အများတကယ် နားလည်အောင်ရေးဖို့ လိုပြီ


(ဌေးအောင်ကို)

တစ်ခေတ်တစ်ခါက အချစ်ကဗျာ အချစ်စာကလွဲရင် အထူးသဖြင့် နိုင်ငံရေး ဆိုတာတွေ ပါလာရင် တွေးရ မေးရ ရေးရမှာ နိုင်ငံရေးဆိုတာ ကြောက်စရာ သတ္တဝါကြီးတစ်ကောင်အလား ရှောင်ကြ ရှားကြ ငါ့အကျိုးစီးပွား ထိပါးမှာစိုးကြနဲ့ ပြည်ထောင်စု ဆိုတာကြီးဟာ ပြည်နဲ့ထောင်နဲ့ စုထားသလို၊ အိမ်ထောင်စုဆိုတာ အိမ်နဲ့ထောင်နဲ့ စုထားသလို ခံစားမှုမျိုးတွေနဲ့အတူ မတွေးတာဘဲ ကောင်းတယ်။ မရေးတာဘဲ ကောင်းတယ်။ မမေးတာဘဲ ကောင်းတယ်ဆိုပြီး ဝေးဝေးရှောင်ကြတယ်။ ရှောင်လေ ဝေးဝေး နိုင်ငံရေး ခေတ်ကပေါ့။

ဒါပေမဲ့ အားလုံးတော့ လက်ရှောင်နေကြတာမဟုတ်။ တကယ်စာပေသစ္စာရှိသူ၊ နိုင်ငံချစ်သူ၊ စိတ်ဓာတ်ခိုင်မာသူ၊ တည်ကြည်သူ၊ သတ္တိရှိသူတွေကတော့ အဲဒီကြောက်စရာ နိုင်ငံရေး သတ္တဝါကြီး ဆိုတာကို ရင်ဆိုင်ယှဉ်ပြိုင်ရင်း၊ ကြံ့ကြံ့ခံရင်း စာပေတိုက်ပွဲတွေ ပါဝင်ဆင်နွှဲခဲ့ကြတယ်။

မြန်မာပြည်မှာ စာပေလွတ်လပ်ခွင့်ရယ်လို့ မည်မည်ရရ ရှိခဲ့တာကလည်း ဖဆပလခေတ်ရယ်၊ အရေးအခင်းပြီးစ တစ်ခဏရယ်၊ မနေ့တစ်နေ့ ဒီကနေ့ရယ် ဒါလောက်ပဲ ရှိခဲ့တာပါ။ ဒါကြောင့် ဒီကနေ့လွတ်လပ်ခွင့်အတွက် ဒီကနေ့အစိုးရကို ဒီနေရာကနေ ကျေးဇူးတင် ဝမ်းမြောက်ရပါတယ်။ ယနေ့မှစ နိဗ္ဗာန်ရသည့် ဘဝတိုင်အောင်ဆိုတာမျိုး ဆုတောင်းရသလို ဒီကနေ့ကစလို့ပဲ အမိ မြန်မာပြည်ရဲ့ မီဒီယာ လွတ်လပ်ခွင့် အဓွန့်ရှည်ပါစေကြောင်းလည်း ဆုမွန်ကောင်း တောင်းလိုက်ရပါတယ်။

နိုင်ငံရေး ကင်းရှင်းရမည်ဆိုတဲ့ ခေတ်ကြီး ကုန်ဆုံးသွားတာတောင် ဘာကြာသေးလဲ။ ဒါတောင်မှ အရိပ်တွေ ကပ်ပါနေသေးလို့ လောင်းရိပ်တော့ မစင်သေး။ ကျွန်တော်ဖြင့်တော့ နိုင်ငံရေး ကင်းရှင်းရမည် ဆိုတာကြီးကို နားကိုမလည်နိုင်ပါ။ ကျွန်တော် နားလည်မိတာကတော့ နိုင်ငံဆိုတာ ရပ်တွေရွာတွေနဲ့သာ ဖွဲ့စည်းထားတာဖြစ်လို့ ရပ်ရေးရွာရေး မကင်းရင် နိုင်ငံရေးမကင်း ရပ်ရေးရွာရေးဆိုတာ နိုင်ငံရေး အသေးစားဖြစ်ပြီး နိုင်ငံရေးဆိုတာဟာ ရပ်ရေးရွာရေး အကြီးစားပဲဖြစ်တယ် ဆိုတာပါပဲ။

ဒီကနေ့ နိုင်ငံရေးစိတ်ဓာတ် အပြည့်ရှိတယ် ဆိုသူတွေဟာ ရပ်ရေးရွာရေး စိတ်ဓာတ်အပြည့်ရှိရုံမက ကျော်လွန်နေသူတွေ၊ သာလွန်နေသူတွေမို့ မိမိတို့ရပ်ရွာမှာတင်မက နိုင်ငံတစ်ဝန်းလုံးကကို အုတ်အော်သောင်းတင်း ကြိုဆိုထောက်ခံနေကြတဲ့ မြင်ကွင်းတွေကို အားလုံးတွေ့မြင်နိုင်ပါတယ်။ ကိုယ့်နိုင်ငံအရေးထိ မစွမ်းဆောင်နိုင်ရင်လည်း စွမ်းဆောင်နိုင်သူကိုတော့ အားပေးသင့် ဂုဏ်ပြုသင့်ပါတယ်။ ဒါပြည်သူ့ တာဝန်ပဲလို့ မြင်ပါတယ်။

အရေးကြီးတာကတော့ လုပ်မစားတဲ့လူ၊ ပြည်သူကို အထင်မသေးတဲ့လူ၊ ပြည့်အကျိုး ကြည့်တတ်မြင်တတ်သူ၊ အောင်မြင်အောင် ဆောင်ရွက်လုပ်ကိုင်နိုင်သူ ဖြစ်ဖို့ပါပဲ။

စာရေးဆရာ လောကမှာလည်း စာဖတ်သူကို အထင်သေးတတ်တဲ့ စာရေးသူတွေ ရှိပါတယ်။ အထူးသဖြင့် အာဏာရှင် ခေတ်စနစ်တွေမှာ အာဏာရှင်အလိုကျ ဘုန်းတော်တွေ ဖွဲ့ပြသလောက် မလိုသူကျတော့ ရစရာမရှိအောင် မှိုချိုးမျှစ်ချိုးရေး၊ ကလောင်နာမည် ကလေးကလားတွေ ပေးပြီး ပြည်သူကို မလေးစားသူတွေပါပဲ။ စာပေကင်ပေတိုင်လို့ လူသိများတဲ့ စာပေစိစစ်ရေးဟာ ဒီလိုစာပေမျိုးကိုတော့ အထူးအခွင့်အရေး ပေးထားပါတယ်။ စိစစ်ရေးမရှိတော့တဲ့ နောက်ပိုင်း အချိန်ကာလတွေမှာတော့ ဒီစာရေးဆရာ ဆိုသူတွေဟာ ကြက်ပျောက် ငှက်ပျောက် ဆိုသလို ဘယ်စာနယ်ဇင်းပေါ်မှာမှ မတွေ့ရတော့။

ဒီကနေ့ ခေတ်ပြိုင် ကလောင်ရှင်များကိုတော့ ကလောင်နုသည်ဖြစ်စေ၊ ရင့်သည်ဖြစ်စေ သူတို့ရဲ့ ကြိုးစားအားထုတ်မှုတွေ၊ စေတနာတွေကို စာနယ်ဇင်း စာမျက်နှာများပေါ်မှာ မြင်တွေ့နိုင်ပါတယ်။ သတင်းကလောင် ရင့်မာကြီးတစ်ယောက် ဝေဖန်ပြတာကို ပြောရရင် စာရေးသူတချို့ဟာ အပေါ်က ဆင်ဆာမရှိတော့ပေမယ့်လည်း မရဲတရဲ ရေးသားကာ ကိုယ့်စာကိုယ် ဆင်ဆာဖြတ် နေဆဲပဲတဲ့။ ဒီလိုတွေလည်း ရှိနေမှာပါပဲ။ ယေဘုယျ သဘောအားဖြင့်တော့ အတိုင်းအတာတစ်ခုအထိ လွတ်လပ်ခွင့်ကို ဆုပ်ကိုင်ထားနိုင်ပြီလို့တော့ ဆိုနိုင်ပါတယ်။

တစ်ချိန်က စိစစ်ရေးကိုလည်း ဖြတ်သန်းနိုင်အောင် ကိုယ်ပေးချင်တဲ့ သတင်းစကား ပြည်သူလည်း ကြားနိုင်အောင် ကဗျာနဲ့တစ်ဖုံ၊ စာနဲ့တစ်မျိုး ပုန်းလျှိုးကွယ်လျှိုး အရေးအသားမျိုးနဲ့ စကားလုံးကို အနုပညာဖုံးသီကုံး ရေးသားခဲ့ကြပြီး ဆင်ဆာက မသိလိုက်တော့ လွတ်ထွက်လာ၊ နောက်တော့မှ ပြန်ပြီး အရေးယူခံရတာမျိုးလည်း ရှိပါတယ်။

ယခုတော့ ယခင်ရေးဟန်အတိုင်း မပြောင်းမလဲ ရေးသားနေသူများ ရှိသလိုပဲ သတင်းကလောင် ရေးဟန်မှာမှ တုတ်ထိုးအိုးပေါက်လို့ နာမည်ပေါက်လောက်အောင် တည့် (ဒဲ့) ကလောင်တွေအထိ စာနယ်ဇင်းတွေပေါ်မှာ တွေ့မြင်နိုင်ပါတယ်။ ဖဆပလခေတ်ကဆို အစိုးရခေါင်းဆောင်တစ်ဦးကို ‘ကျော်ငြိမ်း ငါ့ညီမင်းငယ်ပါသေးတယ် ဟဲဟဲဟဲ’ ဆိုတဲ့ ဆောင်းပါးခေါင်းစဉ်တပ်ပြီး ရေးသားခဲ့ကြ ဖူးသလိုပါပဲ။ နောက်ဆုံးတော့ ဘယ်ကလောင်ဘယ်ပုံစံနဲ့ ရေးကြသည်ဖြစ်စေ ကြိုးစားအားထုတ်မှုနဲ့ စေတနာမှန်ဖို့ပဲ ပြောချင်ပါတယ်။

နောက်စာရေးဆရာ တစ်မျိုးကတော့ ပြည်သူနားမလည်အောင် ရေးတတ်တဲ့ စာရေးဆရာလို့ အပြောခံရတဲ့၊ ဖတ်လို့ နားမလည်ရတဲ့ ကြားထဲမှာ ဘိုသံပါဝင် နှောလိုက်သေးလို့ အဆိုခံရတဲ့ မိတ်ဆွေ တစ်ယောက်ကဆိုရင် သူများနားမလည်အောင်ရေးနိုင်မှ ကိုယ့်ကိုယ်ကိုယ် စာရေး ဆရာလို့ အထင်ရောက်နေလား မသိပါဘူးဗျာဆိုတဲ့ စာရေးဆရာ ဖြစ်ပါတယ်။

စာလေးမျိုးရှိရာမှာ လွယ်ကူအနှစ်မပါစာနဲ့ ခက်ခဲအနှစ်မပါစာ နှစ်မျိုးကတော့ မပြောလိုတော့ပါ။ လွယ်ကူအနှစ်ပါစာ အမျိုးအစားကတော့ အားလုံးနားလည်လွယ်ပြီး အနှစ်ပါရင် ပါသလောက် ထိရောက်မှုရှိတဲ့ လက်နက်တစ်ခု ဆိုတာကတော့ ငြင်းသူမရှိနိုင်ဘူး ထင်ပါတယ်။ နိုင်ငံရေးမှာ ဗိုလ်ချုပ်အောင်ဆန်းတို့၊ ဒေါ်အောင်ဆန်းစုကြည်တို့ရဲ့ မိန့်ခွန်းအမျိုးအစားတွေကို နမူနာ ပြနိုင်သလို စာပေမှာ ဆရာတင်မိုးတို့၊ ဆရာမင်းသုဝဏ်တို့ ရေးသားတဲ့ ကဗျာတွေကို လေ့လာသိရှိနိုင်ပါတယ်။

ခက်ခဲအနှစ်ပါ စာပေတွေလည်း မရှိမဖြစ် ရှိနေရမှာပါပဲ။ တစ်ခေတ်က ကဗျာဆရာ ဒေါင်းနွယ်ဆွေရဲ့ ကဗျာထဲမှာ တိမ်စိမ်းဆိုတဲ့ အသုံးအနှုန်း ပါလာတော့ ဆရာမောင်စွမ်းရည်က တိမ်စိမ်းမရှိကြောင်း ဝေဖန်ပါတယ်။ ဆရာဒေါင်းက သက်တန့်ရောင် မမြင်ဖူးတဲ့ လူလားလို့ မေးခွန်းထုတ် ခံရဖူးပါတယ်။ သူ့တန်ဖိုးနဲ့သူ ရှိနေတဲ့ စာပေတွေကိုတော့ ဝေဖန်မှာလည်း မဟုတ်သလို စာပေပညာရှင်ကြီးလည်း မဟုတ်ပါ။

နိုင်ငံအရေးနဲ့ ယှဉ်တွေးတဲ့အခါမှာတော့ အနှစ်လည်းပါသလို အားလုံးတတ်နိုင်သမျှ နားလည်သိရှိနိုင်တဲ့ အရေးအသားမျိုး ကျွန်တော်ကတော့ပိုပြီး လက်ခံကြိုဆိုမိမှာပါပဲ။

တကယ်ဆိုရင် စာရေးဆရာဆိုတာ တိုင်းပြည်က မွေးထုတ်လို့ မရပါဘူး။ ဆရာမောင်သာရက ရေးလက်ထက်လှတဲ့ မိုးမိုး (အင်းလျား) နဲ့ ပုတီးကုန်း မောင်စိန်ဝင်းတို့ကို ဝန်ထမ်းဘဝက ထွက်ဖို့၊ ဝန်ထမ်း တာဝန်က ကိုယ်မရှိလည်း နိုင်ငံတော်က မွေးထုတ်ပေးနိုင်ကြောင်း၊ စာရေးဆရာ ဆိုတာကတော့ တိုင်းပြည်က မွေးထုတ်လို့ မရနိုင်ကြောင်း ၁၉၉၀ ဝန်းကျင်က ပြောစကားကို သူ့ရဲ့ သာရမဂ္ဂဇင်းမှာ ဖတ်ရဖူးပါတယ်။

ပြောလက်စမို့ ဆရာမောင်သာရ ထူးခြားပုံကို ပြောရဦးမယ်။ သူ သာရမဂ္ဂဇင်း ထုတ်တော့ သူ့ကလောင်အုပ်စုကို ပယ်ပယ်နယ်နယ် ဝေဖန်တဲ့ ဆရာမောင်စိန်ဝင်း ပုတီးကုန်းကို သူ့မဂ္ဂဇင်းရဲ့ အရေးပါတဲ့ စာမျက်နှာကို နေရာပေး ဖော်ပြတယ်။ တစ်ခါလည်းမဟုတ် နှစ်ခါလည်းမဟုတ် အခါခါ ကြိုက်သလို ဝေဖန်ခံနိုင်ရည်သတ္တိ အပြည့်ရှိတဲ့သူပါ။

သူ့လိုမဂ္ဂဇင်းမျိုး ကျွန်တော်မတွေ့ဖူးခဲ့။ နောက်လည်း တွေ့ဖို့မလွယ်။ ဆရာမောင်စိန်ဝင်းရဲ့ ကလောင်လက်ကိုလည်း သူချီးမွမ်းတတ်သလို။ သူယုံကြည်သလိုလည်း ပြန်လည် ချေပတတ်သူမို့ သူ့မဂ္ဂဇင်းဟာ ရှင်းရှင်းသွက်သွက်နဲ့ ကျွန်တော်တို့ရဲ့ စာပေစားကျက်မြေတစ်ခု ဖြစ်နေပါတော့တယ်။ လျင်မြန်စွာ တိုးတက်ပြောင်းလဲနေတဲ့ ခေတ်ကြီးမှာ ရေးလက်သွက်တဲ့ ထက်တဲ့တော်တဲ့ သူတွေကို စာရေးဆရာခေါ်ခေါ်၊ စာရေးသူပြောပြော အားလုံးအတွက် လက်ကမ်းကြိုပါတယ်။

ကျွန်တော်တို့ရော စာရေးဆရာလို့ အခေါ်ခံကြမလား တကယ်တော့ အခေါ်ခံရဖို့က အရေးမကြီး စာရေးနေသူဘဝနဲ့ လောကရဲ့နှိုင်းရ ဓမ္မတရားတွေကို ကြိုးစားဖော်ထုတ် နေနိုင်ဖို့၊ လူနဲ့လူ့လောကကို အကျိုးပြုတဲ့နေရာမှာ မီဒီယာကဏ္ဍမှ အုတ်တစ်ချပ် သဲတစ်ပွင့်အနေ ပါဝင်နိုင်စေဖို့၊ မှန်ကန်မြန်ဆန် တဲ့ အပြောင်းအလဲတွေ တိုးတက်ဖြစ်ပေါ်ဖို့ရာမှာ ချက်ဆိုနွားခွက်က မီးတောက်ရမယ့် အခြေအနေ အချိန်အခါမျိုးမှာ ကိုယ်ပေးတဲ့သတင်း ချက်ချင်းသိရှိသွားနိုင်ဖို့၊ ကိုယ်ရေးတဲ့စာ၊ ကိုယ်ပြောတဲ့စကားကို အများတကယ် နားလည်ဖို့သာ အဓိကပဲ မဟုတ်ပါလား။

Credit To The Voice Weekly
Read More »

အဂတိလား လာဘ်ပေးလာဘ်ယူလား


လွန်ခဲ့သောရက်ပိုင်းက သတင်းလေး  တစ်ခုကြောင့် သမ္မတကြီးဦးသိန်းစိန်ကို ကျွန်တောလှိုက်လှိုက်လှဲလှဲကျေးဇူးတင် မိပါတယ်။ အကြောင်းကတော့ လွှတ်တော် အဆင့်ဆင့်ကအတည်ပြုပြီး တင်ပြလာ တဲ့ “လာဘ်ပေးလာဘ်ယူမှုပပျောက်ရေး ဥပဒေကြမ်းကို အဂတိလိုက်စားမှုတိုက်ဖျက် ရေးဥပဒေ” အဖြစ်ပြင်ဆင်ရေးဆွဲဖို့သမ္မတ ကြီးကမှတ်ချက်ပြုခဲ့ကြောင်း သမ္မတကြီး ရဲ့ မှတ်ချက်အတိုင်းဆောင်ရွက်ရန် သဘောတူမတူပြည်ထောင်စုလွှတ်တော် မှာ မဲခွဲဆုံးဖြတ်ကြရာမှာ သမ္မတကြီးရဲ့ မှတ်ချက်အတိုင်းဆောင်ရွက်ဖို့သဘောတူ  တဲ့ လွှတ်တော်အမတ်တွေက (၂၉၁) မဲ၊ သဘောမတူတဲ့အမတ်တွေက (၂၀၁) မဲ ပေးလို့၊ သမ္မတကြီးရဲ့ မှတ်ချက်အတိုင်း ပြင်ဆင်လိုတဲ့ ဘက်ကအနိုင်ရသွားကြောင်း    အင်တာနက်သတင်းမှတ်စုတစ်ခုမှာတွေ့ လိုက်ရလို့ပဲဖြစ်ပါတယ်။
ကံကောင်းလို့ပေါဗျာ။ ပြဋ္ဌာန်းခါနီး နောက်ဆုံးအဆင့်နားရောက်နေပါပြီ။ သမ္မတကြီးကသာအမြော်အမြင်ကြီးစွာ ပြင်ဆင်ဖို့မှတ်ချက်မပြုခဲ့ရင်တော့ လာဘ် ပေးလာဘ်ယူမှုပပျောက်ရေးဥပဒေဟာ ဥပဒေသစ်တစ်ရပ်အဖြစ်ပေါ်ထွန်းလာ လုဆဲဆဲပါ။ ဒီဥပဒေကြီးကို ကျွန်တော် ဘာကြောင့်ဘ၀င်မကျလဲဆိုရင် ဒီဥပဒေ သစ်ဟာ ၁၉၄၈ ခုနှစ်ကထုတ်ပြန်ခဲ့တဲ့ အဓိပ်္ပာယ်ကျယ်ဝန်းလှတဲ့ အဂတိလိုက် စားမှုတားမြစ်ရေးအက်ဥပဒေကိုကျော် လွန်ပယ်ဖျက်ပြီး အဂတိလိုက်စားမှုအမျိုး  အမည်များစွာထဲက အမျိုးအမည်ခွဲတစ်ခု သာဖြစ်တဲ့ လာဘ်ပေးလာဘ်ယူမှုတစ်မျိုး ကိုသာအရေးယူမည့်သဘောသက်ရောက်  နေလို့ပါ။ နောက်ထုတ်တဲ့ဥပဒေသစ်ဆို တာရှေးကဥပဒေဟောင်းထက်ပိုမိုကျယ် ၀န်းပြည့်စုံတိကျသင့်ပါတယ်။ မြန်မာ တိုင်းနားလည်တဲ့ မြန်မာစကားအဓိပ်္ပာယ်  အရကိုက (ဘယ်လိုဆင်ခြေပဲပေးပေး) အဂတိလိုက်စားမှုဆိုတာဟာအဓိပ္ပာယ် ကျယ်ဝန်းတယ်။ လာဘ်လာဘ၊ ငွေကြေး အပေးအယူပေါ်လွင်ထင်ရှားခြင်းမရှိသော် လည်း ပုဂ္ဂလိကနစ်နာအောင်၊ တိုင်းပြည် နဲ့ လူမျိုးအကြီးအကျယ်နစ်နာဆုံးရှုံး အောင်ဂတိတရား (၄) ပါးလိုက်စား ဆောင်ရွက်ကြတဲ့ အမှုတွေအများကြီးရှိ တယ်ဆိုတာမြန်မာလူမျိုးတိုင်းသိပါတယ်။ဒီအဂတိတရားလိုက်စားကျူးလွန်တဲ့ အမှုတွေကြောင့် ဌာနဆိုင်ရာ၊ တိုင်းပြည် နဲ့ လူမျိုးအကြီးအကျယ်နစ်နာဆုံးရှုံးသော် လည်း လာဘ်ပေးလာဘ်ယူမှုမပေါ်လွင် ရင်အရေးမယူတော့ဘူးလား။ ဒါဆိုရင် မူလရှိပြီးသားအဂတိလိုက်စားမှုတားမြစ် ရေးဥပဒေကို ပယ်ဖျက်ပြီး လာဘ်ပေး လာဘ်ယူမှုပပျောက်ရေးဥပဒေသစ်ထုတ်  ပြန်ခြင်အတွက် ပြည်သူလူထုမှာဘာအကျိုး  ပိုထူးလာမှာလဲ လို့မေးစရာရှိပါတယ်။
အဂတိတရား (၄) ပါးရှိပါတယ်။ လာဘ်ပေးလာဘ်ယူလုပ်မှ အဂတိလိုက် စားတာမဟုတ်ပါဘူး။ ဆန္ဒ (မလျော်ကန်  သောဆန္ဒ) ကြောင့်ဖြစ်စေ၊ ဒေါသ (မုန်း တီးအညှိုးထားမှု၊ ကြောက်ရွံ့မှု) ကြောင့် ဖြစ်စေ၊ ဘယာ (ဘေးအန္တရာယ်ကို ကြောက်ရွံ့မှု) ကြောင့်ဖြစ်စေ၊ မောဟ (တွေဝေမိုက်မဲမှု၊ ပေါ့လျော့မှု၊ အမှန်မသိ မှု) ကြောင့်ဖြစ်စေ၊ တာဝန်ရှိသူဟာလုပ် သင့်တာကိုမလုပ်လျှင် မလုပ်သင့်တာကို လုပ်လျှင် ဒါဟာအဂတိလိုက်စားတာပါပဲ။  ဥပမာအားဖြင့် သိန်းထောင်နှင့် ချီပြီး အမြတ်အစွန်းရမည့်စီမံကိန်းလုပ်ငန်းတစ် ခုကို ကျွမ်းကျင်ပြီးလုပ်ရည်ကိုင်ရည်ပြည့် စုံတဲ့ ခိုင်မာတဲ့ကုမ္ပဏီတွေကို အပြိုင်ဈေး ခေါ်ပြီး ယှဉ်ပြိုင်မခိုင်းဘဲ၊ ကိုယ့်ဆွေမျိုး ကိုယ်လုပ်ပိုင်ခွင့်ချထားပေးခြင်းမျိုးပေါ့။ လာဘ်ပေးလာဘ်ယူရှိချင်မှရှိမယ်။ မလျော်ကန်သောဆန္ဒဂတိနဲ့ လုပ်တာဖြစ်  လို့ အဲဒီလုပ်ငန်းမှာ နိုင်ငံတော်နဲ့ ပြည်သူ   လူထုဖြစ်စေ၊ ပုဂ္ဂလိကဖြစ်စေ၊ ထိခိုက် နစ်နာမှုရှိရင် ဒီဆုံးဖ်ြချက်ပေးသူ (Decision maker) ကို အရေးယူနိုင်တဲ့ ဥပဒေ   မရှိသင့်ဘူးလားခင်ဗျာ။ လာဘ်ပေးလာဘ် ယူလုပ်မှ ပေါ်ပေါက်အရေးယူရတောမှာ လားလို့မေးရမှာပါ။ အလားတူ အလားတူ လာဘ်ပေးလာဘ်ယူမပေါ်လွင်တဲ့ အဂတိ   လိုက်စားမှုတွေကြောင့် တိုင်းပြည်နစ်နာ နေတာတွေ၊ ယခုထိအစိုးရနဲ့ ပြည်သူ ကြားရှင်းမရ၊ ရှေ့တိုးမရနောက်ဆုတ်မရ  အကြပ်အတည်းတွေအများကြီးဖြစ်နေတာ  အားလုံးလည်းအသိပါ။ ဖြစ်ပြီးတာတွေ ကို မပြောလိုပေမဲ့ဥပဒေသစ်တစ်ရပ်ထုတ်  ပြန်မယ်ဆိုရင်၊ ဒါတွေကို တားမြစ်နိုင်မဲ့ ဥပဒေမျိုးဖောက်ဖျက်ရင်အရေးယူဖို့ဘောင်  ၀င်တဲ့ဥပဒေမျိုးဖြစ်သင့်တယ်လို့ထင်ပါ တယ်။
လာဘ်ပေးလာဘ်ယူမှုပပျောက်ရေး ဥပဒေကြမ်းကို ပြည်သူတို့တင်ပြအကြံ တောင်းတဲ့ ကာလကကျွန်တော်အကြံပြု   ဖူးပါတယ်။ Hot News ဂျာနယ်မှာ ဒီကိစ္စတွေသုံးသပ်အကြံပြုရေးသား ခဲ့ပါတယ်။ သို့သော် လွှတ်တော် အဆင့်ဆင့်က Media တွေမှာပါတဲ့ ပြည်သူ့အသံကိုထည့်စဉ်းစားလား။ မစဉ်း စားလားမသိပါ။ လွှတ်တော်အဆင့်ဆင့်  မှာ “လာဘ်ပေးလာဘ်ယူမှုပပျောက်ရေး ဥပဒေ” အမည်နဲ့ပဲအတည်ပြုကြတာတွေ့  တော့ “ကျားကျားမီးယပ်ပုံစံအတိုင်းပဲဆို ပြီး ဆက်မရေးတော့ပါဘူး။
နောက်ဆုံးသမ္မတကြီးထံတင်ပြတော့ မှ သမ္မတကြီးက အမြော်အမြင်ကြီးစွာ ပြင်ဆင်ပေးလိုက်သလို၊ သမ္မတကြီးကို ထောက်ခံပေးကြတဲ့ ပြည်ထောင်စု လွှတ်တော်အမတ်တွေကလည်းဆုံးဖြတ်  ချက်မှန်လှတဲ့အတွက် ချီးကျူးဂုဏ်ပြု လိုက်ပါတယ်။ တကယ်တော့ ဥပဒေသစ်  တွေ ထုတ်တိုင်းကောင်းတာမဟုတ်ပါဘူး။  တရားဥပဒေစိုးမိုးရေးကို မလုပ်နိုင်သေး ဘဲနဲ့ ရှိရင်းစွဲဥပဒေပေါ်မှာ အပြစ်ဒဏ်  ထောင်ဒဏ်တွေတိုးမြင့်သက်မှတ်တိုင်းလဲ ဥပဒေစိုးမိုးရေးအားကောင်းမလာပါဘူး။ ဥပဒေသစ်ထုတ်မယ်ဆိုရင် ဒီဥပဒေဖောက်  ဖျက်သူတိုင်းကို တစ်ယောက်မှ မလွတ် စေဘဲ ညီညီမျှမျှဥပဒေနဲ့ အညီအရေး ယူနိုင်မှ ဒီလိုအရေးယူနိုင်အောင်လက် တွေ့ကျတဲ့ Action Plan လုပ်ငန်းစီမံချက်   လုပ်ထုံးလုပ်နည်း၊ လိုက်နာရမဲ့ဝန်ထမ်းကျင့်  ၀တ် Code of Conduct၊ ဒီကျင့်ဝတ် ဖောက်ဖျက်ရင်ဥပဒေအရအရေးယူနိုင် အောင်တွဲဖက်ပေးတဲ့ အမိန့်ကြော်ငြာစာ နည်းဥပဒေစတာတွေ ပြည့်ပြည့်စုံစုံပါမှ ဥပဒေကောင်းတစ်ရပ်ဖြစ်မှာပါ။
လာဘ်ပေးလာဘ်ယူမှုပပျောက်ရေး  ဥပဒေကြမ်းမှာ အခြားကြီးစွာသောအား နည်းချက်တစ်ရပ်ကိုလည်းတွေ့ရပါတယ်။  ဒီဥပဒေတစ်ရပ်လုံးကိုတာဝန်ယူလုပ်ဆောင်  ရမည့်။ ဗဟိုအာဏာပိုင်အဖွဲ့အစည်းအဖြစ် “ကော်မရှင်” ကို ဖွဲ့စည်းထားရှိခြင်းပါပဲ။ မြန်မာနိုင်ငံအနေနဲ့ ၂.၁၂.၂၀၀၅ နေ့ ကပါဝင်လက်မှတ်ရေးထိုးခဲ့တဲ့ The UnitedNations Convemtion Against Corruption မှာ အဖွဲ့ဝင်နိုင်ငံတွေကို “ပြည်တွင်း အဂတိလိုက်စားမှုတိုက်ဖျက် ရေးဥပဒေတွေရေးဆွဲရင်တတ်နိုင်သမျှ ဗဟိုချုပ်ကိုင်မှုကို ရှောင်ရှားရမည်” လို့ အကြံပြုထားပါတယ်။ ယခုဥပဒေမှာ  “ကော်မရှင်” သည် ဗဟိုအာဏာပိုင်ဖြစ် ပါတယ်။ ဒီဥပဒေနှင့် ပတ်သက်၍ဆောင် ရွက်သမျှဟာ ကော်မရှင်ရဲ့ဆုံးဖြတ်ချက် နဲ့ ဆောင်ရွက်ရမည်လို့ပြဋ္ဌာန်းပါရှိပါ တယ်။
ဒီလိုသီးသန့်ကော်မရှင်လက်ထဲသို့ ၀ကွက်အပ်ထားပြီး ဥပဒေတစ်ခုလုံးကို ကော်မရှင်လက်ထဲသို့ဝကွက်အပ်ခြင်းမျိုး သည် မလုပ်မဖြစ်လိုအပ်လျှင်တောင်၊ သီးသန့်ဌာနဆိုင်ရာတစ်ခု၊ လုပ်ငန်း၊ ပညာရပ်တစ်ခုနှင့် သာသက်ဆိုင်တဲ့ (ပြည်သူတစ်ရပ်လုံးနဲ့ မသက်ဆိုင်တဲ့) ကိစ်္စရပ်မျိုးမှာ ပဲရှိသင့်ပါတယ်။ ဥပမာ ရွေးကောက်ပွဲကော်မရှင် (ရွေးကော်ပွဲ ကျင်းပရေး၊ လုပ်ငန်းသက်သက်နဲ့ပဲဆိုင် ပါတယ်။) ယခုလာဘ်ပေးလာဘယ်ယူမှု အဂတိလိုက်စားမှုဆိုတာက ပြည်သူအား လုံးနဲ့ ဆိုင်တယ်။ ပြည်သူတစ်ဦးချင်းသည်  တရားလို့နစ်နာသူဖြစ်နိုင်သလို၊ တရားခံ လည်းဖြစ်နိုင်တယ်။ တစ်နိုင်ငံလုံးနေရာ အနှံ့အလွှာအသီးသီးအဆင့်းအတန်အသီး သီးမှာဖြစ်ပွားနေတဲ့ ပြစ်မှုမျိုးပါ။
ဒီလိုကျယ်ပြန့်လှတဲ့ပြစ်မှုဆိုင်ရာဥပဒေ အမျိုးအစားဥပဒေတစ်ရပ်ကိုအဖွဲ့ဝင်(၁၅) ဦးသာပါတဲ့ ကော်မရှင်ကချုပ်ကိုင်အကောင်  အထည်ဖော်ရမယ်ဆိုလျှင်၊ ဆုံးဖြတ်ပေးရ မည်ဆိုလျှင် “မဗေဒါရေခပ်သလို” အချိန် ကြန့်ကြာ အရာမရောက်ဖြစ်ပြီးကျူးလွန် သူတိုင်းကို အရေးယူရန်မဖြစ်နိုင်သည့် အပြင်မျှတမှုရှိရန်အောင်ခဲပြီး၊Rule of Law စိုးမိုးရေးအတွက်အဟန့်အတားဖြစ် နိုင်ကြောင်း သုံးသပ်မိပါသည်။
Credit To Hot News Journal 

