နိုင်ငံတကာ ဆိုက်ဘာတိုက်ပွဲနှင့် မြန်မာစစ်တလင်း ရေးသားသူ- ခင်မေဇော် (၀ါရှင်တန်ဒီစီ)


နည်းပညာ ထွန်းကားလာနေသော ဤရာစုနှစ်တွင် ဆိုက်ဘာနည်းပညာများက အဆင့်မြင့် ရှုပ်ထွေးလာသည်။
ယခင်က စုံစမ်းထောက်လှမ်းမှုများနှင့်မတူဘဲ ဆိုက်ဘာမှတစ်ဆင့် ထောက်လှမ်းနိုင်သောကြောင့် လူပုဂ္ဂိုလ်ဆိုင်ရာ၊ စီးပွားရေး၊ စစ်ရေး၊ နိုင်ငံရေး အရာရာတွင် အချက်အလက်တို့၏ လုံခြုံမှုက အရေးကြီးဆုံးဖြစ်လာသည်။

ပထမကမ္ဘာစစ်သည် ဥရောပအလယ်ပိုင်းတွင် စစ်ရေးမဟာမိတ်အုပ်စုများအကြား အားပြိုင်မှု စတင်ခဲ့သည်။ အဆင့်နိမ့် ရိုးရာလက်နက်များဖြင့် လူအင်အားကို အဓိကသုံးပြီး ထိုက်ခိုက်ခဲ့ကြသည်။ လူပေါင်း ၁၆ သန်းကျော် သေဆုံးခဲ့ရပြီး သန်း ၂၀ ကျော် ဒဏ်ရာရရှိခဲ့၏။ ပထမကမ္ဘာစစ်အပေါ် အခြေခံပြီး ဥရောပမှာပင် စတင်အခြေတည်ဖြစ်ပေါ်လာသော ဒုတိယကမ္ဘာစစ်တွင်လည်း ပို၍ကြီးမားလာသော စစ်အင်အား၊ ပို၍ခေတ်မီလာသော လက်နက်အင်အား၊ လူအင်အားတို့ဖြင့် တိုက်ခိုက်အားပြိုင်ခဲ့ကြသည်။စစ်သားနှင့် အရပ်သား အပါအ၀င် လူပေါင်း သန်း ၆၀ သေဆုံးခဲ့ရသည်။ ယနေ့ခေတ်တွင် စစ်လက်နက်အင်အားပြိုင်မှုများ အမြင့်ဆုံးရောက်နေသော်လည်း နိုင်ငံတကာတွင် နည်းပညာနှင့် စီးပွားရေးအားပြိုင်မှုက ပိုမိုကျယ်ပြန့် အရေးပါလာသည်။ ခေတ်သစ်နည်းပညာအားဖြင့် ထိုးနှက်တိုက်ခိုက်ကြသည့် ဆိုက်ဘာစစ် ခင်းလာကြသည်။ လွယ်ကူစွာ မမြင်နိုင်သည့် ဆိုက်ဘာလက်နက်များ သုံးလာကြသည်။

ထိုစစ်အတွင်းတွင် တစ်ဖက်ရန်သူ၏ ငွေကြေးအဆောက်အအုံ၊ ပင်မလျှပ်စစ်ရုံ၊ ရေကာတာ၊ စစ်ရေးအဆောက်အအုံ စသည်တို့ကို ကွန်ပျူတာ၊ အင်တာနက်များသုံးပြီး ထိုးဖောက်ဝင်ရောက် ထိန်းချုပ်ရန်၊ ဖျက်ဆီးရန် ကြိုးပမ်းခြင်း၊ အချက်အလက် ရယူစုဆောင်းခြင်းတို့ကို ပြုလုပ်ပြီး ကွန်ပျူတာတွင်း အချက်အလက်များဖျက်ဆီးခြင်း၊ အဆင့်ကွဲပြားသည့် ဗိုင်းရပ်စ်မျိုးမျိုး ပေးပို့ခြင်းတို့လည်း ပါဝင်သည်ဟု ဆိုက်ဘာလုံခြုံရေးကျွမ်းကျင်သူ Synaptic Laboratories Limited ၏ အမှုဆောင် အဖွဲ့ဝင် Ron Kelson က ဆိုသည်။

ဆိုက်ဘာစစ်တွင် ရင်းနှီး မြှုပ်နှံမှုများ ၂၀၀၆ ခုနှစ်လောက်က စတင်ခဲ့ပြီး ယခုအခါ နိုင်ငံပေါင်း ၁၄၀ ကျော်တွင် ဆိုက်ဘာလက်နက်ထုတ်လုပ်သည့် စီမံချက်များ ရှိနေကြောင်း လေ့လာချက်အများအပြားက ဆိုသည်။ ဥပမာအားဖြင့် အမေရိကန်ကာကွယ်ရေး အဆင့်မြင့်သုတေသနအေဂျင်စီ (DARPA)က ၂၀၁၃ ခုနှစ်မှ ၂၀၁၇ ခုနှစ်အတွင်း ဆိုက်ဘာဘတ်ဂျက် ၁ ဒသမ ၅၄ ဘီလီယံဒေါ်လာဖြင့် စစ်ရေးလိုအပ်ချက်နှင့် ကိုက်ညီအောင် ဆိုက်ဘာတိုက်ပွဲအတွက် အဓိကထား ပြင်ဆင်လုပ်ဆောင်မည်ဟု အရာရှိများက ပြောဆိုကြောင်း The Malta Independent တွင် ဖော်ပြထားသည်။
ဤသည်မှာ ဥပမာတစ်ခုမျှသာဖြစ်သည်။ ရုရှား၊ အစ္စရေး၊ တရုတ်တို့တွင် ဆိုက်ဘာစစ်အတွက် ပြင်ဆင်မှုများစွာ ရှိနေသည်။
တိုတောင်းလှသော အချိန်အတွင်းမှာပင် နည်းပညာက အံ့မခန်း တိုးတက်လာခဲ့သည်။ နည်းပညာအားဖြင့် လူပုဂ္ဂိုလ်တို့၏ ကိုယ်ရေးအချက်အလက်များ၊ စီးပွားရေးကုမ္ပဏီကြီးများ၏ အစီအမံများ၊ အစိုးရတို့၏ လျှို့ဝှက်ချက်များကို အဝေးမှရယူရန် ကြိုးစားလာကြသည်။

ကမ္ဘာအနှံ့ ပျံ့နှံ့လာနေသည့် ထိုဆိုက်ဘာစစ်သည် အစိုးရများ၊ ကုမ္ပဏီများအကြား လျှို့ဝှက်ချက်ရယူနိုင်ရေးကို အဓိကထားလာကြသည်။ ထိုမှ စီးပွားရေး၊ နိုင်ငံရေး လွှမ်းမိုးမှုကို တည်ဆောက်နိုင်သောကြောင့် ဖြစ်သည်။

လတ်တလော ဆိုက်ဘာစစ်ခင်းနေသည့်အထဲတွင် တရုတ်၊ အမေရိကန်၊ ဗြိတိန်၊ ပြင်သစ်၊ ကနေဒါ၊ အိန္ဒိယ၊ သြစတြေးလျ၊ ရုရှား အစရှိသည့် နည်းပညာထွန်းကားသောနိုင်ငံများ အဓိက ပါဝင်နေသည်။ ယခင်ကာလများကဲ့သို့ နိုင်ငံအလိုက် စစ်ခင်းကြရာတွင် နယ်နိမိတ်တိတိကျကျ ကန့်သတ်ပါဝင်ကြခြင်းမဟုတ်တော့ဘဲ နိုင်ငံတကာ စီးပွားရေး ဆက်နွယ်ဖြန့်ကြက်နေသဖြင့် ဘောင်ခတ်ရန်ခက်ခဲနေသည်။ အခြား နိုင်ငံမှ ကုမ္ပဏီကို ယုံကြည်မှုမရှိသဖြင့် မိမိနိုင်ငံတွင်း အ၀င်မခံ၍လည်း မရပါ။

နိုင်ငံတကာ စီးပွားကုန်သွယ်မှု သဘောတူညီချက်များက ရှိနေသောကြောင့်ဖြစ်သည်။ ဈေးကွက်စီးပွားရေးမူများကို လက်ခံထားနေရသောကြောင့်လည်းဖြစ်သည်။ကိုယ်တွင်းဝင်လာသော ရောဂါပိုးကို ခုခံကာကွယ်ရန် ကိုယ်ခံအားမြှင့်ရေး ကြိုးပမ်းကြတော့သည်။ ၎င်းမှာ ဆိုက်ဘာလုံခြုံရေးလုပ်ဆောင်မှုများပင်ဖြစ်သည်။

နိုင်ငံတကာအား တံခါးဖွင့်ပေးသော မြန်မာနိုင်ငံ၏ ဈေးကွက်ကို မကြာသေးမီက ၀င်ရောက်လာသော ဆက်သွယ်ရေးလုပ်ငန်း ရင်းနှီးမြှုပ်နှံမှုတွင် တင်ဒါရရှိထားသော နော်ဝေးကုမ္ပဏီ Telenor နှင့်အတူ မြန်မာဆက်သွယ်ရေးကုမ္ပဏီနှစ်ခုတို့က ဆက်သွယ်ရေးဆိုင်ရာ လျှပ်စစ်ပစ္စည်းထုတ်လုပ်သည့် Huawei တရုတ်ကုမ္ပဏီကို ပစ္စည်းတင်သွင်းခွင့်ပေးရန် သြဂုတ်လဆန်းက ရွေးချယ်လိုက်သည်။

ထို Huawei ကုမ္ပဏီသည် တရုတ်နိုင်ငံအစိုးရ၏ ဆိုက်ဘာစစ်တွင် ပါရှိနေသည်ဟု အနောက်နိုင်ငံများအကြား သံသယရှိနေကြသည်။

Huawei သည် ၂၀၁၂ ခုနှစ်တွင် ကမ္ဘာ့အကြီးဆုံး လျှပ်စစ်ပစ္စည်းထုတ်လုပ်သည့် ကုမ္ပဏီတစ်ခုအဖြစ် နိုင်ငံတကာကို ထိုးဖောက်လာသည်။ စတင်တည်ထောင်သူမှာ တရုတ်စစ်တပ်မှ အရာရှိဟောင်းတစ်ဦးဖြစ်သူ Ren Zhengfei ဖြစ်ပြီး ပုဂ္ဂလိကကုမ္ပဏီအဖြစ် ၁၉၈၈ ခုနှစ်တွင် စတင်ထူထောင်ခဲ့သည်။

ဆက်သွယ်ရေးကွန်ရက် တည်ဆောက်ပေးခြင်း၊ ဆက်သွယ်ရေးဆိုင်ရာ စက်ပစ္စည်းနှင့် ၀န်ဆောင်မှုပေးခြင်းတို့ကို ပြုလုပ်သည်။စတင်တည်ထောင်ချိန်ကတည်းကပင် တရုတ်ပြည်တွင်းနှင့် ပြည်ပကို ၀န်ဆောင်မှုပေးခဲ့သည်။ ဆက်သွယ်ရေးကိရိယာများကို ထုတ်လုပ်ရောင်းချခဲ့သည်။ ၂၀၁၀ ခုနှစ်တွင် Huawei ကုမ္ပဏီသည် နိုင်ငံပေါင်း ၁၄၀ ကျော်တွင် ၎င်းတို့၏ပစ္စည်းနှင့် ၀န်ဆောင်မှုများပေးနိုင်ခဲ့ပြီး အမြတ်ငွေ ဒေါ်လာ သန်းသုံးထောင့်ခုနစ်ရာရှိခဲ့သည်။

တရုတ်အစိုးရနှင့် ဆက်နွှယ်နေခြင်း၊ ထူထောင်သူက တရုတ်စစ်ရေးအင်ဂျင်နီယာဖြစ်နေခြင်းတို့ကြောင့် အနောက်နိုင်ငံများက နိုင်ငံတော်လုံခြုံရေးအတွက် စိုးရိမ်ပြီး Huawei နှင့် မဆက်ဆံလိုကြပေ။ နိုင်ငံတော်လုံခြုံရေးအတွက် ခြိမ်းခြောက်မှုဖြစ်နိုင်သည်ဟုပင် အမေရိကန်ထောက်လှမ်းရေးကော်မတီက ၂၀၁၂ ခုနှစ် အောက်တိုဘာလက အစီရင်ခံ စာထုတ်ပြန်ခဲ့သည်။

Huawei နှင့်အတူ အခြားတရုတ်ကုမ္ပဏီကြီးတစ်ခုဖြစ်သည့် ZTE Inc. ကိုလည်း အမည်နှင့်တကွ ဖော်ပြခဲ့သည်။တရုတ်အစိုးရနှင့် ပတ်သက်နေသည့် အဆိုပါကုမ္ပဏီကြီးနှစ်ခုက အမေရိကန်ကုမ္ပဏီများ၏ နည်းပညာအချက်အလက်များကို ခိုးယူပြီး အမေရိကန်နိုင်ငံသားများကိုလည်း သူလျှိုလုပ်ထောက်လှမ်းနေနိုင်သည်ဟု စွပ်စွဲထားသည်။ Huawei ကတော့ အခြေအမြစ်မရှိသည့် စွပ်စွဲချက်ဟုသာ တုံ့ပြန်ခဲ့သည်။

Huawei က ထုတ်လုပ်သော ပစ္စည်းများကို ကြိုးမဲ့ဆက်သွယ်ရေးတွင် အသုံးပြုပြီး တရုတ်အစိုးရက ထိုကုမ္ပဏီကို ငွေကြေးအထောက်အပံ့ များစွာပေးထားသည်ဟု အမေရိကန်အစီရင်ခံစာက ဆိုသည်။ အမေရိကန်နိုင်ငံတွင် တရုတ်အစိုးရထောက်ပံ့ထားသည့် ကုမ္ပဏီများကို လုပ်ပိုင်ခွင့်ပေးခြင်းသည် အမေရိကန်နိုင်ငံ၏ ဆက်သွယ်မှုများကို ကြားဖြတ် ဖမ်းယူနိုင်ခွင့်ပေးထားပြီး ဆိုက်ဘာတိုက်ခိုက်မှုများကို ခွင့်ပြုထားသလို အရေးပါသည့် အဆောက်အအုံများဖြစ်သည့် ဥပမာ ရေကာတာ၊ ပင်မလျှပ်စစ်ဓာတ်အားပေးရုံ စသည်တို့ကို တိုက်ခိုက်နိုင်သည့် အခြေအနေကို ဖန်တီးပေးထားသည်ဟု အစီရင်ခံစာက ဖော်ပြထားသည်။

၂၀၁၂ ခုနှစ် စက်တင်ဘာလတွင်းတွင် အမေရိကန်ရေတပ်လေ့ကျင့်ရေးစခန်းရှိရာ အော်ရေဂွန်ပြည်နယ်အနီးရှိ လေအားသုံး လျှပ်စစ်ထုတ်လုပ်သည့် စီမံချက်တွင် ရင်းနှီးမြှုပ်နှံထားသော တရုတ်ကုမ္ပဏီတစ်ခုကို ထိုရင်းနှီးမြှုပ်နှံမှုမှ စွန့်ခွာရန် နိုင်ငံခြားရင်းနှီးမြှုပ်နှံမှု ကော်မတီမှတစ်ဆင့် သမ္မတအိုဘားမားက အမိန့်ထုတ်ခဲ့သည်။ ထိုရေတပ်စခန်းတွင် မောင်းသူမဲ့လေယာဉ် လေ့ကျင့်မှုများ ရှိနေသည်။ အမေရိကန်သမ္မတက ယခုကဲ့သို့ နိုင်ငံခြားရင်းနှီးမြှုပ်နှံမှုတွင် ၀င်ရောက်ပိတ်ဆို့မှုသည် နှစ်ပေါင်း၂၂ နှစ် တွင် ပထမဆုံးအကြိမ်ပင်ဖြစ်သည်။

ကုမ္ပဏီတစ်ခုကို ပစ်မှတ်ထားပိတ်ဆို့ခြင်းမဟုတ်ဘဲ အေ ရိကန်၏ ဆက်သွယ်ရေးနှင့် အဓိကကျသော အဆောက်အအုံကို ကာကွယ်ရန်အတွက် လုပ်ဆောင်ခြင်းဖြစ်ကြောင်း အိမ်ဖြူတော်က ဆိုသည်။ သို့သော်လည်း Huawei ၏ ၀န်ထမ်းဟောင်းတစ်ဦးမှရရှိသည့် ရုံးတွင်းစာများအရ Huawei သည် တရုတ်စစ်တပ်တွင်းရှိ ဆိုက်ဘာစစ်ရေးဌာနအတွက် ၀န်ဆောင်မှုများပေးနေကြောင်းကို အမေရိကန်ထောက်လှမ်းရေး ကော်မတီက ထုတ်ဖော်ပြောဆိုသည်။

Huawei ကုမ္ပဏီသည် အလုပ်သမားအခွင့်အရေး၊ လာဘ်စားမှု၊ မူပိုင်ခွင့်ချိုးဖောက်မှု စသည့်အချက်များကို ကျူးလွန်ခဲ့ကြောင်းလည်း Huawei ကုမ္ပဏီ၏ လက်ရှိနှင့် ယခင်ဝန်ထမ်းများက စုံစမ်းရေးကော်မတီကို ပြောဆိုခဲ့ကြသည်။

ငွေကြေးဆိုင်ရာ ထုတ်ဖော်ကြေညာရမည်ဆိုသော ကန့်သတ်ချက်ရှိသည့် ဟောင်ကောင်နှင့် အမေရိကန်တို့တွင် Huawei ကုမ္ပဏီက ၎င်းတို့၏ ရှယ်ယာများကို ရောင်းချခြင်းမပြုပေ။ ကုမ္ပဏီ၏ ရှယ်ယာပိုင်ဆိုင်မှုများကိုလည်း တရားဝင်ဖော်ပြခြင်း မရှိပါ။ ထိုအချက်ကပင် တရုတ်အစိုးရက နောက်ကွယ်မှ အပြည့်အ၀ပံ့ပိုးနေသည်ဆိုသောသံသယ ပို၍ ခိုင်မာလာစေသည်။

အမေရိကန်ဈေးကွက်တွင် အပိတ်ပင်ခံထားရသော်လည်း တရုတ်ကုမ္ပဏီ Huawei သည် ဥရောပကို ထိုးဖောက်ဝင်ရောက်လာနေသည်။ ၂၀၀၄ ခုနှစ်တွင် ပထမဆုံးအကြိမ်အဖြစ် ဥရောပမှ ဟော်လန်ကုမ္ပဏီနှင့် စာချုပ်ချုပ်ဆို ရင်းနှီးမြှုပ်နှံနိုင်ခဲ့ပြီးသည့် နောက် ၂၀၁၀ မှာပင် ထိပ်တန်း ကမ္ဘာ့ဆက်သွယ်ရေးကုမ္ပဏီကြီး ၅၀ အနက် ၄၅ ခုအတွက် Huawei က ၀န်ဆောင်မှုပေးနေပြီး အမေရိကန်ထုတ် Fortune မဂ္ဂဇင်းတွင်လည်း ကမ္ဘာ့ထိပ်တန်းအမြတ်အစွန်းရ အောင်မြင်သည့် ကုမ္ပဏီ ၅၀၀ စာရင်းတွင် ပထမဆုံးအကြိမ် ပါဝင်ခဲ့သည်။

ထိုသို့ ကမ္ဘာ့ဆိုက်ဘာဈေးကွက်ကို ဖြန့်ကြက်နိုင်လာသော Huawei မှ ထုတ်လုပ်သည့် စက်ကိရိယာသည် ပြင်ပမှ ဆိုက်ဘာကွန်ရက်တွင်းသို့ ထိုးဖောက်ဝင်ရောက်နိုင်အောင် ပုံစံချ ထုတ်လုပ်ထားသည်ဟု အမေရိကန်က ဆိုသည်။

Huawei ကမူ ၎င်းတို့၏ ထုတ်ကုန်များသည် ဆိုက်ဘာလုံခြုံမှုအပြည့်အ၀ရှိကြောင်း တုံ့ပြန်ခဲ့သည်။ အမေရိကန်အစိုးရအနေဖြင့် ယင်းတို့၏ စီးပွားရေးလုပ်ငန်းကို စစ်ဆေးနိုင်ကြောင်း၊ စွပ်စွဲချက်များမှာ အခြေအမြစ်မရှိ ကြောင်း Huawei က ၂၀၁၁ ခုနှစ်တွင် စာရေးသားပေးပို့ခဲ့သည်။

အလားတူ အိန္ဒိယ ဆဲလ်လူလာဖုန်းဝန်ဆောင်မှုပေးနေသည့် Bharat Sanchar Nigam Limited (BSNL)ကလည်း ၂၀၀၅ ခုနှစ်က Huawei ၏ ကုန်ပစ္စည်းများကို လုံခြုံရေးဆိုင်ရာသံသယဖြင့် ပိတ်ပင်ခဲ့သည်။ ၂၀၁၀ တွင်မူ အိန္ဒိယ ဗဟိုစုံစမ်းထောက်လှမ်းရေးက Huawei နှင့်ပတ်သက်သော စာချုပ်နှင့် ဆက်သွယ်မှုအားလုံးကို ဖျက်သိမ်းရန် တိုက်တွန်းလာသည်။ နောက်ပိုင်းတွင် နိုင်ငံတကာလုံခြုံရေးအေဂျင်စီများ ဖြစ်သည့် ကနေဒါမှ Electronic Warfare Associates, အမေရိ ကန်အခြေစိုက် Infoguard နှင့် အစ္စရေးက ALTAL လုံခြုံရေးအကျိုးဆောင်တို့က စစ်ဆေးပြီး လုံခြုံစိတ်ချရကြောင်း ထောက်ခံမှသာလျှင် အိန္ဒိယကို တင်သွင်းခွင့်ပြုရန် ဆုံးဖြတ်ခဲ့သည်။

နိုင်ငံတကာသံသယများ တိုးမြှင့်လာချိန်တွင် Huawei သည် အီရန်နိုင်ငံကို စောင့်ကြည့်ရေးနည်းပညာနှင့်အတူ ဆက သွယ်ရေးကိရိယာများကို အဓိကပံ့ပိုးပေးနေခဲ့ကြောင်း ၂၀၁၁ ခုနှစ်က ဝေါစထရိဂျာနယ်က ဖွင့်ချစွပ်စွဲခဲ့ပြန်သည်။ သက်သေပြနိုင်ခြင်းတော့ မရှိခဲ့ပေ။ အာဖဂန်နစ္စတန်တွင် တာလီဘန်များအတွက် ဆက်သွယ်ရေးကိရိယာများ လုပ်ဆောင်ပေးခဲ့ကြောင်း အိန္ဒိယက ၂၀၀၁ ခုနှစ်က စွပ်စွဲခဲ့ဖူးသော်လည်း ထိုအချက်ကိုလည်း သက်သေပြနိုင်ခြင်းမရှိခဲ့ပေ။

၂၀၁၂ ခုနှစ် မတ်လတွင်မူ သြစတြေးလျအစိုးရပိုင် NBN ကုမ္ပဏီက နိုင်ငံအနှံ့ ဆက်သွယ်ရေးကွန်ရက်တည်ဆောက်ရေးအတွက် တင်ဒါခေါ်ယူခဲ့ရာတွင် Huawei ကုမ္ပဏီကို လေလံဆွဲခွင့်မပေးခဲ့ပါ။ ၎င်းမှာလည်း သြစတြေးလျလုံခြုံမှုထောက်လှမ်းရေးအဖွဲ့၏ အကြံပြုချက်ကြောင့်ဖြစ်သည်ဟု ဆိုသည်။

ထို့နောက် လေးလအကြာ ဇူလိုင်လတွင် ကွန်ပျူတာလုံခြုံရေးကုမ္ပဏီဖြစ်သည့် Recruity Labs မှ ကျွမ်းကျင်သူများဖြစ်ကြသည့် Felix Lindner နှင့် Gregor Kopf တို့က Huawei ၏ ဆက်သွယ်ရေးစက်ပစ္စည်းများ လုံခြုံစိတ်ချရမှုမရှိဘဲ ဖောက်ထွင်းရလွယ်ကူကြောင်းနှင့် အဝေးမှ ထိုးဖောက်ထိန်းချုပ်နိုင်ကြောင်း သတင်းစာရှင်းလင်းပွဲ ပြုလုပ်ပြီး ထုတ်ဖော်ပြောဆိုလိုက်သည်။ဆိုက်ဘာစစ်ကတော့ ခရီးဆက်နေဦးမည်ဖြစ်သည်။

အမေရိကန်နှင့် ဥရောပ၊ အာရှနိုင်ငံ အတော်များများက အစိုးရရုံးများ၊ ပုဂ္ဂလိကသတင်းမီဒီယာများ၊ အထင်ကရ နိုင်ငံရေးသမားများကို တရုတ်နိုင်ငံတွင် အခြေပြုထားသည့် ကွန်ပျူတာများမှ ဆိုက်ဘာထိုးဖောက်တိုက်ခိုက်မှုများရှိနေကြောင်း မကြာခဏ ထုတ်ဖော်ပြောဆိုမှုများ ရှိနေသည်။ စစ်အင်အား၊ လက်နက်အင်အား၊ လူအင်အားတို့ဖြင့် ထင်ထင်မြင်မြင် တိုက်ပွဲဆင်နွှဲခဲ့ကြသည့်ခေတ်ကို လွန်မြောက်လာချိန်တွင် ရှုပ်ထွေးသော ဆိုက်ဘာနည်းပညာများဖြင့် နိုင်ငံတကာတိုက်ပွဲများ စတင်နေပြီဟု ဆိုရပေမည်။

နိုင်ငံတကာ ဆိုက်ဘာစစ်တွင် ပါဝင်နေသော Huawei ကုမ္ပဏီ ခြေကုပ်ယူလာနေသည့် မြန်မာနိုင်ငံ၏ ဆက်သွယ်ရေးကွန်ရက်တွင် နိုင်ငံတော်လုံခြုံရေး၊ ပြည်တွင်းနှင့် နိုင်ငံတကာစီးပွားရေးကုမ္ပဏီများ၏ ဆက်သွယ်မှုလုံခြုံရေး၊ လူပုဂ္ဂိုလ်များ၏ ကိုယ်ပိုင်အချက်အလက်များ လုံခြုံရေးအတွက် မည်မျှကာကွယ်ပေးနိုင်မည်ကိုတော့ မသိရသေးပါ။ လွှတ်တော်တွင် ဆွေးနွေးနေသည်ဟုတော့ သိရသည်။

“လွှတ်တော်က ဆက်သွယ်ရေးဥပဒေကို ဆွေးနွေးနေပါတယ်။ လုံခြုံရေးအတွက် ကျွန်တော်တို့ တတ်နိုင်သလောက် ကာကွယ်သွားရမယ်။ တကယ်လို့ ကုမ္ပဏီတွေက ကျွန်တော်တို့နိုင်ငံရဲ့ လုံခြုံရေးအတွက် ခြိမ်းခြောက်လာရင်တော့ အဲဒီလိုယုံကြည်လို့ မရတဲ့ ကုမ္ပဏီတွေနဲ့ အလုပ်လုပ်ဖို့ မဖြစ်ပါဘူး။ ဒါကို ဆန့်ကျင်ရပါလိမ့်မယ်”ဟု လွှတ်တော်အမတ် ဦးမြင့်သိန်းက ပြောဆိုကြောင်း Asian News Network က သြဂုတ် ၁၄ ရက်၌ ဖော်ပြခဲ့သည်။

ကြီးမားလှသည့် အမေရိကန်ဈေးကွက်ကို ထိုးဖောက်၍မရသည့်အဆုံး ကျန်နိုင်ငံတကာဈေးကွက်ကို ပိုမိုအာရုံထားလာသော Huawei က Apple's iPhone and Samsung's Galaxy S4 တို့ကို အပြိုင်တိုက်မည့် Ascend P6 ကို ထုတ်မည်ဟု ကြေညာလိုက်သည်။ ဆိုက်ဘာလုံခြုံရေးကို ဦးစားပေးကြသော အနောက်ဈေးကွက်မှ ဆုတ်ခွာလာရသည့် Huawei သည် မြန်မာအပါအ၀င် အာရှနှင့် ကမ္ဘာ့တခြားနိုင်ငံများတွင်မူ ၎င်း၏ ဈေးချိုသည့် ထုတ်ကုန်များအတွက် ကော်ဇောနီခင်း ကြိုဆိုနေဦးမည်သာ ဖြစ်ပေသည်။

Credit To 7Day News Journal
Read More »

နိုင်ငံသား တစ်ဦးရဲ့ ငြိမ်းချမ်းရေးမှတ်စု (လှမောင်ရွှေ)


ABSDF နဲ့ အပစ်အခတ် ရပ်စဲရေး လက်မှတ် ရေးထိုးခြင်း

၂၀၁၃ ခုနှစ် သြဂုတ်လ ၅ ရက်နေ့၊ ရန်ကုန်မြို့ ဒီကနေ့ ရန်ကုန်မြို့ မြန်မာ ငြိမ်းချမ်းရေးစင်တာ (MPC) မှာ ABSDF ကျောင်းသား တပ်ဦးနဲ့ ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်း ကော်မတီရဲ့ ပြည်နယ်အဆင့်က တာဝန်ရှိသူတွေ တွေ့ဆုံ ဆွေးနွေးခဲ့ကြပါတယ်။ ဆွေးနွေး အပြီးမှာ နှစ်ဖက် အပစ်အခတ် ရပ်စဲရေးကို လက်မှတ် ရေးထိုးနိုင်ခဲ့ကြပါတယ်။

ကျွန်တော့်အနေနဲ့ ဒီအပစ်အခတ် ရပ်စဲရေးတွေ လက်မှတ် ရေးထိုးနိုင်ဖို့ စခဲ့ကြတဲ့ ၂၀၁၁ ခုနှစ် ဒီဇင်ဘာလကတည်းက တစ်ထောင့် တစ်နေရာက ပါဝင်ခဲ့သူ တစ်ယောက်အနေနဲ့ တစ်နှစ်ခွဲ ကျော်ကျော် ဖြတ်သန်းခဲ့ပြီးမှ ရလာတဲ့ ရလဒ်အပေါ်မှာ နိုင်ငံသား တစ်ယောက်အနေနဲ့ ဝမ်းမြောက် ဝမ်းသာ ဖြစ်မိပါတယ်။ ဒီအပစ်အခတ် ရပ်စဲရေး Agreement ဟာ အစိုးရ အဖွဲ့သစ်ရဲ့ ၁၄ ဖွဲ့မြောက် အပစ်အခတ် ရပ်စဲရေး ဖြစ်ပါတယ်။ တစ်ပြိုင်နက်တည်းမှာ ဆွေးနွေး ညှိနှိုင်းနေဆဲဖြစ်တဲ့ ပလောင် လွတ်မြောက်ရေး တပ်မတော် (TNLA) နဲ့ ကချင် လွတ်မြောက်ရေးအဖွဲ့ (KIO) တို့နဲ့လည်း ဒီလိုမျိုး လက်မှတ် ရေးထိုးနိုင်ဖို့ ကျွန်တော့်အနေနဲ့ မျှော်လင့်မိပါတယ်။

