လေဖြတ်ခြင်းရောဂါ



 

လေဖြတ်ခြင်းရောဂါ

လေဖြတ်ခြင်းရောဂါ(Stroke) ဆိုတာ အရမ်းကို ကြောက်စရာ ကောင်းတဲ့ မတွေးဝံ့စရာ ရောဂါ တစ်ခု ဆိုတာ အထူး ပြောစရာ လိုမယ် မထင်ပါဘူး။ stroke ဆိုတဲ့ အတိုင်းပါဘဲ သက်ရှိ လူသားတစ်ယောက်ရဲ့ ဘ၀အပေါ် ပြင်းထန်စွာ ထိုးနှက်လိုက်တဲ့ ရိုက်ချက်တစ်ခုလို့ ဆိုနိုင်ပါတယ်။ ပုံမှန် သွားလာလှုပ်ရှားနေတဲ့ လူကောင်း တစ်ယောက်ဟာ သက်မဲ့ အရာတစ်ခုလို အိပ်ရာပေါ် လဲပြီး ဝေဒနာတွေ ခံစားရင်းနဲ့ အသက်ဆုံးရှုံး သွားနိုင်သလို ကံကောင်းလို့ (ဒီ ကံကောင်းလို့ ဆိုတဲ့ အသုံးအနှုန်းကို အောက်မှာ ပြန်ရှင်းပြပါ့မယ်) ပြန်ကောင်းရင် တောင်မှ ပုံမှန် သွက်လက် သန်စွမ်းမှုမျိုး ပြန်ရတာ တော်တော်ရှားပါတယ်။ တစ်ခါ ဖြစ်ပြီးတဲ့ သူဟာ နောက်တစ်ခါ ပြန်ဖြစ်သွားဖို့ အရမ်းလည်း နီးစပ်ပါတယ်။

လေဖြတ်ခြင်းရောဂါ

လေဖြတ်ခြင်း လို့ မြန်မာလို ဝေါဟာရ ပြုထားတဲ့ ရောဂါဟာ ဦးနှောက်တွင်း ဧရိယာ တစ်ခုကို သွေးထောက်ပံ့မှု ပျက်ယွင်းသွားလို့ အဆိုပါ ဧရိယာနဲ့ ဆိုင်တဲ့ ဦးနှောက်ရဲ့ လုပ်ငန်းဆောင်တာ ရုတ်တရက် လျင်မြန်စွာ ပျောက်ဆုံး ချို့ယွင်း သွားခြင်း ဖြစ်ပါတယ်။ ဦးနှောက် ဧရိယာ တစ်ခုခု သွေးမရတော့တဲ့ အကြောင်းရင်းတွေက အကြမ်းဖျဉ်း ပြောရရင် (၂) ခု ရှိနိုင်ပါတယ်။

(၁) ထောက်ပံ့ပေးတဲ့ သွေးကြော ပေါက်သွား၍ လေဖြတ်ခြင်း (Haemorrhagic Stroke)
(၂) ထောက်ပံ့ပေးတဲ့ သွေးကြော ပိတ်သွား၍ လေဖြတ်ခြင်း (Ischaemic Stroke) လို့ ခွဲခြားနိုင်ပါတယ်။

ဒီနှစ်ခု စလုံးက ယေဘုယျ မျက်မြင် လက္ခဏာတွေမှာ ဘာမှ မကွာခြားပါဘူး။ လေဖြတ်ရောဂါဟာ သွေးတိုးရောဂါ၊ နှလုံးရောဂါ၊ သွေးတွင်း မကောင်းတဲ့ ကိုလက်စထရော အဆီများခြင်း၊ ဆီးချိုရောဂါ စတာတွေနဲ့ အထူးသဖြင့် ဆက်စပ်ပါတယ်။ ဒီရောဂါတွေ ရှိနေတဲ့အတွက် သွေးကြောတွေနဲ့ သွေးရဲ့ ခဲစေမှု သဘာဝ မကောင်းတော့လို့ ဖြစ်ရတဲ့ ရောဂါတစ်မျိုး ဖြစ်ပြီး သက်ကြီးရွယ်အိုတွေမှာပဲ အများဆုံး ဖြစ်တာ ရှေးယခင်က တွေ့ရခဲ့ပါတယ်။ ဒါပေမဲ့ ယခုအခါမှာ ပြောင်းလဲလာတဲ့ လူနေမှု စနစ်ရဲ့ အစားအသောက် အနေအထိုင် ပုံစံတွေကြောင့် အထက်ပါ ရောဂါတွေဟာ လူငယ် လူလတ်ပိုင်း တွေမှာလည်း ရှိမှန်းမသိ ရှိနေကြပြီး အနေအထိုင် မဆင်ခြင်ကြတဲ့ အတွက် လူငယ် လူလတ်ပိုင်းတွေ လေဖြတ်မှု ရှေးယခင်ကထက် များလာတာ တွေ့နိုင်ကြပါတယ်။

လေဖြတ်ရခြင်း အကြောင်း

သွေးတိုးရောဂါ လို့ခေါ်တဲ့ သွေးပေါင်ချိန် ပုံမှန်ထက် မြင့်မားနေတဲ့ ရောဂါဖြစ်နေတာ နှစ်ရှည်လများ ကြာလာရင် သွေးကြောတွေဟာ သွေးဖိအား များမှုဒဏ် ခံရတာ အရမ်းများနေလို့ ပျက်စီးနေကာ နောက်ဆုံးမှာ သွေးဖိအားဒဏ် မခံနိုင်ဘဲ ပေါက်ထွက်သွားတာ ဖြစ်ပါတယ်။ ဆီးချိုရောဂါ ရှိခြင်းနဲ့ ဆေးလိပ် သောက်ခြင်း တို့ဟာလည်း သွေးကြောတွေကို အထူး ပျက်စီးစေတာမို့ လေဖြတ်ခြင်းကို ဖြစ်စေတဲ့ အာနိသင် တူညီစွာ ရှိပါတယ်။

သွေးကြော ပိတ်သွားစေတဲ့ အကြောင်းရင်းတွေက ကျတော့ အများကြီး ရှိပါတယ်။ သွေးထဲမှာ မကောင်းတဲ့ ကိုလက်စထရောခေါ် အဆီဓာတ်တွေ များနေရင် သွေးကြောနံရံတွေမှာ သွားရောက် အနည်ကျကာ ပိတ်ဆို့ခြင်း၊ ခန္ဓာကိုယ်တွင်း အကြောင်းတစ်ခုခုကြောင့် ပုံမှန်မဟုတ်ဘဲ သွေးခဲ ဖြစ်ပေါ်ကာ ဦးနှောက်အတွင်း ပိတ်မိခြင်း၊ နှလုံးရောဂါ ပြင်းထန်လာပြီး သွေးဝင်ခန်း မူမမှန်တုန်ခါခြင်း (Atrial Fibrillation) ၀င်လာပြီး နှလုံးတွင်းရှိ သွေးခဲ တစ်ခုခုမှ သွားပိတ်ခြင်း စသဖြင့် အကြောင်းရင်းတွေ အများကြီး ရှိပါတယ်။ တစ်ခါတစ်လေ ကံဆိုးစွာ သွေးပေါင်အရမ်းကျပြီး ရှော့ခ်ဖြစ်တဲ့ အချိန်မှာ လေဖြတ် သွားတတ်တာမျိုးလဲ ရှိပါတယ်။ ဒါကတော့ ဖြစ်ခဲပါတယ်။ တစ်ခု သိထားဖို့က လေဖြတ်တဲ့ လူနာတွေ အားလုံးရဲ့ ၈၇% ဟာ သွေးကြောပိတ်လို့ ဖြစ်ရတာ ဆိုတာပါပဲ။
ဒီတော့ လေဖြတ်စေတဲ့ အကြောင်းရင်းတွေကို သေချာ စီစစ် ဆင်ခြင် ကြည့်ရင် အဓိကအားဖြင့် လေးမျိုးပဲ ရှိတာ တွေ့ရပါမယ်။

(၁) Atherosclerosis လို့ခေါ်တဲ့ သွေးကြောနံရံတွေ မာကြောပိတ်ခဲလာခြင်း (ဒါဆို တစ်ချိန်မှာ ပိတ်သွားနိုင်ပါတယ်။ အ၀လွန်သူတွေ၊ သွေးတွင်း ကိုလက်စထရော ပမာဏ များသူတွေဟာ သေချာပေါက် Atherosclerosis ဖြစ်နေကြပြီ လို့ ဆိုနိုင်ပါတယ်။ သွေးတိုးရောဂါ ရှိနေခြင်းကလည်း ကြာလာရင် သွေးကြောတွေကို ပျက်စီးစေလို့ Atherosclerosis ဖြစ်စေဖို့ အားပေးပါတယ်။ ဒါကြောင့် အချို၊ အဆီ၊ အငန်တွေ လျှော့စားကာ ကိုယ်လက်လှုပ်ရှားမှု မှန်မှန် ပြုလုပ်ပေးသင့်ပါတယ်။ ဒါကို ကာကွယ်ဖို့ ကမ္ဘာ့ကျန်းမာရေး ပညာရှင်များက အသက် ၅၀ ကျော်ပြီးသူတိုင်း အသည်းရောဂါ တစ်ခုခု မရှိရင် သွေးတွင်း မကောင်းတဲ့ ကိုလက်စထရော ချပေးတဲ့ Statins ဆေးဝါးတွေကို ဆရာဝန်ညွှန်ကြားချက်နဲ့ သောက်သင့်တယ်လို့ အကြံပြုထားကြပါတယ်)

(၂) သွေးပေါင်ချိန် အရမ်းတက်ခြင်း (ဒါဆို တစ်ချိန်မှာ ပေါက်သွားနိုင်ပါတယ်။ သွေးတိုးကို ထိန်းညှိပေးဖို့ ဆေးမှန်မှန် သောက်ရမှာ ဖြစ်ပြီး အထက်က ပြောခဲ့တဲ့ အချက်တွေကို လိုက်နာသင့် ပါတယ်။ သွေးတိုးခြင်းဟာ ချက်ချင်း သွေးကြောပေါက်တဲ့ လေဖြတ်ခြင်း ခံစားရစေနိုင်သလို အချိန်ကြာလာတာနဲ့အမျှ မြင့်မားတဲ့ သွေးဖိအားကြောင့် သွေးကြောနံရံတွေ ပျက်စီးကာ အမာရွတ်ပေါ်သလို ဖြစ်ပြီး အဲဒီနေရာကို အဆီခဲတွေ လာအနည်ကျပြီး ပိတ်နိုင်လို့ သွေးတိုးရောဂါ ရှိသူတွေနဲ့ ဆေးလိပ်သောက်သူတွေဟာ တစ်ချိန်မှာ သေချာပေါက် လေဖြတ်ဖို့ အရမ်းနီးစပ်ပါတယ်)

(၃) ဦးနှောက်တွင်း မွေးရာပါ (သို့) နောက်မှဖြစ်သော သွေးကြောဖောင်းပွပါးလှပ်သော နေရာ (Cerebral Aneurysm) ရှိနေခြင်း (ဒါကတော့ စစ်ဆေးမကြည့်ဘဲ မသိနိုင်ဘူးပေါ့နော်။ ဒါပေမယ့် လူတိုင်းဟာ သွေးတိုးရောဂါ မဖြစ်အောင် ထိန်းသိမ်းသွားမယ်ဆိုရင် သွေးကြောပေါက်ထွက်ခြင်း ပိတ်ခြင်းဘေးတွေကနေ ကင်းဝေးမှာ ဖြစ်ပါတယ်)

(၄) ဦးခေါင်းထိခိုက်ဒဏ်ရာရခြင်း (ဒါကလည်း သွေးကြောတွေ ပေါက်ပြီး သွေးခဲတွေက ဦးနှောက်ကို ဖိစေလို့ အကြောသေလေဖြတ်ခြင်းဝေဒနာ ဖြစ်စေနိုင်ပါတယ်)

ဘယ်လိုလူတွေ လေဖြတ်နိုင်ဖို့ နီးစပ်သလဲ

 အခုနက ပြောခဲ့တဲ့ အချက် ၄ ချက်နဲ့ အနီးစပ်ဆုံး ဖြစ်တဲ့ သက်ကြီးရွယ်အိုတွေ၊ သွေးတိုးရောဂါ ရှိသူတွေ၊ လေဖျန်းခြင်း (Transient Ischaemic Attack, TIA) ဖြစ်ဖူးတဲ့ သူတွေ၊ ဆီးချိုရောဂါ ရှိသူတွေ၊ ဆေးလိပ်သောက်သူတွေ၊ သွေးတွင်း မကောင်းတဲ့ ကိုလက်စထရော အဆမတန် မြင့်မားနေသူတွေဟာ အန္တရာယ် အများဆုံး သူတွေ ဖြစ်ပါတယ်။

နောက်ပြီး မွေးရာပါ ဦးနှောက်ထဲက သွေးကြောကြီးတွေမှာ သွေးကြောဖောင်း ပါလာတဲ့ သူတွေဟာလည်း တစ်ချိန်မှာ ဒီသွေးကြောဖောင်း ပေါက်ထွက်ရင် လေဖြတ်နိုင်တဲ့ သူတွေ ဖြစ်ပါတယ်။ ဒါကတော့ ခေတ်မီ စက်ကိရိယာတွေနဲ့ သေချာ စစ်ဆေး ကြည့်မှပဲ သိနိုင်တဲ့ ချို့ယွင်းချက်တစ်ခုပါပဲ။

အထက်မှာ ဆိုခဲ့တဲ့ အချက်တွေဟာ လေဖြတ်ခြင်းကို အထူးအားပေးတဲ့ အချက်တွေ ဆိုပေမယ့် လေဖြတ်ရောဂါ ခံစားခဲ့တဲ့ လူနာတွေကို လိုက်ကြည့်ရင် ဒီရောဂါတွေ ရှိတဲ့ လူတွေ အပြင် အထူးကျန်းမာရေး ချို့ယွင်းမှု မရှိတဲ့ လူလတ်ပိုင်းတွေလည်း တစ်ခါတစ်လေ ပါဝင်နေတာ တွေ့ရပါတယ်။ ဒီလူတွေ ဘာလို့ လေဖြတ်ရသလဲဆိုတော့ အကြောင်းအရင်း နှစ်ချက် ရှိပါတယ်။ ပထမတစ်ချက်က ဒီရောဂါတွေ ရှိမှန်း မသိလို့ မကုသဘဲ ပေတေ နေရာကနေ လေဖြတ်သွားတာ ဖြစ်ပါတယ်။

ဒုတိယအချက်ကတော့ အပူအအေး အရမ်းအစွမ်းရောက်နေတဲ့ အချိန်တွေ (ဥပမာ ဆောင်းတွင်းညနေ ညဖက်၊ နွေနေ့လည် ညဖက် စတဲ့ အချိန်တွေ) မှာ ခေါင်းလျှော်ရေချိုး အအေးခံ ကြလိ့ ပါပဲ။ အရမ်းအေးနေတဲ့ အချိန်မှာ ရေချိုး ခေါင်းလျှော်မယ် ၊ ရာသီဥတု အရမ်း ပူတဲ့အချိန်မှာ ဒါကို အန်တုဖို့ ရေအရမ်းစိမ်ချိုးတာ၊ ရေစိုဝတ်တွေ ထိပြီး အိပ်တာတွေ လုပ်မယ် ဆိုရင် သွေးကြောပိတ်တဲ့ အနေအထားနဲ့ လေဖြတ်ဖို့ အရမ်းနီးစပ်ပါတယ်။

အပြင်က ပြန်လာလာချင်း ခန္ဓာကိုယ် တဖြည်းဖြည်း အေးသွားအောင် မစောင့်ဘဲ ရေတန်းချိုးတာ ၊ သွေးအရမ်းတိုးနေတဲ့ အချိန် ရေချိုးတာ ၊ ရာသီဥတု အရမ်းပူတဲ့အချိန် အရက်သေစာကို အလွန်အကျွံ သောက်သုံးတာ တွေဟာ သွေးကြော ပေါက်ထွက်တဲ့ နည်းနဲ့ လေဖြတ်စေဖို့ အထူးအားပေးပါတယ်။ ဒါကြောင့် ဘယ်သူတွေ လေဖြတ်ဖို့ အန္တရာယ် အများဆုံးလဲလို့ မေးရင် သွေးတိုး၊ နှလုံး၊ ဆီးချို၊ အဆီပိတ် အ၀လွန် စတဲ့ ရောဂါတွေ ရှိတဲ့ သူတွေနဲ့ တန်းတူ ရာသီဥတုနဲ့ လိုက်လျောညီထွေ ရှိအောင် မနေတဲ့ သူတွေ ပါတယ်လို့ ပြောလိုပါတယ်။ လေဖြတ်ခြင်း သာမက ဘယ်ရောဂါမဆို မဖြစ်ရလေအောင် ကံ၊ စိတ်၊ ဥတု၊ အာဟာရ လေးပါး မျှတ ညီညွတ် အောင် နေသင့်ပါတယ်။

လေဖြတ်ခြင်းရဲ့ လက္ခဏာ

လေဖြတ်ခြင်းရဲ့ ရောဂါ လက္ခဏာတွေဟာ ထိခိုက်သွားတဲ့ ဦးနှောက် နေရာပေါ် မူတည်ပြီး ကွဲပြားခြားနား ပေမယ့် ရုတ်တရက် ပေါ်ပေါက်လာကြတာ ချင်းတော့ တူတူပါပဲ။ ဒီလိုပဲ ပြန်ကောင်းဖို့ လိုအပ်တဲ့ အချိန် အရှည် အတို၊ ပြန်ကောင်းပြီးရင်လည်း ဘယ်လောက်အတိုင်းတာအထိ နဂိုအတိုင်း ပြန်ကောင်းမလဲ ဆိုတဲ့ ကံဟာ သွေးကြောပေါက်/ပိတ် ဖြစ်သွားလို့ သွေးထောက်ပံ့မှု မရတော့ဘဲ တာဝန်တွေ ရပ်ဆိုင်းပျက်စီးသွားတဲ့ ဦးနှောက်ရဲ့ နေရာတွေ အပေါ် မူတည်ပါတယ်။
ဦးနှောက်ဆဲလ်တွေ သွေးမရလို့ သေဆုံးသွား တဲ့ နေရာ (Site of Infarct Area) တွေက အရေးမကြီးတဲ့ အစိတ်အပိုင်းတွေ ဖြစ်သလို ဒီနေရာတွေရဲ့ အရွယ်အစား (Size of Infarct Area) ကလည်း သေးတဲ့ သူတွေကျတော့ မြန်မြန် ပြန်ကောင်းပြီး ချို့ယွင်းချက် အများကြီး မကျန်ကြပေမယ့် နေရာ ကလဲ အရေးကြီးတဲ့ နေရာ၊ အရွယ်အစားကလဲ အကြီးကြီး ဆိုရင်တော့ အသက်အန္တရာယ်တောင် ရှိပါတယ်။ ဒါက ကျွန်တော် အပေါ်မှာ ပြောခဲ့တဲ့ ကံကောင်းလို့ ဆိုတဲ့ စကားကို ပြန်လည် ရှင်းလင်းတာ ဖြစ်ပါတယ်။

ရုတ်တရက် ပေါ်လာတတ်တဲ့ လေဖြတ်ခြင်းရဲ့ လက္ခဏာတွေကတော့
• ရုတ်တရက် ကိုယ်တစ်ပိုင်း သေသွားခြင်း (သို့) အားနည်းသွားခြင်း
• ခြေလက်များ ထုံကျင် လေးလံခြင်း
• မျက်နှာ ကြွက်သားများ ပုံပျက်ခြင်း (အာရွဲ့ခြင်း၊ ပါးရွဲ့ခြင်း)
• ထိတွေ့မှု ၊ တုန်ခါမှုတို့တွင် အာရုံခံစားနိုင်မှု လျော့သွားခြင်း
• စကားမပြောနိုင်တော့ခြင်း
• လမ်းမလျှောက်နိုင်တော့ခြင်း

ဒီထက် ပိုဆိုးရင်
• အမြင်၊ အကြား၊ အနံ့ခံ၊ အရသာခံ အာရုံများ ပြောင်းလဲ ချို့ယွင်းသွားခြင်း
• မျက်ခွံ တွဲကျ ဖွင့်ရခက်ခြင်း
• ခေါင်းကို ဟိုဖက် သည်ဖက် မလှည့်နိုင်တော့ခြင်း
• လျှာကို မထုတ်နိုင်တော့ခြင်း၊ မလှုပ်နိုင်တော့ခြင်း
• ပြောသောစကားကိုပါ နားမလည်တော့ခြင်း
စတာတွေ ဖြစ်နိုင်ပါတယ်။ သွေးကြောပိတ် လေဖြတ်ခြင်းထက် သွေးကြောပေါက် လေဖြတ်ခြင်းမှာ ပိုပြီး ထင်ရှားတဲ့ လက္ခဏာတွေကတော့ ခေါင်းအရမ်း ကိုက်ခြင်း၊ ရုတ်တရက် သတိလစ် မေ့မြောသွားခြင်း၊ မပျို့ဘဲနဲ့ ထိုးအန်ခြင်း စတာတွေ ဖြစ်ပါတယ်။ ဒီတော့ လူတစ်ယောက်ဟာ ဘာမှန်းမသိဘဲ ခြေတွေ လက်တွေ မလှုပ်နိုင်တော့ဘဲ သတိလစ်သွားတယ် ဆိုရင် အနီးဆုံး ဆေးရုံဆေးခန်းကို အမြန်ဆုံး ရောက်အောင် ပို့ပေးမှသာ သူ့ရဲ့ အသက်နဲ့ ဘ၀ကို ကယ်တင်နိုင်မှာပါ။

အပေါ်မှာ ကျွန်တော် ရေးပြခဲ့တဲ့ လက္ခဏာတွေဟာ လေဖြတ်ခြင်းရဲ့ ယေဘုယျ လက္ခဏာများသာ ဖြစ်ပြီး လူနာဟာ လေဖြတ်ခြင်း တကယ်ဟုတ်မဟုတ် ဆုံးဖြတ်ဖို့ ဆရာဝန်များသာ သိတဲ့ ရုပ်ပိုင်းဆိုင်ရာ စမ်းသပ်စစ်ဆေးခြင်း (Physical Examination) အချို့ လုပ်ရမှာ ဖြစ်လို့ ဘေးကလူတွေအတွက် အဖြစ်မှန်ကို အမြန်ဆုံး ခန့်မှန်းနိုင်ပြီး ဆေးရုံတင်ပေးဖို့သာ အဓိက လိုတာ ဖြစ်ပါတယ်။

ဒါကြောင့် လေဖြတ်ခြင်း ဟုတ်မဟုတ် ခွဲခြားရ အလွယ်ဆုံး မှတ်သားနည်းလေး တစ်ခု ဖော်ပြပေးလိုက်ပါတယ်။ အင်္ဂလိပ်လို အတိုကောက်မှတ်ချင်ရင် သူ့ ရောဂါရဲ့ နာမည်အတိုင်း STROKE လို့ မှတ်နိုင်ပါတယ်။ မြန်မာလိုသိထားလဲ တူတူပါပဲ။ ရုတ်တရက် လူတစ်ယောက်ဟာ ခြေတွေလက်တွေ မလှုပ်နိုင်တော့ဘဲ သတိတော့ ရသေးရင် အရင်ဆုံး လူနာကို S,T,R ဆိုပြီး သုံးခုခိုင်းကြည့်ပါ။

S=Smile
လူနာကိုပြုံးခိုင်းပါ။ ပုံမှန်ပြုံးသလိုဖြစ်ရဲ့ လား၊ရွဲ့ နေစောင်းနေလားကြည့်ပါ။
T=Talk
စကားပြောခိုင်းပါ။ ပြောနိုင်လား မပြောနိုင်ဘူးလား၊ ပုံမှန်လား လေးနေ မပီမသ ဖြစ်နေလား ကြည့်ပါ။
R=Raise both arms
လက်နှစ်ဖက်မြှောက်ခိုင်းပါ။

ဒါတွေအကုန် ချောချောမွေ့ မွေ့ လုပ်နိုင်တယ်ဆိုရင်တော့ STR ပြီးလို့  OK ပေါ့။ တစ်ခုခုကို မလုပ်နိုင်ခဲ့ ဘူးဆိုရင်တော့

E=Emergency
အရေးပေါ်ဖြစ်လို့  ဆေးရုံတင်မှရပါမယ်။ နောက်ထပ် လက္ခဏာတစ်ခုကိုလဲ ထပ်ကြည့်နိုင်ပါသေးတယ်။ လူနာကို လျှာထုတ်ခိုင်းပါ။ လျှာဟာ လိမ်ခေါက်ပုံပျက်ပြီး တစ်ဖက်ဖက်ကို စောင်းနေမယ်ဆိုရင်တော့ လေဖြတ်တာ သေချာပါတယ်။ ဒါဆိုရင်တော့ လူနာဟာ အရမ်းစိုးရိမ်ရလို့  အမြန်ဆုံး ဆေးကုသမှုခံယူရအောင် လုပ်ပေးပါ။ ဒီတော့ဒီဆောင်းပါးမှာပါတဲ့ အချက်တွေကို သင်ကိုယ်တိုင်လဲ မှတ်သား၊လက်လှမ်းမီသမျှလဲ ပြောပြမယ်ဆိုရင် သင်အပါအ၀င် လူပေါင်းများစွာရဲ့  အသက်တွေကို ကယ်တင်နိုင်မှာဖြစ်ပါတယ်။ S, T, R, OK, E လို့ သေချာ မှတ်ထားပေးပါ။

လေဖြတ်ခြင်းရောဂါကိုကာကွယ်ခြင်း

လူတစ်ယောက်ဟာ ကိုယ့်ရဲ့ ဘ၀တစ်သက်တာမှာ လေဖြတ်ခြင်း မခံစားရချင်ရင် လက်တွေ့ကျကျ ကာကွယ်နိုင်တဲ့ နည်းလမ်းတွေကို အမေရိကန် အမျိုးသား လေဖြတ်ရောဂါ ကာကွယ်ကုသရေး အသင်း (National Stroke Association) မှ ကျန်းမာရေး ပညာရှင်များက ထုတ်ပြန်ထားပါတယ်။ အဲဒါတွေကို လိုတိုရှင်း ဖော်ပြပေးရရင် .........