ဇောင်မင်းဝင်း (ဥပဒေ)
Read More »

နာယကသစ်နှင့် လပေါင်း ၃၀


  ရေးသားသူ- အိဖြူလွင်

နေပြည်တော်လွှတ်တော်နှင့် အစိုးရအဖွဲ့အကြား မကြာမီကာလအတွင်း အားပြိုင်မှုများပိုမိုအားကောင်းလာနိုင်သကဲ့သို့ ဥပဒေပြု ရေးအပါအ၀င် နိုင်ငံအတွက် အရေးတကြီးဆုံးဖြတ်ရမည့်ကိစ္စ များနှောင့်နှေးလာနိုင်သည်။

သြဂုတ်လ ၁ ရက်တွင် ပြည်ထောင်စုလွှတ်တော်၏နာယက တာဝန်ကို တပ်မတော်အစိုးရလက်ထက်က နံပါတ်သုံးခေါင်းဆောင်ဖြစ်ခဲ့ပြီး ယခုပြည်သူ့လွှတ် တော်ဥက္ကဋ္ဌဖြစ်သည့် သူရဦးရွှေမန်းက လက်ရှိပြည်ထောင်စုလွှတ်တော်နာယက၊ အမျိုးသားလွှတ် တော်ဥက္ကဋ္ဌဦးခင်အောင်မြင့်ထံမှ အလှည့်ကျတာဝန်လွှဲပြောင်းယူ တော့မည်ဖြစ်သည်။

လွှတ်တော်သက်တမ်းတစ်ခု စတင်သည့်နေ့မှ လပေါင်း ၃၀ ပြည့်မြောက်သည့်နေ့ရက်အထိ အမျိုးသားလွှတ်တော်ဥက္ကဋ္ဌနှင့် ဒုတိယဥက္ကဋ္ဌတို့သည် ပြည်ထောင်စုလွှတ်တော်နာယကနှင့် ဒုတိယ နာယကတာဝန်ကိုပါ ထမ်းဆောင်ရမည်ဖြစ်ပြီး ကျန်သက်တမ်း ကာလအတွက် ပြည်သူ့လွှတ်တော်ဥက္ကဋ္ဌနှင့် ဒုတိယဥက္ကဋ္ဌတို့သည် ပြည်ထောင်စုလွှတ်တော် နာယကနှင့် ဒုတိယနာယကတာဝန်ကိုပါ ထမ်းဆောင်ရမည်ဟူ၍ အခြေခံဥပဒေကပြဋ္ဌာန်းထားချက်အရ သူရဦးရွှေမန်းကတာဝန်လွှဲ ပြောင်းယူခြင်းဖြစ်သည်။

နယကအသစ် သူရဦးရွှေမန်းကိုမူ လွှတ်တော်အတွင်း ဆွေးနွေးမှုများကို အကြိတ်အနယ်ဆွေးနွေး ခွင့်ရရှိလာအောင် လမ်းဖွင့်ပေး
မည်ယူဆသဖြင့် လွှတ်တော်တွင်းပို၍မြိုင်ဆိုင်လာမည်ဟု ထင်မြင်ကြောင်းလည်း လွှတ်တော်ကိုယ် စားလှယ်များက သုံးသပ်ကြသည်။

ဥပဒေပြုမဏ္ဍိုင်ဖြစ်သည့် လွှတ်တော်နှင့်အုပ်ချုပ်ရေးမဏ္ဍိုင်အစိုးရတို့အကြား အကြိတ်အနယ်ဖြစ်မှုများသည် သူရဦးရွှေမန်း ဥက္ကဋ္ဌအဖြစ် ဦးဆောင်သည့် ပြည်သူ့လွှတ်တော်တွင် ပိုမိုများပြားသဖြင့် သူရဦးရွှေမန်းသာ ပြည်ထောင်စုလွှတ်တော် နာယကအဖြစ် တာဝန်ယူရပါက အစိုးရနှင့် လွှတ်တော်ကြားတင်းမာမှုပိုလာနိုင်မည်ဟု လွှတ်တော်ကိုယ်စား လှယ်များနှင့် နိုင်ငံရေးလေ့လာသူများက သုံးသပ်နေကြခြင်းဖြစ်သည်။

ဥပမာအနေဖြင့် ဆက်သွယ်ရေးလုပ်ငန်းလုပ်ကိုင်ခွင့်ကို ဆက်သွယ်ရေးဥပဒေထွက်လာပြီးမှ သာခွင့်ပြုရန် ဆက်သွယ်ရေးတင် ဒါအောင်မြင်သည့်ကုမ္ပဏီများကို ကြေညာရန် တစ်ရက်အလိုမှ ပြည်သူ့လွှတ်တော်က အတည်ပြုဆုံးဖြတ်ပြီး အစိုးရအဖွဲ့သို့ သ၀ဏ် လွှာပို့ခဲ့သဖြင့် ဆက်သွယ်ရေးလောကတွင် လှုပ်ခတ်သွားခဲ့ရသည်။ နောက်ဆက်တွဲအဖြစ် အစိုးရက လွှတ်တော်သို့ လာ ရောက်ရှင်းလင်းရခြင်းများရှိခဲ့သည်။

မြန်မာ့နိုင်ငံရေးအခင်းအကျင်းသည် ယခင်တပ်မတော် အစိုးရကချမှတ်ပေးထားသည့် အစီအစဉ်အတိုင်းသာ နေရာများရှိနေခြင်းက တပ်မတော်အစိုးရ လက်ထက်တွင် နံပါတ် ၃ခေါင်း ဆောင်ဖြစ်ခဲ့သော သူရဦးရွှေမန်းနှင့် နံပါတ် ၄ ခေါင်းဆောင်ဖြစ် သည့် နိုင်ငံတော်သမ္မတဦးသိန်းစိန်တို့ကြားတွင် လက်ရှိအနေအ ထားပေါ် အာဏာပြိုင်ဆိုင်မှုများရှိနေခြင်းဟု နိုင်ငံရေးစောင့်ကြည့် သူများကဆိုသည်။

“သူရဦးရွှေမန်းဥက္ကဋ္ဌဖြစ်လာရင် အစိုးရအဖွဲ့ကို လွှတ်တော်ကနေ ဦးဆောင်သွားမလားဆိုတာတော့ မဖြစ်နိုင်ပါဘူး။ အခြေခံ ဥပဒေအရတော့ သမ္မတသည် အမြင့်ဆုံးပဲ။ လွှတ်တော်ကသ၀ဏ်လွှာပို့တာပဲရမယ်။ တကယ်တမ်းတော့ မြန်မာနိုင်ငံကို ဦးဆောင်နေတာ သမ္မတပဲ”ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အမျိုးသားလွှတ်တော် ကိုယ်စား လှယ် ဦးလှဆွေကပြောသည်။

ထို့နောက် မြန်မာနိုင်ငံ၏ အခြေခံဥပဒေကပင်လွှတ်တော် နှင့်အစိုးရအဖွဲ့ကြား ပြဿနာတက်နိုင်သည့် ပုံစံဖြစ်နေသည်ဟုလည်း ဦးလှဆွေကဆိုသည်။

ပြည်သူ့လွှတ်တော်ဥက္ကဋ္ဌသူရဦးရွှေမန်းသည် ဒေါ်အောင်ဆန်းစုကြည်အပါအ၀င် အတိုက်အခံအင်အားစုများနှင့် နွေးနွေး ထွေးထွေးဆက်ဆံသည်ကို နိုင်ငံသားတစ်ယောက်အနေဖြင့် ၀မ်း သာသော်လည်း အုပ်ချုပ်ရေးအစိုး ရအဖွဲ့နှင့်လည်း အပြုသဘော ဆောင်သော စောင့်ကြည့်ထိန်းညှိ ခြင်းသာဖြစ်စေချင်သည်ဟု မြန် မာ့နိုင်ငံရေးကို လေ့လာသူတစ်ဦး ဖြစ်သည့် စီးပွားရေးလုပ်ငန်းရှင် ဦးကျော်စွာမြင့်က ပြောကြားသည်။

ဒီမိုကရေစီစနစ်အရ အစိုးရအဖွဲ့နှင့် လွှတ်တော်တို့သည် အပြန်အလှန်ထိန်းကျောင်းရမည်ဖြစ်သော်လည်း အချို့ကိစ္စများတွင် ပြည်သူ့လွှတ်တော်က အစိုးရအဖွဲ့မှတင်ပြသည့် အကြောင်းအရာအတော်များများကို ကန့်ကွက်ခဲ့ခြင်းမျိုးတွေ့နေရသဖြင့် လွှတ်တော်နှင့်အစိုးရကြား တင်းမာနေလျှင် နိုင်ငံတိုးတက်မှုနှောင့်နှေးနိုင်သည်ဟု စိတ်ပူမိကြောင်း ဦးကျော်စွာမြင့်က ၄င်း၏ယူဆချက်ကို ပြောကြားခဲ့သည်။

သူရဦးရွှေမန်းအနေဖြင့် အစိုးရအဖွဲ့နှင့် လွှတ်တော်ကြားတွင် တစ်ဖက်နှင့်တစ်ဖက် အပြန်အလှန်ထိန်းကျောင်းရမည်ဖြစ်သော်လည်း အပြုသဘောမဆောင်သည့် ပြစ်တင်ဝေဖန်မှုမျိုး ဖြစ်လာပါက နိုင်ငံ၏ဥပဒေပြုရေး ကိစ္စများ၊ အရေးတကြီးဆုံးဖြတ်ရမည့်ကိစ္စများ နှောင့်နှေးနိုင်သည်ဟု လွှတ်တော်ပြင်ပရှိ စီးပွားရေး လုပ်ငန်းရှင်အချို့က စိုးရိမ်နေကြသည်။

“ဒီနေ့လုပ်နေတာတွေက အစိုးရနဲ့လွှတ်တော်ပဋိပက္ခ အသွင် ဆောင်တာတော့မဟုတ်ဘူး။သဘောထားချင်းတော့ တူချင်မှတူမယ်။ ဒါသဘာဝပဲ။ အစိုးရနဲ့လွှတ်တော်နဲ့ သဘောထား တစ်ထပ်တည်းတော့မဖြစ်နိုင်ဘူး”ဟု အကြိတ်အနယ်ဖြစ်မှုများပေါ် သူရဦးရွှေမန်းက မီဒီယာများကိုပြောကြားခဲ့သည်။

လွှတ်တော်က အစိုးရကို ထိန်းညှိရသည်ဆိုသည်မှာ မှန်သော်လည်း ဥပဒေပြုသည့်သူများ၏ သုံးသပ်ဆုံးဖြတ်ချက်များသည် မှန်သည်ဟုပဲမပြောနိုင်၍ ငါဥပဒေပြုသူပဲဆို၍ ဆုံးဖြတ်ပါက လွှတ်တော်ဘက်က မာလာနိုင်သည်ဟု အမျိုးသားလွှတ်တော် ကိုယ်စားလှယ် တစ်ဦးကဆိုသည်။

“သူရဦးရွှေမန်းနာယကဖြစ်လာရင် အပြောင်းအလဲက ဘာတွေဖြစ်လာမလဲဆိုတာကို မသိနိုင်ဘူး။ အခုဦးရွှေမန်းလက်ထက်မှာ ဖွဲ့စည်းပုံအခြေခံဥပဒေကို လေ့လာသုံးသပ်မယ့်ကော်မတီရှိတယ်။ ဒါက ဥပဒေပြင်ဆင်ရေးကို ဘယ်လောက်ထိလုပ်နိုင်မလဲဆို တာတော့ကြည့်ရမယ်။ ကျန်တာကတော့ ဒီကျန်တဲ့ ၂ နှစ်ခွဲမှာ အေး ချမ်းတဲ့၊ ပြည့်ဝတဲ့အပြောင်းအလဲ တွေကိုပဲ လိုလားပါတယ်” ဟုလည်း မြန်မာနိုင်ငံ၏ စီးပွားလုပ်ငန်းအုပ်စုကြီးများတွင် တစ်ခု အပါအ၀င်ဖြစ်သည့် ဧဒင်အုပ်စု ဥက္ကဋ္ဌဦးချစ်ခိုင်ကလည်းပြောကြားသည်။

သူရဦးရွှေမန်းက နာယက တာဝန်အလှည့်ကျယူခြင်းက သဘောထားကွဲလွဲမှုအချို့ရှိသည်ဟု ယူဆနေကြသည့် နိုင်ငံတော် သမ္မတနှင့် ပြည်သူ့လွှတ်တော် ဥက္ကဋ္ဌတို့၏ အားပြိုင်မှုကြားတွင် ဥပဒေပြုဖြစ်စဉ်များနှင့် နိုင်ငံ အတွက်အရေးကြီးသောလွှတ်တော်၏ အတည်ပြုချက်လိုအပ်သည့် လုပ်ငန်းစဉ်များ နှောင့်နှေးကြန့်ကြာမည်ကို လွှတ်တော်ပြင်ပအသိုက်အ၀န်းများက စိုးရိမ်နေကြခြင်းဖြစ်သည်။

Credit To 7Day News Journal
Read More »

ဆီးဖြူဖန်ခါးလို ငုံထားမတတ်ပေမယ့် မယုံစားအပ်ပါပြီ


ရေးသားသူ- မောင်သာချို

(တစ်)
နည်းပညာရပ်တို့ တစ်ဟုန်းတိုး ပွင့်အန်ပေါက်ကွဲထွက်လာခြင်းနှင့်အတူ တစ်ချိန်က ဆိတ်ကွယ်ရာဟု ထင်ထားခဲ့သော အရာတို့ကို မှောက်လှန်သွန်ချဖွင့်ဟပြသနိုင်လာသဖြင့် တစ်ကိုယ်ရေစာဘ၀များကအစ မလုံမခြုံဖြစ်လာသော ကမ္ဘာကြီးတွင် မကြားရဲစရာ၊ မမြင်ဝံ့စရာ အသံများ ၊ အရုပ်များကို ကျွန်တော်တို့ နိုင်ငံ၌ ကြားခဲ့ကြရ၊ မြင်ခဲ့ကြရပြီဖြစ်ကြောင်း လူတိုင်းနီးပါးအသိပင်ဖြစ်ပါသည်။

ဓာတ်ပုံခေတ်တုန်းကလည်း ဓာတ်ပုံခေတ်အလျောက်လင်ခန်း မယားခန်းဓာတ်ပုံတို့ ထွက်ထွက်လာတတ်ကြပါသည်။ တိတ်ခွေ ခေတ်ကိုရောက်တော့ တိတ်ခွေတွေထဲကနေ ကိုယ့်နားကိုတောင် ကိုယ်မယုံကြည်ရဲလောက်စရာ အသံဗလံများစွာက နားရှိသဖြင့် ကြားခဲ့ရပြန်ပါသည်။ တယ်လီဖုန်းတွေခေတ်ကောင်းတော့ တယ်လီဖုန်းထဲက အပြန်အလှန်ပြောကြသည့် အယုတ္တ အနတ္တအသံများကို တိပ်ခွေဖြင့် ပြန်ကူးထားသော ဒိုင်ယာလော့ဂ် (Dialogue)များကို ကြောက်ခမန်းလိလိနားသောတဆင်ကြရပြန်ပါသည်။ CD တွေ၊ VCD တွေ၊ DVD တွေ၊ EVD တွေရှေ့တန်းကို ရောက်လာစဉ်တွင် ကားခပ်ကြမ်းကြမ်း ခပ်ရမ်းရမ်း လိင်အသားပေးဇာတ်လမ်းများ၌ပင် မရိုက်ရဲ၊ မရိုက်ဝံ့ကြသည့် ဇာတ်ဝင်ခန်းများကို အရုပ်အသံကြည်လင်ပြတ်သားစွာဖြင့် ရှုစားလာကြရပါတော့သည်။

Celebrity ခေါ် ထင်ပေါ်ကျော်ကြားသူများအတွက်ကဖြင့် ဆိုးသလား၊ ကောင်းသလားကျွန် တော်မပြောတတ်ပါ။ ဟဲ့အဲဒါ ဘယ်သူ့အသံဟဲ့၊ ဟောဗျာ ကြည့်စမ်းပါဦး၊ အဲဒါဘယ်သူပေါ့၊ အေး ဟယ်... ပက်စက်လိုက်တာစသည် စသည်ဖြင့် အံ့အံ့သြသြ
ကောက်ချက်ချသံများ၏ နောက်ကွယ်၌ စုတ်ပြတ်သွားသူတွေလည်းရှိ၊ ပို၍ပင်ဇာတာစန်းလဂ်တက်ကာဈေးကွက်အကြိုက်ဖြစ်
သွားသူတွေလည်းရှိသည်မှာကား အများအသိပင်ဖြစ်ပါသည်။ ခိုးကြောင်ခိုးဝှက်သမားတို့၏ လက်ချက်ဖြင့် (သို့မဟုတ်) ကိုယ်ကိုယ်
တိုင်က သိရှိခွင့်ပြုထားချက်များဖြင့် ထွက်လာကြသည်ဆိုလျှင်ကား သိပ်ပြဿနာ မရှိလှပါ။ သို့မဟုတ်ဘဲ ကိုယ်က ယုံမှတ်သဖြင့် ပုံအပ်မိသူကိုယ်တိုင်က နှစ်ကိုယ်သိကို အလိုရှိရာ သုံးကြပေတော့ဟု ဖြန့်ချိလိုက်ခဲ့လေသောအခါတွင်ကား . . .။ ဟယ်၊ ဟောဗျာ၊ မထင်ရဘူးနော် စသည်၊ စသည်၊ စသည်။

(နှစ်)
အခုကြေကွဲဖို့ကောင်းလာသည်က Celebrity ခေါ် ထင်ပေါ်ကျော်ကြားသူတို့၏ လောကမှသာ မကတော့ဘဲနှင့် ရပ်ထဲရွာထဲက သူလိုကိုယ်လိုလူတွေ၏ လင်ခန်းမယားခန်းများတွေပါ ရပ်ကွက်ထဲသို့ပျံနှံ့လာခြင်းဖြစ်ပါသည်။ ပန်းခြံများ၊ ရေကန်များကဲ့သို့အများ ပြည်သူခိုနားရာနေရာများ၌ ဖြစ်ချင်ရာ ဖြစ်နေသည့် စုံတွဲများကို အလွန်ဆွဲအားကောင်းသည့် တယ်လီ (Tele) ဖြင့် လှမ်းရိုက်ထားသည့် အခွေများသာမကတော့ဘဲ နောက်ပိုင်းတွင် တည်းခိုခန်းများ၊ ကာရာအိုကေခန်းများ၊ စာသင်ခန်းများထဲက ဇာတ်ဝင်ခန်းများကိုပါ ခိုးရိုက်၍ ဖြန့်ဝေသည့် အခွေများ လူထုထဲသို့ရောက်ရှိ၍လာပါသည်။

သမီးကလေးတွေ၊ ညီမကလေးတွေ၊ နှမကလေးတွေအတွက် အဖေတို့၊ အမေတို့၊ အစ်ကိုတို့၊ မောင်တို့ ဘယ်လိုမျက်နှာထားကြရပါ့။

(သုံး)
ဂျနီဖာလိုပက်ဇ် (Jennifer Lopez) ဟုဆိုလျှင် မြန်မာနိုင်ငံက ပရိသတ်တော်တော်များများတို့ သဘောကျသည့် အနုပညာရှင်ဖြစ်ကြောင်း လူတိုင်းသိပါသည်။

"On the 6(Sixth)" ဟူသည့် သီချင်းခွေ၊ "This is me . . . . then" ဟူသည့် သီချင်းခွေတွေက နာမည်ကျော်အခွေတွေပဲ ဖြစ်ပါသည်။Shall we dance? ကကြမလားဟူသည့် ဇာတ်ကား Maid in Mahhattan မက်ဟန်တန်မြို့က ဟိုတယ်အလုပ်သမလေးဟူသည့်ဇာတ်ကား၊ Anaconda ဟူသည့် မြွေဇာတ်ကားများကို မြန်မာပရိသတ်တော်တော့ကို နှစ်ခြိုက်ပါသည်။ ထို့အပြင်ဂျနီဖာလိုပက် (Jennifer Lopez) က Wedding Planner ခေါ် မင်္ဂလာပွဲများ စီစဉ်ရာတွင်လည်း နာမည်ကျော်ပါသည်။

သူ့ပထမအိမ်ထောင်က အဆိုတော်ခရစ်ဂျဒ်။ ၂၀၀၃ ခုနှစ်၌ ကွဲပါသည်။ မာ့ဒ်အန်ထော်နီနှင့်က ၂၀၀၄ တွင်လက်ထပ်ပြီး ထပ်၍ ကွဲပြန်ပါသည်။ ထို့နောက် ထပ်မံ၍ လက်ဆက်သည်က အိုဂျာနီနိုအာ။

၁၉၉၇ ကတည်းက မိုင်ယာမီ (Miami) ကမ်းခြေတွင် စတင်သိကျွမ်းခဲ့ဖူးသူဖြစ်ပြီး တတိယမြောက်လက်ထပ်သူလည်း ဖြစ်ပါသည်။ ထိုအိမ်ထောင်ရေးကလည်း ၁၁ လသာ ပေါင်းသင်းလိုက်ရပြီး ပြိုကွဲပါသည်။ သည်အထိကျွန်တော်မအံ့သြပါ။

သို့သော် အိုဂျာနီနိုအာက လျော်ကြေးတောင်းသည်ဟု ဆိုသောအခါ ကျွန်တော်အံ့သြသွားပါသည်။ အမေရိကန်ဒေါ်လာ ငါးသိန်းဆိုပါလား။ များလိုက်တဲ့ ပိုက်ဆံတွေ။ မပေးခဲ့လျှင် . . .။ ဟုတ်ပါသည်၊ မပေးခဲ့လျှင် . . .။ ကြောက်စရာကောင်းသည့် မပေးခဲ့လျှင် . . .။ ယုတ်ကန်းစုတ်ပြတ်သည့် မပေးခဲ့လျှင် . . .။ အောက်တန်းကျသည့် မပေးခဲ့လျှင် . . .။ ယောက်ျားမဆန်သည့် မပေးခဲ့လျှင် . . .။ ဂျာနီဖာလိုပက်ဇ်နဲ့ အတူ ၁၁ လ ပေါင်းသင်းခဲ့စဉ်က လင်ခန်းမယားခန်းကိစ္စအ၀၀ကို တစ်တစ်ခွခွရေးပြီး စာအုပ်ထုတ်ဝေမည်ဆိုပါလား။ ယောက်ျားတစ်ယောက်ဆီမှာ သည်လောက် ညစ်စုတ်ပုပ်အက်နေတဲ့ စိတ်ဓာတ်မျိုးတွေ ရှိနေနိုင်သတဲ့လား။ အံ့သြပါရဲ့။

(လေး)
YMB သခင်တင်က သူ၏ အုံ့ပုန်းချစ်သီချင်းတစ်နေရာတွင် “ဆီးဖြူ ဖန်ခါးဆို ငုံ၍များတောင်ထားလိုက်ချင်ပါတယ်” ဟူ၍ ယောက်ျားတစ်ယောက်၏ မေတ္တာစိတ်ကို ဖွဲ့ခဲ့ဖူးပါသည်။

အခု၊ ဟိုအခွေ၊ သည်အခွေခေတ်ကြီးထဲမှာ အကြွင်းမဲ့ ယုံကြည်ဖို့ရာခက်ခဲလှပါပြီ။ ဂျနီဖာလိုပက်ဇ် (Jennifer Lopez) ကို နိုအာက ငွေညှစ်သလို ငွေညှစ်လာကြရင် ဘယ်လိုရင်ဆိုင်ကြရပါ့။

