စစ်တပ်မှတားဆီးမှုရှိသော်လည်း လိုင်ဇာကိုရောက်အောင်သွားမည်ဟု ငြိမ်းချမ်းရေးလိုလားသူများပြော

Written by မိုးဇော် Saturday, 26 January 2013 ရန်ကုန်မြို့မှ ကချင်ပြည်နယ် လိုင်ဇာမြို့ထိ လမ်းလျှောက်ချီတက်ပွဲတစ်လျှောက်တွင် စစ်တပ်မှတားဆီးမှုရှိခဲ့သော်လည်း နောက်ထပ် မည်သည့်တားဆီးမှုမျိုးမဆို ရှိလာခဲ့ရင်လည်း ကချင်ပြည်နယ် KIO ဌာနချုပ်ရှိရာ လိုင်ဇာမြို့သို့ ရောက်အောင်သွားမည်ဟု ငြိမ်းချမ်းရေးလိုလားသူများက ပြောသည်။ ငြိမ်းချမ်းရေးလိုလားသူများထဲတွင် ပါဝင်သူတစ်ဦးဖြစ်သူ နိုင်ငံရေးအကျဉ်းသားဟောင်း ဦးအောင်မြင့်က " ကျနော်တို့က ပြည်တွင်းငြိမ်းချမ်းရေးနဲ့ ပြည်တွင်းစစ်ရပ်တန့်ဖို့အတွက် တောင်းဆိုမှုဖေါ်ထုတ်တဲ့နေရာမှာ မည့်သည့်အတားအဆီးပဲဖြစ်ပါစေ ကျနော်တို့က ကျော်ဖြတ်သွားမယ်။ လိုင်ဇာမြို့ကို ရောက်အောင်သွားမယ်။ ဖမ်းမယ်ဆိုရင်လည်း အဖမ်းခံသွားပါမယ်။ ဒါဟာ ကျနော်တို့ရဲ့ နောက်ဆုံးဖြတ်ချက်ပါပဲ။ " ဟု အာရ်ကန်တိုင်းမ်စ်အား ပြောသည်။ ငြိမ်းချမ်းရေးလိုလားသူများ လမ်းလျှောက်ချီတက်ပွဲကို ရန်ကုန်တိုင်းမှ ပဲခူးတိုင်းအဝင်တွင် အစိုးရစစ်တပ်မှ ဟန့်တားမှုရှိခဲ့ကြောင်းကို ဦးအောင်မြင့်က ဆက်လက်ပြောကြားခဲ့သည်။ " ကျနော်တို့ ရန်ကုန်တိုင်းအထွက် ပဲခူးတိုင်းကိုအဝင်ပေါ့ အဲဒီမှာ အစိုးရစစ်တပ်ကနေပြီးတော့ တားပါတယ်။ အပြာရောင်ပေါ်မှာ peace (ငြိမ်းချမ်းရေး)ဆိုတဲ့ စာတန်းနဲ့ ရေးထားတဲ့အလံတွေကို ကျနော်တို့ကကိုင်ထားပါတယ်။ အဲဒီငြိမ်းချမ်းရေးအလံတွေကို စစ်တပ်ကနေပြီးတော့ ဖြုတ်ခိုင်းပါတယ်။ အဲဒီငြိမ်းချမ်းရေးအလံကို ဖြုတ်ပြီးမှ ဖြတ်သွားရမယ်လို့ပြောပါတယ်။ ဆိုတော့ ကျနော်တို့လေး သူတို့နဲ့ စကားသိပ်မများချင်တာနဲ့ ဖြုတ်ပေးခဲ့ပါတယ်။ " ဟု ပြောသည်။ ယနေ့တွင် ငြိမ်းချမ်းရေးလိုလားသူများမှာ ရန်ကုန်မြို့နှင့် ၁၁၃ မိုင်ခန့် ဝေးကွာသော ပဲခူးတိုင်း ပဲနွယ်ကုန်းမြို့ကို ရောက်ရှိသွားပြီဖြစ်ကြောင်း သိရသည်။ အဆိုပါ လမ်းလျှောက်ချီတက်ပွဲတွင်ပါဝင်သော ငြိမ်းချမ်းရေးလိုလားသူများကို လမ်းတစ်လျှောက်တွင်ရှိသော ပြည်သူလူထုများက တက်တက်ကြွကြွနှင့် လိုက်ပါပူးပေါင်းကြပြီး ပြုစုစောင့်ရှောင့်မှုများ ကူညီဆောင်ရွက်ပေးကြကြောင်း သိရသည်။ ငြိမ်းချမ်းရေးအတွက် လမ်းလျှောက်ချီတက်ပွဲကို ရန်ကုန်မြို့မှ လူပေါင်း(၅၀)နှင့်စတင်ထွက်ခွာလာခဲ့ပြီး ယခုပဲခူးတိုင်းအဖြတ်မှာ လူပေါင်း(၁၀၀)ကျော် ရှိသွားပြီဖြစ်ကြောင်း ဦးအောင်မြင့်က ဆက်လက်ပြောကြားခဲ့သည်။ ပဲခူးမြို့သူမြို့သားများမှ ငြိမ်းချမ်းရေးလိုလားသူများကို တက်တက်ကြွကြွကြိုဆိုနေစဉ် Arakan Times တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်
Read More »

KIAဌာနချုပ်နှင့်အနီးဆုံးစခန်းတွင်အစိုးရတပ်မှလက် နက်ကြီးများဖြင့်ပြင်းထန်စွာပစ်ခတ်တိုက်ခိုက်

အစိုးရတပ်ထိုးစစ်ဆင်နေသော ကချင်လွတ်လပ်ရေးတပ်မတော် KIA ဗဟိုဌာချုပ်၏ အနီးဆုံးရှိ ခယာဘွမ် (HKa Ya Bum) တွင် ယမန်နေ့ ၁ နာရီခွဲချိန်မှယနေ့ထိ ပြင်းပြင်းထန်ထန် လက်နက်ကြီးများဖြင့် အဆက်မပျက်ပစ်ခတ်တိုက်ခိုက်နေကြောင်း တပ်မဟာ(၅) KIA အရာရှိပြောသည်။ မြန်မာအစိုးရတပ်များသည် ခြေလျင်ဖြင့် ထိုးစစ်ဆင်နေပြီး လက်နက်ကြီးများဖြင့်ပြန်လည်ပြန် ပစ်ကူနေကြောင်းသိရသည်။ အစိုးရတပ်ဖက်မှ ဇန်န၀ါရီ ၂၃ ရက်နေ့မှ ယနေ့ ညနေအချိန်ထိ ထိုးစစ်ဆင်နေသောတိုက်ပွဲတွင် လက်နက်ကြီး ၆၀ မမ၊ ၁၀၅ မမ၊ ၈၁ မမ များဖြင့်သာ ၁ မိနစ်လျင် ၃၊ ၄ လုံးနှုန်း ပစ်ခတ်တိုက်ခိုက်နေခြင်းဖြစ်ပြီး လက်နက်ကြီးများ အလုံး ၈၀၀ နီးပါးဖြစ်နိုင်သည်ဟု KIA ဖက်မှခန်းမှန်းပြောဆိုသည်။ “ဒီနေ့ကနေ နည်းတစ်မျိုးပြောင်းပြီး ပြန်ပစ်နေကြတယ်။ လက်နက်ကြီးတွေပဲ ပစ်နေတာ။ ဘယ်လောက်မြန်တယ်ဆိုတာ အဆက်မပြတ် ကြိတ်ဆုံလည်တာ တောင်နောက်ကျဦးမယ်။” ရှေ့တန်းမှ အရာရှိ KNG ကချင်သတင်းဌာန သို့ပြောသည်။ အဆိုပါတိုက်ပွဲတွင် နှစ်ဘက်တပ်မှ သေဆုံးဒဏ်ရာရရှိမှုများရှိသော်လည်း စားရင်းတိကျ အတည်မပြုနိုင်သေး ပေ။ မြန်မာအစိုးရတပ်များသည် ဆက်လက်၍ လိုင်ဇာနှင့် ဒေါ့ဖုန်းယန် (Dawhpumyang) ကြားရှိ ဒုန်ခုန်း (Dung Hkung) ရွာတွင် စစ်အင်အား ၆၀၀ နီးပါးတိုးချထားကြောင်းသိရသည်။ အစိုးရတပ်သည် ယခုချိန် ခရာဘွမ် (Hka Ya Bum) တပ်စခန်းအပြင် ထိုးစစ်ဆင်စခန်းသိမ်းတိုက်ပွဲ များ ပြင်းထန်စွာဆက်လုပ်နေကြောင်း KIO ဒုအထွေထွေအတွင်းရေးမှူး-၂ ဦးလာနန်ပြောသည်။ (KNG)
Read More »

ခါယာတောင်ကျော သိမ်းပိုက်ရေး စစ်ဆင်မှု ယနေ့ထိမအောင်မြင်

အစိုးရတပ်များသည် လိုင်ဇာကို စိုးမိုးနိုင်ရန် (ပွိင့် ၁ဝ၁၂) ဖြစ်သော ခါယာဘွမ်ဟုခေါ်သော တောင်ကျောသိမ်းပိုက်ရန် အပြင်းထန်ဆုံး စစ်ဆင်နေသည့် ယနေ့တိုက်ပွဲတွင် မအောင်မြင်ဟု ခါယာတောင်ကျော၏ KIA တိုက်စစ်မှူး တဦး က ကဆိုပါသည်။ “ ခါယာဘွမ်ကတော့ လိုင်ဇာအတွက် နောက်ဆုံး ခံကတုတ်ဆိုရင် မမှားပါဘူး။ ဒါကြောင့်အစိုးရက တန်ဘိုးကြီးကြီး ပေးပြီး ကြိုးစားနေတာပါ။ လက်နက်ကြီးဆိုရင်လည်း မြေဆူမတတ် ပစ်တယ်။ မြေပြင်တပ်ကိုလည်း အသေခံပြီး တက်တယ် ။ အသေခံတော့လဲ သေတာပေါ့ဗျာ။ ဒီနေ့ဆိုရင် မနက် (၄) နာရီကတည်းက လက်နက်ကြီးတွေနဲ့ ပစ်နေတာလေ။ မြေ ပြင်တပ်ဖွဲ့နဲ့လည်း (၃) ဖက်သုံးတန် ကနေတက်တယ်။ ဒါတောင် တက်မရပါဘူး။ ဒီနေ့ကျတော့ လေယာဉ် မသုံးဘူးဗျ။ အဓိကကလက်နက်ကြီးတွေဘဲ တအားသုံးတယ်။” ဟု ဆိုပါသည်။ အစိုးရတပ်များသည်၊ ခါယာတောင်ကျောကို မဒိယန်လမ်းကြောင်းမှ တကြောင်း၊ ၀ိုင်းမော်ပို့စ် လမ်းကြောင်းမှ တကြောင်း နှင့်လုံလောပို့စ်( ပွိုင့် ၇၇၁) မှတကြောင်း သုံးကြောင်းဖြင့် ပြင်းပြင်းထန်ထန် စစ်ဆင်ခဲ့ပါသည်။ လက်နက်ကြီးများထောင်ချီ ပစ်ခတ်ချေမှုန်းပြီးမှ စခန်းသိမ်းသည့် စနစ်ကို ကျင့်သုံးခဲ့ပါသည်။ မနက်ပိုင်း (၄) နာရီမှစတင်လိုက်သော တိုက်ပွဲသည် နေ့လည် (၁၀) နာရီခန့်တွင် ခေတ္တရပ်နားပြိး မွန်းလွှဲတနာရီမှ ညနေ (၅) နာရီအထိ တိုက်ခိုက်ခဲ့ပါသည်။ အစိုးရလက်နက်ကြီးများမှာ မြစ်ကြီးနား-ဗန်းမော် ကားလမ်းရှိအင်တပ်ကုန်းနှင့် ပွိုင့် (၇၇၁) မှ ၁၀၅ မမ၊ ၁၅၅ မမ၊ ဟော်ဝစ်ဇာများနှင့် (၁၂၀) မမ လောင်ချာများဖြင့် ပစ်ခတ်နေပြီး တနာရီလျှင် ကျည်ဆံတထောင်ကျ နှုန်းဖြင့် ပစ်ခတ်နေ နေဖွယ်ရှိပါသည်။ “ လက်နက်ကြီးကတော့ဗျာ ဘယ်လောက် ပစ်တယ်ဆိုတာ မမှန်းနိုင်တော့ဘူး။ စက်အမြောက်လိုဘဲ။ အလက်ပေါင်း လဲမနည်းဘူး ထင်ပါတယ်။ လေယာဉ်က (၂) ရက်ရှိပြီးမသုံးတာ ဒီခါယာတောင်မှာပေါ့။ ဘယ်လို ရည်ရွယ်ချက် လဲတော့ မသိဘူး။ ဒါပေမဲ့ လက်နက်ကြီးကို ပိုသုံးတယ်ဗျ။ ပြီးတော့ မြေပြင်တပ်ကို အင်အားတိုးပြီး တက်တယ်ဗျ။” ဟု ရှေ့တန်း ရှိ KIA တပ်မှူးတဦးက ဆိုပါသည်။ လိုင်ဇာ အနောက်မြောက်ဖက်ရှိ ခါယာဘွမ် (ပွိင့် ၁ဝ၁၂) တွင် အနိုင်အရှုံးကို အဆုံးအဖြတ်ပေးသည့် ပြင်းထန်သော ရင်ဆိုင်တိုက်ပွဲများဖြစ်နေသည်မှာ (၂)ရက်ရှိပြီးဖြစ်ပါသည်။ ဤတိုက်ပွဲကြောင့် တပ်မ (၁၀၁)လည်း တပ်ပျက်ခဲ့ရပြီး၊ တပ်မ(၆၆)လည်း အထိအခိုက်များစွာဖြင့် ယနေ့ညနေပိုင်းစစ်ဆင်ရေးတွင် နောက်ဆုတ်ခဲ့ရသည်ဟု KIAဖက် ကဆိုပါ သည်။ အလားတူ KIA တပ်မဟာ ၁ လက်အောက်ခံ ပန်ဝါဒေသ တဝိုက်နှင့် နယ်ခြားမှတ်တိုင် ၅ နှင့် ၆ ကြားဒေသတွင်လည်း မြေပြင်တိုက်ပွဲများ ပြင်းထန်စွာ ဖြစ်နေကြောင်း KIA ရှေ့ တန်းတပ်မှုးများကဆိုပါသည်။ ဖါးကန့်စစ်မျက်နှာအပါဝင်ကျန် သည့်စစ်မျက်နှာ၌ တိုက်ပွဲအနည်းငယ်သာရှိသည်ဟု ဆိုပါသည်။ Credit:Lachid Kachin
Read More »

ပြည်ခိုင်ဖြိုးနဲ့ တပ်ကိုယ်စားလှယ်တွေ ကချင်အရေး အင်အားသုံးဖို့ လိုလား

(ဘယ်သူတွေက တိုက်ခိုက်ချင်နေသလဲ ဆိုတာ အောက်မှာ ရှင်းထားပါတယ်။ တိုင်းရင်းသား ကိုယ်စားလှယ်တွေက အပစ်ရပ်ချင်ပေမယ့် စစ်တပ် ကိုယ်စားလှယ်တွေက ဆက်တိုက်ချင်နေတယ်၊ တဲ့။) မြန်မာနိုင်ငံမြောက်ပိုင်း ကချင်ပြည်နယ်မှာ လက်နက်ကိုင် ပဋိပက္ခတွေ ဖြစ်ပွားနေတာတွေ အဆုံးသတ်စေရေး ရည်ရွယ်ပြီးတော့ နေပြည်တော်မှာ ကျင်းပတဲ့ လွှတ်တော်တွင်း ဒီကနေ့ ဆွေးနွေးကြပါတယ်။ တိုင်းရင်းသား ကိုယ်စားလှယ်တွေကတော့ မြန်မာအစိုးရတပ်တွေနဲ့ ကချင်တိုင်းရင်းသား လက်နက်ကိုင်တွေကြားမှာ တိုက်ခိုက်မှုတွေကို နိုင်ငံရေးအရ အဖြေရှာကြဖို့ အကြံပြုဆွေးနွေးခဲ့ကြပေမဲ့ အာဏာရပါတီနဲ့ စစ်တပ်ကိုယ်စားလှယ်တွေကတော့ အင်အားသုံး နှိမ်နင်းဖို့ လိုလားနေကြတယ်လို့ လွှတ်တော်ကိုယ်စားလှယ်တွေက ပြောပါတယ်။ ဒီကနေ့ လွှတ်တော်ထဲမှာ အချေအတင် ဆွေးနွေးခဲ့တာတွေကိုတော့ ကိုအောင်လွင်ဦး က ပြောပြပေးမှာပါ။ မြန်မာအစိုးရတပ်ဖွဲ့တွေနဲ့ ကချင်လွတ်လပ်ရေးအဖွဲ့ (KIO) တို့ကြား တိုက်ခိုက်မှုတွေ နေ့စဉ်ရက်ဆက် ဆိုသလို ဖြစ်ပွားနေတာတွေ အဆုံးသတ်စေရေး ရည်ရွယ်ပြီး အမျိုးသားလွှတ်တော်မှာ တင်သွင်းတဲ့ အဆိုတရပ်ကို ဆွေးနွေးကြတာပါ။ ကချင်တိုင်းရင်းသား ကိုယ်စားလှယ် ဦးခက်ထိန်နန် တင်သွင်းလာတဲ့ အဆိုကို တိုင်းရင်းသား လွှတ်တော် ကိုယ်စားလှယ်တွေ ဆွေးနွေးကြ ရာမှာတော့ မြန်မာနိုင်ငံမှာ လွတ်လပ်ရေးရပြီးနောက် ကြုံခဲ့ရတဲ့ လက်နက်ကိုင် ပဋိပက္ခတွေဟာ အစိုးရ အဆက်ဆက် လက်ထက် ပြေလည်အောင် မဖြေရှင်းနိုင်ခဲ့တဲ့ နိုင်ငံရေး အကျိုးဆက်အဖြစ် ဆွေးနွေးခဲ့ကြတာပါ။ ကချင်ပြည်နယ်က အခုနောက်ဆုံး ပဋိပက္ခတွေ အဆုံးသတ်ဖို့ ဆိုရင်လည်း တွေ့ဆုံဆွေးနွေးတဲ့ နည်းလမ်းကသာ အဖြေရနိုင်မယ်လို့ တိုင်းရင်းသား ကိုယ်စားလှယ်တွေက ယုံကြည်ကြတဲ့အကြောင်း ကိုယ်တိုင် ၀င်ရောက် ဆွေးနွေးခဲ့တဲ့ ရခိုင်တိုင်းရင်းသားများ တိုးတက်ရေးပါတီ ဥက္ကဌ ဒေါက်တာအေးမောင် က ပြောပါတယ်။ “အဓိကကတော့ ပြည်တွင်းစစ်ကို ရပ်စေချင်တာပေါ့၊ ဒီပြဿနာကို ဖြေရှင်းဖို့ တစ်ခုတည်းသော နည်းလမ်းဟာ တွေ့ဆုံညှိနှိုင်းဖြေရှင်းနည်းပဲ ဆိုတဲ့သဘောကို ဆွေးနွေးကြပါတယ်။ ဒါကျနော်တို့ တိုင်းရင်းသားလွှတ်တော်ကိုယ်စားလှယ်တွေက ဆွေးနွေးကြတယ်။ တော်တော်များများ အဲ့ဒီ့အမြင်နဲ့ပါ။ နောက်တော့ ပြည်ခိုင်ဖြိုးပါတီဘက်က တချို့၊ တပ်မတော် အငြိမ်းစားပုဂ္ဂိုလ်တွေကတော့ဖြင့် အပြုတ်ချေမှုန်းရေးဆိုတဲ့ ဦးတည်ချက်ဘက်ကို သွားတယ်လို့ယူဆပါတယ်။ ကျနော်တို့ဆွေးနွေးတဲ့အခါမှာကျတော့ ဒီနယ်မြေကို ခဏတာ အောင်လံစိုက်ပြီးခါမှ သိမ်းရုံနဲ့ ထာဝရ ငြိမ်းချမ်းရေးကို မရနိုင်ဘူး။ နယ်မြေစိုးမိုးရေးကို မရနိုင်ဘူး ဆိုတာ ကျနော်တို့ ဆွေးနွေးခဲ့ပါတယ်။ ထာဝရ ငြိမ်းချမ်းရေးကို ရဖို့အတွက် ကျနော်တို့ နိုင်ငံရေးအားဖြင့် တွေ့ဆုံဆွေးနွေးရေးဆိုတဲ့ ဒေါ်အောင်ဆန်းစုကြည်ပြောတဲ့ တွေ့ဆုံဆွေးနွေး အဖြေရှာတဲ့ ယဉ်ကျေးမှု တည်ဆောက်ဖို့ လိုတယ်ဆိုတဲ့ အဲ့တာလေးနဲ့ ကျနော်တို့ ဆွေးနွေးပါတယ်။” ၁၇ နှစ်ကြာ အပစ်အခတ် ရပ်စဲထားတာတွေ ၂၀၁၁ နှစ်လည်ပိုင်းမှာပဲ ပျက်ပြားခဲ့ပြီးတဲ့နောက် လက်နက်ကိုင် ပဋိပက္ခတွေ ပြန်လည် ဖြစ်ပွားနေတာတွေဟာ ဒီနှစ်ဆန်းပိုင်းမှာတော့ တိုက်ပွဲတွေ ပိုမိုပြင်းထန်လာခဲ့တာပါ။ မြန်မာအာဏာပိုင်တွေ ကတော့ အစိုးရရဲ့ စစ်ကြောင်းတွေကို ကချင်လက်နက်ကိုင် တပ်တွေ တိုက်ခိုက်မှုတွေ လုပ်ခဲ့တာကြောင့် တုန့်ပြန်တဲ့ အနေနဲ့ ဒေသတွင်း ရှင်းလင်းတဲ့ စစ်ဆင်ရေးတွေ လုပ်ခဲ့တာလို့ ပြောပါတယ်။ စစ်ရေးရည်မှန်းချက်တွေ ရရှိပြီး ဖြစ်တဲ့အတွက်လည်း ပြီးခဲ့တဲ့ စနေနေ့ကစပြီး ထိုးစစ်တွေ ရပ်မယ်လို့ ကြေညာထားတာပါ။ ဒါပေမဲ့လည်း ကြေညာချက် ထုတ်ပြန်ပြီး နောက်ပိုင်းအထိ ကချင်လက်နက်ကိုင်တွေက အစိုးရ တပ်ဖွဲ့တွေနဲ့ အရပ်သားတွေကို တိုက်ခိုက်မှုတွေ ရှိတယ် ဆိုပြီးတော့လည်း ပြောဆိုနေတာ ဖြစ်ပါတယ်။ ကြာသပတေးနေ့က လွှတ်တော်တွင်း ဆွေးနွေးစဉ်မှာလည်း စစ်တပ် ကိုယ်စားလှယ်တွေနဲ့ စစ်မှုထမ်းဟောင်း ကိုယ်စားလှယ်တွေက အလားတူ စွပ်စွဲချက်တွေနဲ့အတူ ပြဿနာကို အင်အားသုံး ဖြေရှင်းဖို့ ဆွေးနွေးခဲ့ကြတယ်လို့ ဒေါက်တာအေးမောင် ကပြောပါတယ်။ “တပ်မတော်သားတွေဖက်က ဆွေးနွေးတဲ့အခါကျတော့ ပြည်တွင်းဒီစစ်ပွဲနဲ့ပတ်သက်လို့ ကေအိုင်အေ၊ ကေအိုင်အိုတို့ရဲ့ စတင်ပစ်ခတ်မှုတွေ၊ မိုင်းခွဲမှုတွေ၊ အဲ့တာမျိုးတွေကို ချပြပြီးကာမှ ရှင်းတာပေါ့ဗျာ။ တိုင်းရင်းသားတွေဖက်ကတော့ ဟိုဘက်၊ ဒီဘက် အကြောင်းပြနိုင်မှာပဲ စစ်ပွဲဆိုတာ၊ နော် စစ်ပွဲဆိုတာ အကြောင်းရင်းကို ရှာဖို့လိုတယ်။ အဲ့ဒီ့နည်းဟာ နိုင်ငံရေးအရ ဖြေရှင်းနည်းပဲ။ တကယ်တမ်း ကျနော်တို့ တိုင်းပြည်ကိုသာ စစ်မှန်တဲ့ ပြည်ထောင်စုအဖြစ် တည်ဆောက်မယ်ဆိုရင် နှစ်ပေါင်း ၆၀ကျော် မငြိမ်းချမ်းသေးတာ၊ တိုင်းရင်းသားအချင်းချင်း တိုက်ကြခိုက်ကြ ဖြစ်ကြတာ၊ အမှန်တော့ ကျနော်တို့ပြန်လည်သုံးသပ်ဖို့ လိုပြီ။ ကျနော်တို့ တွေ့ဆုံညှိနှိုင်း အဖြေရှာပြီးကာမှ ပြည်ထောင်စုကို တည်ဆောက်ဖို့ လိုပြီဆိုတာကို ကျနော်တို့ကို ပြန် တပ်လှန့်လိုက်တဲ့ သဘောပါပဲလို့ ဆွေးနွေးကြပါတယ်။ အကုန်လုံး ငြိမ်းချမ်းရေးကို ရစေချင်တယ်။ ဦးခတ်ထိန်နန်အဆိုတင်သွင်းတဲ့ အချက်သုံးချက်လုံးကို တိုင်းရင်းသားလွှတ်တော်အမတ်တွေက ထောက်ခံခဲ့ကြပါတယ်။” ကချင်ပြည်နယ် ပဋိပက္ခနဲ့ ပတ်သက်လို့ အမျိုးသား လွှတ်တော်မှာ သောကြာနေ့အထိ ဆက်လက် ဆွေးနွေးဦးမှာပါ။ မြန်မာအစိုးရ ကတော့ တိုက်ခိုက်မှုတွေ ရပ်စဲပြီး KIO နဲ့ ဆွေးနွေးဖို့ အသင့်ရှိနေတဲ့ အကြောင်း ကမ်းလှမ်းထားပေမဲ့ တိုက်ပွဲတွေ ဆက်လက် ဖြစ်ပွားနေဆဲမို့ လက်တွေ့မှာ ဆွေးနွေးရေး မဖြစ်နိုင်သလောက် အခြေအနေမျိုးမှာ ရောက်နေတယ်လို့ KIO က ပြောဆိုထားတာပါ။ ဒီလိုပဲ တွေ့ဆုံရမယ် ဆိုရင်လည်း တဖွဲ့ချင်း အနေနဲ့ မဟုတ်ပဲ တိုင်းရင်းသား လက်နက်ကိုင် မဟာမိတ် အဖွဲ့တခုဖြစ်တဲ့ ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) နဲ့အတူ တွေ့ဆုံဖို့ လိုလားကြောင်းလည်း ပြောဆိုထားတာ ဖြစ်ပါတယ်။ http://burmese.voanews.com/content/kachin-parliment-naypyidaw/1590139.html
Read More »