ABSDF ကျောင်းသား တပ်မတော်အနေနဲ့ ၁၉၈၈ လူထုလှုပ်ရှားမှုတွေ အပြီးမှာ သူတို့အနေနဲ့ လက်နက်ကိုင် လမ်းစဉ်နဲ့ ဆောင်ရွက်တာဟာ အဖြစ်နိုင်ဆုံးလို့ အဲဒီအချိန် အဲဒီအခါက ယုံကြည်ကြ ပြီးတော့ နယ်စပ်တွေကို ထွက်ခွာပြီး ကျောင်းသား တပ်မတော်ကို ထူထောင်ခဲ့ကြတဲ့ အဖွဲ့တွေပါပဲ။ အခုဆိုရင် ၈၈ ရဲ့ ၂၅ နှစ် ပြည့်မြောက်တဲ့ အချိန်မှာ ဒီလို အပစ်အခတ် ရပ်စဲရေး လက်မှတ် ရေးထိုးနိုင်တာဟာ အနာဂတ် အမျိုးသား ရင်ကြားစေ့ရေး၊ အားလုံး လိုချင်တဲ့ ဒီမိုကရေစီ အရေးနဲ့ သိပ်မကြာခင် ဖြစ်လာမယ်လို့ မျှော်လင့်ရတဲ့ အားလုံး ပါဝင်တဲ့ နိုင်ငံရေး ညီလာခံကြီး ဖြစ်မြောက်ရေး အပေါ်မှာ ပိုပြီးတော့ လမ်းကျယ်ကျယ်ဖွင့်ရာ ရောက်တယ်လို့လည်း ကျွန်တော့်အနေနဲ့ မှတ်ယူမိပါတယ်။

သမ္မတဦးသိန်းစိန် အနေနဲ့ အစိုးရအဖွဲ့ တက်လာပြီးတဲ့နောက် ၂၀၁၁ ခုနှစ် သြဂုတ်လ ၁၈ ရက်နေ့မှာ တစ်နိုင်ငံလုံးကို ငြိမ်းချမ်းရေး ဆွေးနွေးဖို့ ဖိတ်ခေါ်ခဲ့တာ အားလုံး သိကြပါတယ်။ အဲ့ဒီနောက်ပိုင်း နောင်မှာ Chief Negotiator ဖြစ်လာမယ့် ဝန်ကြီး ဦးအောင်မင်းအနေနဲ့ ၂၀၁၁ ခုနှစ် စက်တင်ဘာလ ၁၉၊ ၂၀ ရက်မှာ KNU ကို ပထမဦးဆုံးအကြိမ် ဖိတ်စာပေးပြီးတဲ့ နောက်ပိုင်းမှာ ငြိမ်းချမ်းရေး တွေ့ဆုံ ဆွေးနွေးမှုတွေ တစ်ဆင့်ပြီး တစ်ဆင့် တိုးတက်လာခဲ့တာ တွေ့ရပါတယ်။ KNU, NMSP အပါအဝင် အခြား အဖွဲ့တွေကို သွားရောက် တွေ့ဆုံရင်းကနေပြီးတော့မှ ABSDF နဲ့ တွေ့ဆုံဖို့ကို ၂၀၁၁ ခုနှစ် ဒီဇင်ဘာလလောက်မှာ စပြီး တွေ့တယ်လို့ ကျွန်တော့်အနေနဲ့ မှတ်သားမိပါတယ်။ ပထမဦးဆုံး တွေ့ဆုံမှုကိုတော့ ထိုင်းနိုင်ငံ မဲဆောက်မြို့မှာ ဆောင်ရွက်ခဲ့ပါတယ်။ ဒီဆွေးနွေးပွဲကိုတော့ ကျွန်တော်တို့ရဲ့ မိတ်ဆွေ ဦးညိုအုန်းမြင့် (ခု MPC မှာ တာဝန်ယူနေတဲ့သူ) က စပြီးတော့ တွေ့နိုင်ဖို့ စီစဉ်ပေးခဲ့ပါတယ်။ ၂၀၁၁ ခုနှစ် ဒီဇင်ဘာလမှာ စတွေ့တဲ့ ပွဲမှာ ဒုတိယ ဥက္ကဋ္ဌ ရဲဘော် မျိုးဝင်း ဦးဆောင်တဲ့ အဖွဲ့နဲ့ တွေ့ခဲ့ရပါတယ်။ ပထမဦးဆုံး တွေ့ဆုံ ဆွေးနွေးပွဲမှာတော့ အခက်အခဲများ ရှိခဲ့တယ်လို့ ပြောရမှာ ဖြစ်ပါတယ်။

အဲဒီ နောက်ပိုင်းမှာတော့ ဒီကနေ့ အခြေအနေ ရောက်လာဖို့အတွက် ဒီနေ့ ဆွေးနွေးပွဲမှာ ABSDF ဥက္ကဋ္ဌ ရဲဘော်သံခဲ အနေနဲ့ ညွှန်းဆိုသွားတဲ့ ဝန်ကြီး ဦးအောင်မင်းနဲ့ တွေ့ဆုံခဲ့တဲ့ သုံးကြိမ်၊ Technical Team နဲ့ တွေ့ဆုံတဲ့ နှစ်ကြိမ် အသီးသီး တွေ့ဆုံပြီး ပြင်ဆင်ခဲ့ရတယ်လို့ ပြောသွားပါတယ်။ ကျွန်တော့်အနေနဲ့ ငါးကြိမ်လုံးမှာ ပါဝင်ခွင့် ရခဲ့သလို ငါးကြိမ်ထက် ပိုတဲ့ ဆက်ဆံမှုတွေကိုလည်း ဆောင်ရွက်နိုင်ပါတယ်။ နောက်တစ်ကြိမ် တွေ့ဆုံပွဲကိုတော့ ၂၀၁၂ ခုနှစ်ထဲမှာ ဆောင်ရွက်ခဲ့ပါတယ်။ ဒီတွေ့ဆုံပွဲမှာတော့ ဥက္ကဋ္ဌ ရဲဘော်သံခဲ ကိုယ်တိုင် ပါဝင်ခဲ့ပြီးတော့ ဝန်ကြီး ဦးအောင်မင်းနဲ့ ဆွေးနွေးခဲ့ ပါတယ်။ ဒီဆွေးနွေးမှုတွေမှာ နှစ်ဖက် ညှိနှိုင်းမှုတွေက ပိုပြီးတော့ အနည်းငယ် နီးစပ်လာခဲ့တာကို တွေ့ရပါတယ်။ ဝန်ကြီး ဦးအောင်မင်းနဲ့ တွေ့ဆုံပွဲတွေ အပြီးမှာတော့ ကျွန်တော်တို့ MPC အလုပ်အဖွဲ့ အနေနဲ့ သီးခြား ABSDF ခေါင်းဆောင်တွေနဲ့ ချင်းမိုင်မှာ ည ၁၂ နာရီခန့်အထိ ဆွေးနွေးဖြစ်ပါတယ်။ သူတို့ကိုလည်း ကျွန်တော်တို့ နိုင်ငံထဲမှာ တကယ်ဖြစ်နေတဲ့ Reality ကိုလည်း အတတ်နိုင်ဆုံး ရှင်းပြဖို့ ကြိုးစားခဲ့ပါတယ်။ ဒီနေရာမှာတော့ အထွေထွေ အတွင်းရေးမှူးလုပ်တဲ့ ရဲဘော် ဆန်နီရဲ့ ပိုပြီးတော့ ပါးနပ် လိမ္မာမှုနဲ့ သဘောထားကြီးမှုတွေကိုလည်း တွေ့ရပါတယ်။ ဝန်ကြီး ဦးအောင်မင်း ဒီနေ့ပွဲမှာ ပြောဆိုသွားတဲ့ တိုင်းရင်းသား လူမျိုးစုတွေကြားမှာ နှစ်ပေါင်း ၂၄ နှစ်ကြာ ဖြတ်သန်းခဲ့တဲ့ ABSDF ရဲ့ အတွေ့အကြုံတွေဟာ အနာဂတ် အမျိုးသား ရင်ကြားစေ့ရေးနဲ့ အားလုံး လိုချင်တဲ့ နိုင်ငံရေး တွေ့ဆုံ ဆွေးနွေးပွဲတွေမှာ အဖြေထုတ်ပြီး နှစ်ဖက်ကို မျှတတဲ့ အနေအထားမျိုး ဖြစ်အောင် Negotiator တွေ ဖြစ်နိုင်တယ်။ အဲဒီကာလ မတိုင်ခင်မှာတော့ သူတို့ဟာ Peace Ambassador ငြိမ်းချမ်းရေး သံတမန်တွေလည်း ဖြစ်နိုင်ပါတယ် ဆိုတာကိုလည်း ထပ်ပြီးတော့ ကျွန်တော်တို့ High Light လုပ်ခဲ့ပါ တယ်။ အဲဒီ နောက်ပိုင်းမှာတော့ ABSDF က ဆက်သွယ်ရေး အရာရှိလို့ ပြောလို့ရမယ့် ရဲဘော် ကျော်ကျော်လင်းနဲ့ ကျွန်တော်တို့ဖက်ကတော့ ဒေါက်တာမင်းဇော်ဦး၊ ဦးညိုအုန်းမြင့်နဲ့ ကျွန်တော်တို့က ဆက်ပြီးတော့ ဆောင်ရွက်ခဲ့ကြပါတယ်။

အဲ့ဒီနောက်ပိုင်းမှာတော့ ဝန်ကြီး ဦးအောင်မင်းအနေနဲ့ ABSDF အဖွဲ့ကို ပြည်တွင်းမှာ လေ့လာရေး လာဖို့ စီစဉ်ပေးခဲ့ပါတယ်။ အဲဒီအဖွဲ့ကိုတော့ ရဲဘော်သံခဲ ဦးဆောင်ပြီးတော့ ပထမဦးဆုံးအကြိမ် နှစ်ပေါင်း ၂၄ နှစ်ကျော် အကြာမှာ သူတို့တွေ ပြည်တွင်းကို အလည်လာနိုင်ခဲ့ကြပါတယ်။ သူတို့ အားလုံး မိဘရပ်ဌာနေ ပြန်နိုင်ကြတယ်။ သူတို့ တွေ့ချင်တဲ့ လူတွေကို လွတ်လွတ်လပ်လပ် တွေ့နိုင်ခဲ့ တယ်။ ပြီးတော့ နောက်ဆုံး သူတို့ ပြန်ခါနီး MPC မှာ သတင်းစာ ရှင်းလင်းပွဲ တစ်ခုလည်း သူတို့ ဆောင်ရွက်ခဲ့ပါတယ်။ ကျွန်တော်တို့နဲ့လည်း အလွတ်သဘောတွေ ထပ်ပြီးတော့ ဆွေးနွေးနိုင်ခဲ့ပါ တယ်။ အဲ့ဒီနောက်မှာတော့ သူတို့တွေ ပြန်လည် ထွက်ခွာသွားကြပါတယ်။ ၂၀၁၂ ခုနှစ် မေလထဲမှာ တော့ ရဲဘော် ဦးဆန်နီ ဦးဆောင်တဲ့ ABSDF ရဲ့ Technical Team ဟာ မြန်မာနိုင်ငံထဲကို နောက်ထပ် တစ်ကြိမ် လာရောက်ခဲ့ပါတယ်။ သူတို့ MPC မှာပဲ တည်းကြပြီးတော့ MPC က အလုပ်အဖွဲ့တွေနဲ့ နှစ်ရက်တာ ဆွေးနွေးပွဲတွေကို လုပ်ခဲ့ပါတယ်။ Technical Team level မှာ အလွတ်သဘော နွေးနွေးထွေးထွေး ဆွေးနွေးနိုင်တဲ့အတွက် ABSDF အဖွဲ့ စဉ်းစားတဲ့ အနေအထားကို ကျွန်တော်တို့ ပိုမို နားလည်ခဲ့ပါတယ်။

ကျွန်တော်တို့ရဲ့ MPC မှာကိုက ABSDF ဟောင်းတွေဖြစ်တဲ့ ဦးအောင်နိုင်ဦးနဲ့ ဒေါက်တာ မင်းဇော်ဦးတို့ ရှိနေပြီးသား ဖြစ်တဲ့အတွက်လည်း နှစ်ဖက် ညှိနှိုင်း ဆွေးနွေးရတဲ့ နေရာမှာ ပိုမိုပြီးတော့ လွယ်ကူတယ် လို့ ထင်ပါတယ်။ နှစ်ရက်တာ တွေ့ဆုံ ဆွေးနွေးပွဲ အပြီးမှာတော့ ရဲဘော်ဆန်နီတို့အဖွဲ့ ပြန်လည် ထွက်ခွာသွားပါတယ်။ နောက်ဆုံး ညှိနှိုင်းမှုကိုတော့ ၂၀၁၃ ခုနှစ် ဇူလိုင်လလယ်မှာ MPC ဘက်က Technical Team ချင်းမိုင်ကို သွားတဲ့ အချိန်မှာ နှစ်ရက်တာ တွေ့ဆုံ ဆွေးနွေးပွဲတွေ နောက်ဆုံး အပြီးသတ် ညှိနှိုင်းခဲ့ပါတယ်။ ဖြစ်နိုင်ခြေ အများစုကို ကျွန်တော်တို့ဘက်ကနေပြီးတော့ တင်ပြခဲ့ ပြီးတော့ ABSDF ဘက်က ပေးတဲ့ အချက်အလက်များကိုလည်း ဝန်ကြီး ဦးအောင်မင်း ဦးဆောင်တဲ့ လုပ်ငန်း ကော်မတီဘက်ကို ပြန်လည် ပေးပို့ခဲ့ပါတယ်။ စုစုပေါင်း နှစ်ရက်တာ ကိုးနာရီလောက် ကြာတဲ့ ဆွေးနွေးပွဲတွေကနေပြီးတော့ နှစ်ဖက် အပစ်အခတ် ရပ်စဲရေး ဖြစ်နိုင်ခြေတွေကို အများဆုံး ညှိနှိုင်းနိုင် ခဲ့ကြပါတယ်။ အခု ဒီရလဒ်က နှစ်ဖက် အပစ်အခတ် ရပ်စဲရေးအထိ ဖြစ်မြောက်လာခဲ့ပါတယ်။

ဇူလိုင်လလယ်ကစပြီး ABSDF နဲ့ အစိုးရ လက်မှတ် ရေးထိုးနိုင်ဖို့အတွက် အသေးစိတ် Logistic ကိစ္စရပ်တွေကို ဒေါက်တာမင်းဇော်ဦးနဲ့ MPC အဖွဲ့ဝင်တွေ နေ့တိုင်း ညှိနှိုင်း ဆွေးနွေးခဲ့ကြပါတယ်။ ABSDF အနောက်ပိုင်းက ငါးဦး၊ မြောက်ပိုင်းက ငါးဦး၊ ဗဟိုက စုစည်းထားတဲ့ ၂၄ ဦး စုစုပေါင်း ၃၄ ဦးတို့ ဒီဆွေးနွေးပွဲကို တက်ရောက်ခဲ့ပါတယ်။ ဒီနှစ်ဖက် အပစ်အခတ် ရပ်စဲရေးဟာ ပြည်ထောင်စု အစိုးရအဖွဲ့ နိုင်ငံတော် သမ္မတဘက်က ချပေးထားတဲ့ မူဝါဒအရ ပြည်နယ်အဆင့် ဖြစ်ပါတယ်။ ABSDF အဓိက အင်အားစုတွေရှိတဲ့ ကရင်ပြည်နယ် တာဝန်ရှိတဲ့ နယ်လုံ ဝန်ကြီးနဲ့ ပြည်နယ်အဆင့် လူတွေ တက်ရောက်ပေမယ့် အများစုကတော့ ပြည်ထောင်စုအဆင့် ဖြစ်နေတာကိုလည်း တွေ့ရပါတယ်။ ဒါကတော့ ဝန်ကြီး ဦးအောင်မင်းနဲ့ အစိုးရအဖွဲ့ဘက်က ABSDF အပေါ်မှာ အလေးအနက် ထားပြီးတော့ အဖွဲ့ကြီးသည် ငယ်သည် မဟုတ်ဘဲနဲ့ ငြိမ်းချမ်းရေးအတွက်ကို အာရုံစိုက်တဲ့ သဘောမျိုး မှတ်ယူပါတယ်။

ထူးထူးခြားခြား ဒီပွဲမှာ တပ်မတော်ဘက်က ဒုတိယ ဗိုလ်ချုပ်ကြီး သက်နိုင်ဝင်း ကိုယ်တိုင် တက်ရောက် ခဲ့တာ တွေ့ပါတယ်။ ပြည်ထောင်စု ဝန်ကြီးတွေ ဖြစ်ကြတဲ့ ဝန်ကြီး ဦးအောင်မင်း၊ ဝန်ကြီး ဦးအုန်းမြင့်၊ ဝန်ကြီး ဦးခင်ရီ၊ ဝန်ကြီး ဦးဇေယျာအောင်တို့ တက်ရောက်ခဲ့ပြီးတော့ ပြည်နယ် နယ်လုံ ဝန်ကြီး၊ ပြည်နယ်အဆင့် ဥပဒေချုပ် အပါအဝင် ပြည်နယ်အဆင့် တာဝန်ရှိသူများလည်း တက်ရောက်ခဲ့ ပါတယ်။ တပ်မတော်ဘက်က အရာရှိကြီးတွေလည်း တက်ရောက်ခဲ့ပြီးတော့ လွှတ်တော်များက ကိုယ်စားလှယ် နှစ်ဦးလည်း တက်ရောက်ပါတယ်။ ဒါအပြင် ABSDF က အဆိုပြုခဲ့တဲ့ Observer များ ဖြစ်ကြတဲ့ ရှစ်လေးလုံး ကျောင်းသားခေါင်းဆောင် ဦးမင်းကိုနိုင်နဲ့ ဦးမြအေးတို့လည်း တက်ရောက်ခဲ့ပြီး တော့ ABSDF နဲ့ ဝန်ကြီး ဦးအောင်မင်း၊ MPC တို့ ကြားထဲမှာ ကူညီခဲ့တဲ့ Emma Lesley နဲ့ အထောက်အကူ ပြုပေးတဲ့ နီပွန် ဖောင်ဒေးရှင်းလည်း တက်ရောက်ခဲ့ပါတယ်။ ကျောင်းသား နိုင်ငံရေး ပါတီများ ဖြစ်တဲ့ မြန်မာ့ လူ့ဘောင်သစ် ပါတီက ဦးဇင်လင်းနဲ့ မြန်မာ အမျိုးသား ကွန်ဂရက် ပါတီက ဦးကောင်းမြင့်ထွဋ်တို့ နှစ်ယောက်လည်း Observer အနေနဲ့ တက်ရောက်ခဲ့ပါတယ်။

ဝန်ကြီး ဦးအောင်မင်းရဲ့ အဖွင့် နှုတ်ခွန်းဆက်စကားမှာ ဒီနေ့ ကြိုးစား ဆောင်ရွက်မယ့် အပစ်အခတ် ရပ်စဲမှုဟာ ABSDF နဲ့ အစိုးရရဲ့ အပစ်အခတ် ရပ်စဲရေး မဟုတ်ဘဲနဲ့ နောက်တစ်ဆင့် အမျိုးသား ရင်ကြားစေ့ရေး အနေနဲ့ တွေ့ဆုံ ဆွေးနွေးမှုပွဲ ဖြစ်မြောက်ဖို့အတွက် ခြေလှမ်း ဖြစ်တယ်ဆိုတာ ကိုလည်း ထောက်ပြသွားပါတယ်။ ဒုတိယ ဗိုလ်ချုပ်ကြီး သက်နိုင်ဝင်းဘက်ကလည်း တပ်မတော် အရာရှိကြီး တစ်ဦးအနေနဲ့ ပြောသွားတဲ့ စကားတွေကလည်း ကျွန်တော်တို့အတွက်တော့ ထည့်သွင်း စဉ်းစားစရာ အများကြီးရပါတယ်။ ABSDF ဥက္ကဋ္ဌ ရဲဘော် သံခဲဘက်က ပြောသွားတဲ့ စကားတွေ ကလည်း သူတို့ရဲ့ ရပ်တည်ချက် ကျောင်းသားတွေရဲ့ သဘောထားတွေကိုလည်း တိတိကျကျ ပြောသွားပါတယ်။ ဒီနေ့ အခမ်းအနားကတော့ ကြိုတင် ညှိနှိုင်းမှုတွေ အများကြီး လုပ်ခဲ့ပြီးတဲ့အတွက် Agreement အတွက် စကားလုံး ရွေးချယ်မှုနဲ့ တိတိကျကျ အဓိပ္ပာယ် ဖွင့်ဆိုမှုတွေက အဓိကဖြစ် ပါတယ်။

လက်မှတ် ရေးထိုးပြီးတဲ့အခါမှာ နှစ်ဖက် အပြန်အလှန် လက်ဆွဲ နှုတ်ဆက်တဲ့အခါ ကျွန်တော့်ရင်ထဲမှာ မဖော်ပြနိုင်တဲ့ ခံစားချက်တွေ ဖြစ်ပေါ်ခဲ့ပါတယ်။ ဝမ်းသာမှုတွေ၊ ဝမ်းနည်းမှုတွေ ရောထွေးနေတယ်လို့ ထင်ပါတယ်။ ဝမ်းသာတာကတော့ ကိုယ်ယုံကြည်တာကို ယုံကြည်ချက်အတိုင်း ဆောင်ရွက်ခဲ့တဲ့ ၂၅ နှစ်တာ အပြီးမှာ တွေ့ဆုံ ဆွေးနွေးရေးသည်သာ အဓိက အဖြေထုတ်ဖို့ ဖြစ်တယ်။ ဒါကြောင့် အပစ်အခတ် ရပ်တယ် ဆိုတာပါ။ ၂၅ နှစ်ကျော် ကာလအတွင်းမှာ ရဲဘော်သံခဲ ပြောဆိုခဲ့တဲ့ ကျဆုံးခဲ့တဲ့ ABSDF ရဲဘော် ၆၀၀ ကျော် ထိခိုက်ဒဏ်ရာ ရခဲ့တဲ့ ၄၀၀ ကျော် ဆိုတာဟာ ကျွန်တော့်ရဲ့ သားသမီးတွေ ဖြစ်ရင်၊ ကျွန်တော့်ရဲ့ ညီအစ်ကို မောင်နှမတွေ ဖြစ်ရင် ဆိုတဲ့ ခံစားချက်ကလည်း ကျွန်တော့်ကို မသက်မသာ ဖြစ်စေတယ်လို့ ထင်ပါတယ်။ အားလုံးက ကျွန်တော်တို့ ပြည်သူလူထု ညီအစ်ကို မောင်နှမတွေ မဟုတ်လား။ ထပ်ပြီး ဝမ်းသာတာကတော့ အပစ်အခတ် ရပ်စဲရေးမှသည် အားလုံး လိုချင်တဲ့ ဒီမိုကရေစီ နိုင်ငံသစ်ကြီးဆီသို့ သွားနိုင်ဖို့အတွက် ဝိုင်းဝန်း အဖြေရှာမယ့် နိုင်ငံတော်သမ္မတ ညွှန်းဆိုတဲ့ All Inclusive ဆိုတဲ့ Political Dialogue ပိုရောက်နိုင်တဲ့ ခြေလှမ်းတစ်ခု ရတယ်လို့ ထင်ပါတယ်။

ဒီနေရာမှာ KNU ခေါင်းဆောင်၊ KNU ဥက္ကဋ္ဌ အဘ မူတူးစေးဖော ပြောတဲ့ စကားကို ညွှန်းပါရစေ။ ကရင် တော်လှန်ရေး ၂၀၁၃ ခုနှစ် ဇန်နဝါရီလ မှာ ၆၄ နှစ် ပြည့်ခဲ့ပါပြီ။ သူ့အသက်လည်း ၈၂ နှစ် ကျော်ခဲ့ပါပြီ။ သူလက်ရှိ လက်နက်ကိုင် တိုက်ပွဲဝင်လာတာ ၂၀၁၂ ခုနှစ် လက်မှတ် ရေးထိုးတဲ့အချိန်ထိ ဆိုရင် တော်လှန်ရေးသက် ၆၂ နှစ် ရှိပါပြီ။ နှစ်ပေါင်းများစွာအတွင်း ဘယ်သူ့ဘက်ကမှ အပြတ် မချေမှုန်းနိုင်ခဲ့ပါဘူး။ ဒီ zero sum game က တိုင်းပြည်ကို ဆင်းရဲတွင်း နက်စေတယ်။ ဒုက္ခတွင်းထဲကို တွန်းပို့ခဲ့တယ်။ အခု ဘယ်သူက သူ့ကို ဘာပြောပြော သူငြိမ်းချမ်းရေးကို မရရအောင် ကြိုးစား ဆောင်ရွက်မယ်။ သူ့ကို လူဆိုးကြီးပြောပြော အရူးကြီးပြောပြော ငြိမ်းချမ်းရေးရမှ ဖြစ်မယ်လို့ ပြောခဲ့ပါ တယ်။ အဘ မူတူးစေးဖော ပြောတဲ့အထဲမှာ ငါတို့ နိုင်ငံ၊ ငါတို့ သမ္မတ ဆိုတာကိုလည်း ထည့်သုံး သွားပါတယ်။ မြန်မာနိုင်ငံဟာ ကျွန်တော်တို့ ခင်ဗျားတို့ အားလုံးရဲ့ နိုင်ငံ၊ အနာဂတ် သားစဉ်မြေးဆက် တွေရဲ့ နိုင်ငံပါပဲ။ ဒီနိုင်ငံကို ပိုမို ကောင်းမွန်တဲ့ အခြေအနေနဲ့ သူတို့ကို လွှဲပေးခဲ့ဖို့ ငြိမ်းချမ်းရေး လိုပါတယ်။ ထာဝရ ငြိမ်းချမ်းရေး ရဖို့ ဆက်ကြိုးစားရပါဦးမယ်။

ဒီကနေ့ အပစ်အခတ် ရပ်စဲမှုကနေ သိပ်မကြာခင်မှာ တစ်နိုင်ငံလုံး အပစ်အခတ် ရပ်စဲမှုကို ဆောင်ရွက် နိုင်မယ့် Nation Wide Ceasefire Accord ကို သွားနိုင်ဖို့ လိုပါတယ်။ ပြီးရင် ပါဝင်သင့် ပါဝင်ထိုက်တဲ့ သူတွေ ပါဝင်ပြီး ပြည်တွင်းမှာ ကျင်းပ ဆွေးနွေး အတည်ပြုမယ့် Frame work meeting တစ်ခု ဆောင်ရွက်ကြရပါဦးမယ်။ Frame work meeting ကနေ အနာဂတ် နိုင်ငံရေး ဆွေးနွေးပွဲကြီးမှာ အားလုံး ပါဝင်နိုင်ဖို့ ဆွေးနွေးမယ့် အကြောင်းအရာ၊ ကော်မတီတွေ၊ Time line တွေနဲ့ လိုအပ်တာတွေ ဆုံးဖြတ်နိုင်ကြမယ် ထင်ပါတယ်။ အဲ့ဒီနောက် သူတို့ရဲ့ Time line အတိုင်း အနာဂတ် မြန်မာပြည်နဲ့ စစ်မှတ်တဲ့ ငြိမ်းချမ်းရေး ရဖို့ တိုင်းရင်းသားတွေ တောင်းဆိုတဲ့ ကိုယ်ပိုင် ပြဋ္ဌာန်းခွင့်၊ တန်းတူညီမျှရေး၊ Federal အရေးတွေလည်း ဆွေးနွေး အဖြေထုတ်နိုင်ကြဖို့ သာမန် နိုင်ငံသား တစ်ဦးအနေနဲ့ မျှော်လင့် စောင့်စားနေပါတယ်။ ဆွေးနွေးပွဲ ရောက်လာခဲ့ရင်လည်း အစွန်း နှစ်ပါးကို ရှောင်နိုင်ကြပြီး ဆင်ခြင်တုံ တရား၊ ကိုယ်ချင်းစာ တရား၊ စိတ်ရှည် သည်းခံမှု၊ သဘောထားကြီးမှုတွေနဲ့ ဆွေးနွေးညှိနှိုင်းနိုင်ကြဖို့ကို လည်း နိုင်ငံသား တစ်ဦးအနေနဲ့ တိုက်တွန်းလိုပါတယ်။

ကျွန်တော်တို့ ငြိမ်းချမ်းရေး ရကြမှ ဖြစ်ပါမယ်။

Credit To The Voice Weekly
Read More »

ခွေးရူးရောဂါ(သို့မဟုတ်)သေမိန့်


ရေးသားသူ- ရဲနောင်၊နန်းအောင်

သြဂုတ်လလယ် နေ့လယ်ခင်းတစ်ခုတွင် ရန်ကုန်ဆေးရုံကြီးအတွင်း ပေနှစ်ဆယ်ပတ်လည်ခန့်ရှိသော သီးသန့်လူနာများထားရာ အခန်းရှေ့၌ တာဝန်ကျသူနာပြုဆရာမလေးက “မနေ့က သုံးနှစ်အရွယ်ကောင်လေးတစ်ယောက် ဆုံးသွားတယ်။ ဒီနေ့ခုနစ်နှစ်အရွယ် ကလေးတစ်ယောက် ထပ်ရောက်နေပြန်ပြီ”ဟု ကရုဏသက်သောလေသံဖြင့် ခပ်တိုးတိုးလေးပြောသည်။

အဆိုပါအခန်းငယ်လေးသည် ရောက်ရှိလာသော လူနာများ၏ ကျန်းမာရေးသတင်းနှင့်ပတ်သက်၍ မိသားစုဝင်များ၊ မိတ်ဆွေများအား စိတ်မချမ်းမြေ့ဖွယ်ရာများကိုသာ ပေးလေ့ရှိသည့် ခွေးရူးပြန်ရောဂါကူးစက်ခံသူများကိုသာ သီးသန့်ထားသောအခန်းပင်ဖြစ်သည်။

ရောဂါကူးစက်လျှင် ရာနှုန်းပြည့်သေဆုံးသည်ဟု မကောင်းသည့်ဂုဏ်ပုဒ်ဖြင့် ထင်ရှားသည့် ခွေးရူးပြန်ရောဂါကြောင့် ဆေးရုံများ၏ သီးသန့်လူနာခန်းများနှင့် ဆေးရုံသို့မရောက်ဘဲ မိမိတို့၏နေအိမ်များ၌ ဘ၀၏နောက်ဆုံးအချိန်ကို ဖြတ်သန်းရသူ ကိန်းဂဏန်းများသည်လည်း မြန်မာနိုင်ငံ၌ မြင့်မားလျက်ရှိသည်။

ကမ္ဘာ့ကျန်းမာရေးအဖွဲ့ကြီး (WHO)၏ စာရင်းအရ လူဦးရေတစ်သန်းလျှင် ခွေးရူးပြန်ရောဂါ ဖြစ်ပွားမှု ၂၂ ယောက်နှုန်းအထိရှိနေသော မြန်မာနိုင်ငံသည် အဆိုပါရောဂါ အဖြစ်များဆုံးနိုင်ငံများတွင် တစ်ခုအပါအ၀င်ဖြစ်သည်။ မြန်မာနိုင်ငံတွင် နှစ်စဉ်လူဦးရေခြောက်သိန်းခန့်မှာ ခွေးကိုက်ခံနေရသည်ဟု ဖော်ပြထား၏။

