နေပြည်တော်မှ အားပြိုင်မှုများ




မြန်မာနိုင်ငံ၏ အစပျိုးစ ယိုင်ယဲ့ယဲ့ ဒီမိုကရေစီစနစ်မှာ အထူးအဆန်းများ ကြုံနေရသည်။ လွှတ်တော်အတွင်းက ရည်မှန်းချက်ကြီးကြီးနှင့် အာဏာအပေးအယူလုပ်နေသူများ၊ အတိုက်အခံခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ဝင်များ၊ တိုင်းရင်းသားအရေးလှုပ်ရှားသူများ၊ စစ်အရာရှိများအပါအ၀င် ယာယီခေတ္တမဟာမိတ်ဖွဲ့ထားသူများက အခြားတစ်ဖက်က အာဏာလက်ဝယ်ကိုင်ထားသူ အစိုးရကို စိန်ခေါ်ပြိုင်ဆိုင်လာမှုက အရှိန်ကောင်းလာသည်။

မြန်မာနိုင်ငံတွင် ဖြစ်ပေါ်နေသော သမ္မတ၊ အာဏာလက်ဝယ်ရှိသူများနှင့် လွှတ်တော်အမတ်များကြားက ပြဿနာများသည် စစ်တပ်ကို ဇောင်းပေးထားသည့် အခြေခံဥပဒေနှင့် မြန်မာနိုင်ငံ၏ ပွင့်လင်းမြင်သာမှုမရှိသော အာဏာချုပ်ကိုင်မှုကို ပြသနေပြီး ကြီးမားသော ထိပ်တိုက်ရင်ဆိုင်မှုများဖြစ်လာရန် အစပျိုးနေသည်ဟု အခြေခံဥပဒေကျွမ်းကျင်သူများကဆိုသည်။

ယခုကဲ့သို့ ပြဿနာမီးပွားများသည် နေပြည်တော်လွှတ်တော်ကြီးထဲတွင် ၂၀၁၁ ခုနှစ် အစောပိုင်းကတည်းက အရှိန်ပျိုးလာခြင်းဖြစ်သည်။ လွှတ်တော်စတင်စဉ်က ခန့်မှန်းထားခဲ့သည့် ရုပ်သေးရုပ်လွှတ်တော်ဆိုသည့် စကားနှင့် သွေဖည်ကာဝန်ကြီးများနှင့် အစိုးရအုပ်ချုပ်သူများ အကြား ဥပဒေကြမ်းများကို ပြင်ဆင်ရေးဆွဲရေးအတွက် အချိန်ကြာမြင့်သည့် ငြင်းခုံမှုများ၊ နှစ်ဖက်စလုံး၏ အကြိုက်ကိုရယူရန် အစိုးရအဖွဲ့အချို့၏ ပြောစမှတ်ပြုရသည့် အဆန်းတကြယ်လုပ်ဆောင်ချက်များက တိုးပွားလာနေပြီး အချို့က ထိုအခြေအနေကို စိုးရိမ်ကြောင်း ပြောဆိုလာကြပါပြီ။

အဆုံးစွန်ပြောရလျှင် တချို့အကြီးအကဲများက တိုင်းရင်းသားလက်နက်ကိုင်များနှင့် ငြိမ်းချမ်းရေးဆောင်ရွက်မှုအပါအ၀င် အစိုးရ၏ လုပ်ဆောင်ချက်များကို သတိပေးလာကြသည့်အဖြစ်က သမ္မတဦးသိန်းစိန်နှင့် သူ၏ ပြုပြင်ပြောင်းလဲရေး လုပ်ဆောင်သူများက အသုံးမကျရာရောက်သလို သူတို့ကို သိက္ခာချသည့်အနေအထားလည်းဖြစ်လာပါသည်။ တချို့ အကြီးအကဲများက သမ္မတနှင့် လွှတ်တော်အကြားက ပဋိပက္ခကို လျှော့ချဖို့ကြိုးစားနေသည့် ပုံစံဖမ်းထားပြီး ထိုကဲ့သို့ ဖြစ်ရပ်များသည် ဒီမိုကရေစီစနစ်၏ အသီးအပွင့်များဟု ဆိုပါသည်။

“ဒါပုံမှန်ပါပဲ။ ကမ္ဘာတစ်ဝန်းမှာ ဖြစ်နေကြတာပါ။ ရွေးကောက်ခံအမတ်တွေက အစိုးရကို မေးခွန်းထုတ်မယ်၊ ဝေဖန်မယ်။ ဒါဒီမိုကရေစီစနစ်ရဲ့ လုပ်ဆောင်ချက်ပဲ။ အခုနေပြည်တော်မှာ တွေ့နေရတာလည်း အဲဒါပဲလေ” ဟု အထက်လွှတ်တော်အမတ်တစ်ဦးက ပြောသည်။

ပြဿနာမှာ မြန်မာ့လွှတ်တော်ဆိုသည်က လွတ်လပ်စွာ ရွေးချယ်တင်မြှောက်ထားသည်ဟု အနောက်နိုင်ငံမှ လေ့လာသူများ မခေါ်ဆိုနိုင်သည့် လွှတ်တော်မျိုးဖြစ်ပါသည်။ လွှတ်တော်အမတ် ၆၆၄ နေရာ၏ လေးပုံတစ်ပုံကို ကာကွယ်ရေးဦးစီးချုပ်က ခန့်အပ်ထားပြီး လိုသလိုနေရာအပြောင်းအလဲရှိသည့် စစ်သားအမတ်များက ပိုင်ဆိုင်ထားသည်။

လွှတ်တော်နှစ်ရပ်စလုံးကို ၂၀၁၀ ရွေးကောက်ပွဲတွင် အများဆုံးအနိုင်ရခဲ့သည်ဆိုသည့် ကြံ့ခိုင်ဖွံ့ဖြိုးရေးပါတီက လွှမ်းမိုးထားသည်။ အနောက်နိုင်ငံများကမူ ထိုပါတီသည် ကြိုတင်မဲများဖြင့် မဲလိမ်အနိုင်ရခဲ့သည်ဆိုပြီး ပြစ်တင်ရှုတ်ချခဲ့သည်။

၂၀၁၂ ကြားဖြတ်ရွေးကောက်ပွဲ၌ ၄၄ နေရာတွင် ၄၃ နေရာအနိုင်ရခဲ့သည့် အတိုက်အခံခေါင်းဆောင် ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်က ထိုအထဲတွင် လက်တစ်ဆုပ်သာသာနေရာယူထားသည်။ ၎င်းတို့အပြင် ဒေသအရေးကို အမျိုးသားရေးအဖြစ် ပုံစံပြောင်းနေသည့် အမျိုးမျိုးသော တိုင်းရင်းသားပါတီများရှိသည်။

လွှတ်တော်ထဲရှိ ထိုကဲ့သို့ ကွဲပြားခြားနားနေသည့် အုပ်စုများကြား မျှော်မှန်းမရနိုင်သည့် ပြဿနာမီးပွားများက ပြီးခဲ့သည့် ဇွန်လတွင် စိုးရိမ်ရေမှတ်အထိပင် ရောက်လာခဲ့သည်။ လွှတ်တော်ပြန်စသည့် ပထမအချိန်မှာပင် အာဏာပြင်းသည့် ပြည်သူ့လွှတ်တော်က မြန်မာအစိုးရ လုပ်ဆောင်နေသည့် လက်နက်ကိုင်တိုင်းရင်းသားအဖွဲ့များနှင့် ငြိမ်းချမ်းရေးလုပ်ငန်းစဉ်တွင်း နိုင်ငံခြားကုမ္ပဏီများကို ဆက်သွယ်ရေးလိုင်စင် ထုတ်ပေးခြင်းကို စတင်ထိုးနှက် တိုက်ခိုက်ခဲ့သည်။

ထိုအဖြစ်များက မြန်မာလွှတ်တော်တွင် တင်းမာမှုကြီးထွားလာခြင်း၏ နောက်ဆုံးလက္ခဏာဖြစ်ပြီး ပြည်တွင်းနှင့် နိုင်ငံခြားက အကြံပေးများအားလုံးက အစိုးရ၏ အာဏာစီရင်မှုအပေါ်တွင် လွှတ်တော်က ၀င်ရောက်စွက်ဖက်နေခြင်းအတွက် လွှတ်တော်ကို သတိပေးရသည့်အဖြစ် ရောက်ရှိလာစေသည်။

ထိုအရှိန်အဟုန်သည် တရားရုံးချုပ် တရားသူကြီးများနှင့် သမ္မတကိုပင် စွဲချက်တင်နိုင်သည့် အခြေခံဥပဒေတရားရုံး၏ အာဏာအပေါ်မှာ လွှတ်တော်က အနိုင်ရလိုက်သည့် ပြီးခဲ့သည့်နှစ် စက်တင်ဘာလတည်းက အားကောင်းလာခြင်းဖြစ်သည်။

ထို့အပြင် အာဏာရအစိုးရကို အားစမ်းသည့်အနေဖြင့် အစိုးရ၏ တရားရုံးများသို့ ရွေးချယ်ခန့်အပ်မှုအပေါ်မှာလည်း လွှတ်တော်က ဖိအားပေးထားသည်။ ယခုအခါ တရားစီရင်ရေးမှာ အားနည်းလာပြီး လွှတ်တော်အမတ်များသည် အစိုးရ၏ အာဏာစီရင်ရေးတွင် လိုသည်ထက်ပိုမိုကစားနေကြသည်ဟု အကဲခတ်များက ဝေဖန်သတိပေးကြသည်။

ဝေဖန်သံသောသောညံခဲ့သော ၂၀၁၀ ရွေးကောက်ပွဲဖြင့် အစပြုခဲ့ပြီး ဗိုလ်ချုပ်မှူးကြီး သန်းရွှေက အာဏာလွှဲပြောင်းပေးခဲ့သည့် ဦးသိန်းစိန် သမ္မတဖြစ်လာသော ၂၀၁၁ ခုနှစ် အစောပိုင်းကစပြီး မြန်မာ့လွှတ်တော်သည် တဖြည်းဖြည်းအားကောင်းလာသည်။ ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ဝင်များ လွှတ်တော်တွင်း ၀င်ရောက်လာသော ၂၀၁၂ ကြားဖြတ်ရွေးကောက်ပွဲ နောက်ပိုင်းတွင် ထိုအရှိန်က ပို၍မြင့်တက်လာသည်။

စစ်သားအမတ်များနှင့် ကြံ့ခိုင်ရေးပါတီသည် ယခင်အစိုးရ၏ ကျောထောက်နောက်ခံဖြစ်ကာ လွှတ်တော်ကို လွှမ်းမိုးထားဆဲဖြစ်သည်။ သူတို့က လူကြိုက်များသည့် အချက်များကို ထောက်ခံပြီး တစ်ချိန်က သူတို့နှင့် ခိုင်မာစွာ လက်တွဲခဲ့သည့် လက်ရှိအစိုးရကိုပင် တစ်ခါတစ်ရံ ပြန်လည်ဝေဖန်တိုက်စစ်ဆင်တတ်ကြသည်။

အနောက်နိုင်ငံများနှင့် စေ့စပ်ညှိနှိုင်းရန် အရေးကြီးသော နိုင်ငံခြားရင်းနှီးမြှုပ်နှံမှုကဲ့သို့ ကိစ္စများတွင် မျှတလွတ်လပ်သော ရင်းနှီးမြှုပ်နှံမှုနှင့် ကုန်သွန်ရေးဥပဒေများ ဖြစ်မလာစေရန် အာဏာကို သုံးပြီး ၀င်ရောက်စွက်ဖက်သည်ကို တွေ့မြင်ရသည်။ မကြာသေးခင်က အစိုးရ၏ နိုင်ငံခြား ကုမ္ပဏီနှစ်ခု ဆက်သွယ်ရေးလိုင်စင် ချပေးမှုကို လွှတ်တော်က အချိန်ဆွဲရန်ကြိုးစားမှုက လွတ်လပ်စွာ လုပ်ကိုင်ခွင့်အပေါ်တွင် ကန့်သတ်ချက်များ၊ ပြဿနာများရှိနေသည်ဆိုသည်ကို ပြသနေသည်။

စစ်သားအမတ်များ အပါအ၀င် ရှေးရိုးစွဲသမားများဟု ခေါ်ဆိုသတ်မှတ်ရမည့် သူများက အံ့အားသင့်စရာကောင်းလောက်အောင် နိုင်ငံရေးနှင့် လူမှုရေးကိစ္စများမှာ ပိုမိုလွတ်လွတ်လပ်လပ် ပွင့်ပွင့်လင်းလင်း ဆုံးဖြတ်လာကြခြင်းကို တွေ့ရပါသည်။ ဥပမာအားဖြင့် အလုပ်သမားဥပဒေနှင့် နိုင်ငံရေး အကျဉ်းသားများ လွှတ်ပေးရေးကိစ္စများအတွက် ဖြစ်သည်။

မြန်မာနိုင်ငံ၏ အချက်အချာ လွှတ်တော်မှာ ပုံစံများပြောင်းလဲ နေပြီဆိုသည့်အချက်မှာ ဒေါ်အောင်ဆန်းစုကြည်နှင့် အာဏာကြီးလှသော လွှတ်တော်ဥက္ကဋ္ဌ သူရရွှေမန်းတို့နှစ်ဦး သမ္မတအဖြစ် ဆောင်ရွက်လိုကြောင်း ကြေညာလိုက်သည့်အချိန်တွင် သိသိသာသာ ထင်ရှားလာပါသည်။ ထိုကြေညာမှုသည် ပြီးခဲ့သည့် ဇွန်လ လွှတ်တော်ပြန်လည်စတင်သည့်အချိန်မှာ သိသိသာသာကြီး ဂယက်ရိုက်ခတ်ခဲ့သည်။ ထိုအချိန်တွင် အစိုးရအတွင်း ပြဿနာသုံးရပ်ကြောင့် အကျပ်ရိုက်နေချိန်လည်းဖြစ်သည်။

ဘယ်သူမျှ မျှော်လင့်မထားခဲ့သည့် ပထမဆုံးပြဿနာက ဦးရွှေမန်းက အစိုးရနှင့်တိုင်းရင်းသား လက်နက်ကိုင်များ၏ ငြိမ်းချမ်းရေးဆွေးနွေးပွဲများကို တိုက်ခိုက်ဝေဖန်လိုက်ခြင်းဖြစ်သည်။ ထိုလုပ်ငန်းစဉ်သည် ငြိမ်းချမ်းရေးမရနိုင်သဖြင့် လွှတ်တော်က ပိုမိုပါဝင်အားစိုက်ရန် ၎င်းက တောင်းဆိုခဲ့သည်။

ငြိမ်းချမ်းရေးဆွေးနွေးပွဲများတွင် အဓိကတာဝန်ယူနေသော ၀န်ကြီးဦးအောင်မင်းက တိုင်းရင်းသားလက်နက်ကိုင်များနှင့် ဆွေးနွေးရာတွင် အာဏာကို အလွန်အကျွံသုံးနေကြောင်း ပြောကြားသကဲ့သို့ ရှိသည်။ ထိုအချက်သည် ပြည်သူ့လွှတ်တော် ဥက္ကဋ္ဌက သမ္မတဦးသိန်းစိန်အစိုးရကို ပထမဆုံးအကြိမ် လူသိရှင်ကြားဝေဖန်လိုက်ခြင်းပင်ဖြစ်၏။

နောက်ထပ်တိုက်ခိုက်မှုကမူ သမ္မတဦးသိန်းစိန်ကို တိုက်ရိုက်ရည်ရွယ်ဟန်ရှိပြီး ငြိမ်းချမ်းရေးလုပ်ငန်းစဉ်များတွင် စစ်တပ်က ချုပ်ကိုင်ထားသည့်အမျိုးသားလုံခြုံရေးနှင့် ကာကွယ်ရေးကောင်စီ ပါဝင်နိုင်ရန်အတွက် ကာလုံအစည်းအဝေးခေါ်ရန် ဦးရွှေမန်းက တောင်းဆိုခဲ့ပါသည်။ ထိုကောင်စီတွင် သမ္မတနှင့် လွှတ်တော်နှစ်ရပ် ဥက္ကဋ္ဌများနှင့် ကာကွယ်ရေးဦးစီးချုပ်တို့ပါဝင်ပြီး အရေးကြီးသော လုံခြုံရေးကိစ္စများအတွက်ကလွဲပြီး တွေ့ဆုံစည်းဝေးမှုနည်းပါးလှသည်။

တတိယမြောက် တိုက်ခိုက် မှုကမူ ဆက်သွယ်ရေးလိုင်စင်များ ထုတ်ပေးခြင်းကို အချိန်ဆွဲခိုင်း ခြင်းဖြစ်သည်။ အစိုးရက လိုင်စင်ရသူကို မကြေညာမီလေးတွင်အမျိုးသားလွှတ်တော်က မဲခွဲပြီး အဆိုကိုအတည်ပြုလိုက်ခြင်းဖြစ်သည်။ သို့သော်လည်း မြန်မာပြည်မှာ ဆက်သွယ်ရေးလုပ်ငန်းလုပ်ကိုင်ခွင့်ရသည့် ကုမ္ပဏီနှစ်ခုကို အစိုးရက သတ်မှတ်ထားသည့်အချိန်မှာပင် ဆက်သွယ်ရေးဝန်ကြီးက ကြေညာလိုက်သည်။

ထိုဖြစ်စဉ်သုံးရပ်တွင် ပြည်သူ့လွှတ်တော်ဥက္ကဋ္ဌဦးရွှေမန်း၏ သမ္မတဦးသိန်းစိန်အပေါ် တိုက်ခိုက်ထိုးနှက်မှုများက သိသာလွန်းအားကြီးနေပြီး မနှစ်ခြိုက်သူများဆီက ဝေဖန်သံများညံလာသည်။ အစိုးရအတွင်း လူများနှင့် ပြည်သူ့လွှတ်တော်အမတ်များက ဦးရွှေမန်း၏ သမ္မတဦးသိန်းစိန်အပေါ် ထိုးနှက်ချက်များသည် ကိုယ်ရေးကိုယ်တာဆန်ပြီး တရားနည်းလမ်းမကျဟု ထင်မြင်ကြသည်။ ဦးရွှေမန်း၏ အမျိုးသားလုံခြုံရေးကောင်စီအစည်းအဝေးကျင်းပရန် တောင်းဆိုမှုကို အလွန်အကျွံလုပ်လွန်းသည်။ နိုင်ငံရေးတွေပါနေပြီဟု အချို့ကကောက်ချက်ချခဲ့သည်။

ထို့ထက်ပိုပြီး သိသာထင်ရှားလာသည်က နေပြည်တော်က လွှတ်တော်သည် ဦးသိန်းစိန်အစိုးရ၏ ပြုပြင်ပြောင်းလဲမှုများကို ကူညီနေသည်လား (သို့မဟုတ်) လိုက်လံတားဆီးနေသည်လား မေးခွန်းထုတ်စရာဖြစ်လာသည်။ အချို့ လွှတ်တော်အမတ်တွေက ထိုအမြင်များကို ငြင်းဆိုပါသည်။ ပြည်ခိုင်ဖြိုးပါတီက လွှတ်တော်အမတ် ဦးလှမြင့်ဦးက “အဲဒီထင်မြင်ချက်တွေက မမှန်ပါဘူးဗျာ။ လွှတ်တော်က စတင်ကတည်းက အခုထိဥပဒေ ၅၃ ခုလောက်ကို အတည်ပြုပေးခဲ့တယ်။ သမ္မတသဘောမတူတဲ့ ဥပဒေတွေ
အပေါ်မှာ အပေးအယူ လုပ်နိုင်တယ်ဆိုတာလည်း ပြသခဲ့တယ်။ မျှမျှတတနဲ့ ကျွန်တော်တို့ အလုပ်လုပ်နေကြတာပါ” ဟုဆိုသည်။

သို့သော်လည်း ဥပဒေရေးရာ ကျွမ်းကျင်သူအချို့က အာဏာရှိသူများအကြား ထိပ်တိုက်ရင်ဆိုင်တိုးမှုများသည် ယခင်စနစ်ဟောင်းနှင့် လက်ရှိစနစ်သစ်ကို ပူးပေါင်းထားသည့် မြန်မာနိုင်ငံ၏ အများနှင့်မတူသော စနစ်ကြောင့် ဖြစ်သည်ဟုဆိုသည်။

“တကယ့် အစစ်တွေ ဖြစ်လာဖို့လည်း သိပ်မဝေးလောက်တော့ပါဘူး” အခြေခံဥပဒေဆိုင်ရာ နိုင်ငံတကာကျွမ်းကျင်သူ မာကပ်စ်ဘရန်းက လွှတ်တော်နှင့် သမ္မတအစိုးရအကြား ကြီးထွားလာသည့် ပြိုင်ဆိုင်မှုများကို ရည်ညွှန်းရင်း ပြောကြားလိုက်ခြင်းဖြစ်သည်။ မြန်မာအခြေခံဥပဒေက သမ္မတနှင့် အစိုးရအဖွဲ့ကို အုပ်ချုပ်ခွင့်အာဏာပေးထားသည့် တစ်ချိန်တည်းမှာပင် လွှတ်တော်ကို ထိန်းချုပ်နိုင်သည့်အာဏာပေးထားသည့်အတွက် ရှောင်လွှဲလို့မရသည့် ပဋိပက္ခများဖြစ်လာရသည်ဟု သူက ဆိုသည်။

နောက်ထပ်ဂယက်အရိုက်ခတ်ဆုံး ဖြစ်ရပ်တစ်ခုက အတိုက်အခံခေါင်းဆောင် ဒေါ်အောင်ဆန်းစုကြည်က ဒီမိုကရေစီအရေး လှုပ်ရှားသူ ဘ၀ကနေ လက်တွေ့ကျသော နိုင်ငံရေးသမားတစ်ဦးဖြစ်လာခြင်းပင်။ ဒေါ်စုနှင့်ဦးရွှေမန်းတို့ ဆက်ဆံရေးတိုးတက် ကောင်းမွန်လာခြင်းက မတူညီသော မဟာမိတ်နှစ်ဦးအကြား အာဏာခွဲဝေ အပေးအယူလုပ်နေခြင်းလားဟု ပြောစရာများရှိလာပြန်သည်။

သူတို့နှစ်ဦးက မကြာခဏ ဆွေးနွေးတိုင်ပင်ကြသည့်အပြင် အချို့ကိစ္စရပ်များတွင် ဒေါ်အောင်ဆန်းစုကြည်က ဦးရွှေမန်းကို ထောက်ခံမှုများ ပိုလုပ်လာပါသည်။

“ကျွန်တော်တို့ထဲက တချို့ကတော့ ဒါကိုမကြိုက်ဘူးပေါ့လေ။ ဒါပေမဲ့ ဒေါ်စုက တိုင်းပြည်အတွက် လုပ်ဆောင်ဖို့သာ ဆုံးဖြတ်တတ်သူပါ။ သူ့ကို မထောက်ခံရင်လည်း ပါတီက ထွက်ဖို့ပဲရှိတယ်။ ဦးရွှေမန်းက စစ်တပ်နဲ့ ကြံ့ခိုင်ရေးပါတီကို ကိုင်တွယ်နိုင်တယ်။ အခြေခံဥပဒေကိုပြင်ဖို့ ဒီလိုထောက်ခံမှုတွေ လိုအပ်ပါတယ်” ဟု သူတို့နှစ်ဦးအပေါ် သဘောထားကို အမျိုးသားဒီမိုကရေစီအဖွဲ့ချုပ် လွှတ်တော်အမတ်တစ်ဦးက ရှင်းပြသည်။ မြန်မာနိုင်ငံရေး အကဲခတ်အများစု၏ သုံးသပ်ချက်အရ ဦးရွှေမန်းနှင့် ဒေါ်အောင်ဆန်းစုကြည်အကြားတွင် လျှို့ဝှက်သဘောတူညီချက်တစ်ခုရှိသည်။ ဒေါ်အောင်ဆန်းစုကြည်အနေဖြင့် ၂၀၁၅ ရွေးကောက်ပွဲမတိုင်မီ အခြေခံဥပဒေကို ပြင်ဆင်ရန်လိုအပ်သည်။ ယခုဥပဒေအရ နိုင်ငံခြားသားနှင့် လက်ထပ်ခဲ့သူတစ်ဦးအနေဖြင့် မြန်မာနိုင်ငံတွင် သမ္မတရွေးကောက်ပွဲဝင်ခွင့်မရှိသည့်အတွက်ဖြစ်သည်။

လွှတ်တော်ထဲက အမတ် ၇၅ ရာခိုင်နှုန်းအပြင် အနည်းဆုံးစစ်သားအမတ်တစ်ဦးဆီက ထောက်ခံမှုလိုအပ်သဖြင့် ထိုဥပဒေအချက်ကို ပြင်ဆင်ရန်မဖြစ်နိုင်ဟု လေ့လာသူအချို့က ဆိုသည်။ မျှော်မှန်းထားသလို ဒေါ်အောင်ဆန်းစုကြည်၏ အမျိုးသားဒီမိုကရေစီ အဖွဲ့ချုပ်က ရွေးကောက်ပွဲတွင် အများဆုံး အနိုင်ရခဲ့ပါလျှင် သမ္မတကို ၎င်းက ရွေးချယ်ကောင်း ရွေးချယ်နိုင်မည်။ ၎င်းနှင့် ဦးရွှေမန်းတို့၏ နှစ်ဦးအင်အားကို အသုံးချပြီး အခြေခံဥပဒေမှ လိုအပ်သည့် အချက်များပြင်ဆင်နိုင်သည့်အတွက် ဒေါ်အောင်ဆန်းစုကြည်သည် ဦးရွှေမန်းနှင့် သဘောတူညီချက်အရ ပူးပေါင်းခြင်းဖြစ်သည်ဟုလည်း ဆိုကြသည်။

“အဆုံးစွန်ပြောရရင် သူက ခေါင်းဆောင်မှုကို ဒေါ်စုကို လွှဲပေးလို့ရတယ်။ မြန်မာစနစ်က အဲလိုမျိုးလုပ်လို့ရတယ်လေ” ဟု နိုင်ငံရေးသမားများနှင့် ရင်းနှီးသူ မြန်မာဘလော့ဂါတစ်ဦးက ပြောပါသည်။ ထိုအချက်ကို အမျိုးသား ဒီမိုကရေစီအဖွဲ့ချုပ်နှင့် ပြည်ခိုင်ဖြိုးပါတီအတွင်း လူများက သဘောတူထားကြသည်ဟု သူကဆိုပါသည်။

“ဒါပေမဲ့ အဓိကထောက်ပြတဲ့ အချက်ကတော့ ဒေါ်စုနဲ့ ဦးရွှေမန်းက ဒါကိုထိထိရောက်ရောက် အကောင်အထည်ဖော်နိုင်မလား ဆိုတာပဲ” ပြည်ခိုင်ဖြိုးပါတီအတွင်းရေးမှူး ဦးမောင်မောင်သိမ်းက ဦးရွှေမန်းနှင့် ဒေါ်အောင်ဆန်းစုကြည်အကြား ထိုကဲ့သို့ သဘောတူညီချက်မျိုးရှိသည်ဆိုတာ မဖြစ်နိုင်ဘူး” ဟု ငြင်းပါသည်။

“အခုအချိန်မှာ ပေါင်းစည်းတယ်လို့ ပြောဖို့ အရမ်းစောလွန်းပါတယ်။ အမျိုးသားဒီမိုကရေစီအဖွဲ့ချုပ်က ကြံ့ဖွတ်ကို မဟာမိတ်အဖြစ် လက်ခံပါ့မလားဆိုတဲ့ မေးခွန်းမေးဖို့တောင် စောပါသေးတယ်”

အချို့ကလည်း မြန်မာက ပြင်သစ်နိုင်ငံမှာကဲ့သို့ သမ္မတနှင့် ၀န်ကြီးချုပ် နှစ်ဦးစလုံးထားရှိမည့် စနစ်မျိုးကို ဦးတည်နေသည်ဟု ဆိုပါသည်။ ထိုစနစ်က နိုင်ငံရေးသမားများကို နှစ်ဦးနှစ်ဖက်ကျေနပ်မှု ရှိစေမည့် သဘောရှိပါသည်။

ထိုအချိန်တွင် ယခင်က ဗိုလ်ချုပ်မှူးကြီးသန်းရွှေ၏ နေရာကာကွယ်ရေးဦးစီးချုပ်တာဝန်ကို ယူလာသည့် ဗိုလ်ချုပ်မှူးကြီးမင်းအောင်လှိုင်ကလည်း နိုင်ငံရေးအင်အားကောင်းလာသည်ဟု ဆိုပါသည်။

“သူ့ကြည့်ရတာ ပိုယုံကြည်မှုရှိလာပြီး ပိုပြီးနိုင်ငံရေးသမားဆန်လာတယ်” ဟု အာရှသံတမန်တစ်ဦးက ပြောကြားသည်။

ပြုပြင်ပြောင်းလဲရေးများကြောင့် လူကြိုက်များလာသော သမ္မတဦးသိန်းစိန်ကရော ဒုတိယအကြိမ်သက်တမ်းအတွက် ပြန်လည်အရွေးခံဦးမည်လား။ ထိုအရာကလည်း မေးခွန်းထုတ်စရာ ဖြစ်လာသည်။

အချို့က မြန်မာနိုင်ငံ၏ စစ်အာဏာရှင်စနစ်မှ ယခုကဲ့သို့ ကူးပြောင်းလာခြင်းသည် အကွက်ချစီစဉ်ထားခြင်း တစ်ခုဖြစ်သည်ဟုဆိုချိန်တွင် နိုင်ငံရေးလှုပ်ရှားသူအချို့က ထိုအရာသည် ပြည်သူ့သဘောထားသာ ဖြစ်သည်ဟု ပြောဆိုခြင်းမှာ အနည်းငယ်ထူးဆန်းနေပါသည်။

ထို့ကြောင့် မြန်မာနိုင်ငံဆိုင်ရာ အမေရိကန် သံရုံးကောင်စစ်ဝန်ဟောင်း ပရက်ဆီလာကလပ်က “အစိုးရအဖွဲ့ကို ထိန်းချုပ်ဖို့ဆိုတာ လွှတ်တော်ရဲ့ တာဝန်ပါပဲ။ လွှတ်တော်နဲ့ အစိုးရကြားက လက်တလောအပေးအယူတွေက ဒီမိုကရေစီအစပြုနေတာကို ပြသနေတာပါ။ ဒါမှမဟုတ်ရင်တော့ တချို့ ပြောသလို နိုင်ငံရေးပြဿနာတွေ ဖြစ်လာမယ့် လက္ခဏာပဲ” ဟု ဆိုသည်။

မြန်မာအစိုးရ၏ အာဏာဖွဲ့စည်းပုံတွင် တစ်ချိန်က စစ်ဗိုလ်ချုပ်များကြီးစိုးခဲ့ပြီး ယခုအခါတွင် သိသိသာသာ လွှတ်တော်နှင့် အစိုးရအဖွဲ့ကပါဝင်မှု ပိုများလာသည်ကို တွေ့နိုင်သည်။ သို့သော်လည်း စစ်တပ်က အရေးပါသော ကဏ္ဍတွင်ရှိနေဆဲဖြစ်သည်။ ဥပမာဆိုရလျှင် မေလတုန်းက အမေရိကန်ပြည်ထောင်စုက သမ္မတအိုဘားမားကို လာတွေ့သည့် သမ္မတဦးသိန်းစိန်၏ ခရီးစဉ်ကိုယ်စားလှယ်အဖွဲ့မှာပင် ဗိုလ်ချုပ်ဝေလွင်နှင့် ဗိုလ်ချုပ်ကိုကိုကဲ့သို့ ဗိုလ်ချုပ်ကြီးများ ပါဝင်သည်။

သို့သော်လည်း သမ္မတဦးသိန်းစိန်က ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကို အမေရိကခရီးစဉ်တွင် ခေါ်လာမည့် တောင်းဆိုချက်ကို စောသေးသည်ဟု အကြောင်းပြကာ အိမ်ဖြူတော်က ပယ်ချခဲ့သည်။

ဝါရှင်တန်တွင် သတင်းမီဒီယာများနှင့် တွေ့ဆုံစဉ်က ဦးသိန်းစိန်က တပ်မတော်သည် အစိုးရအဖွဲ့တွင် အရေးပါသောကဏ္ဍ၌ အမြဲတမ်းရှိနေသည်ဟု ပြောကြားခဲ့သည်။

ထို့အပြင် ဒေါ်အောင်ဆန်းစုကြည်ကလည်း ဖခင်ဖြစ်သူ ဗိုလ်ချုပ်အောင်ဆန်းတည်ထောင်ခဲ့သော တပ်မတော်ကို မိသားစုသဖွယ်ချစ်ခင်ပါသည်ဟု ပြောကြားခဲ့ပါသည်။ ထို့သို့ ပြောကြားခြင်းကို ဒေါ်အောင်ဆန်းစုကြည် သမ္မတဖြစ်ချင်သည့် ရည်ရွယ်ချက်ဖြင့် ပြောကြားခြင်းဖြစ်သည်ဟု အချို့က ဝေဖန်ခဲ့ကြသည်။

