ပြဇာတ်၊ မျက်လှည့်နှင့် နိုင်ငံရေး ဇာတ်ပွဲကြီး


Written by ဒေါက်တာရန်မျိုးသိမ်း
ရန်ကုန်မြို့ တညင်းကုန်းဘူတာသို့ ကုန်စိမ်းရထား ဆိုက်ရောက်ပြီးနောက် မြင်ကွင်း (ဓာတ်ပုံ-၀င်းမြင့်ကျော်)
လူတချို့က မြန်မာ့နိုင်ငံရေး ဖြစ်ပေါ်ပြောင်းလဲမှု များကိုကြည့်ပြီး ပြဇာတ်ကောင်းကောင်း တစ်ပုဒ်ကို ကြည့်နေရသည်နှင့် တူသည်ဟု ဆိုသည်။ လူတချို့က မြန်မာ့အသွင် ကူးပြောင်းရေးကိုကြည့်ပြီး မျက်လှည့်လက်လှည့်ပွဲ ကြည့်နေရသကဲ့သို့ ခံစားရသည်ဟု ဆိုသည်။ လူတချို့က မြန်မာ့နိုင်ငံရေး အခင်းအကျင်းကို ထိုင်ကြည့်ရသည်မှာ ဇာတ်ပွဲကြီးတစ်ခုကို ထိုင်ကြည့်နေရသည်နှင့် ဆင်တူသည်ဟု ဆိုသည်။ အကယ်စင်စစ် နိုင်ငံရေးတို့ မည်သည်ပြဇာတ်အသွင်၊ မျက်လှည့်အသွင်၊ ဇာတ်ပွဲအသွင် ရှိနေတတ်သည်မှာ ဖြစ်ရိုးဖြစ်စဉ်ဟု ဆိုနိုင်သော်လည်း ကြည့်ကောင်းဖို့ လိုသည်ဟုလည်း နိုင်ငံရေးက၀ိ အချို့က ဆိုကြသည်။ မည်သို့ပင်ဆိုစေ ပြည်သူကိုမည်၍မည်မျှ အကျိုးပြုသည်ဟူသော အချက်နှင့်သာ အဆုံးသတ်တွင် အကဲဖြတ်ရမည် ဖြစ်သည်။
လက်ရှိသမ္မတ ဦးသိန်းစိန်၊ လက်ရှိပြည်သူ့လွှတ်တော် ဥက္ကဋ္ဌနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ သူရဦးရွှေမန်း၊ လက်ရှိပြည်သူ့လွှတ်တော် ကိုယ်စားလှယ်နှင့် အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်တို့သည် ၂၀၁၅ ခုနှစ် အထွေထွေရွေးကောက်ပွဲအလွန် ကာလတွင် သမ္မတအဖြစ် ရွေးချယ်ခံလိုကြောင်း အတိအလင်း ထုတ်ဖော်ပြောထားကြသည်။ ၂၀၀၈ ခုနှစ် ဖွဲ့စည်းပုံအခြေခံ ဥပဒေအရ နိုင်ငံတော်သမ္မတသည် ပြည်ထောင်စု အစိုးရအဖွဲ့နှင့် အမျိုးသားကာကွယ်ရေးနှင့် လုံခြုံရေးကောင်စီကို ဦးဆောင်မည့်သူ ဖြစ်သည်။ ထို့ကြောင့် ဦးသိန်းစိန်၊ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား သုံးပွင့်ဆိုင်နိုင်ငံရေး ယှဉ်ပြိုင်မှုဟု သတ်မှတ်နိုင်မည် ဖြစ်သည်။
ဦးသိန်းစိန်၊ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား သုံးပွင့်ဆိုင် ဆက်ဆံရေးသည် ထင်သလောက် မချောမွေ့သည်မှာ အထင်အရှား ဖြစ်သည်။ ဒေါ်အောင်ဆန်းစုကြည်သည် လွှတ်တော်ကိုယ်စားလှယ် တစ်ဦးဖြစ်သည့် အားလျော်စွာ သူရဦးရွှေမန်း၊ ဦးခင်အောင်မြင့် အပါအ၀င် လွှတ်တော်အသိုင်းအ၀ိုင်းနှင့် နီးစပ်မှု ပိုရှိသည်ကို တွေ့ရသည်။ အတည်မပြုနိုင်သော သတင်းများအရ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား ဆက်ဆံရေးသည် နိုင်ငံရေးအရ ယုံကြည်မှုနှင့် နားလည်မှု မြင့်မားနေသည်သာမက ပုဂ္ဂိုလ်ရေးအရလည်း မောင်ရင်းနှမပုံစံ ဆက်ဆံရေး ရှိနေသည်ဟု ဆိုကြသည်။ မြန်မာ့နိုင်ငံရေး၏ အစဉ်အလာ သဘောသဘာဝအရ ပုဂ္ဂိုလ်ရေး ရင်းနှီးကျွမ်းဝင်မှုများသည် နိုင်ငံရေးအပေါ် သက်ရောက်မှု အားကောင်းသည့်အလျောက် မောင်နှမပုံစံ ရင်းနှီးမှုသာ မှန်ကန်ခဲ့ပါက အဆိုပါ ရင်းနှီးမှုသည် အနာဂတ် နိုင်ငံရေးလမ်းကြောင်းတွင် လက်တွဲဆောင်ရွက်နိုင်ရေးအတွက် ကြီးစွာအထောက်အပံ့ ဖြစ်လာနိုင်သည်ဟုလည်း သုံးသပ်နိုင်သည်။
နောက်ကြောင်းပြန် သုံးသပ်ကြည့်လျှင် သမ္မတဦးသိန်းစိန် အနေဖြင့် လာမည့် ၂၀၁၅ ခုနှစ် ရွေးကောက်ပွဲတွင် သမ္မတအဖြစ် ပြန်လည်အရွေးချယ်ခံမည်ဟု တရားဝင်ထုတ်ဖော် ပြောကြားခဲ့သည့် နောက်ပိုင်းမှစ၍ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား ဆက်ဆံရေးမှာ အထူးနီးစပ် ကောင်းမွန်လာခဲ့ပြီး နှစ်ဦးနှစ်ဖက် နားလည်မှုနှင့် ယုံကြည်မှုတို့သည်လည်း အလျင်အမြန် မြင့်တက်လာခဲ့သည်ဟု သုံးသပ်နိုင်သည်။ သမ္မတ ဦးသိန်းစိန်၏ ဒုတိယသက်တမ်း ပြန်အရွေးခံနိုင်ဖွယ် မှတ်ချက်သည် သူရဦးရွှေမန်းနှင့် ဒေါ်အောင်ဆန်းစုကြည်အကြား ယုံကြည်မှုနှင့် နားလည်မှု မြင့်မားလာစေရေးအတွက် တွန်းအားဖြစ်စေ ခဲ့သည်ဟုပင် မှတ်ချက်ပြုနိုင်သည်။ တွန်းပို့ခဲ့လေသလားဟုပင် သံသယ မှတ်ချက်များကိုလည်း ကြားသိနေရသည်။
၂၀၁၅ ခုနှစ်အလွန် ပေါ်ပေါက်လာဖွယ် ရှိနေသည့် ညွန့်ပေါင်းအစိုးရ အဖွဲ့သည် မြန်မာပြည်သူ လူထုကြီး၏ ဆင်းရဲမွဲတေမှု လျှော့ချရေး၊ ပညာရေး အဆင့်အတန်း မြင့်မားရေး၊ အခမဲ့ ကျန်းမာရေး စောင့်ရှောက်ရေး၊ တရားဥပဒေ စိုးမိုးရေး၊ ငြိမ်းချမ်းရေး၊ စီးပွားရေး ဖွံ့ဖြိုးတိုးတက်ရေးတို့ကို အားသွန်ခွန်စိုက်၊ လက်တွေ့ကျကျ၊ အပြောနည်းနည်း၊ အလုပ်များများ အကောင်အထည် ဖော်လာနိုင်မည် ဆိုပါက . . . . .
မြန်မာ့နိုင်ငံရေး၏ ထိပ်သီးပါတီကြီးနှစ်ခုမှ ဥက္ကဋ္ဌနှစ်ဦးအကြား ထူးခြားသော၊ လေးနက်သော ဆက်ဆံရေးကို အကြောင်းပြုလျက် ညွန့်ပေါင်းအစိုးရဆိုသည့် အသံသည် လွန်ခဲ့သော ရက်ပိုင်းအတွင်း အတော်ဆူဆူညံညံ ထွက်ပေါ်လာခဲ့သည်။ ဥက္ကဋ္ဌကြီး နှစ်ဦးအကြား လက်ရှိအနေအထားအပေါ် အခြေပြု စဉ်းစားလျှင် ၂၀၁၅ ခုနှစ် ရွေးကောက်ပွဲအလွန် ကာလတွင် ညွန့်ပေါင်းအစိုးရ ဖြစ်နိုင်ခြေမှာ အလွန်အမင်း မြင့်မားလျက် ရှိနေသည်ဟု မှတ်ချက်ပြုနိုင်သည်။
ဖွဲ့စည်းပုံ အခြေခံဥပဒေအရ သမ္မတသည် အစိုးရအဖွဲ့ကို မည်သို့ဖွဲ့စည်းမည်ဖြစ်ကြောင်း ဆုံးဖြတ်ရမည် ဖြစ်သည်။ ထို့ကြောင့် ညွန့်ပေါင်းအစိုးရ ဖွဲ့စည်းရေးတွင် မည်သူသမ္မတဖြစ်မည်က ပိုမိုအရေးကြီးသည်။ ဒေါ်အောင်ဆန်းစုကြည်သည် တိုင်းပြည်နှင့် လူမျိုးအကျိုးကို ထိထိရောက်ရောက် ဆောင်ရွက်လိုသဖြင့် သမ္မတဖြစ်နိုင်လျှင် ဖြစ်လိုကြောင်း အဆိုပြုခဲ့သည်။ သို့သော် ၂၀၁၅ ခုနှစ် မတိုင်မီ ဖွဲ့စည်းပုံ ပြင်ဆင်ရေး အထမမြောက်နိုင်လျှင် ဒေါ်အောင်ဆန်းစုကြည် အနေဖြင့် သမ္မတမဖြစ်နိုင်ချေ။ ဒေါ်အောင်ဆန်းစုကြည်သည် ဖွဲ့စည်းပုံ အခြေခံဥပဒေကို အချိန်မီ မပြင်နိုင်သဖြင့် သမ္မတ မဖြစ်နိုင်သော်လည်း အမျိုးသားဒီမိုကရေစီ အဖွဲ့ချုပ်သည် လွှတ်တော်အသီးသီးတွင် ကိုယ်စားလှယ် နေရာအများစု အနိုင်ရရှိရန် အလားအလာမှာ မြင့်မားနေဆဲဖြစ်သဖြင့် အမျိုးသားဒီမိုကရေစီ အဖွဲ့ချုပ်မှ အဆိုပြုသူသည် သမ္မတဖြစ်လာနိုင်သည့် အလားအလာမှာ မြင့်မားနေသည်ဟု မှတ်ချက်ပြုရမည် ဖြစ်သည်။ ဒေါ်အောင်ဆန်းစုကြည် အနေဖြင့် အမျိုးသားဒီမိုကရေစီ အဖွဲ့ချုပ် ကိုယ်စားလှယ်တစ်ဦးဦး သို့မဟုတ် ခေါင်းဆောင်တစ်ဦးဦးကို သမ္မတတာဝန် ရယူနိုင်ဖို့အထိ ကြိုတင်ပြင်ဆင် ဆောင်ရွက်ထားမှုကိုလည်း ယနေ့အချိန်အထိ မမြင်တွေ့ရသေးပေ။
ထိုအခင်းအကျင်းတွင် ဒေါ်အောင်ဆန်းစုကြည် အနေဖြင့် မိမိပါတီထဲမှ တစ်ဦးဦးကို သမ္မတလောင်း သတ်မှတ်သည်ထက် တပ်မတော်နှင့်လည်းနီးစပ် သူမနှင့်လည်း နားလည်မှု ယုံကြည်မှုလည်းရှိသော သူရဦးရွှေမန်းကို သူမကိုယ်စား သမ္မတအဖြစ် အဆိုပြုလာနိုင်ဖွယ် ရှိသည်ဟုလည်း လေ့လာသူ အချို့က မှတ်ချက်ပြုကြသည်။ သူရဦးရွှေမန်း အနေဖြင့်လည်း ၂၀၁၅ ခုနှစ် မတိုင်မီတွင် ဒေါ်အောင်ဆန်းစုကြည်နှင့် နားလည်မှု၊ ယုံကြည်မှု့ ကို ယခုထက် ပိုမိုခိုင်မာအောင် စနစ်တကျ တည်ဆောက်လာနိုင်ဖွယ် ရှိသည်မှာလည်း ငြင်းမရသော အချက်ဖြစ်သည်။
ပကတိ အခြေအနေကို ကြည့်လျှင်လည်း ကျန်သမ္မတလောင်း ဖြစ်နိုင်သူနှစ်ဦးအနက် သူရဦးရွှေမန်းသည် ဒေါ်အောင်ဆန်းစုကြည်နှင့် နီးစပ်ပြီး သမ္မတဦးသိန်းစိန်သည် ဒေါ်အောင်ဆန်းစုကြည်နှင့် ပုံမှန်ဆက်ဆံမှု မရှိသည့်အပြင် နားလည်မှုနှင့် ယုံကြည်မှုတည်ဆောက်ရေး အပိုင်းတွင်လည်း အားနည်းနေသည်ဟု ဆိုနိုင်သည်။ ထို့အပြင် သူရဦးရွှေမန်းသည် ဒေါ်အောင်ဆန်းစုကြည်ထံမှ ယုံကြည်မှုကို အတိုင်းအတာတစ်ခုအထိ ရရှိထားပြီးဖြစ်သည်။ အဆိုပါ သုံးသပ်ချက်အရဆိုလျှင် သူရဦးရွှေမန်းသည် တိုင်းပြည်အုပ်ချုပ်ရေး၏ အကြီးအကဲ သမ္မတ ဖြစ်လာနိုင်ဖွယ်ရှိပြီး ဒေါ်အောင်ဆန်းစုကြည်သည် တိုင်းပြည်ဥပဒေပြုရေး၏ အကြီးအကဲ ပြည်သူ့လွှတ်တော်ဥက္ကဋ္ဌ ဖြစ်လာနိုင်ဖွယ် ရှိနေသည်။ ၂၀၁၅ ခုနှစ်အလွန် မြန်မာ့နိုင်ငံရေး အခင်းအကျင်းတွင် မောင်ရင်းနှမကဲ့သို့ ရင်းနှီးသူနှစ်ဦးအနက် တစ်ဦးက အုပ်ချုပ်ရေးကို ဦးဆောင်သည့်အချိန်တွင် တစ်ဦးက ဥပဒေပြုရေးကို ထိန်းကျောင်းသည့်အသွင် ပုံပေါ်လာနိုင်ဖွယ် ရှိနေသည်။
၂၀၀၈ ခုနှစ် ဖွဲ့စည်းပုံ အခြေခံဥပဒေပါ သမ္မတနှင့် ဒုတိယသမ္မတ ရွေးကောက်တင်မြှောက်ခြင်းဆိုင်ရာ ပြဋ္ဌာန်းချက်များအရ ပြည်သူ့လွှတ်တော်နှင့် အမျိုးသားလွှတ်တော်တို့မှ ဒုတိယသမ္မတ တစ်ဦးစီကို ရွေးချယ်ရမည် ဖြစ်သည်။ ပြည်သူ့လွှတ်တော် ကိုယ်စားလှယ် မဟုတ်သူကိုလည်း ဖွဲ့စည်းပုံ အခြေခံဥပဒေပါ သမ္မတနှင့် ဒုတိယသမ္မတများ၏ အရည်အချင်းနှင့် ကိုက်ညီလျှင် သမ္မတအဖြစ် ရွေးချယ်နိုင်မည် ဖြစ်သည်။ ဆက်စပ်စဉ်းစား ကြည့်မိသည်မှာ ၂၀၁၅ ခုနှစ် အထွေထွေရွေးကောက်ပွဲတွင် အမျိုးသားဒီမိုကရေစီ အဖွဲ့ချုပ်သည် လွှတ်တော်နှစ်ရပ်စလုံးတွင် ကိုယ်စားလှယ်နေရာ အများစုကို အနိုင်ရရှိရန် အလားအလာကောင်းလျက် ရှိနေသည်။ ထို့ကြောင့် ပထမအဆင့် ဒုတိယသမ္မတ ဖြစ်ရေးနှင့် နောက်တစ်ဆင့် သမ္မတဖြစ်ရေးတွင် အမျိုးသားဒီမိုကရေစီ အဖွဲ့ချုပ် ကိုယ်စားလှယ်များ၏ ထောက်ခံမှုသည် အလွန်ပဓာန ကျသည်ဟု မှတ်ချက်ပြုနိုင်သည်။ ၂၀၁၅ ခုနှစ် အထွေထွေရွေးကောက်ပွဲ အလွန်ကာလ လွှတ်တော်အခင်းအကျင်း၌ သူရဦးရွှေမန်း အနေဖြင့် သမ္မတဖြစ်လာရေးတွင် အမျိုးသားဒီမိုကရေစီ အဖွဲ့ချုပ် လွှတ်တော်ကိုယ်စားလှယ်များ၏ ထောက်ခံမှုသည် သေရေးရှင်ရေးတမျှ အရေးကြီးလာဖွယ် ရှိနေသည်။ ထို့ကြောင့် သူရဦးရွှေမန်းသည် အမျိုးသားဒီမိုကရေစီ အဖွဲ့ချုပ်နှင့် နီးစပ်ရန်၊ အထူးသဖြင့် ပါတီခေါင်းဆောင်ကြီး ဒေါ်အောင်ဆန်းစုကြည်နှင့် နီးစပ်နိုင်ရန် ဗျူဟာမြောက် ပုံဖော်လာခြင်း ဖြစ်နိုင်သည်ဟုလည်း သုံးသပ်ကြသည်။ အဆိုပါ သုံးသပ်မှုများသည် ဒီယုန်မြင်၍ ဒီချုံထွင်သည်ဟု မှတ်ချက်ပြုသည်အထိ ခရီးပေါက်ခဲ့သည်။
အမျိုးသားဒီမိုကရေစီ အဖွဲ့ချုပ်အပေါ် ဒေါ်အောင်ဆန်းစုကြည် သြဇာလွှမ်းမိုးနိုင်မှုသည် မြန်မာ့နိုင်ငံရေး သမိုင်းတစ်လျှောက် ပါတီခေါင်းဆောင်များက နိုင်ငံရေးပါတီ တစ်ခုလုံးအပေါ် သြဇာသက်ရောက်မှုများနှင့် နှိုင်းယှဉ်ဆန်းစစ်လျှင် အမြင့်မားဆုံးအဆင့်တွင် ရှိသည်ဟုပင် သုံးသပ်နိုင်ဖွယ် ရှိသည်။ ပါတီအပေါ် ဒေါ်အောင်ဆန်းစုကြည်၏ သြဇာညောင်းမှု မြင့်မားခြင်းသည် လာမည့်သမ္မတ ရွေးကောက်ပွဲတွင် ပါတီ၏ လွှတ်တော်ကိုယ်စားလှယ်များ အားလုံး တစ်သံတည်း ထွက်ရေးကို များစွာအထောက်အကူ ပြုမည်ဖြစ်သည်။
ဒေါ်အောင်ဆန်းစုကြည်သည် လာမည့်ရွေးကောက်ပွဲအလွန် အစိုးရအဖွဲ့တွင် ယခုအစိုးရအဖွဲ့ထက် တာဝန်ထမ်းဆောင်ဆဲ တပ်မတော် အရာရှိကြီးများကို ကာကွယ်ရေးဦးစီးချုပ်၏ ခွင့်ပြုချက် ဖွဲ့စည်းပုံ အခြေခံဥပဒေပါ ပြဋ္ဌာန်းချက်တို့နှင့်အညီ ၀န်ကြီးအဖွဲ့၌ တာဝန်ပေးလာနိုင်ဖွယ် ရှိနေသည်ဟုလည်း သုံးသပ်မှုများ ရှိနေသည်။ လာမည့် ၂၀၁၄ ခုနှစ်တွင် သမ္မတဦးသိန်းစိန်သည် အရှေ့တောင်အာရှ နိုင်ငံများအဖွဲ့ (အာဆီယံ)ဥက္ကဋ္ဌ တာဝန်များ ပိနေမည့်အချိန်တွင် သူရဦးရွှေမန်းအနေဖြင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတွင်း ထောက်ခံမှု ပိုမိုရရှိနိုင်ရေး စနစ်တကျ ပုံဖော်လာနိုင်သည့်အပြင် ဒေါ်အောင်ဆန်းစုကြည်နှင့် ယုံကြည်မှု တည်ဆောက်ရေး လမ်းကြောင်းကိုလည်း နောက်ထပ်တစ်ဆင့် ထပ်မြှင့်လာနိုင်ဖွယ် ရှိနေသည်ဟု ကောက်ချက်ပြုမှုများလည်း ရှိနေသည်။
သူရဦးရွှေမန်းသည် ဒေါ်အောင်ဆန်းစုကြည်နှင့် ယုံကြည်မှု၊ နားလည်မှုတို့ကို ဒရောသောပါး တည်ဆောက်နေချိန်တွင် ဒေါ်အောင်ဆန်းစုကြည် အနေဖြင့် တပ်မတော်နှင့် ယုံကြည်မှု၊ နားလည်မှုတို့ကို အလျင်စလို တည်ဆောက်ရန် အာသာပြင်းပြနေသည်ဟု ဆိုနိုင်သည်။ ဖွဲ့စည်းပုံ အခြေခံဥပဒေပါ အဓိက ပြဋ္ဌာန်းချက်များကို ပြင်ဆင်နိုင်ရန် ဒေါ်အောင်ဆန်းစုကြည် အနေဖြင့် တပ်မတော်နှင့် နားလည်မှု တည်ဆောက်ရေး အစဉ်နှလုံးသွင်း အားထုတ်နေလင့်ကစား ယနေ့အထိ အလားအလာမှာ နည်းပါးနေဆဲ ဖြစ်သည်မှာ အထင်အရှား ဖြစ်သည်။
ဒေါ်အောင်ဆန်းစုကြည်နှင့် တပ်မတော်အကြား ယုံကြည်မှု တည်ဆောက်ရေးတွင် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဒေါ်အောင်ဆန်းစုကြည်တို့အကြား အလုပ်သဘော တွေ့ဆုံဆွေးနွေးမှု အကောင်အထည် ဖော်ရေးသည် အလွန်အဓိက ကျသည်ဟု သုံးသပ်မိသည်။ လက်လှမ်းမီသလောက် သတင်းများအရ ယနေ့အချိန်အထိ ဗိုလ်ချုပ်မှူးကြီး မင်းအောင်လှိုင်သည် ဒေါ်အောင်ဆန်းစုကြည်နှင့် တွေ့ဆုံမှု မရှိသေးပေ။ အဆိုပါ အခင်းအကျင်းတွင် သူရဦးရွှေမန်းသည် ဒေါ်အောင်ဆန်းစုကြည်နှင့် တပ်မတော်အကြား တွေ့ဆုံမှုများ၊ ထိတွေ့မှုများ အထူးသဖြင့် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဒေါ်အောင်ဆန်းစုကြည်တို့အကြား အလုပ်သဘော တွေ့ဆုံဆွေးနွေးမှုကို ကြားဝင်ပုံဖော် ဆောင်ရွက်ပေးနိုင်မည်ဆိုလျှင် ဒေါ်အောင်ဆန်းစုကြည်နှင့် သူရဦးရွှေမန်းအကြား ယုံကြည်မှုနှင့် နားလည်မှုသည် ပိုမိုမြင့်မားလာမည်မှာ ပြေးကြည့်စရာမလို တွေးကြည့်ရုံဖြင့် သိနိုင်သည့်ကိစ္စ ဖြစ်သည်။
၂၀၁၅ ခုနှစ် အထွေထွေရွေးကောက်ပွဲ နီးကပ်လာသည်နှင့် တစ်ချိန်တည်းတွင် သူရဦးရွှေမန်းနှင့် ဒေါ်အောင်ဆန်းစုကြည်အကြား ယုံကြည်မှုနှင့် နားလည်မှုသည်လည်း ပို၍ပို၍မြင့်မား လာမည်မှာ မလွဲဧကန် ဖြစ်သည်။ အဆိုပါ အခင်းအကျင်းတွင် သမ္မတဦးသိန်းစိန် အနေဖြင့် ကျန်းမာရေး အခြေအနေကြောင့် နောက်တစ်ကြိမ် သမ္မတသက်တမ်းအတွက် ထပ်မံရွေးချယ် ခံတော့မည်မဟုတ်ကြောင်း ကြေညာချက်သည် ပေါ်ထွက်လာနိုင်ခြေရှိပြီး ဒေါ်အောင်ဆန်းစုကြည် အနေဖြင့်လည်း ဖွဲ့စည်းပုံ အခြေခံဥပဒေပါ ပြဋ္ဌာန်းချက်များအရ သမ္မတ အရွေးခံမည် မဟုတ်ကြောင်း ကြေညာချက်ကို မရှေးမနှောင်း ထုတ်ပြန်လာနိုင်ခြေ ရှိနေသည်။
ဒေါ်အောင်ဆန်းစုကြည်၏ မှတ်ချက်တစ်ခုကို သတိရမိသည်။ တိုင်းပြည်နှင့် လူမျိုးကောင်းကျိုးအတွက်ဆိုလျှင် သူမကို အသုံးချမည် ဆိုပါကလည်း အသုံးချခံမည်ဆိုသော မှတ်ချက်ဖြစ်ပါသည်။ အဖေတူသမီး ဒေါ်အောင်ဆန်းစုကြည်သည် မြန်မာနိုင်ငံနှင့် ပြည်သူလူထုအတွက် ပေးဆပ်ရန် အဆင်သင့်ရှိကြောင်း လူသိရှင်ကြား ထုတ်ဖော်ပြောခဲ့ခြင်းပင် ဖြစ်သည်။ ဒေါ်အောင်ဆန်းစုကြည် အနေဖြင့် ဈာန်ဝင်နေသော စိတ်ကူးများ၊ အစီအမံများ၊ အလုပ်များအားလုံးသည် တိုင်းပြည်နှင့် လူမျိုးကောင်းကျိုးအတွက် ဖြစ်သည်ကို မေးခွန်းထုတ်ဖွယ် မရှိပါ။ သို့သော် ဒေါ်အောင်ဆန်းစုကြည် အနေဖြင့် အနာဂတ် မြန်မာ့နိုင်ငံရေး တစ်နည်းအားဖြင့် ဒေါ်အောင်ဆန်းစုကြည်အလွန် နိုင်ငံရေးအတွက် အခြေခံကောင်းများ၊ အုတ်မြစ်ကောင်းများနှင့်အတူ အမျိုးသားဒီမိုကရေစီ အဖွဲ့ချုပ်ပါတီကြီးကို စနစ်တကျ တည်ဆောက်နိုင်ရေးနှင့် မြန်မာ့နိုင်ငံရေး ပတ်ဝန်းကျင်တွင် နိုင်ငံရေး သမားကောင်းများ ပေါ်ထွက်နိုင်ရေးတို့အတွက် နိုင်ငံရေး သမားဟောင်းကြီးများ၊ ပြည်တွင်းပြည်ပ ပညာရှင်များတို့နှင့် လက်တွဲလျက် စီမံချက်ချ မှတ်ဆောင်ရွက်နိုင်မည်ဆိုလျှင် အတိုင်းထက်အလွန် ကောင်းလေစွဟုပင် မှတ်ချက်ပြုမိပါသည်။
နိဂုံး
အချုပ်အားဖြင့်ဆိုသော် မျက်မှောက်မြန်မာ့နိုင်ငံရေးတွင် ပြဇာတ်၊ မျက်လှည့်နှင့် ဇာတ်ပွဲအသွင်များ ပူးကပ်ဝင်နေသည်ဟု သုံးသပ်မှုများသည် အခြေအမြစ် ရှိကောင်းမှ ရှိနိုင်မည် ဖြစ်သည်။ သို့သော် ပစ်ပယ်ထား၍ မဖြစ်သော သုံးသပ်မှုဟုပင် ထင်မြင်မိပါသည်။ နိုင်ငံရေးသည် ကြွေတစ်လှည့်၊ ကြက်တစ်ခုန်ဆိုသော စကားကလည်း အတော်တာသွားပါသည်။ လူသည် နိုင်ငံရေးသတ္တ၀ါ ဖြစ်သည့်အားလျော်စွာ ပြည်သူလူထုအားလုံး အနေဖြင့် နိုင်ငံရေးကို စိတ်ပါဝင်စားလာရန်လည်း အထူးလိုအပ်လျက် ရှိသည်ဟု ထင်မြင်မိပါသည်။ မည်သို့ပင် ဆိုစေကာမူ ၂၀၁၅ ခုနှစ်အလွန် ပေါ်ပေါက်လာဖွယ် ရှိနေသည့် ညွန့်ပေါင်းအစိုးရ အဖွဲ့သည် မြန်မာပြည်သူ လူထုကြီး၏ ဆင်းရဲမွဲတေမှု လျှော့ချရေး၊ ပညာရေး အဆင့်အတန်း မြင့်မားရေး၊ အခမဲ့ ကျန်းမာရေး စောင့်ရှောက်ရေး၊ တရားဥပဒေ စိုးမိုးရေး၊ ငြိမ်းချမ်းရေး၊ စီးပွားရေး ဖွံ့ဖြိုးတိုးတက်ရေးတို့ကို အားသွန်ခွန်စိုက်၊ လက်တွေ့ကျကျ၊ အပြောနည်းနည်း၊ အလုပ်များများ အကောင်အထည် ဖော်လာနိုင်မည် ဆိုပါက မြန်မာပြည်သူ လူထုကြီး၏ ရင်တွင်းကျေးဇူးစကားကို မလွဲမသွေ ကြားရမည့် ပထမဆုံး အစိုးရအဖွဲ့ ဖြစ်ကောင်းဖြစ်လာနိုင်ပါကြောင်း စေတနာရှေ့ထား စကားပါးလိုက်ရပါသည်။
Credit To Eleven Journal
Read More »

မြန်မာ့နွေဦးအတွက် အာရပ်နွေဦး သင်ခန်းစာ


(ကျော်ဝင်း)

နွေဦးဇာတ်လမ်းတစ်ပုဒ်

၂၀၁၁ ခုနှစ် နှစ်ဦး တူနီးရှားနိုင်ငံမှ အစပြုခဲ့သော ဒီမိုကရေစီ အရေးတော်ကြီးကို နိုင်ငံတကာ စောင့်ကြည့်လေ့လာသူများက‘အာရပ်နွေဦး’ ဟု အမည်သညာ ပြုခဲ့ကြသည်။ သို့နှင့်တိုင် အဆိုပါ ‘အာရပ်နွေဦး’ ဇာတ်လမ်းတွဲထဲမှာ အထင်ကရနေရာတွင် ရှိခဲ့သော ‘အီဂျစ်နွေဦး’ ဇာတ်ကွက်မှာမူ ၂ နှစ် သာသာကာလ အတွင်းမှာပင် မူလမျှော်မှန်းသည်နှင့် ဆန့်ကျင်စွာ ထင်တိုင်းမပေါက် ဖြစ်သွားခဲ့ရချေပြီ။ ဤတွင် ‘နွေဦးကာလ၊ ဟန်းနီးမွန်း အခါသမယများမှာ ဘယ်လောက်ကြာကြာ ခံမည်နည်း’ ဆိုသော ပုစ္ဆာတစ်ရပ်မှာ မေးသင့်မေးထိုက်စွာ ထွက်ပေါ်လာရ လေတော့သည်။