ငြိမ်းချမ်းရေး ခရီးရှည် လမ်းလျှောက်သူများ မြို့နယ် ၁၀ ခုက တရားစွဲခံရ

မြန်မာနိုင်ငံမှာ ပြည်တွင်းစစ်ရပ်စဲရေးနဲ့ ငြိမ်းချမ်းရေးရရှိဖို့အတွက် ရည်ရွယ်ပြီး ရန်ကုန်မြို့ကနေ ကချင်ပြည်နယ်လိုင်ဇာအထိ ခရီးရှည်လမ်းလျှောက်တဲ့သူတွေကို မြို့နယ် ၁၀ ခုက တရားစွဲထားပါတယ်။ လမ်းလျှောက်တဲ့သူတွေ ဖြတ်သန်းသွားတဲ့ ရန်ကုန်တိုင်းဒေသကြီးထဲက မြို့နယ် ၈ ခု အပါအ၀င် ပဲခူးတိုင်းဒေသကြီးထဲက ပဲခူးနဲ့ ဒိုက်ဦးမြို့နယ်က အာဏာပိုင်တွေက တရားစွဲထားတာဖြစ်တယ်လို့ ဦးဆောင်ပါဝင်သူ လူငယ်တဦးဖြစ်တဲ့ ကိုရန်နိုင်ထွန်းက ပြောပါတယ်။ ငြိမ်းချမ်းရေးလိုလားတဲ့ သံဃာတော်နဲ့ လူငယ်အယောက် ၂၂ ယောက်ဟာ တနလာင်္နေ့က ရန်ကုန်ကနေ ထွက်ခွာလာတာဖြစ်ပြီး သူတို့ကိုတော့ မြို့နယ် ၁၀ ခုက ငြိမ်းချမ်းစွာစီတန်းလမ်းလျှောက်ခွင့် ဥပဒေ ပုဒ်မ ၁၈ကို ချိုးဖောက်တယ်ဆိုပြီး တရားစွဲဆိုထားတာလည်း ဖြစ်ပါတယ်။ ပဲခူးမြို့နယ်ကနေ ၀င်ရောက်လာတဲ့သူတွေကိုတော့ ပဲခူးနဲ့ ဒိုက်ဦးမြို့နယ်အာဏာပိုင်တွေက စွဲဆိုတာလို့လည်း ဆိုပါတယ်။ ဒီစွဲဆိုချက်နဲ့ ပတ်သက်ပြီးတော့ ကိုရန်နိုင်ထွန်းက အခုလို ပြောပါတယ်။ “ဂျပန် ဒု-၀န်ကြီးချုပ် မြန်မာပြည်လာတုန်းက ဂျပန်စစ်သချိုင်္င်းမှာ ဂျပန်သူရဲကောင်းတွေကို လေ့လာပြီးတဲ့အခါ တရုတ်နိုင်ငံသားတွေဟာ မြန်မာပြည်မှာ ဂျပန်ဝန်ကြီးချုပ်ကို ဆန္ဒပြခဲ့ဖူးတယ်။ နော်ဝေနိုင်ငံသားတွေ လူ့အခွင့်အရေးနဲ့တရားမျှတမှုအတွက် စက်ဘီးစီး စီတန်းလှည့်လည်မှုတွေရှိပါတယ်။ အဲတော့ တခြား နိုင်ငံသားတွေဟာ ကျနော်တို့ တိုင်းပြည်မှာ နိုင်ငံသားတွေမရတဲ့ အခွင့်အရေးတွေ ခံစားရပြီးတော့ ကျနော်တို့တွေက ဒီအခွင့်အရေးနဲ့ပတ်သက်လာရင် မရတာတွေကတော့ တော်တော်ဆိုးဝါးတယ်လို့ မြင်တယ်။ ပုဒ်မ ၁၈ ဟာလည်း နိုင်ငံသားတွေရပိုင်ခွင့်ဖြစ်တဲ့လွတ်လပ်စွာသွားလာခွင့်ကို လည်မျိုညှစ်ထားမှုတခုလို့ မြင်ပါတယ်။” အခုဆိုရင် ငြိမ်းချမ်းရေး လမ်းလျှောက်သူ ၅၀ ပတ်ဝန်းကျင်လောက်ရှိပြီလို့လည်း ဆိုပါတယ်။ ခရီးရှည်လမ်းလျှောက်သူတွေဟာ ဒီနေ့ညနေက ဒိုက်ဦးမြို့ကိုရောက်ရှိနေပြီး မနက်ဖြန် ဒိုက်ဦးမြို့နယ် ဘုရားကြီးကျောင်းဝင်းထဲမှာ ကျောင်းထိုင်ဆရာတော်၊ မြို့ခံတွေနဲ့ ပေါင်းပြီး ငြိမ်းချမ်းရေးကျောက်တိုင်ကို စိုက်ထူပြီးတော့ ညောင်လေးပင်မှာ ညအိပ်ရပ်နားမယ်လို့ ဆိုပါတယ်။ ပဲခူးတိုင်းဒေသကြီး အထွေထွေအုပ်ချုပ်ရေးမှူးနဲ့ ရဲမှူးတွေက ပဲခူးတိုင်းအ၀င်မှာ ငြိမ်းချမ်းရေးအလံကို လွှင့်ထူ လမ်းလျှောက်တာဟာ ဥပဒေနဲ့ မညီတဲ့အတွက်လည်း လမ်းလျှောက်တဲ့အဖွဲ့ဟာ တားမြစ်ခံခဲ့ရပါတယ်။ သူတို့တွေက စစ်ပွဲတွေဖြစ်ပွားနေတဲ့ ကချင်ပြည်နယ် လိုင်ဇာမြို့အထိ လမ်းလျှောက်ဖို့ ရည်ရွယ်ထားပါတယ်။ ဒီဗွီဘီ၊ ဇန်န၀ါရီ ၂၄၊ ၂၀၁၃
Read More »

ရေခဲတောင်ပေါ်က ထူးဆန်းသော ပိုးကောင်

ရှီးပဒီးခေါ် ပိုးနွယ်လေးရဲ့ အစွမ်းထက် ဆေးဘက်ဝင် မှုတွေက တော်တော် ကိုများပြားပါတယ်။ အရသာမှာ ချိုပြီးဆိမ့်တဲ့အရသာရှိတယ် ဆိုပါတယ်။ ၄င်းရှီးပဒီး ပိုးကောင်လေးတွေကို အခြောက်လှမ်းပြီး အမှုန့်ပြုလုပ် ကာ ရောင်းချတတ်ကြပါတယ်။အဟာရဓာတ် ပါဝင်မှု များပြားတဲ့ အတွက် ဖျားနာပြီး နလံထစလူနာတွေ အမြန်ဆုံး ကျန်းမာရေး ကောင်းမွန်လာစေခြင်း ကျောက်ကပ်ကို ကောင်းမွန်စေခြင်း၊ ကျောက်ကပ်ရဲ့ လုပ်ငန်းဆောင် တာများ ချောမွေ့စေခြင်းဓာတ်မတည့်ခြင်းကို သက် သာစေခြင်း၊ ချောင်း ဆိုး၊ ရင်ကြပ်ရောဂါများကို သက်သာစေခြင်းကင်ဆာဖြစ် ပွားခြင်း ကို လျော့နည်းစေခြင်းသွေးဥများကို တိုးပွားစေခြင်း သွေး ရည်ကြည်အတွက် ပရိုတိန်းများ ဖြစ်ပေါ်စေခြင်း၊ သွေးဖိအား များခြင်း၊ နည်းခြင်းကို ပုံမှန် အတိုင်း ဖြစ်စေနိုင်ခြင်းအမျိုးသားများ အတွက် ခွန်အား တိုးပွားစေခြင်း ကိုယ်ခံအားကို မြင့်မားစေခြင်း၊ အဆုပ်ရဲ့လုပ်ငန်းဆောင်တာများ ကို ကောင်း မွန်စေခြင်းအမျိုးသမီးများ ဓမ္မတာကောင်း မွန်စေခြင်း ၊ နုပျိုစေခြင်း၊ အရေး အကြောင်းများကို ပျောက်ကင်း သက်သာစေခြင်း စသဖြင့် အကျိုးများ ရရှိတယ်လို့ သိရှိရပါတယ်။ ရှားပါးတာကြောင့်ရော ၊ ဆေးဘက်ဝင်တာကြောင့်အတွက်ပါ တန်ဖိုးကြီးလှ ပါတယ်။ နေ့စဉ်ပုံမှန် အားဆေး အဖြစ် သောက်သုံး ကြသူများလည်း ရှိကြပါ တယ်။ ၄င်း ပိုးဆေးနွယ်( ရှီးပဒီး) များကို တရုတ်၊ ဂျပန်၊ ကိုးရီးယား စသည့် နိုင် ငံများက ဝယ်ယူကြကြောင်း သိရပါတယ်။ အချို့သော အားကစား သမားတွေ ဟာလည်း ကိုယ်ခံစွမ်းအားမြင့်မားပြီး အမောအပန်း ခံနိုင်ဖို့ရန် အတွက် ပိုးနွယ်ပင်ကို အမြဲတမ်း မှီဝဲ စားသုံးကြတယ်လို့ ဆိုပါတယ်။ အချို့သောသူတွေက စွပ်ပြုတ်ထဲ ထည့်ချက်ခြင်း၊ ၄င်း ရှီးပဒီး သက်သက် ကိုလည်း စားသုံးခြင်းများ ပြုလုပ်တတ်ကြပါတယ်။ တိဘက်ဒေသတွေမှာ ၄င်းဆေးပိုးနွယ်ကို အမြောက်အမြား ရှာဖွေရရှိပြီး ငွေကြေးစီးပွား တိုးတက် လာကြသူတွေ အများအပြား ရှိနေပြီဖြစ်တယ်လို့ သိရပါတယ်။ မြန်မာပြည် မြောက်ဖျား ကချင်ပြည်နယ်ရဲ့ မြင့်မားလှ တဲ့ ရေခဲတောင်တွေ ထက်မှာ ရှာဖွေတွေ့ရှိနိုင်တဲ့ အကောင် တစ်ပိုင်း နွယ်ပင်တစ်ပိုင်း ရှီးပဒီး ကို စနစ်တကျလေ့လာခြင်း၊ သုတေသနပြုလုပ်ခြင်းများ လုပ်ဆောင်ပြီး ယနေ့ ခေတ်စားလှတဲ့ ကိုရီးယားဂျင်ဆင်းတို့လို စီးပွားဖြစ် မွေးမြူစိုက် ပျိုးထုတ်လုပ်နိုင်မယ် ဆိုရင်တော့ ဒေသခံတွေအတွက် သဘာဝ ပတ်ဝန်း ကျင်လည်း ထိခိုက်ပျက်စီးမှု ကြီးကြီးမားမား မရှိတဲ့အပြင် ဝင်ငွေတိုးရုံသာမက၊ အလုပ်အကိုင် အခွင့်အလမ်း အသစ်တွေပါ ရရှိတိုးပွားလာစရာ ရှိကြောင်း တိုက်တွန်းလိုက်ရပါသည်ခင်ဗျာ။ လမင်းမောင်
Read More »

Billgate(ဘီလ်ဂိတ်ရဲ့ အကြံပေးချက်များ)

ကမ္ဘာအချမ်းသာဆုံး ဘီလျှံနာ ဆယ်ဦး စာရင်းဝင်တဲ့ Microsoft ရဲ့ သူဌေး "ဘီလ်ဂိတ်" ကိုမိတ်ဆက်စရာတောင် မလိုပါဘူး။ စာရင်းများအရ ကမ္ဘာ့ ဒုတိယ အချမ်းသာဆုံးပါ။ ကယ်လီဖိုးနီးယားပြည်နယ် ဗာဆယ်လီဗာမှာရှိတဲ့ ၀ှစ်နေးအထက် တန်း ရဲ့ ကျောင်းဆင်းပွဲမှာ ဘီလ်ဂိတ်ဟာ အောက်ပါ (၁၁) ချက်နဲ့ အကြံပေးခဲ့ပါတယ်။ (၁) လူ့ဘ၀က မမျှတပါဘူး။ အဲဒါကို လက်ခံနိုင်အောင် ကြိုးစားပါ။ (၂) ဒီလောကကြီးက မင်းရဲ့ လေးစားကြည်ညိုမှုတွေကို အသိအမှတ်ပြုမှာ မဟုတ်ပါဘူး။ မင်းကိုယ်တိုင် အကျိုးသက်ရောက်မှုရှိအောင် လုပ်ပြီးမှပဲ မင်းရဲ့ ခံစားချက်ကိုဆန်းစစ်ကြည့်ဖို့ လောကကြီး က ပိုပြီးမျှော်လင့်ပါတယ်။ (၃) ကျောင်းပြီးသွားတာနဲ့ လခကောင်းကောင်းမရနိုင်ဘူး။ ချက်ချင်းလက်ငင်း ကွပ်ကွဲအုပ်ချုပ်သူမဖြစ်နိုင်ဘူး။ နှစ်ခုစလုံးအတွတ် ကြိုးစားအားထုတ်မှပဲ ရနိုင်တယ်။ (၄) ကျောင်းက ဆရာတွေကို ဆိုးတယ်လို့ မင်းတို့ထင်ခဲ့ရင် တစ်နေ့မင်းတို့ ကုမ္ပဏီသူဌေးတွေဖြစ်လာတဲ့အချိန်မှာ သိလိမ့်မယ်။ သူဌေးတွေက အလုပ်ကို အကြွေးမထားဘူး။ (၅) ဟမ်ဘာကဆိုင်မှာ အလုပ်လုပ်ရလို့ ကိုယ့်ကိုယ်ကို အသုံးမကျ ဘူးလို့ မထင်နဲ့။ မင်းတို့ရဲ့ အဘိုးအဘွားတွေက ဟမ်ဘာဂါအလုပ်အတွတ် အဓိပါယ် တစ်ခုဖွင့်ဆိုလိမ့်မယ်အဲဒါက "အခွင့်အရေး" တဲ့ (၆) မင်းအနေနဲ့ ဘာမှ ဖြစ်မလာတာဟာ မင်းမိဘတွေနဲ့ အမှားမဟုတ်ဘူး။ ကိုယ့်လုပ်ခဲ့တဲ့ အမှားတွေအတွတ် ဒေါသထွက်မနေနဲ့။ အမှားတွေထဲက သင်ယူပါ။ (၇) မင်းမမွေးဖွားခင်မှာ မင်းရဲ့ မိဘတွေက အခုလို ထိုင်းမှိုင်းနေတာ မဟုတ် ဘူး။ သူတို့ ခုလို ထိုင်းမှိုင်းနေရတာဟာ မင်းအတွတ် အသုံးစရိတ်ရှာနေရလို့၊ မင်းရဲ့ အ၀တ်တွေလျှော်ဖွတ်နေရလို့၊ ကိုယ့်ကိုယ် ကို တော်ကြောင်း၊ အထင်ကြီးကြောင်း အပြောကြီးနေတဲ့ မင်းရဲ့ စကားတွေကို နားထောင်နေ ရလို့ဖြစ်တယ်။ ဒါကြောင့် မင်းမိဘတွေကို ပြုပြင်ဖို့မကြိုးစားခင် မင်းရဲ့ အိပ်ယာကို အရင်ဆုံး သန့်ရှင်းရေးလုပ်လိုက်ပါဦး။ (၈) ကျောင်းမှာ နိုင်တဲ့သူနဲ့ ရှုံးတဲ့သူဆိုတာရှိတယ်။ လက်တွေ့ဘ၀မှာ အဲဒီလိုမရှိဘူး။ ကျောင်းကမင်းကို အခွင့်အရေးတွေ အဆက်မပြတ်ပေးပြီး အဖြေမှန်ရဖို့ ရှာခိုင်းလိမ့်မယ်။တကယ့် လက်တွေ့ဘ၀မှာ အဲဒီ လိုမဟုတ်ဘူး။ (၉) ရုပ်ရှင်ထဲက သရုပ်ဆောင်တွေက တကယ့် လက်တွေဘ၀ မဟုတ်ဘူး။ တကယ့်လက်တွေ့ဘ၀မှာ လူတိုင်း ကော်ဖီဆိုင်ကို ကျောခိုင်းပြီး အလုပ် ထဲဝင် ရတာချည်းပါပဲ။ (၁၀) စာကြိုးစားနေတဲ့သူတွေကို လေးလေးစားစားဆက်ဆံပါ။ တစ်ချိန်ချိန်မှာ စာကြိုးစားခဲ့တဲ့သူတစ်ယောက်ယောက်ဆီမှာ မင်း အလုပ်လုပ်ချင်လုပ်ဖြစ်လိမ့်မယ်။ (၁၁) လူဘ၀ဆိုတာ သင်ကြားချိန်ကာလသတ်မှတ်မထားဘူး။ ဘ၀မှာ ကျောင်း ပိတ်ရက်မရှိဘူး။ ဘယ်အလုပ်ရှင်မှ မင်းလုပ်ချင်တာနဲ့ မင်းရဲ့ အားလပ်ရက်ကို ညှိနှိုင်းပေးမှာ မဟုတ်ဘူး။ ဒါကြောင့် ကိုယ့်ရဲ့ အားလပ်ချိန်ကို အကျိုးရှိအောင် အသုံးချပါ။ ဘီလ်ဂိတ်ဟာ ဘွဲ့မရခဲ့ပါဘူး။ ဒါပေမဲ့ ပညာသင်ဖို့ အားပေးတယ်။ သူကိုယ်တိုင်လဲ ကြိုးစားအားထုတ်ခဲ့လို့ သူဌေးကြီး ဘ၀ရောက်ခဲ့တာပါ။ ဟုတ်ပါတယ်။ ပညာခေတ်ကြီးထဲမှာ ပညာသင်ယူဖို့အရေးကြီးပါတယ်။ ဘယ်အချိန်ထိလဲဆိုတော့ ဘ၀ဆုံးထိပါ။ Ref: ပညာခေတ် ITgroup
Read More »

လိုင်ဇာ အနီးမှ လက်နက်ကြီးမိုးများ ရွာသွန်းခြင်း

ယနေ့ နံနက် ၁၁ နာရီ နီးပါး အချိန်တွင် လိုင်ဇာမြို့ အနီးရှိ အလင်းဘွန် တောင်တန်းမှ တောင်ကုန်းများနှင့် ခါရာတောင်ကုန်း များကို လက်နက်ကြီး များဖြင့် ပြင်းထန်စွာ တိုက်ခိုက် ခဲ့သည်ဟု ခါရာတောင်ကုန်းရှိ KIA ရှေ့တန်း အရာရှိ တဦးက ဆိုပါသည်။ “ လက်နက်ကြီး တွေကတော့ ပွိုင့် (၇၇၁) ရယ်၊ ဖါန်ပြန်ဘွန်တောင်ရယ်၊ မန်တဲရယ်ပေါ့။ အဲဒီကနေပစ်တာ တလစပ်ကိုပစ် နေတာ။ မနားတမ်းချတယ်။ သူတို့ပစ်တာက အဓိက ကတော့ ခါရာတောင် တကျောလုံးကို ပစ်နေတာပါ။ ကျနော်တို့က လည်းခါတိုင်းလို မရတော့ဘူးလေ။ မဆုတ်တမ်းခံချတယ်။ တက်လို့ကိုမရဘူး။” ဟု ဆိုပါသည်။ လက်နက်ကြီး ပစ်ခတ်မှုသည် စက္ကန့် မခြား ပစ်နေသည်ဟု ထင်ရပြီး စက်အမြောက်များဖြင့် ပစ်ခတ်နေဖွယ်ရှိပါသည်။ တချိန် ထဲ၌တပ်မ (၆၆) မှ အစိုးရ မြေပြင် တပ်များသည်၊ လက်နက်ကြီးများဖြင့် မနားတမ်း ပစ်ခတ်နေချိန်၌ ခါရာတောင်တန်းအောက် ခြေကို ချဉ်းကပ်ခဲ့သည်ဟု ဆိုပါသည်။ ခါရာတောင်ကုန်းကို ပြီးခဲ့သည့် (၂)ရက်ကတည်းက လက်နက်ကြီး များဖြင့် အဆက် မပြတ် ပစ်ချေထားပြီးဖြစ်ပါသည်။ ထို့အပြင်ရှဒန်ပါမှ လက်နက်ကြီးများလည်း ခါရာတောင်ကုန်းကို မနားတမ်း ပစ်ခတ်ခဲ့ပါသည်။ မြေကြီးများ တုန်ခါပြီး မိုးခြိမ်း သံများ တညံညံ ပစ်နေသလို ခါရာတောင်ကုန်းမှ ခံစားနေရသည်ဟု KIA တပ်ဖွဲ့များက ဆိုပါသည်။ သို့သော် အမိန့်မနာခံသ ဖြင့်စိတ်ကြွဆေး ကျွေးပြီးမှ စစ်ဆင်နေရသော အစိုးရ မြေပြင် တပ်ဖွဲ့များသည် ခါရာတောင်ကုန်းကို နေ့ရော ညပါကြိုးစားပြီး တိုက်ခိုက် နေသော်လည်း ယနေ့ညနေ (၅) နာရီ အချိန်ထိ သိမ်းပိုက်နိုင်ခြင်း မရှိသေးဟု KIA ဖက်က ဆိုပါသည်။ အလားတူ လာဂတ်တောင် စစ်ဆင်ရေး၌လည်း အစိုးရ တပ်များမှ အကျအဆုံး များစွာဖြင့် ရှေ့မတိုးနိုင်ဘဲ ရပ်တန့်နေရသည် ဟုဆိုပါသည်။ တပ်မ (၁၀၁) တပ်များ ထိခိုက်ကျဆုံးမှု များပြားသဖြင့် အစိုးရသည် အရှက်ရနေကာ နောက်ထပ်စစ်ကူများ ထပ်မံပို့ပေးနေ သည်ဟု KIA ကဆိုပါသည်။ တပ်မ(၆၆)နှင့် ကယားပြည်နယ်မှ တပ်ဖွဲ့များ လဂျားယန် ဖက်ကို ရောက်ရှိနေခြင်း ဖြစ်ပါသည်။ သမ္မတ ဦးသိန်းစိန်သည် လဂျားယန်မှ လိုင်ဇာ စစ်ဆင်ရေးကို ရပ်တန့် ထားမည်ဟု ပြီးခဲ့သည့် ဇန္နာဝါရီလ (၁၉) ရက်နေ့က ထုတ်ပြန်ခဲ့ပြီးဖြစ်ပါသည်။ သို့သော် ဇန္နာဝါရီလ (၂၂)ရက်နေ့ ည (၆) နာရီအထိ မည်သည့် စစ်မျက်နှာမှ အပစ်အခတ် ရပ် စဲခြင်းမရှိဘဲ ဆက်လက် စစ်ဆင်နေပါသည်။ အစိုးရသည် မှန်းချက်နှင့် နှမ်းထွက် မကိုက်သဖြင့် ဆက်လက် စစ်ဆင်နေရဖွယ် ရှိပါသည်။ လိုင်ဇာစစ်ဆင်ရေး ရပ်စဲသွားရန် တရုတ်ပြည်မှ ကိုယ်စားလှယ် လွှတ်ပြီး တောင်းဆိုသော်လည်း မရပ်ပါ။ ထို့အတူ အမေရိကန်၊ ဗြိတိန်နှင့် UN ကလည်း တောင်းဆိုထားပါသည်။ သမ္မတ ဦးသိန်းစိန်သည်၊ ကချင် တပ်ဖွဲ့အား တလအတွင်း ချေမှုန်းနိုင်သည်ဟု ပြီးခဲ့သည့် (၂၀၁၁)ခုနှစ်က အင်ဒိုနီးရှား နိုင်ငံတွင် ကျင်းပသော အာဆီယံ အစည်းဝေးကို တက်ရောက်စဉ် ပြောကြားခဲ့ဘူးပါသည်။ သို့သော် KIO ကို နှစ်နှစ်နီးပါး စစ်ဆင် လာခဲ့သော်လည်း ယနေ့အထိ အောင်မြင်ခြင်းမရှိသည့် အရှက်ဖြင့် ဆက်လက်တိုက်ခိုက်နေခြင်းဖြစ်ဖွယ်ရှိပါသည်။ တပ်မတော်သည် သမ္မတ၏ အမိန့်ကို မနာခံဟု၊ တနည်းအားဖြင့် သမ္မတနှင့် တပ်မတော် သဘောကွဲနေကြောင်း စသည့် ကောလဟာလ သတင်းများ ထုတ်ပြန်ပြီး စိတ်ဓါတ် စစ်ဆင်ရေး ဆင်နွှဲနေခဲ့သည်မှာ ကြာပြီးဖြစ်ပါသည်။ သို့သော် ယနေ့အထိ စစ်ဆင်ရေး မအောင်မြင်သဖြင့် အလိမ်ဇတ်များ ပေါ်လာနေပါသည်။ အစိုးရ၏ (၂၀၀၈) အခြေခံ ဥပဒေ အောင်မြင်ရေး၊ တိုင်းရင်းသား တပ်ဖွဲ့များ ချိုးနှိမ်ထားရေး အစိစဉ်သည် စစ်အာဏာရှင် များရှိနေသရွေ့ ပြောင်းလဲ သွားမည် မဟုတ်ဘဲ သမ္မတနှင့် တပ်မတော် ဦးစီးချုပ်တို့သည် နည်းပရိယာယ် အသွယ်သွယ်ဖြင့် ဆက်လက် ချေမှုန်း သွားမည်ဖြစ်သည်ဟု စစ်ရေး အကဲခတ်များက ဆိုပါသည်။ — with Jinghpaw Shadang.
Read More »

“ပရော်ဖက်ဆာ ဒေါက်တာဟတ်ချိုး၊ ဒီမိုမယ်တော်ကြီး နှင့် ရွာဦးဘုရားမှ ခရိုနီလဒကြီးများ”

