Brain Pain ( ဘရိန်းပိန်း)


တတိယနိုင်ငံများ၏ ပညာရှင်များ တိုးတက်နိုင်ငံများသို့ သွားရောက်အလုပ်လုပ်ကြခြင်းကို Brain Drain ဟု လူသိများခဲ့ပြီး ဖြစ်သည်။ တတိယနိုင်ငံများအနေဖြင့် ဆုံးရှုံးရခြင်း ဖြစ်ပါသည်။ ညီမျှခြင်း သဘောအရ တိုးတက်နိုင်ငံများမှ Brain Gain တစ်နည်းအားဖြင့် အမြတ်ထွက်ခြင်းဖြစ်သည်။ တလောဆီတွင် Brain Gain အကြောင်း အသံတော်တော် ကျယ်ကျယ်ထွက်ခဲ့ကြသည်။ ရုရှားလို နိုင်ငံကြီးများတွင် Brain Drain ဖြင့် အတော်ဆုံးရှုံးမှုများ ကြုံတွေ့နေရဆဲ ဖြစ်သည်။ တက်သစ်စ ဖြစ်သော တရုတ်သည် Gain ဖြစ်ရန် အတော်ကြိုးစားနိုင်ခဲ့သည်။ ပညာတော်သင်သွားခဲ့သော ပညာတတ်များ အံ့သြယူရလောက်အောင် အမိမြေတွင် ပြန်လည်လုပ်ကိုင်လာကြကြောင်း သတင်းတစ်ပုဒ် ဖတ်မိသည်။ ယနေ့ကမ္ဘာသည် အရာရာပညာအခြေခံဖြစ်သဖြင့် Brain ပါမက စီးပွားရေးမှာပင် တရုတ်ကြီးများ Gain နေကြသည်။ 2B Gain ဟုခေါ်နိုင်မည် ဖြစ်သည်။ တစ်ခုက Brain နှင့် နောက် တစ်ခုက Business ဖြစ်သည်။

Brain Pain
-------------
Drain လည်းမဟုတ် ၊ Gain လည်း မဟုတ်ဘဲ မြင်သာထင်သာမှုမရှိစွာဖြင့် ဘာမှအသုံးချ၍ မရသော ဦးနှောက်များကို Brain Pain ဖြစ်သည်ဟု သတ်မှတ်လျှင် ရနိုင်မည်ဟု ယူဆသည်။ ဦးနှောက်ယိုစီးမှု မရှိသော်လည်း ရှိလျက်နှင့် ဘာမှသုါံ်မရသော ဦးနှောက်ပိုင်ရှင်များ အများအပြားရှိနေကြပါသည်။ ဘာကြောင့်ဖြစ်သနည်း ၊ ဘယ်အချိန်မှာ ဖြစ်သနည်း ၊ ဘယ်နေရာမှာ ဖြစ်သနည်းဆိုသော Why, When, Where ကိုလေ့လာရန် ကောင်းပါသည်။ဖြစ်ရသော အကြောင်း Cause သည် Why အတွက် အဖြေဖြစ်လျှင် When နှင့် Where အတွက် ဆက်စပ်ယူဆနိုင်ပြီ ဖြစ်ပေသည်။ ကျယ်ပြန့်သော အသုံးအနှုန်း မဖြစ်သေးသဖြင့် Brain Pain အတွက် Cause များ မပြည့်စုံသေးသော်လည်း “ အသုံးချခွင့် ” မရရှိခြင်းသည် အများထဲမှ တစ်ခုသော လုံလောက်သည့် အကြောင်းခြင်းရာ ဖြစ်ပေလိမ့်မည်။ Why အတွက် အဖြေတစ်ခုလည်း ဖြစ်သည်။
ဖွံ့ဖြိုးမှု အလွန်နည်းသော အာဖရိကတိုက်မှ လူများ Brain Pain ဖြစ်ရခြင်းမှာ သမိုင်းစဉ်လာဖြစ်သဖြင့် ထူးဆန်းသည်ဟု မည်သူမျှ မထင်သော်လည်း အခြေခံကောင်းများ ရှိသောနိုင်ငံအချို့မှာ Brain Pain ဖြစ်နေရခြင်းအတွက် အားမလို ၊ အားမရ ဖြစ်မိနိုင်ပါမည်။ ပညာဓားထက်ထက်ပြိုင်ကြသော Globalization တွင် HR ဟုခေါ်သော လူသားအရင်းအမြစ် ပြိုင်ပွဲတွင် အရေအတွက်သည် အဓိက မဟုတ်ပါ။ နိုင်ငံ၏ Population တစ်ခုလုံးသည် Workforce မဟုတ်ပါ ၊ ကမ္ဘာ့စစ်တမ်းများ နှင့် သုတေသနအရတစ်ဦးချင်း ဝင်ငွေမည်မျှရှိသည်၊ ပညာတတ်အရေအတွက် မည်မျှများသည် ၊ လူမှုစနစ် တည်ဆောက်ပုံ ၊ ဦးဆောင်သူများ အရည်အချင်း၊ ဆက်သွယ်ရေးနှင့် အခြေခံအချက်များကို အလေးအနက် စဉ်းစားကြပါသည်။ အလုပ်လုပ်သူ လူဦးရေ Workforce မှာပင် အရည်အချင်းများ ထပ်မံခွဲခြားထားပါသေးသည်။ အဖွဲ့အစည်းများကို ဦးဆောင်သူတို့၏ အရည်အချင်းများကို ခွဲခြားထားပါသေးသည်။ သာမန်အားဖြင့် အိမ်ထောင်စု တစ်စုတွင် တစ်ဦးလုပ်ပြီး (၇) ဦး ထိုင်စားပါက တိုးတက်မှု မရှိနိုင်ဟု တွက်ချက်ဖော်ပြထားပါသည်။ နိုင်ငံတစ်ခုတွင်လည်း အလုပ်လုပ်သူနှင့် ထိုင်စားသူ အချိုး (၁း ၁၇) ဖြစ်လျှင် ထိုနိုင်ငံ မတိုးတက်နိုင်ဟု အလွတ်တကူ Check လုပ်နိုင်သည်။ အလုပ်လုပ်သူ ထိုတစ်ဦး၏ ဝင်ငွေပမာဏကို မပြောသေးပါ။
ဝင်ငွေပမာဏလည်း နည်း ၊ မှီခိုသူလည်း များသော အိမ်ထောင်စု ၊ အဖွဲ့အစည်း ၊ နိုင်ငံတွင် မည်မျှတာရှည်စွာ ဆင်းရဲတွင်းနက်မည်ကို စဉ်းစားကြည့်နိုင်မည် ဖြစ်သည်။ Human Resource သည် အရေအတွက် မဟုတ်ပါ ။ Workforce ဖြစ်ပါသည်။ Workforce တွင်တောင်မှ ပညာအရင်းအနှီးများ သော Intelligent Force ကို ဇောင်းပေးထားခြင်း ဖြစ်ပါသည်။ အရွယ်စရောက်သူနှင့် အသက်ကြီးရင့်သူများသည် Dependent မှီခိုသူများ ဖြစ်သည်မှာ သဘာဝတစ်ခု ဖြစ်၍ အပြစ်မဆိုနိုင်သော်လည်း အရွယ်ရောက်သူများ အလုပ်မလုပ်နိုင်ကြခြင်းသည် Brain Pain များဖြစ် ချေသည်။ ချမ်းသာသော နိုင်ငံများပင် ကမ္ဘာ့လျင်မြန်သော တိုးတက်ပြောင်းမှုတွင် လိုက်လျောညီထွေ မှု မရှိရန် အသက် (၆၀)ပြည့်သူများအတွက် ဉာဏ အလေးပေး အလုပ်အကိုင်များ ဖန်းတီးပေးလာကြ သည်ကို ကြည့်လျှင် Brain Pain အရေအတွက် မည်သို့မည်မျှ ကြိုးစားလျှော့ချနေကြသည်ကို သတိပြု မိနိုင်မည် ဖြစ်သည်။

ဘာကြောင့်လဲ
-----------------
အကြောင်းအမျိုးမျိုး ရှိနိုင်သည့် အထဲမှ စနစ်သည် တစ်ခုသော အဓိကအကြောင်းဖြစ်ပါသည်။ စင်ကာပူ ဝါရင့် ဝန်ကြီးလီယွမ်ယူက ဗီယက်နမ်နှင်း ထိုင်းနိုင်ငံကို ဥပမာ ပေးခဲ့ဖူးပါသည်။ ဗီယက်နမ် နိုင်ငံသားများ ကြိုးစားမှု ပိုသော်လည်း ထိုင်းနိုင်ငံကို မမီနိုင်သေးခြင်းမှာ စနစ်မယှဉ်သာသေး၍ ဖြစ်ကြောင်း။ မှတ်ချက်ပြုခဲ့ဖူးပါသည်။ သယံဇာတရော ဘယ်သွားထားမလဲဟု စောဒက တက်သူများ ရှိနိုင်ပါသည်။ အထောက်ပံ့ကောင်းတစ်ခု ဖြစ်သည် မှန်သော်လည်း “လူ” သာအဓိကကျကြောင်း ဘာမှမရှိသော S’pore ကို လက်ညှိုးထိုးပြရမည် ဖြစ်သည် ။ စနစ်သည် စည်းကမ်းကို ပေးပါသည်။ လူမှုအဖွဲ့အစည်းကြီး တစ်ခုလုံးကို ချီမသယ်ပိုးသွားပါသည်။ လမ်းကြောင်းအမှန်ကို တည့်မတ်ပေး နိုင်သလို ဝင်္ကပါထဲမှ မထွက်နိုင်အောင်လည်း လုပ်ထားနိုင်ပါသည်။
စနစ်ကောင်းအောင် ဖန်တီးသူမှာ “လူ” ဖြစ်သလို စနစ်ကို ဖျက်ဆီးနိုင်စွမ်းရှိသူမှာလည်း “လူ” ပင်ဖြစ်ပါသည်။ လူမှုရေး ရှေ့တန်းတင်လွန်းသော မြန်မာ လူမျိုးအများစုသည် စနစ်ကို ကောင်းအောင် ဖန်တီးနိုင်မှုတွင် သံသယရှိဖွယ် ဖြစ်သည်။ မိမ်ိကိုယ်တိုင်က အဆင့်မမီသော ဝန်ထမ်းအချို့ကို သံယောဇဉ်ဖြင့် ဆက်လက်ထားရှိနေရဆဲ ဖြစ်သည်။ လုပ်ငန်းရှင်များ အလွတ်ဆွေးနွေးပွဲတွင် စင်ကာပူ နိုင်ငံမှ Performance ကို Royalty ဖြင့်ပင် အလဲအလှယ် လုပ်နေကြောင်း First in Last out ဆိုသော လုပ်သက်ရှည်များ အာမခံချက် မရှိတော့ကြောင်း ဆွေးနွေးရာ တစ်ဦးက “ ကျွန်တော်တို့ လူမျိုးမှာ အဲသလောက် မာတဲ့ အသည်းနှလုံးမရှိသေးဘူးဗျာ” ဟူသော မှတ်ချက်သည် ပြဿနာ၏ အရင်းအမြစ် ဖြစ်တန်ချေ ရှိသည်ကို သတိပြုမိရသည်။

ရေများ ရေနိုင်
----------------
တိုးတက်သောနိုင်ငံများတွင် “သွားသုတ်သုတ် စားသုတ်သုတ်” ဖြစ်သည်။ လမ်းလျှောက်ပုံကိုကြည့်ရုံဖြင့် လူမျိုးစရိုက်နဲ့ အခြေအနေကိုမှန်းနိုင်သည်။ စကားပြောကြည့် လျှင်ပိုသိနိုင်ပါသည်။ လမ်းဘေး လက်ဖက်ရည်ဆိုင်တွင် အာဘောင်အာရင်းသံသံ ဖြင့် ပြောကြသူများ Seminar, Workshop တို့တွင် အသံမထွက်တော့ခြင်းသည် ကောင်းသော လက္ခဏာ မဟုတ်ပါချေ။ မွေးကတည်းက “မေး”လာသူများ “ကျီး ” သူငယ်သဖွယ်ဖြစ်သည်။ ကိုယ့်ပြည်တွင်းမှာ မိဘကို အိမ်ထောင်ကျသည်အထိ မှီခိုနေသူများ၊ နွဲ့ဆိုးဆိုးနေသူများ၊ အသက်ဗထက်ချိုက် သူများ ဟိုနိုင်ငံများ ရောက်သည့်အခါ မအေးဆေးနုင်တော့။ အပိုးကျိုးကြသည်။ “ရေများရေနိုင် ၊ မီးများမီးနိုင်ခြင်း” ဖြစ်သည်။ အေးဆေးရောင်ရဲသော လူမှုရေးနိုင်ငံတွင် မွေးဖွားလာကြသူများမှာ ပတ်ဝန်းကျင်၏ အရောင်ဆိုးမှုအတိုင်း အေးဆေး၊ ရောင့်ရဲတတ်ကြခြင်းသည် ကောင်းလား၊ ဆိုးလားကို ဝေခွဲရတော့ မည့်အရချိန် ဖြစ်သည်။

ရောင့်ရဲတာလား ၊ ပျင်းတာလား
----------------------------------
လူမှုရေးဦးစားပေး၍ သာသာထိုးထိုး မြင်တတ်ကြသော ကျွန်တော်တို့ လူမျိုးတွင် ပျင်းရိခြင်းနှင့် ရောင့်ရဲခြင်းကို ရောထွေးပစ်တတ်လေ့ရှိကြသည်။ အခြေခံအားဖြင့် ဘာမှမလုပ်သူကို ပျင်းရိသူဟု သတ်မှတ်နိုင်ပြီး ကြိုးစားလုပ်သော်လည်း ရလဒ်ပေါ် ကျေနပ်သူကိုသာ ရောင့်ရဲသူဟု မှတ်ချက်ကောက်နိုင်မည်ဖြစ်သည်။ ဘာမှမလုပ်ဘဲ မိဘ လုပ်စာ ထိုင်စားခြင်းသည် ရောင့်ရဲခြင်း မဟုတ်ချေ။ သူတို့မှ မွေးသော သားသမီးအပေါ် မိဘဝတ်မကျေခြင်းသည် ပျင်းရိခြင်း၏ ရလဒ်ဖြစ်သည်။ ထိုသို့ အိမ်ထောင်စုများလာလျှင် နိုင်ငံတိုးတက်မည် မဟုတ်။ လူမျိုးပါ ညံ့ဖျင်းသွား တတ်ကြသည်။ လုပ်ငန်းပေါင်းများစွာနှင့် ဝန်ထမ်းရာပေါင်းများစွာကို စီမံခန့်ခွဲနေရသော ဘဝ၏ နှစ်ပေါင်းငါးဆယ်ကျော် အတွေ့အကြုံအရ မြန်မာလူမျိုးများသည် မွေးရာပါ ဗီဇ မညံ့ကြချေ။ Genetically Intellectual ဖြစ်ကြပါသည်။
ဦးစွာ ပထမ Gene ကောင်းရန်လိုပါသည်။ လူမျိုးနှင့်ဆိုင်ပါသည်။ African များ၊ အိမ်နီးချင်းနိုင် များထက် Intelligent သာလွန်ပါသည်။ လည်ရုံသက်သက်နှင့် ဆယ်ဂဏန်းမျှလောက်သော အရေအတွက်ဖြင့် စကားပြောကြည့်ရုံဖြင့် ဆွဲသောကောက်ချက်မဟုတ်ပါ။ အကြိမ်ပေါင်းများစွာ ရောက်ခဲ့ပြီး ရာပေါင်းများစွာသော အလွှာစုံမှ လုပ်ငန်းရှင်များဖြင့် ဒူးတင်ပေါင်တင် ဆွေးနွေး အလုပ်လုပ်ခဲ့ခြင်းမှ ကောက်ချက်ဖြစ်ပါသည်။
မိမိလူမျိုးများ Intelligence မညံ့သော်လည်း Emotion အရ စံမီခြင်းမရှိသေးပါ။ ပွဲပြီးမီးသေ လုပ်တတ်ကြပါသည်။ ဦးနှောက်အလုပ်ပေးခြင်းကို ရွံ့လျက် ရှိကြပါသေးသည်။ မထိုးရဲသေးသော လက်ဝှေ့သမားတစ်ဦးနှင့် သဏ္ဌာန်တူနေပါသည်။ သူတို့တွေက ပေါက်ထွက်တွေးခေါ် Vertical Thinking လုပ်နိုင်ကြသော်လည်း ကျွန်တော် တို့ Conventional Thinking က ရုန်းမထွက်နိုင်ကြသေးပါ။ Brain Storm များများ လုပ်ခြင်းသည် Brain Gain ဖြစ်ခြင်း တစ်မျိုးဖြစ်ပါသည်။ Gain from not Drain လည်း ဖြစ်ပါသည်။ စက်တစ်ခု၏ Full Capacity ကို အသုံးမချနိုင်လျှင် တန်ဖိုးဆုံးရှုံးသကဲ့သို့ ဦးနှောက်တစ်ခု၏ လုပ်နိုင်သော စွမ်းအားကို အပြည့်အဝ အသုံးမချနိုင်ခြင်းသည် Brain Pain တစ်မျိုးလည်း ဖြစ်ပါသည်။ ငွေကြေးတစ်ခု လည်ပတ်သည့်အခါ အကျိုးဖြစ်ထွန်း၍ လုပ်ငန်းရှင်များ Frequency ဟူသော ကြိမ်နှုန်းများများရအောင် ကြိုးစားခြင်းဖြင့် Result ကောင်းအောင် လုပ်နေရသည့်ခေတ်တွင် စွမ်းရည်ပြည့် အသုံးမချနိုင်သော ဖြစ်ရပ်ကို ခန့်မှန်းနိုင်မည်ဖြစ်ပေသည်။
လူတွေ မအိပ်ကြလျှင် ဘာဖြစ်မလဲ ဟူသည်အထိ သူတို့စဉ်းစားကြသည်။ အလုပ်လုပ်ချိန် တိုးနိုင်ရန်ဖြစ်သည်။ မတိုးတက်သော ခေတ်(ကျောက်ခေတ်) မှစ၍ ညဘက်မှောင်မိုက်လျှင် ဘာမှလုပ်စရာမရှိ၍ အိပ်ကြရာမှ ဦးနှောက်များ Programme လုပ်ခံခဲ့ကြရ၍ ဒီနေ့အိပ်ကြခြင်းဖြစ်သည် ဟူသော အချက်ကို တွေ့ကြသည်။ ဤ Programme ကို ပြောင်းနိုင်ပါက အိပ်ချိန်လျှော့ပြီး အလုပ်လုပ် ချိန်များလျှင် တိုးတက်မှု ပိုနိုင်သည်ဟူသော အယူအဆကို တချို့စတင် လက်ခံနေကြပြီဖြစ်သည်။ အချိန်အခါမရွေး အလင်းရောင် ရနိုင်သော ခေတ်ကို ပိုမိုအကျိုးရှိအောင် ကြံဆကြခြင်းဖြစ်သည်။
ကျွန်တော်တို့ လက်ဖက်ရည်ဆိုင်ထိုင်ဆဲ ဖြစ်နေပါသေးသည်။ အရည်မရ အဖတ်မရသည်တို့ကို ပြောနေကြဆဲရှိပါသေးသည်။ Flat Thinking ခေါ်ခေါ် Conventional Thinking ဆိုဆို ကာလာမသုတ်ကို လိုက်နာခြင်းမရှိကြသေးပါ ကျွေးမွေးခြင်းတောင် တာဝန်မကျေ သည့် မိဘများထုနှင့်ဒေးနှင့် ရှိနေကြပါသေးသည်။ အဖေ ချမ်းသာနေသေးတာပဲ ဟူသော အနာဂတ် ချောက်ကိုမ်ြငနိုင်ကြသူများ များပြားစွာအသက်ရှင်ဆဲ ဖြစ်နေပါသေးသည်။ စွမ်းရည်ရှိပါလျက် မိမိကိုယ်ကို မိမိ ဖျက်သော Brain Pain များဖြစ်ကြပါသည်။ တစ်ဦးချင်း ညံ့ကြသည်မှာ မပြောပလောက်သော်လည်း မျိုးဆက်ညံ့သွားလျှင် သူများအောက် အများကြီး ကျသွားနိုင်ပါသည်။ လွန်ခဲ့သော တစ်ပတ်ခန့်က ပညာရှင်(၂၄)ဦး အဖွဲ့ဖြင့် S’pore နှင့် Malaysia Putra Jaya ကို ပညာရပ်ဆိုင်ရာ လေ့လာရေးခရီး ထွက်ဖြစ်ခဲကြပါသည်။ Language ပြဿနာတချို့ရှိကြပါသည်။ တချို့ပြောနိုင်သော်လည်း ပြောမထွက်ကြပါ။ မသွားခင်ကတည်းက ဇာတ်တိုက်ထွက်ကြပါသည်။ အနည်းဆုံး ဘယ်သူတွေက အမေးအဖြေကို လုပ်ရမယ်ဟူသော တာဝန်ချထားခြင်း ဖြစ်ပါသည်။
Cyber Jaya သည် Malaysia ၏နည်းပညာမြို့ဖြစ်ပါသည်။ Putra Jaya မှာ Administrative City ဖြစ်ပါသည်။ ဝန်ကြီးချုပ်ရုံး ၊ အိမ်နှင့်ဝန်ကြီးများ ရုံးစိုက်မည့်နေရာ ဖြစ်ပါသည်။ Putra မှ တာဝန်ရှိသူတို့က အကျယ်တဝင့်ရှင်းပြကြပါသည်။ (၂၄) ဦးမှ (၂၆) ဦးခန့်သာ မေးခွန်းထုတ်ခဲ့ကြပါသည်။ မေးခွန်းအဆင့်မြင့်မြင့် မေးခြင်းသည် ဖြေသူ “ကျပ်” စေလိုသော ဆန္ဒမဟုတ်ပါ။နိုင်ငံမှာ ဒါမျိုးတွေ ရှိနေပါသေးတယ် ဆိုတာကို ပြသလိုခြင်းသာ ဖြစ်ပါသည်။ သွေး၍ထက်သောအရာတွင် ဓားတစ်ခုတည်းမဟုတ်ပါ။ ဦးနှောက်လည်း ပါဝင်ပါသည်။ ဏားတစ်ခုတ်သည် တစ်ချက်သာ ပြတ်ပါသည်။ ဦးနှောက်တစ်ခု၏ မူဝါဒသည် အချက်များစွာ အပိုင်းပိုင်းပြတ်ထွက်သွားနိုင်ပါသည်။
ဘုရားရှင်မင်း စည်းစိမ်ကို စွန့်လွှတ်ခြင်းသည် ရောင့်ရဲခြင်း ဖြစ်ပါသည်။ ဒုက္ကရစရိယာ ကျင့်ကြံ ခြင်းသည် ကြိုးစားခြင်း ဖြစ်ပါသည်။ ရလဒ်မှာ ဘဝအဆက်ဆက် ပါရမီနှင့် ပေါင်းဖက်သည့်အခါ အတုမရှိ မြတ်ဗုဒ္ဓ ဖြစ်လာပါသည်။ ဘာမှမလုပ်သူများ ရောင့်ရဲခြင်း အရေမခြုံသင့်ပါ။ သူတို့ရှေ့ငွေထုပ် ချပေးကြည့်နိုင်ပါသည်။ သို့မဟုတ် အလွယ်ရ လမ်းပြပေးခြင်းဖြင့် တုံ့ပြန်မှုကို စမ်းသပ်နိုင်ပါသည်။ ရောင့်ရဲသူများ အလုပ်လုပ်ကြပါသည်။ ရလဒ်ကိုသာ ကျေနပ်သူများဖြစ်ပါသည်။ နည်းနည်းလုပ်၍ များများလိုချင်သူများ၊ ဘာမှမလုပ်ဘဲ အများကြီး လိုချင်သူများ Brain Pain များဖြစ်ကြပါသည်။ Drain ဖြစ်၍ ဆုံးရှုံးရသည်မှာ မကောင်းသော်လည်း ကြားကောင်းသေး၍ Drain မဖြစ်ဘဲ Pain ဖြစ်သူများမှာ နောက်မျိုးဆက်ကိုပါ ဖျက်ဆီးနိုင်သည် ဟူသော အသိကို ရှိကြလျှင် အနာဂတ်အလင်းရောင် တောက်ပနိုင်ပါသည်။ ။ ။

နေဇင်လတ်
(ရွှေအမြုတေ ရုပ်စုံမဂ္ဂဇင်း၊ ဒီဇင်ဘာ ၂၀၀၄)
ကျနော်ဖတ်ဖူးတဲ့ စာပိုဒ်လေး တစ်ခုပါ
Read More »

အမေ့ထူသူများအတွက် နည်း ၅ နည်း




သော့ဘယ်မှာ ထားမိမှန်းမသိ ဖြစ်နေသလား။ လုပ်ဖော်ကိုင်ဖက် တစ်ယောက်ရဲ့ နာမည်ကို မေ့နေသလား။ အမေ့ထူလွန်းလို့ စိတ်ညစ်နေပါသလား။ စိတ်မညစ်ပါနဲ့တော့။ မေ့တတ်တဲ့အကျင့် ပျောက်ပြီး မှတ်ဉာဏ်ကောင်းစေနိုင်တဲ့ အလွယ်နည်းတွေကို သိပ္ပံပညာရှင်တွေ ရှာဖွေတွေ့ရှိထားပါတယ်။



(၁) အချက်အလက်သစ်တွေ မှတ်မိဖို့ မေးစေ့ကိုင်ပါ
ရုပ်ရှင်တွေထဲမှာ မြင်ဖူးကြမှာပါ။ ဇာတ်ဝင်ခန်းထဲမှာ တစ်ခုခုကို အလေးအနက် စဉ်းစားပြီဆိုရင် မေးစေ့ကိုပွတ်ပြီး စဉ်းစားတတ်ကြတာကိုပေါ့။ အဲဒီလိုပဲ အချက်အလက်အသစ် တစ်ခုခုကို နားထောင်တဲ့အခါ လက်က တစ်ခုခု လုပ်နေလိုက်ပါ။ အဲဒီအချက်အလက်ကို ပိုပြီး မှတ်မိလွယ်ပါတယ်။ နားထောင်နေစဉ် လက်ဟန်ခြေဟန် တစ်ခုခုလုပ်နေတာက ဦးနှောက်ရှိ မှတ်ဉာဏ်ဌာနရဲ့ လုပ်ဆောင်ချက်တွေကို မြင့်မားစေပြီး မှတ်ဉာဏ် ပိုကောင်းစေနိုင်ပါတယ်။ ဥပမာ- ဖုန်းနံပါတ်တစ်ခုကို မှတ်ရာမှာ မေးစေ့ကို ကိုင်တာပဲဖြစ်ဖြစ်၊ နားရွက်ကို ကိုင်တာပဲဖြစ်ဖြစ် ပြုလုပ်နေပြီး အဲဒီ ဖုန်းနံပါတ်ကို ခေါင်းထဲ ပြန်စဉ်းစားကြည့်တဲ့အခါ မေးစေ့ ဒါမှမဟုတ် နားရွက်ကို ပြန်ကိုင်ပြီး စဉ်းစားပါက ပိုပြီး မှတ်မိလွယ်ပါတယ်။


(၂) အချက်အလက်သစ်တွေကို မမေ့ဖို့ စိတ်ကူးထဲ ပုံဖော်ကြည့်ပါ
ဖုန်းနံပါတ်တစ်ခု ဒါမှမဟုတ် နာမည်တစ်ခုကို မှတ်ရာမှာ “ငါနောက်တစ်ခါ ဒီဖုန်းကိုဆက်ချင်ရင် ဘယ်ကိုဆက်ရမလဲ” ဒါမှမဟုတ် “ငါသူ့ကို နောက်တစ်ကြိမ်တွေ့ရင် ဘယ်လိုခေါ်ရမလဲ” စသဖြင့် အနာဂတ်မှာ ကြုံရင် ဘယ်လိုဖြေရှင်းမလဲဆိုတာ ကြိုတွေးပြီး စိတ်ကူးထဲ ပုံဖော်ကြည့်တာက တစ်ခုခုကို မှတ်ရာမှာ ပိုလွယ်ကူစေပါတယ်။ လေ့လာချက်တစ်ခုအရ ဒီနေ့ သင်လိုက်တဲ့အရာကို အနာဂတ်မှာ ဘယ်လိုသုံးမယ်ဆိုတာကို ပုံဖော်ကြည့်သူတွေဟာ စိတ်ကူးမကြည့်မိသူတွေထက်စာရင် ထိုအရာကို ပိုပြီးမှတ်မိနေတာကို တွေ့ရပါတယ်။ သုတေသနပညာရှင်တွေရဲ့ အဆိုအရ အချက်အလက်တွေကို မှတ်ရာမှာ ထိုအချက်တွေကို ဦးစားပေးအဖြစ် ကိုယ်ကအသုံးပြုပုံကို စိတ်ကူးယဉ်ကြည့်ပါက ဦးနှောက်ကနေ သေချာမှတ်ထားပြီး အလိုရှိတဲ့အချိန်မှာ ပြန်ထုတ်ပေးဖို့ အသင့်ဖြစ်နေတယ်လို့ သိရပါတယ်။