(၁) ဆေးလိပ် စွဲနေရင် ဖြတ်ပါ။ (ဖြတ်ပြီးသွားတဲ့ သူတွေဟာ ဆက်သောက်နေသေးတဲ့ သူတွေထက် လေဖြတ်ဖို့ ဖြစ်တန်စွမ်း တကယ်ကျဆင်းသွားတာ သုတေသန ရလဒ်များအရ သိရှိအတည်ပြုနိုင်ပါတယ်)

(၂) အရက်ကို သောက်တဲ့ရက်/ အကြိမ်အရေအတွက်/ ပမာဏ လျှော့သောက်ပါ။

(၃) သွေးတိုးရောဂါ ရှိရင် ထိန်းချုပ်နိုင်ပြီး ရောဂါ ခဏခဏ မဖောက်အောင် သေချာ ကုသထားပါ။ ကာလအပိုင်းအခြား တစ်ခု ကြာတိုင်း သွေးပေါင်ချိန် မှန်မှန် ချိန်ပေးတဲ့ အကျင့်ကို မွေးမြူပါ။

(၄) ဆားပါဝင်မှု များတဲ့ အစားအသောက်တွေ တတ်နိုင်သမျှ လျှော့စားပါ။

(၅) သွေးလှည့်ပတ်မှုနဲ့ ဆိုင်တဲ့ ရောဂါတစ်ခုခု ရှိနေသလားဆိုတာ ဝေဒနာ တစ်ခုခု ပေါ်တိုင်း အလျဉ်းသင့်သလို ဆရာဝန် ပြပေးပါ။

(၆) ဆီးချို ရောဂါ ရှိနေတဲ့သူတွေ သွေးတွင်းသကြား ပမာဏကို တည်ငြိမ်နေအောင် ထိန်းထားဖို့ ထိရောက်စွာ ကုသမှု ခံယူထားပါ။ မကြာခဏ သွေးဖောက်ပြီး သကြားဓာတ် စစ်ဆေးပါ။

(၇) တစ်ပတ်ကို ၃ ရက်နဲ့အထက် ကိုယ်လှုပ်ရှားမှု လေ့ကျင့်ခန်း စနစ်တကျ လုပ်ပေးပါ။ တစ်ခါလုပ်ရင် အနည်းဆုံးတော့ နာရီဝက် ကြာပါစေ။ (ရွရွပြေးခြင်း ၊ စနစ်တကျ လမ်းလျှောက်ခြင်း၊ ရေကူးခြင်း ၊ ယောဂကျင့်စဉ် စတာတွေဟာ မှန်မှန် လုပ်ရင် လေဖြတ်ခြင်းသာမက ဆီးချို၊ နှလုံး၊ သွေးတိုး ရောဂါမျိုးစုံကို ကာကွယ်ပေး နိုင်တာ တွေ့ရှိ အတည်ပြုထားပါတယ်။ ဒီနေရာမှာ ထိုင်ပြီး အလုပ်အများဆုံး လုပ်ရတဲ့ ဥာဏလုပ်သားများဟာ ပုံမှန်လူတွေထက် ရောဂါမျိုးစုံ ရဖို့ ပိုပြီး နီးစပ်လို့ ပိုပြီး လေ့ကျင့်ခန်း လုပ်ဖို့ လိုအပ်တယ်လို့ ပညာရှင်များက သတိပေးထားပါတယ်။
(၈) အသက် ၃၅ နှစ် ကျော်ပြီးသူတိုင်း သွေးတွင်း ကိုလက်စထရော မျိုးစုံ ပမာဏ (Lipid Profile) စစ်ပေးနိုင်ရင် အကောင်းဆုံးပါ။ တက်နေတယ်ဆိုရင် ဆရာဝန်နဲ့ အချိန်မီ တိုင်ပင် ကုသခြင်းဖြင့် လေဖြတ်ခြင်း အပါအ၀င် ရောဂါမျိုးစုံကို ကာကွယ်နိုင်မှာပါ။

(၉) သင်ဟာ သွေးဆုံးပြီး / သွေးဆုံးကာနီး အမျိုးသမီး တစ်ယောက် ဖြစ်တယ် ဆိုရင် ဟော်မုန်းပြည်လည်ဖြည့်တင်းကုသမှု ( Hormone Replacement Therapy, HRT) ကို ခံယူဖို့ ဆရာဝန်နဲ့ တိုင်ပင်ပါ။ သွေးမဆုံးခင် အမျိုးသမီးတွေမှာ အီစထရိုဂျင်လို့ ခေါ်တဲ့ အမျိုးသမီး သက်စောင့်ဟော်မုန်း ပမာဏ ပုံမှန် ရှိနေသေးလို့ သွေးကြောနဲ့ သွေးလှည့်ပတ်ခြင်း ဆိုင်ရာ ရောဂါ တွေ (ဥပမာ လေဖြတ်ခြင်း၊ နှလုံးသွေးကြောကျဉ်းရောဂါ လိုမျိုး ရောဂါတွေ) ဝေးနေသေးပေမယ့် သွေးဆုံးပြီးလို့ အီစထရိုဂျင် ပမာဏ လျော့နည်းသွားတာနဲ့ ဒီရောဂါတွေ ဖြစ်နိုင်စွမ်း အရမ်းမြင့်မားလာလို့ HRT ကို ဆရာဝန်နဲ့ တိုင်ပင်ပြီး ယူရပါမယ်။

(၁၀) ready-made စားသောက်ကုန်တွေကို မဖြစ်မနေ အခြေအနေတွေမှာပဲ စားပြီး တတ်နိုင်သမျှ သဘာဝထဲက အစားအသောက်တွေကိုပဲ စားသင့်ပါတယ်။



ဒေါက်တာသီဟသစ်

Credit ရွှေအိမ်စည်စာကြည့်တိုက်
Read More »

နိုင်ငံတော်သစ်ကို ဘာနဲ့တည်ဆောက်မလဲ


 dr.khinmaungnyo-april3

 ၀၁၃ ခုနှစ် မတ်လ ၂၅ ရက်တွင် မြောက်ကိုရီးယားတပ်ဖွဲ့များ ကမ်းတက်တိုက်ခိုက်ရေး လေ့ကျင့်မှုများ ပြုလုပ်နေစဉ် (Photo - AFP)
တိုင်းနိုင်ငံတစ်ခု ဖြစ်တည်လာတဲ့အခါ ဘာနဲ့တည်ဆောက်မလဲ ဆိုတာကို ဒဿန ပညာရှင်များ မေးလေ့ရှိတဲ့ မေးခွန်းပါ။
စစ်နဲ့ တည်ဆောက်မှာလား
အချို့ကတော့ နိုင်ငံတော်ကို စစ်အင်အားနဲ့ တည်ဆောက်ကြတယ်။ ဒါဟာလည်း သမိုင်းတစ်လျှောက်မှာ မှန်ပါတယ်။ ယနေ့တိုင်လည်း နိုင်ငံတိုင်းလိုလိုမှာ စစ်အင်အားဟာ အတော်လေးကို အရေးပါဆဲ ပါပဲ။
အဓိကကတော့ လူတွေဟာ တိရစ္ဆာန်ရဲ့ အလိုဆန္ဒတွေမျိုးကိုပဲ ဖြည့်ဆည်းရင်းနဲ့ အချိန်ကုန်တယ်လို့ ဒင်းကန်းမင်း (Dean Kaman) က ဆိုတယ်။     
လူတွေဟာ စားစရာသောက်စရာတွေအတွက် လုံးပန်းတယ်။ နေစရာ ထိုင်စရာ လိုချင်တယ်။ ကာမဂုဏ် ခံစားချင်တယ်။
ကြောက်လည်း အတော်ကြောက်ကြတယ်။ ဒီလိုကြောက်တဲ့ အခါမှာဖြစ်စေ တစ်စုံတစ်ခုကို လိုချင်တဲ့အခါမှာ ဖြစ်စေ စစ်ပွဲတွေ ဆင်နွှဲကြတော့တယ်။
မြောက်ကိုရီးယားဟာ ဘာကြောင့် စစ်ပြင်ဆင်နေလဲဆိုတာကို ဒီအချက်က ပေါ်လွင်စေပါတယ်။
တိရစ္ဆာန်တွေလည်း ဒီအတိုင်းပါပဲ။ နယ်မြေလုချင်လို့ တိုက်ခိုက်တာ ရှိသလို တစ်စုံတစ်ယောက်က တိုက်ခိုက်လာမှာ စိုးရိမ်ပြီး ကြောက်တဲ့အတွက်လည်း တိုက်ခိုက်တာတွေ ရှိတယ်။ ဦးချိုရှိသူတွေက ဝှေ့တယ်။ အစွယ်ရှိရင် ထိုးတယ်၊ နင်းချေတယ်။ သွားကောင်းတော့ ကိုက်တယ်။
လူတွေလည်း ဒီလိုပါပဲ။ အရင်က တုတ်တွေ ဓားတွေ ခဲတွေနဲ့ပေါ့။ နောက်တော့ သေနတ်တွေ ဖောက်ခွဲရေး ပစ္စည်းတွေနဲ့ နောက်ဆုံး အဏုမြူဗုံး လက်နက်ထိ သုံးလာတယ်။
ဒါဟာ လူနဲ့ တိရစ္ဆာန် တူတဲ့အချက်ပါပဲ။

ပညာနဲ့ တည်ဆောက်
ဒင်းကန်းမင်း (Dean Kaman) ရဲ့ အယူအဆကတော့ ၂၁ ရာစုဟာ ပညာခေတ်ပါပဲတဲ့။
ပညာဟာ အရေးအပါဆုံးလို့ ယူဆရမယ်လို့ သူက ဆိုတယ်။
ပညာခေတ်မှာ ပညာနဲ့ အသက်မွေးကြမယ်။ ပညာခေတ်ရောက်တော့ ပညာတတ်တွေ ပေါမယ်။ လူနေမှု အဆင့်လည်း တိုးတက်မှာပေါ့။ လူတွေဟာ ယဉ်ကျေးလာပြီး နားလည်မှုတွေ ရှိလာမယ်။ တစ်ယောက်နဲ့တစ်ယောက် အားသာချက် အားနည်းချက်တွေအပေါ် ခွင့်လွှတ်လာကြမယ်။ သူက "လူတွေကို ပညာသာ သင်ပေးလိုက်ပါ စစ်ပွဲတွေ ရပ်ဆိုင်းသွားမယ်" လို့ဆိုတယ်။

ကြောက်လည်း အတော်ကြောက်ကြတယ်။ ဒီလိုကြောက်တဲ့ အခါမှာဖြစ်စေ တစ်စုံတစ်ခုကို လိုချင်တဲ့အခါမှာ ဖြစ်စေ စစ်ပွဲတွေ ဆင်နွှဲကြတော့တယ်။
မြောက်ကိုရီးယားဟာ ဘာကြောင့် စစ်ပြင်ဆင်နေလဲဆိုတာကို ဒီအချက်က ပေါ်လွင်စေပါတယ် . . . . .

ပညာတတ်ရင် ရလဒ်ကောင်း နှစ်ခုရမယ်လို့ သူက ဆွေးနွေးတင်ပြတယ်။
ပထမတစ်ခုကတော့ ရန်ဖြစ်နေလို့ အလကားပဲ။ သူလည်း အကျိုးမရှိ၊ ကိုယ်လည်း အကျိုးမရှိ၊ နှစ်ဦးနှစ်ဝ ပျက်စီးနိုင်တယ် ဆိုတာကို အသေအချာ သဘောပေါက်လာနိုင်တယ်။ အဏုမြူစစ်ပွဲတွေ ဖြစ်လာရင် ကမ္ဘာကြီးဟာလည်း သုံးလို့မရအောင် ပျက်စီးသွားနိုင်တယ်။ ကမ္ဘာသားတွေဟာ တစ်လှေတည်းစီး ခရီးသွားတွေနဲ့ တူတယ်။ လှေပေါက်ပေါက် လှေမှောက်မှောက် တစ်ယောက်တည်း ဒုက္ခရောက်မှာ မဟုတ်ဘူး။ အားလုံး ဒုက္ခရောက်မှာ အသေအချာပဲ။ ဒါဟာ ရှုံးပြီးရင်း ရှုံးဆိုတဲ့ Lose/Lose အခြေအနေနဲ့ တူတယ်။
လက်နက်ဆိုတာ ပျက်စီးစေတယ်။ ဖျက်ဆီးတတ်တယ် ဆိုတာကို သဘောပေါက်ကြရင်တော့ ဘယ်သူမှလည်း စစ်မတိုက်တော့ဘူး။ လက်နက်တွေကိုလည်း မထုတ်လုပ်တော့ဘူးပေါ့။ တကယ်တမ်း ဆန်းစစ်ကြည့်ရင်လည်း လောကမှ ဘယ်စစ်လက်နက်ကမှ ကောင်းကျိုးကို ဆောင်ရွက်ပေးတာ မရှိပါဘူး။ ဒါပေမဲ့ ဒါကို ကျွန်တော်တို့ မမြင်ကြဘူး။ တစ်ယောက်နဲ့တစ်ယောက် မာနတွေ ပြိုင်နေတယ်။ သူကောင်းစားသွားရင် ငါဆုံးရှုံးမှာကို ကြောက်တယ်။ ငါကောင်းစားမှာကို သူကလည်း ကြောက်တယ်။ ငါတို့နှစ်ယောက်လုံး ကောင်းအောင်လုပ်မယ်ဆိုတဲ့ Win/Win အခြေအနေမျိုးကို မမျှော်မှန်းတတ်ကြဘူး။
ဒါကြောင့် ပညာသင်ရင်ရတဲ့ အကျိုးကို မြော်မြင်နိုင်ကြမှာပါ။
ဒုတိယအကျိုးကတော့ ပညာတတ်လာရင် သူများဆီက လုယက်ဖို့ တော်ရုံတန်ရုံ စဉ်းစားတော့မှာ မဟုတ်ဘူး။ ဒီတော့ လုယက်ဖို့ လက်နက်တွေလည်း မ၀ယ်တော့ဘူး။ လက်နက်တွေကိုလည်း မထုတ်တော့ဘူး။ လက်နက်စက်ရုံတွေဟာ ကုန်ထုတ်လုပ်ငန်းကို ပြောင်းလဲ လုပ်ကိုင်လာမှာပဲ။ မိမိအတွက် ကုံလုံအောင် စီးပွားရေး လုပ်ငန်းတွေ တည်ထောင်လုပ်ကိုင်ကြမှာပါပဲ။ လုပ်ငန်းတွေနဲ့ ကြိုးစားရင်း တစ်ယောက်ကိုတစ်ယောက် စောင့်ရှောက်လိုတဲ့ စိတ်ဆန္ဒတွေ ဖြစ်ပေါ်လာမှာပါပဲ။ ဒီတော့ စီးပွားရေး လုပ်ငန်းတွေ လုပ်လာဖို့ အမြော်အမြင်တွေရှိတဲ့ လူသားတွေ ပေါ်ထွန်းလာဖို့ ပထမဦးဆုံး လိုအပ်တာကတော့ ပညာရင်းနှီးမြှုပ်နှံဖို့ ပါပဲလို့ ဒင်းကန်းမင်းက ဆိုတာဖြစ်တယ်။

အင်တာနက်ကွန်ယက်
အေးချမ်းတဲ့ ကမ္ဘာကြီး ဖြစ်လာဖို့ ပညာဟာ အဓိကပါလို့ သူပြောချင်တယ်လို့ သူထပ်ပြောပြန်တယ်။ လူတွေဟာ ပညာကို နည်းမျိုးစုံနဲ့ ရကြတယ်။ ဥပမာ လူတွေဟာ သူတို့ကိုယ်သူတို့ ကာကွယ်ဖို့ ကြံစည်ကြရင်းက ရေဒါကို တီထွင်ထုတ်လုပ်နိုင်ခဲ့ကြတယ်။ ရေဒါစနစ်ဟာ အရပ်ဘက်ထက် စစ်ဘက်မှာ အသုံးကျတယ်လို့ ယူဆခဲ့ကြတယ်။ တကယ်တမ်းမှာ ယနေ့မိုးလေ၀သမှာ ရေဒါဟာ အများကြီး အသုံးဝင်တယ်။ မိုးရွာ မရွာ၊ နှင်းကျ မကျ၊ လေမုန်တိုင်းရှိ မရှိ စတာတွေကို မိုးတိမ်တွေဆီ ရေဒါက လှိုင်းများလွှတ်ကာ စမ်းသပ်နိုင်တယ်။ ဒါ့အပြင် အခြားသော ရေအောင်မြေအောင် သယံဇာတတွေကိုလည်း ရေဒါကနေ ရှာနိုင်ပါသေးတယ်။
အင်တာနက်ကိုရော၊ ဘယ်သူက စတာလဲ။
အမေရိကန် စစ်တပ်က စတာပါ။ ဒီအင်တာနက်ဟာ တကယ့်ကြီးမားတဲ့ ကွန်ရက်ကြီး ဖြစ်နေပါပြီ၊ ဒီကွန်ရက်ကနေ သတင်းအချက်အလက်ပေါင်း များစွာကို လူတွေဖတ်ရှု လေ့လာလို့ ရတယ်။ ပညာတွေ သင်လို့ရတယ်။ ကမ္ဘာ့အရှေ့ခြမ်းက သတင်းကို ကမ္ဘာ့အနောက်ခြမ်းက ချက်ချင်းကြည့်လို့ ရတယ်။ စာပို့လို့ရတယ်။ စကားတွေပြောလို့ ရတယ်။
ဒါပေမဲ့ အင်တာနက်သုံးပြီး တိုက်ခိုက်နေတာတွေ ရှိသေးတယ်။ အင်တာနက်ကို သုံးပြီး အမုန်းတရားတွေ ဖန်တီးပြောဆိုနေကြတယ်။ အင်တာနက်ကနေ စော်ကားမော်ကား ပြုနေကြတယ်။
လူတစ်ယောက် ပြောပါတယ်။ အင်တာနက်ထဲက Facebook ကို မကြည့်ရရင် အဲဒီနေ့မှာ အာဟာရ ပြတ်သလိုပါပဲတဲ့။ ဘယ်လိုဖြစ်ဖြစ် ပညာကတော့ အရေးပါတယ်။

နားလည်ကြမှ
ဒီလို ပညာတတ်တွေ အသိပညာ ရှိသူတွေ များလာပါမှ ငြိမ်းချမ်းတဲ့ ကမ္ဘာကြီးမှာ တစ်ယောက်နဲ့တစ်ယောက် နီးနီးကပ်ကပ် နွေးနွေးထွေးထွေး ဆက်ဆံလာနိုင်တဲ့ အနေအထားကို ရောက်လာမယ်လို့ ဆိုတယ်။ ဒီလို အခြေအနေကနေ ကမ္ဘာ့ရွာကြီး ပေါ်ပေါက်လာတယ်ဆိုတဲ့ အယူအဆကို တင်ပြနေကြတယ်။
ကမ္ဘာ့ရွာကြီးဟာ လူတွေအားလုံး တပေါင်းတစည်းတည်း ရှိတာကို ပြောတာပါ။ ကမ္ဘာ့ရွာကြီးမှာ သူ့လူမျိုးနဲ့သူ၊ သူနိုင်ငံနဲ့သူ၊ သူ့အစိုးရနဲ့သူ ရှိနေမှာပါပဲ။ ဘယ်သူမှ တစ်ယောက်ကိုတစ်ယောက် ကျူးကျော်ရန်စမှာ မဟုတ်ဘူးပေါ့။
ဒီလိုနားလည်မှုတွေနဲ့အတူ လက်တွဲနေထိုင်ဖို့အတွက် "ဆက်သွယ်ရေးကွန်ရက်" ဟာ အင်မတန် အရေးပါတယ်။
ဒီလိုအခြေအနေမှာ တစ်စုံတစ်ယောက်က ကမ္ဘာကြီးကို လက်ဝါးကြီး အုပ်မှာလား။ မရပါဘူး။
ပညာတတ်က ပညာမဲ့တွေကို အနိုင်ကျင့်မယ်။ ချမ်းသာသူတွေက ဆင်းရဲတဲ့လူတွေကို နှိပ်စက်မယ်ဆိုတဲ့ လွဲမှားတဲ့ လက်ဝါးကြီးအုပ် အနိုင်ကျင့် နေထိုင်လို့ ရမှာမဟုတ်ဘူး၊
အေးအတူပူအမျှ ခွဲဝေပေးရ ခွဲဝေကျွေးကြရမှာပဲ၊
လူမှုရေး မညီမျှ ကွာဟမှုတွေကတော့ ရှိမှာပါပဲ၊
ဒါပေမဲ့ ဒီလိုကွာဟာမှုဟာ လူမျိုးရေး၊ ဘာသာရေးတို့အပေါ်မှာ တည်နေမှာ မဟုတ်ပါဘူး၊
နောက်ပြီး ကွာဟချက်ဟာလည်း အရမ်းကာရော ကြီးမားလို့ မရပါဘူး၊
ဒီလိုခြားနားချက်တွေရဲ့ ကွာဟချက်တွေကို နည်းအောင်ကြိုးစားရမှာ ဖြစ်တယ်။ ဒီလိုကွာခြားတာဟာ သူ့ဘာသာသူ ဖြစ်တာပဲရယ်လို့ လစ်လျူရှုထားရင်တော့ ကမ္ဘာကြီးလည်း ပျက်သုဉ်းသွားမှာပဲ၊။
ဒီတော့ လူတွေဟာ လောဘကြီးလို့ မရတော့ဘူး၊
တကယ်တော့ လူတွေလောဘကြီးကြတာဟာ (အကြောင်း အများကြီးအနက် အရေးပါဆုံးဖြစ်တဲ့ အချက်တစ်ချက်ကတော့) နောင်ရေးအတွက် စိတ်မအေးကြလို့သာ ဖြစ်တယ်လို့ ပညာရှင်အများက ဆိုပါတယ်၊
နောင်ရေးကို မပူမပန်စေရဘူးဆိုရင် လူတွေဟာ စိတ်ဝင်စားလာကြမှာပဲ။ ဥပမာလက်ပံတောင်းတောင် ကိစ္စမှာ ပြည်သူတွေရဲ့ နောင်ရေးကို ဘယ်သူအာမခံပေးလို့လဲ၊ သူတို့ကို လူနေမှု အဆင့်မီအောင် ထားပေးပြီး လုံလောက်တဲ့ အာမခံမှုတွေပေးရင် စည်းရုံးဖို့တောင် မလိုပါဘူး။ သူတို့ဟာ ခေါင်းဆောင်တွေနောက်ကို ပါလာမှာပဲ။

မြန်မာတို့ရဲ့ နောင်ရေး
မြန်မာနိုင်ငံမှာရှိတဲ့ တိုင်းရင်းသား ၁၃၅ မျိုးဟာ နောင်ရေးအတွက် ပူပန်နေကြတယ်။ အနီးဆုံးဖြစ်တဲ့ ၂၀၁၅ ရွေးကောက်ပွဲကို လှမ်းမျှော်ကြည့်နေကြသလို အနာဂတ်အတွက်လည်း စိတ်မအေးကြသေးပါဘူး။ အကြမ်းအားဖြင့် ဆက်ဆံရေးကိုကြည့်လျှင် တစ်ယောက်ကိုတစ်ယောက် မယုံကြည်ဘူးဆိုတာကို တွေ့ရပေမယ်။
ဘာကြောင့် ကျွန်တော်တို့ဟာ ယုံကြည်မှု မတည်ဆောက်နိုင်တာလဲ။
စင်စစ်ပြောရင် အစိုးရနဲ့ ပြည်သူဆိုတာ မိဘနဲ့ သားသမီးလိုပါပဲ။
မိဘက သားသမီးအတွက် အနစ်နာ ခံတယ်ဆိုရင် သားသမီးတွေက ငါ့မိဘဟာ ငါ့ကိုတကယ်ချစ်တယ်ဆိုပြီး ယုံကြည်မယ်။
သားသမီးကလည်း မိဘအတွက် အနစ်အနာခံတယ်ဆိုရင် မိဘက သားသမီးအတွက် ကျေနပ်မှာဖြစ်တယ်။
တစ်ယောက်ကို တစ်ယောက် ယုံကြည်ကြဖို့ ကိုယ်လိုချင်တာတွေကို ယူနေကြလို့ မရဘူး။ ကိုယ်က ပေးရမှာဖြစ်တယ်။ "ဒါလေးကတော့ ငါ့သားအတွက်။ ဒါလေးကတော့ ငါ့သမီးအတွက်" ဆိုပြီး သားသမီးတွေကို ဦးစားပေးတဲ့ မိဘတွေကို သားသမီးတွေက ဘာလုပ်ပေးရပေးရ အဖေကို မထိနဲ့ အမေကိုမထိနဲ့ဆိုတဲ့ ယုံကြည်မှုမျိုးကို ရရှိပါတယ်။
မြန်မာတွေဟာ သဘောသကန် ကောင်းကြပါတယ်။
သည်းခံ အနစ်နာခံတာ လူမျိုးစရိုက် သဘာဝပါ။ တိုင်းရင်းသားတွေနေတဲ့ အရပ်တွေကို သွားကြည့်ပါ။ လူသားချင်းစာနာတဲ့ Humantarian စိတ်ဓာတ် အပြည့်အ၀ ရှိတာကို တွေ့ရပေမယ်။
ဒါကြောင့် ဒီလိုနိုင်ငံဟာ မကြီးပွား မတိုးတက်စရာ မရှိပါဘူး။
ဒီတော့ နိုင်ငံတစ်ခု ထူထောင်ဖို့အတွက် ပညာကို အဓိကထားပြီး စိတ်ကောင်းစေတနာကောင်းနဲ့ အများအတွက် အနစ်နာခံတတ်တဲ့ ခေါင်းဆောင်များနဲ့အတူ ပြည်သူများပါ ကြည်ဖြူကြဖို့ တိုက်တွန်းပါတယ်။

 Written by ဒေါက်တာခင်မောင်ညို
Credit  http://first-11.com
Read More »

သွေးလွန်တုပ်ကွေးရောဂါ


 

သွေးလွန်တုပ်ကွေးရောဂါ
သွေးလွန်-တုပ်ကွေးရောဂါ(Dengue Haemorrhagic Fever ) DHF ဟာ  ခြင်ကနေကူးစက်ပြီး၊ (ဗိုင်းရပ်စ်) ကြောင့်ဖြစ်တယ်။သွေးလွန်-တုပ်ကွေးကို ကလေးရောဂါလို့ ထင်တာ မမှန်ဘူး။ ဆင်းရဲတဲ့လူတွေဘဲ ဖြစ်တယ် မှတ်ရင်လဲ မှားတယ်။ ရောဂါကို စသိတာအနှစ် ၂၀၀ ကျော်ပါပြီ။ ဘိုလိုဆိုရင် Dengue Hemorrhagic Fever (ဒင်ဂေး-ဟမရေးဂျစ်-ဖီဗာ) လို့ ခေါ်တယ်။ Spanish word မို့ (ဒင်ဂေး) လို့ အသံထွက်တာ ပိုမှန်သတဲ့။ ဒါပေမဲ့ ဒီစာလုံး ဘယ်ကနေ ပေါ်ခဲ့တယ် ဆိုတာ တိတိပပ မသိကြပါ။ သွေးလွန်တုပ်ကွေးရောဂါဟာ ခြင်အမကနေဘဲ ကူးတယ်။ မ သဘာဝ တူသေးတာတခုက ညမှာ အိမ်တွင်း အောင်းပြီး၊ နေ့မှာသာ ထွက်ကိုက်တယ်။ အစာရှာတာပေါ့ဗျာ။ အများအားဖြင့် မနက် မလင်း-တလင်း ကိုက်တာများတယ်။ အမဖြစ်တော့ အသန့် ကြိုက်တယ်။ ရေသန့်မှာ နေတဲ့အမျိုး။ ဒါ့ကြောင့် အဲဒီခြင်မျိုး နှိမ်နင်းဘို့ မော်တော်ကား-ဆိုင်ကယ် တာယာဟောင်း၊ ပုံးခွံ၊ ပေပါခွံ၊ ရေအိုး၊ ညောင်ရေအိုးတွေမှာ ကျန်နေ-အောင်းနေတဲ့ ရေတွေ မှန်သမျှ သွန်ခိုင်းရတယ်။ ခြင်ပိုးလောက်လန်းတွေ မပေါက်အောင် လုပ်ရတာပါ။ ခြင်းစားငါး မွေးတာတို့၊ ပိုးလောက်လန်းသတ်ဆေးတို့လဲ သုံးနိုင်တယ်။ ကျွန်တော်တို့ တိုင်းပြည်မှာ ရေနံချေး ၀အောင်သုတ်ထားတဲ့ အိမ်ထရံတွေ၊ တိုင်တွေပေါ်မှာ ဆေးဖျန်းပြီးလို့ ရေးမှတ်ထားတတ်တဲ့ (ဒီတီတီ) ကလည်း ခြင်ကို အတော်အသင့် နိုင်ပါတယ်။ သွေးလွန်-တုပ်ကွေးမှာ အထင်နဲ့အမြင် မဆင်တာတခု ပြောရဦးမယ်။ နာမည်က သွေးလွန်ဆိုတာနဲ့ သွေးလွန်ပြီး သေနိုင်တယ်လို့ ထင်တာ မဟုတ်ပါ။ ကိုယ်ထဲက အရည်တွေရော သွေးရော ယိုလို့ နောက်ဆုံး (ရှော့ခ်) ရတာကြောင့်သာ သေတာ ဖြစ်ပါတယ်။ ဒါပေမဲ့ “သွေးယို-တုပ်ကွေး”လို့ နာမည်ပေးရင်တော့ မမိုက်ဘူး မဟုတ်လား။

ရောဂါဖြစ်ခြင်း

ခြင်အကိုက် ခံရပြီးနောက် ၄-၅-၆ ရက်မှာ ရောဂါဖြစ်တယ်။ ဖြစ်စတော့ ရိုးရိုး တုပ်ကွေးလိုပါဘဲ။ ဖျား၊ ခေါင်းကိုက်၊ ဟိုက-ဒီကနာ ဖြစ်မယ်။ အရိုးထဲကနာတာ သိသာတာမို့ တချို့က “အရိုးကွဲဖျား” လို့တောင် ခေါ်သေးတယ်။ ခပ်ရဲရဲ အနီပြင်တွေ ထွက်မယ်။ အပြင်းဖျားမယ်၊ (၁၀၃-၁၀၄-၁၀၅)။ ခေါင်း (နားထင်) ကိုက်မယ်၊ မျက်လုံးအတွင်းက နာမယ်၊ အဆစ်-ကြွက်သား နာမယ်၊ စားချင်စိတ် ပျက်မယ်။ ပျို့-အန်မယ်။ ပြီးရင် သွေးပြဿနာ တက်လာပါမယ်။ သွေးခြည်ဥတွေ ထွက်မယ်။ နှာခေါင်းသွေးယို၊ သွားဖုံးသွေးယို၊ ပါးစပ်ကနေ သွေးအန်၊ ဆီးထဲ သွေးပါမယ်၊ ၀မ်းထဲ သွေးပါရင် ၀မ်း အရောင်မဲတာနဲ့ သိမယ်။ အမျိုးသမီးဆိုရင် လစဉ်ဆင်းတာက များမယ်။

ရက်တို-ရောဂါ ဖြစ်လို့ ၂-၇ ရက်သာ ကြာမယ်။ သွေး-အရည်ယိုတာ ကြာလာရင် သတိမကောင်း ဖြစ်ရာကနေ သတိ လုံးဝလစ်မယ်၊ တက်လည်း တက်နိုင်တယ်။ ဗိုက်နာ၊ ဆက်တိုက် အန်၊ ဖျားနေတုံး ချွေးပြန်တယ်ဆိုရင် မကောင်းတဲ့ လက္ခဏာဘဲ။ တကိုယ်လုံး အေးစက်၊ ပြော့ခွေပြီး၊ ဂနာမငြိမ်ဖြစ်ရာကနေ သတိလက်လွတ်ရင် အရေးပေါ် အခြေအနေ Dengue Shock Syndrome (DSS) ဖြစ်သွားပါပြီ။ အသက်လုပြီး ကုရပါတော့မယ်။

သွေး-အရည်တွေ အပြင်စိမ့်ထွက်လာလို့ အဆုပ်အိတ်ထဲ အရည်များတာ၊ ရေဖျင်းရှိတာ၊ သွေးထဲ (ပရိုတင်း) နည်းတာတို့ ရှိနိုင်တယ်။ သွေးလွန်-တုပ်ကွေးဆိုတာ သေချာအောင် သွေးစစ်ရတယ်။ ရောဂါကို ဆန့်ကျင်တဲ့ဓါတ် (အင်တီဘော်ဒီ) တွေ့မယ်။ Tourniquest test စမ်းသပ်နည်းလုပ်ရင် Positive ဖြစ်မယ်။ Thrombocytopaemia သွေးမှုံအရေအတွက် နည်းနေမယ်။ သူက ပြဒါးတိုင်လိုဘဲ။ အဆိုး-အကောင်းကို ညွှန်းပါတယ်။ ဆိုးရင် Platelets ကို သွင်းပေးရတယ်။ သွေးဆိုတာ အရည်နဲ့ အခဲ ရောနေတာပါ။ အခဲပိုင်းမှာ သွေးနီဥ၊ သွေးဖြူဥအပြင် သွေးမှုန်ဆိုပြီး သုံးမျိုးရှိပါတယ်။ ဒီကောင်တွေက အသေးဆုံး၊ ဒါပေမဲ့ သူရှိမှ လူ့သွေးဟာ ခဲနိုင်တယ်။ မခဲရင် သွေးယိုမယ်လေ။ သွေးဆိုတာ ရဲမှ-ခဲမှ ကောင်းတယ်။

