးကျော်မှုကို ဘောလုံးဖြင့် အံတုခဲ့သည့် မားသီးယက်စ်ကို သူရဲကောင်းအဖြစ်လေးစားကြဆဲ။

ဘောလုံးကို နိုင်ငံရေးဖြင့် ချဉ်းကပ်ကြသူများထဲမှာ အာဏာရှင်များလည်း ထိပ်ဆုံးကပါဝင်ကြသည်။ ဇိုင်ယာ (ယခုကွန်ဂို)ကစားသမား အီလွန်ဂါအမ်ဝီပူ၏အဖြစ်က အာဏာရှင်အောက်က ဘောလုံးသမားတို့၏ ရှုံးနိမ့်မှုအပေါ် အကြောက်တရားကိုပြသခဲ့သည်။ ၁၉၇၄ ကမ္ဘာ့ဖလားမှာ အာဏာရှင်မိုဘူတူ၏ ဇိုင်ယာဘောလုံးအသင်း ခြေစစ်ပွဲအောင်ပြီး ၀င်ရောက်ယှဉ်ပြိုင်ခွင့်ရခဲ့သည်။

ကမ္ဘာ့ဖလားအတွေ့အကြုံမရှိသည့် ဇိုင်ယာအသင်းက ကံဆိုးစွာဖြင့် ယူဂိုဆလားဗီးယားနှင့် စတွေ့သည်။ ယူဂိုဆလပ်တွေက သူတို့ကို ၉-၀ ဖြင့် ထောင်းသည်။ ဒုတိယပွဲစဉ်မှာ စကော့တလန်နှင့်တွေ့သည်။ စကော့တွေက သူတို့ကို ၂-၀ ဖြင့် ဆုံးမသည်။ သနားစရာအာဖရိကတိုက်သားများ တတိယမြောက်ရင်ဆိုင်ရမည့်အသင်းကတော့ စူပါဘရာဇီးအသင်းဖြစ်ပါသည်။ အာဏာရှင်မိုဘူတူက အတွေ့အကြုံနည်းလှသည့် ကိုယ့်အသင်းကို အားပေးရမည့်အစား မိုက်မဲသည့်ရာဇသံကို ပေးပို့လိုက်သည်။ “ဘရာဇီးကို သုံးဂိုးထက်ပိုအသွင်းခံရရင် ဘောလုံးသမားတစ်ယောက်မှ အိမ်ပြန်လာခွင့်မရှိ”

ဘောလုံးကွင်းထဲမှာ ဇိုင်ယာဘောလုံးသမားတွေ သွေးပျက်နေကြရှာသည်။ ဘရာဇီးကလည်း မညှာမတာ တစ်လုံးပြီးတစ်လုံးသွင်းသည်။ ဒီလိုနှင့် ဘရာဇီးသုံးဂိုးသွင်းပြီးသွားပြီ။ နောက်တစ်လုံးထပ်ဝင်လျှင် သူတို့အားလုံး အိမ်ပြန်ခွင့်ကို ဆုံးရှုံးတော့မည့်အချိန်မှာ ဇိုင်ယာဂိုးပေါက်နှင့် ခပ်လှမ်းလှမ်းအကွာမှာ ဘရာဇီးက ဖရီးကစ်ကန်ခွင့်ရသွားသည်။ ဇိုင်ယာနောက်တန်းခံစစ်မှူးအီလွန်ဂါ ရင်ထဲမှာ ဗလောင်ဆူနေသည်။

ဖရီးကစ်ကန်မည့် ဘရာဇီးကစားသမားကလည်း ဟန်ပြင်နေသည်။ အီလွန်ဂါ သူ့စိတ်ကိုမထိန်းနိုင်တော့။ အားကုန်ကျုံးပြေးသွားပြီး ဘောလုံးကို ကျုံးကန်ပစ်လိုက်သည်။ အီလွန်ဂါ့လုပ်ရပ်က ကမ္ဘာ့ဖလားသမိုင်းမှာ ကျော်ကြားသွားခဲ့သည်။

“ဘယ်လိုဖိအားမျိုးတွေအောက်မှာ ကျွန်တော်တို့ကစားခဲ့ရသလဲဆိုတာ ကျန်တဲ့သူတွေမသိနိုင်ပါဘူး”ဟု အီလွန်ဂါကပြန်ပြောခဲ့သည်။

တစ်ခါတစ်ရံတော့ နိုင်ငံရေး၊ စီးပွားရေး အဘက်ဘက်က ချွတ်ခြုံကျနေသည့် လူ့အဖွဲ့အစည်းများအတွက် ဘောလုံးက အမျိုးသားရေးအားဆေးတစ်ခွက်ဖြစ်ခဲ့ကြသည်။ နှစ်ပေါင်းများစွာ အရှုံးနှင့်ရင်ဆိုင်ခဲ့ကြရသည့် ကျဆုံးနိုင်ငံများအတွက် အနိုင်ပွဲလေးတစ်ပွဲက သေရေးရှင်ရေးတစ်မျှ အရေးကြီးခဲ့ကြသည်။ အီရတ်ဘောလုံးအသင်း၏ ၂၀၀၇ ခုနှစ် အာရှဖလားသိမ်းပိုက်နိုင်မှုက နာမူနာဖြစ်သည်။

အမေရိကန်ကျူးကျော်မှု ဗုံးတွေအောက်မှာ ပြားပြားဝပ်သွားသည့် မြို့ပြများ၊ အသေခံဗုံးခွဲတိုက်ခိုက်မှုများနှင့် လူမျိုးခြားအောက်မှာ အုပ်ချုပ်ခံရမှုများက အီရတ်ပြည်သူများ၏ စိတ်ဓာတ်ကို အသူရာချောက်ထဲကို ကျဆင်းသွားစေခဲ့သည်။ သို့သော် “မက်ဆိုပိုတေးမီးယားခြင်္သေ့များ” ဟု တင်စားအခေါ်ခံရသည့် အီရတ်ဘောလုံးအသင်းက အီရတ်ပြည်သူများအတွက် သမိုင်းဝင်အောင်ပွဲကို ဆောင်ကြဉ်းပေးခဲ့သည်။ ၂၀၀၇ ခုနှစ် အာရှဖလားပွဲမှာ ထိုင်း၊ သြစတြေးလျ၊ အိုမန်၊ ဗီယက်နမ်၊ တောင်ကိုရီးယားနှင့် ဖိုင်နယ်မှာ ဆော်ဒီအာရေဗျတို့ကို အသေအလဲဖြတ်ကျော်ပြီး အာရှဖလားကို ပထမဆုံးအကြိမ် ရယူသွားခဲ့သည်။ ပြာပုံထဲကထလာသည့် အသင်း၏ စိတ်ဓာတ်နှင့် အောင်ပွဲကို တစ်ကမ္ဘာလုံးလန့်သွားခဲ့ကြသည်။

ဘဂ္ဂဒက်မြို့ပေါ်က လမ်းတွေပေါ်ကို လူတွေပြေးထွက်လာကြသည်။ တစ်ဦးနှင့်တစ်ဦး ပွေ့ဖက်ကြသည်။ ကားဟွန်းတွေတီးကြသည်။ မမြင်ရတာကြာပြီဖြစ်သည့် အပြုံးများက သူတို့မျက်နှာတွေပေါ်မှာ ပြန်လည်ပွင့်လန်းလာကြသည်။ ရက်ပေါင်းများစွာမှာ ပထမဦးဆုံးအကြိမ် ဗုံးကွဲသံတွေ တိုးတိတ်သွားခဲ့သည်။ အီရတ်ပြည်သူများအတွက် သေရေးရှင်ရေးလိုအပ်သည့် မျှော်လင့်ချက်တစ်ခုကို မက်ဆိုပိုတေးမီးယားခြင်္သေ့တို့က ဆောင်ကြဉ်းပေးနိုင်ခဲ့သည်။

၄၂ လက်မ ရုပ်မြင်သံကြားထဲမှာ အနီရောင်နှင့် အဖြူရောင်များ ရောယှက်လုံးထွေးနေသည်။ နှစ်ပေါင်းများစွာ ဆုံးရှုံးခဲ့ရသည့် မျှော်လင့်ချက်တို့က တစ်ကျော့ပြန်လာသည်။ ဒေသတွင်းမှာ နှိမ့်ချဆက်ဆံခံခဲ့ရသည့် အနီရောင်နိုင်ငံကူးလက်မှတ်များနှင့် အောင်မြင်မှုကို နှစ် ၃၀ ကြာ ငတ်မွတ်တောင့်တမှုများက အစိမ်းရောင်ကစားကွင်းကို ဖိအားပေးထားသည်။

မနိုင်သည့်တိုင် မရှုံးအောင်ကစားသည့် မြန်မာ့အသင်းသားများကို အသိအမှတ်ပြုသည်။ သန္နိဋ္ဌာန်နှင့် စိတ်ဓာတ်ကို မြင်တွေ့ခဲ့ရသည်။ ဂျော့ခ်ျအော်ဝဲလ် မျှော်လင့်ခဲ့သလို မပြုမူခဲ့ကြသည့် ပရိသတ်ကိုလည်း ကျေးဇူးတင်သည်။

တစ်ခါတစ်ရံမှာ အောင်မြင်မှုတစ်ခုတည်းက မြင့်မားသည့်ဂုဏ်သိက္ခာကို ပေးသည်မဟုတ်ပါ။ မြန်မာ့အသင်းသည် အရှေ့တောင်အာရှ၏ အကောင်းဆုံးအသင်း ဖြစ်ကောင်းမှဖြစ်ပါလိမ့်မည်။ သို့သော် မြန်မာပြည်သူများသည် အရှေ့တောင်အာရှ၏ သဘောထားကြီးသော ပြည်သူများဖြစ်ကြောင်း ပြသဖို့လိုအပ်ပါလိမ့်မည်။ သဘောထားကြီးဖို့အတွက် ကျွန်တော်တို့မှာ သတ္တိရှိဖို့လည်း လိုအပ်ပါသည်။

ဂျော့ခ်ျအော်ဝဲလ်ကို သူမှားကြောင်းသက်သေပြဖို့ ကျွန်တော်တို့တွေ သတ္တိမွေးရပါလိမ့်မည်။
Credit To 7Day News Journal
Read More »

ကျားသေကို အသက်သွင်းကြမလို့လား Written by သိန်းထက်အောင်

၂၀၁၃ ခုနှစ် နိုဝင်ဘာလ ပထမပတ်က ကျင်းပခဲ့သော ရန်ကုန်တိုင်းဒေသကြီး လွှတ်တော် အထူးအစည်းအဝေးတွင် သင်္ဃန်းကျွန်းမြို့နယ် လွှတ်တော် ကိုယ်စားလှယ် ဦးကျော်က နိုင်ငံတော် လုံခြုံရေးအတွက် အမျိုးသား ထောက်လှမ်းရေး အဖွဲ့ကဲ့သို့သော အဖွဲ့အစည်းတစ်ခု အမြန်ဆုံး ဖွဲ့စည်းပေးရန်အတွက် အဆိုတင်သွင်းခဲ့ရာ ယင်းအဆိုကို ပြည်ထောင်စု အစိုးရထံသို့ တင်ပြပေးသွားမည် ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့က ကတိပြုထားကြောင်း သိရှိရပါသည်။
အလားတူ နိုဝင်ဘာလ ၂၈ ရက်နေ့က ရန်ကုန်မြို့ ကရဝိက် နန်းတော်တွင် ပြုလုပ်သော မြတ်ခိုင် ရေးသားသည့် ‘ဦးခင်ညွန့်နှင့် အင်တာဗျူး’ စာအုပ် မိတ်ဆက်ပွဲ အခမ်းအနားအပြီး သတင်းမီဒီယာများနှင့် တွေ့ဆုံစဉ် ယခင်အစိုးရ လက်ထက်က တပ်မတော် ထောက်လှမ်းရေး ညွှန်ကြားရေးမှူး/အမျိုးသား ထောက်လှမ်းရေးအဖွဲ့ ဥက္ကဋ္ဌအဖြစ် တာဝန် ထမ်းဆောင်ခဲ့သူ ဗိုလ်ချုပ်ကြီးဟောင်း/ဝန်ကြီးချုပ်ဟောင်း ဦးခင်ညွန့်ကလည်း နိုင်ငံတော် လုံခြုံရေးအတွက် ထောက်လှမ်းရေး အဖွဲ့အစည်းတစ်ခုကို ပြန်လည် ဖွဲ့စည်းသင့်ကြောင်း ပြောကြားခဲ့သည်ဟု သိရှိရပါသည်။

ကျွန်တော်တို့ ငယ်စဉ်က MI (Military intelligence Service) ဟု လူသိများသော စစ်ထောက်လှမ်းရေးများ ရှိပါသည်။ ပါလီမန် ဒီမိုကရေစီ အစိုးရခေတ်တွင် ဝန်ကြီးချုပ် ဦးနုက စ-သုံးလုံးဟု အများသိကြသည့် အထူးစုံစမ်း စစ်ဆေးရေးအဖွဲ့ (Bureau of Special Investigation) နှင့် ယခုအခါ SB (Special Branch) ဟု ခေါ်ကြသည့် အထူးသတင်းတပ်ဖွဲ့ကို ဖွဲ့စည်းခဲ့ပါသည်။ စ-သုံးလုံးအဖွဲ့မှာ စီးပွားရေးဆိုင်ရာ မသမာမှုများ၊ အလွဲသုံးစားမှု များကို စုံစမ်းဖော်ထုတ် အရေးယူသော အဖွဲ့ဖြစ်ပြီး SB (သတင်းတပ်ဖွဲ့) မှာ နိုင်ငံရေး သတင်းများကို စုဆောင်း တင်ပြ၍ လိုအပ်ပါက နိုင်ငံရေး ပုဒ်မများဖြင့် အရေးယူ ဆောင်ရွက်ခြင်း ဖြစ်ပါသည်။

၁၉၆၂ ခုနှစ်တွင် တပ်မတော်က အာဏာသိမ်းပြီး နောက်ပိုင်း MI ခေါ်  စစ်ထောက်လှမ်းရေး၏ အခန်းကဏ္ဍမှာ  ပိုမိုအရေးပါ အရာရောက် လာခဲ့ပါသည်။ ပထမပိုင်းတွင် ဗိုလ်မှူးကြီး မောင်လွင် (နှုတ်ခမ်းမွေး) က တပ်မတော် ထောက်လှမ်းရေး ညွှန်ကြားရေးမှူးအဖြစ် တာဝန်ယူ ဆောင်ရွက်ပြီး နောက်ပိုင်းတွင် ဗိုလ်မှူးချုပ် တင်ဦး (မျက်မှန်ကြီး) က ဆက်လက် တာဝန်ယူ ဆောင်ရွက်ပါသည်။ မဆလ ပါတီခေတ်တွင် ပြည်သူ့လွှတ်တော်က အမျိုးသား  ထောက်လှမ်းရေးအဖွဲ့ ဥပဒေကို ပြဋ္ဌာန်းခဲ့ရာ ကျွန်တော် မှတ်မိသလောက် တပ်မတော် ထောက်လှမ်းရေး ညွှန်ကြားရေးမှူးက ဥက္ကဋ္ဌအဖြစ် ဆောင်ရွက်၍ ပြည်ထဲရေးဝန်ကြီး၊ နိုင်ငံခြားရေး ဝန်ကြီးနှင့် အခြားဝန်ကြီး တစ်ဦးတို့က အတွင်းရေးမှူးအဖြစ် အလှည့်ကျ ဆောင်ရွက်ရပါသည်။

လုပ်ငန်းတာဝန် (Operation) တစ်ခု ဆောင်ရွက်ရန် ရှိသည့်အခါ တပ်မတော် ထောက်လှမ်းရေး (MI)၊ စသုံးလုံး(BSI)၊ ပြည်သူ့ရဲ အထူးသတင်း တပ်ဖွဲ့(SB)၊ မှုခင်းတပ်ဖွဲ့ (CID) စသည့် အဖွဲ့အစည်းများကို ပူးပေါင်းပါဝင် ဖွဲ့စည်း၍ အမျိုးသား ထောက်လှမ်းရေးအဖွဲ့ (NIB) အမည်ဖြင့် တာဝန် ထမ်းဆောင်ပါသည်။ ၎င်းအဖွဲ့ကို တပ်မတော် ထောက်လှမ်းရေးကပင် ဦးဆောင်ပါသည်။ နောက်ပိုင်းတွင် တပ်ထောက်လှမ်းရေး တစ်ဦးတည်းကပင် အမျိုးသား ထောက်လှမ်းရေးအဖွဲ့ အမည်ခံ၍ ဆောင်ရွက်ခြင်းများ ရှိပါသည်။ ပြည်သူများ၏ အမြင်တွင် တပ်မတော် ထောက်လှမ်းရေးနှင့် အမျိုးသား ထောက်လှမ်းရေး အဖွဲ့ကို ခွဲ၍မမြင်ပါ။ ခွဲ၍ မမြင်ခြင်းမှာလည်း လုပ်ငန်း ဆောင်ရွက်ရာတွင် ရောထွေး၍ ဆောင်ရွက်ခြင်းကြောင့် ဖြစ်ပါသည်။ နောက်ပိုင်းတွင် အမျိုးသား ထောက်လှမ်းရေးအဖွဲ့ အမည်ခံ စစ်ထောက်လှမ်းရေး၏ တန်ခိုး အရှိန်အဝါမှာ အတိုင်းအဆမရှိ ကြီးထွား လာခဲ့ပါသည်။

ထိုအချိန်က ဗိုလ်မှူးချုပ် တင်ဦးမှာ အမျိုးသား ထောက်လှမ်းရေး တာဝန်အပြင် နိုင်ငံတော်သမ္မတ၏ စစ်ဘက် လက်ထောက် အဖြစ်ပါ ဆောင်ရွက်ရသည် ဖြစ်၍ ၎င်းအနေနှင့်လည်း ပါတီဥက္ကဋ္ဌ၊ နိုင်ငံတော်ကောင်စီ ဥက္ကဋ္ဌနှင့် နိုင်ငံတော်သမ္မတ အရှိန်ဖြင့် ဝန်ကြီးချုပ်ထက်ပင် အရှိန်အဝါ ကြီးမားသူ ဖြစ်လာပါသည်။ ညွှန်ကြားရေးမှူးချုပ် အဆင့်များသာမက နောက်ပိုင်းတွင် ဝန်ကြီးများအား ပြောင်းရွှေ့နေရာ ချထားရေးအထိ ၎င်း၏ စိတ်ကြိုက် ဆောင်ရွက် လာနိုင်ခဲ့ပါသည်။ နောက်ဆုံးတွင် ဥက္ကဋ္ဌကြီး၏ ရာဇပလ္လင်ပါ လှုပ်လာသည့်အတွက် ပျားဂေဟာ စီမံကိန်းနှင့် မြခက်ရှိန်ခြံ ကိစ္စကို အကြောင်းပြု၍ ရာထူးမှ ဖယ်ရှား ခံခဲ့ရပါသည်။ ဗိုလ်မှူးချုပ် တင်ဦးနှင့်အတူ တပ်မတော် ထောက်လှမ်းရေးကိုလည်း မြေလှန်၍ ပြုပြင် ပြောင်းလဲမှုများ အကြီးအကျယ် ပြောင်းလဲခဲ့ပါသည်။