(၃) မှတ်ဉာဏ် ပိုကောင်းစေဖို့ လမ်းလျှောက်ပါ

သိပ္ပံပညာရှင်တွေဟာ ဦးနှောက်ရှိ မှတ်ဉာဏ်ထိန်းပေးတဲ့ အစိတ်အပိုင်း (Hippocampus) ဟာ အသက်ကြီးလာတာနဲ့အမျှ ကျုံ့သွားတတ်ပြီး ထိုသို့ ကျုံ့သွားခြင်းကို ပြန်ပြင်လို့မရနိုင်လို့ ယူဆခဲ့ကြဖူးပါတယ်။ ခုတော့ အဲလိုယူဆဖို့ မလိုတော့ပါဘူး။ လေ့လာချက် အသစ်တစ်ခုအရ ကိုယ်လက်လှုပ်ရှားမှုကို ပုံမှန်ပြုလုပ်သူဟာ ဦးနှောက်ကျုံ့တာကို ကာကွယ်ပေးရုံမျှမက တစ်နှစ်အတွင်းမှာ ပြန်လိုတောင်ချဲ့နိုင်ကြောင်း တွေ့ရပါတယ်။ တစ်နေ့ကို မိနစ် ၄၀ ကြာ တစ်ပတ်ကို သုံးရက်လမ်းလျှောက်သူ သက်ကြီးရွယ်အိုတွေဟာ ခုမှစပြီး လေ့ကျင့်ခန်းလုပ်သူထက် Hippocampus အရွယ်အစား ၂ ရာခိုင်နှုန်း ဒါ့အပြင် မှတ်ဉာဏ်စာမေးပွဲ ဖြေရာမှာလည်း အမှတ်ပိုကောင်းပြီး ဦးနှောက်ကျန်းမာရေး ကောင်းစေနိုင်တဲ့ ဓာတ်တွေလည်း ပိုများနေပါတယ်။ တစ်ပတ်ကို သုံးရက်၊ တစ်ရက်ကို မိနစ် ၃၀ ကြာ လေ့ကျင့်ခန်းလုပ်ရုံနဲ့ ဦးနှောက်မှတ်ဉာဏ် ကောင်းစေနိုင်ပါတယ်။

(၄) ဦးနှောက်ဆဲလ်တွေ ကာကွယ်ဖို့ အမြန်စာ မစားပါနဲ့

အဆီများတဲ့ အဝစာ၊ အမြန်စာတွေကို အစားများပါက ကြာလာရင် မှတ်ဉာဏ် လျော့နည်းစေကြောင်း သိထားတာ ကြာပါပြီ။ ဒီအစာတွေက အချိန်တိုအတွင်းမှာလည်း ဦးနှောက်ကို ထိခိုက်စေနိုင်ကြောင်း သတိမပြုမိကြသေးပါဘူး။ လေ့လာချက်တစ်ခုအရ အဆီများတဲ့ အဝစာတွေကို ကျွေးတဲ့ အစမ်းသပ်ခံ သတ္တဝါတွေဟာ ကိုးရက်အတွင်း မှတ်ဉာဏ်နဲ့ ပြဿနာ ဖြေရှင်းနိုင်စွမ်း ၁၅ ရာခိုင်နှုန်း ကျသွားတာကို တွေ့ရပါတယ်။

(၅) အမေ့ထူတာ လျော့စေဖို့ Chamomile Tea သောက်ပါ

Chamomile Tea ကို စူပါမားကက်တွေမှာ ရှာဝယ်နိုင်ပါတယ်။ ဦးနှောက်ကို အားဖြည့်ပေးသလို စိတ်ကိုလည်း ဖြေလျှော့ပေးပါတယ်။ အမေ့ထူတာကို လျော့စေတဲ့ Luteolin ဓာတ်တွေလည်း များစွာပါရှိနေပါတယ်။ အသက်အရွယ် အိုမင်းမှုကြောင့် ဖြစ်တတ်တဲ့ မှတ်ဉာဏ်လျော့နည်းမှုကို ဖြစ်စေတဲ့ ဦးနှောက်ရောင်ရမ်းမှုကို ကာကွယ်ပေးပါတယ်။ ဒါ့အပြင် Luteolin ဓာတ်တွေဟာ ဦးနှောက်ဆဲလ် ဆက်နွှယ်မှုကို အနှောင့်အယှက်ပေးနိုင်တဲ့ အန္တရာယ်ရှိ ဓာတုပစ္စည်းများဖြစ်တဲ့ Cytokines တွေ ထွက်ရှိမှုကို ၉၀ ရာခိုင်နှုန်းထိ လျှော့ချပေးနိုင်ပါတယ်။ အကယ်၍ Chamomile Tea ကို ရှာမတွေ့ပါက Luteolin ဓာတ်ကြွယ်ဝတဲ့ မုန်လာဥနီနဲ့ ငရုတ်သီးစိမ်းတို့ကို စားပေးနိုင်ပါတယ်။

ဒေါက်တာနုမြတ်
By Good Health
Read More »

မိတ္တဗလ ဋီကာ မှ ကောက်နုတ်ချက် (ဦးနု)


ဥပဒေသ အမှတ် ၁
တစ်ဖတ်သားကို မိမိဘက်သို့ ပါအောင်လုပ်ရန် အတွက် အကောင်းဆုံးသော နည်းတစ်သည် ငြင်းခုံခြင်းကို ရှောင်ရှားပါ။

ဥပဒေသ အမှတ် ၂
တစ်ဖက်သား၏ အယူအဆကို အလေးဂရုပြုပါ ။ လူတစ်ယောက်အားမှားသည်ဟု ဘယ်သောအခါမှ မပြောလေနှင့်။

ဥပဒေသ အမှတ် ၃
အကယ်၍ သင်သည်မှားခဲ့ပါလျှင် ထိုအမှားကို လျှင်လျှင်မြန်မြန်နှင့် လေးလေးနက် နက် ၀န်ခံပါ။

ဥပဒေသ အမှတ် ၄
ချိုချိုသာသာ နှင့် စပါ ။

ဥပဒေသ အမှတ် ၅
တစ်ဖက်သား အလျှင်အမြန် “ အင်း ” လိုက်အောင် ကြိုးစားပါ။

ဥပဒေသ အမှတ် ၆
တစ်ဖက်သားကို သူပြောချင်တာ ၀ အောင်ပြောပါစေ။

ဥပဒေသ အမှတ် ၇
တစ်ဖက်သားအား ပေးအပ်သောအကြံသည် သူ၏ အကြံသာဖြစ်သည်ဟု
အထင်ရောက်နေပါစေ။

ဥပဒေသ အမှတ် ၈
တစ်ဖက်သားဘက်မှနေ၍ အရာခပ်သိမ်းကို ဝေဖန်ပိုင်းခြားနိုင်အောင် စိတ်ကောင်း စေတနာကောင်းနှင့် ကြိုးစားပါ ။

ဥပဒေသ အမှတ် ၉
တစ်ဖက်သား၏ အယူအဆ အလိုဆန္ဒတို့ နှင့် စပ်လျဉ်း၍ ကိုယ်ချင်းစာတတ်ပါစေ။

ဥပဒေသ အမှတ် ၁၀
မြင့်မြတ်သော စိတ်ဓာတ်ကို ထိခိုက်အောင်လုပ်ပေးပါ။

ဥပဒေသ အမှတ် ၁၁
သင်၏အကြံအစည်များဖြင့် တစ်ဖက်သား၏ စိတ် အာရုံကို ဆွဲနိုင်အောင် ပြုပြင်ပေးပါ။

ဥပဒေသ အမှတ် ၁၂
သူတို့၏ မခံချင်သောစိတ်ကို ဆွပေးပါ။

မူရင်း- Dale Carnegie ၏ How To Win Friends And Influence People

ဦးနု
(မိတ္တဗလ ဋီကာမှ)
Read More »

နွားနှင့် သပိတ် (ညိုမြ)


လူတို့သည် တိုင်းရေးပြည်ရေးအကြောင်းကို ပြောဆိုကြ၏။ နစ်နာချက်များကို ကြွေးကြော် ကြ၏။ မျိုးချစ် စိတ်ရှိအပ်ကြောင်း ကို ဟစ်ကြ၏။ ညီညာမှ ပြည်သာမည်ဟု အော်ကြ၏။

ထိုသို့ ပြောဆိုကြွေးကြော် အော်ဟစ်ကြသူတို့အား တကယ့်မြင့်မြတ်သည့် မျိုးချစ်ပုဂ္ဂိုလ်ကြီး တွေဟု အကြောင်းမသိသူများက ထင်စရာအကြောင်းရှိသော်လည်း အများအားဖြင့် စဖြီးများသာ ဖြစ် ကုန်သည်။ သူတို့သည် လူစည်စည်ရှိသော အရပ်များတွင် စင်မြင့်ထက်သို့တက်၍ စွာလောင်စွာလောင် လုပ်ကြ၏။ ဟုမ္မရူး ဒိုင်အာကီ နောင်လာမည့် အုပ်ချုပ်ရေးစသဖြင့် လျှာ အရိုးမရှိသည့် ဖိုးပြောချင် ဖိုးအော်ချင်များပင်။ သို့သော် သူတို့ အပေါင်းအဖော်များနှင့် ပင်ကိုယ်နေသောအခါများတွင်ကား တိုင်းပြည်ကို အလျင်း သတိမရကြကုန်။ ကိုယ့်နှမ လင်နေကြောင်းနှင့် သူ့နှမ သားမွေးကြောင်း ဖရုဿဝါစာ အတင်းအဖျင်း တို့ကိုသာ ပွားများကြလေသည်။

မျိုးချစ်စိတ်အမှန်ထက်သန်၍ ဤဖြစ်ကတတ်ဆန်း တပါးကျွန်ဘဝကို တကယ်နာကျည်းသူ ဖြစ်က ထိုသို့ မနေနိုင်ရာ။ ဘယ်နံရောအခါမဆို မျိုးချစ်မီးလောင်ကျွမ်းလျက် အမျိုး၏ နစ်နာချက်များ ကိုသာ အနုလုံ ပဋိလုံ စမြုံ့ပြန်စိစစ်ကာ ... စားလျှင်လည်း အမိမြန်မာပြည် အိပ်လျှင်လည်း မြန်မာပြည် အမိ လမ်းလျှောက်လျှင်လည်း မြန်မာအမိပြည် စာရေးလျှင် လည်း ပြည်အမိမြန်မာဟူ၍ သို့သာလျှင် ဖြစ်စေရာ၏။ အနှီသို့သော ပုဂ္ဂိုလ်များကိုသာ မျိုးချစ်ဟု သမုတ်ကာ ရွှေပန်းကုံး ငွေပန်းကုံးများ စွပ်ကြသင့်ပေသည်။
...............................................

ကျွန်ုပ်သည် ဤမည်သော တက္ကသိုလ်သပိတ် စုံစမ်းရေးကော်မတီလူကြီးများရှေ့ဝယ် အလွန် မကောင်းဆိုးဝါးသော တက္ကသိုလ်အကြောင်းချင်းရာတို့ကို သိသမျှ ယထာဘူတ သက်သေခံပြီးသည်၏ အခြားမဲ့၌ (၁) တနှစ်ကျော်မျှ ခွဲခွာလာခဲ့ ရသော မိဘနှစ်ပါးကို ဖူးမျှော်လိုခြင်း (၂) အကြင်အညာဒေသ တွင် သပိတ်အခြေအနေ မည်သို့မည်ပုံရှိသည်ကို စုံစမ်းလျက် အကယ်၍ လိုလေသေးရှိက  မိမိဇာတိ ချက်ကြွေ တောအရပ်တဝိုက်တွင် တောသူတောင်သားတို့အား သပိတ်တရားရေအေး တိုက်ကျွေး လိုခြင်း ဟူသော ဆန္ဒနှစ်ပါး ဖိစီးလှသည်ဖြစ်၍ ခေါင်းဆောင် အကြင်နောင်နု၊ နောင်အုန်း၊ ဘိုင်ရှစ်တို့ အား ဆယ်ရက်အတွင်း ပြန်ခဲ့ပါမည် စိတ်ချပါဟု အဖန်ဖန်ကျိန်ဆို ခွင့်ပန်ပြီးသကာလ ထိုမည်သော သပိတ်ပြန်ကြားရေးဌာန ကိုလည်း ကိုကျော်ညိမ်းအား ခေတ္တလွှဲအပ်ခဲ့ပြီးသော် တတိယတွဲသို့ ခုန်တက် ကာ အညာသို့ ဆန်ခဲ့လေသောဟူ၏။

အညာနိုင်ငံ၌ကား သပိတ်ရေး သာယာပါပေ၏။ မင်းဘူး၊ မုံရွာ၊ ပခုက္ကူ၊ ရွှေဘို၊ စစ်ကိုင်း၊ မန္တလေး စသော အညာမြို့များ၌ ကျောင်းတိုင်းလိုလိုပင် ကောင်းကောင်းမွန်မွန် သပိတ်မှောက်လျက် ရှိကြ၏။ အစိုးရကျွန်များမှတပါး သပိတ်ကို ချီးကြူး ထောက်ပံ့ကြသူချည်းသာတည်း။ သောတာပန်ရွာ တွင်လည်း လွန်လေပြီးသောအခါက ရွှေတောင်ကြားပါတီဝင် မင်းတိုင်ပင် တဦးဖြစ်လေသူ တီပီအက်စ် “ဖေဖေ”မှတပါး သပိတ်ကို အားရကြသူချည်းပင်။ “မင်းတို့ သတ်သေမေဒ ပေးရတာနဲ့ ရာစုတ်အုပ်က ညှင်းတာက တော်သေးတယ်။ ဒို့တက္ကသိုလ်မှာ ဘာမှ သုံးမကျဘူး ... လကားပါကွာ ... လခွေးလိုဘဲ။ လုပ်ပုံ ကိုင်ပုံတွေက စွန်ပါဘူး ...” ဟု ကျွန်တော်က ပြောပြသောအခါ စာရင်းငှား စံရွှန်းနှင့် သာဗြေ့တို့က ဂွမ်းနုဆီစိမ်သကဲ့သို့ တအိအိ ခေါင်းညိမ့်ကြပေ၏။

သာယာသော တညနေခင်းတွင် သန့်ပြန့်သော လေညှင်းကိုရှူရှိုက်ရင်း တဖြည်းဖြည်း လမ်းလျှောက်ထွက်လာခဲ့၏။ ကျောက်ဆောင်အိုင်စောင်းကို ကျော်လွန်လျက် ဦးကျွန်းသရက်ခြံဝသို့ ဆိုက်လေတော့သည်။ ကြည်နူးဘွယ့် နေဝင်ချိန် တည်း။ အုန်းပင်ထက်ဝယ် အုန်းလက်တို့သည် ဖြည်းညှင်းစွာ လှုပ်ရှားလျက် ရှိကုန်၏။ ကွယ်လုဆဲနေရောင်ခြည်သည် သရက်ခြံပေါက်ဝတွင် မြက်စား လျက်နေသော အမည်မသိ နွားကြားကြီး တကောင်အား တမျိုးပင် လှပဖွံ့ဖြိုး ကြက်သရေ တိုးအောင် လွှမ်းမိုးလျက် ရှိနေလေသည်။ ကျွန်တော်သည် ထိုနွားကြီးသို့ ချဉ်းကပ်တော့၏။

“ဗျို့နွားကြီး ဘာလုပ်နေသလဲ ... မြက်စားနေသလား”ဟု ကျွန်တော်ကပင် စ၍ ယုတ်တရက် နှုတ်ဆက်လိုက်ပေ၏။ နွားကြီးကား စိုစိမ်းသော မြေစာပင်များဝယ် စိတ်ရောပစပ်ပါ ဝင်စားချက် ကောင်းလှ၏။

`ယခု ကျွန်တော်တို့ ရွှေတိဂုံပေါ်မှာ သပိတ်မှောက်နေကြတယ် သိလား။ ကျောင်းသားတွေကို အလကားနေရင်း ကျောင်းထုတ်ခံရလွန်းလို့ ...´
နွားကြီးသည် စားမြဲစားနေ၏။

“နဲနဲမှ မတရားဘူးဗျာ။ တကယ်ဆိုရင် ကျွန်တော်တို့ဟာ နိုင်လိုမင်းထက် မုဆိုလိနီကလေးတွေလဲ မဟုတ်ပါဘူး။ ကျောင်းကို စာသင်ဘို့ လာကြတာပါ။ စော်ကားဘို့လဲ မဟုတ်ဘူး။ စော်ကားတာကို ခံနေဘို့လဲ မဟုတ်ဘူး။ ကိုစိုးမြင့်ကို ဆာမထူးလို့ ကျောင်းထုတ်သတဲ့။ ထုတ်ပစ်ပုံကလည်း ရှင်းရှင်းလင်းလင်းမဟုတ်ဘူး။ ပြန်သွင်းမလိုလို ဘာလိုလိုနဲ့ လေးငါးလလောက် ကျောင်းတက်ခွင့် မပေးဘဲ ညှင်းထားတယ်။ ကုန်ကုန်ပြောကြစို့။ အခု ကိုစိုးမြင့် တံတားကလေးကို ရောက်နေပီလေ။ အနှာ ဘလူ့လက်ချက်လဲ စဉ်းစားကြည့်ပေတော့။ ဆရာ့ဝတ်တရားဆိုတာ တပည့်ကို အညွန့်ချိုးဘို့ ဘဲလားလို့”

“နို့ပြီး ကိုအောင်မြင့်ဆိုတဲ့ ကျောင်းသားကိုလဲ အသုံးမဝင်တော့တဲ့ နို့တစ်စက္ကူကို သင်ပုန်းပေါ်က ခွာမိလို့တဲ့။ ကျောင်းထုတ် ပြန်ရော။ မတရားသဖြင့် ကျောင်းထုတ်ခံရတဲ့အတွက် ကျောင်းစရိတ်တွေကို တရားစွဲပီး လျော်ကြေး တောင်းမယ်လုပ်တော့မှ ကျောင်းမထုတ်ရသေးပါဘူး။ အောင်မြင့်က နားကြား လွဲလို့ အင်္ဂလိပ်စကားကိုကောင်းကောင်းနားမလည်လို့နဲ့ လုပ်လာတယ်။ ဘာဟုတ်မလဲ ... ညိုမြတို့ သိတာပေါ့။ အနှီနေ့က အင်္ဂလိပ်ပါမောက္ခအခန်းကိုရောက်တော့ ကိုအောင်မြင့်နာမည်ကို ကျောင်း စာရင်းက ဖျက်ပစ်ဘို့ အမိန့်စာရွက်ကို ဆရာကပြလို့ ဘတ်ခဲ့ရတယ်။ ခုထုတ် ခုသွင်းမို့ မျက်နှာဖြူဆရာ တယောက်ကတောင် ဒို့သခင်မျိုးတွေ ဘယ့်နှယ် ဖြစ်ကုန်ပီလဲတဲ့။

“ကျွန်တော်တို့ အရိုအသေပေးပြီး တင်မြှောက်ထားတဲ့ သမဂ္ဂဥက္ကဌကိုနုကို ကျောင်းထုတ်တာကတော့ ဘာဖြစ်လို့ ထုတ်ထုတ် ကျွန်တော်တို့အားလုံးကို စော်ကားတာနဲ့ အတူတူပေါ့။ ဟုတ်ကဲ့မှုတ်လား”
နွားကြီးသည် ရှေ့သို့ ခြေတလှမ်းတိုး၍ မြက်များကို ဆက်လက်စားနေ၏။

“နောက်ဆုံး ကျောင်းထုတ်ခံရတာကတော့ ကိုအောင်စန်းပေါ့။ အိုးဝေမဂ္ဂဇင်း အင်္ဂလိပ်စာပိုင်းမှာ ညစ်ညမ်းတဲ့ ဆောင်းပါးတို တခု ထည့်မိလို့တဲ့ ။ ရန်ကုန်တိုင်းသတင်းစာ အယ်ဒီတာက သူ့မှာ အနှာကိုဘတ်ပြီး တုန်လှုပ်ချောက်ချား သွားရှာဆိုကိုး။ ကျောင်းထုတ်ဘို့ မြှောက်ပေးရှာတယ်။ အစိုးရ ကတော့ ဘာမျှ အပြစ်မဆိုပါဘူး။ မိန်းမများကတောင် ထိုဆောင်းပါးဟာ ညစ်ညမ်းသော်လဲ ကောင်းစေ ချင်စိတ်ထားက ပိုမိုထင်ရှားလို့မို့ ဘာမှ အရေးယူဘို့ မလိုဘူးတဲ့။ ကျောင်းအုပ်ကြီးကတော့ မထုတ်ဘဲ မနေနိုင်ရှာဘူးပေါ့လေ။ ကျောင်းအုပ်ပေမဲ့ စိတ်ကတော့ နွားသတ်ကုလားလိုဘဲ။ ထုတ်ပုံကလဲ မှတ်ဘို့ ကောင်းတယ်။ အိုးဝေမဂ္ဂဇင်းထွက်ပီး တလလောက်ကြာလို့ စာမေးပွဲနဲ့ကပ်နေမှ ထုတ်ဘို့ဆုံးဖြတ် ထားတယ်။ စာမေးပွဲ မလုပ်ခင် တရက် နှစ်ရက်မှာတော့ ကိုအောင်စန်းအတွက် အခြားမခံချင်တဲ့ ကျောင်းသားတွေဟာ ကူညီကြံဖန်နိုင်ဘို့ ခဲယဉ်းကြမယ် ပေါ့။ သူတို့ တွက်ပုံချက်ပုံက သိပ်ဟုတ်တာ။ အကြမ်းဘတမ်းမဟုတ်ဘဲ သေသေချာချာ နားနားနေနေနဲ့ လည်လှီးတဲ့ သဘောပေါ့။ တပည့်နဲ့ ဆရာ ဆိုတာ တက္ကသိုလ်မှာ အနှာလို ဖြစ်နေကြတာကလား”။
နွားကြီးကား နားရွက်တခတ်ခတ်နှင့် တပြုတ်ပြုတ်စားလျက် မြိန်လျက်ပင်။

“သဟကြောင့် ကျွန်တော်တို့ သပိတ်မှောက်ခဲ့တယ်လေ။ ဘာဖြစ်သေးလဲ။ မှောက်တယ် မှောက်တယ် ပေါ့။ ကိုယ့်ကို လူမထင်တဲ့သူကို ကိုယ်ကပြန်ပီး လူထင်နေဘို့ကိစ္စက ခဲယဉ်းသားဘဲ။ ဟုတ်ကဲ့မှုတ် လား။ အခုတလောတော့ ဆရာတွေနဲ့ ကောက်ဘဲ။ ကျွန်တော့် ပါမောက္ခ ဝရုတ်ဆီက စာရတယ်။ “မင်းတို့ သပိတ်မှောက်ကောင်စီက ကောင်တွေဟာ မျောက်တွေ ဘဲတွေတဲ့။ အခြား ပါမောက္ခက တော့လဲ ကျေးဇူးကန်း ခွေးကောင်လေးတွေ ငါ့အိမ်က လက်ဘက်ရေကိုတော့ လာသောက် သွားတယ်တဲ့။ နစ်နာချက် ဘာမှမရှိဘူးတဲ့။ ဘုရင်ခံက စုံစမ်းရေးကော်မတီ မခန့်သင့်ဘူးတဲ့။ သိပ်ဟုတ်တဲ့ အာစရိတွေဘဲ။ ဆရာလဲဆရာ မျက်နှာကလဲ မမဲတော့ ဒီစကားမျိုးပြော အားရှိမှာပေါ့နော်”
ယုတ်တရက်နွားကြီးသည် နောက်ချေးများ ယိုနေသည်ကိုမြင်ရ၍ နှစ်မိနစ်ခန့် စကားကို ရပ်တန့်ထား ရ၏။

“ကျွန်တော်တို့ အခုလို သပိတ်မှောက်တာကို ဒီကောင်ကန်းကလေးတွေဟာ မွေးကထဲက ဥပဒေကြူး လွန်တဲ့ သူပုန်ဝသီ ပါလို့”တဲ့။ နောက်တခါ လမ်းပေါ်မှာလှဲအိပ်ရင် ဥပဒေကြူးလွန်မှုနဲ့ ဆော်ပစ်လိုက် မယ်တဲ့ ... ဟုတ်ကဲ့မှုတ်လား။ အနှာ့ကြောင့် ဒီလိုလူစားတွေကို ဘာမှ ထူးထူးထွေထွေ ပြန်မပြော နေချင်ပါဘူးဗျာ။ ဟိုသူတို့ အင်္ဂလိပ်လူမျိုး ဆစ်တနီစမစ်ရေးတဲ့ စာကိုသာ ရွတ်ပြလိုက်ချင်တော့တယ်”

“အိုင်ယာလန်သည် အဘယ်ကြောင့်ဤမျှဆူပူနေသနည်း။ အကြောင်းရင်းဇစ်မြစ်ကို သိလျက်နှင့်ပင် တိမ်မြုပ်၍ သင်တို့သည် ချော်တောငေါ့ကာ ထင်ရာပြောဘို့သာ တတ်ကြ၏။ သင်တို့ ဖိစီးနှိပ်ကွပ် သည်ကို မခံနိုင်ခြင်းကြောင့်သာ မဟုတ်ပါလော။ သင်သည် မြင်းတကောင်ကို ကြိုးနှင့်တုတ်၍ ရက်ရက်စက်စက်ရိုက်နှက်လျှင် ထိုမြင်း သင့်ကိုပြန်၍ ကန်ကြောက်က မြင်းကို အဆိုးဆိုမည်လော။ ခွေးတကောင်ကိုနှစ်ရှည်လများ ညှင်းဆဲနှိပ်စက်ခဲ့ပြီးလျှင် ထိုခွေး သင့်ကိုမြင်တိုင်း ဟောင်သောကြောင့် ခွေးကိုရူးသည်ဆိုအံ့လော။ အိုင်ယာလန်တိုင်းသားတို့သည် ပဋိသန္ဓေအားဖြင့် ယုတ်ညံ့သော သဘော ရှိကြ၍ အလွန်ဆူဆူပူပူ လုပ်တတ်သည်ဟု သင်က မစွပ်စွဲမီ သင်သည် သူတို့အား တန်းတူမိတ်ဆွေ လူလူချင်းဟု သဘောထားခဲ့ဘူးပါသလား မေးချင်၏။ သင်သည် သူတို့၏ ကူးသန်းရောင်းဝယ်ရေးတွင် သူတို့အကျိုးကို ကြည့်ရှုကာကွယ်ခဲ့ဘူးပါ၏လော။ သင်သည် သူတို့၏ အမျိုးဘာသာသာသနာကို လေးစားခဲ့ပါ၏လော။ သူတို့၏ လွတ်လပ်ရေးကို သင်၏လွတ်လပ်ရေးကဲ့သို့ ခင်မင် လိုလားခဲ့ပါ ၏လော။ အမှန်အားဖြင့် သင်သည် ဤသည်တို့ကို ဘာမျှဂရုမစိုက်ခဲ့။ သင်ကား သူတို့မြေယာများကို သိမ်းခဲ့၏။ သူတို့ကို သတ်ပစ်ခဲ့၏။ တကျွန်းသို့ ပို့ခဲ့၏။ သူတို့နှင့် ထိုက်တန်သော အခွင့်အရေးများကို မပေးခဲ့။ သို့စဉ်လျက် အိုင်ယာလန် တိုင်းသားများ ဆူပူ၍ သင်တို့ကို မုန်းသောအခါ ထိုမုန်းတီးခြင်းမှာ ၎င်းတို့၏ ပင်ကိုယ်သဘောထား ယုတ်ညံ့သောကြောင့် ဟူ၍လည်းကောင်း အမျိုးကိုကပင် ခေတ်မမှီ နိုင်အောင် ရိုင်းစိုင်းလျက် ယဉ်ကျေးသိမ်မွေ့ခြင်းငှာ လုံးလုံးမစွမ်းနိုင်ကြသူများ ဖြစ်သည်ဟု သင်ဆိုရက် လေသည် ...”