ကျွန်တော်တို့၏ သမီးများ၊ ကျွန်တော်တို့၏ ညီမကလေးများ ဆင်ခြင်တုံတရားကြီးကြီးမားမားထားကာ ဆီးဖြူဖန်ခါးဆို ငုံ၍များ ပင်ထားချင်သည်ဆိုသူများကို အကြွင်းမဲ့မယုံကြည်အပ်သည့် နေ့ရက်များသို့ ရောက်ရှိလာပြီဆိုသည်ကို သဘောပေါက်ရမည့် ကမ္ဘာကြီးပါကလား။ ။

Credit To 7Day News Journal
Read More »

တော်လှန်ရေးမှ တည်ဆောက်ရေးသို့



(ပေါ်လင်းဦး)

အစိုးရသစ်နှင့်အတူ ယနေ့ နိုင်ငံရေးရေစီးကြောင်းဆိုင်ရာတွင် ထူးခြားမှုများ ရှိလာသည်မှာ သိသာလှသည်။ အထူးသဖြင့် လူထုအကြားရှိ ယနေ့ ဒီဘိတ်များက သိသာလှ၏။ လူထု အတွင်းတွင်ပင် အကြောင်းအရာတစ်ခု အပေါ်၌ အမြင်ကွဲပြားမှုများ ခပ်စိပ်စိပ် တွေ့လာရသည်။

မျိုးစောင့်ဥပဒေကြမ်း ကိစ္စတွင် အဆိုပါ ဒီဘိတ် ကိစ္စကို ကြီးကြီးကျယ်ကျယ် တွေ့ရသည်။ “ထောက်ခံသည်၊ မထောက်ခံသည်” မှာ လူထုထဲမှာပင် အသံစုံလှသည်။ လူထုထဲတွင်ပင် သဘောထား အမျိုးမျိုးဖြစ်နေသည်။ လက်ပံတောင်းတောင် ကိစ္စတွင်လည်း အလားတူပင် ဖြစ်သည်။ ကော်မရှင်၏ အစီရင်ခံစာ ထွက်လာသည်နှင့် ထောက်ခံသူနှင့် မထောက်ခံသူတို့ ကွဲလေတော့သည်။ “၉၆၉ ကိစ္စ”တွင်လည်း ထိုသို့ပင်ဖြစ်သည်။ ဗုဒ္ဓဘာသာများ အထဲတွင်ပင် လက်ခံသူနှင့် လက်မခံသူ ဟူ၍ ကွဲပြန် သည်။ အာဇာနည်နေ့ ရောက်ပြန်တော့ ဥသြ ဆွဲသင့်၊ မဆွဲသင့် ငြင်းခုံ ကြပြန်သည်။ အချို့က ဆွဲစေချင်သည်။ အချို့က ခေတ်ကာလသဘောအရ မဆွဲခြင်းကို လက်ခံသလိုရှိသည်။ ဥသြဆွဲမှ အာဇာနည်တွေကို ဂုဏ်ပြု သည်မဟုတ်။ အခြားသော နည်းလမ်းပေါင်းများစွာ ဖြင့်လည်း ဂုဏ်ပြုနိုင်သည်ဟု တစ်ဖက်ကဆိုကြသည်။ မေလှမြိုင်သီချင်းနှင့် ဥသြဆွဲသံတို့ မပါလျှင် အာဇာနည်နေ့ အတွက် ခံစားမှုရသမမြောက်။ မပြည့်စုံဟု အခြား တစ်ဖက်က ဆိုပြန်သည်။ ဆိုရလျှင် ယနေ့ခေတ်တွင် Public Debate တွေ များလာသည်မှာတော့ အမှန်ဖြစ်သည်။

သို့ဖြစ်ရာ ယနေ့ကား ခေါင်းစဉ်တစ်ခု ရောက်လာလျှင် လူထုမှာ နှစ်ခြမ်းကွဲကြရသလိုပင် ရှိတော့၏။ နောက်ထပ် ဘယ်ခေါင်းစဉ်များ ရောက်လာဦးမလဲ မသိ။ ဘယ်လောက်များ ကွဲကြဦးမလဲ မသိ။ ဘာတွေများ ငြင်းခုံရဦးမလဲ မသိ။ ဤသည်မှာ တိုက်ဆိုင်မှု သက်သက်လော (သို့မဟုတ်) နိုင်ငံရေး ရေစီးကြောင်း အသစ်တစ်ခုလော။ ဟုတ်ရော ဟုတ်သေးရဲ့လား။ အဘယ်ကြောင့်နည်း။ စိတ်ဝင်စားစရာ ဖြစ်သည်။

ယခင်ခေတ် များအရ လူထုတွင် ယနေ့ကဲ့သို့ ဒီဘိတ်ကြီးကြီးမားမား တို့မရှိ၊ ပြောခွင့်ပဲ မရခဲ့သောကြောင့်များလား မသိ။ ယခင်ခေတ်များတွင် အရေးကြီး Issue များရှိပါကလည်း လူထု၏သဘောများမှာ အကွဲကွဲအပြားပြား ဟူ၍ မသိသာလှ။ သဘောထား ကွဲခဲ့လျှင်လည်း အုပ်ချုပ်သူ လူတန်းစားနှင့်သာ ကွဲ၏။ သို့သော် ယခုကား ထိုသို့မဟုတ်တော့။ ယနေ့ ဒီဘိတ်တို့တွင် လူထုအတွင်း အချင်းချင်း ငြင်းကြ ခုံကြသလောက် အစိုးရကား ပရိသတ် သဘောပင်ဖြစ်နေ၏။

ဤသည်ကား ယနေ့ နိုင်ငံရေး ရေစီးကြောင်းများ၏ အတိတ်နှင့် မတူသော ထူးခြားမှုဟုပင် ပြောရမလိုရှိသည်။ အစိုးရကား ပါစရာလည်းမလို။ ပါလည်း မပါတော့။ အဘယ်ကြောင့်ဆိုသော် ယနေ့ခေတ် ကား လူထုကိုယ်တိုင် ဆုံးဖြတ်ရမည့်၊ ရွေးချယ်ရမည့်ခေတ်ဖြစ်သောကြောင့် ဖြစ်သည်။
တစ်နည်းအားဖြင့် လတ်တလော ဒီဘိတ်အရပ်ရပ် တို့သည် ပြောင်းလဲ လာသော နိုင်ငံရေး၏ ဝိသေသတစ်ရပ်သာ ဖြစ်၏။ လက်ရှိ နိုင်ငံရေး ရေစီးကြောင်း၏ သဘောသဘာဝပင် ဖြစ်၏။ ဤသည်မှာ ဒီမိုကရေစီသဘော သဘာဝပင် ဖြစ်၍ ပြဿနာတစ်ရပ်ဟု မဆိုသာလှ သော်လည်း ဒီမိုကရက် တစ်နည်းလမ်း တို့ဖြင့် ဖြေရှင်းနိုင်ရန်၊ အဖြေထုတ်နိုင်ရန်တော့ လိုသည်။
ဆိုရလျှင် ယနေ့ နိုင်ငံရေးရေစီးကြောင်းမှာ အသစ်ဖြစ်သည်ဟု ဆိုနိုင် သည်။ ဤနေရာတွင် ယနေ့ခေတ် သတိထားမိလာသော “တော်လှန်ရေးနှင့် တည်ဆောက်ရေး” ဟူသော စကားရပ်များကို ကိုးကားချင်သည်။ ထိုစကားရပ် များအရ ဆိုရလျှင် ယနေ့နိုင်ငံရေး ရေစီးကြောင်းမှာ “တည်ဆောက်ရေး” အဆင့်ဟုသာ ဆိုရမည်ဖြစ်သည်။ “တော်လှန်ရေး” အဆင့်မှာ ကျော်ခဲ့ပြီဖြစ် သည်။ နိုင်ငံရေး ရေစီးကြောင်းကား လုံးလုံးပြောင်းသွားခဲ့ပြီ ဖြစ်သည်။သို့ဖြစ်ရာ ယနေ့ မြင်တွေ့နေရသော ပြဿနာအရပ်ရပ်မှာ တည်ဆောက်ရေး အဆင့်တွင် ဖြစ်နိုင်ခြေရှိသော အခြေအနေအရပ်ရပ် တို့သာ ဖြစ်သည်။

အခြေခံလူထုဘက်မှ ကြည့်လျှင် မြန်မာလူထုသည် သမိုင်းနှင့်ချီ၍ “တော်လှန်ရေး” အသွင်အောက်တွင်သာ နေခဲ့ဖူးသလို ရှိသည်။ “တည်ဆောက်ရေး” အသွင်အောက်တွင် မနေခဲ့ဖူးသလောက် ဖြစ်နေသည်။ လူထုအနေဖြင့် ကိုယ်တိုင် နိုင်ငံ့ရေးရာများတွင် ပါဝင်ခွင့်ရသည် ဆိုသည်မှာ ကာလအားဖြင့် ဘာမျှမကြာသေး။ ၂ နှစ်လိုလို၊ ၂ နှစ်ခွဲလိုလိုသာ ရှိသေးသည်။ သုံးနှစ်တောင် မပြည့်တတ်သေး။ ယနေ့ခေတ်တွင် မှသာ လူထုသည် “နိုင်ငံတည်ဆောက်ရေး” တွင် တာဝန်ရှိသည့် အနေအထားမျိုးဟု ပြောနိုင်သည်။ ဒီလိုအခြေအနေ ရောက်အောင်ပင် နှစ်ပေါင်းများစွာ တော်လှန်ရေး အဆင့်ကို ဖြတ်သန်းခဲ့ ရသည် ဖြစ်သည်။ သို့ဖြစ်၍ လူထု၏ နိုင်ငံရေးအတွေ့အကြုံ တော်တော် များများသည်ပင် တော်လှန်ရေးအခြေပြု ရှုမြင်ပုံတို့ ဖြစ်သည်။ သို့ဖြစ်ရာ တည်ဆောက်ရေးနှင့် ဆီလျော်သော ရှုမြင်ပုံ၊ တွေးတောပုံ၊ သုံးသပ်ပုံ၊ ခံယူပုံ တို့ အားနည်းရခြင်းမှာ မဆန်းဟု ဆိုနိုင်သည်။ အားလုံးကို မဆိုသာ သော်လည်း အချို့အချို့ တစ်ချက်တစ်ချက် ကျောစိမ့်စရာကောင်းအောင် ပြောနေကြဆဲ၊ တွေးနေကြဆဲ ၊ လုပ်နေကြဆဲဖြစ်သည်။ “သမဂ္ဂ” ဟု ခေါင်းစဉ်တပ် လိုက်သည်နှင့် ပြောတဲ့သူရော၊ ကြားတဲ့သူပါ အစိုးရဆန့်ကျင်ရေး ကိုသာ အဓိက ပြေးမြင်ကြသည်မှာ မသိစိတ်တွင် တော်လှန်ရေးအခြေပြု အတွေ့အကြုံ တို့၏ လွှမ်းမိုးမှုကို ပြသခြင်းဖြစ်သည်။

ယင်းပုံစံနှစ်မျိုးအား ပြဆိုရာတွင် ပုံမှန်အားဖြင့် တော်လှန်ရေးအဆင့်သည် ကနဦးအဆင့်ဖြစ်သည်။ တော်လှန်ရေးအဆင့် ပြီးဆုံးသည်နှင့် တည်ဆောက် ရေးအဆင့်သည် ကပ်လျက် လိုက်လာသည်။ ယင်းအသွင်သဏ္ဌာန် နှစ်မျိုး စလုံးမှာ မတူသောဝိသေသများ သီးခြားစီ ရှိကြသည်လည်း ဖြစ်သည်။ သို့ဖြစ်၍ တည်ဆောက်ရေးအဆင့်တွင် တော်လှန်ရေးအဆင့်မှ သီအိုရီများ အတိုင်း ထပ်တူပြုမူ၍ မရနိုင်ချေ။ နိုင်ငံရေးသမား ဟုဆိုသည့်တိုင် တော်လှန်ရေးသမားကောင်း တစ်ယောက်သည် တည်ဆောက်ရေးသမားကောင်း တစ်ဦး ဖြစ်ချင်မှ ဖြစ်ပေလိမ့်မည်။

တော်လှန်ရေးအဆင့်တွင် သာမန်အားဖြင့် ဘုံရန်သူ ရှိကြသည်။ ယင်းကိုအကြောင်းပြု၍ စည်းရုံးရေးမှာ တကူးတကပင် လုပ်စရာမလို။ စုစည်းမှု လွယ်ကူသည်။ ဘာသာကွဲပြားမှု ၊ လူမျိုးကွဲပြားမှု၊ ဝါဒကွဲပြားမှုက အရေးမကြီးလှ။ ဘုံရန်သူကို တိုက်နိုင်ဖို့သာလိုသည်။ ဘယ်သူနှင့်မဆို ပေါင်းနိုင်သည်။ ပေါင်းလည်း ပေါင်းကြသည်။ ဘုံရန်သူဆိုသော ခေါင်းစဉ် အောက်တွင် အားလုံးသည် ပေါင်းစည်းသွားတတ်သည်။ သို့သော် ယင်း ပေါင်းစည်းမှုသည် ဘုံရန်သူကို ဖယ်ရှားရန်ဆိုသော အကြောင်းပြချက်ဖြင့် ယာယီသဘော စုစည်းမိခြင်းသာ ဖြစ်သည်။ ယင်းဘုံရန်သူ မရှိတော့သည့် နောက်ပိုင်း ယင်းစုစည်းမှုလည်း ပျက်ယွင်းတတ်သည့် သဘာဝရှိသည်။ တော်လှန်ရေး ပြီးသည့်နောက်ပိုင်း တည်ဆောက်ရေးသို့ ကူးပြောင်းသည့် အခါတွင် ရရှိထားသော စုစည်းမှုတို့မှာ တစ်စစီ ပြိုကွဲသွားတတ်သည့် သဘာဝရှိသည်။ ထိုအချိန်တွင် အမြော်အမြင် ကြီးပြီး သြဇာလည်းကြီးသော ခေါင်းဆောင်မှုမှာ ကမ္ဘာကြီးက နေတစ်စင်းကို လိုသလိုမျိုးအထိ လိုသည်။

မြန်မာ့လွတ်လပ်ရေး အတွက် လူမျိုးစုအသီးသီး စုပေါင်းကာ နယ်ချဲ့ကို တိုက်ပွဲဝင်ခဲ့ကြသည်။ သို့သော် ဘုံရန်သူ မရှိတော့သည့် (လွတ်လပ်ရေးရပြီး) နောက်ပိုင်း သူတစ်လူငါတစ်မင်းဖြင့် အချင်းချင်း ဆော်ခဲ့ကြသော ပြည်တွင်းစစ်ကို ကြုံခဲ့ရသည်ဖြစ်သည်။ အကွဲအပြဲပေါင်းစုံကို မြင်တွေ့ရမည် ဖြစ်သည်။ ဤသည်မှာ တော်လှန်ရေးအလွန် တည်ဆောက်ရေး အစတွင် ဖြစ်လေ့ဖြစ်ထ ရှိသည့် အကွဲအပြဲ ဇာတ်လမ်းတို့အတွက် ဥပမာဖြစ်သည်။ ထိုခေတ်ကာလအရ တော်လှန်ရေးအပြီး တည်ဆောက်ရေးအဝင်တွင် အမြော်အမြင်ကြီးပြီး သြဇာလည်းကြီးသော ခေါင်းဆောင်မျိုး မရှိတော့သည်မှာ မြန်မာ့နိုင်ငံ၏ ကံကြမ္မာပင်ဖြစ်သည်။ တစ်ဆက်တည်း ဆိုရလျှင် ထိုစဉ်က နိုင်ငံရေးသမား တော်တော်များများသည် လွတ်လပ်ရေးနောက်ပိုင်း နိုင်ငံတည်ဆောက် ရေးအတွက် အသင့်မဖြစ်ကြသည်မှာ နိုင်ငံအတွက် သာမန်ကံဆိုးမှု မဟုတ်ပေ။ တိုက်ရဲ၊ ခိုက်ရဲ၊ သေရဲ၊ ပြုရဲ၊ ထောင်ကျခံရဲခြင်း သည် တော်လှန်ရေးအဆင့် အတွက် ပဓာနအရည်အချင်း ဖြစ်ကောင်းဖြစ်နိုင်သော်လည်း၊ တည်ဆောက်ရေး အဆင့်အတွက် ပဓာနအရည်အချင်း မဟုတ်တော့ပေ။ ထိုမျှဖြင့် မလုံလောက် တော့ပေ။ ၄င်းအပြင် ယင်းတို့သည် အခန့်မသင့်လျှင် တည်ဆောက်ရေးအဆင့် တွင် အနှောင့်အယှက်ပင် ပြုနိုင်သေးသည်။

သို့ဖြစ်ရာ ယနေ့ကဲ့သို့ တည်ဆောက်ရေးခေတ်တွင် လိုက်နာရမည့် သီအိုရီနှင့် ဖြည့်ဆည်းရမည့် ဝမ်းစာတို့ ပို၍လိုအပ်လာသည်မှာ သေချာသည်။ ယင်းသီအိုရီနှင့် ဝမ်းစာကို ငြင်းဆန်သော တော်လှန်ရေးသမား တို့သည် ရယ်ဒီကယ် အစွန်းတွင် လက်သီးလက်မောင်း တန်းရင်း ကျန်ခဲ့ရမည်သာ ဖြစ်သည်။ ထိုထက်အရေးကြီးသည်မှာ လူထုအနေဖြင့် ထိုသူကို အိမ်ဦးခန်းတွင် နေရာမပေးမိရန် ဖြစ်သည်။ တော်လှန်ရေးအတွင်း ၄င်းတို့၏ ဆောင်ကြဉ်း ချက်များကို အသိအမှတ် ပြုသော်လည်း တည်ဆောက်ရေးတွင်ကား မဆီလျော် နိုင်သော အခြင်းအရာတို့ကြောင့် အားနာနာဖြင့်ပင် ချန်ထားခဲ့ရမည်ဖြစ် သည်။ အစိုးရဆန့်ကျင်ရေး အတွေးအခေါ်တို့သည် တော်လှန်ရေးကာလတွင် ပဓာန ကျနိုင်သော်လည်း တည်ဆောက်ရေးတွင် ထိုမျှဖြင့် မလုံလောက်တော့။ အပြစ်ပြောရုံ အပြင် အဖြေပါ ပြောနိုင်ဖို့လိုလာသည်။ အရာရာတွင် အပြုသဘော ဆောင်ခြင်းသည် ယနေ့ နိုင်ငံရေးပြဿနာဆိုင်ရာ အဖြေအရပ်ရပ်တို့၏ အခြေခံလိုအပ်ချက် ဖြစ်သည်။

တည်ဆောက်ရေး အဆင့်တွင် အမှန်လိုသည်မှာ နိုင်ငံတည်ဆောက်ရေးပညာ သာဖြစ်သည်။ နိုင်ငံရေးသိပံ္ပလည်း ပါသည်။ လူထုဆက်ဆံရေးပညာ လည်းပါသည်။ သမိုင်းလည်းပါသည်။ ပထဝီလည်းပါသည်။ နိုင်ငံရေး ဘောဂဗေဒလည်းပါသည်။ နိုင်ငံတကာ ဆက်ဆံရေးပညာလည်း ပါသည်။ ဥပဒေပညာလည်း ပါသည်။ ပြည်သူ့ရေးရာ မူဝါဒဆိုင်ရာပညာလည်း ပါသည်။ မိုက်ကရိုအီကိုနောမစ်လည်း ပါသည်။ ၄င်းတို့အပြင် နောက်ထပ်လိုသည်မှာ လစ်ဘရယ်စိတ်ရင်းအခံ ဖြစ်သည်။ ဆိုရလျှင် လက်ရုံးရည်ထက် နှလုံးရည်က ပိုလိုလာသည်။ ယင်းအချင်းအရာတို့သည် တည်ဆောက်ရေးနှင့် ဆီလျော်သော ဖြည့်ဆည်းအပ်သည်တို့ ဖြစ်သည်။

ဆိုလိုသည်မှာ ပြောင်းလဲလာသော ခေတ်စနစ်နှင့်အတူ စိန်ခေါ်မှု အသစ်အဆန်းများ ရှိလာမည်မှာ သံသယဖြစ်စရာမလိုသော ကိစ္စဖြစ်သည်။ ယင်းပြဿနာများကို ဖြေရှင်းရာတွင် အံဝင်ခွင်ကျဖြစ်သော တုံ့ပြန်မှုပြုနိုင်ရန် သက်ဆိုင်ရာနယ်ပယ်မှ ပုဂ္ဂိုလ်အသီးသီးတွင်လည်း တည်ဆောက်ရေးနှင့် လျော်ညီသော အခြင်းအရာတို့ တစ်စုံတစ်ရာ ဖွံ့ဖြိုးထားရန်လိုသလို အရွေ့ဆိုင်ရာ မဟာဗျူဟာမြောက် အကြောင်းတရား တို့နှင့်လည်း မျက်ခြေမပြတ်ရန် လိုပေလိမ့်မည် ထင်ပါသည်။

Credit To The Voice Weekly
Read More »