၁၉၈၈ ခုနှစ် တပ်မတော်က အာဏာသိမ်းပြီး နောက်ပိုင်းတွင် တပ်မတော် ထောက်လှမ်းရေး ညွှန်ကြားရေးမှူး တာဝန်နှင့်အတူ အမျိုးသား ထောက်လှမ်းရေးအဖွဲ့ အကြီးအကဲ တာဝန်ကိုပါ ပူးတွဲ တာဝန် ထမ်းဆောင်ရင်း  မြန်မာ့နိုင်ငံရေး လောကနှင့် နိုင်ငံတကာတွင်ပါ လျှမ်းလျှမ်းတောက် ကျော်ကြားလာသူကား တပ်မတော်တွင် ဒုတိယဗိုလ်မှူးကြီး ဘဝမှသည် ဗိုလ်မှူးကြီး၊  ဗိုလ်မှူးချုပ်၊ ဗိုလ်ချုပ်၊ ဒုတိယ ဗိုလ်ချုပ်ကြီး၊ ဗိုလ်ချုပ်ကြီးအထိ အဆင့်ဆင့် တာဝန် ထမ်းဆောင်ခဲ့ပြီး တစ်ဖက်တွင် နဝတ/နအဖ အတွင်းရေးမှူး အဖြစ်မှသည် နိုင်ငံတော် ဝန်ကြီးချုပ် တာဝန်အထိ တာဝန် ထမ်းဆောင်ခဲ့သူ ဦးခင်ညွန့်ပင် ဖြစ်ပါသည်။

ဦးခင်ညွန့်ကို ပြည်တွင်းပြည်ပ ရှုမြင် သုံးသပ်သူများက မြန်မာနိုင်ငံတွင် တတိယလူ၊ ဒုတိယလူ အဖြစ်မှသည် ပထမလူ အထိပင် ရှုမြင် သုံးသပ်ကြသည်ကို တွေ့ရှိရပါသည်။ ဦးခင်ညွန့် တန်ခိုး ထွားလာခြင်းနှင့်အတူ ၎င်း၏ ထောက်လှမ်းရေး အဖွဲ့မှာလည်း များစွာ သြဇာတိက္ကမ ကြီးထွားလာပြီး ထိပ်ပိုင်း ရာထူးများဖြစ်သည့် တိုင်းမှူးများ၊ ဝန်ကြီးများမှသည် အောက်ခြေ ဌာနဆိုင်ရာ ဝန်ထမ်းများ၊ ပြည်သူများအထိ ထောက်လှမ်းရေးဆိုလျှင် စိုးရိမ် ထိတ်လန့် ကြောက်ရွံ့ကြပါသည်။ မည်သူက ပေးအပ်ထားမှန်း မသိသည့် ‘လူတစ်ယောက်ကို အချိန်မရွေး ခေါ်ယူ စစ်ဆေး မေးမြန်းနိုင်သည့် အခွင့် အာဏာ၊ မည်သည့် ဖမ်းဝရမ်းမှ မလိုဘဲ လူတစ်ယောက်ကို အချုပ်သို့မဟုတ်  အကျဉ်းထောင်ထဲတွင် ဖမ်းဆီး ထိန်းသိမ်း ထားနိုင်သည့် အခွင့်အာဏာနှင့် သက်သေမလိုဘဲ မည်သည့် နေရာဌာနကိုမဆို ဝင်ရောက် ရှာဖွေ စစ်ဆေးနိုင်သည့် အခွင့်အာဏာ’ စသည်တို့မှာ ထောက်လှမ်းရေးကို ပြည်သူတို့ စိုးရိမ်ထိတ်လန့် ကြောက်ရွံ့ရန်အတွက် လုံလောက်သော အချက်များ ဖြစ်ပါသည်။

ယခင်အစိုးရ လက်ထက်က တိုင်း/ပြည်နယ် မြို့ကြီးများတွင် ထောက်လှမ်းရေးတပ်များ ထားရှိကြပြီး ဖွဲ့စည်းပုံအလိုက် ဗိုလ်မှူး၊ ဗိုလ်ကြီး၊ ဗိုလ်အဆင့်များ ထားရှိကြကာ အရပ်သားများက တပ်မှူးဟူ၍သာ ခေါ်ဆိုကြပါသည်။ သို့သော် ၎င်းအဆင့်များကို တိုင်းမှူး (တဝတ/ပဝတ ဥက္ကဋ္ဌ) များက အထူးအလေးပေး ဆက်ဆံကြပါသည်။ တိုင်းစစ်ဌာနချုပ်ရှိ G-1,G-2  စသော စစ်ဦးစီး အရာရှိများက တိုင်းမှူးဆိုလျှင် အာလာပသလ္လာပ ပြောဖို့ဝေးစွ စကားပင်ရဲရဲ မပြောရဲကြ၊ မေးမှပြော၊ ခေါ်မှ သွားကြသော်လည်း ထလရ တပ်မှူးများကမူ တိုင်းမှူးနှင့် ရယ်ကာမောကာ ပြောရဲဆိုရဲ ရှိကြသည်။ ထမင်းတစ်ဝိုင်းတည်း အတူစားရဲကြသည်။ ထိုသို့ ဖြစ်ရသည်မှာ တိုင်းမှူးများ၏ လှုပ်ရှားမှုများနှင့် ပတ်သက်၍ ထောက်လှမ်းရေး ညွှန်မှူးထံ တိုက်ရိုက် အစီရင်ခံ တင်ပြခွင့်ရှိ၍ဟု ဆိုကြသည်။

အောက်ခြေမြို့နယ် အဆင့်များတွင် ထောက်လှမ်းရေး တပ်ကြပ်ကြီးများ ထားရှိကာ တပ်ဆွယ်မှူးဟူ၍ ခေါ်ဆိုကြပြီး နယ်မြေခံ တပ်ရင်းမှူးများက အလေးထား ဆက်ဆံကြရပါသည်။ မြို့ခံများကလည်း တပ်ရင်းမှူးထက် ၎င်းကို ပို၍အလေးထား ပို၍ ဂရုစိုက်ကြပါသည်။ သူတို့အပြောအရ “တပ်ရင်းမှူးက ကိုယ့်ကို ဒုက္ခမပေးဘူး၊ သူ (တပ်ကြပ်ကြီး) က အချိန်မရွေး ဒုက္ခပေးနိုင်တယ်” ဟု ဆိုပါသည်။ ကျွန်တော် ရခိုင်ပြည်နယ်တွင် တာဝန် ထမ်းဆောင်စဉ် မြို့အဝင် ဂိတ်အနီးရှိ် တောင်ကုန်းငယ်ပေါ်၌ တပ်ကြပ်ကြီး တစ်ဦးနေပါသည်။ မြို့အဝင်အထွက် များတွင် ဂိတ်များ မထားရ၊ တရားမဝင် ငွေကြေး ကောက်ခံခြင်း မပြုရဟူ၍ အထက် အဆင့်ဆင့်က ညွှန်ကြားထားသော်လည်း မြို့တွင်းသို့ ဝင်သမျှ ကားများသည် ၎င်းပုဂ္ဂိုလ်၏ အိမ် (ရုံး) သို့ဝင်၍ ဦးတိုက်ရပါသည်။ ဘာတွေပြော၍ ဘာတွေလုပ်မှန်း မသိရသော်လည်း မြို့လူထု၏ ပြောစကားအရ အဆိုပါ တပ်ကြပ်ကြီးသည် သိန်းထောင်ချီ ချမ်းသာကြောင်း ကြားသိရပြီး နောက်ပိုင်း ထောက်လှမ်းရေးတွေ အရေးယူတော့ ထောင်ကျသွား ကြောင်း ကြားသိရပါသည်။

အရေးအခင်း ကာလနောက်ပိုင်းတွင် လုံခြုံရေး အကြောင်းပြချက်ဖြင့် ဌာနဆိုင်ရာ ရုံးများသို့ တံခါးမရှိ ဓားမရှိ ဝင်ထွက် သွားလာကြပြီး ရုံးစာများကို မွှေနှောက် ရှာဖွေကြပါသည်။ အထူးသဖြင့် အုပ်ချုပ်ရေး ရုံးများသို့ ဝင်ရောက်လာသော စာများမှ ပြည်သူအချင်းချင်း တိုင်သည့်စာ၊ ဌာနဆိုင်ရာ များကို တိုင်သည့်စာ၊ စီးပွားရေး သမားများကို တိုင်သည့်စာများမှ တိုင်ကြားသူနှင့် တိုင်ကြား ခံရသူများ၏ လိပ်စာများကို ကူးယူကာ နှစ်ဖက်စလုံးကို သွားရောက် တွေ့ဆုံကြပါသည်။ ဘာတွေပြော၍ ဘာအပေးအယူတွေ လုပ်ကြကြောင်း မသိရှိကြသော်လည်း တိုင်ကြားသူ ကျွေးသည်ကိုလည်းစား၊ တိုင်ကြားခံရသူ ကျွေးသည်ကိုလည်း စားတာကိုတော့ မြင်တွေ့ရပါသည်။

ကျွန်တော် အင်းစိန်မြို့နယ်တွင် တာဝန် ထမ်းဆောင်ခဲ့သည့် ၁၉၉၆ - ၉၈ ကာလ အတွေ့အကြုံများမှ တစ်ခုကို ပြောပြချင်ပါသည်။ ရန်ကုန်စက်မှု တက္ကသိုလ် (YIT) မှ ကျောင်းသား တစ်ဦးသည် ငွေကြေး အခက်အခဲ ရှိ၍ ကြို့ကုန်း အနောက်ရပ်ကွက်ရှိ အမျိုးသမီး တစ်ဦးထံမှ (ရွှေဆွဲကြိုး အပေါင်ခံ၍) ငွေချေးပါသည်။ ထို့နောက် ငွေကြေး အဆင်ပြေ၍ ငွေကို ပြန်ပေးပြီး ရွှေကို ပြန်လည် ရွေးယူသည့်အခါ ဆွဲကြိုးကို ပြန်လည် မပေးချင်သည့်အတွက် ဗြောင်ငြင်းဆန်ရာ ကျောင်းသားလေးက သက်ဆိုင်ရာ ရပ်ကွက် အုပ်ချုပ်ရေး အဖွဲ့ကို အကူအညီ တောင်းပါသည်။ ရယကအဖွဲ့က ကြားဝင်၍ ညှိနှိုင်း ဆောင်ရွက် ပေးသော်လည်း အဆိုပါ အမျိုးသမီးက ထောက်လှမ်းရေး တပ်ကြပ်ကြီးကို ချဉ်းကပ်သည့်အတွက် တပ်ကြပ်ကြီးက ရယကကို ခေါ်၍ ရစ်ပါသည်။ “ခင်ဗျားတို့က မမှန်တဲ့ဘက်က ဝင်ပြီး ကူညီပေးတယ်၊ နောက်ပြီးတော့ ဒီကျောင်းသားက နိုင်ငံရေး မကင်းသူ ဖြစ်တဲ့အတွက် ကျုပ်တို့က စောင့်ကြည့်နေရတာ ဖြစ်တယ်၊ ဒါကြောင့် ဒီကိစ္စမှာ ခင်ဗျားတို့ နောက်ဆုတ်ပေးပါ” ဟု ဝင်ရောက် ပြောဆိုသည် ရယကအဖွဲ့ အကျပ်ရိုက်ပါသည်။ နောက်ဆုံးတွင် သက်ဆိုင်ရာ ထလရ တပ်မှူး သိရှိစေရန် နည်းလမ်းရှာဖွေ အသိပေး တင်ပြသည့် အခါမှသာ ကျောင်းသားလေးခမျာ အပေါင်ပစ္စည်းကို ပြန်လည် ရရှိပါတော့သည်။

ဤသည်မှာ အောက်ခြေ ထောက်လှမ်းရေး တပ်ဖွဲ့ဝင်များ၏ မမှန်မကန် ဆောင်ရွက်မှုများ အနက်မှ တစ်ခုတလေကိုသာ တင်ပြခြင်း ဖြစ်ပါသည်။ အမှန်တကယ်တော့ ထိုသို့သော ဘက်လိုက် ဆောင်ရွက်ခြင်းမျိုး များစွာရှိပါသည်။ ပြည်သူတွေမှာ စားသတိ၊ သွားသတိ၊ ပြောသတိနှင့် အစဉ်အမြဲ အကြောက်တရားဖြင့်သာ နေရပါသည်။ အထူးသဖြင့် အစိုးရနှင့် စစ်တပ်အပေါ် မည်သို့မျှ ဝေဖန်ပြောဆိုမှု မပြုရဲပါ။ လက်ဖက်ရည်ဆိုင်တွင် စကားကျယ်ကျယ် မပြောရဲပါ။ ဒေါ်အောင်ဆန်းစုကြည်နှင့် ၎င်း၏ ပါတီနှင့် ပတ်သက်သော ဓာတ်ပုံ၊ စာရွက်စာတမ်းများကို မည်သူမျှ လက်ဝယ် မထားရဲပါ။ ကျွန်တော် မင်္ဂလာတောင်ညွန့် မြို့နယ်တွင် တာဝန် ထမ်းဆောင်စဉ်က စာပုံနှိပ်စက် တစ်ခုကို ထောက်လှမ်းရေးက ဝင်ရောက် ရှာဖွေရာ ဗိုလ်ချုပ်ကတော် (ဒေါ်အောင်ဆန်းစုကြည်၏ မိခင်) ဒေါ်ခင်ကြည် ကွယ်လွန်စဉ်က ဖိတ်ကြားသည့် အသုဘရှု ဖိတ်စာ တစ်စောင်တည်းကို တွေ့ရာ ပုံနှိပ်/ထုတ်ဝေ ဥပဒေဖြင့် အရေးယူခြင်း ခံရပြီး ထောင်ကျ သွားပါသည်။

တစ်ချိန်က မြန်မာနိုင်ငံတွင် မော်တော်ယာဉ် တင်သွင်းခွင့်များ ကန့်သတ်ထားပါသည်။ ဗိုလ်ချုပ်များနှင့် ၎င်းတို့ နှင့်ရင်းနှီးသူ ခရိုနီများသာ ဝယ်ယူ တင်သွင်းခွင့် (ပါမစ်) ရရှိပြီး ၎င်းတို့သာလျှင် တင်သွင်းခွင့် ရှိပါသည်။ တရားဝင် ကညန လိုင်စဉ် နံပါတ် မရှိလျှင် ဥပဒေအရ အများပြည်သူသုံး လမ်းများပေါ်တွင် မည်သည့် စက်တပ် မော်တော်ယာဉ်မျှ မောင်းနှင်ခွင့် မရှိပါ။ သို့သော် အမှန်တကယ်တွင်မူ လမ်းများပေါ်တွင် တံဆိပ်အမျိုးမျိုး၊ နံပါတ် အမျိုးမျိုးနှင့် မောင်းနှင် သွားလာနေကြသည်ကို ပြည်သူများ မြင်တွေ့ ကြရပါသည်။ ဤသည်တို့မှာ ထောက်လှမ်းရေးက ထုတ်ပေးထားသော နံပါတ် များနှင့် ၎င်းတို့ အသိအမှတ် ပြုထားသော တံဆိပ်များသာ ဖြစ်ကြပါသည်။ ၎င်းနံပါတ်များမှာ ကညနက ထုတ်ပေးသော နံပါတ်များထက် ပို၍ ခိုင်မာပါသည်၊ သြဇာအရှိန်အဝါ ရှိပါသည်။ အဘယ့်ကြောင့် ဆိုသော် ၎င်းနံပါတ်ပြားများ တပ်ဆင်ထားသော မော်တော်ကားများကို မည်သည့် ယာဉ်ထိန်းရဲကမျှ မဖမ်းရဲ၍ ဖြစ်ပါသည်။ ဖမ်းရဲရင် ဖမ်းကြည့်စမ်း၊ နယ်ပြောင်းရင်ပြောင်း၊ မပြောင်းလျှင် ပြုတ်မည်သာကြံ။

ထောက်လှမ်းရေး တပ်ဖွဲ့သည် တစ်စတစ်စ သြဇာအရှိန်အဝါ အဆမတန် ကြီးထွားလာရာမှ မိမိအရှိန်ကို မိမိမထိန်းသိမ်းနိုင်သော အခြေအနေသို့ ရောက်ရှိလာပါသည်။ နောက်ဆုံးတွင် ဘရိတ် ပေါက်သည်ဟုပဲ ပြောရမလား မသိပါ၊ လားရှိုးတွင် ဒု-တိုင်းမှူး၏ ကားကို ထောက်လှမ်းရေးက ဖမ်းသည်ဟု သိရပါသည်။ ကိုယ့်အရှိန်ကိုယ် မထိန်းနိုင်သော၊ ကိုယ့်လူကိုယ် မထိန်းနိုင်သော ထောက်လှမ်းရေး တပ်ဖွဲ့ကြီး၏ ပြိုကွဲမှုအစပင် ဖြစ်ပါသည်။ ထို့နောက် နိုင်ငံတော် (ကကကြည်း) မှဆက်တိုက် အရေးယူမှုများ ဆက်လက် ဆောင်ရွက်ခဲ့ပြီး ဆယ်စုနှစ်များစွာ ဥပဒေ၏ အထက်မှ နေခဲ့ပြီး ပြည်သူတို့၏ နှစ်လုံးသားဝယ် အကြောက်တရားတို့ကို ထာဝရ ကိန်းအောင်းစေခဲ့သည့် တပ်မတော် ထောက်လှမ်းရေး တပ်ဖွဲ့ကြီး ငုတ်လျှိုး ပျောက်ကွယ်ခဲ့ကာ အမျိုးသား ထောက်လှမ်ရေး အဖွဲ့သည်လည်း ပြည်သူ့ မြင်ကွင်းမှ ပျောက်ကွယ်ခဲ့ပါတော့သည်။

နိုင်ငံတစ်နိုင်ငံ၏ တည်တံ့ ခိုင်မြဲရေးသည် ယင်းနိုင်ငံ၏ စစ်ရေးအင်အားအပေါ် များစွာ မူတည်သော်လည်း စစ်ရေးတွင် အသာစီး ရယူနိုင်မှုနှင့် လက်ဦးမှု ရယူခြင်းသည်လည်း အရေးပါ အရာရောက်သည်ဖြစ်ရာ ထောက်လှမ်းရေး တပ်ဖွဲ့နှင့် ထောက်လှမ်းရေး နည်းပညာများကို ယနေ့အထိ နိုင်ငံတိုင်းက အသိအမှတ်ပြု အလေးထားနေရဆဲပင် ဖြစ်ပါသည်။ မြန်မာနိုင်ငံ သည်လည်း စစ်ရေးအရ အရေးပါသော ပထဝီ အနေအထားတွင် ရှိသည်ဖြစ်ရာ စစ်ဘက်ဆိုင်ရာ ထောက်လှမ်းရေးသည် အထူးအရေးပါသော အခြေအနေတွင် ရှိပါသည်။ ထို့ကြောင့်လည်း စစ်ရေးအမြင် ရှိပြီး အမြော်အမြင် ကြီးမားသော မြန်မာ့ စစ်ခေါင်းဆောင်များသည် ဖျက်သိမ်းလိုက်သော တပ်မတော် ထောက်လှမ်းရေးအဖွဲ့ နေရာတွင် စစ်ဘက်ဆိုင်ရာ လုံခြုံရေးအဖွဲ့ (စရဖ) ကို စောစီးစွာပင် ဖွဲ့စည်းခဲ့ပြီး ဖြစ်ပါသည်။ စစ်ခေါင်းဆောင်များ၏ ပို၍အမြော်အမြင် ကြီးမားသည့် အချက်မှာ စရဖ အဖွဲ့ကို အရပ်ဘက်ဆိုင်ရာ ဝင်ရောက် စွက်ဖက် ပါဝင်စေခြင်း အလျဉ်းမရှိစေဘဲ စစ်ရေးသက်သက် ကိစ္စများကိုသာ တာဝန်ပေး စေခိုင်းနေခြင်း ဖြစ်ပါသည်။