ကုသခြင်း

တခြား (ဗိုင်းရပ်စ်) ရောဂါတွေလိုဘဲ၊ သွေးလွန်-တုပ်ကွေးကို တိတိကျကျ ကုသနည်း မရှိဘူး။ ကလေးတွေက လူကြီးလောက် မဆိုးဘူး။ ကံကောင်းသူများက ၁ ပါတ် ကြာရင် ပျောက်မှာပါ။ အားယုတ်မယ်၊ စိတ်ဓါတ်ပါ ကျစေနိုင်တယ်။ ရေနဲ့ အရည် များများသောက်ပါ၊ အနားယူပါ။ ခြင်ထောင်နဲ့ အိပ်ရင် သူများကို မကူးစေဘူးပေါ့။ အန်နေရင်တော့ သွေးကြောထဲကနေ Drip သွင်းပေးရမှာပါ။ အဖျား-အကိုက်အခဲ သက်သာအောင် (ပါရာစီတမော) ကလွဲရင် မပေးရ။ Asprin, Brufen မသောက်ရပါ။ အခုနောက်ပိုင်း သွေးလွန်တုပ်ကွေး ဆေးသစ်တွေ စပေါ်နေပါပြီ။ ကာကွယ်ဆေးတော့ မပေါ်သေးပါ။

ဆေးပညာရှင်များက လူပါးတွေမို့ သူတို့ သေသေခြာခြာ ကုပေးနိုင်တဲ့ရောဂါ မဟုတ်ရင် ကာကွယ်ပါ၊ မဖြစ်အောင် ဒီလို လုပ်ပါ၊ ဟိုလို လုပ်ပါဆိုပြီး၊ ပြောကြတယ်။ HIV-AIDS တို့၊ အသားဝါရောဂါတို့ စသဖြင့်။ သွေးလွန်-တုပ်ကွေးရောဂါလဲ ပါပါတယ်။ 

ဒေါက်တာတင့်ဆွေ
Read More »

အရပ်ဘက်အုပ်ချုပ်ရေးနှင့်စစ်ဘက်အုပ်ချုပ်ရေး







ထင်အောင်ကျော်

      အင်အားသည် အမှန်တရားတဲ့လား။ သို့ဆိုလျှင် နိုင်ငံတိုင်းမှာဘာ့ကြောင့် စစ်တပ်ကချည်းပဲ မအုပ်ချုပ်ကြသနည်း။ စစ်တပ်မှာ သေနတ်တွေရှိသည် မဟုတ်လား။

          တစ်ခါတလေတော့တိုင်းသူပြည်သားများကိုယ်တိုင်က စစ်အုပ်ချုပ်ရေးကို လိုလားတတ်ကြသည်။ အကြောင်းမူကားသူတို့က ရွေးချယ်တင်မြှောက်လိုက်သည့် နိုင်ငံရေးသမားများက အချင်းချင်းစကားတွေပဲများနေကြပြီးပြည်သူ့အကျိုးကိုမဆောင်၊ တိုင်းပြည်ကြီး တစ်ခုလုံးလည်း ကသောင်းကနင်းဖြစ်နေသောကြောင့်တည်း။


          သို့သော်သမိုင်းကြောင်းအရ စစ် ဘက်က အလုပ်အကိုင်တွေ ပေါ်ထွန်း လာအောင် လုပ်မပေးနိုင်ပါ။ စီးပွားရေးဖွံ့ဖြိုးတိုးတက်အောင်လည်း မလုပ်နိုင် ပါ။ ယုတ်စွအဆုံး ပြည်သူတို့အတွက် မရှိမဖြစ်လိုအပ်ချက်များကိုပင်ကောင်း ကောင်း မဖြည့်ဆည်းပေးနိုင်ချေ။ ဒါကြောင့်ပင် အရပ်ဘက်အုပ်ချုပ်ရေးကို ထူထောင်ကြရတာဖြစ်ပါသည်။
          တစ်ခါကတရုတ်ခေါင်းဆောင်ကြီး မော်စီတုန်း ပြောခဲ့ဖူးတာရှိပါသည်။ ““အာဏာဟာ သေနတ်ပြောင်းဝက ထွက်တယ်””ဟူ၏။
          သို့သော်စစ်ဘက်တွင် ““ပြည်သူ တွေ မျှော်လင့်နေတဲ့ဟာတွေကို ရလာ အောင် လုပ်ပေးနိုင်တဲ့ ထူးခြားတဲ့စီမံ ခန့်ခွဲမှု၊ အုပ်ချုပ်ရေးစွမ်းရည်တို့ကျတော့ မရှိဘူး””ဟုအမေရိကန်နိုင်ငံ ၀ီလီယမ် နှင့် မေရီကောလိပ်မှ ပါမောက်္ခ လော ရင့်ဝီလ်ကာဆင်က ပြောပါသည်။

          ၀ီလ်ကာဆင်ကိုယ်တိုင်ကစစ်သား တစ်ယောက် ဖြစ်ခဲ့ဖူးပြီး အမေရိကန် အစိုးရအရာရှိတစ်ဦးအဖြစ်လည်း တာ ၀န်ယူခဲ့ဖူးပါသည်။သူက တပ်မှာ ဗိုလ် မှူးကြီးအဆင့်အထိ ၃၁ နှစ်ကြာ စစ်မှု ထမ်းခဲ့ပါသည်။ ၁၉၉၇ ခုနှစ်တွင်တပ်မှ အငြိမ်းစားယူပြီး ထိုစဉ်က နိုင်ငံခြားရေး ၀န်ကြီးဖြစ်သူ ဗိုလ်ချုပ်ကြီးဟောင်းကောလင်းပါဝဲလ်၏  ရုံးအဖွဲ့မှူးအဖြစ်လည်း ကောင်း၊မူဝါဒရေးရာ ညွှန်ကြားရေးမှူး အဖြစ်လည်းကောင်း တာဝန်ယူခဲ့ပါသည်။

          ထို့ကြောင့်အရပ်ဘက်စစ်ဘက် ဆက် ဆံရေးအကြောင်းကို သူက ကောင်းကောင်း သိပါသည်။


          လူ၏ အခြေခံစိတ်ဆန်္ဒတစ်ခုက လွတ် လပ်လိုမှု ဖြစ်ပါသည်။ သို့သော် ထိုလွတ်လပ်မှု တစ်ခုတည်းဖြင့်တော့ဘ၀သည်မပြီး ပြည့်စုံနိုင်။ နိုင်ငံခေါင်း ဆောင်များဆီကနေ ပြည်သူလူထု မျှော်လင့်နေတာက ““လွတ်လပ်မှုထက်ပိုတဲ့ အလုပ်အကိုင်ကောင်း ကောင်းရဖို့၊ အတိုင်းအတာတစ်ခုအထိ လုံခြုံမှုရှိဖို့၊စဉ်းစားတွေးခေါ်နိုင်ဖို့နဲ့ အဲဒါတွေ ကို လည်း ထုတ်ဖော်ပြောဆိုခွင့်ရဖို့ဆိုတာ တွေပဲ
””ဟု ၀ီလ်ကာဆင်က ပြောပါသည်။

           သို့သော် ဒါတွေက စစ်တပ်၏ယဉ် ကျေးမှုမဟုတ်။ စစ်တပ်ဟူသည်အဆင့်ဆင့် အမိန့်နာခံမှုဖြင့် ဖွဲ့စည်းထားတာဖြစ် ပါသည်။ ကျွန်တော်တို့ဆီမှာ ကြားနေကျစကားတစ်ခွန်းရှိသည်။ ““ရေဘူးပေါက်တာ မလိုချင်ဘူး၊ ရေပါတာပဲ လိုချင်တယ်
””တဲ့။ ဒါကလည်း သူ့လိုအပ်ချက်အရပါ။

          စစ်တပ်မှာမစ်ရှင်တစ်ခု တာဝန် ပေးလိုက်လျှင် ယင်းကို ပြီးမြောက်အောင် အကောင်အထည်ဖော်ရသည်။ ဒါသည်စစ်စည်းကမ်း။


          သို့သော်အရပ်ဘက်အုပ်ချုပ်ရေး တွင် သည်ပုံစံအတိုင်း သွားပြီးကျင့်သုံးလို့ မရကြောင်း ၀ီလ်ကာဆင်ကပြောပါသည်။ ပြင်သစ်ပြည်ကို စစ်ဘုရင်ကြီး နပိုလီယန် အုပ်စိုးခဲ့သည်ကအစ ယနေ့ခေတ် တွေ့မြင်ခဲ့ကြရသောစစ်တပ် စိုးမိုးခဲ့ခြင်းများအဆုံးကို လေ့လာကြည့်ပါ။ စစ်အုပ်ချုပ်ရေးသည်အလုပ် သိပ် မဖြစ်ကြောင်းကိုသမိုင်းကသက်သေ ပြခဲ့ပြီးပါပြီဟု ၀ီလ်ကာဆင်က ရှင်းပြပါသည်။


          စစ်ဘက်ကဘယ်အချိန်ပဲ အုပ် ချုပ်အုပ်ချုပ်၊ ဘယ်လိုပဲအုပ်ချုပ်အုပ်ချုပ် သည်အတိုင်း ကျရှုံးမှာပဲဟုသူက မှတ် ချက်ပေးပါသည်။ အကြောင်းမူ စစ် ဘက်၏ တွေးပုံ ခေါ်ပုံ၊ လုပ်ပုံကိုင်ပုံများကိုယ်၌ကအရပ်ဘက်စီမံအုပ်ချုပ် ရေးအတွက် သဟဇာတ မဖြစ်သောကြောင့်ပါ။


အရပ်ဘက်ကို ဦးဆောင်ခိုင်းပါ ~

          အရပ်ဘက်ကစစ်တပ်ကို ဦး ဆောင်သည်ဆိုခြင်းက နည်းနည်းတော့ စိမ်းနေဦးမည်။ အစဉ်အလာအရ အုပ် ချုပ်သူဘုရင်များ၊ ဗိုလ်ချုပ်ကြီးများနှင့် တခြားအာဏာရှင်များလက်ထဲမှာ စစ်ဘက်ကို ကိုင်ထားရုံမကလိုအပ်သည့် အခါမှာလည်း စစ်တပ်ကို သူတို့စိတ် တိုင်းကျအသုံးချပြီး မိမိပြည်သူတွေကိုဖိနှိပ်ခိုင်းခဲ့ပါသည်။


          စစ်ဘက်ကလွှမ်းမိုးသော သမိုင်းဖြစ်စဉ်မှ လွတ် မြောက်ရန်ဆိုလျှင် အချိန်တော့ ယူရပေမည်။ ခိုင်မာသော အသိုက်အအုံ ဖွဲ့စည်း တည်ထောင်ခြင်း (institution-building) ကို လုပ်ကြရမည်။ စစ်တပ်ကိုလည်းပြည်သူလူထုက လွတ်လပ်၍ တရားမျှတစွာရွေးကောက် တင်မြှောက်လိုက်သော  အရပ်သားအစိုးရ၏  အကျိုး စီးပွားကို အကောင်းဆုံးအားပေးထောက်ခံသည့်ယဉ်ကျေးမှုတစ်ရပ် ပေါ်ထွန်းလာအောင် အားပေးရပေမည်။

          သို့ရာတွင်အရပ်ဘက်မှာ ခိုင်မာသော အသိုက် အအုံ တည်ဆောက်ထားခြင်းမရှိလျှင်၊ နောက်ပြီး သမိုင်း ကြောင်းအရအရပ်သားအုပ်ချုပ်ရေး ထိထိရောက် ရောက်မရှိခဲ့လျှင် အထက်ဆိုခဲ့ပါ အယူအဆကို ချက်ချင်းလက်ခံဖို့ လွယ်မည်မဟုတ်ချေ။

          မည်သို့ဆိုစေအရပ်သားအစိုးရက ဦးဆောင်သော ယဉ်ကျေးမှုသည် အမေရိကန်ပြည်ထောင်စုနှင့် တခြား နိုင်ငံအတော်များများမှာအသားကျနေပါပြီ။ အမေရိကန် နိုင်ငံမှာ စစ်ဘက်ကအာဏာသိမ်းခြင်းမျိုး ““ဖြစ်နိုင်ချေမရှိ
””ဟု ၀ီလ်ကာဆင်က ယတိပြတ်ပြောပါသည်။

          ဘာကြောင့်လဲ။စစ်တပ်က အင်အားမရှိလို့လား။ မဟုတ်ပါ။ အမေရိကန်စစ်တပ်လောက် ဆန်းဆန်းပြား ပြား လက်နက်များပိုင်ဆိုင်သည့် စစ်တပ်က ရှာမှရှား။ သို့ဆိုလျှင် ဥပဒေက အာဏာမသိမ်းနိုင်လောက်အောင်ပင်ခိုင်မာနေလို့လား။ မဟုတ်ပါ။ လက်နက်အင်အားကို မည်သည့်အရာက လွန်ဆန်နိုင်မည်နည်း။


          တကယ့်အကြောင်းရင်းကအမေရိကန် စစ်အရာရှိ များသည် စစ်ဘက်ဆိုင်ရာရော အရပ်ဘက်ဆိုင်ရာပါ ပညာရည်မြင့်မားကြသောကြောင့်တည်း။““အရပ်ဘက် အုပ်ချုပ်ရေးကို စိန်ခေါ်ပြီး အရပ်သားအစိုးရကို ဖြုတ်ချ လိုက်ရင် ဘာဖြစ်မယ်ဆိုတာသူတို့က ကောင်းကောင်း နားလည်ပါတယ်
”” ဟု ၀ီလ်ကာဆင်က ပြောပါသည်။

          အရပ်ဘက်ကစစ်ဘက်ကိုဦးဆောင်ခြင်းနှင့် ပတ် သက်၍ အသိုက်အအုံဖွဲ့စည်းမှု၊ ဥပဒေများနှင့် အစဉ် အလာများအကြောင်းကို  စစ်ဘက်ကတဖြည်းဖြည်း နားလည်သဘောပေါက်လာခဲ့ပါသည်။ယင်းသည်ပင် အမေရိကန်စနစ်၏ မရှိမဖြစ် အရေးကြီးသောအချက် ဖြစ် ပါသည်။


          စင်စစ်သည်အစဉ်အလာသည် အမေရိကန်ပြည်ထောင်စု၏ ပထမဦးဆုံးသမ်္မတဂျော့ဝါရှင်တန်လက်ထက် ကတည်းက စခဲ့ပါသည်။သူက စစ်ဗိုလ်ချုပ်ကြီး တစ်ဦးပါ။ ပူပူနွေးနွေးလွတ်လပ်ရေးရလာသော အမေရိကန် ကိုလိုနီနယ်များကိုအုပ်စိုးရန် သူ့နောက်လိုက်များက ၁၇၈၃ခုနှစ် တွင် အာဏာသိမ်းချင်ခဲ့ကြသည်။ ဒါကို ၀ါရှင်တန်ကဟန့်တားခဲ့လေသည်။


          ထိုနှစ်နှောင်းပိုင်းမှာသူသည် ရာထူးမှနုတ်ထွက်ပြီး သူ့ယာတောသို့ ပြန်သွားခဲ့ပါသည်။ ထို့ကြောင့်ပင် သူတော်လှန်ခဲ့သောဗြိတိန်ဘုရင်မင်းမြတ်တတိယမြောက် ဂျော့ဘုရင်ကိုယ်တိုင်က ““အကြီးမြတ် ဆုံးပုဂ်္ဂိုလ်ကြီးပေ တကား
””ဆိုပြီး ထောမနာပြုခဲ့ရလေသည်။

          အမေရိကန်နိုင်ငံ၏ရွေးကောက်တင်မြှောက်ခံ အစိုးရအဖွဲ့ဝင်များနှင့် ဗိုလ်ချုပ်ကြီးများကြားမှာ စင်းလုံးချောခဲ့တာမျိုးတော့လည်းမဟုတ်။ မပြေလည်တာတွေ ရှိခဲ့ပါသည်။ သို့သော်အရပ်ဘက်ကပဲ အဆုံးအဖြတ်ပေးခဲ့ပါသည်။


          ၁၉၅၁ ခုနှစ်တွင်ကိုရီးယားစစ်နှင့်ပတ်သက်ပြီး သမ်္မတဟယ်ရီထရူးမင်းနှင့် ဗိုလ်ချုပ်ကြီးမက်အာသာတို့ကြားမှာမကြေလည်သည့်အကြောင်းက အုတ်အော်သောင်းတင်း ဖြစ်ခဲ့ပါသည်။ အဲသည်ဖြစ်စဉ်တွင် သမ္မတကဗိုလ်ချုပ်ကြီးကိုတာဝန်မှရပ်စဲခဲ့ပါသည်။

          ထရူးမင်းကဗိုလ်ချုပ်ကြီးသည် ““သူ၏ တာဝန်ဝတ္တရားများနှင့် ပတ်သက်၍ အမေရိကန် ပြည်ထောင်စုအစိုးရနှင့်ကုလသမဂ္ဂအဖွဲ့ကြီးတို့က ချမှတ်ပေးထားသော မူဝါဒများကို အပြည့်အ၀ ထောက်ခံနိုင်စွမ်း မရှိခဲ့””ဟူ၍ မှတ်ချက်ပေးခဲ့ပါသည်။



သမ္မတဘားရတ်အိုဘားမား နှင့် ဗိုလ်ချုပ်ကြီးဆတန်လေမက်ခရစ်္စတယ်          ၂၀၁၀ ပြည့်နှစ်တွင်လည်းသမ္မတဘားရတ်အိုဘားမားက အာဖဂန်နစ်္စတန်မှာ အမေရိကန် စစ်တပ်အကြီးအကဲ ကြည်းတပ်ဗိုလ်ချုပ်ကြီးဆတန်လေမက်ခရစ်္စတယ်ကို တာဝန်မှ ရပ်စဲပစ်ခဲ့ပါသည်။ အကြောင်းက ဗိုလ်ချုပ်ကြီး၏ လက်ထောက်အရာရှိများသည်သမ္မတနှင့်အစိုးရအဖွဲ့အရာရှိကြီးများအပေါ် ပြစ်တင်ဝေဖန်သော စကားများကို မဂ္ဂဇင်းတစ်စောင်တွင်ပြောခဲ့သောကြောင့်ဖြစ်ပါသည်။

          ယင်းနှင့်စပ်လျဉ်း၍အိုဘားမားက ကြေညာချက်တစ်ရပ် ထုတ် ပြန်ရာ၌ ““မကြာသေးမီက ပုံနှိပ်ခဲ့သော ဆောင်းပါးတွင်ပါရှိသည့် ပြောဆိုမှုများသည် တပ်မှူး ဗိုလ်ချုပ်ကြီးတစ်ဦး၏ အဆင့်အတန်းနှင့် ကိုက်ညီခြင်းမရှိပါ။ ဤအချက်က ကျွန်ုပ်တို့၏ ဒီမိုကရေစီနည်းကျ စနစ်တွင် အခရာကျသော အရပ်ဘက်က စစ်ဘက်ကိုထိန်းချုပ်ထား ခြင်းအပေါ် အားလျော့စေပါသည်
”” ဟု ဖော်ပြခဲ့ပါသည်။

          သမ္မတကဆက်ပြောရာတွင် အမေရိကန်နိုင်ငံမှာ အသိုက် အအုံများ ဖွဲ့စည်းတည်ထောင်မှုက လူတစ်ဦးချင်းထက်ပိုပြီး ခိုင်မာစွာတည်ရှိနေကြောင်း၊ သည်လို ဖွဲ့စည်းတည်ထောင်မှုတွင် စစ်ဘက်အမိန့်ပေးမှုအဆင့်ဆင့်ပေါ်၌အစိုးရ၏ ထိန်းချုပ်မှုကို လေးစား လိုက်နာခြင်းသည်လည်း ပါဝင်ကြောင်း ဆိုပါသည်။


အဂတိလိုက်စားမှု ~

          အရေးကြီးသောနောက်တစ်ချက်က အရပ်ဘက် ထိန်းချုပ်မှု မရှိလျှင် အဂတိလိုက်စားမှု ကြီးထွားလာတတ်ခြင်းဖြစ်ပါသည်။စစ်ဘက်အုပ်ချုပ်ရေးတွင် ပွင့်လင်းမြင်သာမှုမရှိ၊ တာဝန်ယူမှုလည်း မရှိတတ်ရကား အဂတိလိုက်စားမှုတွေ ဖြစ်လာရသည်။

          စစ်ဘက်ကနိုင်ငံ့စီးပွားရေးစနစ်ထဲ၌ ကြီးကြီးမား မားမြှုပ်နှံ လုပ်ကိုင်လာသောအခါ အရပ်ဘက်ဦးဆောင်မှုကိုလိုက်နာရန် ဆန္ဒနည်းပါးလာတော့သည်။ ““သူတို့ရဲ့စည်းစိမ်ဥစ္စာတွေ ဆုံးရှုံးကုန်မှာ စိုးပြီးအာဏာကိုလက်မလွှတ်ချင်တော့ဘူးပေါ့။ ဒါက တကယ့် ပြဿနာပဲ
”” ဟု ၀ီလ်ကာဆင်ကပြောပါသည်။

          သည်အခါမျိုးမှာစစ်တပ်ကိုနိုင်ငံ့စီးပွားရေးနှင့် ကွာရှင်းပြတ်စဲခိုင်းဖို့ လိုလာပါသည်။ ထိုအခါမျိုးမှာ သွေးထွက်သံယိုတွေဖြစ်တတ် ပါသည်။ ဒါကိုတော့ သတိထားရမည်။


           စီးပွားရေးအကျိုးအမြတ်များအပြင် နောက်တစ်ချက်က စစ်ဘက်သည်သူ့နေရာကို ဘယ်အစိုးရမျိုးက နေရာဝင်ယူမှာလဲဆိုခြင်းအပေါ်လည်း စိုးရိမ်မှုရှိတတ်လေသည်။ပြည်သူများ၏ အကျိုးစီးပွားကို တကယ်ပဲ ဖော်ဆောင်မည့်ခေါင်းဆောင်တက်လာမှာလား၊ သို့မဟုတ်ထူးမခြားနား ကိုယ်ကျိုးစီးပွားကိုပဲကြည့်ပြီး မရ ရသက ချိုင်ကာ အိတ်ထဲထည့်ဦးမည့်သူတွေပဲလား။


          ၀ီလ်ကာဆင်ကတော့အရပ်ဘက် - စစ်ဘက် ဆက် ဆံရေးပြေပြစ်ပြီး အရပ်ဘက်ကဦးဆောင်သော လူ့အဖွဲ့ အစည်းကို တည်ဆောက်ရန်မှာမရှိမဖြစ်အရေးကြီးကြောင်းပြောပါသည်။ ပြည်သူတို့၏ရွေးချယ်တင်မြှောက် ခံထားရသော ကိုယ်စားလှယ်များကဒါကိုရေရှည် တည်တံ့အောင် ကြိုးစားအကောင်အထည်ဖော်ရမည်ဟု သူက ပြောပါသည်။


(၂၆-၆-၂၀၁၂ ထုတ် အမေရိကန်နိုင်ငံခြားရေးဌာန၏  IIP Digital သတင်းလွှာပါ Stephen Kauffman ၏Military Rule Can Bring Order, But Not Good Results  ကို အဓိကမှီငြမ်းပါသည်)


Read More »

လင်ကွန်း၏ ခေါင်းဆောင်မှု ကျင့်စဉ်



(1) ရှင်းလင်းစွာ ရေးသား၍ ပြဿနာဖြေရှင်းနည်းကို အကြံပေးဖော်ပြပါ။

(2) သင်သည် လူတွေကြားတွင် မကြောက်မလန့် သွားလာနေသည်ဟု လူတွေက ထင်ပါစေ။

(3) လက်အောက်ငယ်သားများနှင့် ရှောင်တခင် တွေ့ဆုံဆက်ဆံပါ။ တမင်စီစဉ်တွေ့ဆုံခြင်းကဲ့သို့ပင် အကျိုးရှိနိုင်သည်။

(4) လာတွေ့သောဧည့်သည်များကို မတွေ့ဘဲ မကြာခဏ ပြန်မလွှတ်ပါနှင့်။

(5) ပြည်သူ့ထင်မြင်ချက်များ အမြဲရနေအောင် ဖန်တီးပါ။

(6)‘လူတိုင်း ချီးကျူးခံချင်သည်’ဆိုခြင်းကို သတိရပါ။

(7) သင်၏ လက်အောက်ငယ်သားများ မတ်တတ်ရပ်နေနိုင်လျှင် သင်လည်း မတ်တတ်ရပ်နေနိုင်သည်။ကိုယ်တိုင် နမူနာကောင်း ပြပါ။

(8) စိတ်ချရသော နောက်ဆုံးသတင်းအချက်အလက်မှန်ကို ရနိုင်အောင် ကြိုးစားပါ။


(9) တစ်ကြိမ်တွင် စစ်ပွဲတစ်ပွဲသာ ဆင်နွှဲပါ။

(10) လက်အောက်ငယ်သားများက သင့်အား ပြတ်သားသူ၊ တည်ကြည်သူ၊ တာဝန်ကို ကျေပွန်စွာ ထမ်းဆောင်သူဟူ၍ ယုံကြည်လာအောင် ကြိုးစားပါ၊ သူတို့က သင့်အား ယုံကြည်လေးစားလာလိမ့်မည်။

(11) အစဉ်အလာ ယဉ်ကျေးမှုစည်းကမ်းနှင့် ပုဂ္ဂိုလ်ရေးသိက္ခာတို့ကို တစ်ခါတစ်ရံ ‘ဘေးချိတ်’ထားရ၏။
 
(12) လူ့သဘော လူ့မနောကို နားလည်ရေးအတွက် အချိန်နှင့်ပိုက်ဆံ ရင်းနှီးမြှုပ်နှံပါ။

(13) လူ့အပြုအမူကို အတိုင်းအတာတစ်ခုအထိ ပြုပြင်၍ရနိုင်သော်လည်း လူ့သဘာဝကို ပြောင်းလဲ၍ မရနိုင်ကြောင်း သတိရပါ။

(14) သနားကြင်နာခြင်း၊ ဂရုစိုက်ခြင်းသည် ကောင်းမွန်သောဆက်ဆံရေးကို ဖော်ဆောင်ပေးနိုင်သည်။
 
(15) မျှော်လင့်ချက်ကုန်ဆုံးလျှင် စိတ်ဓာတ်ကျသည်။


(16) ဌာနတွင်း မကျေနပ်ချက်များကို အားမပေးနှင့်၊ ညှိနှိုင်းစေ့စပ်ရန် လက်အောက်ငယ်သားများအား အမြဲတမ်းဖျောင်းဖျဆွဲဆောင်ပါ။
 
(17) အင်အားကို နောက်ဆုံး အားကိုးရာအဖြစ်သာ သုံးပါ။
 
(18) နောက်လိုက်ငယ်သားများက သူတို့လုပ်ရပ်ကို သူတို့စိတ်ကူးဖြင့် လုပ်သည်ဟု ယုံကြည်ချင်ကြကြောင်းကိုသတိရပါ။ ထို့ထက် သူတို့လုပ်ရပ်သည် အများနှင့်မတူ တမူထူးခြားသည်ဟု ယုံကြည်ချင်ကြကြောင်းကိုသတိရပါ။

(19) နောက်လိုက်ငယ်သားကို မိမိဘက်ပါအောင် ဆွဲဆောင်လိုလျှင် မိမိသည် မိတ်ဆွေကောင်း
တစ်ယောက်ဖြစ်ကြောင်း သူယုံကြည်အောင် ပထမဦးစွာ ပြသပါ။
 
(20) နောက်လိုက်များကို မိမိက ဦးဆောင်ရန် သူတို့၏ သဘောတူညီမှုကို အရင်ရယူပါ။
 
(21) နောက်လိုက်များအား ကိုယ်ပိုင်ဆုံးဖြတ်ချက်နှင့် လုပ်ကိုင်စေခြင်းဖြင့် တာဝန်နှင့် အာဏာကို ခွဲဝေပေးပါ။
 
(22) အဖွဲ့အစည်းတစ်ခုလုံးနှင့်ဆိုင်သော ကိစ္စများတွင် ဌာနအသီးသီး၏ ကြီးအကဲများနှင့် ပြည့်ပြည့်၀၀
ဆွေးနွေးတိုင်ပင်ပြီးမှ ဆောင်ရွက်ပါ။
 
(23) ခေါင်းဆောင်ကောင်းသည် အမိန့်မပေး၊ မေတ္တာရပ်ခံခြင်း၊ တိုက်တွန်းခြင်း၊ အကြံပေးခြင်းတို့ကိုသာပြုလုပ်သည်။


(23) လူတစ်ယောက်အား နှိပ်ကွပ်လျှင် ထိုသူနှင့် ထိုသူ၏မိတ်ဆွေများသည် မိမိအဖွဲ့အစည်းအတွက် ထာဝရရန်သူများ ဖြစ်လာနိုင်သည်။
 
(24) အပြစ်ဒဏ်ကြောင့် အပြစ်ပေးရန်ဟူသော ရည်ရွယ်ချက်သည် ဘယ်လိုမျှ အကျိုးမပြု။
 
(25) နာမည်ကောင်းထွက်သော ခေါင်းဆောင်ထံသို့သာ လူတွေချဉ်းကပ်ချင်ကြသည်။
 
(26) တစ်ခါတစ်ရံ မသိယောင်ဆောင်နေလိုက်ခြင်းသည် အကျိုးယုတ်လောက်အောင် ထိခိုက်နစ်နာမှု မဖြစ်နိုင်။

(27) သာမန်အကြောင်းများကြောင့် လူငယ်များအား ဘ၀မပျက်ပါစေနှင့်။
 
(28) မလိုတမာစိတ်ကို ရှောင်ပါ၊ မေတ္တာစေတနာကို ဆောင်ပါ။
 
(29) မိမိ၏ အကောင်းဆုံးအပြုအမူများဖြင့်သာ လူတွေကို တွေ့ဆုံဆက်ဆံပါ။


(30) ဒေါသ မများစေရေးအတွက် ပုတ်ခတ်ဝေဖန်ချက်များကို ဖတ်ရှုခြင်းမှ ရှောင်ကြဉ်ပါ။
 
(31) စိတ်လှုပ်ရှားနေသော လူထုကို မကြောက်ပါနှင့်၊ မိမိ၏ ရိုးသားသော ခံစားချက်ကို ပွင့်ပွင့်လင်းလင်းပြောပြပါ။
 
(32) ယေဘုယျအားဖြင့် အမှန်တရားသည် မတရားစွပ်စွဲ ဝေဖန်မှုကို အကောင်းဆုံး ကလဲ့စားချေခြင်း ဖြစ်သည်။
 