အခြေခံဥပဒေ ဘာတွေပြင်မလဲ ဘယ်လိုပြင်မလဲ |ကျော်ဝင်း|



အခြေခံဥပဒေ
ဘာတွေပြင်မလဲ
ဘယ်လိုပြင်မလဲ
|ကျော်ဝင်း|
ချဉ်းကပ်ပုံနှစ်မျိုး

          အခြေခံဥပဒေ ကိစ္စတွင်သာမဟုတ်၊ နိုင်ငံရေးပြဿနာများနှင့်ပတ်သက်လျင်၊ ချဉ်းကပ်ပုံနှစ်မျိုးရှိသည် ဟု ရေဘူယျဆိုနိုင်ပါလိမ့်မည်။ ‘နှုန်းစံအခြေပြုချဉ်းကပ်နည်း’(Normative approach) နှင့် ‘လက်တွေ့အခြေပြု ချဉ်းကပ်နည်း’ (Pragmatic approach) တို့ဖြစ်သည်။
          နှုန်းစံအခြေပြုချဉ်းကပ်နည်းက၊ မိမိတန်ဖိုးထားရာစံနှုန်းများကိုအသေကိုင်သည်။ အဆိုပါစံနှုန်းနှင့် ကိုက်ညီလျင်၊ ထောက်ခံမည်၊ ကြိုဆိုမည်။ မကိုက်ညီလျင်ဆန့်ကျင်မည်၊ ကန့်ကွက်မည်။ လက်တွေ့ဖြစ်နိုင်ခြေ ကို ထည့်သွင်းစဉ်းစားခြင်းမရှိချေ။လက်တွေ့အခြေပြုချဉ်းကပ်နည်းကမူ၊ မိမိတန်ဖိုးထားရာ စံနှုန်းများကို အသေမကိုင်၊ လုံးဝပြစ်ပယ်သည်တော့မဟုတ်။‘အနာဂတ်အမြင်’ (vision) အဖြစ် သဘောယူပြီး၊ လက်ရှိပကတိအရှိကို အခြေတည် စဉ်းစားသည်။ အလုပ်ထောင့်မှကြည့်၍ ဖြစ်နိုင်ခြေကိုရှာသည်။ မတူချေ။
          နိုင်ငံများ၏ ဖွဲ့စည်းပုံအခြေခံဥပဒေနှင့်ပတ်သက်လျင် ထောင့်အစေ့ဆုံး၊ စံကိုက်အကျဆုံးအဖြစ်၊ သူ့ခေတ်သူ့အခါက အလွန်ကျော်ကြားခဲ့ဖူးသည်မှာ၊ပထမကမ္ဘာစစ်နှင့် ဒုတိယကမ္ဘာစစ်ကြား၊ ဂျာမဏီ၏ ဝိုင်မာသမ္မတနိုင်ငံ အခြေခံဥပဒေဖြစ်ပါသည်။သို့နှင့်တိုင် ဤအခြေခံ ဥပဒေအောက်မှာပင် ‘ရွေးကောက် တင်မြှောက်ခံရသော အာဏာရှင်’(elected dictator) တစ်ယောက်ပေါ်ထွက်လာခဲ့သည်။ ဟစ်တလာ ဖြစ်ပါသည်။ ‘နှုန်း’ တွေ၊ ‘စံ’တွေအရ မည်မျှပင် ကောင်းမွန်ပါစေ.. ၊ လက်တွေ့ကျင့်သုံးပုံဟန်မကျလျင် ဖြစ်ချင်သလိုဖြစ်သွားနိုင်သည့်သာဓက … ။
          အမေရိကန်ပြည်ထောင်စု၏ အခြေခံဥပဒေမှာ၊ စတင်ခါစကအားနည်းချက်တွေ အတော်ရှိသည်။ တောင်ပိုင်းပြည်နယ်များ၏ အခြေခံဥပဒေမှာဆိုလျင်၊ ရက်စက်ကြမ်းကြုတ်သော‘ကျွန်စနစ်’ ကိုပင် ခွင့်ပြုထားသည်။ သို့တစေ ကျွမ်းကျွမ်းကျင်ကျင် ကျင့်သုံးပြီး၊ ပါးပါးနပ်နပ်ပြင်ဆင်နိုင်သောအခါ၊အကောင်းဆုံး အခြေခံဥပဒေတစ်ခုအဖြစ် အများက သိမှတ်လက်ခံနေရချေပြီ။ အခြေခံဥပဒေ တစ်ခုအနေနှင့်‘စံကျ’၊ ‘စံကိုက်’ မဟုတ်သည့်တိုင်၊ လက်တွေ့အလုပ်လုပ်ရင်း အမြှော်မြင်ရှိရှိ ပြုပြင်နိုင်လျင်၊အကောင်းဘက်သို့ ဦးတည်နိုင်သည့် သာဓက ။
၂၀၀၈ အခြေခံဥပဒေနှင့် တုန့်ပြန်မှုများ
          မြန်မာနိုင်ငံ၏ ၂၀၀၈ ဖွဲ့စည်းပုံ အခြေခံဥပဒေမှာ၊ဒီမိုကရက်တစ်နှုန်းစံများအရ ကြည့်လျင်၊ ပြောစရာနှင့် ဆိုစရာချည်းဖြစ်ပါသည်။ ဤအဖြစ်ကို၂၀၁၀ ရွေးကောက်ပွဲဝင်၊ ဒီမိုကရက်တစ်ပါတီများ မသိ၍မဟုတ်။ ကောင်းကောင်းသိကြသည်သာဖြစ်သည်။သို့တစေ၊ သူတို့က၊ နှုန်းစံများဖြင့်မကြည့်။ အလုပ်ထောင့်မှကြည့်ပြီး ‘နိုင်ငံရေးအဖွင့်ကျားကွက်’(political opening) တစ်ခု သို့ ဦးတည်သွားနိုင်စရာရှိ သည်ဟု တွက်ဆသည်။ သို့အတွက် ရွေးကောက်ပွဲလမ်းကြောင်းကိုရွေးချယ်ခဲ့ကြခြင်း ဖြစ်သည်။
          သို့နှင့်တိုင် ‘နိုင်ငံရေးဓလေ့’(political culture) မှာပင်၊ နှုန်းစံအစွဲကြီးသော၊ မြန်မာနိုင်ငံတွင် ဤအယူအဆနှင့် ဤအတွက်အချက်ကိုလူကြိုက်မများခဲ့ပါ။ ‘အမျိုးသားဒီမိုကရေစီအဖွဲ့ချုပ်’ (NLD) အပါအဝင်၊ နိုင်ငံရေးအင်အားစုတော်တော်များများက၊ ‘ရွေးကောက်ပွဲသပိတ်မှောက်ရေး’ ဖြင့် တုန့်ပြန် ခဲ့ကြသည်။ NLD က၊၁၉၉၀ ရွေးကောက်ပွဲရလဒ်ကို အသိအမှတ်မပြု၍၊ ၂၀၀၈ အခြေခံဥပဒေကို လက်မခံနိုင်၍၊ နိုင်ငံရေးပါတီများမှတ်ပုံတင်ဥပဒေကိုလက်မခံနိုင်၍ (အချက်သုံးချက်ကြောင့်) ရွေးကောက်ပွဲကို သပိတ်မှောက်ခဲ့ခြင်း ဖြစ်သည်ဟုဆိုသည်။
          သို့တစေ၊ ၂၀၁၂ ကြားဖြတ်ရွေးကောက်ပွဲတွင်မူ၊NLD ပါ ဝင်ရောက်ယှဉ်ပြိုင်ခဲ့သည်။ ရွေးကောက်ပွဲသပိတ်မှောက်ရသည့် အကြောင်း ၃ ချက်အနက်၊၂ ချက်ရပြီဖြစ်၍၊ မရသေးသောကျန်တစ်ချက် (အခြေခံဥပဒေပြင်ဆင်ရေး) ကို လွှတ်တော်တွင်းမှဆောင်ရွက်နိုင်ရန်၊ ရွေးကောက်ပွဲဝင်ဖို့ ဆုံးဖြတ်ရခြင်း ဖြစ်သည်ဟု ဆိုပါသည်။ အမှန်စင်စစ်၊ရခဲ့ပြီဆိုသော ၂ ချက်ထဲမှ နိုင်ငံရေးပါတီများ မှတ်ပုံတင်ဥပဒေကို ပြင်ပေးခဲ့သည်မှာကားအမှန်ပင်ဖြစ်သည်။ (အမှန်တော့၊ ပြင်မပေးလည်း၊ ဒေါ်အောင်ဆန်းစုကြည်မှာ ပြစ်ဒဏ်စေ့ခဲ့ပြီဖြစ်၍တားဆီးလို့ရတော့သည်မဟုတ်ပါ။)
          နောက်တစ်ချက်၊ ၁၉၉၀ ရွေးကောက်ပွဲရလဒ်ကိုအသိအမှတ်ပြုလိုက်ပြီ - ဆိုသည်ကိုမူ၊ အမျိုးသားလွှတ်တော် ဥက္ကဌ ဦးခင်အောင်မြင့်နှင့်ကိုကို(စက်မှုတက္ကသိုလ်) တို့၏ အင်တာဗျူးဖြင့်သာဓက တင်သည်။ အဆိုပါ အင်တာဗျူးတွင်၊ ဦးခင်အောင်မြင့်က“၁၉၉၀ ရွေးကောက်ပွဲကို အသိအမှတ်ပြုလို့ပဲ၊ ရွေးကောက်ပွဲရလဒ်တွေကို တရားဝင်ကြေငြာပေးခဲ့တာပေါ့ဗျာ”…စသဖြင့် ဖြေသွားခဲ့သည်။ (ဤမျှနှင့် - အမှန်တကယ်အသိအမှတ်ပြုရာ ရောက်ပါ၏လော… ၊ စဉ်းစားစရာ…။ ) ထားတော့။
          မည်သို့ပင်ရှိစေ၊ NLD ရွေးကောက်ပွဲလမ်းကြောင်းပေါ်ရောက်လာသည်မှာ၊မြန်မာ့ဒီမိုကရေစီရေး အတွက်၊ အလွန်အားကောင်းသော ဖြည့်ဆည်းမှုဖြစ်လာသည်မှာ အမှန်ပင်ဖြစ်သည်။ဒေါ်အောင်ဆန်းစုကြည် ကိုယ်တိုင် ‘လက်တွေ့အခြေပြု ချဉ်းကပ်မှု’ ဘက်ရောက်လာသည်ဟု ဆိုချင်သည်။သူ့ဆောင်းပါးတစ်ပုဒ်မှ အသုံးအနှုံးအတိုင်းဆိုရလျင် ‘တော်လှန်ရေးလမ်းကြောင်း’ မှ ‘တည်ဆောက်ရေးလမ်းကြောင်း’ဘက်ရွေ့လာသည်ဟု သဘောရပါသည်။ လွှတ်တော်ထဲရောက်ပြီးနောက်ပိုင်းတွင်လည်း၊ ရွေးကောက်ပွဲမဲဆွယ်ကာလက ‘ကြွေးကျော်ခဲ့သော အခြေခံဥပဒေပြင်ဆင်ရေး’ ဆိုသည်ထက်၊ လက်တွေ့ဖြစ်နိုင်သည်များကိုဦးစားပေးဆောင်ရွက်လာသည်ကို တွေ့ရသည်။
၂၀၁၅ နိုင်ငံရေးအကျပ်အတည်း
          လက်တွေ့တွင်၊ အခြေခံဥပဒေ ပြင်ဆင်ရေးကို စတင်အဆိုပြုတင်ပြလိုက်သည်မှာ၊အာဏာရပါတီဟု ဆိုနိုင်သော USDP ပါတီမှ၊ လွှတ်တော်ကိုယ်စားလှယ်ဖြစ်သည်။ သို့တိုင်အောင်၊ဘာတွေပြင်မည်၊ ဘယ်လိုပြင်မည်ဆိုသည်ကိုကား သဲသဲကွဲကွဲမသိရသေးပါ။ ကော်မတီဖွဲ့ပြီး၊ လေ့လာသုံးသပ်ဆဲအဆင့်ဖြစ်ပါသည်။ မည်သူက အဆိုပြုတင်ပြသည်ဖြစ်စေ၊ အခြေခံဥပဒေကို အသေမကိုင်ဘဲ ပြင်သင့် ပြင်ထိုက်သည်များကိုပြင်ရမည်ဆိုသော၊ စဉ်းစားချက်ကိုမူ၊ ကြိုဆိုကြရပါလိမ့်မည်။ ပြောရလျင်၊ မည်သည့် အခြေခံဥပဒေမှ၊ရာနှုန်းပြည့် ပြီးပြည့်စုံသည်မရှိပါ။ လက်တွေ့ အလုပ်လုပ်ရင်း အဟန့်အတား အခက်အခဲများရှိလျင်၊ ပြင်ကြရမည်သာ ဖြစ်ပါသည်။
          စာရေးသူမှတ်မိသလောက်၊ နိုင်ငံတကာပညာရှင်များထဲမှ၊အခြေခံဥပဒေ ပြင်ဆင်ရေးကို ပထမဆုံး အဆိုပြုခဲ့သူမှာ၊ စတင်းဖို့ (ဒ) တက္ကသိုလ်မှ၊ ‘လာရီဒိုင်းမွန်း’ ဟုထင်သည်။ သူက၊ ၂၀၁၅ တွင် ကြုံတွေ့ ဖွယ်ရာရှိသည့် နိုင်ငံရေးအကျပ်အတည်းကိုထောက်ပြပြီး အခြေခံဥပဒေ ပြင်ဆင်ရေးအတွက် စဉ်းစားကြဖို့၊ သူ့ဆောင်းပါးတစ်ပုဒ်တွင် အကြံပြုခဲ့သည်။(၂၀၁၂ ခုနှစ် အောက်တိုဘာလထုတ်၊ Journal of Democracy ပါ ‘The Need for a PoliticalPact’ ဆောင်းပါး။ စာရေးသူဘာသာပြန်ပြီး)
သူ၏အလိုအရဆိုလျှင် ၂၀၁၂ ကြားဖြတ်ရွေးကောက်ပွဲအတွေ့အကြုံအရ၊၂၀၁၅ ရွေးကောက်ပွဲသာ၊ လွတ်လပ်ပြီး တရားမျှတမှုရှိခဲ့လျင် NLD အပြတ်အသတ်အနိုင်ရဖို့ များလိမ့်မည်ဟုဆိုသည်။အကယ်၍ ဤအတိုင်း ဖြစ်ခဲ့လျင် ၁၉၉၀ ရွေးကောက်ပွဲ ကံကြမ္မာမျိုးမတိုးနိုင်ပါသလော - မေးခွန်းထုတ်သည်။၂၀၀၈ အခြေခံဥပဒေအရ၊ တပ်မတော်မှ အများစုနေရာ ယူထားသော၊ အမျိုးသားကာကွယ်ရေးနှင့် လုံခြုံရေးကောင်စီက၊အရေးပေါ်အခြေအနေကြေငြာနိုင်သည့် အချက်ကိုလည်း ထောက်ပြသည်။ ဤအချက်များအရ၊ ဖြစ်ကောင်းဖြစ်လာနိုင်သည့်နိုင်ငံရေးအကျပ်အတည်း ကို ကျော်လွှားနိုင်ရန် အစိုးရအဖွဲ့မှ ‘သဘောထားပျော့ပြောင်းသူများ’(soft liners) နှင့် အတိုက်အခံဘက်မှ ‘အစွန်းမရောက်သူများ’ (moderates) အခြေခံဥပဒေကိုပြန်လည်ညှိနှိုင်းဆွေးနွေးကြဖို့ အကြံပြုခဲ့ခြင်းဖြစ်ပါသည်။
          အဆိုပါဆောင်းပါးမှာပင်၊ ဆိုခဲ့ပါ ၂၀၁၅ နိုင်ငံရေးအကျပ်အတည်းကိုရှောင်ရှားနိုင်ရေးအတွက် နည်းလမ်းတစ်သွယ်အဖြစ် ‘အချိုးကျကိုယ်စားပြုစနစ်’ (PR - စနစ်)ကျင့်သုံးဖို့ အဆိုပြုခဲ့သည်လည်းရှိသည်။ သို့နှင့်တိုင် NLD က PR စနစ်ကို လက်မခံနိုင်ဟုသတင်းများထွက်နေလေရာ၊ အကယ်၍ ဤသတင်းသာ မှန်ခဲ့လျင် PR စနစ်သည်ပင်လျင်၊ နောက်ထပ်အကျပ်အတည်းတစ်ခုဖြစ်ကောင်း ဖြစ်သွားနိုင်ပေသည်။ မည်သို့ပင်ဆိုစေ၊ ဒီမိုကရေစီအပြောင်းအလဲအတွက် နိုင်ငံရေးပဋိညဉ်တစ်ရပ် ပေါ်ထွက်လာစေရန်၊ နှစ်ဘက်သဘောထားပျော့ပြောင်းသူများကြား၊ ညှိနှိုင်းဆွေးနွေးအဖြေရှာကြပါ - ဆိုသော လာရီဒိုင်းမွန်း၏ အကြံပြုချက်မှာကား၊ လက်တွေ့ဖြစ်နိုင်ချေရှိလေမည်လားစဉ်းစားမိသည်။
အနည်းဆုံးညှိလမ်းကြောင်း
          ဒေါ်အောင်ဆန်းစုကြည်ကိုယ်တိုင် (သူမ၏ အသုံးအနှုန်းအရ)တည်ဆောက်ရေးလမ်းကြောင်းသို့ သိသိသာသာ ရွေ့လာခြင်း၊ သမ္မတဦးသိန်းစိန်၊ ပြည်သူ့လွှတ်တော်ဥက္ကဌသူရဦးရွှေမန်းနှင့် ဒေါ်အောင်ဆန်းစုကြည်တို့၊ (အမြင်အရ) ဆက်ဆံရေး အထူးကောင်းမွန်နေခြင်း၊ထို့ထက် လက်ပံတောင်းကော်မရှင်အစီရင်ခံစာထွက်ခါစလောက်က၊ လျှံထွက်လာသော၊ ဒေါ်အောင်ဆန်းစုကြည်အပေါ်ဝေဖန်ချက်တစ်ခုတွင်ပါသည့် “ဒေါ်စုက၊ သူသမ္မတဖြစ်ဖို့ စစ်ဗိုလ်တွေကို လိုက်လျောလွန်းနေတယ်”ဆိုသော စွပ်စွဲချက် …။ ဤအချက်များကို ဆက်စပ်စဉ်းစားကြည့်လိုက်သောအခါ၊ ဒေါ်အောင်ဆန်းစုကြည်နှင့်အစိုးရ၊ လွှတ်တော်တာဝန်ရှိသူများကြား ဆွေးနွေးညှိနှိုင်းမှုများ ရှိနေမည်လား -  တွေးစရာရှိသည်။ ပြောရလျင် ‘နားလည်မှု’ တစ်ခုခုပင်၊ရှိကောင်းရှိလေမည်လား (ကံသေ ကံမ မဟုတ်သည့်တိုင်) စဉ်းစားစရာရှိလာသည်။
          ဤနားလည်ချက်မှာ၊ ဘယ်အရာဖြစ်လိမ့်မည်ဆိုသည်ကို၊တိတိပပ မပြောနိုင်သည့်တိုင်၊ ဒေါ်အောင်ဆန်းစုကြည် သမ္မတဖြစ်ရေးနှင့် ပတ်သက်ကောင်းပတ်သက်နိုင်ပါသည်။ဤသို့ ယူဆနိုင်လောက်သည့် သတင်းအချက်အလက်အချို့လည်း ရှိသလောက်ရှိနေသည်။ ဒေါ်အောင်ဆန်းစုကြည်ကိုယ်တိုင်က၊ သမ္မတဖြစ်ဖို့ရည်မှန်းချက်ရှိသည်ဟု ထုတ်ဖော်ပြောဆိုလာခြင်း။ သမ္မတကလည်းပြည်သူလူထုလိုလားလျင်၊ ဒေါ်အောင်ဆန်းစုကြည် သမ္မတဖြစ်နိုင်- ဆိုသည့် သဘောပြောဖူးခြင်း။မကြာသေးခင်ကပင်၊ ပြည်ထောင်စုဝန်ကြီးဦးအောင်မင်းက၊ ဒေါ်အောင်ဆန်းစုကြည်သမ္မတဖြစ်ရေးအတွက်အခြေခံဥပဒေပါ၊ သမ္မတနှင့် ဒုတိယသမ္မတများ၏ အရည်အချင်းများကို ပြောင်းလဲပြင်ဆင်ဖို့ သဘောပြောဆိုလာခြင်း…စသည် များဖြစ်ပါသည်။
          အကယ်၍ ဤမှန်းဆချက်သာ မှန်ခဲ့လျင်၊ ၂၀၁၅ နိုင်ငံရေးအကျပ်အတည်းကို ကျော်လွှား နိုင်စရာရှိ၍၊ ကြိုဆိုအပ်သည်ဟု သဘောရပါသည်။ နိုင်ငံရေးခေါင်းဆောင်တစ်ယောက်အနေနှင့်နိုင်ငံရေးအာဏာ ရယူလိုသည်မှာ၊ လွန်စွာမှပင် သဘာဝကျသည်ဟု ယူဆသည်။ “တော်လှန်ရေး၏အဓိကပြဿနာမှာ၊အာဏာ” ဆိုသော ‘လီနင်’ ၏ စကားရှိသည်မဟုတ်ပါလော … ။ (ဤကိစ္စနှင့် ပတ်သက်ပြီး၊ ဒေါ်အောင်ဆန်းစုကြည်ကိုဝေဖန်နေကြသူများမှာ လက်ဝဲနွယ်များဖြစ်၍၊ လီနင်ကို ကိုးကားရခြင်းဖြစ်ပါသည်။ ဤကား - စကားချပ်)
          ထို့ထက်၊ စာရေးသူအာရုံညွတ်သော အယူအဆ တစ်ရပ်ရှိသည်။Minilateralism ၊ ‘အနည်းဆုံးညှိလမ်းကြောင်း’ဆိုပါစို့။ အားလုံးပါဝင်ညှိနှိုင်းဆွေးနွေးကြသည့် Multilateralism မှာ သီအိုရီအရ ကောင်းပါ၏။လက်တွေ့အဖြေပေါ်ဖို့ သိပ်မလွယ်။ အမှန်တကယ်အဆုံးအဖြတ်ပေးနိုင်မည့် လူပုဂ္ဂိုလ်အနည်းငယ်မျှ၊ညှိနှိုင်း ဆွေးနွေးအဖြေရှာကြသည့် Minilateralism ကသာ အလုပ်ဖြစ်လိမ့်မည် ဟုထင်သည်။ ဦးသိန်းစိန်၊ဦးရွှေမန်း၊ ဒေါ်အောင်ဆန်းစုကြည် … ၊ သူတို့အချင်းချင်းနားလည်မှုဖြင့် အကျပ်အတည်းကိုကျော်နိုင်လျင်မကောင်းပါသလော … ။ ကောင်းသည်ဟုယုံသည်။
တိုင်းရင်းသား လူမျိုးစုများအရေး
          ယနေ့ မြန်မာနိုင်ငံ၏ အပြောင်းအလဲမှာ၊ နိုင်ငံရေး၊စီးပွားရေးပြုပြင်ပြောင်းလဲမှုများသာမက၊ အမျိုးသားပြန်လည်သင့်မြတ်ရေး၊ တစ်နည်း ပြည်တွင်းစစ်ရပ်စဲရေးပါအကျုံးဝင်သည့် သုံးပွင့်ဆိုင် အခင်းအကျင်းဖြစ်သည်။ ပြည်တွင်းစစ်ရပ်စဲရေးအတွက် ငြိမ်းချမ်းရေးလမ်းပြမြေပုံတစ်ခုလည်းချမှတ်ဖော်ထုတ်ပြီး ဖြစ်ပါသည်။ အဆိုပါလမ်းပြမြေပုံ တတိယအဆင့်တွင်၊ လူမျိုးစု လက်နက်ကိုင်အင်အားစုများသာမက၊ဆက်စပ်ပတ်သက်သူ အားလုံးစုစည်းပြီး၊ ရေရှည်တည်တန့်ခိုင်မြဲမည့် နိုင်ငံရေးသဘောတူညီချက်တစ်ရပ်ရယူနိုင်သည်အထိ ကြိုးပမ်းမည်ဟုဆိုသည်။ ဤအဆင့်တွင် လိုအပ်ပါက၊ ဖွဲ့စည်းပုံအခြေခံဥပဒေပြင်ဆင်ရေးအထိပါဆွေးနွေးညှိနှိုင်းကြမည်ဟု လမ်းဖွင့်ထားပြီးဖြစ်ပါသည်။
          ယခုဆိုလျင်၊ ဒုတိယ အဆင့်စတင်နေပြီဖြစ်၍ ၂၀၁၅မတိုင်မီတတိယအဆင့်သို့ ရောက်ကောင်း ရောက်သွားနိုင်သည်။ အဆိုပါတတိယအဆင့်ဆွေးနွေးကြတော့မည်ဆိုလျင်၊စကားလုံး တစ္ဆေကြောင့် သော်လည်းကောင်း၊ အစိုးရိမ်လွန်မှုကြောင့်သော်လည်းကောင်း၊ ပြောခွင့်၊ဆိုခွင့်၊ ဆွေးနွေးခွင့်မရခဲ့သော ၊ ဖက်ဒရယ်စနစ်အကြောင်းကိုလည်း ပြောကြဆိုကြ ဆွေးနွေးကြရတော့မည်ဖြစ်သည်။၂၀၀၈ အခြေခံဥပဒေမှာ၊ ဖက်ဒရယ်သဘောများ အတော်အတန်ပါသော်လည်း အစိုးရ၏ပေးထားချက်သာဖြစ်လေရာ၊လူမျိုးစုများဘက်မှ၊ ဖြည့်စွက်၊ ပြင်ဆင်လိုသည်များ၊ သဘာဝကျစွာရှိလာနိုင်ပါသည်။
          လွှတ်တော်ကပြင်ဆင်မည့် အခြေခံဥပဒေတွင်၊ တိုင်းရင်းသားလူမျိုးစုများအရေးနှင့်ဆက်စပ်နေသောအချက်များ (ဥပမာ - ဇယား ၁၊ ၂၊ ၃ နှင့် ၅) ပါမပါ မသိရသေးပါ။ အကယ်၍ ဤအချက်များကို ပြင်ဆင်မည်ဆိုလျင်ငြိမ်းချမ်းရေးလမ်းပြမြေပုံအဆင့် ၃ နှင့် ဆက်စပ်ဆောင်ရွက်ဖို့လိုမည်ထင်ပါသည်။ ဤသို့မဆက်စပ်ဘဲ၊သီးခြားဆောင်ရွက်မည်ဆိုပါက၊ လွှတ်တော်မှ အတည်ပြုပြဌန်းလိုက်သော ပြင်ဆင်ချက် ဖြစ်လျင်သော်မှ၊အများလက်ခံနိုင်မည့်အဖြေ ဟုတ်ချင်မှ ဟုတ်ပါလိမ့်မည်။ အကြောင်းမူ၊ ယနေ့တည်ဆဲ လွှတ်တော်တွင်၂၀၁၂ ကြားဖြတ်ရွေးကောက်ပွဲအပြီးမှ မှတ်ပုံတင်ကြသော နိုင်ငံရေးပါတီများ မပါကြသေးသလို၊လူမျိုးစုလက်နက်ကိုင်အဖွဲ့များလည်း မပါသေးသောကြောင့် ဖြစ်ပါသည်။ ဤကိစ္စမှာ၊ ပြည်ထောင်စုကြီးတည်တန့်ခိုင်မြဲရေးနှင့် တိုက်ရိုက်ဆက်စပ်နေရာ၊ လူမျိုးစုအားလုံးစုံစုံညီညီပါဝင်သည့်all inclusive ညီလာခံမျိုးဖြစ်ဖို့လိုပါလိမ့်မည်။
၂၅% ကိစ္စ
          နောက်ဆုံးအနေနှင့်၊ လူပြောများသည့် တပ်မတော်ကိုယ်စားလှယ်၂၅ % နှင့်ပတ်သက်သော၊ စာရေးသူအမြင်ကို တင်ပြပါမည်။ ပြောရလျင် ဤကိစ္စမှာ၊ မြန်မာ့ဒီမိုကရေစီရေး၏အသိမ်မွေ့ဆုံး၊ အခက်ခဲဆုံးအပိုင်းဟု ဆိုနိုင်လောက်သော ‘စစ်ဘက်-အရပ်ဘက်’ ဆက်ဆံရေးပြဿနာဖြစ်လေရာ၊စိတ်လိုက်မာန်ပါ၊ အစောတလျှင် မဆုံးဖြတ်သင့်ဟုသဘောရပါသည်။
          တပ်မတော်အနေနှင့်၊ ၎င်း၏အဖွဲ့အစည်းဆိုင်ရာ ကိုယ်ပိုင်လွတ်လပ်ခွင့်နှင့်၊အမျိုးသားနိုင်ငံရေးတွင် ဦးဆောင်မှုအခန်းမှ ပါဝင်ရေးဆိုသည်ကို ရပ်ခံထားသည်။ ၂၀၀၈ ဖွဲ့စည်းပုံအခြေခံဥပဒေမှာ၊ အဆိုပါရပ်ခံချက်ကို တရားဝင်ပြဌာန်းထားသည့် သဘော ဖြစ်ပါသည်။ ဒီမိုကရက်တစ်စံနှုန်းများအရဆိုလျင်၊အရပ်ဘက်ကစစ်ဘက်အပေါ် လွှမ်းမိုးနိုင်မှသာ၊ စစ်မှန်သော ဒီမိုကရေစီဟု ဆိုရပါလိမ့်မည်။ သို့နှင့်တိုင်၊ရာစုဝက်မျှ ကြာမြင့်ခဲ့သော၊ စစ်ဘက်အုပ်စိုးမှုမှ ထိုးထွက်ခါစ နိုင်ငံတစ်ခုအနေနှင့်၊ဒီမိုကရက်တစ်စံနှုန်းများနှင့် အညီ ချက်ခြင်းပြောင်းလဲပစ်ဖို့ဆိုသည်မှာ၊ ဖြစ်နိုင်ခြေအလွန်နည်းပါသည်။
          ထို့ထက်ဆိုခဲ့ပါရပ်ခံချက်အတွက်၊ တပ်မတော်၏အကြောင်းပြချက်မှာ၊ ကြိုက် မကြိုက် အသာထား၊ ငြင်းဖို့ခက်သည့်အနေအထားတွင်လည်းရှိနေသည်။လွတ်လပ်ရေးရပြီးနောက်ပိုင်း၊ အင်အားအကြီးဆုံး ဗကပ မရှိတော့သည့်တိုင် တော်လှန်ပုန်ကန်နေကြသောလက်နက်ကိုင်အင်အားစုစုပေါင်းမှာ၊ ယခုအထိ တစ်သိန်းအထက်ရှိနေဆဲဟု သိရသည်။ လူဦးရေနှင့်အချိုးချကြည့်လျင် သူပုန်အများဆုံးတိုင်းပြည်ဖြစ်နေသည်။ ထိုမျှမက၊ အစိုးရသစ်သက်တမ်း၂ နှစ်သာသာကာလအတွင်း၊ ထိပ်တက်လာသော လုံခြုံရေးပြဿနာများကလည်း ရှိနေပြန်သည်။ ပြောရလျင်- ပြည်တွင်းငြိမ်းချမ်းရေးကို အောင်မြင်စွာ တည်ဆောက်နိုင်မှသာ၊ စစ်ဘက် အရပ်ဘက်ဆက်ဆံရေးပုံမှန်ဖြစ်ဖို့ လမ်းပွင့်နိုင်ပါလိမ့်မည်။
          အမှန်စင်စစ်၊ တပ်မတော်ကို ပရော်ဖက်ရှင်နယ်အဖွဲ့အစည်းအဖြစ်၊ပြောင်းလဲပုံဖော်နိုင်ရေးမှာ၊ ဒီမိုကရေစီအတွက် အရေးကြီးသည့်တိုင်၊ ရေရှည်ဆောင်ရွက်ရမည့်သဘောရှိသည်။ အချိန်မတိုင်မီ အလောတကြီးဆောင်ရွက်လိုက်လျင်၊ လက်ရှိပြုပြင်ပြောင်းလဲရေးဖြစ်စဉ်အတွက်၊အကြီးမားဆုံး စိန်ခေါ်ချက်ပင်ဖြစ်လာနိုင် စရာရှိသည်။ လက်ရှိစစ်ဘက်၊ အရပ်ဘက် အင်အားချိန်ခွင်လျှာအရ၊တပ်မတော်၏ သဘောတူကြည်ဖြူမှုမရလျင်၊ ၂၅% ကိစ္စမှာ၊ လက်တွေ့ဖြစ်နိုင်လိမ့်မည်မဟုတ်ပါချေ။အန္တရာယ်ကြီးသော နိုင်ငံရေးမီးရှုးမီးပန်းသာ ဖြစ်ဖို့များပါလိမ့်မည်။
          ယခုစာစုကို ‘ဒီမိုကရက်တိုင်ဇေးရှင်း’ ပညာရပ်၏ခေါင်းကိုင်ဖခင် တစ်ဦးဟု ဆိုနိုင်လောက်သော ပါမောက္ခ ဂီယာနိုဒီယာ၏ သတိပေးစကားဖြင့် နိဂုံးချုပ်အပ်ပါသည်။ယခုလို … ၊
“ဒီမိုကရေစီအပြောင်းအလဲမှာ၊လက်တွေ့မဖြစ်နိုင်သေးတာက မစမိပါစေနဲ့။ အကျိုးရလဒ်ထွက်ဖို့ အခွင့်အလမ်း အကောင်းဆုံးနယ်ပယ်မှာအာရုံစိုက်ပါ။ ဒါက စပါ… ။”
ကျော်ဝင်း
 ဆရာကျော်ဝင်FB မှကူးယူချင်ခဲပါသည်။
Read More »

စိန်ခေါ်ချက်များမှ - အခွင့်အလမ်း သပွတ်အူကြားမှ - မင်္ဂလာလမ်း ရခိုင်ပြည်နယ်ပဋိပက္ခများ စုံစမ်းစစ်ဆေးရေး ကော်မရှင် အစီရင်ခံစာနှင့် ဆက်စပ်အတွေးများ


(ကျော်ဝင်း)

ခြေဆင်း

“စိန်ခေါ်ချက်များနှင့်အတူ အခွင့်အလမ်းတွေ ကပ်ပါလာတတ်သည်” ဆိုသော ဆိုရိုးကို လက်ပံတောင်း အစီရင်ခံစာနှင့် ရခိုင်အစီရင်ခံစာ တို့ကို ဖတ်ရတော့မှ ပိုနားလည် သဘောပေါက်လာရသလို ရှိသည်။ ပြောရရင် လက်ပံတောင်းကိစ္စရော ရခိုင်အရေး သည်ပါ နုနယ်သော ဒီမိုကရေစီ အတွက် မသေးလှသော စိန်ခေါ်ချက်များ ဖြစ်ပါသည်။ ပြည်တွင်းသာမက ပြည်ပနှင့်ပါ ဆက်စပ်နေသည်ဖြစ်၍ အပြန့်ကျယ်လှသလို သမိုင်းဇာစ်မြစ် များနှင့်ပါ ပတ်သက်နေသည်ဖြစ်၍ နက်ရှိုင်းလှသည်။ ထို့ထက် အစွဲအလမ်းများ၊ အကျိုးစီးပွားများ၊ ရည်မှန်းချက်များလည်း လိမ်ယှက်လျက် ရှိနေရာ သပွက်အူတမျှ ရှုပ်ထွေးလှသည်။

ဤမျှကျယ်ပြန့်၊ နက်ရှိုင်း၊ ရှုပ်ထွေးလှသော “အမယ်ဘုတ်ချည်ငင်” ကြီးများကို ပေးသမျှ အခြေအနေတွင် အမျှတဆုံး ချဉ်းကပ်၍ အကောင်းဆုံး အကြံပြုခဲ့ကြသည့် ကော်မရှင်နှစ်ရပ်လုံးကို မချီးကျူးဘဲ မနေနိုင်ပါ။ ယခု အချိန်ထိ စာရေးသူတို့ နိုင်ငံတွင် အားနည်းပါးလျဆဲ “ဒီမိုကရက်တစ်
စဉ်းစားနည်း” များအတွက် အစပြုချက် ဖြစ်လေမည်လား တွေးမိသည်။ နောင် အနာဂတ် “ဒီမိုကရက်တစ်ယဉ်ကျေးမှု” အတွက် အခွင့်အလမ်းကောင်း ဖြစ်လေမည်လား၊ မျှော်လင့်မိသည်။
မင်္ဂလာပါ၊ လက်ပံတောင်းကော်မရှင်၊
ထပ်ဆင့်မင်္ဂလာပါ ရခိုင်ကော်မရှင်။