ဇာတ်၏အစကို နောက်ကြောင်းပြန်ရလျှင် ၂၀၁၁ ခုနှစ် ဖေဖောဝါရီလ ၄ ရက် ကိုင်ရိုမြို့တော် တာဟရာရင်ပြင် လူထုစုရုံးမှုကြီးမှ စတင်ရပါလိမ့်မည်။ စုရုံးလာကြသော လူထုကြီးက သမ္မတမူဘာရက် နုတ်ထွက်ဖို့ တစ်ခဲနက် တောင်းဆိုခဲ့ကြသည်။ ရက်ပိုင်းအတွင်း (၂၀၁၁၊ ဖေဖော်ဝါရီ ၁၁ ရက်) တွင် မူဘာရက် နုတ်ထွက်သွားသောအခါ လူထုအုံကြွမှုမှာ ပို၍အရှိန်ရလာခဲ့သည်။ သို့တစေ ဒီမိုကရေစီကား လမ်းစမပေါ်သေး။ အီဂျစ်စစ်တပ်မှ စစ်ကောင်စီဖွဲ့ပြီး နိုင်ငံတော်အာဏာကို ရယူခဲ့သည်။ နိုင်ငံတကာနှင့် အီဂျစ်လူထု၏ ဖိအားပေးမှုများကြောင့် အာဏာရ စစ်ကောင်စီက အတိုက်အခံများ စုပေါင်းရေးဆွဲထားသော အခြေခံဥပဒေ ပြင်ဆင်ချက်ကို ဆန္ဒခံယူပွဲဖြင့် အတည်ပြု ပေးခဲ့သည်။ ပါလီမန်ရွေးကောက်ပွဲနှင့် သမ္မတရွေးကောက်ပွဲများ ကျင်းပပေးပါမည်ဟုလည်း ကတိပေးခဲ့ရသည်။

သည်လိုနှင့် ၂၀၁၂ နှစ်ဦးတွင် ရွေးကောက်ပွဲများ ကျင်းပနိုင်ခဲ့ပါသည်။ ပါလီမန် ရွေးကောက်ပွဲတွင် ‘မွတ်ဆလင်ညီနောင်များ အင်အားစုပါတီ’ မှ အများစု အနိုင်ရခဲ့သည်။ သမ္မတ ရွေးကောက်ပွဲ တွင်လည်း အဆိုပါပါတီမှ သမ္မတလောင်း မိုဟာမက်မော်စီကပင် ၅၁ ဒသမ ၇ ရာခိုင်နှုန်းဖြင့် အနိုင်ရသွားသည်။ သို့တိုင်အောင် အစိုးရ အပြောင်းအလဲအထိ ခရီးပေါက်ခဲ့သော အီဂျစ် ဒီမိုကရေစီမှာ နုနယ်ဆဲအဆင့်မှာပင် မနည်းလှသော စိန်ခေါ်ချက်များနှင့် ရင်ဆိုင်ခဲ့ရသည်။ တစ်ချိန်က အခြေခံဥပဒေကို လက်တွဲပြင်ဆင်ခဲ့ကြသော လစ်ဘရယ်များနှင့် မွတ်ဆလင် ညီနောင်များကြားတွင် ပြင်းထန်သော ဂိုဏ်းဂဏ တိုက်ပွဲများ ပေါ်ထွက်နေသည်။ လမ်းပေါ် ဆန္ဒပြပွဲများမှာလည်း အထိန်းအကွပ်မရှိ ဆက်လက်ဖြစ်ပေါ်နေခဲ့သည်။ သည်လိုနှင့် နောက်ဆုံး အီဂျစ်တပ်မတော်ကပင် သမ္မတမော်စီကို ဖြုတ်ချပြီး တိုင်းပြည်အာဏာကို ပြန်လည် ရယူလိုက်တော့သည်။ ဤသို့ဖြင့် လာခြင်းကောင်းသော နွေဦးတစ်ခုမှာ မည်ရွေ့မည်မျှကြာသည် မမှန်းဆနိုင်သော နွေလယ်ခရီးကြီးကို ဖြတ်သန်းရပေတော့မည်။

ဘာ့ကြောင့်၊ ဘယ်လို

ဤတွင် အီဂျစ်လို ဒီမိုကရေစီ အပြောင်းအလဲ ကာလကို ဖြတ်ကျော်ရသောနိုင်ငံများ အနေနှင့် ထင်တိုင်းမပေါက်ဘဲ နောက်ပြန်လှိုင်း ထိစေရသည့် အကြောင်းရင်းခံများကို သုတေသန ဖန်ပြားပေါ် တင်ကြည့်လာကြသည်မှာ စိတ်ဝင်စားဖို့ ကောင်းလှသည်။ ယခင်အမေရိကန် ဒုသမ္မတ အယ်လ်ဂိုး ဦးဆောင်သည့် ‘Political Instability Taskforce’ (PITF) သုခမိန်အဖွဲ့က မတည်မငြိမ် ဖြစ်စေသည့် အကြောင်းသုံးချက်ကို ယခုလို ထောက်ပြသည်။

၁။ စီးပွားရေး ပြုပြင်ပြောင်းလဲမှုများက လူထု၏အခြေခံ လိုအပ်ချက်များကို လုံလောက်စွာ ဖြည့်ဆည်း မပေးနိုင်ခြင်း။ ဤအချက်က လူထု၏ စိတ်ရှည်သည်းခံနိုင်စွမ်းကို အခြေမှ ကိုင်လှုပ်လာရာ အပြောင်းအလဲ ဖြစ်စဉ်တစ်ရပ်လုံး ကတိမ်းကပါး ဖြစ်စေသည့် ပတ်ဝန်းကျင် အခြေအနေတစ်ရပ်ကို ဖန်တီးပေးထားသလို ဖြစ်နေသည်။

၂။ ယခင်စနစ်ဟောင်း၏ ထိန်းချုပ်ရေး ယန္တရားများ လျင်လျင်မြန်မြန် ပြိုကျနေစဉ်တွင် စနစ်သစ်၏ ‘ဒီမိုကရက်တစ် ကျင့်ထုံးမူဘောင်များ’ (Democratic Institution) မှာလည်း အဆင်သင့် မဖြစ်သေးသည့် စပ်ကူးမပ်ကူး အခြေအနေတစ်ရပ် ရှိနေခြင်း။ ဤအချက်က ဆင်ခြင်တုံ တရားအခြေခံသည့် ‘ရည်မှန်းချက်ရှိရှိ နိုင်ငံရေး’ (Deliberate Politics) ထက် စိတ်လှုပ်ရှားမှု သက်သက်ဖြင့် မောင်းသည့် ‘လှုံ့ဆော်နိုင်ငံရေး’ (Agitated Politics) တွင်ကျယ် လွှမ်းမိုးစေသော အခင်းအကျင်းတစ်ရပ်သို့ ဦးတည်စေသည်။

၃။ ဂိုဏ်းဂဏ ပြဿနာများ။ နိုင်ငံရေးအင်အားစု အသီးသီးကြား မတူကွဲပြားသော အယူအဆမျိုးစံ ရှိရုံမျှဖြင့် ဂိုဏ်းဂဏပြဿနာ ရှိနေပြီဟု ဆိုနိုင်သည်တော့ မဟုတ်ပါ။ သို့တစေ အဆိုပါ သဘောကွဲလွဲမှုများကို ဒီမိုကရက်တစ် မူဘောင်များအတွင်း မဖြေရှင်းနိုင်လျှင်မူ ဂိုဏ်းဂဏ တိုက်ပွဲသဘောမျိုးအထိ ဘရိတ်ပေါက်သွားနိုင်သည်။ နုနယ်ဆဲ အကူးအပြောင်း ကာလမျိုးတွင် ဂိုဏ်းဂဏ ပြဿနာကိုသာ မထိန်းချုပ်နိုင်ပါက နောက်ပြန်လှိုင်းအတွက် အကောင်းဆုံး ရေခံမြေခ ဖြစ်နိုင်သည်ဟု ဆိုပါသည်။

ဆိုခဲ့ပါ အကြောင်းရင်းခံ သုံးချက်အပြင် ပညာရှင်အများ၏ ထောက်ပြချက်များမှာလည်း အလားတူ စိတ်ဝင်စားဖို့ ကောင်းသည်သာ ဖြစ်သည်။ ၎င်းတို့ထဲမှ အချက်နှစ်ချက်ကို ဆက်လက်ဖော်ပြလိုသည်။

၎။ သက်ဆိုင်ရာ လူ့အဖွဲ့အစည်း၏ ‘နိုင်ငံရေးဓလေ့’ (Political Culture) ကိုယ်တိုင်မှာပင် ဒီမိုကရေစီနှင့် စရွေးမကိုက်သော ‘ရယ်ဒီကယ် တိမ်းညွတ်မှုများ’ (Radical Trend) စွဲစွဲခိုင်ခိုင် ရှိနေခြင်း။ ရယ်ဒီကယ်တိမ်းညွတ်မှု ဆိုသည်မှာ ဆန့်ကျင်ဘက်အချင်းချင်း စေ့စပ်ညှိနှိုင်း အဖြေရှာ ကြသည်ထက် အပြန်အလှန် ဆန့်ကျင်ဖယ်ထုတ်ဖို့သာ အားသန်သည့် စိတ်သဘာဝကို ဆိုလိုသည်။

၅။ ‘မျှော်လင့်ချက်များကို စနစ်တကျ စီမံခန့်ခွဲမှု မလုပ်နိုင်ခြင်း။’ (Weak Management of Expectation) ။ အာဏာရှင်စနစ်အောက်တွင် နှစ်ပေါင်း မြောက်မြားစွာ ဖြတ်သန်းခဲ့ရသော လူထုဘက်မှ အပြောင်းအလဲတစ်ခု စလိုက်သည်နှင့် အနှစ်နှစ်အလလ ကြိတ်မှိတ်မျိုသိပ်ခဲ့ရသော မျှော်လင့်ချက်များစွာ ပေါက်ကွဲ လျှံကျလာတတ်သည်မှာ ဓမ္မတာပင်ဖြစ်သည်။ အရေးကြီးသည်မှာ ခေါင်းဆောင်မှုအနေနှင့် အဆိုပါ မျှော်လင့်ချက်များစွာထဲမှ လက်တွေ့ဖြစ်နိုင်သည်များကို စနစ်တကျ ကိုင်တွယ် ဖြည့်ဆည်းပေးနိုင်ရေးပင် ဖြစ်သည်။ ဤသို့မဟုတ်ဘဲ အများကြိုက် ပေါ်ပြူလာ နိုင်ငံရေး မီးရှူးမီးပန်းများကို အားပြုလိုက်လျှင် မတည်မငြိမ် အခြေအနေတစ်ရပ်သို့ ဦးတည်သွားစေနိုင်သည်ဟု ဆိုပါသည်။

စာရေးသူမှာ အီဂျစ်နိုင်ငံရေး အလှည့်အပြောင်းအပေါ် အခြေခံ ပေါ်ထွက်လာသည့် သုံးသပ်စိစစ်ချက်များကို လက်လှမ်းမီသမျှ ရှာဖတ်ရင်း မျက်မှောက်ခေတ် မြန်မာ့နိုင်ငံရေး အပြောင်းအလဲပေါ် တင်ကြည့်နေမိသည်။

နွေဦးချင်းမတူ - သို့သော်

တစ်ခုတော့ရှိသည်။ မြန်မာ့နွေဦးမှာ အာရပ်နွေဦးနှင့်မတူ။ သူ့ထူးခြားချက်နှင့် သူဖြစ်သည်။ ဆိုခဲ့ပြီးသည့်အတိုင်း အီဂျစ်အပါအဝင် အာရပ်ကမ္ဘာ အပြောင်းအလဲများမှာ လူထုအုံကြွမှုများမှ စတင်သည်က များသည်။

‘အောက်မှလာသော အပြောင်းအလဲ’ (Transformation from below) ဟု ဆိုနိုင်သည်။ လက်ရှိမြန်မာ့ အပြောင်းအလဲကို ဖွင့်ပေးလိုက်သော ၂၀၁၀ ရွေးကောက်ပွဲမှာ ယခင်အစိုးရကိုယ်တိုင်က ကမကထ ပြုခဲ့သည်ဖြစ်ရာ ‘အထက်မှလာသော အပြောင်းအလဲ’ (Transformation from above) ဖြစ်သည်။ အဆိုပါ ၂၀၁၀ ရွေးကောက်ပွဲနှင့် ၂၀၁၂ ကြားဖြတ်ရွေးကောက်ပွဲတို့တွင် ဒီမိုကရက်တစ် အင်အားစုများပါ ပါဝင်လာရာမှ ‘အထက်နှင့် အောက်တွဲလာသော အပြောင်းအလဲ’ (Transformation from above and below) ပုံစံဖြစ်သွားသည်။

ဖလောရင့်တက္ကသိုလ်မှ ပါမောက္ခ ရှမစ်တာက အဆိုပါ အပြောင်းအလဲပုံစံကို ‘သတ်မှတ်ပြဋ္ဌာန်းပြီး အပြောင်းအလဲ’ (Imposed Transition) ဟု ဝိဂြိုဟ်ပြုပါသည်။ သူကပင် ဆိုခဲ့ပါ အပြောင်းအလဲပုံစံ၏ သဘောသဘာဝများကို ရှင်းပြပြီး အထူးသတိပြုကြရမည့် အချက်သုံးချက်ကို ယခုလို ထောက်ပြခဲ့သည်။

၁။ ဤပုံစံအပြောင်းအလဲမှာ မတူသောအင်အားစုများ လက်တွဲ ကြိုးပမ်းကြရသည်ဖြစ်ရာ ‘အများညီဘုံတူညီချက်’ (Command Ground) ရှာဖွေပြီး၊ ရှေ့ဆက်နိုင်ဖို့ အရေးကြီးသည်။ မတူတိုင်း ရန်ဖြစ်နေလျှင် ရှေ့မရောက်ရုံမျှမက နောက်ပြန်ဆုတ်နိုင်စရာ ရှိသည်။

၂။ မြန်မြန်ခရီးပေါက်လိုစိတ်ဖြင့် ‘ရှော့ခ်ရိုက်ကုထုံး’ (Shock Therapy) နည်းကို အားပြုလို့မဖြစ်။ သက်ဆိုင်ရာ လူ့အဖွဲ့အစည်း၏ အရပ်ရပ် အခြေအနေက ရှော့ခ်ဒဏ်မခံနိုင်လျှင် ‘ဆေးအတွက်လေး’ နိုင်သည်။ သို့အတွက် ‘တဖြည်းဖြည်း ပြုပြင်ပြောင်းလဲရေး’ (Gradual Change) ကိုသာ အားပြုသင့်သည်။

၃။ အပြောင်းအလဲဖြစ်စဉ် တစ်လျှောက်လုံး ‘ရယ်ဒီကယ်အန္တရာယ်’ (Danger of Radical) ကို အထူးသတိပြုဖို့ လိုလိမ့်မည်။ ရယ်ဒီကယ် တိမ်းညွတ်မှုများ အပေါ်စီးရသွားလျှင် နောက်ပြန်လှိုင်း အန္တရာယ်ကို ဖိတ်ခေါ်သလို ဖြစ်သွားနိုင်သည် ... စသည်ဖြင့်။

မြန်မာ့နွေဦး ၂ နှစ်ကျော် ကာလအတွင်း မနည်းလှသော စိန်ခေါ်ချက်များနှင့် ဆက်တိုက်ဆိုသလို ရင်ဆိုင်ခဲ့ရရာ ပါမောက္ခ ရှမစ်တာ၏ ဆိုခဲ့ပါ သတိပေးထားသည်များမှာ ပို၍ပင်အသက်ဝင်လာဟန် ရှိသည်။ ထို့ထက်ဆိုခဲ့ပြီးသော အီဂျစ်ဇာတ်လမ်း၏ နောက်ကွယ်မှ အကြောင်းတရား ငါးရပ်ကိုလည်း ယနေ့မြန်မာ့နိုင်ငံရေးတွင် တွေ့သင့်သလောက် တွေ့နေရရာ စာရေးသူအနေနှင့် အမှန်ပင် စိုးရိမ်မကင်း ဖြစ်မိသည်။ မြန်မာ့နွေဦး ရှေ့ခရီးတွင် ဘာတွေ ကြုံရဦးမည်နည်း။

လွှတ်တော်နိုင်ငံရေး

ဤသို့ စိုးရိမ်မကင်း ဖြစ်မိသည့်တိုင် ယခုရက်ပိုင်းအတွင်း ဖြေသိမ့်စရာ အချက်ကိုမူ ကျကျနန ရလိုက်ပါသည်။ အခြားမဟုတ်။ ကိုယ်တွေ့ကြုံလိုက်ရသော လွှတ်တော်နိုင်ငံရေးပင် ဖြစ်သည်။ အကြောင်းက သည်လို ...။ အမျိုးသားလွှတ်တော် ဥက္ကဋ္ဌနှင့် ပြည်ထောင်စုလွှတ်တော် နာယကကြီး၏ ခွင့်ပြုချက်အရ စာရေးသူမှာ လွှတ်တော် အစည်းအဝေးများသို့ တက်ရောက် လေ့လာခွင့်ရခဲ့သည်။ လွှတ်တော် ကိုယ်စားလှယ်ကြီးများနှင့်လည်း တစ်နေရာတည်းတွင် အတူတည်းခိုနေထိုင်ရင်း ရင်းရင်းနှီးနှီး ထိတွေ့ ခွင့်ရခဲ့သည်။ ပြောရလျှင် ဤကာလမှာ ဘာမှမကြာလှသေးပါ။ နှစ်ပတ် သာသာမျှသာ ရှိပါသေးသည်။ သို့တိုင်အောင် ဤကာလငယ်လေး အတွင်းမှာပင် ယနေ့လွှတ်တော်၏ အားကောင်းချက် နှစ်ရပ်ကို စူးစူးရှရှ သတိပြုမိ လိုက်ပါသည်။

ပထမအချက်မှာ လွှတ်တော်ကိုယ်စားလှယ်များ၏ ဆက်ဆံရေးနှင့် သဘောထားပင် ဖြစ်သည်။ သူတို့တစ်တွေမှာ ပါတီပေါင်းစုံမှ လာကြသည် ဖြစ်သည့်တိုင် သူတို့ဆက်ဆံရေးမှာ လုပ်ဖော်ကိုင်ဖက် သဘောဆောင်သည်။ လွှတ်တော်တွင်း ကိစ္စရပ်များကို အဖြေရှာကြရာတွင်လည်း သက်ဆိုင်ရာ ပါတီ အမြင်၊ ပါတီအစွဲဖြင့် မချဉ်းကပ်။ ကိစ္စတစ်ခုချင်းအလိုက် လွတ်လွတ်လပ်လပ် ဆုံးဖြတ်ကြသည်ကို တွေ့ရသည်။ RAND မဟာဗျူဟာ လေ့လာစောင့်ကြည့်ရေး အဖွဲ့ကြီး၏ အဆိုအရ အမေရိကန် နိုင်ငံရေးဘဝကိုပင် ဒုက္ခပေးနေသည်ဟုဆိုသော ‘ဖြူ-မည်း-နိုင်ငံရေး’ (Polarized Politics) မျိုး မြန်မာလွှတ်တော် အမတ်များကြားတွင် မတွေ့ရသလောက်ရှိ၍ စာရေးသူ ကျေနပ်မိသည်။

ဒုတိယအချက်မှာ ပို၍ပင်အရေးကြီးသည်ဟု ထင်ပါသည်။
ဆိုရလျှင် စာရေးသူ ကျင်လည်ရသည်မှာ လွှတ်တော်ပြင်ပ နိုင်ငံရေးဟု ဆိုနိုင်သည်။ စာပေလောကနှင့် မီဒီယာလောက ဖြစ်သည်။ ဤလောကတွင် အကျယ်လောင်ဆုံး ကြားနေရသည်မှာ လူအများ စိတ်ဝင်စား အာရုံကျသည့်တိုင် လက်တွေ့အဖြေပေါ်ဖို့ မလွယ်သော မျှော်လင့်ချက်တွေသာ ဖြစ်သည်။ စာရေးသူ ထိတွေ့ရသလောက် လွှတ်တော်ကိုယ်စားလှယ်များကမူ ဤသို့မဟုတ်။ လက်တွေ့အရာ ထင်နိုင်လောက်သည့် ကိစ္စများကိုသာ အာရုံပြုထားကြသည်ကို ဆင်ခြင်မိသည်။ ဤအတိုင်းဆိုလျှင် မျှော်လင့်ချက်များကို တစ်စုံတစ်ရာ စီမံခန့်ခွဲနိုင်သည့် အလေ့အထ အစပျိုးနေပြီဟု သဘောရပါသည်။ ဤအချက်မှာ ဖော်ပြခဲ့ပြီးသော နောက်ပြန်လှိုင်း အကြောင်းရင်းခံများထဲမှ တစ်ခုဖြစ်ရာ ပို၍အားတက်စရာကောင်းသော အားသာချက်ဟု ယူဆရသည်။

ဤသို့ဆိုသည်နှင့် ယနေ့လွှတ်တော်မှာ ရင့်ကျက်ခိုင်မာသော ဒီမိုကရက်တစ် လွှတ်တော်ဖြစ်ပြီဟု ယတိပြတ် ဆိုလိုသည်တော့လည်း မဟုတ်ပါ။ သဘာဝကျစွာပင် အားနည်းချက်အချို့ ရှိကောင်း ရှိပါလိမ့်မည်။ ပြောရလျှင် ရက်သတ္တပတ် နှစ်ပတ်မျှလောက်နှင့်လည်း လွှတ်တော်အကြောင်း ပီပီသသ သိနိုင်လိမ့်မည် မဟုတ်ပါ။ သို့တစေ လွှတ်တော် အပါအဝင် တကယ့်နိုင်ငံရေး အခင်းအကျင်းနှင့် ပိုနီးလာလေ ပကတိအရှိကို ပိုဆဝါးနိုင်လေ။ ‘ပလေယာ’ များအပေါ်ပို၍ နားလည်လာလေဆိုသော တွေ့ရှိချက်ကိုမူ ကိုယ်တွေ့ဆင်ခြင် နိုင်ခဲ့ပါ သည်။ ဤသို့သော သဘောပေါက် နားလည်မှုများ ကျယ်ပြန့် ခိုင်မာလာသည်နှင့်အမျှ အပြောင်းအလဲ အန္တရာယ် အသွယ်သွယ်ကို စုပေါင်းကာကွယ် နိုင်လိမ့်မည်ဟု မျှော်လင့်ရပါသည်။

ကျယ်ပြန့်သော နားလည်မှု၊ ရင့်ကျက်သော စိတ်နှလုံးဖြင့် မြန်မာ့နွေဦးကို စုပေါင်းကာကွယ် စောင့်ရှောက်နိုင်ကြပါ စေသတည်း။

Credit To Saya Kyaw Win Facebook page
Read More »

ဖယ်ဒရယ်ပြည်ထောင်စုအတွက် ကယန်းပြည်သစ်ပါတီရဲ့သဘောထားတွေ လွှမ်းခဲ့တဲ့တော်ဝင်နှင်းဆီခန်းမ


ဖယ်ဒရယ်ပြည်ထောင်စုတည် ဆောက်ရေးနှင့် ကယန်းပြည်သစ် ပါတီ၏သဘောထားဆွေးနွေးပွဲကို ဇူလိုင် (၁၄) ရက် နေ့လည် (၁) နာရီတွင် ဗဟန်မြို့နယ်၊ ရွှေဂုံတိုင်  ရှိတော်ဝင်နှင်းဆီစားသောက်ဆိုင် တွင် နိုင်ငံရေးအကျဉ်းသားဟောင်း  များအဖွဲ့ကကြီးမှူးကျင်းပခဲ့သည်။
ဆွေးနွေးပွဲတွင် ကယန်ပြည် သစ်ပါတီမှဗိုလ်မှူးကြီးစောလွင် (ခ)ကိုဌေးအောင်က “ဖယ်ဒရယ်ရဲ့ အဓိပ္ပာယ်ကပေါင်းစည်းခြင်းဖြစ် ပါတယ်။ ဖယ်ဒရယ်စနစ်နဲ့ ပြည်နယ်များပေါင်းစည်းခြင်းပါ။ ပြည်ထောင်စုဆိုတဲ့စကားရပ်နဲ့ အဓိပ္ပာယ်တူဖြစ်ပါတယ်။ ဒါကြောင့်ဖယ်ဒရယ်ကိုခွဲထွက်ရေး လို့ပြောနေတဲ့ လူတွေဟာ ဖယ်ဒရယ်ကြောင့်မဟုတ်ဘဲ။ အာဏာလောဘကြောင့်ပြောနေ  ကြခြင်းဖြစ်ပါတယ်။ ဖယ်ဒရယ် ပြည်ထောင်စုဆိုတာပေါင်းစည်းမှု မှာ ပါဝင်တဲ့ပြည်နယ်တစ်ခုချင်းစီး  မှာ ပြည်နယ်အတွင်းကအရေးကိစ္စ မှန်သမျှကို လွတ်လပ်စွာစီမံအုပ် ချုပ်ခွင့် (ကိုယ်ပိုင်ပြဋ္ဌာန်းခွင့်) အပြည့်အ၀ရရှိမှာဖြစ်ပါတယ်။ ပြည်ထောင်စုအစိုးရကတော့ ပြည်နယ်အားလုံးနဲ့ အကျုံးဝင်သက်  ဆိုင်တဲ့ပြည်တွင်းကိစ္စတွေနဲ့ နိုင်ငံ ခြားရေးကိစ္စတွေကိုပဲ စီမံခွင့်ဘဲ ရှိပါတယ်။ အဲဒီစနစ်ဟာဖယ်ဒရယ် ပြည်ထောင်စုအုပ်ချုပ်ပုံပဲဖြစ်ပါ တယ်”ဟုပြောကြားသည်။
“ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေဟာ   ၄၇ ခုနှစ် ဖေဖော်ဝါရီလ (၁၂) ရက်နေ့မှ သဘောတူလက်မှတ်ရေး ထိုးခဲ့တဲ့ပင်လုံစာချပ်အပိုဒ် (၅) မှာ တောင်တန်ဒေသတွေနဲ့ ဒေသ  အတွင်းအုပ်ချုပ်ရေးမှာကိုယ်ပိုင်  အုပ်ချုပ်ခွင့်အပြည့်ဝရရှိရေးကိုမူ အရ သဘောတူခဲ့တယ်လို့ဖော်ပြ ထားတာဟာ ဖယ်ဒရယ်ပြည်ထောင် စုတည်ဆောက်ရေးပဲဖြစ်တယ်။ ဒါ့အပြင်ပင်လုံစာချုပ်အပိုဒ် (၇) မှာ “တောင်တန်းဒေသကပြည်သူ တွေဟာ ဒီမိုကရေစီတိုင်းပြည်တွေ မှာ အခြေခံလူ့အခွင့်အရေးနဲ့ ရပိုင်ခွင့်တွေအဖြစ်သတ်မှတ်ထား တဲ့ အခွင့်အရေးနဲ့ ရပိုင်ခွင့်တွေကို ရရှိခံစားခွင့်ရှိရမယ်လို့သဘောတူ ခဲ့ကြပြီးဖြစ်ပါတယ်။ ဒါကြောင့် စစ်မှန်၍စည်းကမ်းပြည့်ဝသော ဒီမိုကရေစီစနစ်ဟာပင်လုံသဘော တူညီချက်ကိုဖြောင့်ဖြောင့်ကြီးဆန့် ကျင်နေပါတယ်”ဟု ၎င်းကပင်ပြော သည်။
“တိုင်းပြုပြည်ပြုလွှတ်တော် ပထမညီလာခံကို (၁၉၄၇) ခုနှစ်၊  ဇွန် (၁၀) ရက်နေ့မှာ စတင်ကျင်းပ ခဲ့တယ်။ ဇွန်လ (၁၆) ရက်နေ့မှာ ဖွဲ့စည်းအုပ်ချုပ်ပုံအခြေခံဥပဒေ ရေးဆွဲဖို့အချက် (၇) ချက်ပါတဲ့ လမ်းညွှန်အဆိုကို ဗိုလ်ချုပ် အောင်ဆန်းကတင်သွင်းခဲ့တယ်။ နောက်တစ်နေ့မှာ တိုင်းပြုပြည်ပြု လွှတ်တော်ကအတည်ပြုခဲ့တယ်။  ဇွန် ၁၇ ရက်နေ့မှာပဲ ဖာပွန်အမတ်  စောဝီရီကျော်ကမြန်မာပြည်ထောင် စုနိုင်ငံတော်ကိုအင်္ဂလိပ်ဘာသာဖြင့်Union of Burmaဟုဆိုထားကြောင်း  ပြည်ထောင်စုဆိုလျှင်Federal Union ဟုခေါ်ဆိုရင် အဓိပ္ပာယ်  ပေါ်ပေါက်မည်ဖြစ်ကြောင်း တင်ပြခဲ့ပါတယ်။ ဒီတင်ပြချက်ကို   အပေါ်ဗိုလ်ချုပ်အောင်ဆန်းက နိုင်ငံတော်ဖွဲ့စည်းအုပ်ချုပ်ပုံအခြေခံ   ဥပဒေရေးဆွဲရာတွင် ဗမာစာမူကို  သာ အရင်းခံမူဖြစ်ထားရှိမည်ဟု ယူဆကြောင့် Authoritatative Version မှာ ဗမာလိုတင်သွင်းခဲ့ သည့်အတိုင်းဖြစ်ကြောင်း၊ ပြည်ထောင်စုနိုင်ငံတော်ဟုခေါ် တွင်သော စကားကိုသီးခြားထား ပြီးပြင်ဆင်နေစရာမလိုတော့ ကြောင်း၊ ပြည်ထောင်စုနိုင်ငံတော်  ဟုထင်ထင်ရှားရှားဆိုထားပြီးဖြစ် ကြောင်း ဖြေကြားခဲ့ပါတယ်။ အဲဒီလိုအချိန်မှာ ဗိုလ်ချုပ် အောင်ဆန်းဟာ လုပ်ကြံခံရလို့ ကျဆုံးခဲ့ရပါတယ်။ ဒီလိုကျဆုံးတဲ့ အချိန်မှာ လွတ်လပ်ရေးရဖို့အတွက်  အချိန်နီးကပ်နေပြီဖြစ်ပါတယ်။ ဒါကြောင့် ၁၉၄၇ နိုင်ငံတော်ဖွဲ့စည်း    အုပ်ချုပ်ပုံကိုအခြေခံဥပဒေကို အလျင်စလိုရေးဆွဲခဲ့ရပါတယ်။ ဒီလိုရေးဆွဲတဲ့အခါမှာ ဖယ်ဒရယ်  ပြည်ထောင်စုတည်ဆောက်ရေး ဆိုင်ရာပြဋ္ဌာန်းချက်တွေကျန်ရှိခဲ့ပါ  တယ်။ ဒါကို ဦးချန်ထွန်းကိုယ်တိုင်   တောင်ဝန်ခံထားပြီးဖြစ်ပါတယ်”ဟု  အဆိုပါပုဂ္ဂိုလ်ကထပ်မံပြောကြား ပါသည်။
“၁၉၄၇ ခုနှစ်နဲ့ ၂၀၀၈ ခုနှစ်   နိုင်ငံတော်ဖွဲ့စည်းအုပ်ချုပ်ပုံအခြေခံ ဥပဒေနှစ်ခုစလုံးဟာလည်း ပြည်ထောင်စု (Union) လို့သုံးနှုန်း ပြီး တစ်ပြည်ထောင်စုစနစ်ကို ကျင့်သုံးတဲ့ဖွဲ့စည်းအုပ်ချုပ်ပုံအခြေခံ ဥပဒေတွေဖြစ်ပါတယ်။ ဒါကြောင့် ပြည်ထောင်စုဆိုတဲ့စကားရပ်ဟာ မြန်မာနိုင်ငံရေးလက်တွေ့မှာတော့  အတုယောင်ပြည်ထောင်စုလို့ အဓိပ္ပာယ်ထွက်နေပါတယ်။ စစ်မှန်သော ပြည်ထောင်စုဆိုတာ  ထင်ရှားအောင်ဖယ်ဒရယ် ပြည်ထောင်စုကိုသုံးနေရတာဖြစ် ပါတယ်။ ဖယ်ဒရယ်စနစ်မှာ ရှစ် ပြည်နယ်သာရှိရေးဒါမှဟုတ်လက်ရှိ   အတိုင်းပြည်နယ်ဆယ်လေးခုဆက် ထားရေးဆိုပြီး အသေဆုပ်ကိုင် ငြင်းခုံကြရင်တော့ အာဏာရှင် စနစ်တည်မြဲရေးကို သွယ်ဝိုက်ပြီး  အထောက်ကူပြုရာရောက်မယ်ဆို  တာကိုလည်း စဉ်စားဖို့လိုအပ် ပါတယ်။
ကျွန်တော်အနေနဲ့ ဒီအချက်  တွေကို အကောင်ထည်ဖော်ဖို့ အတွက်လက်ရှိ ၂၀၀၈ နိုင်ငံတော်  ဖွဲ့စည်ပုံအခြေခံဥပဒေကို စလယ် ဆုံးအကုန်လုံးနီးပါးပြင်ဆင်ရ မှာဖြစ်ပါတယ်ဟု”ဆိုပါသည်။