နီလာရောင် ပြေးလျက်နေသော ကောင်းကင်ကိုမော့လျက် ကျွန်တော်သည် စိတ်ပါလက်ပါ ထို ဆစ်တနီစမစ်၏စာကို ရွတ်လေပြီးသည်၏။ အဆုံး၌ ကြည့်လိုက်ရာ သရက်ပင်များကြားတွင် နွားနီ မလေးတကောင်နောက်သို့ သုတ်ခြေတင်၍ သွားလေသော နွားကြီးကို မြင်လိုက်ရပါသည်။

လာလမ်းဖြင့်ပြန်ခဲ့သော ကျွန်တော်ကား စိတ်မကောင်းချေ။ နွားကြီးကို သပိတ်အကြောင်း ပြောရသည်မှာ ကျွဲပါးစောင်းတီး ရှိလှ၏။ ဂရုစိုက်ပုံလည်း မပေါ်။ နားလည်ဟန်လည်း မရှိ။ ဟောရ ပြောရသူတွင်ကား မောလှ၏။ အို ... နွားတွေ ... နွားတွေ ... နွားတို့သည်ကား အဟိတ် တိရစ္ဆာန်များသာ ဖြစ်ကုန်၏။ အန္ဓများသာ ဖြစ်ကုန်၏။ သပိတ်ကိုလည်း နားမလည်။ တရားကိုလည်း နားမဝင်။ ဒင်းတို့၏ဝါဒနှင့် လုပ်ငန်းကား သံသရာ တလျှောက်လုံး မြက်စား၍ နောက်ချေးယိုပြီးလျှင် နွားမနောက်လိုက်ရန်သာ တတ်ကြလေတော့သတည်း။     ။

ညိုမြ 

ဤနေရာမှ ကူးယူဖော်ပြသည်။
Read More »

Check and Balance နှင့်တူသော Check and Balance


Photo: Check and Balance နှင့်တူသော Check and Balance

မှူးဇော်

ဂျော့ဘုရ်ှလက်ထက် အဖြစ်အပျက်

၂၀၀၅ ခုနှစ် ဒီဇင်ဘာလ ၃၀ ရက်နေ့ ည ၈ နာရီအချိန်။ အမေရိကန် သမ္မတ ဂျော့ခ်ျဒဗလျူဘုရ်ှက အီးမေးလ် တစ်စောင် ပေးပို့ခဲ့သည်။ ယင်း အီးမေးလ်မှာ ယင်းမတိုင်မီအချိန်လေးမှာပင် လက်မှတ်ရေး ထိုးလိုက်သော ဥပဒေကြမ်းအပေါ် ထားရှိသည့် အမေရိကန်သမ္မတ၏ သဘောထားကို အုပ်ချုပ်ရေး အဖွဲ့အစည်းများနှင့် တရားရုံးများက သိရှိနားလည် သဘောပေါက်စေရန် ရေးသားထားခြင်းဖြစ်သည်။

ယင်းဥပဒေကြမ်းမှာ သမားရိုးကျ ဥပဒေပြုရေး ကိစ္စတစ်ရပ်တော့ မဟုတ် ခဲ့ပေ။ ဆီနိတ်တာ ဂျွန်မက်ကိန်း တင်သွင်းခဲ့သည့် အကျဉ်းသားများ အပေါ် ပြုကျင့်ရမည့် အက်ဥပဒေပင် ဖြစ်သည်။ မက်ကိန်းသည် သမ္မတ ဘုရှ်၏ အကြမ်းဖက် နှိမ်နင်းရေး စစ်ပွဲ ခေါင်းစဉ်အောက်၌ ထိန်းသိမ်း ထားရှိသော အကျဉ်းသားများအား စစ်ဆေးသည့် နည်းလမ်းများကို ဆန့်ကျင် ကန့်ကွက်ကာ ဤဥပဒေ ပေါ်ပေါက်လာခဲ့ခြင်းဖြစ်သည်။ ဆီနိတ်တာ မက်ကိန်း ထိုဥပဒေကို ပြဋ္ဌာန်းတော့မည်ဆိုသည့် သတင်းများ ထွက်ပေါ်လာကတည်းက သမ္မတဘုရ်ှသည် အပြင်းအထန်ပင် ကန့်ကွက် ခဲ့ပြီး အမေရိကန်ပြည်ထောင်စု ဘေးကင်း လုံခြုံရေးကို ဆောင်ကြဉ်းရာ၌ အကန့်အသတ်များ ဖြစ်ပေါ်လာစေမည်ဖြစ်ကြောင်း၊ ဖွဲ့စည်းပုံ အခြေခံဥပဒေ က အပ်နှင်းထားသော သမ္မတ၏ အုပ်ချုပ်ရေး အာဏာကို ယုတ်လျော့စေကြောင်း ထုတ်ဖော် ပြောကြားခဲ့သည်။

အဆိုပါ ဥပဒေကြမ်းအား ဆီးနိတ် (အထက်လွှတ်တော်) တွင် ထောက်ခံမဲ  ၉၀၊ ကန့်ကွက်မဲ ကိုးမဲဖြင့် လည်းကောင်း၊ ဟောက်စ် (အောက်လွှတ်တော်) တွင် ထောက်ခံမဲ ၃၀၈ မဲ၊ ကန့်ကွက်မဲ ၁၂၂ မဲဖြင့် လည်းကောင်း အတည်ပြု ခဲ့သည်။ သမ္မတဘုရ်ှနှင့် ဆီနိတ်တာ မက်ကိန်းတို့ နှစ်ဦး တွေ့ဆုံခဲ့ရာ၌ ဥပဒေကြမ်းအား သမ္မတဘုရ်ှက ဗီတိုအာဏာဖြင့် ပယ်ချမည်မဟုတ်၊ လက်မှတ်ရေးထိုးကာ ထုတ်ပြန်ပေးမည်ဟူ၍ လူသိထင်ရှား ပြောကြား ခဲ့သည်။

Check and Balance ဆိုတာ ဘယ်လိုမျိုးလဲ

ဤနေရာတွင် အလျဉ်းသင့်၍ အမေရိကန် သမ္မတများနှင့် ကွန်ဂရက်တို့ ဥပဒေပြုရေးဆိုင်ရာ ဆက်ဆံမှုမှာ မြန်မာနိုင်ငံ၏ ဖွဲ့စည်းပုံ အခြေခံဥပဒေ ပါ ပြဋ္ဌာန်းချက်များနှင့် နှိုင်းယှဉ်ကြည့်နိုင်သည်။ အမေရိကန်နိုင်ငံ၏ အခြေခံ ဥပဒေတွင် သမ္မတအား ဥပဒေပြုရေး၌ ဗီတိုနှင့် အိတ်ဆောင် ဗီတိုများ အပ်နှင်းထားသော်လည်း မြန်မာနိုင်ငံတွင် အပ်နှင်းထားခြင်း မရှိကြောင်း တွေ့ရှိနိုင်သည်။ အိတ်ဆောင် ဗီတိုအာဏာမှာ သမ္မတဖြစ်သူ အနေနှင့် အဆိုပါဥပဒေ တင်ပြလာလျှင် လက်မှတ်ရေးထိုးမည် မဟုတ်ကြောင်း ကြိုတင်၍ အသိပေး အကြောင်းကြားခြင်းမျိုး ဖြစ်သည်။ ထိုအခါတွင် ဥပဒေပြုသူများ အနေဖြင့် ဗီတိုနှင့် ပယ်ချခံရမည့် သတိပေးချက် ကို လက်ခံရရှိချိန်တွင် ဥပဒေကြမ်း အောင်မြင်မှုမရှိနိုင်သည့် အလားအလာ ကို တွက်ဆနိုင်စေရန် ဖြစ်သည်။ ဗီတိုအာဏာမှာ ကွန်ဂရက်က ပေးပို့ လာသော ဥပဒေကြမ်း တစ်ရပ်ကို သမ္မတက ဥပဒေအဖြစ် ပြဋ္ဌာန်းရန် သဘောမတူ၍ လက်မှတ် မရေးထိုးနိုင်ဟု ပြန်ကြားခြင်းဖြစ်သည်။ ယင်းသို့ ပြန်ကြားခြင်းသည် သမ္မတက ဥပဒေပြုရေးတွင် ဗီတိုအာဏာ အသုံးပြုခြင်း ဖြစ်သည်။ ကွန်ဂရက်၏ ဥပဒေပြုရေး ကိစ္စရပ်တွင် အုပ်ချုပ်ရေး အကြီးအကဲကို ဗီတို အာဏာ ပေးအပ်ထားခြင်းသည် ကမ္ဘာပေါ်တွင် စံပြု ရသည့် အမေရိကန် ဒီမိုကရေစီ၊ အမေရိကန် Check and Balance ၏ အဓိကအချက် ဖြစ်သည်။

ဥပမာ- ကွန်ဂရက်မှ သဘောတူ အတည်ပြု၍ ပေးပို့လာသော ဥပဒေကြမ်း တစ်ရပ်ရပ်ကို အခြေခံ ဥပဒေနှင့် မညီဟု သမ္မတက ယူဆလျှင်သော် လည်းကောင်း၊ ပြဋ္ဌာန်းရန်မသင့်ဟု သမ္မတက ဆုံးဖြတ်လျှင်သော် လည်းကောင်း အထက်ပါ ဗီတိုအာဏာဖြင့် ပယ်ချနိုင်သည်။ ထိုသို့ သမ္မတ က ဗီတိုအာဏာ သုံးကာ ပယ်ချလိုက်သော ဥပဒေကြမ်းကို ကွန်ဂရက် အနေနှင့် ဥပဒေအဖြစ် ထုတ်ပြန်လိုလျှင် သို့မဟုတ် ဥပဒေပြုရေးတွင် အခြေခံဥပဒေက အပ်နှင်းထားသော သမ္မတ၏ ဗီတိုအာဏာကို လွှမ်းမိုး ကျော်လွန်လိုလျှင် အထက်လွှတ်တော်နှင့် အောက်လွှတ်တော် နှစ် ရပ်စလုံး ပါဝင်သော ကွန်ဂရက်၌ မဲပြန်ခွဲ၍ ထောက်ခံသူ အရေအတွက် အနည်းဆုံး  ၇၅ ရာခိုင်နှုန်းကျော်ရရှိမှသာ ဥပဒေအဖြစ် ထုတ်ပြန်နိုင်မည်ဖြစ် သည်။ သမ္မတကို ဗီတိုအာဏာ အပ်နှင်းထားသော်လည်း ယင်းဗီတိုကို ကွန်ဂရက်က ကျော်လွန်နိုင်သော  အခွင့်အာဏာ ပြန်လည် ထည့်သွင်းထား သည်ကို တွေ့ရှိနိုင်သည်။ မြန်မာနိုင်ငံ၏ အခြေခံဥပဒေနှင့်  နှိုင်းယှဉ်ကြည့် လျှင် အပြန်အလှန် ထိန်းကျောင်းမှုစနစ် အမှန်တကယ် ပါဝင်မှု ရှိ မရှိ တွေ့ ရှိနိုင်မည် ဖြစ်သည်။

တစ်ဖန် အမေရိကန် ကွန်ဂရက်တွင် မဲခွဲ ဆုံးဖြတ်ရာ၌ လွှတ်တော်အမတ် များကို မတ်တတ်ရပ်စေခြင်းဖြင့် မဲခွဲသော နည်းလမ်းကို ကျင့်သုံးလေ့ မရှိသဖြင့် လွှတ်တော်အမတ်များ အချင်းချင်း အပြန်အလှန် ရိုသေလေးစား မှုကို တွေ့ရှိနိုင်သည်။ အထက်၊ အောက် လွှတ်တော် နှစ်ရပ်စလုံးတွင် လူနည်းစု ခေါင်းဆောင်များ၊ လူများစု ခေါင်းဆောင်များရှိသလို သက်ဆိုင် ရာ ကော်မတီ၊ ဆပ်ကော်မတီများ ရှိသည်။အထက်၊ အောက် လွှတ်တော် ဥက္ကဋ္ဌများမှာ သြဇာရှိသည့်တိုင်အောင် ပါတီ မူဝါဒများက အဓိက လွှမ်းမိုး ထားကြောင်း တွေ့ရှိရသည်။ အမေရိက၏ Check and Balance မှာ သမ္မတ နစ်ဆင်ကို ဝါးတားဂိတ်နှင့် ရင်ဆိုင်စေခဲ့သော Check and Balanc ဖြစ်သလို ကွန်ဂရက်မှ ဥပဒေကြမ်းများကို တရားရုံးချုပ်နှင့် ပြန်လည် ထိန်းကျောင်း ထားသော၊ သမ္မတ၏ အိတ်ဆောင် ဗီတိုအာဏာ၊ ဗီတိုအာဏာတို့ဖြင့် ပြန် လည် ထိန်းကျောင်းထားသော Check and Balance နှင့် တူသော Check and Balance ဖြစ်ကြောင်း တွေ့ရှိနိုင်သည်။

Signing Statement

ပြန်ကောက်ရလျှင် သမ္မတဘုရ်ှသည် မက်ကိန်းတင်သည့် ဥပဒေကြမ်းကို လက်မှတ် ရေးထိုးပေးမည်ဟု သဘောတူခဲ့သော်လည်း လက်မှတ်ရေး ထိုးချိန်တွင် Signing Statement ဟု ခေါ်တွင်နိုင်သော အထက်ပါ အီးမေးလ်ကို ထုတ်ပြန်ခဲ့ခြင်းဖြစ်သည်။ ယင်း Signing Statement တွင် ဖော်ပြထားသည်များမှာ အထက်ပါ လက်မှတ်ရေးထိုးလိုက်သော ဥပဒေနှင့် စပ်လျဉ်း၍ အုပ်ချုပ်ရေး အကြီးအကဲ၊ စစ်သေနာပတိချုပ်ဖြစ်သော သမ္မတကို ဖွဲ့စည်းပုံ အခြေခံဥပဒေက အပ်နှင်းထားသည့် အခွင့်အာဏာ များ၊ တရားစီရင်ရေး မဏ္ဍိုင်အား သီးသန့်တည်ရှိစေရန် အပ်နှင်းထားသည့် လုပ်ပိုင်ခွင့်များ စသည်တို့ကို အလေးအမြတ်ပြုရန် လိုအပ်ကြောင်း၊ ဖွဲ့စည်းပုံ အခြေခံဥပဒေပါ သမ္မတ၏ လုပ်ပိုင်ခွင့်များအရ ကွန်ဂရက်အနေနှင့် ဝင်ရောက် စွက်ဖက်နိုင်ခြင်းမရှိကြောင်း စသည်အားဖြင့် ဖော်ပြပါရှိသည်။

အကောင်အထည်ဖော်ရမည့် ဗျူရိုကရေစီ ယန္တရားနှင့် တရားရုံးများကို သမ္မတဘုရှ် ပြောကြားလိုသည့် စကားမှာ ဤဥပဒေကို သမ္မတ လက်မှတ်ရေးထိုးလိုက်သည်။ သို့သော်လည်း ဤဥပဒေပါ ပြဋ္ဌာန်းချက် များနှင့် စပ်လျဉ်း၍ ဤသို့ သဘောထား ရှိသည်။ လုပ်ငန်းများ ဆောင်ရွက် သည့်အခါ ဤသည်တို့ကို သိရှိ နားလည်ပြီး ဆောင်ရွက်ကြပါဟူသော သဘောမျိုးဖြစ်သည်။ ဆိုလိုရင်းမှာ ကာကွယ်ရေးနှင့် ထောက်လှမ်းရေး ဆိုင်ရာ ယန္တရားများအနေနှင့် အကျဉ်းသားများအား ထားရှိထိန်းသိမ်းရာတွင် သမ္မတ ညွှန်ကြားထားသည့် လုပ်ထုံးလုပ်နည်းများအရသာ ဆောင်ရွက်ရန် ဝိနည်းလွတ် အသိပေး ကြေညာလိုက်ခြင်း ဖြစ်သည်။ ဤသည်ကို Signing Statement ဟု ခေါ်တွင်ပြီး သမ္မတအနေနှင့် ကွန်ဂရက်နှင့် ဆက်ဆံရေး မပျက်ပြားလို၍လည်းကောင်း၊ ဗီတိုအာဏာ သုံးသည်အထိ မဆောင်ရွက် လို၍ လည်းကောင်း အသုံးပြုလေ့ရှိသည်။ ထိုသို့ Signing Statement ပါ ဥပဒေများကို အုပ်ချုပ်ရေးနှင့် တရားစီရင်ရေး အဖွဲ့များက မလိုက်နာခြင်းကြောင့် အပြစ်ဆို၍ မရပေ။ ထိုဥပဒေထက် အခြေခံဥပဒေ ပါ ပြဋ္ဌာန်းချက်များက ပိုမို၍ အလေးအမြတ်ပြုရမည့် သဘောမျိုး ညွှန်းဆို ထားခြင်းဖြစ်ကြောင်း တွေ့ရှိရသည်။

သမ္မတ ဂျော့ခ်ျဒဗလျူဘုရ်ှအနေနှင့် ခေတ်သစ် အမေရိကန် သမ္မတများ အနက် လူကြိုက် မများလှသော သမ္မတများထဲတွင် ပါဝင်ပြီး သမ္မတ၏ လုပ်ပိုင်ခွင့်၊ သမ္မတ၏ အာဏာကို အလွန်အကျွံ သုံးစွဲသည်ဟူ၍ ဝေဖန်ခံ ရသူ တစ်ဦး ဖြစ်သည်။ ဥပမာဆိုရလျှင် အမေရိကန်ပြည်ထောင်စုအနေနှင့် စစ်ပွဲ ဆင်နွှဲခြင်းကို ကွန်ဂရက်၏ အတည်ပြုချက် ရယူရမည်ဟူ၍ အခြေခံ ဥပဒေက ပြဋ္ဌာန်းထားသော်လည်း သမ္မတ၏ အမိန့်ဖြင့် အီရတ်နှင့် အာဖဂန် စစ်ပွဲများ ဆင်နွှဲခဲ့ခြင်းဖြစ်သည်။ အမေရိကန် သမိုင်းကြောင်းတွင် စစ် ဆင်နွှဲ ခဲ့သည့် သမ္မတများတွင် ကွန်ဂရက်၏ အတည်ပြုချက် ရယူခဲ့သူ တစ်ဦးမှ မရှိခဲ့ပေ။ ထိုသို့ သဘောတူညီချက် မရယူခဲ့သော်လည်း အခြေခံဥပဒေက အပ်နှင်းထားသော သမ္မတ၏ လုပ်ပိုင်ခွင့်များမှာ ကျယ်ပြန့်လှကြောင်း တွေ့ ရှိရသည်။ အခြေခံ အကြောင်းရင်းမှာ လက်တွေ့အကောင်အထည် 
ဖော်ရသည့် ဗျူရိုကရေစီ ယန္တရားကြီး တစ်ခုလုံးမှာ သမ္မတ၏ အုပ်ချုပ်ရေး အာဏာအောက်တွင်ရှိပြီး ကွန်ဂရက်အောက်တွင် မရှိခြင်း၊ အခြေခံဥပဒေကို ဖွင့်ဆိုရာ၌ပင် အမျိုးမျိုးဖြစ်နေရာ ကွန်ဂရက်မှ ပြဋ္ဌာန်းလိုက်သည့် ဥပဒေများ မှာ အုပ်ချုပ်ရေးက လိုက်နာ ဆောင်ရွက်မှသာ အသက်ဝင်မည်ဖြစ်ခြင်း စသည်တို့ ဖြစ်နေသည်ကို တွေ့ရှိရသည်။ Signing Statement ကဲ့သို့ ပါဝင် လာသော ဥပဒေမျိုးမှာ အကောင်အထည်ဖော်ခြင်းမရှိသော တည်ဆဲဥပဒေ များ အမေရိကန်ပြည်ထောင်စုတွင် အများအပြား ရှိနေကြောင်းလည်း တွေ့ရှိ ရသည်။ ထိုသို့ Signing Statement ထုတ်ပြန်ခြင်းသည်လည်း သမ္မတ၏ ဥပဒေပြုရေးဆိုင်ရာ အိတ်ဆောင် ဗီတိုအာဏာ တစ်ရပ်ပင် ဖြစ်သည်။ အလားတူ Judicial Review ကို ဆောင်ရွက်ခွင့် ရှိသည်မှာလည်း တရား ရုံးချုပ်သာဖြစ်ပြီး ဥပဒေပြု အမတ်များအနေဖြင့် မည်သို့ တရားစီရင်ပါဟူ၍ စွက်ဖက်ခွင့် မရှိပါ။ သို့သော် ဂျော့ခ်ျဘုရှ် ပြောကြားလိုက်သည့် Message မှာ ဒီဥပဒေကြမ်းကို လက်မှတ်ထိုးလိုက်ပေမယ့် သမ္မတရဲ့သဘောထားကတော့ ဒီလိုဟူ၍ ဖြစ်သည်။

ပြည်သူက ရွေးချယ်သော သမ္မတစနစ်

အမေရိကန်ဖွဲ့စည်းပုံ အခြေခံဥပဒေအရ ပြည်သူက ရွေးချယ်သည့်၊ ပြည်သူ့ အတွက် ပြည်သူ့ အစိုးရဟူသောစကားမှာ သမ္မတကို ညွှန်းဆိုကြောင်း လက်ခံထားကြသည်။ အမေရိကန်သမ္မတကို တစ်နိုင်ငံလုံးရှိ ပြည်သူများ က ရွေးချယ် တင်မြှောက်ပေးခြင်းဖြစ်သော်လည်း ဆီနိတ်တာများ၊ ကွန်ဂရက်စ်မင်းများမှာ သတ်မှတ် မဲဆန္ဒ နယ်မြေများရှိ ပြည်သူ အချို့က သာ ရွေးချယ် တင်မြှောက်ထားခြင်းဖြစ်သည်။ ထို့ကြောင့် မည်သူများ က ရွေးချယ်ထားသနည်း ဟူသောအချက်မှာ အမေရိကန် သမ္မတများ၏ အားသာချက်ဖြစ်သလို အုပ်ချုပ်ရေးတွင် သမ္မတ တစ်ဦးတည်းကိုသာ လုပ်ပိုင်ခွင့် စုပြုံ အပ်နှင်းထားသော်လည်း လွှတ်တော် အမတ်များမှာ အများဖြင့် ညှိနှိုင်း တိုင်ပင်ရခြင်း ဖြစ်သည်။

မက်ကိန်းနှင့် အပြိုင် အကြိတ်အနယ် ယှဉ်ပြိုင်ပြီး အပြတ်အသတ် အနိုင် ရရှိခဲ့သော သမ္မတ အိုဘားမားသည် အိမ်ဖြူတော်သို့ ရောက်ရှိပြီး သုံးရက် အကြာတွင် ကွန်ဂရက် ခေါင်းဆောင်များကို ဖိတ်ကြားခဲ့သည်။

ထိုစဉ်က အမေရိကန်ပြည်ထောင်စု တစ်ခုလုံးအတွက် အရေးကြီးဆုံး ထိပ်တန်း ဦးစားပေးမှာ သမ္မတဘုရှ် လက်ထက်တွင် ကြုံတွေ့ခဲ့ရသော ဘဏ္ဍာရေး အကျပ်အတည်းမှ အမြန်ဆုံး ရုန်းထွက် လွတ်မြောက်ရေး ပင် ဖြစ်သည်။ အိုဘားမားနှင့် ကွန်ဂရက် ခေါင်းဆောင်များမှာ အမေရိကန် စီးပွားရေး လှုံ့ဆော်ရေး ဥပဒေ မူကြမ်းကို ဆွေးနွေးခဲ့ကြခြင်း ဖြစ်သည်။
 
ရီပတ်ဘလစ်ကန် ခေါင်းဆောင်များက ဝင်ငွေခွန် ပေးဆောင်ထားခြင်း မရှိသူ များအား အခွန်ချေးငွေ ပေးအပ်မည့် အစီအစဉ် ဖယ်ရှားပေးရန် သမ္မတ အိုဘားမားကို တောင်းဆိုခဲ့သည်။ သို့သော် အိုဘားမားက ငြင်းပယ် ခဲ့ပြီး လောလောဆယ် အနိုင်ရရှိထားသော သမ္မတ ရွေးကောက်ပွဲကို ပြန် လည် ရည်ညွှန်းခဲ့သည်။ ရီပတ်ဘလစ်ကန် ခေါင်းဆောင်များကို အိုဘားမား ပြောခဲ့သည့်စကားမှာ “ကျွန်တော်က သမ္မတရွေးကောက်ပွဲ နိုင်ခဲ့ တာနော်” ဟူ၍ ဖြစ်သည်။

အခုနောက်ပိုင်းတွင် ဒီမိုကရေစီ အသွင်ကူးပြောင်းရေး ၌ မြန်မာ့နိုင်ငံရေး ခေါင်းဆောင်များ စံပြု အတုယူနေကြရသည့် အမေရိကန်နိုင်ငံရေး စနစ်နှင့် နိုင်ငံရေး သဘောတရားကို ပို၍ ပို၍ တွေ့မြင်နေရပြီဖြစ်ရာ အမေရိကန်အိပ်မက် American Dream ဟု ခေါ်တွင်နိုင်ပေလိမ့်မည်။

ထိုသို့ အမေရိကန် အိပ်မက် မက်နေကြသော နိုင်ငံရေး ခေါင်းဆောင်များ အနေနှင့် မြန်မာပြည်သူများက နိုင်ငံတော်သမ္မတကို တိုက်ရိုက် ရွေးချယ်ခွင့် ရရှိစေရေးကိုလည်း အလေးထား စဉ်းစားစေလိုသည်။ အမေရိကန် ပြည်ထောင်စုကဲ့သို့ ပါတီတွင်း သမ္မတလောင်း ရွေးချယ်ပွဲ၊ ဖက်ဒရယ်အဆင့် သမ္မတ ရွေးချယ်ပွဲ မရောက်နိုင်သေးစေကာမူ အနိမ့်ဆုံး အဆင့်အားဖြင့် အင်ဒိုနီးရှားနိုင်ငံကဲ့သို့သော သမ္မတ ရွေးချယ်မှုမျိုး၊ အမေရိကန် အခြေခံဥပဒေကဲ့သို့ အမှန်တကယ် အပြန်အလှန် ထိန်းကျောင်းစေသော  Check and Balance နှင့် အမှန်ပင်တူသော Check and Balance စနစ်မျိုး ဖြစ်ပေါ်လာစေရန် ယခု နောက်ဆုံး ခေတ် စားနေသော အခြေခံဥပဒေ ပြင်ဆင်ရေး ဒီဘိတ်၌ ထည့်သွင်းပေးပါမည့် အကြောင်း၊ အမေရိကန် အိပ်မက်များကို အမှန်တကယ် အကောင်အထည်ဖော်နိုင်မှသာ ခိုင်မာသော ဒီမိုကရေစီ စနစ်ကို ထားရစ် ခဲ့နိုင်မည်ဖြစ်ကြောင်း အလေးထား တိုက်တွန်း ဖော်ပြလိုက်ရပါသည်။

[Ref – The Levers of Presidential Control by David E. Lewis and Terry M. Moe]

မှူးဇော်

ဂျော့ဘုရ်ှလက်ထက် အဖြစ်အပျက်

၂၀၀၅ ခုနှစ် ဒီဇင်ဘာလ ၃၀ ရက်နေ့ ည ၈ နာရီအချိန်။ အမေရိကန် သမ္မတ ဂျော့ခ်ျဒဗလျူဘုရ်ှက အီးမေးလ် တစ်စောင် ပေးပို့ခဲ့သည်။ ယင်း အီးမေးလ်မှာ ယင်းမတိုင်မီအချိန်လေးမှာပင် လက်မှတ်ရေး ထိုးလိုက်သော ဥပဒေကြမ်းအပေါ် ထားရှိသည့် အမေရိကန်သမ္မတ၏ သဘောထားကို အုပ်ချုပ်ရေး အဖွဲ့အစည်းများနှင့် တရားရုံးများက သိရှိနားလည် သဘောပေါက်စေရန် ရေးသားထားခြင်းဖြစ်သည်။

ယင်းဥပဒေကြမ်းမှာ သမားရိုးကျ ဥပဒေပြုရေး ကိစ္စတစ်ရပ်တော့ မဟုတ် ခဲ့ပေ။ ဆီနိတ်တာ ဂျွန်မက်ကိန်း တင်သွင်းခဲ့သည့် အကျဉ်းသားများ အပေါ် ပြုကျင့်ရမည့် အက်ဥပဒေပင် ဖြစ်သည်။ မက်ကိန်းသည် သမ္မတ ဘုရှ်၏ အကြမ်းဖက် နှိမ်နင်းရေး စစ်ပွဲ ခေါင်းစဉ်အောက်၌ ထိန်းသိမ်း ထားရှိသော အကျဉ်းသားများအား စစ်ဆေးသည့် နည်းလမ်းများကို ဆန့်ကျင် ကန့်ကွက်ကာ ဤဥပဒေ ပေါ်ပေါက်လာခဲ့ခြင်းဖြစ်သည်။ ဆီနိတ်တာ မက်ကိန်း ထိုဥပဒေကို ပြဋ္ဌာန်းတော့မည်ဆိုသည့် သတင်းများ ထွက်ပေါ်လာကတည်းက သမ္မတဘုရ်ှသည် အပြင်းအထန်ပင် ကန့်ကွက် ခဲ့ပြီး အမေရိကန်ပြည်ထောင်စု ဘေးကင်း လုံခြုံရေးကို ဆောင်ကြဉ်းရာ၌ အကန့်အသတ်များ ဖြစ်ပေါ်လာစေမည်ဖြစ်ကြောင်း၊ ဖွဲ့စည်းပုံ အခြေခံဥပဒေ က အပ်နှင်းထားသော သမ္မတ၏ အုပ်ချုပ်ရေး အာဏာကို ယုတ်လျော့စေကြောင်း ထုတ်ဖော် ပြောကြားခဲ့သည်။

အဆိုပါ ဥပဒေကြမ်းအား ဆီးနိတ် (အထက်လွှတ်တော်) တွင် ထောက်ခံမဲ ၉၀၊ ကန့်ကွက်မဲ ကိုးမဲဖြင့် လည်းကောင်း၊ ဟောက်စ် (အောက်လွှတ်တော်) တွင် ထောက်ခံမဲ ၃၀၈ မဲ၊ ကန့်ကွက်မဲ ၁၂၂ မဲဖြင့် လည်းကောင်း အတည်ပြု ခဲ့သည်။ သမ္မတဘုရ်ှနှင့် ဆီနိတ်တာ မက်ကိန်းတို့ နှစ်ဦး တွေ့ဆုံခဲ့ရာ၌ ဥပဒေကြမ်းအား သမ္မတဘုရ်ှက ဗီတိုအာဏာဖြင့် ပယ်ချမည်မဟုတ်၊ လက်မှတ်ရေးထိုးကာ ထုတ်ပြန်ပေးမည်ဟူ၍ လူသိထင်ရှား ပြောကြား ခဲ့သည်။

Check and Balance ဆိုတာ ဘယ်လိုမျိုးလဲ

ဤနေရာတွင် အလျဉ်းသင့်၍ အမေရိကန် သမ္မတများနှင့် ကွန်ဂရက်တို့ ဥပဒေပြုရေးဆိုင်ရာ ဆက်ဆံမှုမှာ မြန်မာနိုင်ငံ၏ ဖွဲ့စည်းပုံ အခြေခံဥပဒေ ပါ ပြဋ္ဌာန်းချက်များနှင့် နှိုင်းယှဉ်ကြည့်နိုင်သည်။ အမေရိကန်နိုင်ငံ၏ အခြေခံ ဥပဒေတွင် သမ္မတအား ဥပဒေပြုရေး၌ ဗီတိုနှင့် အိတ်ဆောင် ဗီတိုများ အပ်နှင်းထားသော်လည်း မြန်မာနိုင်ငံတွင် အပ်နှင်းထားခြင်း မရှိကြောင်း တွေ့ရှိနိုင်သည်။ အိတ်ဆောင် ဗီတိုအာဏာမှာ သမ္မတဖြစ်သူ အနေနှင့် အဆိုပါဥပဒေ တင်ပြလာလျှင် လက်မှတ်ရေးထိုးမည် မဟုတ်ကြောင်း ကြိုတင်၍ အသိပေး အကြောင်းကြားခြင်းမျိုး ဖြစ်သည်။ ထိုအခါတွင် ဥပဒေပြုသူများ အနေဖြင့် ဗီတိုနှင့် ပယ်ချခံရမည့် သတိပေးချက် ကို လက်ခံရရှိချိန်တွင် ဥပဒေကြမ်း အောင်မြင်မှုမရှိနိုင်သည့် အလားအလာ ကို တွက်ဆနိုင်စေရန် ဖြစ်သည်။ ဗီတိုအာဏာမှာ ကွန်ဂရက်က ပေးပို့ လာသော ဥပဒေကြမ်း တစ်ရပ်ကို သမ္မတက ဥပဒေအဖြစ် ပြဋ္ဌာန်းရန် သဘောမတူ၍ လက်မှတ် မရေးထိုးနိုင်ဟု ပြန်ကြားခြင်းဖြစ်သည်။ ယင်းသို့ ပြန်ကြားခြင်းသည် သမ္မတက ဥပဒေပြုရေးတွင် ဗီတိုအာဏာ အသုံးပြုခြင်း ဖြစ်သည်။ ကွန်ဂရက်၏ ဥပဒေပြုရေး ကိစ္စရပ်တွင် အုပ်ချုပ်ရေး အကြီးအကဲကို ဗီတို အာဏာ ပေးအပ်ထားခြင်းသည် ကမ္ဘာပေါ်တွင် စံပြု ရသည့် အမေရိကန် ဒီမိုကရေစီ၊ အမေရိကန် Check and Balance ၏ အဓိကအချက် ဖြစ်သည်။