ခွေးရူးပြန်ရောဂါဖြစ်ပွားမှုနှုန်းကို ထိန်းချုပ်ရန်၊ လျှော့ချပစ်နိုင်ရန် နိုင်ငံ၏ သက်ဆိုင်ရာတာဝန်ရှိဌာနများနှင့် ပြည်တွင်းပြည်ပအဖွဲ့အစည်းများ ပူးပေါင်းဆောင်ရွက်ရေးသည် အထူးလိုအပ်လျက်ရှိသည်ဟု အဆိုပါရောဂါနှင့်စပ်လျဉ်း၍ ကျွမ်းကျင်သောပညာရှင်များကပြောသည်။

“အခုလက်ရှိတာဝန်ရှိတဲ့ အဖွဲ့အစည်းတွေ၊ ပြည်တွင်းပြည်ပကအဖွဲ့အစည်းတွေ၊ ပြီးတော့ အစိုးရပိုင်းနှင့် ပညာရှင်တွေအားလုံး ပူးပေါင်းဖို့လိုနေပါပြီ”ဟု ခွေးရူးပြန်ရောဂါ ဖြစ်ပွားမှုထိန်းချုပ်ရေးအတွက် တိရစ္ဆာန်ဆေးကုဆရာဝန်များအဖွဲ့(မန္တလေး)မှ ဒေါက်တာကျော်ထင်ကပြောသည်။

ခွေးများအတွက် မှတ်ပုံတင်ပြုလုပ်၍ စာရင်းအတိအကျပြုစုခြင်း၊ ကာကွယ်ဆေးထိုးခြင်းနှင့် ခွေးကောင်ရေ ထိန်းချုပ်စီမံရေးတို့သည် နိုင်ငံတော်မူဝါဒတစ်ခုအောက်တွင် တညီတညွတ်တည်းဖြင့် တင်းတင်းကျပ်ကျပ်ဆောင်ရွက်ရမည်ဟု ကမ္ဘာ့ကျန်းမာရေးအဖွဲ့ကြီး၏ ခွေးရူးပြန်ရောဂါကာကွယ်ရေး လမ်းညွှန်ချက်များတွင် ဖော်ပြနေ၏။

မြို့တော်စည်ပင်သာယာရေးကော်မတီ တိရစ္ဆာန်ဆေးကုနှင့် သားသတ်ရုံများဌာနက ခွေးလေခွေးလွင့်ထိန်းချုပ်ရေးအတွက် အသားလုံးပစ်၍ ရှင်းလင်းခြင်း၊ ကျန်းမာရေးဝန်ကြီးဌာနက ခွေးရူးပြန်ရောဂါကာကွယ်ဆေးထုတ်ပေးခြင်း၊ ပြည်တွင်းအဖွဲ့အစည်းအချို့က တတ်နိုင်သမျှဖြင့် ခွေးလေခွေးလွင့်များအား ကာကွယ်ဆေးထိုးပေးနေခြင်း၊ လူပုဂ္ဂိုလ်အချို့က ပိုင်ရှင်မဲ့ခွေးများအတွက် ထိန်းသိမ်းရေးဂေဟာများ ပြုလုပ်ဆောင်ရွက်နေခြင်းစသည့်တို့ကို ပြုလုပ်နေကြသော်လည်း အားလုံးပူးပေါင်းဆောင်ရွက်နေသည်ဟု ပြောရန်မှာ အလွန်ခက်ခဲသောအခြေအနေတစ်ခုဖြစ်ပါသည်။

အိမ်နီးချင်းထိုင်းနိုင်ငံ၌ တစ်နှစ်လျှင်လူဦးရေ လေးသိန်းခန့် ခွေးကိုက်ခံနေရသော်လည်း ပျမ်းမျှလူတစ်သန်းတွင် ခွေးရူးပြန်ရောဂါဖြစ်ပွားသူမှာ တစ်ယောက်ပင်မပြည့်ဘဲ အဆိုပါရောဂါကြောင့် သေဆုံးသူအရေအတွက်မှာ တစ်နှစ်လျှင် ၂၅ ယောက်အောက်ရှိနေသည်။ ကမ္ဘာ့ကျန်းမာရေးအဖွဲ့ကြီး၏ စက်တင်ဘာ ၂၈ ကမ္ဘာ့ခွေးရူးပြန်ရောဂါနေ့(World Rabies Day) ခေါင်းစဉ်အောက်တွင် သက်ဆိုင်ရာတာဝန်ရှိဌာနများ၊ အဖွဲ့အစည်းများ၏ ပူးပေါင်းဆောင်ရွက်မှု၏ ရလဒ်ကောင်းတစ်ခုဖြစ်၏။

“ခွေးလေခွေးလွင့်ပြဿနာကို စည်ပင်သားသတ်ဌာနကပဲ ကိုင်တွယ်ဖြေရှင်းနေရတယ်။ ကျန်းမာရေးဝန်ကြီးဌာနကလည်း ပူးပေါင်းမှုအားနည်းတယ်။ ခွေးတွေမှတ်ပုံတင်တာ၊ ကာကွယ်ဆေးထိုးတာ စတာတွေအားလုံးက အကုန်လုံးပေါင်းပြီးလုပ်မှရမယ်”ဟု မွေးမြူရေးနှင့်ကုသရေးဌာနမှ အငြိမ်းစားအရာရှိတစ်ဦးကပြောသည်။

မက္ကဆီကိုနိုင်ငံတွင် ငါးနှစ်စီမံကိန်းဖြင့် နိုင်ငံအတွင်းရှိ ခွေးလေခွေးလွင့်မကျန် ကာကွယ်ဆေးထိုးခြင်းကို ပြုလုပ်ခဲ့ရာ ဖြစ်ပွားမှုနှုန်းသည် ၇၀ ရာခိုင်နှုန်းခန့် လျော့ကျသွားခဲ့သည်။ တစ်နှစ်လျှင် သေဆုံးမှု ၆၀ ကျော်မှ ၂၀ ကျော်အောက်သို့ ရောက်သွားခဲ့ခြင်းသည် ဥပမာကောင်းတစ်ခုဖြစ်သည်။

ခွေးတစ်ကောင်အား ကာကွယ်ဆေးထိုးလျှင် ကျပ်ငွေသုံးထောင်မှ ငါးထောင်ခန့်သာ ကုန်ကျပြီး လူတစ်ဦးလျှင် အဆိုပါရောဂါကာကွယ်ဆေးမှာ ခြောက်သောင်းခန့် ကျသင့်မည်ဖြစ်သည်။ တစ်နှစ်လျှင် ခွေးကိုက်ခံရသူ ခြောက်သိန်းခန့်ရှိသော မြန်မာနိုင်ငံတွင် အကိုက်ခံရသူများအားလုံးကို ကာကွယ်ဆေးထိုးပါက အမေရိကန်ဒေါ်လာ သန်း ၃၀ ကျော် ကုန်ကျမည်ဖြစ်သည်။

“တစ်နိုင်ငံလုံးအနေနဲ့က ခွေးကောင်ရေအတိအကျ ကောက်ထားတာမရှိပါဘူး။ ဒါပေမယ့် ဘယ်အရာကို အဓိကထားရမလဲဆိုတာ ပေါ်လွင်နေပါတယ်။ ဆေးထိုးရင်နောက်က Registration (မှတ်ပုံတင်)တာတို့၊ ခွေးကောင်ရေထိန်းချုပ်တာတို့ပါ တစ်ဆက်တည်းလုပ်ဖို့လိုတယ်”ဟု အင်းစိန်မြို့နယ် တိရစ္ဆာန်ဆေးကုဆရာဝန်တစ်ဦးက ရှင်းပြသည်။

မန္တလေးမြို့တွင် ၂၀၁၂ ခုနှစ်က ခွေးလေခွေးလွင့် ၂၁၄၆ ကောင်အား ကာကွယ်ဆေးထိုးပေးနိုင်ခဲ့ပြီး ယခုနှစ်တွင် အကောင်ရေ ၅၀၀ ထိုးပြီးဖြစ်သည်ဟု တိရစ္ဆာန်ဆေးကုသဆရာဝန်များအဖွဲ့(မန္တလေး)ထံမှ သိရသည်။ သို့သော် ယခုကဲ့သို့ တစ်နိုင်တစ်ပိုင် သီးသန့်ပြုလုပ်နေသည်မှာ တစ်နိုင်ငံလုံးအတိုင်းအတာဖြင့် နှိုင်းယှဉ်ပါက ရာနှုန်းပြည့်နည်းပါးနေသည်ဟု တိရစ္ဆာန်ဆေးကုဆရာဝန် ဒေါက်တာခင်မောင်ထွေးကပြောသည်။

ထို့အပြင် ခွေးကောင်ရေထိန်းချုပ်ခြင်းနှင့်ပတ်သက်၍ နိုင်ငံအများစုတွင် အကန့်အသတ်များရှိနေပြီး သက်ဆိုင်ရာဌာနများ ပူးပေါင်းဆောင်ရွက်မှုတွင် အားနည်းနေသည်ဟု ကမ္ဘာလုံးဆိုင်ရာ ခွေးရူးပြန်ရောဂါ ထိန်းချုပ်ရေးအဖွဲ့(Global Alliance For Rabies Control)၏ အစီရင်ခံစာက ဖော်ပြနေ၏။

ရန်ကုန်မြို့တော်စည်ပင်သာယာရေးကော်မတီ တိရစ္ဆာန်ဆေးကုနှင့် သားသတ်ရုံများဌာနအနေဖြင့် အမဲသားကို အဆိပ်ခတ်၍ တစ်လလျှင် ခွေးလေခွေးလွင့် ၂၅၀၀ ခန့် ရှင်းလင်းပေးနေရသည်ဟုဆိုသည်။ သို့သော် နှစ်ပေါင်းများစွာကျင့်သုံးခဲ့သော အဆိုပါနည်းလမ်းဟောင်းသည် အခြားသော ပူးပေါင်းဆောင်ရွက်မှုများ မရှိခြင်းက တစ်နိုင်ငံလုံးအတိုင်းအတာအရ ခွေးရူးပြန်ရောဂါထိန်းချုပ်ရေးတွင် အောင်မြင်မှုအားနည်းစေခြင်းဖြစ်သည်။

“စည်ပင်က အမဲသားပစ်ပြီးရှင်းရင် ခွေးတွေကိုသနားတယ်။ ဒါပေမဲ့ ဈေးထဲမှာက ပိုင်ရှင်မရှိတဲ့ခွေးတွေက အကောင် ၂၀ လောက်ရှိတယ်။ သနားပေမယ့် ခွေးကိုက်ခံရမှာတော့ တော်တော်ကြောက်တယ်”ဟု လှိုင်မြို့နယ် ရပ်ကွက်ဈေးတစ်ခုရှိ အသက် ၅၀ ကျော်အရွယ် ပန်းရောင်းသူအမျိုးသမီးကြီးတစ်ဦးကပြောသည်။

နိုင်ငံသားအများစုကိုးကွယ်သော ဗုဒ္ဓဘာသာအဆုံးအမအချို့ကြောင့် ခွေးလေခွေးလွင့်ထိန်းချုပ်၊ ရှင်းလင်းရေးမှာ ဝေဖန်ခံရမှုရှိနေသော်လည်း ၎င်းတို့မှာတစ်ဆင့် ဖြစ်လာမည့် ခွေးရူးပြန်ရောဂါ၏ ဆိုးရွာမှုကို မည်သူမျှအတိအကျမသိရှိကြပေ။

မွေးမြူရေးနှင့်ကုသရေးဦးစီးဌာန၏ ခန့်မှန်းမှုအရ မြန်မာနိုင်ငံရှိ ခွေးကောင်ရေ၏ ၇၅ ရာခိုင်နှုန်းမှာ ခွေးရူးရောဂါပိုးရှိနေသည်။ အဆိုပါရောဂါကြောင့် မြန်မာနိုင်ငံတွင် ၂၀၁၁ ခုနှစ်၌ ၂၀၅ ဦး သေဆုံးပြီး ၂၀၁၂ ခုနှစ်တွင် ၂၄၀ ဦး သေဆုံးခဲ့သည်ဟု ကျန်းမာရေးဝန်ကြီးဌာနကထုတ်ပြန်သည်။ သို့သော် ဆေးရုံဆေးခန်းသို့မရောက်ရှိဘဲ သေဆုံးခဲ့သော အရေအတွက်မှာ အဆိုပါကိန်းဂဏန်းများထက် အနည်းဆုံးနှစ်ဆကျော်များနေမည်ဟု ကျွမ်းကျင်ပညာရှင်များက ခန့်မှန်းကြသည်။ ပြီးခဲ့သည့်ဧပြီလအတွင်းက မန္တလေးတိုင်း၌ ခွေးရူးပြန်ရောဂါ ကူးစက်ခံထားရသော အိမ်မွေးခွေးအကိုက်ခံရမှုကြောင့် တစ်နေ့တည်းမှာပင် မိသားစုဝင်သုံးဦးသေဆုံးခဲ့ရသည်။

“အစ်မယောက်ျားဆုံးတော့ သားတစ်ယောက်၊ သမီးတစ်ယောက် ကျန်နေခဲ့တယ်။ မသေခင်တစ်ချက်တစ်ချက် လူစိတ်ဝင်လာတဲ့အခါကျရင် သူ့သားသမီးတွေကို ခွေးတွေနဲ့ ဝေးဝေးနေဆိုတာကိုပဲမှာတယ်”ဟု အသက် ၄၀ ကျော်အရွယ် အမျိုးသမီးတစ်ဦးက လွန်ခဲ့သောငါးနှစ်ခန့်က ခွေးရူးပြန်ရောဂါကြောင့် သေဆုံးခဲ့သော ခင်ပွန်း၏ နောက်ဆုံးခရီးစဉ်အကြောင်းကို ပြောပြသည်။

ခွေးရူးပြန်ရောဂါသည် အာရုံကြောဆဲလ်များကို ဖျက်ဆီးသည့် Rabies ဗိုင်းရပ်စ်ကြာင့်ဖြစ်ပွားပြီး အဆိုပါရောဂါပိုးရှိသော လူ၊ ခွေး၊ ကြောင်၊ အိမ်မွေးတိရစ္ဆာန်များအကိုက်ခံရခြင်း၊ ခွေးနှင့် ကြောင်၏သွားရည်မှတစ်ဆင့် လူ့အရေပြားပေါ်ရှိ ထိခိုက်ရှနာ၊ ဒဏ်ရာတို့မှတစ်ဆင့် ကူးစက်ခံရနိုင်ပြီး ရောဂါကူးစက်ခံရသူတွင် အဖျားငုပ်နေတတ်ပြီး ခွေးကိုက်ခံရသည့်နေရာ ယားယံနာကျင်ခြင်း၊ ရေကြောက်ခြင်း၊ စိတ်ကယောင်ချောက်ချားဖြစ်ခြင်းနှင့် ခွေးကဲ့သို့ကိုက်ခြင်းလက္ခဏာများပြ၍ တစ်ပတ်အတွင်း သေဆုံးနိုင်ကြောင်း၊ ကာကွယ်ဆေးရှိသော်လည်း ရောဂါဖြစ်ပါက သေဆုံးရန်ရာခိုင်နှုန်းအပြည့်ရှိကြောင်း ခွေးရူးရောဂါကာကွယ်ရေး လက်ကမ်းစာစောင်တွင် ဖော်ပြထားသည်။

ဆင်းရဲသောမိသားစုများ ဆေးရုံ၊ ဆေးခန်းနှင့် အလှမ်းဝေးသော ဝေးလံခေါင်သီသော ဒေသများ၌ နေထိုင်သူများနှင့် အသက် ၁၅ နှစ်အောက် ကလေးငယ်များသည် ခွေးရူးပြန်ရောဂါဖြစ်ပွားနိုင်သည့် အခြေအနေပိုများသည်ဟု ကမ္ဘာ့ကျန်းမာရေးအဖွဲ့ကြီးက စစ်တမ်းပြုစုထားသည်။

အမေရိကန်နိုင်ငံ ၀ါရှင်တန်ကျန်းမာရေးတက္ကသိုလ်မှ ပြုလုပ်ထားသောစာရင်းများအရ မြန်မာနိုင်ငံရှိ အသက် ၅ နှစ်မှ ၁၅ နှစ်ကြား ကလေးငယ်များသေဆုံးမှုတွင် ခွေးရူးပြန်ရောဂါကြောင့် ဖြစ်ပွားခြင်းသည် အဆင့် ၁၇ နေ ရာတွင် ရှိနေသည်။

တစ်ရက်လျှင် ပျမ်းမျှဝင်ငွေ နှစ်ထောင်ကျော်သာရှိနေသော မြန်မာနိုင်ငံအတွင်းရှိ မိသားစုများအနေဖြင့် ခွေးရူးပြန်ရောဂါ ကာကွယ်ဆေးတစ်ခါထိုးခြင်းသည် မိမိတို့၏ တစ်လလုပ်အားခ ကုန်ဆုံးသွားမည်ဖြစ်သည်။ ထို့ကြောင့် အများစုက ဆေးရုံ၊ ဆေးခန်းများထက် မြန်မာနည်း၊ မြန်မာဟန် ဆေးမန်းသည့်နေရာများဆီသို့သာ အားကိုးတကြီးသွားနေကြမြဲဖြစ်သည်။

“ခွေးရူးတကယ်ကိုက်တယ်ဆိုရင် ဘယ်လိုမန်းမန်းမရဘူးလို့ ပြောလိုက်ပါရစေ။ ကာကွယ်ဆေးထိုးမှရမယ်”ဟု အထွေထွေရောဂါကု ဆရာဝန်ဒေါက်တာနေ၀င်းကပြောသည်။

ကမ္ဘာပေါ်တွင် အဆိုပါရောဂါကြောင့် တစ်ရက်လျှင် လူ ၁၅၀ ခန့် သေဆုံးနေမှုများကြားတွင် မြန်မာနိုင်ငံအနေဖြင့် ခွေးအကိုက်ခံရမှ ကာကွယ်ဆေးထိုးကြမည်လား၊ သို့မဟုတ် ကြိုတင်ကာကွယ်ရေးအနေဖြင့် ခွေးလေခွေးလွင့်ထိန်းချုပ်ရေး၊ မှတ်ပုံတင်စာရင်းပြုစုခြင်း၊ ခွေးများအား ကာကွယ်ဆေးထိုးခြင်းများကို အားလုံးပူးပေါင်းဆောင်ရွက်ကြမည်လားဆိုသည်မှာ မေးခွန်းတစ်ခုအဖြစ်ရှိနေပါပြီ။

Credit To 7Day News Journal



Read More »

လစ်ဘရယ်လစ်ဇင်နှင့် နိုင်ငံတည်ဆောက်ရေး အားပြိုင်မှု


သောမတ်ကာရိုးသား၏ “အဆင့်လိုက်ပြောင်းလဲမှု ထင်မြင်ချက်လွဲမှားခြင်း” (Sequencing Fallacy) ဆောင်းပါးကို ကျွန်တော် ကျယ်ကျယ်ပြန့်ပြန့် ထောက်ခံပါသည်။ လစ်ဘရယ်အော်တိုကရက် များကို အားပေးထောက်ခံသည့် အမေရိကန်နှင့် အနောက်တိုင်းအစိုးရများ၏ အားထုတ်မှုများအပေါ် ကာရိုးသား သံသယရှိနေမှု ကိုလည်း ကျွန်တော်လက်ခံသည်။ လက်ရှိကာလများတွင် ထွန်းကားလာသော ဖွံ့ဖြိုးတိုးတက်မှုဆိုင်ရာ အယူအဆများမှာ ယူဆချက်အသစ်များ မဟုတ်ပေ။ စည်းစနစ်ကျနမှု အစီအစဉ်ကို အရင်ဦးစွာ ပြုလုပ်၊ ထို့နောက် စီးပွားရေး ဖွံ့ဖြိုးတိုးတက်အောင် ဆောင်ရွက်၊ ယင်းနောက် ဒီမိုကရေစီကို တည်ဆောက်ဟူသော ယူဆချက်ကို ၁၉၆၈ ခုနှစ်တွင် ထုတ်ဝေခဲ့သော ဆင်မြူရယ် ပေါဟန်တင်တန်၏ “ပြောင်းလဲနေသော လူ့အဖွဲ့အစည်းများ အတွင်းရှိ န်ိုင်ငံရေးအစီအစဉ်” ဆိုသည့် စာအုပ်တွင် စနစ်တကျ ဖော်ပြထားသည်။ ဖာရိဇာကာရီးယား၏ “လွတ်လပ်မှုအနာဂတ်” ဟူသည့် စာအုပ်နှင့် အီရတ်အရေးအပြီး ပေါ်ပေါက်လာသော ရီရယ်လစ်သမားများ၏ တောင်းဆိုချက်များ ဖြစ်သော အရှေ့အလယ်ပိုင်း ဒေသတွင်း အဆင့်လိုက် အကူးအပြောင်း ပြုလုပ်ရေး အယူအဆများမှာ ယင်းအခြေခံ ငြင်းချက်၏ အခက်အလက်များပင် ဖြစ်သည်။

အပြောင်းအလဲ လုပ်ဆောင်နေသော နိုင်ငံ၏ အကန့်အသတ် အထိန်းချုပ် များနှင့် စွမ်းဆောင်ရည်များက ယင်းယူဆချက်ကို အလုပ်ဖြစ်စေသော မဟာဗျူဟာအဖြစ် ပြောင်းလဲပေးမည် ဆိုပါက အဆင့်လိုက် ပြောင်းလဲရေး နိယာမများမှာ မှားယွင်းလိမ့်မည် မဟုတ်ပေ။ ပြဿနာမှာ ကာရိုးသား ထောက်ပြထားသကဲ့သို့ပင် ဖွံ့ဖြိုးတိုးတက်ရေးကို အလိုရှိသော အော်တိုကရက်များ ရှာဖွေတွေ့နိုင်ခြေ အလွန် နည်းပါးနေခြင်း ဖြစ်သည်။ ထို့အပြင် ပြုပြင်ပြောင်းလဲမှု အချိန်အဆများကို မိမိတို့ ဆုံးဖြတ်ပေးနိုင်သည်ဟု ပြင်ပအင်အားကြီး နိုင်ငံများက ထင်မြင်ခဲ့ကြသည်။ ယင်းသို့ဖြင့် မိမိတို့၏ လွှမ်းမိုးမှုများကို အလွန်အကျွံ ခန့်မှန်းတွက်ဆခဲ့ကြောင်း မှန်ကန်စွာ ထောက်ပြထားသည်။

အဆင့်လိုက် ပြောင်းလဲမှုဖြစ်စဉ် အားလုံးနီးပါးမှာ အရှေ့အာရှဒေသတွင် ဖြစ်ပွားခဲ့ကြောင်း ကျွန်တော် ရှင်းရှင်းလင်းလင်း ထပ်မံဖော်ပြလိုသည်။ ဂျပန်၊ တောင်ကိုရီးယား၊ ထိုင်ဝမ်နှင့် ထိုင်း (၂၀၀၆ စက်တင်ဘာ စစ်တပ်အာဏာသိမ်းမှု မတိုင်ခင်) နိုင်ငံများ၌ ဒီမိုကရက်တစ် အကူးအပြောင်းများ ပြုလုပ်ခဲ့သည်။ စင်ကာပူနှင့် တရုတ်နိုင်ငံတို့ရှိ အာဏာရှင် အစိုးရများကလည်း အထင်ကြီးဖွယ် စီးပွားရေး ဖွံ့ဖြိုးတိုးတက်မှုများ တည်ဆောက်ခဲ့သည်။ ယင်းဖြစ်ရပ်အားလုံးမှာ အရှေ့အာရှ ဒေသတွင်း စုဝေးဖြစ်ပေါ်နေခြင်းမှာ တိုက်ဆိုင်မှုတစ်ရပ် မဟုတ်ပေ။ အဆိုပါဒေသတွင်းရှိ နိုင်ငံများတွင် သန်စွမ်းသော နိုင်ငံတော်နှင့် အရည်အချင်းအပေါ် အခြေပြုထားသော ဗျူရိုကရေစီ စနစ်တို့မှာ ခေတ်မီ ပြုပြင်ပြောင်းလဲရေးများ မပြုလုပ်ခင် အချိန်ကတည်းက ရိုးရာတစ်ရပ် အနေနှင့် အရှည်အကြာ တည်ရှိခဲ့သည်။ ကွန်ဖြူးရှပ်ဝါဒ ဆိုသည်မှာလည်း နိုင်ငံတော်ဆိုင်ရာ နည်းဗျုဟာတစ်ရပ်ဖြစ်ပြီး ဗျူရိုကရက်တစ် အာဏာပိုင်များအတွက် စည်းမျဉ်းစည်းကမ်းများနှင့် အရာရှိ ရွေးချယ်ခန့်အပ်မှု ပုံစံများကို ရှင်းလင်းစွာဖော်ပြထားသည်။ ယင်းသည်မှာပင် အရှေ့အာရှဒေသများရှိ ဖွံ့ဖြိုးတိုးတက်ရေး နိုင်ငံတော်ဟု ခေါ်ဝေါ်နေကြသော နိုင်ငံများအတွက် ယဉ်ကျေးမှုပိုင်းဆိုင်ရာ အခြေခံအုတ်မြစ်ကို ပံ့ပိုးပေးခဲ့သည်။

ထို့ကြောင့်ပင် စနစ်တကျ လေ့ကျင့်ပေးထားသော ပညာရှင်များကို လေးစားသည့် အလေ့အထများ လက်တင်အမေရိက၊ အာဖရိကနှင့် အရှေ့အလယ်ပိုင်းဒေသများ တွင် မတွေ့ရခြင်းပင် ဖြစ်သည်။ ထိုအခါ ကမ္ဘာ၏ အခြားသောအရပ်များတွင် လီကွမ်ယုများ၊ တောင်ကိုရီးယား စီမံကိန်းဝန်ကြီးများ မတွေ့ရှိရခြင်းမှာ အံ့သြစရာ မလိုတော့ပေ။

နိုင်ငံတည်ဆောက်ရေးနှင့် ဒီမိုကရေစီရေး အကြားသာမက နိုင်ငံတည်ဆောက်ရေးနှင့် လစ်ဘရယ်စနစ်အကြား တွင်လည်း ဆန့်ကျင်ဘက်လားရာများ ပေါ်ပေါက်နိုင်သည်ဟု ကာရိုးသား၏ ဖော်ပြချက်ကို ကျွန်တော် ထပ်မံဖြည့်စွက် ပြုပြင်လိုပါသည်။ ပဋိပက္ခလွန် အခြေအနေများ တွင် ဒီမိုကရက်တစ် ရွေးကောက်ပွဲများကို ဆိုင်းငံ့ထားရန်နှင့် နိုင်ငံကို ယာယီ အာဏာပိုင်များ၏ အုပ်ချုပ်မှု အောက်တွင် ထားရှိရန်လိုနိုင်သည်ဟု ကာရိုးသားက ခွင့်ပြုထားသည်။

သို့သော်လည်း နိုင်ငံတည်ဆောက်ရေးမှာ လစ်ဘရယ် ဥပဒေစိုးမိုးမှု သို့မဟုတ် ဒီမိုကရေစီနှင့် လိုက်လျောညီထွေ ရှိသည်ဟု ဆုပ်ကိုင်ထားသည်။ နိုင်ငံတည်ဆောက်ရေးမှာ ယင်းနှစ်ခုစလုံးနှင့် ခြားနားသော ရည်ရွယ်ချက်များရှိသည်ဟု ကျွန်တော် ယုံကြည်ပါသည်။ ထို့အပြင် တည်တံ့သော နိုင်ငံများကို တစ်ခါတစ်ရံ အကြမ်းဖက်နည်းဖြင့်သာ တည်ဆောက်ရမည်။

နိုင်ငံတည်ဆောက်ရေးကို ခပ်ရှင်းရှင်း အဓိပ္ပာယ် ဖွင့်ဆိုရလျှင် သတ်မှတ်ထားသော နယ်နိမိတ်အတွင်း တရားဝင် အကြမ်းဖက်မှုကို လက်ဝါးကြီးအုပ်ခြင်းဟု ဖွင့်ဆိုနိုင်သည်။ ထို့ကြောင့်ပင် အတင်းအကျပ် ဖိအားပေးမှုကို စုစည်းချုပ်ကိုင်ထားရေးမှာ နိုင်ငံတည်ဆောက်ရေး လုပ်ငန်းစဉ်၏ ဗဟို အချက်အချာပင် ဖြစ်သည်။ လက်တွေ့အားဖြင့် ဆိုရလျှင် တပ်မတော်နှင့် ရဲတပ်ဖွဲ့ကို ဗဟိုနိုင်ငံရေးရာ အာဏာပိုင် တစ်ရပ်အောက် ထားရှိခြင်းဖြစ်သည်။ ယင်းကဲ့သို့ လုပ်ဆောင်ခြင်းက အခြားသော နိုင်ငံတော် အင်စတီကျုးရှင်းများ ဖွံ့ဖြိုးတိုးတက်ရေးကို မြေကြီးလက်ခတ်မလွဲ ဖြစ်ပေါ်စေသည်။ အစ ပထမဦးစွာ အခွန်ကောက်ယူရေး (အနိမ့်ဆုံးအားဖြင့် တစ်စိတ်တစ်ပိုင်း အတင်းအကျပ်ပြုလုပ်ရန် အစဉ်အမြဲလိုသည်) မှသည် အခြားသော ပြည်သူ့ ဝန်ဆောင်မှု လုပ်ငန်းများကို ပံ့ပိုးပေးသည့် အေဂျင်စီများ ပေါ်ထွန်းရေးတို့ ပါဝင်သည်။ သို့သော်လည်း လစ်ဘရယ်ဥပဒေ စိုးမိုးရေးနှင့် ဒီမိုကရေစီရေးတို့မှာ ဗဟိုနိုင်ငံတော် အာဏာပိုင်တို့၏ အတင်းအကျပ် ဖိအားပေးနိုင်မှုကို ကန့်သတ်ခြင်းဖြစ်သည်။ ဦးစွာပထမ ယင်းအာဏာတို့ကို ပွင့်လင်းမြင်သာမှုရှိ၍ အများစု အုပ်ချုပ်မှု အောက်သို့ ထားရှိလိုက်ခြင်းဖြစ်သည်။ ဒုတိယမြောက် အနေနှင့် အာဏာကျင့်သုံးမှုကို အများစု စိတ်ဆန္ဒအတိုင်း လုပ်ဆောင်ခြင်းဖြစ်သည်။

နိုင်ငံတော်အာဏာပိုင် များကို ဒီမိုကရက်တစ် မဲဆန္ဒများဖြင့် ရွေးချယ်ခြင်း ဖြင့်သာ နိုင်ငံတော်များ၏ အကြမ်းဖက်မှုကို တရားဝင် လက်ဝါးကြီးအုပ်နိုင်ခွင့်ကို တရားဝင် တည်ဆောက်နိုင်မည်။ သို့သော်လည်း ဒီမိုကရက်တစ်သီအိုရီ များက လူမှုရေးအုပ်စုများ ပါဝင် ဖွဲ့စည်းထားသည့် နိုင်ငံများ၏ နယ်နိမိတ်များ မည်သည့် နေရာတွင် ရေးဆွဲရမည်ကို ကျွန်ုပ်တို့ကို ပြောပြထားခြင်းမရှိပေ။