ဒေါ်အောင်ဆန်းစုကြည်တွင်လည်း စိန်ခေါ်မှုများ တစ်ပုံတစ်ပင်။ ၂၀၀၈ ခုနှစ် အခြေခံဥပဒေအရ ၂၅ ရာခိုင်နှုန်းသော လွှတ်တော်အမတ်နေရာများက စစ်တပ်က ပိုင်ဆိုင်ထားသည်ဖြစ်သည့်အတွက် စစ်တပ်ကို စစ်တန်းလျား ပြန်ပို့ရန်အတွက်ပင် စစ်တပ်အမတ်များက ထောက်ခံမှု လိုသေးသည်။ တစ်ချိန်တည်းမှာပင် မြန်မာစစ်ဗိုလ်ချုပ်များကလည်း လက်ရှိ အာဏာရ အစိုးရဆီက ဖိအားပေးမှုများ ခံနေရသည်။ စစ်တပ်ကို စစ်တန်းလျားဆီ ပြန်သွားစေချင်သူများက စစ်တပ်လက်ဝါးကြီး အုပ်ထိန်းချုပ်ထားသော မော်တော်ကား၊ ဘီယာနှင့် ယမကာ၊ ဆောက်လုပ်ရေးလုပ်ငန်းများမှ ရုန်းထွက်မည့် စီးပွားရေးစနစ်ကို တွန်းအားပေးနေကြသည်။ ရေနံနှင့် သဘာဝဓာတ်ငွေ့ စီးပွားရေးလုပ်ငန်းများမှာလည်း စစ်တပ်က နောက်ခံပေးထားသော ကုမ္ပဏီများကို ယခင်စစ်အစိုးရက ပေးအပ်ခဲ့ခြင်းဖြစ်သည့်အတွက် စစ်တပ်ကပင် လက်ဝါးကြီးအုပ်ထားသည်။ သို့သော်လည်း သမ္မတ ဦးသိန်းစိန်က စစ်တပ်ပိုင်ကုမ္ပဏီများကို အခွန်ပေးဆောင်ရန်နှင့် အခြားစီးပွားရေးလုပ်ငန်းများနှင့် တန်းတူလုပ်ရမည်ဟု သတ်မှတ်လိုက်သောအခါ ယခင်က အခွင့်ထူးခံဖြစ်သော စစ်ဗိုလ်ချုပ်ကြီးများအတွက် အသက်ရှူကျပ်လာစရာဖြစ်လာသည်ဟု ၀ါရှင်တန်တက္ကသိုလ်က မြန်မာ့အရေးကျွမ်းကျင်သူ မာရီကလယ်ဟန်က ပြောကြားသည်။

ပြီးခဲ့သည့် ခြောက်လအတွင်း မြန်မာစစ်တပ်က လက်ဝါးကြီးအုပ်ထားသည့် ဘီယာနှင့် စီးကရက်လုပ်ငန်းများတွင် ဟန်နီကန်၊ ကားလ်ဘတ် ဘီယာများ၊ ဂျပန်ဆေးလိပ်ကုမ္ပဏီနှင့် လန်ဒန်စီးကရက်ထုတ်လုပ်သည့် ဘီအေတီကုမ္ပဏီများ ၀င်ရောက်လာခြင်းသည် စစ်တပ်၏ စီးပွားရေးလုပ်ငန်းများကို အတိအလင်းစိန်ခေါ်လိုက်ခြင်းဖြစ်သည်။

ထို့အပြင် စစ်တပ်က ကျောထောက်နောက်ခံပေးထားသည့် စီးပွားရေးသမားများနှင့် တရုတ်ကုမ္ပဏီများက ဒေါ်လာ ၁၄ ဘီလီယံမြှုပ်နှံထားသော အခြေခံအဆောက်အအုံ စီမံကိန်းများ ဖျက်သိမ်းခံရသည်။ ထို့အပြင် အစိုးရက စစ်တပ်အသုံးစရိတ်ကိုလည်း နိုင်ငံတော် အသုံးစရိတ်၏ ၂၂ ရာ ခိုင်နှုန်းရှိခဲ့ရာမှ ယခုနှစ်တွင် ၁၂ ရာခိုင်နှုန်းသို့ လျှော့ချဖြတ်တောက်လိုက်သည်။

ထို့အတူ အရပ်သားအစိုးရ အသွင်ပြောင်းရေးကလည်း အစိုးရအဖွဲ့တွင်းမှာ ဆက်တိုက်လုပ်ဆောင်နေပြီး စစ်တပ်အရာရှိကြီးများမှာ အစိုးရအုပ်ချုပ်ရေး ယန္တရားအတွင်းမှ ဖယ်ရှားခံလာရသည်။ ပြီးခဲ့သည့် တစ်နှစ်တည်းမှာပင် စစ်တပ်အရာရှိ ၇၀၀ ကျော်က အစိုးရရုံးဌာနအတွင်းမှ ရဲဌာနသို့ ပြောင်းရွှေ့ခံရသည်။

ခြုံငုံသုံးသပ်ရလျှင် စစ်တပ်အုပ်ချုပ်မှုဖြင့် မြန်မာနိုင်ငံသည် ယခင်ကလို ဆက်လက်ရပ်တည်ရန် မဖြစ်နိုင်တော့ပါ။ သို့သော်လည်း စစ်တပ်သည် မြန်မာနိုင်ငံတွင် အာဏာရှိနေဆဲဖြစ်ပြီး ၂၀၁၁ ခုနှစ်က နိုင်ငံရေးအကျဉ်းသားများ လွှတ်ပေးခြင်းစသော အဓိကနိုင်ငံရေးပြုပြင်ပြောင်းလဲမှုများတွင် စစ်တပ်မပါဘဲ မလုပ်ဆောင်နိုင်ဟု နိုင်ငံရေးပညာရှင် အချို့က ဆိုသည်။

သို့ရာတွင် စစ်တပ်အနေဖြင့် ထိုအတိုင်းဆက်မသွားရန် ဆုံးဖြတ်နိုင်သည့် အနေအထားရှိသလားဟု မေးစရာရှိလာပါသည်။

အဆိုးမြင်သူများကမူ စစ်တပ်ဗိုလ်ချုပ်များသည် စစ်စရိတ်ဖြတ်တောက်ခြင်းနှင့် တိုင်းရင်းသားများနှင့် ငြိမ်းချမ်းရေးကိစ္စများကို သဘောမကျဘဲ တိုင်းပြည်မှာ ဆူပူလှုပ်ရှားမှုများဖြစ်လာအောင် မွတ်ဆလင်ဆန့်ကျင်ရေး ဘာသာရေးလှုပ်ရှားမှုများကို နောက်ကနေ ငွေကြေးပံ့ပိုးနေပြီး တိုင်းပြည်ကို နောက်ပြန်လှည့်အောင်လုပ်နေသည်ဟု ဆိုကြသည်။

အကောင်းမြင်သူများမူ ဦးသိန်းစိန်ဦးဆောင် ပြုပြင်ပြောင်းလဲရေးသမားများသည် နောက်ပြန်လှည့်မည်မဟုတ်ဘဲ ၂၀၁၅ ခုနှစ်တွင် မြန်မာနိုင်ငံသည် ဒီမိုကရေစီစနစ်ကို အပြည့်အ၀အကောင်အထည်ဖော်နိုင်မည်ဟု ပြောသည်။

စီးပွားရေးအမြင်အရမူ မြန်မာသည် အိမ်နီးနားချင်း ကမ္ဘောဒီးယားနိုင်ငံကလိုပင် ခရီးသွားများ အဆမတန်များလာပြီး ပျက်စီးကာ လောဘကြီးသော နိုင်ငံခြားရင်းနှီးမြှုပ်နှံသူများနှင့် အမျိုးသားများ လွှမ်းမိုးသော အစိုးရအဖွဲ့နှင့်သာ အဆုံးသတ်ရရန် ရှိပါသည။်

အမျိုးသားဒီမိုကရေစီအဖွဲ့ချုပ်ကလည်း ဒေါ်အောင်ဆန်းစုကြည်ကိုသာ အားကိုးနေပြီး ၎င်းပြီးလျှင် ဆက်ခံအုပ်ချုပ်နိုင်မည့်သူ မရှိပါ။ ထို့အပြင် မြန်မာ၏ နည်းလမ်းမကျသော အခြေခံဥပဒေကြောင့် လွှတ်တော်နှင့် အစိုးရအကြားတွင် ပြိုင်ဆိုင်မှုများ တိုးပွားလာနေသည်ကလည်း ပြဿနာတစ်ခုဖြစ်သည်။ ထို့ကြောင့် အခြေခံဥပဒေကို ပြန်လည်ပြုပြင်မှသာလျှင် မြန်မာသည် စစ်မှန်သည့် ဒီမိုကရေစီ စနစ်ကို ရနိုင်မည်ဟု နိုင်ငံရေးပညာရှင်အချို့က ဆိုသည်။

ထို့ကြောင့် အာဏာအရှိန်ကြီးမားသည့် စစ်တပ်က တစ်ခါလောက် ကိုယ့်ကိုယ်ကိုယ် စတေးခံပြီး နိုင်ငံရေးမှ စစ်တပ်၏အာဏာကို ဖယ်ရှားရန် ဆောင်ရွက်သင့်ပြီဟု ဆိုသည်။

သို့သော်လည်း အနည်းဆုံးတော့ အထီးကျန်ကာလများမှ ယခုအချိန်ထိ လျှောက်လှမ်းလာခဲ့သည့် မြန်မာနိုင်ငံကို စောင့်ကြည့်နေကြဦးမည်သာဖြစ်သည်။

အဘယ်ကြောင့်ဆိုသော် နိုင်ငံရေးအာဏာလို ၎င်း၏ ဦးတည်ချက်ကို မှန်းဆကာ မပြောနိုင်သေးသော်လည်း မြန်မာနိုင်ငံက ပြောင်းလဲလှုပ်ရှားလာနေပြီဆိုသည်ကမူ မေးခွန်းထုတ်စရာ မလိုအောင် သိသာထင်ရှားနေသည် မဟုတ်ပါလား ။ ။

Poreign Policy မဂ္ဂဇင်းပါ GWENROBINSON ၏ The Contenders ကို ထားထားမြင့်ဘာသာပြန်ဆိုသည်။
Credit To 7Day News Journal
Read More »

“စိတ်ရှည်ရှည်နဲ့ ညှိနှိုင်းတတ်တဲ့ အလေ့အကျင့်ရှိဖို့ လိုတယ်”


ဦးကိုကိုကြီးနှင့် တွေ့ဆုံခြင်း
---------------------------
မေးမြန်းသူ- ပြည်သိမ်း

မျိုးစောင့်ဥပဒေအပါအ၀င် ဘာသာရေးနှင့် ပတ်သက်သည့် ထိလွယ်ရှလွယ်အငြင်းအခုံများက ၂၀၁၃ ခုနှစ်အတွင်း ကျယ်ကျယ်လောင်လောင်ထွက်ပေါ်လာသည်။ ထိုအချိန်တွင် နိုင်ငံတကာမီဒီယာများ၏ သုံးသပ်ရေးသားချက်များကလည်း ကမ္ဘာအနှံ့က နိုင်ငံသားပေါင်းစုံ၏ မြန်မာလူမျိုးများအပေါ်မြင်သည့် အမြင်ကို ပြောင်းလဲလာစေသည်။ နိုင်ငံရေး အကူးအပြောင်းကာလတွင် ထိုကဲ့သို့သော ဘာသာရေး အခြေခံသည့် ပဋိပက္ခများနှင့် လှုပ်ရှားမှုထွက်ပေါ်လာခြင်းအပေါ် ပြည်တွင်းရှိ နိုင်ငံရေးအင်အားစုများ၏ အသံမှာ အစိုးရနည်းတူပျောက်ကွယ်နေသည်ဟု ဝေဖန်မှုများလည်း ထွက်ပေါ်လာနေသည်။

ထို့ကြောင့်ဒေါ်အောင်ဆန်းစုကြည်ပြီးလျှင် မြန်မာလူထုအကြားပုံရိပ်ကြီးမားသည့် ၈၈ မျိုးဆက်ကျောင်းသားခေါင်းဆောင်များအနက် ခေါင်းဆောင်တစ်ဦးဖြစ်သူ ဦးကိုကိုကြီးနှင့် 7 Day News က သီးသန့်တွေ့ဆုံကာ ၎င်း၏ထင်မြင်ယူဆချက်များကို မေးမြန်းဖော်ပြလိုက်ပါသည်။

မေး-မျိုးစောင့်ဥပဒေနဲ့ ပတ်သက်ပြီး ဘာသာရေးလှုပ်ရှားမှုတွေက အခုတိုင်းပြည်ကသွားနေတဲ့ ဒီမိုကရေစီလမ်းကြောင်းကို အနှောင့်အယှက်ဖြစ်နိုင်တယ်လို့ ထင်ပါသလား။

ဖြေ-ကျွန်တော့်အနေနဲ့ အမျိုးဘာသာချစ်မြတ်နိုးလို့ လုပ်နေသူ အားလုံးကို ပံ့ပိုးသွားမယ်။ လေးလည်းလေးစားပါတယ်။ တစ်ခုပဲ စိုးရိမ်တယ်။ ဆောင်ရွက်မှုတွေက အချင်းချင်းကြားထဲမှာ စိတ်ဝမ်းကွဲမှုတွေမဖြစ်အောင် နိုင်ငံရေးသက်ရောက်မှု၊ နိုင်ငံရေးအမြင်၊ ဥပဒေအမြင်တွေ ကျယ်ကျယ်ပြန့်ပြန့်ဝိုင်းဝန်းဆောင်ရွက်ဖို့ လိုတယ်လို့ တိုက်တွန်းချင်ပါတယ်။

မေး-အခုလိုအချိန်မှာ ဘာသာရေးလှုပ်ရှားမှုတွေပေါ်လာတာ ဘယ်လို သက်ရောက်မှုတွေ ရှိစေမယ်လို့ ဦးကိုကိုကြီးထင်ပါလဲ။

ဖြေ-ကျွန်တော့်အမြင်ကတော့ ကျွန်တော်တို့မျိုးဆက်ရဲ့ ပခုံးပေါ်ကို ရောက်လာတဲ့ တာဝန်တွေပေါ့။ ကျွန်တော်တို့ ၈၇၊ ၈၈ ကတည်းက နိုင်ငံရေးလှုပ်ရှားမှုထဲ ပါခဲ့ကြတယ်။ တတ်စွမ်းသလောက် တတ်နိုင်သလောက် လုပ်ခဲ့ကြတယ်။ အခုအပြောင်းအလဲကာလမှာ ဦးတည်ချက်မပျောက်အောင် လုပ်ကိုင်ကြဖို့ အလေးအနက်ထားပြောချင်တာပါ။ ကျွန်တော် ဗုဒ္ဓဘာသာ တစ်ယောက်အနေနဲ့ အမျိုးဘာသာချစ်တဲ့စိတ်က ကျန်တဲ့လူတွေထက် မလျော့ပါဘူး။ အဲဒါကို ကာကွယ်စောင့်ရှောက်တဲ့ နည်းလမ်းတွေပေါ့။ ဒါကို ကျယ်ကျယ်ပြန့်ပြန့် ဆွေးနွေးကြဖို့ လိုတယ်။ တစ်ခုတည်းမဟုတ်ဘဲ အခြားသူတွေရဲ့ အမြင်တွေကို အလေးအနက်ထားဆွေးနွေးကြဖို့။ အမျိုးသမီးအဖွဲ့တွေ၊ သံဃာအဖွဲ့အစည်းတွေနဲ့တွေ့စဉ်မှာလည်း ဒါပဲဦးတည်ပြောခဲ့ပါတယ်။

မေး-ဘာသာရေးနဲ့ ပတ်သက်တဲ့ လှုပ်ရှားမှုတွေ အားကောင်းလာတာ၊ ဥပမာခုလို မျိုးစောင့်ဥပဒေကြမ်းပေါ်လာတဲ့အပေါ် ဘယ်လိုမြင်ပါသလဲ။

ဖြေ-ကျွန်တော်ကတော့ ဆွေးနွေးမှုတွေဖြစ်လာတာ ကြိုဆိုပါတယ်။ ဆွေးနွေးတဲ့အခါမှာ စိတ်ရှည်သည်းခံပြီး မတူညီတဲ့ သဘောတရားတွေ နားထောင်နိုင်ဖို့ ထည့်သွင်းဆွေးနွေးနိုင်ဖို့လိုတယ်။ အခု ဒါတွေ ဖြစ်လာတာလည်း ရဟန်း ပုဂ္ဂိုလ်၊ လူပုဂ္ဂိုလ်တွေထဲမှာ ဗုဒ္ဓဘာသာရဲ့ ဆုတ်ယုတ်မှုတွေ ရှိလာပြီဆိုတဲ့ စိုးရိမ်စရာတွေ ပေါ်လာတာဖြစ်တယ်။ ဒါနဲ့ပတ်သက်ပြီး အလေးအနက်ထားဖို့ လိုတယ်။ စိုးရိမ်မှုတွေကို ဖြေရှင်းတဲ့ နေရာမှာ ဘယ်လိုပုံစံနဲ့ ဖြေရှင်းမလဲဆိုတာ နည်းလမ်းမျိုးစုံရှိတာပေါ့။ အခုဆွေးနွေးနေတဲ့ ပုဂ္ဂိုလ်တွေက ဥပဒေပုံစံနဲ့ လုပ်ဖို့ ဆွေးနွေးနေတာ ရှိတယ်။ အရင်လိုယဉ်ကျေးလိမ္မာ သင်တန်းတွေနဲ့ ကိုယ်ရဲ့ဘာသာကို ငယ်စဉ်ကတည်းက လေးစားယုံကြည်မှုရှိအောင် ကြိုးစားတာလည်းနည်းလမ်းတစ်ခုပဲ။ မြန်မာအမျိုးသမီးကြားထဲမှာလည်း ကိုယ်အမျိုးဘာသာနဲ့ ပတ်သက်ပြီး ဆွေးနွေးကြတာ၊ ဟောပြောပွဲတွေ လုပ်ကြတာစသဖြင့် ဒါတွေဟာ လုပ်ပုံကိုင်ပုံတွေပဲ။ တစ်ခုပဲ ရှိတယ်။ အခြားဘာသာဝင်ဘက်က သူတို့ရဲ့အမြင်သဘောထား မထိခိုက်အောင် ၀ိုင်းပြီး စဉ်စားပေးဖို့လိုတယ်။ အခုအခြေအနေ မကြည့်ဘဲ ရေရှည် ကျွန်တော်တို့ နိုင်ငံကို နောင် ၅ နှစ်၊ ၁၀ နှစ် ဘယ်လိုဖြစ်စေချင်လဲ။ ဖြစ်စေချင်တဲ့ ဘာသာရေးအရ ကျန်တဲ့ ဘာသာဝင်တွေလည်း ဆက်ရှိနေမယ်။ အဲဒီဘာသာဝင်တွေကြားထဲမှာ အခုလုပ်တဲ့ လုပ်ရပ်ကြောင့် စိတ်ဝမ်းကွဲမှုတွေ ဖြစ်သွားမယ်ဆိုရင် အကျိုးဆက်က နောင်လာမယ့် ၅ နှစ်၊ ၁၀ နှစ်မှာ ရောက်လာမယ်။ တစ်ဖက်က ကိုယ့်အမျိုးဘာသာ၊ သာသနာစောင့်ရှောက်ဖို့ဆိုတာ ကျွန်တော်လည်း လက်ခံတယ်။ စောင့်ရှောက်မယ့် နည်းလမ်းတွေကို ၀ိုင်းဆွေးနွေးကြမယ်။ အခုကဥပဒေပြုတာနဲ့ ပတ်သက်ရင် နိုင်ငံရဲ့ တည်ဆဲဥပဒေစိုးမိုးရေး အခြေအနေကို ကြည့်ဖို့လိုတယ်။ ဥပဒေတွေသာပြုနေပြီး အသက်မ၀င်ဘူး၊ ထိရောက်အောင် မလုပ်နိုင်ဘူးဆိုရင် အငြင်းပွားမှုသာဖြစ်လာပြီး ဥပဒေက အသက်ဝင်လာမှာ မဟုတ်ဘူး။ တစ်ခုခုမလုပ်မီ ၀ိုင်းဝန်းစဉ်းစားဖို့လိုတယ်။
သတင်းစာတွေ ဖတ်ရတယ်။ မောင်တောမှာ မှတ်ပုံမတင်ထားတဲ့ ကလေး ၆၀၀၀၀ ကျော်ရှိတယ်။ နိုင်ငံတကာက ၀ိုင်းဝန်းပြစ်တင်ဝေဖန်နေတဲ့ ဒီနေရာမှာ ဘာသာခြားတွေ ကလေးမွေးခွင့်မရ၊ လက်ထပ်ခွင့်မရနဲ့ ထိန်းချုပ်ညွှန်ကြားချက်ထုတ်၊ အမိန့်တွေထုတ်ထားတယ်။ လက်တွေ့မှာတော့ ဘာမှမလုပ်နိုင်ဘူးဆိုတာ ထင်ရှားဆုံးနမူနာ တစ်ခုပဲ။ ဘာသာရေးနဲ့ ပတ်သက်ပြီး ယုံကြည်မှုနဲ့ ဆိုင်တယ်။ ကိုယ့်ဘာသာဝင်တွေကြားမှာ ယုံကြည်မှုတွေ လေးလေးနက်နက်လက်ခံအောင်လုပ်နိုင်ဖို့ အရေးကြီးတယ်။
အကြမ်းဖက်မှုမဖြစ်အောင် ဗုဒ္ဓဘာသာက အကြမ်းဖက်လုပ်ရပ် တွေလုပ်တာလို့ နိုင်ငံတကာက ပြောတာ လုံးဝလက်မခံနိုင်ဘူး။ ကျွန်တော်တို့ ဗုဒ္ဓဘာသာက အကြမ်းဖက်မှု မလိုလားတဲ့ ဘာသာ၊ ငြိမ်းချမ်းရေးကို လိုလားတဲ့ ဘာသာဖြစ်တယ်။ အမျိုးသာသာရဲ့ ငြိမ်းချမ်းရေးကို လိုလားတယ် ပုံရိပ်ကို မြှင့်တင်ဖို့ ဘာသာ၊ သာသနာချစ်စိတ်အတွက် အရေးတကြီးလုပ်ရမယ့် ကိစ္စဖြစ်တယ်။

မေး-လူအချို့ကလည်း မျိုးစောင့် ဥပဒေက လူ့အခွင့်အရေးနဲ့ မညီဘူး။ ဒီမိုကရေစီစံနှုန်းနဲ့ မညီဘူး။ အခြေခံဥပဒေနဲ့တောင် မညီဘူး။
တိုင်းရင်းသားပေါင်းစုံရှိတဲ့ နိုင်ငံမှာ ဒီဥပဒေကြောင့် စစ်မှန်တဲ့ ပြည်ထောင်စုနိုင်ငံ ပေါ်ပေါက်ဖို့ ပြဿနာရှိတယ်လို့ သုံးသပ်ကြပါတယ်။ ဒီလိုထင်မြင်ချက်တွေအပေါ် ဘယ်လိုမြင်ပါသလဲ။

ဖြေ-ဒါတွေက ကျယ်ကျယ်ပြန့်ပြန့်ဆွေးနွေးပြီး လူ့အခွင့်အရေး ရှုထောင့်က တင်ပြတာတွေ့ရှိလာမယ်။ တိုင်းရင်းသားတွေဘက်ကလည်း သူတို့အမြင်တွေ တင်ပြလာတာရှိမယ်။ ဒီကိစ္စအပေါ် စိတ်ဝင်စားသူအားလုံး ကျယ်ကျယ်ပြန့်ပြန့်ဆွေးနွေးလိုက်ရင် ဒီအပေါ်မှာ အားလုံးလက်ခံတဲ့ အဖြေတစ်ခုကတော့ ထွက်လာမယ်။

မေး-မျိုးစောင့်ဥပဒေပြဋ္ဌာန်းလိုက်ရင် တိုင်းရင်းသားလူမျိုးစုတွေကြား ဘာသာရေးနဲ့ဆိုင်တဲ့ ခွဲခြားမှုတွေများ ထပ်မံကြုံတွေ့လာနိုင်မှု
များရှိနိုင်မလား။

ဖြေ-လူမျိုးတစ်မျိုးက သူ့လူမျိုးကိုချစ်တာ သူ့ဘာသာကို ချစ်တာသဘာဝပဲ။ ဒါက လူသားတစ်ယောက်အနေနဲ့ အခြေခံစိတ်ပဲ။ ဒါပေမဲ့ တစ်ချိန်တည်းမှာ ကိုယ့်ကိုယ်ကိုယ်နားလည်ဖို့ ကိုယ်ဟာဘာသာဝင်တစ်ယောက်၊ လူမျိုးတစ်မျိုးဖြစ်သလို၊ ဒီနိုင်ငံရဲ့ နိုင်ငံသား တစ်ယောက်လည်းဖြစ်တယ်။ နိုင်ငံသားက ယေဘုယျကျတယ်။ နိုင်ငံသားဆိုတဲ့ အခြေခံမူပေါ်မှာ စဉ်စားမှ လူမျိုးကွဲဘာသာကွဲတွေကို နိုင်ငံမှာ ဘယ်လိုနေနိုင်မလဲဆိုတာစဉ်းစားရမယ်။ နိုင်ငံရေးအရ ပြောရရင်တော့ အခြေခံအကျဆုံးက နိုင်ငံသားပဲ။ နိုင်ငံသားတိုင်း တန်းတူညီမျှဖြစ်ရမယ်ဆိုတာကို အာရုံစိုက်စေချင်တယ်။ မြန်မာနိုင်ငံသားဆို ပြီး နိုင်ငံချစ်စိတ်မွေးရင် ပြဿနာတွေကို မိသားစုပြဿနာလို ဖြေရှင်းနိုင်လိမ့်မယ်။

မေး-နိုင်ငံရဲ့ ခုလို အကူးအပြောင်း ကာလများကို ဦးကိုကိုကြီးအနေနဲ့ နိုင်ငံအတွက်စိတ်အပူပန်ဆုံးက ဘာလဲ။

ဖြေ-စိုးရိမ်တာတစ်ခုက ကျွန်တော်တို့နိုင်ငံဟာ စစ်အာဏာရှင်အောက်မှာ နှစ်ပေါင်းများစွာ နေခဲ့ရတယ်။ ကျွန်တော်တို့ရဲ့ အရပ်ဘက်အဖွဲ့အစည်းတွေနဲ့ အခြေအနေတွေက များစွာ အားနည်းခဲ့တယ်။ အရပ်ဘက်လူ့အဖွဲ့အစည်းတွေ အားနည်းရင် စစ်ဘက်အဖွဲ့အစည်းတွေက အားကောင်းလာမယ်။ သူ့မှာက အမိန့်နဲ့ ဖွဲ့စည်းပုံက အခိုင်အမာရှိပြီးသားပဲ။ နောက်အရပ်ဘက် အဖွဲ့အစည်းအားနည်းတာ၊ တစ်ချိန်တည်း လုံခြုံရေးအဖွဲ့အစည်းတွေလည်း အားနည်းတာပဲ။ လုံခြုံရေးအဖွဲ့အစည်း အားနည်းမှုက ဒီမိုကရေစီမှာဆိုရင် စစ်အုပ်ချုပ်ရေးအကူအညီ တောင်းရတဲ့ အဆင့်မျိုးတွေဖြစ်လာတယ်။ ကျွန်တော် ထင်ပါတယ်။ စစ်တပ်က အရပ်ဘက် အုပ်ချုပ်ရေးမှာ ၀င်လုပ်နေရပြီး ရေရှည်မှာသူတို့ သိက္ခာကျဆင်းမှုမျိုးကို မလိုလားဘူး။ ကျွန်တော်တို့ နိုင်ငံဟာ လက်ရှိ အခင်းအကျင်းထဲမှာ စစ်တပ်ကို သူ့နေရာသူပြန်ရောက်အောင်လုပ်ဖို့ဆိုရင် အရပ်ဖက် အဖွဲ့အစည်းတွေအနေနဲ့ အားကောင်းအောင် ကြိုးစားရမယ်။ အရပ်ဘက်အဖွဲ့အစည်းတွေက မထိန်းနိုင်လို့ စစ်တပ်က ၀င်ပါလာတာ ကျွန်တော်တုိ့အတွက် ကောင်းတဲ့ အလားအလာမဟုတ်တော့ဘူး။

မေး-၂၀၁၃ ခုနှစ်မှာ မြန်မာနိုင်ငံအတွက် အန္တရာယ် အကြီးဆုံးပြဿနာက ဘာလို့ ဦးကိုကိုကြီး ထင်ပါသလဲ။

ဖြေ-အဓိက အကျဆုံးကတော့ ငြိမ်းချမ်းရေးကိစ္စပဲ။ ငြိမ်းချမ်းရေးဆိုတာ လက်နက်ကိုင်ပဋိပက္ခများ သာမကဘဲ ပြည်တွင်းမှာဖြစ်နေတဲ့ အကြမ်းဖက်မှုတွေ ရပ်တန့်ပြီး တရားဥပဒေစိုးမိုးဖို့၊ နိုင်ငံသားရဲ့ အခန်းကဏ္ဍမြှင့်တင်ဖို့၊ အဓိက ကျတယ်။ ငြိမ်းချမ်းရေးမရှိရင် ဖွံ့ဖြိုးတိုးတက်မှု မရှိဘူး။ နိုင်ငံအတွင်း ပြည်ပရင်းနှီးမြှုပ်နှံမှု ၀င်ရောက်မှု၊ စီးပွားရေး ဖွံ့ဖြိုးတိုးတက်မှုအတွက် ငြိမ်းချမ်းရေးက များစွာအရေးကြီးတယ်။ ငြိမ်းချမ်းရေး၊ တည်ငြိမ်ရေးလို့ပြောရင် အရင်ကအမိန့်ပေးထိန်းချုပ်လို့၊ ကြောက်လို့ မလုပ်ရဲတာ ငြိမ်းချမ်းရေးမဟုတ်ဘူး။ ကျွန်တော်တို့ လူ့အဖွဲ့အစည်းက မတူကွဲပြားတဲ့ အမြင်သဘောထားတွေကြားထဲမှာ လွတ်လပ်ပွင့်လင်းပြီး ပြောကြ၊ ဆိုကြရင်းနဲ့ ငြိမ်းချမ်းစွာ ဖြေရှင်းနိုင်ဖို့ တည်ငြိမ်တဲ့ အခြေအနေတစ်ခုကို ရဖို့လိုတယ်။

မေး-လက်ရှိအစိုးရက မျိုးစောင့်ဥပဒေကိစ္စကို Public Debate အနေနဲ့ မြင်တယ်ဆိုပြီး ဒီတိုင်းထားထားတယ်။ ဒီကိစ္စက နိုင်ငံသားတွေအတွင်း နှစ်ခြမ်းကွဲစရာ ဖြစ်လာတယ်လို့ ပြောကြတာတွေရှိတော့ အစိုးရအနေနဲ့ ဒီလို ဘာသာရေးအစွန်းရောက်မှု ပြဿနာတွေအပေါ်မှာ ဘယ်လို တာဝန်မျိုးရှိတယ်လို့ ဦးကိုကိုကြီး ပြောချင်ပါသလဲ။

ဖြေ-ကျွန်တော်တို့ အရပ်ဘက်အဖွဲ့အစည်းမှာ လုံခြုံရေးအဖွဲ့အစည်းတွေပါတယ်။ ဘာသာရေးအဖွဲ့အစည်းတွေပါတယ်။ အဲဒီအဖွဲ့ကြားမှာ ဆွေးနွေးညှိနှိုင်းမှုကို တည်ဆောက်နိုင်ပြီဆိုရင် အစိုးရအခန်းကဏ္ဍက မလိုဘူး။ အကြမ်းဖက်မှုဖြစ်လာရင် လုံခြုံ ရေးတပ်ဖွဲ့တွေ ၀င်ရောက်ဟန့်တားဖြေရှင်းတာတွေလုပ်ရမယ်။ အသက်အိုးအိမ်စည်းစိမ်ကို အစိုးရအကာအကွယ်ပေးရမယ်ဆိုတဲ့ တာဝန်ရှိတယ်။ အဓိကတော့ အဲဒီအဆင့်ကို မရောက်အောင် အရပ်ဘက်အဖွဲ့အစည်းတွေက အားကောင်းဖို့လိုတယ်။ စိတ်ရှည်ရှည်နဲ့ ညှိနှိုင်းတဲ့ အလေ့အကျင့်ရှိ ဖို့ လိုတယ်။ ဒီလိုဆိုရင် အစိုးရရဲ့ အခန်းကဏ္ဍကလျော့သွားတယ်။