ဂျော်ဒီး၊ ဇန်နဝါရီ ၂ဝ၊ ၂ဝ၁၃ MoeMaKa Burmese News & Media ခုတလော မိုးမခရွာသားများအကြားမှာ ရေပန်းစားနေသော ပုဂ္ဂိုလ်ကြီးမှာ ပရော်ဖက် ဆာ ဒေါက်တာဟတ်ချိုး ဆိုသူတည်း..။ သူ့အစွမ်း အံ့မခန်းပုံကား မိုးမခရွာထောင်စုလွှတ်တော် အရပ်ရပ်မှ လွှတ်တော်တွင်း အတင်းဦးများကို ဖွင့်ချဖော်ထုတ်နိုင်ခြင်းပင်..။ ရွာထောင်စု လွှတ်တော် ဥက္ကထကြီးများနှင့် လွှတ်တော်ကိုယ်စားလှယ်ကြီးများကား ပရော်ဖက်ဆာ ဒေါက်တာဟတ်ချိုး အား တွေ့ရာသင်္ချိုင်းဓါးမဆိုင်းဘဲ ရှာဖွေအရေခွံခွါမည်ဟု ကြိမ်းမောင်းနေကြသည်..။ အီကဲ့သို့ ရှာဖွေရာတွင် ရွာထောင်စုလွှတ်တော်များ၏ လုပ်ထုံးလုပ် နည်းအတိုင်း စုံစမ်းစစ်ဆေးရေး ကော်မရှင်များ ကိုပင် ပေါပေါသောသော၊ ရက်ရက်ရောရောဖွဲ့စည်းပြီး ဆောင်ရွက်နေကြရသည် တဲ့။ မိုးမခရွာသူရွာသားများကား ပရော်ဖက်ဆာဒေါက်တာ ဟတ်ချိုးကို စိတ်ဝင်စားလှ သည် ဖြစ်ရာ ရွာ့ဗဟုသုတဟင်းလေးအိုးသာဂိကို အပူကပ်ကာ ပရော်ဖက် ဆာ ဒေါက်တာ ဟတ်ချိုး ၏ ဝက်ခြံကို တိုက်ရိုက်ဝင်ကြည့်ကြလေသည်။ နံမယ်ကျော် (၀ီကီလိခ်) ဂျူလီယံအဆန်း၏ဆရာဖြစ်သူ ပရော်ဖက်ဆာဒေါက်တာ ဟတ်ချိုးကား သူ ၏ မီဒီယာဌာနချုပ် ရုံးခန်းအတွင်းရှိ ကွန်ပြူတာအစုတ်ကလေး ရှေ့ တွင်ထိုင်ရင်း တက်လာ သမျှ မိုးမခရွာထောင်စုလွှတ်တော် သတင်းများကို၎င်း ရွာဂံတော်သမဒရုံးဝက်ခြံမှ တက်လာသော သတင်းများကို၎င်း အနီးကပ်၊အဝေးခွာ၊ ကြည့်ရှု သုံးသပ်ရင်း သတင်းသုံးသပ်ချက်များကို စက္ကန့် မလပ် ထုတ်လွှင့်နေလေသည်။ တိုင်းရင်းသား ညီအကိုမောင်နှမများကို အင်မတန်ချစ်ကြည်လေးစားကြောင်း ပြသလိုသော ရွာဂံတော်သမဒကြီးနှင့် ရွာထောင်စုလွှတ်တော် ဥက္ကထကြီးများသည် ကရင်နှစ်သစ်ကူးပွဲတော်တွင် ကရင်သင်တိုင်းကြီးများ တဖါးဖါးဖြင့် ကခုန်ဆင်နွဲခဲ့သလို၊ နာဂ တိုင်းရင်းသားတို့ ၏ နှစ်သစ်ကူး ပွဲတော် တွင်လည်း နာဂရှေးရိုးရာဝတ်စုံအပြည့်ဖြင့် တက်ရောက် ဆင်နွဲကခုန်ခဲ့ကြကြောင်း။ ကရင်နှစ်သစ်ကူး ပွဲတော်ကြီးတွင် လက်ခုပ်လက်ဝါးတီး ကခုန် အားပေးခဲ့သော ဒီမိုမယ်တော်ကြီး မှာမူ ဒီနေ့ပွဲတွင် မျက်မှန်အနက်ကြီးကို တပ်ဆင်ပြီး၊ အမြင်မတော်သည်များကို မမြင်ချင်ယောင် ဆောင်နေ ရကြောင်း။ မယ်တော်ကြီး အနေဖြင့် ဆက်ဆံရေးပေါ်လစီသစ်အရ ယခင်ကကဲ့သို့  အမြင်မတော်သည် များ ကို တွေ့ တိုင်း ဇိုးဇိုးဇတ်ဇတ် မပြောမိစေရန် မကြာခဏ မမြင်မကြားချင်ယောင် ဆောင်နေ တတ် လာပြီ ဖြစ်ကြောင်း။ ရွာ့မြောက်ဖျားမှ ကချင်တိုင်းရင်းသားတို့အရေးတွင်လည်း သမဒကြီး၏ အာဏာစက်ကို လက်နှီးစုတ်လောက်တောင် အရေးမထား၊ ဂရုမပြုဘဲ ထိုးစစ်များကို တိုးမြှင့်ဆင်နွှဲနေသော ရွာ့သေနာငတိချုပ်ကြီး ကာလုံကြောင့် ရွာဂံတော်သမဒကြီး၏ ရုပ်ပုံလွှာများကား မရွှင်မလန်း အတော်ပင် မကျေမချမ်း ဖြစ်နေပုံရကြောင်း၊ ကချင်ဒုက္ခသည်စခန်းများ အတွင်းကို လက်နက်ကြီး များဖြင့် ချိန်ရွယ်ပစ်ခတ်ရာမှ မရည်ရွယ်ဘဲ စိနသူခိုးဓါးပြနယ်မြေတွင်းသို့ လက်နက်ကြီး ကျည်ဆံများ ကျရောက်သွားကြောင်း။ စိနသူခိုးကြီးများမှာ သူတို့ပေါင်ပေါ် မီးပွါးကျမှ မီးသတ်ကားခေါ်ဖို့ အော်ကြကြောင်း။ အီ အရေးကြောင့် ရွာဂံတော်သမတကြီးမှာ ကမ္ဘာရွာကြီးအလည်မှာ များစွာ မတင့်မ တယ်ဖြစ် နေကြောင်း။ ထို့ကြောင့် မကြာမီ လာတော့မည့် ပင်လယ်ဂိမ်းပွဲတော်ကြီးတွင် အရှက်မကွဲစေရန် အလို့ငှာ၊ နာတာရှည်မွေးမြူထားသော ရွာတွင်းစစ်မီး ကို ခေတ္တ ခဏပြာဖုံးထား ရန် ကြံရွယ်ပြီး လွှတ်တော် အရပ်ရပ်တွင် အရေးကြီးအဆိုများကို တင်သွင်းစေကြောင်း။ ရုတ်တရက် အပစ်အခတ် ရပ်စဲထားကြောင်း၊ သတင်းများကိုလဲ ခါတော်မီ ထုတ်ပြန်လိုက်ကြောင်း။ နောက်မှ အလျဉ်းသင့်သ လို ပြန်လည်ဆော်ပလော်တီးမည် ဖြစ်ကြောင်း..။ ထိုသတင်းများထက် ထူးဆန်းသည့်သတင်းသုံးသပ်ချက်များမှာ ရွာဂံတော် သမဒကြီးသည် သမတလုပ်ရပြီး သမတအာဏာ အပြည့်အဝပြခွင့် မရရှာသဖြင့်၊ နသားပါးရ အခြေခံဥပဒေ ကို ပြင်ဆင်ရန် ကြိုးပမ်းကြံစည်နေပုံရကြောင်း..။ သို့ရာတွင် နသားပါးရအခြေခံ ဥပဒေ ပြင်ဆင်ရန် ထောက်ခံမဲ ၇၅ ကျပ်သား ရရှိရန်မှာ အလေးချိန် တမတ်သား ခိုးထား ခံရသောကြောင့် မနုသတ္တဒုလ္လဘ ဆိုသည်ထက် ခက်ခဲနေကြောင်း။ သို့သော် ရွာဂံတော်သမတကြီးတို့အဖွဲ့က လက်မလျှော့ပဲ မတရားသော အမိန့်အာဏာဟူ သမျှတာဝန်အရဖီဆန်ကြ ဟူသော ဒီမိုမယ်တော်ကြီးတို့ လွှင့်ပစ်လိုက်သော ဆောင်ပုဒ် ကို ကောက်ယူကိုင်ဆွဲသည့်လုပ်ရပ်များကို လုပ်ဆောင်နေပုံရကြောင်း။ ဥပမာအားဖြင့် မတရားဥပဒေတခုဖြစ်သည့် အီလက်ထရွန်းနစ်ဥပဒေကို ဆန့်ကျင် ရိုက်ချိုးသည့် အနေဖြင့် ရွာဂံတော်ရှိရွာသူရွာသားများကို သတင်းများထုတ်ပြန်ရာတွင် ရွာဂံပိုင်သတင်းစာများကို မသုံးတော့ဘဲ၊ အင်တာနက်ဝက်ခြံဖစိဘုတ်များမှသာ တိုက်ရိုက် ထုတ်ပြန်နေသည်မှာ ထင်ရှားသည့် သာဓကဖြစ်ကြောင်း … စသဖြင့် ထင်မိထင်ရာ အာပလာသတင်းများဖြင့် ၀ါဒဖြန့်ချီနေလေသည်။ ထို့ပြင် ဒီမိုမယ်တော်ကြီး၏လက်ရာ … “ရာဇဝင်ထဲမှာ ထိပ်တိုက်ရင်ဆိုင်ရေး ကို ထားရစ်ခဲ့” နှင့် “ခရိုနီလဒများကို အသုံး ချပြီး ရွာဂံတော်ငြိမ်းချမ်းရေး တည်ဆောက်ရေး မဟာဗျူဟာ” လုံးချင်းတက်ကျမ်းစာအုပ်များမှာ အတော်ရောင်းရတွင်ကျယ်၊ ဘက်ဆဲလားစာအုပ်များ ဖြစ်နေကြောင်း။ အီစာအုပ်များမှာ ကမ္ဘာကျော်သွားပြီး … စာအုပ်ပါ … “ခရိုနီလဒများနှင့် ဘောလုံးပွဲအတူကြည့်ခြင်း၊ ဒီပလိုမေစီမှသည် ခရိုနီလဒများနှင့် ဆေးရုံပြင်၊ ကျောင်းဆောက်၊ ပညာရေးရန်ပုံငွေ စွပ်ကျယ်ရောင်းပွဲ ဒီပလိုမေစီများ၏ အောင်မြင်မှုများ” ကို အားကျတုပ နည်းနာယူပြီး အစ္စရေးဆိုသည့် ရွာကြီးတွင် ခရိုနီလဒများကို သူလျှိူအဖြစ် မွေးမြူအသုံးပြုလာပြီ ဖြစ်ကြောင်း။ “ခရိုနီလဒသုံးခြင်းအစ မိုးမခရွာက”ဟုပင် ဂုဏ်ယူသင့်ကြောင်း။ ထို့ပြင် ရွာထောင်စု လွှတ်တော် အတွင်းတွင်လည်း တမတ်တန်းနည်းပြကြီး ဆာအဲလက်စ်ပေါတာဂျီး၏ ခပ်စိပ်စိပ်လူစား ထိုး လဲ လှယ်မှုများကား ဒီမိုမယ်တော်ကြီး၏ ခရိုနီလဒများမှတဆင့် ထိုးဖောက် ကန်သွင်းဂိုးများ ကို ရှောင် ရှား လိုသည့် ကစားကွက်များဖြစ်ကြောင်း။ ရွာထောင်စုလွှတ်တော်အတွင်း အမျိုးသမီးလွှတ်တော်ကိုယ်စားလှယ်များ၏ နေ့စဉ် ဖက်ရှင် ရှိုးပွဲများမှာ ဂရင်းနစ်စံချိန်တင်ခဲ့သော ၁၄နှစ်ကြာ အမျိုးသားညီလာခံကြီးမှ အမျိုးသမီး ညီလာခံ ကိုယ်စားလှယ်ကြီးများ၏ ဖက်ရှင်ရှိုးပွဲများထက် မညံ့ကြောင်း။ စသဖြင့် အတွင်းသတင်း ဓါတ်ပုံ များနှင့် ဝေေ၀ဆာဆာရှိလှပေသည်။ ဒီနေ့ညအတွက် နောက်ဆုံးဖောင်ပိတ်သတင်းကား မိုးမခရွာထောင်စု လွှတ်တော်အတွင်းမှ အမျိုးသမီးလွှတ်တော်အမတ်တဦးဖြစ်သူ ဒီမိုကရေစီမယ်တော်ကြီးအား လွှတ်တော်အတွင်းသို့ သတင်းယူရန်ရောက်ရှိနေသော “ရစ်မရသတင်းမီဒီယာ”မှ သတင်းထောက် ကြီး ”ရန်လိုကြောင်” က လျှပ်တပြက်အိမ်သာဗျူး လိုက်နိုင်သောသတင်းပေတည်း။ သတင်းထောက်ကြီးရန်လိုကြောင်မှာ ရစ်မရမီဒီယာ၏ဝါရင့်သတင်းထောက်ကြီးပီပီ အမျိုး သမီးလွှတ်တော်အမတ် ဒီမိုမယ်တော်ကြီး အိမ်သာသွားခိုက် ရသမျှအချိန်တစက္ကန့်လေး ကို စောင့်ဆိုင်းကာ လျှပ်တပြက်အိမ်သာဗျူးလိုက် နိုင်ခြင်းဖြစ်လေသည်။ အမှန်စင်စစ် ပရော်ဖက်ဆာ ဒေါက်တာဟတ်ချိုးမှာ ရစ်မရသတင်းမီဒီယာ၏ စီအီးအိုကြီးဖြစ်နေရာ၊ အီသတင်းထူးကိုလည်း ရစ်မရသတင်းမီဒီယာမှ တဆင့် (exclusive news) ပရော်ဖက်ဆာဒေါက် တာ ဟတ်ချိုး၏၀က်ခြံသို့ စက္ကန့်ပိုင်းအတွင်း ဦးဦးဖျားဖျား ရောက်လာလေသည်။ ပရော်ဖက်ဆာ ဒေါက်တာဟတ်ချိုးလည်း မိုးမခရွာသူရွာသားအများ သိလိုသော သတင်းထူး တရပ်မို့ ဦးဦးဖျားဖျား စက္ကန့်မလပ်၊ ထပ်ဆင့်ထုတ်လွှင့် လိုက်လေသည်။ “မယ်တော်ကြီး ခင်ဗျား … ခုတလော လူပြောများနေတဲ့၊ အများပြည်သူ ကြည်ညို လေးစားရတဲ့ ရွာဦးဘုရားမှာ ခရိုနီလဒကြီးတွေလာနားနေတဲ့ ကိစ္စအပေါ် ဘယ်လိုသဘောထားပါသလဲ..” “အော် … မယ်တော်အမြဲပြောတယ်လေ။ ဘယ်သူပဲဖြစ်ဖြစ် ပြစ်မှု မထင်ရှားသရွေ့  အပြစ်မဲ့။ ဒီတော့ ခရိုနီလဒကြီးတွေ အများကြည်ညိုတဲ့ဘုရားမှာလာနားတာ ပြစ်မှု မထင်ရှားသေးဘူးလေ။ အလုပ်ကို ကြည့်ရမယ်လေ။ ငှက်ကိုမကြည့်ရဘူး၊ ဘုရားမှာ လာနားတယ်ဆိုတာ ခရိုနီ လဒတွေလည်း ဥပုသ်တွေဘာတွေ စောင့်ချင်လို့နေမှာပေါ့” “ဒါပေမယ့်  လဒဆိုရင် ဘာလဒဖြစ်ဖြစ် အပုပ်အစပ်တွေစားတဲ့ငှက်ဆိုးမျိုးမို့ ဘုရားမှာ လာနားတာ၊ ကောင်းတယ်လို့ ပြောလို့ရပါသလား..။အများကြည်ညိုလေးစားတဲ့  အထွတ်အမြတ် နေရာမှာ ဒီလိုငှက်ဆိုးကြီးတွေကြောင့် ကျက်သရေကင်းမဲ့တယ်လို့ မယူဆပါဘူးလား” “ခရိုနီလဒတွေ အပုပ်အစပ်စားခဲ့တာ မှန်ပေမယ့်၊ သူတို့လည်း သူတို့ဖာသာ ပြုပြင်ပိုင်ခွင့် ရှိတယ်လေ။ အခု သူတို့ခမျာ ဘုရားဖူးရင်း၊ လိပ်ဥလေး ဘာလေးတူးချင်လို့ လာတာ၊ လာ ပါစေပေါ့။ နောင်ဆို ရွာထောင်စုလွှတ်တော်မှာတောင် လွှတ်တော်ကိုယ်စား လှယ်ကြီးတွေ အဖြစ်တောင် သူတို့ကို မြင်ရဦးမှာပါ” အမေး အဖြေ အင်တာဗျူးအပြီးတွင် ခရိုနီလဒချီးများဖြင့် ဘုရားရင်ပြင်တခုလုံး နံစော်ည စ်ပတ်နေကြောင်း။ ဘုရားထီးတင်စဉ်က အသုံးပြုခဲ့ပြီး ဖျက်ထားသော ငြမ်းများပေါ်တွင်လည်း ခရိုနီလဒများက မစင်အညစ်အကြေးများ စွန့်သွားခဲ့ကြောင်း၊ ရစ်မရ သတင်း မီဒီယာ မှ သတင်းထောက်ကြီးရန်လိုကြောင်၏ သတင်းပေးပို့ချက်များကို သတင်းဓါတ်ပုံများနှင့်တကွ မိုးမခရွာသူသားများခမျာ ၀မ်းနည်းပက်လက်မြင်လိုက်ရလေသည်။ http://moemaka.com/?p=31331
Read More »

ဇန်န၀ါရီလ ၁၉ ရက်နေ့တွင်လည်း တပ်မတော်နှင့် KIA တို့အကြား တိုက်ပွဲများ ဆက်လက် ဖြစ်ပွား.

လဂျားယန် ဒေသရှိ နယ်မြေရှင်းလင်းမှု စစ်ဆင်ရေးများကို ဇန်န၀ါရီလ ၁၉ ရက်နေ့ နံနက်ပိုင်းတွင် ရပ်နားမည်ဟု အစိုးရမှ သတင်းထုတ်ပြန်ခဲ့သော် လည်း တပ်မတော်နှင့် KIA တို့အကြား တိုက်ပွဲများမှာ ဇန်န၀ါရီလ ၁၉ ရက်နေ့တွင်လည်း ဆက်လက် ဖြစ်ပွားနေကြောင်း သိရပါသည်။ "ခုနကတောင် လက်နက်ကြီးသံတွေ ကြားရသေးတယ်။ မနက် ၉ နာရီ ကနေ ၁၀ နာရီအထိ တိုက်ပွဲဖြစ်နေတုန်းပဲ"ဟု KIO မှ ဗိုလ်ကြီး ဂျိုးဇက်က Eleven Media Group သို့ ပြောပါသည်။ ထို့အပြင် လဂျားယန်မဟုတ်သော အခြားဒေသများတွင်လည်း တိုက်ပွဲများ ဆက်လက် ဖြစ်ပွားနေသည်ဟု သိရသည်။ "သမ္မတရုံးရဲ့ ထုတ်ပြန်ချက် အရ ထိုးစစ်မလုပ်ဘူး ဆိုတာက လဂျားယန် ဒေသမှာပဲလေ။ ကျန်တဲ့ နေရာမှာကတော့ ဆက်လုပ်ဦးမယ်ဆိုတဲ့ သဘောပေါ့။ အခု ဖြစ်နေတဲ့ နေရာက တပ်မဟာ(၃)နယ်မြေ ထဲမှာ၊ တပ်မဟာ(၂)နယ်မြေထဲမှာ၊ တပ်မဟာ(၄)ဧရိယာထဲမှာ ဖြစ်နေတယ်။ ဒီထုတ်ပြန်ချက်ဟာ တပ်မတော် အနေနဲ့ ထိုးစစ် မလုပ်တော့ဘူးလို့ ဒီတစ်နေရာထဲ ပြောတဲ့ သဘောပါ။ ဖြစ်ချင်လည်း ဖြစ်ဦးမယ်။ ထိုးစစ်လုပ် ချင်လည်းလုပ်ဦးမယ်ဆိုတဲ့ သဘောပါ”ဟု ဗိုလ်ကြီး ဂျိုးဆက်က ပြောသည်။ ဇန်န၀ါရီလ ၁၉ ရက်နေ့တွင် ဖားကန့်ရှိ ဆိုင်းရာ၊ ကံဆီးတွင် အခြေစိုက်ထားသော KIA တပ်ရင်း (၆) ကို အစိုးရ တပ်များမှ ထိုးစစ် ပြုလုပ်နေကြောင်း ဗိုလ်ကြီး ဂျိုးဆက်က ပြောသည်။ "တပ်ရင်း(၆)ကို ထိုးစစ် လုပ်နေတယ်။ တပ်ရင်း(၆)က ဆိုင်းရာ၊ ကန်စီး ဆိုတဲ့ ဖားကန့် ဒေသကပါ။ အဲဒီမှာတော့ ဒီနေ့လည်း ဖြစ်နေတုန်းပဲ တပ်မဟာ(၃)ရဲ့ ဂျန်မိုင်ကောင်း မှာလည်း ပစ်တယ်။ နေရာတော့ အတိအကျ မသိသေးဘူး။ တပ်မဟာ(၃)ဆိုတာက လွယ်ဂျယ် မြို့နယ်နဲ့ မိုးမောက် မြို့နယ်ထဲ ပါပါတယ်။ လွယ်ဂျယ်မြို့နယ်နှင့်မိုးမောက်မြို့နယ်ထဲ မှာလည်း တိုက်ပွဲတွေ ဖြစ်နေတုန်းပဲ။ ဆွမ်ပရာဘွမ် မြို့နယ်ထဲမှာလည်း ဒီနေ့ထိ တိုက်ပွဲဖြစ်နေတုန်း။ ဒီနေ့မနက်အထိ ဖြစ်နေတာကတော့ ခိုင်ယာမှာလည်း ဖြစ်နေတယ်”ဟု ဗိုလ်ကြီး ဂျိုးဆက်က ပြောပါသည်။ KIA တွင် တပ်မဟာ ခြောက်ခုရှိပြီး ပန်ဝါဒေသဘက်တွင် တပ်မဟာ(၁) ၊ ဖားကန့်၊ မြစ်ကြီးနား၊ တနိုင်း၊ မိုးကောင်း၊ မိုးညှင်း အစရှိသည့် ဒေသများတွင် တပ်မဟာ(၂) ၊ မိုင်ဂျာယန်နှင့် ဂျန်မိုင်ကောင်းတွင် တပ်မဟာ (၃)၊ ရှမ်းပြည်နယ် မြောက်ပိုင်း၊ ရှမ်းပြည်နယ် အရှေ့ပိုင်း၊ တာမိုးညဲ၊ လွယ်ဂျယ်၊ ကွတ် ခိုင် အစရှိတဲ့ ဒေသများတွင် တပ်မဟာ(၄) ၊ လိုင်ဇာဒေသမှာ တပ်မဟာ(၅) နှင့် မကြာသေးမီက ယာယီဖွဲ့စည်းခဲ့သော တပ်မဟာ(၆)မှာ ပန်ဝါ၊ လိုင်ဇာ၊ လဂျားယန်နှင့် ဖားကန် ဒေသများတွင် ရှိနေပါသည်။ Credit: Lachid Kachin
Read More »

ကေအင်ယူဆက်ဆံရေးရုံးခွဲ တာဝန်ရှိ သူတွေနဲ့ ဒေါ်အောင်ဆန်းစုကြည်တွေ့ဆုံဆွေးနွေး

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်ဟာ ပဲခူးတိုင်းဒေသကြီး ကျောက်ကြီးမြို့နယ် ဖွံ့ဖြိုးတိုးတက်ရေး လုပ်ငန်းစဉ်တွေနဲ့ ပတ်သက်ပြီး ကရင်အမျိုးသား အစည်းအရုံး KNU အဖွဲ့က တာဝန်ရှိသူတွေနဲ့ ဒီကနေ့ ဇန်နဝါရီလ ၂၀ ရက်နေ့မှာ တွေ့ဆုံဆွေးနွေးခဲ့ပါတယ်။ ကျောက်ကြီးမြို့နယ်မှာ ဖွင့်လှစ်ထားတဲ့ ကရင်အမျိုးသား အစည်းအရုံးရဲ့ ဆက်ဆံရေးရုံးခွဲမှာ KNU တပ်မဟာ (၃) က ဗိုလ်မှူးကြီး စောအယ်ကလူသိန်းအဖွဲ့နဲ့ ဆွေးနွေးခဲ့တာ ဖြစ်ပါတယ်။ အဲဒီတွေ့ဆုံပွဲမှာ ကျောက်ကြီးမြို့နယ်အတွင်း ဒေသဖွံ့ဖြိုးရေးလုပ်ငန်းများဆောင်ရွက်ဖို့နဲ့ မြေမြှုပ်မိုင်း ရှင်းလင်းရေးကိစ္စရပ်တွေကို အဓိကထားဆွေးနွေးခဲ့ပါတယ်။ ဒီကနေ့ ဆွေးနွေးပွဲနဲ့ ပတ်သက်ပြီး KNU အဖွဲ့မှ စောဂျိုးဂျိုးက RFA ကို အခုလိုပြောပါတယ်။ " ငြိမ်းချမ်းရေးကို တည်တံ့ခိုင်မြဲအောင် လုပ်ဖို့အတွက်တော့ လမ်းစလေးတော့ ကောင်းတာပေါ့၊ မိုင်းရှင်းလင်းရေး ကိစ္စတွေနဲ့ ဒေသဖွံ့ဖြိုးရေးအတွက် ကိုဆွေးနွေးခဲ့တယ်၊ နယ်မြေအေးချမ်းမှုအရလည်း ကောင်းလာတာပေါ့" ဒေါ်အောင်ဆန်းစုကြည် ရောက်ရှိမလာခင် ဒီကနေ့မနက်ပိုင်းမှာ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး သက်ထွန်း ဦးဆောင်ပြီး ကျောက်ကြီးမြိုနယ်မှာ ဖွင့်လှစ်ထားတဲ့ ကရင်အမျိုးသားအစည်းအရုံး (KNU)နဲ့ မြန်မာအစိုးရတို့ရဲ့ ဆက်ဆံရေးရုံးမှာ ဂျပန်နိုင်ငံအခြေစိုက် နီပွန်ဖောင်ဒေးရှင်းက လှူဒါန်းထားတဲ့ ထောက်ပံ့ရေး ပစ္စည်းတွေကို လာရောက်လှူဒါန်းခဲ့တယ်လို့ သိရပါတယ်။ RFA Burmese တွင်ဖော်ပြသော သတင်းကို မူရင်းအတိုင်းမျှဝေခြင်းဖြစ်ပါသည်
Read More »

ပြည်ထောင်စု ရေး ရင်လေး လှပါရဲ့. . .

ပင်လုံစာချုပ်ဆိုတာ မချုပ်ခင်က ကချင်ပြည်နယ်ကို ဘယ်သူပိုင်သလဲ ပင်လုံစာချုပ်သာ မချုပ်ဖြစ်နိုင်ခဲ့ရင် မြန်မာပြည် ဆိုတဲ့အထဲ ကချင်ပြည်၊ ချင်းပြည်၊ ကရင်နီဆိုတဲ့ ကယားပြည်၊ ရှမ်းပြည်ဆိုတာတွေ ပါလာမှာလား။ ပြည်ထောင်စု ဆိုတာ ဗမာပိုင်နက်ထဲ ကို ရှမ်းပြည် ကို ကချင်ပြည်ကို ဆွဲသွင်းတာမျိုးမဟုတ်ပါဘူး ဟောဒီ ပြည်ထောင်စုကြီးကို ရှမ်းတွေကော၊ ကချင်တွေကော၊ ဗမာတွေကော အကုန် တန်းတူညီမျှ ပိုင်ဆိုင်ကြတယ် လို့ အနှစ်သာရပေါ်လွင်ဖို့လိုပါတယ်။ ဒါကြောင့် ၁၉၄၇ ဥပဒေမှာ အထက်လွှတ်တော် ကို လူမျိုးစု လွှတ်တော် ရယ် လို့ တိုင်းရင်းသားခေါင်းဆောင်တွေကို တိုက်ရိုက်ပါဝင်စေခဲ့တယ်။ ပြည်ထောင်စု ဆိုတာ အများသဘောဆန္ဒအရ ဆိုပြီး လူများတိုင်းဆုံးဖြတ် စုစည်း ထားရတာ မဟုတ်ပါ။ လူနည်းစု၊ လူမျိုးစုအခွင့်အရေးတွေကို အထူးပေးပြီး၊ ပေါင်းစု ထားရပါတယ်။ အမေရိကန်မှာ ရက်ဒ်အင်ဒီးယန်းတွေကို မတရားမမျှတတာ လုပ်ခဲ့တဲ့ လူဖြူတွေ ရဲ့ လုပ်ရပ်တွေကို သမိုင်းစစ်၊ သမိုင်းမှန် ဖေါ်ထုတ်ပြီး အဲဒီ လူဖြူတွေကိုယ်တိုင် က သေချာ သင်ကြားကြ၊ သင်ယူကြတယ်။ ရက်အင်ဒီယန်းတွေကို အမေရိကန်တို့ရဲ့ ဘိုးအေ တွေ လို့ သတ်မှတ်ပြီး ကျေးဇူးရှင်တွေ အနေနဲ့ ကျေးဇူးတော်နေ့သတ်မှတ်၊ အခွန်လုံးဝ ဆောင်စရာမလို သတ်မှတ် နဲ့ သူတို့ရဲ့ သမိုင်းကိုလည်း ဖေါ်ထုတ်အသိအမှတ်ပြုပေးတယ်။ ဒီလိုနဲ့ ရက်ဒ်အင်ဒီးယန်းတွေ ဟာ လူနည်းစု ဖြစ်သည့်တိုင် အင်မတန် အခွင့်ထူးခံလူမျိုးစုတွေအနေနဲ့ ပြည်ထောင်စုထဲ မှာ နေထိုင်နေကြတယ်။ သေချာ စဉ်းစားကြည့်ပါ၊ ကြိုက်တဲ့ သင်ရိုးညွှန်းတမ်း သမိုင်းကို လှန်ကြည့် ပထမမြန်မာနိုင်ငံ၊ ဒုတိယမြန်မာနိုင်ငံ၊ တတိယမြန်မာနိုင်ငံ ဆိုပြီး၊ ဘယ်ရှမ်းပြည်၊ ဘယ်ရခိုင်ပြည်၊ ဘယ်မွန်ပြည်သမိုင်းမှ မပါ။ ပထမမြန်မာနိုင်ငံဆိုတာ ဖြစ်လာမယ့် သမိုင်းမှာကို ဗုဒ္ဓဘာသာတည်ဖို့ မွန်နိုင်ငံ သထုံပြည် ကို ပဋိကတ်သုံးပုံ အသာတကြည်တောင်းမရလို့ အကြောင်းပြချက် နဲ့ စစ်တိုက်ဖျက်ဆီး၊ ဘုရင်ကို ဖမ်းဆီးပြီး လုယူခဲ့တယ်။ အဲဒီတုန်းကသာ သာသနာတည်ပြီးသား မွန်တွေဆီက ပဋိကတ်သုံးပုံ ဆိုတာ မရ ခဲ့ရင် မြန်မာပြည် ဗုဒ္ဓဘာသာတောင် ထွန်းကားမှာ မဟုတ်ဘူး။ တကယ်ဖြစ်သင့်တာ ဒီ မွန် တို့၊ ရခိုင်တို့ တိုင်းရင်းသားတွေဟာ မြန်မာတွေ ရဲ့ ကျေးဇူးရှင် မြန်မာတို့ကို ကူညီခဲ့တဲ့ဘိုးဘွားတွေ လို့ ဖြစ်သင့်တယ်။ သမိုင်းမှာလည်း ကျန်စစ်သားမင်းကြီးဟာ ထီးနန်းမွေကို မွန်သွေးပါတဲ့ အလောင်းစည်သူ ကို လွှဲလို့ ပြည်ထောင်စု ကို တည်ခဲ့တယ်။ ဒီလို အမြှော်အမြင်ရှိဖို့ ပြောနေတာဗျ။ ခု ခင်ဗျားတို့ ဖြေရှင်းပုံက ကချင်ပြည်မှာ ကချင်ချည်းပဲ နေတာ မဟုတ်၊ ဗမာက ဘယ်နှရာခိုင်နှုန်းနေပါတယ် လို့ ဖြေရှင်းနေပုံက အင်မတန် ဉာဏ်နည်း ယုတ်ညံ့လှတဲ့ တရုတ်က တိဘက် ကို ဖြေရှင်းနည်းဖြစ်နေတယ်။ သမိုင်းသင်ရိုးညွှန်းတမ်းတွေမှာက အစ မြန်မာဘုရင်တွေ တော်ကြောင်း၊ ထက်ကြောင်း ဘယ်လိုသိမ်းသွင်း၊ သိမ်းပိုက်နဲ့ သင်လိုက်တာ၊ သင်နေတဲ့ ကျောင်းသားတွေထဲ မွန်ကျောင်းသားတွေ၊ ရခိုင်ကျောင်းသားတွေ၊ မိုးညှင်း၊ မိုးကောင်း၊ ရှမ်းပြည်သားတွေ သူတို့သမိုင်းသိတဲ့ သူတွေက အံတကြိတ်ကြိတ်နဲ့ ခံစားရ။ မွန်ကျတော့ သူပုန်တဲ့၊ ပုန်ကန်ထကြွတယ်တဲ့။ သမိုင်းကိုက ငါ့စကား နွားရ သမိုင်း ဖြစ်နေတယ်။ တကယ်တမ်းက မြန်မာက နောက်မှ ၀င်လာတဲ့ သူတွေ။ ပုဂံခေတ်အခြေအနေ အရ ဆို မြန်မာက ဘားဘေးရီးယန်းအခြေအနေ၊ မွန်တို့၊ ရခိုင်တို့က အင်မတန် ယဉ်ကျေးလှပြီ။ ဒါတွေကို ပြောရင် ပြည်ထောင်စု ပြိုကွဲအောင် တမင် တိုက်ပေး နေတယ် လို့ ရေးတဲ့သူတွေက ရှိသေးတယ်။ အဲဒီလူတွေကို အမေရိကားက သမိုင်းသင်ပုံတွေ လေ့လာစေချင်တယ်။ ရင့်ကျက်တဲ့ လူ့အဖွဲ့အစည်းဖြစ်ဖို့လိုပါတယ်။ တိုင်းရင်းသားတွေကို မည်မျှပင် လူနည်းစု ဖြစ်ပါစေ တန်းတူညီမျှ အခွင့်အရေး နဲ့ ဆက်ဆံဖို့လိုပါတယ်။ တိုင်းပြည်ကြီးမှာ အခြေခံ လူ့အခွင့်အရေးနဲ့ဒီမိုကရေစီ မထွန်းကား လို့ ဒီပြဿနာတွေဟာ ပေါ်နေရတာပါ။ အမေရိကားမှာ ကာလီဖိုးနီးယားလို ပြည်နယ်ဟာ ခွဲထွက်ခွင့် ရှိတယ် ဆိုတဲ့ သဘောတူညီမှုနဲ့ ပြည်ထောင်စုထဲ ပါတာပါ။ ဒါပေမယ့် ခွဲထွက်ခွင့် ဆိုတာကို သူတို့ မေ့တောင်နေပါပြီ။ ပြည်ထောင်စုမှာ လူ ကို အခြေခံလို့ တန်းတူညီမျှ တဲ့ လူ့အခွင့်အရေးတွေ၊ ဒီမိုကရေစီရေးတွေက သိပ်ကို ကြွယ်ဝ တာကိုး။ ခင်ဗျားတို့မှာတော့ လောဘတွေ၊ အတ္တတွေနဲ့၊ ခင်ဗျားတို့ မတရားလုပ်ထားတာ တွေကို ကာကွယ်ရင်း တိုင်းရင်းသားတွေ အရေး ကို ဘာမှ မဖြေရှင်းပေးနိုင်ဘူး။ ပိုဆိုးတာက အတိုက်အခံနိုင်ငံရေးသမားတွေကလည်း အဲဒီ မတရားမှုတွေကို မြင်ရဲ့သားနဲ့ ၀ိုင်းနှာစေးလိုက်ကြတယ်။ ဒီလို တိုင်းရင်းသားတွေအပေါ်မှာ လက်နက်နဲ့ အင်အားသုံးအနိုင်ကျင့် အုပ်ချုပ်တာဟာ ပြည်ထောင်စု မဟုတ်ပါ။ လူမျိုးချင်း မုန်းတီးမှုတွေဟာ ပွားများသထက်ပွားများလို့ လာ နေ ပါပြီ။ ဒါတွေကို နိုင်ငံရေးသမား နာမည်ခံပြီး ခေါင်းရှောင်နေကြတာ အဆိုးဆုံးပါပဲ။ တချိန်မှာ မရှုနိုင်မကယ်နိုင် ပြဿနာဖြစ်လို့ ရလာဒ်ဆိုးတွေ ပေါ်ပေါက်ခဲ့ရင် ဒီလို နေခဲ့သူအားလုံး ဒီသမိုင်းအတွက် တာဝန်ယူရလိမ့်မယ်။ ချိုတူးဇော်
Read More »