အမျိုးသားနိုင်ငံ နယ်နိမိတ်အတွင်း မည်သူတို့ ဦးစွာပါဝင်နေမည်နည်း။ နိုင်ငံ တည်ဆောက်ရေး ဖြစ်စဉ်၏ ရေရှည်တည်တံ့နိုင်မှုမှာ ယင်းအကြောင်းခြင်းရာကို မှန်ကန်စွာ ကိုင်တွယ်နိုင်မှု အပေါ် အဓိက တည်မှီနေသည်။ နယ်နိမိတ်များကို ခွဲထုတ်မလား၊ စုစည်းမလား သို့မဟုတ် သတ်မှတ်ထားသော နယ်နိမိတ်တွင်း နေထိုင်သည့် လူဦးရေ၏ အမှတ်လက္ခဏာများကို ပြောင်းလဲမလား စသည့်အချက်များဖြင့် စဉ်းစားရမည်။ နယ်နိမိတ်တစ်ခု အတွင်းရှိ လူအဖွဲ့အစည်း၏ လူမျိုးရေး၊ ဘာသာရေးနှင့် အခြားသော ဖွဲ့စည်းမှု အမှတ်လက္ခဏာ တူညီသောအခါ အကြမ်းဖက်မှုအား တရားဝင် ကျင့်သုံးမှုမှာ ပိုမိုလွယ်ကူသည်။

လူမျိုးရေး၊ ဘာသာရေး ကွဲပြားခြားနားသော လူ့အဖွဲ့အစည်းများ သို့မဟုတ် လူမျိုးစုများကို နိုင်ငံတော်တစ်ခု အဖြစ် စုစည်းရန်မှာ အမြဲတမ်းခက်ခဲလေ့ ရှိသည်။ အချို့သော အခြေအနေများ ဥပမာအားဖြင့် ဘယ်ဂျီယံ၊ ဆွစ်ဇာလန် နှင့် အိန္ဒိယနိုင်ငံ တို့ကဲ့သို့သော ဖြစ်ရပ်များတွင် အဆိုပါ ကွဲပြားခြားနားချက်များကို အင်စတီကျူးရှင်းများဖြင့် ထိန်းညှိ နေရာချထားနိုင်သည်။ သို့သော်လည်း လူအုပ်စုအမျိုးမျိုးအား စုစည်းခြင်း၊ ချန်လှပ်ခြင်း၊ သို့မဟုတ် အင်အားသုံး ပြောင်းလဲခြင်း၊ လက်ရှိကာလ များတွင် လူမျိုးရေး ရှင်းလင်းမှုဟု ထင်ရှားနေသော ဖြစ်ရပ်ဖြင့် လူဦးရေ ပါဝင်ဖွဲ့စည်းမှုကို ရောနှောပြောင်းလဲခြင်းစသည့် လုပ်ဆောင်ချက်များဖြင့် နိုင်ငံနယ်နိမိတ်များ ပြုပြင် ပြင်ဆင်ခြင်းမှာ ပိုမိုတွေ့ရများသည်။ ယင်းကဲ့သို့သော နယ်နိမိတ်ပြောင်းလဲမှုများ၊ လူဦးရေ လဲလှယ်မှုများ အောင်မြင်ရန် အကြမ်းဖက်မှု လိုအပ်သည်ဆိုသည့် ကိစ္စမှာ ပြောစရာမလိုသည့် အရာဖြစ်သည်။ အဆိုပါ လုပ်ဆောင်ချက်များကို လစ်ဘရယ်ဥပဒေ စိုးမိုးမှုနှင့် ဒီမိုကရက်တစ် အများ သဘောတူညီချက် များဖြင့် အချုပ်အနှောင်ခံရသည် ဆိုသည်မှာလည်း လွန်စွာရှားပါးသည်။

အနောက်နိုင်ငံများ၏ နိုင်ငံတည် ဆောက်ရေးဖြစ်စဉ် များတွင်လည်း အလွန်အကျွံ အကြမ်းဖက်မှု အသုံးပြုခဲ့ရသည် ဆိုသည့် အချက်ကို အနောက်နိုင်ငံသား များက လွယ်လွယ်ကူကူ မေ့ပျောက်နေ ကြသည်။ အမှောင်ခေတ် ပြီးဆုံးခါနီးကာလတွင် ဥရောပတိုက်၌ အချုပ်အခြာ အာဏာပိုင် ဆိုင်ရာဒေသ ပေါင်း ၃၀၀ ကျော်ရှိရာမှ ပထမကမ္ဘာစစ် မစတင်မီ အချိန်တွင် အချုပ်အခြာအာဏာပိုင် အမျိုးသားနိုင်ငံပေါင်း ၃၀ ခန့်သာ ရှိတော့သည်။ ယင်းကာလများတွင် အကြမ်းဖက် တိုက်ခိုက်မှုများ အဆက်မပြတ် ဖြစ်ပေါ်နေသည့် ရာစုနှစ်များစွာ ပါဝင်နေသည်။

ချားတိုင်လီ၏ နာမည်ကျော် ဖော်ထုတ်ချက်အရ ဆိုလျှင် "စစ်ပွဲများက နိုင်ငံများကို မွေးဖွားပြီး နိုင်ငံများက စစ်ပွဲများကို မွေးဖွားသည်" ဟု ဆိုထားသည်။ နယ်နိမိတ်များ ပြန်လည်ရေးဆွဲခြင်းနှင့် လူဦးရေ အပြောင်းအလဲ ပြုလုပ်ခြင်းမှာ ၂၀ ရာစုကာလ၌ပင် ဆက်လက်ဖြစ်ပေါ်ခဲ့သည်။ ဂရိလူမျိုးများ၊ တာ့လူမျိုးများ၊ ဂျူးလူမျိုးများ၊ ယူကရိန်းလူမျိုးများ၊ ပိုးလူမျိုးများ၊ ဂျာမန်လူမျိုးများ၊ လစ်သူရေးနီးယန်း လူမျိုးများနှင့် ရုရှား လူမျိုးများမှာ တရားစီရင်ရေး အာဏာသက်ရောက်ရာ ဒေသတစ်ခုမှ အခြားတစ်ခုသို့ အတင်းအကျပ် ရွှေ့ပြောင်းခဲ့ရသည်။

ဥရောပတိုက်၏ လက်ရှိနိုင်ငံတော်စနစ် တည်ငြိမ်မှုမှာ ယင်း အကြမ်းဖက်ပြောင်းလဲမှု ရလဒ်ကြောင့် ပေါ်ထွန်းလာခြင်း ဖြစ်သည်။ ယင်းဖြစ်စဉ်မှာ ၁၉၉၀ ပြည့်လွန်နှစ် များအထိ ဆက်လက်ဖြစ်ပွား ခဲ့သည်။ ဘော့စနီးယား ပြည်တွင်းစစ်ကို လူမျိုးစုစုံလင်မှု အပေါ် အခြေပြုထားသော ဗန့်- အိုဝင် အစီအစဉ်ဖြင့် အဆုံးအစွန်ထိ ရပ်ဆိုင်းနိုင်မည်မဟုတ်ပေ။ ဘော့စနီးယား နိုင်ငံတွင်းရှိ နယ်မြေများကို လူမျိုးစုရေးရာအရ တစ်မျိုးတစ်စားတည်းဖြစ်အောင် ခွဲခြားပေးမည့် လူမျိုးရေး ရှင်းလင်းမှုပုံစံ ပြုလုပ်ပေးသော ဒေတန် သဘောတူညီချက်ဖြင့် ရပ်ဆိုင်းခြင်းဖြစ်သည်။

အမေရိကန်တို့ ကိုယ်တိုင်လည်း ကြမ်းတမ်းလွန်းသော ယင်းအမှန်တရားမှ လွတ်မြောက်ခဲ့ခြင်းမရှိပေ။ တောင်နှင့် မြောက်ကြား ကျွန်စနစ်အငြင်းပွားမှုကို လစ်ဘရယ် ဒီမိုကရက်တစ် အခြေခံဥပဒေ စနစ်ဖြင့် ဖြေရှင်းရန် လုံလောက်မှုမရှိပေ။ ယင်းပြဿနာ အပါအဝင် နိုင်ငံ၏ နယ်နိမိတ်အရေး ကိုပါ ပြည်တွင်းစစ်ဖြင့် အဖြေရှာခဲ့ရခြင်း ဖြစ်သည်။ ရလဒ်အားဖြင့် လူဦးရေ သန်း ၃၀ ရှိသည့် အနက် ၆၀၀,၀၀၀ ကျော် ပြည်တွင်းစစ်တွင်း သေဆုံးခဲ့ရသည်။ ကနေဒါနှင့် မက္ကဆီကိုနိုင်ငံကြား နိုင်ငံတစ်ခု သို့မဟုတ် နှစ်ခု ( အမေရိကန်တောင်-မြောက် နှစ်နိုင်ငံ) ရှိသင့်သည် မရှိသင့်သည် ကို ပြည်တွင်းစစ်ဖြင့် ဖြေရှင်းခဲ့သလို ကယ်လီဖိုးနီးယား၊ တက္ကဆက်စ်နှင့် အနောက် တောင်ပြည်နယ်များကို အမေရိကန် ပြည်ထောင်စု၌ သွတ်သွင်းဖွဲ့စည်းရေးကို မက္ကဆီကန်-အမေရိကန် စစ်ပွဲဖြင့် အကြမ်းနည်းသုံး ဖြေရှင်းခဲ့သည်။

နိုင်ငံတည်ဆောက်ရေး ဆိုသည်မှာ ပြည်သူ့ဝန်ဆောင်မှုများ ပေးအပ်ရေး အတွက် အစိုးရအဖွဲ့၏ အချို့သော စွမ်းရည်များကို ဖွံ့ဖြိုးတိုးတက်အောင် လုပ်ဆောင်ခြင်းဖြစ်သည်ဟု ကျဉ်းမြောင်းစွာ အဓိပ္ပာယ် ဖွင့်ဆိုပြီး နယ်နိမိတ်ရေးရာ မေးခွန်းများကို ဖြေရှင်းပြီးဖြစ်သည်ဟု ယူဆပါက ကာရိုးသား၏ အဆို မှန်ကန်မည်ဖြစ်သည်။ နိုင်ငံတည်ဆောက်ရေးနှင့် လစ်ဘရယ်လစ်ဇင်၊ ဒီမိုကရေစီစနစ်တို့ သဟဇာတ ရှိမည်ဖြစ်သည်။

အမှန်ဆိုရလျှင် နိုင်ငံတော်များ အခြေပြုထားသော အကြမ်းဖက်မှုအာဏာ တရားဝင်ကျင့်သုံးမှု ကို ဒီမိုကရေစီစနစ်က ကူညီတည်ထောင်ပေးပါသည်။ သို့သော်လည်း နိုင်ငံတော်များ၏ ရေရှည်တည်တံ့မှုနှင့် ပေါင်းစည်းခိုင်မာမှုတို့မှာ တစ်ခါတစ်ရံ နယ်နိမိတ် သို့မဟုတ် လူဦးရေပြောင်းလဲမှု အပေါ် မှီခိုနေပြီး ယင်းမှာလည်း အကြမ်းနည်းအသုံးပြုခြင်း ဖြင့်သာ လက်တွေ့နယ်ပယ် တွင်းသို့ ရောက်ရှိနိုင်သည်။ အချို့သော ကာလများတွင် လက်နက်ကိုင် တပ်ဖွဲ့များကို အင်အားသုံး လက်နက် ဖြုတ်သိမ်းခြင်း၊ နိုင်ငံတော်အာဏာကို ဒေသတစ်ခုအတွင်း တည်ထောင်ခြင်း (ကိုလံဘီယာ ကဲ့သို့သော နိုင်ငံမျိုးတွင် နိုင်ငံတော်၏ အမိန့်တော်ကို လက်နက်ကိုင် ပြောက်ကျားများ ထိန်းချုပ် ထားသည့် နယ်မြေအထိ ရောက်အောင်လုပ်ဆောင်ခြင်း) တို့ ပါဝင်သည်။ အခြားသော ဖြစ်ရပ်မျိုးတွင် နိုင်ငံရေရှည်တည်တံ့ရေး အတွက် ပုန်ကန်နေသော ပြည်နယ်များကို ဗဟိုအစိုးရအဖွဲ့က ဖိနှိပ်နိုင်ခြင်း မရှိသည့်အခါ ခွဲထွက်ခွင့်ပြုခြင်းတို့ ပါဝင်သည်။

နိုင်ငံတည်ဆောက်ရေး ဖြစ်စဉ်ကို လစ်ဘရယ်နှင့် ဒီမိုကရက်တစ် ဥပဒေများ အောက်တွင် ပြီးမြောက်နိုင်မည်ဟု နိုင်ငံတကာ အသိုင်းအဝိုင်းက ခိုင်မာစွာ ဆုပ်ကိုင်ထားပြီး ဥပဒေစိုးမိုးမှုနှင့် ဒီမိုကရေစီ မြှင့်တင်ရေးကို နိုင်ငံတည်ဆောက်ရေး ဖြစ်စဉ်ထက်အရင် ခွင့်ပြုလိုက်ပါက ပဋိပက္ခ များကို ခဏတာ အေးခဲထားနိုင်မည် ဖြစ်ပြီး အဆုံးတွင် ပြန်လည်ပေါ်ထွက်လာမည် ဖြစ်သည်။ ထို့ကြောင့် ဒီမိုကရေစီနှင့် ဥပဒေစိုးမိုးရေး အောင်မြင်မှုများကို ထပ်မံ ခြိမ်းခြောက်ဦးမည် ဖြစ်သည်။ ကျွန်ုပ် အနေနှင့် ဘော့စနီးယားနိုင်ငံ ဖြစ်ရပ်ကို ရည်ညွန်းဖော်ပြခဲ့ပြီး ဖြစ်သည်။ လူမျိုးရေးရာ ရှင်းလင်းမှု ဖြစ်စဉ်က လူဦးရေ ရွှေ့ပြောင်းမှုများအပေါ် သက်ရောက်ပြီး လူမျိုးရေးအရ ပိုမို တစ်မျိုးတစ်စားတည်း ကျသည့် နယ်မြေများ ပေါ်ပေါက်လာပြီးမှ ဒေတန် သဘောတူညီချက်အရ တည်ငြိမ်မှုများ ပေါ်ပေါက်လာသည်။

ဆူဒန်ဖြစ်စဉ် တွင်လည်း ဒီမိုကရက်တစ် နည်းလမ်းအတိုင်း ငြိမ်းချမ်းစွာ ပဋိပက္ခဖြေရှင်းရေး တောင်းဆိုချက်မှာ ပဋိပက္ခများကို ပိုမိုရှည်ကြာစေခဲ့သည်။ ဆူဒန်ဆိုသည်မှာ ကိုလိုနီရေးရာ ဖန်တီးမှုတစ်ရပ် ဖြစ်ပြီး လက်ရှိ နယ်နိမိတ်သတ်မှတ်ချက် များမှာ အဓိပ္ပာယ်မရှိပေ။ ခါတွန်မြို့တော်၊ အနီးရှိ အာရပ်လူမျိုးများနှင့် မြို့တော်ရှိ လူမျိုးစုများထက် အိမ်နီးချင်းနိုင်ငံများရှိ လူနည်းစုများနှင့် ပိုမိုနီးစပ်သော ဆူဒန် တောင်ပိုင်း၊ အနောက်ပိုင်းရှိ လူမည်းများ စုပေါင်းပြီး နိုင်ငံတည်ထောင်ထားခြင်း ဖြစ်သည်။ အဆိုပါဒေသများအတွင်း အချုပ်အခြာအာဏာ သက်ရောက်နိုင်ရေး ခါတွန်၏ ကြိုးပမ်းချက်ကြောင့် နှစ်ပေါင်း ၃၀ ကြာ ပြည်တွင်းစစ်ဖြစ်ပွားခဲ့ပြီး ဒါဖာ ဒေသဟု နာမည်ကြီးသော ဆူဒန်အနောက်ပိုင်း ဒေသတွင် လူမျိုးတုံး သတ်ဖြတ်မှုများ ပေါ်ပေါက်ခဲ့သည်။ ဆူဒန်ပဋိပက္ခ များကို နယ်နိမိတ်ပြောင်းလဲမှု အပေါ် အခြေခံထားသည့် ကာလရှည်ကြာ အချိန်ယူရသော နိုင်ငံတည်ဆောက်ရေး ဖြစ်စဉ်၏ တစ်စိတ်တစ်ပိုင်း ဖြစ်ရပ်များဟု နိုင်ငံတကာ အသိုင်းအဝိုင်းက ရှုမြင်ခြင်းမရှိပေ။ ယင်းအစား လက်ရှိ ဆူဒန်အချုပ်အခြာအာဏာ ပိုင်ဆိုင်မှုအတွင်း ဖြေရှင်းနိုင်သည့် လူသားချင်း စာနာထောက်ထားမှု ဆိုင်ရာ အကျပ်အတည်း အဖြစ် ရှုမြင်နေသည်။ ယင်းသို့ ရှုမြင်ပြီး လက်ရှိအခြေအနေများကို အေးခဲထားလိုပါက ပဋိပက္ခများကို ခဏတာ ရပ်ဆိုင်းထားနိုင်မည် ဖြစ်ပြီး အခြေခံကျသော နိုင်ငံရေးရာ ပဋိပက္ခများကို ဖြေရှင်းနိုင်မည်မဟုတ်ပေ။ (လက်ရှိကာလတွင် တောင်-မြောက်ဆူဒန် နှစ်နိုင်ငံ သီးခြား ရပ်တည်နေကြပြီ)

ဥရောပတိုက်၌ နိုင်ငံတည်ဆောက်ရေး ဖြစ်စဉ်၊ လစ်ဘရယ်ဥပဒေစိုးမိုးရေး တည်ဆောက်မှု၊ ဒီမိုကရေစီ ပြောင်းလဲမှု ဖြစ်စဉ်များမှာ တစ်ခုနှင့်တစ်ခု ဆယ်စုနှစ် သာမက ရာစုနှစ်နှင့်ချီ ကြာမြင့်သည့် သိသာစွာ ကွဲပြားခြားနားသော အဆင့်သုံးရပ်ဖြင့် တည်ဆောက်ခဲ့ခြင်း ဖြစ်သည်။ ပြီးခဲ့သည့် နှစ်ပေါင်း ၅၀၀ အတွင်း ဥရောပတိုက်၌ ဖြစ်ပွားခဲ့သော အကြမ်းဖက်မှု အများစုမှာ ဂျက် ရှနိုက်ဒါ ငြင်းချက်ထုတ်သကဲ့သို့ ဒီမိုကရေစီရေး ပြန့်ပွားမှုနှင့် ဆက်စပ်မှု မရှိဘဲ နိုင်ငံတည်ဆောက်ရေး ဖြစ်စဉ်နှင့် ပတ်သက်နေခြင်းဖြစ်သည်။

၁၈၆၃ ခုနှစ်၌ အင်အားကြီး နိုင်ငံတကာ အသိုင်းအဝိုင်းတစ်ခု ရှိနေပြီး ဂတ်တီဘတ်စစ်ပွဲအပြီး မြောက်နှင့်တောင်တို့ စစ်ရပ်စဲရေးစာချုပ် ချုပ်ဆိုသင့်ကြောင်း အတင်းအကျပ် တောင်းဆိုပါက အမေရိကန် ပြည်ထောင်စုသမိုင်း မည်ကဲ့သို့ဖြစ်သွားမည်ကို အမေရိကန်တို့ကိုယ်တိုင် စဉ်းစား သင့်သည်။ ပြည်တွင်းရွှေ့ပြောင်း နေထိုင်ရသူများ အတွက် နိုင်ငံတကာက အထောက်အပံ့များ ပေးအပ်ခဲ့ပြီး အပြာရောင်နှင့် မီးခိုးရောင် လက်နက်ကိုင်တပ်ဖွဲ့များ ပြန်လည်ဖျက်သိမ်းရေး လုပ်ဆောင်လိုက်ပါက အမေရိကန်ပြည်တွင်းစစ် ဖြစ်ပွားစေခဲ့သည့် အဓိက အကြောင်းရင်း ဖြစ်သော ကျွန်စနစ်ကို မပျက်မစီး တည်ရှိနေစေလိမ့်မည်။ မြောက်နှင့်တောင် ပဋိပက္ခ အနာဂတ်ကာလတွင် ထပ်မံ ပေါ်ပေါက်လာနိုင်သလို ဥရောပတိုက်ကို ၂၀ ရာစုတွင်း ဝင်ရောက်ကယ်ဆယ်မည့်သူ မရှိ ဖြစ်လိမ့်မည်။ (ပထမနှင့် ဒုတိယကမ္ဘာစစ်အတွင်း အမေရိကန် ဝင်ရောက်ကူညီမှု)

အကြမ်းဖက်သမိုင်းကို ဥရောပတိုက် ကြုံတွေ့ရှိခဲ့ရခြင်းကြောင့် နိုင်ငံတကာ အသိုင်းအဝိုင်းက နယ်နိမိတ်များနှင့် လူဦးရေများ အတင်းအကျပ် ပြောင်းလဲမှုကို တားဆီးပိတ်ပင်လိုက်ပြီး ယင်းကဲ့သို့ သတ်မှတ်ချက်တစ်ရပ်ထားရှိခြင်းမှာ လွန်စွာ ကျိုးကြောင်းဆီလျော်ပါသည်။ ထို့အပြင် ပဋိပက္ခများမှာ ပါဝင်ပတ်သက်သူများကို ဘေးအန္တရာယ် ဖြစ်စေပြီး ရေရှည်တည်ငြိမ်ရေးနှင့် ခိုင်မာသောနိုင်ငံများကို ပေါ်ထွက်လာရေးကို ဦးတည်ခေါ်ဆောင်ခြင်း မရှိဘဲ ပြောင်းပြန်အကျိုးသက်ရောက်မှု များသာ ဖြစ်စေကြောင်း သမိုင်းဖြစ်ရပ် အမြောက်အများက သက်သေပြပြီးဖြစ်သည်။ သို့သော်လည်း ယင်းသတ်မှတ်ချက်ကို တရားသေနှင့် ပြောင်းလွယ်ပြင်လွယ်မှုမရှိ ကျင့်သုံးခြင်းမှာ နိုင်ငံတည်ဆောက်ရေးနှင့် ဥပဒေစိုးမိုးရေး သို့မဟုတ် ဒီမိုကရေစီရေးကြား အဆက်အစပ်မရှိဟု ယူဆသလို ဖြစ်နေသည်။ ယနေ့ခေတ် နိုင်ငံတကာ အသိုင်းအဝိုင်းမှာ နိုင်ငံတည်ဆောက်ရေးနှင့် ပတ်သက်လျှင် အဆက်အစပ်မရှိ ဟူသော ယူဆချက်တွင် ပိတ်မိနေသည်။ အလုံးစုံခြုံငုံ ပြောရလျှင် ယင်းကဲ့သို့ယူဆသည် မှာလည်း မှားယွင်းသည်မဟုတ်ပါ။ သို့သော်လည်း အမေရိကန်ပြည်တွင်းစစ်က ညွှန်ပြသကဲ့သို့ပင် ယင်းကဲ့သို့ယူဆသည်မှာ အကောင်းဆုံး ရလဒ်များ အစဉ်အမြဲ ထွက်ပေါ်မည် မဟုတ်ပေ။ ထို့ကြောင့် ယင်းမေးခွန်းနှင့် ပတ်သက်လျှင် ပြောင်းလွယ် ပြင်လွယ်ရှိခြင်းက အစဉ်အမြဲ လိုအပ်နေသည်။

----------------------------------
ဖော်ပြပါ အကြောင်းအရာများမှာ Debate on Democratization စာအုပ်တွင် ဖော်ပြထားသော Fiancis Fukuyama ၏ Liberalism Vs State Building ကို ဘာသာပြန်ဆိုထားခြင်း ဖြစ်သည်။
(အောင်ငြိမ်းချမ်း)

Credit To The Voice Weekly
Read More »

စိတ်ကူး အတွေးပုံရိပ်တို့ကို သူတစ်ပါး မြင်နိုင်သော ကာလ



(လူသာမန်)

စကြာဝဠာ များစွာတွင် ကမ္ဘာများစွာတို့ ဖြစ်တည် ပျက်ခဲ့၏။ အချို့သော ကမ္ဘာတို့ စုန်းစုန်းမြုပ် ပျက်သုဉ်းကုန်၏။ အချို့သော ကမ္ဘာတို့က ဆက်လက် တည်နေ၏။ အချို့သော ကမ္ဘာများမှ ကမ္ဘာသူ ကမ္ဘာသားများက အခြားသော ကမ္ဘာများ၏ တည်ရှိမှုကို သိရှိ၍ ဆက်သွယ်ရန် နည်းအမျိုးမျိုးဖြင့် ကြိုးစားခဲ့ကြ၏။

ကျွန်ုပ်တို့ လက်ရှိ နေထိုင်နေသော ယခု ကမ္ဘာတစ်ခုမှ အနည်းငယ်မျှသော ပုဂ္ဂိုလ်ထူးတို့သည် အခြားသော ကမ္ဘာများ၏ တည်ရှိမှုကို တွေ့ရှိခဲ့ကြ၏။ သို့သော် ကမ္ဘာသူ ကမ္ဘာသားများကို ချပြရန် ခိုင်လုံ တိကျသော အထောက်အထားများ ရှာဖွေစဉ်တွင်ပင် ယင်းသူတို့ ကွယ်လွန်ခဲ့ရ၏။

ဖော်ပြပါ အနည်းငယ်မျှသော ပုဂ္ဂိုလ်ထူးများထဲမှ နှစ်ယောက်မှာ အချိန်နှင့် နေရာ သဘောတရား များကို ကျော်လွန်၍ ကမ္ဘာအဆက်ဆက် များစွာကို နေထိုင်လာခဲ့ကြရသည်ဟု သူတို့နှင့် မတော်တဆ တရည်တရွယ် တွေ့ဆုံခဲ့ရစဉ်က သိရှိခဲ့ရပေ၏။ သူတို့၏ ပြောပြချက်အရ သူတို့နှစ်ယောက်စလုံးသည် လက်သမားများ ဖြစ်သည်ဟု သိရ၏။ ကမ္ဘာ အဆက်ဆက်တွင်လည်း လက်သမား အလုပ်ဖြင့်ပင် အသက်မွေးဝမ်းကျောင်း ပြုခဲ့ကြသည်ဟု ဆို၏။

ယင်းတို့ နှစ်ယောက်သည် ကျွန်ုပ်ကို လိုအပ်၍ လာရောက် တွေ့ဆုံရသည်ဟု တစ်ခါက ပြောခဲ့ဖူး၏။ အဘယ့်ကြောင့် လိုအပ်ရပါသနည်းဟု ကျွန်ုပ်က ပြန်လည် မေးမြန်းခဲ့ဖူး၏။ ထိုမေးခွန်းကို မေးတိုင်းပင် သူတို့က နူးညံ့ သိမ်မွေ့စွာ ပြုံးပြကြ၏။ ယင်းနောက် ‘မည်သည့် တံခါးကိုမဆို စာရိတ္တ ကျင့်ထုံးဖြင့် ဖွင့်၍ရပေ၏’ ဟု ပြောတတ်၏။ အပြည့်အဝ ဉာဏ်အလင်း မပွင့်သော်လည်း ကျွန်ုပ် ဆက်မမေးမိတော့ ချေ။

သူတို့နှင့် ဆုံတိုင်း ကျွန်ုပ်တို့ ယခု နေထိုင်နေကြသော ကမ္ဘာ၏ ရှေးရှေးသော ကာလပေါင်း များစွာက ကမ္ဘာ့ ဖြစ်တည်မှုများ၊ ကမ္ဘာသူ ကမ္ဘာသားတို့၏ အပြောင်းအလဲများ၊ ထူးဆန်းလွန်းလှသော နည်းပညာ တိုးတက်ခဲ့မှုများ အကြောင်းကို အတော်အတန် သိရှိရလေ့ ရှိခဲ့၏။ ကျွန်ုပ်၏ ထုံးစံအတိုင်း ထိုအကြောင်းများကို အပေါင်းအသင်း ရောင်းရင်း တို့အား ပြန်လည် ဖောက်သည်ချလိုလှ၏။ စာဖြင့် ရေးသားပြလိုလှ၏။ သို့သော် သူတို့က ခွင့်မပြု။

ကံကောင်း၍လား မသိ။ တစ်ကြိမ်ကတော့ သူတို့သည် ရှေးအဆက်ဆက်က ကမ္ဘာတစ်ခု အကြောင်း ကို ပြောပြစဉ် ထူးဆန်းသော သစ်သား စကားလုံး များ အကြောင်းကို ကျွန်ုပ် နားထောင်လိုက်ရလေ၏။ ထူးဆန်း လွန်းသောကြောင့် ထိုအကြောင်းကို ရေးသားပါရစေဟု ခွင့်တောင်းခဲ့မိပြန်၏။ ယခင်အခါများကကဲ့သို့ သူတို့ မငြင်း။ ခွင့်ပြု၏။ ထို့ကြောင့်ပင် ‘ကိုယ့်စကား ကိုယ် တာဝန်ယူရသော ကာလတစ်ခု’ ဟူသော စာတစ်ပုဒ်ကို ကျွန်ုပ် ရေးသားခဲ့ခြင်း ဖြစ်ပေ၏။

ယခုသော် ကျွန်ုပ်အနေနှင့် ဒုတိယအကြိမ် ကံကောင်းပြန်၏။ လက်သမား ဆရာကြီး နှစ်ယောက် ပြောပြသော ရာဇဝင်တော် တစ်ခုကို ဒုတိယမ္ပိ ထုဆစ်ခွင့် ရလာပြန်ချေပေ၏။

လက်သမားဆရာကြီး နှစ်ယောက်၏ ပြောပြချက်အရ ကျွန်ုပ်တို့ ကမ္ဘာ၏ ရှေးရှေးက ကမ္ဘာတစ်ခုကား ယခု လက်ရှိ ကမ္ဘာ၏ အခြေအနေနှင့် သိပ်မကွာလှဟု သိရ၏။ နည်းပညာပိုင်းဆိုင်ရာ တစ်ခုသာ ပြောပ ရလောက်အောင် ကွာခြားသည် ဆို၏။

ယင်းကမ္ဘာမှာ ငြိမ်းချမ်းရေး အရှိန်အဟုန် အမြင့်ဆုံး ကာလကို ရောက်ရှိ ခဲ့ပြီး၍ နည်းပညာ အားလုံးမှာ ဖွံ့ဖြိုးမှု ဖြစ်စဉ်အတွက် အထောက်အပံ့ကောင်းများသာ ဖြစ်ခဲ့ပေ၏။ ထို့ကြောင့် ကမ္ဘာအနှံ့နီးပါး ငြိမ်းချမ်း၏။ တစ်ပြေးညီ နီးပါး တိုးတက်၏။ ကာလတစ်ခုသို့ ရောက်သော အခါ ပြည့်ကျပ်လာသော လူဦးရေ ပြဿနာကို ဖြေရှင်းဖို့ ကြိုးပမ်းခဲ့သော အစီအမံများ အောင်မြင်ခဲ့၏။ ယင်းအစီအမံများမှာ မားစ်ဂြိုဟ်၊ ဂျူပီတာဂြိုဟ်၊ စေတန်ဂြိုဟ်တို့ ကဲ့သို့သော ဂြိုဟ်ပေါင်းများစွာကို လူနေ ကမ္ဘာကဲ့သို့ ထပ်တူကျ ပုံစံဖြစ်အောင် ဖန်တီး သက်ဝင်စေနိုင်ရေး ဖြစ်၏။ ထိုအစီအမံများ အကောင်အထည် ပေါ်လာသောအခါ ကမ္ဘာတစ်ဝန်းမှ ရာဇဝတ် နှစ်ကြီးသမားများ၊ မုဒိမ်းသမားများ၊ တစ်ကျွန်းသမားများကို စမ်းသပ် ပို့လွှတ် ကြည့်လေ၏။ နောင်သောအခါ ထိုသူတို့၏ ကြိုးပမ်းမှုအရ ဂြိုဟ်အသီးသီး တို့သည် ကမ္ဘာကဲ့သို့ စည်ပင်လာ၏။ ခေတ်မီလာ၏။ ထိုထက်ပို၍ လွန်သော ကာလ၌မူ ထိုဂြိုဟ်တို့မှ လူသားတို့၏ နည်းပညာများ မှာ မြေကမ္ဘာထက်ပင် ကျော်လွန် အောင်မြင်လာလေတော့၏။