မေး-သာသာရေးကိစ္စတွေပြီးတော့ ဦးကိုကိုကြီးတို့ အဖွဲ့အကြောင်း မေးချင်ပါတယ်။ ၈၈ က အခု အဖွဲ့အစည်းတစ်ခုအနေနဲ့ မှတ်ပုံတင်
လိုက်တယ်။ အဲဒီတော့ ၂၀၁၅ အတွက် ၈၈ အဖွဲ့ရဲ့လမ်းကြောင်းက ဘယ်လိုလဲလို့ ပြည်သူတွေကမေးရင် ဦးကိုကိုကြီးက ဘယ်လို ဖြေချင်ပါသလဲ။

ဖြေ-အခုဟာက (NGO) လူမှုရေး အဖွဲ့အစည်းအနေနဲ့ မှတ်ပုံတင်ဖို့ လုပ်နေတယ်။ ရှစ်လေးလုံးငွေရတုအခမ်းအနားပြီးရင် ဆက်လုပ်သွားမယ်။ ၈၈ အဖွဲ့ထဲမှာ လွှတ်တော် နိုင်ငံရေးကို ဇောက်ချပြီး လုပ်ကိုင်ချင်သူတွေ ပေါ်လာဖို့ရှိသလို၊
အရပ်ဘက်အဖွဲ့အစည်းတွေ အားကောင်းအောင် ဆက်လုပ်မယ့်သူတွေလည်း ဆက်ရှိနေမယ်။

မေး-လက်ရှိ လွှတ်တော်အတွင်း မဲခွဲဆုံးဖြတ်မှုတွေနဲ့ ပတ်သက်လို့ ဝေဖန်မှုတွေရှိတယ်။ ဥပမာ မီဒီယာဥပဒေ၊ ဆက်သွယ်ရေး၊ တင်ဒါကိစ္စတွေမှာပေါ့။ လွှတ်တော် အမတ်တွေကို အားကိုးလို့ မဖြစ်ဘူးလို့ပြောကြတယ်ဆိုတော့ လက်ရှိ မြန်မာနိုင်ငံရဲ့ လွှတ်တော်နိုင်ငံရေးအခင်းအကျင်းကို သုံးသပ်ပေးပါ။

ဖြေ-လွှတ်တော်နိုင်ငံရေးက ပီပီပြင်ပြင်ပေါ်မလာသေးဘူး။ လက်ရှိ လွှတ်တော်ပုံသဏ္ဍန်ကိုက အငြင်းပွားစရာဖြစ်နေတယ်။ ၂၀၀၈
ဖွဲ့စည်းပုံ၊ ၂၀၁၀ ရွေးကောက်ပွဲတွေနဲ့ စတည်ထားတာ။ တကယ်သာ လူထုကို ကိုယ်စားပြုတဲ့ စစ်စစ်မှန်မှန် လွှတ်တော်နိုင်ငံရေးပေါ်လာရင် ပြဿနာဖြေရှင်းမှု ဆုံချက်က လွှတ်တော်မှာ ဖြစ်ရမယ်။ လွှတ်တော်မှာ ဥပဒေပြုပြဋ္ဌာန်းမယ်။ လွှတ်တော်ရဲ့ ဆုံးဖြတ်ချက်ဥပဒေကို တိတိကျကျ ကျင့်သုံးနိုင်တဲ့ အစိုးရဖြစ်ဖို့ဆိုရင် ပြဿနာတွေ လမ်းပေါ်မှာဖြေရှင်းတာ လျော့သွားမယ်။ ဒီမိုကရေစီမှာ လမ်းပေါ်မှာ ဆန္ဒဖော်ထုတ်တာတွေရှိနေတယ်။ ဒါက ပြဿနာတွေကို လွှတ်တော်ကိုယ်စားလှယ်တွေ သိအောင် ဖော်ထုတ်တာပဲဖြစ်တယ်။ ဒီပြဿနာတွေကို တကယ်ဖြေရှင်းတာက လွှတ်တော်တွေ၊ တရားရုံးတွေဖြစ်ရမယ်။ ဒီလိုစနစ်အားကောင်းရင် လူမှုရေးပြဿနာ၊ စီးပွားရေး၊ ပြဿနာဖြေရှင်းတာ လွှတ်တော်ဖြစ်သွားမယ်။

မေး-ဟိုတစ်လောက ရေပန်းစားနေတဲ့ သမ္မတကိစ္စ ဦးကိုကိုကြီးကြားပြီးသားပါ။ ဦးကိုကိုကြီးရော ပြည်သူက ဆန္ဒရှိတယ်ဆိုရင် သမ္မတလုပ်ဖို့ဆန္ဒရှိပါသလား။

ဖြေ-ကျွန်တော်ရယ်စရာ ပြောမယ်။ ကျွန်တော်အနေအထိုင်မတတ်လို့ နိုင်ငံရေးလုပ်တာ။(ရယ်လျက်) ကျွန်တော်ကြုံခဲ့ရတာနဲ့ ဖြတ်သန်း ခဲ့ရတာနဲ့ ပတ်သက်ပြီး ဘာလုပ်ပေးနိုင်မလဲဆိုတာပဲ။ အခုလည်း ပြဿနာဖြစ်တဲ့ ကိစ္စတွေကို လက်မရှောင်ဘူး။ ကျွန်တော်က နိုင်ငံရေးကို စီးပွားရေး၊ ဝေါဟာရအရ ပြောရရင် (Service) ၀န်ဆောင်မှုပေးချင်တာပါ။ နိုင်ငံရေးဆိုတာ ၀န်ဆောင်မှုလုပ်ငန်း။ နိုင်ငံတွေသားရဲ့ ၀န်ကိုဘယ်လောက်ထိထမ်းဆောင်နိုင်မလဲဆိုတာကို ဦးစားပေးတယ်။ ကျွန်တော်နိုင်ငံရေး ဒီထက်ပိုပြီး လွှတ်တော်နိုင်ငံရေးလုပ်ရင်လည်း ဘယ်လောက်ဝန်ဆောင်မှု ပေးနိုင်မလဲဆိုတဲ့ အပေါ်မှာပဲ သက်ဆိုင်ရာ နိုင်ငံသား မဲဆန္ဒရှင်တွေက ဆုံးဖြတ်သွားမယ် ထင်တယ်။

မေး-နိုင်ငံရေး ခေါင်းဆောင်တွေ၊ လွှတ်တော်အမတ်တွေက ဘာသာရေးကိစ္စမှာ ငြိမ်သက်နေတာကို အားမလိုအားမရ ဝေဖန်နေတာတွေရှိ တယ်။ ဦးကိုကိုကြီးကို ဒီမျိုးစောင့်ဥပဒေလှုပ်ရှားမှုကို ထောက်ခံတဲ့ ဘက်ကလားလို့မေးရင် ဘယ်လိုဖြေမလဲ။

ဖြေ-အခုလိုအင်တာဗျူးနေတာကိုက နိုင်ငံရေးသမားတစ်ယောက်အနေနဲ့ ကျွန်တော်ထွက်ပြောနေတာလေ။ အခြားနိုင်ငံရေးခေါင်းဆောင်တွေ တာဝန်ရှိသူတွေအနေနဲ့ တိုင်းပြည်မှာ ဖြစ်လာတဲ့ အကျပ်အတည်းတွေ၊ အများနဲ့ ညှိနှိုင်းဆွေးနွေးပြီး ကိုယ့်သဘောထားကျယ်ကျယ်ပြန့်ပြန့် သိအောင်လုပ်သင့်တယ်။ ထိရောက်တဲ့ဖြေရှင်းမှုတွေမှာလည်း ပူးပေါင်းပါဝင်ဆောင်ရွက်သင့်တယ်။ ကိုယ့်အမြင်၊ ကိုယ့်ရပ်တည်ချက်ကို ပြည်သူကို ပွင့်ပွင့်လင်းလင်း ချပြပြောသင့်တယ်။ ။

Credit To 7Day News Jouranl
Read More »

ကံကောင်း၍ အာဇာနည် မဖြစ်ခဲ့သူများ


ရေးသားသူ- မျိုးအောင်(အငြိမ်းစား)

၁၉၄၇ ခုနှစ် ဇူလိုင်လ ၁၉ ရက် နံနက် ၁၁ နာရီ။ ကောင်းကင်တစ်ခုလုံး မိုးသားတွေနဲ့ မည်းမှောင်နေတယ်။ မိုးကတော့ တဖွဲဖွဲရွာလိုက်၊ သည်းလိုက်။

အဖေ ဒီနေ့ရုံးမှာ အစည်းအဝေးရှိလို့ စောစောသွားတယ်။ အိမ်မှာ အမေနဲ့ ကျွန်တော်တို့ ကလေးတွေပဲရှိတယ်။ ခဏကြာတော့ တယ်လီဖုန်းသံကြားတယ်။ အစ်မကြီးက ဖုန်းကို နားထောင်တော့ “၀န်ကြီးရုံးခန်းကို ချောချောမောမောပြန်ရောက်ပါတယ်” လို့
ပြောပြီး ပြန်ချသွားတယ်။ အစ်မကြီးက အမေကိုပြောပြီး ရုံးကိုဖုန်းပြန်ဆက်တော့ ခေါ်လို့မရဘူး။ ဘာမှန်းမသိပေမယ့် တစ်ခုခုတော့
ဖြစ်ပြီလို့ စိတ်ထဲမှာ ထင့်သွားကြတယ်။

နေ့လယ်ကျမှ မျှော်လင့်မထားတဲ့ သတင်းဆိုးကြီးကို ကြားရတယ်။ ဗိုလ်ချုပ်ဆောင်ဆန်းနဲ့ ၀န်ကြီးအဖွဲ့လုပ်ကြံခံရတယ်တဲ့။ အဖေပါ၊ မပါ ချက်ချင်းမသိသေးဘူး။ နောက်မှ ရုံးကဖုန်းဆက်ပြောတယ်။ အဖေအသက်ဘေးမှ လွတ်ပေမယ့် ဗိုလ်ချုပ်နဲ့ သေဆုံးသူများအတွက် မဖော်ပြနိုင်တဲ့ ၀မ်းနည်းကြေကွဲမှုကို ခံစားရတယ်။

အဖေအိမ်ပြန်မရောက်ခင် ညနေကပင် လက်နက်ကိုင်ရဲတပ်သား အနည်းငယ် လုံခြုံရေးအတွက်ဆိုပြီး အိမ်ရောက်လာတယ်။ အဖေအိမ်ပြန်ရောက်တော့ အတော်ညဥ့်နက်နေပြီ။ အစ်မကြီးက အဖေကိုဖက်ပြီး ဗိုလ်ချုပ်ကောပါသလားလို့မေးတယ်။ ဗိုလ်ချုပ်ပါတယ်ပြောတော့ “ဖေဖေနိုင်ငံရေး မလုပ်ပါနဲ့တော့” လို့ဆိုပြီး ငိုပြောတယ်။ အဖေက “သမီး.. ခုအချိန်ဟာ ပိုအရေးကြီးတယ်။တိုင်းပြည်မှာ အာဏာလိုချင်တဲ့သူတွေက များနေတယ်။ ရှေးတုန်းကလို ရှင်ဘုရင်ကိုသတ်ရင် ရှင်ဘုရင် ဖြစ်မယ်လို့ ထင်နေကြတယ်။ ရှေ့ဘာဖြစ်မလဲမသိသေးဘူး” လို့ ပြန်ပြောတယ်။ အဖေ့ကြည့်ရတာ စိတ်တွေမတည်ငြိမ်၊ အတော်လှုပ်ရှားနေပုံရတယ်။ ခုခေတ်ဆရာဝန်ကြီးတွေအဆိုရ (trauma) ဖြစ်တာပေါ့။ ဒီနေ့မနက်ပဲ အစည်းအဝေးမှာ အတူထိုင်စကားပြောကြပြီး ချက်ချင်းကြီး မျက်စိရှေ့မှာ လုပ်ဖော်ကိုင်ဖက်တွေ သွေးအရဲရဲနဲ့ သေဆုံးသွားတာမြင်ရတော့ စိတ်တွေချောက်ချားပြီး သွေးလန့်နေမှာပေါ့။

နောက်မှ အဖေက စိတ်ကိုထိန်းပြီး မနက်ကဖြစ်စဉ်ကို ပြောပြတယ်။ အရင်တုန်းက ဘုရင်ခံရဲ့ အတိုင်ပင်ခံကောင်စီ (Governor's Executive Council) အစည်းအဝေးကို အလုံလမ်းမှာရှိတဲ့ ဘုရင်ခံအိမ်တော် (မဆလခေတ် လွှတ်တော်ဝင်းရှိ ယခင်သမ္မတ အိမ်တော်)မှာလုပ်တယ်။ ဘုရင်ခံကိုယ်တိုင်လည်း ဥက္ကဋ္ဌအနေနဲ့ ထိုင်တယ်။ တကယ်တော့ ဘုရင်ခံနဲ့ ကောင်စီဆိုတာ ၀န်ကြီးအဖွဲ့ (Cabinet) ပါပဲ။

လွတ်လပ်ရေးရခါနီးတော့ ဘုရင်ခံက အစည်းအဝေးမတက် တော့ဘူး။ ဒုဥက္ကဋ္ဌဖြစ်တဲ့ ဗိုလ်ချုပ်ကဦးဆောင်ပြီး အတွင်းဝန်များရုံး (Secretariate) (ယခင်ဝန်ကြီးများရုံး)မှာ တစ်ပတ်တစ်ကြိမ်လုပ်တယ်။ ပုံမှန်မှာ အစည်းအဝေးကို ဇူလိုင်လ ၁၆ ရက်မှာလုပ်ဖို့ စီစဉ်ထားပေမယ့် လွှတ်တော်အစည်းအဝေးနဲ့တိုက်နေလို့ ၁၉ ရက် စနေနေ့ကိုရွှေ့ပြီး ခေါ်လိုက်တာဖြစ်တယ်။

အစည်းအဝေးလုပ်တဲ့ ခန်းမကြီးက (ဂ)ပုံသဏ္ဌာန် (U shape) ဖြစ်တယ်။ စားပွဲရဲ့ အလယ်တည့်တည့်မှာ ဗိုလ်ချုပ်ကထိုင်ပြီး စားပွဲရဲ့ ဘယ်ဘက်မှာ ၀န်ကြီးများအဖွဲ့ အတွင်းဝန်ဦးရွှေဘော် (ICS) ထိုင်တယ်။ နောက်ပြီး ၀န်ကြီးဦးဘဂျမ်း၊ ဦးအောင်ဇံဝေ၊ ပျော်ဘွယ်ဦးမြနဲ့ မိုင်းပွန်စော်ဘွားကြီး စပ်စံထွန်းတို့ ထိုင်ကြတယ်။ စားပွဲရဲ့ညာဘက် မှာ ၀န်ကြီးသခင်မြ၊ ဦးရာဇာတ်၊ ဒီးဒုတ်ဦးဘချို၊ ဦးဘ၀င်းနဲ့ မန်းဘခိုင်တို့ အစဉ်အတိုင်းထိုင်ကြတယ်။ ဗိုလ်ချုပ်နဲ့ ၀န်ကြီးခြောက်ဦးပါတယ်။

အစည်းအဝေးက ၁၀ နာရီ ၁၀ မိနစ်လောက်မှာစတယ်။ နာရီဝက်ခန့်အကြာမှာ စစ်ဝတ်စုံဝတ်ထားတဲ့ သေနတ်ကိုင်လေးယောက်
ဆင်နားရွက်တံခါးကိုဖွင့်ပြီး အစည်းအဝေးခန်းထဲကို ရုတ်တရက်ဝင်လာတယ်။ ရှေ့ဆုံးက ၀င်လာတဲ့ သေနတ်သမားက (ဂ)ပုံစံစားပွဲ အလယ်မှာ ခြေစုံရပ်၊ နေရာယူပြီး ဗိုလ်ချုပ်အောင်ဆန်းကို တည့်တည့်ချိန်စပစ်တယ်။ ဗိုလ်ချုပ်က ထိုင်ရာကထပြီး လက်ကာပြတယ်။ ပါးစပ်ကလည်း တစ်ခုခုအော်ပြောတယ်။ အဲဒီအချိန်မှာ တခြားသေနတ်သမားတွေကပါ မောင်းပြန်သေနတ်တွေနဲ့ တရစပ် ပစ်ခတ်နေတော့ သေနတ်သံကလွဲပြီး ဘာသံမှမကြားရတော့ဘူး။ သေနတ်သမားတွေဟာ ဗိုလ်ချုပ်ကိုပစ်ပြီး ညာဘက်မှာရှိတဲ့ လူတွေဆီကို သဲသဲမဲမဲပစ်တယ်။ နောက်ဘယ်ဘက်ကလူတွေကို ဆက်ပစ်တယ်။ အစည်းအဝေးခန်းတစ်ခုလုံးဟာလည်း မီးခိုးတွေနဲ့ပြည့်နေတယ်။

အဲဒီအခိုက်အတန့်လေးမှာ ဗိုလ်ချုပ်ရဲ့ ဘယ်ဘက်မှာရှိတဲ့ အတွင်းဝန်ဦးရွှေဘော်နဲ့ ၀န်ကြီးပျော်ဘွယ်ဦးမြတို့ဟာ ရုတ်တရက်ထပြီး ပြတင်းပေါက်ရှိရာကို ပြေး၊ ပြတင်းပေါက်ကိုကျော်၊ တံစက်မြိတ်အတိုင်း ကပ်ပြီးလျှောက်ပြီး ဦးရွှေဘော်ရုံးခန်းမှာ ခေတ္တငြိမ်နေလိုက်တယ်။ တစ်ချိန်တည်းမှာ ၀န်ကြီးဦးဘဂျမ်းက ထိုင်ရာမှကြမ်းပြင်ကို လှဲချလိုက်ပြီး သူနဲ့ကပ်ထိုင်နေတဲ့ ၀န်ကြီးဦးအောင်ဇံဝေရဲ့ လက်ကိုဆွဲချပြီး နှစ်ယောက်သား ကြမ်းပြင်မှာ မှောက်နေလိုက်တယ်။ သေနတ်သမားများဟာ
မတ်တတ်ရပ် အားရပါးရပစ်ပြီးနောက် ဒူးထောက်လျက် စားပွဲများအောက်ရှိလူများကို ဝှေ့ရမ်းပစ်ခတ်လိုက်သေးတယ်။ ကျည်ဆည်တစ်တောင့်က ၀န်ကြီးဦးဘဂျမ်းရဲ့ ညာဘက်လက်သူကြွယ်ထိပ်ကို လာမှန်တယ်။ ဒါပေမဲ့ ကံကောင်းလို့ ဒဏ်ရာမပြင်းထန်ဘူး။

ဒီလေးယောက်ဟာ သတိရှိပြီး ကံကောင်းလွန်းလို့ အသက်ဘေးမှလွတ်မြောက်ခဲ့ကြတယ်။ ကျန်တဲ့ဗိုလ်ချုပ်နဲ့ ၀န်ကြီးခြောက် ယောက်ကတော့ အားလုံးသိတဲ့အတိုင်း နေရာမှာပင် ကျဆုံးခဲ့ရရှာတယ်။

အဖေက အတွင်းဝန် ဦးရွှေဘော်ရုံးခန်းရောက်တော့ အခြေအနေကိုစောင့်ပြီး ဘုရင်ခံဆီ တယ်လီဖုန်းဆက် သတင်းပို့တယ်။ အဲဒီတုန်းက ဘုရင်ခံက Sir Hubert Rance ။ ဘုရင်ခံက ချက်ချင်း မော်တော်ကားနဲ့ လုံခြုံရေးပါထည့်လွှတ်လိုက်တယ်။ အဖေနဲ့ ၀န်ကြီးဦးအောင်ဇံဝေတို့ ဘုရင်ခံအိမ်လိုက်သွားတယ်။ ဟိုရောက်တော့ trauma ကြောင့်နှစ်ယောက်စလုံး စကားကောင်းကောင်းမပြောနိုင်
ကြဘူး။ ဘုရင်ခံက ရိပ်မိပြီး Cognac နဲ့ ဖန်ခွက်နှစ်ခွက်ချပေးတယ်။ နည်းနည်းစီသောက်ပြီးမှ နှစ်ယောက်သား ပြောနိုင်ဆိုနိုင်ဖြစ်လာတယ်။ ဘုရင်ခံက တိုင်းပြည်အခြေအနေကို တည်ငြိမ်အောင် အစိုးရအဖွဲ့ အမြန်ဆုံးဖွဲ့ဖို့ ညွှန်ကြားတယ်။ အဖေက သခင်နုနဲ့တိုင်ပင်ပြီးလုပ်စရာကိစ္စတွေကို အမြန်ဆက်လုပ်ကြတယ်။

အဖေက လယ်ယာစိုက်ပျိုးရေးဝန်ကြီးပါ။ ဒါပေမဲ့ ၀န်ကြီးဦးကျော်ငြိမ်း ပြည်ပခရီးသွားနေလို့ ပြည်ထဲရေးဝန်ကြီးတာဝန်ကို ယူထားရတဲ့အချိန်ဖြစ်တယ်။ အဲဒီအချိန်က ဗိုလ်တထောင်ရှိ စစ်လက်နက်ပစ္စည်းတပ်က လက်နက်တွေ ပျောက်တဲ့ကိစ္စကို စုံစမ်းနေဆဲဖြစ်တယ်။ ရန်ကုန်မြို့မှာလည်း ဗိုလ်ချုပ်ကိုလုပ်ကြံမယ့် ကောလာဟလ သတင်းတွေပြန့်နေတယ်။ ပုလိပ်မင်းကြီး ဦးအောင်ချိန်(ရဲချုပ်)က ဂဠုန်ဦးစောနဲ့ပတ်သက်ပြီး မသင်္ကာဖွယ်သတင်းတွေ ရနေတယ်လို့ သတင်းပို့တယ်။ ဒါကြောင့် မှုခင်းရဲတပ်ဖွဲ့ကလည်း အေဒီလမ်းမှာရှိတဲ့ ဂဠုန်ဦးစောရဲ့ အိမ်အ၀င်အထွက်ကို စောင့်ကြည့်နေတယ်။

ဒါနဲ့ အဖေက ပြည်ထဲရေးဝန်ကြီးအနေနဲ့ ဗိုလ်ချုပ်လုံခြုံရေးအတွက် အတွင်းဝန်များရုံးဂိတ်မှာ လက်နက်ကိုင်ရဲတွေချထားလိုက်တယ်။

ယခင်က လုံခြုံရေးမထားဘူး။ ဒါပေမဲ့ ကံကြမ္မာကဖြစ်ချင်တော့ တစ်နေ့မှာ ဗိုလ်ချုပ်က အတွင်းဝန်ရုံး လုံခြုံရေးဂိတ်က လက်နက်ကိုင်ရဲတွေကို တွေ့သွားတယ်။ ဒါတွေဘယ်သူချထားတာလဲလို့မေးတော့ အပါးတော်မြဲ (P.A) ဗိုလ်ထွန်းလှက ပြည်ထဲရေးဝန်ကြီးပျော်ဘွယ်ဦးမြက လုံခြုံရေးအတွက် ချထားတာလို့ ပြောလိုက်တယ်။

ဒီတော့ ဗိုလ်ချုပ်က အဖေ့ကိုခေါ်ပြီး “ကျွန်တော့်ကို မုန်းရင် ကျွန်တော့်ကို သတ်လိမ့်မယ်။ ဦးမြကိုမုန်းရင် ဦးမြကိုသတ်လိမ့်မယ်။ တစ်ဖွဲ့လုံးတော့ သတ်မှာမဟုတ်ပါဘူး။ မလိုပါဘူး” လို့ ပြောတော့ အဖေကလက်နက်ကိုင် ရဲတွေကို ရုပ်ခိုင်းလိုက်တယ်။ ဗိုလ်ချုပ်က သူ့ကိုယ်သူယုံတယ်။ သူဟာ ပြည်သူအတွက်၊ လွတ်လပ်ရေးအတွက်၊ နေ့မအားညမနားလုပ်နေတဲ့လူ။

ငါ့လိုလူ သန့်သန့်ရှင်းရှင်း မတရားမလုပ်တဲ့သူကိုဘယ်သူက ဘာကြံမှာလဲ။ သူ့ကို မုန်းလို့ သတ်မယ့်သူမရှိလို့ ယုံကြည်တယ်။ သူ့အတွက် လုံခြုံရေးထားတာ လုံးဝမကြိုက်။ သူ့ကားပေါ်မှာ တပ်ကြပ်တစ်ယောက်သာ လိုက်ခွင့်ပြုတယ်။

လုံခြုံရေးနဲ့ပတ်သက်လို့ စစ်တပ်ကလည်း သတင်းတွေရလို့ ဗိုလ်မှူးစိန်မှန်က တပ်ရင်း(၆)က တပ်စုတစ်စုကို လုပ်ကြံမှုဖြစ်မယ့် ၁၉ ရက် နေ့လယ် ၂ နာရီမှာ ဂဠုန်ဦးစောအိမ်ကို ၀င်ရှာဖို့ အားလုံး အဆင်သင့်လုပ်ထားပြီးဖြစ်တယ်။ ဒါပေမဲ့ ရန်သူကို လျှော့တွက်လို့ ရန်သူရဲ့ လက်ဦးမှုကို ခံလိုက်ရပြီး ဗိုလ်ချုပ်နဲ့ ၀န်ကြီးများ အသက်ဆုံးရှုံးခဲ့ရတယ်။ အစိုးရအဖွဲ့ကို လုပ်ကြံမယ်ဆိုတာနဲ့ ပတ်သက်လို့ သတင်းတွေ၊ ကောလာဟလတွေ ထွက်နေတာတော့ ကြားနေတယ်။ ဒါပေမဲ့ ဒီလောက်ရက်ရက်စက်စက် လုပ်လိမ့်မယ်၊ မြန်မြန်လုပ်လိမ့်မယ်လို့တော့ မထင်ကြဘူး။

နိုင်ငံတော်လုပ်ကြံမှုကြီးမှာ ဥပစေဒကကံ မထိုက်လို့သေဘေးက လွတ်မြောက်ခဲ့သူ ပုဂ္ဂိုလ်လေးဦးရှိတယ်။ သူတို့ကတော့ (၁)၀န်ကြီး ဦးဘဂျမ်း၊ (၂)၀န်ကြီး ဦးအောင်ဇံဝေ၊ (၃) ၀န်ကြီး ပျော်ဘွယ်ဦးမြ၊ (၄)အတွင်းဝန် ဦးရွှေဘော်တို့ဖြစ်တယ်။

သူတို့ဟာ အတိတ်ကံကောင်းလို့ သေနေ့မစေ့ သေဘေးမှလွတ်မြောက်ခဲ့ပေမယ့် သူတို့ရဲ့ လုပ်ဖော်ကိုင်ဖက်များ သူတို့မျက်စိအောက်မှာ ကျဆုံးသွားတဲ့ အနိဋ္ဌာရုံမြင်ကွင်းကိုတော့ တစ်သက်မေ့ပျောက်မည်မဟုတ်ပါ။

နှစ်စဉ် အာဇာနည်နေ့ရောက်ရင် ပြည်သူအားလုံး ဗိုလ်ချုပ်ဆောင်ဆန်းနဲ့ အာဇာနည်ခေါင်းဆောင်ကြီးတွေကို လွမ်းဆွတ် သတိရကြတယ်။ ဒါပေမဲ့ ဗိုလ်ချုပ်နဲ့အတူ အစည်းအဝေးလုပ်နေပြီး လုပ်ကြံမှုကြီးက လွတ်မြောက်၍ သေကံမရောက် သက်မပျောက်ခဲ့သူတွေအကြောင်း သိသူနည်းပါလိမ့်မယ်။ ဒါကြောင့် ဒီဆောင်းပါးကိုရေးပြီး မျှဝေလိုက်ပါတယ်။
(၀န်ကြီးပျော်ဘွယ်ဦးမြသည် ၁၉၅၃ခုနှစ်၊ ဒီဇင်ဘာ၁၄ရက်တွင် နှလုံးရောဂါဖြင့် ကွယ်လွန်သွားပြီး ဆောင်းပါးရှင် မျိုးအောင်သည် ပျော်ဘွယ်ဦးမြ၏ ဆဋ္ဌမမြောက်သားဖြစ်သည်။)

Credit To 7Day News Journal
Read More »

ပြုံးတတ်အောင် လုပ်ပေးကြပါ



(ဘခက်)

မကြာသေးမီက အမေရိကန်ပြည်ထောင်စုမှ လူငယ်လေး နှစ်ယောက်ရဲ့ လှုပ်ရှားမှု တစ်ခုကို Facebook ပေါ်မှာ ဗီဒီယို Clip တစ်ခုအနေနဲ့ ကြည့်လိုက်ရပါတယ်။

စိတ်ချမ်းသာစရာ မြင်ကွင်းမှာ လူငယ်လေး နှစ်ယောက်ဟာ သူတို့ စုထားတဲ့ မုန့်ဖိုးလေးတွေနဲ့ ကုန်တိုက် တစ်တိုက်မှာ ငှက်ပျောသီးတွေ သွားဝယ်တယ်။ အိမ်ပြန်ပြီး သူတို့ အသုံးမလိုတဲ့ (မဝတ်တော့တဲ့ အဝတ်တွေ) ကို ယူပြီး လမ်းတစ်လျှောက်မှာ ရှိနေတဲ့ အိုးမဲ့ အိမ်မဲ့၊ တောင်းရမ်း စားသောက်နေ သူတွေကို တစ်ယောက် ငှက်ပျောသီး တစ်လုံးနဲ့ အင်္ကျီ တစ်ထည်စီ လိုက်ပြီး ဝေမျှပေးနေတာတွေကို တွေ့လိုက်ရပါတယ်။ ဒီဗီဒီယိုရဲ့ ထူးခြားချက်က သူတို့ကို တစ်ခုခုပေးပြီး သူတို့ ပြန်ယူတာက အပြုံးလေးတွေ ပါပဲ။

နွမ်းပါးတဲ့၊ ဆင်းရဲတဲ့၊ မရှိလို့ စိတ်ပျက်နေတဲ့ သူတွေထံကနေ အပြုံးလေး တစ်ခုခုကို ရအောင်ယူပြနိုင် တဲ့ သူတို့ရဲ့ စိတ်ဓာတ်နဲ့ လုပ်ရပ်တွေကို ချီးကျူး လေးစားမိတယ်။

သူတို့ ဆောင်ပုဒ်လေးကိုလည်း ဗီဒီယို အဆုံးမှာ တွေ့လိုက်ရသေးတယ်။ “သင့်အပြုံးတွေကို တစ်ယောက်ယောက်ကို ပေးလိုက်ပါ။ တစ်နေ့လုံး နေမင်း ကြီး ထွန်းလင်း တောက်ပနေသလို သူတို့ ခံစားနေ ရပါလိမ့်မယ်။ ဒီအပြုံးတွေနဲ့ ကမ္ဘာကြီးကို ပြောင်းလဲပစ်နိုင်ပါတယ်။ ကမ္ဘာကြီး တစ်ခုလုံးကို မပြောင်းလဲနိုင်ဘူးဆိုရင်တောင် သူတို့ ကမ္ဘာလေးကိုတော့ ပြောင်းလဲ သွားစေနိုင်ပါတယ်” တဲ့လေ။ မှတ်သားလောက်တဲ့ စကားလေးပါပဲ။ သူတို့ ဗီဒီယို Clip လေးရဲ့ ခေါင်းစဉ်ကိုက အပြုံး (Smile) ဖြစ်ပါတယ်။

တစ်လောက ၃၁ လမ်းထိပ် လမ်းဘေး ထမင်းဆိုင်မှာ ထမင်းစားပြီး ပိုက်ဆံ မပေးလို့ဆိုပြီး ထမင်းဖိုးနဲ့ မတန်အောင် လူ့အသက် တစ်ချောင်းကို ရက်စက်စွာ ရိုက်နှက်နေတဲ့ ဆိုင်ရှင် မိသားစုကို ကြည့်ပြီး မြန်မာတွေ ရဲ့ မေတ္တာတရား ခေါင်းပါးမှုကို အံ့သြသွားမိတယ်။ ထမင်းစားတဲ့သူက စုတ်စုတ်ပြတ်ပြတ်ပါပဲ။ စိတ်လည်း သိပ်နှံ့ပုံ မပေါ်ဘူး။ ဒါကို မရောင်းချင်ရင် အစကတည်းက မရောင်းလို့ ရပါလျက်နဲ့ ရောင်းပြီးမှ ပိုက်ဆံ မပေးနိုင်လို့ ဆိုပြီး ခေါင်းတွေကွဲ၊ လက်တွေပြဲ၊ သွေးရဲရဲဖြစ်အောင် ဝိုင်းရိုက်နေ တဲ့ မြင်ကွင်းကတော့ မြန်မာနိုင်ငံလို နေရာမျိုး၊ ဆူးလေဘုရားနဲ့ နီးတဲ့ နေရာ မျိုးမှာ အရုပ်ဆိုး အကျည်းတန် လှတယ်။