အရပ်ဘက်/နယ်ဘက်ဆိုင်ရာ ကိစ္စများနှင့် ပတ်သက်၍မူ ပြစ်မှုများ မဖြစ်ပွားရေးအတွက် ကြိုတင် ကာကွယ်မှုပြုရန် မြန်မာနိုင်ငံ ရဲတပ်ဖွဲ့၊ ဖြစ်ပွားသော မှုခင်းများကို စုံစမ်း၊ ထောက်လှမ်း၊ ရှာဖွေ၊ ဖမ်းဆီး၊ ဖော်ထုတ်ရန်အတွက် ရဲတပ်ဖွဲ့နှင့်အတူ မှုခင်းတပ်ဖွဲ့၊ စီးပွားရေး မသမာမှုများကို စုံစမ်းစစ်ဆေး ဖော်ထုတ် အရေးယူ ဆောင်ရွက်ရန်အတွက် အထူးစုံစမ်းစစ်ဆေးရေး ဦးစီးဌာန (စ-သုံးလုံး) နှင့် နိုင်ငံရေးဆိုင်ရာ ကိစ္စများအတွက် အထူးသတင်းတပ်ဖွဲ့ (SB) စသည်တို့ ရှိနေပြီဖြစ်ရာ မြန်မာနိုင်ငံ၏ လုံခြုံရေးအတွက် စိုးရိမ်ဖွယ်ရာ မရှိဟု ထင်မြင်ယူဆပါသည်။ အရေးကြီးသည်မှာ ဝန်ထမ်းအင်အား လုံလောက်မှု၊ ပေးအပ်သော တာဝန်ကို ကျေပွန်မှု၊ ရိုးသား ဖြောင့်မတ်မှု၊ ပြည်သူကို အလေးထား လေးစား၍ အနိုင်မကျင့်ရန်နှင့် ခေတ်မီနည်းပညာ အထောက်အကူပြု ပစ္စည်းများကို ကျွမ်းကျင် နိုင်နင်းစွာ အသုံးပြုနိုင်မှု စသည်တို့ပင် ဖြစ်ပါသည်။

အချုပ်ဆိုရသော် မြန်မာပြည် လုံခြုံရေးအတွက် အဘက်ဘက်က ပြည့်စုံ၍ လုံခြုံစိတ်ချရသော အနေအထားတွင် ပြည်သူ (နိုင်ငံရေးသမား၊ ကျောင်းသား၊ ဝန်ထမ်း၊ အလုပ်သမား၊ ဆင်းရဲသား) ကို မျက်ရည်ပေါက်ကြီးငယ် ကျစေခဲ့သော ထောက်လှမ်းရေး အဖွဲ့ကြီးကို ပြန်လည် ဖွဲ့စည်းရန် ကြိုးပမ်း အားထုတ်နေခြင်းကို ‘ကျားသေကို အသက်သွင်းကြဦးမှာလား’ ဟုသာ မေးလိုက်ချင်ပါတော့သည်။
Credit To The Voice Weekly
Read More »

အပြောနဲ့ အလုပ် လွဲနေတဲ့ အုပ်ချုပ်ရေး ယန္တရား မီးစင်ကြည့်ကပြီးသွားမယ့် ဒီမိုကရေစီ

သမ္မတကြီး သိပါစ ...။ အမ်ပီစီက သိပါစ၊ ငြိမ်းချမ်းရေးဆို ထောင် ၇ လ ...။
ဒီဇင်ဘာ ၅ ရက်က ရန်ကုန်မြို့၊ လှိုင်မြို့နယ် တရားရုံး ရှေ့မှာ အမေအိုတစ်ဦး လက်ထဲကိုင်ထားတဲ့ စာတမ်းလေးပါ။
ဓာတ်ပုံနဲ့ တင်ထားတာမို့ ကြည့်ရင်းနဲ့ စိတ်ထိခိုက် သွားမိပါတယ်။ ဒီရက်ပိုင်းမှာ ပုဒ်မ ၁၈တို့ ၅၀၅ (ခ) တို့နဲ့ တစ်ယောက်ပြီးတစ်ယောက် တစ်ဖွဲ့ပြီးတစ်ဖွဲ့ ဆက်တိုက် ဆိုသလို သတိမထားဘဲ မနေနိုင်လောက်အောင်ကို ထောင်ချနေတာ တွေ့ရပါတယ်။ လိုင်ဇာ လမ်းလျှောက်တဲ့ လူငယ်လေးတွေဆို ရန်ကုန်ပြန်ရောက်တာတောင် ကြာပါပြီ။အခုမှ ထောင်ချပါတယ်၊ မြို့နယ် တစ်မြို့နယ် တစ်လနှုန်းနဲ့ ၇ မြို့နယ် ၇ လ ထောင်ချပါသတဲ့။ ဒိုင်းခနဲ မေးခွန်းတစ်ခုက ပေါ်လာပါတယ်။ ရန်ကုန်နဲ့ လိုင်ဇာကြား မြို့နယ်ပေါင်းများစွာ ဖြတ်သန်းလျှောက်ခဲ့ကြတာ ဒီ ၇ မြို့နယ်ကပဲ တရားစွဲ ထောင်ချပြီး ကျန်တဲ့ မြို့နယ်ပေါင်းများစွာက ဒီတိုင်း လက်ပိုက်ကြည့်နေတာလား၊ ကိုယ်ပိုင် အုပ်ချုပ်ခွင့်ရ မြို့နယ်တွေ အများကြီး ရှိနေလေသလား၊ ဒီပုံဒီနည်း တရားစီရင်ရေးနဲ့ ဒီလို အုပ်ချုပ်ရေးပုံစံတွေနဲ့ ဒီမိုကရေစီကို ဘယ်လို သွားကြမှာတုံး၊ ဒီလိုပဲ မီးစင်ကြည့်ကပြီး သွားတော့မှာလား။ မီးကလည်း မကြာမကြာ လာတာဆိုတော့ မီးစင်ကြီးအတွက် မီးစက်ကြီးလည်း တရုတ်က မှာထားဦးမှ။စိတ်ပေါက်ပေါက်နဲ့ လျှောက်တွေးနေမိပါတော့တယ်။

မေးခွန်းထုတ်စရာတွေနဲ့ ပုဒ်မ ၁၈
အခု အစိုးရလက်ထက် နာမည်ကြီးလာတဲ့ ပုဒ်မ ၁၈ ဟာ မေးခွန်းထုတ်စရာတွေ အပြည့်နဲ့ပါ။ “တစ်ကိုယ်တော် အသံတိတ် ဆိုင်းဘုတ်ကိုင် ဆန္ဒပြတဲ့သူလည်း တရားစွဲခံ ရတယ်ဗျာ၊ တစ်ဦးထက်ပိုမှသာ စီတန်းလှည့်လည်ရာ မြောက်မှာပေါ့။ တစ်ဦးထက်ပိုမှသာ စုဝေးရာမြောက်မှာပေါ့၊ တစ်ဦးချင်း ဆန္ဒပြတာကို ဘာဖြစ်လို့ ပုဒ်မ ၁၈ နဲ့ တရားစွဲပြီး ထောင်ချတာလည်း၊ ကျွန်တော်တော့ မစဉ်းစားတတ်ဘူး ဗျာ” ရန်ကုန်မြို့က တရားလွှတ်တော် ရှေ့နေကြီး ဦးအောင်သိန်းပြောတဲ့ စကားတစ်ခွန်းပါ။ ငြိမ်းချမ်းစွာဆိုတဲ့ အင်မတန် တန်ဖိုးရှိတဲ့ စကားလုံးဟာ ထောင်ချခံရတဲ့ စကားလုံးအဖြစ် ပြောင်းနေတာကိုတော့ ကျွန်တော် လက်မခံနိုင်ဘူးဗျာလို့လည်း မှတ်ချက်ပေး ပြောခဲ့ပါသေး တယ်။ ဆရာ့စကား ကြားတော့ ဒီရက်ပိုင်း အတွင်းမှာပဲ မြို့တော်ခန်းမရှေ့ ဆိုင်းဘုတ်လေး ကိုင်ပြီး ဆန်္ဒပြနေတဲ့ အမယ်အိုတစ်ဦးကို ရဲတွေ ရဲကားပေါ် တင်ခေါ်သွားတဲ့ ဓာတ်ပုံ မျက်စိထဲ မြင်ယောင်လာမိပါတယ်။
ပုဒ်မ ၁၈ လွှတ်တော်ထဲပြင်ဖို့ ပြောတော့ ပြည်ထဲရေး ဒုဝန်ကြီးဆိုသူ ခုခံပြောခဲ့တာ မှတ်မိနေပါသေးတယ်။ ပြစ်ဒဏ်မပါတဲ့ ဥပဒေဟာ အားနည်းပါတယ်တဲ့။ ဥပဒေ ဆိုတာ ပြည်သူတွေကို အကာအကွယ်ပေးဖို့ပဲ ဖြစ်ရမယ်လို့ အမြော်အမြင်ကြီးသူတွေ ပြောနေတဲ့စကား အုပ်ချုပ်ရေးပိုင်း ဆိုင်ရာ တာဝန်ရှိသူတွေ မကြားလေရော့သလား၊ ခုချိန်ထိ သူတို့ခေါင်းထဲ တို့တာဝန် အရေးသုံးပါးပဲ ရှိနေသေး ကြလေသလား၊ တွေးကြည့်မနေပါနဲ့၊ တကယ်ပဲ အရင် အတိုင်း ပြုမူပြောဆိုနေကြတုန်းပါ။ ကိုယ့်ဘာသာ ပြန်အဖြေ ပေးမိရင်း သက်ပြင်းလည်း အကြိမ်ကြိမ် ချမိပါတယ်။မနေ့ တစ်နေ့ကပဲ ပတ်မကြီး မထိုးဖောက်နဲ့လို့ ပြောသွားသေး မဟုတ်လား။

သမ္မတပြောလည်း ပြောပါပဲ
သမ္မတက အောက်တိုဘာ ရေဒီယို မိန့်ခွန်းမှာ အခုလို ပြောသွားပါတယ်။
“ငြိမ်းချမ်းရေး ဖြစ်စဉ်နဲ့ ပတ်သက်လို့ ထူးခြားမှု တစ်ရပ်ကတော့ ဒီနှစ် နိုင်ငံတကာ ငြိမ်းချမ်းရေး နေ့မှာ ရန်ကုန်၊ မန္တလေး၊ မော်လမြိုင်၊ မြစ်ကြီးနား အစရှိတဲ့ မြို့ကြီးတွေမှာ ငြိမ်းချမ်းရေး ပွဲတော်တွေကို ပြည်သူလူထုရဲ့ အသံ၊ ဆန္ဒတွေကို ထင်ဟပ်ပြီး ၀ိုင်းဝန်း ကျင်းပခဲ့ကြတာပဲ ဖြစ်ပါတယ်၊ ပြည်သူလူထုရဲ့ ငြိမ်းချမ်းရေး လိုချင်တဲ့ဆန္ဒ၊ အထူးသဖြင့် တိုင်းပြည်တာဝန်ကို ပခုံးပြောင်း ထမ်းဆောင် ကြရမယ့် လူငယ်တွေရဲ့ ငြိမ်းချမ်းရေးကို လိုလားတဲ့ ပြင်းပြတဲ့ ဆန္ဒကနေ ပေါက်ဖွားလာတဲ့ တက်ကြွလှုပ်ရှားမှု တွေ၊ အနုပညာ လှုပ်ရှားမှုတွေကို ကျွန်တော့်အနေနဲ့ အားရ ကျေနပ်မိပါတယ်”
ဒီဇင်ဘာမှာ သမ္မတ ကျေနပ်အားရမိတဲ့ လူငယ်တွေကို တရားရုံးအသီးသီးက တက်ညီလက်ညီ ထောင်ချပါတော့ တယ်။ ထောင်ချခံရတဲ့ လူငယ်တွေကလည်း ပြုံးပြုံး ပြုံးပြုံးနဲ့ အချုပ်ကားပေါ် တက်သွားကြတာ တွေ့ရပါတယ်။ ဒီဇင်ဘာ လကုန် နိုင်ငံရေး အကျဉ်းသားအားလုံး သမ္မတက လွှတ်ပေးဖို့ ရှိနေလေတော့ သမ္မတ လွှတ်စရာ လူမရှိမှာစိုးလို့ ထောင်ထဲ လူစုပေးနေသလား သံသယဖြစ်စရာ ဖြစ်ရပါတယ်။ တရား စီရင်ရေးအာဏာကို အလွဲသုံးစား လုပ်နေတဲ့ သဘောလား ယူဆစရာတွေ ရှိလာပါတယ်။ လွှတ်တော်ထဲ ပုဒ်မ ၁၈ ပြင်ဖို့ ပြောနေဆိုနေချိန်မှာ အုပ်ချုပ်ရေးပိုင်းက အခုလို ထောင်ချပြနေလေတော့၊ ဒီကမောက်ကမ ဖြစ်ရပ်တွေ ကြည့်ပြီး ပြည်သူတွေမှာ အုပ်ချုပ်ရေး ယန္တရားနဲ့ တရား စီရင်ရေး ယန္တရားကို ဘယ်လိုလုပ် အားကိုးရပါ့မလဲ။
ပြည်သူ့အသံ နားထောင်မယ့် အစိုးရ ပြည်သူ့အသံ လွှတ်တော်အသံဆိုတာတွေ ဘယ်မလဲ မေးခွန်းထုတ်စရာတွေ ဖြစ်ရပါတယ်။

ရာနဲ့ချီ အချုပ်နဲ့ တရား ရင်ဆိုင်နေကြရ
နိုင်ငံရေး အကျဉ်းသားဟောင်းများ အဖွဲ့က ပြန်ကြားရေး တာဝန်ခံ ဦးထွန်းကြည် ပြောပြလို့ သိရတာက သူတို့ လက်လှမ်းမီသလောက် ပုဒ်မ ၁၈ တို့ ၅၀၅(ခ) တို့နဲ့ ထောင်ကျသွားတဲ့သူ ၂၀ လောက် ရှိနေပြီး အချုပ်နဲ့ တရားရင်ဆိုင်နေရသူပေါင်းက ၂၀၀ ကျော် ရှိပါတယ်။အစိုးရ အခုလို လုပ်နေတာတွေဟာ နိုင်ငံရေး တက်ကြွ လှုပ်ရှားသူတွေကို အငြိုးအတေးနဲ့ လုပ်နေတာမို့ သူတို့ အနေနဲ့ ပြင်းပြင်းထန်ထန် ရှုတ်ချတယ်လို့လည်း သူက ပြောပါတယ်။ သမ်္မတပြောတဲ့ ဒီဇင်ဘာလကုန် နိုင်ငံရေး အကျဉ်းသားအားလုံး လွှတ်ပေးမယ်ဆိုတဲ့အပေါ် သံသယ ရှိတယ်။ ဒီပုံအတိုင်းတော့ မဖြစ်နိုင်ဘူးလို့ ယူဆတယ် လို့လည်း မှတ်ချက်ပေးပါတယ်။
သမ္မတ ပြောပြောနေတာတွေဟာ အောက်ခြေမှာ တကယ်ဖြစ်နေတာတွေနဲ့ အတော့်ကို လွဲချော်နေတာမို့ အပြောရပ်ပြီး တကယ်လုပ်ပြဖို့ လိုလာပါပြီ။ သမ္မတ သက်တမ်း ထက်ဝက်ကျော်လာချိန်ထိ သမ္မတ ပြောခဲ့တဲ့ မိန့်ခွန်းပေါင်း ၄၀ ကျော်ခဲ့ပါပြီ။ သမ္မတ ပြောခဲ့တဲ့ မိန့်ခွန်း တွေ အတိုင်း လက်တွေ့ အကောင်အထည် ပေါ်လာအောင် အုပ်ချုပ်ရေး ယန္တရားထဲမှာ ပြုပြင် ပြောင်းလဲရေးတွေ အများကြီးလုပ်ဖို့ လိုနေပါပြီ။ နို့မို့ဖြင့်တော့ သမ္မတပြောတဲ့ စကားလုံးတွေ ဘယ်လောက်ကောင်းကောင်း ပြည်သူတွေက အသိအမှတ် မပြုတော့တာမျိုးတွေ ဖြစ်လာနေပါပြီ။

ဘယ်လို အုပ်ချုပ်ရေးတုန်း
အခု ဒီစာရေးနေတုန်း အချိန်မှာပဲ အုပ်ချုပ်ရေး ယန္တရားကို မေးခွန်းထုတ်စရာ ဖြစ်ရပ်တစ်ခု ဖြစ်ပွားခဲ့ပါတယ်။ သင်္ဃန်းကျွန်း၊ မိကျောင်းကန်မှာ သပိတ်စခန်းဖွင့် ဆန္ဒပြနေတဲ့ သူတွေကို တပ်မြို့စည်ပင် တံဆိပ်နဲ့ အရပ်ဝတ် တွေက နံပါတ်တုတ်တွေ တူတွေနဲ့ ရောက်လာပြီး အတင်း အဓမ္မတံတိုင်း ၀င်ခတ်တဲ့ ဖြစ်ရပ်ပါ။ အဲဒီ တပ်စည်ပင် ဆိုသူတွေ ရောက်လာချိန် ရှိနေတဲ့ သတင်းထောက်တစ်ဦး ပြောပြချက်အရ မင်္ဂလာဒုံတပ်မြို့စည်ပင်လို့ ရေးထားတဲ့ ကားပြာကြီးတွေ ထိုးဆိုက်လာတယ်၊ အင်္ကျီအနက်တွေ ကာကီရောင် ဘောင်းဘီတွေ ၀တ်ထားပြီး နံပါတ်တုတ်တွေ တူတွေနဲ့ လူတွေ ကားတွေပေါ်က ခုန်ဆင်းလာတယ်၊ ကား တစ်စီး တစ်စီးမှာ လူ ၅၀ လောက်ပါတယ်။ ကားတွေ အများကြီးပေါ်က အုပ်စုလိုက် အုပ်စုလိုက် ဆင်းချလာတယ်။ ထုဟ ရိုက်ဟ အော်ပြီး သွပ်ပြားတွေနဲ့ တံတိုင်းဝင်ကာတယ်။ တွန်းထိုးမိလို့ လဲကျသွားတဲ့ အမျိုးသမီးတွေကို တက်နင်း တယ်၊ သပိတ်စခန်းက အမျိုးသမီး ၁၀ ယောက်လောက် ဒဏ်ရာရသွားတယ်၊ မိကျောင်းကန် ဆန်္ဒပြသူတွေဆီ တပ်စည်ပင် ဆိုသူတွေ ရောက်ရောက်လာတာ ၃ ကြိမ်ရှိပြီ၊ ၂ ကြိမ်မှာ အခုလိုမျိုး ထိပ်တိုက်တွေ့တယ်။
အင်တာနက်ပေါ် ဓာတ်ပုံတွေ တက်လာလို့ ကြည့်လိုက် တော့ တပ်စည်ပင်ဆိုသူတွေဟာ အရပ်ဝတ်နဲ့ တကယ့် လူမိုက်ရုပ်တွေပါ။ စွမ်းအားရှင်တွေ တစ်ကျော့ ပြန်လာလေ သလား၊ ဓာတ်ပုံတွေကြည့်ရင်း သောက များရပါတယ်။လက်လှမ်းမီသလောက် မေးကြည့်တော့ တပ်မြို့တွေ ဥပမာ မိတီ်္ထလာ၊ ဗထူး၊ မင်္ဂလာဒုံ စတဲ့ တပ်မြို့တွေမှာ တပ်ဝင်း စည်ပင်သာယာရေးလုပ်ဖို့ ခန့်ထားတဲ့ အရပ်ဝတ် ၀န်ထမ်း တွေ ရှိတယ်လို့ သိရပါတယ်။ ဒါဆို မိကျောင်းကန် သပိတ်စခန်းကို ရောက်လာတဲ့ တပ်စည်ပင်တွေကို အဲဒီတပ် တပ်မှူးက အမိန့်ပေးလို့ အခုလို လာလုပ်တာပေါ့။စစ်တပ် အလုပ်က နိုင်ငံတော် ကာကွယ်ရေးအတွက်ပဲ လုပ်ရတာ မဟုတ်လား၊ မနေ့တစ်နေ့ကပဲ ကာကွယ်ရေး ဦးစီးချုပ် ရခိုင်ခရီးမှာ ပြောသွားသေးတယ်၊ စစ်တပ်ဆိုတာ နိုင်ငံတော် ကို ထာဝရ အကာအကွယ် ပေးနေရတဲ့ အဖွဲ့အစည်းတဲ့။ ဒါပါပဲ၊ အပြောတွေနဲ့ လုပ်နေတာတွေ လွဲနေပါတယ်။ ကြာရင် အရင်အတိုင်း မယုံဘဲ အရင်လို ပြန်ဖြစ်ကုန် ပါတော့မယ်။