သမ္မတကတော် မုန့်ဟင်းခါးရောင်းမယ် ဆိုရင်

လာဘ်စား၊ ကြွယ်ဝ၊ သားကုမ္ပဏီ၊ သမီးကုမ္ပဏီ၊ သားမက် ကုမ္ပဏီတွေ သာ ပေါများတဲ့ မြန်မာပြည်၊ ခိုး ဖို့တော့ ရှက်ရကောင်းမှန်းမသိ၊ မုန့်ဟင်းခါးရောင်းရမှာမျိုးကို တလွဲဆံပင်ကောင်း ရှက်စရာ အလုပ်လို့ထင်တဲ့ မြန်မာပြည်၊ ခိုးပြီး ချမ်းသာတာ အဆင့်အတန်းမရှိတဲ့ အတန်းအစား ဖြစ်ရတယ် ဆိုတာ မသိတဲ့ မြန်မာပြည် မုန့်ဟင်းခါးရောင်းတာ ကို အဆင့်အတန်းမရှိဘူး လို့ တလွဲထင်တဲ့ မြန်မာပြည်. ..။ အမြတ်ခွန်ရုံးက သူငယ်ချင်းမတယောက် တလကို သိန်း ၃၀ ၀င်တယ်ဆိုလို့ (အကြီးတန်းစာရေးမပါ) အလုပ်က ထွက်ပြီး မုန့်ဟင်းခါးရောင်းပါလား အကြံပေးမိလို့ မိတ်ပျက်ခဲ့ရဖူးပါတယ်။ တသက်လုံး ဒီအတိုင်းနေခဲ့တဲ့ ကိုယ့်လည်း မွဲသလား မမေးနဲ့။ ကား ရိုက်တော့ ဘယ်အခန်းမှာ ဘယ်သူ လို့ တိတိကျကျ နာမည်နဲ့တကွ မှတ်ထားပေးတဲ့ အက်စတာအဖွဲ့၊ ဒေါ်ထားအဖွဲ့ က ကလေးတွေကို စာရင်းအင်းနဲ့ ရှုတင်မန်နေဂျာ လက်ထဲ၊ ပရိုဂျုဆာ လက်ထဲ ထည့်တော့ ဟိုလူက ဘာဖြစ်လို့၊ ဒီလူက ဘာဖြစ်လို့နဲ့ အကြောင်းပြတယ်။ နောက်မှ သိရတာ မန်နေဂျာက ကိုယ့်ကားထဲ လူတယောက်သွင်းရင် အဲဒီသရုပ်ဆောင် ဆီက အာရ်ကေ ဆိုပြီး သရုပ်ဆောင်ခ တ၀က်လောက် ဖြတ်စားလပ်စား လုပ်တယ်။ မိန်းကလေးဆို မသမာမှုတွေ လုပ်တယ်။ ပရိုဂျူဆာတွေလည်း ဒီလိုပဲ၊ အဆီကိုစား၊ အသားကို မြိုတဲ့ လောက။ အင်မတန်မသမာမှု ပေါတဲ့ လောက။ ၃၅ လမ်းထဲ မျက်နှာသစ်တယောက်ဝင်လာရင် မဖြစ်နိုင်ဘူး ဘယ်တော့မှ မပြောဘူး။ ဟိုတယောက် ဒီတယောက် မင်းလောက်တောင် ရုပ်မရှိဘူး ဘာညာနဲ့ ကား တကား၊ ၂ ကား မဖြစ်ဖြစ်အောင် ရိုက်၊ အဲဒီ မင်းသားရူး၊ မင်းသမီး ရူး လူငယ်လေးနဲ့ သူ့မိဘတို့ စုထားသမျှ ပြုတ်ပြုတ်ပြုန်း၊ ဟိုယောင်ယောင် ဒီယောင်ယောင်နဲ့ ပြီးသွားရ။ ဒီလိုလောကထဲ ကိုယ်က တသီကြီးစာရင်းပေးတော့ ပရိုဂျူဆာက ကျနော့်ကို အာရ်ကေ တသီကြီး လုပ်စားတယ် အောင့်မေ့တာကိုး ဆိုတာ နောက်မှ သိရတော့တယ်။ ကိုယ်ကတော့ တကယ့်ကို ပရိုဂျူဆာလည်း သက်သာ၊ တကယ့်ကို အရည်အချင်းရှိတဲ့ ကလေးတွေလည်း အလုပ်ဖြစ် ကိုယ်လည်း ကားရိုက်ရတာ နာမည်ကြီးလို ဟိုကား ဒီကားကူး ရက်ကို ညှိရ၊ ခေါက်ရိုးကျိုး ဖန်တရာတေ အက်တင်တွေကို ရှောင်နိုင်ရ မို့ ကျနော့်ကားတိုင်း မျက်နှာသစ်တွေနဲ့ ဇာတ်ပို့ ဇတ်ရန် အမြဲသုံး ရိုက်လေ့ ရှိပါတယ်။ နေရာတိုင်းမှာ တဘက်သတ်ပြောတယ်၊ အစွန်းရောက်တယ် လို့ အပြောခံရပေမယ့် ပြင်ဖို့လည်း စိတ်မကူး ပြင်စရာလည်း မလို မှန်တဲ့ဘက်၊ ကောင်းတဲ့ဘက်ကို ဒါ့ထက် အစွန်းရောက်အောင်သာ သွားပါ့မယ်။ ပြောနေကျအတိုင်း ထပ်ပြောပါဦးမယ် ဒါ့ထက် အစွန်းရောက်တဲ့ တနေ့ မဟာဗောဓိမြိုင်ဆရာတော်ကြီး လိုသာ တောထွက်ချင် ခင်ဗျားတို့ အရှုပ်တွေထဲတော့ မပါသေးပါလေ. . . ဘာပဲပြောပြော ဒီပို့စ်ထဲကလို. . . ဒီတိုင်းပြည်မှာ ဒီလိုသမ္မတကတော် က ဒီလိုသာ တကယ်ရောင်းမယ် ဆိုရင် ၀မ်းမြောက်ဝမ်းသာ ကြည်ကြည်လင်လင် ဖြစ်ပါသလေ့. . .။ ဒီသတင်း မှန် မမှန်ထက်၊ ဒီသတင်းပေါ်က အခြေခံတဲ့ ဒဿနကို ရေးပါတယ်။ ချိုတူးဇော်
Read More »

ခရိုနီငိုချင်း၊ နှစ်ပါးသွားနှင့် မြန်မာ့နိုင်ငံရေး

မြန်မာ့နိုင်ငံရေးဖြစ်စဉ်၊ နိုင်ငံရေးခေါင်းဆောင်အများစုနှင့် နိုင်ငံရေးသမား အများစုတို့သည် အလွန်နက်နဲ၊ ရှုပ်ထွေးသည့်အပြင်၊ တခါတရံ အလွန် နားလည်ရခက်သည်ဟုဆိုသော သက်ကြီးဝါကြီးတို့၏ စကားကို ကျွန်တော်တို့ မှတ်သားခဲ့ရသည်။ ယနေ့ခေတ်၊ ကျွန်တော်တို့ လူလတ်ပိုင်း အရွယ်ရောက်သော အချိန်တိုင်အောင် နိုင်ငံရေးဖြစ်စဉ်၊ ခေါင်းဆောင်အများစုနှင့် နိုင်ငံရေးသမား အများစုတို့သည် ရှုပ်ထွေးနေဆဲ၊ နားလည်ရန် ခက်ခဲနေဆဲဖြစ်သည်။ ၂၀၁၃ ခုနှစ်၊ ဇန်န၀ါရီလ (၉) ရက်နေ့၊ ပထမအကြိမ် ပြည်သူ့လွှတ်တော်၊ ဆဌမအစည်းအဝေး၊ ပထမနေ့၊ နေ့လည်ပိုင်း အစည်းအဝေး ခေတ္တရပ်နားချိန်တွင် အမျိုးသားဒီမိုကရေစီအဖွဲ့ချုပ် ဥက္ကဌနှင့် ကော့မှူးမြို့နယ်၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်သည် သတင်းမီဒီယာများနှင့် နွေးနွေးထွေးထွေး တွေ့ဆုံစကားပြောရင်း လဘက်ရည်ဝိုင်းဖွဲ့ခဲ့သည်။ အဆိုပါ နွေးထွေးသော လဘက်ရည်ဝိုင်းသည် သတင်းထောက်တစ်ဦး၏ ခရိုနီများနှင့် ပတ်သက်သော မေးခွန်းကြောင့် ပိုမိုသက်ဝင် လှုပ်ရှားလာခဲ့သည်ဟု ဆိုနိုင်သည်။ ဒေါ်အောင်ဆန်းစုကြည်က နိုင်ငံရေးလုပ်ရာတွင် အာဃာတကို အခြေခံပြီး၊ လုပ်သည်ကို မကြိုက်ကြောင်း ဦးစွာ ပြောကြားခဲ့သည်။ အကယ်စင်စစ်၊ မကျေနပ်မှု၊ ဖိနှိပ်ခံရမှု၊ မတရားခံရမှု၊ နှိပ်စက်ခံရမှုတို့ကြောင့် အာဃာတဖြစ်ပြီး၊ အာဃာတကြောင့် မသင့်မမြတ် ဖြစ်ကြရသည်။ အာဃာတသည် အကြောင်းမဲ့ ဖြစ်လာခြင်းမဟုတ်။ ထို့ကြောင့် ဖြစ်ရသည့် အကြောင်းများကို ချေဖျက်မှ၊ အာဃာတလည်း ပျောက်မည်ဖြစ်သည်။ လတ်တလော ခရိုနီများကိစ္စကို ကြည့်လျင်၊ မြန်မာနိုင်ငံတွင် လှည်းနေလှေအောင်း မြင်းဇောင်းမကျန် လူအတော်များများက မည်သူတို့သည် ခရိုနီကြီးများဖြစ်သည်ကို ကောင်းကောင်း သိကြသည်။ ထိုခရိုကြီးများအနေဖြင့်၊ အများပြည်သူအနေဖြင့်၊ အာဃာတ ဖြစ်စေခဲ့ရသော အကြောင်းများကို ဦးစွာ အထုပ်ဖြေ၊ ရှင်းပြခြင်းသည် အကောင်းဆုံး အာဃာတ ဖြေဖျောက်ခြင်းဖြစ်သည်ဟု သုံးသပ်မိသည်။ စကားမစပ်၊ လက်ရှိမြန်မာ့နိုင်ငံရေး ပတ်ဝန်းကျင်တွင်လည်း အာဃာတကို ဘေးဖယ်ထားသည့်မူ၊ လမ်းစဉ်တို့ကို ကိုင်စွဲဆောင်ရွက်မည်ဆိုလျင် ကောင်းလေစွဟု မြည်တွန်တောက်တီးမိသည်။ ပြည်တွင်း နိုင်ငံရေးပါတီများနှင့် ဒီမိုကရက်တစ်အင်အားစုများ အကြားတွင် မျက်နှာချင်းဆိုင် စကားမပြောနိုင်သည်မှာလည်း ထိုအာဃာတကြောင့်ပင် ဖြစ်သည်ဟု ကောက်ချက်ပြုနိုင်သည်။ ပြည်နယ်များ၏ လက်ရှိနိုင်ငံရေး အနေအထားကို ကြည့်လျင်၊ အာဃာတတရားများကို ဘေးဖယ်ထားပြီး၊ အတူလက်တွဲ အလုပ်လုပ်နေကြသည်မှာ အားရစရာဖြစ်သည်။ ပြည်နယ်တစ်ခုအတွင်းရှိ တိုင်းရင်းသားပါတီများ ပူးပေါင်းဆောင်ရွက်နိုင်ရေး၊ တစ်ပါတီတည်း ပြင်ဆင် ဖွဲ့စည်းနိုင်ရေးတို့အတွက် ဆွေးနွေးမှုများသည် အတိုင်းအတာတစ်ခုအထိ ခရီးပေါက်နေပြီဖြစ်သည်။ သို့သော် တဖက်တွင်၊ အမျိုးသားဒီမိုကရေစီအဖွဲ့ချုပ်သည် အခြားနိုင်ငံရေးပါတီများ၊ ဒီမိုကရက်တစ် အဖွဲ့အစည်းများ၊ တိုင်းရင်းသားပါတီများနှင့် နားလည်မှု၊ ယုံကြည်မှု တည်ဆောက်ရေးအတွက် အလုပ်သဘောဆွေးနွေးမှုများ၊ အစည်းအဝေးများကို ယနေ့အထိ ပုံမှန်ပြုလုပ်နိုင်မှု မရှိခြင်းအပေါ် ဒေါ်အောင်ဆန်းစုကြည် နှုတ်ထွက်မိန့်ကြားသည့် အာဃာတမဲ့ မူဝါဒအပေါ် အခြေပြု၊ သုံးသပ် ဆင်ခြင်နိုင်မည်ဆိုလျင် အလွန်ကောင်းလေစွဟု ထပ်မံကောက်ချက်ပြုမိပါသည်။ ဒေါ်အောင်ဆန်းစုကြည်က ခရိုနီအမျိုးမျိုးရှိကြောင်း၊ ခရိုနီဟုခေါ်ရသည်မှာ န၀တ၊ နအဖခေတ်တွင် ချမ်းသာလာကြသူများကို ခေါ်ခြင်းဖြစ်ကြောင်း၊ ခရိုနီများ ချမ်းသာလာကြပုံများသည် မတူညီကြကြောင်း၊ ချမ်းသာပုံ ချမ်းသားနည်းတွင် မတရားမှုများ ပါ၊ မပါကို စိစစ်ရမှာဖြစ်ကြောင်း၊ မည်သူဖြစ်ဖြစ် ပြစ်မှုမထင်ရှားသရွေ့ အပြစ်မဲ့သည်ဟု သတ်မှတ်ရမည်ဖြစ်ကြောင်း ကြေညာမောင်းခတ်ခဲ့သည်။ ခရိုနီကြီးတို့ ခုန်ပေါက် ပျော်မြူးကြသည့်အချိန်တွင် ပြည်သူလူထုကြီးက ဆင်းရဲတွင်း နက်နေဆဲဖြစ်သည်။ ပြည်သူလူထုကို ဆင်းရဲတွင်းနက်အောင် လုပ်ခဲ့ရာတွင် အဓိကနေရာမှ ပါခဲ့သည့် ခရိုနီများကို သက်သေအထောက်အထား မရှိသဖြင့် အပြစ်မှ ကွင်းလုံးကျွတ် လွတ်စေဟု တစ်ချက်လွှတ် အမိန့်ချလိုက်ခြင်းပင် ဖြစ်သည်။ အကယ်စင်စစ်၊ မြန်မာပြည် တနံတလျားမှ ပြည်သူလူထု အများစုကြီးသည် အာဏာပိုင်များနှင့် လက်ဝါးချင်းရိုက်ပြီး၊ မတရား ချမ်းသာကြွယ်ဝလာသော ခရိုနီများအကြောင်းကို ဘ၀နှင့်ရင်း၊ တွေ့ကြုံခဲ့ရ၊ တွေ့ကြုံနေရသဖြင့် ဒေါ်အောင်ဆန်းစုကြည်ထက် များစွာ နားလည် သဘောပေါက်ပြီးဖြစ်သည်ဟု သုံးသပ်နိုင်သည်။ အပြစ်ရှာမရအောင် လုပ်နိုင်သည့် အခြေအနေများ၊ ပံ့ပိုးမည့်သူများ၊ အင်နှင့်အားနှင့် ရှိနေချိန်တွင် ဘယ်ခရိုနီကြီးကို ပြစ်မှုထင်ရှားကြောင်း ပြနိုင်ပါမည်နည်း။ အခြေအနေအရ၊ ပြစ်မှုထင်ရှားအောင် မပြနိုင်လင့်ကစား၊ အများပြည်သူ၏ နှလုံးသားတွင် မည်သူတို့သည် ခရိုနီကြီးများ ဖြစ်သည်ကို သံမှိုဆွဲထားပြီးဖြစ်သည်။ ပြစ်မှုကျူးလွန်သူများသည် ကိုယ့်ကိုယ်ကို ပြုပြင်ပိုင်ခွင့်ရှိသည်ကို လက်ခံသော်လည်း၊ တရားဥပဒေကြောင်းအရ ထိုက်သင့်သော ပြစ်ဒဏ်ကို ခံယူရင်း၊ ပြုပြင်ခွင့် ပေးရမည်ဖြစ်ပြီး၊ ပြန်လည်ထူထောင်ရေးကိုလည်း နှလုံးသွင်းရမည်ဖြစ်သည်။ သို့သော် မိမိ၏နှုတ်ထွက်စကားသည် ခရိုနီများဖက်မှ မသိမသာသော်လည်းကောင်း၊ သိသိသာသာသော်လည်းကောင်း၊ ရပ်တည်သည့်သဘော သက်ရောက်သွားမည်ကို သတိထားဆင်ခြင်သင့်သည်ဟု အကျိုးမျော် နှိုးဆော်လိုပါသည်။ လက်ရှိ ခရိုနီရှင်းတမ်း၏ အဓိကဇစ်မြစ်မှာ ဒေါ်အောင်ဆန်းစုကြည် ခေါင်းဆောင်သော အမျိုးသားဒီမိုကရေစီအဖွဲ့ချုပ်ပါတီသည် အခါလည်အံ့ဆဲဆဲအချိန်တွင် ကမ္ဘာသိ၊ နိုင်ငံသိ ခရိုနီကြီးများနှင့် လက်ချင်းချိတ်ပြီး၊ ပြည်သူလူထုရှေ့ ထွက်ရပ်ပြခြင်းကို ထောက်ခံသူများ၊ စိတ်ဝင်စားသူများနှင့် အများပြည်သူတို့က စိတ်မကောင်းဖြစ်ခြင်း၊ နားမလည်နိုင်ခြင်းပင် ဖြစ်သည်။ ထို့အပြင် အမျိုးသားဒီမိုကရေစီအဖွဲ့ချုပ်ပါတီတွင် ခရိုနီများ၊ တိုင်းရင်းသားလုပ်ငန်းရှင်များနှင့် ပတ်သက်သော တိကျပြတ်သားသည့် မူဝါဒတစ်ရပ် ချမှတ်ထားမှု မရှိခြင်းကိုလည်း အထင်းသား လှစ်ပြလိုက်ခြင်းပင် ဖြစ်သည်ဟုလည်း သုံးသပ်ကြသည်။ အမျိုးသားဒီမိုကရေစီအဖွဲ့ချုပ်သည် နိုင်ငံရေးပါတီတစ်ခုဖြစ်ပြီး၊ ပညာရေးကွန်ယက်သည် ပါတီ၏ ပြည်သူ့အကျိုးပြု လုပ်ငန်းတစ်ခု ဖြစ်သည်။ နိုင်ငံရေးပါတီသည် မူဝါဒ၊ လမ်းစဉ်၊ သဘောထားတို့နှင့် ရပ်တည်ရသည့်အလျောက်၊ ပညာရေးကွန်ယက်သည်လည်း ပါတီ၏ မူဝါဒ၊ လမ်းစဉ်အောက်တွင်သာ အလုပ်လုပ်ရမည်ဖြစ်သည်။ ထိုအခြေအနေတွင် ပြည်သူလူထုက လေးစားအားကိုးသော ပါတီကြီးသည် ခရိုနီကြီးများထံ လက်ဝါးဖြန့်ခဲ့သည်ကို ကြားသိရသောအခါ အများသူငါတို့သည် ရင်ထုမနာ ဖြစ်ကြရသည်။ သူတို့မှလွဲ၍ လှူနိုင်တန်းနိုင်သူ မရှိတော့ပြီလားဟုလည်း ဂရုဏာပွားခဲ့ကြသည်။ ခရိုနီများကို ဘေးဖယ်ထားရမည်၊ ကျဉ်ထားရမည်၊ လူရာမသွင်းဘဲ ထားရမည်ဟု ဆော်သြနေကြခြင်း မဟုတ်ပါ။ စီးပွားရေးလုပ်ငန်းရှင်တိုင်းသည် ခရိုနီမဟုတ်သော်လည်း၊ ခရိုနီတိုင်းသည် စီးပွားရေး လုပ်ငန်းရှင်များဖြစ်သည်။ စီးပွားရေးလုပ်ငန်းရှင် အများစုသည်လည်း ခရိုနီကြီးများကို မနှစ်မြို့ကြပါ။ လွန်ခဲ့သောကာလများက စီးပွားရေးလုပ်ငန်းရှင်များသည် ခရိုနီကြီးများကို အကျောပေးပြိုင်ခဲ့ရသဖြင့်မကျေနပ်ခဲ့ကြပါ။ သို့သော် ခရိုနီ အကြီး၊ အလတ်၊ အငယ်တို့သည် တိုင်းပြည်စီးပွားရေး ထူထောင်ရာတွင်လည်းကောင်း၊ ဆင်းရဲမွဲတေမှု လျော့ချရာတွင်လည်းကောင်း၊ အထောက်အကူ ပြုနိုင်သည်ကို နားလည်ကြပါသည်။ ခရိုနီများကိုယ်တိုင် အသိစိတ်ဓာတ်ရှိရှိ ပြည်သူလူထုအတွက် ထိထိရောက်ရောက် လုပ်လာပြီဆိုပါက၊ လက်ခုပ်တီး ချီးကျူးမည့်သူများလည်း ဒုနှင့်ဒေး ရှိနေပါသည်။ သို့သော် ခရိုနီကြီးအများစုသည် မယောင်ရာဆီလူးတတ်၊ အကျိုးမျော် ညောင်ရေလောင်းတတ်သော စရိုက်ကို ယနေ့အထိ မပြင်နိုင်သေးသည်က ခက်နေခြင်းဖြစ်ပါသည်။ စေတနာအကျိုးမျော် နှိုးဆောင်ရလျင်၊ ခရိုနီကြီးများ အနေဖြင့်၊ ပြည်သူလူထု ဆင်းရဲမွဲတေမှု လျော့ချရေးအတွက် စနစ်တကျ၊ လုပ်နိုင်၊ ကိုင်နိုင်၊ လှူနိုင်၊ တန်းနိုင်သည့် နေရာများ မြန်မာနိုင်ငံတွင် အများအပြား ရှိနေပါသည်။ သို့သော် ပါတီကြီးတစ်ခု၏ ပညာရေးကွန်ယက်၊ ရန်ပုံငွေပွဲတွင် စပွန်ဆာပေးခြင်းကြောင့် ပြန်ရသည့် ဂုဏ်သိက္ခာ အမြတ်အစွန်းနှင့် နှိုင်းယှဉ်လျင် ကွာခြားနိုင်သည်မှာ ချွင်းချက်ဖြစ်သည်။ ခရိုနီကြီးများ၏ ပြည်သူ့အကျိုးပြု လုပ်ငန်းများတွင် ပါဝင်ဆောင်ရွက်မှုကို ကန့်သတ်ပိတ်ပင်ခြင်းမဟုတ်။ ပေါ်ပြူလာမဆန်၊ ပေါ်ပင်မဟုတ်၊ လက်တွေ့မျက်တွေ့လှူဒါန်းမှုမျိုးနှင့် ပြည်သူကို လက်တွေ့အကျိုးပြုခြင်းသည် အကောင်းဆုံး ဂုဏ်သိက္ခာ အဖတ်ဆည်ခြင်းဖြစ်ကြောင်း လမ်းပြနေခြင်းသာဖြစ်သည်။ လက်တွေ့တွင် အမျိုးသားဒီမိုကရေစီအဖွဲ့ချုပ် ပါတီ၏ လုပ်နည်းလုပ်ဟန်၊ နည်းဗျူဟာပိုင်းကို ဆွေးနွေးခြင်းသာဖြစ်သည်။ တိုင်းပြည် ပြန်လည်ထူထောင်ရေးတွင် အားလုံးပါဝင်ဖို့ လိုသည်ကို လက်ခံသော်လည်း၊ လူထုကိုယ်စားပြု နိုင်ငံရေးပါတီများ အနေဖြင့်၊ လူထုအမြင်မကြည်သော ခရိုနီကြီးများနှင့် ဆက်ဆံရေးအပိုင်းတွင် သီးခြားမူဝါဒ၊ သီးခြားဗျူဟာ ချမှတ်ထားရန် လိုအပ်ခြင်းကို ထောက်ပြခြင်းဖြစ်သည်။ ရင့်ကျက်၊ ပြည့်ဝသော နိုင်ငံရေးစနစ်တစ်ခုကို ဦးတည်မည်ဆိုပါက၊ အဆိုပါနိုင်ငံရေးစနစ်တွင် အဓိက ပါဝင်နေသည့် နိုင်ငံရေးပါတီများ၏ မူဝါဒ၊ လမ်းစဉ်၊ သဘောထားများ မည်မျှ ခိုင်မာသည်နှင့်သာ တိုင်းတာရမည်ဖြစ်သည်။ ပြည်သူလူထုကို ကိုယ်စားပြုသော၊ ကိုယ်စားပြုလိုသော အစိုးရများ၊ နိုင်ငံရေးပါတီများသည် လူထုက ငြိုငြင်သော ခရိုနီကြီးများနှင့် ဆက်ဆံရာတွင် တိကျပြတ်သားသော မူဝါဒ၊ လမ်းစဉ်ချမှတ်ထားရန် အလွန်အရေးကြီးသည်။ စည်းကမ်းတကျ၊ မူဘောင်ထဲမှ ခရိုနီကြီးများ၏ ပါဝင်ခွင့်ကို သတ်မှတ်ရမည်ဖြစ်သည်။ ခရိုနီများသည် ကိုယ့်အကျိုး၊ ကိုယ့်ဆွေမျိုးနှင့် မိသားစုအကျိုး၊ ကိုယ့်ဆရာသမား အကျိုးများကိုသာ ရှေ့တန်းတင်ပြီး၊ နိုင်ငံနှင့် ပြည်သူအကျိုးကို လစ်လျူရှု၊ အလေးမထားခဲ့သည့် နှစ်နှစ်ဆယ်ကျော် မှတ်တမ်းများအရ၊ ခရိုနီများအပေါ် အယုံမလွယ်ပဲ၊ နိုင်ငံနှင့် လူမျိုးအကျိုးအတွက် သတိနှင့် ထိတွေ့ဆက်ဆံဖို့ အကြံပြုခြင်း သက်သက်သာဖြစ်သည်။ နိုင်ငံတစ်နိုင်ငံ၏ ပြဿနာများကို ဖြေရှင်းရာတွင် ဆေးမြီးတိုကို အသုံးပြု၍ မဖြစ်နိုင်သကဲ့သို့၊ လတ်တလောဝေဒနာ သက်သာရုံကုသ၍လည်း မဖြစ်နိုင်ပါ။ အနာရှိလျင် ဆေးရှိမည်သာ။ ထို့ကြောင့် ခရိုနီအရင်းရှင်စနစ်ကို စနစ်တကျ ချဉ်းကပ်ပြီး၊ အမြစ်ပြတ်ပျောက်အောင် ကုသဖို့ တိုက်တွန်းခြင်းသာ ဖြစ်ပါသည်။ ထိုသို့ ပုံဖော်နိုင်ရန် မဟာဗျူဟာ၊ နည်းဗျူဟာများ စနစ်တကျ ရေးဆွဲချမှတ် အကောင်အထည် ဖော်ရမည်ဖြစ်သည်။ တဖက်ကလည်း၊ အစိုးရများ၊ နိုင်ငံရေးပါတီများ၊ အစိုးရမဟုတ်သော အဖွဲ့အစည်းများသည် ခရိုနီများနှင့် ဆက်ဆံရေးအပိုင်းတွင် ယခုထက် ပိုမိုပွင့်လင်းမြင်သာမှုရှိရန် လိုအပ်သည်။ ပွင့်လင်းမြင်သာမှု အားနည်းခဲ့သည့်အတွက် လွန်ခဲ့သော နှစ်နှစ်ဆယ်ကျော်ကာလမှာ တိုင်းပြည်သည် ခရိုနီများအတွက် လိုတရသေတ္တာကြီး ဖြစ်ခဲ့ရသည်။ ပွင့်လင်မြင်သာမှု နည်းခြင်းသည် ခရိုနီများအတွက် အခွင့်အလမ်းကောင်းဖြစ်ခဲ့သည်။ ''လူများတွေ ဒုက္ခရောက်နေချိန်မှာ ချမ်းသာနေတာ ရှက်စရာကောင်းတယ်'' ဟု တချိန်က အမည်မသိ၊ အမည်သိသလိုလို၊ မသိသလိုလို ခေါင်းဆောင်ကြီးတစ်ဦးက မိန့်ဖူးပါသည်။ ယနေ့ခေတ်တွင် အဆိုပါစကားကို ပြောင်းပြန် လုပ်ပစ်ရတော့မည်ထင်သည်။ လူများတွေ ဒုက္ခရောက်နေချိန် မှာ ချမ်းသာနေတာ ဂုဏ်ယူစရာပါဟု ပြောင်းပစ်ရမည်ထင်သည်။ အဆိုပါ ချမ်းသာကြွယ်ဝမှုများကို ကျစ်ကျစ်လစ်လစ်၊ မယိုမဖိတ်သိမ်းထားပြီး၊ ခေတ်စနစ်ပြောင်းသည့် အချိန်တွင် လူထုထောက်ခံမှု အများဆုံးခေါင်းဆောင်နှင့် နိုင်ငံရေးပါတီကို ပြည်သူလူထုဘန်းပြ၊ လှူဒါန်းမှုပြုလိုက်ရုံဖြင့်၊ ရှက်စရာမဟုတ်၊ ဂုဏ်ယူစရာ၊ အတုယူစရာ၊ ကြီးကျယ်ခန်းနားသော အရာ ဖြစ်သွားနိုင်ပါသည်ဟု ပြန်ပြောင်း မိန့်ကြားရမလို ဖြစ်နေသည်။ ဒေါ်အောင်ဆန်းစုကြည်သည် မြန်မာပြည်သူလူထုကို စက်မှုတော်လှန်ရေးဆီ ပြန်ခေါ်သွားပြီး၊ အမေရိကန်ပြည်ထောင်စုမှာလည်း လွန်ခဲ့သော နှစ် နှစ်ရာကျော်က ယနေ့ မြန်မာနိုင်ငံမှာကဲ့သို့ ခရိုနီကြီးများ ကြီးစိုးခဲ့သော်လည်း ယနေ့ကမ္ဘာတွင် နံပါတ်တစ် ဒီမိုကရေစီနိုင်ငံ ဖြစ်နေသည်ကို စံနမူနာယူလျက်၊ မြန်မာ့ခရိုနီကြီးများအပေါ် နားလည်မှုပေးကြပါဟု လော်ဘီလုပ်ပေးနေသယောင် ခံစားမိလိုက်ကြရပါသည်။ ဒေါ်အောင်ဆန်းစုကြည်က ခရိုနီဟု အခေါ်ခံရသူများက အန်အယ်လ်ဒီနှင့် အခြားလူမှုရေးလုပ်ငန်းများကို ပံ့ပိုးသည်ဆိုပါက၊ ပံ့ပိုးစေသင့်ကြောင်း၊ အဆိုပါငွေများကို အခြားနေရာတွင် အလာဟာသဖြစ်အောင် သုံးမည့်အစား၊ ပံ့ပိုးသင့်သောနေရာတွင် သုံးခြင်းသည် အလွန်ကောင်းကြောင်း၊ အန်အယ်လ်ဒီကို ချဉ်းကပ်လာသည်လား၊ အခြားအဖွဲ့ကို ချဉ်းကပ်သည်လားကို မကြည့်လိုကြောင်း၊ ဘယ်ကိုထောက်ပံ့သည်၊ ဘာလုပ်သည်၊ ပြည်သူကို အကျိုးပြုမည်၊ ဒီမိုကရေစီအပြောင်းအလဲကို အကျိုးပြုမည်၊ လိုအပ်နေသော ကျန်းမာရေး၊ ပညာရေးကိစ္စများကို အကျိုးပြုမည်ဆိုလျင် ကြိုဆိုရမည့် ကိစ္စဖြစ်ကြောင်း ပြတ်ပြတ်သားသား ပြောကြားခဲ့သည်။ သို့သော် သွားသတိ၊ လာသတိ၊ စားသတိ၊ ပြောသတိ၊ တွေးသတိ၊ အစစအရာ ရာသတိရှိခြင်းသည် အကောင်းဆုံးဖြစ်ကြောင်း ထပ်လောင်း အကြံပြုလိုသည်။ စကားနောက် တရားပါ။ ကြမ်းကျွံလျင်နှုတ်ရ၊ စကားကျွံလျင်နှုတ်မရ။ စသည် စသည်တို့သည် ဆင်ခြင်ရဦးမည့် အကိုးအကားများဖြစ်သည်။ အချုပ်အားဖြင့်ဆိုသော်၊ မြန်မာ့နိုင်ငံရေး ဇာတ်ပေါင်းခန်းသည် ၂၀၁၅ ခုနှစ်၊ ရွေးကောက်ပွဲအလွန်တွင် ပုံပေါ်လာမည်လားဟု မှန်းဆထားမိသည်။ အဆိုပါ ဇာတ်ပေါင်းခန်းတွင် မြန်မာ့ခရိုနီကြီးများသည် ခရိုနီငိုချင်းကို ကြူးရင့်ပြီးသကာလ၊ ခရိုနီနှစ်ပါးသွားကို နိုင်ငံရေးခေါင်းဆောင်ကြီးများနှင့် တွဲကကြမည်လားဟု စိုးထင့်နေမိသည်။ သေချာသည်ကတော့၊ ၂၀၁၅ ခုနှစ်အလွန် မြန်မာ့နိုင်ငံရေး ဇာတ်ပေါင်းခန်းအတွက် ခရိုနီကြီးများက အကြီးအကျယ် စပွန်ဆာပေးကာ၊ နိုင်ငံရေး ခေါင်းဆောင်ကြီးများနှင့် လက်ချင်းချိတ်လျက်၊ အောင်ပွဲခံနေမည့် အချိန်တွင် မြန်မာပြည်သူလူထု အများစုကြီးကတော့၊ တစ်နေ့ရှင်သန်ဖို့အတွက် တစ်နေ့လုပ်စာကို ချွေးတဒီးဒီးကျ၊ ခက်ခက်ခဲခဲရှာဖွေလျက်၊ လက်လှုပ်မှ ပါးစပ်လှုပ်နိုင်မည့်ဘ၀တွင် ရေတိမ်နစ်နေဆဲ ဖြစ်နေဦးမည်မှာ မလွဲနိုင်သော တရားပင်ဖြစ်သည်။ ဒေါက်တာရန်မျိုးသိမ်း ၁၁၊ ဇန်န၀ါရီ၊ ၂၀၁၃ Credit:First-11 weekly
Read More »