မကြာသေးမီကပဲ ဘားလမ်း အနီးမှာ အရူး တစ်ယောက်က အကြော်ဆိုင် ကနေ အကြော်တစ်ခု ယူပြေးလို့ လိုက်ထိုးတဲ့ မြင်ကွင်းကိုလည်း ကြုံခဲ့ ရပါတယ်။ အကြော်လေး တစ်ခုအတွက် သူ့ခမျာ လမ်းဖြတ်ပြေးလို့ ကားတိုက်မလိုဖြစ်၊ လူ သုံးယောက်လောက်က ဝိုင်းထိုးတဲ့အပြင် ဝိုင်းထိုးတဲ့ လူတွေက ပတ်ဝန်းကျင်က လူတွေကို မဆိုင်သူ မကပ်နဲ့၊ အားလုံး သေကုန် မယ်လို့ ခြိမ်းခြောက်တဲ့ အဖြစ်ကို အများနဲ့ သုံးယောက်၊ ဓမ္မနဲ့ အဓမ္မ ဒီအတိုင်းပဲ ရပ်ကြည့်နေရတာကလည်း စိတ်မချမ်းမြေ့ စရာ ဖြစ်ပါတယ်။

ရန်ကုန် မြို့ကြီးပေါ်မှာပဲ စိတ်ရောဂါ ဝေဒနာသည်တွေ၊ တောင်းရမ်း စားသောက်နေတာ၊ အလှူခံတွေ အရမ်းများလာတာ သတိထားမိပါတယ်။ တကယ်ရူးလို့၊ မရှိလို့၊ ငတ်လို့ တောင်းရမ်း စားသောက်နေတာတွေ ရှိသလို၊ အကြံအဖန်တွေလည်း အများကြီးရှိတာ တွေ့ရတယ်။

ပြီးခဲ့တဲ့လက နယ်ဘက်ကို ရထားနဲ့သွားတော့ ရထားပေါ်မှာ သံဃာပုံစံ မပေါက်တဲ့ လက်မောင်းမှာ လည်း ဆေးမင်ကြောင် ရုပ်တွေနဲ့ သင်္ကန်းဝတ်တွေက ခရီးသွားတွေ လက်ထဲကို စာအိတ်လေးတွေ လိုက်ထည့် ပြီး ဝါဆို သင်္ကန်းအတွက် အလှူလိုက်ခံပါတယ်။ အဲဒီအချိန်မှာ နောက် သင်္ကန်းဝတ် တစ်ဖွဲ့ကလည်း ရောက်လာပြီး စာအိတ်တွေ လိုက်ဝေပြန် တယ်။ အဲဒီမှာပဲ တွဲစွန်နားက အိမ်သာအနီး မှာ နှစ်ဖွဲ့ ရန်ဖြစ်ကြတော့တယ်။ ဗုဒ္ဓဘာသာဝင်တွေအပြင် အခြား ဘာသာဝင်တွေအတွက်လည်း အထင်သေးစရာ မြင်ကွင်း ဖြစ်ပါတယ်။

ဆိုလိုချင်တာက လူတွေဟာ လှူဖို့ ဆိုရင်တောင် အမြင့်ကြီးတွေ လျှောက်တွေးတတ်ကြတယ်။ ကျောင်းကြီးဆောက် လှူလိုက်မှ အလှူ မဟုတ်ပါဘူး။ လမ်းဘေးက စားရမဲ့ သောက်ရမဲ့ ဘဝတွေ၊ မိဘမဲ့သူတွေရဲ့ အနာဂတ် ပျောက်နေတဲ့ ဘဝတွေကို ကယ်တင်တာ ကလည်း လှူနည်းတွေထဲမှာ အလွန် မွန်မြတ်မယ် ထင်ပါတယ်။

ရန်ကုန်မြို့ကြီးထဲမှာ စိတ်မနှံ့သူတွေလည်း အများအပြား တွေ့လာရတယ်။ စိတ်မနှံ့သူတွေက တောင်း မစားတတ်ဘူး။ သူတို့စိတ်ထဲ ရှိသလိုနေ၊ ဖြစ်သလိုနေ၊ တွေ့ရာကြုံရာ စားပြီး မိုးထဲလေထဲ ရပ်တည် နိုင်အောင် ကြိုးစားနေကြရပါတယ်။ သူတို့ ဆာရင် လုစားချင် စားမယ်။ ဒါတွေကို နားလည်ပေးဖို့ လိုမယ် ထင်ပါတယ်။ အကြော်တစ်ခု တန်ဖိုးက ၁၀၀ ကျပ်လောက်ပဲ ရှိပါလိမ့်မယ်။ ၃၁ လမ်းထိပ်မှာ အသုတ်မှာ စားပြီး ပိုက်ဆံမပေးနိုင်သူ စားတဲ့ အသုတ် တစ်ပွဲက ၃၀၀ ကျပ်လောက်ပဲ ရှိပါတယ်။ လူ့အသက် တစ်ချောင်းနဲ့ လူ့တန်ဖိုး၊ လူ့ ဂုဏ်သိက္ခာတွေကို နားမလည်တော့ လူတစ်ယောက်အပေါ် မေတ္တာလည်း မထားနိုင်၊ လေးစား တာတွေလည်း မပြနိုင်တော့ဘူးပေါ့။ ဒါကြောင့်လည်း ရက်စက်စွာ တုံ့ပြန်ကြ တာပေါ့။

ပြီးတော့ ခြေလွန်လက်လွန် သေသွားရင် စားထားတာနဲ့ ထိုက်တန် သလား။ ပြုသူတွေရော ရုံးရောက် ဂါတ်ရောက်နဲ့ မတန်မရာ ပိုပြီး အချိန် ကုန်၊ ငွေကုန်တွေ ဖြစ်ကြလိမ့်မယ်ဆိုတာ မတွေးနိုင်လောက်အောင် လောဘ၊ ဒေါသ၊ မောဟ တရားတွေ ပိတ်ဖုံးနေ ကြတာ ဘာကြောင့်ပါလဲ။

စိတ်ထားဆိုတာ ထားတတ်ရင် မြတ်ပါတယ်။ ငွေတွေကို သိန်းချီ လှူမှ အလှူမဟုတ်ပါဘူး။ အထက် မှာ ပြောခဲ့တဲ့ လူငယ်လေး နှစ်ယောက်လို ငှက်ပျောသီးလေး တစ်လုံး၊ ရေသန့် ပုလင်းလေး တစ်လုံး လိုက်ဝေပြီးတော့ လည်း လူမှုရေး လုပ်ငန်းတွေ လုပ်ဆောင်လို့ ရတယ်ဆိုတာ မီးမောင်းထိုးပြ လိုက်လို့ ကျေးဇူးတင်မိပါတယ်။

ကျွန်တော်တို့ လူငယ်တွေ ပါတီယောင်ယောင်၊ အဖွဲ့အစည်း ယောင်ယောင်တွေ အော်ပြီး ဘာတွေ လုပ်နိုင်ကြသလဲ လို့ မေးခွန်း ထုတ်ချင်ပါတယ်။ လူမှုရေး စိတ်ဓာတ်ဆိုတာ ပါတီတွေထောင်၊ အဖွဲ့ အစည်းတွေ ထောင်ပြီး လူကြားကောင်းအောင် အော်၊ နိုင်ငံတကာ အကူအညီရအောင် လိုက်အော်ပြနေမှရှိတာ မဟုတ်ပါဘူး။ မီဒီယာတွေ မှာ ကြော်အောင် လိုက်ညာ ပြနေစရာလည်း မလိုပါဘူး။ ငှက်ပျောသီးလေး တစ်လုံးနဲ့ အပြုံးတွေရအောင် ကျွန်တော်တို့ တိုင်းပြည်က လူငယ်တွေ ဘယ်နှယောက် လုပ်နိုင်ကြမလဲဆိုတာ သိချင်စမ်းလှတယ်။

Credit To The Voice Weekly
Read More »

ပဉ္စလက်မှော် ဆေးခန်းများဆီသို့ ...



လူသည် အလိမ်ခံချင်သော သတ္တဝါဖြစ်သည်ဟုဆိုလျှင် ငါတို့တော့ ပါမှာမဟုတ်ပါဘူးဟု ခင်ဗျားကော ကျွန်တော်ပါ တွေးမိကြမည် ဖြစ်၏။ သို့သော် ခင်ဗျားကော၊ ကျွန်တော်ပါ အလိမ်ခံချင်သော လူများ ထဲမှာ ပါဝင်ကြသည်ကို အံ့သြဖွယ် တွေ့မြင်ရပါမည်။ ကျွန်တော်တို့သည် ဗေဒင်ဆရာဆီမှာ အလိမ်ခံ ကြ၏၊ နတ်ကတော်ဆီမှာ အလိမ်ခံကြ၏၊ မျက်လှည့်ဆရာဆီမှာ အလိမ်ခံကြ၏၊ ဗုဒ္ဓဘာသာ အမည် ခံပြီး ဗုဒ္ဓဘာသာနှင့် လမ်းလွဲနေသော ဓာတ် ဘုန်းကြီး၊ အင်း ဘုန်းကြီး၊ ချဲ ဘုန်းကြီး စသည်တို့ဆီမှာ အလိမ်ခံကြ၏၊ မြေပျောက် ဝိဇ္ဇာ၊ လေလျှောက် ဝိဇ္ဇာတွေဆီမှာ အလိမ်ခံကြ၏။ ယုတ်စွအဆုံး ညဘက် တွေမှာ တီဗီကလာသည့် ကိုရီးယား ကား၊ ကုလား ကား၊ တရုတ် ကားတွေမှာ အလိမ်ခံကြ၏။ ကြော်ငြာတွေမှာ အလိမ်ခံကြ၏။

လူတစ်ဦး အလိမ်ခံရခြင်းသည် အကြောင်း မဟုတ်သော်လည်း လူအများ အလိမ်ခံရပါက အကြောင်း ဟုတ်လာတော့သည်။ အခုလို အိမ်တိုင်းတွင် တီဗီရှိသော ကာလ တစ်ခုမှာ ကျွန်တော်တို့ ညတိုင်း အလိမ်ခံနေရသော တီဗီ စီးရီးကား တစ်ခုကို မှတ်မိနေ၏။ ထိုကားက ပိုးမင်းသား၏ သိုင်းဝိညာဉ် တရုတ်ကားပင် ဖြစ်သည်။ ညရောက်လျှင် ထိုကားလာမည့် အချိန်ကို စိတ်ရောက်နေ၏။ မီးပျက်လျှင် မီးလာသည့်အိမ်ကို ပြေး၏။ ထိုကားထဲက အဆိပ်တွေကို ပျောက်သည်ဆိုသော ရေခဲတောင် ကြာပွင့် ဆိုသည်ကို အထူးအဆန်း ဖြစ်ခဲ့၏။ အရက်မူးပေမယ့် အရက် မသောက်သော သိုင်းဘိုးအေကို တောင် နိုင်သည့် အရက်မူးသမား သိုင်းကို သဘောကျခဲ့၏။ ထိုထဲက အမြစ်တွယ်ခဲ့သော အလိမ်ခံချင် စိတ်တွေဟာ အခုအချိန်ထိအောင် အမြစ် ခိုင်ခဲ့သည်။ ဒီလောက် သိုင်းကားတွေထဲမှာ ပါနေတာ ပေါက်ဖော်ကြီးတွေရဲ့ ဆေးတိုင်းကတော့ ကောင်းမှာပဲဟူသည့် အမှတ် ပေးချင်စိတ်ကလေးက လူမှာ အမြစ်တွယ်လာခဲ့သည်။ ထိုသို့ပြောသည့်အတွက် တရုတ်ဆေးတွေ မကောင်းဘူးဟု ဆိုလိုခြင်း မဟုတ်ပါ။ ထိုကားတွေထဲက သူတော်ကောင်းတွေကိုပဲ ကြည့်ပြီး ထိုကားထဲက သူယုတ်မာတွေကို မေ့နေမှာ စိုးသောကြောင့် ဖြစ်သည်။ လူလိမ်ဆိုတာ လူမျိုးမရွေး၊ ဘာသာမရွေး ရှိနေသည်ကို သိနေကြဖို့ ဖြစ်သည်။

ကျွန်တော် ဆေးပညာကို နားမလည်သလို ခုတစ်လော ဆေးလောက ဘာတွေ ဖြစ်နေသည်ကိုလည်း သေသေချာချာ မသိပါ။ တစ်လောကပဲ တာဝန်ရှိ ဆရာဝန်ကြီး တစ်ယောက် ပြောတာတွေကို ဂျာနယ် တစ်စောင်မှာ ဖတ်လိုက်ရသည်။ ရောဂါ ပေါင်းစုံကို ခဏချင်းနှင့် ကုနိုင်သည်ဆိုသော ဆေးခန်းတွေ။ နိုင်ငံခြား ဆရာဝန်တွေနှင့် ဘာသာပြန် သူနာပြုတွေ လုပ်စားနေသော ဆေးကုသမှုတွေ။ ထိုထဲမှာ ဆေးခန်း မှတ်ပုံတင်/မတင် ကိစ္စတွေ စိစစ်ဖို့ လိုသည်ဆိုသော အချက်တွေ။ ပျံလွန်တော်မူရှာပြီဖြစ်တဲ့ ဖြူးဆရာတော် စကားနှင့် ပြောရလျှင် ‘လောကကြီး ဘာတွေဖြစ်နေပလဲ’ ဆိုတာမျိုး။ ထိုဆောင်းပါးကို ဖတ်ပြီး မကြာခင်မှာပဲ တောင်ကြီးကနေ ဆေးလာကုသည့် လိပ်ခေါင်းဖြစ်နေသော အမျိုးသမီး တစ်ယောက် အကြောင်းကို ဖတ်ရပြန်၏။ လိပ်ခေါင်းကို မနာမကျင်ရဘဲ သက်သက်သာသာ ကုပေး သည် ဆိုသဖြင့် ထိုဆေးခန်းသို့ သွားကုခဲ့သည်။ ဆရာက မြန်မာလို မတတ်သည့်အတွက် စာရေးမလား၊ သူနာပြုလား မသိသည့် အမျိုးသမီးက ဘာသာပြန်ပေးသည်။ ပထမ ဆေးကုခမှာ သောင်းကြီးပိုင်း ဖြစ်သော်လည်း ဆရာဆိုသူ စစ်ဆေးပြီးသည့်အခါ ရောဂါက ကြီးသည်ဆိုပြီး သိန်းကြီးပိုင်း ဖြစ်သွားခဲ့သည်။ နောက်ပိုင်း လူနာက ကြောက်လည်းကြောက် အားလည်းနာဟန် တူပါသည်။ ဈေးဆစ်ကြည့်ရာ သိန်းလေးပိုင်းနှင့် အဆင်ပြေသွားသည်။

ပြောတုန်းက မနာဘူးဆိုပြီး ထုံဆေး ထိုးရုံနှင့် နာလိုက်သည့် ဖြစ်ခြင်း။ ခွဲစိတ်ဖြတ်တောက်တော့လည်း ထုံဆေးက မထိုးဘူး ထင်ပါသည်။ လူနာမှာ သေလုမြောပါး။ ပြောတုန်းက အပြတ်ကုဆိုပြီး ဆေးလာ ထည့်တော့ ပိုက်ဆံ တောင်းပြန်ပါသည်။ လူနာမှာ မပျောက်သည့်အပြင် ခွဲထားသည့် နေရာက ရောင်ကိုင်းလာသည်။ နောက်ပိုင်း ချုပ်ရိုးဖြတ်သည် ဆိုတော့လည်း သက်သက်သာသာ မရှိဘဲ မျက်ရည် တောက်တောက် ကျရပြန်သည်။ ပိုက်ဆံလည်းပေး၊ အညာလည်းမိ၊ မည်သူ့တိုင်ရမှန်းလည်း မသိ။ မှိတ်ကျိတ်ခံရင်း တောင်ကြီးကို ပြန်ခဲ့ရသည်။ တောင်ကြီး ပြန်ရောက်။ မသက်သာလို့ ဆေးရုံ သွားပြမှ ဆရာဝန်က ဆူလိုက်သည့် ဖြစ်ခြင်း။ နောက်ဆုံး ပဉ္စလက် ဆေးခန်းက ပေးလိုက်သည့် ဒုက္ခမီးဟာ ဆေးရုံကျမှပဲ အဆုံးသတ်သွားတော့သည်။ ဒါပေမဲ့ ထိုဆောင်းပါးမှာ ဘယ်ဆေးခန်းဟု ဖွင့်ချ မရေးထားတာ စကားနည်း ရန်နည်း ပြဿနာ မဖြစ်စေလိုသောကြောင့် ဖြစ်မည် ထင်ပါသည်။ ထိုဆောင်းပါးကို ဖတ်ပြီး ကျွန်တော့်အဖြစ်ကို ပြန်သတိရ၏။

စင်ကာပူမှာ အလုပ်လုပ်ပြီး ခဏပြန်လာချိန်မှာ ကျွန်တော့်အတွက် ခွင့်ရက် ၂၀ သာ ရသည်။ ကျွန်တော့် နှာခေါင်းအထဲမှာ အသားပို ဖြစ်နေသည်။ တစ်ခါတစ်ခါ နှာခေါင်းမှ သွေးထွက်တတ်သည်။ မိသားစု ဆရာဝန်ကိုပြတော့ နား၊ နှာခေါင်း၊ လည်ချောင်း ဆေးရုံကို ညွှန်းသည်။ TV Screen မှာ ကြည့်သည်။ အတွင်းမှာ အသားပိုရှိပြီး သွေးကြောလေးများ ပေါက်နေသည်။ အမြန်ဆုံး ခွဲစိတ်လျှင် ကောင်းသည်ဟု ဆိုပေမယ့် မေ့ဆေး ဆရာဝန်ကြီးကို Date ယူရဦးမည်။ ကျွန်တော့် ခွင့်ရက်ဖြင့် အဆင်မပြေပါ။ နောက်ဆုံး မစားရဝခမန်း ဂျာနယ်တွေမှာပါသည့် မစားရ ဝခမန်း ကြော်ငြာတွေနှင့်ပဲ ပေါက်ဖော်ကြီး တစ်ယောက်၏ ဆေးခန်း တစ်ခုကို ရောက်သွားခဲ့ပါသည်။ ဆေးခန်းရောက်တော့ သူနာပြုလား၊ စာရေးမတွေလား မသိသည့် မိန်းကလေးတွေ ထွက်လာကြပါသည်။ ဆရာက မြန်မာလို နားမလည်ဟု ဆိုသဖြင့် အခန်းဝက စားပွဲမှာ ကောင်မလေးတွေနှင့်ပဲ အမေးအဖြေ လုပ်နေရသည်။ ဆရာကတော့ ကျွန်တော်နှင့် ကောင်မလေး အင်တာဗျူးကို လှမ်းကြည့်ရင်း နားစွင့်နေပါသည်။

နောက်ဆုံး စမ်းသပ်ခ စကားပြောပြီး ဆရာနှင့် တွေ့ရသည်။ ဆရာက မြန်မာစကား မတတ်သဖြင့် သူ့ကောင်မလေးက ကြားက ဝေါ်မီဆော်ဖာ လုပ်နေရသည်။ ပြီးတော့ သူ့စာအုပ်မှာ တရုတ်လို လိုက်ရေးနေသည်။ ကျွန်တော့်နာမည်ကို ကောင်မလေးကပြော၊ သူက တရုတ်လိုရေးပြီး ကျွန်တော့် အသက် မမေးရခင် သူက ကျွန်တော့် အသက်ကို ဘိုလို တန်းရေးချလိုက်သည်။ ဟင် ... သူဘယ်လို လုပ် သိတာပါလိမ့်။ မြန်မာလို မတတ်ဘူးဆိုပြီး စောစောက ကောင်မလေးနှင့် ကျွန်တော် အပြင်မှာ ပြောနေသည်ကို နားစွင့်နေလို့သာ ကျွန်တော့်အသက်ကို သိတာပေါ့။ ဒါဆို သူက ဘာလို့ မြန်မာလို မတတ်ချင်ယောင် ဆောင်နေတာလဲ။ ရှင်းပါသည်။ ဟန်ပန် သီအိုရီတွေ အတိုင်အဖောက် ညီညီ လုပ်နေခြင်း ဖြစ်သည်။ ပြီးတေ့ ဘယ်ဘက်ပါမက ညာဘက်ပါ အသားပိုက ကူးနေပြီဆိုပြီး ကျွန်တော့်ကို လန့်အောင် ခြောက်လိုက်သေးသည်။

ကြော်ငြာမှာ သုံး လေး ငါးရက်ဆို ထူးခြားမည်ဆိုပြီး ဆေးခေါက်တွေ ဆေးရွက်တွေပေးကာ ငွေ တစ်သိန်း နှစ်သောင်း ယူထားလိုက်သည်။ ဆေးက တစ်ပတ်စာ ဖြစ်၏။ ပြီးတော့ သူ့ဆေးဟာ ရေခဲတောင် ကြာပွင့်ထက်တောင် ရှားသည့် ပုံစံမျိုး။ ဒါကြောင့် တစ်သိန်း နှစ်သောင်း ယူရသည့်ပုံစံမျိုး။

နား၊ နှာခေါင်း ဆေးရုံကြီးမှာ စစ်တာတောင် ငွေနှစ်ထောင် အလှူသာ ထည့်ရပြီး ဒီမှာ စစ်ဆေးခက လည်း ဈေးကြီး။ ပြီးတော့ မရှိသည့် အသားပိုတောင် ညာဘက်မှာ ကူးနေပြီဟု ဆိုလိုက်သေး။ တစ်ပတ်စာ ကုန်လျှင် ဆေးလာထပ်ယူဖို့။ တခြားမှာပြလို့ မျက်နှာမှာ အနာတွေ ဖြစ်လာလျှင်တော့ သူတို့ တာဝန်မယူဟု ဆိုလိုက်သေးသည်။ ကျွန်တော်လည်း ယခုဆေးတွေကို တစ်ပတ် သောက် လိုက်တာ ဆီးက ချုပ်သွားခဲ့ပါသည်။ အမေကတော့ အပုပ်အစပ်တွေ ကျလာလို့ နေမှာပေါ့ သားရယ်။ ကြက်သွန် အနီကို ပါးပါးလှီး ဖန်ခွက်ထဲမှာ ရေနှင့်စိမ်၊ သကြားတစ်စွန်းထပ်ထည့်၊ တစ်အောင့်ကြာ တော့ သောက်လိုက်ပေါ့ ဆိုသဖြင့် အမေ ပြောသည့်အတိုင်း လုပ်မှ ဆီးပြန်သွားပါသည်။

ကျွန်တော် စင်ကာပူ ပြန်ရ၏။ အလုံးက ကြီးလာသဖြင့် ကုမ္ပဏီစရိတ်ဖြင့် Changi ဆေးရုံမှာ တက်ခွဲ လိုက်ပါသည်။ CT Screen ရိုက်ကြည့်ရာ ညာဘက်မှာ ဘာမျှ မရှိပါ။ ယခု မြန်မာပြည် ပြန်ရောက်၍ ဂျာနယ်တွေ ဖတ်ရသည့်အခါ ထို ဝေါ်မီဆော်ဖာ ဆေးခန်း ကြော်ငြာတွေက ပန်းပန်လျက်ပဲ ဖြစ်သည်။ ဂျာနယ်တွေကပဲ မသိလို့လား။ ပိုက်ဆံရလျှင် ပြီးရော။ ဘာမဆို ကြော်ငြာပေးတယ် လုပ်တာလား။ ကျွန်တော် မသိပါ။ ကျွန်တော်သိတာက လူဆိုတာ အလိမ်ခံချင်သော သတ္တဝါ ဖြစ်သည် ဆိုခြင်းပင် ဖြစ်သည်။

မောင်ကျော်သာ (ပဲခူး)

Credit To The Voice Weekly
Read More »

လန်ဒန်ရောက် နိုင်ငံတော်သမ္မတဦးသိန်းစိန် Chatham House စကားဝိုင်း ဆွေးနွေးပွဲသို့ တက်ရောက် မိန့်ခွန်းပြောကြား


ဗြိတိန်နိုင်ငံ လန်ဒန်မြို့၌ ရောက်ရှိနေသော နိုင်ငံတော်သမ္မတ ဦးသိန်းစိန်သည် ဇူလိုင် ၁၅ ရက် ညနေ ၅ နာရီခွဲတွင် Chatham House ၌ ကျင်းပသည့် “မြန်မာနိုင်ငံ၏ ပြုပြင်ပြောင်းလဲမှု နောက်ကွယ်မှ စိန်ခေါ်မှုများနှင့် အကျိုးရလဒ်များ” ခေါင်းစဉ်ဖြင့် စကားဝိုင်းဆွေးနွေးပွဲသို့ တက်ရောက်၍ မိန့်ခွန်းပြောကြားသည်။

ထိုသို့ ပြောကြားရာတွင်-

ကျွန်တော်ရဲ့ ပထမဆုံး ဗြိတိန်နိုင်ငံနဲ့ လန်ဒန်မြို့တော်ကို ရောက်ရှိတဲ့ ခရီးစဉ်အတွင်း ချောလ်တန်ဟောက်စ်မှာ လူကြီးမင်းတို့နဲ့ ယခုလိုတွေ့ဆုံ စကားပြောခွင့်ရတဲ့အတွက် အလွန်ဝမ်းမြောက် မိပါတယ်။

ကျွန်တော်တို့ နှစ်နိုင်ငံအကြားမှာ ရာစုနှစ် နှစ်ခုကျော်ရှည်ကြာတဲ့ ပတ်သက် ဆက်နွယ်မှုတွေ ရှိခဲ့တယ်ဆိုတာ အားလုံးသိကြပြီး ဖြစ်ပါတယ်။ မြန်မာနိုင်ငံ လွတ်လပ်ရေးရပြီးတဲ့ နောက်ပိုင်း ကာလများမှာ နှစ်နိုင်ငံအကြား ဆက်ဆံရေး ကောင်းမွန်တဲ့ အချိန်တွေရှိခဲ့သလို ခက်ခဲတဲ့ အချိန်များကိုလည်း ကျော်ဖြတ်ခဲ့ကြ ရပါတယ်။

သို့သော်လည်း ယခုအချိန်မှာ မြန်မာနဲ့ဗြိတိန် နှစ်နိုင်ငံ ဆက်ဆံရေးသမိုင်းဟာ စာမျက်နှာသစ်တရပ် ဖွင့်လှစ်နိုင်ခဲ့ပြီလို့ ဆိုရမှာဖြစ်ပါတယ်။ ဒီဆက်ဆံရေး သမိုင်းသစ်မှာ ကျွန်တော်တို့ နှစ်နိုင်ငံရဲ့ အကျိုးစီးပွားအတွက် သာမကဘဲ ကမ္ဘာလုံးဆိုင်ရာ စိန်ခေါ်မှုများကို ရင်ဆိုင် ဖြေရှင်းရာမှာလည်း နှစ်နိုင်ငံပူးပေါင်း ဆောင်ရွက်မှုတွေ ရှိလာမှာဖြစ်ပါတယ်။

ကျွန်တော်တို့ နှစ်နိုင်ငံအကြား ရင်းနှီးနီးစပ်စေတဲ့ ဆက်စပ်မှုတွေအပေါ်မှာ အခြေခံပြီး ရေရှည်တည်မြဲမယ့် ပူးပေါင်းဆောင်ရွက်မှု ပုံစံသစ်တခုကို ဦးတည် သွားကြရမှာလည်း ဖြစ်ပါတယ်။ နယ်ချဲ့ကိုလိုနီစနစ်ဆိုး ကာလတွေ အတွင်းမှာတောင် မြန်မာပြည်သူများနဲ့ ဗြိတိန်ပြည်သူများအကြား ရင်းနှီးချစ်ကြည်မှုတွေ တည်ဆောက်နိုင်ခဲ့ပြီး ယဉ်ကျေးမှုနဲ့ ဓလေ့ထုံးစံများကို တံတားထိုး ဆက်သွယ်ပေးနိုင်သူတွေ ရှိခဲ့ပါတယ်။

ကျွန်တော်တို့တိုင်းပြည်က ထူးချွန်ထက်မြက်တဲ့ အမျိုးသား၊ အမျိုးသမီးများဟာ အင်္ဂလန်မှာ ပညာ သင်ကြားခဲ့ပြီး နောင်တစ်ချိန်မှာ အမျိုးသားခေါင်းဆောင်တွေ၊ ဝန်ကြီးချုပ်တွေ၊ သမ္မတတွေအဖြစ် တိုင်းပြည်ကို အလုပ်အကျွေး ပြုခဲ့တဲ့ သမိုင်းကြောင်း သာဓကများလည်း ရှိခဲ့ပါတယ်။ နှစ်နိုင်ငံအကြားက အတိတ်တွေကို မေ့ပျောက်လို့ မရသလိုဘဲ နက်ရှိုင်းတဲ့ ဆက်နွယ်ပတ်သက်မှုများကိုလည်း အသိအမှတ်ပြုကြရမှာ ဖြစ်ပါတယ်။ နှစ်နိုင်ငံလုံးနဲ့ သက်ဆိုင်တဲ့ အမွေအနှစ်တွေ၊ အတိတ် အကြောင်းတွေနဲ့ နီးစပ်မှုတွေ ရှိကြပြီး ဒါတွေကို အားသာချက်တွေအဖြစ် အသုံးပြုရမှာ ဖြစ်ပါတယ်။

ကျွန်တော်ဟာ မြန်မာသမိုင်းရဲ့ အရေးကြီးတဲ့ အချိုးအကွေ့တစ်ခုမှာ လူကြီးမင်းတို့နဲ့ အခုလို တွေ့ဆုံ စကားပြောကြားခွင့်ရတာ ဖြစ်ပါတယ်။ ကျွန်တော်တို့ အစိုးရဟာ ၂၀၁၁ ခုနှစ် ဧပြီလမှာ စတင်တာဝန်ယူခဲ့ပြီး ယနေ့ကာလမှာ မည်သည့်နိုင်ငံမှာမှ မကြုံဘူးသေးတဲ့ ပြုပြင်ပြောင်းလဲရေး လုပ်ငန်းစဉ်ကြီးကို တာဝန်ယူ လုပ်ဆောင် နေရတာ ဖြစ်ပါတယ်။ တိုင်းပြည်ရဲ့ ကဏ္ဍပေါင်းစုံကို ပြုပြင်ပြောင်းလဲရေး လုပ်ဆောင်ရတာ ဖြစ်တဲ့အတွက် ကဏ္ဍတိုင်း၊ နေရာတိုင်း အောင်မြင်မှသာလျှင် ဒီပြုပြင်ပြောင်းလဲရေး လုပ်ငန်းစဉ်တခုလုံး အောင်မြင်တယ်လို့ ဆိုနိုင်မှာလည်း ဖြစ်ပါတယ်။

အခုအချိန်မှာ မြန်မာနိုင်ငံကို လာရောက်သူတိုင်း မြင်သာနိုင်တဲ့ အချက်တခုကတော့ ပြုပြင်ပြောင်းလဲရေး လုပ်ငန်းစဉ်ကနေ အကောင်အထည်ဖော်ပေးလိုက်တဲ့ ရလဒ်တခုဖြစ်တဲ့ မတူညီတဲ့ အတွေးအခေါ်တွေ၊ စဉ်းစားမှုပုံစံတွေရဲ့ အားကောင်းတဲ့ ယှဉ်ပြိုင်မှုတွေနဲ့ ဆွေးနွေး ငြင်းခုန်မှုများကနေ ပေါ်ပေါက်လာတဲ့ ခွန်အားပဲဖြစ်ပါတယ်။ မြန်မာပြည်သူတွေအနေနဲ့ ဒီပြုပြင်ပြောင်းလဲရေး လုပ်ငန်းစဉ်တွေ မအောင်မြင်လို့ မဖြစ်ဘူးလို့ လက်ခံသိရှိထားကြတဲ့အတွက် ဒီလို ရလဒ်တွေ ရရှိလာတာလည်း ဖြစ်ပါတယ်။