 Credit To Hot News Journal
မျိုးကျော်
Read More »

ဘင်္ဂါလီဟာ ဘင်္ဂါလီပဲ ရိုဟင်ဂျာ မဖြစ်နိုင်ဘူး


ကုလသမဂ္ဂအတွင်းရေးမှူး ဘန်ကီမွန်းက ဇူလိုင်လ ၁၀ ရက် တွင် ဘင်္ဂါလီလူမျိုးများကို ရိုဟင် ဂျာဟု သုံးနှုန်းပြီး နိုင်ငံသားဖြစ် ခွင့်ပေးရန် ပြောကြားချက်ကို ဦးသာဗန် (ရခိုင်ဒီမိုကရေစီအဖွဲ့ ချုပ် (ဒုယက)) က ဘင်္ဂါလီသည် ဘင်္ဂါလီသာဖြစ်ပြီး ရိုဟင်ဂျာဖြစ် မလာနိုင်ကြောင်း တုံ့ပြန်ပြော ကြားလိုက်ပါသည်။
““ကျွန်တော်အနေနဲ့ ဘင်္ဂါလီ ကို အသိအမှတ်ပြုတာ လက်ခံ တယ်။ ရိုဟင်ဂျာကို အသိအမှတ် ပြုတာကို လက်မခံဘူး။ ဒါဟာ လုပ်ဇာတ်ပဲလို့ပြောချင်တယ်။ ဒီ ဘင်္ဂါလီတွေဟာ မြန်မာပြည် လွတ်လပ်ရေးမရခင်ကတည်းက မောင်တော၊ ဘူးသီးတောင်နဲ့ ရသေ့တောင်နယ်မြေတွေကို အရှေ့ပါကစ္စတန်ထဲမှာထည့်သွင်း ရမယ်ဆိုပြီး အရှေ့ပါကစ္စတန် ခေါင်းဆောင် အလီဂျန်နားကို သွားတွေ့ပြီး ပြောကြတယ်။ ဒါ ပေမဲ့ အလီဂျန်နားက လက်မခံခဲ့ ဘူး။ ဒါဟာ ဗမာပိုင်နက်၊ ဗမာ တွေပဲအုပ်စိုးရမယ်လို့ပြောခဲ့တယ်။  အမှန်က ဘင်္ဂါလီတွေဟာ ရခိုင် မျိုးနွယ်နဲ့ ဘာမှမဆိုင်ဘူး။ ဗမာ ပြည်ကို ပထမအင်္ဂလိပ်မြန်မာ စစ်ပွဲပြီးတော့ ဗမာပြည်ကိုသိမ်းယူ ခဲ့တယ်။ အဲဒီအချိန်မှာ လယ်ယာ မြေတွေမှာ လုပ်ကိုင်ဖို့အတွက် ဒီ ဘင်္ဂါလီတွေကို ဘင်္ဂလားနယ်ထဲ ကနေ ခေါ်လာခဲ့တာ၊ ဗမာပြည် မှာ အလုပ်လုပ်ခိုင်းခဲ့တာပဲ။ သူတို့ က ယာယီလာလုပ်တာ။ သူတို့ ဟာနိုင်ငံခြားသားပဲ။ ဘင်္ဂါလီတွေ ဟာ တိုင်းရင်းသားမဟုတ်ဘူး။ ဘင်္ဂါလီလို့သူတို့လူမျိုးကိုခေါ်တာ အသိအမှတ်ပြုတယ်။ ဘင်္ဂါလီ တွေနဲ့ ပတ်သက်လို့ ဖွဲ့စည်းပုံ (၄၇) မှာရော (၇၄) မှာရော နောက်ဆုံး ၂၀၀၈ မှာရော အဲဒါ တွေပါထားတာပဲ။ နောက်ဆုံး လူဝင်မှုကြီးကြပ်ရေးနဲ့ ပြည်သူ့ အင်အားဌာနမှာ တိကျပြတ်သား တဲ့ ဥပဒေတွေရှိတာပဲ။ အထူး သဖြင့် ၁၉၈၂ ခုနှစ် ဥပဒေဟာ ဒီလူတွေအတွက် ပိုင်းခြားထားတဲ့ ဥပဒေပဲ။ ဘင်္ဂါလီအဖြစ် လက်ခံ တာကလည်းဘိုးစဉ်ဘောင်ဆက် နေလာကြလို့ လက်ခံတာ။ လွတ် လပ်ရေးမရခင်ကတည်းက သူတို့ ဟာ မူဂျာဟစ်ဆိုပြီး တော်လှန် ကြတာပဲ။ သူတို့ရဲ့ရည်ရွယ်ချက် က ပါကစ္စတန်နဲ့ ပေါင်းဖို့ပဲ။ ပါကစ္စတန်နဲ့ ပေါင်းစည်းရေးပဲ။ သူတို့တွေဟာအဲဒီတုန်းကအဓိက ကြွေးကြော်ခဲ့တာ “ပါကစ္စတန် အဓွန့်ရှည်ပါစေ”လို့ ကြွေးကြော်ခဲ့ ကြတာ။မူဂျာဟစ်ကိုမြန်မာအစိုးရ  အနေနဲ့ အများကြီးခုခံတိုက်ခိုက် ခဲ့ရတယ်။ ၁၉၅၈ မှာတော့ ဒီလူ တွေလက်နက်ချလာခဲ့တယ်။ အဲဒီမတိုင်ခင်မှာ သူတို့ကို သူတို့ ရိုဟင်ဂျာလို့ကြွေးကြော်ခဲ့ကြတယ်။ ဒီဘင်္ဂါလီတွေဟာ မူဂျာဟစ်လို့ ပြောင်းတယ်။ မူဂျာဟစ်ကနေ ရိုဟင်ဂျာလို့ ကြွေးကြော်ကြတာ။ ဒါတွေဟာ မတရားတဲ့ လုပ်ရပ်ပဲ။ သမိုင်းမှာမရှိတာကို လုပ်တာပဲ။ သမိုင်းအစဉ်အလာကို ပြန်ကြည့် ကြပါ။မြန်မာ့သမိုင်း၊ ရခိုင်သမိုင်း၊ ကမ္ဘာ့သမိုင်းမှာ ရိုဟင်ဂျာဆိုတာ မှ မရှိပဲ။ ဒါဟာလုပ်ကြံတဲ့ ဇာတ် လမ်းပဲ။ရိုဟင်ဂျာကိုလုံးဝလက်မခံ ဘူး။ ဘန်ကီမွန်းက နိုင်ငံတကာ ခေါင်းဆောင်လုပ်ပြီးတော့ စာ များများ မဖတ်တော့ မသိတာပဲ လို့ ပြောချင်တယ်။ ဟုတ်တယ် လေ သူစာမှမဖတ်ပဲ။ နိုင်ငံ တကာခေါင်းဆောင်ဖြစ်နေတာက ဖြစ်နေတာပဲ။ မြန်မာ့အရေးကို ဂဃနဏသိရင် ရိုဟင်ဂျာလို့ ဘယ်ပြောမလဲ။ သူပြောသင့်တာ က ဘင်္ဂါလီကို ဘင်္ဂါလီလို့ပဲ ပြော သင့်တယ်”” ဟု အဆိုပါ ပုဂ္ဂိုလ်က တုံ့ပြန်ပြောကြားပါသည်။

မျိုးကျော်
Credit To Hot News Journal
Read More »

လျှို့ဝှက်သောနိုင်ငံတော်နှင့် လုပ်ကြံသတ်ဖြတ်ခြင်းယဉ်ကျေးမှု


ရေးသားသူ- ရဲမိုး

“ဗိုလ်ချုပ်အောင်ဆန်းကို တကယ်လုပ်ကြံခဲ့တာ ဘယ်သူလဲ”ဆိုသည့်မေးခွန်းတစ်ခုက ဖြေသူမဲ့နေဆဲ။ ခေါင်းဆောင်မှုကို ဆုံးရှုံးလိုက်ရသည့် နိုင်ငံတစ်ခုကတော့ ၆၆ နှစ်ကြာ လမ်းပျောက်လို့ အိမ်ကိုပြန်မရောက်နိုင်ခဲ့တော့ပါ။

နိုင်ငံရေးအရ “လုပ်ကြံသတ်ဖြတ်ခြင်း” သည် လူတစ်ဦးကို သတ်ခြင်းမဟုတ်။ လူ့အဖွဲ့အစည်းတစ်ခု၊ နိုင်ငံတစ်နိုင်ငံနှင့် အနာဂတ်တစ်ခုကို သတ်ဖြတ်ချေမှုန်းလိုက်ခြင်းဖြစ်သည်။

ကမ္ဘာကျော် Terminator ရုပ်ရှင်ဇာတ်ကားထဲက လူသားမျိုးနွယ်နှင့် အနာဂတ်စက်ရုပ်များအကြား စစ်ပွဲဇာတ်လမ်းထဲမှာ “လုပ်ကြံသတ် ဖြတ်မှု” ကို အခြေတည်ထားသည်။ သက္ကရာဇ် ၂၀၂၉ ခုနှစ်မှာ လူသားမျိုးဆက်နှင့် စက်ရုပ်တို့၏ နောက်ဆုံးစစ်ပွဲကြီး ဆင်နွှဲကြသည်။ နောက် ဆုံးတိုက်ပွဲမှာ သူတို့ရှုံးနိမ့်မည်ကို စက်ရုပ်တို့ ကြိုသိထားကြသည်။ သူတို့ရှုံးနိမ့်မည့်အကြောင်းရင်းကတော့ လူသားတို့ဘက်က ထက်မြက်ရဲ ရင့်သော “ဂျွန်ကော်နာ” ဆိုသည့် ခေါင်းဆောင်၏ ဦးဆောင်မှုကြောင့်ပါ။ ရည်မှန်းချက်ကြီးသည့် စက်ရုပ်တို့က အာဂစစ်ဆင်ရေးတစ်ခုကို ပြု လုပ်ကြသည်။ သူတို့မဟာဗျူဟာက Kill the Leadership! ဆိုသည့် ခေါင်းဆောင်ကို ချေမှုန်းရေးဖြစ်သည်။ စက်ရုပ်တို့က Terminator ဆိုသည့် စက်ရုပ်လူသတ်သမားတစ်ဦးကို ၁၉၈၄ ခုနှစ်ကို ပြန်သွားခိုင်းပြီး ဂျွန်ကော်နာ၏ မိခင်ဆာရာကွန်နာကို လုပ်ကြံသတ်ဖြတ်ဖို့ စေလွှတ် လိုက်သည်။ ဂျွန်ကော်နာကို မမွေးခင်မှာပင် အပျိုစင်ဆာရာကော်နာကို သတ်ဖြတ်ဖို့ ကြိုးစားခြင်းဖြစ်သည်။ အနာဂတ်လူသားတို့ကလည်း သူတို့ခေါင်းဆောင်ကို ကာကွယ်ဖို့အတွက် “ကိုင်းလ်ရီးစ်” ဆိုသည့် စစ်သည်တစ်ဦးကို လွှတ်ပြီး ဆာရာကော်နာကို ကာကွယ်စေသည်။ Terminator ဇာတ်ကားသည် “ခေါင်းဆောင်မှု” ၏ အရေးပါပုံကို သရုပ်ဖော်ထားသော ဇာတ်ကားဖြစ်သည်။

“လုပ်ကြံသတ်ဖြတ်မှု” Assassination သည် အာဏာလွန်ဆွဲမှုများ၏ ကမ္ဘာ့ရှေးအကျဆုံးဗျူဟာတစ်ခုဖြစ်သည်။ အာရှတိုက်၏ ရှေး အကျဆုံးမှတ်တမ်းများမှာ ခရစ်တော်မပေါ်မီ နှစ်ပေါင်း ၃၀၀ ခန့်ကတည်းက “ချာနာယာ” ဆိုသည့် အိန္ဒိယတွေးခေါ်ပညာရှင်က “ Artha- shastra ” ဆိုသည့် နိုင်ငံရေးကျမ်းမှာ “လုပ်ကြံသတ်ဖြတ်မှု” ဗျူဟာကို ရေးသားခဲ့ဖူးသည်။ နောက်ပိုင်းမှာ “ချာနာယာ” ၏ တပည့် ချန္ဒရာဂုပ္ပတား မောရုယက ထိုနည်းလမ်းများကို အသုံးပြုပြီး စစ်ဘုရင် မဟာအလက်ဇန္ဒရား၏ ဗိုလ်ချုပ်နှစ်ဦးဖြစ်သည့် နီကေနာနှင့် ဖိလစ်တို့အပါအ၀င် သူ့ရန်သူများကို သုတ်သင်ခဲ့သည်။

“ချာနာယာ” ထက် နှစ် ၂၀၀ လောက်စောပြီး တရုတ်တွေးခေါ် ပညာရှင်ဆွန်ဇူးက “စစ်တိုက်ခိုက် ခြင်းအနုပညာ” The Art of War ဆိုသည့်ကျမ်းမှာ လုပ်ကြံရေးဗျူဟာ ကို ရေးသားခဲ့သည်။ နောင်အခါ “အာဏာရှင်လက်စွဲကျမ်း” ဟု ညွှန်းဆိုကြသည့် The Prince ကျမ်းမှာလည်း လုပ်ကြံရေးကို ဗျူဟာတစ်ခုအဖြစ် အီတလီအတွေးအခေါ်ပညာရှင် မက်ခီဟာဗယ်လီက ၁၅ ရာစုက ရေးသားခဲ့ပြန်သည်။ မည်သည့်အ ခါမှ မရိုးနိုင်သော အာဏာနိုင်ငံရေး ၏ တိုက်ကွက်တစ်ခု။

၂၀၀၄ စက်တင်ဘာလ ၇ ရက်။ အင်ဒိုနီးရှားအစိုးရပိုင်လေကြောင်းလိုင်းဖြစ်သည့် Garuda လေယာဉ် ကြီးပေါ်မှာ လူ့အခွင့်အရေးသူရဲ ကောင်း “မူနီယာဆဒ်သာလစ်” လိုက်ပါလာခဲ့သည်။ အင်ဒိုနီးရှားပြည်သူများက သူ့ကို “မူနီယာ” ဟု ချစ်စနိုးအဖျားဆွတ်ခေါ်ကြသည်။

မူနီယာက အင်ဒိုနီးရှားစစ်တပ်နှင့် ခရိုနီအဖွဲ့ကြီးများ၏ လူ့အခွင့် အရေးချိုးဖောက်မှုများကို ဖော်ထုတ်တိုက်ပွဲဝင်ခြင်းကြောင့် ထင်ရှား သည့်ခေါင်းဆောင်တစ်ဦး ဖြစ်လာခဲ့သည်။ သူနှင့် သူ့မိသားစုက အသက်အန္တရာယ်ကို ခြိမ်းခြောက်မှုများကို မကြာခဏကြုံတွေ့ကြရသည်။ အိမ် ကိုဗုံးခွဲခံခဲ့ရဖူးသည်။ မူနီယာ့မိဘ အိမ်မှာ စနက်တံဖြုတ်ထားသည့် ဗုံးတစ်လုံးကို လာထားသွားကြသည်။ မူနီယာ့ရုံးကို လူတစ်စုဝင်ရောက် ဖျက်ဆီးခဲ့ကြသည်။ မူနီယာ့ကို သူတို့အသက်ရှင်ခွင့်ပေးမည့်အချိန်သည် မကျန်တော့။ မိတ်ဆွေနှင့် ရဲ ဘော်ရဲဘက်များက မူနီယာ့ကို နိုင်ငံပြင်ပမှာ ခဏရှောင်နေဖို့ ဖျောင်းဖျကြသည်။

နယ်သာလန်နိုင်ငံ Utrecht တက္ကသိုလ်က အသက်ကို ကယ်ဖို့ စကောလားရှစ်ပေးလိုက်သည်။ နယ်သာလန်ကိုသွားဖို့ လေယာဉ်မတက် ခင်မှာ မိတ်ဆွေများက မူနီယာကို တစ်ခုပဲ တွင်တွင်မှာကြသည်။ “နယ် သာလန်နိုင်ငံ အမ်စတာဒမ်မြို့ကို ရောက်သည်အထိ လေယာဉ်ပေါ် မှာ ဘာကိုမှမစားပါနှင့်”။

မူနီယာ Gaurda လေယာဉ်ပေါ်ကကျွေးတာဘာကိုမှမစားခဲ့ပါ။ လေယာဉ်စင်ကာပူခရီးတစ်ထောက်မဆင်းခင်မှာတော့ အထူးတန်း ခရီးသည်တစ်ယောက်က ခုံလဲပြီး အထူးတန်းမှာ လာထိုင်ဖို့သူ့ကိုဖိတ်ခေါ်ခဲ့သည်။ မူနီယာက လက်ခံလိုက်ပြီး အထူးတန်းမှာ အ ချိုရည်တစ်ခွက် သောက်ခဲ့သည်။ မကြာခင်မှာ မူနီယာအော့အန်ပြီး နေမကောင်းဖြစ်လာတော့သည်။ အမ်စတာဒမ်မြို့ကို လေယာဉ်မဆင်း သက်ခင် နှစ်နာရီအလိုမှာတော့ သူသေဆုံးသွားခဲ့သည်။ သူ့အသက်မထွက်ခင် မိနစ်ပိုင်းအလိုမှာ တယ်လီဖုန်းမက်ဆေ့ခ်ျနှင့် သူ့ဇနီးသည်ကို နှုတ်ဆက်သွားခဲ့သည်။

မူနီယာကွယ်လွန်ပြီး နှစ်ရက်အကြာမှာ သူ့ဇနီးသည် ဆူချီဝတီထံကို အထုပ်တစ်ထုပ်ရောက်လာခဲ့သည်။ အထုပ်ထဲမှာတော့ ကြက် ခေါင်းပြတ်တစ်လုံးနှင့် စာတစ်စောင်။ “မူနီယာသေတဲ့ကိစ္စမှာ စစ်တပ်ကို ဆွဲမထည့်နဲ့”။

“မူနီယာကို ဘယ်သူသတ်သ လဲ” ဆိုသည့် မေးခွန်းသည် ယခုထိ ဖြေသူမဲ့နေဆဲ။ ကျွန်တော်တို့နေထိုင်သော အရှေ့တောင်အာရှသည် ဖြေသူမဲ့မေးခွန်းများ၏ တည်နေရာ၊ ကျွန်တော်တို့သမိုင်းသည် ဖြေသူမဲ့ မေးခွန်းများ၏ ရာဇ၀င်။

မြန်မာ့လွတ်လပ်ရေးခေါင်း ဆောင်တစ်ဦးဖြစ်သူ အိုင်စီအက်စ် ဦးတင်ထွဋ်၏ ကားထဲကို ဗုံးပစ်ထည့်တာ ဘယ်သူလဲ။

သီပေါစော်ဘွားစပ်ကြာဆိုင်ကို သတ်တာဘယ်သူလဲ။

ကရင်ခေါင်းဆောင် ဖဒိုမန်းရှာလာဖန်းကို လုပ်ကြံတာဘယ်သူလဲ။

ခေါင်းဆောင်တစ်ဦးကို လုပ်ကြံသတ်ဖြတ်ခြင်းဖြင့် နိုင်ငံရေးဒီရေကို ပြောင်းလဲဖို့ကြိုးစားခြင်းသည် လူ့အဖွဲ့အစည်းနှင့် အနာဂတ်ကို သတ်ဖြတ်ခြင်းဖြစ်ပါသည်။ လူ့အဖွဲ့အစည်းအနေဖြင့် အာဃာတကို ချေဖျက်ပြီး ခွင့်လွှတ်ခြင်းဖြင့် ပြန်လည်သင့်မြတ်ရေးကို တည်ဆောက်သင့်သည့်တိုင် အမှန်တရားပေါ်ထွက်ရေးကတော့ လုပ်ကိုလုပ်မှဖြစ်မည့် တာဝန်တစ်ခုဖြစ်ပါသည်။

လုပ်ကြံသတ်ဖြတ်မှုများကို ဆိတ်ဆိတ်နေခြင်းသည် အနာဂတ်လုပ်ကြံသတ်ဖြတ်မှုများကို တိတ်ဆိတ်စွာ အားပေးခြင်းဖြစ်ပါသည်။ အာဇာနည်နေ့ကို ကျွန်တော်တို့ နှလုံးသားထဲမှာ မမေ့မလျော့ ထိန်းသိမ်းထားသလို အနာဂတ်အာဇာနည်နေ့တွေ ထပ်မပေါ်ပေါက်အောင် တားဆီးကာကွယ်ကြဖို့ လိုအပ်သည်။

ဒီပဲယင်း၏ လူသတ်တရားခံများကတော့ ကျန်းမာချမ်းသာစွာနှင့် တိုင်းပြည်တာဝန်များကို ဆက်လက်ထမ်းဆောင်နေဆဲပါ။

သတိထား။

တံခါးအပြင်မှာ လူသတ်သမားရှိနေသည်။

Credit To 7Day News Journal
Read More »

'၀'အထူးဒေသနှင့် ပြည်နယ်အဆင့် တောင်းဆိုမှု ဖွဲ့စည်းပုံ အခြေခံဥပဒေ အတိုင်းသာ ဆောင်ရွက်မည်


'၀' အထူးဒေသ (၂) ကို ပြည်နယ်အဆင့် တောင်းဆိုမှုအား ဖွဲ့စည်းပုံ အခြေခံ ဥပဒေအတိုင်းသာ ဆောင်ရွက်မည်ဟု ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယ ဥက္ကဋ္ဌ ဦးသိန်းဇော်က ဇူလိုင် ၁၂ ရက်တွင် ကျိုင်းတုံမြို့၌ ပြောကြားသည်။

'၀' တောင်ပိုင်းဒေသနှင့် ပတ်သက်ပြီး တပ်မတော်နှင့် '၀' သွေးစည်း ညီညွတ်ရေး တပ်မတော် (UWSA) တို့အကြား စစ်ရေးတင်းမာမှုများ ဖြစ်ပေါ်ခဲ့ပြီးနောက် နှစ်ဖက်ငြိမ်းချမ်းရေး ကိုယ်စားလှယ်များ ကျိုင်းတုံမြို့၌ တွေ့ဆုံပြီးချိန်တွင် ဦးသိန်းဇော်က ယင်းကဲ့သို့ ပြောကြားခဲ့ခြင်း ဖြစ်သည်။

''အမျိုးသား ညီလာခံမှာ ကတည်းက သူတို့တင်ပြတာပါ။ အခုမှ တင်ပြတာ မဟုတ်ပါဘူး။ သို့သော် အမျိုးသား ညီလာခံကတည်းက တင်ပြခဲ့တာဟာလည်း ဖွဲ့စည်းပုံ အခြေခံ ဥပဒေအရ လုပ်ရမယ် ဆိုတာသူတို့ နားလည်ပြီးသားပါ'' ဟု ဦးသိန်းဇော်က ပြောကြားသည်။

ထို့အပြင် '၀' သွေးစည်း ညီညွတ်ရေးပါတီ၏ ပြည်နယ်တောင်းဆိုမှုသည် ချက်ချင်းပေးရန် တောင်းဆိုခြင်း မဟုတ်ဘဲ အချိန်တစ်ခုတွင် ဖြစ်ချင်သည့် ဆန္ဒကိုသာ ပြောကြားခြင်း ဖြစ်သည်ဟု ဦးသိန်းဇော်က ဆိုပါသည်။

''အခုတောင်းတာ မဟုတ်ပါဘူး။ သူတို့ဒေသလေး ဖွံ့ဖြိုးတိုးတက်ဖို့ အတွက် တစ်ချိန်ချိန်မှာ ဒီလိုလေး ဖြစ်ချင်ပါတယ်လို့ ပြောတဲ့ အဆင့်ပဲ ရှိပါတယ်။ ချက်ချင်းကြီး ပေးရမယ်လို့လည်း မရှိပါဘူး။ ဒါတွေက တဖြည်းဖြည်းနဲ့ ညှိနှိုင်းသွားရင် အားလုံး အဆင်ပြေသွားမယ့် ကိစ္စပါ'' ဟု ဦးသိန်းဇော်က ပြောကြားသည်။

လက်ရှိအချိန်တွင် အစိုးရနှင့် အပစ်အခတ် ရပ်စဲရေး သဘောတူညီချက် လက်မှတ်ရေးထိုး ထားသော '၀'သွေးစည်း ညီညွတ်ရေး ပါတီနှင့် တပ်မတော်အကြား တိုက်ပွဲများ ဖြစ်ပွားမှု မရှိသော်လည်း စစ်ရေးအားပြိုင်မှုများ ရှိနေကြောင်း သိရသည်။

ယင်းကဲ့သို့ စစ်ရေးတင်းမာခဲ့ရသည့် နောက်ခံ အကြောင်းအရင်းများထဲတွင် ရှမ်းပြည်နယ် (တောင်ပိုင်း)တွင် ရှိနေသော '၀' တောင်ပိုင်း ဒေသကို အစိုးရမှ ပြန်လည်ထိန်းချုပ် လိုသည့် ပြင်ဆင်မှုများကြောင့် ဖြစ်သည်ဟု သိရသည်။

အထူးသဖြင့် တာချီလိတ်မြို့နှင့် အနီးတစ်ဝိုက်တွင် ရှိနေသော မိုင်းတုံ၊ မိုင်းဆတ်၊ မိုင်းယွန်း အစရှိသည့် ဒေသများတွင် တပ်စွဲထားသော '၀' တပ်စခန်းများ အင်အားစာရင်း တင်ပြရန် တပ်မတော်မှ တောင်းခံခဲ့ခြင်း၊ တပ်စခန်းအချို့ကို ဆုတ်ခွာရန် သတိပေးခဲ့ခြင်း၊ ဆုတ်ခွာခြင်း မပြုသော တပ်စခန်းများကို တပ်မတော်က ၀ိုင်းထားခြင်းတို့ ဖြစ်ပေါ်ခဲ့သည်။

လက်ရှိအချိန်တွင် သန်းခေါင်စာရင်း ကောက်ယူမှုကို လုပ်ဆောင်နိုင်ခြင်း မရှိသေးသော '၀'ဒေသတွင် လူဦးရေ ခြောက်သိန်းနီးပါး နေထိုင်လျက်ရှိပြီး စတုရန်း ၁၇၀၀၀ ကီလိုမီတာ ကျယ်ဝန်းကာ '၀'ဒေသ မြောက်ပိုင်းနှင့် '၀'ဒေသ တောင်ပိုင်းဟု နှစ်ပိုင်းခွဲခြားထားသည် . . .