သဘာဝမတူ ချဉ်းကပ်ပုံမတူ

အမှန်စင်စစ် လက်ပံတောင်းကိစ္စနှင့် ရခိုင်အရေးမှာ သဘောသဘာဝချင်း တူကြသည် မဟုတ်ပါ။ သို့နှင့်အမျှ ချဉ်းကပ်ပုံချင်းလည်း မတူနိုင်ပေ။ တူလို့ မဖြစ်ပါချေ။

လက်ပံတောင်းကိစ္စမှာ အပြိုင်ဖြစ်နေသော အကျိုးစီးပွားများ၏ ပဋိပက္ခသဘော ဖြစ်သည်။ တစ်ဖက်တွင် စီးပွားရေးကုမ္ပဏီ နှစ်ခု (ဝမ်ပေါင်နှင့် ဦးပိုင်) ရှိ၍ ကျန်တစ်ဖက်တွင် ဒေသခံလူထုရှိသည်။ တစ်ပြိုင်နက်တည်း မှာပင် တိုင်းပြည်စီးပွားရေး တိုးတက်မှုနှင့် သဘာဝပတ်ဝန်းကျင်၊ လူမှုပတ်ဝန်းကျင် ထိခိုက်မှုတို့ကို ချိန်ညှိဖို့ကလည်း ရှိနေသည်။ နောက်ထပ်ထည့်သွင်း စဉ်းစားစရာ တစ်ခုမှာ နိုင်ငံတကာဆက်ဆံရေး၊ အထူးသဖြင့် အိမ်နီးချင်းနိုင်ငံ တစ်ခုနှင့် ဆက်ဆံရေး။ ဤတွင် ကော်မရှင်က ခေတ်သစ်ဂိမ်းသီအိုရီဖြင့် ပြဿနာကို အဖြေထုတ်ပေးလိုက်သည်။ “ရှဥ့်လည်းလျှောက်သာ၊ ပျားလည်း စွဲသာ”။

ရခိုင်ကိစ္စကား လက်ပံတောင်းနှင့် မတူ။ ပို၍ အပြန့်ကျယ်သလို ပို၍ နက်ရှိုင်းသည်။ ပို၍ရှုပ်ထွေးသည့် သဘောလည်းရှိသည်။ လက်ပံတောင်းမှာလို အကျိုးစီးပွားချင်း ပဋိပက္ခသက်သက်မျှ မဟုတ်။ ပြောရလျှင် ရခိုင်ပြည် နယ်တွင် ဖြစ်ပျက်သွားသော ဝမ်းနည်းကြေကွဲဖွယ်ရာ ဖြစ်ရပ်များမှာ ပဋိပက္ခ အသွင် ဆောင်ခဲ့ရသော အသိုင်းအဝိုင်း နှစ်ခုလုံးအတွက် ဘာတစ်ခုမှ အကျိုးမရှိ။ အသက်အိုးအိမ် စည်းစိမ်များ ဆုံးရှုံးခဲ့ရရုံမျှမက ပူလောင်သော ဒေါသအာဃာတ တွေသာ ကျန်ရစ်ခဲ့သည်။ မည်သည့်အသိုင်းအဝိုင်း၏ အကျိုးစီးပွား မှမပါ။ အကျိုးပျက်ရာသာ ဖြစ်သည်။ ပွဲလန့် ဖျာခင်းလိုသူ အကြံသမားများ၏ အကျိုးစီးပွားမျှသာ ဖြစ်သည်။

ထို့ထက် ရခိုင်အရေးမှာ သမိုင်းဇာစ်မြစ်များနှင့် ဆိုင်သလို ပထဝီနိုင်ငံရေး နှင့်လည်း ပတ်သက်နေသည်။ မွန်မြတ်သော ဘာသာတရားကြီး နှစ်ခုကို ရည်ရွယ်ချက်ရှိရှိ ထိပ်တိုက် တွေ့စေခဲ့သော နိုင်ငံရေး ပရိယာယ်တွေလည်း ရှိနေပြန်သည်။ ပြီးတော့ ၂၁ ရာစု ခေတ်ရေစီးကို သမိုင်းဦး “သီယိုကရေစီ” (Theocracy) ဖြင့် ခုခံဆန့်ကျင်ဖို့ ကြိုးပမ်းနေသော စစ်အေးလွန် နိုင်ငံတကာ နောက်ခံအခင်းအကျဉ်း။ ဤသို့သော သပွတ်အူ ဇာတ်ရှုပ်ကြီးကို ကော်မရှင်က ချဉ်းကပ်မှု နှစ်မျိုးဖြင့် ကိုင်တွယ်လိုက်သည်ဟု နားလည်ရပါသည်။ “လူ့အခွင့်အရေး ချဉ်းကပ်မှု” (Human Rights Approach) နှင့် “အမျိုးသား အမှတ်အသား သရုပ်ဆိုင်ရာ ချဉ်းကပ်မှု” (National Identity Approach)

လူမျိုး၊ အသားအရောင်၊ ကိုးကွယ်သည့်ဘာသာ ဘယ်လိုပင်မတူ ခြားနားသည်ဖြစ်စေ၊ လူသည် လူပင်ဖြစ်ရာ “လူ့အခွင့်အရေး” ကို ပစ်ပယ်လို့ မရ။ တစ်ပြိုင်နက်တည်း မှာပင် “အမျိုးသားနိုင်ငံများ” အဖြစ် စုစည်းနေထိုင် ကြသော ပကတိအရှိ ကိုလည်း ဥပေက္ခာပြုလို့ မဖြစ်ပြန်ရာ။ “အမျိုးသား အမှတ်အသားသရုပ်” ကိုလည်း သိမှတ်လက်ခံ ကြရမည်သာဖြစ်ပါသည်။ ကော်မရှင်၏ ချဉ်းကပ်ပုံတွင် ဤသဘောနှစ်မျိုးလုံးနှင့် မလွတ်၍ ကျေနပ်မိသည်။

သမိုင်းဇာစ်မြစ်နှင့် ပထဝီနိုင်ငံရေး

ဆိုခဲ့ပြီးသည့်အတိုင်း ရခိုင်အရေးမှာ သမိုင်းဇာစ်မြစ်များနှင့် ဆိုင်သလို ပထဝီနိုင်ငံရေး နှင့်လည်း ဆက်စပ်နေသည်။ သမိုင်းဇာစ်မြစ် ဆိုရာတွင် ဟိုးရှေး အတီတေ၊ ရေကြည်ရာမြက်နုရာ ရွှေ့ပြောင်းနေထိုင်မှု များနှင့် ဆိုင်သလို ကိုလိုနီစနစ်၏ ဆိုးမွေများမှာလည်း အရေးကြီးသည့် အခန်းမှ ပါဝင်နေသည်။ ထို့နောက် ဒုတိယကမ္ဘာစစ်၊ လွတ်လပ်ရေး ခေတ်ဦး စစ်ပွဲများ၊ အိုင်ဒီအိုလိုဂျီ အရှုပ်အထွေးများ၊ ပြည်တွင်းစစ်များ ...။ ပြီး လူဦးရေ တိုးပွားမှု အမြင့်ဆုံး နိုင်ငံတစ်ခုနှင့် ထိစပ်နေရာမှ အကြောင်းခံ ထွက်ပေါ်လာသော ပထဝီနိုင်ငံရေး ပြဿနာအချို့ ...။ ဤဖြစ်စဉ် ဖြစ်ရပ်များကို ကော်မရှင် အစီရင်ခံစာက တူးဆွ ဖော်ထုတ်ထားသည်ကို တွေ့ရသည်။

စာရေးသူအနေနှင့်မူ အမေရိကန်ပြည်ထောင်စု အပါအဝင် ယနေ့ ကမ္ဘာ့ထိပ်သီး နိုင်ငံများပင် စိုးရိမ်မကင်းဖြစ်နေကြရသော ပထဝီနိုင်ငံရေး ပြဿနာတစ်ခုနှင့် ဆက်စပ်စဉ်းစား နေမိသည်။ Border Land ကိစ္စဖြစ်ပါ သည်။ Border Land မှာ အိမ်နီးချင်းနိုင်ငံ နှစ်ခုကြားရှိသည့် နယ်မြေဖြစ်သည့်တိုင် သာမန် “နယ်စပ်ဒေသ” နှင့်မတူပါ။ သို့အတွက် “ထိစပ်နယ်မြေ” သို့မဟုတ် “နှစ်ဖက်ခွနယ်မြေ” စသဖြင့် ဘာသာပြန်လျှင် သင့်မည်လား စဉ်းစားမိသည်။

ခေတ်ပြိုင်အနာဂတ္တိ ဆရာတစ်ဦးဖြစ်သူ ဂျော့ဖရိုင်းမင်းက အဆိုပါ ထိစပ်နယ်မြေ များ၏ သဘောသဘာဝများကို ယခုလို ဖွင့်ဆိုဖူးသည်။ ထိစပ် နယ်မြေများမှာ
၁၊ ပိုင်ဆိုင်မှု အကြိမ်ကြိမ်အပြောင်းအလဲ ရှိသည့် ဒေသများ ဖြစ်သည်။
၂၊ သို့နှင့်အမျှ လူမှုရေး၊ ဘာသာရေးနှင့် ယဉ်ကျေးမှုဓလေ့ မျိုးစုံ ရောယှက်နေတတ်သလို “အမျိုးသားရေးသစ္စာခံမှု” (National Loyality) အမျိုးမျိုးရှိသော လူများလည်း ရှိနေတတ်သည်။
၃၊ နိုင်ငံတစ်နိုင်ငံမှ အခြား နိုင်ငံတစ်ခုခုသို့ သမားရိုးကျ ရွှေ့ပြောင်းနေထိုင်မှု (Commentional Immigration) နှင့် ထိစပ်နယ်မြေ အတွင်း လူရွှေ့ပြောင်း နေထိုင်မှုမှာ သဘောသဘာဝချင်း မတူ။ သာမန်ရွှေ့ပြောင်း နေထိုင်သူများမှာ အမိမြေကို အပြီးတိုင် ကျောခိုင်းပြီး နယ်မြေသစ်တွင် ဒေသခံများနှင့် သဟဇာတဖြစ်အောင် နေလေ့ရှိသည်။ ထိစပ်နယ်မြေ အတွင်း ရောက်ရှိလာကြသူ များမှာ အမိမြေနှင့် အပြီးအပြတ် ဖြစ်သွားသည်မဟုတ်။ အမိမြေနှင့် မူလအသိုင်း အဝိုင်းကို ဒေသသစ်တွင် ဆွဲဆန့်လိုက်သည့် သဘောပင် ရှိသည်။
၎၊ သို့နှင့်အမျှ ဒေသတွင်း တင်းမာမှုများ ပေါ်ထွက်လာနိုင်သလို အဆင်မသင့်လျှင် “ပထဝီနိုင်ငံရေး အန္တရာယ်လမ်းကြောင်း” များပင် ဖြစ်သွားနိုင်သည်။

သမိုင်းကို ပြန်ကြည့်လိုက်သောအခါ ဖရိုင်းမင်း၏ ဖွင့်ဆိုချက်မှာ မှန်လောက်စရာ ရှိမည်ထင်သည်။ ဥပမာ-ပြင်သစ်နှင့် ဂျာမနီကြားရှိ “အဲလ်ဆက်နှင့် လော်ရိန်း” ထိစပ်နယ်မြေ အငြင်းပွားမှုမှ ဒုတိယကမ္ဘာစစ်ကြီး အထိ ဦးတည်သွားခဲ့ဖူးသည်။ ဒုတိယကမ္ဘာစစ် အပြီးတွင်လည်း အိန္ဒိယနှင့် ပါကစ္စတန်ကြားရှိ “ကက်ရှမီးယား” ထိစပ် နယ်မြေ ပြဿနာကြောင့် နှစ်နိုင်ငံ စစ်ဖြစ်ခဲ့ရသည်။ မနေ့တစ်နေ့ကမှ စစ်တလင်းဖြစ်ခဲ့ရသော “ကိုဆိုဗို” ဒေသဆိုလျှင်လည်း ဆားဗီးယားနှင့် အယ်လ်ဘေးနီးယား ကြားရှိ ထိစပ်နယ်မြေပင် ဖြစ်သည်။ ပြောရလျှင် ယနေ့ထက်တိုင် မီးခိုးအူနေ ဆဲဖြစ်သော ယူကေနှင့် အိုင်ယာလန်ကြားမှ “မြောက်ပိုင်း အိုင်ယာလန်”၊ ယူအက်စ်နှင့် မက္ကစီနယ်စပ် တစ်လျှောက်တို့မှာ အချိန်မရွေး ပေါက်ကွဲနိုင်သော ထိပ်စပ်နယ်မြေ များပင် ဖြစ်သည်။

စာရေးသူက ဘူးသီးတောင် မောင်တောဒေသမှာ ဖရိုင်းမင်း ဖွင့်ဆိုပြသော ဆိုခဲ့ပါ ထိစပ်နယ်မြေ သဘောသဘာဝတွေ အပြည့်ရှိလိမ့်မည် ထင်သည်။ သို့အတွက် ယနေ့ အမေရိကန်ပြည်ထောင်စု အနေနှင့် "ဟစ်စ်ပန်နစ်စိန်ခေါ်ချက်” ကို ဘယ်လိုပေါ်လစီ ခင်း၍ တုံ့ပြန်နေသည်ကို စိတ်ဝင်စားသည်။ စာရေးသူကြားရ ဖတ်ရသလောက် နယ်စပ်လုံခြုံရေးကို တင်းတင်းကျပ်ကျပ် ကိုင်သည်။ (ဤအချက်ကိုတော့ ကော်မရှင်ကလည်း အကြံပြုထားသည်။) နောက်တစ်ဖက်မှ ကူးလာသူများကို ထိပ်စပ်နယ်မြေမှာ စုမထား၊ နိုင်ငံအနှံ့ ခွဲဖြန့်ပစ်သည်။ မြန်မာနိုင်ငံတွင် ဤနည်းနှင့် အလုပ် ဖြစ် မဖြစ် စဉ်းစားဖို့ လိုပါလိမ့်မည်။ ထိစပ်နယ်မြေ ပြဿနာကိုလည်း ထဲထဲဝင်ဝင် သုတေသန လုပ်စေချင်သည်။

လူသား၊ နိုင်ငံသား၊ တိုင်းရင်းသား

“စကားနောက် တရားပါ” ဆိုသလိုပင် စကားလုံးများ၏ နောက်ကွယ်တွင် သဘောထားများ၊ ရည်မှန်းချက်များ ရှိတတ်ကြပါသည်။ ယခု ရခိုင်အရေး တွင်လည်း စကားလုံး ပြဿနာက အတော်လေး ရှေ့ရောက်နေသည်။ အကဲဆတ်သည်။ သူ့အကြောင်းနှင့် သူဖြစ်ပါလိမ့်မည်။ နိုင်ငံတကာ မီဒီယာ အချို့နှင့် နိုင်ငံအချို့က ပဋိပက္ခအသွင် ဆောင်နေသော အသိုင်းအဝိုင်း တစ်ခုကို “ရိုဟင်ဂျာ” ဟု စွဲစွဲမြဲမြဲသုံးသည်။ ဤအတိုင်း သုံးစွဲရမည်ဟု ဖိအားပေးကြ သည်များပင် ရှိသည်။ အမည်နာမ နောက်ကွယ်မှ ငုတ်နေသော အကြံအစည်များကို တွက်ဆမိသူ များက လက်မခံနိုင်ကြပါ။ မြန်မာအစိုးရ ကိုယ်တိုင်ကလည်း လက်မခံပါ။ ဤသည်မှာ အချုပ်အခြာအာဏာပိုင် နိုင်ငံတစ်ခု၏ ပိုင်ခွင့်ပင် ဖြစ်သည်။

မြန်မာအစိုးရရော၊ ကော်မရှင်ကပါ “ဘင်္ဂါလီ” ဟူ၍သာ သုံးပါသည်။ စာရေးသူ တက်ဖူးသော နေပြည်တော်တွင် ကျင်းပသည့် ရခိုင်အရေး အလုပ်ရုံ ဆွေးနွေးပွဲတစ်ခုတွင် ဘင်္ဂလားဒေ့ရှ် သံအမတ်ကြီးက အဆိုပါ “ဘင်္ဂါလီဆိုတော့ ကျွန်တော်တို့ ဘင်္ဂလားဒေ့ရ်ှနဲ့ ပတ်သက်နေလို့ပါ” ဟု သူက အကြောင်းပြသည်။ ပတ်သက်ဆက်စပ်မှု ရှိ မရှိ အများသိဖြစ်သည့်တိုင် အချုပ်အခြာအာဏာပိုင် နိုင်ငံတစ်ခု၏ ဆန္ဒဖြစ်နေ၍ သံခင်းတမန်ခင်း အရ လေးစားသင့်သည် ထင်ပါသည်။ ဤအကြောင်းကြောင့်လားမသိ။ သမ္မတကြီး ဦးသိန်းစိန်ကမူ (ယခုအချိန်ထိ) သူ၏နောက်ဆုံး မိန့်ခွန်းတွင် “ရခိုင်ပြည်နယ် အတွင်းမှာ မူလကရောက်ရှိနေကြတဲ့ အစ္စလာမ်ဘာသာ ကိုးကွယ်သူများ” ဟု သုံးနှုန်းပြောဆိုသွားသည်။

ပွင့်ပွင့်လင်းလင်းဆိုရလျှင် စာရေးသူဘဝင် မကျလှပါ။ မြန်မာပြည် တစ်နံတစ်လျား ရှိနေကြသော အစ္စလာမ်ဘာသာဝင်များ စိတ်အနှောင့်အယှက် မဖြစ်စေချင်သောကြောင့် ဖြစ်သည်။ စာရေးသူ အလိုကျပြောရလျှင် “ရခိုင်ပြည်နယ်ရောက် နိုင်ငံမဲ့များ” ဟူ၍သာ ဆိုချင်သည်။
နိုင်ငံမဲ့ဖြစ်စေ၊ နိုင်ငံသားဖြစ်စေ လူသားတစ်ယောက်သာ ဖြစ်ရာ၊ လူ့အခွင့်အရေး ရှုထောင့်မှ လူသားချင်း စာနာထောက်ထားမှု အကူအညီများ ပေးရမည်သာ ဖြစ်ပါသည်။ ကော်မရှင်အစီရင်ခံစာ ကလည်း ဤအတိုင်းပင် အကြံပြုထားသည်။ နိုင်ငံတော်သမ္မတ ကိုယ်တိုင်ကလည်း ဤအတိုင်း ဆောင်ရွက်မည်ဟု အတိအလင်း ထုတ်ဖော်ပြောဆိုပြီး ဖြစ်သည်။ နိုင်ငံတကာမှ ဝိုင်းဝန်း ကူညီကြဖို့လည်း တာဝန်ရှိပါသည်။ အဆိုပါနိုင်ငံမဲ့ များထဲမှ နိုင်ငံသား ဖြစ်သင့်ဖြစ်ထိုက်သူ များကိုလည်း ဥပဒေနှင့်အညီ စိစစ်၍ နိုင်ငံသားအဖြစ် အသိအမှတ် ပြုရပါလိမ့်မည်။ နိုင်ငံသားအခွင့်အရေး အပြည့်အဝပေးရ ပါလိမ့်မည်။ ဤအချက်ကိုလည်း ကော်မရှင်က အကြံပြုပြီး ဖြစ်သည်။ ဤနေရာတွင် ၁၉၈၂ နိုင်ငံသားဥပဒေကို ဝေဖန်ကြသည်များလည်း ရှိသည်။
ဒီမိုကရေစီစနစ်တွင် မကြိုက်ခွင့်၊ ဝေဖန်ခွင့်ရှိပါသည်။ သဘောထား ကွဲလွဲခွင့် ရှိပါသည်။ သို့တစေ ဒီမိုကရက်တစ် လုပ်ထုံးလုပ်နည်းများဖြင့် ကွဲလွဲကြဖို့ လိုပါလိမ့်မည်။ ၁၉၈၂ ဥပဒေမှာ တည်ဆဲတရားဝင် ဥပဒေဖြစ်ရာ၊ ကိုယ်မကြိုက်တိုင်း ပြင်ချင်သလို ပြင်လို့မရပါ။ ဒီမိုကရက်တစ် လွှတ်တော်သို့တင်ပြီး လွှတ်တော်မှ တစ်ဆင့်သာ ပြင်လိုရသည်ကို အများသိပြီးဖြစ်ပါသည်။

နိုင်ငံသားအခွင့်အရေးကို ကျော်၍ “ရိုဟင်ဂျာမှာ တိုင်းရင်းသား လူမျိုးစုတစ်ခု ဖြစ်သည်။ လူမျိုးစု အခွင့်အရေး ပေးပါ” ဆိုလျှင်ကား မီးခိုး မဆုံး၊ မိုးမဆုံး ငြင်းကြဖို့သာ ရှိတော့သည်။ ဤကိစ္စနှင့်ပတ်သက်လျှင် ရခိုင် အပါအဝင် မြန်မာ တိုင်းရင်းသားများ၊ မြန်မာပညာရှင်များ ဘက်မှလည်း ပြောစရာတွေ အပြည့် ရှိပါလိမ့်မည်။ နိုင်ငံတကာ မီဒီယာအားကိုးဖြင့် တစ်ဖက်သတ် ကျားကန် ပြောလို့မဖြစ်။ လက်ရှိ မြန်မာနိုင်ငံမှ ထုတ်ပြန်ထားသော လူမျိုးစုစာရင်းတွင် ရိုဟင်ဂျာ မပါချေ။ ဤအချက်ကို ငြင်းခုံနိုင်ပါသည်။ ငြင်းခွင့်ရှိပါသည်။ သို့တစေ အမိန့်ပေးခွင့်တော့ မရှိ။ ဇွတ်အမိန့်ပေးလျှင် အချုပ်အခြာ အာဏာပိုင် နိုင်ငံတစ်ခု၏ ပိုင်ခွင့်ကို ချိုးဖောက်ရာရောက်၍ ကုလသမဂ္ဂ ပဋိညာဉ်စာတမ်းနှင့် ညီ မညီ စဉ်းစားကြဖို့ရှိသည်။

စာရေးသူအမြင်ကို ပြောရလျှင် အမုန်းမီးပွားများဖြင့် ပူလောင် တင်းမာနေကြသော အသိုင်းအဝိုင်း နှစ်ခုကြား ပြန်လည်ရင်ကြားစေ့နိုင်ဖို့ မနည်း ကြိုးပမ်းနေကြရသော ယခုလို အချိန်မျိုးတွင် “ရိုဟင်ဂျာ” ပြဿနာ ရှေ့တင်လာသည်ကိုက စဉ်းစားစရာ ဖြစ်နေသည်။ ပြေလည်ရေးလော ...၊ အကျယ်အကျယ် မငြိမ်းဖွယ်ဖြစ်ရေးလော ...။

စစ်အေးလွန် ဆက်စပ်အခြေအနေ

စစ်အေးတိုက်ပွဲ ဆုံးခန်းတိုင်သွားသောအခါ ကမ္ဘာကြီးမှာ ဒီမိုကရေစီ နှင့် ငြိမ်းချမ်းရေးသို့ ဦးတည် သွားလိမ့်မည်ဟု မျှော်လင့်ခဲ့ကြသည်။ သို့တိုင်အောင် မျှော်လင့်သလိုကား မဖြစ် “အစွန်းရောက် အကြမ်းဖက်ဝါဒ” ဆိုတာ နောက်ထပ်အန္တရာယ် အရိပ်မည်းကြီးနှင့် ရင်ဆိုင် လိုက်ရပြန်သည်။ ပို၍ ဆိုးသည်မှာ အဆိုပါ အရိပ်မည်းကြီးအနေနှင့် မြင့်မြတ်သော ဘာသာတရားကြီး တစ်ခုကို ရည်ရွယ်ချက်ရှိရှိ အသုံးချလာခြင်းပင် ဖြစ်သည်။ သို့အတွက် နိုင်ငံတကာ ဒီမိုကရေစီ အင်အားစုများနှင့် သဘောထား ပျော့ပျောင်းသော အစ္စလာမ်မစ်နိုင်ငံများ လက်တွဲ၍ အကြမ်းဖက်ဝါဒ အန္တရာယ်ကို ကာကွယ်ကြရပြန်သည်။ ယခုအခါဆိုခဲ့ပါ နိုင်ငံတကာ အကြမ်းဖက်မှုမှာ စစ်အေးပြီးခါစ ကလောက် အားကောင်းမောင်းသန် မရှိတော့သော်လည်း အဓိကဖွံ့ဖြိုးပြီး နိုင်ငံကြီးများကို ဦးတည် မတိုက်နိုင်တော့ သော်လည်း လုံးဝ ကျဆုံးသွားပြီဟူ၍ကား မဆိုနိုင်ပါချေ။ ပစ်မှတ်ပြောင်းသွားခြင်း မျှသာ ဖြစ်ပါသည်။ ဖွံ့ဖြိုးဆဲနိုင်ငံများ အထူးသဖြင့် အစိုးရနှင့် လူထုကြား ယုံကြည်မှု ပျောက်နေသော နိုင်ငံများကို အဓိကချိန်ရွယ်ချက်ထားကာ စွက်ဖက်လာ ကြသည်။

ပြောရလျှင် စာရေးသူ အထူးစိုးရိမ်မကင်း ဖြစ်မိသည်မှာ ဆိုခဲ့ပြီးသော နိုင်ငံတကာ အကြမ်းဖက်ဝါဒ အန္တရာယ်ပင်ဖြစ်သည်။ ရခိုင်အရေး စတင်ကတည်းက ဤအန္တရာယ်ကို စိုးရိမ်တကြီး စောင့်ကြည့်နေမိသည်။ ယခုအချိန်အထိ တိကျသောအဆက်အစပ် အထောက်အထားများ မတွေ့ ရသေးသည့်တိုင် “မပြေးသော် ကန်ရာရှိ၊ ဒွေးနှစ်ဖော် သံဝါညှိ” ကြသည့် အစအန အချို့ကိုကား မြင်သလောက် မြင်နေရချေပြီ။ အင်ဒိုနီးရှားနိုင်ငံရှိ မြန်မာသံရုံးကို ဗုံးခွဲတိုက်ခိုက်ဖို့ ကြိုးစားသည့် သတင်း။ တစ်ဆက်တည်း “မြန်မာနိုင်ငံရှိ ဗုဒ္ဓဘာသာဝင်များကို တိုက်ခိုက်မည်” ဆိုသော ပြည်ပအဖွဲ့ အစည်းများ၏ ဂျီဟတ် လှုံ့ဆော်မှုများ...။ သမ္မတကြီး၏ ပြီးခဲ့သည့် မိန့်ခွန်းတွင်လည်း စိတ်ဝင်စားဖွယ်ရာ အချက်တစ်ခုကို သတိပြုမိသည်။ "...ယခင်ကာလ များက ရခိုင်ပြည်နယ်တွင်းမှာ လူသားချင်း စာနာထောက်ထားမှု အကူအညီပေးရေး ဆိုင်ရာ ခေါင်းစဉ်နဲ့ ဝင်ရောက် လုပ်ကိုင်ခဲ့တဲ့ နိုင်ငံတကာ အဖွဲ့အစည်း အချို့ရဲ့ လုပ်နည်းကိုင်နည်း အမှားများကြောင့် ပြဿနာများ ပိုမိုရှုပ်ထွေး နက်ရှိုင်းခဲ့တာ ဟာလည်း ငြင်းဆို၍ မရသည့် အမှန်တရား ဖြစ်ပါတယ်...” စသဖြင့်။

ဤတွင် “လုံခြုံရေး” ခေါင်းစဉ်အောက်မှ ပါဝါအမာများမှာ မလွဲမရှောင်သာ ရှေ့ရောက်ဖို့ လိုအပ် လာပါတော့သည်။ ပါဝါအမာများ၏ ဒဏ်သင့်မှုကို နှစ်ပေါင်းမြောက်မြားစွာ ခံခဲ့ရသူများ အနေနှင့် စိုးရိမ်ကြောင့်ကြမှုများ ရှိကြ သလို အစိုးရသစ် ကိုယ်တိုင်ကလည်း မိမိ၏ ပုံရိပ်ကို အတိတ်နှင့် အဆက်ပြတ် စေရေး အတွက် ထိန်းထိန်းသိမ်းသိမ်း လုပ်လာသည်များ ရှိသည်။ သို့နှင့် အမျှ “လုံခြုံရေး” ဘက်မှ အားနည်းလစ်ဟာမှု များလည်း ရှိသလောက် ရှိခဲ့ရသည်။ မဖြစ်သင့်ဟု ထင်ပါသည်။ အစိုးရဖြစ်မှတော့ ပါဝါအမာများကို အကြွင်းမဲ့ ရှောင်လို့ ဖြစ်မည်မဟုတ်။ တစ်ခုတော့ရှိသည်။ “လုံခြုံရေးကို ထိပ်တင်ရင်း လွတ်လပ်မှုအချို့ကို စတေးခဲ့ရသည့်” အမေရိက၏ အကြမ်းဖက်ဝါဒ တိုက်ဖျက်ရေး အတွေ့အကြုံများမှ သင်ခန်းစာယူဖို့တော့ လိုပါလိမ့်မည်။ ပါဝါအမာနှင့် ပါဝါအပျော့တို့ကို ဟန်ချက်ညီညီ ပေါင်းစပ်ကျင့်သုံးဖို့ ဖြစ်သည်။

