အရုဏ်ဦးလွတ်လပ်ရေး (၆)



(နေသန်မောင်)

လယ်သမားသူပုန်

‘သုပဏ္ဏက ဂဠုဏရာဇာ’ ဘွဲ့ခံ ဆရာစံ ဦးဆောင်သော တောင်သူလယ်သမား အရေးတော်ပုံကြီးသည် ၁၉၃၀ ပြည့်နှစ် ဒီဇင်ဘာ ၂၂ ရက်နေ့တွင် ပဲခူးတိုင်း အနောက်ခြမ်းရှိ သာယာဝတီခရိုင်တွင် စတင် ပေါ်ပေါက်ခဲ့သည်။ ဂဠုန်သူပုန်တပ်သား များသည် အစိုးရအရာရှိများနှင့် ပုလိပ်များကို တိုက်ခိုက်ခြင်း၊ ဌာနဆိုင်ရာများကို ဖျက်ဆီးခြင်း၊ မီးတင်ရှို့ခြင်းတို့ကြောင့် ဗြိတိသျှအစိုးရ အတော်ပင် ထိတ်လန့်သွားသည်။ အရေးတော်ပုံ၏ ပွဲဦးထွက် ပထမဆုံးပုန်ကန်မှုသည် သာယာဝတီနယ် အင်းရွာရှိ မီးရထားဘူတာရုံ တစ်ခုကို စီးနင်းကာ မီးတင်ရှို့ခဲ့ကြခြင်း ဖြစ်သည်။

ဆရာစံသူပုန်ထမှုကို ကိုယ်တိုင် သတင်းလိုက်ယူခဲ့သူ မြန်မာ့အလင်း သတင်းထောက် ဦးလှထွန်းဖြူက အစိုးရပုလိပ်များသည် သူပုန်များကို ရက်ရက်စက်စက် နှိမ်နင်းခဲ့သည်ဟု ပြောဆိုခဲ့သည်။

“ကျွန်တော် မနက်တိုင်း မီးရထားနဲ့ သာယာဝတီကို ရောက်တယ်။ ရောက်တာနဲ့ တစ်ပြိုင်တည်း ဆရာစံ ထကြွမှုနဲ့ ပတ်သက်လို့ စုံစမ်းထောက်လှမ်းဖို့ ခရိုင်အသီးသီးက ရွေးချယ်စေလွှတ်တဲ့ စုံထောက်၊ ရာဇဝတ်အုပ်တွေရဲ့ စခန်းကိုသွားပြီး ထမင်းစားပါတယ်။ နောက် ... သူတို့နောက်ကို ခြေကျင်တစ်မျိုး၊ မော်တော်ဆိုင်ကယ်နဲ့ တစ်မျိုး လိုက်သွားတယ်။ သာယာဝတီမြို့နဲ့ မလှမ်းမကမ်း ၁၅ မိုင်လောက်ကွာတဲ့ ကျေးရွာများကို ရောက်တယ်။ ပုလိပ်ရာဇဝတ်အုပ် တချို့က ကျေးရွာတွေကို မီးရှို့ကြတဲ့အခါ ထွက်ပြေးကြတဲ့ ရွာသူရွာသားတွေကို ပန်ချာပီစစ်သားတွေက သေနတ်နဲ့ လှမ်းပစ်တယ်။ မိခင်တွေဟာ ကလေးငယ်တွေကိုပစ်ပြီး ထွက်ပြေးကြရရှာတယ်” ဟု ဦးလှထွန်းဖြူက သူ၏မျက်မြင် အတွေ့အကြုံကို ရှင်းပြခဲ့သည်။

ဗြိတိသျှအစိုးရသည် ပေါ်ပေါက်လာသော ဂဠုန်သူပုန်များကို နှိမ်နင်းရန် အိန္ဒိယမှ ပန်ချာပီ စစ်တပ်တစ်တပ်ကို မြန်မာပြည်သို့ အမြန်ဆုံးခေါ်ယူပြီး သာယာဝတီသို့ စေလွှတ်ရာ ဒီဇင်ဘာ ၂၆ တွင် ရောက်လာသည်။

ရန်ကုန်နှင့် အနယ်နယ်အရပ်ရပ်မှ ပြည်သူများက ဆရာစံသူပုန်ကို အထူးအာရုံစိုက်လာသလို ဗြိတိသျှအစိုးရ ကလည်း ပုန်ကန်မှုများ အမြန်ဆုံး ရပ်တန့်သွားစေရေး နည်းလမ်းပေါင်းစုံဖြင့် ကြိုးစားသည်။ ရန်ကုန်ရှိ သူရိယသတင်းစာက အစိုးရတပ်များသည် လယ်သမားသူပုန်များကို စက်သေနတ်ဖြင့် ပစ်ခတ်ရာ ဂဠုန်သူပုန်များ သေနတ်ပီးကြောင်း၊ မီးမကူးကြောင်း၊ အစိုးရ တပ်သားများ သေနတ်များချကာ ထွက်ပြေးခဲ့ကြောင်း ရေးသားခဲ့၍ အာမခံ ငွေတစ်သောင်း တင်ရသည်။ အာမခံတင်ရသောကြောင့် သူရိယသည် ခေါင်းကြီးမရေးဘဲ အစိုးရကို ကန့်ကွက် ဆန္ဒပြခဲ့သည်။ ၁၉၃၁ ဇန်နဝါရီ ၁၂ ရက်နေ့တွင် အာမခံငွေ တင်ခဲ့ရသော်လည်း အစိုးရက ဖေဖော်ဝါရီ ၂၃ တွင် ပြန်လည်ပေးခဲ့သဖြင့် ခေါင်းကြီးပိုင်း ပြန်လည်ရေးသားခဲ့သည်။

ဆရာစံသည် ဦးစိုးသိမ်း ဂျီစီဘီအေ အဖွဲ့ဝင်တစ်ဦး ဖြစ်ခဲ့ပြီး သူ၏ သူပုန်ထမှု ဦးဆောင်ရာ၌ ဦးစိုးသိမ်း လက်ချက် ပါနိုင်သည်ဟု အစိုးရ စုံထောက်များက ယူဆပြီး ကြည့်မြင်တိုင် ဗားကရာလမ်းပေါ်ရှိ ဂျီစီဘီအေ အသင်းတိုက်ကို ဝင်ရောက်ရှာဖွေကြသည်။

ကိုလိုနီအစိုးရသည် မြန်မာပြည်ကို ဒိုင်အာခီစနစ်ဖြင့် အုပ်ချုပ်နေပြီး ဆရာစံပုန်ကန်မှုသည် ပထမဆုံးသော ဗြိတိသျှဆန့်ကျင်ရေး လှုပ်ရှားမှု ဖြစ်သဖြင့် မြန်မာအမျိုးသားရေး ဝါဒီများအကြား နိုင်ငံရေး နိုးကြားမှုများ ပေါ်ထွက်လာသလို တစ်ဖက်၌လည်း အုပ်စု၊ ဂိုဏ်းဂဏစွဲ အကွဲအပြဲများ ပေါ်ထွက်လာသည်။ မြန်မာပြည်တွင် ပြုပြင်ပြောင်းလဲမှုများ ပြုလုပ်ရန် ဆိုင်မွန် စုံစမ်းရေးကော်မရှင်ကို ဗြိတိသျှအစိုးရက ၁၉၃၁ တွင် ခန့်အပ်ခဲ့ပြီး အိန္ဒိယတိုက်မှ မြန်မာပြည်ကို ခွဲထုတ်ရန် (သို့မဟုတ်) တွဲထားရန်ဆိုသော စီမံကိန်းမှာ ပြုပြင်ပြောင်းလဲရေး ကဏ္ဍ၌ ပါဝင်လာခဲ့သည်။
ထိုအချိန်၌ ဂျီစီဘီအေသည် ၁၉၂၂ တွင် ဦးချစ်လှိုင် ဂျီစီဘီအေနှင့် ဦးဘဖေ ဂျီစီဘီအေဆိုကာ နှစ်ခြမ်းကွဲနေသည်။ ဦးဘဖေသည် ဟုမ္မရူးပါတီကို ထူထောင်သည်။ ၂၁ ဦးပါတီဟုလည်း လူသိများသည်။ ဦးချစ်လှိုင်အခြမ်းသည် အိန္ဒိယနှင့် မြန်မာပြည်ကို တွဲထားရန် လိုလားပြီး ကိုယ်ပိုင်အုပ်ချုပ်ရေးကို ထိုမှတစ်ဆင့် တိုးတက်ယူနိုင်မည်ဟု ယူဆခဲ့သည်။ ဦးချစ်လှိုင် အခြမ်း၌ နောက်ထပ်ကွဲပြန်၍ ဦးချစ်လှိုင်၊ ဦးစိုးသိမ်း ဂျီစီဘီအေဟု ပေါ်လာခဲ့ပြန်သည်။

ဦးဘဖေ၏ ဟုမ္မရူး (၂၁ ဦးပါတီ) က တွဲရေးကို ဆန့်ကျင်ပြီး အိန္ဒိယမှ လုံးဝခွဲထုတ်ပေးရန် အပြင်းအထန် တောင်းဆိုသည်။ ခွဲထွက်မှသာ အိန္ဒိယ လွှမ်းမိုးမှုအောက်မှ လွတ်မြောက်ပြီး လွတ်လပ်သော ကိုယ်ပိုင်အုပ်ချုပ်ရေးကို တည်ဆောက်နိုင်မည်ဟု ယုံကြည်သည်။ ထိုအခါ ခွဲရေး၊ တွဲရေးဆိုင်ရာ အယူအဆကြောင့် အုပ်စုအချင်းချင်းကြား ပဋိပက္ခမှာ ပိုမိုကြီးမားလာပြီး ပုဂ္ဂိုလ်ရေး တိုက်ခိုက်မှုများ အရှိန်မြင့်တက်လာခဲ့တော့သည်။

ထိုအချိန်တွင် ပြည်မြို့၌ ထကြွသောင်းကျန်းနေသော လယ်သမား သူပုန်များကို ဗြိတိသျှစစ်တပ်က အင်အားသုံး ဖြိုခွင်းနေပြီး ဖမ်းဆီးရမိသည့် သူပုန် ၁၆ ဦး၏ ဦးခေါင်းများကို ဖြတ်ကာ အများပြည်သူမြင်ကွင်းရှေ့ ပြသခဲ့သည်။ သူပုန်ခေါင်းများကိုဖြတ်ပြီး လူမြင်အောင် ပြသခြင်းသည် ယဉ်ကျေးသော အမူအကျင့် မဟုတ်ကြောင်း ဦးဘဖေ၏ ဟုမ္မရူးပါတီက အပြင်းအထန် ကန့်ကွက်သည်။ မြန်မာလူမျိုးများသည် ဗြိတိသျှတို့၏ ထိုအပြုအမူကို စက်ဆုပ်ရွံရှာကြောင်း၊ ဗြိတိသျှ- မြန်မာတို့ကြား စိတ်၌ အခဲမကျေမှုများ ပိုမိုတိုးပွားလာစေသည့် ရိုင်းပျသောလုပ်ရပ် ဖြစ်ကြောင်း ပြောဆိုကာ ဟုမ္မရူးပါတီမှ သာယာဝတီ ဦးပုသည် ဆင်းမလားရှိ အိန္ဒိယဘုရင်ခံချုပ်ထံ ကန့်ကွက် စာကို ကြေးနန်းရိုက် ပေးပို့ခဲ့သည်။

ပြည်မြို့ရှိ သူပုန်ခေါင်းပြတ်များကို ဓာတ်ပုံများဖြင့် မြန်မာသတင်းစာများက အကျယ်တဝင့် ဖော်ပြလိုက်သောအခါ ဗြိတိသျှပါလီမန်သည် အတော်ကို တုန်လှုပ်သွားသည်။ သူပုန်ခေါင်းဖြတ်သည့် အကြောင်းနှင့် စပ်လျဉ်းပြီး အိန္ဒိယအစိုးရက ကြေညာချက် ထုတ်ပြန်ခဲ့ရာ သေဆုံးသူ သူပုန်များ မည်သူမည်ဝါများ ဖြစ်သည်ကိုသိရှိရန် ခေါင်းဖြတ်ယူလာခြင်း ဖြစ်ကြောင်း၊ ထိုခေါင်းပြတ်များကို ဓာတ်ပုံရိုက်ယူရန် ခုံပေါ်တင်ကာ စီစဉ်ခဲ့ခြင်း ဖြစ်ကြောင်း၊ နောက်နောင် သေဆုံးသူများ မည်သူမည်ဝါ ဖြစ်သည်ကို သိနိုင်ရန်အတွက် ခေါင်းဖြတ်ယူမလာရန် အမိန့်ထုတ်ထားပြီး ဖြစ်ကြောင်း၊ ဖြစ်ပွားခဲ့သည့် ဖြစ်ရပ်အတွက် အရေးယူဖော်ထုတ်မည် ဖြစ်ကြောင်း ဖော်ပြခဲ့သည်။

အိန္ဒိယနှင့် တွဲရေးလိုလားသော ဦးချစ်လှိုင်သည် ဦးဘဖေ၏ ဟုမ္မရူးပါတီဘက်မှ ပုဂ္ဂိုလ်ရေး တိုက်ခိုက်မှုများကြောင့် လူကြိုက်နည်းလာပြီး ရာထူးမှ ဆင်းပေးလိုက်ရတော့သည်။ ဆရာစံ အရေးတော်ပုံကြောင့် မြန်မာလူငယ် အများအပြားသည် နိုင်ငံရေးကို စိတ်ပါဝင်စားလာပြီး ပါဝင်လာကြသည်။ ထိုလူငယ်များအနက် လူသိများ ထင်ရှားလာသူများမှာ ဒေါက်တာဘမော်၊ ဦးကျော်မြင့်နှင့် ဦးစောတို့ ဖြစ်သည်။ ဦးစောသည် ဆရာစံသူပုန်ကြောင့် လူထုထောက်ခံမှု ရရှိစေရန် သူ၏အမည်ရှေ့တွင် ဂဠုန်တပ်၍ ခေါ်စေရာ ဂဠုန်ဦးစောဟု အမည်တွင်လာခဲ့သည်။ ဦးကျော်မြင့်မှာ နယူးဒေလီရှိ ဥပဒေပြု လွှတ်တော်တွင် ကိုယ်စားလှယ်အဖြစ် တာဝန်ယူရသည်။

လယ်သမားသူပုန်မှာ ၁၉၃၁ နှစ်လယ်ပိုင်း၌ သိသိသာသာ အားပျော့သွားပြီးနောက် ရှမ်းပြည်မြောက်ပိုင်း၌ ပုန်းအောင်းနေသော လယ်သမားခေါင်းဆောင် ဆရာစံကို ဗြိတိသျှတို့ ဖမ်းဆီးမိသွားသည်။ အရေးတော်ပုံကြီးကို အစိုးရက နှိမ်နင်းနိုင်ခဲ့ပြီး သူပုန်ခေါင်းဆောင်ကို ခုံရုံးတင်စစ်ဆေးရာ ရှေ့နေများအဖြစ် ဦးထွန်းအောင်ကျော်၊ ဒေါက်တာဘမော်၊ သခင်မြ၊ သခင်စိမ့်၊ ဦးချစ်ညွန့်၊ ဦးဘရှိန်း၊ ဦးသူငယ်တို့ လိုက်ပါဆောင်ရွက်ကြသည်။ တရားလိုအဖြစ် သာယာဝတီ ရာဇဝတ်ဝန်ကြီး ဦးအုန်းကျော်က စွဲချက်တင်ကာ စက်ရှင်တရားသူကြီးမှာ ဦးဘဦး ဖြစ်သည်။ ဆရာစံသည် ဗြိတိသျှ အစိုးရကို လက်နက်ကိုင် ပုန်ကန်သောင်းကျန်းသည် ဟူသော စွဲချက်ဖြင့် သာယာဝတီထောင်၌ ၁၉၃၁ နိုဝင်ဘာ ၂၈ တွင် သေဒဏ် အပြစ်ပေးခံခဲ့ရသည်။

ဆရာစံသည် ခုံသမာဓိရုံးသို့ သူ့အပေါ်ချမှတ်ခဲ့သည့် ပြစ်ဒဏ်နှင့် ပတ်သက်ပြီး အယူခံလွှာကို ရှေ့နေ ဒေါက်တာဘမော်နှင့် သာယာဝတီ ဦးပုတို့က တင်သွင်းပေးခဲ့သည်။ အယူခံလွှာ၌ ဆရာစံသည် သွေးထွက်သံယို အကြမ်းဖက်မှုကို မလိုလားဘဲ မြန်မာပြည်ကို အိန္ဒိယမှ ခွဲထုတ်မည်ကို စိုးရိမ်ခြင်းကြောင့် အာဏာဖီဆန်ခြင်း ဖြစ်သည်ဟု ဖော်ပြခဲ့သည်။

“ကျွန်တော်မျိုးသည် သွေးထွက်သံယိုမှုကို မလိုလားပါ။ သွေးထွက်သံယိုမှု မဟုတ်ဘဲ အာဏာဖီဆန်ရေးကို လိုလားပါသည်။ သို့ဖြစ်သဖြင့် အလံတောင်တောသို့ လူစုလူဝေးဖြင့် သစ်တောဥပဒေကို တရားသောနည်းနှင့် ခုခံရန် စီစဉ်နေစဉ် ဗိုလ်ဘိုးပြော့၊ ဗိုလ်ဘိုးခတို့က ခေါင်းဆောင်၍ အလွန်မှားသော သွေးထွက်သံယိုမှုကို မသိနားမလည်သူ တောသူ တောင်သားများအား တိုက်ရိုက် ညွှန်ကြားခြင်းကြောင့်သာ သာယာဝတီနယ်တွင် သွေးထွက်သံယိုမှု ဖြစ်ရပါသည်။ ကျွန်တော်မျိုးကမူ ထိုအပြုအမူမျိုးကို လုံးဝမနှစ်သက်ပါ။ မနှစ်သက်၍ ရှမ်းပြည်သို့ တိမ်းရှောင်သွားခြင်း ဖြစ်သည်။ ထို့ပြင်လည်း ကျွန်တော်မျိုး ဆရာစံသည် ဗမာပြည်ကို အိန္ဒိယပြည်မှ ခွဲထွက်မည်ကို စိုးရိမ်သောကြောင့် ကန့်ကွက်လိုသော သဘောနှင့် တရားသောနည်းလမ်းနှင့် အာဏာဖီဆန်ရန် စီမံခြင်းကြောင့် ကျွန်တော်မျိုး၌ လုံးဝအပြစ်မရှိပါ”

ဆရာစံ၏ အယူခံလွှာမှာ ပယ်ချခံခဲ့ရသည်။ ဆရာစံအား သာယာဝတီ ထောင်အတွင်း ကြိုးပေးရန် အစိုးရက ဆုံးဖြတ်ခဲ့သည်။ ဆရာစံကို အခန်းတွင်းမှ အကျဉ်းသားနှစ်ဦးက ထုတ်ယူသည့်အခါ အလိုအလျောက် လိုက်ပါလာပြီး အနီးရှိလူများကို နှုတ်ဆက်စကားပြောသည်။ “သွားပြီ။ အားလုံးပဲ။ အောင်ပါစေဆိုတဲ့ဆုကို တောင်းပေးကြပါ။ အမျိုး၊ ဘာသာ၊ သာသနာ၊ ပညာအတွက် ကြိုးပေးခံရမည်ကို မကြောက်ပါ” ဟု ပြောဆိုကာ ထောင်သားများကို အတွဲမခံဘဲ စက်တိုင်ပေါ်သို့ ကိုယ်တိုင်တက်သွားသည်။

ဆရာစံကို ကြိုးပေးစဉ်က မျက်မြင်သက်သေဖြစ်သူ ထောင်မှူး ဦးစိန်က ဆရာစံ၏ နောက်ဆုံးခရီးကို အောက်ပါအတိုင်း ပုံဖော်ပြောဆိုခဲ့သည်။
“တိုင်းမင်းကြီး ဦးကျော်နှင့်တကွ လူကြီးလူကောင်းအားလုံး နှစ်ဆယ်ရဲ့ရှေ့မှာ ယခု သာယာဝတီ ထောင်ထဲမှာ ရှိနေတဲ့ ကြိုးစင်ဟောင်းက နှစ်စင်ပြိုင်တူရှိတဲ့အနက် ဝဲဘက်စင်မှာ ဆရာစံကို ကြိုးပေးခဲ့ပါတယ်။ ကြိုးတိုက်အင်္ကျီဝတ်၊ လက်ထိတ်နောက်ပြန်ခတ်၊ တံတောင်ဆစ်မှ ကြိုးချည် ခံထားရတဲ့ ဆရာစံဟာ နံနက် ၅ နာရီလောက်အချိန်မှာ အကျဉ်းသားနှစ်ဦး ဘေးကယှဉ်ပြီး ကြိုးစင်ကို တောင်ကမူ အမြင့်ကလေးအတိုင်း တက်လာတယ်။ ကြိုးစင်နားအရောက်မှာ သူ့ကို အကျဉ်းသားနှစ်ဦးကိုင်ပြီး တွဲလို့ ဆရာစံက တွန်းဖယ်လိုက်ပြီး အနီးအနားမှာ ရောက်နေကြတဲ့ ဧည့်သည်တွေကို နှုတ်ဆက်တယ်။ နောက် ကြိုးစင်ပေါ်တက်ပြီး ဖြစ်လေရာဘဝမှာ အင်္ဂလိပ်ကို နိုင်ရတဲ့ကိုယ် ဖြစ်ပါစေသတည်းလို့ ဆုတောင်းပြီး သေဆုံးသွားရှာတာပါပဲ”

ဆရာစံ ဦးဆောင်သော နယ်ချဲ့တော်လှန်ရေး တောင်သူလယ်သမား အရေးတော်ပုံကြီးသည် မှန်ကန်ကြောင်း မြန်မာ့အလင်းသတင်းစာ တာဝန်ခံအယ်ဒီတာ ချစ်မောင် (နောင် ဂျာနယ်ကျော် ဦးချစ်မောင်) က ခေါင်းကြီးကို အင်္ဂလိပ်ဘာသာဖြင့် ထောက်ခံရေးသားခဲ့သည်။

“၁၉၃၀-၃၂ မြန်မာပြည် သူပုန်ထခြင်း၏ တကယ်စစ်မှန်သော မူရင်းအခြေခံနှင့် လှုံ့ဆော်ချက်များအမည်ရှိ စာတမ်းတွင် မျက်နှာဖြူလူမျိုး မောရစ်ကောလစ်ကိုယ်တိုင် အရေးတော်ပုံကို ရှုမြင်သုံးသပ်ရာ၌ ကောက်နုတ် ဖော်ပြချက်ပါရှိသည်မှာ မြန်မာပြည်တွင် အင်္ဂလိပ်တို့ မလုပ်သင့်သော လုပ်ငန်းနှစ်ရပ်ကို မှားယွင်းစွာ လုပ်ခဲ့ကြသည်။ ပထမအချက်မှာ အင်္ဂလိပ် အကျိုးအတွက် သက်သက်ကိုသာ ထာဝစဉ် ရှေးရှုထားခြင်းနှင့် ဒုတိယအချက်မှာ မြန်မာလူမျိုးတို့အား လူသားအချင်းချင်း ဟူ၍ သဘောမထားဘဲ နိမ့်ကျယုတ်ညံ့သော တိရစ္ဆာန်များသဖွယ် သဘောထားပြုမူခြင်း ဖြစ်သည်။ ထို့ကြောင့် ငွေမရှိ၊ ကျွမ်းကျင်မှု မရှိသော မြန်မာတို့ ကိုယ့်မြေပေါ်တွင်ဖြစ်လျက် နေစရာမရှိ၊ စားစရာမရှိ၊ ဆင်းရဲငတ်မွတ်လှသည်။ ထိုငတ်မွတ်မှုကြောင့် သူ့ခမျာ လူရာမဝင် ဖြစ်ရပြန်၏။ ထို့ကြောင့် ၁၉၃၀ ပြည့်နှစ်တွင်ရှိသော အခြေအနေဆိုးများအရ အင်္ဂလိပ်အစိုးရ၏ စေတနာကို ယုံကြည်နိုင်စရာ မရှိတော့ချေ။ ထို့ကြောင့် သူပုန်ထပွဲကြီး ပေါ်ရခြင်းပေတည်း- ဟူ၍ဖြစ်လေသည်။ မှန်ပေ၏။ ဗြိတိသျှအစိုးရ၏ စက္ကူပြာ အစီရင်ခံစာအတိုင်း မင်းလောင်းရှာသော ဓားပြတစ်စု၏ ထကြွခြင်း မဟုတ်ပေ။”

(ဆက်လက်ဖော်ပြပါမည်)

Credit To The Voice Weekly
Read More »

ဒေါ်အောင်ဆန်းစုကြည် သမ္မတဖြစ်လျှင် အစိုးရယန္တရားကို အမိန့်ပေးလို့ရမလားမေးချင်တယ်


အရည်အချင်းနှင့်ပြည်သူများ ၏ထောက်ခံချက်အရဒေါ်အောင် ဆန်းစုကြည် သမ္မတဖြစ်သင့် သော်လည်း ၎င်းအနေဖြင့် ဗျူရို ကရေစီ အစိုးရယန္တရားကို ထိန်း ချုပ်ကွက်ကဲရန်မလွယ်ကူနိုင် ကြောင်း ABSDF ဥက္ကဋ္ဌဟောင်း ဒေါက်တာနိုင်အောင်က ပြော သည်။
““နိုင်ငံတစ်ခုကိုထူထောင်တဲ့ အခါမှာ လူထုကိုဦးဆောင်နိုင်တဲ့ သူမျိုးလိုအပ်တယ်။ တကယ် လက်တွေ့ကျကျပြန်စဉ်းစားကြည့် ရင် ဒေါ်အောင်ဆန်းစုအနေနဲ့ စစ်တပ်က ၂၅တည်ဆောက်ခဲ့တဲ့ ဗျူရိုကရေစီအစိုးရယန္တရားကြီးကို အမိန့်ပေးလို့ရနိုင်မလားမေးချင် တယ်”” ဟုဒေါက်တာနိုင်အောင် ကပြောသည်။
နိုင်ငံတစ်ခု၏အပြောင်းအလဲ အားပြုလုပ်ရာတွင်စစ်တပ်၏ အခန်းကဏ္ဍသည်အရေးကြီး ကြောင်း ၎င်းကဆက်လက်ပြော သည်။
““အပြောင်းအလဲတစ်ခုလုပ် ရင် တစ်ယောက်တည်းအပေါ်မူမ တည်ဘူး။အနည်းဆုံးဘာပဲလုပ် ချင်လုပ်ချင် ကျွန်တော်တို့ ဘယ်လောက်မကြိုက်ကြိုက် စစ် တပ်မပါရင်မရဘူး။သူတို့ပါမှ သာအပြောင်းအလဲက ပိုလွယ် တာပါ””ဟု ဒေါက်တာနိုင်အောင် ကပြောသည်။
ဒေါ်အောင်ဆန်းစုကြည် အပေါ်တွင် တပ်မတော်အစိုးရ ခေါင်းဆောင်ပိုင်းအနေဖြင့် တိမ်း ညွတ်မှုမရှိပါက ဒီမိုကရေစီလမ်း ကြောင်းသည် မလွယ်ကူနိုင် ကြောင်း ဒေါက်တာနိုင်အောင်က သုံးသပ်ပြသည်။
Credit To Hot News Journal

ပြည့်ဖြိုးအောင်
Read More »

နေရာ . . .