သို့သော် ဇူလိုင် ၁၂ ရက် ကျိုင်းတုံ ဆွေးနွေးပွဲတွင် စစ်ရေးတင်းမာမှု ဖြစ်ပွားခဲ့ရသည့် အကြောင်းခံ ပြဿနာများကို ပြေလည်အောင် ဖြေရှင်းနိုင်ခဲ့ကြောင်း သိရသည်။

ထို့အတူ တင်းမာမှုများ လျော့ကျစေရန်အတွက် ထိပ်တိုက်တွေ့နေသော နှစ်ဖက်တပ်များကို ပြန်ဆုတ်ရန် အတွက် သဘောတူညီခဲ့သည်ဟု UWSA ၏ ပြောရေးဆိုခွင့်ရပုဂ္ဂိုလ် ဦးအောင်မြင့်က ပြောကြားသည်။

'၀'တောင်ပိုင်းဒေသနှင့် ပတ်သက်ပြီး စစ်ရေးတင်းမာမှု ဖြစ်ခဲ့ရခြင်းသည် နှစ်ဖက်တပ်များအကြား နားလည်မှု လွဲမှားခြင်းကြောင့်သာ ဖြစ်ပြီး နှစ်ဖက်လူကြီးများ တွေ့ဆုံပြီးနောက် ပြေလည်မှု ရခဲ့သည်ဟု တပ်မတော် ကာကွယ်ရေး ဦးစီးချုပ်ရုံးမှ ဒုတိယဗိုလ်ချုပ်ကြီး အောင်သန်းထွဋ် (စစ်ဆင်ရေး အထူးအဖွဲ့မှူး၊ ကစထ-၂) က ပြောကြားသည်။

ကျိုင်းတုံဆွေးနွေးပွဲတွင် ဖြစ်ပွားနေသော ပြဿနာများကို ဖြေရှင်းနိုင်ရန် ဆွေးနွေးခဲ့သည့်နည်းတူ နိုင်ငံရေးအရ ဆွေးနွေးမှုများလည်း ပြုလုပ်ခဲ့သည်ဟု ဦးသိန်းဇော်က ပြောပါသည်။

''နိုင်ငံရေးပိုင်းကို ကူးလာတဲ့အတွက် တချို့နိုင်ငံရေး စကားတွေကို စပြီး ပြောပါတယ်။ အမျိုးသား စည်းလုံးညီညွတ်ရေး၊ သူတို့တွေရဲ့ ဆန္ဒတွေ အားလုံးကိုယ်တို့ ပြောခဲ့ပါတယ်။ သူတို့တွေဟာ ဖွဲ့စည်းပုံ အခြေခံ ဥပဒေနဲ့အညီ ဆောင်ရွက်ဖို့၊ လွှတ်တော်ထဲမှာ ပါဝင်နိုင်ဖို့ ဒီကိစ္စတွေကိုလည်း သူတို့ကို ဖိတ်ခေါ်ခဲ့ပါတယ်'' ဟု ဦးသိန်းဇော်က ပြောကြားသည်။

လက်ရှိအချိန်တွင် သန်းခေါင်စာရင်း ကောက်ယူမှုကို လုပ်ဆောင်နိုင်ခြင်း မရှိသေးသော '၀'ဒေသတွင် လူဦးရေ ခြောက်သိန်းနီးပါး နေထိုင်လျက်ရှိပြီး စတုရန်း ၁၇၀၀၀ ကီလိုမီတာ ကျယ်ဝန်းကာ'၀' ဒေသ မြောက်ပိုင်းနှင့် '၀'ဒေသ တောင်ပိုင်းဟု နှစ်ပိုင်း ခွဲခြားထားသည်။

UWSA အနေဖြင့် ပန်ဆိုင်းတွင် အခြေစိုက် လှုပ်ရှားခဲ့ရာမှ ၁၉၉၄-၉၅ ခုနှစ်များအထိ ရှမ်း ပြည်နယ် တောင်ပိုင်းတွင် လှုပ်ရှားခဲ့သော ခွန်ဆာတပ်များကို တိုက်ခိုက်ရာတွင် ပါဝင်ခဲ့သည်။ ၁၉၉၆ ခုနှစ် ခွန်ဆာလက်နက် ချပြီးချိန်တွင် တာချီလိတ်၏ အနောက်တောင်ဘက်မှ ကယားပြည် နယ်အစပ်အထိ ဒေသများကို '၀'များအား ပြောင်းရွှေ့နေထိုင် စေခဲ့ရာမှ '၀'တောင်ပိုင်းဒေသ ပေါ်လာခဲ့ခြင်း ဖြစ်သည်။

ဗမာပြည် ကွန်မြူနစ်ပါတီ လက်အောက်မှ ဒုတိယမြောက် ခွဲထွက်လာသော အဖွဲ့ဖြစ်သည်။ '၀' သွေးစည်း ညီညွတ်ရေးပါတီသည် ၁၉၈၉ ခုနှစ်တွင် ဗမာပြည် ကွန်မြူနစ်ပါတီ၏ ဌာနချုပ်အဖြစ် တည်ရှိနေသော '၀' နယ်မြေအတွင်းမှ ပန်ဆန်းဌာနချုပ်ကို သိမ်းယူခဲ့ပြီး '၀'အဖွဲ့ကို ဖွဲ့စည်းလိုက်ခြင်း ဖြစ်သည်။ စတင်ဖွဲ့စည်းစဉ် ကတည်းက တပ်မတော်နှင့် သင့်မြတ်စွာ နေထိုင်သွားမည် ဖြစ်ကြောင်း ထုတ်ပြန်ခဲ့ပြီး အစိုးရအဖွဲ့နှင့်လည်း ဆက်သွယ်မှုများ ပြုလုပ်ခဲ့သည်။

၁၉၉၃ ခုနှစ်တွင် အမျိုးသား ညီလာခံသို့ တက်ရောက်ခဲ့ပြီး အခြားတိုင်းရင်းသား လက်နက်ကိုင် အင်အားစုများနှင့်လည်း ပူးပေါင်းမှုများ ရှိခဲ့ပါသည်။

၂၀၀၅ ခုနှစ်တွင် ဘိန်းစိုက်ပျိုးမှုကို ရပ်ဆိုင်းကြောင်း တရားဝင် ကြေညာခဲ့သော်လည်း '၀' အဖွဲ့ကို မူးယစ်ဆေးဝါးနှင့် ဆက်စပ်မှုရှိသော အဖွဲ့အဖြစ် နိုင်ငံတကာ အသိုင်းအ၀ိုင်းက ဆက်လက် ရှုမြင်ခဲ့ကြသည်။

၂၀၀၉ ခုနှစ်တွင် နယ်ခြားစောင့်တပ် ဖွဲ့စည်းရေးနှင့် ပတ်သက်ပြီး အစိုးရနှင့် မပြေလည်မှုများ ဖြစ်ပေါ်ခဲ့ရာမှ တစ်ဆင့် '၀' ၏ စစ်အင်အားမှာလည်း တစ်စထက်တစ်စ အားကောင်းလာခဲ့သည်ဟု နိုင်ငံရေး အကဲခတ်များက သုံးသပ်ခဲ့သည်။

လက်နက်ကိုင် အင်အား ၃၀၀၀၀ ကျော်ခန့်နှင့် အရန်ပြည်သူ့စစ် အင်အား ၁၀၀၀၀ ကျော်ခန့် ရှိနေသော '၀'သွေးစည်း ညီညွတ်ရေး တပ်မတော် (UWSA) သည် '၀' သွေးစည်း ညီညွတ်ရေး ပါတီ၏ လက်အောက်တွင် ရှိနေပြီး ပန်ဆိုင်း၊ မိုင်းမော၊ ပန်ဝိုင်၊ နားဖန်း၊ မိုင်းပေါက်၊ မိုင်းယန်းနှင့် ဟိုပန် ဒေသများတွင် အဓိက လှုပ်ရှားလျက် ရှိပါသည်။

UWSA ၏ ဌာနချုပ်သည် '၀' မြောက်ပိုင်း ပန်ဆန်းတွင်ရှိပြီး တာချီလိတ်၊ ကျိုင်းတုံ၊ တန့်ယန်းနှင့် လာရှိုးတို့တွင် အစိုးရနှင့် ဆက်ဆံရေးရုံးများ ဖွင့်ထားသည်။

Credit To EMG
Read More »

လက်နက်ခဲယမ်းများနှင့် စိတ်ကြွရူး သွပ်ဆေးပြားများအပြန်အလှန်ပစ်ခတ် ဖမ်းဆီးရမိ


ကရင်ပြည်နယ်၊ ဘားအံမြို့ နယ်၊ ထုံးအိုင်ကျေးရွာအုပ်စုရွှေ တောကျေးရွာအနီးကားလမ်းဘေး ရှိကားဂိုဒေါင်အတွင်းနှင့် တဲအိမ် တစ်လုံးအတွင်းမှM-16 မောင်း ပြန်ရိုင်ဖယ်နှင့်လည်းကောင်းကျည် များ၊M-22 မောင်းပြန်ရိုင်ဖယ် (ခေါက်ဒင်)နှင့်လည်းကောင်းကျည်  များ၊ အမေရိကန်လုပ်M-57 လက် ပစ်ဗုံး (ဖျူးပါ) တစ်လုံးနှင့်အတူ စိတ်ကြွရူးသွပ်ဆေးပြားများဖမ်းဆီး ရမိကြောင်း သတင်းရရှိသည်။
ဖြစ်စဉ်မှာ ၈.၇.၂၀၁၃ ရက် ည ၇ နာရီခွဲအချိန်တွင် ကရင်  ပြည်နယ်၊ ပြည်နယ်ရဲတပ်ဖွဲ့မှူး၏ ညွှန်ကြားချက်အရ ကရင်ပြည်နယ် ရဲတပ်ဖွဲ့မှုခင်းအကူဌာနစုမှ ရဲအုပ်  အောင်ထူးဦးစီးအဖွဲ့သည်မူးယစ်  ဆေးဝါးသတင်းအရ သက်သေ များနှင့်အတူ ဘားအံ-ဇာသပြင် လမ်း၊ ရွှေတောကျေးရွာအနီး၊ ကားလမ်းမဘေးရှိကားဂိုဒေါင် အတွင်းရှာဖွေကြရာဝင်းမောင် (၅၂) နှစ် ဈေးရောင်၊ ရွှေတော ကျေးရွာနေသူလွယ်ထားသော လွတ်အိတ်အတွင်းWY့ စာတန်း ပါပန်းရောင်စိတ်ကြွရူးသွပ်  ဆေးပြား (၅၈)ပြား၊ အလေးချိန် ၅.၈ ဂရမ်၊ ဒေသတန်ဖိုး ၁၉၁ ၄၀၀ ကျပ်အား စတင်ရှာဖွေတွေ့ ရှိကြောင်း သိရသည်။
ဆက်လက်ပြီး ကားလမ်းမတစ်  ဖက်ရှိတဲအိမ်တစ်လုံးအတွင်း ၀င်ရောက်ရှာဖွေစဉ်စောလူဒိတ် (၄၁) နှစ် (ဘ) ဦးလင်းရွှေ၊ ရွှေတော  ကျေးရွာနေသူက M-22 သေနတ်  ဖြင့် သုံးချက်စတင်ပစ်ခတ်ခုခံရာ  ရဲအုပ်အောင်ထူးနှင့် အဖွဲ့က M-22 သေနတ်ဖြင့် နှစ်ချက်ပြန်လည်  ပစ်ခတ်ကာလုံးထွေးဖမ်းဆီးခဲ့ရ သည်ဟုဆို၏။
စောလူဒိတ်ကို ဖမ်းဆီးရမိ ပြီး ၎င်း၏ခန္ဓာကိုယ်၌ ရှားဖွေရာ လွယ်ထားသေား ခါးပတ်အိတ် အတွင်းမှ WY စာတန်းပါပန်းရောင် စိတ်ကြွရူးသွပ်ဆေးပြား ၄၈ ပြား၊ အလေးချိန် ၄.၈ ဂရမ်၊ ဒေသ တန်ဖိုး ၁၅၈၄၀၀ ကျပ်ကို ဖမ်းဆီး ရမိကြောင်း ၎င်းတဲအိမ်အတွင်း ဆက်လက်ရှာဖွေရာ M-16 မောင်း  ပြန်ရိုင်ဖယ်တစ်လက် ၅.၅၆ ကျည်  ၂၀ တောင့်M-16 ကျည်အိမ် အရှည် ၁ ခု၊ စောလူဒိတ်ကိုင် ဆောင်သော M-22 မောင်းပြန် ရိုင်ဖယ် (ခေါက်ဒင်) ၁ လက်၊ M-22ကျည်အိမ်အရှည် ၁ ခု၊ ၇.၆၂x၃၉ ကျည် ၁၁တောင့်၊ ဒဿမ ၃၀ ကာဘိုင်ကျည် ၂၉ တောင့်၊ အမေရိကန်လုပ် M-57 လက်ပစ်ဗုံး (ဖျူးပါ) ၁ လုံး၊ လက်ကိုင်ဖုန်း ၁ လုံးတို့ကို ဆက်လက်သိမ်းဆည်းရမိကြောင်း သိရသည်။
အခင်းဖြစ်ပွားရာနေ့ရာ၌ မူးယစ်ဆေးဝါးသုံးစွဲရန်ရောက်ရှိ သူစနေဒင် (၁) စိုးစိုး၊ (၃၀) နှစ်၊ (ဘ) ဦးစမန်းဒေး၊ ရွှေတောကျေး ရွာနေသူကို ထပ်မံဖမ်းဆီးရမိ ပြီး မူးယစ်ဆေးဝါးရောင်းဝယ်ရာ တွင် အသုံးပြုသော ၄၈/၆၁၀၈ တပ်ဆင်ထားသောမာတီအိတ် (ခဲ/ စိမ်းရောင်) အမျိုးအစား (အနီရောင်)ဆိုင်ကယ် ၁ စီး၊ နံပတ်မပါဝေ့ဗ် ၁၁၀ အမျိုးအစား  (ခဲ/မည်းရောင်) ဆိုင်ကယ် ၁စီးနှင့် ၂ ယ/ ၅၆၈၄၂ နံပါတ်တပ်ဆင် ထားသော ဒရင်း ၁၂၅ အမျိုးအစား  (ကျောက်စိမ်းရောင်) ဆိုင်ကယ်  တစ်စီးတို့ကိုလည်း ထပ်မံသိမ်း ဆည်းရမိကြောင်း သတင်းရရှိ သည်။
ဖမ်းဆီးရမိသူ (၃) ဦး၏ စစ်ဆေးပေါ်ပေါက်ချက်အရ ရွှေတောကျေးရွာနေပေါက်ကျိုး  နှင့် စောထူးဝိတိုးထံတွင်လည်း တရားမ၀င်လက်နက်ခဲယမ်းများ ရှိနေသေးကြောင်း သိရသဖြင့် ၉.၇.၂၀၁၃ ရက်နေ့ နံနက် (၂) နာရီအချိန်၊ မှုခင်းအကူဌာနစုမှ ရဲအုပ်အောင်ထူးဦးစီးအဖွဲ့၊ ထုံး အိုင်နယ်မြေရဲစခန်းမှူးရဲအုပ်ဇော်ဝင်း  ဦးစီးအဖွဲ့တို့သည်သက်သေများ  နှင့် အတူ ရွှေတောကျေးရွာသို့ သွားရောက်ကာ ပေါက်ကျိုင်း (၅၈) နှစ်၊ (ဘ) ဦးပုလဲစိန်၊ စောထူးဝိ (၃၄) နှစ်၊ (ဘ) ဦးကျော်ဥိးတို့နေအိမ်များနှင့် ဆက်စပ်နေရာများအား ထပ်မံရှာ ဖွေခဲ့ကြကြောင်း သိရသည်။
ယင်းသို့ရှာဖွေရာပေါက်ကျိုင်း  နေအိမ်မှ ၉၁ လက်ပစ်ဗုံး (ဖျူးပါ) ၁ လုံး၊း စောထူးဝိခြံဝင်းကောက် ရိုးပုံအတွင်းမှ ကာဘိုင် ၁လက်၊ ဒဿမ ၃၀ ကျည် ၁၁ တောင့်၊ နေအိမ်အပေါ်ထပ်မှS M 22ကျည်  ၁၀၅ တောင့်၊ ကျည်အိမ် ၂ခု၊M 16 ကျည် ၁၀၉ တောင့်၊ ကျည်အိမ် ၁ ခု၊ ကာဘိုင်ကျည် ၁၂ တောင့်၊ ကျည်အိမ်အတို ၂ ခု၊ အရှည် ၁ ခုတို့ကို ရှာဖွေတွေ့ရှိကြောင်း သတင်းရရှိသည်။
ဝင်းမောင် (ပါ) ငါးဦးတို့ကို  မယ (ပ) ၁/၂၀၁၃၊ မူးယစ်ဆေး ၀ါးနှင့် စိတ်ကိုပြောင်းလဲစေသော  ဆေးဝါးများဆိုင်ရာ ဥပဒေပုဒ်မ ၁၅/ခင် (ဂ)၊ ၂၀ (က)/၂၁ အရ လည်းကောင်း၊ (ပ) ၁၃/၂၀၁၃ လက်နက်ယာယီပြင်ဆင်ချက် ဥပဒေပုဒ်မ ၁၆ (က) အရလည်း ကောင်းအသီးသီးအမှုဖွင့်အရေး ယူဆောင်ရွက်လျက်ရှိကြောင်း ပြည်နယ်ရဲတပ်ဖွဲ့မှူးရုံးမှသတင်းရရှိ သည်။
Credit To Hot New Journal 

ပွင့်ဆန်း
Read More »

၂၅ ရာခိုင်နှုန်းနှင့် ထာဝရ ငြိမ်းချမ်းရေး


လွန်ခဲ့သော လအနည်းငယ်က ၂၅ ရာခိုင်နှုန်းနှင့် ပတ်သက်ပြီး ဆောင်းပါး တစ်ပုဒ် (၂၅ ရာခိုင်နှုန်း သို့မဟုတ် ပြင်ဆင်ရေး၏ အရေးကြီး အဆင့်၊ The Voice Weekly,Vol 9/No.16) ကို ရေးသားခဲ့ပါ သည်။ အဆိုပါ အကြောင်းအရာနှင့် ပတ်သက်ပြီး တုံ့ပြန်မှုများကိုလည်း ကြားသိရပါသည်။ ကျွန်တော့် အနေနှင့် ၂၅ ရာခိုင်နှုန်းကို အလျင်အမြန် ဖယ်ထုတ်ပေးရန် တစ်ဖက်သတ် တောင်းဆိုလိုခြင်း မဟုတ်ဘဲ ဖယ်ထုတ်ရန် အကြောင်းတရားများကို သက်ဆိုင်သူများ ထည့်သွင်း စဉ်းစားနိုင်ရန် တစ်ထောင့် တစ်နေရာမှ တင်ပြလိုခြင်းသာ ဖြစ်ကြောင်း ပြောဆိုလိုပါသည်။ ၂၅ ရာခိုင်နှုန်းအပေါ် ရှုထောင့် ပေါင်းစုံမှ တုံ့ပြန်မှုများကို နှိုးဆွလိုခြင်း၊ နားထောင်လိုခြင်းလည်း ဖြစ်ပါသည်။ ယခုလည်း ကျွန်တော် တင်ပြခဲ့သော အကြောင်းအရာများ အနက်မှ ပထမဆုံး အချက်ကို ထပ်မံဆွေးနွေးလိုသည့် အတွက် ဤဆောင်းပါးကို ရေးသားလိုက်ရပါသည်။
သမ္မတဦးသိန်းစိန် ဦးဆောင်သော အစိုးရအနေနှင့် ထာဝရ ငြိမ်းချမ်းရေး ဖော်ဆောင်ရေးအတွက် အဆင့်များ ချမှတ်ထားရာ အထက်ပါ လုပ်ငန်းစဉ်များကို ဦးအောင်မင်း ခေါင်းဆောင်သော ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့်အတူ မြန်မာ ငြိမ်းချမ်းရေးစင်တာမှ ပညာရှင်များ အကောင်အထည်ဖော်နေကြရာ အဆိုပါ လုပ်ငန်းစဉ်များကို သဘောတူကြောင်း၊ ကြိုးစားမှုများကို အသိအမှတ်ပြုကြောင်း ဦးစွာ ဖော်ပြလိုပါသည်။ သမ္မတကြီးနှင့် ဦးအောင်မင်းတို့ မျှော်မှန်းချက်မှာ ယခု အစိုးရသက်တမ်း မကုန်ဆုံးမီ (၂၀၁၅ မတိုင်ခင်) တစ်နိုင်ငံလုံး အတိုင်းအတာ ဖြင့် အပစ်အခတ် ရပ်စဲပြီး လက်နက်ကိုင် အဖွဲ့ပေါင်းစုံ ပါဝင်သော နိုင်ငံရေး ဆွေးနွေးပွဲကြီး တစ်ရပ် ကျင်းပနိုင်ရေးဖြစ်ရာ အဆိုပါ ရည်မှန်းချက် အကောင်အထည် ပေါ်လာရေးအတွက် ၂၅ ရာခိုင်နှုန်း သည် အရေးတကြီး လိုအပ်သော ကိစ္စတစ်ရပ်ဟု ယူဆသဖြင့် ယခင် ဆောင်းပါး ဖြစ်သော ‘ပြင်ဆင်ရေး၏ အရေးကြီး အဆင့်’ ကို တင်ပြ ရေးသားရခြင်း ဖြစ်ပါသည်။
လက်ရှိတွင် လက်နက်ကိုင် အဖွဲ့အစည်းများ၊ တိုင်းရင်းသား အဖွဲ့အစည်းများနှင့် ဆွေးနွေးနေသော ကိစ္စရပ်များသည် နေပြည်တော်အထိ ဆွဲဆောင် ခေါ်ယူနိုင်လောက်အောင် ယုံကြည်မှု မရရှိသေးရာ အဆိုပါ ယုံကြည်မှုကို တည်ဆောက်ရာတွင် တပ်မတော်သည် အုပ်ချုပ်သူ အစိုးရထက် ပိုမို အရေးကြီးသော အခန်းကဏ္ဍတွင် ပါဝင်နေသည်ဟု ယူဆပါသည်။ အထူးသဖြင့် ဖွဲ့စည်းပုံ အခြေခံ ဥပဒေအရ တပ်မတော်နှင့် ကာကွယ်ရေးဦးစီးချုပ်တို့၏ အရေးပါမှုသည် အစိုးရ၏ နိုင်ငံရေး ဆွေးနွေးပွဲ များတွင် ယုံကြည်မှုကို အဟန့်အတား ဖြစ်စေသော ကိစ္စတစ်ခု ဖြစ်နေမည်လား ဆိုသည်ကို စဉ်းစားရန် ဖြစ်ပါသည်။ လက်နက်ကိုင် အဖွဲ့အစည်းများ အနေနှင့်လည်း မိမိတို့နှင့် နှစ်ပေါင်းများစွာ တိုက်ပွဲဝင်လာခဲ့သော မြန်မာ့ တပ်မတော်အပေါ် ယုံကြည်မှု အားနည်းနေခြင်းမှာ သဘာဝကျပါသည်။
မည်သို့ပင်ဆိုစေ လက်ဆွဲ နှုတ်ဆက်ရာတွင် လက်များကို မဖြန့်ဘဲ နှုတ်ဆက်နိုင်မည် မဟုတ်ရာ နှစ်ဦး နှစ်ဖက်လုံးမှ မိမိတို့၏ လက်များကို ဖြန့်လိုက်ဖို့ လိုပါသည်။ လက်နက်ကိုင် အဖွဲ့အစည်းများအနေဖြင့် တပ်မတော်က စိုးရိမ်သော ဒို့တာဝန် အရေးသုံးပါးကို ထိခိုက် ပျက်စီးစေမည့် အပြုအမူများကို ရှောင်ကြဉ်ဖို့ လိုသလို တပ်မတော်ဘက်မှလည်း လက်နက်ကိုင် အဖွဲ့အစည်းများနှင့် တန်းတူရည်တူ ဆွေးနွေးနိုင်အောင် တံခါးဖွင့်ထားဖို့ လိုပါသည်။ ယခုအခါ ဒုတိယ ဗိုလ်ချုပ်ကြီး အဆင့်ရှိ တပ်မတော်မှ တာဝန်ရှိသူများကို နိုင်ငံရေး ဆွေးနွေးပွဲများတွင် ပြောဆိုပိုင်ခွင့်၊ ပါဝင်ခွင့် ပေးထားရာ တပ်မတော် ဘက်က လက်ဖြန့်ခြင်းဟု ယူဆနိုင်ပါသည်။ အင်အားကြီးသော သူဘက်က ပိုမို အလျှော့ပေးရန် လိုအပ်ကြောင်း တပ်မတော် ခေါင်းဆောင်များ အနေဖြင့် နားလည် သဘောပေါက်ဖို့ လိုပါသည်။
သို့ရာတွင် အပစ်အခတ် ရပ်စဲရေး လက်မှတ် ရေးထိုးနိုင်ရုံ ယုံကြည်မှုသည် နိုင်ငံရေး ဆွေးနွေးပွဲများ ဆီသို့ တက်လှမ်းရာတွင် အလုပ် ဖြစ်ပါ့မည်လား ဆိုသည်ကို ဆန်းစစ်ရန် ဖြစ်ပါသည်။ ဤနေရာတွင် အရေးပါလာသည်မှာ ၂၅ ရာခိုင်နှုန်း ကိစ္စ ဖြစ်ပါသည်။ အချို့သော အဖွဲ့အစည်းများ၏ ခေါင်းဆောင်များ အနေနှင့် နိုင်ငံရေး ဆွေးနွေးပွဲများကို လွှတ်တော်အထိ ရောက်အောင် မဆွေးနွေး လိုဘဲ လွှတ်တော် ပြင်ပတွင်သာ ဆွေးနွေးလိုသည့် သဘောရှိရာ ဖွဲ့စည်းပုံ အခြေခံဥပဒေကို ပြင်ဆင်ရမည့် ကိစ္စများသည် လွှတ်တော် ပြင်ပတွင် ဆွေးနွေး ဆုံးဖြတ်ရန် မသင့်ကြောင်း၊ လွှတ်တော် တွင်သာ ဆွေးနွေး ဆုံးဖြတ်ရမည့် ကိစ္စများသာ ဖြစ်ကြောင်း ရှင်းပြ ဆွဲခေါ်ရန် လွယ်ကူမည် မထင်ပေ။ သို့ဖြစ်ရာ လွှတ်တော်အတွင်းသို့ အဆိုပါ ဆွေးနွေး ဆုံးဖြတ်ချက်များ ယူဆောင်ဖို့ဆိုလျှင် ၂၅ ရာခိုင်နှုန်း ရှိနေသမျှ ကာလပတ်လုံး ထိုအနေအထားသည် ဖြစ်နိုင်ခြေ အနည်းငယ်သာ ရှိနိုင်ပါသည်။ (ကံကောင်းလျှင်လည်း ဖြစ်ချင် ဖြစ်သွားနိုင်ပါသည်) မိမိတို့နှင့် တိုက်ပွဲဝင်လာခဲ့သော တပ်မတော်၏ ကိုယ်စားလှယ်များသည် မိမိတို့ တောင်းဆိုသော ဖွဲ့စည်းပုံ အခြေခံဥပဒေ ပြင်ဆင်ရေး အပါအဝင် နိုင်ငံရေး တောင်းဆိုချက်များကို လက်ခံလိမ့်မည်ဟု တိုင်းရင်းသား လက်နက်ကိုင်အဖွဲ့များ ယုံကြည် အောင် တပ်မတော် ကာကွယ်ရေးဦးစီးချုပ်က လုပ်ဆောင်နိုင်မှသာ ဖြစ်နိုင်ပါလိမ့်မည်။ တပ်မတော် ကာကွယ်ရေး ဦးစီးချုပ်အနေနှင့် လက်ရှိ နိုင်ငံရေး ဆွေးနွေးပွဲများနှင့် တိုက်ပွဲများကို ယုံကြည်မှု ရယူရာတွင် အသုံးချနိုင်ဖို့ ဖြစ်ပါသည်။ သို့မဟုတ်ပါက ထာဝရ ငြိမ်းချမ်းရေးဆီသို့ သွားရာလမ်းသည် လမ်းတစ်ဝက်တွင် တဝဲလည်လည် ဖြစ်နေမည်ကို စိုးရိမ်ပါသည်။
လက်ရှိ ဖြစ်ပေါ်နေသော နိုင်ငံရေး ပြဿနာများ၊ လက်နက်ကိုင် ပြဿနာများသည် ဒို့တာဝန် အရေး သုံးပါးကို ခြိမ်းခြောက်နေသော အန္တရာယ်များဟု တပ်မတော်နှင့် တပ်မတော်ခေါင်းဆောင်ဟောင်းများ ဖြစ်ကြသော တာဝန်ရှိသူ အသီးသီးက ယူဆနေသမျှ ကာလပတ်လုံး တပ်မတော်သား ကိုယ်စားလှယ်များ ဆက်လက် ထားရှိနေမည်သာ ဖြစ်ပါသည်။ သို့သော် ပြန်လည်စဉ်းစားစေချင်သည် မှာ ယခုကဲ့သို့ သေနတ်နှင့် ချိန်ထားခြင်းသည် တပ်မတော်နှင့် အရပ်ဘက် ယုံကြည်မှု တည်ဆောက်ရေးကို အဟန့်အတား ဖြစ်စေပါသည်။ တပ်မတော်သား ကိုယ်စားလှယ် ၂၅ ရာခိုင်နှုန်း ကို ဖယ်ထုတ်လိုက်လျှင် တိုင်းရင်းသား လက်နက်ကိုင် အင်အားစုများသည် ဒို့တာဝန် အရေးသုံးပါးကို ထိခိုက်စေလိမ့်မည်ဟု ယခုအချိန်တွင် တထစ်ချ ပြောနိုင်သည် မဟုတ်ပါ။ ၇၅ ရာခိုင်နှုန်းသော လွှတ်တော် ကိုယ်စားလှယ်များမှာ တပ်မတော်သားများလောက် ဒို့တာဝန် အရေးသုံးပါးကို ထိန်းသိမ်း စောင့်ရှောက်နိုင်ခြင်း မရှိဟု ထင်မြင် ယူဆရာလည်း ရောက်ပါသည်။ သမိုင်းကို မမေ့သင့်သည် မှန်သော်လည်း မြန်မာပြည်၏ လွတ်လပ်ရေး ကြိုးပမ်းမှု သမိုင်း၊ သောင်းကျန်းသူ နှိမ်နင်းမှု သမိုင်းထဲမှ တပ်မတော်၏ အခန်းကဏ္ဍကို ယခုအချိန်ထိ စားမြုံ့ပြန် ပြောနေရမည့်အချိန် မဟုတ်ပါ။ ခေတ်ရော စနစ်ပါ လုံးဝ ကွဲပြား ခြားနေသည့် အချိန်အခါ ဖြစ်ပါသည်။ တပ်မတော် ကြုံတွေ့ခဲ့ရသော နိုင်ငံရေး သမိုင်းကြောင်းနှင့် ယှဉ်ထိုးကြည့်လျှင် လက်ရှိ အနေအထားသည် ဒို့တာဝန် အရေး သုံးပါးအတွက် တပ်မတော် စိုးရိမ်သကဲ့သို့ များစွာ စိုးရိမ်စရာမလိုသော အခြေအနေဟု ယူဆပါသည်။ ထာဝရ ငြိမ်းချမ်းရေးရဖို့ဆိုလျှင် ယခင်ကကဲ့သို့ လက်နက်ကိုင် ဖြေရှင်းသည့် လမ်းစဉ်သည် အသုံးမဝင်တော့ ဘဲ လက်နက်ကိုင် အင်အားစုများ ပြောနေကြသော နိုင်ငံရေးကို နိုင်ငံရေးနည်းဖြင့်သာ ဖြေရှင်းရမည် ဟူသော လမ်းစဉ်ကို မဖြစ်မနေ လိုက်ရတော့မည် ဖြစ်ပါသည်။
ယခုလည်း နိုင်ငံရေး ဆွေးနွေးပွဲများကို ကြားသိရသည်မှာ ကျေနပ်ဖွယ် အနေအထားဟု ယူဆပါသည်။ လက်နက်ကိုင်အဖွဲ့ အားလုံးလိုလိုတွင် သမ္မတ သို့မဟုတ် သမ္မတ တာဝန်ခံသော အဖွဲ့နှင့် ပြောဆို ဆက်ဆံခွင့် ရနေသည်မှာ ထင်ထားသည် ထက် လက်ဖြန့်ထားသော တပ်မတော် ခေါင်းဆောင်ဟောင်းများ၏ ငြိမ်းချမ်းရေးအပေါ် စိတ်ပြင်းပြမှု ကို တွေ့ရှိနိုင်ပါသည်။ ဤအချက်ကို လက်ရှိ တပ်မတော်နှင့် တိုင်းရင်းသား လက်နက်ကိုင် ခေါင်းဆောင်ပိုင်းက သဘောပေါက် နားလည်ရန် လိုအပ်ပါသည်။
ဤနေရာတွင် အလျဉ်းသင့်၍ ဖော်ပြလိုသည်မှာ Suzonne Dimaggio နှင့် Priscilla Clapp တို့ ရေးသားပြီး ဆရာ ခင်မောင်ညို ဘာသာပြန်ထားသည့် ‘မြန်မာလျှောက်ရမည့် ခြေလှမ်း ဆယ်လှမ်း’ (10 Steps Myanmar Must Take) ထဲမှ ပထမဆုံး ခြေလှမ်း ဖြစ်ပါသည်။ ဘာသာပြန်ထားသည်မှာ ‘နိုင်ငံ၏ စီးပွားရေးတွင် တပ်မတော်က လွှမ်းမိုးမှုကို ဖယ်ရှားခြင်း မပြုနိုင်သေးလျှင် တိုင်းရင်းသား များနှင့် နိုင်ငံရေးအရ ပြန်လည်သင့်မြတ်မှု၊ စီးပွားရေး ဖွံ့ဖြိုး တိုးတက်မှုတို့ ရရှိရန် အလှမ်းဝေး နေပါဦး မည်။ နိုင်ငံ၏ ဆင်းရဲ နွမ်းပါးမှုကို သက်သာရာ ရစေမည့် စီးပွားရေး ဖွံ့ဖြိုးစေရန် နိုင်ငံ၏ ပြုပြင် ပြောင်းလဲမှုက ဆောင်ရွက် မပေးနိုင်လျှင် မတည်မငြိမ်ဖြစ်မှု၏ ခြိမ်းခြောက်သည့် ဒဏ်ကို အမြဲတမ်း ခံနေရမည်’ ဟူ၍ ဖြစ်ပါသည်။ နိုင်ငံ ပြုပြင်ပြောင်းလဲရေးတွင် အလေးထား စဉ်းစားသင့်သော အချက် တစ်ချက် ဖြစ်ပါသည်။ ဆိုလိုသည်မှာ နိုင်ငံရေး တည်ငြိမ်မှသာ တပ်မတော်၏ အခန်းကဏ္ဍကို လျှော့ချမည် ဆိုခြင်းသည် အလုပ်ဖြစ်မည် မဟုတ်၊ တပ်မတော်၏ နိုင်ငံရေး၊ စီးပွားရေးတွင် ပါဝင်မှုကို ပြောင်းလဲနိုင်မှသာ နိုင်ငံရေးအရ ခြိမ်းခြောက်မှုများ လျော့နည်းသွားနိုင်စရာ ရှိသည်ဟု ဆိုလိုချင်ဖွယ် ရှိပါသည်။
လက်ရှိတွင် အခြေခံဥပဒေ ပြင်ဆင်ဖို့ဆိုလျှင် မူအရ လွှတ်တော် ကိုယ်စားလှယ်များ အပေါ်တွင် မူတည်နေသော်လည်း လက်တွေ့တွင် ထိပ်ပိုင်း ခေါင်းဆောင်များဖြစ်သော နိုင်ငံတော် သမ္မတ၊ လွှတ်တော် ဥက္ကဋ္ဌများနှင့် တပ်မတော် ကာကွယ်ရေးဦးစီးချုပ်တို့အပေါ်တွင် မူတည်သည်ဟု ယူဆသဖြင့် အထက်ပါ ခေါင်းဆောင်များအား တိုက်တွန်းရခြင်း ဖြစ်ပါသည်။ ၂၅ ရာခိုင်နှုန်းကို ဖယ်ထုတ်ဖို့ စဉ်းစားခြင်းသည် ဖြစ်နိုင်ခြေ နည်းသည်။ လက်တွေ့မကျဟူသော တုံ့ပြန်မှုများကို ပြောချင်သည်မှာ မြန်မာနိုင်ငံ ယခုအနေအထားသို့ ရောက်ရှိလာခြင်းသည် လွန်ခဲ့သောနှစ်အနည်းငယ် ကာလအတွင်းတွင် ၂၅ ရာခိုင်နှုန်း ဖယ်ထုတ်ခြင်းထက် ပိုမို နည်းပါးသော ဖြစ်နိုင်ခြေသာ ရှိပါသည်။ ယခင် အစိုးရက ဗိုလ်ချုပ်ကြီးဟောင်း ဖြစ်ခဲ့သူ ယခုသမ္မတဦးသိန်းစိန် လက်ထက်တွင်မှ အံ့ဖွယ်သရဲ လုပ်ဆောင်မှုများ တစ်ခုပြီး တစ်ခုပေါ်ပေါက်လာရာ ၂၅ ရာခိုင်နှုန်း ကိစ္စသည်လည်း အံ့ဖွယ်သရဲ လုပ်ဆောင်မှု တစ်ခုအဖြစ် ဖြစ်နိုင်ခြေ ရှိသည်ဟု ယူဆသဖြင့် တိုက်တွန်းလိုက်ရခြင်း ဖြစ်ပါသည်။
 Written by  မောင်သောင်းဖေ 
Credit To The Voice Weekly
Read More »