(33) ကိုယ်သိသလောက်၊ ကိုယ်တတ်နိုင်သလောက် အကောင်းဆုံးဖြစ်အောင် လုပ်ပါ၊ ပြီးဆုံးအောင်အထိလုပ်ပါ။
 
(34) မတရားစွပ်စွဲချက်ကို တစ်ကြိမ်အရှုံးပေးလိုက်လျှင် နောက်ထပ်စွပ်စွဲချက်များအတွက် လမ်းဖွင့် ပေးလိုက်သလို ဖြစ်သွားနိုင်သည်။

(35) မိမိအား အုပ်စုနှစ်စုလုံးက ဝေဖန်ထိုးနှက်လာလျှင်၊ သို့မဟုတ် နှစ်စုလုံးက ဝေဖန်ထိုးနှက်ခြင်းမပြုလျှင် မိမိမှန်ကောင်းမှန်နိုင်သည်။ သို့သော် တစ်ဖက်အုပ်စုက ကလော်တုတ်ပြီး တစ်ဖက်အုပ်စုက ချီးကျူးထောမနာ
ပြုတာမျိုးကိုတော့ သတိထားပါ။

(36) တိုက်ပွဲတွင် ရှုံးနိမ့်ခြေရှိခြင်းကြောင့် မိမိက မှန်ကန်သည်ဟု ယုံကြည်သောလုပ်ရပ်ကို စွန့်လွှတ်မပစ်ပါနှင့်။


(37) တစ်သမတ်တည်း ဖြောင့်မတ်ခိုင်ကျည်မှုကို မိမိ၏လုပ်ငန်းစက်ယန္တရားတွင် ခွေးသွားစိပ် တစ်ခုသဖွယ်သတ်မှတ်ပါ။
 
(38) စမ်းချောင်းကို ဖြတ်ကူးနေစဉ် မြင်းကို အရောင်းအ၀ယ်မလုပ်ပါနှင့်။
 
(39) အသုံးကျတဲ့ ဖဲချပ်တွေ အကုန်လုံးသုံးပြီးတော့မှ ဖဲဝိုင်းက ထပါ။
 
(40) မိမိ၏ လုပ်ရပ်သည် ရည်မှန်းချက်ကို ထိခိုက်နေပြီဟု ယုံကြည်လျှင် လျှော့လုပ်ပါ။ ရည်မှန်းချက်ကိုအထောက်အကူပြုသည်ဟု ယုံကြည်လျှင် ပိုလုပ်ပါ။ အမှားကိုမြင်လျှင် ချက်ချင်းပြင်ပါ။ အမြင်သစ်အမြင်မှန်ကို အမြဲတမ်း ကြိုဆိုလက်ခံပါ။
 
(41) အမှုထမ်းများ၏ လုံခြုံရေးကို အလေးထားသလို အမှုထမ်းများ စွန့်စားလုပ်ချင်စိတ် ပေါ်လာနိုင်သည့်အခြေအနေကိုလည်း ဖန်တီးပေးပါ။
 
(42) အလွန်ဒေါသထွက်သောအခါ စိတ်ကိုထိန်းပြီး စာရေး၍ ဖွင့်အန်ပစ်ပါ။ သို့သော် ထိုစာကို သက်ဆိုင်သူထံမပို့ဘဲ သိမ်းထားလိုက်ပါ။

(43) ရန်သူကို ထုချေရှင်းလင်းမနေပါနှင့်။
 
(44) ငြင်းခုံခြင်း၊ ရန်ဖြစ်ခြင်း စသော ပဋိပက္ခများကို အထူးရှောင်ပါ။


(45) အစိတ်အပိုင်းလေးတစ်ခု (သို့မဟုတ်) နှစ်ခု ဆုံးရှုံးမှုကို ရှောင်ရန်အလို့ငှာ အဖွဲ့အစည်းတစ်ခုလုံးကို ဘယ်တော့မျှ စတေးမခံပါနှင့်။
 
(46) တွေဝေမှု၊စိတ်ဓာတ်ကျမှုနှင့်အရေးပေါ်လိုအပ်မှုတို့ကိုအခွင့်ကောင်းယူပြီး
ခေါင်းဆောင်ကောင်းအမည်ခံယူပါ။
 
(47) အမြဲတမ်း ဦးစွာလှုပ်ရှား၊ ဘယ်တော့မျှ နောက်ပိတ်ချီး မဖြစ်ပါစေနှင့်။
 
(48) မိမိ၏ အင်အားအချက်အချာအားလုံးကို စွန့်လွှတ်မပစ်ပါနှင့်၊ ပြိုင်ဘက်က ဖြတ်ခုတ်သွားလိမ့်မည်။
 
(49) သင့်အား ဦးစွာမတိုင်ပင်ဘဲ သင့်တာဝန်ကို လက်အောက်လူက ဘယ်တော့မျှ အကောင်အထည် မဖော်ပါစေနှင့်။
 
(50) သင်၏လက်အောက်လူကို ‘သမ္မတယင်လောက်ကြီး’ ကိုက်နေလျှင် ယင်ကောင်ကြီးကို ပုတ်ထုတ်မပစ်ပါနှင့်။

(51) ဆုံးဖြတ်ချက်မချခင် သတင်းအချက်အလက်စုပါ၊ ဖြေရှင်းချက်မျိုးစုံရှာပါ၊ အကျိုးဆက်များကို ကြိုတွေးကြည့်ပါ။ မိမိ၏ ရည်မှန်းချက်နှင့် ကိုက်ညီသော ဆုံးဖြတ်ချက် ဖြစ်ပါစေ။ နောက်ဆုံးတွင် ထိုဆုံးဖြတ်ချက်ကိုသက်ဆိုင်သူများအား ထိထိရောက်ရောက် တာဝန်ပေးအပ်ပါ။

(52) ပထမဦးစွာ ဆန္ဒခံယူပါ၊ ဆန္ဒခံယူခြင်းဖြင့် အလုပ်မဖြစ်မှသာ အာဏာကို သုံးပါ။


(53) တာဝန်ယူတတ်ပြီး စွန့်စားလုပ်ကိုင်တတ်သူများကိုသာ မိမိ၏ အဓိကလက်အောက်ခံ အမှုဆောင်
ပုဂ္ဂိုလ်အဖြစ် ရွေးချယ်ပါ။
 
(54) ရှေ့တန်းသို့ထွက်ပါ၊ အနိုင်နှင့်အရှုံးကို ခံနိုင်ရည်ရှိပါ။
 
(55) အမှုထမ်းများက မိမိ၏အဓိကလက်အောက်ခံ အမှုဆောင်ပုဂ္ဂိုလ်အား ပြစ်တင်ဝေဖန်လာပါက စွပ်စွဲချက်မှန်ကန်လျှင် ထိုပုဂ္ဂိုလ်အား ဖယ်ရှားပစ်ရန် မကြောက်ပါနှင့်။
 
(56) မိမိနောက်လိုက်များအား အတတ်နိုင်ဆုံး အထောက်အကူပေးပါ။
 
(57) စွမ်းဆောင်ရည်မရှိသူများအား စွမ်းဆောင်ရည်ပြည့်ဝလာအောင် သုံးလမှ ငါးလအထိ ‘သိက္ခာဆည်ချိန်’ပေးပါ။
 
(58) အလုပ်ကောင်းကောင်းမလုပ်လျှင် အာဏာကို ဖြည်းဖြည်းလျှော့ချပါ။ ပြုပြင်ပြောင်းလဲနိုင်အောင်
အချိန်လုံလောက်စွာပေးပါ။
 
(59) ဘာမျှ အလုပ်မလုပ်ဘဲ သတင်းအချက်အလက်များကိုသာ တစ်ပုံတစ်ပင်ကြီး စုဆောင်းနေသော
လက်အောက်ခံပုဂ္ဂိုလ်မျိုးကို သတိထားပါ။
 
(60) အမှုဆောင်သစ်အား လမ်းမှန်ကို လျှောက်နိုင်အောင် သင်ပြပါ၊ လမ်းညွှန်ပါ။ မိမိက သူ့အား
အလုပ်ဖြစ်စေလိုကြောင်း သူသိပါစေ။
 
(61) ရဲရင့်ပြတ်သားသော ခေါင်းဆောင်များသည် သူတို့လို လူသားမျိုးကိုသာ လက်အောက်ခံအဖြစ်
ရွေးကြသည်။
 
(62) အတင်းဖိတိုက်သင့်လျှင် အတင်းဖိတိုက်ပါစေ။


(63) လက်ရှိအခြေအနေတွင် အခက်အခဲတွေ တောင်လိုပုံနေလျှင် အခြေအနေနှင့်အတူ မြင့်တက်ပါ၊
အသစ်တွေးပါ၊ အသစ်လုပ်ပါ။
 
(64) မိမိလူတွေ မအောင်မြင်လျှင်လည်း သူတို့အပေါ်တွင် ယုံကြည်မှု လျော့မသွားပါနှင့်။
 
(65) မိမိသည် သူတို့အကြံဉာဏ်များကို အမြဲတမ်းလိုလားကြောင်း လက်အောက်ငယ်သားများ သိပါစေ။
 
(66) ဘယ်တော့မျှ မကြိုးစားလျှင် ဘယ်တော့မျှ မအောင်မြင်နိုင်။
 
(67) ကျယ်ပြန့်သော မူဝါဒကိစ္စများမှတစ်ပါး အခြားကိစ္စများတွင် အထက်အမိန့်ကို စောင့်မနေဘဲ မိမိတို့၏ဦးဆောင်ဆုံးဖြတ်ချက်ဖြင့် လုပ်ဆောင်ကြရန် လက်အောက်ငယ်သားများအား အားပေးပါ။
 
(68) အတော်ဆုံး ခေါင်းဆောင်များသည် အမြဲတမ်း လေ့လာဆည်းပူးနေသည် ဟူသော အချက်ကို မမေ့ပါနှင့်။
 
(69) မိမိ၏ ပတ်ပတ်လည်တွင် ကိုယ့်အလုပ်ကိုယ်သိသောသူများသာ ရှိပါစေ၊ ‘ပုတ်သင်ခေါင်းညိတ်’
လူစားမျိုးတွေ မရှိပါစေနှင့်။
 
(70) အသစ် တိုးတက်မှုတွေကို အသုံးချရန် လက်မနှေးပါနှင့်၊ မိမိ၏ တပ်သားများ လက်ထဲသို့ လက်နက်သစ်တွေ ချက်ချင်းရောက်နိုင်အောင် အတတ်နိုင်ဆုံး ကြိုးစားပါ။


(71) မိမိအဖွဲ့အစည်း၏ ဦးတည်ချက်ကို ရှင်းလင်းတိကျစွာ ဖော်ပြပါ။ မိမိလုပ်ရပ် မှန်ကန်ကြောင်း ပြသပါ။
 
(72) ရောက်လေရာတွင် အခွင့်သာတိုင်း မိမိအဖွဲ့အစည်း၏ အခြေခံ သဘောတရားများကို ဖော်ထုတ်ပါ။
 
(73) ထိရောက်သောအမြင်ကို လူထုအပေါ် အတင်းရိုက်သွင်း၍ မရနိုင်။ ဆွဲဆောင်စည်းရုံးခြင်းဖြင့်သာ
ရနိုင်သည်။
 
(74) ‘လှည့်လည်ခေါင်းဆောင်မှု’ နည်းလမ်းဖြင့် မိမိ၏အမြင်ကို အကောင်အထည်ဖော်ပါ။
 
(75) မိမိ၏အမြင်ကို ဟောပြောသောအခါ အမြင့်ကြီးကို မချိန်ရွယ်ပါနှင့်။ နိမ့်နိမ့်ချိန်ပါ၊ သာမန်ပြည်သူတွေသဘောပေါက်ပါလိမ့်မည်။ သူတို့သာလျှင် သင်၏ပစ်မှတ်ဖြစ်သည်။
 
(76) အမြင်ကို ဆန်းသစ်သောအခါ အတိတ်ကို ပစ္စုပ္ပန်နှင့် ဆက်စပ်ပေးပါ။ ထို့နောက် ထိုနှစ်ခုကို အနာဂတ်နှင့်
ပေါင်းကူးပေးပါ။
 
(77) ဆန်းသစ်သောအမြင်သည် လူသားစွမ်းရည်နှင့် လူသားအားမာန်ကို ဖြည့်တင်းပေးနိုင်ကြောင်း
သဘောပေါက်ပါ။


(78) လူပုဂ္ဂိုလ်တစ်ဦးဦးနှင့် တွေ့ဆုံသောအခါ ကိုယ့်အဖို့ရော၊ သူ့အဖို့ပါ မနှစ်မြို့စရာခံစားချက်မျိုး မကျန်ရစ်စေရန် ကြိုးစားပါ။
 
(79) စကားပြောသောအခါ ပင်ကိုသဘာဝအတိုင်း ရိုးသားစွာပြောပါ၊ မ၀င့်ဝါပါနှင့်၊ အထက်စီးလေသံ မပါပါစေနှင့်။ မိမိအား သူတို့တစ်သက်လုံး သိကျွမ်းလာခဲ့ခြင်းဖြစ်သည်ဟူ၍ လူတွေထင်မှတ်ကျန်ရစ်ပါစေ။
 
(80) လူတွေကို မိမိဘက်ပါအောင် ဆွဲဆောင်ရာတွင် ဟာသဉာဏ်သည် အဓိကအရေးပါသော အင်္ဂါတစ်ရပ်ဖြစ်သည် ဟူသော အချက်ကို မမေ့ပါနှင့်။
 
(81) ရယ်မောခြင်းသည် ကိုယ်စိတ်နှစ်ပါး ကျန်းမာချမ်းသာစေနိုင်သော ဆေးစွမ်းကောင်းဖြစ်သည်။
 
(82) ရယ်စရာ ပုံတိုပတ်စများဖြင့် လူတွေကို ကိုယ့်ဘက်ပါအောင် ဆွဲဆောင်လျှင် ပို၍ ထိရောက်သည်။
 
(83) အခြားသူများ၏ လေကြောရှည် အကျိုးမဲ့ ဆွေးနေွး ချက်များကိုဖြစ်စေ၊ မိမိ၏ ကြိုးစားပမ်းစား ရှင်းလင်းချက်များကိုဖြစ်စေ ဆီလျော်လျောက်ပတ်သော ပုံတိုပတ်စကလေးဖြင့် ရှောင်ရှားနိုင်သည်။
 
(84) လက်အောက်ငယ်သားများနှင့် အလွတ်သဘော စကားလက်ဆုံ ပြောခြင်းဖြင့် သစ္စာရှိမှုကို ပို၍
ရရှိနိုင်သည်။


(85) လက်အောက်ငယ်သားများအား တူညီသော လွတ်လပ်မှုနှင့် တူညီသော အခွင့်အရေးပေးပါ။
 
(86) မိမိ အမြင့်သို့ရောက်သွားသောအခါ အောက်ကို ပြန်ကြည့်ပြီး နောက်ကလူကို အကူအညီပေးပါ။
 
(87) နောက်လိုက်များအား ဆွဲဆောင်နိုင်သော အခြေခံပန်းတိုင်များနှင့် တန်ဖိုးများ သတ်မှတ်ဆောင်ရွက်ပါ။
 
(88) မှန်မှန်ကန်ကန်ရပ်သောသူနှင့် အတူရပ်ပါ၊ သူ မှန်ကန်နေလျှင် သူနှင့်အတူတူရပ်ပါ။ သူအမှား
လုပ်သောအခါ သူ့ကို စွန့်ခွာလိုက်ပါ။
 
(89) လုပ်ရပ်မမှန်ကန်ဘဲနှင့် မိမိ၏အကျင့်စရိုက်ကြောင့် သူတစ်ပါးကို ဘယ်တော့မျှ ၀န်မပိပါစေနှင့်။
 
(90) အဖွဲ့အစည်း၏ ရည်မှန်းချက်များကို တိုးတက်မြှင့်တင်ရန်နှင့် ပူးပေါင်းအကျိုးဆောင်သူများကို ကူညီရန်မှာခေါင်းဆောင်၏ တာဝန်ဖြစ်သည်။
 
(91) ဘ၀တူပြည်သူတို့၏ ယုံကြည်အားကိုးမှုကို တစ်ကြိမ်မျှ လက်လွှတ်ရလျှင် သူတို့၏ လေးစားကြည်ညိုမှုကိုနောက်ထပ်ဘယ်တော့မျှ ရရှိနိုင်တော့မည်မဟုတ်။


(92) ခေါင်းဆောင်ကောင်းသည် သူ့လုပ်ငန်းပြီးမြောက်သောအခါ၊ သူ့ရည်မှန်းချက် အောင်မြင်သောအခါလက်အောက်ငယ်သားများအား ‘ဒီအလုပ်ကို ကျွန်တော်တို့ကိုယ်တိုင် လုပ်တာ’ ဟူ၍ ဂုဏ်ယူပြောကြားခွင့်ပြုသည်။
 
(93) နောက်လိုက်များကြောင့် အနှောင့်အယှက်မဖြစ်ပါနှင့်၊ မလုံမခြုံမဖြစ်ပါနှင့်။
 
(94) အချင်းချင်း ပဋိပက္ခဖြစ်နေသူများအား မျက်နှာချင်းဆိုင် ဆုံပေးပြီး ညှိနှိုင်းဆွေးနွေးစေပါ။ မိမိက လမ်းညွှန်ထိန်းမတ်ပေးပါ။
 
(95) လုပ်ငန်းအောင်မြင်လျှင် လက်အောက်ငယ်သားများ ဂုဏ်ယူကြပါစေ။ လုပ်ငန်းမအောင်မြင်လျှင်
မိမိကြောင့်ဟု ထင်ကြပါစေ။
 
(96) လက်အောက်ငယ်သားများထံသို့ သူတို့မှန်သည်၊ မိမိမှားသည်ဆိုသော ပုဂ္ဂိုလ်ရေးပေးစာများ ရေးပို့ပါ။
 
(97) လက်အောက်ငယ်သားများက အကြံကောင်း ဉာဏ်ကောင်းများ တင်ပြလာလျှင် လက်တွေ့ အကောင်အထည်ဖော်ခိုင်းပါ။ သို့သော် မိမိက လုပ်ငန်းတိုးတက်မှုအတွက် ကြပ်မတ်ပေးပါ။
 
(98) ရှေ့တန်းတပ်မှူးများ မအောင်မြင်လျှင် မိမိလည်း မအောင်မြင်၊ မိမိ၏အလုပ်အမှုဆောင်များလည်းမအောင်မြင်။
 
(99) အဖွဲ့အစည်းတစ်ခုတွင် လူပုဂ္ဂိုလ်တစ်ယောက်အပေါ်တွင် မတည်ဆိုသည်ကို ဘယ်တော့မျှ မမေ့ပါနှင့်။
 
(100) မိမိ၏ အဖွဲ့အစည်းတွင် အခက်ခဲဆုံး လုပ်ဆောင်ရသူများအား အကြီးကျယ်ဆုံး ဂုဏ်ပြုချီးကျူးပါ။
(101) မိမိ၏ နောက်လိုက်ငယ်သားများအား ပူးပေါင်းဆောင်ရွက်စေခြင်းဖြင့် စည်းရုံးပါ။
 
(102) လက်အောက်ငယ်သားများ စိတ်ပါလက်ပါ ချက်ချင်း လိုက်နာဆောင်ရွက်နိုင်မည့် ရေတိုပန်းတိုင်များကို
တိကျပြတ်သားစွာ သတ်မှတ်ပါ။
 
(103) အုပ်စုတစ်ခု၏ ခေါင်းဆောင်အဖြစ်နှင့် တစ်စုံတစ်ခုကို လုပ်နိုင်သောပုဂ္ဂိုလ်က အုပ်စုတစ်ရာ၏
ခေါင်းဆောင်အဖြစ်နှင့် ဘာတစ်ခုမျှ မလုပ်နိုင်သော ပုဂ္ဂိုလ်အား ကျော်တက်သွားလိမ့်မည်။
 
(104) တစ်ခါတစ်ရံ အခက်အခဲကို တိုက်ရိုက်ဖြတ်ကျော်ခြင်းထက် သွယ်ဝိုက်ဖြေရှင်းခြင်းက ပို၍ အကျိုးရှိ
နိုင်သည်။
 
(105) ယနေ့ လုပ်နိုင်တာတွေကို မနက်ဖြန်လုပ်ဖို့ ချန်မထားပါနှင့်။
 
(106) စစ်ပွဲကို မဟာဗျူဟာသက်သက်ဖြင့် မအောင်မြင်နိုင်၊ အတင်းဝင်ရောက် တိုက်ခိုက်ခြင်းဖြင့် ပို၍
အောင်မြင်နိုင်သည်။
 
(107) နိစ္စဓူဝအားမာန်အပြည့်ဖြင့် မလုပ်လျှင် ဘယ်လုပ်ငန်းမျှ မပြီးမြောက်နိုင်။
 
(108) တစ်ဝက်တစ်ပျက်သာပြီးသောအလုပ်သည် လုပ်အားဖြုန်းသော အလုပ်ဖြစ်သည်။





မောင်ပေါ်ထွန်း - စံပြခေါင်းဆောင်စာအုပ်မှ အချက်အလက်များကို ကောက်နှုတ်ထားပါသည်....
Credit Ucs Jugger


Read More »

မြန်မာအတွက် ပထဝီနိုင်ငံရေးကစားပွဲ တစ်ရပ် ဖြစ်လာမယ့် တရုတ်-မြန်မာရေနံဓါတ်ငွေ့ ပိုက်လိုင်း



အခုလာမယ့် မေလမှာဆို အရေးကြီးတဲ့ကိစ္စတစ်ခုဟာ တရုတ်ပြည်ရဲ့ ပထဝီဝင်အနေအထားကို ထူးခြားမှုတစ်ခုခု
ဖြစ်စေပါတော့မယ်။ ကမ္ဘာ့ တိုက်ကြီးတစ်ခုစာပမာဏရှိတဲ့
တရုတ်ပြည်ဟာ ၎င်းရဲ့စီးပွားရေး ဖွံ့ ဖြိုးတိုးတက်မှုကို နိုင်ငံ
အရှေ့ပိုင်း ကမ်းရိုးတန်းမြို့တွေမှာ အခြေစိုက် ဖေါ်ဆောင် လာခဲ့ရာမှ နိုင်ငံရဲ့ မြောက်ဘက်ကို အခြေချပါတော့မယ်။
အရှည်အားဖြင့် ကီလိုမီတာ ၈၀၀ ရှည်တဲ့ တရုတ်-မြန်မာ
ရေနံနဲ့ ဓါတ်ငွေ့ ပိုက် လိုင်းဟာ တရုတ်ပြည်ရဲ့ အနောက်
ဘက်ပိုင်း ယူနန်ပြည်နယ် မြို့ တော်ကူမင်းကို မြန်မာမှတဆင့် ဘင်္ဂလားပင်လယ်အော်အထိ သွယ် တန်းကာ တည်ရှိ လာတော့မယ်ဖြစ်ပါတယ်။ နောက်နှစ်ဆိုရင်တော့ ဓါတ်ငွေ့  ပိုက်လိုင်းအပြင် ရေနံပိုက်လိုင်းကလည်း အဲဒီလမ်းကြောင်း
အတိုင်း စတင်ဖွင့်လှစ်ပြီး ရေနံတွေ ပို့ လွှတ်ပါတော့မယ်။ ပိုက်လိုင်းတွေနဲ့အတူ ကားလမ်းနဲ့ ရထားလမ်းတွေကလည်း လိုက်လာပါတော့မယ်။

တရုတ်ဟာ ပထဝီအနေအထားအရ အမေရိကန်လို
တစ်ဖက်စီမှာ ပစိဖိတ်နဲ့ အတ္တလန်တိတ် သမုဒ္ဒရာတွေ
တည်ရှိနေပြီး ပင်လယ်ထွက် ပေါက် အတွက် ပူစရာမရှိတဲ့
အနေအထားမျိုး မဟုတ်ပါဘူး။ ဒါပေမယ့် အခုတော့ တရုတ်ဟာ နောက်ထပ်အကောင်းဆုံးတစ်ခုလို့ ဆိုရမယ့် ပင်လယ်ထွက်ပေါက်တစ်ခုကို မြန်မာထံမှ ရရှိတော့မှာ
ဖြစ်ပါတယ်။ မြန်မာ့အရေးကျွမ်းကျင်သူ ဖြစ်ပြီး မြန်မာ
အစိုးရရဲ့ အကြံပေးတစ်ဦးလည်း ဖြစ်သူ ဦးသန့်မြင့်ဦး
ကတော့ “တရုတ်မှာ ချို့တဲ့နေတာကတော့ သူ့ကိုယ်ပိုင် ကာလီဖိုးနီးယားပဲ ဖြစ်ပါတယ်။ အဲဒါက နောက်ထပ်
ပင်လယ် ကမ်းရိုးတန်း တစ်ခုဖြစ်ပြီး ဟိုးအတွင်းပိုင်းက
ဝေးလံခေါင်ဖျားတဲ့ ပြည်နယ်တွေဆီကို ကုန်စည်ဆက်သွယ်
ပို့ဆောင်နိုင်ဖို့ ပါ” လို့ ပြောပါတယ်။

မြန်မာရဲ့ ပထဝီနိုင်ငံရေးအရ ထူးခြားစွာတည်ရှိမှုကို
၎င်း၏ Where China Meet India စာအုပ်တွင် ရေး
သားဖေါ်ပြခဲ့သော ဦးသန့် မြင့်ဦးက တရုတ်-မြန်မာ
ရေနံ၊ဓါတ်ငွေ့ ပိုက်လိုင်းဟာ ပေကျင်းရဲ့ “ပင်လယ်နှစ်ခု
ပေါ်လစီ” မှာ မှတ်တိုင်တစ်ခုဖြစ်ကြောင်း ဆိုပါတယ်။ ထို့
အတူပင် သြဇာကြီးမားတဲ့ ပညာရှင်၊ စာရေးဆရာ ရောဘတ်
ကတ်ပလန်က ကမ္ဘာကြီးရဲ့ တတိယအကြီးဆုံးရေပြင်ဖြစ်သော
အိန္ဒိယ သမုဒ္ဒရာ တွင် တည်ရှိရေးတရုတ် တို့ စွမ်းဆောင်မှသာ ယင်းအချက်က တရုတ်တို့ ကမ္ဘာ့အင်အားကြီး စစ်အင်အား
နိုင်ငံဖြစ်လာမည်လား၊ သို့မဟုတ် ပစိဖိတ်သမုဒ္ဒရာနဲ့သာ ထိတွေ့ နေရသည့် ဒေသတွင်းအင်အားကြီးနိုင်ငံ အဆင့်ဖြင့်သာ ရှိနေမလားဆိုတာကို ဆုံးဖြတ်လိမ့်မယ်လို့ ပြောထား ပါတယ်။ ကတ်ပလန်က ၎င်းရဲ့ခန့်မှန်းမှုကို နိုင်ငံခြားရေးရာမဂ္ဂဇင်းကြီး
Foreign Affairs မှာ စိတ်ဝင်စားစရာ ဆောင်းပါးအမည်
နှစ်ဆယ့်တစ် ရာစုအတွက် ဗဟိုချက်နေရာ-အိန္ဒိယသမုဒ္ဒရာ
ထဲမှာ ကစားရမယ့်ပါဝါ "Center Stage for the 21st Century:
Power Plays in the Indian Ocean " ဖြင့်ရေးသားခဲ့ခြင်း
ဖြစ်ပါတယ်။


နှစ်ပေါင်းများစွာ ကြာအောင်ပဲ အနောက်တိုင်းဟာ မြန်မာကို လူ့အခွင့်အရေး၊ဒီမိုကရေစီ ရှုထောင့်များကသာ ကြည့်ခဲ့တာ ပါ။ဒီဇာတ်လမ်းထဲမှာ အောင်ဆန်းစုကြည်ဟာ စစ်အာဏာရှင်
စနစ်ကနေ တိုင်းပြည်ကို ကယ်တင်ဖို့ ရုန်းကန်နေခဲ့တာ ပါဝင်
ခဲ့ပါတယ်။ ဒါကလည်း လူဦးရေ သန်း ခြောက်ဆယ် ပမာဏရှိတဲ့
မြန်မာပြည်အတွက် အထူးအရေးကြီးတဲ့ ဇာတ်လမ်းတစ်ပုဒ်ပါပဲ။
ဒါပေမယ့် ဒီလိုကိစ္စကြီးက နောက်ထပ်အရေးပါတဲ့ အချက်တစ်
ချက်ဖြစ်တဲ့ အာရှရဲ့ မဟာဗျူဟာအမြောက်ဆုံး နိုင်ငံတွေထဲက
တစ်ခုကို အလုအယက် ဖြစ်နေကြတဲ့ပွဲကြီးကို အမြင်မှုန်ဝါးအောင် လုပ်ထားပါတော့တယ်။

