ဆရာယုဒသန် (တင်နိုင်တိုး) စာအုပ် ၂၀၁၁



 တင်နိုင်တိုး - စာမြည်း

၂၀၁၁ ဇွန်လတွင် ဆရာကြီးယုဒသန်အကြောင်း ခရစ်ယန်မဟုတ်သော စာရေးဆရာ တင်နိုင်တိုးရေးသည့်စာအုပ်ကို ဦးကျော်လှိုင်၊ စေတနာစာပေမှ ထိုတ်ဝေပြီး၊ တကောင်းစာအုပ်တိုက်မှဖြန့်ချိသည်။ ဂျပ်ဆမ်ဘုရားကျောင်း(ရန်ကုန်) မှ သင်းအုပ်ဆရာတော် ဦးအာသာကိုလေး(Rev, Dr) နှင့် တွဲဖက်သင်းအုပ် ဦးကျော်ညွန့် (Rev.) တို့က အမှာစာရေးသားရာတွင် မည်သည့်ရည်ရွယ်ချက်နှင့် တင်နိုင်တိုး ရေးသား၊ထုတ်ဝေခြင်းကို မသိသော်လည်း၊ မြန်မာ့စာပေသမိုင်းဆရာကြီးတစ်ဦးအကြောင်း နှစ်၂၀၀ပြည့်မတိုင်မီ ထွက်လာသဖြင့် ၀မ်းသာမိပါသည်။ စာရွက်ချောဖြင့် သမိုင်းဝင်ဓါတ်ပုံ ၁၂မျက်နှာပါရှိသည်။

စာရေးသူ တင်နိုင်တိုး ညွှန်းသော မြန်မာစာအုပ်စာပေ ၂၄အုပ်တွင် ဆရာကြီးဂျပ်ဆမ်အကြောင်း သီးသန့်အထုပ္ပတိစာအုပ်တစ်အုပ်မှ မပါသည်ကို ၀မ်းနည်းမိပါသည်။ အင်္ဂလိပ်အညွှန်း ၄အုပ်တွင် တစ်အုပ်မှာ The Life of Adoniram Judson, New York Anson, 1883 by Edward Judson တအုပ်ကိုတွေ့ရပါသည်။ နောက်ဆုံးထုတ်ဝေသော To The Golden Shore by Courtney Anderson (520 pages)အညွှန်းအဖြစ် မပါရှိပါ။ ထိုစာအုပ်ကို ဘာသာပြန်ရန်ကြိုးစားကြသော်လည်း ယခုအချိန်ထိ ဆရာယုဒသန်အကြောင်း မြန်မာလို ပြည်စုံသောစာအုပ် မရှိသေး၊ မထုတ်နိုင်သေးပါ။ အဘယ့်ကြောင့် ယုံကြည်သူမြန်မာများ ဆရာကြီုးယုဒသန်အထုပ္ပတိစာအုပ်မထုတ်ဖြစ်သနည်း .. မေးခွန်း၏အဖြေမှာ မြန်မာလိုကောင်းကောင်း မတုတ်နိုင်လျှင်လည်း  To The Golden Shore စာအုပ်ကို ခရစ်ယာန်အဖွဲ့အစည်းတစ်ခုမှ ဘာသာပြန်ထုတ်ဝေရန်ဖြစ်ပါသည်။

မြန်မာခရစ်ယန်မဟုတ်သူတစ်ဦးရေးသားသော စာအုပ်ဖြစ်သဖြင့် ၀ိညာဉ်ရေးဆိုင်ရာ မပါသလောက်ရှိသည်။ ဥပမာ .. အဘယ့်ကြောင့် ဆရာကြိးဂျပ်ဆမ် မြန်မာပြည်သို့လာရောက်သာသနာပြုပါသနည်း .. မေးခွန်းအတွက် အဖြေမပါရှိပါ။ ဆရာကြီး၏ မမှိတ်မသုန် သစ္စာရှိသောယုံကြည်ချက်ကို သူ၏လုပ်ဆောင်မှုများဖြင့် တင်ပြထားပါသည်။ အထူးသဖြင့် ၁၈၂၄ခုနှစ် အင်္ဂလိပ်-မြန်မာ ပထမစစ်ပွဲအပြီးတွင် မြန်မာတို့စစ်ရှုံးပြီး၊ နိုင်ငံခြားသားများကို ဖမ်းဆီးနှိပ်စက်သောကာလ အင်းဝ၊ လက်မရွံထောင်၊ အောင်ပင်လယ်ထောင်၊ နှင့် မြန်မာဘုရင်ထံ စစ်ပြေငြိမ်းစာချုပ်အတွက် စကားပြန်လုပ်ဆောင်မှုများ၊ ပထမဇနီး မမယုဒသန်၏ ခင်ပွန်းသည်ရှိရာလိုက်ရင်း မေတ္တာပြမှု၊ ဆရာကြီး၏ သာသမီးသေဆုံး၊ ဇနီးသည်သေဆုံးခြင်း၊ မိမိတည်ထောင်သော အသင်းတော်နှင့်အသင်းသားများ သတ်ဖြတ်၊ဖျက်ဆီးခံရခြင်း .. စသည့်ဆင်းရဲဒုက္ခများစွာကြားမှ မြန်မာလူမျိုးများ ခရစ်တော်ကို သိရှိ၊လက်ခံလာရန် ဆောင်ရွက်ချက်များလည်း ရေးသားထားပါသည်။


အထူးသဖြင့် ဆရာကြီးယုဒသန်၏ မြန်မာ့စာပေလောကကို ပထမဆုံး အင်္ဂလိပ်မြန်မာ၊ မြန်မာအင်္ဂလိပ် အဘိဓါန်၊ ပထမဆုံး စက္ကူအဖြူပေါ် ပုံနှိပ်ခြင်း၊ ပထမဆုံး မြန်မာပုံနှိပ်စာအုပ် (၇မျက်နှာ)၊ မြန်မာသမ္မာကျမ်းစာ (ဓမ္မသစ်၊ ဓမ္မဟောင်း) စသည်တို့ကို မြန်မာ့စာပေသုခမိန်၊ ပညာရှင်ကြီးအနေနှင့် ရေးသားဖေါ်ပြထားပါသည်။

ဆရာကြီးသည် အလွန်ချမ်းသာသော အမေရိကန်နိုင်ငံတွင် ကောင်းမွန်စွာနေထိုင်၊ ဘုရားတရားလုပ်ဆောင်နိုင်သော်လည်း မြန်မာပြည်သို့အဆင်းရဲခံရန် လာရောက်ခြင်းကိုလည်း ပေါ်လွင်အောင် ရေးထားပါသည်။

မည်သို့ဖြစ်စေ အမေရိကန်နိုင်ငံသည် အနှစ်၂၀၀ ကြာခဲ့ပြီဖြစ်သော်လည်း ယခုတိုင်၊ In God We Trust ဆိုသည့် စာတန်းကို အမေရိကန်ဒေါ်လာတွင် ရေးထားသည့် ခရစ်ယန်နိုင်ငံကြီး၊ ကမ္ဘာအချမ်းသာဆုံးနိုင်ငံ၊ ကြီးကျယ်ကြွယ်ဝသောနိုင်ငံ ဖြစ်နေဆဲပင်ဖြစ်သည်။ အမေရိကန်၏ ပြည်ပသာသနာ Foreign Mission ပထမဆုံးသော နိုင်ငံဖြစ်ပါသည်။

အမေရိကန်-မြန်မာ ဆက်ဆံရေး အနှစ်၂၀၀ကြာသောအခါတွင် တဖန်ပြန်လည်ပြီး၊ ချစ်ကြည်ရင်းနှီးလာရန် မျှော်လင့်မိပါသည်။

မုရန်စာအုပ်အမြည်း (အောက်တိုဘာ-၂၀၁၁)

စာအုပ်မှာကြားရန် - တကောင်းစာအုပ်တိုက်၊ +95 95001983 ရန်ကုန်၊ စာပေခွင့်ပြုချက်အမှတ် - ၄၀၀၂၂၆၀၂၁၁၊ တန်ဘိုး ၂၀၀၀ကျပ်။ စာမျက်နှာ ၁၇၈



ဆရာကြီးယုဒဿန်ဘ၀ဖြစ်စဉ် Judson Bio (By year)
SATURDAY, 13 JUNE 2009 19:54 ADMINISTRATOR
ဆရာယုဒသန် ၃၅နှစ်ကြာ မြန်မာပြည်ခရီးစဉ်တွင် မြန်မာ၊ကရင် ၇၀၀၀ ကျော် နှစ်ခြင်းခံပြီး ခရစ်တော်ယုံကြည်ခြင်းနှင့် ထာဝရအသက်ကို ရရှိခဲ့ကြသည်။ သိက္ခာတင်ပွဲတော် ၆၃ကြိမ်ကို မစ်ရှင်အဖွဲ့ပေါင်း ၁၆၃ခုဖြင့် လုပ်ဆောင်နိုင်ခဲ့သည်ခြင်းဖြင့် ဒေသခံ ဓမ္မဆရာ၊လက်ထောက်ဓမ္မဆရာ များစွာ မွေးထုတ်နိုင်ခဲ့သည်။ အခြားအသင်းတော်များဖြစ်သော မက်သဒစ်၊ ပရက်ဘာတာရီယန်၊ စသည့် အသင်းတော်များနှင့် ပူးပေါင်းဆောင်းရွက်ခြင်းများ .. စသည့် ဆရာကြီးယုဒသန်၏ ဘ၀ခရီးစဉ်၊ သူ၏ ဘ၀ဒဏ်ခံနိုင်ခြင်း၊ အတူးသဖြင့် အင်းဝနေပြည်တော်တွင် အကျဉ်းခံရခြင်း နှင့် ဧ၀ံဂေလိခရီးစဉ် အားလုံးတို့သည် ခရစ်တော်အားဖြင့်သာ ဖြစ်ပါသည်။


နှစ်အလိုက် ဆရာယုဒသန်၏ ဘ၀ဖြစ်စဉ်

၁၇၈၈ သြဂုတ် ၉ ရက်နေ့၊ အမေရိကန် မက်ဆာချူးဆက်ပြည်နယ်၊ မောဒန် မြို့တွင် မွေးဖွားခဲ့သည်။ ဖခင်သည် မြို့ငယ်လေးမှ ခရစ်ယန်သင်းအုပ်ဆရာတဦးဖြစ်သည်။

၁၈၀၄ ၁၆နှစ် ဘရောင်း တက္ကသိုလ်မှ ပညာသင်ကြားခဲ့သည်။ ၁၈၀၇ ၁၉နှစ် ဘီအေဘွဲ့ စက်တင်ဘာ ၂ရက်နေ့တွင် ရရှိခဲ့သည်။

၁၈၀၇ ၁၉နှစ် အင်္ဂလိပ် သဒ္ဒါစာအုပ်တအုပ် နှင့် သင်္ချာစာအုပ်တအုပ် ပြုစုပြီးစီးခဲ့သည်။ တက္ကသိုလ် လောကီပညာသင်ကြားအောင်မြင်ခဲ့ပြီး ဘုရားသခင်ကို သံသယဖြစ်ခဲ့သည်။ မိသားစုနှင့် ဆန့်ကျင်ပြီး နယူးယောက်မြို့ကြီးသို့ ဘ၀အောင်မြင်ရေးခရီးထွက်ခဲ့သည်။

၁၈၀၈ ၂၀နှစ် ခရီးသွားရင်း မြို့ငယ်လေးတည်းခိုခန်းတခန်းမှညည်းညူသေဆုံးသွားသူ လူငယ်တဦးသည် တက္ကသိုလ်တက်စဉ်က ပညာတော်သူ မိမိသူငယ်ချင်းဘာသာမဲ့တဦးဖြစ်သည်ကို အံ့သြဘွယ် ကြုံခဲ့ရပြီး မိမိ မိသားစုထံ ပြန်လာခဲ့သည်။ ကျမ်းစာသင်တန်းAndover Seminary တွင်ဆက်လက်တက်ခဲ့သည်။

၁၈၀၉ ၂၁နှစ် Plymouth အသင်းတော်တွင် ပါဝင်ပြီး ဧ၀ံဂေလိခရီးစဉ်အတွက် အသင်းတော်များနှင့် ညှိနှိုင်းလုပ်ဆောင်နိုင်ခဲ့သည်။ အသင်းတော်များမှာ လူငယ်များမစ်ရှင်လုပ်ငန်းအတွက် နှစ်နှင်ချီပြီးဆွေးနွေးတိုင်ပင်၊ ပြင်ဆင်မှုများ လုပ်ဆောင်ခဲ့သည်။ ၁၈၁၁ ၂၃နှစ် လန်ဒန်မြို့သို့ သင်္ဘောစီးပြီး လန်ဒန်မစ်ရှင်အဖွဲ့နှင့် ထောက်ပံမှုရရေးအတွက် ညှိနှိုင်းသည်။

၁၈၁၂ ၂၄နှစ် အန်းနှင့် လက်ထပ်သည်။ သိက္ခာရဘုန်းတော်ကြီးအဖြစ် ဘိသိတ်ပေးခံရသည်။ ဘော့စတွန်မြိုမှာ သင်္ဘောဖြင့် အိန္နိယပြည်၊ ကာလကတ္တားမြို့ အမေရိကန်နှစ်ခြင်းအသင်းတော်သို့ ရောက်ရှိသည်။

၁၉၁၃ ၂၅နှစ် ရန်ကုန်မြိုသို့ ဇူလိုင် ၁၃ရက်နေ့တွင် ရောက်ရှိသည်။

၁၈၁၆ ၂၈နှစ် မြန်မာစကား၊စာပေ ကို ၆လခန့်အပြင်းအထန် ဟိန္နူလူမျိုးတဦးထံမှသင်ယူသည်။ ၃နှစ်ခန့်အကြာ မြန်မာစကား၊ စာပေကို မြန်မာပညာရှင် တဦးကဲ့သို့ တတ်မြောက်ခဲ့သည်။ မြန်မာ - အင်္ဂလိပ် အဘိဓာန်၊ ပါဠိ - မြန်မာ အဘိဓာန်ကို စတင်ပြုစုရင်း မြန်မာကျမ်းစာအုပ် ရှင်မဿဲခရစ်ဝင် ကို ဟေလသ (ဂရိ) ဘာသာမှ ဘာသာပြန်ဆို ပြီးစီးခဲ့သည်။

၁၈၁၉ ၃၁နှစ် လူထုတရားပွဲများ ရွေဓိဂုံဘုရားအနီး ဇရပ်တွင် စတင်လုပ်ဆောင်ခဲ့သည်။ မောင်နောသည် ပထမဆုံးသော နှစ်ခြင်းခံယူသည့် မြန်မာလူမျိုးဖြစ်သည်။ (၁၉၁၉ ဇွန် ၂၇)။ ထို့နောက် မောင်သာလှ၊ မောင်ဗြေ တို့နှစ်ခြင်းခံခဲ့သည်။ မြန်မာဘုရင် ဘကြီးတော် မင်းတရားထံသွားရောက်ပြီး  ရွှေမြန်မာ ကျမ်းစာအုပ်လက်ဆောင်ပေးအပ်ရင်းသာသနာပြုခွင်တောင်းဆိုခဲ့ရာ ညင်းပယ်ခံရသည်။

၁၈၂၀ ၃၂နှစ် ထို့နောက် သာသနာပြုခြင်းမျာ နှေးကွေးသွားခဲ့သည်။ နှစ်ခြင်းခံသူ ၁၀ဦးခန့်ဖြင့် အသင်းတော်ငယ် စတင်ခဲ့သည်။ ကာလကတ္တားမြို့သို့ ဇနီးသည် ဆေးကုရင်း မြန်မာပြည်မှထွက်ခွာခဲ့သည်။ နှစ်လအကြာ ပြန်လာခဲသည်။ မြန်မာပညာတတ် မောင်ရွှေဂုံး နှင့် ကြွယ်ဝချမ်းသာသော မိတ်ဆွေ၂ဦးတို့ နှစ်ခြင်း ခံခဲ့သည်။ မောင်ရွှေဂုံးသည် မြန်မာကျမ်းစာဘာသာပြန်လုပ်ငန်းကို အထူးကူညီသူဖြစ်သည်။

၁၈၂၃ ၃၅နှစ် ဓမ္မသစ် မြန်မာကျမ်းစာအုပ်ဘာသာပြန်ခြင်း ပြီးစီးခဲ့သည်။

၁၈၂၄ ၃၆နှစ် အင်္ဂလိပ်မြန်မာ ပထမစစ်ပွဲဖြစ်ခဲ့ပြီး အင်္ဂလိပ်များ အအောက်မြန်မာပြည်ကို သိမ်းယူခဲ့သည်။ ဆရာယုဒသန်မောင်နှံကို မြန်မာဘုရင် ဘကြီးတော်မင်းတရားက အင်းဝနေပြည်တော်သို့ သူလျှိုအဖြစ် စွတ်စွဲကာ ဖမ်းဆီးခေါ်ဆောင်သွားသည်။

၁၈၂၆ ၃၈နှစ် သမီး မေရီအဲလစ်စဘက် မွေးဖွားပြီး၊ ရန်ကုန်သို့ပြန်လည်ရောက်ရှိသည်။ ရန်ကုန်အသင်းတော်မှာ ပျက်စီးသွားခဲ့ပြီး၊ မော်လမြိုင်မြို့သို့ ပြောင်းရွှေ့နေထိုင်ရင်း အသင်းတော်ထူထောင်သည်။ ကျမ်းစာ ဘာသာပြန် ဆက်လုပ်သည်။ ပထမဇနီးသည် ကွယ်လွန်သည် (၁၈၂၆) ။ ဖခင်ဖြစ်သူ ကွယ်လွန်သည် (၁၈၂၇)။

၁၈၃၄ ၄၆နှစ် ဒုတိယဇနီးသည် မစ္စစ် ဗော့ဒမန် နှင့် အိမ်ထောင်ပြုသည်။ ၁၈၃၅ ၄၇နှစ် ဓမ္မဟောင်းကျမ်းစာ မြန်မာဘာသာပြန်မှု ပြီးဆုံးသည်။  (ဒီဇင်ဘာ ၂၉)။

၁၈၃၅ ၄၇နှစ် အမေရိကားသို့ သင်္ဘောဖြင့်ပြန်ရာလမ်းတွင် ဇနီးသည် ကွယ်လွန်သည်။ (၁၈၃၅)ဘော့စတွန်မြို့သို့ အောက်တိုဘာ ၁၅ - ၁၈၃၅ တွင် ရောက်ရှိသည်။ အမေရိကန် အသင်းတော် များတွင် အမေရိကန် စကားဖြင့် မြန်မာသာသနာပြု ခရီးစဉ်ကို တင်ပြ၊ ပြောကြားခဲ့သည်။

၁၈၄၅ ၅၇နှစ် မစ္စအမ္မလီချူးဗက် နှင့် အိမ်ထောင်ပြုသည်။ ၁၉၄၆ ဇူလိုင်၁၁တွင် မြန်မာပြည်သို့ ပြန်လာကြသည်။ ၁၈၄၆ ၅၈နှစ် အင်္ဂလိပ်-မြန်မာ အဘိဓါန် ပြီးစီးခဲ့သည်။

၁၈၅၀ ၆၂နှစ် ဆေးကုသရန် အမေရိကားသို့ ပြန်ရာ သင်္ဘောပေါ်တွင် ကွယ်လွန်သည်။ (၁၂ ဧပြီ ၁၈၅၀)


အောင်ပင်လယ်လက်မရွံ့ထောင်မှယုဒဿန်
ဆရာကြီးယုဒဿန် နှစ်၂၀၀ပြည့်မှာ မြန်မာပြည်မစ်ရှင်အတွက် ပေးဆပ်ခဲ့သည်။  ဆရာကြီး၏ အထုပတိ To the Golden Shore , by Courtney Anderson စာအုပ်ထူကြီးကို ဖတ်ကြည့်လျှင် အင်မတန် သက်ပြင်းချမိပါလိမ့်မည်။ ထိုမျှပင်ပမ်းလှမည့် ဆရာကြီးရဲ့ မြန်မာပြည်မစ်ရှင်ခရီးစဉ် ၃၈နှစ်စာအုပ်၊ လက်မရွံ့ အကျဉ်းထောင်ဓါတ်ပုံများသည် ရင်လေးစရာကောင်းပါသည်။ သို့သော် ခရစ်တော်အတွက် အသက်ရှင်သူများအတွက်တော့ "ငါ့ထမ်းပိုးသည်ပေါ့သည်" ဟူသည့်အတိုင်း အင်မတန်ခွန်အားရတဲ့ ဓါတ်ပုံနဲ့စာအုပ်ပဲဖြစ်ပါသည်။ဆရာယုဒဿန် သာသနာပြုခြင်းနှင့်ကျမ်းစာဘာသာပြန်ခြင်းကို လုပ်ဆောင်ရာတွင်၊ မလုပ်ချင်ဆုံးအလုပ်များကိုလည်း လုပ်ခဲ့ရသည်။ အဘိဓါန်ပြုစုခြင်းမှာ ဆရာကြီး မလုပ်ချင်ဆုံးအလုပ်ဖြစ်သည်။ မိမိအတွက်မလိုအပ်သော်လည်း မြန်မာလူမျိုးများနှင့် မစ်ရှင်အတွက် အကျိုးရှိမည့် ပါဠိ-မြန်မာအဘိဓါန်၊ အင်္ဂလိပ်-မြန်မာ အဘိဓါန်၊ မြန်မာ-အင်္ဂလိပ်အဘိဓါန်များကို ပြုစုခဲ့ပါသည်။

ကျမ်းပိုဒ်ငါ ယုဒဿန်သည် ထိုတရားကို ဟောသောဆရာဖြစ်သည်နှင့် သင်တို့အဖို့အလိုငှာ ဆင်းရဲခံခြင်း၌ ယခု ၀မ်းမြောက်၍ ခရစ်တော်၏ ဆင်းရဲဒုက္ခ အကြွင်းအကျန်ကို အသင်းတော်တည်း ဟူသော ကိုယ်တော့်အဖို့ အလို့ငှာ ငါ့ကိုယ်ခန္တာ၌ ပြည့်စုံစေ၏။ ကောလောသဲ ၁း၂၄ (ပေါလု အစား ယုဒဿန် သုံးပါသည်)။


အယ်ဒီတာမှတ်ချက်။    Christian Heroism in Heathen Lands by Galen B. Royer မှတဆင့် မြန်မာမှုပြုသည်။ To the Golden Shore စာအုပ်သည် ဆရာကြီးယုဒဿန်ဘ၀ဖြစ်စဉ်ကို Latest Book အဖြစ် ၂၀၀၂ တွင် ထုတ်ဝေခဲ့ပါသည်။ မြန်မာပြန်ထားသော စာအုပ်ရှိ ရန်ကုန်တွင် စုံစမ်းရနိုင်ပါသည်။ စင်ကာပူတွင်http://www.sksbooks.com/ 315 Outram Road, Tan Boon Liat Building, #09-03 Tel: 62279700 တွင်ရနိုင်ပါသည်။ အမေရိကန်တွင် Online Purchase ဖြင့် US$10.00 ခန့်ဖြင့် ၀ယ်ယူနိုင်ပါသည်။ အမေရိကန်တွင် ဂျပ်ဆင်အမည်ဖြင့် လူမှုရေးအဖွဲ့http://judsoncenter.org/ နှင့်Judson Memory Church စသဖြင့်များစွာရှိပါသည်။ မြန်မာပြည်နှင့် နိုင်ငံရပ်ခြား မြန်မာခရစ်ယာန်များလည်း ဆရာယုဒဿန် နှစ်၂၀၀ပြည့် အထိမ်းအမှတ်ကို ကျင်းပရန်ရှိပါသည်။ ယုဒဿန်မြန်မာ သမ္မာကျမ်းစာ ကို ယခုအချိန်ထိ မြန်မာများ လက်မလွတ်နိုင် - ကျေးဇူးတော်ကြီးလှပေသည်။
Read More »

ဒေါ်ခင်ကြည်ပြောတဲ့ လူငါးယောက်အကြောင်း




ဓာတ်ပုံ – မြန်မာသစ် မဂ္ဂဇင်း

ဘဝဆိုတာ အချိုးအကွေ့ပေါင်းမျာစွာ၊ ဖြတ်သန်းမှုပေါင်းများစွာ၊ ရုန်ကန်လှုပ်ရှားမှုပေါင်းများစွာကို ရင်ဆိုင်ကျော်လွှားရတာကို ဆိုလိုတယ်လို့ နားလည် သဘောပေါက်တယ်။
သာမန်လူသားတွေမှာ ဖြစ်စဉ်ပေါင်းများစွာ ရှိခဲ့သလို ဂုဏ်ထူး၊ ဝိသေသ ထူးရှိတဲ့ သူတွေထဲက အနတဂ္ဂမများစွာထဲက များစွာဟာလည်း သူ့နည်း၊ သူ့ဟန်၊ သူ့ဝန်းကျင်နဲ့သူ၊ တွေ့ထိကြ၊ ရင်ဆိုကြ၊ တိုက်ခိုက်ကြနဲ့ ဘဝကို တည်တံ့အောင် ကြိုးပမ်းနေကြတာပါပဲ။
ဒီလို ကြိုးပမ်းရင်း ကြိုးပမ်းရင်းနဲ့ တဖြည်းဖြည်း လက်ပန်းကျတတ်ကြစမြဲပါ။ သန်တုန်း၊ မြန်တုန်း၊ သွက်လက်တုန်းမှာ အတ္တ၊ မာန်၊ မာန တရားတွေနဲ့ ရောပြွမ်းတဲ့ အထင်၊ အမြင်၊ အတွေးတွေနဲ့ ဟန်တလုံး၊ ပန်တလုံး မောက်မာတတ်ကြပေတဲ့ ပတ်ဝန်းကျင် အသိုင်းအဝန်း၊ အိုမင်းရင့်ရော်မှု၊ ကျန်းမာရေး ချို့တဲ့မှု၊ အယူအဆ အတွေးအခေါ် ဖောက်ပြန်မှု တွေက ရေလည်မှာ လက်ပန်းကျသလိုမျိုး ဖြစ်တတ်တာကို သတိ သမ္ပဇဉ်တရားနဲ့ ရှေးရှုသွားကြဖို့ လိုမယ်ထင်တယ်။

ဒီမှာ အခါအခွင့်သင့်လို့ ဖြစဉ်နှစ်ခုကို ယှဉ်တွဲ ဖော်ပြလိုပါတယ်။

ဘာဖြစ်လို့လဲဆိုတော့ သမိုင်းမှာ ဖြစ်ရပ်မှန်ဆိုတာ အတော်နည်းတယ်။ ဆရာကြီး “တော်စတွိုင်း” စကားနဲ့ ပြောရရင်
“သမိုင်းဖြစ်ရပ်မှန်ဆိုတာ မရှိသလောက် နည်းပါးပါတယ်။ သမိုင်းကို ရေးကြ၊ ပြောကြတဲ့ နေရာမှာ သူ့ဘက်၊ ကိုယ့်ဘက် တနည်းမဟုတ် တနည်းနဲ့ ဘက်လိုက်နေကြတာပဲ”။

ပြီးခဲ့တဲ့ ပြင်သစ်-ရုရှား စစ်ပွဲမှာ ပြင်သစ်ကလည်း ပြင်သစ်ဘက်မှန်ကြောင်း၊ နပိုလီယံရဲ့ တန်ခိုးပါဝါအာဏာတော်ကြောင့် ပြင်သစ်နိုင်ငံတော်ကြီး ဖွံ့ဖြိုးတိုးတက်စည်ပင်အောင် ဘယ်နည်း ဘယ်ပုံ ကြိုးပမ်းအားထုတ်ရကြောင်း ပြင်သစ် သမိုင်းဆရာတွေက ရေးကြတာပဲ။
ရုရားကလည်း ရုရားတွေရဲ့ စစ် ဟာ ခုခံစစ် ဖြစ်တယ်။ ရုရှားပြည်သူတွေကို ကာကွယ်ဖို့ ဖြစ်တယ်။ ကျူးကျော်စစ်ကို ခုခံစစ်နဲ့ တွန်းလှန်တာသာ ဖြစ်တယ်။
စတဲ့ အရေးအသားမျိုးတွေနဲ့ ကိုယ့်ဘက်ကိုယ်ယက် ရေးခဲ့ကြတာပဲ။
ဒါကြောင့် သမိုင်းဆိုတာဟာ ဘက်လိုက်မှု ရှိနေတယ်လို့ ဆိုခဲ့တာပေါ့။ တကယ်တော့ သမိုင်းမှန် ဆိုတာဟာ မြေရှင် ပဒေသရာဇ်တွေ၊ ဓနရှင်တွေ၊ အရင်းရှင်တွေ၊ နယ်ချဲ့သမားတွေ၊ ဖက်ဆစ်တွေ အတွက် ရှေ့နေလိုက်ပေးနေတဲ့ လျှောက်လဲချက် မဟုတ်ပါဘူး။ တကယ့် ဆင်းရဲသား၊ ကျေးတော်မျိုး၊ ကျွန်တော်မျိုးတို့ရဲ့ စနစ်တခုအတွင်း၊ စစ်တခု အတွင်း၊ ခေတ်တခုအတွင်းက ခါးသီးတဲ့ အတွေ့အကြုံကို ထင်ဟပ်ပေးတဲ့ မီးမောင်းထိုးပေးတဲ့ ပြကွက်တခု လို့ ဆိုချင်ပါတယ်။
နောက်တခုက သမိုင်းခေတ် တခေတ် အတွင်း နိုင်ငံရေးအရ၊ စစ်ရေး အရ အောင်နိုင်သူ၊ ရှုံးနိမ့်သူ ဆိုတာ ရှိတတ်စမြဲပါ။ ဒီလို လူတွေဟာလည်း သမိုင်းဇာတ်ကွက်ထဲက အဓိက ဇာတ်ကောင်တွေ၊ ဇာတ်ရုပ်တွေပါ။ တကယ်တော့ သူတို့ဟာ စင်တင် ဇာတ်ကောင်တွေ၊ ဇာတ်ရုပ်တွေနဲ့ စရိုက်ဓလေ့ကို ဖော်ကျူးခဲ့တဲ့ ဇာတ်ရုပ်တွေ မဟုတ်ပါဘူး။ သူတို့ကိုယ်တိုင် ကပြခဲ့ကြတဲ့ တကယ့်ဘဝထဲက ဇာတ်ရုပ်တွေ ဖြစ်ပါတယ်။
ဒီဇာတ်ရုပ်တွေထဲက သမိုင်း ဇာတ်ဆောင်တချို့ကို ရေးပြချင်ပါတယ်။ သူတို့ဟာ သမိုင်းပြကွက် တကွက်မှာ အဓိက ဇာတ်ဆောင်အဖြစ် ကပြခဲ့ကြသူတွေပါ။