လူကိုလည်းချစ် မူကိုလည်းစစ်ပါ


၁၉၈၈ ခုနှစ်ကတည်းက ကျွန်တော် နိုင်ငံရေး လုပ်ခဲ့ပါတယ်။ ဒီမိုကရေစီရရှိရေး ဒို့အရေးဆိုတဲ့ ကြွေးကြော်သံ (Slogan) မပေါ်ခင် ကာလကတည်းက စမ်းတဝါးဝါးနဲ့ အာဏာရှင်စနစ်ကို စတင် ဆန့်ကျင်ခဲ့ကြကတည်းကပါ။ (March 19 ,1988)
ဒါပေမဲ့ ဘယ်တုန်းကမှ ရှေ့တန်းကိုထွက်ပြီး လူသိထင်ရှား နိုင်ငံရေးသမားဖြစ်ဖို့ မကြိုးစားခဲ့ဖူးပါဘူး။ သာမန် လူတစ်ယောက်ရဲ့ ရိုးစင်းတဲ့ ဘဝကို နှစ်ခြိုက်တဲ့ အကျင့်စရိုက်နဲ့အညီ မထင်မရှား သာမန်လူ တစ်ယောက် ဘဝနဲ့ အာဏာရှင်စနစ် ပြိုလဲ ကျဆုံးပြီး ဒီမိုကရေစီ ပေါ်ပေါက်ထွန်းကားရေး အလုပ်တွေ မှာ သာမန် နိုင်ငံရေးသမား တစ်ယောက် အဖြစ်နဲ့ပဲ တောက်လျှောက် ပါဝင်ခဲ့တယ်လို့ ဆိုရမယ် ထင်ပါတယ်။
သာမန် နိုင်ငံရေးသမား တစ်ယောက်သာ ဖြစ်ခဲ့တယ်ဆိုပေမယ့် ဒီမိုကရေစီကိုတော့ ရာနှုန်းပြည့် ယုံကြည်တဲ့ လူတစ်ယောက် ဖြစ်ပါတယ်။ ဒီမိုကရေစီဆိုရင် စံနှုန်းပြည့် ထွန်းကားတာကို မြင်လိုတဲ့ လူတစ်ယောက် ဖြစ်ပါတယ်။
ဒါကြောင့် လက်တွေ့မှာ ဖြစ်ထွန်း ရရှိနေတဲ့ Semi Democracy ကို ဒီမိုကရေစီ အပြည့်အဝရဖို့ တစ်ခုတည်းသော အခြေခံ အကြောင်းတရားအဖြစ် လက်တွေ့ကျကျ ရှုမြင် ခံယူထားပါတယ်။ အပြည့်အဝ မဟုတ်လို့ လက်မခံဘူးလို့ ငြင်းမနေဘဲ အပြည့်အဝရတဲ့အထိ လက်တွေ့ အခြေအနေကို အသုံးချပြီး တတ်စွမ်းသမျှ အုတ်တစ်ချပ် သဲတစ်ပွင့် ပါဝင် ထမ်းရွက်နေခြင်း ဖြစ်ပါတယ်။
ဒီမိုကရေစီနဲ့ သက်ဆိုင်သမျှ သဘောတရားတွေ၊ အတွေးအခေါ်တွေကို ဒီနေ့အထိ တောက်လျှောက် လေ့လာ ဆည်းပူးပြီးတော့ ဒီမိုကရေစီရေးအတွက် တတ်စွမ်းသမျှလည်း ကြိုးပမ်း လုပ်ဆောင်နေတာ ဖြစ်ပါတယ်။
ကျွန်တော်တို့ နိုင်ငံရဲ့ အာဏာရှင်စနစ် ဆန့်ကျင်ရေးနဲ့ ဒီမိုကရေစီ တည်ဆောက်ရေး ကြိုးပမ်းမှုကြီးမှာ ဒေါ်အောင်ဆန်းစုကြည်ဟာ လူထုခေါင်းဆောင် ဒီမိုကရေစီ ခေါင်းဆောင် ဖြစ်တယ်ဆိုတာလည်း အပြည့်အဝ လက်ခံပြီး ဒေါ်အောင်ဆန်းစုကြည်ရဲ့ မူဝါဒတွေကို နိုင်ငံရေး လမ်းညွှန်အဖြစ် လက်ခံ ကျင့်သုံး ဆောင်ရွက်ခဲ့ပါတယ်။ ဒေါ်စုကို ပုဂ္ဂိုလ်ရေးအရ ချစ်ခင် လေးစားသလို မူဝါဒရေးရာအရလည်း ဒေါ်စုရဲ့ယုံကြည်ချက် ခံယူချက်ကို ဟိုးအစကတည်းက သိအောင် မြင်အောင် ကြိုးစားပြီး ဘာပဲလုပ်လုပ် ဒေါ်စု မူဝါဒတွေ သဘောထားတွေနဲ့ လိုက်လျောညီထွေဖြစ်အောင် အထူးဂရုပြု လုပ်ဆောင်ခဲ့ပါတယ်။ နောက်ဆုံး ၁၉၉၆ ခုနှစ်မှာ အဖမ်းခံခဲ့ရတော့ စစ်ကြောရေးမှာ အဲဒီကာလက ဒေါ်စုရဲ့ အဓိက နိုင်ငံရေး သဘောထားဖြစ်တဲ့ အမျိုးသား ရင်ကြားစေ့ရေးကို လက်ခံသလားလို့ မေးတော့ လက်ခံတာ မဟုတ်ဘူး ယုံကြည်တာလို့ ခေါင်းမာမာနဲ့ ဖြေခဲ့ပါတယ်။
အဲဒီ သဘောထား ရှိလို့ကတော့ ခင်ဗျား ထောင်ကျပြီလို့ ခြိမ်းခြောက်ပါတယ်။ ကျွန်တော်က မကြောက်တဲ့အပြင် ကျွန်တော့်ကို လေးရက် လုံးလုံး ထမင်းလည်း မကျွေး၊ အိပ်ခွင့်လည်း မပေးဘဲ ငုတ်တုတ်ကြီး နောက်ပြန် လက်ထိပ်ခတ်ထားပြီး အလှည့်ကျ လာလာနှိပ်စက်နေတဲ့ ဆရာသမားတွေ ကို ကြည့်ပြီး ရယ်မိပါတယ်။
အမျိုးသား ရင်ကြားစေ့ရေးဆိုတာ ခင်ဗျားတို့ကို ရန်လုပ်တာ မဟုတ်ဘူး။ အခု ကျွန်တော့်ကိုစစ်နေတဲ့ ခင်ဗျားတို့ရဲ့ အကျိုးစီးပွားဖြစ်သလို တိုင်းပြည်နဲ့ လူထု တစ်ရပ်လုံးရဲ့ အကျိုးစီးပွားလည်း ဖြစ်တယ်လို့ ပြောတော့ ကျွန်တော့်ဆီ ထလာပြီး ထုပါတယ်။ပြီးတော့ ကျွန်တော် ထောင်ထဲမှာ နှစ်ရှည်လများ နေခဲ့ရပါတယ်။
အဲဒီတုန်းက အကြီးအကျယ် ပင်ပန်းဆင်းရဲ ဖြစ်နေတာကို သတိမေ့နေပြီး မူဝါဒအတိုင်း ရဲရဲရပ်တည် နိုင်လို့ ကျွန်တော့်ကို ခတ်ထားတဲ့ လက်ထိပ်က တအား ကျပ်နေလို့ လက်ကောက်ဝတ်တွေ နာကျင်နေတဲ့ ကြားထဲကပဲ ကိုယ့်ကိုယ်ကိုယ် ဂုဏ်ယူစိတ်နဲ့ ကျိတ်ပြုံးမိတာ ခုထိ အမှတ်ရနေပါသေး တယ်။ အဲသလောက် သတ္တိကောင်းမယ်လို့လည်း ဘယ်တုန်းကမှ ကိုယ့်ကိုယ်က်ိုယ် ထင်မထားခဲ့ ပါဘူး။
ကျွန်တော် အဓိက ပြောချင်တာက မူဝါဒနဲ့ လူပုဂ္ဂိုလ် အကြောင်းပါ။ကျွန်တော်က ဒေါ်စုကို အခုအချိန်ထိ မိခင်တစ်ယောက်လို လေးစား ချစ်ခင်စိတ် ရှိပါတယ်။ ဗိုလ်ချုပ်သမီးဖြစ်ရုံ သက်သက်ကြောင့် မဟုတ်ဘဲ ဒီမိုကရက်တစ် စစ်စစ် တစ်ယောက်ဖြစ်လို့ပါ။ ပြီးတော့ နိုင်ငံနဲ့ လူထု အပေါ်ထားတဲ့ ဒေါ်စုရဲ့ စေတနာကို ယုံကြည်လို့ပါ။
နိုင်ငံရေးလောကမှာ ဂိုဏ်းဂဏ ကွဲပြားတဲ့ အလေ့အထ ထွန်းကားတဲ့ ကျွန်တော်တို့ တိုင်းပြည်ရဲ့ နိုင်ငံရေးမှာ ဒေါ်စုကို လူထုခေါင်းဆောင်အဖြစ် နိုင်ငံရေး အင်အားစု အများစုက တညီတညွတ် လက်ခံထားကြရတာဖြစ်ပြီး ဒေါ်စုကလည်း ဒီမိုကရေစီ လိုလားသူများကို စိတ်ဓာတ်ရေးရာအရ စုစည်းပေးနိုင်ခဲ့တာ ဖြစ်ပါတယ်။ ညီညွတ်ဖို့ ခက်ခဲတဲ့ နိုင်ငံရေးလောကမှာ အားလုံး လက်ခံနိုင်တဲ့ ခေါင်းဆောင်ဆိုတာ မဖြစ်မနေ လိုအပ်တာ ဖြစ်ပါတယ်။
ကျွန်တော်တို့ တိုင်းပြည်မှာ ဒီမိုကရက်တစ်ဆိုတာ ထင်သလောက် ပေါပေါများများ မရှိသေးပါဘူး။ ဝါဒမတူရင် ရန်သူလို့ မြင်တဲ့သူတွေ များနေတုန်းပါ။ ဒေါ်စုက ဒီမိုကရက်တစ် စစ်စစ်ဖြစ်ပြီး ပြည်တွင်း ပြည်ပက လေးစား ကြည်ညိုတဲ့ ခေါင်းဆောင် ဖြစ်ပါတယ်။
ဒေါ်စုဟာ ဒီမိုကရေစီ ခေါင်းဆောင်တစ်ယောက် ဖြစ်တယ်ဆိုတဲ့ အချက်ကြောင့်လည်း ဒီမိုကရေစီ စနစ်ကို ပြောင်းလဲဖို့ တွန်းအားတစ်ခု ဖြစ်ခဲ့တယ်ဆိုတာ ငြင်းလို့ မရနိုင်ပါဘူး။
ကျွန်တော်က နိုင်ငံရေး လောကမှာ ရှိစဉ်အခါကတည်းက ဒေါ်စုကို လေးစားချစ်ခင်တဲ့စိတ် ရှိသလို ဒေါ်စုရဲ့ မူဝါဒတွေကိုလည်း အရင်ကတည်းက အာရုံစိုက်ခဲ့ပါတယ်။
ကျွန်တော့်မှာ ဒေါ်စုနဲ့ သဘောထားကွဲလွဲတဲ့ ကိစ္စတချို့ ရှိနေပြီး မတူညီတဲ့ နိုင်ငံရေး အတွေးအခေါ် တချို့ ရှိပေမယ့် အဓိကကျတဲ့ စစ်မှန်ခိုင်မာသော ဒီမိုကရေစီ တည်ဆောက်ရေးဆိုတဲ့ အချက်ကိုတော့ ကျွန်တော်နဲ့ အတူ ဒီမိုကရေစီကို ယုံကြည်သူ အားလုံးက ဒေါ်စုနဲ့ ဘယ်သောအခါမှ ကွဲလွဲမှာ မဟုတ်သလို နိုင်ငံနဲ့ လူထုအပေါ် ထားရှိတဲ့ စေတနာပိုင်းနဲ့ ပတ်သက်ရင် အားလုံးက အပြည့်အဝ ယုံကြည်တဲ့ ခေါင်းဆောင်ဆိုတာ ဘယ်သူမှ မငြင်းနိုင်ပါဘူး။ လူပုဂ္ဂိုလ်ကို လေးစား ချစ်ခင်စိတ်ကို အဲဒီ လူပုဂ္ဂိုလ်ရဲ့ မူဝါဒနဲ့ ရောထွေးပစ်လို့ လုံးဝမရပါဘူး။ နိုင်ငံရေးမှာ ပုဂ္ဂိုလ်ခင်လို့ တရားမင်တယ် ဆိုတာမျိုး မဖြစ်သင့်ပါဘူး။
တကယ် ယုံကြည်လောက်တဲ့ ပုဂ္ဂိုလ်ဆိုပေမယ့် သူ့ရဲ့မူဝါဒတွေကို စေ့စေ့စပ်စပ် လေ့လာပြီး သေသေချာချာ သိရှိနားလည်အောင် လုပ်သင့်ပါတယ်။
ကိုယ်လုပ်လိုက်တဲ့ အလုပ် တစ်ခုက ကိုယ့်ခေါင်းဆောင်ဖြစ်သူရဲ့ မူဝါဒနဲ့ ဆန့်ကျင်နေမလား အရင် စဉ်းစားဖို့ လိုပါတယ်။အထူးသဖြင့် ဒေါ်စုနဲ့ ပတ်သက်ရင် NLD ပါတီဝင်တွေအနေနဲ့ အထူး အလေးအနက် ထားသင့်ပါတယ်။ ကျွန်တော်က ဘယ်တုန်းကမှ ဘယ်ပါတီ ဘယ်အဖွဲ့အစည်းထဲကိုမှ မဝင်ခဲ့ဖူးပါဘူး။ ဒါပေမဲ့ စောစောက ပြောခဲ့သလိုပဲ နိုင်ငံရေးလုပ်စဉ် ကာလတုန်းက ဒေါ်စုကို ဒီမိုကရေစီခေါင်းဆောင်လို့ လက်ခံ ယုံကြည်ခဲ့တာနဲ့အညီ သူ့မူဝါဒတွေ သဘောထားတွေကို အစဉ်သဖြင့် လိုက်နာခဲ့ပါတယ်။ ၁၉၉၆ အထိ ကျွန်တော် ဒေါ်စုအိမ်မှာပဲ အမြဲတမ်းလိုလိုရှိနေခဲ့ပေမယ့် ဘယ်တုန်းကမှ ဒေါ်စု မျက်နှာသာပေးအောင် နေရာရအောင် မကြိုးစားခဲ့ပါဘူး။ပါတီဝင်တွေထဲက မူဝါဒတွေနဲ့ လွဲချော်တာများ လုပ်နေတာတွေ့ရင် သတိပေးတတ်တဲ့အတွက် အငြိုငြင်ခံရတာ ခဏခဏပါပဲ။ ပါတီ ဆန့်ကျင်ရေးသမားလို့ ကင်ပွန်းတပ်တာတောင် ခံခဲ့ရပါတယ်။
တကယ်တမ်းက ကျွန်တော်ဟာ ပါတီဝင် မဟုတ်ပေမယ့် ဒေါ်စုရဲ့ မူဝါဒတွေကို အလေးထားခဲ့တဲ့ ဒေါ်စုကို နားလည်တဲ့ အနည်းငယ်မျှသော နိုင်ငံရေးသမားတွေထဲက တစ်ယောက် ဖြစ်ခဲ့ပါတယ်။ မူနဲ့ လူ ခွဲခြား နားလည်ဖို့ တော်တော် အရေးကြီးပါတယ်။ ခေါင်းဆောင်လို့ သဘောထားရင် အထူးသဖြင့် နိုင်ငံရေး ပါတီများမှာ ခေါင်းဆောင်ရဲ့ မူဝါဒတွေကို အလေးဂရုပြုကြဖို့တော့ မဖြစ်မနေလိုအပ်ပါတယ်။
ဒီမိုကရေစီ သဘောတရားအရ လွတ်လပ်စွာ သဘောထား ကွဲလွဲခွင့်ရှိတာ မှန်ပေမယ့် ဒါကို မူဝါဒများ အတိုင်း တိတိကျကျ လိုက်နာ ဆောင်ရွက်ရေးဆိုတဲ့ အချက်နဲ့တော့ ရောထွေးပစ်လို့ မရပါဘူး။
ပါတီဝင်များ အားလုံးဟာ ပါတီ မူဝါဒတွေကို သိအောင်လုပ်ပြီး မူဝါဒများနဲ့ ကိုက်ညီအောင် ခိုင်ခိုင်မာမာ ရပ်တည်ဖို့ လိုပါတယ်။ NLD ပါတီထဲကဖြစ်ဖြစ် ပါတီဝင်မဟုတ်တဲ့ တခြား နိုင်ငံရေး အင်အားစုတွေထဲက ဒေါ်စုကို ခေါင်းဆောင်အဖြစ် သတ်မှတ်ထားပေမယ့် ဒေါ်စု မူဝါဒတွေနဲ့ ဆန့်ကျင် လုပ်ဆောင်တာတွေ ဟိုတုန်းကတည်းက ရှိခဲ့တာပါ။
တချို့ဆိုရင် နိုင်ငံရေးအရ ကိုယ်ရပ်တည်လို့ ကောင်းဖို့ နာမည်ရဖို့ ဒေါ်စုကို ခေါင်းဆောင်ပါလို့ ထုတ်ပြောမှ အလုပ်ဖြစ်မှာမို့ အပေါ်ယံအားဖြင့် ခေါင်းဆောင်အဖြစ် လက်ခံထားပြီး လက်တွေ့မှာ ဒေါ်စုကို ဆန့်ကျင်ချင်တဲ့ လူတွေလည်း ရှိခဲ့ပါတယ်။
ဒေါ်စုက ပင်ကိုသဘာဝအရ ပွင့်ပွင့်လင်းလင်း ပြောတတ် ဆိုတတ်ပါတယ်။ မကြိုက်ရင် မကြိုက်တဲ့ အကြောင်း တည့်တည့် ပြောတတ်ပါတယ်။ စစ်အစိုးရ လက်ထက်ကဆိုရင် ဒေါ်စုရဲ့ ပွင့်လင်းတဲ့စရိုက် သဘာဝကို အစိုးရက နားမလည်တဲ့အတွက် ပြဿနာတွေဟာ ပိုကြီးခဲ့ရတယ်လို့တောင် ပြောနိုင် ပါတယ်။ ဒေါ်စုက တပ်ကို အမှန်တကယ် ချစ်ခင်တဲ့စိတ် ရှိပါတယ်။ ဒါပေမဲ့ ဝေဖန်စရာရှိရင် မထောက်မညှာ အမှန်အတိုင်း တည့်တည့် ဝေဖန်လေ့ရှိတာကို စစ်အစိုးရက တမင် တိုက်ခိုက်တယ် လို့ပဲ ယူဆခဲ့တာပါ။ တကယ် အစစ်အမှန်က ဒေါ်စုပြောခဲ့သလို ဒေါ်စုရဲ့မူက အမျိုးသားပြန်လည် ရင်ကြားစေ့ရေး မူသာ ဖြစ်ပါတယ်။
အစိုးရက အမျိုးသား ပြန်လည် စည်းလုံးညီညွတ်ရေးလို့ ပြောတယ်။ ကျွန်မတို့က အမျိုးသား ပြန်လည် ရင်ကြားစေ့ရေးလို့ ပြောတယ်။ တကယ်ဆို ရင်ကြားစေ့ရေး အရင်လုပ်နိုင်မှ စည်းလုံး ညီညွတ်ရေး ဖြစ်နိုင်မှာပါလို့ အမြဲ ပြောလေ့ရှိပါတယ်။
အခုဆိုရင် ဒေါ်စုက သမ္မတရာထူး ဝင်ပြိုင်ဖို့ အတိအလင်း ပြောလာလေတော့ သူ့ကို လူထုထောက်ခံ တဲ့ ပမာဏ လျော့နည်း ကျဆင်းအောင် စကား တစ်လုံးချင်း၊ ခြေ တစ်လှမ်းချင်းကအစ စောင့်ကြည့်ပြီး လူထုနဲ့ လှည့်တိုက်ဖို့ လုပ်လာတာလည်း အထင်အရှား တွေ့နိုင်ပါတယ်။ အမှန်တရား ဒါမှမဟုတ် သူယုံကြည်တဲ့အတိုင်း ပြောဖို့ သူ့ မူဝါဒအတိုင်း အခိုင်အမာ ရပ်တည်ဖို့ ဒေါ်စုက ဘယ်သောအခါမှ တွန့်ဆုတ် မနေပါဘူး။ လူထုက နားလည်မှု လွဲသွားနိုင်တယ်ဆိုတာ သိပေမယ့် အမှန်ကို ရဲရဲပြောလေ့ ရှိပါတယ်။ သူ့စေတနာကို ကျွန်တော်တို့ ယုံကြည်ကြသလို ဒေါ်စုကလည်း သူ့ဘာသာ ယုံကြည်စိတ် အပြည့်အဝ ရှိပါတယ်။
ခေါင်းဆောင် တစ်ယောက်အနေနဲ့ ဒီလို မူဝါဒအတိုင်း အခိုင်အမာ ရပ်တည်တဲ့ ဒီမိုကရက်တစ် စစ်စစ် တစ်ယောက်ဖြစ်လို့သာ ပြည်တွင်း ပြည်ပ ထောက်ခံမှု ရရှိခဲ့တာဖြစ်ပြီး ကျွန်တော်တို့ နိုင်ငံ ဒီမိုကရေစီ ဖြစ်ထွန်းဖို့နဲ့ သူ့ရပ်တည်ချက်ဟာ ကျွန်တော်တို့ လူထု လွတ်လပ်ခွင့်၊ ဖွံ့ဖြိုး တိုးတက်ခွင့်တွေရဖို့ တွန်းအားတွေ ဖြစ်ပေါ်စေခဲ့တာ ဘယ်သူမှ မငြင်းနိုင်တဲ့ကိစ္စ ဖြစ်ပါတယ်။
လက်ရှိအချိန်မှာလည်း အချို့သော နိုင်ငံရေးသမားတွေက ဒေါ်စုကို ခေါင်းဆောင်ပါလို့ ခံယူထား သော်လည်း ဒေါ်စု မူဝါဒတွေနဲ့ ဆန့်ကျင်ဘက်တွေ လုပ်နေ ပြောနေတုန်းဆိုတာ စိတ်မကောင်းစရာ မြင်တွေ့ရပါတယ်။
ဒေါ်စုက တိုင်းပြည်နဲ့ လူထု အကျိုးစီးပွားကို အဓိကထားပြီး ဘယ်ပါတီ အဖွဲ့အစည်းနဲ့မဆို လက်တွဲ နိုင်ကြောင်း အတိအလင်း ပြောဆိုပေမယ့် နိုင်ငံရေးလောကက ပုဂ္ဂိုလ်အချို့က ပြည်ခိုင်ဖြိုးနဲ့ ဆို မပေါင်းနိုင်ကြောင်း ပြောဆိုတာ ကြားရပါတယ်။ ဒီကိစ္စဟာ ဒီမိုကရေစီ သဘောတရားအရ သဘောထား ကွဲလွဲတာမဟုတ်ဘဲ အရေးကြီးတဲ့ မူဝါဒရေးရာကို လိုက်နာဖို့ ထိန်းသိမ်းဖို့ ပျက်ကွက် တာ ဖြစ်ပါတယ်။
နှစ်ပေါင်းများစွာ စစ်အာဏာရှင်စနစ်ကို တော်လှန်ခဲ့ကြတာဟာ ပူးပေါင်း ဆောင်ရွက်ဖို့ဖြစ်ပြီး အမြစ်ပြတ် ချေမှုန်းဖို့ မဟုတ်ဘူးဆိုတဲ့ အချက်ကို မေ့လို့ မဖြစ်ပါဘူး။ အမျိုးသား ပြန်လည် စည်းလုံး ညီညွတ်ရေးဆိုတဲ့ မဖြစ်မနေ တည်ဆောက်ဖို့ လိုတဲ့ နိုင်ငံရေး လမ်းစဉ်ကိုလည်း ဆန့်ကျင်ရာ ရောက်ပါတယ်။ ကြားဖြတ် ရွေးကောက်ပွဲ နောက်ပိုင်းမှသာ အစိုးရနဲ့ အတိုက်အခံတို့ ပူးပေါင်း ဆောင်ရွက်မှု စတင်နိုင်ခဲ့တာဖြစ်ပြီး အမျိုးသား ပြန်လည် စည်းလုံး ညီညွတ်ရေးကိုလည်း အစပျိုးနိုင် ခဲ့တာပါ။
အဓိက ပြောချင်တာက ဒေါ်စုကို ခေါင်းဆောင်လို့ သဘောထားပြီး မူဝါဒ ရေးရာကိုတော့ မရည်ရွယ်ဘဲ ဖြစ်စေ၊ ရည်ရွယ်ချက်နဲ့ ဖြစ်စေ ဆန့်ကျင်သလို ဖြစ်နေတတ်တာမျိုးကို သတိပြုကြစေလိုတာ ဖြစ်ပါတယ်။ သဘောထား ကွဲလွဲတာ ပြဿနာ မဟုတ်ပေမယ့် မူဝါဒတွေကို ဆန့်ကျင်သလိုဖြစ်ရင် ခေါင်းဆောင်ကို တန်ဖိုးမထားရာ ရောက်တတ်ပါတယ်။
အမျိုးသား ပြန်လည် စည်းလုံး ညီညွတ်ရေးအတွက် အခုအခါမှာ အမျိုးသား ပြန်လည် ရင်ကြားစေ့ရေး ကို လုပ်ဆောင်နေရဆဲ ဖြစ်ပါတယ်။ ငြိမ်းချမ်းရေးကို တည်ဆောက်ဖို့ ကြိုးစားနေရဆဲ ဖြစ်ပါတယ်။ လူပုဂ္ဂိုလ်ကို ချစ်ခင် လေးစား တာဟာ ကောင်းပါတယ်။ ဒါပေမဲ့ မူဝါဒတွေက ပိုအရေးပါတယ်ဆိုတာ နားလည် သဘောပေါက်ကြဖို့ လိုအပ်နေပါသေးတယ်။ ဒေါ်စုကို လေးစားချစ်ခင်ကြတဲ့ နိုင်ငံရေးသမား များနဲ့ လူထုကသာ ဒေါ်စုရဲ့ မူဝါဒတွေကို သေသေချာချာ သိရှိ နားလည်အောင် ကြိုးစားပြီး အဲဒီ မူဝါဒတွေ အတိုင်း လက်ခံ ကျင့်ကြံကြမယ်ဆိုရင် ခုကျွန်တော်တို့ ကြုံတွေ့နေရတဲ့ ပဋိပက္ခတွေလည်း ဖြစ်နိုင်စရာ မရှိတော့သလ်ို အမျိုးသား စည်းလုံး ညီညွတ်ရေးကိုလည်း အလွယ်တကူ တည်ဆောက် နိုင်ပြီး နိုင်ငံ ပြန်လည် တည်ဆောက်ရေး လုပ်ငန်းဟာလည်း တော်တော်ကြီး ခရီးရောက်နေ လောက်ပြီ ဖြစ်ပါတယ်။
လူကို တအားချစ်တာ၊ တအားမုန်းတာတွေဟာ နိုင်ငံရေးမှာ သိပ်အကျိုး မရှိလှပါဘူး။ ကျွန်တော်တို့ ဟာ အာဏာရှင် စနစ်ကို တော်လှန် ဆန့်ကျင်ကြရင်းနဲ့ အာဏာရှင်တွေကိုပါ မုန်းတီးတဲ့ ခံစားချက် တွေ တော်တော်များများမှာ ရှိခဲ့ကြတာ၊ ရှိနေကြတာ ဖြစ်ပါတယ်။တကယ်တော့ အာဏာရှင်ကို မုန်းတာထက် အာဏာရှင်စနစ်ဆိုတဲ့ မူဝါဒ လမ်းစဉ်ကိုသာ ဆန့်ကျင်ဖို့ လိုအပ်တာ ဖြစ်ပါတယ်။ မဟတ္တမ ဂန္ဒီက ပြောဖူးပါတယ်။ မကောင်းမှုလုပ်တဲ့ လူတွေကို မမုန်းဘူး။ မကောင်းမှုကို မုန်းတယ် ဆိုတဲ့ စကားပါ။
လူကို မမုန်းဘူး (မုန်းစရာ မလိုဘူး) မူကို မုန်းတယ်လို့ ဆိုလိုချင်တာပါ။ မကောင်းတဲ့ မူဝါဒတွေကို ဘယ်သောအခါမှ လက်ခံလို့ မရပါဘူး။ ဘယ်ပုဂ္ဂိုလ် အဖွဲ့အစည်းကပဲ လုပ်သည်ဖြစ်စေ ဆန့်ကျင် ကြရမှာပါပဲ။လူပုဂ္ဂိုလ်တွေဆိုတာကတော့ ပြောင်းလဲတတ်တဲ့ သဘော ရှိလေတော့ မမုန်းသင့်ဘူးလို့ ယူဆပါတယ်။ မကောင်းတာလုပ်တဲ့ လူတစ်ယောက်ဟာ အချိန်မရွေး လူကောင်း ဖြစ်လာနိုင်သလို လူကောင်း သူကောင်းဆိုတာလည်း သူ့ရဲ့ ရပ်တည်ချက် မူဝါဒတွေလွဲရင် အချိန်မရွေး လူဆိုး ဖြစ်သွား နိုင်တယ်ဆိုတာ သတိပြုဖို့ လိုပါတယ်။
ဘုရားရှင် လက်ထက်က အင်္ဂုလိမာလဟာ လူတွေရဲ့လက်ညှိုးပေါင်း ၉၉၉ ချောင်းအထိ ဖြတ်ခဲ့ပြီး နောက်ဆုံး မိခင်အရင်းရဲ့ လက်ညှိုး တစ်ချောင်းကိုတောင် ဖြတ်တော့မယ်ဆဲဆဲ ဘုရားနဲ့တွေ့လို့ အမြင်မှန်လည်းရ ရဟန္တာလည်း ဖြစ်ခဲ့တယ်ဆိုတာ လူတိုင်းလောက်နီးနီး သိကြမယ့် ဥပမာကောင်း တစ်ခုလို့ ထင်ပါတယ်။ ဘယ်လောက် ဆိုးသွမ်းတဲ့သူဖြစ်ဖြစ် အမြင်မှန် ရနိုင်ပါတယ်။
ကောင်းတဲ့ မူဝါဒတွေကို လက်ခံ ကျင့်သုံးရင် လူကောင်း ဖြစ်နိုင်တာပါပဲ။ လူကောင်းတွေ လူဆိုး ဖြစ်သွားတတ်ကြတာဟာလည်း သူတို့ ခံယူကျင့်သုံးတဲ့ လမ်းစဉ်နဲ့ မူဝါဒတွေ အကောင်းကနေ အဆိုး ပြောင်းလဲသွားတာကြောင့်ပဲ ဖြစ်ပါတယ်။ ကောင်းတဲ့အလုပ် လုပ်ရင် အရင်က ဘယ်လောက် ဆိုးခဲ့ ဆိုးခဲ့ လက်ခံရမှာပါပဲ။ ဒါကြောင့် လူကို စဉ်းစားတာထက် မူကို စဉ်းစားတာက ပိုကောင်းပါတယ်။ လူကို အရမ်းချစ်လို့ ဘာလုပ်လုပ် အပြစ်မမြင်နိုင်ဘူး ဆိုတာက နိုင်ငံရေး နယ်ပယ်မှာ မဖြစ်သင့်ပါဘူး။ လူကို အရမ်းမုန်းလို့ မူကိုလည်း ဆန့်ကျင်မယ်ဆိုတာလည်း သဘောထား သေးသိမ်ရာ ရောက်ပါ တယ်။
မူရော လူပါ ကောင်းနေပေမယ့် တစ်ခါတစ်ရံ လုပ်တာကိုင်တာ လွဲတတ်တဲ့ အခါမျိုးမှာလည်း ထောက်ပြ ဝေဖန်ပေးဖို့ လိုအပ်ပါတယ်။
ဆိုးတဲ့ လူတစ်ယောက် တကယ် ကောင်းလာရင်လည်း အရင် ဆိုးခဲ့တာတွေပဲ ပြန်မြင်ပြီး အပြစ်တင်တဲ့အလုပ် လုပ်နေရင် အလုပ်လည်း မဖြစ်သလို ဒါဟာ အဆင့်အတန်းမြင့်တဲ့ စိတ်နေ သဘောထားလည်း မဟုတ်ပါဘူး။
ကျွန်တော်ဆိုရင် စစ်အစိုးရ လက်ထက်က အနှိပ်စက်ခံခဲ့ရပြီး တော်တော် ဆိုးဆိုးရွားရွား ထိခိုက် နာကျင်ခဲ့ရဖူးပါတယ်။ ဘဝ တစ်ခုလုံး ဆုံးရှုံးပျက်စီးပြီး မနည်း ပြန်အဖတ်ဆယ် ခဲ့ရတာပါ။ ဒါပေမဲ့ ကျွန်တော့်ကို နှိပ်စက်ကလူ ပြုခဲ့သူတွေကို လုံးဝ အငြိုးအတေး မထားပါဘူး။ လုံးဝ ခွင့်လွှတ်တဲ့ စိတ်ကိုပဲ မွေးပါတယ်။ နောင်တစ်ချိန် အာဏာရှင်စနစ်ဆိုတဲ့ မူဝါဒ ဆိုးကြီး ခေါင်းထောင်ထလာပြီး ကျွန်တော့်လိုပဲ နောက်ထပ် လူတွေ အနှိပ်စက်မခံရအောင် အတိတ်ကို သင်ခန်းစာအဖြစ် ရယူပြီး ကိုယ့်တိုင်းပြည် ကိုယ့် လူ့အဖွဲ့အစည်းကို အဆင့်မြင့်အောင် (ဒီမိုကရေစီ ဖြစ်ထွန်းအောင်) ပဲ တတ်စွမ်းသမျှ ဝိုင်းဝန်း ကြိုးပမ်းနေပါတယ်။
ဒီတော့ လူကို တအားချစ်တာ၊ လူကို တအားမုန်းတာတွေ လျှော့ပြီး မူဝါဒတွေကိုသာ အဓိက ကြည့်ကြပါလို့ နိုင်ငံရေးသမားတွေ နိုင်ငံရေး ပါတီတွေကိုသာမက လူထုကိုပါ မေတ္တာရပ်ခံ တိုက်တွန်း ခွင့်ပြုပါ ခင်ဗျား။
Credit To The Voice Weekly
Read More »