ဥပမာ- ကွန်ဂရက်မှ သဘောတူ အတည်ပြု၍ ပေးပို့လာသော ဥပဒေကြမ်း တစ်ရပ်ရပ်ကို အခြေခံ ဥပဒေနှင့် မညီဟု သမ္မတက ယူဆလျှင်သော် လည်းကောင်း၊ ပြဋ္ဌာန်းရန်မသင့်ဟု သမ္မတက ဆုံးဖြတ်လျှင်သော် လည်းကောင်း အထက်ပါ ဗီတိုအာဏာဖြင့် ပယ်ချနိုင်သည်။ ထိုသို့ သမ္မတ က ဗီတိုအာဏာ သုံးကာ ပယ်ချလိုက်သော ဥပဒေကြမ်းကို ကွန်ဂရက် အနေနှင့် ဥပဒေအဖြစ် ထုတ်ပြန်လိုလျှင် သို့မဟုတ် ဥပဒေပြုရေးတွင် အခြေခံဥပဒေက အပ်နှင်းထားသော သမ္မတ၏ ဗီတိုအာဏာကို လွှမ်းမိုး ကျော်လွန်လိုလျှင် အထက်လွှတ်တော်နှင့် အောက်လွှတ်တော် နှစ် ရပ်စလုံး ပါဝင်သော ကွန်ဂရက်၌ မဲပြန်ခွဲ၍ ထောက်ခံသူ အရေအတွက် အနည်းဆုံး ၇၅ ရာခိုင်နှုန်းကျော်ရရှိမှသာ ဥပဒေအဖြစ် ထုတ်ပြန်နိုင်မည်ဖြစ် သည်။ သမ္မတကို ဗီတိုအာဏာ အပ်နှင်းထားသော်လည်း ယင်းဗီတိုကို ကွန်ဂရက်က ကျော်လွန်နိုင်သော အခွင့်အာဏာ ပြန်လည် ထည့်သွင်းထား သည်ကို တွေ့ရှိနိုင်သည်။ မြန်မာနိုင်ငံ၏ အခြေခံဥပဒေနှင့် နှိုင်းယှဉ်ကြည့် လျှင် အပြန်အလှန် ထိန်းကျောင်းမှုစနစ် အမှန်တကယ် ပါဝင်မှု ရှိ မရှိ တွေ့ ရှိနိုင်မည် ဖြစ်သည်။

တစ်ဖန် အမေရိကန် ကွန်ဂရက်တွင် မဲခွဲ ဆုံးဖြတ်ရာ၌ လွှတ်တော်အမတ် များကို မတ်တတ်ရပ်စေခြင်းဖြင့် မဲခွဲသော နည်းလမ်းကို ကျင့်သုံးလေ့ မရှိသဖြင့် လွှတ်တော်အမတ်များ အချင်းချင်း အပြန်အလှန် ရိုသေလေးစား မှုကို တွေ့ရှိနိုင်သည်။ အထက်၊ အောက် လွှတ်တော် နှစ်ရပ်စလုံးတွင် လူနည်းစု ခေါင်းဆောင်များ၊ လူများစု ခေါင်းဆောင်များရှိသလို သက်ဆိုင် ရာ ကော်မတီ၊ ဆပ်ကော်မတီများ ရှိသည်။အထက်၊ အောက် လွှတ်တော် ဥက္ကဋ္ဌများမှာ သြဇာရှိသည့်တိုင်အောင် ပါတီ မူဝါဒများက အဓိက လွှမ်းမိုး ထားကြောင်း တွေ့ရှိရသည်။ အမေရိက၏ Check and Balance မှာ သမ္မတ နစ်ဆင်ကို ဝါးတားဂိတ်နှင့် ရင်ဆိုင်စေခဲ့သော Check and Balanc ဖြစ်သလို ကွန်ဂရက်မှ ဥပဒေကြမ်းများကို တရားရုံးချုပ်နှင့် ပြန်လည် ထိန်းကျောင်း ထားသော၊ သမ္မတ၏ အိတ်ဆောင် ဗီတိုအာဏာ၊ ဗီတိုအာဏာတို့ဖြင့် ပြန် လည် ထိန်းကျောင်းထားသော Check and Balance နှင့် တူသော Check and Balance ဖြစ်ကြောင်း တွေ့ရှိနိုင်သည်။

Signing Statement

ပြန်ကောက်ရလျှင် သမ္မတဘုရ်ှသည် မက်ကိန်းတင်သည့် ဥပဒေကြမ်းကို လက်မှတ် ရေးထိုးပေးမည်ဟု သဘောတူခဲ့သော်လည်း လက်မှတ်ရေး ထိုးချိန်တွင် Signing Statement ဟု ခေါ်တွင်နိုင်သော အထက်ပါ အီးမေးလ်ကို ထုတ်ပြန်ခဲ့ခြင်းဖြစ်သည်။ ယင်း Signing Statement တွင် ဖော်ပြထားသည်များမှာ အထက်ပါ လက်မှတ်ရေးထိုးလိုက်သော ဥပဒေနှင့် စပ်လျဉ်း၍ အုပ်ချုပ်ရေး အကြီးအကဲ၊ စစ်သေနာပတိချုပ်ဖြစ်သော သမ္မတကို ဖွဲ့စည်းပုံ အခြေခံဥပဒေက အပ်နှင်းထားသည့် အခွင့်အာဏာ များ၊ တရားစီရင်ရေး မဏ္ဍိုင်အား သီးသန့်တည်ရှိစေရန် အပ်နှင်းထားသည့် လုပ်ပိုင်ခွင့်များ စသည်တို့ကို အလေးအမြတ်ပြုရန် လိုအပ်ကြောင်း၊ ဖွဲ့စည်းပုံ အခြေခံဥပဒေပါ သမ္မတ၏ လုပ်ပိုင်ခွင့်များအရ ကွန်ဂရက်အနေနှင့် ဝင်ရောက် စွက်ဖက်နိုင်ခြင်းမရှိကြောင်း စသည်အားဖြင့် ဖော်ပြပါရှိသည်။

အကောင်အထည်ဖော်ရမည့် ဗျူရိုကရေစီ ယန္တရားနှင့် တရားရုံးများကို သမ္မတဘုရှ် ပြောကြားလိုသည့် စကားမှာ ဤဥပဒေကို သမ္မတ လက်မှတ်ရေးထိုးလိုက်သည်။ သို့သော်လည်း ဤဥပဒေပါ ပြဋ္ဌာန်းချက် များနှင့် စပ်လျဉ်း၍ ဤသို့ သဘောထား ရှိသည်။ လုပ်ငန်းများ ဆောင်ရွက် သည့်အခါ ဤသည်တို့ကို သိရှိ နားလည်ပြီး ဆောင်ရွက်ကြပါဟူသော သဘောမျိုးဖြစ်သည်။ ဆိုလိုရင်းမှာ ကာကွယ်ရေးနှင့် ထောက်လှမ်းရေး ဆိုင်ရာ ယန္တရားများအနေနှင့် အကျဉ်းသားများအား ထားရှိထိန်းသိမ်းရာတွင် သမ္မတ ညွှန်ကြားထားသည့် လုပ်ထုံးလုပ်နည်းများအရသာ ဆောင်ရွက်ရန် ဝိနည်းလွတ် အသိပေး ကြေညာလိုက်ခြင်း ဖြစ်သည်။ ဤသည်ကို Signing Statement ဟု ခေါ်တွင်ပြီး သမ္မတအနေနှင့် ကွန်ဂရက်နှင့် ဆက်ဆံရေး မပျက်ပြားလို၍လည်းကောင်း၊ ဗီတိုအာဏာ သုံးသည်အထိ မဆောင်ရွက် လို၍ လည်းကောင်း အသုံးပြုလေ့ရှိသည်။ ထိုသို့ Signing Statement ပါ ဥပဒေများကို အုပ်ချုပ်ရေးနှင့် တရားစီရင်ရေး အဖွဲ့များက မလိုက်နာခြင်းကြောင့် အပြစ်ဆို၍ မရပေ။ ထိုဥပဒေထက် အခြေခံဥပဒေ ပါ ပြဋ္ဌာန်းချက်များက ပိုမို၍ အလေးအမြတ်ပြုရမည့် သဘောမျိုး ညွှန်းဆို ထားခြင်းဖြစ်ကြောင်း တွေ့ရှိရသည်။

သမ္မတ ဂျော့ခ်ျဒဗလျူဘုရ်ှအနေနှင့် ခေတ်သစ် အမေရိကန် သမ္မတများ အနက် လူကြိုက် မများလှသော သမ္မတများထဲတွင် ပါဝင်ပြီး သမ္မတ၏ လုပ်ပိုင်ခွင့်၊ သမ္မတ၏ အာဏာကို အလွန်အကျွံ သုံးစွဲသည်ဟူ၍ ဝေဖန်ခံ ရသူ တစ်ဦး ဖြစ်သည်။ ဥပမာဆိုရလျှင် အမေရိကန်ပြည်ထောင်စုအနေနှင့် စစ်ပွဲ ဆင်နွှဲခြင်းကို ကွန်ဂရက်၏ အတည်ပြုချက် ရယူရမည်ဟူ၍ အခြေခံ ဥပဒေက ပြဋ္ဌာန်းထားသော်လည်း သမ္မတ၏ အမိန့်ဖြင့် အီရတ်နှင့် အာဖဂန် စစ်ပွဲများ ဆင်နွှဲခဲ့ခြင်းဖြစ်သည်။ အမေရိကန် သမိုင်းကြောင်းတွင် စစ် ဆင်နွှဲ ခဲ့သည့် သမ္မတများတွင် ကွန်ဂရက်၏ အတည်ပြုချက် ရယူခဲ့သူ တစ်ဦးမှ မရှိခဲ့ပေ။ ထိုသို့ သဘောတူညီချက် မရယူခဲ့သော်လည်း အခြေခံဥပဒေက အပ်နှင်းထားသော သမ္မတ၏ လုပ်ပိုင်ခွင့်များမှာ ကျယ်ပြန့်လှကြောင်း တွေ့ ရှိရသည်။ အခြေခံ အကြောင်းရင်းမှာ လက်တွေ့အကောင်အထည်
ဖော်ရသည့် ဗျူရိုကရေစီ ယန္တရားကြီး တစ်ခုလုံးမှာ သမ္မတ၏ အုပ်ချုပ်ရေး အာဏာအောက်တွင်ရှိပြီး ကွန်ဂရက်အောက်တွင် မရှိခြင်း၊ အခြေခံဥပဒေကို ဖွင့်ဆိုရာ၌ပင် အမျိုးမျိုးဖြစ်နေရာ ကွန်ဂရက်မှ ပြဋ္ဌာန်းလိုက်သည့် ဥပဒေများ မှာ အုပ်ချုပ်ရေးက လိုက်နာ ဆောင်ရွက်မှသာ အသက်ဝင်မည်ဖြစ်ခြင်း စသည်တို့ ဖြစ်နေသည်ကို တွေ့ရှိရသည်။ Signing Statement ကဲ့သို့ ပါဝင် လာသော ဥပဒေမျိုးမှာ အကောင်အထည်ဖော်ခြင်းမရှိသော တည်ဆဲဥပဒေ များ အမေရိကန်ပြည်ထောင်စုတွင် အများအပြား ရှိနေကြောင်းလည်း တွေ့ရှိ ရသည်။ ထိုသို့ Signing Statement ထုတ်ပြန်ခြင်းသည်လည်း သမ္မတ၏ ဥပဒေပြုရေးဆိုင်ရာ အိတ်ဆောင် ဗီတိုအာဏာ တစ်ရပ်ပင် ဖြစ်သည်။ အလားတူ Judicial Review ကို ဆောင်ရွက်ခွင့် ရှိသည်မှာလည်း တရား ရုံးချုပ်သာဖြစ်ပြီး ဥပဒေပြု အမတ်များအနေဖြင့် မည်သို့ တရားစီရင်ပါဟူ၍ စွက်ဖက်ခွင့် မရှိပါ။ သို့သော် ဂျော့ခ်ျဘုရှ် ပြောကြားလိုက်သည့် Message မှာ ဒီဥပဒေကြမ်းကို လက်မှတ်ထိုးလိုက်ပေမယ့် သမ္မတရဲ့သဘောထားကတော့ ဒီလိုဟူ၍ ဖြစ်သည်။

ပြည်သူက ရွေးချယ်သော သမ္မတစနစ်

အမေရိကန်ဖွဲ့စည်းပုံ အခြေခံဥပဒေအရ ပြည်သူက ရွေးချယ်သည့်၊ ပြည်သူ့ အတွက် ပြည်သူ့ အစိုးရဟူသောစကားမှာ သမ္မတကို ညွှန်းဆိုကြောင်း လက်ခံထားကြသည်။ အမေရိကန်သမ္မတကို တစ်နိုင်ငံလုံးရှိ ပြည်သူများ က ရွေးချယ် တင်မြှောက်ပေးခြင်းဖြစ်သော်လည်း ဆီနိတ်တာများ၊ ကွန်ဂရက်စ်မင်းများမှာ သတ်မှတ် မဲဆန္ဒ နယ်မြေများရှိ ပြည်သူ အချို့က သာ ရွေးချယ် တင်မြှောက်ထားခြင်းဖြစ်သည်။ ထို့ကြောင့် မည်သူများ က ရွေးချယ်ထားသနည်း ဟူသောအချက်မှာ အမေရိကန် သမ္မတများ၏ အားသာချက်ဖြစ်သလို အုပ်ချုပ်ရေးတွင် သမ္မတ တစ်ဦးတည်းကိုသာ လုပ်ပိုင်ခွင့် စုပြုံ အပ်နှင်းထားသော်လည်း လွှတ်တော် အမတ်များမှာ အများဖြင့် ညှိနှိုင်း တိုင်ပင်ရခြင်း ဖြစ်သည်။

မက်ကိန်းနှင့် အပြိုင် အကြိတ်အနယ် ယှဉ်ပြိုင်ပြီး အပြတ်အသတ် အနိုင် ရရှိခဲ့သော သမ္မတ အိုဘားမားသည် အိမ်ဖြူတော်သို့ ရောက်ရှိပြီး သုံးရက် အကြာတွင် ကွန်ဂရက် ခေါင်းဆောင်များကို ဖိတ်ကြားခဲ့သည်။

ထိုစဉ်က အမေရိကန်ပြည်ထောင်စု တစ်ခုလုံးအတွက် အရေးကြီးဆုံး ထိပ်တန်း ဦးစားပေးမှာ သမ္မတဘုရှ် လက်ထက်တွင် ကြုံတွေ့ခဲ့ရသော ဘဏ္ဍာရေး အကျပ်အတည်းမှ အမြန်ဆုံး ရုန်းထွက် လွတ်မြောက်ရေး ပင် ဖြစ်သည်။ အိုဘားမားနှင့် ကွန်ဂရက် ခေါင်းဆောင်များမှာ အမေရိကန် စီးပွားရေး လှုံ့ဆော်ရေး ဥပဒေ မူကြမ်းကို ဆွေးနွေးခဲ့ကြခြင်း ဖြစ်သည်။

ရီပတ်ဘလစ်ကန် ခေါင်းဆောင်များက ဝင်ငွေခွန် ပေးဆောင်ထားခြင်း မရှိသူ များအား အခွန်ချေးငွေ ပေးအပ်မည့် အစီအစဉ် ဖယ်ရှားပေးရန် သမ္မတ အိုဘားမားကို တောင်းဆိုခဲ့သည်။ သို့သော် အိုဘားမားက ငြင်းပယ် ခဲ့ပြီး လောလောဆယ် အနိုင်ရရှိထားသော သမ္မတ ရွေးကောက်ပွဲကို ပြန် လည် ရည်ညွှန်းခဲ့သည်။ ရီပတ်ဘလစ်ကန် ခေါင်းဆောင်များကို အိုဘားမား ပြောခဲ့သည့်စကားမှာ “ကျွန်တော်က သမ္မတရွေးကောက်ပွဲ နိုင်ခဲ့ တာနော်” ဟူ၍ ဖြစ်သည်။

အခုနောက်ပိုင်းတွင် ဒီမိုကရေစီ အသွင်ကူးပြောင်းရေး ၌ မြန်မာ့နိုင်ငံရေး ခေါင်းဆောင်များ စံပြု အတုယူနေကြရသည့် အမေရိကန်နိုင်ငံရေး စနစ်နှင့် နိုင်ငံရေး သဘောတရားကို ပို၍ ပို၍ တွေ့မြင်နေရပြီဖြစ်ရာ အမေရိကန်အိပ်မက် American Dream ဟု ခေါ်တွင်နိုင်ပေလိမ့်မည်။

ထိုသို့ အမေရိကန် အိပ်မက် မက်နေကြသော နိုင်ငံရေး ခေါင်းဆောင်များ အနေနှင့် မြန်မာပြည်သူများက နိုင်ငံတော်သမ္မတကို တိုက်ရိုက် ရွေးချယ်ခွင့် ရရှိစေရေးကိုလည်း အလေးထား စဉ်းစားစေလိုသည်။ အမေရိကန် ပြည်ထောင်စုကဲ့သို့ ပါတီတွင်း သမ္မတလောင်း ရွေးချယ်ပွဲ၊ ဖက်ဒရယ်အဆင့် သမ္မတ ရွေးချယ်ပွဲ မရောက်နိုင်သေးစေကာမူ အနိမ့်ဆုံး အဆင့်အားဖြင့် အင်ဒိုနီးရှားနိုင်ငံကဲ့သို့သော သမ္မတ ရွေးချယ်မှုမျိုး၊ အမေရိကန် အခြေခံဥပဒေကဲ့သို့ အမှန်တကယ် အပြန်အလှန် ထိန်းကျောင်းစေသော Check and Balance နှင့် အမှန်ပင်တူသော Check and Balance စနစ်မျိုး ဖြစ်ပေါ်လာစေရန် ယခု နောက်ဆုံး ခေတ် စားနေသော အခြေခံဥပဒေ ပြင်ဆင်ရေး ဒီဘိတ်၌ ထည့်သွင်းပေးပါမည့် အကြောင်း၊ အမေရိကန် အိပ်မက်များကို အမှန်တကယ် အကောင်အထည်ဖော်နိုင်မှသာ ခိုင်မာသော ဒီမိုကရေစီ စနစ်ကို ထားရစ် ခဲ့နိုင်မည်ဖြစ်ကြောင်း အလေးထား တိုက်တွန်း ဖော်ပြလိုက်ရပါသည်။

[Ref – The Levers of Presidential Control by David E. Lewis and Terry M. Moe]
Credit To The Voice Weekly

Read More »

ဟစ်တလာ့ပန်းချီကား၊ လေဒီဂါဂါရဲ့ဒေါက်ဖိနပ်နှင့် ရပ်စ်ပြူတင်ဒိုင်ယာရီ - မောင်ခိုင်လတ်



တလောလေးက မိတ်ဆွေစာရေးဆရာတစ်ယောက်၏ နိုင်ငံရေးဆောင်းပါးများ စုပေါင်း ပုံနှိပ်ထားသော လုံးချင်းစာအုပ်ကလေးထွက်ရှိခဲ့သည်။ ဂျာနယ်များတွင် ဖြော်ပပါရှိပြီး ဆောင်းပါး များ၏ ပုံနှိပ်ဖော်ပြခြင်းမပြုရသေးသော ဆောင်းပါးတချို့ပါဝင်သည်။ မိတ်ဆွေ၏ တောင်းဆိုမှုကြောင့် ကျွန်တော်နှင့် တခြားသူတစ်ဦးက အမှာစာများ ပါဝင်ရေးသားခဲ့ကြသည်။ မိတ်ဆွေထံမှ မေတ္တာလက်ဆောင် စာအုပ်(၂)အုပ်ရရှိပါသည်။ အခြား စာဖတ်သူ မိတ်ဆွေ များက တောင်းခံသောကြောင့် (ဖတ်စေချင်သော စေတနာကြောင့်) ကျွန်တော်ဝယ်ပြီး လက်ဆောင် ပေးရသည်ပင် (၁၀) အုပ်မကတော့ပါ။ မိတ်ဆွေတချို့က ကျွန်တော်လက်ဆောင်ပေး သောအခါ စာအုပ်မှာ လက်မှတ်ရေးထိုးခိုင်းသည်။ ကျွန်တော်ရေးတဲ့ စာအုပ်မှမဟုတ်တာဆိုတော့ ခင်ဗျား အမှာစာပါတာပဲဟု ဇွတ်ပြောတတ်သည်။ ဘာဆိုင်လို့လဲ ပြောပြီး ကျွန်တော်တို့ရယ်မောမိကြသည်။

လက်မှတ်တဲ့ စာရေးဆရာလက်မှတ်တဲ့။ စာရေးဆရာရဲ့လက်မှတ်က သူရေးတဲ့ စာထက် ပိုပြီး အရေးပါနေသလား။ စာရေးဆရာအများစုက ငွေကြေးလည်းမချမ်းသာ အာဏာလည်းမရှိကြ။ ဒါ ဖြင့် ဘာဖြစ်လို့စာရေးဆရာရဲ့လက်မှတ်ကို တခုတ်တရလိုချင်နေကြရတာပါလဲ။ အမှန်တော့ ကျွန်တော် ကိုယ်တိုင်လည်း စာရေးဆရာအချင်းချင်း စာအုပ်တွေအပြန်အလှန် မေတ်္တာ လက်ဆောင်ပေးကြရာမှာ စာရေးသူကိုယ်တိုင်လက်မှတ်ထိုး ပေးတာကို ပိုမိုနှစ်ခြိုက်သည်။ အမှတ်တရ ဖြစ်စေတာကြောင့်ပါ။
ကိုယ်က (Celebrity) မဟုတ်စေကာမူ စာဖတ်သူတချို့က လိုလိုချင်ချင်တောင်းခံလာသဖြင့် လက်မှတ်ရေးထိုးပေးရတာတွေရှိခဲ့သည်။ ကျွန်တော့်စာအုပ်စင်မှာ ဆရာတွေ၏ လက်မှတ်တွေ နှင့် စာအုပ်တွေ။ ဆရာမြသန်းတင့်၊ ဆရာအောင်သင်း၊ ဆရာနေ၀င်းမြင့်၊ ဆရာမခင်ခင်ထူး၊ ဆရာမောင်ရင့်မာ၊ ဆရာမြေလတ်မောင်မြင့်သူ၊ ဆရာမင်းချမ်းမွန်၊ ဆရာဝင်းငြိမ်း၊ ဆရာတင့်ခိုင်၊ ကဗျာဆရာမောင်စိမ်းနီ၊ မိုဃ်းဇော်၊ အောင်ဘညို၊ သစ္စာနီ၊ မိချမ်းဝေ၊ အိုး အများကြီးပါပဲ။ သူငယ် ချင်းမင်းနန်(မော်ကျွန်း) စာအုပ်တွေဆို စာအုပ်စင်မှာ နေရာအတော်ယူသည်။ (တော်တော်လည်း ရေးနိုင်တဲ့သူ) ခပ်နောက်နောက် မိတ်ဆွေတစ်ဦးကဆိုလျှင် အေးဗျာ ခင်ဗျားလက်မှတ်က အခု တန်ဖိုးမရှိဘူးပဲထားတော့ နောင်နှစ်ငါးဆယ် ခြောက်ဆယ်လောက်ကြာရင် ဒေါ်လာငါးသန်း လည်းဖြစ်နိုင်တာပဲ မဟုတ်လား။ သမိုင်းတန်ဖိုးအရလေ။ အင်း ကျွန်တော့်မြေးတွေကိုအမွေပေးခဲ့ ရမှာပေါ့ဗျာ . . .တဲ့လေ။
သူက သူ့သားသမီးတွေဟု မပြော၊ သူ့မြေးတွေဟု သုံးနှုန်းသွားသည်။ သူ့သားတွေ ခေတ်တိုင်အောင် ကျွန်တော့်လက်မှတ်က တန်ဖိုးမရှိသေးဟု တစ်ခါတည်း ယတိပြတ် ပြောလိုက်ခြင်းဖြစ်သည်။ စာအုပ်လည်းပေးရသေး အတော်ချစ်ဖို့ကောင်းတဲ့သူ။
ကျွန်တော့်မိတ်ဆွေပြောလည်း ပြောချင်စရာကောင်းလှသည်။ ယခု နှစ်ထဲမှာ စာအုပ် ပွဲတွေ အတော်ကျင်းပခဲ့ကြသည်။ အများစုက နိုင်ငံရေး အတွေ့အကြုံစာအုပ်တွေ။ စာရေး ဆရာကိုယ်တိုင် စာအုပ်မှာအမှတ်တရ လက်မှတ်ရေးထိုးပြီး ရောင်းချခြင်းဖြစ်သည်။ စာအုပ်ရေးဖြစ်ပုံ နောက်ခံအကြောင်းအရာတွေကိုလည်း ဟောပြောလိုက်ကြသေးသည်။ စာအုပ်အကြောင်း မုဒိတာစကားချီးမြှင့်ပေးသူတွေကလည်း စိတ်ပါလက်ပါ မာရသွန် ဟောပြောပွဲအလားချီးမြှင့်ကြသည်။
ဘာပဲဖြစ်ဖြစ် ကောင်းပါသည်။ လှပသည့် ပွဲတွေ၊ နှစ်ရှည်လများစောင့်ဆိုင်းခဲ့ရခြင်း ရလဒ်အဖြစ် ကြိုဆိုထိုက်ပါပေသည်။ မုဒိတာပွားများ ထိုက်ပါပေသည်။ စာဖတ်သူစစ်စစ်တွေ က စာရေးဆရာလက်မှတ်ကိုရယူလိုခြင်းမှာ Celebrity ဖြစ်ခြင်းကြောင့် တစ်ခုတည်းတော့ဖြင့်မဟုတ်နိုင်ပေ။ စာတစ်အုပ် ပေတစ်အုပ်ထွက်ရှိသည်အထိ သူ့လောက သူ့နယ်ပယ် တွင် ထက်သန်စူးနစ်စိတ်ရှိခြင်းအပေါ် အလေးဂရုပြုခြင်း၊ စိတ်အာရုံညွတ်နူးခြင်းကြောင့်က ပိုမိုဖြစ်နိုင်ခြေရှိသည်။
စာရေးဆရာနဲ့သိတယ် တွေ့လား။ သူကိုယ်တိုင်လက်မှတ်ရေးထိုးပေးထားတာ။ လူ့သဘာဝစိတ်အရ သည်လိုပဂ္ဂိုလ်မျိုးတွေလည်းရှိနိုင်သည်ပဲလေ။ လက်မှတ်အပေါ်တွင် ရေးသားသည့် ချစ်သော၊ ချစ်ခင်သော လေးစားသော စသည့် ၀ိသေသတွေကလည်း စာရေးသူနှင့် မိမိ၏ဆက်ဆံရေးလမ်းကြောင်းကို ဖော်ပြနိုင်သေးသည်မဟုတ်လား။
လက်မှတ်ထိုးတဲ့ လက်ဟာမြို့ကိုဖျက်တယ်။ နိုင်ငံကိုဖျက်တယ်။ ကမ္ဘာကြီးကိုဖျက် တယ် ဆိုရလောက်သော စာရေးဆရာမျိုးရှိနိုင်မည်မထင်ပါ။ သို့သော် စာရေးဆရာရေးသော ၀တ္ထုတစ်ပုဒ်ကြောင့် ဖြစ်အံ့ဆဲဆဲ ပြည်တွင်းစစ်ကြီး မြန်မြန်ဆန်ဆန်ဖြစ်လာခြင်းမျိုးတော့ရှိ ခဲ့သည်။ စာရေးဆရာ၏ စေတနာကြောင့်တော့မဟုတ်ပေ။ နိုင်ငံရေးဒဿနတွေးခေါ်ရှင် တွေကြောင့် ၀ါဒကြီးတွေ ပေါ်ထွန်းပျံ့နှံ့လာခြင်းမျိုးတော့ ရှိနိုင်သည်။ အကောင်းအဆိုး ဒွန်တွဲနေခြင်းမျိုးသာဖြစ်သည်။
လွန်ခဲ့သောလကပင် AFP  သတင်းတစ်ပုဒ်မှာ ကွယ်လွန်လေပြီးသော ကမ္ဘာကျော် အနုပညာရှင်တို့နှင့် နိုင်ငံရေးလောကမှ ပုဂ္ဂိုလ်တို့၏ အသုံးအဆောင်ပစ်္စည်းတချို့ကို လေလံ ပွဲပြုလုပ်ရောင်းချကြောင်း ဖတ်လိုက်ရသေးသည်။ တစ်ဦးတစ်ယောက်ကတော့ သက်ရှိ ထက်ရှားရှိနေဆဲပင်။
၂၀၀၉ ခုနှစ်အတွင်းမှာ ကမ္ဘာလှည့်ဖျော်ဖြေရင်း ပါရီမြို့ကိုရောက်ရှိခဲ့သူ ပေါ့ပ်ဘုရင်မ လေဒီဂါဂါက ပရိသတ်ထဲသို့ သူ၏ဒေါက်ဖိနပ်တစ်ရံလုံး ပစ်ချပေးခဲ့သည်။ ယခုလေလံပွဲ တွင် ရောင်းချသော ဒေါက်ဖိနပ်မှာ ညာဖက်တစ်ရံသာဖြစ်သည်။ ယူရို ၉၀၀၀ ခန့်ရရှိမည် ဟု ခန့်မှန်းထားပါသတဲ့။
ထို့အတူပင် ၂၀၀၉ခုနှစ်တွင် အငြင်းပွားစရာများ လှိုင်းထကျန်ရစ်ခဲ့သော ကွယ်လွန် သူ ကမ္ဘာကျော်ပေါ့ပ်ဂီတပါရမီရှင် မိုက်ကယဂ၈ျက်ဆင်၏ ဦးထုပ်လည်း လေလံပွဲတွင် အလုအယက် ၀ယ်ယူကြသည်။ မကွယ်လွန်မီက ခလေးသူငယ်များအပေါ် မတော်မတရား ပြုကျင့်မှုကြောင့် တရားစွဲခံရ၊ လျော်ကြေးပေးရ၊ အပုပ်နံတွေ တထောင်းထောင်းထွက်ခဲ့ သူ အဆိုတော်တစ်ဦး။
၁၉၀၈-၁၉၀၉ ခုနှစ်မှာ ဟစ်တလာရေးဆွဲခဲ့သော ရေဆေးပန်းချီကား သုံးကား၊ ခဲရေး ပန်းချီကားတစ်ကားကို အနောက်ဂျာမဏီမြူးနစ်မြို့မှာ ပြုလုပ်သောလေလံပွဲတွင် အမေရိကန် ပြတိုက်တစ်ခုက ဈေးအမြင့်ဆုံးပေးပြီး လေလံဆွဲဝယ်ယူလိုက်သည်။ ကာယကံရှင် မေတ္တာ ရပ်ခံမှုကြောင့် ရောင်းဈေးနှုန်း ၀ယ်ယူသူအမည်ကို မဖော်ပြခဲ့။
ကျွန်တော့် မိတ်ဆွေက သမိုင်းတန်ဖိုး ဟူသည့်စကားကို အမှတ် မထင်သုံးသွားတာ ကို ကျွန်တော်သတိရလိုက်မိသည်။ တန်ဖိုးဆိုတာ ဘာလဲဟု စဉ်းစားကြည့်တော့ တန်ဖိုး၌ ပျော်ဝင်မှုတွေက အများသား၊ လူမှုအခြေခံ ကိုယ် ကျင့်တရား၊ ကျင့်ဝတ်များ၊ ပန်းတိုင်များ၊ နှုန်းစံများ၊ အလေ့အထများ၊ ယုံကြည်မှုများ စသည်တို့ပါဝင်ကြ လေသည်။ သို့မဟုတ် ပါဝင်နိုင်သည်။
၁၈၉၀ တွင် စိတ်ဓါတ်ခြောက်ခြားမှု၊ နာမကျန်း ဖြစ်မှုတို့ကြောင့် မိမိကိုယ်မိမိ အဆုံးစီရင်သွားသော ပန်းချီကျော် ဗန်၈ိုးမှာ သူအသက်ရှင်စဉ် ဘ၀တ လျောက်လုံး သူ့ပန်းချီကားရောင်းချရငွေမှာ ဒေါ်လာ ၈၀ ပင် မပြည့်တတ်။ သူကွယ်လွန်သွားပြီးနောက်မှာ တော့ ဒေါက်တာဂါးရှက်စ် ပုံတူပန်းချီကားကို ဒေါ်လာ ၈၂ .၅သန်း၊ နေကြာပန်းပန်းချီကားကို ဒေါ်လာ ၃၉ .၉ သန်း၊ အိုင်းရစ်ပန်းများကို ဒေါ်လာ ၅၃ .၉သန်း၊ ဆိုက်ပရပ်စ်ပင်များနှင့် ဂျုံခင်းပန်းချီကားကို ဒေါ်လာ ၅၇ သန်းရောင်းချခဲ့ရသည်။
နာဇီခေတ် ဂျာမန်ဗိုလ်ချုပ်ကြီး ဂိုအာရင်း လက် မှတ်ပါသော စာတစ်စောင်ကိုလည်း လေလံပွဲမှာ ဈေးကြီးကြီးပေး၍၀ယ်ယူသွားသည်။ သာမန်ကျောင်းသုံး ဗလာစာအုပ်တွင် အင်မတန်ဆိုးဝါးရှုပ်ထွေးသော လက်ရေးဖြင့် ရေးသားခဲ့သည့် ရုရှားနန်းတွင်းပျောက်စေ ဆရာကြီး ရပ်စ်ပြူတင်၏ ဒိုင်ယာရီ စာအုပ်ကလေး လည်း လေလံပွဲမှာ ဈေးခေါ်ကောင်း သော ပစ္စည်း ဖြစ်နေပြန်သည်။ စာမျက်နှာ (၁၂)မျက်နှာသာရှိသည်။
သမိုင်းတန်ဖိုးကို အကဲဖြတ်ရာတွင် ကျိုးကြောင်း ဆင်ခြင်ခြင်းမရှိတော့ပဲ စိတ်ထင်ရာနှစ်သက်မှုကိုပြခြင်း သည် စံနှုန်းတစ်ခုအဖြစ် ကျင့်သုံးနေကြလေသည်။ ခံစားမှုကသာ အခြေခံဖြစ်နေပြီး အကျိုးအကြောင်း ဆက်စပ်မှုဆင်ခြင်တုံတရားသည် ထည့်သွင်းစဉ်းစား ရန် မလိုအပ်သော အခြေအနေသို့ရောက်ရှိ နေလေ သည်။
ကမ္ဘာ့သမိုင်း၌ ထင်ရှားသော ဇာတ်ကောင် ဖြစ် ဖို့မှာ Grate man လည်းဖြစ်ရမည်။ Great Country ၌လည်း မွေးဖွားနေထိုင်သူဖြစ်ရမည်။ Great Issue ကြီးကျယ်သော ဖြစ်ရပ်တို့နှင့်လည်း ကြုံဆုံရင်ဆိုင်ဖူး ရမည်ဟု သမိုင်းပညာရှင်တို့က တညီတညွတ်တည်းဆို မိန့်ခဲ့ကြသည်။
သမိုင်းတရားခံဖြစ်ဖို့ကျတော့ ဤအချက်သုံးချက် ထဲမှ အချက်တစ်ချက်လောက်နှင့်ပင်လုံလောက်မည် ထင်ပါသည်။
မောင်ခိုင်လတ်
ပင်းယစာမျက်နှာမှကူယူဖေါ်ချင်ဖြစ်ပါသည်။
Read More »