* * * * *
အဓိပတိကြီး…။

၁၉၄၂ ခုနှစ် မှ ၁၉၄၅ ခုနှစ်အတွင်း ဂျပန်ခေတ်လို့ ဆိုပါစို့။

တသွေး၊ တသံ၊ တမိန့် တဲ့။ ဒါဟာ အဓိပတိကြီး ရဲ့ ကြွေးကြော်သံ။

“ကမ္ဘာမှာလည်း အာဏာရှင်၊ ဗမာမှာလည်း အာဏာရှင်” လို့ သီချင်းတောင် စပ် ဂုဏ်ပြုရတဲ့ အာဏာရှင်။

ဒီအာဏာရှင်ကြီး အကြောင်း ပြောတော့မယ် ဆိုရင် အကောင်းတွေ ရှိသလို၊ မကောင်းတာတွေလည်း ရှိတယ်။ ဒါပေမယ့် သူ့ခေတ်၊ သူ့အခါ၊ သူ့နေရာမှာ ကိုယ်ရောက်နေရင် ဘာလုပ်မလဲ။ ဒါဟာ စဉ်းစားစရာပါ။
ထားတော့ ကောင်းတာပဲဖြစ်ဖြစ်၊ ဆိုးတာပဲ ဖြစ်ဖြစ် ဖြစ်ပြီးခဲ့တဲ့ အမှုကိစ္စဖြစ်လေတော့ ကောင်းရင်လည်း သမိုင်းမှာ နာမည်ကောင်းနဲ့ ရှင်သန်နေမှာပါ။ ဆိုးနေတယ်ဆိုရင်လည်း သမိုင်းမှာ နာမည်ဆိုးနဲ့ ကျော်ကြားလာမှာပါ။ ဒါဟာ သူ့ကိစ္စ၊ သူပါဝင် ကပြခဲ့တဲ့ ဇာတ်ဝင်ခန်းထဲက ပေးလိုက်မည့် သင်ခန်းစာလို့ပဲ ဆိုရမလား။

ထားတော့…။

ဂျပန်ခေတ်ကာလ အချိန်မျိုး၊ အဓိပတိကြီး ဖြစ်နေစဉ်အတွင်းမှာ သာမန် လူသားတယောက်အဖို့ ဒီလို အိမ်မျိုး အထဲရောက်ဖို့ မပြောနဲ့ အိမ်ရှေ့က မယောင်မလည် ကြည့်ရင်တောင် အဖမ်းခံ ရနိုင်တဲ့ အနေအထားလေ။ အိမ်ဝင်းထဲ ဝင်ဖို့ဆိုတာ ဝေလာဝေး။
ဒါပေမယ့် ကာလက ကြာခဲ့ပြီ။ ဂျပန် ဖက်ဆစ်တွေ လက်နက်ချခဲ့ပြီးပြီ၊ နယ်ချဲ့တွေလည်း ကာယကံမြောက် ဗမာ့မြေပေါ်မှာ မရှိတော့။ ဗမာတနိုင်ငံလုံး လွတ်လပ်ရေးခဲ့ပြီ၊ ကြာတောင် ကြာလှပေါ့။ အဓိပတိကြီးလည်း သလွန်ညောင်စောင်းထက်မှာ မလဲလျောင်းနိုင်တော့၊ တသွေး၊ တသံ၊ တမိန့် ဆိုတာတွေလည်း ဘယ်ရောက်ကုန်မှန်းမသိ၊ အာဏာမရှိတော့၊ ပါဝါမရှိတော့၊ သူ့နေရာမှာ ဗိုလ်ချုပ်ကြီး နေဝင်း ရောက်နေပြီ။ ဗိုလ်ချုပ်ကြီး နေဝင်း နဲ့ အဓိပတိကြီး ကြားမှာ အစိုးရ အဖွဲ့ (၄) ဖွဲ့ခြားခဲ့ပြီ။ အစိုးရအဖွဲတွေ ဖြစ်တဲ့ ဖဆပလ၊ သန့်ရှင်း၊ အိမ်စောင့်၊ ပထစ စတဲ့ အစိုးရ အဖွဲ့တွေ တဖွဲ့ပြီး တဖွဲ့ ပြိုပျက်ခဲ့ပြီ။ အခု တော်လှန်ရေးကောင်စီ အစိုးရ၊ မြန်မာ့ဆိုရှယ်လစ်လမ်းစဉ်ပါတီ အစိုးရကို ဗိုလ်ချုပ်နေဝင်း က တည်ထောင် အုပ်ချုပ်နေခဲ့ပြီ။
ဂျပန်ခေတ် အဓိပတိကြီးကား ဗိုလ်နေဝင်း အာဏာစက်အောက်မှာ ဇရာ ရဲ့ ဖိစီးမှုကို ခံနေရရှာနေပါပြီ။

* * * * *
၁၉၆၉ ခုနှစ်ဦးပိုင်းလောက်က ထင်ပါတယ်။ စာရေးသူရယ်၊ ဆရာဦးညိုမြရယ်၊ အိုးဝေ ဓာတ်ပုံ သတင်းထောက် ကိုကျော်ဆန်းရယ် သုံးယောက်သား အဓိပတိကြီး နေထိုင်ရာ တက္ကသိုလ် ရိပ်သာလမ်းနေအိမ် ကို သတင်းမေးသွားကြပါတယ်။ အဓိပတိကြီး နေထိုင်မကောင်းဖြစ်တယ် ကြားလို့ပါ။ အငှားကားလေးပေါ်က ကျွန်တော်တို့ ဆင်းပြီး ကုန်းပေါ် မျှော်ကြည့်လိုက်တဲ့အခါ သစ်ပင်တချို့ အုပ်အုပ်မိုးမိုး ရှိနေတာတွေ့ ရပါတယ်။
တက္ကသိုလ်ရိပ်သာလမ်းက အဓိပတိကြီးအိမ်ဟာ အဲဒီ တောင်ကုန်းလေးပေါ်မှာပါ။ တောင်ကုန်းပေါ်က အိမ်ကို သွားတဲ့ လမ်းဟာ အတက်လမ်းဖြစ်ပါတယ်။ ဟိုတုန်းကတော့ ကွန်ကရစ်လမ်းဖြစ်ဟန် တူပါတယ်။ အခုတော့ အုတ်ကျိုး အုတ်ပဲ့၊ ကွန်ကရစ်အကျိုးအပဲ့၊ ဂဝံကျောက်နဲ့ အုတ်ခဲကျိုး တချို့ကြားထဲမှာ မြက်တွေက တောထနေတယ်။ မသွားတာကြာလို့ ထင်ရဲ့။ မြက်တွေက မင်းမူနေတယ်။

ဂိတ်တံခါးလေးကလည်း ပိုင်ရှင်နဲ့ အတူ အိုမင်းရင့်ရော်နေပြီကော၊ ကြာမြင့်လှပြီဖြစ်တဲ့ အဖြူရောင် ဆေးသားက မပီပြင်တာ့၊ နေဒဏ်၊ မိုးဒဏ် ဘယ်လောက် ခံထားရပြီလဲ၊ မခန့်မှန်းတတ်၊ အတော်တော့ကြာပြီထင်ရဲ့၊ ညိုညစ်ညစ် သစ်သားရောင်က ပြောက်တိ၊ ပြောက်ကျား ဆေးဖြူရောင် အောက်က လွတ်မြောက်လို လွတ်မြောက်ငြား ကုန်းရုန်းထနေလေသည်။ တံခါးလေးက ခနော်နီ ခနော်နဲ့၊ ပြုတ်ကျလုတဲတဲ၊ ပြင်ဆင်မည့်သူကို စောင့်နေပုံရတယ်။
မဟတဟ တံခါးလေးကို အသာမ ဖွင့်ပြီး မြက်တွေ အောထနေတဲ့ လမ်းကလေးအတိုင်း ကုန်းပေါ်တက်သွားတဲ့အခါ တထပ်တိုက်ကလေး တလုံး၊ အိမ်ရှေ့မှာ ကားလေးတစီး၊ ဖို့ဒ်လား၊ အော်စတင်လား၊ ဟမ်းဘားလား မသိ၊ ဘီးတွေက ပြားလို့။ လေမရှိ။ ဆေးရောင်က အနက်ကလေးလို့ ထင်ရပေမယ့် ကားတစင်းလုံး ဘောနက်ပေါ်၊ အမိုးပေါ်၊ ဘေးဘီဝဲယာ အားလုံးမှာ ငှက်ချေးတွေ၊ ဖုန်တွေ၊ သစ်ရွက်ခြောက်တွေနဲ့ ခြယ်သထားလေတော့၊ နဂိုဆေးရောင်ကိုပင် ကွဲကွဲပြားပြား မခွဲခြားနိုင်၊ အနက်ရောက်လို့တော့ မှန်းဆမိပါတယ်။ ပိုင်ရှင်ကိုယ်တိုင်က မစီးဖြစ်တာ ကြာလှရော့မယ်။
အိမ်ရှေ့က အတော်ကြာကြာ အသံပြုလိုက်တော့ မိန်းကလေး တဦး ထွက်လာပါတယ်။

“ဘယ်သူနဲ့ တွေ့ချင်လို့ပါလဲ ရှင်” တဲ့..။ ရည်ရည်မွန်မွန်ပါ။

“အဓိပတိကြီးနဲ့ တွေ့ချင်လို့ပါ။”

“ရှင်။”

“သြော်.. ဒေါက်တာဦးဘမော်နဲ့ တွေ့ချင်လို့ပါ။”

“ဘဘကြီး အိပ်ရာထဲမှာ မှိန်းနေပါတယ်။”

“ဒါဖြင့် ဆရာမ ဒေါ်တင်ဇာမော်နဲ့ တွေ့ချင်ပါတယ်။”

“ခဏစောင့်ပါ” ဆိုပြီး အထဲပြန်ဝင်သွားတယ်။

အတော်လေးကြာတော့မှ ဒေါ်တင်ဇာမော်နိုင် ထွက်လာပါတယ်။ အဲဒီတော့မှ ကျွန်တော်တို့ အိမ်ထဲရောက်ပြီး ဒေါက်တာကြီး (အဓိပတိကြီး) ရဲ့ ကျန်းမာရေး အခြေအနေကို မေးမြန်းရင်း ပဋိသန္တာရ စကားတွေ ပြောဖြစ်ခဲ့ကြတယ်။ ဒီမှာ သိခဲ့ရတာက အဓိပတိကြီးဟာ ဇရာရဲ့ ဖိစီးမှုအပြင် အခြား ဝေဒနာ တချို့ပါ ခံစားနေရတယ် ဆိုတာပါပဲ။

အဲဒီမှာ စိတ်ထဲ စွဲလန်း အသိအမှတ်ပြုမိတာက အနန္တသူရိယ အမတ်ကြီးရေးတဲ့ “သူတည်း တယောက်ကောင်းဖို့ရောက်မှု” ဆိုတဲ့ ကဗျာပါပဲ။

“… ရွှေအိမ်နန်းနှင့် ကြငှန်းလည်းစံ၊

မတ်ပေါင်းရံလျက် ပျော်စံရိပ်ငြိမ်၊

စည်းစိမ်မကွာ မင်းချမ်းသာကား

သမုဒ္ဒရာ ရေမျက်နှာထက် ခဏတက်သည့်

ရေပွက်ပမာ တသက်လျာတည်း။…”

* * * * *
နောက်ဇာတ်ဆောင် တဦးက ဒေါ်ဒေါ် ဒေါ်ခင်ကြည်ပါ။ ဗိုလ်ချုပ်အောင်ဆန်းရဲ့ ဇနီး၊ ဒေါ်အောင်ဆန်းစုကြည်ရဲ့ မိခင်ပါ။
ဗိုလ်ချုပ်အောင်ဆန်းဆိုတာ ဗမာ့ နိုင်ငံရေးလောကကို ဦးဆောင်၊ ဦးရွက်ပြုနေကြတဲ့ သူတွေထဲက တဦး၊ နောက်တော့ လွတ်လပ်ရေး ဗိသုကာကြီး၊ တပ်မတော်ရဲ့ ဖခင်၊ အမျိုးသားခေါင်းဆောင် စတဲ့ ဂုဏ်ပုဒ်တွေနဲ့ လျှမ်းလျှမ်းတောက် ထင်ပေါ်ကျော်ကြားခဲ့သူပါ။ ဒေါ်ခင်ကြည်ဟာ ဗိုလ်ချုပ်အောင်ဆန်းရဲ့ ချစ်ဇနီးပါ။

ဒေါ်ဒေါ့်ကို စတင်မြင်ဖူးတာ သားလတ် ကိုအောင်ဆန်းလင်း ရေနစ် ကွယ်လွန်ချိန်ကပေ့ါ။ နေ့ရက်အတိအကျ မမှတ်မိတော့ပါဘူး။ ၁၉၅၄-၅၅ လောက်လို့ ထင်ပါတယ်။ ဖခင် ဗိုလ်ချုပ်အောင်ဆန်း ကွယ်လွန်တာ ဘာမှ မကြာသေး၊ ကွယ်လွန်သူအတွက် မျက်ရည်မှ မစဲသေးခင်မှာ ရင်နှစ်သည်းခြာ ရတနာတဦး ထပ်မံ ဆုံးရှုံးလိုက်ရတဲ့ ဒေါ်ဒေါ် ပဋာမြေလူး ဖြစ်စဉ်လေ။

ဗိုလ်ချုပ်အပေါ် မေတ္တာထားကြာတဲ့ ပြည်သူတွေဟာ အခုလို ဗိုလ်ချုပ်ရင်သွေး တဦး ဆုံးရှုံးပြန်တာ သိကြတော့ အတော့်ကို စိတ်မကောင်း ဖြစ်ကြတာကလား။ ဝေးသူတွေက စိတ်မကောင်းဖြစ်ကြသလို ရန်ကုန်မြို့တွင်း နီးသူတွေက အပြေးအလွှား သွားရောက် သတင်းမေးကြတာကိုး။ စာရေးသူလည်း အဲဒီတုန်းကမှ ဒေါ်ဒေါ် ဒေါ်ခင်ကြည်ကို လူကိုယ်တိုင်မြင်ဖူးတာပါ။

* * * * *
ဒေါ်ဒေါ်နဲ့ သေသေချာချာ သိရတာက ၁၉၆၀ ခုနှစ် ရွေးကောက်ပွဲကာလ အိုးဝေဦးညိုမြ ရဲ့ ကျေးဇူးပါ။

အိုးဝေဦးညိုမြက ဆရာရင်းလေ။ အိုးဝေသတင်းစာ၊ ဂျာနယ်တွေမှာ နှစ်အတော်ကြာကြာ လုပ်ခဲ့ဖူးတော့ အတော့်ကို ရင်းနှီးတာကိုး။ ဆရာက ကျွန်တော့် ကို သူ့ ကိုယ်ရေးကိုတာ ကိစ္စ တချို့ ပြောပြဖူးပေမယ့် ကိုယ်ရေးကိုယ်တာ ကိစ္စတွေ ခိုင်းလေ့မရှိဘူး။ စာပေကိစ္စ၊ နိုင်ငံရေး ကိစ္စတွေမှာ သဘောတရား အယူအဆ မတူပေမယ့် ခိုင်းတတ်ပါတယ်။ ကိုယ်ကလည်း မငြင်းမဆန် လုပ်ပေးတတ်ပါတယ်။ အထူးသဖြင့် စာပေကိစ္စတွေမှာ ဆရာ စာရေးတဲ့အခါ လိုအပ်တဲ့ အကြောင်းအရာ၊ အချက်အလက် တချို့ ကူညီ ရှာဖွေပေးရပါတယ်။ တက္ကသိုလ် စာကြည့်တိုက်၊ ဘားနဒ် စာကြည့်တိုက်၊ ဝန်ကြီးချုပ်ရုံး စာကြည့်တိုက်၊ နောင် အမျိုးသားစာကြည့်တိုက်တွေက အချက်အလက် တချို့ ရှာပေးရပါတယ်။

၁၉၆၀ ခုနှစ် ဗိုလ်ချုပ်ကြီးနေဝင်း အိမ်စောင့်အစိုးရ က ရွေးကောက်ပွဲကျင်းပပေးပါတယ်။ ဒီရွေးကောက်ပွဲမှာ အဓိက ပါဝင်ယှဉ်ပြိုင်တဲ့ နိုင်ငံရေးပါတီကြီးတွေကတော့ ဖဆပလ၊ ပထစ (ပြည်ထောင်စုပါတီ)၊ ပမညတ တို့ဖြစ်ပါတယ်။ ပါတီလေးတချို့နဲ့ တသီးပုဂ္ဂလတွေလည်း ဝင် အရွေးခံကြပါတယ်။ နိုင်ငံနဲ့ အဝှမ်း ကျင်းပတဲ့ ရွေးကောက်ပွဲကြီးပါ။

ဒီရွေးကော်ပွဲကြီးမှာ ညောင်လေးပင် အရှေ့မြို့နယ် (ပဲခူးခရိုင်) မဲဆန္ဒနယ်မှာ ပမညတ အမတ်လောင်းအဖြစ် လူထုဦးတင်မောင် (လူထုသတင်းစာ ရန်ကုန်တာဝန်ခံ) ဝင်ရောက် အရွေးခံပါတယ်။ စာရေးသူက ဦးတင်မောင်ရဲ့ အမတ်လောင်း ကိုယ်စားလှယ် ရွေးကောက်ပွဲ အောင်နိုင်ရေး တာဝန်ယူနေချိန်ပေါ့။ ညောင်လေးပင် အရှေ့ မဲဆန္ဒနယ်မှာ ပြိုင်ဘက်တွေက ဖဆပလ က ဦးကျော်ငြိမ်း (ညောင်လေးပင်)၊ ပထစ က ရှေ့နေဦးမောင်တင် (တချို့က မဆလာမောင်တင်လို့လည်း ခေါ်တယ်)။ သူက ပဲခူးသား။ ပဲခူး က လာ အရွေးခံတယ်။ ညောင်လေးပင်မှာ သူ့ကို သိတဲ့ လူ မရှိ၊ ညောင်လေးပင်မှာ လူသိများ ထင်ရှားပြီး သြဇာရှိတဲ့ ဦးထွန်းလှိုင်တို့ ရှိတယ်။ သူတို့ကို မရွေးဘဲ ပထမ စ ဦးမောင်တင်ကို အရွေးခံခိုင်းတာ။ ပမညတ က လူထုဦးတင်မောင်။

တနေ့…

ဦးနု၊ ဒေါ်ခင်ကြည်တို့ ညောင်လေးပင် ရောက်လာကြတယ်။ အဲဒီအချိန်မှာ ညောင်လေးပင် အချုပ်ထောင်ထဲက ဦးညိုမြ ထွက်လာပါတယ်။ ဦးညိုမြက စာရေးသူကို တွေ့ချင်တယ် ဆိုလို့သွားတော့ ဦးညိုမြရယ်၊ ဒေါ်ခင်ကြည်ရယ်၊ ဦးနုရယ် တွေ့တယ်။ ဦးညိုမြက စာရေးသူ နဲ့ ဦးနု၊ ဒေါ်ခင်ကြည်တို့နဲ့ မိတ်ဆက်ပေးပါတယ်။ အကြောင်းရင်းကတော့ ရွေးကောက်ပွဲ ကိစ္စပါ။ အာလာပသလ္လပ စကားခဏပြောပြီး ရွေးကောက်ပွဲ ကိစ္စ ဆွေးနွေးကြပါတယ်။ ပထမဆုံး ဒေါ်ဒေါ်က နယ်မြေ အနေအထားနဲ့ ပြည်သူလူထုရဲ့ အခြေအနေတွေကို မေးပါတယ်။ ပြီးတော့ စာရေးသူရဲ့ သဘောထား မေးပါတယ်။
“ဒေါ်ဒေါ်.. အခု ရွေးကောက်ပွဲမှာ ဦးမောင်တင် အနိုင်ရရေး လိုက်လုပ်နေတာ ဟာ ရာထူး၊ ပါဝါ၊ အာဏာရရေး မဟုတ်ပါဘူး။ ငြိမ်းချမ်းရေးအတွက် လုပ်နေတာပါ။ ပြည်တွင်းငြိမ်းချမ်းရေး မရှိဘဲနဲ့ တိုင်းပြည် ပြန်လည်ထူထောင်ရေးလုပ်တာဟာ ‘သမင်မွေးရင်း ကျားစားရင်း’ ဆိုသလို ဖြစ်မှာပဲ။ နောက်တခုက ‘စစ်’ ကျရောက် ဒေသက ပြည်သူတွေဟာ စစ်ဘေး၊ စစ်ဒဏ်နဲ့ အတိဒက္ခရောက်ကြရတယ်။ ဒဏ်ရာ အနာတရ ရကြတယ်။ နောက် အသက်သေကြရရှာတယ်။ မိကွဲ၊ ဖကွဲ၊ မိသားစုကွဲ ဖြစ်ရတယ်။ အိုးအိမ်စည်းစိမ်တွေ မီးလောင် ပျက်စီး ဆုံးရှုံးကြရတတယ်။ စစ်နဲ့ ဝေးသူတွေလည်း မသက်သာပါဘူး။ အခွန်ထမ်းပြည်သူတွေရဲ့ အခွန်ဘဏ္ဍာတွေဟာ ဆေးရုံ၊ စာသင်ကျောင်း စတာတွေအတွက် သုံးရမယ့် အစား ကျည်ဆန်ဖိုး၊ လက်နက်ခဲယမ်းတွေ ဝယ်ယူရာမှာ အသုံးပြုခံနေရတယ်။ ဒါကြောင့် ဝန်ကြီးချုပ်က ပထစ အစိုးရ ဖြစ်ရင် ငြိမ်းချမ်းရေးအတွက် ဆောင်ရွက်မယ်လို့ အတိအလင်း ကြေညာထားတာပဲ။ ဒီတော့ ဒီရွေးကောက်ပွဲမှာ ပထစ အနိုင်ရမှ ဖြစ်မယ်။ ဖဆပလသာ အနိုင်ရသွားရင် တိုင်းပြည်တော့ သံဃာစင်ပါ မှောက်မှာ။ ဒါကိုလည်း ပမညတ က လူကြီးတွေ သိတယ်။ ဒါကြောင့် ပမညတ ခေါင်းဆောင်တွေက ပထစ ခေါင်းဆောင်တွေနဲ့ ထိပ်တိုက် အရွေးမခံရေး ကြွေးကြော်ခဲ့ကြတာပေါ့။ ဒေါ်ဒေါ်တို့ စိုးရိမ်တာက ‘မဲ’ တွေ ပြန့်ပြီး ကွဲသွားမှာ စိုးရိမ်တယ်။ ဒါကြောင့် ပမညတ နိုင် နိုင်ခြေ ရှိရင် နိုင်အောင် လုပ်ပါ။ တကယ်လို့ နိုင် နိုင်ခြေ မရှိဘူးဆိုရင်တော့ ဖဆပလ ထဲ မဲရောက်သွားမှာ စိုးရိမ်တယ်။ ဦးမောင်တင် ဆိုတာကလည်း ဒီဒေသနဲ့ စိမ်းနေတယ်။ ဒါကြောင့် ဒီဒေသက မဲ တွေ လူထုဦးတင်မောင် ရရင်ရ၊ မရရင် ဦးမောင်တင် ကို ဝိုင်းဝန်းကူညီပါလို့ တိုက်တွန်းချင်တယ်။ ဖဆပလ ထဲတော့ လုံးဝ ထည့်လို့ မဖြစ်ဘူး မို့လား။”

* * * * *
ဒုတိယအကြိမ် ဒေါ်ဒေါ်နဲ့ ဆုံဖြစ်တာက အိန္ဒိယ နိုင်ငံဆိုင်ရာ ဗမာ သံအမတ်ကြီး ရာထူးက ဖယ်ရှားခံရပြီးတဲ့ အချိန်။ ၁၉၆၉ ဝန်းကျင် ဆိုပါစို့။ “အိုးဝေဂျာနယ်” ထုတ်နေချိန်ပေါ့။

နိုင်ငံရေးခေါင်းဆောင်ကြီးတွေ၊ သက်ကြီးရွယ်အို ပညာရှင်ဟောင်းကြီးတွေနဲ့ လိုက်လံတွေ့ဆုံဖို့ ဦးညိုမြက တိုက်တွန်းပါတယ်။ သူကိုယ်တိုင်လိုက် မိတ်ဆက်ပေးပါတယ်။ ဦးကျော်ငြိမ်း၊ ဦးဗဆွေ၊ ဒေါက်တာဘမော်၊ သခင်ဝတင်၊ သခင်တင်၊ သခင်ချစ်မောင်၊ ဗိုလ်မြသွေး စတဲ့ လက်ဝဲ၊ လက်ယာ ခေါင်းဆောင် အတော်များများနဲ့ တွေ့ပေးပါတယ်။

ဒီလိုတွေ့ပေးတာက “သူတို့ဆီက စာမူတွေ ရအောင်တောင်းပါ။ စာမူတောင်းလို့ မရရင် သူတို့ စကားပြောလာအောင် “ဆွ” ပေးပါ။ သူတို့ ပြောတဲ့ အထဲမှာ တန်ဖိုးရှိတဲ့၊ သမိုင်းတန်ဖိုးရှိတဲ့ စကားတွေ ပါလာပါလိမ့်မယ်။ အဲဒါကို သေသေချာချာ မှတ်သားပါ။ အဲဒီ မှတ်သားထားတာတွေဟာ မင်းအတွက် စာတွေ ဖြစ်လာလိမ့်မယ်” ဆရာဦးညိုမြက သွန်သင်ပါတယ်။ ဒီသွန်သင်ချက်က ခေါင်းဆောင်ကြီးတွေနဲ့ တွေ့ဖြစ်တာပါ။ ဒေါ်ဒေါ် ဒေါ်ခင်ကြည်နဲ့ တွေ့ ဖြစ်တာလည်း ဒါကြောင့်ပါပဲ။

* * * * *
သားသေ၊ လင်ဆုံး ဘဝမှာ သံအမတ်ကြီး ဘဝကလည်း ဖြုတ်ချခံရတဲ့ဘဝ၊ ဒီကြားထဲ ရှိတဲ့ သား၊ သမီး နှစ်ဖြာက လည်း နိုင်ငံခြားမှာ။ အင်မတန် စိတ်ဓာတ်ကျပြီး ညှိုးချုံးနေမှာပဲလို့ တွေးထင်ရင်း တက္ကသိုလ် ရိပ်သာလမ်းက အခု ဒေါ်အောင်ဆန်းစုကြည် နေထိုင်နေတဲ့ အိမ်ရှေ့ ရောက်ခဲ့ပါတယ်။ ခြံဝမှာ သစ်သားတံခါးလေးက ကာဆီးထားပါတယ်။ တခြား ဘယ်လို အစောင့်အရှောက်၊ အတားအဆီးမှ မရှိပါ။ စစ်ဆေးမေးမြန်း မည့်သူလည်း မရှိ၊ ဟန့်တား နှောင့်ယှက် မည့်သူလည်း မရှိ။

“သြော်… အတော် အထီးကျန်ဆန်လှပါလား” လို့ တွေးမိတယ်။

သစ်သားတံခါးလေးကို အသာဟပြီး အထဲဝင်လိုက်တယ်ဆိုရင်ပဲ သင်းပျံ့မွှေးကြိုင်တဲ့ ပန်းရနံ့ကလေး နှာဝကို ကလူကျီစယ်လိုက်တယ်။ အင်းလျားရေပြင်ကို ရှပ်တိုက် ပြေးလွှားလာတဲ့လေပြေနုက လန်းဆန်းစေတယ်။ ခြံတွင်းမှာ သန့်ပြန့် ရှင်းလင်းနေတယ်။