ဝ အထူးဒေသနှင့် တပ်ပိုင်းဆိုင်ရာ ဆွေးနွေးမှု အဆင်ပြေဟုဆို



 



ရှမ်းပြည်နယ်တောင်ပိုင်းတွင် စစ်ရေးတင်းမာမှု ဖြစ်ပွားခဲ့သော မြန်မာ တပ်မတော်နှင့် ဝ အထူးဒေသ (၂) (ဝ သွေးစည်းညီညွတ်ရေး တပ်မတော်) တို့ တပ်ပိုင်းဆိုင်ရာ ဆွေးနွေးမှု အဆင်ပြေသွားကြောင်း ကာကွယ်ရေးဝန်ကြီးဌာနမှ ဒုတိယဗိုလ်ချုပ်ကြီး အောင်သန်းထွဋ်က ပြောကြားသည်။

အဆိုပါ အကြောင်းအရာကို ဇူလိုင်လ ၁၂ ရက်နေ့က ကျိုင်းတုံမြို့တွင် အစိုးရငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ဦးသိန်းဇော် ဦးဆောင်သော အဖွဲ့နှင့် ဝ အထူးဒေသ (၂) တို့ တွေ့ဆုံဆွေးနွေးမှုအပြီး မီဒီယာများနှင့် တွေ့ဆုံစဉ် ဒုတိယဗိုလ်ချုပ်ကြီးက အထက်ပါအတိုင်း ပြောကြားလိုက်ခြင်း ဖြစ်သည်။

“ဝ တပ်မတော်နဲ့ ကိုယ်တို့ သံသယမရှိပါဘူး။ အာဃာတ အငြိုးအတေးလည်း မရှိပါဘူး။ သူဝိုင်းကိုယ်ဝိုင်း ဆိုတာက အောက်ခြေမှာ တစ်ယောက်နဲ့တစ်ယောက် အထင်မှားတဲ့ သဘောလေးတွေ ရှိတယ်။ အခုလူကြီးတွေ ဆွေးနွေးလိုက်တော့ အဆင်ပြေသွားပါပြီ” ဟု ဒုတိယဗိုလ်ချုပ်ကြီးက ဆိုသည်။

အစိုးရငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ဝ အထူးဒေသ (၂) တို့ တွေ့ဆုံးဆွေးနွေးမှု အပြီးတွင် အချက်ငါးချက်ပါသော နှစ်ဦးနှစ်ဖက် သဘောတူညီမှုကို လက်မှတ်ရေးထိုးနိုင်ခဲ့သည်။ ယင်းသဘောတူညီချက်တွင် ဝ အထူးဒေသ (၂) သည် မြန်မာနိုင်ငံ၏ အရေးကြီးသော အစိတ်အပိုင်း ဖြစ်သည့်အတွက် နိုင်ငံတော်ကို သွေးခွဲခြင်း၊ ခွဲထွက်ခြင်းများ ပြုလုပ်မည် မဟုတ်ဘဲ နိုင်ငံတော်၏ အချုပ်အခြာအာဏာ တည်တံ့ခိုင်မြဲရေးအတွက် ဝ အထူးဒေသ (၂) ၏ စွမ်းရည်များကို ပေးဆောင်သွားမည်ဟုလည်း ဖော်ပြပါရှိသည်။

ပြီးခဲ့သည့် ရက်သတ္တတစ်ပတ် အတွင်းက ရှမ်းပြည်နယ်တောင်ပိုင်းရှိ ဝ အထူးဒေသ (၂) ရှိ ဝ တပ်ဖွဲ့ဝင်များကို တပ်မတော်က ဆုတ်ခွာရန် ညွှန်ကြားသဖြင့် နှစ်ဖက်တပ်များ စစ်ရေးတင်းမာမှုများ ဖြစ်ပွားခဲ့ခြင်း ဖြစ်သည်ဟု ပြည်တွင်းပြည်ပ သတင်းမီဒီယာတို့တွင် ဖော်ပြထားသည်။

ဝ သွေးစည်းညီညွတ်ရေး တပ်မတော်သည် ၁၉၈၉ ခုနှစ်တွင် အစိုးရနှင့် အပစ်အခတ် ရပ်စဲရေး သဘောတူညီခဲ့ပြီး ၂၀၀၇ ခုနှစ်တွင် အစိုးရ၏ နယ်ခြားစောင့်တပ်ကို လက်မခံသည့် လက်နက်ကိုင် အဖွဲ့အစည်း ဖြစ်သည့်အပြင် ဝ ဒေသကို ကိုယ်ပိုင်အုပ်ချုပ်ခွင့်ရ ပြည်နယ် အဖြစ် ပြီးခဲ့သည့် လပိုင်းက တောင်းဆိုထားသည်။

Credit To The Voice Weekly
Read More »

အဂတိလိုက်စားမှု၊ အကျင့်ပျက်ခြစားမှု လာဘ်ပေးလာဘ်ယူမှုနှင့် ကောင်းမွန်သောအုပ်ချုပ်ရေး၊ သန့်ရှင်းသောအစိုးရ


(သိန်းထက်အောင်)

ဤဆောင်းပါး ခေါင်းစဉ်ပါ အဂတိ လိုက်စားမှု၊ အကျင့်ပျက် ခြစားမှုနှင့် လာဘ်ပေးလာဘ်ယူမှုတို့သည် အကြမ်းဖျင်းအားဖြင့် အဓိပ္ပာယ်တူသယောင် ရှိသော်လည်း အတိအကျ ဆိုရပါမူ တစ်ခုနှင့် တစ်ခု အဓိပ္ပာယ် အနည်းငယ်စီ ကွဲပြားကြောင်း သတိထားမိပါသည်။ အဂတိ လိုက်စားမှု ဟူသည်မှာ ‘အဂတိ’ ဆိုသော ပါဠိစကားမှ ဆင်းသက်လာခြင်းဖြစ်ပြီး ‘မျက်နှာလိုက်ခြင်း’ ဟူ၍ အဓိပ္ပာယ်ရှိကြောင်း ဆရာဦးထွန်းမြင့်၏ ပါဠိသက် ဝေါဟာရ အဘိဓာန်က ဆိုပါသည်။ အဂတိတရား လေးပါးရှိကြောင်း ၎င်းတို့မှာ-
(၁) ဆန္ဒာဂတိ= ချစ်သဖြင့် တစ်ဖက်သတ် စီရင်ခြင်း၊
(၂) ဒေါသာဂတိ= အမျက်ဒေါသ ကြောင့် တစ်ဖက်သတ် စီရင်ခြင်း၊
(၃) ဘယာဂတိ= ကြောက်ရွံ့သဖြင့် တစ်ဖက်သတ် စီရင်ခြင်း၊
(၄) မောဟာဂတိ=တွေဝေ၍ တစ်ဖက်သတ် စီရင်ခြင်း စသည်တို့ဖြစ်ကြောင်း ‘သုခမှတ်စု’ စာအုပ်တွင် ဖတ်ရှု မှတ်သားရပါသည်။
‘မင်းတို့ မည်သည်ကား အဂတိ လေးပါးသို့ မလိုက်အပ်၊ ချစ်သောအားဖြင့် လည်းကောင်း၊ အမျက်ထွက်သောအားဖြင့် လည်းကောင်း၊ မိုက်သောအားဖြင့် လည်းကောင်း၊ ကြောက်ရွံ့သောအားဖြင့် လည်းကောင်း အဂတိသို့ လိုက်၍ မညီမညွတ် ပြုမူကား ထိုမင်းတို့၏ အစီးအပွားသည် ယုတ်သည် ဖြစ်ရာ၏’ ဟု တောင်ဖီလာ ဆရာတော်၏ ယသဝဎုနဝတ္ထုကို ဥပမာပြု ထားပါသည်။ ထို့အပြင် ‘အဂတိ လေးပါးဖြင့် ဖုံးလွှမ်း၍ မှားသောမင်း ... တို့သည်ကား ... ငရဲလား ရလေ၏’ ဟူ၍လည်း ဆိုထားပြန်ပါသည်။

ထို့ကြောင့် အဂတိ တရားဟူသည် ရှောင်ရှားအပ်သော တရား တစ်နည်း မကျင့်သုံးအပ်သော တရား ဟူ၍ နားလည်ရပါသည်။ အဂတိတရားဟူသည် ကျင့်သုံးသူအတွက် အကျိုး ဆုတ်ယုတ်သကဲ့သို့ အဂတိ လိုက်စား၍ စီရင်ခံရသူအတွက်လည်း များစွာ ထိခိုက်ဆုံးရှုံး နစ်နာရပါသည်။ အဂတိတရား လေးပါးတွင် ဆန္ဒာဂတိ၊ ဒေါသာဂတိ၊ မောဟာဂတိ စသော ဂတိ သုံးပါးတို့မှာ မိမိ၏ စိတ်ဆန္ဒတွင် ဖြစ်ပေါ်၊ ခံစားမှုအရ ဆောင်ရွက် စီရင်သော ကိစ္စများဖြစ်၍ မိမိ၏စိတ်ကို ကောင်းစွာ ပဲ့ပြင် ဆုံးမ နိုင်လျှင် ရှောင်လွှဲနိုင်သော အကြောင်းတရားများ ဖြစ်ကြပါသည်။ ဘယာဂတိဟူသည်ကား မိမိက မဆောင်ရွက်လိုသော်လည်း ကြုံတွေ့လာရမည့် ‘ဘယာ’ကို ကြောက်ရွံ့၍ ဆောင်ရွက်လိုက်ရခြင်း ရှိသကဲ့သို့ မိမိက အမှန်အတိုင်း ဆောင်ရွက်လိုသော်လည်း ‘ဘယာ’ ကို ကြောက်၍ မဆောင်ရွက် လိုက်ရသော အဖြစ်မျိုးလည်း ရှိကြပါသည်။ ဝန်ထမ်း လောကအတွက် ‘ဘယာ’ ဆိုသည်ကား အငြိုးအတေးထား၍ အဝေးသို့ ပြောင်းရွှေ့ခံရခြင်းမျိုး၊ မိမိ၏ ရာထူး တက်လမ်းအတွက် ပိတ်ဆို့ တားဆီးခံရခြင်းမျိုး စသည်တို့အပြင် ပို၍ ရာထူး ကြီးမားသော အထက်လူကြီးဖြစ်ပါက ပို၍ ပြင်းထန် သော ပြစ်ဒဏ် ပေးခံရခြင်း စသည်တို့ကို ကြုံတွေ့ရနိုင်သဖြင့် ဘယာဂတိ ဟူသည်ကား ဝန်ထမ်း များအတွက် ရှောင်လွှဲရခက်သော အဂတိတရား တစ်ပါး ဖြစ်ကြောင်း ဖော်ပြလိုပါသည်။

ဤနေရာတွင် ကိုယ်တွေ့ မဟုတ်သော်လည်း ဥပမာ တစ်ခုတော့ တင်ပြလိုပါသည်။ ကျွန်တော့် သူငယ်ချင်း တစ်ယောက် အညာဒေသ ခရိုင်အဆင့် မြို့ တစ်မြို့တွင် တာဝန်ထမ်းဆောင်စဉ် ကြုံတွေ့ ရသည့် ဖြစ်ရပ် ဖြစ်ပါသည်။ သူက ယစ်မျိုး အရာရှိ တာဝန်ကို ထမ်းဆောင်ရပါသည်။ ယစ်မျိုး ဥပဒေ အရ တစ်နှစ်လျှင် တစ်ကြိမ် ကြော်ငြာ ခေါ်ယူ၍ လိုင်စင် အမျိုးအစား တစ်ခုချင်းအလိုက် ချက်လုပ်/ရောင်းချ လိုသူတို့က လေလံဆွဲ ဝယ်ယူရပါသည်။ လေလံစည်းကမ်းနှင့် ညီညွတ်ပြီး ဈေးအမြင့်ဆုံး ပေးသူကို လိုင်စင်ချ ပေးရပါသည်။ ဤတွင် ထိုဒေသအတွက် လုံခြုံရေး တာဝန်ယူရသူ ဗျူဟာမှူး အဆင့်ရှိ အရာရှိ တစ်ဦးက ၎င်းနှင့် ပတ်သက်ရာ ပတ်သက်ကြောင်း ပုဂ္ဂိုလ် တစ်ဦးကို ယစ်မျိုး လိုင်စင် ချထားပေးလိုသဖြင့် ကျွန်တော်၏ သူငယ်ချင်း ဖြစ်သူကို ခေါ်ယူ ညွှန်ကြားပါသည်။ သူငယ်ချင်း ဖြစ်သူက ယစ်မျိုး ဥပဒေနှင့် လေလံ စည်းမျဉ်းစည်းကမ်းများအရ မဖြစ်နိုင်ကြောင်း အကျိုးသင့် အကြောင်းသင့် ပြန်လည် ရှင်းပြခဲ့ပါသည်။ သို့ရာတွင် ထိုပုဂ္ဂိုလ်၏ မကျေမနပ်ဖြစ်မှု အကျိုးဆက်ကြောင့် တစ်လ အတွင်းမှာပင် ကျွန်တော့် သူငယ်ချင်းမှာ လက်ရှိ ဝေးလံသောနေရာမှ ပို၍ ဝေးသော နေရာသို့ ပြောင်းရွှေ့ခြင်း ခံလိုက်ရပါတော့သည်။

နောက်ဥပမာ တစ်ခုမှာ ရန်ကုန်မြို့တော်ကြီးတွင် ဖြစ်ပါသည်။ တရားရုံးက ဆုံးဖြတ်ပြီးသော အိမ်ရှင် အိမ်ငှား အမှုတစ်ခုနှင့် ပတ်သက်၍ တရားရှုံးသူက သက်ဆိုင်ရာ အဆင့်မြင့် တရားရုံးသို့ အယူခံ မတက်ဘဲ ခရိုင်အဆင့် အုပ်ချုပ်ရေးအဖွဲ့ ဥက္ကဋ္ဌထံ ချဉ်းကပ်ပါသည်။ တရားရုံး၏ တင်ပြချက်ကို အကောင်အထည်ဖော် ဆောင်ရွက်ပေးရန် ခရိုင် ဥက္ကဋ္ဌက မြို့နယ်ဥက္ကဋ္ဌကို ခေါ်ယူတာဝန်ပေးပါသည်။ မြို့နယ်ဥက္ကဋ္ဌက ဥပဒေနှင့် မညီသည့်အတွက် ဆောင်ရွက်ပေးခြင်း မပြုပါ။ ထိုအခါ ခရိုင် ဥက္ကဋ္ဌက မြို့နယ် ဥက္ကဋ္ဌသည် ပေးအပ်သော လုပ်ငန်း တာဝန်များကို ကျေပွန်စွာ အကောင်အထည်ဖော် ဆောင်ရွက်ခြင်း မပြုနိုင်ဟူသော စွဲချက်ဖြင့် အထက်ကို တင်ပြပါသည်။ ရလဒ်ကား ‘သွားလေရော့ လဟယ် ဖြစ်ပါသတည်း’။

သည်တော့ အဂတိတရား လေးပါးအနက် ဘယာဂတိဟူသည် ဝန်ထမ်းများအတွက် ရှောင်လွှဲရခက် သော အဂတိတရား တစ်ပါးဖြစ်ပြီး ရှောင်လွှဲရန်အတွက်မူ စိတ်ဓာတ် ကြံ့ခိုင်ရန်နှင့် အမှန်တရားကို ယုံကြည်ပြီး ပြည်သူ့အကျိုးကိုသာ ရှေးရှုမည်ဟူသည့် သန္နိဋ္ဌာန်သာ ခိုင်ခိုင်မာမာ ချမှတ်ထားရန် လိုအပ်မည် ဖြစ်ပါသည်။

‘အကျင့်ပျက် ခြစားခြင်း’နှင့် ပတ်သက်၍ ဆက်လက် ဆွေးနွေးရပါမူ ‘အကျင့်’ဆိုသည်မှာ ‘စွဲမြဲနေသော အလေ့’ ဟူ၍ မြန်မာ အဘိဓာန်က ဖွင့်ဆိုပါသည်။ အကျင့်ကို စရိုက်နှင့် တွဲ၍ သုံးစွဲကြပါသည်။ ကောင်းသော အလေ့အကျင့်စရိုက် ရှိသကဲ့သို့ မကောင်းသော အလေ့အကျင့် စရိုက်လည်း ရှိပါသည်။ ‘အကျင့်ပျက်’သည်ဟု ဆိုရာတွင် ကောင်းသော အကျင့်စရိုက်များ ပျက်စီးပြီး မကောင်းသော အကျင့်စရိုက်များ လွှမ်းမိုးနေခြင်းကို ဆိုလိုပါသည်။ ကောင်းသော အကျင့်စရိုက် ဆိုသည်က ဘာတွေ ဖြစ်ပြီး မကောင်းသော အကျင့်စရိုက်က ဘာတွေလဲ ဆိုသည်ကတော့ မိမိတို့ လူမျိုး၏ ရိုးရာအစဉ် အလာ ဓလေ့ထုံးစံများက လက်ခံ ကျင့်သုံးခဲ့ကြသော အပြုအမူ၊ အပြောအဆိုများအပေါ် မူတည်၍ ဆုံးဖြတ်ကြပါသည်။ မြန်မာ့ ယဉ်ကျေးမှု ဓလေ့စရိုက် ထုံးစံများသည် ဗုဒ္ဓ၏ အဆုံးအမများအပေါ် အခြေခံသည်ဖြစ်၍ ကောင်းသော အကျင့်၊ မကောင်းသော အကျင့်ဟူ၍ ခွဲခြား ဆုံးဖြတ်ရာတွင် ဗုဒ္ဓ ဟောကြားတော်မူခဲ့သော တရားများနှင့် မည်မျှ ညီညွတ်သည်၊ မညီညွတ်သည် စသည်ဖြင့် တိုင်းတာ ဆုံးဖြတ်ကြပါသည်။

သေရည် သေရက် သောက်စားခြင်းကို ဗုဒ္ဓက တားမြစ်ပါသည်။ ထို့ကြောင့် အရက်သောက်ခြင်းသည် အကျင့်ပျက်ခြင်း ဖြစ်ပါသည်။ တစ်ကြိမ် နှစ်ကြိမ် သောက်ရာမှသည် အကြိမ်ကြိမ် သောက်သည်။ သည်မှ အလေ့အထ ဖြစ်လာသည်၊ စရိုက် ဖြစ်လာသည်။ အရက်သည် အခြားသော မကောင်းမှုများ ကို ဆက်လက် ကျူးလွန်ရန်အတွက် ရဲဆေး ဖြစ်သည်။ ပထမတော့ သူများတိုက်သည်ကို သောက်သည်။ အပေါင်းအသင်းဆုံလျှင် သောက်သည်။ နောက်တော့ ကိုယ်တိုင် ဝယ်သောက်သည်။ အပေါင်းအသင်းမရှိလျှင် တွေ့အောင်ရှာသည်။ မိမိဝင်ငွေ၊ လစာနှင့် မလောက်ငတော့ အပိုဝင်ငွေ ရှာသည်။ သည်တော့ လာဘ်ပေး လာဘ်ယူ ကိစ္စက ပါလာသည်။ သီတင်းကျွတ် ကန်တော့ခြင်းကို အကြောင်းပြ၍ တံစိုးလက်ဆောင် ပေးရာတွင်ပင် အရက်ပုလင်းက အဓိက အခန်းကဏ္ဍက ပါဝင်လာ သည်။

အကျင့်ပျက်ခြင်းသည် အရက် တစ်ခုသာမကပါ။ ကာမဂုဏ်တို့၌ မလျော်သောအမှု ပြုခြင်းသည်လည်း ကိုယ်ကျင့်တရား ပျက်ပြားခြင်းဖြစ်သည်။ အိမ်ထောင်ရှိသူ အထက် အရာရှိသည် မိမိ လက်အောက် ဝန်ထမ်းနှင့် ဖောက်ပြားခြင်း၊ အိမ်ထောင်ရှိသူ အချင်းချင်း ဖောက်ပြန်ခြင်းတို့သည် အကျင့်ပျက်ခြင်း၌ အကျုံးဝင်ပါသည်။ ထိုအခါ ငွေကြေးလိုအပ်ချက် ရှိလာသဖြင့် မလျော်သော နည်းလမ်းဖြင့် ငွေရှာ သည်။ အများပြည်သူနှင့် ထိတွေ့ ဆက်ဆံရသူများအဖို့ လာဘ်လာဘကို မျှော်ကိုးသလို နိုင်ငံတော် ဘဏ္ဍာ၊ အများပိုင်ငွေကို စီမံခန့်ခွဲပိုင်ခွင့် ရှိသူများအနေနှင့် မိမိကိုယ်ကျိုးအတွက် နည်းလမ်းမျိုးစုံ သုံး၍ ကြံရဖန်ရ ပြန်ပါသည်။ အကျင့်ပျက်ခြင်းကို ခြစားခြင်းနှင့် တွဲဖက် အသုံးပြုလေ့ ရှိကြပါသည်။ ‘ခြ’ သတ္တဝါသည် မိမိစားသည့် (သစ် စသည်) အရာဝတ္ထုကို တဖြည်းဖြည်း လုံးပါး ပါးစေ၍ နောက်ဆုံး တွင် အမှုန့် ဖြစ်သွားစေပါသည်။ မိမိ ကိုယ်ကျင့်တရားကို ‘ခြ’ စားခံရသော သူအဖို့ စာရိတ္တ လုံးပါးပါးပြီး နောက်ဆုံးတွင် ဘဝပျက်ရသည့် အကြောင်းများကို မြင်ဖူး တွေ့ဖူးကြမည် ဖြစ်ပါသည်။

ထို့ကြောင့် ‘အကျင့်ပျက်’ ခြင်း မဖြစ်ရအောင် ဘာသာတရား၏ အဆုံးအမကို ခံယူ၊ လိုက်နာ၊ ကျင့်သုံး ပြီး မိမိ ဘဝကို မိမိကိုယ်တိုင် ကောင်းစွာ ဆောက်တည်ခြင်း ပြုမှသာလျှင် ‘ခြ’ စား ခံရခြင်း အန္တရာယ်မှ ကင်းဝေးကြမည် ဖြစ်ပါသည်။

‘လာဘ်’ ဆိုသည်ကို မြန်မာ အဘိဓာန်က ‘ရရှိသော ဥစ္စာပစ္စည်း၊ အကျိုးကိုမျှော်၍ ပေးသောပစ္စည်း၊ တံစိုးလက်ဆောင်’ ဟူ၍ အဓိပ္ပာယ် ဖွင့်ပါသည်။ ကျွန်တော်အထက်မှာ ရေးခဲ့သလို အကြောင်း အမျိုးမျိုးကြောင့် ငွေကြေး ပစ္စည်း လိုအပ်ချက် ရှိလာလျှင် လာဘ်လာဘကို မျှော်ကိုးလာသည်။ လာဘ်ပေး လာဘ်ယူ ဆိုသည့်အတိုင်း ပေးသူနှင့် ယူသူ နှစ်ဦးနှစ်ဖက် ရှိသည်၊ ပေးသူရှိ၍ ယူသူ ရှိသည်၊ ယူသူ ရှိ၍လည်း ပေးသူက ပေးသည်၊ ပေးသူနှင့် ယူသူ မည်သူက စသနည်းဆိုသော် ‘ကြက်ဥနဲ့ ကြက်မ ဘယ်ကစ’ ဆိုသကဲ့ပင် ဖြစ်ပါမည်။ သို့သော် ယူနေကျ ဖြစ်လာလျှင် ပေးမည့်သူကို မျှော်လာသည်။ ပေးမည့်သူက မပေးလျှင် ပေးချင်အောင် စကား ခေါ်လာသည်၊ မိမိ လုပ်ပေးရမည့် အလုပ်သည် မည်မျှ ခက်ခဲကြောင်း၊ မိမိအနေနှင့် မည်မျှ စွန့်စားရကြောင်း စသည်ဖြင့် စကားခေါ်မည်။ နောက်ဆုံး အဆင့်ကား မပေးလျှင် မိမိဘက်က တာဝန်အရ၊ဝတ္တရားအရ ဆောင်ရွက်ပေးရမည့် အလုပ်ကို အကြောင်းအမျိုးမျိုး ပြ၍ အချိန်ဆွဲမည်၊ ပညာပြမည်။ သည်တော့ အများသူငါ ပြောနေကြ သလို ‘အပိုင်းလေး’ ဆိုသော ‘အပေးလိုင်း’ တစ်လိုင်း သီးသန့် ပေါ်လာခြင်း ဖြစ်ပါသည်။