 Credit To ပြည်သူ့ခေတ်ဂျာနယ် 
အတွဲ - ၄၊ အမှတ် - ၁၇၅ မှ ဆရာကိုရွှေအောင်၏ ဆောင်းပါး 
Read More »

မင်ဒဲလား သို့မဟုတ် သည်းခံ ခွင့်လွှတ်ခြင်း တရားရဲ့ တမန်တော်

မဒိဘ ရဲ့ တန်းတူညီမျှရေး၊ ဒီမိုကရေစီရေးနဲ့ ငြင်းပယ်လို့ မရတဲ့ လူတိုင်းရသင့်တဲ့ အခွင့်အရေးတွေ ရရှိခံစားနိုင်ရေး တို့ကို လိုချင်တဲ့ စိတ်ဓာတ်ဟာ ဘုရားသခင်ရဲ့ စိတ်ကူးပုံရိပ်နဲ့ ဖန်တီးထားတဲ့ လူတိုင်းဟာ အဖိုးမဖြတ်နိုင်အောင် ထိုက်တန်တယ်ဆိုတဲ့ ကျမ်းစာပါ သင်ကြားမှု အဆိုတွေနဲ့ လည်း အတိုင်းအတာ တစ်ခုအထိ ဆီလျော်မှု ရှိတယ်။
လူတိုင်း ရသင့်တဲ့ အခွင့်အရေးလို့ ဆိုရာမှာ လူတစ်ယောက်ရဲ့ အမျိုးအနွယ်၊ အသားအရောင်၊ လူမှု အဆင့်အတန်းတွေနဲ့ ကန့်သတ်ထားမှု မရှိတဲ့ လူသား အားလုံးနဲ့ သက်ဆိုင်တဲ့ အခွင့်အရေးတွေ ဖြစ်တယ်။သည်လို လူ့ဂုဏ်သိက္ခာ၊ တန်းတူညီမျှရေးနဲ့ လွတ်လပ်မှု တွေအတွက် မဒိဘဟာ တိုက်ပွဲဝင်လိုစိတ်ရှိပြီး လိုအပ်ရင် သူ့အသက်ကိုပါ ပေးဝံ့သူ ဖြစ်တယ်။ မတရားမှု၊ လူမျိုးရေး ခွဲခြားမှုနဲ့ ဖိနှိပ်မှုတွေကို ဆန့်ကျင်တဲ့ သူ့ရဲ့ စိတ်ဓာတ်နဲ့ လုပ်ဆောင်မှုတွေဟာ နိုင်ငံရေးနဲ့ ယုံကြည်မှု အတွေးအခေါ် သက်သက် မဟုတ်ဘဲ ဘာသာရေးဆိုင်ရာ သဘော တရားတွေနဲ့လည်း ဆက်နွှယ်မှု ရှိတယ်။ လွတ်လပ်မှု၊ လူမျိုးရေး မခွဲခြားမှုနဲ့ မှန်ကန်တဲ့ အကျင့်စာရိတ်္တရှိမှုတွေကို ကျွန်တော်တို့ရဲ့ ကြီးမြတ်တဲ့ အခြေခံဥပဒေမှာ အဓိက နေရာကို ရယူထားစေတာဟာ သူ့ရဲ့ ယုံကြည်မှု အမွေ အနှစ်တွေ ထာဝရ ရှင်သန်စေနိုင်စေဖို့ ဖြစ်တယ်။
သူဟာ ဒုက္ခအခက်အခဲမီးတွေနဲ့ မာကျောအောင် ထုနှက်ခံခဲ့ရတယ်။ အမျိုးပေါင်းများစွာ ရှိတဲ့ ပန်းနဲ့ တင်စား အခေါ်ခံရလောက်အောင် ပုံသ္ဌာန်အမျိုးမျိုးနဲ့ ထွက်ပြေး တိမ်းရှောင်နေရစဉ် ကာလနှင့် မိသားစုဘ၀နဲ့ ကင်းကွာပြီး ၂၇ နှစ်ကြာ အထိန်းသိမ်းခံ ကာလတွေဟာ မင်ဒဲလား ဆိုတဲ့ လူတစ်ယောက် ဖြစ်လာစေဖို့ အရေးပါလှတဲ့ အချိန်တွေ ဖြစ်တယ်။
အဲဒီကာလတွေဟာ သူ့ကို အမြင်သစ်တွေ ရအောင်၊
အခြားသူတွေရဲ့ အားနည်းချက်တွေကို ပိုပြီး ဖြည့်စွက် နားလည်လာနိုင်အောင်၊ ပိုပြီး သည်းခံ ခွင့်လွှတ်စိတ် ရှိအောင်၊ ပိုပြီး ရက်ရောပေးကမ်းမှု ရှိအောင်၊ ပိုပြီး ကြီးမြတ်တဲ့ စိတ်ထားရှိအောင် ပြုလုပ်ပေးခဲ့ပြီး ထောင်ကနေ လွတ်မြောက်တဲ့အချိန်မှာ တိုက်ခိုက် ပုတ်ခတ်လို့ မရတဲ့ ရိုးသားမှု၊ ယုံကြည်အားထားနိုင်မှု ရှိတဲ့ ခေါင်းဆောင် ကောင်းတစ်ယောက်အဖြစ် ပေါ်ထွက်လာခဲ့တယ်။ သူ့ရဲ့ အရင်တုန်းက ရန်သူတွေကို ခင်မင်ရင်းနှီးတဲ့ လက်နဲ့ ကမ်းလင့်ခဲ့ပြီး သူတို့ အရေးနိမ့်တဲ့အချိန်မှာ ရက်ရောလှတဲ့ ခွင့်လွှတ်မှုအပြည့်နဲ့ ဆက်ဆံခဲ့တယ်။
ရန်သူဟာ စောင့်ဆိုင်းနေတဲ့ မိတ်ဆွေလည်း ဖြစ်နိုင်တယ် ဆိုတာကို ပြသခဲ့တယ်။ သူ့ကို သေဒဏ်အထိ ကျအောင် တရားစွဲဆိုဖို့ ကြိုးစားခဲ့တဲ့ ဒေါက်တာပါစီရူတာကို
သူ့ရဲ့ သမ္မတ တင်မြှောက်ခံရခြင်း အခမ်းအနားကို တက်ရောက်စေခဲ့ပြီး သမ္မတ အိမ်တော်မှာ နေ့လယ်စာ ရင်းနှီးစွာ အတူစားသောက်ခဲ့တယ်။ သမ်္မတ တင်မြှောက်ခြင်း အခမ်းအနားကို မလာနိုင်ခဲ့တဲ့ လူဖြူလူမျိုးကြီးဝါဒအပါးထိဒ်
ဘုန်းကြီးရဲ့ မုဆိုးမဇနီးဆီကို သွားရောက် လည်ပတ်ပြီး လက်ဖက်ရည် အတူသောက်ခဲ့တယ်။ သူ့ကို နိုင်ငံတော် ဘုံရန်သူ နံပါတ် ၁ အဖြစ် ဆက်ဆံခဲ့တဲ့ လူဖြူတွေကို သူနဲ့ ပူးပေါင်း ဆောင်ရွက်လိုစိတ် ရှိလာအောင် လွှမ်းမိုးနိုင်ခဲ့တယ်။
သူဟာ အံ့သြချီးကျူးဖွယ်ရာ သဘောထားကြီးမြတ်မှုနဲ့ ခွင့်လွှတ်မှုတို့ရဲ့ ပြယုဂ်ဖြစ်တယ်။ သူ့ကြောင့် ကျွန်တော်တို့ဟာ နိုင်ငံရဲ့ ပြဿနာကို သွေးချောင်းစီး ဖြေရှင်းရမယ့်ကိန်းကနေ ရှောင်ဖယ်နိုင်ခဲ့တယ်။ သည်နိုင်ငံမှာ နေထိုင်တဲ့ လူအများစုကို အပါးထိဒ် လူမျိုးရေး အစွန်းရောက်တွေရဲ့ ဖိနှိပ်မှုကနေ လွတ်မြောက်စေခဲ့တယ်။ ဒုက်္ခဆင်းရဲ ခံစားရခြင်းဟာ ခါးသီးမုန်းတီးတဲ့ မကောင်းစိတ်ကို ဖြစ်စေသလို မြင့်မြတ်တဲ့ ကောင်းစိတ်ကိုလည်း ဖြစ်စေနိုင်တယ်။ မဒိဘကြောင့် ကျွန်တော်တို့ဟာ ကောင်းတဲ့စိတ်နဲ့ ဖြေရှင်းပြီးဆုံးနိုင်ခဲ့တာ ဘုရားသခင်က သည်နိုင်ငံကို ကောင်းချီးပေးမှုပဲလို့ ဆိုရမယ်။
သူဟာ သည်းခံခွင့်လွှတ်နိုင်မှုတရားကို အစဉ်တစိုက် ကျင့်ကြံနေတာနဲ့အမျှ သူ့ရဲ့ စိတ်ဓာတ်ရေးရာ အဆင့် အတန်းကလည်း ပို၍ မြင့်မားလို့ လာတယ်။ သူဟာ အခြားသူတွေရဲ့ အမြင်၊ အထူးသဖြင့် သူ့ကို ဆန့်ကျင်တဲ့ သူတွေရဲ့ အမြင်ကို သိရှိနားလည်နိုင်အောင် ကြိုးစားနေပြီး ညှိနှိုင်း စေ့စပ်ဖို့ အမြဲ အဆင်သင့်ဖြစ်နေသူ ဖြစ်တယ်။လိုအပ်ရင် သူ့လက်ကို အပူခံပြီး သူများအတွက် မီးထဲက သစ်အယ်သီးမီးဖုတ်ကို ယူပေးမယ့် အများကောင်းကျိုး အတွက် အနစ်နာခံလိုတဲ့ လူစားဖြစ်တယ်။
သူဟာ ဘာသာတရား အားလုံးကို လေးစားတဲ့ စံနမူနာအဖြစ် ပြသနိုင်ဖို့ ကြိုးစားခဲ့တယ်။ သူ သမ္မတအဖြစ် ရွေးကောက်ခံရတဲ့ အပတ်မှာပဲ သောကြာနေ့မှာ ဗလီကျောင်း ၀တ်ပြုပွဲကို တက်ရောက်ခဲ့ပြီး စနေနေ့မှာ ဂျူးဘုရား ရှိခိုးကျောင်းကို သွားခဲ့တယ်။ တနင်္ဂနွေမှာ ဆိုဝေတိုက FNB ကစားကွင်းမှာ ပြုလုပ်တဲ့ ခရစ်ယာန်ဘာသာပေါင်းစုံ ဘုရှားရှိခိုးပွဲကို တက်ရောက်ခဲ့တယ်။ သူ့ရဲ့ သမ္မတ တင်မြှောက်ပွဲ အခမ်းအနားမှာ မူဆလင်၊ ဂျုး၊ ဟိန်္ဒူ၊ ခရစ်ယာန်ဘာသာရေးဆရာတွေက ဆုတောင်း ကောင်းချီး ပေးခဲ့တယ်။ ကွဲပြားတဲ့ သူတွေအကြား သည်းခံစောင့်ထိန်းတဲ့ စိတ်ဓာတ်ကို စံပြတဲ့အနေနဲ့ အရင်က ခရစ်ယာန် အလေ့ အကျင့်တွေနဲ့သာ လွှမ်းမိုးနေတဲ့ လွှတ်တော်မှာ ယခုဆို လွှတ်တော်မစမီ ငြိမ်သက်စွာ အချိန်အနည်းငယ်ပေးပြီး မိမိ ယုံကြည်ကိုးကွယ်တဲ့ ဘာသာရဲ့ အယူအဆအတိုင်း ၀တ်ပြု ဆုတောင်းမှုကို ခွင့်ပြုထားတယ်။
ယနေ့ ကမ္ဘာ့ငြိမ်းချမ်းရေးကို ဘာသာရေး အစွန်း ရောက်မှုတွေနဲ့ ခြိမ်းခြောက်ခံနေရတဲ့အချိန်မှာ အခြားသူတွေ အမြတ်တနိုးထားတဲ့အရာကို လေးစားမှုပေးခြင်းဆိုတဲ့ စိတ်ထား အမူအကျင့်ဟာ သူ ထားခဲ့တဲ့ တန်းဖိုးရှိလှတဲ့ အမွေအနှစ်တစ်ခု၊ ကျွန်တော်တို့ မြင်ချင်တဲ့ ငြိမ်းချမ်းတဲ့ အနာဂတ်အတွက် မဒိဘရဲ့ ကြီးမြတ်တဲ့ လက်ဆောင်ပင် ဖြစ်တယ်။
The Independent rS Nelson Mandela life story: The prophet of tolerance, by Archbishop Desmond Tutu
ကို ဖိုးဇော် ဘာသာပြန်သည်။

Credit To ပြည်သူ့ခေတ်ဂျာနယ်
 အတွဲ - ၄၊ အမှတ် - ၁၇၅ မှ ဆရာဖိုးဇော်၏ ဆောင်းပါး ..
Read More »

အလံနီကွန်မြူနစ်ပါတီမှာ အချောင်သမားဝါဒ သတ်မှတ်ခဲ့တာရှိတယ် … – ပခုက္ကူမြို့ဇာတိ ရဲနီဒေါ်ညွန့်ကြည်

သခင်စိုးက နောက်ဆုံး သေသည်အထိ ကိုကျော်ဝင်း၊ ကိုကျော်ဝင်း ဆိုတာက အဲဒီခံယူချက် ကောင်းတာကြောင့် မို့လို့ တစ်သမတ်တည်း သွားတာလေ သူက ဟိုလူတွေက အဲလိုမဟုတ်ဘူး အန်တီတို့ပါတီ အသုံးအနှုန်းနဲ့ကျတော့ အချောင်သမားဝါဒ ၀င်တယ်ဆိုလား ဘာဆိုလား …

 

 “သခင်စိုးပြောတဲ့ စကားကို အခုတည်းက အန်တီ့ခေါင်းထဲမှာ မှတ်ထားတယ် အိမ်ထောင်တစ်ခုမှာ စီးပွားရေးရဲ့ အဓိက သော့ချက်ဟာ မီးဖိုချောင်တဲ့ မီးဖိုချောင်ထိန်းသိမ်းမှု မလုံခြုံလို့ရှိရင် ဒီမိသားစုဟာ ဘယ်တော့မှ စီးပွားရေး  . . . မဖြစ်ဘူးတဲ့ အဲတော့တဲ့ တစ်နေ့ကိုတဲ့ ငရုပ်သီးတစ်တောင့်၊ ကြက်သွန်တစ်ဥ အလေအလွင့် ဖြစ်ရင်တောင်မှ ရက်တွေ များလာတဲ့ အခါကျတော့ အများကြီး လေသွားတယ်တဲ့ အဲတော့ ကြက်သွန်တစ်ဥ၊ ငရုတ်သီးတစ်တောင့်က စပြီးတော့မှပေါ့ . . .”