တရားသောစစ်နဲ့ မတရားသောအဖြစ်

တတိယကမ္ဘာစစ်ကို ဘယ်လို လက်နက်တွေနဲ့ တိုက်ကြမလဲဆိုတာကိုတော့ မသိနိုင်ဘူး၊ စတုတ္ထကမ္ဘာ စစ်ကိုတော့ ကျောက်တုံးတွေ ကျောက်ခဲတွေနဲ့ တိုက်ကြမှာကတော့ သေချာတယ်'လို့ နိုဘယ်လ်ဆုရ သိပ္ပံပညာရှင်ကြီး'အဲလ်ဘတ်အိုင်းစတိုင်း' ပြောသွားခဲ့တဲ့ စကားတစ်ခွန်း ရှိပါတယ်။ လူရယ်လို့ ဖြစ်ပေါ်လာကတည်းက လူတွေဟာ တစ်ဦးအပေါ်တစ်ဦး တစ်ဖွဲ့အပေါ်တစ်ဖွဲ့ ငြိုးမာန်ဖွဲ့ပြီး ကျောက်တုံးကျောက်ခဲတွေနဲ့ စပြီး အပြန်ပြန်အလှန်လှန် တိုက်ခိုက်လာခဲ့ကြတာပါ။ အဲဒီလို တိုက်ခိုက် ကြရင်းနဲ့ ပိုပြီးကောင်းတဲ့ လက်နက်ဆန်းတွေကို တီထွင်လာခဲ့ကြရာက အခုဆို တစ်ကမ္ဘာလုံး နာရီပိုင်းအတွင်းမှာ ပြုတ်ပြုတ်ပြုန်းသွားနိုင်မယ့် လက်နက်တွေတောင် ပေါ်လာနေကြပါပြီ။ ဒါ့ကြောင့်ကမ္ဘာစစ် ပြန်ဖြစ်ရင်တော့ အားလုံးကျောက်ခေတ်ကို ပြန်ရောက်သွားတော့မှာပဲလို့ အိုင်းစတိုင်းက ဆိုလိုချင်တာပါ။ စစ်ပွဲဆိုတာ သေနတ်နဲ့ တိုက်ရတာမဟုတ်ဘူး၊ ဓနဓနချင်း တိုက်ရတာလို့ ရှေးယခင်ကတော့ ပြောလေ့ရှိကြပါတယ်။ ဒီစကားက သူ့ခေတ်နဲ့ သူ့အခါမှန်တာပါပဲ။ အမြောက် ကောင်းကောင်း စစ်သင်္ဘောကောင်းကောင်း တိုက်လေယာဉ်ကောင်းကောင်း ၀ယ်နိုင်တဲ့သူက နောက်ဆုံး စစ်နိုင်သွားတာပဲ မဟုတ်လား။ အခုနောက်ပိုင်းမှာတော့ နည်းပညာသာတဲ့လူက အနိုင်ရမလို ဖြစ်နေပါပြီ။ တစ်နည်းအားဖြင့် ဦးနှောက် ဦးနှောက်ချင်း တိုက်ရတဲ့ခေတ်ကို ရောက်လာပြီလို့ ပြောရတော့မလို ဖြစ်လာပါတယ်။ ဒါဖြင့် ဦးနှောက် ဒီလောက်ကောင်းနေမှတော့ စစ်မတိုက်ဘဲ နိုင်နိုင်တဲ့နည်းလမ်းတွေကို ဦးနှောက်အသုံးပြုပြီး ရွေးလို့ မရဘူးလားလို့ မေးစရာရှိလာပါတယ်။ မှန်ပါတယ်၊ ဒီကိစ္စကို ၀ိုင်းစဉ်းစားကြစေချင်ကြလို့ ဒီဆောင်းပါးကို ရေးလိုက်ရတာလည်း ဖြစ်ပါတယ်။ လူတွေသေကျေစေတဲ့ စစ်ကို ဖန်တီးကြသူတွေဟာ လူတွေပဲဖြစ်တယ်။ ဒါ့ကြောင့် လူတွေဟာ နောက်ထပ် စစ်ထပ်မဖြစ်ဖို့ စစ်ပွဲတွေကို လေ့လာသင့်တယ်။ ဘယ်လို တိုက်သွားကြတယ် ဆိုတာထက် ဘာ့ကြောင့်တိုက်ခဲ့ကြသလဲ ဆိုတာကို အရင်လေ့လာမှ နောင်စစ်ပွဲတွေ ထပ်ဖြစ်မလာအောင် ရှောင်လွှဲနိုင်မှာ ဖြစ်ပါတယ်။ စစ်ဖြစ်ကြရတဲ့ အကြောင်းရင်းတွေဟာ များသောအားဖြင့် တူနေတတ်ကြတာများတယ်။ဒါ့ကြောင့် ဒုတိယကမ္ဘာစစ်ထဲကို ဂျပန်ဘာ့ကြောင့် ၀င်လာရသလဲဆိုတာကို အရင်လေ့လာကြည့်ရုံနဲ့ စစ်မတိုက်ဘဲ နိုင်နိုင်တဲ့ နည်းလမ်းတွေကို တွေ့လာနိုင်ပါတယ်။ ဂျပန်မှာရှိတဲ့ စစ်တပ်ဟာ ၁၉၃၀ ပြည့်နှစ် နောက်ပိုင်းတွေမှာ တန်ခိုးထွားလာတယ်။ အမျိုးသားရေး မူဝါဒအပေါ် လွှမ်းမိုးလာနိုင်ရုံသာမက ဂျပန်နိုင်ငံရဲ့ ဧကရာဇ်အပေါ်မှာလည်း အတော်စကား ပေါက်လာနိုင်တာကို တွေ့ရတယ်။ အဲဒီမှာ သူတို့ စိတ်ဝင်စားလာတာကတော့ အာရှတိုက်နဲ့ ပစိဖိတ်သမုဒ္ဒရာထဲကို နယ်မြေတိုးချဲ့ဖို့ပါပဲ။ အဲဒီဒေသနှစ်ခုကို ချုပ်ကိုင်ထားနိုင်မှ ဂျပန်နိုင်ငံ စီးပွားရေးအတွက် လိုအပ်တဲ့ လောင်စာဆီတို့ ကုန်ကြမ်းတို့ ဈေးကွက်တို့ ရမှာမို့ ဖြစ်ပါတယ်။ ဒါပေမယ့် ပစိဖိတ်သမုဒ္ဒရာထဲ ဂျပန် လွှမ်းမိုးလာမှာကို အမေရိကန်ကလည်း စိုးရိမ်ပါတယ်။ ပစိဖိတ် သမုဒ္ဒရာကို ဂျပန်စိုးမိုးနိုင်ပြီဆိုရင် ဂျပန်အနေနဲ့ အမေရိကန်ရဲ့ အနောက်ဘက်ကမ်းခြေကို အလွယ်တကူ ခြိမ်းခြောက်လာနိုင်တော့မှာကိုး။ ဒီလို ဂျပန့် အန္တရာယ်ကို စိုးရိမ်နေတုန်းအချိန်မှာ ဂျပန်က တရုတ်ပြည်ထဲကို ကျူးကျော်လိုက်တော့ အမေရိကန်တွေ အကြောစိမ့်သွားကြရပါတယ်။ နဂိုကမှ ဘယ်လိုမှ စေ့စပ်လို့ မရတဲ့အထဲမှာ ဂျပန်က ဒီလိုလုပ်လာတော့ အမေရိကန်ဟာ ငြိမ်နေလို့ မရတော့ပါဘူး။ ဂျပန်နိုင်ငံကို ဘာကုန်ကြမ်းမှ မပို့ရဘူးလို့ သူ့သြဇာသက်ရောက်တဲ့ နိုင်ငံတွေကို ပိတ်ပင်လိုက်ပါတယ်။ အထူးသဖြင့်တော့ စက်သုံးဆီပေါ့။ အဲဒီအချိန်မှာ ဂျပန့်ရဲ့လက်ထဲမှာ စက်သုံးဆီကလည်း ၆လစာပဲ ကျန်ပါတော့တယ်။ ဒီတော့လည်း ကျဉ်းထဲကျပ်ထဲ ရောက်ရပြီပေါ့။ စက်သုံးဆီမရရင် ဘာစီးပွားရေးမှလည်း မလုပ်နိုင်တော့ လို့ တိုင်းပြည်ဟာ ပြိုလဲဖို့ပဲရှိပါတော့တယ်။ ဒီနေရာမှာ ဂျပန်ဟာ ၆ လအတွင်း ပြိုလဲတော့မယ့် အန္တရာယ်ကို ကြုံတွေ့လာတဲ့အခါကျမှ စစ်တိုက်ဖို့ စဉ်းစားလာတယ်ဆိုတာကို သတိပြုရပါမယ်။ တကယ်လို့ အမေရိကန် အင်္ဂလန်တို့နဲ့ ပြန်ဆွေးနွေးပြီး တရုတ်မှာ ရောက်နေတဲ့ ဂျပန်တပ်တွေကို ပြန်ရုတ်သိမ်းပေးမယ်ဆိုရင် ဒုတိယကမ္ဘာစစ်ကို ဂျပန်ရှောင်လွှဲနိုင်လိမ့်မယ်လို့ ယုံကြည်တဲ့ သမိုင်းသုတေသီတွေလည်း အများကြီးရှိပါတယ်။ ဒီနေရာမှာ အရေးကြီးတဲ့ဆို စကားတစ်ခွန်းကိုလည်း သွား သတိရမိပါတယ်။ 'တတိယကမ္ဘာစစ်ကို ဘယ်လို လက်နက်တွေနဲ့ တိုက်ကြမလဲဆိုတာကိုတော့ မသိနိုင်ဘူး၊ စတုတ္ထကမ္ဘာ စစ်ကိုတော့ ကျောက်တုံးတွေ ကျောက်ခဲတွေနဲ့ တိုက်ကြမှာကတော့ သေချာတယ်'လို့ နိုဘယ်လ်ဆုရ သိပ္ပံပညာရှင်ကြီး'အဲလ်ဘတ်အိုင်းစတိုင်း' ပြောသွားခဲ့တဲ့ စကားတစ်ခွန်း ရှိပါတယ်.... အဲဒါကတော့ 'စစ်တိုက်တာ အင်မတန်ကောင်းပါတယ်၊ ဒါ့ကြောင့် ခင်ဗျားတို့အားလုံး စားပွဲဝိုင်းတစ်ခုမှာ အတူထိုင်ပြီး တိုက်ကြ၊ မပြတ်မချင်းတိုက်ကြ' လို့ ဖြစ်ပါတယ်။ ဒါ့ကြောင့် စစ်ဆိုတာ သေနတ်နဲ့ ပစ်ပြီးတိုက်မှ ကိစ္စပြတ်လေ့ ရှိတယ်ဆိုတဲ့ အယူအဆဟာ ခေတ်လူငယ်စကားနဲ့ ပြောရရင် အောက်သွားပြီလို့ ဆိုရမှာဖြစ်တယ်။ ဒါပေမယ့် စစ်တပ်ကြီးစိုးတဲ့ ဂျပန်နိုင်ငံဟာ အဲဒီအချိန်က အဲဒီလိုမစဉ်းစားခဲ့ဘူး။ အမေရိကန်ကို နိုင်အောင်တိုက်ဖို့သာ အားသန်နေခဲ့တယ်။ အမေရိကန်မှာ ပညာသင်ခဲ့ဖူးတဲ့ စစ်ဗိုလ်ချုပ်ကြီးတွေကလွဲပြီး ကျန်ဂျပန်မှာရှိတဲ့ စစ်ဗိုလ်ချုပ်ကြီးတွေ အားလုံးက အမေရိကန်ကို တိုက်ရင်နိုင်မယ်လို့ပဲ ထင်ခဲ့ကြတာကိုး။ ဒါဟာလည်း ဂျပန်နိုင်ငံရဲ့သမိုင်းမှာ ဘယ်နိုင်ငံနဲ့ပဲ တိုက်တိုက် တစ်ခါမှ စစ်မရှုံးခဲ့ဖူးသေးတဲ့ အတွေ့အကြုံတွေကြောင့် ဖြစ်ရတာပါ။ ၁၉၀၄-၁၉၀၅ ခုနှစ်တွေမှာ ရုရှားနဲ့ စစ်ဖြစ်တော့လည်း နိုင်ခဲ့တာပဲ။ ပထမကမ္ဘာစစ်ထဲ ၀င်တိုက်တော့လည်း နိုင်ခဲ့တာပဲ။ ဒါ့ကြောင့် စစ်ရှုံးတဲ့ အရသာဟာ ချို သလား ခါးသလား ဂျပန်မသိခဲ့ပါဘူး။ ဒါ့ကြောင့် ဂျပန်စစ်ဗိုလ်ချုပ်ကြီးတွေဟာ အမေရိကန်ရေတပ်ကို ဦးကျိုးသွားအောင် လုပ်နိုင်မှ ပစိဖိတ်သမုဒ္ဒရာ တောင်ဘက်ထဲက ကျွန်းတွေကို အေးအေးဆေးဆေး သိမ်းနိုင်ရုံသာမက အာရှအရှေ့ပိုင်းတစ်ခု လုံးကို အလွယ်တကူ အုပ်စီးထားနိုင်မယ်ဆိုတာ သဘောပေါက်သွားပါတယ်။ ဒါ့ကြောင့် ဟာဝေယီကျွန်းက ပုလဲဆိပ်ကမ်းမှာ ကပ်ထားတဲ့ အမေရိကန်ရေတပ်က ဖျက်သင်္ဘောနဲ့ လေယာဉ်တင် သင်္ဘောတွေကို အကုန်ကုန်အောင် အငိုက်ဖမ်းပြီး ၀င်တိုက်ခဲ့တာပါပဲ။ ဒါကတော့ ဂျပန်ဘာ့ကြောင့် စစ်ထဲဝင်လာရသလဲဆိုတဲ့ အကြောင်းရင်းပါ။ ဒီထက် ပိုရှည်အောင်ပြောရင်လည်း ရပါသေးတယ်။ ဒါပေမယ့် ပြောရင်လည်း ပိုရှုပ်သွားတာပဲ ရှိမှာပါ။ ဒါ့ကြောင့် တိုတိုပြောရရင် ဒီဒုတိ ယ ကမ္ဘာစစ်ကြီးထဲကို ဂျပန်ဝင်တိုက်ရတာ သယံဇာတကြောင့် ၀င်တိုက်ခဲ့ရတာပဲ ဖြစ်ပါတယ်။အဲဒီလိုတိုက်တော့ ဘာဖြစ်သလဲ၊ သူဖြစ်ချင်တဲ့ အရှေ့အာရှနဲ့ ပစိဖိတ်သမုဒ္ဒရာကို မစိုးမိုးနိုင်ရုံသာမက ဂျပန်စစ်သားနှစ်သန်းနဲ့ ဂျပန်အရပ်သား တစ်သန်း တို့ရဲ့အသက်တွေ ပေးလိုက်ရတာပဲ အဖတ်တင်ခဲ့တာပါ။ ပေးလိုက်ရတဲ့ စစ်လျော်ကြေးတွေကလည်း ကြောက်ခမန်းလိလိပါပဲ။ နိုင်ငံပေါင်းစုံကို ပေးလိုက်ရတဲ့ စစ်လျော်ကြေးတွေကို ချပေါင်းကြည့်တာ အမေရိကန်ဒေါ်လာ ၄၄.၁၉ ဘီလျံတောင် ရှိတာကို တွေ့ရပါတယ်။အဲဒါကတော့ ပါးစပ်နဲ့မပစ်ဘဲ တကယ့်သေနတ်နဲ့ပဲ ပစ်ချင်မိခဲ့တဲ့ အကျိုးကျေးဇူးတွေပါပဲ။ ဒါ့ကြောင့် သေနတ်တစ်ချက် စမဖောက်ခင်မှာ ဒါတွေကို အရင်စဉ်းစားသင့်သလို ဖောက်ပြီးရင်လည်း စားပွဲဝိုင်းတစ်ခုမှာ အတူရောက်လာနိုင်ဖို့ ကျန်သံယောဇဉ်အားလုံးကို ဖြတ်တောက်နိုင်ဖို့ လိုပါတယ်။ စစ်ဆိုတာ မကောင်းတဲ့ အကြောင်းပြောထားကြတဲ့ စကားတွေကတော့ အများကြီးပါ။ အဲဒီအထဲက 'လူတွေဟာ ငြိမ်းချမ်းနေတဲ့အချိန်မှာ သားတွေက အဖေတွေကို သင်္ဂြိုဟ်ကြရပြီး စစ်ပွဲအတွင်းမှာတော့ အဖေတွေက သားတွေကို သင်္ဂြိုဟ်ကြရတယ်'ဆိုတဲ့ စကားဟာ အင်မတန်မှ သံဝေဂရစရာ ကောင်းလှပါတယ်။ သားယောက်ျားချင်း တူတာတောင်မှ လူမမယ်သား ယောက်ျားလေးတွေကို သင်္ဂြိုဟ်ရတာက ပိုပြီး ရင်ကျိုးစရာ ကောင်းပါတယ်။ ဒါ့ကြောင့် မတိုက်ဘဲနဲ့ ဖြေရှင်းလို့ရနိုင်မယ့် နည်းလမ်းတွေ လုံးဝမရှိတော့ဘူးလား၊တိုက်ကိုတိုက်မှ ရမယ်ဆိုတာ တကယ့် ရိုးသားမှုကို အခြေခံတဲ့ အကြောင်းပြချက်ရော ဖြစ်နိုင်ရဲ့လား၊ ကျန်တဲ့လူတွေကရော အဲဒီကလေးတွေ အကုန်ကုန်အောင် ဆက်တိုက်နေကြတာကို ဒီအတိုင်းပဲ လက်ပိုက်ကြည့်နေကြတော့မှာလား။ အားလုံး ၀ိုင်းစဉ်းစားသင့်ကြပါပြီ။ နောက်တစ်ခု ပြောချင်တာကတော့ အမှန်တရားအကြောင်းပါပဲ။ လူဆိုတာ အမှန်တရားဆီကို မသွားချင်လို့မရပါဘူး။ မသွားလည်း တစ်နေ့တော့ ရောက်ရမှာမို့ အနှေးနဲ့အမြန် ရောက်အောင်သွားရမှာပါ။ မြန်မြန်သွားနိုင်လေ ကောင်းလေပါပဲ။ အခုလို အခြေအနေမျိုးမှာဆို ပိုပြီးမြန်အောင်တောင် သွားသင့်တာပါ။ ဟိုခေတ်က နာမည်ကြီးသီချင်း တစ်ပုဒ်ထဲကလို 'ဖြည်းဖြည်းလေး... အနှေး..ရထား..' ဆိုတာမျိုးနဲ့တော့ သွားဖို့မသင့်ပါဘူး။ကျည်ဆန်ရထားနဲ့ သွားရပါလိမ့်မယ်။ ကိုယ်သွားရမယ့် ဘူတာကလည်း အသစ်မဟုတ်ဘဲ အများသူငါ သွားကြတာများ လွန်းလို့ လူပြည့်နေတဲ့ ဘူတာတစ်ခုလည်း ဖြစ်နေပါတယ်။ Google မှာ Federalism လို့ ရိုက်ထည့်ပြီး Enter ကို ခေါက်လိုက်ပါ။ နောက် Federalism - Wikipedia, the free encyclopedia ကို click ပေးကြည့်လိုက်ပါ။ မြေပုံတစ်ချပ် ပေါ်လာပါ လိမ့်မယ်။ အဲဒီဘူတာကို ရောက်နေကြတဲ့ အမေရိကန်၊ ကနေဒါနဲ့ အိန္ဒိယအပြင် ကျန်နိုင်ငံတွေကို အစိမ်းရောင်နဲ့ ခြယ်ပြထားလို့ တစ်ကမ္ဘာလုံး စိမ်းရွှေနေတာကို တွေ့ရပါလိမ့်မယ်။ 'အေးပေါ့ဗျာ အနောက်နိုင်ငံတွေကတော့ အဲဒီဘူတာကို သွားကြမှာ ပေါ့၊ လက်ဝဲယိမ်းဝါဒီတွေကတော့ ဘယ်သွားချင်ကြလိမ့်မတုန်း'လို့ ပြောလို့ မရနိုင်ပါဘူး။ ဘာ့ကြောင့်လဲဆိုတော့ ခေတ်သစ် ရုရှားနိုင်ငံရဲ့ နာမည်ကိုက Russian Federation ဖြစ်နေလို့ပါပဲ။ ဒါပေမယ့် အဲဒီဘူတာကို သွားချင်နေပြီလား၊ မသွားချင် သေးဘူးလား။ မသွားခင် ဘာတွေ အရင်လုပ်နေဦးမှာလဲ။ ဒါမှမဟုတ် အကောင်းဆုံး အစီအစဉ်တစ်ခုကို ဖော်ဆောင်ဖို့ ဘယ်လိုစီစဉ်နေသလဲ။ အားလုံး စောင့်ကြည့်ရဦးမှာပါပဲ။ နောက်ပြီး စစ်ဆိုတာ မကောင်းရင် ဘာ့ကြောင့် စစ်ပွဲတွေ ဆင်နွှဲနေကြ တာလဲလို့ မေးစရာရှိပါတယ်။ တိုင်းပြည် မငြိမ်မသက်ဖြစ်နေတဲ့အချိန်မှာ စစ်မှုထမ်းဖြစ်သူ ကိုယ့်ဘကြီးပြောခဲ့တဲ့ စကားတစ်ခွန်းကို သတိရမိပါတယ်။ 'ဒီလိုအချိန်မျိုးမှာ လူတွေပြောရဆိုရ သိပ်လွယ်တယ်ကွ၊ ဟိုကားဒီကိုလာစမ်း၊ ဒီလှည်း ဟိုဘက် ကိုသွားစမ်းဆိုရင် နှစ်ခွန်းတောင် ပြောစရာမလိုဘူး၊ သိပ်လုပ်လို့ကိုင်လို့ ကောင်းတာပဲ'လို့ ဘကြီးက ကိုယ့်ကို ပြောခဲ့ဖူးတာပါ။ ဒီဘက်က ကိုယ့်ဘကြီးက ဒီလိုအခြေအနေမျိုးကို ဒီပုံဒီနည်းနဲ့ ခံတွင်းတွေ့နေတယ်ဆိုရင် ဟိုဘက် က ဘကြီးတွေအနေနဲ့ အဲဒီလို အခြေအနေမျိုးကို ပိုပြီး သဘောခွေ့မနေနိုင်ကြဘူးလားလို့ တွေးစရာရှိပါတယ်။ သူတို့ဘက်မှာဆို ပိုပြီးပြောလို့ဆိုလို့ လွယ်ရုံသာမက လက်ညှိုးညွှန်ရာမှာတောင် ရေဖြစ်နိုင်သေးတာ မဟုတ်လား။ သူတို့ပြောလာမယ့် စကားအသွားအလာကို အသိဉာဏ်ထက်မြက်တဲ့ ပြည်သူတွေ နည်းနည်းလောက် အကဲခတ်လိုက်ရုံနဲ့ ဒီအယူအဆမှန်တယ် မမှန်ဘူးဆိုတာ သိလာကြမှာပါ။ ကိုယ့်အနေနဲ့ကတော့ ဘယ်ဘက်ကိုမှ အပြစ်မတင်ချင်ပါဘူး။ စစ်ဆိုတာ ကောင်းမယ်ထင်လို့ တရားတယ်ထင်လို့၊နောက်ပြီး ဒီနည်းလမ်းကလွဲပြီး ဒီ့ပြင်ကောင်းတဲ့ နည်းလမ်း ရှိမယ်မထင်လို့ တိုက်ကြတာပါပဲ။ ဒါပေမယ့် ဖြစ်ချင်ရာဖြစ် စွတ်လုပ်တဲ့ ခေတ်တွေက လွန်ခဲ့တဲ့နှစ်ပေါင်း ၇၀ လောက် ကတည်းက ကုန်သွားခဲ့ပါပြီ။ ဂျပန်တွေလည်း ဒီလိုပဲစွတ် လုပ်ခဲ့ကြပြီး နောက်ကျမှသာ အကုန် ဒုက္ခရောက်ကုန်ကြရတာပါ။ လူတွေ သန်းချီ သေကုန်ရုံသာမက ကိုယ့်ကလေးတွေကို နောင်တစ်သက်လုံးဆပ်လို့ မကြေနိုင်တဲ့ အကြွေးတွေနဲ့အတူ ထားရစ်ခဲ့ရတာကို သတိရတိုင်း စစ်ထဲဝင်တိုက်ဖို့ ဆုံးဖြတ်ခဲ့တဲ့လူတွေ ဘယ့်ကလောက် အသေမဖြောင့်ကြမလဲ ဆိုတာတွေးလို့တောင် မကြည့်ရဲပါဘူး။ 'စစ်ဖြစ်ပြီဆိုတာနဲ့ အရင်ဆုံး သေနတ်မှန်သေတဲ့ သူကတော့ အမှန်တရားပဲ'လို့ ပြောတဲ့လူတွေလည်းရှိပါတယ်။ကိုယ်ကတော့ အဲဒီစကားအကြောင်း မဆွေးနွေးချင်တော့ပါဘူး။ တရားသောစစ်ကို ဆင်နွှဲနေရတာပါ ဆိုတဲ့အဆိုနဲ့ ပတ်သက်ပြီးတော့လည်း ဘာမှမှတ်ချက် မပြုလိုပါဘူး။ စစ်ဖြစ်ပြီဆိုတာနဲ့ အရင်ဆုံး သေနတ်မှန်သေရမယ့် သူတွေဟာ ဘာမှန်းညာ မှန်းမသိသေးတဲ့ လူမမယ်အရွယ် ကလေးတွေပဲ ဖြစ်ကြတာမို့ အဲဒီကလေး မိဘတွေရဲ့ရင်ထဲမှာ ဘယ်လိုနေရှာကြမလဲဆိုတာကိုပဲ တွေးနေမိတော့တာပါ။ Written by နီမင်းဆွေ Credit:first-11 weekly
Read More »