ခြံကျယ်ကြီးရဲ့ အနောက်ဘက်မှာ အဖြူရောင် ဆင်ဝင်နဲ့ နှစ်ထပ်တိုက်ကြီး တလုံး၊ အရှေ့မြောက်ဘက် အင်းလျားကန်စပ် အရှေ့ဘက် လမ်းမကြီးနဲ့ ကပ်လျက်မှာ သစ်သားအိမ်တလုံးစီ၊ အလယ်မြေကွက်လပ်မှာ စက်ဝိုင်းပုံ မြေကြီးပေါင် လုပ်ထားတယ်။ အဲဒီ ပေါင်ပေါ်မှာ လစ်လီ ပန်းပင်တွေ အပြည့်စိုက်ထားတဲ့ ပန်းခင်းကြီး၊ ခြံရဲ့ တခြား ကျန်နေရာတွေမှာလည်း တခြား အပင်တွေ စိုက်ထားတယ်၊ တခြံလုံး စိမ်းလန်းစိုပြေ လှပနေတယ်။ အဖြူရောင် လစ်လီပန်းပွင့်ကြီးတွေက ဆွဲဆောင်မှု အကောင်းဆုံး။

ညှိုးငယ်ပန်းလျနေမယ်လို့ ထင်ထားခဲ့တဲ့အထင် ပါစင်အောင်လွဲပါပေါ့။ ခြံထဲက အပြင်အဆင် အမွမ်းအမံတွေက စိတ်ဓာတ်မကျတဲ့ အပြင် လန်းဆန်း တက်ကြွလာစေတယ်။ ဒါဟာ ဒေါ်ဒေါ့်ရဲ့ စိတ်ဓာတ်ကို ခန့်မှန်းနိုင်တယ်။ သားကွဲ လင်ကွဲ ဘဝ၊ အိမ်နိမ့်စံ ဘဝမှာတောင် စိတ်ဓာတ်မကျဘဲ သဘာဝပတ်ဝန်းကျင်ကို လန်းဆန်းတက်ကြွလာအောင် ဖန်တီးနိုင်စွမ်းရှိသလို သူ့ကိုယ်သူလည်း စိတ်ဓာတ် ခိုင်ခိုင်ထားနိုင်တယ်ဆိုတာ တွေ့ရတယ်။

* * * * *

အိုးဝေဂျာနယ်က နှစ်ပတ်တကြိမ် စနေနေ့မှာ ထုတ်ဝေလေ့ရှိတယ်၊ ဂျာနယ်ထွက်တဲ့ စနေနေ့တိုင်းမှာ ဒေါ်ဒေါ့်အိမ် ရောက်လေ့ရှိတယ်။ ရောက်တဲ့နေ့တိုင်းလိုလို ဆင်ဝင်အောက်မှာ ဒေါ်ဒေါ့်ကို တွေ့ရလေ့ရှိတယ်။ ဒေါ်ဒေါ့် ပုံသဏ္ဌာန်က သူပြောတာတွေကို နားထောင်ပေးမည့်သူကို ငံ့လင့်နေဟန်တူတယ်။ ကျွန်တော်က ဆယ့်ငါးရက် စနေနေ့တိုင်းလို ဒေါ်ဒေါ် ပြောတာတွေကို နားထောင်မှတ်သားလေ့ရှိတာကိုး။

ကျွန်တော် မရောင်ခင် မနက်ပိုင်း သံဃာတော်တွေကို ဆွမ်းလောင်းတယ်၊ ဆင်ဝင်ဆောင် အောက်ထပ်က စားပွဲလေးပေါ်မှာ ကြွေရေသုတ် ဆွမ်းချိုင့်လေးတင်ထားပြီး လောင်းလေ့ရှိတယ်။ ကျွန်တော့်အတွက် လက်ဖက်ရည်၊ မုန့်၊ ရေနွေးကြမ်းတို့ ဒေါ်ဒေါ့် ဝေယျာဝစ္စ လုပ်ပေးနေတဲ့ ကုလားမလေးက လာချပေးတယ်။

ဒေါ်ဒေါ်က သူ့ခင်ပွန်းသည် အကြောင်း တမ်းတမ်းတတ ပြောလေ့ရှိတယ်။ နိုင်ငံရေးခေါင်းဆောင် တချို့ အကြောင့်လည်းပါတယ်။ သူ့ခင်ပွန်းသည် ဗိုလ်ချုပ်အောင်ဆန်း ပြောပြခဲ့တဲ့ ဂျပန်နဲ့ ပေါင်းရတဲ့အကြောင်း၊ ဂျပန်သွားခရီးအကြောင်း၊ ဂျပန်တော်လှန်ရေး အကြောင်းတွေနဲ့ လွတ်လပ်ရေးကြိုးပမ်းမှု သူမ ကိုယ်တွေ့တွေကို ပြောပြလေ့ရှိတယ်။ အဲဒီထဲကမှ မှတ်မှတ်သားသား လူငါးဦး အကြောင်း ပြောပြခဲ့ပါတယ်။ အဲဒါလေး ပြန်လည် တင်ပြချင်ပါတယ်။

ဒီနေ့တော့ လူငါးယောက် အကြောင်း ပြောပြမယ်။ ပထမ ပြောပြမှာက ဒေါ်ဒေါ့် ယောက်ျား အကြောင်းပဲ။ ဒေါ်ဒေါ့်ယောက်ျားဟာ စောစောစီးစီး ငယ်ငယ်ရွယ်ရွယ်နဲ့ သေသွားတာ ကောင်းတယ်။ တကယ်လို့ စောစော မသေဘဲ ဟိုဟာတွေနဲ့ ပေါင်းမိသွားရင် နာမည်ပျက်နဲ့ သေရမှာ။

အဲဒါ နည်းနည်း ရှင်းပြမယ်။ နောက်လူတွေ အတွက် သင်ခန်းစာယူစရာလည်း ကောင်းတယ်။ နိုင်ငံရေးမှာ ခေါင်းဆောင်ကောင်း တယောက် ဖြစ်လာဖို့ဆိုတာ တော်တည့်၊ ဖြောင့်၊ မှန်တဲ့ အဝန်းအဝိုင်း လိုတယ်။ သူကျောင်းသား ခေါင်းဆောင် ဖြစ်တဲ့အချိန်မှာ ကိုဗဟိန်းတို့လို လူတွေက ဝိုင်းရံပေးကြတယ်။ သခင်ခေါင်းဆောင်ဖြစ်ချိန်မှာ သခင်ဗဟိန်းတို့၊ သခင်သန်းထွန်းတို့က ဝိုင်းရံပေးကြတယ်၊ လက်တွဲလုပ်ခဲ့ကြတယ်။ သခင်မြ၊ သခင်ချစ်၊ သခင်စိုးတို့၊ သခင်လေးမောင်တို့လည်း ပါတာပေါ့။ အထူးသဖြင့် ဆရာကြီး သခင်ကိုယ်တော်မှိုင်း၊ ဒီးဒုတ်ဦးဘချို၊ သခင်သန်းထွန်း၊ သခင်ဗဟိန်း၊ သခင်မြတို့က အနီးကပ် ထိန်းပေးကြတယ်။ တပ်ထဲရောက်တော့လည်း ဗိုလ်လက်ျာ၊ ဗိုလ်ဇေယျ၊ ဗိုလ်ကျော်ဇော်၊ ဗိုလ်ဗထူးတို့လို လူတွေက ဝိုင်းရံကြတယ်။ ဒါကြောင့် ကိုအောင်ဆန်း၊ သခင်အောင်ဆန်း၊ ဗိုလ်အောင်ဆန်းလို့ တရှိန်ထိုး နာမည်ရလာတာပဲ

ဒါဟာဘာလဲဆိုရင် ပညာတတ်တာ၊ လူစွမ်း၊ လူစ ရှိတာလောက်နဲ့ မလုံလောက်ဘူး။ ရိုးသားဖြောင့်မတ် ရမယ်၊ ကိုယ်ကျင့်သိက္ခာလည်း ရှိရမယ်၊ နိုင်ငံရေး ယုံကြည်ချက် ရှိရမယ်၊ ခိုင်မာရမယ်၊ နိုင်ငံတကာ နဲ့ ပြည်တွင်း နိုင်ငံရေးမှာ အမြော်အမြင် ရှိရမယ်၊ အရှည်မြင်တတ်ရမယ်၊ ပြည်သူလူထု အကျိုးအတွက် မိမိ ကိုယ်ကျိုးကို မငဲ့တဲ့ ပိုင်းဖြတ်မှု ရှိရမယ်၊ ရန်သူနဲ့တွေ့ရင် ဖယောင်း ၊ ပြည်သူနဲ့တွေ့ရင် သံချောင်း ဆိုသလို မကျင့်သုံးရဘူး။ ရန်သူနဲ့တွေ့ရင် သံချေင်း၊ ပြည်သူနဲ့တွေ့ရင် ဖယောင်းလို ကျင့်ရမယ်၊ နာယက ဂုဏ်နဲ့ ပြည့်စုံရမယ်။ အဲဒီလို နိုင်ငံရေးသမားတွေနဲ့ပေါင်းမိလို့ ငါ့ယောက်ျား နာမည် သတင်းကောင်းခဲ့တာ။

တိုင်းပြည်လွတ်လပ်ရေး လုပ်ရင်း အယူအဆတွေ ကွဲလာတယ်။ စိတ်ဝမ်းကွဲလာတယ်။ လက်ဝဲအင်အားစု ဖြစ်တဲ့ ကွန်မြူနစ်တွေကို ဖဆပလထဲက ကန်ထုတ်ခဲ့တယ်၊ တဘက်ကို ယုံလွန်းရာက လက်ဝဲ၊ လက်က်ျာ ကွဲခဲ့တယ်။ လူငယ်တွေ ကွဲခဲ့တယ်။ ဒါဟာ အမျိုးသား စည်းလုံး ညီညွတ်ရေး ပြိုကွဲတာပဲ။ လက်ျာသမားတချို့ရဲ့ ပယောဂလည်း ပါတယ်။ အထူးသဖြင့်တော့ နယ်ချဲ့သမားက ထိုးနှက် တိုက်ခိုက်ခံလိုက်ရတာ၊ ဒါကို သဘောပေါက်လို့ လက်ဝဲညီညွတ်ရေး ပြန်တည်ထောင်ဖို့ ကိုအောင်ဆန်း နဲ့ ကိုသန်းထွန်းတို့ ကြိုးပမ်းခဲ့၊ ကြိုးပမ်းဆဲကာလမှာ လုပ်ကြံခံလိုက်ရတာပဲ။

တကယ်တော့ ဒါဟာ နယ်ချဲ့သမားရဲ့ လက်ချက်ပဲ။ နယ်ချဲ့သမားဟာ လက်ဝဲညီညွတ်ရေး ရသွားမှာ စိုးတယ်။ သခင်သန်းထွန်းတို့နဲ့ သခင်အောင်ဆန်းပေါင်းမိသွားရင် နယ်ချဲ့သမားတွေ လုပ်ချင်တိုင်း လုပ်လို့ရမှာ မဟုတ်ဘူး။ ဒါကြောင့် ဖဆပလ ထဲက နိုင်ငံရေးသမားကြီးတွေ၊ လက်ျာ အုပ်စုဝင်တွေကို သိမ်းသွင်းပြီး လက်ဝဲအုပ်စုကို ခွဲထုတ်လိုက်တယ်။

တဆက်တည်းမှာပဲ လက်ဝဲညီညွတ်ရေးအတွက် ကြိုးပမ်းနေတဲ့ ငါ့ယောက်ျားကို လုပ်ကြံလိုက်ကြတာပဲ။ လုပ်ကြံမခံရလို့ လက်ဝဲညီညွတ်ရေး မအောင်မြင်ဘဲ လက်ျာ အချောင်သမားတွေနဲ့ ဆက်လက် ပေါင်းမိသွားရင် နာမည်ဆိုး၊ နာမည်ပျက်နဲ့ သေရမှာ။ မင်းတို့ သိတဲ့အတိုင်းပဲလေ။ လက်ျာ အုပ်စုတွေဟာ ဆိုရှယ်လစ်အုပ်စုထဲက ဆိုရှယ်နီတွေ ကန်ထုတ်၊ နောက်ဆုံး ဖဆပလကြီး ပြိုကွဲအောင် လုပ်ခဲ့ပြီး တည်မြဲ၊ သန့်ရှင်း စသဖြင့် တစစီ ကွဲထွက်ခဲ့တယ် မဟုတ်လား။ အခုတော့ ဆိုရှယ်ဒီမိုကရက်အုပ်စုဟာ နာမည်ဆိုးနဲ့ နိဂုံးချုပ်ခဲ့တာ။

* * * * *
နောက် တယောက်က နာမည်ကြီး ခေါင်းဆောင်ဟောင်းကြီးတဦး၊ ဝန်ကြီးချုပ်တဦးအဖြစ် လွတ်လပ်ရေးရခဲ့တဲ့ ၁၉၄၈ က ၁၉၆၂ အထိ ဆောင်ရွက်ခဲ့တဲ့ ဦးနုပါ။

နောက် ကွန်မြူနစ်တွေကို တောထဲ မောင်းချလိုက်တာ၊ ဆက်တိုက်ဆိုသလို ပြည်တွင်းစစ်ကြီး ကျယ်ပြန့်ကြီးမားလာတာ၊ ပြည်တွင်းစစ်ကို အကြောင်းပြပြီး ဗိုလ်နေဝင်းက စစ်တပ်တိုးချဲ့တာ၊ စစ်အုပ်စုကို အားကောင်းအောင် လုပ်လာတဲ့ အထိပဲ။

၁၉၅၈ ခုနှစ်မှာ ဗိုလ်နေဝင်းကို ဦးနုက နိုင်ငံတော် အာဏာ လွှဲပြောင်းပေးအပ်ပြီး အိမ်စောင့်အစိုးရ အဖြစ် အုပ်ချုပ်စေတာ။

အဲဒီထဲမှာ ပြည်တွင်းစစ် ရပ်စဲပြီး ငြိမ်းချမ်းရေးကို တည်ဆောက်ဖို့၊ နှစ်ဘက် တန်းတူရည်တူ ဆွေးနွေး၊ သင်ပုန်းခြေ စတဲ့ နည်းတွေ သုံးရမယ့် အစား တဘက် လက်နက်ကိုင် အင်အားစုတွေ လက်နက်ချ၊ အညံ့ခံဖို့ကိုသာ တလျှောက်လုံး တောင်းဆိုခဲ့တာ ဖြစ်တယ်။ ဒီလို လုပ်တာဟာ ဗိုလ်နေဝင်း စစ်တပ် နဲ့ ဆိုရှယ်လစ် ဒီမိုကရက်တွေ အကြိုက် လုပ်တာပဲ။
တကယ် ဒီလိုဖြစ်လာတာဟာ ဦးနုမှာ တာဝန်ရှိတယ်။ ဦးနုဟာ သူတပါးပြောတာကို ယုံလွယ်တယ် ။ တရှူးထိုး လုပ်တတ်တယ်။ ဒါဟာ သူ့ရဲ့ အားနည်းချက်ပဲ။ ဒီအားနည်းချက်ဟာ သူ့အတွက် အန္တရာယ် ဖြစ်လာတာပဲလေ။

* * * * *
နောက်တယောက်က ဗိုလ်ချုပ်ကြီးနေဝင်း။

မင်းကို နောက်တယောက် အကြောင်း ပြောပြဦးမယ်။ အဲ.. သူကလည်း တို့ဗမာ့သမိုင်းမှာ တခန်း၊ တကဏ္ဍ တော့ အရှိသား။

၁၉၆၀ ရွေးကောက်ပွဲ ပြီးစမှာ “ကိုကြီးနု ရွေးကောက်ပွဲမှာ ခြိမ်းခြောက် မဲထည့်ခိုင်းတဲ့ ကိစ္စတွေမှာ ကျွန်တော်နဲ့ လုံးဝ မသက်ဆိုင်ပါ။ ဗိုလ်အောင်ရွှေ တို့ အုပ်စု လုပ်တာသာ ဖြစ်တယ်။ ကိုကြီးနု သိတဲ့အတိုင်း လွတ်လွတ်လပ်လပ် မဲပေးဖို့ ရေဒီယိုက ပြောခဲ့တာပါ” လို့ သတင်းပို့သတဲ့။ ဒါဟာလည်း ဗိုလ်နေဝင်းကို ဦးနု ယုံကြည်စရာ အချက်ပေါ့။

တနည်းအားဖြင့် ဗိုလ်နေဝင်းက ဦးနုကို အယုံသွင်းလိုက်တာ။

နောက်တနည်းပြောရရင် အစက သူ့ကို ဗုံမြှောက်ပေးခဲ့တဲ့၊ သူ့ကို ခေါင်းဆောင် အဖြစ် မွေးခဲ့တဲ့ ဆိုရှယ်လစ် စစ်ဗိုလ်အုပ်စုကို တန်ပြန်ထိုးနှက်ဖို့ အင်အားစု လိုက်တာပဲ။ ဒါကိုလည်း ဦးနုက ယုံပေးလိုက်တဲ့အခါ သူ့ကို ပုခုံးပေါ် ထမ်းတင်ပေးခဲ့တဲ့ ဗိုလ်မောင်မောင်၊ ဗိုလ်အောင်ရွှေစတဲ့ ဆိုရှယ်လစ် စစ်ဗိုလ်တွေကို ဖြုတ်လိုက်တာကိုး။ ဒီလို လုပ်လိုက်တာဟာ ဆိုရှယ်လစ် ခေါင်းဆောင်ကြီးတွေ ဖြစ်တဲ့ ဦးကျော်ငြိမ်း၊ ဦးဘဆွေ တို့သာမက ဆိုရှယ်လစ် စစ်ဗိုလ်အုပ်စု တခုလုံး အထိတ်တလန့် ဖြစ်ကြရသတဲ့။

ဒီမှာ အလျင်းသင့်လို့ ဆိုရှယ်လစ် အုပ်စုဖြစ်လာမယ့် အုပ်စု နဲ့ ဗိုလ်နေဝင်း ဘယ်လို ပတ်သက်ခဲ့တယ်ဆိုတာ မင်းတို့ လူငယ်တွေသိအောင် ပြောပြမယ်။

၁၉၄၂ ဇူလိုင်လ ၂၇ ရက်နေ့မှာ ဘီအိုင်အေ (ဗမာ့လွတ်လပ်ရေးတပ်မတော်) ကို ဖျက် ဘီဒီအေ (ဗမာ့ကာကွယ်ရေးတပ်မတော်) ကို ပြင်ဆင် ဖွဲ့စည်းတယ်။ အဲဒီမှာ မင်းတို့ ဗိုလ်ချုပ်က ကာနယ်လ် (ဗိုလ်မှူးကြီး) စစ်သေနာပတိ။ ဗိုလ်စကြ၊ ဗိုလ်လက်ျာတို့က ဒုတိယ ဗိုလ်မှူးကြီး စစ်ဦးစီးမှူးတွေ ဖြစ်တယ်။ ဗိုလ်နေဝင်း၊ ဗိုလ်ဇေယျာ၊ ဗိုလ်ရန်နိုင်တို့က ဗိုလ်မှူး (မေဂျာ) တွေ ဖြစ်တယ်။ ဒါပေမယ့် ဗိုလ်နေဝင်းဟာ စစ်ဦးစီးမှူး ဗိုလ်လက်ျာ ပေးတဲ့ အမိန့်နဲ့တာဝန်ကို ဘာမှ မလုပ်ဘဲ တလျှောက်လုံး ငြင်းဆန်ခဲ့တယ်။ ဗိုလ်ချုပ်အောင်ဆန်းပြီးရင် သူသာ ဒုတိယ အကြီးအကဲ ဖြစ်ရမယ် ဆိုတဲ့ စိတ်နဲ့ ဆန့်ကျင်တာပဲ။

၁၉၄၃ ခုနှစ် သြဂုတ်လ (၁) ရက်၊ ဂျပန်က လွတ်လပ်ရေး ပေးပြီး မြန်မာစစ်တပ် ပြန်ဖွဲ့တဲ့အခါ ဗိုလ်ချုပ်အောင်ဆန်း က စစ်ဝန်ကြီး၊ ဗိုလ်နေဝင်းက ဗိုလ်မှူးကြီး စစ်ဦးစီးချုပ် (သေနာပတိ) ခန့်ထားခဲ့တယ်။ ဒီလို ခန့်တာ သူ့အရည်အချင်းကြောင့် မဟုတ်၊ နှစ်ပါတီ ညီညွတ်ရေးကြောင့် ပေးတာပဲ။ သခင်ဗစိန်၊ သခင်ထွန်းအုပ်တို့က ဗိုလ်နေဝင်းကို သေနာပတိပေးဖို့ တောင်းဆိုတာကြောင့်ပဲ။

“ဗိုလ်အောင်ဆန်း အပါအဝင် ရဲဘော်သုံးကျိပ် က ဘာမှ အသုံးမကျဘူး၊ အလုပ်လည်း မလုပ်ဘူး” လို့ ဗိုလ်နေဝင်း ခေါင်းဆောင်တဲ့ ဗိုလ်အောင်ကြီးတို့ အုပ်စုက ပြောဆိုပြီး လူငယ်တွေကို စည်းရုံးခဲ့တယ်။

ဒီမှာ “သူတော်ချင်းချင်း သီတင်းလွေ့လွေ့ ပေါင်းဖက်တွေ့” ဆိုတဲ့ စကား အတိုင်း ဗိုလ်နေဝင်း နဲ့ ဗိုလ်အောင်ကြီး စတဲ့ ဆိုရှယ်လစ် စစ်ဗိုလ် အုပ်စု (အဲဒီတုန်းက ဗိုလ်အောင်ကြီးပင် ဗိုလ်ကြီး အဆင့် ရှိသေးတယ်) ဟာ ဆရာ မွေးချင်သူ နဲ့ တပည့်မွေးချင်သူ ဆုံမိကြတာကိုး။ ဗိုလ်မောင်မောင်၊ ဗိုလ်အောင်ကြီး၊ ဗိုလ်အောင်ရွှေ တို့က ဗိုလ်ချုပ်အောင်ဆန်း၊ ဗိုလ်ချုပ်လက်ျာတို့ကို အံတု၊ ဖက်ပြိုင် ချင်ကြတယ်။ ဒါပေမယ့် ဒီလို ဖက်ပြိုင်နိုင်ဖို့က ဂုဏ်တူ၊ ဒြပ်တူ လိုတယ်လေ၊ အနိမ့်ဆုံး အရည်အချင်း မမီရင်တောင် ရာထူး အဆင့်အတန်းတော့ ရှိဖို့လိုတယ်။

ဗိုလ်နေဝင်း ကလည်း ဗိုလ်လက်ျာ၊ ဗိုလ်အောင်ဆန်းကို တိုက်ဖို့ နောက်လိုက်၊ နောက်ပါ လိုတယ်၊ ရှာတယ်။ ဒီမှာတင် ဗိုလ်အောင်ကြီး အုပ်စု နဲ့ ဗိုလ်နေဝင်း တပည့်မွေး၊ ဆရာ မွေး စနစ် နဲ့ ပေါင်းဖက်မိကြတယ်။

ဗိုလ်နေဝင်တို့ဟာ ဗိုလ်လက်ျာကို သာမကတော့ဘဲ ဗိုလ်ချုပ်အောင်ဆန်း ကိုပါ ဝေဖန်တိုက်ခိုက်လာကြတာကလားကွဲ့။ မင်းတို ဗိုလ်ချုပ် နဲ့ ကိုသန်းထွန်း တို့က သိပေမယ့် ညီညွတ်ရေး ပျက်မှာ စိုးလို့ ရေငုံနေခဲ့ကြတယ်။

ဒါပေမယ့် ဂျပန်တော်လှန်ရေးပြီးဖို့ လအနည်းငယ်အလို ၁၉၄၅ ခုနှစ် လောက်ထဲမှာ အရေးမယူလို့ မဖြစ်တဲ့ အခြေ ရောက်လာလို့ ဗိုလ်နေဝင်းကို စစ်သေနာပတိ အဖြစ်က စစ်ဦးစီးချုပ် ရာထူး ချလိုက်တယ်။ ဒါ ပထမ အဆင့်ပဲ။ ဒုတိယ အဆင့်က စစ်ဦးစီးချုပ် ဗိုလ်နေဝင်းကို ရိက္ခာ ထောက်ပံ့ရေးမှူး အထိ အရာ ချ လိုက်တယ်။

ဒီလို ချရတဲ့ အကြောင်းက ၁၉၄၃ ဒီဇင်ဘာ မှာ အောင်လံ စစ်သေနာပတိရုံးမှာ ဗိုလ်အောင်ကြီး၊ ဗိုလ်မောင်မောင် တို့က လာတွေ့ပြီး “စစ်ဝန်ကြီး ဗိုလ်ချုပ်အောင်ဆန်းက သူ သွားရာ နေရာတိုင်း ဂျပန် အကြံပေး အရာရှိချုပ် ဗိုလ်ချုပ် ဆာဝါမိုတိုက တကောက်ကောက် လိုက်နေတယ်။ ဗိုလ်ကြီး ကဝါရှီမာ ကလည်း အလစ် မပေးဘူး။ ဒါကြောင့် ငါ့ ကိုယ်စား မင်းတို့ အစည်းအဝေးမှာ ဗိုလ်နေဝင်းကို ခေါင်းဆောင်ခိုင်း၊ မင်းတို့ အစည်းအဝေးက ဆုံးဖြတ်တဲ့အတိုင်း ဂျပန်တော်လှန်ရေး စမယ်” လို့ ပြောသတဲ့။ ဗိုလ်နေဝင်းကလည်း သဘောတူပြီး သဘာပတိ လုပ်သတဲ့၊ ဒီ အစည်းအဝေးက ၁၉၄၄ ဇူလိုင် ၂၂ ရက်နေ့မှာ တော်လှန်ရေး စဖို့ ဆုံးဖြတ်ခဲ့ ဆိုကိုး။

အစည်းအဝေး တက်ခဲ့တဲ့ ဗိုလ်ရန်အောင်၊ သခင် သာညှင်း တို့က ရန်ကုန်မှာ သခင်သန်းထွန်းနဲ့တွေ့ပြီး အစည်းအဝေး အကြေင်း ပြောတော့ သခင်သန်းထွန်း အတော်အံ့သြပြီး ဗိုလ်အောင်ဆန်းကို အကြောင်းကြားတာကိုး။ ဗိုလ်အောင်ဆန်းက သိသိချင်း ဗိုလ်နေဝင်းကို ခေါ်ပြီး “ခင်ဗျား သေနာပတိ မလုပ်နဲ့တော့၊ စစ်ဦးစီး ပဲလုပ်” ဆိုပြီး ရာထူးချလိုက်တယ် တဲ့။

ဖက်ဆစ် တော်လှန်ရေးပြီးစ မှာ တပ်က ကန်ထုတ်ဖို့ အထိ ဆုံးဖြတ်ခဲ့တယ်။ သခင်သန်းထွန်း က ညီညွတ်ရေးပြိုကွဲ လို့ မဖြစ်ဘူး ဆိုပြီး အတင်းတားတာ နဲ့ မထုတ် ဖြစ်ခဲ့ဘူးတဲ့။ ဗိုလ်နေဝင်းက ဗိုလ်အောင်ဆန်းကို ပါ အံတုလာတာတွေ၊ ပြိုင်လာတာတွေနဲ့ တခြား အကြောင်းတွေလည်း ရှိသေးသတဲ့။

* * * * *
ပြီးတော့ သခင်သန်းထွန်း။

သခင်သန်းထွန်းရဲ့ ယုံကြည်ချက်၊ နိုင်ငံရေးလမ်းစဉ်ကိုတော့ မကြိုက်ဘူး။ ဒေါ်ဒေါ်က ကွန်မြူနစ်လည်း မဟုတ်ဘူး။ ဒါပေမယ့် သခင်သန်းထွန်းကို ပုဂ္ဂိုလ်အရ လေးစားတယ်။ ဘာဖြစ်လိုလဲဆိုတော့ ရိုးသားတယ်၊ မျှမျှတတ စဉ်းစားတတ်တယ်၊ မဟုတ်တာ မလုပ်ဘူး၊ သူ့ ကိုယ်ကျိုး စီးပွားအတွက် ဘာမှ မလုပ်ဘူး၊ ဖျောင်းဖျောင်းဖျဖျ ပြောတတ်တယ်။ သူ နဲ့ မင်းတို့ ဗိုလ်ချုပ် တွဲခဲ့တဲ့ အချိန်က လုပ်ငန်းတိုင်းလို အောင်မြင်တယ်။ မင်းတို့ ဗိုလ်ချုပ်က စိတ်မြန်တယ်၊ ရှူးရှူးဒိုင်းဒိုင်း လုပ်တတ်တယ်၊ သခင်သန်းထွန်းက အေးဆေးတယ်၊ တည်ငြိမ်တယ်၊ ခေါင်းအေးအေးထား စဉ်းစားတတ်တယ်။ ငါ့ယောက်ျားကို ဝန်းရံပေးတာ သခင်သန်းထွန်းနဲ့ သခင်ဗဟိန်းပဲ။ ဒီဒုတ် ဦးဘချိုတို့၊ သခင်မြတို့၊ သခင်ချစ်တို့၊ ဗိုလ်လက်ျာတို့လည်း ပါတာပေါ့။ ကိုသန်းထွန်း နဲ့ ကိုဗဟိန်းကတော့ အနီးကပ်ကိုး။