ဗိုလ်ချုပ်အောင်ဆန်းဈေးအနီး ရန်ကုန်မြို့ တစ်နေရာကို တွေ့ရစဉ် (ဓာတ်ပုံ - ၀င်းမြင့်ကျော် )
တစ်နေ့က သူငယ်ချင်းတစ်ယောက် အိမ်ကိုလမ်းကြုံ ခဏ၀င်တော့ သူတို့အိမ်မှာ အမျိုးတွေ ရောက်နေကြတာ တွေ့ရတယ်။ နယ်ကဦးလေးတစ်ယောက် ဆေးလာကုရင်း ရောက်နေတာလို့ သူငယ်ချင်းက ပြောပြပါတယ်။ ဆေးလာကုရင်း လာကြတာမို့ လူနာစောင့် သုံးယောက်ကလည်း အတူပါလာကြပါတယ်။
နယ်ကလူတွေ ရန်ကုန်ကို လာဖို့ဆိုတာ သိပ်မလွယ်လှပါဘူး။ ရန်ကုန်မှာ တည်းခိုလို့ရမယ့် ဆွေမျိုးအိမ်ဖြစ်ဖြစ်၊ အရမ်းရင်းနှီးတဲ့ မိတ်ဆွေတွေရဲ့ အိမ်ဖြစ်ဖြစ် ရှိမှအဆင်ပြေပါတယ်။ ဒေသခံမရှိဘဲ ဘယ်နေရာကိုပဲသွားသွား အဆင်မပြေနိုင်ဘူး။ ဒါပေမဲ့ ရန်ကုန်ကလူ နယ်ကိုသွားတာနဲ့ နယ်ကလူရန်ကုန်လာတာ အဆင်မပြေမှုချင်း မတူကြပါဘူး။
ကျွန်တော်တို့တွေ နယ်မှာရှိတဲ့ သူငယ်ချင်းဆီ သွားလည်ရင် အဲ့ဒီအိမ်မှာပဲ တည်း၊ အဲဒီအိမ်မှာပဲစားပြီး မပူမပင် နေလို့ရပါတယ်။ ရန်ကုန်ကလာတဲ့ ဧည့်သည်မို့ သူငယ်ချင်းရဲ့ အမျိုးအိမ်တွေကပါ ထမင်းဖိတ်ကျွေးတာတွေ လုပ်တတ်ပါသေးတယ်။
တစ်ခါတုန်းက နယ်ကသူငယ်ချင်းတစ်ယောက်ဆီ သွားလည်တော့ တိုက်တိုက်ဆိုင်ဆိုင်ပဲ မနက်ဖြန်သူက ယာထဲဆင်းပြီး အလုပ်လုပ်ရမယ့်အကြောင်း ပြောပြပါတယ်။ နှစ်ရက်လောက် ယာထဲမှာ အလုပ်လုပ်ပြီးမှ အားမှာမို့ ကျွန်တော့်ကို အိမ်မှာတစ်ယောက်တည်း ထားခဲ့ရမှာ အားနာနေပါတယ်။ ဒါနဲ့ ကျွန်တော်လည်း သူ့ယာခင်းထဲ နှစ်ရက်လိုက်နေပြီး အတွေ့အကြုံသစ်တွေ တိုးလာခဲ့ပါတယ်။ နှစ်ရက်ကျော်တော့ သူငယ်ချင်းက အလုပ်အားပြီမို့ သူတို့မြို့ရဲ့ အထင်ကရ နေရာတွေကို လိုက်ပို့ပါသေးတယ်။
နယ်မှာ ဧည့်သည်တစ်ယောက်ကို အဲဒီလိုမျိုး ဧည့်ဝတ်ကျေပေမယ့် ကျွန်တော်တို့ ရန်ကုန်မှာတော့ ဧည့်သည်တစ်ယောက်ကို ဧည့်ဝတ်ကျေဖို့ တော်တော်ကိုကြိုးစား ကြပါတယ်။
တစ်ခါတုန်းက သူငယ်ချင်းတစ်ယောက်ရဲ့မိတ်ဆွေ ရန်ကုန်လာလည်တော့ သူငယ်ချင်း အလုပ်က ခွင့်ယူလို့မရ၊ ပိတ်ရက်ကလည်း နည်းနည်းလိုနေ၊ အလုပ်ခွင်ထဲကိုလည်း မိတ်ဆွေကို ခေါ်သွားလို့မရနဲ့ အခက်ကြုံရပါတယ်။ ကျွန်တော်ကပဲ သူငယ်ချင်းရဲ့ မိတ်ဆွေကို သူငယ်ချင်းကိုယ်စား လိုက်ပို့ပေးရပါတယ်။
ရန်ကုန်မှာ အခြေကျစ ပြုနေတဲ့ သူတွေဆိုရင်လည်း လစဉ်ဝင်ငွေလေးကို အိမ်လခ ပေးပြီးတာနဲ့ ကျန်တဲ့ငွေလေးနဲ့ တစ်လစာ စားစရိတ်ကို ခြိုးခြံချွေတာရင်း နောက်တစ်လရဲ့ လစာထုတ်ရက်တွေကို မျှော်လင့်ရင်း တန်ဖိုးနည်းအိမ်ရာ၊ တန်ဖိုးမျှတ အိမ်ရာဆိုတာတွေကလည်း သူတို့နဲ့ အလှမ်းဝေးနေဆဲ ဆိုတာကို ဝေေ၀၀ါးဝါး တွေးတောရင်းနဲ့ပေါ့ . . . . .
နယ်ကလူတစ်ယောက် ရန်ကုန်ကိုလာလို့ တည်းခိုရမယ့်နေရာ အလွယ်တကူ မရှိရင် တော်တော်ကို စိတ်ပျက်စရာ ကောင်းလှပါတယ်။ ပိုက်ဆံ ပေါပေါများများပါရင် တည်းခိုခန်းတွေမှာ တည်းလို့ရနိုင်ပေမယ့် ခြိုးခြိုးခြံခြံ လာရတဲ့ လူတွေအတွက်တော့ သူငယ်ချင်း မိတ်ဆွေတွေ၊ ဆွေမျိုးတွေရဲ့ အိမ်တွေကိုပဲ အားကိုးရပါတယ်။
အဲဒီအားကိုးရတဲ့ အိမ်တွေကလည်း နေရာကျယ်ဦးမှ။ မိသားစုကလည်း နည်းဦးမှ။ အားမနာဘဲ လွတ်လွတ်လပ်လပ် တည်းခိုလို့ရမှာ မဟုတ်လား။
ရန်ကုန်ရဲ့ အိမ်အများစုကတော့ နယ်ကအိမ်ခြံတွေလို ကျယ်ကျယ်ဝန်းဝန်း မရှိကြတာ များပါတယ်။ ရန်ကုန်ဟာ လူနေသိပ်သည်းမှုကြောင့် နေထိုင်ရတဲ့ နေရာတွေက ကျဉ်းမြောင်းလာကြပါတယ်။ သာမန်လူလတ်တန်းစား မိသားစုဟာ ပေနှစ်ဆယ်၊ ခြောက်ဆယ်ခြံမှာ အိမ်လေးတစ်လုံးဆောက်ပြီး နေနိုင်ကြပေမယ့် ဆယ်ပေအိမ် ကျဉ်းကျဉ်းလေးမှာ မိသားစုတွေ အများကြီး နေထိုင်ကြရတာကိုလည်း မြို့နယ်တော်တော်များများရဲ့ ရပ်ကွက်တွေမှာ တွေ့နိုင်ပါတယ်။
အိမ်ပိုင်ဆိုင်မှု မရှိတဲ့ သူတွေကတော့ ငွေကြေးတတ်နိုင်မှုအပေါ် မူတည်ပြီး လုံးချင်းအိမ်လေးတွေ၊ တိုက်ခန်းလေးတွေ ငှားနေကြပါတယ်။ အိမ်ရှင်တချို့က စပေါ်ငွေ ကြိုတောင်းပြီး အိမ်လခ တစ်လချင်းပေး၊ အိမ်ပြောင်းမယ်ဆို တစ်လကြိုပြော စပေါ်ငွေပြန်အမ်းတဲ့ စနစ်ကို အသုံးပြုပြီး တချို့က ခြောက်လ၊ တစ်နှစ်စသဖြင့် အပျောက်ငှားကြပါတယ်။
အခုနောက်ပိုင်း ရန်ကုန်ဟာ လူဦးရေ ပိုမိုများပြားလာပြီး နေရာထိုင်ခင်း ပြဿနာက ပိုမိုကြီးမား လာပါတယ်။ နာဂစ်ဖြစ်ပြီးနောက်ပိုင်း ဧရာဝတီတိုင်းက လူတော်တော်များများဟာ ရန်ကုန်ကို ပြောင်းရွှေ့နေထိုင် လာကြပါတယ်။ ရန်ကုန်မှာ ရရာအလုပ် တစ်ခုခုကိုလုပ်ပြီး မိသားစုဘ၀ကို အဆင်ပြေသလို ရပ်တည်ဖို့ ဆုံးဖြတ်ချက်တွေနဲ့ပေါ့။
ရန်ကုန်မှာ ရရာအိမ်ခန်း တစ်ခုကိုငှားပြီး အလုပ်လုပ်လို့ရတဲ့ လူမှန်သမျှ စက်ရုံတွေမှာ အလုပ်ဝင်ကြသလို၊ နေ့စားရှင်းပြီး ငွေလက်ငင်းရတဲ့ ဆောက်လုပ်ရေး လုပ်ငန်းတွေမှာ အလုပ်ကြမ်း ၀င်လုပ်သူကလုပ်နဲ့ နေရေးနဲ့စားရေးကို ရင်ဆိုင်ကြပါတယ်။ ရန်ကုန်ကို ပြောင်းလာတဲ့အချိန်မှာ အဆင်ပြေရမယ်ဆိုတဲ့ မျှော်လင့်ချက်နဲ့ ရည်မှန်းချက်တွေကိုတော့ လက်တွေ့မှာ အကောင်အထည် မဖော်နိုင်ကြပါဘူး။
ရန်ကုန်ရဲ့ စားစရိတ်နဲ့ အိမ်လခဟာ သူတို့ရဲ့ ရည်မှန်းချက်တွေကို ကျားကန်ထားရုံပဲ တတ်နိုင်ပါတယ်။ နေ့စဉ်ဝင်ငွေနဲ့ မိသားစုစားစရိတ်ကို ထိန်းထားနိုင်ပေမယ့် လကုန်တိုင်းပေးရတဲ့ အိမ်လခကတော့ မျှော်လင့်ချက်တွေကို ရိုက်ချိုးနေဆဲပေါ့။
ခြံပိုင်ရှင်တွေကလည်း အရင်လို အိမ်တစ်လုံးမှာ မိသားစုတစ်စုကို ငှားတာမျိုး မဟုတ်တော့ပါဘူး။ ခြံအပြည့် အိမ်ဆောက်ပြီး လေးငါးခန်းလောက်ရအောင် အခန်းလေးတွေကန့်လို့ ငှားကြပါတယ်။ အဲဒီလို အခန်းတွဲလေးတွေကို အဆောင်လို့ ခေါ်ကြပေမယ့် တကယ်တော့ မိသားစု တစ်စုအတွက်တော့ နားခိုစရာ ကျောခင်းစရာ အိမ်လေးတွေပါပဲ။
အမျိုးသားသီးသန့်၊ အမျိုးသမီး သီးသန့်အပြင် အခုနောက်ပိုင်း မိသားစုလိုက် နေလို့ရတဲ့ အဆောင်တွေကို မြို့သစ်တွေမှာ တော်တော်များများ တွေ့လာရပါတယ်။
တကယ်တော့ နယ်မြို့ကနေ ရန်ကုန်ကို စွန့်စားပြီး လာကြတဲ့သူတွေဟာ တစ်ရပ်တစ်ကျေးမှာ ဘ၀တစ်ခု ပြောင်းလဲနိုင်မယ်ဆိုတဲ့ မျှော်လင့်ချက်တွေနဲ့ လာကြပါတယ်။ ဘယ်သူကများ ကိုယ့်ရပ်ကိုယ့်ရွာကိုစွန့်ပြီး အရပ်တစ်ပါးမှာ အခြေချချင်မှာလဲ။ အလုပ်အကိုင် အခွင့်အရေးလေး တစ်ခုနဲ့ ကျောချဖို့ နေရာလေးတစ်ခုလောက် ရရင်ဆိုတဲ့ ဆန္ဒလေးတွေနဲ့ လာကြတာပါ။
အဆောင်ပိုင်ရှင်တွေ၊ အိမ်ပိုင်ရှင်တွေ အနေနဲ့လည်း လောဘကို နည်းနည်းလျှော့ပြီး "လဲနေသူ ထူပေးပါ" ဆိုတဲ့ စကားရပ်လေးလို ဒုက္ခနဲ့ လာတဲ့သူတွေကို ကူညီချင်တဲ့ စိတ်စေတနာလေး နည်းနည်းလောက် မျှဝေပေးနိုင်မယ်ဆိုရင် သိပ်ကောင်းမှာပါပဲ။
ဘယ်လိုပဲ ဖြစ်ဖြစ်ပေါ့  .  .  .။
"အဆောင်ငှားရန် ရှိသည်" ဆိုတဲ့ ဆိုင်းဘုတ်လေးတွေကို နေရာတော်တော်များများမှာ တွေ့နေရပြီး နယ်ကတက်လာတဲ့ သူတွေကိုလည်း အထုပ်အပိုးတွေနဲ့ မကြာခဏ တွေ့နေရပါတယ်။
ရန်ကုန်မှာ အခြေကျစ ပြုနေတဲ့ သူတွေဆိုရင်လည်း လစဉ်ဝင်ငွေလေးကို အိမ်လခ ပေးပြီးတာနဲ့ ကျန်တဲ့ငွေလေးနဲ့ တစ်လစာ စားစရိတ်ကို ခြိုးခြံချွေတာရင်း နောက်တစ်လရဲ့ လစာထုတ်ရက်တွေကို မျှော်လင့်ရင်း တန်ဖိုးနည်းအိမ်ရာ၊ တန်ဖိုးမျှတ အိမ်ရာဆိုတာတွေကလည်း သူတို့နဲ့ အလှမ်းဝေးနေဆဲ ဆိုတာကို ဝေေ၀၀ါးဝါး တွေးတောရင်းနဲ့ပေါ့။
စိတ်ရဲ့ထွက်ပေါက်ကို ဖြစ်စေတဲ့ သီချင်းလေး တစ်ပုဒ်က ဘ၀တူတွေကို ၀မ်းနည်းစေသလိုလို  . . . အားပေးနေသလိုလို ...။
"မနက်ဖြန် .. ဒီအခန်းက .. နေခဲ့တာ စာချုပ်ပြည့်တော့မယ် .."
 Written by လူသန့်
Credit To First-11
Read More »

လွတ်ငြိမ်းချမ်းသာခွင့် ပေးခြင်းတွင် ပြစ်မှုအမျိုးအစား ခွဲခြားသတ်မှတ်ခြင်း မရှိဘဲ နိုင်ငံရေး လက်နက်တစ်ခု အနေဖြင့် အသုံးချရန် အစီအစဉ် မရှိကြောင်း ပြည်ထဲရေး ဒုတိယ၀န်ကြီး ပြောကြား



ပြည်ထဲရေး ၀န်ကြီးဌာန ဒုတိယ၀န်ကြီး ဗိုလ်မှူးချုပ်ကျော်ဇံမြင့်က လွှတ်တော်၌ရှင်းလင်းစဉ် (ဓာတ်ပုံ-ဇင်ဘိုလွင်)
လွတ်ငြိမ်းချမ်းသာခွင့် ပေးခြင်းတွင် ပြစ်မှုအမျိုးအစား ခွဲခြားသတ်မှတ်ခြင်း မရှိဘဲ လွတ်ငြိမ်းချမ်းသာခွင့် ပေးခြင်းကို နိုင်ငံတော်အစိုးရ အနေနှင့် နိုင်ငံရေးလက်နက် တစ်ခုအနေဖြင့် အသုံးချပြီး အရေးယူခြင်း ပြုလုပ်ရန် အစီအစဉ် မရှိကြောင်း ပြည်ထဲရေး ၀န်ကြီးဌာန၊ ဒုတိယ၀န်ကြီး ဗိုလ်မှူးချုပ် ကျော်ဇံမြင့်က ဇူလိုင် ၂၉ ရက်တွင် ကျင်းပသည့် ပြည်သူ့လွှတ်တော် အစည်းအဝေးတွင် ပြောကြားသည်။
ပြည်သူ့လွှတ်တော် ကိုယ်စားလှယ် ဒေါ်စန္ဒာမင်း မေးမြန်းသည့် ''ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁ အပုဒ်ခွဲ(၁)တွင် မည်ကဲ့သို့သော အကျဉ်းသားများ အကျုံးဝင်သည် (သို့မဟုတ်) အကျုံးမ၀င်သည်။ ပြစ်မှုကျူးလွန်လျှင် ပြစ်ဒဏ်မှခံစားခွင့် (သို့မဟုတ်) ကင်းလွတ်ခွင့် ရှိသည်ကို သိရှိလိုကြောင်း'' မေးခွန်းနှင့် စပ်လျဉ်း၍ ပြည်ထဲရေး ဒုတိယ၀န်ကြီးက ပြန်လည် ဖြေကြားရာတွင် ထည့်သွင်း ပြောကြားခဲ့ခြင်း ဖြစ်သည်။
ဗိုလ်မှူးချုပ် ကျော်ဇံမြင့်က နိုင်ငံရေး အကျဉ်းသားများ၏ ပြစ်ဒဏ်များကို ဆိုင်းငံ့ထားခြင်း၊ လွတ်ငြိမ်းသက်သာခွင့် ပေးခြင်းနှင့် လျှော့ပေါ့ ပြောင်းလဲခြင်းတို့နှင့် စပ်လျဉ်း၍ ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁၊ ပုဒ်မခွဲ(၁)တွင် 'ပြစ်မှုတစ်စုံတစ်ရာအတွက် တစ်ဦးတစ်ယောက်အား ပြစ်ဒဏ်ချမှတ် ပြီးသည့်အခါ နိုင်ငံတော် သမ္မတသည် မည်သည့် အခါမဆို စည်းကမ်းချက် မထားဘဲဖြစ်စေ၊ ပြစ်ဒဏ်စီရင်ခြင်း ခံရသူ သဘောတူသည့် စည်းကမ်းချက် တစ်ခုခုထား၍ ဖြစ်စေ ၎င်းအပေါ် ချမှတ်သည့် ပြစ်ဒဏ် အတည်ပြုလုပ်ခြင်းကို ဆိုင်းငံ့ထားနိုင်သည် (သို့မဟုတ်) ၎င်းကိုစီရင်သည့် ပြစ်ဒဏ်အားလုံး (သို့မဟုတ်) အစိတ်အပိုင်း တစ်စုံတစ်ရာကို လွတ်ငြိမ်းချမ်းသာခွင့် ပေးနိုင်သည်' ဟု ပြဋ္ဌာန်းထားကြောင်း၊ လွတ်ငြိမ်းချမ်းသာခွင့် ပေးခြင်းတွင် ပြစ်မှုအမျိုးအစား ခွဲခြားသတ်မှတ်ထားခြင်း မရှိကြောင်း ပြောကြားသည်။
ဆက်လက်၍ ဗိုလ်မှူးချုပ်ကျော်ဇံမြင့်က ''အကျဉ်းထောင် အသီးသီးမှာ အကြောင်း အမျိုးမျိုးကြောင့် တည်ဆဲဥပဒေအရ ပြစ်ဒဏ်ကျခံလျက်ရှိတဲ့ မည်သည့် အကျဉ်းသားများမဆို ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁ ပုဒ်မခွဲ(၁)နဲ့ အကျုံးဝင်ပါတယ်။ မည်သည့် အကျဉ်းသားများမှာ အကျုံးမ၀င်ကြောင်းနဲ့ ပြစ်ဒဏ်အမျိုးအစား ခွဲခြားသတ်မှတ် ပြဋ္ဌာန်းထားခြင်း မရှိပါဘူး။ တည်ဆဲ ဥပဒေကို ဖောက်ဖျက် ကျူးလွန်သူများအား တရားဥပဒေနဲ့အညီ ပြစ်ဒဏ်ချမှတ် ခဲ့ပေမယ့်လည်း ထိုက်သင့်တဲ့ ပြစ်ဒဏ်များကို ကျခံပြီးဖြစ်လို့ မိမိအကျိုး၊ ဒေသအကျိုးနဲ့ နိုင်ငံအကျိုးအတွက် အများပြည်သူနဲ့အတူ တစ်ဖက်တစ်လမ်းက တာဝန်ထမ်းဆောင် သွားနိုင်စေရန် ရည်ရွယ်ပြီး ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁) မှာ ပြဋ္ဌာန်းထားတာ ဖြစ်ပါတယ်'' ဟု ပြောကြားသည်။ အစိုးရ အနေဖြင့် ပြစ်မှုဆိုင်ရာ ကျင့်ထုံး ဥပဒေပုဒ်မ ၄၀၁၊ ပုဒ်မခွဲ(၁)ကို နိုင်ငံရေးလက်နက် တစ်ခုအနေဖြင့် အသုံးချပြီး အရေးယူခြင်း ပြုလုပ်ရန် အစီအစဉ် မရှိကြောင်း ဒုဝန်ကြီးက ထည့်သွင်း ပြောကြားသည်။
Credit To First-11
Read More »

အစွန်းရောက်မှုတွေကြားက နင်းပြားများ





ယခင်နှစ်က မိုးလယ် မိုးခေါင်ပြီး ဒုက္ခများခဲ့ရသော အညာတောင်သူများ ယခုနှစ်တွင်လည်း မိုးဦးကတည်းက မိုးကောင်းကောင်း မရွာပြန်၍ သောကပွားနေရပါပြီ။ မြန်မာနိုင်ငံအောက်ပိုင်း ဒေသများတွင် မိုးကောင်းလွန်း၍ ရေလွှမ်းနေချိန်တွင် မန္တလေး၊ မကွေး၊ စစ်ကိုင်းတိုင်းအောက်ပိုင်း မိုးနည်းရေရှားရပ်ဝန်းဒေသများတွင်တော့ မိုးခေါင်၍ စိုက်ပျိုးသမျှသီးနှံအများစု ပျက်စီးနေသည်။

အတိတ်က ရာသီဥတု သာယာမျှတခဲ့သည်ဆိုသော မြန်မာပြည်အတွက် မိုးခေါင်ခြင်း၊ ရေလွှမ်းခြင်းကဲ့သို့ အစွန်းရောက်ရာသီဥတုများ ယခုနောက်ပိုင်း ခပ်စိပ်စိပ်ဖြစ်လာသည်။ အစွန်းရောက်ရာသီဥတုက အစိုးရသစ်ကိုလည်း ချမ်းသာမပေးပါ။ အစိုးရသစ်တက်လာသော ၂၀၁၁ တွင် O2B မုန်တိုင်းကြောင့် ဒေသအချို့ရေလွှမ်းမိုးသည်။ ၂၀၁၂ တွင် အညာမိုးခေါင်ပြီး အောက်ပိုင်းဒေသရေလွှမ်းကာ ၂၀၁၃ တွင်လည်း အညာတွင် မိုးဆက်ခေါင်နေပြန်သည်။

ထိုကြောင့် အာရှဖွံ့ဖြိုးရေးဘဏ်၏ ရာသီဥတုပြောင်းလဲခြင်း ကြောင့် ထိခိုက်ခံစားရမှုအဆိုးဆုံး နိုင်ငံစာရင်းတွင် မြန်မာက ဒုတိယဖြစ်သည်။ အိမ်နီးချင်း ဘင်္ဂလားဒေ့ရ်ှနိုင်ငံပြီးလျှင် ရာသီဥတုပြောင်းလဲမှုကြောင့် ထိခိုက်ခံစားရမှုအများဆုံးက မြန်မာပင်ဖြစ်သည်။

နိုင်ငံတကာအဖွဲ့အစည်းများကပင် မြန်မာနိုင်ငံတွင် ရာသီဥတုပြောင်းလဲမှု၏ ဆိုးကျိုးကိုဆိုးဆိုးရွားရွားခံစားနေရကြောင်း ပြောဆိုနေချိန် ယခင်အစိုးရရော၊ယခုအစိုးရကပါ မသိချင်ယောင်ဆောင်နေသည်။


စိုက်ပျိုးရေးနိုင်ငံဟုဆိုသော်လည်း အညာတွင် မိုးခေါင်သောကြောင့် တောင်သူများ လယ်ယာလုပ်ငန်းခွင်ကို ကျောခိုင်းကာ ပြည်ပသို့ အလုပ်
ကြမ်းသွားလုပ်နေကြရခြင်းကို အစိုးရက ယခုထိမဆန်းစစ်သေး။ ရာသီဥတုဖောက်ပြန်၍ သီးနှံများဆုံးရှုံးကာ ပြည်သူများ ဆင်းရဲတွင်း နက်သထက် နက်လာလည်း အစိုးရဆီမှ အသံတိတ်နေဆဲ။ နှစ်ဆက်ရာသီဥတုဖောက်ပြန်နေမှုကြောင့် တောင်သူများဆောင်ရန်၊ ရှောင်ရန်ကို ဒေါက်တာ ထွန်းလွင်ကဲ့သို့ အရပ်ဘက်ပညာရှင်အချို့က အရေးတယူ သတိပေးနေ ချိန်တွင် အစိုးရကတော့ ပုံမှန်အတိုင်းသာ သတင်းထုတ်ပြန်သည်။ ပြည်သူအရေး အလေးထားသောနိုင်ငံအများစုတွင် မိုးခေါင်လွန်းခြင်း၊ ရေကြီးလွန်းခြင်းများကြုံလာပါက သဘာဝဘေးအန္တရာယ်ကျရောက် သော ဒေသအဖြစ်ကြေညာကာ ထိုဒေသများအရေး အလေးပေးဆောင်ရွက်လေ့ရှိသည်ကို တွေ့ရသည်။