စကြဝဠာ ငြိမ်းချမ်းရေးကို ဖော်ဆောင်ရန် စကြဝဠာ ကုလသမဂ္ဂကို ဖွဲ့စည်း တည်ထောင်ဖြစ်ခဲ့၏။ ကမ္ဘာခြားရေး ဆက်ဆံမှုများကိုလည်း အဆက်မပြတ် ထူထောင်ခဲ့ကြ၏။ မြေကမ္ဘာသည် ဂြိုဟ် အသီးသီးနှင့် ချစ်ကြည် ရင်းနှီးမှုကို တည်ထောင်နိုင်ခဲ့သော်လည်း စေတန်ဂြိုဟ်နှင့်မူ ရာနှုန်းပြည့် အပြန်အလှန် လေးစား ချစ်ကြည်မှု မရရှိခဲ့ပေ။ အဓိက အချက်ကား တစ်ချိန်သော ကာလက ဂြိုဟ်များ၌ လူသားတို့ နေထိုင်၍ သင့် မသင့် စမ်းသပ်ချက်ကို အပြစ် ကျူးလွန်သူများနှင့် စမ်းသပ်ခဲ့ရာတွင် စေတန်ဂြိုဟ် သို့ အစမ်းသပ်ခံ ပို့လွှတ်ခံရသူများမှာ ထိုစာရင်းများထဲမှ မဟုတ်ခဲ့ဘဲ မြေ ကမ္ဘာ၏ နိုင်ငံအသီးသီးမှ ဆင်းရဲမွဲတေ ချွတ်ခြုံကျနေသူများကို ထိုသူတို့ ဆန္ဒမပါဘဲ အတင်းအကျပ် ခေါ်ဆောင် နေရာချထားခဲ့သောကြောင့်ပင် ဖြစ် ၏။ ထိုစဉ်က ကမ္ဘာ့ သမ္မတကြီး၏ လျှို့ဝှက် အစီအစဉ်မှာ ကမ္ဘာ့ချမ်းသာ ကြွယ်ဝမှု ရာခိုင်နှုန်းပြ ဇယားတွင် သူ့လက်ထက်၌ အဆင့် တစ်ခုအထိ မြင့်လာစေလို၍ ဖြစ်သည်ဟု သတင်း တစ်စွန်းတစ်စ ထွက်ရှိခဲ့ ၏။ မည်သို့ပင် ဖြစ်စေကာမူ မြေကမ္ဘာသားတို့နှင့် မြေကမ္ဘာနွယ်ဖွား စေတန် ဂြိုဟ်သားတို့ကား တစ်ယောက် အလစ်ကို တစ်ယောက် စောင့်၍ ကျန်သော ဂြိုဟ်အသီးသီးတို့ ကျင့်သုံး တွေးကြံလျက် ရှိချေသော စာရိတ္တ ကျင့်ထုံးကို ချိုးဖောက် လုပ်ဆောင်လျက် ရှိနေကြပေချေတော့၏။

ယခု ဤရာဇဝင်တော်ကား ထိုကာလတွင် အတိအကျ အခိုင်အမာ ဖြစ် ပွား ပေါ်ပေါက်ခဲ့ပေချေ၏။

ဆက်လက်ဖော်ပြပါမည်

Credit To The Voice Weekly
Read More »

ရုရှား ဇူကာဘတ် သို့မဟုတ် ကရင်မလင်၏ ပစ်မှတ်



စိန့်ပီတာစ်ဘတ်ရှိ အမှတ် ၂၈ နာဗစကီ ပရော့စ်ပက်လမ်းတွင် ဆင်းဂါးတိုက်ကြီးက ထီးထီးမားမား ရပ်တည်လျက် ရှိသည်။ အထပ် ခြောက်ထပ်ရှိ ယင်းတိုက်ကြီးကို ၂၀ ရာစု လူချမ်းသာများက ကြေး များ၊ ဖန်သားများဖြင့် အလှဆင်ခဲ့ကြပြီး ဂရီဘိုရီဒေါ့ဗ် တူးမြောင်းဘေးတွင် တည်ဆောက်ခဲ့ခြင်း ဖြစ်သည်။

ထိုတိုက်ကြီးကို ၁၉၀၄ ခုနှစ်က ဖွင့်လှစ်ခဲ့သည်။ ရုရှားနိုင်ငံတွင် ဆင်းဂါး အပ်ချုပ်စက်များကို ရောင်းချသည့် တိုက်အဖြစ် လူသိများသည်။ ၁၉၁၇ ခုနှစ်တွင် ဗော်ရှီဗစ်များက ထိုအဆောက်အအုံကြီး ကို နိုင်ငံပိုင်အဖြစ် သိမ်းပိုက်လိုက်ပြီး နိုင်ငံတော် ပုံနှိပ် ထုတ်ဝေရေးတိုက်ထုတ် စာအုပ်များ ရောင်းချသည့် စာအုပ်တိုက်အဖြစ် ပြောင်းလဲလိုက်သည်။ ယနေ့တိုင် စာအုပ်တိုက် အဖြစ် ရှိနေဆဲ ဖြစ်သည်။

၂၀၁၀ ပြည့်နှစ်တွင် ဆင်းဂါးတိုက်ကြီး၏ ငါးလွှာနှင့် ခြောက်လွှာကို ဗီကွန်တက် (Vkontakte.ru) သို့ ငှားလိုက်သည်။ ထို ကုမ္ပဏီသည် ရုရှားနိုင်ငံ ဆိုရှယ် ကွန်ရက်တွင် အထင်ရှားဆုံး ကုမ္ပဏီကြီး တစ်ခု ဖြစ်လာသည်။ ဗီကွန်တက် (Vkontakte) ဆိုသည်မှာ အဆက်အသွယ်ဟု အဓိပ္ပာယ်ရသည်။ သူ့လူမှုရေး ကွန်ရက်သည် Facebook ကဲ့သို့ ဖြစ်ပြီး ရုရှားနိုင်ငံတွင် လူသုံး အများဆုံး ဖြစ်သည်။ လက်ရှိ သန်း ၂၁၀ ခန့် သုံးစွဲနေကြပြီး ရုရှားနိုင်ငံတွင် တတိယ အကြီးဆုံး ဆိုရှယ်ကွန်ရက် Website ကြီး တစ်ခု ဖြစ်နေသည်။

ဆင်းဂါးတိုက်ကြီး အပေါ်ဆုံး နှစ်လွှာတွင် ဖွင့်ထားသည့် ရုံးခန်းများအတွင်း ဒါဇင်ပေါင်းများစွာသော ပရိုဂရမ်မာများ လှုပ်ရှားနေကြသည်။ နေရာအနှံ့ အရောင်အသွေးစုံသည့် ထိုင်စရာ ဆိုဖာခုံများကို လည်း အထပ်တိုင်းတွင် တွေ့ရသည်။ နေရာတိုင်းတွင် ဆိုဒါနှင့် ချောကလက်များကို စိတ်ကြိုက် ယူငင် စားသောက်နိုင်ရန် စီစဉ်ပေးထားသည်။ များသောအားဖြင့် ထိုတိုက်ကြီးတွင် လူငယ် ပရိုဂရမ်မာ များသည် နေ့ခင်းလောက်ကျမှသာ စုံလင်စွာ ရောက်လာတတ်သည်။

ဤတိုက်ကြီးတွင် ကုမ္ပဏီ တစ်ခုကို ထူထောင်ပြီး တာဝန်ယူနေသူ၏ အသက်မှာ ၂၅ နှစ်ခန့်သာ ရှိသေးသည်။ Matrix ရုပ်ရှင်များကို ကြိုက်တတ်ပြီး ဆံပင် အနက်ရောင်၊ မေးရိုး ချွန်ချွန်၊ အနက်ရောင် ဝတ်စုံများကို နှစ်သက်သည်။ သူ့အသွင်က နာမည်ကျော် ရုပ်ရှင်မင်းသား ကီနူးရိဗ်လိုပုံ ဖြစ်သည်။ သူ့ကို အနောက်တိုင်း မီဒီယာများက ရုရှား မာ့ခ်ဇူကာဘတ်ဟု တင်စား ခေါ်ဝေါ်ကြသည်။ ဒူးရော့သည် နှစ်လိုဖွယ် ကောင်းသော်လည်း စိတ်အပြောင်းအလဲ အလွန်မြန်သူ ဖြစ်ကြောင်း မှတ်ချက်ပြုထားကြသည်။

ဒူရော့ကို ယခုနှစ် ဧပြီလအထိ လူ သိပ်မသိကြပေ။ သူမောင်းလာသည့် အဖြူရောင် မာစီဒီးကားက ယာဉ်ထိန်းရဲ၏ ခြေထောက်ကို တက်ကြိတ်လိုက်ပြီးနောက် သူ့ကို အမှုဖွင့်ကာ လိုက်ဖမ်းစဉ် နိုင်ငံက ထွက်ပြေးသွားခဲ့သည်။ ကောလာဟလများက သူ့ကို အီတလီ ရောက်သွားပြီဟု လည်းကောင်း၊ ဆွစ်ဇာလန်သို့ ထွက်သွားပြီဟု လည်းကောင်း ပြောကြသည်။ သို့သော် သူထွက်ပြေးရန် အဖြစ်နိုင်ဆုံး မှာ အမေရိကန် ပြည်ထောင်စုသာ ဖြစ်သည်။ သူနိုင်ငံအတွင်း ရှိသည် ဖြစ်စေ၊ မရှိသည် ဖြစ်စေ၊ ရုံးခန်း အတွင်း ရှိသည် ဖြစ်စေ၊ မရှိသည် ဖြစ်စေ၊ သူထူထောင်ခဲ့သည့် ဆိုရှယ် ကွန်ရက်ကတော့ ဆက်လက် လည်ပတ်ကာ တန်ဖိုးတွေ တက်လျက် ရှိနေသည်။

ယခုနှစ်တွင် ဒူရော့၏ ကုမ္ပဏီနှင့် ပတ်သက်ပြီး အသံတွေ ထွက်လာသည်။ သူပျောက်နေသည့် ကာလ တွင် သူနှင့်အတူ ဗီကွန်တက်ကို ထူထောင်ခဲ့သည့် သူငယ်ချင်း နှစ်ယောက်က သူ့ရှယ်ယာများကို ရောင်းချလိုက်ပြီ ဆိုသည့် သတင်းတွေ ထွက်လာသည်။ သူ့ရှယ်ယာတွေကလည်း မနည်း။ ကုမ္ပဏီ၏ ၄၈ ရာခိုင်နှုန်းခန့် ရှိသည်။ ထို့ပြင် ထိုရှယ်ယာများကို သမ္မတ ပူတင်ကပဲ ဝယ်သွားသယောင်ယောင်၊ နိုင်ငံတော်ကပဲ သိမ်းပိုက်သွားသလိုလို ကောလာဟလတွေကိုလည်း ကြားနေရသည်။

မည်သို့ဆိုစေ အင်တာနက်ကို အစိုးရအနေနှင့် စိတ်ဝင်စားသည် ဆိုခြင်းက မငြင်းနိုင်ပေ။ ၂၀၁၁ ခုနှစ် ဒီဇင်ဘာလက လူတွေ လမ်းပေါ်ထွက် ဆန္ဒပြခဲ့ခြင်းနှင့် ပတ်သက်ပြီး အစိုးရသည် တုန်လှုပ် ချောက်ချားသွားခဲ့သည်။ ပူတင်ကိုယ်တိုင် အွန်လိုင်း၏ အရေးပါမှုကို စောင့်ကြည့်သည်အထိ ဖြစ်ခဲ့ရ သည်။ ရုရှားလွှတ်တော် ဒူးမားတွင်လည်း ကရင်မလင်ကို ထောက်ခံသည့် ယူနိုက်တက် ရုရှားပါတီက အင်တာနက်ကို တင်းကျပ်စွာ ချုပ်ကိုင်ထားရန်၊ အချို့သော Website များကို ပိတ်ဆို့ထားရန် ဥပဒေကို ခွင့်ပြုခဲ့သည်။

ယနေ့အထိ ရုရှားအစိုးရ အနေနှင့် ဗီကွန်တက်နှင့် အခြား ဆိုရှယ် မီဒီယာများအပေါ် မည်သို့ ချုပ်ကိုင် ထိန်းသိမ်းထားသည် ဆိုခြင်းမှာ မေးခွန်းထုတ်စရာ ဖြစ်နေဆဲပင်။ တစ်နွေလုံး ဒူရော့ကလည်း ပျောက်နေသည်။ ဆင်းဂါးတိုက်ကြီး အပေါ်ထပ်တွင် ကုမ္ပဏီ ပြောရေးဆိုခွင့်ရှိသူ လိုဘုရ်ှကင်၏ လေသံများကလည်း စိုးရိမ် ပူပန်ပုံမရ။ သူက “ကုမ္ပဏီရဲ့ စတော့ရှယ်ယာတွေနဲ့ အမြတ်တွေကို ထိန်းချုပ်ဖို့ မလိုပါဘူး။ သူတို့ ပါဗယ်ကိုပဲ ထိန်းချုပ်ရမှာ။ သူ့ကို ဖမ်းဖို့ဆိုတာလည်း သိပ်မလွယ်ဘူး” ဟု သူက ဆိုသည်။

ဒူရော့သည် စိန့်ပီတာစ်ဘတ်တွင် ကြီးပြင်းလာသူ ဖြစ်သည်။ သူ့ဖခင်က ဗာလာရီဖြစ်ပြီး တူရင်းနှင့် အီတလီတို့တွင် ဂန္ထဝင် စာပေများကို သင်ကြားရာ၌ နာမည်ကျော်သူ တစ်ဦး ဖြစ်သည်။ ဒူရော့ ငယ်စဉ်က ထိုနိုင်ငံများတွင် ဖခင်နှင့် ခေတ္တ လိုက်နေဖူးသည်။ သူ့အစ်ကို နစ်ခိုလိုင်သည် နိုင်ငံတကာ သင်္ချာနှင့် ပရိုဂရမ်းမင်း ပြိုင်ပွဲတွင် ရွှေတံဆိပ်ဆု ရရှိခဲ့သူ ဖြစ်သည်။

ဒူရော့သည် စိန့်ပီတာစ်ဘတ် အစိုးရ တက္ကသိုလ်တွင် တက်ရောက် ပညာသင်ကြားခဲ့ပြီး ကျောင်းတက်နေစဉ်ကတည်းက ဆိုရှယ် ကွန်ရက်ကို စတင် တည်ဆောက်ခဲ့ခြင်း ဖြစ်သည်။ သူက ကျောင်းသားများနှင့် ဆရာများအတွက် ရင်ဖွင့်စရာ အင်တာနက် စင်မြင့် တစ်နေရာအဖြစ် လမ်းဖွင့် ပေးခဲ့သည်။

၂၀၀၆ ခုနှစ်ရောက်မှ သူနှင့် ကျောင်းနေဘက်ဖြစ်သည့် ယာချက်စ်လက်မီရီ လက်ရ်ှဗီလီဆိုသူက ရုရှား ဆိုရှယ် မီဒီယာအဖြစ် ပြောင်းလဲ ထူထောင်ရန် အကြံပြုခဲ့သည်။ ဗီလီသည် တပ်ဖ် တက္ကသိုလ်တွင် ပညာသင်ကြားနေသူ ဖြစ်သည်။ သူတို့ အသိုင်းအဝိုင်းထဲသို့ လက်ဗ်လီဗိဆိုသူလည်း ရောက်လာ သည်။ သူလည်း မက်ဂီးလ် တက္ကသိုလ်တွင် ပညာသင်ကြားနေသူ ဖြစ်သည်။ သူတို့အားလုံး ဒူရော့၏ အစ်ကို နစ်ခိုလိုင်နှင့် လာရောက် ပူးပေါင်းကြသည်။ နစ်ခိုလိုင်ကလည်း ထိုအချိန်တွင် သင်္ချာ ဒေါက်တာဘွဲ့အတွက် တက်နေသည်။ သူတို့ အားလုံးကို အရင်းအနှီး အများဆုံး ထုတ်ပေးသူမှာ မီရီလက်ရ်ှဗီလီ၏ ဖခင် ဖြစ်သည်။ သူ့ဖခင်သည် စိန့်ပီတာစ်ဘတ်တွင် ထင်ရှားသည့် စီးပွားရေး လုပ်ငန်းရှင်ကြီး တစ်ဦး ဖြစ်သည်။

သူတို့ သူငယ်ချင်းတွေ အားလုံး ဗီကွန်တက်ကို ပူးပေါင်း ထူထောင်နေချိန်တွင် ရုရှား အစိုးရကလည်း Facebook နှင့် အမေရိကန်ပြည်ထောင်စု ကောလိပ်များက လာသည့် အီးမေးလ်များအား ပိတ်ပင် နေချိန် ဖြစ်သည်။ သူတို့က ဗီဒီယို၊ ရုပ်ရှင်နှင့် တီဗီ အစီအစဉ်များကိုပါ ကြည့်နိုင်ရန် စီစဉ် ပေးလိုက် သောကြောင့် ရုရှား ဗီကွန်တက် လိုင်းသည် ထင်ရှားလာသည်။ တစ်လလျှင် အနည်းဆုံး ရှစ်နာရီ ပျမ်းမျှ ကြည့်သူတွေ တက်လာသလို၊ မူပိုင်ခွင့် ချိုးဖောက်မှုအတွက်ပါ ပြဿနာပေါင်း များစွာနှင့် ရင်ဆိုင်လာခဲ့ရသည်။ လစဉ် ဗီကွန်တက်ကို ဝင်ရောက်သူပေါင်း ၄၆ သန်းအထိ ရှိလာပြီး ရုရှားတွင် Facebook ကို ဝင်ရောက် ကြည့်သူပေါင်းမှာ ၁၁ ဒသမ ၇ သန်းသာရှိခြင်းနှင့် နှိုင်းယှဉ်ကြည့်နိုင်သည်။

ဗီကွန်တက် အောင်မြင်လာလေ ဒူရော့ကို ရုရှားကလည်း သတိထားမိလေ ဖြစ်သည်။ သို့သော် ဒူရော့သည် လူမြင်ကွင်းသို့လည်း မထွက်၊ လူတွေနှင့်လည်း စကားမပြော။ အင်တာဗျူးကိုပင် လက်ခံသူ မဟုတ်သည့်အပြင် မီဒီယာကိုပါ ဝေးဝေးရှောင်သူ ဖြစ်သည်။ သို့သော် ကိုနိုနော့ဗ် ဆိုသူကိုမူ စာအုပ်ရေးရန်အတွက် အင်တာဗျူးရန် ခွင့်ပြုလိုက်သည်။ ထိုစာအုပ် ထွက်လာသောအခါ ရုရှားရုပ်ရှင် ကုမ္ပဏီများက သူ့အကြောင်း ရုပ်ရှင် ရိုက်ရန်အတွက် စာအုပ်ကို ဝယ်ရန် ကမ်းလှမ်းလာ ကြသည်။ နောက်ဆုံး ရုရှား AR ရုပ်ရှင် ကုမ္ပဏီက ရိုက်ကူးခွင့် ရသွားသည်။

ဒူရော့၏ စရိုက်က ထူးခြားသည်ဟု ဆိုရမည်။ ရန်လိုတတ်သလို ပျော့ပျောင်းချင်လည်း ပျော့ပျောင်းနေ တတ်သည်။ ပြီးခဲ့သည့် မေလက ဆင်းဂါးတိုက်အပေါ် ပြတင်းပေါက်မှ ရုရှားရူဘယ် အကြွေ ငါးထောင် (ဒေါ်လာ ၁၅၀ ခန့်) ကို ကြဲချပေးခဲ့သည်။ ထိုစဉ်က ပွဲတော်တစ်ခု ကျင်းပနေသည့် ကာလလည်း ဖြစ်သည်။

ရုရှား မီဒီယာများ ရေးသားချက်အရ ဒူရော့ ချမ်းသာ ပိုင်ဆိုင်မှုမှာ ဒေါ်လာ သန်း ၂၀၀ ခန့် ရှိမည်ဟု ဆိုသည်။ သို့သော် သူ မည်မျှ ချမ်းသာကြောင်း အတည်ပြုနိုင်ခြင်း မရှိပေ။

အစောပိုင်းတွင် ရုရှား အစိုးရသည် ဒူရော့နှင့်သူပိုင် ကုမ္ပဏီကို ခြွင်းချက်ထားကာ လွတ်လပ်ခွင့် ပေးခဲ့သည်။ ရုရှားသမ္မတ ပူတင်ကလည်း ၂၀၀၀ ပြည့်နှစ်ခန့်က အာဏာကို ရရှိရန် ကြိုးပမ်းနေချိန် ဖြစ်သဖြင့် သူတို့ အာရုံစူးစိုက်သည့် နေရာမှာ ရုပ်သံလွှင့် မီဒီယာများသာ ဖြစ်ပြီး၊ ရုပ်သံ မီဒီယာ များကိုသာ နိုင်ငံတော်ပိုင်အဖြစ် ချုပ်ကိုင်ရန် အားထုတ်ခဲ့သည်။ သို့ဖြစ်ရာ ဒူရော့၏ အွန်လိုင်းကို လျစ်လျူရှုထားခဲ့သည်။

၂၀၁၁ ခုနှစ် ဒီဇင်ဘာလတွင် ပါလီမန် ရွေးကောက်ပွဲနှင့် ပတ်သက်ပြီး ရုရှား မြို့ပြ လူလတ်တန်းစား များက မကျေမနပ် ဖြစ်ကာ ဆန္ဒပြကြသည်။ ရုရှားသမ္မတ ပူတင်လက်ထက်တွင် မထင်မှတ်ထားသော လူထု အုံကြွမှုကြီး တစ်ခု ဖြစ်သည်။ စုံစမ်းရေး ကော်မတီက ဤသို့ လူထု အုံကြွမှုကြီး ဖြစ်ပေါ်ခဲ့ရခြင်း မှာ အွန်လိုင်းပေါ်ရှိ ဘလော့ဂ်များ၏ စီးပွားရေး၊ နိုင်ငံရေး၊ လူမှုရေးတို့နှင့် ပတ်သက်ပြီး ဝေဖန်ချက် များကြောင့် ဖြစ်ကြောင်း နိုင်ငံတော်ပိုင် သတင်း ဌာနများကလည်း ‘နိုင်ငံတော်အပေါ် ပြည်သူများ ယုံကြည်မှုအား စစ်ပွဲတစ်ရပ် အနေနှင့် ကြေညာကာ သတင်း အချက်အလက် တိုက်ပွဲကို ဆင်နွှဲလိုက်ခြင်း ဖြစ်ကြောင်း’ ဝေဖန် ရေးသားခဲ့သည်။

ပြည်သူများ ဆန္ဒပြနေချိန်တွင် စိန့်ပီတာစ်ဘတ် အစိုးရအဖွဲ့ FSB နှင့် ရုရှား အင်တာနက် လုံခြုံရေး အေဂျင်စီတို့ကို ဒူရော့ထံ စာပို့ပြီး ဗီကွန်တက်ပေါ်မှ အစိုးရကို ထိုးစစ်ဆင်နေသည့် အဖွဲ့ ၇ ဖွဲ့နှင့် ဆန့်ကျင် တိုက်ခိုက်နေသော စာများကို ဖျက်ပေးရန် တောင်းဆိုခဲ့သည်။

FSB အဖွဲ့၏ တောင်းဆိုချက်ကို ဒူရော့က Twitter ပေါ်သို့ အားကစားအင်္ကျီ ဝတ်ထားသည့် ခွေးတစ်ကောင်ကို လျှာထုတ်ထားသည့် ပုံဖြင့် တင်ပြီး တုံ့ပြန်ခဲ့သည်။ ထို့ပြင် ကိုယ်ပျောက်ပုံ ဖျက်ထားသည့် စစ်ဝတ်စုံ ဝတ်ထားသော ရဲတစ်ယောက်ကလည်း သူနေထိုင်သည့် တိုက်သို့ လာရောက် ခြိမ်းခြောက်ခဲ့သေးသည်။ ထိုသတင်းများကြောင့် ဒူရော့ကို အစိုးရ အတိုက်အခံ အုပ်စုက ပိုပြီး သတိထားမိကာ ထောက်ခံလာခဲ့ကြသည်။

ယမန်နှစ်ကလည်း ဒူရော့သည် Afisha ဆိုသည့် မဂ္ဂဇင်းက တစ်ဆင့် “ခေတ် နောက်ကျနေသည့် ဥပဒေများ၊ လိုင်စင်များ၊ တားမြစ် ကန့်သတ်ချက်များဖြင့် လူ့ဘောင် အဖွဲ့အစည်းကို ဝန်ထုပ်ဝန်ပိုး ဖြစ်စေသည့် ဥပဒေများကို ဆန့်ကျင်ကြ၊ လူသား အကျိုးပြု ဥပဒေ ကင်းမဲ့နေပြီ” ဟု ပြောရုံမက နိုင်ငံ အတွင်း လက်တွေ့ သုံးစွဲနေသည့် ငွေကြေးကိုလည်း ခေတ်နှင့် အံမဝင်ဟု လည်းကောင်း၊ ရုရှား နယ်ခြား ဒေသများတွင် ကိုယ်ပိုင် အုပ်ချုပ်ခွင့်ရ ပြည်နယ်ခွဲများကို ထူထောင်ကြရန်ကိုပါ တိုက်တွန်းသည့် စာများ ရေးသားခဲ့သည်။

FSB က ဒူရော့၏ ဗီကွန်တက်ကို အွန်လိုင်း ဆန့်ကျင်ဘက် အုပ်စုအနေနှင့် သတ်မှတ်ပြီး ပိတ်ပင် ခဲ့သည့် ရက်ပိုင်းအတွင်း ဒူရော့ကလည်း ကန့်ကွက်ကြောင်း စာများကို အစိုးရထံ ရေးသား ပေးပို့ခဲ့ သည်။ သူက “နိုင်ငံခြားက Website တွေကို ခွင့်ပြုထားပြီး ကိုယ့်တိုင်းပြည်ထဲက Website တွေကို ပိတ်လိုက်မယ်ဆိုရင် ရုရှား ဘာသာစကားနဲ့ အင်တာနက် သုံးနေတာကို သတ်လိုက်သလို ဖြစ်သွား လိမ့်မယ်” ဟု သတိပေးခဲ့သည်။

နောက်ပိုင်း ဒူရော့၏ Website ဗီကွန်တက်ကို ပြန်လည် ဖွင့်လှစ် လုပ်ဆောင်ခွင့် ပေးခဲ့သည်။ နိုင်ငံရေး လောကတွင် လည်းကောင်း၊ လူငယ်ထုကြားတွင် လည်းကောင်း ဒူရော့ သတင်းတွေက ပိုပြီး ပြောစရာ ဖြစ်ခဲ့ရုံမက သူ့ကို လူငယ်များကပါ စံပြုလောက်သည့် ပုဂ္ဂိုလ်အဖြစ် သတ်မှတ်ခဲ့ကြသည်။
သို့သော် ကံကြမ္မာက သူ့ကို မျက်နှာသာ မပေး။ ဧပြီလ ၅ ရက်နေ့က ဗီကွန်တက် ဒုဥက္ကဋ္ဌ အီလ်ယာပီရီကော့စကီး အမည်ဖြင့် လိုင်စင် ယူထားသည့် မာစီဒီးကားကို လမ်း စည်းကမ်း ချိုးဖောက်သည်ဟု စွပ်စွဲချက်တွေ ထွက်လာသည်။ နိုင်ငံတော်ပိုင် မီဒီယာကလည်း ဒူရော့သည် ကားကို မောင်းပြေးသည်ဟု ပထမ ရေးပြီးမှ နောက်ပိုင်း ရဲအရာရှိ ခြေထောက်ကို ဖြတ်မောင်း ပြေးသည် ဆိုသော စွပ်စွဲချက်များ ထွက်ပေါ်လာသည်။ သူတို့က ကားနောက်ခန်းတွင် ဒူရော့ပါလာ သည်ဟု စွပ်စွဲခဲ့သည်။ ဗီကွန်တက်ကလည်း ထိုကားကို ဒူရော့ မမောင်းကြောင်း ထုတ်ပြန်ခဲ့သည်။

ဧပြီလ ၁၆ ရက်နေ့တွင် စုံစမ်းရေး အဖွဲ့က ဆင်းဂါးတိုက်သို့ ရောက်လာသည်။ သူတို့က ဒူရော့ကို ရှာသည် ဆိုသော်လည်း ရုံးခန်းအတွင်းရှိ ဖိုင်များကို ဆုတ်ဖြဲကာ မွှေနှောက်သွားခဲ့ကြသည်။ ထိုအချိန်မှ စပြီး ဒူရော့တစ်ယောက် ပျောက်သွားခဲ့သည်။ သူ့ကို လေကြောင်းဖြင့် တစ်ရက် ကြိုတင် လွတ်မြောက်သွားသလိုလို သတင်းတွေ ပေါ်ထွက်လာသည်။ မည်သို့ဆိုစေ ဒူရော့ကို ပြည်ပြေးအဖြစ် သတ်မှတ်လိုက်ကြသည်။

ရုရှား Forbes ၏ ခန့်မှန်းချက်အရ ဒူရော့ ပိုင်ဆိုင်မှုသည် ဒေါ်လာ တစ်ဘီလီယံခန့် ရှိမည်ဟု ဆိုသည်။ ဇွန်လ ၇ ရက်နေ့တွင် ဒူရော့ ရုရှားနိုင်ငံ ပြန်ရောက်လာပြီဆိုသည့် သတင်းများ ထွက်လာသည်။ သူ့ကို အင်တာဗျူးပြီး စာအုပ် ရေးပေးသူနှင့် မော်စကိုတွင် တွေ့သည်ဆိုသော သတင်းများ ထွက်ပေါ် လာသည်။

သို့သော် ဒူရော့ကို မည်သူမျှ သေချာစွာ မတွေ့ရ။ အစိုးရကလည်း ဒူရော့ကို အလိုရှိနေသည်။ သူတို့ အလိုရှိသည်မှာ ဒူရော့ ပိုင်ဆိုင်သည့် ဘီလီယံနှင့် ချီနေသော ဒေါ်လာများကြောင့်လား သို့မဟုတ် အစိုးရ ရင်ထဲကို ဆူးတစ်ချောင်းလို စူးဝင်နေသည့် ဗီကွန်တက်ကြောင့်လား မည်သူမျှ မသိနိုင်။

The Flight of the Russian Zuckerberg, by Joshua Yaffa, Bloomberg Businessweek, August 5, 2013.