  ယခင်အပတ်မှအဆက်
စစ်တွေတပ်ထဲ ကနေပြီးတော့ ရန်ကုန်ကိုပို့တော့ သားတွေ၊ သမီးတွေက လာကြိုကြတာပေါ့။
လာကြိုတယ်။ အခုဆုံးသွားပြီနဲ့တူတယ်။ ဗိုလ်မှူးကြီးချစ်ရီဆိုတာ၊ တော်လှန်ရေးကောင်စီဝင်ပေါ့။  သူလာကြိုတယ်။ သူကတော့ အန်ကယ်ကြီးနဲ့က နဂိုတုန်းတည်းက မိတ်ဆွေတွေလိုပဲ။ နောက်ပိုင်းကျမှသာ တစ်ယောက်နဲ့ တစ်ယောက်က ရန်သူဖြစ်နေကြတာကိုး။
အန်ကယ်ကြီး ရန်ကုန်ကို ပြန်ရောက်ရောက်ချင်း ဘယ်မှာနေလဲ။
ပြန်ရောက်ရောက်ချင်း ပုဇွန်တောင် အိမ်မှာ နေတယ်။ အဲမှာကလည်း လူတွေက များတယ်လေ။ အဲဒီကနေပြီးတော့မှ ဒီရန်ကင်း တိုက်ခန်းကို ရောက်တယ်။
တိုက်ခန်းက အစိုးရပေးတာလား။
အစိုးရပေးတာ။
ဦးနေ၀င်းပေးတာပေါ့။…
ဟုတ်ကဲ့။
အဲဒီတုန်းက ပိုက်ဆံ သွင်းရသေးလား။
မသွင်းရဘူး။ အဲဒီတုန်းက ဘယ်လောက်များလဲဆိုရင် အန်ကယ်ကြီးက တော်တော်ကို၊ အန်ကယ်ကြီးက ကလေး ဘ၀တည်းက စီးပွားရေးမှာ နားမလည်ဘဲနဲ့ နိုင်ငံရေး လုပ်လာတဲ့ အခါကျတော့ အပြင်ရောက်လို့ရှိရင် ကိုယ့်စီးပွားရေး ကိုယ့်ဘာသာကိုယ် ရှာစားရတော့မှာလေ။ အဲဒါကို ဘာမှမဖြစ်ဘဲနဲ့ ဟိုက အရာရှိ ကိုယ်တိုင်က လာပြီးတော့ ပြောတာ။ ဦးကျော်ဝင်း ရန်ကုန်မြို့မှာ တိုက်ခန်းလွတ်တွေ အများကြီးရှိတယ်။ ကုလားတွေ နိုင်ငံခြားပြန်တဲ့ တိုက်ခန်းတွေပေါ့။ တိုက်ခန်းလွတ်တွေ အများကြီးရှိတယ်။ အကုန်လုံး လိုက်ကြည့်ပါ။ ဦးကျော်ဝင်းက ရန်ကုန်သားပါတဲ့ အကုန်လိုက်ကြည့်ပါ ဆိုတာ ဘယ်မှ သွားမကြည့်တာ။ ဘယ်မှ သွားမကြည့်တော့ တိုက်ခန်း မရသေးဘူးလား၊ မရသေးဘူးလား ဆိုတော့ ရန်ကင်းမှာတော့ တိုက်ခန်း ရှိတယ်တဲ့၊ လေးထပ်တဲ့၊ ရေမရဘူးတဲ့။ အဲတော့ ရေမရဘူးဆိုတော့ ရေမရရင် ဆင်းခပ်မယ်တဲ့ ရှေ့ကနေ ပြောတာ။ အန်တီ သူ့ကို ဒေါတွေ ကန်လိုက်တာ။ ဆင်းခပ်မှာတဲ့၊ အေးအေးချမ်းချမ်းပဲ နေချင်တာတဲ့။ အသံဗလံ ဆူညံနေတာကို မကြိုက်ဘူး။ အဲဒါဆိုရင်တော့ ရန်ကင်းမှာတော့ ရှိတယ်တဲ့။ အရမ်းအေးချမ်းတယ်တဲ့။ အန်တီက ပြောချိန်၊ ကန့်ကွက်ချိန် မရှိတော့ဘူး။ ပေါ့ပေါ့ပါးပါး မဟုတ်တော့ သူ့မီအောင် မတက်နိုင်ဘူး။ အကုန်လုံး ပြောပြီးဆိုပြီး တကယ်လည်း ဒီရောက်တော့ ရေမရဘူး။
အန်ကယ်ကြီး အဲဒီမှာ သတင်းစာတိုက်မှာ အလုပ်က အစိုးရက ပေးလိုက်တာလား။
သူတို့က ပေးတယ်။ ဗိုလ်မှူးကြီး ကျော်စိုး ပထမဦးဆုံးပေးတာ။ နောက် တိုင်းတရားသူကြီးလည်း လုပ်သေးတယ်။
ဘယ်နှနှစ်လောက်ကြာလဲ။
အဲဒါလည်း တစ်နှစ်၊ နှစ်နှစ်ပဲ ဒီလောက်မရှိဘူး။
အဲဒီတုန်းက လမ်းစဉ်ပါတီ ပြောင်းသွားပြီလား။
ဟုတ်တယ်။ လမ်းစဉ်ပါတီခေတ်။
အဲဒီတုန်းက လမ်းစဉ်ပါတီပြောင်းတော့ သခင်တင်မြတို့၊ အလင်းဝင်သွားတဲ့ ဗိုလ်ချုပ် မြင့်အောင်တို့ကလေ လာမတွေ့ဘူးလား။
မတွေ့ဘူး။
သူတို့နဲ့ နည်းနည်း သဘောထားချင်း မတိုက်ဆိုင်သလိုပဲနော် အန်ကယ်ကြီး ကြည့်ရတာ။
သူက ခံယူချက်က၊ သခင်စိုးက နောက်ဆုံး သေသည်အထိ ကိုကျော်ဝင်း၊ ကိုကျော်ဝင်း ဆိုတာက အဲဒီခံယူချက် ကောင်းတာ ကြောင့်မို့လို့။ တစ်သမတ်တည်း သွားတာလေ သူက။ ဟိုလူတွေက အဲလို မဟုတ်ဘူး။ အန်တီတို့ ပါတီ အသုံးအနှုန်းနဲ့ကျတော့ အချောင်သမားဝါဒ ၀င်တယ်ဆိုလား ဘာဆိုလား အဲလိုတွေရှိတယ်။
သခင်တင်မြက အထဲထဲမှာ ၀င်လုပ်နေသေးတယ်လေ။ ထောက်ခံပြီးတော့မှ သူက အထဲထဲ ရောက်အောင် ၀င်တာလေ။ သခင်တင်မြက တစ်ခုရှိတယ်၊ မဟုတ်တာ ပြောတာတော့ မဟုတ်ပါဘူး။ အမှန်ပြောတာ သခင်တင်မြက ဟိုကူးလိုက် ဒီကူးလိုက် အဲလို။ နောက် အပြောကလည်း သူက အာဝဇ္ဇန်းကလည်း ကောင်းတယ်။ အလှူတစ်ခုများ ရောက်လို့ကတော့ ဦးကျော်ဝင်း ဟိုမှာ ထိုင်နေ၊ သခင်တင်မြ ဟိုမှာ ထိုင်နေ သခင်တင်မြဆီမှာ အကုန်ဝိုင်းပြီးတော့ သူတစ်ယောက်တည်း အဲဒီအုပ်စုကိုထိန်းတာ။
သခင်စိုး ဒီရန်ကုန်ရောက်လာတော့ အန်တီတို့ အဘနဲ့ ဆုံကြသေးလား။
တွေ့တာပေါ့။ အလင်းမ၀င်ခင်ကတည်းက အဲဒီမှာ အမှုစစ်တုန်းကတည်းက အန်တီက ဗိုလ်မှူးစိုးမြင့်ဆိုတာ ထောက်လှမ်းရေးက သခင်စိုးအမှုစစ်တဲ့ဆီမှာ သူက နံပါတ်တစ် တာဝန်ယူရတာ။ အဲဒီ တာဝန်ယူတဲ့ဆီမှာ သခင်စိုး အမှုစစ်ဖို့ဆိုတော့ အန်ကယ်ကြီးက ထွက်ချက် ပေးရမယ်လေ။ အန်တီက လိုက်သွားတယ်။ ဗိုလ်မှူး စိုးမြင့်ကလည်း သိနေတာပဲလေ။ သူက တာဝန်ခံဆိုတော့။ အဲဒါ ဘယ်သူမှမသိအောင် သခင်စိုးကြီး အမှုစစ်ပြီးတော့ အားလပ်ချိန် ပေးတဲ့ အချိန်ကျတော့ သခင်စိုးဆီ အန်တီ တိတ်တိတ်ကလေး သွားပြီး ဟိုအထဲထဲထိကို လိုက်သွားတယ်။ ဘယ်သူမှ မသိဘူး။ ပြန်ထွက်လာမှ ဗိုလ်မှူး ကျွန်တော်အထဲက ပြန် လာတာလို့။ အဲဒီတုန်းက အန်ကယ်ကြီးလည်း တွေ့ရတယ်။ နောက်တစ်ခါ အဲဒီကိစ္စတွေ စစ်ပြီးတော့ ရေကြည်အိုင်လား မသိဘူး။ အိမ်တစ်အိမ်မှာ ထားသေးတယ်။ အဲဒီမှာလည်း အေးအေးချမ်းချမ်းပဲ သူနေရတာ။
သခင်စိုး နိုင်ငံရေး သင်တန်းတွေ ပေးသေးတယ်ဆို။ သခင်စိုးမဆုံးခင်ပေ့ါ။
အဲဒါ သူ့ကို မင်းမနိုင် အိမ်မှာ ထားတာ။
မင်းမနိုင်အိမ်မှာ သူနိုင်ငံရေးသင်တန်း တွေပေးတာပေ့ါ။
အဲဒီမှာ နိုင်ငံရေး သင်တန်းပေးတယ် ဆိုပေမယ့် ဟိုမှာက ဒီလောက် အကြာကြီး မနေရဘူး။
အဘ အဲဒီတုန်းက ဒီအတိုင်း မသွားတာလား။ ကျန်းမာရေးအရ မသွားတာလား။
သူက သူ့နောက်မှာ နိုင်ငံရေး အချောင်သမားတွေ ကပ်နေတာလည်း ရှိတယ်လေ။ သခင်စိုးနားမှာ။
အချောင်သမားဆိုတာ အလံနီရဲ့ စကားပေ့ါ။
အချောင်သမားဆို ကပ်ဖားရပ်ဖားနဲ့ လုပ်တဲ့ဟာလေ။ အန်ကယ်ကြီးက အဲလိုဟာတွေ မကြိုက်ဘူး။
တချို့လည်း တောထဲအထိတောင် မလိုက်ဘဲနဲ့ ဒီဘက်ခေတ်မှာလေ အလံနီဟောင်း ဆိုပြီးတော့ ပြောနေတာတွေ ရှိတယ်လေ။ အန်တီတို့ အဲဒါတွေကြားမိလား။
အဲဒါတွေက မြေပေါ်မြေအောက် ရှိတာပဲ။ အန်တီတို့က တောထဲကဆိုတော့ မြေအောက်ပေ့ါ။ မြေပေါ်ကတော့ ဒီဘက်မှာနေပြီး လှုပ်ရှားတာ။ အဲလိုလူတွေကတော့ ဒီမှာရှိတာပဲ။
အခု အဘလည်း ဆုံးသွားပြီး။ သခင်စိုးလည်း ဆုံးသွားပြီ။ အလံနီ ကွန်မြူနစ်ပါတီ ဆိုတာ ပျောက်ကွယ်သွားပြီလို့ ပြောလို့ ရလား။
ပြောလို့တော့မရပါဘူး။ ဒါသမိုင်းရှိတယ်ပေ့ါနော်။ သမိုင်းကြောင်းတွေ ရှိတယ်။ သခင်စိုး ဆိုတာကိုလည်း ဖျောက်လို့ မရဘူး။ လူသေပေမယ့် နာမည် သေသွားတာမှ မဟုတ်တာ။ သဘောကို ပြောတာလေ။
အလံနီ ကွန်မြူနစ်ပါတီဆိုတာ အန်တီတို့ကတော့ လူကြီးတွေပေ့ါလေ။ တစ်ဖန် ပြန်လည်ပြီးတော့မှ မွေးဖွားပြီးတော့ မြင်ချင်တဲ့ ဆန္ဒတွေရှိလား။
အဲလို မရှိပါဘူး။ အန်တီကတော့ အဲလိုမရှိဘူး။ အန်တီက တိုင်းပြည်မှာ ရှိသမျှ အားလုံးကို ပြေပြေလည်လည် အကုန်လုံး ပျော်ပျော်ရွှင်ရွှင် ချမ်းချမ်းသာသာ ဖြစ်ဖို့ပဲ လိုချင်တယ်။
အခုလက်ရှိ ဒီအစိုးရနဲ့ ပူးပေါင်းပြီးတော့ နိုင်ငံတော်နဲ့ နိုင်ငံရေးလောကမှာ တွေ့နေရတဲ့ အလံနီ ကွန်မြူနစ်ဟောင်းတွေ ဆိုတာ အန်တီသိတဲ့လူတွေ ရှိသေးလား။
မရှိသလောက်ပဲ။
သခင်စိုးအဖွဲ့က။
ဘယ်သူတွေရှိမလဲ။ ဒေါ်ငွေစံ၊ ဒေါ်နှင်းမေရှိမယ်။
သခင်စိုး သမီးတွေ ရှိသေးတာပေ့ါ။
သမီး နီနီစိုး ရှိတယ်။ ရီရီစိုး ရှိတယ်။
သူတို့တွေက နိုင်ငံရေး မလုပ်တော့ပါဘူး။
သူတို့က ဟိုတုန်းကတည်းက နိုင်ငံရေးမလုပ်တာ။
ဗိုလ်ချုပ်နေ၀င်းက အန်တီတို့ကို တိုက်ခန်းပေးပြီးတော့ ဆုကြေး ထောက်ပံ့တာတွေ ရှိလား။
အရင်ရှိတယ်။ အခုနောက်ပိုင်း မရှိတော့ဘူး။
အရင်ဘာတွေ ထောက်ပံ့လဲ။
ငွေရေးကြေးရေးပါ။ အစောပိုင်းတုန်းကဆိုရင် လိုတဲ့ဟာ ဟိုတုန်းက ဘောင်ထရီ မှာ ထောက်လှမ်းရေးတပ် ရှိသေးတယ်။ အခုတော့ မရှိတော့ဘူး။ ဆုံးသွားပြီ။ ဆရာ တင်အောင်ဆိုတာ။ အန်တီ ဘာပဲဖြစ်ဖြစ် အန်ကယ်ကြီးကတော့ မသွားဘူး။ အဲဒီတုန်းက လစဉ်ပေ့ါလေ။ မိသားစု စားဝတ်နေရေးအတွက် ထောက်ပံ့တာ။
ဘွဲ့ပေးတာကျတော့။ အဲဒီတုန်းက ဘာတွေ ပေးသေးလဲ။ လွတ်လပ်ရေးမော်ကွန်းဝင်။
အဲဒီတုန်းက ဘာမှမပေးဘူး။
ဒီကတ်ပြားပဲ ပေးတာလား။ ဆုကြေးမပါဘူးလား။
မပါဘူး။ ကတ်ပြားနဲ့ ရွှေကတော့ နည်းနည်းပါးပါး ပါတယ် ထင်တယ်။
အဲဒါ ငွေသား မပါဘူးပေ့ါ။ အဲဒါအဘ သွားယူရတာလား။
သွားယူရတာ။
လွတ်လပ်ရေး မော်ကွန်းဝင်ပေးတာ နိုင်ငံတော်သမ္မတ ဦးနေ၀င်းတဲ့ ရေးထားတယ်လေ။ ခရီးစရိတ်တွေ ဘာတွေ ကားလက်မှတ်တွေ ဖရီးပေးတယ်ဆိုတာ မဟုတ်ဘူးပေ့ါ။
မဟုတ်ဘူး။
အန်တီ အလင်းဝင်လာပြီးတော့ တချို့ကလည်း ပြောကြတယ်။ အန်တီတို့က တောထဲမှာနေတော့ အရင်တုန်းကတော့ အလံနီတွေ တောထဲမှာ နေတဲ့အခါမှာ လွတ်လပ်ရေး ကြိုးပမ်းစဉ်ကနေထိ ဥစ္စာပစ္စည်းတွေ၊ သခင်စိုးကြီး တောထဲကနေ ဒီအဖွဲ့ထဲ ၀င်တဲ့အခါကျတော့ အန်တီတို့ ရခဲ့တာတွေများရှိလား။
ဘာမှမရှိဘူး။ သူသတ်မှတ်တဲ့လမှာ လုံချည်တစ်စုံဆို တစ်စုံ၊ ဒါကြောင့်မို့လို့ အန်တီက တောထဲတုန်းက များသောအားဖြင့် ထဘီဝတ်ထားတာထက် ဘောင်းဘီဝတ်တာများတယ်။ ယောက်ျားရှပ်အင်္ကျီ အဲလို။ ဒါက အခြေအနေ အေးချမ်းမှ၊ မအေးချမ်းလို့ရှိရင် နောက်ထပ်အသစ် မထုတ်ပေးဘူး။ ဘာတစ်ခုမှမရှိဘူး။ ဘယ်က ရမှာလဲ။
ပါးစပ်ပြောပေ့ါ။ ဒီဥစ္စာကိုက ဖိနှိပ်ချုပ်ချယ်မှု မခံချင်လို့ လုပ်ပါတယ်ဆိုမှ ဒီဟာတွေက ဘယ်ကနေ ဘယ်လို ရမှာလဲ။
အန်တီ့ဇာတိက။
ပခုက္ကူ၊ ကမ်းပြိုကျေးရွာ။
မိဘတွေက။
ဦးရွေး ၊ ဒေါ်ဖွားနုတဲ့။
သက္ကရာဇ်ကော မှတ်မိလား။ အခု အသက်က ဘယ်လောက်ရှိပြီလဲ။
အခု ၇၅ ကျော်၊ ၇၆ ထဲ ရောက်ပြီ။ အမေပြောခဲ့သလိုပဲ။ စာရွက်စာတမ်းတွေ ဘာမှ မရှိတော့ဘူး။ အန်ကယ်ကြီး ဆုံးပြီး ၃၊ ၄ လ နာလန်မထူနိုင်ဘူး။
ပင်ပန်းတဲ့ဒဏ်တွေပေါ့။
စိတ်ပင်ပန်းတာထက် လူပင်ပန်းတာက ဆီးချိုလည်းရှိတော့ ချုံးချုံးကျပဲ။ အခုမှ တဖြည်းဖြည်း အားတင်းပြီးတော့ အစပိုင်းကဆိုရင် ဒီဓာတ်ပုံကို မချိတ်သေးဘူး။ ဖြုတ်ထားဦးမယ်လို့။ ဟိုရက်က သားဆီက ဖုန်းမလာတော့ ကိုယ့်ဟာကိုယ် တုံးလုံးလဲပြီးတော့ အဖေကြီးသာ အခုအချိန်ပိုင်းအထိ ပြောနိုင်ဆိုနိုင် သက်ရှိ ထင်ရှားရှိရင်တော့ ဘယ်လောက် ကောင်းလိုက်မလဲ။ တရားသဘောနဲ့ဆိုလည်း သူ့ရဲ့ဆွဲမနိုင်တဲ့ အချိန်က ဘယ်လိုမှ တားလို့မရဘူး။ သခင်စိုးကိုလည်း သတိရတယ်။ အဲဒါပြီးတော့ နောက်နှစ်ရက် သုံးရက်လောက် ကျတော့ ဘာပဲဖြစ်ဖြစ် တချို့တစ်ဝက် ဒီစာအုပ်လေးကြောင့် သိသွားတာ၊ သူမသေခင်မှာ အဖေကြီးက အဖေကြီး မသေခင်တည်းက စာသားတွေ ဖတ်ပြမယ်။ နားထောင်မလားဆိုတော့ ထောင်မယ်။ အန်တီ ဘေးကနေ ထိုင်ပြီးတော့ ဖတ်ပြတယ်။
အလေးနီပြုတယ်ဆိုတာ ဘယ်လိုပြုတာလဲ။ 
အန်ကယ်ကြီး ကျိုက္ကဆံကွင်းတုန်းက  အလေးနီပြုတယ်။ အဲဒါသတင်းစာမှာ ပါတယ်။ ဟိုတစ်ခါ ရိုက်သွားတာလေ။
အဘဆုံးတုန်းကလည်း အလေးနီပြုတာ ရှိတယ်လေ။
ဒေါ်နှင်းမေကလည်း စိတ်ဓာတ် အရမ်းကောင်းတာ။ သူက စစချင်းတော့ အန်တီ့ကို အပြစ်တင်ဦးမလို့။ အန်တီက အန်ကယ်ကြီးကို ဘယ်လောက်ထိအောင် ကိုယ့်ရဲ့ အိမ်ထောင်ဖက်အဖြစ်နဲ့ ထားတာမဟုတ်ဘူး။ ကိုယ့်ရဲ့ ခေါင်းဆောင်၊ ကိုယ့်ရဲ့ဆရာ တစ်ယောက်အနေနဲ့ ထားတာ။ အသက် ရှည်နိုင်သမျှ ရှည်အောင် ပြုစုလာတာ။ သူက ဒါလုပ်တယ်ကွယ်။ ပြောလို့လည်း မရဘူး။ တစ်ခါတလေ ပြီးခဲ့တာတွေ ပြီးပါစေတော့။ ဒီအောက်ကနေ တက်လာတယ်။ ဒီအပေါ်ကို လေးဖက်ထောက်ပြီး တက်လာတယ်။ အဲလောက်ပေတဲ့လူ။ အသက်ကြီးလာလို့ အန်တီနဲ့ အန်ကယ်ကြီးနဲ့ဆိုရင် အန်ကယ်ကြီးက အသက် ကိုယ့်ထက်ကြီးတယ်။ ဒီအရက်တွေလည်းသောက်တော့ အန်တီ ဘာလုပ်ရမှာလဲ။ အန်တီရွာကနေပြီးတော့ အမေရှိသေးတယ်။ အမေ့ ဆီကို ဆင်တုံးမနွယ် အမှုန့်မှာ။ မှာပြီးတော့မှ ပျားရည်နဲ့ နယ်ပြီးတော့မှ အသက်ကြီးရင် ဆင်စီးရတယ်ဆိုတော့ အဲဒါနယ်ပြီးတော့မှ ပုလင်းကြီးနဲ့တစ်လုံး၊ အဲဒါ အဖေကြီးသောက်လို့။ အရက်တွေသောက်လို့ တော်ကြာရောဂါတွေ ရနေမယ်။ နောက်တစ်ခါ မြင်းခွာရွက်ကို ရေစင်စင်ဆေးပြီးတော့ ဒီအမိုးအောက်မှာ လှန်းတာ။ အဲဒီ မြင်းခွာရွက်ကို ဆုံနဲ့ ထောင်းပြီးတော့ ပျားရည်နဲ့ တည်ပြီးတော့မှ နှစ်နှစ်ဆက်တိုက် သူက အရက်သောက်တဲ့ လူဆိုတော့။ တော်ကြာ အသက်တိုနေရင်။ နောက်တစ်ခါ ကြက်သွန်ဖြူဥ အဲဒါကို ခွာပြီးတော့မှ ပင်အပ်နဲ့ ဖောက်ပြီးတော့ ပျားရည်နဲ့ စိမ်ထား။ စိမ်ထားပြီးတော့ အဲဒါနဲ့မြည်းတာ။