ဒီမိုကရေစီက နုနု မုန်တိုင်းကထန်ထန် (ဘေးမှရပ်ကြည့်မနေနိုင်တော့သည့်လူတစ်ယောက်၏ အထူးစိုးရိမ်သောက) ကျော်ဝင်း


အခါလည်လွန် ရင်တမမ

မြန်မာ့နွေဦး အခါလည်ကျော်လာသည်နှင့် ဘေးမှရပ်ကြည့်နေမြဲ စာရေးသူမှာ၊ ရင်မ နေရတော့သည်။ ဤအခိုက်မှာပင်၊ ဘယ်(လ)ဂျီယံနိုင်ငံ၊ ဘရပ်ဆဲ(လ) အခြေစိုက် ‘International Crisis Group’ ၏ ၂၀၁၂ ခုနှစ်၊ ဧပြီ ၁၁ ရက်နေ့စွဲဖြင့် ထုတ်ပြန်လိုက်သော ‘Reform in Myanmar: One Year On’ အမည်ရှိ စာတမ်းကို ဖတ်လိုက်ရရာ၊ ပို၍ပင် ဂရုဓမ္မထား စောင့်ကြည့်နေမိသည်။ အဆိုပါစာတမ်းက၊ မြန်မာ့ဒီမိုကရက်တိုင်ဇေးရှင်း၏ အံ့ဖွယ်အောင်မြင်မှုများကို မီးမောင်းထိုးပြထားသလို၊ ဖြစ်တန်ရာစိန်ခေါ်ချက်များကိုလည်း ဖော်ထုတ်သတိပေးထားသည်။ ဆိုခဲ့ပါစိန်ခေါ်ချက်များထဲမှ တစ်ခုမှာ - ယခုလို … ၊ “ အပြောင်းအလဲများကြောင့်၊ လူထု၏မျှော်လင့်ချက်များမြင့်မားလာချိန်၊ ကာလတာရှည် ရှိနေခဲ့သော ထိန်းချုပ်မှုများလည်း လျော့ပါးလာချိန် …၊ ဤကဲ့သို့သော အခြေအနေ အချိန်အခါမျိုးတွင် မတည်ငြိမ်မှုများထွက်ပေါ်လာနိုင်စရာ အလားအလာရှိပေသည် …။” - စသဖြင့်။

အားလုံးသိကြသည့်အတိုင်း၊ အလုပ်သမားများ၏ သဘာဝကျသောလိုလားတောင်းဆိုမှုများ၊ မြို့ပြလူထု၏ဖရောင်းတိုင်မီးကိုင် ဆန္ဒဖော်ထုတ်မှုများ၊ ကျောင်းသားလူငယ်များ၏ အနှစ်နှစ်အလလ မပြည့်ဝခဲ့သော ချဉ်ခြင်း …၊ စသည် စသည်များကို ဆက်တိုက်ဆိုသလို ကြားနေ မြင်နေရရာ၊ အရာအားလုံးကို စာနာနားလည်နိုင်သော်လည်း၊ စိုးရိမ်မကင်းဖြစ်ရသည်များကိုမူ မတားဆီးနိုင်။ နိုင်ငံတကာ အတွေ့အကြုံများအရ၊ နုနယ်သောဒီမိုကရေစီ၏ ကတိမ်းကပါးဖြစ်နိုင်ခြေများနှင့် နှိုင်းယှဉ်ချင့်တွက်ပြီး၊ ဘုရားတနေရတော့သည်။ သို့နှင့်တိုင် စာရေးသူ စိုးရိမ်သလိုကားမဖြစ်ခဲ့ပါ။ အခါလည်စကလေးငယ်မျှသာ ရှိသေးသော မြန်မာ့ဒီမိုကရေစီမှာ ဆိုခဲ့ပါ စိန်ခေါ်ချက်များကို အံ့သြဖွယ်ကောင်းလောက်အောင် လှလှပပ ဖြတ်ကျော်နိုင်ခဲ့ပါသည်။ ဤအတွက် ဒီမိုကရက်တစ် စိတ်ရှည်သည်းခံမှုကို လက်တွေ့ပြသခဲ့ကြသော၊ အစိုးရရော လူထုကိုပါ ချီးကျူး ကျေးဇူးတင်မိသည်။

ဤသို့သက်မချလို့မှ မဆုံးတတ်သေးမီမှာပင်၊ နောက်ထပ်စိန်ခေါ်ချက်ကြီးတစ်ခုနှင့် ရင်ဆိုင်လိုက်ရပြန်သည်။ ယခုတစ်ကြိမ်တွင်ကား၊ ယခင်ကလိုမဟုတ်လေတော့။ ဒီမိုကရက်တစ် စည်းဘောင်များကို ကျော်ကာ၊ အကြမ်းဖက်အသွင်အဖြစ် ဦးတည်လာသည်။ သာမန်တိုးမိတိုက်မိသည့် ဝိရောဓိလေးများကပင်၊ မပြီးနိုင်၊ မစီးနိုင်၊ ပြေချိန်တန်လို့မှ မပြေနိုင်ဖြစ်လာရာ၊ ဆက်စပ်စဉ်းစားစရာတွေ မနည်းမနောရှိလာတော့သည်။ ဤကိစ္စမှာ သမိုင်းနှင့်ဆိုင်သလို၊ လက်ရှိနိုင်ငံတကာအခင်းအကျင်းနှင့်လည်း ဆက်စပ်နိုင်သည်ဖြစ်ရာ၊ မြန်မာ့ဇာတ်ပွဲတစ်ပွဲမှ သံဆန်းတစ်ပိုဒ်လို၊ “ မပြေးသော် ကန်ရာရှိနေ၍၊ ဒွေးနှစ်ဖော် သံဝါညှိ”   ကြသည်မျိုးပင် ဖြစ်ကောင်းဖြစ်လေမည်လား စဉ်းစားဖို့ရှိလာသည်။ အကယ်၍များ၊ ညီနှောင်သားချင်း-ချင်း အကြေအလည်ညှိကြရမည့် ဒီမိုကရက်တိုက်ဇေးရှင်းထက်ကျော်ပြီး၊ အမျိုးသားရေးပြဿနာ ဖြစ်လာမည်ဆိုလျှင်၊ ခါတိုင်းလို ဘေးမှရပ်ကြည့်မနေနိုင်တော့ပါ။ နိုင်ငံသားတစ်ဦး၏ အထူးစိုးရိမ်သောက- ဟု ဆိုရတော့မည်ဖြစ်ပါသည်။

ဇစ်မြစ်နှင့် ဆက်စပ်အခြေအနေများ

နာမည်ကျော် အနာဂတ္တိဆရာ၊ ဂျော့ဖရီးမင်းက၊ သူ၏အရောင်းသွက်စာအုပ် ‘ The Next 100 Years ’ စာအုပ်တွင်၊ ၂၁ ရာစုအတွင်း၊ ပေါက်ကွဲလျှံကျလာနိုင်စရာရှိသည့် ‘ ပထဝီနိုင်ငံရေး အန္တရာယ်လမ်းကြောင်းများ ’  (geopolitical fault lines) များကိုရေတွက်ပြရာ၊ ‘ ထိစပ်နယ်မြေများ ’ ( borderlands ) အကြောင်းကို အထူးအန္တရာယ်တစ်ခုအဖြစ် ဖော်ပြထားပါသည်။ ထိစပ်နယ်မြေ - ဆိုသည်မှာ သာမန် နယ်စပ်ဒေသ ( frontier ) နှင့်မတူပါ။ အိမ်နီးချင်းနိုင်ငံနှစ်ခု၏ ဆက်စပ်နယ်မြေဖြစ်သည့်တိုင်၊ အချုပ်အခြာအာဏာပိုင်ဆိုင်မှု၊ အကြိမ်ကြိမ် အပြောင်းအလဲရှိသည့် ဒေသမျိုးကိုဆိုလိုသည်။ ဤဒေသမျိုးတွင် ထွေပြားသော ယဉ်ကျေးမှုပေါင်းစုံရှိနေတတ်သလို၊ သစ္စာခံမှုအမျိုးမျိုးလည်း ရှိနေတတ်ရာ၊ မတည်ငြိမ်မှု၏ ရေခံမြေခံများ အပြည့်ရှိနေသည်ဟု ဆိုပါသည်။ ရှုပ်ထွေးသော နိုင်ငံတကာဆက်စပ်အခြေအနေနှင့် ဆုံမိကြုံမိလျင်၊ ဤဒေသမျိုးရှိ သာမန်၊ ဘာသာရေး၊ လူမျိုးရေး အဓိကရုဏ်းများသည်ပင် ဆိုးဆိုးဝါးဝါးအခြေအနေထိ ဦးတည်သွားတတ်သည်- ဟုဆိုခဲ့ပါ အနာဂတ္တိဆရာက သတိပေးထားသည်။ ဥပမာ- ပြင်သစ်နှင့် ဂျာမဏီကြားမှ အဲ(လ)ဆက်နှင့်လော်ရိန်း၊ အန္ဒိယနှင့် ပါကစ္စတန်ကြားမှ ကက်ရှမီးယား၊ ဆားဗီးယားနှင့် အယ်(လ)ဘေးနီးယားကြားမှ ကိုဆိုဗို- စသည်တို့ဖြစ်သည်။ လက်ရှိ မက္ကစီကိုနှင့် အမေရိကန်နယ်စပ်မှာလည်း အလားတူ အန္တရာယ်ထိစပ်နယ်မြေ ဟုထောက်ပြပါသည်။

မြန်မာနိုင်ငံတွင်လည်း၊ ဤသို့သောထိစပ်နယ်မြေမျိုးရှိသလောက်ရှိသည်။ ယနေ့ပြဿနာကြုံနေရသော၊ ဘူးသီးတောင်၊ မောင်းတောဒေသမှာ၊ ဤလိုနယ်မြေမျိုးဖြစ်သည်။ ဤသို့ဖြစ်ရသည်မှာလည်း ကိုလိုနီစနစ်၏ အမွေဆိုးဟုဆိုရပါလိမ့်မည်။ ပြောရလျှင် ဇာတ်၏အစမှာ၊ ၁၈၂၄ ခုနှစ် အင်္ဂလိပ်-မြန်မာ ပထမစစ်ပွဲပင်ဖြစ်သည်။ ဤစစ်ပွဲအပြီးမှာပင် ရခိုင်ပြည်နယ်တစ်ခုလုံး၊ အင်္ဂလိပ်ကိုလိုနီဖြစ်သွားခဲ့ရတော့သည်။ ဤသည်နှင့် မရှေးမနှောင်းမှာပင်၊ အင်္ဂလိပ်အစိုးရက မြေရိုင်းဝေငှသည့် ဥပဒေများ ပြဌာန်းလိုက်သောအခါ၊ စစ်တကောင်းနယ်မှ၊ မွတ်စလင်ဘာသာဝင်များ အလုံးအရင်းနှင့် ဝင်ရောက်လာကြပြီး၊ ဘူးသီးတောင်၊ မောင်းတော၊ ကျောက်တော်၊ မင်းပြား၊ မြေပုံစသည့်ဒေသတို့တွင် ရွာများတည်ထောင်နေထိုင်လာကြသည်။ ကနဦးကာလကမူ၊ ရိုးသားအေးဆေးသော ရခိုင်တိုင်းရင်းသားများနှင့် မည်သည့်ပြဿနာမှ ရှိခဲ့သည်မဟုတ်ပါ။ အေးအတူပူအမျှ ရင်းနှီးချစ်ကြည်စွာ နေထိုင်ခဲ့ကြသည်သာဖြစ်ပါသည်။ သို့တစေ၊ လူမျိုးသဘာဝအရ၊ မွေးနှုန်းမတူသည့်အချက်က၊ ရေရှည်တွင် အကွာအဝေးတစ်ခု ဖြစ်တည်လာစေခဲ့သည်။

၁၈၃၂ ခုနှစ်က၊ စစ်တွေခရိုင်၏ လူဦးရေမှာ တစ်သိန်းကျော်သာရှိခဲ့ရာမှ၊ ၁၉၃၁ ခုနှစ်တွင် ၆ သိန်းကျော်ရှိလာပြီး၊ ၁၉၄၁ ခုနှစ်တွင်မူ ၇ သိန်းခွဲကျော်အထိတိုးပွားလာခဲ့သည်။ ဤသို့တိုးပွားလာသည်မှာလည်း၊ အဓိကအားဖြင့် စစ်တကောင်းသားများပင်ဖြစ်ရာ၊ ၁၉၄၂ ခုနှစ် ဘူးသီးတောင်၊ မောင်းတော၏ စစ်တကောင်းမွတ်စလင်လူဦးရေမှာ ၃ သိန်းကျော်အထိဖြစ်လာပြီး၊ မူလတိုင်းရင်းသားရခိုင်တို့မှာ၊ အနည်းစု ဖြစ်လာတော့သည်။ ဤအချိန်လောက်မှစ၍၊ အနည်းစု-အများစု တိုးမိတိုက်မိသည်များစတင်လာခဲ့ခြင်းဖြစ်ပါသည်။ ဤအခြေအနေကိုပို၍ ဆိုးဝါးစေသည်မှာ ဒုတိယကမ္ဘာစစ်ကြီးပင် ဖြစ်သည်။ စစ်အစပိုင်း အင်္ဂလိပ်တပ်များအဆုတ်တွင် စစ်တွေခရိုင်အတွင်း လက်နက်ခဲယမ်းအမြောက်အများကျန်ရစ်ခဲ့ရာမှ၊ သာမန်ဝိရောဓိများမှ၊ လက်နက်ကိုင်အကြမ်းဖက် အဓိကရုဏ်းများအထိ အခြေအနေဆိုးလာလေတော့သည်။ နောက်ဆုံးရခိုင်တိုင်းရင်းသားအမြောက်အမြား၊ စစ်တကောင်းနယ်ထဲသို့၊ ဒုက္ခသည်များအဖြစ် ပြောင်းရွှေ့သွားရသည်များပင် ရှိသည်။ စစ်ကြီးအပြီး အင်္ဂလိပ်တပ်များပြန်အရောက်၊ အဆိုပါရခိုင်ဒုက္ခသည်များကို မူလနေရာဟောင်းသို့ပြန်လည် အခြေချပေးခဲ့သော်လည်း အာဃာတအမုန်းမီးပွားများကိုကား၊ မငြိမ်းသတ်နိုင်တော့ပါချေ။

စစ်ပြီးခေတ်အရှုပ်အထွေးများအောက်တွင်၊ ပြဿနာမှာ အကြမ်းဖက်နိုင်ငံရေးသဘောဆောင်လာပြီး၊ မူဂျာဟစ်အမည်ဖြင့် လျို့ဝှက်လက်နက်ကိုင်အဖွဲ့အစည်းများပေါ်ထွက်လာခဲ့သည်။ လွတ်လပ်ရေးခေတ်ဦး၊ ရန်ကုန်အစိုးရကာလ၊ ၁၉၄၉ - ၅၀ မှာဆိုလျှင် ဘူးသီးတောင်နှင့် ရသေ့တောင်တို့မှာ၊ မူဂျာဟစ်သူပုန်များလက်အောက်တွင် ကျရောက်ခဲ့ရသည်။ မူဂျာဟစ်တို့၏ ရည်မှန်းချက်မှာ၊ သီးခြားအစ္စလာမ်မစ်နိုင်ငံတည်ထောင်ရေးပင်ဖြစ်သည်။ (Hugh Tinker: The Union of Burma- page 34) ထိုသည်၏နောက်ပိုင်း ( ၁၉၅၂ - ၅၂ နှင့် ၅၄ ) မြန်မာ့တပ်မတော်၏ စစ်ဆင်ရေးများဖြင့် အဆင့်ဆင့်နှိမ်နှင်းပြီးမှသာ၊ တစ်စုံတရာတည်ငြိမ်ခြေကို ပြန်လည်ရယူနိုင်ခဲ့ခြင်းဖြစ်သည်။ သို့တစေ ပြဿနာကိုအပြီးအပြတ် ဖြေရှင်းနိုင်ခဲ့သည်ကား မဟုတ်။ စစ်အေးလွန်ခေတ်၏ အခြေအနေသစ်အောက်တွင် ရိုဟင်ဂျာဆိုသော အမည်သစ်ဖြင့် ပြန်လည်လှုပ်ရှားလာပြန်သည်။ ယခုတစ်ကြိမ်ထူးခြားချက်ကား၊ ဒီမိုကရေစီချန်ပီယံဆိုသော မီဒီယာအချို့ကိုယ်တိုင်က၊ မီးလောင်ရာလေပင့်လုပ်လာကြခြင်းပင်ဖြစ်သည်။

အမှန်စင်စစ်၊ ယနေ့ ရခိုင်အရေးမှာ အဆိုပါမီဒီယာ အချို့စွပ်စွဲပြောဆိုနေကြသလို၊ လူနည်းစုဘာသာဝင်များ၏ အရေးမဟုတ်။ လူနည်းစုတိုင်းရင်းသားများ၏အရေး ပို၍ပင်မဟုတ်။ ကိုလိုနီအမွေဆိုးမှ အကြောင်းခံပေါ်ထွက်သော၊ အတိမ်းအစောင်းမခံသည့် ထိစပ်နယ်မြေပြဿနာပင်ဖြစ်သည်။ ဤပြဿနာကို၊ မျက်မှောက်ခေတ် နိုင်ငံတကာအခင်းအကျင်းမှ ထွက်ပေါ်လာတန်ရာသော အမှောင့်ပယောဂများနှင့်ချိတ်ဆက်စဉ်းစားလိုက်လျင်၊ နုနယ်လှသေးသော မြန်မာ့ဒီမိုကရေစီရေးအတွက်သာမက၊ မြန်မာ့အချုပ်အခြာအာဏာအတွက်ပါ၊ မထိတ်သာ မလန့်သာ အကျိုးဆက်များ ခုနှစ်စဉ်အမျှင်တန်းဖြစ်ကောင်းဖြစ်လာနိုင်လေမလား စဉ်းစားစရာတွေရှိနေသည်။ အထူးသဖြင့်၊ စစ်အေးလွန် ဂလိုဘယ်လိုက်ဇေးရှင်း၏ နိုင်ငံတကာ အကြမ်းဖက်ဝါဒ အန္တရာယ်ဖြစ်ပါသည်။ ဤအန္တရာယ်မှာ လျှော့ပါးသက်သာသွားပြီ ဆိုကြသော်လည်း တကယ်တော့၊ ပစ်မှတ်ပြောင်းသွားခြင်းသာဖြစ်သည်။ ယခင်ဖွံ့ဖြိုးပြီးရှေ့တန်းရောက် နိုင်ငံကြီးများမှ၊ အားနည်းချည့်နဲ့သော ဖွံ့ဖြိုးဆဲနိုင်ငံများသို့ ချိန်ရွယ်ချက်ပြောင်းသွားခြင်းသာ ဖြစ်သည်။ ဤသို့ ပစ်မှတ်ရွေးချယ်ကြရာတွင်လည်း အစိုးရနှင့် လူထုကြား ယုံကြည်မှုမကောင်းလှသော၊ နိုင်ငံငယ်လေးများကို ဦးစားးပေးလေ့ရှိသည်ကို သတိချပ်ကြဖို့လိုမည်ထင်ပါသည်။

မြန်မာ့စိတ်ရင်း

ဂလိုဘယ်လိုက်ဇေးရှင်းခေတ်၏ နောက်ထပ်ထူးခြားဖြစ်စဉ်တစ်ရပ်မှာ ‘ ရေကြည်ရာ မြက်နုရာ ရွှေ့ပြောင်းနေထိုင်ကြသည်များ ’ (migration) ရှေ့ရောက်လာခြင်းပင်ဖြစ်သည်။ ဤနေရာတွင်လည်း၊ တစ်နိုင်ငံမှ တစ်နိုင်ငံသို့ သမားရိုးကျရွှေ့ပြောင်းနေထိုင်ကြသည်နှင့် ထိစပ်နယ်မြေအတွင်း၊ စိမ့်ဝင်ပျံ့နှံ့ကြသည်တို့မှာ၊ သဘောသဘာဝချင်းမတူကြပါချေ။ ထိစပ်နယ်မြေပြဿနာမှာ သစ္စာခံမှုထွေပြားသည်ဖြစ်၍ အန္တရာယ်လမ်းကြောင်းဟု သတ်မှတ်ကြသော်လည်း၊ သမားရိုးကျရွှေ့ပြောင်းနေထိုင်မှုများမှာ ဖြစ်ရိုးဖြစ်စဉ်သဘောမျှသာဖြစ်ပါသည်။ ရွှေ့ပြောင်းနေထိုင်ကြသူများဘက်မှ ၎င်းတို့ရောက်ရှိရာ နိုင်ငံအပေါ်သစ္စာခံကြသလို၊ သက်ဆိုင်ရာနိုင်ငံများဘက်မှလည်း၊ သူတို့တတွေကို နိုင်ငံသား အခွင့်အရးအဆင့်ဆင့်ပေးကြသည်သာဖြစ်ပါသည်။ သို့တိုင်အောင် community အဖြစ်သာ သဘောယူပြီး၊ nationality အဖြစ်ကား၊ မည်သည့်နိုင်ငံကမှ သဘောထားကြသည်မဟုတ်ပါ။ ယနေ့အရင့်ကျက်ဆုံး ဒီမိုကရေစီနိုင်ငံ အမေရိကမှာပင်၊ ဤအတိုင်းဖြစ်သည်။

မြန်မာ့သမိုင်းကို ပြန်ကြည့်လိုက်လျင်၊ ပုဂံခေတ်ဦးလောက်ကပင်၊ နိုင်ငံရပ်ခြားနှင့် ကူးလူးဆက်ဆံမှုများ ရှိသလောက်ရှိခဲ့သည်သာ ဖြစ်ပါသည်။ ဥပမာ ဗျတ်ဝိ၊ ဗျတ္တဇာတ်လမ်ကိုပင်ကြည့် ...။ သူတို့ ညီနောင်မှာ၊ ပင်လယ်ဖြတ်၍ရောက်လာကြသော၊ တမြေရပ်ခြားမှ၊ ဘာသာခြားတွေဖြစ်သည်။ သို့တစေ ဗုဒ္ဓဘာသာဝင် ပုဂံသားတွေက၊ သူတို့နှစ်ယောက်ကို သူရဲကောင်း အဖြစ်ချစ်ခင်ကြသည်။ သူတို့ကွယ်လွန်သည်အထိပင်၊ သုံးဆယ့်ခုနှစ်မင်း စာရင်းသွင်းကိုးကွယ်သည်အထိ ချစ်ခဲ့ကြသည်။ ထားတော့- ဤဇာတ်လမ်းမှာ သမိုင်းမဟုတ်၊ ပုံပြင်မျှသာဟုဆိုစေဦး၊ အခြားအထောက်အထားတွေ မနည်းမနောရှိသည်။ ကုန်းဘောင်ခေတ်ကဆိုလျှင်၊ မွတ်စလင်ဘာသာဝင်တစ်ဦးကိုပင်၊ ဘုရင်ကိုယ်တိုင်က မြို့တော်ဝန်အဖြစ် မြှောက်စားဖူးသည်။ (အမရပူရမြို့တော်ဝန်ဘိုင်ဆတ်)။ ထို့ထက်၊ ယနေ့ထက်တိုင် မြန်မာလူထုမမေ့နိုင်ကြသေးသည့် ဗိုလ်ချုပ်တို့နှင့်အတူ ကျဆုံးခဲ့ရသော၊ ဆရာကြီးဦးရာဇတ်မှာ မွတ်စလင်ဘာသာဝင် သူတော်ကောင်းကြီးဖြစ်သည်။ ဤတွင်ပြောလိုသည်မှာ၊ လူမျိုးဘာသာမခွဲခြားဘဲ၊ သူရဲကောင်းဆိုလျင် ချစ်ခင်မြတ်နိုးတတ်သည့်၊ မြန်မာ့ အစဉ်အလာ မြန်မာ့စိတ်ရင်း အကြောင်းဖြစ်ပါသည်။