ကျွန်တော်တို့ ပြုပြင်ပြောင်းလဲရေး လုပ်ငန်းစဉ်များရဲ့ ပထမဆုံး ကဏ္ဍကတော့ နိုင်ငံရေး ပြုပြင်ပြောင်းလဲမှုပဲ ဖြစ်ပါတယ်။ ကျွန်တော်တို့မှာ ဖွဲ့စည်းပုံ အခြေခံဥပဒေ အသစ်တရပ် ပေါ်ပေါက်ပြီး ဖြစ်သလို ရွေးကောက်ပွဲများလည်း ကျင်းပနိုင်ခဲ့ပါပြီ။ သတင်းမီဒီယာနဲ့ အင်တာနက် ပိတ်ပင်ကန့်သတ်မှုတွေကိုလည်း ရပ်တန့်နိုင်ခဲ့ပြီး လွတ်လပ်စွာ ရေးသားထုတ်ဖော် ပြောဆိုခွင့်နဲ့ အသင်းအဖွဲ့များ ဖွဲ့စည်းခွင့်ကို ကာကွယ်တဲ့ ဥပဒေများလည်း ပြဋ္ဌာန်းနိုင်ခဲ့ပြီ ဖြစ်ပါတယ်။ ထောင်ပေါင်းများစွာသော အကျဉ်းသားများကိုလည်း လွတ်ငြိမ်းချမ်းသာခွင့်ပေးနိုင်ခဲ့ပါတယ်။ ဒါ့အပြင် နိုင်ငံရေး ယုံကြည်ချက်ကြောင့် အကျဉ်းကျခံနေရသူ တစ်ဦးတယောက်မျှ မကျန်ရှိစေရေးအတွက် ယခင်နိုင်ငံရေး အကျဉ်းသားဟောင်းများ ပါဝင်တဲ့ ကော်မတီ တစ်ရပ် ဖွဲ့စည်းပြီး စိစစ်ဆောင်ရွက်လျက်ရှိပါတယ်။ ယခုနှစ် ကုန်ချိန်မှာ မြန်မာနိုင်ငံမှာ နိုင်ငံရေး ယုံကြည်ချက်ကြောင့် အကျဉ်းကျခံရတဲ့ နိုင်ငံရေးအကျဉ်းသား တစ်ဦးမျှ မကျန်အောင် ဆောင်ရွက်သွားမှာ ဖြစ်တဲ့အကြောင်းလည်း အသိပေးပြောကြား လိုပါတယ်။

ကျွန်တော်တို့ဟာ ရာစုနှစ်တဝက်လောက်ကြာတဲ့ ဗဟိုဦးစီးစနစ်နဲ့ စစ်အုပ်ချုပ်မှု ပုံစံကနေ ဒီမိုကရေစီစနစ်ကို ကူးပြောင်းနိုင်ဖို့အတွက် ယခုလို ပြုပြင်ပြောင်းလဲမှု များကို ဆောင်ရွက်နေတာ ဖြစ်ပါတယ်။ အခုကိစ္စဟာ လွယ်ကူတဲ့ ကိစ္စမဟုတ်တာကို လူကြီးမင်းတို့ အနေနဲ့ နားလည်လက်ခံ ထားကြမယ်လို့လည်း ယုံကြည်ပါတယ်။ ရုတ်ခြည်းနိုင်ငံရေး ပြုပြင်ပြောင်းလဲမှုကြောင့် ဖြစ်ပေါ်လာတဲ့ သက်ရောက်မှုတွေကို အင်စတီကျူးရှင်းများက ခံနိုင်ရည်မရှိတဲ့ ကိစ္စတွေနဲ့ ဒီမိုကရေစီဓလေ့ ရှင်သန်ခိုင်မာမှု မရှိနိုင်သေးတဲ့ အခြေအနေမှာ အကြမ်းဖက်မှုနဲ့ မင်းမဲ့စရိုက်ဆန်စွာ ပြုကျင့်တဲ့ ကိစ္စရပ်တွေကိုလည်း နေရာအနှံ့မှာ ကြုံတွေ့ရလျက်ရှိပါတယ်။ ဒါကြောင့် ပြုပြင်ပြောင်းလဲရေး လုပ်ငန်းစဉ်များ ဆောင်ရွက်တဲ့ အခါမှာ ကျွန်တော်တို့ရဲ့ လက်တွေ့ အခြေအနေအမှန်နဲ့ ကိုက်ညီပြီး မှန်မှန်နဲ့မြန်မြန် ဆက်သွားနိုင်အောင်လည်း သတိကြီးစွာ ထားပြီး ဆောင်ရွက်နေရပါတယ်။

ဒီမိုကရေစီဆိုတဲ့နေရာမှာ ရွေးကောက်ပွဲတွေ၊ အခြေခံလွတ်လပ်ခွင့်တွေနဲ့ ဖွဲ့စည်းပုံ အခြေခံဥပဒေတွေသာမက ဒီမိုကရေစီ ယဉ်ကျေးမှု ဓလေ့တွေ၊ ကျင့်ဝတ်တွေနဲ့ နိုင်ငံသား ဖြစ်မှုကို နားလည်တဲ့ ပုံစံတွေလည်း ပါဝင်ပါတယ်။ ကျွန်တော့်အနေနဲ့ နိုင်ငံရေး ပြုပြင်ပြောင်းလဲမှု ဖြစ်စဉ်ဟာ အလွန်လွယ်ကူတဲ့ ကိစ္စတခုဖြစ်လ်ိမ့်မယ်လို့ စိတ်ကူးယဉ်ထားခြင်းမျိုး မရှိသလို တဖက်မှာလည်း ဒီပြုပြင်ပြောင်းလဲရေး လုပ်ငန်းစဉ် အောင်မြင်ဖို့အတွက် အပြည့်အဝ ယုံကြည်မှု ရှိပါတယ်။

ကျွန်တော်တို့ အောင်မြင်ဖို့ လိုအပ်တဲ့ ပြုပြင်ပြောင်းလဲရေး ဖြစ်စဉ်ရဲ့ ဒုတိယ မျက်နှာစာ တစ်ရပ်ကတော့ ဗဟိုအစိုးရက ချုပ်ကိုင်ပြီး အထီးကျန်တဲ့ စီးပွားရေးပုံစံကနေ ကမ္ဘာ့ဈေးကွက်အတွင်း ပြန်လည်ဝင်ရောက်နိုင်ရေးအတွက် လွတ်လပ်စွာ ယှဉ်ပြိုင်ခွင့် ရှိတဲ့ ဈေးကွက်စီးပွားရေး မူဝါဒများကို အခြေခံတဲ့ စီးပွားရေးပုံစံတခုကို ပြန်လည် မူဘောင်ချ တည်ဆောက်မှုပဲ ဖြစ်ပါတယ်။ ကျွန်တော်တို့နိုင်ငံဟာ သဘာဝသယံဇာတတွေ အမြောက်အမြားကို ပိုင်ဆိုင်ထားပါတယ်။ အာရှတိုက်ရဲ့ လမ်းဆုံလမ်းခွ အချက်အချာကြတဲ့ တရုတ်နဲ့ အိန္ဒိယအကြားမှာ တည်ရှိပြီး အရှေ့တောင်အာရှ နိုင်ငံများနဲ့ ထိစပ်နေတဲ့အတွက် မက်မောလောက်ဖွယ်ရှိတဲ့ ပထဝီ အနေအထားကိုလည်း ပိုင်ဆိုင်ထားပါတယ်။ ကျွန်တော်တို့ နိုင်ငံဟာ အလွန်ကို အလားအလာ ကောင်းတဲ့ နေရာတစ်ခုဖြစ်တယ်ဆိုတာကိုလည်း နားလည် သိရှိပါတယ်။ နိုင်ငံတကာ ကုန်သွယ်မှုတွေနဲ့ ရင်းနှီးမြှုပ်နှံမှုများအတွက် ကျွန်တော်တို့ နိုင်ငံရဲ့ ဈေးကွက်တွေကို ဖွင့်လှစ်သွားရမှာ ဖြစ်ပါတယ်။ ဒီလိုဆောင်ရွက်တဲ့ အခါမှာလည်း ဆင်းရဲ နွမ်းပါးမှုလျော့ချနိုင်ဖို့နဲ့ သာမန်လယ်သမား၊ အလုပ်သမား လူတန်းစားများအထိ် အကျိုးကျေးဇူး ခံစားနိုင်ဖို့ လုပ်ဆောင်ရမှာ ဖြစ်ပါတယ်။ မြန်မာနိုင်ငံရဲ့ သန်းပေါင်းများစွာသော ပြည်သူများကို ဆင်းရဲတွင်းကနေ ကယ်ထုတ်နိုင်ရေးထက် အရေးကြီးတဲ့ကိစ္စ မရှိနိုင်ပါဘူး။ ကျွန်တော်တို့အနေနဲ့ အဂတိလိုက်စားမှုတွေ တိုက်ဖျက်သွားရမှာ ဖြစ်သလို သဘာဝ ပတ်ဝန်းကျင် ကာကွယ်ထိန်းသိမ်းရေးကိုလည်း အားထုတ် ဆောင်ရွက်ရမှာ ဖြစ်ပါတယ်။

ဒီလို ကိစ္စတွေကို ဦးတည်ကြိုးပမ်းဆောင်ရွက်တဲ့နေရာမှာ အရေးကြီးတဲ့ အဆင့်များကို ဖော်ဆောင်ပြီး ဖြစ်ပါတယ်။ ငွေလဲနှုန်း ပုံစံမျိုးစုံဖြစ်နေတဲ့ ငွေကြေးလဲလှယ်မှု စနစ်ကို ပြုပြင်ခြင်း၊ နိုင်ငံတကာ ကြွေးမြီများကို စနစ်တကျ ပြန်လည် ညှိနှိုင်းခြင်း၊ နိုင်ငံတကာ စီးပွားရေးပိတ်ဆို့ အရေးယူမှုများ ရုပ်သိမ်းရေး၊ ရင်းနှီးမြှုပ်နှံမှု ဥပဒေနဲ့ မူဝါဒ အသစ်များ ပြဋ္ဌာန်းခြင်း တို့ကို ဆောင်ရွက်နိုင်ခဲ့ပြီ ဖြစ်ပါတယ်။ အရေးကြီးတဲ့ ပြည်သူ့ရေးရာ ဝန်ဆောင်မှု လုပ်ငန်းများနဲ့ အခြေခံ အဆောက်အဦတွေ ဖြစ်တဲ့ လျှပ်စစ်ကဏ္ဍ၊ ဆက်သွယ်ရေးနဲ့ နည်းပညာ ကဏ္ဍများမှာလည်း တိုးတက်မှုတွေ ဖော်ဆောင် နိုင်ခဲ့ပါတယ်။

သဘာဝ သယံဇာတတွေကို စနစ်တကျ စီမံခန့်ခွဲနိုင်ဖို့၊ ရင်းနှီးမြှုပ်နှံမှုတွေ ဖိတ်ခေါ်ဖို့နဲ့ ပွင့်လင်းမြင်သာမှု ရှိစွာ ဆောင်ရွက်နိုင်ဖို့ အတွက် ကျွန်တော်တို့အနေနဲ့ EITI အဖွဲ့ဝင် တစ်နိုင်ငံဖြစ်ရေး ကြိုးပမ်းဆောင်ရွက်နေပါတယ်။ မြန်မာနိုင်ငံ အနေနဲ့ သယံဇာတ ကပ်ဆိုက်မှု မကြုံတွေ့စေရေးနဲ့ သယံဇာတများကိုလည်း ဆင်းရဲနွမ်းပါးမှု လျော့ချရေး မှာ ထိရောက်စွာ အသုံးပြုနိုင်ရေးကို ဆောင်ရွက်ရမှာ ဖြစ်သလို အဂတိလိုက်စားမှုကို အားပေးတာမျိုး မဖြစ်စေဖို့လည်း စနစ်တကျ ဆောင်ရွက် လျက် ရှိပါတယ်။

မြန်မာနိုင်ငံ ကြုံတွေ့နေရတဲ့ စိန်ခေါ်မှုများဟာ အလွန်ပဲ ကြီးမားပါတယ်။ ဥပမာ ပြောရရင် မြေယာပိုင်ဆိုင်မှု ကိစ္စရပ်တွေဟာ တကယ်တော့ အလွန်ရှုပ်ထွေးပြီး တရားဥပဒေနဲ့အညီ ပွင့်လင်းမြင်သာစွာနဲ့ ကိုင်တွယ်ဖြေရှင်းသွားရမှာ ဖြစ်ပါတယ်။ မြန်မာပြည်သူတွေရဲ့ ရေရှည်အကျိုးစီးပွား ဖွံ့ဖြိုးတိုးတက်စေဖို့အတွက် ဆောင်ရွက် ချက် တစ်ခုအနေနဲ့ တရားမျှတ ပွင့်လင်းမြင်သာပြီး လွယ်ကူရှင်းလင်းတဲ့ မြေယာ ပိုင်ဆိုင်ခြင်း မူဝါဒတွေကို ကျွန်တော်တို့ ချမှတ်ဆောင်ရွက်သွားမှာ ဖြစ်ပါတယ်။

အခြေခံ ကျန်းမာရေး စောင့်ရှောက်မှုတွေ ပညာရေးနဲ့ ငွေကြေးဝန်ဆောင်မှု ကိစ္စရပ် တွေဟာလည်း အားရလောက်ဖွယ် အနေအထား မရှိသေးတာကို တွေ့ရပါတယ်။ ဖွံ့ဖြိုးတိုးတက်မှု လျင်မြန်နိုင်ဖွယ်ရှိတဲ့ မြန်မာနိုင်ငံရဲ့ ခရီးသွားလုပ်ငန်းကဏ္ဍကို အခြား နိုင်ငံများမှ ခရီးသွားလုပ်ငန်းကြောင့် ကြုံတွေ့ခဲ့ရတဲ့ ဆိုးကျိုးတွေလို မဖြစ်ပေါ်စေ ရအောင် စနစ်တကျ စီမံခန့်ခွဲမှုတွေ ပြုလုပ်ရမှာ ဖြစ်ပါတယ်။ မြန်မာနိုင်ငံမှာ ၂၀၃၀ ခုနှစ်လောက်ကျရင် မြို့ပြတွေမှာ ခန့်မှန်းတွက်ချက်မှုအရ လူဦးရေ ၁၀ သန်းလောက် ထပ်တိုးလာနိုင်ပြီး ဒါဟာ ကျွန်တော်တို့ အရေးတကြီး ရင်ဆိုင်နေရတဲ့ စိန်ခေါ်မှု တစ်ရပ် ဖြစ်ပါတယ်။ ဒါကြောင့် ကျွန်တော်တို့အနေနဲ့ မြို့ပြ စီမံကိန်းများကိုလည်း ချမှတ်အကောင်အထည်ဖော် ဆောင်ရွက်နေရပါတယ်။ မြန်မာနိုင်ငံရဲ့ အကြီးဆုံး မြို့ပြကြီး တစ်ခုဖြစ်တဲ့ ရန်ကုန်မြို့ကို စီးပွားရေး ဖွံ့ဖြိုးတိုးတက်မှုအတွက် အဟန့်အတား မဖြစ်စေဘဲ တွန်းအားတခု ဖြစ်စေဖို့ ဆောင်ရွက်သွားရမှာ ဖြစ်ပါတယ်။ ဒါကြောင့် ရန်ကုန်မြို့ကို ရှေးဟောင်းယဉ်ကျေးမှု အမွေအနှစ် ထိန်းသိမ်းစောင့်ရှောက်မှုတွေ၊ စိမ်းလန်း စိုပြည်မှုတွေ ဖွံ့ဖြိုးတိုးတက်မှုတွေနဲ့ ပနံရတဲ့ မြို့ကြီးတစ်မြို့ ဖြစ်အောင် ဆောင်ရွက် လျက် ရှိနေပါတယ်။

ကျွန်တော်တို့ အနေနဲ့ ဗြိတိန်အစိုးရရဲ့ ကူညီထောက်ပံ့မှုများကို ကျေးဇူးတင်ရှိကြောင်း ပြောကြားလိုပါတယ်။ သို့သော်လည်း ကျွန်တော်တို့ အနေနဲ့ အခြားနိုင်ငံတွေရဲ့ အကူအညီတွေပေါ်မှာ မှီခိုနေတဲ့ နိုင်ငံမဖြစ်လိုပါဘူး။ ကျွန်တော်တို့နိုင်ငံ အနေနဲ့ အနာဂတ်မှာ ကိုယ့်ခြေထောက်ပေါ်ကိုယ်ရပ်တည်နိုင်ရေးအတွက် အခုလို အသွင် ကူးပြောင်းရေး ကာလမှာ ပညာရေးနဲ့ အရည်အသွေးမြှင့်တင်မှု အကူအညီတွေ အထူးလိုအပ်ပါတယ်။ အလိုအပ်ဆုံးကတော့ မြန်မာပြည်သူများ ဆင်းရဲတွင်းကနေ လွတ်မြောက်စေဖို့ စီးပွားရေး ဖွံ့ဖြိုးတိုးတက်မှုနဲ့ အလုပ်အကိုင် အခွင့်အလမ်းများ ဖန်တီးပေးနိုင်မယ့် တာဝန်သိပြီး တာဝန်ယူတဲ့ ရင်းနှီးမြှုပ်နှံမှုနဲ့ ကုန်သွယ်မှုတွေပဲ ဖြစ်ပါတယ်။ နည်းပညာနဲ့ အတွေ့အကြုံ လွှဲပြောင်းပေးနိုင်မယ့် ဒေသတွင်း စီးပွားရေး အောင်မြင်မှုမှာ ကျွန်တော်တို့နိုင်ငံ ပါဝင်လာနိုင်စေဖို့ ကူညီပေးနိုင်မယ့် ကျွန်တော်တို့ရဲ့ မျိုးဆက်သစ်များကို အခြားအာရှနိုင်ငံများက လူငယ်များနဲ့ တန်းတူရည်တူ အခွင့်အရေး ပေးနိုင်မယ့် ရင်းနှီးမြှုပ်နှံမှုတွေ လိုအပ်ပါတယ်။

ကျွန်တော်တို့ ပြုပြင်ပြောင်းလဲရေး လုပ်ငန်းစဉ်များရဲ့ တတိယ မျက်နှာစာလည်း ဖြစ်တဲ့ အရေးကြီးဆုံးကဏ္ဍလို့လည်း ဆိုရမယ့် ကိစ္စကတော့ ပြည်တွင်းမှာ လက်နက်ကိုင် ပဋိပက္ခတွေ ချုပ်ငြိမ်းပြီး တရားမျှတမှုနဲ့ ရေရှည်တည်တံ့တဲ့ အလုံးစုံ ငြိမ်းချမ်းရေး ရရှိရေးပဲ ဖြစ်ပါတယ်။

၁၉၄၈ ခုနှစ် ကျွန်တော်တို့နိုင်ငံ လွတ်လပ်ရေးရပြီး လပိုင်း အကြာမှာပဲ စတင်ခဲ့တဲ့ ဒီလက်နက်ကိုင် ပဋိပက္ခဟာ ကမ္ဘာပေါ်မှာ အရှည်ကြာဆုံး လက်နက်ကိုင် ပဋိပက္ခ တခုဖြစ်နေဆဲ ဖြစ်ပါတယ်။ အာနိုးလ်တွိုင်ဘီ ချာလ်တန်ဟောက်စ်ရဲ့ ဒါရိုက်တာ အဖြစ် တာဝန်ထမ်းဆောင်စဉ်တည်းက မြန်မာနိုင်ငံရဲ့ လက်နက်ကိုင် ပဋိပက္ခတွေ စတင်နေခဲ့တာလို့လည်း ဆိုရမှာ ဖြစ်ပါတယ်။ ဒါကြောင့် ဒီလက်နက်ကိုင် ပဋိပက္ခ တွေကို ရပ်တန့်ပစ်ရပါမယ်။ ကျွန်တော်တို့ အစိုးရအနေနဲ့လည်း ငြိမ်းချမ်းရေး ရရှိဖို့ မနားမနေ ကြိုးစားဆောင်ရွက်လျက်ရှိပါတယ်။ လက်ရှိ ရှိနေတဲ့ လက်နက်ကိုင် ပဋိပက္ခတွေဟာ ကျွန်တော်တို့ တိုင်းရင်းသားတွေကြားမှာ ကာလရှည်ကြာ ခံစားနေခဲ့ရတဲ့ ခါးသီးတဲ့ ဒဏ်ရာတွေ၊ စူးနစ်တဲ့ အတွေ့အကြုံ တွေနဲ့ ပျောက်ဆုံးနေတဲ့ အိပ်မက်တွေအပေါ်မှာ အမြစ်တွယ်လျက် ရှိနေပါတယ်။ နောက်ထပ် ထူးခြားတဲ့ အချက် တစ်ချက်ကတော့ တိုင်းရင်းသား လက်နက်ကိုင်အဖွဲ့ တစ်ဖွဲ့တည်းနဲ့ မဟုတ်ဘဲ ၁၂ ဖွဲ့ကျော်နဲ့ ငြိမ်းချမ်းရေး တည်ဆောက်နေရတာ ဖြစ်ပါတယ်။ ဒါကြောင့် ငြိမ်းချမ်းရေး တည်ဆောက်မှု ဖြစ်စဉ်တစ်ရပ်ရဲ့ နက်နဲရှုပ်ထွေးမှုကို ၁၂ နဲ့ မြှောက်ပြီး ကျွန်တော်တို့နိုင်ငံ ရင်ဆိုင်နေရတဲ့ စိန်ခေါ်မှုကို မှန်းဆကြည့်နိုင်ပါတယ်။ ဒီစိန်ခေါ်မှုတွေမှာ ကိုယ်ပိုင် ပြဋ္ဌာန်းခွင့်၊ တန်းတူညီမျှမှု၊ နိုင်ငံရေးအာဏာခွဲဝေမှု၊ စီးပွားရေး အသီးအပွင့်ခွဲဝေမှုနဲ့ လုံခြုံရေး ကဏ္ဍဆိုင်ရာ ပြုပြင်ပြောင်းလဲမှုတွေ ပါဝင်ပါတယ်။

တစ်ဆက်တည်းမှာပဲ လုံခြုံရေးကဏ္ဍဆိုင်ရာ ပြုပြင်ပြောင်းလဲမှုတွေနဲ့ ပတ်သက်ပြီး တော့လည်း မြန်မာနိုင်ငံတော် အစိုးရအနေနဲ့ လုံခြုံရေးဆိုင်ရာ ကိစ္စရပ်တွေကို နိုင်ငံတကာ နဲ့ ပူးပေါင်းပြီး ဆောင်ရွက်သွားဖို့ ဆန္ဒရှိပါတယ်။ မြန်မာနှင့် ဗြိတိန် တပ်မတော်တို့အကြား ရင်းနှီးချစ်ကြည်တဲ့ ပူးပေါင်းဆောင်ရွက်မှုများကို တိုးမြှင့် ဆောင်ရွက်လိုပါတယ်။ လက်ရှိ ဒီမိုကရေစီ အသွင်ကူးပြောင်းရေးကာလမှာ နိုင်ငံတကာ အသိုင်းအဝိုင်းနဲ့ ပူးပေါင်းဆောင်ရွက်ခြင်းအားဖြင့် မြန်မာနိုင်ငံအနေနဲ့ ပြည်တွင်း လုံခြုံရေး ကိစ္စရပ်တွေကို ပိုမိုခိုင်မာစေရုံသာမက ကမ္ဘာ့လုံခြုံရေးဆိုင်ရာ ကိစ္စရပ်တွေ ကိုလည်း တက်ကြွစွာ ပါဝင်ဆောင်ရွက်နိုင်မှာ ဖြစ်ပါတယ်။

နိုင်ငံတော်လုံခြုံရေးဆိုင်ရာ ပြုပြင်ပြောင်းလဲရေး လုပ်ငန်းစဉ်ဟာ မြန်မာနိုင်ငံတော် အစိုးရ လက်ရှိ အကောင်အထည်ဖော် ဆောင်ရွက်နေတဲ့ အရေးကြီး လုပ်ငန်းစဉ် တွေထဲက အဓိက လုပ်ငန်းစဉ်တစ်ရပ် ဖြစ်ပါတယ်။ အပစ်အခတ် ရပ်စဲရေး လုပ်ငန်းစဉ် ကို ဆက်လက် အကောင်အထည်ဖော်နိုင်ဖို့အတွက် လိုအပ်တဲ့ နည်းပညာပိုင်း စွမ်းရည်တွေကို ဖြည့်ဆည်းခြင်းဖြင့် မြန်မာနိုင်ငံရဲ့ ငြိမ်းချမ်းရေး လုပ်ငန်းစဉ်ကို အရှိန်အဟုန် မြှင့်နိုင်မှာ ဖြစ်ပါတယ်။

စစ်အုပ်ချုပ်ရေးစနစ်မှ ဒီမိုကရေစီအစိုးရ အုပ်ချုပ်ရေး စနစ်ကို ငြိမ်းချမ်းစွာ အသွင်ကူးပြောင်းနိုင်ဖို့အတွက် တပ်မတော် အပါအဝင် နိုင်ငံတော်လုံခြုံရေး အင်အားစုတွေနဲ့ ပတ်သက်ပြီး လိုအပ်တဲ့ ပြုပြင်ပြောင်းလဲမှုတွေကို လုပ်ဆောင် သွားရမှာ ဖြစ်ပါတယ်။ နိုင်ငံတော်အစိုးရအနေနဲ့ မြန်မာနိုင်ငံရဲ့ စစ်ဘက်- အရပ်ဘက် ဆက်ဆံရေး မြန်မြန်ဆန်ဆန် တိုးတက်ကောင်းမွန်လာဖို့နဲ့ ရရှိလာတဲ့ တိုးတက်မှုတွေကို ဆက်လက် ခိုင်မာနေစေဖို့အတွက် နိုင်ငံတကာရဲ့ အကူအညီတွေ အကြံပြုချက်တွေကို ကြိုဆိုလျက် ရှိပါတယ်။ ဒီကိစ္စတွေဟာ မြန်မာနိုင်ငံရဲ့ နိုင်ငံရေး ပြုပြင်ပြောင်းလဲရေး လုပ်ငန်းစဉ်အောင်မြင်ဖို့ အတွက် အဓိကကျတဲ့ အချက်တစ်ခုလည်း ဖြစ်ပါတယ်။

ကျွန်တော့်အနေနဲ့ ဂုဏ်ယူစွာ ပြောကြားလိုတာကတော့ ကျွန်တော်တို့ အစိုးရ တာဝန်ယူထားတဲ့ နှစ်နှစ်တာ ကာလအတွင်းမှာ အဓိက တိုင်းရင်းသား လက်နက်ကိုင် အဖွဲ့ အားလုံးနီးပါးနဲ့ အပစ်အခတ် ရပ်စဲနိုင်ခဲ့ပြီး ကျန်ရှိနေသေးတဲ့ KIO အဖွဲ့အစည်းနဲ့ လည်း ပဏာမ ငြိမ်ချမ်းရေး သဘောတူညီချက် အချို့ကို ပြီးခဲ့တဲ့ မေလ အကုန်ပိုင်းမှာ လက်မှတ်ရေးထိုးနိုင်ခဲ့ပြီ ဖြစ်တယ်ဆိုတဲ့ အချက်ပဲ ဖြစ်ပါတယ်။

လာမယ့်ရက်များအတွင်းမှာ တစ်ပြည်လုံး အတိုင်းအတာနဲ့ အပစ်အခတ် ရပ်စဲရေး သဘောတူ စာချုပ်ကို လက်မှတ်ရေးထိုးနိုင်ဖို့ ကြိုးပမ်းဆောင်ရွက်နေပြီး ကျွန်တော်တို့ နိုင်ငံရဲ့ ငြိမ်းချမ်းရေး လုပ်ငန်းစဉ်များမှာ အရေးကြီးတဲ့ အဆင့်တစ်ဆင့်ကို ကျော်ဖြတ် နိုင်တော့မှာ ဖြစ်ပါတယ်။ နှစ်ပေါင်းခြောက်ဆယ်ကျော်အတွင်း မြန်မာနိုင်ငံ တစ်နိုင်ငံလုံး အတိုင်းအတာနဲ့ သေနတ်သံတွေ ချုပ်ငြိ်မ်းမယ့်နေ့ ဖြစ်လာမှာ ဖြစ်တဲ့အတွက် ဒီလက်မှတ် ရေးထိုးနိုင်မှုဟာ အလွန်အရေးကြီးတဲ့ သမိုင်းအချိုးအကွေ့ တစ်ခုဖြစ်ပြီး အားလုံးက ဝမ်းမြောက်ဂုဏ်ယူ ပျော်ရွှင်ကြရမယ့် ကိစ္စတခုလည်း ဖြစ်ပါတယ်။ သို့သော်လည်း ဒါဟာ ကျွန်တော်တို့ မျှော်လင့်နေတဲ့ တရားမျှတပြီး ရေရှည် တည်တံ့တဲ့ ငြိမ်းချမ်းရေးရဲ့ ကနဦး ခြေလှမ်းမျှသာဖြစ်ပြီး စေ့စပ်ညှိနှိုင်းမှုတွေကနေတစ်ဆင့် သဘောတူညီချက်တွေ ရရှိအောင် ခက်ခဲတဲ့ ဆွေးနွေးမှုတွေကို မဖြစ်မနေ ဆက်လက် လုပ်ဆောင်သွားရဦးမှာ ဖြစ်ပါတယ်။

မြန်မာနိုင်ငံရဲ့ ငြိမ်းချမ်းရေး ဖြစ်စဉ်အောင်မြင်မှုဟာ ပြည်သူလူထုအားလုံးကို ကိုယ်စား ပြုနိုင်တဲ့ မြန်မာ့အမျိုးသားရေး လက္ခဏာသစ် ( National Identity) တရပ် တည်ဆောင်နိုင်မှုနဲ့ တိုက်ရိုက်ဆက်စပ် ပတ်သက်နေပါတယ်။ တိုင်းရင်းသား မျိုးနွယ်စုများ အားလုံး၊ ဗုဒ္ဓဘာသာ၊ ခရစ်ယာန် ဘာသာ၊ အစ္စလာမ်ဘာသာနဲ့ ဟိန္ဒူဘာသာ စတဲ့ လူမျိုးဘာသာမရွေး မြန်မာနိုင်ငံသားများ အားလုံးသဘောတူညီ လက်ခံနိုင်တဲ့ National Identity သစ်တရပ်ကို တည်ဆောက်ကြရမှာ ဖြစ်ပါတယ်။ တိုင်းရင်းသားပေါင်းစုံနဲ့ ယဉ်ကျေးမှု ဓလေ့စုံရှိတဲ့ မြန်မာနိုင်ငံမှာ မတူညီတဲ့ တိုင်းရင်းသား ဘာသာစကားပေါင်း အမြောက်အများကို ပြောဆိုတဲ့ လူမျိုးစုများနဲ့ ကမ္ဘာမှာ ကြီးမြတ်တဲ့ ဘာသာတရားကြီးများကို အသီးသီး ကိုးကွယ်ယုံကြည် သူများစွာ ရှိပါတယ်။ မြန်မာနိုင်ငံမှာ လတ်တလော ပေါ်ပေါက်ခဲ့တဲ့ ပဋိပက္ခတွေနဲ့ အကြမ်းဖက်မှုတွေကြောင့် နိုင်ငံ တကာ အသိုင်းအဝိုင်း အနေနဲ့ စိုးရိမ်ပူပန်မှုတွေ ဖြစ်ခဲ့ကြရပါတယ်။ ကျွန်တော့် အနေနဲ့ အကြမ်းဖက်မှုတွေ၊ လူမျိုးရေးနဲ့ ဘာသာရေး မုန်းတီးမှုတွေ ပေါ်ပေါက်အောင် သွေးထိုး လှုံ့ဆော်သူ မည်သူကိုမဆို လုံးဝ သည်းခံခွင့်လွှတ်သွားမှာ မဟုတ်ဘူးဆိုတဲ့ မူဝါဒကို ဆက်လက် ကျင့်သုံးသွားမှာ ဖြစ်ပါတယ်။

လူကြီးမင်းများ သိထားကြတဲ့အတိုင်း အသွင်ကူးပြောင်းရေးကာလတွေမှာ ပေါ်ပေါက် လာတဲ့ နိုင်ငံရေး ပွင့်လင်း လွတ်လပ်မှုတွေကို ခုတုံးလုပ်၊ အမြတ်ထုတ်ပြီး မလိုလား အပ်တဲ့ ပြဿနာတွေ ပေါ်ပေါက်လာအောင် လုပ်ဆောင်ကြသူများ ရှိတတ်ပါတယ်။ ကျွန်တော့်အနေနဲ့ ဒီပြဿနာတွေကို ဖြေရှင်းတဲ့နေရာမှာ နုနယ်သေးတဲ့ ဖွံ့ဖြိုးဆဲ ဒီမိုကရေစီဆိုတဲ့ အနေအထား တစ်ရပ်ကနေ ကိုင်တွယ်ဖြေရှင်းနေရတာ ဖြစ်ပါတယ်။ လူမျိုးရေး၊ ဘာသာရေး ကွဲပြားခြားနားမှုတွေကို အာဏာရှင်စနစ်ဆီကို ပြန်ဦးတည်ဖို့ ခုတုံးလုပ် အသုံးချခံရခြင်းမျိုး မဖြစ်စေဖို့အတွက် ဘာသာပေါင်းစုံ တွေ့ဆုံဆွေးနွေး ပွဲတွေ ဖြစ်မြောက်အောင်၊ မတူညီတဲ့ လူ့အဖွဲ့အစည်း အသိုက်အဝန်းတွေကြားမှာ နားလည်ယုံကြည်မှုတွေ တိုးတက်လာအောင် ကြိုးပမ်းဆောင်ရွက်နေပါတယ်။ ဒီလို ကြိုးပမ်းဆောင်ရွက်တဲ့နေရာမှာ ဒီတာဝန်ရဲ့ နက်နဲ သိမ်မွေ့မှုတွေကို အသိအမှတ်ပြု နားလည်ပေးဖို့၊ လိုအပ်တဲ့ စိတ်ရှည်သည်းခံမှုတွေ ထားရှိပေးဖို့ မေတ္တာရပ်ခံလိုပါတယ်။