အန်တီတို့ အဲဒီတောထဲမှာတင် စောဘဦးကြီးအဖွဲ့နဲ့ ဆုံခဲ့သေးလား။
မဆုံခဲ့ဘူး။ ဒီကို ငြိမ်းချမ်းရေး ဆွေးနွေးပွဲလာတုန်းက စောဘဦးကြီး အုတ်ဂူကို သွားကန်တော့သေးတယ်။ အဘသွားတာ။
အခုငြိမ်းချမ်းရေးယူနေတဲ့ အစိုးရနဲ့  ငြိမ်းချမ်းရေး ဆွေးနွေးနေတဲ့ သတင်းတွေက လာနေတာလေ။ သူတို့ ငြိမ်းချမ်းရေး ဆွေးနွေးနေတဲ့ ပုံစံတွေ ဘယ်လိုမြင်လဲ။
တကယ်ကတော့ အောင်အောင်မြင်မြင် ဖြစ်မယ်လို့တော့ မထင်ဘူး။
ဘယ်လို လိုအပ်ချက်တွေ ရှိနေလို့လဲ။
ဟိုဘက်ကလည်း သူတို့ရဲ့ နယ်မြေကို သယံဇာတတွေ အပိုင်းတော့ ဘယ်လက်လွှတ်ချင်မလဲ။
ငြိမ်းချမ်းရေး ဆွေးနွေးတဲ့ အခါကျတော့ အန်တီ့အနေနဲ့ လက်နက်စွန့်ဖို့ လိုတယ်လို့ထင်လား။ လက်နက် ဆက်ကိုင်ထားဖို့ လိုတယ်လို့ထင်လား။
ငြိမ်းချမ်းရေး ယူလို့ရှိရင်တော့ တစ်ဦးနဲ့တစ်ဦး ယုံကြည်မှု ရှိတယ်ဆိုရင်တော့ လက်နက်ကိုင်ဖို့ မလိုဘူး။ အန်တီ့ရဲ့အမြင်ပေ့ါ။ လက်နက်ကိုင်တယ် ဆိုလို့ရှိရင် တစ်ချိန်မဟုတ် တစ်ချိန်ပြန်ပြီးတော့ သူ့ဘက်က စိတ်အခန့် မသင့်တာရှိရင်၊ ကိုယ့်ဘက်က စိတ်အခန့် မသင့်တာရှိရင် ဒါမျိုးတွေ တကယ်ငြိမ်းချမ်းဖို့ရာအတွက် ရည်ရွယ်ပြီ ဆိုလို့ရှိရင်တော့ ဘာမှ လက်နက်ကိုင်စရာ မလိုဘူး။ အန်တီ့အမြင်ပေ့ါ။
အစိုးရက လက်နက်ကို စွန့်ခိုင်းလိုက် လို့ရှိရင် သူတို့ဘက်မှာလည်း လက်ဆုပ်လက်ကိုင် မရှိတော့ တချို့ ငြိမ်းချမ်းရေး အဖွဲ့တွေကလည်းပဲ အဲဒီလိုမျိုးကျတော့ လက်နက်မစွန့်ချင်တာလည်းရှိတယ်။
အစိုးရက တကယ်ကော စိတ်ချရလို့လား။
ဒါလေးတွေကိုလည်း သူတို့က ပြန်တွေးနေမှာပေ့ါလေ။ အချိန်မရွေး ဖြစ်နိုင်တယ်ပေ့ါ။
အန်တီတို့ ၀င်လာတုန်းက အစိုးရက စိတ်ချရလား။
အန်တီတို့က သေလူအဖြစ် ၀င်လာတာ။ ဘယ်လိုလုပ်လုပ်။
အန်တီတို့ အဘတို့ အလင်းဝင်တုန်းကျမှ သခင်စိုး ဒီအထဲရောက်တာပေ့ါ။ 
အလင်းဝင်တာတော့ မဟုတ်ဘူးထင်တယ်။ အန်တီတို့အဖွဲ့က ပျက်သွားပြီ ဆိုပြီးတော့ သူကလည်း ထပ်ပြီးတော့ သူကိုယ်တိုင် တောင်းဆိုမယ်ဆိုတဲ့ ပုံစံမျိုးနဲ့ လာတာလို့ ထင်ပါတယ်။ အတိအကျတော့ မဟုတ်ဘူးပေ့ါ။
တချို့ကလည်း သခင်စိုးကြီးက နိုင်ငံရေး အရမ်းကျွမ်းတယ် ဆိုပြီးတော့ အဲလိုဝင်လာပြီးတော့ တရားတွေ ဘာတွေ ရင်ဆိုင်တာလားလို့။ ဒါလည်း နိုင်ငံရေးအရ ဦးနေ၀င်းနဲ့ ပူးပေါင်းပြီးတော့ လှည့်ကွက် လုပ်တယ် ထင်တယ်။ အဲလို ပြောကြတာပေ့ါ။
အန်တီကတော့ အန်ကယ်ကြီးလည်း အဲလိုပြောတာ မကြားပါဘူး။ အန်တီက မသိရင် အန်ကယ်ကြီးကို မေးတာပဲ။
သခင်စိုးက အင်္ဂလိပ်စာ ကျွမ်းတယ်နော်။
အရမ်းကျွမ်းတယ်။ သခင်စိုးက အင်္ဂလိပ်လိုပြောတာ မွှတ်နေတာပဲ။ ဗမာလို့ကျတော့ ထစ်နေတယ်။ အဲလောက် တော်တယ်။
အန်ကယ်ကြီးကျတော့ အင်္ဂလိပ်စာ ဘယ်လို သင်ခဲ့ရတယ်လို့ အန်တီ့ကို ပြောဖူးလဲ။
အဲဒါတော့ မပြောဖူးဘူး။ ဒါပေမဲ့လို့ မာ့စ်ခ်လီနင်စတာလင်၊ မာ့စ်ခ်ရေးတဲ့စာအုပ်လည်း တွေ့တယ်။ အဲစာအုပ်တွေ ရှိတယ်။ ဘယ်သူက ဖတ်နိုင်မှာလဲ။
တောထဲမှာ ဖတ်တာလား။ ပြန်သယ်လာတာလား ဒီကို။
မဟုတ်ဘူး။ ဒီကျမှ ပြန်ပြီးတော့ စုဆောင်းပြီးဖတ်တာ။ အဲလို ဖတ်တာလို့ ထင်တယ်။
အန်ကယ်ကြီးက ဒီရောက်တော့မှ အဲဒီစာအုပ်တွေကို ပြန်ဖတ်နေတယ်ဆိုတော့ သူ့ဝါဒနဲ့ ပတ်သက်ပြီးတော့ ဆက်ပြီး လေ့လာနေတဲ့ သဘောပေါ့။
အဲဒီသဘောပဲနဲ့တူတယ်။ နဂိုတုန်းကတော့ တစ်ခုရှိတယ် သားရယ်။ သူက စီးပွားရေးဆိုရင် ဗိုက်ဟောင်းလောင်း နေချင်နေ၊ ဘာမှ ခေါင်းထဲမှာ မရှိဘူး။ အဲဒါ မရှိတော့ အန်တီက ကလေးတွေနဲ့ စီးပွားရေး လုပ်ရတာ။ ပြန်မကြည့်နိုင်ဘူး။ သူ့ဘာသာသူ အိမ်မှာ ရေး၊ ဖတ်။ ကိုယ်ကလိုတဲ့ဟာ ဖြည့်ဆည်း ပေးရတာပေါ့။
ကျွန်တော် ကြားဖူးတာက တချို့ အစိုးရ ၀န်ထမ်းတွေ လုပ်နည်းလုပ်ဟန် မဟုတ်ဘူးလို့ ယူဆလို့ အဘက ဦးနေ၀င်းဆီ စာရေးပြီးတော့ တင်တယ်ပြောတယ်။
အဲဒါတော့ ရှိတယ် ထင်တယ်။
အဲဒါကျတော့ ဦးနေ၀င်းက အရေးယူပေးလား။
ယူလား၊ မယူလားတော့ မသိဘူး။ သူတို့ကတော့ ပေးတာဆိုရင်တော့ ယူမှာပေါ့။ ပြန်ပြီးတော့ ဖြေရှင်း တာကတော့ ဘယ်လုပ်မလဲ။
အဘဆုံးတော့ အစိုးရက လွတ်လပ်ရေးမော်ကွန်းဝင် ပထမဆင့်ဆိုတော့ ဆုံးတော့ ထောက်ပံ့တာတွေ ရှိလား။
မရှိပါဘူး။
လွတ်လပ်ရေး ကြိုးပမ်းမှုတုန်းကတော့ ပါခဲ့တယ်နော် အဘတို့။
ပါတာပေါ့။ ဗိုလ်ချုပ်အောင်ဆန်းနဲ့ သခင်စိုးနဲ့ တွေ့ဖို့တွေ ဘာတွေကို။
အန်တီတို့က ဖမ်းလည်း အဖမ်းခံခဲ့ရတယ်လေ။ တကယ်လည်း အလင်းဝင်လာတယ်။ ငြိမ်းချမ်းရေး သဘောက ဘယ်လိုဟာမျိုးကို ဆိုလိုတာလဲ။
တစ်ခုရှိတယ်လေ။ ဒါက အန်တီ့ အမြင်နော်။ တကယ် ငြိမ်းချမ်းအောင် ယူလို့ရှိရင် ဘာပဲဖြစ်ဖြစ် ငြိမ်းချမ်း ရမှာပေါ့။ အခုက ငြိမ်းချမ်းရေး ရတယ်၊ ရတယ်ဆိုပြီးတော့ ခဏခဏ ပြန်ပြီးတော့ ဖြစ်နေတာ၊ လိမ်နေ တာပဲပေါ့။ တကယ်က တစ်ခါတည်း တစ်သမတ်တည်း ဖြစ်ရမှာပေါ့။
ဘယ်ဘက်က လိမ်တယ်လို့ထင်လဲ။
အများဆုံးကတော့ ဒီအစိုးရဘက်ကပဲ ထင်မယ်။
အစိုးရဘက်က အန်တီတို့ ငြိမ်းချမ်းရေး ယူတဲ့ အချိန်မှာ ဘယ်လိုမျိုး မရိုးသားတဲ့ အချက်တွေ တွေ့ဖူးလဲ။
အန်တီတို့က အဲဒီတုန်းက နောက်လိုက်အနေနဲ့ လိုက်တာပဲ။ တွေ့ဖူးဆို အဲဒီတုန်းက တစ်ခုရှိတယ်။ ငြိမ်းချမ်းရေး ဆွေးနွေးပွဲဆိုပြီး အတိုက်အခိုက် ရပ်စဲရေး ဆိုပြီးတော့ လုပ်ထားပြီးတော့ တကယ်က အလစ် ဟိုမှာ ချနေတယ်။
အစိုးရတပ်က အန်တီတို့စခန်းတွေ ကိုလား။
အေးလေ။
အဲဒါဆို သခင်စိုးတို့ ဒီမှာ လာဆွေးနွေးတုန်း ဟိုမှာ အတိုက်ခံရ သေးတယ်ပေါ့။
ပေါ်တင်မဟုတ်ဘူး။ ပြောက်ကျား၊ ပြောက်ကျားနဲ့။
အဲဒါကြောင့်မို့လို့ ငြိမ်းချမ်းရေးက လိမ်တယ်လို့ ပြောလို့ရတာပေါ့။
အေးပေါ့၊ တကယ်ဆိုရင် မချရဘူးလေ။
အောက်ကလူတွေက မသိလို့များလား မသိဘူး။
တစ်ခုရှိတယ်လေ။ အခုတော့ မသိဘူး။ အခုတော့ တစ်စနစ် ပြောင်းသွားပြီ အောက်က ဘာလုပ်လုပ်၊ အထက်က သိတာမှ မဟုတ်ဘဲနဲ့ အဲလိုဟာတွေ အများကြီး။ အခုတောင် အဲဒါမျိုး လွတ်ရဲ့လားပေါ့။ လွတ်ကင်းရဲ့လား မသိဘူး။ အကုန်လုံးသာ စိတ်သဘောထားတွေ တစ်သမတ်တည်းဆိုရင် ဒီလောက်တောင် ရှုပ်ရှုပ်ပွေပွေဖြစ်စရာ အကြောင်းမှမရှိဘဲ။ သဘောကို ပြောတာလေ။
ဒေါ်ခင်စုကျတော့ ရဲနီမယ်လို့ပြောလို့ရလား။
ပြောရင်တော့ ရတာပေါ့။ ဒါပေမဲ့ သူက အန်တီနဲ့ သူနဲ့က တောထဲမှာ အတူတူ နေလာတာလေ။ နိုင်ငံရေးတွေဘာတွေ သူက ဘာမှ စိတ်မ၀င်စားဘူး။ ရဲနီမေလို့ ခေါ်တာကတော့ ရတာကတော့ ရပါတယ်။
အန်တီတို့က ဟိုမှာ သေနတ်ကိုင်ခဲ့ ရတာပေါ့။
ကိုင်ခဲ့ရတယ်။ ကိုင်ချင်လို့ကို လိုက်တာ။
ဘယ်လိုသေနတ် အမျိုးအစားတွေ ကိုင်ခဲ့ရလဲ။
ပထမစတုန်းကတော့ ရိုင်ဖယ်သေနတ်၊ တစ်တောင့်ချင်း ပစ်ရတာလေ။ နောက်ကျတော့ စတင်းဂန်းပေါ့။ စတင်းဂန်း ကျတော့ ဒီလိုကျည်ဘောက်စ်က ၅၀ ပါတယ်။ အဲဒီ ၅၀ ထည့်ထားလိုက်လို့ရှိရင် ခလုတ်နှိပ် လို့ရှိရင် ၅၀ လုံး မကုန်မချင်း ပစ်လို့ရတာပေါ့။
အဲဒီသေနတ်တွေ ဘယ်ကရလဲ။ အလံနီကနေ ၀ယ်တာလား။
ဝယ်တဲ့ ဟာတွေ ရတယ် ထင်တယ်။ တိုက်ပွဲတွေမှာ ရတဲ့ဟာတွေလည်း ရတယ်။ အစိုးရတပ်က ရဲဘော်တွေ ကျတော့ ရတာလည်းရှိတယ်။ ၀ယ်တာက အများစုပဲ။
ကျည်တွေဘာတွေ ၀ယ်တာကျတော့ ဘယ်ကနေ၀ယ်လဲ။
နယ်စပ်တွေကနေ ၀ယ်တာလားမသိဘူး၊ အဲဒါကျတော့။
အဘတို့တော့ လက်နက်ဘာညာဝယ်တဲ့ဟာကို သူတို့တော့ သိမှာပေါ့။
အဘလည်း အဲဒါတွေကို ဟိုဟာမဖြစ်ဘူး။ အဘက နိုင်ငံရေးပဲ။ နိုင်ငံရေး သင်တန်းတွေ သူပေးရတယ်။ စစ်ရေးနဲ့ ပတ်သက်လို့တော့ သိပ်ပြီးတော့ ဟိုဟာမဖြစ်ဘူး။ အစောပိုင်းကတော့ မသိဘူးပေါ့လေ။ နောက်ပိုင်းကို ပြောတာ။ နောက်ပိုင်း အန်တီတို့ သိသလောက်ကတော့ နိုင်ငံရေးကို သင်တန်းပေးရတာ။ နိုင်ငံရေး သင်တန်းပေး အရမ်းကောင်းတာ။ သခင်စိုးပြောတဲ့ စကားကို အခုတည်းက အန်တီ့ ခေါင်းထဲမှာ မှတ်ထားတယ်။ နောင်လာနောင်သားတွေလည်း အိမ်မှာရှိတဲ့ သူတွေလည်း တစ်ခါတစ်ခါ ပြောပြတယ်။ ပြောပြတာက တခြားမဟုတ်ဘူး။ အိမ်ထောင်တစ်ခုမှာ စီးပွားရေးရဲ့ အဓိက သော့ချက်ဟာ မီးဖိုချောင်တဲ့ မီးဖိုချောင် ထိန်းသိမ်းမှု မလုံခြုံလို့ရှိရင် ဒီမိသားစုဟာ ဘယ်တော့မှ စီးပွားရေး … မဖြစ်ဘူးတဲ့။ အဲတော့တဲ့ တစ်နေ့ကိုတဲ့ ငရုတ်သီးတစ်တောင့်၊ ကြက်သွန်တစ်ဥ အလေအလွင့် ဖြစ်ရင်တောင်မှ ရက်တွေ များလာတဲ့ အခါကျတော့ ငရုတ်သီးတောင့်တို့၊ ကြက်သွန်တို့က အများကြီး လေသွားတယ်တဲ့။ အဲတော့ ကြက်သွန်တစ်ဥ၊ ငရုတ်သီး တစ်တောင့်က စပြီးတော့မှပေါ့ အဲဒါကို အန်တီက ခေါင်းထဲမှာ မှတ်ထားတယ်။
ဒါ သခင်စိုးကမှာတာပေါ့။ အမျိုးသမီးတွေကို မှာတာလား။
အမျိုးသမီးဖြစ်ဖြစ်၊ အမျိုးသားဖြစ်ဖြစ်လေ။ အိမ်ထောင်တစ်ခုမှာ အဓိက စီးပွားရေးက မီးဖိုချောင်ပဲ။ စီးပွားရေး၊ နိုင်ငံရေး၊ စစ်ရေး၊ စစ်ရေးက နောက်ဆုံး ပိတ်ပဲလေ။ စီးပွားရေးက ထိပ်ကပဲ။ အဲတော့ တိုင်းပြည်တစ်ခု မှာလည်း ဘာပဲဖြစ်ဖြစ် အန်တီတို့ အိမ်တစ်အိမ်မှာ စီးပွားရေးအရ မီးဖိုချောင်ကိစ္စ ပြေလည်လို့ရှိရင် အားလုံး အေးချမ်းသာယာတာပဲ။ သဘောကို ပြောတာလေ။ နိုင်ငံတစ်ခုအနေနဲ့လည်း စီးပွားရေး ပြေလည်လို့ရှိရင် နိုင်ငံရေးက သာယာမှာပဲ။ ဒီသဘောမျိုးပဲပေါ့။ ဒါအန်တီ ဟိုဟာ ဖြစ်သလောက် ပြောပြတာပါ။ ဒီခေတ်က ပညာရှိတွေ ပေါပြီးတော့ ပိုပြီးတော့တောင်မှ။
အဘနဲ့ အန်တီနဲ့က နိုင်ငံခြားသွားသေးလား။
စင်ကာပူသွားတယ်။
စင်ကာပူသွားတာကျတော့ ဘယ်လို ဖြစ်ပြီး သွားဖြစ်သွားတာလဲ။
သမီးက သူ့အဖေ အသက်ထင်ရှား ရှိတုန်းကို ရောက်ဖူးစေချင်လို့ ဆိုပြီးတော့ အတင်းခေါ်တာ။
အဲဒီတုန်းက ဗီဇာတွေဘာတွေ လွယ်လွယ်ကူကူကျလား။
အန်တီတို့က အသက်ကြီးတဲ့လူတွေ ဆိုတော့ အန်ကယ်ကြီးရော အန်တီရော နှစ်ယောက်လုံး အသက်ကြီးတဲ့ လူတွေဆိုတော့ ဒီအိမ်မှာပဲ ဒီမှာခေါ်ပြီးတော့ ရိုက်တာ။
ဘယ်နှခုနှစ်လောက်ဖြစ်မလဲ။
အခုဆို လေးငါး၊ ခြောက်နှစ်လောက်တော့ ရှိပြီထင်တယ်။ ပြန်ကြည့်ရင်တော့ သိတယ် ဘယ်တုန်းကဆိုတာ။
စင်ကာပူမှာ ဘယ်လောက်ကြာခဲ့လဲ။
သွားချင်တော့လည်း အန်ကယ်ကြီး သွားချင်တာ။ အန်တီက ပိုက်ဆံကုန်လို့ မသွားဘူးလို့။ သမီးကလည်း သူ့အဖေ တော်ကြာ သေသွားရင် အန်တီ့အပြစ် ဖြစ်မှာလေ။ အဲဒါကြောင့်မို့လို့ သွားတာ။ ဟို ရောက်ခါကျတော့ လုပ်သွားတာက တစ်နှစ်၊ လေယာဉ်လက်မှတ်ရော ဘာရော။ အဆုံးခံရတာ အန်တီတို့မှာ။ နှစ်လတည်းနဲ့ ပြန်လာလို့။ ပြောလို့မရဘူး။ ပြန်မယ်အတင်း။ လေယာဉ်ပေါ်ကျတော့ လေယာဉ် မောင်လေးတွေက မေးတယ်။ အဘတဲ့ နောက်ထပ် လာဦးမှာလားတဲ့။ အေး လာခဲ့ဦးမယ်တဲ့။
 မောင်ရေစက်
Credit To The Myanmar Herald
Read More »