ဤအစဉ်အလာ ဤစိတ်ရင်းကို၊ မြန်မာတွေထိန်းသိမ်းကြရပါလိမ့်မည်။ လက်တွေ့ကျကျပြသရပါလိမ့်မည်။ ဒီမိုကရေစီနှင့် ထိုက်တန်သောလူမျိုးဖြစ်ကြောင်း၊ ကမ္ဘာကသိစေရပါမည်။ တစ်ပြိုင်နက်တည်းမှာပင်၊ ရှုပ်ထွေးပွေလီ၊ မာယာများလှသော ကမ္ဘာ့နိုင်ငံရေး ကျားကွက်တွင် အမျိုးသားရေးသတိမမေ့မလျှော့ရှိကြဖို့လည်း လိုမည်ထင်ပါသည်။ ဂရိတ်ပါဝါယှဉ်ပြိုင်ပွဲတွင်၊ နိုင်ငံငယ်လေးများမြေဇာပင်ဖြစ်ကြရသည့် သာဓကတွေ၊ သမိုင်း ဇာတ်ခုံထက်တွင် မမြင်ချင်အဆုံးတွေ့ခဲ့ရပြီး မဟုတ်ပါလော။ ဒုတိယကမ္ဘာစစ်အကြိုကာလက၊ ဗြိတိသျှနန်းရင်းဝန် ချိန်ဘာလင်၏ ဟစ်တလာချော့မြူရေးပေါ်လစီအရ၊ အဲ(လ)ဆက်နှင့် လော်ရိန်းနယ် ဖက်ဆစ်ကျားစာဖြစ်ခဲ့ရသည်ကို သတိချပ်ကြရပါလိမ့်မည်။ လာတော့မည့် လွှတ်တော်အနေနှင့် အဆိုပါသတိ၊ အဆိုပါအသိဖြင့်၊ အခါလည်သား မြန်မာ့ဒီမိုကရေစီကို ထိန်းသိမ်းကာကွယ်စောင့်ရှောက်နိုင်ပါစေသတည်း။

ကျော်ဝင်း( ပေ့ကနေကူယူဖေါ်ပြချင်ဖြစ်ပါသည်။)
Read More »

ပြည်တွင်းငြိမ်းချမ်းရေး တွေးမိသည်များ - ကျော်ဝင်း


ပြည်တွင်းငြိမ်းချမ်း
ရေးတွေးမိသည်များ (အပိုင်း - ၁)
ကျော်ဝင်း

  • စကားဦး

ယနေ့မြန်မာနိုင်ငံတွင်၊ အပြောင်းအလဲသုံးရပ်ကို အားတက်ဖွယ်ရာ၊ တစ်ပြိုင်နက်တည်း မြင်တွေ့နေရပါသည်။ နိုင်ငံရေးပြုပြင်ပြောင်းလဲမှု၊ စီးပွားရေးပြုပြင်ပြောင်းလဲမှုနှင့် ပြည်တွင်းငြိမ်းချမ်း ရေး ပြန်လည်တည်ဆောက်မှုတို့ ဖြစ်သည်။ အဆိုပါ အပြောင်းအလဲသုံးရပ်မှာ၊ တစ်ခုနှင့်တစ်ခု အပြန်အလှန်ကျေးဇူးပြုနိုင်ကြသလို၊ အပြန်အလှန်အဟန့်အတားပြုနိုင်သည်များလည်း ရှိရာ ဟန် ချက်ညီညီ အကောင်အထည်ဖော်နိုင်ဖို့ အထူးအရေးကြီးလိမ့်မည်ထင်သည်။

အထူးသဖြင့်၊ ပြည်တွင်းငြိမ်းချမ်းရေးအောင်မြင်စွာ တည်ဆောက်နိုင်လျင် နိုင်ငံရေးနှင့် စီးပွား ရေးပြုပြင်ပြောင်းလဲမှုများ ပိုမြိုင်၊ ပိုသွက်၊ ပိုအပြန့်ကျယ်လာနိုင်သလို၊ ပြည်တွင်းစစ်မီး မငြိမ်းနိုင်ပါ ကလည်း၊ ရှေ့အပြောင်းအလဲနှစ်ခုမှ အောင်မြင်မှုများပင်၊ ရေရှည်သဘောမဆောင်နိုင်သည်ကို စဉ်း စားမိပါသည်။ ယခုအခါ၊ အစိုးရရော၊ လူမျိုးစုလက်နက်ကိုင်အင်အားစုများပါ ပြည်တွင်းငြိမ်းချမ်းရေး အတွက် ဝိုင်းဝန်းအဖြေရှာနေကြသည်ကို ဝမ်းမြောက်ဝမ်းသာ တွေ့ရှိရပါသည်။ သို့နှင့်တိုင်၊ ဆက် လက်ဖြေရှင်းစရာများလည်း မနည်းမနောရှိလိမ့်ဦးမည်ဟု သဘောရပါသည်။ နှစ်ပေါင်းခြောက်ဆယ် ကျော်၊ အမြစ်တွယ်နေသော နာတာရှည်ဝေဒနာဆိုးကြီးကို၊ နေ့ချင်းညချင်းကုသပျောက်ကင်းဖုိ့ မလွယ်ကူကြောင်းကိုလည်း ဆင်ခြင်မိပါသည်။

ယခုစာစုမှာ၊ ပြည်တွင်းငြိမ်းချမ်းရေးနှင့် ပတ်သက်သော စာရေးသူတွေးမိသည်များသာဖြစ် သည်။ ပြည်တွင်းစစ်နောက်ခံနိုင်ငံရေး မိုးသက်မုန်တိုင်းများကြားတွင်၊ ကာလတစ်ခုဖြတ်သန်းခဲ့ဖူး သော မဆိုစလောက် အတွေ့အကြုံအချို့နှင့်၊ ဖတ်ရမှတ်ရသမျှ စာအုပ်စာတမ်းများကို၊ စုစည်းပြီ၊ ဥာဏ်မီသလောက် စဉ်းစားရချက်များဖြစ်ပါသည်။ ပြည်တွင်းငြိမ်းချမ်းရေးတည်ဆောက်မှု၊ လက် တွေ့ကြိုးပမ်းနေကြသူ အားလုံးအတွက်၊ အုတ်တစ်ချပ် သဲတစ်ပွင့်ဖြစ်စေ၊ အထောက်အကူ တစ်စုံ တရာ ရလိုရငြား၊ မှုံဝါးဝါးရည်ရွယ်ချက်ဖြင့် တင်ပြလိုက်ခြင်းဖြစ်ပါကြောင်း…။


၁။ သဘောတရားရေးအရှုပ်အထွေး|တရားသေဝါဒ အန္တရာယ်|

မြန်မာနိုင်ငံ၏ ခေတ်သစ်စာပေမှာ၊ ‘နဂါးနီ’ တွင်သန္ဓေတည်ခဲ့ပြီး၊ ခေတ်သစ်နိုင်ငံရေးမှာလည်း၊ ထောင့်သုံးရာပြည့်အရေးတော်ပုံကြီးတွင် ပန္နက်ချခဲ့သည်ဟု ယူဆရပါသည်။ သို့နှင့်အမျှ၊ မြန်မာ့နိုင် ငံရေးနှင့် အတွေးအခေါ်လှုပ်ရှားမှုများတွင် လက်ဝဲအိုင်ဒီအိုလိုဂျီ၏ အခန်းမှာ၊ တော်တော်များများစွဲ ခိုင်စူးဝင်နေသလား စဉ်းစားဖို့ရှိသည်။ အမှန်စင်စစ်၊ ကား(လ)မတ်ဆိုသော ပုဂ္ဂိုလ်ကြီး၏ အယူအ ဆမှာ၊ ၁၉ ရာစု ဥရောပ၏ ရှေ့တန်းအရောက်ဆုံး၊ အိုင်ဒီအိုလိုဂျီတစ်ခု ဖြစ်ခဲ့သည့်တိုင်၊ မြန်မာနိုင်ငံ လို၊ ဖွံ့ဖြိုးမှုနောက်ကျသော ဒေသများတွင် လက်တွေ့အကောင်အထည်ဖော်ရာတွင်မူ၊ “တရားသေ ဝါဒ” နှင့် ပူးတုံခွာတုံ ရှိခဲ့သည်ကများပါသည်။

ယနေ့စစ်အေးအလွန် မြန်မာ့နိုင်ငံရေးတွင်၊ လက်ဝဲသြ ဇာ တစ်စုံတရာ အကျဘက်ရောက်လာသည်မှာ မှန်သော်လည်း၊ “တရားသေ ဝါဒ” ကား အားကောင်း မောင်းသန် ကျန်နေဆဲဟု သဘောရသည်။ ယခုထက်တိုင် မပြီးနိုင် မစီးနိုင်ရှိနေဆဲ ပြည်တွင်းစစ်မီး တွင်အချက်အခြာ နေရာမှရှိသော ‘လူမျိုးစုပြဿနာ’ တွင်လည်း အဆိုပါ လက်ဝဲအစွဲနှင့် တရားသေ ဝါဒအန္တရာယ်ကို တွေ့မြင်နေရဆဲဟု ထင်ပါသည်။ ဤသဘောကို ဆဝါးနိုင်စေရန် မြန်မာ့နိုင်ငံရေးကို ဒုက္ခများစေခဲ့သော၊ ဆက်လက်၍လည်း ဒုက္ခပေးနိုင်စရာရှိသေးသော၊ သဘောတရားရေးဆိုင်ရာ ရှုပ်ထွေးမှုအချို့ကို တင်ပြအပ်ပါသည်။

(က) ဆိုဗီယက် (ရုရှား) အစွဲ

တိုင်းရင်းသားလူမျိုးများအရေးနှင့် ပတ်သက်လျင်၊ အမျိုးသားလွတ်လပ်ရေးကြိုးပမ်းမှုကာလ ကတည်းက၊ မြန်မာနိုင်ငံရေးခေါင်းဆောင်များ ကိုးကားညွှန်ဆိုခဲ့ကြသည်မှာ၊ စတာလင်၏ ‘မတ်ဝါဒနှင့် အမျိုးသားရေးပြဿနာ’ (Marxism and National Question) စာအုပ်ပင်ဖြစ်သည်။ ၁၉၄၇ ခုနှစ် မေလက ကျင်းပခဲ့သော၊ ဖဆပလပြင်ဆင်မှုညီလာခံတွင်၊ ဗိုလ်ချုပ်အောင်ဆန်း ကိုင် ဆွေးနွေးခဲ့သည်မှာလည်း၊ ဤစာအုပ်ပင်ဖြစ်သည်။ ဤစာအုပ်တွင် စတာလင်က ဆိုဗီယက်ယူနီယံကွန်မြူနစ် ပါတီ (ဘော်ရှီဗစ်)၏ လူမျိုးစုဆိုင်ရာ ပေါ်လစီ Self-determination ဆိုသည်ကို ယခုလို ဖွင့်ဆိုခဲ့ပါ သည်။ “The right of nations (or nationality) freely to secede or enter the federal relation with others” ဟူ၍ဖြစ်သည်။ “ခွဲထွက်လိုကခွဲထွက်ပိုင်ခွင့်အပါအဝင် လူမျိုးများ၏ ကိုယ်ပိုင်ပြဌာန်း ခွင့်” ဟုနည်းလည်ရပါသည်။

အမှန်စင်စစ်၊ ဆိုဗီယက်ကွန်မြူနစ်များ၏၊ အဆိုပါ ‘ကိုယ်ပိုင်ပြဌာန်းခွင့်’ အယူအဆမှာ၊ သူတို့ အခြေအနေနှင့် သူတို့ အဓိပ္ပါယ် ရှိပါလိမ့်မည်။ သူတို့အဓိက ရင်ဆိုင်ခဲ့ရသော ဇာဘုရင်မှာ၊ သီးခြား လွတ်လပ်သော အမျိုးသားနိုင်ငံများကို ဆလ(ဗ်)လူမျိုးကြီးဝါဒဖြင့် ဆွဲစုထားသည်ဖြစ်၍၊ ဇာဘုရင်၏ အင်ပါယာကို ဖြိုခွဲနိုင်ရန် ‘ခွဲထွက်ရေး’  ကြွေးကျော်သံဖြင့် လက်အောက်ခံလူမျိုးများကို လှုံ့ဆော် စည်းရုံးခဲ့ခြင်း ဖြစ်ပါလိမ့်မည်။ ကွန်မြူနစ်များအာဏာရပြီး ရေးဆွဲခဲ့သော ဆိုဗီယက်ယူနီယံ၏ ဖွဲ့ စည်းပုံအခြေခံဥပဒေတွင်လည်း၊ ခွဲထွက်ရေးအပါအဝင် လူမျိုးများ၏ ကိုယ်ပိုင်ပြဌာန်းခွင့်ဆိုသည်ကို တရားဝင်ဖော်ပြပေးခဲ့သည်။ သို့တစေ ဂျော်ဂျီယာက၊ ဤအချက်ကိုကိုင်ပြီး၊ ခွဲထွက်ဖို့ကြိုးစားလာ သောအခါ၊ တပ်နီတော်နှင့် ရှင်းခဲ့သည်သာဖြစ်ပါသည်။

ပြောရလျင် ကိုလိုနီခေတ်မတိုင်မီ မြန်မာနိုင်ငံမှာ၊ ဇာဘုရင်၏အင်ပါယာနှင့် အခြေခံအရတူညီ သည်မဟုတ်ပါ။ ဗမာအပါအဝင် တိုင်းရင်းသားလူမျိုးစုများအနေနှင့် ‘မျိုးတူစု’ (tribe) သာသာ၊ ‘မြို့ပြနိုင်ငံများ’ (City States) အဖြစ် စုစည်းနေထိုင်ခဲ့ကြသည်ကသာ များပါသည်။ တစ်ခါတရံ တိုင်းရင်းသားလူမျိုးတစ်ခုခုက၊ အင်ပါယာအဖြစ်စုစည်းခဲ့ကြသည်များရှိသလောက် ရှိခဲ့သော်လည်း၊ ခေတ်သစ်အမျိုးသားနိုင်ငံအဆင့်ထိ ပီပီပြင်ပြင်ရောက်ခဲ့သည်တော့မဟုတ်ပါ။ ဤသည်မှာလည်း ပဒေသရစ်စနစ်၏ သဘောသဘာဝအတိုင်းပင်ဖြစ်ရာ၊ ခေတ်သစ်အမျိုးသားနိုင်ငံများကို ဆွဲစုထား သော ဇာဘုရင်၏ ခေတ်သစ်အင်ပါယာမျိုး မဟုတ်ပါချေ။ မြန်မာခေါင်းဆောင်များ (အထူးသဖြင့် ကွန်မြူနစ်ခေါင်းဆောင်များ) အနေနှင့် အရေးကြီးသော အဆိုပါခြားနားချက်ကို အလေးမထားဘဲ၊ တရားသေဝါဒ အစွဲဖြင့် ဆိုဗီယက်ပုံစံကို ဆွဲယူခဲ့ခြင်းဖြစ်ပါသည်။ ပဲခူးရိုးမပြိုကွဲသွားသော ၁၉၇၅ ခုနှစ်အထိ၊ ဗမာပြည်ကွန်မြူနစ်ပါတီ၏ တရားဝင် လူမျိုးစုပေါ်လစီမှာ၊ ဆိုခဲ့ပါ ဆိုဗီယက်ပုံစံ ကိုယ် ပိုင်ပြဌာန်းခွင့်ပင် ဖြစ်ပါသည်။

(ခ) တရုတ်အစွဲ

အားလုံးသိကြသည့်အတိုင်း၊ တရုတ်ဆိုဗီယက်အကွဲအပြဲတွင် ဗမာကွန်မြူနစ်များအနေနှင့် တရုတ်ဘက်က ရပ်ခံခဲ့ကြပါသည်။ သို့နှင့်အမျှ၊ အရှေ့မြောက် ဗကပ ဗဟို၏ တရားဝင် လူမျိုးစု ပေါ်လစီမှာ၊ ပဲခူးရိုးမကာလလို၊ ဆိုဗီယက်ပုံစံမဟုတ်တော့ဘဲ၊ တရုတ်ပုံစံ ‘ကိုယ်ပိုင်အုပ်ချုပ်ရေး’ (autonomy) ဖြစ်လာခဲ့သည်။ တရုတ်ပြည်သူ့သမ္မတနိုင်ငံ၏ ဖွဲ့စည်းပုံ အခြေခံဥပဒေတွင်၊ မည်သည့်လူမျိုးစုကိုမှ ခွဲထွက်ခွင့်မပြုပါ။ ကိုယ်ပိုင်ပြဌာန်းခွင့်ပင်မပေးပါ။ ကိုယ်ပိုင်အုပ်ချုပ်ခွင့်သာ ပေးပြီး၊ ‘တစ်ပြည်တောင်စနစ်’ (Unitary System) ဖြင့်စုစည်းထားပါသည်။

ဤသည်မှာလည်း၊ သူ့အကြောင်းနှင့်သူသာ ဖြစ်ပါလိမ့်မည်။ တရုတ်ကွန်မြူနစ်များအနေနှင့် အစိတ်စိတ်အမွှာမွှာပြိုကွဲနေသော တရုတ်ပြည်ကြီးကို ပြန်လည်စုစည်းရသည်ဖြစ်၍ ‘တစ်ပြည် တောင်စနစ်’ ပုံသဏ္ဍန်ကျင့်သုံးခြင်းဖြစ်တန်ရာသည်။ သို့နှင့်တိုင် မြန်မာနိုင်ငံမှာ၊ တရုတ်ပြည်နှင့် လည်း တူညီသည် မဟုတ်ပါချေ။ တရုတ်ပြည်တွင်၊ အများစု ‘ဟန်လူမျိုး’ ကို ပခုံးချင်းယှဉ်နိုင်သော လူမျိူးစုဆို၍ အတော်ရှားပါသည်။ ယခုလောလောဆယ်ဆိုလျင် ‘တိဗက်’ လောက်သာရှိသည်။ မြန် မာနိုင်ငံတွင်ကား ဤသို့မဟုတ်။ ဗမာလူမျိုးစုနှင့် ယဉ်ကျေးမှုသမိုင်းအရ၊ အပြိုင်ဖြစ်ရုံမျှမက၊ ဗမာ ထက်ပင် သက်တမ်းအရရှေ့ကျသော လူမျိုးစုများရှိနေသည်သာ ဖြစ်ပါသည်။ ဇာအင်ပါယာမတိုင်မီ ရုရှားမှာလို၊ လွတ်လပ်သောခေတ်သစ်အမျိုးသားနိုင်ငံအဆင့်မရှိသည့်တိုင် သီးခြားယဉ်ကျေးမှုနှင့် ကိုယ်ပိုင်လွတ်လပ်မှုများရှိကြသည့် မျိုးတူစုများဖြစ်ပါသည်။

ပြောရလျင်၊ အဆိုပါခြားနားချက်ကိုလည်း၊ ဗမာကွန်မြူနစ်များ အလေးမထားခဲ့ကြပါချေ။ တရုတ်ပုံစံ ကိုယ်ပိုင်အုပ်ချုပ်ရေးဆိုသည်ကိုသာ၊ တရားသေကျကျပေါ်လစီခင်းခဲ့ကြပါသည်။ အမှန် စင်စစ်၊ မြန်မာနိုင်ငံ၏ ပကတိအရှိမှာ၊ ရုရှားနှင့်မတူသလို တရုတ်နှင့်တူသည်လည်းမဟုတ်။ သူ့ထူး ခြားချက်နှင့်သူဖြစ်သည်။ သီးခြားယဉ်ကျေးမှုနှင့် ကိုယ်ပိုင်လွတ်လပ်မှုများ ကိုယ်စီရှိကြသည့် လူမျိုးစုများ၊ မြန်မာနိုင်ငံဆိုသည့် ပထဝီဒေသကြီးတွင် (များသောအားဖြင့်) တန်းတူရည်တူ၊ စုစည်း နေထိုင်ကြသည့် သမိုင်းအစဉ်အလာဖြစ်သည်။

(ဂ) အမေရိကန်အစွဲ

၁၉၈၉ - ဘာလင်တံတိုင်းပြိုကျပြီးသည့်နောက်တွင်၊ ကမ္ဘာကြီး၏ ရေဘူယျတူရူချက်မှာ၊ ကွန်မြူ နစ်ဝါဒမှ ဒီမိုကရေစီဘက်သို့ လှည့်ပြောင်းသွားခဲ့ပါသည်။ မြန်မာနိုင်ငံတွင်လည်း ၁၉၈၈ အရေးအခင်းမှစ၍၊ အစဉ်အလာလက်ဝဲအိပ်မက်များ မှိန်ဖျော့သွားပြီး၊ ဒီမိုကရေစီနိုင်ငံရေးစနစ်ဘက် သို့ ဦးတည်လှုပ်ရှားလာခဲ့ပါသည်။ ဤသို့ အိုင်ဒီအိုလိုဂျီတူရူချက် တစ်ရာ့ရှစ်ဆယ်ဒီဂရီ လှည့်ပြောင်း သွားသည့်တိုင် မြန်မာနိုင်ငံရေးကို အစဉ်တစိုက်လို၊ ဒုက္ခပေးခဲ့သော တရားသေဝါဒ အန္တရာယ်ကို ကား၊ တွေ့သလောက်တွေ့နေရဆဲရှိသည်။ တိုင်းရင်းသားလူမျိုးစုပြဿနာ အဖြေရှာရေးတွင်၊ အမေရိကန်ပုံစံကို ‘ဗန်းတင်’ လာကြသည်များဖြစ်ပါသည်။

ဆိုရလျင်၊ အမေရိကန်ပြည်ထောင်စု၏ ကနဦးသမိုင်းတွင်လည်း၊ ‘ဖက်ဒရေးရှင်း’လား၊ ‘ကွန်ဖက်ဒရေးရှင်း’ လားဆိုသော၊ အငြင်းပွားမှုများရှိခဲ့သည်သာဖြစ်သည်။ သို့နှင့်တိုင် အမေရိက၏ ဖွဲ့စည်းပုံအခြေအခံဥပဒေတွင် ‘အခြေခံနိုင်ငံသားအခွင့်အရေး’ (Bill of Rights) ဖြင့်၊ ထိန်းထားနိုင် ခဲ့ရာ ပြည်ထောင်စုကြီးကို ယနေ့ထက်တိုင်၊ မပြိုမကွဲ၊ အားကောင်းမောင်းသန်တွေ့မြင်နေရဆဲ ဖြစ် ပါသည်။ ဤအစဉ်အလာကို ထောက်ပြပြီး၊ “မြန်မာ့လူမျိုးစုအရေးကိုလည်း၊ အမေရိကန်ပုံစံ ‘အခြေခံနိုင်ငံသား အခွင့်အရေး’ ဖြင့် မဖြေရှင်းနိုင်ပါသလော… ” မေးခွန်းထုတ်အဆိုပြုလာကြသည်။

မတူပါ။ အမေရိကန်ပြည်ထောင်စုမှာ၊ ကမ္ဘာအရပ်ရပ်မှ ရေကြည်ရာမြက်နုရာ ရွှေ့ပြောင်းနေ ထိုင်ကြသူများဖြင့် စုစည်းထားသည့် ‘ပျံကျလူ့အဖွဲ့အစည်း’ ဟု ဆိုရမည်သာ ဖြစ်ပါသည်။ အမေရိ ကတွင် ပဒေသရဇ်သမိုင်းမရှိ။ အစဉ်အလာ အမျိုးသားယဉ်ကျေးမှု မရှိ။ ဤသို့သောစုဖွဲ့မှုမျိုးကို “နိုင်ငံသားအခွင့်အရေး” ဖြင့် ထ်ိန်းထားနိုင်သော်လည်း မြန်မာနိုင်ငံအတွက်မူ လုံလောက်လိမ့်မည် မဟုတ်ပါချေ။ အစဉ်အလာအမျိုးသားယဉ်ကျေးမှု ကိုယ်စီရှိကြသော မြန်မာ့လူ့အဖွဲ့အစည်းတွင် ‘အမျိုးသားအမှတ်အသားသရုပ’် (national identity) ကို ဥပေက္ခာပြုပြီး၊ ‘အခွင့်အရေး’ (right) တစ်ခုတည်း ပြောနေလျင်၊ ရေမရောသည် ‘တရားသေဝါဒ’ ပင် ဖြစ်ပါလိမ့် မည်။

၂။ စကားလုံးတစ္ဆေ
|ယူနီယံ/ ဖက်ဒရယ်|

စစ်အေးခေတ်တွင်၊ အခြေခံအကောက်အယူချင်း၊ တူလျင်သော်မှ စကားလုံးအရမတူအောင်၊ တမင်ခွဲခြားသုံးစြွဲကသည်များရှိခဲ့သည်ဟုထင်သည်။ ဥပမာ၊ လက်ဝဲဘက်က၊ နိုင်ငံများ၏စုဖွဲ့မှုကို ‘union’ ဟုသုံးသည်။ (Soviet Union) လက်ယာဘက်က ‘federal’ ဟုသုံးသည်။ (Federal Republic of Germany) မြန်မာ့နိုင်ငံရေးတွင်မူ အဆိုပါဝေါဟာရများကို၊ မိမိတို့ နားလည်သလို အဓိပ္ပါယ်ဖွင့်ဆိုရာမှ အငြင်းပွားစရာပင် ဖြစ်လာရတော့သည်။ အထက်တွင် ဖော်ပြခဲ့ပြီးသော၊ သဘောတရားရေးအရှုပ်အထွေးကို ဗူးလေးရာဖရုံဆင့်စေသည့် စကားလုံးတစ္ဆေ ခြောက်မှုများဖြစ်ပါ သည်။

လွတ်လပ်ရေးမရမီ ၁၉၄၉၊ ဇွန်လ ၁ ရက်နေ့က ကျင်းပခဲ့သော တိုင်းပြုပြည်ပြုလွှတ်တော် ဆွေးနွေးပွဲတွင်၊ အမတ်တစ်ဦးက၊ ဗိုလ်ချုပ်အောင်ဆန်းကို ယခုလိုမေးခဲ့ဖူးသည်။ “မြန်မာဘာသာ တွင် ပြည်တောင်စုဟု သုံးနှုန်းထားပါလျက်၊ အင်္ဂလိပ်ဘာသာတွင်၊ အဘယ့်ကြောင့် Federal မသုံးဘဲ၊ Union ဟုသုံးထားပါသနည်း” - ဟူ၏။ ဗိုလ်ချုပ်ကမူ ‘မြန်မာနိုင်ငံ၏ဖွဲ့စည်းပုံအခြေခံဥပဒေ ဖြစ်၍ Union တို့ Federal တို့ကို အဓိကမထားဘဲ၊ မြန်မာဘာသာ ‘ပြည်ထောင်စု’ ဆိုသည်ကိုသာ အတည်ယူကြောင်း ပြန်ကြားခဲ့ပါသည်။ တဖန်၊ လွတ်လပ်ရေးရပြီး၊ ဆယ်နှစ်ကျော်အကြာ၊ ၁၉၆၀ ပြည့်နှစ်တွင် ကျင်းပခဲ့သော တောင်ကြီးညီလာခံမှ ‘ဖက်ဒရယ်မူ’ ပေါ်ထွက်လာရာ၊ မြန်မာ့တပ်မ တော်က ‘ခွဲထွက်ရေးအန္တရာယ်’ ဟု အဓိပ္ပါယ်ကောက်ပြီး၊ ၁၉၆၂ - အာဏာသိမ်းမှု အထိပင် ဦးတည် သွားခဲ့ရသည်။

အမှန်စင်စစ် ‘ပြည်တောင်စုမူ စစ်-မစစ်’ ဆိုသည်ကို စကားလုံးများအပေါ် ကုပ်ကပ် ငြင်းမနေကြဘဲ၊ လက်တွေ့ကျသော ‘အာဏာခွဲဝေ ကျင့်သုံးပုံ’ နှင့် စိစစ်သည်ကသာ ပို၍ အဓိပ္ပါယ် ရှိလိမ့်မည်ထင်ပါသည်။ Union ဖြစ်စေ၊ Federal ဖြစ်စေ၊ ပြည်ထောင်စု၏ အနှစ်သာရမှာ၊ ဗဟိုနှင့် ဒေသအာဏာခွဲဝေကျင့်သုံးမှုတွင် ရှိလိမ့်မည်ဟု သဘောရသည်။ ဤနေရာတွင်လည်း အစွန်းနှစ် ဘက်ကို ရှောင်နိုင်ရေးက အထူးအရေးကြီးပါလိမ့်မည်။ အကယ်၍ ဗဟိုအစိုးရက၊ လုပ်ပိုင်ခွင့်အာ ဏာ အလွန်အကျွံကိုင်ထားလျင်၊ ပြည်တောင်စု Union သို့မဟုတ် Federal ကိုကျော်ပြီး၊ ‘တစ်ပြည်တောင်’ (Unitary) အစွန်းသိုပရောက်သွားပါလိမ့်မည်။ အလားတူ၊ ဒေသအစိုးရများက၊ အလွန်အကျွံလုပ်ပိုင်ခွင့်များယူထားပြန်လျင်လည်း၊ ဖက်ဒရေးရှင်းကိုကျော်၍ ကွန်ဖက်ဒရေးသို့ ဦးတည်သွားနိုင်သည့် အန္တရာယ်ရှိနေသည်။ စကားလုံးတစ္ဆေခြောက်မှုများကို ကျော်ပြီး၊ သိမ်မွေ့နက် ရှိုင်းလှသော အဆိုပါ- အာဏာခွဲဝေကျင့်သုံးရေးပြဿနာကို အကြေအလည်ညှိနှိုင်းအဖြေရှာကြဖို့ လိုပါလိမ့်မည်။


၃။ ယ္ခင်အတွေ့အကြုံများ
(က) လူမျိုးပေါင်းစုံညီလာခံများ

ခေတ်သစ်မြန်မာ့နိုင်ငံရေးသမိုင်းတွင် ရေဘုယျအားဖြင့် လူမျိုးပေါင်းစုံညီလာခံသဘောဆောင် သော ကွန်ဖရင့်မျိုးနှစ်ကြိမ်သာကျင်းပနိုင်ခဲ့ပါသေးသည်။ ၁၉၄၇ ပင်လုံညီလာခံနှင့် ၁၉၈၁ - တောင် ကြီးညီလာခံတို့ဖြစ်သည်။ အဆိုပါ ညီလာခံနှစ်ခု၏ အတွေ့အကြုံနှင့် သင်ခန်းစာအချို့ကို ဆက် လက်ဖော်ပြပါမည်။
­
ပင်လုံညီလာခံ