* * * * *
ဒီတယောက်ကတော့ အစက အလံနီ၊ နောက်တော့ ဗကပ၊ ဟော… အခုတော့ မဆလ ဗိုလ်နေဝင်း နဲ့ သူနဲ့ ဉာဏ်ရည် ပြိုင်တဲ့ ပွဲပဲ။ ဘယ်သူနိုင်မလဲ စောင့်ကြည့်ရမှာပေါ့။ နှစ်ယောက်စလုံးကတော့ ဉာဏ်နီ ဉာဏ်နက် တွေချည်းပဲ။ သူက ဗိုလ်နေဝင်း အကြိုက်တွေ ရေးပြီး “ရွှေနားတော်သွင်းဧချင်း” လုပ်နေတယ်။ သမိုင်းကို လိမ်ပေးနေတယ်။ နေရတကာ သူသိသူတတ် လုပ်နေတယ်။ တချို့နေရာတွေမှာ သူပါတာမှန်ပေမယ့် နေရာ အများမှာ သူမပါဘူး၊ သူမသိဘဲ နဲ့ ရမ်းတုတ်နေတာတွေ များတယ်။ ကိုသိန်းဖေ စာအုပ်ထဲက ခိုးချနေတာပဲ။ အဲဒီလို ရေးပေးလို့လည်း ဗိုလ်နေဝင်းက ဆုလာဘ်တွေချ၊ သစ်တောတွေတောင် ပေးဆိုလားပဲ။ အေး.. မှတ်ထား ဘယ်နေ့ ဗိုလ်နေဝင်းရဲ့ ကန်အထုတ် ခံရမလဲ ဆိုတာပဲ။

* * * * *
အဲသလို လူပုဂ္ဂိုလ် တဦးစီ ရဲ့ အကြောင်း သူတွေ့ထိ၊ သိမြင် ရသလောက် ပြောပြလေ့ ရှိတယ်။ ကောင်းရင် ကောင်းသလို၊ ချီးကျူး ပြောဆိုတတ်ပြီး သူမကြိုက်တာကိုလည်း မကြိုက်သလို ပြောပြတတ်တယ်။ တခါတရံမှာ ဂျပန်တော်လှန်ရေး ကာလ အတွေ့အကြုံတွေ၊ ဂျပန်ခေတ် ဆေးရုံကြီး အကြောင်းတွေ မှတ်မိသမျှ ပြောပြတတ်တယ်။ တခါတရံမှာတော့ ပန်းတွေ အကြောင်း၊ အိမ်ရှေ့မှာ စိုက်ထားတဲ့ “လစ်လီ” ပန်းမျိုးတွေ အိန္ဒိယ က ယူလာခဲ့တဲ့ အကြောင်းတွေ ပြောတတ်တယ်။

စိတ်အားငယ်စရာ၊ စိတ်ပျက်စရာ စကားတွေ ပြောသံ မကြားရပါဘူး။ မုဆိုးမ ဘဝ သက်တမ်း တလျှောက်လုံး၊ သံအမတ်ကြီး ရာထူးကို စွန့်ခဲ့ရပြီး အထီးကျန် ဆန်ဆန် နေခဲ့ရတဲ့ ကာလ တလျှောက်လုံး တည်တည်ငြိမ်ငြိမ် နဲ့ ရပ်တည်ခဲ့တယ်။ အိမ်နိမ့်စံ ဘဝ၊ မုဆိုးမ ဘဝ နဲ့ သိမ်ငယ်နေရမယ့် အစား ပန်းပင်တွေနဲ့ စကားပြောရင်း သူ့ဘဝကို ကြံ့ကြံ့ခိုင်ခိုင် ရပ်တည် နိုင်ခဲ့တယ်။

တချိန်က ဗမာပြည်မှာ လျှမ်းလျှမ်းတောက်ခဲ့တဲ့ ဗိုလ်ချုပ်အောင်ဆန်း ကတော်ဟာ ဗိုလ်ချုပ် နဲ့ သေကွဲ ကွဲခဲ့ရတယ်။ မုဆိုးမဘဝနဲ့ ကြိုးစား ရပ်တည်နေတုန်း သားလတ်ဖြစ်သူ “အောင်ဆန်းလင်း” က သေမင်း နောက် ကောက်ကောက်ပါအောင် လိုက်သွားပြန်တယ်။ ကျန်တဲ့ သား နဲ့ သမီးက ရေမြေခြား နေခဲ့တယ်။

ဒီလို ပန်းပင်တွေကြားမှာ အလုပ်များနေခဲ့တဲ့ ဒေါ်ခင်ကြည်ကို ၁၉၁၂ ခုနှစ် ဧပြီလ (၁၆) ရက်နေ့ မြောင်းမြ မှာ မွေးခဲ့သတဲ့။ ဦးဘိုးညှင်း၊ ဒေါ်ဖွားစု တို့ရဲ့ သားသမီး (၁၀) ဦး ရှိတဲ့ အနက် သူမက အဋ္ဌမ မြောက် သမီးလေ။

ရန်ကုန် ကြည့်မြင်တိုင် အေဘီအမ် အမျိုးသမီးကျောင်း၊ မော်လမြိုင် မော်တင်လိန်း ဆရာ အတတ်သင်ကျောင်းတွေမှာ ပညာသင်ယူခဲ့တယ်။ မြောင်းမြ အမျိုးသမီးကျောင်းမှာ ဆရာမ လုပ်ခဲ့တယ်။ နောက် ဝါသနာပါတဲ့ သူနာပြု အလုပ်လုပ်နိုင်ရန် ရန်ကုန်ဆေးရုံကြီးနဲ့ ဒပ်ဖရင် ဆေးရုံကြီးတွေမှာ သူနာပြု အတတ်ကို သင်ယူခဲ့တယ်။ ဒုတိယ ကမ္ဘာစစ်ကြီး ဖြစ်လာစဉ် ရန်ကုန်ဆေးရုံကြီးမှာ သူနာပြု လုပ်နေခဲ့တယ်။ ဗြိတိသျှ တို့ အိန္ဒိယ ကို ဆုတ်ခွာတဲ့ အချိန်မှာ ရန်ကုန်ဆေးရုံကြီးက လူမမာ တချို့ကို ကာလကတ္တား ဆေးရုံကို ပြောင်းရွှေ့ပေးပြီး အိန္ဒိယ က ဗမာပြည်ကို နောက်ဆုံး သဘောင်္နဲ ပြန်ခဲ့ရပါသတဲ့။

ဂျပန်ခေတ် ၁၉၄၂ ရန်ကုန်ဆေးရုံကြီးကို ပြန်ဖွင့်တဲ့အခါ အဖွဲ့ဝင် သူနာပြု တဦးအဖြစ် တာဝန်ယူနေစဉ် ဆေးရုံတက်နေတဲ့ လူနာ ဗိုလ်ချုပ်အောင်ဆန်းနဲ့ မေတ္တာမျှပြီး အဲဒီနှစ် စက်တာဘာ (၆) ရက်နေ့မှာ လက်ထပ်ခဲ့ ဆိုကိုး။

၁၉၆၀ ခုနှစ်မှာ အိန္ဒိယ နဲ့ နီပေါ နိုင်ငံ ဆိုင်ရာ သံအမတ်ကြီး အဖြစ် ဦးနု ပထစ အစိုးရက တာဝန်ပေးခဲ့တယ်။ ၁၉၆၇ ခုနှစ် ဗိုလ်နေဝင်း ရဲ့ တော်လှန်ရေးကောင်စီ အစိုးရ လက်ထက်မှာ အငြိမ်းစား ပေးခံခဲ့ရတယ်။
ဒေါ်ခင်ကြည်ဟာ ပထမဦးဆုံး မြန်မာဗိုလ်ချုပ်ကြီး၊ စစ်သေနာပတိ၊ စစ်ဝန်ကြီး ဖြစ်တဲ့ ဗိုလ်ချုပ်အောင်ဆန်း ရဲ့ ဇနီး ဖြစ်တယ်။ ဗမာ့သမိုင်းထဲက အထွတ်အထိပ် ရောက်ခဲ့ကြတဲ့ သမ္မတကြီး စဝ်ရွှေသိုက်၊ ဝန်ကြီးချုပ် ဦးနု၊ ဦးဘဆွေ၊ ဦးကျော်ငြိမ်း၊ ဦးနေဝင်း၊ သခင်သန်းထွန်း တို့နဲ့ လက်ရေတပြင်တည်း နေခဲ့ကြတယ်။ မောင့်ဘက်တန်၊ ဂဝါဟလာနေရူး၊ အင်ဒီရာ ဂန္ဒီ၊ သီရိလင်္ကာ ဝန်ကြီးချုပ် မစ္စက် ဘန္ဒရာ နာယကေး တို့လို နိုင်ငံခြား တိုင်းပြည်က ခေါင်းဆောင်တချို့ နဲ့ တရင်းတနှီး ဆက်ဆံ နေထိုင်ခဲ့ရတယ်။
၁၉၆၇ သံအမတ်ကြီးရာထူးက အငြိမ်းစားယူလိုက်ရချိန်ကစပြီး သူ့ခြံထဲက ဥယျာဉ် သေးသေးလေးထဲမှာ ပန်းပင်ကလေးတွေနဲ့ စကားပြောရင်း မိတ်ဆွေ အပေါင်းအသင်းတွေနဲ့ စကားလက်ဆုံကျရင်း သူ့ဘဝကို သူကိုယ်တိုင် ပြုစု ပျိုးထောင်ရင်း လောကဓံ ကို ကြံ့ကြံ့ခံ နေထိုင်ခဲ့တယ်။

တကယ်တော့ ဗိုလ်ချုပ်ကတော်၊ တပ်မတော်ရဲ့ ဖခင်ကြီး၊ မိခင်ကြီး ဘဝက အရာကျ၊ အိမ်နိမ့်စံ ဘဝ၊ သံအမတ်ကြီး ဘဝက အရာကျ အိမ်နိမ့်စံ ဘဝ နှစ်ဘဝ ရောက်ခဲ့ပေမယ့် အနိုင်မခံ၊ အရှုံးမပေးဘဲ စိတ်ဓာတ် ကြံ့ခိုင်မှုမျိုးနဲ့ ရပ်တည်ရင်း ၁၉၈၈ ခုနှစ် ဒီဇင်ဘာ (၂၇) ရက်နေ့မှာ မဟာသုဓမ္မဒေါ်ခင်ကြည်ဟာ ဘဝတပါး ပြောင်းရွှေ့ သွားရှာပါတော့တယ်။

ဒေါ်ဒေါ် ကောင်းရာ သုဂတိ လားပါစေ။


(မြန်မာသစ် မဂ္ဂဇင်း၊ ဧပြီ/၂၀၁၂ တွင် မူရင်းပုံနှိပ်သည်)
လှကွန့်
Read More »

သယံဇာတ ပေါကြွယ်ဝသော်လည်း သန်း ၆၀ မျှသော ပြည်သူများ ဆင်းရဲနွမ်းပါး နေသည်မှာ မည်သည့် နေရာတွင် မှားယွင်းနေ သနည်းဟု သမိုင်းပညာရှင် ဦးစိုင်းအောင်ထွန်း မေးခွန်းထုတ်



သမိုင်းပညာရှင် တစ်ဦးဖြစ်သည့် ရှမ်းအမျိုးသား ၀ါရင့်နိုင်ငံရေး သမားကြီး ဦးစိုင်းအောင်ထွန်းက မြန်မာပြည်သည် သယံဇာတ ပေါများသော်လည်း မြန်မာပြည်တွင် မှီတင်းနေထိုင်ကြသည့် သန်း ၆၀ မျှသော ပြည်သူများ ဆင်းရဲနွမ်းပါး နေသည်မှာ မည်သည့်နေရာတွင် မှားယွင်းနေ သနည်းဟူ၍ တော်ဝင်နှင်းဆီ ခန်းမတွင် ဇူလိုင် ၂၂ ရက်က ကျင်းပသည့် တိုင်းရင်းသား ၀ါရင့်နိုင်ငံရေး သမားများ ဂါရ၀ပြုပွဲတွင် မေးခွန်းထုတ်လိုက်သည်။

ဦးစိုင်းအောင်ထွန်းက ''ကျွန်တော်တို့ နိုင်ငံမှာ လူဦးရေ သန်း ၆၀ ရှိတယ်။ လုပ်မယ်ဆိုရင် လုပ်စရာတွေ အများကြီးရှိတယ်။ ပြောရမယ်ဆိုရင် လူတောင်မလောက်ဘူးဗျ။ တကယ်လို့ ကျွန်တော်တို့ဆီမှာ လုပ်ရမယ်လို့ စီမံချက်မျိုးရှိရင် လူဦးရေ သန်း ၆၀ ဆိုတာ လူတောင် မလောက်ပါဘူး။ သူများ သန်း၂၀၀၊ သန်း ၁၀၀၀ ကိုတောင် ကျွေးနိုင်တယ်ဆိုရင် ကျွန်တော်တို့ သန်း ၆၀ ကို မကျွေးနိုင်ဘူး။ မကူညီနိုင်ဘူး။ မစောင့်ရှောက်နိုင်ဘူးဆိုရင် ကျွန်တော်တို့ ဘယ်နေရာမှာ မှားနေလဲ။ ပြီးတော့လဲ ကျွန်တော်တို့ဆီမှာ သယံဇာတတွေ အများကြီး ရှိနေတယ်။ ဒါပေမဲ့ ထမင်းငတ်နေတယ်။ ချို့တဲ့နေတယ်။ ဒါဟာ ဘာဖြစ်လို့လဲဆိုတာကို သေချာစဉ်းစား ကြည့်ရမယ်။ ဘယ်နေရာမှာ အံချော်နေလဲ ဆိုတာကို အားလုံးက ၀ိုင်းစဉ်းစားရမှာပါ'' ဟု ပြောကြားသည်။

ထို့နောက် ပညာတတ်သူများ တိုင်းပြည်ပြင်ပကို ရောက်ရှိပါက Brain Drain ဟု ခေါ်ဆိုနိုင်ပြီး တိုင်းပြည်အတွင်းမှ လူအတော်များများ ရွှေ့ပြောင်းနေခြင်းမှာ Brain Drain တွင်မကတော့ဘဲ Human Drain ဟု ခေါ်ဆိုကြရမှာ ဖြစ်ကြောင်းနှင့် ဤတိုင်းပြည်အတွင်း တိုင်းရင်းသား မျိုးနွယ်စုများ အဘယ်ကြောင့် အတူတကွ နေထိုင်ကြသည်ကို လေ့လာရန် လိုသလို ဤတိုင်းပြည်မှ ပြင်ပသို့ အဘယ်ကြောင့် ထွက်ခွာလိုသည်ကိုလည်း သေချာလေ့လာ ဆန်းစစ်ရန် လိုအပ်သည်ဟု အကြံပြုခဲ့သည်။

ထို့အပြင် တိုင်းပြည်များအား လေ့လာရာတွင် သုံးမျိုးသုံးစား ခွဲထားကြောင်းနှင့် ထိုအမျိုးအစားများမှာ Strong State, Weak State, Failed State တို့ဖြစ်ပြီး Strong State ဆိုသည်မှာ အင်အားကောင်းမွန်ကာ အရာရာ အညီအမျှ တိုးတက်နေကြခြင်း ဖြစ်ပြီး Weak State ဆိုသည်မှာ တိုးတက်မှု မညီမျှသောကြောင့် အင်အားမကောင်းသော တိုင်းပြည်မျိုးဖြစ်ကာ Failed State ဆိုသည်မှာ အင်အား မကောင်းရုံ မကတော့ဘဲ ဖွံ့ဖြိုးတိုးတက်မှု ဆုတ်ယုတ်ကာ တိုင်းပြည်ပြိုကွဲနေသော အခြေအနေမျိုး ဖြစ်သည်ဟု ရှင်းလင်းခဲ့သည်။ ထို့နောက် မိမိတိုင်းပြည်သည် မည်သည့် အဆင့်တွင် ရှိနေသည်ကို ကိုယ်တိုင်သုံးသပ်ကာ မည်သည့် အဆင့်အထိ ရောက်လိုသည်ကို သေချာသုံးသပ် နိုင်မှသာ မိမိတို့ ရည်မှန်းချက် အောင်မြင်မည် ဖြစ်ကြောင်း ဆိုသည်။

ထို့ကြောင့် မြန်မာပြည်၏ ပင်လုံစိတ်ဓာတ်ကြောင့် တစ်ကမ္ဘာလုံး တုန်လှုပ်ခဲ့ကြရကြောင်းကို ဦးစိုင်းအောင်ထွန်းက ''တစ်ခါက ကောင်လေး တစ်ယောက်က ဗိုလ်ချုပ်အောင်ဆန်း အရုပ်ရဲ့ အိတ်ထောင်ထဲကို နှိုက်ကြည့်တယ်။ လူကြီးတွေက ကောင်လေး ဘာလုပ်တာလဲ ဆိုတော့ ပင်လုံစာချုပ် ဗိုလ်ချုပ်အိတ်ထဲ ပါသွားလား သိချင်လို့တဲ့။ စာချုပ်ကတစ်ခု၊ စိတ်ဓာတ်က တစ်ခု၊ စိတ်ဓာတ်ကြောင့်သာ စာချုပ်ဖြစ်လာတယ်။ ဗိုလ်ချုပ်အောင်ဆန်းက မရှိတော့ဘူး။ သူပြောတဲ့ စကားတွေကိုလည်း ဘယ်သူကမှ မလိုက်နာဘူး။ သူထားခဲ့တဲ့ လမ်းစဉ်ကို ဘယ်သူကမှ မကျင့်သုံးဘူး။ ဒါကြောင့် ဒီလောက်အထိ ဖြစ်သွားတယ်။ အဲဒါ သူမရှိလို့ဖြစ်တာ သူပြောသလို မလုပ်လို့ ဖြစ်တာ။ ပင်လုံစိတ်ဓာတ်ကြောင့် တစ်ကမ္ဘာလုံး တုန်လှုပ်ခဲ့ရတယ်။ ဒါကြောင့်ပဲ လွတ်လပ်ရေးရတာလို့ ပြောရင်မမှားဘူး။ ပင်လုံ စိတ်ဓာတ်ကြောင့်ပဲ ဒေါ်စုပေါ်လာတယ်လို့ ပြောရင်မမှားဘူးလို့ ကျွန်တော်ထင်ပါတယ်။ ပင်လုံစိတ်ဓာတ်ကြောင့်ပဲ ကုလသမဂ္ဂမှာ အစောဆုံး အဖွဲ့ဝင် ဖြစ်ခဲ့ရတာပါ။ ဒါကြောင့် ပင်လုံစိတ်ဓာတ်ဆိုတာ ဘယ်လို ဖျောက်ဖျောက် မပျောက်ပါဘူး'' ဟု ပြောကြားသည်။

ထို့နောက် ပင်လုံကတိ ပျက်ခဲ့သောကြောင့် ပြည်တွင်းစစ် ဖြစ်ခဲ့ရပြီး ထိုပြည်တွင်းစစ်အတွင်း သေဆုံးသူများ၏ စာရင်းကို ထုတ်ပြန်ရန် မလွယ်ကူကြောင်းနှင့် ပြည်တွင်းစစ်အတွင်း မိမိ၏ ကိုယ်ပိုင်မဟုတ်သော လက်နက်များဖြင့် အချင်းချင်း ပစ်ခတ်နေကြရခြင်းကြောင့် တိုင်းပြည်၏ အရှုံးများသာ ဖြစ်သည်ဟု ပြောကြားခဲ့ပြီး အဆုံး၌ ကမ္ဘာကြီးပေါ်တွင် စနစ်အမျိုးမျိုး ကျဆုံးသွားရသော်လည်း ရောမခေတ် ကတည်းက စတင်ခဲ့သည့် ဒီမိုကရေစီ စနစ်သာ ကျန်ရစ်ခဲ့ခြင်းဖြစ်ပြီး ဒီမိုကရေစီ စနစ်သို့ ပြောင်းလဲမည် ဆိုပါက ဒီမိုကရေစီစနစ်နှင့် ကိုက်ညီသော အတွေးအခေါ်ကို ပြောင်းလဲဖို့ အရေးတကြီး လိုအပ်သည်ဟု ပြောကြားကာ နိဂုံးချုပ်ခဲ့သည်။

Credit To EMG
Read More »

လူပေါင်း ၃၅၀ သာအသုံးပြုသည့် ဘာသာစကားအသစ်အား တွေ့ရှိ


ယနေ့ခေတ်လူငယ်များ သည် မိမိတို့၏ရိုးရာဘာသာ စကားအားတစ်ခါတစ်ရံမှသာ အသုံးပြုကြသော်လည်း သြစ တြေးလျနိုင်ငံ၏ ဝေးလံသီခေါင် သောမြို့ကလေးတစ်မြို့မှလူငယ် များမှာမူရိုးရာဘာသာစကားကို အသုံးပြုလျှက်ရှိကြသ
ည်။
မီချီဂန် လန်းဂွစ်ကာမဲလ် အို ရှန်နက်စီ တက္ကသိုလ်သည် သြစတြေးလျနိုင်ငံရှိ လာဂျာမာ နူးမြို့ကလေးအား ဆယ်စုနှစ်တစ် ခုအကြာလေ့လာခဲ့ရာတွင် အ သက်၃၅နှစ်အောက် မြို့နေလူထု အားလုံးနီးပါးဖြစ်သည့် လူပေါင်း ၃၅၀ခန့်သည် အသစ်တွေ့ရှိရ သော ဘာသာစကားအားပြော ဆိုလျှက်ရှိကြောင်း တွေ့ရှိရ သည်။
အသစ်တွေ့ရှိရသော “လိုက် ၀ါပီရီ”ဘာသာစကားသည် အင်္ဂလိပ်ဘာသာစကားနှင့် ဒေသ ခံတိုင်းရင်းသားစကားနှစ်မျိုးဖြစ် သော ကရီအောလ်နှင့်ဝါပီရီ ဘာသာစကားမှဖြစ်ကြောင်း အို ရှန်နက်စီက လိုက်ဖ်ဆိုင်းယင့်စ် မဂ္ဂဇင်းသို့ပြောကြားသည်။
လာဂျာမာနူးသည် အထီး ကျန် သီးခြားမြို့ကလေးဖြစ်ပြီး ကောင်းမွန်စွာဖောက်လုပ်ထား သော လမ်းများမရှိဘဲ လေယာဉ် ငယ်ကလေးဖြင့် ရက်သတ္ထပတ် တစ်ပတ်လျှင်တစ်ကြိမ် စာဖြန့်ဝေ ပေးသော မြို့ကလေးဖြစ်သည်။ ထောက်ပံ့ရေးထရပ်ကားများ လည်း ထိုမြို့ရှိ တစ်ခုတည်း သော စတိုးဆိုင်သို့ တစ်ပတ်လျှင်တစ် ကြိမ် ပစ္စည်းပို့ပေးသည်။
ဝါပီရီဘာသာစကားမှာ ထို ဒေသတွင်းရှိ လူပေါင်း၆၀၀၀ခန့် ပြောကြားသော ဘာသာစကား ဖြစ်ကြောင်း ဒေးလီးဂရပ်ဖ် သတင်းစာက ရေးသားဖော်ပြ လိုက်ပြီး ကရီအော်လ် ဘာသာ စကားမှသြစတြေးလျနိုင်ငံတွင် မကြာသေးမီက တီထွင်လိုက် သော ဘာသာစကားဖြစ်ကာ နိုင်ငံ၏ မြောက်ပိုင်းနှင့်အနောက် ပိုင်းတွင် ၁၈၀၀ပြည့်လွန်နှစ်များ က ပထမဆုံးအသုံးပြုခဲ့သည့် ဘာသာစကားဖြစ်သည်။
လိုက်ဝါပီရီဘာသာစကား ဖြစ်ပေါ်လာပုံမှာ လာဂျာမာနူးမှ အလုပ်သမားများအား အနီး အနားရှိ မွေးမြူရေးလုပ်ငန်းများမှ ငှားရမ်းခဲ့ကြပြီး ထိုသူများပြန် လည်ရောက်ရှိလာသည့်အခါတွင် ၀ါပီရီ၊အင်္ဂလိပ်နှင့်ကရီအော ဘာသာစကားများအားရောနှော ပြောဆိုခဲ့ရာမှ တဖြည်းဖြည်းချင်း ၎င်းတို့၏ကိုယ်ပိုင်ဘာသာစကား ဖြစ်လာဟန်တူကြောင်း အိုရှန် နက်စီက ဆက်လက်ပြောကြား လိုက်သည်။
Credit To Hot News Journal
ဥက္ကာအောင်
         Source:Yahoo!News

Read More »