ကချင်ထိုးစစ်နဲ့ စပ်လျဉ်းတဲ့ စစ်ရေးနဲ့နိုင်ငံရေးအမြင်

ကချင်နဲ့နောက်ဆုံးဆွေးနွေးတဲ့အခါ ကချင်ဘက်က စစ်ရေးကိုယ်စားလှယ်တွေ ပါမလာခဲ့ပါ။ နိုင်ငံရေးအဖြေကို ရှာနိုင်ရင် စစ်ရေးပြဿနာလည်း အလိုအလျှောက် ဖြေရှင်းပြီသားဆိုတဲ့ ကချင်တို့ရဲ့ ရပ်တည်ချက်ဟာ တပ်နဲ့အစိုးရ အာဏာခွဲဝေရတဲ့ ၂၀၀၈ ဥပဒေကို ခြိမ်းခြောက်နေလို့ ဖြစ်တယ်။ ဒါကို ကာချုပ်မင်းအောင်လှိုင်က ဒေါသူပုန်ထခဲ့တယ်။ လိုင်ဇာကို လေကြောင်းအကူနဲ့ ကြည်ကြောင်းက အပြင်းအထန်ထိုးစစ်ဆင်ခဲ့တယ်။ အခု ဒီထိုးစစ်ကို တစ်ဖက်သတ်ရပ်စဲကြောင်း အစိုးရက ကျေညာခဲ့ပါပြီ။ ဒါပေမဲ့ ချွင်းချက်တစ်ခုတော့ ထားတယ်။ နောင်အခါ ဆွေးနွေးပွဲလုပ်ရင် ကချင်ဘက်က စစ်ဖက်ဆိုင်ရာများ မလာမနေရ။ မကျေညာခဲ့တဲ့၊ ဝန်မခံခဲ့တဲ့ ထိုးစစ်တစ်ခုကို ရပ်စဲကြောင်းကျေညာခဲ့ပါပြီ။ နှစ်ပေါင်း (၂၀)ကျော် စစ်တပ်ကျူးလွန်ခဲ့တဲ့ ပြစ်မှုများကို မေ့ပျောက်ဖို့၊ ၂၀၀၈ ဥပဒေမှာ နေသားကျဖို့ ခေတ်သစ်ပြည်တွင်းစစ်သမိုင်းမှာ အကြီးကျယ်ဆုံးထိုးစစ်တစ်ခုကို လုပ်ခဲ့ပါပြီ။ ဒါပေမဲ့ မင်းအောင်လှိုင် နိုင်ခဲ့ပါသလား။ မနိုင်ပါ။ စစ်ပွဲကို မကျေညာဘဲ တိုက်ခဲ့တဲ့မင်းအောင်လှိုင်နဲ့ ဦးသိန်းစိန်တို့ကို ကုလသမဂ္ဂ၊ အမေရိကန်ပြည်ထောင်စု၊ ဥရောပသမဂ္ဂနဲ့ တရုတ်တို့ကလည်း မကျေညာဘဲနဲ့ သူတို့ကို ငြိုငြင်ခဲ့ကြပါပြီ။ ကချင်ထိုးစစ်ကို လုပ်ရတဲ့ ရည်ရွယ်ချက်မှာ စစ်ရေးနဲ့ နိုင်ငံရေးအမြတ်ထုတ်ဖို့ ဖြစ်တယ်။ စစ်ရေးအရ အစိုးရတပ်က ကချင်ပြည်နယ်မှာ ခြေကုပ်စခန်းများများရဖို့၊ နိုင်ငံရေးအရ ကချင်များကို အခြားအဖွဲ့များလိုပဲ အပစ်ရပ်လက်မှတ်ထိုးစေဖို့၊ တရုတ်အကျိုးစီးပွားကို ကာကွယ်ပေးနေကြောင်း ပြသဖို့ ဖြစ်တယ်။ အစိုးရက လာမတိုက်ရင်၊ အစိုးရတပ်များကို နုတ်လိုက်ရင် အပစ်ရပ်စရာတောင် မလိုဘဲ နိုင်ငံရေးဆွေးနွေးပွဲကို မိမိတစ်ဖွဲ့ချင်းအနေနဲ့ပဲဖြစ်ဖြစ်၊ U.N.F.C.အဖွဲ့အနေနဲ့ပဲဖြစ်ဖြစ် ဆွေးနွေးဖို့ ကချင်က မငြင်းဆိုပါ။ ဒါပေမဲ့ အစိုးရအနေနဲ့ အပစ်ရပ်ပြီး နိုင်ငံရေးဆွေးနွေးပွဲကို အချိန်ဆွဲနိုင်သမျှဆွဲထားချင်တဲ့အနေအထားရှိလို့ ကချင်စစ်ကို မဖြစ်မနေ တစ်ဖက်သတ်တိုက်ရခြင်းဖြစ်တယ်။ ဒါပေမဲ့ ကချင်ထိုးစစ်မှာ အစိုးရအနေနဲ့ အရှုံးကြီးရှုံးခဲ့ပါတယ်။ ၁။ လိုင်ဇာကို မဖြစ်မနေ သိမ်းမယ်ဆိုရင် အစိုးရတပ်က သိမ်းနိုင်ဖွယ်ရှိတယ်။ ဒါပေမဲ့ တိုက်ပွဲပေါင်း (၂၀၀၀)ကျော်ကို (၂)နှစ်မျှတိုက်ရကျိုးမနပ်ပါ။ ဝယ်ထားတဲ့လက်နက်များနဲ့ လေယာဉ်စုတ်များကို ထုတ်သုံးခဲ့ပေမဲ့ ကချင်တွေ ဖြုံအောင် ဖိန့်လုံးမထုတ်နိုင်ခဲ့ပါ။ ကချင်ထိုးစစ်ကို မရပ်ရင် ကရင်အပါအဝင် U.N.F.C. အဖွဲ့အနေနဲ့ စစ်ရေးအရ လှုပ်ရှားလာဖွယ်ရှိတာကိုလည်း အစိုးရက ရိပ်မိလာပါတယ်။ ကချင်ထိုးစစ်အပြီးမှာ တိုင်းရင်းသားများက အစိုးရတပ်ကို မကြောက်တော့ပါ။ သူတို့အားလုံး စုပေါင်းပြီး ဒီတပ်ကို ဖြိုရင် ပြိုနိုင်တယ်ဆိုတာ လေ့လာခွင့်ရခဲ့ကြပါပြီ။ ၂။ အစိုးရအကြံပေးများက ကချင်ထိုးစစ်ကို ဆင်နွှဲခြင်းဖြင့် တရုတ်ကို မျက်နှာလိုမျက်နှာရလုပ်ဖို့ စိတ်ကူးထားပါတယ်။ ၂၀၀၈ ဥပဒေကို လက်မခံရင် ဒီလိုအဖြစ်မျိုးဆီ ပြန်ရောက်သွားမယ်ဆိုပြီး ခြိမ်းခြောက်ရာလည်း ရောက်ပါတယ်။ ဒါပေမဲ့ လွန်လွန်ကျွံကျွံလုပ်လာတဲ့အခါမှာ တရုတ်က သတိပေးမှုတွေ လုပ်လာပါတယ်။ တရုတ်ကို အချိုသပ်ဖို့ ကြေးနီစီမံကိန်းမှာ အကြမ်းဖက်ပြပါတယ်။ ဒါလည်း တရုတ်က ကမန်းကတန်း ရှောင်ထွက်ခဲ့ရပါတယ်။ ဒါဟာ အစိုးရအဖွဲ့တွင်းမှာ စီမံခန့်ခွဲမှု အားနည်းနေကြောင်း ရိပ်မိစေတယ်။ ၃။ ဒီထိုးစစ်ကြောင့် ကချင်များက အပစ်ရပ်လက်မှတ်ပြန်ထိုးမယ်မထင်ပါ။ အဲဒီလိုပဲ ဒေါ်အောင်ဆန်းစုကြည်ရဲ့ အခန်းကဏ္ဍလည်း အနည်းငယ်မှေးမှိန်သွားရပါတယ်။ ဒီအချက်မှာ အစိုးရက အမြတ်ထွက်သွားပါတယ်။ ဒေါ်အောင်ဆန်းစုကြည် မပါဘဲ စစ်ပွဲတစ်ပွဲကို ရပ်အောင် လုပ်နိုင်ခဲ့ပြီဆိုတဲ့ မလိမ့်တပတ်အမြင်ကို ပုံဖော်နိုင်ခဲ့ပါပြီ။ ဒါပေမဲ့ အစိုးရက နိုင်သလိုနဲ့ ဒီအချက်မှာလည်း အရှုံးပေါ်ခဲ့ပါတယ်။ ပြည်သူ့လွှတ်တော်ကနေ စစ်ပွဲကို ရပ်စဲဖို့ ဆုံးဖြတ်ချက်ချရတယ်။ ဒါဟာ အဆိုးထဲက အကောင်းပါ။ ဒီနေ့မှာပဲ သမ္မတဦးသိန်းစိန်ထုတ်ပြန်ခဲ့တဲ့ ခုခံစစ်သဘောကို ကာချုပ်မင်းအောင်လှိုင်က သဘောပေါက်မိတော့တယ်။ သူတို့အချင်းချင်း အချိတ်အဆက်ရှိရှိနဲ့ လှုပ်ရှားခဲ့ကြတာ ဟုတ်ပါတယ်။ ဒါပေမဲ့ ကချင်စစ်ပွဲနဲ့ပတ်သက်ပြီး အမှားကြီးမှားခဲ့ပါတယ်လို့ သူတို့ဝန်မခံရုံတမယ် အရှက်တကွဲဖြစ်ခဲ့ရပါပြီ။ Ven Ravika face book page
Read More »

" ငြိမ်းချမ်းရေးခရီး "