အမှန်စင်စစ်၊ ပင်လုံညီလာခံမှာ ‘အောင်ဆန်း အက်တလီစာချုပ်’ ၏ အကျိုးဆက်ဟု ဆိုရမည် သာဖြစ်ပါသည်။ အဆိုပါစာချုပ်တွင် “နယ်ခြားဒေသများနှင့် မြန်မာနိုင်ငံပေါင်းစည်းရေးကို၊ နယ်ခြား ဒေသများတွင် နေထိုင်ကြသော၊ တိုင်းရင်းသားများ၏ ဆန္ဒအတိုင်းဖြစ်စေရမည်” ဆိုသော အချက် ပါရှိရာ၊ တိုင်းရင်းသားများ၏ ပေါင်းစည်းရေးဆန္ဒကို ရယူနိုင်ရန် ကြိုးပမ်းရာမှ ထွက်ပေါ်လာသော အကျိုးရလဒ်ပင်ဖြစ်သည်။ ဆိုခဲ့ပါ စာချုပ်အရ၊ “တိုင်းပြုပြည်ပြု လွှတ်တော်ရွေးကောက်ပွဲကို စော လျင်စွာ ကျင်းပပေးမည်” ဆိုသော အချက်လည်းပါရှိရာ ရတတ်သမျှအချိန်အတွင်း၊ တက်သုတ်ရိုက် ဆောင်ရွက်ရသည်ဖြစ်၍ တိုင်းရင်းသားလူမျိုးစုအားလုံးနှင့် အချိန်ယူညှိနှိုင်းဆောင်ရွက်မှုများ မလုပ် နိုင်ခဲ့ပါချေ။

အကျိုးဆက်အနေနှင့်၊ ပင်လုံညီလာခံမှာ၊ တိုင်းရင်းသားအားလုံးပါဝင်သော၊ ကျယ်ပြန့်သည့် ကွန်ဖရင့်ကြီးအထိဖြစ်မလာခဲ့ပါ။ All inclusive မဟုတ်ဟု ဆိုရမည်သာဖြစ်ပါသည်။ ဗမာ၊ ရှမ်း၊ ကချင်၊ ချင်းကိုယ်စားလှယ်များသာ ပါဝင်ဆွေးနွေးဆုံးဖြတ်ခဲ့ကြပြီး၊ ကရင်နှင့် ကရင်နီ (ကယား) ကိုယ်စားလှယ်များကမူ လေ့လာသူအဖြစ်သာ တက်ရောက်ခဲ့ကြသည်။ ညီလာခံဆုံးဖြတ်ချက် (ပင်လုံစာချုပ်) မှာလည်း၊ တိုင်းရင်းသားစည်းလုံးညီညွတ်ရေး စိတ်ဓာတ်၊ တစ်နည်း ပြည်ထောင်စု စိတ်ဓာတ်ကိုသာ ဖော်ပြနိုင်ခဲ့ပြီး၊ ပေါင်းစည်းရေးဆိုင်ရာ အသေးစိတ်အချက်အလက်များထိ သဘော တူဆုံးဖြတ်နိုင်ခဲ့ခြင်းမရှိခဲ့ပါ။ အထူးသဖြင့် အရေးကြီးသည့် ဗဟိုနှင့်ဒေသအာဏာခွဲဝေကျင့်သုံးရေး ဆိုင်ရာမူများကို၊ အသေးစိတ်ညှိနှိုင်းဆွေးနွေးဆုံးဖြတ်မှုများမလုပ်နိုင်ခဲ့ဟု ဆိုရပါလိမ့်မည်။ ထိုထက်၊ ၁၉၄၇ ခုနှစ်၊ ဇွန် ၉ ရက်နေ့က၊ စတင်ကျင်းပခဲ့သော တိုင်းပြုပြည်ပြုလွှတ်တော်ဆွေးနွေးပွဲတွင် ရှမ်းနှင့်ကရင်နီကိုယ်စားလှယ်က “ပြည်တောင်စုအတွင်းမှ ခွဲထွက်လိုက ခွဲထွက်ပိုင်ခွင့်” ဆိုသည်ကို တောင်းဆိုခဲ့ကြရာ၊ ၁၉၄၇ အခြေခံဥပဒေတွင် ‘၁၀ နှစ်ကြာလျှင် ခွဲထွက်လိုက ခွဲထွက်ခွင့်ရှိသည်’ ဆိုသော အချက်ကို ထည့်သွင်းခဲ့ရပါသည်။

မည်သို့ပင်ဆိုစေ၊ ပင်လုံညီလာခံအနေနှင့်- ပြည်ထောင်စုကြီးအဖြစ် ပေါင်းစည်းနေထိုင်ကြမည် ဆိုသော ပင်လုံစိတ်ဓာတ်ကိုမူ တစ်စုံတရာ ပြသနိုင်ခဲ့သည်ဟု ဆိုနိုင်ပါလိမ့်မည်။
­   
တောင်ကြီးညီလာခံ

၁၉၆၁ ခုနှစ်၊ ဇွန်လ ၈ ရက်နေ့က တောင်ကြီးမြို့တွင် ကျင်းပခဲ့သော ပြည်နယ်ပေါင်းစုံညီလာ ခံမှာ၊ ပင်လုံထက် ပို၍ all inclusive သဘောဆောင်ပါသည်။ ရှမ်း၊ ကချင်၊ ကယား၊ ကရင်၊ ချင်း၊ မွန်နှင့် ရခိုင် - ကိုယ်စားလှယ်များပါဝင်ခဲ့ကြ၍၊ အဓိက လူမျုးစုအားလုံးပါဝင်သည်ဟု ဆိုနိုင်သည်။ ဤညီလာခံကြီးမှပင်၊ ‘ရှမ်းမူ’ ခေါ် ‘ဖက်ဒရယ်မူ’ ထွက်ပေါ်လာခြင်းဖြစ်ပါသည်။ အမှန်စင်စစ် ဖက်ဒရယ်မူမှာ ခွဲထွက်ရေးကို တောင်းဆိုသည်တော့မဟုတ်ပါချေ။ လက်ရှိ ဖွဲ့စည်းပုံအခြေခံဥပဒေ (၁၉၄၇ ဥပဒေ) မှာပြည်ထောင်စုမူဟု ဆိုသော်လည်း လက်တွေ့တွင် တစ်ပြည်တောင်သဘော ဖြစ်နေ၍ ပြည်တောင်စုမူစင်စစ်ဖြစ်စေရန်၊ ပြန်လည်ပြင်ဆင်ရေးဆွဲရန် အဆိုပြုခြင်းသာဖြစ်ပါသည်။

ဖက်ဒရယ်မူက၊ အဆိုပြုခဲ့သော အရေးကြီးသည့် မူအချို့မှာ-
၁။ ဗမာပြည်နယ်ဖွဲစည်းရေး (ရှစ်ပြည်နယ်မူ)
၂။ အထက်လွှတ်တော် (လူမျိုးစုလွှတ်တော်) သို့ ပြည်နယ်တိုင်းမှ၊ တူညီသော ကိုယ်စားလှယ် အရေအတွက် စေလွှတ်ရေး။
၃။ လူမျိုးစုလွှတ်တော်နှင့် ပြည်သူ့လွှတ်တော် (အထက်နှင့်အောက်လွှတ်တော်) ကိုအာဏာတူ ပေးရေး။
၎။ ဗဟိုအစိုးရ (ပြည်တောင်စုအစိုးရ) ကိုအောက်ပါဌာနများလွှဲအပ်ပြီး၊ ကျန်ရှိသော အာဏာနှင့် လုပ်ပိုင်ခွင့်များကို ပြည်နယ်များသို့လွှဲအပ်ရေး
-       နိုင်ငံခြားဆက်သွယ်ရေး
-       ကာကွယ်ရေး
-       ဘဏ္ဍာရေး
-       ငွေဒင်္ဂါးနှင့် ငွေစက္ကူထုတ်ဝေရေး
-       စာတိုက်နှင့် ကြေးနန်းဆက်သွယ်ရေး
-       ရထား၊ လေကြောင်း၊ ရေကြေင်းဆက်သွယ်ရေး
-       တရားစီရင်ရေး
-       ပင်လယ်ဆိပ်ကမ်းခွန်ကောက်ရေး
၅။ ပြည်ထောင်စုဘဏ္ဍာတော်မျှတစွာ ခွဲဝေရေးဖြစ်သည်။

အဆိုပါ ဖက်ဒရယ်မူကို၊ ဖဆပလ နှင့် ပမညတ တို့က ဖက်ဒရေးရှင်းကိုကျော်ပြီး၊ ကွန်ဖက် ဒရေးရှင်းသို့ ဦးတည်သွားနိုင်စရာရှိသည်ဟု ဝေဖန်ခဲ့ကြသည်။ အာဏာရပါတီ - ပထစ၏ သဘော ထားကိုမူ မသိရတော့ပါချေ။ သတ်မှတ်ရက်ချိန်းမတိုင်မီတပ်မတော်က အာဏာသိမ်းလိုက်သော ကြောင့်ဖြစ်ပါသည်။

(ခ) တွေ့ဆုံဆွေးနွေးမှုများ

လူမျိုးစုလက်နက်ကိုင်အဖွဲ့အစည်းများနှင့် အစိုးရအဆက်ဆက်ကြား၊ သီးခြားတွေ့ဆုံဆွေးနွေး ကြသည်များ၊ အခါအားလျောက်စွာရှိခဲ့ပါသည်။ လက်နက်ကိုင်အဖွဲ့အစည်းအားလုံးလောက်နှင့်၊ အချိန်တစ်ချိန်တည်းမှာပင် သီခြားဆွေးနွေးကြသည်မျိုးကိုမူ၊ နှစ်ခါသာတွေ့ရသည်။ တော်လှန်ရေး ကောင်စီခေတ်ဦး ၁၉၆၃ ခုနှစ် နှင့် ၁၉၉၀ ပြည့်လွန်နှစ်များအတွင်းဖြစ်သည်။
­   
၁၉၆၃၊ တွေ့ဆုံဆွေးနွေးမှုများ

ထိုစဉ်က၊ တော်လှန်ရေးကောင်စီအစိုးရနှင့်၊ တွေ့ဆုံဆွေးနွေးခဲ့ကြသော လက်နက်ကိုင်အဖွဲ့ အစည်းများမှာ-

၁။ ကွန်မြူနစ်ပါတီ (ဗမာပြည်) [အလံနီ]
၂။ ရခိုင်ပြည်ကွန်မြူနစ်ပါတီ
၃။ ရှမ်းအမျိုးသားတပ်ပေါင်းစုနှင့် ရှမ်းပြည်လွတ်မြောက်ရေးတပ်
၎။ ကချင်လွတ်လပ်ရေးကောင်စီ
၅။ ဗမာပြည်ကွန်မြူနစ်ပါတီ (ဗကပ)
၆။ သုံးပါတီ (ကေအင်ယူပါတီ၊ မွန်ပြည်သစ်ပါတီနှင့် ကရင်နီအမျိုးသားတိုးတက်ရေးပါတီ)
၇။ မဒညတ (အထက်ပါသုံးပါတီ၊ ဗကပနှင့်ချင်းဦးစီအဖွဲ့)
၈။ ကရင်တော်လှန်ရေးကောင်စီ

ကရင်တော်လှန်ရေးကောင်စီ တစ်ခုတည်းနှင့်သာ၊ ငြိမ်းချမ်းရေးသဘောတူညီချက်ရခဲ့ပါသည်။
­   
၁၉၈၉/၉၀ တွေ့ဆုံဆွေးနွေးမှုများ

နိုင်ငံတော်ငြိမ်ဝပ်မိပြားမှု တည်ဆောက်ရေးအဖွဲ့အစိုးရအနေနှင့် ၁၉၈၉ ခုနှစ်မှစ၍၊ လူမျိုးစုလက်နက်ကိုင်အဖွဲ့အစည်းများနှင့် သီးခြားတွေ့ဆုံဆွေးနွေးမှု များလုပ်ခဲ့ရာ၊ ၁၇ ဖွဲ့နှင့် အပစ်အခတ်ရပ်ဆဲရေး သဘောတူညီချက်များရရှိခဲ့ပါသည်။ အဆိုပါအဖွဲ့ များတွင် ယခင် ဗမာပြည်ကွန်မြူနစ်ပါတီမှ ကွဲထွက်လာသော၊ ကိုးကန့်အဖွဲ့၊ ဝအဖွဲ့များပါသလို၊ ကေအင်ယူပါတီမှခွဲထွက်လာသော ဒီမိုကရက်တစ်ကရင် ဗုဒ္ဓဘာသာတပ်မတော် (DKBA) လည်း ပါသည်။ ‘ကချင်လွတ်လပ်ရေးအဖွဲ့’ (KJO) လို၊ အင်အားကြီးအဖွဲ့များပါသလို ကရင်နီလူမျိုးပေါင်းစုံ လွတ်မြောက်ရေးအဖွဲ့ (ကလလတ) ၊ ကယမ်းပြည်သစ်ပါတီ၊ ရှမ်းပြည်လူမျိုးပေါင်းစုံလွတ်မြောက် ရေးအဖွဲ့ (ရရလဖ) တို့လို အဖွဲ့ငယ်များလည်းပါသည်။ ရှမ်းပြည်နယ်တပ်မတော် (SSA) လို၊ ကရင်နီတိုးတက်ရေးပါတီလို၊ မွန်ပြည်သစ်ပါတီလို အင်အားအသင့်အတင့်ရှိသော အဖွဲ့များလည်း ပါသည်။
အချို့သောအဖွဲ့များမှာ၊ အပစ်အခတ်ရပ်ဆဲရေး သဘောတူညီချက်ရပြီးမှ၊ ပြန်ပျက်သွားသည် များလည်းရှိသည်။ KIO/KIA နှင့်ဆိုလျင်ယခုချိန်ထိ၊ တိုက်ပွဲများဆက်လက်ဖြစ်ပွားနေဆဲရှိသည်။

(ဂ) ခြုံငုံသုံးသပ်ချက်များ

ဆိုခဲ့ပြီးသော အတွေ့အကြုံများကို၊ အခြေခံပြီး၊ စာရေးသူ ဥာဏ်မီသလောက် ခြုံငုံသုံးသပ် ကြည့်ပါမည်။

၁။ ရေရှည်တည်တန့်ခိုင်မြဲသော၊ ငြိမ်းချမ်းရေးသို့ ဦးတည်နိုင်ဖို့ဆိုလျင်၊ အင်အားစုအားလုံး ပါဝင်သော အဖြေရှာမှုမျိုးဖြစ်ဖို့လိုလိမ့်မည်ထင်ပါသည်။ ပင်လုံညီလာခံတွင်၊ တိုင်းရင်းသားလူမျိုး ပေါင်းစုံမပါဝင်နိုင်ခဲ့ခြင်း၊ တောင်ကြီးညီလာခံအပြီး ဖက်ဒရယ်မူဆွေးနွေးပွဲများတွင်၊ တပ်မတော် ကိုယ်စားလှယ်မပါခြင်း စသည်တို့မှာ နောက်ဆက်တွဲဝမ်းနည်းဖွယ်ရာများ၏ အကြောင်းရင်းခံဖြစ် လေမည်လား စဉ်းစားမိသည်။

၂။       ၁၉၆၃ တွေ့ဆုံဆွေးနွေးမှုများတွင်၊ လူမျိုးစုလက်နက်ကိုင်အဖွဲ့အစည်းများနှင့် သဘောတူ ညီချက်မရခဲ့သည့် အဓိကအဖုအထစ်မှာ ‘ခွဲထွက်ခွင့်’ ကိစ္စဖြစ်မည်ထင်သည်။ ၁၉၄၇ အခြေခံဥပဒေ တွင်၊ ‘ပြည်တောင်စုစနစ်’ ဟုဖော်ပြထားသော်လည်း၊ လက်တွေ့အကောင်အထည်ဖော်ရာတွင် ‘တစ်ပြည်တောင်သဘော’ ဖြစ်နေသည်ဟု၊ လူမျိုးစုများဘက်မှ ထင်မြင်နိုင်စရာရှိပေသည်။ အစိုးရ ဘက်မှ၊ အဆိုပါခံစားချက်ကိုချေဖျက်ပေးနိုင်ရန်၊ လက်တွေ့ကျကျပြသနိုင်ဖို့လိုပါလိမ့်မည်။ ပေါင်း စည်းမှုက၊ ပြိုကွဲမှုထက်၊ အားလုံးအတွက် ပိုအကျိုးများစေနိုင်ကြောင်းကိုလည်း၊ အခိုင်အမာပြသနိုင် ဖို့ လိုမည်ထင်သည်။

၃။       ၁၉၈၉/၉၀ ဆွေးနွေးမှုများမှ ရရှိခဲ့သော၊ အပစ်အခတ်ရပ်ဆဲရေးများ ဘာ့ကြောင့်ရေရှည် မခံသည်ကို၊ ပြန်လည်ဆန်းစစ်ဖို့လိုမည်ထင်ပါသည်။ ထိုစဉ်က အစိုးရ၏ချဉ်းကပ်မှုမှာ၊ နိုင်ငံရေး ထက် စီးပွားရေး မျက်နှာစာတစ်ခုတည်းကိုသာ အလေးထားခဲ့သည်လားစဉ်းစားမိသည်။ လက်နက် ကိုင်တိုက်ပွဲ ရည်ကြာလာသည်နှင့်အမျှ၊ လက်နက်ကိုင်အင်အားစုများမှာ၊ မိမိတို့တပ်ဖွဲ့များ ဆက် လက်ရှင်သန်စေရန်၊ စီးပွားရေးလုပ်ကြရသည်များရှိပါသည်။ အစိုးရအနေနှင့် အဆိုပါ ‘စစ်စီးပွားရေး’ ကို၊ ‘ငြိမ်းချမ်းရေးစီးပွားရေး’ ဖြစ်အောင်ကြိုးပမ်း ဖန်တီးပေးခဲ့သည်ကိုတွေ့ရသည်။ ဆိုလိုသည်မှာ ခေါင်းဆောင်များကို စီးပွားရေးလုပ်ကွက်နှင့် လုပ်ပိုင်ခွင့်များ အပ်နှင်းလိုက်သည့်သဘောပင်ဖြစ် သည်။ သို့တစေ အောက်ခြေ တပ်သားထုနှင့် ဒေသခံလူထုအတွက်မူ၊ ထင်သာမြင်သာ အကျိုးကျေး ဇူးများဖန်တီးမပေးနိုင်ခဲ့ဟု ယူဆရပါသည်။ ဤအချက်က၊ ဒုတိယတန်းခေါင်းဆောင်များနှင့် အောက် ခြေတပ်သားထုကို၊ စစ်ပွဲဆီသို့ပြန်လှည့်သွားစေရန်၊ စေ့ဆော်မှုတစ်ခု ဖြစ်ကောင်းဖြစ်သွားနိုင်ပေ သည်။

ဖွံ့ဖြိုးမှုနောက်ကျခြင်းမှာ၊ မြန်မာပြည်- ပြည်တွင်းစစ်၏ အကြောင်းတရားဆိုသည်ထက်၊ အကျိုး ဆက်ဖြစ်ဖို့က ပိုများသည်ဟု သဘောရပါသည်။ ပြည်တွင်းစစ်၏ အဓိကအကြောင်းရင်းခံဖြစ်သော၊ နိုင်ငံရေးပြသနာများကို မဖြေရှင်းနိုင်လျင် ရရှိပြီး၊ အပစ်အခတ်ရပ်ဆဲရေးမှ၊ အချိန်မရွေးသေနတ်သံ ပြန်ထွက်နိုင်သည်ကို သတိချပ်ဖို့ လိုမည်ထင်ပါသည်။ ရေရည်တည်တန့်ခိုင်မြဲမည့် ငြိမ်းချမ်းရေးနှင့် လည်း ဝေးနေဦးမည် ဖြစ်ပါသည်။


ပြည်တွင်းငြိမ်းချမ်းရေး 
တွေးမိသည်များ (အပိုင်း - ၂)
ကျော်ဝင်း


၎။ လတ်တလောပြဿနာများ

ယခုအခါ၊ လူမျိုးစုလက်နက်ကိုင်အဖွဲ့အစည်းအားလုံးနီးပါးနှင့် ပဏာမ အပစ်အခတ်ရပ်ဆဲရေး သဘောတူညီချက်များ ရရှိပြီးဖြစ်ပါသည်။ သို့နှင့်တိုင်၊ အရေးကြီးသော နိုင်ငံရေးပြဿနာများကိုမူ ဆက်လက်ဆွေးနွေးနေကြဆဲဖြစ်သည်။ ‘ကချင်လွတ်လပ်ရေးအဖွဲ့’ (KIO)နှင့်မူ၊ အပစ်အခတ်ရပ်ဆဲ ရေး သဘောတူညီချက်မရသေးရုံမျှမက၊ တိုက်ပွဲများဆက်လက်ဖြစ်ပွားဆဲရှိနေသည်။

KIO နှင့် အမြန်ဆုံးအပစ်အခတ်ရပ်ဆဲရေး သဘောတူညီချက်ရဖို့လိုသလို၊ KIO အပါအဝင်၊ လူ မျိုးစုလက်နက်ကိုင်အဖွဲ့အစည်းအားလုံးနှင့်လည်း၊ ရေရှည်တည်တန့်ခိုင်မြဲသော ငြိမ်းချမ်းရေးတည် ဆောက်နိုင်ရန်၊ နိုင်ငံရေးအရ အဖြေရှာကြဖို့ အထူးအရေးကြီးပါသည်။ ဤနေရာတွင်၊ စာရေးသူလို သာမန်ပြည်သူတစ်ယောက်အနေနှင့် “မည်သို့သောတိုးတက်မှုများရနေပြီ”၊  “မည်သို့သောအခက် အခဲနှင့် ပြဿနာများရှိနေသည်” - စသည်များကို သိလှသည်မဟုတ်ပါ။ သိခွင့်ရှိသည်လည်းမဟုတ် ပါ။ ဥာဏ်မီသလောက်၊ စဉ်းစားရသမျှ ပြဿနာအချို့ကိုသာ မှန်းဆဖော်ပြလိုက်ရပါသည်။

(က) ငြိမ်းချမ်းရေးလမ်းပြမြေပုံ

အစိုးရဘက်မှ၊ ပြည်တွင်းငြိမ်းချမ်းရေးကို အဆင့်သုံးဆင့်ဖြင့် ဆောင်ရွက်သွားမည်ဟု၊ တရား ဝင်ထုတ်ပြန်ကြေငြာထားပြီးဖြစ်သည်။

ပထမအဆင့်မှာ၊ လက်နက်ကိုင်အဖွဲ့အစည်းအသီးသီးနှင့် သက်ဆိုင်ရာ၊ ပြည်နယ်၊ တိုင်းဒေသ ကြီး အစိုးရကြား အပစ်အခတ်ရပ်ဆဲရေးသဘောတူညီမှုရဖို့ဖြစ်သည်။ ဤအဆင့်တွင်၊ နှစ်ဘက်အ ပြန်အလှန် ယုံကြည်မှုတည်ဆောက်ရေးကို အရေးကြီးဆုံးအဖြစ်သဘောယူသည်။ ဒုတိယအဆင့်မှာ လက်နက်ကိုင်အဖွဲ့အစည်းအသီးသီးနှင့် ပြည်တောင်စုအစိုးရ (ဗဟိုအစိုးရ) ကြား၊ ပိုမိုကျယ်ပြန့် သော ညှိနှိုင်းဆွေးနွေးမှုများဆောင်ရွက်ဖို့ ဖြစ်သည်။ ဤအဆင့်တွင် လူမှုစီးပွားရေး၊ ယဉ်ကျေးမှုရေး နှင့်၊ နိုင်ငံရေးပြဿနာများအပါအဝင်၊ အခြားဆက်စပ်နေသော၊ ပြဿနာရပ်များကို ကိုင်တွယ်ဖြေ ရှင်းကြမည်ဖြစ်သည်။ တတိယအဆင့်တွင် လက်နက်ကိုင်အဖွဲ့အစည်းအားလုံးမှ ကိုယ်စားလှယ်များ နှင့် အခြားသော ‘အကျိုးရှင်များ’ (Stakeholder) စုစည်းပြီး၊ ရေရှည်တည်တံ့ခိုင်မြဲမည့် နိုင်ငံရေး သဘာတူညီချက်တရပ်၊ ဖော်ထုတ်နိုင်ရန် ဆွေးနွေးညှိနှိုင်းကြဖို့ဖြစ်သည်။ ဤအဆင့်တွင် လိုအပ်ပါ က၊ ဖွဲ့စည်းပုံအခြေခံဥပဒေ ပြင်ဆင်ရေးအထိပါ၊ ဆွေးနွေးညှိနှိုင်းကြဖို့ရှိပါသည်

အပစ်အခတ်ရပ်ဆဲရေး သဘောတူညီမှုရရှိပြီး၊ လူမျိုးစုလက်နက်ကိုင်အဖွဲ့အစည်းများနှင့် ပတ်သက်လျင်၊ ရေဘူယျအားဖြင့် ပထမအဆင့်ကို ကျော်လွန်ပြီး၊ ဒုတိယအဆင့်ကို စတင်နေပြီဟု နားလည်ရပါသည်။ KIO နှင့်မူ၊ အပစ်အခတ်ရပ်ဆဲရေးသဘောတူညီမှု မရသေးသည့်တိုင်၊ ဗဟိုအစိုး ရအဖွဲ့ကိုယ်စားလှယ်များနှင့်ပါ၊ တိုက်ရိုက်ဆွေးနွေးညှိနှိုင်းနေပြီဖြစ်၍၊ ပထမနှင့်ဒုတိယအဆင့်ကို တစ်ပြိုင်နက်အကောင်အထည်ဖော်နေသည့်သဘောဟု ယူသော်ရမည်ထင်ပါသည်။ သို့နှင့်တိုင် ဘာ့ကြောင့် ရလဒ်ကောင်းများထွက်မလာဘဲ၊ စစ်ရေးအရှိန်မြင့်လာရသည်ကိုမူ စဉ်းစားစရာဖြစ်နေ တော့သည်။ KIO တွင်၊ ၎င်းတို့ကိုယ်ပိုင်၊ သီးခြားလမ်းပြမြေပုံရှိနေသလော။ အကယ်၍ ရှိခဲ့လျင်၊ ပွင့် ပွင့်လင်းလင်းဖော်ထုတ်ဆွေးနွေးကြဖို့လိုမည်ထင်သည်။ တတိယအဆင့်ဆွေးနွေးပွဲတွင်၊ KIO အပါအဝင်၊ လူမျိုးစု လက်နက်ကိုင် အားလုံးစုံစုံညီညီတက်ရောက်နိုင်ဖို့ အထူးအရေးကြီးသော ကြောင့် ဖြစ်ပါသည်။

(ခ) မူပိုင်းဆိုင်ရာပြဿနာ
(ပေါင်းစည်းရေး/ခွဲထွက်ရေး)

တိုင်းရင်းသား လူမျိုးများအရေး၏ မူပိုင်းဆိုင်ရာတွင် အရေးကြီးဆုံးဖြစ်ဖွယ်ရှိသည်မှာ၊ ‘ပြည် တောင်စုကြီးအဖြစ်၊ ဥမကွဲသိုက်မပျက်ပေါင်းစည်းနေထိုင်ကြမည်လော’ သို့မဟုတ် “လွတ်လပ် သောနိုင်ငံများအဖြစ် သီးခြားရပ်တည်ကြမည်လော” ဆိုသော ကိစ္စတွင်ရှိလိမ့်မည်ဟု သဘောရပါ သည်။ ၁၉၆၃ ပြည်တွင်းငြိမ်းချမ်းရေး တွေ့ဆုံဆွေးနွေးမှုများတွင်၊ လူမျိုးစုလက်နက်ကိုင်အင်အားစု များနှင့် သဘောတူညီချက် မရခဲ့သည်မှာ၊ ဤပြဿနာအပေါ်အဖြေမရှာနိုင်သောကြောင့်ဟု ထင် သည်။ ယခုအခါ၊ လူမျိုးစုလက်နက်ကိုင်အင်အားစုတိုင်းက၊ ‘ခွဲထွက်ရေး’ ကိုစွန့်လွှတ်ခဲ့ကြပြီဖြစ်ရာ၊ ပြဿနာ၏အဖြေကို ရရှိပြီးဖြစ်သည်ဟု ယူဆရပါသည်။ ဆိုရလျင် မူပိုင်းဆိုင်ရာပြဿနာ၏ သော့ ချက်အကျဆုံးကိစ္စကို ကျော်လွှားနိုင်ခဲ့ပြီဖြစ်၍၊ ရရှိပြီး၊ ပေါင်းစည်းရေးစိတ်ဓာတ် (တစ်နည်း- ပင်လုံ စိတ်ဓာတ်) ဖြင့် ကျန်ပြဿနာများကို ညှိနှိုင်းအဖြေရှာနိုင်လိမ့်မည်စု မျှော်လင့်ရပါသည်။ (ဤအပိုင်း ကို- ရှေ့အခန်း- ထင်မြင်ချက်များမှ ဆက်လက်ဆွေးနွေးပါမည်။)

(ဂ) လက်နက်ကိုင်တပ်ကိစ္စ
(စစ်ဘောင်သွင်းခြင်း/စစ်ဘောင်လျှော့ခြင်း)

စစ်ဖြစ်ပြီဆိုလျင် နိုင်ငံရေးကိုစစ်ဘောင်သွင်းကြရသည်မှာ ဓမ္မတာပင်ဖြစ်ပါသည်။  (militarization of politics) မြန်မာနိုင်ငံတွင်လည်း၊ ပြည်တွင်းစစ်ကို အကြောင်းခံပြီး၊ ဤအတိုင်းပင် ဖြစ်ခဲ့ရသည်။ နိုင်ငံရေးခေတ်တစ်ခေတ်ပင်ဆုံးခန်းတိုင်ခဲ့ပြီး၊ တပ်မတော်ကိုယ်တိုင်က၊ နိုင်ငံရေးကို တာဝန်ယူသည်အထိဖြစ်ခဲ့ရသည်။ အလားတူ၊ လူမျိုးစုနိုင်ငံရေးပါတီများမှာလည်း၊ စစ်အသွင်ဆောင် ၍၊ စစ်ဘောင်သွင်းလိုက်ရပါသည်။