အာဇာနည်နေ့ အနီးတစ်ဝိုက် နိုင်ငံရေး ရာသီဥတု



တက္ကသိုလ် ရိပ်သာလမ်းရှိ ဒေါ်အောင်ဆန်းစုကြည် နေအိမ်တွင် (၆၆)နှစ်ပြည့် အာဇာနည်နေ့ အထိမ်းအမှတ် ဆရာတော်များအား ဆွမ်းဆက်ကပ်လှူဒါန်းစဉ်
၂၀၁၃ ခုနှစ်၊ ဇူလိုင် ၁၉ ရက်တွင် ကျရောက်ခဲ့သော (၆၆) ကြိမ်မြောက် အာဇာနည်နေ့နှင့် အနီးတစ်ဝိုက် ကာလတွင် မျက်မှောက်မြန်မာ့နိုင်ငံရေး၌ စိတ်ဝင်စားဖွယ်၊ စိတ်လှုပ်ရှားဖွယ် ဖြစ်စဉ်အချို့နှင့်အတူ အကောင်းဘက်သို့ ပိုမိုဦးတည်သည်ဟု ယူဆနိုင်သော နိုင်ငံရေးခြေလှမ်း အချို့ကို သတိပြုမိသည်။ ထို့ကြောင့် ဘင်္ဂလား ပင်လယ်အော်တွင် ဖြစ်ပေါ်နေသော လေဖိအားနည်းရပ်ဝန်းကို အကြောင်းပြုလျက် မိုးအုပ်လိုက်၊ မိုးရွာချလိုက် ဖြစ်နေခဲ့သော ၂၀၁၃ ခုနှစ် အာဇာနည်နေ့ အနီးတစ်ဝိုက် နိုင်ငံရေး ရာသီဥတုသည် သာယာသည်ဟု မှတ်ချက်ပြုရမည် ဖြစ်သည်။
ယခုနှစ် အာဇာနည်နေ့ အခမ်းအနားများသည် ၁၉၈၈ ခုနှစ် နောက်ပိုင်းတွင် နိုင်ငံရေး အနှစ်သာရကဲသော၊ ပြည်သူလူထု၏ ပူးပေါင်းပါဝင်မှု ပိုသာသော၊ အမျိုးသားပြန်လည် သင့်မြတ်ရေး အသွင်ဆောင်သော လူထုလှုပ်ရှားမှုများဟု မှတ်ချက်ပြုနိုင်သည့်အပြင် တစ်နိုင်ငံလုံး အတိုင်းအတာဖြင့် လွတ်လွတ်လပ်လပ် လုပ်နိုင်ခဲ့သည်မှာ အထင်အရှား ဖြစ်သည်။ နိုင်ငံရေး အနှစ်သာရပိုင်းအရပြောလျှင် လွတ်လပ်ရေးအလွန် အခင်းအကျင်းတွင် နိုင်ငံရေး အသွေးအရောင် အစုံဆုံး၊ လူထုပါဝင်မှု အမြင့်မားဆုံး အထိမ်းအမှတ် အခမ်းအနား တစ်ခုဟုပင် မှတ်ချက်ပြုနိုင်သည်။ ရုပ်မြင်သံကြားလိုင်းများ၊ ရေဒီယိုလိုင်းများ၊ အက်ဖ်အမ် ရေဒီယိုလိုင်းများ၊ သတင်းစာများနှင့် ဂျာနယ်များတွင် အာဇာနည်နေ့အကြောင်း၊ ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများတို့ အကြောင်းတို့နှင့် ဖွေးဖွေးလှုပ် ဂုဏ်ပြုအမှတ်ရ နေခဲ့ကြသည်ကိုကြည့်ပြီး မျက်ရည်လည်မိ ၀မ်းသာလုံးဆို့မိသည်။
၂၀၁၃ ခုနှစ် အာဇာနည်နေ့ အခမ်းအနားကို ယခုကဲ့သို့ နိုင်ငံရေး အနှစ်သာရရှိရှိ ကျင်းပနိုင်ခဲ့မှုတွင် အစိုးရ၊ လွှတ်တော်၊ နိုင်ငံရေး ပါတီများနှင့် အဖွဲ့အစည်းများတို့၏ ဟန်ချက်ညီညီ၊ နားလည်မှုရှိရှိ ပူးပေါင်းဆောင်ရွက် မှုသည်လည်း အလွန်ပဓာန ကျသည်။ နောင်လာမည့် နှစ်များတွင်လည်း ယခုနှစ်ထက် ပိုမိုကြီးကျယ်သော၊ တစ်နိုင်ငံလုံး ပါဝင်သော၊ နိုင်ငံရေး အနှစ်သာရ မြင့်မားသော အမျိုးသား လှုပ်ရှားမှုကြီးအဖြစ် အာဇာနည်နေ့ကို ကျင်းပနိုင်လိမ့်မည်ဟု မျှော်လင့်မိသည်။
မြန်မာနိုင်ငံတွင် အာဇာနည်နေ့ အခမ်းအနားကို လူထုပါဝင်မှု၊ နိုင်ငံရေးရေချိန်မြင့်မြင့် ကျင်းပနေချိန်၌ သမ္မတဦးသိန်းစိန်သည် ဗြိတိန်နိုင်ငံမှတစ်ဆင့် ပြင်သစ်နိုင်ငံသို့ တရားဝင် ချစ်ကြည်ရေး အလည်အပတ်ခရီး ရောက်ရှိနေသည်။ နိုင်ငံခြား အလည်အပတ် ခရီးစဉ်အတွင်း သမ္မတ ဦးသိန်းစိန်၏ ၂၀၁၅ ခုနှစ် ရွေးကောက်ပွဲ အလွန်တွင် သမ္မတအဖြစ် ပြန်အရွေးခံမည် မဟုတ်ကြောင်း ဆိုင်းမဆင့်ဗုံမဆင့် ထုတ်ဖော်ပြောကြားမှုသည် ပြည်တွင်းနိုင်ငံရေး အခင်းအကျင်းအပေါ် များစွာသက်ရောက်မှု ရှိလာနိုင်ပြီး နိုင်ငံရေးအရ သုံးပွင့်ဆိုင်ပုံစံမှ စီးချင်းထိုးသည့် ပုံစံသို့ ပြောင်းလဲလာစေနိုင်ဖွယ် ရှိနေသည်ကိုလည်း သတိပြုမိသည်။
သမ္မတ ဦးသိန်းစိန်၏ အင်္ဂလန်နိုင်ငံနှင့် ပြင်သစ်နိုင်ငံ ချစ်ကြည်ရေး ခရီးစဉ်အတွင်း ဇူလိုင် ၁၆ ရက်၊ ပန်ခရက်စ်ရီနေးဆန့် ဟိုတယ်တွင် ဘီဘီစီနှင့် သီးခြားတွေ့ဆုံ မေးမြန်းခန်း၌ သမ္မတဦးသိန်းစိန် အနေဖြင့် အသက်အရွယ်နှင့် ကျန်းမာရေးအရ သမ္မတ ဒုတိယသက်တမ်းကို တာဝန်ထမ်းဆောင်ရန် ဆန္ဒမရှိကြောင်း၊ သူရဦးရွှေမန်းနှင့် ဒေါ်အောင်ဆန်းစုကြည်တို့သည် သူ၏ပြိုင်ဘက်များ မဟုတ်ကြောင်းတို့ကို တရားဝင်ထုတ်ဖော် ပြောကြားခဲ့သည်။ သမ္မတဦးသိန်းစိန်၏ ဒုတိယသက်တမ်း အရွေးမခံလိုကြောင်း ပြောဆိုမှုသည် သူရဦးရွှေမန်းနှင့် ဒေါ်အောင်ဆန်းစုကြည်အကြား သမ္မတနေရာ အရွေးခံရရေးအတွက် နိုင်ငံရေးအရ မျက်နှာချင်းဆိုင် စီးချင်းထိုးရမည့် အခြေအနေသို့ ဆိုက်ရောက်စေခဲ့သည်ဟု ကောက်ချက်ပြုနိုင်သည်။
သမ္မတဦးသိန်းစိန်နှင့် ဘီဘီစီ တွေ့ဆုံမေးမြန်းခန်းနှင့် မရှေးမနှောင်း ဇူလိုင် ၁၇ ရက်တွင် ပြည်သူ့လွှတ်တော်ဥက္ကဋ္ဌ သူရဦးရွှေမန်းသည် နေပြည်တော် ပြည်သူ့လွှတ်တော်၌ လွှတ်တော်သတင်းများ လာရောက်ယူနေသည့် သတင်းမီဒီယာများနှင့် တွေ့ဆုံခဲ့ပြီး ငြိမ်းချမ်းရေး ဆွေးနွေးပွဲများ ကိစ္စ၊ လယ်ယာမြေ သိမ်းယူမှုကိစ္စ၊ အမျိုးသား ကာကွယ်ရေးနှင့် လုံခြုံရေးကောင်စီ ကိစ္စ၊ ဖွဲ့စည်းပုံ အခြေခံဥပဒေ ပြင်ဆင်ရေး ကိစ္စ၊ လက်ရှိအပြောင်းအလဲ အနှေးအမြန် ကိစ္စ၊ သမ္မတအဖြစ် လုပ်ခွင့်ရှိလျှင် လုပ်လိုသည့် ကိစ္စ၊ ပုံနှိပ်နှင့်ထုတ်ဝေ ဥပဒေ၊ လျှပ်စစ်ဥပဒေ ကိစ္စများကို အကျယ်တ၀င့် ဖြေကြားခဲ့သည်။ ပြည်သူ့လွှတ်တော် ဥက္ကဋ္ဌနှင့် မကြာမီ ပြည်ထောင်စုလွှတ်တော် ဥက္ကဋ္ဌဖြစ်လာမည့်သူ တစ်ဦး၏ သတင်းမီဒီယာများနှင့် ပွင့်ပွင့်လင်းလင်း တွေ့ဆုံဖြေကြားမှုသည် အားရဖွယ်ခြေလှမ်းတစ်ခုဟု သတ်မှတ်ရမည် ဖြစ်သည်။
သတင်းမီဒီယာများနှင့် ပုံမှန်ထိတွေ့မှုမှတစ်ဆင့် အစိုးရ ခေါင်းဆောင်များ၊ လွှတ်တော်အကြီးအကဲများ၊ နိုင်ငံရေး ခေါင်းဆောင်များနှင့် နိုင်ငံရေးသမားများသည် ထင်မြင်ချက်များ၊ အသိအမြင်များ၊ သုံးသပ်ချက်များ၊ မှတ်ချက်များ၊ သတင်းအချက်အလက်များကို ပြည်သူလူထုထံသို့ အလျင်အမြန် ပို့ဆောင်နိုင်သည်ကို တန်ဖိုးထားရမည် ဖြစ်သည်။ သို့သော် သတင်းမီဒီယာများ အနေဖြင့် ပြည်သူလူထုအတွက် လိုအပ်တန်ဖိုးရှိမည့် အကြောင်းအရာများကိုသာ တည်းဖြတ်ထည့်သွင်းမည် ဖြစ်သဖြင့် ခေါင်းဆောင်များနှင့် အကြီးအကဲများ ပြောသမျှအားလုံးကို ဖော်ပြနိုင်မည် မဟုတ်သည်ကို လိုရာဆွဲရေးသည်၊ ဘက်လိုက်သည်ဟု မှတ်ချက်မပြုနိုင်သည်ကိုလည်း ဆင်ခြင်သင့်သည်။ မည်သို့ပင်ဖြစ်စေ ခေါင်းဆောင်များသည် သတင်းမီဒီယာများကို တန်ဖိုးထားလာပြီး ထိတွေ့ဆက်ဆံမှု ပုံမှန်ပြုလုပ် လာခြင်းအပေါ် အကောင်းမြင်ရမည်သာ ဖြစ်သည်။
ပြည်သူ့လွှတ်တော်ဥက္ကဋ္ဌ သူရဦးရွှေမန်းက နိုင်ငံနှင့်နိုင်ငံသား အကျိုးစီးပွားကို လုပ်ပေးနိုင်ဖို့ ယနေ့တာဝန် ထမ်းဆောင်နေခြင်းဖြစ်ပြီး နိုင်ငံနှင့်နိုင်ငံသားများ အကျိုးစီးပွားကို အမြင့်ဆုံး လုပ်ပေးနိုင်မည့် သမ္မတတာဝန်ကို ထမ်းဆောင်လိုကြောင်း အမေရိကန်ခရီးစဉ်အတွင်း ပြောကြားချက်ကို နေပြည်တော်တွင် သတင်းမီဒီယာများနှင့် တွေ့ဆုံစဉ် ထပ်မံအတည်ပြု ပြောကြားခဲ့သည်။ မြန်မာ့နိုင်ငံရေးတွင် သမ္မတလောင်း နှစ်ဦး၏ အနေအထားကိုကြည့်လျှင် သူရဦးရွှေမန်း အနေဖြင့် သမ္မတဖြစ်နိုင်ရန် ဒေါ်အောင်ဆန်းစုကြည်၏ ထောက်ခံမှု လိုအပ်ပြီး ဒေါ်အောင်ဆန်းစုကြည် အနေဖြင့် သမ္မတဖြစ်ရန် ဖွဲ့စည်းပုံအခြေခံ ဥပဒေပြင်ဆင်မှု လိုအပ်နေသည်။ ဖွဲ့စည်းပုံ အခြေခံဥပဒေ ပြင်ဆင်ရာတွင် ပြည်ခိုင်ဖြိုးပါတီဥက္ကဋ္ဌ သူရဦးရွှေမန်း၏ အခန်းကဏ္ဍမှာလည်း အဓိကကျနသည်။
ဒေါ်အောင်ဆန်းစုကြည်ကို သမ္မတအဖြစ် ရွေးကောက်နိုင်ရေးတွင် ဖွဲ့စည်းပုံ အခြေခံဥပဒေ၏ နိုင်ငံတော်အကြီးအကဲ အခန်းပါ ပြဋ္ဌာန်းချက်များနှင့် ညှိစွန်းနေသဖြင့် အဆိုပါ ပြဋ္ဌာန်းချက်များကို မပြင်နိုင်လျှင် ဒေါ်အောင်ဆန်းစုကြည် အနေဖြင့် သမ္မတ မဖြစ်နိုင်ပေ။ ထို့ကြောင့် ဒေါ်အောင်ဆန်းစုကြည် သမ္မတဖြစ်နိုင်၊ မဖြစ်နိုင်သည် ဖွဲ့စည်းပုံ အခြေခံဥပဒေ လေ့လာသုံးသပ်ရေး ပူးပေါင်းကော်မတီ၏ ပြည်ထောင်စုလွှတ်တော်သို့ တင်သွင်းမည့် အစီရင်ခံစာအပေါ်တွင် တည်မှီနေမည် ဖြစ်သည်။ ပြင်ဆင်၊ ပယ်ဖျက်၊ အစားထိုးသင့်သော ပုဒ်မများကို ပူးပေါင်းကော်မတီ အနေဖြင့် ဆုံးဖြတ်ပြီး ပြည်ထောင်စု လွှတ်တော်ကို အစီရင် ခံမည်ဖြစ်သဖြင့် ကော်မတီ၏ အဆုံးအဖြတ်များသည် ကော်မတီ၏ ဖွဲ့စည်းပုံနှင့် ဆက်စပ်နေသည်။ ကော်မတီအဖွဲ့ဝင် ၁၀၉ ဦးတွင် လွှတ်တော်နှစ်ရပ်မှ အချိုးညီညီ၊ နိုင်ငံရေး ပါတီများမှ အချိုးကျ၊ ကိုယ်စားလှယ်များ ပါဝင်သဖြင့် ပြည်ခိုင်ဖြိုးပါတီသည် ကော်မတီဝင် ၅၀ ကျော်၊ အန်အယ်လ်ဒီပါတီသည် ကော်မတီဝင် ခုနစ်ဦးနှင့် တပ်မတော်သား ကိုယ်စားလှယ် ၂၅ ဦး အသီးသီး ပါဝင်မည်ဖြစ်သည်။ ပူးပေါင်းကော်မတီ ဖွဲ့စည်းရာတွင် အချိုးကျ ကိုယ်စားပြုသည့် စနစ်ပုံစံကို အခြေခံထားသည်ကိုလည်း တွေ့ရသည်။
အာဇာနည်နေ့အလွန် ၂၀၁၅ ခုနှစ် ရွေးကောက်ပွဲ မတိုင်မီ နိုင်ငံရေး အခင်းအကျင်းသည် သူရဦးရွှေမန်းနှင့် ဒေါ်အောင်ဆန်းစုကြည်အကြား နိုင်ငံရေး စီးချင်းထိုးမည့် အခင်းအကျင်းလား နိုင်ငံရေးပေါင်းထုပ်မည့် အခင်းအကျင်းလား ဆိုသည်ကိုမူ စောင့်ကြည့်ရဦးမည် ဖြစ်သည်။ အုပ်ချုပ်ရေးမဏ္ဍိုင်၊ ဥပဒေပြုရေး မဏ္ဍိုင်နှင့် တရားစီရင်ရေး မဏ္ဍိုင်တို့သည် ပြည်သူလူထုကို မျက်နှာမူနေသရွေ့ . . . . .
၂၀၁၃ ခုနှစ်၊ ဇူလိုင် ၁၈ ရက်တွင် ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီဥက္ကဋ္ဌ ဒေါ်အောင်ဆန်းစုကြည်နှင့် ပြည်သူ့လွှတ်တော် ပို့ဆောင်ရေး၊ ဆက်သွယ်ရေးနှင့် ဆောက်လုပ်ရေးဆိုင်ရာ ကော်မတီဥက္ကဋ္ဌ ဦးသိန်းဆွေတို့သည် မြန်မာဂျာနယ်လစ်ကွန်ရက် (အမ်ဂျေအန်)နှင့် သတင်းမီဒီယာများနှင့် လွှတ်တော်ဝင်းအတွင်းရှိ ဇမ္ဗူသီရိဆောင်၊ မီဒီယာခန်းမ၌ သီးသန့်တွေ့ဆုံခဲ့စဉ် ဒေါ်အောင်ဆန်းစုကြည်က သူရဦးရွှေမန်း အနေဖြင့် မိမိနှင့် ယှဉ်ပြိုင်ရဲပါက သမ္မတဖြစ်အောင် ဖွဲ့စည်းပုံ အခြေခံဥပဒေ ပြင်ဆင်ရေး ဆောင်ရွက်ပေးရမည်ဖြစ်ပြီး ရွေးကောက်ပွဲကိုလည်း မျှမျှတတဖြစ်အောင် ဆောင်ရွက်ပေးရမည်ဟု ပြောကြားချက်အပေါ် သူရဦးရွှေမန်းက အဖြစ်နိုင်ဆုံး အမျှတဆုံးဖြစ်အောင် ဥက္ကဋ္ဌဘက်က ကြိုးစားပေးမည်ဖြစ်ကြောင်း ပြန်လည်ဖြေကြားခဲ့သည်။
ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီနှင့် တပ်မတော်အနေဖြင့် ဒေါ်အောင်ဆန်းစုကြည်ကို နိုင်ငံတော် သမ္မတအဖြစ် လက်ခံနိုင်ရန် အဆင်သင့် ဖြစ်၊ မဖြစ်ဆိုသော အချက်သည် ဒေါ်အောင်ဆန်းစုကြည် အနေဖြင့် သမ္မတဖြစ်ရေးတွင် နိုင်ငံရေးအရ ပိုမိုပဓာန ကျသည်ဟု ဆိုနိုင်သည်။ လက်ရှိပကတိ အခြေအနေတွင် ပြည်ခိုင်ဖြိုးပါတီနှင့် တပ်မတော်၏ ထောက်ခံမှုကို ရရှိမှသာ ဒေါ်အောင်ဆန်းစုကြည်ကို သမ္မတဖြစ်ရန် ကန့်သတ်ထားသော အချက်များ အပါအ၀င် အခြားဖွဲ့စည်းပုံ အခြေခံဥပဒေ ပြင်ဆင်မှုများကို ပြည်ထောင်စုလွှတ်တော်တွင် အကောင်အထည် ဖော်နိုင်မည်ဖြစ်သည်။ သို့မဟုတ်ပါက ဒေါ်အောင်ဆန်းစုကြည်ကို သမ္မတအဖြစ် အရွေးခံနိုင်ခွင့်ပြုမည့် ဖွဲ့စည်းပုံပြင်ဆင်ရေး အပိုင်းသည် လာမည့်နှစ်နှစ်တာ ကာလအတွင်း ရုပ်လုံးပေါ်လာနိုင်ရန် ခက်ခဲသည်။ ထို့ကြောင့် လာမည့်နှစ်နှစ်အတွင်း ဖွဲ့စည်းပုံပြင်ဆင်ရေး လမ်းကြောင်းနှင့်အပြိုင် ပြည်ခိုင်ဖြိုးပါတီ၊ တပ်မတော်နှင့် ဒေါ်အောင်ဆန်းစုကြည်တို့အကြား သုံးပွင့်ဆိုင် ဆက်ဆံရေးများ ပေါ်ပေါ်ထင်ထင်သော် လည်းကောင်း၊ သိုသိုသိပ်သိပ်သော် လည်းကောင်း၊ ပုံပေါ်လာနိုင်ခြေကို မျက်ခြည်မပြတ် လေ့လာစောင့်ကြည့် ရမည်ဖြစ်သည်။
ဇူလိုင် ၁၈ ရက် သတင်းစာ ရှင်းလင်းပွဲတွင် သူရဦးရွှေမန်းက ဒေါ်အောင်ဆန်းစုကြည်နှင့် ပုဂ္ဂိုလ်ရေး ရင်းနှီးမှုကို အတည်ပြု ပြောကြားခဲ့ပြီး အမျိုးသားပြန်လည်သင့်မြတ်ရေး တည်ဆောက်ရာတွင် ပါတီတစ်ခုနှင့်တစ်ခု ရန်သူကဲ့သို့ ဆက်ဆံနေမည် ဆိုပါက အတိတ်ကာလ သမိုင်းကို ပြန်ရောက်နိုင်ကြောင်း သတိပေးစကား ပါးခဲ့သည်။ ဖဆပလခေတ် နိုင်ငံရေးပါတီများသည် မိတ်ဖက်လုပ်ဖော်ကိုင်ဖက် ကဲ့သို့သဘောမထား၊ ရန်သူလို သဘောထားခဲ့သဖြင့် အမျိုးသား စည်းလုံးညီညွတ်ရေး ပျက်ပြားခဲ့ရသည်ဟု သူရဦးရွှေမန်း၏ မှတ်ချက်ပြုမှုအပေါ် စောဒကတက်ဖွယ် ရှိသည်။ ဖဆပလခေတ်၊ လွှတ်တော်နိုင်ငံရေးတွင် နိုင်ငံရေး ပါတီများသည် တစ်ပါတီနှင့် တစ်ပါတီ ရန်သူသဖွယ် ဆက်ဆံခဲ့သည်ဟု ကောက်ချက်ဆွဲရန် ခက်သည့်အပြင် နိုင်ငံရေးပါတီချင်း ရန်ဘက်အသွင် ဆက်ဆံရေးကြောင့် အမျိုးသားစည်းလုံး ညီညွတ်ရေး ပျက်ခဲ့ရသည်ဟု သုံးသပ်ချက်မှာလည်း ပကတိ အခြေအနေများနှင့် ကင်းလွတ်နေသည်ဟု ထင်မြင်မိသည်။ လွှတ်တော်တွင်း အာဏာရနှင့် အတိုက်အခံနိုင်ငံရေး ပါတီများမှ ကိုယ်စားလှယ်များ ပြင်းပြင်းထန်ထန် ဝေဖန်ဆွေးနွေးကြခြင်းသည် ရန်သူသဖွယ် ဆက်ဆံရေး မဟုတ်၊ လွှတ်တော်နိုင်ငံရေး သဘာဝပင် ဖြစ်သည်ဟု မှတ်ယူရမည် ဖြစ်သည်။
အဆိုပါ တွေ့ဆုံရှင်းလင်းပွဲတွင် သူရဦးရွှေမန်းနှင့် ဒေါ်အောင်ဆန်းစုကြည်တို့က နိုင်ငံနှင့် လူမျိုးအကျိုးအတွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် အမျိုးသားဒီမိုကရေစီ အဖွဲ့ချုပ်တို့အကြား ပူးပေါင်းဆောင်ရွက်မည်ဟုလည်း အတည်ပြု ပြောကြားခဲ့သည်။ ပူးပေါင်းဆောင်ရွက်မှုတွင် ကျီးကဘုတ်မြှောက်၊ ဘုတ်ကကျီးမြှောက်သည့်ပုံစံ ၀င်နေမည်ဆိုလျှင် နိုင်ငံနှင့်ပြည်သူ အကျိုးကို သယ်ပိုးခြင်းမဟုတ်၊ နိုင်ငံရေးလှည့်စားမှု သက်သက် ဖြစ်သွားနိုင်သည်ကိုလည်း ဆင်ခြင်သင့်သည်။ ထို့အပြင် လွှတ်တော်ထဲတွင် အတိုက်အခံ မရှိတော့လေသလားဟု အများပြည်သူအကြား စိုးရိမ်မှုများကိုလည်း အတိုင်းအတာ တစ်ခုအထိ သက်သေပြသည့်အသွင် ရောက်သွားနိုင်သည်။ ပါတီစုံ ဒီမိုကရေစီစနစ်၏ ဆွဲဆောင်မှုများထဲမှ တစ်ခုသည် လွှတ်တော်တွင်း အာဏာရပါတီနှင့် အတိုက်အခံ ပါတီတို့အကြား အကြိတ်အနယ် ငြင်းခုံဆွေးနွေးမှုများပင် ဖြစ်သည်။ မဲဆန္ဒရှင် ပြည်သူလူထုသည်လည်း လွှတ်တော်တွင်း အကြိတ်အနယ် ဆွေးနွေးမှုများကို နားထောင်လျက် နိုင်ငံရေးအရ ရင့်ကျက်လာနိုင်သည်။ လွှတ်တော် အစည်းအဝေးပွဲများသည် ခြေစစ်ဘောလုံးပွဲများနှင့်မတူ ချစ်ကြည်ရေး ဘောလုံးပွဲများကဲ့သို့ ဖြစ်နေမည်ဆိုလျှင် ပြည်သူလူထု အများစုကြီးသည် လွှတ်တော်နိုင်ငံရေးအပေါ် စိတ်ပျက်ငြီးငွေ့ လာနိုင်ဖွယ် ရှိသည်ကိုလည်း သတိပြု ဆင်ခြင်သင့်သည်။
၂၀၁၃ ခုနှစ်၊ ဇူလိုင် ၁၉ ရက် (၆၆) ကြိမ်မြောက် အာဇာနည်နေ့တွင် ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် ဇနီးဒေါ်ခင်လေးသက်တို့သည် ရန်ကုန်မြို့၊ တက္ကသိုလ်ရိပ်သာလမ်း၊ အမှတ် (၅၄)၊ အင်းလျားကန်စောင်းရှိ ဒေါ်အောင်ဆန်းစုကြည်၏ နေအိမ်၌ ကျင်းပခဲ့သည့် အာဇာနည်နေ့ အထိမ်းအမှတ် ဆွမ်းဆက်ကပ်လှူဒါန်းပွဲ အခမ်းအနားကို ဒေါ်အောင်ဆန်းစုကြည်၏ ဖိတ်ကြားမှုအရ တက်ရောက်ခဲ့သည်။ အဆိုပါ ဖြစ်စဉ်သည် သူရဦးရွှေမန်းနှင့် ဒေါ်အောင်ဆန်းစုကြည်တို့အကြား ပုဂ္ဂိုလ်ရေး ဆက်ဆံမှု ခိုင်မာကောင်းမွန်ကြောင်းကို ထပ်မံအတည်ပြုခဲ့သည်။ အဆိုပါ အခမ်းအနားတွင် အမျိုးသားဒီမိုကရေစီ အဖွဲ့ချုပ်၏ သဘာပတိအဖွဲ့ နာယက ဦးတင်ဦးမှလွဲ၍ ပါတီခေါင်းဆောင် တစ်ဦးတစ်ယောက်ကိုမှ မတွေ့ခဲ့ရပေ။ နိုင်ငံရေးတွင် ပုဂ္ဂိုလ်ရေး ရင်းနှီးမှုသည် အတိုင်းအတာတစ်ခုအထိ အကျိုးပြုနိုင်သည်မှာ မှန်ကန်သော်လည်း ပုဂ္ဂိုလ်ရေးအပေါ် အခြေပြုသော နိုင်ငံရေး တည်ဆောက်မှုသည် ထိုပုဂ္ဂိုလ်မရှိလျှင် ပျက်ပြယ်တတ်သဖြင့် လူပုဂ္ဂိုလ်မဟုတ်သော မူဝါဒအပေါ် အခြေပြုသည့် နိုင်ငံရေး တည်ဆောက်မှုမျိုးကို အားစိုက်သင့်သည်။
နိဂုံး
အချုပ်အားဖြင့်ဆိုသော် (၆၆) နှစ်မြောက် အာဇာနည်နေ့ အနီးတစ်ဝိုက်တွင် သမ္မတဦးသိန်းစိန်၏ ဒုတိယ သက်တမ်းအတွက် ပြန်လည်အရွေးခံမည် မဟုတ်ကြောင်း အတည်ပြု ပြောကြားချက်နှင့်အတူ သမ္မတလောင်းအဖြစ် အဆိုပြုထားသူ နှစ်ဦးဖြစ်သော လွှတ်တော်ဥက္ကဋ္ဌသူရ ဦးရွှေမန်းနှင့် ဒေါ်အောင်ဆန်းစုကြည်တို့၏ နိုင်ငံရေးနှင့် ပုဂ္ဂိုလ်ရေး ပွဲထွက်မှုများသည် ပို၍ပို၍ နီးကပ်လာနေခဲ့သည်။ အာဇာနည်နေ့အလွန် ၂၀၁၅ ခုနှစ် ရွေးကောက်ပွဲ မတိုင်မီ နိုင်ငံရေး အခင်းအကျင်းသည် သူရဦးရွှေမန်းနှင့် ဒေါ်အောင်ဆန်းစုကြည်အကြား နိုင်ငံရေး စီးချင်းထိုးမည့် အခင်းအကျင်းလား နိုင်ငံရေးပေါင်းထုပ်မည့် အခင်းအကျင်းလား ဆိုသည်ကိုမူ စောင့်ကြည့်ရဦးမည် ဖြစ်သည်။ အုပ်ချုပ်ရေးမဏ္ဍိုင်၊ ဥပဒေပြုရေး မဏ္ဍိုင်နှင့် တရားစီရင်ရေး မဏ္ဍိုင်တို့သည် ပြည်သူလူထုကို မျက်နှာမူနေသရွေ့ နိုင်ငံရေး ရာသီဥတုသည် သာယာနေမည် ဖြစ်သည်။ တစ်ချိန်တည်းတွင် သတင်းမီဒီယာများနှင့် နိုင်ငံရေး အတိုက်အခံများကလည်း ပြည်သူလူထုကို ကျောခိုင်းသော နိုင်ငံရေး ပုံစံများအတွက် အုပ်ချုပ်ရေး မဏ္ဍိုင်၊ ဥပဒေပြုရေး မဏ္ဍိုင်နှင့် တရားစီရင်ရေး မဏ္ဍိုင်တို့ကို အာခံအန်တုရန် အသင့်ပြင်ဆင် စောင့်ကြည့်နေမည် ဖြစ်ပါကြောင်း မောင်းခတ်အသိပေး လိုက်ရပါသည်။
 Written by ဒေါက်တာရန်မျိုးသိမ်း
Credit To Eleven Journal 
Read More »