တရုတ်နဲ့ အိန္ဒိယသမုဒ္ဒရာတို့ကို ချိတ်ဆက်ပေးထားတဲ့
ဒီပိုက်လိုင်းဟာ ဘယ်လို ဖြစ်ပေါ်လာခဲ့သလဲ ဆိုတာ
သတိရသင့်ပါတယ်။ ၁၉၉၀နှစ် များ အတွင်းမှာပဲ မြန်မာဟာ
ပြင်သစ်တိုတယ် ရေနံကုမ္ပဏီက တည်ဆောက်ပေးတဲ့ ပိုက်လိုင်း
ကတဆင့် ထိုင်းဆီကို ၎င်းရဲ့ကမ်းလွန်ဓါတ်ငွေ့ တွေကို စတင်
ပေးပို့ခဲ့ပါတယ်။ အဲဒီတုန်းက အိန္ဒိယ၊ တောင်ကိုရီးယားနဲ့ 
တရုတ်တို့ဟာ နောက်ထပ် ပိုကြီးတဲ့ လုပ်ကွက်တစ်ခုကိုလည်း
ထပ်ရ ခဲ့ပါသေးတယ်။ ၂၀၀၆ မှာတော့ ပေကျင်းဟာ ကုလ လုံခြုံရေးကောင်စီမှာ မြန်မာရဲ့ လူ့အခွင့်အရေး ချိုးဖေါက်မှု
တွေကို ရှုတ်ချကြောင်း ဆုံး ဖြတ်ချက်ကို ဗီတိုအာဏာသုံး
ပယ်ချခဲ့ပါတယ်။ ဒီနောက် အချိန်တိုလေးအတွင်းမှာပဲ ယူနန်ပိုက်လိုင်းစာချုပ်ကို တရုတ်တို့ ရရှိသွားပါတော့တယ်။
အခုလို အိန္ဒိယသမုဒ္ဒရာဆီ မြန်မာကို ဖြတ်လို့ လမ်းပေါက်သွား
တာဟာ အခုရာထူးကအနားယူတော့မယ် သမ္မတ ဟူကျင်တောင်
ပြောတဲ့ “တရုတ်ရဲ့  မာလက္ကာရေလက်ကြား ပြဿနာ” ကို
ဖြေရှင်းဖို့ စတင်နိုင်ခဲ့တာပဲ ဖြစ်ပါတော့တယ်။ တရုတ်ဟာ ၎င်းတင်သွင်းသမျှ ရေနံ စုစု ပေါင်းရဲ့ ၈၀ ရာခိုင်နှုန်းကို အခု
အချိန်ထိ အမေရိကန်ရေတပ်က ထိန်းချုပ်နိုင်စွမ်းရှိတဲ့ မလေး
ရှားနဲ့ ဆူမတြားကျွန်းတို့ကြားက ကျဉ်းမြောင်းတဲ့ အဲဒီ ရေလက်
ကြားလေးကို အသုံးပြုနေရတာပါ ။ဒါ့ကြောင့် သူ့အတွက်
အန္တရာယ်ရှိတဲ့ ဒီလမ်းကြောင်းလေးကို ရှောင်လွှဲချင်နေတာ
သဘာဝ ကျပါတယ်။ အခု မြန်မာကဖြတ်မယ့် ပိုက်လိုင်းသစ်
ကတော့ တရုတ်တို့ အရှေ့အလယ်ပိုင်းက သင်္ဘောနဲ့ သယ်လာတဲ့
ရေနံတွေကို ရခိုင်ကမ်း လွန်ကနေ မြန်မာကိုဖြတ်ပြီး ပို့မှာဖြစ်လို့ မာလက္ကာရေလက်ကြားကို မှီခိုရမှုမှာ သုံးပုံတစ်ပုံလောက်
လျော့ကျသွားမှာ ဖြစ်ပါတယ်။ မြန်မာကပို့ မယ့် ဓါတ်ငွေ့ပိုက်လိုင်းဟာ တစ်နှစ်ကို ကုဗမီတာ ၁၂ ဘီလီယံ ပို့နိုင်ပြီး ဒါဟာ တရုတ်ပြည်အနေနဲ့ တင်သွင်းနေသမျှ ဓါတ်ငွေ့စုစုပေါင်းရဲ့ ၂၈ ရာခိုင်နှုန်းအထိ ရှိနေတာပါ။

မြန်မာမှာ တရုတ်ရဲ့သြဇာလွှမ်းမိုးမှုကလည်း ဆက်ရှိနေ
ပါဦးမယ်။ မြန်မာနိုင်ငံတွင်းမှာ တရုတ်နိုင်ငံသား သန်းချီပြီး
ပြောင်းရွှေ့ဝင်ရောက်လာခဲ့ ပြီး နိုင်ငံရဲ့ဒုတိယမြို့တော်
မန္တလေးဟာ ဆိုရင်လည်း တရုတ်မြို့လို့ လူတွေခံစားနေ
ကြရတယ်။ ဝ တိုင်းရင်းသား လူနည်းစုတွေ နေထိုင်ကြတဲ့
နယ်ဟာ တရုတ်နဲ့ ကပ်လျက်ရှိနေပြီး မြန်မာဘက်က သွားရင်
တော့ စစ်တပ်ကင်းစခန်းတွေကနေသာ ဖြတ်သွားနိုင်မှာ
ဖြစ်တယ်။ ဒါပေမဲ့ တရုတ် ကုမ္ပဏီတွေဟာ မြန်မာနိုင်ငံထဲ
နှစ်ပါင်းများစွာကြာအောင် ဝင်လာခဲ့တာမို့  အခုဆို သတ္တုတွင်း
တွေနဲ့ ဆည်မြောင်းတွေ တည်ဆောက် ရေး လုပ်ငန်းတွေမှာ
ဒေါ်လာ ဘီလီယံနဲ့ ချီပြီး ရင်းနှီးမြုပ်နှံမှုတွေ လုပ်ထားနေပြီးပါပြီ။ ဒါ့ကြောင့် မြန်မာမှာ တရုတ်ရဲ့ လွှမ်းမိုးမှုဟာ သိပ်ကြီး နေတာကို
၂၀၁၀ တုန်းက အမေရိကန် အထက်လွှတ်တော် အမတ်တစ်ဦး
ဖြစ်တဲ့ ဂျင်မ်ဝက်ဘ်က တချိန်က ဗြိတိသျှ အိန္ဒိယပြည်ရဲ့
တစ်စိတ် တစ်ပိုင်းဖြစ်ခဲ့တဲ့ မြန်မာဟာ “တရုတ်ရဲ့ ပြည်နယ်တစ်ခု
ဖြစ်ဖို့ အန္တရာယ် ရှိလာနေပြီ” လို့ ပြောခဲ့တာ ဖြစ်ပါတယ်။

တကယ်တော့ မြန်မာမှာ တရုတ်လွှမ်းမိုးမှုကို ကြောက်တဲ့ အကြောက်တရားတွေဟာ ဗိုလ်ချုပ်ကြီးတွေနဲ့ ၀ါရှင်တန်ရှိ အမေရိကန်အစိုးရတို့ကို အပေးအယူလုပ် ညှိနှိုင်းမှုတွေ ရအောင် ပြုလုပ်ပေးလိုက်တာပါပဲ။ မြန်မာရဲ့ ၂၀၁၁ မှာ အစိုးရသစ်တက်လာပြီး အပြောင်းအလဲအတွက် လမ်း ဖွင့်ပေးလာတာတွေဟာ အာရှကို ဦးတည်ချဉ်းကပ်လာနေတဲ့
အမေရီကန်ရဲ့ အလှည့်အပြောင်းနဲ့ လာတိုက်ဆိုင်နေပါတယ်။
ဒီအချက်က ရုတ်တရက် အောင်မြင်မှု ရသွားတဲ့ ဒီမိုကရေစီ အပြောင်းအလဲတွေထက် ပထဝီနိုင်ငံရေးအရ စဉ်းစားမှုတွေက ပိုပြီးအဆုံးအဖြတ်ကျနေတာကို ပြ သနေတာလည်း ဖြစ်
ကောင်းဖြစ်နိုင်ပါတယ်။ ဗိုလ်ချုပ်ကြီးတွေရဲ့ ပထမဆုံးသော အချက်ပြမှုကတော့ နိုင်ငံရေးအကျဉ်းသားတွေကို လွှတ်ပေး လိုက်တာမဟုတ်ပါဘူး။ တန်ဖိုးငွေ ဒေါ်လာ ၃ ဒဿမ ၆
ဘီလီယံရှိတဲ့ တရုတ်တို့ ဆောက်လုပ်နေတဲ့ မြစ်ဆုံဆည်
ကြီးကို ရပ်ဆိုင်းခိုင်းလိုက် ခြင်းပါပဲ။

အဲဒီကစလို့  မြန်မာကို ယှဉ်ပြိုင်လွန်ဆွဲလုရတဲ့ ပွဲကြီးဟာ စတင်လာခဲ့ပါတော့တယ်။ အမေရိကန်နဲ့ ဥရောပတို့ဟာ လက်ရှိအချိန်ထိတော့ မြန်မာ မှာ ထောက်ပံ့ရေးအေဂျင်စီ
တွေ၊ အဖွဲ့ အစည်းပေါင်းစုံတွေကတဆဆင့်သာ ဝင်ရောက်
နေပါတယ်။ ဒီကာလအတွင်း ဆန်ရှင်တွေလုပ် ပြီး မြန်မာကို ပိတ်ဆို့ထားတဲ့အချိန်တွေ အတွင်းကတောင် တစ်ခါမှထွက်
မသွားဖူးတဲ့ ဂျပန်ဟာ ကြွေးမြီ ဒေါ်လာ ခြောက်ဘီလီယံခန့်ကို
လျှော်ပစ်ကာ မြန်မာနဲ့ ထိတွေ့ဆက်သွယ်မှုတွေ လျင်လျင်
မြန်မြန် ပြန်လုပ်လာနေပါတော့တယ်။ ဒါဟာ ပြည်တွင်းမှာ
ဂျပန်အနေနဲ့ ရင်းနှီးမြုပ်နှံမှုတွေ ပြန်လုပ်တော့မယ်ဆိုတဲ့
သဘောကို ပြသနေတာပါ။ ဒါ့အပြင် ဒီတစ်ပတ် အတွင်းမှာပဲ ပါရီကလပ်ကနေ မြန်မာကို ကြွေးမြီတွေ လျှော်ပစ်ဖို့နဲ့
နောက်ထပ် ငွေစီးကြောင်းအသစ်တွေဝင်လာဖို့ လမ်း
ဖေါက်ပေးတာတွေ ဖြစ်လာခဲ့ပါပြီ။ အခုအချိန်မှာ ဘယ် အနောက်နိုင်ငံကမှရော၊ ဂျပန် ကပါ ရင်းနှီးမြုပ်နှံမှု ကြီးကြီး
မားမားတွေကို အသစ်စတင်လုပ်ဆောင်ဖို့ မရှိသေးပေမယ့် ထားဝယ်ရေနက်ဆိပ်ကမ်း စီးပွားရေးဇုန်မှာ ရင်းနှီးမြုပ်နှံဖို့
ကိုတော့ စိတ်ဝင်စားမှုတွေ ရရှိနေပါတယ်။

သံတမန်ရေး အဝန်းအဝိုင်းမှာလည်း အမေရိကန်ဟာ
မြန်မာကို ၎င်းရဲ့ အရှေ့တောင်အာရှ ကော်ဘရာဂိုးလ်မှာ လာရောက်လေ့လာဖို့ ဖိတ်ခေါ် ထားပါတယ်။ ဒီလိုဖြစ်စဉ်
တွေထဲမှာ တရုတ်ကတော့ နောက်ကျကျန်နေပါတယ်။
နေပြည်တော်ဟာ ပြည်တွင်းမှာ အကြီးမားဆုံး ကြေးနီမိုင်း
ဖြစ်တဲ့ လက်ပတောင်းတောင် စီမံကိန်းတည်ဆောက်မှု
နောက်ကွယ်က မြေယာသိမ်းယူမှုတွေနဲ့ ပတ်ဝန်းကျင် ညစ်ညမ်းမှုတွေကို ကော်မရှင်ဖွဲ့ စုံစမ်းနေပြီး မကြာမီက
တရုတ်နယ်စပ်မှာ ကချင်တပ်တွေကို ဗုံးကြဲတိုက်ခိုက်ရင်း
တရုတ်နယ်စပ်ထဲ အမြောက်ဆံတွေ ကျရောက်စေကာ
စိတ် အနှောင့်အယှက်ဖြစ်စေခဲ့ပါတယ်။

နိဂုံးချုပ်အနေနဲ့  လက်ရှိဖြစ်ပေါ်မှု အခင်းအကျင်းများကို သုံးသပ်ရရင် နေပြည်တော်ဟာ တရုတ်ကို စွန့်လွှတ်ပစ်
လိုက်မှာတော့ မဟုတ်သေးပါ ဘူး။ အခြေအနေက အရှေ့
ကို လွှင့်ပစ်ပြီး အနောက်ကိုဖက်တွယ်လိုက်ဖို့ကလည်း
အများကြီး ဖြစ်နိုင်သေးပါဘူး။ ဒေါ်အောင်ဆန်းစုကြည်လို
ခေါင်းဆောင်တစ်ဦးကတောင်မှ အခုအနေအထားကို မဟာဗျူဟာကျကျ ကောင်းကောင်းကြီး သိထားနေပါတယ်။
သူမက “တရုတ်ဟာ မြန် မာနဲ့ ကပ်လျက်မှာရှိနေပြီး အမေရိ
ကန်ကတော့ ခပ်လှမ်းလှမ်းမှာ ရှိနေတယ်ဆိုတာကို မေ့ပစ်
လို့ မရပါဘူး”လို့ ပြောထားတာပါ ။တကယ်လို့ သူမသာ သမ္မတဖြစ်လာခဲ့ရင်တော့ သူမဟာ အမေရိကန်နဲ့ တရုတ် ကြားက မြန်မာရဲ့အနေအထားကို ပထဝီနိုင်ငံရေးကစားပွဲ
တစ်ခုအဖြစ်ရော၊ ဒီမိုကရေစီရေး ကစားပွဲတစ်ခုအဖြစ်ပါ
ဘယ်လို ကစားသွားမလဲဆိုတာကို စောင့်ကြည့်ရမှာ စိတ်ဝင်စားစရာ ဖြစ်နေပါကြောင်း တင်ပြလိုက်ရပါတယ်။

ကိုသွင်

Ref: David Pilling, Pipeline marks scramble for Myanmar. Fanicial Times,30 th Janaury.

မူရင်းဆောင်းပါးရှင် ဒေးဗစ်ပေးလင်းသည် Financial Times သတင်းစာ၏ အာရှအယ်ဒီတာဖြစ်ကာ ၎င်း၏ ပင်တိုင်ကဏ္ဍတွင် စီးပွားရေး၊ ရင်းနှီးမြုပ်နှံမှုနှင့် နိုင်ငံရေးဆိုင်ရာ ဆောင်းပါးများကို ရေးသားနေသူ ပင်တိုင်ဆောင်းပါးရှင်တစ်ဦး ဖြစ်ပါသည်။
Read More »

လိမ်ပြောမပြော အလွယ်တကူ အကဲခတ်နည်း



လူတစ်ယောက် လိမ်ပြောတယ် မပြောဘူးဆိုတာ သိရခက်ပါတယ်။ အထူးသဖြင့် လည်လည်ဝယ်ဝယ် ရှိတဲ့ သူတစ်ယောက်နဲ့ စကားပြောမိရင် ကိုယ်ခံလို့ ခံလိုက်ရမှန်းမသိ လိမ်သွားတာမျိုးတို့တောင် ဖြစ်တတ်ပါတယ်။ ဒီတော့ လူတစ်ယောက်နဲ့ စကားပြောတဲ့ သူ လိမ်လားမလိမ်လားဆိုတာ သိဖို့ လိုအပ်လာပါတယ်။

1. Eye contact
...

လူတစ်ယောက် လိမ်ပြီဆိုရင် နံပါတ် ၁ လုပ်နိုင်ချေအမူအရာက မျက်လုံးက အမြင်လွဲတာ ဖြစ်ပါတယ်။ စိုက်မကြည့်ရဲပါဘူး။ တောင်ကြည့်၊ မြောက်ကြည့် လုပ်နေတတ်ပါတယ်။ နောက်ထပ် ဖြစ်နိုင်ချေ တစ်ခုကတော့ စိုက်ကြည့်ခြင်း ဖြစ်ပါတယ်။ သူလိမ်နေတာ မရိပ်မိအောင် တစ်ဖက်ရဲ့ မျက်နှာ အမူအရာကို လိမ်ပြောသူ စောင့်ကြည့်နေလို့ ဖြစ်ပါတယ်။ ဒါကြောင့် တစ်ခါခါဆို လိမ်ပြောတဲ့သူက မျက်တောင်ခတ်တဲ့ အကြိမ်တောင် သာမန် မြင်နေကျအချိန်ထက် နည်းသွားပါတယ်။

2. Forced smile

Force smile ဆိုတာ ဘာသာပြန်လိုက်ရင် တွန်းအားပေးမှုကြောင့် ပြုံးရယ် မှု ဖြစ်ပါတယ်။ ဆိုလိုရင်က လုပ်ရယ် ရယ်ခြင်း ဖြစ်ပါတယ်။ အမှန် တကယ် မဟုတ်သော်ငြားလည်း ရယ်ချင် ယောင်ဆောင်ပါတယ်။ အရမ်း ဟားရယ်တာမျိုး မဟုတ်ပဲ နှုတ်ခမ်း လှုပ်ရုံလေး ရယ်တတ်ပါတယ်။ သဘာဝအတိုင်းသာ ရယ်မယ်ဆိုရင် Natural Smile က - ပါး၊ မျက်လုံး၊ နှာခေါင်း၊ နှဖူး စတာတွေ အကုန်လုံး တွန့်သွား အေင်ကို အမူအရာ ပီပြင်ပါတယ်။ စင်စစ် ရယ်မောမှု (Genuine smile) ဆိုရင် မျက်လုံးက ကျဉ်းသွားပြီး မှေးပါမှေးသွားပါတယ်။ ဟန်ဆောင် အပြုံး ကတော့ ပါးစပ်တစ်ဝိုက် လှုပ်ရှားမှုသာ ပိုမြင်ရမှာ ဖြစ်ပါတယ်။

3. Head & Eye direction

ညာသန် (Right Handed) လူဆိုရင် များသောအားဖြင့် ဖြစ်ရပ်မှန် တစ်ခုခု ကို ပြန်လည်စဉ်းစားတဲ့အခါ၊ တကယ်ဖြစ်ခဲ့တာ၊ တွေ့ခဲတာ၊ သိခဲ့တာ ကို ပြန်တွေးတဲ့အခါ မျက်လုံးက ညာဘက်အပေါ်ကို ကြည့်ရှုပါတယ်။ အင်္ဂလိပ်လိုဆိုရင် (the right in an upward direction) ဖြစ်ပါတယ်။ ဒါဆိုရင် အမှန်အတိုင်းပြောနေတာ ဖြစ်ပါတယ်။ သို့ပေမယ့် စိတ်ကူးထဲ ရှိရာပြောမယ်. စိတ်ကူးယဉ်ပြီးပြောမယ်၊ တစ်ခုခု ဇာတ်လမ်း ဆင်ပြီးပြော မယ်ဆိုရင် ဘယ်ဘက် အပေါ်ကို ကြည့်မှာ ဖြစ်ပါ တယ်။ (the left in an upward directoin). ဒါကြောင့် ဒါက လိမ်ပြောတာ ဖြစ်ပါတယ်။ ဘယ်သန် ဆိုရင်တော့ ညာသန်ရဲ့ ဆန့်ကျင်ဘက် ဖြစ်ပါတယ်။

အထက်ပါ သုံးချက်ကို ပုံသေမှတ်လို့တော့ မရပါဘူး။ များသော အားဖြင့် ဖြစ်နိုင်ချေကို သီအိုရီ ထုတ်ယူထားခြင်း ဖြစ်ပါတယ်။ တစ်ခါ တစ်လေကျ မှားတတ်ပါတယ်။ ဒါကြောင့် လူတစ်ယောက် လိမ်ပြော မပြော ကို ဒါတွေ သိရုံနဲ့ မလုံလောက်သေးပါဘူး။ လိမ်ပြောနေသူ ကို ထောက် လှမ်းနိုင်မယ့် အခြားသော Body Language, ကိုယ်ပိုင် အသိဥာဏ်၊ စဉ်းစား ဆင်ခြင်ချက်တွေကို ပေါင်းစပ်မယ်ဆိုရင် အနည်းနဲ့ အများတော့ အလိမ်ခံ ရခြင်းက ကင်းဝေးမှာ ဖြစ်ပါတယ်။
--
Ref:ezinearticles.com
--
http://www.innewsmyanmar.com/2012/12/blog-post_9971.html
Read More »

ပြည်ထောင်စုနေ့အမီ သိက္ခာပြန်ဆယ်နိုင်ပါ့မလား





ပြည်ထောင်စုနေ့ကို ဘယ်တိုင်းရင်းသားခေါင်းဆောင်များ တက်ကြမလဲ

စစ်အစိုးရလက်ထက်မှာ လွတ်လပ်ရေးနေ့နဲ့ ပြည်ထောင်စုနေ့ထက် တပ်မတော်နေ့ကိုသာ လူငယ်များ ပိုသိကြတယ်။ လွတ်လပ်ရေးမှာ ပြည်သူတွေ မပျော်နိုင်ခဲ့တာ ကြာပြီ။ ပြည်ထောင်စုနေ့မှာလည်း တိုင်းရင်းသားလူမျိုးများ မပျော်နိုင်ခဲ့တာ ကြာပြီ။ ဒီနှစ်မှာလည်း ပြည်ထောင်စုနေ့ကို ဆင်ယင်ကျင်းပမှာပါ။ ဒါပေမဲ့ အစိုးရက ကချင်ကို ရက်ရက်စက်စက် ထိုးစစ်ဆင်ပြီး အပြစ်မဲ့ကချင်ပြည်သူများကို နှစ်နှစ်ကြာမျှ မုဒိမ်းကျင့်၊ ဖမ်းဆီး၊ နှိပ်စက်၊ သတ်ဖြတ်ခဲ့တဲ့အတွက် အစိုးရကျင်းပတဲ့ ပြည်ထောင်စုနေ့ကို ဘယ်တိုင်းရင်းသားခေါင်းဆောင်များ တက်ကြမလဲ စိတ်ဝင်စားစရာပါ။


ဒေါ်အောင်ဆန်းစုကြည်ကို ထုတ်သုံးနိုင်ခြေရှိ

ကြေးနီစီမံကိန်းအကြမ်းဖက်မှုမှာ ဒေါ်အောင်ဆန်းစုကြည်ကို ထုတ်သုံးခဲ့လို့ အစိုးရက သက်သာရာရခဲ့ပါတယ်။ ကချင်အရေးမှာလည်း ဒေါ်အောင်ဆန်းစုကြည်ကို ထုတ်သုံးနိုင်တယ်လို့ ဆိုကြပါတယ်။ လက်ရှိအခြေအနေမှာ အစိုးရတပ်နဲ့ကချင်တပ် မျက်နှာချင်းဆိုင်လို့ မကောင်းပါ။ အစိုးရနဲ့တိုင်းသားလူမျိုးများကြားမှာလည်း သံသယတွေ ကြီးထွားလာပြီဖြစ်တယ်။ အခြေအနေအရ ငြိမ်းချမ်းရေးလုပ်ငန်းဖော်ဆောင်ရေးအဖွဲ့မှာ ဒေါ်အောင်ဆန်းစုကြည် ပါဝင်လာဖို့ အကောင်းဆုံးအချိန် ဖြစ်တယ်။ ဒါပေမဲ့ တစ်ခုစဉ်းစားစရာရှိတာက ဒေါ်အောင်ဆန်းစုကြည်ကို လုပ်ဖော်ကိုင်ဖက်တစ်ဦးအနေနဲ့ သဘောထားတယ်လို့ သမ္မတဦးသိန်းစိန်က ပြောပြောနေပေမဲ့ သူ့စကား ပျက်ပေါင်းများတော့လည်း သူ့စိတ်ရင်းကို ခန့်မှန်းလို့မရတော့ပါဘူး။ လောလောဆယ်မှာ ဒေါ်အောင်ဆန်းစုကြည်က ဘယ်ဘက်ကိုမှ မပါခဲ့လို့ စေ့စပ်ရေးလုပ်ရင် အသင့်တော်ဆုံး ဖြစ်တယ်။ တိုင်းရင်းသားများကို ချော့လို့မရတော့ဘူးလို့ အစိုးရက ထင်ခဲ့ရင် ဒေါ်အောင်ဆန်းစုကြည်ကို အသေအချာ ထုတ်သုံးလာမှာ ဖြစ်တယ်။


ကချင်နဲ့အစိုးရတပ်တို့ကရော ဒေါ်အောင်ဆန်းစုကြည်ကို လက်ခံနိုင်လား

မေးစရာရှိတာက ဒေါ်အောင်ဆန်းစုကြည်ကို ကချင်နဲ့အစိုးရတပ်တို့ လက်ခံကြသလားဆိုတာပဲ။ ဖြစ်သမျှပြဿနာတွေထဲမှာ ဒေါ်အောင်ဆန်းစုကြည် မပါဝင်တာ ကြာလှပြီပဲ။ အစိုးရအကူအညီတောင်းတဲ့အတွက် ကြေးနီကိစ္စမှာ ပါခဲ့ပေမဲ့ နိုင်ငံရေးသိက္ခာမကျဖို့ မနည်းထိန်းခဲ့ရပါတယ်။ ကချင်အရေးမှာလည်း ကချင်လူမျိုးများက ဒေါ်အောင်ဆန်းစုကြည်အပေါ် မကျေနပ်မှုများ ဖြစ်ခဲ့ကြောင်း လူတိုင်းအသိဖြစ်တယ်။ ဒါပေမဲ့ ကချင်တွေက ဒုက္ခရောက်တဲ့အချိန်မှာ ဒေါ်အောင်ဆန်းစုကြည်အသံကို ကြားချင်ပေမဲ့ မကြားခဲ့ရလို့ မကျေနပ်ကြခြင်းလို့ ယူဆမိပါတယ်။ ကချင်များကို ကယ်တင်ဖို့ ဒေါ်အောင်ဆန်းစုကြည်အနေနဲ့ မနောက်ကျသေးပါဘူး။ အဓိကပြဿနာက စစ်တပ်ပါ။ မြန်မာ့တပ်မတော်အနေနဲ့ အဖရင်းကို သစ္စာဖောက်ပြီး ဖထွေးနောက် လိုက်ခဲ့ကတည်းက ဗိုလ်ချုပ်အောင်ဆန်းမျိုးဆက်များနဲ့ မိဘပြည်သူများကို ရန်သူသဖွယ် ဆက်ဆံလာတဲ့သမိုင်း ရှိပါတယ်။ လောလောဆယ်မှာ မြန်မာ့တပ်မတော်အနေနဲ့ ဒေါ်အောင်ဆန်းစုကြည်ကို အလေးပြုဖို့ အဆင်သင့်ဖြစ်ပြီလား။ မသေချာသေးပါ။


ပြည်ထောင်စုနေ့အမီ သိက္ခာကို ပြန်ဆယ်နိုင်ပါ့မလား

အစိုးရအနေနဲ့ ကချင်ကို မတရားတိုက်ခဲ့တဲ့အတွက် နိုင်ငံရေးအရ သိက္ခာကျခဲ့ရပါတယ်။ မြီးရှင်နိုင်ငံများက မြန်မာ့ကြွေမြီးကို လျော်ပစ်ခြင်းမှာ ထောင်မြင်ရာစွန့်သဘောသာ ဖြစ်လို့ အဆင်ပြေနေတယ်လို့ ယူဆလို့မရပါ။ လွှတ်တော်မှာ နိုင်ငံရေးစကားမပြောရဘူးပြောတဲ့ သူရရွှေမန်း၊ ဘယ်သူမှ မနာခဲ့တဲ့ အမိန့်တွေကို တသွင်သွင်ပေးနေတဲ့ သိန်းစိန်၊ ဘယ်သူကိုမှ မှုစရာမလိုဘဲ သေနတ်ကို တဒိုင်းဒိုင်းပစ်နေတဲ့ မင်းအောင်လှိုင်တို့ကို အမေရိကန်နဲ့တရုတ်တို့က စိတ်အပျက်ကြီးပျက်ခဲ့ပြီ။ ငြိမ်းချမ်းရေးတည်ဆောက်တဲ့နေရာမှာ ဘယ်တုန်းကမှ နာမည်ကောင်းမထွက်ခဲ့တဲ့ နော်ဝေကလွဲရင် အခြားဥရောပနိုင်ငံများလည်း မြန်မာအစိုးရရဲ့ အကြမ်းဖက်မှုများကို သတိထားမိလာကြပြီဖြစ်တယ်။ စီးပွားရေးကို ပြန်ပိတ်ဆို့တဲ့အထိ မဟုတ်ရင်တောင် မြန်မာအစိုးရမှာ ဖိအား အတော့်ကို များနေပါပြီ။

ဒီဖိအားကို လျှော့ချဖို့ အစိုးရက ပြည်ထောင်စုနေ့ကို အသုံးချလာမှာကတော့ အသေအချာပါပဲ။ နောက်ဆုတ်ရင်းနဲ့ ရှေ့ကို တိုးမိတဲ့ တပ်များကို ဆုတ်ပေးစရာမလိုဘဲ လိုင်ဇာကို ရာသက်ပန်ပိတ်ဆို့ထားလို့ရအောင်၊ လိုင်ဇာကို သိမ်းစရာမလိုဘဲ လက်ထဲရောက်အောင်၊ နိုင်ငံရေးအရ ဘာသဘောတူညီချက်ကိုမှ လုပ်စရာမလိုဘဲ အပစ်ကို ရပ်နိုင်အောင်၊ ပြည်ထောင်စုနေ့မှာ တိုင်းရင်းသားခေါင်းဆောင်များ တက်ရောက်စေပြီး နိုင်ငံရေးအမြတ်ထုတ်နိုင်အောင် အစိုးရအတွက် အလွန်အရေးကြီးနေပါတယ်။ ဒီလိုလုပ်နိုင်မှပဲ အစိုးရအတွက် ကျဆင်းသွားတဲ့ ဂုဏ်သိက္ခာကို အဖတ်ဆည်လို့ရမှာပါ။ ဆီဂိမ်းအတွက်လည်း မျက်နှာပန်းလှမှာပါ။ တိုက်စရာရှိသေးရင် ဆီဂိမ်းပြီးမှ ရမည်းရှာပြီး တိုက်လိုက်ရုံပါပဲ။ အကြောင်းပြချက် ပေးစရာမယ်မယ်ရရ ဘာမှမရှိဘဲ ကချင်ကို တိုက်ခဲ့ပြီပဲ။ အခြားလူမျိုးများကို တိုက်ချင်သေးရင် ထတိုက်လိုက်ရုံပဲ။