မြန်မာနိုင်ငံတွင်တော့ ဆိုင်ရာဌာနက စံပြလယ်ယာများသီးနှံအထွက်တိုးရေးကိုသာ ဦးစားပေးလွန်းနေသည်။ မိုးခေါင်၍ သီးနှံများပျက်စီးနေ သော တောင်သူများ၊ ရေလွှမ်း၍ စပါးခင်းရေနစ်နေသော လယ်သမားများအတွက် ပံ့ပိုးကူညီရန်၊ နည်းပညာပေးဝေရန်၊ သတင်းဖြန့်ဖြူးရန်တော့ ဘယ်ဌာနတွင်မှ တာဝန်မရှိသလိုဖြစ်နေသည်။

ဆင်းရဲမွဲတေမှုကို အစိုးရက အမှန်တကယ်တိုက်ဖျက်လိုလျှင် မြန်မာနိုင်ငံလူဦးရေ၏ ၃၀ ရာခိုင်နှုန်းနီးပါး လူဦးရေ ၁၇ သန်းကျော်ရှိ
သော ဒေသများတွင် မိုးခေါင်လွန်းပြီး သီးနှံများပျက်စီးနေသည်က နိုင်ငံအတွက် ဂရုတစိုက်ဖြေရှင်းရမည့်ပြဿနာတစ်ရပ်ဖြစ်သင့်ပါသည်။

Credit To 7Day News Journal
Read More »

အခါးသီးဆုံး သင်ခန်းစာ


ရေးသားသူ- ရဲမိုး

၈၈၈၈ တော်လှန်ရေးကို ၂၅ နှစ် အကြာမှာ ပြန်လည်သုံး သပ်သည့်အခါ အကြီးမားဆုံး သင်ခန်းစာတစ်ခုကိုရသည်။ တပ်မတော်ကို ဒီမိုကရက် တစ်အဖွဲ့အစည်းတစ်ခုဖြစ်အောင် မလုပ်ဆောင်နိုင်ခဲ့ခြင်းသည် မြန်မာ့လူ့အဖွဲ့အစည်း၏ ကျပျောက်သွားသော “အနာဂတ်တစ်ခု” ဆိုသည့် သင်ခန်းစာဖြစ်ပါသည်။

သန်းနှင့်ချီသည့် ပြည်သူများ၏ ဆန္ဒကို ငြင်းပယ်ခဲ့ခြင်းသည် လက်နက်ကိုင်တပ်ဖွဲ့များ၏နှလုံးသားတွင် တစ်စုံတစ်ရာအကြီးအကျယ် မှားယွင်းနေပြီကို ပြသခဲ့သည်။ တပ်မတော်ကို ပြည်သူနှင့်ဝေးကွာ အောင်ပြုလုပ်ခဲ့ခြင်းသည် နိုင်ငံ၏ အနာဂတ်ကို ခေါင်းတလားထဲထည့် ပြီး နောက်ဆုံးရိုက်လိုက်သည့် သံမှိုတစ်ချောင်းဖြစ်ခဲ့ပါသည်။

တပ်မတော်ကို ဒီမိုကရက်တစ် အဖွဲ့အစည်းတစ်ခုဖြစ်အောင် အသွင်မပြောင်းဘဲ နိုင်ငံကို ဒီမိုကရေစီလမ်းကြောင်းပေါ်သို့တင်ဖို့ လုံး ၀မဖြစ်နိုင်ပါ။ ပြည်သူ့အကျိုးစီးပွား ကိုကာကွယ်ဖို့ တာဝန်ရှိသောတပ်မတော်ကို ပြည်သူများက ချစ်ခင် လေးစားသည့်တပ်မတော်ဖြစ်လာ အောင် ပြုလုပ်ရပါမည်။

အာဏာရှင်ဆူဟာတိုနောက်ပိုင်း အင်ဒိုနီးရှားစစ်တပ်ကိုပြုပြင်ပြောင်းလဲသည့်အခါ အခြေခံမူ လေးချက်ကို အကောင်အထည်ဖော်ဖို့ သူတို့ကြိုးစားခဲ့ကြသည်။ ပထမအချက်က အရပ်သားတို့၏ အကြင်း မဲ့အုပ်ချုပ်မှုအာဏာကို အုတ်မြစ်ချရေးဖြစ်သည်။ နိုင်ငံတော်ကို စီမံခန့် ခွဲမှုသည် အရပ်သားအစိုးရ၏ လက်ထဲတွင်သာရှိရမည်ဆိုသည့် စနစ်ကိုအရေးကြီးဆုံးမူအဖြစ် ထူထောင်ကြသည်။ လက်နက်ကိုင်တပ်ဖွဲ့များ သည် အရပ်သားအုပ်ချုပ်မှု၏ စီမံခန့်ခွဲမှုကို လိုက်နာရမည်ဖြစ်သည်။ ဒုတိယအချက်က စစ်တပ်၏နိုင်ငံရေးအခန်းကဏ္ဍကို အဆုံးသတ်ရေး ဖြစ်သည်။ စစ်တပ်ကို အင်ဒိုနီးရှား နိုင်ငံရေးက ဆွဲထုတ်ခြင်းဖြင့် ဘက်မလိုက်တာဝန်ကျေသည့် တပ်ဖွဲ့များ ဖြစ်လာအောင်ချခဲ့သည့်မူဖြစ် သည်။

တတိယအချက်ကတော့ စစ်တပ်၏စီးပွားရေးဆိုင်ရာ အခန်း ကဏ္ဍကို အဆုံးသတ်ရေးဖြစ်သည်။
“စစ်တပ် + စီးပွားရေး = အာဏာအလွဲ သုံးစားမှု + တိုင်းပြည်ဆင်းရဲမွဲတေမှု” ဟု သူတို့သင်ခန်းစာထုတ်ခဲ့ကြသည်။ စတုတ္ထအချက်ကတော့ စစ်တပ်ကို ဥပဒေကြောင်းအရပင် တာဝန်ယူမှုရှိသည့် အဖွဲ့အစည်း တစ်ခုဖြစ်လာအောင် ပြောင်းလဲရေး ဖြစ်သည်။ လက်နက်ကိုင်သူသည် တာဝန်အသိတတ်ဆုံးသူဖြစ်ရမည်ဆိုသည့်မူဖြစ်သည်။

အင်ဒိုနီးရှားကိုထားပြီး ကျွန်တော်တို့နိုင်ငံအကြောင်းကို ဆွေးနွေးကြရအောင်ပါ။ တပ်မတော်ကို လူ့အဖွဲ့အစည်းအတွင်းရှိ ပြည်သူများနှင့် အခြားအစုအဖွဲ့များ က အမြင်မကြည်လင်ရခြင်း၏ အဓိကအကြောင်းရင်းမှာ နိုင်ငံရေးတွင် တပ်မတော်ကို အသုံးချခြင်းကြောင့် ဖြစ်သည်။
မြန်မာ့နိုင်ငံရေး၏ အလယ်ဗဟိုချက်မမှာ တပ်မတော်ကိုထားခြင်းဖြင့် အားလုံး၏ “ဘုံအမုန်းခံ”ဘ၀ကို ရောက်ရှိသွားစေခဲ့ပါသည်။ တပ်မ
တော်ကို နိုင်ငံရေးမှ ဆွဲထုတ်နိုင်လျှင် တပ်မတော်သားများကို ပြည်သူများက ပြန်လည်လေးစားချစ်ခင်လာမည်မှာမလွဲပါ။ ယခုတိုင် ဗိုလ်ချုပ်
ကြီးဟောင်းတချို့ ပြောနေဆဲစကားတစ်ခုရှိပါသည်။ “တပ်မတော်သည် မြန်မာ့နိုင်ငံရေးသမိုင်းတွင် အရေးပါသောနေရာမှာ အမြဲရှိ နေခဲ့သည်”ဆိုသည့်စကားဖြစ်သည်။ မှန်ပါသည်။ ထို့ကြောင့် မြန်မာ့နိုင်ငံရေးသမိုင်းသည်လည်း မည်သည့်အခါမှ ငြိမ်းချမ်းလှပခြင်း မရှိခဲ့ပါ။

တပ်မတော်သားများကို ၀န်ထုပ်ဝန်ပိုးဖြစ်စေသည့်အပြင် နိုင်ငံ့လုပ်ငန်းများကိုလည်း သွက်ချာပါဒလိုက်စေသည့် အတွေးအခေါ်တစ်ခု ရှိနေဆဲဖြစ်ပါသည်။ “တပ်မတော်သားသည် ဘာမဆိုလုပ်နိုင်စွမ်းရှိသည်”ဆိုသည့်အယူအဆဖြစ်သည်။ စာတိုက်နှင့်ကြေးနန်း၊ ကျန်းမာရေး နှင့်ပညာရေးကဏ္ဍတို့ကစ၍ ဘဏ္ဍာ ရေး၊ ကုန်သွယ်ရေးနှင့် သစ်တော စသည့်ကဏ္ဍအသီးသီးအထိ တပ်မတော်သားများကို စေလွှတ်အုပ်ချုပ်စေခဲ့သည်။ နှစ် ၅၀ အကြာမှာ ဟောင်းလောင်းကျန်ခဲ့သည့် နိုင်ငံ့အခြေအနေက ထိုအတွေးအခေါ်မှန်၊ မ မှန်ကို သက်သေပြပြီးဖြစ်ပါသည်။

နိုင်ငံ့ကဏ္ဍအသီးသီးကို စစ်မှုပြုခြင်း (Militarized) ၏နောက် အကျိုးဆက်တစ်ခုက “အမိန့်”တစ်ခုနှင့်သာ အလုပ်လုပ်တတ်သည့် ယဉ်ကျေးမှုကို အရပ်ဘက်လူ့အဖွဲ့ အစည်းအတွင်းသို့ သွတ်သွင်းလိုက်ခြင်းဖြစ်သည်။ “အမိန့်နာခံခြင်း”သည် စစ်တပ်တစ်တပ်အတွက် အရေးပါလှသော စည်းစနစ်တစ်ခု ဖြစ်သည့်တိုင် တီထွင်ဖန်တီးမှုနှင့်လွတ်လပ်မှုတို့ကို အခြေခံရမည့် အရပ်ဘက်အဖွဲ့အစည်းများအ တွက်တော့ လူသားကို စက်ရုပ်ဘ၀သို့ အသွင်ပြောင်းလဲလိုက်ခြင်းဖြစ် ပါသည်။

တပ်မတော်ကိုပြုပြင်ပြောင်းလဲရာမှာအရေးပါလှသည့် အဓိ ပ္ပာယ်ဖွင့်ဆိုချက်တစ်ခုကို မဖြစ် မနေပြုလုပ်ရပါမည်။ “နိုင်ငံတော်” ဆိုသည့်စကားလုံးကို အနက်အဓိ ပ္ပာယ်ဖွင့်ဖို့ဖြစ်ပါသည်။ ပြီးခဲ့သည့် ဆယ်စုနှစ်များမှာ “နိုင်ငံတော်၏ စေတနာဖြင့်”၊ “နိုင်ငံတော်ကဦး ဆောင်ပြီး...”၊ “နိုင်ငံတော်က ပြု လုပ်သည့်...”ဆိုသည့် စကားများ မိုးလုံးပြည့်ခဲ့သည်။ နိုင်ငံတော်ဆို သည်မှာ “အစိုးရလား”၊ “ဗိုလ်ချုပ်ကြီး လား”၊ “ပြည်သူလား”ဆိုသည်ကို တပ်မတော်သားများအတွက် မှန်မှန် ကန်ကန် အဓိပ္ပာယ်ဖွင့်ပေးဖို့လိုအပ် ပါသည်။

လူ့အဖွဲ့အစည်းမှန်မှန်ကန်ကန်ဖွံ့ဖြိုးဖို့အတွက် အားလုံးကိုယ့် အလုပ်ကိုလုပ်ဖို့လိုအပ်သည်။ တပ်မတော်သားက လုံခြုံရေးကို တာဝန်ယူ၊ နိုင်ငံရေးသမားက စီမံခန့်ခွဲ၊ သတင်းစာဆရာက သတင်းပို့၊ ၀န်ထမ်းက ယန္တရားကိုလည်ပတ်ဖို့လိုအပ်သည်။

သို့မဟုတ်ဘဲ စစ်သားကနိုင်ငံရေးလုပ်၊ နိုင်ငံရေးသမားက သတင်း စာတိုက်ထောင်၊ သတင်းစာဆရာ က ဘာသာရေးတိုက်ပွဲဝင်ပြီး သံဃာ တော်က ဥပဒေပြဋ္ဌာန်းဖုိ့ကြိုးစားကြလျှင်တော့ နောက်အနှစ် ၅၀ နှင့်တောင် လုံလောက်မည်မဟုတ်ပါ။

Credit To The 7Day News Journal
Read More »

သံပန်းကန်လား ကြွေပန်းကန်လား



တရုတ် ဝန်ထမ်းလောကတွင် သံပန်းကန်နှင့် ကြွေပန်းကန် နှစ်ဆင့် ခွဲခြားထား သည်။ သံပန်းကန် သဘောက အကြမ်းခံ၊ အထိခံ လွတ်ကျလည်း မကွဲပေ။ ကြွေပန်းကန်တွေကတော့ ထိခိုက်မခံ လွတ်ကျလျှင် ကွဲနိုင်သည်။ အလားတူ မပြုတ်နိုင်သော ဝန်ထမ်းကို သံပန်းကန်၊ အထိအခိုက်မခံ အချိန်မရွေး ပြုတ်နိုင်သော ဝန်ထမ်းကို ကြွေပန်းကန်ဟု သတ်မှတ်ကြသည်။

မကြာသေးမီက တရုတ်ပြည် ဟူနန်နယ်ရှိ အစိုးရ ရုံးများတွင် ကင်မရာလေး များကို တိတ်တဆိတ် တပ်ဆင်ကာ ဝန်ထမ်းများ၏ အနေအထား ကို စောင့်ကြည့် အကဲခတ် ပိုင်းဖြတ်မှုများ ပြုလုပ်ကြည့်ကြသည်။ တရုတ် အစိုးရ အတော်လေး ကြေကွဲသွားသည်။ လုပ်ငန်းခွင်တွင် အိပ်နေသူများ၊ ဂိမ်းကစားနေသူများ၊ အွန်လိုင်း ဗီဒီယို ကြည့်နေသူများကိုသာ တွေ့လိုက် ကြရခြင်းကြောင့် ဖြစ်သည်။

ပြည်သူ့ အခွန်ငွေတွေကို စားပြီး၊ ပြည်သူကို အလုပ်အကျွေးပြုရန် ခန့်ထားသော ပြည်သူ့ဝန်ထမ်းများ သည် လုပ်ငန်းခွင်အတွင်း အလုပ် မလုပ်ဘဲ လုပ်ချင်ရာ လုပ်ခွင့် ရနေခြင်းအပေါ် အစိုးရအနေနှင့် ပြန်လည် ဆန်းစစ် သုံးသပ်မှုများ ပြုလာခဲ့ရသည်။

တရုတ်တွင် ဗျူရိုကရက်ဆန်ဆန် အုပ်ချုပ်ရေးကို မလိုချင်သဖြင့် နှစ် ကာလပေါင်းများစွာ ဗျူရိုကရေစီ ယန္တရား ပျောက်ကွယ်သွားရန် အစိုးရ ကိုယ်တိုင် ကြိုးစား အားထုတ် တိုက်ဖျက်ခဲ့သည်။ ၁၉၄၉ ခုနှစ်ကတည်း က နိုင်ငံပိုင် လုပ်ငန်းများနှင့် အစိုးရ ရုံးများတွင် ဝန်ထမ်းများကို ခန့်ထားခဲ့ပြီး ၁၉၈၀ ပြည့်နှစ်လောက်မှ တန်းတူညီမျှ ခံစားခွင့် (ကွန်မြူနစ်ဝါဒအရ) ကို ပယ်ဖျက်ကာ လုပ်သလောက် ခံစားနိုင်ရန် အခွင့်အလမ်းများ ပေးခဲ့သည်။ ယင်းကိုပင် သံပန်းကန် လုပ်သားများကို စစ်ထုတ်ခြင်းဟု ခေါ်သည်။

၁၉၉၀ ပြည့်နှစ်လောက်တွင် အစိုးရ ဌာနများ၌ အမြဲတမ်း ဝန်ထမ်းများကို သတ်မှတ်ခန့်ထားခြင်း ထက် စာချုပ်ဖြင့် နှစ်အကန့်အသတ် ထားကာ ခန့်အပ်သည့် စနစ်ကို စတင် ကျင့်သုံးခဲ့သည်။ ကြိုက်လျှင် ဆက်သုံးမည်၊ မကြိုက်လျှင် ဖြုတ်မည်ဆိုသည့် သဘော ဖြစ်သည်။

ယခင် အသက်ကြီးသည်အထိ အလုပ် လုပ်ရမည်။ ဖြုတ်မရ ပြုမရ၊ သို့ဖြင့် ပင်စင် ရသွားကြသည် များလည်း ရှိသည်။ မလုပ်၊ မရှုပ်၊ မပြုတ် ဆိုသည့် သဘောဖြင့် သက်ပြည့် ပင်စင် ခံစားသွားရသူတွေလည်း ရှိသည်။ ပြစ်မှု ကြီးကြီးမားမား မလုပ်သမျှ ဖြုတ်မရသည့် သံပန်းကန် လုပ်သားများကို ကွန်မြူနစ် ဝါဒအရ နှစ်ပေါင်းများစွာ မွေးထားခဲ့ပြီးမှ ခေတ်သစ်တွင် ကြိုက်လျှင် သုံးမည်၊ မကြိုက် လျှင် မသုံး ဆိုသည့် ကြွေပန်းကန် လုပ်သား များအဖြစ် ပြောင်းလဲပစ်ရခြင်းမှာ လွယ်ကူလှသည်တော့ မဟုတ်ပေ။

ဇွန်လ ၂ ရက်နေ့တွင် ဘေဂျင်း မြူနီစပယ် ဝန်ထမ်း ခြောက်ဦးခေါ်သည့် သတင်းကို သတိထားလိုက် မိသည်။ အဆင့်မြင့် ရာထူးများဖြစ်ပြီး တစ်နှစ် လစာ ယွမ် ၂၀၀,၀၀၀ (ဒေါ်လာ ၃၂,၆၀၀) ဖြစ်သည်။ သို့သော် အစိုးရ အလုပ်ကဲ့သို့ သံပန်းကန် လုပ်သား မဟုတ်၊ ကြွေပန်းကန်များ သာ ဖြစ်ကြောင်း ဖော်ပြထားသည်။ စာချုပ် ၂ နှစ် သို့မဟုတ် သုံးနှစ်ခန့်သာ ရမည်ဖြစ်ပြီး သုံးလ သို့မဟုတ် ခြောက်လ အစမ်းခန့် ကာလအတွင်း မကြိုက်လျှင် ဖြုတ်နိုင်ခွင့် ရှိသည်။

တရုတ်ပြည်တွင် ကန်ထရိုက် စာချုပ်ဖြင့် ခန့်အပ်သော လုပ်သားများကို တစ်လ ယွမ် ၆၀၀၀ ပေးသည်။ ၉၇၈ ဒေါ်လာခန့် ဖြစ်သည်။ အမှန်ဆိုရလျှင် သံပန်းကန်များထက် လစာမြင့်သည်ဟု ဆိုနိုင်သည်။ သို့သော် အစမ်းခန့် ကာလအတွင်း စောင့်ကြည့်မှုများ၊ ပိုင်းဖြတ်မှုများ၊ အမှတ်ပေးမှုများ နှင့် ရင်ဆိုင်ရသည်။ မကြိုက်လျှင် တစ်လအတွင်းလည်း ပြုတ်သွားနိုင်သည်။

ယခု ပြောပြနေသည့် အကြောင်းမှာ မကြာသေးမီက ဖတ်လိုက်ရသည့် တရုတ်သတင်းစာ တစ်စောင်မှ ရေးသားထားချက်များ ဖြစ်ပါသည်။

မြန်မာနိုင်ငံတွင် ဝန်ထမ်းဖြစ်သွားပါက သံပန်းကန်တွေ ဖြစ်သွားသည်က များသည်။ ဖြုတ်မရ ပြုမရ၊ ပြည်သူ့ဘဏ္ဍာကို အလကား ထိုင်စားနေသူများ ရှိသကဲ့သို့၊ ပြည်သူ့ဘဏ္ဍာ စားနေသော်လည်း ပြည်သူကို အလေးမထား သူတွေက များလှသည်။

တရုတ်ပြည်တွင် ဗီဒီယို ကင်မရာများ ထားပြီး စောင့်ကြည့်လိုက် သလို၊ မြန်မာပြည်တွင် စောင့်ကြည့်မည်ဆိုပါက ပိုပြီး ကြေကွဲစရာများနှင့် ကြုံလာရဖွယ် ရှိသည်။ တစ်နေကုန် Facebook နှင့် နှစ်ပါးသွားနေသူ များ၊ နေ့ခင်းမှ ရုံးလာ၊ ညနေဆို ပြန်သွားနေသူများ ရှိနေသော်လည်း လုပ်၍ ရနေခြင်း၊ လုပ်ခွင့်ပြုထားခြင်းကြောင့်သာ ပျက်စီးချင်တိုင်း ပျက်စီးနေ ကြခြင်း ဖြစ်သည်။ အကျင့်ပျက် ဝန်ထမ်း ဆိုသည်မှာ အကျင့်ကိုက မကောင်းသဖြင့် ပျက်စီးနေရသူများ ရှိသကဲ့သို့၊ မပျက် ပျက်အောင် ဖျက်ထားသောကြောင့်လည်း ပျက်နိုင်သည်။ ပျက်နေခြင်းကို လျစ်လျူရှု ထားနိုင်ခြင်းကြောင့်လည်း ဖြစ်နိုင်သည်။အကျင့်ပျက်နေသူများ လုပ်ငန်းခွင် အတွင်း ရှိနေခြင်းသည် ပြုသူရော၊ ဖျက်သူတွင်ပါ တာဝန်ရှိသည်။ ပျက်ပိုင်ခွင့်ကို လွတ်လပ်စွာ ပေးထားလျှင် ပျက်ကြမည်သာဖြစ်သည်။ တိုင်းပြည် ကောင်းစားရေးအတွက် အလုပ် လာလုပ်နေခြင်း မဟုတ်။ အရချောင်၊ အစားချောင်၊ အနေချောင်သောကြောင့် လာလုပ်နေခြင်း ဖြစ် သည်ဟု ခံယူနေကြလျှင်လည်း ဝန်ထမ်းလောက ပျက်စီးနိုင်ပါသည်။ ပျက်စီးနေသူများထက် ပျက်ခွင့် ပြုထားသူများတွင် ပိုပြီး တာဝန်ရှိသည်။

တစ်လောက သူငယ်ချင်းတစ်ယောက် ရုံးရှိရာသို့ သွားသည်။ တစ်ရုံးလုံးတွင် စားပွဲ၌ထိုင်ကာ တကုတ်ကုတ် လုပ်နေသူ သုံး လေးဦးခန့်သာ ရှိသည်။ ထိုရုံးစားပွဲတွင် ထိုင်နေသူများမှာလည်း ရုံးအလုပ် လုပ်နေခြင်းမဟုတ်။ ချဲ ထိုင်တွက်နေကြခြင်း ဖြစ်သည်။ နံနက် ၁၀ နာရီ ၃၀ မိနစ်ခန့်တွင် ထမင်း ဝိုင်းဖွဲ့ပြီး ထိုင်စားနေကြသည်။ ရုံးပေါ်သို့ မတက်မီ အောက်ထပ် လက်ဖက်ရည်ဆိုင်များတွင် ယူနီဖောင်းဝတ်တွေကိုလည်း ဆိုင်ပြည့် တွေ့ခဲ့ ရသည်။

ကျွန်တော့် သူငယ်ချင်း အပါအဝင် အရာရှိများ အခန်းတွေက သော့ပိတ် ထားသည်။ ဆရာ အစည်းအဝေးသွားလို့၊ နေပြည်တော် သွားလို့၊ လမ်းကြောင်းရှိလို့ ဆိုသည့် အကြောင်းအမျိုးမျိုး ပြသံတွေကိုသာ ကြားနေ ရသည်။

ခေတ်မီ ဖွံ့ဖြိုး တိုးတက်သည့် နိုင်ငံကြီး တည်ဆောက်နေသည် ဆိုသော် လည်း ရုံး စားပွဲများပေါ်တွင် ညစ်ထပ်နေသည့် စာရွက်ပုံကြီးများ၊ ဖိုင်တွဲများ ကို တွေ့မြင်နေရဆဲ ဖြစ်သည်။ စားပွဲ ၅၀ ခန့်ရှိသည့် ရုံးခန်းအတွင်း မည်သည့် စားပွဲပေါ်တွင်မျှ ကွန်ပျူတာကို မတွေ့ခဲ့ရ။ ကျွန်တော် လိုချင်သော ဖိုင်ကို ပြန်ရှာခိုင်းသည်ကိုပင် တစ်နာရီခန့် ကြာသည်။ တင်ထား သည့် စာဖိုင်ကို စားပွဲပေါ် ရှာသည်။ မတွေ့လျှင် စားပွဲအောက် အပုံထဲတွင် ရှာသည်။ မတွေ့လျှင် တစ်နေရာ ထွက်သွားပြီး ထပ်ရှာသည်။ မတွေ့သဖြင့် ပြန်လာပြီး အံဆွဲထဲတွင် ထပ်ရှာသည်။ အံဆွဲအတွင်း တွေ့ သည်။ ထိုဖိုင်ကို သုံးလခန့်သာ ကြာသွားသည် အထက်သို့ မတင်ရသေး။ တင်ထားခဲ့သည့်အတိုင်း လက်မှတ်လည်း မထိုးရသေး။ နောက်တစ်ပတ် ပြန် ချိန်းသည်။ ကျိန်းသေသည်။ တစ်ခုခုတော့ လိုနေပြီ။

သံပန်းကန်လို ဝန်ထမ်းတွေ မြန်မာပြည်တွင် မွေးထားလျှင် ပျက်စီးကိန်း ကြုံတော့မည်။ ကျောင်းဆရာ လောကတွင်လည်း သံပန်းတွေ ခန့်ထား မိသဖြင့် မလုပ်၊ မရှုပ် မပြုတ်တွေ ပေါလာသည်။ ကြိုးစားချင်စိတ် မရှိတော့။ တရုတ် သတင်းစာတွင်ပင် ကျောင်းဆရာများကို တစ်နှစ်တစ်ကြိမ် စာမေးပွဲ ပြန်စစ် သည်။ အရည်အချင်း မရှိလျှင် ဖြုတ်ပစ်သည်ဟု တွေ့ရ သည်။ ဂျပန်တွင်လည်း ဆရာတွေကို သက်ဆိုင်ရာ မြို့တော် ကောင်စီက ခန့်သည်။ တစ်နှစ်သာ ခန့်ပြီး မကြိုက်လျှင် ဆက်မခန့်။ သို့ဖြစ်ရာ မိမိကိုယ်ကို အမြဲ အရည်အချင်း ပြည့်အောင်၊ ထက်မြက်အောင် ကြိုးစားမှ သာ ရပ်တည်နိုင်သည်။ သံပန်းကန်ဖြစ်ခွင့် ရှိသည်။ ဝန်ထမ်းလုပ်လျှင် မည်သူမျှ စစချင်း သံပန်းကန် မဖြစ်နိုင်။ အထိမခံ ကြွေပန်းကန် ဘဝကို အစွမ်းပြပြီး ဖြတ်သန်းနိုင်မှ အာမခံချက် ရှိနိုင်သည် ဆိုခြင်းကို တရုတ်လို ကွန်မြူနစ် နိုင်ငံကြီးက ပြောင်းလဲနိုင်ပြီး၊ ဆိုရှယ်လစ် အကြွင်း အကျန် မြန်မာနိုင်ငံ၌ သံပန်းကန်လို လုပ်သားများဖြင့် ပြုပြင်ပြောင်းလဲမှု မလုပ်နိုင်ခြင်းအား ပြန်လည် စဉ်းစားသင့်ပြီ ထင်ပါသည်။
Credit To The Voice Weekly
နွေဦး
Read More »