လတ်တလော သတင်းခေါင်းစဉ်တွေ သက်သက်ထက် ကျော်လွန်ခဲ့တဲ့ နားလည်မှုတွေ ထားရှိပေးကြဖို့လည်း တိုက်တွန်း လိုပါတယ်။ လတ်တလောမှာ အကြမ်းဖက်မှုတွေနဲ့ ပဋိပက္ခတွေရှိခဲ့ပေမယ့် မတူညီတဲ့ ရိုးရာဓလေ့တွေနဲ့ ကိုးကွယ် ယုံကြည်မှုတွေ ရှိကြတဲ့ မြန်မာနိုင်ငံသား အားလုံးဟာ သူငယ်ချင်းတွေ၊ ကျောင်းနေဖက်တွေ၊ လုပ်ဖော်ကိုင်ဖက် တွေ အိမ်နီးချင်းတွေ အဖြစ် ရင်းနှီးချစ်ကြည်စွာနဲ့ နှစ်ပေါင်းရှည်ကြာ ငြိမ်းငြိမ်းချမ်းချမ်း နေထိုင်လာခဲ့ကြတာ ဖြစ်ပါတယ်။ ရန်ကုန်မြို့လည်ခေါင်မှာ နှစ်ပေါင်းများစွာ အတူယှဉ်တွဲ တည်ရှိလာတဲ့ ဗုဒ္ဓဘာသာဝင်များရဲ့ ဘုရားပုထိုးစေတီများ၊ ခရစ်ယာန် ဘာသာဝင်များ၊ ဟိန္ဒူဘာသာဝင်များ၊ ဂျူးဘာသာဝင်များရဲ့ ဘုရားရှိခိုး ကျောင်းများ၊ တရုတ်ဘုံကျောင်းများနဲ့ အစ္စလာမ် ဘာသာဝင်များရဲ့ ဗလီများဟာ ကွဲပြားမှုများ အပေါ်မှာ အစဉ်အလာအရ စိတ်ရှည်သည်းခံနိုင်စွမ်းရှိတဲ့ မြန်မာ့ လူ့အဖွဲ့အစည်း ဖြစ်တယ်ဆိုတာ ပြသနေတဲ့ သက်သေ သာဓကများပဲ ဖြစ်ပါတယ်။ ဒီအစီအစဉ် အလာတွေ အပေါ်မှာ အခြေခံပြီး ကျွန်တော်တို့ နိုင်ငံမှာရှိတဲ့ ကွဲပြားခြားနားတဲ့ ဝိသေသ တွေကို အားနည်းချက် မဖြစ်စေဘဲ အင်အားတွေဖြစ်အောင် ကြိုးပမ်းဆောင်ရွက်ရမှာ ဖြစ်ပါတယ်။

ကျွန်တော်တုိ့ ဆောင်ရွက်နေတဲ့ ပြုပြင်ပြောင်းလဲရေး လုပ်ငန်းစဉ်များမှာ ပါဝင်နေတဲ့ ကဏ္ဍအားလုံးဟာ တစ်ခုနဲ့တစ်ခုကို အပြန်အလှန် အကျိုးပြုပြီး အားဖြည့်ကူညီပေးပါ တယ်။ ကမ္ဘာ့ကုလသမဂ္ဂအဖွဲ့ကြီးက ငြိမ်းချမ်းရေးမရှိဘဲ ဖွံ့ဖြိုးတိုးတက်မှု မရနိုင်ပါဘူး၊ ဖွံ့ဖြိုးတိုးတက်မှု မရှိဘဲနဲ့လည်း ငြိမ်းချမ်းရေး မရနိုင်ပါဘူး၊ လူ့အခွင့်အရေးတွေ မရှိရင် တော့ နှစ်ခုစလုံး မရနိုင်ပါဘူးလို့ ဆိုထားပါတယ်။ ကျွန်တော့်အနေနဲ့ ထပ်မံဖြည့်စွက် ချင်တာကတော့ ဒီမိုကရေစီကို ဦးတည်တဲ့ လက်တွေ့ကျတဲ့ ဖြစ်ထွန်းတိုးတက်မှု တွေကလည်း မရှိမဖြစ်လိုအပ်တယ်ဆိုတာပဲဖြစ်ပါတယ်။

ကျွန်တော်ပြောခဲ့သလိုပဲ ကျွန်တော်တို့မြန်မာနိုင်ငံမှာ ဆောင်ရွက်နေတဲ့ ပြုပြင် ပြောင်းလဲရေး လုပ်ငန်းစဉ်ဟာ သမိုင်းမှာ တစ်ကြိမ်တခါမှ မကြုံဖူးသေးတဲ့ ဆောင်ရွက် မှုကြီး တစ်ရပ်ဖြစ်ပါတယ်။ ဗဟိုအုပ်ချုပ်ရေးစနစ်ကနေ ဒီမိုကရေစီ အုပ်ချုပ်ရေးစနစ်ဆီ၊ ဗဟိုချုပ်ကိုင်တဲ့ စီးပွားရေးကနေ လွတ်လပ်တဲ့ ဈေးကွက်စီးပွားရေးစနစ်စီ ကူးပြောင်းနေတဲ့ တစ်ပြိုင်နက်တည်းမှာပဲ မတူညီတဲ့ သဘောသဘာဝရှိတဲ့ ငြိမ်းချမ်းရေး လုပ်ငန်းစဉ် ၁၂ ခုကို တည်ဆောက်နေရသလို ဆယ်စုနှစ်ပေါင်းများစွာ နောက်ကျ ကျန်နေ ခဲ့တဲ့ နိုင်ငံတကာဆက်ဆံရေးမှာလည်း ဆက်ဆံရေးပုံစံသစ် တစ်ခုကို ပြန်လည် တည်ဆောက်နေရပါတယ်။

ကျွန်တော်တို့ အနေနဲ့ ဒီလိုခက်ခဲတဲ့ ပြုပြင်ပြောင်းလဲရေး လုပ်ငန်းစဉ်များကို နှစ်ပေါင်းများစွာ အထီးကျန်ဆန်နေခဲ့ရတဲ့ အခြေအနေတွေနဲ့ အရေးယူ ပိတ်ဆို့မှုတွေကြောင့် နိုင်ငံတကာ အသိုင်းအဝိုင်းနဲ့ ထိတွေ့ဆက်ဆံမှု အားနည်းခဲ့ရတဲ့ ပြည်သူတွေအကြားမှာ အားနည်းမှုတွေရှိတဲ့ အင်စတီကျူးရှင်းတွေ၊ ခေတ်စနစ်နဲ့ အံဝင်ခွင်ကျ မဖြစ်တော့တဲ့ အင်စတီကျူးရှင်းတွေနဲ့ ဆောင်ရွက်နေရတာ ဖြစ်ပါတယ်။ ကျွန်တော်တို့ ကြိုးပမ်း ဆောင်ရွက်နေတာဟာ အသစ်တည်ဆောက်ရတာ မဟုတ်ဘဲ ရှိရင်းစွဲအခြေအနေများကနေ ပြုပြင်ပြောင်းလဲယူရတာဖြစ်ပြီး ဆယ်စုနှစ်များစွာ အထီးကျန်ဆန်ခဲ့ရတဲ့ အခြေအနေတွေ ကနေ ပေါ်ပေါက်လာတဲ့ စဉ်းစားတွေးခေါ်မှု ပုံစံတွေကို ပြောင်းလဲဖို့ ကြိုးပမ်းဆောင် ရွက်နေရပါတယ်။ ကျွန်တော်တို့ အနေနဲ့ အခင်းအကျင်းသစ်တွေကို ဦးတည်ချီတက် နေရသလို အရှိန်မသေသေးတဲ့ စနစ်ဟောင်းရဲ့ အမူအကျင့်များ ကိုလည်း ရပ်တန့်နိုင်ဖို့ ကြိုးပမ်းနေရပါတယ်။

ဒီလိုအခက်အခဲတွေကြားထဲမှာ ကျွန်တော်တို့အစိုးရအနေနဲ့ လွန်ခဲ့တဲ့ နှစ်နှစ်ကစပြီး ဆောင်ရွက်အကောင်အထည်ဖော်လာခဲ့တဲ့ ပြုပြင်ပြောင်းလဲရေး လုပ်ငန်းစဉ်များရဲ့ ရည်ရွယ်ချက်ကတော့ တစ်ခုထဲပဲ ရှိပါတယ်။ ကျွန်တော်တို့ မျိုးဆက်သစ်လူငယ်တွေ အတွက် ပိုမိုကောင်းမွန်တဲ့ အနာဂတ်၊ ပိုမိုကောင်းမွန်ပြည့်စုံတဲ့ ဘဝတစ်ခု ဖန်တီးပေး နိုင်ဖို့ဆိုတဲ့ ရည်ရွယ်ချက်ပဲ ဖြစ်ပါတယ်။

ကျွန်တော်တို့အစိုးရဟာ ပြည်သူ့အစိုးရ ဖြစ်တယ်လို့ခံယူထားတာနဲ့အညီ ပြည်သူတွေရဲ့ဘဝကို မြှင့်တင်နိုင်ဖို့အတွက် ပြည်သူဗဟိုပြု ဖွံ့ဖြိုးတိုးတက်ရေး လုပ်ငန်းတွေကို အစွမ်းကုန်ကြိုးစား အကောင်အထည်ဖော်လျက်ရှိပါတယ်။ လာမယ့် ၂၀၁၅ ရွေးကောက်ပွဲမှာ ဒီမိုကရေစီနည်းလမ်းကျ ပေါ်ပေါက်လာမယ့် အစိုးရသစ်အတွက် အခြေခံ ကောင်းတွေ ဖန်တီးပေးနေတာလည်း ဖြစ်ပါတယ်။

မြန်မာနိုင်ငံဟာ ၂၀၁၄ မှာ အာဆီယံ ဥက္ကဋ္ဌ တာဝန်ကို ထမ်းဆောင်တော့မှာ ဖြစ်ပြီး ဒါဟာကြီးမားတဲ့ တာဝန်တစ်ရပ် ဖြစ်ပါတယ်။ ဒီလို တာဝန်ယူမှုဟာ နိုင်ငံတကာနဲ့ ပူးပေါင်း ဆောင်ရွက်ရေးကိစ္စတွေမှာ မြန်မာနိုင်ငံရဲ့ စိတ်အားထက်သန်မှုကို ပြသတာလည်း ဖြစ်ပါတယ်။ ကျွန်တော်တို့ အနေနဲ့ မြန်မာနိုင်ငံရဲ့ ပြုပြင်ပြောင်းလဲရေး သက်သက်ကိုသာမကဘဲ ကမ္ဘာလုံးချီတဲ့ ငြိမ်းချမ်းရေးနဲ့ စီးပွားရေးဖွံ့ဖြိုးတိုးတက်မှု အတွက် ကျရာတာဝန်ကို ထမ်းဆောင်နိုင်တဲ့ ကမ္ဘာ့မိသားစုဝင် နိုင်ငံတစ်နိုင်ငံ ဖြစ်ရေးကိုပါ ကြိုးပမ်းဆောင်ရွက်နေတာ ဖြစ်ပါတယ်။

အခုလို မြန်မာနိုင်ငံရဲ့ သမိုင်းစာမျက်နှာသစ်ဖွင့်ချိန်မှာ မိတ်ဆွေသစ်တွေ ရရှိသလို ဗြိတိန်နိုင်ငံလို မိတ်ရင်းဆွေဟောင်း နိုင်ငံများရဲ့ အားပေးထောက်ခံမှုတွေ၊ နားလည် ယုံကြည်မှုတွေ၊ အပြု သဘောဆောင်တဲ့ ထောက်ပြဝေဖန်မှုတွေကလည်း အရေးပါတယ်လို့ ယုံကြည်ပါတယ်။ ဗြိတိန်နိုင်ငံ နဲ့လည်း ရေရှည် တည်တံ့တဲ့ ရင်းနှီးချစ်ကြည်မှုကို တည်ဆောက်သွားနိုင်မယ်လို့ ကျွန်တော့်အနေနဲ့ မျှော်လင့်ပါတယ်။

Credit To Shanni News
Read More »

ငြိမ်းချမ်းရေး ဆွေးနွေးပွဲများတွင် တိုင်းရင်းသား ခေါင်းဆောင်များအပြင် နိုင်ငံရေးပါတီ ခေါင်းဆောင်များ ပါဝင်စေလိုဟု UNFC ပြောကြား




အစိုးရ၏ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် ပြုလုပ်သော ငြိမ်းချမ်းရေး ဆွေးနွေးပွဲများတွင် တိုင်းရင်းသားခေါင်းဆောင်များအပြင် နိုင်ငံရေးပါတီ အသီးသီးမှ ခေါင်းဆောင်များကိုလည်း ပါဝင်စေလိုကြောင်း ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) က ပြောကြားသည်။

"လေ့လာသူ အနေနဲ့ ပါဝင်စေချင်တာပါ။ တိုင်းရင်းသား ခေါင်းဆောင်တွေ၊ နိုင်ငံရေးပါတီ ခေါင်းဆောင်တွေအားလုံး ပါစေချင်တာပါ" ဟု UNFC အဖွဲ့ဝင် ကရင်အမျိုးသား အစည်းအရုံး (KNU) ၏ တွဲဖက်အတွင်းရေးမှူး-၂ ပဒိုမန်းမန်းက ဇူလိုင် ၁၆ ရက်တွင် The Daily Eleven သို့ ပြောကြားသည်။

ထိုသို့ ပါဝင်စေလိုသည့် အကြောင်းကို ဇူလိုင် ၁၃ ရက်က ထိုင်းနိုင်ငံ၊ ချင်းမိုင်၌ ပြုလုပ်ခဲ့သော ပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်း ကော်မတီ၏ အလုပ်အဖွဲ့နှင့် UNFC ၏ အလုပ်အဖွဲ့တို့ တွေ့ဆုံပွဲတွင် ပြောကြားခဲ့ကြောင်း ပဒိုမန်းမန်းက ပြောကြားသည်။

"လေ့လာသူအနေနဲ့ ပါဝင်စေချင်တာကို သူတို့ဘက်က လက်ခံပါတယ်။ ပါဝင်ခွင့်ပြု နိုင်တယ်ပေါ့။ ဒါပေမဲ့ moderator အနေနဲ့ ပါဝင်ဖို့က ဖြစ်နိုင်ခြေ နည်းတယ်လို့ ပြောပါတယ်" ဟု ပဒိုမန်းမန်းက ပြောကြားသည်။

ဇူလိုင် ၁၃ ရက်က ပြုလုပ်ခဲ့သော အလုပ်အဖွဲ့များ တွေ့ဆုံခြင်းသည် ထူးခြားချက် မရှိဟူသော ဝေဖန်ချက်များ ရှိနေသော်လည်း မကြာခဏ တွေ့ဆုံခြင်းက အကျိုးဖြစ်ထွန်းမှု ရှိစေသည်ဟု ၎င်းကဆက်လက် ပြောကြားသည်။

"မကြာမကြာတွေ့ဖို့ လိုအပ်တယ်။ ဒီလိုတွေ့မှလည်း ပိုပြီးဆောင်ရွက်နိုင်မယ်။ ပိုပြီးရှင်းရှင်းလင်းလင်း ဖြစ်မယ်။ ကျွန်တော်တို့ဘက်ကလည်း မကြာခဏတွေ့ဖို့ လိုလားပါတယ်။ ဇူလိုင်လ ၁၃ ရက်နေ့ တွေ့ဆုံမှုက ကောင်းတဲ့သဘော ဆောင်ပါတယ်" ဟု ပဒိုမန်းမန်းက ဆိုသည်။

လက်ရှိအချိန်တွင် စပ်ကူးမပ်ကူးကာလ ဖြစ်နေသည့်အပြင် အစိုးရဘက်မှ ကန့်သတ်ချက်များ ရှိနေခြင်းကြောင့် UNFC အနေဖြင့် မြန်မာနိုင်ငံသို့ လာရောက်ဆွေးနွေးရန် မဖြစ်နိုင်သေးကြောင်း သိရသည်။

"ကျွန်တော်တို့က ကိုယ့်ရဲ့ပြည်တွင်းရေးကို ကိုယ့်နိုင်ငံမှာပဲ ဆွေးနွေးချင်တာပေါ့။ ဒါပေမဲ့ အခုချိန်က ယုံကြည်မှုကို တည်ဆောက်နေရဆဲ စပ်ကူးမပ်ကူးကာလ ဖြစ်နေတယ်။ ကန့်သတ်ချက်တွေလည်း ရှိနေတယ်။ ပိုမိုပွင့်လင်းဖို့လည်း လိုအပ်နေသေးတယ်။ အဲဒါတွေ အဆင်ပြေပြီ ဆိုရင်တော့ ပြည်တွင်းမှာ လာရောက်ဆွေးနွေးမှာ ဖြစ်ပါတယ်" ဟု ပဒိုမန်းမန်းက ပြောကြားသည်။

အစိုးရ ငြိမ်းချမ်းရေး ကိုယ်စားလှယ်အဖွဲ့၏ အလုပ်အဖွဲ့နှင့် UNFC ၏ အလုပ်အဖွဲ့တို့ ဇူလိုင် ၁၃ ရက်က တွေ့ဆုံမှုတွင် တစ်နိုင်ငံလုံး အပစ်အခတ် ရပ်စဲရေးအတွက် လက်မှတ်ရေးထိုးလိုခြင်းကို အစိုးရကိုယ်စားလှယ် များဘက်မှ တင်ပြခဲ့ပြီး နိုင်ငံရေး ဆွေးနွေးပွဲ မူဘောင်များကို UNFC ကိုယ်စားလှယ်အဖွဲ့က တင်ပြခဲ့ကြောင်း သိရသည်။

ထိုဆွေးနွေးပွဲ ရလဒ်များကို အခြေခံပြီး နှစ်ဖက်ခေါင်းဆောင်များ တွေ့ဆုံမည့် နေ့ရက်ကို ဇူလိုင် ၂၀ နောက်ပိုင်းတွင် အစိုးရဘက်က အကြောင်းပြန်မည်ဖြစ်ကြောင်း သိရသည်။

ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် UNFC တို့သည် ၂၀၁၂ ခုနှစ် နိုဝင်ဘာလက ပထမအကြိမ် တွေ့ဆုံခဲ့ပြီး UNFC ၏ ငြိမ်းချမ်းရေးဆိုင်ရာ နိုင်ငံရေးလုပ်ငန်းစဉ် ခြောက်ရပ်ကို ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီသို့ ပေးအပ်ခဲ့သည်။ ၂၀၁၃ ခုနှစ် ဖေဖော်ဝါရီလတွင် ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် UNFC တို့ ဒုတိယအကြိမ် တွေ့ဆုံခဲ့ကာ တိုင်းရင်းသားလက်နက်ကိုင် အဖွဲ့အစည်း ၁၁ ဖွဲ့နှင့် နိုင်ငံရေးဆွေးနွေးပွဲများ စတင်နိုင်ရန် ခြေလှမ်းစတင်ခဲ့သည်။

၂၀၁၁ ခုနှစ် ဖေဖော်ဝါရီ ၁၆ ရက်တွင် စတင်ဖွဲ့စည်းခဲ့သော UNFC ကို ၂၀၁၁ ခုနှစ် ဒီဇင်ဘာလ အတွင်းက အဖွဲ့ ၁၁ ဖွဲ့ဖြင့် ပြန်လည်ဖွဲ့စည်းခဲ့သည်။ ထိုသို့ပြန်လည် ဖွဲ့စည်းလိုက်သော UNFC တွင် ကရင်အမျိုးသား အစည်းအရုံး (KNU)၊ မွန်ပြည်သစ်ပါတီ (MNSP)၊ ကချင်လွတ်မြောက်ရေးအဖွဲ့ (KIO)၊ ကရင်နီအမျိုးသား တိုးတက်ရေးပါတီ (KNPP)၊ ချင်းအမျိုးသားတပ်ဦး (CNF)၊ ရှမ်းပြည်တိုးတက်ရေးပါတီ (SSPP)၊ ပအိုဝ်အမျိုးသား လွတ်မြောက်ရေး အဖွဲ့ချုပ် (PNLO)၊ ပလောင်ပြည်နယ် လွတ်မြောက်ရေးတပ်ဦး (PSLF)၊ ရခိုင်အမျိုးသားကောင်စီ (ANC)၊ လားဟူဒီမိုကရက်တစ် သမဂ္ဂ (LDU)နှင့် "၀" အမျိုးသား အဖွဲ့ချုပ် (WNO)တို့ ပါဝင်ခဲ့ကြသည်။

Credit To By= EMG

Read More »

လွှတ်တော်မှ ဖိနှိပ်ရေး ဥပဒေများကို ထုတ်ပြန်နေမည် ဆိုပါက အာဏာရှင် စနစ်အောက်တွင်သာ ရှိနေဦးမည်ဟု ကယန်းပြည်သစ်ပါတီ တွဲဖက် အတွင်းရေးမှူး(၁) ပြောကြား


လွှတ်တော်မှ ဖိနှိပ်ရေး ဥပဒေများကို တစ်ခုပြီးတစ်ခု ထုတ်ပြန်နေမည် ဆိုပါက အာဏာရှင်စနစ် အောက်တွင်သာ ရှိနေဦးမည်ဟု ကယန်းပြည်သစ်ပါတီ တွဲဖက် အတွင်းရေးမှူး (၁) ဗိုလ်မှူးကြီး စောလွင်က ပြောကြားသည်။
ဇူလိုင် ၁၄ ရက် က ရန်ကုန်မြို့ ရွှေဂုံတိုင်ရှိ တော်ဝင်နှင်းဆီ စားသောက်ဆိုင်တွင် ပြုလုပ်ခဲ့သည့် ဖက်ဒရယ်မူနှင့် တိုင်းရင်းသားတို့၏ အမြင် ၉/၂၀၁၃ ဆွေးနွေးပွဲတွင် စစ်အာဏာရှင်စနစ် ရှိသေးသလားဟူသော အချက်နှင့် ပတ်သက်သော မေးမြန်းမှုကို ဖြေကြားရာတွင် ၎င်းက ယင်းကဲ့သို့ ထည့်သွင်း ပြောကြားခဲ့ခြင်း ဖြစ်သည်။
စစ်အာဏာရှင်စနစ် ရှိမရှိ ဆိုသည်မှာ ပြည်သူလူထု အများစု၏ ဘ၀များ ဘယ်လောက် အဆင်ပြေနေပြီလဲ ဆိုသည့်အချက်နှင့် အာဏာသည် မည်သူ့လက်ထဲမှာ ရှိသလဲ ဆိုသည်များကို မေးခွန်းထုတ်ရမည် ဖြစ်ကြောင်း၊ ကားများတင်သွင်းခွင့် ပေးလိုက်သော်လည်း ပြည်သူလူထု အများစုမှာ စက်ဘီးပင် မစီးနိုင်ကြသေးကြောင်း၊ အာဏာသည် လွှတ်တော်မှာ ရှိသလား၊ သမ္မတလက်ထဲမှာ ရှိသလား၊ ဘယ်သူ့လက်ထဲမှာ ရှိသလဲ ဆိုသည့်အချက်များကို ဗိုလ်မှူးကြီး စောလွင်က မေးခွန်းထုတ် ပြောကြားခဲ့သည်။
''အာဏာဟာ ပြည်သူလူထု လက်ထဲမှာ မရှိသေးသရွေ့၊ တိုင်းပြည်ကို အုပ်ချုပ်နေတာက ဗိုလ်ချုပ်တွေ၊ ဗိုလ်ချုပ်ဟောင်းတွေ ဖြစ်နေသေးသရွေ့၊ လူထုရဲ့ အခြေခံ အခွင့်အရေးတွေ မရသေးသရွေ့၊ လွှတ်တော်ကလည်း ဆက်သွယ်ရေး ဥပဒေတို့လို၊ ပုံနှိပ် ဥပဒေတို့လို ဖိနှိပ်ရေး ဥပဒေတွေကို တစ်ခုပြီးတစ်ခု ထုတ်ပြန်နေသရွေ့၊ စစ်ပွဲတွေရပ်ဖို့၊ ငြိမ်းချမ်းရေးပေးပါလို့ ငြိမ်းငြိမ်းချမ်းချမ်း လမ်းလျှောက်တဲ့ သူတွေကို ငြိမ်းချမ်းစွာ စုဝေးခွင့်ဥပဒေနဲ့ တရားစွဲနေသရွေ့ ဒါဟာ အာဏာရှင်စနစ် အောက်မှာပဲ ရှိနေဦးမှာပဲ'' ဟု ဗိုလ်မှူးကြီး စောလွင်က ဆိုသည်။
ထို့ပြင် လက်ရှိပြဿနာများ၊ ပြည်တွင်းစစ်များ ဖြစ်နေခြင်းမှာ အမြင်များ ကွဲပြားခြင်းကြောင့် မဟုတ်ဘဲ အကျိုးစီးပွားချင်း ကွဲပြားခြင်းကြောင့်သာ ဖြစ်ကြောင်း၊ တက်လာသမျှ အစိုးရ အဆက်ဆက်က ပြည်သူလူထု၏ လိုလားချက် မှန်သမျှကို အကြမ်းဖက် ဖိနှိပ်ခြင်းဖြင့် နင်းခြေအုပ်ချုပ်နေမည် ဆိုပါက စစ်အာဏာရှင် စနစ်သာ ဖြစ်နေမည် ဖြစ်ကြောင်းလည်း ၎င်းက ပြောကြားသည်။
ပြည်နယ်သတ်မှတ်ခြင်း ကိစ္စများကိုလည်း သက်ဆိုင်ရာ ကာယကံရှင်ဖြစ်သည့် လူမျိုးစု တိုင်းရင်းသားများက ရွေးချယ်ခွင့်ရခဲ့ခြင်း မဟုတ်ကြောင်း၊ ယင်းကဲ့သို့ သတ်မှတ်ရန် တိုင်းရင်းသားများ အားလုံးပါဝင်သည့် ညီလာခံကြီး တစ်ခုကို ပြုလုပ်ပြီး သဘောတူ သတ်မှတ်သင့်ကြောင်း၊ ယင်းကဲ့သို့သာ သတ်မှတ်လိုက်မည် ဆိုပါက စစ်တပ်အာဏာ သိမ်းခြင်းမှလွဲ၍ မည်သို့မျှ ပြောင်းလဲနိုင်တော့မည် မဟုတ်ကြောင်းလည်း ဗိုလ်မှူးကြီးစောလွင်က ပြောကြားသည်
Credit To Eleven News Journal 
Read More »