ဒါပေမဲ့ သေချာစဉ်းစားကြည့်ပါ။ (၂)နှစ်ကြာတိုက်ခဲ့တဲ့ စစ်ပွဲကို (၁၂)ရက်ထဲနဲ့ အဖြေရှာလို့ရမှာမဟုတ်၊ လိုင်ဇာနားရောက်နေတဲ့ အစိုးရတပ် ဆုတ်ခွါသွားအောင် စည်းရုံးလို့ရမှာမဟုတ်၊ အပေးအယူလုပ်ရတဲ့ညှိုနှိုင်းရေးယဉ်ကျေးမှုကို မြန်မာ့တပ်မတော်က နားမလည်သေးကြောင်း ဒေါ်အောင်ဆန်းစုကြည်က ပြောဖူးတဲ့လို့ သူကိုယ်တိုင် ပါဝင်ဦးမှာမဟုတ်တဲ့အတွက် မလွယ်သေးဘူးလို့ သုံးသပ်ချင်ပါတယ်။

Credit:  Ven Ravika
Read More »

ဒီမိုကရေစီလမ်းစဉ်ကို လျှောက်လှမ်းနိုင်ဖို့ ယခင်အစိုးရခေါင်းဆောင်တွေအပြင် ပြည်သူ တွေရဲ့ အခန်းကဏ္ဍလည်း အရေးပါတယ်။

 မြန်မာပြည်ကြီးဟာ နိုင်ငံရေးအကွဲအပြဲ ဇာတ်လမ်းတွေကြောင့် ဖွံ့ဖြိုးမှုနှေးခဲ့ရတယ် ဒုတိယဗိုလ်ချုပ်ကြီး မျိုးညွန့်(ငြိမ်း)နှင့် တွေ့ဆုံခြင်း

မြန်မာ့တပ်မတော်၌ အမှတ်(၁) တပ်ပေါင်းစု ခြေလျင်တပ်ရင်း (ယခု အမှတ်(၁) ခြေလျင်တပ်ရင်း)တွင် တပ် သားအဆင့်မှစကာ ဒုတိယဗိုလ်ချုပ်ကြီး အဆင့်ထိ တာဝန်ထမ်းဆောင်ခဲ့ပြီး ရန် ကုန်တိုင်းအေးချမ်းသာယာရေးနှင့် ဖွံ့ဖြိုး ရေးကောင်စီဥက္ကဋ္ဌ၊ နိုင်ငံတော်ငြိမ်ဝပ်ပိ ပြားမှု တည်ဆောက်ရေးအဖွဲ့ဝင်၊သာသ နာရေးဝန်ကြီး စသည့် တာဝန်များထမ်း ဆောင်ခဲ့သည့် အငြိမ်းစားဒုတိယ ဗိုလ် ချုပ်ကြီး မျိုးညွန့်အား တွေ့ဆုံ၍ မြန်မာ နိုင်ငံကြီးဖွံ့ဖြိုးမှုနှေးကွေးခဲ့ရခြင်း၏ အဓိက အကြောင်းအရင်းများ၊ လတ်တ လောဖြစ်ပျက်ခဲ့သော လူမျိုးရေးကိစ္စများ အပေါ် အမြင်သုံးသပ်ချက်များအား မေး မြန်းခဲ့ပါသည်။
မေး- မြန်မာနိုင်ငံမှာခုဆို ဒီမိုကရေစီ လမ်းစဉ်ကို လျှောက်လှမ်းနေပြီပေါ့ဘဘ။ အဲဒီလို လျှောက်လှမ်းနိုင်ခဲ့တာဟာ ယခင်အစိုးရရဲ့ ဆောင်ရွက်ပေးခဲ့မှု တစ် ခုတည်းကြောင့်လား။ ဒါမှမဟုတ် ဒီမိုက ရေစီလိုလားတဲ့ လူထုရဲ့ ကဏ္ဍကရော ဘယ်လောက် အရေးပါ ပါသလဲ။
ဖြေ- ယခင် န၀တခေတ်တည်းက ဒီမိုက ရေစီနိုင်ငံကို သွားမယ်ဆိုတာရှိပြီးသား လေ။ အမျိုးသားညီလာခံမှာလည်း ဒီမို ကရေစီ နိုင်ငံသွားဖို့လုပ်ခဲ့တာပဲ။ ဒါပေမဲ့ အချိန်ယူပြီးသွားရတာရယ်၊ အရေးအခင်း ကြီးဖြစ်သွားတာရယ်တုိ့ကြောင့် ကြန့်ကြာ သွားတာပါ။ ခု ဒီမိုကရေစီလမ်းစဉ်ပေါ် လျှောက်လှမ်းနိုင်တာဟာ ယခင်အစိုးရ ခေါင်းဆောင်တွေရဲ့ ဆောင်ရွက်ပေးခဲ့မှု အပြင် ဒီမိုကရေစီလိုလားတဲ့ ပြည်သူတွေ ရဲ့ အခန်းကဏ္ဍလည်းပါတယ်။ ပြည်သူ က မလိုလားရင်၊ မလိုချင်ရင် ဘာမှလုပ် လို့မရဘူးလေ။ လမ်းစဉ်ပါတီခေတ်တည်း က တပ်မတော်နဲ့ အုပ်ချုပ်လာတာဆို တော့ ပြည်သူက ဒီမိုကရေစီကို လိုချင် တယ်။ အမျိုးသားညီလာခံကြီးဟာ ပြည်သူတွေ ဒီမိုကရေစီလိုချင်ကြောင်းပြတဲ့ သက်သေ တစ်ခုပဲလေ။ ဒီတော့ ခုဒီမိုကရေစီစနစ် ပေါ် လျှောက်လှမ်းနိုင်တာ ယခင်အစိုးရ ခေါင်းဆောင်တွေရဲ့ ဆောင်ရွက်ပေးမှု အပြင် ပြည်သူရဲ့ အခန်းကဏ္ဍကလည်း အရေးပါတဲ့ နေရာက ပါဝင်နေတယ်။
မေး- ဘဘဟာ တိုင်းပြည်မှာတာဝန် အဆင့်ဆင့် ထမ်းဆောင်ခဲ့တဲ့ ၀ါရင့် ပုဂ်္ဂိုလ်ကြီးတစ်ယောက်လည်း ဖြစ်တဲ့အ တွက် နိုင်ငံခြားတိုင်းပြည်တွေရဲ့ ဖွံ့ဖြိုး တိုးတက်မှုတွေကို ကြည့်ပြီး ကိုယ့်တိုင်း ပြည်ရဲ့ ဖွံ့ဖြိုးမှုနှေးကွေးနေတာကို အား မရတာမျိုးဖြစ်မိပါသလား။
ဖြေ- ဖွံ့ဖြိုးဆဲနိုင်ငံတွေအနေနဲ့ ဖွံ့ဖြိုးပြီးဆို တဲ့ အဆင့်ကို ရောက်အောင် ကြိုးစား ကြတာပဲလေ။ ဘာ သယံဇာတမှမရှိတဲ့ စင်ကာပူတောင် အာရှမှ ချမ်းသာပြီး လက်မထောင်နိုင်သေးတာပဲ။ မြန်မာ ပြည်ကြီး သယံဇာတ ဒီလောက်ကြွယ်ဝ ပြီး ဖွံ့ဖြိုးမှုနှောင့်နှေးနေတော့ ဘယ်စိတ် ချမ်းသာပါ့မလဲ။ သူများနိုင်ငံတွေ အထူး သဖြင့် အိမ်နီးချင်းနိုင်ငံတွေရဲ့ ဖွံ့ဖြိုးမှုတွေ ကိုကြည့်ပြီး အားကျတယ်။ ကိုယ့်တိုင်း ပြည်ကိုလည်း အဲဒီလိုပဲ ဖြစ်စေချင်တယ်။ ဗိုလ်ချုပ်အောင်ဆန်းကိုယ်တိုင်က ဆိုရှယ် လစ်စီးပွားရေးကို သွားဖို့ မျှော်မှန်းထားခဲ့ ပြီးသားလေ။ ဘဘတို့နိုင်ငံမှာက အခြား နိုင်ငံတွေထက် သယံဇာတတွေ ပိုကြွယ် ၀တယ်။ ဒါပေမဲ့ နည်းပညာအားနည်း တယ်။ ဒါကြောင့် ဒီကလူတွေ သူများ တိုင်းပြည်သွားပြီး အလုပ်လုပ်နေရတယ်။ လေ့လာဖို့ဆိုတာကလည်း အကြောင်း ကြောင်းတွေကြောင့် အချိန်မရခဲ့ဘူး။
မေး- ကျွန်တော်တို့ တိုင်းပြည်ဖွံ့ဖြိုးမှု နှေးကွေးခဲ့ရတာတွေဟာဘယ်အပေါ်မှာ အခြေခံပါသလဲ။ ဘဘရဲ့ အမြင်ကို သိပါ ရစေ။
ဖြေ- ဘဘမြင်တာကတော့ ပြည်တွင်း သောင်းကျန်းမှုပဲ။ ပြည်တွင်းသောင်းကျန်း မှုစတဲ့အချိန်က မြန်မာနိုင်ငံမှာ ကန်္ဒီစာ ချုပ်အရ တပ်မတော်အင်အားက ကြည်း၊ ရေ၊ လေ အကုန်ပေါင်းမှ ၅၂၀၀ ပဲရှိ တယ်။ သောင်းကျန်းသူတွေကလည်း အရမ်းအင်အားများတယ်။ ကွန်မြူနစ်က လည်း တောခိုတယ်။ ရဲဘော်ဖြူလည်း တောခိုတယ်။ နောက်ဆုံးတပ်မတော်ရဲ့ တပ်ရင်း (၅)ရင်းရှိတဲ့ထဲက တပ်ရင်း(၁) နဲ့ (၃)ကပါ တောခိုသွားတယ်။ အဲဒီမှာ တိုင်းပြည်အတွက်ဘာမှ အင်အားမရှိတော့ ဘူး။ ကျန်ခဲ့တဲ့ တပ်မတော်သားနှစ်ထောင် ကျော်ကပဲ တိုင်းပြည်ကို ကာကွယ်နေခဲ့ ရတာ။ အဲသလိုအချိန်တွေကြာသွား တော့ တိုးတက်မှုက နှောင့်နှေးသွားခဲ့ရ တာပဲ။ နောက်တစ်ခုက နိုင်ငံရေးအကွဲ အပြဲ ဇာတ်လမ်းတွေ အဲဒါတွေကြောင့် လည်း တိုင်းပြည်ဖွံ့ဖြိုးမှုနှေးခဲ့ရတယ်။ ၁၉၀၅ ခုနှစ်မှ စဖွဲ့တဲ့ ၀ိုင်အမ်ဘီအေက လည်း နောက် ဂျီစီဘီအေဆိုပြီး ကွဲသွား တယ်။ နောက် ဂျီစီဘီအေလည်း အစိတ် အစိတ်အမွှာမွှာကွဲ။ အဲဒီလို နိုင်ငံရေး တောက်လျှောက်ကွဲလာတာ။ အကွဲအပြဲ သံသရာက မဆုံးနိုင်တော့ဘူး။ တိုင်းပြည် ဖွံ့ဖြိုးရေး ရှေးရှုလုပ်တော့မယ်ဆိုတာနဲ့ ရှေ့က သောင်းကျန်းမှုပါမယ်။ နောက် နိုင်ငံရေးမတည်ငြိမ်မှုနဲ့ နိုင်ငံရေးအကွဲ အပြဲတွေပါမယ်။ ဖဆပလလည်း သန့် ရှင်း၊တည်မြဲ။ နောက် လမ်းစဉ်ပါတီခေတ် မှာ အကွဲအပြဲသံသရာကြီးဆုံးတယ်။ ဒါ ကြောင့် သောင်းကျန်းမှုတွေနဲ့ နိုင်ငံရေး အကွဲအပြဲတွေက တိုင်းပြည်ဖွံ့ဖြိုးမှုကို အဓိကနှေးကွေးစေတာပဲ။ ဘဘတော့ ဒီလိုပဲမြင်တယ်။
မေး- လမ်းစဉ်ပါတီခေတ်မှာ ဆိုရှယ် လစ်စီးပွားရေးနဲ့ တိုင်းပြည်ကို ဦးဆောင် သွားပေမဲ့လည်း တိုင်းပြည်က ဘာကြောင့် မတိုးတက်ခဲ့ပြန်တာလည်း သိပါရစေ ဘဘ။
ဖြေ- ခုနပြောသလို ဟိုးအရင်ကတည်း က အမြစ်တွယ်လာတဲ့ နိုင်ငံရေးအကွဲ အပြဲဇာတ်လမ်းတွေ၊ ပြည်တွင်းသောင်း ကျန်းမှုတွေ အဲဒါတွေကို ပြန်တည့်မတ်ရ တာတို့၊ တပ်မတော်အင်အားပြည့်တည်း ရတာတို့ စတာတွေကို လုပ်တယ်။ တိုင်း ပြည်ဖွံ့ဖြိုးတိုးတက်ဖို့ကို ရှေးရှုမယ်။ တည် ဆောက်မယ်ဆိုရင် ဒီလိုအကွဲအပြဲတွေကို ပြန်တည့်မတ်ရမယ်လေ။ နောက် တိုင်း ပြည်ကာကွယ်ရေး အင်အားလည်း ဖြည့် ရမယ်။ ဒါတွေကို လုပ်တယ်ဆိုတာလည်း ခုချက်ချင်းလုပ်ယူလို့မရဘူး။ အချိန်ယူပြီး လုပ်ရတယ်။ အဲဒီမှာပဲ အချိန်တွေကြာပြီး တိုင်းပြည်ဖွံ့ဖြိုးမှု ထပ်နှေးခဲ့ရတာပဲ။
မေး- ဦးနေ၀င်းဟာ ၁၉၈၈မှာ အာဏာ လွှဲပေးပြီးနောက်ပိုင်း တပ်မတော်နေ့ ည စာစားပွဲကို ယူနီဖောင်းကြီးနဲ့တက်ရောက် ခဲ့တယ်လို့ ကြားသိရပါတယ်။ ဒီလိုအဖြစ် ကြောင့် အဲဒီအချိန်က အုပ်ချုပ်ရေး အပေါ် ဦးနေ၀င်းကြိုးကိုင်ထားတဲ့ သဘောမျိုး ထင်စရာရှိသွားပါတယ်။ အဲဒါလေးကို သိ ပါရစေ။
ဖြေ- ဟုတ်တယ်။ ၈၈ခုနှစ် ဗိုလ်ချုပ်ကြီး နေ၀င်း အာဏာလွှဲပြီးနောက်ပိုင်း တပ် မတော်နေ့ညစာစားပွဲကို ကာကွယ်ရေး ဦးစီးချုပ် ဗိုလ်ချုပ်ကြီး စောမောင်တောင် မရောက်သေးဘူး။ သူရောက်ချလာ တယ်။ သူ့မှာ အာဏာမှ မရှိတော့တာ။ အားလုံးက အံ့သြသွားပြီး မှင်သေသေ နေကြတယ်။ ဒါပေမဲ့ သူ့အနေနဲ့ ဘာသ ဘောနဲ့မှတော့မဟုတ်ပါဘူး။ ၁၉၃၉ လောက်ထဲက တပ်မတော်ထဲနေလာ တော့ တပ်မတော်ကြီးအပေါ် သံယော ဇဉ်တွယ်ပြီးဖြစ်တာပါ။ သူ့အနေနဲ့ တပ် မတော်စတည်ထောင်တဲ့အထဲမှာလည်း ပါခဲ့တာကိုး။ အဲဒီနေ့ကလည်း သူ တင်းနစ်ရိုက်နေရင်း ကိုယ်ရေးအရာရှိကို ဒီနေ့တပ်မတော်နေ့လေ။ သွားရမယ်ဆို ပြီး ရောက်လာတာ။ လမ်းကျမှ စကား ပြောစက်နဲ့ သူလာမယ်လို့ ပြောတာ။ အားလုံးက အံ့သြသွားတယ်။ ဒါပေမဲ့
ရောက်လာတော့လည်း ကာကွယ်ရေး ဦးစီးချုပ်လာတဲ့အခါ သူကိုယ်တိုင်က မတ်တပ်ရပ်ပြီး ခရီးဦးကြိုပြုခဲ့ကြတာပါ ပဲ။ အလင်းဝင်လာတဲ့ ဗိုလ်ချုပ်စောကြာ ဒိုးတို့လည်းပါတာပဲ။
မေး- လတ်တလောဖြစ်ခဲ့တဲ့ ရခိုင်ပြည် က အရေးကိစ်္စတွေပေါ်မှာရော ဘဘအနေ နဲ့ ဘယ်လို သုံးသပ်ပါသလဲ။
ဖြေ- ဒါဟာ ဘာသာရေးကိစ်္စမဟုတ် ဘူး။ အာရှမှာ မွတ်ဆလင်အင်အားကြီး နိုင်ငံဖြစ်တဲ့ အင်ဒိုနီးရှားရဲ့ သမ်္မတက တောင် ဒါဟာ လူမျိုးစုနှစ်ခုရဲ့ ပြဿနာ လို့ပဲပြောတယ်။ အဲဒါ မှန်တယ်။ လူမျိုး စု နှစ်ခုကြားမှာ ဖြစ်လေ့ဖြစ်ထရှိတဲ့ သံသ ယမီးပွားကစတာပါ။ ဒါကို ဘာသာရေး ပြဿနာလို့ ယူဆလို့ မရဘူး။ ဘာသာ တရားတိုင်းက ကောင်းရာကို လမ်းညွှန် တာပဲလေ။ အစ္စလာမ်ကိုးကွယ်လို့ ကုလားလို့ ပြောလို့မရသလို၊ ခရစ်ယာန် ကိုးကွယ်လို့လည်း အင်္ဂလိပ်လူမျိုးပြော လို့မရဘူး။ တိုင်းရေးပြည်ရေးဖြစ်လာတုန်း ကလည်း ဒီမွတ်ဆလင်တွေ၊ ခရစ်ယာန် တွေ အကုန်ပါဝင်တိုက်ပွဲဝင်ခဲ့ကြတာပဲ လေ။ တိုင်းပြည်အရေးဖြစ်လာရင် ဘာ သာကို ခဏဖယ်ထားလိုက်။ မြန်မာဟာ မြန်မာပဲ။
မေး- လက်ရှိ သမ္မတကြီး ဦးသိန်းစိန် အစိုးရရဲ့ ပြုပြင်ပြောင်းလဲရေး လုပ်ငန်း စဉ်တွေအပေါ်မှာရော ဘယ်လိုမြင်မိ သုံး သပ်မိပါသလဲ။
ဖြေ- ဦးသိန်းစိန် သမ္မတအဖြစ် တာဝန် စယူတုန်းပြောတဲ့ နိုင်ငံတော် မိန့်ခွန်းမှာ ကတည်းကိုက တိုင်းပြည်ကို ဘယ်လို လမ်းကြောင်းသွားမယ်ဆိုတာ ထင်ဟပ် နေတာပဲလေ။ ခုပြောတဲ့အတိုင်း သူလုပ် နေပြီပဲ။ သူ့ရဲ့ ရိုးသားမှု၊ တာဝန်ခံနိုင်မှု တွေကြောင့် တိုင်းပြည်ဟာ တိုးတက်မှာ ပါ။ အဲဒါကို လုံးဝ ယုံမှားမရှိဘူး။ အရင် က ဘယ်အစိုးရက အသုံးစရိတ်ဘတ်ဂျက် နဲ့ ပတ်သက်ပြီး ပြည်သူကို အသိပေး ထုတ်ပြန်တာမျိုးမှမရှိဘူး။ ခု သူထုတ်ပြန် တယ်။ လွှတ်တော်ကို သ၀ဏ်လွှာပေးပြီး ပြည်သူကို ချပြတယ်။ သူကိုယ်တိုင်က ကျန်းမာရေးကောင်းရှာတာမဟုတ်ဘူး။ ဒါပေမဲ့ သူ့ခမျာ တိုင်းပြည်အတွက် စေ တနာနဲ့ လုပ်ရှာပါတယ်။ ဒါကြောင့် ဘဘ တို့ဆို သူ့အတွက် နေ့တိုင်းမေတ္တာပို့ တယ်။ ဆုတောင်းတိုင်းပြည့်တာမှ မဟုတ်ဘဲ။ မေတ္တာပဲပို့တယ်””ဟု ပြန်လည်ဖြေကြား ပေးသွားခဲ့ပါသည်။



ခန့်ခန့် (ဒဿနိက)
Read More »

ရော်ဘင်စု၊ ခရိုနီအရွေ့နှင့် ၂ဝ၁၅ အကြို ရွှေ့ ကွက်များ



သတင်းဆောင်းပါး — ဇန်နဝါရီ ၂၄၊ ၂ဝ၁၃

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ကို ဆယ်စုနှစ် နှစ်ခုနီးပါးမျှ နေအိမ်အကျယ်ချုပ် ချထား ခဲ့သော မြန်မာစစ်အစိုးရကို အမှီအခိုပြုခြင်းအားဖြင့် ကြီးပွား ချမ်းသာလာကြသော ခရိုနီစီးပွားရေး လုပ်ငန်းရှင်ကြီးများသည် ယခုအခါ ဒေါ်အောင်ဆန်းစုကြည်၏ နိုင်ငံရေးပါတီသို့ ရန်ပုံငွေ လှူဒါန်း ထည့်ဝင် ကြကာ အလှူရှင်များ အဖြစ်သို့ ရောက်ရှိ လာကြခြင်းဖြင့် ယင်း တို့၏ ပုံရိပ်ကို ပြန်လည်ကောင်းမွန် လာစေရန် ကြိုးပမ်းရာတွင် အောင်မြင်မှု တစ်ရပ်ကို စိုက်ထူနိုင် ခဲ့ကြပြီ ဖြစ်သည်။

ပညာရေး စီမံကိန်းများအတွက် စစ်တပ်အရိပ်မည်း လွှမ်းမိုးမှု မကင်းသော ရန်ပုံငွေ အလှူအတန်းများ ကို နိုဘယ်လ်ဆုရှင် ဒေါ်အောင်ဆန်း စုကြည်က လိုလားစွာ လက်ခံရယူမှုသည် သူ၏ နိုင်ငံတကာ ပုံရိပ် အပေါ် ဆိုးကျိုး သက်ရောက်မှုရှိ ကောင်းရှိနိုင်မည်ဖြစ်သော်လည်း သူ့ ကို ထောက်ခံသူများကမူ ထိုသို့ လက်ခံ လိုက်ခြင်း သည်ပင်လျှင် ဘဏ္ဍာရေး လိုအပ်ချက်ကို ဖြည့်ဆည်းရန် နိုင်ငံရေးအရ ပါးနပ်လိမ္မာစွာ ဆောင်ရွက် လိုက်ခြင်းအဖြစ် ချီးကျုး ပြောကြားခဲ့ကြသည်။

မြန်မာနိုင်ငံကို ရာစုနှစ်ဝက်မျှ အုပ်စိုးခဲ့သည့် စစ်အာဏာပိုင်တို့နှင့် လက်တွဲကာ ကြီးပွားချမ်းသာ လာကြသော လုပ်ငန်းရှင်များအဖြစ် အမေရိကန် အစိုးရက အမည်မည်း စာရင်း သတ်မှတ်ထားသူတို့ ပိုင်ဆိုင်သော လုပ်ငန်း များက ရန်ပုံငွေ ဂီတပွဲ တစ်ရပ်တွင် ထည့်ဝင်လှူဒါန်းခဲ့ သော ငွေရပ် ကျပ် ၂၁၁.၅ သန်းခန့် ကို ဒေါ်အောင်ဆန်း စုကြည်၏ National League for Democracy (NLD) ပါတီက လက်ခံရယူခဲ့ခြင်း ဖြစ်သည်။

အဆိုပါ ရန်ပုံငွေ လှူဒါန်းထည့် ဝင်မှုများက မြန်မာနိုင်ငံအတွင်း လှုပ်ခတ်မှုလေး တစ်ရပ်မျှကိုပင် မဖြစ်ပေါ်စေ ခဲ့ခြင်းသည် ဒေါ်အောင်ဆန်းစုကြည် အပေါ် ပြည်သူလူထု က မည်မျှအထိ ကြည်ညိုလေးစား ကြောင်း ပြသ လိုက်သည့် သင်္ကေတ တစ်ရပ်ဖြစ်သည့်အပြင် ၂ဝ၁၁ ခုနှစ်၊ မတ်လအတွင်း ပြုပြင်ပြောင်း လဲရေးအစိုးရ တက်လာပြီးနောက်ပိုင်း ရပ်တည်မှုအပြောင်းအရွှေ့တစ်ရပ် ပြုလုပ်ရန် ကြိုးစားလာသည့် ခရိုနီ လုပ်ငန်းရှင်များ ၏ အောင်မြင်မှု ကို ပြသလိုက်ခြင်း လည်းဖြစ်သည်။

အမေရိကန် ပြည်ထောင်စုက မြန်မာစစ်အစိုးရ၏ လက်ရုံးနှင့် လက်နက်ရောင်းချသူအဖြစ် သတ်မှတ် ထားသည့် မြန်မာ လုပ်ငန်းရှင် ဘီလျံနာ ဦးတေဇပိုင်ဆိုင်သည့် AGD Bank က ဒီဇင်ဘာလအတွင်း ကျင်းပခဲ့သည့် ရန်ပုံငွေ ဂီတပွဲ တစ်ရပ်၌ အန်အယ်လ်ဒီ ပါတီသို့ မြန်မာကျပ်ငွေ သန်း ၄ဝ (ကန်ဒေါ်လာ ၄၇ဝဝဝ) လှူဒါန်း ပေးအပ် ခဲ့သည်။

ရွှေသံလွင် စီးပွားရေးလုပ်ငန်း အုပ်စုနှင့် Sky Net ရုပ်/သံဌာနတို့ ကို ပိုင်ဆိုင်သော မြန်မာလုပ်ငန်းရှင် ဦးကျော်ဝင်း၏ ဇနီးသည် ကလည်း လေလံပွဲတစ်ရပ် တွင် ဒေါ်အောင်ဆန်းစုကြည် ကိုယ်တိုင် လက်နှင့် ထိုးထားသည့် အနွေးထည် ဆွယ်တာ ၂ ထည်အနက်မှ ၁ ထည်ကို မြန်မာကျပ်ငွေ ၄၁.၅ သန်း ပေးကာ လှူဒါန်း ဝယ်ယူခဲ့သည်။ Sky Net ရုပ်/သံ ကလည်း ကျပ်ငွေ သန်းပေါင်း ၁၃ဝ ကို သီးသန့်လှူဒါန်းသွားခဲ့ ပေသေးသည်။

ကောက်ခံရရှိသော ရန်ပုံငွေ အားလုံးသည် ပညာရေးလုပ်ငန်းများ စီမံဆောင်ရွက်ရန်သာဖြစ်ပြီး ပါတီ အရေး ကိစ္စနှင့် စပ်ဆိုင်ခြင်း မရှိကြောင်း၊ အန်အယ်လ်ဒီပါတီ၏ လူမှုရေးနှင့် ပညာရေးမူဝါဒများ ဆိုင်ရာ တာဝန်ခံ တစ်ဦးဖြစ်သူ ဒေါ်မြင့်မြင့်စိန် က ပြောကြားခဲ့သည်။

အန်အယ်လ်ဒီ ပါတီ၏ အလုပ်အမှုဆောင် ကော်မတီဝင်တစ်ဦးက အဆိုပါ လှူဒါန်းမှုများအတွက် အန်အယ်လ်ဒီ ပါတီက အထူးကျေး ဇူးတင်ရှိကြောင်း၊ ပါတီဝင် အားလုံးလည်း ဝမ်းမြောက်ဝမ်းသာ ဖြစ်ကြမည်မှာ အသေအချာ ပင်ဖြစ်ကြောင်း ထုတ်ဖော်ပြောကြားခဲ့သည်။

ဦးတေဇနှင့် စစ်တပ်ဆက်နွယ်မှုရှိသည့် အခြားသော စီးပွားရေး လုပ်ငန်းရှင်များသည် အနောက်နိုင်ငံ တို့၏ အမည်မည်း စာရင်းတွင် ယနေ့တိုင် ပါဝင်နေကြဆဲ ပင်ဖြစ်သည်။

ပြည်သူအများကမူ ယင်းတို့၏ စစ်အစိုးရအပေါ် အသံတိတ် ထောက်ခံမှု၊ ဖုံးဖိမရအောင် ထင်ရှားလှသော ဥစ္စာဓန ကြွယ်ဝမှုနှင့် မြန်မာ့စီးပွားရေး ကဏ္ဍ အများအပြားကို ဆက်လက် စိုးမိုးထားနိုင်ခြင်း စသည်တို့ အတွက် ယင်းတို့အပေါ် ယုံကြည်မှု ကင်းမဲ့ကာ အမုန်းပွားလျက် ရှိကြဆဲဖြစ်သည်။

နေအိမ် အကျယ်ချုပ်ဖြင့် ၁၇ နှစ်တိုင်တိုင် နေထိုင်ခဲ့ရပြီး ၂ဝ၁ဝ ခုနှစ်တွင်မှ လွတ်မြောက်လာခဲ့ရ သော အတိုက်အခံ ခေါင်းဆောင် ဒေါ်အောင်ဆန်းစုကြည်ကမူ အဆိုပါ ငွေရပ်များကို အချည်းနှီး ဖြစ်စေမည့်အစား ကောင်းသော ရည်ရွယ်ချက်ဖြင့် လှူဒါန်းလိုက်ခြင်းက သာ၍ ကောင်းကြောင်း၊ ပြီးခဲ့သည့် သီတင်းပတ် အတွင်းက ပြောကြားကာ သူ၏ အလှူငွေ လက်ခံမှုကို ကာကွယ်ပြောကြားခဲ့သည်။

အမှားမည်မျှကို ကျူးလွန်ခဲ့ သည်ဖြစ်စေ၊ ပြင်ဆင်ရန် အခွင့်အရေး တစ်ရပ်ရရှိသင့်ကြောင်း ဒေါ်အောင်ဆန်း စုကြည်က ပြောကြားခဲ့ခြင်းဖြစ်သည်။