ဒီကနေ့ ၂၀၁၃ ခုနှစ် ဇန်ဝါရီလ (၁၂)ရက်နေ့၊ ပြည်ထောင်စု အစိုးရနဲ့ ကရင် အမျိုးသားအစည်းအရုံး(KNU) တို့ အပစ်အခတ် ရပ်စဲရေး သဘောတူညီချက် လက်မှတ် ရေးထိုးခဲ့တာ တနှစ် ပြည့်ခဲ့ပါပြီ။ ဒီနေ့ ကျရောက်တဲ့ ၂၇၅၂ ခုနှစ် ကရင်အမျိုးသား နှစ်သစ်ကူးနေ့ နဲ့လည်း တိုက်ဆိုင်နေပါတယ်။ သန်း(၆၀)ထဲက ငြိမ်းချမ်းရေး လိုချင်တဲ့ နိုင်ငံသားတဦးအနေနဲ့၊ တနှစ်ပြည့်ကနေ နောင်နှစ်ပေါင်း ရာထောင်ချီ ခိုင်မြဲစေချင်ပါတယ်။ ကျွန်တော့်လိုပဲ မိတ်ဆွေများလည်း အပစ်အခတ် ရပ်စဲမှုကို ပျက်စေချင်ကြမှာ မဟုတ်ဘူး၊ ငြိမ်းချမ်းရေးကို ခိုင်မြဲစေချင်ကြမှာပါ။ မြန်မာနိုင်ငံရဲ့ မြောက်ပိုင်းမှာ ဖြစ်နေဆဲ တိုက်ခိုက်မှုတွေကိုလည်း ပြီးဆုံးစေချင်ကြမှာပါ။ KNU နဲ့ အပစ်အခတ်ရပ်စဲမှု တနှစ်ပြည့်မှာ ကျွန်တော်တို့ တစ်ထောင့်တနေရာက ပါဝင်ခွင့်ရခဲ့တဲ့ တစ်နှစ်ကျော် ကာလရဲ့ အတွေ့အကြုံတချို့၊ အတွေးအမြင်တချို့ကို ဝေမျှလိုပါတယ်။ သဘောမတူတာလဲ ဖြစ်နိုင်ပါတယ် ၊ မကြိုက်တာပါဖြစ်နိုင်ပါတယ်။ ၂၀၁၁ခုနှစ် မတ်လမှာ သမ္မတကြီး ဦးသိန်းစိန် လွှတ်တော်မှာ ကျမ်းသစ္စာ ကျိန်ဆိုပြီး အစိုးရအဖွဲသစ်ရဲ့ တာဝန်များကို စတင် ထမ်းဆောင်ခဲ့ပါတယ်။ ကချင်ပြည်နယ်မှာ ဖြစ်နေတာတွေအတွက် ညှိနှိုင်းမှုတွေကို သက်ဆိုင်တဲ့ သူတွေက ကြိုးစား ဆောင်ရွက်ခဲ့ပေမဲ့ အဆင်မပြေ နိုင်ခဲ့ပါဘူး။ ၂၀၁၁၊ သြဂုတ်လ (၁၈) ရက်မှာ နိုင်ငံတော် သမ္မတက တိုင်းရင်းသား လက်နက်ကိုင် အားလုံးထံ ငြိမ်းချမ်းရေး ကမ်းလှမ်းချက်ကို တရားဝင် ကြေငြာကမ်းလှမ်း ခဲ့တာ တွေ့ခဲ့ရပါတယ်။၂၀၁၁ ခုနှစ်၊ အောက်တိုဘာလ (၇)ရက် မှာ ပြည်ထောင်စုဝန်ကြီး ဦးအောင်မင်း အနေနဲ့ ငြိမ်းချမ်းရေးကမ်းလှမ်းဖို့ ပြည်ပကို ပထမဆုံး စတင် ထွက်ခွါ ခဲ့ပါတယ်။ ၀န်ကြီးနဲ့ သူ့လက်ထောက် ဦးစိုးမိုးအောင်ကလွဲလို့ ကျန်သူများဟာ အရပ်သားများသာ ဖြစ်ပါတယ်။ KNU နဲ့ တကယ်ပဲ စတင်တွေ့နိုင်ဖို့စီစဉ်ခဲ့သူများဖြစ်ကြတဲ့ ဦးချစ်သန်း ၊ ဦးငွေစိုး ၊ ဦးကိုကိုမောင် နဲ့မစု တို့ကို ဒီနေရာကနေ အားလုံးကိုယ်စား အထူး ကျေးဇူးတင်ကြောင်း စိတ်ရင်း အမှန်နဲ့ ပြောပါရစေ။ ထိုင်းနိုင်ငံအနှံ့ ရေကြီးနေလို့ ၆နာရီ ခရီးကို အသွား ၁၃နာရီ ၊ အပြန် ၁၄နာရီ လောက်အချိန်ပေးပြီး သွားခဲ့ကြရပါတယ်။၂၀၁၁ ခုနှစ် အောက်တိုဘာလ (၉) ရက်မှာ KNU အထွေထွေ အတွင်းရေးမှူးချုပ် နော်စီဖိုးရာစိန် ၊ ဗဟိုကော်မတီဝင် ဖဒိုအားတိုး ၊ စောလှထွန်းတို့ ဦးဆောင်တဲ့ အဖွဲ့နဲ့ ၀န်ကြီး ဦးအောင်မင်း တွေ့ဆုံ ဆွေးနွေးခဲ့ကြပါတယ်။ ပထမဆုံးဆွေးနွေးပွဲဖြစ်လို့ ငြိမ်းချမ်းရေး ဖိတ်စာကမ်းလှမ်း ၊ သမ္မတအသစ်ရဲ့ ငြိမ်းချမ်းရေး သဘောထားများကို ရှင်းပြ၊ ယုံကြည်မှု့ကို ကြိုးစား တည်ဆောက်ခဲ့ပါတယ်။ KNU အထွေထွေ အတွင်းရေးမှူးချုပ်ရဲ့ ရိုးသားမှု့ကိုလည်း လေးစား အားကျမိပါတယ်။ ထူးခြားချက် တခုကတော့ အပြန်ခရီးစဉ် ဘန်ကောက်မှာ ၀န်ကြီးဦးအောင်မင်း အနေနဲ့ ပြည်ပရောက် မြန်မာတွေဖြစ်တဲ့ ရှမ်းတိုင်းရင်းသား ပထမဆုံး သမ္မတကြီးရဲ့သား ဦးဟန်ရောင်ဝေ(U Harn Yawnghwe) ၊ ဦးဘိုဘိုကျော်ငြိမ်း ၊ ဦးညိုအုန်းမြင့် ၊ ဦးအောင်နိုင်ဦး ၊ ဦးအောင်သူငြိမ်း တို့ကို သီးခြားစီ တွေ့ဆုံနိုင်ခဲ့ပြီး သမ္မတသစ်နဲ့ အစိုးရအဖွဲ့ကြိုးစားဆောင်ရွက်မဲ့ State Building ၊ Nation Building ၊ Peace Process တုိ့ကို ရှင်းပြခဲ့ပါတယ်။ သူတို့ကလည်း ပြန်လည် ဆွေးနွေးခဲ့ကြပါတယ်။ ပြည်ထောင်စုဝန်ကြီးတဦးရဲ့ ငြိမ်းချမ်းရေး ခရီးစဉ်အစမှာ ကျွန်တော်နဲ့ လုပ်ဖော်ကိုင်ဖက် တွေဖြစ်တဲ့ ဦးတင်မောင်သန်းနဲ့ Dr.ကျော်ရင်လှိုင် တို့လည်း ဆွေးနွေးပွဲတွေမှာ ပါဝင်ခဲ့ပါတယ်။ နောက်ပိုင်းဖြစ်စဉ်တွေဟာ မြန်ဆန် လွန်းလို့ တခါတခါပြန်တွေးမိရင် အံ့သြမဆုံး ဖြစ်မိပါတယ်။ နှစ်ပေါင်း များစွာအတွင်း ပြည်ထောင်စုဝန်ကြီးတဦး မဲဆောက်ကိုရောက်တယ်။ (မဲဆောက်ဟာ နာမည်ကြီးတဲ့ နေရာ တစ်ခုပါ။ ၂၀၀၈ မှာ KNU အထွေထွေ အတွင်းရေးမှူးချုပ် ဖဒိုမန်းရှာ လုပ်ကြံ ခံခဲ့ ရတဲ့နေရာ၊ အခုထိ တရားခံကို မဖော်နိုင်သေးပါဘူး။ ပြီးတော့ မြန်မာအတိုက်အခံ အများစု ရှိတဲ့ နေရာဖြစ်လို့ပါ) KNU နဲ့ ဆွေးနွေးအပြီး နောက်တရက်မှာ အတိုက်အခံ တချို့နဲ့ တွေ့ခဲ့တာ ဖြစ်ပါတယ်။ နောက် နှစ်ပတ်လောက်ပဲ ကြာပါတယ်။ သမ္မတရဲ့ ခွင့်ပြုချက်နဲ့ ဦးဟန်ရောင်ဝေ ပြည်တွင်းကို အလည်ဝင်ခွင့်ရခဲ့ပါတယ်။ သူရှင်းပြတာက "သူ့အနေနဲ့ အမိမြေကို နှစ်ပေါင်း လေးဆယ်ကျော်ကြာမှ ပထမဆုံးအကြိမ် တရားဝင် အလည်ရောက်ခဲ့တယ် ၊ သူ့မွေးရပ်မြေ ရှမ်းပြည်ကိုလည်း သွားလည်ခဲ့တယ်။ ဆွေးနွေးနိုင်တဲ့သူတွေ အားလုံးနဲ့ တွေ့ဆုံ ဆွေးနွေးခဲ့ပြီး ယုံကြည်မှု တစုံတရာလည်း ရခဲ့ပါတယ်" လို့ ပြောပါတယ်။ ၀န်ကြီးဦးအောင်မင်းကိုလည်း ငြိမ်းချမ်းရေးမှာ သူအတတ်နိုင်ဆုံး ပါဝင်ကူညီမယ် လို့ မပြန်ခင်မှာ ပြောသွားပါတယ်။ ၂၀၁၁ ခုနှစ် နိုဝင်ဘာလထဲမှာ မြန်မာ့ငြိမ်းချမ်းရေး သမိုင်းမှာ မှတ်တိုင် တခုအဖြစ် ကျန်ခဲ့မယ်လို့ ကျွန်တော်ယူဆတဲ့ အဖြစ်ပျက်တွေ ဖြစ်ခဲ့ပါတယ်။ ၂၀၁၁ နိုဝင်ဘာလ (၁၈) ရက်မှာ ဝန်ကြီးဦးအောင်မင်းနဲ့ သူ့လက်ထောက်၊ ပြီးတော့ ကျွန်တော်တို့ (ဦးတင်မောင်သန်း၊ Dr. နေ၀င်းမောင် ၊ Dr.ကျော်ရင်လှိုင် ၊ ဦးဆန်နီညွှန့်သိန်း နဲ့ ဦးကျော်နီခင်တို့ပါ) တာချီလိတ်ကနေ ဖြတ်ပြီး ချင်ရိုင်း (Chiang Rai) ဆိုတဲ့ မြို့လေးကို သွားကြပါတယ်။ နောက်တရက်မှာ ဦးဟန်ရောင်ဝေနဲ့ တိုင်းရင်းသား ခေါင်းဆောင်တချို့ စီစဉ်ပေးတဲ့ Meeting Place မှာ ဆွေးနွေးပွဲတွေ စပါတယ်။ တိုင်းရင်းသား အားလုံး လိုချင်တာ စစ်မှန်တဲ့ငြိမ်းချမ်းရေး ၊ တန်းတူညီမျှမှု ၊ ကိုယ်ပိုင်ပြဋ္ဌာန်းခွင့်ပါ။ ဒီ Meeting မှာ ညီမျှမှု တချို့ စရတယ်လို့ ထင်ပါတယ်။ ဒီတွေ့ဆုံပွဲဟာ ငြိမ်းချမ်းရေး ဆွေးနွေးပွဲ အစဖြစ်တယ်။ အဖွဲ့အသေးအကြီး မခွဲခြားပဲ ပဏာမ ဆွေးနွေးပွဲမှာ အဖွဲ့တိုင်း တန်းတူ ညီမျှတဲ့ ဆွေးနွေးချိန် ရကြပါတယ်။ ပထမ ဒုဗိုလ်ချုပ်ကြီးရွက်ဆစ် (Lt.General Yawd Serk) ဦးဆောင်တဲ့ RCSS/SSA အဖွဲ့နဲ့ စပြီး ဆွေးနွေးပါတယ်။ အဖွဲ့ဝင် (၉) ဦးခန့် ပါဝင်ပါတယ်။ ဒုတိယ ဆွေးနွေးပွဲက ဖဒိုဒေးဗစ်ထော ၊ ဗိုလ်ချုပ်ကြီး မူတူးစေးဖိုး ၊ ဖဒိုအားတိုး တို့(၃)ဦးပါတဲ့ KNU အဖွဲ့ ၊ တတိယ ဗိုလ်ချုပ်ဘီထူး ဦးဆောင်တဲ့ KNPP အဖွဲ့ ၊ စတုတ္တပွဲက ဥက္ကဋ္ဌ ပူးဇင်ကျုံး (Pu Zing Cung) နဲ့ ဒေါက်တာရွှေခါး ဦးဆောင်တဲ့ ချင်းအမျိုးသားတပ်ဦး(CNF) ၊ ပဉ္စမ နဲ့ နောက်ဆုံးကတော့ KIO က ဒု ဥက္ကဋ္ဌ ဦးအန်ဘန်လ နဲ့ အထွေထွေအတွင်းရေးမှုး ဒေါက်တာလဂျာ ဦးဆောင်တဲ့ (၆) ဦး ပါတဲ့ အဖွဲ့ပါ။ အခြားလူတွေအတွက်တော့ မသိဘူး။ ကျွန်တော့်အတွက်ကတော့ အတော့်ကို စိတ်လှုပ်ရှားစရာပါ။ သင်ယူစရာ ၊ မှတ်သား စရာ၊ စဉ်းစားစရာ တွေ အများကြီးပါ။ နာမည်ကျော် တိုင်းရင်းသား လက်နက်ကိုင် အဖွဲ့ခေါင်းဆောင်တွေနဲ့ တနေ့ထဲမှာ (၅)ဖွဲ့နဲ့ ဆွေးနွေးပွဲမျိုး ဒီဘက်ခေတ်မှာ ရှိတယ်ဆိုတာ ကျွန်တော် မဖတ်ဖူး မမှတ်ဖူးပါဘူး။ ဆွေးနွေးပွဲ တစ်ပွဲ ပြီးတိုင်းမှာ လက်ဆွဲ နှုတ်ဆက်တိုင်း ခပ်တင်းတင်း Hand Shake လုပ် ၊ Eye to Eye contact လုပ်ရင်း ငြိမ်းချမ်းရေးအတွက်လည်း နိုင်ငံသားတဦးအနေနဲ့ အားတက်မိခဲ့ပါတယ်။ တိုင်းရင်းသားခေါင်းဆောင်တွေ ပြောသမျှကို အပြုံးမပျက်ပဲ စိတ်ရှည်သည်းခံပြီး အတတ်နိုင်ဆုံး ယုံကြည်မှုတည်ဆောက်ဖို့ ၀န်ကြီး ဦးအောင်မင်း အထူးကြိုးစားခဲ့ပါတယ်။ နိုင်ငံတော် သမ္မတကြီး၊ ဝန်ကြီးဦးအောင်မင်းနဲ့တကွ တိုင်းရင်းသားခေါင်းဆောင် အားလုံးနဲ့ ဦးဟန်ရောင်ဝေတို့ကိုလည်း ကျေးဇူးတင်ပါတယ်။ နှစ်ပေါင်း အတန်ကြာထဲက ကျွန်တော်တို့နဲ့ ဆွေးနွေးဖက် ၊ မိတ်ဆွေတွေ ဖြစ်ခဲ့ကြတဲ့ ဦးဘိုဘိုကျော်ငြိမ်း၊ ဦးညိုအုန်းမြင့်နဲ့ ဦးအောင်နိုင်ဦး တို့လည်း ချင်ရိုင်း(Chiang Rai) ကို လိုက်လာကြပြီး ဝန်ကြီးကို အားဖြည့်ပေးကြပါတယ်။ Exile ပဲဖြစ်ဖြစ်၊ scholar ပဲဖြစ်ဖြစ်၊ ဝန်ကြီးပဲဖြစ်ဖြစ် ငြိမ်းချမ်းရေး လိုချင်ကြတာတော့ အတူတူပဲဖြစ်မှာပါ။ အဲဒီည ညစာ စားပွဲကတော့ အဖွဲ့ပေါင်းစုံနဲ့ ပျော်စရာကြီးပါပဲဗျာ။ နောက်နေ့ KNU အဖွဲ့နဲ့ KIO အဖွဲ့ကို သီးခြားစီ ထပ်ဆွေးနွေးဖို့ ဖိတ်ကြားပေမဲ့ KNU တစ်ဖွဲ့သာ လာနိုင်ပါတော့တယ်။ ဝန်ကြီးဦးအောင်မင်း အခန်းမှာ တကယ့်ကို တရင်းတနှီး နာရီပေါင်းများစွာ ဆွေးနွေးနိုင်ခဲ့ကြပါတယ်။ ဆရာဒေးဗစ်ထောနဲ့ ဗိုလ်ချုပ်ကြီး မူတူးစေးဖိုးတို့ ဆီက ပညာတွေ၊ အတွေ့အကြုံတွေကို ကျွန်တော့် အဖို့တော့ တအံ့တသြ ဖြစ်လို့မဆုံး လေ့လာ မှတ်သားနေမိပါတယ်။ သူတို့ရဲ့ အတွေးအမြင်တွေကို သိရတော့ ပိုပြီးတော့လည်း စာနာမိပါတယ်။ ဗိုလ်ချုပ်ကြီး မူတူးစေးဖိုးက သူငယ်စဉ် စစ်သားဘဝမှာ သူ့သေနတ်ပြောင်း ချိန်မှတ်ထဲကို ရောက်လာတဲ့ မြန်မာစစ်သားကို သူခလုတ်မဆွဲခင်မှာ ချီတုံချတုံ ဖြစ်မိတယ်လို့ ဆိုပါတယ်။ နောက်ဆုံးတော့ "သူ့ကို ငါမသတ်ရင် ငါအသတ်ခံရနိုင်တယ်" ဆိုတဲ့ စစ်သားစိတ်နဲ့ဘဲ ခလုတ်ဆွဲခဲ့တယ်။ ဒါပေမယ့် သူစိတ်မကောင်းပါဘူးလို့ ပြန်ရှင်းပြရင်း ပြောပါတယ်။ အခု ဒီအဖြစ်မျိုးတွေ သူ လုံးဝ မမြင်လို မကြားလို မဖြစ်လိုတော့ဘူးလို့ ဆက်ပြောပါတယ်။ ကျွန်တော့အတွက်တော့ "ဒီမြန်မာ စစ်သားဟာ ကျွန်တော့် အဖေဖြစ်ခဲ့ရင်၊ ဒါမှမဟုတ် ကျွန်တော့် ညီ ဖြစ်ခဲ့ရင်" လို့ တွေးမိတိုင်း ရင်ထဲမှာ မွန်းကျပ်လာပါတယ်။ ရှေ့တန်းသွားပြီး မိသားစုတွေဆီ ပြန်မလာနိုင်တော့တဲ့ တပ်မတော်သားတွေ၊ တိုင်းရင်းသား လက်နက်ကိုင် တပ်ဖွဲ့ဝင်တွေ ဘယ်လောက်များရှိသွားပြီလဲ။ ဝန်ကြီး ဦးအောင်မင်းကလည်း သူ ဘာ့ကြောင့် ငြိမ်းချမ်းရေး လိုချင်ရတာလဲ ဆိုတာနဲ့ ပတ်သက်ပြီး သူဖြတ်သန်းခဲ့ရတဲ့ မြန်မာ့တပ်မတော် အရာရှိဘဝကို ရှင်းပြရင်း ယုံကြည်မှုတွေ ထိုက်သင့်သလောက် ဆောက်နိုင်ခဲ့ပါတယ်။ ဆွေးနွေးပွဲ နောက်ဆုံးမှာ ဝန်ကြီးနဲ့ KNLA စစ်ဦးစီးချုပ်ဟာ သတိဆွဲပြီး အပြန်အလှန် အလေးပြုကြတာကို ကြည့်ရင်း ရင်ထဲ တလှပ်လှပ်ဖြစ်အောင် ခံစားရပါတယ်။ ကာယကံရှင် ဗိုလ်ချုပ်နှစ်ဦးက ပိုလို့တောင် ခံစားကြရမယ်ဆိုတာ သံသယ ဖြစ်စရာမလိုပါ။ ဆွေးနွေးပွဲ တလျှောက်လုံး ဝန်ကြီးဟာ သူ့ထက်အသက်ကြီးတဲ့ KNU လူကြီး သုံးဦးကို တလေးတစားနဲ့ "အဘ" လို့ ခေါ်တာ တွေ့ရပြီး ဝန်ကြီးကိုလည်း တဖက်က လူကြီးတွေက "ဗိုလ်ချုပ်" လို့ဘဲ ခေါ်ကြ ပြောကြပြီး လေးလေးစား ဆက်ဆံကြတာ တွေ့ရပါတယ်။ မာရသွန် ဆွေးနွေးပွဲတွေက အပြန် နိုဝင်ဘာ ၂၁၊ ၂၀၁၁ မှာ ဝန်ကြီးနဲ့ ကျွန်တော်တို့ဟာ တာချီလိတ်ကို ဝင်ပြီး နဂါးနှစ်ကောင် မိုင်ဖုန်းဆရာတော်ကို ငြိမ်းချမ်းရေးကိစ္စ ရှင်းပြလျှောက်ထားရင်း သွားရောက်ဖူးမြော်ခဲ့ကြပါတယ်။ ဆရာတော်က ငြိမ်းချမ်းရေးအတွက် ဆုတောင်းပေးတာလဲ မှတ်မိပါတယ်။ နိုဝင်ဘာ ၂၄၊ ၂၀၁၁ မှာ ကျွန်တော်တို့ အလွယ်တကူ Team (B) လို့ ခေါ်တဲ့ ငြိမ်းချမ်းရေး ဖော်ဆောင်ရေး အဖွဲ့ တစ်ဖွဲ့ကို နိုင်ငံတော် သမ္မတကြီးက ဝန်ကြီးဦးအောင်မင်း ခေါင်းဆာင်ပြီး ထပ်ဖွဲ့ပေးခဲ့ပါတယ်။ အမေရိကန် ပြည်ထောင်စုရဲ့ နိုင်ငံခြာရေးဝန်ကြီး ဟီလာရီကလင်တန်ဟာ နိုဝင်ဘာလ (၃၀)ရက်၊ ၂၀၁၁ မှာ နေပြည်တော်ကို သမိုင်းဝင် လာရောက်ခဲ့ပါတယ်။ မှတ်မှတ်ရရ နောက်နှစ်ရက် အကြာ ဒီဇင်ဘာ (၂) ရက်နေ့ တောင်ကြီးမှာ RCSS/SSA အဖွဲ့နဲ့ အပစ်အခတ် ရပ်စဲရေး လက်မှတ်ရေးထိုးပါတယ်။ ချင်ရိုင်း(Chiang Rai) ဆွေးနွေးပွဲအပြီး (၁၂) ရက် အကြာမှာ အရင်က မရေးထိုးနိုင်ခဲ့တဲ့ အပစ်အခတ် ရပ်စဲရေးကို အခု အစိုးရ အဖွဲ့သစ်မှာ ပထမဆုံး လက်မှတ်ရေးထိုးနိုင်ခဲ့တဲ့ အဖွဲ့အဖြစ် သမိုင်းဝင်သွားပါတယ်။ သမ္မတကြီး၊ အစိုးရအဖွဲ့၊ ဝန်ကြီး ဦးအောင်မင်းရဲ့ Team (B) နဲ့ ကျွန်တော်တို့ လုပ်အားပေးတွေ အားလုံး ပိုပြီး အားတက်လာကြပါတယ်။ နောက်ထပ် ဘန်ကောက်၊ မဲဆောက်ကို အကြိမ်ကြိမ် ခရီးထွက် ညှိနှိုင်းနိုင်ခဲ့ပါတယ်။ မွန်ပြည်သစ်ပါတီ(MNSP) နဲ့ တွေ့ဖို့ စံခလဘူရီ(Sangkhlaburi) ကိုလည်း ရောက်ခဲ့ပါတယ်။ ဒီကြိုးစားအားထုတ်မှု တွေရဲ့ ရလဒ်ဟာ ငြိမ်းချမ်းရေးအတွက် အလွန်ဘဲ အထောက်အကူ ဖြစ်ခဲ့ပါတယ်။ ၂၀၁၂၊ ဇန်နဝါရီလ (၁)ရက်နေ့မှာ ကျွန်တော်တို့ရဲ့ လုပ်ဖော်ကိုင်ဖက် ဒေါက်တာနေဝင်းမောင် ကွယ်လွန်ခဲ့ပါတယ်။ ဇန်နဝါရီလ (၅) ရက်နေ့မှာ ချင်းအမျိုးသား တပ်ဦး(CNF) နဲ့ ချင်းပြည်နယ်၊ ဟားခါးမှာ အပစ်အခတ်ရပ်စဲရေး သဘောတူညီချက် ရေးထိုး နိုင်ခဲ့ပါတယ်။ အစိုးအဖွဲ့သစ်အနေရဲ့ ဒုတိယမြောက် အပစ်အခတ်ရပ်စဲရေး လက်မှတ်ရေးထိုးနိုင်ခဲ့တဲ့ အဖွဲ့အဖြစ် စာရင်းဝင်သွားပါတယ်။ ဇန်နဝါရီလ (၁၀)ရက်နေ့မှာ ဆရာဒေးဗစ်ထော ဦးဆောင်တဲ့ KNU ကိုယ်စားလှယ် အဖွဲ့ဝင် (၁၉) ဦးပါအဖွဲ့ဟာ မြဝတီကနေ ဝင်လာပါတယ်။ ဝန်ကြီး ဦးအောင်မင်း၊ ဝန်ကြီးဦးစိုးသိန်း၊ ဝန်ကြီး ဦးခင်ရီ၊ ပြည်နယ် ဝန်ကြီးချုပ် ဦးဇော်မင်းနဲ့ အခြား တာဝန်ရှိသူတို့က သွားရောက် ကြိုဆိုခဲ့ကြပါတယ်။ လမ်းတလျှောက်မှာလည်း ကရင်၊ ဗမာ ပြည်သူလူထုတွေဟာ မျှော်လင့်မှု မျက်နှာတွေနဲ့ လှိုက်လှိုက်လှဲလှဲ ကြိုနေကြတာ တွေ့ရပါတယ်။ KNU ခေါင်းဆောင် နှစ်ဦးဖြစ်တဲ့ ဆရာဒေးဗစ်ထော နဲ့ ဗိုလ်ချုပ်ကြီး မူတူးစေးဖိုးကို ဝန်ကြီးဦးအောင်မင်းက သူ့ကားရဲ့ သူထိုင်နေကျ နေရာ နောက်ခန်းမှာ အဘတို့ ထိုင်ပါ။ သူကိုယ်တိုင်က ရှေ့ခန်းမှာ ထိုင်ပြီး သူ့ကို လက်ထောက်တစ်ဦးလို သဘောထားပါ။ ကားအတူစီးရင်း လမ်းမှာ ဆွေးနွေးသွားကြတာပေါ့ လို့ ပြောတာကို KNU ခေါင်းဆောင်များ အတော်အားနာသွားကြပုံ ရပါတယ်။ ယုံကြည်မှု တည်ဆောက်တယ်ဆိုတာ လွယ်တဲ့အလုပ် မဟုတ်ပါဘူး။ ကျွန်တော်ကတော့ နှစ်ဖက်ခေါင်းဆောင်များ လမ်းတလျှောက် ဆွေးနွေးတာကို နားထောင်နိုင်ခွင့်ရှိတဲ့ ငြိမ်းချမ်းရေးယာဉ်ရဲ့ ယာဉ်မောင်းအဖြစ် လုပ်ခွင့် ရတာကိုဘဲ အတော် သဘောကျ ဂုဏ်ယူနေမိပါတယ်။ ဒါ့အပြင် အလွတ်သဘော ဆွေးနွေးပွဲတွေကော ၊ စားပွဲဝိုင်း ဆွေးနွေးပွဲတွေမှာပါ နာရီပေါင်းများစွာ ဆွေးနွေးခဲ့ကြပါတယ်။ ဆွေးနွေးပွဲ စားပွဲဝိုင်းကို ရောက်မလာနိုင်သေးတဲ့ တိုင်းရင်းသား ခေါင်းဆောင်များ ယုံကြည်မှု့ မရနိုင်သေးတာ ဘယ်သူ့ကိုမှ အပြစ်မတင်သင့်ပါဘူး။ နှစ်ပေါင်းများစွာ ဖြစ်ခဲ့တဲ့ အဖြစ်က တခဏနဲ့တော့ ပြီးမြောက်အောင် မလုပ်နိုင်ပါဘူး။ ယုံကြည်မှုတွေ ရှိလာအောင် Stakeholders များ အားလုံးက ဝိုင်းပြီး ဆောင်ရွက် ကြရပါလိမ့်မယ်။ ကမ္ဘာပေါ်မှာ နိုင်ငံပေါင်း (၂၀၀)လောက် ရှိတဲ့အထဲမှာ ကျွန်တော်တို့ နိုင်ငံလောက် များပြားတဲ့ မတူကွဲပြားတဲ့ တိုင်းရင်းသား လက်နက်ကိုင်အဖွဲ့အစည်း၊ ဒီလောက်များပြားတဲ့ အင်အား ကမ္ဘာပေါ်မှာ ရှိမယ်မထင်ပါဘူး။ ငြိမ်းချမ်းရေး ဖြစ်စဉ်ဟာ မလွယ်ကူ ပါဘူး။ တော်တော်ခက်ပါလိမ့်မယ်။ ဒါပေမယ့် ကျွန်တော်တို့ သန်း(၆၀) အတွက် ဒီခက်တဲ့ လမ်းအပြင် အခြားနည်းလမ်း ရွေးစရာ မရှိဘူး ထင်ပါတယ်။ ဒီခက်တဲ့လမ်းကိုဘဲ ကျွန်တော်တို့အားလုံး အောင်မြင်အောင် ကြိုးစားကြရပါလိမ့်မယ်။ KNU နဲ့ အပစ်အခတ် ရပ်စဲမှုဟာ ပြောသလောက် မလွယ်ခဲ့ပါဘူး။ တနှစ်ပြည့်ချိန်မှာတောင် ပြန်ဖော်ပြဖို့ မသင့်သေးတဲ့ အခက်အခဲပေါင်း များစွာကို ကျော်ဖြတ်ပြီး နှစ်ဖက် ဆွေးနွေးဖက် ခေါင်းဆောင်တွေဟာ တာဝန်ယူမှု၊ တာဝန်သိမှု၊ ငြိမ်းချမ်းရေး အတွက် ပြင်းပြတဲ့စိတ်နဲ့ (၆၁)နှစ် ကျော် ကြာ ဖြစ်ခဲ့တဲ့ စစ်ပွဲတွေကို ရပ်ဆိုင်းနိုင်ဖို့၊ နှစ်ဖက် စစ်သည်တော်တွေ၊ မြေဇာပင် ပြည်သူလူထုတွေရဲ့ အသက်တွေ ထပ်မဆုံရှုံးဖို့၊ ဒုက္ခတွေ မခံစားရဖို့ လက်မှတ်ရေးထိုး ခဲ့ကြပါတယ်။ အဆုတ်တခြမ်းပဲ အလုပ်လုပ်တော့တဲ့ ဆရာဒေးဗစ်ထောဟာ ခြေလှမ်း ဆယ်လှမ်းလောက် လျှောက်ပြီးရင် တခါနားရတဲ့ အခြေနေနဲ့ အားတင်းပြီး ဗိုလ်ချုပ်ကြီး မူတူးစေးဖိုးနဲ့ အတူ သူ့အဖွဲ့ဝင်များနဲ့ ဒီပွဲမှာ အထူးကြိုးစားခဲ့ပါတယ်။ ဝန်ကြီးဦးအောင်မင်း၊ ဝန်ကြီးဦးစိုးသိန်း၊ ဝန်ကြီး ဦးခင်ရီ၊ ပြည်နယ်ဝန်ကြီးချုပ် ဦးဇော်မင်းနဲ့ သက်ဆိုင်ရာ စစ်ဖက်နယ်ဖက်က ပုဂ္ဂိုလ်များကလည်း တကယ့်ကို စိတ်ရင်းမှန်နဲ့ ကြိုးစားခဲ့ကြတာကို ဒီတသက် မမေ့နိုင်ပါဘူး။ ဆွေးနွေးပွဲ ခန်းမအပြင်မှာ စိုးရိမ်စိတ်နဲ့ စောင့်နေကြတဲ့ ကရင်တိုင်းရင်းသား လူကြီးတွေ၊ ရပ်မိရပ်ဖတွေ အားလုံး လက်မှတ်ထိုးနိုင်ပြီဆိုတဲ့ သတင်းကြောင့် ဝမ်းသာအဲလဲ ဖြစ်ကြ၊ အပြန်အလှန်ဖက်ကြပြီး မျက်ရည်ကျကြတာကို တွေ့ရပြီးတော့ ကိုယ်တိုင်လည်း ဝမ်းသာဝမ်းနည်း ဖြစ်ခဲ့ရပါတယ်။ KNU ရဲ့ ဖိတ်ကြားမှုနဲ့ ရောက်လာတဲ့ Observer တစ်ဦးဖြစ်တဲ့ "Center for Peace and Conflict Studies (Cambodia)" က Mrs. Emma Leslie က မျက်ရည်တွေနဲ့ "လှမောင်ရွှေ၊ ဒီနေ့ အဖြစ်အပျက်တွေကို နင့်သူငယ်ချင်း နေဝင်းမောင်က Heaven ကနေ ကြည့်ပြီး ကောင်းချီးပေးနေတယ်လို့ နင်မထင်ဘူးလား" ဆိုတဲ့ စကားနဲ့အတူ ကောင်းကင်ကို မော့ကြည့်ရင်း ပြောလာတော့ ကျွန်တော်လည်း မျက်ရည်မထိန်းနိုင်ခဲ့ပါဘူး။ အဲဒီအချိန်အထိ မြန်မာနိုင်ငံကို နှစ်ပေါင်း နှစ်ဆယ်ကျော် ကြာတဲ့တိုင်အောင် ပြန်မလာနိုင်သေးတဲ့ အဝေးရောက်နေတဲ့ ဦးအောင်နိုင်ဦးကလည်း ဝန်ကြီးကို ဖုန်းလှမ်းဆက်ပြီး ဂုဏ်ပြုစကားပြောရင်း သူလည်း ဝမ်းသာ၊ ဝမ်းနည်းဖြစ်ပြီး မျက်ရည် မထိန်းနိုင်ခဲ့ပါဘူး။ ငြိမ်းချမ်းရေး ဆွေးနွေးပွဲကို လာတက်တဲ့ စစ်တိုင်း (၃)တိုင်းက နယ်/လုံ ဝန်ကြီး ဗိုလ်မှူးကြီးတွေနဲ့ KNLA တပ်မဟာ (၇) က နာမည်ကျော် ဗိုလ်မှူးချုပ် စောဂျော်နီတို့ အမှတ်တရ ဓါတ်ပုံ တွဲရိုက်ကြတာလည်း အဲဒီတုန်းက တအံ့တသြဖြစ်စရာ အနေနဲ့ မှတ်မိနေပါသေးတယ်။ အဲဒီနေ့က လက်မှတ်ရေးထိုးပြီး နောက် (၄) နာရီအကြာမှာ တိုက်တိုက်ဆိုင်ဆိုင်ပဲ နိုင်ငံတော် သမ္မတက နိုင်ငံရေး အကျဉ်းသား ရာပေါင်းများစွာကို လွတ်ငြိမ်းချမ်းသာခွင့် အမိန့် ကြေငြာစာ ထုတ်ခဲ့တာလည်း မင်္ဂလာပေါ် မင်္ဂလာဆင့်တဲ့ လုပ်ဆောင်မှု ဖြစ်ခဲ့ပါတယ်။ လက်မှတ်ထိုးတဲ့နေ့ ညနေမှာဘဲ မော်လမြိုင်ကို ထွက်လာခဲ့ကြပြီး မော်လမြိုင်၊ ပဲခူးနဲ့ နေပြည်တော်တွေမှာ နောက်ဆက်တွဲ တွေ့ဆုံ ဆွေးနွေးပွဲတွေလည်း လုပ်နိုင်ခဲ့ပါတယ်။ ၂၀၁၂၊ ဧပြီလထဲမှာ ဒေါ်နော်စီဖိုးရာစိန် ဦးဆောင်တဲ့ KNU အဖွဲ့ဟာ ဆက်လက် ဆွေးနွေးဖို့ ပြည်တွင်းကို ဒုတိယအကြိမ် တရားဝင် လာရောက်ခဲ့ကြပါတယ်။ ဧပြီလ (၅) ရက်နေ့မှာ KNU က ခေါင်းဆောင် (၅) ဦးဟာ နိုင်ငံတော် သမ္မတကြီးနဲ့ နေပြည်တော်မှာ နှစ်နာရီကြာ တွေ့ဆုံနိုင်ခဲ့ပါတယ်။ အဲဒီတွေ့ဆုံပွဲမှာ KNLA ရဲ့ စစ်ဦးစီးချုပ် ဗိုလ်ချုပ်ကြီး မူတူးစေးဖိုးက "သမ္မတကြီး အနေနဲ့ တနိုင်ငံလုံး ငြိမ်းချမ်းအောင် ခွန်အားပြည့် ဆက်လက် ဆောင်ရွက်နိုင်ဖို့၊ KNU နဲ့ ရရှိထားတဲ့ အပစ်အခတ်ရပ်စဲမှုကနေ ရေရှည် ခိုင်မာတည်တံ့တဲ့ ငြိမ်းချမ်းရေး ဖြစ်စေဖို့ " လို့ ပြောပြီး ကရင်ရိုးရာ သင်တိုင်းကို သမ္မတကြီးကို ကိုယ်တိုင်ဝတ်ဆင်ပေးခဲ့ပါတယ်။ သမ္မတကြီးကလည်း ဝမ်းမြောက်ဝမ်းသာ လက်ခံပါတယ်။ အဲဒီ ကရင်သင်တိုင်းကို ဝတ်ဆင်ပေးနေတဲ့ အခိုက်အတန့်ဟာ ကျွန်တော့်လို သာမန်ပြည်သူ တစ်ယောက်အဖို့တော့ ကြက်သီး မွေးညင်းထရလောက်တဲ့ အထိ ဝမ်းသာပီတိ ဖြစ်ခဲ့ပါတယ်။ ဒီတွေ့ဆုံပွဲမှာပဲ သမ္မတကြီးက ငြိမ်းချမ်းရေးကို ဖော်ဆောင်နိုင်ဖို့နဲ့ အရှည် တည်တံ့နိုင်ဖို့အတွက် အချက် (၆) ချက် ကို သူ့ရဲ့ အတွေ့အကြုံအရ ပြောပြပါတယ်။ အဲဒါတွေကတော့ (၁) အစိုးရဟာ ငြိမ်းချမ်းရေးကို ဖော်ဆောင်ဖို့ ပြင်းပြတဲ့ဆန္ဒနဲ့ လိုလိုချင်ချင် ရှိရမယ်။ (၂) တပ်မတော်ဟာ ငြိမ်းချမ်းရေးကို ပြင်းပြတဲ့ဆန္ဒနဲ့ လိုလိုချင်ချင် ရှိရမယ်။ (၃) တိုင်းရင်းသားအဖွဲ့အစည်းတွေကလည်း ငြိမ်းချမ်းရေးကို ဖော်ဆောင်ဖို့ ပြင်းပြတဲ့ဆန္ဒနဲ့ လိုလိုချင်ချင် ရှိရမယ်။ (၄) ပြည်သူလူထုကလည်း ငြိမ်းချမ်းရေးတွေ ဖြစ်ပေါ်လာအောင် ဝိုင်းဝန်းကြိုးစားကြရပါမယ်။ (၅) နိုင်ငံတကာ အဖွဲ့အစည်းများကလည်း ငြိမ်းချမ်းရေး ဖော်ဆောင်နေတဲ့ ဖြစ်စဉ်တွေကို လိုလားထောက်ခံမှု ရှိရမယ်။ (၆) ငြိမ်းချမ်းရေး ဖော်ဆောင်ရမယ့် နှစ်ဖက် Player တွေဟာ ပြင်းပြတဲ့ ဆန္ဒနဲ့ လိမ္မာပါးနပ်မှု ရှိရမယ် လို့ ဆိုပါတယ်။ အခု ဒီအခြေနေတွေ ပြည့်စုံနေပြီဖြစ်လို့ ငြိမ်းချမ်းရေး ရအောင် လုပ်ကြပါစို့ တိုက်တွန်းပါတယ်။ ဒီတွေ့ဆုံမှုဟာ လေးလတာ အပစ်အခတ်ရပ်စဲမှုရဲ့ နောက်မှာ အကြီးမားဆုံး ယုံကြည်မှုကို တည်ဆောက်နိုင်ခဲ့တာလည်း ဖြစ်ပါတယ်။ တနှစ်ပြည့်တဲ့အထိ သေနတ်သံ မကြားရသလောက်ဖြစ်အောင် ထိန်းသိမ်းနိုင်ခဲ့တဲ့ တပ်မတော် ခေါင်းဆောင်များ ၊ KNLA ခေါင်းဆောင်များကို တကယ်ပဲ ကျေးဇူး တင်မိပါတယ်။ ရေရှည်လည်း ဆက်လက် ထိန်းသိမ်း သွားနိုင်မယ်လို့ ယုံကြည်ပါတယ်။ KNU အဖွဲ့ဟာ ငြိမ်းချမ်းရေး ဖြစ်စဉ်မှာ ထူးခြားအောင်မြင်မှုနဲ့အတူ သမိုင်းမှတ်တိုင်သစ်တွေကို စိုက်ထူနိုင်ခဲ့တဲ့ အဖွဲ့အစည်း ဆိုလည်း မမှားပါဘူး။ ထူးခြားချက်အနေနဲ့ KNU ဟာ နေပြည်တော်အထိ ရောက်ခဲ့ပြီး ဒု သမ္မတ၊ ကာကွယ်ရေးဝန်ကြီး အပါအဝင် ဒု ဗိုလ်ချုပ်ကြီးများ နဲ့အတူ ညစာစားပွဲမှာ ဆုံနိုင်ခဲ့ကြပါတယ်။ ပိုပြီး ထူးခြားတာကတော့ KNU အဖွဲ့ဟာ တနှစ်အတွင်းမှာ နိုင်ငံတော် သမ္မတကြီးနဲ့ နှစ်ကြိမ်၊ ဒု သမ္မတ နဲ့ နှစ်ကြိမ် နဲ့ တပ်မတော် ကာကွယ်ရေး ဦးစီးချုပ်နဲ့ တစ်ကြိမ်၊ ဒေါ်အောင်ဆန်းစုကြည် နဲ့ တကြိမ် တွေ့ဆုံထားပြီး ငြိမ်းချမ်းရေး ဖြစ်စဉ်အတွက် အောင်မြင်တဲ့ သမိုင်းမှတ်တိုင်များ စိုက်ထူ ထားနိုင်ခဲ့ပါပြီ။ ကျွန်တော်တို့ နိုင်ငံမှာ အဖြစ်အပျက်ပေါင်းများစွာ တခုပြီးတခု ဖြစ်ပျက်သွားပါတယ်။ အခု တနှစ်ပြည့်ပါပြီ။ ငြိမ်းချမ်းရေးအတွက် ကြိုးစားကြရင်း ဆရာဒေးဗစ်ထော၊ KNU က ဗိုလ်မှူးကြီး မိုးဖြူ၊ ကျွန်တော့် လုပ်ဖော်ကိုင်ဖက် ဒေါက်တာနေဝင်းမောင် တို့အပြင် ကျွန်တော်သိသော၊ မသိသော လူပေါင်းများစွာ ကွယ်လွန်သွားခဲ့ပါပြီ။ တနှစ်ပြည့်ကနေ နောင်နှစ်ပေါင်း ရာထောင်ချီ ခိုင်ခန့်မယ့် ငြိမ်းချမ်းရေးကို ကျန်ခဲ့တဲ့ ကျွန်တော်တို့ ခင်ဗျားတို့ အားလုံးက ဆက်ပြီး ဆောင်ရွက်ကြရပါလိမ့်မယ်။ ကျွန်တော်တို့ နောင်လာနောက်သား မျိုးဆက်တွေ အတွက် အပစ်အခတ်တွေ ရပ်စဲကြပြီး ငြိမ်းချမ်းရေးတွေ ရသည်အထိ၊ ပြီးတော့ ရလာတဲ့ ငြိမ်းချမ်းရေးကို ခိုင်မာသထက် ခိုင်မာအောင် ကြိုးစားပြီး ဆောင်ရွက်ကြဖို့ အားလုံးကို မေတ္တာရပ်ခံပါရစေ။ KNU အဖွဲ့လိုဘဲ နိုင်ငံတော်အစိုးရနဲ့ အပစ်အခတ် ရပ်စဲမှု လက်မှတ်ရေးထိုးတဲ့ အဖွဲ့ပေါင်းများစွာ ရှိပါတယ်။ ဒီအဖွဲ့တွေကိုလည်း ဒီနေရာကနေ ပြည်သူလူထုကိုယ်စား ကျေးဇူးတင်ပါကြောင်း၊ ဂုဏ်ပြုပါကြောင်းနဲ့ ဆက်လက်ထိန်းသိမ်းပြီး ငြိမ်းချမ်းရေးအတွက် နောက်ထပ် တဆင့်ပြီး တဆင့် ဆက်သွားနိုင်ပါစေကြောင်း မေတ္တာရပ်ခံ တိုက်တွန်းအပ်ပါတယ်။ နောက်ထပ် ကြိုးစား ညှိနှိုင်းနေတဲ့ အဖွဲ့တွေလည်း ရှိပါသေးတယ်။ KIO အပါအဝင် ဒီအဖွဲ့တွေ အားလုံးလည်း တဆင့်ပြီး တဆင့် ညှိနှိုင်းဆွေးနွေး၊ ယုံကြည်မှု တည်ဆောက်၊ မျှတတဲ့ တိုင်းရင်းသား အခွင့်အရေးတွေ ရရှိလာပြီး ဒီနိုင်ငံရဲ့ Nation Building ၊ State Building မှာ ပူးပေါင်းပါဝင် ဆောင်ရွက်နိုင်ကြဖို့ကိုလည်း မျှော်လင့်ပါတယ်။ ကျွန်တော့်စာကို ၂၀၁၂၊ အောက်တိုဘာလ (၁၄)ရက်နေ့က မင်္ဂလာဒုံ စစ်ဆေးရုံကြီးမှာ ကွယ်လွန်သွားခဲ့တဲ့ ဆရာဒေးဗစ်ထောကို အစွမ်းကုန် ကြိုးစားကုသပေးခဲ့တဲ့ ဆရာဝန် ဗိုလ်မှူးကြီးရဲ့ စကားနဲ့ အဆုံးသတ်လိုပါတယ်။ "အရင်တုန်းက တရက်ထဲမှာ မိုင်းထိတဲ့ တပ်မတော်သား အများဆုံး နှစ်ဆယ်ကျော်အထိ ခြေဖြတ်၊ လက်ဖြတ် Case တွေ လုပ်ခဲ့ရဘူးတယ်။ အခု အဲဒီလို Case တွေ မရှိသလောက်ဖြစ်လို့ ဆေးကျောင်းသားတွေကို Video File တွေ ပြပြီး သင်နေရတယ်။ နောက်ထပ် သူ့ဘဝ တလျှောက်လုံး ဒီလို Video File နဲ့ပဲ သင်ရတဲ့ ဘဝကို ရလိုပါတယ်" တဲ့။ (ငြိမ်းချမ်းရေး ဖြစ်စဉ်မှာ ပါဝင်ခဲ့ကြတဲ့ တပ်မတော်သားများ၊ ဌာနဆိုင်ရာ ပုဂ္ဂိုလ်များ၊ တိုင်းရင်းသား လက်နက်ကိုင် တပ်ဖွဲ့များ၊ အဖွဲ့အစည်း အသီးသီးနဲ့ ပြည်သူလူထု အားလုံးကို ဒီနေရာကနေ ကျေးဇူးတင် လေးစားမှုနဲ့ ဦးညွတ် အလေးပြုပါတယ်။) Credit:လှမောင်ရွှေ Face Book page ၂၀၁၃ ခုနှစ် ဇန်န၀ါရီလ (၁၂) ရက်
Read More »