ပြဇာတ်၊ မျက်လှည့်နှင့် နိုင်ငံရေး ဇာတ်ပွဲကြီး


Written by ဒေါက်တာရန်မျိုးသိမ်း
ရန်ကုန်မြို့ တညင်းကုန်းဘူတာသို့ ကုန်စိမ်းရထား ဆိုက်ရောက်ပြီးနောက် မြင်ကွင်း (ဓာတ်ပုံ-၀င်းမြင့်ကျော်)
လူတချို့က မြန်မာ့နိုင်ငံရေး ဖြစ်ပေါ်ပြောင်းလဲမှု များကိုကြည့်ပြီး ပြဇာတ်ကောင်းကောင်း တစ်ပုဒ်ကို ကြည့်နေရသည်နှင့် တူသည်ဟု ဆိုသည်။ လူတချို့က မြန်မာ့အသွင် ကူးပြောင်းရေးကိုကြည့်ပြီး မျက်လှည့်လက်လှည့်ပွဲ ကြည့်နေရသကဲ့သို့ ခံစားရသည်ဟု ဆိုသည်။ လူတချို့က မြန်မာ့နိုင်ငံရေး အခင်းအကျင်းကို ထိုင်ကြည့်ရသည်မှာ ဇာတ်ပွဲကြီးတစ်ခုကို ထိုင်ကြည့်နေရသည်နှင့် ဆင်တူသည်ဟု ဆိုသည်။ အကယ်စင်စစ် နိုင်ငံရေးတို့ မည်သည်ပြဇာတ်အသွင်၊ မျက်လှည့်အသွင်၊ ဇာတ်ပွဲအသွင် ရှိနေတတ်သည်မှာ ဖြစ်ရိုးဖြစ်စဉ်ဟု ဆိုနိုင်သော်လည်း ကြည့်ကောင်းဖို့ လိုသည်ဟုလည်း နိုင်ငံရေးက၀ိ အချို့က ဆိုကြသည်။ မည်သို့ပင်ဆိုစေ ပြည်သူကိုမည်၍မည်မျှ အကျိုးပြုသည်ဟူသော အချက်နှင့်သာ အဆုံးသတ်တွင် အကဲဖြတ်ရမည် ဖြစ်သည်။
လက်ရှိသမ္မတ ဦးသိန်းစိန်၊ လက်ရှိပြည်သူ့လွှတ်တော် ဥက္ကဋ္ဌနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ သူရဦးရွှေမန်း၊ လက်ရှိပြည်သူ့လွှတ်တော် ကိုယ်စားလှယ်နှင့် အမျိုးသားဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်တို့သည် ၂၀၁၅ ခုနှစ် အထွေထွေရွေးကောက်ပွဲအလွန် ကာလတွင် သမ္မတအဖြစ် ရွေးချယ်ခံလိုကြောင်း အတိအလင်း ထုတ်ဖော်ပြောထားကြသည်။ ၂၀၀၈ ခုနှစ် ဖွဲ့စည်းပုံအခြေခံ ဥပဒေအရ နိုင်ငံတော်သမ္မတသည် ပြည်ထောင်စု အစိုးရအဖွဲ့နှင့် အမျိုးသားကာကွယ်ရေးနှင့် လုံခြုံရေးကောင်စီကို ဦးဆောင်မည့်သူ ဖြစ်သည်။ ထို့ကြောင့် ဦးသိန်းစိန်၊ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား သုံးပွင့်ဆိုင်နိုင်ငံရေး ယှဉ်ပြိုင်မှုဟု သတ်မှတ်နိုင်မည် ဖြစ်သည်။
ဦးသိန်းစိန်၊ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား သုံးပွင့်ဆိုင် ဆက်ဆံရေးသည် ထင်သလောက် မချောမွေ့သည်မှာ အထင်အရှား ဖြစ်သည်။ ဒေါ်အောင်ဆန်းစုကြည်သည် လွှတ်တော်ကိုယ်စားလှယ် တစ်ဦးဖြစ်သည့် အားလျော်စွာ သူရဦးရွှေမန်း၊ ဦးခင်အောင်မြင့် အပါအ၀င် လွှတ်တော်အသိုင်းအ၀ိုင်းနှင့် နီးစပ်မှု ပိုရှိသည်ကို တွေ့ရသည်။ အတည်မပြုနိုင်သော သတင်းများအရ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား ဆက်ဆံရေးသည် နိုင်ငံရေးအရ ယုံကြည်မှုနှင့် နားလည်မှု မြင့်မားနေသည်သာမက ပုဂ္ဂိုလ်ရေးအရလည်း မောင်ရင်းနှမပုံစံ ဆက်ဆံရေး ရှိနေသည်ဟု ဆိုကြသည်။ မြန်မာ့နိုင်ငံရေး၏ အစဉ်အလာ သဘောသဘာဝအရ ပုဂ္ဂိုလ်ရေး ရင်းနှီးကျွမ်းဝင်မှုများသည် နိုင်ငံရေးအပေါ် သက်ရောက်မှု အားကောင်းသည့်အလျောက် မောင်နှမပုံစံ ရင်းနှီးမှုသာ မှန်ကန်ခဲ့ပါက အဆိုပါ ရင်းနှီးမှုသည် အနာဂတ် နိုင်ငံရေးလမ်းကြောင်းတွင် လက်တွဲဆောင်ရွက်နိုင်ရေးအတွက် ကြီးစွာအထောက်အပံ့ ဖြစ်လာနိုင်သည်ဟုလည်း သုံးသပ်နိုင်သည်။
နောက်ကြောင်းပြန် သုံးသပ်ကြည့်လျှင် သမ္မတဦးသိန်းစိန် အနေဖြင့် လာမည့် ၂၀၁၅ ခုနှစ် ရွေးကောက်ပွဲတွင် သမ္မတအဖြစ် ပြန်လည်အရွေးချယ်ခံမည်ဟု တရားဝင်ထုတ်ဖော် ပြောကြားခဲ့သည့် နောက်ပိုင်းမှစ၍ သူရဦးရွှေမန်းနှင့် ဒေါ်အောင်ဆန်းစုကြည်တို့အကြား ဆက်ဆံရေးမှာ အထူးနီးစပ် ကောင်းမွန်လာခဲ့ပြီး နှစ်ဦးနှစ်ဖက် နားလည်မှုနှင့် ယုံကြည်မှုတို့သည်လည်း အလျင်အမြန် မြင့်တက်လာခဲ့သည်ဟု သုံးသပ်နိုင်သည်။ သမ္မတ ဦးသိန်းစိန်၏ ဒုတိယသက်တမ်း ပြန်အရွေးခံနိုင်ဖွယ် မှတ်ချက်သည် သူရဦးရွှေမန်းနှင့် ဒေါ်အောင်ဆန်းစုကြည်အကြား ယုံကြည်မှုနှင့် နားလည်မှု မြင့်မားလာစေရေးအတွက် တွန်းအားဖြစ်စေ ခဲ့သည်ဟုပင် မှတ်ချက်ပြုနိုင်သည်။ တွန်းပို့ခဲ့လေသလားဟုပင် သံသယ မှတ်ချက်များကိုလည်း ကြားသိနေရသည်။
၂၀၁၅ ခုနှစ်အလွန် ပေါ်ပေါက်လာဖွယ် ရှိနေသည့် ညွန့်ပေါင်းအစိုးရ အဖွဲ့သည် မြန်မာပြည်သူ လူထုကြီး၏ ဆင်းရဲမွဲတေမှု လျှော့ချရေး၊ ပညာရေး အဆင့်အတန်း မြင့်မားရေး၊ အခမဲ့ ကျန်းမာရေး စောင့်ရှောက်ရေး၊ တရားဥပဒေ စိုးမိုးရေး၊ ငြိမ်းချမ်းရေး၊ စီးပွားရေး ဖွံ့ဖြိုးတိုးတက်ရေးတို့ကို အားသွန်ခွန်စိုက်၊ လက်တွေ့ကျကျ၊ အပြောနည်းနည်း၊ အလုပ်များများ အကောင်အထည် ဖော်လာနိုင်မည် ဆိုပါက . . . . .
မြန်မာ့နိုင်ငံရေး၏ ထိပ်သီးပါတီကြီးနှစ်ခုမှ ဥက္ကဋ္ဌနှစ်ဦးအကြား ထူးခြားသော၊ လေးနက်သော ဆက်ဆံရေးကို အကြောင်းပြုလျက် ညွန့်ပေါင်းအစိုးရဆိုသည့် အသံသည် လွန်ခဲ့သော ရက်ပိုင်းအတွင်း အတော်ဆူဆူညံညံ ထွက်ပေါ်လာခဲ့သည်။ ဥက္ကဋ္ဌကြီး နှစ်ဦးအကြား လက်ရှိအနေအထားအပေါ် အခြေပြု စဉ်းစားလျှင် ၂၀၁၅ ခုနှစ် ရွေးကောက်ပွဲအလွန် ကာလတွင် ညွန့်ပေါင်းအစိုးရ ဖြစ်နိုင်ခြေမှာ အလွန်အမင်း မြင့်မားလျက် ရှိနေသည်ဟု မှတ်ချက်ပြုနိုင်သည်။
ဖွဲ့စည်းပုံ အခြေခံဥပဒေအရ သမ္မတသည် အစိုးရအဖွဲ့ကို မည်သို့ဖွဲ့စည်းမည်ဖြစ်ကြောင်း ဆုံးဖြတ်ရမည် ဖြစ်သည်။ ထို့ကြောင့် ညွန့်ပေါင်းအစိုးရ ဖွဲ့စည်းရေးတွင် မည်သူသမ္မတဖြစ်မည်က ပိုမိုအရေးကြီးသည်။ ဒေါ်အောင်ဆန်းစုကြည်သည် တိုင်းပြည်နှင့် လူမျိုးအကျိုးကို ထိထိရောက်ရောက် ဆောင်ရွက်လိုသဖြင့် သမ္မတဖြစ်နိုင်လျှင် ဖြစ်လိုကြောင်း အဆိုပြုခဲ့သည်။ သို့သော် ၂၀၁၅ ခုနှစ် မတိုင်မီ ဖွဲ့စည်းပုံ ပြင်ဆင်ရေး အထမမြောက်နိုင်လျှင် ဒေါ်အောင်ဆန်းစုကြည် အနေဖြင့် သမ္မတမဖြစ်နိုင်ချေ။ ဒေါ်အောင်ဆန်းစုကြည်သည် ဖွဲ့စည်းပုံ အခြေခံဥပဒေကို အချိန်မီ မပြင်နိုင်သဖြင့် သမ္မတ မဖြစ်နိုင်သော်လည်း အမျိုးသားဒီမိုကရေစီ အဖွဲ့ချုပ်သည် လွှတ်တော်အသီးသီးတွင် ကိုယ်စားလှယ် နေရာအများစု အနိုင်ရရှိရန် အလားအလာမှာ မြင့်မားနေဆဲဖြစ်သဖြင့် အမျိုးသားဒီမိုကရေစီ အဖွဲ့ချုပ်မှ အဆိုပြုသူသည် သမ္မတဖြစ်လာနိုင်သည့် အလားအလာမှာ မြင့်မားနေသည်ဟု မှတ်ချက်ပြုရမည် ဖြစ်သည်။ ဒေါ်အောင်ဆန်းစုကြည် အနေဖြင့် အမျိုးသားဒီမိုကရေစီ အဖွဲ့ချုပ် ကိုယ်စားလှယ်တစ်ဦးဦး သို့မဟုတ် ခေါင်းဆောင်တစ်ဦးဦးကို သမ္မတတာဝန် ရယူနိုင်ဖို့အထိ ကြိုတင်ပြင်ဆင် ဆောင်ရွက်ထားမှုကိုလည်း ယနေ့အချိန်အထိ မမြင်တွေ့ရသေးပေ။
ထိုအခင်းအကျင်းတွင် ဒေါ်အောင်ဆန်းစုကြည် အနေဖြင့် မိမိပါတီထဲမှ တစ်ဦးဦးကို သမ္မတလောင်း သတ်မှတ်သည်ထက် တပ်မတော်နှင့်လည်းနီးစပ် သူမနှင့်လည်း နားလည်မှု ယုံကြည်မှုလည်းရှိသော သူရဦးရွှေမန်းကို သူမကိုယ်စား သမ္မတအဖြစ် အဆိုပြုလာနိုင်ဖွယ် ရှိသည်ဟုလည်း လေ့လာသူ အချို့က မှတ်ချက်ပြုကြသည်။ သူရဦးရွှေမန်း အနေဖြင့်လည်း ၂၀၁၅ ခုနှစ် မတိုင်မီတွင် ဒေါ်အောင်ဆန်းစုကြည်နှင့် နားလည်မှု၊ ယုံကြည်မှု့ ကို ယခုထက် ပိုမိုခိုင်မာအောင် စနစ်တကျ တည်ဆောက်လာနိုင်ဖွယ် ရှိသည်မှာလည်း ငြင်းမရသော အချက်ဖြစ်သည်။
ပကတိ အခြေအနေကို ကြည့်လျှင်လည်း ကျန်သမ္မတလောင်း ဖြစ်နိုင်သူနှစ်ဦးအနက် သူရဦးရွှေမန်းသည် ဒေါ်အောင်ဆန်းစုကြည်နှင့် နီးစပ်ပြီး သမ္မတဦးသိန်းစိန်သည် ဒေါ်အောင်ဆန်းစုကြည်နှင့် ပုံမှန်ဆက်ဆံမှု မရှိသည့်အပြင် နားလည်မှုနှင့် ယုံကြည်မှုတည်ဆောက်ရေး အပိုင်းတွင်လည်း အားနည်းနေသည်ဟု ဆိုနိုင်သည်။ ထို့အပြင် သူရဦးရွှေမန်းသည် ဒေါ်အောင်ဆန်းစုကြည်ထံမှ ယုံကြည်မှုကို အတိုင်းအတာတစ်ခုအထိ ရရှိထားပြီးဖြစ်သည်။ အဆိုပါ သုံးသပ်ချက်အရဆိုလျှင် သူရဦးရွှေမန်းသည် တိုင်းပြည်အုပ်ချုပ်ရေး၏ အကြီးအကဲ သမ္မတ ဖြစ်လာနိုင်ဖွယ်ရှိပြီး ဒေါ်အောင်ဆန်းစုကြည်သည် တိုင်းပြည်ဥပဒေပြုရေး၏ အကြီးအကဲ ပြည်သူ့လွှတ်တော်ဥက္ကဋ္ဌ ဖြစ်လာနိုင်ဖွယ် ရှိနေသည်။ ၂၀၁၅ ခုနှစ်အလွန် မြန်မာ့နိုင်ငံရေး အခင်းအကျင်းတွင် မောင်ရင်းနှမကဲ့သို့ ရင်းနှီးသူနှစ်ဦးအနက် တစ်ဦးက အုပ်ချုပ်ရေးကို ဦးဆောင်သည့်အချိန်တွင် တစ်ဦးက ဥပဒေပြုရေးကို ထိန်းကျောင်းသည့်အသွင် ပုံပေါ်လာနိုင်ဖွယ် ရှိနေသည်။
၂၀၀၈ ခုနှစ် ဖွဲ့စည်းပုံ အခြေခံဥပဒေပါ သမ္မတနှင့် ဒုတိယသမ္မတ ရွေးကောက်တင်မြှောက်ခြင်းဆိုင်ရာ ပြဋ္ဌာန်းချက်များအရ ပြည်သူ့လွှတ်တော်နှင့် အမျိုးသားလွှတ်တော်တို့မှ ဒုတိယသမ္မတ တစ်ဦးစီကို ရွေးချယ်ရမည် ဖြစ်သည်။ ပြည်သူ့လွှတ်တော် ကိုယ်စားလှယ် မဟုတ်သူကိုလည်း ဖွဲ့စည်းပုံ အခြေခံဥပဒေပါ သမ္မတနှင့် ဒုတိယသမ္မတများ၏ အရည်အချင်းနှင့် ကိုက်ညီလျှင် သမ္မတအဖြစ် ရွေးချယ်နိုင်မည် ဖြစ်သည်။ ဆက်စပ်စဉ်းစား ကြည့်မိသည်မှာ ၂၀၁၅ ခုနှစ် အထွေထွေရွေးကောက်ပွဲတွင် အမျိုးသားဒီမိုကရေစီ အဖွဲ့ချုပ်သည် လွှတ်တော်နှစ်ရပ်စလုံးတွင် ကိုယ်စားလှယ်နေရာ အများစုကို အနိုင်ရရှိရန် အလားအလာကောင်းလျက် ရှိနေသည်။ ထို့ကြောင့် ပထမအဆင့် ဒုတိယသမ္မတ ဖြစ်ရေးနှင့် နောက်တစ်ဆင့် သမ္မတဖြစ်ရေးတွင် အမျိုးသားဒီမိုကရေစီ အဖွဲ့ချုပ် ကိုယ်စားလှယ်များ၏ ထောက်ခံမှုသည် အလွန်ပဓာန ကျသည်ဟု မှတ်ချက်ပြုနိုင်သည်။ ၂၀၁၅ ခုနှစ် အထွေထွေရွေးကောက်ပွဲ အလွန်ကာလ လွှတ်တော်အခင်းအကျင်း၌ သူရဦးရွှေမန်း အနေဖြင့် သမ္မတဖြစ်လာရေးတွင် အမျိုးသားဒီမိုကရေစီ အဖွဲ့ချုပ် လွှတ်တော်ကိုယ်စားလှယ်များ၏ ထောက်ခံမှုသည် သေရေးရှင်ရေးတမျှ အရေးကြီးလာဖွယ် ရှိနေသည်။ ထို့ကြောင့် သူရဦးရွှေမန်းသည် အမျိုးသားဒီမိုကရေစီ အဖွဲ့ချုပ်နှင့် နီးစပ်ရန်၊ အထူးသဖြင့် ပါတီခေါင်းဆောင်ကြီး ဒေါ်အောင်ဆန်းစုကြည်နှင့် နီးစပ်နိုင်ရန် ဗျူဟာမြောက် ပုံဖော်လာခြင်း ဖြစ်နိုင်သည်ဟုလည်း သုံးသပ်ကြသည်။ အဆိုပါ သုံးသပ်မှုများသည် ဒီယုန်မြင်၍ ဒီချုံထွင်သည်ဟု မှတ်ချက်ပြုသည်အထိ ခရီးပေါက်ခဲ့သည်။
အမျိုးသားဒီမိုကရေစီ အဖွဲ့ချုပ်အပေါ် ဒေါ်အောင်ဆန်းစုကြည် သြဇာလွှမ်းမိုးနိုင်မှုသည် မြန်မာ့နိုင်ငံရေး သမိုင်းတစ်လျှောက် ပါတီခေါင်းဆောင်များက နိုင်ငံရေးပါတီ တစ်ခုလုံးအပေါ် သြဇာသက်ရောက်မှုများနှင့် နှိုင်းယှဉ်ဆန်းစစ်လျှင် အမြင့်မားဆုံးအဆင့်တွင် ရှိသည်ဟုပင် သုံးသပ်နိုင်ဖွယ် ရှိသည်။ ပါတီအပေါ် ဒေါ်အောင်ဆန်းစုကြည်၏ သြဇာညောင်းမှု မြင့်မားခြင်းသည် လာမည့်သမ္မတ ရွေးကောက်ပွဲတွင် ပါတီ၏ လွှတ်တော်ကိုယ်စားလှယ်များ အားလုံး တစ်သံတည်း ထွက်ရေးကို များစွာအထောက်အကူ ပြုမည်ဖြစ်သည်။
ဒေါ်အောင်ဆန်းစုကြည်သည် လာမည့်ရွေးကောက်ပွဲအလွန် အစိုးရအဖွဲ့တွင် ယခုအစိုးရအဖွဲ့ထက် တာဝန်ထမ်းဆောင်ဆဲ တပ်မတော် အရာရှိကြီးများကို ကာကွယ်ရေးဦးစီးချုပ်၏ ခွင့်ပြုချက် ဖွဲ့စည်းပုံ အခြေခံဥပဒေပါ ပြဋ္ဌာန်းချက်တို့နှင့်အညီ ၀န်ကြီးအဖွဲ့၌ တာဝန်ပေးလာနိုင်ဖွယ် ရှိနေသည်ဟုလည်း သုံးသပ်မှုများ ရှိနေသည်။ လာမည့် ၂၀၁၄ ခုနှစ်တွင် သမ္မတဦးသိန်းစိန်သည် အရှေ့တောင်အာရှ နိုင်ငံများအဖွဲ့ (အာဆီယံ)ဥက္ကဋ္ဌ တာဝန်များ ပိနေမည့်အချိန်တွင် သူရဦးရွှေမန်းအနေဖြင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီတွင်း ထောက်ခံမှု ပိုမိုရရှိနိုင်ရေး စနစ်တကျ ပုံဖော်လာနိုင်သည့်အပြင် ဒေါ်အောင်ဆန်းစုကြည်နှင့် ယုံကြည်မှု တည်ဆောက်ရေး လမ်းကြောင်းကိုလည်း နောက်ထပ်တစ်ဆင့် ထပ်မြှင့်လာနိုင်ဖွယ် ရှိနေသည်ဟု ကောက်ချက်ပြုမှုများလည်း ရှိနေသည်။
သူရဦးရွှေမန်းသည် ဒေါ်အောင်ဆန်းစုကြည်နှင့် ယုံကြည်မှု၊ နားလည်မှုတို့ကို ဒရောသောပါး တည်ဆောက်နေချိန်တွင် ဒေါ်အောင်ဆန်းစုကြည် အနေဖြင့် တပ်မတော်နှင့် ယုံကြည်မှု၊ နားလည်မှုတို့ကို အလျင်စလို တည်ဆောက်ရန် အာသာပြင်းပြနေသည်ဟု ဆိုနိုင်သည်။ ဖွဲ့စည်းပုံ အခြေခံဥပဒေပါ အဓိက ပြဋ္ဌာန်းချက်များကို ပြင်ဆင်နိုင်ရန် ဒေါ်အောင်ဆန်းစုကြည် အနေဖြင့် တပ်မတော်နှင့် နားလည်မှု တည်ဆောက်ရေး အစဉ်နှလုံးသွင်း အားထုတ်နေလင့်ကစား ယနေ့အထိ အလားအလာမှာ နည်းပါးနေဆဲ ဖြစ်သည်မှာ အထင်အရှား ဖြစ်သည်။
ဒေါ်အောင်ဆန်းစုကြည်နှင့် တပ်မတော်အကြား ယုံကြည်မှု တည်ဆောက်ရေးတွင် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဒေါ်အောင်ဆန်းစုကြည်တို့အကြား အလုပ်သဘော တွေ့ဆုံဆွေးနွေးမှု အကောင်အထည် ဖော်ရေးသည် အလွန်အဓိက ကျသည်ဟု သုံးသပ်မိသည်။ လက်လှမ်းမီသလောက် သတင်းများအရ ယနေ့အချိန်အထိ ဗိုလ်ချုပ်မှူးကြီး မင်းအောင်လှိုင်သည် ဒေါ်အောင်ဆန်းစုကြည်နှင့် တွေ့ဆုံမှု မရှိသေးပေ။ အဆိုပါ အခင်းအကျင်းတွင် သူရဦးရွှေမန်းသည် ဒေါ်အောင်ဆန်းစုကြည်နှင့် တပ်မတော်အကြား တွေ့ဆုံမှုများ၊ ထိတွေ့မှုများ အထူးသဖြင့် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ဒေါ်အောင်ဆန်းစုကြည်တို့အကြား အလုပ်သဘော တွေ့ဆုံဆွေးနွေးမှုကို ကြားဝင်ပုံဖော် ဆောင်ရွက်ပေးနိုင်မည်ဆိုလျှင် ဒေါ်အောင်ဆန်းစုကြည်နှင့် သူရဦးရွှေမန်းအကြား ယုံကြည်မှုနှင့် နားလည်မှုသည် ပိုမိုမြင့်မားလာမည်မှာ ပြေးကြည့်စရာမလို တွေးကြည့်ရုံဖြင့် သိနိုင်သည့်ကိစ္စ ဖြစ်သည်။
၂၀၁၅ ခုနှစ် အထွေထွေရွေးကောက်ပွဲ နီးကပ်လာသည်နှင့် တစ်ချိန်တည်းတွင် သူရဦးရွှေမန်းနှင့် ဒေါ်အောင်ဆန်းစုကြည်အကြား ယုံကြည်မှုနှင့် နားလည်မှုသည်လည်း ပို၍ပို၍မြင့်မား လာမည်မှာ မလွဲဧကန် ဖြစ်သည်။ အဆိုပါ အခင်းအကျင်းတွင် သမ္မတဦးသိန်းစိန် အနေဖြင့် ကျန်းမာရေး အခြေအနေကြောင့် နောက်တစ်ကြိမ် သမ္မတသက်တမ်းအတွက် ထပ်မံရွေးချယ် ခံတော့မည်မဟုတ်ကြောင်း ကြေညာချက်သည် ပေါ်ထွက်လာနိုင်ခြေရှိပြီး ဒေါ်အောင်ဆန်းစုကြည် အနေဖြင့်လည်း ဖွဲ့စည်းပုံ အခြေခံဥပဒေပါ ပြဋ္ဌာန်းချက်များအရ သမ္မတ အရွေးခံမည် မဟုတ်ကြောင်း ကြေညာချက်ကို မရှေးမနှောင်း ထုတ်ပြန်လာနိုင်ခြေ ရှိနေသည်။
ဒေါ်အောင်ဆန်းစုကြည်၏ မှတ်ချက်တစ်ခုကို သတိရမိသည်။ တိုင်းပြည်နှင့် လူမျိုးကောင်းကျိုးအတွက်ဆိုလျှင် သူမကို အသုံးချမည် ဆိုပါကလည်း အသုံးချခံမည်ဆိုသော မှတ်ချက်ဖြစ်ပါသည်။ အဖေတူသမီး ဒေါ်အောင်ဆန်းစုကြည်သည် မြန်မာနိုင်ငံနှင့် ပြည်သူလူထုအတွက် ပေးဆပ်ရန် အဆင်သင့်ရှိကြောင်း လူသိရှင်ကြား ထုတ်ဖော်ပြောခဲ့ခြင်းပင် ဖြစ်သည်။ ဒေါ်အောင်ဆန်းစုကြည် အနေဖြင့် ဈာန်ဝင်နေသော စိတ်ကူးများ၊ အစီအမံများ၊ အလုပ်များအားလုံးသည် တိုင်းပြည်နှင့် လူမျိုးကောင်းကျိုးအတွက် ဖြစ်သည်ကို မေးခွန်းထုတ်ဖွယ် မရှိပါ။ သို့သော် ဒေါ်အောင်ဆန်းစုကြည် အနေဖြင့် အနာဂတ် မြန်မာ့နိုင်ငံရေး တစ်နည်းအားဖြင့် ဒေါ်အောင်ဆန်းစုကြည်အလွန် နိုင်ငံရေးအတွက် အခြေခံကောင်းများ၊ အုတ်မြစ်ကောင်းများနှင့်အတူ အမျိုးသားဒီမိုကရေစီ အဖွဲ့ချုပ်ပါတီကြီးကို စနစ်တကျ တည်ဆောက်နိုင်ရေးနှင့် မြန်မာ့နိုင်ငံရေး ပတ်ဝန်းကျင်တွင် နိုင်ငံရေး သမားကောင်းများ ပေါ်ထွက်နိုင်ရေးတို့အတွက် နိုင်ငံရေး သမားဟောင်းကြီးများ၊ ပြည်တွင်းပြည်ပ ပညာရှင်များတို့နှင့် လက်တွဲလျက် စီမံချက်ချ မှတ်ဆောင်ရွက်နိုင်မည်ဆိုလျှင် အတိုင်းထက်အလွန် ကောင်းလေစွဟုပင် မှတ်ချက်ပြုမိပါသည်။
နိဂုံး
အချုပ်အားဖြင့်ဆိုသော် မျက်မှောက်မြန်မာ့နိုင်ငံရေးတွင် ပြဇာတ်၊ မျက်လှည့်နှင့် ဇာတ်ပွဲအသွင်များ ပူးကပ်ဝင်နေသည်ဟု သုံးသပ်မှုများသည် အခြေအမြစ် ရှိကောင်းမှ ရှိနိုင်မည် ဖြစ်သည်။ သို့သော် ပစ်ပယ်ထား၍ မဖြစ်သော သုံးသပ်မှုဟုပင် ထင်မြင်မိပါသည်။ နိုင်ငံရေးသည် ကြွေတစ်လှည့်၊ ကြက်တစ်ခုန်ဆိုသော စကားကလည်း အတော်တာသွားပါသည်။ လူသည် နိုင်ငံရေးသတ္တ၀ါ ဖြစ်သည့်အားလျော်စွာ ပြည်သူလူထုအားလုံး အနေဖြင့် နိုင်ငံရေးကို စိတ်ပါဝင်စားလာရန်လည်း အထူးလိုအပ်လျက် ရှိသည်ဟု ထင်မြင်မိပါသည်။ မည်သို့ပင် ဆိုစေကာမူ ၂၀၁၅ ခုနှစ်အလွန် ပေါ်ပေါက်လာဖွယ် ရှိနေသည့် ညွန့်ပေါင်းအစိုးရ အဖွဲ့သည် မြန်မာပြည်သူ လူထုကြီး၏ ဆင်းရဲမွဲတေမှု လျှော့ချရေး၊ ပညာရေး အဆင့်အတန်း မြင့်မားရေး၊ အခမဲ့ ကျန်းမာရေး စောင့်ရှောက်ရေး၊ တရားဥပဒေ စိုးမိုးရေး၊ ငြိမ်းချမ်းရေး၊ စီးပွားရေး ဖွံ့ဖြိုးတိုးတက်ရေးတို့ကို အားသွန်ခွန်စိုက်၊ လက်တွေ့ကျကျ၊ အပြောနည်းနည်း၊ အလုပ်များများ အကောင်အထည် ဖော်လာနိုင်မည် ဆိုပါက မြန်မာပြည်သူ လူထုကြီး၏ ရင်တွင်းကျေးဇူးစကားကို မလွဲမသွေ ကြားရမည့် ပထမဆုံး အစိုးရအဖွဲ့ ဖြစ်ကောင်းဖြစ်လာနိုင်ပါကြောင်း စေတနာရှေ့ထား စကားပါးလိုက်ရပါသည်။
Credit To Eleven Journal
Read More »

မြန်မာ့နွေဦးအတွက် အာရပ်နွေဦး သင်ခန်းစာ


(ကျော်ဝင်း)

နွေဦးဇာတ်လမ်းတစ်ပုဒ်

၂၀၁၁ ခုနှစ် နှစ်ဦး တူနီးရှားနိုင်ငံမှ အစပြုခဲ့သော ဒီမိုကရေစီ အရေးတော်ကြီးကို နိုင်ငံတကာ စောင့်ကြည့်လေ့လာသူများက‘အာရပ်နွေဦး’ ဟု အမည်သညာ ပြုခဲ့ကြသည်။ သို့နှင့်တိုင် အဆိုပါ ‘အာရပ်နွေဦး’ ဇာတ်လမ်းတွဲထဲမှာ အထင်ကရနေရာတွင် ရှိခဲ့သော ‘အီဂျစ်နွေဦး’ ဇာတ်ကွက်မှာမူ ၂ နှစ် သာသာကာလ အတွင်းမှာပင် မူလမျှော်မှန်းသည်နှင့် ဆန့်ကျင်စွာ ထင်တိုင်းမပေါက် ဖြစ်သွားခဲ့ရချေပြီ။ ဤတွင် ‘နွေဦးကာလ၊ ဟန်းနီးမွန်း အခါသမယများမှာ ဘယ်လောက်ကြာကြာ ခံမည်နည်း’ ဆိုသော ပုစ္ဆာတစ်ရပ်မှာ မေးသင့်မေးထိုက်စွာ ထွက်ပေါ်လာရ လေတော့သည်။

ဇာတ်၏အစကို နောက်ကြောင်းပြန်ရလျှင် ၂၀၁၁ ခုနှစ် ဖေဖောဝါရီလ ၄ ရက် ကိုင်ရိုမြို့တော် တာဟရာရင်ပြင် လူထုစုရုံးမှုကြီးမှ စတင်ရပါလိမ့်မည်။ စုရုံးလာကြသော လူထုကြီးက သမ္မတမူဘာရက် နုတ်ထွက်ဖို့ တစ်ခဲနက် တောင်းဆိုခဲ့ကြသည်။ ရက်ပိုင်းအတွင်း (၂၀၁၁၊ ဖေဖော်ဝါရီ ၁၁ ရက်) တွင် မူဘာရက် နုတ်ထွက်သွားသောအခါ လူထုအုံကြွမှုမှာ ပို၍အရှိန်ရလာခဲ့သည်။ သို့တစေ ဒီမိုကရေစီကား လမ်းစမပေါ်သေး။ အီဂျစ်စစ်တပ်မှ စစ်ကောင်စီဖွဲ့ပြီး နိုင်ငံတော်အာဏာကို ရယူခဲ့သည်။ နိုင်ငံတကာနှင့် အီဂျစ်လူထု၏ ဖိအားပေးမှုများကြောင့် အာဏာရ စစ်ကောင်စီက အတိုက်အခံများ စုပေါင်းရေးဆွဲထားသော အခြေခံဥပဒေ ပြင်ဆင်ချက်ကို ဆန္ဒခံယူပွဲဖြင့် အတည်ပြု ပေးခဲ့သည်။ ပါလီမန်ရွေးကောက်ပွဲနှင့် သမ္မတရွေးကောက်ပွဲများ ကျင်းပပေးပါမည်ဟုလည်း ကတိပေးခဲ့ရသည်။

သည်လိုနှင့် ၂၀၁၂ နှစ်ဦးတွင် ရွေးကောက်ပွဲများ ကျင်းပနိုင်ခဲ့ပါသည်။ ပါလီမန် ရွေးကောက်ပွဲတွင် ‘မွတ်ဆလင်ညီနောင်များ အင်အားစုပါတီ’ မှ အများစု အနိုင်ရခဲ့သည်။ သမ္မတ ရွေးကောက်ပွဲ တွင်လည်း အဆိုပါပါတီမှ သမ္မတလောင်း မိုဟာမက်မော်စီကပင် ၅၁ ဒသမ ၇ ရာခိုင်နှုန်းဖြင့် အနိုင်ရသွားသည်။ သို့တိုင်အောင် အစိုးရ အပြောင်းအလဲအထိ ခရီးပေါက်ခဲ့သော အီဂျစ် ဒီမိုကရေစီမှာ နုနယ်ဆဲအဆင့်မှာပင် မနည်းလှသော စိန်ခေါ်ချက်များနှင့် ရင်ဆိုင်ခဲ့ရသည်။ တစ်ချိန်က အခြေခံဥပဒေကို လက်တွဲပြင်ဆင်ခဲ့ကြသော လစ်ဘရယ်များနှင့် မွတ်ဆလင် ညီနောင်များကြားတွင် ပြင်းထန်သော ဂိုဏ်းဂဏ တိုက်ပွဲများ ပေါ်ထွက်နေသည်။ လမ်းပေါ် ဆန္ဒပြပွဲများမှာလည်း အထိန်းအကွပ်မရှိ ဆက်လက်ဖြစ်ပေါ်နေခဲ့သည်။ သည်လိုနှင့် နောက်ဆုံး အီဂျစ်တပ်မတော်ကပင် သမ္မတမော်စီကို ဖြုတ်ချပြီး တိုင်းပြည်အာဏာကို ပြန်လည် ရယူလိုက်တော့သည်။ ဤသို့ဖြင့် လာခြင်းကောင်းသော နွေဦးတစ်ခုမှာ မည်ရွေ့မည်မျှကြာသည် မမှန်းဆနိုင်သော နွေလယ်ခရီးကြီးကို ဖြတ်သန်းရပေတော့မည်။

ဘာ့ကြောင့်၊ ဘယ်လို

ဤတွင် အီဂျစ်လို ဒီမိုကရေစီ အပြောင်းအလဲ ကာလကို ဖြတ်ကျော်ရသောနိုင်ငံများ အနေနှင့် ထင်တိုင်းမပေါက်ဘဲ နောက်ပြန်လှိုင်း ထိစေရသည့် အကြောင်းရင်းခံများကို သုတေသန ဖန်ပြားပေါ် တင်ကြည့်လာကြသည်မှာ စိတ်ဝင်စားဖို့ ကောင်းလှသည်။ ယခင်အမေရိကန် ဒုသမ္မတ အယ်လ်ဂိုး ဦးဆောင်သည့် ‘Political Instability Taskforce’ (PITF) သုခမိန်အဖွဲ့က မတည်မငြိမ် ဖြစ်စေသည့် အကြောင်းသုံးချက်ကို ယခုလို ထောက်ပြသည်။

၁။ စီးပွားရေး ပြုပြင်ပြောင်းလဲမှုများက လူထု၏အခြေခံ လိုအပ်ချက်များကို လုံလောက်စွာ ဖြည့်ဆည်း မပေးနိုင်ခြင်း။ ဤအချက်က လူထု၏ စိတ်ရှည်သည်းခံနိုင်စွမ်းကို အခြေမှ ကိုင်လှုပ်လာရာ အပြောင်းအလဲ ဖြစ်စဉ်တစ်ရပ်လုံး ကတိမ်းကပါး ဖြစ်စေသည့် ပတ်ဝန်းကျင် အခြေအနေတစ်ရပ်ကို ဖန်တီးပေးထားသလို ဖြစ်နေသည်။

၂။ ယခင်စနစ်ဟောင်း၏ ထိန်းချုပ်ရေး ယန္တရားများ လျင်လျင်မြန်မြန် ပြိုကျနေစဉ်တွင် စနစ်သစ်၏ ‘ဒီမိုကရက်တစ် ကျင့်ထုံးမူဘောင်များ’ (Democratic Institution) မှာလည်း အဆင်သင့် မဖြစ်သေးသည့် စပ်ကူးမပ်ကူး အခြေအနေတစ်ရပ် ရှိနေခြင်း။ ဤအချက်က ဆင်ခြင်တုံ တရားအခြေခံသည့် ‘ရည်မှန်းချက်ရှိရှိ နိုင်ငံရေး’ (Deliberate Politics) ထက် စိတ်လှုပ်ရှားမှု သက်သက်ဖြင့် မောင်းသည့် ‘လှုံ့ဆော်နိုင်ငံရေး’ (Agitated Politics) တွင်ကျယ် လွှမ်းမိုးစေသော အခင်းအကျင်းတစ်ရပ်သို့ ဦးတည်စေသည်။

၃။ ဂိုဏ်းဂဏ ပြဿနာများ။ နိုင်ငံရေးအင်အားစု အသီးသီးကြား မတူကွဲပြားသော အယူအဆမျိုးစံ ရှိရုံမျှဖြင့် ဂိုဏ်းဂဏပြဿနာ ရှိနေပြီဟု ဆိုနိုင်သည်တော့ မဟုတ်ပါ။ သို့တစေ အဆိုပါ သဘောကွဲလွဲမှုများကို ဒီမိုကရက်တစ် မူဘောင်များအတွင်း မဖြေရှင်းနိုင်လျှင်မူ ဂိုဏ်းဂဏ တိုက်ပွဲသဘောမျိုးအထိ ဘရိတ်ပေါက်သွားနိုင်သည်။ နုနယ်ဆဲ အကူးအပြောင်း ကာလမျိုးတွင် ဂိုဏ်းဂဏ ပြဿနာကိုသာ မထိန်းချုပ်နိုင်ပါက နောက်ပြန်လှိုင်းအတွက် အကောင်းဆုံး ရေခံမြေခ ဖြစ်နိုင်သည်ဟု ဆိုပါသည်။