သုံးနှစ်သား အခင်းအကျင်း



ကယ်ဆယ်ရေး စခန်းများမှ ရခိုင်တိုင်းရင်းသား ဒုက္ခသည်များ လုံးချင်းအိမ်များသို့ ဇူလိုင် ၁၉ ရက်က ပြောင်းရွှေ့နေစဉ် (ဓာတ်ပုံ - သန်းလှိုင်)
CP ကြက်သား ၄၅ ရက် အမြန်ကြီးထွားမှုကို စားသုံးနေရ၏။ ပြည်သူလူထုသည် ဒီမိုကရေစီ အမြန်ကြီးထွားမှု၊ အရှိန်ပြင်းပြင်း လျှောက်လှမ်းခြင်းအား ဂရုတစိုက် ငေးကြည့်နေသည်။ အမျိုးမျိုးသော အခက်အခဲ အနှောင့်အယှက်များကို သည်းခံ၍ နောက်ကြောင်းပြန်လှည့် မသွားစေလိုသော ဆန္ဒဖြင့် နေရိပ်ကို နေပူက စောင့်နေကြသည်။ ၂၀၁၀ အစိုးရသည် သုံးနှစ်သားပင် ရောက်ရှိနေပြီး သတ္တမအကြိမ် လွှတ်တော်ညီလာခံအထိ ဥပဒေတွေကို ပြင်ဆင်နေသော်လည်း ပြည်သူလူထုဘက်ကို မငဲ့ဘဲ ခရိုနီနှင့် လူနည်းစုတို့အတွက် အားပြုရေးဆွဲနေသလို ဖြစ်နေပြန်သည်။ အမှီအခိုကင်းစွာ ပြည်သူလူထုဘက်မှ ဘာကြောင့်မရပ်တည်နိုင်သလဲ ဆိုသောအချက်သည် စဉ်းစားစရာဖြစ်သလို တွေးတောချင်စရာလည်း ဖြစ်လာ၏။
ကော်မရှင်တွေ ဖွဲ့သည်။ စုံစမ်းရေးတွေ လုပ်သည်။ တခြားအင်အားကြီးနိုင်ငံကို ဦးတည်သော နိုင်ငံပြဿနာက ပြည်တွင်းကုမ္ပဏီဖြင့် ထိပ်တိုက်တွေ့ဆုံခဲ့ရသည်။ ဒီပြင် မြန်မာနိုင်ငံသားချင်း ပဋိပက္ခ ငြင်းခုံမှုက သွေးကွဲတဲ့အထိ တစ်ဦးနဲ့တစ်ဦး မတူညီသော အမြင်များဖြင့် လမ်းကြောင်းများ သွေဖည်သွားကြသည်။ စည်းလုံးခြင်းက တဖြည်းဖြည်းေ၀၀ါးလာခဲ့သည်။
ငြိမ်းချမ်းရေး ဆွေးနွေးပွဲများကလည်း တစ်ထောင့်တစ်ည ပုံပြင်လို ရှည်လျားနေ၏။ လက်ပံတောင်းတောင် ပြဿနာလို ကချင်အရေးကလည်း အတင်းအပျော့ အနုအရင့် ခေါင်းခဲစရာ ကိစ္စတွေ။ အဲဒီလိုနဲ့ ဘာသာရေး ပဋိပက္ခတွေကလည်း မြို့ကြီးမြို့ငယ် အနည်းငယ်မှာ ဖြစ်ပွားခဲ့သလို ရခိုင်အရေးကလည်း ခုထိလောင်ကောင်းတုန်းဟု ဆို၍ရပါသည်။ မလေးရှားအထိ မီးကကူးစက်သွား၏။ အကြမ်းဖက်မှုများကို မလေးရှား အစိုးရဆီက မြန်မာအစိုးရကို ပညာသားပါပါ မြန်မာပြည်၏ ပြည်တွင်းပြဿနာ သူတို့ဆီမှာ လာဖြစ်သည်ဟု အမြင်ဖြင့် ခေါင်းရှောင်၍ ကိုယ့်တာဝန်ကိုယ် ယူစေချင်နေပြန်သည်။
ဒီမိုကရေစီ ကျင့်သုံးစ ကျွန်တော်တို့ နိုင်ငံအတွက် လျင်မြန်စွာ ကြီးထွားဖို့က အလောတကြီး ဆောင်ရွက်၍ မရ။ ဒီမိုကရေစီ ကျင့်သုံးသော နိုင်ငံတစ်ခု အနေဖြင့် ပြည်သူလူထုက အစိုးရကို ဝေဖန်ခွင့် ရှိသည်။ ဆန္ဒပြခွင့် ရှိသည်။ သို့ရာတွင် ဝေဖန်သူ ဆန္ဒပြသူကတော့ ကိုယ်ပိုင်ဆုံးဖြတ်ချက်၊ အတွေးအခေါ်နှင့် လွတ်လပ်ပွင့်လင်း ရိုးသားကာ အဂတိ ကင်းစင်ပြီး အမှီအခို ကင်းဖို့တော့ လိုပါသည်။
ဒီမိုကရေစီအား ပြည်သူများ သေချာမသိ နည်းမလည်သေးဟု ကျွန်တော်ယူဆမိ၏။ ထို့နောက်ပြီး အစိုးရ အဖွဲ့အစည်းထဲမှာရော နားမလည်ဘဲ ရောယောင်နေတာ ရှိနေသေးသလားဟူသော မေးခွန်းက ပြည်သူလူထုဘက်က မေးရမည့် မေးခွန်းဖြစ်နေသည်။ အဘယ့်ကြောင့်ဆိုသော် ထင်ခနဲရှိတိုင်မည် တကဲကဲလုပ်နေသော ပြည်သူလူထုနှင့် တိုင်စာကိုဖတ်ပြီး ပြဿနာရပ်တိုင်းကို စုံစမ်းရေး ကော်မရှင်များ ဖွဲ့နေသော အစိုးရဖြင့် လိုက်ဖက်လွန်းလှပါသည်။
ပြည်သူတချို့က လမ်းပေါ်တက် ဆန္ဒပြကြသည်။ လူတန်းစားမျိုးစုံတော့ မပါဝင်။ တောင်သူတို့က သူတို့မြေပြဿနာကို တိုက်ရိုက်ဖြေရှင်းသည်။ ဆန္ဒပြခြင်းက ၂၀၁၀ နောက်ပိုင်း ရုပ်လုံးပြ ထင်ပေါ်ကျော်ကြားမှု တစ်ခုလို ရှေ့ထွက်ပြခြင်းမျိုး ဖြစ်နေသည်။ အကုန်လုံးကိုတော့ မဆိုလိုပါ။ ဒီကြားထဲ (ပုဒ်မ ၁၈၊ ပုဒ်မ ၅၀၅)တွေကလည်း ပြန်လည်အုပ်စိုးဖို့ နောက်ကြောင်းပြန်လှည့်ရန် ကြိုးစားနေသည့် ခြောက်လှန့်မှုလို ဖြစ်နေသည်။
ပွဲကမပြီးသေး။ ၅(ည)ကိုပင် ဆက်လက်ထားရှိ နေသေးသည်။ ဒီလိုပြည်တွင်း ရှုတ်ထွေးမှုတို့၏ တရားခံက အခုထိ အကောင်အထည် မဖော်သေး။ ပွင့်လင်းမြင်သာမှု မရှိသေး။ ဒီလိုဆိုလျှင် အကောင်အထည် မဖော်ပြနိုင်လျှင် ယုံကြည်မှုအား ပြည်သူလူထုက မည်ကဲ့သို့ တည်ဆောက်မည်နည်း။ ကျွန်တော်တို့ အားကိုးသော NLD အမတ်တွေကလည်း လွှတ်တော်ထဲတွင် ကန့်ကွက်မဲပင် အသံမထွက်အောင် တိတ်ဆိတ်စွံ့အနေသည်။
ပြည်သူလူထုကလည်း အီဂျစ်လို မကြာသေးခင် ကာလကကဲ့သို့ နောက်ပြန်လှည့်သွားမှာကို မလိုလား။ ကာလကြာရှည် သွားမှာကို စိုးရိမ်နေသည်။ ယခု ကျွန်တော်တို့ကို အုပ်ချုပ်နေသော ၂၀၁၀ အစိုးရက တပ်မတော်အစိုးရကို ဆက်ခံတဲ့ အရပ်သားအစိုးရ တစ်ပိုင်းပဲ ရှိသေးသည်။
သုံးနှစ်သား အခင်းအကျင်းက နုနယ်လွန်းလှသေးသည်။ သို့သော် ရှုပ်ထွေးလွန်း၏။ ထို့ကြောင့် တစ်ဦးနဲ့တစ်ဦး ကတိသစ္စာ တည်မြဲ၍ ပြည်သူလူထုကို ငဲ့ကွက်ပြီး ဒီမိုကရေစီလမ်းအား တူညီပြိုင်တူတည်ဆောက်လျှင် ရိုးသားမှုက နားလည်မှု ပေးလိမ့်မည်။ ထိုအခါ ယုံကြည်မှုသည် ပြည်သူလူထုအပေါ် တာဝန်ယူလိုစိတ်များ ဖြစ်ထွန်း၍ ပြည်သူလူထု၏ ယုံကြည်မှုများကို ရရှိသော အစိုးရဖြစ်မည်မှာ အမှန် . . . . .
ဘာသာရေး ပဋိပက္ခများကို အခြေပြု ဖြစ်ပွားလာသော ပြဿနာတွေကို လူထုက အားစိုက်ဂရုပြုမှု အားနည်းလာတာတော့ အမှန်။ ထိုဘာသာရေး ပဋိပက္ခ ဖြစ်ပေါ်ရာ မြို့အသီးသီးတို့မှာလည်း သူစိမ်း၊ မျက်နှာစိမ်းများ လာရောက်လှုံ့ဆော်၍ ဖြစ်ပွားခဲ့သည်ဟု မြို့ခံတချို့ ပြောကြားမှုကြောင့် သိရ၏။ ယခုထိ အဓိကပင်မကို ရှာဖွေမရသေး။ ပြည်သူလူထုက ထိုကဲ့သို့သော အစိုးရအား မည်ကဲ့သို့ ယုံကြည်ကိုးစား ရမည်နည်း။ ဒီမိုကရေစီ နိုင်ငံရဲ့ အချုပ်အခြာအာဏာနဲ့ ဥပဒေသည် ပြည်သူ့လက်ထဲတွင် ရှိသည်။ အခုတော့ အစိုးရက ပြည်သူ့အသံကို မကြားဟန်ပြုပြီး ချုပ်ကိုင်ထားသည်။
ဗုဒ္ဓဘာသာနဲ့ အကြမ်းဖက်မှုကို Time မဂ္ဂဇင်းက ပူးတွဲဖော်ပြခဲ့တာတောင် ဗုဒ္ဓဘာသာထုသည် နူးညံ့သော အသိဖြင့် ပြဿနာကို ထပ်မံမရှုပ်ထွေးစေဘဲ တုံ့ပြန်ခဲ့သည်။ "ဒီလို အခြေအနေတွေမှာ နိုင်ငံတကာက ဘင်္ဂါလီပြဿနာကို ရှေ့တန်းတင်ရာကနေ ဗုဒ္ဓဘာသာနဲ့ မွတ်စလင်အကြား ပြဿနာ ဖြစ်လာရတယ်။ ဒီကနေ မွတ်စလင် ပြဿနာက နိုင်ငံတကာမှာ မြန်မာအတွက် နစ်နာစရာ ဖြစ်လာတယ်။ ဖန်တီးသူက အာဏာရှင်စနစ် လိုလားသူ တစ်စုချည်းတော့ မဟုတ်ပါဘူး။ စူပါပါဝါတွေ အာရုံစိုက်ခံရတဲ့ နိုင်ငံတစ်နိုင်ငံမှာ အန္တရာယ်ဆိုတာ ဘက်ပေါင်းစုံက ရှိနေတာပဲ" ဆရာသန်းထွဋ်အောင်၏ ပြောပြချင်ပါတယ် ဆောင်းပါးမှ ကောက်နုတ်ချက်ပါ။
ထိုကဲ့သို့ အရိပ်လက္ခဏာများ ရှိနေ၏။ ကိုယ်ကိုယ်တိုင် ဆင်ခြင်တုံတရားကြီးစွာ ဂရုစိုက်ရမည်။ ရှုပ်ထွေးသော ပြဿနာများက မထင်သည့်ထောင့်များမှာ ၀င်ရောက်လာနိုင်သည်။ အန္တရာယ် ရနံ့သည် မြန်မာပြည်ကို လမ်းကြောင်းပါ ပြောင်းသွားနိုင်သည်။
ထို့အပြင် ယခုအခြေအနေတွင် ပြဿနာပေါင်း သောင်းခြောက်ထောင်၌ ပြည်သူလူထုဖြစ်ရဲ့နဲ့  စစ်သားငြိစွန်းသော ပြစ်မှုတွေကလည်း ရှည်လျားနေသည်။ ပြည်န၀ဒေး တံတားအောက်က လူသတ်မှု အသံပင် မကြားရတော့။ ထိုကဲ့သို့ အမျိုးမျိုးအဖုံဖုံ။ ဒီကြားထဲ အရွယ်မရောက်သေးသောသူကို အဓမ္မပြုကျင့်တာ၊ ဖအေက သမီးကို အဓမ္မပြုကျင့်တဲ့ သတင်းတွေလည်း ကောလာဟလ မဟုတ်ဘဲ အမြဲဖတ်နေရသည်။ ကပေါက်တိ ကပေါက်ချာ ဖြစ်ရပ်များက ပြည်သူလူထု၏ စိတ်ပိုင်းဆိုင်ရာ လူမှုရေး အသိကိုပါ တိုက်စားဖျက်ဆီးခြင်း ခံလိုက်ရပြီလားဟု သံသယ ဖြစ်မိသည်။
ဗုဒ္ဓဘာသာနဲ့ သံဃာတွေကို အကြမ်းဖက်ဝါဒနဲ့ နှိုင်းယှဉ်တာ၊ ဗုဒ္ဓဂါယာ ဗုံးခွဲတိုက်ခိုက် ခံရတာ။ မလေးရှားက မြန်မာတွေ အသတ်ခံရတာ။ ထိုကဲ့သို့သော ပြဿနာတွေနဲ့ သုံးနှစ်သား အစိုးရကို ပြည်သူလူထုက ဘယ်လိုယုံကြည်မှာလဲ။ သူတို့က ဘယ်လိုကာကွယ် ပေးနိုင်မှာလဲ။ နဂိုမူတွေတန်းလန်း အခုပြဿနာက ကျွန်တော်တို့ အားကိုးရာ ဗုဒ္ဓတရားတော်ပဲ ရှိတော့သည်။
တကယ်ဆိုလျှင် ၂၀၁၅ နဲ့ဆိုလျှင် တစ်နှစ်ကျော်ပဲ ဒီအစိုးရအတွက် အသက်ကျန်တော့သည်။ တပ်မတော် သိမ်းဆည်းထားသောမြေနှင့် ပတ်သက်၍ တိုင်းဌာနချုပ်အလိုက် သိမ်းဆည်းခံ မြေယာများအတွက် တောင်သူများ နစ်နာမှု မရှိစေရန် ဆောင်ရွက်နေကြောင်း သိရသည်။ သို့သော်လည်း ယခုမိုးဦးကျကျော်တဲ့အထိ တောင်သူတို့ မြေမဲ့ယာမဲ့ ဒုက္ခက ဝေလည်းမွှေး ကြွေလည်းမွှေး ဖြစ်နေပြန်။
ပြီးတော့ ၅(ည)အပါအ၀င် ဥပဒေပါ ပြစ်ဒဏ်များ လျှော့ချမည် မဟုတ်ကြောင်း ပြည်ထဲရေး ၀န်ကြီးဌာနက ထပ်မံတိုးမြှင့်ခြင်း၊ ထပ်မံလျှော့ပေါ့ခြင်း မရှိကြောင်းကို လွှတ်တော်၌ ပြောကြားခဲ့ပြီး ဖြစ်သည်။ မျိုးစောင့်ဥပဒေကလည်း အတည်ပြု ပြဋ္ဌာန်းဖို့ ရှိလာပြန်သည်။ ကန့်ကွက်မှု၊ ထောက်ခံမှု လူ့အခွင့်အရေး ချိုးဖောက်မှု ရှိနေသည်ဟူသော သဘောထား ကွဲလွဲမှု ဝေဖန်မှုများဖြင့် ဆွေးနွေးနေကြဆဲ ဖြစ်သည်။
ဆရာမ သန်းမြင့်အောင်ကတော့ မျိုးစောင့်ဥပဒေ ရေးဆွဲရာ၌ အမျိုးသမီးများ ပါဝင်သင့်သည်ဟု ဝေဖန်အကြံပြုထားသည်။ နာယက ဆရာတော် ဦးအဂ္ဂညာဏက အမျိုးဘာသာ၊ သာသနာနဲ့ ပတ်သက်၍ ဟောပြောတဲ့အခါ မည်သည့်ဘာသာကိုမှ မထိခိုက်အောင် တစ်ပါးသူတွေ စိတ်အနှောင့်အယှက် မဖြစ်အောင် အထူးစောင့်စည်းပြီး ကိုယ့်လူမျိုး၊ ကိုယ့်ဘာသာ၊ ကိုယ့်သာသနာကို ရှေ့တန်းတင်ထား၍ သက်ဝင်ယုံကြည်အောင် ဟောပြောဖို့ လိုအပ်ပါတယ်။ တပည့်တော်တို့အားလုံး အစွန်းလွတ်အောင်နေပြီး ဖြောင့်မှန်သောတရားကို ရှေးရှုပြီး ဆောင်ရွက်ကြဖို့ လိုအပ်ပါတယ်" ဟု မိန့်ကြားသည်။
"ဘာသာတရားကို ကာကွယ်တာဟာ အဓိကက ယုံကြည်မှုပဲ။ ဒီဘာသာကို လိုက်စားသူတွေရဲ့ ယုံကြည်မှု ခိုင်မာရင် ဘယ်အရာကမှ ဘယ်သူကမှ လာလှုပ်လို့ မရဘူး" အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည်က ပြောကြားခဲ့သည်။ မြန်မာပြည်သူလူထု ဗုဒ္ဓဘာသာဝင်တိုင်း မျိုးစောင့်ဥပဒေနဲ့ ပတ်သက်ပြီး အထူးဂရုပြု စဉ်းစားသင့်ပါသည်။ ၂၀၁၅ အတွက် ယခုသည် ဒီမိုကရေစီ လမ်းကြောင်း၌ အရေးကြီးသော အချိန်ဖြစ်သည်။ တစ်ဦးနဲ့တစ်ဦး စောင့်ကြည့်နေတာ ဖြစ်နိုင်သလို ယုံကြည်မှု တည်ဆောက်နေတာလားဟု တွေးခဲ့သည်။
သတင်းမီဒီယာ ဥပဒေကိုလည်း အမျိုးမျိုးဝေဖန် ကန့်ကွက်နေသည့်ကြားက ထွက်ပေါ်လာပြန်သည်။ စတုတ္ထမဏ္ဍိုင်ကို ရိုက်ချိုးလိုက်တာလားဟု ယူဆရမလို ဖြစ်နေသည်။ မီဒီယာဥပဒေကို ကျွန်တော်ကိုယ်တိုင် လက်မခံပါ ကန့်ကွက်ပါသည်။ ချုပ်ကိုင်ရန်အတွက် ပြင်ဆင်ထားသော ဥပဒေဖြစ်သလို သက်ဆိုင်ရာ လောကသားတို့၏ သဘောထား မပါသော ဥပဒေဖြစ်သောကြောင့် ဖြစ်သည်။ အုပ်ချုပ်ရေး၊ ဥပဒေပြုရေးနှင့် တရားစီရင်ရေးဆိုသည့် မဏ္ဍိုင်ကြီးသုံးခုက မီဒီယာအား ဖိနှိပ်ထားသည်ဟု မြင်တွေးမိသည်။ မီဒီယာလောကသားတို့ စာပေအနုပညာရှင်များ စာနယ်ဇင်း အပေါ်တွင် ဒီမိုကရေစီ၏ အနှစ်သာရဖြစ်သည့် တစ်ဖက်နှင့်တစ်ဖက် ညှိခြင်း Check and Balance မရှိ။ အမှီအခိုကင်းသော ပုဂ္ဂလိက မီဒီယာများအပေါ် ချုပ်ကိုင်ခြင်းများ ပြုလုပ်ရန်အတွက် ထိုဥပဒေကို ရေးဆွဲခြင်း ဖြစ်သည်။ မီဒီယာနှင့် အမှန်တရားသည် ရေပြင်ညီမျဉ်းပေါ်တွင် ရှိသည်။ ဒုဝန်ကြီးက ကွန်ရက်တို့၏ လှုံ့ဆော်မှုကြောင့် ကြီးထွားခြင်း ဖြစ်နိုင်သော်လည်း တရားဝင် ပြည်တွင်းမီဒီယာသားတို့၏ ပုံကြီးချဲ့မှုကြောင့်ဟု အသံထွက်လာသည်။ လုံးဝမဟုတ်ပါ။ မမှန်ကန်ပါ။
ဒေါက်တာဆိတ်ဖွားသည်ပင် အစိုးရက မဖော်ထုတ်နိုင်။ အမှောင်ထဲက ခဲနဲ့ထုသူကို မဖော်ထုတ်ဘဲ လွှတ်ပေးလိုက်ခြင်း ဖြစ်သည်။ ထိုကဲ့သို့ အမှောင်ထဲမှ ခဲနဲ့ထုသူများကို လွတ်လပ်စွာ လုပ်ကိုင်ခွင့်ပေးပြီး တရားဝင် မီဒီယာ လောကအား ချိုးနှိမ်ဖိထားသည်။ အမှောင်လောကကို အရေးမယူဘဲ လွတ်လပ်စွာ လုပ်ကိုင်ခွင့် ပေးပါက မြန်မာနိုင်ငံ ရှေ့ဆက်ရမည့် အရေးသည် မလွယ်ကူ။
ဒီမိုကရေစီ နိုင်ငံများတွင် ဂုဏ်သိက္ခာအတွက် တာဝန်ယူခြင်းသည် နုတ်ထွက်ခြင်း ဖြစ်ပါသည်။ ဘယ်သူတွေ သတ္တိရှိရှိ တာဝန်ယူ နုတ်ထွက်လဲ။ ဒီမိုကရေစီနိုင်ငံ ဖြစ်သည့်အလျောက် ဒီမိုကရေစီနှင့်အညီ ဖွဲ့စည်းပုံ အခြေခံဥပဒေကိုလည်း ပြင်ဆင်ရေးဆွဲရန် လိုအပ်သည်။ ထိုသို့ ပြင်ဆင်နိုင်မှ နိုင်ငံ၏ ဒီမိုကရေစီ အသွင်ကူးပြောင်းရေးက ပိုမိုလျင်မြန် သွက်လက်မှာ အသေအချာ။
သုံးနှစ်သား အခင်းအကျင်းက နုနယ်လွန်းလှသေးသည်။ သို့သော် ရှုပ်ထွေးလွန်း၏။ ထို့ကြောင့် တစ်ဦးနဲ့တစ်ဦး ကတိသစ္စာ တည်မြဲ၍ ပြည်သူလူထုကို ငဲ့ကွက်ပြီး ဒီမိုကရေစီလမ်းအား တူညီပြိုင်တူတည်ဆောက်လျှင် ရိုးသားမှုက နားလည်မှု ပေးလိမ့်မည်။ ထိုအခါ ယုံကြည်မှုသည် ပြည်သူလူထုအပေါ် တာဝန်ယူလိုစိတ်များ ဖြစ်ထွန်း၍ ပြည်သူလူထု၏ ယုံကြည်မှုများကို ရရှိသော အစိုးရဖြစ်မည်မှာ အမှန်။
 Written by တိုးနှောင်မိုး
Credit To Eleven Journal
Read More »

တစ်နိုင်ငံလုံး အတိုင်းအတာဖြင့် အပစ်အခတ် ရပ်စဲရေး လက်မှတ်ရေးထိုးရန် တိုင်းရင်းသား လက်နက်ကိုင် တပ်ဖွဲ့အားလုံး၏ သဘောတူညီမှု မရသေးဘဲ အဖွဲ့ လေး၊ ငါးဖွဲ့လောက်နှင့်သာ သဘောတူထားသည်ဟု ပြည်ထောင်စုဝန်ကြီး ဦးအောင်မင်းပြောကြား



ပြည်ထောင်စုဝန်ကြီး ဦးအောင်မင်းမှ မီဒီယာများ၏ မေးမြန်းချက်ကို ပြန်လည်ဖြေကြားနေစဉ်
တစ်နိုင်ငံလုံး အတိုင်းအတာဖြင့် အပစ်အခတ်ရပ်စဲရေး လက်မှတ်ရေးထိုးရန် တိုင်းရင်းသား လက်နက်ကိုင် တပ်ဖွဲ့အားလုံး၏ သဘောတူညီမှု မရရှိသေးဘဲ အဖွဲ့ လေး၊ ငါးဖွဲ့လောက်သာ သဘောတူထားသည်ဟု ပြည်ထောင်စုဝန်ကြီး ဦးအောင်မင်းက ပြောကြားသည်။
ဇူလိုင် ၂၁ ရက်က ရန်ကုန်မြို့ Myanmar Peace Center ၌ ကျင်းပခဲ့သော ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်တို့ ပါဝင်သည့် လွှတ်တော်ကိုယ်စားလှယ် အဖွဲ့နှင့် ပြည်ထောင်စုဝန်ကြီး ဦးအောင်မင်း ဦးဆောင်သည့် ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီအဖွဲ့တို့ တွေ့ဆုံဆွေးနွေးပွဲ အပြီးတွင် ဦးအောင်မင်းက သတင်းထောက်များ၏ မေးမြန်းမှုကို ယခုကဲ့သို့ ပြန်လည်ဖြေကြားခဲ့ခြင်း ဖြစ်သည်။  
လက်ရှိတွင် မြန်မာအစိုးရနှင့် တိုင်းရင်းသား လက်နက်ကိုင် တပ်ဖွဲ့များအကြား တစ်နိုင်ငံလုံး အတိုင်းအတာဖြင့် အပစ်အခတ်ရပ်စဲရေး သဘောတူညီမှု လက်မှတ်ရေးထိုးနိုင်ရေးအတွက် တိုင်းရင်းသားလက်နက်ကိုင် အဖွဲ့များ၏ သဘောတူညီမှု ရရှိရန် ဆောင်ရွက်နေသည်ဟု ဦးအောင်မင်းက ပြောကြားသည်။
ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဦးအောင်မင်းက "Nation Wide Ceasefire အတွက်ကလည်း သူတို့ရဲ့ဆန္ဒကို လိုက်ပြီးမေးဖို့ ရှိတယ်။ အခုလိုက်မေးနေတယ်။ အားလုံးရဲ့ သဘောတူဆန္ဒ မရသေးပါဘူး။ အားလုံးက သဘောတူတယ်ဆိုရင် Nation Wide Ceasefire အတွက် တစ်ပြည်လုံး အတိုင်းအတာနဲ့ အပစ်အခတ် ရပ်စဲရေး သဘောတူညီချက်တစ်ခု လက်မှတ်ရေးထိုးသွားမှာ ဖြစ်ပါတယ်။ လေး၊ ငါးဖွဲ့လောက် သဘောတူညီ ထားပြီးပါပြီ" ဟု သတင်းထောက်များ၏ မေးမြန်းမှုကို ဖြေကြားခဲ့သည်။
တစ်နိုင်ငံလုံး အတိုင်းအတာဖြင့် အပစ်အခတ်ရပ်စဲရေး သဘောတူညီမှု လက်မှတ်ရေးထိုးရန် သဘောတူထားသည့် တိုင်းရင်းသား လက်နက်ကိုင် အဖွဲ့များ၏ အမည်များကို ပြည်ထောင်စုဝန်ကြီး ဦးအောင်မင်းက ပြောကြားခဲ့ခြင်း မရှိကြောင်း သိရသည်။
နှစ်ပေါင်းခြောက်ဆယ်ကျော် ကြာသည့်တိုင် မရရှိသေးသော ပြည်တွင်းငြိမ်းချမ်းရေးကို မဖြစ်မနေ ဖော်ဆောင်ရန် ရှမ်းပြည်ပြန်လည်ထူထောင်ရေး ကောင်စီ (RCSS/SSA) ဥက္ကဋ္ဌ၊ ကရင်အမျိုးသား အစည်းအရုံး (KNU) ဥက္ကဋ္ဌနှင့် ပြည်ထောင်စုငြိမ်းချမ်းရေး ဖော်ဆောင်မှု လုပ်ငန်းကော်မတီ အဖွဲ့ခေါင်းဆောင်များက ဇွန် ၁၅ ရက်တွင် ရန်ကုန်မြို့ရှိ Myanmar Peace Center ၌ တွေ့ဆုံစဉ် ပြောကြားထားသည်။  
လက်ရှိအချိန်တွင် ပြည်ထောင်စုငြိမ်းချမ်းရေး ဖော်ဆောင်ရေးအဖွဲ့ အနေဖြင့် အစိုးရနှင့် တိုင်းရင်းသားလက်နက်ကိုင် တပ်များအကြား တိုက်ပွဲများ မဖြစ်ပွားရေး ညှိနှိုင်းဆွေးနွေးလျက်ရှိကြောင်း သိရသည်။  
"တစ်နိုင်ငံလုံး အတိုင်းအတာနဲ့ အပစ်အခတ် ရပ်စဲရေးကို ရက်သတ္တပတ် အနည်းငယ်အတွင်း လုပ်ဆောင်နိုင်ဖို့ အလားအလာ ကောင်းနေတဲ့အတွက် နှစ်ပေါင်းခြောက်ဆယ်ကျော်အတွင်း မြန်မာနိုင်ငံရဲ့ နေရာတိုင်းမှာ သေနတ်သံတွေ တိတ်ဆိတ်သွားတော့မှာ ဖြစ်ပါတယ်" ဟု နိုင်ငံတော်သမ္မတ ဦးသိန်းစိန်က ဇူလိုင် ၁၅ ရက်တွင် ဗြိတိန်နိုင်ငံ၊ လန်ဒန်မြို့ရှိ Chatham House ၌ ကျင်းပခဲ့သည့် စကားဝိုင်းဆွေးနွေးပွဲတွင် ပြောကြားခဲ့သည်။
နိုင်ငံတော်သမ္မတနှင့် ကာကွယ်ရေးဦးစီးချုပ်တို့ နှစ်ဦးစလုံး သဘောတူညီမှု ရရှိပြီးမှသာ တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်ကို တိုင်းရင်းသား လက်နက်ကိုင် အဖွဲ့များနှင့် ဆွေးနွေးတိုင်ပင်ရန် ဇူလိုင် ၁၉ ရက်က ရန်ကုန်မြို့၌ ကျင်းပခဲ့သည့် ပဉ္စမအကြိမ်မြောက် အရပ်ဘက် လူ့အဖွဲ့အစည်း ငြိမ်းချမ်းရေးဖိုရမ်မှ ပြည်ထောင်စုငြိမ်းချမ်ရေး ဖော်ဆောင်မှု လုပ်ငန်းကော်မတီ၊ ပြည်ထောင်စုလွှတ်တော်နှင့် တိုင်းရင်းသားလက်နက်ကိုင် အဖွဲ့များထံသို့ အရေးဆို တင်ပြချက်များအနက် ထည့်သွင်းဖော်ပြထားသည်။
Credit To Eleven Journal 
Read More »

အမေရိကန် နိုင်ငံရေးစနစ်နှင့် ၂၀၁၅ အိပ်မက် သမိုင်းတစ်ကွက်


(မှူးဇော်)

အမေရိကန်နိုင်ငံရေးစနစ်

အမေရိကန်ပြည်ထောင်စု၏ ၁၇၇၆ ခုနှစ်လွတ်လပ်ရေး ကြေညာစာတမ်းနှင့် ၁၇၈၇ ခုနှစ် ဖွဲ့စည်းပုံ အခြေခံဥပဒေတို့သည် ရာစုနှစ်နှင့်ချီ၍ ကြာမြင့်ခဲ့ပြီ ဖြစ်သော်လည်း အမေရိကန် နိုင်ငံရေးစနစ် တိုးတက် ပြောင်းလဲလာမှုတို့၏ အုတ်မြစ်အဖြစ် ဆက်လက်တည်တံ့နေဆဲ ဖြစ်သည်။ အမေရိကန်သမ္မတ အဆက်ဆက် အပြောင်းအလဲတွင် ယင်းပြဋ္ဌာန်းချက်များကို မည်သို့ နားလည်သဘောပေါက်သည်၊ မည်သို့ဖွင့်ဆိုသည်၊ မည်သို့လိုက်နာ ကျင့်သုံးသည် စသည်တို့အပေါ် မူတည်၍ နိုင်ငံရေးစနစ် အသွင်သဏ္ဌာန်များ ပြောင်းလဲလာခဲ့ကြောင်း ပညာရှင်များက ဆိုသည်။