Credit To The Voice Weekly
Read More »

အနောက်ရိုးမ၏ အရှေ့ဖျားဆုံး တောင်တန်းများဆီသို့(Written by အောင်သူငြိမ်း )



ရခိုင်ရိုးမတောင်တန်း တစ်နေရာတွင် ဆင်စီးလေ့လာရေး ခရီးသွားများအား တွေ့ရစဉ်
ဝသန္တရာသီ၏ တိမ်ပန်းချီများကို ငေးမောရင်း မကွေးတိုင်းဒေသကြီးနှင့် ရခိုင်ပြည်နယ်အား ပထ၀ီမြေလွှာချင်း တွဲချုပ်ထားသည့်နှယ်ရှိသော အနောက်ရိုးမ၏ အရှေ့ဖျားဆုံး တောင်တန်းများဆီသို့ ရောက်ခဲ့သည်။ ယေဘုယျအားဖြင့် အပူပိုင်းဇုန်ဟု ထင်ရသည့် မကွေးတိုင်းအတွင်းရှိ ပဒါန်း၊ ငဖဲ၊ စေတုတ္တရာ၊ ထီးလင်း၊ ဂန့်ဂေါမြို့များမှာ မိုးရေချိန် လက်မလေးဆယ်အထက် ရရှိသည့် ရခိုင်ရိုးမနှင့် ချင်းတောင်တန်းများပေါ်၌ တည်ရှိနေကြသည်။
သြဂုတ်လလယ်ပိုင်းက ရခိုင်ရိုးမ တောင်တန်းများ၏ အရှေ့ဘက်ဆုံးအခြေ၊ မကွေးတိုင်း၏ အနောက်ဘက်ဆုံး မြိ့လေးတစ်မြို့ဖြစ်သည့် ငဖဲမြို့နယ်သို့ ရောက်ခဲ့ခြင်း ဖြစ်သည်။ ယင်းမြို့လေးမှာ ရခိုင်ပြည်နယ်နှင့် မကွေးတိုင်း၏ နယ်ခြားမြို့ဟု ခေါ်ဆိုနိုင်သည့်အလျောက် ရာသီဥတုမှာလည်း မကွေးတိုင်းအတွင်း အခြားမြို့နယ်များနှင့် လုံးဝကွာခြားလှသည်။
မကွေးမြို့မှ ဧရာဝတီတံတား (မကွေး) ကို ဖြတ်၍ မင်းဘူးမြို့သို့ ရောက်သည်။ မင်းဘူးမြို့ မြောက်လှည်းကောက် အ၀ိုင်းမှတစ်ဆင့် မင်းဘူး-အမ်း ကားလမ်းအတိုင်းလိုက်၍ ပုသိမ်-မုံရွာလမ်းသို့အရောက် ပုသိမ်ဘက်သို့လိုက်၍ ငါးမိုင်ခန့်အကွာတွင် ပဒါန်းမြို့သို့ ရောက်သည်။ ပဒါန်းမြို့မှ အနောက်တည့်တည့်သို့ ထွက်သောအခါ ငဖဲမြို့သို့ ရောက်သည်။
ပဒါန်းမြို့သို့ မရောက်မီကတည်းက အနောက်ရိုးမ တောင်တန်းများ၏ ကျောကုန်းများပေါ် တိမ်တိုက်များ လွန်းထိုးနေသည့် မြင်ကွင်းအား လှမ်းမြင်နေရသည်။ ထိုမြင်ကွင်းက အပူပိုင်းဇုန်မှ ထွက်လာသူ တစ်ဦးအား အိုအေစစ် တစ်ခုအလား ဆွဲဆောင်နေခဲ့သည်။ ပဒါန်းမြို့မှ ငဖဲမြို့သို့ သွားရာကားလမ်း ၀ဲယာတစ်လျှောက် ရခိုင်ရိုးမ အခြေမှ ဆည်ရေသောက်သည့် စပါးခင်းများကလည်း ပြာညို့ညို့ တောင်တန်းကြီးများနှင့် ပနံရလှသည်။
ငဖဲမြို့သို့ ရောက်သောအခါ အဝေးမှ မြင်ကတည်းက ရောက်ဖူးချင်လှသည့် အနောက်ရိုးမ၏ အရှေ့ဖျားဆုံး တောင်တန်းများဆီသို့ ခရီးနှင်ခဲ့သည်။ အညာခြောက်သွေ့ ရပ်ဝန်းမှ လာသူအတွက် စိမ်းမြမြ လယ်ကွင်းပြင်နှင့် ပြာညို့ညို့ တောင်တန်းကြီးများက အမိအရ ဖမ်းစားထားနိုင်သည်ထက် ပေထောင်ကျော်မြင့်သည့် တောင်တန်းကြီးများပေါ်သို့  ဆင်စီး၍ တက်ရမည်ဆိုသည်က ပြောမပြတတ်အောင် ပျော်နေမိသည်။
ငဖဲမြို့မှ တောင်တန်းကြီးများပေါ်သို့ တက်ရောက်ရန် အစစအရာရာ ကူညီပေးခဲ့သော ဦးတင်ဝင်းမှာ ကျေးဇူးတင်စရာ ကောင်းလှသည်။ အနောက်ရိုးမ တောင်တန်းကြီးများပေါ်သို့ တက်ရောက်ရန် အကြောင်းဖန်ခဲ့ခြင်းမှာလည်း ဦးတင်ဝင်း ကမကထပြု တည်ထောင်ထားသည့် အစုအဖွဲ့ပိုင် သစ်တောများအား လေ့လာရန်ဖြစ်သည်။
ငဖဲမြို့မှတစ်ဆင့် အသစ်ဖောက်လုပ်ထားသည့် ငဖဲ-စေတုတ္တရာ ကားလမ်းအတိုင်း ဆယ်မိုင်ခန့် လွန်သောအခါ တောက်တဲ့တောင် အခြေမှ ဆင်ဝိုင်းအနီးသို့ ရောက်ခဲ့သည်။ ဆင်ဝိုင်းမရောက်မီ ငရန့်ချောင်းရွာအထိ ဆင်လေးကောင်က အဆင်သင့် လာကြိုနေခဲ့သည်။ ထိုရွာလေးမှာ ရခိုင်ရိုးမပေါ်၌ တည်ရှိသော်လည်း ချင်းလူမျိုးများ အများဆုံး နေထိုင်ကြသည်။
ထိုရွာမှတစ်ဆင့် ငဖဲမြို့နယ်အတွင်း အမြင့်ဆုံး တောင်ကြောဖြစ်သည့် တောက်တဲ့တောင်ပေါ်သို့ ဆင်များစီး၍ တက်ခဲ့ကြသည်။ လမ်းရိုးဟောင်းအတိုင်း တစ်သွယ်၊ တောသစ်တိုး၍ တစ်ဖုံ လျှိုမြောင်များကို ကျော်ရင်း တောက်တဲ့တောင်၏ တစ်ဝက်ကျော် ပင်လယ်ရေမျက်နှာပြင်အထက် ပေ ၁၅၀၀ အမြင့်အထိ ရောက်ရှိခဲ့သည်။
အဆိုပါ စီမံချက်မှာ သစ်တောထိန်းသိမ်း ကာကွယ်ရေးအတွက် ထိရောက်လှသော်လည်း တိုးပွားလာမည့် လူဦးရေနှင့် ဘိုးစဉ်ဘောင်ဆက် တောင်ယာခုတ်ခြင်းကိုသာ ဓားမဦးချ လုပ်ကိုင်လာခဲ့သည့် ဒေသခံများအတွက် ၀မ်းရေးကို မည်သည့်နည်းဖြင့် ဖြေရှင်းကြမည်လဲ အတွေးပွားမိသည် . . . . .
တောင်ကြောအမြင့်သို့ရောက်လေ တိမ်တွေကို အနီးကပ်မြင်ရလေ မြင်ကွင်းအသစ် အဆန်းတွေ မြင်ရလေဖြစ်လာခဲ့သော်လည်း ထိုမြင်ကွင်း အသစ်အဆန်းများထဲမှ မြင်ကွင်းအများစုက စိတ်မချမ်းမြေ့စရာများ ဖြစ်နေမှန်း သိလာခဲ့ရသည်။ တောင်တန်းကြီးများအား အဝေးမှမြင်ရစဉ်က ပြာညို့ညို့ဖြင့် လှနေသော်လည်း တောင်တန်းကြီးများ၏ ရင်သားပေါ်ရောက်လာမှ ဒဏ်ရာဒဏ်ချက်တွေနှင့် ပါလားဟု သိခဲ့ရသည်။
"အခုမြင်နေတဲ့ ကွက်လပ်တွေရော ပတ်ဝန်းကျင် တောင်တွေပေါ်က ခပ်စိမ်းစိမ်း ကွက်လပ်တွေပါ ဒေသခံတွေ ခုတ်ထွင်ထားတဲ့ တောင်ယာတွေပေါ့ဗျာ။ အခု မိုးတွင်းမို့ အစိမ်းရောင်လေးတွေ မြင်နေရပေမယ့် နွေအခါဆို လူ့ဦးခေါင်းမှာ ဒက်ပေါက်သလို အကွက်ကြီးတွေ မြင်နေရတာ ကြည့်ကောင်းစရာ မရှိပါဘူး။ သစ်ပင်တွေ ရှိတုန်းက ခုတ်ခဲ့တာ ကျွန်တော်ရော ကင်းလားဆို မကင်းခဲ့ပါဘူး။ ဒါကြောင့် ကိုယ်နိုင်သလောက် ပြုစုမယ်ဆိုပြီး အစုအဖွဲ့ပိုင် သစ်တောစိုက်ဖို့ အစီအစဉ် ချခဲ့တာ" ဟု ဦးတင်ဝင်းက ပြောပြခဲ့သည်။
ထိုတောင်ကြောများပေါ်ရှိ ဒေသခံ အများစုမှာ တောင်ယာစိုက်ပျိုးခြင်းနှင့် သစ်တောထွက်ပစ္စည်းများ အပေါ်တွင်သာ အဓိက မှီခိုကြရသည်။ တောင်ယာစိုက်ပျိုးသည့် မြေကွက်လပ်ရရှိရန် သစ်ကြီး၊ ၀ါးကြီးများအား ပြောင်နေအောင်ခုတ်၍ မီးပါရှို့ကြရသည်။ ထိုသို့ မီးရှို့၍ရသည့် ပြာများက သီးနှံဖြစ်ထွန်းရန် အားပေးသည်ဟုလည်း ဒေသခံများက ယုံကြည်ကြသည်။
"တောင်ယာလုံးဝ မခုတ်ဖို့ သူတို့ကို တားလိုက်ရင် သူတို့ဘာသွားစားမလဲဆိုတာ ကျွန်တော်တို့ မဖြေရှင်းနိုင်ဘူးလေ။ မျှစ်တစ်ချောင်းဟာ ၀ါးတစ်ပင်ပဲလို့ အသိရှိသည့်တိုင်အောင် ဒီမျှစ်ကို ငါမချိုးလည်း သူများချိုးမှာပဲဆိုတဲ့ အသိက လက်တွေ့ပိုကျနေတဲ့ အခြေအနေတွေပေါ့ဗျာ။ နိုင်ငံတော် စီမံချက်ကြီးတွေနဲ့မှ အကောင်အထည် ဖော်နိုင်မယ့် အနေအထားပါ" ဟု ဦးတင်ဝင်းက ပြောကြားခဲ့သည်။
တောက်တဲ့တောင် ပတ်လည်မှ မန်းသစ်တော ကြိုးဝိုင်းအတွင်း ဦးတင်ဝင်းဦး ဆောင်သည့်အဖွဲ့က အစုအဖွဲ့ပိုင် သစ်တောအဖြစ် ဧက ၆၅၀ ရရှိထားသည်။ ထိုအဖွဲ့တွင် ဒေသခံတောင်သူများ အများဆုံး ပါဝင်၍ အဖွဲ့ဝင် ၃၃ ဦးရှိသည်။ ယခုလက်ရှိ တောင်ယာဟောင်း (ဖုန်းဆိုး) များတွင် လျှော်ဖြူ၊ သစ်မွှေး၊ ကျွန်းစသည့်အပင်များ စတင်စိုက်ပျိုးထားသည်။
"ဦးလေးတို့ ဘိုးစဉ်ဘောင်ဆက် တောင်ယာစိုက်ခဲ့ကြတာပဲ။ တောင်ယာစနစ်က တစ်နေရာကို နှစ်နှစ်လောက် စိုက်ပြီးရင် ဒီအတိုင်း ထားခဲ့တာပဲလေ။ မစားလောက်တော့လည်း သစ်တောကိုပဲ မှီခိုရတာပေါ့။ အခုတော့ နိုင်ငံတော်ကလည်း အစုအဖွဲ့ပိုင် သစ်တောစိုက်ခွင့် ပြုတယ်။ ရေရှည်မှာလည်း သစ်တောတွေရှိမှ သဘာဝ မျှတမယ်ဆိုတာ ရေဒီယိုတွေ၊ စာစောင်တွေကနေ သိလာရလို့ သစ်တောစိုက်ဖို့ စိတ်ဝင်စားခဲ့တာ" ဟု ငရန့်ချောင်းကျေးရွာမှ အသက် ၆၁ နှစ်ရှိ တောင်သူဦးမြင့်မောင်တင်က ပြောကြားခဲ့သည်။
မစားလောက်တော့လည်း သစ်တောကိုပဲ မှီခိုရတာပေါ့ဟူသည့် ဦးမြင့်မောင်တင်၏ စကားကို ကြားယောင်ရင်း သစ်တောကထွက်သည့် သစ်လုံးကြီးများ၊ ကျွဲနွားများဖြင့်လည်း မြို့နယ်ခြားအထိ မသယ်ဆောင်ဆောင်နိုင်သည့် သစ်လုံးကြီးများအား မည်သူတွေက ၀ယ်ယူခဲ့သလဲ။ မည်သူတွေထံ မည်သည့်ပုံစံဖြင့် တစ်ဆင့်ရောင်းချခဲ့သလဲ။ အတွေးပွားနေမိသည်။
နိုင်ငံတော် သမ္မတကြီး၏ လမ်းညွှန်မှုဖြင့် မြန်မာတစ်နိုင်ငံလုံးရှိ သစ်တောဧရိယာများအတွင်း ကျူးကျော်တောင်ယာများအား စာရင်းပြုစုနေကြောင်း သိရသည်။ သစ်တောဧရိယာ အတွင်းရှိ တဲတိုက်များအား အိမ်ခြေ ၅၀ ကျော်လျှင် ကျေးရွာအဖြစ် အတည်ပြု၍ အိမ်ခြေ ၅၀ မကျော်ပါက နီးစပ်ရာ တဲတိုက်အချင်းချင်း စုပေါင်းကာ ကျေးရွာဖွဲ့ပေးမည်ဟု သိရသည်။ လက်ရှိကျူးကျော်ထားသည့် တောင်ယာနှင့် လယ်ကွက်များအား ပုံမှန်အတိုင်း လုပ်ကိုင်ခွင့်ပေးမည် ဖြစ်သော်လည်း ထပ်မံချဲ့ထွင်ခြင်းကို လုံးဝခွင့်မပြုဘဲ ဥပဒေနှင့် ထိထိရောက်ရောက် အရေးယူသွားမည်ဟုလဲ သိရသည်။
အဆိုပါ စီမံချက်မှာ သစ်တောထိန်းသိမ်း ကာကွယ်ရေးအတွက် ထိရောက်လှသော်လည်း တိုးပွားလာမည့် လူဦးရေနှင့် ဘိုးစဉ်ဘောင်ဆက် တောင်ယာခုတ်ခြင်းကိုသာ ဓားမဦးချ လုပ်ကိုင်လာခဲ့သည့် ဒေသခံများအတွက် ၀မ်းရေးကို မည်သည့်နည်းဖြင့် ဖြေရှင်းကြမည်လဲ အတွေးပွားမိသည်။ ဒေသခံများအတွက် မည်သို့သော အသက်မွေး ၀မ်းကျောင်းမှု ပုံစံအသစ်များက အဆင်ပြေစေမည်လဲ စဉ်းစားမိသည်။
တောက်တဲ့တောင်ပေါ်မှ ပြန်ဆင်းလာသောအခါ စပါးခင်းစိမ်းစိမ်းနှင့် တောင်တန်းပြာ ညို့ညို့များအား အဝေးမှ မြင်ရစဉ်က ကြည်နူးမှုများ ပျောက်ကွယ်နေခဲ့သည်။ ခွန်အားကြီးမားလှသည့် ဆင်ကြီးပေါ်တွင် လိုက်ပါလာရပေသည့် အားအင်ကုန်ခန်း နေသကဲ့သို့ စိတ်နွမ်းနယ်နေခဲ့သည်။
ဘ၀တွင် ပထမဆုံး ဆင်စီးဖူးသည့် အတွေ့အကြုံ၊ အနောက်ရိုးမ၏ အရှေ့ဖျားဆုံး တောင်တန်းများပေါ်သို့ ပထမဆုံး ရောက်ခဲ့ဖူးသည့် အထိအတွေ့က တောင်တန်းကြီးတွေ ဘယ်လောက်မြင့်မြင့် သစ်ပင်ကြီးတွေ မဖုံးလွှမ်းတော့ ပါလားဟူသော အသိကို ပထမဆုံး ရရှိစေခဲ့သည်။
Credit To First-11
Read More »

၂၀၁၅ မှာကမည့် ဒီမိုကရေစီ ဇာတ်တော်ကြီး(Written by ဒေါက်တာခင်မောင်ညို )



အမျိုးသားဇာတ်ရုံတွင် ကပြဖျော်ဖြေခဲ့သည့် ရွှေမန်းတင်မောင် သဘင်သက်၊ အနုပညာသက် နှစ် (၈၀)မြောက် အထိမ်းအမှတ်ပွဲတွင် ရွဲကုန်သည်ပြဇာတ် ကပြဖျော်ဖြေနေစဉ်
"၂၀၁၁ က ဇာတ်လမ်းစခဲ့တယ်။ ဒီဇာတ်လမ်းကို အဓိက ဇာတ်ဆောင်တွေ ၂၀၁၅ မှာ ကဦးမှာလား"
အထက်စကားကို ကိုဘသစ်က မေးပါသည်။ "ခင်ဗျားဟာ တယ်ကဗျာဆန် နေပါလား ကိုဘသစ်"။ "ဟုတ်တယ် အမျိုးသားဇာတ်ရုံမှာ ရွှေမန်းတင်မောင်ရဲ့ သဘင်သက်၊ အနုပညာသက် အနှစ် ၈၀ မြောက် အထိမ်းအမှတ် အနေနဲ့ သူ့ရဲ့သားသမီး၊ မြေးမြစ်တွေ ပြုလုပ်တဲ့ ဇာတ်ပွဲကို ညလုံးပေါက်နီးပါး ကြည့်ခဲ့လို့ပဲ"။ "အလုပ်ပျက်၊ အကိုင်ပျက်ဗျာ"။ "ဟုတ်တယ်ဗျ၊ အရင်ခေတ်က ပွဲတွေဆိုရင် ညလုံးပေါက် ကရတယ်။ လူတွေကလည်း တစ်ညလုံး ကြည့်တာပဲ။ ကျွန်တော်ငယ်ငယ်က ဘီလူးကျွန်းမှာ နေတယ်။ ကျွန်တော့်အဘွားက ပွဲဝါသနာပါတယ်။ ဘယ်နေရာမှာ ပွဲဖြစ်ဖြစ် လိုက်ကြည့်တယ်" "ပဲခူးသနပ်ပင်က လူတွေလိုပေါ့ ဟုတ်လား"။ "ဟုတ်မယ်ထင်တယ်။ အဘွားက ပွဲကန်ထရိုက်လည်း ယူတယ်။ ကျွန်တော်တို့က ရုံပွဲတွေ သွင်းတာလည်း ရှိတယ်။ အမေပြောဖူးတယ်။ အဘိုးတို့ ရန်ကုန်မှာ ပွဲသွင်းတော့ ရုံအတွက် ရက်မရဘူး။ ဇာတ်ပွဲကိုလည်း စရန်ချပြီးသား ဖြစ်နေတယ်။ ဒီတော့ လမ်းမတော် လမ်းမကြီးကို ပိတ်ပြီးတော့ ပွဲကရတယ်။ အမေတို့က လမ်းပေါ်ခုံချ ကြိုးတားပြီး ဖျာရောင်းတယ်တဲ့။ စီစဉ်ပေးသူက လမ်းမတော် ဘိုးတုတ်လို့ ဆိုတယ်"
"အတော်ဆိုးတာပဲနော်။ လမ်းမတော် ဘိုးတုတ်ဆိုတာ လူမိုက်ပဲလေ။ လူမိုက်အားကိုးပြီး လုပ်ချင်တာလုပ်တဲ့ သဘောမျိုးပေါ့ ဟုတ်လား" "လုပ်လို့လည်း ရလို့ပေါ့။ ဒီလိုမျိုးဟာ မကောင်းပါဘူး။ ကျွန်တော်က ဖြစ်ခဲ့တာကို ပြောတာပါ။ အဲဒီခေတ်က လမ်းမတော်လမ်းဆိုတာ ညဘက်အသွားအလာ မရှိသလောက်ဘဲ။ ကျွန်တော်ဆိုရင် ၁၉၆၈ ခုနှစ်မှာ လေးဘီးကား (Mazada 360) တစ်စီး မဲပေါက်တယ်။ တစ်လ ၁၄၉ ကျပ်ပဲ သွင်းရတယ်။ ဒါပေမဲ့ ကားမမောင်းတတ်သေးဘူး။ ကျွန်တော့်ယောက်ဖ ကိုမြင့်သိန်းက ကားမောင်းသင်ပေးတယ်။ သူသင်တဲ့နေရာက သိမ်ကြီးဈေးပါ ညဘက်လူမရှိတဲ့ နေရာပေါ့။ တစ်ဆက်တည်း ပြောလိုတာက မြို့တွေမှာ ကားအသွား မများတဲ့ လမ်းတွေရှိတယ်။ အထူးသဖြင့် ညဘက်တွေမှာပေါ့။ အဲဒီလို နေရာတွေမှာ ညဈေးတွေ လုပ်ပေးလို့ရတယ်။ ခင်ဗျား စဉ်းစားကြည့်ဗျာ။ အခုတော့ လမ်းပေါ်မှာ လူတွေအရမ်းများတဲ့ ရုံးဆင်းချိန်တွေမှာမှ ပလက်ဖောင်းပေါ် ဈေးရောင်းခွင့်ပြုတယ်"။
"ညနေ ၃ နာရီကနေ ည ၈ နာရီထိပါ"။ "ဒီတော့ လူရော၊ ဈေးဆိုင်တွေပါ လမ်းပေါ်ရောက်လာတယ်။ ဒီအချိန်ဟာ ကားတွေများတဲ့ အချိန်ပေါ့။ ဒီလိုနဲ့ တစ်မြို့လုံး ကားကျပ်နေတာကို တွေ့ရပါမယ်။" "လမ်းတွေချဲ့ပေးပါတယ်"။ "ပလက်ဖောင်း ဈေးသည်တွေက ချဲ့တဲ့လမ်းပေါ် တက်ရောင်းနေတာပဲ"။
"အဆင်ပြေတာပေါ့ဗျာ။ ကျွန်တော်တို့ ပြောရင်းနဲ့ ဇာတ်ပွဲကနေ လမ်းပေါ်ရောက်ကုန်ပြီ" "ဟုတ်ပါတယ်။ လမ်းပိတ်ပြီး ဇာတ်ကတာ အမှတ်တရ ပြောချင်လို့ပါ။ ကမ္ဘောဒီးယား နိုင်ငံဆိုရင် သူ့ရဲ့ယဉ်ကျေးမှု အမွေကို ဇာတ်ပွဲလေးခင်းပြီး ပြတယ်။ သူတို့ပြတဲ့နေရာက မြို့တော်ခန်းမလို နေရာမှာ"
"သင်္ကြန်မှာ လမ်းတွေပိတ်ပြီး ရေမဏ္ဍပ်လုပ်တဲ့ နေရာလား"
"မဏ္ဍပ်တွေက လမ်းတွေကို မပိတ်ပါဘူး။ လူတွေကြောင့် ပိတ်တာပါ။ အဲဒီလို နေရာမှာ စနေညတိုင်း ရိုးရာကပွဲတွေကို ကတယ်။ တီဗွီကလည်း ပြတယ်။ တိုးရစ်တွေလည်း ကြည့်ကြတာပေါ့"
"အင်မတန် ကောင်းတာပဲ။ ကျွန်တော်ကြားဖူးတာကတော့ လန်ဒန်မှာ ပြဇာတ် (Play) ကပြတဲ့ ဇာတ်ရုံတွေ ရှိတယ်။ ညစဉ် ကသတဲ့။ ဥပမာ- အက်ဂါသာ ခရစ္စတီးရဲ့ Mouse Trap ဆိုရင် နှစ် ၅၀ ကျော် နေ့စဉ်ပြနေသတဲ့"
"ဟုတ်ပါတယ်။ စထရက်ဖို့ဒ် အပွန်အေဗွန်မှာရှိတဲ့ ရှိတ်စပီးယား ဇာတ်ရုံမှာ ရှိတ်စပီးယား ဇာတ်တွေကို ကနေတာ နှစ် ၅၀ ကျော် ၆၀ ရှိပြီပဲ"
"ကျွန်တော်တို့ဆီမှာ ဇာတ်ရုံကြီးတွေ ရှိတယ်။ အနုပညာလည်း ရှိတယ်။ ဒါတွေကို ပြည်သူတွေကို ချပြလို့ ရတယ်။ ကမ္ဘာကိုလည်း ချပြလို့ ရတာပဲ။"
ဇာတ်လမ်းလည်းကောင်း၊ ဇာတ်စီးသူလည်းကောင်း၊ ကပြသူ ဇာတ်ဆောင်တွေကလည်း ကောင်းရင် ဇာတ်ဟာ ကောင်းမှာပဲလို့ စဉ်းစားမိလို့ပါ။ ဒီမိုကရေစီ ဇာတ်တော်ကြီးအတွက် ဘယ်စင်မှာ ဘယ်လိုတင်ရမယ်။ ဘယ်ကကြိုးနဲ့ ပြည်သူတွေ မြတ်နိုးအောင် ကရမလဲ ဆိုတာကို . . . . .
"ဟုတ်ကဲ့ ဆရာညို၊ ဒုတိယ ကမ္ဘာစစ်ကြီးဖြစ်လို့ ရုပ်ရှင်၊ သဘင်စတဲ့ နယ်ပယ်တွေက အနုပညာသမားတွေ ဒုက္ခရောက်တယ်။ စစ်အပြီးမှာ သူတို့မှာ လုပ်ကိုင်စရာ မရှိဘူး။ ဖလင်တွေကလည်း ရှားတာပေါ့။ ဒီတော့ သူတို့ကို စုစည်းပြီး ၀င်းဝင်းရုံတို့ ကေသွယ်ရုံတို့မှာ ပြဇာတ်အဖြစ် တင်ဆက်တယ်"
"ဆရာဗိုလ်ကလေးတင့်အောင် ရွှေဒုံးဘီအောင်၊ ဦးချင်းစိန်စတဲ့ ပညာရှင်တွေ ပါတယ်လို့ ဆိုတယ်"
"ဒါကတော့ သမိုင်းကို ပြန်ရှာလို့ ရပါတယ်။ အများကြီးပါ။ ဂီတလုလင် မောင်ကိုကိုတို့၊ တက္ကသိုလ် မျိုးချစ်တို့၊ မေချစ်တို့လည်း ဒီလိုပြဇာတ်လောကမှာ ထင်ရှားခဲ့ပါတယ်"
"ပြဇာတ်ခေတ်က ဆယ်စုတစ်စု လောက်ပါပဲ။ ခဏလေးပဲ ကြာတယ်။ ကျွန်တော်တို့ ငယ်ငယ်ကတော့ လွတ်လပ်ရေးနေ့ မြေပဒေသာကျွန်းက ပြဇာတ်တွေကို မီတယ်။ ဒါပေမဲ့ နောက်ပိုင်းအငြိမ့်နဲ့ ဇာတ်သဘင်ပဲ ထွန်းကားတယ်"
"အငြိမ့်ကတော့ ညတစ်ဝက်ပေါ့လေ။ မြို့နေလူတန်းစားအတွက်ပဲ အဆင်ပြေတယ်။ တကယ်တော့ ခင်ဗျားပြောသလို ဇာတ်သဘင်တွေဟာ တစ်ညလုံးကပြတော့ လူတွေက တစ်ညလုံးကြည့်ရင် အလုပ်ပျက်၊ အကိုင်ပျက်တာပေါ့"
"ဟုတ်တယ်။ အလင်္ကာကျော်စွာ ဆရာစောင်းဦးဘသန်းက ပွဲကြိုက်ခင်ဆိုတဲ့ သီချင်းကို ရေးလိုက်တာ ယနေ့အထိ ကျော်ကြားနေတဲ့ သီချင်းဖြစ်လာတယ်။"
"တကယ်တော့ တောနယ်တွေမှာ တစ်နှစ်မှာ တစ်ခါလောက်ပဲ ဘုရားပွဲတွေ ဖြစ်တာ။ ပွဲကမယ်ဆိုရင် ရွာနီးချုပ်စပ်က လာကြည့်တယ်။ သူတို့က ညဘက်ပြန်လို့ အဆင်မပြေလို့ ဒါကြောင့်တစ်ညလုံး ဇာတ်ကရတယ်။ မိုးလင်းမှ ပြန်တာပေါ့။ ဒါပေမဲ့ နောက်ရက် အလုပ်ပျက်၊ အကိုင်ပျက်တာပေါ့။ ရေရှည်လည်း ပွဲကိုမကြည့်နိုင်ဘူးပေါ့"
"အလင်္ကာကျော်စွာ ရွှေမန်းတင်မောင်ကလည်း ဒီလိုအကြောင်းတွေကြောင့် ည၀က်စနစ် သဘင်ဓလေ့ကို တီထွင်ပါသေးတယ်။ ဒါပေမဲ့ လူတွေအားလုံးက mind set ဖြစ်နေကြတာကိုး"
"အင်း လူဆိုတာ အင်မတန် ခက်တယ်။ ဒါပေမဲ့ ဇာတ်သဘင်တွေ၊ အငြိမ့်တွေက အခုအခါ အတော်လေးကို အားနည်းကုန်ပြီ"
"များသောအားဖြင့် တီဗွီဖန်သားပြင်ပေါ်တွေ ရောက်ကုန်တယ်။ ဒါပေမဲ့ အစစ်အမှန်ကို ကြည့်ချင်သူတွေလည်း အများအပြား ကျန်ပါသေးတယ်။ ဒီအတွက် ဆွေးနွေးပွဲတွေ လုပ်ဖို့လိုတယ်။ ဖျော်ဖြေရေးဟာ အရေးပါမှန်း အားလုံးသိကြပါတယ်။ တစ်ဖက်ကလည်း ရိုးရာအမွေအနှစ်ကို ထိန်းထားဖို့ လိုတယ်။"
"ဟုတ်ပါတယ်၊ ပွင့်လင်းရာသီရောက်ရင် အငြိမ့်တွေ၊ ဇာတ်ပွဲတွေကို မဟာဗန္ဓုလ ပန်းခြံရှေ့၊ မြို့တော်ခန်းမရှေ့မှာ အပတ်စဉ် တင်ဆက်တာမျိုးလုပ်ရင် အဆင်ပြေနိုင်တာပေါ့"
"ဘယ်သူက ပိုက်ဆံပေးမှာလဲ၊"
"တီဗွီရိုက်လို့ ရတယ်။ တိုက်ရိုက်အသံလွှင့်ရင် ကြော်ငြာတွေက ရမှာပေါ့။ တကယ်တော့ ဒီလိုတိုးတက်တဲ့ ခေတ်ကြီးမှာ Night Life ဆိုတာ အရေးကြီးတယ်။ ကျွန်တော်တို့လို တိုင်းပြည်မှာဆိုရင် ရာသီဥတုဟာလည်း ညဘက်ကျမှ ပိုပြီးနေလို့ထိုင်လို့ ကောင်းတယ်။ နေမပူဘူး။ အေးလာတာပေါ့။"
"ပုဂံတို့ မန္တလေးတို့မှာလည်း လုပ်လို့ရတယ်။ နောက်ပြီး ဇာတ်ရုံတွေမှာလည်း နှစ်နာရီစာလောက် ပွဲတွေအမြဲ ကလို့ရအောင် စီစဉ်ထားသင့်တာပဲ"
"ဒါဆိုရင် သဘင်အငြိမ့်စတဲ့ အနုပညာနဲ့ လုပ်ကိုင်စားသောက်တဲ့သူတွေ အဆင်ပြေမှာပေါ့"
"ဟုတ်တယ်။ အဓိကကတော့ ပြည်သူနဲ့ နိုင်ငံတော်ပါပဲ။ ပြည်သူတွေ အနားယူ အပန်းဖြေဖို့ နေရာတွေ ရှိလာတယ်။ တိုးရစ်တွေက သတင်းစကားတွေ ပါးမယ်။ ပိုပြီးဝင်လာတဲ့အခါ နိုင်ငံကလည်း ပိုက်ဆံရမှာပေါ့"
"ဟုတ်တယ်။ ထိုင်းကဒီလိုပဲ လုပ်ကိုင်စားသောက်နေကြတာပဲ မဟုတ်လား။ စင်ကာပူဆိုရင် Tourist Attraction တွေလုပ်ပြီး ငွေတွေသဲ့ယူ နေတာပဲ"
"ထိုင်းက ဇင်းမယ်မှာဆိုရင် ဘာမှမရှိတဲ့ ကျုံးသေးသေးလေးဟာလည်း Tourist Attraction ပါပဲ"
"ကျွန်တော်တို့ဆီ လုပ်စရာ ကိုင်စရာတွေ အများကြီး ရှိသေးတယ်။"
"ဒါနဲ့ စကားမစပ် ခင်ဗျားက ကျွန်တော့်ကို ၂၀၁၁ ဇာတ်လမ်း စခဲ့တယ်။ ဒီဇာတ်လမ်းကို အဓိက ဇာတ်ဆောင်တွေ ၂၀၁၅ မှာ ကဦးမှာလားလို့ ဘာလို့မေးတာလဲ"
"ဇာတ်လမ်းလည်းကောင်း၊ ဇာတ်စီးသူလည်းကောင်း၊ ကပြသူ ဇာတ်ဆောင်တွေကလည်း ကောင်းရင် ဇာတ်ဟာ ကောင်းမှာပဲလို့ စဉ်းစားမိလို့ပါ။ ဒီမိုကရေစီ ဇာတ်တော်ကြီးအတွက် ဘယ်စင်မှာ ဘယ်လိုတင်ရမယ်။ ဘယ်ကကြိုးနဲ့ ပြည်သူတွေ မြတ်နိုးအောင် ကရမလဲ ဆိုတာကို သိချင်လို့ပါ"
"သြော်၊ တကယ့်အနုပညာ ချစ်မြတ်နိုးတဲ့ ကိုဘသစ်ပါပဲ။ ဒါနဲ့ ရွှေမန်းတင်မောင်ရဲ့ ဘယ်ဇာတ်ကို အကြိုက်ဆုံးလဲ"
"ရွဲကုန်သည်ပေါ့ဗျာ"
"ပေး...ပေး...ပေး...၊ မပေး ပေးပေးပေး ငါ့ရွှေခွက်ပေး"
Credit To First-11
Read More »