သမိုင်းထဲက ဥတ္တရ ငြိမ်းချမ်းရေးပြယုဂ်


(မင်းထက်စံ)

ကားလမ်းမကြီးဟု ဆိုသော်လည်း ကားတစ်စီးမျှ သွား၍မရ။ ဖြူနီပြာဝါ မီးရောင်စုံများ လင်းထိန်လျက် ခေတ်ပေါ် တေးဂီတသံများလည်း ဆူညံနေသည်။ ဧကများစွာ ကျယ်ဝန်းသော ရင်ပြင်ကြီးတွင် မရေတွက်နိုင်သော လူအုပ်ကြီးဖြင့် ပြည့်နှက်နေပြီး ခြေတစ်လှမ်း လှမ်းရန်ပင် တော်တော်ခက်ခဲ သည်အထိ စည်ကားလျက် ရှိသည်။

ထိုမြင်ကွင်းက လွန်ခဲ့သည့် လေးနှစ်ခန့် ၂၀၀၉ ခုနှစ်က ကျင်းပခဲ့သော (၆၁) နှစ်မြောက် ကချင်ပြည်နယ်နေ့ မနောပွဲတော် မြင်ကွင်းပင် ဖြစ်သည်။ သို့သော် လက်ရှိအခြေအနေမှာမူ ယင်းမြင်ကွင်းနှင့် ကွာခြားနေသည်။

တောင်ပေါ်မြို့ဟု ဆိုသော်လည်း အအေးဓာတ်မရှိဘဲ အပူချိန်မြင့်မားနေသော မြစ်ကြီးနားမြို့တွင် အထင်ကရဖြစ်သော မနောကွင်းသည် တိတ်ဆိတ်လျက် မနောတိုင်များသာ အထီးကျန်ဆန်လျက် ရှိသည်။ မနောကွင်းသို့ ရောက်ရှိချိန်ကား မွန်းလွဲ ၁ နာရီ။ တော်တော်ပူသည်။

မနောပွဲကို တပ်မတော်နှင့် ကေအိုင်အေတို့၏ တိုက်ပွဲများ ဖြစ်ပွားခဲ့သည့် ၂၀၁၁ ခုနှစ်မှ စတင်၍ ကျင်းပနိုင်ခြင်းမရှိတော့ပေ။ မနောတိုင်များ၊ မနောတိုက်ကွက်ပုံစံ (ဒီဇိုင်း) များ၊ မနောစည်တော်၊ မနောမျှော်စင်တို့က မနောအကများကို မျှော်လေသလောဟုပင် ထင်မှတ်ရသည်။

မနောဟူသည်မှာ ယခင်က နတ်ကိုးကွယ်သူတို့အဖို့ မဒိုင်နတ်ကို ပူဇော်ပသသော နတ်ပွဲကြီးဖြစ်ပြီး ကချင်လူမျိုးတို့ ဘိုးဘေးဘီဘင်လက်ထက်က အစပြု၍ ကောင်းကင်နှင့် မြေကြီး၊ စကြဝဠာ တစ်ခုလုံးကို ဖန်ဆင်းကာ အရာခပ်သိမ်းတို့ကို ထိန်းကျောင်းပေးသော ဖန်ဆင်းရှင်တစ်ပါး ရှိသည်ကို ယုံကြည်ကြသည်။

ဥစ္စာပစ္စည်း တိုးပွားစေရန်၊ ဆန်ရေစပါး ပေါများရန်၊ ရောဂါဘယ ကင်းဝေး၍ ကျန်းမာစေကြောင်း ဆုမွန်ကောင်းတောင်းရန် မဒိုင်နတ်ကို နှစ်ပေါင်းများစွာ ပူဇော်ပသခဲ့ကြသော်လည်း နောက်ပိုင်းတွင် လူနေမှု အဆင့်အတန်း တိုးတက်ပြောင်းလဲကာ ကိုးကွယ်သည့် ဘာသာအယူအဆများကြောင့် မဒိုင်နတ်ကို ပူဇော်ပသသည့် ပွဲမဟုတ်တော့ဘဲ ရိုးရာယဉ်ကျေးမှု ပွဲတော်အဖြစ် ပြောင်းလဲ ကျင်းပလာကြသည်။ သို့သော် ဖိရိုးဖလာ နတ်ကိုးကွယ်သူများက မဒိုင်နတ် ပူဇော်ပသ၍ ကပြနေကြဆဲ ဖြစ်သည်။

မနောအမျိုးအစား အဓိကငါးမျိုးသတ်မှတ်ထားရာ ယင်းတို့မှာ ၁။ ဆွတ်မနော (ဥစ္စာစီးပွား တိုးပွား ကြွယ်ဝချိန်တွင် အများလူထု မိတ်ဆွေ သင်္ဂဟတို့ကို ပေးကမ်းစွန့်ကြဲ လှူတန်းသည့် မနောပွဲ)၊ ၂။ ဂျူမနော (ပြင်းထန်စွာ နာမကျန်းသောအခါ၊ သက်ကြီးရွယ်အိုများ အသုဘ အခမ်းအနား ပြီးစီးချိန်၊ သားသမီး မထွန်းကားသည့်အခါ သားသမီးရစေရန် ဆုတောင်းသည့် မနောပွဲ)၊ ၃။ ပဒန်မနော (စစ်တိုက်၍ အောင်မြင်လာကြသောအခါ အောင်ပွဲခံသည့် မနောပွဲ)၊ ၄။ ကွမ်ရန် မနော (ပဒိုင်နတ်ကို ကိုးကွယ်သည့် မိသားစု၊ အိမ်ထောင်စုတစ်ခုမှ နယ်မြေသစ်ထူထောင်ရန် သို့မဟုတ် သီးခြား အိုးအိမ်သစ် တည်ဆောက်ရန် ကျင်းပသော မနောပွဲ)၊ ၄။ ရှဒစ် မနောပွဲ (နယ်မြေသစ် ထူထောင်ပြီး၍ မိဘများ နေထိုင်ရာ ပင်ဒေသ အူမားဂါးမှ မဒိုင်နတ်နှင့် ရှဒစ်တို့ကို ဝေခြမ်းပင့်ဆောင်လာသောအချိန် မဒိုင်နတ်ကို နေရာပြခြင်း သို့မဟုတ် နယ်မြေသစ်ရှိ မကောင်းဆိုးဝါးများကို ဖယ်ရှားခြင်း) စသည်ဖြင့် အမျိုးမျိုး ကျင်းပခဲ့သည့်ဟု မနောပွဲသမိုင်းများတွင် ဖော်ပြထားသည်။

အထက်ပါ မနောငါးမျိုးအပြင် အခြားမနောပွဲများကိုလည်း ကျင်းပသည်မှာ ထိန်ရမ်းမနော (ညီအစ်ကို အချင်းချင်းဖြစ်စေ၊ သမက်ဖြစ်စေ၊ ယောက္ခမမျိုးတို့နှင့်ဖြစ်စေ ရန်လိုမှု၊ မကျေနပ်မှုများ ရှိနေချိန်တွင် တစ်ဦးနှင့်တစ်ဦး သံသယ ကင်းရှင်းစေကြောင်း ပြန်လည် စေ့စပ်ကျေအေးစေရန် ကျင်းပသည့် မနောပွဲ)၊ နိန်ထန်မနော (စစ်ထွက်ခါနီးအချိန်တွင် ဓား၊ လှံ၊ သေနတ်စသော စစ်လက်နက်များ ကိုင်ဆောင်၍ ဇာတိသွေး ဇာတိမာန်တက်ကြွစေရန် ကခုန်ကြသည့် မနောပွဲအပြင် စစ်သည်အင်အား စုဆောင်းသည့် မနောပွဲဟုလည်း ခေါ်ဆိုကြသည်။)၊ ထိန်ထန်မနော (မနောရှင်တို့က ခါတိုင်းပုံမှန် ကျင်းပနေသော မနောပွဲ ရက်ထက် နှစ်ဆပိုကြာအောင် ကျင်းပသော မနောပွဲ)တို့ကိုလည်း ကျင်းပခဲ့ကြသည်ဟု သမိုင်းစာအုပ်များတွင် ဖော်ပြခဲ့သည်။

မြစ်ကြီးနားမြို့ စီတာပူမနောကွင်း အလယ်တွင် တည်ရှိနေသော မနောတိုင်များထဲမှ အလယ်ဗဟို တိုင်နှစ်တိုင်မှာ အမတိုင်မှာ ဖြစ်၍ (Dung Yi) ဖြစ်၍ ယင်းတိုင်များနှင့် ယှဉ်ကာ ဘေးတစ်ဖက် တစ်ချက်စီတွင် စိုက်ထူထားသော တိုင်နှစ်တိုင်မှာ အဖိုတိုင်များ (Dung La) ဖြစ်ပြီး တခြားတိုင်အတိုတို့ကို ဒုံနွယ် (Dung Noi) ဟု ခေါ်ဆိုကြောင်း ဒေသခံတစ်ဦးက ပူပြင်းသော နေရောင်အောက်ရှိ မနောတိုင်များကို လက်ညှိုးထိုးပြကာ ရှင်းပြပေးသည်။

မနောတိုင်များကို အောက်ခြေတွင် ကန့်လန်ဖြတ်ထားသော တိုင်များကို ဒုံဗြဲ (Dung Bye) သို့မဟုတ် ဒုံတော် (Dung Tawn) ဟု ခေါ်ပြီး အောက်တွင် အောက်ချင်းငှက် ဦးခေါင်းနှင့် အမြီးကို ထွင်းလုပ် ထားသည်မှာ ငှက်များညောင်သီးစား၍ မနောပွဲ ကျင်းပခဲ့စဉ်က အောက်ချင်းငှက်သည် မနောရှင်အဖြစ် ဆောင်ရွက်ခဲ့သောကြောင့် ဖြစ်ကြောင်း သူကပြောပြသည်။

ယင်းမနောတိုင်များမှာ ၁၉၉၃ ခုနှစ်အစောပိုင်း ကာလက သစ်သားတိုင်များဖြစ်ပြီး အစိုးရနှင့် ကေအိုင်အိုတို့ ငြိမ်းချမ်းရေး ဆွေးနွေးပွဲပြုလုပ်ပြီးသည့် ကာလတွင် အဆိုပါမနောတိုင်များကို ကွန်ကရစ်တိုင်များအဖြစ် ပြောင်းလဲခဲ့သည့်အပြင် မဂျွယ်ခန်းမတို့ကို တည်ဆောက်ခဲ့ခြင်း ဖြစ်သည်။
မနောကွင်း အနောက်ဘက်တွင်မူ ယခင်က ဖွင့်လှစ်ခဲ့သည့် စားသောက်ဆိုင်ဟောင်းများ ရှိနေပြီး ခြောက်ကပ်လျက်…

မနောကွင်း၏ဘေးရှိ ငြိမ်းချမ်းရေး မဂျွယ်ခန်းမအနီးတွင် ရဲတပ်ဖွဲ့ဝင်များ လုံခြုံရေးယူထားသည်။ ယင်းရဲတပ်ဖွဲ့ဝင်များမှာ မေလ ၂၈ ရက်နေ့တွင် ပြုလုပ်သော အစိုးရ ငြိမ်းချမ်းရေး ဖော်ဆောင်ရေးလုပ်ငန်း ကော်မတီနှင့် ကေအိုင်အိုတို့ ငြိမ်းချမ်းရေး ဆွေးနွေးပွဲ မတိုင်မီတွင် ရောက်ရှိနေခြင်း ဖြစ်သည်ဟုလည်း ဒေသခံများ၏ အဆိုအရ သိရသည်။

ယင်းမနောကွင်းသည် ၁၉၄၆ ခုနှစ်က ဂျပန်တို့ကို အောင်မြင်စွာ တိုက်ထုတ်နိုင်ခဲ့သော အထိမ်းအမှတ် အဖြစ် ပဒန်မနောပွဲအဖြစ် စတင်ကျင်းပခဲ့ပြီး ပြည်မမှ ဗမာကိုယ်စားလှယ်များပါ တက်ရောက် အားပေးခဲ့သည့်အတွက် ကချင်ဗမာ ချစ်မြဲစေခဲ့သည်ဟု သမိုင်းများက ဆိုခဲ့သည်။

မြန်မာနိုင်ငံ လွတ်လပ်ရေး ရခဲ့ပြီးနောက် ခြောက်ရက်အကြာ ၁၉၄၈ ဇန်နဝါရီ ၁၀ ရက်နေ့တွင် ကချင် ပြည်နယ်နေ့အဖြစ် သတ်မှတ်ခဲ့ပြီး မနောပွဲအဖြစ် ကျင်းပခဲ့ရာ မြန်မာနိုင်ငံ၏ ပထမဆုံး နိုင်ငံတော်သမ္မတ စဝ်ရွှေသိုက် တက်ရောက်ခဲ့သည့်အပြင် နိုင်ငံတော်သမ္မတ ဦးဘဦး၊ နိုင်ငံတော် သမ္မတ မန်းဝင်းမောင်တို့ ခေတ်အဆက်ဆက် တက်ရောက်ခဲ့သည်။

၁၉၆၂ ခုနှစ်နောက်ပိုင်းတွင် မကျင်းပနိုင်ခဲ့သော်လည်း ၁၉၇၄ ခုနှစ် ဖွဲ့စည်းပုံ အခြေခံဥပဒေကို ပြည်လုံးကျွတ် ဆန္ဒခံယူသည့်အနေဖြင့် ပြန်လည် ကျင်းပခဲ့သည့်အပြင် ၁၉၉၃ ခုနှစ်တွင် ငြိမ်းချမ်းရေး အထိမ်းအမှတ်အနေဖြင့် ပြန်လည် ကျင်းပခဲ့သည်။သို့သော် မနောပွဲ မကျင်းပနိုင်သည်မှာ သုံးနှစ်ရှိပြီ ဖြစ်သည်။

မနောကွင်းအနီးတွင် နေထိုင်သူ ၂၄နှစ်အရွယ် လီဆူးတိုင်းရင်းသူတစ်ဦးက“အရင်က မနောပွဲမှာ ပျော်ခဲ့တာတွေကို သတိရတယ်” ဟု ပြောပြသည်။

အစိုးရနှင့် ကေအိုင်အိုတို့ အပစ်အခတ်ရပ်စဲကာ ငြိမ်းချမ်းရေး ဆွေးနွေးပွဲကို အကောင်အထည် ဖော်နိုင်ရန် Technical Team အဖွဲ့ ရုံးဖွင့်ပွဲကို ဇူလိုင် ၂၃ ရက်နေ့တွင် ပြုလုပ်ခဲ့သည်။

ကေအိုင်အို အကြီးအကဲဟောင်းတစ်ဦးက “ငြိမ်းချမ်းရေး ဆွေးနွေးပွဲ အဆင်ပြေရင် မနောပွဲလည်း ပြန်ဖြစ်လာမှာပါ” ဟု မှတ်ချက်ပေးသည်။

ကေအိုင်အို Technical Team ရုံးရှေ့ရှိ မနောကွင်းဝင်ပေါက်တွင် ဖက်ဆစ်ဂျပန်များကို တိုက် ထုတ်ခဲ့ကာ လွတ်လပ်ရေးရအောင် ကြိုးပမ်းခဲ့သည့် ကချင်လူမျိုးခေါင်ဆောင် ဖုန်ကန်ဒူဝါနှင့် ဗိုလ်ဖိုးစောတို့၏ ရုပ်တုများက အသက်ဝင်နေပြီး ကချင်မနောတိုင်များနှင့် ဆင်စွယ်ပုံသဏ္ဌာန် အလှဆင်ထားသည်မှာ ဗိသုကာ မြောက်လှသည်။

သစ်ပင်တို့ ညီညာစွာ စိုက်ထားပြီး စိမ်းစိုသော မြက်ခင်းများအလယ် ဖြောင့်ဖြူးနေသော လမ်းမထိပ် တွင် မနောတိုင်များသည် ထိပ်တွင် အလံတလွင့်လွင့် ဖြစ်နေသည်။ မနောတိုင်ပတ်လည်တွင် ကခုန်သူ၊ စည်တော်တီးသူမရှိ။

မနောကရာတွင် ဂွမ်ဒုရုခေါ် ကြိမ်ဖြင့်ရက်လုပ်ထားသော ဦးထုပ်ကိုဆောင်းလျက် နဂါးရုပ်ပါသော ဝတ်စုံများ ဝတ်ဆင်ထားကြသော ဓားကိုင်ဆောင်သူတစ်ဦးနှင့် သစ်ရွက်ဖြင့် ထုပ်ထားသော သုံးမြှောင့်ပုံ သစ်သားချောင်းကို ကိုင်ဆောင်ထားသော မနောအက ဦးဆောင်သူနှစ်ဦး နောက်တွင် လူပေါင်းထောင်ချီ သောင်းချီကကြသည်က လွန်ခဲ့သော သုံးနှစ်ခန့်က ဖြစ်သည်။

နောင်လာမည့် မနောပွဲက ဘယ်တော့ ဘယ်အချိန် ကျင်းပနိုင်မည် ဆိုသည်ကား . . . ။ 

Credit To The Voice Weekly

(ကိုးကား - မနောအကြောင်း သိကောင်းစရာများ)
Read More »

ကမ္ဘာပေါ်ရှိ ခေတ်စနစ်အပြောင်းအလဲအကြားမှ မြန်မာပြည်


ကမ္ဘာပေါ်ရှိ ခေတ်စနစ်တို့ သည် ခေတ်စနစ်တစ်ခုမှ ခေတ်စနစ်အခြားတစ်ခုသို့ ချောမောလွယ်ကူစွာ ပြောင်းလဲခဲ့ခြင်းမရှိပေ ။နိုင်ငံတိုင်း၏ မည်သည့်သမိုင်း စာမျက်နှာများတွင် ရှာဖွေလေ့လာသည် ဖြစ်စေ အုပ်ချုပ်သူနှင့် အုပ်ချုပ်ခံလူတန်းစား ၊ အစိုးရနှင့်ပြည်သူ ၊ အာဏာရှင်နှင့် ဖိနှိပ်ခံပြည်သူတို့ ၏အကြား အားပြိုင်မှုအပါအ၀င် တော်လှန်တိုက်ပွဲများဖြစ်ပွားရင်း လူနည်းစုကို ကိုယ်စားပြုသော မကောင်းမွန်သော စနစ်များချုပ်ငြိမ်းကာ အများပြည်သူကို အကျိုးပြုနိုင်လောက်သော စနစ်များသည်သာ ကမ္ဘာမြေပေါ် ဇကာတင်ကျန်ရစ်ခဲ့သည်ဟုဆိုလျှင် မှားမည်မထင်ပါ။
ဒါဝင်သီအိုရီအဆိုအရ လူသည် မျောက်က ဆင်းသက်လာသည်ဟု ယူဆခဲ့သော်လည်း မျောက်တွေကို စနစ်တကျလေ့လာဆန်းစစ်သောအခါ မျောက်များသာ သေဆုံးသွားခဲ့သော်လည်း လူမဖြစ်လာခဲ့ပေ။