အစ ပထမတော့ မရှိ၍ တောင်းသည်။ နောက်တော့ ရမှန်းသိတော့ လောဘ တက်လာသည်။ မိမိပုံမှန် တရားသဖြင့် ရသည့် ဝင်ငွေထက် ပိုရလာသောအခါ ပို၍ သုံးချင်လာသည်၊ ဖြုန်းချင်လာသည်၊ မိမိအဆင့်အတန်းနှင့် မလျော်ညီသော ဝတ်မှု၊ စားမှု၊ နေမှုကို တပ်မက်လာသည်။ သာယာလာသည်။ မိမိပတ်ဝန်းကျင်တွင်လည်း အလားတူ မြင်ရတွေ့ရသည့်အခါ အားကျလာသည်။ အထက်အရာရှိ ကလည်း ကိုယ်တိုင် မကင်းနိုင်သည့်အတွက် အဆင့်ဆင့် ဆိုဆုံးမမှု၊ အရေးယူဆောင်ရွက်မှုဟူသည် မရှိတော့သောအခါ လာဘ်ပေး လာဘ်ယူမှုဆိုသည်မှာ တရားဝင်လုပ်ငန်း တစ်ခုလို ဖြစ်လာသည်။ ဌာနအတွင်း မိမိက လာဘ်ပေး လာဘ်ယူ မလုပ်၍ အများနည်းတူ မသုံးနိုင် မစွဲနိုင်သောအခါ မျက်နှာ ငယ်ရသည်။ ငတုံးငအဟု အထင်ခံရသည်။

သို့သော် နေရာတိုင်းတွင် အပိုဝင်ငွေ ရပေါက်ရလမ်းက မရှိ၊ ဒေသတိုင်းတွင်လည်း မရှိ၊ နေရာ ကောင်းမှ ရသည်၊ ဒေသကောင်းမှ ရသည်။ သည်တော့ နေရာကောင်း ရဖို့အရေး၊ ဒေသကောင်း ရဖို့အရေး ကြိုးစားရပြန်သည်။ နေရာ၊ ဒေသကောင်းရမှ အထက်လူကြီးကို ကန်တော့နိုင်မည်။ သို့သော် နေရာကောင်း ရဖို့အတွက် ကြို၍ ပေးရပေဦးမည်။ သည်တော့ ဝန်ထမ်းလောကအတွင်းမှာ ပင် ဈေးကွက် စီးပွားရေးက အောင်မြင်စွာ ဖြစ်ထွန်း ပေါ်ပေါက်နေသည်။ လုပ်ပိုင်ခွင့် များများရှိသည့် နေရာဆိုလျှင် ဈေးပို၍ ကြီးသည်။ စီးပွားရှာ၍ ကောင်းသည့် ဒေသဆိုလျှင် ဈေးက မြောက်သည်။ အချို့ ဌာနများဆိုလျှင် နေရာဒေသအလိုက် ပေါက်ဈေးက သတ်မှတ်ပြီးသား ဖြစ်သည်ဟူ၍ ကြားသိ ရသည်။ စိတ်မကောင်း ဖြစ်ရသည်မှာ အာဏာရှင်ခေတ်ကို ကျော်လွန်၍ ပွင့်လင်း မြင်သာမှုရှိသော သန့်ရှင်းသော အစိုးရနှင့် ကောင်းမွန်သော အုပ်ချုပ်ရေးစနစ်ကို ဖော်ဆောင်နေသည့် ယနေ့လိုအချိန် အခါမျိုးမှာပင် ဤသတင်းမျိုး ကြားသိနေရခြင်းပင် ဖြစ်ပါသည်။

ထို့ကြောင့် အကျင့်ပျက် ခြစားမှု ပပျောက်ရေး၊ အဂတိ လိုက်စားမှု တိုက်ဖျက်ရေး၊ လာဘ်ပေး လာဘ်ယူမှု ဖော်ထုတ် အရေးယူရေးကို ဆောင်ရွက်မည်ဆိုလျှင် အတွင်းစည်းဖြစ်သော အစိုးရဌာန များအတွင်း ရာထူး တိုးမြှင့်ရေး၊ ဝန်ထမ်းများ ပြောင်းရွှေ့ နေရာချထားရေး ကိစ္စများကို ဌာနအလိုက် တိကျ ပြတ်သားသော လုပ်ထုံး လုပ်နည်းများ စနစ်တကျ သတ်မှတ် ပြဋ္ဌာန်းပြီး မိမိဌာနအတွင်း ပွင့်လင်း မြင်သာစွာ ဆောင်ရွက်ဖို့ လိုအပ်မှာ ဖြစ်သလို မိုးကျ ရွှကိုယ်များအား တာဝန်ပေးအပ်သည့် စနစ်ကိုလည်း ပြန်လည် သုံးသပ်ဖို့ လိုအပ်မည် ဖြစ်ပါသည်။

ဤနေရာတွင် စီးပွားရေးသမား လုပ်ငန်းရှင်များ အပါအဝင် ပြည်သူကိုလည်း တင်ပြချင်ပါသည်။ ပြည်သူ့ဝန်ထမ်းဟူသည် ဥပဒေ၊ လုပ်ထုံးလုပ်နည်း၊ စည်းမျဉ်းစည်းကမ်းနှင့် ညီညွတ်လျှင် မည်သူ့ကို မဆို လုပ်ကို လုပ်ပေးရမည်သာ ဖြစ်ပါသည်။ ပြည်သူများက အမြန် လိုချင်သည်၊ အဆင့် ကျော်ချင် သည် ဆိုလျှင်တော့ ဝန်ထမ်းက ပညာပြတော့မည် ဖြစ်ပါသည်။ တော်ရုံတန်ရုံ မည်သည့် ဝန်ထမ်းကမျှ ဥပဒေ၊ စည်းမျဉ်းကိုတော့ ကျော်၍ မလုပ်ရဲပါ။ ပေါ်ပေါက်လျှင် တိုင်တန်းလျှင် ဤကိစ္စက အပြစ်ကြီး ပါသည်။ ဥပဒေ၊ နည်းဥပဒေ၊ လုပ်ထုံးလုပ်နည်းကို ကျော်လွန်၍တော့ မိမိကိုယ်ကျိုး အတ္တတစ်ခုတည်း ကိုကြည့်၍ ဝန်ထမ်းကို မချဉ်းကပ်သင့်။ မဖျက်ဆီးသင့်ဟု ထင်ပါသည်။

ကိုယ်တွေ့လေး တစ်ခု၊ နှစ်ခုကိုတော့ တင်ပြချင်ပါသည်။ ကျွန်တော် ကုမ္ပဏီ တစ်ခုတွင် တာဝန် ထမ်းဆောင်စဉ် ကုမ္ပဏီပိုင်ကား သက်တမ်းတိုးရန်အတွက် က.ည.န ရုံးသို့ သွားရောက်ပါသည် (ယခင် အစိုးရလက်ထက်က ဖြစ်ပါသည်)။ ဌာနစိတ် တစ်ခု၏ ကောင်တာ အပေါက်ဝတွင် လျှောက်လွှာတင်ထားသူတို့၏ အမည်စာရင်းကို ခေါ်ယူနေသဖြင့် စောင့်ဆိုင်းနေရာ မိမိတို့ အလှည့် မရောက်နိုင်သဖြင့် မေးမြန်းရာ ၎င်းထံသို့ လျှောက်လွှာ ပုံစံ မရောက်ရှိသေးကြောင်း ပြောပါသည်။ ကျွန်တော်နှင့်အတူ ပါလာသူ မန်နေဂျာမလေးက လျှောက်လွှာပုံအောက်သို့ လက်လှမ်းနှိုက်၍ လျှောက်လွှာ တစ်စောင်ကို ဆွဲထုတ်လိုက်ပြီး “ဒါ တို့လျှောက်လွှာ မဟုတ်လား၊ ရော့ လုပ်ပေး” ဟူ၍ ပြောပြောဆိုဆို ထိုးပေးလိုက်ရာ မကျေမနပ် အမူအရာဖြင့် ဆောင်ရွက်ပေးပါတော့သည်။

တစ်ခါတုန်းကလည်း ဆောက်လုပ်ရေး ကုမ္ပဏီ တစ်ခုတွင် တာဝန်ထမ်းဆောင်စဉ် မိမိတို့ ဆောက်လုပ်မည့် အဆောက်အအုံ တစ်ခု၏ မျက်နှာစာရှိ မလွတ်ကင်းသော သစ်ပင်ငယ်များကို ခုတ်ခွင့်ပြုရန် ရန်ကုန်မြို့တော် စည်ပင်သာယာရေးကော်မတီ ပန်းဥယျာဉ်ဌာနသို့ ခွင့်ပြုချက် တောင်းခံ ပါသည်။ အဆိုပါ ခွင့်ပြုချက် ရရှိရေးအတွက် ဒုတိယ ဌာနမှူးကို ပေးရန်ဟုဆိုကာ ကုမ္ပဏီပိုင်ရှင် သူဌေးက ငွေပါသော အထုပ် တစ်ထုပ်ကို ၎င်း၏ လူယုံနှင့်အတူ ထည့်ပေးလိုက်ပါသည်။ ရုံးရောက်တော့ ဌာနမှူးအခန်းကို တော်တော်နှင့် ဝင်၍မရပါ။ ဒု ဌာနမှူး အခန်းတွင် ထိုင်၍ စောင့် နေရပါသည်။ ကျွန်တော်လည်း ကျွန်တော်တို့၏ လျှောက်လွှာသည် အချက်အလက် အထောက်အထား ပြည့်စုံသဖြင့် ခွင့်မပြုစရာ အကြောင်းမရှိဟု ယူဆလျက် ဌာနမှူး အခန်းကို ဝင်ရောက်၍ အကျိုးအကြောင်း ရှင်းပြရာ ဌာနမှူးက ခွင့်ပြုချက်လက်မှတ် ရေးထိုးပေးလိုက်ပါသည်။ မည်သူ့ကိုမျှလည်း ငွေကြေး တစ်စုံတစ်ရာ မပေးခဲ့ပါ။ ကုမ္ပဏီ ပြန်ရောက်တော့ ၎င်းတို့၏ အစဉ်အလာကို ဖျက်သည်ဟုဆိုကာ သူဌေးက ကျွန်တော့်ကို စိတ်ဆိုးပြီး ဆူပါသည်။

လာဘ်ပေး လာဘ်ယူ ကိစ္စနှင့် တစ်ဆက်တစ်စပ်တည်း တင်ပြလိုသည်မှာ ထောက်ခံစာ ကိစ္စပင် ဖြစ်ပါသည်။ ယခုအခါ နေရာဌာနတိုင်းတွင် မလိုအပ်သော ထောက်ခံစာများ ဖောင်းပွနေသည်ဟု ယူဆပါသည်။ အလုပ်ခေါ်စာများတွင် အကျင့်စာရိတ္တကောင်းမွန်ကြောင်းအတွက် ရပ်ကွက်၊ ရဲစခန် ထောက်ခံစာများ တင်ပြရမည်ဟူ၍ အမြဲ ပါရှိပါသည်။ သက်ဆိုင်ရာရပ်ကွက် (အုပ်ချုပ်ရေးမှူး) က ထောက်ခံပေးသည်မှာ ‘ဤရပ်ကွက်တွင် နေထိုင်ကြောင်း’ သာ ဖြစ်ပါသည်။ လ.ဝ.က ဌာနက ထုတ်ပေးသော ခိုင်လုံသည့် သန်းခေါင်စာရင်း ရှိသည်ဖြစ်စေ၊ မရှိသည်ဖြစ်စေ ထောက်ခံပေးပါသည်။ အမှန်တကယ် မည်သူ တစ်ဦးတစ်ယောက်ကိုမျှ ရပ်ကွက် အုပ်ချုပ်ရေးမှူးက အကျင့်စာရိတ္တ ကောင်းမွန်ကြောင်း ထောက်ခံချက် မပေးပါ။ ပေးခွင့်လည်း မရှိပါ။ ယခင် န.ဝ.တ ခေတ်တွင် ရန်ကုန်တိုင်းဒေသကြီးအတွင်း ညွှန်ကြားထားခြင်း ဖြစ်ပါသည်။ အခြား ဒေသများကိုတော့ ကျွန်တော် အသေအချာ မသိပါ။ ရဲစခန်းကလည်း မည်သူ့ကိုမျှ အကျင့်စာရိတ္တ ကောင်းမွန်ကြောင်း တာဝန် မယူပါ။ မိမိ ‘ရဲစခန်းအပိုင် နယ်မြေအတွင်းတွင် ပြစ်မှုကျူးလွန်ခြင်း မရှိကြောင်း’ ကိုသာ ထောက်ခံပေးခြင်း ဖြစ်ပါသည်။ဤသည်မှာလည်း မည်သည့် မှတ်တမ်းမှတ်ရာကိုမျှ ပြန်လည် ကြည့်ရှု၍ ပေးခြင်း မဟုတ်ပါ။ တံဆိပ်ရိုက်ပြီးသား ပုံစံတွင် ဖြည့်စွက်ပေးလိုက်ခြင်းသာ ဖြစ်ပါသည်။

နိုင်ငံသား စိစစ်ရေးလက်မှတ် ပျောက်လျှင်လည်း လ.ဝ.က. က ရဲစခန်း ထောက်ခံချက် တောင်းပါ သည်။ ရဲစခန်းကလည်း (ဘယ်မှာ ပျောက်မှန်း မသိသည်ကို) မေး၍ ပျောက်ဆုံးသည်မှာ မှန်ကန် ကြောင်း ထောက်ခံပေးပါသည်။ ကျွန်တော့်သား ဆယ်တန်းအောင်လက်မှတ် ပျောက်စဉ်က ရဲစခန်း တစ်ခုတည်းနှင့် မပြီးပါ။ တရားရုံးတွင် ကျမ်းကျိန်ရပါသေးသည်။ ကျမ်းကျိန် စာရိုက်ခက ၄၀၀၀ ကျပ်၊ တရားရုံး စာရေးကို မှတ်ပုံတင်ခ (ဝင်စာရေး သွင်းခ) က ၄၀၀၀ ကျပ် ပေးရပြီး တရားသူကြီးအတွက် ဆိုကာ ၅၀၀၀ ကျပ် ထပ်တောင်းရာ မပေးခဲ့ဘဲ သည်အတိုင်း လက်မှတ် ဝင်ထိုးခဲ့ပါသည်။

နေရာဌာနပေါင်း များစွာသည် ထောက်ခံစာ ပေါင်းများစွာကို မလိုအပ်ဘဲနှင့် တောင်းနေကြသည်မှာ အစဉ်အလာပင် ဖြစ်နေပါသည်။ အမှန်တကယ် လိုအပ် မလိုအပ် ပြန်လည် စိစစ်ရန် လိုအပ်ပါမည်။ မိမိကိုယ်တိုင် စိစစ်ရမည့် ကိစ္စ၊ မိမိကိုယ်တိုင် တာဝန်ခံရမည့် ကိစ္စကို အခြား သူတစ်ပါးကို တာဝန်ခံ ခိုင်းနေခြင်းမှာ ဖြစ်သင့်၊ မဖြစ်သင့် စဉ်းစားသင့်ပါသည်။ စိစစ်ပေးရမည့်သူက ကိုယ့်ကိစ္စ မဟုတ်၍ ဝတ္တရားကျေသာ ဆောင်ရွက်ပေးကြမည် ဖြစ်ပါသည်။ သည်တော့ ကာယကံရှင်တို့မှာ လမ်းစရိတ် အပါအဝင် စာရွက်စာတမ်းကြေးဟုဆိုသော စားကြေး၊ ဝါးကြေး ပေးရပြန်ပါသည်။ ရန်ကုန်တိုင်း ဒေသကြီး ဥက္ကဋ္ဌအဖြစ် ဆောင်ရွက်ခဲ့သူ ဒုတိယ ဗိုလ်ချုပ်ကြီး မျိုးညွန့်က ‘လာဘ်ပေး လာဘ်ယူအစ ထောက်ခံချက်က’ ဟူ၍ ပြောခဲ့ဖူးပါသည်။

အဂတိလိုက်စားမှုနှင့် ပတ်သက်၍ ၁၀.၆.၂၀၁၃ ရက်နေ့က နေပြည်တော် MICC တွင် ကျင်းပသည့် ပွင့်လင်း မြင်သာရေးနှင့် ဖြောင့်မတ်ရေး အလုပ်ရုံ ဆွေးနွေးပွဲ၌ ဒုတိယသမ္မတ ဒေါက်တာ စိုင်းမောက်ခမ်း ပြောကြားခဲ့သည်ကို မီးမောင်းထိုးပြ လိုပါသည်။

ယခုကြုံတွေ့နေရသည့် အဂတိ လိုက်စားမှုသည် လူ့ပတ်ဝန်းကျင် အသိုင်းအဝိုင်း၊ ဝန်ထမ်းလောက အသိုင်းအဝိုင်းအတွင်း ကြိမ်ဖန်များစွာ၊ အဆင့်ပေါင်းများစွာ၊ နေရာပေါင်းများစွာ၌ ဖြစ်ပေါ်နေခြင်းမှာ အဂတိလိုက်စားမှုသည် တရားဥပဒေကို ကျောခိုင်းသည့် လုပ်ရပ်၊ မိမိ၏ ဂုဏ်သိက္ခာ၊ နိုင်ငံတော်၏ ဂုဏ်သိက္ခာ၊ ဝန်ထမ်းဆိုသည့် ဂုဏ်ယူစရာကောင်းသည့် ဂုဏ်သိက္ခာစသော ဂုဏ်သိက္ခာပေါင်း များစွာ ကို မျက်ကွယ်ပြုလာကြပြီး မြန်မာနိုင်ငံ လူ့အသိုင်းအဝိုင်းအတွင်း ယဉ်ကျေးမှု တစ်ခုသဖွယ် ဖြစ်လာခြင်းသည်လည်း နိုင်ငံအတွက် ဝမ်းနည်းစရာ၊ ရင်လေးစရာပင်ဖြစ်ကြောင်း၊ အဂတိလိုက်စားမှု တိုက်ဖျက်ရေး ဆွေးနွေး သုံးသပ်ကြရာမှာ ဝန်ထမ်းတွေရဲ့ လစာကိစ္စကို ချန်ထားလို့မရပါ၊ အစိုးရက ဝန်ထမ်းလစာ နှစ်ကြိမ် တိုးမြှင့်ပေးခဲ့ပေမယ့် ကျေနပ်အားရလောက်တဲ့အဆင့် မရောက်သေးပါ၊ နိုင်ငံတော်ရဲ့ ဘဏ္ဍာငွေ အကန့်အသတ်တွေကြားက ဆောင်ရွက်ပေးနေရတာ ဖြစ်ကြောင်း၊ အဂတိ လိုက်စားမှု နည်းပါးခဲ့တဲ့ ယခင်ခေတ် ကာလက အစိုးရ ဝန်ထမ်းများရဲ့ လစာ၊ ကုန်ဈေးနှုန်း၊ မိသားစု လူနေမှု ကုန်ကျစရိတ်၊ အငြိမ်းစားသွားတဲ့အခါ ရရှိခံစားရတဲ့ ဆုငွေ၊ ပင်စင်စားဘဝ ဆက်လက် ရပ်တည် ‘နေထိုင်နိုင်ရေး’ အာမခံချက်များနဲ့ လျင်မြန်စွာ ပြောင်းလဲလာတဲ့ ယခုခေတ်ကာလ အခြေအနေကို ပြန်လည် နှိုင်းယှဉ်ကြည့်မယ်ဆိုရင် ဝန်ထမ်းဆိုတဲ့ ဂုဏ်သိက္ခာကို စောင့်ထိန်းလိုကြ ပေမယ့် စောင့်ထိန်းနိုင်စွမ်းအား မရှိလောက်အောင် အခြေအနေများစွာက ဟန့်တားနေတာကိုလည်း တွေ့ရမှာ ဖြစ်ပါတယ်။

အဂတိလိုက်စားမှုဟာ ဆယ်စုနှစ်များစွာ အမြစ်တွယ်ခဲ့တဲ့ ပြဿနာဖြစ်တဲ့အတွက် တစ်ဦး၊ တစ်ဖွဲ့၊ တစ်စု၊ လက်ညှိုးထိုး စွပ်စွဲနေကြရုံနဲ့ ပပျောက်သွားမယ့် ပြဿနာ မဟုတ်ဘဲ အဂတိ လိုက်စားမှု အခြေအနေ မဖြစ်ပေါ်အောင် ဖန်တီးဖို့၊ တစ်မျိုးသားလုံးရဲ့ အနာဂတ်ကို ဖျက်ဆီးသည့်အရာဖြစ်သည့် အတွက် ရှောင်ရှားနိုင်အောင် ကြိုးစားကြဖို့နဲ့ တစ်ဦး တစ်ယောက် တစ်ဖွဲ့က ဖြေရှင်းနိုင်တဲ့ ပြဿနာမျိုး မဟုတ်တဲ့အတွက် ဘက်ပေါင်းစုံဖြစ်တဲ့ အုပ်ချုပ်ရေး၊ ဥပဒေပြုရေး၊ တရားရေးအပြင် ပြည်သူလူထု တစ်ရပ်လုံးက ပါဝင်ဖို့ လိုအပ်ပါတယ်။

ထို့ကြောင့် ကျွန်တော်သည် ဒုတိယ သမ္မတ ပြောကြားသကဲ့သို့ တာဝန်သိ ပြည်သူ တစ်ဦးအနေနှင့် မိမိ၏ လွတ်လပ်စွာ ပြောရေးဆိုခွင့်ကို အသုံးချပြီး (တစ်စုံတစ်ယောက်၊ တစ်ဖွဲ့၊ တစ်ဌာနကို နစ်နာစေ လိုသော၊ ဂုဏ်သိက္ခာ ထိခိုက်စေလိုသော ရည်ရွယ်ချက် အလျှင်းမရှိဘဲ) သန့်ရှင်းသော အစိုးရ (Clean Government)) နဲ့ ကောင်းမွန်သောအုပ်ချုပ်ရေး (Good Governanc) ဖြစ်လာစေရေး အတွက် တစ်တပ် တစ်အား ပါဝင်ခြင်း ဖြစ်ကြောင်းပါ။

Credit To The Voice Weekly
Read More »

သူခိုးဖမ်းသော ပုလိပ်ကဲ့သို့  အပေါ်စီးမှဆက်ဆံကြတော့သည်


ခြိုးခြံချွေတာရေးအလေ့အကျင့် သည်တစ်ဦးတစ်ယောက်အတွက်သာမက အသင်းအဖွဲ့တစ်ခု၊ အဖွဲ့အစည်းတစ်ခု၊ ဌာနတစ်ခုမှသည် နိုင်ငံတော်အဆင့် အထိအရေးပါသည်ဟုထင်မြင်ယူဆမိပါ သည်။
ယခင်အစိုးရလက်ထက်အဖြစ် အပျက်တစ်ခုကို အလျဉ်းသင့်၍တင်ပြ လိုပါသည်။ အစိုးရအဖွဲ့၏ နံပါတ်စဉ် အရ တစ်မှ ငါးအဆင့်အထိ ပုဂိ်္ဂုလ်များ သည် အထူးအရေးကြီးပုဂိ်္ဂုလ်များစာရင်း ၀င်ပါသည်။ ထိုပုဂိ်္ဂုလ်ထဲကတစ်ဦးသည် ဧရာဝတီတိုင်းဒေသကြီး ပုသိမ်မြို့တွင် မိနစ် ၃၀ ခန့်စကားပြောမည်ဖြစ်သည်။  ဖြစ်ပုံမှာ အဆိုပါပုဂိ်္ဂုလ်ထိုင်ရမည့်ကုလား ထိုင်မှာ ပုသိမ်မြို့ရှိ မည်သည့်ကုလား ထိုင်နှင့်မျှမသင့်တော်၊ ထိုပုဂိ်္ဂုလ်ကြီး၏ ရာထူးအဆင့်အတန်းနှင့်လိုက်ဖက်ညီ သော ကုလားထိုင်တစ်လုံးကို ရန်ကုန်မြို့ မှရှာဖွေဝယ်ယူပြီး ပုသိမ်သို့ယူလာရန် ဧရာဝတီတိုင်းတွင် အာဏာအရှိဆုံး ပုဂိ်္ဂုလ်ကြီးက အမိန့်ပေးသည်ဟုဆိုပါ သည်။
ထို့ကြောင့်အစည်းအဝေးတွင် အထူးအရေးကြီးပုဂိ်္ဂုလ်ကြီးထိုင်ရန် ရန်ကုန်မှ ကနုတ်ပန်းခြယ်သထားသည့် ဒီဇိုင်းလှလှဆိုဖာနှစ်ယောက်ထိုင်ကုလား ထိုင်ကြီး(သိန်းသုံးဆယ်ခန့်တန်သည်)ကို ပုသိမ်မြို့သို့ အချိန်မီကားဖြင့်ပို့ပေးခဲ့ ကြောင်းကို ကိုယ်တိုင်ကြီးကြပ်ပို့ပေးရ သည့် လက်ထောက်အင်ဂျင်နီယာတစ် ယောက်က ပြောပြသည်ကိုကြားခဲ့ရပါ သည်။
အဆိုပါအထူးထူးအရေးကြီးသော ပုဂိ်္ဂုလ်များသောက်သုံးသည့်အရက်များ ကို လေ့လာကြည့်ပါကလည်း တစ်ပု လင်းကိုအနည်းဆုံး တစ်သိန်း၊ နှစ်သိန်း မှသည် (၅)သိန်း၊ (၁၀)သိန်းခန့်အထိ  ရှိသည်ဟုကြားသိရပါသည်။
ကျွန်တော်၏ တပည့်တစ်ဦးဖြစ်သူ သည် မီးရထားလမ်းဖွင့်ပွဲတစ်ခုတွင် မဏ္ဍပ်ဆောက်လုပ်ရန် ကန်ထရိုက်ရ သည်ဟုဆိုသည်။ ထိုဖွင့်ပွဲသို့ အထူးပုဂိ်္ဂုလ် ကြီးတက်ရောက်မိန့်ခွန်းပြောမည်ဟုဆို သည်။ အခမ်းအနားကြာချိန်မှာ (၄၅) မိနစ်သာရှိသည်ဟုဆိုသည်။ မဏ္ဍပ်နှင့် မုခ်ဦးအတွက် (၇၅)သိန်းနှင့် လက်ခံခဲ့ ရပြီး လက်ဝယ်သို့ အမှန်တကယ်သိန်း (၅၀)သာရောက်သည်ဟုဆိုသည်။ (၄၅) မိနစ်ကို (၇၅)သိန်းပေးလိုက်ရသည်။ စာရေးသူ၏တပည့်ဖြစ်သူက ဘာပဲဖြစ် ဖြစ် သူကလည်း စို့စို့ပို့ပို့ရသဖြင့် နစ် နာခြင်းမရှိဟုဆိုပါသည်။ သူ့ကို အလုပ် ချထားပေးသူအရာရှိမင်းနှင့်ပင် ပွဲပေါင်း များစွာ ဤလမ်းစဉ်အတိုင်းလုပ်အားပေး ခဲ့သဖြင့် သူသည်ပင်လျှင် အိုးပိုင်/အိမ် ပိုင် ဖြစ်လာရသည်ဟုဆိုသည်။
ခြိုးခြံချွေတာရေးလမ်းစဉ်မှာ အမျိုး သားခေါင်းဆောင်ကြီး ဗိုလ်ချုပ်အောင် ဆန်း၏ လမ်းစဉ်ဖြစ်သည်။ ဗိုလ်ချုပ် အောင်ဆန်း၏ မိန့်ခွန်းအချို့တွင် ဒုတိယ ကမ္ဘာစစ်ကြီးပြီးစ အင်္ဂလန်နိုင်ငံတွင် ပေါင်မုန့်ကို “ရာရှင်”စနစ်ဖြင့် ခြိုးခြံချွေ တာခဲ့ကြောင်း ထောက်ပြထားသည်။
တိုင်းပြည်တိုးတက်ကြီးပွားလိုပါလျှင် စွမ်းအင်၊ လျှပ်စစ်၊ ရေ၊ မီး စသည်တို့ကို အစစအရာရာ ချွေတာရမည်ဖြစ်ပါ သည်။ ရေဘုံဘိုင်မှ ရေများထွက်နေလျှင် ပိုက်ခေါင်းကိုပိတ်ရပါမည်။ နေ့ခင်းကြီး လျှပ်စစ်မီးများလင်းနေလျှင် ပိတ်သည့် အကျင့်ကိုလုပ်ရပါမည်။ အစားအသောက်  အနေအထိုင်၊ အပြောအဆိုကအစ ခြိုး ခြံချွေတာရသည်။
အထူးသဖြင့် နိုင်ငံတော်၏ဘဏ္ဍာ (ဘတ်ဂျက်)ကို လက်တွေ့ကိုင်တွယ်သုံး စွဲသူတို့သည် အထူးပင်အလေးဂရုပြုသင့် သည်။ ခြိုးခြံချွေတာမှုဖြင့် အသုံးနှင့် အဖြုန်းကိုခွဲခြားရာရောက်ပါသည်။ သုံး သင့်လျှင်သုံးရပါမည်။ ဖြုန်းသည့်အဆင့် သို့မရောက်စေရန်သတိပြုရမည်ဖြစ်သည်။
အထူးသဖြင့် ၀န်ကြီးဌာနများနှင့် ၀န်ကြီးဌာနအောက်ရှိ ဦးစီးဌာနများ၊ အဖွဲ့များသည် နိုင်ငံတော်အစိုးရ၏ ဘဏ္ဍာငွေကို စနစ်တကျအသုံးပြုကြ ပါ၏လောဟု မေးမြန်းစရာဖြစ်၍နေပါ သည်။ ကျွန်တော်တာဝန်ထမ်းဆောင် ခဲ့သော ဌာနတစ်ခု၏အကြောင်းကို အတွင်းသိမို့ တင်ပြလိုပါသည်။
ကျွန်တော်တို့၏ ၀န်ကြီးဌာနတွင် ဦးစီးဌာနပေါင်း(၁၀)ခုခန့်ရှိပါသည်။ ဌာန ၏ အကြီးအကဲဖြစ်သူ ၀န်ကြီးမင်းကို သွားရေးလာရေးအဆင်ပြေစေရန် မိမိတို့ ၏ ဦးစီးဌာနမှ ကားကြီးကားကောင်း၊ ခြင်ထောင်ချထားသောကားများကို ၀န် ကြီးမင်းအိမ်တော်သို့ သူ့ထက်ငါအပြိုင် ပို့ကြသည်။ ၀န်ကြီးမင်းအိမ်တွင် ကား တွေအလွန်များသဖြင့် သားတစ်ယောက် ကားတစ်စီး၊ သမီးတစ်ယောက် ကား တစ်စီးအပြင် ကားများပိုနေသေးသဖြင့် ဆွေတော်မျိုးတော်များအတွက် ကား အဆင်သင့်ဖြစ်၍နေပါသည်။ စက်ဆီ၊ ချောဆီဖိုး၊ ဓာတ်ဆီဖိုး၊ ကားပြင်ဆင် စရိတ် အစစအရာရာကို ဦးစီးဌာနက ကျခံရပါသည်။ ကားတစ်စီးဓာတ်ဆီ၊ ဒီဇယ်တစ်လ ဂါလံ(၆၀)နှုန်းဖြင့် ခွဲတမ်း ရပါသည်။ ကားဆယ်စီးဆိုလျှင် ဆီဂါလံ ၆၀၀ ခန့်ရပါသည်။ တစ်ဂါလံ ၄၀၀၀ နှုန်းဖြင့်ရောင်းသည်ဆိုပါလျှင် ၂၄၀၀၀၀၀ နှစ်ဆယ့်လေးသိန်းခန့်ရနေပါပြီ။ တစ်လ ၀င်ငွေတစ်နှစ်ဆိုလျှင် ၁၂ လ နှင့် မြှောက်က တစ်နှစ်အတွင်း မီလျံနာ ဖြစ်သွားနိုင်ပါသည်။ နိုင်ငံတော်၏ ဘဏ္ဍာတော်များ (ဘတ်ဂျက်)ကို နှမြော နေမိပါသည်။
ထို့အတူ သြဇာအာဏာရှိသော ညွှန်ချုပ်ကြီးများ၊ ဦးဆောင်ညွှန်ကြားရေး မှူးများ (အများအားဖြင့် တပ်မတော် အရာရှိကြီးများ)သည်လည်း မိမိဌာနရှိ ကားများကို ရနိုင်သမျှ စုစည်းရယူပြီး အထက်ဖော်ပြပါ ၀န်ကြီးမင်းများ၏ စံနမူနာလမ်းစဉ်အတိုင်း ဓာတ်ဆီထုတ် စားလုပ်စားနေကြသည်ကို ကိုယ်တွေ့ မျက်မြင်ဖြစ်ပါသည်။
အချို့ပုဂိ်္ဂုလ်များဆိုလျှင် ဌာနဆိုင် ရာပိုင်ဆိုင်သောမြေများ၊ အဆောက် အအုံများ၊ စက်ပစ်္စည်းစသည်များကို မိမိ ကိုယ်ကျိုးအတွက် သုံးစွဲမှုများရှိပါသည်။ ဌာနဆိုင်ရာသုံး လျှပ်စစ်ဓာတ်အားကိုပင် မိမိတို့ကုန်ထုတ်လုပ်ငန်းအတွက် ရယူ သုံးစွဲနေမှုများလည်းရှိခဲ့ကြောင်း သိရပါ သည်။
ဧည့်ခံပွဲများ၊ အထိမ်းအမှတ်ပွဲများ တွင်လည်း မလိုအပ်ဘဲနှင့် ယမကာများ၊ အစားအသောက်များကို မဆင်မခြင်၊ ငွေကြေးအမြောက်အမြား အကုန်အကျ ခံကာလုပ်ဆောင်ကြကြောင်း တွေ့ရှိရပါ သည်။
ယခင်အခါများကဆိုလျှင် ဌာန အတွက် ပစ်္စည်းဝယ်ယူရာတွင် ပြည်ပမှ ဖြစ်စေ၊ ပြည်တွင်းမှဖြစ်စေ အိတ်ပိတ် တင်ဒါခေါ်ယူ၍ ၀ယ်ယူဖြည့်တင်းသော စနစ်ကိုကျင့်သုံးခဲ့ကြသည်။ ပွင့်လင်း မြင်သာမှုလုံးဝမရှိဘဲ မိမိတို့နှင့်လက်ဝါး ရိုက်၊စည်းဝါးကိုက်ထားသော ကုမ်္ပဏီများ သာ တင်ဒါအောင်ကြပေသည်။ ဆွေ တော်မျိုးတော်များ နေ့ချင်းညချင်း သူဌေးကြီးများဖြစ်ကုန်ကြပါသည်။
ဝန်ကြီးဌာနပေါင်း(၃၀)ကျော် ဦးစီး ဌာနပေါင်း ၁၀၀ ကျော်တို့သည် အဆင့် ဆင့်ကွပ်ကဲအုပ်ချုပ်မှုဖြင့် စေ့စေ့စပ်စပ် သေသေချာချာ အစိုးရ၏ဘတ်ဂျက်ကို သာ အသုံးပြုကြမည်ဆိုလျှင် ပို၍ထွက် လာမည့်ငွေများကို တွေးကြည့်မိသည်။
စာရင်းစစ်ရုံးမှ ရုံးများသို့ စာရင်း စစ်ဝင်သည်ဆိုလျှင် ရုံးမှတာဝန်ရှိသူများ ပျာယာခတ်ကုန်ပါတော့သည်။ မမှန် မကန်လုပ်ထားသော ရုံးများသို့ လာ ရောက်စစ်ရသောကြောင့် စာရင်းစစ်တို့ သည် သူခိုးဖမ်းသောပုလိပ်ကဲ့သို့ အပေါ် စီးမှဆက်ဆံကြတော့သည်။ စာရင်းစစ် များကို နေ့စဉ်နေ့တိုင်း စာရေး၊ သောက် ရေး၊ သွားရေးလာရေးကို ကောင်းကောင်း မွန်မွန်လေးလေးစားစားပြုစုပေးရတော့ သည်။ ဒံပေါက်ဆို ဒံပေါက်၊ ကုလားစာ၊ တရုတ်စာ၊ ဂျပန်အစားအစာစသည်ဖြင့် စာရင်းစစ်တို့စားလိုသည့်အမယ်ကို ၀ယ် ကျွေးရသည်။ နောက်ဆုံးနှုတ်ဆက်ပွဲနေ့ တွင် မြိုးမြိုးမြက်မြက် အဖိုးတန်ပစ္စည်း များဖြင့် လက်ဆောင်ပေးရလေ့ရှိသည် ကို တွေ့ရပါသည်။
နိုင်ငံတော်ထူထောင်ရေးတွင် အဘက်ဘက်မှ ခြိုးခြံချွေတာနိုင်မည် ဆိုပါက အဖိုးတန်လှသော နိုင်ငံတော် ဘဏ္ဍာငွေများ(ဘတ်ဂျက်)သည် မလိုဘဲ မသုံး၊ လိုအပ်မှသုံးခြင်းဖြင့် စုဆောင်း ရရှိနိုင်မည်ဖြစ်ပါသည်။