ဘာသာပေါင်းစုံ ဒိုင်ယာလော့ခ်

ကော်မရှင်အနေနှင့် ပေးသမျှ အခြေအနေတွင် အကောင်းဆုံး အကြံ ပြုခဲ့သည်မှာ မှန်သော်လည်း ပြဿနာ အပြီးအပြတ် ဖြေရှင်းရေးအတွက်မူ အချိန်ယူရဦးမည် ထင်ပါသည်။ ဤကာလအတွင်း စီးပွားရေး ဖွံ့ဖြိုးတိုးတက်မှုလို ရေရှည် လုံးပမ်းအားထုတ်ရမည့် လုပ်ငန်းစဉ်တွေ မနည်းမနော ရှိပါ လိမ့်ဦးမည်။ ဤကိစ္စများနှင့် ပတ်သက်လျှင်လည်း ကော်မရှင်က ထဲထဲဝင်ဝင် ကျယ်ကျယ်ပြန့်ပြန့် အကြံပြုထားသည်များ ရှိပါသည်။

ကော်မရှင် အကြံပြုချက်များအနက် စာရေးသူ အာရုံအငြိဆုံး တစ်ခုမှာ “အစိုးရအနေဖြင့် လူမှုရေးနှင့် ဘာသာရေးအဖွဲ့များနှင့် ပူးပေါင်းကာ Interfaith Dialogue များ ကျင်းပပေးပြီး နိုင်ငံသားများကြား မတူညီသော ကိုးကွယ်မှု ဘာသာရေး အကြောင်းများကို နားလည်မှုရှိအောင် ပြုလုပ်သွားသင့်ပါသည်” ဆိုသော အစီအစဉ်ဖြစ်သည်။ ပြီးခဲ့သော တမန်တော်မိုဟာမက် မွေးနေ့က မွတ်ဆလင်မိတ်ဆွေများ ဖိတ်ကြား၍ Interfaith Dialogue သဘောဆောင်သော အခမ်းအနားတစ်ခုကို စာရေးသူတက်ခဲ့ ဖူးသည်။ ဘာသာပေါင်းစုံမှ ခေါင်းဆောင်များ၏ မေတ္တာနှင့်ယှဉ်သော တရားဓမ္မများကို ကြားနာခွင့်ရခဲ့ရာ ကျက်သရေ မင်္ဂလာရှိလှသည်။ ကြည်နူးချမ်းမြ ဖြစ်ရသည်။

အမှန်စင်စစ် ဘာသာတရား အားလုံး၏ တူညီသော ရည်မှန်းချက်မှာ လူမှုဒုက္ခအပေါင်းမှ လွတ်မြောက်ရေး ဖြစ်ပါလိမ့်မည်။ ဘာသာတရား များသည် ပြဿနာမဟုတ်၊ ပြဿနာ ဖြေရှင်းရေးသာ ဖြစ်သည်။ ဘာသာတရား များ၏ မေတ္တာဓာတ်ဖြင့် ပြဿနာ အထွေထွေကို ငြိမ်းချမ်းစွာ ကျော်လွှား လွတ်မြောက်နိုင်လိမ့်မည်ဟု အပြည့်အဝ ယုံကြည်ပါသည်။
ဆရာကျော်ဝင်FB မှကူးယူချင်ခဲပါသည်။
Read More »

မီဒီယာလွတ်လပ်ခွင့် တိုက်ပွဲ ဒီရေမြင့်


 


ရေးသားသူ- အေးသူစံ

ကမ္ဘာ့သတင်းမီဒီယာလွတ်လပ်ခွင့်ညွှန်းကိန်းတွင် တစ်နှစ်အတွင်း အဆင့် ၂၃ ဆင့်သို့ တက်ခဲ့သော မြန်မာနိုင်ငံတွင် သတင်းလွတ်လပ်ခွင့်အတွက်ပင် အစိုးရနှင့် ပုဂ္ဂလိကမီဒီယာအင်အားစုတို့ကြား အားပြိုင်မှုမှာ ယနေ့ဒီရေအမြင့်ဆုံး အခြေအနေသို့ ရောက်ရှိလာသည်။

သတင်းလွတ်လပ်ခွင့်ကို ဆက်လက်ချုပ်ကိုင်လိုသည်ဟု စွပ်စွဲခံနေရသော ပြန်ကြားရေးဝန်ကြီးဌာနနှင့် သမ္မတအမိန့်ဖြင့် ဖွဲ့စည်းထားသော စာနယ်ဇင်းကောင်စီတို့ ထိပ်တိုက်တွေ့ဆုံမှုမှာ မီဒီယာအခြေပြု ဥပဒေကြမ်း သုံးခုထွက်ပေါ်ရာက အစပြုခဲ့ခြင်း
ဖြစ်သည်။

ပြန်ကြားရေးဝန်ကြီးဌာနက ပုံနှိပ်ထုတ်ဝေရေးဥပဒေကြမ်းနှင့် အများပြည်သူဝန်ဆောင်မှု မီဒီယာဥပဒေကြမ်းဟူသော ဥပဒေကြမ်းနှစ်ခု ရေးဆွဲထားသည်။ မကြာသေးမီက ပြည်သူ့လွှတ်တော်က အတည်ပြုလိုက်သော ပုံနှိပ်ထုတ်ဝေရေး ဥပဒေကြမ်းက မီဒီယာကို ထိန်းချုပ်ရန် သက်သေပြနေကြောင်း မီဒီယာသမားအများစုက မှတ်ယူနေကြသည်။ ပုံနှိပ်ထုတ်ဝေရေးဥပဒေကြမ်းမှ အချက်ငါးချက်ကို သတင်း ထောက်အများစုနှင့် စာနယ်ဇင်း ကောင်စီက သဘောမတူခဲ့ပေ။ ထို့အပြင် စာနယ်ဇင်းကောင်စီက ဖြည့်စွက်စေလိုသည်ကို မဖြည့်ဘဲ လွှတ်တော်တင်ခဲ့ခြင်းဖြစ်သည်။

စာနယ်ဇင်းကောင်စီ(ယာယီ)က ရေးဆွဲနေသော မီဒီယာဥပဒေကြမ်းသည်လည်း မီဒီယာလွတ်လပ်ခွင့်ကို ရှေ့တန်းတင်လျက် အခြားနိုင်ငံတကာမီဒီယာ ဥပဒေများတွင်ပင် မပါရှိသည့် သတင်းအချက်အလက်ရယူမှုများတွင် လူပုဂ္ဂိုလ်တစ်ဦးချင်းစီ၏ တစ်ကိုယ်ရေလွတ်လပ်ခွင့်ကိုပင် ထိပါးနိုင်ဖွယ်ရှိသည့်အချက်များ ပါဝင်နေသည်ကို ပြန်ကြားရေးဝန်ကြီးဌာနက လက်မခံနိုင်ကြောင်း သတင်းထုတ်ပြန်ထားပြန်သည်။

ပြီးခဲ့သည့်နှစ်အတွင်း ပြန်ကြားရေးဝန်ကြီးအဖြစ် ဦးအောင်ကြည်ကို ခန့်အပ်ခဲ့ပြီးနောက် ၂၀၁၂ သြဂုတ် ၂၀ ရက်တွင် စာပေစိစစ်ရေးကို ဖျက်သိမ်းခဲ့ရာ မြန်မာ့မီဒီယာလောကအတွက် အားကိုးရမည့် ၀န်ကြီးအဖြစ် မီဒီယာအ များစုက ယုံကြည်မျှော်လင့်ခဲ့ကြသည်။ ထို့အပြင် သမ္မတအမိန့်ဖြင့် ဖွဲ့စည်းထားသော စာနယ်ဇင်း ကောင်စီ(ယာယီ)နှင့် တွေ့ဆုံ၍ သတင်းသမားများအတွက် မီဒီယာဥပဒေတစ်ခုကို စိတ်တိုင်းကျ ရေးဆွဲပါရန် ၀န်ကြီးက ပြောကြားခဲ့သည်။

စာနယ်ဇင်းကောင်စီမှ ဥပဒေရေးဆွဲနေစဉ်တွင် ပြန်ကြားရေးဝန်ကြီးဌာနက ၂၀၁၃ ဖေဖော်ဝါရီလဆန်းတွင် ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေကြမ်းကို စာနယ်ဇင်းကောင်စီ(ယာယီ) နှင့် တိုင်ပင်ညှိနှိုင်း အသိပေးခြင်းမပြုဘဲ ထုတ်ပြန်ခဲ့သည်။ ယင်းဥပဒေသည် ပုံနှိပ်သူနှင့် ထုတ်ဝေသူအတွက်သာ ရည်ရွယ်ရေးဆွဲကြောင်း ပြန်ကြားရေးကဆိုသော်လည်း ထုတ်ဝေနှင့် ပုံနှိပ်သူတို့ကို ၀န်ကြီးဌာနတွင် မှတ်ပုံတင်စေသည့်နည်းဖြင့် သတင်းမီဒီယာမဏ္ဍိုင်ကို ၀န်ကြီးဌာနအောက်သို့ ပြန်လည်သွတ်သွင်းသည့် ဥပဒေအဖြစ် စာနယ်ဇင်းကောင်စီယာယီက ကန့်ကွက်ခဲ့ကြသည်။

မီဒီယာသမားများ၏ ကန့်ကွက်မှုကြောင့် ပြန်ကြားရေးဝန်ကြီး ဦးအောင်ကြည်က စာနယ်ဇင်းကောင်စီ(ယာယီ)ကို ယခုနှစ် မတ်လ ၂၃ ရက်တွင် ခေါ်ယူတွေ့ဆုံ၍ ပြင်ဆင်လိုသည့်အချက်များကို ပြင်ဆင်ပေးမည်ဖြစ်ပြီး စာနယ်ဇင်းကောင်စီက ရေးဆွဲနေသော သတင်းမီဒီယာဥပဒေနှင့်အတူ ညီနောင်ဥပဒေအဖြစ် လွှတ်တော်သို့ ပြိုင်တူတင်မည်ဖြစ်ကြောင်း နှစ်ဖက်သဘောတူညီချက်ဖြင့် ဆက်လုပ်ခဲ့သည်။ သို့သော် ယခု ဇူလိုင်လဆန်းတွင် စာနယ်ဇင်းကောင်စီ၏ ပြင်ဆင်ချက်များ မပါဝင်သော မူရင်းဥပဒေကြမ်းကို နှစ်ဖက်သဘောတူညီချက်ချိုးဖောက်၍ လွှတ်တော်သို့ တင်ခဲ့သည်။ ဥပဒေ နှစ်ခုပြိုင်တူတင်သွင်းပြီး လွှတ် တော်တွင်းတွင် မီဒီယာဥပဒေတစ် ခုတည်းဖြစ်သွားမည့်လမ်း ကြောင်းကို ပြန်ကြားရေးနှင့် စာနယ်ဇင်းကောင်စီတို့ သဘောတူထားခဲ့သော်လည်း ပြန်ကြားရေးက လက်ဦးမှုရယူပြီး တင်သွင်းလိုက်သည့် ပုံနှိပ်ထုတ်ဝေရေးဥပဒေကြမ်းအတွက် နှစ်ဖက်တင်းမာမှု အရှိန်မြင့်လာခဲ့ခြင်းဖြစ်သည်။

“ကျွန်တော်တို့ ၅၁ ချက်လည်း သဘောတူပြီးပြီ။ သူတို့ ဖြုတ်ခိုင်းတဲ့ Chapter တစ်ခုလုံးလည်း ဖြုတ်ပြီးပြီ။ ဒါကိုမှ ၁၇ ချက် ထပ်ပြင်ဦးဆိုတော့ ကျွန်တော်တို့ဘက်က လျှော့စရာမရှိတော့ပါဘူး” ဟု PC မှ အဖွဲ့ဝင် ဦးသီဟစောက ပြောကြားသည်။

“ဥပဒေတစ်ခုဆိုတာ အရေးတကြီးဆွဲဖို့ လိုတာမဟုတ်ဘူး။ ရေရှည်လိုက်နာသွားဖို့လိုအပ်တဲ့အတွက် ဥပဒေကျွမ်းကျင်တဲ့လူတွေ၊ တကယ်အလုပ်လုပ်နေတဲ့သူတွေနဲ့ အချိန်ယူညှိနှိုင်းဆွေးနွေးငြင်းခုံပြီးမှ လုပ်တာကောင်းပါတယ်။ စစ်သားအမြင်နဲ့ စစ်တိုက်သလို တောင်ကုန်းတစ်ကုန်းမြင်တာနဲ့ သိမ်းမယ်ဆိုတာ အဆင်ပြေမှာ မဟုတ်ဘူး” ဟု သတင်းစာဆရာ ဦးရဲနိုင်မိုးကပြောသည်။

ထို့အပြင် စာနယ်ဇင်းကောင်စီ(ယာယီ)၏ သတင်းမီဒီယာဥပဒေမှာ ပြန်ကြားရေးဝန်ကြီးဌာနမှ ပြင်ဆင်ခိုင်းသော အချက် ၁၇ ချက် မပါဝင်သည့်အတွက် လွှတ်တော်သို့ မတင်ပေးနိုင်တော့ကြောင်း ဇူလိုင် ၂၄ ရက်တွင် ပြန်ကြားရေးဝန်ကြီးဌာနက ပြောကြားခဲ့သည့်အတွက် စာနယ်ဇင်းကောင်စီမှာ လွှတ်တော်ကိုယ်စားလှယ်တစ်ဦးကို ရွေးချယ်၍ ဥပဒေကြမ်းကို အဆိုတင်သွင်းသည့်နည်းလမ်းဖြင့် သတင်းမီဒီယာဥပဒေကြမ်းကို လွှတ်တော်တွင်းရောက်ရန် ကြိုးစားရတော့မည်ဖြစ်သည်။

“ကျွန်တော်တို့ မီဒီယာသမားတွေအတွက် ဘာကြောင့် ဥပဒေနှစ်ခု သီးခြားစီလိုအပ်မှာလဲဆိုတာ စဉ်းစားလို့မရဘူး။ ပုံနှိပ်သူတွေနဲ့ သက်ဆိုင်တာ မှတ်ပုံတင်တာတွေဟာ တကယ်တော့ သတင်းမီဒီယာဥပဒေထဲမှာ အခန်းတစ်ခန်းအနေနဲ့ ပါသင့်တယ်” ဟု သတင်းစာဆရာ ဦးရဲနိုင်မိုးက ဆက်လက်ပြောကြားသည်။

“ပြန်ကြားရေးဝန်ကြီးနဲ့ စဆွေးနွေးကတည်းက ဥပဒေတစ်ခုတည်းပဲ ရှိသင့်တယ်။ ပုံနှိပ်သက်သက်၊ မီဒီယာသက်သက် ခွဲထွက်တာကို အရင်ကတည်းက သဘောမတူခဲ့ဘူး။ အခုတောင် သတင်းသမားတွေ ပုဒ်မ-၅၀၀ (အသရေဖျက်မှု)နဲ့ တရားစွဲခံနေရတာ ဘယ်လောက်ရှိနေပြီလဲ။ အခုဒီပုံနှိပ် ထုတ်ဝေသာ လုံးဝအတည်ပြုလိုက်ရင် အချိန်မရွေးအမြင်ကတ် ပုဒ်မနဲ့ တရားစွဲခံနေရတော့မယ်။ ဖြစ်နိုင်ရင် ကျွန်တော်တို့က ဥပဒေ နှစ်ခုကို ပေါင်းချင်တာပါ” ဟု စာနယ်ဇင်းကောင်စီ ယာယီအတွင်းရေးမှူး ဦးကျော်မင်းဆွေက ပြော သည်။

လွှတ်တော်သို့ ရောက်ရှိပြီး ပြည်သူ့လွှတ်တော်က အတည်ပြုထားသော ပုံနှိပ်ထုတ်ဝေရေးဥပဒေကြမ်းမှာ နိုင်ငံတကာသတင်း ထောက်အဖွဲ့များအပါအ၀င် ပြည်တွင်းသတင်းထောက်အားလုံးက ယခင်တင်းကျပ်သည့် ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေကို ကျောထောက် နောက်ခံပြုထားသော ဥပဒေဟု ရှုမြင်ကန့်ကွက်ကြသည်။

အများပြည်သူဝန်ဆောင်မှု မီဒီယာဥပဒေကြမ်းမှာလည်း နိုင်ငံပိုင်သတင်းစာနှင့် ရုပ်သံများကို အသက်ဆက်နိုင်စေရန် အသက်သွင်းသည့် ဥပဒေဖြစ်ပြီး အစိုးရဘတ်ဂျက်နှင့် အခြားဝင်ငွေများ ခံစားခွင့်ရှိနေသော အခွင့်ထူးခံဥပဒေအဖြစ် မီဒီယာသမားတို့က ထောက်ပြခဲ့သည်။

အထူးသဖြင့် ပုဂ္ဂလိကနေ့စဉ်ထုတ် သတင်းစာများ ရပ်တည်နိုင်ရန် အပြင်းအထန်ကြိုးစားနေရချိန်တွင် သမ္မတမိန့်ခွန်း၊ သမ္မတခရီးစဉ်များ၊ သမ္မတတွေ့ဆုံမှုများ၊ အရေးကြီးပုဂ္ဂိုလ်တို့၏ တွေ့ဆုံမှုများတွင် အများပြည်သူဝန်ဆောင်မှုအဖြစ် ပြောင်းလဲတော့မည့် နိုင်ငံပိုင်မီဒီယာတို့သာ လက်ဦးမှုရယူ သတင်းဖော်ပြနေကြသည်။

အချို့သတင်းရယူမှုတွင်မူ ပုဂ္ဂလိကရုပ်သံမီဒီယာကြီးတစ်ခုက အခွင့်ထူးခံအဖြစ် လိုက်ပါသတင်းရယူနိုင်သည်ကို တွေ့ရသည့်အခါ အခြားသတင်းသမားများ ပြန်ကြားရေးအပေါ် မကျေနပ်မှုများ ပိုများလာသည်။

ပြန်ကြားရေးဝန်ကြီးဌာနမှ အချို့သောပုဂ္ဂိုလ်များသည် လက်ရှိပုဂ္ဂလိကသတင်းမီဒီယာအချို့ မှာ သတင်းရေးသားတင်ဆက်မှုတွင် ကျင့်ဝတ်နှင့်မညီသော ရေးသားမှုများ၊ အထူးသဖြင့် ဘာသာရေး၊ လူမျိုးရေးပဋိပက္ခများကို ကြီးထွားစေသော ရေးသားမှုများ ပြုလုပ်နိုင်ကြောင်း အစိုးရအဖွဲ့တွင်း ၀ါဒဖြန့်ထားပြီး ယင်းအချက်ကို ထောက်၍ သတင်းသမားများကို အကြွင်းမဲ့လွတ်လပ်ခွင့် မပေးသင့်ကြောင်း အစီရင်ခံစာများ ရှိနေသည်။ ထို့ကြောင့် သတင်းသမားများ ကိုယ့်တာကိုယ်လုံဖို့လိုကြောင်း စာနယ်ဇင်းကောင်စီ(ယာယီ)အတွင်းရေးမှူး ဦးကျော်မင်းဆွေက ပြောကြားသည်။

“စစ်အာဏာရှင်လက်အောက်မှာ နှစ်ပေါင်းများစွာ နေလာခဲ့ရတဲ့ အကျိုးဆက်ဟာ မီဒီယာလောကထဲမှာသာ မဟုတ်ဘူး။ ပညာရေး၊ ကျန်းမာရေးစတဲ့ ၀န်ထမ်းတွေအားလုံးမှာ ကျင့်ဝတ်နဲ့ မညီတာတွေ ဖြစ်နေတာပဲ။ လူငယ်သတင်းသမားတွေလည်း ကျင့်ဝတ်တွေ စောင့်ထိန်းသင့်တာ မှန်ပါတယ်။ ဒါပေမဲ့ မြန်မာနိုင်ငံမှာ မလိုလားအပ်တဲ့ ပဋိပက္ခတွေမဖြစ်အောင်၊ သွေးထွက်သံယိုတွေ မဖြစ်အောင် သတင်းမီဒီယာကို ထိန်းချုပ်မှရမယ်ဆိုရင်တော့ အဲဒါဆန့်ကျင်ဘက်မှားယွင်းနေပြီပဲ။ သတင်းမီဒီယာကို ထိန်းချုပ်တဲ့ နည်းနဲ့ လူအဖွဲ့အစည်းအတွင်းမှာ ပြဿနာမဖြစ်အောင် ထိန်းချုပ်လို့ မရဘူး။ မှန်မှန်ကန်ကန်လွတ်လပ် ဖွံ့ဖြိုးစေတဲ့နည်းလမ်းနဲ့သာ ပြဿနာတွေကို ထိန်းချုပ်ရမှာ။ မီဒီယာကို ထိန်းချုပ်ရင် ပိုပြီးဆိုးမှာပဲ” ဟု ဦးရဲနိုင်မိုးက ပြောကြားသည်။

ဒီမိုကရေစီခေတ်တွင် တစ်ဦးတည်းသဘောဆန္ဒဖြင့် ဘာမှလုပ်၍မရကြောင်း၊ အတည်ပြုလိုက်သော ဥပဒေကြမ်းမှာလည်း လွှတ်တော်ရေးရာကော်မတီ၊ စာနယ်ဇင်းကောင်စီနှင့် အများပြည်သူ အကြံပြုချက်များကို ထည့်သွင်းစဉ်းစားပြီးမှ လွှတ်တော်အဆုံးအဖြတ်ယူ အတည်ပြုခဲ့ခြင်းဖြစ်ကြောင်း ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထွဋ်က စွပ်စွဲမှုများနှင့် ပတ်သက်၍ တုံ့ပြန်ပြောကြားသည်။

“ပြန်ကြားရေးဝန်ကြီးဌာနအနေနဲ့ မြန်မာ့မီဒီယာပတ်ဝန်းကျင်ကို ဥရောပသမဂ္ဂနိုင်ငံအများစုမှာ ကျင့်သုံးနေတဲ့ လူမှုတာဝန်သိသော မီဒီယာ (Social Responsible Media) အဖြစ် တည် ဆောက်ဖို့ ဆောင်ရွက်နေတယ်။ ဒီမီဒီယာမှာရှိရမယ့် နိုင်ငံတကာ စံများနဲ့ မကိုက်ညီတာရှိရင် တိတိကျကျ ထောက်ပြနိုင်ပါတယ်။ ပြင်ဆင်ဖို့အသင့်ပါပဲ။ ဒါပေမဲ့ ခင်ဗျားတို့လုပ်တာ မယုံဘူးဆိုတဲ့ ဝေဖန်မှုမျိုးအတွက်တော့ ကျွန်တော်တို့ လည်း မတတ်နိုင်ပါဘူး” ဟု ဦးရဲထွဋ်ကဆိုသည်။

သတင်းမီဒီယာဥပဒေကြမ်းတွင် အချက် ၁၇ ချက်ကို ပြန်လည်ပြင်ဆင်စေခြင်းမှာ နိုင်ငံတကာစံနှုန်းနှင့် မညီသည့် အချက်များဖြစ်ပြီး အများပြည်သူအကျိုးစီးပွား၊ ပြည်သူတို့၏ လုံခြုံရေးကို ထိပါးစေသော အချက်များအတွက် ပြန်ကြားရေးဝန်ကြီးဌာနက လွှတ်တော်ထဲတွင် ကန့်ကွက်သွားဦးမည်သာဖြစ်ကြောင်း ဦးရဲထွဋ်က ပြောကြားသည်။

“နိုင်ငံတော်အဆင့်မဟုတ်တဲ့ လုံခြုံရေးမှတ်တမ်းတွေ တောင်းယူကြည့်နိုင်တယ်ဆိုတာက သူများရဲ့ ကိုယ်ရေးကိုယ်တာ ဆေးမှတ်တမ်းတွေ ကျန်းမာရေးမှတ်တမ်းတွေ ဒါတွေကို ယူကြည့်မယ်ဆိုရင် ဘယ်လိုလုပ်မလဲ။ ဒါမျိုးက နိုင်ငံတကာမှာတောင် မရှိပါဘူးဗျာ” ဟု ဦးရဲထွဋ်ကပြောသည်။

မည်သို့ပင်ဖြစ်စေ လက်ရှိအချိန်တွင် သတင်းလွတ်လပ်ခွင့် ညွှန်းကိန်းအဆင့်များစွာတက်လာသော မြန်မာနိုင်ငံတွင် ပုဂ္ဂလိကမီဒီယာများမှာမူ သတင်းရယူခွင့်အတွက် ကန့်သတ်ခံရမှုများ ရှိနေဆဲဖြစ်သည်။

ပြန်ကြားရေးနှင့် မီဒီယာသမားတို့ အငြင်းပွားနေချိန်တွင် သမ္မတကလည်း မီဒီယာဥပဒေများနှင့် ပတ်သက်သည့် သူ့သဘောထားကို ဗြိတိန်သို့ ရောက်ရှိစဉ် တရားဝင်ပြောကြားခဲ့ပြန်သည်။

“လွတ်လပ်မှုနဲ့အတူ တာဝန်ယူမှု၊ တာဝန်သိမှုတွေ ကြွယ်ဝနေမှသာ မီဒီယာလွတ်လပ်ခွင့်ကို အပြည့်အ၀ပေးမှာဖြစ်ပါတယ်။ ကျွန်တော်တို့ဆီမှာ ထုတ်ပြန်ထားတဲ့ မီဒီယာဥပဒေတွေမှာ နိုင်ငံရဲ့ လုံခြုံရေး၊ တည်ငြိမ်အေးချမ်းရေးနဲ့ ပတ်သက်ပြီး ထိန်းချုပ်ထားတာ ကောင်းပါလိမ့်မယ်”။

လက်ရှိထွက်သမျှ မီဒီယာဥပဒေအတိုင်း အငြင်းပွားပြဿနာတက်နေသည့်ကိစ္စအတွက် စာနယ်ဇင်းကောင်စီ (ယာယီ)၏ အတွင်းရေးမှူး ဦးကျော်မင်းဆွေက ဖြေရှင်းရနိုင်သော နည်းလမ်းကို အောက်ပါအတိုင်းပြောသည်။

“လွှတ်တော်အဆင့်ဆင့်မှာ ဥပဒေကြမ်းကော်မတီအပါအ၀င် သက်ဆိုင်တဲ့ ကော်မတီတွေရှေ့မှာ ကောင်စီဘက်ကရော ၀န်ကြီးဌာနဘက်ကပါ မျက်နှာချင်းဆိုင်တွေ့ပြီး ဘာကြောင့်ပြင်တယ်၊ ဥပဒေက ဘယ်သူ့အတွက်ဆွဲတယ်။ အဓိက ရည်မှန်းချက်၊ ရည်ရွယ်ချက်က ဘာဆိုတာ ပွင့်ပွင့်လင်းလင်းဆွေးနွေးလိုက်ရင် ပြီးသွားနိုင်တယ်”။

“တစ်ခုတော့ရှိတယ်။ သက်ဆိုင်ရာ နယ်ပယ်အလိုက် ပါဝင်ပတ်သက်သူ အဖွဲ့အစည်း၊ အသင်းအပင်းတွေ၊ လက်တွေ့လုပ်ငန်း ဆောင်ရွက်နေသူတွေနဲ့ တိုင်ပင်ညှိနှိုင်းမှုမရှိဘဲ အုပ်ချုပ်သူနေရာကဘဲကြည့်ပြီး လုံခြုံရေးရှုထောင့်သက်သက်၊ ကိုယ်ကျိုးစီးပွား၊ လုပ်ပိုင်ခွင့်ကာကွယ်ဖို့သက်သက် စဉ်းစားပြဋ္ဌာန်းထားတဲ့ ဘယ်ဥပဒေမဆို ပြဿနာတက်နေဦးမှာပဲ”