http://en.wikipedia.org/wiki/Darwin%27s_theory_of_evolution

ကမ္ဘာပေါ်တွင် ဒီမိုကရေစီ စတင်ထွန်းကားရာ ဂရိနိုင်ငံတွင် အတွေးအခေါ်ပညာရှင် ဆိုကရေတီးသည် အုပ်ချုပ်သူလူတန်းစားများကို ဆန့် ကျင်ရင်း အမှန်တရားအတွက် အဆိပ်သောက်ပြီး သေဆုံးခဲ့ပေသည် ။
မြန်မာပြည်၏ အကျဉ်းထောင်များနှင့် လမ်းမများပေါ်တွင်လည်း ဒီမိုကရေစီတိုက်ပွဲ အတွက် အာဇာနည် သူရဲကောင်းများ အသက်ပေးသွားခဲ့ကြပေသည် ။
မြန်မာ့သမိုင်းတွင်လည်း ပြည်သူလူထုဘ၀ သာယာဝပြောမည်ဟူသော မိုးလုံးပြည့် မုသာဝါဒများဖြင့် ချီတက်ခဲ့သော မြန်မာ့နည်းမြန်မာ့ဟန်ဖြင့် အသက်သွင်းခဲ့သော မြန်မာ့ဆို၇ှယ်လစ်လမ်းစဉ်ပါတီကြီးသည် ဟိုလူလစ် ဒီလူလစ်နှင့် နောက်ဆုံး၌ အာဏာရှင်ကြီးများသာသေသည်အထိ ကြီးပွားချမ်းသာသွားခဲ့ပြီး တိုင်းပြည်က ဆင်းရဲမွဲတေ ဒေ၀ါလီခံခဲ့ရကာ လူထုမှာ စားဝတ်နေရေးမပြေလည်မှုများနဲ့ အတူ ကုန်းကောက်စရာမရှိအောင် စီးပွားရေး ၊ ပညာရေး ၊ ကျန်းမာရေး ၊ လူမှုရေး အဖက်ဖက်က ခြွတ်ချုံကျခဲ့ရပေသည် ။
ထိုကဲ့သို့ သော အကြောင်းပြချက်မခိုင်လုံသော သီအိုရီများ ၊ စနစ်များ ကမ္ဘာမြေပေါ် အဘယ်ကြောင့် ပေါ်ပေါက်ခဲ့ရသည်ဟူသော အချက်သည် စိတ်ဝင်စားဖွယ်ဖြစ်သလို ခိုင်မာသော ကြောင်းကျိုးဆက်စပ်မှုများရှိသကဲ့သို့ ထိုဆိုးဝါးသော စနစ်များကို ကောင်းမွန်သောစနစ်များ အစားထိုးပေါ်ပေါက်ရန် အာဇာနည်များအပါအ၀င် အညတရသူရဲကောင်းများ အများအပြား ဘ၀တွေ အသက်တွေ စတေးပေးဆပ်လျက် ဖိနှိပ် အနစ်နာခံခဲ့ရမှုများကို ကြေကွဲဝမ်းနည်းစွာ တွေ့ မြင်ရမည်ဖြစ်ပေသည် ။
အမေရိကန်နိုင်ငံတွင် ကျွန်ပိုင်ရှင်စနစ်မှ အရင်းရှင်စနစ်သို့ ကူးပြောင်းခဲ့သော သမိုင်းကြောင်း အထင်အရှားရှိသလို ရုရှားနိုင်ငံတွင်လည်း ဇာဘုရင်စနစ်ကျဆုံးပြီး ကွန်မြူနစ်စနစ်ပေါ်ပေါက်လာခဲ့ပေသည် ။မြန်မာ့သမိုင်းတွင်လည်း နန်းတော်၌ ဘုရင်နှင့် ဆွေမျိုးအပေါင်းအပါတစ်စုသာ နန်းစည်းစိမ်များဖြင့် ပျော်ပါးကာ စည်းစိမ်ယစ်နေသောဘုရင်ဆိုသူများသည် ညီအစ်ကိုတော်ချင်းပါမကျန် အချင်းချင်းအာဏာလုမှုများသာ စိတ်ဝင်စားခဲ့ပြီး လူထုဘ၀အားအပြည့်အ၀နားလည်မှုမရှိယုံမက လူထုဘ၀မြင့်တင်တိုးတက်ရေးကို လျစ်လျူရှုခဲ့သဖြင့် တိုင်းပြည်နှင့်လူမျိုးသည် အလွယ်တကူ နယ်ချဲ့ အင်္ဂလိပ်လက်အောက်ကျကာ ကျွန်ဖြစ်ခဲ့ရပေသည် ။
သို့ ဖြင့်ပင် မြန်မာပြည်အပါအ၀င် ကမ္ဘာ့တိုင်းပြည်အသီးသီး၌နယ်ချဲ့စနစ်ကို ဆန့် ကျင်တိုက်ပွဲဝင်ရင်း တိုင်းပြည် လွတ်လပ်ရေးရရှိအောင်ဆောင်ရွက်ခဲ့ကြပေရာ တိုင်းပြည်၌ ကိုလိုနီ နယ်ချဲ့ စနစ်ကို ဆန့် ကျင်တိုက်ပွဲဝင်ခဲ့သော လွတ်လပ်ရေး ဗိသုကာများ၊ နိုင်ငံရေးခေါင်းဆောင်များသည်လည်း ကမ္ဘာ့နိုင်ငံများတွင် ပေါ်ထွန်းခဲ့ပေသည် ။ တစ်ချိန်တည်းမှာပင် ကမ္ဘာကြီးတွင် ပထမ ကမ္ဘာစစ် ၊ ဒုတိယကမ္ဘာစစ် စစ်ပွဲများအဆုံး၌ လက်ဝဲ လက်ယာ နိုင်ငံရေးအားပြိုင်မှုများပေါ်ထွန်းခဲ့ပြီးကမ္ဘာ့အင်အားကြီးနိုင်ငံများသည် စီးပွားရေး ၊ နိုင်ငံရေး လက်ဝါးကြီးအုပ်မှုများကို ဗြောင်တစ်မျိုး ၊ ကွယ်ရာတစ်မျိုး နည်းမျိုးစုံဖြင့် လုပ်ဆောင်လာသည်ကို ကမ္ဘာ့နိုင်ငံရေးဇာတ်ခုံတွင် မျက်ဝါးထင်ထင် တွေ့ မြင်ရပေမည် ။
ထိုဖြစ်စဉ်များမှသည် နဂိုကတည်းက တိုင်းတစ်ပါးနယ်ချဲ့ ကို ရွံရှာမုန်းတီးပြီး တိုင်းပြည် လွတ်လပ်ရေးကာလ၌ တိုက်ပွဲဝင်ခဲ့သော မျိုးဆက်တစ်ခုသည် တခြားတိုင်းပြည်များနှင့်ဆက်ဆံရေး ကင်းမဲ့ကာ တိုင်းပြည်နှင့်လူထုအား အထီးကျန်နေထိုင်စေရင်း ကမ္ဘာကြီးနှင့် အဆက်အသွယ်ဖြတ်ကာ တံခါးပိတ်လျက် နိုင်ငံ၌ အာဏာရှင်လူတန်းစားတစ်ရပ် ပေါ်ပေါက်လာခဲ့ပေသည် ။ကမ္ဘာ့ နိုင်ငံရေးစစ်တမ်းများအရဆိုလျှင် ကိုလိုနီ နယ်ချဲ့ လက်အောက်မှ လွတ်လပ်ရေးရရှိခဲ့သော နိုင်ငံတော်တော်များများသည် နိုင်ငံရေး ၊ ဘာသာရေး ၊ လူမျိုးရေး ၊ စစ်ရေး အရြေုခုံသော အာဏာရှင်လက်သစ်များ ပေါ်ပေါက်ထွန်းကားခဲ့ပေသည် ။
ထိုအာဏာရှင်များသည်လည်း လူထုအကျိုးစီးပွားထက် မိမိ၏ကိုယ်ကျိုးစီးပွားကိုသာ လိုလားကြသဖြင့် လူထုကောင်းစားရေးထက် လက်တစ်ဆုပ်စာ လူတစ်စုချမ်းသာကောင်းစားရေးကိုသာ လုပ်ဆောင်ခဲ့ကြသဖြင့် လူထုအုံကြွမှုများနှင့် ရင်ဆိုင်နိဂုံးချုပ်ရပေသည် ။မြန်မာပြည်တွင်လည်း ( ၈၈၈၈ ) လူထုအုံကြွမှုကြီးဖြစ်ပွားလျက် ဒီမိုကရေစီနှင့် လူ့ အခွင့်အရေးတောင်းဆို မှုများ ယနေ့ တိုင်ဖြစ်ပွားလျက်ရှိပေသည် ။
ကမ္ဘာကြီးတွင် သမိုင်းဘီးသည် တစ်ပတ်လည်မြဲဖြစ်ပေရာ တိုင်းပြည်နှင့်လူထုကို ကိုယ်စားမပြုပဲ မိမိကိုယ်ကျိုးကိုသာ ဆောင်ရွက်သူများသည် သမိုင်း၏ဒဏ်ခတ်ခြင်းခံရကာ နောက်ဆုံး၌ ကျဆုံးရမြဲဖြစ်သည်ကို သတိချပ်သင့်ပေသည် ။
လက်ရှိ မြန်မာ့နိုင်ငံရေး ဖြစ်စဉ်အပြောင်းအလဲတစ်ဆက်တည်း လက်ရှိ မြန်မာ့နိုင်ငံရေး ဖြစ်စဉ်အပြောင်းအလဲများကို ရှုထောင့်ပေါင်းစုံမှ သုံးသပ်ဆွေးနွေးပြောဆိုနေခြင်းအပေါ်ခြုံငုံကြည့်ပါက အစိုးရကို ဆန့် ကျင်သော စာတစ်ရွက်ဖြန့် လျှင်ပင် ထောင်နှစ်ရှည်ချသော စစ်အာဏာရှင်များ ဖိနှိပ်အုပ်ချုပ်သော ယခင်အမှောင်ခေတ်ကထက်စာလျှင် တိုးတက်ပြောင်းလဲမှု တစ်စွန်းတစ်စအဖြစ် တွေ့ မြင်ရပေမည် ။ သို့ သော် လွတ်လပ်ပွင့်လင်းသော လူ့ အဖွဲ့ အစည်းကို ဦးတည်ပြီး ဒီမိုကရေစီလမ်းကြောင်းကို သွားနေချိန်တွင် ယခုလို အသေးအဖွဲ အပြောင်းအလဲ၌ မိန်းမောရပ်တန့်  မနေပဲ တိုင်းပြည်၏ နိုင်ငံရေး ၊ စီးပွားရေး နှင့် လူထုဘ၀ငြိမ်းချမ်းတိုးတက်ကာ တရားမျှတသော ဥပဒေစိုးမိုးမှုများအောက်တွင် လူထုသည် လုံခြုံစိတ်ချရသော ဘ၀များပိုင်ဆိုင်မှုရှိမရှိ ပေတံဖြင့် အမြဲတိုင်းတာကာပြုပြင်ပြောင်းလဲရေးကို အမြဲတွန်းအားပေးရမည် ဖြစ်ပေသည် ။
နိုင်ငံရေး၏ အပြောင်းအလဲ အတိမ်အနက်ကိုလိုက်ပြီး ဝေဖန်သုံးသပ်လုပ်ဆောင်ချက်များသည် လက်တွေ့ လူထု ဘ၀နှင့်နီးစပ်ကာ တိုင်းပြည်နှင့်လူထုဘ၀တိုးတက်မြင့်မားရေးကို မည့်သို့ မည်ပုံ အထောက်အကူပြုရေးအပါအ၀င် မပြီးပြတ်သေးသော ဒီမိုကရေစီလုပ်ငန်းစဉ်များချမှတ်အကောင်အထည်ဖော်မည့် လုပ်ရပ်များအား ပူးတွဲချမှတ် အကောင်အထည်ဖော်မှုများ အနာဂတ်ကာလအတွက် အရေးတကြီးလိုအပ်နေပေသည် ။
ယနေ့ မြန်မာ့နိုင်ငံရေးဖြစ်စဉ်သည် တစ်ဦးနှင့်တစ်ဦး တစ်ဖက်နှင့်တစ်ဖက် ထိပ်တိုက်ရင်ဆိုင်ရေး ၊ အမြစ်ပြတ်ချေမှုန်းရေးအစား ပြည်တွင်း ငြိမ်းချမ်းရေး ၊အမျိုးသားပြန်လည်သင့်မြတ်ရေး လမ်းကြောင်းပေါ်သို့ သွားနေပေသည် ။ အမေရိကန် သမ္မတအိုဘားမားအပါအ၀င် ကမ္ဘာ့နိုင်ငံခေါင်းဆောင်အသီးသီးသည် လက်ရှိအပြောင်းအလဲအပေါ် အကောင်းမြင်ပြီး အားပေးထောက်ခံမှုများ အထိုက်အလျောက်ရှိနေပေသည် ။ သို့ သော်တခြားတစ်ဖက်တွင်မူ စစ်အာဏာရှင်စနစ်ချုပ်ငြိမ်းရေး နှင့် စစ်အာဏာရှင်စနစ်ကို သက်ဆိုးရှည်မည့် ၂၀၀၈ ဖွဲ့ စည်းပုံပြင်ဆင်ရေး အပါအ၀င် လွတ်လပ်မှု ၊ တရားမျှတမှု ၊ ငြိမ်းချမ်းရေး ကိုအခြေခံသည့် ဒီမိုကရေစီ လူ့ အခွင့်အရေး နှင့် ပင်လုံစိတ်ဓာတ်ကိုအခြေခံသည့် ဖယ်ဒရယ်ပြည်ထောင်စုတည်ဆောက်ရေးသည်ေ၇ှ့ ဆက်လုပ်ကိုင်ရမည့် လုပ်ငန်းစဉ်ကြီးများဖြစ်ကာ မလွဲမသွေ ရင်ဆိုင်ဖြေရှင်းရပေမည် ။
မြန်မာ့နိုင်ငံရေးကို လုပ်ဆောင်ရာတွင် အကောင်းဆုံးကို မျှော်လင့်ရင်း အဆိုးဆုံးကိုလည်း ပြင်ဆင်ထားရမည်ဖြစ်ပေရာ ပြည်တွင်းပြည်ပ၌ Plan A .Plan B ရှေ့လုပ်ငန်းစဉ်များ ရေတိုရေရှည်ထားရှိရပေမည် ။
ထိုအချိန်အခါမျိုးတွင် အစိုးရနှင့် အတိုက်အခံကြားတွင် တူတာများတွဲလုပ်ပြီး မတူညီမှုများခွဲခြားလုပ်ကိုင်များရှိသည့်နည်းတူ ဒီမိုကရေစီလိုလားသော အတိုက်အခံအင်အားစုများတွင်လည်း တူတာများတွဲလုပ်ပြီး မတူညီမှုများခွဲခြားလုပ်ကိုင်မှုများရှိရပေမည် ။ ဆိုလိုသည်မှာ နိုင်ငံရေးဖြစ်စဉ်လိုအပ်ချက်အရ ပြည်တွင်းရှိ အတိုက်အခံအင်အားစုများ၏ အစိုးရနှင့်ပူးတွဲလုပ်ဆောင်နေသောလုပ်ရပ်များအပေါ် အကောင်းမြင်သူများရှိသလို အဆိုးမြင်များလည်းရှိနေသည်မှာ သဘာဝကျပါသည် ။ သို့ သော် တခြားတစ်ဖက်တွင် နိုင်ငံရေး အပြောင်းအလဲသည် ခြေချော်လက်ချော်ရှိသွားခဲ့သော် Plan B အရမြန်မာပြည်တွင် ဒီမိုကရေစီ ဖြစ်ပေါ်ထွန်းကားရေး ၊ စစ်အာဏာရှင် စနစ်ချုပ်ငြိမ်းရေးအတွက် အမြော်အမြင်ကြီးစွာ ပြည်တွင်းပြည်ပ အတိုက်အခံ ညီညွတ်ရေးကိုလည်း တစ်ချိန်တည်းတည်ဆောက်ထားရပေမည် ။ထိုသို့ ပြောဆိုဆွေးနွေးရသည်မှာ ယခုလို အစိုးရနှင့်အတိုက်အခံအင်အားစုများ၏ ပူးတွဲလုပ်ဆောင်မှုအပေါ် အမြင်မကြည်လင်သူများက နောက်တစ်ကြိမ် စစ်အစိုးရမှ အတိုက်အခံခေါင်းဆောင်များကို ဖမ်းဆီးချုပ်နှောင်မှုများလုပ်လာခဲ့သည်ရှိသော့်အတိုက်အခံအချင်းချင်း လက်တွေ့ ညီညွတ်ရေး သဘောတရားမတည်ဆောက်ထားပါက အစိုးရ၏ မတရားမှုအောက်၌ လူထုသော်၎င်း ၊ အတိုက်အခံအချင်းချင်းသော်၎င်း ဒုက္ခရောက်ပါက မဆိုင်သလို လက်ပိုက်ကြည့်နေမည့်သူများ ရှိလာနိုင်သောကြောင့်ဖြစ်ပါသည် ။
၁၉၉၀ ရွေးကောက်ပွဲရလဒ်ကို လျစ်လျူရှုပြီး လူထုထံ အာဏာလွှဲပြောင်းရေးကို ငြင်းဆိုခဲ့သော စစ်အစိုးရသည် ယခုလက်ရှိဦးသိန်းစိန်အစိုးရနှင့်ကွာဟမှုရှိသော်လည်း တစ်ချို့ အမြင်တွင်မူ စစ်ယူနီဖောင်းဝတ်မှ အရပ်သား အ၀တ်ဝတ်ထားစေကာမူ ခပ်ဆင်ဆင်ဖြစ်နေပေသည်ဟု သုံးသပ်မှုများ ရှိနေဆဲ ဖြစ်သည် ။ဆိုလိုသည်မှာ ယခင်ကကဲ့သို့ ပင် တိုင်းပြည်တွင်ေ၇ရှည်ပြည်တွင်းစစ်ရှိနေပြီး အစိုးရအာဏာပိုင်များမှ အာဏာအလွဲသုံးစားလုပ်ကာ ဥပဒေမဲ့ ထင်ရာစိုင်းအုပ်ချုပ်မှုများရှိနေဆဲဖြစ်သောကြောင့် ဖြစ်ပေသည် ။သို့ ဖြစ်ပေရာ ၂၀၁၅ ရွေးကောက်ပွဲသည်ပင် အကောင်းဖက်သို့ ဦးတည်မည်လား အဆိုးဖက်ကို သွားမည်လားဆိုသည်ကို မည်သူမျှအတိအကျ သုံးသပ် ပြောဆိုရန် လောလောဆယ်၌ ခက်ခဲနေပေဦးမည် ။ ယခုအစိုးရသည်လွှတ်တော်ထဲ၌ တိုက်ပုံဝတ်ခေါင်းပေါင်းများ ကြီးစိုးရာ ယခင် ဦးနေ၀င်း၏ ဆိုရှယ်လစ်လမ်းစဉ်ပါတီကဲ့သို့ အတွေးအခေါ်သဘောတရားရေးအရ တထပ်တည်းမကျစေကာမူ အတူတူပင်ဖြစ်နေသေးသကဲ့သို့ ဖြစ်နေပေသည်ဟု ထင်မြင်ယူဆမှုများလည်း ရှိနေပေသေးသည် ။
သို့ ဖြစ်၍ အတိုက်အခံဒီမိုကရေစီ လူထုခေါင်းဆောင် ဒေါ်အောင်ဆန်းစုကြည်နှင့် ၈၈၈၈ ကျောင်းသားခေါင်းဆောင်ကိုမင်းကိုနိုင် အပါအ၀င် ၈၈ မျိုးဆက် ကျောင်းသားခေါင်းဆောင်များသည် နှစ် ( ၂၀ )နီးပါးထောင်တွင်း၌ ဒီမိုကရေစီ ဓားစားခံအဖြစ် စစ်အစိုးရနှင့် စေ့စပ်ညှိနှိုင်းမှုမရှိပဲ ရဲရဲဝံ့ဝံ့အကျဉ်းကျခံခဲ့သည် ။ သို့ သော်တိုင်းပြည်နှင့်လူထုသည် စစ်အာဏာရှင်လက်အောက်၌ အခြေအနေဆိုးများဖြင့် ရင်ဆိုင်ပြီး နိုင်ငံရေးအရ ရှေ့ မတိုးသာနောက်မဆုတ်သာ အနေအထားမှ ရုန်းထွက်ကာ တိုင်းပြည်နှင့်လူထုမျက်နှာ ကြည့်ကာ ယခုလို တိုင်းပြည်၏ဒီမိုကရေစီ ဖြစ်ပေါ်ထွန်းကားရေး မဟာဗျူဟာအတွက် နည်းဗျူဟာအသစ်ဖြင့် အစိုးရနှင့် အမျိုးသားပြန်လည်သင့်မြတ်ရေးအတွက် စေ့စပ်ညှိနှိုင်းချဉ်းကပ်မှုကို နားလည် သဘောပေါက်သင့်ပေသည် ။ သွေးထွက်သံယိုမှု အနည်းဆုံးဖြင့် ပြောင်းလဲခဲ့သော် မကောင်းပေဘူးလားဟု အကောင်းမြင်သူများကလည်း ဆိုနေပေသည် ။
ထို့ ကြောင့် ဒီမိုကရေစီ အတိုက်အခံများအချင်းချင်း မည်သည့်အခြေအနေတွင်ပင် ရှိစေကာမူ ညီညွတ်ရေးတည်ဆောက်ရင်း ကျောချင်းကပ် ရင်ချင်းကပ်လျက် စစ်အာဏာရှင်စနစ်ချုပ်ငြိမ်းရေး ၊ ဒီမိုကရေစီရေးကို ဦးတည်လုပ်ဆောင်ရန် လူထုကို စည်းရုံးရင်း အနာဂတ်ကို မျက်ခြေမပြတ်သင့်ကြောင်း တိုက်တွန်းလိုက်ရပါသည် ။
တစ်ခြားတစ်ဖက်တွင်လည်း လက်ရှိဦးသိန်းစိန်အစိုးရအနေဖြင့် စီးပွားရေးအရအရေးယူပိတ်ဆို့ မှုများဖြေလျော့ရေးအတွက်ဖြစ်စေ ၊ နိုင်ငံတကာကို အလည်အပတ်ခရီးစဉ်အတွက် မျက်နှာပန်းပွင့်ဖို့ နိုင်ငံရေးအကျဉ်းသားများလွှတ်ပေးခြင်းထက် တိုင်းပြည်၏တိုင်းရင်းသားစည်းလုံး ညီညွတ်ရေးနှင့် စစ်မှန်သောပြည်တွင်း ငြိမ်းချမ်းရေးအတွက့်နိုင်ငံရေးအကျဉ်းသားများအားလုံးလွတ်မြောက်ရေးအား မဖြစ်မနေ လုပ်ဆောင်သင့်သည့်နည်းတူ ၂၀၁၃ ဆီးဂိမ်း ၊ ၂၀၁၄ အာဆီယံဥက္ကဌဖြစ်ရေးအတွက် တစ်တိုင်းပြည်လုံး အပစ်အခတ် ရပ်ဆဲရေးကို ဟန်ပြလုပ်ဆောင်ခြင်းထက် ပင်လုံစိတ်ဓာတ်ကိုအခြေခံသည့် ဖယ်ဒရယ်ပြည်ထောင်စုတည်ဆောက်ရေးအတွက် နိုင်ငံရေးအခင်းအကျင်းအား မဖြစ်မနေလုပ်ဆောင်ရန် တာဝန်ရှိပေသည် ။
သို့မှသာ မြန်မာ့သမိုင်းသည် လူထုဘ၀နှင့် ဆန္ဒကို လစ်လှူရှုကာ ပေါ်ထွန်းခဲ့သောဖွဲ့ စည်းပုံများသည် လူထုအုံကြွမှုများ ဖြစ်ပေါ်မှသာ ဖျက်သိမ်းခဲ့သော သမိုင်းကြောင်းကို ပြောင်းလဲနိုင်ရန်မှာ အတိုက်အခံ ၊ လူထု ၊ အစိုးရသည် တိုင်းပြည်နှင့်လူထု အကျိုးကိုေ၇ှ့ ရှုလျက် အတွေးအခေါ်မှန် လုပ်ရပ်မှန်မှသာ ကမ္ဘာ့နိုင်ငံအသီးသီးနှင့် သိက္ခာရှိရှိ ရင်ဘောင်တန်းနိုင်သော တိုင်းပြည်ဖြစ်မည် ဖြစ်ကြောင်း တိုင်းချစ်ပြည်ချစ်စိတ်ဓာတ်ဖြင့် တိုက်တွန်းလိုက်ရပါသည် ။

အောင်ခိုင်မြင့်
၂၉ ဇူလိုင်လ ၂၀၁၃
Read More »

စင်ကာပူရှိ မွတ်စလင်တို့ လက်ထပ်ထိမ်းမြားခြင်း ဆိုင်ရာအကြောင်း တစေ့တစောင်း


 Written by သတင်းအယ်ဒီတာအဖွဲ့
စင်ကာပူတွင် အိမ်ထောင်ရေးဆိုင်ရာ ဥပဒေကို အက်ဥပဒေနှစ်ရပ်ဖြင့် အုပ်ချုပ်သည်။ ယင်းဥပဒေနှစ်ရပ်မှာ Administration of Muslim Law Act (AMLA) တွင် အကျုံးဝင်သည့် Muslim Marriages Act (1966) နှင့် အမျိုးသမီး ပဋိညာဉ် (Women's Charter) တို့ဖြစ်သည်။ မွတ်စလင်တို့၏ လက်ထပ်ထိမ်းမြားမှုကို အမျိုးသမီး ပဋိညာဉ်ကို အုပ်ချုပ်သည့် Civil Registry (ROM) နှင့် Registry of Muslim Marriages (ROMM) တို့က ထုံးတမ်းနှင့်ညီအောင် ပြုလုပ်ပေးသည်။
မွတ်စလင်တို့နှင့် သက်ဆိုင်သော Administration of Muslim Law Act (AMLA) သည် မွတ်စလင် ရေးရာများကို စည်းမျဉ်းစည်းကမ်းများ ချမှတ်ရန်နှင့် စင်ကာပူတွင် မွတ်စလင်တို့နှင့် ဆက်နွှယ်သည့် ရေးရာများကို အကြံပြုရန်အတွက် ကောင်စီတစ်ခု ဖွဲ့စည်းရန်နှင့် ရှာရီရာ တရားရုံး တည်ထောင်ရန်တို့အတွက် သက်ဆိုင်သည့် ဥပဒေဖြစ်သည်။
ဥပဒေအရ မွတ်စလင် တစ်ဦးသည် လူပျိုပေါက် ဖြစ်လာချိန်တွင် လက်ထပ်ထိမ်းမြားနိုင်သည်။ ထို့ပြင် သတို့သမီးသည် လက်မထပ်ရသေးသော တစ်ကိုယ်ရေ တစ်ကာယ အမျိုးသမီးဖြစ်သည်နှင့် မွတ်စလင်ဥပဒေအရ တရားဝင်ဖြစ်သော အုပ်ထိန်းသူ '၀ါလီ' က လက်ထပ်ထိမ်းမြားမှုကို သဘောတူခွင့် ပြုပေးရသည်။ ယင်းဝါလီသည် ဖခင်၊ အစ်ကို၊ မိခင်ဘက်မှ အဘိုး၊ ဦးလေး (ဖခင်နှင့် ညီအစ်ကိုတော်သူ) ဖြစ်မည်ဖြစ်ပြီး၊ မိန်းကလေးသည် လက်ထပ်ထိမ်းမြားခြင်း မပြုနိုင်သည့် ကလေးဖြစ်ပါက မိခင်ဖြစ်သူက အလ္လာ၏ နာမတော်ဖြင့် ကြေညာပေးရမည် ဖြစ်သည်။
ထို့ပြင် ဖခင်ဖြစ်သူသည် အသက်ရှင်လျက် ရှိနေကြောင်း မသိနိုင်တော့လျှင် ဖြစ်စေ၊ အဝေးတစ်နေရာ ရောက်နေလျှင်ဖြစ်စေ၊ ဒေသဆိုင်ရာ အုပ်ချုပ်သူ တစ်ဦးကလည်း အုပ်ထိန်းသူအဖြစ် ဆောင်ရွက်ပေးနိုင်သည်။ ဖခင်ဖြစ်သူသည် စင်ကာပူရှိ မည်သည့်နေရာတွင် ရောက်ရှိနေမှန်း မသိဘဲ အသက်ရှင်လျက် ရှိနေသေးလျှင် မှတ်ပုံတင်ရုံးက တရားဝင်လျှောက်လွှာကို သတင်းစာများတွင် ထည့်သွင်းပြီး ဆင့်ခေါ်နိုင်သည်။ ယင်းဆင့်ခေါ်စာကို Muslim Court for the Marriage က သဘောတူခွင့် ပြုပေးရမည်ဖြစ်သည်။ ဆင့်ခေါ်လွှာသည် ရက်ပေါင်း ၃၀ အတွင်း အကျုံးဝင်သည်။
သတို့သမီးသည် မွတ်စလင်ဘာသာပြောင်း တစ်ဦးဖြစ်လျှင်၊ မိသားစုအတွင်း တစ်ဦးတည်းသော ဘာသာပြောင်းသူဖြစ်လျှင် အုပ်ထိန်းသူ မလိုအပ်ပေ။
စင်ကာပူတွင် လက်ထပ်ထိမ်းမြားခြင်းကို တရားဝင် အတည်ဖြစ်အောင် ဆောင်ရွက်ပေးရာ၌ မှတ်ပုံတင်သူ မှတ်ပုံတင် အရာရှိကဖြစ်စေ၊ လက်ထပ်ထိမ်းမြားခြင်းကို တရားဝင် ဆောင်ရွက်ခွင့် လိုင်စင်ရရှိထားသူကဖြစ်စေ ဆောင်ရွက်ပေးရသည်။
လက်ထပ်ထိမ်းမြားခြင်းကို တရားဝင်အောင် ပြုလုပ်ပေးရာ၌ တင်းကျပ်သော ပြဋ္ဌာန်းမှုများအတိုင်း ဆောင်ရွက်ရမည်ဖြစ်ပြီး ယင်းစည်းမျဉ်းများတွင် သတို့သား၊ သတို့သမီး စုံညီရှိရမည်ဖြစ်ပြီး အမျိုးသား မွတ်စလင် သက်သေနှစ်ဦး (သို့မဟုတ်) အမျိုးသမီး မွတ်စလင်သက်သေ လေးဦး (မိသားစုနှင့် မသက်ဆိုင်သူ) တို့ရှိရန် လိုအပ်ကြောင်း ပါဝင်သည်။ အုပ်ထိန်းသူ၊ အုပ်ချုပ်သူ အကြီးအကဲနှင့် ဒေသဆိုင်ရာ အုပ်ချုပ်ရေး တာဝန်ရှိသူတို့ ရှိရမည်ဖြစ်သည်။
လက်ထပ်မင်္ဂလာ အခမ်းအနား ကုန်ကျစရိတ်အတွက် သတို့သမီး၏ မိသားစုကို လက်ဆောင်မဖြစ်မနေ ပေးရမည်ဖြစ်သည်။ (စင်ကာပူဒေါ်လာ ၂၀၀ ထက်မနည်းပေးရန် သတ်မှတ်ထားသည်) ယင်းလက်ဆောင်သည် သဘောတူညီချက်များ၏ တစ်စိတ်တစ်ပိုင်းအဖြစ် ဇနီးဖြစ်သူ၏ ကုန်ကျစရိတ်များနှင့် ယင်းပမာဏသည် ညီမျှရမည်ဖြစ်သည်။
လက်ထပ်ထိမ်းမြားခြင်း မှတ်ပုံတင်မှုကို ဆောင်ရွက်နေစဉ် သက်သေမှလွဲလျှင် တက်ရောက်သူ အားလုံးသည် (ROMM) ရုံးတွင် လျှောက်လွှာကို လာရောက်လက်မှတ် ရေးထိုးရမည်ဖြစ်သည်။ သတို့သားသည် လက်ထပ်ထိမ်းမြားရန်အတွက် လျှောက်လွှာနှင့် ကြေညာသဘောတူညီမှုတို့ကို လက်မှတ်ရေးရပြီး လက်ထပ်ထိမ်းမြားမှုကို တရားဝင် ဖြစ်လာစေရန် ဆောင်ရွက်ရမည် ဖြစ်သည်။ တရားသူကြီး၊ ခါဒီက မေးမြန်းရာတွင် အစ္စလာမ္မစ်ဆိုင်ရာ ဗဟုသုတများနှင့် ပတ်သက်၍ ကျေနပ်သည်အထိ ဖြေကြားနိုင်ရမည် ဖြစ်သည်။
သတို့သား၊ သတို့သမီးစုံတွဲသည် အသက် (၂၁) နှစ် အရွယ်ရှိရမည် ဖြစ်သော်လည်း မိဘများ၏ သဘောတူညီချက်ဖြင့် ခွင့်ပြုပါက ၁၆ နှစ်အရွယ်လည်း လက်ထပ်ထိမ်းမြားနိုင်သည်။ အသက် ၁၆ နှစ်အောက် သတို့သမီးအတွက် အထူးခွင့်ပြုချက် လိုအပ်မည်ဖြစ်သည်။
လက်ထပ်မည့် သတို့သား၊ သတို့သမီး စုံတွဲသည် ခန့်အပ်ထားသူ တစ်ဦးက ပို့ချမည့် လက်ထပ်ထိမ်းမြားခြင်း အတိုင်ပင်ခံသင်တန်း Marriage Conselling Course ကို တက်ရောက်ရမည် ဖြစ်သည်။ ယင်းသင်တန်းက ထုတ်ပြန်ပေးသော လက်မှတ်သည် သုံးနှစ်သာ အကျုံးဝင်သည်။ အမျိုးသမီး တစ်ဦးသည် အိမ်ထောင်ရှိဆဲ ဖြစ်ပါက ကွာရှင်းလက်မှတ်ရှိရန် လိုအပ်မည်ဖြစ်ပြီး ယင်းလက်မှတ်သည် လက်မထပ်မီ ရက် ၉၀ သက်တမ်း ရှိရမည်ဖြစ်သည်။ သတို့သားတွင် အသက်ရှင်လျက် ဇနီးမယား ရှိပါက ဇနီးမယားကို ထောက်ပံ့နိုင်ရန်အတွက် ဘဏ္ဍာရေး ပြည့်စုံကြောင်း သက်သေအထောက်အထား ပြရန်လိုအပ်မည် ဖြစ်သည်။ ထို့ပြင် နောက်ထပ်အိမ်ထောင်မပြုမီ ရှိဆဲဇနီးမယား အားလုံး၏ သဘောတူ ခွင့်ပြုချက်လည်း လိုအပ်မည်ဖြစ်သည်။ အမျိုးသားတစ်ဦး အနေဖြင့် သက်ရှိထင်ရှား ဇနီးလေးဦးအထိ ယူခွင့်ရှိသည်။
လက်ထပ်ထိမ်းမြားမှု မှတ်ပုံတင်ခြင်းကို (ROM) ရုံးတွင် (သို့မဟုတ်) ၀က်ဘ်ဆိုက်တွင် သွားရောက်မှတ်ပုံတင်ရန် သတို့သား၊ သတို့သမီး နှစ်ဖက်စလုံးက ရက်ရွေးချယ်ရမည်ဖြစ်ပြီး မွတ်စလင် လက်ထပ်ထိမ်းမြားခြင်း မှတ်ပုံတင်မှု ဆောင်ရွက်ပြီးနောက် ၂၁ ရက်အတွင်း၊ သုံးလအတွင်း အရပ်ဘက် မှတ်ပုံတင်မှုကို ဆောင်ရွက်ရမည် ဖြစ်သည်။
ထို့နောက် သတို့သား၊ သတို့သမီးသည် လက်ထပ်ထိမ်းမြားခြင်း မှတ်ပုံတင်ကို လိုင်စင်ရ လက်ထပ်ထိမ်းမြားခြင်း ဆောင်ရွက်ပေးသူထံသို့ ယူဆောင်သွားရမည် ဖြစ်သည်။ လိုင်စင်ရ လက်ထပ်မင်္ဂလာ ဆောင်ရွက်ပေးသူသည် ဘာသာရေး ခေါင်းဆောင်တစ်ဦး ဖြစ်နိုင်ပြီး တရားသူကြီး (သို့မဟုတ်) ရပ်ရွာခေါင်းဆောင်များလည်း ဖြစ်နိုင်သည်။
စင်ကာပူတွင် မွတ်စလင် အမျိုးသားတစ်ဦးနှင့် မွတ်စလင် မဟုတ်သူတို့ လက်ထပ်ခြင်းကို ခွင့်မပြုပေ။ မွတ်စလင် မဟုတ်သော သတို့သမီး အနေဖြင့် ဘာသာပြောင်းရန်အတွက် သင်တန်းတက်ရောက် ရမည်ဖြစ်သည်။ တွေ့ဆုံမေးမြန်းသူများက သတို့သား အနေဖြင့် ဘာသာပြောင်းလာသူ သတို့သမီးကို ဇနီးမယားအဖြစ်နှင့် မွတ်စလင် တစ်ဦးအဖြစ် လမ်းညွှန်နိုင်ရန်အတွက် ပြည့်စုံကြောင်းလည်း မေးမြန်းကြမည် ဖြစ်သည်။ မွတ်စလင်မဟုတ်သော သတို့သမီးသည် လက်ထပ်ထိမ်းမြားရန်အတွက် ဘာသာပြောင်း သင်တန်းများ တစ်နှစ်ရောက်ပြီးမှသာ လက်ထပ်ထိမ်းမြားခွင့် ရရှိမည်ဖြစ်သည်။
စင်ကာပူတွင် မွတ်စလင် လက်ထပ်ထိမ်းမြားခြင်းမှလွဲလျှင် အခြားဘာသာဝင်များ ဘာသာခြားအချင်းချင်း လက်ထပ်ထိမ်းမြားမှုအတွက် ကန့်သတ်ချက် မရှိပေ။ မွတ်စလင်နှင့် ဂျူးတို့ လက်ထပ်မှုအတွက် လျှောက်ထားမှုတွင် သီးခြားစည်းမျဉ်းများ ရှိနိုင်သည်။
စင်ကာပူတွင် နိုင်ငံခြားသားများ လက်ထပ်ရန်အတွက် လူ့စွမ်းအား ၀န်ကြီးဌာနထံမှ ခွင့်ပြုချက် လိုအပ်မည်ဖြစ်ပြီး ယင်းခွင့်ပြုချက် မရခဲ့ပါက နောင်တစ်ချိန် ယင်းခွင့်ပြုချက် လိုအပ်လာပါက နိုင်ငံခြားသားများသည် နေရပ်ပြန်ပို့ ခံရနိုင်ပြီး စင်ကာပူသို့ နောက်တစ်ကြိမ် ၀င်ရောက်ရန် တားမြစ်မှုကို ခံရမည် ဖြစ်သည်။ ထို့ပြင် တိမ်းရှောင်သူ စာရင်း၌လည်း ထည့်သွင်းခံရမည် ဖြစ်သည်။
မွတ်စလင် လက်ထပ်ထိမ်းမြားမှုက လိင်တူချင်း လက်ထပ်မှုကို ခွင့်မပြုပေ။ လူတစ်ယောက် အနေဖြင့် အမျိုးသား အင်္ဂါနှင့် အမျိုးသမီးအင်္ဂါ နှစ်မျိုးစလုံးဖြင့် မွေးဖွားလာပါက အပြောင်းအလဲ ဆောင်ရွက်ရမည် ဖြစ်သည်။
စင်ကာပူတွင် ပြီးခဲ့သည် ဆယ်နှစ်အတွင်း ကွာရှင်းပြတ်စဲရန် လျှောက်ထားမှု နည်းပါးလာပြီး လက်ထပ်ရန် လျှောက်ထားမှု မြင့်တက်လာခဲ့ကြောင်း စာရင်းအင်းဌာနက နောက်ဆုံးထုတ်ပြန်ခဲ့သော အစီရင်ခံစာတွင် ဖော်ပြခဲ့သည်။ ၂၀၁၂ ခုနှစ်က စင်ကာပူတွင် လက်ထပ်ရန် မှတ်ပုံတင် လျှောက်ထားမှု ၂၇၉၃၆ ရှိခဲ့သည်။ မွတ်စလင် လက်ထပ်မှု မြင့်တက်ခဲ့ပြီး ၂၀၀၂ ခုနှစ်က လက်ထပ်မှု မှတ်ပုံတင် လျှောက်ထားမှု စုစုပေါင်းတွင် မွတ်စလင်လက်ထပ်မှုက ၄၅ ရာခိုင်နှုန်း ရှိခဲ့ရာမှ ၂၀၁၂ ခုနှစ်တွင် ရာခိုင်နှုန်း ၇၀ အထိ မြင့်တက်ခဲ့သည်။ မွတ်စလင်တို့၏ ကွာရှင်းရန် လျှောက်ထားမှုသည် လက်ထပ်ပြီး ငါးနှစ်အတွင်း လျှောက်ထားမှုနှင့် လက်ထပ်ပြီး ငါးနှစ်မှ ကိုးနှစ်အတွင်း လျှောက်ထားမှုသည်  ၂၈ ရာခိုင်နှုန်းအထိ ရှိခဲ့သည်။ ဘဏ္ဍာရေး ပြဿနာနှင့် လက်ထပ်ပြီးနောက် အိမ်ထောင်ရေး ကိစ္စများသည် မွတ်စလင်တို့ ကွာရှင်းမှုတွင် အဓိက အကြောင်းအရင်းနှစ်ခု ဖြစ်ခဲ့သည်။
Credit To First- 11
Read More »