ဆိုခဲ့ပါ အကြောင်းရင်းခံ သုံးချက်အပြင် ပညာရှင်အများ၏ ထောက်ပြချက်များမှာလည်း အလားတူ စိတ်ဝင်စားဖို့ ကောင်းသည်သာ ဖြစ်သည်။ ၎င်းတို့ထဲမှ အချက်နှစ်ချက်ကို ဆက်လက်ဖော်ပြလိုသည်။

၎။ သက်ဆိုင်ရာ လူ့အဖွဲ့အစည်း၏ ‘နိုင်ငံရေးဓလေ့’ (Political Culture) ကိုယ်တိုင်မှာပင် ဒီမိုကရေစီနှင့် စရွေးမကိုက်သော ‘ရယ်ဒီကယ် တိမ်းညွတ်မှုများ’ (Radical Trend) စွဲစွဲခိုင်ခိုင် ရှိနေခြင်း။ ရယ်ဒီကယ်တိမ်းညွတ်မှု ဆိုသည်မှာ ဆန့်ကျင်ဘက်အချင်းချင်း စေ့စပ်ညှိနှိုင်း အဖြေရှာ ကြသည်ထက် အပြန်အလှန် ဆန့်ကျင်ဖယ်ထုတ်ဖို့သာ အားသန်သည့် စိတ်သဘာဝကို ဆိုလိုသည်။

၅။ ‘မျှော်လင့်ချက်များကို စနစ်တကျ စီမံခန့်ခွဲမှု မလုပ်နိုင်ခြင်း။’ (Weak Management of Expectation) ။ အာဏာရှင်စနစ်အောက်တွင် နှစ်ပေါင်း မြောက်မြားစွာ ဖြတ်သန်းခဲ့ရသော လူထုဘက်မှ အပြောင်းအလဲတစ်ခု စလိုက်သည်နှင့် အနှစ်နှစ်အလလ ကြိတ်မှိတ်မျိုသိပ်ခဲ့ရသော မျှော်လင့်ချက်များစွာ ပေါက်ကွဲ လျှံကျလာတတ်သည်မှာ ဓမ္မတာပင်ဖြစ်သည်။ အရေးကြီးသည်မှာ ခေါင်းဆောင်မှုအနေနှင့် အဆိုပါ မျှော်လင့်ချက်များစွာထဲမှ လက်တွေ့ဖြစ်နိုင်သည်များကို စနစ်တကျ ကိုင်တွယ် ဖြည့်ဆည်းပေးနိုင်ရေးပင် ဖြစ်သည်။ ဤသို့မဟုတ်ဘဲ အများကြိုက် ပေါ်ပြူလာ နိုင်ငံရေး မီးရှူးမီးပန်းများကို အားပြုလိုက်လျှင် မတည်မငြိမ် အခြေအနေတစ်ရပ်သို့ ဦးတည်သွားစေနိုင်သည်ဟု ဆိုပါသည်။

စာရေးသူမှာ အီဂျစ်နိုင်ငံရေး အလှည့်အပြောင်းအပေါ် အခြေခံ ပေါ်ထွက်လာသည့် သုံးသပ်စိစစ်ချက်များကို လက်လှမ်းမီသမျှ ရှာဖတ်ရင်း မျက်မှောက်ခေတ် မြန်မာ့နိုင်ငံရေး အပြောင်းအလဲပေါ် တင်ကြည့်နေမိသည်။

နွေဦးချင်းမတူ - သို့သော်

တစ်ခုတော့ရှိသည်။ မြန်မာ့နွေဦးမှာ အာရပ်နွေဦးနှင့်မတူ။ သူ့ထူးခြားချက်နှင့် သူဖြစ်သည်။ ဆိုခဲ့ပြီးသည့်အတိုင်း အီဂျစ်အပါအဝင် အာရပ်ကမ္ဘာ အပြောင်းအလဲများမှာ လူထုအုံကြွမှုများမှ စတင်သည်က များသည်။

‘အောက်မှလာသော အပြောင်းအလဲ’ (Transformation from below) ဟု ဆိုနိုင်သည်။ လက်ရှိမြန်မာ့ အပြောင်းအလဲကို ဖွင့်ပေးလိုက်သော ၂၀၁၀ ရွေးကောက်ပွဲမှာ ယခင်အစိုးရကိုယ်တိုင်က ကမကထ ပြုခဲ့သည်ဖြစ်ရာ ‘အထက်မှလာသော အပြောင်းအလဲ’ (Transformation from above) ဖြစ်သည်။ အဆိုပါ ၂၀၁၀ ရွေးကောက်ပွဲနှင့် ၂၀၁၂ ကြားဖြတ်ရွေးကောက်ပွဲတို့တွင် ဒီမိုကရက်တစ် အင်အားစုများပါ ပါဝင်လာရာမှ ‘အထက်နှင့် အောက်တွဲလာသော အပြောင်းအလဲ’ (Transformation from above and below) ပုံစံဖြစ်သွားသည်။

ဖလောရင့်တက္ကသိုလ်မှ ပါမောက္ခ ရှမစ်တာက အဆိုပါ အပြောင်းအလဲပုံစံကို ‘သတ်မှတ်ပြဋ္ဌာန်းပြီး အပြောင်းအလဲ’ (Imposed Transition) ဟု ဝိဂြိုဟ်ပြုပါသည်။ သူကပင် ဆိုခဲ့ပါ အပြောင်းအလဲပုံစံ၏ သဘောသဘာဝများကို ရှင်းပြပြီး အထူးသတိပြုကြရမည့် အချက်သုံးချက်ကို ယခုလို ထောက်ပြခဲ့သည်။

၁။ ဤပုံစံအပြောင်းအလဲမှာ မတူသောအင်အားစုများ လက်တွဲ ကြိုးပမ်းကြရသည်ဖြစ်ရာ ‘အများညီဘုံတူညီချက်’ (Command Ground) ရှာဖွေပြီး၊ ရှေ့ဆက်နိုင်ဖို့ အရေးကြီးသည်။ မတူတိုင်း ရန်ဖြစ်နေလျှင် ရှေ့မရောက်ရုံမျှမက နောက်ပြန်ဆုတ်နိုင်စရာ ရှိသည်။

၂။ မြန်မြန်ခရီးပေါက်လိုစိတ်ဖြင့် ‘ရှော့ခ်ရိုက်ကုထုံး’ (Shock Therapy) နည်းကို အားပြုလို့မဖြစ်။ သက်ဆိုင်ရာ လူ့အဖွဲ့အစည်း၏ အရပ်ရပ် အခြေအနေက ရှော့ခ်ဒဏ်မခံနိုင်လျှင် ‘ဆေးအတွက်လေး’ နိုင်သည်။ သို့အတွက် ‘တဖြည်းဖြည်း ပြုပြင်ပြောင်းလဲရေး’ (Gradual Change) ကိုသာ အားပြုသင့်သည်။

၃။ အပြောင်းအလဲဖြစ်စဉ် တစ်လျှောက်လုံး ‘ရယ်ဒီကယ်အန္တရာယ်’ (Danger of Radical) ကို အထူးသတိပြုဖို့ လိုလိမ့်မည်။ ရယ်ဒီကယ် တိမ်းညွတ်မှုများ အပေါ်စီးရသွားလျှင် နောက်ပြန်လှိုင်း အန္တရာယ်ကို ဖိတ်ခေါ်သလို ဖြစ်သွားနိုင်သည် ... စသည်ဖြင့်။

မြန်မာ့နွေဦး ၂ နှစ်ကျော် ကာလအတွင်း မနည်းလှသော စိန်ခေါ်ချက်များနှင့် ဆက်တိုက်ဆိုသလို ရင်ဆိုင်ခဲ့ရရာ ပါမောက္ခ ရှမစ်တာ၏ ဆိုခဲ့ပါ သတိပေးထားသည်များမှာ ပို၍ပင်အသက်ဝင်လာဟန် ရှိသည်။ ထို့ထက်ဆိုခဲ့ပြီးသော အီဂျစ်ဇာတ်လမ်း၏ နောက်ကွယ်မှ အကြောင်းတရား ငါးရပ်ကိုလည်း ယနေ့မြန်မာ့နိုင်ငံရေးတွင် တွေ့သင့်သလောက် တွေ့နေရရာ စာရေးသူအနေနှင့် အမှန်ပင် စိုးရိမ်မကင်း ဖြစ်မိသည်။ မြန်မာ့နွေဦး ရှေ့ခရီးတွင် ဘာတွေ ကြုံရဦးမည်နည်း။

လွှတ်တော်နိုင်ငံရေး

ဤသို့ စိုးရိမ်မကင်း ဖြစ်မိသည့်တိုင် ယခုရက်ပိုင်းအတွင်း ဖြေသိမ့်စရာ အချက်ကိုမူ ကျကျနန ရလိုက်ပါသည်။ အခြားမဟုတ်။ ကိုယ်တွေ့ကြုံလိုက်ရသော လွှတ်တော်နိုင်ငံရေးပင် ဖြစ်သည်။ အကြောင်းက သည်လို ...။ အမျိုးသားလွှတ်တော် ဥက္ကဋ္ဌနှင့် ပြည်ထောင်စုလွှတ်တော် နာယကကြီး၏ ခွင့်ပြုချက်အရ စာရေးသူမှာ လွှတ်တော် အစည်းအဝေးများသို့ တက်ရောက် လေ့လာခွင့်ရခဲ့သည်။ လွှတ်တော် ကိုယ်စားလှယ်ကြီးများနှင့်လည်း တစ်နေရာတည်းတွင် အတူတည်းခိုနေထိုင်ရင်း ရင်းရင်းနှီးနှီး ထိတွေ့ ခွင့်ရခဲ့သည်။ ပြောရလျှင် ဤကာလမှာ ဘာမှမကြာလှသေးပါ။ နှစ်ပတ် သာသာမျှသာ ရှိပါသေးသည်။ သို့တိုင်အောင် ဤကာလငယ်လေး အတွင်းမှာပင် ယနေ့လွှတ်တော်၏ အားကောင်းချက် နှစ်ရပ်ကို စူးစူးရှရှ သတိပြုမိ လိုက်ပါသည်။

ပထမအချက်မှာ လွှတ်တော်ကိုယ်စားလှယ်များ၏ ဆက်ဆံရေးနှင့် သဘောထားပင် ဖြစ်သည်။ သူတို့တစ်တွေမှာ ပါတီပေါင်းစုံမှ လာကြသည် ဖြစ်သည့်တိုင် သူတို့ဆက်ဆံရေးမှာ လုပ်ဖော်ကိုင်ဖက် သဘောဆောင်သည်။ လွှတ်တော်တွင်း ကိစ္စရပ်များကို အဖြေရှာကြရာတွင်လည်း သက်ဆိုင်ရာ ပါတီ အမြင်၊ ပါတီအစွဲဖြင့် မချဉ်းကပ်။ ကိစ္စတစ်ခုချင်းအလိုက် လွတ်လွတ်လပ်လပ် ဆုံးဖြတ်ကြသည်ကို တွေ့ရသည်။ RAND မဟာဗျူဟာ လေ့လာစောင့်ကြည့်ရေး အဖွဲ့ကြီး၏ အဆိုအရ အမေရိကန် နိုင်ငံရေးဘဝကိုပင် ဒုက္ခပေးနေသည်ဟုဆိုသော ‘ဖြူ-မည်း-နိုင်ငံရေး’ (Polarized Politics) မျိုး မြန်မာလွှတ်တော် အမတ်များကြားတွင် မတွေ့ရသလောက်ရှိ၍ စာရေးသူ ကျေနပ်မိသည်။

ဒုတိယအချက်မှာ ပို၍ပင်အရေးကြီးသည်ဟု ထင်ပါသည်။
ဆိုရလျှင် စာရေးသူ ကျင်လည်ရသည်မှာ လွှတ်တော်ပြင်ပ နိုင်ငံရေးဟု ဆိုနိုင်သည်။ စာပေလောကနှင့် မီဒီယာလောက ဖြစ်သည်။ ဤလောကတွင် အကျယ်လောင်ဆုံး ကြားနေရသည်မှာ လူအများ စိတ်ဝင်စား အာရုံကျသည့်တိုင် လက်တွေ့အဖြေပေါ်ဖို့ မလွယ်သော မျှော်လင့်ချက်တွေသာ ဖြစ်သည်။ စာရေးသူ ထိတွေ့ရသလောက် လွှတ်တော်ကိုယ်စားလှယ်များကမူ ဤသို့မဟုတ်။ လက်တွေ့အရာ ထင်နိုင်လောက်သည့် ကိစ္စများကိုသာ အာရုံပြုထားကြသည်ကို ဆင်ခြင်မိသည်။ ဤအတိုင်းဆိုလျှင် မျှော်လင့်ချက်များကို တစ်စုံတစ်ရာ စီမံခန့်ခွဲနိုင်သည့် အလေ့အထ အစပျိုးနေပြီဟု သဘောရပါသည်။ ဤအချက်မှာ ဖော်ပြခဲ့ပြီးသော နောက်ပြန်လှိုင်း အကြောင်းရင်းခံများထဲမှ တစ်ခုဖြစ်ရာ ပို၍အားတက်စရာကောင်းသော အားသာချက်ဟု ယူဆရသည်။

ဤသို့ဆိုသည်နှင့် ယနေ့လွှတ်တော်မှာ ရင့်ကျက်ခိုင်မာသော ဒီမိုကရက်တစ် လွှတ်တော်ဖြစ်ပြီဟု ယတိပြတ် ဆိုလိုသည်တော့လည်း မဟုတ်ပါ။ သဘာဝကျစွာပင် အားနည်းချက်အချို့ ရှိကောင်း ရှိပါလိမ့်မည်။ ပြောရလျှင် ရက်သတ္တပတ် နှစ်ပတ်မျှလောက်နှင့်လည်း လွှတ်တော်အကြောင်း ပီပီသသ သိနိုင်လိမ့်မည် မဟုတ်ပါ။ သို့တစေ လွှတ်တော် အပါအဝင် တကယ့်နိုင်ငံရေး အခင်းအကျင်းနှင့် ပိုနီးလာလေ ပကတိအရှိကို ပိုဆဝါးနိုင်လေ။ ‘ပလေယာ’ များအပေါ်ပို၍ နားလည်လာလေဆိုသော တွေ့ရှိချက်ကိုမူ ကိုယ်တွေ့ဆင်ခြင် နိုင်ခဲ့ပါ သည်။ ဤသို့သော သဘောပေါက် နားလည်မှုများ ကျယ်ပြန့် ခိုင်မာလာသည်နှင့်အမျှ အပြောင်းအလဲ အန္တရာယ် အသွယ်သွယ်ကို စုပေါင်းကာကွယ် နိုင်လိမ့်မည်ဟု မျှော်လင့်ရပါသည်။

ကျယ်ပြန့်သော နားလည်မှု၊ ရင့်ကျက်သော စိတ်နှလုံးဖြင့် မြန်မာ့နွေဦးကို စုပေါင်းကာကွယ် စောင့်ရှောက်နိုင်ကြပါ စေသတည်း။

Credit To Saya Kyaw Win Facebook page
Read More »

ဖယ်ဒရယ်ပြည်ထောင်စုအတွက် ကယန်းပြည်သစ်ပါတီရဲ့သဘောထားတွေ လွှမ်းခဲ့တဲ့တော်ဝင်နှင်းဆီခန်းမ


ဖယ်ဒရယ်ပြည်ထောင်စုတည် ဆောက်ရေးနှင့် ကယန်းပြည်သစ် ပါတီ၏သဘောထားဆွေးနွေးပွဲကို ဇူလိုင် (၁၄) ရက် နေ့လည် (၁) နာရီတွင် ဗဟန်မြို့နယ်၊ ရွှေဂုံတိုင်  ရှိတော်ဝင်နှင်းဆီစားသောက်ဆိုင် တွင် နိုင်ငံရေးအကျဉ်းသားဟောင်း  များအဖွဲ့ကကြီးမှူးကျင်းပခဲ့သည်။
ဆွေးနွေးပွဲတွင် ကယန်ပြည် သစ်ပါတီမှဗိုလ်မှူးကြီးစောလွင် (ခ)ကိုဌေးအောင်က “ဖယ်ဒရယ်ရဲ့ အဓိပ္ပာယ်ကပေါင်းစည်းခြင်းဖြစ် ပါတယ်။ ဖယ်ဒရယ်စနစ်နဲ့ ပြည်နယ်များပေါင်းစည်းခြင်းပါ။ ပြည်ထောင်စုဆိုတဲ့စကားရပ်နဲ့ အဓိပ္ပာယ်တူဖြစ်ပါတယ်။ ဒါကြောင့်ဖယ်ဒရယ်ကိုခွဲထွက်ရေး လို့ပြောနေတဲ့ လူတွေဟာ ဖယ်ဒရယ်ကြောင့်မဟုတ်ဘဲ။ အာဏာလောဘကြောင့်ပြောနေ  ကြခြင်းဖြစ်ပါတယ်။ ဖယ်ဒရယ် ပြည်ထောင်စုဆိုတာပေါင်းစည်းမှု မှာ ပါဝင်တဲ့ပြည်နယ်တစ်ခုချင်းစီး  မှာ ပြည်နယ်အတွင်းကအရေးကိစ္စ မှန်သမျှကို လွတ်လပ်စွာစီမံအုပ် ချုပ်ခွင့် (ကိုယ်ပိုင်ပြဋ္ဌာန်းခွင့်) အပြည့်အ၀ရရှိမှာဖြစ်ပါတယ်။ ပြည်ထောင်စုအစိုးရကတော့ ပြည်နယ်အားလုံးနဲ့ အကျုံးဝင်သက်  ဆိုင်တဲ့ပြည်တွင်းကိစ္စတွေနဲ့ နိုင်ငံ ခြားရေးကိစ္စတွေကိုပဲ စီမံခွင့်ဘဲ ရှိပါတယ်။ အဲဒီစနစ်ဟာဖယ်ဒရယ် ပြည်ထောင်စုအုပ်ချုပ်ပုံပဲဖြစ်ပါ တယ်”ဟုပြောကြားသည်။
“ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေဟာ   ၄၇ ခုနှစ် ဖေဖော်ဝါရီလ (၁၂) ရက်နေ့မှ သဘောတူလက်မှတ်ရေး ထိုးခဲ့တဲ့ပင်လုံစာချပ်အပိုဒ် (၅) မှာ တောင်တန်ဒေသတွေနဲ့ ဒေသ  အတွင်းအုပ်ချုပ်ရေးမှာကိုယ်ပိုင်  အုပ်ချုပ်ခွင့်အပြည့်ဝရရှိရေးကိုမူ အရ သဘောတူခဲ့တယ်လို့ဖော်ပြ ထားတာဟာ ဖယ်ဒရယ်ပြည်ထောင် စုတည်ဆောက်ရေးပဲဖြစ်တယ်။ ဒါ့အပြင်ပင်လုံစာချုပ်အပိုဒ် (၇) မှာ “တောင်တန်းဒေသကပြည်သူ တွေဟာ ဒီမိုကရေစီတိုင်းပြည်တွေ မှာ အခြေခံလူ့အခွင့်အရေးနဲ့ ရပိုင်ခွင့်တွေအဖြစ်သတ်မှတ်ထား တဲ့ အခွင့်အရေးနဲ့ ရပိုင်ခွင့်တွေကို ရရှိခံစားခွင့်ရှိရမယ်လို့သဘောတူ ခဲ့ကြပြီးဖြစ်ပါတယ်။ ဒါကြောင့် စစ်မှန်၍စည်းကမ်းပြည့်ဝသော ဒီမိုကရေစီစနစ်ဟာပင်လုံသဘော တူညီချက်ကိုဖြောင့်ဖြောင့်ကြီးဆန့် ကျင်နေပါတယ်”ဟု ၎င်းကပင်ပြော သည်။
“တိုင်းပြုပြည်ပြုလွှတ်တော် ပထမညီလာခံကို (၁၉၄၇) ခုနှစ်၊  ဇွန် (၁၀) ရက်နေ့မှာ စတင်ကျင်းပ ခဲ့တယ်။ ဇွန်လ (၁၆) ရက်နေ့မှာ ဖွဲ့စည်းအုပ်ချုပ်ပုံအခြေခံဥပဒေ ရေးဆွဲဖို့အချက် (၇) ချက်ပါတဲ့ လမ်းညွှန်အဆိုကို ဗိုလ်ချုပ် အောင်ဆန်းကတင်သွင်းခဲ့တယ်။ နောက်တစ်နေ့မှာ တိုင်းပြုပြည်ပြု လွှတ်တော်ကအတည်ပြုခဲ့တယ်။  ဇွန် ၁၇ ရက်နေ့မှာပဲ ဖာပွန်အမတ်  စောဝီရီကျော်ကမြန်မာပြည်ထောင် စုနိုင်ငံတော်ကိုအင်္ဂလိပ်ဘာသာဖြင့်Union of Burmaဟုဆိုထားကြောင်း  ပြည်ထောင်စုဆိုလျှင်Federal Union ဟုခေါ်ဆိုရင် အဓိပ္ပာယ်  ပေါ်ပေါက်မည်ဖြစ်ကြောင်း တင်ပြခဲ့ပါတယ်။ ဒီတင်ပြချက်ကို   အပေါ်ဗိုလ်ချုပ်အောင်ဆန်းက နိုင်ငံတော်ဖွဲ့စည်းအုပ်ချုပ်ပုံအခြေခံ   ဥပဒေရေးဆွဲရာတွင် ဗမာစာမူကို  သာ အရင်းခံမူဖြစ်ထားရှိမည်ဟု ယူဆကြောင့် Authoritatative Version မှာ ဗမာလိုတင်သွင်းခဲ့ သည့်အတိုင်းဖြစ်ကြောင်း၊ ပြည်ထောင်စုနိုင်ငံတော်ဟုခေါ် တွင်သော စကားကိုသီးခြားထား ပြီးပြင်ဆင်နေစရာမလိုတော့ ကြောင်း၊ ပြည်ထောင်စုနိုင်ငံတော်  ဟုထင်ထင်ရှားရှားဆိုထားပြီးဖြစ် ကြောင်း ဖြေကြားခဲ့ပါတယ်။ အဲဒီလိုအချိန်မှာ ဗိုလ်ချုပ် အောင်ဆန်းဟာ လုပ်ကြံခံရလို့ ကျဆုံးခဲ့ရပါတယ်။ ဒီလိုကျဆုံးတဲ့ အချိန်မှာ လွတ်လပ်ရေးရဖို့အတွက်  အချိန်နီးကပ်နေပြီဖြစ်ပါတယ်။ ဒါကြောင့် ၁၉၄၇ နိုင်ငံတော်ဖွဲ့စည်း    အုပ်ချုပ်ပုံကိုအခြေခံဥပဒေကို အလျင်စလိုရေးဆွဲခဲ့ရပါတယ်။ ဒီလိုရေးဆွဲတဲ့အခါမှာ ဖယ်ဒရယ်  ပြည်ထောင်စုတည်ဆောက်ရေး ဆိုင်ရာပြဋ္ဌာန်းချက်တွေကျန်ရှိခဲ့ပါ  တယ်။ ဒါကို ဦးချန်ထွန်းကိုယ်တိုင်   တောင်ဝန်ခံထားပြီးဖြစ်ပါတယ်”ဟု  အဆိုပါပုဂ္ဂိုလ်ကထပ်မံပြောကြား ပါသည်။
“၁၉၄၇ ခုနှစ်နဲ့ ၂၀၀၈ ခုနှစ်   နိုင်ငံတော်ဖွဲ့စည်းအုပ်ချုပ်ပုံအခြေခံ ဥပဒေနှစ်ခုစလုံးဟာလည်း ပြည်ထောင်စု (Union) လို့သုံးနှုန်း ပြီး တစ်ပြည်ထောင်စုစနစ်ကို ကျင့်သုံးတဲ့ဖွဲ့စည်းအုပ်ချုပ်ပုံအခြေခံ ဥပဒေတွေဖြစ်ပါတယ်။ ဒါကြောင့် ပြည်ထောင်စုဆိုတဲ့စကားရပ်ဟာ မြန်မာနိုင်ငံရေးလက်တွေ့မှာတော့  အတုယောင်ပြည်ထောင်စုလို့ အဓိပ္ပာယ်ထွက်နေပါတယ်။ စစ်မှန်သော ပြည်ထောင်စုဆိုတာ  ထင်ရှားအောင်ဖယ်ဒရယ် ပြည်ထောင်စုကိုသုံးနေရတာဖြစ် ပါတယ်။ ဖယ်ဒရယ်စနစ်မှာ ရှစ် ပြည်နယ်သာရှိရေးဒါမှဟုတ်လက်ရှိ   အတိုင်းပြည်နယ်ဆယ်လေးခုဆက် ထားရေးဆိုပြီး အသေဆုပ်ကိုင် ငြင်းခုံကြရင်တော့ အာဏာရှင် စနစ်တည်မြဲရေးကို သွယ်ဝိုက်ပြီး  အထောက်ကူပြုရာရောက်မယ်ဆို  တာကိုလည်း စဉ်စားဖို့လိုအပ် ပါတယ်။
ကျွန်တော်အနေနဲ့ ဒီအချက်  တွေကို အကောင်ထည်ဖော်ဖို့ အတွက်လက်ရှိ ၂၀၀၈ နိုင်ငံတော်  ဖွဲ့စည်ပုံအခြေခံဥပဒေကို စလယ် ဆုံးအကုန်လုံးနီးပါးပြင်ဆင်ရ မှာဖြစ်ပါတယ်ဟု”ဆိုပါသည်။

 Credit To Hot News Journal
မျိုးကျော်
Read More »

ဘင်္ဂါလီဟာ ဘင်္ဂါလီပဲ ရိုဟင်ဂျာ မဖြစ်နိုင်ဘူး


ကုလသမဂ္ဂအတွင်းရေးမှူး ဘန်ကီမွန်းက ဇူလိုင်လ ၁၀ ရက် တွင် ဘင်္ဂါလီလူမျိုးများကို ရိုဟင် ဂျာဟု သုံးနှုန်းပြီး နိုင်ငံသားဖြစ် ခွင့်ပေးရန် ပြောကြားချက်ကို ဦးသာဗန် (ရခိုင်ဒီမိုကရေစီအဖွဲ့ ချုပ် (ဒုယက)) က ဘင်္ဂါလီသည် ဘင်္ဂါလီသာဖြစ်ပြီး ရိုဟင်ဂျာဖြစ် မလာနိုင်ကြောင်း တုံ့ပြန်ပြော ကြားလိုက်ပါသည်။
““ကျွန်တော်အနေနဲ့ ဘင်္ဂါလီ ကို အသိအမှတ်ပြုတာ လက်ခံ တယ်။ ရိုဟင်ဂျာကို အသိအမှတ် ပြုတာကို လက်မခံဘူး။ ဒါဟာ လုပ်ဇာတ်ပဲလို့ပြောချင်တယ်။ ဒီ ဘင်္ဂါလီတွေဟာ မြန်မာပြည် လွတ်လပ်ရေးမရခင်ကတည်းက မောင်တော၊ ဘူးသီးတောင်နဲ့ ရသေ့တောင်နယ်မြေတွေကို အရှေ့ပါကစ္စတန်ထဲမှာထည့်သွင်း ရမယ်ဆိုပြီး အရှေ့ပါကစ္စတန် ခေါင်းဆောင် အလီဂျန်နားကို သွားတွေ့ပြီး ပြောကြတယ်။ ဒါ ပေမဲ့ အလီဂျန်နားက လက်မခံခဲ့ ဘူး။ ဒါဟာ ဗမာပိုင်နက်၊ ဗမာ တွေပဲအုပ်စိုးရမယ်လို့ပြောခဲ့တယ်။  အမှန်က ဘင်္ဂါလီတွေဟာ ရခိုင် မျိုးနွယ်နဲ့ ဘာမှမဆိုင်ဘူး။ ဗမာ ပြည်ကို ပထမအင်္ဂလိပ်မြန်မာ စစ်ပွဲပြီးတော့ ဗမာပြည်ကိုသိမ်းယူ ခဲ့တယ်။ အဲဒီအချိန်မှာ လယ်ယာ မြေတွေမှာ လုပ်ကိုင်ဖို့အတွက် ဒီ ဘင်္ဂါလီတွေကို ဘင်္ဂလားနယ်ထဲ ကနေ ခေါ်လာခဲ့တာ၊ ဗမာပြည် မှာ အလုပ်လုပ်ခိုင်းခဲ့တာပဲ။ သူတို့ က ယာယီလာလုပ်တာ။ သူတို့ ဟာနိုင်ငံခြားသားပဲ။ ဘင်္ဂါလီတွေ ဟာ တိုင်းရင်းသားမဟုတ်ဘူး။ ဘင်္ဂါလီလို့သူတို့လူမျိုးကိုခေါ်တာ အသိအမှတ်ပြုတယ်။ ဘင်္ဂါလီ တွေနဲ့ ပတ်သက်လို့ ဖွဲ့စည်းပုံ (၄၇) မှာရော (၇၄) မှာရော နောက်ဆုံး ၂၀၀၈ မှာရော အဲဒါ တွေပါထားတာပဲ။ နောက်ဆုံး လူဝင်မှုကြီးကြပ်ရေးနဲ့ ပြည်သူ့ အင်အားဌာနမှာ တိကျပြတ်သား တဲ့ ဥပဒေတွေရှိတာပဲ။ အထူး သဖြင့် ၁၉၈၂ ခုနှစ် ဥပဒေဟာ ဒီလူတွေအတွက် ပိုင်းခြားထားတဲ့ ဥပဒေပဲ။ ဘင်္ဂါလီအဖြစ် လက်ခံ တာကလည်းဘိုးစဉ်ဘောင်ဆက် နေလာကြလို့ လက်ခံတာ။ လွတ် လပ်ရေးမရခင်ကတည်းက သူတို့ ဟာ မူဂျာဟစ်ဆိုပြီး တော်လှန် ကြတာပဲ။ သူတို့ရဲ့ရည်ရွယ်ချက် က ပါကစ္စတန်နဲ့ ပေါင်းဖို့ပဲ။ ပါကစ္စတန်နဲ့ ပေါင်းစည်းရေးပဲ။ သူတို့တွေဟာအဲဒီတုန်းကအဓိက ကြွေးကြော်ခဲ့တာ “ပါကစ္စတန် အဓွန့်ရှည်ပါစေ”လို့ ကြွေးကြော်ခဲ့ ကြတာ။မူဂျာဟစ်ကိုမြန်မာအစိုးရ  အနေနဲ့ အများကြီးခုခံတိုက်ခိုက် ခဲ့ရတယ်။ ၁၉၅၈ မှာတော့ ဒီလူ တွေလက်နက်ချလာခဲ့တယ်။ အဲဒီမတိုင်ခင်မှာ သူတို့ကို သူတို့ ရိုဟင်ဂျာလို့ကြွေးကြော်ခဲ့ကြတယ်။ ဒီဘင်္ဂါလီတွေဟာ မူဂျာဟစ်လို့ ပြောင်းတယ်။ မူဂျာဟစ်ကနေ ရိုဟင်ဂျာလို့ ကြွေးကြော်ကြတာ။ ဒါတွေဟာ မတရားတဲ့ လုပ်ရပ်ပဲ။ သမိုင်းမှာမရှိတာကို လုပ်တာပဲ။ သမိုင်းအစဉ်အလာကို ပြန်ကြည့် ကြပါ။မြန်မာ့သမိုင်း၊ ရခိုင်သမိုင်း၊ ကမ္ဘာ့သမိုင်းမှာ ရိုဟင်ဂျာဆိုတာ မှ မရှိပဲ။ ဒါဟာလုပ်ကြံတဲ့ ဇာတ် လမ်းပဲ။ရိုဟင်ဂျာကိုလုံးဝလက်မခံ ဘူး။ ဘန်ကီမွန်းက နိုင်ငံတကာ ခေါင်းဆောင်လုပ်ပြီးတော့ စာ များများ မဖတ်တော့ မသိတာပဲ လို့ ပြောချင်တယ်။ ဟုတ်တယ် လေ သူစာမှမဖတ်ပဲ။ နိုင်ငံ တကာခေါင်းဆောင်ဖြစ်နေတာက ဖြစ်နေတာပဲ။ မြန်မာ့အရေးကို ဂဃနဏသိရင် ရိုဟင်ဂျာလို့ ဘယ်ပြောမလဲ။ သူပြောသင့်တာ က ဘင်္ဂါလီကို ဘင်္ဂါလီလို့ပဲ ပြော သင့်တယ်”” ဟု အဆိုပါ ပုဂ္ဂိုလ်က တုံ့ပြန်ပြောကြားပါသည်။

မျိုးကျော်
Credit To Hot News Journal
Read More »