KIA အဖွဲ့ တပ်မဟာ (၂) တပ်ရင်း (၆) စခန်းဟောင်းအား အစိုးရတပ် သိမ်းပိုက်

ဖားကန့်မြို့နယ်နှင့် အရှေ့မြောက်ဖက် ၁၀ မိုင်အကွာရှိ ကန်စီး၊ စိုင်းလှ ဒေသအခြေစိုက် KIA တပ်ရင်း (၆)၊ စခန်း ဟောင်းအား တပ်မ (၆၆) တပ်ဖွဲ့များက ယမာန်နေ့ ညပိုင်း (၂၂း၀၀) အချိန်တွင် သိမ်းပိုက်ခဲ့ကြောင်း ဒေသခံ တဦးက ဆိုပါသည်။ “ စခန်းကတော့ အရင်ကဆို တပ်ရင်း (၆) စခန်း ပါဘဲ။ အခုကျတော့ KIA အောက်ပို့ တပ်နဲနဲဘဲ ရှိတယ်။ စခန်းပြောင်း နေတာ တလနီးပါး ရှိပါပြီး။ အစိုးရတပ်ဖွဲ့က ၀ါဒဖြန့်သလို အဲဒီစခန်းမှာ KIA အင်အား (၅၀၀) လောက်ရှိမယ် ဆိုရင် လွယ်လွယ်နဲ့ ဘယ်ရမလဲ၊ အခုတော့ အလွယ်လေးနဲ့ ရလိုက်တာပါ။ KIA မျ သိပ်မရှိတာ။ တပ်စုရုံးလောက် ဘဲရှိ တယ် လေ။” ဟု ဆိုပါသည်။ အစိုးရတပ်များသည် ဤစခန်း ရရှိရေးအတွက် တပတ်နီးပါးခန့် စစ်ဆင်နေခဲ့ပါသည်။ KIA တပ်များသည် စခန်းအရှင် ထားရှိပြီး အစိုးရစစ်ကြောင်းများကို ချွေစစ်ဖြင့် ဖြတ်တိုက် နေခဲ့ပါသည်။ အစိုးရတပ်ဖွဲ့များသည် ဗန်းမော်- လိုင်ဇာ လမ်းကြောင်းရှိ လာဂျားယန်၌လည်း ပြင်းထန်စွာ စစ်ဆင်ခဲ့ပါသည်။ ဤ သို့ကြောင့် နေရာတချို့တွင် KIA တပ်များ (၂) ဖါလုံခန့် တပ်ဆုတ် ပေးခဲ့ရပါသည်။ လဂျားယန်ရှိ ခယာဘွမ် စခန်းအား စစ်ဆင်နေသော အစိုးရတပ်များမှာ တပ်မ (၈၈) လက်အောက်ခံ ခမရ (၄၁၆) တပ်ရင်း၏ အထူးကွန်မန်ဒို တပ်ဖွဲ့၊ တပ်မ (၁၀၁) လက်အောက်ခံတပ်ရင်းများဖြစ်သော ခလရ (၂၅၉) တပ်ဖွဲ့၊ ခလရ (၂၅၈) (၂၅၉) တပ်ဖွဲ့ ခမရ (၃၈၂) (၃၈၈) တပ်ဖွဲ့များဖြစ်ပြီး၊ ဒေါ့ဖုန်းယန်၊ ခန်းကိုင်တောင်အခြေချ အမြောက်တပ်ရင်းမှ ခယာဘွမ် KIA တပ်စခန်းဘက်သို့ ၁၀၅ မမ ဖြင့်၎င်း၊ မန်တဲကျေးရွာဘက်မှ ၁၂၀ မမ ဖြင့်၎င်း၊ ဘွမ်ရေ (Bum Re Bum) တပ်စခန်း၊ တိဘက်တပ်စခန်း၊ ၀ိုင်း မော်တပ်စခန်းများမှ ၈၁ မမ၊ ၆၀ မမ စိန်ပြောင်း၊ အမြောက်များက ၀ိုင်းဝန်း တိုက်ခိုက်ခဲ့ပါသည်။ ခယာဘွမ် KIA တပ်စခန်းကို ညနေ ၄ နာရီ ၁၅ မိနစ်တွင်တကြိမ်၊ ၄ နာရီ ၄၅ မိနစ်တွင်တကြိမ်၊ (၃) ကြိမ်လာပြီး Jet Fighter (၂) စီးသည် ဗုံးကျဲ ဒုံးဖြင့် မိနစ် ၃၀ စီခန့်ကြာ ပျံဝဲ၍ ပစ်ခတ် တိုက်ခိုက်ခဲ့ပါသည်။ ယမာန်နေ့၌လည်း တိုက်ပွဲပြင်းထန်စွာ ဖြစ်ပွားခဲ့ရာ အထိနာခဲ့သော အစိုးရတပ်များသည် ဒေါ့ဖုန်းယန်မြို့နယ်၊ နားလုံ ကျေးရွာ ရှိ ကချင်ရပ်ကွက်ကို မီးရှို့လိုက်သည်ဟု ရှေ့တန်းရှိ ကျောင်းသားတပ်မတော်က ဆိုပါသည်။ အဆိုပါ ကျေးရွာ သည် ရှမ်းလူမျိုးများ အများစုနေထိုင်ရာ ရွာကြီးဖြစ်ပြီး ယခုကဲ့သို့  ကချင်လူမျိုးများ အများစု နေထိုင်ရာ ရပ်ကွက် ကို သာ ရွေးချယ်ပြီး မီးရှို့ ခြင်းဖြစ်ပါသည် ။ ထို့အပြင် ဗန်းမော်မြို့ နည်းပညာတက္ကသိုလ်အနီး ကားလမ်းပေါ်တွင် ဇန်န၀ါရီလ (၁၇) ရက်နေ့ ညနေ ၅ နာရီအချိန် ခန့်တွင် ဗုံး ၁ လုံးပေါက်ကွဲသဖြင့် အရပ်သား ၂ ဦး ထိခိုက်သေဆုံးကာ ၃ ဦး ဒဏ်ရာ ရရှိသွားသည်ဟု မြို့ခံတဦးက ဆို ပါသည်။ ဤဗုံးခွဲမှုသည် အစိုးရတပ်ဖွဲ့က KIA အား စွပ်စွဲထားသော်လည်း ဒေသခံများကမူ မဖြစ်နိုင်ကြောင်း ဆိုပါသည်။ Credit: ရွှေဟင်္သာသတင်းဌာန
Read More »

မော်ဝမ်းဆုတောင်းကုန်းအား ဗမာစစ်တပ်မှလက်နက်ကြီးဖြင့်ပစ်ခတ်

ဇန်န၀ါရီလ ၁၆ ရက် ညနေ ၃ နာရီခန့်တွင် ဖားကန့်မြို့၊ မော်ဝမ်း ကချင်နှစ်ခြင်းဘုရားကျောင်းဝင်းအတွင်းရှိ ဆုတောင်းကုန်းသို့ ဗမာစစ်တပ် ဖားကန့်ဗျူဟာကုန်းမှနေ၍ လက်နက်ကြီးဖြင့် ပစ်ခတ်ခဲ့ကြောင်း သတင်းရရှိပါသည်။ ထိုပစ်ခတ်မှုကြောင့် ထိခိုက်ဒဏ်ရာရရှိမှုမရှိခဲ့သော်လည်း မော်ဝမ်းအသင်းတော်၏ သိက္ခာတော်ရ အသင်းအုပ်ဆရာကြီးထိန်နန်တက်နော် နှလုံးဖောက်ပြီး သွေးတက်ကာ ပုဂ္ဂလိကဆေးရုံတွင် တစ်ညတာ ကုသခဲ့ရကြောင်း အသင်းတော်နှင့် နီးစပ်သည့် အသိုင်းအ၀ိုင်းကပြောပြပါသည်။ အခင်းမဖြစ်ပွါးမှီ အသင်းတော် အမျိုးသမီးအဖွဲ့များက ထိုဆုတောင်းကုန်းတွင် ဆုတောင်းဝတ်ပြုအပြီး ညနေ ၃ နာရီခန့်တွင် လက်နက်ကြီးဖြင့်ပစ်ခတ်ခဲ့ခြင်းဖြစ်ပါသည်။ ပစ်ခတ်မှုကြောင့် ဆုတောင်းကုန်းရှိ အဆောက်အဦးတစ်ခု ပျက်စီး ခဲ့ပြီး လက်ဝါးကပ်တိုင်လည်း ထိခိုက်ခဲ့ရပါသည်။ ထိုဆုတောင်းကုန်းတွင် ဗမာစစ်တပ် ခလရ ၂၂၈ မှ တစ်နှစ်ပတ်လုံး စခန်းချကာ နေထိုင်ခဲ့သည့်နေရာဖြစ်ပြီး တပ်ရုပ်သိမ်းသွားသည်မှာ နှစ်ပတ်ခန့်သာရှိသေးကြောင်းသိရပါသည်။ ထိုတပ်မှ ဗိုလ်ကြီးလွမ်းမိုးအောင် ပစ်ခတ်မှုမဖြစ်မှီ မော်ဝမ်းအသင်းအုပ်ဆရာကြီးထံသို့ ဖုန်းဆက်ခဲ့ကြောင်း အသင်းအုပ်ဆရာကြီးက ပြန်လည် မဖြေကြားနိုင်ခဲ့သဖြင့် ပစ်ခတ်မှုပြီးမှ ဖုန်းဆက်နိုင်ခဲ့ကြောင်း ပြောပြပါသည်။ ထိုဗိုလ်ကြီးက လက်နက်ကြီး ကျသည့်နေရာအားမေးမြန်းပြီး၊ ထပ်မံပစ်မည်ဖြစ်ကြောင်း သတိပေးပါသည်။ အသင်းအုပ်ဆရာကြီးမှ အဘယ့်ကြောင့်ဆုတောင်းကုန်းသို့ လက်နက်ကြီးဖြင့်ပစ်သနည်း၊ မည်သူမျှမရှိကြောင်း ၊ ဆုတောင်းကုန်း တောင်ခြေတွင် စစ်ပြေးဒုက္ခသည် ၄၀၀ ကျော်ရှိကြောင်း ထပ်မံ၍မပစ်ခတ်ရန်တောင်းပန်ကြောင်း၊ ထိုဗိုလ်ကြီးကလည်း ဗျူဟာမှူးအား ပြောပေးမည်ဖြစ်ကြောင်း ပြန်လည်ပြောဆိုပါသည်ဟု အသင်းအုပ် ဆရာကြီးက ပြောပြပါသည်။ ထိုသို့ပြောဆိုပြီးနောက် ပစ်ခတ်မှုများရပ်သွားပါသည်။ ည ၈ နာရီခန့်တွင် ထိုဗိုလ်ကြီးလွမ်းမိုးအောင်က မော်ဝမ်းအသင်းတော်လူငယ်ခေါင်းဆောင်အား ၎င်းတို့ပစ်ခတ်ခြင်းမဟုတ်ကြောင်း၊ အမှိုက်ပုံဖက်မှပစ်ခတ်ခြင်းဖြစ်ကြောင်း ငြင်းဆိုကြောင်းရှင်းပြပါသည်။ သို့သော် ထိုလူငယ်ခေါင်းဆောင်က ထိုပစ်ခတ်မှုဖြစ်စဉ်တွင် ၎င်း၏နေအိမ်တွင်ရှိနေပြီး ဗျူဟာကုန်းဖက်မှ လာသော မီးခိုးတန်းအား မိမိနေအိမ်မှမြင်တွေ့ခဲ့ကြောင်းဆိုပါသည်။ ပေါက်ကွဲမှုဖြစ်သည့်နေရာသို့ သွားရောက်ခဲ့သည့် လူငယ်လေး၏ ပြောပြချက်အရ မြုပ်ထားတဲ့မိုင်းကွဲတာလည်းမဟုတ်ဘူး၊ အမှိုက်ပုံဖက်က လာတဲ့ လက်နက်လည်းမဟုတ်ဘူး၊ ဗျူဟာကုန်းကနေ ပစ်လိုက်တဲ့ ပခုံးထမ်းဖြစ်ဖို့များပါတယ်၊ လက်နက်ရဲ့ဦးတည်ရာက အဲဒီဖက်ကလာတယ်ဆိုတော့ ရှင်းပြစရာတော့လိုမယ်မထင်ဘူး ဟု သူ၏ အမြင်ကိုပြောပြပါသည်။ ဗမာစစ်တပ်သည် ခရစ်ယာန်အသင်းတော်များအား လက်လွတ်စပယ် ပစ်ခတ်သည်မှာ အကြိမ်ကြိမ်ရှိပြီဖြစ်ပါသည်။ ၂၀၁၂ ဇွန်လတွင်လည်း ဆိုင်းတောင် ခရစ်ယာန်ဆုတောင်းကုန်းနှင့် တရုတ်နှစ်ခြင်းအသင်းတော်သို့အား လက်နက်ကြီးဖြင့် ၁၂ ချက်တိတိပစ်ခတ်ခဲ့ဖူးပါသည်။ အောက်တိုဘာလအတွင်းကလည်း ထိုမော်ဝမ်းကချင်နှစ်ခြင်းဘုရားကျောင်းအရှေ့တွင် လက်နက်ကြီးကျပြီး လူ ၆ ဦးဒဏ်ရာရရှိခဲ့ဖူးပါသည်။ ယခုအခါ ထိုမော်ဝမ်းကချင်နှစ်ခြင်းဘုရားကျောင်းဝင်းအတွင်းရှိ ဆုတောင်းကုန်း ပေါ်သို့ တက်ရောက်ခွင့်ပိတ်ထားကြောင်း၊ တက်ရောက်လိုပါက ဗျူဟာမှူးထံ အခွင့်တောင်းပြီးမှသာ တက်ရောက်နိုင်ကြောင်းအသင်းသားများကပြောပြပါသည်။ ထိုဘုရားကျောင်းဝင်း အတွင်းနေထိုင်သော စစ်ပြေးဒုက္ခသည် ၄၀၀ ကျော်မှာလည်း စိုးရိမ်ထိန့်လန့်စွာ နေထိုင်နေရပါသည်။ ဖားကန့်ဒေသခံများက ဗမာစစ်တပ်သည် တောမှော်သွားရာလမ်းတွင် ထိခိုက်ကျဆုံးမှုများသဖြင့် ဆုတောင်းကုန်းတွင် ဆုတောင်းသူများအား ပစ်မှတ်ထားတိုက်ခိုက်ခြင်း ဖြစ်နိုင်ကြောင်း သုံးသပ်ကြပါသည်။ မည်သို့ပင်ဆိုစေကာမူ စာရေးသူအနေဖြင့် ဗမာစစ်တပ်သည် အစိုးရတစ်ရပ်ဖြစ်သည့်အတွက် ဤကဲ့သို့ ထိခိုက်ရှလွယ်သော ကိစ္စမျိုးတွင် လူကြီးဆန်စွာကိုင်တွယ်သင့်ပါသည်။ လူမျိုးရေးပြဿနာ၊ ဘာသာရေးပြဿနာများမဖြစ်အောင် ရှောင်ရှားရမည့်အစား ဤကဲ့သို့လက်လွတ်စပယ် လုပ်ဆောင်ခြင်းမှာ အစိုးရတစ်ရပ်ဟုခေါ်ဆိုနိုင်ရန် စဉ်းစားစရာများဖြစ်ပါသည်။ မည်သူအစိုးရဆန်နေပြီး မည်သူသူပုန် ဆန်နေသည်ကို တွေးခေါ်တတ်သူတိုင်း စဉ်းစားနိုင်ကြစေရန်ဆန္ဒပြုလိုက်ပါသည်။ Credit: Lachid Kachin
Read More »

ဥပဒေအထက်မှာ လွှတ်တော် ရှိနေသလား

ဒီနေ့ကျင်းပတဲ့ လွှတ်တော်အစည်းဝေးတွေမှာ နိုင်ငံတော် ဖွဲ့စည်းပုံ အခြေခံဥပဒေဆိုင်ရာ ခုံရုံးဥပဒေ ကို ပြင်ဆင်တဲ့ ဥပဒေကြမ်း ကိစ္စ ဆွေးနွေးကြတယ် အခြေခံဥပဒေ ပုဒ်မ ၃၂၁ မှာ မူလပြဌာန်းထားတာက - “နိုင်ငံတော်သမ္မတက ရွေးချယ်ထားသည့် အဖွဲ့ဝင် ၃ ဦး၊ ပြည်သူ့လွှတ်တော်ဥက္ကဋ္ဌက ရွေးချယ်ထားသည့် အဖွဲ့ဝင် ၃ ဦးနှင့် အမျိုးသားလွှတ်တော်ဥက္ကဋ္ဌက ရွေးချယ်ထားသည့် အဖွဲ့ဝင် ၃ ဦး၊ စုစုပေါင်း ၉ ဦး၏ အမည်စာရင်းကိုလည်းကောင်း၊ ယင်းတို့အနက် နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံရုံးအဖြစ် ပါဝင်ပေးအပ်ရန် အဖွဲ့ဝင် ၁ ဦး၏ အမည်ကိုသော်လည်းကောင်း၊ ပြည်သူ့လွှတ်တော်သို့ တင်သွင်းလျက် သဘောတူညီချက် ရယူရမည် " လို့ဖြစ်တယ် ။ ဒါကိုလွှတ်တော်က အခြေခံဥပဒေခုံရုံး ဥက္ကဋ္ဌအဖြစ် ဘယ်သူ့ကို ခန့်မယ်ဆိုတဲ့ဟာကို လွှတ်တော်ဥက္ကဋ္ဌ ၂ ယောက်နဲ့ နိုင်ငံတော် သမ္မတက ညှိနှိုင်းရွေးချယ်ပြီးတော့မှသာ နာမည်စာရင်း တင်ရမယ်လို့ ပြင်ထားတာ။ ဒါကိုသမ္မတက ခုလို ဖွဲ့စည်းပုံအခြေခံဥပဒေမှာ ပြဌာန်းထားတာနဲ့ ဆန့်ကျင်တာကို ပြင်မယ်ဆိုရင် ဖွဲ့စည်းပုံအခြေခံဥပဒေကို လုပ်ထုံးလုပ်နည်းနဲ့အညီပြင်ပါ လို့ မှတ်ချက်ပြုထားတာ ။ဒါကိုလုပ်ထုံးလုပ်နည်းနဲ့အညီမလုပ်ပဲနဲ့ လွှတ်တော်မှာမဲခွဲပြီးပြင်တာ ။ အလားတူပဲ ပြည်ထောင်စုစာရင်းစစ်ချုပ်ဥပဒေကို ပြင်ဆင်တဲ့ ဥပဒေကြမ်းမှာလည်း နိုင်ငံတော်သမ္မတရဲ့သဘောထား မှတ်ချက် ကိုမဲခွဲဆုံးဖြတ်ပြီး ပယ်ပစ်လိုက်ကြပါတယ် ။ ဒီလုပ်ရပ်တွေဟာ ဥပဒေစကားနဲ့ပြောရရင် အခြေခံဥပဒေကို လေးစားလိုက်နာပါမည်လို့ ကျမ်းကျိန်ထားသူများက အခြေခံဥပဒေနှင့် မညီမှန်းသိလျှက်နှင့်တမင် အခြေခံဥပဒေကိုဖေါက်ဖျက်ကျူးလွန်လိုက်ကြတာပါ ...။ ခုလိုလုပ်နေရတာရှုပ်ပါတယ် ... အခြေခံဥပဒေထဲမှာ " အခြေခံဥပဒေကမည်သို့ပင်ဆိုစေ၊ မည်သို့ပင်ပြဌာန်းထားစေကာမူ လွှတ်တော်ဥက္ကဌများနှင့် အပေါင်းပါများက လွှတ်တော်တော်တွင်းမဲခွဲဆုံးဖြတ်ချက်သည် အတည်ဖြစ်သည် " ဆိုတာလေးပါ တခါတည်း ထည့်ပြင်လိုက်ကြပါလားဗျာ.... ဒေါက်တာဆိတ်ဖွား
Read More »