Credit To Hot News Journal
အောင်ကြည်ညွန့်(တက်္ကသိုလ်)
Read More »

မြန်မာဂေါ့ဒ်ဖားသား


(ထားထားမြင့်၏ဆဲဗင်းဒေးသတင်းစာပါဆောင်းပါးဖြစ်သည်။ရှယ်ယာနိုင်ပါသည်။
သတင်းလင့်များစာသားကူးယူပြန်ဖော်ပြခြင်းခွင့်မပြုပါ)

မှန်အမဲများကာထားသော ဂျစ်ကားများ၊လက်နက်အပြည့်အ၀တပ်ဆင်ထားသော ယူနီဖောင်းဝတ်လက်နက်ကိုင်များက မြန်မာပြည်က တောနက်ကြီးတခုထဲတွင် အရေးကြီးသောပုဂိုလ်တယောက်ကို ကာကွယ်စောင့်ရှောက်မှုပေးနေသည်မှာ ဟောလီဝုဒ်က ကမ္ဘာကျော်မင်းသားမာလွန်ဘရန်ဒို သရုပ်ဆောင်သည့် ဂေါ့ဒ်ဖားသားရုပ်ရှင်အလား ထင်မှတ်ရပါသည်

ယခုကဲ့ သို့ကြီးမားသောအစောင့်အရှောက်များပေးပြီး စောင့်ရှောက်ရသူက မြန်မာပြည်ကနာမည်ကျော် စစ်ဗိုလ်ချုပ်ကြီးများမဟုတ်ပါ ။

အမေရိကန်အစိုးရက ဂေါ့ဒ်ဖားသားဟု နာမည်ပေးထားသည် ဘိန်းရာဇာ လောစစ်ဟန်ပင်ဖြစ်ပါသည်။

ဂေါဒ့်ဖာသားဟု အမည်တွင်ရအောင် ဘိန်းနှင့်မူးယစ်ဆေးဝါးရောင်းဝယ်မှုများနှင့် နာမည်ကြီးသူ ဘိန်းဘုရင်လောစစ်ဟန်က စနေနေ့ က အသက် ၈၀အရွယ်မှာ ရန်ကုန်မြို့  နေအိမ်မှာ ကွယ်လွန်သွားပါသည်။ သူ ကွယ်လွန်သွားသည့်သတင်းကို မြန်မာမှာသာမက ကမ္ဘာ့မီဒီယာများကပါ အရေးတယူဖော်ပြခဲ့ကြပါသည်။ အေပီသတင်းတွင် သူနှင့်အမျိုးတော်စပ်သူတဦးကို ကိုးကားပြီး လောစစ်ဟန်ကွယ်လွန်ကြောင်းဖော်ပြထားသော်လည်း ဘာကြောင့်ကွယ်လွန်ရသည်ကိုတော့ ဖော်ပြမထားပါ။

သို့ သော်လည်း လောစစ်ဟန်ကဲ့ သို့ ကမ္ဘာသိဘိန်းရာဇာတဦးက မြန်မာအစိုးရ၏ စောင့်ရှောက်မှုအောက်မှာ နေထိုင်ရင်းကွယ်လွန်သွားခဲ့ ခြင်းဖြစ်သည်။

လောစစ်ဟန်ကို ၁၉၃၅ ခုနှစ်မှာမွေးဖွားခဲံပြီး ကိုးကန့်လူမျိူးဖြစ်ပါသည်။ သူ၏ ဇနီးဖြစ်သူမှာ ကျန်ဇီဝန်ဖြစ်ပြီး ယူနန်နွယ်ဖွား တရုတ်နိုင်ငံသားဖြစ်ပါသည်။
ဦးနေ၀င်းအစိုးရလက်ထက်ကွန်မြူနစ်များကို တိုက်ထုတ်စဉ်က ပံပိုးကူညီမှုဖြင့် သူကဒေသခံ လက်နက်ကိုင်တပ်ဖွဲ့ ကိုတည်ထောင်ပြီး ဘိန်းကုန်ကူးသည့် လုပ်ငန်းကို စတင်ခဲ့ သည်ဟုဆိုသည်။ လောစစ်ဟန် က တရုတ်အဖြူ အမည်ရဘိန်းဖြူတံဆိပ်ကို ထုတ်လုပ်ခဲ့ ပြီး ၁၉၇၀ ၀န်းကျင်တွင် အာရှတိုက်ဘိန်းလုပ်ငန်းတွင် အရေးပါသောပုဂိုလ်တဦးဖြစ်လာခဲ့ သည်။ ၁၉၇၃ခုနှစ်သြဂုတ်လတွင် သူ့ ကိုထိုင်းနိုင်ငံက ဖမ်းဆီးခဲ့ပြီး ရှမ်းတောင်ပိုင်းတပ်မတော်နှင့် ပူးပေါင်းပတ်သတ်မှုကြောင့် 
သေဒဏ်ချမှတိခဲ့ သည်။ ၁၉၈၀ခုနှစ်တွင်မှု ကုလသမဂ္ဂအထွေထွေ ညီလာခံလွတ်ငြိမ်းချမ်းသာခွင့်ဖြင့် လွတ်မြောက်လာခဲ့ ပါသည်။

၁၉၈၉ခုနှစ်တွင် လောစစ်ဟန်နှင့်ဝတပ်ဖွဲ့ က ဗမာပြည်ကွန်မြုနစ်ပါတီကိုဖယ်ရှားပြီး မြန်မာအစိုးရနှင့်ငြိမ်းချမ်းရေးယူခဲ့ရာ ထိုစဉ်က စစ်ထောက်လှမ်းရေးအကြီးအကဲ ဗိုလ်ချုပ်ခင်ညွန့် က စီးပွားရေးအထူးအခွင့်အလမ်းများပေးကာ ချီးမြှင့်မြှောကိစားခဲ့ ပါသည်။
သူ၏ဗဟိုဌာနချူပ်မှာ ရှမ်းပြည်နယ်လာရှိးမြို့ အနီး သံလွင်ရွာတွင်တည်ရှိပြီး ရုပ်ရှင်များထဲကလို ဘိန်းစိုက်သည့်လယ်သမားများ ၊လက်နက်ကိုင်အဖွဲ့ များ ၊ဘိန်းဖြူထုတ်လုပ်သည့်  ဓာတုဗေဒပညာရှင်များကြီးစိုးသည့်ရွာဖြစ်ပါသည်။ သူတို့ ကို ဖြေဖျော်ရန် ယူကရိန်းနိုင်ငံမှ ခုနှစ်လွှာချွတ်ကချေသည်များပင်ရှိသည်ဟု ဆိုပါသည်။
ရန်ကုန်မှာလည်းလောစစ်ဟန်က ကျင်း၁၆ကျင်းပါသော ရန်ကုန်မြို့ တော်ဂေါက်ကွင်းနှင့် နီးစပ်နေသောမစိုးရိမ်ကန်ရိပ်သာဝလမ်းတွင် အစောင့်အရှောက်အပြည့်နှင့်နေသည်ဟု ခန့်ညားထယ်ဝါစွာနေသည်ဟု ပြောကြလေ့ရှိသည်။

၁၉၉၂ခုနှစ်တွင် သူက အာရှဝေါလ် ကုမ္ပဏီကိုတည်ထောင်ခဲ့ ပါသည်။ သူ၏ သားဖြစ်သူ စတီဗင်လောခေါ် ဦးထွန်းမြင့်နိုင်က ကုမ္ပဏီကို ဦးဆောင်လှုပ်ရှားခဲ့ပြီး သူတို့ ကုမ္ပဏီက အမေရိကန် ဒေါ်လာသန်းပေါင်းများစွာ တန်ဖိုးရှိသည့် ဆောက်လုပ်ရေးနှင့် စွမ်းအင်လုပ်ငန်းလုပ်ကိုင်ခွင့်များကို မြန်မာအစိုးရထံကရရှိခဲ့ သည်။ ဦးထွန်းမြင့်နိုင်က စင်ကာပူနိုင်ငံသူ စီစီလျာ နောင်နှင့် ၁၉၉၆ခုနှစ်တွင် လက်ထပ်ခဲ့ သည်။ သူတို့ ၏မင်္ဂလာပွဲမှာ အကြီးကျယ်အခမ်းနားဆုံးမင်္ဂလာဆောင်ဖြစ်ပြီး စင်ကာပူမှ လုပ်ငန်းရှင်များက စင်းလုံးငှားလေယာဉ်နှစ်စီးဖြင့် မင်္ဂလာဆောင်ကို လာခဲ့ ကြသည်ဟုဆိုပါသည်။

၂၀၀၈ခုနှစ်မြန်မာပြည်နာဂစ်မုန်တိုင်းသင့်အပြီးတွင် အမေရိကန်အစိုးရက လောစစ်ဟန်၊သားဖြစ်သူ ဦးထွန်းမြင့်နိုင်နှင့် ချွေးမဖြစ်သူတို့ လုပ်ကိုင်နေကြသည့် စင်ကာပူက ကုမ္ပဏီ ၁၀ခုကို စီးပွားရေးပိတ်ဆို့ အရေးယူမှု အမည်ပျက်စာရင်း သွင်းခဲ့ပါသည်။ လောစစ်ဟန်၏ အမေရိကန်ပြည်ဝင်ခွင့်ဗီဇာတောင်းခံမှုကိုလည်းငြင်းပယ်ခဲ့ ပါသည်။
‘သူတို့ ပိုင်ဆိုင်မှူတွေက တခြားနိုင်ငံတွေမှာရှိတယ်။ အဘိုးကြီးက မူးယစ်ဆေးဝါးနဲ့ ငွေရှာပြီး သားသမီးတွေက အဲဒိငွေတွေကို စီမံခန့် ခွဲနေကြတယ်’ဟုအမေရိကန်နိုင်ငံခြားရေးဌာနမှအရာရှိတဥိးကပြောကြားခဲ့သည်။

မည်သို့ ပင်ဖြစ်စေ လောစစ်ဟန် ပိုင်ဆိုင်သည့်အာရှဝေါကုမ္ပဏီက မြန်မာပြည်က ပို့ ကုန် ၉၀ရာခိုင်နှုန်းကို အတင်အချလုပ်နေသည့် အာရှဝေါဆိပ်ကမ်းကို လည်း ပိုင်ဆိုင်ထားပါသည်။


လောစစ်ဟန်က မြန်မာစစ်အစိုးရခေါင်းဆောင်များနှင့်လည်းရင်းနှီ့ပြီး ၂၀၀၆ခုနှစ်က ဗိုလ်ချုပ်မှုးကြီးသန်းရွေသမီးမင်္ဂလာဆောင်ကိုလည်း ၀ိုင်းဝန်းပံပိုးခဲ့သူတဦးဟု Observer စာစောင်က သတင်းရေးသားထားပါသည်။ သားဖြစ်သူ ဦးထွန်းမြင့်နိုင်ကလည်းဗိုလ်ချုပ်မူးကြီးသန်းရွှေ တရုတ်နိုင်ငံခရီးစဉ်တွင် လိုက်ပါခွင့်ရခဲ့သူဖြစ်သည်။

ထို့ အပြင် အာရှဝေါလ်ကုမ္ပဏီမှာ မြန်မာနိုင်ငံကအစိုးရနှင့်ပတ်သတ်နေသည့် မြစ်ဆုံရေအားလျှပ်စစ်စီမံကိန်း၊ ကျောက်ဖြူတရုတ်ရေနံပိုက်လိုင်းစသည့် စီမံကိန်းများတွင် ပါဝင်ဆောင်ရွက်လုပ်ကိုင်လျှက်ရှိသည်။

လောစစ်ဟန်၏ ငွေကြေးများကို ငွေဖြူဖြစ်အောင်ခ၀ါချပေးနေသည် ဆိုသော ကုမ္ပဏီနှစ်ခုမှာ တခြားနာမည်ဖြင့် စင်ကာပူနိုင်ငံ Shenton House အဆောက်အအုံ၏ ဆယ်ထပ်တွင်ရုံးခန်းဖွင့်လှစ်ထားသည်ဟုသိရသည်။ လောစစ်ဟန်၏ အခြားသားများက ထိုင်း၊စကာင်္ပူနှင့် ထိုင်ဝမ်နိုင်ငံများမှာ လုပ်ငန်းများ လုပ်ကိုင်လျှက်ရှိသော်လည်း စတီဗင်လောခေါ်ဦးထွန်းမြင့်နိုင်က လောစစ်ဟန် အားအကိုးရဆုံးသားတဦးဖြစ်သည်ဟု မိသားစုနှင့်ရင်းနှီးသူများက ပြောဆိုကြလေ့ရှိပါသည်။
မြန်မာအစိုးရနှင့် စင်ကာပူဝန်ကြီးများကမှု လောစစ်ဟန်နှင့်အာရှဝေါလ်ကုမ္ပဏီ၏ လုပ်ဆောင်မှုများအတွက် လူသိရှင်ကြားကျေးဇူးတင်ကြောင်းပြောကြားခဲ့ပါသည်

‘သူရဲ့ ပံပိုးမှုသာမရှိဘူးဆိုရင် မြန်မာပြည်မှာ လာရောက်လုပ်ကိုင်တဲ့ စင်ကာပူလုပ်ငန်းရှင် အနည်းအပါးဘဲရှိလိမ့်မယ်’ဟု မြန်မာအစိုးရ၀န်ကြီးများက ပြောကြားခဲ့ သည်။

ထိုသို့ အမည်သတင်းကျော်ကြားသူ မြန်မာပြည်၏ ဂေါ့ဒ်ဖားသားက အခုအချိန်မှာ ငြိမ်းချမ်းစွာ အိပ်စက်အနားယူသွားပါပြီ။

ထားထားမြင့် ( ကိုးကား အေပီ၊ The Observer, Asia Week ဆောင်းပါးများ)
Read More »

ဘယ်နိုင်ငံမှာ မွေးတဲ့ကလေး ကံအကောင်းဆုံး ဖြစ်မလဲ



၁၉၈၈ ခုနှစ်၌ မည်သည့်နိုင်ငံတွင် မွေးဖွားလျှင် ကလေး၏ အနာဂတ်အတွက် အကောင်းဆုံးဖြစ်မည်ကို စစ်တမ်း ကောက်ခဲ့ဖူးသည်။ ထိုစဉ်က အမေရိကန်သည် အကောင်းဆုံးနိုင်ငံများ စာရင်း၏ ထိပ်ဆုံးတွင် ရသွားသည်။ ၂ဝ၁၃ ခုနှစ်တွင် မည်သည့်နိုင်ငံ၌ မွေးဖွားသော ကလေးသည် တောက်ပြောင်သော အနာဂတ်ပိုင်ရှင် ဖြစ်မည်နည်းဟု ဟောကိန်းထုတ်ရန် အီကောနောမစ်မဂ္ဂဇင်းက ပညာရှင်များဖြင့် စစ်တမ်း ကောက်ယူ ဆန်းစစ်ခဲ့သည်။ ကောက်ယူ ရရှိခဲ့သော အချက်အလက်များအနက် ဘဝအရည်အသွေးညွှန်းကိန်း Quality of Life Index ကို တွက်ချက်ရာတွင် နေထိုင် နေရသော ဘဝအပေါ် မည်မျှ ကျေနပ်ပျော်ရွှင်မှု ရှိသည်ဆိုသော အချက်အပေါ်အခြေတည် ထားခြင်းဖြစ်သည်။ ဘဝအရည်အသွေး ညွှန်းကိန်းကို တွက်ချက်ရာတွင်လူများ၏ ပြောဆိုချက်သာမက ယင်းတို့ လက်တွေ့ဘဝကိုပါ ထည့်သွင်း တွက်ချက်သည်။

ငွေကြေးပြည့်စုံခြင်းသည် အေးချမ်းတည်ငြိမ်သော ဘဝအတွက် များစွာအထောက်အကူဖြစ်စေသည် မှန်သော်လည်း ရာဇဝတ်မှု ထူပြောခြင်း၊ အစိုးရဌာနများကို ယုံကြည် ကိုးစားနိုင်မှု အတိုင်းအတာ၊ မိသားစု ကျန်းမာရေးတို့သည်လည်း ဘဝပျော်ရွှင် ချမ်းမြေ့စေရန် အရေးပါသော အချက်များဖြစ်သည်။ တွက်ချက်ရာတွင် ထည့်သွင်းစဉ်းစားသော အချို့အချက်များသည် ပုံသေရှိနေသော အချက်များ (ဥပမာ- ပထဝီအနေအထား)၊ အချိန်အတန်ကြာမှ ပြောင်းလဲသော အချက်များ (ဥပမာ- လူဦးရေ၊ လူမှုရေးနှင့် ယဉ်ကျေးမှု အကျင့် စရိုက်)တို့ကိုလည်း ထည့်သွင်း စဉ်းစားထားသည်။ အချို့အချက်များသည် အစိုးရ၏ မူဝါဒနှင့် ကမ္ဘာ့စီးပွားရေးအပေါ်တွင် တည်မှီနေ သည်။ လက်ရှိ အချက်အလက်များကို ကောက်ယူရာတွင် လွယ်ကူသော်လည်း ဖြစ်ပေါ်လာနိုင်သည့် အခြေအနေများကို မှန်းဆတွက် ချက်ရသည်မှာ အခက်ခဲဆုံး ဖြစ်သည်။

ဘဝအရည်အသွေး ကောင်းမွန်စေသော အချက်များသည် ပြောင်းလဲမှု ရှိသော်လည်း ဖြည်းဖြည်းချင်းသာ ပြောင်းလဲလေ့ရှိသည်။ ၂ဝ၁၃ ခုနှစ်တွင် မွေးဖွားမည့် ကလေးသည် ၂ဝ၃ဝ တွင် လူလားမြောက်ပြီး ကောလိပ်တက်မည့်အရွယ်၊ လုပ်ငန်းခွင်ဝင်လိုက ဝင်နိုင်သည့် အ ရွယ်သို့ ရောက်ရှိမည်ဖြစ်သည်။ ထိုအချိန်တွင်မွေးဖွားရာ တိုင်းပြည်၏ အခြေအနေမည်သို့ရှိမည်ကိုလည်း ခန့်မှန်းတွက်ချက်ထား သည်။ ထုံထိုင်းနေသော ကမ္ဘာ့စီးပွားရေး အခြေအနေကြောင့် ကမ္ဘာအဝန်း ကုန်ထုတ်လုပ်မှု ကျဆင်းနေသော်လည်း လူတစ်ဦးချင်း ဝင်ငွေမှာ စံချိန်တင်ရသည့် အနေအထားမျိုး ဖြစ်သည်။ လူ့ပျမ်းမျှသက်တမ်းမှာလည်း ဆက်လက်မြင့်တက်လာနေသည်။ နိုင်ငံရေး လွတ်လပ်မှု အသိစိတ်ဓာတ် ကမ္ဘာတစ်လွှား ပျံ့နှံ့လာနေသည်။ အာဖရိက မြောက်ပိုင်းနှင့် အရှေ့အလယ်ပိုင်းတွင် ဒီမိုကရေစီရေး နိုး ကြားမှု ပြင်းထန်လာသည်။

ယူရိုငွေသုံးဒေသတွင် အလုပ်လက်မဲ့ဖြစ်မှုနှင့် လုံခြုံရေး အားနည်းခြင်းတို့သည် ဘဝအရည်အသွေးကို ထိခိုက်စေသည်။ ယင်းသို့သော အခြေအနေများ ကြားတွင် ၂ဝ၁၃ ခုနှစ်အတွင်း မွေးဖွားလာမည့် ကလေးများအနက် မည်သည့်နိုင်ငံတွင် မွေးဖွားသည့် ကလေးသည် ကံအကောင်းဆုံး ဖြစ်မည်ကို အီကော်နောမစ်မဂ္ဂဇင်းက စစ်တမ်း ထုတ်ကြည့်သည်။ ဆွစ်ဇာလန်နိုင်ငံတွင် မွေးဖွားသော ကလေးသည် ကံအကောင်းဆုံးဖြစ်မည်ဟု အဖြေထွက်လာသည်။ ဒုတိယ ကံအကောင်းဆုံးကလေးမှာ သြစတေးလျားတွင် မွေးဖွားသောကလေး ဖြစ် မည်ဟု ဟောကိန်း ထုတ်ထားသည်။

ထို့နောက် အစဉ်လိုက်အတိုင်း နိုင်ငံများမှာ သြစတေးလျား၊ နော်ဝေ၊ ဆွီဒင်၊ ဒိန်းမတ်၊ စင်ကာပူ၊ နယူးဇီလန်၊ နယ်သာလန်၊ ကနေ ဒါ၊ ဟောင်ကောင်နှင့် ဖင်လန်တို့ ဖြစ်ကြသည်။ အောက်ဆုံးအဆင့် ဆယ်နိုင်ငံတွင် အဇာဘိုင်ဂျန် (၇ဝ)၊ အင်ဒိုနီးရှား (၇၁)၊ ရုရှား (၇၂)၊ ဆီးရီးယား(၇၃) ၊ ကာဇာစ တန် (၇၄)၊ ပါကစ္စတန် (၇၅)၊ အင်ဂိုလာ (၇၆)၊ ဘင်္ဂလားဒေ့ရှ် (၇၇)၊ ယူကရိန်း (၇၈)၊ ကင်ညာ (၇၉)၊ နိုင်ဂျီးရီးယား (၈ဝ) တို့ဖြစ်ကြသည်။ ထိပ်ဆုံး စာရင်းဝင် ဆယ်နိုင်ငံမှာ နိုင်ငံငယ်လေးများဖြစ်ကြသည်။ ယင်းတို့အနက် ငါးနိုင်ငံ မှာ ဥရောပတိုက်မှ ဖြစ်ပြီး ထိုငါးနိုင်ငံအနက် နယ်သာလန် တစ်နိုင်ငံသာလျှင် ယူရိုငွေသုံး ဒေသမှဖြစ်သည်။ ဥရောပ၏ စီးပွားရေး အင်အားရှင် နှစ်ဦးဖြစ်သည့် ဂျာမဏီ၊ (၁၆) ပြင် သစ် (၂၆) နှင့် ဗြိတိန် (၂၇) တို့သည် အဆင့်မကောင်းလှ။ စစ်ပြီးခေတ် မျိုးဆက်က ချန်ထားရစ်သော ကြွေးမြီများကို ၂ဝ၁၃ တွင် မွေးဖွားသော အမေရိကန် ကလေးများက ပေးဆပ်ရလိမ့်မည်။

အမေရိကန်သည် ဘဝအရည်အသွေး ညွှန်းကိန်းတွင် ဂျာမဏီနှင့် အတူတူအဆင့် ၁၆ တွင်ရှိသည်။ စာရင်းကောက်ယူခဲ့သော နိုင်ငံ ၈ဝ တွင်နိုင်ဂျီးရီးယားသည် နောက်ဆုံးအဆင့်တွင်ရှိသည်။ ၂ဝ၁၃ ခုနှစ်တွင် နိုင်ဂျီးရီးယားတွင်မွေးဖွားသောကလေးသည် ကံအဆိုး ဆုံး ဖြစ်ပေလိမ့်မည်။ စာရင်းထိပ်ဆုံးတွင် ရှိသည့်နိုင်ငံများ၏ ထူးခြားချက်မှာ အလွန်အမင်း တည်ငြိမ်ခြင်း၊ ပျင်းရိဖွယ်ရာ ငြိမ်သက်နေ ခြင်းတို့ အပြင် နေထိုင်သောလူမျိုးများအတွင်း ယဉ်ကျေးမှု ကွဲပြားခြင်းကြောင့်ဖြစ်ရသော ပဋိပက္ခမရှိခြင်းတို့ဖြစ်သည်။ အီတလီနိုင်ငံ သမိုင်းတွင် နှစ်ပေါင်း သုံးဆယ်ကြာမျှ မငြိမ်မသက်ဖြစ်ခြင်း၊ လူသတ်မှုနှင့်အကြမ်းဖက်မှုတို့ထူပြောစေ ကာမူ ထိုကာလ အတွင်း မိုက်ကယ် အင်ဂျလို၊ လီယိုနာဒိုဒါဗင်ချီကဲ့သို့ အနုပညာ အကျော်အမော်များ မွေးထုတ်နိုင်ခဲ့သည်။ ဥာဏ်သစ်လောင်းခေတ်ကို ပေါ်ထွန်းစေနိုင်ခဲ့သည်။

ဆွစ်ဇာလန်နိုင်ငံသည် နှစ်ပေါင်း ငါးရာကျော် ငြိမ်းချမ်း တည်ငြိမ်စွာ နေနိုင်ခဲ့သော်လည်း အနုပညာ ထူးချွန်သူဟူ၍ မယ်မယ်ရရ မရှိခဲ့။ ထို့ကြောင့် တည်ငြိမ်လွန်းမက တည်ငြိမ်ခြင်းသည် လိုလားဖွယ် အခြေအနေဖြစ်ပါ၏လောဟု အမေးထုတ်စရာ ဖြစ်ရသည်။

Credit To zaygyet journal
Read More »