အစိုးမရသော ဒီမိုး ဒီရေနဲ့ ကမ်းနားသစ်ပင် မြန်မာပြည်စိုက်ပျိုးရေးခရီးစဉ်


ရေးသားသူ- ဒေါက်တာထွန်းဝင်း(စိုက်ပျိုးရေး)

မြန်မာပြည်ရဲ့ ရေမြေသယံဇာတပေါကြွယ်ဝမှုကို အပေါ်ယံကြောကြည့်ရုံနဲ့ စိတ်ကူးယဉ်အိပ်မက်ဖော်လို့ အလွန်ကောင်းပါတယ်။ စိုက်ပျိုး မြေဧရိယာသည် အရှေ့တောင်အာရှမှာ အင်ဒိုနီးရှားပြီးရင် ဒုတိယအကျယ်အ၀န်းပမာဏရှိတယ်။ မြစ်ကြီးလေးစင်းနဲ့ မြစ်ဝကျွန်း ပေါ်တွေဖြစ်တဲ့ ဧရာဝတီ၊ပဲခူး၊ ကုလားတန်၊ သံလွင်မြစ်ဝကျွန်းပေါ်တွေရှိတယ်။ ဒါတွေကိုအပေါ်ယံမျှသာကြည့်ပြီး မြန်မာ့အားကစား ကမ္ဘာကိုလွှမ်းရမယ်ဆောင်ပုဒ်လို မြန်မာပြည်က တစ်နေ့သောအခါ ထိုင်း၊ ဗီယက်နမ်ကိုကျော်လွန် ပြီး ကမ္ဘာအထိ ဆန်စပါးထောက်ပံ့ကျွေး
မွေးနိုင်မယ်လို့ လွန်ခဲ့တဲ့ နှစ်ပေါင်း ၂၀ လောက်ကတည်းက ခန့်မှန်းသုံးသပ်ခဲ့ကြတယ်။ ယခုထိတိုင်လည်း နိုင်ငံရဲ့ ထိပ်ပိုင်းဦးဆောင်သူများနဲ့ စိုက်ပျိုးရေးကို အဓိကထားလို့ဦး ဆောင်ဦးရွက်ပြုနေသူအကြီးအကဲ များ၊ ဆန်စပါးစိုက်ပျိုးထုတ်လုပ်သူ ကုမ္ပဏီကြီးများဟာ ဒီအပေါ်သယံဇာတပေါ ကြွယ်ဝတာတစ်ခုကို ကမ္ဘာကို ရောင့်ရဲနှစ်သိမ့်ဆဲဖြစ်ပြီး အဓိကနဲ့သာမညကို ခွဲခြားစိတ်ဖြာမသုံးသပ်နိုင်ဘဲ မျက်မမြင်ပုဏ္ဏားခုနစ်ယောက်လို ဆင်တစ်ကောင်ကို လိုရာဆွဲပုံ ဖော်နေကြတယ်။

သက်ဆိုင်ရာစိုက်ပျိုးရေးထုတ်လုပ်သူ၊ ကုန်သွယ်သူ၊ တာဝန်ရှိသူများရဲ့ လက်ရှိအဓိကသုံးသပ်ချက်က မြန်မာ့ဆန်စပါးထုတ်လုပ်မှုပမာဏကို ယခုလက်ရှိအနေအထားထက် ပိုမိုတိုးတက်ဖို့အဓိကလုပ်ဆောင်ရန်ဆိုပြီး လက်ရှိတောင်သူတွေရဲ့ လယ်မြေကွက်ငယ်များကို ဧက ကျယ်များ၊ အကွက်ကျယ်များအဖြစ် ပြောင်းရန်၊ သမန်းပြင်ညီညာရန်နှင့် ကမ္ဘာ့ဆန်ဈေးကွက်တွင် စိုးစဉ်းမျှ နေရာမယူနိုင်သော စပ်မျိုးစပါးစိုက်ပျိုးရန်နဲ့ တန်ဖိုးမြင့်ထုတ်လုပ်ရန်ဆို ပြီး နေ့ရောညပါ ကြိုးစားပြနေတာ ယခုဆိုရင် သုံးနှစ်နီးပါးတိုင်ခဲ့ပေပြီ။ ဒီလို နိုင်ငံတော်ရဲ့စိုက်ပျိုးရေးဘတ်ဂျက်သုံးပြီး နေပြည်တော်ပြကွက်ကြီးကနေ နေ့ရောညပါ အရပ်တကာ၊ နိုင်ငံတကာကို ကြိုးစားပြနေသော် လည်း မြန်မာနိုင်ငံရဲ့ စိုက်ပျိုးထုတ်လုပ်မှုဟာ အရှေ့တောင်အာရှရော ကမ္ဘာကိုပါ ကျော်လွှားနိုင်မယ့်အစား မြန်မာသည် အချိန်နဲ့အမျှ နောက် ဆုံးအဆင့်သို့ရောက်ဖို့ အလားအလာရှိနေပါတယ်။ ယခင်က မြန်မာရဲ့ဆန်ကိုစားသုံးတဲ့ အိနိယနိုင်ငံကြီးဟာ အခု မြန်မာကနေ နေ ပြည်တော်ပြကွက်ကြီးလုပ်ပြနေတဲ့ သုံးနှစ်နီးပါးအတွင်းမှာ မြန်မာတို့ အားကျခဲ့တဲ့ ဗီယက်နမ်နဲ့ထိုင်းကို သာလွန်လို့ ဆန်တင်ပို့မှု ထိပ်ဆုံးနေ ရာကို ယူလို့နေတယ်။

မြန်မာ့ဆန်ပို့မှ အသက်ရှင်နိုင်တဲ့ဖိလစ်ပိုင်နိုင်ငံ၊ ဘင်္ဂလားဒေ့ရ်ှနိုင်ငံတို့ဟာ သူတို့ရဲ့လူဦးရေသန်းရာကျော်ကို ဖူလုံအောင်ထုတ်နိုင်
ရုံသာမက နောင်နှစ်တွေမှာ ကမ္ဘာ့ဈေးကွက်မှာ ၀င်တိုးဖို့လုပ်နေတယ်။ ကမ္ဘောဒီးယားနဲ့ လာအိုတို့သည်လည်း ကိုယ်စီဖူလုံပြီး ကမ္ဘောဒီးယား
သည် ယခုဆို ကမ္ဘာ့ဈေးကွက်မှာမြန်မာ့ အထက်ကနေသာလွန်နေတယ်။လက်ရှိမှာတော့ နေပြည်တော်သီးသန့်ကမ္ဘာမှာသာ မြေကြီးက ရွှေ
သီးအောင် ပြရုံပြနိုင်ပြီး ကမ္ဘာ့ဈေးကွက်မှာတော့ မြန်မာ့ဆန်ဟာတရားဝင် ကမ္ဘာ့ဆန်ဈေးကွက်မှာ မနည်းကြိုးစားပြီးနေရာယူနေရပြီး တရားမ
ဝင် သည့်နယ်စပ်တရုတ်ဈေးကွက်မှာတော့ ဆန်တန်ချိန်သောင်းကျော်ကို အခက်အခဲများစွာအောက်မှာ အဆင်ပြေသလို ရောင်းနေရတယ်။

ရေမြေသယံဇာတပေါကြွယ်ဝတဲ့ မြန်မာက ကိုယ်တိုင်ဖူလုံအောင် ထုတ်နိုင်လျက်နဲ့ ပြည်ပမလေးရှားနိုင်ငံက နှစ်စဉ် ဒေါ်လာသန်း ၅၀၀ နီးပါးတန်ဖိုးရှိတဲ့ ဆီအုန်းကိုသွင်းနေတယ်။ နှစ်စဉ် ကော်ဖီမစ်ပစ္စည်းသန်း ၁၀၀ ဖိုး၊ သကြားသန်း ၇၀ ဖိုး၊ ဂျုံသန်း ၇၀ ဖိုး၊ နို့နှင့်နို့ထွက်ပစ္စည်း သန်း ၈၀ ဖိုးကို နှစ်စဉ် သွင်းနေရဆဲဖြစ်တယ်။ ရေမြေသယံဇာတ အကြယ်ဝဆုံး နိုင်ငံတစ်ခုဖြစ်လျက် ဒီလိုနှစ်စဉ် သန်း ၈၀၀ ကျော်ခန့်တန်ဖိုးရှိတဲ့ လယ်ယာထွက်ကုန်တွေကို ပြည်ပကနေ တင်သွင်းနေရတဲ့ ယိုပေါက်ကိုပိတ်ဖို့ အဓိကလုပ်ဆောင်ရမယ့် အစား စိုက်ပျိုးမြေကွက်အကျယ်ချဲ့ဖို့ ခေတ်မီဆန်စက်ကြီးတွေ ဆောက် ပြလုပ်ပြရုံနဲ့ နိုင်ငံတကာစမ်းသပ်ဖို့ပေးသမျှသီးနှံတွေကို စိုက်ပြရုံမျှဖြင့် တော့ အနာနဲ့ဆေးတလွဲဖြစ်လို့နေတယ်။ ကတောင်းကြိုက်တလွဲ ဖင်တလွဲဖြစ်လို့နေပါတယ်။

အမှန်မှာတော့ မြန်မာနိုင်ငံရဲ့ စိုက်ပျိုးရေးဟာ ကြိုးတန်းလမ်းလျှောက်သူပမာ စိုးရိမ်ဖွယ်ရာအပြည့်ပါ။ စိုက်ပျိုးရေးအတွက် မရှိ မဖြစ်အဓိကလိုအပ်တဲ့စိုက်ပျိုးရေ ကို မသေချာမရေရာသော မုတ်သုံ မိုးအပေါ်မှာ လုံးဝတည်မှီနေရဆဲ ဖြစ်တယ်။ မြန်မာပြည်ရဲ့ သီးနှံစိုက် ဧရိယာရဲ့ ၈၅ ရာခိုင်နှုန်းသည် မိုးရေအပေါ်အားကိုးရပြီး ၁၅ ရာခိုင်နှုန်းသည် ဆည်ရေသောက်ဖြစ်တယ်။ ဒီလိုစိုက်ဧရိယာရဲ့ ၁၅ ရာခိုင်နှုန်းရှိ တဲ့ ဆည်ရေသောက်လယ်မြေတွေတောင် ဒီနှစ်မှာ ရေမလှောင်နိုင်လို့ နိုင်ငံတော်ရဲ့ ဒုတိယဆန်အိုးပမာ စိုက်ပျိုးနေတဲ့ သဖန်းဆိပ်ဆည်ရေ သောက်ရွှေဘိုခရိုင်မှာ သီးနှံစုစု ပေါင်းစိုက်ဧက လေးသိန်းမှာ တစ်သိန်းကျော်လောက်ပဲ စိုက်နိုင်တယ်။ နိုင်ငံတော်ရဲ့ စိုက်ပျိုးရေးတာဝန်ရှိ သူမျာ၊ ကြီးကြပ်ရာ နေပြည်တော် ဒေသမှာတောင် ရေဆင်း၊ ငလိုက်၊ ဆင်သေဆည်တွေကနေ ဒီနှစ်နွေမှာ ၄၀ ရာခိုင်နှုန်းလောက် စပါးစိုက် ဧရိယာများအတွက်သာ စိုက်ပျိုးရေ ရလို့ စပါးစိုက်နိုင်တယ်။ အခုလက် ရှိအခြေအနေ မိုးရာသီမှာလည်း ဒီနေပြည်တော်ပတ်ဝန်းကျင်မှာ တောင် စပါးစိုက်ဖို့ ရေအခက်အခဲ ဖြစ်လို့နေတယ်။ ဧရာဝတီတိုင်းအတွင်း နွေစပါးအတွက်ရေလှောင် ပြီးစိုက်နိုင်တဲ့ ၀ါးခယ်မရွှေလောင်း ကျွန်းပတ်ဆည်၊ မအူပင်သုံးခွကျွန်း ပတ်ဆည်၊ လပွတ္တာကျွန်းပတ်ဆည် တံခါးတွေက ရေတံခါးတွေမလုံလို့၊ ရေ မလှောင်နိုင်လို့ နွေစပါးမစိုက်နိုင် ခဲ့တာကို မျက်ကွယ်ပြုခဲ့တာ နှစ် ပေါင်းများစွာကတည်းကပါပဲ။ နွေ စပါးစိုက်နိုင်တောင် ငါးသမားနဲ့ တိုက်ထိပ်တွေ့လို့ စပါးစိုက်ရေရော၊ အောင်ရေမှာပါ အခက်အခဲဖြစ်လို့ နွေစပါးကို အဆင်ပြေပြေအခုထိ မစိုက်နိုင်သေးဘူး။ အခုမိုးတွင်းမှာ လည်း ကျွန်းပတ်တာတွင်း လယ်တွေ မှာ မြစ်ရေမ၀င်တော့ စပါးစိုက်ဖို့ အခက်အခဲဖြစ်လို့နေတယ်။ ဒီတော့ မြန်မာပြည်ရဲ့ ရေသောက်ဧရိယာ ၁၅ ရာခိုင်နှုန်းကိုလည်း အားကိုးစရာ မမြင်ပါဘူး။

ဒီတော့ သဘာဝမိုးရေကိုပဲ အားကိုးစရာဖြစ်တယ်။ မိုးအားကိုးပေမယ့် သူရွာမှရသမို့ ၄င်းမိုးရွာသွန်းမှုကလည်း လွန်ခဲ့တဲ့ သုံးနှစ်ကစလို့ ၂၀၁၀ ကနေ လုံးဝပြောင်းခဲ့တယ်။ မိုးဦးဝင်ချိန် တစ်လနောက်ကျခဲ့ပြီး မိုးဆုတ်ချိန်စောခဲ့လို့ မိုးရွာသွန်းကာ လပိုတိုတောင်းပြီး မိုးရွာသွန်းပမာဏ လျော့ကျခဲ့တယ်။ မိုးဦးနောက်ကျလို့ စိုက်ပျိုးပြီးပြီးချင်း လယ်မြေတွေမှာလည်း မိုးသည်းထန်စွာရွာသွန်းခံခဲ့ရလို့ စိုက်ပျိုးမြေတွေ မနှစ်က ဧက ခြောက်သိန်းကျော် ရေမြုပ်ပျက်စီးတယ်။ ရိတ်သိမ်းချိန်မှာလည်း အချိန်အခါမဟုတ်မိုးရွာလို့ ဧရာဝတီနဲ့ တစ်ပြည်လုံးစပါးခင်းတွေ ပျက်စီးပြန် တယ်။ အခု ဒီနှစ်ကျပြန်တော့လည်း အောက်မြန်မာပြည်လောက်သာ မိုး ကောင်းပြီး အထက်မြန်မာပြည်တစ်ခွင်လုံး မိုးနည်းလို့ စပါးစိုက်လယ်မြေတွေ အဆင်ပြေပြေမစိုက်နိုင်သေးဘူး။ ရေလှောင်ဆည်တွေတောင် ရေမရှိလို့ အထက်မြန်မာပြည်လယ်မြေ အများစုစိုက်ပျိုးရေအတွက် အခက်အခဲရှိနေတယ်။ နောက်ဆည်တွေရဲ့ လက်ရှိအနေအထားက မိုးများလာ တဲ့အခါ ရေမထိန်းနိုင်လို့ တောင်သူ အများစုရဲ့ စိုက်ခင်းအတွင်းသို့ ရေများဖောက်ချနေရတဲ့အတွက် လယ်တွေ နှစ်စဉ်ပျက်စီးကုန်တယ်။ မိုးနည်းတဲ့အခါကျတော့ ဆည်တွေ ပပ်ကြားကွဲလို့ ရေမပေးနိုင်ဘူး။ ဒါက အဓိကဘာကိုပြသလဲဆိုရင် ဆည်တွေဟာ နှစ်ကာလရှည်ကြာတဲ့ အခါမှာ ဆည်အတွင်းစီးဝင်လာတဲ့ ရေနဲ့အတူ နုန်းအနည်အနှစ်များ နှစ်စဉ်စုဆောင်းကာ ကြာရှည်လာတော့ ရေလှောင်ဧရိယာပမာဏတွေ လျော့
ကျလို့နေခြင်းပါ။ ဒီတော့ဆည်အများစု မိုးများလာရင် ဆည်ကျိုးမှာစိုးလို့ ရေဖောက်ချကြတယ်။

ဒီဆည်တွေကောလို့ ရေမလှောင်နိုင်သလိုပါပဲ။ မြန်မာပြည်ရဲ့ ပြည်မကြီးတစ်ခုလုံးမှာ မိုးရေလှောင်ပေးတဲ့ ကချင်ပြည်နယ်မှ သစ်တောများ၊ ပဲခူးရိုးမသစ်တောကြီးက ဟင်းလင်းပြောင်လေတော့ မိုးကိုမဖိတ်ခေါ်နိုင်၊ မိုးရွာပြီဆိုတာနဲ့ မိုးရေတွေဟာ ရိုးမတစ်ခုလုံးနဲ့ ပြည်မကြီးရဲ့ လယ်မြေတွေကို ဖြတ်တိုက် စားလို့ဧရာဝတီ၊ စစ်တောင်းမြစ်ကြီးတွေတောင် ကိုယ်စီအပြည့်နဲ့ မြစ်ကောကြီးတွေဖြစ်ဖို့ တာစူနေလေရဲ့။ ဒီလိုမိုးရေနဲ့ တိုက်စားလို့ပါလာတဲ့ သဲ၊ နုန်းတွေကြောင့် မြန်မာပြည်ရဲ့ဆန်အိုး ရန်ကုန်၊ ပဲခူး၊ ဧရာဝတီမြစ်ဝှမ်းတစ်ခုလုံးရဲ့ အင်းအိုင်လည်း
ကောလို့နေတယ်။ ဒါကြောင့် မိုးရွာတာ အနည်းငယ်ရက်ရှည်လာရင်စိုက်ခင်းတွေ ရေမြုပ်တာ အခုဆိုရင်ပဲ ဧရာဝတီတိုင်းရဲ့ ဇလွန်၊ ဟင်္သာတ စိုက်ခင်းတွေမှာ စပါးခင်းတွေ ရေမြုပ်မှာစိုးရိမ်နေကြတယ်။