အမေရိကန်နိုင်ငံရေးစနစ် အပြောင်းအလဲများကို လေ့လာရာတွင် အခြေပြုရမည့်အချက် သုံးချက်ရှိရာ (၁) အမေရိကန်သမ္မတများ အနေနှင့် အုပ်ချုပ်ရေးအာဏာကို မည်သို့နားလည် သဘောပေါက်သည်၊ အခြားသော ဥပဒေပြုရေးနှင့် တရားစီရင်ရေး တို့ကလည်း မည်သို့နားလည် သဘောပေါက် သည်ဟူသော အချက်၊ (၂) အမေရိကန် နိုင်ငံရေးစနစ်နှင့် အခြေခံဥပဒေဆိုင်ရာ အခင်းအကျင်းကို ပြောင်းလဲစေခဲ့သော အရေးပါသည့် အချိန်ကာလများတွင် သမ္မတများ မည်သည့်အခန်းကဏ္ဍကို ရယူ ဆောင်ရွက်ခဲ့သနည်း၊ (၃) သမ္မတများ၏ အုပ်ချုပ်ရေးအာဏာ ကျင့်သုံးမှုတို့တွင် မည်သည့်အချက်များ တူညီ၍ မည်သည့်အချက်များ ကွဲပြားလာသနည်း ဟူ၍ဖြစ်ကြောင်း သိရှိ ရသည်။

ထို့ကြောင့်လည်း အမေရိကန် နိုင်ငံရေးသိပ္ပံ ပညာရှင်များနှင့် အခြေခံဥပဒေ ကျွမ်းကျင်သူများက အမေရိကန် သမ္မတများ၏ သမိုင်းသည် အမေရိကန် နိုင်ငံရေးစနစ်၏ သမိုင်းပင် ဖြစ်သည်ဟု အဖြေထုတ်ခဲ့ခြင်း ဖြစ်သည်။

အမေရိကန်အာဏာ

အမေရိကန်ပြည်ထောင်စု၏ ဒုတိယဘုရားသခင်ဟု ရည်ညွှန်းထားရှိသည့် သမ္မတဂျော့ဝါရှင်တန်သည် ၁၉၇၃ ခုနှစ်တွင် ပြင်သစ်နှင့် ဗြိတိန်နှစ်နိုင်ငံအကြား တင်းမာမှုများတွင် မည်သည့်ဘက်ကိုမှ ရပ်တည်မည် မဟုတ်ဘဲ ကြားနေအဖြစ် ရပ်တည်မည် ဖြစ်ကြောင်း ထုတ်ပြန် ကြေညာခဲ့သည်။ နောက်သမ္မတများဖြစ်သော သောမတ်ဂျက်ဖာဆင်နှင့် ဂျိမ်းမက်ဒီဆင်တို့က ဝါရှင်တန်၏ တစ်ဖက်သတ် ဆုံးဖြတ်ချက်သည် အခြေခံဥပဒေနှင့်မညီ။ အဆိုပါဆုံးဖြတ်ချက်သည် စစ်ဆင်နွှဲခြင်းမပြုဟု ဆုံးဖြတ်ခြင်း ဖြစ်သည်။ အမှန်စင်စစ် စစ်ပွဲဆင်နွှဲရေးနှင့် သက်ဆိုင်သော အဆိုပါ ဆုံးဖြတ်ချက်မျိုးကို ကွန်ဂရက်ကသာ လုပ်ပိုင်ခွင့်ရှိသည်ဟု ကောက်ချက်ဆွဲခဲ့ကြသည်။

သို့သော် အမေရိကန်ပြည်ထောင်စု၏ ခေါင်းကိုင်ဖခင် တစ်ဦးဖြစ်သည့် ဟန်မီတန်ကမူ ဂျော့ဝါရှင်တန်၏ ဆုံးဖြတ်ချက် မှန်ကန်သည့်ဘက်မှ ရပ်တည်ခဲ့သည်။ စစ်ကြေညာခြင်းကို ကွန်ဂရက်၏ သဘောတူညီချက်ဖြင့် ဆောင်ရွက်ရမည်မှာ မှန်သော်လည်း စစ်ပွဲတွင် ကြားနေသည့် ဆုံးဖြတ်ချက်ကိုမူ အုပ်ချုပ်ရေး အာဏာပိုင်ဖြစ်သော သမ္မတက လုပ်ပိုင်ခွင့် အပြည့်အဝ ရှိသည်ဟု ၎င်းကဆိုသည်။ အခြေခံဥပဒေက သီးခြားပြဋ္ဌာန်းထားခြင်း မရှိစေကာမူ အမေရိကန်ပြည်ထောင်စု၏ အကျိုးစီးပွားနှင့် အမျိုးသားလုံခြုံရေးကို ရယူထမ်းဆောင်ရာ၌ ဆောင်ရွက်သင့်သည့် အရာမှန်သမျှ ဆောင်ရွက်ရမည်သာ ဖြစ်ကြောင်း ၎င်းကဆိုသည်။ အဆိုပါဂျော့ဝါရှင်တန်၏ ဆုံးဖြတ်ချက် အခြေခံ ဥပဒေနှင့်ညီ-မညီဟူသော အချက်မှာ နိုင်ငံရေးသိပ္ပံပညာရှင် များနှင့် အခြေခံ ဥပဒေ ပညာရှင်များအတွက် မပြီးပြတ်သေးသော အငြင်းပွားမှု တစ်ရပ်ဖြစ်နေဆဲ ဖြစ်သော်လည်း ကွန်ဂရက်ကမူ ဝါရှင်တန်နှင့် သဘောကွဲလွဲခြင်း မရှိခဲ့ခြင်းကြောင့် အမေရိကန်ပြည်ထောင်စုမှာ ငြိမ်းချမ်းသော အခြေအနေတွင် တည်ရှိခဲ့သည်။ အရေးပေါ် အခြေအနေ ကြုံတွေ့ရသည့် အချိန်ကာလတွင် သမ္မတ၏ အခွင့်အာဏာဖြင့် ဆုံးဖြတ်ဆောင်ရွက်ပိုင်ခွင့် ရှိသည်ဟူသော အချက်ကို အတည်ပြုပေးလိုက်သည့် အနေအထား ရှိခဲ့သည်။

ယင်းနည်းတူ အမေရိကန်သမ္မတများက အုပ်ချုပ်ရေးအာဏာ၏ လုပ်ပိုင်ခွင့်ဖြင့် ဆုံးဖြတ် ဆောင်ရွက်ခဲ့သော ဖြစ်စဉ်များ အများအပြားရှိခဲ့ပြီး ဂျက်ဖာဆင်၏ လူဝီယားနားပြည်နယ် ဝယ်ယူမှု၊ လင်ကွန်း၏ ဥပဒေနှင့်မညီဘဲ မဖမ်းဆီးရ ကန့်သတ်ချက်ကို ဆိုင်းငံ့မှု၊ ရုစဗဲ့၏ စစ်ပွဲမတိုင်မီ ဗြိတိန်နှင့် ဆိုဗီယက်တို့ကို စစ်ရေးအကူအညီပေးမှု၊ ရေဂင်၏ အီရန်သို့ စစ်လက်နက် ရောင်းချမှုနှင့် နိုင်ကာရာဂွါ သူပုန်များကို စစ်လက်နက် ထောက်ပံ့မှု၊ ဂျော့ဒဗလျူဘုရှ်၏ အီလက်ထရွန်နစ် ထောက်လှမ်းရေး ဆောင်ရွက်ခွင့်ပေးမှု စသည်တို့သည် ထင်ရှားသည့် သာဓကများ ဖြစ်သည်။

အမေရိကန်သမ္မတဟူသည် အမေရိက၏ ထိပ်ဆုံးကပုဂ္ဂိုလ် First Man in America ဟူသော ခံယူချက်ကို ဂျော့ဝါရှင်တန်က လက်ခံခဲ့ပြီး သောမတ်ဂျက်ဖာဆင် လက်ထက်တွင် အမေရိကန်သမ္မတသည် အမေရိက၏ ထိပ်ဆုံးကနိုင်ငံသား First Citizen ဟူသော ခံယူချက်ကို လက်ခံခဲ့သည်။ ဝါရှင်တန်၏ ခံယူချက်မှာ သာမန်ပြည်သူများထက် ပိုမိုကြီးမြတ်သော သဘောကိုဆောင်ပြီး ဂျက်ဖာဆင်၏ ခံယူချက်မှာ သာမန်နိုင်ငံသားများ ရှေ့က နိုင်ငံသားတစ်ဦးဟူသော သဘောကိုဆောင်ကြောင်း တွေ့ရှိနိုင်သည်။ ဟန်မီတန်ကမူ ကျွန်တော်တို့ ပြည်သူတွေ We, The People ဟူသော အခြေခံဥပဒေပါ သဘောထားကို ခံယူခဲ့သူ ဖြစ်သည်။

ယခင်ကအမေရိကန် သမ္မတများသည် အခြေခံဥပဒေကို ထိန်းသိမ်း၊ ကာကွယ်၊ စောင့်ရှောက်ရန် To Preserve, Protect, and Defend the Constitution ဟူ၍ ကျမ်းသစ္စာ ကျိန်ဆိုသည့်အတိုင်း ခံယူခဲ့ကြသော်လည်း နောက်ပိုင်းတွင် Of the People, By the People, For the People ဟူသော ခံယူချက် သဘောထားများ ထားရှိလာခဲ့ကြသည်။ ဂျော့ဝါရှင်တန်နှင့် ဂျွန်အဒမ်တို့သည် ရီပတ်ဘလီကန် သမ္မတများ ဖြစ်ကြပြီး ပြည်သူလူထုသည် အာဏာဆင်းသက်ရာ အန္တိမဟူ၍ လက်ခံထားခဲ့သော်လည်း ပြည်သူများ၏ လွတ်လပ်မှုကို ဆောင်ကြဉ်းရာတွင် အများစုသဘော တူညီချက်အတိုင်း ဆောင်ရွက်ရန် လိုအပ်သည်ဟု ရှုမြင်ထားခဲ့ကြသည်။ သောမတ်ဂျက်ဖာဆင်မှာ ဒီမိုကရက် သမ္မတတစ်ဦးဖြစ်ပြီး ပြည်သူများ၏ လွတ်လပ်မှုကို ကာကွယ်ပေးခြင်းသည် အခြေခံဥပဒေပါ အပြန်အလှန် ထိန်းကျောင်းမှု Constitutional Checks and Balances မဟုတ်ဘဲ စည်းမျဉ်းစည်းကမ်းဖြင့်သာ ဆောင်ရွက်ပေးရမည်ဟု ယုံကြည်ထားသည်။ အမေရိကန်ပြည်ထောင်စု ဟူသည်မှာ အများစုသဘောဆန္ဒမှ ဥပဒေများ ဖြစ်လာပြီး ယင်းဥပဒေများဖြင့် အုပ်ချုပ်သည့်နိုင်ငံ ဖြစ်သည်ဟု ထုတ်ဖော် ပြောကြားခဲ့သည်။ အုပ်ချုပ်ရေးအာဏာ ဟူသည်မှာ ဤသည်ကို ဆိုလိုကြောင်း ဂျက်ဖာဆင်က အစပြုခဲ့ပြီး သမ္မတအန်ဒရူးဂျက်ဆင် လက်ထက်တွင် ယင်းအယူအဆအတိုင်း ဆက်လက်ဖော်ဆောင်ခဲ့သည်။

အမေရိကန်ဒီမိုကရေစီ

ဆိုရလျှင် အမေရိကန်သမ္မတ များသည် အမေရိကန် နိုင်ငံရေးစနစ် တိုးတက်ပြောင်းလဲမှု၏ ဗဟိုချက်များ ဖြစ်ခဲ့သည်။ ရုစဗဲ့လက်ထက် ဆောင်ရွက်ခဲ့သော New Deal သည် နိုင်ငံရေးစနစ် ပြုပြင်ပြောင်းလဲရေး၌ အုပ်ချုပ်ရေးအာဏာကို ဗဟိုပြု၍ ဆောင်ရွက်ခဲ့ခြင်း ဖြစ်သည်။ ဒုတိယ ကမ္ဘာစစ် နောက်ခံအနေအထားအရ ရုစဗဲ့သည် အုပ်ချုပ်ရေးအာဏာကို ခိုင်မာအောင် တည်ဆောက်နိုင်ခဲ့ပြီး တရားရုံးများ၏ သီးခြားလွတ်လပ်မှုကို မြှင့်တင်နိုင်ခဲ့ကာ ဥပဒေပြုရေးမှ အုပ်ချုပ်ရေးတွင် ဝင်ရောက် စွက်ဖက်ခြင်းများကိုလည်း ဖယ်ရှားနိုင်ခဲ့သည်။ ရုစဗဲ့၏ ကြွေးကြော်သံများ ဖြစ်သော Freedom From Want နှင့် Freedom From Fear များကိုလည်း အမေရိကန်ပြည်သူများက ထောက်ခံခဲ့ကြသည်။

ရုစဗဲ့၏ New Deal မှာ အခြေခံဥပဒေပါ တရားရုံးများ၏ လုပ်ပိုင်ခွင့်ကို မထိခိုက်စေဘဲ ပြည်သူများ၏ အခွင့်အရေး၊ ပိုင်ခွင့်များကို တိတိကျကျ ပြန်လည်သတ်မှတ်ခြင်း ဖြစ်သည်ဟု ရုစဗဲ့က ဆိုသည်။ အမေရိကန်ပြည်ထောင်စု ကြုံတွေ့နေရသော ပြဿနာမှာ အခြေခံဥပဒေ မဟုတ်ဘဲ အခြေခံဥပဒေကို မည်သို့မည်ပုံ ဘာသာပြန် ကြသလဲ၊ ကျင့်သုံးကြသလဲ ဟူ၍သာ ဖြစ်ကြောင်း ရုစဗဲ့က ရှင်းလင်းပြောကြား ခဲ့သည်။

ယင်းနောက်ပိုင်းတွင် အမေရိကနှင့် ခေါင်းဆောင်များသည် ရုစဗဲ့၏ New Deal ကို အသက်ဝင်လာပြီး ပိုမိုခိုင်မာလာစေရန် ကြိုးပမ်း အားထုတ်ခဲ့ကြရာ ကမ္ဘာ့စီးပွားရေး၊ ရာသီဥတု ပြောင်းလဲမှု၊ အမိမြေလုံခြုံရေး စသည့် ကမ္ဘာလုံးဆိုင်ရာ ပြဿနာများကို ဖြေရှင်းနိုင်သည်အထိ လိုက်နာ ဆောင်ရွက်ခဲ့ကြသည်။ ဤသည်မှာ အမေရိကန်နိုင်ငံ၏ ဒီမိုကရေစီတွင် နိုင်ငံရေး သဘောတရားဟူသည့် သမိုင်းနိဂုံး ချုပ်သွားသည့် အခြေအနေသို့ ရောက်ပြီဟု ယူဆရန် မဟုတ်ပါ။ အမေရိကန် နိုင်ငံရေးစနစ်၏ ဆင့်ကဲ တိုးတက်ပြောင်းလဲ လာခဲ့သော အခြေအနေများသည် အကြမ်းဖက် ခြိမ်းခြောက်မှု၊ ကမ္ဘာလုံးဆိုင်ရာ ဘဏ္ဍာရေး အကျပ်အတည်း စသည်တို့ကို ရင်ဆိုင်ဖြေရှင်းနိုင်သည့် အနေအထားသို့ ရောက်ရှိခဲ့ပြီးနောက် ရှေ့ဆက် ဖြစ်ပေါ်လာမည့် စိန်ခေါ်မှုများကိုလည်း အမေရိကန်သမ္မတများက ရင်ဆိုင်ဖြေရှင်း နိုင်စေမည့် အင်စတီကျူးရှင်းများကို ခိုင်ခိုင်မာမာ တည်ဆောက်နိုင်ခဲ့ပြီ ဖြစ်သည်။

သို့သော်လည်း ရီပတ်ဘလီကင်နှင့် ဒီမိုကရက်များအကြား၊ ကွန်ဆာဗေးတစ်နှင့် လစ်ဘရယ် များအကြား အိုင်ဒီယာ အငြင်းပွားမှုများမှာ အုပ်ချုပ်ရေးအာဏာကို မည်သို့အသုံးချရမည်ဟူသော အချက်ပေါ်တွင် သဘောထား ကွဲလွဲနေဆဲ ဖြစ်သည်။ ဒီမိုကရက်များက Freedom From Want ကို ဦးစားပေးထားကြရာ သက်သာချောင်ချိရေးကို နိုင်ငံတော်က ဆောင်ကြဉ်းပေးပြီး လွတ်လပ်မှုကို အရှည်တည်တံ့စေမည့် လုပ်ထုံးလုပ်နည်း စည်းမျဉ်းစည်းကမ်းများ သတ်မှတ်ပေးရမည်ဟု ယူဆထားကြသည်။ ရီပတ်ဘလီကင်တို့ကမူ Freedom From Fear ကို ဦးစားပေးပြီးအမိ မြေလုံခြုံရေးသည် ထိပ်တန်းဦးစားပေး ဖြစ်သည်ဟု ခံယူထားကြသည်။

အဆိုပါ အယူအဆ အငြင်းပွားမှုကို ကြည့်လျှင် အမေရိကန်ပြည်ထောင်စုသည် နိုင်ငံသားတို့ အခွင့်အရေးဟူသော စကားရပ်၏ ဖွင့်ဆိုချက်၊ နိုင်ငံသားများကို မည်သို့အကောင်းဆုံး ကာကွယ် စောင့်ရှောက်မည်နည်း ဟူသော အချက်တို့တွင် ကွဲလွဲနေဆဲ ဖြစ်ကြောင်း တွေ့ရှိနိုင်သည်။

မကြာသေးသော သမ္မတများ ဖြစ်ကြသည့် ကလင်တန်နှင့် ဘုရ်ှတို့ လက်ထက်များတွင် သမားရိုးကျ အခြေခံဥပဒေ မူဘောင်များ၊ နိုင်ငံရေးပါတီများ၏ မူဘောင်များနှင့် ကွဲလွဲသော အုပ်ချုပ်ရေးကို ဖော်ဆောင် ခဲ့ကြသော်လည်း ဝါရှင်တန် နိုင်ငံရေး အသိုင်းအဝိုင်းနှင့် ပြည်သူလူထုအကြား ဝေဖန်မှုများ အပြင်းအထန် ကြုံတွေ့ခဲ့ရသည်။ ယခုနောက်ဆုံး အိုဘားမား လက်ထက်တွင် သမ္မတအာဏာနှင့် အခြေခံဥပဒေကို အခြေပြုသော ဒီမိုကရေစီတို့ကို ပြန်လည် ပေါင်းစည်းထားသည့် အုပ်ချုပ်ရေး အသွင်သဏ္ဌာန် ထွက်ပေါ်လာခဲ့သည်။ အိုဘားမားသည် ဖွဲ့စည်းပုံ အခြေခံဥပဒေဆိုင်ရာ ကျွမ်းကျင်သူ ဥပဒေပညာရှင်တစ်ဦး ဖြစ်ခြင်းကြောင့်လည်း ခေတ်သစ် အမေရိကန်သမ္မတတစ်ဦး၏ ပုံရိပ် ထွက်ပေါ်လာခဲ့ခြင်း ဖြစ်သည်။

၂၀၁၅ အိပ်မက်သမိုင်းတစ်ကွက်

လက်ရှိ မြန်မာ့ဒီမိုကရေစီသည် လက်ရှိအမေရိကန် ဒီမိုကရေစီနှင့် မျဉ်းတန်းသဘော နှိုင်းယှဉ်ရန် မလွယ်ကူလှသော အနေအထားမှာ ဖြတ်သန်းခဲ့သော သမိုင်းကြောင်း၊ ရရှိခဲ့သည့် အတွေ့အကြုံ၊ ထုတ်ဖော်ခဲ့သည့် သင်ခန်းစာများ စသည်တို့မှာ များစွာခြားနား နေသောကြောင့် ဖြစ်သည်။ လက်ရှိ မြန်မာ့နိုင်ငံရေး၊ မြန်မာ့ဒီမိုကရေစီ နောက်ကြောင်း ပြန်လှည့်ခြင်း၊ မလှည့်ခြင်းသည် မြန်မာ့ဒီမိုကရေစီ မည်သည့် လမ်းကြောင်းကို သွားမည်နည်းဟူသော ပန်းတိုင်က ဦးစွာလာရမည် ဖြစ်သည်။ ၂၀၁၅ အိပ်မက်ကို အနီးဆုံးထား၍ စဉ်းစားကြည့်လျှင်ပင် လက်ရှိကြုံတွေ့နေရသော စိန်ခေါ်မှုများကို ၂၀၁၅ အလွန် ဖြစ်နိုင်ဖွယ်ရာ အခင်းအကျင်းနှင့် ဆက်စပ်ပုံဖော်ကြည့်လျှင် ဒီမိုကရေစီမည်မျှ ခိုင်မာစေမည်ကို မှန်းဆကြည့်နိုင်မည် ဖြစ်သည်။ အမေရိကန်သမ္မတများ၏ သမိုင်းသည် အမေရိကန် နိုင်ငံရေးစနစ်၏ သမိုင်းပင် ဖြစ်သည်ဟု ဆိုသည့်အတိုင်း မြန်မာသမ္မတများ၏ သမိုင်းသည် မြန်မာ့နိုင်ငံရေးစနစ်၏ သမိုင်း ဖြစ်လာမည်သာ ဖြစ်သည်။၂၀၁၅ အိပ်မက်သည် သမိုင်းတစ်ကွက် ဖြစ်လာမည်ဆိုလျှင် ယင်းသမိုင်း တစ်ကွက်သည်ပင် သန်း ၆၀ အတွက် အရေးကြီးလှသော ခြေလှမ်းတစ်လှမ်း ဖြစ်လာပေလိမ့်မည်။

[Ref – The Presidency in the Eye of Storm by Marc Landy and Sidney M. Mikis]
Credit To The Voice Weekly
Read More »

အရှေ့မြောက်ဖျားက လောင်းကစားမြို့ပျက်


(မင်းထက်စံ)

ဆောင်းတစ်မျိုး၊ နွေတစ်မျိုး၊ မိုးတစ်မျိုး လှပနေသည့်နေရာ၊ သစ်ပင်မပေါက်သော တောင်ပူစာကလေးများ စီတန်းနေသည့် ချန်ယိမ်းခူး လွင်ပြင်သည် ဇူလိုင်မိုးဖွဲများ အောက်တွင် စိမ်းစိုနေပြီး မြူခိုးများ ရစ်သိုင်းလျက် ရှိသည်။ ပန်းအဝါရောင်များ ဖူးပွင့်ရာ ပန်းဝါလွင်ပြင်ဟု တင်စားခေါ်ဝေါ်ကြသော ချန်ယိမ်းခူး လွင်ပြင်အနီးတွင် အဖိုးတန် အဆောက်အအုံများဖြင့် ပြည့်နှက် လျက် ရှိသော်လည်း တစပြင်ကဲ့သို့ တိတ်ဆိတ်နေသည်။

ဖြောင့်ဖြူးနေသော ကွန်ကရစ်လမ်းမပေါ်တွင် မြင်းချေး၊ နွားချေးတို့ဖြင့် ပြည့်နှက်နေပြီး တန်ဖိုးကြီးမားစွာ တည်ဆောက်ထားသော အဆောက်အအုံတို့တွင် ကာရံထားသည့် မှန်ချပ်တို့က ကွဲကျကာ ပြန့်ကျဲလျက်ရှိပြီး လူတစ်ဦးတစ်ယောက်မျှ ထွက်လာသည်ကို မတွေ့ရ။ အဆောက်အအုံ ပျက် တစ်ခုရှေ့တွင်မူ ခွေးတစ်ကောင် အညောင်းဆန့်နေသည်။

ထိုနေရာမှာ မြန်မာနိုင်ငံ အရှေ့မြောက်ဖျား ကချင်ပြည်နယ်၏ နယ်စပ်မြို့ဖြစ်သော ပန်ဝါမြို့နှင့် လေးမိုင်ခန့် အကွာတွင်ရှိသည့် လောင်းကစားရုံများ ဖွင့်လှစ်ခဲ့ရာ တရုတ်အမည် ‘ခိုင်ဖာရှီ’ ဟူသော အမည်ဖြင့် မြို့သစ်စီမံကိန်း အိမ်ရာများ ဖြစ်သည်။ ၂၀၁၀ ဝန်းကျင်တွင် အထူးစည်ကားသည့်နေရာ ဖြစ်သော်လည်း ယခုမူ ပန်ဝါ-ချီဖွေ ကားလမ်းမကြီးပေါ် ဆိုင်တစ်ဆိုင်နှစ်ဆိုင် ဖွင့်ထားသည်မှအပ လူတစ်ဦးတစ်ယောက်မျှ မနေကြတော့ပေ။

ယင်းမြို့ပြ စီမံကိန်းကို ၂၀၀၄ ခုနှစ်တွင် ကချင်အထူးဒေသ (၁) နှင့် တရုတ်စီးပွားရေး လုပ်ငန်းရှင်များ အကျိုးတူပူးပေါင်းကာ စတင်တည်ဆောက်ခဲ့ပြီး ၂၀၁၀ ပြည့်နှစ်တွင် ဖွင့်လှစ်ခဲ့သည်။ မြို့ပြသစ် စီမံကိန်းအတွက် မြေဧက ၅၀ နီးပါးလျာထားပြီး ၁၀ ဧကခန့်တွင် အဆောက်အအုံများ တည်ဆောက်ပြီးချိန်၌ ဖွင့်လှစ်ခဲ့ခြင်းလည်း ဖြစ်သည်။

ယင်းလောင်းကစားရုံများ ဖွင့်လှစ်ချိန်တွင် တရုတ်စီးပွားရေး လုပ်ငန်းရှင်များက တစ်ရက်လျှင် ယွမ်ငွေ သိန်းချီ ဖြုန်းတီးခဲ့ကြပြီး အချို့လောင်းကစားသမားများမှာ တရုတ်နိုင်ငံ၏ အစိုးရဝန်ထမ်းများ ဖြစ်သောကြောင့် ဌာနဆိုင်ရာငွေများ သုံးဖြုန်းသည့်အတွက် အရေးယူရသူများ ရှိသည့်အပြင် တရုတ်ယွမ်ငွေများစွာ မြန်မာနိုင်ငံ နယ်နိမိတ် အတွင်းရှိ လောင်းကစားဝိုင်းသို့ စီးဆင်းနေသည့် အတွက်လည်း လောင်းကစားရုံ ဖွင့်လှစ်သော လုပ်ငန်းရှင်များကို အရေးယူခဲ့သောကြောင့် ပိတ်ပင်ပြီးနောက် ကေအိုင်အေနှင့် တိုက်ပွဲ ဖြစ်ပွားသည့်အတွက် ပြန်လည် ဖွင့်လှစ်နိုင်ခြင်း မရှိတော့ကြောင်း ကချင်အထူးဒေသ (၁) ၏ ပြောဆိုချက်များအရ သိရသည်။

အဆိုပါ လောင်းကစားဝိုင်းသည် ပိုင်ဆိုင်မှုများ ပြနိုင်ပါက ငွေထုတ်ချေးပေးပြီး လောင်းကစားဝိုင်း ပြီးလျှင် ပြန်လည် ပေးဆပ်ရကာ မပေးဆပ်နိုင်ပါက ဟိုတယ်တွင် အကျယ်ချုပ်သဘော ထိန်းသိမ်းထားပြီး ငွေနှင့်ရွေးခိုင်းသည့် ပြန်ပေးဆွဲဆန်ဆန် ပုံစံဖြစ်ခဲ့သည်ဟု ဒေသခံတစ်ဦးက ပြောပြ သည်။
“လောင်းကစားဝိုင်းမှာ လုပ်တဲ့သူက တစ်လကို ယွမ်တစ်ထောင်လောက် (မြန်မာငွေ ကျပ်နှစ်သိန်းနီးပါး) ရတယ်” ဟု ၎င်းက ပြောပြသည်။

ထိုစဉ်က ပန်ဝါနှင့် ခိုင်ဖာရှီ (မြို့ပြသစ်) တွင် ကချင်ပြည်နယ်တွင်းရှိ အခြေခံ လူတန်းစားများသာမက မြန်မာနိုင်ငံ အလယ်ပိုင်း၊ အောက်ပိုင်းဒေသများကပါ အလုပ်လာရောက် လုပ်ကိုင်ကြပြီး အလုပ် အကိုင် အခွင့်အလမ်းများ ပေါများခဲ့သည်။ သို့သော် ယင်းမြို့ပြသစ်ရှိ လောင်းကစားဝိုင်းမှာ တရားဝင် ဖွင့်လှစ်ခြင်းတော့ မဟုတ်ပေ။

ထိုကဲ့သို့ လောင်းကစားဝိုင်းများမှာ ပန်ဝါဒေသတွင်သာ ရှိသည်မဟုတ်၊ နယ်စပ်ဒေသများ ဖြစ်သည့် ကံပိုက်တည်၊ မိုင်ဂျာယန်၊ ပန်ဆန်၊ ကော့သောင်း ၊သူဌေးကျွန်း အစရှိသော နေရာများတွင် ကာဆီနိုဟု ခေါ်သော လောင်းကစားဝိုင်းများ ရှိနေသည်။