ပုံနှိပ်ထုတ်ဝေရေးဥပဒေကြမ်းကို မီဒီယာများကန့်ကွက်နေသည့်ကြား၊ စာနယ်ဇင်းကောင်စီ (ယာယီ)၏ ပြင်ဆင်လိုသည့်အချက် များမပါဝင်ဘဲ လွှတ်တော်တွင် တင်ပြလာခြင်းကို မသိရှိခဲ့ပါကြောင်း ပြည်သူ့ လွှတ်တော်ဥက္ကဋ္ဌ သူရဦးရွှေမန်းနှင့် ပြည်သူ့လွှတ် တော်ကိုယ်စားလှယ် ဒေါ်အောင်ဆန်းစုကြည်တို့က ပြောကြားလာခဲ့ခြင်းကြောင်း ဖြစ်ပါသည်။

“ခေါင်းဆောင်နှစ်ယောက်ဒီလိုပြောတဲ့အပေါ် ကျွန်တော်တော်တော်အံ့သြတယ်။ ဥပဒေကြမ်းတွေ ဥပဒေတွေနဲ့ပတ်သက်နေတဲ့အတွက် လွှတ်တော်ဥက္ကဋ္ဌ၊ ဒေါ်အောင်ဆန်းစုကြည်မှာပါ စောစောစီးစီး သတင်းအချက်အလက်တွေကို နားစွင့်စုံစမ်းထားသင့်ပါတယ်။ သတင်းမီဒီယာလွတ်လပ်ခွင့်ကို ထိပါးရင် လွှတ်တော်ထဲက ကိုယ်စားလှယ်တွေရဲ့ အခွင့်အရေးတွေသာမက အတိုက်အခံတွေရဲ့ အခွင့်အရေးတွေသာမက ပြည်သူအားလုံးရဲ့ အခွင့်အရေးတွေကို ထိပါးရာရောက်ပါတယ်” ဟု ဦးရဲနိုင်မိုးကပြောကြားသည်။

ဇူလိုင်လကုန်ပိုင်းက ပုံနှိပ်ထုတ်ဝေရေးဥပဒေကြမ်း၊ သတင်းမီဒီယာဥပဒေကြမ်းနှစ်ခုလုံးအတွက် သုံးပွင့်ဆိုင်ဆွေးနွေးပွဲများ ပြုလုပ်ခဲ့သော်လည်း ပြေလည်မှုမရှိခဲ့ကြသည့်အတွက် မီဒီယာဥပဒေနှစ်ခု၏ ခရီးရှည်က လွှတ်တော်တွင်း အားပြိုင်မှုများစွာဖြင့် ဆက်လက် ချီတက်ရန်ရှိပါသည်။ နိုင်ငံတကာစံနှုန်းကို အမြဲလက်ကိုင်ထားသုံးစွဲနေသော ပြန်ကြားရေးဝန်ကြီးဌာနမှာ ကမ္ဘာတွင်မရှိသည့် ပြန်ကြားရေးဝန်ကြီးဌာနနှင့် မှတ်ပုံတင်အရာရှိကို ဖန်တီးနေသည့်အတွက် အဆုံးထိ ဆက်လက်တိုက်ပွဲဝင်သွားမည်ဟု စာနယ်ဇင်းကောင်စီ(ယာယီ)မှ ဦးသီဟစောက ယခုကဲ့သို့ ပြောကြားသည်။

“၀န်ကြီးဌာနတစ်ခုအောက်က ရုန်းလို့မရတဲ့ မီဒီယာဟာ ဘယ်တော့မှ စတုတ္ထမဏ္ဍိုင်ဖြစ်လာမှာ မဟုတ်ဘူး”။

Credit To 7Day News Journal
Read More »

လက်ပံတောင်းတောင်ပြဿနာ နိဂုံးချုပ်ပြီလား


စက်တင်ဘာတွင် ကြေးနီစီမံကိန်း ပြန်လည်စတင်မည်
ရေးသားသူ- အောင်ခိုင်

လူထုခေါင်းဆောင် ဒေါ်အောင်ဆန်းစုကြည်ကို ကန့်ကွက်ဆန္ဒပြသည်အထိ ဖြစ်ပွားခဲ့သော လက်ပံတောင်းတောင်ကြေးနီစီမံကိန်းကား လာမည့်စက်တင်ဘာတွင် ပြန်လည်စတင်တော့မည်ဖြစ်သည်။

လက်ပံတောင်းတောင်ကြေးနီစီမံကိန်း စုံစမ်းစစ်ဆေးရေး ကော်မရှင် အစီရင်ခံစာထွက်ရှိပြီး လေးလကျော်အကြာတွင် လုပ်ငန်းသဘောတူစာချုပ်အသစ်ကို ပြင်ဆင်ချုပ်ဆိုခဲ့သည်။

လျော်ကြေးငွေများကို ၄၀ ရာခိုင်နှုန်းကျော် ပေးအပ်နိုင်ခဲ့ပြီး ဒေသဖွံ့ဖြိုးရေးလုပ်ငန်းများကိုလည်း ကွင်းဆင်းဆောင်ရွက်နေကြောင်း စုံစမ်းစစ်ဆေးရေး အစီရင်ခံစာအပေါ် အကောင်အထည်ဖော်ဆောင်ရွက်မည့် ကော်မတီက ဆိုသည်။

သို့ရာတွင် ဒေသခံအချို့ကမူ ကြေးနီစီမံကိန်း လုံးဝဖျက်သိမ်းရေးကို တောင်းဆိုနေကြဆဲ။ စီမံကိန်းဖျက်သိမ်းရေး ငြိမ်းချမ်းစွာဆန္ဒထုတ်ဖော်ခဲ့ကြသည့် သံဃာတော်များကို ဒဏ်ရာရရှိစေသည့်အထိ အင်အားသုံးဖြိုခွဲခဲ့မှုကို ဖော်ထုတ်အရေးယူပေးရန် တောင်းဆိုနေကြဆဲ ဖြစ်သည်။

နိုင်ငံတော်အကျိုးစီးပွား၊ ဒေသခံပြည်သူများ၏ လူမှုဘ၀ အာမခံချက်များ ရရှိစေရန် လက်ပံတောင်းတောင် ကြေးနီစီမံကိန်းကို ၀င်ရောက်လာမည့် နိုင်ငံခြားရင်းနှီးမြှုပ်နှံမှုများအတွက် စံပြအဖြစ် ဆောင်ရွက်သွားမည်ဟုလည်း အကောင်အထည်ဖော်ရေးကော်မတီက ဆိုသည်။

“နိုင်ငံခြားရင်းနှီးမြှုပ်နှံမှု ဥပဒေကိုလည်း ပြင်ဆင်ပြီးပြီ၊ နောင်ဆိုရင် လူ့အခွင့်အရေး၊ အလုပ်သမားအခွင့်အရေး (Labour Right) ၊ ပတ်ဝန်းကျင်ထိန်းသိမ်းရေးနဲ့ အဂတိလိုက်စားမှုကင်းဖို့ ဒီအပိုင်းလေးပိုင်းကို အခြေခံသွားမှာပါ။ မျက်စိပိတ်လက်ခံလို့ မရတော့ဘူး” ဟု နိုင်ငံတော်သမ္မတ၏ စီးပွားရေးနှင့် လူမှုရေးအကြံပေးကောင်စီဝင် ပါမောက္ခဒေါက်တာအောင်ထွန်းသက်က နောင်လာမည့် ရင်းနှီးမြှုပ်နှံမှုများနှင့် ပတ်သက်၍ သုံးသပ်ပြောကြားသည်။

ဇူလိုင် ၂၄ ရက်တွင် အသစ်ပြင်ဆင်ချုပ်ဆိုခဲ့သည့် စာချုပ်သစ်အရ ကြေးနီစီမံကိန်း အကျိုးအမြတ်များကို သတ္တုတွင်းဝန်ကြီးဌာနက အခွန်အပါအ၀င် ၅၁ ရာခိုင်နှုန်း၊ မြန်မာ့စီးပွားရေး ဦးပိုင်လီမိတက်က ၁၉ ရာခိုင်နှုန်းနှင့် မြန်မာဝမ်ပေါင်ကုမ္ပဏီက ၃၀ ရာခိုင်နှုန်း ခွဲဝေရရှိမည် ဖြစ်သည်။ ထို့အပြင် အမေရိကန် ဒေါ်လာ ၅ သန်းကိုလည်း စာချုပ်ချုပ်ဆိုနိုင်မှု ဆုကြေးအဖြစ် မြန်မာဝမ် ပေါင်ကုမ္ပဏီထံမှ သတ္တုတွင်း ၀န်ကြီးဌာနက ထပ်မံရရှိမည်ဖြစ်သည်။

ထုတ်လုပ်မှု မစတင်မီနှင့် တည်ဆောက်ရေးကာလအတွင်း ဒေါ်လာနှစ်သန်းကို လူမှုရေးလုပ်ငန်းများ ဆောင်ရွက်ရန် ၀မ်ပေါင်ကုမ္ပဏီက နှစ်စဉ်သုံးစွဲသွားမည် ဖြစ်သည်။ ထုတ်လုပ်မှု စတင်ချိန်တွင်လည်း အဖွဲ့ဝင် ကုမ္ပဏီများမှ အချိုးကျထည့်ဝင်၍ အကျိုးအမြတ်၏ ၂ ရာခိုင်နှုန်းကို လူမှုဖွံ့ဖြိုးရေးလုပ်ငန်း (CSR) များ ဆောင်ရွက်ရန် နှစ်စဉ်သုံးစွဲသွားမည် ဖြစ်သည်။

စာချုပ်သစ် ပြန်လည်ပြင်ဆင်ချုပ်ဆိုရာတွင် သတ္တုတွင်းဝန်ကြီးဌာနက အဖွဲ့ဝင်အဖြစ် ပါဝင်ခဲ့၍ ၀င်ရောက်ပြောရေးဆိုခွင့် ရရှိသွားပြီဟုလည်း ကော်မတီက ဆိုသည်။

သို့ရာတွင် စုံစမ်းစစ်ဆေးရေးကော်မရှင် အဖွဲ့ဝင်ပြည်သူ့ လွှတ်တော်ကိုယ်စားလှယ် ဒေါ်ခင်စန်းလှိုင်ကမူ စာချုပ်အသစ်ကို ဒေသခံများ နားလည်အောင် ကြိုတင်ရှင်းပြပြီး လက်ခံမှသာ ပြင်ဆင်ချုပ်ဆိုသင့်သည်ဟု ပြောကြားထားသည်။ စုံစမ်းစစ်ဆေးရေးကော်မရှင်ကိုယ်တိုင် စာချုပ်အသစ်ချုပ်ဆိုပြီးမှသာ သိရှိရသည်ဟုလည်း ဒေါ်ခင်စန်းလှိုင်က ဆိုသည်။

စာချုပ်အသစ်နှင့် အကောင်အထည်ဖော်ရေးကော်မတီ ဆောင်ရွက်မှုများကို “အဲဒီစာချုပ်ကို ဘယ်သူကမှ လာမရှင်းပြဘူး။ လျော်ကြေးပေးတာကလည်း ပွင့်လင်းမြင်သာမှု မရှိဘူး။ သဘောမတူပါဘူး” ဟု ကြေးနီစီမံကိန်း ရုပ်သိမ်းရေးကိုတောင်းဆိုနေသော
ဒေသခံအမျိုးသမီးတစ်ဦးက ဝေဖန်ပြောဆိုသည်။

လက်ပံတောင်းတောင်ကြေးနီစီမံကိန်း ဆောင်ရွက်ရန် မူလက မြေဧကပေါင်း ၇၀၀၀ ကျော် သိမ်းယူခဲ့သည်။ နောက်ပိုင်း ကွင်းဆင်းတိုင်းတာချက်များအရ စီမံကိန်းဆောင်ရွက်ရန် ဧက ၆၉၀၀ ကျော်သာ လိုအပ်မည် ဖြစ်သည်။

မလိုအပ်သော မြေဧက ၉၀၀ ကျော်တွင် ဧက ၂၈၀ ကို ဒေသခံများသို့ ပြန်ပေးအပ်ရမည်ဖြစ်ပြီး ဇူလိုင်လ နောက်ဆုံး
ပတ်အထိ ဧက ၂၃၀ နီးပါးကို ပြန်ပေးအပ်ခဲ့ပြီးဖြစ်သည်ဟု အကောင်အထည်ဖော်ရေးကော်မတီက ပြောကြားသည်။

ထို့အပြင် မြေဧကပေါင်း ၂၈၀၀ ကျော်အတွက် ကျပ်သိန်းပေါင်း ၂၉၀၀၀ ကျော်ကို လျော်ကြေးငွေအဖြစ် ပေးအပ်ခဲ့ပြီး ဆက်လက်ပေးလျော်နေဆဲဟု အကောင်အထည်ဖော်ရေးကော်မတီမှ သိမ်းဆည်းမြေယာစိစစ်ရေး အဖွဲ့ခေါင်းဆောင် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဦးအုန်းသန်းက ပြောကြားသည်။

လျော်ကြေးငွေများကို မြေအမျိုးအစားအပေါ် မူတည်၍ တစ်ဧကလျှင် ကျပ်ဆယ်သိန်းမှ ကျပ် ၁၅ သိန်းအထိ ပေးလျော်ခဲ့သည်။ သို့ရာတွင် လျော်ကြေးငွေများကို ရယူရန် ငြင်းဆိုနေသော ဒေသခံများ ကျန်ရှိနေဆဲ ဖြစ်သည်။

“လျော်ကြေးလဲ မလိုဘူး။ ကျွန်မတို့ တစ်သက်လုံးလုပ်ကိုင်စားလို့ရတဲ့ မြေတွေပါ။ ဒီစီမံကိန်းလုံးဝဖျက်သိမ်းဖို့ကို တောင်းဆိုမှာပါ” ဟု တုံရွာဒေသခံတစ်ဦးက ပြောသည်။

လက်ပံတောင်းတောင်ကြေးနီစီမံကိန်းဒေသ သဘာဝပတ်ဝန်းကျင်ထိန်းသိမ်းရေးအတွက်လည်း သြစတြေးလျနိုင်ငံအခြေစိုက် Knight Pie'sold (K.P) ကုမ္ပဏီနှင့် ပူးပေါင်း၍ သဘာဝပတ်ဝန်းကျင်၊ လူမှုပတ်ဝန်းကျင်၊ ကျန်းမာရေးဆိုင်ရာ အစီရင်ခံစာများကို ညှိနှိုင်းရေးဆွဲပြီးဖြစ်သည်ဟု ကော်မတီက ဆိုသည်။

ဒေသခံများ စိုးရိမ်ပူပန်နေကြသော စီမံကိန်းဒေသအတွင်းရှိ သာသနိကအဆောက်အအုံ သုံးလုံးကိုလည်း ရွှေ့ပြောင်းတည်ဆောက်နိုင်ရန် ဆရာတော်ကြီးများထံမှ သြ၀ါဒခံယူသွားမည် ဖြစ်သည်။

ကန့်ကွက်ဆန္ဒပြမှုများကြောင့် ရပ်နားထားခဲ့သော လက်ပံတောင်းတောင်ကြေးနီစီမံကိန်းကို စက်တင်ဘာလတွင် ပြန်လည်စတင်နိုင်ရန် စီစဉ်ထားသည်။ စမ်းသပ်ကာလ၌ တန်ချိန်လေးသောင်းမှ တစ်သိန်းအထိ ထုတ်လုပ်နိုင်မည်ဟု ခန့်မှန်းထားသည်။

“ကြေးနီစီမံကိန်းပြန်လည် စတင်တော့မည်ဖြစ်၍ ဒေသခံများ အကျိုးရှိမည်ဟု မျှော်လင့်ယုံကြည်ထားသည်ဟု မြန်မာဝမ်ပေါင်ကြေးနီကုမ္ပဏီ မန်နေဂျင်း ဒါရိုက်တာမစ္စတာဂန်းရီက ဆိုသည်။

သို့သော် ယခုထိ လျော်ကြေးလည်း မယူ၊ ရွာသစ်များသို့လည်း မရွှေ့ပြောင်းသော ဆည်တည်းကျေးရွာကဲ့သို့ ဒေသခံများ ကျန်ရှိနေဆဲ။ ကန့်ကွက်ဆန္ဒပြမှုများ ဆက်တိုက်ပြုလုပ်နေကြဆဲ ဖြစ်သည်။ အစီရင်ခံစာထွက်ရှိသည့် မတ်လမှ ယနေ့အထိ ဆန္ဒထုတ်ဖော်မှု ၆၉ ကြိမ် ဖြစ်ပွားခဲ့သည်။ တရားဝင်ခွင့်ပြုချက်ဖြင့် ၂၀ ကြိမ် ခွင့်ပြုချက်မရှိဘဲ ၄၉ ကြိမ်ဖြစ်ပွားခဲ့ပြီး ယင်းအနက် ၁၈ မှုကို အမှုဖွင့်အရေးယူထားသည်။

ယင်းကန့်ကွက်မှုများနှင့် ပတ်သက်၍ အစီရင်ခံစာအပေါ် အကောင်အထည်ဖော်ရေးကော်မတီဥက္ကဋ္ဌ သမ္မတရုံးဝန်ကြီး ဦးလှထွန်းက ဒေသအသီးသီးမှ နိုင်ငံရေးအရောင်ဆိုးသူများ၏ သွေးထိုးလှုံ့ဆော်မှုများကြောင့် ဆောင်ရွက်ရသည့် လုပ်ငန်းများကို ပွင့်လင်းမြင်သာမှုရှိအောင် မလုပ်နိုင်ကြောင်း ဇူလိုင် ၂၆ ရက် ရှင်းလင်းပွဲတွင် ပြောကြားထားသည်။

မတ်လ ၁၁ ရက်က နိုင်ငံတော်သမ္မတထံ တင်သွင်းခဲ့သော စုံစမ်းစစ်ဆေးရေးကော်မရှင်၏ အပြီးသတ် အစီရင်ခံစာတွင် အဘက်ဘက်မှ အားနည်းချက်များကို ပြုပြင်စေကာ စာချုပ်အသစ် ပြန်လည်ချုပ်ဆို၍ စီမံကိန်း ဆက်လက်အကောင်အထည်ဖော် ဆောင်ရွက်သင့်ကြောင်း အကြံပြုထားသည်။

ဗြဟ္မာ့ဦးခေါင်းနှင့် ခိုင်းနှိုင်းခံရသော လက်ပံတောင်းတောင် ကြေးနီစီမံကိန်းသည် ပြဿနာများကြားမှ မကြာမီပြန်လည် စတင်တော့မည်။

လက်ပံတောင်းအရေး ဦးဆောင်ခဲ့သော ရှင်မတောင်ဆရာတော် ဦးက၀ိန္နောဘာသကမူ “အရင်ကတည်းက ပြောခဲ့ပါတယ်။ စာချုပ်ကို ဒေသခံတွေနဲ့ သက်ဆိုင်ရာ ညှိနှိုင်းပြီး ပြန်ဆွဲသင့်တယ်လို့။ ပြည်သူတွေရဲ့ ကိစ္စကို သူတို့ဆန္ဒမပါဘဲလုပ်တာ မသင့်တော်ဘူး။ တရားမ၀င်ပါဘူး” ဟု မိန့်ကြားသည်။

အားနည်းချက်များကို ပြင်ဆင်၍ ကြေးနီစီမံကိန်း ပြန်လည် ဆောင်ရွက်ရန် အကြံပြုခြင်းနှင့် ပတ်သက်၍ စုံစမ်းစစ်ဆေးရေး ကော်မရှင်ဥက္ကဋ္ဌ ဒေါ်အောင်ဆန်းစုကြည်က စီမံကိန်းရပ်ဆိုင်းလိုက်ပါက ဖြစ်ပေါ်လာနိုင်မည့် အကျိုးဆက်ကို ပြောခဲ့ဖူးသည်။ စီမံကိန်းရပ်ဆိုင်းလိုက်ပါကလည်း ပျက်စီးသည့် မြေသည် ပျက်စီးသည့်အတိုင်း လယ်ယာမြေမရှိသူသည် မရှိသည့်အတိုင်းသာ ကျန်ရစ်မည်ဖြစ်ပြီး မြန်မာနိုင်ငံအနေဖြင့် စီးပွားရေးအရ နိုင်ငံတကာ၏ ယုံကြည်မှု ကျဆင်းသွားမည်ဖြစ်၍ တိုင်းပြည်အကျိုးမရှိနိုင်ကြောင်း မတ်လမုံရွာ လက်ပံတောင်းတောင် ခရီးစဉ်အတွင်း၌ ပြောကြားခဲ့သည်။

Credit To 7Day News Journal
Read More »

တတိယမြို့တော်သားတို့အတွက် ကျောတစ်ခင်းစာ


ရေးသားသူ- မောင်တာ

“တစ်နေ့တော့...ဒို့နှစ်ယောက် စလုံးအတွက်...လုံခြုံတဲ့အိမ်လိုချင်တယ်...။ မနက်ဖြန် ဒီအခန်းကနေခဲ့တာ စာချုပ်ပြည့်တော့မယ်...
လက်ထဲမှာ ဘယ်မလဲငွေ...ထပ်ငှားဖို့စဉ်းစားတော့လဲ... စိတ်ညစ်လဲ ဘာထူးမှာလဲ..။ အသက်တွေကသာ ကြီးခဲ့တယ်။ ဒို့နှစ်ယောက်
အတွက် အိမ်ဘယ်မှာလဲ...

ဝါးထရံလေးသာခြားထားသည့် ကပ်လျက်အခန်းက ပျံ့လွင့်လာသော သီချင်းသံဖြစ်သည်။ လက်ရှိနေထိုင်သော အခန်းငယ်လေးကို ထပ်ငှားရန်လက်ထဲတွင် ငွေမရှိသော်လည်း မြက်ခင်းစိမ်းစိမ်းနှင့် လုံးချင်းအိမ်ကလေးပိုင်ဆိုင်ရသည်ဟု အိပ်မက်မက်ခဲ့ကြောင်း ရေးသားထားသည့် သီချင်းစာသား။ တည်ငြိမ်အေးချမ်းသည့် မိသားစုဘ၀လေးတည်ဆောက်ရန် လုံခြုံနွေးထွေးသည့် အိမ်ငယ်လေးပိုင်ဆိုင်ခွင့်ရရန် ကြိုးစားရင်းအသက်ကြီးလာပြီး မျှော်လင့်ချက်တွေေ၀၀ါးကာ ဘ၀နိဂုံးချုပ်ရတော့မလားဟု နေအိမ်အတွက် တမ်းတရေးဖွဲ့ထားပြီး အဆိုတော်အငဲက သီဆိုထားသည်။သီချင်းသံမှာ သူ လက်ရှိခံစားနေရသော အခက်အခဲကို လာကြည့်ပြီး
ရေးထားသလို ထပ်တူကျနေသည့်အတွက် ကိုသန်းနိုင်စိုးတစ်ယောက် သီချင်းကို အာရုံစိုက်၍ နားထောင်နေမိသည်။

သူတို့ မိသားစုလေးယောက် ငှားရမ်းနေထိုင်သည့် ဆယ်ပေပတ်လည်သီးသန့်အိမ်ခန်းလေးက လာမည့်လပိုင်းအတွင်းပြောင်း ပေးရတော့မည်ဖြစ်သည်။ မန္တလေးမြို့၏ အစွန်အဖျားရပ်ကွက်တွင်ရှိပြီး ၀ါးထရံကာထားသည့် အိမ်ခန်းလေးတွင် နေထိုင်ခွင့်ရရန် ကုမ္ပဏီဝန်ထမ်းတစ်ယောက်ဖြစ်သည့် ကိုသန်းနိုင်စိုးအတွက် တစ်လကျပ်ငါးသောင်းဆိုသည့် ထိုအိမ်ခန်းငှားရမ်းခက မသုံးမဖြစ်။ သည်အိမ်ခန်းလေးက ၎င်းတို့မိသားစု၏ အသိုက်အမြုံ။ ကလေးကျောင်းစရိတ်နှင့် မိသားစုစားဝတ်နေရေးအတွက် ကုမ္ပဏီအလုပ်တစ်ခုတည်းနှင့် မလုံလောက်တော့၍ ညပိုင်းအချိန်များတွင် အလွတ်စာသင်ဝိုင်းများ၌ အချိန်ပိုင်း စာပြသည့်အလုပ်ကို လုပ်သည်ဟု ကိုသန်းနိုင်စိုးကပြောသည်။

မန္တလေးမြို့၏ အိမ်၊ ခြံ၊ မြေ ဈေးနှုန်းများနှင့် အိမ်ငှားခဈေးနှုန်းများ ယခုနှစ်ပိုင်းအတွင်း သိသာစွာမြင့်တက်လာနေကြောင်း မြို့ခံအိမ်ခြံမြေအကျိုးဆောင်လုပ်ငန်း လုပ်ကိုင်သူများကပြောသည်။ ပြီးခဲ့သည့် ဆယ်နှစ်အတွင်း အိမ်ငှားခများ အဆပေါင်းဆယ်ချီမြင့်တက်သွားပြီး ယခင်တစ်လငှားရမ်းခကျပ်သောင်းဂဏန်းသာရှိသော မြို့လယ်တိုက်ခန်းများမှာ ယခုတစ်လ ကျပ်သိန်းဆယ်ဂဏန်းအထိ ဈေးရှိကြောင်း၊ မြေကွက်ဈေးနှုန်းများမှာလည်း မြင့်တက်ခဲ့ပြီး မန္တလေးမြို့သစ်များတိုးချဲ့ခဲ့သည့် ၁၉၉၀ ပြည့်နှစ်ဝန်းကျင်က ကျပ်တစ်သိန်းတန်မြေကွက်မှာ ယခုအနည်းဆုံးကျပ်သိန်းတစ်ထောင့်ငါးရာခန့်မှ အမြင့်ဆုံး ကျပ်သိန်းသောင်းဂဏန်းအထိ ဈေးပေါက်နေကြောင်း အိမ်ခြံမြေ အကျိုးဆောင်များကပြောသည်။

အိမ်ခန်းငှားခအပါအ၀င် အိမ်ခြံမြေဈေးများ မြင့်တက်လာခြင်းမှာ အိမ်ခြံမြေအသုံးချမှုကြောင့် မဟုတ်ဘဲ အိမ်ခြံမြေကို စီးပွားရေးဈေးကွက်တစ်ခုနေဖြင့် ၀င်ရောက်လုပ်ကိုင်ဈေးကစားခြင်းကြောင့်ဖြစ်ကြောင်း အိမ်ခြံမြေစီးပွားရေးသမားများက ပြောသည်။

အလုပ်နှစ်ခုတွဲလုပ်ရ၍ မိသားစုအတွက် အချိန်ပေးနိုင်မှု လျော့သွားသည်။သို့သော် မန္တလေးမှာ မိသားစုလေးယောက်နေထိုင်ရန်အတွက် ရေ၊ မီးအပါအ၀င် အိမ်ရှင်၊ အိမ်ငှားဆက်ဆံရေးမှအစ အတန်အသင့်အဆင်ပြေစွာ နေထိုင်နိုင်ရန်အတွက် အနည်းဆုံး တစ်လငါးသောင်း မသုံးလျှင်မဖြစ်နိုင်ဟု ကိုသန်းနိုင်စိုးက ပြောသည်။

ထိုအိမ်ခန်းလေးကို ဆက်ငှားကာ နေလိုသော်လည်း အိမ်ရှင်ကိုယ်တိုင်က အိမ်ရောင်းမည်ဖြစ်သောကြောင့် နောက်ထပ်အိမ်တစ်လုံး မဖြစ်မနေ ရှာဖွေရတော့မည်ဖြစ်သည်။

“မန္တလေးမှာ ကျောခင်းစရာ နေရာအိမ်တစ်လုံးရဖို့ တော်တော်ခက်ခဲတယ်။ အိမ်ငှားခဈေးတွေကလည်း ဒီဘက်နှစ်ပိုင်းတော်တော် မြင့်တက်သွားတယ်” ဟု ကိုသန်းနိုင်စိုးက ညည်းညူသည်။ နှစ်စဉ် အိမ်ငှားခဈေးနှုန်းမြင့်တက်နေပြီး အိမ်ငှားခများ ဈေးတိုးတောင်းခြင်းနှင့် အိမ်ရှင်အချို့ အိမ်ရောင်းသွားခြင်းကြောင့် သူအိမ်ထောင်ခွဲနေသည့် လေးနှစ်တာကာလအတွင်း နေရာလေးနေရာ ပြောင်းရွှေ့နေထိုင်ပြီးပြီဟု ကိုသန်းနိုင်စိုးက ပြောသည်။