ဒီလိုရာဦဥတု ပြောင်းလဲမှုကြောင့် ပြောင်းလဲဖြစ်ပေါ်နေတဲ့ ဖြစ်ရပ်တွေကို သုံးနှစ်ကြာတိုင် ခါးစည်းခံစားလာခဲ့ရတဲ့ မြန်မာလယ်သမားဘ၀ အနေအထားကို မျက်ကွယ်ပြုပြီး မြန်မာနိုင်ငံရဲ့ စိုက်ပျိုး ရေးကို အဓိကတာဝန်ယူဆောင်ရွက်နေတဲ့ အကြီးအကဲများနဲ့ ဆိုင် ရာဆန်စပါးအဖွဲ့အစည်းတွေဟာ ဒီအဓိကသဘာဝဘေးဒဏ်၊ စိုက်ပျိုးရေး အခက်အခဲကို ကူညီဖြေရှင်းဖို့ လုပ်ငန်းကို ဦးစားပေးပြီး လုပ် ဆောင်ရမည့်အစား မြန်မာပြည် ဆန်စပါး စိုက်ပျိုးထုတ်လုပ်ရေးသည် ဆန်စက်များ အရည်အသွေးညံ့လို့ဆိုပြီး နေပြည်တော်မှာ ခေတ် မီဆန်စက်ကြီးတွေ ဆောက်ဖို့ ဦး စားပေးပြီး စံပြစက်ရုံကြီးတွေ နိုင်ငံ တော် စရိတ်အကုန်အကျကြီးမားစွာ နဲ့ ဆောက်ပြနေခြင်းသည်လည်း ကောင်း၊ မြန်မာစိုက်ပျိုးရေးရဲ့ ထုတ်လုပ်မှုကျဆင်းတာသည် လယ်ကွက်တွေ ကျဉ်းလို့ဆိုပြီး နေပြည်တော်မှာ ရော နိုင်ငံရဲ့ အချို့ဒေသတွေမှာ စက်မှုလယ်ယာအကွက်ကျယ်စီမံ ကိန်းများကို နေရောညပါ ငွေကုန်ကြေးကျခံပြီး လုပ်ပြနေခြင်းသည်လည်းကောင်း လွန်စွာမှ အနာနဲ့ ဆေးလွဲချော်ပြီး ကတောင်းကြိုက်တလွဲ ဖင်တလွဲ ဖြစ်နေတယ်။

အမှန်စင်စစ် ၂၀၀၈ ခုနှစ် နာဂစ်မုန်တိုင်းဒဏ်ကို အပြင်းအထန် ခံစားခဲ့ပြီးနောက် မုန်တိုင်းဒဏ်က နာလန်ထစဆဲဆဲမှာ ၂၀၁၀ ပြည့်နှစ်က နေစပြီး မိုးလေ၀သ ရာသီဥတု ဖောက်ပြန်ခဲ့တာ ယနေ့ထိတိုင်ပဲ။ စိုက်သမျှ မိုးစပါးရိတ်ချိန်ကျတော့ ဈေးမရ၊ ဒါနဲ့ စပါးမရ၊ ပဲဘက်လှည့် ကြိုးစားပေမယ့် ပဲဈေးကလည်း သုံးနှစ်တိုင်အောင် ကျဈေးနဲ့တွေ့လေတော့ လယ်သမားတွေရဲ့ ယိုင်နဲ့နေတဲ့ စီးပွားရေးအနေအထားကို စာ နာကြည့်စေချင်ပါတယ်။ မနှစ်က ဒီလိုမိုးလယ်ချိန်မှာ ၀ါးခယ်မ၊ အိမ်မဲ၊ မြောင်းမြမြို့နယ်တွေရဲ့ ကျေးရွာအများစုမှာ ၀မ်းစာလက်ကျန်စပါးမရှိ ကြလို့ ဟာလာဆန်စက်တွေမှာပင့် ကူအိမ်တက်လို့နေကြတယ်။ ဆန်စက်ပိုင်ရှင် လယ်သမားတွေတောင် ထက်ပိုင်းကျိုးဝယ်စားနေရတယ်။ ထက်ပိုင်းကျိုးလို့ သူတို့ပြောတဲ့ ဝေါဟာရကတော့ ဆန်ကွဲလို့ဆိုလိုရင်းပါ။ ဒီလိုနှစ်အစဉ်အဆက် သဘာဝရာသီဥတုပြောင်းလဲမှုဒဏ်
ကြောင့် ခါးစည်းလို့ရုန်းကန်နေဆဲဖြစ်တဲ့ တောင်သူတွေရဲ့လက်ရှိအနေအထားကို မျက်ကွယ်ပြုပြီး ၂၀၁၃ ခုနှစ်မှာ ဆန်တစ်သန်းခွဲပဲ
ပို့နိုင်လို့ ၂၀၁၄ ခုနှစ်မှာဆန်သုံးသန်းထိပို့ဖို့လုပ်နေတဲ့ နေပြည်တော်မှ စိုက်ပျိုးရေးနဲ့ ကုန်သွယ်ရေးတာဝန်ရှိ ပုဂ္ဂိုလ်ကြီးနဲ့ ဆန်ကုန်သည်
ကြီးများ အသင်းလူကြီးဆိုသူများရဲ့ လေထဲတိုက်အိမ်ဆောက် စိတ်ကူးယဉ်နိုင်ငံတော်စီမံကိန်းတွေမှာ နိုင်ငံတော်သမ္မတကြီးနဲ့တကွ အကြံပေးပုဂ္ဂိုလ်ကြီးများ ကိုယ်တိုင်ဆက်လက်မျောပါနေလို့ကတော့ လာမယ့်နှစ်များအတွင်း ဆန်ဝယ်အားရမယ့်ကိန်းကို မြင်မိပါတော့တယ်။

ဒီတော့ ကျွန်တော်တို့ရဲ့ နိုင်ငံတော်မှာရှိတဲ့ စိုက်ပျိုးရေးကဏ္ဍကို ဦးဆောင်ဦးရွက်ပြုသူများသည် ခေတ်မီဆန်စက်ကြီးတွေ တည်ဆောက်ဖို့ လက်ကွက်ကျယ်ကြီး တွေချဲ့ပြီး ခေတ်မီစက်မှုလယ်ယာထူထောင်ဖို့က အဓိကလား။ အခုလောလောဆယ် ပြောင်းလဲတဲ့ ရာသီဥတု သဘာဝဘေးဒဏ်များကို ရင်ဆိုင်နေရပြီး ဒုက္ခအကြီးအကျယ် ရောက်လို့နေတဲ့ မြန်မာပြည်ရဲ့ ရာနှုန်းပြည့်စိုက်ပျိုးနေတဲ့ သီးနှံစိုက် လယ်မြေတွေမှာ အဓိက မရှိမဖြစ်လိုအပ်နေတဲ့ စိုက်ပျိုးရေရရှိရေးကအဓိကလား။ နောက်ပြီး လောလောဆယ် စိုက်ပျိုးဖြစ်ထွန်းနေတဲ့ သီးနှံ
စိုက်ခင်းတွေကို ရေဖုံးလွှမ်းမခံရဖို့က အဓိကလားဆိုတာ နိုင်ငံတော်သမ္မတကြီးနဲ့ အကြံပေးအဖွဲ့ကပါအဓိကနဲ့ သာမညကို ခွဲခြားဆောင်
ရွက်နိုင်အောင်ကတောင်း ကြိုက်တလွဲ၊ ဖင်တလွဲမဖြစ်အောင် တည့်မတ်ပေးစေလိုပါတယ်။

အခုရေတွင်းတူး အခုရေ ကြည်သောက်သလို ချက်ချင်း မမျှော်လင့်နိုင်ပေမယ့် အဓိက မဖြစ်မနေစတင်လုပ်ဆောင်သင့်သည့် လုပ်ငန်းများ
ကို အောက်ပါအတိုင်း အကြံပေးတင်ပြလိုပါတယ်။

ထင်း၊ မီးသွေး၊ သစ်တောထွက် ပစ္စည်းတွေအပေါ်မှာ လောင်စာအဖြစ် နေ့စဉ်သုံးစွဲနေတဲ့ ၇၄ ရာခိုင်နှုန်းသော လျှပ်စစ်မီးမရှိတဲ့ ပြည်သူ အများစုအတွက် အိမ်နီးချင်းနိုင်ငံများသို့ လျှပ်စစ်များ ရောင်းချနေ မည့်အစား လျှပ်စစ်မီးတိုးချဲ့ ဖြန့်ဖြူးပေးခြင်းဖြင့်လည်းကောင်း၊ လျှပ်စစ် မီးအလွယ်တကူ မသွယ်တန်းနိုင်ပါက ဖိလစ်ပိုင်နိုင်ငံလို တောတွေ၊ တောင်တွေထဲရှိ ပြည်သူတွေဆီအ ရောက် သဘာဝဓာတ်ငွေ့သုံးမီးဖို ငယ်များ ပံ့ပိုးပေးနိုင်မည်ဆိုလျှင်လည်းကောင်း၊ ဒါမှမဟုတ် အဖျင်းဆုံး တစ်ချောင်းထိုး မီးဖိုငယ်များကို တစ်ပြည်လုံးရှိ ပြည်သူများအတွက် အလုံအလောက် ဖြန့်ဖြူးပေးမည်ဆိုလျှင်လည်းကောင်း၊ ပြည်သူတွေဟာ လောင်စာထင်းအတွက် လက်ရှိ တောတွေကို မထိနိုင်လို့၊ လက်ရှိ သစ်ပင် အကြင်းအကျန်တွေကို ဆက်လက်ရှင်သန်စေမည်။ လူထု နည်းဖြင့် ထင်းအဖြစ်သုံး တောအုပ် တောငယ်တွေကို ကျေးရွာအုပ်စု အ လိုက် ထူထောင်ကြမယ်။ နိုင်ငံတော် အစီအမံနဲ့ ပဲခူးရိုးမကို ပြန်လည်ပြီး စိမ်းစေမယ်။

တစ်ချိန်တည်းမှာ မြန်မာပြည် အနှံ့ ဧရာဝတီမြစ်မှစ၍ ချင်းတွင်း၊ စစ်တောင်းမြစ်ကောကြီးများမှာ ရေ၀င်ထုထည်ကြီးမားလာအောင် နိုင်ငံတော် စီမံကိန်း၊ ပြည်ပအကူအညီများဖြင့် ရေရှည်၊ ရေတိုစီမံကိန်းဖြင့် ဇောက်ချပြီး တူးဖော်ပေးခြင်း ဖြင့်လည်းကောင်း၊ ဒီမှာ ဧရာဝတီ မြစ်ကြီးကို ပြန်လည်တူးဖော်ပြီး စိုက်ပျိုးရေလှောင်စီမံကိန်းနဲ့ လမ်းပန်းဆက်သွယ်ရေးအတွက် အားစိုက်ဆောင်ရွက်နေတဲ့ ပို့ဆောင်ဆက် သွယ်ရေးဝန်ကြီး ဦးဉာဏ်ထွန်းအောင်ရဲ့ ကြိုးပမ်းဆောင်ရွက်ချက်ကို မှတ်တမ်းတင်အပ်ပါတယ်။

နောက်မြန်မာပြည်ရဲ့ ကော နေသော ဆည်ကြီးများကို ပြန်လည် တူးဖော်ပေးခြင်း၊ ဒီနောက် အင်း၊ အိုင်ကောတွေ ဖြစ်နေတဲ့ အင်းလေး၊ မိတ္ထီလာ၊ သာစည်ကန်ကြီးတွေကို ဇောက်ချတူး၍ ရေလှောင်ပေးခြင်း၊ မြန်မာပြည်တစ်နံတစ်လျား ကျေးရွာ အုပ်စုများတစ်ဝိုက် ကောနေသော အင်းအိုင်၊ ချောင်းမြောင်းတွေကို လူထုလုပ်အားဖြင့် နိုင်ငံအင်အားဖြင့် တူးဖော်ပေးခြင်း၊ တစ်ချိန်တည်းမှာ ၈၅ ရာခိုင်နှုန်းသော မိုးရေသောက် လယ်မြေများကို ရေသောက်နိုင်ဖို့ မြစ်၊ ချောင်း မရှိတဲ့ဒေသများမှာ ငါးပွင့်ဆိုင်မြေအောက်ရေတွင်း စီမံ
ကိန်းတူးဖော်ပေးခြင်းဖြင့်လည်း ကောင်း၊ ဧရာဝတီမြစ်ဝကျွန်းပေါ် ဒေသများမှာ နေ့စဉ်ကမ္ဘာဆွဲအားကြောင့် နှစ်ကြိမ်ရေတက်၊ နှစ်ကြိမ် ရေကျကို အသုံးချလို့ မြစ်ရေ၊ ချောင်းရေတင်စီမံကိန်းတွေကို နိုင်ငံခြားကို ရောင်းချနေတဲ့ သဘာဝဓာတ်ငွေ့စွမ်းအင်ကို တစ်ဖက်လှည့်
သုံးလုိ့ မြစ်ရေတင်စီမံကိန်းတည်ဆောက်၍လည်းကောင်း၊ ဆန်စက်ကြီးများ ပတ်ဝန်းကျင်မှာ စပါးဖွဲကြမ်းလောင်စာသုံး ဂက်စီဖိုင်ယာ လျှပ်စစ်မြစ်ရေတင် စီမံကိန်းသုံး၍လည်းကောင်း လက်တွေ့ကူညီဆောင်ရွက်ပေးမည်ဆိုလျှင်တော့ မြန်မာပြည်ရဲ့ အဓိကဖြေရှင်းရန် လိုအပ်နေတဲ့ စိုက်ပျိုး ရေရရှိရေးအတွက် ရင်အေးဖွယ်ရာပါပဲ။ သို့မဟုတ်ဘဲ တံလျှပ်ကိုရေထင် ရွှေသမင်အလိုက် မှားနေသော နေပြည်တော်
စီမံကိန်းကွက်ကွက်လောက်တွင်သာ အချိန်ကုန်၊ ငွေကုန်၊လူပန်းလျက်ဆက်လက်၍ စိတ်ကူးယဉ်အိမ်မက်စီမံကိန်းကို အကောင်အထည်ဖော်နေသရွေ့တော့ မကြာသော ကာလအတွင်းမှာပဲ မြန်မာပြည်ရဲ့ စိုက်ပျိုးရေးနှင့် စားဝတ်နေရေးဟာ စိုးရိမ်ဖွယ်ရာ အခြေအနေရှိကြောင်းပါဗျာ။ ။

Credit To 7Day News Journal 
Read More »

သန့်ရှင်းတဲ့ ပလတ်စတစ် မျှော်လင့်ချက်နဲ့ ၁၆နှစ်သမီး တူရကီသူ



(သန့်ဇင်စိုး)

ပါရမီရှင်တစ်ဦး ဖြစ်လာစေဖို့ စိတ်ကူးစိတ်သန်း ပင်ကိုဓာတ်ခံက တစ်ရာခိုင်နှုန်း လိုအပ်ပြီး အလုပ် ကြိုးစားဖို့က ၉၉ရာခိုင်နူန်း လိုအပ်တယ်လို့ တီထွင်ပါရဂူ သောမက်စ်အက်ဒီဆင်က ဆိုထားပါတယ်။ ဒီလိုကြိုးစားပမ်းစားရှိတဲ့ အက်ဒီဆင်လို စိတ်ထားမျိုးကို ၂၀၁၃ Google သိပ္ပံပွဲတော်မှာ ဒေါ်လာငါးသောင်းတန် ဆုချိတ်ခဲ့တဲ့ တူရကီနိုင်ငံက အသက် ၁၆ နှစ်အရွယ် ကောင်မလေး အီလစ်ဖ်ဘီဂင် ဆီမှာလည်း တွေ့ရပါတယ်။ ဒီလိုဆုမျိုးက သဘာဝပတ်ဝန်းကျင်၊ ကျန်းမာရေး စတာတွေကိုလည်း အကျိုးပြုပြီး လက်တွေ့လုပ်ဆောင်ဖို့လည်း ဖြစ်နိုင်ခြေရှိတဲ့ တီထွင်ဖန်တီးမှုမျိုးကို ရွေးချယ် ချီးမြှင့်တာ ဖြစ်ပါတယ်။

အမှိုက်ပုံထဲ လွှင့်ပစ်ရမယ့် ငှက်ပျောခွံကနေ ဇီဝပလတ်စတစ် ထုတ်ဖို့အတွက် တီထွင်တာကို ဘီဂင် အနေနဲ့ ၂နှစ်လောက် ကြိုးစားပမ်းစား လုပ်ခဲ့ရတာပါ။ ရလာတဲ့ ပလတ်စတစ်က မခိုင်တာတို့ ပုပ်ကုန်တာတို့ စတဲ့မအောင်မြင်တဲ့ စမ်းသပ်မှု ဆယ်ခုလောက်ကို သူမကျော်ဖြတ်ခဲ့ရပါတယ်။ စိတ်ဓာတ်တော့ ကျမသွားခဲ့ပါဘူး။

“အက်ဒီဆင်က ပြောခဲ့တယ်မဟုတ်လား အကြိမ်တစ်ထောင် မအောင်မြင်ခဲ့ရင်တောင် ကျုပ်မအောင်မြင်တာ မဟုတ်ဘူး။ အလုပ်မဖြစ်တဲ့ နည်းလမ်းတစ်ထောင်ကို ရှာဖွေတွေ့ရှိသွားခဲ့တာလို့ ပြောခဲ့ပါတယ်” ဟု ၁၆နှစ်အရွယ် တီထွင်မယ်လေးက ဆုရရှိစဉ်က ပြောကြားခဲ့ပါတယ်။

နောက်ဆုံးမှာတော့ သူလိုချင်တဲ့ မပုပ်သိုးသော ပလတ်စတစ်မျိုးကို ငှက်ပျောသီးခွံကနေ အောင်အောင်မြင်မြင် တီထွင်နိုင်ခဲ့ပါတော့တယ်။ သူမရဲ့ ငယ်ငယ်ရွယ်ရွယ်နဲ့ အောင်မြင်ပါရမီ ကြီးမားမှုကို အားလုံးက လက်ဖျားခါ ချီးကျူးခဲ့ကြရပါတယ်။ နှစ်အတော်ကြာ စိတ်နှစ်ဇွဲစိုက်ထုတ်ပြီး ကြိုးစားခဲ့ရမှုတွေရဲ့ အသီးအပွင့်တွေပါပဲ။

သူမ ရရှိအောင်မြင်ခဲ့တဲ့ Google Science Fair ဟာ အင်တာနက်ကနေ တစ်ဆင့် ယှဉ်ပြိုင်ရတဲ့ သိပ္ပံဆိုင်ရာ တီထွင်မှုပြိုင်ပွဲ ဖြစ်ပြီးတော့ ၂၀၁၁ ကနေ စတင်ခဲ့တာ ဖြစ်ပါတယ်။ အသက် ၁၃ နှစ်ကနေ ၁၈ နှစ်အထိ နိုင်ငံတိုင်းက ကျောင်းသားကျောင်းသူတွေ ဝင်ရောက်ယှဉ်ပြိုင် နိုင်ကြပြီးတော့ ဆုရရှိသူတွေဟာ အမေရိကန်ဒေါ်လာ ငါးသောင်းရရှိတာ ဖြစ်ပါတယ်။ ဒါ့အပြင် ဒီဆုကို ပူးတွဲငွေကြေး ထောက်ပံ့ပေးတဲ့ National Geographic အဖွဲ့အစည်းကလည်း ဆုရရှိသူတွေကို လေ့လာရေး ခရီးစဉ်တွေ စီစဉ်ပေးပါတယ်။

ဘီဂင် တီထွင်ခဲ့တဲ့ ပလတ်စတစ်ဟာ ကျန်းမာရေးကိုရော သဘာဝပတ်ဝန်းကျင် ကိုပါ ဘေးထွက်ဆိုးကျိုး လုံးဝမရှိပါဘူး။ “လူတိုင်း ကိုယ့်ဘာသာ ကိုယ်တိုင်လုပ်လို့ရတယ်” လို့တောင် သူမက ဆိုပါသေးတယ်။ သရက်သီးအသားလိုမျိုး သစ်သီးမှာပါတဲ့ ကစီတွေနဲ့ ဆယ်လူးလို့စ် တွေကနေ ဇီဝပလတ်စတစ် ထုတ်လုပ်လို့ရသလို ငှက်ပျောသီး အခွံကလည်း ရနိုင်လိမ့်မယ်လို့ သူမက ယူဆခဲ့တာပါ။ ဇီဝပလတ်စတစ်တွေကို အသုံးပြုမယ်ဆိုရင် ရေနံထုတ်ကုန် ပစ္စည်းတွေကို အခြေပြုတဲ့ ပလတ်စတစ်တွေ နေရာကို အစားထိုးနိုင်လိမ့်မယ်လို့လည်း သူမက မျှော်လင့်ခဲ့ပါတယ်။ ဒါ့အပြင် လျှပ်စစ်ဝါယာ ကေဘယ်ကြိုးတွေရဲ့ လျှပ်ကာသား အဖြစ်လည်း အသုံးပြုနိုင်ပြီးတော့ အလှကုန်ပစ္စည်းတွေမှာ ထည့်ရတဲ့ ဟိုက်ဒရိုကာဗွန် ဓာတုပစ္စည်းတွေ နေရာမှာလည်း အစားထိုးနိုင်မယ်လို့ သူမရဲ့ စမ်းသပ်တင်ပြချက်တွေက သက်သေပြလို့နေပါတယ်။

“ကျွန်မရဲ့တီထွင်မှုဟာ ရေနံ ဘေးထွက်ပစ္စည်းကနေ ထုတ်တဲ့ ပလတ်စတစ် ညစ်ညမ်းမှုတွေကို အဖြေရှာပေးနိုင်မယ့် လမ်းစလို့ ကိုယ့်ဘာသာ ယူဆမိပါတယ်။ အပြောင်းအလဲကို ဖြစ်စေမယ့် လမ်းစတစ်ခုကို အစပျိုးလိုက်နိုင်တာမို့ ကိုယ့်ကိုယ်ကိုယ် အောင်မြင်ပြီလို့ ခံစားမိပါတယ်” လို့ သူမရဲ့တီထွင်မှုနဲ့ ပတ်သက်ပြီးတော့ ဂုဏ်ယူစွာ ပြောဆိုခဲ့ပါသေးတယ်။

သူမရဲ့ ရည်ရွယ်ချက်ကတော့ ဆေးကျောင်းတက်ချင်တာ ဖြစ်ပါတယ်။ ဒါကြောင့်လည်း ကျန်းမာရေးနဲ့ ညီညွတ်တဲ့ ပလတ်စတစ်ကို အထက်တန်းကျောင်းသူအရွယ်မှာ တီထွင်ခဲ့တဲ့ပုံပါပဲ။ သိပ္ပံပညာဟာ ကျွန်မရဲ့ အသက်မွေးဝမ်းကျောင်းပြုရမယ့် ယုံကြည်ချက်ပါပဲလို့ တူရကီသူ သမီးငယ်လေးက အခိုင်အမာ ဆိုပါတယ်။

“Google သိပ္ပံပွဲတော်ကို မသိခင်ကတည်းက ကျွန်မရဲ့တီထွင်မှုကို လုပ်ကိုင်နေခဲ့တာ ဖြစ်ပါတယ်။ တီထွင်မှု အပြီးသတ်ခါနီးမှာ ဝင်ရောက်ပြသလို့ရမယ့် ပြိုင်ပွဲလိုမျိုးကို စပြီးရှာဖွေခဲ့ပါတယ်။ သိပ္ပံတီထွင်မှု ပြိုင်ပွဲဆိုပြီး Google မှာရိုက်ပြီး ရှာခဲ့ပါတယ်။ တိုက်တိုက်ဆိုင်ဆိုင်ပါပဲ Google သိပ္ပံပွဲတော်ကို ပထမဆုံး ကျွန်မတွေ့ခဲ့ပါတယ်။ ပြိုင်ပွဲလမ်းညွှန်ချက်ကို ဖတ်ကြည့်ပြီးလိုက်တာနဲ့ ဒီပြိုင်ပွဲဟာ ကျွန်မဝင်ပြိုင်ရမယ့် ပြိုင်ပွဲဆိုတာ သိလိုက်ပါတယ်” လို့ အီလစ်ဖ်ဘီဂင်က သူမရဲ့ တီထွင်မှုကို ချပြရခြင်းအကြောင်းကို ဆိုပါတယ်။

အတိတ်ကိုများ ပြန်သွားလို့ ရနိုင်မယ်ဆိုခဲ့ရင် ၁၈၁၇ ခုနှစ်မှာ စပြီးဖြစ်ခဲ့တဲ့ ကာလဝမ်းရောဂါကပ်ကို တားနိုင်မယ့်ဆေးဝါးကို တီထွင်ချင်ပါတယ်လို့ သူမက ဆိုပါတယ်။ ကာလဝမ်းရောဂါပိုး ကာကွယ်ကုသဆေးကို ၁၉၁၂မှ စပြီးတီထွင်နိုင်ခဲ့တာ ဖြစ်တဲ့အတွက် စောပြီးသာ တီထွင်နိုင်ခဲ့မယ်ဆိုရင် အသက်တွေ အများကြီးကို ကယ်တင်နိုင်လိမ့်မယ်လို့ သူမက ပြောခဲ့ပါတယ်။

အီလစ်ဖ်ဘီဂင်ဟာ တူရကီနိုင်ငံ အစ္စတန်ဘူလ်မြို့တွင် နေထိုင်သူဖြစ်ပြီး Koc အထက်တန်းကျောင်းမှာ ပညာသင်ကြားနေသူ ဖြစ်ပါတယ်။ လေးတန်းကျောင်းသူ ဘဝကတည်းက အဆင့်မြင့် ထူးချွန်စာမေးပွဲတွေ ဖြေခဲ့ရပြီးတော့ အစိုးရက ချီးမြှင့်တဲ့ ပါရမီရှင်ထူးချွန် ကျောင်းသားကျောင်းသူဆုကိုလည်း ရရှိခဲ့ပါတယ်။ ငယ်စဉ်ကတည်းက ဇီဝဗေဒနှင့် ဓာတုဗေဒပညာရပ်တို့မှာ စိတ်ဝင်စားပြီး ထူးလည်းထူးချွန်ခဲ့သူ ဖြစ်ပါတယ်။
သူမရဲ့သူရဲကောင်း အားကျရတဲ့ ပုဂ္ဂိုလ်ကတော့ ရေဒီယိုသတ္တိကြွတာကို ရှာဖွေတွေ့ရှိခဲ့တဲ့ အမျိုးသမီး သိပ္ပံပညာရှင် မာရီကျူရီ (မဒမ်ကျူရီ) ပါပဲ။

သတင်းဆက်သွယ်ရေး နည်းပညာ တိုးတက်လာတဲ့ ဒီခေတ်မှာ ကြိုးစားပြီး ယုံကြည်ချက် ထက်သန်တဲ့ လူငယ်တွေအတွက် အခွင့်အလမ်းတွေ ပိုမိုပွင့်လန်းလာတယ် ဆိုတာကို တူရကီသူ ၁၆ နှစ်သမီးလေးက သက်သေပြလိုက်တာ ဖြစ်ပါတယ်။ တီထွင်ဖန်တီးမှုကို အားပေးပြီး ကောင်းမွန်တဲ့ ပညာရေးစနစ်နဲ့ အင်တာနက်နည်းပညာ ပေါင်းစပ်လိုက်တဲ့အခါ လူငယ်တွေရဲ့ အရေးပါတဲ့ တီထွင်ဖန်တီးမှုတွေ သွက်လက်လာတာကို တွေ့ရပါတယ်။ Google ရဲ့အကျိုးရှိတဲ့ သိပ္ပံပြိုင်ပွဲ အစီအစဉ်နဲ့ ထူးချွန်ထက်မြက်တဲ့ အီလစ်ဖ်ဘီဂင်ကို ဂုဏ်ပြုတဲ့အနေနဲ့ ဖော်ပြရခြင်းလည်း ဖြစ်ပါတယ်။