မြန်မာနိုင်ငံတွင် ငွေသုံးစွဲနေသော လုပ်ငန်း၊ ဘတ်ဂျက်များနှင့် ရည်မှန်းချက်များ (၂၀၁၃)


အကြမ်းဖျင်းလေ့လာရန် ဖြစ်သည်။ ၂၀၁၃ တွင် Hot Topic အဖြစ် ပေါ်ပင်၊ ခွင်လုပ်ငန်း လုပ်သူများသည် အစိုးရပေါ်လစီ ချမှတ်ထားသော ကဏ္ဍများတွင် ပြေးလွှားလုပ်ကိုင်လေ့ ရှိကြသည်။ ထားဝယ်ရေနက်ဆိပ်ကမ်း ဘတ်ဂျက်ခေတ်စားစဉ်က တဝုန်းဝုန်းနှင့် ထားဝယ်သို့ ခရီးသွား၊ မြေယာဝယ်၊ ကောက်ရိုးမီး ပြေးကြည့်သည်။ ကာလီဖိုးနီးယား ရွှေတူးဖော်ခရီး၊ ကချင်ပြည်၊ ဖားကန့် ကျောက်စိမ်း ခရီးကဲ့သို့ စီးပွားရေး လုပ်ကိုင်မရသောအခါ မြေယာများကို လိုက်ဝယ်/ရောင်းလုပ်ရင်း ဒေသခံများ အချောင်စိတ်ကြီးဝင် သွားကြသည်။ နယူးယောက်၊ ဥရောပ၊ ဂျပန်ထက်ပင် ဈေးကြီးအော်ဟစ်၊ စိတ်ကြီးဝင်ပြီး ကျန်နေရစ်သည်။ ယခုတော့ အစိုးရက စီမံကိန်း ရင်းနှီးမည့်သူ မရှိသောကြောင့် နှောင့်နှေးသွားသည်။

အစိုးရ ဦးစားမှုအရ ဖြစ်ပေါ်လာသော (ပေါ်ပင်) လုပ်ငန်းများမှာ -
- အိမ်၊ ခြံ၊ မြေ
(အိမ်မြေဈေးကြီးမှုမှာ အစိုးရ ဘုမသိ၊ ဘမသိ ဖြစ်နေစဉ် ခရိုနီများ ဖန်တီးသွားခြင်း ဖြစ်သည်။ အိမ်မြေ၊ စက်မှုကွက်သစ်များ ဖော်ထုတ်ရန် အစိုးရကလည်း မလုပ်နိုင်၊ နိုင်ငံခြားကုမ္ပဏီများကိုလည်း ကန်ထရိုက်မပေးနိုင်၊ အားလုံး ခရိုနီနှင့် ကိုယ်ကျိုးဝါဒီများ ဖြစ်နေသောကြောင့် သန့်ရှင်းအစိုးရ အတွက် အလွန်ခက်ခဲသော ကာလဖြစ်သည်)။
- နိုင်ငံခြားရင်းနှီးမြှုပ်နှံမှု
- ဆက်သွယ်ရေး (ဖုန်းနှင့် အင်တာနက်)
- ဘဏ်လုပ်ငန်း
- အရောင်းအဝယ် (Trading)
- နိုင်ငံတကာဆက်ဆံရေး (Gov & Large Company, NGO..etc)
- ခရီးသွားလုပ်ငန်း (ဟိုတယ်နှင့် ကမ္ဘာလှည့်ခရီးသည်)
- ပတ်ဝန်းကျင်ထိန်းသိမ်းရေး
- ပညာရေး၊ (အစိုးရကျောင်းများ၊ ပုဂ္ဂလိကကျောင်း အကြီးအသေးများ၊ ဥပမာ - ILBC, SR International, Heart Land ...)
- ကျန်းမာရေး (အစိုးရဆေးရုံ၊ ဆေးပေးခန်းများ၊ ပုဂ္ဂလိကဆေးရုံများ ဝိတိုရိယ၊ အာရှတော်ဝင်၊ ...) တို့ဖြစ်သည်။

အောက်ဖော်ပြပါ ပြည်သူ့လွှတ်တော်မှ အချက်အလက်များကို သက်ဆိုင်ရာ ကဏ္ဍအသီးသီးတွင် မှန်ကန်စွာ စီးပွားရေးလုပ်ငန်း လုပ်လိုသူများအတွက် Download လုပ်ကြည့်ရန် ရည်ရွယ်ပါသည်။ သူများမလုပ်သော အလုပ်ကိုလုပ်မှ ရေရှည်အကျိုးရှိမည်။ အကျိုးဆောင်လုပ်ငန်းတွင် လူများ စုပုံတိုးနေကြသည်။ လယ်ယာနှင့်စက်မှုတွင် မလုပ်လိုကြ။ နည်းပညာနှင့် ရင်းနှီးမှုကြီးပြီး ရေတိုအမြတ်မရှိ။ ပညာရေးနှင့် ကျန်းမာရေး၊ ရပ်ရွာမြို့ပြစည်ပင် စီမံကိန်းများတွင် လူများကျပ်နေအောင် လုယက်လုပ်ကိုင်နေကြသည်။ ရေတို၊ ချက်ချင်းငွေရသော ကျူရှင်နှင့် ဆေးခန်းလုပ်ငန်း များအတွက် ပညာရေး၊ ကျန်းမာရေးဝန်ထမ်းများ အကျင့်ပျက်ရတော့သည်။

ပညာရေးနှင့် ကျန်းမာရေးမှာ ကုသိုလ်လည်းရ၊ ကုသိုလ်လည်းရ .. နှစ်ခါကုသိုလ်ရသည်။ ဝမ်းမဝသောကြောင့် ဝန်ထမ်းများ ကျူရှင်နှင့်ဆေးခန်း မလုပ်မဖြစ် လုပ်ရတော့သည်။ ထိုကဏ္ဍနှစ်ခုတွင် လုပ်စားနိုင်ခွင့်ရှိသူ (လက်မှတ်ထိုးပေးသူ) သည် တစ်ယောက်တလေသည် ငါးခုံးမတစ်ကောင်ကဲ့သို့ အကြီးအကျယ် အကျင့်ပျက်တော့သည်။ ကျန်းမာရေး ဘတ်ဂျက်များ ချပေးလိုက်ရာ နှစ်လအတွင်း အပြီးသုံးရမည်၊ မသုံးလျှင် နောက်နှစ်မပေးတော့...ဟု ငွေချပေးလိုက်သောအခါ ဆရာဝန်ကြီးက အကျိုးဆောင်ကုမ္ပဏီကို ပြေးကပ်ရတော့သည်။ ဆရာဝန်ကြီးက ဘတ်ဂျက်ကို မသုံးတတ်ပါ။

သိန်း ၁၀၀၀ ဘတ်ဂျက်ကို နှစ်လအတွင်း အမြန်ဆုံး၊ အကျိုးအရှိဆုံးသုံးရန် နိုင်ငံခြားမှ လူနာခုတင်များကို ဝယ်ယူဖို့ ဖြစ်လာသည်။ ပစ္စည်းကို ပြနိုင်မှသာ နိုင်ငံတော်စာရင်းစစ်များ လာစစ်သောအခါ အိုကေမည်။ သည်တော့ စင်ကာပူမှ Quotation $3000 per bed ရယူထားပြီး ဆေးရုံဂိုဒေါင်တွင် နိုင်ငံခြားဖြစ်ခုတင် ၁၀ လုံးခန့် တင်ထားသည်။ P.O, LC documents များကို အကျိုးဆောင်က လုပ်ပေးသည်။ နောက်သုံးလကြာလျှင် ပစ္စည်းအားလုံးရောက်မည်။ ကျပ် သိန်း ၂၀၀၀ နှင့် ညီမျှသော ဒေါ်လာငွေကို နိုင်ငံခြားကုမ္ပဏီထံသို့ TT ဖြင့် အပြည့်ပေးပြီးကြောင်း ဘဏ်စာရွက် စာတမ်းများကို စာရင်းစစ်ကိုပြရန် အမှန်အကန် လုပ်ထားသည်။

မုံရွာစက်မှုဇုန်သို့ ရောက်ရှိပြီး သံရည်ကျို၊ ရေပန့်လုပ်ငန်းရှင် ဦးစံအောင်တို့နှင့် သူတို့လုပ်ငန်းကို လေ့လာစဉ်က “လူနာခုတင် နိုင်ငံခြားမှာ ဒေါ်လာငါးထောင် ပေးရတယ်ဆိုတာ ကျွန်တော်ဆေးရုံမှာ သေချာလေ့လာကြည့်တယ်။ အဲဒီပုံအတိုင်း၊ အဲဒီဖန်ရှင်အတိုင်း တစ်ပုံစံတည်းလုပ်တာ ကျပ်သုံးသိန်း တောင်မကုန်ဘူး။ အနောက်မြောက်တိုင်း စက်မှုပြပွဲမှာ သေသေချာချာ ခင်းကျင်းပြသထားတယ်။ တိုင်းမှူး၊ ဗျူဟာမှူးနဲ့ လူကြီးတွေ မေးလာရင် ရှင်းပြမလို့ အားခဲထားတယ်။ ဒီလူကြီးတွေက ဖိုးဝရုပ်လုပ်တဲ့ အရုပ်ကြီးကိုပဲ စိတ်ဝင်စားစွာ မေးမြန်း၊ ရယ်မောနေတယ်ဗျာ... ကျွန်တော်တို့လို စက်မှုလုပ်ငန်းကို သူတို့ နားမလည်လို့လားမသိ၊ သူတို့အတွက် အကျိုးမရှိလို့လားမသိ ... ဂရုကိုမစိုက်ဘူး” ဟု ပြောပြခဲ့ပါသည်။

အောက်ဖော်ပြပါ လွှတ်တော်ကိုယ်စားလှယ် ဒေါ်ဝင်းမော်ထွန်း (ရေနံချောင်း၊ Founder of Star မော်တော်ဆိုင်ကယ်စက်ရုံ) လူကြီးများက လွှတ်တော်တွင် စက်မှုလက်မှု အခြေအနေကို တင်ပြရန် ၂၀၁၃ ခုနှစ် ဇန်နဝါရီလက စာတမ်းရေးသား၊ ဖတ်ကြားစေသောအခါ အောက်မှာထိုင်နေသူ ကိုယ်စားလှယ်များက သူတို့နားမလည်လို့လားမသိ၊ သူတို့အတွက် အကျိုးမရှိလို့လားမသိ ... မေးမြန်းသူ မရှိပါ။

စက်မှုလုပ်ငန်းသာလျှင် ကမ္ဘာနှင့်ယှဉ်ရေးအတွက် ရေရှည်လုပ်ငန်း ဖြစ်သည်။ စက်မှုလုပ်ငန်းအတွက် လျှပ်စစ်၊ ပို့ဆောင်ရေး၊ ဆက်သွယ်ရေး လုပ်ငန်းများကို အစိုးရက ဈေးနှုန်းချိုအောင် လုပ်ပေးရမည်။ စက်မှုလုပ်ငန်းများ SME အသေး၊ အလတ်စားများအတွက် မြေ၊ နေရာ ဈေးနှုန်း သက်သာစေရန် အစိုးရတွင် တာဝန်ရှိသည်။ အထက်ပါ လုပ်ငန်းများ ပေါ်လစီများ၊ စာရွက်ပေါ်တွင်ရှိနေပြီး ဖြစ်သည်။ ၇၅ ရာခိုင်နှုန်း အောင်မြင်ရန် လူတော်၊ လူကောင်းများဖြင့် ဖွဲ့စည်းထားသည့် အစိုးရမှ ဖြစ်မည်။

ကဏ္ဍ ၁၄ ခု ရည်မှန်းချက်များ
- လယ်ယာကဏ္ဍ (သီးနှံ၊ မြေယာ၊ ဓာတ်မြေသြဇာ၊ ရေ)
- သားငါး
- သစ်တော
- စွမ်းအင် (ရေနံစိမ်း၊ သဘာဝဓာတ်ငွေ့ )
- သတ္တုတွင်းထွက်
- စက်မှုလက်မှု
- လျှပ်စစ်
- ဆောက်လုပ်ရေး
- ပို့ဆောင်ရေး
- ဆက်သွယ်ရေး
- ငွေရေးကြေးရေး
- လူမှုရေးနှင့် စီမံခန့်ခွဲရေး
- ငှားရမ်းခနှင့် ဝန်ဆောင်မှုများ
- ကုန်သွယ်ရေး
- ဘတ်ဂျက်ကိန်းဂဏန်းများ၊ စုစုပေါင်း ဂျီဒီပီ ကျပ်ငွေ ၄၉၆၃၂၄၃၀ ဒသမ ၉ ကို ခွဲဝေသုံးစွဲမှု
- အများဆုံး လယ်ယာကဏ္ဍ ၂၄ ဒသမ ၈ ရာခိုင်နှုန်း၊ ၂၀၁၃ တွင် ၂ ဒသမ ၈ ရာခိုင်နှုန်း တိုးတက်ရန်
- ဒုတိယအများဆုံး စက်မှုလက်မှု ၂၁ ဒသမ ၂ ရာခိုင်နှုန်း၊ ၂၀၁၃ တွင် ၉ ဒသမ ၄ ရာခိုင်နှုန်း တိုးတက်ရန်
- တတိယ အများဆုံးမှာ ကုန်သွယ်ရေးကဏ္ဍ Trading ၁၉ ဒသမ ၆ ရာခိုင်နှုန်း ရှိသည်။ ၆ ဒသမ ၂ ရာခိုင်နှုန်း တိုးတက်ရန် ရှိသည်။
- ငွေကြေးလုပ်ငန်း ၀ ဒသမ ၁ ရာခိုင်နှုန်းသာ ရှိသော်လည်း ၉၂ ဒသမ ၇ ရာခိုင်နှုန်း တိုးတက်ရန်မှန်း
- ဆက်သွယ်ရေးကဏ္ဍ ၂ ဒသမ ၁ ရာခိုင်နှုန်း၊ ၅၇ ဒသမ ၂ ရာခိုင်နှုန်း တိုးတက်ရန်မှန်း
- ဆောက်လုပ်ရေးကဏ္ဍ ၄ ဒသမ ၅ ရာခိုင်နှုန်းသာရှိ၊ ၂၂ ဒသမ ၂ ရာခိုင်နှုန်း တိုးတက်ရင်းနှီးရန်
- သတ္တုတွင်းကဏ္ဍ ၀ ဒသမ ၇ ရာခိုင်နှုန်း တန်ဖိုးနည်းသော်လည်း ၁၉ ဒသမ ၅ ရာခိုင်နှုန်း တိုးတက်ရင်းနှီးရန်
- လူမှုစီမံ (ပညာရေး၊ ကျန်းမာရေး) ၂ ဒသမ ၀ ရာခိုင်နှုန်းသာ ရှိသည်။ ၂၇ ဒသမ ၈ ရာခိုင်နှုန်း တိုးတက်သုံးစွဲရန်
- မြန်မာနိုင်ငံ စက်မှုလက်မှု လုပ်ငန်းများကို သုံးသပ်သော Short & Precised report ဖြစ်သည်။
- သမိုင်းနောက်ခံနှင့် ယနေ့ခေတ်ကာလ
- အကောင်အထည်ဖော် အဖွဲ့အစည်းများ (ရင်းနှီးကော်မရှင်၊ တိုးတက်ရေးကော်မတီများ၊ စက်မှုဝန်ကြီးဌာန...)
- UMFCCI, MIA ပုဂ္ဂလိက အဖွဲ့များ
- မူဝါဒ၊ ကြုံတွေ့ရသည့် စိန်ခေါ်မှုများ
- ပြန်လည် ဆန်းစစ်သင့်သည့် အချက်များ (တစ်မျက်နှာ)
- ခြုံငုံတင်ပြချက် (လုပ်ပိုင်ခွင့်နှင့်မြေ/အဆောက်အအုံ)..စသည်တို့ တစ်မျက်နှာခွဲ
- တင်ပြသူ (ဒေါ်ဝင်းမော်ထွန်း၊ လွှတ်တော်ကိုယ်စားလှယ်၊ ပထမဆုံး မြန်မာပြည်တွင် မော်တော်ဆိုင်ကယ်စက်ရုံ တည်ခဲ့သူ)
- ဥပဒေမရှိလျှင်၊ ရှိပြီး ဥပဒေစိုးမိုးမှုရမှသာ ပြည်သူများ၊ အသေး၊ အကြီး လုပ်ငန်းရှင်များ၊ ရင်းနှီးမြှုပ်နှံသူများ အဆင်ပြေမည် ဖြစ်သည်။

ခြစားမှု များလွန်းနေချိန်တွင် အနစ်နာခံမည့် လူကောင်းများစွာ လိုအပ်နေပါသည်။

ယခု အချက်လက်များတွင် စစ်အသုံးစရိတ် ၂၂ ရာခိုင်နှုန်း မပါသေးပါ။ Facts Data သည် ကဏ္ဍအသီးသီးတွင် အလွန်အရေးကြီးပါသည်။ နိုင်ငံတော်အစိုးရသည် အချက်အလက်များကို စာရင်းမှန်ကောက်ယူ၊ ဖော်ထုတ်ပေးရန် ဖြစ်သည်။ အထက်ပါစာရင်းသည် အမှားဖြစ်သည်ဟု မကြည့်လိုလျှင်၊ အမှားကိုမြင်မှ အမှန်ကိုပြင်နိုင်မည် ဖြစ်သည်..ဆိုစကားကို သတိရရန်ဖြစ်၏။ GDP ခန့်မှန်းချက်မှာ ကျပ်သန်းပေါင်း ၄၅,၇၇၉,၁၇၉ ဒသမ ၈ (US$1=K800, US$57 billion) ဖြစ်သောကြောင့် ကမ္ဘာ့ ငွေကြေး၊ အမေရိကန်စီအိုင်အေ မှန်းချက်နှင့် သိပ်မကွာလှပါ။ အတော်အသင့် မှန်သည်ဟု ယူဆပါသည်။ စာရင်းမှားကြီးကို ကြည့်ပြီး သိလျက်နှင့် လက်မှတ်ထိုးပေးနေသော စိတ်ရင်းကောင်းရှိသော မြန်မာ့ဌာနဆိုင်ရာ လူကြီးများအတွက်လည်း ဝမ်းနည်းပါသည်။

ဒီမြေကွက် သိန်း ၁၀၀ တန်ဖိုးရှိပါက တစ်နှစ်လျှင် ငှားရမ်းခ ၄ ရာခိုင်နှုန်း အနည်းဆုံးရမှ တန်ဖိုးမှန် ဖြစ်သည်။ အိမ်ကို တစ်နှစ် ၄ ရာခိုင်နှုန်း ငှားမည့်လူမရှိဘဲ သိန်းတစ်ထောင်၊ သိန်း ၅၀၀၀ အော်ဟစ်နေသူများမှာ စိတ်ကြီးဝင်နေသူများ ဖြစ်သည်။ ပါမစ်ရထားသော ဓာတ်ဆီကို တစ်ဂါလန် ကျပ်၂၀၀၀ ဖြင့် ပြည်ပမှောင်ခိုဝယ်ယူပြီး ပြည်တွင်းတွင် တစ်ဂါလန်ကျပ် ၄၀၀၀ နှစ်ဆ ပုန်းလျှိုးကွယ်လျှိုး လုပ်ရောင်းနေသရွေ့ ဝန်ထမ်းများနှင့် အာဏာပိုင်များအတွက် ခွင့်ပြုရလဲခက်၊ မတောင်းမဖြစ်၊ လာဘ်တောင်းရသော အခြေအနေ ဖြစ်နေပါသည်။ ဖြေရှင်းနိုင်ပါစေ။

(ဇော်အောင်)

Credit To The Voice Weekly
Read More »

အရုဏ်ဦးလွတ်လပ်ရေး (၁၁)


(နေသန်မောင်)

သခင်အောင်ဆန်း ၁၉၃၈ ခုနှစ်သည့် မြန်မာ့ နိုင်ငံရေးသမိုင်း၌ ကြီးမားသော အပြောင်းအလဲကြီးများ ပေါ်ထွက်ခဲ့သည့်နှစ် ဖြစ်သလို အမျိုးသားရေး လှုပ်ရှားမှုအရ နိုင်ငံရေး ဒီရေအမြင့်မားဆုံး တက်ခဲ့သော ကာလလည်း ဖြစ်သည်။

ထိုကာလအတွင်း ကျောင်းသား လူငယ်များအကြား ပြင်ပမှ ဆိုရှယ်လစ်ဝါဒနှင့် မာ့စ်ခ်အတွေးအခေါ်များ စူးစူးနစ်နစ် ဝင်ရောက် အမြစ်တွယ်ခဲ့သလို နိုင်ငံရေး အုပ်စုများအကြား ဂိုဏ်းဂဏဝါဒနှင့် မနာလို မုန်းတီးမှုများ စတင်ကြီးထွားလာချိန်လည်း ဖြစ်သည်။

ဒုတိယကျောင်းသားသပိတ် စုံစမ်းရေး ကော်မရှင်သည် လုပ်ငန်းများ ပြီးဆုံး၍ ဒေါက်တာဘမော် ဦးဆောင်သော အစိုးရအဖွဲ့က ဥပဒေပြုလွှတ်တော်၌ ဥပဒေကြမ်း တင်သွင်းရန် ပြင်ဆင်ကြသည်။ တက္ကသိုလ် ကျောင်းသားများက အဆိုပါ ဥပဒေကြမ်းနှင့် ပတ်သက်ပြီး ဝမ်းသာနေကြချိန် မော်လဝီ ဦးရွှေဖီ ရေးသားသော ‘မော်လဝီနှင့် ယောဂီ’ စာအုပ်ကို အကြောင်းပြုကာ ၁၉၃၈ခုနှစ် ဇူလိုင် ၂၆ ရက်နေ့တွင် ရန်ကုန်မြို့အနှံ့ ကုလား-ဗမာ အဓိကရုဏ်းများ ပေါ်ပေါက်လာတော့သည်။

ရေနံမြေ အလုပ်သမားများက ဘီအိုစီ ရေနံကုမ္ပဏီကို ဆန္ဒပြသော အလုပ်သမားသပိတ်များ ပေါ်ပေါက်နေချိန် ညွန့်ပေါင်းအစိုးရသည် ပြည်သူ လူထု အာရုံပြောင်းစေရန်အတွက် ဘာသာရေး အဓိကရုဏ်းကို ရည်ရွယ်ချက် ရှိရှိ ဖန်တီးသည်ဟု တို့ဗမာအစည်းအရုံးဝင် သခင်များက ယူဆကြသည်။ ထိုအချိန်၌ သခင်များသည် နိုင်ငံအလယ်ပိုင်းရှိ ရေနံမြေ အလုပ်သမား အရေးကို ထဲထဲဝင်ဝင် ပါဝင်ပတ်သက်နေချိန်လည်း ဖြစ်သည်။

ကုလား-ဗမာ အဓိကရုဏ်းကြောင့် ဒေါက်တာဘမော်၏ ညွန့်ပေါင်းအစိုးရမှာ လူကြိုက်နည်းလာသည်။ ထိုညွန့်ပေါင်းအစိုးရ ပြုတ်ကျရန်အတွက် ကိုအောင်ဆန်းသည် နဂါးနီစာပေရှိ ကိုနု၊ ကိုဗဟိန်း၊ ကိုလှရွှေနှင့် သမဂ္ဂ ကျောင်းသားခေါင်းဆောင်များကို တွေ့ဆုံပြီး ဒေါက်တာဘမော် အစိုးရ ပြုတ်ကျစေရန် တင်သွင်းရန်ရှိသော တက္ကသိုလ် ဥပဒေကြမ်းကို ကန့်ကွက်ဖို့ အဆိုပြုသည်။

ညွန့်ပေါင်းအစိုးရ ပြုတ်ကျနိုင်ခြေရှိသည့်အပေါ် ကိုအောင်ဆန်းက ဤသို့ယူဆခဲ့သည်။

“ဒေါက်တာဘမော်အစိုးရဟာ အခုတစ်ရက်နှစ်ရက်အတွင်း တက္ကသိုလ် အက်ဥပဒေကြမ်းကို လွှတ်တော်မှာ တင်တော့မယ်။ အဲဒီ ဥပဒေကြမ်းကို အလိုမရှိဘူး၊ လွှတ်တော်အမတ်တွေ ဝိုင်းပြီး ကန့်ကွက်ကြပါလို့ လှုံ့ဆော်ပေးမယ်။ အလိုမရှိဘူးလို့ ကန့်ကွက်နေတဲ့ကြားက ဒီဥပဒေကြမ်းကို လွှတ်တော်မှာ ဇွတ်တင်ရင် ဒီအစိုးရဟာ ပြုတ်ကျသွားစရာ အကြောင်းရှိတယ်”
နောက်တစ်နေ့၌ ကိုအောင်ဆန်း ဦးဆောင်သော တကသနှင့် ဗကသ အလုပ်အမှုဆောင်အဖွဲ့သည် တက္ကသိုလ် အက်ဥပဒေကြမ်းကို ကန့်ကွက်ကြောင်း ကြေညာချက်များကို ဥပဒေပြုလွှတ်တော် အတွင်း ဝေငှသည်။ ထိုအခါ ဒေါက်တာဘမော်အစိုးရက ဥပဒေကြမ်း တင်သွင်းမည့်ကိစ္စကို အချိန်ဆွဲလိုက်သည်။

ကိုအောင်ဆန်းတို့၏ ကြေညာချက်ကြောင့် တက္ကသိုလ် ကျောင်းသားများ သည် ဒေါသတကြီးဖြစ်ကာ တက္ကသိုလ်သမဂ္ဂ သင်းလုံးကျွတ် အစည်းအဝေး ခေါ်ယူပေးရန်နှင့် အလုပ်အမှုဆောင် တစ်ဖွဲ့လုံးကို အယုံအကြည်မရှိ အဆိုတင်သွင်းပြီး ဖြုတ်ချဖို့ တောင်းဆိုကြတော့သည်။

တက္ကသိုလ် ကျောင်းသားများသည် ၁၉၃၆ သပိတ်ရလဒ်ကြောင့် ပေါ်ပေါက် လာမည့် တက္ကသိုလ် အက်ဥပဒေကြမ်းကို ကျောင်းသား ခေါင်းဆောင်များက ကန့်ကွက်ကြသဖြင့် အတော်ပင် မကျေမနပ်ဖြစ်ကာ ကျောင်းသားထု အစည်းအဝေးကို ထိုနေ့ည၌ပင် ခေါ်ယူကြသည်။ ကိုအောင်ဆန်းသည် ကိုနုထံသွားပြီး အကျိုးအကြောင်း ပြောပြကာ သမဂ္ဂ၌ အက်ဥပဒေကြမ်းကို အဘယ့်ကြောင့် ကန့်ကွက်ရကြောင်း ရှင်းလင်းပေးရန် အကူအညီ တောင်းခံသည်။ ၁၉၃၆ သပိတ်ခေါင်းဆောင်များ ဖြစ်သည့် ကိုနု၊ ကိုအောင်ဆန်း နှင့် ကိုရာရှစ်တို့ ဖြစ်သည့်အပြင် ကျောင်းသားထုအပေါ် ကိုနု၏ သြဇာတစ်စုံတစ်ရာ ရှိမည်ဟု ကိုအောင်ဆန်းက ယူဆပုံရသည်။