ယခုငြိမ်းချမ်းရေး၊ ပြန်လည်တည်ဆောက်တော့မည်ဆိုသောအခါ၊ ဆိုခဲ့ပါ စစ်ဘောင်သွင်းထား သည့် အနေအထားးမှ ပြန်ဖြေလျော့ဖို့လိုလာသည်။ နိုင်ငံရေးမှ စစ်ဘောင်ပြန်လျှော့ဖို့ဖြစ်ပါသည်။ (Demilitarization of politics) တည့်တည့်ဆိုရလျှင်၊ လူမျိုးစုလက်နက်ကိုင်အဖွဲ့အစည်းများကို၊ နိုင်ငံရေးပါတီများအဖြစ် အသွင်ပြောင်းဖို့ဖြစ်သည်။ ဤကိစ္စမှာ၊ မူပိုင်းဆိုင်ရာပြဿနာမဟုတ်သည့် တိုင်၊ ‘မူ’ နှင့်နက်နက်ရှိုင်းရှိုင်းဆက်စပ်နေသောပြဿနာဖြစ်လေရာ၊ ဂရုဓမ္မထား၍ ဖြေရှင်းဖို့လိုပါ သည်။
ယခုလောလောဆယ်တွင်၊ ဤပြဿနာနှင့် ပတ်သက်လျင်၊ လိပ်ခဲတည်းလည်း အခြေအနေ အ ချို့ကို၊ မကျော်လွှားနိုင်ဖြစ်နေဆဲဟုထင်သည်။ အစိုးရဘက်မှ၊ ‘နိုင်ငံတစ်ခုတွင် တပ်မတော်တစ်ခု သာရှိရမည်’ ဟု ရပ်တည်ထားရာ၊ သဘာဝကျသော ရပ်ခံမှုဟု ဆိုရပါလိမ့်မည်။ လူမျိုးစုအဖွဲ့အစည်း များဘက်မှလည်း၊ ၎င်းတို့၏ လက်နက်ကိုင်တပ်ဖွဲ့များကို စွန့်လွှတ်ဖို့၊ သို့မဟုတ် တစ်ခုတည်းသော စစ်ဦးစီးမှုအောက်တွင် ထည့်သွင်းဖို့ ဝန်လေးနေကြသည်မှာ၊ သူ့ဟာနှင့်သူသဘာဝကျသည်ဟု ဆို ရမည်သာဖြစ်သည်။ နှစ်ပေါင်းမြောက်များစွာ လက်နက်ကိုင်ခဲ့ကြသော အဖွဲ့အစည်းများအနေနှင့်၊ ယုံကြည်မှုအပြည့်အဝမရသေးခင်၊ လက်နက်စွန့်လိုက်လျင် - ၎င်းတို့ဆက်လက်ရပ်တည်ရှင်သန်နိုင် ပါ့မလား- စိုးရိမ်မကင်းတွေးမိကြမည်သည်ဖြစ်ပါသည်။

အကယ်၍သာ၊ နိုင်ငံရေးအရ၊ မူပိုင်းဆိုင်ရာပြဿနာများကိုဖြေရှင်းနိုင်လျင်မူ၊ ယခုထက် ယုံကြည် မှုပိုမိုခိုင်မာလာနိုင်စရာရှိပါလိမ့်မည်။ သည်တော့မှ၊ ဆိုခဲ့ပါ ပြဿနာကို ဆက်လက် ညှိနှိုင်းအဖြေရှာ ကြလျင် ပို၍ အဆင်ပြေလွယ်ကူလေမည်လား စဉ်းစားမိသည်။ သို့အတွက်၊ လက်နက်ကိုင်တပ်ကိစ္စ နှင့် မူပိုင်းဆိုင်ရာ နိုင်ငံရေးကိစ္စများကို ခွဲမစဉ်းစားဘဲ၊ ချိတ်ဆက်စဉ်းစားကြ လျင် လိပ်ခဲတည်းလည်း အခြေအနေ အချို့ကိုကျော်လွှားနိုင်လိမ့်မည်ဟုသဘောရ သည်။
ဤနေရာတွင်ထောက်ကွက် တစ်ခုရှိလာနိုင်သည်မှာ၊ အစိုးရ အနေနှင့်ရော၊ Demilitarize လုပ်ဖို့ မလိုပါသဘောဆိုသော ပုစ္စာဖြစ်သည်။ သီအိုရီသဘောအရဆိုလျင် ‘လိုသည်’ ဟုဖြေရပါလိမ့် မည်။ လက်တွေ့သဘောအရဆိုလျင်၊ ထည့်သွင်းစဉ်းစားဖွယ်ရာများစွာရှိနေပါသည်။ လက်ရှိဒီမိုက ရေစီအပြောင်းအလဲဖြစ်စဉ်သည်ပင်၊ မြန်မာ့နိုင်ငံရေးကို စစ်ဘောင်လျှော့ချလိုက်သည့်သဘော ဖြစ်ရာ၊ ဤဖြစ်စဉ်ကြီးကို တပ်မတော်ကိုယ်တိုင်က နားလည်မှုရှိရှိ ထောက်ခံအားပေးဖို့လိုပါသည်။ ဤသို့ ထောက်ခံအားပေးနေသရွေ့ မြန်မာ့နိုင်ငံရေးမှာ Demilitarization ဖြစ်စဉ်ထဲ ရောက်နေပြီဟု ယူဆနိုင်စရာရှိပါသည်။

(ဃ) အပစ်အခတ်ရပ်ဆဲရေး/ယုံကြည်မှုတည်ဆောက်ရေး

တစ်ဘက်နှင့်တစ်ဘက်၊ စစ်မက်ယှဉ်ပြိုင်တိုက်ခိုက်ကြသည်မှာ၊ ယုံကြည်မှုပြိုကွဲခြင်း၏ အဆုံး စွန်လက္ခဏာပင်ဖြစ်သည်။ စစ်ပွဲဖြင့် ယုံကြည်မှုပြန်လည်တည်ဆောက်နိုင်သည်မျိုး- သမိုင်းတွင်၊ တစ်ခါမှ မရှိခဲ့ဖူးပါ။ ယုံကြည်မှုပြန်လည်တည်ဆောက်နိုင်ဖို့ဆိုလျင်၊ စစ်ပွဲတွေရပ်ဖို့လိုပါသည်။ အနိမ့် ဆုံးအားဖြင့် အပစ်အခတ်ရပ်ဆဲကြဖို့လိုပါသည်။ တစ်ဘက်နှင့်တစ်ဘက်သံသယများရှိနေကြသည့် အခြေအနေတွင်၊ အပစ်အခတ်ရပ်ဆဲရေး သဘောတူညီမှုရဖို့ ခက်ခဲနိုင်သည်ကို သဘောပေါက်ပါ သည်။ သို့တစေ ဆက်လက်တိုက်ခိုက်နေကြမည်ဆိုလျင် ရှိပြီးသံသယတွေ လျှော့ပါးမသွားရုံမျှမက၊ ပို၍သာ ဆိုးဝါးလာဖို့များပါသည်။ အပစ်အခတ်ရပ်ဆဲရေးမှာ၊ မူပိုင်းဆိုင်ရာ ပြဿနာမဟုတ်ဘဲ၊ နည်း နာကိစ္စသာဖြစ်လေရာ၊ သိပ်တင်းခံမနေကြဖို့ အင်အားစု အသီးသီးကို မေတ္တာရပ်ခံလိုပါသည်။


၅။ ထင်မြင်ချက်အချို့

ရှေ့ပိုင်းတွင်ဆိုခဲ့ပြီးသည့်အတိုင်း၊ တိုင်းရင်းသားလူမျိုးများအရေးနှင့်ပတ်သက်လျင် သဘောတ ရားရေးအရှုပ်အထွေးများရှိသလို၊ စကားလုံးတစ္ဆေခြောက်မှုများလည်းရှိနေဆဲဖြစ်ပါသည်။ ဤသို့ဆို လျင်၊ ဘာလုပ်ကြမည်နည်း။ ရေရှည်တည်တန့်ခိုင်မြဲမည့် ပြည်ထာင်စုကြီးဖြစ်ပေါ်လာစေရန် ဘယ် လိုစနစ်၊ ဘယ်လို ပုံသဏ္ဍန်ဖြင့်စုစည်းကြမည်နည်း။ ပွင့်ပွင့်လင်းလင်းဝန်ခံရလျင်၊ အဆိုပါမေးခွန်းအ တွက်၊ စာရေးသူတွင်၊ တိတိပပအဖြေရှိသည်မဟုတ်ပါ။ အစိုးရရော၊ လူမျိုးစုအဖွဲ့အစည်းအသီးသီး ရှိပေါ်လစီမိတ်ကာများထည့်သွင်းစဉ်းစားနိုင်စေရန်၊ စာရေးသူဖတ်ဖူးသော အယူအဆတစ်ခုကိုသာ တင်ပြလိုပါသည်။ ခေတ်ပြိုင်ပညာရှင်တစ်ဦးဖြစ်သူ ‘လာရီဒိုင်းမွန်း’ ၏ အယူအဆဖြစ်ပါသည်။ ဤအယူအဆမှာလည်း- မြန်မာပြည်အတွက်၊ တစ်ခုတည်းသော အဖြေမှန်ဟု ဆုလိုသည်မဟုတ်ပါ။ မြန်မာ့ပကတိအရှိနှင့် ပေါင်းစပ်ကျင့်သုံးဖို့ဖြစ်နိုင်၊ မဖြစ်နိုင် စဉ်းစားကြဖို့တင်ပြရခြင်းသာဖြစ်ပါသည်။ အကယ်၍ အဆိုပါ အယူအဆကို၊ မြန်မာ့ပကတိအရှိနှင့် ပေါင်းစပ်ကျင့်သုံးတော့မည်ဆိုလျင် အသေး စိတ်ညှိနှိုင်း အဖြေရှာကြရမည့် ‘အာဂျင်ဒါ’ များလည်း မလွဲမသွေရှိပါလိမ့်ဦးမည်။ ဤ အာဂျင်ဒါ- များ ကိုလည်း စာရေးသူဥာဏ်မီသမျှတင်ပြအပ်ပါသည်။ ဆိုခဲ့ပါအတိုင်းညှိနှိုင်းအဖြေရှာကြရာတွင်၊ ပါဝင် ပတ်သက်သူတိုင်း၊ ထားရှိသင့်သည်ဟု၊ စာရေးသူမြင်သော၊ သဘောထားများကိုလည်း ဖော်ပြလိုက် ပါသည်။ အချုပ်ဆိုရလျင်- ‘စာရေးသူ၏ထင်မြင်ချက်အချို့’ ဆိုပါစို့ … ။

(က) လာရီဒိုင်းမွန်း၏အဆို
(Nation State/State Nation)

စတင်းဖို့(ဒ်) တက္ကသိုလ်မှ ပါမောက္ခလာရီဒိုင်းမွန်းက၊ မြန်မာနိုင်ငံလို၊ လူမျိုးစု တစ်ရာကျော် မှီတင်းနေထိုင်ကြသော၊ တိုင်းပြည်မျိုးအတွက်၊ သမားရိုးကျ Nation State ဆိုသည်ထက်၊ State Nation ပုံစံစုဖွဲ့မှုမျိုးက၊ ပို၍ရေရှည်တည်တန့်ခိုင်မြဲစရာရှိသည်ဟု အဆိုပြုပါသည်။ (The Need for a Political Pact- by Larry Diamond, Journal of Democracy Volume 23.2012)

Nation State ကို ‘အမျိုးသားနိုင်ငံ’ ဟူ၍ ဘာသာပြန်ရှိပြီး ဖြစ်ပါသည်။ ရေဘူယျအားဖြင့် အမျိုး သားတစ်ခု၊ လူမျိုးတစ်မျိုးက ဦးဆောင်သော နိုင်ငံတော်ပုံသဏ္ဍန်ပင်ဖြစ်သည်။ State Nation ကား ဤသို့မဟုတ်။ တစ်ခုမကသော အမျိုးသားများ၊ တစ်နည်းလူမျိုးပေါင်းစုံဖြင့် စုဖွဲ့ထားသော၊ နိုင်ငံတော်ပုံသဏ္ဍန်ဖြစ်သည်။ လာရီဒိုင်းမွန်း၏ ဖွင့်ဆိုချက်ကို အရင်းအတိုင်းဖော်ပြရလျင် “a state made up of many nationality groups in which the central state nonetheless still manages to engender strong identification and loyalty from (its) citizens”

ဤစာပိုဒ်ကိုပင်၊ အတတ်နိုင်ဆုံး- အတိအကျဘာသာပြန်ဆိုဖော်ပြအပ်ပါသည်။ “တစ်မျိုးမက သော၊ လူမျိုးစုအုပ်စုများစွာဖြင့်၊ စုဖွဲ့ထားသော နိုင်ငံတော်တစ်ရပ်ဖြစ်ပါသည်။ သို့တစေ၊ နိုင်ငံသား အားလုံး (လူမျိုးစုအားလုံး) ၏သစ္စာခံမှုနှင့် ခိုင်မာသော ကိုယ်စားပြုမှုကို ဖန်တီးနိုင်ရန် ဗဟိုအစိုးရ ကပင် စီမံခန့်ခွဲရမည်ဖြစ်ပေသည်။”

အဆိုပါ State Nation စုဖွဲ့မှုတွင်၊ လူမျိုးတစ်ခုတည်း၏ အမှတ်အသားသရုပ် (single identity) ဖြင့်သွားလို့မဖြစ်။ လူမျိုးစုအားလုံးကို ကိုယ်စားပြုမည့် ‘ဗဟုသဘောဆောင်သည့်တိုင်၊ သဟဇာတမျှ သည့် အမှတ်အသားသရုပ်များ’ (multiple but complementary identities) ကို သိမှတ်လက်ခံရ မည်ဟု ဆိုသည်။ ဗဟိုအစိုးရတစ်ခုတည်းက၊ လုပ်ပိုင်ခွင့်အာဏာကို ချုပ်ကိုင်ထားရမည်မဟုတ်ဘဲ၊ အရေးကြီးသည့် လုပ်ပိုင်ခွင့်အချို့ကို ဗဟိုမှ ဒေသသို့ခွဲဝေပေးဖို့လိုလိမ့်မည်။ (devolution of power) ဟုလည်း ဆိုပါသည်။ တစ်ပြိုင်နက်တည်းမှာပင်- ဒေသအာဏာပိုင်များအနေနှင့်လည်း ‘ခွဲထွက်ရေး’ ဆိုသည်ကိုရာသက်ပန်စွန့်လွှတ်ဖို့လိုလိမ့်မည်ဟု ဖွင့်ဆိုရှင်းပြပါသည်။

စာရေးသူနားလည်သလောက်ဆိုရလျင်၊ ပါမောက္ခလာရီ၏ State Nation ဖွင့်ဆိုချက်မှာ၊ ဆိုဗီ ယက်ပုံစံ ‘ခွဲထွက်ရေးအပါအဝင်ကိုယ်ပိုင်ပြဌာန်းခွင့်’ နှင့်မတူပါ။ သို့တစေ ခွဲထွက်ရေးမှအပဖြစ်သော ကိုယ်ပိုင်ပြဌာန်းခွင့်သဘောများကားပါရှိပြီးဖြစ်သည်။ သို့တိုင်အောင် ပါမောက္ခလာရီက သူ၏ ဖွင့်ဆို ချက်တွင် ‘ကိုယ်ပိုင်ပြဌာန်းခွင့်’ (self-determination) ဆိုသော ဝေါဟာရကိုမူမသုံး။ ‘ပိုမိုကျယ်ပြန့် သော ကိုယ်ပိုင်အုပ်ချုပ်ခွင့်’ (more autonomy) ဟူ၍သာသုံးသည်။ သို့အတွက် တရုတ်ပုံစံကညွှန်း သော ‘ကိုယ်ပိုင်အုပ်ချုပ်ခွင့် ထက်၊ ပိုမြင့်သည်ဟု နားလည်ရပါသည်။’ (တရုတ်ကိုယ်ပိုင်အုပ်ချုပ်ခွင့် မှာ၊ လုပ်ပိုင်ခွင့်သဘောထက်၊ ပုဂ္ဂိုလ်သဘောဆောင်သည်။ ဥပမာ တရုတ်ကွန်မြူနစ်ပါတီမကြိုက် သော၊ ဒလိုင်းလားမားကိုပယ်၍၊ သူတို့လိုလားသော ပန်ချင်လားမားကိုသာ ခွင့်ပြုသလိုမျိုး။) တစ် ပြိုင်နက်တည်းမှာပင် အမေရိကန်ပုံစံလို၊ Bill of rights တစ်ခုတည်းနှင့်ဆွဲစုထားသည်လည်း မဟုတ်ပါ။ မြန်မာ့ ရေ-မြေ နှင့် ပိုနီးလေမည်လား စဉ်းစားမိသည်။ ထို့ထက်- ယူနီယံ၊ ဖက်ဒရယ် ပညတ်များကို ရှေ့တင်မထား၍၊ စကားလုံတစ္ဆေများကိုလည်း၊ ရှောင်နိုင်စရာရှိလိမ့်မည်ထင်သည်။

(ခ) အာဂျင်ဒါများ
(ဖွဲ့စည်းပုံအခြေခံဥပဒေ၊ ဇယား ၁၊၂၊ ၃)

လက်တွေ့အကောင်အထည်ဖော်ကြရမည့် အပိုင်းတွင်မူ အသေးစိတ်ညှိနှိုင်းအဖြေရှာစရာများ၊ မနည်းမနောရှိပါလိမ့်မည်။ ဤနေရာတွင်၊ ဗဟိုအစိုးရ (ပြည်တောင်စုအစိုးရ) နှင့်ဒေသအစိုးရ (တိုင်းဒေသကြီး/ပြည်နယ်အစိုးရ) တို့ကြား၊ မည်သို့မည်ပုံ လုပ်ပိုင်ခွင့်များ ခွဲဝေသတ်မှတ်ကြမည်ဆို သော ပြဿနာမှာ သော့ချက်အကျဆုံးဖြစ်ဖွယ် ရှိပါသည်။ ဤကိစ္စနှင့် ပတ်သက်လျင်၊ လက်ရှိ၊ ၂၀၀၈ ခုနှစ် ဖွဲ့စည်းပုံအခြေခံဥပဒေ၊ ဇယား ၁၊ ၂၊ နှင့် ၃ တို့တွင် တရားဝင် ဖော်ပြပြီးဖြစ်ပါသည်။ ဤသည်ပင် အစိုးရ၏ ရပ်တည်ချက်ဟု ယူဆရပါသည်။ တစ်နည်း၊ ပေးထားချက်ဟု နားလည်ရပါ သည်။ အဆိုပါပေးထားချက်များ (ဇယား ၁၊ ၂၊ ၃ - ပါ ပြဌာန်းချက်များ) ကိုအခြေခံပြီး၊ လူမျိုးစုများ၏ လိုလားချက်များကို ပွင့်ပွင့်လင်းလင်းထုတ်ဖော်ဆွေးနွေးကြလျင်၊ နှစ်ဘက်လက်ခံနိုင်မည့် ‘ကြားအ ဖြေ’ တစ်ခု ရလိမ့်မည်ဟု မျှော်လင့်ရပါသည်။

ဤသို့ဆွေးနွေးကြရာတွင် ရေဘူယျအားဖြင့် နိုင်ငံရေး၊ စီးပွားရေး၊ ယဉ်ကျေးမှုစသဖြင့် ဘက် ပေါင်းစုံ အာဂျင်ဒါများ ရှိပါလိမ့်မည်။ စာရေးသူစဉ်းစားမိသလောက်ဆိုရလျင် လူမျိုးစုလက်နက်ကိုင် အဖွဲ့အစည်းအားလုံးက ခွဲထွက်ရေးကို စွန့်လွှတ်ပြီးဖြစ်၍၊ နိုင်ငံရေးအာဂျင်ဒါတွင် တင်းတင်းမာမာ ဖြစ်စရာမရှိလှဟု ထင်ပါသည်။ ယဉ်ကျေးမှုအာဂျင်ဒါမှာလည်း၊ အနည်းငယ်မျှ သဘောထားကြီးရုံနှင့် အဖြေရနိုင်စရာရှိလိမ့်မည်ဟု သဘောရပါသည်။ စိတ်ရှည်လက်ရှည် ညှိနှိုင်း ဆွေးနွေးကြရမည်မှာ၊ စီးပွားရေးအာဂျင်ဒါတွင်ရှိလိမ့်မည်ထင်သည်။ အထူးသဖြင့် ‘အရင်းအမြစ်များ ခွဲဝေသုံးစွဲမှု’ (Resource allocation) ဖြစ်သည်။ မြန်မာနိုင်ငံ၏ သဘာဝသယံဇာတအရင်းအမြစ်အ များစုမှာ၊ လူမျိုးစုများ အများဆုံးနေထိုင်ရာနယ်စပ်ဒေသများတွင် တည်ရှိနေရာ၊ ဤကိစ္စပြေလည် အောင် မဖြေရှင်းနိုင်လျင် ရေရှည်ခံမည့် ငြိမ်းချမ်းရေးဖြစ်ဖို့လွယ်မည်မထင်ပါ။ ခေတ်ပြိုင်ပညာရှင် တစ်ဦးဖြစ်သူ၊ ‘ပေါ(လ)ကိုလီယာ’ ၏ “အရင်းအမြစ်ခွဲဝေသုံးစွဲမှု ပြဿနာကြောင့် ပြည်တွင်းစစ်များ ဖြစ်တတ်သလို၊ ရှိပြီးပြည်တွင်းစစ်များကိုလည်း တာရှည်စေတတ်သည်” ဆိုသော သတိပေးချက်ကို အလေးအနက်စဉ်းစားကြဖို့ဖြစ်ပါသည်။

ဤနေရာတွင်၊ အထူးသတိချပ်ကြစေချင်သည်မှာ၊ ‘အန္တရာယ်အစွန်းများကို၊ သတိကြီးကြီးဖြင့် ရှောင်နိုင်ကြဖို့ဖြစ်ပါသည်။’ အထက်တစ်နေရာတွင်၊ ဆိုခဲ့ပြီးသည့်အတိုင်း၊ ဗဟိုအစိုးရလုပ်ပိုင်ခွင့်ကို အလွန်အကျွံ ချိန်ခွင်လျှာတင်းလိုက်လျင် တစ်ပြည်တောင်စနစ် ဖြစ်သွားနိုင်ပါသည်။ အလားတူ၊ ဒေသအစိုးရလုပ်ပိုင်ခွင့်လိုအပ်သည်ထက်များသွားပါကလည်း၊ ဖက်ဒရေးရှင်းကိုကျော်၍ ကွန်ဖက် ဒရေးရှင်းသို့ ဦးတည်သွားနိုင်သည်ကို အထူးဂရုဓမ္မထားကြဖို့ဖြစ်သည်။ အင်အားစုအားလုံးလက်ခံ ပြီးဖြစ်သော၊ ဘုံတူညီချက် (ပင်လုံစိတ်ဓာတ်) ဖြင့် အဆိုပါအစွန်းနှစ်ဘက်ကို ရှောင်နိုင်မှသာ၊ အများ ညီ ကြားအဖြေ တစ်ခု ထွက်ပေါ်နိုင်စရာရှိပါသည်။

(ဂ) သဘောထားများ
 (စာရေးသူ၏အတ္တနောမတိ)

၁။ ‘စစ်ပွဲသည်အဖြေမဟုတ်’ ဆိုသည်ကို၊ အင်အားစုအားလုံး နက်နက်ရှိုင်းရှိုင်းခံယူထားစေလိုသည်။ ပြည်တွင်းစစ်ကြောင့် တိုင်းရင်းသားလူမျိုးများ၏ အသက်အိုးအိမ်စည်းစိမ်နှင့် လွတ်လပ်ပျော်ရွှင်မှုကို သာမက၊ တိုင်းပြည်၏ ကံကြမ္မာကိုပါ၊ စတေးခဲ့ရသည်မှာ၊ သမိုင်းသက်သေပင်ဖြစ်သည်။ သို့အတွက်၊ မည်သို့သော အခက်အခဲနှင့် မပြေလည်မှုများကြုံရသည်ဖြစ်စေ၊ စစ်ပွဲဖြင့်ဖြေရှင်းသည့်နည်းကို၊ အပြီးအပြတ်စွန့်လွှတ်ကြစေချင်သည်။

၂။ ပြည်တွင်းစစ်-ဆိုသည်မှာ၊ ညီအကိုချင်းစစ်ခင်းကြရသည်ဖြစ်ရာ၊ အရှုံးအနိုင်ပေါ်စေသော၊ ‘အကြွင်းသုညဂိမ်း’ (Zero-sum-game) မျိုး မဖြစ်သင့်ပါ။ မည်သည့်ဘက်က ရှုံးသည်ဖြစ်စေ၊ တိုင်းရင်းသားအားလုံး၏အရှုံး၊ တိုင်းပြည်၏အရှုံးပင်ဖြစ်သည်။ သို့အတွက်၊ ‘အကြွင်းသုည မဟုတ် သည့်ဂိမ်း’ (Non-zero-sum-game) ပို၍တိတိကျကျဆိုရလျင်- ‘နှစ်ဘက်လုံးအနိုင်ရစေမည့်ဖြေရှင်း နည်း’ (win-win solution) ဖြစ်ဖို့လိုပါသည်။

ဤသို့ဖြစ်ဖို့ဆိုလျင် ဘက်အသီးသီးအနေနှင့်၊ မိမိတို့နှစ်သက်ရာ “မျှော်လင့်တန်ဖိုးများ” (expected values) ကို အသေကိုင်ထား၍ မဖြစ်ပါ။ “လက်ရှိအခြေအနေထက်ပိုကောင်း” (better- off) လျင်ပင် မဆိုးလှဟု နှလုံးသွင်းပြီး၊ အပြန်အလှန် အပေးအယူလုပ်ကာ၊ ‘ကြားအဖြေ’ (compromise) တစ်ခုရှာကြရမည် ဖြစ်ပါသည်။ ဤသဘောထားမျိုး၊ အင်အားစုတိုင်းတွင် ရှိစေချင် ပါသည်။

၃။ သဘောကွဲလွဲမှုတစ်ခုခုကို၊ ညှိနှိုင်းအဖြေရှာကြရာတွင်၊ တစ်ကြိမ်နှင့်မရလျင်၊ အကြိမ်ကြိမ်အထပ် ထပ်ဆွေးနွေးကြမည်ဆိုသော၊ သဘောထားမျိုး၊ အာလုံးတွင်ရှိစေချင်သည်။ အကြိမ်ကြိမ်ညှိနှိုင်း သည့်တိုင်၊ အဖြေမရပါက၊ ကွဲလွဲချက်အတိုင်းအသာထားပြီး၊ ရရှိပြီး ‘ဘုံတူညီချက်များ’ (common ground)  ကိုပူးတွဲအကောင်အထည်ဖော်ကြရင်း အပြန်အလှန်ယုံကြည်မှုတည်ဆောက်ကြရပါလိမ့် မည်။ ပိုမိုအားကောင်းသောယုံကြည်မှုဖြင့်၊ နောက်တစ်ကြိမ် ဆွေးနွေးကြလျင်၊ နှစ်ဘက်အမြင် ပိုနီးလာနိုင်စရာရှိပါလိမ့်မည်။ ဤသဘောထားဖြင့်၊ အင်အားစု အားလုံး ဆွေးနွေးပွဲစားပွဲဝိုင်းတွင်၊ ခြေမြဲလက်မြဲရှိစေချင်သည်။

စာရေးသူအနေနှင့် အများကြီး မတောင်းဆိုပါ။ ဆိုခဲ့ပါ သဘောထားသုံးရပ်ကိုတော့၊ ခေါင်း ဆောင်အားလုံးတွင် ရှိစေချင်သည်။ စာရေးသူ၏ အတ္တနောမတိ သက်သက်ဖြစ်ပါသည်။

  • ပန်ကြားချက်

ယခုစာစုကို၊ မေတ္တာရပ်ခံပန်ကြားချက်ဖြင့် နိဂုံချုပ်ပါမည်။

စာရေးသူ၏ အသက် ၆၁ နှစ်ပြည့်ပါတော့မည်။ မြန်မာနိုင်ငံလူ့သက်တမ်းအရဆိုလျင်၊ သိပ်ကြာ ကြာနေရတော့မည်မထင်ပါ။ စာရေးသူတို့ နိုင်ငံကို၊ ဒုက္ခပင်လယ်ဝေစေခဲ့သော ပြည်တွင်းစစ်ကြီးဆို လျင်၊ စာရေးသူထက်ပင်၊ အသက်ကြီးပါသေးသည်။ စာရေးသူမမွေးခင်ကတည်းက လောင်မြိုက်နေ ခဲ့သော ပြည်တွင်းစစ်မီးကို၊ စာရေးသူသက်တမ်းအတွင်း အပြီးအပြတ်ငြိမ်းစေချင်ပါပြီ။ ဤသည်မှာ တစ်ဦးတစ်ယောက်တည်း၏ ဆန္ဒမဟုတ်ပါ။ စာရေးသူတို့ မျိုးဆက်တစ်ခုလုံး၏ တစ်သက်တာအိပ် မက်ဖြစ်ပါသည်။ နောင်အနာဂတ် မျိုးဆက်များအတွက် မျှော်လင့်ချက်လည်းဖြစ်ပါသည်။

ဤအိပ်မက်နှင့်ဤမျှော်လင့်ချက်ကို လက်တွေ့အကောင်အထည်ဖော်ပေးကြပါ- ဟု၊ အင်အား စုအသီးသီးမှ၊ ခေါင်းဆောင်အားလုံးကို မေတ္တာရပ်ခံပန်ကြားအပ်ပါသည်။


ကျော်ဝင်း
ဆရာကျော်ဝင်းပေ့မှကူယူချင်ဖြစ်ပါသည်။

Read More »