ကချင်အထူးဒေသ (၁)နယ်မြေအတွင်း ပန်ဝါဒေသနှင့် ကံပိုက်တည်တို့တွင် လောင်းကစားဝိုင်းများ ရှိခဲ့သော်လည်း လက်ရှိတွင် မြို့ပျက်ကဲ့သို့ ဖြစ်နေသည်။
ထိုစဉ်က လောင်းကစားဝိုင်းများကို ဖွင့်လှစ်ခဲ့သည့်အတွက် ကချင်အထူးဒေသ (၁) လူမျိုးစု အကြီးအကဲ ဦးဇခုန်တိန့်ယိန်းကို ဒေသဖွံ့ဖြိုးရေးထက် ကိုယ်ကျိုးစီးပွားအတွက် လုပ်ဆောင်သည်ဟု ဝေဖန်မှုများ ထွက်ပေါ်ခဲ့သည်။

လက်ရှိလူမျိုးစု အကြီးအကဲ ဖြစ်နေသူ ဦးဇခုန်ယိမ်းဆောင်ကမူ ဒေသတွင်း ဖွံ့ဖြိုးရေးအတွက် လမ်းများဖောက်လုပ်ခြင်း၊ စာသင်ကျောင်းများ ဆောက်လုပ်ပေးခြင်းတို့ကို ပြုလုပ်ပေးခဲ့သည်များ စာရင်းဇယားများ ရှိကြောင်း ပြောကြားသည်။
သို့သော် ၎င်းက“လောင်းကစားဝိုင်းက ဝင်တဲ့ငွေတွေက တရားဝင်တော့ မဟုတ်ဘူး” ဟုလည်း ပွင့်ပွင့်လင်းလင်း ဝန်ခံပြောပြသည်။

နယ်စပ်ဒေသများတွင် လောင်းကစားဝိုင်းများကို နိုင်ငံတော်အစိုးရက ဥပဒေဖြင့် လုပ်ကိုင်နိုင်လျှင် ကောင်းမွန်မည်ဟုလည်း မှတ်ချက်ပေးသည်။

လက်ရှိ အနေအထားအရ ကချင်အထူးဒေသ (၁) နယ်မြေ အတွင်းတွင် ကေအိုင်အေနှင့် တိုက်ပွဲများ ဖြစ်ပွားခဲ့သည့်အတွက် ဒေသတွင်း ဖွံ့ဖြိုးရေးလုပ်ငန်းစဉ်များ ရပ်နားထားပြီး လောင်းကစားရုံများ လည်း ပြန်ဖွင့်လာနိုင်သည့် အနေအထား မရှိကြောင်း တွေ့ရသည်။

အကျည်းတန်နေသော ခိုင်ဖာရှီသည် စတင်ဖွင့်လှစ်စက ဟိုတယ်နှင့် လောင်းကစားရုံကြီး လေးရုံနှင့် ညဈေးတန်းများကို ဖွင့်လှစ်ပြီး လောင်းကစားရုံများ ပိတ်ရသည့် အချိန်တွင် လူအနည်းငယ် ရှိသေး သော်လည်း ကေအိုင်အေနှင့် တိုက်ပွဲဖြစ်ပွားချိန်တွင် ဒုက္ခသည် ခိုလှုံရန် ထားရှိသေးသော်လည်း နယ်မြေ မလုံခြုံသည့်အတွက် ပန်ဝါမြို့ထဲသို့ ပြောင်းရွှေ့ခဲ့ကြောင်း ဒေသခံများ၏ ပြောဆိုချက်အရ သိရသည်။
“တိုက်ပွဲအတွင်းမှာ အဆောက်အအုံထဲက ပစ္စည်းတွေ အကုန်ပျက်စီးကုန်တယ်။ တချို့ပျက်စီးတာကလည်း အနီးတစ်ဝိုက်က လူတွေထုခွာယူကြတယ်” ဟု ဒေသခံတစ်ဦးက လောင်းကစားရုံ၏ မျက်နှာစာ မှန်ချပ်တွင် သေနတ်ကျည် ထွင်းဖောက်သွားခြင်းကို လက်ညှိုးထိုးပြကာ ပြောပြသည်။

ယင်းလောင်းကစားဝိုင်း အဆောက်အအုံများ၊ ဆိုင်ခန်းနှင့် အိမ်အဆောက်အအုံများကို နယ်မြေ ငြိမ်းချမ်းလာသည့် အချိန်တွင် ကုန်သွယ်ရေးဇုန် ဖွင့်လှစ်ကာ ဂိုဒေါင်များ ပြုလုပ်ရန် ရည်ရွယ်ထားကြောင်း ကချင်အထူးဒေသ (၁) ၏ အကြီးအကဲအပြင် ကချင်ပြည်နယ် လွှတ်တော် ကိုယ်စားလှယ်လည်း ဖြစ်သူ ဦးဇခုန်ယိမ်းဆောင် ပြောကြားသည်။

အစိုးရနှင့် ကေအိုင်အိုတို့မှာ အပစ်အခတ် ရပ်စဲရေး သဘောတူညီမှု မရသေးဘဲ အချက်ခုနစ်ချက်ပါသော သဘောတူညီမှုကို မေလ ၃၁ ရက်နေ့က မြစ်ကြီးနားမြို့ မနောကွင်းတွင် လက်မှတ်ရေးထိုးထားသည့် အခြေအနေသာ ရှိသေးသည်။ အပစ်အခတ် ရပ်စဲကာ ငြိမ်းချမ်းရေး ရရန်မှာမူ ထင်ထင်ရှားရှား မမြင်ရသေးပေ။ တိုက်ပွဲများကြောင့် ရှောင်တိမ်းလာသော ဒုက္ခသည် များလည်း နယ်မြေငြိမ်းချမ်းရေးကို မျှော်လင့်နေကြဆဲ ဖြစ်သည်။

မှန်စမှန်ကွဲများ ပြန့်ကျဲလျက် နွားချေး၊ မြင်းချေးများဖြင့် ညစ်ပတ်နေသော အဆောက်အအုံပျက် တို့အပြင် ဒေသတွင်း ဖွံ့ဖြိုးရေးအတွက် ဖောက်လုပ်ထားသော လမ်းများ၊ တံတားများ ပျက်စီးနေခြင်းများနှင့် စီးပွားရေးလုပ်ငန်းများ မလုပ်ဆောင်နိုင်ခြင်းတို့မှာ တိုက်ပွဲ၏ လက်ရှိအခြေအနေကို ညွှန်ပြနေခြင်း ဖြစ်သည်။

ယခင်က အထူးစည်ကားခဲ့သော လောင်းကစားရုံများနှင့် အဆောက်အအုံဟု ထင်မှတ်စရာမရှိ။ ခိုင်ဖာရှီ အမည်ရှိသော တရုတ်စာတန်းကြီးမှာ ပျက်စီးနေပြီး အကာအရံ အုတ်နံရံများမှာလည်း ပြိုကျပျက်စီးကာ ချီဖွေ-ပန်ဝါ တောင်ပေါ်လမ်း၏ အနောက်ဘက် ထင်ရှူးတောအုပ်များ အလယ်တွင် အထီးကျန်စွာ တည်ရှိနေသည်။ ဇူလိုင်မိုးဖွဲများက တဖွဲဖွဲကျကာ မြူနှင်းများ ရစ်သိုင်းနေဆဲ ဖြစ်သည်။

Credit To The Voice Weekly
Read More »

နိုင်ငံရေးသမားမှ နိုင်ငံရေးအမြင်တတ်လုပ်တတ်တယ် ဟုဆိုလာသော အသက်(၉၀)ကျော် ဖဆပလ၀ါရင့်နိုင်ငံရေးသမားကြီး တံစဉ်သိန်း


မကွေးတိုင်းဒေသကြီး၊မကွေး ခရိုင်၊တောင်တွင်းကြီးမြို့နယ်၊ အုန်းတော(၁)ရပ်ကွက်၊အိမ်အမှတ် (၁၁၀)နေ ၁၉၅၀ခုနှစ်ဝန်းကျင်မှ စ၍ဖဆပလတွင်ပါဝင်ခဲ့သော နိုင်ငံရေးဝါရင့်ပုဂ္ဂိုလ်ကြီးတံစဉ်သိန်း နှင့်တွေ့ဆုံမေးမြန်းခဲ့ပါသည်။ မေး- နိုင်ငံတော်အစိုးရ အသစ် လက်ထက်ဝန်ထမ်းတွေကိုလစာတိုး ပေးပါတယ်။အဲဒါနဲ့ပတ်သက်ပြီး ဆရာကြီးတို့ဖဆပလနိုင်ငံရေးသမား တစ်ဦးအနေနဲ့ဘယ်လိုမြင်ပါသလဲ၊ ဘယ်လိုယူဆ ပါသလဲ။
ဖြေ- အဲဒါကြိုက်ပါတယ်။ ပြည်သူ့ဝန်ထမ်းတွေ စားသုံးမှုခက်ခဲမှန်းသိလို့အစိုးရက ပေးတာပေးထိုက်ပါတယ်။ဒါပေမဲ့ အဲဒီလိုပေးတဲ့နေရာမှာအတိုင်းအဆ တစ်ခုတော့ရှိရပါမယ်။စားသုံးမှု ပြေလည်အောင်လို့ပေးတာအဓိက ပါ။အခုတော့လစာနည်းသူ၊ အလယ်အလတ်ရသူ၊အထက်တန်း လစာရသူ၊နောက်အလွန်များပြား တဲ့လစာကြီးတွေရနေသူတွေပါ အားလုံးတစ်ညီတည်းပေးတာဆို တော့ဒါမမှန်ဘူး၊မလုပ်သင့်ဘူး (ဆန်လာလုံးချင်း၊ဖွဲလာလုံးချင်း) ဆိုတာမလုပ်သင့်တဲ့ကိစ္စပါ။ဥပမာ လစာငါးသောင်းနဲ့တစ်သိန်းကျော် အတွင်းရသူတွေပေးရမယ်။လစာ ငါးသိန်းနဲ့အထက်ရနေသူတွေဟာ စားသုံးမှုပြေလည်နေပြီ၊ပေးဖို့မလို ဘူးထင်တယ်။ငါးသိန်းဆိုမိသားစု ဆယ်ယောက်ကောင်းကောင်းစား နိုင်တယ်။ငါတို့အဘိုးကြီး၊အမယ် ကြီးနှစ်ယောက်ကိုသားသမီးကပေး တာသုံးသောင်း။ငါ့အိမ်သားဆရာမ ပင်စင်ကတစ်လ(၈၀၁၄)ရတာနဲ့ပဲ လောက်အောင်စားနေတာပါ။စားနိုင်ပါတယ်။ခုတော့တာဝန်ရှိ သူတွေကစားသုံးမှုခက်ခဲသူကော ပိုလျှံသူရောတန်းတူပေးနေတာက နိုင်ငံရေးမသိလို့လုပ်နေကြတာပါ။  မေး- ဒါနဲ့မူလတန်းကျောင်း သား/ကျောင်းသူအားလုံးကိုတစ် ယောက်(၁၀၀၀)စီပေးမယ်လို့ဂျာနယ် တွေမှာဖတ်ရသလိုအပြင်မှာတကယ် ပေးနေတယ်လို့လည်းကြားသိရပါ တယ်။အဲဒါကောဆရာကြီးအနေနဲ့ ဘယ်လိုမြင်ပါသလဲ။
ဖြေ- အဲဒါနည်းလမ်းမကျဘူးကွ။ ဆရာကြီးစောစောကပြောသလို လစာငါးသိန်းနဲ့ အထက်ရသူ (သို့မဟုတ်)အရပ်သားထဲက ကိုယ်ပိုင်အလုပ်တစ်ခုခုနဲ့တစ်လ ငါးသိန်းကျော်ဝင်ငွေရနေသူရဲ့ သားသမီးကို(၁၀၀၀)ပေးဖို့မလိုဘူး။ အဲဒါမှဆင်းရဲတဲ့မိဘ သားသမီး ကို(၁၀၀၀)ထက်ပိုပြီးပေးဖို့ငွေထွက် လာမှာမဟုတ်လား။အဲဒီလိုအ တိုင်းအဆစည်းစနစ်ရှိရမယ်။စနစ် တကျလုပ်တတ်မှ၊လုပ်မှသာအမှန် တရားပါ။ ဘာမဆိုတစ်ညီတည်း လုပ်ရတာလွယ်တယ်။ဒါပေမဲ့ မမှန် ဘူး။
မေး- အခုအစိုးရကလစာ ကော၊အပိုဆောင်းငွေတွေလည်း ပေးလိုက်တော့ကုန်ဈေးနှုန်းလည်း တက်လာတယ်လို့ကြားသိရတယ်။ အဲဒါကောဆရာကြီးအနေနဲ့ဘယ် လိုမြင်ပါသလဲ။
ဖြေ-သူတို့ကတော့ ဒါကိုလုပ်ပြီးပြီ လို့ထင်မှာပေါ့။တကယ်တော့မပြီးသေး ဘူး။ဒီလိုလစာတိုးပေးတာနဲ့တစ် ချိန်တည်းမှာတွဲဖက်လုပ်ရမှာက ကုန်ဈေးနှုန်းမတက်အောင်လုပ်ရ မှာ။လုပ်တတ်ရင်ရပါတယ်။လစာ တိုးပေးလေ၊ကုန်ဈေးနှုန်းကျလာလေ အဲဒါမျိုးတောင်လုပ်လို့ရတယ်။ ဗိုလ်ချုပ်အောင်ဆန်းလက်ထက် ၁၉၄၅-၄၆ခုမှာငါကိုယ်တိုင်ကြုံ ဖူးတာက ငါပျော်ဘွယ်ကနေ ပလေကပ်လုံချည်တစ်ထည်(၄၀)ပေး ၀ယ်ဝတ်တယ်။အိန်္ဒိယကထုတ် တာပါ။နောက်(၆)လလောက်ရှိ တော့(၂၈)ပေးရတယ်။နောင်နှစ် တွေမှာ(၁၈)ကျပ်ဖြစ်တယ်။နောက်ရက်ကန်းလုပ်ငန်းတွေအစိုးရ ကဦးဆောင်လုပ်လိုက်တာ(၂/၆၄) တစ်ထည်(၇)ကျပ်၊(၂/၈၀)တစ်ထည် (၉ကျပ်/၁၀)အထိဈေးကျသွားတယ်၊ တခြားစားစရာပစ္စည်းတွေလည်း အဲဒီအတိုင်းဈေးကျသွားပါတယ်။ အဲဒါဆရာကြီးကိုယ်တွေ့ပါ။ မေး- ဒါနဲ့ဆရာကြီးအဲဒီလိုဖြစ် အောင်ခုကောလုပ်လို့ရပါမလား။ ဖြေ- ရပါတယ်။အခုပြည်ပကိုပို့ နေတဲ့အဲဒါတွေကိုလျှော့ပို့ပြီးကိုယ့် နိုင်ငံကပိုလျှံမှသာပို့ရမယ်။ဈေးကွက်ရှိသမျှပို့ပေးနေတော့ နိုင်ငံမှာရှိတဲ့ပြည်သူတွေကသား ငါးမစားနိုင်။ဆိတ်၊၀က်၊အမဲဈေးကြီး လို့မစားနိုင်၊ဈေးတွေကတစ်နေ့တစ် ခြားလျော့သွားတယ်မရှိဘူး။တက် လာတယ်။ဒါတွေကိုဈေးမတက် အောင်ထိန်းချုပ်ရမယ်။ဒါမှဈေး သက်သာမယ်။ဒါတွေကို ဦးဝင်းတင်တို့သိမှာပါ။သူဘာလို့ ဒီလိုင်းမှာမရေးလဲ။ဒေါ်အောင် ဆန်းစုကြည်ကရောဒါတွေကိုလွှတ် တော်မှာဘာလို့မပြောလဲ။သူတို့ ကပြောရင်အရာရောက်ပါတယ်။ တကယ်တော့ဒီကိစ္စဟာ တကယ့်ပြဿနာကြီးပါ။အဲဒါကို ထင်ရှားအောင်ဆရာကြီးပြောပြ မယ်။လွတ်လပ်ရေးရတဲ့၁၉၄၈ ခုနှစ်မှာပဲကရင်တပ်ဖွဲ့တွေက လက်နက်ကိုင်ပြီးမြို့တကာသိမ်း လိုက်တော့ဖဆပလဟာရန်ကုန် အစိုးရဖြစ်သွားရောကွာ။အဲဒီသူပုန်တွေကရွာတကာလည် ပြီးအဆိုနဲ့မယ်ဒလင်နဲ့အပြော ကောင်းကောင်းနဲ့ သူတို့အထဲပါဝင် ဖို့ပြောဟောကြတာ(၁၀)ရွာပေါင်း လို့သူတို့အထဲလိုက်မယ့်သူမရှိဘူး။ အဲဒါ ဘာကြောင့်လဲ၊ ဖဆပလကကုန်ဈေး နှုန်းမတက်အောင်လုပ်ထားတယ်။ ဆန်တစ်ပြည်ပြားငါးဆယ်၊ဆီတစ် ဆယ်သားပြားသုံးဆယ်၊အမဲသား တစ်ပိဿာတစ်ကျပ်ဆိုတော့စားသုံးမှု မခက်ခဲဘူး။ရွာတွေမှာနေ့စားလုပ် စားတဲ့ကူလီတွေတောင်တစ်နေ့ တစ်ကျပ်ရတော့စားနိုင်တယ်။ ကွန်မြူနစ်တွေပြောသလိုမငတ်ဘူး။ (၀လို့)ပြီးတော့ကွန်မြူနစ်နဲ့ရဲဘော် ဖြူတွေက(မော်စီတုန်းလို)မြေယာ တော်လှန်ရေးလုပ်ပြီးစည်းရုံးမယ် လို့လုပ်နေတုန်းရှိသေး၊ဦးနု၊သခင်တင်၊ ဦးကျော်ငြိမ်းတို့ကမြေယာတွေ၊ လက်ငုတ်လက်ရင်းထက်မပေးရ၊ သီးစားခအခွန်တော်(၂)ဆပဲပေး ရမယ်လုပ်လိုက်တော့သူပုန်တွေ လုပ်စရာအလုပ်မရှိဖြစ်ကရော။လူအင်အားလည်းစုမရ၊နောက်ဆုံး ရိုးမတောင်ပေါ်ရောက်၊ရဲဘော်ဖြူ တွေလက်နက်ချ။ အဲဒီမှာတင် သခင်သန်းထွန်းလည်းရိုးမပေါ်မှာ စခန်းချ၊နောက်ဖေးထိုင်ရင်းရဲဘော် မောင်မြကသေနတ်နဲ့လှမ်းပစ်၊ ထွက်ပြေးသွားရင်းသခင်သန်းထွန်း ခင်ဗျာနောက်ဖေးထိုင်နေဆဲမှာပဲ ကိစ်္စချောပါလေရောကွာ။ဒီလောက်ဆိုကုန်ဈေးနှုန်းထိန်းချုပ် ရေးဆိုတာသိပ်ပြီးအဓိကကျတယ် ဆိုတာထင်ရှားအောင်လို့ငါ့ကိုယ် တွေ့ပြောတာပါ။ အရင်ကဆို လုပ်သားစပါးတင်း(၁၀၀)ထွက် ရင်တင်း(၅၀)ပေးရတယ်။ခုကျတော့စပါးဖိုးမြေ(၁)ဧက အခွန်(၃၁ိ/-)မြေရှင်ကိုငွေ(၆)ကျပ် ပေးလိုက်ရင်ပြီးပြီ။အဲဒါကိုတောင် သူပုန်တွေကဒီမြေယာကိစ်္စမအောင် မြင်ဘူးလို့ပြောကြသေးတယ်။ မြေရှင်ဟာသူ့လယ်ကန်သင်းတောင် မလျှောက်ဝံ့တော့ပါဘူး။အချို့ မြေရှင်က(၆)ကျပ်နဲ့လန့်လို့မယူ ကြတော့ဘူး။အခုပြောတာ တကယ့်ကိုယ်တွေ့အမှန်ပါ။ငါ့တူမကြီးဒေါ်အောင်ဆန်းစုကြည် လည်းဒါတွေလေ့လာသိရှိပြီးဖြစ် မယ်ထင်ပါတယ်။အခုနိုင်ငံတော် က၀န်ထမ်းတွေကိုအပိုဆောင်းငွေ တွေနဲ့လစာတိုးငွေဆိုတာဟာ တိုးပေးရုံနဲ့မပြီးဘူး။စစ်တပ်ကရိက္ခာ ခွဲတမ်းပို့ရာမှာစစ်သားဘယ်လောက် ဘာပစ္စည်းကဘယ်လောက်ဆိုပြီး ခွဲတမ်းချပေးသလိုမျိုးနိုင်ငံရေးသမား မဟုတ်တော့ နိုင်ငံရေးအရမတွေး တတ်၊မဝေခွဲတတ်ဘူးကွာ။ဘာကြောင့်လဲမှတ်ထား(ဆိုင်းသမား မှဆိုင်းတီးတတ်တယ်)၀ါသနာပါတော့ ဆိုင်းသံကြားမနေနိုင်ဘူး။မိဘက ဘယ်လောက်ရိုက်ရိုက်သွားတယ်။ နောက်ဆိုင်းထဲလိုက်၊နှစ်ကြာတော့ ဆိုင်းသမားဖြစ်ကရော။လိုရင်းက တော့နိုင်ငံရေးသမားမှနိုင်ငံရေး မြင်တတ်လုပ်တတ်တယ်။နို့မဟုတ်ရင်ဘာဘွဲ့တွေတစ်သီကြီး ဘယ်လောက်ပဲရရ၊ဘယ်သူဖြစ်ဖြစ် ငယ်စဉ်က၀ါသနာမပါလို့ရှိရင်မတတ် ဘဲနဲ့တတ်တယ်ထင်ပြီးဆိုင်းဝိုင်းကြီး ထဲဝင် တီးရင်ဆိုင်းတွေ၊ဗုံတွေ၊နှဲတွေ လင်းကွင်းကြီးတွေကွဲကုန်ပြဲကုန် မှာပဲ။ဒါကြောင့်၁၉၈၇ခုနှစ်မှာ အဆင်းရဲဆုံးနိုင်ငံဖြစ်သွားရောကွာ။
 Credit To Hot News Journal
ဟင်္သာ(တောင်တွင်းကြီး)
Read More »

ငြိမ်းချမ်းရေးအတွက် အပစ်အခတ်ရပ်စဲရေးကို ခိုင်မာအောင်လုပ်နေသည့်အဆင့်သာရှိသေး


ယခင်အစိုးရလက်ထက်၌ တိုင်းရင်းသားလက်နက်ကိုင်တပ် ဖွဲ့၁၇ဖွဲ့နှင့်အပစ်အခတ်ရပ်စဲနိုင်ခဲ့ ပြီးယခုအစိုးရလက်ထက်တွင် တိုင်းရင်းသားလက်နက်ကိုင်တပ် ဖွဲ့၁၃ဖွဲ့ဖြင့်သာအပစ်အခတ်ရပ်စဲ နိုင်သေးကြောင်းသိရသည်။
ယင်းကဲ့သို့အပစ်အခတ်ရပ်စဲ နိုင်ခဲ့သော၁၃ဖွဲ့ထဲတွင်ယခင်က အစိုးရလက်ထက်ကအပစ်အခတ်    ရပ်စဲရေးလက်မှတ်မရေးထိုးနိုင်ခဲ့ သော KNU,RCSS,SSA စသည့် တိုင်းရင်းသားလက်နက်ကိုင်၃ဖွဲ့ အားအပစ်အခတ်ရပ်စဲနိုင်ခဲ့ကြောင်း Myanmar Peace Centre မှ ငြိမ်း ချမ်းရေးအကျိုးတော်ဆောင် ဦးလှမောင်ရွှေကပြောသည်။
““၁၉၈၉-၁၉၉၄ နောက်ပိုင်း အထိတိုင်းရင်းသားလက်နက်ကိုင် တပ်ဖွဲ့၁၇ဖွဲ့နဲ့အပစ်အခတ်ရပ်စဲ နိုင်ခဲ့တာရှိတယ်။ဒီအစိုးရလက် ထက်မှာတော့၁၃ဖွဲ့သာအပစ်အခတ် ရပ်စဲနိုင်သေးတယ်။ ဒါပေမယ့် အရင်အစိုးရတုန်းကလက်မှတ် မရေးထိုးနိုင်ခဲ့တဲ့ KNU,RCSS,SSA အဖွဲ့သုံးဖွဲ့ကိုတော့ဒီအစိုးရလက် ထက်မှာလက်မှတ်ရေးထိုးနိုင်ခဲ့ တယ်””ဟုဦးလှမောင်ရွှေကပြော သည်။
တိုင်းရင်းသားလက်နက်ကိုင် တပ်ဖွဲ့များနှင့်နိုင်ငံတော်အစိုးရတို့ သည်အပစ်အခတ်ရပ်စဲမှုအား ရေရှည်တည်တံ့အောင်ဖော်ဆောင် လျက်ရှိပြီးများမကြာမီအချိန်တွင် တိုင်းရင်းသားလက်နက်ကိုင်တပ် ဖွဲ့များနှင့်အပြန်အလှန်နိုင်ငံရေး ဆွေးနွေးမည်ဖြစ်ကြောင်းသိရ သည်။
““အခုလတ်တလောအခြေ အနေကတိုင်းရင်းသားလက်နက် ကိုင်တပ်ဖွဲ့များနဲ့ကျွန်တော်တို့ ဟာအပစ်အခတ်ရပ်စဲရေး၊ ကိုခိုင်မာ အောင်လုပ်တဲ့အဆင့် မှာပဲရှိပါသေးတယ်။အပစ်အခတ် တွေရပ်ပြီးရင်နိုင်ငံရေးဆွေးနွေး သွားဖို့ကလည်းလုပ်နေတယ်”” ဟု အဆိုပါပုဂ္ဂိုလ်မှထပ်လောင်းပြောကြား သည်။
တိုင်းရင်းသားလက်နက်ကိုင် တပ်ဖွဲ့များကယခုအစိုးရလက်ထက် အတွင်းအပစ်အခတ်ရပ်စဲမှုသာ ဆွေးနွေးနိုင်ခဲ့ပါကနောင်အစိုးရ လက်ထက်အထိအပစ်အခတ်ရပ်စဲ ထားသည့်အနေအထားဖြင့်သာ သွားမည်ဖြစ်ကြောင်းတိုင်းရင်းသား လက်နက်ကိုင်တပ်ဖွဲ့ DKBA  မှခေါင်းဆောင်ဗိုလ်မှူးချုပ်စော-လားဖွယ်ကပြောသည်။
““အစိုးရကကျွန်တော်တို့နဲ့ ငြိမ်းချမ်းရေးမဆွေးနွေးသေးဘူး။ အပစ်အခတ်ပဲရပ်စဲထားသေး တယ်ဆိုတာကျွန်တော်တို့ကို အသက်ရှုခွင့်သာပေးထားတာ ဖြစ်ပါတယ်။အသက်ရှုခွင့်သာ ပေးထားတာဖြစ်ပါတယ်။အသက် ရှင်ခွင့်ပေးထားတာမဟုတ်ပါဘူး။တကယ်လို့ဒီအစိုးရသက်တမ်း ကုန်တဲ့အထိငြိမ်းချမ်းရေးမဆွေး နွေးသေးဘူး။အပစ်အခတ်ရပ်စဲ တဲ့အဆင့်ပဲရှိသေးတယ်ဆိုရင် နောင်အစိုးရအထိဒီအတိုင်းပဲ သွားမှာဖြစ်ပါတယ်””ဟုဗိုလ်မှူးချုပ် စောလားဖွယ်ကဆိုသည်။
တိုင်းရင်းသားလက်နက်ကိုင် တပ်ဖွဲ့များသည်တစ်စုံတစ်ခုသော အကြောင်းအရာကြောင့်အစိုးရ တပ်နှင့်စစ်တိုက်ရခြင်းဖြစ်ပြီးနှစ် ဖက်စစ်သားများသေကြေနေသော တိုက်ပွဲများအားမတိုက်ချင်တော့ ကြောင်းKIO မှအကြီးတန်းအရာရှိ တစ်ဦးကပြောသည်။
““ကျွန်တော်တို့ကချင်နဲ့အစိုးရ နဲ့စစ်ဖြစ်တယ်ဆိုရင်အစိုးရဘက် ကစစ်သားတွေသေကြေရသလို ကျွန်တော်တို့ဘက်ကစစ်သားတွေ လည်းသေကြေရပါတယ်။ ကျွန်တော်တို့ကတစ်စုံတစ်ခုသော အကြောင်းအရာကြောင့်လက်နက် ကိုင်နေရတာပါ။အမှန်အတိုင်း ပြောမယ်ဆိုရင်တစ်ဖက်နဲ့တစ်ဖက် သေကြေနေတဲ့စစ်ပွဲတွေကိုမတိုက် ချင်တော့ပါဘူး””ဟု၎င်းကပြော သည်။
မြန်မာနိုငံတွင်တိုင်းရင်းသား လက်နက်ကိုင်တပ်ဖွဲ့အများအပြား ရှိပြီး၎င်းတို့တပ်အင်အားသည် ၁သိန်းခွဲခန့်ရှိကြောင်းMyanmar Peace Centre  မှငြိမ်းချမ်းရေး အကျိုးတော်ဆောင်၊နိုင်ငံတော် သမ္မတ၏အကြံပေးအဖွဲ့ဝင် ဦးလှမောင်ရွှေ၏ပြောကြားချက် အရသိရသည်။
Credit To Hot News Journal
       ဖြိုးအောင်
Read More »