“ခရိုနီဟု ခေါ်ဆိုခံရသူများ” အဖြစ် ဒေါ်အောင်ဆန်းစုကြည်က ရည်ညွှန်းပြောကြားလေ့ ရှိသူများနှင့် မိတ်ဖွဲ့ ဆောင်ရွက်ခြင်း သည် ဒေါ်အောင်ဆန်းစုကြည်၏ ဂုဏ်သိက္ခာကို ထိခိုက် ပွန်းပဲ့စေနိုင်ခြင်း ရှိပုံမရပေ။ တိုင်းရင်းသား ဒုက္ခသည်များ အကြမ်းဖက်တိုက်ခိုက်ခံ နေရခြင်းနှင့်စပ်လျဉ်း၍ ရပ်တည် ပြောကြားမှု မရှိခဲ့သော ဒေါ်အောင် ဆန်းစုကြည် အပေါ် ဝေဖန်ပြောကြားမှုများ ရှိနေပြီး ဖြစ်သည့်တိုင် ခရိုနီတို့၏ အလှူငွေများကို လက်ခံခြင်းက သူ၏ဂုဏ်သိက္ခာကို ထိပါးရန် မရှိခဲ့ပေ။

မြန်မာနိုင်ငံတွင် နိုင်ငံရေးဆွေးနွေးရာ နေရာတစ်ရပ်အဖြစ် လူကြိုက်များ တွင်ကျယ်လျက်ရှိသော Facebook လူမှုကွန်ရက်ပေါ်တွင် သူ့ကို ထောက်ခံသူအချို့က “Robin Suu” ဟူ၍ပင် ချစ်စနိုးဖြင့် အမညပေး ရေးသား ဖော်ပြ လာခဲ့ကြသည်။ လူချမ်းသာများထံမှ ငွေကြေးများကို လုယူကာ ဆင်းရဲသူ ဆင်းရဲသား များအား ဝေငှ ပေးသော အင်္ဂလိပ် တောပုန်းကြီး Robin Hood နှင့် တင်စားကာ “ရော်ဘင်စု”ဟု ခေါ် ဝေါ်ကြခြင်း ဖြစ်သည်။

UK နိုင်ငံအခြေစိုက် Burma Campaign UK အဖွဲ့မှ ဒါရိုက်တာ တစ်ဦးဖြစ်သူ Mark Farmaner က အဆိုပါ အလှူငွေများကို လက်ခံ ခြင်းသည် ကြီးကျယ်သော ပြဿနာ တစ်ရပ်ဟု မယူဆကြောင်း၊ ခရိုနီ များထံမှ အလှူငွေကို လက်ခံခြင်းအားဖြင့် မူဝါဒအပေါ် အကျိုးသက် ရောက်မှု တစ်စုံတစ်ရာရှိသည့် သက်သေ အထောက်အထား တစ်ခု တလေမျှကိုပင် တွေ့ရှိရခြင်းမရှိ သေးကြောင်း၊ အန်အယ်လ်ဒီ အနေဖြင့် မူဝါဒ အများအပြား ချမှတ်နိုင် ခြင်းလည်း မရှိသေးကြောင်း၊ ထောက်ပြ ပြောကြားခဲ့သည်။

ဆင်းရဲသား အများစု ပါဝင်သော အရေအတွက် သန်းနှင့်ချီ၍ ရှိသည့် ပါတီဝင်များထံမှ ရန်ပုံငွေ ကောက်ခံနိုင် ရေး ယန္တရားတစ်ရပ် ကင်းမဲ့လျက်ရှိသည့် အန်အယ်လ်ဒီ ပါတီ အတွက် အဆိုပါ လှူဒါန်းငွေများ မှာ အရေးပါလှ ပေသည်။

မြန်မာနိုင်ငံဆိုင်ရာ ဗြိတိန်သံအမတ်ကြီးအဖြစ် တာဝန်ထမ်းဆောင်ခဲ့ဖူးသော Derek Tonkin က နိုင်ငံရေး နယ်ပယ်တွင် ရန်ပုံငွေရရှိရေး သည် ရှင်သန်ရေးအတွက် မရှိမဖြစ် လိုအပ်မှုပင်ဖြစ်သည်ဟုဆိုခဲ့သည်။ အဆိုပါ ရန်ပုံငွေသည် ပြည်တွင်းမှ သာ ရရှိခြင်းဖြစ်ရမည်ဖြစ်ရာ ခရိုနီ တို့၏ ရန်ပုံငွေများကို သင့်တော်သည့် စီမံကိန်း များတွင် ထည့်ဝင် စေခြင်းအပေါ် အပြစ်ပြောကြားရန် မရှိကြောင်းလည်း Derek Tonkin က ပြောကြား ခဲ့သည်။ မြန်မာပြည်သူများကလည်း အပြစ်ဖို့ပြောကြား လိမ့်မည် မဟုတ်ကြောင်းလည်း Derek က ပြောကြား ခဲ့သေးသည်။

မြန်မာနိုင်ငံတွင် အကြွယ်ဝဆုံးသော အရပ်သားများထံမှ အလှူငွေ လက်ခံခြင်းအားဖြင့် ဒေါ်အောင်ဆန်း စုကြည်၏ ပါတီသည် တိုင်းပြည်စီးပွား ရေးပြန်လည် ထူထောင်ရာတွင် အဓိက ပလေယာများအဖြစ် ပါဝင်မည့်သူ များထံ လက်တစ်ဖက် တိုးချဲ့ ကမ်းလှမ်းလိုက်ခြင်း ဖြစ်သည်ဟု မြန်မာ နိုင်ငံဆိုင်ရာ ဩစတြေးလျ သံအမတ် ဟောင်း Trevor Wilson ကလည်း ပြောကြားခဲ့သည်။

ခရိုနီများသည် နိုင်ငံ၏အနာဂတ်တွင် ကြောက်ခမန်းလိလိ များပြားလှသော စီးပွားရေး လောင်းကြေးထပ်မှု များကို ပိုင်ဆိုင်ထားကြ သည်ဖြစ်ရာ ယင်းတို့ကို တရားဥပဒေ စိုးမိုးမှုအောက်သို့ ဆောင်ကြဉ်းရန်မှာ အရေး အကြီးဆုံး ဖြစ်ကြောင်းလည်း Trevor က ပြောကြားခဲ့သည်။

ဒေါ်အောင်ဆန်းစုကြည်နှင့် သူ၏ ရန်ပုံငွေ မတည်သူများသည် ၂ဝ၁၅ ခုနှစ် အထွေထွေ ရွေးကောက်ပွဲ အတွက် ပြင်ဆင် ဆောင်ရွက်ရန် စီစဉ်နေကြပြီး အဆိုပါရွေးကောက် ပွဲတွင် အန်အယ်လ်ဒီပါတီသည် ယခင်အစိုးရ ထူထောင် ခဲ့သည့် လူကြိုက် မများသော်လည်း ရန်ပုံငွေ တောင့်တင်းသည့် ပြိုင်ဘက်ပါတီနှင့် အဓိက ယှဉ်ပြိုင် ရမည်ဖြစ်သည်။

Ref: Suu Kyi’s Party Accepts Crony Donation in Reformera Myanmar

The Myanmar Independent News Journal တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်
Read More »

မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်



အောင်ဒင်၊ ဇန်န၀ါရီ ၂၀၊ ၂၀၁၃

အပိုင်း (၅) အတိုက်အခံ မရှိတဲ့ လွှတ်တော်

မြန်မာနိုင်ငံရဲ့ ပြည်ထောင်စုလွှတ်တော်မှာ နောက်ထပ်ပြောစရာရှိတာက အတိုက်အခံ မရှိအောင် ဖန်တီးထားတာပါ၊ တကယ်က ပါတီစုံအထွေထွေရွေးကောက်ပွဲ လို့ဆိုတဲ့ အတိုင်း ရွေးကောက်ပွဲမှာ နိုင်ငံရေးပါတီပေါင်းစုံက ကိုယ်စားလှယ်ပေါင်းစုံ ပါဝင်ယှဉ်ပြိုင်ကြပြီး လွှတ်တော်ထဲကိုလဲ နိုင်ငံရေးပါတီပေါင်းစုံကို ကိုယ်စားပြုပြီး ရောက်ရှိလာကြတာပါ၊

နိုင်ငံရေးပါတီများမှာ မတူညီတဲ့ နိုင်ငံရေးဝါဒတွေ၊ လုပ်ငန်းစဉ်တွေ၊ ရည်ရွယ်ချက်တွေ ရှိကြပြီး သူတို့ကိုယ်စားပြုတဲ့ မဲဆန္ဒရှင်များရဲ့ အကျိုးစီးပွါးဆောင်ရွက်ရာမှာလဲ သူတို့ သက်ဆိုင်ရာ ပါတီ ရဲ့ မူဝါဒ၊ ရပ်တည်ချက်များ၊ ကတိကဝတ်များ အတိုင်း ဆောင်ရွက်ကြမှာပါ၊ ထုံးစံအတိုင်း လွှတ်တော်မှာ ကိုယ်စားလှယ်အများစု ရွေးချယ်ခံရတဲ့ နိုင်ငံရေးပါတီ (Majority Party) က လွှတ်တော်ရဲ့ ဦးဆောင်မှုနေရာကို ရရှိမှာဖြစ်ပေမည့် လူနည်းစုပါတီ (Minority Party) (သို့မဟုတ်) လူနည်းစုပါတီများ ရဲ့ အခန်းကဏ္ဏကို ပစ်ပယ်လို့မရပါ။

နိုင်ငံတကာ လွှတ်တော်များမှာတော့ လူနည်းစုပါတီ (သို့) ပါတီများဟာ အတိုက်အခံအင်အားစု (Opposition Force) ဖြစ်လာပြီး လွှတ်တော်တွင်း လူများစုပါတီ ရဲ့ ဆောင်ရွက်မှုများကို စောင့်ကြည့်ဝေဘန်ပြီး သူတို့ သက်ဆိုင်ရာပါတီများရဲ့ ရပ်တည်ချက်များကိုလဲ အခွင့်ရသလို တင်ပြ ဖော်ထုတ်ကြပါတယ်၊ အုပ်ချုပ်မှုအာဏာ၊ ဥပဒေပြုအာဏာ၊ တရားစီရင်ရေးအာဏာ ဆိုတဲ့ နိုင်ငံတော်အာဏာသုံးရပ် အကြား အပြန်အလှန် ထိန်းကျောင်းပြုပြင်ဖို့ (Check and Balance) လိုအပ်သလို ဥပဒေပြုအဖွဲ့အစည်းအတွင်းမှာလဲ လူများစုပါတီကို ထိန်းကျောင်းပြုပြင်ဖို့ လိုအပ်ပါတယ်၊တကယ်တော့ အတိုက်အခံအင်အားစုဆိုတာ လူများစုပါတီ က ထင်ရာစိုင်းပြီး အာဏာအလွဲသုံးတဲ့ အဆင့်မရောက်အောင် လွှတ်တော်တွင်း အနီးကပ် စောင့်ကြပ်ထိန်းကွတ်မည့် အင်အားစုဖြစ်တာမို့ အင်မတန်လိုအပ်တာပါ၊ အဲဒီ လိုအပ်ချက်က မြန်မာနိုင်ငံ လွှတ်တော်မှာတော့ ထူးဆန်းစွာ ပျောက်ဆုံးနေပါတယ်၊

အမေရိကန်ပြည်ထောင်စု ကွန်ဂရက်လွှတ်တော်မှာ အဓိက နိုင်ငံရေးပါတီကြီးနှစ်ခု ဖြစ်တဲ့ ရီပါတ်ဘလီကန် ပါတီ (Republican Party) နှင့် ဒီမိုကရက်တစ်ပါတီ (Democratic Party) တို့က လွှမ်းမိုးထားပါတယ်၊ ဒီတော့ ရွေးကောက်ပွဲတခုအပြီး အမေရိကန် အောက်လွှတ်တော် နဲ့ အထက်လွှတ်တော်ကို ကြည့်မယ် ဆိုရင် ရီပါတ်ဘလီကန် ပါတီအမတ်များ၊ ဒီမိုကရက်တစ်ပါတီ အမတ်များ နဲ့ တသီးပုဂ္ဂလအမတ်များ ဆိုပြီး တွေ့ရမှာပါ၊ အခု ၂၀၁၂ ခုနှစ် နိုဝင်ဘာရွေးကောက်ပွဲအပြီးမှာ အောက်လွှတ်တော်မှာ ရီပါတ်ဘလီကန် ပါတီက ၂၃၅ နေရာနဲ့ လူများစုပါတီ ဖြစ်ပြီး ဒီမိုကရက်တစ်ပါတီက ၂၀၀ နေရာနဲ့ လူနည်းစုပါတီ ဖြစ်ပါတယ်၊ တသီးပုဂ္ဂလအမတ်မရှိပါ၊ အထက်လွှတ်တော်မှာတော့ ဒီမိုကရက်တစ်ပါတီက ၅၃ နေရာနဲ့ လူများစုပါတီ ဖြစ်ပြီး ရီပါတ်ဘလီကန် ပါတီက ၄၃ နေရာနဲ့ လူနည်းစုပါတီ ဖြစ်ပါတယ်၊ တသီးပုဂ္ဂလအမတ် ၂ ယောက်ရှိပြီး အဲဒီ နှစ်ယောက်စလုံးက ဒီမိုကရက်တစ်ပါတီ နဲ့လက်တွဲတာမို့ ဒီမိုကရက်တစ်ပါတီက စုစုပေါင်း ၅၅ နေရာ ရှိပါတယ်၊ ဘယ်လောက်ပဲ အမတ်အရေအတွက်ပိုသာသာ လူများစုပါတီ ဆိုပြီး ထင်ရာစိုင်းလို့မရပါ၊ လူနည်းစုပါတီကို အနိုင်ကျင့်လို့မရပါ၊ ဒီမိုကရေစီစနစ်ရဲ့ ကျင့်စဉ်များအတိုင်း လူများစုပါတီက မဲခွဲရင် အနိုင်ရတတ်ပေမည့် လူနည်းစုပါတီရဲ့ ဆန္ဒကိုလဲ အသိအမှတ်ပြု လေးစားရပါတယ်၊

တခါတရံ လူနည်းစုပါတီက တင်သွင်းတဲ့ ဥပဒေမူကြမ်းတွေကို လူများစုပါတီထဲက အမတ်တွေကပါ ထောက်ခံမဲ ပေးကြလို့ အနိုင်ရတာရှိသလို လူများစုပါတီက တင်သွင်းတဲ့ ဥပဒေမူကြမ်းဖြစ်ပေမည့် လူများစုပါတီအမတ်အချို့က လူနည်းစုပါတီအမတ်များနဲ့ အတူကန့်ကွက်မဲပေးကြလို့ အရေးနိမ့်ရတာလဲ ရှိပါတယ်၊ တခါတရံ ပါတီ ကြီးနှစ်ခုစလုံးက ထောက်ခံတဲ့ ကိစ္စဖြစ်လို့ နှစ်ဖက်ပါတီ ကိုယ်စားလှယ်များက ပူးတွဲတင်သွင်းတဲ့ ဥပဒေမူကြမ်းကို ပါတီ နှစ်ခုစလုံးက တခဲနက် ထောက်ခံအတည်ပြုကြတာလဲ ရှိပါတယ်၊ ထင်ရှားတဲ့ ဥပမာကတော့ မြန်မာ့ဒီမိုကရေစီ လှုပ်ရှားမှုကြီးကို ထောက်ခံတဲ့ ဥပဒေတွေ၊ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို အမေရိကန် ကွန်ဂရက်လွှတ်တော်ရဲ့ အမြင့်ဆုံး ဂုဏ်ပြုဆုတံဆိပ် (Congressional Gold Medal) ချီးမြှင့်တဲ့ ဥပဒေ၊ စတာတွေပါပဲ၊

ကွန်ဂရက်လွှတ်တော် လူများစုခေါင်းဆောင်ဟာ လူနည်းစုခေါင်းဆောင်နဲ့ ညှိနှိုင်းပြီး ကွန်ဂရက် ရဲ့ တစ်နှစ်တာ အလုပ်လုပ်ချိန် သတ်မှတ်ရပါတယ်၊ ကော်မီတီ များမှာပါဝင်မည့် အဖွဲ့ဝင်အရေအတွက်ကို သတ်မှတ်ကြပါတယ်၊ လူများစုခေါင်းဆောင်က ကော်မီတီ ဥက္ကဋ္ဌ များကို တာဝန်ပေးခန့်အပ်ပြီး လူနည်းစု ခေါင်းဆောင်က လူနည်းစုပါတီကို ကိုယ်စားပြုမည့် ခေါင်းဆောင်ကို ရွေးချယ်ခန့်အပ်ပါတယ်၊ ကော်မီတီ တိုင်းမှာ လူများစုပါတီ က အရေအတွက်များပေမည့် လူနည်းစုပါတီ အမတ်များမှာလဲ ပြောရေးဆိုခွင့်ရှိပါတယ်၊ ကော်မီတီအစည်းအဝေးများ၊ ကြားနာပွဲများ၊ ဥပဒေကြမ်းများ မဲခွဲတာ၊ စုံစမ်းစစ်ဆေးမှုများကို ကော်မီတီ ဥက္ကဋ္ဌ က လူနည်းစုပါတီအမတ်များရဲ့ ခေါင်းဆောင် (Ranking Member) နဲ့ တိုင်ပင် အကောင်အထည်ဖော်ရပါတယ်၊

အတိုက်အခံများ (သို့မဟုတ်) လူနည်းစုပါတီ ကို အထူးအခွင့်အရေးပေးထားတာက အထက်လွှတ်တော်မှာပါ၊ အထက်လွှတ်တော် မှာ ဥပဒေကြမ်းတွေကို မဲခွဲရာမှာ အဆင့်နှစ်ဆင့် ရှိပါတယ်၊ ဥပဒေမူကြမ်းတွေကို မဲခွဲတဲ့ အဆင့်မရောက်ခင် နှစ်ဖက်ပါတီက လွှတ်တော်အမတ်များ သက်ဆိုင်ရာ ဥပဒေမူကြမ်းကို အပြန်အလှန်ငြင်းခုံဆွေးနွေးကြ၊ ဖြည့်ဆွက်ကြ၊ ပြင်ဆင်ကြပါတယ်၊ အဲဒီလို ဆွေးနွေးငြင်းခုံနိုင်ဖို့ လုံလောက်တဲ့အချိန်ကာလကို လူများစုပါတီခေါင်းဆောင်က လူနည်းစုပါတီခေါင်းဆောင် နဲ့ ညှိနှိုင်းသတ်မှတ်ရပါတယ်၊ အဲဒီမှာ အထက်လွှတ်တော်ရဲ့ လုပ်ငန်းစဉ် (Parliamentary Procedure) တခုဖြစ်တဲ့ Filibuster ဆိုတာက လူနည်းစုပါတီကို ဒီဥဒေမူ ကြမ်းကို မဲခွဲတဲ့အဆင့်မရောက်အောင် ဟန့်တားနိုင်တဲ့ အခွင့်အရေးပေးပါတယ်၊

Filibuster ဆိုတာက လူများစုပါတီဘက်က တင်ပြထားတဲ့ဥပဒေမူကြမ်းကို ဆက်လက်ဆွေးနွေးစရာမလိုတော့တဲ့ အကြောင်း (To end the debate) မဲခွဲဆုံးဖြတ်ဖို့ လူနည်းစုခေါင်းဆောင်က အဆိုပြုတာပါ၊ အတိုက်အခံရဲ့ စိန်ခေါ်မှုကို ကျော်လွှားနိုင်ဖို့ လူများစုပါတီက အမတ် ၁၀၀ ရှိတဲ့အထက်လွှတ်တော်မှာ “ဆွေးနွေးမှုများအဆုံးသတ်ရေးအဆိုကို ကန့်ကွက်ပြီး ဆက်လက်ဆွေးနွေးပြီး မဲခွဲဖို့သဘောတူတဲ့” အနည်းဆုံးထောက်ခံမဲ ၆၀ လိုအပ်ပါတယ်၊ ဒီအဆင့်ကို ကျော်လွှားနိုင်ဖို့ လိုအပ်တဲ့ မဲ ၆၀ မပြည့်မချင်း လူများစုပါတီအမတ်များဟာ သူတို့ အတည်ပြုချင်တဲ့ ဥပဒေမူကြမ်းကို လူများစုမဲနဲ့ မဲခွဲဆုံးဖြတ်အတည်ပြုနိုင်တဲ့ အဆင့်ကို မရောက်တော့ပါဘူး၊ Filibuster ဟာ အမေရိကန်ပါတီ ကြီး နှစ်ခုစလုံးက အတိုက်အခံနေရာရောက်တဲ့အချိန်မှာ တလှည့်စီအသုံးချကြတဲ့ လွှတ်တော်ရေးရာ လက်နက်တစ်ခုဖြစ်ပါတယ်၊ ဒီတော့ အခု ဒီမိုကရက်တစ်ပါတီက အထက်လွှတ်တော်မှာ ၅၅ မဲ ရှိပေမည့် ရီပါတ်ဘလီကန်ပါတီဘက်က အနည်းဆုံး ၅ မဲမှမရရင် မဲ ၆၀ မပြည့်လို့ Filibuster ကို မကျော်လွှားနိုင်ပဲသူတို့ တင်ချင်တဲ့ ဥပဒေ ကို မဲခွဲလို့မရနိုင်ပါ၊ ဒီအဆင့်ကို ဖြတ်သန်းနိုင်မှ မဲခွဲတဲ့အဆင့်ကို ရောက်ပြီး အဲဒီမှာတော့ Simple Majority လို့ခေါ်တဲ့ ၅၁ မဲ ရရင် ဥပဒေကို အတည်ပြုနိုင်ပါတယ်၊ Filibuster က လူများစုပါတီက လူနည်းစုပါတီအပေါ် တရားလွန်အနိုင်ကျင့်လို့မရအောင် ဖန်တီးထားတာပါ၊ အထက်လွှတ်တော်မှာပဲ ရှိပါတယ်၊ အောက်လွှတ်တော်မှာ မရှိပါ၊

မြန်မာနိုင်ငံရဲ့ လွှတ်တော်မှာတော့ အတိုက်အခံရဲ့ အခန်းကဏ္ဏလုံးဝမတွေ့ရပါ၊ လွှတ်တော်ရဲ့ အာဏာအရပ်ရပ်ဟာ ဥက္ကဋ္ဌ နှစ်ယောက်ရဲ့ လက်ထဲမှာပဲ ရှိပြီး အတိုက်အခံခေါင်းဆောင် (သို့) လူနည်းစုပါတီခေါင်းဆောင်နေရာကို လုံးဝ ဖန်တီးမထားပါ၊ ၂၀၁၀ ရွေးကောက်ပွဲ နဲ့ ၂၀၁၂ ကြားဖြတ်ရွေးကောက်ပွဲရလာဒ်များအရ လွှတ်တော်နှစ်ရပ်စလုံးမှာ ကြံ့ခိုင်ရေးပါတီက ၅၅% ရထားပြီး အခြားပါတီများအားလုံးပေါင်းရင် ၂၀% လောက်ရထားပါတယ်၊ တပ်မတော်ကိုယ်စားလှယ်များက ၂၅% နေရာယူထားပါတယ်၊ ကြံ့ခိုင်ရေးပါတီ က Super Majority လို့ခေါ်တဲ့ အပြတ်အသတ်အားကောင်းနေတာမို့ ကော်မီတီ ဥက္ကဋ္ဌ အားလုံးနီးပါးနဲ့ ကော်မီတီဝင်အများစုက ကြံ့ခိုင်ရေးပါတီ ကပဲဖြစ်တာ အံ့ဩစရာ မဟုတ်ပေမည့် လွှတ်တော်နှစ်ရပ်လုံးမှာရော၊ ကော်မီတီ များအားလုံးမှာပါ လူများစုပါတီ က ထင်ရာမစိုင်းအောင်၊ အာဏာအလွဲသုံးစားမလုပ်အောင် ထိန်းညှိပေးရမည့် အတိုက်အခံရဲ့ အခန်းကဏ္ဏလုံးဝ မရှိပဲ လွှတ်တော်တွင်းပါတီများအားလုံးဟာ အာဏာရပါတီ နဲ့ သူ့ရဲ့ မဟာမိတ်များဖြစ်နေတာ ဝမ်းနည်းစွာ တွေ့ရှိရပါတယ်၊
တကယ်တော့လဲ အတိုက်အခံရဲ့ အခန်းကဏ္ဏဆိုတာ ဖွဲ့စည်းပုံအခြေခံဥပဒေမှာ ပြဋ္ဌန်းထားမှ၊ လူများစုပါတီက အသိအမှတ်ပြုမှ မဟုတ်ပါ၊ လွှတ်တော်ထဲမှာ အတော်အတန်အားကောင်းမှ မဟုတ်ပါ၊ လူနည်းစုရွေးချယ်ခံရတဲ့ပါတီတွေ စုပေါင်းပြီး အတိုက်အခံနေရာကို ကျေကျေနပ်နပ်ယူပြီး လူများစုပါတီကို စောင့်ကြည့်ဝေဘန်ရင်ဖြင့် လွှတ်တော်ဟာ ကျန်းမာသန်စွမ်းတဲ့ ဥပဒေပြုအဖွဲ့အစည်းဖြစ်လာမှာပါ၊

ဒီနေရာမှာ စင်္ကာပူ နိုင်ငံက အတိုက်အခံအမတ်များကို ဥပမာပြချင်ပါတယ်၊ စင်္ကာပူ နိုင်ငံမှာ ဥပဒေပြုလွှတ်တော် တစ်ရပ်ပဲ ရှိပါတယ်၊ အဲဒီလွှတ်တော်မှာ အရွေးချယ်ခံ အမတ် ၈၇ ယောက်နဲ့ ခန့်အပ်တဲ့အမတ် ၁၂ယောက် စုစုပေါင်း ၉၉ ယောက်ရှိပြီး ပြည်သူ့လှုပ်ရှားမှုပါတီ (People’s Action Party) ကပဲ နှစ်ပေါင်းများစွာ လွှတ်တော်ရဲ့ ၉၀% ကို ထိန်းချုပ်ထားတာပါ၊ ၂၀၁၁ ခုနှစ်မှာ ကျင်းပခဲ့တဲ့ ရွေးကောက်ပွဲမှာ လက်ရှိအာဏာရ ပြည်သူ့လှုပ်ရှားမှုပါတီ က ၈၁ ယောက်ရွေးချယ်ခံရပြီး အလုပ်သမားပါတီ (Workers’ Party) က ၈ နေရာနဲ့ စကာင်္ပူပြည်သူ့ပါတီ (Singapore Peoples’ Party) က တစ်နေရာ ရွေးချယ်ခံရပါတယ်၊ အလုပ်သမားပါတီ နဲ့စကာင်္ပူပြည်သူ့ပါတီပေါင်းပြီး အမတ်နေရာ ၉ နေရာ (လွှတ်တော်တစ်ခုလုံးရဲ့ ၉% မျှ) နဲ့ အတိုက်အခံအလုပ်ကို ကျေကျေနပ်နပ် တာဝန်ကျေကျေဆောင်ရွက်ကြပါတယ်၊ သူတို့ရဲ့ ပါးစပ်တွေကိုပိတ်ဖို့ အာဏာရပါတီက ကမ်းလှမ်းတဲ့ ရာထူးများ၊ အခွင့်အရေးများကို လက်မခံကြပါ၊ လွှတ်တော်ထဲမှာ အင်အားဘယ်လောက်နည်းနည်း စင်္ကာပူ အတိုက်အခံအမတ်တွေဟာ သူတို့ကိုယ်စားပြုတဲ့ပါတီ၊ သူတို့ကိုယ်စားပြုတဲ့ မဲဆန္ဒရှင်များ ကိုယ်စား အာဏာရပါတီ နဲ့ အာဏာရအစိုးရရဲ့ မှားယွင်းမှု၊ လွဲချော်မှု၊ မတရားမှုတွေကို ဝေဘန်ကန့်ကွက်နေကြတာ အင်မတန်လေးစားစရာ ကောင်းလှပါတယ်၊

အမေရိကန်ပြည်ထောင်စု ဖွဲ့စည်းပုံမှာလဲ ကွန်ဂရက်လွှတ်တော်မှာ အတိုက်အခံပါတီ ရဲ့ အခန်းကဏ္ဏအပြင် နိုင်ငံရေးပါတီများရဲ့ အခန်းကဏ္ဏကို ထည့်သွင်းပြဋ္ဌန်းထားတာ မတွေ့ရပါ၊ အတွေ့အကြုံတွေကို အခြေပြုပြီး ကွန်ဂရက်လွှတ်တော်က ဥပဒေများ ထပ်မံပြဋ္ဌန်းပြီး လွှတ်တော်ကို အမှန်တကယ် လူထုကို ကိုယ်စားပြုအောင်၊ လူနည်းစုရဲ့ အခွင့်အရေးကို လေးစားရာရောက်အောင်၊ လူများစုပါတီက အာဏာအလွဲသုံးစားမလုပ်နိုင်အောင် ပြုပြင်ဖန်တီးကြတာပါ၊ မြန်မာနိုင်ငံလွှတ်တော်မှာလဲ လာမည့် ၂၀၁၅ ရွေးကောက်ပွဲမတိုင်မီ ပြင်သင့်တာတွေကို ဥပဒေပြဋ္ဌန်းပြင်ဆင်နိုင်ကြမယ် ဆိုရင် သိပ်ကောင်းမှာပါ၊

ရှေ့လာမည့် ရွေးကောက်ပွဲတွေမှာ ၂၀၁၂ ကြားဖြတ်ရွေးကောက်ပွဲလိုပဲ သန့်ရှင်းမျှတမယ် ဆိုရင် နိုင်ငံရေးပါတီ တစ်ခုတည်းက အပြတ်အသတ်အနိုင်ရတာမျိုး (Landslide Victory) မဖြစ်နိုင်တော့ပါ၊ ဒီမိုကရေစီ စံနစ် ကြံ့ခိုင်သန်စွမ်းလာတာနဲ့အမျှ အားကောင်းတဲ့ နိုင်ငံရေးပါတီတွေ ပိုမိုများပြားလာပြီး ပြည်သူလူထုကလဲ အတွေ့အကြုံရင့်ကြက်မှုနဲ့အတူ မှန်ကန်တဲ့ ကိုယ်စားလှယ်တွေကို ရွေးချယ်နိုင်ကြမှာပါ၊