ကျားစီးမလား၊ ငါးစီးမလား (သို့) ဖန်စီဒိုင်း – အောင်ထွန်းလင်း

ဖန်စီဒိုင်းကို မြန်မာတွေကသာ ကြိုက်နေကြတာ အိန်္ဒိယနိုင်ငံသားတွေက မသုံးဘူးလေ သူတို့လူမျိုးတွေသာ ဒါကိုကြိုက်ပြီး အခုလို တမ်းတမ်းစွဲသုံးကြည့်ပါလား အတိုက်အခံပါတီတွေက အစိုးရကို လက်ညှိုး ငေါက်ငေါက် ထိုးပြီး ပြဿနာရှာတာနဲ့ လွှတ်တော်ထဲထိ ရောက်သွားမှာ . . .
အခုတစ်လော ကျွန်တော့်တို့ရဲ့မြန်မာနိုင်ငံရဲ့ အနုပညာ celebrity လောကမှာ ဆေးပြားတွေ၊ မူးယစ်ဆေး ကိစ္စတွေက မပြတ်ဆိုသလို အသံထွက်နေတာ ပရိသတ် ကြီးလည်းသိမှာပါ။ ဒီတော့ ကျွန်တော် လည်း အိန်္ဒိယနိုင်ငံမှာ သတင်းထောက် အနေနဲ့ ဖြတ်သန်းခဲ့ရစဉ်ကာလ တွေ့ကြုံခဲ့ ရတဲ့ ဒုက္ခသည်တွေနဲ့ မူးယစ်ဆေး ကိစ္စတွေကို ဖောက်သည်ပြန်ချ ပါရစေခင်ဗျာ။
အိန်္ဒိယနိုင်ငံ နယူးဒေလီမြို့ဆိုတာ မြန်မာပြည်က ဒုက္ခသည် ၁၀၀၀၀ ကျော် နေထိုင်ကျင်လည်နေတဲ့ နေရာပါ။ ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) ရဲ့ထောက်ပံ့မှုဆိုတာ မဆိုသ လောက်လေး ရတာဆိုတော့ နေ့စဉ်ဘ၀ စားဝတ်နေရေးအတွက် တကယ့်ကို ပြဿနာ အကြီးကြီး။ ဒီတော့ ကြုံရာကျပန်းလုပ် ရင်း မောပန်းတဲ့ဘ၀ကို အနားပေးဖို့ဆိုတာ အကူအညီ လိုလာတယ်လေ။
ဒါတွေမပြောခင် မြန်မာဒုက္ခသည်တွေ လုပ်ကိုင်ရတဲ့ အလုပ်တွေကိုတော့ နည်းနည်းလောက် ရှင်းပြပါရစေဦး။ … မိမိရဲ့ တစ်ကိုယ်ရေဘ၀ သို့တည်း မဟုတ် မိသားစုဘ၀ စားဝတ်နေရေးအတွက် ဒေသခံ အိန်္ဒိယနိုင်ငံသားတွေ ဆီမှာ အလုပ်လုပ် တဲ့နေရာမှာ ဆေးရုံတွေမှာ အကူအလုပ်၊ စားသောက်ဆိုင်တွေမှာ စားပွဲထိုး တာ၊ ညပိုင်းမှာ လုပ်လေ့လုပ်ထ ရှိတဲ့ အိန်္ဒိယ နိုင်ငံသားတွေရဲ့ မင်္ဂလာဆောင်တွေမှာ အချိန်ပိုင်းစားပွဲထိုးတာ၊ အိမ်အကူ လုပ်တာတွေပါ။ နောက်ပြီး ကိုယ့်ရဲ့ ဒုက္ခသည်ပတ်ဝန်းကျင်မှာ ဈေးရောင်းတာတွေ၊ လုံခြုံရေး အစောင့် စတဲ့လုပ်ငန်းတွေပါ။ ဒီအလုပ်တွေ ဆိုတာကလည်း ဒုက္ခသည်ဆိုတဲ့ ခေါင်းစဉ် တပ်ခံထားရတဲ့ မြန်မာနိုင်ငံသား တွေအတွက် အလုပ်ချင်း တူရင်တောင် သူတို့ ဒေသခံတွေထက် လစာပိုနည်း၊ အခွင့်အရေးပိုနည်း၊ အနှိပ်ခံ၊ ဆူဆဲခံပြီး လုပ်ရတာပါ။
ဒီလိုပတ်ဝန်းကျင်မှာ ကျင်လည်ရတဲ့ မြန်မာဒုက္ခသည်တွေ အတွက် ထွက်ပေါက်က ဘာလဲ။  မိမိတို့ လူမျိုး အလိုက်၊ ကိုးကွယ်တဲ့ ဘာသာအလိုက် ပြုလုပ်တဲ့ လူမျိုးရေးပွဲတွေ၊ ဘာသာရေးပွဲတွေ၊ နောက်ပြီး ဒုက္ခ သည်တွေ လိုက်ပြုလုပ်တဲ့ ပျော်ပွဲရွှင်ပွဲတွေ သာ သူတို့ရဲ့ စိတ်ထွက်ပေါက်၊ ပျော်ရွှင်စရာ အချိန်ကာလအဖြစ်နဲ့ ဖြတ်သန်းနေ ကြရတာပါ။ အဲဒီအချိန်ကလွဲလို့ သူတို့ရဲ့ ပျော်ရွှင်ရာဟာ ဈေးနှုန်းချိုသာတဲ့ မူးယစ် ဆေးတွေ ဘက်ကို လှည့်လာ ပါတော့တယ်။
မြန်မာအများစု နေထိုင်တဲ့ ဘိုတဲလား အရပ်က လမ်းဘေးတွေ အတိုင်းမှာ မပြတ် ဆိုသလို မြင်နေရလေ့ ရှိတာက ကျားလို့ပဲ ခေါ်ခါ်၊ ငါးလို့ပဲ ခေါ်ခေါ် ဒုက္ခသည်တွေက အမည်တပ်လေ့ရှိတဲ့ ဖန်စီဒိုင်းပုလင်း တွေပါ။ လမ်းဘေး တစ်လျှောက် မြောင်းပိတ်တဲ့ အဖုံးတွေက အပေါက်တွေမှာ ဖန်စီဒိုင်း ပုလင်းလေးတွေကို အသွင် သဏ္ဌာန် အမျိုးမျိုးနဲ့ ပုံဖော်ထားဟာ ဖန်စီ ဒိုင်းရဲ့ တန်ခိုး၊ ဖန်စီဒိုင်းရဲ့ အနုပညာ၊ ဖန်စီဒိုင်း သားကောင်ရဲ့ စိတ်ထွက်ပေါက် တွေများလားလို့တောင် မေးရတော့မလို ဖြစ်နေတော့တယ်။ မူးယစ်ရဲ့သားကောင် တွေရဲ့ အနုပညာမြောက် ခေါ်ဝေါ်မှုတွေကလည်း ဖန်စီဒိုင်းကို ကျားစီးတယ် ပြောလိုက်၊ ငါးစီးတယ် ပြောလိုက်နဲ့ အမျိုးမျိုးတွင်ကျယ် ခဲ့တယ်လေ။
သူတို့တွေ ဘာကြောင့် ဖန်စီဒိုင်းကို တခုတ်တရ၊ တမက်တမောသုံးစွဲကြတာလဲ။  လွယ်လွယ်ကူကူ ၀ယ်နိုင်တာ၊ ဈေးပေါတာက အဓိကလို့ပဲ သတင်းထောက်ပီပီ ပြတ်ပြတ်သားသားမြင်ရင်း ပြောရတော့မယ်။
အိန်္ဒိယမှာ နေမကောင်းလို့ ဈေးဝယ်မယ်၊ လိုအပ်လို့ ဆရာဝန်က အိပ်ဆေးပါတဲ့ ဆေးမျိုးဝယ်ရမယ်ဆိုရင် ဆရာဝန်ရဲ့ ဆေးစာပါမှ ၀ယ်လို့ရတာပါ။ ဒါမှမဟုတ်ရင် ဈေးဆိုင်တွေက မရောင်းပါဘူး။ တအားကို ရင်းနှီးတဲ့ ဆေးဆိုင်တွေ ဘာတွေမှသာ အိပ်ရေးပျက်လွန်း အားကြီးလို့ အိပ်ဆေး ၀ယ်တာမျိုးကို ရောင်းပေးတာပါ။ နောက် မို့ဆို ဝေလာဝေးပါ။ ဒါပေမဲ့လည်း ဖန်စီဒိုင်းကိုတော့ လွတ်လွတ်လပ်လပ်ကို ရောင်း ခွင့်ပေး ထားပြန်ကော။ ဘာကြောင့် ရောင်းခွင့်ပေးတယ် ဆိုတာတော့ သူတို့ ကျန်းမာ ရေးဝန်ကြီးဌာနရဲ့ မူဝါဒကို မသိတော့ မပြောနိုင်ဘူးပေါ့ဗျာ။
အလားတူ ဖန်စီဒိုင်းလိုပဲ လမ်းဘေးမှာတောင် ၀ယ်လို့ရတဲ့ မူးယစ်ဆေး တစ်မျိုးက ဆေးခြောက်ပါ။ အိမ်တိုင်း လိုလိုမှာ ဆေးခြောက်ပင် လေးတွေက အစီအရီနဲ့ဆိုတော့ မြန်မာပြည်သား ကျွန်တော့်အတွက်တော့ ထူးခြားမြင်ကွင်း တွေလို့ပဲ ပြောရမယ်။ ဒီအကြောင်းကိုတော့ နောက်တစ်ပတ်ပေ့ါဗျာ။ ကျားစီး၊ ငါးစီးလို့ခေါ်တဲ့ ဖန်စီဒိုင်းဘက် ပြန်လှည့်ရအောင်။
ဖန်စီဒိုင်း တစ်ပုလင်းဆိုရင် အိန်္ဒိယ နိုင်ငံသုံး ရူပီးငွေ ၇၀ (မြန်မာငွေနဲ့ဆိုရင် တစ်ရူပီး ၁၆ ကျပ် ငွေလဲနှုန်းအရ ၁၁၀၀ ကျပ် ကျော်ကျော်) ရှိပါတယ်။ ဒါတောင် သူက ပုလင်းအသေး၊ ပုလင်းအလတ်ဆိုပြီး နှစ်မျိုးထုတ် သေးရဲ့။ အခုဈေးနှုန်းက ပုလင်းအကြီး တစ်လုံးအတွက် ဈေးနှုန်းပါ။ ဒီတော့ လွယ်လွယ်ကူကူနဲ့ ဖန်စီဒိုင်းကို သုံးနိုင်တာပေါ့။ အိန်္ဒိယနိုင်ငံ နယူးဒေလီမြို့မှာ ဘီယာ တစ်ပုလင်းကို ၆၅ ရူပီးဆိုတော့ ဈေးကလည်း သိပ်မကွာဘူးလေ။ ဒါပေမဲ့ ဘီယာဝယ်သောက်မယ်ဆိုရင် ကိုယ့်အိမ်မှာပဲ ကိုယ်သောက်ကြတဲ့ ဓလေ့ရှိတော့ ဖန်စီဒိုင်းက မြန်မာဒုက္ခသည်တွေ အတွက် ပိုအဆင်ပြေနေပြန်ကော။ ကျွန်တော်သိတဲ့ အိန်္ဒိယနိုင်ငံသား တစ်ဦးရဲ့ ဆေးဆိုင်ဆို မြန်မာတွေ ဘယ်လောက်တောင် ၀ယ်လည်းသိ၊ တစ်ခါရောင်းရင် ငါးပုလင်းပဲ ရောင်းမယ် ဆိုပြီးတော့တောင် နောက်ရတဲ့ အဆင့်ထိကို ရောက်ကုန်လောက်အောင် ၀ယ်အားက များနေတာ။
အိန်္ဒိယနိုင်ငံက မြန်မာဒုက္ခသည်တွေ တင်အားပေးတာ မဟုတ်ဘူးနော်။ ထိုင်းနိုင်ငံလိုဟာမျိုးက မြန်မာ ပရိသတ်တွေလည်း ရှိသေးတယ်။ အထူးသဖြင့် ဟိုဘက် ကူးလိုက်၊ ဒီဘက်ကူးလိုက်နဲ့ လုပ်နေကြတဲ့ မြန်မာ NGO တွေက လူတွေပါ။ အကြောင်းကြောင်းကြောင့် အလုပ်ကိစ္စနဲ့ သွားရလာရတာ မျိုးရှိရင် ဖန်စီဒိုင်းကို တကူး တက မှာယူကြတာလေ။ ဖန်စီဒိုင်းကို ကိုကာကိုလာ ပုလင်းထဲ ရောထည့်ပြီး အချိုရည်ပုံစံနဲ့ ယူရတာ။ ဈေးကလည်းပေါ၊ လူကလည်း လက်တွေ့ဒုက္ခတွေက ကင်းပြီး သီးခြားကမ္ဘာထဲမှာ ပျော်မွေ့နိုင်တာဆို တော့ ၀ယ်အား တက်နေတာကလည်း မထူးဆန်းပေဘူးလား။
ဖန်စီဒိုင်းကို အခုလိုမျိုး လွတ်လွတ် လပ်လပ် ရောင်းဝယ်နေတာနဲ့ ပတ်သက်ပြီး မြန်မာနိုင်ငံသား အိန်္ဒိယလူမျိုး တစ်ယောက်ကို အစိုးရက ဘာကြောင့်များ လွှတ်ပေးထားတာလဲလို့ မေးခဲ့ဖူးတယ်။ သူပြော တာကလည်း အဆန်းပါ။ ဖန်စီဒိုင်းကို မြန်မာတွေကသာ ကြိုက်နေကြတာ။ အိန်္ဒိယ နိုင်ငံသားတွေက မသုံးဘူးလေ။ သူတို့ လူမျိုးတွေသာ ဒါကိုကြိုက်ပြီး အခုလိုတမ်း တမ်းစွဲသုံးကြည့်ပါလား။ အတိုက်အခံပါတီတွေက အစိုးရကို လက်ညှိုး ငေါက်ငေါက် ထိုးပြီး ပြဿနာရှာတာနဲ့ လွှတ်တော်ထဲထိ ရောက်သွားမှာတဲ့။
သြော်  . . . သူတို့အစိုးရက ဒီလို ပါလားဆိုပြီး ပါးစပ်အဟောင်းသားလေး နဲ့သာ ကျန်ခဲ့ပါတော့တယ်။
Credit To The Myanmar Herald
Read More »