၁၉၉၇ ခုနှစ်ဝန်းကျင်မှစတင်ကာ မန္တလေးအိမ်ခြံမြေဈေးများ စတင်မြင့်တက်မှုရှိခဲ့ပြီး ၂၀၀၈ ခုနှစ် နောက်ပိုင်းတွင် ထိန်းမရအောင် ဖြစ်ခဲ့သည်ဟု မြန်မာနိုင်ငံအိမ်ခြံမြေ၀န်ဆောင်မှုအသင်း အမှုဆောင်နှင့် မန်းမြေရာဇာ တိုက်အိမ်ခြံမြေအကျိုးဆောင်လုပ်ငန်းမှ မန်နေဂျင်းဒါရိုက်တာ ဦးကျော်ဝင်းကပြောသည်။ ထိုသို့ဈေးမြင့်တက်ခြင်းမှာ ၂၀၀၇ခုနှစ်မှ ၂၀၁၂
ခုနှစ်အထိ အိမ်ခြံမြေအရောင်းအ၀ယ်လုပ်ရာတွင် အခွန်သက်သာခွင့်အနေဖြင့် ရောင်းဝယ်သည့် အိမ်ခြံမြေကာလတန်ဖိုး၏ ၁၅ ရာခိုင်နှုန်းသာ အခွန်ကောက်ခံခြင်းနှင့်နိုင်ငံတွင်း အခြားစီးပွားရေးလုပ်ငန်းများကျဆင်းချိန်တွင် အိမ်ခြံမြေဈေးကွက်တွင်းသို့ ငွေကြေးအများအပြားစီးဝင်လာပြီး အိမ်ခြံမြေလုပ်ငန်းကို စီးပွားရေး လုပ်ငန်းကြီးတစ်ခုအနေဖြင့် ၀င်ရောက်လုပ်ကိုင်ကြခြင်းကြောင့်ဖြစ်ကြောင်း ဦးကျော်ဝင်းကပြောသည်။

“ငွေရှင်၊ လုပ်ငန်းရှင်တွေက တခြားစီးပွားရေးလုပ်ငန်းလုပ်လို့ အဆင်မပြေတော့ အိမ်ခြံမြေဈေးကွက်ထဲဝင်လာပြီး အရောင်းအ၀ယ်လုပ်ဈေးကစားတယ်။ တခြား ကျောက်မျက်သမား၊ ရွှေသမား၊ ကားသမား၊ ပဲ၊နှမ်းကုန်သည်တွေကလည်း ဒီလုပ်ငန်းထဲဝင်လာကြတယ်။ အဲဒီတော့ အိမ်ခြံမြေက တကယ်နေဖို့၊ မနေဖို့ထက် ဈေးကွက်ကြီးတစ်ခုဖြစ်လာပြီး ဈေးတွေဆက် တိုက်မြင့်တက်လာတယ်” ဟု ဦးကျော်ဝင်းကပြောသည်။

မြန်မာကျပ်ငွေမှာ ခိုင်မာမှုမရှိဘဲ ပြည်တွင်းတွင် အိမ်ခြံမြေကို အဓိကပိုင်ဆိုင်မှုပစ္စည်းတစ်ခုနှင့် အခိုင်မာဆုံးရင်းနှီးမြှုပ်နှံမှုဟု
ယူဆမှုများကလည်း အိမ်ခြံမြေဈေးမြင့်တက်စေသည့် အကြောင်းအရာများထဲမှ တစ်ခုဖြစ်ကြောင်း မန္တလေးမြို့၊ ထွန်းသစ္စာအိမ်ခြံမြေ
အကျိုးဆောင်လုပ်ငန်းမှ ၀ါရင့်အိမ်ခြံမြေအကျိုးဆောင်ဦးတင်မောင်က ပြောသည်။

၂၀၀၇ ခုနှစ်သြဂုတ် ၁၂ ရက်တွင် မြန်မာနိုင်ငံဘဏ္ဍာရေးနှင့် အခွန်ဝန်ကြီးဌာနမှ မြန်မာ့အိမ်ခြံမြေဈေးကွက်အပေါ်ကြီးမားစွာ အကျိုးသက်ရောက်မှုရှိစေခဲ့သည့် ကြေညာချက်တစ်ခုကို အမိန့်ကြော်ငြာစာအမှတ် ၁၃၅/၂၀၀၇ဖြင့် ထုတ်ပြန်ခဲ့သည်။ ယင်းကြေညာချက်မှာ ပုဂ္ဂလိကမှ အိမ်ခြံမြေ တိုက်တာအဆောက်အအုံများကို ၀င်ငွေရလမ်းဖော်ပြနိုင်ခြင်းမရှိသော ငွေကြေးများဖြင့် ၀ယ်ယူတည်ဆောက်ခြင်းများ ပြုလုပ်လျှင်ပင် သတ်မှတ်အခွန်ဥပဒေများနှင့်အညီ ရာဖြတ်တန်ဖိုး၏ ၁၅ ရာခိုင်နှုန်းသာ ကောက်ခံမည် ဖြစ်သည်။

ယင်းကြေညာချက်ကြောင့် ဘိန်းဘုရင်၊ သစ်မှောင်ခိုသမား၊ မူးယစ်ဆေးဝါးရောင်းဝယ်သူစသည့် တရားမ၀င်နည်းလမ်းများဖြင့် ငွေကြေးရှာဖွေထားကြသူများသည် ၎င်းတို့ရရှိထားသော ငွေမည်းများကို အခွန် ၁၅ ရာခိုင်နှုန်းပေးဆောင်ကာ အိမ်ခြံမြေများဝယ်ယူပြီး တရားဝင်ပိုင်ဆိုင်မှုများအဖြစ် ပြောင်းလဲကာ ငွေကြေးခ၀ါချခဲ့ကြသည်။ ယင်းကြေညာချက်သည် မြန်မာ့အိမ်ခြံမြေဈေးထင်မှတ်မထားသည့် ဈေးနှုန်းများအထိ မြင့်တက်စေခြင်း၏ အဓိကအကြောင်းအရာတစ်ခုဖြစ်ကြောင်း စီးပွားရေးပညာရှင်များက ဆိုသည်။ ယင်းအမိန့်ကြော်ငြာစာကြောင့် အိမ်ခြံမြေဈေးကွက်သည် ငွေကြေးခ၀ါချသည့် အဓိကနေရာ တစ်ခုဖြစ်ခဲ့ပြီး တရားမ၀င်ငွေကြေးများ အိမ်ခြံမြေဈေးကွက်သို့ အလုံးအရင်းဖြင့် စီးဝင်လာခဲ့သည်ဟု စီးပွားရေးပညာရှင်များကဝေဖန်ခဲ့ သည်။

တရုတ်၊ အိန္ဒိယနယ်စပ်လမ်းကြောင်းများနှင့် ထိစပ်မှုရှိနေပြီး မြန်မာနိုင်ငံတွင် လမ်းပန်းဆက်သွယ်ရေးအရ အဓိကအချက်အချာကျသည့်နေရာတွင် တည်ရှိသည့် မန္တလေးမြို့အိမ်ခြံမြေဈေးကွက်သည် ငွေကြေးခ၀ါချမှုများအတွက် အဓိကဈေးကွက်တစ်ခုဖြစ်ခဲ့ကြောင်း မန္တလေးမြို့ခံများက ပြောသည်။ ထို့အပြင် ဘဏ်အတိုးနှုန်းကွာခြားခြင်း၊ မြန်မာကျပ်ငွေဖောင်းပွခြင်းနှင့် တရုတ်ယွမ်ငွေနှင့် မြန်မာကျပ်ငွေလဲလှယ်နှုန်း ကွာခြားခြင်းတို့ကြောင့် အကျိုးအမြတ်ရှိခဲ့သည့် မန္တလေးအိမ်ခြံမြေဈေးကွက်သို့ တရုတ်စီးပွားရေး လုပ်ငန်းရှင်များဝင်ရောက်လာမှုကလည်း အိမ်ခြံမြေဈေးမြင့်တက်ခြင်း၏ အကြောင်းအရာတစ်ရပ်ဖြစ်ကြောင်း မြို့ခံများကဆိုသည်။

တရုတ်စီးပွားရေးလုပ်ငန်းရှင်များမှာ မန္တလေးမြို့ အိမ်ခြံမြေဈေးကွက်တွင် များပြားစွာရင်းနှီး မြှုပ်နှံထားကြပြီး မန္တလေးမြို့တွင်းပိုင်း အိမ်ခြံမြေ၏ သုံးဆယ်ရာခိုင်နှုန်းခန့်ကို ပိုင်ဆိုင်ထားသည်ဟု မြို့ခံအိမ်ခြံမြေအကျိုးဆောင်များက ပြောသည်။ လက်ရှိ မန္တလေးမြို့တွင်း အိမ်ခြံမြေအရောင်းအ၀ယ် လုပ်ရာတွင်လည်း တရုတ်လုပ်ငန်းရှင်အများစုက လက်ကြီးလုပ်ကိုင်နေကြောင်း မြို့ခံများက ပြောသည်။

“အများအားဖြင့်တော့ တရုတ်လုပ်ငန်းရှင်တွေ အရောင်းအ၀ယ်လုပ်ရင် မန္တလေးအိမ်ခြံမြေ ဈေးကွက်အရောင်းအ၀ယ် ကောင်းတာပဲ။ သူတို့ငွေနဲ့ကစားသွားတာပေ့ါ။ တရုတ်နှစ်သစ်ကူးချိန်တွေလို သူတို့အိမ်ပြန်ချိန်ဆိုရင်တော့ မန္တလေး အိမ်ခြံမြေဈေးကွက် အရောင်းအ၀ယ်အေးတတ်တယ်” ဟု မန္တလေးမြို့မှ ၀ါရင့်အိမ်ခြံမြေအကျိုးဆောင်တစ်ဦးက ပြောသည်။

အိမ်ခြံမြေပိုင်ဆိုင်မှုအတွက် ဧည့်နိုင်ငံသားမှတ်ပုံတင်ရှိလျှင်ပင် ဂရန်ထုတ်ပေးနိုင်ပြီး တရားဝင်စာချုပ်အမည်ပေါက်ဝယ်ယူခွင့်ရှိကြောင်း မန္တလေးစည်ပင်မှ တာဝန်ရှိသူတစ်ဦးကပြောသည်။ လတ်တလောမန္တလေးမြို့တွင်းပိုင်း အိမ်ခြံမြေအရောင်းအ၀ယ်ပြုလုပ်ခြင်း၊ အမည်ပြောင်းလျှောက်ထားခြင်းများတွင် တရုတ်နှင့်တိုင်းရင်းသားနာမည်များဖြင့် ပြောင်းလဲဝယ်ယူမှုမှာ အများဆုံးပါဝင်နေကြောင်း အထက်ပါမန္တလေးစည်ပင်တာဝန်ရှိသူကဆိုသည်။ မန္တလေးမြို့၏ အကျယ်အ၀န်းနှင့် လက်ရှိနေထိုင်သော လူဦးရေအရ မန္တလေးအိမ်ခြံမြေဈေးနှုန်းများ လက်ရှိနှုန်းထားအထိ မြင့်တက်နေခြင်းမှာ အိမ်ခြံမြေအသုံးပြုမှုကြောင့်မဟုတ်ကြောင်း ၎င်းက ပြောသည်။

မန္တလေးမြို့၏ လူဦးရေသိပ်သည်းမှုမှာ တစ်ဧကလျှင် ၁၆ ဦးခန့်သာ နေထိုင်ကြောင်း မန္တလေးမြို့ တော်စည်ပင်သာယာရေးကော်မတီ၏ ပြုစုထားသောစာရင်းများတွင် ဖော်ပြထားသည်။ မန္တလေးမြို့၏ ၂၀၁၁ ခုနှစ်လူဦးရေသည် ၁၂၅၁၆၇ ဦးရှိပြီး မြို့၏ အကျယ်အ၀န်းမှာ ၁၂၁ဒသမ၇၈ စတုရန်း မိုင်ရှိသည်။ ဧကအားဖြင့် ၇၇၃၉ ဧကကျယ်ဝန်းကြောင်း မန္တလေးမြို့တော်စည်ပင်သာယာရေး ကော်မတီ၏ နယ်နိမိတ်အတွင်း မြို့နယ်ခြောက်မြို့နယ်ရှိပြီး လူဦးရေ သိပ်သည်းမှုအများဆုံးမြို့နယ်များမှာ အောင်မြေသာစံနှင့် ချမ်းအေးသာစံမြို့နယ်များဖြစ်ပြီး တစ်ဧကလျှင် ပျမ်းမျှလူဦးရေ ၄၆ ဦးခန့် နေထိုင်ကြောင်း မန်းစည်ပင်သာယာရေး
ကော်မတီမှပြုစုထားသည့် စာရင်းတွင်ဖော်ပြထားသည်။

လက်ရှိလူဦးရေတိုးနှုန်းအရ လာမည့်နှစ်သုံးဆယ်အတွင်း မန္တလေးမြို့၏ လူဦးရေ ၁ဒသမ ၇သန်းခန့်အထိ ရှိလာနိုင်ကြောင်း၊ မကြာမီကာလအတွင်း မန္တလေးမြို့အနီး ပုသိမ်ကြီးမြို့နယ်အား မန္တလေး စည်ပင်နယ်နိမိတ်အတွင်း ထည့်သွင်းရန် စီစဉ်နေကြောင်း မန္တလေးစည်ပင်တာဝန်ရှိသူကပြောသည်။

မန္တလေးအိမ်ခြံမြေသည် သာမန်လုပ်သားပြည်သူများနှင့် တစ်နေ့ထက်တစ်နေ့ပိုမိုဝေးကွာလာနေကြောင်း မြို့ခံများကပြောသည်။ သာမန်ဝန်ထမ်းတစ်ယောက်အတွက် မန္တလေးမြို့တွင် ကိုယ်ပိုင်အိမ်ဖြင့် နေထိုင်နိုင်ရေးအိပ်မက်မက်ရန်မှာ အလွန်ခက်ခဲနေပြီဖြစ်ကြောင်း ကိုသန်းနိုင်စိုးက ပြောသည်။ ထို့ကြောင့် မိသားစုကျောခင်းနိုင်ရန် ငွေနည်းနည်းနှင့် လုံခြုံမည့် တစ်နေရာရှာရပါဦးမည်။ ။

Credit To 7Day News Journal
Read More »

ဆိုလည်းဆိုခဲ မြဲလည်းမြဲစေ



(ဇေယျမင်းသျှင်)

၂၀၁၃ ခုနှစ်မကုန်မီ နိုင်ငံရေးအကျဉ်းသားများအားလုံးကို လွှတ်ပေးမည်ဟု ပြောကြားထားသော နိုင်ငံတော်သမ္မတ ဦးသိန်းစိန်၏ ကတိကဝတ်နှင့် ဇူလိုင်လ ၂၃ ရက်နေ့တွင် နိုင်ငံရေးအကျဉ်းသား ၇၃ ဦး ထပ်မံ လွှတ်ပေးလိုက်သည့် အစိုးရ၏ ဆောင်ရွက်ချက်အပေါ် ကုလသမဂ္ဂ အပါအဝင် ပြည်တွင်းပြည်ပ နိုင်ငံရေးအသိုင်းအဝိုင်း များက နှစ်လိုစွာ ကြိုဆိုကြကြောင်း သတင်းများအရ သိရသည်။ အပြုသဘောဆောင်သော အဆိုပါပြုပြင် ပြောင်းလဲရေးဖြစ်စဉ်များက နိုင်ငံအဝန်း အပစ်အခတ်ရပ်စဲရေး နှင့် အမျိုးသားပြန်လည် ရင်ကြားစေ့ရေးကို ပိုမိုအားကောင်း ခိုင်မာလာစေမည် ဖြစ်သကဲ့သို့ ရှေ့ဆက်မည့် မြန်မာ့နိုင်ငံရေး အခင်းအကျင်းအတွက်လည်း အားလုံး ပူးပေါင်းပါဝင်သော အရွေ့တစ်ခုကို ဖန်တီးစွမ်းဆောင် နိုင်ကြလိမ့်မည် ဟုလည်း မျှော်လင့်နိုင်သည်။

ပြီးခဲ့သည့် ဇွန် ၄ ရက်နေ့က ထုတ်လွှင့်ခဲ့သည့် နိုင်ငံတော်သမ္မတ ဦးသိန်းစိန်၏ အသံလွှင့် မိန့်ခွန်း၌လည်း တည်ဆဲပြစ်မှုဆိုင်ရာ ကျင့်ထုံးဥပဒေ၊ ပုဒ်မ ၄၀၁ ပါ ပြဋ္ဌာန်းချက်များကို နိုင်ငံရေးလက်နက်တစ်ခု အနေနှင့် အသုံးပြုရန် ရည်ရွယ်ချက် မရှိကြောင်းနှင့် ကျင့် ၄၀၁(၁)အရ လွတ်မြောက်ပြီးသူ များအား ယင်းပုဒ်မဖြင့် ထပ်မံအရေးယူ အပြစ်ပေးမည် မဟုတ်ကြောင်းလည်း လူသိရှင်ကြား အတိအလင်း ကတိကဝတ်ပြုထားခဲ့သေးရာ အစိုးရ နှင့် နိုင်ငံရေးတက်ကြွလှုပ်ရှားသူ များအကြား၌ အတိုင်းအတာတစ်ခုအထိ အမြင်ရှင်းရှင်း ကြည်ကြည်လင်လင် ယုံကြည်မှု တည်ဆောက်နိုင်ကြပြီ ဟုလည်း စိတ်နှလုံးပေါ့ပါး ဝမ်းမြောက်မိခဲ့ရသေး၏။

အစိုးရသစ်လက်ထက်တွင် မြန်မာနိုင်ငံ အကျဉ်းထောင်အသီးသီးတွင် ပြစ်ဒဏ်ကျခံဆဲ အကျဉ်းသားများကို ကျင့် ၄၀၁(၁) အရ ပြစ်ဒဏ်လွတ် ငြိမ်းသက်သာခွင့် (Remission) ပြုခဲ့ရာ ယခုအကြိမ်အပါအဝင် ခုနစ်ကြိမ် ရှိခဲ့ပြီဖြစ်ပြီး အကျဉ်းသား ၂၈,၆၁၈ ဦး လွတ်မြောက်စေခဲ့ပြီး ဖြစ်သည်။ ယင်းတို့အနက် နိုင်ငံရေးအကျဉ်းသား ၃၀၀ ကျော် ပါဝင်ခဲ့သည်။ အကျဉ်းထောင် အသီးသီးတွင် နိုင်ငံရေးအကျဉ်းသား ၁၆၂ ဦး ကျန်ရှိနေသေးကြောင်း ကိုလည်း လက်ကျန် နိုင်ငံရေးအကျဉ်းသား စိစစ်ရေးကော်မတီက ဆိုသည်။ တစ်ဖန် ဤ ၂၀၁၃ အကုန်တွင် အကျဉ်းထောင်များ အတွင်း၌ နိုင်ငံရေး အကျဉ်းသား တစ်ဦးတစ်ယောက်မျှ မရှိစေရဘဲ လွှတ်ပေးမည်ဟု နိုင်ငံတော် သမ္မတက ပဋိညာဉ် ပြုထားသေးရာ ခေတ်အဆက်ဆက် အစိုးရများနှင့် လူထု အကျိုးဆောင် နိုင်ငံရေးတက်ကြွလှုပ်ရှားသူ များအကြားက ပဋိပက္ခများနှင့် “တစောင်းစေးနှင့် မျက်ချေး” ပမာ ဖြစ်နေခဲ့ကြသည့် ရှုထောင့်အမြင် မတူညီမှုများကို ပြည်ဖုံးကားချ ရင်ကြားစေ့နိုင်ခဲ့ပြီ ဟု ဆိုလောက်ဖွယ် ဖြစ်လာခဲ့သည်။

သို့ရာတွင် ဆိုခဲ့ပါ သမ္မတကြီးက လက်နှင့် ရေးသမျှ ခြေနှင့်လိုက်၍ ဖျက်နေသည့်ပမာ တရားဥပဒေစိုးမိုးရေး အကြောင်းပြ ရှေ့နောက် မညီသော “ကျားကျားမီးယပ်” အရေးယူမှုများ ကိုလည်း နားမချမ်းသာဖွယ် ဟောတစ်မျိုး၊ ဟောတစ်မျိုးကြားနေ၊ သိနေကြရ ပြန်သည်။

လက်ပံတောင်းတောင် အရေး အခင်းတွင် တာဝန်ရှိသူအသီးသီး တို့သည် ပြစ်မှုဆိုင်ရာဥပဒေ၊ အခန်း (၄) ကင်းလွတ်ရမြဲ အချက်များပုဒ်မ (၇၉) ပြဋ္ဌာန်းချက်ပါ “ဥပဒေအရ ပြုပိုင်သူက သော်လည်းကောင်း၊ ဥပဒေကို အယူအဆ လွဲခြင်းကြောင့်မဟုတ်ဘဲ အကြောင်းခြင်းရာကို အယူအဆ လွဲခြင်းကြောင့် ဥပဒေအရ ပြုပိုင်သည်ဟု သဘောရိုးနှင့် ယုံကြည်သူက လည်းကောင်း ပြုလုပ်လျှင် ထိုသို့ပြုလုပ်မှုသည် ပြစ်မှုမမြောက်” ဟူသော အကာအကွယ် အောက်၌ ရေခဲနှင်းဆောင်း ရှိနေကြချိန်တွင် လက်ပံတောင်းတောင် အရေး တက်ကြွလှုပ်ရှားခဲ့သူ များအား စစ်ကိုင်းတိုင်းဒေသကြီး အစိုးရ အဖွဲ့က ပိုက်စိပ်တိုက် ဖမ်းဆီးခြင်း၊ ဖမ်းဝရမ်းထုတ်ခြင်း၊ တရားခံပြေး ကြေညာခြင်း၊ ရုံတင်တရားစွဲခြင်း၊ ထောင်ဒဏ်ချမှတ်ခြင်း များကို အရေးတကြီး စီမံချက်ကြီးတစ်ခုနှယ် တက်သုတ်ရိုက်၍ ဝိုင်းပတ်ပိတ်ဆို့ စီမံဆောင်ရွက်လျက် ရှိသည်။ အလားတူပင် နိုင်ငံအနှံ့အပြား ၌လည်း အလုပ်သမားအရေး၊ တောင်သူလယ်သမားအရေး တက်ကြွလှုပ်ရှားသူ များကို နှီးနွှယ်ရာ ဥပဒေ တစ်မျိုးမျိုးဖြင့် ရမယ်ရှာလျက် ဖမ်းဆီးအရေးယူနေခြင်း ကိုလည်း တိုး၍ တိုး၍ ဆောင်ရွက်ကြဆဲ။

လတ်တလော သတင်းကြီးနေသည့် ရုပ်ပျက်ဆင်းပျက်ဖြစ်မှု တစ်ခုမှာ ပြန်ကြားရေးဝန်ကြီးဌာန ဒုတိယဝန်ကြီး ကိုယ်တိုင်က ဆိုင်းငံ့ထားသည်ဟု တရားဝင် ပြောဆိုထားသည့် ၁၉၆၂ ခုနှစ် ပုံနှိပ်အက်ဥပဒေပုဒ်မ ၁၇(၂၀) ဖြင့် ဖမ်းဆီးတရားစွဲဆိုခြင်း ခံထားရသော Generation Wave (GW) အတွင်းရေးမှူး ဦးဝေဖြိုးအောင်ကို ပြည်မြို့နယ် တရားရုံးက ဒဏ်ငွေသုံးသောင်းကျပ် ပေးဆောင်စေရန် သို့မဟုတ် ထောင်ဒဏ်သုံးလ ကျခံစေရန် ဇူလိုင်လ ၂၆ ရက်နေ့က အမိန့် ချမှတ်လိုက်သည့်ဖြစ်စဉ် ဖြစ်သည်။ ဥပဒေ တစ်ရပ်သည် ဆိုင်းငံ့ထားစဉ် ကာလအတွင်း ဥပဒေအာဏာသက်ရောက်မှု ကင်းမဲ့နေ သည့်အတွက် ထိုသို့အသက်မဝင်သော ဥပဒေပြဋ္ဌာန်းချက်ကို အထောက်အထားပြု၍ တရားစီရင်နိုင်သလော၊ တရားစီရင်ရေးမဏ္ဍိုင်တွင် အုပ်ချုပ်ရေးမဏ္ဍိုင်က ဝင်ရောက်စွက်ဖက်၍ လွှမ်းမိုးခြယ်လှယ်နိုင်သလော၊ ဥပဒေအထက်တွင် မည်သူမျှ မရှိစေရဟူသော မူသဘောတရားသည် ကြားကောင်းရုံ ဟန်ရေးပြစကား သက်သက်ပေလော။ တိတိပပ စေ့ငု ဆင်ခြင်ကြည့်စရာ ဥပဒေရေး အယိမ်းအယိုင်တွေ လက်ကြားရေယိုရှိနေ သည်ကား ငြင်း၍မရ။
ဆိုရလျှင် အစိုးရအဖွဲ့အတွင်း အထက်အောက် စည်းနှောင်မှု (Chain of command) နှင့် ထိန်းကွပ်မှု (Check, recheck, countercheck-control System)၊ ပြည်ထောင်စုဝန်ကြီးဌာန အချင်းချင်းအကြား ပေါင်းစပ် ညှိနှိုင်းဆောင်ရွက်မှု (Coordination & Cooperation) မညီမညွတ်ဖြစ်နေသည်ကား အထင်အရှားပင်။

နိုင်ငံတော်သမ္မတ အပါအဝင် အပြုသဘောဆောင် အပြောင်းအလဲ များကို ဖော်ဆောင်လိုသူ များက တခုတ်တရ ဖန်တီးထုဆစ်နေသည့် ဒီမိုကရေစီ အခင်းအကျင်းများကို အုပ်ချုပ်ရေးမဏ္ဍိုင် အဖွဲ့အစည်းအချို့က တရားဥပဒေစိုးမိုးရေး ခေါင်းစဉ်ဖြင့် ရည်ရွယ်ချက်ရှိရှိ ကတ်ဖဲ့တိုက်၍ တရွတ်သီထိုး ဆန့်ကျင်ဖီလာ ပြုနေသည်မှာ ပေါ်လွင်နေသည်။ ဤဝိရောဓိ ဖြစ်စဉ်များသည် နာတာရှည် ကြုံတွေ့ခံစားခဲ့ကြရသည့် ပြည်တွင်းပဋိပက္ခများ ရပ်စဲရေး၊ တိုင်းရင်းသား လက်နက်ကိုင် အဖွဲ့အစည်းများနှင့် ငြိမ်းချမ်းရေးလုပ်ငန်းစဉ် များ ဖော်ဆောင်ရေး အပါအဝင် ၂၀၁၅ ခုနှစ် မတိုင်မီ လက်ရှိအစိုးရအဖွဲ့က ဆောင်ရွက်ပေးပါမည်ဟု ကတိကဝတ်ပြုထားသည့် အရေးအရာပေါင်း များစွာ တို့အပေါ်တွင် တန်ပြန် အကျိုးသက်ရောက်မှုများ ပေါ်ပေါက်လာစေ နိုင်သည်ကို အလေးအနက် သတိမူကြရန်လိုပါသည်။

ပြည်ထဲရေးဝန်ကြီးဌာန အပါအဝင် အုပ်ချုပ်ရေးမဏ္ဍိုင်ရှိ ဌာန၊ အဖွဲ့ အစည်းအသီးသီး တို့သည် တည်ဆဲ ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေ (၂၀၀၈ ခုနှစ်)၊ အခန်း (၃) ပုဒ်မ ၅၇ ပါ “နိုင်ငံတော် သမ္မတနှင့် ဒုတိယသမ္မတ များသည် နိုင်ငံတော်ကို ကိုယ်စားပြုသည်”၊ ပုဒ်မ ၅၈ ပါ “နိုင်ငံတော်သမ္မတသည် ပြည်ထောင်စုသမ္မတ မြန်မာနိုင်ငံတော် တစ်ဝန်းလုံးတွင် နိုင်ငံသားအားလုံး၏ အထွတ်အထိပ်နေရာ ရရှိသည်” ဟူသော ပြဋ္ဌာန်းချက်များကို လျစ်လျူရှုရန် မသင့်။ “တစ်ရုံးတစ်ထုံး” ငါတကော ကောခဲ့ကြခြင်းဖြင့် နိုင်ငံနှင့် နိုင်ငံသားတို့ဘဝ ဤအခြေအထိ တွင်းဆုံးကျ ခဲ့ကြရသည် ကိုလည်း မျက်ခြည်မပြတ်သင့်။

နိုင်ငံတော်သမ္မတသည် နိုင်ငံတော်၏ မျက်နှာဖြစ်သကဲ့သို့ နိုင်ငံတော် သမ္မတ၏ ကတိကဝတ်နှင့် လူသိရှင်ကြား နုတ်ထွက်စကား များသည်လည်း “ဆိုခဲစေမြဲစေ”၊ လူရိုသေရှင်ရိုသေ ဖြစ်စေဖို့ ဝိုင်းဝန်း ထိန်းသိမ်းပေးကြရန် မှာလည်း အုပ်ချုပ်ရေးမဏ္ဍိုင်တွင် အမှန်တကယ် တာဝန်ရှိနေပါကြောင်း တိုက်တွန်း လိုပေသည်။

Credit To The Voice Weekly
Read More »