အဲဒီအခါမှာ နိုင်ငံရေးပါတီ အများအပြားဟာ လွှတ်တော် နှစ်ရပ်စလုံးမှာ အတော်အသင့်အားကောင်းတဲ့ အရေအတွက်နဲ့ ကိုယ်စားပြုပါဝင်နိုင်ကြမှာပါ၊ ဒီနေ့ လူများစုပါတီဟာ နောက်တချိန်မှာ လူနည်းစုပါတီ ဖြစ်သွားနိုင်ပါတယ်၊ ရွေးကောက်ပွဲများကို ဖြတ်သန်းရင်း လူများစုပါတီ ဖြစ်လိုက်၊ လူနည်းစုပါတီ ဖြစ်လိုက်နဲ့ ပြည်သူလူထုရဲ့ အဆုံးအဖြတ်ကို ခံယူပြီး ပြည်သူ နဲ့ နိုင်ငံကို အကျိုးပြုကြရမှာပါ၊

အခုကစလို့ လွှတ်တော်မှာ အင်မတန်အရေးကြီးတဲ့ အတိုက်အခံပါတီ ရဲ့ အခန်းကဏ္ဏ၊ လူနည်းစုပါတီများရဲ့ အခွင့်အရေးကို သတ်မှတ် ပြဋ္ဌန်းနိုင်မယ်ဆိုရင် မြန်မာနိုင်ငံရဲ့ ဥပဒေပြုယန္တရားကြီးဟာ ပိုပြီးကျန်းမာလာမှာပါ၊

လေးစားစွာ ၊အောင်ဒင်
Read More »

“သုညနှစ် တိုက်ပွဲ”

ကမ္ဘောဒီးယား နိုင်ငံက Year Zero Campaign လို့ခေါ်တဲ့ ထိတ်လန့်ကြောက်ရွံ့ဘွယ် “သုညနှစ် တိုက်ပွဲ” တခုအကြောင်းကိုကြားဘူးမိကြပါလိမ့်မယ်။ ၁၉၇၅ ကာလမှာ အာဏာရရှိလာခဲ့တဲ့ ခမာနီခေါင်းဆောင် ပိုးပေါ့ ဟာ ဗုဒ္ဓဘာသာဘုန်းတော်ကြီးတွေကို လူ့အဖွဲ့အစည်းအတွက် ဘာမှအသုံးမကျတဲ့သူတွေအဖြစ်ရှုမြင်ခဲ့သလို၊ ပညာတတ်လူတန်းစားအလွှာရဲ့ အစိတ်အပိုင်းတခုဖြစ်တယ်လို့ သံသယကြီးမားစွာ ကြည့်မြင်ပြီးအထင်သေးရှုတ်ချခဲ့ပါတယ်။ တခုအကြောင်းကိုကြားဘူးမိကြပါလိမ့်မယ်။ ၁၉၇၅ ကာလမှာ အာဏာရရှိလာခဲ့တဲ့ ခမာနီခေါင်းဆောင် ပိုးပေါ့ ဟာ ဗုဒ္ဓဘာသာဘုန်းတော်ကြီးတွေကို လူ့အဖွဲ့အစည်းအတွက် သောတရှင်များခင်ဗျား ဘာမှအသုံးမကျတဲ့သူတွေအဖြစ်ရှုမြင်ခဲ့သလို၊ ပညာတတ်လူတန်းစားအလွှာရဲ့ အစိတ်အပိုင်းတခုဖြစ်တယ်လို့ သံသယကြီးမားစွာ ကြည့်မြင်ပြီးအထင်သေးရှုတ်ချခဲ့ပါတယ်။ “သုညနှစ်တိုက်ပွဲ” ရဲ့အစိတ်အပိုင်းတခုအဖြစ် သံဃာတော်တွေကိုဘုန်းတော်ကြီးကျောင်း တွေကနေ စံနစ်တကျနှင်ထုတ်ခဲ့ပြီး လူဝတ်လဲခိုင်းခဲ့ပါတယ်။ လယ်သမားတွေအဖြစ် ကုန်ထုတ်လုပ်မှုကိုပါဝင်စေခဲ့ပါတယ်။ နှိပ်စက်ညှင်းပမ်းမှုတွေကြောင့် ကမ္ဘောဒီးယားနိုင်ငံအတွင်းကဘုန်းကြီးကျောင်းတွေဟာ အော်ဟစ်ငြီးငြူသံတွေနြဲ့ပည့်နှက်နေခဲ့ပြီး မနက်လင်းရင်း ဘုန်းကြီးကျောင်းဝင်းအတွင်းမှာ သေဆုံးနေတဲ့ဘုန်းတော်ကြီးတွေကို နေ့စဉ်ရက်စက်မြင်တွေ့ကြရမှာဖြစ်ပါတယ်။ ခမာနီခေါင်းဆောင် ပို့ပေါ့ ရဲ့ လက်ထက်မှာ ပြည်သူ (၂) သန်းကျော်ဟာ ဆာလောင်ငတ်ပြတ်မှုတွေ၊ ရောဂါအနာတရတွေ၊ နှိပ်စက်ညှင်းပမ်းခံရမှု နဲ့ သတ်ဖြတ်ခံရမှုတွေကိုခါးသီးစွာရင်ဆိုင်ခဲ့ရပါတယ်။ ထိုင်း-ကမ္ဘောဒီးယားနယ်စပ်က ဒုက္ခသည် စခန်းတွေမှာလည်း ခမာနီကွန်မြူနစ်တွေရဲ့ရန်ကိုကြောက်လန့်ပြီးထွက်ပြေးခဲ့ကြရတဲ့ ကမ္ဘောဒီးယားပြည်သူတွေနဲ့ပြည့်နှက်နေခဲ့ပါတယ်။ ရဟန်းသံဃာတော် (၆) သောင်းနီးပါး အသတ်ခံရပြီး၊ ဘုန်းကြီးကျောင်းတွေဟာ သုသန်တစပြင်လိုတိတ်ဆိတ်ခြောက်ကပ်နေခဲ့ပါတယ်။ ပိုးပေါ့ဟာ ကမ္ဘောဒီးယားနိုင်ငံကို “လူသတ်မြေ”အဖြစ်နာမည်ဆိုးနဲ့ကျော်ဇောခဲ့တဲ့ ကာလတခုကို ဖန်တီးခဲ့ပါတယ်။ ပိုးပေါ့ အစိုးရ အာဏာရရှိအပြီး-နောက် (၃) နှစ်အကြာမှာတော့ ဗီယက်နမ်စစ်တပ် ဟာ ကမ္ဘောဒီးယားနိုင်ငံအတွင်းကိုဝင်ရောက်လိုက်ကြပြီး ပိုးပေါ့အစိုးရကိုဖြုတ်ချပစ်လိုက်ပါတယ်။ ဒါပေမဲ့ အကြမ်းဖက်မှုတွေကတော့ နိုင်ငံတခုလုံးမှာတည်ရှိနေဆဲဖြစ်ပါတယ်။ ၁၉၇၈ ကာလမှာတော့ ဒုက္ခရောက်နေတဲ့ ကမ္ဘောဒီးယားပြည်သူတွေအတွက် စိတ်ပျက်အားလျော့မှုတွေကိုဖယ်ထုတ်ပစ်မဲ့သူတဦးပေါ်ပေါက်လာခဲ့ပါတယ်။ သူကတော့ “မဟာ ဂိုဇန်နန်တာ” လို့ခေါ်တဲ့ ဗုဒ္ဓဘာသာဘုန်းတော်ကြီးတဦးပါ။ သူဟာ ပိုးပေါ့လက်ထက်မှာ အသက်မသေပဲ ကျန်ရစ်ခဲ့တဲ့ ကမ္ဘောဒီးယားသံဃာတော် (၃၀၀၀) ကျော်အနက်တပါးအပါအဝင်ဖြစ်ပြီးသူ့ရဲ့မိသားစုဝင်တွေအားလုံးကို ခမာနီကွန်မြူနစ်တွေက သတ်ဖြတ်ပစ်ခဲ့ပါတယ်။ ထိုင်းနိုင်ငံအတွင်းက တောအုပ်ထဲမှာ တရားဆောက်တည်နေတဲ့ မဟာ ဂိုဇန်နန်တာ ဟာ သူ့ရဲ့တောအုပ်ကိုစွန့်ခွာလိုက်ပြီး ဒုက္ခသည်စခန်းတွေဆီကိုရောက်လာခဲ့ပါတယ်။ ဒုက္ခသည်စခန်းက ပြည်သူတွေကို အားပေးနှစ်သိမ့်ခဲ့ပြီး “ကျနော်တို့မှာရှိတဲ့ ဥာဏ်ပညာ နဲ့ ဂရုဏာတရားတွေကို အတူတကွပေါင်းစပ်ပြီး ဘဝခရီးကိုလျှောက်ကြရမယ်။ ဒီနှစ်ခုထဲက တစုံတခုချို့ယွင်းနေခဲ့ရင် ခြေတဘက်တည်း လမ်းလျှောက်နေတဲ့လူလိုဖြစ်သွားမယ်။ ဒါကြောင့် ဒီနှစ်ခုကို မျှတအောင်ထိန်းညှိပြီး တဆင့်ပြီးတဆင့်လျှောက်လှမ်းသွားရမယ်” လို့ရှင်းလင်းဟောပြောခဲ့ပါတယ်။ အကြမ်းဖက်မှုကျူးလွန်နေသူတွေကို ကံကြမ္မာရဲ့သနားစရာသတ္တဝါအဖြစ်သတ်မှတ်ပြီး၊ တိုင်းပြည်မှာ အနာရောဂါတွေထူပြောပြီးလူတွေဒုက္ခရောက်နေခြင်းရဲ့အဓိကတရားခံဟာ စစ်ပွဲကြောင့်ဖြစ်တယ်ဆိုတဲ့အချက်ကိုထောက်ပြပါတယ်။ နယ်စပ်ဒုက္ခသည်စခန်းတွေကနေ မြို့တော် ဖနွမ်းပင်အထိ ငြိမ်းချမ်းရေးလမ်းလျှောက်ခရီးကိုစတင်လိုက်ပါတယ်။ ဒီလမ်းလျှောက်ပွဲဟာမကောင်းဆိုးဝါးတွေကိုဆန့်ကျင်တဲ့သင်္ကေတတခုဖြစ်တယ်။ သူတို့ရဲ့အသုံးတော်ခံဇာတ်ကောင်တွေမဟုတ်ဘူးဆိုတာ ရှင်းရှင်လင်းလင်းထုတ်ဖေါ်ပြ သမှုဖြစ်ရမယ်လို့ဆိုပါတယ်။ ဒါပေမဲ့ ခရီးရှည်လမ်းလျှောက်ပွဲကိုပါဝင်မဲ့သူတွေဟာ လမ်းခရီးနေ့စဉ်ဘဝမှာကြုံတွေ့နေရတဲ့အခက်အခဲတွေ၊ ကြောက်ရွံ့ထိတ်လန့်မှုတွေကို ဘယ်လိုတွန်းလှန်မလဲ၊ကမ္ဘောဒီးယားနိုင်ငံအတွင်းမှာ မရေမတွက်နိုင်လောက်အောင်မြှုပ်နှံထားတဲ့ မြေမြှုပ်မိုင်းတွေကိုသတိထားလျှောက်လှမ်းဖို့ဆိုတဲ့အရာတွေကိုသင်ကြားပို့ချခဲ့ပါတယ်။ ထောင်ချီတဲ့ ကမ္ဘောဒီးယားပြည်သူတွေက ဒီသင်တန်းတွေကိုတက်ရောက်ပြီး လမ်းလျှောက်ပွဲကိုပါဝင်ခဲ့ကြပါတယ်။ ၁၉၉၁ မှာ ငြိမ်းချမ်းရေးသဘောတူညီမှု့စာချုပ်ကြောင့် ကုလသမဂ္ဂငြိမ်းချမ်းရေးတပ်ဖွဲ့ (၂၂၀၀၀) ကျော် က ဝင်ရောက်အကူအညီပေးခ့ေဲ ပမဲ့ ဥပဒေ စိုးမိုးမှုမရှိခဲ့သလို၊ လူ့အခွင့်အရေးချိုးဖောက်ခံရမှုတွေကလည်း ဆက်လက်ကြုံတွေ့နေခဲ့ရပါတယ်။ ကမ္ဘောဒီးယားပြည်သူတွေ၊ ထောင်သောင်းချီပြီး သေဆုံးဒဏ်ရ ရနေကြဆဲဖြစ်ပါတယ်။ သူပုန်တွေနဲ့အစိုးရတွေကြားကတိုက်ပွဲတွေကလည်းပြင်းထန်နေဆဲဖြစ်ပါတယ်။ “ မြောက်ပိုင်းကနေ မြို့တော် ဖနွမ်းပင်ဆီကို လမ်းလျှောက်လာတဲ့အခါ ကျနော်တို့တတွေ ခမာနီစစ်တပ်နဲ့ တခြားလက်နက်ကိုင်တပ်တွေရဲ့တိုက်ပွဲကြားမှာကြားညှပ်နေတယ်။ ကျနော်တို့လမ်းလျှောက်အဖွဲ့တွေလည်းကျည်ဆံတွေထိမှန်ပြီးသေဆုံးကုန်ကြတာပေါ့။ တဘက်မှာ မြေမြှုပ်မိုင်းတွေက တလုံးပြီးတလုံးပေါက်ကွဲနေသေးတယ်။ မော်တာအမြောက် ကျည်ဆံတွေကလည်းတဝုန်းဝုန်းနဲ့မြေပြင်ကိုထိမှန်နေတယ်။ ဒါပေမဲ့ ကျနော်တို့ဆက်ပြီးခရီးဆက်ခဲ့ကြတယ်။” ငြိမ်းချမ်းရေးလိုလားသူတွေရဲ့ဆန္ဒတွေကိုဘယ်သူမှတားဆီးမရခဲ့ပါဘူး။ ငြိမ်းချမ်းရေးခရီးစဉ်ကိုပြည်သူတွေပိုမိုပါဝင်လာခဲ့ကြပါတယ်။ တချို့စစ်သားတွေက သူတို့ရဲ့လက်နက်တွေကိုစွန့်ပစ်ပြီး လမ်းလျှောက်ပွဲကိုဝင်ရောက်ပါဝင်လိုက်ကြတယ်။ မြေမြှူပ်မိုင်းတွေတည်ရှိရာနေရာတွေကိုပြကြတယ်။စစ်သားတွေကဝင်ရောက်ပါဝင်လိုက်တဲ့အခါ သူတို့နဲ့အညှိုးတကြီးတိုက်ခိုက်ခဲ့ကြတဲ့ တခြားစစ်သားတွေက ငြိမ်းချမ်းရေးအတွက် လမ်းလျှောက်နေသူတွေကို ဝင်ရောက်ပစ်ခပ်ကြတယ်။ ဒါကြောင့် လမ်းလျှောက်ပကွဲို စစ်သားတွေမပါဝင်ဖို့၊ ကားစီးခြင်း၊ အလံထောင်ခြင်း၊ ယူနီဖောင်းဝတ်ခြင်း၊ ပြဿနာဖြစ်စေမဲ့ သင်္ကေတတွေကိုမလုပ်ကြဖို့ ဆိုတာတွေကိုပိတ်ပင်တားမြစ်လိုက်တယ်။ ၁၉၉၅-၉၆ ခုနှစ်မှာတော့ ငြိမ်းချမ်းရေးခရီးစဉ်လမ်းလျှောက်နေသူတွေဟာမြေမြှုပ်မိုင်း ပိတ်ပင်တားဆီးရေးနဲ့ သဘာဝတောအုပ်တွေကိုထိန်းသိမ်းစောင့်ရှောက်ရေးကြွေးကြော်သံတွေကို နိုင်ငံတကာလှုပ်ရှားမှုအဖြစ်ရောက်ရှိသွားအောင်ကြိုးပမ်းခဲ့ကြပါတယ်။ တကယ်တော့ လမ်းလျှောက်သူတွေဟာ ပစ်ခပ်နှောက်ရှက်မှုတွေကြောင့် သေခြင်းတရား၊ ဒဏ်ရာအနာတရနဲ့ ဥပဒေမဲ့စော်ကားမှုတွေကို ခံစားကြုံတွေ့ခဲ့ရပါတယ်။ ဒါပေမဲ့ သူတို့တတွေပေးဆပ်ခဲ့တဲ့အရာတွေက ကမ္ဘောဒီးယားနိုင်ငံရဲ့အနာဂတ်ကိုအရှိန်ကြီးမားစွာရိုက်ခပ်ခဲ့ပါတယ်။ “ အနှစ်(၂၀) လုံးလုံးခံစားနေရတဲ့ငရဲတခုဆီက အမှတ်သညာတွေကို စုစည်းပြီး၊ ယဉ်ကျေးမှုသစ်တခုကို ဖန်တီးမဲ့ဆုတောင်းပွဲတွေလေ၊ ကမ္ဘောဒီးယားနိုင်ငံရဲ့အနာဂတ်ကိုလှပစေချင်ရင်အကြမ်းဖက်မှုတွေကို ရပ်ဆိုင်းနိုင်မှဖြစ်မယ်ဆိုတိာုပြည်သူတွေသဘောပေါက်လာခဲ့ကြတယ်။” တဲ့ သောတရှင်တို့လည်း အကြမ်းဖက်ကျူးလွန်နေသူတွေကိုရပ်ဆိုင်းပစ်နိုင်ကြပါစေခင်ဗျား။
Credit: ချိုတူဇော်
Read More »

သက်တော်ရှည် ၀န်ကြီးတစ်ယောက်အကြောင်း တစေ့တစောင်း။

ကျနော့်အနေနဲ့ အမှန်တရားများကို သိရှိနိုင်စေဘို့ ဒီစာကို ရေးလိုက်ရပါတယ်- ကျနော်ဟာ စက်မှုဝန်ကြီးဌာနအောက်က စက်ရုံမှူးဟောင်းတစ်ယောက်ဖြစ်ပါတယ်။ စက်ရုံမှူးဟောင်း တစ်ယောက်အနေနဲ့ - ကျနော်သိတာလေးတွေ ပြောပြချင်လို့ - ဒီစာလေးကို ရေးလိုက်ရခြင်းဖြစ်ပါတယ်။ ဦးစိုးသိန်းဟာ - သူတို့အပတ်စဉ်မှာ ထူးချွန်ဆုရခဲ့တဲ့ စစ်တက္ကသိုလ်ကျောင်းဆင်းအရာရှိကြီး တစ်ဦးဖြစ်ပေမယ့် - သူအနေနဲ့ သမာသမတ်ရှိရှိနဲ့ဆုရခဲ့တာမဟုတ်ပါဘူး၊ သူ့ထက်အမှတ်ကောင်းတဲ့ သူတစ်ယောက်ကို ကလိန်ကကျစ်ကျပြီး ဆုရယူခဲ့တယ်ဆိုတာ - တချို့ကသိချင်မှသိမှာပါ၊ ကျနော်တို့ ကတော့ တစ်ကျောင်းတည်းအတူတူတက်လာခဲ့ဖူးတော့ သူကလိန်ကကျစ်လုပ်ခဲ့တာကို ကျောင်းမှာ ကတည်းက သိခဲ့ပါတယ်၊ ဦးစိုးသိန်းဟာ တပ်မတော်မှာ ဒုတိယဗိုလ်ချုပ်ကြီးအဆင့်နဲ့ ကာကွယ်ရေးဦးစီးချုပ်(ရေ)အဖြစ် တာဝန်ထမ်းဆောင်ခဲ့ဖူးသူဖြစ်ပါတယ်၊ ဒုတိယဗိုလ်ချုပ်ကြီးအဖြစ် တာဝန်ထမ်းဆောင်ခဲ့တဲ့ကာလ တစ်လျှောက်မှာလည်း - ဟိုအရင်ကျောင်းတုန်းကလိုပဲ လူကြီးတွေကို လေလုံးလှလှလေးတွေနဲ့- ယုံအောင်ဖြီးတတ်တာကြောင့် - ရုံးကြီးနဲ့လူကြီးတွေအနားမှာပဲ ဘ၀တစ်လျှောက်လုံးနေခဲ့ရပါတယ်၊ ဒါ့ကြောင့် ပင်လယ်ပြင်စစ်ဆင်ရေးနဲ့ စစ်သဘောင်္အတွေ့အကြုံဘာတစ်ခုမှမရှိခဲ့ဘဲ လူကြီးအကြိုက် လိုက်ပြော၊ ဖော်လံဖားပြီးလေနဲ့သာ အလုပ်လုပ်ခဲ့တဲ့အတွက် - ဒီအဆင့်အထိရောက်ခဲ့တယ်ဆိုတာ အားလုံးအသိပဲဖြစ်ပါတယ်။ သူလေလုံးထွားတာကို လူသိများပြီး မကြိုက်တော့တဲ့အချိန်မှာတော့ ရှင်းရှင်းပြောရရင် သူ့ကို သုံးစားမရတော့လို့ ဖယ်ခွာချင်တဲ့အချိန်ကျတော့ ချက်ခြင်းကြီးဖယ်ဘို့ မသင့်တော်သေးတာနဲ့ ၀န်ကြီး အဖြစ် စက်မှု (၂) ၀န်ကြီးဌာနကို ပြောင်းပေးခဲ့ပါတယ်- အဲဒီနေရာလေးရတဲ့အချိန်မှာလဲ ဗိုလ်ချုပ်မှူးကြီး သန်းရွှေကို အယုံသွင်းပြီး နားကျအောင်ပြောတတ်၊ ဆိုတတ်၊ သူရဲ့စက်ရုံတွေဘယ်လောက်ကောင်း ကြောင်း၊ ဘယ်လိုကုန်ထုတ်လုပ်မှုတွေတိုးတက်နေကြောင်း လေလည်ပြခဲ့တဲ့အတွက် တည်မြဲနေခဲ့ ပါတယ်- သူရဲ့ စက်ရုံတွေကကောင်းလား၊ မကောင်းလားဆိုတာ - တာယာစက်ရုံတွေကိုကြည့်ပေါ့ဗျာ- အခုတော့ စက်ရုံတွေကပြီးနေပြီး ဘာအလုပ်မှမလုပ်နိုင် - ဘာပစ္စည်းမှမထုတ်လုပ်နိုင်တာ အားလုံးတွေ့ကြမှာပါ- ဦးစိုးသိန်းဟာ အဓိကအားဖြင့်လေနဲ့ပဲလုပ်စားပြီး လူကြီးအမြင်ကောင်းအောင် ပြတတ်သူ တစ်ဦးဆိုတာ- ထိုင်းနယ်စပ်- မြ၀တီမြို့ကတစ်ဆင့် စက်ယန္တရားကြီးတွေသွင်းပြီးတော့ For Show လုပ်ပြခဲ့တဲ့ သာဂရစက်ရုံကြီးက သက်သေထူနေပါတယ်။ ဒါကြောင့်လည်း ကျနော်တို့ စက်မှုဝန်ကြီးဌာနက လုပ်ငန်းတွေမှာ တစ်ကယ်တမ်းအလုပ်မဖြစ်ဘဲနဲ့ ငွေတွေသာမြောက်မြားစွာကုန်ကျခဲ့ပြီး ကုန်ထုတ်လုပ်မှုမတိုးတက်ဘဲ ဘာလုပ်ငန်းမှအဆင်မပြေခဲ့တာ ဌာနက လူတွေအသိပဲဖြစ်ပါတယ်- ဒါတွေဟာ သူ့ရဲ့ လေထဲမှာတိုက်ဆောက်ခဲ့တဲ့လုပ်ရပ်တွေကြောင့် ဖြစ်ပါတယ်- ဒါပေမယ့်လည်း ၀န်ကြီးဌာနကသာမတိုးတက်ဘဲဖြစ်ခဲ့ရပေမယ့် ဦးစိုးသိန်းကတော့ တိုက်ကြီးတာကြီးတွေနဲ့ - သူများလိုက်မမှီအောင် ပြည့်လျှံသွားခဲ့ပါတယ်။ သူကတော့ - ရှေးဘ၀ကုသိုလ်ကောင်းလို့ထင်ပါရဲ့ ကံအလွန်ကောင်းသူတစ်ဦးဖြစ်ပါတယ်၊ အစိုးရသစ်တက်လာချိန်မှာ ၀န်ကြီးဌာနအသစ်ပြန်ဖွဲ့၊ ပြန်ပေါင်းတာတွေလုပ်တော့လည်း သူ့အတွက် ဖန်တီးပေးလာတာက စက်မှု(၁)နဲ့(၂)ကိုတစ်ခုထဲပြန်ပေါင်းပြီး စက်မှုဝန်ကြီးဌာနမှာ သူကိုဝန်ကြီးပြန်ပေးခဲ့ တယ်လေ-- ဒီတော့ သူအနေနဲ့ ကျနော်တို့ဝန်ကြီးဌာနကြီးကို သူ့ခြေသူ့လက်ဖြစ်အောင်လုပ်တော့ တာပါဘဲ - ဘယ်လောက်ထိအောင် သူ့ခြေသူ့လက်ဖြစ်ခဲ့သလဲဆိုရင် ဌာနအောက်က BPIတို့၊ လှိုင်မြို့နယ် ထဲမှာရှိတဲ့ စက်ရုံတို့တွေကို လက်သိပ်ထိုးရောင်းစားခဲ့တဲ့အထိပဲ- Transparency ရှိရမယ်ဆိုပြီးတော့ ပြောခဲ့တာလဲသူပါဘဲဗျာ။ ဒီလိုလက်သိပ်ထိုးရောင်းစားခဲ့တယ်ဆိုတာကို ဖုံးကွယ်ထားဖို့ကြိုးစားခဲ့ပေမယ့်-- ကျနော်တို့ ၀န်ကြီးဌာနက ၀န်ထမ်းအားလုံးကတော့ ကကြီး ကနေ အ အထိ အကုန်သိကြပါတယ်-ကိုယ့်ဆရာတို့ မသိသေးလို့ သိချင်တယ်ဆိုရင်တော့ လှိုင်မြို့နယ်ထဲကစက်ရုံတွေနဲ့ BPI စက်ရုံတွေကိုသာ သွားကြည့်လိုက်ပါ အကုန်လုံးသိသွားပါလိမ့်မယ်- စက်မှုဝန်ကြီးဌာနတာဝန်လွှဲပြောင်းတော့လဲ သူလုပ်ထား ကိုင်ထားတာတွေများလွန်းလို့ နောက်ဝန်ကြီးကဘာလုပ်လို့ ဘာကိုင်ရမှန်းမသိဘဲခြေမကိုင်မိလက်မကိုင်မိ ဖြစ်တဲ့အထိဖြစ်သွားခဲ့ပါတယ် - အင်မတန်မှလည်း တော်ပါပေတယ်ဗျာ။ ဦးစိုးသိန်းဟာ အပြောကောင်းပြီး သမ္မတကြီးကို နားပေါက်အောင် ပြောနိုင်တဲ့အတွက် ကျနော်တို့ စက်မှုဝန်ကြီးဌာနက ၀န်ထမ်းတွေကိုဘာပြောသလဲဆိုတော့ “ တပ်ထဲမှာတုန်းက ငါက သမ္မတကြီးနဲ့ ဂေါက်အတူရိုက်ရတာ၊ တစ်တွဲထဲရိုက်ရတာ၊ မင်းတို့ပြုတ်သွားချင်လား၊ ငါပြောလိုက်ရင် မင်းတို့ချက်ချင်း ပြုတ်သွားမယ်”--- ဒီလိုမျိုးစကားတွေကို သမ္မတကြီးရဲ့နာမည်ကိုယူသုံး ခြိမ်းခြောက်ခဲ့ တာမျိုးတွေပြောပြီး ၀န်ထမ်းတွေကိုအကြောက်တရားနဲ့ အုပ်ချုပ်ခဲ့ပါတယ် - သူကတော့လူလည်ကြီး တစ်ဦးပါပဲ၊ ဘယ်လောက်ထိလည်သလဲဆိုတော့ သူ့မိန်းမက တရုတ်သွေးပါသူမို့ နာမည်မှာ တရုတ်အမည် ဒေါ်အေးကျင်ကနေ“ကျင်”ကိုဖြုတ်ပြီးဒေါ်အေးအေးလို့ပြောင်းခဲ့ပါတယ်-- နောက်ပြီး သူ့ပါးစပ်ကပြောတော့ သူကဆင်းရဲပါတယ် - မချမ်းသာဘူး-- ပိုက်ဆံမရှိဘူးသာပြောပြောနေတာ၊ သူ့သားတွေ၊ သမီးတွေ အားလုံးက နိုင်ငံခြားမှာချည်းပဲ-- သူတို့ရဲ့ပိုင်ဆိုင်မှုအားလုံးကိုလဲ Singapore တို့၊ သူ့သားသမီးတွေ ရှိတဲ့နေရာတို့တွေမှာ မြှုပ်နှံထားတယ်ဆိုတာ-- ကျန်တဲ့သူတွေမသိနိုင်ပေမယ့် ကျနော်တို့လိုဝန်ကြီးဌာနက လူတွေကတော့ အကုန်လုံးပဲသိကြပါတယ်ဗျာ။ ဒါတွေကို ကျနော်တို့ရဲ့ ပြုပြင်ပြောင်းလဲရေးတွေလုပ်နေတဲ့ သမ္မတကြီးက မသိများမသိလေရော့ သလားဗျာ-- အခုလဲသူက သမ္မတရုံးဝန်ကြီးဖြစ်တဲ့အချိန်မှာ အရင်လိုဂေါက်သီးအတူရိုက်တဲ့ အဆင့်တင် မဟုတ်ဘူး--၀န်ကြီးဌာန ၁၁ ခုကိုတောင် သူကိုင်ထားကြောင်း၊ သူကွပ်ကဲအုပ်ချုပ်နေရကြောင်း ပြောလာ နေပြန်ပါပြီ-- ဒါကြောင့်နောက်ဆိုရင် ကျန်နေတဲ့ဝန်ကြီးဌာနတွေကို သိမ်းပိုက်ချင်ပြီလားဆိုတာ စဉ်းစား ရပါတော့မယ် - သူအနေနဲ့ အလုပ်လုပ်လွန်းအားကြီးလို့ နောင်ဆိုရင် သမ္မတကြီးတောင် အလုပ်မရှိ တော့ဘဲနေမှာစိုးလို့ သမ္မတကြီးသိအောင် ကျနော်တင်ပြလိုက်ရခြင်းဖြစ်ပါတယ်။ စက်ရုံမှူးဟောင်းတစ်ဦး။
Read More »