အစည်းအဝေး ဖွင့်လှစ်ကြောင်း ဥက္ကဋ္ဌ ကိုအောင်ဆန်းက ကြေညာ လိုက်သည်နှင့် ဥက္ကဋ္ဌဟောင်းကိုနုသည် ဒေါက်တာဘမော် တင်သွင်းရန်ရှိသော တက္ကသိုလ် အက်ဥပဒေကြမ်းကို အဘယ့်ကြောင့် ကန့်ကွက်ရကြောင်း အသေးစိတ် ရှင်းလင်းလေသည်။ ဒေါက်တာဘမော် အစိုးရသည် တက္ကသိုလ် အက်ဥပဒေကြမ်းအား သူ၏အစိုးရလက်ထက်တွင် အတည်ပြုနိုင်ရေး အကြီးအကျယ် မျှော်လင့်ထားခဲ့သည်။

တက္ကသိုလ် အက်ဥပဒေကြမ်းနှင့် နယ်ချဲ့ဆန့်ကျင်ရေး လမ်းကြောင်းနှစ်ခုအနက် အစိုးရသည် တက္ကသိုလ် အက်ဥပဒေကြမ်းကို မဖြစ်ဖြစ်သည့် နည်းဖြင့် အတည်ပြုရေး ကြိုးပမ်းမည် ဖြစ်သဖြင့် ပရိယာယ်သုံးကာ ကန့်ကွက်ရကြောင်း ကိုနုက ရှင်းလင်းသည်။ ကိုနု၏ ရှင်းလင်းတင်ပြချက်အပြီး ကျောင်းသားထုသည် ဥပဒေကြမ်းကို သမဂ္ဂက ကန့်ကွက်ရခြင်းအကြောင်း လက်ခံလိုက်ကြတော့သည်။

ကိုအောင်ဆန်းသည် နိုင်ငံရေးလောက အတွင်းသို့ ခြေစုံပစ် ဝင်တော့မည်ဟု နတ်မောက်ရှိ မိခင်ဒေါ်စုထံ အကြောင်းကြားလိုက်သည်။ အစ်ကိုဖြစ်သူ ကိုအောင်သန်းထံမှ လစဉ်ထောက်ပံ့ကြေးကိုလည်း မယူတော့ဘဲ ဖြစ်သလို နေထိုင်သည်။ တက္ကသိုလ်သမဂ္ဂ ဥက္ကဋ္ဌ ကိုအောင်ဆန်း၏ ပုံရိပ်လွှာကို စာရေးဆရာ ဒဂုန်တာရာက ဤသို့ ရေးဖွဲ့ခဲ့သည်။

“သူ၏ မျက်နှာထားသည် သုန်မှုန်၏။ တစ်ခါတွေ့ဖူးသောသူကို နောက် တစ်ခါတွေ့လျှင် နှုတ်ဆက်ချင်မှ နှုတ်ဆက်၏။ သူ့ကို သိသူက ပြုံးပြသော်လည်း သူသည် တုံ့ပြန်၍ ပြုံးချင်မှပြုံး၏။ ဥက္ကဋ္ဌ ဖြစ်သဖြင့် သူ့ကိုကား ကျောင်းသားတိုင်းက သိကြ၏။ သူကလည်း အစဉ်လိုလို နိုင်ငံရေးကိုသာ တွေးနေဟန်တူ၏။ ဗမာပြည် လွတ်လပ်ရေး အတွက် စိတ်ပူပုံရ၏။ ထို့ကြောင့် သူသည် သုန်မှုန်လျက် ရှိနေသည်။ သူစကားပြောလျှင်လည်း နိုင်ငံရေးအကြောင်းသာ ပြောသည်။ သူပြောနေစဉ် ဘေးရှိလူများက နားထောင်နေရသည်။ ဘေးလူများ၏ စကားကို သူမကြား၊ သူပြောချင်ရာကိုသာ စွတ်၍ပြောနေတတ်သည်”
“သူသည် နိုင်ငံရေးတစ်ခုတည်းကိုသာ အာရုံထားသည်။ အခြားဘာကိုမျှ ဂရုမစိုက်။ သူနှင့်စကားပြောတိုင်း သူသည် နိုင်ငံရေးစကားကိုသာ ပြောလျက် ရှိသည်။ ရှေ့ကို မျက်လုံးကြီးစိုက်ကာ ‘ဗမာပြည်ကြီး လွတ်လပ်ရေး ရအောင်’ ဟု ဒလဟောစီးကျသော စမ်းရေအဟုန်ဖြင့် သွန်ချလျက် ရှိတတ်သည်။ ထိုအခါများတွင် ဘယ်သူမှ ကြားဖြတ်ဝင်ပြော၍မရ။ ‘နေဦး၊ ကျုပ်ပြောဦးမယ်’ ဟူ၍ပင် လက်ဖြင့်ကာလျက် စိတ်ပါလက်ပါ ပြောလျက် ရှိနေ၏။
ဤမျှ နိုင်ငံရေးစိတ် ပြင်းထန်သည်”

တကသနှင့် ဗကသ ဥက္ကဋ္ဌအဖြစ် တာဝန်ယူနေစဉ် ၁၉၃၈ အောက်တိုဘာလ၌ ကိုအောင်ဆန်းသည် ဥပဒေ ပထမနှစ်စာမေးပွဲ ကျရှုံးလေသည်။ ကျောင်းသားလောက၌ သူ့အတွက် နိုင်ငံရေး ဆက်လုပ်ရန် ကျဉ်းမြောင်းသည်ဟု ယူဆပြီး ပြင်ပနိုင်ငံရေးလောကသို့ ဝင်ရောက်မှ ဖြစ်မည်ဟု နားလည်သဘောပေါက်ခဲ့သည်။ ထို့ကြောင့် တက္ကသိုလ်ကျောင်းသား နိုင်ငံရေးလောကမှ ထွက်ခွာခဲ့ပြီး ကျောင်းတော်ကြီးကို နှုတ်ဆက်ခဲ့သည်။

ကိုအောင်ဆန်း၏ ကျောင်းသားဘဝ နောက်ဆုံးနေ့ရက်ကို သူ၏မိတ်ဆွေ ကိုညိုမြက အောက်ပါအတိုင်း ပုံဖော်ခဲ့သည်။
“ကိုအောင်ဆန်းသည် ဆည်းဆာချိန် ကောင်းကင်သို့ မော့ကြည့်လျက် ‘အစ်မအတွက်လည်း ဘာမှ ကျေးဇူးမဆပ်ရသေးဘူး။ လခစားလုပ်ဖို့လည်း စိတ်မရှိတော့ဘူး။ ဘာပဲဖြစ်ဖြစ်လေ ... သွားရမယ့်လမ်းကို သွားရမှာပဲ’ ဟု အိမ်လွမ်းစိတ်နှင့် သန္နိဋ္ဌာန်စိတ်များ ရောပြွန်းကာ အသံမာမာဖြင့် ပြောလေသည်။ ‘သွားတော့မယ်’ ဟု သူကပြောလိုက်သဖြင့် တက္ကသိုလ်ရှိ သမဂ္ဂကမ္ဘာလေးနှင့်တကွ တိုတောင်းလှသော တက္ကသိုလ် ကျောင်းသား ခေတ်ကလေးကို ကားလိပ်ချလိုက် သလို ဖြစ်သွားတော့သည်”
ကိုအောင်ဆန်းသည် ကိုနုထံ သွားရောက်ပြီး တို့ဗမာအစည်းအရုံးသို့ ဝင်ရန်ပြောဆိုသည်။ ကိုနုက နိုင်ငံရေးလောကသို့ မဝင်လိုဘဲ စာရေးဆရာအဖြစ် အသက်မွေးလိုကြောင်း ကိုအောင်ဆန်းကို ပြောသည်။
၎င်းတို့နှစ်ဦးသည် အကြိတ်အနယ် ငြင်းခုံကြရင်း နောက်ဆုံး၌ ကိုအောင်ဆန်း၏ သဘောကို ကိုနု လိုက်လျောခဲ့သည်။

ထိုနေ့ ညနေ၌ပင် တို့ဗမာအစည်းအရုံးရှိရာ ပန်းဆိုးတန်း အထက်ရှိရုံးခန်းသို့သွား၍ အသင်းဝင်လေသည်။ အသင်းဝင်ကြေး တစ်ဦးလျှင် ၂၅ ပြားစီ ပေးပြီးနောက် ကိုအောင်ဆန်းနှင့် ကိုနုသည် သခင်အောင်ဆန်းနှင့် သခင်နုတို့ ဖြစ်လာကြတော့သည်။ သခင်အောင်ဆန်းအဖြစ် ခံယူရခြင်း အကြောင်းရင်းနှင့် တို့ဗမာအစည်းအရုံးသို့ ဝင်ရောက်ရသည့် ဆုံးဖြတ်ချက်ကို သူကိုယ်တိုင်ရေး ဘားမားချဲလင့်ခ်ျ စာအုပ်၌ သခင်အောင်ဆန်းက အောက်ပါအတိုင်း ရေးသားခဲ့သည်။

“ထိုစဉ်က တစ်ခုတည်းဖြစ်၍ အမျိုးသားရေးကို တက်ကြွစွာ ဆောင်ရွက်သည့် နိုင်ငံရေးပါတီဖြစ်သော တို့ဗမာအစည်းအရုံး (သခင်အဖွဲ့) တွင် ပါဝင်ဆောင်ရွက်ခြင်းဖြင့် အမျိုးသား လွတ်လပ်မှုတည်း ဟူသော မျိုးချစ် တို့၏ အရေးတော်ပုံတွင် တာဝန်ထမ်းဆောင်နိုင်ရန်အတွက် ဥပဒေသင်တန်းသို့ တက်ရောက် သင်ကြားနေခြင်းကို ချက်ချင်းရပ်စဲခဲ့သည်”
သခင်အောင်ဆန်းအဖြစ် ကျောင်းမှထွက်သွားသောအခါ တကသ၊ ဗကသ ဒုတိယဥက္ကဋ္ဌ ကိုဗဟိန်းသည် သမဂ္ဂနှစ်ရပ်စလုံး၏ ဥက္ကဋ္ဌ ဖြစ်လာသည်။

၁၉၃၈-၃၉ စာသင်နှစ်အတွက် ကိုအောင်ဆန်း ဥက္ကဋ္ဌ ဖြစ်သော်လည်း ကိုဗဟိန်းမှာ ကိုအောင်ဆန်း နုတ်ထွက်သွားသဖြင့် ဆက်ခံရခြင်း ဖြစ်သည်။ ကိုဗဆွေမှာ ဗကသ၏ အတွင်းရေးမှူး ဖြစ်သည်။

တို့ဗမာအစည်းအရုံးသည် ပြည်မြို့ညီလာခံအပြီး ၁၉၃၈ ဇူလိုင်လ၌ ပုဂ္ဂိုလ်ရေး အကြောင်းပြုကာ နှစ်ခြမ်းကွဲသွားသည်။ နှစ်ခြမ်းကွဲသွားသော တို့ဗမာအစည်းအရုံးအနက် သခင်ကိုယ်တော်မှိုင်း နာယကအဖြစ် တာဝန် ယူသည့်အခြမ်းသည် လူထုအကြား ပိုမိုသြဇာသက်ရောက်လာသည်။ ထိုအခြမ်း၌ သခင်သိန်းမောင်မှာ ဥက္ကဋ္ဌ ဖြစ်သော်လည်း ရွေးကောက်ပွဲဖြင့် ပြန်လည်ရွေးချယ်ရာ သခင်လေးမောင်က ဥက္ကဋ္ဌ၊ သခင်အောင်ဆန်းက အထွေထွေအတွင်းရေးမှူးအဖြစ် ရွေးကောက်ခံရသည်။

တို့ဗမာအစည်းအရုံး၏ ရုံးခန်းကို ပန်းဆိုးတန်းမှ ပုဇွန်တောင် ရေကျော်လမ်း အမှတ် ၇၆သို့ ပြောင်းရွှေ့ဖွင့်လှစ်သည်။ တွဲဖက်အတွင်းရေးမှူးမှာ သခင်သန်းထွန်း ဖြစ်သည်။ သခင်သန်းထွန်းသည် ကန်တော်လေးရှိ ကုလားကျောင်းတစ်ခုတွင် ကျောင်းဆရာ လုပ်နေသည်။ သူသည် မာ့စ်ခ်ဝါဒကို အပြင်းအထန် ယုံကြည်သက်ဝင်သူ ဖြစ်လာသည်။ တို့ဗမာအစည်းအရုံးသည် ဆိုရှယ်လစ် သဘောတရားများကို အစည်းအရုံး၏ မူဝါဒအဖြစ် ကြေညာပြီး စည်းရုံးသည်။

ထိုအချိန်တွင် ချောက်၊ ရေနံချောင်းရှိ ရေနံမြေ အလုပ်သမားများမှာ ဗြိတိသျှ လုပ်ငန်းရှင်များ၏ ခေါင်းပုံဖြတ်၊ ကုပ်သွေးစုပ်မှုကို တော်လှန်ရန် အရှိန်မြင့်တက်လာနေသည်။ တို့ဗမာအစည်းအရုံးသည် ရေနံမြေအလုပ် သမားခေါင်းဆောင် သခင်ဗတင်နှင့် ဆက်သွယ်ကာ ရေနံမြေ အလုပ်သမားတို့၏လှုပ်ရှားမှုနှင့် တောင်းဆိုချက်များ ကို ထောက်ခံကြောင်း ပြောဆိုခဲ့သည်။

၁၉၃၈ ခုနှစ် ဇန်နဝါရီ ၈ ရက်နေ့မှစတင်ကာ ရေနံချောင်း၊ ချောက်၊ လမ်းရွာ၊ ရေနံချပ်မှ ရေနံမြေ အလုပ်သမားသပိတ်များ ပေါ်ထွက်လာ သလို မြင်းခြံရှိ စတီးဘရားသား ဝါဂွမ်းစက်ရုံ အလုပ်သမားသပိတ်၊ ကမာရွတ် ရော်ဘာစက်သပိတ်၊ ရန်ကုန် အလုပ်လက်မဲ့ ဆန္ဒပြပွဲ၊ ရန်ကုန်အင်းစိန် ဘတ်စ်ကားသပိတ်၊ ရန်ကုန် ပိုးထည်ကုမ္ပဏီ အလုပ်သမားသပိတ်နှင့် သန်လျင် ရေနံချက်စက်ရုံ အလုပ်သမားသပိတ်များ ဆက်တိုက်ဆိုသလို ပေါ်ထွက်လာသည်။ ညွန့်ပေါင်းအစိုးရသည် အလုပ်သမားသပိတ်များကို လျစ်လျူ ပြုထားသလို ကုလား-ဗမာ အဓိကရုဏ်းကိုလည်း မျက်နှာလွှဲထားသည်။

သပိတ်မှောက် အလုပ်သမားများ၊ သပိတ်တား အလုပ်သမား များကို ပြစ်ဒဏ်ပေးခြင်း၊ ထောင်ချခြင်းများ ရှိသဖြင့် နှစ်ပေါင်း ၅၀ ကျော်ကြာ ကောက်ခံလာသော လူခွန်တော်၊ သဿမေဓ အခွန်တော်များကို ပြန်လည် ထုတ်ပေးရန် နိုဝင်ဘာ ၁၄ ရက်နေ့ ရေနံမြေ အလုပ်သမားများ အစည်းအဝေးက ဆုံးဖြတ်ချက် ချမှတ်ပြီးနောက် တောင်းဆိုချက်များကို မျက်နှာလွှဲနေသော အာဏာပိုင်များ အသိအမှတ် ပြုလာစေရန်အတွက် ရန်ကုန်သို့ ခရီးရှည် ချီတက်ဆန္ဒပြရန်လည်း ဆုံးဖြတ်လိုက်ကြလေတော့သည်။

(ဆက်လက်ဖော်ပြပါမည်။)

Credit To The Voice Weekly
Read More »

နိုင်ငံရေးမျက်လှည့် (သို့မဟုတ်) လှည့်စားမှုအနုပညာ


ရေးသားသူ- ရဲမိုး

ဒီမနက် သတင်းကောင်းတစ်ခုနှင့် သတင်းဆိုးတစ်ခုပြောစရာရှိသည်။ သတင်းကောင်းကတော့ ၂၀၁၅ ရွေးကောက်ပွဲနီးကပ်လာ
သည်နှင့်အမျှ အမျိုးသားရေးကြွေးကြော်သံများ၊ မျိုးချစ်လက်ခမောင်းခတ်သံများနှင့် သာသနာ့အရေးနှိုးဆော်သံများ ဆတက်
ထမ်းပိုး လှိုင်လှိုင်ကြီး ကြားရတော့မည်ဆိုသည့် သတင်းဖြစ်သည်။ သတင်းဆိုးကတော့ ထိုကြွေးကြော်မည့်ပုဂ္ဂိုလ်အများစုသည် လူလိမ်
များဖြစ်သည်ဆို သည့်အချက်ဖြစ်ပါသည်။

အာဏာရှင်စနစ်မှ ဒီမိုကရေစီကို အကူးအပြောင်းကာလမှာ ရေပန်းမစားသည့် နိုင်ငံရေး သမားများက မျိုးချစ်ဝါဒနှင့် လူများစုဘာသာရေးကို အာဏာရရှိရေးအတွက်မည်သို့အသုံးချလေ့ရှိသလဲဆိုတာကို ဒီနေ့ဆွေးနွေးကြပါစို့။

အာဏာရှင်စနစ်က ရုန်းထွက်လာသည့် နိုင်ငံတိုင်းမှာ အဖိနှိပ်ခံခဲ့ရသည့် ပြည်သူလူထုက တိုက်ပွဲဝင်ဒီမိုကရေစီသူရဲ ကောင်းများကို ချစ်မြတ်နိုးအား ကိုးကြသည်ချည်းပင်။ ဒီမိုကရေစီသူရဲကောင်းများနှင့် သူတို့၏ပါတီများကို ရွေးကောက်ပွဲမှာ မယှဉ်ပြိုင်နိုင်သည့် အာဏာရှင် အကြင်းအကျန်များ လုပ်လေ့ရှိသည့် မဟာဗျူဟာကတော့ မိမိကိုယ်ကိုယ် မျိုးချစ်များအဖြစ် မျက်နှာဖုံးစွပ်မျက်လှည့်ပြသည့် နည်းဖြစ်ပါသည်။

၁၉၉၁ ခုနှစ်၊ ဒီဇင်ဘာလက ဆိုဗီယက်ယူနီယံကြီးပြိုကွဲသွား ပြီး ဒီမိုကရေစီလမ်းကြောင်းကို ဦးတည်သည့်အခါ ဒီမိုကရေစီခေါင်းဆောင် ဘောရစ်ယဲလ်ဆင် နှင့် ပြုပြင်ပြောင်းလဲသူများကို အံတုယှဉ်ပြိုင်ဖို့အတွက် ရုရှလစ် ဘရယ်ဒီမိုကရက်တစ်ပါတီကို အာဏာရှင်လူဟောင်းတချို့ပူး ပေါင်းတည်ထောင်ခဲ့ကြသည်။ ပါတီနာမည်က “လစ်ဘရယ်ဒီမိုကရက်” ဖြစ်သည့်တိုင် မူဝါဒက “လစ်ဘရယ်”လည်းမဟုတ် “ဒီမိုကရက်”လည်းမဟုတ်ပါ။ သူတို့ခေါင်းဆောင်ကရုရှစစ်တပ် ဗိုလ်မှူးကြီးဟောင်းနှင့်လူမျိုး ခွဲခြားရေး
ဝါဒီ ဗလာဒီမာဇီရင်နော့စကီး။

ပြည်သူအများကထောက်ခံ သည့် ဒီမိုကရေစီ တိုက်ပွဲဝင် ဘော့ရစ်ယဲလ်ဆင်နှင့် အခြား နိုင်ငံရေးသမားများကို ရိုးသားစွာ မယှဉ်နိုင်သည့် ဇီရင်နော့စကီးက သူ့ကိုယ်သူ “မျိုးချစ်”ဟုကြေညာ သည်။ ရုရှားမျိုး၊ ရုရှမြေ၊ ရုရှယဉ်ကျေးမှုနှင့် ရုရှအော်သိုဒေါက်စ်ဘာသာဂိုဏ်းကို ကာကွယ်မြှင့် တင်ကြဟု ကြေးကြော်သည်။ ရုရှ အရှေ့ဖျားဒေသမှ တရုတ်နှင့် ဂျပန်လူမျိုးများကို နှင်ထုတ်ရမည်ဟု ဆော်သြသည်။

အမေရိကန်ပြည်ထောင်စု ကို အလည်အပတ်ရောက်ချိန် ရုပ်မြင်သံကြားပေါ်မှာ “လူဖြူမျိုး နွယ်စု”ကို ကာကွယ်ကြဟု တရားဟောသည်။ ဂျူးဆန့်ကျင်ရေးကို ဖြန့်ဖြူးသည်။

နိုင်ငံရေးကျွမ်းကျင်သူအချို့က “ဖက်ဆစ်”လို့သမုတ်သည့် ဇီရင်နော့စကီးနှင့် သူ့ပါတီ ရုရှနိုင်ငံ ရေးမှာ မအောင်မြင်ဘူးဟု မထင်ပါနှင့်။ အပြောင်းအလဲကာလမှာ မရင့်ကျက်သေးသည့် ရုရှပြည်သူများက သူ့ကိုထောက်ခံခဲ့ကြ သည်။ ရုရှကွန်မြူနစ်တပ်နီတော် မှာ ဗိုလ်မှူးကြီးအဖြစ် တာဝန်ယူခဲ့သည့် ဇီရင်နော့စကီးကအော်သို ဒေါ့က်စ်ဘာသာရေးကြွေးကြော်သည်ကို အဟုတ်ထင်ခဲ့ကြသည်။

၁၉၉၃ ခုနှစ် ဒူးမားလွှတ်တော်ရွေးကောက်ပွဲမှာတော့ ပြု ပြင်ပြောင်းလဲရေးခေါင်းဆောင် ဘောရစ်ယဲ့လ်ဆင်ကို ထောက်ခံသည့် “ရုရှဒီမိုကရေစီရွေးချယ်မှု” ပါတီက မဲ ၁၅ ရာခိုင်နှုန်းသာရခဲ့ပြီး ဇီရင်နော့စကီး“၏ အယ်လ်ဒီပီအာရ်ပါတီက မျိုးချစ်နှင့်ဘာသာ ရေးကြွေးကြော်မှုများကြောင့် မဲ ၂၂ဒသမ ၉ ရာခိုင်နှုန်းဖြင့် အမြင့်ဆုံးကိုရရှိခဲ့သည်။ ထိုအချိန်ကစ၍ ရုရှပြည်သူနှစ်ခြမ်းကွဲသွားခဲ့သည်ဟု ကျွမ်းကျင်သူအချို့သုံးသပ်ကြသည်။

ရုရှအာဏာရှင်များ၏ မျက် လှည့်ကို နောင်အခါမှ ပြန်သိရသည်။ ဆိုဗီယက်ကွန်မြူနစ်ပါတီ ပေါလစ်ဗျူရိုခေါင်းဆောင်တစ်ဦ်း ဖြစ်သူ အလက်ဇန်းဒါးနီကိုလေ ဗစ်ခ်ျရာကော့လဗ်က သူ့အတ္ထုပ္ပတ္တိမှာ ဖွင့်ချခဲ့သည်။ ဇီရင်နော့စကီး၏ပါတီသည် ဆိုဗီယက် ကွန်မြူနစ်ပါတီခေါင်းဆောင် အချို့နှင့် ကေဂျီဘီထောက်လှမ်းရေးတို့က ဒီမိုကရေစီအပြောင်း အလဲမဖြစ်ခင်ကတည်းက ကြို တင်ဖွဲ့စည်းထားခဲ့သည့်ပါတီဆို သည့်အချက်ဖြစ်သည်။ ရည်ရွယ်ချက်က ဒီမိုကရေစီအင်အားစု
များ၏ လူထုထောက်ခံမှုကို ဖြိုခွဲရန်“ဖျက်မြင်း”အဖြစ်တည်ထောင်ခဲ့ခြင်းဖြစ်သည်။ စီမံကိန်းကို အကောင်အထည်ဖော်ခဲ့သူက ကေဂျီဘီညွှန်ကြားရေးမှူး ဗလာဒီမာကရုခ်ျကေ့ဗ်ဟု ထိုအတ္ထုပ္ပတ္တိမှာ ပြန်လည်ရေးသားခဲ့သည်။

ဇီရင်နော့စကီးကိုယ်တိုင် နောက်ပိုင်းမှာ ပြန်ဝန်ခံခဲ့ရသည့် အချက်ကတော့ဂျူးဆန့်ကျင်ရေးဟောပြောသည့်သူကိုယ်တိုင်က ဂျူးဖြစ်နေခြင်းပင်။ သူ့ဖခင်က ဂျူးအစစ်၊ မိခင်က ရုရှလူမျိုး။

“ခါတော်မီမျိုးချစ်ဝါဒအတု” ကို ၂၀ ရာစု၏တွေးခေါ်ရှင်နှင့် သိပ္ပံပညာရှင်အဲလ်ဘတ်အိုင်း စတိုင်းက “ကလေးတွေမှာဖြစ် သလိုပဲ...လူသားမျိုးနွယ်အတွက် “၀က်သက်ရောဂါ”ဆိုပါစို့”ဟုပြောခဲ့သည်။ ဗိုင်းရပ်စ်လို ကူးစက်မှုမြန်သည်။ နာကျင်သည်။ အမာရွတ်ကျန်သည်။

ဇီရင်နော့စကီးတစ်ယောက် ရုရှမှာ အမျိုးသားရေးတိုက်ပွဲဝင် နေသည့်အချိန်မှာ မြန်မာန၀တ ဗိုလ်ချုပ်ကြီးများလည်း “မျိုးချစ် စိတ်ဓာတ်ရှင်သန်ထက်မြက်ရေး” များနှင့် လုံးပန်းနေချိန်ဖြစ်သည်။ အနော်ရထာ၊ ဘုရင့်နောင်၊ အလောင်းဘုရားတို့၏ ရုပ်တုကြီး များတည်ဆောက်ပြီး ရုပ်ရှင်၊ ရေဒီယိုနှင့်သတင်းစာများမှာလည်း စောင့်ကြည့်သူများက 'Pagodas and Soldiers' ဟု သရော်ခဲ့ကြသလို ဗိုလ်ချုပ်များ အပြိုင်အဆိုင်ဘုရားတည်၊ ဆွမ်းကပ်လုပ်ခဲ့သည့်အချိန်ဖြစ်သည်။

အတုအယောင်မျိုးချစ်ဝါဒသည် အကျည်းတန်သည့်ဇာတ်မင်းသားတို့ဇာတ်ခုံမှာတင့်တယ် စေဖို့သုံးသည့် မျက်နှာချေဘူးလို ပင် လူထုချဉ်ဖတ်နိုင်ငံရေးသမားများအကြားမှာ ခေတ်စားလေ့ရှိပါသည်။

ပြောရလျှင် ပြည်သူအများစုက ထောက်ခံသည့် ခေါင်းဆောင် အချို့ပင်ရွေးကောက်ပွဲနီးသည့် အခါ ပြိုင်ဘက်ကို အလဲထိုးဖို့ ဤနည်းကို သုံးစွဲခဲ့ကြဖူးသည်။ ၁၉၆၀ ရွေးကောက်ပွဲမှာ ၀န်ကြီးချုပ်ဟောင်း ဦးနုကဘာသာရေး ကြွေးကြော်သံနှင့် မဲဆွယ်အနိုင်ရသွားခဲ့ဖူးသည်။

၂၀၁၅ မှာ လူထုခေါင်း ဆောင်ဒီမိုကရေစီချန်ပီယံနှင့် သူမ၏ပါတီကိုယှဉ်ပြိုင်ဖို့မဖြစ်နိုင်သည့်အဖွဲ့အစည်းအချို့ ယခု လမ်းကြောင်းကို လိုက်ကောင်း လိုက်နိုင်ပါသည်။ မျိုးချစ်ဝါဒနှင့် ဘာသာရေးအခြေခံနိုင်ငံရေးပါတီသစ်များပေါ်လာလျှင် မအံ့သြကြပါနှင့်။ လက်ရှိပါတီများက “မျိုးချစ်၊ ဘာသာချစ်”များနေ့ချင်းညချင်းဖြစ်လာလျှင်လည်း မအံ့သြကြပါနှင့်။ သင်္ကြန်စာလိုပြောရလျှင်တော့...

“မည်သည့်အခါမျှ လူမျိုးကိုမချစ်သူများ...တစ်မုဟုတ်ချင်း မျိုးချစ်များဖြစ်လတ္တံ့။ ပြည်သူ့ အရင်းအမြစ်များကို လက်ဝါးကြီးအုပ်ကာ အမြတ်ထုတ်သူ နိုင်ငံရေးသမားတဖြစ်လဲ ခရိုနီကြီးများက ရဟန်း၊ သံဃာအရှင်သူမြတ်တို့ကို ချဉ်းကပ်လာလတ္တံ့။ ဘာသာရေးကို နိုင်ငံရေးမှာအသုံးမချသူကို မိစာဒိဋ္ဌိဟုစွပ်စွဲကြလတ္တံ့။ ဒီမိုကရေစီနှင့် လူ့အခွင့်အရေး ကြွေးကြော်သူလူထုခေါင်းဆောင်
ကို အမျိုးဘာသာမကာကွယ်နိုင်သူဟု ယိုးစွပ်ကြလတ္တံ့”

ကျွန်တော်ကတော့ အင်္ဂလိပ်လူမျိုးစာရေးဆရာ ဂျူလီယန်ဘန်းစ်၏ မျိုးချစ်ဝါဒအနက်ဖွင့်မှုကို လေးလေးနက်နက်လက်ခံသည်။

“အကြီးမြတ်ဆုံး မျိုးချစ်ဝါဒဆိုတာ ကိုယ့်နိုင်ငံက ဂုဏ်သိက္ခာ မရှိစွာ၊ မိုက်မဲဆိုးဝါးစွာပြုမူနေ ချိန်မှာ ပွင့်ပွင့်လင်းလင်းဝေဖန်ရဲမှုဖြစ်တယ်”

ရုရှတွင် မျက်လှည့်ပွဲအရှိန်တက်နေဆဲဖြစ်သည်။ ယုံချင်ယုံ၊ မယုံချင်နေ ဇီရင်နော့စကီးသည် လက်ရှိ ဒူးမားအောက်လွှတ်တော်၏ ဒုဥက္ကဋ္ဌဖြစ်ပါသည်။

မြန်မာမှာတော့ မျက်လှည့်ပွဲစတော့မည်။ ပြည်သူချစ်လူထုခေါင်းဆောင်နှင့် အဖွဲ့ကို လက်နက်ပုန်းနှင့်တိုက်ခိုက်ဖို့ ပြကွက် များစတင်လာလိမ့်မည်။

ကန့်လန့်ကာဖွင့်တော့မည်။

ဘင်သံပင်ကြားနေရပြီ။

မြန်မာဒေးဗစ်ကော့ပါးဖီးလ်များကိုကြည့်ရှူဖို့နေကြာစေ့ထုပ်၊ ကွာစေ့ထုပ်များကို ၀ယ်ထားကြပါစို့။ ။

Credit To 7Day News Journal
Read More »