သန်း ၆၀ထဲက ၁သန်း ၁သန်းထဲက ၁ထောင် ၁ထောင်ထဲက ၁ခု – ထက်မြက်

လေးပွင့်ဆိုင်၊ လေးယောက် တွေ့ဆုံမှုကို တစ်ဖက်လှည့်ဖြင့် ငြင်းဆိုလိုက်သည် ဆိုသည်ကို အားလုံး သဘောပေါက်လေ သည် ဤသို့ဆိုလျှင် ဦးသိန်းစိန်ပြောသော တွေ့ဆုံညှိနှိုင်းမှု ဆိုသည်မှာ အကောင်အထည် မပေါ်သော တွေ့ဆုံ ညှိနှိုင်းမှု ဖြစ်လေသည် . . .
၂၀၁၃ခုနှစ်၊ နိုဝင်ဘာလ (၃၀)ရက်နေ့က ရန်ကုန်တက္ကသိုလ် စိန်ရတုခန်းမတွင်ပြုလုပ်သော တည်ငြိမ် အေးချမ်းသည့် နိုင်ငံတော် တည်ဆောက်ရေးတွင် လူထုအခြေပြု အဖွဲ့အစည်းများ၏ အခန်းကဏ္ဍခေါင်းစဉ်ဖြင့် သမ္မတ ဦးသိန်းစိန်က အမှာ စကားပြောကြားခဲ့သလို တက်ရောက်လာသော တစ်သီးပုဂ္ဂလများ၊ အဖွဲ့အစည်းများ ကလည်း ဆွေးနွေးခဲ့သည်ကို ဖတ်ရှုရလေသည်။ ထိုဆွေးနွေးပွဲတွင် သမ္မတဦးသိန်းစိန်က ယနေ့မြန်မာနိုင်ငံတွင် အရပ်ဘက် လူ့အဖွဲ့အစည်းများမှာ ရှင်သန်နေပြီဖြစ်သလို ထိုအဖွဲ့အစည်းများမှာလည်း လွတ်လွတ်လပ်လပ် လုပ်ဆောင်နိုင်ပြီ ဖြစ်ကြောင်း၊ သို့သော် ယနေ့ကာလသည် ထိလွယ်ရှလွယ် အခြေအနေများ၊ စိန်ခေါ်မှုများ ရှိနေကြောင်း၊ ထို့ကြောင့် မိမိတို့လူ့အဖွဲ့အစည်းအတွက် ထိပ်တိုက် တွေ့ဆုံရေးကို ရှောင်ရှားပြီး ဆွေးနွေးညှိနှိုင်းသည့် နည်းလမ်းဖြင့် အဖြေရှာဖို့လိုကြောင်း ပြောကြားခဲ့သည်။ ထိုသို့ အဖြေရှာရာတွင် အဖွဲ့အစည်း အနေဖြင့် ဖြစ်စေ၊ တစ်ဦးချင်း အနေဖြင့်ဖြစ်စေ ရရှိထားသော နိုင်ငံရေး အပြောင်းအလဲများ ရှင်သန်ခိုင်မာစေရန် အတွက် အသွင်ကူးပြောင်းရေး ချဉ်းကပ်မှုဖြင့် ဆောင်ရွက်ကြဖို့ လိုကြောင်း၊ ငြိမ်းချမ်းရေး တည်ဆောက်ရေး တွင်လည်း ယခုအခါ နောက်ဆုံးညှိနှိုင်းမှု စနစ်ကို ရောက်ရှိနေပြီဖြစ်၍ အပြန်အလှန်ယုံကြည်မှုဖြင့် တည်ဆောက်ရန် အထူးလိုအပ်ပါသည် ဟုလည်း သမ္မတကြီးက ပြောကြား … သွားခဲ့ပါသည်။ အတိတ်က ဖြတ်သန်းခဲ့ရသော အတွေ့အကြုံအရ ဆိုလျှင် အချင်းချင်း ယုံကြည်မှုများ လျော့နည်းခဲ့သည်။ အချင်းချင်း ယုံကြည်မှု နည်းပါးနေလျှင် အမျိုးသားစည်းလုံး ညီညွတ်ရေးကို တည်ဆောက်ဖို့ မလွယ်ကြောင်းလည်း ပြောကြားသွားသည်။ သမ္မတကြီးက ထိပ်တိုက် ရင်ဆိုင်ဖို့ နည်းလမ်း များကို ရှောင်ဖို့နှင့် သံသယမရှိဖို့၊ နိုင်ငံအကျိုးအတွက် အစိုးရနှင့် အဖွဲ့အစည်း အသီးသီး လက်တွဲကာ ဆောင်ရွက်ကြဖို့ ပြောဆို သွားခြင်း ဖြစ်ပါသည်။
သမ္မတကြီး၏ ပြောကြားမှုမှာ အလွန် အားရကျေနပ်စရာ ကောင်းသည်။ သမ္မတ ဦးသိန်းစိန်က ရန်ကုန်မြို့ စိန်ရတုခန်းမတွင် ပြောကြားခဲ့သလို မြန်မာ့အတိုက်အခံ ခေါင်းဆောင်ဒေါ်အောင်ဆန်းစုကြည်က လည်း နိုဝင်ဘာ(၃၀)ရက်တွင် သြစတြေးလျ နိုင်ငံ၊ မဲလ်ဘုန်းရှိ မိုနပ်ရှ် တက္ကသိုလ်၌ အမျိုးသား စည်းလုံးညီညွတ်ရေးနှင့် ပတ်သက်ပြီး မိန့်ခွန်းပြောကြား သွားခဲ့ပါသည်။
““အမျိုးသား ပြန်လည်သင့်မြတ်ရေးဟာ ကျွန်မတို့ရဲ့ ရပိုင်ခွင့်တွေ အပြည့်အ၀ ရရှိဖို့အတွက် အထောက် အကူပြုနိုင်ပါလိမ့်မယ်။ အဲဒီလိုမှ ကျွန်မတို့ လိုချင်တဲ့ ပန်းတိုင်ကို အတူတကွ သွားနိုင်ပါလိမ့်မယ်။ ကျွန်မ တို့ကွဲပြား နေမယ်ဆိုရင် အောင်မြင်မှာ မဟုတ်ဘူး။ ရှုံးနိမ့်သွား လိမ့်မယ်။ အဲဒီအတွက် အမျိုးသား ပြန်လည် သင့်မြတ်ရေးဟာ အရေး ကြီးပါတယ်။ မျိုးစေ့လေးကတော့ စိုက်ပျိုး ပြီးသွားပါပြီ။ အဲဒီမျိုးစေ့လည်း စတင် အမြစ်ထွက် ပေါ်ဖို့ရအောင် သွားရလိမ့်မယ်။ ကျွန်မတို့အနေနဲ့ လျှောက်လှမ်းဖို့ အဝေး ကြီးကျန်ပါ သေးတယ်””ဟု ပြောကြားသွားခဲ့ပြီး ၂၀၀၈အခြေခံဥပဒေနှင့် ပတ်သက်ပြီး ဒေါ်အောင်ဆန်းစုကြည်က ““အဲဒီအခြေခံ ဥပဒေက အမျိုးသားပြန်လည် သင့်မြတ်ရေးကို မဖြစ်မြောက်အောင် တားဆီးနေပါတယ်။ အခြေခံ ဥပဒေဆိုတာ တိုင်းပြည်ထဲက ပြည်သူတွေ လက်ခံတာဖြစ်ရပါမယ်။ အခြေခံဥပဒေဆိုတာ လူတိုင်းက သူတို့ကို ကာကွယ်ပေးနေတဲ့ ဥပဒေလို့ ခံစားနေရမှာ ဖြစ်ပြီး တခြားဘယ်နိုင်ငံတွေနဲ့ မဆို တန်းတူရှိတယ်လို့ ခံစားနေရမှာဖြစ်တယ်”” ဟုလည်း ဆက်လက် ပြောကြားသွားခဲ့သည်။
သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့ ပြောကြားသွားသော မိန့်ခွန်းများမှာ အမျိုးသား စည်းလုံး ညီညွတ်ရေးကို ဦးတည်ပြီး ပြောကြားသွားသော မိန့်ခွန်းများ ဖြစ်ပါသည်။ ဦးသိန်းစိန်က သံသယ များ၊ မယုံကြည်မှု များမရှိဖို့နှင့် အမြင်မကျဉ်းမြောင်းဖို့ကို အလေးထားပြောကြား ခဲ့သော်လည်း ဒေါ်အောင်ဆန်းစုကြည်က အမျိုးသားပြန်လည်သင့်မြတ်ဖို့ အရေးကြီးဆုံးမှာ ၂၀၀၈ဖွဲ့စည်းပုံပြင်ဖို့ဖြစ်ကြောင်း၊ ထိုဥပဒေကိုပြင်ဖို့ ဆောင်ရွက်သွားရမည်ဖြစ် ကြောင်းပြောဆိုသွားသည်။ ဦးသိန်းစိန်က ထိပ်တိုက် ရင်ဆိုင်မှုများကို ရှောင်ကာ ဆွေးနွေးညှိနှိုင်းမှု များကို လုပ်ဆောင်သွားရမည် ဟုပြောကြားသွားပြီး နောက်ပိုင်း ၄ ပွင့် ဆိုင်တွေ့ဆုံ ဆွေးနွေးရေးကိုမူ ဦးသိန်းစိန်က ငြင်းပယ်ထားခဲ့ပါသည်။ သမ္မတပြော ရေးဆိုခွင့်ရှိသူက ၀ိနည်းလွတ် စကားဖြင့် တွေ့ဆုံဆွေးနွေးမှုကို သူတို့မငြင်းပယ်ကြောင်း၊ သို့သော် လွှတ်တော်သို့ အစီရင် ခံစာတင်ပြီးမှသာ တွေ့ဆုံဆွေးနွေးသင့် ကြောင်း တွေ့ဆုံဆွေးနွေးရာတွင်လည်း NLD ပါတီတစ်ခုတည်း မဟုတ်ဘဲ တခြား နိုင်ငံရေးပါတီ ၅၈ ပါတီ ပါဝင် ဆွေးနွေးသင့်ကြောင်း ဆိုခဲ့သည်။ လေးပွင့်ဆိုင်၊ လေး ယောက် တွေ့ဆုံမှုကို တစ်ဖက်လှည့်ဖြင့် ငြင်းဆို လိုက်သည်ဆိုသည်ကို အားလုံး သဘောပေါက် လေသည်။ ဤသို့ဆိုလျှင် ဦးသိန်းစိန်ပြောသော တွေ့ဆုံညှိနှိုင်းမှု ဆိုသည်မှာ အကောင်အထည် မပေါ်သော တွေ့ဆုံညှိနှိုင်းမှု ဖြစ်လေသည်။
၂၀၀၈ ဖွဲ့စည်းပုံ အခြေခံဥပဒေပြင် ဆင်ရေးအတွက် နိုင်ငံတွင် သြဇာအရှိဆုံး ပုဂ်္ဂိုလ်များမှာ ထိုလေးပွင့်ဆိုင် ပုဂ်္ဂိုလ်များသာဖြစ်သည်။ ကျန်နိုင်ငံရေး ပါတီများ တွေ့ဆုံဆွေးနွေးဖို့ လိုအပ်သည်ကို မငြင်းသော်လည်း ထိုလေးပွင့်ဆိုင် ပုဂ်္ဂိုလ်များ လောက်သြဇာမရှိပေ။ တချို့နိုင်ငံရေး ပါတီများမှာ ဒေါ်အောင်ဆန်းစုကြည်ကို ဆန့် ကျင်ကြလေသည်။ ပုဒ် ၅၉(စ)ကို မဖြစ် မနေထားရှိရမည်ဟုလည်း ဆိုကြလေသည်။ သူတို့နှင့် တွေ့ဆုံရန် မလိုအပ်ပေ။ ဒေါ်အောင်ဆန်းစုကြည်က ယနေ့နိုင်ငံရေး အခြေအနေသည် ၂၀၀၈ကိုပြင်မှဖြစ်မည် ဟု ယူဆသည်။ ကျန် ၃ ဦးကမူ ထိုသို့ ယူဆချင်မှ ယူဆပေမည်။ ၂၀၀၈ ဖွဲ့စည်း ပုံကို မပြင်လည်းရသားပဲ။ ပြင်မယ်ဆို လည်း အရေးကြီးတဲ့အချက်တွေပြင်လို့ ရတာပဲဟု သဘောထားနေလျှင် အမျိုး သားပြန် လည်သင့်မြတ်ရေး၊ ဒီမိုကရေစီ လမ်းကြောင်းကို ဖြောင့်မတ်စွာ လျှောက် ရေးတို့မှာ လွယ်ကူလိမ့်မည် မဟုတ်ပေ။
နိုဝင်ဘာ ၃၀ ရက် စိန်ရတုခန်းမမှာပင် ကျန်သောလူပုဂ်္ဂိုလ်များ၊ အဖွဲ့အစည်း များနှင့် ဆွေးနွေးရာတွင် ပြည်ထောင်စုဝန်ကြီး ဦးစိုးသိန်းကလည်း ယခင်နှင့် ယခုရှိခဲ့သည့် အခြေအနေ၊ သူတို့ အသိုင်းအ၀ိုင်းထဲနှင့် အစိုးရအဖွဲ့ ရှိနေသော အခြေအနေများကို ပြောပြသွားခဲ့ပါသည်။
““တိုင်းပြည်၊ ပြည်သူတွေ တောင့်တနေခဲ့တဲ့ ၁၉၈၈ခုနှစ်က အချက်တွေကို အမြန်ဆုံး move လုပ်လိုက် ချင်ပါတယ်။ ဒါပေမဲ့ မရပါဘူး။ အတင်း move လုပ် လိုက်တာနဲ့ ပြောင်းပြန်ပြန်သွားမယ့် ကိစ္စတွေရှိပါတယ်။ ဒါကြောင့်မို့ အတော်ကို တချို့အလုပ်တွေက အရမ်းထိလွယ် ရှလွယ်ပါတယ်။ အရမ်း ရှုပ်ထွေးပါတယ်။ ဘာတွေ လုပ်နေလဲဆိုတာ မနက်ကလည်း သမ်္မတ ကြီးက ပြည်သူတွေကို တင်ပြပြီးဖြစ်ပါတယ်။ ဆိုကြပါစို့။ လူဦးရေ သန်း ၆၀ ကျော်ရှိ တယ်။ အစိုးရကဏ္ဍက တစ်သန်းလောက်ပဲ ရှိတယ်။ အဲဒီထဲမှာက ပြုပြင်ပြောင်းလဲရေး လုပ်မယ့် သူ ၁၀၀၀ ကျော်လောက်ပဲရှိတယ်။ ကျန်တဲ့သူတွေက တရွတ်တိုက်လိုက်ရုံပဲရှိ တယ်။ ကျွန်တော်တို့က မတတ်ကြဘူး။ ဘာလို့လဲဆိုတော့ ဒီမိုကရေစီမှ မမြင်ဖူး တာ။ မမြင်တဲ့ကြားက ရွေ့နေရပါတယ်။ ဒါပဲကျွန်တော်တင်ပြချင်ပါတယ်””ဟု ပြော ကြားသွားခဲ့ပါသည်။ ဦးစိုးသိန်းက သူတို့ အစိုးရအဖွဲ့၏ အခြေအနေမှန်ကို ရိုးရိုးသားသား ပြောကြားသွားခဲ့ခြင်းဖြစ်သည်။ အုပ်စိုးသူ အသိုင်းအ၀ိုင်း အာဏာပိုင်များကြားတွင် အပြောင်းအလဲလုပ်လို့သူက နည်းပြီး မလုပ်လိုသူက များသည်ဟူသည့် သဘောပင်။ ထိုသည်မှာ မကောင်းပါ။ အာဏာရထားသော အစိုးရအဖွဲ့တွင် အာဏာလျော့ နည်းနေပုံ၊ လူ ၁ သန်းလောက်တွင် ၁၀၀၀ ကျော်လောက်ပဲရှိသည် မှာလည်း ရှက်စရာကောင်းလှ၏။ လူ ၁၀၀၀ ကျော် မှာ တရားရေးမဏ္ဍိုင်နှင့် အုပ်ချုပ်ရေး မဏ္ဍိုင်ကို သြဇာရှိပြီး ဥပဒေပြုရေးကိုလည်း သူတို့က ဖန်တီးနိုင်ပါသည်။ ဒယဥ့်တိုက် ဆွဲသည့် သူများရှိ၍ မတွင်ကျယ်ပါ။ အဟန့် အတားဖြစ်နေပါသည်ဟုဆိုလျှင် ထိုဒယဥ့် တိုက်ဆွဲနေသူများကို ဖယ်ရှားလိုက်ရုံပင် ရှိသည်။ ပြည်သူ သန်း ၆၀ မှာ ငြိမ်းချမ်းရေးကို လိုလားသည်။ ဒီမိုကရေစီလမ်း ကြောင်းပေါ် လျှောက်လှမ်းလိုလေသည်။ သန်း ၆၀ ထဲမှ ၁ သန်းဆိုသည်မှာလည်း ကိုယ်ကျိုးရှာသမားများ၊ ဗြူရိုကရက်များ၊ ပြည်သူ့ဘဏ္ဍာကို ခိုးဝှက်ရယူနေသူများ၊ ခရိုနီများ၊ ဗိုလ်ချုပ်ဟောင်းများစသည့် ပြည်သူ့ချဉ်ဖတ်များဖြစ်နေပေမည်။ ၁ သန်း လောက်ပဲရှိမည်မထင်ပေ။ ဦးစိုးသိန်းလို အပြောင်းအလဲလိုလားသူများက သန်း ၆၀ သော ပြည်သူများ၏ မျက်နှာကိုကြည့်ကာ လက်တစ်ဆုပ်စာ ထို ၁သန်းကို ပြတ်ပြတ်သားသား ရှင်းလင်းဖို့ လိုပါသည်။ ၂၀၁၃ ခုနှစ်အတွင်း တစ်နိုင်ငံလုံးအပစ် အခတ်ရပ်စဲရေးကို သမ္မတကြီးက လက်မှတ် ရေးထိုးလိုသည်။ သို့သော် ဦးသိန်းစိန်ပြော သလို ၁ သန်းထဲကလား။ သို့မဟုတ် လက် တစ်ဆုပ်စာထဲကလားမသိ။ အပစ်အခတ် ရပ်စဲမည်ဆိုလျှင် လက်နက်ကိုင် လမ်းစဉ်ကို လျှောက်ခဲ့သည်မှာ မှားပါသည်ဟု ၀န်ခံရမည်။ တိုင်းရင်းသား လက်နက်ကိုင် အဖွဲ့များက ၂၀၀၈ဖွဲ့စည်းပုံကို လိုက်နာရမည်။ အပစ်အခတ်ရပ်စဲလျှင် လက်နက်များကို ၀ယ်ယူစုဆောင်းခြင်း မပြုရ။ ဆက်ကြေးကောက်ခြင်း၊ ရန်ပုံငွေရှာခြင်း မပြုရ၊ တပ်သားသစ် စုဆောင်းခြင်း၊ စည်းရုံးခြင်း မပြုရစသည့် တားမြစ်ကန့်သတ်မှု များကို ပြုလုပ်သူများ ရှိနေသည့် အတွက် ပြည်တွင်း ငြိမ်းချမ်းရေးတည်ဆောက်မှုမှာ အဟန့် အတားများ ဖြစ်နေပါတော့သည်။ ထိုသူ များကို တစ်ထောင်ထဲမှ ဦးစိုးသိန်းတို့က ပြတ်ပြတ် သားသား အရေးယူရပေမည်။ ဒယဥ့်တိုက် ဆွဲနေသူများကို ချန်ထားပစ်ခဲ့ ရမည်။ မင်းတို့ထိုက်နဲ့ မင်းတို့ကံပါ ဆိုခဲ့ ရမည်။ ဦးစိုးသိန်းတို့ ရွေ့နေသည်ဆိုလျှင် ဦးစိုးသိန်းတို့ နောက်၌ သန်း ၆၀ ပြည်သူ များလိုက်ပါလာ ပေတော့မည်။ လူ ၁၀၀၀ သည် ဒီမိုကရေစီ လမ်းကြောင်းကို အမှန်အကန် လျှောက်ဖို့လိုသည်။ ပြည်သူလူထုက အမှန်အကန် ရိုးရိုးသားသားလျှောက် သူများနှင့် လက်တွဲမည်မှာ အမှန်ပင်။ ထိုသို့ လက်တွဲစေလိုလျှင် ၂၀၀၈ ဖွဲ့စည်း ပုံအခြေခံဥပဒေကို အတော်များများ ပြင်ဆင်ပစ်ဖို့ လိုပါတော့သည်။
Credit To The Myanmar Herald
Read More »