Credit To The Voice Weekly
Read More »

မြောက်ကိုရီးယား၏ အကြီးမားဆုံး စစ်ရေးပြပွဲပြုလုပ်



ကိုရီးယားစစ်ပွဲ ရပ်ဆိုင်းစေခဲ့သော အပစ်အခတ် ရပ်စဲရေးစာချုပ် ချုပ်ဆိုသည့် နှစ် (၆၀) မြောက်အထိမ်းအမှတ်အဖြစ် အကြီးမားဆုံး စစ်ရေးပြ အခမ်းအနားတစ်ရပ်ကို မြောက်ကိုရီးယားနိုင်ငံက ပြုလုပ်နေကြောင်း CNA သတင်းတွင် ဖော်ပြထားသည်။

စစ်ရေးပြ အခမ်းအနားကြီးတစ်ရပ်ကို မြောက်ကိုရီးယားနိုင်ငံက ပြုလုပ်နေပြီး တာဝေးပစ် ဒုံးကျည်များ၊ စက်ယန္တရားကြီးများ၊ တိုက်လေယာဉ်များနှင့် တပ်ဖွဲ့ဝင် ထောင်ပေါင်းများစွာ ပါဝင်ချီတက်ကြသည်။

အဆိုပါစစ်ရေးပြ အခမ်းအနားမှာ မိမိတို့နိုင်ငံ၏ အကြီးမားဆုံး စစ်ရေးပြ အခမ်းအနား ဖြစ်ကြောင်း နျူကလီးယားလက်နက် ပိုင်ဆိုင်ထားသော မြောက်ကိုရီးယားနိုင်ငံက တရားဝင် ထုတ်ပြန်ထားသည်။

ကွန်မြူနစ်ပါတီ ထိပ်တန်းခေါင်းဆောင်များ၊ စစ်ဘက်အရာရှိကြီးများ ခြံရံထားသည့် မြောက်ကိုရီးယားခေါင်းဆောင် ကင်ဂျုံအန် စင်မြင့်ပေါ်သို့ တက်ရောက်လာသည့်အခါ ကင်ဂျုံအန်ကို အသက်ပေး ကာကွယ်ကြဟု တပ်ဖွဲ့ဝင်များက ဟစ်ကြွေးခဲ့သည်။

“အမေရိကန်နိုင်ငံရဲ့ နှစ်ပေါင်း ၁၀၀ ကျော်ကြာ ကျူးကျော်စစ်သမိုင်းမှာ ပထမဆုံးအကြိမ်အဖြစ် အကြီးအကျယ် ရှုံးနိမ့်ခဲ့တယ်” ဟု မြောက်ကိုရီးယားခေါင်းဆောင် ကင်ဂျုံအန်က ကိုရီးယားစစ်ပွဲကို ရည်ညွှန်းပြီး မိန့်ခွန်းပြောကြားရာတွင် ထည့်သွင်း ပြောကြားခဲ့သည်။

မြောက်ကိုရီးယားနိုင်ငံအတွက် ငြိမ်းချမ်းရေးမှာ အလွန်အရေးကြီးသော်လည်း စစ်ပြိုင်တိုက်ခိုက်ရေးအတွက် အသင့်ပြင်ထားမည်ဟု စစ်ရေးပြ အခမ်းအနားသို့ တက်ရောက်လာသော မြောက်ကိုရီးယား တပ်မတော်၏ ရာထူးအကြီးဆုံး ဗိုလ်ချုပ်ကြီး ချိုယောင်ဟေးက ပြောကြားသည်။

ထို့အပြင် မြောက်ကိုရီးယားနိုင်ငံသို့ ရောက်ရှိနေသည့် တရုတ်ဒုတိယသမ္မတ လီယွန်ချောက်လည်း စစ်ရေးပြ အခမ်းအနားသို့ တက်ရောက်ခဲ့ကြောင်း CNA သတင်းတွင် ဖော်ပြထားသည်။

၁၉၅၀-၅၃ ခုနှစ်၌ ဖြစ်ပွားခဲ့သော ကိုရီးယားစစ်ပွဲအတွင်း မြောက်ကိုရီးယား ကွန်မြူနစ်များဘက်မှ တရုတ်ကွန်မြူနစ် တပ်ဖွဲ့ဝင် ၁၃ သိန်း ဝင်ရောက် တိုက်ခိုက်ပေးခဲ့ပြီး တောင်ကိုရီးယားနိုင်ငံကို အမေရိကန် တပ်ဖွဲ့ဝင်သုံးသိန်းနှင့် ကုလသမဂ္ဂတပ်ဖွဲ့များက အကူအညီ ပေးခဲ့သည်။

ကိုရီးယားစစ်ပွဲမှာ အပစ်အခတ် ရပ်စဲရေး စာချုပ်ဖြင့်သာ ရပ်ဆိုင်းထားခြင်းကြောင့် တောင်နှင့် မြောက် ကိုရီးယား နှစ်နိုင်ငံမှာ စစ်ပွဲဖြစ်ပွားနေဆဲ အခြေအနေတွင် ရှိနေသေးကြောင်း BBC သတင်းတွင် သုံးသပ်ထားသည်။

မြောက်ကိုရီးယားနိုင်ငံ၏ နျူကလီးယားလက်နက် စမ်းသပ်မှုများကြောင့် တောင်-မြောက်နှစ်နိုင်ငံကြား ဆက်ဆံရေး တင်းမာမှုများ ပေါ်ပေါက်နေချိန်တွင် မြောက်ကိုရီးယားနိုင်ငံ၏ အကြီးမားဆုံး စစ်ရေးပြ အခမ်းအနား ပေါ်ထွက်လာခြင်း ဖြစ်သည်။

Credit To The Voice Weekly
Read More »

သတင်းလွတ်လပ်ခွင့် တိုက်ပွဲ



(အောင်စိုး)

ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေနှင့် သတင်းမီဒီယာဥပဒေတို့ကို လွှတ်တော်သို့ တစ်ပြိုင်တည်းတင်ရန် ပြန်ကြားရေးဝန်ကြီးဌာနနှင့် စာနယ်ဇင်း ကောင်စီ (ယာယီ) တို့ သဘောတူညီချက် ရပြီးနောက်မှ ဦးစွာပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကို ပြန်ကြားရေးဝန်ကြီးဌာနက လွှတ်တော်သို့ ရုတ်တရက် တင်လိုက်ပြီး ပြည်သူ့လွှတ်တော်က အတည်ပြုလိုက်ရာ နှစ်ဖက် အငြင်းပွားဖွယ်ရာများ ပေါ်ပေါက်လာခဲ့သည်။

ပြည်သူ့လွှတ်တော်သို့ ရောက်ရှိသွားသော ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကို လွှတ်တော် ကိုယ်စားလှယ်များ မှတစ်ဆင့် စာနယ်ဇင်းကောင်စီက ပြင်ဆင်ရန် ကြိုးပမ်းသော်လည်း အရာမထင် ဖြစ်ခဲ့ပြီး ယင်းနောက်သက်ဆိုင်ရာ မီဒီယာ အဖွဲ့အစည်းများက ယင်းကို တညီတညွတ်တည်း ကန့်ကွက်လိုက်သည်။

ပြည်သူ့လွှတ်တော်တွင် ဇူလိုင် ၁၈ ရက်နေ့က ပြုလုပ်သော မီဒီယာများနှင့် တွေ့ဆုံပွဲ၌ ပြည်သူ့လွှတ်တော်က အတည်ပြုခဲ့သော ပုံနှိပ်ဥပဒေတွင် မီဒီယာသမားများ၏ ကန့်ကွက်ထားခြင်းကို လွှတ်တော်ကိုယ်စားလှယ် များက မသိရှိခဲ့ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ ပြည်သူ့လွှတ်တော် ငြိမ်းချမ်းရေးနှင့် တရားဥပဒေ စိုးမိုးရေးကော်မတီ ဥက္ကဋ္ဌ ဒေါ်အောင်ဆန်းစုကြည်တို့က ပြောကြားသည်။

ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကို သတင်းမီဒီယာသမား များနှင့် ပြန်ကြားရေးဝန်ကြီးဌာနတို့ ညှိနှိုင်း ရေးဆွဲခဲ့သည်ဟု နားလည်ထားသောကြောင့် ပြည်သူ့လွှတ်တော်က အတည်ပြုခဲ့ခြင်း ဖြစ် ကြောင်း ဒေါ်အောင်ဆန်းစုကြည်က ဆိုသည်။

“အဲဒီတော့ မိမိတို့ ကန့်ကွက်ချင်တာဟာ ဘာတွေလဲ ဆိုတာကို ပြည်သူ့လွှတ်တော်ကို ပေးပို့ဖို့လည်း လိုပါတယ်။ အမျိုးသားလွှတ်တော်က ဒါကိုအတည်ပြုပြီးရင် ပြည်သူ့လွှတ်တော်ကို ပြန်ပို့ရမယ့် အနေ အထားရှိပါတယ်။ အဲဒီမှာ ဒီဘက်ကနေပြီးတော့ မိမိတို့လုပ်နိုင်သလောက် ဒီကိစ္စနဲ့ ပတ်သက်ပြီး ကိုယ်စားလှယ်တစ်ဦးက အဆိုပြန်လည် တင်ပြလာမယ်ဆိုရင် ပြန်ပြီးတော့ လွှတ်တော်မှာ ဆွေးနွေးနိုင်တဲ့ အနေအထား ရှိပါတယ်” ဟု သူရဦးရွှေမန်းက ပြောကြားသည်။

စာနယ်ဇင်းကောင်စီကို ကြိုတင်အသိပေးခြင်း မရှိဘဲ ပြန်ကြားရေးဝန်ကြီးဌာနက ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကို လွှတ်တော်သို့ တင်သွင်းခဲ့ခြင်း၊ လွှတ်တော်တွင် ဆွေးနွေး အတည်ပြုသည့်အခါ ကြိုတင်ညှိနှိုင်း သဘောတူထားခဲ့သော စာနယ်ဇင်းကောင်စီ၏ ပြင်ဆင်ချက်များ မပါဝင်ခဲ့ခြင်းမှာ ပြန်ကြားရေးဝန်ကြီးဌာန၏ မရိုးသားသော လုပ်ရပ်များ ဖြစ်ရပ်များ ဖြစ်ကြောင်း မြန်မာနိုင်ငံ စာနယ်ဇင်းကောင်စီ (ယာယီ) အတွင်းရေးမှူး ဦးကျော်မင်းဆွေက ပြောကြားခဲ့သည်။

အရှေ့တောင်အာရှ နိုင်ငံများတွင် ထိုင်း၊ ဖိလစ်ပိုင်၊ ကမ္ဘောဒီးယားနိုင်ငံ တို့ထက် သတင်းမီဒီယာ လွတ်လပ်ခွင့် အညွန်းကိန်း နိမ့်ကျနေသော မြန်မာနိုင်ငံတွင် ပြည်သူ့လွှတ်တော်က အတည်ပြုခဲ့သော ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကို ပြင်ဆင်နိုင်ခြင်း မရှိပါက ၁၉၆၂ ပုံနှိပ် ထုတ်ဝေ ဥပဒေထက် ဆိုးရွားသော အခြေအနေဖြစ်ပြီး စာပေစိစစ်ရေး ဖျက်သိမ်းသည် ဆိုသည်မှာ နာမည်ခံ ဆောင်ရွက်ပေးရုံသာ ဖြစ်ကြောင်း Eleven Media Group မှ အယ်ဒီတာချုပ် ဦးဝေဖြိုးက ပြောကြားသည်။

သို့ဆိုလျှင် ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းမှာ အမျိုးသားလွှတ်တော်တွင် မည်သို့ ခရီးဆက်မည်နည်း။

ယင်းကိစ္စနှင့် ပြန်ကြာရေးဝန်ကြီးဌာနက နိုင်ငံပိုင်သတင်းစာများ မှတစ်ဆင့် သတင်းထုတ်ပြန် ခဲ့ရာတွင် စာနယ်ဇင်းကောင်စီ အနေနှင့် အခြေခံအကျဆုံး ဥပဒေကြမ်း Zero Draft ကို စတင်ရေးဆွဲရာ ဝန်ကြီးဌာနက စာနယ်ဇင်းကောင်စီ အနေနှင့် Zero Draft ရေးဆွဲရာတွင် ပါဝင်သင့်သည့် အချက်များကို လိုအပ်သလို ကိုးကား အသုံးပြုနိုင်ရန်အတွက် ၂၀၁၂ ခုနှစ် စက်တင်ဘာ ၂၉ရက်နေ့တွင် ပေးပို့အကြံပြုခဲ့ပြီး အထက်ဖော်ပြပါ အကြံပြုချက်များနှင့် Zero Draft အမြန်ပေးပို့ရန် ကိစ္စများကို စာနယ်ဇင်းကောင်စီသို့ လေးလေးစားစား ဆက်သွယ်ပေးပို့ အကြောင်းကြား ခဲ့သော်လည်း ကောင်စီအနေနှင့် လုံးဝပြန်ကြားမှု မရှိခဲ့ကြောင်း၊ သတင်းမီဒီယာ ဥပဒေကြမ်းတွင် မျှော်လင့်ထားသည့် အတိုင်းပင် ပုံနှိပ်ထုတ်ဝေခြင်း လုပ်ငန်းဆိုင်ရာ လိုအပ်သော စည်းမျဉ်း စည်းကမ်းများ မပါရှိဘဲ ပုဒ်မ (၃၈) တွင် ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေကို ဖျက်သိမ်းကြောင်းသာ ပါရှိသည့်အတွက် ဥပဒေပညာရှင်များနှင့် တိုင်ပင်၍ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းတစ်ခုကို ကြိုတင်ရေးဆွဲ၍ လွှတ်တော်သို့ တင်သွင်းခဲ့ခြင်း ဖြစ်ပါကြောင်း ဖော်ပြခဲ့သည်။

၂၀၁၃ မတ်လ ၂၃ရက်နေ့တွင် စာနယ်ဇင်းကောင်စီ အဖွဲ့ဝင်များနှင့် တွေ့ဆုံခဲ့ရာတွင် ပြည်ထောင်စုဝန်ကြီးက “မှတ်ပုံတင် အရာရှိက ဥပဒေပြုရေး၊ အုပ်ချုပ်ရေးနှင့် တရားစီရင်ရေး အာဏာများကို တာဝန်ယူထားတယ် ဆိုတာနဲ့ ပတ်သက်ပြီး လုံးဝ သဘောမတူပါကြောင်း၊ မှတ်ပုံတင် အရာရှိကို တာဝန်များ ပေးထားခြင်းသည် ကြိုးနီစနစ် ဖြုတ်လို၍ ဖြစ်ကြောင်း၊ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေနှင့် ပတ်သက်၍ မြန်မာနိုင်ငံ စာနယ်ဇင်းကောင်စီ၏ အကြံပြုချက်များကို လုပ်ထုံးလုပ်နည်းနှင့်အညီ ထည့်သွင်း စဉ်းစားနိုင်ရန် ပြည်သူ့လွှတ်တော် ဥပဒေကြမ်းကော်မတီသို့ တိတိကျကျ တင်ပြပေးမည် ဖြစ်ကြောင်း ပြောကြားခဲ့သည်။

မြန်မာနိုင်ငံ စာနယ်ဇင်းကောင်စီ (ယာယီ) က ပြင်ဆင်၍ ပေးပို့သည့် သတင်းမီဒီယာ ဥပဒေတွင် ၆၈ ချက်အနက် ၅၁ ချက်ကို လိုက်လျောလက်ခံပြီး ၁၇ ချက်မှာ နိုင်ငံတကာ စံနှုန်းများနှင့် ညီညွတ်မှုမရှိခြင်း၊ ဝန်ကြီးဌာန၏ မူဝါဒနှင့် မကိုက်ညီခြင်းများကြောင့် ပြန်လည် ပြင်ဆင်ပေးပါရန် ညှိနှိုင်းဆောင်ရွက် ခဲ့ရသော်လည်း စာနယ်ဇင်းကောင်စီ (ယာယီ) က လက်ခံနိုင်ခြင်း မရှိကြောင်း ဇူလိုင် ၉ ရက်နေ့တွင် ပြန်ကြားလာသဖြင့် စာနယ်ဇင်းကောင်စီ၏ သတင်းမီဒီယာ ဥပဒေကြမ်းကို လွှတ်တော်သို့ တင်ပြပေးသွားမည် မဟုတ်ဟု ပြန်ကြားရေးဝန်ကြီးဌာနက သတင်းထုတ်ပြန်ခဲ့သည်။

အမျိုးသားလွှတ်တော် ဥပဒေကြမ်း ကော်မတီနှင့် ဇူလိုင်လ ၂၄ ရက်နေ့ မွန်းလွဲပိုင်းတွင် တွေ့ဆုံစဉ် ပုံနှိပ်ခြင်းနှင့် ထုတ်ဝေခြင်း ဥပဒေကြမ်းတွင် ပြန်ကြားရေးဝန်ကြီးဌာနနှင့် ယခင်က သဘောတူညီ ထားသည့် အချက်အလက်များကို အမျိုးသားလွှတ်တော်က ဆွေးနွေးအတည်ပြုသည့်အခါ ထည့်သွင်း အတည်ပြုရေးကို ရှင်းပြခဲ့ကြောင်း ဦးကျော်မင်းဆွေက ရှင်းပြသည်။

လွှတ်တော်ကိုယ်စားလှယ် တစ်ဦးဦးက ပြည်သူ့လွှတ်တော်က အတည်ပြုခဲ့သော ပုံနှိပ်ဥပဒေကို ပြန်လည် သုံးသပ်ပေးရန် အဆိုအဖြစ် တင်သွင်းခြင်းနှင့် စာနယ်ဇင်းကောင်စီက ရေးဆွဲသော သတင်းမီဒီယာ ဥပဒေတွင်လည်း ပုံနှိပ်ဥပဒေကို အခန်းတစ်ခု အနေနှင့်သာ ဖော်ပြရန် အဆိုပြုခြင်း စသည့်နည်းလမ်းကို ဆောင်ရွက်နိုင်ကြောင်း ပြည်သူ့လွှတ်တော် စာပေ၊ ယဉ်ကျေးမှုနှင့် အားကစားကော်မတီဝင် ဦးရဲထွန်းက ဆိုသည်။

ပြည်သူ့လွှတ်တော်သို့ ရောက်ရှိလာသော ဥပဒေကြမ်းများမှာ ဥပဒေကြမ်း ကော်မတီ တစ်ခုတည်းကသာ စိစစ်ရသဖြင့် ယင်းကော်မတီတွင် အလုပ်များ အဆမတန် များပြားနေရုံသာမက ဥပဒေကြမ်းကော်မတီ တစ်ခုတည်းအနေနှင့် ဆိုပါကလည်း ဘာသာရပ်အားလုံး ကျွမ်းကျင်မှုရှိမည် မဟုတ်ကြောင်း၊ ပုံနှိပ်ဥပဒေအရ လမ်းဘေး မိတ္တူကူးစက် လုပ်ငန်းများသည်ပင် မှတ်ပုံတင်ရန် လိုအပ်ပြီး ဥပဒေသတ်မှတ်ချက် တစ်ခုခုနှင့် ငြိစွန်းပါက ဒဏ်ငွေကျပ် သိန်းငါးဆယ်မှ သိန်းတစ်ရာအတွင်း ကျခံရမည်ဟု ပါရှိနေရာ အလွန် ပြင်းထန်လွန်းကြောင်း၊ ယင်းအချက်ကို ပြင်ဆင်သွားသင့်ကြောင်း ပြည်သူ့လွှတ်တော် ကိုယ်စားလှယ် ဦးရဲထွန်းက ဆိုသည်။

ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကို အမျိုးသားလွှတ်တော်တွင် ဆွေးနွေးမည်ဖြစ်ရာ ပြည်သူ့လွှတ်တော်က အတည်ပြုခဲ့သည့်အတိုင်း ထပ်မံအတည် ပြုခဲ့ပါက မြန်မာနိုင်ငံ၏ သတင်းမီဒီယာ လွတ်လပ်မှုမှာ နိုင်ငံတကာ၏ မေးခွန်းထုတ်ခံရမည့်အပြင် နိုင်ငံ၏ ဂုဏ်သိက္ခာနှင့် လွှတ်တော်၏ ပုံရိပ်ကို ထိခိုက်စေမည်ဟု အမျိုးသားလွှတ်တော် ဥပဒေကြမ်း ကော်မတီဝင်များကို အသိပေးခဲ့ကြောင်း မြန်မာနိုင်ငံ စာနယ်ဇင်းကောင်စီ အဖွဲ့ဝင်များထံမှ သိရသည်။

အမျိုးသားလွှတ်တော် ဥပဒေကြမ်း ကော်မတီ၏ ဖိတ်ကြားမှုအရ နေပြည်တော်သို့ ရောက်ရှိနေသော မြန်မာနိုင်ငံ စာနယ်ဇင်းကောင်စီ ဥက္ကဋ္ဌနှင့် အဖွဲ့ဝင် ခုနစ်ဦးကို ပြန်ကြားရေးဝန်ကြီးဌာနက နံနက်စာ မုန့်ဟင်းခါး၊ လက်ဖက်ရည်တို့ဖြင့် ဧည့်ခံပြီး တစ်နာရီနီးပါးကြာ တွေ့ဆုံခဲ့ကြသည့်တိုင် ယင်းကိစ္စနှင့် ပတ်သက်၍ နှစ်ဖက်စလုံးက တစ်စွန်းတစ်စပင် မဟခဲ့။

နှစ်ဖက်သဘောတူညီမှုဖြင့် တင်မည်ဟု ဆိုထားသည့် နောက်ထပ်ဥပဒေတစ်ခုမှာ သတင်းမီဒီယာဥပဒေ ဖြစ်သည်။

သို့သော် စာနယ်ဇင်းကောင်စီက ရေးဆွဲထားသော ယင်းဥပဒေပါ အချက် ၁၇ ချက်ကို ပြင်မပေးပါက ပြန်ကြားရေးဝန်ကြီးဌာနက လွှတ်တော်သို့ မတင်ပေးနိုင်ဟု ဆိုလာပြန်သည်။

“ဝန်ကြီးကိုယ်တိုင် ကလည်း ပုံနှိပ်ဥပဒေကိုလည်း စိတ်တိုင်းကျ ပြင်ပေးပါ၊ လက်ခံပါ့မယ်၊ သတင်းမီဒီယာ ဥပဒေကို စိတ်တိုင်းကျ ရေးဆွဲပါ၊ ထောက်ခံပါ့မယ်လို့ ပြောခဲ့တာပါ။ ဇူလိုင် ၄ ရက်နေ့ကျမှ ၁၇ ချက်ကို ပြင်မပေးနိုင်ရင် Press Council (စာနယ်ဇင်းကောင်စီ) က ဆွဲတဲ့ သတင်း မီဒီယာဥပဒေကို လွှတ်တော်ကို မတင်ပေးနိုင်ဘူးလို့ စာပို့တယ်” ဟု ယင်းကောင်စီ အဖွဲ့ဝင်တစ်ဦးဖြစ်သူ ဦးဇော်သက်ထွေးက ဆိုသည်။

ယင်းကြောင့် စာနယ်ဇင်းကောင်စီက မူလရည်မှန်းထားသည့် နည်းအတိုင်း လွှတ်တော်ကိုယ်စားလှယ် တစ်ဦးဦးမှ တစ်ဆင့်သာ တင်သွင်းရန် ဆုံးဖြတ်လိုက်သည်။

ပြန်ကြားရေးဝန်ကြီးဌာန ကမူ နိုင်ငံအတွင်း ပုံနှိပ်လုပ်ငန်းများစွာ ရှိသည့်အတွက် ပုံနှိပ်ထုတ်ဝေခြင်း လုပ်ငန်းနှင့် သတင်းမီဒီယာတို့ ဥပဒေသီးခြားစီ ရှိသင့်ကြောင်း ပြောဆိုထားသည်။
သို့သော် ယင်းနှစ်မျိုးစလုံးသည် ခွဲခြား၍ မရကြောင်း သတင်းစာဆရာများက တညီတညွတ်တည်း ရှုမြင်ကြသည်။

ပြန်ကြားရေးဝန်ကြီးဌာန အနေနှင့် အစိုးရအဖွဲ့၏ သတင်းထုတ်ပြန်ရေးဌာန တစ်ခုအနေနှင့်သာ ရပ်တည်ရမည်ဖြစ်ပြီး သတင်းမီဒီယာများ အပေါ် အာဏာပိုင်အဖြစ် ပြုမူနေခြင်းနှင့် မီဒီယာဥပဒေများ ရေးဆွဲခြင်းစသော လုပ်ငန်းများကို ဆောင်ရွက်ရန် မသင့်ကြောင်း ဂျပန် NHK သတင်းဌာနမှ ဦးသီဟက ပြောကြားသည်။

သမ္မတဦးသိန်းစိန် အစိုးရလက်ထက် စာပေစိစစ်ရေး ဖျက်သိမ်းပြီးနောက်ပိုင်း လွတ်လပ်ပြီဟု ‘ဟင်း’ ချရန် ကြံခဲ့သော်လည်း မပြီးသေးသော တိုက်ပွဲကား ရှေ့ဆက်နေဆဲပင်။

ယင်းတို့ကြောင့် ပြန်ကြားရေးဝန်ကြီးဌာနသည် စာပေကင်ပေတိုင်ဟု အမည်ဆိုးဖြင့် ကျော်ကြားခဲ့သော စာပေစိစစ်ရေးကို ဖျက်သိမ်းခဲ့သော်လည်း အခြားတစ်ဖက်က ယင်းသို့သော ပုံသဏ္ဌာန်တစ်မျိုး ပြန်အသက်သွင်းရန် ကြိုးပမ်းနေသလောဟု သတင်းစာဆရာများ၊ သတင်းမီဒီယာ အသင်းအဖွဲ့များက မေးခွန်းထုတ်ကြသည်။

“ပြန်ကြားရေးအနေနဲ့ စာပေစိစစ်ရေး ရွှေထီးဆောင်းခဲ့တဲ့ခေတ်ကို မေ့ပစ်လိုက်ဖို့လိုပြီ” ဟု စာနယ်ဇင်းကောင်စီဝင် တစ်ဦးဖြစ်သူ ဦးရဲမင်းဦးက ဆိုလေသည်။

Credit To The Voice Weekly
Read More »